`, ,RGYA GAR SKAD DU, KshI RA S'A DHA NA, BOD SKAD DU, 'O MA SGRUB PA'I THABS, DPAL RDO RJE SEMS DPA' LA PHYAG 'TSAL LO, ,RGYAL MTSAN NGOS LDAN DE NAS BLTA, ,DE LA 'O MA RAB TU SGRUB, ,'O MA GOMS PA'I SEMS NYID KYIS, ,PHYAG
RGYA CHEN PO RAB TU BSGRUB, ,RDO RJE PHAG MO LA SOGS PA RIGS SU BYUNG BA'I BUD MED PHYI DANG NANG GI YON TAN GYIS BRGYAN PA, RNAL 'BYOR PA YE SHES CUNG ZAD DBANG BAS BZUNG STE, ,LEGS PAR 'GRUS SHING DRI ZHIM POS BYUGS LA RGYAN MA LUS PAS BRGYAN TE, DE NAS BDAG MED PA SNGON DU SONG BAS, SA BON GYI YI GE SA DANG RDO RJE LAS BYUNG BA'I RDO RJE PHAG MOR BSAMS TE, ,BDAG NYID KYANG RDO RJE SEMS DPAR BYA'O, ,DE NAS RANG GI PHYAG RGYA'I LUS LA DKYIL 'KHOR LNGA BSGOMS TE, ,DE'I GSANG BA'I BHA GA HR'I: LAS PADMA 'DAB MA BRGYAD PA'O, ,LTE BA BRUm LAS MU TIG LTA BU'O, ,BDAG NYID KYI GSANG PA YANG H'Um LAS RTZE LNGA PA'O, ,NOR BU'I YI GE AOm LAS SO, ,YI GE PHAt SER PO BU GAR RO, ,DE NAS AOm SARBA TA TH'A GA TA AA NU R'A GA nA BADZRA SVA BH'A WA A'ATMA KO&HAm, ZHES PAS SNYOMS PAR 'JUG STE, SEN MOS GDAB PA BYAS LA, MYOS BYED KYI LAG PAS YANG DANG YANG DU BRUD CING LCE RTZE'I THUR MAS YANG YANG, DE NAS SA GSUM GYI DBANG PHYUG MA RGYAS PA NAS SNGAR BSHAD PA'I SNGAGS KYIS SNYOMS PAR ZHUGS TE, DAL BUS DAL BUS BSKYOD PA NA 'O MA 'BAB PAR 'GYUR RO, ,BABS PA NA YI GE PHAt KYIS BSDAMS TE, SNANG BA MED PA LA 'JUG PAR BYA'O, ,DE LTAR YANG DANG YANG 'O MA 'BAB PA GOMS PAS NI; ,SKAD CIG LA BAB PA NA SNANG BA MED PA LA SKAD CIG LA 'JUG PA, DE'I TSE PHYAG RGYA CHEN PO'I DNGOS GRUB THOB PAR 'GYUR TE, JI LTAR DPAL MKHA' 'GRO MA RDO RJE DRA BA'I RTOG PA LAS GSUNGS PA, CHU RGYUS DRA BA DANG BCAS SHING, ,YAN LAG KUN LDAN PU GA CAN, ,LUS DE MED PAR SDANG GYUR PA, , DE YI SKAD CIG DE LA NI, ,DGYES PA'I RDO RJE'I SKU 'DZIN 'GYUR, ,ZHES SO, ,'DI DGYES PA'I RDO RJE NI MTSAN PA STE, ,PHYAG RGYA CHEN PO GRUB PA'I TSUL THAMS CAD 'DI LTAR MAN NGAG LAS SHES SO, ,DON 'DI NYID DPAL GSANG BA 'DUS PA LA SOGS PAS KYANG GSUNGS TE, RDO RJE NYI MA NUB PA NA, , SGRUB BA KUN DU BRTZAM PAR BYA, ,SKYA RENGS 'CHAR BA'I DUS DAG TU, ,'GRUB 'GYUR 'DI LA THE TSOM MED, ,CES PA DANG, SOR MO DANG NI LCE'I THUR MAS, ,YANG NAS YANG DU CUNG ZAD BSKUL, ,RTZA NI RNAM PAR RGYAS 'GYUR TE, ,MCHOG GCIG PU NI 'BYUNG BAR 'GYUR, ,SNGAGS PAS
, ,BAR CHAD MED PAR NI, ,SRA BA CUNG ZAD CUNG ZAD BSKUL, ,NOR BUR GNAS PA YID LAS BYUNG, ,YI GE PHAt KYIS BSDAM PAR BYA, ,BYANG CHUB SEMS NI MA SHOR NA, ,BDE BA DAM PA SKYE BA STE, ,DE YI RANG BZHIN SPROS PA YIS, ,MI LUS CHAD PA MED PAR SNANG, ,KHYAB CING ZHI LA BDE BA YIS, ,GO 'PHANG DAM PA NGES PAR THOB, ,BYANG CHUB SEMS NI SHI BA NI, ,BRGYAL BAS 'DIR NI THOB MA YIN, ,ZHES SO, ,'DI LTA BU'I BYA BA NI RNAL 'BYOR PA LAM RNAM PA GNYIS LAS, PHO NYA'I LAM LA DGA' BA, DE NYID KYI GSUNG DANG THUGS LA DBANG THOB PA, LAS DANG PO PA'I SA LAS 'DAS PA, YE SHES LA DBANG THOB PA DANG, YE SHES LA YANG DAG PAR DBANG THOB PA MA YIN PA, YE SHES LA CUNG ZAD DBANG BAS SPYAD PAR BYA'O, ,DE LAS GZHAN PA NI MA YIN TE, LAS DANG PO PA NI DES NYAMS LA, GSUM PA DANG BZHI PA NI DE MI 'BAD PA'I PHYIR RO, ,DPAL KRishnA YA M'A RI'I RGYUD LAS, 'O MA SGRUB PA'I MAN NGAG TU BYAS LA, A'A TZARYA DZI MU DA B'A T'A LAS MDZAD PA, 'O MA SGRUB PA'I MAN NGAG RDZOGS SO,, ,,A'A TZ'ARYA BADZRA P'A nI DANG, LO TZ'A BA DGE SLONG CHOS KYI SHES RAB KYIS BSGYUR BA'O,