, ,RGYA GAR SKAD DU, SARBA PRE TA BADZRA P'A SHA KA, ,BOD SKAD DU, YI DAGS THAMS CAD RDO RJES BCINGS PA, ,DPAL GSHIN RJE GSHED LA PHYAG 'TSAL LO, ,GSHIN RJE'I SLOB DPON MI MCHOG GIS, ,BSNYEN PA LAS SNGAGS BSTAN PA NI, ,SBYOR BA RDZOGS PA 'BUM TSO GCIG, ,MAR NGO'I TSES BDUN NAS BRTZAMS TE, ,DGU YI BAR DU BZLAS PA BYA, ,GSHIN RJE NYID KYANG 'CHING 'GYUR NA, ,DE LAS GZHAN PA SMOS CI DGOS, ,MTHEB SOR NYI SHU'I TSAD CAN NANG, ,RGYAR BCAS GRU GSUM SOR BCU ZABS, ,SOR GSUM KHA KHYER PHYIR BSKYED PA'I, ,SOR GSUM RGYA DANG DPANGS SU MNYAM, ,DUR KHROD SOL BAS NANG BYUGS TE, ,KHRUG GIS SOR GSUM GNYIS KYANG BYUG , LCAGS PHYE THAL CHEN SOR RE'I TSAD, ,RABS CHAD NAG PO'I THOD PA LA, ,NANG KHRAG DUG GIS BYUGS NAS KYANG, ,TSANGS PA'I BU GAR SKAR KHUNG GDONG, ,GSANG KHUNG CHEN PO GCIG BTOD NAS, ,CHOS 'BYUNG KHA SBYOR LJANG GU LA, ,MU KHYUD RDO RJE RABS BSKOR, ,SKU YI YIG 'BRU DRUG BKOD LA, ,LTE BAR BSGRUB BYA MING DANG BCAS, ,'OG TU MNAN PA'I RGYAB STEGS SU, ,DUR KHROD RO YI RAS DAG LA, ,GSER GYI SA GZHI DANG LDAN PA'I, ,RI RAB LCOG BRGYAD BKOD PA BRI, ,DE STENGS SNA TSOGS RDO RJES MTSAN, ,H'Um DANG LAm DANG H'Um YIG BRI, ,RE'U MIG THAG PA BZHIS BRTOD
, ,LA; ,TSA BA RNAMS DANG LCAGS PHYE SOGS, ,'BRU GSUM BZLAS PA BYAS LA GDAB, ,AOm LAS CHOS 'BYUNG DKYIL NYID DU, ,SPRUL PA'I KHRO BOS BKUG LA GZUGS, ,SA DANG RI RAB RDO RJE DANG, ,BDAG NYID GSHIN RJE GSHED KYIS MNAN, ,SKRAG CING GZIR CING 'BAR BAR BLTA, ,AOm K'A LA RU PA H'Um, AOm HR'I: shtRi: WI KRi T'A NA NA H'Um H'Um PHAt PHAt SV'A H'A, AOm NRI MA RA NRI M'A RA, SNYING dI SHRI dI SHRI, YA MA KHRAG TSUL BA BAm, SI RI SI RI, ,RIL DAm DUm PU, NAG PO TI PA RA NA SHAG NAm, SNYING LA THOD PA PRA SHAG NAm, BADZRA K'I LI K'I LI YA, DE NAS DUR KHROD G-YAM PA LA, ,DRI SOGS DUG GIS BYUGS NAS KYANG, ,RGYA GRAM RDO RJE BRIS PA LA, ,DBUS SU NRI DANG RTZE MOR DZA:, ,BKOD PAS KHAD GAB MNAN PAR BYA, ,THAL CHEN DUG GI RGYA YANG BYA, ,H'Um LAS NGAG SEMS LAS SKYES PA YI, ,BGEGS KYI TSOGS RNAMS KUN NYON CIG, ,DA NI DPAL RDO RJE 'CHANG; ,MNAN PA'I 'KHOR LO RAB SBYOR BA, ,RDO RJE'I LUS NI 'BAR BA YIS, ,GNAS GSUM LAS SKYES GNON PAR BYED, ,GAL TE KHA CIG BDAG LAS 'DA', ,'JIG PAR 'GYUR GYI GZHAN DU MIN, ,'KHOR LO RIN CHEN PADMA DANG, GZHAN DU YANG NI DE BZHIN BRJOD, ,RDO RJE GOM PA'I STABS LDAN PAS, ,SHIN TU MNAN PA'I TSIG 'DI BRJOD, ,SEMS CAN LAS DAN SDIG CAN KHYOD, ,GTAD DO GSHIN RJE'I LAG TU GTAD, ,BCING NGO RGYA MTSO'I GTING DU BCING, ,MNAN NO RI RAB LJID KYIS MNAN, ,SBYANG NGO 'BYUNG BA BZHI LA SBYANGS, ,SBA'O KLU RGYAL SNYING LA SBA, ,'DI LAS 'DA' BAR MA BYED CIG, ,GAL TE BYANG CHUB SEMS BSKYED DE, ,SH'AKYA THUB PA'I BSTAN PA LA, ,DAD PAS MGON PO MCHOD SRID NA, ,NGA YIS KHYOD LA BDEN PA BSTAN, ,MNAN PA'I RDO RJE SBYOR CHEN PO, ,RNAL 'BYOR BAR CHAD SEL BYED PA, ,STOBS CHEN GZHAN GYIS MI THUB NYID, ,MGON PO DE LA PHYAG 'TSAL BSTOD, ,GSHIN RJE GSHED NAG PO'I RGYUD BZHI BRGYA LNGA BCU PA NAS PHYUNG BA, SLOB DPON NAG PO ZHABS KYIS MDZAD PA RDZOGS SO,, ,,RNAL 'BYOR PA PRA DZNY'A NA K'IRTI'I RANG 'GYUR RO,, ,,