, ,RGYA GAR SKAD DU, ,BADZRA TZ'A RTZI K'A KARMA S'A DHA N'Am, BOD SKAD DU, RDO RJE TZ'A RTZI K'A'I LAS SGRUB PA'I THABS, BCOM LDAN 'DAS GSHIN RJE GSHED DMAR PO LA PHYAG 'TSAL LO, ,BRTUL ZHUGS DANG LDAN PA'I SGRUB PA POS, DUR KHROD DU PHYIN LA DBEN PAR BYA STE, ZHAG BDUN DU BSGRUB PAR BYA'O, ,MDUN DU MAndALA MDA' GANG GI TSAD KYI GRU BZHI PA, ,DBUS SU SOR NYI SHU BA'I
, ,THAB KHUNG BRKO ZHING, STENG DU KHA KHYER BRTZIG PAR BYA'O, ,DE LA DUR KHROD KYI SOL BAS BYUG ,DE'I GRVA LHA SBYIN GYI PHYOGS SU BSTAN, LCAGS LAS BYAS PA'I RDO RJE RTZE GCIG PA SOR BCU GNYIS PA MDUN DU DGOD, 'BRAS PHYE DANG LHA SBYIN GYI RDZAS LA BRTAG PA BYAS LA, AA RGA'I LO MA LA RIGS DANG MING BRIS LA, SNYING GAR BCUG LA, BHI KU'I SRAD BUS BTAGS TE MGO BOR BCING, DE'I STENG DU MAN JI'I STENG DU, KO SHA KA P'A LAR, SHA KHRAG GAM, GTOR MA GZHAG GO, ,DE LTAR GTOR MA RGYUN DU BTANG NGO, ,DE NAS BDAG NYID GSHIN RJE'I GSHED DMAR PO RNAL 'BYOR DANG LDAN PAS, MDUN GYI ZUR DER, DPAL LHA MO TZAndI KA ZHAL GCIG PHYAG GNYIS PA, SKU MDOG DMAR NAG ,G-YAS GRI GUG ,G-YON THOD PA KHRAG GIS BKANG BA BSNAMS PA, BDAG GI BKA' LUNG NYAN PAR BSGOMS LA, DAM TSIG GI RDZAS PHUL BAS MNYES PAR BYA'O; ,AOm SHR'I YA M'ANTA BADZRA, TZAndI KA ,RAKTA DZA tI, AA MU KAm, KA PA TRI YAN TRI PA NA TRI, KA BID TR'I, MA H'A NI TRI, KA LA NA TRI, PI TZO KA YA, MA TZU KHO, ,AU LA TZA TZU TRI, KHA NA AU MA TZO, ,KHO LA NA TZO, ,BADZRA TZA MUndI H'Um, P'U TZA AU AA KHA MUndI, AI TZI MI TZI, PHU LA AU MA TZI, KHO KHU LI, MI LI TZU PA TZA RO, ,TZA MU nAdI, KA RA YI KA RA, ,SARBA DUsht'A NA, AA MU KAm ,M'A RA YA PHAt, AI MAm BA LIm, RAKTA TZITTA, KHA KHA, KH'A HI KH'A HI, SARBA DU sht'ANA, AA MU KAm, M'A RA YA PHAt, CES PA DANG, SKABS SU DRAG PO'I RDZAS KYI SBYIN SREG GIS LHA SBYIN LA BRDEG PAR BYA'O, ,DKYIL 'KHOR DU SROG CHAGS MUN tO KA LA DAR SGRA SGROGS PA DANG, RAKTA SA MU DRA BYUNG BA DANG, RDO RJE RTZE GCIG PAS LHA SBYIN LA BRDUNG BA DANG GDAB PAR BYA'O, ,LHA SBYIN YI DAGS DANG, MING LA SOGS PA THAB KHUNG DU SBYIN SREG BYA'O, ,GTOR MA YANG LHA SBYIN GYI PHYOGS SU DOR RO, ,DES MA GRUB NA LAN GNYIS GSUM DU BSGRUB PAR BYA'O, ,DES KYANG LAS MI BYED NA, DPAL RDO RJE TZA ndI KA SNGON GYI THUGS DAM DRAN DU GZHUG PA'I MAN NGAG BYA STE, GNAD LA DBAB PAS, MNA' BSKYAL BA'I DAM TSIG DRAN PA'I PHYIR RO, ,DE LTAR BYAS NA SGRUB PA PO'I BSAM PA 'GRUB PAR 'GYUR RO, ,RDO RJE TZAndI KA'I LAS SGRUB PA'I THABS
SLOB DPON CHEN PO BRAM ZE DPAL 'DZIN GYIS MDZAD PA RDZOGS SO,, ,,RGYA GAR GYI PAndI TA RGYAL SRAS BI BH'U TI TZAndI'I ZHAL SNGA NAS, GLO BO LO TZ'A BA DGE SLONG SHES RAB RIN CHEN GYIS CHOS KYI RGYAL PO'I PHO BRANG SKU MKHAR NYI GZUNGS SU BSGYUR BA'O,,