, ,RGYA GAR SKAD DU, RAKTA YA M'A RI BA LIm BI DHI:, BOD SKAD DU, GSHIN RJE GSHED DMAR PO'I GTOR MA'I CHO GA ,DPAL GSHIN RJE GSHED DMAR PO LA PHYAG 'TSAL LO, ,DE LA SLOB DPON RNAL 'BYOR BZHI DANG LDAN PAS MDUN DU GTOR MA SHING RTA'I STENG BKANG BA'I SNOD RNAMS SAM, THA NA BZA' BA TZAM DANG BCAS PA'I CHU KHYOR BA GSUM BSHAMS LA, DE NAS KHRO BO PHYAG NA LCAGS KYU DANG ZHAGS PA BSNAMS PA SPROS PAS PHYOGS SKYONG RNAMS KYI SNYING GNAS LCAGS KYUS PHUG CING SKE NAS ZHAGS PAS BCINGS NAS 'GUGS PAR BSAM PAR BYA'O, ,DE LA AOm HR'I: shtRi: WI KRi T'A NA NA H'Um H'Um PHAt PHAt DUshtA AINDRA, SA PA RI B'A RA A'A KARshA YA DZA:SV'A H'A, ZHES BYA BA'I SNGAGS 'DIS DBANG PO SPYAN STONG
DANG LDAN PA SER SKYA GLANG PO CHE LA 'DUG PA G-YAS PA DANG CIG SHOS NA RDO RJE DANG SDIGS MDZUB MDZAD PA BKUG LA SHAR DU GZHAG PAR BYA'O, ,SNGAGS DE NYID KYIS NYE DBANG NAM MKHA' LDING LA ZHON PA SNGON PO, RIN PO CHE'I COD PAN CAN G-YAS NA BE CON DANG 'KHOR LO 'DZIN PA, G-YON NA DUNG DANG NOR BU THOGS PA DE NYID KYI G-YON DU HA CANG MI RING BAR GZHAG GO, ,SLAR YANG DE NYID KYIS GSHIN RJE SNGON PO MA HE LA ZHON PA SKRA DMAR SER GYEN DU 'BAR BA LA GNAD BYUG PA DANG SDIGS MDZUB CAN GSHIN RJE'I PHYOGS SU GZHAG PAR BYA'O, ,YANG DE NYID KYIS CHU LHA DKAR PO BRANG 'GRO LA ZHON PA LAG NA KLU'I ZHAGS PA THOGS PA NUB TU GZHAG PAR BYA'O, ,YANG DE NYID KYIS LUS NGAN SER PO SHA RGYAS PA GTER LA GNAS PA PHYAG NA SHING THOG B'I DZA P'U RA DANG NE'U LE THOGS PA BYANG DU GZHAG PAR BYA'O, ,YANG DE NYID KYIS TSOGS BDAG GLANG SNA DKAR PO BYI BA LA GNAS PA PHYAG G-YAS PA NA BGRANG PHRENG DANG DGRA STA THOGS PA, G-YON NA LA PHUG DANG LA DU THOGS PA DE NYID KYI G-YON DU HA CANG MI RING BAR GZHAG PAR BYA'O, ,YANG DE NYID KYIS DBANG LDAN DKAR PO GLANG LA ZHON PA RAL PA'I THOR COG 'DZIN PA PHYAG NA RTZE GSUM DANG THOD PA CAN PHYAG GNYIS KYIS GOO R'I LA 'KHYUD PA DBANG LDAN DU DGOD PAR BYA'O, ,YANG DE NYID KYIS ME LHA DMAR BO SKYES LA ZHON PA BGRANG 'PHRENG DANG SPYI BLUGS 'DZIN PA MER DGOD PAR BYA'O, ,SLAR DE NYID KYIS SRIN PO RO LA ZHON PA PHYAG NA GRI GUG DANG THOD PA CAN KHRO ZHING RDOM [*RNGOM?] PA BDEN BRAL DU GZHAG PAR BYA'O, ,YANG DE NYID KYIS RLUNG LHA DU BA'I MDOG CAN RI DVAGS SER PO LA ZHON PA, RLUNG RAS 'DZIN PA RLUNG DU DGOD PAR BYA'O, ,YANG DE NYID KYIS ZLA BA DKAR PO RTA DKAR PO LA GNAS PA PHYAG NA KU MU DA 'DZIN PA STENG DU GZHAG GO, ,YANG DE NYID KYIS NYI MA DMAR PO PHYAG GNYIS KYIS NYI MA 'DZIN PA RTA BDUN LA GNAS PA STENG DU DGOD PAR BYA'O, ,DE NYID KYIS TSANGS PA SER PO ZHAL BA ZHI PA RIL BA SPYI BLUGS DANG MI 'JIGS PA DANG DBYUG PA DANG PHRENG BA THOGS PA RAL PA'I THO COG GIS BRGYAN PA NGANG PA LA BZHUGS PA STENG DU GZHAG GO, ,YANG DE NYID KYIS SA'I LHA MO SER MO PADMA LA BZHUGS PA,
, ,G-YON NA BUM PA BSNAMS PA G-YAS PA DBANG PO KHAS LEN PA 'OG TU GZHAG PAR BYA'O, ,YANG DE NYID KYIS THAGS ZANGS RIS SNGON PO SHING RTA LA BZHUGS PA, PHYAG G-YAS PA DANG CIG SHOS NA, RAL GRI DANG SDIGS MDZUB CAN DE NYID DU GZHAG PAR BYA'O, ,DE NAS RANG GI SNYING GAR KHRO BO GSHIN RJE GSHED MTHAR BYED KYI NGO BO KHRO BO'I PHUR BUS MGRIN PA NAS BZUNG BA RNAMS SPROS TE DE RNAMS KYI SNYING GA DANG, MGRIN PA DANG RKANG PA'I BAR DU SNGAGS 'DIS GDAB PAR BYA'O, ,AOm HR'I:shtRi:WIKRi T'A NA NA H'Um H'Um PHAt PHAt H'Um SARBA AINDRA DI NA SA PA RI W'A R'AN K'I LA YA H'Um SV'A H'A, DE LTAR PHUR BU BTAB PA'I MJUG THOGS SU GRUB PA'I BCUD LEN GRUB PA BZHIN DU THAMS CAD GSHIN RJE MTHAR BYED KYI RNAM PAR BSKYED PAR BYA STE, THAMS CAD KYANG RANG GI SHES RAB MA DANG GNYIS SU MED PAR GYUR PA NI SHES RAB KYI PHYAG GNYIS NA GRI GUG DANG THOD PA DANG LDAN PAS 'KHYUD PA'I TSUL LO, ,THAMS CAD G-YON BRKYANG GI STABS KYIS SGRUB PA PO'I BSAM PA RDZOGS PAR MDZAD PA'O ZHES RNAM PAR BSAMS LA, DE RNAMS KYI MIG LA SOGS PA RNAMS SU JI LTAR GSUNGS PA'I RDO RJE MIG LA SOGS PA BSKYED LA, LUS LA SOGS PA LA RDO RJE'I SKU LA SOGS PA DANG JI LTAR GSUNGS PA'I DBANG BSKUR BA DANG GSHIN RJE MTHAR BYED KYI DBU RGYAN NYID KYANG RNAM PAR BSAMS NAS MCHOD YON DANG, ZHABS BSIL DANG BSANG GTOR DANG ZHAL BSIL LA SOGS PA PHUL TE, GTOR MA'I NYE BAR SPYOD PA JI SNYED PA THAMS CAD BDUD RTZI LNGA BSGRUB PA'I RIM PAS BSGRUBS LA DE NYID GSUM GYIS MNGON PAR BSNGAGS NAS, YANG DE RNAMS KYI LJAGS RDO RJE'I SBYOR BAS BSGOMS LA DE NAS SNGAGS 'DIS BDUD RTZI DBUL BAR BYA'O, ,AOm AINDRA YA HR'I:, YA MA YA shtRi:, BA RU n'A YA BI, KU BE R'A YA KRi, AI SHA N'A YA TA, AAGNA YE AA, NEE RI TA YE NA, B'A YA BE NA, AAR K'A YA H'Um, TZAnd'A YA H'Um, BRAHMA nE PHAt, BA SU DHA RA YE PHAt, BE MA TZI TRI NI SV'A, SARBA BH'U TE BHYO H'A, HA HA HA, H'I H'I H'I, H'Um H'Um H'Um, PHEm PHEm PHEm SV'A H'A, DE NAS ME TOG DANG BDUG SPOS DANG, DRI DANG, MAR ME DANG, ZHAL ZAS LA SOGS PA DBUL BAR BYA'O, ,
DE RNAMS KYIS KYANG SGRUB PA PO LA DGYES PAS THAMS CAD MYANGS SHING NYE BAR LONGS SPYOD PAR BYED DO, ,DE NAS RDO RJE GSOR ZHING RDO RJE DRIL BU 'GYING BA DANG BCAS PAS DKROL BAR BRTZON PAS GTI MUG RDO RJE ZHES BYA BA LA SOGS PAS DE RNAMS BSTOD PAR BYA'O, ,DE NAS 'DOD PA'I DON DU GSOL BA BTAB LA GSHEGS SU GSOL TE, AOm A'A:H'Um MU:, ZHES PA 'DI DANG, KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,MU:, ZHES BYA BAS GSHEGS SU GSOL LO, ,DE RNAMS KYIS KYANG SGRUB PA PO'I MNGON PAR 'DOD PA'I DON SGRUB PAR MDZAD DO, ,GTOR MA'I CHO GA SLOB DPON DPAL 'DZIN GYIS MDZAD PA RDZOGS SO,, ,,RGYA GAR GYI MKHAN PO BLA MA RDO RJE BTZUN CHEN PO NYI MA'I DBANG PO'I 'OD ZER DANG CHAG LO TZ'A BA DGE SLONG CHOS KYI DPAL GYIS BSGYUR CING ZHUS TE GTAN LA PHAB PA'O,,