, ,RGYA GAR SKAD DU, KRI shnA YA M'A RI S'A DHA N'Am MAndALA BI DHI N'A MA, BOD SKAD DU, GSHIN RJE GSHED NAG PO'I
SGRUB THABS KYI MAndALA GYI CHO GA ZHES BYA BA, DPAL GSHIN RJE GSHED LA PHYAG 'TSAL LO, ,BLA MA RDO RJE YE SHES DANG, ,RJE BTZUN MGON LA PHYAG 'TSAL LO, ,DNGOS GRUB SLOB DPON MNYES BYA'I PHYIR, ,RJE BTZUN DKYIL 'KHOR DAM PA YI, ,CHO GA BDAG GIS BSHAD PAR BYA, ,YID DU 'ONG BA'I SA PHYOGS SU; ,SA GZHI BZANG PO YID 'ONG LA, ,RIN CHEN SPOS CHUS LEGS BKRUS TE, ,MNYAM PA'I SA LA DRI SOGS SBYIN, ,MDZES PA'I GZHI LA THIG LE BZHAG ,T'A MA LA YI 'O MA'AM, ,RAS BAL GTZANG MAS DGOD PAR BYA, ,SEMS CAN KUN LA RJES BRTZE BAS, ,PHYI NANG KHRUS LA GNAS NAS KYANG; ,SKAD CIG BSKYED LA TSOGS BSAG BYA, ,SRUNG DANG CHOS 'BYUNG GZHAL YAS KHANG, ,BSKYED LA DE YI NANG DU NI, ,ME TOG BZANG PO DGRAM PAR BYA, ,ZHE SDANG RDO RJE LAS BRTZAMS TE, ,RAL GRI RDO RJE RAB TU BSKYED, ,TSOM BU RE LA LAN BDUN TE, ,BZLAS PA PADMA NYI ZLA'I STENG, ,BDE GSHEGS SRAS BCAS BSAM PAR BYA, ,AOm HR'I: shtRi: WI KRi T'A NA NA H'Um H'Um PHAt PHAt SV'A H'A, AOm DZIN DZi KA ,AOm RATNA DHR'iKA ,AOm A'A RO LiK ,AOm PRADZNY'A DHRiK ,AOm MUDGA RA DHRiK ,AOm DAnDA DHRiK ,AOm PADMA DHRiK ,AOm khAdGA DHRiK ,AOm MO HA RA TI, AOm DVE shA RA TI, AOm R'A GA RA TI, AOm BADZRA RA TI, SO SO'I SKU MDOG PHYAG MTSAN DANG, ,RGYAN DANG BZHUGS PA'I PHYAG RGYA RNAMS, ,MNGON PAR RTOGS PA'I CHO GA LAS, ,'BYUNG BA BZHIN DU GSAL BAR BSKYED, ,TSOGS BSAGS DKYIL 'KHOR BSTIM PA DANG, ,SKYE MCHED SKU GSUNG THUGS BYIN BRLAB, ,DBANG BLANG BA DANG DGUG GZHUG BYA, ,MCHOD BSTOD BDUD RTZI MYANG BA DANG, ,SPRO BSDU DANG NI BZLAS PA RNAMS, ,RNAL 'BYOR PA YIS LEGS BYAS TE, ,'DOD PA'I DON RNAMS GSOL BA GDAB, ,GSHEGS DANG BZOD PA GSOL BYAS TE, ,DE NYID GSUM GYI CHO GA YIS, ,YE SHES 'KHOR LO GSHEGS SU GSOL, ,DAM TSIG BSKYED PA'I LHA RNAMS NI, , SNYING GA NYID DU RNAM PAR BSTIM, ,GNYIS DON DAM PA BDEN PA YI, ,CHOS KYI TSUL LA GNAS PAR BYA, ,SEMS CAN KUN GYI DON GYI PHYIR, ,BYANG CHUB TU NI BSNGO BA DANG, ,SMON LAM CHEN PO GDAB PAR BYA, ,DE LTAR NYIN MTSAN DUS DRUG TU, ,SNYING BRTZE BRTZON PAS DBUL BAR BYA, ,G-YENG BA RNAM PAR
, ,ZHI DON DU, ,TSOGS BSAGS MAndALA TING 'DZIN NI, ,SBYOR BA'I CHO GA SNGON SONG BAS, ,GSER DANG PAD ZLA RNAM BSAMS TE, ,GONG BZHIN RIM PAR DGOD PAR BYA, ,AOm BADZRA RE KHE H'Um, MAndALA H'Um, AOm BADZRA RE KHE H'Um, PADMA MAndALA H'Um, AOm BADZRA RE KHE H'Um, AA TZANDRA MAndALA H'Um, BSNYEN PAR BYA BA'I GONG BZHIN DU, ,GSHEGS SU GSOL DANG BSDU BA MIN, ,KHYAD PAR BSDUS PA'I MAndALA NI, ,LAS KYI SNGAGS KYIS BYIN BRLABS TE, ,MDZES PA'I SNGAGS KYIS DGRAM PAR BYA, ,RAS SAM BZANG PO'I GZHI DAG LA, ,THIG LE 'BRU SOGS BKOD NAS KYANG, ,BDE GSHEGS SRAS BCAS SPYAN DRANGS TE, ,GDAN GYI TSUL DU DBUL BAR BYA, ,SHIN TU BSDUS PA 'DI LTA STE, ,TSOM BU GCIG LA MNGON BRTEN TE, ,GZHAL YAS KHANG DU DMIGS NAS KYANG, ,DE NAS SPYAN DRANGS BZHUGS SU GSOL, ,BSOD NAMS TSOGS KYIS RGYUD SBYANGS NAS, ,GSOL BTAB BSNGOS LA GSHEGS SU GSOL, ,MA CHAGS BRTEN PA'I SNYING GAR BSDU, ,SGYU MA'I BLO YIS ZIN PAR BYA, ,BLA NA MED PA'I MAndALA NI, ,SNYING GA'I PADMA RNAM DAG NANG, ,YE SHES CHEN PO'I THIG LE NI, ,LNGA PHRAG GNYIS DANG DRUG PHYED KYI, ,YIG 'BRU MCHOG TU RNAM BSAMS TE, ,MTSAN DANG RDZOGS PA'I SKUR GYUR NAS, ,DUS GSUM TSOGS KYI MCHOD BA BYA, ,RTAG TU BSDU BA MA YIN TE, ,DUS MED RTAG TU BRTZON PAS 'GRUB, ,BSAM GYIS MI KHYAB MAndALA NI, ,CHOS NYID ZUNG DU 'JUG PA LAS, ,RANG GI DE NYID RNAM BSAMS PA'I, ,SKYE MCHED MYA NGAN 'DAS PA'I GNAS, ,RTOG DANG BRAL BA'I DE BZHIN NYID, ,RDO RJE LTA BU'I PHO BRANG YIN, ,DUS GSUM RTAG TU SANGS RGYAS NAS, ,SKYE MED DE BZHIN NYID KYIS BDAG ,CHAGS SDANG BRAL BAS DBUL BAR BYA, ,MAndALA KUN GYI MCHOG YIN NO, ,BSOD NAMS TSOGS KYI MAndALA LAS, ,YE SHES MAndALA RNAM PAR SKYE, ,DE PHYIR THABS KYI MAndALA NI, , RNAL 'BYOR BA YIS DBUL BAR BYA, ,THUN MONG DNGOS GRUB BSGRUB PA DANG, ,MCHOG GI DNGOS GRUB THOB BYA'I PHYIR, ,BDAG GI BSAM PA BZANG PO YIS, ,MAndALA BYAS PA'I DGE BA GANG, ,DES NI SEMS CAN THAMS CAD KYIS, ,SANGS RGYAS ZHING KHAMS DAG THOB SHOG ,GSHIN RJE GSHED NAG PO'I SGRUB
THABS KYI MAndALA GYI CHO GA ZHES BYA BA RDZOGS SO,, ,,ZANGS GLING RNAL 'BYOR N'A GA P'U RA YIS, ,RNAL 'BYOR KA MA RAKshI TA NYID LA, ,GU TSA RGYAL BU'I BU NYID BTANG NAS KYANG, ,TA RU PA RI DUR KHROD TSAL NYID DU, ,RNAL 'BYOR 'DUS PA'I TSOGS KYI 'KHOR LO NANG, ,GSOL BTAB RNAL 'BYOR RNAMS KYI ZHAL NGO RU, ,MAndALA CHO GA BSOD SNYOMS PA YIS BYAS, ,DENG SANG RNAL 'BYOR LTA SPYOD LDAN PA YIS, ,DUS RNAMS RTAG TU MAndALA 'BAD PAR RIGS,,