, ,RGYA GAR SKAD DU, MA HIRsh'A NAN YA S'A DHA NAm, BOD SKAD DU, MA HE'I ZHAL GYI SGRUB PA'I THABS, BCOM LDAN 'DAS MA HIRsh'A ZHAL CAN LA PHYAG 'TSAL LO, ,GUS PAS BLA MA DANG NI DE RJES GSHIN RJE GSHED PO 'JAM PA'I MCHOG ,SGYU MA'I BDAG NYID YAN LAG BDE BAS RGYAS PA GZHAN GYI DON 'JUG PA, ,GRI GUG LA SOGS MTSAN MA BSNAMS SHING, KHRO BA DANG BCAS MTSUNGS PA MED, ,ZHAL DGU YIS NI 'JIGS PA SEL BYED DE LA SPYI BOS PHYAG 'TSAL 'DUD, ,GSHIN RJE 'JOMS PA'I SGRUB THABS KYIS, ,BLO LDAN DE NYID 'DOD PA GANG, ,DBANG BSKUR LA SOGS THOB PA DAG ,DE YI SGRUB THABS RIM PA 'DI, ,BYIS PA RNAMS KYIS RTOGS PHYIR DANG, ,MNYAM PAS DRAN PA'I PHYIR DANG NI, ,MCHOG RNAMS BYIS PA'I NGAG LA YANG, ,MGU BA BSKYED PHYIR BRI BAR BYA, ,DE NAS YANG DAG RAB BSHAD BYA, ,RDO RJE 'JIGS BYED SGRUB PA'I THABS, ,LHA NYID DAG NI THAMS CAD KUN, ,SHIN TU 'JIGS PAR BYED PA'O, ,DE LA DUR KHROD LA SOGS PA YID DANG MTHUN PA'I GNAS SHIG TU GNAS NAS, SGRUB PA'I THABS BRTZAM PAR BYA'O, ,DE NAS GNAS NI BRJOD PAR BYA STE, DUR KHROD DANG CHU BO'I DOGS DANG, SHING GCIG DANG, RTAGS GCIG PA DANG, LAM GYI GZHI MDO DANG, RI BO'I RTZE DANG, GNAS KHANG STONG PA DANG, MA MO'I KHANG PA DANG, LHA'I GNAS SAM, G-YUL 'GYED PA'I SA'AM, GRONG KHYER RAM, DGON PA'AM, GRONG LA SOGS PA'I GNAS NAS, 'DIR RDO RJE 'JIGS BYED CHEN POR DBANG BSKUR BA'I RNAL 'BYOR PAS, SBYIN PA DANG, TSUL KHRIMS LA SOGS PA DANG LDAN PA, SEMS CAN GYI DON
LA BRTZON PA BYAMS PA LA SOGS PA DANG LDAN PA, DAD PA DANG THOS PAS RNAM PAR BRGYAN PA, KHA LA SOGS PA DAG PAR BYED PA'I SNYING RJE CAN DE BDE BAR 'JAM PA RO LA SOGS PA'I STENG DU 'DUG STE, RANG GI SNYING GAR PADMA LAS DBYANGS YIG DANG PO YONGS SU GYUR PA LAS, ZLA BA'I DKYIL 'KHOR BSAM MO, ,DE'I STENG DU YI GE DH'I:'I RNAM PA BLTA'O, ,DE NAS DE'I 'OD ZER RNAMS KYIS PHYOGS BCU MTHA' YAS MU MED PA'I 'JIG RTEN GYI KHAMS DPAG TU MED PA'I MTHAR THUG PAR GNAS PA'I DE BZHIN GSHEGS PA DANG, BYANG CHUB SEMS DPA' DANG, RIG PA'I LHA MO DANG, KHRO BO LA SOGS PA RNAMS BSKUL TE, BKUG NAS MDUN DU YANG DAG PAR BZHUGS PAR BYAS LA, BSOD NAMS KYI TSOGS 'PHEL BAR BYA BA'I DON DU, MCHOD PA DANG SDIG PA BSHAGS PA DANG, BSOD NAMS LA RJES SU YI RANG BA DANG, BSOD NAMS YONGS SU BSNGO BA DANG, GSUM LA SKYABS SU 'GRO BA DANG, BYANG CHUB TU SEMS BSKYED PA DANG, LAM BSTEN PA DANG, BYAMS PA LA SOGS PA BSGOM PA YANG BYAS LA, DE NAS STONG PA NYID DU BLTA BAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm, DE NAS SVA BH'A WA SHUDDHA: SARBA DHARM'A: SVA BH'A WA SHUDDHO&HAm, ZHES BRJOD DO; ,CHOS THAMS CAD BDAG MED PA'I RANG BZHIN DU BYAS PA'I DBUS SU, YI GE YAm LAS RDZOGS PA'I RLUNG GI DKYIL 'KHOR DU BA'I RNAM PA CAN BSAM MO, ,DE'I STENG DU DBYANGS YIG DANG PO LAS RDZOGS PA'I ZLA BA'I DKYIL 'KHOR BSAM MO, ,DE'I STENG DU YI GE DH'I: LAS 'JAM DPAL 'OG NAS BSHAD PA'I GZHON NU'I GZUGS CAN SKAD CIG GIS BSKYED LA, DE'I THUGS KAR AA LAS RDZOGS PA'I NYI MA'I DKYIL 'KHOR BSAM TE, DE NAS NYI MA'I DKYIL 'KHOR LAS 'OD ZER BYUNG STE, PHYOGS BCU'I 'JIG RTEN GYI KHAMS MTHAR THUG PA NA GNAS PA'I DE BZHIN GSHEGS PA LA SOGS PA'I 'OD ZER GYIS BSKUL NAS BKUG STE NYI MA'I DKYIL 'KHOR DE NYID LA ZHUGS PAR BSAM PAR BYA'O, ,'JAM DPAL DE NYID DANG, DE BZHIN GSHEGS PA LA SOGS PA DE NYID RO GCIG PAR GYUR TE, NYI MA'I DKYIL 'KHOR DU BSAM PAR BYA'O, ,'OD 'BAR
, ,BA DPAG TSAD BRGYA STONG KHYAB PA'I RNAM PAR BSGOM PAR BYA STE, DE'I STENG DU H'Um NAG PO KHA DOG RNAM PA LNGA'I 'OD ZER DANG LDAN PA BLTAS LA, DE NAS DE'I 'OD ZER RNAMS KYIS KHAMS GSAL BAR BYAS NAS YANG H'Um DE NYID LA BSAM PAR BYA'O, ,DE NYID GYUR PA LAS KHA GYEN DU PHYOGS PA'I RDO RJE CHEN PO MDOG NAG PO 'OD ZER 'PHRO BA BSAM PAR BYA'O, ,DE NAS RDO RJE PHRA MO'I RNAM PA CAN SANGS RGYAS DANG BYANG CHUB SEMS DPA' DANG, KHRO BO DANG RIG PA'I LHA MO DANG BCAS PA, NAM MKHA'I KHAMS NA TIL GYI GANG BU BZHIN NYI MA LA GNAS PA BSAM PAR BYA'O, ,DE LA GNAS PA SANGS RGYAS LA SOGS PAS SEMS CAN YONGS SU SMIN PAR BYAS SHING GDUL BYA SO SOR BYANG CHUB LA BKOD DE, YANG DE DAG NYID DANG LHAN CIG TU, SLAR 'ONGS NAS, RDO RJE'I GZUGS LA ZHUGS PA'I RNAM PA CAN DU BSAM PAR BYA'O, ,RDO RJE'I GZUGS DE NYID ZHAL DGU PA MA HE'I GZUGS 'JIG PA'I DUS KYI BSKAL BA'I ME LTA BU'I 'OD CAN RDO RJE 'JIGS BYED CHEN PO, KHAMS GSUM ZA BAR NUS PA, GTZIGS PA'I ZHAL CAN, HA HA ZER ZHING LCE 'DRIL BA RNAM PAR BSGYUR BA'I MTHAR 'JIGS PA'I KHRO GNYER BYED PA, 'JIGS PA'I SMIN MA DANG SPYAN CAN; 'BRUG GI SGRA SGROGS PA MI'I KHRAG DANG, ZHAG DANG, SHA DANG, TSIL BU DANG RKANG RNAMS GSOL BA, 'JIG RTEN DANG 'JIG RTEN LAS 'DAS PA LA SOGS PA'I LHA LA SDIGS MDZUB BYED PA, BRGYA BYIN DANG TSANGS PA DANG, ZLA BA DANG NYI MA DANG, GZHON NU NAG PO LA SOGS PA KHA THUR DU BLTAS LA ZHABS KYI 'OG TU MNAN PA, THOD PA LAS BYAS PA'I THOD CAN, SBRUL MCHOD PHYIR THOGS PA, THOD PA'I PHRENG BA'I RGYAN GYIS BRGYAN PA, ZHABS BCU DRUG PA, GCER BU'I GZUGS CAN MTSAN MA GYEN DU BSGRENG PA, G-YON BRKYANG BA GSUS PA 'PHYANG BA, SKRA GYEN DU BRDZES PA, 'JIGS PAR BYED PA CHEN PO PHEm KA RA'I SGRA 'BYIN PA, PHYAG SUM CU RTZA BZHI PA, GLANG PO'I PAGS PA RLON PA BSNAMS PA, DPAL RDO RJE 'JIGS BYED CHEN PO MA HE'I ZHAL CAN, DE LA PHYAG G-YAS KYI DANG PO NA GRI GUG ,GNYIS PA NA MTSON RTZE GCIG PA, GSUM
PA NA GTUN SHING, BZHI PA NA CHU GRI, LNGA PA NA MDUNG THUNG, DRUG PA NA DGRA STA, MDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG PA, BCU GCIG PA NA KHA tV'Am GA, BCU GNYIS PA NA 'KHOR LO, BCU GSUM PA NA RDO RJE, BCU BZHI PA NA RDO RJE'I THO BA, BCO LNGA PA NA RAL GRI, BCU DRUG PA NA dA MA RU'O, ,DE BZHIN DU G-YON PA'I PHYAG DANG PO NA THOD PA, GNYIS PA NA MGO, GSUM PA NA PHUB, BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA MDUNG GIS PHUG PA'I SKYES BU, BCU GNYIS PA NA ME THAB, BCU GSUM PA NA RO'I SNOD, BCU BZHI PA NA SDIGS MDZUB, BCO LNGA PA NA BA DAN RTZE GSUM PA, BCU DRUG PA NA RLUNG GI RAS SO, ,PHYAG GNYIS DAG GIS GLANG PO CHE'I PAGS PA BSNAMS PA'O, ,DE BZHIN DU G-YAS KYI ZHABS DANG PO LA MI, GNYIS PA NA MA HE, GSUM PA NA GLANG, BZHI PA NA BONG BU, LNGA PA NA RNGA MO, DRUG PA NA KHYI, BDUN PA NA LUG ,BRGYAD PA NA CE SBYANG NGO, ,G-YON GYI ZHABS DANG PO NA BYA RGOD, GNYIS PA NA 'UG PA, GSUM PA NA BYA ROG ,BZHI PA NA NE TZO, LNGA PA NA KHRA, DRUG PA NA BYA RGOD CHEN PO, BDUN PA NA KHYIM BYA, BRGYAD PA NA BZHAD DO, ,DE LA RDO RJE 'JIGS BYED CHEN PO, ZHAL DANG PO NI MA HE'I GDONG SHIN TU GNAG PA, SHIN TU KHROS PA'O, ,RVA'I G-YAS GSUM NI NAG PO DANG DMAR PO DANG SER PO STE, SHIN TU KHROS PA, RVA'I G-YON GYI ZHAL GSUM NI; DKAR PO DANG DU BA'I MDOG DANG NAG PO STE, SHIN TU KHROS SHING GTZIGS PA'I ZHAL RNAM PAR BSAM MO, ,RVA'I LOGS KYI DBUS KYI ZHAL DMAR PO SHIN TU KHROS PA KHRAG 'DZAG PA BSGOM PAR BYA'O, ,DE'I STENG GI ZHAL CUNG ZAD SER BA, CUNG ZAD KHROS PA GZHON NU'I RGYAN GYIS BRGYAN PA, ZUR PHUD LNGA'I THOD CAN, ZHAL THAMS CAD NI SPYAN GSUM PAR BSAMS TE, BRTAN PAR BYAS LA, SHIN TU MNYAM PAR BZHAG PA'I SNGAGS PAS, RTAG TU DE NYID LA SBYOR BAS BDAG NYID DPAL CHEN PO MA HIRshA'I ZHAL GYI BDAG NYID DO ZHES BSGOM PAR BYA'O, ,
, ,BZLAS PA'I DUS SU RANG GI SNYING GAR NYI MA'I DKYIL 'KHOR RNAMS BSAMS TE, RANG GI SNGAGS KYI YI GE 'BAR BA RNAM PAR DGOD DO, ,DE'I RJES SU YID NANG DU CHUD PAS BZLAS PAR BYA'O, ,DE LA BZLAS PA'I SNGAGS NI 'DI YIN TE, AOm HR'I: shtRi: WI KRi T'A NA NA H'Um PHAt, SNYING PO'O; ,AOm YA M'ANTA KA H'Um PHAt, NYE BA'I SNYING PO'O, ,AOm YA MA R'A DZA, SA DO ME YA, YA ME DO RU, nA YO DA YA, YA DA YO NI, RA YA KshE YA, YAKshE YATZTSA, NI R'A MA YA PHAt, PHRENG BA'I SNGAGS SO, ,SNGAGS 'DIS RNAL 'BYOR BA'I LAS THAMS CAD THOGS PA MED PAR BYED DO, ,DUR KHROD LA SOGS PAR GNAS TE RTAG TU BSGOM PAR BYA'O, ,BDUD RTZI RNAM PA LNGA BZA' BAR BYA STE, DE YIS BSGRUBS NA 'GRUB PAR 'GYUR GYIS GZHAN DU NI MA YIN NO, ,GZHAN YANG SGRON MA CHEN PO LA SOGS PA BZA' ZHING NUB MO RGYU ZHING 'GRO BA'I RNAL 'BYOR BAS RTZA BA'I SNGAGS 'BUM BZLAS PA BYA'O, ,BZLAS PA BYAS PA'I SNGAGS PAS LAS THAMS CAD BYED CING 'GRUB PAR 'GYUR RO, ,BSAM GTAN LA BRTAN PA'I SNGAGS PAS SHIN TU MNYAM PAR GZHAG PAR BYA'O, ,MA DAD PA DANG MI MOS PA DANG, DKYIL 'KHOR DU MA ZHUGS PA LA MI GTAD CING RES 'GA' YANG RGYUD SBYIN PAR MI BYA'O, ,SNGAGS KYANG RES 'GA' SBYIN PAR MI BYA'O, ,DPAL RDO RJE 'JIGS BYED CHEN PO'I RNAL 'BYOR DANG BSAM GTAN NI BRJOD PAR MI BYA'O, ,SNGAGS CHUNG MA DANG G-YOG POS MA TSOR BAR RO, ,'DI PHYED PAR MI BYA'O, ,BRIS SKU MDUN DU YANG MI BSTAN, BRIS SKU GSANG LA GZUNG NGO, ,RGYUD 'DI'I SBYOR BA GANG SU'I DRUNG DU YANG MI BRJOD DO, ,GAL TE SMRAS NA DPAL RDO RJE 'JIGS BYED CHEN PO DANG RNAL 'BYOR MA RNAMS KYIS ZA STE DAM TSIG NYAMS PA'I PHYIR RO, ,DE'I PHYIR SNGAGS PAS SU LA YANG SBYIN PAR MI BYA'O, ,YANG NA DAM TSIG MI PHYED PA RTOG PA DANG BRAL BA LA BSTAN PA'I BRTUL ZHUGS DPA' BO DANG, BLA MA LA GUS PA DUL BA DE BZHIN GSHEGS PA'I BSTAN PA LA GCIG TU GNAS PA, SNGAGS SBED PA DANG KHRO BA MED PA, STER BA LA DPA' BA, BZLAS PA DANG, BSGOM PA LA DGA' BA, DKYIL 'KHOR MTHONG
PA; DPAL RDO RJE 'JIGS BYED CHEN PO LA GUS PA, SNYING RJE CHEN PO LA SOGS PAS YID RTOG PA DANG BRAL BA, LEGS PAR BRTAG PA LA LEGS PAR SEMS PA, DE LTA BU'I SLOB MA LA DPAL RDO RJE 'JIGS BYED CHEN PO'I SGRUB THABS SBYIN PAR GZHAN DU GAL TE SNGAGS PAS STER NA, SLOB MA DANG BCAS NAS DMYAL BAR 'GRO BAR THE TSOM MED DO, ,'JIG RTEN 'DIR YANG 'JIGS PA CHEN PO MYONG BAR 'GYUR RO, ,'JIG RTEN PHA ROL TU YANG DMYAL BAR 'GRO STE, DAM TSIG NYAMS PA'I PHYIR RO, ,'DOD CHAGS ZHE SDANG LA SOGS CHU SRID 'KHRUS SHING RMUGS DANG GNYID SOGS DBU BA CAN, ,'KHOR BA'I RGYA MTSO SKYE DANG 'CHI BA'I DPA' KLONG ZAB MO 'JIGS PA LAS SGROL BA, ,DPAL LDAN GSHIN RJE BDE BA'I RANG BZHIN SGRUB THABS BYAS PAS SKYE 'GRO KUN, ,BDAG 'BAD PA YI BSOD NAMS RNYED PA DES 'DIR 'JIG RTEN DE YI GO 'PHANG GRUB PAR SHOG, ,,DPAL RDO RJE 'JIGS BYED CHEN PO'I RGYUD KYI SGRUB THABS SLOB DPON DPAL 'DZIN GYIS MDZAD PA RDZOGS SO,, ,,RGYA GAR GYI MKHAN PO RNAM PAR SNANG MDZAD SRUNG BA'I ZHABS DANG, LO TZ'A BA KHAMS PA DGE SLONG BA RI DHARM'A K'IRTIS BSGYUR BA'O,,