, ,RGYA GAR SKAD DU, SHR'I BADZRA BHEE RA WA BA LIm BI DHI:, BOD SKAD DU, DPAL RDO RJE 'JIGS BYED KYI GTOR MA'I CHO GA ,DPAL RDO RJE 'JIGS BYED KHROS PA'I RGYAL PO LA PHYAG 'TSAL LO, ,GDOD NAS DAG PA'I RANG BZHIN GYIS, ,RDO RJE 'JIGS BYED PHYAG 'TSAL 'DUD, ,BAR CHAD ZHI PHYIR GTOR MA NI, ,'BAD DE YANG DAG BSHAD PAR BYA, ,DPAL LDAN RDO RJE 'JIGS BYED KYI, ,GTOR MA BYED PAR 'DOD PA YIS, ,BDUD RTZI LNGA LA SOGS PA YI, ,RDZAS KYI GTOR MA BSHAM PAR BYA, ,SGRUB PO LHA PHYOGS KHA BLTAS LA, ,SKAD CIG TZAM GYIS 'JIGS PAR BSKYED, ,MDUN DU YAm DANG RAm LAS NI, ,RLUNG DANG ME YI DBYIBS CAN BSKYED, ,DE YI STENG DU SGYED GSUM BSAM, ,DE STENG AA LAS THOD PA'I SNOD, ,NANG DU SHA LNGA BDUD RTZI LNGA, ,SKAD CIG TZAM GYIS BSAM PAR BYA, ,STENG DU AOm A'A: H'Um YIG RNAMS, ,GO RIMS JI BZHIN BSAM PAR BYA, ,'OD SPROS SKU SOGS RIM BKUG LA; ,RIM PA BZHIN DU BSTIM PA DANG, ,DE NYID GSUM NI BRJOD PA YIS, ,GTOR MA DAG PAR BSGOM PAR BYA, ,DE NAS RANG GI SNYING GA'I H'Um, ,'OD SPROS RDO RJE 'JIGS BYED SOGS, ,LHA RNAMS SPYAN DRANGS MDUN DU BSAM, ,H'Um BRJOD LCE NI BYIN GYIS BRLAB, ,AOm HR'I: shtRi: WI KRi T'A NA NA H'Um PHAt, BADZRA BHEE RA WA AA DHI PA TI, AI MAm BA LIm, KHA KHA KH'A HI KH'A HI H'Um PHAt SV'A H'A, ZHES PAS DBUL BA'I SNGAGS BRJOD BYA, ,DE RNAMS GSOL BAR BSAMS NAS NI, ,LAS KYI BYE BRAG PHRIN LAS BCOL, ,CI 'DOD PA YI DNGOS GRUB BLANG, ,KHYAD PAR DRAG PO BCOL BA NI, ,BLA MA SMOD PAR BYED PA DANG, ,DKON MCHOG GSUM LA GNOD BYED DANG, ,BSTAN PA LA GNOD BYED PA DANG, ,SEMS CAN KUN LA GNOD BYED DANG, ,SNGAGS RGYUD LA GNOD BYED PA'I MI, ,'DI RNAMS KHYED KYIS GSAD DU GSOL, ,ZHES PAS PHRIN LAS BCOL LO, ,DE NAS GNANG BA BYIN PAR BSAM, ,DE NAS YI GE BRGYA PA BRJOD, ,AOm A'A: H'Um MU: SA MGRON RNAMS NI; ,RANG BZHIN GNAS SU GSHEGS SU GSOL, ,DE LTAR BYAS PA'I PHAN YON NI, ,BAR DU GCOD PA ZHI BA DANG, ,MI MTHUN PHYOGS RNAMS 'JOMS PA DANG, ,DNGOS GRUB DAM PA THOB PAR GYUR, ,GZHAN YANG RAB TU SBYOR BA NA, ,NAD DANG DGRA LA SOGS PA YI, ,TSAR GCOD RJES GZUNG THAMS CAD NI, ,DE MA
THAG TU 'GRUB PAR 'GYUR, ,RDO RJE 'JIGS BYED GTOR MA YI, ,CHO GA PHUN SUM TSOGS PA BRTZAMS, ,GANG YOD BSOD NAMS DE YIS NI, ,SEMS CAN MA LUS DGRA LAS RGYAL BAR SHOG ,SLOB DPON CHEN PO LA LI TA BADZRAS MDZAD PA RDZOGS SO,,