198 · GMLW-000982

An Exalted Sutra of the Greater Way entitled "The Teaching Initiated by Maitreya" (Ārya Maitreya Prasthāna Nāma Mahāyāna Sūtra)

'PHAGS PA BYAMS PA 'JUG PA ZHES BYA BA THEG PA CHEN PO'I MDO

נושאי-מדףSubjects:

נושאיםTopics:Enlightenmentthe Wish for Enlightenmentthe Greater WayCyclic LifeDeep ConcentrationGivingJoyous EffortKarmaMeditationNirvanaPerfectionsWisdom

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 198 · Sutra

מהדורהrecensionDerge

כותרת בסנסקריטSanskrit titleA'ARYA MEE TR'I YA PRA STH'A NA N'A MA MAH'A Y'A NA S'U TRA

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaPRADZNY'A WARMA

הלוצאווה הטיבטיTibetan lotsawaBANDE YE SHES SDE LA SOGS PAS

פוליוfolios433b–468a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra of the Greater Way with the full frame

מקום החיבורplace of compositionShravastithe Buddha is in Prince Jeta's grove with five thousand monks and ten thousand bodhisattvas

אנשים ומקומותpeople and places namedMaitreya · Prajnavarma · Jinamitra · Surendrabodhi · Yeshe DeTHREE Indian abbots with the chief editor-translator and others

רמת קושיlevelintermediate

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00198E_'PHAGS PA BYAMS PA 'JUG PA ZHES BYA BA THEG PA CHEN PO'I MDO_An Exalted Sutra of the Greater Way entitled "The Teaching Initiated by Maitreya" (Ārya Maitreya Prasthāna Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 15 (BA)$$

KL00198_'PHAGS PA BYAMS PA 'JUG PA ZHES BYA BA THEG PA CHEN PO'I MDO_An Exalted Sutra of the Greater Way entitled "The Teaching Initiated by Maitreya" (Ārya Maitreya Prasthāna Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 15 (BA)$$

הטקסטThe text

טיבטיתTibetanKL00198E_'PHAGS PA BYAMS PA 'JUG PA ZHES BYA BA THEG PA CHEN PO'I MDO_An Exalted Sutra of the Greater Way entitled "The Teaching Initiated by Maitreya" (Ārya Maitreya Prasthāna Nāma Mahāyāna Sūtra).txt79,888 תוויםcharacters

433b

,,RGYA GAR SKAD DU, A'ARYA MEE TR'I YA PRA STH'A NA N'A MA MAH'A Y'A NA S'U TRA, BOD SKAD DU, 'PHAGS PA BYAMS PA 'JUG PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN DU YOD PA NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA DGE SLONG LNGA STONG THAM PA'I DGE SLONG GI DGE 'DUN CHEN PO DANG, BYANG CHUB SEMS DPA' KHRI'I BYANG CHUB SEMS DPA'I

434a

, ,DGE 'DUN CHEN PO THAMS CAD KYANG MNGON PAR SHES PAS MNGON PAR SHES PA YIN ZHING, BYANG CHUB SEMS DPA' SEMS DPA' CHEN PO THAMS CAD KYANG PHYIR MI LDOG PA SHA STAG DANG THABS GCIG TU BZHUGS SO, ,DE'I TSE 'JAM DPAL GZHON NUR GYUR PA'ANG 'KHOR DE NYID DU 'DUS PAR GYUR TE 'DUG GO, BYANG CHUB SEMS DPA' SPOBS PA BRTZEGS PA DANG, BYANG CHUB SEMS DPA' RNAM PAR RTZE BA DANG, BYANG CHUB SEMS DPA' SPYAN RAS GZIGS DBANG PHYUG DANG, BYANG CHUB SEMS DPA' MTHU CHEN THOB DANG, BYANG CHUB SEMS DPA' ZLA 'OD GZHON NUR GYUR PA DANG, BYANG CHUB SEMS DPA' SEMS DPA' CHEN PO BYAMS PA'ANG 'KHOR DE NYID DU 'DUS PAR GYUR TE 'KHOD DO; ;DE NAS BYANG CHUB SEMS DPA' SEMS DPA' CHEN PO BYAMS PA STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS, GAL TE ZHUS NAS ZHU BA LUNG BSTAN PA'I SLAD DU, BCOM LDAN 'DAS KYIS BDAG LA SKABS PHYE NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BDAG

434b

PHYOGS 'GA' ZHIG ZHU'O, ,DE NAS BYANG CHUB SEMS DPA' BYAMS PAS ZHUS NAS, DE'I TSE BCOM LDAN 'DAS CANG MI GSUNG BAR DUS YOL BAR MDZAD DO, ,DE NAS 'JAM DPAL GZHON NUR GYUR PAS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES SMRAS SO, ,BYAMS PA, 'DI LTAR BYAS PA DANG, ZHUS NAS ZHU BA LUNG BSTAN PA'I PHYIR KHYOD LA DE BZHIN GSHEGS PAS SKABS 'BYED PAR MDZAD DO, ,GAL TE DE BZHIN GSHEGS PA LA SANGS RGYAS KYI THEG PA LAS BRTZAMS TE ZHU BAR MI BYED, RANG SANGS RGYAS KYI THEG PA LAS BRTZAMS TE ZHU BAR MI PHYED, NYAN THOS KYI THEG PA LAS BRTZAMS TE ZHU BAR MI BYED, PHUNG PO DANG, KHAMS DANG, SKYE MCHED YONGS SU SHES PAR BYA BA'I PHYIR ZHU BAR MI BYED, 'DOD CHAGS DANG, ZHE SDANG DANG, GTI MUG ZAD PAR BYA BA'I PHYIR ZHU BAR MI BYED, PHA ROL TU PHYIN PA LAS BRTZAMS TE ZHU BAR MI BYED, PHA ROL TU PHYIN PA YONGS SU RDZOGS PAR BYA BA'I PHYIR ZHU BAR MI BYED NA, DE LTAR NA ZHUS NAS ZHU BA LUNG BSTAN PA'I PHYIR KHYOD LA DE BZHIN GSHEGS PAS SKABS 'BYED PAR MDZAD DO, ,GAL TE KHYOD 'DU BYED RNAMS LAS YANG DAG PAR 'DA' BAR BYA BA DANG, MYA NGAN LAS 'DAS PA 'THOB PAR BYA BA'I PHYIR ZHU BAR MI BYED DAM, GAL TE KHYOD BDEN

435a

, ,PA KHONG DU CHUD PAR BYA BA'I PHYIR ZHU BAR MI BYED DAM, LAM DANG, LAM BSGOM PAR BYA BA'I PHYIR ZHU BAR MI BYED DAM, GAL TE KHYOD 'BRAS BU THOB PAR BYA BA DANG, MNGON SUM DU BYA BA'I PHYIR ZHU BAR MI BYED DAM, GAL TE KHYOD MI GNAS PA'I PHYIR DE BZHIN GSHEGS PA LA ZHU BAR MI BYED DAM, YI GE RNAMS MI BRJOD PAR ZHU BAR BYED NA; DE LTA NA ZHUS NAS ZHU BA LUNG BSTAN PA'I PHYIR KHYOD LA DE BZHIN GSHEGS PAS SKABS 'BYED PAR MDZAD DE, DE CI'I PHYIR ZHE NA, BYAMS PA JI TZAM DU SGRO 'DOGS PA DE TZAM DU CHAGS PA YOD LA SANGS RGYAS BCOM LDAN 'DAS RNAMS KYIS CHOS BSTAN PA NI CHAGS PA MED PA'I PHYIR RO, ,DE NAS TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, SGRO BTAGS PA, SGRO BTAGS PA ZHES BYA BA, 'JAM DPAL, JI TZAM GYIS NA SGRO BTAGS PAR 'GYUR, 'JAM DPAL GYIS SMRAS PA, BTZUN PA SH'A RADVA TI'I BU, CHOS THAMS CAD NI STONG PA NYID MNYAM PA NYID KYIS MNYAM PA YIN, MTSAN MA MED PA MNYAM PA NYID KYIS MNYAM PA YIN, SMON PA MED PA MNYAM PA NYID KYIS MNYAM PA YIN, JI LTA BA BZHIN MNYAM PA NYID KYIS MNYAM PA YIN, DE BZHIN NYID MNYAM PA NYID KYIS

435b

MNYAM PA YIN, CHOS KYI DBYINGS MNYAM PA NYID KYIS MNYAM PA YIN, YANG DAG PA'I MTHA' MNYAM PA NYID KYIS MNYAM PA YIN, MI SKYE MI 'GAG MI GNAS PA MNYAM PA NYID KYIS MNYAM PA YIN, MA SKYES MA BYUNG BA MNYAM PA NYID KYIS MNYAM PA YIN, CHOS THAMS CAD NAM MKHA' DANG MNYAM PA NYID KYIS MNYAM PA YIN NA, BTZUN PA SH'A RADVA TI'I BU, GANG DAG 'DI LTAR CHOS THAMS CAD MNYAM PA NYID LA MI MNYAM PAR BRTAGS NAS MED BZHIN DU SGRO 'DOGS PAS SGRO 'DOGS PAR BYED DE, 'DI NI SANGS RGYAS SO, ,'DI NI CHOS SO, ,'DI NI DGE 'DUN NO; ;'DI NI BDAG GO, 'DI NI SEMS CAN NO, ,'DI NI GANG ZAG GO, 'DI NI SHED LAS SKYES PA'O, ,'DI NI SHED BU'O, ,'DI NI BYED PA PO'O, ,'DI NI TSOR BA PO'O, ,'DI NI CHAD PA'O, , 'DI NI RTAG PA'O, ,'DI NI SO SO'I SKYE BO'O, ,'DI NI NYAN THOS SO, ,'DI NI RANG SANGS RGYAS SO, ,'DI NI BYANG CHUB SEMS DPA'O, ,'DI NI KHA NA MA THO BA DANG BCAS PA'O, ,'DI NI KHA NA MA THO BA MED PA'O, ,'DI NI ZAG PA DANG BCAS PA'O, ,'DI NI ZAG PA MED PA'O, ,'DI NI 'DUS BYAS SO, ,'DI NI 'DUS MA BYAS SO, ,'DI NI KUN NAS NYON MONGS PA'O,, 'DI NI RNAM PAR BYANG BA'O, ,'DI NI DGE BA'O, ,'DI NI MI DGE BA'O, ,'DI NI 'JIG RTEN PA'O, ,'DI NI 'JIG RTEN LAS 'DAS PA'O, ,'DI NI 'KHOR BA'O, ,'DI NI

436a

, ,MYA NGAN LAS 'DAS PA'O, ,'DI NI DNGOS PO'O, ,'DI NI DNGOS PO MA YIN PA'O, ,'DI NI YOD PA'O, ,'DI NI MED PA'O, ,'DI NI THOB PA'O, , 'DI NI MNGON PAR RTOGS PA'O, ,'DI NI MNGON SUM DU BYA BA'O, ,'DI NI LAM MO, ,'DI NI LAM GYI 'BRAS BU'O ZHES BYA BA 'DI NI SGRO BTAGS PA ZHES BYA'O, ,DE CI'I PHYIR ZHE NA, BTZUN PA SH'A RADVA TI'I BU, MNYAM PA NYID NI RNAM PAR RTOG PA MED CING GANG DAG 'DI LTAR RNAM PAR RTOG PA DE DAG NI MNYAM PA NYID DU SGRO 'DOGS PA YIN TE, MI MNYAM PAR SGRO 'DOGS PA NI MA YIN LA, GANG DAG MTHONG BA MED PAR MNYAM PA NYID MTHONG BA DE DAG NI MNYAM PA NYID MTHONG BA YIN , SGRO 'DOGS PA LA SPYOD PA NI MI MNYAM PAR MTHONG BA YIN ZHING, GANG DAG MNYAM PA NYID LA SGRO MI 'DOGS PA DE DAG NI MNYAM PA NYID DU MTHONG PA YIN LA, SGRO 'DOGS PA LA SPYOD PA NI MNYAM PA NYID MTHONG BA MA YIN PA'I PHYIR RO, ,BSTAN PA 'DI BSHAD PA NA DGE SLONG NYIS BRGYA LEN PA MED PAR ZAG PA RNAMS LAS SEMS RNAM PAR GROL TE, DGE SLONG DE DAG 'DUL BA LA DBANG MDZAD PA'I PHYIR BCOM LDAN 'DAS CANG MI GSUNG BAR DUS YOL BAR MDZAD DO, ,DE NAS BYANG CHUB SEMS DPA' SEMS

436b

DPA' CHEN PO BYAMS PAS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, KHO BO NI NYAN THOS KYI THEG PA LAS BRTZAMS TE DE BZHIN GSHEGS PA LA ZHU BAR MI BYED DO, ,RANG SANGS RGYAS KYI THEG PA LAS BRTZAMS, YANG DAG PAR RDZOGS PA'I SANGS RGYAS KYI THEG PA LAS BRTZAMS TE DE BZHIN GSHEGS PA LA ZHU BAR MI BYED PA NAS, KHO BO NI MI GNAS PA'I BAR DU DE BZHIN GSHEGS PA LA ZHU BAR MI BYED DO, ,'JAM DPAL, KHO BO NI DE BZHIN GSHEGS PA LA CI NAS DE BZHIN NYID DANG MI 'GAL BA DE LTAR ZHU BAR BYED DO, ,'JAM DPAL, KHO BO NI GANG DAG DE BZHIN NYID DANG 'GAL BAR MI BYED PA DANG, GANG DAG CHOS THAMS CAD DBEN PA NYID KYI PHYIR CHOS CI'ANG MI DMIGS PA DANG, GANG DAG CHOS KYI DBYINGS MI G-YO BA NYID KYI PHYIR 'DOD CHAGS DANG, ZHE SDANG DANG, GTI MUG RNAMS KYIS MI GOS PA DANG, GANG DAG 'KHOR BA MI DMIGS PA NYID KYI PHYIR 'KHOR BA LAS 'DA' BAR MI BYED PA DANG, GANG DAG GANG NAS KYANG 'ONG BA MED PA NYID DANG, GANG DU'ANG 'GRO BA MED PA NYID KYI PHYIR MYA NGAN LAS 'DAS PA THOB PAR MI BYED PA DE DAG GI PHYIR DE BZHIN GSHEGS PA LA ZHU BAR BYED DO, ,'JAM DPAL, KHO PO NI CI NAS YI GE RNAMS KYANG MI BRJOD, TSIG GI LAM LA'ANG MI DPYOD LA, SHES RAB KYIS KYANG BYE BRAG PHYED PAR 'GYUR BA

437a

, ,DANG, SHES PA'ANG GANG YANG MED LA, 'DI LA RNAM PAR GROL BA'ANG GANG YANG MED PA DE LTAR DE BZHIN GSHEGS PA LA ZHU BAR BYED DO, ,DE CI'I PHYIR ZHE NA, YI GE STONG PA NYID KYI PHYIR DANG, THAMS CAD SKYE BA MED PA NYID KYI PHYIR RO, ,DE NAS 'KHOR DER BYANG CHUB SEMS DPA' GANG DAG 'DUS PAR GYUR PA DE DAG 'DI SNYAM DU SEMS TE, KYE MA BYANG CHUB SEMS DPA' SEMS DPA' CHEN PO BYAMS PA 'DI NI DE KHO NA LTAR LDEM PO NGAG SNEL ZHIR 'DUG PA'I TSIG 'DI DAG KYANG STON LA BRJOD PA THAMS CAD KYANG CHOS NYID DANG MTHUN PAR SBYOR BA LAS NA ZAB MO'I SHES RAB DANG LDAN NO SNYAM MO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PA 'DI DE TZAM DU ZAB MO'I BZOD PA LA NGES SHING SHES RAB DANG, SPOBS PA STON PA LA MKHAS PA NI NGO MTSAR LAGS SO, ,BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PAS YUN JI SRID CIG NAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE, BCOM LDAN 'DAS, SKYE BO MANG PO LA SMAN PA DANG, SKYE BO MANG PO LA BDE BA DANG,

437b

LHA DANG, MI RNAMS KYI DON DANG, SMAN PA'I SLAD DU DE BZHIN GSHEGS PAS LEGS PAR BKA' STZAL DU GSOL, DE LTAR BGYIS NA BYANG CHUB SEMS DPA'I THEG PA PA'I RIGS KYI BU'AM, RIGS KYI BU MO RNAMS KYIS GNAS DE DAG KYANG THOS LA, 'JUG PA DE'ANG THOS NAS SLAR ZHING BLA NA MED PA YANG DAG PAR RDZOGS PA'I BYANG CHUB LA BRTZON PAR 'GYUR LAGS SO, , DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU , BYANG CHUB SEMS DPA' SEMS DPA' CHEN PO BYAMS PAS NI YUN RING PO NAS TSANGS PAR SPYAD PA SPYOD DO, ,RIGS KYI BU, BYANG CHUB SEMS DPA' SEMS DPA' CHEN PO BYAMS PAS NI SNGON GYI RGYAL BA RNAMS LA BYA BA BYAS SO, ,DGE BA'I RTZA BA BSKYED DO, ,ZAB MO'I BZOD PA DANG LDAN NO, ,RIGS KYI BU , BYANG CHUB SEMS DPA' SEMS DPA' CHEN PO BYAMS PA YANG DAG PAR ZHUGS TE, BSKAL PA BRGYAD KHRI BZHI STONG LON NAS DE'I 'OG TU GDONG NGAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM

438a

, ,LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG GI THA DAD DU, BYANG CHUB SEMS DPA' SEMS DPA' CHEN PO BYAMS PAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I MTSAN CI LAGS PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS LEGS PAR BKA' STZAL DU GSOL, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE'I PHYIR LEGS PAR RAB TU NYON LA YID LA ZUNGS SHIG DANG NGAS KHYOD LA BSHAD DO, ,BCOM LDAN 'DAS, DE LTAR 'TSAL LO ZHES GSOL NAS, BYANG CHUB SEMS DPA' SEMS DPA' CHEN PO RNAM PAR RTZE BA DANG, THAMS CAD DANG LDAN PA'I 'KHOR DE BCOM LDAN 'DAS KYI LTAR NYAN PA DANG, BCOM LDAN 'DAS KYIS DE DAG LA 'DI SKAD CES BKA' STZAL TO, ,RNAM PAR RTZE BA, SNGON BYUNG BA 'DAS PA'I DUS BSKAL PA GRANGS MED PA BAS KYANG CHES GRANGS MED PA, YUN RING ZHING TSAD MED, BSAM GYIS MI KHYAB, DPAG TU MED PA'I SNGA ROL DE'I TSE DE'I DUS NA DE BZHIN GSHEGS PA, DGRA BCOM PA, YANG DAG PAR RDZOGS PA'I SANGS RGYAS

438b

RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS GSER BZANG 'OD CES BYA BA 'JIG RTEN DU BYUNG NGO, ,RIGS KYI BU, DE BZHIN GSHEGS PA GSER BZANG 'OD KYI SPU'I KHUNG BU RE RE NAS 'OD ZER BYE BA KHRAG KHRIG 'BUM PHRAG MANG PO BYUNG STE, DE BZHIN GSHEGS PA'I 'OD ZER DE DAG KYANG GSER GYI 'OD LTAR BZANG LA 'OD ZER RE RES KYANG STONG GSUM GYI STONG CHEN PO'I 'JIG RTEN GYI KHAMS RE RE'I 'OD KYIS SNANG BAR BYED DO, ,'OD ZER RE RES KYANG PADMA BYE BA KHRAG KHRIG 'BUM PHRAG MANG PO DAG GIS SHAR PHYOGS 'GENGS PAR BYED DO, ,LHO PHYOGS DANG, NUB PHYOGS DANG, BYANG PHYOGS DANG, PHYOGS MTSAMS DANG, STENG DANG, 'OG KYANG DE DANG 'DRA'O, ,PHYOGS RE RER YANG DE BZHIN GSHEGS PA RE RE SANGS RGYAS KYI ZHING BYE BA KHRAG KHRIG 'BUM PHRAG DU MA 'GENGS PAR MDZAD DO, ,DE BZHIN GSHEGS PA'I SKU RE RES KYANG SEMS CAN BYE BA KHRAG KHRIG 'BUM PHRAG DU MA SANGS RGYAS DANG, CHOS RNAMS LA 'DUL BAR MDZAD DE, PHYIR MI LDOG PA LA 'GOD DO, ,RIGS KYI BU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE'I GSER GYI 'OD

439a

, ,KYIS 'JIG RTEN GYI KHAMS RTAG TU SNANG BAR BYED DO, ,SANGS RGYAS KYI ZHING DE NA NYI MA DANG, ZLA BA GNYIS KYI MING MED DO, ,RGYU SKAR DANG, GZA' DANG, SKAR MA DANG, ME'I 'OD KYI MING YANG MI GRAG GO ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR BRTZE BAS 'DI SKAD CES GSOL TO, ,BTZUN PA BCOM LDAN 'DAS, DE LTAR NA SANGS RGYAS KYI ZHING DE NA JI LTAR GDUGS MTSAN RNAM PAR BZHAG PAR 'GYUR LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD KYI SANGS RGYAS KYI ZHING DE NAS SA GZHI CHEN PO DE RIN PO CHE SNA BDUN LAS GRUB PA YIN TE, LAG MTHIL LTAR MNYAM PAR GYUR LA RIN PO CHE SNA BDUN GYI SA GZHI CHEN PO DE LAS KYANG RIN PO CHE SNA BDUN GYI PADMA SHING RTA'I PHANG LO TZAM LA MDZES SHING BLTA NA SDUG PA DANG, DRI ZHIM PO'I NGAD LDANG LA YID DU 'ONG BA DAG MNGON PAR 'PHAGS TE, PADMA RE RE LAS DRI BSUNG GI NGAD LDANG BA'I DRI DES KYANG STONG GSUM GYI STONG CHEN PO'I 'JIG

439b

RTEN GYI KHAMS KHYAB STE, SEMS CAN GANG DAG GIS DRI DE TSOR BA DE DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES SO, ,PADMA DE DAG KYANG SNGA DRO'I DUS KYI TSE NI ME TOG RGYAS LA, PHYE MA RED KYI DUS KYI TSE NA RNYIS PAR GYUR TE, DES NA SEMS CAN DE DAG 'DI SNYAM DU SEMS TE, PHYE MA RED KYI DUS LA BAB BO SNYAM MO, ,RIGS KYI BU DE LTAR NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE'I SANGS RGYAS KYI ZHING DE NA NYIN MTSAN RNAM PAR BZHAG PAR MNGON PA YOD DO, ,RIGS KYI BU, SANGS RGYAS KYI ZHING DE NA MI KHOM PA BRGYAD NI THA NA MING TZAM YANG MED DO, ,SDUG BSNGAL BA'I MING TZAM DANG, NYAN THOS DANG, RANG SANGS RGYAS RNAMS KYANG MING TZAM YANG MED DO, ,SANGS RGYAS KYI ZHING DE NI BYANG CHUB SEMS DPA' 'KHRIG PA'I CHOS DANG BRAL BA, DRI NGA BA MED PA 'BA' ZHIG GIS YONGS SU GANG BAR GYUR TO, ,'DUS PA RE RE LA'ANG BYANG CHUB SEMS DPA' KHRAG KHRIG PHRAG BCU GNYIS YOD DE, DE'I MJUG TU BCOM LDAN 'DAS DE'I BYANG CHUB SEMS DPA' DPAG TU MED GRANGS MED PAR 'DUS PAR GYUR TO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE'ANG CHOS GZHAN MI STON TE,

440a

, ,BYANG CHUB SEMS DPA'I SDE SNOD PHYIR MI LDOG PA'I 'KHOR LO 'BA' ZHIG STON PAR MDZAD DO, ,BYANG CHUB SEMS DPA'I SDE SNOD PHYIR MI LDOG PA'I 'KHOR LO'I CHOS KYI RNAM GRANGS GANG ZHE NA, 'DI LTA STE, CHOS GANG YANG DE BZHIN NYID LAS PHYIR MI LDOG PA DANG, CHOS GANG YANG CHOS KYI DBYINGS LAS PHYIR MI LDOG PA DANG, CHOS GANG YANG YANG DAG PA'I MTHA' LAS PHYIR MI LDOG PA DANG, 'DOD CHAGS 'DOD CHAGS KYI NGO BO NYID LAS PHYIR MI LDOG PA DANG, ZHE SDANG ZHE SDANG GI NGO BO NYID LAS PHYIR MI LDOG PA DANG, GTI MUG GTI MUG GI NGO BO NYID LAS PHYIR MI LDOG PA DANG, GZUGS GZUGS KYI NGO BO NYID LAS PHYIR MI LDOG PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RNAM PAR SHES PA'I NGO BO NYID LAS PHYIR MI LDOG PA DANG, MIG MIG GI NGO BO NYID LAS PHYIR MI LDOG PA DANG; RNA BA DANG, SNA DANG, LCE DANG, LUS DANG, YID YID KYI NGO BO NYID LAS PHYIR MI LDOG PA DANG, NGO BO NYID GANG YIN PA DE NI DNGOS PO MED LA, DNGOS PO MED PA GANG YIN PA DE NI GANG NAS KYANG PHYIR MI LDOG PA, GANG DU'ANG MI 'JUG PA'O, ,RIGS KYI BU, DE LTAR NA DE BZHIN GSHEGS PA DGRA BCOM PA YANG DAG PAR RDZOGS

440b

PA'I SANGS RGYAS GSER BZANG 'OD DE'I SANGS RGYAS KYI ZHING DE NA BYANG CHUB SEMS DPA' DE DAG LA BYANG CHUB SEMS DPA'I SDE SNOD PHYIR MI LDOG PA'I 'KHOR LO'I CHOS KYI RNAM GRANGS YANG DAG PAR STON TO, ,DE'I TSE CHOS KYI RGYAL PO CHOS DANG LDAN PA GLING BZHI PA'I DBANG PHYUG 'KHOR LOS BSGYUR BA'I RGYAL PO GSER MDOG BYA BA ZHIG BYUNG NGO, ,RIGS KYI BU, RGYAL PO GSER MDOG DES BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE BYANG CHUB SEMS DPA'I DGE 'DUN CHEN PO DANG BCAS PA LA LO BYE BA PHRAG BRGYAD CU RTZA BZHI'I BAR DU MCHOD PA DANG, BSNYEN BKUR THAMS CAD KYIS BSNYEN BKUR BYAS, BLA MAR BYAS, RI MOR BYAS, MCHOD PA BYAS SO, ,RIGS KYI BU, 'DI LTAR RGYAL PO CHEN PO BZHI DAG LHA'I DBANG PO BRGYA BYIN DANG, MI MED KYI BDAG PO TSANGS PA 'KHOR DANG BCAS PAS KYANG RGYAL PO GSER MDOG GI BSAM PA RIG GNAS, BCOM LDAN 'DAS DE BZHIN GSHEGS PA GSER BZANG 'OD DE LA BSNYEN BKUR BYA BAR SPRO BAR GYUR TO, ,RIGS KYI BU, RGYAL PO GSER MDOG GI 'KHOR GYI KHAMS DPAG TSAD BRGYAD BCU RTZA BZHI PO ZHIG BYAS TE, 'KHOR GYI KHYAMS DER DAR GYI LDA LDI NI BRES, ME TOG GIS NI BUS MO NUB PA TZAM DU KHYAB PAR BYAS, STENG

441a

, ,GI BAR SNANG LA NI MU TIG DMAR PO'I DRA BA BRES, SNYING PO'I SPOS KYI MCHOG GIS NI BDUGS TE, 'KHOR GYI KHYAMS DER DE BZHIN GSHEGS PA DE'I GDAN BYE BA 'BUM PHRAG DGU BCU RTZA DGU RI BA'I RAS BCOS BU BYE BA KHRAG KHRIG 'BUM PHRAG DU MA BTING BA KHRI'I RKANG PA RIN PO CHE DU MAS SPRAS PA ZHIG BSHAMS SO, ,BYANG CHUB SEMS DPA' RE RE'I STAN YANG BYE BA PHRAG 'BUM RI BA DAG BSHAMS SO, ,DE'I TSE DE BZHIN GSHEGS PA DE DPAG TSAD NYIS STONG NA BZHUGS TE, RIGS KYI BU, 'DI LTAR RGYAL PO GSER MDOG GIS GSHEGS SHUL DPAG TSAD NYIS STONG LEGS PAR BRGYAN NAS, 'DI LTA STE, LAM DE'I NGOS G-YAS G-YON DU STEGS BU RIN PO CHE SNA TSOGS KYIS SPRAS PA DAG BYAS SO, ,LAM DE'ANG PUS MO NUB PA TZAM DU ME TOG GIS KHEBS PAR BYAS SO, ,STENG GI BAR SNANG LA NI RIN PO CHE SNA TSOGS KYI DRA BA'I BLA BRE BRES SO; ,STEGS BU DE DAG LA'ANG RIN PO CHE'I SHING LJON PA 'PHANG DU MDA' RGYANG GANG TZAM YOD PA DAG BTZUGS SO, ,RIN PO CHE'I SHING LJON PA GCIG NAS RIN PO CHE'I SHING LJON PA GCIG TU RIN PO CHE'I THAG GU BRES SO, ,RIN PO CHE'I SHING LJON PA GNYIS GNYIS KYI BAR DU RDZING RIN PO CHE'I STEGS BUS BSKOR BA GSER GYI BYE

441b

MA BRDAL BA, BEE d'URYA'I THE MA SKAS KYI RIM PA DANG BCAS PA, ME TOG AUTPAL LA DANG, PADMA DANG, KU MU DA DANG, PADMA DKAR POS GANG BA, DUR PA SKAD 'BYIN PA DANG, LDAN PA DAG BYAS SO, ,DE BZHIN DU RIN PO CHE'I SHING LJON PA'I BAR THAMS CAD DU'ANG RDZING DAG BYAS TE BKOD PA DE KHO NA DANG 'DRI BAR BKOD DO, ,RIN PO CHE'I SHING LJON PA THAMS CAD KYI DRUNG DU ME TOG SIL MA THOGS PA'I MI LNGA BRGYA LNGA BRGYA BKOD DO, ,RIN PO CHE'I SPOS KYI SNOD THOGS PA'I MI LNGA BRGYA LNGA BRGYA BKOD DO, ,RNGA BO CHE DANG, RDZA RNGA DANG, MKHAR RNGA DANG, KIM PA LA DANG, PI WANG DANG, KHAR DKROL LA SOGS PA ROL MO'I CHA BYAD RNAM PA SNA TSOGS THOGS PA'I MI LNGA BRGYA LNGA BRGYA BKOD DO, ,GDUGS DANG, RGYAL MTSAN DANG, BA DAN THOGS PA'I MI LNGA BRGYA LNGA BRGYA BKOD DO, ,DE LTAR RIN PO CHE'I SHING LJON PA RE RE'I DRUNG THAMS CAD DU MI BRGYA PHRAG DE SNYED DE SNYED BKOD NAS, GANG GI TSE BCOM LDAN 'DAS DE BZHIN GSHEGS PA GSER BZANG 'OD PHAN TSUN DU GSHEGS PA DE'I TSE KHYOD KYIS ME TOG SIL MA 'DI DAG GIS GTOR CIG ,TZANDAN GYI PHYE MA 'DI DAG GIS GTOR CIG ,POG PHOR 'DI DAG GIS BDUGS PAR GYIS SHIG ,SIL SNYAN 'DI DAG KYANG DKROL CIG ,GDUGS DANG, RGYAL MTSAN DANG, BA DAN 'DI

442a

, ,DAG KYANG SGRENGS SHIG CES BSGO'O, ,RIN PO CHE'I SHING LJON PA THAMS CAD KYI DRUNG DU RIN PO CHE'I ME TOG GI SNOD THOGS PA'I MI LNGA BRGYA LNGA BRGYA'ANG BKOD DO, ,LHAG MA RNAMS KYANG DE BZHIN DU SBYAR TE, GANG GI TSE DE BZHIN GSHEGS PA DE LAM 'DI NAS PHAN TSUN DU GSHEGS PA DE'I TSE KHYOD KYIS RIN PO CHE'I ME TOG 'DI DAG GIS GTOR CIG CES BSGO'O, ,RIGS KYI BU, 'DI LTAR BCOM LDAN 'DAS DE BZHIN GSHEGS PA GSER BZANG 'OD DE GTZUG LAG KHANG DE NAS BYUNG MA THAG TU 'KHOR GYI KHYAMS SU GSHEGS TE DE'I BAR DU GTZUG LAG KHANG NAS BYANG CHUB SEMS DPA' RNAMS LA SNANG BA BYUNG NGO, ,RIGS KYI BU, 'DI LTAR LAM DPAG TSAD NYIS STONG PO DE DAG BYANG CHUB SEMS DPA' SEMS DPA' CHEN POS GANG STE, BYANG CHUB SEMS DPA' SEMS DPA' CHEN PO RE RE PHAN TSUN DU 'DOM RE RE TZAM NA 'GRENG NGO; ;RIGS KYI BU, 'DI LTAR DE BZHIN GSHEGS PA DE PHAN TSUN DU GSHEGS PA NA, 'DI LTA STE, SANGS RGYAS KYI MTHUS BYANG CHUB SEMS DPA' RE RE'I MGO BO'I DRANG THAD KYI STENG NA DNGUL GYI GDUGS DKAR PO GSER GYI YU BA CAN, MU TIG DMAR PO'I DRA BAS G-YOGS PA, GSER GYI DRIL BU G-YAR KA'I DRA BAS BSKOR BA, MA BZUNG BAR

442b

NAM MKHA' LA PHAN TSUN DU 'GRO'O, ,BYANG CHUB SEMS DPA' THAMS CAD KYANG DE DANG 'DRA'O, ,RIN PO CHE'I GDUGS DE DAG LA DRIL BU G-YER KA'I DRA BA BTAGS PA GANG YIN PA DE DAG RLUNG GI BSKYOD PA LAS SGRA SNYAN CING YID DU 'ONG BA 'BYUNG STE, RIN PO CHE'I GDUGS DE DAG RLUNG GIS BSKYOD PA LAS SGRA JI LTA BU 'BYUNG BA DE 'DRA BA NI SIL SNYAN YAN LAG 'BUM DANG LDAN PA LAS KYANG MI 'BYUNG NGO, ,RIN PO CHE'I GDUGS DANG, DRIL BU G-YER KA DE DAG DANG, RIN PO CHE'I SHING LJON PA'I LO MA DE DAG DANG, RIN PO CHE'I THAG GU DE DAG DANG, RIN PO CHE'I STEGS BU DE DAG DANG, SIL SNYAN DANG, GLU DBYANGS DE DAG LAS KYANG SANGS RGYAS KYI MTHUS CHOS KYI SGO RNAM PA SNA TSOGS KYI SGRA 'BYUNG STE, DE NA SEMS CAN GANG DAG SBYIN PA LA MOS PA DE DAG GIS NI SBYIN PA'I SGRA THOS SO, ,GANG DAG TSUL KHRIMS LA MOS PA DE DAG GIS NI TSUL KHRIMS KYI SGRA THOS SO, ,DE BZHIN DU GANG DAG BZOD PA DANG, BRTZON 'GRUS DANG, BSAM GTAN LA MOS PA DANG, GANG DAG SHES RAB LA MOS PA DE DAG GIS NI SHES RAB KYI SGRA THOS SO, ,DE BZHIN DU STONG PA NYID DANG, MTSAN MA MED PA DANG, SMON PA MED PA DANG, SKYE BA MED PA DANG, 'GAG PA MED PA'I SGA DANG, DE BZHIN DU DBANG PO DANG, STOBS DANG, BYANG

443a

, ,CHUB KYI YAN LAG DANG, LAM GYI SGRA DANG, DE BZHIN DU MNGON PAR SHES PA DANG, STOBS DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA DE DAG GI SGRA 'BYUNG STE, SEMS CAN RNAMS JI LTA BUR MOS PA DE LTA BU'I SGRA 'BYUNG ZHING THOS SO, ,CHOS KYI SGRA DE THOS NAS KYANG SEMS CAN DPAG TU MED GRANGS MED PA DAG BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO, ,RIGS KYI BU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE LAM DE NAS PHAN TSUN DU GSHEGS PA NA, DBU'I DRANG THAD KYI STENG GI BAR SNANG LA RIN PO CHE 'BUM PHRAG DU MAS SPRAS PA'I LHA'I RIN PO CHE'I GDUGS MA BZUNG BAR 'PHAGS TE PHAN TSUN DU 'GRO'O, ,RIN PO CHE'I GDUGS DE DANG, DRIL BU G-YER KA DE DAG RLUNG GIS BSKYOD PA LAS KYANG SGRA SNYAN CING YID DU 'ONG BA 'BYUNG STE, DE BZHIN GSHEGS PA'I PHYAG RGYA ZHES BYA BA'I CHOS BSTAN PA BYUNG NGO, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM LDAN 'DAS, DE BZHIN GSHEGS PA GSER BZANG 'OD DE'I RIN

443b

PO CHE'I GDUGS DE LAS BYUNG BA DE BZHIN GSHEGS PA'I PHYAG RGYA ZHES BGYI BA'I CHOS BSTAN PA GANG LAGS PA DE, BCOM LDAN 'DAS, DE BZHIN GSHEGS PAS LEGS PAR BKA' STZAL DU GSOL, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE'I PHYIR LEGS PAR RAB TU NYON LA YID LA ZUNGS SHIG DANG, DE BZHIN GSHEGS PA'I PHYAG RGYA'I BRTZAMS PA TZAM NGAS BSHAD PAR BYA'O,, RIGS KYI BU, CHOS THAMS CAD NI STONG PA NYID KYI PHYAG RGYA DANG, MTSAN MA MED PA'I PHYAG RGYA DANG, SMON PA MED PA'I PHYAG RGYA DANG, SKYE BA MED PA DANG, 'GAG PA MED PA DANG; GNAS PA MED PA'I PHYAG RGYA DANG, DNGOS PO MED PA'I PHYAG RGYA DANG, CHOS KYI DBYINGS KYI PHYAG RGYA DANG, DE BZHIN NYID KYI PHYAG RGYA DANG, YANG DAG PA'I MTHA'I PHYAG RGYA DANG, JI LTA BA BZHIN GYI PHYAG RGYA DANG, 'DOD CHAGS DANG BRAL BA'I PHYAG RGYA DANG, DBEN PA'I PHYAG RGYA DANG, RNAM PAR GROL BA'I PHYAG RGYA DANG, MTSAN NYID MED PA'I PHYAG RGYA DANG, BYED PA MED PA DANG, 'GRO BA MED PA'I PHYAG RGYA DANG, GZUNG DU MED PA DANG, GNAS MED PA'I PHYAG RGYAS BTAB PA'O, ,RIGS KYI BU, CHOS THAMS CAD NI NAM MKHA'I

444a

, ,PHYAG RGYAS BTAB PA'O, ,RIGS KYI BU, DPER NA, NAM MKHA' LA NI PHYAG RGYA BRKO BAR SLA BA'ANG MA YIN LA PHYAG RGYAR YANG 'DUG PA DANG, PHYAG RGYA'I 'BUR YANG GDAB TU MED DO, ,DE CI'I PHYIR ZHE NA, GNAS KYANG MED, RKYEN KYANG MED, RGYU'ANG MED, BSKYED PA'ANG MED, RTEN YANG MED PA'I PHYIR RO, ,RIGS KYI BU, DE BZHIN DU BYANG CHUB SEMS DPA' SEMS DPA' CHEN PO GANG CHOS THAMS CAD NAM MKHA' DANG 'DRA BA DANG, NAM MKHA'I RNAM PA CAN DANG, NAM MKHA'I NGO BO NYID DANG, NAM MKHA'I STON PAR YANG DAG PAR SHES PA DANG, NAM MKHA' LA NI CHOS THAMS CAD GDAGS SU MED PAR GNAS TE GDAGS PA TZAM DU ZAD DO, ,JI LTAR NAM MKHA'I CHOS THAMS CAD GDAGS SU MED PAR GNAS TE GDAGS PA TZAM DU ZAD PA DE BZHIN DU CHOS THAMS CAD LA'ANG GDAGS SU MED PAR GNAS TE, GDAGS PA TZAM DU ZAD PAR YANG DAG PAR SHES PA DANG, GANG CHOS RNAMS GDAGS PA TZAM DU SHES PA DE NI DE BZHIN NYID DANG 'GAL PAR MI BYED PA'O, ,GANG DE BZHIN NYID DANG 'GAL BAR MI BYED PA DE NI DE BZHIN GSHEGS PA'I PHYAG RGYA ZHES PA'O, ,'DI NI DE BZHIN GSHEGS PA'I PHYAG RGYA STE, DES NA DE BZHIN NYID LA RMONGS PAR MI 'GYUR RO, ,BSTAN PA 'DI BSHAD

444b

PA NA BYANG CHUB SEMS DPA' LNGA BRGYAS MI SKYE BA'I CHOS RNAMS LA BZOD PA THOB PAR GYUR TO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR BRTZE BA LA BKA' STZAL PA, RIGS KYI BU, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE BYANG CHUB SEMS DPA'I DGE 'DUN DANG BCAS PAR 'KHOR GYI KHYAMS DER GSHEGS TE, DER BYON PA NA LHA 'BUM DAG MCHOD PA'I LAS BYA BA LA SPRO BAR GYUR TO, ,ME TOG AUTPA LA DANG, PADMA DANG, KU MU DA DANG, PADMA DKAR PO RNAMS 'THOR BAR BYED DO, ,LHA'I ME TOG MANDA RA BA'I CHAR YANG 'BEBS SO, ,SIL SNYAN BYE BA PHRAG 'BUM DAG KYANG DKROL BAR BYED DO, ,RIGS KYI BU; 'DI LTAR DE BZHIN GSHEGS PA GSER BZANG 'OD DE 'KHOR GYI KHYAMS DER BZHUGS PA NA RGYAL PO CHEN PO BZHI DANG, LHA'I DBANG PO BRGYA BYIN DANG, MI MJED KYI BDAG PO TSANGS PA MCHOD PA'I LAS BYA BA DANG, BSNYEN BKUR BYA BA DANG, BLA MAR BYA BA'I PHYIR NYE BAR GNAS PAR GYUR TO, ,MCHOD PA JI LTA BU DAG GI PHYIR SPRO BAR GYUR CE NA, 'DI LTA STE; DE BZHIN GSHEGS PA DE BYANG CHUB SEMS DPA'I DGE 'DUN DANG BCAS PAR BZHUGS PA LA, BYANG CHUB SEMS DPA' RE RE'I RGYAB NA GLANG PO CHE DKAR PO RGYAN

445a

, ,THAMS CAD KYIS BRGYAN PA NYE BAR GNAS LA, GLANG PO CHE'I RGYAL PO DE'I SNA LA'ANG 'DI LTA STE, RLUNG DANG, NYI MA BSKYAB PA'I PHYIR RIN PO CHE'I GDUGS GSAL ZHING BLTA NA SDUG PA THOGS PA DANG, GLANG PO CHE'I RGYAL PO THAMS CAD KYI SNA LA'ANG MU TIG SNGON PO GSAL BA'I MU TIG GI DO SHAL 'PHYANG BA DANG, MU TIG GI DO SHAL DE LAS KYANG CHU BSIL ZHING BEE d'URYA SNGON PO 'DRA LA YAN LAG BRGYAD DANG LDAN PA 'BAB STE, CHU DES CHU'I BYA BA BYED PA'O, ,BYANG CHUB SEMS DPA' DAG 'KHOD MA THAG TU, 'DI LTA STE, LHA'I MTHUS LAG PA G-YAS PA LA RIN PO CHE'I LHUNG BZED BYUNG BAR GYUR TO, ,LHA RNAMS KYANG BYANG CHUB SEMS DPA' DE DAG GI LHUNG BZED 'DZIN PAR BYED DO, ,DE BZHIN GSHEGS PA GSER BZANG 'OD DE LA NI TSANGS PA NYID RIN PO CHE'I GDUGS THOGS TE SNAM LOGS NA 'DUG GO ,RIN PO CHE'I GDUGS DE LAS KYANG MU TIG GI DO SHAL DAG 'PHYANG NGO, ,MU TIG GI DO SHAL DE DAG LAS KYANG CHU BSIL ZHING BEE d'URYA SNGON PO 'DRA LA YAN LAG BRGYAD DANG LDAN PA 'BAB STE, CHU DES DE BZHIN GSHEGS PA DE'I CHU'I BYA BA MDZAD DO, ,LHA'I DBANG PO BRGYA BYIN NI BCOM LDAN 'DAS DE'I LHUNG BZED 'DZIN TO, ,RIGS KYI BU, 'DI LTAR DE BZHIN GSHEGS PA DE

445b

BYANG CHUB SEMS DPA'I 'KHOR DANG BCAS PAR BZHUGS MA THAG TU BYANG CHUB SEMS DPA' DE DAG LA LHA MO RE RE'I MDUN NA 'DUG STE, LHA'I SPOS DRI ZHIM PO SNA DU MA MCHIG LA 'THAG PAR BYED DO, ,SPOS DE 'THAG PA NA'ANG RDZI PHYOGS DANG, RDZI PHYOGS MA YIN PAR SER BU LDANG STE, SER BU DES BYANG CHUB SEMS DPA' DE DAG GI LUS LA SPOS KYIS PHOG PAR BYED DO; ;SKYES BU DAM PA DE DAG NI DRING BA MED PA STE, DE DAG NI LHA MO'I 'DU SHES KYANG 'JUG PAR MI BYED LA DE DAG NI SPOS KYI MTSAN MA'ANG MI SKYED NA CHAGS PAR LTA GA LA 'GYUR TE DE NI GNAS MED DO, ,RIGS KYI BU, 'DI LTAR RGYAL PO GSER MDOG DES DE BZHIN GSHEGS PA GSER BZANG 'OD BZHUGS PAR RIG NAS BU STONG DANG, BUD MED BRGYAD KHRI BZHI STONG DANG, RGYAL PO BRGYAD KHRI BZHI STONG DANG, KHYIM BDAG BRGYAD KHRI BZHI STONG DANG, TSONG DPON BRGYAD KHRI BZHI STONG DANG, BLON PO BRGYAD KHRI BZHI STONG DANG, BU MO BRGYAD KHRI BZHI STONG DANG, GZHAN YANG, SKYE BO'I TSOGS MANG PO DAG DANG LHAN CIG TU RANG GI LAG NAS BCA' BA DANG, BZA' BA BSOD PA MANG PO MCHOG TU GTZANG BAS TSIM PAR BYAS TE CI BZHED PA BSTABS SO, ,TSIM PAR BYAS SHING CI BZHED PA BSTABS TE BSHOS GSOL NAS GTZANG SDER GYU STE PHYAG BCABS PAR RIG NAS, DE BZHIN GSHEGS PA LA BYE BA 'BUM

446a

, ,PHRAG DGU BCU RTZA DGU RI BA'I RAS BCOS BU PHRUGS GCIG PHUL LO, ,BYANG CHUB SEMS DPA' RE RE LA'ANG BYE BA PHRAG 'BUM RI BA'I RAS BCOS BU PHRUGS RE RE PHUL LO, ,PHUL NAS KYANG SKYE BO'I TSOGS CHEN PO DE DAG DANG, YUL MI GTZO BO RNAMS DANG LHAN CIG TU THAL MO SBYAR NAS, 'DI LTA STE, CHOS MNYAN PA LA GUS PA'I PHYIR DE BZHIN GSHEGS PA'I SPYAN SNGAR 'KHOD DO, ,RIGS KYI BU, 'DI LTAR DE BZHIN GSHEGS PA GSER BZANG 'OD DES SKYE BO'I TSOGS CHEN PO GUS PAR 'KHOD PA DANG, BYANG CHUB SEMS DPA' RNAMS CHOS 'DOD PAR THUGS SU CHUD NAS SGO SO SO BA ZHES BYA BA'I CHOS KYI RNAM GRANGS BSTAN TO, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM LDAN 'DAS, GANG BCOM LDAN 'DAS DE BZHIN GSHEGS PA GSER BZANG 'OD DES BSTAN PA'I BYANG CHUB SEMS DPA' RNAMS KYI SGO SO SO BA ZHES BGYI BA'I CHOS KYI RNAM GRANGS DE GANG LAGS, BCOM LDAN 'DAS KYIS CHOS KYI RNAM GRANGS DE LEGS PAR BKA' STZAL DU GSOL, DE LTAR BGYIS NA BYANG CHUB SEMS DPA'I THEG PA PA'I RIGS KYI BU'AM, RIGS KYI BU MO RNAMS KYANG

446b

SGO SO SO BA'I CHOS KYI RNAM GRANGS DE LA SLOB PAR 'GYUR LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE'I PHYIR LEGS PAR RAB TU NYON LA YID LA ZUNGS SHIG DANG, SGO SO SO BA'I CHOS KYI RNAM GRANGS DE LAS BRTZAMS PA TZAM ZHIG BSHAD PAR BYED DO, ,RIGS KYI BU, BYANG CHUB SEMS DPA' RNAMS KYI SGO SO SO BA NI GZHAN MA YIN GYI PHA ROL TU PHYIN PA DRUG KHO NAR ZAD DE, 'DI LTA STE, SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA STE, RIGS KYI BU, BYANG CHUB SEMS DPA' RNAMS KYI SGO SO SO BA NI DE YIN NO, ,DE CI'I PHYIR ZHE NA, DE NYID LA SNGON GYI DE BZHIN GSHEGS PA RNAMS KYIS KYANG BSLABS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE CHOS KYI 'KHOR LO'ANG BSKOR, SEMS CAN RNAMS KYANG YONGS SU SMIN PAR MDZAD NAS YONGS SU MYA NGAN LAS 'DAS LA, MA 'ONGS PA'I DE BZHIN GSHEGS PA RNAMS KYANG SGO SO SO BA 'DI NYID LA BSLABS

447a

, ,NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR ZHING, DA LTAR BYUNG BA'I DUS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG DAG 'JIG RTEN GYI KHAMS DPAG TU MED GRANGS MED PA DAG NA BZHUGS SHING 'TSOL GZHES PA'I DE BZHIN GSHEGS PA DE DAG KYANG SGO SO SO BA'I CHOS KYI RNAM GRANGS 'DI NYID LA BSLABS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE CHOS KYI 'KHOR LO BSKOR BAR MDZAD PA'I PHYIR RO, ,RIGS KYI BU, GANG BYANG CHUB SEMS DPA'I SGO SO SO BA YANG DAG PAR SMRA BAS SMRA BA NI PHA ROL TU PHYIN PA DRUG PO 'DI DAG NYID YANG DAG PAR SMRA BAS SMRA'O, ,DE LA SGO SO SO PA DE'I BYE BRAG NI GANG YIN, NYES PA NI GANG YIN, RNAM PAR GNON PA NI GANG YIN, NGES PAR 'BYUNG BA NI GANG YIN ZHE NA, SER SNA'I SEMS NI BYANG CHUB SEMS DPA'I NYES PA'O, ,KUN TU 'DZIN PA'I SEMS NI BYANG CHUB SEMS DPA'I NYES PA'O, ,YONGS SU 'DZIN PA'I SEMS NI BYANG CHUB SEMS DPA'I NYES PA'O, ,NOR KUN TU BSRUNG LA BGO BSHA' MI BYED PA NI BYANG CHUB SEMS DPA'I NYES PA'O, ,DE LA BYANG CHUB SEMS DPA' GANG

447b

SER SNA'I SEMS RNAM PAR GNON CING BCOM NAS SBYIN PA YID LA BYED PA BSKYED PA DE NI DE'I RNAM PAR GNON PA YIN NO, ,DE LONGS SPYOD JI LTAR CHUNG YANG RUNG, LONGS SPYOD RGYA CHEN PO DAG YOD KYANG RUNG STE, DGE SBYONG DANG, BRAM ZE DANG, SLONG BA RNAMS LA BGO BSHA' BYED LA DE DGA' BA'I SEMS DANG, KUN TU 'DZIN PA MED PA'I SEMS DANG, MGU BA'I SEMS DANG, RNAM PAR SMIN PA LA RE BA MED PAR SEMS CAN THAMS CAD LA SNYING RJE BAS PHAN PA'I DNGOS PO SNGON DU BTANG BA'I SEMS BSKYED PAS LAG PA BRKYANG STE; SBYIN PA BYIN PAR BYED PA'I BYANG CHUB SEMS DPA' DE NI SGO SO SO BA LA SLOB PA YIN TE, 'DI NI BYANG CHUB SEMS DPA'I NGES PAR 'BYUNG BA'O, ,RIGS KYI BU, 'CHAL PA'I TSUL KHRIMS NI BYANG CHUB SEMS DPA'I NYES PA'O, ,NYAMS PA'I TSUL KHRIMS DANG, 'DRES PA'I TSUL KHRIMS DANG, ZHIG PA'I TSUL KHRIMS DANG, RAL PA'I TSUL KHRIMS DANG, NAG NOG GI TSUL KHRIMS NI BYANG CHUB SEMS DPA'I NYES PA'O, ,BYANG CHUB SEMS DPA'I 'CHAL PA'I TSUL KHRIMS DANG, NYAMS PA'I TSUL KHRIMS DANG, 'DRES PA'I TSUL KHRIMS DANG, ZHIG PA'I TSUL KHRIMS DANG, RAL PA'I TSUL KHRIMS DANG, NAG NOG GI TSUL KHRIMS GANG ZHE NA, BYANG CHUB SEMS DPA' GANG NYAN THOS KYI

448a

, ,SEMS SAM, RANG SANGS RGYAS KYI SEMS SAM, DMIGS PA CAN GYI SEMS BSKYED PA DANG, NYAN THOS KYI THEG PA'AM, RANG SANGS RGYAS KYI THEG PA'AM, DMIGS PA'I LTA BA 'DOD PA DANG, NYAN THOS KYI GTAM MAM, RANG SANGS RGYAS KYI GTAM MAM, DMIGS PA CAN GYI GTAM LA DGA' BAR 'DZIN PA 'DI NI BYANG CHUB SEMS DPA'I TSUL KHRIMS 'CHAL PA DANG, TSUL KHRIMS NYAMS PA DANG, TSUL KHRIMS 'DRES PA DANG, TSUL KHRIMS ZHIG PA DANG, TSUL KHRIMS RAL BA DANG, TSUL KHRIMS NAG NOG CAN ZHES BYA'O, ,BYANG CHUB SEMS DPA'I SGO SO SO BA LA MI SPYOD PA DANG, MI SLOB PA NI TSUL KHRIMS 'CHAL PA'I RAB YIN NO, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZEBS 'DI SKAD CES GSOL TO, ,BCOM LDAN 'DAS, CI'I SLAD DU BYANG CHUB SEMS DPA' SEMS DPA' CHEN POS DE BZHIN GSHEGS PA'I BSLAB PA GZHAN LAS 'GAL BA BGYIN NI TSUL KHRIMS 'CHAL PAR MI 'GYUR LA, GANG GI TSE NA NYAN THOS KYI SEMS SAM, RANG SANGS RGYAS KYI SEMS SAM; DMIGS PA CAN GYI SEMS BSKYED PA DE'I TSE NI TSUL KHRIMS 'CHAL PA'I RAB TU 'GYUR LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS

448b

DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, BYANG CHUB SEMS DPAS DE BZHIN GSHEGS PA'I BSLAB PA GZHAN LAS 'GAL BAR BYAS SAM, NGAS LTUNG BAR 'GYUR BA'I CHOS BZHI GANG DAG GSUNGS PA DE DAG GI NYES PA BYAS SAM, MI DGE BA BCU'I LAS KYI LAM YANG DAG PAR BLANGS TE 'DUG GAM, MTSAMS MED PA LNGA BYAS SU ZIN KYANG, BYANG CHUB SEMS DPA' DE BYANG CHUB KYI SEMS KYANG MA BTANG MA SPANGS TE, BYANG CHUB KYI SEMS DANG MA BRAL LA, DMIGS PA CAN GYI SEMS DANG, MNGON PAR ZHEN PA'I SEMS KYANG MI SKYED NA BYANG CHUB SEMS DPA' DE NI TSUL KHRIMS DANG LDAN PA KHO NA YIN PA DANG, TSUL KHRIMS MA NYAMS PA DANG, TSUL KHRIMS MA 'DRES PA DANG, TSUL KHRIMS MA ZHIG PA DANG, TSUL KHRIMS MA RAL BA DANG, TSUL KHRIMS NAG NOG CAN MA YIN PAR GZUNG BAR BYA STE, BYANG CHUB SEMS DPA'I SGO SO SO BA LA SPYOD PA DANG, SLOB PA'ANG YIN NO, ,DE CI'I PHYIR ZHE NA; DE DAG NI BYANG CHUB SEMS DPA'I BYANG CHUB LA BAR DU GCOD PAR BYED PA MA YIN PA'I PHYIR RO, ,BYANG CHUB SEMS DPA' SDIG PA'I LAS BYAS PAS SRID PAR 'GRO BA BSKYED DU ZIN KYANG 'ON KYANG BYANG CHUB SEMS DPA' NI JI TZAM DU SRID PAR 'GRO BA BSKYED PA DE TZAM DU PHA ROL TU PHYIN PA DRUG YONGS SU RDZOGS PAR 'GYUR RO, ,BYANG CHUB SEMS DPA' DE BZHIN

449a

, ,GSHEGS PA'I BSLAB PA JI LTAR BCAS PA LA BSLABS SU ZIN KYANG DE NYAN THOS KYI SEMS SAM, RANG SANGS RGYAS KYI SEMS SAM, DMIGS PAR LTA BA DANG LHAN CIG BSTEN PAR BYED NA BYANG CHUB SEMS DPA' BYANG CHUB SEMS DPA'I TSUL KHRIMS LAS NYAMS PAR 'GYUR RO, ,RIGS KYI BU, DE LTA BAS NA BYANG CHUB SEMS DPA' GANG BYANG CHUB KYI SEMS MI GTONG LA, DMIGS PAR LTA BA'I SEMS KYANG MI BSKYED PA'I BYANG CHUB SEMS DPA' DE NI BYANG CHUB SEMS DPA'I SGO SO SO BA LA SPYOD PA DANG, SLOB PA YIN NO, ,RIGS KYI BU, GZHAN YANG, GNOD SEMS KYI THA BA'I NYES PA'I SEMS NI BYANG CHUB SEMS DPA'I NYES PA'O, ,SEMS CAN RNAMS LA MI SNYOMS PA'I YID LA BYED PA NI BYANG CHUB SEMS DPA'I NYES PA'O, ,SEMS CAN RNAMS DANG, CHOS RNAMS LA THA DAD PAR 'DU SHES PA NI BYANG CHUB SEMS DPA'I NYES PA'O, ,SEMS CAN LA DMIGS PA LA BRTEN PA'I BYAMS PA PHYOGS GCIG PA NI BYANG CHUB SEMS DPA'I NYES PA'O, ,STONG PA NYID LA MI BZOD PA NI BYANG CHUB SEMS DPA'I NYES PA'O, ,'DI LA NI SBYIN NO, ,'DI LA NI MI SBYIN NO SNYAM PA DE NI BYANG CHUB SEMS DPA'I NYES PA'O, ,'DI LA NI YON DBUL LO, ,'DI LA NI MI DBUL LO SNYAM PA DE NI BYANG CHUB SEMS DPA'I NYES PA'O, ,'DI LA NI CHOS BSHAD PAR BYA'O, ,

449b

'DI LA NI CHOS BSHAD PAR MI BYA'O SNYAM PA DE NI BYANG CHUB SEMS DPA'I NYES PA'O, ,'DI LA NI BSNYEN BKUR BYA'O, ,'DI LA NI BSNYEN BKUR MI BYA'O SNYAM PA DE NI BYANG CHUB SEMS DPA'I NYES PA'O, ,BYANG CHUB SEMS DPA' JI TZAM DU SO SOR 'GYED PAR BYED DE, 'DI NI TSUL KHRIMS DANG LDAN PA'O, ,'DI NI TSUL KHRIMS 'CHAL PA'O SNYAM DU SO SOR PHYE NAS TSUL KHRIMS 'CHAL PA LA BRNYAS PAR BYED PA DE NI BYANG CHUB SEMS DPA'I NYES PA'O, ,DE CI'I PHYIR ZHE NA, BYANG CHUB SEMS DPA' NI SEMS CAN THAMS CAD LA SEMS MNYAM PA DANG, CHOS THAMS CAD LA SEMS MNYAM PAR BYA DGOS SHING, NYI MA DANG, ZLA BA'I DKYIL 'KHOR 'DRA BA DANG, SA DANG, CHU DANG, ME DANG, RLUNG DANG, NAM MKHA' LTA BUR SNYOMS PA'I SEMS DANG, STONG PA NYID LA BZOD PA DANG, LDAN PAR BYA DGOS PA'I PHYIR RO, ,BYANG CHUB SEMS DPA' GANG SEMS CAN GANG YANG YONGS SU MI GTONG LA, MI GNAS PA'I SEMS DANG, TSAD NGES PAR MI BYED PAS SEMS CAN THAMS CAD KYI PHYIR SNYING RJE BSKYED CING BYAMS PAS MOS PAR BYAS TE, KHYAB PAR BYAS NAS BSGRUBS TE GNAS LA, CHOS RNAMS LA'ANG STONG NGO SNYAM DU BZOD PA'I BYANG CHUB SEMS DPA' DE NI BYANG CHUB SEMS DPA'I SGO SO SO BA LA SPYOD PA DANG, SLOB PA YIN NO, ,GZHAN YANG, BYANG CHUB SEMS DPA' GANG 'KHOR BA LA TSAD NGES PAR BYED PA DE NI BYANG CHUB SEMS DPA'I NYES PA STE, BSKAL PA

450a

, ,'DI TZAM GYI BAR DU NI BDAG 'KHOR BAR BYA'O, ,BSKAL PA 'DI TZAM GYI BAR DU NI 'KHOR BAR MI BYA'O SNYAM PA DE NI BYANG CHUB SEMS DPA'I NYES PA'O, ,SEMS CAN 'DI SNYED CIG NI BDAG GIS DGROL BAR BYA'O, ,SEMS CAN 'DI NYID CIG NI BDAG GIS DGROL BAR MI BYA'O SNYAM PA DE NI BYANG CHUB SEMS DPA'I NYES PA'O, ,'DI NI BRTZON 'GRUS SO; ;BDAG NI BRTZON 'GRUS CAN NO, ,BLA NA MED PA YANG DAG PAR RDZOGS PA'I BYANG CHUB 'DI MNGON PAR RDZOGS PAR 'TSANG RGYA BAR BYA'O SNYAM PA DE NI BYANG CHUB SEMS DPA'I NYES PA'O; ;DE LA BYANG CHUB SEMS DPA'I RNAM PAR GNON PA GANG ZHE NA, RIGS KYI BU, 'DI LA BYANG CHUB SEMS DPAS 'DI LTAR GO CHA BGO BAR BYA STE, 'KHOR BA'I SNGON GYI MTHA' MI MNGON NO ZHES JI SKAD DU 'BYUNG BA DE SRID DU BDAG 'KHOR BA NA 'KHOR 'KHOR TE, GAL TE BDAG SEMS CAN RE RE'I PHYIR YANG BSKAL PA DE KHO NA SNYED DU 'KHOR BA NA 'KHOR BAR BYA DGOS PAR GYUR NA'ANG BDAG GIS SPRO BAR BYA'O, ,RNAM GRANGS 'DI BZHIN DU SEMS CAN THAMS CAD KYI DON GYI PHYIR PHYI MA'I MTHA'I MUR THUG PA DE JI SRID PA DE SRID DU 'KHOR BA NA 'KHOR DGOS NA'ANG BDAG GIS SPRO STE, DE'ANG BRTZON 'GRUS DANG, NGA RGYAL DANG, BYANG CHUB LA MNGON PAR ZHEN PA SPANGS LA MI DMIGS PA'I BRTZON 'GRUS KYI GO CHAS SPRO BAR BYA'O SNYAM STE, DE

450b

LTAR BYANG CHUB SEMS DPA' GO CHA BGOS PA DE NI BYANG CHUB SEMS DPA'I SGO SO SO BA LA SPYOD PA DANG, SLOB PA YIN NO, ,RIGS KYI BU, GZHAN YANG, BYANG CHUB SEMS DPA' GANG GRONG DANG, GRONG KHYER DANG, GROS RDAL DANG, YUL 'KHOR DANG, RGYAL PO'I PHO BRANG DAG TU SONG NA SEMS CAN RNAMS KYI DON NUS SHING LCOGS LA, 'OS YIN BZHIN DU DE DGON PA'I PHYOGS DBEN PA ZHIG TU 'DUG NAS DBEN PA NA SPYOD CING BSAM GTAN GYI RO'I DGA' BA DANG, BDE BA LA BRTEN CING GNAS PA DE NI BYANG CHUB SEMS DPA'I NYES PA'O, ,BYANG CHUB SEMS DPA' GANG SBYIN PA'ANG BYIN PAR BYED LA SKYO BA'ANG MED, SEMS KYI DMIGS PA LA'ANG MI BRTEN, NANG DU YANG DAG 'JOG KYANG 'PHEL BAR BYED, BSAM GTAN GYI RO MYONG BA'ANG MED, MI GNAS PA'I BSAM GTAN PA'ANG YIN NA BYANG CHUB SEMS DPA' DE NI BYANG CHUB SEMS DPA'I SGO SO SO BA LA SPYOD PA DANG, SLOB PA YIN NO, ,RIGS KYI BU, GZHAN YANG, BYANG CHUB SEMS DPA' GANG SHES RAB KYI PHA ROL TU PHYIN PA LA SPYOD PA NA CHOS THAMS CAD RANG BZHIN GYIS STONG PAR SHES NAS 'DI LA BDAG GAM, SEMS CAN NAM, SROG GAM, GANG ZAG GANG YANG MED DO SNYAM DU DE LTAR SHES NAS BDAG NYID DUL BAR BYA BA DANG, ZHI GNAS LA RNAL 'BYOR DU BRTZON PAR GNAS LA, SEMS CAN GZHAN PHYIN CI LOG TU DMIGS PA'I 'DZIN 'KHRIS ZIN PA DE DAG LA STONG PA NYID

451a

, ,BDAG MED PA'I TSUL DE MI BRJOD MI STON, BRDA SPROD PAR MI BYED PA DE NI BYANG CHUB SEMS DPA' DE'I THABS LA MI MKHAS PA YIN PAR RIG PAR BYA STE, NYES PAR BYED PA'ANG MA YIN NO, ,BYANG CHUB SEMS DPA' GANG SHES RAB KYI PHA ROL TU PHYIN PA LA SPYOD PA NA CHOS THAMS CAD NGO BO NYID MED PAR SHES SHING CHOS THAMS CAD NGO BO NYID KYIS STONG PAR SHES NAS 'DI LA BDAG GAM, SEMS CAN NAM, SROG GAM, GANG ZAG GANG YANG MED DO SNYAM STE 'DI DE LTAR NGO BO NYID KYIS STONG PA'I CHOS 'DI DAG LUS KYIS MNGON SUM DU BYAS TE THAMS CAD LA MI DMIGS PA'I SEMS DANG LDAN LA SEMS CAN PHYIN CI LOG TU SEMS SHING DMIGS PA CAN GANG YIN PA DE DAG KYANG PHYIN CI LOG GIS ZIN CING DMIGS PA'I SEMS SU GYUR PA DE LAS RAB TU GROL BAR BYAS NAS, DE DAG LA'ANG CHOS THAMS CAD NGO BO NYID MED DO ZHES STON CING DE DAG KYANG CHOS THAMS CAD RANG BZHIN GYIS STONG NGO ZHES BYA BA LA 'DZUD PAR BYED PA'I BYANG CHUB SEMS DPA' DE NI THABS LA MKHAS PA YIN PAR RIG PAR BYA STE, BYANG CHUB SEMS DPA'I SGO SO SO BA LA SPYOD PA DANG, SLOB PA'ANG YIN NO, ,RIGS KYI BU, DE LTAR NA BCOM LDAN 'DAS

451b

DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD BSHOS GSOL NAS, 'KHOR GYI KHYAMS DER 'KHOR DE'I NANG DU BYANG CHUB SEMS DPA'I SGO SO SO BA ZHES BYA BA'I CHOS KYI RNAM GRANGS 'DI RGYAS PAR BSHAD DO, ,BCOM LDAN 'DAS DES CHOS KYI RNAM GRANGS 'DI BSHAD PA NA SEMS CAN TSAD MED PA DAG BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO, ,RIGS KYI BU, NGAS BSKAL PA'AM, BSKAL PA LAS LHAG PAR BYANG CHUB SEMS DPA'I SGO SO SO BA'I CHOS KYI RNAM GRANGS LAS BRTZAMS TE, CHOS BSTAN DU ZIN KYANG SPOBS PA'AM, CHOS KYI SGO RNAMS ZAD PAR MI 'GYUR MOD KYI 'ON KYANG DE'I BRTZAMS PA TZAM BSTAN PA YIN NO, ,RIGS KYI BU; DE LTAR NA RGYAL PO GSER MDOG DES DE BZHIN GSHEGS PA DE BYANG CHUB SEMS DPA'I DGE 'DUN DPAG TU MED PA DANG THABS GCIG TU LO BYE BA PHRAG BRGYAD CU RTZA BZHI THAM PAR BKOD PA DE LTA BU DANG, BSNYEN BKUR DANG, PHU DUD DU BYA BA DE LTA BUS BKUR STI BYAS, BLA MAR BYAS, RIM GRO BYAS, MCHOD PA BYAS SO,, ,,BAM PO GNYIS PA, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BTZUN PA BCOM LDAN 'DAS, RGYAL

452a

, ,PO GSER MDOG DES DE BZHIN GSHEGS PA DE DANG, BYANG CHUB SEMS DPA' DE DAG GI GTZUG LAG KHANG MA BGYIS LAGS SAM, DE BZHIN GSHEGS PA DE DANG, BYANG CHUB SEMS DPA' DE DAG GANG NA BZHUGS BZHUGS LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE BZHIN GSHEGS PA DE DANG, BYANG CHUB SEMS DPA' DE DAG NI RANG RANG GI SPRUL PA'I KHANG PA BRTZEGS PA'I NANG NA GNAS GNAS SO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA BKA' STZAL PA, RIGS KYI BU, DE LTAR LO BYE BA PHRAG BRGYAD CU RTZA BZHI PO DE DAG 'DAS PA'I THA MA'I NYIN PAR RGYAL PO GSER MDOG GIS DE BZHIN GSHEGS PA DE LA BSHOS GSOL , YON PHUL TE, SLAR GSHEGS PAR RIG NAS BSAM PA 'DI LTA BU ZHIG BSAMS TE, CI BDAG GIS DGE BA'I RTZA BA 'DI BRGYA BYIN DU 'GYUR BAR YONGS SU BSNGO BAR BYA'AM, 'ON TE TSANGS PAR 'GYUR BAR YONGS SU BSNGO BAR BYA'AM, 'ON TE 'KHOR LOS BSGYUR BA THOB PAR BYA BA'I PHYIR YONGS SU BSNGO BAR BYA SNYAM MO, ,DE NAS DE'I SEMS BSKYED

452b

PA BCOM LDAN 'DAS DE BZHIN GSHEGS PA GSER BZANG 'OD DES THUGS SU CHUD DO, ,DE NAS DE BZHIN GSHEGS PAS RGYAL PO DE'I SEMS KYI YONGS SU RTOG PA THUGS KYIS MKHYEN NAS RGYAL PO DANG, SKYE BO'I TSOGS MANG PO DE DAG GI MDUN DU STENG GI BAR SNANG LA DE BZHIN GSHEGS PA'I SKU DE KHO NA BZHIN DU RNAM PA THAMS CAD YONGS SU RDZOGS PA'I LUS SHIG SPRUL TE, DE STENG GI BAR SNANG DE LA 'DUG NAS RGYAL PO GSER MDOG LA TSIGS SU BCAD PA 'DI SKAD CES SMRAS SO, ,DPER NA MI NI SHES RAB 'CHAL, ,BYIS PA'I RANG BZHIN GYUR PA ZHIG ,RGYAL PO BSNYEN BKUR BYAS NAS NI, ,BYA DGA' CHUNG NGU GSOL BAR BYED, ,DE BZHIN LA LAS SANGS RGYAS LA, ,BSAM GYIS MI KHYAB MCHOD BYAS NAS, ,TSANGS PA BRGYA BYIN RGYAL PO'I SRID, ,DMA' BA'I GNAS LA 'DOD PAR BYED, ,RGYAL POR GYUR DANG BRGYA BYIN DANG, ,DE BZHIN TSANGS PAR 'GYUR BA RNAMS, ,'DI DAG MI RTAG BRTAN MA YIN, ,BRNYAN MA YIN TE 'JIG TSUL CAN, ,SROG CHAGS KUN LA PHAN PA'I PHYIR, ,BYANG CHUB SEMS NI BSKYED PAR GYIS, ,SANGS RGYAS 'JIG RTEN MKHAS RNAMS KYIS, ,DE 'DRA'I SEMS NI BSNGAGS PA YIN, ,RGYAL PO KHYOD NI YUL 'KHOR BCAS, ,MCHOD PA RGYA CHEN BYAS ZIN GYI, ,BYANG CHUB SEMS

453a

, ,NI BLA NA MED, ,RGYA CHEN SEMS NI KHYOD KYIS BSKYED, ,DMA' BA'I SMON LAM MA 'DEBS SHIG ,DE NI BYIS PA'I SPYOD YUL YIN, ,SHES RAB BZANG PO MKHAS PAR GYIS, ,BYANG CHUB MCHOG LA 'JUG PAR GYIS, ,MYA NGAN 'DAS PA 'DOD PA'I PHYIR, ,SANGS RGYAS DE BZHIN GSHEGS RNAMS LA, ,GANG GIS STONG GSUM THAMS CAD KYANG, ,RIN CHEN BKANG STE PHUL BA PAS, ,GANG GIS THAL MO SBYAR BYAS NAS, ,SEMS KYIS BYANG CHUB BSNGO BYAS LA, ,TSIG TU BRJOD PA MA BYAS KYANG, ,DE NI DE BAS SHIN TU CHE, ,GANG GIS SEMS CAN THAMS CAD LA, ,BSKAL PA BYE BA BRJOD MED DU, ,SEMS CAN KUN LA BSNYEN BYAS KYANG, ,DE YI BCU DRUG CHAR MI PHOD, ,GANG ZHIG THAL SBYAR BYANG CHUB SEMS BSKYED DANG, ,PHYOGS BCU DAG NA 'JIG RTEN DON MDZAD PA, ,RNAM 'DREN SANGS RGYAS GANG DAG BZHUGS RNAMS LA, ,BSOD NAMS 'DOD PA'I MI 'GAS SNGON CHAD KYI, ,'KHOR BAR BSKAL PA BYE BAR MCHOD PA BAS, ,MI GANG MKHAS SHING MDZANGS PA'I RANG BZHIN CAN, ,BDE BAR GSHEGS PA'I BSTAN LA YID CHES SHING, ,BYANG CHUB SEMS NI BRTAN POR BSKYED NAS KYANG, ,BDE GSHEGS MCHOD RTEN LA NI ME TOG 'BUL, ,'DI NI DE BAS BSOD NAMS KHYAD PAR

453b

BRJOD, ,BYANG CHUB SEMS KYIS ME TOG 'BUL BYED LA, ,BSOD NAMS SNGA MA DE NI DPER MI RUNG, ,RGYA MTSO DANG NI CHU YI THIGS PA BZHIN, ,SANGS RGYAS ZHING 'DIR SEMS CAN JI SNYED PA, ,BSKAL PA RE RE LA NI SANGS RGYAS 'GYUR, ,BSKAL PA MANG POR LAS GZHAN MI BYED PAR, ,BSOD NAMS BSHAD KYANG MTHA' NI THUG PA MED, ,DE DAG BYANG CHUB SEMS KYI RNAM SMIN BSTAN, ,BSKAL PA MTHA' YAS BAR DU BSHAD NA YANG, ,CUNG ZAD TZAM YANG YONGS SU BRJOD MI 'GYUR, ,SA GZHI DAG LAS RDUL NI BLANGS PA BZHIN, , DE LTAR RGYAL PO SKYES MCHOG KHYOD KYIS KYANG, ,BYANG CHUB SEMS KYI PHAN YON 'DI THOS NAS, ,MYUR DU BLO GROS DMA' BA KUN SPONGS LA, ,BYANG CHUB PHYIR NI RGYA CHEN SEMS SKYED CIG, 'JIG RTEN 'DREN PA GSER GYI MCHOD SDONG 'OD, ,BSAM GYIS MI KHYAB YON TAN KUN LDAN PA, ,DE YIS BYANG CHUB SEMS KYI RNAM PAR SMIN, ,'DI 'DRA ZHES NI PHAN YON 'DI DAG BSTAN, ,BYANG CHUB SEMS KYI RNAM SMIN BSTAN PA YI, ,BSOD NAMS DE LA GAL TE GZUGS YOD NA, ,ZHING RNAMS GANGG'A'I BYE SNYED GANG BYAS KYANG, ,DE DAG BKANG BAS CHA TZAM ZAD PA MED; ;RJES SU BSTAN PA 'DI 'DRA THOS NAS KYANG, ,RGYAL PO'I GTZO BO SEMS NI DGA' GYUR TE, ,SOR MO BCU YIS THAL MO SBYAR BYAS NAS, ,SANGS RGYAS PHYAG 'TSAL ZHES NI

454a

, ,TSIGS SU SMRAS, ,BYANG CHUB PHYIR NI BDAG GIS SEMS BSKYED DO, ,BDAG NI CHOS RJE SANGS RGYAS GRUB PAR SHOG ,BYANG CHUB RDUL BRAL 'DUS MA BYAS RTOGS NAS, ,SEMS CAN GANGG'A'I BYE SNYED DGROL BAR BGYI, ,SANGS RGYAS SKU DES TSIGS BCAD 'DI BRJOD NAS, ,DE TSE RGYAL PO'I GTZO BO DGA' GYUR PA, ,SHES NAS STONG GSUM THAMS CAD RAB G-YOS TE, ,NGANG BA'I RGYAL PO BZHIN DU MKHA' LAS SONG, ,RGYAL PO GSER MDOG SEMS NI DAD GYUR NAS, ,BU DANG BU MO DE BZHIN CHUNG MA DANG, ,RGYAL PO DANG NI TSONG DPON KHYIM BDAG RNAMS, ,SANGS RGYAS LA NI PHYAG 'TSAL 'DOD ZHES POS, ,BYE BA BRGYA PHRAG DRUG CUS YONGS BSKOR ZHING, ,ME TOG RNAMS DANG PHRENG DANG BDUG PA THOGS, ,SANGS RGYAS GA LA BAR NI GNYI RGYUD SONG, ,ZHABS LA PHYAG BTZAL NAS NI PHYOGS GCIG 'DUG ,DE BZHIN BU DANG BU MO CHUNG MA DANG, ,BLON PO DANG NI TSONG DPON KHYIM BDAG DANG, ,RGYAL PO GZHAN DANG DE BZHIN 'KHOR GYI RNAMS, ,DE DAG KYANG NI PHYAG BTZAL GUS PAR 'KHOD, ,LHA RNAMS KYIS KYANG DE BZHIN BAR SNANG THAMS CAD KHYAB, ,SIL SNYAN DKROL ZHING ME TOG CHAR PA PHAB, ,GSER GYI MDOG DE YUL GYI MIS BSKOR NAS, ,THAL MO SBYAR BYAS SANGS RGYAS ZHU BAR BYED, ,

454b

STOBS BCU LDAN PA DPAG MED LHA YI LHA, ,MI 'DUL KHA LO SGYUR BA KHYOD LA ZHU, ,GANG GIS BYANG CHUB SEMS NI BRTAN POR BSKYED, ,DE YI BSOD NAMS JI TZAM BSKYED 'GYUR LAGS, ,BCOM LDAN JI LTAR SPYOD PA SPYAD BGYIS NA, ,BSKAL PA MANG POR SDUG BSNGAL MI MTHONG PAR, ,NGES PAR BDE DANG BDE BLAG TSIM GYUR PAS, ,BYANG CHUB BDUD RTZI MYA NGAN MED PA RTOGS, ,BDAG GZHAR RKANG LAG BTANG YANG MI 'TSAL ZHING, ,MGO DANG RANG SHA STZAL YANG MI 'TSAL BAR, ,BDAG NI NGES PAR BDER GNAS SPYOD PA YI, , THABS 'DIR THUB PAS BDAG LA BSTAN DU GSOL, ,RTAG TU BDE DANG BDE BLAG LDAN PAR SHOG ,NAM YANG BDAG LUS SDUG BSNGAL MA GYUR CIG ,BYAMS DANG BZOD DANG DUL DANG SDOM PA LA, ,GNAS NAS BDAG GIS BYANG CHUB MCHOG REG SHOG ,LE LO MA MCHIS RTAG TU BSLAB LA SLOB, ,BDAG GIS BSLAB PA NAM YANG GZHIG MI BGYI, ,'DREN PA BDAG NI DAM BCAS BRTAN PAR BGYI, ,NAM YANG TSIG TZAM LHUR LEN YONG MI BGYID, ,RANG BYUNG BSOD NAMS 'BRAS BU BDAG LA GSUNGS, ,DE BZHIN GSHEGS PA THEG PA BDE BA GSUNGS, ,JI LTAR SPYAD PA'I BSLAB PA BKA' STZAL PA, ,THOS NAS JI LTAR BSTAN BZHIN GNAS PAR BGYI, ,GSER 'OD GSER BKOD 'OD BZANG DES GSUNGS PA, ,KYE

455a

, ,KYE SA YI BDAG PO MNYAN PAR GYIS, ,BDE BA'I RGYU YI BSOD NAMS KHYOD LA BSHAD, ,BSLAB PA'ANG BSHAD KYI DE PHYIR NGA LAS NYON, ,GANG GIS STONG GSUM RIN CHEN GANG BYAS LA, ,STOBS BCU MNGA' BA RNAMS LA 'BUL BYED PA, ,DE BAS BYANG CHUB TU NI SMON BYED PA, ,BSOD NAMS SHIN TU MANG PO 'PHEL BAR 'GYUR, , GANG GIS ZHING RNAMS GANGG'A'I BYE MA SNYED, ,RIN CHEN GANG BAR BYAS NAS SBYIN PA BYIN, ,DE BAS BYANG CHUB TU NI SMON BYED PA, ,BSOD NAMS SHIN TU MANG PO 'PHEL BAR 'GYUR,, GANG GIS BSKAL PA BYE BA KHRAG KHRIG TU, ,SEMS CAN THAMS CAD LA NI MCHOD PA BYED, ,DE BAS BYANG CHUB TU NI SMON BYED PA, ,BSOD NAMS SHIN TU MANG PO 'PHEL BAR 'GYUR,, GAL TE SEMS CAN THAMS CAD DGRA BCOM GYUR, ,YE SHES DBANG THOB GYUR PA DE DAG LA, ,BSOD NAMS 'DOD PA'I GANG ZAG LA LA ZHIG, ,BSKAL PA KHRAG KHRIG BAR DU MCHOD PA BYED, ,GANG GIS SNYING RJE BSKYED NAS BYANG CHUB TU, ,RGYA CHEN SEMS NI SKYED PAR BYED GYUR TE, ,SEMS CAN LA LA GANG GIS BYANG CHUB TU, ,SEMS KYI GTZO BO BSKYED PA BYAS NAS KYANG, ,GOM PA BDUN NI BOR BA'I BSOD NAMS 'DI, ,DE BAS KHYAD PAR 'PHAGS PAR 'GYUR BA YIN, ,GAL TE SEMS CAN MTHA' DAG SANGS RGYAS TE, ,

455b

SPOBS PA MTHA' YAS LDAN PA NYID GYUR PA, ,JI LTAR SNGON GYI 'KHOR BA'I BSKAL PA'I BAR, ,SEMS CAN GCIG PUS MCHOD PA BYAS PA DANG, ,MKHAS PA'I MI NI GANG YANG RUNG BA YIS, ,BYANG CHUB MCHOG TU SEMS NI BSKYED NAS KYANG, ,ME TOG GCIG BU PHUL BA'I BSOD NAMS 'DI, ,DE BAS KHYAD PAR 'PHAGS PAR 'GYUR BA YIN, ,BSKAL PA BYE BA KHRAG KHRIG MANG POR NI, ,BSOD NAMS DE YI BSHAD PA BRTZAMS BYAS KYANG, ,BSOD NAMS 'BRAS BU DE YI BSHAD PA NI, ,NAM YANG ZAD PAR 'GYUR BA MA YIN NO, ,RIGS KYI BU, 'DI LTAR BCOM LDAN 'DAS DE BZHIN GSHEGS PA GSER BZANG 'OD DES RGYAL PO GSER MDOG DE LA 'DI SKAD CES BKA' STZAL TO, ,RGYAL PO CHEN PO, CHOS GCIG DANG LDAN NA, BYANG CHUB SEMS DPA' SEMS DPA' CHEN PO MYUR DU THEG PA BDE BAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR LA, ,SDUG BSNGAL BA DANG; YID MI BDE BAR YANG MI 'GYUR RO, ,CHOS GCIG PO GANG ZHE NA, 'DI LTA STE, BAG YOD PA STE, RGYAL PO CHEN PO, BYANG CHUB SEMS DPA' BAG YOD PA NI MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE LA BAG YOD PA GANG ZHE NA, 'DI LTA STE, BSLAB PA YONGS SU MI GTONG

456a

, ,BA DANG, DAM BCAS PA LAS MI NYAMS PA DANG, SEMS CAN THAMS CAD LA BYAMS PAS GNAS PA DANG, SEMS CAN THAMS CAD YONGS SU MI GTONG BA DANG, BYANG CHUB LA 'DUN PA BRTAN PA DANG, BRTZON 'GRUS MI GTONG BA DANG, DGE BA'I BSHES GNYEN RNAMS LA BRTEN CING BSNYEN BKUR BYED PA DANG, , CHOS LA GUS PA DANG, THOS PA MANG POS CHOG MI SHES PA DANG, GZHAN DAG LA CHOS KYI BGO BSHA' BYED PA DANG, ZANG ZING MED PAR CHOS STON PA DANG, SBYANGS PA'I YON TAN DANG, YO BYAD BSNYUNGS PA RNAMS MI GTONG BA DANG, 'DOD PA NYUNG BA DANG, CHOG SHES PA DANG, NGA RGYAL BCOM PA DANG, CHOS MNYAN PA LA RNA BA BLAGS TE NYAN PA DANG, BLA MA LA GUS PA DANG, BZOD PA LA GNAS PA DANG, GNOD SEMS KYI THA BA'I NYES PA RNAM PAR SPANGS PA DANG, ZAB MO STONG PA NYID KYI CHOS LA MOS PA DANG, DMIGS PAR LTA BA THAMS CAD RNAM PAR SPANGS PA DANG, NANG DU YANG DAG 'JOG LA 'DUN PA DRAG PO DANG LDAN PA DANG, SEMS CAN YONGS SU SMIN PAR BYA BA LA MI G-YEL BA DANG, 'DU SHES ZLOG PA DANG, BRE MO'I GTAM RNAM PAR SPONG BA DANG, LUS DANG, SEMS DBEN PAR GNAS PA DANG, DGON PAR GNAS PA DANG, SEMS MNYEN PA DANG, TSUL KHRIMS MCHOG

456b

TU MI 'DZIN PA DANG, BDAG LA MI BSTOD PA DANG, GZHAN LA MI SMOD PA DANG, 'GYOD PA THAMS CAD LAS NGES PAR 'BYUNG BAR BYED PA DANG, MNGON PAR 'BYUNG BA DANG, DGE SBYONG GI TSUL LA RGYUN DU DGA' BA DANG, GSONG POR SMRA BA DANG, BZHIN KHRO GNYER MED PA DANG, CHOS THAMS CAD SKYE BA MED PA DANG, 'GAG PA MED PA LA 'DZUD PA DANG, CHOS THAMS CAD NAM MKHA' DANG 'DRA BAR RTOGS PA 'DI NI BYANG CHUB SEMS DPA'I BAG YOD PA ZHES BYA'O, ,RGYAL PO CHEN PO, GZHAN YANG, BYANG CHUB SEMS DPA'I BAG YOD PA NI, 'DI LTA STE, NYAN THOS DANG, RANG SANGS RGYAS KYI SEMS DANG, DMIGS PAR LTA BA'I SEMS THA NA RMI LAM DU'ANG YID LA MI BYED PA STE, RGYAL PO CHEN PO, 'DI NI BYANG CHUB SEMS DPA'I BAG YOD PA'O; ;RGYAL PO CHEN PO; CHOS BZHI DANG LDAN PA'I BYANG CHUB SEMS DPA' NI MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR TE; MGO BO DANG, RKANG LAG DANG, MIG DANG, YAN LAG DANG, SHA DANG, KHRAG DANG, RUS PA DANG, RKANG DANG, TSIL DANG, MDOG DANG, PAGS PA DANG, LUS THAMS CAD YONGS SU GTONG BA'ANG YONGS SU BTANG MI DGOS PAR BDOG PA THAMS CAD YONGS SU GTONG BAR YANG 'GYUR LA, THEG PA BDE BAS KYANG BLA NA MED PA YANG DAG PAR RDZOGS

457a

, ,PA'I BYANG CHUB MNGON PAR RDZOGS PAR 'TSANG RGYA BAR 'GYUR TE, BZHI GANG ZHE NA, RGYAL PO CHEN PO, 'DI LA BYANG CHUB SEMS DPA' NI DGE BA'I CHOS YONGS SU BTZAL BA LA YI DAM BRTAN PA YIN TE, DE NI DGE BA'I RTZA BA GANG CI BSKYED KYANG RUNG STE, DE LA BRTAN POR GNAS SHING ZHUM PA MED PA'I SEMS DANG LDAN LA THEG PA CHEN PO LA SHIN TU BRTAN NO, ,RGYAL PO CHEN PO, GZHAN YANG, BYANG CHUB SEMS DPA' NI TSUL KHRIMS KYI PHUNG PO SHIN TU YONGS SU DGE PA, 'PHAGS PA DANG, MKHAS PAS BSNGAGS PA; BLA NA MED PA YANG DAG PAR RDZOGS PA'I BYANG CHUB KYI SA YONGS SU ZIN PA DANG LDAN PA YIN TE, DES NI BDAG NYID TSUL KHRIMS LA GNAS PAR RIG NAS CHOS KYI DGA' PA NYAMS SU MYONG NGO, ,RGYAL PO CHEN PO, GZHAN YANG, BYANG CHUB SEMS DPA' NI BYAMS PAS GNAS PA DANG, BSAM GTAN LA BSAM GTAN PA DANG, MI GNAS PA'I BSAM GTAN PA YIN TE, RGYAL PO CHEN PO, BYANG CHUB SEMS DPA' TING NGE 'DZIN LA GNAS PA YID LA BYED PA DANG, SEMS CAN THAMS CAD LA SNYOMS PA'I SEMS DANG LDAN PA'I BDE BAR GNAS PA CI 'DRA BA DE LTA BU'I BDE BA'I RNAM PA GZHAN MED DO, ,RGYAL PO CHEN PO, GZHAN YANG, BYANG CHUB SEMS DPA' NI JI LTA BA BZHIN DU CHOS LA RTOG

457b

PA YIN TE, DE NI 'DI LTAR JI LTA BA BZHIN DU YONGS SU RTOG STE, 'DU BYED KYI RNAM PA 'DI DAG THAMS CAD NI STONG PA STE, 'DI LTAR BDAG GAM, SEMS CAN NAM, SROG GAM, GANG ZAG GAM, YONGS SU GTONG BA GANG YIN PA'AM, YONGS SU BTANG BA GANG YIN PA'AM, LEN PA GANG YIN PA'AM, BZOD PAR BYED PA GANG YIN PA'AM, GANG LA BZOD PAR BYA BA'AM, BZOD PAR BYA BA GANG YIN PA'AM, RTZOM PA GANG YIN PA'AM, GANG GI PHYIR RTZOM PA'AM, BSAM GTAN BYED PA GANG YIN PA'AM, BSAM GTAN DU BYA BA GANG YIN PA'AM, SGOM PAR BYED PA GANG YIN PA'AM, BSGOM PAR BYA BA GANG YIN PA GANG YANG MED DO SNYAM MO, ,DE DE LTAR JI LTA BA BZHIN DU RTOG PA NA 'DUS BYAS KYI CHOS THAMS CAD RANG BZHIN GYIS STONG PAR RIG NAS DMIGS PAR LTA BA GANG LA'ANG MNGON PAR ZHEN PA MED LA BDE BAR YANG GNAS TE, RGYAL PO CHEN PO, CHOS BZHI PO DE DAG DANG LDAN PA'I BYANG CHUB SEMS DPA' SEMS DPA' CHEN PO NI BDE BA THAMS CAD DANG LDAN PAR MYUR DU BAL NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,RIGS KYI BU, DE LTAR RGYAL PO GSER MDOG DES BYE BA KHRAG KHRIG 'BUM PHRAG DGU BCU RTZA DGU RI BA'I GOS KYI SBYIN PA DE BZHIN GSHEGS PA DE LA PHUL

458a

, ,NAS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE LA 'DI SKAD CES GSOL TO,, BCOM LDAN 'DAS, SEMS CAN THAMS CAD LA GLO BA RJE BA'I SLAD DU BDAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO ZHES GSOL NAS, DE'I TSE TSIGS SU BCAD PA 'DI DAG GSOL TO, ,BDAG NI ZHUM PA MA MCHIS SEMS KYIS SU, ,MI MCHOG SPYAN SNGAR TSIG NI GSOL BAR BGYI, ,SEMS CAN KUN LA SNYING RJE BSKYED NAS KYANG,, 'DREN PA SEMS NI BYANG CHUB GZHOL BAR BGYI, ,BDAG LA NAM YANG G-YO SGYU MA MCHIS TE, ,STOBS BCU LDAN PAS BDAG GI BSAM PA MKHYEN, ,YON TAN MNGA' BA GRAGS CHEN 'DRA BA NI, ,LHA MI GZHAN LA BDAG GIS DBANG MA MCHIS, ,BDAG NI SDUG RNAMS SKYABS DANG SKYOB PA DANG, ,DPUNG GNYEN GYUR TE SDUG BSNGAL CHOS RNAMS DGROL, ,KHYU MCHOG BDAG NYID BDE LA GNAS NAS KYANG, ,SROG CHAGS RNAMS NI BDAG GIS DE LA DGOD, ,'DREN PA BDE GSHEGS GSUNGS PA'I CHOS GANG DAG ,DE LA BDAG NI SPYAD PHYIR GNAS PAR BGYI, ,'DREN PA JI LTAR KHYOD NI LHA MIS MCHOD, ,DE LTAR BDAG KYANG MI RNAMS MCHOD RTEN SHOG ,BYANG CHUB THAMS CAD MCHOG NI TSOL BGYID CING, ,BSKAL

458b

PA MANG POR SBYIN PA BYIN PAR BGYI, ,ZAS SKOM GOS DANG SHING RTA BZHON PA DANG, ,GSER DNGUL RIN CHEN DU MA'I SBYIN PA BGYI, ,'DREN PA BDAG NI BSLAB LA GUS PAR BGYID, , DE NI JI BZHIN YONGS SU BSRUNG BAR BGYI, ,NYAMS PAR MI BGYID GANG LA'ANG GNAS MI BGYID, ,'DREN PA BDAG NI TSUL KHRIMS DAG PAR BGYID, ,SEMS CAN KUN LA SNYOMS PA'I BSAM PA YIS, ,SROG CHAGS RNAMS LA BYAMS PA'I SEMS SU BGYI, ,BKUR STI BGYIS DANG BKUR STIM BGYIS LA, ,MTHO BAR 'GYUR DANG DMA' BAR 'GYUR MA MCHIS, , BSKAL PA BYE BA MANG PO BSAM YAS PAR, ,BDAG NI JI SRID SNGON CHAD 'KHOR BAR GYUR, ,MI DPA' KHYOD LA BRTEN NAS DE SRID DU, ,SEMS CAN GCIG GI PHYIR YANG SPRO BAR BGYI,, LHA MI'I 'DREN PA BDE GSHEGS GSUNGS PA YI, ,BSAM GTAN BDE BA DE LA GNAS PAR BGYI, ,'DREN PA BSAM GTAN BDE LA REG GNAS SHING, ,RTAG TU DGON PA'I GNAS SU GNAS PAR BGYI, ,BDAG NI STONG PA NYID LA NGES PAR BGYI, ,LTA BA LA NI BRTEN PAR YONG MI BGYID, ,DMA' BA'I SPYOD PA RTAG TU RNAM PAR SPANG, ,MCHOG GI SPYOD PA DRI MED SPYAD PAR BGYI, ,RIGS KYI BU, DE LTAR RGYAL PO GSER MDOG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED MA THAG PA DE'I MOD LA STONG GSUM GYI STONG CHEN

459a

, ,PO'I 'JIG RTEN GYI KHAMS 'DI RNAM PA DRUG TU RAB TU G-YOS SO, ,RGYAL PO BRGYAD KHRI BZHI STONG PO DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,KHYIM BDAG BRGYAD KHRI BZHI STONG PO DE DAG DANG, TSONG DPON BRGYAD KHRI BZHI STONG PO DE DAG DANG, BU DANG, BU MO DANG, CHUNG MA DE DAG DANG, GZHAN SKYE BO'I TSOGS CHEN PO DE DAG DANG, LHA'I BU BRGYAD KHRI BZHI STONG RNAMS RGYAL PO GSER MDOG DE'I RJES SU SLOB CING THAMS CAD KYIS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,RIGS KYI BU, 'DI LTAR RGYAL PO GSER MDOG DES BU THU BO RGYAL POR BCUG GO ,BCUG NAS KYANG BU RNAMS DANG, BU MO RNAMS DANG, CHUNG MA RNAMS DANG, TSONG DPON DANG, KHYIM BDAG DANG, BLON PO DANG, RGYAL PHRAN RNAMS DANG LHAN CIG TU SROG CHAGS BYE BAS BSKOR TE DAD PAS KHYIM NAS KHYIM MED PAR RAB TU BYUNG NGO, ,DE DAG DE LTAR RAB TU BYUNG NAS LO KHRI'I BAR DU TSANGS PAR SPYOD PA YONGS SU DAG PA YONGS SU BYANG BA SPYAD DO, ,RGYAL PO GSER MDOG GIS KYANG MNGON PAR SHES PA BSGRUBS NAS MANG DU THOS PA'I MTHAR PHYIN PAR GYUR TO, ,BYAMS PA'I TING NGE 'DZIN KYANG BSGRUBS SO, ,DE DGE BA'I RTZA BA DE DANG, LHAG PA'I BSAM PA LA YANG DAG PAR

459b

ZHUGS PA DES 'KHOR LOS BSGYUR BA'I RGYAL POR GYUR PAS SANGS RGYAS NYI KHRI MNYES PAR BYAS TE, SANGS RGYAS BCOM LDAN 'DAS DE DAG THAMS CAD LA'ANG NA BZA' DANG, ZHAL ZAS DANG, GZIMS CHA DANG, GDAN DANG, SNYUN GYI GSOS SMAN DANG, YO BYAD KYIS BSNYEN BKUR BYAS, BLA MAR BYAS NAS SANGS RGYAS BCOM LDAN 'DAS DE DAG THAMS CAD KYI THAD DU DAD PAS KHYIM NAS KHYIM MED PAR RAB TU BYUNG NGO, ,RIGS KYI BU, DE'I TSE DE'I DUS NA RGYAL PO GSER MDOG TU GYUR PA DE GZHAN ZHIG YIN PA SNYAM DU KHYOD SOM NYI'AM, YID GNYIS SAM, THE TSOM ZA NA, RIGS KYI BU, KHYOD KYIS DE LTAR MI BLTA'O, ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO BYAMS PA 'DI DE'I TSE DE'I DUS NA RGYAL PO GSER MDOG TU GYUR TO, ,RIGS KYI BU, DE'I TSE DE'I DUS NA TSANGS PAR GYUR PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE LA MCHOD PA'I LAS LA BRTZON PAR GYUR PA GANG YIN PA DE GZHAN ZHIG YIN PA SNYAM DU KHYOD SOM NYI'AM, YID GNYIS SAM, THE TSOM ZA NA, RIGS KYI BU, KHYOD KYIS DE LTAR MI BLTA'O, ,DE CI'I PHYIR ZHE NA, RNAM PAR RTZE BA KHYOD NYID DE'I TSE DE'I DUS NA TSANGS PAR GYUR TO, ,RIGS KYI BU, DE'I TSE DE'I DUS NA LHA'I DBANG PO BRGYA BYIN

460a

, ;BCOM LDAN 'DAS GSER BZANG 'OD LA BSNYEN BKUR DANG, RIM GRO BYED PAR SPRO BAR GYUR PA GANG YIN PA DE GZHAN ZHIG YIN PA SNYAM DU KHYOD SOM NYI'AM, YID GNYIS SAM, THE TSOM ZA NA, RIGS KYI BU, KHYOD KYIS DE LTAR MI BLTA'O, ,DE CI'I PHYIR ZHE NA, NGA NYID DE'I TSE DE'I DUS NA LHA'I DBANG PO BRGYA BYIN DU GYUR TE, BYANG CHUB TU SEMS MA BSKYED PAR MI GNAS PA'I SEMS KYI DE BZHIN GSHEGS PA DE LA BSNYEN BKUR BYAS SO, ,RIGS KYI BU, DE'I TSE DE'I DUS NA SEMS CAN JI SNYED KYIS RGYAL PO GSER MDOG DANG LHAN CIG TU BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE DAG GI NANG NA THA NA SEMS CAN GCIG KYANG BLA NA MED PA YANG DAG PAR RDZOGS PA'I BYANG CHUB LAS PHYIR LDOG PA NGAS MA MTHONG STE, DE DAG THAMS CAD NI SHES RAB CHE BA DANG, BRTZON 'GRUS CHE BA SHA STAG STE, BYANG CHUB KYI PHYOGS KYI CHOS RNAMS YANG DAG PAR BSGRUBS SHING, PHA ROL TU PHYIN PA DRUG YONGS SU RDZOGS PAR BYAS NAS SANGS RGYAS KYI ZHING THA DAD PA DAG TU MTSAN THA DAD PA'I DE BZHIN GSHEGS PAR GYUR TE 'JIG RTEN DU BYUNG NAS THAMS CAD KYIS CHOS KYI 'KHOR LO BSKOR TE, CHOS KYI 'KHOR LO BSKOR NAS YONGS SU MYA NGAN LAS 'DAS SO, ,DE BZHIN GSHEGS PA DGRA BCOM PA YANG DAG

460b

PAR RDZOGS PA'I SANGS RGYAS DE DAG THAMS CAD KYANG NGA DANG, KHYOD DANG, BYANG CHUB SEMS DPA' BYAMS PA DANG, 'KHOR 'DIR BYANG CHUB SEMS DPA' SEMS DPA' CHEN PO 'DUS PA GANG YIN PA 'DI DAG GIS KYANG MTHONG NGO, ,MCHOD PA BYAS SO, ,BSNYEN BKUR BYAS SO, ,DE BZHIN GSHEGS PA DE DAG GI DAM PA'I CHOS KYANG BZUNG NGO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM LDAN 'DAS, BLA NA MED PA YANG DAG PAR RDZOGS PA'I BYANG CHUB DE TZAM DU YUN RING DU THOGS PA DANG, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'ANG DE TZAM DU DKA' BA NI NGO MTSAR LAGS SO, ,DE CI'I SLAD DU ZHE NA; DES SROG CHAGS BYE BA KHRAG KHRIG 'BUM PHRAG DE SNYED KYIS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE'I GSUNG RAB LA BLA NA MED PA YANG DAG PAR RDZOGS PA'I BYANG CHUB TU SEMS BSKYED LA, BCOM LDAN 'DAS KYIS NI MA BSKYED PA'I SLAD DU'O, ,DE SKAD CES GSOL NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, DE NI DE BZHIN TE, KHYOD JI SKAD ZER BA BZHIN

461a

, ,DU BLA NA MED PA YANG DAG PAR RDZOGS PA'I BYANG CHUB 'DI NI YUN RING DU THOGS SO, ,BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'ANG DKA'O, ,RIGS KYI BU, NGAS MNGON PAR SHES PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG 'OD DE'I SNGON ROL DANG, DE'I 'OG TU 'ANG SANGS RGYAS MANG PO BYE BA KHRAG KHRIG 'BUM PHRAG DAG LA NGAS RI MO BYAS, MCHOD PA BYAS, BKUR STI BYAS, BLA MAR BYAS MOD KYI, DE SRID DU NGAS BLA NA MED PA YANG DAG PAR RDZOGS PA'I BYANG CHUB TU SEMS MA BSKYED DE GZHAN DU NA NGA 'DI SNYAM DU SEMS TE, SANGS RGYAS BCOM LDAN 'DAS 'DI DAG DE TZAM DU MDZES SHING DE TZAM DU BLTA NA SDUG LA, DE TZAM DU SNYING DU SDUG PA NI NGO MTSAR TO SNYAM STE, ,DE DAG LA NGA'I SDUG PA'I SEMS DANG, DGA' BA DANG, GUS PA BSKYED PAR ZAD DE, NGAS BLA NA MED PA YANG DAG PAR RDZOGS PA'I BYANG CHUB TU NI SEMS MA BSKYED DO, ,RIGS KYI BU, DE BAS NA RNAM GRANGS 'DIS KHYOD KYIS 'DI LTAR RIG PAR BYA STE, SANGS RGYAS BYE BA KHRAG KHRIG 'BUM PHRAG DPAG TU MED GRANGS MED PA DAG DANG, RANG SANGS RGYAS BYE BA KHRAG KHRIG 'BUM PHRAG DPAG TU MED GRANGS MED PA DAG DANG, NYAN THOS BYE BA KHRAG KHRIG

461b

'BUM PHRAG DPAG TU MED GRANGS MED PA DAG LA BYANG CHUB SEMS DPA' RNAMS KYIS JI LTAR MCHOD PA BYAS SU ZIN KYANG DE SRID DU'ANG DE DAG BLA NA MED PA YANG DAG PAR RDZOGS PA'I BYANG CHUB TU SEMS MI BSKYED DE, GZHAN DU NA PHYIS GANG GI TSE DGE BA'I RTZA BA YONGS SU 'DUS PAR GYUR PA DE'I 'OG TU BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR ZAD DO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,DANG PO NGA NI DON DAM GZIGS PA DANG, ,GRAGS PA CHEN PO SHES RAB PHA ROL SON, ,MI MCHOG SANGS RGYAS BYE BA KHRAG KHRIG DANG, ,BSAM YAS RNAMS LA GUS PAS MCHOD PA BYED, ,DANG POR YON TAN 'BYUNG GNAS RNAMS MCHOD KYANG, ,BDAG NI MKHAS PA CHOS KUN SHES PA'I MCHOG ,'JIG RTEN MCHOD RTEN SANGS RGYAS GYUR CIG CES, ,DE SRID DU YANG SEMS NI SKYED MI BYED, ,DE DAG RANG RGYAL BYE BA SNYED LA YANG, ,GUS PA BSKYED NAS MCHOD PA BYED MOD KYI, ,MI 'DUL KHA LO SGYUR BA RDZOGS SANGS RGYAS, ,GYUR CES SEMS NI DE SRID SKYED MI BYED, ,GUS PA RGYA CHEN YANG DAG BSKYED NAS KYANG, ,DBANG DU GYUR PA BYE SNYED MCHOD MOD KYI, ,YE SHES RGYA MTSO MI MCHOG 'DRA BAR NI, ,DE SRID DU YANG SEMS NI SKYED MI BYED, ,DON DAM GZIGS PA RNAMS KYI GZUGS MTHONG NAS, ,DGA' BA'I SHUGS

462a

, ,NI RGYA CHEN BSAM MI KHYAB, ,MKHAS PA MI 'DUL RDZOGS PA'I SANGS RGYAS SU, ,GYUR CES SEMS NI DE SRID SKYED MI BYED, ,GANG TSE DE DAG BSOD NAMS RGYA CHEN BSAGS, ,LUS DANG YID KYIS BDEN PA BSGOMS PA NA, ,'DREN PA MI RNAMS MCHOG TU GYUR CIG CES, ,BYANG CHUB DON DU SEMS NI SKYED PAR BYED, ,DE DAG GIS NI BSKAL PA BYE BA SNYED, ,BSNYEN BKUR BYAS PAS BSOD NAMS TSOGS BSAGS NAS, ,SEMS DGE BA DANG 'JAM ZHING MNYEN PA YIS, ,DE TSE BYANG CHUB TU YANG SEMS BSKYED DE, ,BDAG GIS DGE BA'I RTZA BA GANG BSAGS PA, ,DES NI BDAG KYANG THAMS CAD GZIGS GYUR CIG ,NAM YANG BDAG GI SMON LAM NYAMS MA GYUR, ,DE DAG DE SKAD SMON LAM 'JUG PAR 'GYUR, ,BDAG GIS DGE BA'I RTZA BA GANG BSAGS PA, ,DES NI SROG CHAGS THAMS CAD BRGAL GYUR CIG ,MI DGE'I LAS NI BDAG GIS GANG BYAS PA, ,DE YI 'BRAS BU MI ZAD BDAG GIS SPANGS, ,MTHU DANG BRTZON 'GRUS BRTAN PO BSKYED NAS NI, ,PHYI NAS BYANG CHUB MCHOG TU SEMS KYANG BSKYED, ,SEMS NI NAM YANG ZHUM PAR MA GYUR CIG ,DGA' BA RGYA CHEN BSAM YAS THOB GYUR CIG ,MKHAS PA SEMS LA DMIGS PAR MI BYED DE, ,BYANG CHUB MI DMIGS BDAG NYID

462b

KUN MI DMIGS, ,CHOS 'DI MTHA' DAG STONG PAR SHES NA NI, ,DES NA BYANG CHUB SEMS NI BRJED MI 'GYUR, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO RNAM PAR RTZE BAS 'DI SKAD CES GSOL TO, ,BCOM LDAN 'DAS, CI'I SLAD DU BYANG CHUB SEMS DPA' SEMS DPA' CHEN PO BYAMS PA LA, BYAMS PA ZHES BGYI, BYANG CHUB SEMS DPA' SEMS DPA' CHEN PO BYAMS PA 'DIS MING 'DI GA LAS RNYED LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAM PAR RTZE BA LA 'DI SKAD CES BKA' STZAL TO, ,RIGS KYI BU, SNGON BYUNG BA 'DAS PA'I DUS NA BSKAL PA GRANGS MED PA BAS KYANG CHES GRANGS MED PA YUN RING PO TSAD MED PA 'DAS PA DE'I TSE DE'I DUS NA, DE BZHIN GSHEGS PA, DGRA BCOM PA, YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS RIN CHEN GDUGS ZHES BYA BA 'JIG RTEN DU BYUNG STE, RIGS KYI BU, DE BZHIN GSHEGS PA RIN CHEN GDUGS DE BTZAS MA THAG TU GOM PA BDUN POR BA NA GNAS

463a

, ,GTZANG MA'I RIS KYI LHA RNAMS KYIS STENG GI BAR SNANG LA RIN PO CHE SNA BDUN GYI GDUGS BZUNG NGO, ,RIN PO CHE'I GDUGS DES KYANG STONG GSUM GYI STONG CHEN PO'I 'JIG RTEN GYI KHAMS THAMS CAD SNANG BAR BYAS SO, ,DER LHA RNAMS KYIS KYE MA 'DI NI DE BZHIN GSHEGS PA RIN CHEN GDUGS ZHES BYA BAR 'GYUR RO ZHES SGRA BSGRAGS TE; DES NA DE BZHIN GSHEGS PA DE'I MTSAN RIN CHEN GDUGS RIN CHEN GDUGS ZHES BYA BAR GYUR TO, ,DE'I TSE DE'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN CHEN GDUGS DE'I GSUNG RAB LA DGE SLONG BLO GROS BRTAN PO ZHES BYA BA TSONG DPON GYI RIGS LAS RAB TU BYUNG BA ZHIG YOD DE, RIGS KYI BU, DGE SLONG BLO GROS BRTAN PO DE BSOD SNYOMS PAR GYUR TO, ,DE'I TSE DE'I DUS NA DE BZHIN GSHEGS PA RIN CHEN GDUGS DE'I BSTAN PA LA BAB PA NA DZAMBU'I GLING DE NA GRONG BRGYAD KHRI BZHI STONG YOD DO, ,GRONG KHYER BRGYAD KHRI BZHI STONG YOD DO, ,GRONG RDAL BRGYAD KHRI BZHI STONG YOD DO, ,YUL 'KHOR BRGYAD KHRI BZHI STONG YOD DO, ,TSONG 'DUS BRGYAD KHRI BZHI STONG YOD DO, ,DGE SLONG BLO GROS BRTAN PO DE'ANG GRONG DANG, GRONG KHYER DANG, GRONG RDAL DANG, YUL 'KHOR DANG, TSONG 'DUS DE DAG THAMS CAD DU BSOD SNYOMS KYI PHYIR RGYU

463b

BAR GYUR LA, DE 'DI SNYAM DU SEMS TE, NAM SROG CHAGS BRGYA TSANG BAR BSLAB PA'I GZHI LNGA LA MA BKOD KYI BAR DU BDAG GIS ZAN MI BZA'O SNYAM MO, ,RIGS KYI BU, 'DI LTAR DGE SLONG BLO GROS BRTAN PO DES DE LTA BU'I YI DAM DE BCAS NAS GRONG NGAM, GRONG KHYER RAM, GRONG RDAL LAM, YUL 'KHOR RAM, TSONG 'DUS GANG DANG, GANG DU BSOD SNYOMS KYI PHYIR RGYU BA DE DANG, DER NAM SROG CHAGS BRGYA TSANG BAR BSLAB PA'I GZHI LNGA LA MA BKOD KYI BAR ZAN MI ZA'O, ,RIGS KYI BU, DGE SLONG BLO GROS BRTAN PO DES GANG GI TSE NYI MA GCIG GIS SROG CHAGS BRGYA BSLAB PA'I GZHI LNGA LA BKOD PA DE'I DUS DANG, DE'I SKABS KYANG YOD DO, ,GANG GI TSE NYI MA GNYIS KYIS SROG CHAGS BRGYA BSLAB PA'I GZHI LNGA LA BKOD PA DE'I DUS DANG, DE'I SKABS KYANG YOD DE, DES ZAN BCAD NAS NYI MA GSUM PA'I TSE ZAN ZA'O, ,GANG GI TSE NYI MA GSUM GYIS SROG CHAGS BRGYA BSLAB PA'I GZHI LNGA LA BKOD PA DE'I DUS DANG, DE'I SKABS KYANG YOD DO, ,NYI MA BZHIS SROG CHAGS BRGYA TSANG BAR BSLAB PA'I GZHI LNGA LA BKOD PA DE'I DUS DANG, DE'I SKABS KYANG YOD DO, ,RIGS KYI BU, GANG GI TSE NYI MA LNGA DANG, DRUG DANG, BDUN GYIS SROG CHAGS BRGYA BSLAB PA'I GZHI LNGA LA BKOD PA DE'I DUS DANG, DE'I SKABS KYANG YOD DE, DE ZHAG BDUN GYI BAR DU ZAN CHAD KYANG SEMS CAN RNAMS LA SNYING RJE BA'I

464a

, ,PHYIR SEMS YONGS SU MI SKYO STE ZHAG BRGYAD PA'I TSE ZAN ZA'O, ,RIGS KYI BU, RNAM GRANGS DE LTA BUS DGE SLONG BLO GROS BRTAN PO DES LO BRGYAD KHRI BZHI STONG GI BAR DU YONGS SU MI SKYO BA'I SEMS KYIS GRONG KHYER CHEN PO DE DAG TU SONG ZHING GRONG DANG, GRONG KHYER DANG, GRONG RDAL DANG, YUL 'KHOR DANG, TSONG 'DUS DE DAG TU SONG NAS SEMS CAN DE DAG BSLAB PA'I GZHI LNGA LA BKOD DO, ,RIGS KYI BU, DGE SLONG BLO GROS BRTAN PO DES LO BRGYAD KHRI BZHI STONG PO DE DAG 'DAS NAS SROG CHAGS SKYES PA DANG; BUD MED DANG, KHYE'U DANG, BU MO BYE BA KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD DO, ,RIGS KYI BU, 'DI LTAR DGE SLONG BLO GROS BRTAN PO DE 'DI SNYAM DU SEMS TE, BDAG GIS SEMS CAN MANG PO 'DI DAG BSLAB PA'I GZHI LNGA LA BKOD ZIN GYI, BDAG GIS 'DI DAG BLA NA MED PA YANG DAG PAR RDZOGS PA'I BYANG CHUB LA GZUD GOR MA CHAG GO SNYAM STE, DE DE DAG GI THAD DU SONG NAS LO BZHI KHRI NYIS STONG GI BAR DU SANGS RGYAS KYI BSNGAGS PA BRJOD DO, ,CHOS KYI BSNGAGS PA BRJOD DO, ,DGE 'DUN GYI BSNGAGS PA BRJOD DO, ,THEG PA CHEN PO'I BSNGAGS PA BRJOD DO, ,SEMS CAN BSLAB PA'I GZHI LNGA LA BKOD PA GANG YIN PA'I SEMS CAN DE DAG GI NANG NAS LO

464b

BRGYAD KHRI BZHI STONG PO GZHAN 'DAS NAS SROG CHAGS BYE BA PHRAG SUM CU TSANG BA GANG DAG SNGON GYI SANGS RGYAS RNAMS LA DGE BA'I RTZA BA BSKYED PA RGYA CHEN PO LA MOS PA DE DAG BLA NA MED PA YANG DAG PAR RDZOGS PA'I BYANG CHUB LA BTZUD DO, ,LHAG MA DMAN PA LA MAS PA RKYEN GYI MTHU DANG LDAN PA DE DAG NI RANG SANGS RGYAS KYI BYANG CHUB DANG, NYAN THOS KYI THEG PA LA SEMS BSKYED DU BCUG GO ,RIGS KYI BU, 'DI LTAR DGE SLONG BLO GROS BRTAN PO DE 'DI SNYAM DU SEMS TE, BDAG GIS SEMS CAN 'DI DAG THEG PA GSUM PO LA MOS PAR BYAS ZIN GYI , BDAG GIS SEMS CAN 'DI DAG BAG YOD PAR GNAS PAR BYA BA'I PHYIR TING NGE 'DZIN 'DI LA GZUD PA BSTAN TO SNYAM MO, ,RIGS KYI BU, DE LTAR DGE SLONG BLO GROS BRTAN PO DES YANG LO NYI KHRI CHIG STONG GI BAR DU SROG CHAGS BYE BA KHRAG KHRIG 'BUM PHRAG SUM CU RTZA DRUG PO DE DAG LA TING NGE 'DZIN LA DMIGS PA'I LUNG PHOG GO ,RIGS KYI BU, DGE SLONG BLO GROS BRTAN PO DES SROG CHAGS BYE BA KHRAG KHRIG 'BUM PHRAG SUM CU RTZA DRUG PO'I SEMS CAN DE DAG THAMS CAD CI NAS BYAMS PA'I TING NGE 'DZIN SGRUB PAR 'GYUR BA DE LTA DE LTA BUR GDAMS NGAG BSTAN CING, DE LTA DE LTA BUR RJES SU STON TO, ,RIGS KYI BU, 'DI LTAR DGE SLONG BLO GROS BRTAN PO DE GANG GI TSE GRONG DU 'GRO BA DE'I TSE BYAMS PA'I TING NGE 'DZIN LA SNYOMS PAR

465a

, ,ZHUGS TE 'GRO'O, ,DE BYAMS PA'I TING NGE 'DZIN LA SNYOMS PAR ZHUGS NAS GRONG NGAM, GRONG KHYER RAM, GRONG RDAL LAM, YUL 'KHOR RAM, TSONG 'DUS SU BSOD SNYOMS KYI PHYIR 'GRO STE, DE 'GRO BA NA SEMS CAN BYAMS PA LA GNAS PA GANG YIN PA DE DAG THAMS CAD DGE SLONG BLO GROS BRTAN PO DE'I RKANG PA SGO'I THEM PA LA BZHAG PA'I TSE BYAMS PA'I TING NGE 'DZIN LA SNYOMS PAR ZHUGS PAR GYUR TO, ,RIGS KYI BU, LHAG PA'I BSAM PA DANG, DGE BA'I RTZA BA LA YID CHES PA DANG, STONG PA NYID LA MOS PA'I KHYAD PAR LA LTOS, DE'I PHYIR DGE SLONG BLO GROS BRTAN PO'I RKANG PA SGO'I THEM PA LA BZHAG PA'I TSE SEMS CAN DE DAG THAMS CAD BYAMS PA'I TING NGE 'DZIN LA JI LTAR BTZUD PA BZHIN DU BYAMS PA'I TING NGE 'DZIN LA SNYOMS PAR ZHUGS SO, ,DE NAS DE'I TSE DGE SLONG BLO GROS BRTAN PO DE'I BYAMS PA'I TING NGE 'DZIN GYI RNAM PAR 'PHRUL PA DE LTA BU MTHONG NAS SA BLA BA'I LHA RNAMS KYIS, AA LA LA, BYANG CHUB SEMS DPA' SEMS DPA' CHEN PO 'DI NI BYAMS PAR 'GYUR TE, 'DI LTAR 'DI GRONG DANG, GRONG KHYER DANG, GRONG RDAL DANG, YUL 'KHOR DANG, TSONG 'DUS SU 'GRO BA NA SEMS CAN RNAMS BYAMS PA'I TING NGE 'DZIN LA SNYOMS PAR 'JUG PA'I PHYIR RO ZHES SGRA SGROGS SHING SKAD 'BYIN

465b

PAR BYED DO, ,SA BLA BA'I LHA RNAMS KYI SGRA THOS NAS BAR SNANG GI LHA RNAMS KYIS SGRA BSGRAGS SHING SKAD PHYUNG NGO, ,DE DAG GIS SGRA THOS NAS RGYAL CHEN BZHI'I RIS KYI LHA RNAMS DANG, SUM CU RTZA GSUM PA'I LHA RNAMS DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS NAS GNAS GTZANG MA'I LHA RNAMS KYI BAR DU GCIG NAS GCIG TU SGRA THOS NAS, AA LA LA, BYANG CHUB SEMS DPA' SEMS DPA' CHEN PO 'DI NI BYAMS PAR 'GYUR TE, 'DI LTAR 'DI GRONG DANG, GRONG KHYER DANG, GRONG RDAL DANG, YUL 'KHOR DANG, TSONG 'DUS SU SONG BA NA SEMS CAN RNAMS BYAMS PA'I TING NGE 'DZIN LA SNYOMS PAR ZHUGS PA'I PHYIR RO ZHES SGRA BSGRAGS SHING SKAD PHYUNG NGO, ,DE'I MING DE LA'ANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN CHEN GDUGS DES RJES SU YI RANG BAR MDZAD DE, 'DI SKAD DU, BYANG CHUB SEMS DPA' DGE SLONG BLO GROS BRTAN PO 'DI NI SRID PAR 'GRO BA'I 'CHI 'PHO DANG, SKYE BA THAMS CAD DU BYANG CHUB SEMS DPA' SEMS DPA' CHEN PO BYAMS PA ZHES BYA BAR 'GYUR TE MNGON PAR GRAGS PAR 'GYUR RO, ,BYANG CHUB THOB PA'I TSE'ANG 'DI'I MING DE NYID DU 'GYUR TE 'JIG RTEN DU NYAN THOS KYI DGE 'DUN DPAG TU MED PA DANG, RIN PO CHE BKOD PA'I SANGS

466a

, ,RGYAS KYI ZHING GI BDE BA THAMS CAD DANG LDAN PA'I SEMS CAN RNAMS 'DUS PA'I NANG DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA ZHES BYA BAR 'GYUR RO ZHES LUNG BSTAN TO, ,RIGS KYI BU, DE'I TSE DE'I DUS NA DGE SLONG BLO GROS BRTAN PO ZHES BYA BAR GYUR PA DE GZHAN ZHIG YIN PA SNYAM DU KHYOD SOM NYI'AM, YID GNYIS SAM, THE TSOM ZA BAR SRID DE, DE TSUN CHAD TSE RABS THAMS CAD DU MING, 'DI LTA STE, BYAMS PA ZHES BYA BA 'BA' ZHIG TU GYUR TO, ,BYANG CHUB THOB PA'I TSE'ANG 'DI'I MING, 'DI LTA STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA ZHES BYA BA DE KHO NAR 'GYUR TE, RIGS KYI BU, RGYU NI DE YIN NO, ,RKYEN NI DE YIN TE, DES NA BYANG CHUB SEMS DPA' SEMS DPA' CHEN PO BYAMS PA LA BYAMS PA ZHES BYA'O, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA'I SNGON BYUNG BA 'DI BSHAD MA THAG PA DE'I MOD LA STONG GSUM GYI STONG CHEN PO'I 'JIG RTEN GYI KHAMS 'DI RNAM PA DRUG TU G-YOS SO, ,STENG GI BAR SNANG LA'ANG LHA'I GLU DBYANGS GRAG GO ,ME TOG GI CHAR YANG BAB BO, ,DE NAS DE'I TSE RGYAL BO CHEN PO BZHI DANG, LHA'I DBANG PO BRGYA BYIN DANG, MI MJED KYI BDAG PO TSANGS PA

466b

DANG; GZHAN YANG, LHA'I BU 'BUM PHRAG DU MA DAG GIS LHA'I ME TOG MANDA RA BA DAG KHYER NAS BYANG CHUB SEMS DPA' SEMS DPA' CHEN PO BYAMS PA GA LA BA DER GTOR TO, ,TSIG 'DI SKAD DU, KYE MA, BYANG CHUB SEMS DPA' SEMS DPA' CHEN PO BYAMS PA 'DI NI SKYE BO MANG PO LA PHAN PA'I PHYIR ZHUGS TE, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS KYI SKYE BO PHAL PO CHE'I DON DANG, PHAN PA DANG, BDE BA'I PHYIR GO CHA CHEN PO BGOS TE, 'DI LTAR THAMS CAD MKHYEN PA NYID MA THOB PAR YANG SEMS CAN BYE BA KHRAG KHRIG 'BUM PHRAG DE SNYED KYI DON BYAS PA'I PHYIR RO, ,SEMS CAN GANG DAG BYANG CHUB SEMS DPA' SEMS DPA' CHEN PO BYAMS PA'I MING TZAM THOS PA DE DAG KYANG RNYED PA'I MCHOG LEGS PAR RNYED PA YIN, SHA'I MIG GIS MNGON SUM DU MTHONG NAS DGA' BA THOB PA DE DAG LTA CI SMOS, BTZUN PA BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PA LA BDAG CAG PHYAG 'TSAL LO ZHES SMRAS SO, ,DE NAS LHA'I BU DE DAG GIS TSIG DE SKAD CES SMRAS MA THAG PA DE'I MOD LA SKYE BO'I TSOGS CHEN PO DANG BCAS, LHA DANG, MI DANG; LHA MA YIN DANG BCAS PA'I 'JIG RTEN GYIS TSIG MTHUN PAR, TSIGS 'DI SKAD DU, BYANG CHUB SEMS DPA' SEMS DPA' CHEN PO BYAMS PA LA PHYAG 'TSAL LO, ,BYANG CHUB SEMS DPA'

467a

, ,SEMS DPA' CHEN PO BYAMS PA LA PHYAG 'TSAL LO, ,PHYAG 'TSAL LO ZHES SMRAS SO, ,CHOS KYI RNAM GRANGS 'DI BSTAN PA NA SROG CHAGS KHRI NYIS STONG CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,DGE SLONG LNGA STONG NI LEN PA MED PAR ZAG PA RNAMS LAS SEMS RNAM PAR GROL LO, ,SROG CHAGS STONG PHRAG DU MA NI DGE BA'I RTZA BA YONGS SU SMIN PAR GYUR TE, DE DAG KYANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA'I 'KHOR 'DUS PA GNYIS PA LA DGRA BCOM PA MNGON SUM DU BYED PAR 'GYUR RO ZHES DE DAG KYANG BCOM LDAN 'DAS KYIS LUNG BSTAN TO, ,DE NAS TSE DANG LDAN PA KUN DGA' BO STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, DE'I PHYIR KHYOD KYIS CHOS KYI RNAM GRANGS 'DI'I MING BYAMS PA'I DANG PO SEMS

467b

BSKYED PA ZHES BYA BAR ZUNGS SHIG ,BYANG CHUB SEMS DPA' RNAM PAR RTZE BAS ZHUS PA ZHES BYA BAR YANG ZUNGS SHIG ,BYANG CHUB SEMS DPA' LUNG BSTAN PA ZHES BYA BAR YANG ZUNGS SHIG; DE BZHIN GSHEGS PA'I PHYAG RGYA BSTAN PA ZHES BYA BAR YANG ZUNGS SHIG ,BYANG CHUB SEMS DPA'I SGO SO SO BA ZHES BYA BAR ZUNGS SHIG ,KUN DGA' BO, CHOS KYI RNAM GRANGS 'DI GZUNG BA'I PHYIR DANG, GZHAN DAG LA'ANG RGYAS PAR YANG DAG PAR BSTAN PAR BYA BA'I BAR GYI PHYIR KHYOD LA GTAD DO, ,KUN DGA' BO, RIGS KYI BU'AM, RIGS KYI BU MO GANG GIS STONG GSUM GYI STONG CHEN PO'I 'JIG RTEN GYI KHAMS 'DI RIN PO CHE SNA BDUN GYIS GANG BAR BYAS TE, DE BZHIN GSHEGS PA RNAMS LA PHUL BA BAS NI GANG GIS BYANG CHUB SEMS DPA' SEMS DPA' CHEN PO BYAMS PA'I DANG PO 'JUG PA 'DI THOS NAS SEMS KYI RGYUD BYANG CHUB TU GZHOL BA DANG, BYANG CHUB TU SMON PAS MOS PAR BYED DAM, 'DZIN TAM, 'CHANG NGAM, KUN CHUB PAR BYED DAM, SGOM MAM, GZHAN DAG LA RGYAS PAR YANG DAG PAR STON PAR BYED NA 'DI NI DE BAS CHES BSOD NAMS MANG DU BSKYED PAR 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD PA 'DI DAG BKA' STZAL TO, ,MI LUS 'THOB PA RNYED PAR DKA', ,SANGS RGYAS 'BYUNG BA'ANG RNYED PAR DKA', ,SANGS RGYAS DAD PA RNYED PAR DKA', ,BYANG CHUB SEMS

468a

, ,KYANG RNYED PAR DKA', ,GNAS SKABS BZHI PO 'DI DAG NI, ,BSKAL PA BYE BAR RNYED DKA' STE, ,DE PHYIR THOB NAS MA SPANGS SHIG ,MTHU RTZAL DAG KYANG CHUD MA GZAN, ,MI LUS THOB PA RNYED PA DANG, ,SANGS RGYAS 'BYUNG BA RNYED PA DANG, ,SANGS RGYAS DAD PA'ANG RNYED PA DANG, ,BYANG CHUB SEMS NI BSKYED GYUR NA, ,DE PHYIR BRTZON 'GRUS BSKYED NAS KYANG, ,RTAG TU BAG NI YOD PAR GYIS, ,DRANG SRONG CHEN PO DE DAG GIS, ,BAG YOD PAS NI BYANG CHUB BRNYES, ,SANGS RGYAS CHOS RNAMS THAMS CAD KYI, ,RTZA BA'I SGO DANG TSUL GYI LAM; ;BAG YOD PA DANG BRTZON 'GRUS YIN, ,MKHAS PA RNAMS KYANG 'DI LA SLOBS, ,BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' RNAM PAR RTZE BA DANG, BYANG CHUB SEMS DPA' BYAMS PA DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE; BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA BYAMS PA 'JUG PA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO PRADZNY'A WARMA DANG, DZI NA MI TRA DANG, SU RENDRA BO DHI DANG, ZHUS CHEN GYI LOTZTSA BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, ,,

טיבטיתTibetanKL00198_'PHAGS PA BYAMS PA 'JUG PA ZHES BYA BA THEG PA CHEN PO'I MDO_An Exalted Sutra of the Greater Way entitled "The Teaching Initiated by Maitreya" (Ārya Maitreya Prasthāna Nāma Mahāyāna Sūtra).txt79,888 תוויםcharacters