, ,RGYA GAR SKAD DU, BEE RO TZA NA YA M'A RI NO PI KA N'A MA, BOD SKAD DU, GSHIN RJE GSHED RNAM PAR SNANG MDZAD KYI MNGON PAR RTOGS PAR ZHES BYA BA, RDO RJE SEMS DPA' LA PHYAG 'TSAL LO, ,SANGS RGYAS RDO RJE RTAG PA'I DPAL, ,ME LONG YE SHES BYANG CHUB SEMS, ,'OD GSAL RDO RJE KUN ZHI BA, ,TI MUG RDO RJE LA PHYAG 'TSAL, ,SA RNAMS PHA ROL BGROD PA'I LAM, , RTAG PA'I SGRUB THABS BSHAD PAR BYA, ,DANG POR SNGAGS PAS SNYING RJE DRAN PAS RANG LUS RDZOGS PA DANG, ,SNYING GAR SA BON GSAL BA LAS NI DAM PA RNAMS BSAMS NAS, ,SANGS RGYAS CHOS DANG DGE 'DUN GSUM GYI YON TAN BSAM BYAS NAS, ,BSOD NAMS RGYA CHER RAB TU RGYAS PA'I TSOGS RAB
BSAG PAR BYA, ,BYAMS DANG SNYING RJE DGA' DANG BTANG SNYOMS LDAN PAS STONG PA BSGOM, ,SRUNG BA'I 'KHOR LO BYAS NAS PADMA ZLA BA RGYAS PA'I STENG, ,KshE YIG GYUR BAS CHOS KYI 'KHOR LO DMAR ZHING 'OD 'PHRO BA, ,BSDU BA'I DE NYID LAS NI RTAG PA'I SKUR GYUR PA DE KHRO LA SGEG ,RTZA BA'I ZHAL DANG GZHAN GNYIS DKAR SNGO DMAR ZHING PHYAG DRUG YUM DANG BCAS, ,GRI GUG 'KHOR LO RAL GRI PADMA RIN CHEN CHU SKYES RAB TU 'KHRUGS, ,GLANG CHEN STAG GI PAGS PAS STOD DANG SMAD DKRIS MI MGO RLON 'DZAG PA, ,THOD PA DRUG LDAN SKRA NI DMAR SER GYEN BRDZES SPRUL BRGYAD YAN LAG SPRAS, ,ME DKYIL NA BZHUGS YE SHES SEMS DPA' GSAL NAS YAN LAG DRUG BYAS TE, ,RLUNG DANG ME DANG THOD PA SNOD MCHOG SGRON MA BCU YIS KHA BKAB NAS, ,BSKYOD DANG 'BAR BAS GLANG PO LA SOGS BCUR GYUR SBYOR BA'I SEMS BAB NAS, , AOm A'A: H'Um, BYIN RLABS RDO RJE'I SBU GUS RAB DRANGS MNYES BYAS SPRO BSDUS THIM, ,RDO RJE RTAG PA RIM GYIS BSKYOD LA RAB THIM NAS NI LHAN CIG SKYES PA'I DGA' BA BSAM, ,YOD DANG MED PA LAS 'DAS SPROS BRAL NAM MKHA' LTA BU'I BYANG CHUB SEMS DRAN NAS, ,RMI LAM SAD PA'I RNAL 'BYOR PHUNG PO KHAMS RNAMS KUN SPANGS DE BZHI NAS NI LDANG BA BRTZAM, , KHAMS SOGS BDE BA CHEN POR MDOG GYUR GZUGS BRNYAN LTA BUR RAB RTOGS 'DI NI RGYAL SRAS BDAG ,SNYIG PO NYI ZER LTA BUR RDO RJE'I BZLAS PA 'GRO BA KUN LA PHAN PAR BYA PHYIR DBUS DU BZLAS, ,RNAL 'BYOR SGYU MA'I GZUGS KYIS STENG 'OG LA SPYOD 'JIG RTEN DON 'GYUR THAMS CAD GSHIN RJE GSHED THOB SHOG ,AOm DZIN DZIK MO HA RA TI, H'Um H'Um H'Um PHAt PHAt SV'A H'A, GSHIN RJE GSHED PO RAB 'JIGS PA, GTU MUG RDO RJE'I NGO BO KHYOD, ,STON PA SANGS RGYAS KUN RANG BZHIN, ,RDO RJE MI 'JIGS PHYAG 'TSAL BSTOD, ,SGRUB THABS SANGS RGYAS LA 'JUG PA, ,BSKYED PA DANG NI RDZOGS PA'I RIM, ,GONG MA'I GO 'PHANG STON PA PO, ,SNGAGS RNAMS SGRIB PA ROL GYUR CIG ,GSHIN RJE GSHED RNAM PAR SNANG MDZAD KYI MNGON RTOGS ZHES BYA BA, RGYA GAR GYI MKHAN PO MKHAS PAR GRAGS PA, DPA' MAR ME MDZAD KYIS MDZAD PA RDZOGS SO,, ,,RNAL 'BYOR PA PRADZNY'A SHR'I DZNY'A NA K'I RTIS RANG
, ,'GYUR DU MDZAD PA'O,,