203 · GMLW-001038

An Exalted Sutra of the Greater Way entitled "The Seal of the Teachings" (Ārya Dharma Mudra Nāma Mahāyāna Sūtra)

'PHAGS PA CHOS KYI PHYAG RGYA ZHES BYA BA THEG PA CHEN PO'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:Vowed Moralitythe Greater Way

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 203 · Sutra

מהדורהrecensionDerge

כותרת בסנסקריטSanskrit titleA'ARYA DHARMA MU DR'A N'A MA MAH'A Y'A NA S'U TRA

כניעה לhomage toBYANG CHUB SEMS DPA' THAMS CAD

פוליוfolios119b–125a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra of the Greater Way with the full frame

מקום החיבורplace of compositionShravastithe Buddha is in Prince Jeta's grove with five thousand monks

אנשים ומקומותpeople and places namedShariputra · Lu'i Wangpo · Lha DawaShariputra rises by the power of the Conqueror and asks; the colophon names TWO TIBETANS and no Indian abbot

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00203_'PHAGS PA CHOS KYI PHYAG RGYA ZHES BYA BA THEG PA CHEN PO'I MDO_An Exalted Sutra of the Greater Way entitled "The Seal of the Teachings" (Ārya Dharma Mudra Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 16 (MA)

הטקסטThe text

טיבטיתTibetanKL00203_'PHAGS PA CHOS KYI PHYAG RGYA ZHES BYA BA THEG PA CHEN PO'I MDO_An Exalted Sutra of the Greater Way entitled "The Seal of the Teachings" (Ārya Dharma Mudra Nāma Mahāyāna Sūtra).txt12,436 תוויםcharacters

119b

,,RGYA GAR SKAD DU, A'ARYA DHARMA MU DR'A N'A MA MAH'A Y'A NA S'U TRA, BOD SKAD DU, 'PHAGS PA CHOS KYI PHYAG RGYA ZHES BYA BA THEG

120a

, ,PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA, DGE SLONG LNGA STONG THA MA PA'I DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO RAB TU MANG PO DAG DANG THABS GCIG TU BZHUGS TE, DE NAS TSE DANG LDAN PA SH'A RI'I BU BCOM LDAN 'DAS KYI MTHUS STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, , BCOM LDAN 'DAS RAB TU BYUNG BA RAB TU BYUNG BA ZHES BGYI NA, BCOM LDAN 'DAS, JI TZAM GYIS NA LEGS PAR GSUNGS PA'I CHOS 'DUL BA LA DGE SLONG RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA LAGS, BCOM LDAN 'DAS KYIS BKA' STZAL PA, SH'A RI'I BU, SO SO'I SKYE BO'I CHOS RNAMS LAS KYANG MA 'DAS LA, ZAG PA MED PA'I CHOS RNAMS KYANG MA THOB PA DE TZAM GYIS NA DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I

120b

PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LONGS SPYOD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYAD PAR 'OS SO, ,SH'A RI'I BU, GZHAN YANG BRTZON PA MI GTONG BA'I DGE SLONG GANG YIN PA DE NI GZUGS GTONG BAR MI BYED, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTONG BAR MI BYED DE, DE TZAM GYI NI DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LONGS SPYAD PAR 'OS TE, GOS DANG ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYAD PAR 'OS SO, ,DE NAS TSE DANG LDAN PA RAB 'BYOR GYIS TSE DANG LDAN PA SH'A RI'I BU LA 'DI SKAD CES

121a

, ,SMRAS SO, ,TSE DANG LDAN PA SH'A RI'I BU, BCOM LDAN 'DAS KYI CI LA DGONGS TE, SO SO'I SKYE BO'I CHOS RNAMS LAS KYANG MA 'DAS LA, ZAG PA MED PA'I CHOS RNAMS KYANG MA THOB PA DE TZAM GYIS NA DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LONGS SPYAD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYOD PAR 'OS SO ZHES DE SKAD BKA' STZAL, SH'A RI'I BUS SMRAS PA, TSE DANG LDAN PA RAB 'BYOR, SO SO'I SKYE BO'I CHOS RNAMS NI SGYU MA LTA BU STE, DE DAG NI 'DA' BAR BYA BAR MI NUS SO, ,TSE DANG LDAN PA RAB 'BYOR, SO SO'I SKYE BO'I CHOS RNAMS NI YONGS SU MA GRUB PA STE, DE DAG NI 'DA' BAR BYA BAR SLA BA MA YIN NO, ,TSE DANG LDAN PA RAB 'BYOR, SEMS CAN GYI KHAMS NI NANG NA'ANG MI DMIGS, PHYI ROL NA'ANG MI DMIGS, GNYIS KA MED PAR YANG MI DMIGS TE, SEMS CAN GYI KHAMS KYI RANG BZHIN GANG

121b

YIN PA DANG, SO SO'I SKYE BO'I CHOS RNAMS KYI RANG BZHIN GANG YIN PA DE DAG NI 'DA' BAR BYA BAR SLA BA MA YIN NO, ,TSE DANG LDAN PA RAB 'BYOR, BCOM LDAN 'DAS KYIS, 'DI SKAD DU, SO SO'I SKYE BO'I CHOS RNAMS LAS KYANG MA 'DAS LA, ZAG PA MED PA'I CHOS RNAMS KYANG MA THOB PA DE TZAM GYIS NA, DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA'I 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BU NI DAD PAS BYIN PA LONGS SPYOD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYOD PAR 'OS SO ZHES GANG GSUNGS PA DE'ANG, TSE DANG LDAN PA RAB 'BYOR, GANG DAG GI RTEN NAM, GNAS MED PA DE DAG NI JI LTAR THOB PAR RUNG, TSE DANG LDAN PA RAB 'BYOR, GAL TE ZAG PA MED PA'I CHOS RNAMS THOB TU RUNG NA NI DMIGS PA LAS DGRA BCOM PA 'BYUNG BAR 'GYUR RO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI CHOS NYID NI LTOS PA MED PA STE, TSE DANG LDAN PA RAB 'BYOR, BCOM LDAN 'DAS KYIS DE LA DGONGS NAS, 'DI SKAD DU, SO SO'I

122a

, ,SKYE BO'I CHOS RNAMS LAS KYANG MA 'DAS LA, ZAG PA MED PA'I CHOS RNAMS KYANG MA THOB PA DE TZAM GYIS NA DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTAR MA YIN PA RAB TU BYUNG BA GANG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LA LONGS SPYAD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYOD PAR 'OS SO ZHES BKA' STZAL TO, ,DE NAS TSE DANG LDAN PA RAB 'BYOR GYIS YANG TSE DANG LDAN PA SH'A RI'I BU LA 'DI SKAD CES SMRAS SO, ,TSE DANG LDAN PA SH'A RI'I BU, BCOM LDAN 'DAS KYIS CI LA DGONGS TE BRTZON PA MI GTONG BA'I DGE SLONG GANG YIN PA DE NI GZUGS GTONG BAR MI BYED, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTONG BAR MI BYED DE, DE TZAM GYIS NA DGE SLONG LEGS PAR GSUNGS PA'I CHOS 'DUL BA LAS RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA

122b

GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LONGS SPYOD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYOD PAR 'OS SO ZHES DE SKAD BKA' STZAL, SH'A RI'I BUS SMRAS PA, TSE DANG LDAN PA RAB 'BYOR, BCOM LDAN 'DAS KYIS CHOS NYID LAS DGONGS NAS, 'DI SKAD DU, BRTZON PA MI GTONG BA'I DGE SLONG GANG YIN PA DE NI GZUGS GTONG BAR MI BYED, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTONG BAR MI BYED CES BKA' STZAL TO, ,TSE DANG LDAN PA RAB 'BYOR, CHOS KYI DBYINGS NA NI NANG NA'ANG MI DMIGS, PHYI ROL NA'ANG MI DMIGS, GNYIS KA MED PAR YANG MI DMIGS SO, ,NANG GDAGS PA NI GDAGS SU MED PA DANG, SKYE BA MED PA'I GDAGS PA'O; ;DE LTAR NA SEMS CAN GYI KHAMS MNYAM PA NYID KYIS CHOS KYI DBYINGS MNYAM PA NYID DO, ,CHOS KYI DBYINGS MNYAM PA NYID KYIS SEMS CAN GYI KHAMS MNYAM PA NYID DO, ,DE LTAR NA SEMS CAN GYI KHAMS DANG CHOS KYI DBYINGS 'DI NI GNYIS SU MED DE GNYIS SU DBYER MED DO, ,GANG LA GNYIS SU MED PA DE GNYIS SU DBYER MED PA DE LA NI GSAL BA'ANG MED, GZHAG

123a

, ,PA'ANG MED DO, ,GANG LA GSAL BA'ANG MED, GZHAG PA'ANG MED PA DE NI 'DAS PA'AM, 'THOB PAR BYAR MI NUS TE, TSE DANG LDAN PA RAB 'BYOR, BCOM LDAN 'DAS KYIS DE LA DGONGS NAS, 'DI SKAD DU, BRTZON PA MI GTONG BA'I DGE SLONG GANG YIN PA DE NI GZUGS GTONG BAR MI BYED, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTONG BAR MI BYED DE, DE TZAM GYIS NA DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO, ,SH'A RI'I BU, DGE SLONG DE LTA BUS NI DAD PAS BYIN PA LONGS SPYAD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYAD PAR 'OS SO ZHES BKA' STZAL TO, ,DOGS PA MED PA'I DGE SLONG NI DOGS PA KHAS MI LEN TO, ,YI GE MED CING YI GE LAS 'DAS PA'I DGE SLONG GANG YIN PA DE NI BGRANG BA LAS BSTAN PAR MI NUS LA DE LA NI 'ONG BA'ANG MED, 'GRO BA'ANG MED, 'GRENG BA'ANG MED, 'DUG PA'ANG MED, NYAL BA'ANG MED DO, ,

123b

RTOG PA CAN MA YIN PA'I DGE SLONG NI BRTAGS PA LA LONGS SPYOD PA'O, ,RTOG PA CAN GYI DGE SLONG NI MA BRTAGS PA LA LONGS SPYOD PA STE, TSE DANG LDAN PA RAB 'BYOR, BCOM LDAN 'DAS KYIS DE LA DGONGS NAS DE TZAM GYIS NA DGE SLONG LEGS PAR GSUNGS PA'I CHOS 'DUL BA LA RAB TU BYUNG BA 'PHAGS PA 'JIG RTEN LAS 'DAS PA'I RDZOGS PAR BSNYEN PAS RDZOGS PAR BSNYEN PA YIN TE, DE LTAR RAB TU BYUNG BA GANG DAG YIN PA DE DAG NI YANG DAG PAR RAB TU BYUNG BA YIN GYI, DE LTA MA YIN PAR RAB TU BYUNG BA GANG DAG YIN PA DE DAG NI LOG PAR RAB TU BYUNG BA YIN NO,, SH'A RI'I BU, DGE SLONG DE LTA BUS NI DAD PAS BYIN PA LONGS SPYAD PAR 'OS TE, GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, SMAN ZONG RNAMS LONGS SPYAD PAR 'OS SO ZHES BKA' STZAL TO, ,DE NAS BCOM LDAN 'DAS KYIS TSE DANG LDAN PA SH'A RI'I BU LA LEGS SO ZHES BYA BA BYIN TE, SH'A RI'I BU, LEGS SO, ,LEGS SO, ,KHYOD KYIS JI SKAD BSTAN PA BZHIN DU NGAS DE LAS DGONGS NAS BSTAN PA YIN TE, 'DI NI LEGS PAR GSUNGS PA'I CHOS 'DUL BA LA RAB TU BYUNG BA YIN NO, ,SH'A RI'I BU, PHYAG RGYA 'DRIS MNGON PA'I [?] NGA RGYAL CAN BRTAG PAR 'DOD PAS NI PHYAG RGYA DE'I MDUN DU BRJOD PAR BYA'O, ,SH'A RI'I BU, SHIN TU BRTAG PA NI PHYAG RGYA 'DIS NI MNGON PA'I NGA RGYAL CAN MANG PO BRTAG PAR NUS

124a

, ,SO; ;CHOS KYI RNAM GRANGS 'DI BSTAN PA NA DGE SLONG BDUN BRGYA LEN PA MED PAR ZAG PA RNAMS LAS SEMS RNAM PAR GROL LO, ,SRID PA THA MA PA'I DGE SLONG BRGYA NI CHOS KYI RNAM GRANGS 'DI LA MA ZHUGS SHING MA RTOGS LA MA MOS NAS STAN LAS LANGS TE DONG NGO, ,DGE SLONG LNGA NI SPONG BAR BYAS SHING BZLOG PAR BYAS NAS RANG GI LUS DANG BCAS TE SEMS CAN DMYAL BA CHEN POR LHUNG NGO, ,BCOM LDAN 'DAS KYIS BKA' STZAL PA, SH'A RI'I BU, NGAS KYE MA CHOS 'DI NI 'JIG RTEN THAMS CAD DANG MI MTHUN NO SNYAM STE, DE LA DGONGS NAS DE SKAD BSTAN MOD KYI 'ON KYANG GANG DANG YANG MI MTHUN PA MED DE, SH'A RI'I BU, DPER NA, MI LA LA ZHIG GNYID KYIS LOG PA'I RMI LAM DU SKYE BO PHAL PO CHE'I MDUN DU KHYOD LA NGAS CHOS BSHAD PAR BYA'O, ,CHOS DE'ANG 'JIG RTEN THAMS CAD DANG MI MTHUN NO ZHES TSIG TU SMRA NA, SH'A RI'I BU, 'DI JI SNYAM DU SEMS, CHOS DE DANG MI MTHUN PA GANG DAG YIN PA'I MI DE DAG YOD PA YIN NAM, GSOL PA, BCOM LDAN 'DAS, DE NI MA MCHIS LAGS SO, ,BCOM LDAN 'DAS KYIS BKA' STZAL PA, SH'A RI'I BU, DE BZHIN DU NGA'ANG KYE MA CHOS 'DI NI 'JIG RTEN THAMS CAD DANG MI MTHUN NO ZHES DE SKAD DU'ANG STON LA DE 'JIG RTEN DE'ANG YANG DAG PAR MA

124b

MTHONG NGO, ,'JIG RTEN MED PA LA NI CHOS KYANG BGRANG DU MED DO, ,'JIG RTEN GDAGS PA'ANG MED DO, ,SH'A RI'I BU, 'JIG RTEN THAMS CAD DANG MI MTHUN PA ZHES BYA BA NI CHOS RNAMS MA 'DRES SHING CHOS RNAMS 'DRE PA MED PA LA BYA BAR GSUNGS SO, ,GSOL PA, BCOM LDAN 'DAS, MA 'DRES PA ZHES BGYI BA'I TSIG GI DON GANG LAGS, BKA' STZAL PA, SH'A RI'I BU; MA 'DRES PA ZHES BYA BA NI CHOS RNAMS RO GCIG PAR GDAGS PA YIN TE, GCIG PU KHO NA'ANG MA YIN TE, THA DAD PA KHO NA'ANG MA YIN NO, ,SH'A RI'I BU, MA 'DRES PA ZHES BYA BA DE NI STONG PA NYID KYI TSIG BLA DVAGS SO, ,GSOL PA, BCOM LDAN 'DAS, STONG PA NYID CES BGYI BA'I TSIG GI DON GANG LAGS, BKA' STZAL PA, SH'A RI'I BU, STONG PA NYID CES BYA BA NI GDAGS SU MED PA'O, ,GANG GDAGS SU MED PA DE NI GDAGS PAR MI NUS SO, ,GANG GDAGS PAR MI NUS PA DE NI 'JIG RTEN PA'ANG MA YIN, 'JIG RTEN LAS 'DAS PA'ANG MA YIN NO; ;SH'A RI'I BU, GANG 'JIG RTEN PA [?] MA YIN 'JIG RTEN LAS 'DAS PA'ANG MA YIN PA DE NI STONG PA NYID CES BYA'O, ,BCOM LDAN 'DAS KYIS DE SKAD CES BKA' STZAL NAS, TSE DANG LDAN PA SH'A RI'I BU DANG, DGE SLONG GI DGE 'DUN THAMS CAD DANG, BYANG CHUB SEMS DPA' SEMS DPA' CHEN PO DE DAG DANG, LHA DANG, MI DANG, LHA MA YIN DANG, DRI ZAR BCAS

125a

, ,PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA CHOS KYI PHYAG RGYA ZHES BYA BA THEG PA CHEN PO'I MDO RDZOGS SO;; ;;LO TZ'A BA BANDE KLU'I DBANG PO DANG, LHA'I ZLA BAS BSGYUR CING GTAN LA PHAB PA,,