, ,RGYA GAR SKAD DU, SHR'I BADZRA BHEE RA BA STU TI, BOD SKAD DU, DPAL RDO RJE 'JIGS BYED KYI BSTOD GA DPAL RDO RJE 'JIGS BYED LA PHYAG 'TSAL LO, ,H'Um 'JAM DPAL MKHA' LAS BYUNG BA'I GSER MDOG CAN, ,'JAM DPAL THUGS LA CHOS KUN RANG BZHIN GSAL, ,'JAM DPAL GSUNG GI DBANG PHYUG 'JAM DPAL DBYANGS, ,'JAM DPAL BDAG NI RE BA'I SEMS KYIS 'DUD, ,THUGS MCHOG 'JAM PA'I NGANG LAS MA G-YOS KYANG, ,THUGS RJES GDUG PA 'DUL PHYIR GSHIN RJE'I GSHED, ,'JIGS BYED CHEN PO 'JIGS PA'I CHAR BSTAN NAS, ,MI BZAD DUS MTHA'I BSKAL PA'I ME LTAR 'BAR, ,ZHAL GDANGS KHRO GNYER SMIN MA GLOG LTAR 'GYUR, ,SPYAN BGRAD MCHE BA GTZIGS SHING RAB TU 'BAR, ,RDO RJE'I RTA GAD DRAG PO HA HAR BZHAD, ,MKHA' 'GRO SDUD PA'I PHEm SKAD GNAM DU 'DON, ,KHROS PA'I ZHABS CHEN BRDABS PAS KHAMS GSUM GNON, ,SDIGS MDZUB GNAM DU BSGRENGS SHING LHA CHEN 'DUL, ,LJAGS 'DRIL TSEMS CHEN GTZIGS SHING KHRAG GIS MYOS, ,LHA DANG BCAS PA'I 'JIG RTEN ZHAL DU GSOL, ,GLANG CHEN KO RLON THOD PA'I PHRENG BA ZHAGS, ,GCER BU 'JIGS BYED DBANG PHYUG CHEN PO'I TSUL, ,'JIGS BYED MA HE KHROS PA'I ZHAL GDANGS SHING, ,ZHAL DGU 'BAR BAS SRID PA ZAD PAR RNGUB, ,'GRO BA SNA TSOGS 'DUL BA'I PHYAG RGYA 'BAR, ,BDUD BZHI GNON PA'I ZHABS NI BRKYANG BSKUM GNAS, ,'JIGS BYED CHEN PO'I SKU LA RTAG TU 'DUD, ,DBU DGU 'BAR BA'I DKYIL 'KHOR NAS, ,G-YAS KYI ZHAL GSUM BGRAD PA NI, ,MTHING GA DMAR DANG SER BA'I ZHAL, ,G-YON GYI ZHAL GSUM GDANGS PA NI, ,DKAR DANG DUD KA
GNAG PA'I ZHAL, ,DBUS KYI ZHAL GSUM 'BAR BA NI, ,KHRO DANG CHAGS DANG ZHI BA'I TSUL, ,PHYAG RGYA 'OD ZER 'BAR BA LAS, ,G-YAS KYI PHYAG MTSAN BCU DRUG NI, ,RDEG CING 'JOMS PAS MTSON CHA GDENGS, ,G-YON GYI PHYAG MTSAN BCU DRUG NI, ,ROL CING STOBS PA'I MTSAN MAS MDZES, ,BRJID RNGAM ZHABS KYI TSAM NGAM LAS, ,G-YAS KYI ZHABS BRGYAD BSKUM PA NI, ,DREGS PA'I LHA BRGYAD THABS KYIS 'DUL, ,G-YON GYI ZHABS BRGYAD BRKYANG BA NI, ,DREGS PA'I LHA MO BRGYAD LA ROL, ,'DOD CHAGS CHEN PO GDUL BA'I PHYIR, ,RTAG TU LING+GA RGYAS PA'I TSUL, ,DRAG PO'I TSUL GYIS ZHE SDANG 'DUL, ,'DUL SKU KHYOD LA PHYAG 'TSAL LO, ,DUR KHROD CHEN PO'I DKYIL 'KHOR NAS, ,BDUD DANG GSHIN RJE THABS KYIS 'DUL, ,MA MO MKHA' 'GRO DBANG DU SDUD, ,DBANG SDUD KHYOD LA PHYAG 'TSAL LO, ,DBANG PHYUG CHEN PO'I DKYIL 'KHOR NAS, ,DBANG MED DAD PAS 'DUS PA DANG, ,YE SHES SPRUL PA'I 'KHOR GYIS BSKOR, ,'KHOR BCAS KHYOD LA PHYAG 'TSAL LO, ,YE SHES THUGS KYI DKYIL 'KHOR NAS, ,JI LTA BUR NI SPRUL GYUR KYANG, ,RNAM DAG DBYINGS LAS MA G-YOS PA'I, , MNYAM NYID SKU LA PHYAG 'TSAL LO, ,RDZOGS SO,,
, ,RGYA GAR SKAD DU, SHR'I BADZRA MA H'A BHEE RA BA S'A DHA NA, BOD SKAD DU, DPAL RDO RJE 'JIGS BYED CHEN PO'I SGRUB THABS, DPAL RDO RJE SEMS DPA' LA PHYAG 'TSAL LO, ,MUN NAG LTA BU'I SKU 'DZIN ZHING, ,NYI MA 'BUM GYI GZI BRJID CAN, ,GDUG PA'I MTSON CHA SNA TSOGS BSNAMS, ,BDUD DGRA KHYOD LA PHYAG 'TSAL LO, ,BDE GSHEGS BKA' NI BSRUNG BA DANG, ,GDUG PA GDUL BAR BYA BA DANG, ,THAR PA THOB PAR BYA BA'I PHYIR, ,SGRUB THABS 'DI NI BRTZAM PAR BYA, ,DUR KHROD DANG NI CHU BO'I 'GRAM, ,SHING GCIG DANG NI MTSAN GCIG SOGS, ,DBANG DANG DGUG SOGS GNAS DER BYA, ,DANG POR RANG SNYING ZLA BA LA, ,RANG GI SA BON BSAM PAR BYA, ,'OD ZER BLA MAR RANG LHA RNAMS, ,GSAL BYAS PHYAG 'TSAL MCHOD SOGS BYA, ,TSANG BA'I BZHI YI BSAM GTAN NI, ,BYAMS PAS DGRA ZUN MNYAM POR DMIGS, ,SNYING RJES SDUG BSNGAL BRAL BAR BSGOM, ,DGA' BAS THAR PA THOB PAR DGA', ,BTANG SNYOMS YAL BAR MI 'DOR RO, ,DE NAS STONG PA'I BYANG CHUB BSGOM, ,RA BA DRA BA SBYOR BAR BYA, ,MA YI BU LAS SKYES PA LA, ,SEMS KYI SA BON BSAM PAR BYA, ,SNA TSOGS RDO RJE BSAM GTAN BYA, ,DE STENG H'Um LAS GSAL SPROS PAS, ,GDUNG RNAMS BGEGS NI SEL BYED PA, ,RDO RJE RA DANG BLA RE NI, ,SNGAGS 'DI YIS NI BSGOM PAR BYA, ,AOm SUM BHA NI SU MA BHA H'Um PHAt, GRiHnA GRiHNA H'Um PHAt, GRiHnA PA YA GRiHnA PA YA H'Um PHAt, AOm A'A NA YA HO: BHA GA B'A NA BADYA R'A DZA H'Um PHAt, RDO RJE'I SA LA NAM MKHA' NI, ,BHA GA'I DBYINGS SU BSGOM PAR BYA, ,DBUS SU YAm RAm BAm DANG LAm, ,'BYUNG BA BZHI YI DKYIL 'KHOR RO, ,DE STENG SUm LAS RI BO STE, ,BHR'Um LAS GZUGS KYI BDAG PO BSGOM, ,DE YONGS GYUR LAS GZHAL MED KHANG, ,GRU BZHI PA LA SGO BZHI PA, ,RTA BABS BZHI DANG LDAN PA LA, ,,DRA BA DRA BA PHYED PA DANG, ,KA BA BRGYAD KYIS YANG DAG SPRAS, ,PHYI ROL DUR KHROD BRGYAD KYIS BSKOR, ,SHING BRGYAD KYIS KYANG MDZES PAR BYAS, ,TSIG PA DANG NI MA TSIG PA, ,DUM BUR GYUR DANG MA GYUR PA, ,'JIGS PAR BYED DANG 'JIGS PA DANG, ,CANG CHEN BTZUGS DANG SHING LA SBYANGS, ,
BANDHA PU TA LI LA SOGS, ,SHING BRGYAD LA NI GNAS PA'O, ,SRIN PO RO LANGS MKHA' 'GRO'I TSOGS, ,SHA ZA'I GDON CAN BRGYAD PO NI, ,BYA ROG 'UG PA TSOGS KYIS BSKOR, ,GZHAL YAS KHANG GI DBUS SU NI, ,DANG PO'I YI GE SOGS PA LA, ,ZLA BAS BRGYAN PA'I CHU SKYES BSAM; ,DBUS SU BZHI PA'I BZHI PHA LA, ,DBYANGS YIG BZHI PAS BRGYAN PA BSAM, ,DE LA RAL GRIR GYUR PA DANG, ,RAL GRI LTE BAR DE NYID BSAM, ,DE YONGS GYUR PAS 'JAM DPAL BSAMS, ,GUR KUM MDOG NI GZHON TSUL CAN, ,RAL GRI G-YAS LA AUTPALA G-YON, RGYAN RNAMS KUN GYIS RAB MDZES PA, ,SEMS DPA'I SKYIL MO KRUNG GIS BZHUGS, ,DE LTAR BYANG CHUB LNGA BSKYED NAS, ,MA LAS BSKYED PA'I NYI MA NI, ,DE YI SNYING GAR BSGOM PAR BYA, ,DE LAS 'OD 'PHROS PHYOGS BCU YI, ,RGYAL BA SRAS DANG BCAS PA RNAMS, ,RIG PA'I LHA MO KHRO TSOGS KUN, ,SPYAN DRANGS NYI MA LA BZHUGS BSAMS, ,DE NAS 'JAM DPAL DE NYID DANG, ,DE BZHIN GSHEGS KUN GCIG TU GYUR, ,'OD KYI GONG BU DE LAS NI, ,'BAR BA DPAG TSAD BRGYAD STONG KHYAB, ,DE GYUR SEMS KYI SA BON LAS, ,'OD ZER LNGA LDAN KHA DOG NAG 'OD ZER SPRO DANG BSDU BA BYA, ,DE GYUR RDO RJE GDENGS PA NI, ,KHA DOG NAG POR GYUR PAR BSAM, ,DE LAS 'OD 'PHROS SANGS RGYAS DANG, ,RGYAL SRAS GTZO BO LA SOGS KYIS, ,NAM MKHA'I KHAMS KUN GANG BA NI, ,NYI MA'I DKYIL 'KHOR LA GNAS BSAMS, ,SEMS CAN KHAMS NI RNAMS SBYANGS NAS, ,SLAR BYON RDO RJE'I GZUGS LA ZHUGS, ,RDO RJE CHEN PO YONGS GYUR NAS, ,RDO RJE 'JIGS BYED CHEN PO'I GZUGS, ,MA HE'I GDONG CAN ZHAL DGU PA, ,PHYAG NI SUM CU RTZA BZHI PHUG ,G-YON BRKYANG G-YAS BSKUM BRGYAD GNYIS ZHABS, ,PHAt KYI SGRA CAN GSUS PA 'PHYANG, ,SPYI GTZUG THOD PA'I PHRENG BAS BRGYAN, ,STAG GI PAGS PAS SMAD DKRIS SHING, ,KLU BRGYAD KYIS NI RGYAN DU BYAS, ,'JIGS PA'I DUS KYI ME LTA 'BAR, ,HA HA ZHES DGOD LJAGS BSKYOD CING, ,'JIGS PA'I KHRO GNYER ME LHAR 'BAR, ,'JIGS PA'I SPYAN NI NYI
, ,SHU BDUN, ,TSANGS PA BRGYA BYIN TSOGS ZA BA, ,RTZA ZHAL MA HE'I GDONG CAN KHRO, ,RVA YI BAR NA GNAS PA'I ZHAL, ,DMAR PO 'JIGS BYED KHRAG 'DZAG PA, ,STENG ZHAL SER PO CUNG ZAD KHRO, ,RAL PA ZUR PHUD LNGA DANG LDAN, ,GZHON NU'I CHA LUGS 'CHANG BA PO, , G-YAS PA'I RVA LA BRTEN PA'I ZHAL, ,DANG PO MTHING GA 'JIGS PAR BYED, ,GNYIS PA MDOG DMAR KHRO BO'I ZHAL, ,GSUM PA SER PO CUNG ZAD KHRO, ,G-YON PA'I RVA LA BRTEN PA'I ZHAL, ,DANG PO DKAR PO RMONGS PAR BYED, ,GNYIS PA DUD KA KHRO BO'I ZHAL, ,GSUM PA NAG PO LJAGS DRIL BA; ,G-YAS G-YON GNYIS KYIS GLANG PO CHE'I, ,PAGS PA BRGYANGS TE 'DZIN PA'O, ,G-YAS PA'I PHYAG GIS RIM PA BZHIN, ,KAR TA RI DANG BHI ndI PA LA DANG, ,GTUN SHING CHU GRI KA nA YA, ,STA RE MDUNG DANG MDA' DANG NI, ,LCAGS KYU DBYUG TO KHA tV'Am GA ,'KHOR LO RDO RJE THOB DANG, , RAL GRI DANG NI CANG TE'U 'DZIN, ,G-YON PA'I PHYAG GIS GO RIMS BZHIN, ,THOD PA TSANGS PA'I MGO BO DANG, ,PHUB CHUNG RKANG PA ZHAGS PA DANG, ,GZHU DANG RGYU MA DRIL BU DANG, ,LAG PA MI LPAGS RTZE GSUM ME YI THAB, ,THOD TSAL SDIGS MDZUB BA DAN RLUNG RAS 'DZIN, ,G-YAS KYI ZHABS KYIS GO RIMS BZHIN, ,MI DANG MA HE GLANG BONG DANG, ,RNGA MO KHYI LUG WA BRGYAD MNAN, ,G-YON PA'I ZHABS KYI GO RIMS BZHIN, ,BYA RGOD 'UG PA BYA ROG DANG, ,SENG GE KHRA DANG BYA RGOD CHEN PO DANG, ,NE TZO KRUNG KRUNG BRGYAD PO MNAN, ,'JAM DPAL YE SHES SEMS DPA' NI, ,ZHAL GCIG PHYAG GNYIS SKU MDOG SER, ,RANG GI SNYING GAR BZHUGS PA YI, ,SNYING LA NYI MA'I LTE BA LAS, ,'OD 'PHROS DGRA MGON SPYAN DRANGS TE, ,RDO RJE BSDU BCINGS BYAS NAS NI, ,GSANG SNGAGS 'DI YANG BRJOD PAR BYA, ,AOm AE H+YA HI BHA GA B'AN, YA M'ANTA KA A'A GTZTSA YA, AOm SA M'A DZA H'Um, MDUN DU BYON PAR MOS NAS NI, ,RANG GI SNGAGS BTAB MCHOD MA, ,SPOS DANG ME TOG BYUG PA DANG, ,MAR ME LA SOGS MCHOD BSTOD BYA, ,AOm YA M'ANTA KA AARGHAm PRA T'ITZTSA H'Um SV'A H'A, AOm BADZRA DH'U PE H'Um, AOm BADZRA PUshPE H'Um, AOm BADZRA GANDHE H'Um, AOm BADZRA D'I PE H'Um, AOm BADZRA NEE BID+YE H'Um, SNYING PO'I
MJUG LA BTAGS LA DBUL, ,DZA: H'Um BAm HO: ZHES BRJOD CING, ,DGUG CING GZHUG LA DBANG DU BYA, ,GSHIN RJE GSHED PO'I NGA RGYAL BYA, ,MIG DANG RNA BA SNA DANG LCE, ,LUS DANG DE BZHIN YID RNAMS LA, ,SA SNYING PHYAG NA RDO RJE DANG, ,NAM MKHA'I SNYING PO SPYAN RAS GZIGS, ,SGRIB KUN SEL DANG KUN DU BZANG, ,MING GI YI GE DANG PO BSKYED, ,RDO RJE GSUM NI GNAS GSUM BSAM, ,AOm A'A: H'Um, RANG SNYING SA BON LAS 'OD 'PHRO, ,BDE GSHEGS RNAMS NI SPYAN DRANGS MCHOD, ,BDUD RTZI LNGAS GANG BUM PA YIS, ,SPYI BOR BLUGS NAS DBANG BSKUR BYA, ,RNAM PAR SNANG MDZAD PHYAG RGYA CHE, ,AOm SARBA TA TH'A GA TA AA BHI shE KA TA BADZRA SVA BH'A WA A'ATMA KO&HAm, YAm DANG RAm BSKYED RLUNG ME'I STENG, ,THOD PA AA LAS BSKYED PA YIN, ,NANG NA BDUD RTZI LNGAS GANG BA, ,H'Um ZHES PAS NI DAG PAR BSAM, ,A'A: YIS RTOGS BYA AOm GYIS BAR, ,LUS KYI DKYIL 'KHOR MNYES PAR BSAMS, ,RDO RJE LCE YIS 'JIB PAR BSAM, ,'KHOR BCAS 'KHOR LO 'DUS PA YIS, ,STONG PA'I SGRA BRNYAN TSUL DU BYA, ,SNGAGS KYI BZLAS PA BYA BA NI, ,SNYING GAR NYI MA'I DKYIL 'KHOR LA, ,RTZA BA'I SNYING PO NYE SNYING BSAM, ,DUS BZHI YI NI SBYOR BA YIS, ,G-YENG BA MED PAR BSAM GTAN BYA, ,SKABS SU STON MO BZA' BAR BYA, ,LHA RNAMS MNYES PAR BYA BA'I RIM PA'O,, ,,SNGAGS PA GZHAN LA PHAN BRTZON PAS, ,DBANG DAD DGUG DANG BSAD PA DANG, ,BSKRAD DANG DBYE BA RMONGS LA SOGS, ,RGYUD LAS BYUNG BA BZHIN DU BYA, ,DE LAS 'DIR NI DRAG PO'I LAS, ,'KHOR LO'I LAS DANG SBYIN SREG DANG, ,BSAM GTAN GYI NI SBYOR BA RNAMS, ,LAS 'DI DAG GIS BRTZAM PAR BYA, ,BLA MA SMOD SOGS DAM TSIG MED, ,THEG PA CHEN PO SMOD PA DANG, ,SNGAGS KYI RGYUD LA 'PHYA BA DANG, ,BSAD DANG BSKRAD DAM RINGS PAR BYED, ,SNYING RJE YIS NI NGAN SONG LAS, ,BZLOG PAR BYA BA GZHAN LAS MIN, ,SNGAGS PAS SNGON DU BSNYEN PA NI, ,BYE BA BZLAS NAS LAS RNAMS BRTZAMS, ,YANG NA MTSAN MA THOB NAS BYA, ,GZHAN DU BYAS NA 'JIG RTEN BCAS, ,DKYIL 'KHOR BRIS SKU MDUN DU NI, ,DANG
, ,POR MCHOD PA BYAS NAS NI, ,SNANG MDZAD KYIS NI LUS LA BYUGS, ,ZHIM PA'I CHANG NI BTUNG BAR BYA, ,SKRA BSHIG GCER BU BYAS NAS NI, ,NAM PHYED dA MA RU DKROL BYA, ,BRKYANG BSKUM TSUL DU GNAS NAS KYANG, ,LHA YI NGA RGYAL LDAN PA YIS, ,HA HA ZHES DGOD RTZE GCIG PAS; ,MA YENGS PA YIS GSANG SNGAGS BZLAS, ,DE NAS 'JIGS PA CHEN PO SKYE, ,SNGAGS PAS 'JIGS PAR MI BYA'O, ,'JIGS PAR GYUR NA BAR CHAD 'GYUR, ,DES NA 'JIGS PAR MI BYA'O, ,DNGOS GRUB GANG 'DOD CES GSUNGS PA, ,YID LA GANG 'DOD GSOL BA GDAB, ,DE NAS LAS RNAMS BRTZAM PAR BYA, ,MAR GYI NGO LA SNGAGS PA YIS, ,DUR KHROD RAS NI BLANGS NAS SU, ,DAG PAR BKRUS TE BRKYANG BAR BYA, ,SUM PA'I SBYOR BAS MTSAMS BCAD NAS, ,WA YIS RTOGS PA'I LHAG MA LA, ,SNANG MDZAD DUR KHROD THAL BA DANG, ,'BRAS BU THUG BCAS PAR RANG LA BYUGS, ,BRGYANGS NAS MDUN DU BZHAG NAS NI, ,SKRA BSHIG GCER BUR BYUNG NAS SU, ,LHO PHYOGS SU NI KHA BLTAS LA, ,MA HE'I GDONG GI SBYOR BA YIS, ,RAS DANG SNAG TSA'I RDZAS RNAMS LA, ,LAG PA REG NAS GSANG SNGAGS NI, ,'BUM PHRAG GNYIS SU BZLAS PA BYA, , NYI MA PHYED NAS BZUNG NAS SU, ,'KHOR LO BRI BAR BRTZAM PAR BYA, ,BYA ROG SGRO RTZA'I SNYU GU YIS, ,BCU DRUG RTZIBS CAN GNYIS BYAS TE, ,G-YAS DANG G-YON SKOR TSUL GYIS NI, ,SUM CU GNYIS DANG BCU PAS BSKOR, ,BGEGS DGRA'I SBYOR BAS DE LTAR BRI, ,BDAG LAS SPRUL PA'I KHRO BO YIS, ,BSGRUB BYA LHA DANG BRAL NAS NI, ,RNAM SHES BSDUS LA 'KHOR LOR GZHUG ,ZHUGS PAR GYUR NAS 'KHOR LO DRIL, ,THOD PA GNYIS KYI BAR DU GZHUG ,SHI BA'I SKRA YI SKUD PAS DKRI, ,RO BSREGS SAR NI BSREG SHING GIS, ,ME SBAR NAS NI THOD PA BSRO, ,SNGAGS PAS 'GRENG STE RKANG G-YON GYIS, ,MNAN NAS YI GE BCU PA BZLAS, ,RO BSREGS LA SOGS SA 'OG GZHUG ,RIM GYIS THEBS NAS 'CHI BAR 'GYUR, ,YANG NA LAS 'DI BRTZAM PAR BYA, ,BSNYEN PA LA SOGS SNGAR BZHIN BYA, ,DUR KHROD GZHI MDO SHING GCIG DRUNG, ,SNGAGS
PAS GNAS NAS LAS 'DI BYA, ,GROG MKHAR CHU 'GRAM GNYIS KYI SA, ,SNANG MDZAD MI BSKYOD RUS PHYE DANG, ,PHUB MA DUR KHROD SOL BA LA, ,BSGRUB BYA'I GZUGS BRNYAN SOR BRGYAD BYA, ,SNYING GA LTE BA GSANG BA DANG, ,LKOG MA DANG NI SMIN MTSAMS SU, ,NI RANG SU YI PHUR BUS GDAB, , TSIGS RNAMS TSER MA RNON POS DGANG, ,THOD PA GNYIS KYI DBUS SU GZHUG ,GNAS BDUN GROG MKHAR SA DANG DUR KHROD THAL BA LA, ,GSHIN RJE'I SKYES BU KHRU GANG TZAM LA ZHAL GCIG PA, ,MCHE BA GTZIGS PA PHYAG GNYIS RAL GRI SDIGS MDZUB ZHAGS, ,GCER BU SKRA GROL DE YI THUGS KAR THOD PA GZHUG ,MAR GYI BRGYAD DANG BCU BZHI YI, ,RO BSREGS DUR KHROD SA DAG LA, ,KHA SBUB BZLOG LA LHO RU KHA BSTAN 'PHRED NYAL GZHAG ,KHYIM DU 'ONGS NAS KHROS NAS YI GE BCU PA BZLAS, ,ZHAG GSUM GYIS NI 'CHI BAR 'GYUR, ,PHYUNG NAS 'O MAS BKRUS NA 'TSO,, 'KHOR LO'I RIM PA PHYE BA'O, ,LAS DE BYED PA'I DUS SU NI, ,BSAM GTAN GYIS NI 'DI LTAR BYA, ,'KHOR LO MED KYANG 'GRUB PAR 'GYUR, ,GANG LA BYA BA'I BSGRUB BYA STE, ,RA LAS BSKYED PA'I DKYIL 'KHOR DU, ,SKRA BSHIG GCER BU BYAS NAS NI, ,TIL MAR GYIS NI LUS BSKUS NAS, , 'DAR ZHING MDUN NA 'DUG PAR BSAM, ,LUS LAS SPRUL PA'I KHRO BO YIS, ,BSGRUB BYA BCAD CING BCOM NAS NI, ,LHA RNAMS DAG GIS LUS LA BZA', ,SLAR YANG KHRO BOR GYUR NAS SPRO, ,RAL GRI DBYUG PA GTUN SHING DANG, ,'KHOR LO TRI SH'U LA SOGS PAS, ,DUM BUR BCAD CING GTUB PA DANG, ,ZA SHING KHRAG RNAMS 'THUNG BAR BSAM, ,GSHIN RJE YIS NI ZOS PAR BSAM, ,GZHAN YANG SRIN PO SNA TSOGS DANG, ,KANG KA BYA RGOD 'UG PA DANG, ,STAG DANG SENG GE WA DANG KHYI, ,DE RNAMS KYIS KYANG ZOS PAR BSAM, ,BSTOD PA SNA TSOGS BYAS NAS SU, , TSIG GIS KYANG NI 'DI SKAD BSGO, ,DKON MCHOG GSUM LA SMOD PA DANG, ,DGE 'DUN 'DU BA'I SGO 'PHROGS PA, ,DAM TSIG 'JIGS PAR BYED PA DANG, ,SKYE BO YONGS LA 'TSE BA 'DI, ,NGAN SONG GSUM DU NGES PAR 'GRO, ,THUGS RJES SGROL BA'I DUS LA BAB, ,NGAN SONG GSUM GYI
, ,SDUG BSNGAL DANG, ,NAD DANG GNOD PA'I SDUG BSNGAL GYIS, ,TSE 'DI NYID LA BRAL BAR MDZOD, ,BSAM GTAN GYI RIM PA PHYE BA'O, ,BLA MA'I ZHAL GYI BKA' DRIN GYIS, ,'DI BYAS BSONG NAMS GANG THOB PA, ,'GRO RNAMS GSHIN RJE GSHED LTA BU, ,'KHOR BA LAS NI THAR PAR SHOG,, ,,SLOB DPON DZNY'A N'A K'A RAS MDZAD PA RDZOGS SO,, ,,ZLA BA'I 'OD ZER GYIS BSGYUR BA'O,,