, ,RGYA GAR SKAD DU, A'ARY'A WA LO KA TE SHVA RA S'A DHA NAm, BOD SKAD DU, 'PHAGS PA SPYAN RAS GZIGS 'JIG RTEN DBANG PHYUG SGRUB PA'I THABS, 'JIG RTEN MGON PO LA PHYAG 'TSAL LO, ,GANG THUGS THUGS RJE'I DBANG GYUR TE, ,RTAG TU GZHAN GYI DON MDZAD PA, ,'JIG RTEN MGON LA PHYAG 'TSAL TE, DE YI SGRUB THABS BRI BAR BYA, ,BYANG CHUB TU NI SEMS BSKYED CING, ,DAD DANG SNYING RJER LDAN PA DANG, ,BLA MA LA GUS GTONG SEMS LDAN, ,BDEN PAR SMRA ZHING BRTZON LDAN PAS, ,YID DANG RJES SU MTHUN GNAS
, ,SU; ,BDE BA'I STA NA LA 'DUG NAS KYANG, ,SNGON DU BYA BA RNAMS BYAS LA, ,'JIG RTEN MGON PO BSGRUB PAR BYA, ,DANG PO BDAG NYID KYI SNYING GAR AA LAS RI BONG CAN BSAMS LA, DE'I STENG DU SA BON GYI YI GE BSAMS TE, DE LAS 'OD 'PHROS PAS 'JIG RTEN MGON PO SPYAN DRANGS TE, PHYAG LA SOGS PA YAN LAG BDUN PA BYA'O, ,DE NAS GSUM LA SKYABS SU 'GRO BA DANG SEMS BSKYED PA BYAS LA SNYING RJE CHEN PO BSGOM PAR BYA'O, ,AOm SH'U N+YA T'A DZNY'A NA BADZRA SV'A BH'A WA A'ATMA KO&HAm, ZHES BRJOD DO, ,DES DNGOS PO THAMS CAD GZUNG BA DANG 'DZIN PA GNYIS SU MED PA STONG PA NYID DU BSGOM PAR BYA'O, ,DE NAS RANG GI SEMS NYID BAm LAS PADMA 'DAB MA BRGYAD PAR BSAMS TE, DE'I STENG DU AA LAS ZLA BA'I DKYIL 'KHOR RO, ,DE'I DBUS SU YANG SA BON GYI YI GE DE NYID DO, ,DE LAS 'OD 'PHROS 'GRO BA RNAMS DAG PAR BYAS NAS DE NYID DU BSDU BAR BYA'O, ,DE YONGS SU GYUR BA LAS BDAG NYID 'JIG RTEN MGON PO SKU MDOG DMAR PO, ZHAL GSUM PA, DMAR PO DANG, DKAR PO DANG, SNGON POR SNANG BA DANG, PHYAG DRUG PA G-YAS G-YON DANG PO GNYIS SNYOM PAR 'JUG PA'I PHYAG RGYA CAN, G-YAS KYI GNYIS PA DANG, GSUM PA NA PADMA DANG RAL GRI BSNAMS PA, G-YON GYI GNYIS PA DANG, GSUM PA NA RIN PO CHE DANG 'KHOR LO BSNAMS PA'O, ,DE'I THUGS KAR YE SHES SEMS DPA' RANG DANG 'DRA BA'I CHA PHRA BA'O, ,DE'I THUGS KAR RI BONG CAN LA SA BON GYI YI GE'O, ,DE LAS 'OD 'PHROS TE, YE SHES PA RANG BZHIN GYI GNAS NAS SPYAN DRANGS LA MCHOD PA BYAS LA, DZA:H'Um BAm HO:, ZHES BRJOD DE, RANG LA DGUG PA DANG, GZHUG PA DANG, BCING BA DANG, MNYES PAR BYA'O, DE NAS GNAS GSUM DU YI GE GSUM BSAMS LA, SKU GSUNG THUGS BYIN GYIS BRLAB PAR BYA'O, ,YANG SA BON LAS 'OD 'PHROS TE, SANGS RGYAS LNGA SPYAN DRANGS LA MCHOD PA BYAS LA, MGON PO DE BZHIN GSHEGS PA KUN GYIS, ,BDAG LA DBANG BSKUR MDZAD
DU GSOL, ,ZHES GSOL BA GANG BA CING, DES DBANG BSKUR BAR BSAM ZHING RIGS KYI BDAG POS RGYAS GDAB PO, DE NYID RNAM PAR GSAL BAR BSGOM PAR BYA'O, ,YANG 'BYUNG BA RLUNG LAS GRUB PA'I PADMA TZA NA KA'I TSAD TZAM STENG GI SNA'I RTZE MOR REG PA'I MTSAN MA DANG, GZUGS KYI MTSAN MA BYUNG BA'I BAR DU BSGOM PAR BYA'O, ,YANG SA BON GYI YI GE DE LAS DE'I SKU RNAMS SPRO ZHING BSDU BAR BYA'O, ,DE NAS SPRO BAR GYUR NA YE SHES SEMS DPA'I THUGS KA'I SA BON LA, AOm A'A:AOm MA NI PADME H'Um H'Um HR'I: SV'A H'A, ZHES BYA BA G-YON SKOR DU BKOD DE, MAN NGAG JI LTA BA BZHIN DU BSGOM PAR BYA'O, ,DE NAS LDANG BAR 'DOD NA YE SHES SEMS DPA' PHYUNG LA MCHOD PA BYAS TE, GANG YANG BDAG BLO GTI MUG PAS, ,'DIR NI BYA MIN GANG BYAS PA, ,GANG YANG LUS CAN SKYABS GYUR PA, ,MGON PO KHYOD NI BZOD PAR MDZOD, ,CES GSOL BA GDAB PAR BYA'O, ,RTAG TU GZHAN GYI DON MDZAD PA, ,'JIG RTEN DBANG PHYUG GRUB PA NI, ,DGE BA DE YIS THOB GYUR CIG, ,'GRO BAS KYANG NI DE THOB SHOG ,CES BYA BAS SMON LAM GDAB PAR BYA'O, ,DE NAS, AOm A'A:H'Um:MU, ZHES PAS GSHEGS SU GSOL LO, ,'BYUNG BA THAMS CAD LA YANG BYA, ,MDUN DU CHOS 'BYUNG PAD ZLA CAN, ,BSAMS LA SA BON 'OD ZER GYIS, ,'BYUNG PO THAMS CAD BKUG NAS NI, ,RANG 'DOD LHA YI RNAM PAR BYA, ,GTOR MA SBYANG BA'I RIM PA NI, ,YAm BYUNG RLUNG LAS RAm BYUNG ME, , AA LAS BYUNG BA'I PAD SNOD DU, ,MU BI RA SHU MA LAS BYUNG BA YI, ,RDO RJE CHU SOGS RDZAS RNAMS BSANG, ,SBYANG BA LA SOGS RNAM BYAS NAS, ,DE RU YI GE HR'I:BKOD DE, ,YE SHES BDUD RTZI BKUG BYAS LA, ,H'Um LAS BYUNG BA'I RDO RJES DKRUGS, ,SNGAGS 'DIS BYIN GYIS BRLABS TE 'BUL, AOm AA K'A RO MU KHAm SARBBA DHARMM'A n'Am A'A DYA NUTPANNA TV'A TA AOm A'A:H'Um PHAt, CES LAM BDUN NAM GSUM BZLAS YA DBUL BAR BYA'O, ,DE NAS DE RNAMS TSIM PAS GNYIS SU MED PA'I BDE BA CHEN PO'I TING NGE 'DZIN THOB PAR BSAMS LA, AOm A'A:H'Um MU:SA GSHEGS
, ,SU GSOL BAR BYA'O, ,ZAS LA NYE BAR SPYOD DUS SU SNGA MA'I TING NGE 'DZIN DE NYID KYIS KHA ZAS SNGA MA BZHIN SBYANGS LA, SNYING GAR RANG GI HA BSAMS LA, ,NANG GI SBYIN SREG BSAM LDAN PAS, ,ZAS LA NYE BAR SPYAD PAR BYA, ,DE NAS MCHOD RTEN LA SOGS KYI, , DGE BA'I LAS LA 'BAD PAR BYA, ,NYAL BA'I DUS SU BDAG NYID KYI, ,SNYING GA'I SA BON DE NYID DU, ,BRTAN DANG G-YO BA KUN BSDUS TE, ,BDAG NYID KYANG NI DER BSDUS LA, ,STONG NYID TING 'DZIN LA GNAS BYA, ,NANG PAR LANGS NAS SNGA MA BZHIN, ,SGRUB BA LA NI 'JUG PAR BYA, ,KHRUS NI RANG LA DBANG BSKUR BSAM, ,DPAL LDAN 'DUS PA'I RJES 'BRANGS TE, ,'JIG RTEN DBANG PO SGRUB PA'I THABS, ,MAR ME MDZAD DPAL YE SHES KYIS, ,MAN NGAG MDOR BSDUS 'DIR BSHAD YIN, ,'JIG RTEN MGON PO SGRUB PA'I THABS SLOB DPON CHEN PO DPAL MAR ME MDZAD YE SHES KYIS MDZAD PA RDZOGS SO,,