1851 · GMLW-000840

GSANG BA 'DUS PA'I BSHAD SBYAR SNYIM PA'I ME TOG CES BYA BA (Kusumāñjali Guhya Samāja Nibandha (Nāma))

נושאי-מדףSubjects:

RGYUDDiamond Way (Vajrayāna)‹›RNAL 'BYOR BLA MEDUnsurpassed Practice (Anuttara Yoga)‹›GSANG BA ‘DUS PASecret Collection (Guhya Samāja)‹›YE SHES ZHABS LUGSSystem of Master Jnana Pada (Jñāna Pāda Krama)‹›RGYUD 'GRELCommentaries to the Original Tantra (Tantra Vṛtti)

מחברauthor

לוצאווה טיבטיTibetan lotsawaCHEN PO 'GOS LHAS BTZA

מהקולופוןfrom the colophon

נמצא בfound inDiamond Way (Vajrayāna)

מספר טוהוקוTohoku numberToh 1851 · Tantra

מהדורהrecensionDerge

כותרת בסנסקריטSanskrit titleKU SU M'ANYDZA LI GU HYA SA MA DZA NI BANDHA N'A MA

כניעה לhomage toBCOM LDAN 'DAS GSUNG GI DBANG PHYUG 'JAM DPAL GZHON NUR GYUR PA

הלוצאווה הטיבטיTibetan lotsawaCHEN PO 'GOS LHAS BTZAS

פוליוfolios1b–120a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title60%

הקבציםThe files

TD01851-2_GSANG BA 'DUS PA'I BSHAD SBYAR SNYIM PA'I ME TOG CES BYA BA (Kusumāñjali Guhya Samāja Nibandha (Nāma)).txt/02 RGYUD_Diamond Way (Vajrayāna)/01 RNAL 'BYOR BLA MED_Unsurpassed Practice (Anuttara Yoga)/10 GSANG BA ‘DUS PA_Secret Collection (Guhya Samāja)/02 YE SHES ZHABS LUGS_System of Master Jnana Pada (Jñāna Pāda Krama)/01 RGYUD 'GREL_Commentaries to the Original Tantra (Tantra Vṛtti)/VOL 40 (THI)

TD01851_GSANG BA 'DUS PA'I BSHAD SBYAR SNYIM PA'I ME TOG CES BYA BA (Kusumāñjali Guhya Samāja Nibandha (Nāma)).txt/02 RGYUD_Diamond Way (Vajrayāna)/01 RNAL 'BYOR BLA MED_Unsurpassed Practice (Anuttara Yoga)/10 GSANG BA ‘DUS PA_Secret Collection (Guhya Samāja)/02 YE SHES ZHABS LUGS_System of Master Jnana Pada (Jñāna Pāda Krama)/01 RGYUD 'GREL_Commentaries to the Original Tantra (Tantra Vṛtti)/VOL 39 (TI)

הטקסטThe text

טיבטיתTibetanTD01851-2_GSANG BA 'DUS PA'I BSHAD SBYAR SNYIM PA'I ME TOG CES BYA BA (Kusumāñjali Guhya Samāja Nibandha (Nāma)).txt482,214 תוויםcharacters

, ,DNGOS GRUB MCHOG GI NYE BAR SGRUB PA'I DRAG SHUL GYI SGRUB PA DANG, DBANG DU BYA BA DANG, BSRUNG BA'I SBYOR BA ZHAR LA 'ONGS PA DANG BCAS PA BSTAN PA'I PHYIR LHA MO BZHI DANG, KHRO [DD] BO DGU RNAMS DANG, MDUNG CHEN MA DANG, KHRO GNYER MA'I SNGAGS SBYOR BA DANG BCAS PA DANG PHUR BU GDAB PA'I SNGAGS BZHI PO NI, DE NAS ZHES BYA BA LA SOGS PA'I LE'U BCU BZHI PA GSUNGS TE, DE BZHIN GSHEGS PA THAMS CAD KYI DAM TSIG NI, DE RNAMS KYI SNGAGS DANG, PHYAG RGYA LA SOGS PA'I RNAM PA GANG YIN PA'O, ,JI LTAR NA DAM TSIG YIN ZHE NA, RGYAL BA'I BKA' DANG 'DRA BAR 'DA' BAR BYA BA MA YIN PA NYID KYI PHYIR RAM, CHOS KYI SKU YANG DAG PAR THOB PA'I RGYU MTHUN PA YIN PA'I PHYIR RAM, YANG DAG PAR THOB PA NI YANG DAG PAR RTOGS PA NYID KYI PHYIR TE, YANG DAG PA'I YE SHES KYI THABS NYID YIN PA'I PHYIR RO, ,DE RNAMS KYI BDAG PO NI GTZO BO'I RGYU NYID YIN PA'I PHYIR RAM, THUN MONG GI RGYU NYID YIN PA'I PHYIR RO, ,RDO RJE 'DZIN PA CHEN PO NI BCOM LDAN 'DAS SO, ,

, ,DE CI'I PHYIR ZHE NA, 'DI LTAR DE NI DE BZHIN GSHEGS PA THAMS CAD KYI CHOS KYI SKU YIN NO, ,'DIS NI DE NYID DAM TSIG THAMS CAD STON PAR MDZAD PA POR RIGS SO ZHES BSTAN PAR 'GYUR RO, ,LUS KYI NYES PA NAD DANG RGA SHI LA SOGS PA THAMS CAD SHIN TU ZHI BA NI RNAM PAR SNANG MDZAD DO, ,DE'I DAM TSIG NI LHAN CIG SPYOD PA'I SHES RAB KYI LUS TE SPYAN ZHES BYA BA'I DON TO, ,DE'I MCHOG LA DMIGS PA MNGA' BAS NA DE SKAD CES BYA'O, ,CI'I PHYIR SNYOMS PAR 'JUG PAR MDZAD CE NA, DE'I 'AM DE LA SDUG PA'I RNAL 'BYOR GYIS DE DAG GI SNGAGS KYI SBYOR BA SHIN TU LEGS PA YIN NO ZHES SHES PAR BYA BA'I PHYIR RO, ,'DI NYID KYI ZHES BYA BA NI SNGAGS KYI RNAM PA 'CHAD PAR 'GYUR BA'O, ,DE BZHIN GSHEGS PA THAMS CAD NI DE BZHIN GSHEGS PA THAMS CAD KYI SHIN TU RNAM PAR DAG PA'I SKU'O, ,DE RNAMS KYI BTZUN MO NI DBYINGS TE, DGA' MA DANG BTZUN MO DAM PA'O, ,DE YANG DE RNAMS KYI ME LONG LTA BU'I YE SHES KYI BDAG NYID KYI DE KHO NA NYID RIG PA NI ZHI GNAS SO, ,DE NI DE RNAMS DANG LHAN CIG TU SPYOD PA STE LHAG MTHONG NGO, ,DE NYID KYIS DE KHO NA NYID BYE BRAG TU MTHONG BAS DE KHO NA NYID DANG RO GCIG PAS

DE BAS NA DE RNAMS LA DE KHO NA NYID DANG DMIGS PA ZHES KYANG BRJOD DO, ,DGA' BA SKYED PAR BYED PAS DGA' BA DANG SDUG PA YANG YIN NO, ,DE NYID KYIS NI DMIGS PA'I TSUL DU 'DZIN PA'I PHYIR DANG, NYE BAR STON PA'I TSUL DU GSO BA'I PHYIR GSO BAR BYED PA DE LTAR NA BTZUN MO'O, ,'DZIN PAR BYED PA'I PHYIR DBYINGS SO, ,JI LTAR NYE BAR STON PA YIN ZHE NA, TSIM PAR BYED PA'I PHYIR RO, ,SANGS RGYAS BCOM LDAN 'DAS NI CHOS LA DGA' BA'I DGYES PAS NYE BAR STON PAR MDZAD PA YIN GYI KHAM GYI ZAS LA SOGS PAS NI MA YIN NO, ,DE BAS NA TSIM PAR BYED PAS NA DGA' MA'O, ,SHIN TU YID DU 'ONG BA'I PHYIR BTZUN MO DAM PA'O, ,DE SKAD DU LE'U BCU BDUN PA LAS, DBYINGS SU GYUR PA'I RGYAL PO CHE, ,TSIM PAR BYED PA RNAM PAR BSAM, ,ZHES BYA BA DANG, LE'U BCO BRGYAD PA LAS, DGA' BA RDZOGS PA'I LONGS SPYOD MCHOG ,BUD MED BDE MCHOG PHUN SUM TSOGS, ,ZHES 'BYUNG NGO, ,DE'I NGO BO NYID YIN PAS NA DE'I SNGAGS LA YANG DE SKAD CES BYA'O, ,SEMS CAN THAMS CAD 'BOR PA NI 'BYOR PA KUN NO, ,DGYES PA RNAMS NI BZHED PA RNAMS SO, ,DE RNAMS LA DGYES PA NI DE LA NYE BAR LONGS SPYOD PA'O, ,DE DANG LDAN PAS NA 'BYOR PA KUN LA DGYES PA RNAMS TE, SO SOR SDUD PA LA SNYOMS PAR ZHUGS PA'I SANGS RGYAS DANG BYANG CHUB SEMS DPA' RNAMS ZHES BYA BA'I DON TO, ,DE RNAMS MNYES PA NI GSAN PA TZAM GYIS SO, ,RAB TU DGYES PA NI GTI MUG DGA' MA DE NYID DO, ,SANGS RGYAS RDO RJE NI RNAM PAR SNANG MDZAD KYI CHOS NYID DE SPYAN NO, ,DE STON PAR MDZAD PAS NA DE SKAD CES BYA'O, ,DE RJES SU DRAN PA NI DGYES PAS SO, ,SANGS RGYAS RNAMS KYI ZHING 'BYUNG BA STE, DE RNAMS KYI ZHING 'BYUNG BA YANG DE LA RAG LAS PA NYID YIN NA RIMS LA SOGS PA ZHI BAR BYED PA LTA CI ZHIG SMOS, LAS RNAMS THAMS CAD SGRUB BYED CING, ,ZHES BYA BA LA, SARBA AARTHA S'A DHA NI SV'A H'A, ZHES GSUNGS PA'I PHYIR TE, SBYOR BA'I BYE BRAG GIS RGYAS PA LA SOGS PA'I LAS RNAMS KYANG BYED DO ZHES BYA BA'I DON TO, ,RDO RJE NI SEMS TZAM NYID DO, ,DE'I DAM TSIG NI YANG DAG PAR RTOGS PA'O, ,DE BSKUL BA NI DGUG PA STE, SPYAN GYI SBYOR BAS BZLAS NA DE MYUR DU SKYE BAR BYED CES BYA BA'I DON TO, ,

, ,SHI BA SOS PAR BYED PA NI SHI BA'I SROG KYANG 'GUGS PAR BYED PA'I PHYIR DANG, 'CHI BAR 'DOD PA'I SROG KYANG 'DZIN PAR BYED PA'I PHYIR RO, ,DE LA ZHI BA'I DON DU JI LTAR RNAM PAR SNANG MDZAD KYI SBYOR BAS SBYOR BA GSUNGS PA DE BZHIN DU SPYAN GYI SBYOR BAS KYANG BLTA BAR BYA'O, , YANG NA KHAM PHOR KHA SBYAR GYI NANG DU TZANDAN DKAR POS PADMA 'DAB BRGYAD BRIS TE, DE'I LTE BA'I RDO RJE'I LTE BAR GNAS PA'I YI GE H'Um GI MGOR BSGRUB PAR BYA BA'I MING DANG SPEL BA RNAM PAR SNANG MDZAD KYI 'BYIN PA'I SNGAGS KYIS BSKOR RO, ,DE'I 'DAB MA LA SPYAN GYI SNGAGS KYIS KYANG BSKOR BAR BYA'O, ,DE NAS CHO GA BZHIN DU SPYAN DRANGS PA LA SOGS PA BYAS NAS, NAD PA'I SNGAS SU TZANDAN GYIS BYUGS PA'I SA GZHI'I GNAS LA KHAM PHOR KHA SBYAR GZHAG STE ME TOG DKAR POS MCHOD PAR BYA'O, ,SNGA MA BZHIN DU RANG GI SNYING GA'I ZLA BA LA DE DBANG BSKUR BAR BSAMS NAS BSKUL TSIG DANG BCAS PA'I PHRENG BA'I SNGAGS KHRI BZLA BAR BYA'O, ,SHI BA GSO BA'I PHYIR CHO GA BZHIN DU SPYAN GYI SBYOR BA BYAS NAS RANG GI SNYING GA LAS GRUB PA'I RDO RJE LCAGS KYU PHYUNG BA DES SHI BA'I RNAM PAR SHES PA 'JIG RTEN PHA ROL DU SONG BA GSAL ZHING DMAR BA'I YI GE AA'I RNAM PA CAN NAM, MAR ME'I RTZE MO RLUNG GIS MA BSKYOD PA'I MI G-YO BA LTA BU BKUG LA SHI BA'I SNYING GAR GZHUG PAR BYA'O, ,DE LA MO HA RA T'I ZHES BYA BA'I SNYING PO BKOD DE, DE'I 'OD ZER GYIS LUS DE MI SNANG BAR BYAS LA MO HA RA T'I ZHES BRJOD BZHIN DU SPYAN GYI RNAM PAR YONGS SU GYUR PAR BSAMS TE, MIG LA SOGS PA DANG, LUS LA SOGS PA BYIN GYIS BRLABS PAR BYAS NAS RANG GI SNYING GA NA GNAS PA'I YE SHES KYI LHA MO'I THUGS KA'I ZLA BA LA BKOD PA'I PHRENG BA'I SNGAGS DE LAS BYUNG BA'I SPYAN GYI SPRIN RNAMS KYIS SHEL GYI BUM PA'I BDUD RTZI'I DBANG BSKUR BA DANG, SNGA MA BZHIN DU 'OD ZER GYI GONG BU'I DBANG BSKUR BAS DBANG BSKUR BAR BYA'O, ,'CHI BAR 'DOD PA'I SROG YANG DAG PAR GZUNG BA'I PHYIR, ,'CHI 'DOD SNYING GA'I PADMA LA, ,MING GI YI GE'AM YI GE A'A:, ,BLTAS SHING PADMA KHA BTZUMS LA, ,PADMA ZHAGS PAS BCING BAR BYA, ,YANG NA, SNYING GAR RDO RJE KHA SBYAR STER, ,GNAS PA'I A'A: NI GSER 'OD CAN, ,BSAMS NAS RTZE MO GNYIS DAG NI, ,ZHAGS

PA DAG GIS BCING BAR BYA, ,RGYAS PA'I DON DU SNYING GA'I PADMA LA YI GE BAm KHA DOG SER PO, KHA THUR DU BLTAS PA BDUD RTZI 'DZAG PA BSAMS NAS, LTE BA'I PHYOGS SU YANG YI GE A'A: PADMA'I KHA LA SBYAR CAN BDUD RTZI DANG BCAS PA BSAM PAR BYA'O, ,SBYOR BA THAMS CAD LA SPYAN GYI SBYOR BAS DE'I PHRENG BA'I SNGAGS BZLA BAR BLTA BAR BYA'O, ,DE LA ZHI BA'I SNGAGS NI, AOm RU RU SPHU RU DZVA LA TIshthA SIDDHA LO TZA NE SARBA AARTHA S'A DHA NI CHE GE MO'I SH'ANTIm KU RU SV'A H'A, DE BZHIN DU RGYAS PA LA NI, SARBA AARTHA S'A DHA NI CHE GE MO'I PUshtIm KU RU AOm MO, ,'DIR TSIGS SU BCAD PA NI, ZHI LA SV'A H'A RGYAS LA AOm, ,DGUG LA DZA: STE DBANG DON HO:, ,H'Um NI GSOD DANG RMONGS PA LA, ,MNGON SPYOD LA NI H'Um NGAM PHAt, ,BSRUNG LA HAm STE MKHA' 'GRO HA, ,BCINGS LA BAm STE MI SNANG AOm, ,'DI YI MTHA' CAN BSKUL BA'I SNGAGS, ,LHAN CIG SKYES PA'AM BYAS PA YIN, ,ZHI DANG RGYAS DANG DBANG DGUG DANG, ,DRAG PO YI NI LAS RNAMS LA, ,SHAR BYANG NUB DANG LHOR BLTAS PA, ,DKAR SER DMAR DANG GNAG PA NYID, ,BRTZE BCAS DGA' CHAGS KHROS PA YIN, ,SROD DANG THO RANGS MTSAN NYID PHYE, ,BRTZAM BYA DGUG PAR BYA BA LA, ,KHA STENG PHYOGS BAS PHYOGS BLTA ZHING, ,SNGAGS PA YANG YANG RANG LHA NYID, , RDO RJE SEMS DPA'I RANG BZHIN SMOS, ,LAS RNAMS GRUB PHYIR DE NYID LA, ,RDO RJE SEMS DPA' ZHES BSKUL BYA, ,SKU GSUM PO RO GCIG PAR RTOGS PA NI SKU GSUM GYI DAM TSIG STE, DE'ANG MI BSKYOD PA'O, ,DE NYID NI THOGS PA MED PA'I YE SHES KYI GZI BRJID KYI RANG BZHIN CAN YIN PA'I PHYIR RDO RJE KHRO BO'O, ,DE NYID NI DNGOS PO MED PA STE, NYON MONGS PA'I RNAM PAR RTOG PA RNAMS 'JOMS PAR MDZAD PA NYID KYI PHYIR RO, ,DE'I DAM TSIG NI SHES RAB KYI LUS TE, M'A MA K'I ZHES BYA BA'I DON TO, ,BDAG CES BYA BA NI SEMS LA BYA LA, DE YANG 'DIR SANGS RGYAS RNAMS KYI STE DE YANG MI BSKYOD PA'O, , DE'I 'DIS SHES RAB YIN PAS NA M'A MA K'I'O, ,DE LA DMIGS PA'I TING NGE 'DZIN LA DE SKAD CES BYA'O, ,DE NYID NI DBYER MI PHYED PA NYID KYI PHYIR RDO RJE'O, ,DE BZHIN GSHEGS PA THAMS CAD KYI THUGS NI RDO RJE 'DZIN TE, RIG BYA DANG RIG PA GNYIS SU MED PA'I TSUL DU 'DZIN PAR MDZAD PA'I PHYIR RO, ,DE RNAMS

, ,KYI BTZUN MO'I MCHOG NI SNGA MA BZHIN TE, M'A MA K'I ZHES BYA BA'I DON TO, ,DE'I NGO BO NYID YIN PA'I PHYIR DE'I SNGAGS LA YANG DE SKAD CES BYA'O, ,RDOR GSUM DBYER MED RDO RJE CAN NI CHOS KYI DBYINGS KYI YE SHES DE DANG LDAN PA STE, BSAM GTAN LNGA LA SNYOMS PAR 'JUG PA'I SANGS RGYAS DANG BYANG CHUB SEMS DPA' RNAMS ZHES BYA BA'I DON TO, ,YID 'ONG SPYAN NI GDANGS NAS SU STE, ZHE SDANG DGA' MA DANG YANG DAG PAR LDAN PA'I PHYIR RO, ,RDO RJE'I THUGS NI MI BSKYOD PA'I CHOS NYID DE DE STON PAR MDZAD PAS NA DE SKAD CES BYA'O, ,RDO RJE SRUNG BA NI MI SHIGS PA'I SRUNG BA STE, DE'I DON GYI SBYOR BA LA'O, ,LAS RNAMS RAB BSGRUB PA NI KHRO BO'I RDO RJE'I DAM TSIG NYID YIN PA'I PHYIR RO, ,RDO RJE CHEN PO NI NYON MONGS PA'I RNAM PAR RTOG PA'I STOBS DANG LDAN PA'O, ,DE DAG GIS 'JIGS SHING DES NYEN PA NI GZIR BA STE, THEG PA DMAN PA LA MNGON PAR PHYOGS PAR BYED PA ZHES BYE BA'I DON TO, , DE RNAMS KYI RTAG TU STOBS NI BYED PA STE, DNGOS PO MED PA'I DAM TSIG NYID YIN PA'I PHYIR RO, ,STOBS DE GANG YIN ZHE NA, SEMS KYI STOBS TE SEMS KYI STOBS GANG GIS DE RNAMS KYI NYON MONGS PA'I RNAM PAR RTOG PA DE RNAMS ZIL GYIS MNAN NAS RDO RJE THEG PA LA BSTAN PAR 'GYUR RO, ,JI LTAR STOBS BYED PA YIN ZHE NA, DE'I SBYOR BAS DE'I PHRENG BA'I SNGAGS BZLAS PA'I PHYIR RO, ,SRUNG BA'I DON GYI SBYOR BA NI LA LAR MI MA YIN PA LA SOGS PA'I 'JIGS PA LA RANG GI LHA'I SBYOR BA DANG LDAN PAS BSGRUB PAR BYA BA'I MGO LAS H'Um LAS BYUNG BA'I RDO RJE RTZE LNGA PA RTZE MO GYEN DU BLTAS PA MI BSKYOD PA'I RDO RJE DE'I LTE BAR M'A MA K'I BSAMS TE, DE'I YE SHES KYI LHA MO THUGS KA'I ZLA BA LA GNAS PA DE'I PHRENG BA'I SNGAGS LAS BYUNG BA'I RDO RJE GCIG TU MKHREGS PAR GYUR PA RDO RJE PHRA MO'I GO CHAS GO BGOS PA'I BSGRUB PAR BYA BA BSAM PAR BYA ZHING, AOm SH'Am K'A RENTAm K'A RE, GHUttA GHUttA GHUttI NI, GHA TA YA GH'A TA YA, GHUttI NI CHE GE MO RAKshAm KU RU HAm ZHES BYA BA'I SNGAGS KYANG BZLA BAR BYA'O, ,DE LTAR NA 'DI'I MI SHIGS PA'I BSRUNG BAR 'GYUR RO, ,'DOD CHAGS CHEN PO NI 'OD DPAG TU MED PA STE, DE NI SO SOR RTOG PA'I YE SHES SO, ,DAM TSIG NI RIN CHEN 'BYUNG LDAN TE, DE NI MNYAM PA NYID KYI YE SHES SO, ,DE DAG GI GZIGS PA NI SHES

RAB STE, GOS DKAR MO ZHES BYA BA'I DON TO, ,DE LA DMIGS PA'I TING NGE 'DZIN LA YANG DE SKAD CES BYA'O, ,CHOS KYI SKU NI SANGS RGYAS THAMS CAD KYI SHIN TU RNAM PAR DAG PA'I 'DU SHES KYI TSOGS SO, ,DE'I BTZUN MO'I MCHOG NI SNGA MA BZHIN NO, ,DKAR MO DE YANG DKAR BAR BYED PAS NA DKAR MO STE, SRID PA SBYOR BAR BYED PA'I PHYIR RO, ,DE NYID KYI PHYIR GOS DKAR MO STE, DAG PA'I SRID PA LA GNAS PAR BYED PA'I PHYIR RO, ,RDO RJE NI SANGS RGYAS RNAMS KYI GSANG BA'O, ,DE RNAMS KYI CHOS KYI MCHOG NI TSOGS TE, CHOS 'DUS PA RIN PO CHE PHRA MO ZHES BYA BA'I DON TO, ,SNA'I RTZE MO'AM SNGAGS KYI THIG LE LA DE 'DZIN PAR MDZAD PAS NA RDO RJE CHOS MCHOG 'DZIN PA RNAMS TE, SROG DANG RTZOL BA'AM 'DZIN PA LA SNYOMS PAR ZHUGS PA'I SANGS RGYAS DANG, BYANG CHUB SEMS DPA' RNAMS ZHES BYA BA'I DON TO, ,BSAM GTAN NI 'DOD CHAGS DGA' MA'O, ,CHOS NI RIN CHEN DPAL DANG 'OD DPAG TU MED PA'O, ,DE DAG GI CHOS NI RDO RJE CHOS TE GOS DKAR MO NYID DO, ,DE STON PAR MDZAD PA LA YANG DE SKAD CES BYA'O, ,CHOS RGYAS ZHES BYA BA NI BSOD NAMS DANG YE SHES RGYAS PA'O, ,RTAG TU STOBS MDZAD PA ZHES BYA BA NI YUN RING POR NYAMS ZAD PA RNAMS KYI LUS RGYAS PA'O, ,GNYIS PO 'DI BYED PAR 'GYUR RO, ,'DI DAG CI 'DRA BA ZHIG CE NA, MDZOD CHEN PO DANG LDAN PA ZHES BYA STE, DBUL PO RNAMS NOR CHEN PO RGYAS PAR BYED PA NI MDZOD CHEN PO STE, DE DANG LDAN ZHING DE DANG BCAS PA'O, ,RTAG TU ZHES BYA BA NI BRTAN PA STE DE YANG RGYAS PA GSUM PO DAG GI NANG NAS GANG GI DON DU SBYOR BA BYAS PA DE NGES PAR SKYED PAR BYED DO ZHES BYA BA'I DON TO; ,'DA' BAR MI BYA BA'I GSUNG MNGA' BAS NI RDO RJE GSUNG NGO, ,JI LTAR RDO RJE GSUNG GI BKA' 'DI YIN PA DE BZHIN DU SHES PAR BYA STE, NGES PAR RGYAS PAR 'GYUR RO ZHES BYA BA'I DON TO, ,SBYOR BA NI BZLAS PA TZAM GYIS ZHES BYA BA GSUNGS TE, BSGOM PA SNGON DU 'GRO BA'I ZHES BYA BA NI LHAG MA'O, ,BSGOM PA NI JI LTAR GZHAN RGYAS PAR BYA BA'I PHYIR SNGAR RIN CHEN 'BYUNG LDAN GYI SBYOR BAS GSUNGS PA DE BZHIN DU 'DIR YANG GOS DKAR MO SER MO'I SBYOR BAS BLTA BAR BYA'O, ,BDAG NYID RGYAS PAR BYA BA'I PHYIR NI GOS DKAR MO SER MO'I SBYOR BAS BDAG NYID DBANG BSKUR BA LA SOGS PA THAMS CAD BYA'O, ,DE LA BZLAS PA'I

, ,SNGAGS NI AOm KA tE BI KA tE NI KA tE, KA tAm KA tE, DHARMMA PUshtI ME KU RU AOm, GZHAN DAG LA NI DE BZHIN DU CHE GO MO'I DHARMMA PUshtIm KU RU AOm ZHES BYA BA 'DI YIN NO, ,KUN NAS 'BYUNG BA NI SPRO BA STE, DON YOD PAR GRUB PA'O, ,DE'I RDO RJE NI DE KHO NA NYID DE SGROL MA ZHES BYA BA'I DON TO, ,'GRO BA RNAMS SGROL BAR BYED PAS NA SGROL MA'O, ,DE LA DMIGS PA'I TING NGE 'DZIN LA DE SKAD CES BYA'O, ,DAM TSIG NI THAMS CAD DU KHYAB PAR BYED PA'I PHYIR RO, ,SEMS DPA' NI SEMS BRTAN PA RNAMS TE, BYA BA NAN GYI YE SHES ZHES BYA BA'I DON TO, ,DE RNAMS KYI BTZUN MO'I MCHOG GO, ,DON DAM PA THUGS SU CHUD PA'I PHYIR SANGS RGYAS TE, SANGS RGYAS DANG BYANG CHUB SEMS DPA' RNAMS ZHES BYA BA'I DON TO, ,BDAG NYID CHE LAS SKYES ZHES BYA BA NI SKU'I SPRIN LAS SKYES PA STE, RJES SU DRAN PA'I SNYOMS PAR 'JUG PA ZHES BYA BA'I DON TO, ,YE SHES NI RDO RJE DGA' MA STE, YE SHES KYI TSOGS NYID YIN PA'I PHYIR RO, ,SKU NI SNA TSOGS SO, ,DE'I CHOS NYID NI RDO RJE SKU'O, ,DE STON PAR MDZAD PA LA YANG DE SKAD CES BYA'O, ,SANGS RGYAS RDO RJE ZHES BYA BA LA SOGS PA LA DON NI SANGS RGYAS RDO RJE 'CHANG YIN YANG RUNG, DGRA BO SDE CAN YIN YANG RUNG, SEMS CAN GYI KHAMS YIN YANG RUNG, SKAD CIG GIS DRAN BZHIN DU STE BKA' BZHIN BYED PA DANG G-YO BA MED DE RTOG PA MED PA DE DAG THAMS CAD DBANG BYED PAR 'GYUR RO ZHES BYA BA 'DI YIN NO, ,DE LA GANG GI TSE BDAG GAM GZHAN 'GA' ZHIG GI DBANG DU BYED PAR 'DOD NA DE'I TSE BDAG NYID SGROL MA DMAR MO'I SBYOR BAS 'DUG LA, BDAG GAM GZHAN GYI YE SHES SEMS DPA'I THUGS KA NA GNAS PA'I LE'U BCU GSUM PA LAS GSUNGS PA'I DBANG BSKUR BA'I CHO GA BZHIN DU BYAS PA'AM, MA BYAS PA RANG NGAM GZHAN GYI YE SHES KYI LHA MO'I THUGS KA NA GNAS PA'I ZLA BA DMAR PO LA, AOm T'A RE TUTT'A RE TU RE SV'A H'A, ZHES BYA BA'I PHRENG BA'I SNGAGS DMAR PO BSAMS NAS DE'I 'OD ZER DMAR PO RNAMS KYIS SKYES PA'AM BUD MED DBANG DU BYA BA THUGS KA'I PADMA DMAR PO'AM BUD MED KYI PADMA DMAR PO LA BSKUL TE RANG NGAM GZHAN GYI YE SHES KYI LHA MO'I THUGS KA NA GNAS PA'I SNGAGS KYI PHRENG BA DE NYID ZHAL GYI SGO NAS BYUNG STE DBANG DU BYA BA'I KHA'I SGO NAS SNYING GAR ZHUGS NAS DE'I SEMS ZLA BA'I DKYIL

'KHOR DMAR PO LTA BU BLANGS TE, DE'I MTSAN GYI SGO NAS BYUNG ZHING 'ONGS TE, YE SHES KYI LHA MO'I PADMA'I SGO NAS ZHUGS NAS YE SHES KYI LHA MO'I THUGS KA'I ZLA BA'AM, GZHAN GYI THUGS KA'I ZLA BA DANG ZLA BA'I DKYIL 'KHOR GNYIS PA MED PAR BYAS NAS YANG DE NYID DU 'DUG PAR BSAM PAR BYA'O, ,DBANG DU BYA BA'I SNYING PHROGS PA CAN DE YANG BDAG GAM GZHAN GYI RKANG PA'I DRUNG DU 'DUD PA BKA' NOD PAR BLTA BAR BYA'O, ,DE BZHIN DU YANG NAS YANG DU BYA ZHING, AOm T'A RE TUTT'A RE TU RE CHE GO MO BDAG GI 'AM CHE GE MO'I SHA MA NA YA HO ZHES BZLA BAR BYA'O, ,SBYOR BA GZHAN YANG SGROL MA'I SBYOR BA THAMS CAD DMAR BAR BYAS LA BSGRUB PAR BYA BA THAMS CAD DMAR BA MDUN DU PUS MO BTZUGS TE, THAL MO SBYAR NAS LUNG NOD PA LAS GZHOL BA BLTAS NAS G-YON GYI LAG PA GNYIS PAS YI GE TZA LAS BYUNG BA'I GZHU DMAR PO DANG G-YAS KYI LAG PA GNYIS PAS HO LAS BYUNG BA'I MDA' DMAR PO AUTPALA DMAR PO KHA MA BYE BA'I MDE'U YOD PA 'DZIN PA DE NYID KYI SNGAGS ZLOS PA NA MTHAR BSGRUB PAR BYA BA SKYES PA'I NI SNYING GA DANG, BSGRUB PAR BYA BA BUD MED KYI NI PADMA LA MDA' DES SPRO BA'I SBYOR BAS BSNUN NA NGES PAR DBANG DU 'GYUR RO, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE NI RDO RJE 'CHANG NGO, ,DRI MA MED PA NI ME LONG LTA BU'I YE SHES SO, ,DE LAS 'OD ZER 'BYUNG BA NI 'OD ZER NAG PO 'BAR BA'O, ,DE'I RANG BZHIN NI RDO RJE SPRIN TE, DUS MTHA'I SPRIN DANG CHOS MTHUN PA'I PHYIR TE, GSHIN RJE MTHAR BYED CES BYA BA'I DON TO, ,DE LA DMIGS PA'I TING NGE 'DZIN LA DE SKAD CES BYA'O, ,'DI NYID CES BYA BA NI SNGAGS KYI RNAM PA'O, ,GRAGS PA CHEN PO NI BDAG NYID CHEN PO'O, ,DE DAG KYANG 'JIGS SHING KUN DU SKRAG GYUR NAS TE 'JIGS SHING SKRAG PAR BDAG NYID YANG DAG PAR BYED CES BYA BA'I DON TO, ,DE CI'I PHYIR ZHE NA, SNGAGS KYI MTHU BSTAN PA'I PHYIR RO, ,RDO RJE SEMS NI BYANG CHUB KYI SEMS SO, ,RJES SU DRAN ZHES BYA BA NI RDO RJE 'CHANG YONGS SU SKYOBS SHIG CES SMRA'O, ,DE CI'I PHYIR ZHE NA, SBYOR BA MDZAD PA PO'I MTHU BSTAN PA'I PHYIR RO, ,DE BZHIN DU KHRO BO 'OG MA RNAMS LA YANG BLTA BAR BYA'O, ,THOD PA ZHES BYA BA LA SOGS PA LA 'DREN MAR BSTAN PA'I PHYIR GONG BU DGUG PA'AM RIG PA BSKYED PA LA SBYOR BA 'DI YIN NO ZHES SMRA'O, ,DE

, ,LA THOD PA NI MI'I MGO BO'I RUS PA'I THOD PA'O, ,MA CHAGS PA ZHES BYA BA NI BU GA MED PA'O, ,BU GA MED PA YANG GANG YIN ZHE NA, GANG BUD MED KYI'O, ,GZUGS MDZES ZHES BYA BA NI RAB TU BSNGAGS PA'I GZUGS CAN TE, ZLA BA DANG BA LANG GI GDONG DANG, PADMA DAG LAS GANG YANG RUNG BA'O, ,YID 'ONG ZHES BYA BA NI GANG MKHAS PA RNAMS KYI'O, ,DE SKAD DU YANG, GSER GYI SGO DANG YANG DAG LDAN, MI YI THOD PAR SHES PAR BYA, ,BRAM ZE LA SOGS THOD PA NI, ,SGO NI RE RES 'PHEL BA YIN, ,RIGS DMA' BA YI THOD PA NI, RNA BA'I STENG NA BU GA CAN, ,MA NING GI NI LTAG BUG CAN, ,BUD MED RTAG TU BUG MED PA, ,MKHAS DANG SHES LDAN SNGAGS PA YI, ,RNA LTAG BAR DU DPRAL BA LA, ,MU TIG PHRENG 'DRA'I RI MO CAN, ,THOD PA YIN PAR SHES PAR BYA, ,DUM GCIG GNYIS DANG GSUM DANG BZHI, ,ZLA BA BCU DRUG BCU GNYIS SO, ,BA LANG GDONG DKAR DMAR BAR 'GYUR, ,CUNG ZAD RING ZHING SHIN TU MDZES, ,PADMA PADMA 'DRA BA'I DBYIBS, ,SER DMAR DANG NI DE BZHIN DKAR, ,THOD PA RNAMS NI BSNGAGS PA STE, ,LHAG MA RNAMS NI SBANG BAR BYA, ,ZHES GSUNGS TE, ZEGS PA DANG GAS PA LA SOGS PA'I NYES PA'I SKYON DANG LDAN PA NI SHIN TU BLANG BAR BYA BA MA YIN NO, ,RNYED PA LA ZHES BYA BA NI BLANGS PA'O, , TSUL BYAS NAS ZHES BYA BA NI SKABS NYID YIN PA'I PHYIR TE, BSGRUB PAR BYA BA'I GZUGS BRNYAN THOD PA'I NANG DU CHUD PAR BYED PA ZHES BYA BA'I DON TO, ,DE'I RKANG PAS MNAN PAR BYAS NAS SO, ,RJES SU DRAN PAR BYA BA NI BZLA BAR BYA BA'O, ,'GUGS ZHES BYA BA NI 'DREN PAR BYED PA'O, ,'DI'I DON NI BUD MED KYI THOD PA BSNGAGS PAS BLANGS LA DE'I RGYAB TU LTE BA YANG PA'I PADMA 'DAB MA BRGYAD PA BRIS NA LTE BA LA BSGRUB PAR BYA BA'I SPYAN LA SOGS PA'I GZUGS BRNYAN GUR KUM DANG GI WANG DANG SRIN LAG GI KHRAG GIS BRIS TE, DE'I SNYING GAR YANG PHRENG BA'I SNGAGS DANG, CHE GE MO A'A KARshA YA DZA: ZHES BYA BA'I MTHAR THUG PA BRIS NAS, DE'I SNYING GA DE YANG NYI MA'I DKYIL 'KHOR LA GNAS PA H'Um LAS BYUNG BA'I RDO RJE LCAGS KYUS MTSAN MA'I RKANG MTHIL DANG G-YAS PA BRKYANG BA G-YON GYI BYIN PA CUNG ZAD BKUG PA'I RKANG PAS MNAN LA, KHROS PAR GYUR PAS PHRENG BA'I SNGAGS KYIS BSKUL BA DANG BCAS PAS ZLOS SHING DGUG PA'I RIM GYIS

RKANG PAS DRANG BAR BYA ZHING, BSGRUB PAR BYA BA YANG YAm LAS BYUNG BA'I RLUNG GI DKYIL 'KHOR LA DZHEE DANG LDAN PAS BTEG CING DRANGS PAR GYUR PAR BSAMS LA, RANG GI SNYING GA LAS KYANG GRUB PA'I 'KHOR LO'I LCAGS KYU PHYUNG LA JI LTA BA BZHIN DU BSGO BA BYAS LA DE DGUG PA'I PHYIR GTANG BAR BYA'O, ,DES KYANG JI LTA BA BZHIN DU 'GUGS PAR BYED PA RMONGS PAR BYAS NA NGES PA'I 'ONG BAR 'GYUR RO, ,'ONGS PA DE DANG KHRO BO LA YANG TZANDAN BZANG PO LA SOGS PA'I CHU DANG MCHOD YON PHUL LA, DE LAS DE BLANGS NA JI LTAR MNGON PAR 'DOD PAR BYA'O, ,DE BZHIN DU GNOD SBYIN MO LA SOGS PA DANG, MI MO LA SOGS PA'I GZUGS DGUG PAR BYA'O, ,SKYES PA DGUG PA LA NI SKYES PA'I THOD PA LA G-YON BRKYANG BA'I RKANG PA G-YAS PAS MNAN PA BYAS LA ZHES BYA BA KHYAD PAR YIN NO ZHES BYA BA 'DI YIN NO, ,RIG PA SKYED PA LA YANG DON NI 'DI YIN TE, ,BDE BA SKYED PAR BYED PAS NA THOD PA STE, BU MO'I LUS SO, ,MA CHAGS PA NI SKYE GNAS MA SMOS PA'O, ,GZUGS MDZES PA NI GZUGS BSNGAGS PA'O, ,YID 'ONG NI DAM TSIG DANG SDOM PA LA SOGS PA LA BSLAB PA NYID KYI PHYIR RO, ,RKANG PAS MNAN PA'I TSUL DU BYAS NAS ZHES BYA BA NI MDUN DU BZHAG NAS SPYAN LA SOGS PA'I GZUGS SU BSKYED LA BDAG NYID GSHIN RJE MTHAR BYED KYI GZUGS SU GNAS PA'I RANG GI SNYING GA LAS GRUB PA'I LCAGS KYU PHYUNG STE, DES YE SHES KYI SPYAN BKUG LA DE LA GZHUG PAR BYA'O, ,DE LTAR NA BU MO'I LUS DE RKANG PAS MNAN PA'I TSUL DU BYAS PAR 'GYUR RO, ,DE LTAR NA TSUL NI LHA MO'I GZUGS SU BSKYED PA YIN LA RKANG PAS MNAN PA'I YE SHES KYI LHA MO YANG DAG PAR STOBS PA'O, ,RJES SU DRAN PAR BYA ZHES BYA BA NI BSKUL BA DANG BCAS PAS BZLA BAR BYA'O, ,'GUGS PA NI 'GUGS PAR BYED PA STE BU MO MNGON SUM NYID DU LHA MO'I GZUGS SU BSKYED PA'I PHYIR RO, ,GNYIS GSUM DAG NI PHUL DU BYUNG BA GSUNGS PA YIN NO, ,RNAM PAR SNANG MDZAD LA SOGS PAS SNGAGS LNGA PO BRJOD PA NI GANG LA LA SNGAGS BRJOD PA DE THAMS CAD DE LAS BYUNG BA'I 'BRAS BU 'GYUR RO ZHES BSTAN PA'I PHYIR RO, ,DAM TSIG NI BYA BA NAN TAN SGRUB PA'I YE SHES SO, ,DE LAS BYUNG BA'I 'OD ZER NI 'BAR BA NAG PO'O, ,DE'I RANG BZHIN CAN GYI STUG PO'I MCHOG NI DUS MTHA'I SPRIN TE BDUD RTZI

, ,THAB SBYOR ZHES BYA BA'I DON TO, ,DE LA DMIGS PA'I PHYIR DE SKAD CES BYA'O, ,BRGYAL ZHING ZHES BYA BA NI SHIN TU 'JIGS PA'I PHYIR RO, ,RAB TU 'JIGS GYUR NAS ZHES BYA BA NI 'JIGS PA DANG BCAS PA NYID DANG SAD PA'I PHYIR RO, ,RDO RJE'I SKU NI RNAM PAR SNANG MDZAD DO, ,SNGAGS RNAMS KUN GYI SBYOR BA NI ZHI BA DANG RGYAS PA LA SOGS PA'O, ,RDO RJE BSKRAD PA STE BGEGS BSKRAD PA'I LAS GANG YIN PA DE LA SNGAGS 'DI SBYAR BAR BYA'O ZHES BYA BA NI LHAG MA'O, ,CHO GA YIS NI BSKRAD PAR 'GYUR, ,ZHES BYA BA LA DE LA CHO GA NI 'DI YIN TE, DUR KHROD KYI MES TSIG PA'I MYOS PAR BYED PA'I SHING GI SOL BA DANG BA BLA DANG DUG DANG LUNG THANG GI LO MA'I KHU BA DANG RKANG PA G-YON PA'I SRIN LAG GI KHRAG DANG SBYAR BAS BYA ROG GI SGRO'I RTZA BA SBOM PO'I SMYU GUS BA DAN GYI RAS LA RLUNG GI DKYIL 'KHOR GYI DBUS NA GNAS PA'I RAL GRI'I CHANG ZUNG CHEN PO'I DBUS SU 'KHOR LO RTZIBS BRGYAD PA BRIS LA, DE'I LTE BAR BSGRUB PAR BYA BA'I GZUGS BRNYAN DANG DE'I SNYING GAR BSKUL TSIG DANG BCAS PA'I PHRENG BA'I SNGAGS BRIS LA, RDZA MKHAN GYI 'KHOR LO'I 'JIM PA DANG RKANG RJES KYI SA DANG BZHI MDO'I SA LAS GZUGS BRNYAN BYAS TE DE'I SNYING GAR GZHUG PAR BYA'O, ,DE NAS THOD PAR BCUG STE DGUG PA SNGON DU SONG BA CAN GYI H'Um CHE GE MO AUTZTSA tA YA H'Um ZHES BYA BA'I BSKUL BA DANG LDAN PA'I PHRENG BA'I SNGAGS KYIS BDUN BRGYA MNGON PAR BSNGAGS LA MA MO'I KHYIM MAM, BZHI MDO'AM DUR KHROD DU SBA BAR BYA'O, ,BSGRUB PAR BYA BA YANG RLUNG GI DKYIL 'KHOR GYI STENG DU GNAS PA'I RNGA MO LA ZHON TE LEGS PAR GNAS PA LA RGYAB NAS LAG NA DBYIG PA THOGS PA'I SKYES BU DRAG POS LHO PHYOGS SU BDAS PAR BSAMS PAR BYAS NA NGES PAR SKROD PAR BYED PAR 'GYUR RO, ,DON DAM PA THUGS SU CHUD PAS NA SANGS RGYAS TE, CHOS KYI DBYINGS SHIN TU RNAM PAR DAG PA'I YE SHES SO, ,DE LAS BYUNG BA'I 'OD ZER NI DKAR PO 'BAR BA'O, ,DE'I RANG BZHIN CAN GYI RDO RJE KHRO BO NI SHES RAB MTHAR BYED CES BYA BA'I DON TO, ,DE LA DMIGS PA NYID KYI PHYIR DE SKAD CES BYA'O, ,BDAG NYID CHE SKYES ZHES BYA BA NI BDAG NYID CHEN PO NYID LAS SKYES PA'O, ,BYANG CHUB KYI SEMS NI RIN CHEN 'BYUNG LDAN TE, THUGS RIN PO CHE NYID YIN PA'I PHYIR RO, ,MA RUNGS PA NI SPRUL

LO, ,GTUM MO NI GDON LA SOGS PA STE, DE RNAMS ZHUGS NA 'JIGS PA CHEN POS 'KHRUGS PA LA STE SEMS CAN LA'O, ,LAS RNAMS ZHES BYA BA NI SRIN PO LA SOGS PA LAS THAR PA STE, DE BYED PAR 'GYUR RO, ,CI'I PHYIR ZHE NA, CHO GA BZHIN DU STE RDO RJE THUGS NI RAB SBYAR PHYIR TE 'BAR BA'I RDO RJE SEMS DPA' NI RDO RJE THUGS YIN LA, DE CHO GA BZHIN DU RAB TU SBYAR BA'I PHYIR RO, ,DON NI 'DI YIN TE GZHAN GYIS MI THUB PA'I SBYOR BAS GNAS SHING BSRUNG BA YANG BYAS NAS LAG PA GNYIS GAR RAM, RKANG PA GNYIS LAS YI GE H'Um LAS BYUNG BA'I RDO RJE 'BAR BA BSAMS NAS, BSGRUB PAR BYA BA'I LUS LAS SRIN PO LA SOGS PA'I YID KYIS DRANGS TE RDO RJE GNYIS KYI BAR DU CHUD PAR BYAS LA, DE'I 'OD ZER 'BAR BAS TSIG PAR GYUR PAR BSAM PAR BYA ZHING LAG PA DAG GAM, RKANG PA DAG SBYAR BAS KUN DU BTZIR ZHING MNYES LA, NA MA: SA MANTA K'A YA W'A TZITTA BADZRA n'Am AOm H'Um DZI NA RI TI TE H'Um H'Um PHAt PHAt CHE GE MO SRIN PO LA SOGS PA DAG LAS THAR PAR MDZOD CIG CES BSKUL BA DANG BCAS PA'I SNGAGS BZLA BAR BYA'O, ,YANG NA BSGRUB PAR BYA BA'I LUS LA ZHUGS PA'I SRIN PO LA SOGS PA LA DE BZHIN DU MOS PAR BYA'O, ,YANG NA CHO GA BZHIN DU DGUG PA DANG GZHUG PA DANG BCING BA BYA BA LA DE NAS BSGRUB PAR BYA BA'I DBUGS 'GAGS SHING DBUGS MED PA LAG PA GNYIS KYIS RDO RJE 'BAR BAS RTZIB LOGS GNYIS NAS BTZIR BA DANG DE'I LKOG MA DANG, SNYING GAR BSGOMS PA'I RDO RJE 'BAR BA GNYIS KYIS SNYING GA DANG LKOG MA BSREGS PA NI YI GE H'Um 'BAR BA LAS BSKYED PA'I YUNGS KAR GYI RGYAL PO SER BA'I GZUGS CAN LA BRGYA RTZA BRGYAD BZLAS PA DANG, PHYI NAS SNGAGS RE RE BZLA ZHING DE LA BRDEG PAR BYAS LA DE RNAMS KYIS KYANG LUS PHUG PAR BSAM PAR BYA'O, ,DE LTAR NA DES NGES PAR SNYING RJE BA'I SGRA 'BYIN CING DU LA SHING GI YAL GA GCOD PA LA SOGS PAS RTAGS STON NA GTONG PA'AM DUG MED PAR 'GYUR BA YIN NO, ,YANG NA SRIN PO LA SOGS PAS GZHAN 'DZIN PAR 'DOD NA, DE'I TSE YANG GZHAN GYIS MI THUB PA'I SBYOR BAS MAR NGO'I TSES GRANGS GANG YANG RUNG BA DAG LA KHROS PAR GYUR NAS GSAL SHING DANG MTSON GYIS GSOD PA DANG 'GEGS TE SHI BA'I NANG NAS GANG YANG RUNG BA'I THOD PA LA DUR KHROD

, ,KYI SOL BAS YI GE H'Um LAS BYUNG BA'I MCHE BA GTZIGS PA 'JIGS SU RUNG BA THOD PA'I PHRENG BA CAN KHRO BA SKRAG GYEN DU BRDZES PA LAG PA G-YAS PA NA RO LANGS KYI GRI 'PHYAR BA, G-YON GYIS SDIGS MDZUB BYED PA BRIS LA DUG DANG RUS PHYE DANG MDZUB MO'I KHRAG GIS DE'I SNYING GAR CHE GE MO GRiHnA ZHES BYA BA'I BSKUL TSIG DANG LDAN PA'I SNGAGS BRI BAR BYA'O, ,THOD PA GNYIS PO BSGRUB PAR BYA BA'I RKANG RJES KYI SA DANG RO BSREGS PA'I THAL BA DANG SOL BA RDO RJE CHU DANG SBRUS LA GZUGS BRNYAN DU BYAS PA'I GZUGS KYI SNYING GAR RUS PA'I PHYE MA DANG DUG DANG MDZUB MO'I KHRAG GIS TA LA'I 'DAB MA LA BSKUL TSIG DANG BCAS PA'I SNGAGS BRIS TE SNYING GAR BKANG ZHING DUG DANG LAN TSVA DANG SKE TSE LA SOGS PAS BSKUS LA GNYI GA DGUG PA LA SOGS PA BYAS TE BRIS PA'I THOD PAS STENG NAS BKAB LA KHA SBYAR BAR BYAS NAS DE DES MNAN CING BZUNG BAR BSAMS LA, RKANG PAS MNAN TE BSGYINGS PA DANG BCAS PAS DUR KHROD DU MTSAN PHYED NA SNGAGS BZLAS NA DE NGES PAR ZIN PAR 'GYUR RO, ,DE BZHIN DU RIMS DANG GDON DANG SPRUL LA SOGS PAS KYANG 'DZIN PAR 'GYUR RO, ,TSE DPAG TU MED PA NI SO SOR RTOG PA'I YE SHES SO, ,DE LAS BYUNG BA NI KUN NAS 'BYUNG BA STE, CHAGS PA'I YE SHES KYI GZI BRJID DO, , DE'I RANG BZHIN CAN GYI RDO RJE NI RTA MGRIN ZHES BYA BA'I DON TO, ,DE LA DMIGS PA NYID KYI PHYIR TING NGE 'DZIN LA YANG DE SKAD CES BYA'O, ,PADMO NI 'OD DPAG TU MED PA, CHOS KYI PHUNG PO NYID YIN PA'I PHYIR CHOS KYI RDO RJE NI SANGS RGYAS SO, ,CHE MCHOG SKYES ZHES BYA BA NI RAB KYI MTHA' LAS SKYES PA'O, ,YE SHES RGYAL PO ZHES BYA BA NI 'JIG RTEN DBANG PHYUG GO, ,HA LA HA LA ZHES BYA BA NI DUG CHEN PO'O, ,DE NYID NI SHIN TU 'BAR BA NYID KYI PHYIR RDO RJE'O, ,DE'I 'OD NI DE DANG 'DRA BA'O, ,DE LA RTA MGRIN GYI RNAL 'BYOR SKU MDOG DKAR POR BYAS NAS BSGRUB PAR BYA BA'I SNYING GAR YI GE H'Um LAS BYUNG BA'I NYI MA'I DKYIL 'KHOR 'BAR BA'I STENG DU BKOD PA'I YI GE H'Um DKAR PO'I 'OD ZER RNAMS KYIS YAN LAG THAMS CAD LA GNAS PA'I DUG GSAD PAR BYA BA'I PHYIR SBA BAR BYA'O, ,DE NAS LAG MTHIL DU PAm LAS BYUNG BA'I PADMA DKAR PO 'DAB MA BRGYAD PA'I DBUS SU YI GE H'Um DKAR PO 'OD ZER DANG BCAS PA BDUD RTZI 'DZAG PA

BSAM PA'AM ZLA BA'I DKYIL 'KHOR LA GNAS PA'I YI GE HA 'AM, AOm HRI HA H'Um DZA PHU ZHES BYA BA'I SNGAGS KYI YI GE BSAM PAR BYA'O, ,DE NAS PHRENG BA'I SNGAGS ZLOS SHING LAG PA DES BSGRUB PAR BYA BA'I SPYI BO NAS BRTZAMS TE, RKANG PA'I MTHAR THUG PA'I BAR DU YANG DANG YANG KHYAB PAR BYA'O, ,LAG PA NA GNAS PA'I SNGAGS LAS BDUD RTZI 'JAG PA DES KYANG YAN LAG THAMS CAD NAS DUG DRANGS TE, RKANG PA'I RTZE MOR 'DZAG PAR GYUR CING NAG POR GYUR PAR BSAM PAR BYA'O, ,SNGAGS KYI 'OD ZER RNAMS KYIS KYANG DE BZHIN DU DRANGS TE RIM GYIS PHAB NAS LAG PA'I SHUGS KYIS SONG BAS 'BAR BA LA SOGS PAR SPANGS NAS YANG DKAR POR GYUR PAR MOS PAR BYA'O, ,YANG NA MGO BO LA BKOD PA'I YI GE HRI DKAR PO BDUD RTZI'I RGYUN 'BAB PAS SNGA MA BZHIN DU BSGRUB PAR BYA BA'I RKANG PA'I RTZE MOR 'BABS PAS DUG MED PAR BYAS LA LUS DKAR POR YANG DANG YANG DU MOS PAR BYA ZHING PHRENG BA'I SNGAGS BZLA BAR BYA'O, ,RNAM PA GNYIS KAS KYANG NGES PAR DUG MED PAR 'GYUR RO, ,YANG NA SPANG LEB DKAR PO LA BSGRUB PAR BYA BA'I MING GI YI GE DKAR PO RE RE ZHING YI GE HA DKAR PO DANG SPEL BA BKOD LA SBYOR BA DE NYID KYIS PHRENG BA'I SNGAGS BZLA BAR BYA BA'AM, BSGRUB PAR BYA BA'I LUS DKAR PO'I SPYI BOR BKOD PA'I YI GE HRI DKAR PO BDUD RTZI DKAR PO'I RGYUN 'BAB PAS DUG SNGON PO BKRUS NAS, DRI MA MED PAR BSAM PAR BYA STE RNAM PA GNYIS KAS KYANG DUG MED PAR 'GYUR RO, ,GZHAN YANG, SPANG LAB LA NI MING YIG RE RE NI, ,DU BA SNGO DANG DKAR DANG SER BA'O, ,HA DANG RNAM PAR SPEL BA LAS NI DUG, ,G-YO 'DREN NYE BAR ZHI DANG RENGS PAR BYED, ,DANG PO'I RAB SNGAGS LA SOGS PA YI GE THA:SA, ,DUG 'CHING BYED DE DE BZHIN YI GE HA:, ,GAL TE CHO GA BZHIN DU SBYAR NA, ,ME YI SA BON GYIS KYANG 'PHEL BAR BYED, ,'BYUNG BA NI GZUNG BA DANG 'DZIN PA 'BYUNG BA ZAD PA'I RGYU NYID YIN PA'I PHYIR DE RNAMS KYI DPAL YANG DE YIN LA, KHRO BO NYID YIN PA'I PHYIR RDO RJE YANG YIN PAS NA DE SKAD CES BYA STE, DPAL DBYIG SNGON NO, ,DE LA DMIGS PA'I TING NGE 'DZIN DE LA YANG DE SKAD CES BYA'O, ,BDUG PA'I MCHOG NI BDUG PA'I TSOGS TE DE RNAMS KYI 'BYUNG BA'O, ,SEMS DPA' RDO RJE NI

, ,DON YOD PAR GRUB PA STE, BRTAN PA NYID KYI PHYIR DANG 'GRO BA YIN PA'I PHYIR RO, ,CHO GA'I 'KHOR LO NI TSOGS YIN LA DE'I SBYOR BA NI RAB TU SBYOR BA'O, ,DE LA CHO GA BZHIN DU 'PHAGS PA DBYIG SNGON GYI RNAL 'BYOR BAS RO BSREGS PA'I SOL BA DANG, GROG MKHAR GYI SA DANG, DUG DANG SHA CHEN DANG BSGRUB PAR BYA BA'I RKANG RJES KYI SA LAS GZUGS BRNYAN BYAS LA, DUR KHROD KYI RAS LA MI RUS KYI SMYU GU DANG DUG DANG, KHRAG DANG RAMS DANG TSA BA GSUM DANG LUNG THANG GI 'DAB MA'I KHU BAS SNA TSOGS RDO RJE LA GNAS PA'I ME'I DKYIL 'KHOR DANG DE'I DBUS SU BSGRUB PAR BYA BA'I MING PHRENG BA'I SNGAGS DANG SPEL BA BRIS NAS, GZUGS BRNYAN GYI SNYING GAR BCUG STE, BKUG LA THOD PA GNYI GA'I NANG DU CHUD PAR BYAS LA DE LTUNG BAR BYA BA'I PHYIR KHROS SHING GTUM PAR GYUR PA'I RKANG PA G-YAS PAS MNAN LA RDO DANG RUS PA DANG NIM PA'I LO MA BLDAD CING NYI MA'I PHYED DAM MTSAN PHYED DAM CHE GE MO M'A RA YA PHAt CES BYA BA'I BSKUL BA'I TSIG DANG LDAN PA'I SNGAGS KHRO BO'I TSIG GIS BRGYA RTZA BRGYAD BZLAS NA NYI MA BDUN GYIS GSOD PAR BYED DO, ,DE LTAR NA YANG MA GRUB NA DUR KHROD DU SONG STE MTSAN PHYED KYI DUS SU RO BSREGS PA'I THAL BAS ME THAB GRU GSUM BYAS LA, NIM PA LA SOGS PA'I SHING GIS ME SBAR ZHING DGUG PA SNGON DU 'GRO BAS DE'I DBUS SU KHRO BO'I RGYAL BO BSAMS NAS GZUGS BRNYAN GYI RKANG PA G-YON PA'I MDZUB MO NAS BRTZAMS TE, MTSON RNON POS BCAD CING SHIN TU KHROS PA DANG LDAN PAS BSKUL BA DANG LDAN PA'I KHRO BO'I TSIG GIS SNGAGS BZLAS TE, DE'I ZHAL SHIN TU GDANGS PA LA SBYIN SREG BYAS NA DE NGES PAR DE'I MTSAN MO NYID LA 'CHI BAR 'GYUR RO, ,KUN NAS SPRIN NI MNYAM PA NYID KYI YE SHES TE, BDUD RTZIS THAMS CAD LA DBANG BSKUR BA'I PHYIR RO, ,DE LAS DPAL TE GZI BRJID NAG PO 'BAR BA NI STOBS PO CHE ZHES BYA BA'I DON TO, ,DE LA DMIGS PA NYID KYI PHYIR TING NGE 'DZIN LA YANG DE SKAD CES BYA'O, ,SKU GSUM NI RDO RJE MI BSKYOD PA'O, ,BZLAS PA TZAM GYI SBYOR BA YIS, ,ZHES BYA BA NI STOBS PO CHE DKAR BA DANG SER BA LA SOGS PA'I SBYOR BAS ZHI BA LA SOGS PA BYA BA'I PHYIR BSKUL BA DANG LDAN PA'I SNGAGS ZLO BA GTZO BOR GYUR PA'I SBYOR YIS SO, ,LAS RNAMS THAMS

CAD NI ZHI BA LA SOGS PA'O, ,CHU'I DKYIL 'KHOR 'BEBS PAR BYED, ,CES BYA BA LA 'DIR SBYOR BA NI 'DI YIN TE, STOBS PO CHE'I RNAL 'BYOR PAS KHAM PHOR SOM BTANG BAR RAMS KYI KHU BAS RAL GRI LA 'KHOR LO RTZIBS BRGYAD PA DBUS SU PADMA 'DAB MA BRGYAD PA LA MDUNG CAN MA'I SNGAGS DANG SPEL BA'I KLU THAMS CAD KYI SNYING PO BRIS LA KHAM PHOR SO MA BTANG BA GNYIS PA DANG KHA SBYAR BYAS LA SRAD BU SNGON POS DKRIS TE MDUNG CAN MA DANG KLU RNAMS KYANG BKUG CING YANG DAG PAR MCHOD DE BSGO BA BYAS NAS KLU THAMS CAD SKUL BAR BYED PA'I KHAM PHOR KHA SBYOR KLU GNAS PA'I RDZING BU LA SOGS PAR GZHUG PAR BYA'O,, YANG NA TA LA'I LO MA LA SNAG TSAS RDO RJE RTZE LNGA PA SDEGS [?] KYI TSIG DANG LDAN PA BRIS LA DE NYID 'BAR BA'I ME DANG 'DRA BAR RNAM PAR BSAMS LA, DE YONGS SU GYAR PA LAS RAL PA GCIG MA 'CHAD PAR 'GYUR BA'I GZUGS CAN KLU THAMS CAD KUN DU SKRAG PAR BYED PAR BSAMS LA LEGS PAR MCHOD DE, BKA' BSGO LA TA LA'I LO MA CHU MIG LA SOGS PAR GZHUG PAR BYA'O, ,DE NAS SKYE BO MI GNAS PA'I SA PHYOGS GZHAN DAG TU ME'I DKYIL 'KHOR LA RLUNG GI DANG DE'I DBUS SU CHU'I DANG DE LA PADMA 'DAB MA BRGYAD PA BRIS TE, LTE BAR CHU LHA DKAR PO LTE BA YAN CHAD SKYES BU'I GZUGS CAN LA LAG PA GNYIS PA'I KLU'I ZHAGS PA THOGS PA GDENGS KA BDUN DANG LDAN PA BRI BAR BYA'O, ,SHAR LA SOGS PA'I 'DAB MA LA MTHA' YAS AUTPALA SNGON PO LTAR SNGO BSANGS NOR RGYAS DKAR PO, 'JOG PO DMAR PO, KARKO tA NAG PO'O, ,ME DANG BDEN BRAL GYI MTSAMS SU PADMA DANG PADMA CHEN PO DKAR SKYA, RLUNG GI MTSAMS SU DUNG SKYONG SER PO, ,DBANG LDAN GYI MTSAMS SU RIGS LDAN KHA DOG SNA TSOGS PA'O, ,DE LTAR KLU'I DKYIL 'KHOR BRIS NAS YI GE NAm LAS KLU THAMS CAD BSKYED LA BU RAM DANG, 'O MA DANG, MAR LA SOGS PAS KLU LA 'OS PA'I LHA BSHOS YI GE PHUS MNGON PAR BSNGAGS PA SBYIN PAR BYA'O, , ME TOG DANG, SPOS DANG, MAR ME DANG, DRI DANG, GOS DANG, BA DAN DANG, BUM PA SNGON PO CHU SNGON POS GANG BA YANG SBYIN PAR BYA'O, ,SARDZA RA SA DANG, KUN DU RU DANG, TA KA RA DANG, CHU SRIN SDER MO DANG, YUNGS KAR SER PO DANG, N'A GA GE SAR RNAMS KYI PHYE MA'AM, N'A GA GE SAR GYI PHYE MA SHA KHA RA DANG

10a

, ,LHAN CIG SBYAR BA'I SPOS DANG MAR GYI MAR ME RNAMS SNGAGS KYIS BTAB PA SBYIN PAR BYA'O, ,DE NAS YI GE DZA DANG SPEL BA'I NAm GYIS KLU THAMS CAD BKUG LA, RANG GI GNAS SU BSTIMS NAS MCHOD YON BYIN LA YANG DAG PAR MCHOD NAS 'DI SKAD CES BRJOD PAR BYA'O, ,KLU CHEN PO KHYED RNAMS BDAG CAG LA DGA' BA DANG, BCOM LDAN 'DAS KYI BKAS KYANG CHAR PHOB SHIG ,DE NAS KLU RNAMS YANG DAG PAR CHAR 'BEBS PAR BSAM MO, ,AOm AU GRA SH'U LA P'A nI BARshA PA YA SH'I GHRAm MA, AOm DZYO TI NI RA n'A DA BARshA PA YA SH'I GHRAm ZHES BYA BA'I BSKUL TSIG DANG LDAN PA'I SNGAGS BZLAS NA DE'I 'OG TU CHAR 'BEBS PAR 'GYUR RO, ,DE LTA NA YANG CHAR MI 'BEBS NA ME THAB ZLUM POR DE BZHIN DU DKYIL 'KHOR BRIS LA BKUG CING DE RNAMS KYI LCE LA NAm BSAMS TE, MCHOD YON LA SOGS PA SNGON DU SONG BA CAN GYI SBYIN SREG GI CHO GAS BU RAM DANG 'O MA DANG, MAR GYI DGANG BLUGS GSUM BYIN LA, AOm NAm SV'A H'A ZHES PA'I SNGAGS DANG BU RAM DANG, 'O MA DANG MAR LA SOGS PA'I SBYIN SREG CI 'DOD PA SBYIN PAR BYA'O, ,DE LTAR NA TSIM PAR 'GYUR BAS YANG DAG PAR CHAR 'BEBS PAR 'GYUR RO, ,DE LTA NA YANG CHAR MI 'BEBS NAS CHAD PAS GCAD PAR BYA STE, RLUNG DANG ME LA SOGS PA'I RIM GYIS KLU'I DKYIL 'KHOR BRIS LA, DE'I DBUS SU YID KYIS BKUG STE, BSKAL BA'I ME 'BAR BA LTA BU'I STOBS PO CHE'I SBYOR BAS KLU THAMS CAD KYI MJUG MA'I TSOGS G-YON BRKYANG BAS MNAN CING BTZIR BAR BYA'O, ,YI GE H'Um DGU DANG YI GE PHAt DGU'I BAR DU YI GE NAm RE RE DANG SPEL LA, AOm AU GRA SH'U LA P'A nI PI dA YA SARBA N'A G'A NA AOm DZYO TI NI RA nI dA BARshA PA YA SH'I GHRAm ZHES BYA BA'I BSKUL TSIG DANG LDAN PA'I SNGAGS BSGYINGS PA DANG BCAS PAR BZLA BAR BYA'O, ,KHRO BO'I RGYAL PO 'BAR BA'I 'JIGS PAS RNAM PAR DKRIGS PA DANG, KLU THAMS CAD NAM MKHA'I NGOS LA CHU'I RGYA MTSO SKYUG PAR MOS PA BYAS NA NGES PAR CHAR 'BEBS PAR 'GYUR RO, ,DE LTA NA YANG CHAR MI 'BEBS NA KLU RNAMS MNGON SPYOD CHUNG NGU DANG, 'BRING DANG CHEN PO'I RIM PA 'DIS BYA STE, MTSON GYIS BSAD PA'I GOS SAM, DUR KHROD KYI RAS LA DUG DANG, KHRA DANG, SKE TSE DANG, LAN TSVA DANG, YUNGS MAR GYIS RAL

10b

GRI'I 'KHOR LO RTZIBS BRGYAD LA PADMA 'DAB MA BRGYAD PA BRIS NAS 'DAB MA BRGYAD PA LA KLU BRGYAD PO NAm GNYIS DANG SPEL BA DANG LTE BA LA NI YI GE BAm TZAM ZHIG BRIS LA, CHU'I NGES GNYIS KYI SA'AM, KLU GNAS PA'I MTSO LA SOGS PA'I SA RO BSREGS PA DANG, GROG MKHAR DANG, SHING GCIG RTZA BA'I SA DANG BCAS PA BSHANG BA DANG GCI BA DANG BSNOS TE, KLU'I GZUGS BRNYAN BYAS NAS 'DAB MA LA BRIS PA DE'I SNYING GAR BCUG PA LA DGUG PA SNGON DU SONG BA LA TSA BA GSUM DANG SKE TSE LA SOGS PAS BSKUS TE, ME THAB GRU GSUM GYI NGOS LA GNAS PAR BYAS LA DUR KHROD KYI SHING LAS ME SBAR BA LA GDUNGS TE, SNGAGS BRGYA RTZA BRGYAD BZLAS SHING H'Um GIS RDO RJER BYAS PA'I YUNGS KAR GYIS BRDEGS NA DE NAS CHAR 'BEBS PAR 'GYUR RO, ,'ON KYANG MI 'BEBS NA DE'I TSE SA LA KLU'I DKYIL 'KHOR DE BZHIN DU BRIS LA, STOD G-YOGS SAM ZE KHA SNGON POR BYAS PA'AM, GCER BU BYAS LA, DKYIL 'KHOR DE LA GNAS PA'I NYI MA 'BAR BA LA GNAS SHING RDO RJES MTSON PA'I RKANG PA G-YON PAS KLU GAN RKYAL DU 'DUG PA MNAN PA DANG, DE DAG SHIN TU 'JIGS PAS RNAM PAR DKRUGS SHING MGO BO'I STENG DU BTEG CING BSGYINGS PAS NAM MKHA' KHYAB PAR GYUR CING KHRAG TU SKYUGS PAS CHAR 'BEBS PAS RGYA MTSOR BYED PAR BSAMS LA SNGA MA BZHIN DU YI GE BCO BRGYAD KYIS YI GE NAm DANG SPEL TE, AOm AU GRA SH'U LA P'A nI M'A RA YA SARBBA N'A G'AN AOm DZYO TI NI RA N+YA DA HA NA SARBBA N'A G'AN BARshA PA YA SH'I GRAm ZHES BYA BA'I BSKUL TSIG DANG LDAN PAR SNGAGS BZLAS NA DE NAS NGES PAR CHAR 'BEBS PAR 'GYUR RO, ,GAL TE DE LTA NA YANG KLU GDUG PA DE RNAMS CHAR MI 'BEBS NA DE'I TSE DUG DANG, LAN TSVA DANG, SKE TSE DANG, DA DU RA KA LAS KLU GZUGS BRNYAN BYAS LA SENG LDENG GI PHUR BU SOR DGU PAS SNYING GAR BTAB LA ME THAB GRU GSUM BYAS TE, SME SHA CAN GYI ME 'AM DUR KHROD KYI ME DER BLANGS LA, YI GE PHUS SBAR TE LUS LA BSHANG GCIS BYUGS SHING KHA LHO PHYOGS SU BLTAS PAS BCOM LDAN 'DAS STOBS PO CHE THAB KYI DBUS SU BSAMS TE ZHAL SHIN TU GDANGS PA LJAGS LA H'Um GIS MTSAN PA'I ZHAL DER KHROS PAS SNGAGS DE MA LUS PA DANG CHOL PAR BZLAS

11a

, ,PA LAG PA G-YON PAS MJUG MA'I RTZE MO NAS BRTZAMS TE, MTSON RNON POS GTUB CING GTUB CING DE SBYIN SREG BYA'O, ,SBYIN SREG BRGYA RTZA BRGYAD BYAS NA NGES PAR CHAR PA 'BEBS PAR 'GYUR RO, ,'ON KYANG CHAR 'BEBS PAR MI BYED PA NA DE'I TSE STOBS PO CHE NYID KYIS NYES PA YIN NO ZHES SHES PAR BYAS LA, DUG DANG SKE TSE DANG LAN TSVA DANG DA DU RA LAS BYAS PA'I STOBS PO CHE'I GZUGS BRNYAN LA DGUG PA SNGON DU 'GRO BA CAN GYIS DPAL GNOD MDZES RGYAL PO'I SBYOR BAS NYI MA 'BAR BA LA GNAS PA RDO RJES MTSAN PA'I RKANG PA G-YON PAS GAN RGYAL DU MNAN LA BARshA PA YA SH'I GHRAm ZHES PA BYA BA'I BSKUL TSIG DANG LDAN PA'I YI GE H'Um BZHI PA'I SNGAGS KHRI BZLA BAR BYA'O, ,DE NAS NGES PAR STOBS PO CHES CHAR 'BEBS PAR BYED DO, ,DE LTA NA YANG CHAR 'BEBS PAR MI BYED NA, DE'I TSE MNGON SPYOD KYI THAB KHUNG DU GNOD MDZES RGYAL PO ZHAL GDANGS SHING H'Um GI LJAGS DANG LDAN PA RNAM PAR BSAMS LA, DE'I ZHAL DU GNOD MDZES RGYAL PO'I SBYOR BAS GZUGS BRNYAN GTUB CING BSKUL TSIG DANG LDAN PA'I YI GE H'Um BZHI PA'I SNGAGS KYIS SBYIN SREG BRGYA RTZA BRGYAD BYA'O, ,'DIS NI NGES PAR 'PHAGS PA STOBS PO CHES CHAR 'BEBS PAR BYED PA YIN NO ZHES BYA BA'I NYAMS SU MYONG BA'I RNAL 'BYOR PA THAMS CAD LA GRAGS PA YIN NO, ,CHAR GCAD PA LA NI KLU DANG 'PHAGS PA STOBS PO CHE LA DMIGS TE, ME THAB ZLUM POR SANGS RGYAS SPYAN DKAR PO ZHI BA AOm GYIS MTSAN PA'I LJAGS DANG LDAN PA'I ZHAL DE'I SNGAGS DANG ZHI BA'I CHO GAS MAR DANG 'O MA LA SOGS PA'I SBYIN SREG KHRI BYAS NA DE DAG NGES PAR ZHI BAR 'GYUR RO, ,CHAR CHES PA LA SNGAR BSHAD PA'I MNGON SPYOD KYI THAB KHUNG DU DPAL RDO RJE SEMS DPA' LA PHUL BA DANG, RAS BAL GYI RUS PA DANG BCAS PA'I SBYIN SREG BYAS NA NGES PAR CHAR CHES PA GCOD PAR 'GYUR RO, ,BCOM LDAN 'DAS ZHES BYA BA NI RDO RJE 'CHANG BA'O, ,PHYI'I DON THAMS CAD LA DMIGS PA NI KUN DU'O, ,DE NGES PAR 'JOMS PA NI MA LUS PAR 'JOMS PA'O, ,DE'I DON GYIS RDO RJE NI THOGS PA MED PA'I PHYIR RO, ,DE LTAR NA KUN DU 'JOMS PA'I RDO RJE STE 'DOD PA'I RGYAL PO ZHES BYA BA'I DON TO, ,DE LA DMIGS PA'I TING NGE 'DZIN LA

11b

YANG DE SKAD CES BYA'O, ,DAM TSIG CES BYA BA NI SBYOR BA PO'I YUL CAN GYI YANG DAG PA'I YE SHES SO, ,RDO RJE SKU GSUM ZHES BYA BA NI RDO RJE 'CHANG STE SBYOR BA MDZAD PA PO'O, ,RJES SU DRAN PA ZHES BYA BA'I RDO RJE 'CHANG YONGS SU SKYOBS SHIG CES DE LTAR RJES SU DRAN PA DANG LDAN PA'O, ,LINGGA ZHES BYA BA NI BSGRUB PAR BYA BA'I GZUGS BRNYAN NO, ,RKANG PA G-YAS PA ZHES BYA BA LA GNON ZHES BYA BA NI LHAG MA'O, ,RDO RJE SEMS DPA' NI RANG GI MTSAN MA'I GDAN DANG BCAS PA STE, NYI MA'I DKYIL 'KHOR LA GNAS PA'I LCAGS KYU'O, ,DE'I SBYOR BA NI RKANG PA'I 'OG TU BSAM PA'O, ,RDO RJE GSUM NI YE SHES SEMS DPA'I THUGS KA'I SA BON NO, ,DE LAS BYUNG BA'I SNGAGS TSOGS NI RDO RJE LCAGS KYU LA SOGS PA'I TSOGS SO, ,SNGAGS RNAMS THAMS CAD NI SANGS RGYAS DANG BYANG CHUB SEMS DPA' THAMS CAD DO, ,DE LA GONG DU DGUG PA'I SBYOR BA NI JI LTAR GSHIN RJE GSHED KYI SBYOR BAS DE'I SNGAGS GSUNGS PA DE BZHIN DU 'DOD PA'I RGYAL PO'I SBYOR BAS DE'I SNGAGS SU SHES PAR BYA'O, ,RKANG PAS 'GUGS PA NI PADMA'I SNOD LA PADMA 'DAB MA BRGYAD PA DE'I LTE BA LA RDO RJE LCAGS KYU BRIS LA, ,RDO RJE LCAGS KYU'I STENG DU DUG DANG SRIN LAG GI KHRAG DANG GI WANG LA SOGS PA 'DOD PA'I RGYAL PO'I SNGAGS DANG SPEL BA'I BSGRUB PAR BYA BA'I MING BRIS LA, PADMA'I 'DAB MA RNAMS LA DE DAG NYID KYIS SGROL MA'I SNGAGS BRIS SHING 'DAB MA'I DBUS DAG LA MYOS PAR BYED PA'I KHU BA DANG, GI WANG DAG GIS BSGRUB PAR BYA BA'I MING BRI BAR BYA'O, ,'DAB MA'I RTZE MO DAG LA GSHIN RJE GSHED KYI SNGAGS BSGRUB PAR BYA BA'I MING DANG SPEL BA'I MDZUB MO'I KHRAG DANG DUG DAG GIS BRI BAR BYA'O, ,DE BZHIN DU PADMA'I SNOD GNYIS PA LA YANG BRIS LA, DUR KHROD KYI RAS LA YANG 'KHOR LO 'DI NYID BRIS NAS RDZA MKHAN GYI LAG PA LAS LTUNG BA'I 'JIM PA LAS BYAS PA'I GZUGS BRNYAN GYI SNYING GAR BCUG NAS GZUGS BRNYAN DE LA BKUG LA NANG DU BCUG NAS THOD PA GNYIS KHA SBYAR DU BYAS TE, SENG LDENG GI MER BSREGS PA SNGAGS RE RE ZHING BRGYA RTZA BRGYAD BZLAS NA MTSAN MO BDUN GYIS NGES PAR 'GUGS PAR 'GYUR RO, ,YE SHES NI SEMS KYI YID BZHIN GYI NOR

12a

, ,BU LA SO SOR RTOG PA'O, ,DE'I PHRENG BA NI RGYUN DANG LDAN PAR 'JUG PA STE, 'DZIN PA ZHES BYA BA'I DON TO, ,DE NYID NI CHU STE SHIN TU SBYANGS PA DANG LDAN PA'I SEMS RLAN PAR BYED PA'I PHYIR RO, ,DE'I RANG BZHIN NYID YIN PA'I PHYIR DE YANG YIN LA KHRO BO NYID YIN PA'I PHYIR RDO RJE YANG YIN PA DE LTAR NA, ,YE SHES KYI PHRENG BA'I CHU'I RDO RJE STE, KHRO BO MI G-YO BA ZHES BYA BA'I DON TO, ,DE LA DMIGS PA'I TING NGE 'DZIN LA YANG DE SKAD CES BYA'O, ,MI G-YO BA YANG DE YIN LA RDO RJE GTUM PO YANG DE YIN PAS NA'O, ,DE'I DAM TSIG NI SNGAGS SO, ,RDO RJE SKU NI RDO RJE 'CHANG BA STE, GSANG BA 'DUS PA YIN PA'I PHYIR RO, ,KHA SBYAR LUS SU ZHES BYA BA NI CHUNG MA DANG BCAS PAR RO, ,'GUGS PAR 'GYUR ZHES BYA BA NI 'GUGS PAR BYED PAR 'GYUR RO, ,'DIR SBYOR BA NI SKYES PA'I THOD PA LA RKANG PA G-YAS PA'I MDZUB MO'I KHRAG DANG LAN TSVA DANG YUNGS KAR DANG, TSVA BA GSUM GYIS LHA CHEN PO LA SOGS PA GZUGS BRNYAN CHUNG MA DANG BCAS PA BRIS LA, RDO RJE MI G-YO BA'I SBYOR BAS DE'I SNGAGS ZLOS SHING JI LTAR GSHIN RJE GSHED KYI SBYOR BAS DE'I SNGAGS ZLOS PAS SKYES PA DGUG PA GSUNGS PA DE BZHIN DU DGUG PAR BYA'O, ,DAM TSIG NI BYA BA NAN TAN SGRUB PA'I YE SHES SO, ,DE'I RNAM PAR 'PHRUL BA NI DE LAS 'OD ZER NAG PO'I GZI BRJID 'BAR BA YIN PA DE'I RANG BZHIN CAN GYI RDO RJE STE, GNOD MDZES KYI MCHOG KHRO BO'I RGYAL PO ZHES BYA BA'I DON TO, ,DE LA DMIGS PA'I TING NGE 'DZIN LA YANG DE SKAD CES BYA'O, ,RDO RJE 'DZIN THAMS CAD KYI DAM TSIG NI BSDUS PA STE, DE'I NGO BO NYID YIN PA'I PHYIR RO, ,DE YANG DE YIN LA KHRO BO CHEN PO GNOD MDZES KYANG YIN PAS SO, ,DE'I SNGAGS LA YANG DE SKAD CES BYA'O, ,BU MO THAMS CAD NI ZHES BYA BA NI RDO RJE'I BU MO'O, ,THAMS CAD NI BCOM LDAN 'DAS RDO RJE 'CHANG STE, DE'I SPYAN LA SOGS PA'I LHA MO RNAMS ZHES BYA BA'I DON TO, ,SKRA BSHIG GOS DANG BRAL GYUR NA, ,ZHES BYA BA NI 'DOD CHAGS CHEN PO DANG LDAN PA'I PHYIR RO, ,RDO RJE LCAGS KYU ZHAGS PA YIS, ,RDO RJE'I BU MO 'GUGS PA'I MCHOG ,CES BYA BA DANG SBYAR RO, ,JI LTAR ZHE NA, RDO RJE SEMS DPA'I ZHABS

12b

KYIS MNAN TE, NYI MA LA GNAS PA'I RDO RJE LCAGS KYU NI RDO RJE SEMS DPA'O, ,DE DANG LDAN PA'I RKANG PA NI RDO RJE SEMS DPA'I ZHABS TE, DES GNON PA'I MNAN PA GANG LA YOD PA DE LA DE SKAD CES BYA'O, ,DE BZHIN GSHEGS PA KUN NI DPAL GNOD MDZES TE, BDAG PO DE 'DI LA YOD PAS NA DE SKAD CES BYA'O, ,DON NI DPAL GNOD MDZES KYI SBYOR BAS SHIN TU BSNGAGS PA'I BUD MED KYI THOD PA LA RKANG PA G-YON PA'I SRIN LAG GI KHRAG GIS SPYAN LA SOGS PA BU MO GANG YANG RUNG BA BRIS LA, NYI MA LA GNAS PA'I RDO RJE LCAGS KYUS MTSAN PA'I G-YON PA'I RKANG MTHIL G-YON BRKYANG PAS DE'I PADMA LA MNAN LA LAG PA G-YAS PA'I LCAGS KYUS DE'I SNYING GA PHUG STE LAG PA G-YON PA'I ZHAGS PAS MGUL BA BCINGS NAS BSKUL BA'I TSIG DANG LDAN PAS SNGAGS BZLAS NA 'GUGS PAR 'GYUR RO ZHES BYA BA 'DI YIN NO, ,'DIR SPEL BA NI H'Um AA NA YA LO TZA NE HE BHA GA W'A NA ZHES BYA BA 'AM, YANG NA BI DYA R'A DZA H'Um LO TZA NAm A'A KARshA YA DZA: ZHES BYA'O, ,DAM TSIG SEMS DPA'I RANG GI NGO BO SKU RDO RJE LA SOGS PA'I TSUL 'DRA BA GANG YIN PA DE NI DAM TSIG CHEN PO'O, DE'I DE KHO NA NYID 'BYUNG BA NI GSANG BA GSUM TSUL 'DRA BAR 'BYUNG BA'O, ,DE LA DMIGS PA'I TING NGE 'DZIN LA YANG DE SKAD CES BYA'O; ,DAM TSIG CHEN PO NI SNGA MA DANG 'DRA'O, ,GZHUNG LA LAS NI GSANG BA'I SGRA YANG GSUNGS TE, DER NI TSUL 'DRA BA NYID KYI PHYIR 'DI LA GSANG BA CHEN PO MNGA' BAS NA GSANG BA CHEN PO'O, ,DE YANG YIN LA DAM TSIG CHEN PO YANG YIN PAS ZHES BYA BAR SBYAR BAR BYA'O, ,DE'I RDO RJE GSUM GYI GSANG BA'O, ,DE'I GSUNG NI STON PA'O, ,DE NYID KYI DAM TSIG GI DE KHO NA NYID NI DGUG PA'I SNYING PO'O, ,TSIG NI STON PA STE, ,'CHAD PAR 'GYUR PA'I TSIGS SU BCAD PA RNAMS SO, ,SANGS RGYAS RDO RJE NI MI BSKYOD PA STE, ,DE'I SBYOR BA BYAS NAS SO, ,DE'I SKU GSUM LA STE, ,THUGS KA DANG LKOG MA DANG SPYI BO RNAMS SU'O, ,RDO RJE SEMS DPA' STE THUGS RDO RJE RNAM PAR BSGOM PA'O, ,ZHAGS PA RDO RJE KYO BA 'DZIN, ,ZHES BYA BA NI RDO RJE SEMS DPA' DE NYID RNAM PAR SPROS PAS SO, ,SANGS RGYAS NI RDO RJE 'CHANG STE DE DGUG PA'O, ,SANGS RGYAS SKU GSUM NI RNAM PAR SNANG MDZAD DANG 'OD

13a

, ,DPAG TU MED PA'O, ,DE DAG GI SBYOR BAS KYANG RDO RJE SEMS DPA' 'GUGS PAR BYED DO, ,JI LTA ZHE NA, 'KHOR LO CHEN PO'I SBYOR BA YIS TE, 'KHOR LO CHEN PO NI GZUGS TSUL 'DRA BA'I GSANG BA GSUM MO, ,DE'I SBYOR BA NI 'DOD DPAG TU MED PA STE, SKU GSUM LA PADMA CHEN PO'I LCAGS KYU BSGOM PA DANG, RNAM PAR SNANG MDZAD KYI SKU GSUM LA YANG 'KHOR LO'I LCAGS KYU BSGOM PA'O, ,MI PHYED RDO RJE GSUM BSGOMS PAS, ,ZHES BYA BA NI 'DI RNAMS KYI THUGS KA DANG, LKOG MA DANG SPYI BOR TSUL 'DRA BA'I SEMS DPA' BSGOMS PAS SO, , 'KHOR LO PADMA RDO RJE CHE, ,ZHES BYA BA NI RNAM PAR SNANG MDZAD DANG, 'OD DPAG TU MED PA DANG MI BSKYOD PA'I SBYOR BA DE DAG NYID KYIS SO, ,JI LTA ZHE NA, RDO RJE KYO BA ZHES BYA BA STE, RANG RANG GI MTSAN MAS MTSAN PA'I LCAGS KYU NI RDO RJE KYO BA'O, ,DE'I KHYAD PAR NI GO RIMS BZHIN DU 'KHOR LO'I LCAGS KYU NYID DANG, ,PADMA'I LCAGS KYU NYID DANG, RDO RJE'I LCAGS KYU NYID BSGOMS PAS ZHES BYA BA'I DON TO, ,SNGAGS RNAMS THAMS CAD NI SNGAGS KYI LHA THAMS CAD DO, ,BU MO SNA TSOGS DGUG PA NI THAMS CAD RDO RJE'I RANG BZHIN ZHES BYA BA GSUNGS TE, SKU LA SOGS PAS BYIN GYIS BRLABS PA'I PHYIR RO, ,ZHI BA ZHES BYA BA NI RNAM PA THAMS CAD KYI MCHOG DANG LDAN PA NYID KYI PHYIR RO, ,RANG SNGAGS SKYES BU ZHES BYA BA NI RANG GI LHA NYID DO, ,MCHOG RNAMS KYI ZHES BYA BA NI RGYAL PO'I BU MO LA SOGS PA'O, ,RLUNG GI DKYIL 'KHOR SBYOR BA YIS, ,ZHES BYA BA NI DGUG PAR BYA BA'I RLUNG GI DKYIL 'KHOR LA BSKYON PA'O, ,SNYING GAR RDO RJE KYO BA SBYOR, ,ZHES BYA BA NI RANG GI LHA'I LAG NA GNAS PA'I RDO RJE LCAGS KYU SPROS PAS SNYING GAR PHUG PA'O, ,'DI NI NYE BAR MTSON PA CUNG ZAD DE, ZHAGS PAS KYANG MGUL PA BCINGS NAS BSKUL BA'I TSIG DANG LDAN PA'I RANG GI SNGAGS BZLAS NA NGES PAR 'GUGS PAR 'GYUR RO ZHES BYA BA'I DON TO, ,RNAM PAR SNANG MDZAD NI 'KHOR LO'I LCAGS KYU STE, DE'I GZUGS CHEN NI LUS CHEN PO'O, ,DE NYID KYANG ZLA BA'I DKYIL 'KHOR DAG TU BYAS NAS SO, ,SHA TZI ZHES BYA BA NI BRGYA BYIN GYI CHUNG MA'O, ,DE NA GNAS PA NAS ZHES BYA BA NI 'OG TU MYUR BAR 'ONG DU ZIN KYANG ZLA BA'I DKYIL

13b

'KHOR DE LA BRTEN PAR 'GYUR BA'O, ,RDO RJE MI 'CHI SBYOR BA YIS, ,ZHES BYA BA NI BDUD RTZI THAB SBYOR GYI SBYOR BAS SNYING GA PHUG CING MGUL PA BCING BA YIS SO, ,RDO RJE KYO BA ZHES BYA BA LA SOGS PA LA RDO RJE LCAGS KYU'I GZUGS CHEN PO'O, ,'BAR BA'I RDO RJE 'DRA BA'I 'OD GANG YIN PA DE NYID NAM MKHA'I BU MO GNAS LA, NYI MA'I DKYIL 'KHOR BSGOM NA NI, DE LA GNAS PA'I NAM MKHA'I BU MO STE, LHA'AM MI'AM CI LA SOGS PA'I BU MO DE BZHIN DU BU MO BDUD RTZI THAB SBYOR GYI SBYOR BAS SNYING GA PHUG CING MGUL PA BCINGS NAS RANG GI SNGAGS BZLAS NA NGES PAR 'GUGS PAR 'GYUR RO, , ZHES BYA BA'I DON TO, ,GZHAN DAG NI SHA TZI NI SPYAN YIN LA RDO RJE'I DKYIL 'KHOR NI RLUNG GI DKYIL 'KHOR YIN ZHING NAM MKHA'I DKYIL 'KHOR NI M'A MA K'I'O ZHES 'DOD DO, ,RANG GI KHRO BO ZHES BYA BA NI RANG GI LHA NYID KYI YE SHES KYI THUGS KA'I SA BON LAS NGES PAR BYUNG BA'I KHRO BO NAG PO SGEG PA'O, , RDO RJE'I DAM TSIG CES BYA BA NI MI BSKYOD PA'I COD PAN CAN NO, ,RDO RJE SA 'OG GNAS PA DAG ,CES BYA BA NI RDO RJE SA 'OG CES GRAGS PA'O, ,SH'U LA RDO RJE KYO BAS GNAS, ,ZHES BYA BA NI, RTZE GSUM DANG, LCAGS KYU LA SOGS PA'I MTSAN MA DANG LDAN PA STE, LCAGS KYU DANG RAL GRI DANG ZHAGS PA DANG RTZE GSUM BSNAMS PA ZHES BYA BA'I DON TO, ,LHA MIN BU MO DGUG PA DANG, ,ZHES BYA BA NI DES DE BZHIN DU SNYING GA PHUG CING MGUL PA BCINGS NAS 'DEGS PAR BYED PA'I RLUNG GI DKYIL 'KHOR LA GNAS PA'I LHA MA YIN GYI BU MO 'GUGS PAR BYED CES BYA BA'I DON TO, ,BTZAG GAM ZHES BYA BA LA SOGS PA LA, KYANG ZHES BYA BA'I SGRAS NI GI WANG LA SOGS PAS KYANG NGO, ,RDO RJE'I KYO BA'I SBYOR BA YIS, ,ZHES BYA BA NI MI G-YO BA LA SOGS PA BSDUS BA'I DKYIL 'KHOR GYI DBUS SU MI G-YO BA'I SBYOR BAS 'DUG LA BTZAG DANG YI GE H'Um GIS RDO RJE LCAGS KYU'I LTAR BYAS NAS SO, , KHAR ZHES BYA BA NI RANG GI KHA'AM RANG GI RIG MA DANG GNYIS SU MED PAR GYUR PA'I PADMA'O, ,BCUG PA NI GZHUG PA DANG G-YOGS NAS SO, ,BSGRUB PAR BYA ZHES BYA BA NI YE SHES KYI RDO RJE LCAGS KYUS BKUG LA BCUG STE, SPRO BA DANG BSDU BAS JI SRID ZLA BA BTANG BA DE SRID KYI BAR DU BSGOM PAR BYA STE, DE NAS

14a

, ,'GRUB PAR 'GYUR RO ZHES BYA BA'I DON TO, ,DE YANG BSRUNG BAR BYA STE, BLANGS LA GRUB PA DES MING RNAMS BRIS NAS NI LHA RNAMS 'ONG BAR 'GYUR RO, ,'JIGS SHING SKRAG PA NI 'JIGS SHING 'DAR NAS SO, ,GZHAN DAG NI MING BRIS NAS RKANG PA G-YON PAS MNAN LA, BSKUL TSIG DANG LDAN PA'I RANG GI SNGAGS BZLAS NA 'ONG BAR 'GYUR RO ZHES 'DOD DO, ,RNAM PA'I MCHOG RNAMS ZHES BYA BA LA SOGS PA LA BDAG NYID LA 'JAM PA'I RDO RJE BSGOMS LA RANG GI SNYING GA'I YI GE H'Um LAS BYUNG BA'I RDO RJE LCAGS KYU YONGS SU GYUR PA'I GSHIN RJE GSHED PHYAG NA LCAGS KYU BSNAMS PA BSGOM PA DANG, MNGON PAR 'DOD PA'I GNOD SBYIN MO DE YID DANG MTHUN PA'I GNAS SU SONG LA BSAM PAR BYA'O, ,DE YANG GSHIN RJE GSHED LAS SPROS PA 'JIG PA'I DUS KYI ME 'BAR BAR GYUR PA PHYOGS BCUR 'GRO BA BKAG CING 'ON KYANG BDAG NYID LAS 'OD ZER SPROS PA BDUD RTZI LTAR BSIL BAR GYUR PAS, ,'DI'I LAM SPRUL PA MNGON PAR PHYOGS PA SBYIN PA DANG, DE NAS SKYABS SU SONG BA'I DON DU SPYI BOR GNAS PA'I GSHIN RJE GSHED KYI ZHABS KYIS DRANGS PAR GYUR PAR BSAM ZHING BSKUL BA'I TSIG DANG LDAN PA'I GSHIN RJE GSHED KYI BSNGAGS NA NGES PAR 'ONG BAR 'GYUR RO, ,'ONGS PA DANG DRI DANG CHU BSRES PA DANG MCHOD YON BYIN NA RGYUD GZHAN LAS JI SKAD GSUNGS PA'I MA'AM SRING MO 'AM SGYUG MO 'AM CHUNG MA'AM GROGS MOR SGRUB PAR 'GYUR RO, ,GZHAN DAG NA RE GNOD SBYIN MO BSGRUB BYA ZHES BYA BA LA SGRUB PA NI BKUG LA NYE BAR LONGS SPYOD PA TZAM ZHIG YIN NO ZHES ZER RO, , CHO GA NYAMS PA BZLOG PA'I DON DU TSIGS SU BCAD PAS BAG YOD PA DANG, TSIGS SU BCAD PAS THABS CHEN PO NYID DU GSUNGS PA NI KUN GYI ZHES BYA BA LA SOGS PA LA KUN GYI ZHES BYA BA NI LHA THAMS CAD KYI'O, ,THAMS CAD DU ZHES BYA BA NI SHIN TU YANG NGO, ,PHYAG RGYA DANG SNGAGS KYI KHYAD PAR NI GANG DANG YANG MA 'DRES PAR TE RANG RANG GI SNGAGS DANG PHYAG RGYA DAG GIS ZHES BYA BA'I DON TO, ,DE LA RNAM PA GNYIS TE CHO GA JI LTA BA BZHIN DU BSKYED PA'I LUS KYI MTSAN MA LA SOGS PA'I PHYAG RGYA DANG, RANG GI RIGS KYI MTSAN MAS MTSAN PA'I LCAGS KYU LA SOGS PA'I PHYAG RGYA'O, ,THABS NI

14b

LAS SO, ,GZHAN DU BYAS NA ZHES BYA BA NI DE LTAR MA BYAS TE GAL TE 'DRES PAR BYAS NA ZHES BYA BA'I DON TO, ,DE'I TSE 'JIG PAR 'GYUR BA NI 'JIG PA STE DNGOS GRUB LAS NYAMS PA'O, ,LAN 'GA' NI SROG NYAMS PA YANG YOD DO, ,BSKUL BAR BYA ZHES BYA BA NI CHO GA NYAMS KYANG DNGOS GRUB KYI PHYIR RTZOM PA NAS BRTZAMS TE, RDO RJE SEMS DPA'I SNYING PO'AM MCHOG DANG PO'I SNYING POS SAD PAR BYA'O, ,GANG GI PHYIR SNGAGS RNAMS THAMS CAD KYI RGYAL PO MCHOG TU RTAG PA YIN PA DE'I PHYIR DE'I BKAS SNGAGS THAMS CAD 'GRUB PAR 'GYUR RO, ,KUN DU NI SNA TSOGS PA STE BYA BA NAN TAN SGRUB PA'I YE SHES SO, ,DE'I RNAM PAR 'PHRUL PA NI GZI BRJID NAG PO 'BAR BA'O, ,DE'I RANG BZHIN CAN GYI YE SHES TE RAL PA GCIG MA ZHES BYA BA'I DON TO, ,DE LA DMIGS PA'I TING NGE 'DZIN LA DE SKAD CES BYA'O, ,DE NYID NI RDO RJE'O, ,DAM TSIG CHEN PO'I RGYAL PO NI DON YOD PAR GRUB PA'O, , DE'I RDO RJE MCHOG NI BTZUN MO DRAG MO'O, ,RDO RJE THOR TSUGS GCIG MA ZHES BYA BA NI MDUNG CAN MA'O, DE'I SNGAGS LA YANG DE SKAD CES BYA'O, ,SANGS RGYAS BYANG CHUB NI RDO RJE 'CHANG BA'O, ,BKUG NAS NYE BAR SPYAD PAR BYA, ,ZHES BYA BA NI BDUD RTZI THAB SBYOR DANG SKU MDOG DANG DBYIBS DANG CHA LUGS 'DRA BA KLU RNAMS KYIS BRGYAN PA RTZA BA'I PHYAG GNYIS KYIS RANG SNANG BA'I THABS LA 'KHYUD PA, LHAG MAS LCAGS KYU DANG, RAL GRI DANG, ZHAGS PA DANG, THOD PA BSNAMS PA'I MDUNG CAN MAR BDAG NYID RNAM PAR BSGOMS LA SRIN LAG GI KHRAG N'A GA GE SAR DANG SBYOR BAS BUD MED KYI THOD PA LA RLUNG GI DKYIL 'KHOR LA GNAS PA'I KLU'I BU MO BRIS LA DE'I SNYING GAR SNGAGS DANG SPEL BA'I MING BRIS NAS BKUG STE, RAL GRI LCAGS KYUS MTSAN PA RKANG PA G-YON BRKYANG BAS MNAN LA BSKUL BA'I TSIG DANG LDAN PA'I SNGAGS BZLAS PAS BKUG LA NYE BAR LONGS SPYAD PAR BYA'O, ,NAM MKHA' DANG 'DRA BAR DAM TSIG CHOS RNAMS LA YANG DAG PAR LTA BA NI NAM MKHA'I DAM TSIG STE, SO SOR RTOG PA ZHES BYA BA'I DON TO, ,DE 'BYUNG BA NI DMIGS PA STE, DE YANG KHRO GNYER CAN MA'O, ,DE NYID NI RDO RJE'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,CHOS CHEN PO NI 'OD

15a

, ,DPAG TU MED PA'O, ,DE'I DAM TSIG NI SHES RAB KYANG DE YIN LA, KHRO GNYER MA YANG YIN TE DE NYID NI RDO RJE'O, ,DE'I SNGAGS LA YANG DE SKAD CES BYA'O, ,YE SHES KYI RGYAL PO NI RDO RJE 'CHANG NGO, ,DGUG CES BYA BA NI NYE BAR SPYAD BYA ZHES BYA BA DANG SBYAR BAR BYA'O, ,JI LTAR DGUG PAR BYA ZHE NA, DAM TSIG LA SOGS PA YIN TE, DAM TSIG NI KHRO GNYER MA'I TING NGE 'DZIN YIN TE GOS DKAR MO DANG 'DRA'O, ,'DI NI SKU MDOG DKAR PO MDANGS DMAR PO CAN NO, ,DGUG PA LA YANG LCAGS KYU DANG RAL GRI DANG ZHAGS PA DANG PADMA BSNAMS PA'O, ,SOGS PA SMOS PAS NI BUD MED KYI THOD PA LA SRIN LAG GI KHRAG NYID KYIS KLU'I BU MO DANG 'DRA BAR RIG PAR 'DZIN PA'I BU MO BRI BA LA SOGS PA BSDU'O, ,SNGAGS KYI RIG PA ZHES BYA BA NI BSKUL BA DANG LDAN PA'I BZLAS PA DES SO, ,DGUG PA'I SBYOR BA THAMS CAD LA YANG 'BAR BA'I LTA BA'I SNYING PO DANG BCAS PA SBYOR BAR BYA STE, DE SKAD DU DPAL DE KHO NA NYID BSDUS PA'I RGYUD LAS, RDO RJE LTA BAS CHAGS PA NI, ,DGA' BAS MIG NI RAB TU BGRAD, ,DE YIS BUD MED BLTAS PAS NI, ,RTAG TU DBANG DU 'GYUR BA YIN, ,RAB TU MYUR BAR MIG BSKUL ZHING, ,MIG GI RDZI MAS 'GUGS BYED PA, ,LTA BA'I GZI CAN YIN PAR BSHAD, , 'GRO BA THAMS CAD 'GUGS BYED PA'O, ,KHRO BA'I GNYER MA RAB BSDUS PA, ,KHRO BO'I MIG NI BTZUMS PA'O, ,KHRO BO'I LTA BA BYAS NA NI, ,KHAMS GSUM YANG NI 'JIG PAR BYED, ,RI RAB RI YI BRAG 'DRA BA, ,BRTAN PAR 'DZUMS PA MED PA'I MIG ,BYAMS PA'I LTA BA YIN PAR BSHAD, , NAD DANG GDON DANG DUG SEL DANG, ,ZHES GSUNGS PA LTA BU'O, ,DE NAS 'DI RNAMS KYI SNYING PO NI, BADZRA DRishtI MAt, JI LTA DRI shtI AAm KU SHA DZA: KRO DHA DRIshtI HI ME DRishtI TRA tA CES GSUNGS SO, ,DE NAS CI SANGS RGYAS LA SOGS PA DGUG PA YANG BZLAS PA TZAM GYIS 'GRUB PAR 'GYUR RAM ZHE NA, 'GRUB PO ZHES BSTAN PA'I PHYIR 'GOG PA ZHES BYA BA LA SOGS PA GSUNGS PA LA 'GOG PA'I RDO RJE BZLAS PA ZHES BYA BA NI 'GOG PA'I BZLAS PA DANG RDO RJE'I BZLAS PA'O, ,YONGS SU RDZOGS PA MDZES MCHOG GIS RING POR MI THOGS PAR 'GUGS PAR 'GYUR RO, ,KUN NAS ZHES BYA BA NI PHYOGS BCU NAS SO, ,CI 'GUGS

15b

SHE NA, YE SHES RDO RJE GSUM LAS BYUNG STE, SKU DANG GSUNG DANG THUGS DANG YE SHES KYI RDO RJE LAS YONGS SU GRUB PA STE, SANGS RGYAS DANG BYANG CHUB SEMS DPA' RNAMS ZHES BYA BA'I DON TO, ,KYANG GI DON DU YANG RTOGS PAR BYA STE, DE RNAMS KYANG 'GUGS PAR BYED NA LHA LA SOGS PA LTA SMOS KYANG CI DGOS DA LA RANG GI LHA'I RNAL 'BYOR LA GNAS LA RANG GI SNYING GA'I NYI MA'AM, RANG GI SNYING GA'I ZLA BA LA RANG GI SNGAGS KYI YI GE'I PHRENG BA BKOD LA DE NYID LA RANG GI SEMS GNYIS SU MED PA'I SBYOR BAS BRTAN PAR BYAS NAS BZLAS PA GANG YIN PA DE NI 'GOG PA'I BZLAS PA STE, DE YANG GANG GI TSE BZLAS PA BYED PA'I NGES PAR BSDUS PA'I SEMS DE YUN RING DU GOMS PAR BYAS PA LAS SEMS DE NYID BRTAN PA ZHIG NAS BYA BA RDZOGS PAR 'GYUR BA DE'I TSE 'GRUB PAR 'GYUR TE, DE TZAM DU SNANG BA'I PHYIR DANG SBRANG BU DANG SHA SBRANG LA SOGS PAS GCES PAR GYUR KYANG TSOR BA MED PA'I PHYIR DANG, RNGA DANG RNGA BO CHE LA SOGS PA'I SGRA RNAMS NYIN YANG THOS PAR MI 'GYUR BA'I PHYIR RO, ,RDO RJE NI SANGS RGYAS RNAMS KYI SKU DANG DANG THUGS SO, ,DE RNAMS KYI BZLAS PA NI RDO RJE BZLAS PA STE, DE YANG LE'U BCU GSUM PA LAS GSUNGS PA YIN NO, ,DE NI GANG GI TSE BZLA BAR BYA BA'I SNGAGS BZHI PO DAG GIS RDO RJE RNAMS SEMS TZAM NYID LAS BYUNG BA DANG; BDAG MED PA NYID DANG BDAG DANG MNYAM PA NYID DANG DE THAMS CAD MI DMIGS PA STE, SNGAGS BZHI PO BZLAS PAS LHAG PAR MTHONG BA STE, SHIN TU YUN RING DU BZLAS PA LAS ZHI GNAS DANG LHAG MTHONG RDZOGS PAR GYUR PA NA, DON BZHI PO DAG KYANG MNGON SUM DANG 'DRA BAR SNANG BAR 'GYUR BA DE'I TSE GRUB PA YIN NO, ,MDZES MCHOG GIS ZHES BYA BA NI 'DIS NI RDZOGS PA'I MTSAN MA STON TE, ZHI GNAS GRUB PA NA BZLAS PA PO'I GLO BUR DU BA SPU LDANG ZHING MCHI MA 'BYUNG BA DANG, LUS DANG SEMS YANG BA LA SOGS PA'I RGYUS DGA' BA CHEN PO SKYE BAR 'GYUR RO, ,DE BAS NA YONGS SU RDZOGS PA BZLAS PA NI MDZES PA'I MCHOG TU GYUR TE, MCHOG TU YID DGA' BAR 'GYUR ZHES BYA BA'I DON TO, ,GRANGS KYI KHYAD PAR GYIS KYANG GRUB PA NI, YANG NA ZHES BYA BA LA SOGS PA GSUNGS TE, DBEN PA'I GNAS NI CHEN PO RU TE, RI BO DANG NAGS TSAL LA SOGS PA'I GNAS SU 'DUG LA, KHRO BO DE DANG DE'I

16a

, ,SBYOR BAS RANG GI SNYING GA'I NYI MA LA GNAS PA'I BZLAS PAR BYA BA LA SEMS KYIS DMIGS NAS KHRO BO BCU PO RE RE'I SNGAGS LA 'BUM DU BZLAS PA BYAS NA YANG LAS RNAMS THAMS CAD BYED PAR 'GYUR RO ZHES BYA BA'I DON TO, ,KHA CIG NA RE DPAG TU MED PA'I BZLAS PAS NI SDIG PA ZAD CING MTSAN MA THOB PAR GYUR PA DANG, DE'I 'OG TU RANG GI KHRO BO NYID KYI BZLAS BRJOD 'BUM PHRAG GCIG BYAS NA 'GRUB PAR 'GYUR TE, LUS CAN SDIG DANG BRAL BA LA, ,GRANGS KYI NGES PA GSUNGS PA YIN, ,ZHES GSUNGS PA'I PHYIR RO ZHES ZER RO, ,LAS KYI DAM TSIG GIS KYANG 'GRUB PA NI RDO RJE SLOB DPON ZHES BYA BA LA SOGS PA GSUNGS SO, ,GNAS NAS SPO BA NI BSKRAD PA STE, DE BYA'O ZHES BYA BA NI LHAG MA'O, ,'DI YIS ZHES BYA BA NI SNGAR BSHAD PA'I LAS RNAMS KYIS TE, JI SKAD DU, SNYING RJE'I SEMS NI DAG PA YIS, ,BSAD NA MYUR DU 'GRUB PAR 'GYUR, ,ZHES GSUNGS PA LTA BU'O, ,BSGOMS PA'I DAM TSIG GIS KYANG 'GRUB PA NI YANG GSUNGS PA ZHES BYA BA LA SOGS PA GSUNGS PA LA, SEMS CAN THAMS CAD KYI ZHES BYA BA NI NAM MKHA'I NGOS LA BSGOMS PA RNAMS KYI'O, ,CHO GA BZHIN DU ZHES BYA BA NI RANG GI KHRO BO'I SBYOR BAS 'DUG LA, DE'I LAG NA GNAS PA'I RDO RJE 'BAR BA 'PHANGS PA LA SOGS PAS PHYE MAR BYAS PA NYID KYIS SO, ,GDUG SEMS LDAN PA'I DGRA RNAMS LA, ,ZHES BYA BA NI DKON MCHOG GSUM LA SOGS PA LA GNOD PA BYED PA'AM, DE LA GNOD PAR BYED PAR 'DOD PA DANG LDAN PA RNAMS LA'O, ,KHRO BO'I SNGAGS LA GSUNGS PA'I GSAD PA DANG, BSKRAD PA LA SOGS PA'I CHO GA KHA BSKANG BA'I PHYIR KHRAG DANG ZHES BYA BA LA SOGS PA GSUNGS TE, KHRAG LA SOGS PA GSHER BAR BYAS PA'I GOS ZHES BYA BAR SHES PAR BYA'O, ,BGOS NAS ZHES BYA BA NI GOS DE'O, ,LINGGA NI GZUGS BRNYAN NO, ,KHRO BO'I RGYAL PO NI DBYIG SNGON NAM DE LAS GZHAN PA DAG STE, KHRO BO THAMS CAD NI MNGON SPYOD LA GTZO BO NYID YIN PA'I PHYIR RO, ,BRGYA RTZA BRGYAD CES BYA BA NI BRGYA LAS RTZA BRGYAD LHAG PA'I BZLAS PA'O, ,NGES PAR 'JIG CES BYA BA NI 'CHI BA'O, ,KHRO BO'I MCHOG GI BCINGS PA YIS, ,ZHES BYA BA NI, KHROS NAS GOS KYI

16b

MDUD PA DAM DU BCINGS PA'O, ,KHRO BAS 'KHRUGS BZHIN DU ZHES BYA BA NI GOS DE NYID LAS KHRO BO'I RIGS SPROS PA'I PHYIR RO, ,'JIGS PA'I TSUL NI KHRO BO LAS BYUNG BA'I LUS KYI RNAM PAR 'GYUR BA'I TSUL DU'O, ,GTZIGS PA NI G-YER ZHING 'GYUR PA STE, LAS LA BSGYINGS PA YOD PAS NA DE SKAD CES BYA'O, ,MNGON SPYOD KYI CHO GA'I GNAS NI MA MO'I GNAS SAM ZHES BYA BA LA SOGS PA GSUNGS TE, GANG NA MA MO BDUN YOD PA DE NI MA MO'I GNAS SO, ,SHING GZHAN DAG GI GRIB MAS MA NON PA'I SHING NI SHING GCIG GO, ,DBYIG SNGON GYI SNGAGS SU GSUNGS PA'I CHO GA DANG, BRGYA RTZA BRGYAD BZLA BA DANG, KHA BA DANG, TSA BA DANG, ZEGS MA DANG, PHUB MA LA SOGS PA DANG LDAN PA'I RTZUB PA'I ZAS ZA ZHING RTZUB CING KHRO BA'I NGA RGYAL GYIS MNGON SPYOD KYI SBYOR BA THAMS CAD LA BYA BAR BLTA BAR BYA'O, ,PHUR BU'I MNGON SPYOD NI MI RUS ZHES BYA BA LA SOGS PA GSUNGS PA LA, PHUR BU ZHES BYA BA NI STOD KHRO BO LTA BU LA SMAD RDO RJE RTZE GCIG PA LTA BU ZUR BZHI PA'O, ,SHES PA NI SDUG BSNGAL NYAMS SU MYONG BA'O, ,MI SHES PA NI 'CHI BA STE, DE DAG DANG SHIN TU BRAL BA'I PHYIR, SHES DANG MI SHES RNAMS SPANGS PA'O, ,DE YANG NYAMS SAM YANG NA 'CHI BAR 'GYUR BA NI SHES PA DANG LDAN PA'AM, MI SHES PA DANG LDAN PAR 'GYUR RO ZHES BYA BA'I DON TO, ,KHYAD PAR DU GSUNGS PA 'DI NI SBYOR BA'I MTHAR THUG GSAL BAR BYA BA'I DON YIN NO, ,DON NI KHRO BO GANG YANG RUNG BA'I SBYOR BAS DUR KHROD KYI RAS LA DUG DANG LAN TSVA DANG SKE TSE LA SOGS PAS KHRO BO'I RDO RJE BRIS LA DE'I LTE BAR BSGRUB PAR BYA BA'I MING DANG, SPEL BA'I SNGAGS BRIS TE, GZUGS BRNYAN GYI SNYING GAR GZHUG PA'O, ,DE NAS PHUR BU DE BLANGS LA DE'I 'OG DANG DANG NGOS BZHI DANG STENG DU H'Um RE RE BKOD LA DE NYID KYIS DGRA'I SGO LA SOGS PAR YI GE AA: LAS BYUNG BA'I SNA TSOGS RDO RJE BRIS LA DE'I STENG DU GZUGS BRNYAN DE BYANG PHYOGS SU MGO BSTAN TE, BZHAG CING BKUG NAS PHUR BU DE LA, BRGYA RTZA BRGYAD BZLAS NAS SNYING GAR PHUR BUS BTAB LA YI GE AAS MTSAN PA'I SNA TSOGS RDO RJE'I NANG NA YOD PA CAN GYI KHAM PHOR SO MA BTANG BAS BKAB LA DE YANG SAS BKAB STE, DE'I STENG DU RKANG PA BZHAG NAS SNGAGS BRGYA RTZA

17a

, ,BRGYAD MTSAN PHYED DAM NYI MA'I GUNG LA BZLAS NA DE NAS JI SKAD GSUNGS PA BZHIN DU 'GYUR RO ZHES BYA BA'I DON 'DI YIN NO, ,BSKRAD PA NI YANG NA THOD PA ZHES BYA BA LA SOGS PA GSUNGS TE, GANG BDAG NI SKYON MED PA'O, ,BZLAS PA BYA STE SBAS NA ZHES BYA BA NI BZLAS PAR BYAS NAS SBAS NA'O, ,RDO RJE'I TSIG NI RDO RJE'I NGAG STE, LCE RTZE SHIN TU MI BSKYOD CING, ,MCHU DANG SO NI LEGS SBYAR BA, ,RTOG PA KUN LAS BSNGAGS PA STE, ,RDO RJE'I TSIG NI SGRA SPANGS PA'O, ,DON NI JI SKAD DU BSHAD PA'I THOD PAR BA BLA DANG SOL BA DANG LUNG THANG GI LO MA'I KHU BA DANG, RKANG PA G-YON PA'I SRIN LAG GI KHRAG GIS RAL GRIS MTSAN PA'I RLUNG GI DKYIL 'KHOR DANG DE'I STENG DU BSGRUB PAR BYA BA'I GZUGS BRNYAN DANG DE'I SNYING GAR DE'I MING DANG SNGAGS SPEL BA BRIS NAS BKUG STE, SNGAGS BRGYA RTZA BRGYAD MNGON PAR BSNGAGS PAR BYAS TE, RDO RJE'I TSIG GIS SNGAGS BZLA ZHING DGRA'I SGO LA SOGS PAR BRKOS TE SBAS NA NGES PAR SKROD PAR 'GYUR RO ZHES BYA BA 'DI YIN NO, ,DBYE BA LA NI SBYOR BA GNYIS SU 'GYUR TE KHRO BO'I RNAL 'BYOR PAS KHROS BZHIN DU SPYI BOR RANG RANG GI MING PHYIN CI LOG TU DGOD PA'AM, DPRAL BAR YI GE HA DGOD LA LUG THUG DANG 'DRA BAR RAM, MA HE DANG RTA DANG 'DRA BAR PHAN TSUN 'THAB PAR GYUR PA DANG, SO DANG, RMIG PAS 'DEBS PAR BYED PA DE DAG BSAM PAR BYAS PA GANG YIN PA DES DE DANG RNAM PAR DBYE BAR 'GYUR RO, ,YANG NA RTA MGRIN GYI SBYOR BAS DUR KHROD KYI RAS LA GI WANG DANG, DUG DANG MYOS PAR BYED PA'I LO MA DANG, NIM PA'I LO MA'I KHU BA DANG KHVA DANG 'UG PA'I KHRAG LHAN CIG SBYAR LA DES RDO RJE RTZE LNGA PA 'BAR BA DANG, DE'I LTE BA LA PADMA 'DAB MA BRGYAD PA DANG DE LA CHE GE MO DANG LHAN CIG BI DVE shA NGA KU RU ZHES BRIS LA GNYI GA NANG DU CHUD PA SNGON DU SONG BA CAN GYI MA HE DANG RTA'I RMIG PA'I NANG DU BZHAG CING DUG DANG SKE TSE DAG GIS LEGS PAR BKANG NAS KHRO BO'I TSIG GIS BRGYA RTZA BRGYAD MNGON PAR BSNGAGS LA, NIM PA'I SHING GI NANG DU BCUG LA GZHAG PAR BYA'O, ,'DIS NI GANG 'DOD PA DE DBYE BAR 'GYUR RO, ,TA LA'I LO MA ZHES BYA BA LA SOGS PA LA GZHAN LA ZHES BYA BA NI DUR KHROD KYI RAS LA SOGS PA LA'O, ,'DIR MAN NGAG NI LHA CHEN PO'I GZUGS KYI G-YAS ROL LA SOGS PA

17b

LA 'DUG NAS DE GNOD MDZES KYIS BKUG STE, DAM TSIG LA BZHAG NAS TSA BA DANG KHA BA DANG BSNGAGS PA MA YIN PA'I ME TOG RNAMS KYIS MCHOD DO, ,DE BLANGS NAS DE LA RANG GI LAS GRUB PA'I PHYIR GSOL BA BTAB CING SLAR BTANG STE, BDAG NYID KYANG GRONG GI G-YAS PHYOGS SU SONG LA, TA LA'I LO MA LA SOGS PA 'BUS ZOS PA'I LHAG MA LA MI RUS KYI THUR MAS PHYAG RGYA BRKO BA'I TSUL DU BSGRUB PAR BYA BA'I MING DANG SPEL BA'I SNGAGS BKOD LA ZHAG LA SOGS PA BSKUS TE NIM PA'I LO MA LA SOGS PA'I KHA CHU GTOR ZHING, KHROS PAS SNGAGS BRGYA RTZA BRGYAD BZLA BAR BYA'O, , ME TOG DE DAG LA YANG LAN BDUN MNGON PAR BSNGAGS PA BYAS LA, DE NAS NYUNG ZAD CIG TA LA'I LO MAS DKRIS LA, TA LA'I LO MA YANG ME TOG LHAG MA RNAMS KYIS STENG NAS DKRI BAR BYA'O, ,DE NAS DGRA BA'I SGO LA SOGS PAR TZOG PUS KHUNG BU BRKOS LA SBAS NA JI SRID GSUNGS PA BZHIN DU 'GYUR RO ZHES BYA BA 'DI YIN NO, ,'BRAS BU CHEN PO NYID YIN PA'I PHYIR DAM TSIG CHEN PO YANG DE YIN LA MTHAR BYED PA NYID KYI PHYIR DPAL YANG YIN LA, BRTAN PA NYID KYI PHYIR RDO RJE YANG YIN PAS NA'O, ,DE STON PAR MDZAD PA LA YANG DE SKAD CES BYA'O, ,SPYIR PHUR BUS GDAB PA'I SNGAGS BSTAN PA'I PHYIR, DE NAS ZHES BYA BA LA SOGS PA GSUNGS TE, DE'I RANG BZHIN NYID YIN PA'I PHYIR DE BZHIN GSHEGS PA THAMS CAD KYANG DE YIN LA, DE RNAMS MI G-YO BAR BYED PA'I PHYIR, SKU DANG GSUNG DANG THUGS NGES PAR 'CHING BA YANG YIN LA, RDO RJE PHUR BU NYID YIN PA'I PHYIR RDO RJE YANG YIN PAS NA'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,SNGAGS 'DIR YANG SARBBA DUsht'AN SARBA B'A PAm ZHES BYA BA'I PHUNG BA'I GNAS SU BSGRUB PAR BYA BA'I MING GNYIS PA'I MTHA' CAN BLTA BAR BYA'O, ,A'A DZNY'A PA YA TI ZHES BYA BA 'DI'I DE MA THAG TU YANG DE NYID KYI BYED PA'I TSIG DRUG PA'I MTHA' CAN BLTA BAR BYA'O, ,RDO RJE KUN NI SANGS RGYAS DANG BYANG CHUB SEMS DPA'O, ,DE NYID NI RDZU 'PHRUL CHEN PO'O, ,NAM MKHA'I RDO RJE THUGS NI RDO RJE 'CHANG BA'O, ,RIGS GSUM LA PHUR BU GSUM KHA DOG GI DBYE BAS GSUNGS PA NI MI RUS ZHES BYA BA LA SOGS PA'O, ,SENG

18a

, ,LDENG RTZE NI SENG LDENG GI SNYING PO'O, ,THUGS RDO RJE LA SOGS PA'I SBYOR BA'AM, KHRO BO'I SBYOR BA BYAS LA THUGS RDO RJE LA SOGS PA'I PHUR BUS PHUR BU GDAB PAR BYA BA YIN PA DE'I PHYIR, 'OD 'PHRO ZHES BYA BA LA SOGS PA GSUNGS TE, RDO RJE SEMS DPA' NI MI BSKYOD PA KHROS PAR GYUR PA'O, ,MNYAM GZHAG LA ZHES BYA BA NI BSGOMS NAS SO, ,GZUGS BRNYAN ZHES BYA BA NI BSGRUB PAR BYA BA'I GZUGS BRNYAN NO, ,BSAMS NAS ZHES BYA BA NI BSGRUB PAR BYA BA'I GZUGS SU BSGOMS NAS SO, ,SBYOR BAR BYA ZHES BYA BA NI GZUGS BRNYAN DE NYID LA BSNUN PA'O, ,GANG ZHE NA SKABS NYID YIN PA'I PHYIR THUGS RDO RJE PHUR BU'O, ,JI LTAR BSNUN PAR BYA ZHE NA, RDO RJE SKU NI GSUM GYI MTHAR TE, RDO RJE GSUM YANG SPYI BO DANG ,LKOG MA DANG, SNYING GA'O, ,SKU'I MTHA' YANG RKANG PA'I MTHA' STE BSNUN PA GANG LA PHUR BU GNAS PA DE LA DE SKAD CES BYA'O, ,RDO RJE GSUM YANG BSNUN ZHES BYA BA LA MGO NAS RKANG PA'I MTHAR NI SKU RDO RJE'O, ,LKOG MA DANG, SNYING GAR NI GSUNG DANG, THUGS KYI RDO RJE STE, DE RNAMS LA PHUR BUS BSNUN PAR BYA'O ZHES BYA BA NI LHAG MA'O, ,'DIR SBYOR BA NI SNGAR BSHAD PA'I RDZAS KYIS DUR KHROD KYI RAS LA RDO RJE 'BAR BA DE'I LTE BAR ZHE SDANG RDO RJE YI GE H'Um LAS BYUNG BA'I 'OG RTZE GCIG PA'I RNAM PA CAN BRIS NAS BKUG STE, LCAGS LAS BYAS PA'I PHUR BU SOR BRGYAD PA'I KHONG STONG DU BCUG LA ME TOG SNGON POS MCHOD DE ZHE SDANG RDO RJE'I SBYOR BAS BRGYA RTZA BRGYAD BZLA BAR BYA'O, ,DE NAS SNGA MA BZHIN DU GZUGS BRNYAN PHUR BU TZAM DU BYAS LA DE'I SNYING GAR BRIS PA'I 'DAB MA BCUG NAS BKUG STE, BSGRUB PAR BYA BA'I MING BSKUL BA'I TSIG DANG LDAN PA'I SNGAGS BZLAS LA SPYI BO NAS BRTZAMS TE, RKANG PA'I MTHAR THUG GI BAR DU PHUR BUS GDAB PAR BYA'O, ,DE BZHIN DU 'KHOR LO'I LTE BAR KHROS SHING GNAG PA'I RNAM PAR SNANG MDZAD KYI PHUR BU BRIS LA, DE MI RUS KYI PHUR BU SOR BRGYAD PA'I KHONG STONG DU BCUG NAS KHROS SHING GNAG PA'I RNAM PAR SNANG MDZAD KYI SBYOR BA DES SNGA MA BZHIN DU PHUR BUS GDAB PAR BYA'O, ,DE BZHIN DU PADMA'I LTE BA LA 'OD DPAG TU MED PA'I PHUR BU BRIS TE, SENG LDENG GI PHUR BU SOR BRGYAD PA'I KHONG STONG DU BCUG LA KHROS SHING GNAG PA'I 'OD DPAG

18b

TU MED PA'I SBYOR BA DES PHUR BUS GDAB PAR BYA'O, ,DE BZHIN DU KHRO BO GSHIN RJE GSHED LA SOGS PA'I SBYOR BAS GANG YANG RUNG BA'I PHUR BU GSUM DANG BYA'O, ,RDO RJE BDUD RTZI ZHES BYA BA LA SOGS PA GSUNGS PA LA BDUD RTZI 'KHYIL PA LA BDUD RTZI THAB SBYOR RO, ,RDO RJE NI DE'I RANG BZHIN CAN TE, DE'I PHUR BU ZHES BYA BA'I DON TO, ,DES GDUG CING KHRO BA RNAMS TSAR GCAD PAR BYA'O, ,GANG GI GDUG CING KHOR BA ZHE NA, SANGS RGYAS BDAG NYID CHEN PO YANG STE, GZHAN DAG LTA SMOS KYANG CI DGOS, RDO RJE'I SBYOR BAS ZHES BYA BA NI SKU LA SOGS PA'I RDO RJE DANG KHRO BO RNAMS KYI SBYOR BAS SO, ,SNGA MA BZHIN DU DUR KHROD KYI RAS LA KHRO BO'I RDO RJE DANG DE'I LTE BAR YANG BGEGS MTHAR BYED 'OG RTZE GCIG PA'I RNAM PA CAN BRIS SHING, DE LCAGS LA SOGS PA LAS BYAS PA'I PHUR BU SOR BRGYAD PA'I KHONG STONG DU BCUG LA SKU RDO RJE LA SOGS PA'I SBYOR BA DES SNGA MA BZHIN DU PHUR BUS GDAB PAR BYA'O ZHES BYA BA'I DON TO, ,'DIR MAN NGAG NI BSGRUB PAR BYA BA'I GZUGS BRNYAN LA MI RUS KYI PHUR BU LAN BRGYA RTZA BRGYAD BZLAS PA DANG BCAS PAS SPYI BOR PHUR BUS BTAB NA GLAD GZER GYIS BTAB PAR 'GYUR RO, ,DE NYID LA SENG LDENG GI PHUR BUS BTAB LA MI'I THOD PA KHA SBYAR LA GNAS PA DUR KHROD KYI ME LA BSROS NA TSA BA'I RIMS KYIS BTAB PAR 'GYUR RO, ,DE NYID LA LCAGS LAS BYAS PA'I PHUR BU SOR BRGYAD PAS BTAB LA DUR KHROD KYI ME'I NANG DU BCUG NA 'PHRAL DU 'CHI BAR 'GYUR RO, ,SNYING GA NA ZHES BYA BA LA SOGS PA NI BRIS PA DANG BSAM PA'I PHUR BU'I GZUGS GSUNGS PA STE, LCAGS DANG RUS PA DANG SENG LDENG GI PHUR BU'I RNAM PA 'DI NI NGES PA MA YIN NO, ,SNYING GA NAS RKANG PA'I BAR DU RDO RJE RTZE GCIG PA LTA BU'I PHUR BU BYA'O, ,SNYING GA LAS GONG DU YANG DAM TSIG DE NYID BYA STE, SNYING GA YAN CHAD SKU RDO RJE LA SOGS PA'I GZUGS ZHES BYA BA'I DON TO, ,'DI NI ZHES BYA BA NI MJUG BSDU BA'O, , PHUR BU'I RNAM 'PHRUL YIN ZHES BYA BA NI PHYI'I PHUR BU'I CHO GA RGYAS PA ZHES BYA BA'I DON TO, ,BSAM GTAN ZHES BYA BA LA SOGS PA BSAM GTAN RDO RJE NI BSAM GTAN GYI PHUR BU'O, ,KYANG GI SGRAS NI GZHAN DAG LTA SMOS KYANG CI DGOS ZHES BYA BA'I DON TO, ,PHUR BUS BTAB NA ZHES BYA BA NI PHUR BUS

19a

, ,BTAB PAR GYUR PA NA'O, ,NYE BAR SGRUB PA LA DRAG SHUL GYI SBYOR BA YANG BZHED LA, DE NI BCU PA NYID DU MANG DU GSUNGS MOD KYI LHAG MA BSTAN PA'I PHYIR, DE NAS ZHES BYA BA LA SOGS PA GSUNGS TE, RNAM PAR SNANG MDZAD NYID BDUD RTZI THAB SBYOR DANG GNYIS SU MED PAR GYUR PA NI RNAM PAR SNANG MDZAD CHEN PO'O, ,DES SKU RNAM PAR 'PHRUL PA NI RNAM PAR SNANG MDZAD KYI PHUR BU'O, ,DE'I DON GYI RDO RJE NI BSAM GTAN GYI PHUR BU'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,DE BZHIN DU 'CHAD PAR 'GYUR BA'I TING NGE 'DZIN RNAMS LA YANG BSHAD PAR BYED, SKU'I DAM TSIG NI RNAM PAR SNANG MDZAD KYI BYANG CHUB KYI SEMS SO, ,DE'I TSAM NGAM NI 'GUGS PA'O, ,DE'I DON GYI PHUR BU DANG DE'I DON GYI SNGAGS SO, ,PHAN TSUN ZHES BYA BA LA SOGS PAS SBYOR BA GSUNGS PA NI PHAN TSUN DKRI BA NI DAM DU 'KHYUD PA'O, ,THABS DANG SHES RAB KYI LUS GANG LA KHROS SHING GNAG PA'I SPYAN RNAM PAR SNANG MDZAD KYI TSUL DU BSGOMS PA YOD PA'O, ,'BAR BA'I GSANG BA'I RDO RJE NI MTHE BO'O, ,GZHI NI PADMA STE, DE DAG GANG LA 'DUS PA YOD PA'O, ,RNAM PAR SNANG MDZAD KYI TSUL NI PADMA'I LTE BA LA BZHUGS PA'I RTAG PA'I GZUGS DKAR PO'O, ,DER GNAS PA STE, GANG LA RANG GI MTHE BOS SNYING GAR GNON PA GANG YIN PA DE LA DE SKAD CES BYA'O, ,DE YANG GANG YIN ZHE NA, RDO RJE PHUR BUS NGES PAR GDAB PA NI BSAM GTAN GYI RANG BZHIN GYI SKU RDO RJE'I PHUR BUS SNGAGS KYI MTHAR RDO RJE LAS BSGRUB PAR BYA BA'I SNYING GAR NGES PAR GDAB PA GANG GIS 'DI'I THUGS DANG PHYAG MTSAN DANG SNGAGS YANG DAG PAR PHUR BUS BSNUN PAR 'GYUR RO, ,BTAB MA THAG TU ZHES BYA BA NI CHO GA GZHAN LA LTOS PAS NI MA YIN NO, ,RDO RJE SKU GSUM NI BYANG CHUB KYI SEMS SO, ,DE'I 'BYUNG BA NI SKYE BA'O, ,LDANG BAR 'GYUR ZHES BYA BA NI MTHO BAR 'GRO BA STE, 'JIG RTEN LAS 'DAS PA GRUB PAR 'GYUR RO ZHES BYA BA'I DON TO, ,DAM TSIG GI MCHOG GIS ZHES BYA BA NI SKAD CIG GIS TE, DUS GZHAN DAG LA LTOS PAS NI MA YIN NO, ,YANG NA ZHES BYA BA NI GANG GI TSE LDANG BAR MI 'GYUR NA, DE'I TSE 'CHI BA'I GNAS SU 'GYUR TE, PHUR BUS BSNUN PAS 'CHI BAR 'GYUR RO, ,KHYAD PAR

19b

GSUNGS PA GRUB PA 'DI NI SBYOR BA LA BSTOD PA'I DON, 'JIG RTEN GYI DBANG PHYUG NI CHAGS CHEN RNAM PA GSUM GZUNG STE DE'I TSE KHRO BO DANG BCAS PA'I 'OD DPAG MED DU SGOM PA'O, ,GSUNG DE NYID NI RNAM PAR 'PHRUL PA'O, ,YE SHES PADMO NI RANG GI RIG PA GOS DKAR MO'I PADMA'O, ,RDO RJE NYID NI SOR MO'O, ,'DIR RDO RJE'I PHUR BU NI GSUNG GI RDO RJE'I PHUR BU'O, ,RDO RJE NI GSUM PO RNAMS LA CIG CAR RO, ,SKU GSUM DRI MED NI BYANG CHUB KYI SEMS SO, ,BTAB PA TZAM GYIS ZHES BYA BA NI DE'I SKAD CIG LA'O, ,RDO RJE 'DZIN NI MI BSKYOD PA'O, ,DE'I TSE RDO RJE CAN GNYI GA YANG KHRO BO DANG BCAS PA'I MI BSKYOD PAR BSGOM PA'O, ,THUGS DE NYID NI RNAM PAR 'PHRUL PA'O, ,RTZE MO LNGA PAR BCINGS NAS NI, ,ZHES BYA BA NI RDO RJE RTZE LNGA PA'I LNGA PA'I RNAM PAR BSGOMS PA'I MI BSKYOD PA'I GSANG BA'I RDO RJE'I NGES PAR BCING BA NI RANG GI M'A MA K'I'I PADMA'I LTE BA LA YANG DAG PAR SBYOR BAS SO, ,GANG LA 'OD 'PHRO BA MANG PO 'KHRIGS PA'I RDO RJE BSGOMS PA YOD PA'O, ,SKU GSUNGS ZHES BYA BA LA SOGS PA LA CHO GA NI 'DAS MA THAG TU BSHAD PA'O, ,SKU GSUNG THUGS KYI SBYOR BA YIS, ,ZHES BYA BA NI JI SKAD DU GSUNGS PA NYID KYIS SO, ,MKHA' DBYINGS RDO RJE NI RDO RJE 'CHANG BA'O, ,DE'I MTHA' KLAS PA NI DE'I BAR DU YANG ZHES BYA BA'I DON TO, ,RDO RJE PHUR BU STON PAR MDZAD PA'I PHYIR DE SKAD CES BYA'O, ,DE NAS ZHES BYA BA LA SOGS PA LA SKU GSUM PO'I MCHOG NI DAM PA'O, ,MNYES PA NI MGU BA'O, ,DES MDZAD PA'I SKU DANG GSUNG GI RNAM PAR 'GYUR BA NI RAB TU DGYES PA'O, ,CI ZHIG BZHED NAS BKA' STZAL ZHE NA, SEMS CAN KHAMS LA PHAN MDZAD PA STE, PHAN PA NI 'DIR JI SKAD DU BSHAD PA'I DON LA THE TSOM LAS LDOG PA STE, 'DI NI SANGS RGYAS THAMS CAD MNYES PAR BYED PA YIN GYI, MNYES PAR MI BYED PA NI MA YIN NO ZHES YANG DAG PAR RTOGS PA'I PHYIR RO, ,DE NYID KYI PHYIR MNYES PA YANG DAG PAR STON PAR MDZAD DE, 'DIR YANG 'BRAS BU CHEN PO NYID YIN NO ZHES KHONG DU CHUD PA'I PHYIR RO, ,AE MA'O ZHES BYA BA LA SOGS PA GSUNGS TE, GSANG BA NI THUGS KYI YON TAN RNAMS KYI MTHAR THUG PA'O, ,DE NYID KYI GNAS

20a

, ,KYI MCHOG NI THABS KYI DAM PA'O, ,SNYING PO NI SKU'I YON TAN DAG PA RNAMS SO, ,DE RNAMS KYI KUN BTUS PA 'DI NI MA LUS PA THOB PA'O, ,CHOS NI SHES RAB STE YON TAN RNAMS KYI MTHAR THUG PA'O, ,DE NYID KYI GNAS ZHI BA 'DI NI NYES PA DANG BRAL BA'I THABS SO; ,RDO RJE NI NYON MONGS PA'I RNAM PAR RTOG PA RNAMS TE, DE RNAMS RNAM PAR 'JOMS PA'O, ,DE LTAR NA RTOGS PA'I 'BRAS BU RNAM PA GSUM DANG BZHI PA SPANGS PA'I 'BRAS BU LA RE RE ZHING NGO MTSAR SBYAR BA YIN NO, ,PHUR BUS BSNUN PA 'BRAS BU CHEN PO 'DI NYID GANG YIN PA DE CI RNAM PAR SNANG MDZAD DANG, 'OD DPAG TU MED PA DANG, MI BSKYOD PA GSUM PO NYID YIN NAM, 'ON TE SNGAGS THAMS CAD KYI YIN ZHE NA, DE'I PHYIR SANGS RGYAS ZHES BYA BA LA SOGS PA GSUNGS TE, SKU LA SOGS PA'I PHUR BU DANG, SKU LA SOGS PA'I SBYOR BAS PHUR BUS GDAB PAR GSUNGS PA GANG YIN PA DE NI SNGAGS RNAMS LA STE, RIGS RNAMS NI 'KHOR LOS SGYUR BAS BSDUS PAS DE'I TSE DE RNAMS KYANG DE DAG NYID DU BSGOM PAR BYA'O, ,'DI DE ZHES BYA BA NI YAN LAG DRUG GI BSNYEN PA RDZOGS PAR BYAS NAS NYE BAR SGRUB PA LA ZHUGS PAS SGRUB PA BZHIS MA GRUB PA'I RNAL 'BYOR PAS BYA BA DON YOD PA GANG YIN PA DE YANG 'DI DE YIN NO, ,DE NYID LAS BYUNG ZHES BYA BA NI YANG DAG PA'I YE SHES KYI NGO BO NYID SKU RDO RJE LA SOGS PA'I PHUR BU LAS 'DI 'BYUNG BA'I PHYIR RO, ,SKU GSUNG THUGS NI BYANG CHUB KYI SEMS SO, ,MCHOG NI 'JIG RTEN LAS 'DAS PA'O; ,DE THOB PAR BYED PAS NA SKU GSUNG THUGS KYI MCHOG SBYIN PA'O, ,RANG RANG GI SNGAGS KYI DE NYID NI SKU LA SOGS PA'I YON TAN RNAM PAR DAG PA MTHAR THUG PA RNAMS SO, ,DE RNAMS KYIS BSDUS PA NI MA LUS PAR THOB PA NYID KYI PHYIR RO, ,LE'U BCU BZHI PO 'DI LA, NYI SHUR GCIG GIS MA TSANG SNGAGS, ,DE RNAMS DON GYI TSUL 'DI NI, ,DBANG BSKUR DAM PA DAG LAS MCHOG ,BLO TZAM NYID SHES RTZA BA YIN, ,MCHOD PA LAS NI RAB SGRUB BYED, ,DES NA SNGAGS KYI THOG MAR AOm, ,MTHAR NI SV'A H'A ZHES GSAL BYED, ,LA LAR DKON MCHOG GSUM LA 'DUD, ,LA LAR

20b

SNGAGS DE NYID LA 'DUD, ,GANG PHYIR 'DUD PAR BYED PA DES, ,SNGAGS DE SHIN TU DGYES PAR 'GYUR, ,NGES SBYOR DANG NI GSAL MTHA' CAN, ,GANG DER PHAL CHER LAN GNYIS BRJOD, ,YANG YANG DANG NI NGES PAR RAM, ,MYUR BA NYID CES SHES PAR BYA, ,DE LA DANG POR SPYAN GYI SNGAGS LA RU RU NI SNYING GA'I ZLA BA'I SNGAGS KYI YI GE RNAMS KYIS BRJOD CIG CES BYA BA'I DON TE GSUNGS SHIG GSUNGS SHIG CES BYA BA'I BAR DU'O, SPU RU NI DE RNAMS LAS SPROS PA'I RANG GI SKU'I SPRIN GYIS NAM MKHA' KHYAB PAR MDZOD CIG CES BYA BA'I DON TO, ,DZVA LA NI DE RNAMS KYI 'OD ZER TZAM NYID DU NYE BAR 'GRO BAS SO, ,TIshthA NI DE RNAMS NAD PA'I LUS SU ZHUGS NAS SO, ,DE LTAR NA LAS BZHI PO 'DI NI ZHI BAR BYED PA YIN NO, ,SIDDHA NI SANGS RGYAS RNAMS TE, DON THAMS CAD BLO TZAM DU SNANG BA'O, ,DE RNAMS KYI LO TZA NE NI DE BZHIN MTHONG BAR BYED PA STE, DE NYID KYIS MTHONG BA RNAMS DE RNAMS KYIS DE BZHIN DU MTHONG BA'I PHYIR RO, ,DE 'DI'I DE KHO NA NYID DO, ,SARBBA AARTHA RNAMS NI ZHI BA DANG RGYAS PA LA SOGS PA'O, ,S'A DHA NI THOB PAR BYED PA STE, RANG GI THUGS TZAM NYID DU YANG DAG PAR MTHONG BA NYID THOB PA'I RANG BZHIN NYID YIN PA'I PHYIR RO, ,SV'A H'A ZHES BYA BA NI MCHOD PA STE, KHYOD LA MCHOD PA BGYI'O ZHES BYA BA'I DON TO, ,'DI LA LAN GNYIS BRJOD PA NI CI YANG MED DO, ,M'A MA K'I'I SNGAGS LA SHANGKA RE SH'ANTIm KA RE ZHES BYA BA NI 'DI'I DE KHO NA NYID DO, ,DE LA SHI NI BDE BA'O, ,NYON MONGS PA'I RNAM PAR RTOG PA ZAD PA NI SH'ANTI STE, GO RIMS BZHIN DU SHES BYA DANG SHES PA 'BYUNG BA ZAD PA'I PHYIR RO, ,GHUttA GHUttA NE GO CHA DANG 'JOMS PA DAG YIN PA DE'I PHYIR BSRUNG BA'I CHO GA'I DBANG DU MDZAD NAS GSUNGS PA GHUttA GHUttA NI'O, ,GDUG PA GZHOM PA'I DBANG DU MDZAD NAS GSUNGS PA NI GH'A TA YA GH'A TA YA GHU ttI NA'O, ,GOS DKAR MO'I SNGAGS LA KA tE NI CHAR DANG SGRIB PA DAG YIN TE, CHAR 'BEBS PAR BYED PAS NA KA tE STE, SPRIN LA SOGS PA RLAN PAR BYED PA'O, ,DE YANG RLAN PA RNAMS RGYAS PAR BYED PA'O, ,RIG PA 'DI YANG RLAN PAR BYED PA DANG 'DRA BAS KA tE ZHES BYA DE RGYAS PAR BYED CES BYA BA'I DON TO, ,DE BAS NA THUN MONG GI RJOD PAR BYED PA LA YANG

21a

, ,GTZO BO YANG DAG PAR SHES PAR BYED PA'I PHYIR KA tE ZHES BYA BA NI CHOS RNAMS RGYAS PAR BYED PA YIN NO, ,BI KA tE ZHES BYA BA NI RNAM PAR BSKAMS PA RNAMS SO, ,NI KA tE ZHES BYA BA NI NOR MED PA RNAMS SO, ,RGYAS PA DE YANG DANG YANG BYED PA'I PHYIR KA tANGKA tE'O, ,SGROL MA'I SNGAGS LA BYA BA'I PHA ROL TU PHYIN PAR MDZAD PA'I PHYIR SGROL BAR MDZAD PAS NA t'A RE'O, ,TUTT'A GDUNG BA STE, GDUNG BAS NA TUTT'A NI SDUG BSNGAL ZHES BYA BA'I DON TO, ,GDUNG BA LAS GROL BAR MDZAD PAS NA TUTT'A RE'O, ,TU RE NI MYUR BA STE SGROL BA LA MYUR BA NYID KYI PHYIR TU RE'O, ,GSHIN RJE GSHED KYI SNGAGS LA, YA M'ANTA YANG DE YIN LA K'A YA LA SOGS PA'I BADZRA YANG YIN TE, DE LA K'A YA BADZRA NI SANGS RGYAS DKON MCHOG GO, ,B'A KA BADZRA NI CHOS DKON MCHOG GO, ,TZITTA BADZRA NI DGE 'DUN DKON MCHOG GO, ,DE DAG NI BZHI PA'I DON GYI DRUG PA YIN TE, KHA KHA ZHES BYA BA'I YI GE DANG POS NI BSTAN PA YIN LA, KH'A HI KH'A HI ZHES BYA BA NI BSHAD PA YIN TE, PHYI ROL GYI DON ZO SHIG ZO SHIG CES BYA BA'I DON DANG SEMS TZAM DU LTOS SHIG CES BYA BA'I BAR DU'O, ,DE LTAR NA KHRO BO'I YE SHES MNGON SUM DU BYA BA LA NGES PAR SBYAR BA'O, ,SARBBA DUsht'Am SA TVA NI GSHIN RJE LA SOGS PA DANG GZHAN DAG GO, ,DE RNAMS DA MA KA NI 'DUL BA LA 'JOG PAR BYED PA'O, ,DE LTAR NA KHRO BO'I LAS KYI 'BRAS BU YIN NO, ,AA SI NI RAL GRI'O, ,MU SA LA NI THO BA STE, PHYAG G-YAS KYI MTSAN MA'I GTZO BO YIN PA'I PHYIR RO, ,'DI LA MCHOG TU GYUR PA'I 'OD YOD PA'I PHYIR NA RA SHU STE YID BZHIN GYI NOR BU'O, , CHU LA NYAL BA NYID KYI PHYIR PA SHA STE PADMA'O, ,'DI'I HA STA LA DE DAG MNGA' BAS NA DE SKAD CES BYA'O, ,G-YER BAG DANG BCAS PAR GSOL BAR MDZAD PA NYID KYI PHYIR TZA TU RMU KHA'O, ,GRIMS PAR MTSON CHA 'PHYAR BA NYID KYI PHYIR TZA TURBHU DZA'O, ,PHYOGS DRUG CAR DU SKU SNA TSOGS KYIS CIG CAR BZHUD PA'I PHYIR shAtA TZA RA nA'O, ,DE LTAR NA KHRO BO'I LAS KYI THABS YIN NO, ,AA GATZTSA AA GATZTSA ZHES BYA BA NI BOD PA'O, ,SARBA DUsht'A NI DKON MCHOG GSUM LA GNOD PA BYED PA LA SOGS PA'O, ,DE RNAMS KYI PR'A nA AA PA HA RA NE NI SROG 'PHROG PAR GYIS SHIG PA'O, ,BOD PA LA RNAM PAR BSGYUR NAS

21b

BZHI PA YIN NO, ,MA H'A BI GH'Am NI GSHIN RJE LA SOGS PA STE, DE RNAMS KYI GHA TA KA'O, ,DE LTAR NA KHRO BO'I LAS SO, ,GDUG PA RNAMS 'JIGS PAR BYED PA YANG KHRO BO'I LAS YIN TE, SARBBA BH'U TA BHA YAm KA RA'I TSIG GIS SO, ,GZHAN LHAG MA GSUM GYIS DE'I THABS BSTAN PA'I PHYIR; BI KRi T'A NA NA ZHES BYA BA LA SOGS PA GSUNGS TE, SMIN MA BSDUS PA DANG, MCHE BA GTZIGS PA LA SOGS PA DANG LDAN PA'I ZHAL MNGA' BA NYID KYI PHYIR BI KRi T'A NA NA'O, ,SARBBA BH'U TA NI GSHIN RJE LA SOGS PA STE BHA YAm KA RA'O, ,DRAG TU BZHAD PA'I NGANG TSUL CAN YIN PA'I PHYIR AAtt'A ttA HA SA NA DE NI BYA GHRA TZARMA NI B'A S'A NA NI MNABS PA'O, ,'DI MAN CHAD NI BSGO BA LA NGES PAR SBYAR BA YIN NO, ,SARBBA KARM'A nA NI ZHI BA LA SOGS PA STE, BDAG 'DOD PA ZHES BYA BA NI LHAG MA'O, ,SARBBA MANDRAN NA ZHES BYA BA LA PHA ROL GYI ZHES BYA BA NI LHAG MA'O, ,MU DRA NI LAG PA'I PHYAG RGYA LA SOGS PA'O, ,PRA BE SHA YA PRA BE SHA YA ZHES BYA BA NI 'DUL BAR BYA BA'I PHYIR RO, ,BEE BA SHVA TA NI GSHIN RJE'O, ,DE'I DZ'I BI T'A DE AANTA KA RA STE, GSHIN RJE GSHED CES BYA BA'I DON TO, ,DA HA DA HA PA TZA PA TZA ZHES BYA BA NI GZHAN DAG GO, ,SA MA YA NI DAM BCAS PA'O, ,YI GE H'Um GNYIS KYIS NI DRAG PO'I LAS KYI BSGO BA LA NGES PAR SBYAR BA GNYIS SO, ,YI GE PHAt GNYIS KYIS NI LTUNG BAR BYA BA'O, ,SPHO tA YA SPHO tA YA ZHES BYA BA NI TSOGS RE RE NAS SHIG SHIG SHIG SHIG PA'O, ,SARBBA AA SHA PA RI PU RA KA ZHES BYA BA NI SGRUB PA PO RNAMS KYI'O, ,RI PUN ZHES BYA BA NI BSGRUB PAR BYA BA GDUG PA RNAMS SO, ,KA RA KA RA ZHES BYA BA NI JI LTAR BSGO BA LA NGES PAR SBYAR BA BZHIN DU GYIS SHIG GYIS SHIG PA'O, ,KI NA CI RA YA SI ZHES BYA BA NI CI'I PHYIR 'GOR BA'O, ,AA NU SMA RA DANG NA SHA YA DANG SA YA DA ZHES BYA BA GSUM LA LAN GNYIS BRJOD PA MED DO, ,BDUD RTZI THAB SBYOR GYI SNGAGS LA SGRIB PA THAMS CAD RNAM PAR 'JIG PAR MDZAD PA NYID KYI PHYIR BADZRA YANG YIN LA KRI DHA YANG YIN PA DE LTAR NA MTSAN GZHAN NO, ,MA H'A DAmshtO YANG YIN LA AUDGA TA YANG YIN ZHING, BHI RA B'A YANG YIN PA DE LTAR NA, SKU DANG GSUNG DANG THUGS DRAG PO NYID DO, ,MU shA LA NI RDO RJE KHA GYES PA STE, G-YAS KYI PHYAG

22a

, ,MTSAN GYI GTZO BO NYID YIN PA'I PHYIR RO, ,LHAG MA NI SNGA MA BZHIN NO, ,KHYAD PAR GSUM PO DE DAG GIS BSTOD NAS THAB SBYOR LAN MO NI PHYAG BYED PA YIN NO, ,AA MRi TA KUndA LI ZHES BYA BA NI RTZA BA'I MTSAN NAS BOD PA'O, ,KHA KHA ZHES BYA BA NI YI GE DANG POS TSIG GI DON GSUNGS PA YIN TE, SNA TSOGS SU SNANG BA CAN GYI SEMS LA GNAS NAS PHYI ROL GYI DON ZO SHIG CES BYA BA'I DON TO, ,KH'A HI KH'A HI ZHES BYA BA NI SEMS 'DI'I YANG GNYIS SU SNANG BA NUB PAR GYIS SHIG PA'O, ,TIshthA TIshthA ZHES BYA BA NI SNANG BA TZAM DE NYID LA CHAGS PAR MDZOD CIG PA STE, DE NYID NI RNAM PAR RTOG PA THAMS CAD KYI BRJOD PA YIN TE, DON DANG BLO DANG MING CAN MA YIN NO ZHES BYA BA'I DON TO, ,BANDHA BANDHA ZHES BYA BA NI DE NYID LA GZHAN DAG KYANG BZHAG PAR MDZOD CIG PA STE, RANG BZHIN GYIS 'OD GSAL BA'I YE SHES NYID YIN PA'I PHYIR DANG, MI 'JIG RNAM PAR MI SHES PA, ,BRJOD DU MED CING MI RTOG PA'I KHRO BO'I YE SHES MNGON DU BYA BA'I PHYIR RO, ,BZHI PO 'DI NI BSGO BA LA NGES PAR SBYOR BA'O, ,HA NA HA NA NI MTSON CHA RNAMS KYIS SO, ,DA HA DA HA NI KHRO BO 'BAR BAS SO, ,GARDZDZA GARDZDZA NI KHRO BO'I GSUNG GIS SO, ,BI SPHO tA YA BI SPHO tA YA NI KHRO BO LAS BYUNG BA'I SKU'I MDZAD PA RNAMS KYIS SO; ,GANG DAG CE NA SARBA BIGHN'Am BI N'A YA KAm ZHES BYA BA GSUNGS SO, ,DE LTAR NA BZHI PO NI KHRO BO'I LAS LA NGES PAR SBYOR BA'O, ,MA H'A GA nA PA TI NI BGEGS KYI RGYAL PO'O, ,DE'I DZ'I BI TA AANTA KA RA NI BDUD RTZI THAB SBYOR RO, ,DE LA SV'A H'A NI DE MCHOD PAR BGYI BA'O ZHES BYA BA'I DON TO, ,SHES RAB MTHAR BYED PA'I SNGAGS LA H'Um ZHES BYA BA NI KHRO BO ZHES BYA BA'I DON TE, ,H'Um NI KHRO BO YIN PAR BSHAD, ,CES GSUNGS PA'I PHYIR RO, ,DZI NA ZHES BYA BA NI GZHAN GYIS MI THUB PA ZHES BYA BA'I DON TO, ,'DIS RGYAL BA'I PHYIR RO, ,DE BAS NA RI STE 'DZIN PA ZHES BYA BA'I DON TO, ,BLTA BAR BYA BA YIN PAS NA tI STE GZUNG BA ZHES BYA BA'I DON TO, ,RI tI BSDU BAR MDZOD CIG PA ZHES BYA BA NI RI tI TA'O, ,DE LTAR NA KHRO BO'I YE SHES MNGON SUM DU BYED PA LA NGES PAR SBYOR BA YIN TE, LAN GNYIS BRJOD PA NI MED DO, ,H'Um GNYIS KYIS NI BLO LA BZHAG PA'I KHRO BO'I LAS LA NGES PAR SBYOR BA GNYIS YIN NO, ,

22b

PHAt GNYIS KYIS NI LTUNG BAR BYA'O, ,RTA MGRIN GYI SNGAGS LA RGYUD GZHAN DAG LAS RTA'I GZUGS SU GYUR PA'I KHYAD PAR GYIS PHAL CHER BSHAD PA YIN NO, ,DANG PO'I H'Um GSUM GYIS NI KHRO BO'I YE SHES MNGON DU BYED PA LA NGES PAR SBYOR BA'O, ,DE LTAR NA LUS KYANG DE YIN LA DAG KYANG DE YIN ZHING YID KYANG YIN PA DE LTAR NA GSUM PO'I MNYAM PA NYID NI YI GE H'Um GI DON YIN NO, ,DE LA DON THAMS CAD NI LUS DANG NGAG DANG YID KYIS BSDUS PA YIN LA, DE RNAMS KYI MNYAM PA NYID NI SEMS TZAM NYID YIN NO, ,DE'I YUL CAN GYI SEMS KYI MNYAM PA NYID NI LUS LA SOGS PA'I SNANG BA NUB PA'O, ,DE'I MING GI MNYAM PA NYID NI LUS LA SOGS PA'I BRJOD PA DBYER MED PA'O, ,DE DE LTAR NA DON THAMS CAD MNYAM PAR BYAS PA DANG, SEMS MNYAM PA DANG MI MNYAM PAS YANG DAG PAR MTSON PA NI PADMA'I KHRO BO'I YE SHES TE, YI GE H'Um GSUM GYI DON YIN NO, ,KHRO BO'I YE SHES 'DI MNGON SUM DU BYA'O ZHES BYA BA NI LHAG MA'O, ,RGYA MTSO CHEN PO LAS SGROL BAR MDZAD PAS NA TA RU LA'O, ,DE NYID RNAM PAR DKRUG PAR MDZAD PAS NA BI RU LA'O, ,SARBBA BI SHA NI RGYU BA DANG MI RGYU BA DANG BCOS MA STE, DE RNAMS KYI GHA TA KA'O, ,LUS LA SOGS PA LA 'BAR BA NYID KYI ME STAG 'BYIN PAR MDZAD PAS NA DZA LI TA'I BI SPU LINGGA'O, ,'DI 'DRA BA'I AAtt'A ttA H'A SA 'DI LA MNGA' BAS NA DE SKAD CES BYA'O, ,DZA tA YANG RAL PA'I TSOGS YIN LA DE SHIN TU SRA ZHING 'GRENG BA RNAMS AA TO PA STE, RNAM PAR BSGYINGS PA TA KA RA'I SGRA DANG LDAN PAS SENG GE DANG 'DRA BA'I SPRUG PA GANG LA MNGA' BAS DE SKAD CES BYA'O, ,RDO RJE'I RANG BZHIN GYI ZHABS NI BADZRA KHU RA STE, DE DAG GIS NI RGH'A TA NA'O, ,DE DANG 'DIS TZA LI TA BA SU DH'A TA LA MNGA' BAS NA DE SKAD CES BYA'O, ,NI SHV'A SA MA RU TOD KAshA BHI shA nA DH'A RA nI DH'A RA GYEN DU DGE BA YIN LA DE RNAMS KYI BH'I shA nA NI 'JIGS PAR BYED PA YIN TE, AAtt'A ttA H'A SA GANG LA MNGA' BA DE LA DE SKAD CES BYA'O, ,AA PA RA MI TA DANG BA LA BA RA KRA MA 'DI LA MNGA' BAS NI DE SKAD CES BYA'O, ,SDIG PA MED PA NYID KYI PHYIR A'A R+YA YANG DE YIN LA, SANGS RGYAS KYI MNGAG GZHUG PA NYID YIN PA'I PHYIR GA NA

23a

, ,YANG YIN PAS NA'O, ,A'A R+YA KA NI BHI TA RNAMS DANG, BH'U TA GA NA RNAMS KYIS AA R+YU SHI TA NI BRTEN PA'O, ,BHUDDHYA BHUDDHYA ZHES BYA BA NI DGONGS SHIG DGONGS SHIG PA'O, ,RTA DANG 'DRA BA'I H+YA GR'i BA 'DI LA RMIG PA GNYIS DANG LDAN ZHING RTA'I GDONG DANG LDAN PA'I PHYIR DE SKAD CES BYA'O, ,KH'A DA KH'A DA PA RA MANTRA NA ZHES BYA BA LA SOGS PA NI KHRO BO'I LAS LA NGES PAR SBYAR BA'O, ,TSINDA TSINDA ZHES BYA BA NI PA RA MANTRAm ZHES BYA BA DANG SBYAR RO, ,DE SHA ZHES BYA BA NI GSOL CIG CES BYA BA'I DON TO, ,AA BE SHA YA ZHES BYA BA NI SNOD LA BABS PAR MDZOD CIG PA'O, ,'DZIN PAR BYED PAS NA GRA HA STE, DE NYID NI DZVA RA LA SOGS PA'O, ,AA PRA TI HA TO NI NUS PA THOGS PA MED PA'O, ,DHU NA NI SNYING SPRUGS PAR GYIS SHIG PA'O, ,MA THA NI DKRUGS PA'O, ,MAN tA NI RUS PA BCAD PA'O, ,P'A tA YA NI CHUR GNYIS SU BKAS PA'O, ,BHANDHA NI MI G-YO BAR GYIS SHIG PA'O, ,AA NU DZNY'A NA SMOS PA NI KHA NA MA THO BA MED PA'I YUL YIN PAS NYE BAR BSTAN PA'I PHYIR RO, ,KARMA ZHES BYA BA NI 'DUG PA'I LAS SO, ,'DI MAN CHAD HYA GR'i BA LA SOGS PA'I SGRA RNAMS NI BOD PA'I BZHI PA'O, ,YI GE PHAt NI LTUNG BA'I SNGAGS KYI DON TO, ,BADZRA KU LA NI PHYI DANG NANG GI KHRO BO'I RIGS SO, ,H'Um GSUM GYIS NI GDUG PA'I LAS LA NGES PAR SBYOR BA YIN NO, ,PHAt GSUM GYIS NI LTUNG BA LA'O, ,DI SHA DANG AA BE SHA YA DANG BHA BA DANG, KU RU ZHES BYA BA BZHI NI LAN GNYIS BRJOD PA MED DO, ,DBYIG SNGON GYI SNGAGS LA AE HYE HI ZHES BYA BA NI TSUR BYON TSUR BYON NO, ,'DI LA N'I LA BADZRA DAndA MNGA' BAS NA DE SKAD CES BYA'O, ,'DI MAN CHAD KYIS NI BOD PA LA SOGS PA'O, ,TU RU TU RU NI MYUR ZHING MYUR BAR MDZOD CIG PA'O, ,HU LU HU LU ZHES BYA BA NI SONG SHIG SONG SHIG PA'O, ,KYE H'A H'A ZHES BYA BA NI 'KHOR BA NA SKYO BA'O, ,GU LU GU LU GU L'A P'A YA ZHES BYA BA NI 'GRO ZHING KUN DU BSKYOD PA LAS BYUNG BA NI GU LU GU LU STE GU LU'I SGRAS KYIS SHIG PA'O, ,DGOS PA CI'I PHYIR ZHE NA, BH'U T'A NA ZHES BYA BA LA SOGS PA GSUNGS TE, BH'U T'A NI LHA DANG DRANG SRONG DANG YI DAGS LA SOGS PA'O, ,DA HA DA HA ZHES BYA BA NI THAL BAR GYIS SHIG THAL BAR GYIS SHIG PA'O, ,DA RA DA RA ZHES BYA BA NI RNAM PAR CHOMS

23b

SHIG RNAM PAR CHOMS SHIG PA'O, ,TRA tA TRA tA ZHES BYA BA NI DROL CIG DROL CIG PA'O, ,TZA LA TZA LA ZHES BYA BA NI YANG SPOD CIG PA'O, ,DA HA DA HA ZHES BYA BA NI SPOR CIG SPOR CIG PA'O, ,PA TZA PA TZA ZHES BYA BA NI GO SLA'O, ,MA THA MA THA ZHES BYA BA NI RANG NYID KYIS RUS PA CHOG SHIG CHOG SHIG PA'O,, PA TA YA NI RANG NYID KYIS SO, ,P'A TA YA NI GZHAN GYIS SO, ,MA t'A PA YA MA t'A PA YA NI GZHAN GYIS SO, ,SARBBA KARMA NI ZHES BYA BA NI 'BYUNG PO DE DAG NYID KYIS GZHAN LA GNOD PAR BYA BA DANG, RANG LA BSRUNG BA'I PHYIR BYAS PHA'O, ,TZTSINDA TZTSINDA ZHES BYA BA NI RNAM PAR SHIG RNAM PAR SHIG PA'O, ,AA S+YA ZHES BYA BA NI 'BYUNG PO LA SOGS PA'O, ,ME DAm ZHES BYA BA NI TSIL LO, ,MADZDZA ZHES BYA BA NI RKANG NGO, ,AE H+YE HE BHA GA B'ANA ZHES BYA BA NI YANG SPYAN 'DREN PA'O, ,SARBBA ZHES BYA BA LA SOGS PA NI BSGO BA LA NGES PAR SBYOR BA'O, ,DE LA BI GHNA NI 'BYUNG PO'I KHYAD PAR DANG, SDIG PA LA SOGS PA'O, ,BID+YA NI GZHAN GYI SNGAGS SO, ,M'U LA KARMA NI 'KHRUL 'KHOR DANG RGYUD KYI SBYOR BA'O, ,GRA HA NI RIMS LA SOGS PA'O, ,HA NA HA NA ZHES BYA BA NI DBYIG PAS SO, ,BHANYDZA BHANYDZA ZHES BYA BA NI SHIG SHIG PA'O, ,MARDA MARDA ZHES BYA BA NI PHYE MAR RLOG SHIG PHYE MAR RLOG SHIG PA'O, ,'DI THAMS CAD KYIS CI ZHIG BYA ZHE NA, AI DAm ZHES BYA BA LA SOGS PA GSUNGS TE, AI DAm NI BLO LA GNAS PA'O, ,H'Um ZHES BYA BA NI KHRO BO DANG BCAS PAS SPOD LA PA'O, ,N'I LA ZHES BYA BA NI LA SOGS PA BZHIS NI BOD PA'I BZHI PA YIN NO, ,N'I LA NI SHIN TU GNAG PA NYID KYI PHYIR RO, ,N'I LA BADZA DAndA NI SNGA MA BZHIN NO, ,TU RU TU RU BIGHNA BI N'A SHA KA ZHES BYA BA NI BGEGS RNAM PAR BSHIG PA'I DON DU MYUR CIG MYUR CIG PA'O, ,HU LU HU LU ZHES BYA BA NI SOD CIG SOD CIG PA'O, ,'BAR BA RNAMS KYIS DIPTA YANG DE YIN LA 'TSE BAR BYED PA NYID KYI PHYIR TZANDHA YANG YIN PAS SO, ,GSAL BAR BYA BA'I PHYIR SARBBA SHA TR'Um n'Am ZHES BYA BA GSUNGS TE, RJES SU GNANG BA'I BSGRUB PAR BYA BA THAMS CAD KYI'O, ,HRi DA Y'A NI GNAD KYI KHYAD PAR RO, ,DE RNAMS LA BI DA YA NI MTSON GYIS SO, ,TZTSINDA TZTSINDA BID+YA NAm TZTSE DA KA ZHES BYA BA LA GZHAN GYI RIG PA ZHES BYA BA NI LHAG MA'O, ,H'Um BID+Y'A N'Am SHIshtA KA ZHES BYA BA NI RIG PA THAMS CAD KYI NANG NAS SHIN TU KHYAD PAR CAN NO, ,SMA RA SA MA YA

24a

, ,ZHES BYA BA NI DAM BCAS PA'O, ,BADZRA DHA RA BA TZA NA'm TZA ZHES BYA BA LA BA TZA N'Am NI BKA'O, ,MARM'A NI BSGRUB PAR BYA BA RNAMS KYIS SO, ,H'Um ZHES BYA BA NI KHRO BO'O, ,HA NA HA NA DA HA DA HA KU RU KU RU TU RU TU RU PHAt PHAt CES BYA BA LNGA PO DAG GI DON NI SNGA MA BZHIN NO, ,H'Um GNYIS KYIS NI MDOR BSDUS NAS GNAD GCOD PA LA SOGS PA LA YANG NGES PAR SBYOR BA YIN NO, ,DE NYID KYIS NA KRi TANTA YA ZHES GSUNGS SO, ,DE BA NI BRGYA BYIN LA SOGS PA'O, ,Ri shI NI ME LA SOGS PA'O, ,DE RNAMS BI DR'A BA KA NI SKRAG PA RNAMS 'BYER BAR BYED PA'I PHYIR RO, ,HA NA BADZRA DAndA DE NI ZHES BYA BA NI MTSON GYIS BSNUN PA'AM BSAD PA'O, ,GU LU GU LU GU LU LA YA DANG, BA TA YA BA TA YA DANG, MA tA MA tA PA YA DANG, SA DA YA DANG, LO DA YA DANG, SMA RA DANG, NI GRINTA ZHES BYA BA BRGYAD DANG, THA MA'I HA NA'I SGRA STE BRGYAD LAN GNYIS BRJOD PA MED DO, ,STOBS PO CHE'I SNGAGS LA LAR NI AOm NOR BU'I RIGS RJOD PAR BYED PA YIN TE ,BDAG DANG SNGAGS NI STONG PA NYID YIN NO ZHES BYA BA'I DBANG DU BYAS NAS SO, ,DE NYID KHRO BO'I NYAMS LA GNAS PA LA NI STOBS PO CHE DANG SBYAR RO, ,DE NAS 'DIR DE NYID KYIS DE BOS TE H'Um GSUM GYIS GDUG PA'I LAS LA NGES PAR SBYAR BA GSUM YIN NO, ,PHAt GSUM GYIS NI LTUNG BAR BYED PA'O, ,YANG DE BZHIN DU BOS NAS AU GRA SH'U LA P'A nI ZHES BYA BA NI KHYAD PAR TE, 'BAR BA'I RTZE GSUM BSNAMS PA NYID KYI PHYIR RO, ,DE BZHIN DU NGES PAR SBYOR BA NYID YIN NO, ,YANG DE BZHIN DU BOS NAS DZYO TI NI RA n'A DA ZHES BYA BA NI KHYAD PAR YIN TE, KHRO BO CHEN PO'I ME NYID YIN PA'I PHYIR DZYO TI YANG DE YIN LA, HA HA ZHES SHAS CHER BZHAD PA NYID KYI PHYIR N'A DA YANG YIN PA'I PHYIR RO, ,DE BZHIN DU NGES PAR SBYAR BA NYID YIN NO, MA H'A BA LA SV'A H'A, ZHES BYA BA NI RTZA BA'I MTSAN LA BOS NAS MCHOD PA YANG DAG PAR STON PA'O, 'DOD PA'I RGYAL PO'I SNGAGS tAKKI H'Um ZHES BYA BA NI 'DOD PA'I KHRO BO ZHES BYA BA'I DON TO, ,DZA:ZHES BYA BA NI KHUG SHIG CES BYA BA'I DON TO, ,JI SKAD DU BDE MCHOG GI RGYU PHYI MA LAS, tAKKI RTAG TU 'DOD PAR BSHAD, ,H'Um NI KHRO BO YIN PAR BSHAD, ,YI GE DZA:NI 'GUGS PAR BSHAD, ,CES GSUNGS PA

24b

LTA BU'O, ,'DIR SV'A H'A'I SGRA NI MED DO, ,MI G-YO BA'I SNGAGS LA DE KHO NA NYID LA CHAGS PAS NA AA TZA LA YANG DE YIN LA, ,DHO DANG BLO DANG MING YANG DAG PAR STON PA'I PHYIR K'A nA YANG YIN PAS NA AA TZA LA K'A N'O, ,GANG GI PHYIR ZHEN CING CHAGS PA DE NYID KYI PHYIR NA tA NA tA STE DRAG PO'I GAR RO, ,MOttA MOttA NI RI BO LAG PA'I SHUGS KYIS SO, ,SAttA SAttA NI SA LA RKANG PA 'JOG PAS SO,,HA HA HA HA ZHES BYA BA NI MI GSAL BAR RJES SU BYED PA'O, ,'DI NYID KYI BSHAD PA NI HA SA HA SA'O, ,GANG GI PHYIR KA NA YIN PA DE NYID KYI PHYIR, ,HA NA HA GNYIS SU RTOG PA'O, ,DA HA DA HA NI GNYIS MI SNANG BA'O, , TAttA TAttA NI SNANG BA TZAM NYID YIN PA'I PHYIR 'BA' ZHIG DRI MA MED PA MTHA' YAS PA'I NAM MKHA' BZHIN DU SNANG BA'I PHYIR RO, ,TIshthA NI DE LA SEMS GNAS PA'O, ,A'A BI SHA A'A BI SHA NI DE LA SEMS DE NYID DE, DE DAG THA DAD PA MED PA'I PHYIR RO, ,LCAGS KYU MED PA NYID KYI PHYIR MA H'A MANTRA YANG YIN LA; GZUGS GZHON PA'I PHYIR B'A LA KA YANG YIN PAS NA MA H'A MANTRA B'A LA KA'O, DE LA MA H'A MANTRA SHIN TU MYOS PA NYID YIN PA'I PHYIR, DHU NA DHU NA ZHES BYA BA STE, SPRUGS SHIG SPRUGS SHIG PA'O, ,TI nI TI nI ZHES BYA BA NI SA'I GZHI LA THONG SHIG THONG SHIG PA'O, ,KH'A DA KH'A DA ZHES BYA BA NI ZO SHIG ZO SHIG PA'O, ,GANG ZHIG CE NA, BI GA N'A NA ZHES BYA BA GSUNGS SO, ,M'A RA M'A RA DUsht'Am ZHES BYA BA NI SOD CIG SOD CIG PA'O, ,RAKshA RAKshA SARBBAm ZHES BYA BA NI BSRUNG BAR BYA'O, ,BA LA KA NYID YIN PA'I PHYIR KU RU KU RU ZHES BYA BA STE CA CO MDZOD CIG PA'O, ,KI RI KI RI ZHES BYA BA NI KU CO GYIS SHIG PA'O, , SHIN TU BZLOG DKA' BA NYID KYI PHYIR MA H'A BI SHI MA YANG DE YIN LA KHRO BO NYID YIN PA'I PHYIR RDO RJE YANG YIN PA DE LTAR NA MA H'A BI SHA MA BADZRA'O, ,DE NYID KYI PHYIR SPHO tA YA SPHO tA YA NI TSIG RNAMS GZHIG PA'O, ,H'Um GSUM KHRO BO'I DON GYIS GZHIG PAR SPOD PA'O, ,TRI BA LI N'I DPRAL BA LA KHRO BO LAS BYUNG BA'I'O, ,DE NYID CHU RLABS DANG CHOS MTHUN PAS NA TA RANGGA'O, ,DE RNAMS KYI AA NARTA KA NI YANG DANG YANG DU KHROS PA'I PHYIR RO, ,YI GE AOm GSUM GYIS NI BOD PA GSUM STE, YID TZAM NYID YIN PA'I PHYIR RAM, MKHA' GZUGS CAN ZHES BYA BA NI AAm NGO, ,DE NAS SNANG BAR BYED PA NYID KYI PHYIR

25a

, ,NAM MKHA'I YID LA GNAS PA ZHES BYA BA NI AAm NGO, ,DE NAS BRJOD BYAS STONG PA NYID KYI PHYIR NAM MKHA'I SNGAGS ZHES BYA BA NI AAm NGO, ,DE NYID KYI PHYIR GSUM PO NI NGES PAR SBYOR BA YIN TE, DON LA RTOG PA RNAMS PHROGS SHIG CES BYA BA NI HAm NGO, ,SNANG BA PHROGS SHIG CES BYA BA NI HAm NGO, ,DON GYI THA SNYAD DU PHROGS SHIG CES BYA BA NI HAm NGO, ,SANGS RGYAS KYI YE SHES LAS MI 'DA' BA YIN PAS NA AA TZA LA YANG YIN LA, SANGS RGYAS KYI BKA' BZHIN BYED PA'I PHYIR TZE tA YA YANG YIN PA DE LTAR NA AA TZA LA TZE tA'O, ,DE NYID KYIS NA SPHO tA SPHO tA YA'O, ,YI GE H'Um NI BSHIG PA'I DON LA SPOD PA'I AA SA MA NI SANGS RGYAS YIN LA DE RNAMS KYI AANTI KA NI NYE BAR GNAS PA STE GDUNG BA'I PHYIR RO, ,AA SA MANTI KA'O, ,TR'A tA ZHES BYA BA NI DROL ZHIG CES BYA BA'I DON TO, ,'DI LA STOBS CHEN PO MNGA' BAS NA MA H'A BA LA'O, ,DE NYID KYIS NA SHA TA YA SA MA YA MANTRA MA ZHES BYA BA NI GZHAN GYI SNGAGS SHIN TU 'DA' BAR BYA BA'O, ,AA TZA LA TZE tA DANG AA SA MANTI KA DANG MA H'A BA LA ZHES BYA BA NI GO RIMS BZHIN DU SANGS RGYAS KYI BKA' DANG SANGS RGYAS KYI STOBS DANG RANG GI STOBS KYI GZENGS BSTOD PA'O, ,HAm MAm ZHES BYA BA NI BOD PA GNYIS TE, ,SPANG BAR BYA BA LAS THAR BAR MDZAD PAS NA HAm NGO, ,RJED PAR BYED PA LA RJED PAR BYED PA MAm NGO, ,DE NYID KYI PHYIR DE LA DGA' BA'I BSNGAGS PAS DE MNYES PAR BYA'O, ,SHUDDHYA TU LI KA TU shYAm TU BADZRI NA MO STU AA PRA TI HA TA BA LE TH'A ZHES BYA BA LA, AA PRA TI HA TA BA HA NI SANGS RGYAS LA SOGS PA DANG SNGAGS THAMS CAD DO, ,DZVA LA YA ZHES BYA BA'I KUN DU GSAL BAR GYIS SHIG PA'O, ,TRA tA ZHES BYA BA NI DRAL BA STE, GDUG PA ZHES BYA BA NI LHAG MA'O, ,MI BZOD PAS NA AA SA HA STE KHRO BO ZHES BYA BA'I DON TO, ,NA MA SV'A H'A ZHES BYA BA NI PHYAG 'TSAL BA DANG MCHOD PA STE KHYED LA ZHES BYA BA NI LHAG 'TSAL BA DANG MCHOD PA STE KHYED LA ZHES BYA BA NI LHAG MA'O, ,SHA TA YA DANG SHUDDHA TU DANG, NA MO STU DANG, DZVA LA YA ZHES BYA BA LA LAN GNYIS BRJOD PA MED DO, ,RDO RJE GNOD MDZES KYI SNGAGS LA LUS KYANG DE YIN LA NGAG KYANG DE YIN ZHING YID KYANG DE YIN PAS NA H'Um STE, RDO RJE GSUM RO GCIG PA'I RDO RJE 'CHANG GI SNYING PO GNOD MDZES RDO RJE DE NI YI GE H'Um 'DI'I DON

25b

YIN NO, ,DE NYID KYIS NA BCOM LDAN 'DAS 'DI LA RDO RJE H'Um MDZAD CES BYA'O, ,SUm BHA NI SUm BHA ZHES BYA BA NI BOD PA GNYIS TE, SGRIB PA THAMS CAD LA GNOD PAR BYED PAS NA SUm BHA'O, ,NGES PAR GNON PAR BYED PAS NA NI SUm BHA'O, ,YI GE H'Um GIS BSKUL ZHING RANG NYID 'DZIN PA LA NGES PAR SBYOR BA NI H'Um GRiHnA GRiHnA'O, ,DE BZHIN DU GZHAN DAG GIS 'DZIN PA NI GRiHn'A PA YA GRiHn'A PA YA'O, ,DE BZHIN DU DGUG PA LA NI H'Um A'A NA YA HO BHA GA B'ANA BID+YA R'A DZA'O, ,YI GE HO NI GUS PA DANG BCAS PAS BOD PA'O, ,DE BZHIN DU LTUNG BA LA NI H'Um PHAt DO, ,YANG NA H'Um BZHI CHAR YANG BKA' BSGO BA LA'O, ,'DI LA SV'A H'A'I SGRA NI MED DO, ,GRiHnA ZHES BYA BA GCIG PU LAN GNYIS BRJOD DO, ,RAL PA GCIG MA'I SNGAGS LA PHYAG NA MDUNG BSNAMS PA NYID KYI PHYIR NA SH'U LA NI'O, ,KHRO GNYER MA'I SNGAGS LA BHA YA N'A SHA YA NI DAM PA RNAMS KYI'O, ,TR'A SA NI TR'A SA NI ZHES BYA BA NI GDUG PA RNAMS KYI STE, DE DANG SLOB DPON GYIS SKRAG PAR BYED PAS NA TR'A SA NI'O, ,TR'A SA YA TR'A YA ZHES BYA BA NI NGES BA NYID KYI PHYIR BHRi KU t'I'O, RGAL DGA' BAR LTUNG BA RNAMS BYUNG BA NYID KYI PHYIR BHRi KU t'I'O, RGAL DKA' BAR LTUNG BA RNAMS KYI SKYABS SU GYUR PAS NGOGS DANG CHOS MTHUN PA'I PHYIR TA tA'O, ,SKYABS DANG BRAL BA NI BI TA tA'O, ,NYAM THAG PA'I NGA RO 'DON PAS NA BEE RA TA STE SKYABS DON DU GNYER BA'O, ,DE RNAMS KYI SKYABS SU GYUR PA YIN PAS NA BEE TA tE BEE TA tE TI BEE RA TI STE BOD PA'I DON LA THUNG BA DANG BA RTABS [*RTA BAS?] BAG GIS TSIG GNYIS SMOS PA YIN NO, ,SHVE TI NI SKU MDOG LAS SO, ,SHVE TA DZA tI ZHES PA'I BYA BA NI RAL PA DKAR PO MNGA' BA'I PHYIR RO, ,PHUR BU'I SNGAGS LA NI SV'A H'A'I SGRA MED DO, ,DE LA SNGAGS DANG PO PHAt KYI MTHA' CAN GSUM NI NGES PAR SBYOR BA'O, ,GHA GHA ZHES BYA BA NI YI GE DANG POS NI BSTAN PA YIN LA, GH'A TA YA GH'A TA YA ZHES BYA BA NI BSHAD PA YIN NO, ,PHAt CES BYA BA NI LTUNG BAR GYIS SHIG CES BYA BA'I DON TO, ,SARBBA P'A PAm NI SDIG PA THAMS CAD DO, ,H'Um GSUM GYI GDUG PA'I TSIG GIS NI SKU LA SOGS PA'I PHUR BUS GDAB PA BSTAN PA'O, ,'OG MAS NI BSHAD PA YIN NO, ,BADZRA K'I LA YA ZHES BYA BA NI BOD PA'O, ,BADZRA DHA RA ZHES BYA BA NI YI GE AOm NI LUNG

26a

, ,YIN NO, ,RDZOGS KA'I YI GE H'Um NI SBOD PA'I DON TO, ,BSGO BA LA SBYOR BA GSUM PA LA NI TSIG ZLOS PA MED DO, ,SKU'I PHUR BU'I SNGAGS LA, GCOD PA DANG, 'JOMS PA DANG, SREG PA LA NGES PAR SBYOR BA'O, ,D'IPTA YANG DE YIN LA, BADZRA TZA KRA YANG YIN PAS NA SKU'I PHUR BU STE, DE LA BOD PA'O, ,H'Um PHAt CES BYA BA NI SNGA MA DANG 'DRA'O, ,GSUNG GI PHUR BU'I SNGAGS LA HRI: ZHES BYA BA NI PADMA'I PHUR BU ZHES BYA BA'I DON TO, ,BHUR BHU BA: ZHES BYA BA NI SA DANG, NAM MKHA' DANG 'DRA BAR MI G-YO BAR GYIS LA PHUR BUS THOB SHIG PA'I DON TO, ,THUGS KYI PHUR BU'I SNGAGS BADZRA R'A DZA ZHES BYA BA NI THUGS KYI PHUR BU ZHES BYA BA'I DON TO, ,H'Um ZHES BYA BA NI PHUR BUS SNUN CIG CES BYA BA'I DON TO, ,LE'U 'DI'I MTHAR BSTAN PA'I PHUR BU'I TING NGE 'DZIN 'DI GANG YIN PA DE DAG GSAL BAR BYED PA NYID KYI PHYIR LE'U 'DI NI TING NGE 'DZIN GYI LE'U'O, ,SKU DANG GSUNG DANG THUGS RMAD DU BYUNG BA NI PHUR BU GSUM PA YIN LA, DES BSNGAGS TE LHA THAMS CAD 'GUGS PA NI DE RNAMS KYI BDAG NYID THAMS CAD 'DZIN PA'O, ,DE'I DON DU RNAM PAR 'PHRUL BA NI PHUR BUS 'DEBS PA'O, ,DE NYID NI RGYAL PO STE DNGOS GRUB KYI MCHOG GI NYE BAR SGRUB PA NYID LA GTZO BO YIN PA'I PHYIR RO, ,DE GSAL BAR BYED PA NYID KYI PHYIR LE'U LA YANG DE SKAD CES BYA'O, ,GTZO BO'I SGO NAS THA SNYAD DU BYAS PA'I PHYIR RO, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BCU BZHI PA'O,, ,,'DIR NI DNGOS GRUB KYI MTSAN MAR GYUR PA'I RMI LAM NI BRJOD PAR BYA BA YIN TE, BSNYEN PA'I YAN LAG NYID YIN PA'I PHYIR RO, ,DE DANG 'BREL BA'I PHYIR DNGOS GRUB RNAMS DANG RMI LAM RNAM PAR DPYAD PA'I SNYING PO YANG BRJOD PAR BYA BA YIN NO, ,DE LA DANG PO'I TSIGS SU BCAD PAS YID CHES PA BSKYED PA'I PHYIR, ,DE NAS ZHES BYA BA LA SOGS PA GSUNGS PA LA, RDO RJE NI DE BZHIN GSHEGS PA RNAMS TE DE'I BDAG NYID KYIS DE 'DZIN PAR MDZAD PA'I PHYIR RDO RJE 'DZIN PA'O, ,GANG GI PHYIR DE LTA BU YIN PA DE'I PHYIR RDO RJE GSUNG STE, DON RNAM PA GZHAN DU MI 'GYUR BA'I GSUNG NGO, ,BKA' STZAL BA NI GSUNG BAR 'GYUR BA'O, ,

26b

DE LTAR NA 'DI MDZES SHING 'BAR BAS NA RGYAL PO STE RNAM PAR SNANG MDZAD CES BYA BA'I DON TO, ,SHES BYA DANG SHES PA ZAD PA'I PHYIR THAMS CAD NAM MKHA' STE, MI BSKYOD PA ZHES BYA BA'I DON TO, ,SANGS RGYAS THAMS CAD KYI BDE BA NYID KYIS RGYA CHE BA'I PHYIR DANG, MI ZAD PA'I PHYIR MI 'GYUR CHE STE, RIN CHEN DPAL ZHES BYA BA'I DON TO, ,RIG PA DANG THAMS CAD DU YANG DAG PAR SBYOR BA'I PHYIR THAMS CAD DBANG BSKUR TE, 'OD DPAG TU MED PA ZHES BYA BA'I DON TO, ,THAMS CAD DU YE SHES SPROS PA'I PHYIR KUN MKHYEN PA STE, DON YOD PAR GRUB PA ZHES BYA BA'I DON TO, ,BCU GNYIS PA LAS ZHES BYA BA LA SOGS PA LA BCU LAS GNYIS MA TSANG BA NI GNYIS TE, DE RNAMS BSKANG BA BCU GNYIS PA NI LE'U BRGYAD PA ZHES BYA BA'I DON TO, ,BCU GNYIS PA LAS GANG GI LO GRANGS STON PA DE LA DE SKAD CES BYA'O, ,'DI YANG RIGS GSUM CHAR LA YANG SBYAR BAR BYA'O, ,DE LA BRGYAD PA LAS GTI MUG GI RIGS KYI BU MO NI LO BCU BZHI PA NAS BRTZAMS TE LO BCO BRGYAD PA'I BAR DU LNGA GSUNGS PA YIN NO, ,SME SHA CAN DANG BTZO BLAG MKHAN GYI SGRA GNAS BRJE BAR BYA'O, ,DE BAS NA 'DIR BTZO BLAG MKHAN NI DRI MA DAG PAR BYED PA YIN NO, ,DE YANG RNAM PAR SNANG MDZAD YIN LA DE NI SEMS DAG PA 'BA' ZHIG DON GYIS STONG PA NYID RTOGS PAR BYED PAS NA SEMS KYI DRI MA DAG PAR BYED PA'O, ,DE'I BU MO NI DE'I BDAG NYID LAS SKYES PA STE DE NI SPYAN MA'O, ,BSHANG GCI ZHES BYA BA LA SOGS PA LA 'DA' BAR MI BYA BA YIN PA'I PHYIR DON GYIS NA DAM TSIG GO, ,SOGS PA'I SGRAS NI THIG SKUD DANG SA TSON DGYE BA LA SOGS PA YANG BSDU'O, ,GRU BZHI NI PHYI'I RIM PA STE NANG GI RIM PA NI ZLUM PO NYID YIN NO, ,DE RU ZHES BYA BA NI BRIS PA'I DKYIL 'KHOR DU YID KYIS DBUS MA'I GDAN LA 'DUG PAR GYUR NAS SO, ,RDO RJE DKYIL 'KHOR NI RANG GI SEMS DPA' GZHAL YAS KHANG NGO, ,DE'I BSGOM PA NI RNAM PA THAMS CAD BSGOM PA STE, DE RGYUR GYUR PA YIS SO, ,BU MO PANG BAR BZHAG NAS RNAM PAR BSGOM PAR BYA'O, ,CI ZHIG TU BSGOM ZHE NA, DE NYID LAS SPYAN GYI RNAM PA CAN DANG, RIG LNGA'I TSOGS CAN DANG, PADMA DANG RDO RJE GNYI GA'I NOR BU RNAM PAR DAG PA'O, ,DE NAS DKYIL 'KHOR

27a

, ,LNGA CAN 'KHOR LO NI, ,SANGS RGYAS GZUGS SU RNAM PAR BSGOM, ,DKYIL 'KHOR LNGA RANG GI RIGS KYI SNGAGS KYI MCHOG BSDUS PA SANGS RGYAS LNGA'I NGO BO DANG BCAS PA GANG LA YOD PA DE LA DE SKAD CES BYA'O, ,DE BZHIN DU DE YANG YIN LA 'KHOR LO YANG YIN PAS NA ZHES BSDU BAR BYA'O, ,DE YANG PADMA'I LTE BA LA RIG MA BZHI YONGS SU GYUR PA LAS BYUNG BA'I DAM TSIG CHEN PO'I DKYIL 'KHOR RO, ,DES DE GTZO BO NYID DU MTSON PA'I SANGS RGYAS KYI GZUGS TE, RANG GI YE SHES SEMS DPA' RNAM PAR SNANG MDZAD KYI GZUGS SU BSGOM PAR BYA'O, ,SANGS RGYAS RNAMS KYI MCHOD PA DE YANG YIN LA, BLA NA MED PA'I BDE BA NYID YIN PA'I PHYIR GNAS KYANG YIN PAS NA MCHOD PA'I GNAS TE, GANG DE RNAMS ZHU BAR GYUR PA'O, ,NYAMS DGA' SNGAGS KYI 'KHOR LO CAN GYI ZHES BYA BA NI YE SHES KYI DKYIL 'KHOR CAN TE YANG DE NYID DU ZHU BAR GYUR PA'I PHYIR RO; ,RIG MA DANG BCAS PA'I MCHOG DANG PO'I GSANG BA STE DE YANG DE NYID DU ZHU BA'I PHYIR GSANG BA'O, ,RNAM PAR SNANG MDZAD SKU CHEN PO, ,ZHES BYA BA NI SNGAGS DANG MTSAN MA LA SOGS PA BSKYED PA'I RIM GYIS RNAM PAR SNANG MDZAD KYI PHYAG RGYA CHEN PO THOB PAR GYUR PA DE NYID DO, ,SKU GSUNG THUGS NI RDO RJE CAN, ,ZHES BYA BA NI RDO RJE LNGAS BYIN GYIS BRLABS PA'O, ,SNGAGS NI RIGS KYI RIG PA DE NYID DE, DE LHAN CIG SKYES PA LA SPYAN DU BSGOMS PAS THOB PA'O, ,BSAM GTAN NI RNAM PAR MI RTOG PA'I BDE BA STE, BSAM GTAN GYI SNGAGS KYI SGO NAS SBYOR BA NI BSKUL BA STE, RIM GYIS RGYA MTSO'I RLABS BZHIN DU RGYAS PA'O, ,'DI TZAM NI 'DIR MNGON PAR RTOGS PA YIN NO, ,JI LTAR 'GYUR BA DE'I 'BRAS BU NI SANGS RGYAS ZHES BYA BA LA SOGS PA GSUNGS TE, SANGS RGYAS NI RNAM PAR SNANG MDZAD DO, ,'OD NI 'OD ZER TE, CHE BA'I BDAG NYID DO, ,SA BCU'I DBANG PHYUG TU GYUR BA NYID KYIS NI CUNG ZAD DMAN PA NYID KYI PHYIR SANGS RGYAS 'OD 'DRAR 'GYUR BA'O, ,'DIR NI BU MO'I RIGS BSTAN LA BRGYAD PA LAS NI NA TSOD GSUNGS SO, ,KHA DOG NI BSGRE BAR BYA STE PHYI ROL GYI NI TZAM PA LTAR DKAR SKYA'O, ,SPYAN NI ZLA BA LTAR DKAR MO'O, ,AUTPALA MTHING GA ZHES BYA BA LA SOGS PA

27b

GTUM PA NYID KYI PHYIR SME SHA CAN TE MI BSKYOD PA'O, ,DE'I BU MO NI M'A LA K'I'O, ,'DIR NI BU MO'I RIGS DANG KHA DOG GSUNGS PA YIN NO, ,NA TSOD NI BRGYA PA LAS LO GRANGS BCU GNYIS PA NAS BZUNG STE BCU DRUG PA'I BAR DU GSUNGS PA YIN NO, ,RDO RJE SEMS DPA' NI MI BSKYOD PA'O; ,DE'I SBYOR BA NI RNAM PAR SNANG MDZAD KYI GNAS SU BSGOMS PAS SO, ,SBYOR BA'I CHO GA DE NYID NI BYAS NAS ZHES BYA BA LA DBEN PA'I GNAS SU ZHES BYA BA LA SOGS PA NAS BZHAG NAS RNAM BSGOM PA ZHES BYA BA DE'I BAR NI CHO GA YIN PAR SHES PAR BYA'O, ,DES BSGRUB PAR BYA BA DANG SGRUB PAR BYED PA DAG DANG, PADMA DANG RDO RJE DAG YANG DAG PAR SBYOR BA BYAS NAS DKYIL 'KHOR LNGA CAN ZHES BYA BA LA SOGS PAS GSUNGS PA GANG YIN PA'I LAS DE RNAMS BRTZAM PAR BYA'O, ,DAM TSIG NI LAM MO, ,SHIN TU 'DA' DKA' BA ZHES BYA BA NI CHO GA 'DIS NGES PAR 'DI DAG GRUB PA'I PHYIR RO, ,RDO RJE SEMS DPA' NI MI BSKYOD PA'O, ,DE DANG 'OD 'DRAR 'GYUR BA NI SA BCU'I DBANG PHYUG NYID YIN PA'I PHYIR DE LAS CUNG ZAD DMA' BA NYID KYI PHYIR RO, ,RGYAL BA'I CHOS RNAMS THAMS CAD MTSUNGS, ,ZHES BYA BA LA RGYAL PO NI BYANG CHUB SEMS DPA'I DBANG RNAMS DANG LDAN PA'I PHYIR RO, , CHOS THAMS CAD DANG MTSUNGS PA YIN GYI DMAN PA NI MA YIN NO, ,'DOD PA NI BDE BA CHEN PO'I RGYA MTSO'O, ,DES THAR PA NI SA BCU PA'I SGRIB PA LAS GROL BA STE, THABS GSUM PA'I 'BRAS BU ZHES BYA BA'I DON TO, ,DER SGRUB PA NI DE THOB PAR BYED PA'I PHYIR RO, ,RDO RJE CHOS NI ZHES BYA BA LA SOGS PA LA RDO RJE CHOS NI 'OD DPAG TU MED PA'O, ,DE RNAMS BSGOM PA NI SNGA MA BZHIN NO, ,GSUNG GIS CHAGS PAR MDZAD PAS NI GAR MKHAN NI 'OD DPAG TU MED PA'O, ,DE'I BU MO NI GOS DKAR MO STE, LO NYI SHU LON PA NAS BRTZAMS TE LO GRANGS BCU DRUG LON PA'I BAR DU'O, ,RAB MDZES SHING ZHES BYA BA NI DBYIBS DANG KHA DOG GNYIS KYIS SO, ,RDO RJE CHOS KYI BDAG CES BYA BA NI 'OD DPAG TU MED PA DANG MNYAM PA'O, ,SA BCU LA NI GNAS PAR 'GYUR, ,ZHES BYA BA NI YAN LAG DRUG GI BSNYEN PAS MOS PA SPYOD PA NAS NYE BAR SGRUB PAS RAB TU DGA' BA LA SOGS PA LHAG PA'I BSAM

28a

, ,PA DAG PA'I SA BDUN RTOGS NAS, SGRUB PA 'DIS MI G-YO BA LA SOGS PA RNAM PAR SMIN PA'I SA GSUM THOB PA'I PHYIR RO, ,GSUNG GI DAM TSIG NI 'OD DPAG TU MED PA'I CHOS THAMS CAD DO, ,KUN GYI MCHOG STE BYANG CHUB SEMS DPA' THAMS CAD KYI DAM PA'O, ,RGYA MTSO DANG 'DRA BA'I BDE BA CHEN PO NI DAM PA YIN LA DE'I MNGA' BDAG NI DE THOB PAR BYED PA'I PHYIR RO, ,'DOD CHAGS KYI RIGS KYI BU MO GANG YIN PA DE NYID NI RIN PO CHE DANG LAS KYI RIGS DAG GI YANG YIN TE DES DE DAG BSDUS PA'I PHYIR RO, ,DE LTAR SHES SHING RIGS GSUM LAS BTZO BLAG MKHAN LA SOGS PA'I BU MO BSGRUB PAR BYA BA YIN NO, ,YANG NA BRAM ZE RGYAL RIGS RJE'U RIGS KYI BU MO NI RDO RJE CHOS BDAG CES BYA BA LA RDO RJE NI THUGS KYI DBANG PHYUG GO, ,CHOS NI GSUNG GI DBANG PHYUG GO, ,BDAG NI SKU'I DBANG PHYUG STE, DE'I RNAL 'BYOR LA DE SKAD CES BYA'O, ,'DIR YANG GRANGS JI LTA BA BZHIN DU SBYAR BA'I PHYIR SKU THOG MAR BLTA BAR BYA'O, ,YANG NA DMANGS RIGS LAS BYUNG BA STE, GTZANG SBRA GTZOR BYED PA DANG MTSON CHA GTZOR BYED PA DANG, BZO DANG LAS GTZOR BYED PA'I DMANGS RIGS RNAMS GO RIMS BZHIN DU SBYAR RO, ,GSANG BA THOB PAR BYED PA NI RIGS GSUM GYI DNGOS GRUB THOB PAR BYED PA'O, ,SGRUB PA RTZOM PA DANG DNGOS GRUB KYI DUS NI RDO RJE NYI MA ZHES BYA BA LA SOGS PA GSUNGS TE, RDO RJE NYI MA NI SPRIN GYIS MA BSGRIBS PA'I NYI MA GSAL BAR 'CHAR BA NUB PA'I DUS SU SGRUB PA LA 'JUG PA'I PHYIR RO, ,SKYA RENGS NI NYI MA'I KHA LO BA STE, DE LTAR NA KHA CIG NI RE THUN BZHIS GRUB PA YIN NO ZHES ZER RO, ,GZHAN DAG NA RE RDO RJE NYI MA NI DAM TSIG GI NYI MA STE, RIG PA'I ME TOG CES BYA BA'I DON TO, ,SKYA RENGS NI DE NYID KYI SAR PA STE, DE LTAR NA THUN BZHI'I SBYOR BAS ZLA BA PHYED KYI NANG DU 'GRUB PAR 'GYUR RO ZHES ZER RO, ,GNYI GA LA YANG SKYA RENGS 'CHAR BA'I DUS SU BDE BA CHEN PO'I RGYA MTSO'I RLABS DE YOD NA 'GRUB PAR 'GYUR RO ZHES BYA BAR SBYAR RO, ,'DIR TSIGS SU BCAD PA NI, SNGAGS PAS RDO RJE BAR BAR DU, ,CUNG ZAD KYANG NI BSKYOD PAR BYA, ,NOR BUR GNAS PA'I PHAt KYIS NI, ,YID LAS BYUNG BA DGAG PAR BYA, ,BYANG CHUB SEMS NI MI 'PHON, ,RGYUN MI 'CHAD PAR SNANG BA YIN, ,CIR CAR BDE

28b

MCHOG SKYE BAR 'GYUR, ,DE YI RANG BZHIN 'GRO SPROS PAS, ,BRTAN LA KHYAB BYED BDE ZHI BA'I, ,GO 'PHANG MCHOG NI THOB PAR 'GYUR, ,BYANG CHUB SEMS NI 'PHO 'GYUR ZHING, ,SEMS BRGYAL BAS NI THOB MI 'GYUR, ,BSGOM PA MCHOG GIS ZHES BYA BA NI BDE BA'I MCHOG BSGOM PAS SO, ,RGYAN RNAMS ZHES BYA BA LA SOGS PA LA, RDO RJE SEMS DPA'I MCHOG NI RIGS GSUM GYI RIG PA GANG YANG RUNG BA'O, ,SANGS RGYAS NI RDO RJE 'DZIN PA'O, ,DPAG TSAD BRGYA YI KHYON TZAM DU, ,ZHES BYA BA NI LHAN CIG SKYES PA'I 'OD KYIS SO, ,SPROS NA NI 'JIG RTEN GYI KHAMS THAMS CAD KHYAB PAR BYED PA YIN NO, ,'DI'I 'OG MA'I TSIGS SU BCAD PA GSUM GYIS GO RIMS BZHIN DU LAS KYI DAM TSIG DANG BZA' BA'I DAM TSIG DANG BCAS PA NYID LAS GRUB PO ZHES GSUNGS PA YIN NO, ,'DOD PA DANG THAR PA NI THABS GSUM PA'I 'BRAS BU YIN NO, ,DE'I DAM TSIG GI RDO RJE NI DBYER MI PHYED PA'I DAM TSIG GO, ,DE STON PAR MDZAD PA NYID KYI PHYIR DE SKAD CES BYA'O, ,RIG PA'I BRTUL ZHUGS KYI 'OG TU NI BU MO SGRUB PA YIN NO, ,DE GNYI GA YANG BU MO RNYED PA LAS 'GYUR RO, ,GANG GI TSE YANG DE 'BREL BA RNAMS LAS MANG DU BSLANGS KYANG STER BAR MA GYUR BA DE'I TSE DE RENGS PAR BYA'O, ,DE BAS NA BU MO DE RENGS PA'I DON DU SNGAGS DANG RGYUD LAS 'JUG PA NI, DE NAS ZHES BYA BA LA SOGS PA GSUNGS TE KHYAB PAR BYED PA NYID KYI PHYIR DANG, YANG DAG PA'I YE SHES NYID YIN PA'I DAM TSIG CHEN PO STE ME LONG LTA BU'I YE SHES SO, ,DE LAS BYUNG BA'I RDO RJE KHRO BO NI DPAL GSHIN RJE MTHAR BYED DO, , DE LA DMIGS PA'I TING NGE 'DZIN LA DE SKAD CES BYA'O, ,DE BZHIN GSHEGS PA THAMS CAD KYI RDO RJE KUN DU SKRAG PAR BYED PA NI DGRA BO SKRAG PAR BYED PA'O, ,KHRO BO NI GSHIN RJE MTHAR BYED DE NYID DO, ,DE'I SNGAGS LA YANG DE SKAD CES BYA'O, ,AOm HR'I: sht'I: ZHES BYA BA LA SOGS PA LA, ,'JOMS PA POS SEL CING MED PAR BYED PAS NA H'RI: STE GSHIN RJE MTHAR BYED CES BYA BA'I DON TO, ,MCHE BA YANG DE YIN LA GDUG PA RNAMS 'DUL BAR BYED PA'I PHYIR RTZOD PAR BYED PA YANG YIN PAS shtRi:'O, ,BI KRi T'A NA NA ZHES BYA BA NI SNGA MA BZHIN NO, ,SARBA SHA TR'Um ZHES BYA BA NI MNGON PAR 'DOD PA'I BU

29a

, ,MO'I KHYO GNYIS LA SOGS PA'O, ,N'A SHA YA ZHES BYA BA NI BU MO STER BAR BYED PA'I SEMS KYIS MA MTHONG BAR GYIS SHIG PA'O, ,STAm BHA YA ZHES BYA BA NI KHYO GZHAN LA SBYIN PAR BYA BA'I BU MO LA SOGS PA'O, ,H'Um H'Um PHAt PHAt CES BYA BA NI BGEGS RNAMS CHOMS SHIG CHOMS SHIG ,LTUNG BAR GYIS SHIG ,LTUNG BAR GYIS SHIG CES BYA BA'I DON TO, ,SV'A H'A ZHES BYA BA LA NI SNGA MA DANG 'DRA'O, ,SNGAGS KYI YI GE NI YI GE NYI SHU RTZA BZHI PA YIN NO, ,TSER MA'I ME LA ZHES BYA BA NI PO SON CHA DANG, TSER MA CAN LA SOGS PA'I SHING LAS SPAR BA'I ME LA'O, ,BU MO'I MING DANG TSIG TU BCAD PAR AOm: HR'I: shTRI: BI KRi T'A NA NA K+N+YA CHE GE MO STAm BHA YA H'Um H'Um PHAt PHAt SV'A H'A ZHES BZLA'O, ,GRU GSUM ZHES BYA BA NI ME THAB GRUB GSUM DU'O, ,STONG RTZA BRGYAD CES BYA BA NI SREG BLUGS STONG LAS BRGYAD LHAG PA'O, ,TSUL BZHIN DU ZHES BYA BA NI GSHIN RJE MTHAR BYED SER PO'I SBYOR BAS ME THAB KYI ME LA DE NYID BSGOMS TE, DE'I ZHAL GDANGS SHING LJAGS H'Um DANG LDAN PA LA SBYIN SREG BYA ZHING BU MO DE DANG, SBYIN PA PO'I SPYI BOR GNAS PA'I SNA TSOGS RDO RJE LA RI RAB DANG MNYAM PA'I GSHIN RJE MTHAR BYED SER PO G-YON BRKYANG BA'I ZHABS KYIS MNAN PAR BSAM PAR BYA'O ZHES BYA BA'I DON TO, ,DON GYI PHYIR ZHES BYA BA NI THOB PA'I DON DU'O, ,GNON PAR GYUR ZHES BYA BA NI CI NAS KYANG BU MO GZHAN LA MI SBYIN PAR RO, ,BSKAL BA GRANGS MED GSUM DU YANG, ,ZHES BYA BA NI GAL TE DUS DE SRID KYI BAR DU BU MO DE NYID DU 'GYUR ZHING 'TSO ZHES BYA BAR DGONGS SO, ,GAL TE 'DI SANGS RGYAS LA SOGS PA YANG YIN PAR 'GYUR ZHING GAL TE DE YANG 'DAS NA NI STE, ,DE GZHAN LA BYIN NAM LEN PAR BYED NA ZHES BYA BA'I DON TO, ,'DIR MAN NGAG LAS SBYOR BA GZHAN DAG KYANG BSHAD PAR BYA STE, DUR KHROD KYI RAS LA DUG DANG KHRAG DANG SKE TSE DANG LAN TSVAS ME'I ME'I DKYIL 'KHOR DE'I DBUS SU PADMA 'DAB MA BRGYAD PA DANG DE'I LTE BAR SNGAGS DANG SPEL BA'I BU MO'I MING BRIS PA, DUG DANG GROG MKHAR GYI SA DANG, KHRAG DANG, SKE TSE DANG LAN TSVA LAS BYAS PA'I GZUGS BRNYAN GYI SNYING GAR BCUG NAS BKUG CING THOD PA KHA SBYOR GYI NANG DU BCU STE, BSKUL BA'I TSIG DANG LDAN PA'I SNGAGS PA BRJOD LA, ,NYI MA GSUM GYI BAR DU KHROS PAS TSER MA'I ME LA BSROS NA DE LTAR RENGS PAR 'GYUR RO, ,TSIG 'PHROG PA LA SOGS

29b

PA LA NI CHE GE MO'I BA TZAm GA MA NA MA GA MA NAm BA STAm BHA YA ZHES BYA BA'I BSKUL BA'I TSIG GI KHYAD PAR GYIS 'GYUR RO, ,DE LA SBYOR BA NI DUR KHROD KYI RAS LA BA BLA DANG RDO RGYUS DANG SRIN LAG GI KHRAG GIS SNA TSOGS RDO RJES MTSAN PA'I DBANG GI DKYIL 'KHOR DANG DE LA SNGAGS DANG SPEL BA'I BSGRUB PAR BYA BA'I MING BRIS PA CHU'I NGOGS GNYIS KYI SA LAS BYAS PA'I GZUGS BRNYAN GYI KHA LA SOGS PAR BCUG STE, BKUG CING KHAM PHOR KHA SBYAR LA GNAS PAR BYA'O, ,BCU BZHI'AM YANG NA TSES BRGYAD LA, ,ZHES BYA BA LA MAR NGO'I ZHES BYA BA NI LHAG MA'O, ,DUR KHROD CES BYA BA NI MI SHI BA BSREGS MA THAG PA'I GNAS LAS SO, ,BLANGS NAS ZHES BYA BA NI GSHIN RJE GSHED KYI SBYOR BAS BLANGS NAS SO, ,SNGAGS BTAB NA ZHES BYA BA NI DE'I SBYOR BA NYID KYIS HR'I: shtRI: ZHES BYA BA'I SNGAGS STONG RTZA BRGYAD MNGON PAR BSNGAGS PA BYAS NA'O, ,CHO GA BZHIN ZHES BYA BA NI GSHIN RJE GSHED KYI SBYOR BA NYID KYIS GNAS LA SOL BA DE DANG, AOm HR'I: shtRi: BI KRi T'A NA NA CHE GE MO YA KAsh+YA CHE GE MO KA NAm DA D'A TU H'Um H'Um PHAt PHAt SV'A H'A, ,ZHES BYA BA'I SNGAGS DANG SPEL ZHING BSKUL BA'I TSIG DANG LDAN PA'I GNOD SBYIN LA SOGS PA GANG YIN PA'I MING BRI BAR BYA'O, ,STER BAR 'GYUR TE DE NYID STER BAR BYED CES BYA BA'I DON TO, ,GZHUNG LA LA LAS NI 'DUL BYED 'GYUR ZHES 'BYUNG STE, DER NI DE NYID KYI BU MO LA GAGS [*'GAGS?] BYED PA DE'I BU MO STER BA'I PHYIR 'DUL BAR BYED PAR 'GYUR RO ZHES BYA BA'I DON TO, ,RTAG TU ZHES BYA BA NI NGES PAR RO, ,ZHAR LA SBYOR BA GZHAN YANG BSTAN PA'I PHYIR SNGAGS SHES PA YIS ZHES BYA BA LA SOGS PA GSUNGS TE, GANG YANG RUNG BA'I DGRA BO'I GZUGS BRNYAN DE BZHIN DU MNGON PAR BSNGAGS PA'I SO LA BA DE NYID KYIS BYAS NAS NI BKUG LA'O, ,BSAM GTAN DAG GIS ZHES BYA BA LA, BDAG NYID GSHIN RJE GSHED NYID DANG, SOL BA MTSAN CHA NYID DANG GZUGS BRNYAN BSGRUB BYA NYID DE 'DIS 'DI'I MGO GCAD PAR BYA'O ZHES MOS PAR BYA'O ZHES BYA BA'I DON TO, ,BRIS NA NI ZHES BYA BA NI SOL BA DES GZUGS BRNYAN GYI MGUL DU'O, ,'CHI BAR 'GYUR BA ZHES BYA BA NI MGO BCAD PAS SO, ,THO BA ZHES BYA BA LA SOGS PA LA, ,BSAM GTAN SBYOR BA YIS ZHES BYA BA LA, BDAG NYID NI GSHIN RJE GSHED DANG, PHYAG NA RDO RJE DE'I

30a

, ,RANG BZHIN CAN GYI RDO RJE THO BA DANG, BSGRUB BYA MDUN DU BSAMS NAS THO BA PHAB NA ZHES BYA BA STE, THO BA DE BSGRUB PAR BYA BA'I LUS LA PHAB NA'O, ,NGES PAR LTUNG BAR 'GYUR RO ZHES BYA BA NI BSGRUB PAR BYA BA DE NGES PAR 'CHI BAR 'GYUR RO, ,H'Um ZHES BYA BA LA SOGS PA LA, GNOD MDZES LA SOGS PA'I SBYOR BAS H'Um LAS BYUNG BA'I RDO RJE 'BAR BA LAG TU BSAMS LA DE GDUG PA'I STENG DU BAB PA GANG YIN PA DE NYID KYIS DE 'JIG PAR BYED PAR 'GYUR RO ZHES BYA BA'I DON TO, ,RDO RGYUS ZHES BYA BA LA SOGS PA LA SOGS PA'I SGRAS NI BTZAG GAM BA BLA DAG GIS SO, ,LAG PAR STA RE ZHES BYA BA NI; ,BDAG NYID GNOD MDZES LA SOGS PA'I LAG PAR H'Um LAS BYUNG BA'I STA RE BSAMS LA DES DE'I MID PA BCAD PAR RNAM PAR BSGOMS NA MGO BCAD PA NYID DU 'GYUR RO, ,SANGS RGYAS ZHES BYA BA LA SOGS PA LA SKU LA SOGS PA RDO RJE RIN CHEN GYI MCHOG GO, ,YANG NA'I SGRA NI 'DAS MA THAG PA'I SANGS RGYAS LA BLTA BAR BYA'O, ,SNAD 'GYUR BA ZHES BYA BA NI, GAL TE BSNUN PAR GYUR PA ZHES BYA BA'I DON TO, ,LA DOR BA GSUNGS PA 'DI NI SBYOR BA LA BSTOD PA'I DON TO, ,CHAR CHES PA'AM DKYIL 'KHOR BRI BA NI CHAR GCAD PA'I PHYIR, LAS KYI ZHES BYA BA LA SOGS PA GSUNGS PA LA DON NI RDO RJE 'CHANG CHEN PO SER BA'I SBYOR BA DANG LDAN PAS DKYIL 'KHOR GYI KHANG PA DANG, GRONG DANG GRONG KHYER LA SOGS PA'I STENG GI BAR SNANG LA YI GE HA LAS BYUNG BA'I SNA TSOGS RDO RJE SER PO 'BAR BA MNGON PAR 'DOD PA'I PHYOGS KHEBS PAR GNAS PA DE'I DBUS SU H'Um LAS BYUNG BA'I RDO RJE CHEN PO RTZE MO GYEN DU BLTAS PA BSKAL PA'I ME DANG 'DRA BAR NGES PAR BSAMS LA, DE'I LTE BAR DE NYID KYI SBYOR BAD 'DUG LA RANG GI BA SPU'I BU GA NAS BYUNG BA'I RDO RJE PHRA MO LTA BU'I 'OD ZER SER PO'I TSOGS KYIS NAM MKHA'I NGOS KHEBS PAR BSAM PAR BYA'O, ,DE LTA BUS NI MNGON PAR 'DOD PA'I GNAS LAS PHYI ROL NYID DU CHAR 'BAB KYI NANG DU NI MA YIN NO, ,'DI TZAM THAMS CAD KYIS KYANG SNGAGS PA'I MTHU BSTAN PAR 'GYUR RO, ,GANG GI TSE THAMS CAD DU CHAR GCOD PAR 'DOD PA DE'I TSE NAM MKHA'I GTOS KHYAB PA'I SNA TSOGS PA RDO RJE LAS, RDO RJE'I NANG DU CHUD PA'I RANG GI RDO RJE 'DZIN PA'I RDO RJE'I 'OD ZER RNAMS SPROS PAS KLU THAMS CAD

30b

YONGS SU BSKAMS PAR BSAM PAR BYA'O, ,YANG NA RDO RGYUS LA SOGS PAS DUR KHROD KYI RAS KYI PADMA 'DAB MA BRGYAD LA KLU BRGYAD PO RANG GI SA BON DANG DE'I LTE BAR PHAt DANG SPEL BA'I CHU LHA BRIS NAS BKUG STE, RAS GNYIS PA LA SNA TSOGS RDO RJE SER PO 'BAR BA'I LTE BAR KHRO BO'I RDO RJE 'GRENG BA H'Um GIS MTSAN PA BRIS LA, DE'I STENG DU KHAS PHUB STE KHA SBYAR BYAS LA RDO LEB KYIS MNAN TE BZHAG NA CHAR GCOD PAR 'GYUR RO ZHES BYA BA 'DI YIN NO, ,DKYIL 'KHOR DAG GIS ZHES BYA BA LA SOGS PA LA, RLUNG LA SOGS PA ZHES BYA BA'I RLUNG DANG CHAR DANG SER BA DANG THOG 'BAB PA DANG SA G-YO BA LA SOGS PA'O, ,MCHE BA'I PHYAG RGYA BCINGS NAS SU, ,ZHES BYA BA NI BDUD RTZI THAB SBYOR GYI PHYAG RGYA CHEN PO RDO RJE ME LTAR 'BAR BA 'JIG PA'I DUS LTAR SNANG BA RI RAB KYI TSAD TZAM KHRO BO'I LTA BAS BGEGS KYI GNAS RTOGS PAR BYED PA CAN BRTAN POR BYAS NAS ZHES BYA BA'I DON TO, ,GDUG PA'I DGRA NI BGEGS MTHAR BYED DO,, DE YANG 'CHAD PAR 'GYUR BA'I YI GE PHAt DE DE BRJOD PAR BYA'O, ,BRJOD PA'I RJES THOGS NYID LA 'BYIN PA'I RLUNG SPROS PA LAS KHRO BO'I RIGS KYIS BGEGS RNAMS BZLOG PAR BSAM MO ZHES BYA BA'I DON TO, ,RLUNG LA SOGS PA SPRUL PAR GYUR PA 'GAG PAR 'GYUR TE RNAM PAR DENGS PAR 'GYUR RO; ,'JIG PAR 'GYUR ZHES BYA BA NI SPRUL PA RNAMS SO, ,MNGON SPYOD KYANG SNGAGS 'DI NYID KYIS BYA BA NI, SANGS RGYAS ZHES BYA BA LA SOGS PA GSUNGS SO, ,SNGAGS DE NYID NI DE LA ZHES BYA BA LA SOGS PA GSUNGS TE, SNGAGS KYI GSANG BA NI GSANG SNGAGS SO, ,DE RNAMS KYI SNYING PO NI GCES PA'O; ,DE DE LTAR NA BU MO RNYED PA'I PHYIR ZHAR LAS BYUNG BA'I CHO GA DANG BCAS PA BSHAD NAS NGE BYAS KYANG RUNG MA BYAS KYANG RUNG, BU MO RNYED PA DANG LHAN CIG ZLA BA DRUG GI BAR DU RIG PA'I BRTUL ZHUGS SPYAD NAS SNGAR BSNYEN PA DANG NYE BAR SGRUB PA DAG GIS KHYAD PAR THOB PA CAN GYIS LE'U'I RTZOM PAR GSUNGS PA'I CHO GAS BU MO DE BSGRUB PAR BYA'O, ,CHO GA DE NYID KHA BSKANG BA'I PHYIR YE SHES ZHES BYA BA LA SOGS PA GSUNGS PA LA YE SHES SEMS DPA' NI RDO RJE SEMS DPA'O, ,DE'I SBYOR BA NI DER LHAG PAR MOS PA'O, ,DBUS SU ZHES BYA BA NI DAM TSIG CHEN PO'I DKYIL 'KHOR GYI DBUS KYI GDAN LA'O, ,

31a

, ,GZUGS NI RDO RJE SEMS DPA'I SKU BSGOM PAR BYA'O, ,JI LTAR ZHE NA YE SHES SEMS DPA'I SBYOR BA YIS TE BSKYED PAR BYA BA'I RDO RJE 'DZIN PA YE SHES SEMS DPA'I RIGS LNGAS BSKOR BA'I RIGS KYI BDAG PO MDUN GYI NAM MKHA' LA LTA'O, ,DE'I RAB SBYOR NI DE NYID DBUS KYI GDAN LA DGOD PAR BYA'O, ,SNGAGS ZHES PA NI RIGS DANG RIGS KYI BDAG PO'I RIG PA YONGS SU SHES PAS SO, ,GNAS BZHI RU ZHES BYA BA NI DE'I LOGS KYI BA DAN RE RE LA'O, ,BUD MED CES BYA BA NI RANG RANG GI RIGS KYI SNGAGS KYI MCHOG BSDUS PA LAS BYUNG BA'I RIG PA'I RGYAL MO'O; ,DE LA RIGS GNYIS BSDUS PA LAS BYUNG BA NI GOS DKAR MO'O, ,PADMA NI RIG PA'I PADMA'O, ,DE RGYAS PA NI RANG GI RDO RJE BCUG PAS KHA PHYE BA BYAS NAS SO, ,SNGAGS 'DI ZHES BYA BA NI DAM PA DANG PO'I SNYING PO GNYIS PA'O, ,DE NYID GSUNGS PA H'Um ZHES PA'O, ,CI 'DRA ZHE NA, 'OD ZER LNGA NI RAB TU 'BAR BA STE, SANGS RGYAS LNGA'I RNAM PA'I 'OD ZER CAN TE, SANGS RGYAS LNGA'I RNAM PAR 'OD 'PHRO BAS 'OD ZER LNGA PO DE DAG ZHUGS PAS YE SHES LNGA'I RANG BZHIN GYIS KHYAD PAR DU 'PHAGS PAR SNANG BAS NA RAB PO, ,YANG ZHU BAR GYUR PAS NA 'BAR BA'O, ,RDO RJE CAN GYI SBYOR BA BSGOM; ,ZHES PA NI RDO RJE CAN NI RANG GI RDO RJE'O, ,DE'I SBYOR BA NI ZHU BA'I YE SHES DE NYID KYIS DE'I NANG DU DGANG ZHING LDAN PA'O, ,DBAB CES BYA BA NI ZHU BA'I YE SHES DE NYID DGOD PA'O, ,RANG LUS NGAG SEMS RDO RJE LA, ,ZHES BYA BA NI DKYIL 'KHOR DANG LHAN CIG PA'I YE SHES KYI BDAG NYID CAN GYI SKU LA SOGS PA LA GO RIMS BZHIN DU DBANG BSKUR BA GSUM GYIS SO, ,BYANG CHUB THOB PAR 'GYUR ZHES PA NI SANGS RGYAS LNGA'I YE SHES KYI 'KHOR LO YAB DANG YUM ZHU BA'I DKYIL 'KHOR GYI RNAM PAR SANGS RGYAS THAMS CAD KYI CHOS MNYAM PA NYID MTHONG NAS, DE LHA MO BZHI'I GLUS BSKUL BA DANG, ZHU BA BSDUS PA LAS BYUNG BA'I RANG GI SNGAGS KYI MTSAN MAR BYUNG BA LA SOGS PA'I RIM GYIS RDZOGS NAS BDAG NYID RDO RJE 'CHANG DU BSKYED CING CHO GA BZHIN DU SKU LA SOGS PA'I BYIN GYIS BRLABS PA BSAM PAR BYA'O ZHES BYA BA'I DON TO, ,'BRAS BU NI DE ZHES BYA BA LA SOGS PA GSUNGS PA LA, DE NI

31b

ZHES BYA BA NI SGRUB PA PO'O, ,STON KA'I ZLA BA LTAR DKAR BA NYID KYI PHYIR, RNAM PAR SNANG MDZAD 'OD 'DRA ZHING NGO, ,SA BCU'I DBANG PHYUG NYID DU GYUR PA'I PHYIR RGYAL PO CHE'O, ,CHOS THAMS CAD RNAM PA THAMS CAD DU MKHYEN PA'I PHYIR SANGS RGYAS SO, ,SKU GSUM PO RTAG PA NYID BRNYES PA'I PHYIR SKU GSUM RDO RJE 'DZIN TO, 'DI BSKYED PA'I DON GYI CHO GA PHAL CHER THUN MONG NYID DU MJUG BSDU BA'I PHYIR SEMS DPA' THAMS CAD CES BYA BA LA SOGS PA GSUNGS TE DAM PAR GYUR PA NYID KYIS NA SEMS DPA' STE BZANG PO NYID DO, ,'DI DAG NI SEMS DPA' THAMS CAD YIN PAS NA, SEMS DPA' THAMS CAD NI KUN DU BZANG PO STE, SANGS RGYAS DANG RDO RJE 'DZIN PA LA SOGS PA'I RIG PA'I SKYES BU RNAMS SO, ,DE RNAMS BSKYED PA NI BSKYED PA'I DON GYI CHO GA STE, 'DIS BSKYED PA YIN PA'I PHYIR RO, ,DE LA DMIGS PA'I TING NGE 'DZIN LA YANG DE SKAD CES BYA'O, ,DE NYID NI RDO RJE STE DBYER MI PHYED PA NYID KYI PHYIR RO, ,DE LTAR DNGOS GRUB KYI MCHOG GSUNGS NAS DNGOS GRUB PHRA MO MI SNANG BA RNAM PA MANG PO NI BZHIN BZANG ZHES BYA BA LA SOGS PA GSUNGS TE, CHO GA BZHIN ZHES BYA BA NI RIG PA'I BRTUL ZHUGS DANG, MI SNANG BA'I DNGOS GRUB KYI MTSAN MA THOB PA DANG DKYIL 'KHOR BRI BA LA SOGS PA NI 'DIR CHO GA YIN NO, , MCHOD PA ZHES BYA BA NI GSANG BA'I MCHOD PA STE, CHO GA BZHIN ZHES BYA BA DANG SBYAR RO, ,'JAM DPAL DANG DE'I RIG PA'I GZUGS BSKYED PA LA SOGS PA NI 'DIR CHO GA YIN TE, RAB TU DBEN PA'I GNAS NYID DU DNGOS GRUB THAMS CAD BSGRUB PAR BYA'O ZHES BYA BA 'DI NYID KHONG DU CHUD PA YIN PAS 'DIR GNYIS KA LHA NYID KYI GZUGS SU YIN GYI SEMS CAN GSUM PA MI SNANG BA NI DBEN PA'I DON TO, ,GSANG BA ZHES BYA BA NI BYANG CHUB KYI SEMS SO, ,BZA' BAR BYA ZHES BYA BA NI PHAN TSUN ZA BA STE CHO GA BZHIN ZHES BYA BA DANG SBYAR RO, ,'DIR CHO GA NI MAN NGAG LAS ZHES BYA'O, ,BZA' BA ZHES BYA BA NI 'BRAS CHAN LA SOGS PA'O, ,GZHUG PAR BYA ZHES BYA BA NI PADMA LA'O, ,CHO GA BZHIN DU ZHES BYA BA NI 'BAR BA DANG, BSREG PA LA SOGS PA'I MNGON PAR 'DUS BYAS PAS SO, ,BSNGAGS NAS NI ZHES BYA BA NI YI GE GSUM GYIS LAN BRGYA RTZA BRGYAD KYI BAR DU'O, ,BSKUL NA NI

32a

, ,ZHES BYA BA NI MNGON PAR BSNGAGS NAS SO, ,MI MTHONG ZHES BYA BA NI DE NYID DU ZOS PAS SO, ,KHA SBYAR SBYOR BA NI KHAM PHOR KHA SBYAR DU GZHUG PA'O, ,RI LU'I SGRUB PA NI LE'U BCU GNYIS PA'I RJES SU 'BRANGS NAS SHES PAR BYA'O, ,DE LA GA PUR NI BYANG CHUB KYI SEMS SO, , TZANDAN NI RKANG NGO, ,GI WANG NI KHRAG DANG BCAS PA'I SHA'O, ,AA KA RU NI BSHANG BA'O, ,GUR KUM NI RIG MA'I ME TOG GO, ,DE LTAR 'JAM DPAL GYI SBYOR BAS MI SNANG BAR GSUNGS NAS, DE LAS GZHAN PA'I SBYOR BAS KYANG GSUNGS PA NI RDO RJE 'DZIN PA ZHES PA LA SOGS PA LA RDO RJE 'DZIN PA ZHES BYA BA NI LHA RNAMS KYI'O, ,BYIN BRLABS NAS ZHES BYA BA NI BRTAN PAR BYAS NAS SO, ,DE 'DRA'I ZHES BYA BA NI DE DANG 'DRA'O, ,RDO RJE 'GRO BAR ZHES BYA BA NI THOGS PA MED PAR 'GRO BA'O, ,STONG GSUM BGROD PA'I ZHES BYA BA NI LOGS SU'O, ,'DOD KHAMS GNAS PA'O ZHES BYA BA NI TSANGS PA'I 'JIG RTEN GYI BAR DU'O, ,LHA'I LONGS SPYOD CES BYA BA NI LHA'I BDAG POS BSRUNGS PA YANG NGO, ,BRTUL ZHUGS ZHES BYA BA NI KHYIM THAB KYI BRTUL ZHUGS KYIS BSRUNGS PA YANG NGO, ,GZUGS KHAMS GNAS PA LA ZHES BYA BA NI, MI GTZANG BA LA SOGS PA'I TING NGE 'DZIN GYIS 'DOD CHAGS DANG BRAL BA YANG NGO, ,'DI LTAR STOBS CHEN NI THOGS PA MED PA'I NUS PA DANG LDAN PA'O, ,DAM TSIG GIS MI SNANG BAS DES NI RDO RJE CHEN PO NI SHIN TU BZLOG PAR DKA' BA'O, ,DE STON PAR MDZAD PA NYID KYI PHYIR DE SKAD CES BYA'O, ,DE NAS ZHES BYA BA NI DNGOS GRUB MCHOG DANG PHRA MO BSTAN ZHING THOS PA'I RJES THOGS LA'O, ,'PHRUL PA NI RAB TU DGYES PAR RNAM PAR G-YO BA'O, ,YID LA DBANG BA RNAMS ZHES BYA BA NI DGONGS PA DANG BCAS PA STE, 'GRO BA 'DUL BA'I PHYIR 'DI RNAMS KYIS MNYES PA DANG NGO MTSAR STON PAR BYED PA YIN GYI, DON DAM PAR NI MA YIN NO ZHES BYA BA'I DON TO, ,'DI ZHES BYA BA NI MI SNANG BA'I CHE BA'I BDAG NYID DO, ,GSANG GNAS MI 'GYUR ZHES BYA BA NI GSANG BA GSUM GYI GZHIR GYUR PA'I THAR PA STE, KUN DU BZANG PO'I SANGS RGYAS KYI MYA NGAN LAS 'DAS PA ZHES BYA BA'I DON TO, ,DE LTAR DNGOS GRUB MCHOG DANG PHRA MO LA BSTOD NAS DE DAG NYID KYI LAM DAG LA

32b

TSIGS SU BCAD PA'I PHYIR PHYI MAS BSTOD PA YIN TE CHOS KYI SGRA NI LAM GYI TSIG YIN TE, GNYI GA DANG 'BREL BA'I PHYIR RO, ,DE LA NGO BO NYID KYIS DAG PA NI GNYIS SU 'DZIN PA'I GNYEN PO NYID YIN PA'I PHYIR RO, ,SHIN TU DRI MED NI SGRIB PA THAMS CAD KYI GNYEN PO YIN PA'I PHYIR RO, ,'DIR RIG PA'I SKYES BU BSGOM PA NI LE'U BCU BDUN PA LAS, DE NAS STON PA RDO RJE 'DZIN, ,SANGS RGYAS KUN GYIS PHYAG BYAS PA, ,ZHES BYA BA LA SOGS PAS MDOR BRJOD CING, RGYAS PAR NI LE'U DANG PO LAS 'DOD CHAGS CHEN PO'I TSUL ZHES BYA BA NAS BRTZAMS TE, ZHAL GSUM LTA BUR SNANG BAR GYUR TO ZHES BYA BA'I BAR DU GSUNGS SO, ,DE LA DBANG BSKUR BA DANG RIG PA'I BRTUL ZHUGS MA GSUNGS PAS DE DAG GI SKABS DBYE BA'I PHYIR, DE NAS ZHES BYA BA LA SOGS PA GSUNGS TE, DE NAS STON PA RDO RJE 'DZIN GYIS BKA' STZAL PA ZHES BYA BAR SBYAR RO, ,STON PA LA SOGS PA NI RNAL 'BYOR PA'I GNAS SKABS DRUG YIN NO, ,DE STON PAR MDZAD PA NYID KYI PHYIR TSIG DE DAG GIS BCOM LDAN 'DAS BSTAN PA YIN NO, ,DANG POR RIG MA DANG BCAS PA'I MCHOG DANG PO'I TSUL GYIS RNAL 'BYOR PA STON PAR 'GYUR RO, ,DE NAS BSKYED PA YIN TE SGRIB PA MED PA NAM MKHA'I DBYINGS DAG PA'I TSUL DU THAMS CAD KYI SA BON NYID YIN PA'I PHYIR RO, ,DE NAS BYED PA YIN TE DKYIL 'KHOR GYI BDAG PO'I TSUL DU BYA BA'I GZHI NYID YIN PA'I PHYIR RO, ,DE NAS MI 'GYUR CHE YIN TE, SKU LA SOGS PAS BYIN GYIS BRLABS PA'I PHYIR RO, ,DE NAS DAG PA'I RDO RJE YIN TE, SANGS RGYAS KYI COD PAN GYIS DBANG BSKUR BA'I PHYIR RO, ,DE NAS 'DI LA CHOS CHEN PO YOD PAS NA CHOS CHEN PO STE, RIG PA'I BRTUL ZHUGS RNYED PA'I PHYIR RO, ,RDO RJE'I GSUNG NI 'CHAD PAR 'GYUR BA'I GSANG BA STON PA'O, ,SEMS DPA' RDO RJE ZHES BYA BA LA SOGS PA LA SANGS RGYAS KYANG YIN LA RDO RJE 'DZIN PA YANG YIN PAS NA STE, MI BSKYOD PA ZHES BYA BA'I DON TO, , DE RNAMS MNYES 'GYUR NI DGYES PAR 'GYUR BA'O, ,SEMS DPA' RDO RJE NI MCHOG DANG PO'O, ,DE'I SBYOR BA NI SPYI BOR YANG DAG PAR SBYOR BA'O, ,DES NA 'DI NI NGES PAR GZUNG BA DANG BCAS PA YIN TE, MI BSKYOD PA NYID KYI MCHOG DANG PO LA YIN GYI GZHAN NI MA YIN NO ZHES BYA BA'I DON TO, ,RDO RJE 'DZIN NI

33a

, ,BYANG CHUB KYI SEMS 'DZIN PA BYANG CHUB SEMS DPA' RNAMS TE, DKYIL 'KHOR GYI BDAG PO ZHES BYA BA'I DON TO, ,DE RNAMS MNYES PAR BYED PA NI SANGS RGYAS RAB TU DBYE BA DANG, BYANG CHUB KYI RAB TU DBYE BA STE GANG ZHIG RANG GI RIGS YIN PA DE DES DBANG BSKUR BA'I PHYIR RO; ,GANG ZHIG GANG GI BYANG CHUB KYI RIGS KYI RIG PA YIN PA DES DE LA BRTUL ZHUGS SBYIN PA'I PHYIR RO, ,RDO RJE ZHES BYA BA LA SOGS PA LA RDO RJE NI MI BSKYOD PA STE, MCHOG DANG POR NGES PA NYID YIN PA'I PHYIR RO, ,SPYAN GYI GZUGS NI SPYAN GYI SKU'O, ,SOGS PA'I SGRAS NI M'A MA K'I DANG GOS DKAR MO DANG SGROL MA'I GZUGS BSDU'O, ,DE DAG GIS NI GTZUG TOR MNYES PAR BYED PA STE, 'KHOR LOS SGYUR BA DRUG PO MNYES PAR BYED PAR RO, ,DE LA MI BSKYOD PAS NI DE LAS GZHAN PA LNGA PO DAG LA DBANG BSKUR RO, ,RTAG PA DANG RDO RJE 'DZIN PA DAG DANG, NGA RGYAL DANG 'DOD CHAGS DANG DON YOD PA NI GO RIMS BZHIN DU SPYAN LA SOGS PAS RIG PA'I BRTUL ZHUGS BYA'O, ,GTZUG TOR RNAMS DKYIL 'KHOR GYI BDAG PO YIN YANG RUNG, DKYIL 'KHOR BA YIN YANG RUNG, MNYES PAR BYED PA NI KHYAD PAR GYI TSIG MED PA'I PHYIR RO, ,DKYIL 'KHOR PA LHAG PA RNAMS KYIS DBANG DU MDZAD NAS, KHRO BO'I NANG NAS ZHES BYA BA LA SOGS PA GSUNGS TE, SANGS RGYAS RDO RJE NI MI BSKYOD PA STE, DES DBANG BSKUR BA'I DON DU BSGOMS PA'O, ,RIG PA'I RGYAL PO NI MIG LA SOGS PA YIN LA, DE NYID NI CHOS RNAMS TE, DKYIL 'KHOR GYI BDAG PO'I MCHOG LA GNAS PA NYID KYI PHYIR RO, ,RIG PA'I RGYAL MO NI DGA' MA BZHI'O, ,DE RNAMS KYI SBYOR BA NI TING NGE 'DZIN TE, DE DAG LA DES ZHES BYA BA'I DON TO, ,THAMS CAD 'DOD CAN NI RDO RJE'I BDAG PO DRUG STE, DE RNAMS KYI TING NGE 'DZIN NI THAMS CAD 'DOD CAN SNGAGS RNAMS LA'O, ,GDON MI ZA BA'I YE SHES NI DON YOD PAR GRUB PA'O, ,PHYOGS GZHAN NI SNGAGS RNAMS ZHES BYA BA LA SOGS PA GSUNGS TE, DKYIL 'KHOR BA DANG, RIGS MI SHES PA THAMS CAD KYI SPYI BOR NI MI BSKYOD PA NYID BSGOM PAR BYA STE, DES MTSAN MA'I DRI MA THAMS CAD 'KHRUD PAR BYED PA'I BSAM GTAN GYI

33b

BDAG NYID KYIS THAMS CAD DBANG BSKUR BA NYID KYI PHYIR ZHES BYA BAR DGONGS SO, ,DE SKAD DU GTZUG TOR LA SOGS PA'I TSIG 'DI DAG NI LE'U BCO BRGYAD PA LAS, 'KHOR LOS SGYUR RGYAL DRUG PO DANG, ,ZHES BYA BA NAS BRTZAMS TA, BSAM GTAN RDO RJES THAMS CAD KYI, ,DBANG BSKUR BA NI RAB TU BSNGAGS, ,ZHES BYA BA'I BAR GYIS 'CHAD PAR 'GYUR RO, ,DE LA BSAM GTAN RDO RJE NI MI BSKYOD PA YIN TE DES THAMS CAD LA YIN GYI MCHOD DANG POS NI MA YIN NO ZHES BYA BA'I DON TO ZHES GSUNGS SO ZHES BYA BA NI DNGOS GRUB MCHOG GI DAM TSIG NYE BAR BSDU BA YIN NO, ,DE'I ZHAR LA GNOD SBYIN MO LA SOGS PA'I DNGOS GRUB PHRA MO RNAMS KYI DAM TSIG KYANG GNOD SBYIN MO ZHES BYA BA LA SOGS PA GSUNGS TE, GNOD SBYIN MO RNAMS KYI SNGAGS RGYUD NI GNOD SBYIN MO LA SOGS PA'I SNGAGS KYI RGYUN TE, DE RNAMS KYI SPYI BOR BRAG PAR BYA BA NI BSGOM PA'O, ,SBYOR BA NI TING NGE 'DZIN NO, ,SNGAGS NI LHA RNAMS SO, SBYOR BA YANG YIN LA SNGAGS KYANG YIN NO, ,SHIS PA NI BSNGAGS PA'O, ,BSKUL BA NI RANG GI 'KHOR LOS SGYUR BA RNAMS YANG DAG PAR SBYOR BA'O, ,DBANG BSKUR BA NI KHYAB PAR BYED PA NYID YIN PA'I PHYIR RO, ,DAM TSIG CHEN PO NI BRTUL ZHUGS DANG DBANG BSKUR RO; ,DE STON PAR MDZAD PA LA DE SKAD CES BYA'O, ,BSAM GTAN ZHES BYA BA LA SOGS PAS NI MJUG BSDU BA'O, ,'DI YIS NI ZHES BYA BA NI, SEMS DPA' RDO RJE SBYOR BA YIS, ,ZHES BYA BA LA SOS PA LA THAMS CAD KYIS GSUNGS ZHES BYA BAR SBYOR RO, ,CI GSUNGS SHE NA, BSAM GTAN RDO RJE ZHES BYA BA STE, TING NGE 'DZIN BRTAN POS SNGAGS RNAMS MNYES PAR BYED PA GANG YIN PA DE'I DKYIL 'KHOR DAG STE, SNYING PO BSDUS PA'O, ,DAM TSIG CHEN PO NI RDO RJE 'CHANG CHEN PO'O, ,DE'I SGRUB PAR BYED PA NI MNYES PAR BYED PA STE, DE'I BKA' SGRUB PAR BYED PA'I PHYIR RO, , RANG GI DNGOS GRUB NGES PAR BYA BA LA SOGS PA'I DON DU SNOD LA DBAB PAR BYA BA YIN PA DE'I PHYIR, DE'I DBANG DU MDZAD PA NI DE NAS ZHES BYA BA LA SOGS PA GSUNGS PA LA, STON PA ZHES BYA BA NI DE'I BKAS LHA THAMS CAD SNOD LA 'BEBS PAR MDZAD PA'I PHYIR RO, ,DE CI'I PHYIR ZHE NA, GANG GI PHYIR

34a

, ,MCHOG TU GTZO BO'O, ,DE YANG CI'I PHYIR ZHE NA, GANG GI PHYIR CHOS RNAMS KUN DBANG PHYUG STE GRUB PA'I SNGAGS RNAMS RAB TU MDZAD PA PO'O, ,DE YANG CI'I PHYIR ZHE NA, GANG GI PHYIR SKU DANG GSUNG DANG THUGS YONGS SU DAG PAS TE, RNAM PA THAMS CAD DU SKYON MI MNGA' BA'O, ,YE SHES NI 'BEBS PA'I LAS GRUB PA'O, ,DE NYID NI BRTAN PA NYID YIN PA'I PHYIR RDO RJE'O, ,DE 'CHAD PAR MDZAD PA LA YANG DE SKAD CES BYA'O, ,BKA' STZAL PA NI BKA' STZAL PAR GYUR PA'O, ,BSAM GTAN RDO RJE ZHES BYA BA NI 'BEBS PA'I TING NGE 'DZIN MI PHYED PA'O, ,RAB BYA BA ZHES BYA BA NI KHYAD PAR DU BYA BA STE, BDAG NYID RDO RJE 'CHANG DMAR PO LA SOGS PA'I RNAM PA DANG, SNOD DANG LHA DAG KYANG JI LTAR 'CHAD PAR 'GYUR BA BZHIN DU ZHES BYA BA'I DON TO, ,BZLAS DANG ZHES BYA BA NI DBAB PA'I SNGAGS SO, ,SNGAGS KYI SBYOR BAS SO ZHES BYA BA NI YI GE HA LA SOGS PA'I GNAS JI LTA BA BZHIN DU CHU'I DKYIL 'KHOR LA SOGS PA LA DGOD PAS SO, ,DE LAS CIR 'GYUR ZHE NA, RDO RJE SEMS DPA' ZHES BYA BA LA SOGS PA GSUNGS SO, ,'DI LA GSUNG GI LAS MNGA' BAS NA GSUNG GI LAS TE, JI SKAD DU GSUNGS PA DE BZHIN DU MDZAD PA'O, ,DE JI LTAR BKA' YIN PA DE BZHIN DU STE, 'DI SLU BAR MI MDZAD CES BYA BA'I DON TO, ,SNOD LA BABS PAR GYUR NA BSGUL BA DANG RENGS PA LA SOGS PA DANG DKYIL 'KHOR BRI BA LA SOGS PA'I LAS RNAMS SNA TSOGS TE RMAD DU BYUNG BA BYED PAR 'GYUR RO, ,RDO RJE CHOS ZHES BYA BA LA SOGS PA LA RDO RJE CHOS NI 'OD DPAG TU MED PA'O, ,DE'I RANG BZHIN CAN GYI SNOD THAMS CAD DMAR POR YI GE AA LAS BSAMS LA'O, ,SKU GSUNG THUGS KYI RDO RJE LA, ,ZHES BYA BA NI DE NYID KYI MGO BO DANG LKOG MA DANG SNYING GAR RO, ,GNAS GSUM DU NI RIGS BRTAG GO ZHES BYA BA NI JI SKAD DU GSUNGS PA'I CHU DANG RLUNG DANG DBANG CHEN GYI DKYIL 'KHOR LA GNAS PA'I YI GE H'A DANG AA: DANG H'Um BSGOM PAR BYA'O ZHES BYA BA'I DON TO, ,DBAB PA'I CHO GA THAMS CAD NI BYAS NA ZHES BYA BA NI DE NAS DBAB PAR BYA BA'I LHA GNOD MDZES KYIS BKUG LA SNOD KYI LUS LA BCUG STE, SNOD KYI YANG RKANG PA'I 'OG TU RLUNG DANG ME'I

34b

DKYIL 'KHOR LA GNAS PA'I YI GE DZHEEm DMAR POS BTEG PA DANG, RIGS GSUM GYI 'OD ZER DMAR POS LUS THAMS CAD LA 'GENGS PAR GYUR PAR RNAM PAR BSAMS LA BDUG SPOS GTUL TE, DRIL BU DKROL NAS A'A BE SHA YA STAm BHA YA, RA RA RA RA, TZA LA YA TZA LA YA H'Um H'Um: AA: DZHEEm ZHES BYA BA LA SOGS PA'I SNGAGS BZLA BAR BYA'O ZHES BYA BA'I DON TO, ,GDON MI ZA BAR GRUB CES BYA BA NI NGES PAR BABS PAR 'GYUR RO ZHES BYA BA'I DON TO, ,'DI 'GRUB PAS CIR 'GYUR ZHE NA, DE'I PHYIR BSGUL BA DANG ZHES BYA BA LA SOGS PA GSUNGS PA LA, SPYOD PA RNAM PA GSUM NI BSKUL BA'O, ,G-YO 'GUL MED PA NYID NI RENGS PA'O, ,LKOG TU GYUR PA'I YI SHES PA NI LHA CHEN PO'O, ,DE GSUM DANG 'PHAGS PA'I SA BZHI PA DAG KYANG STE, 'PHAGS PA'I SA NI SANGS RGYAS DANG BYANG CHUB SEMS DPA' THAMS CAD KYI SPYOD YUL LO, ,DE'I YUL CAN GYI YE SHES NI 'PHAGS PA'I SA STE, 'DI LA BZHI PA DE YOD PAS NA DE SKAD CES BYA'O, ,NGO MTSAR RNAM PA BZHI PO DE NI RDO RJE GRUB PA 'DI YIS BYA'O, ,DE YANG DE LTAR BYAS NA RTAG PAR GRUB STE GSUNGS PA'I CHO GAS NGES PAR 'GRUB PAR 'GYUR RO ZHES BYA BA'I DON TO, ,SNOD KYI MTSAN NYID NI BU MO ZHES BYA BA LA SOGS PA GSUNGS SO, ,SNGON DU BYA BA BSTAN PA'I PHYIR CHO GA ZHES BYA BA LA SOGS PA GSUNGS PA LA, THAMS CAD BYAS NA NI ZHES BYA BA NI SEMS BRTAN PAR BYA BA DANG LHAG PAR GNAS PA LA SOGS PA'O, ,LAS RNAMS NI DBAB PA'I CHO GA'O, ,DPYAS PAR 'GYUR ZHES BYA BA NI BZHAD GAD NYID DU 'GYUR BA'O, ,SNYING NGO'I SNGAGS KYI YI GE'I TSIG NI ZHES BYA BA LA THUGS RDO RJE LA SOGS PA'I DE KHO NA NYID STON PAS NA SNYING PO'O, ,BYANG CHUB KYI SEMS DE'I RGYUN MTHUN PA YIN PA'I PHYIR SNGAGS SO, ,DON YOD PA NYID YIN PA'I PHYIR YI GE'O, ,DE RNAMS 'DI DAG LA GNAS PAS NI TSIG GO, ,NAM MKHA'I KHAMS KYANG ZHES BYA BA NI SNOD GZHAN LA SMOS KYANG CI DGOS ZHES BYA'O, ,RDO RJE SEMS DPA' BDAG NYID KYANG, ,ZHES BYA BA NI LHAG GZHAN DAG LA SMOS KYANG CI DGOS ZHES BYA'O, 'DI NI ZHES BYA BA NI YI GE H'Um LA SOS PA GSUM MO, ,GSANG TSIG BRTAN PA'O ZHES BYA BA

35a

, ,NI THUGS RDO RJE LA SOGS PA'I RTAG TU GNAS YIN NO ZHES BYA BA'I DON TO, BSKUL PAR BYED PAR BSHAD CES BYA BA LA, DE YANG GSUM TE, 'GUL BA DANG, G-YO BA DANG, DRAN PA'O, ,DRAN PA ZHES BYA BA NI BLO LA GNAS PAR SMRA BA 'GYUR BA STE, BSLANG BA ZHES BYA BA'I DON TO, ,'DI NI ZHES BYA BA NI YI GE DZHEE'O, ,BSGUL BA THAMS CAD KYI ZHES BYA BA LA, GSUM CHAR YANG STON PAR BYED CES BYA BA NI LHAG MA'O, ,'DI ZHES BYA BA NI YI GE DZHEE DE NYID DO, GSANG BA YIN PAR ZHES BYA BA NI RDO RJE LAS KYI NGO BO NYID CES BYA BA'I DON TO, ,KHRU BRGYAD TZAM MAM LNGA TZAM DU 'PHAR ZHES BYA BAR SBYAR RO, ,RDO RJE RGYAL PO NI GSANG BA'O, ,'JIGS SHING SKRAG PA NI G-YO BA'O, ,SNGA MA BZHIN DU ZHES BYA BA LA SOGS PA LA, SNOD JI LTA BA BZHIN DU 'OD DPAG TU MED PAR BYAS NAS CHO GA GSUNGS PA DE BZHIN DU YI GE HA LAS RNAM PAR SNANG MDZAD DMAR PO 'AM, YI GE H'Um LAS MI BSKYOD PA DMAR POR BYAS NAS ZHES SHES PAR BYA'O ZHES BYA BA'I DON TO, ,GSANG BA NI BCAS PA'O, ,GANG GI TSE SNOD LA BABS NAS RING DU 'BAR BA DE'I TSE DE'I STENG DU RDO RJE SER PO RDO RJE LA RI RAB, DE'I STENG DU DBANG CHEN GYI DKYIL 'KHOR, DE'I STENG DU RDO RJE RTZE LNGA PA SER PO, DE'I STENG DU DANG PO'I DBYANGS YIG SER PO, ,DE'I STENG DU RNAM PAR SNANG MDZAD SER PO BSGOMS NA NGES PAR LDOG PAR 'GYUR RO, ,BABS PA'I LCE LA A'A: DMAR PO 'BAR BA'I PHRENG BA 'KHRIGS PAR BSAMS LA, BHR'U HI BADZRA ZHES BRJOD NA DGE BA DANG MI DGE BA RNAMS STON PAR BYED DO, ,MTHAR AOm KHYED KYIS 'GRO BA'I DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS NI, ,SLAR YANG GSHEGS PAR MDZAD DU GSOL, ,ZHES GSOL BA BTAB LA SNYIM PA'I ME TOG GTOR TE, H'Um H'A:A'A: DZHEE MU: ZHES BYA BAS SLAR GSHEGS SU GSOL BA DANG, SNOD LA SOGS PA YANG BSRUNG BAR BYA'O, ,MNGON SPYOD BYA BA'I PHYIR BDUD RTZI THAB SBYOR GYI RTOG PA NI DE NAS ZHES BYA BA LA SOGS PA GSUNGS SO, ,GSUNG NI ZHES BYA BA NI GDUG PA'I LAS STON PA'O, ,CI'I PHYIR DE LTAR STON ZHE NA, GANG GI PHYIR RGYAL PO STE, RGYAL PO NI MA RUNGS PA RNAMS TSAR GCOD PAR

35b

BYED PA DE BAS NA'O, ,CI GNOD SBYIN RNAMS KYI RGYAL PO YIN NAM ZHE NA MA YIN NO ZHES GSUNGS PA NI DE BZHIN GSHEGS PA KUN GYI BDAG GO, ,'O NA JI LTAR GDUG PA'I LAS CAN YIN ZHE NA, DE LTAR NA NI MA YIN NO ZHES GSUNGS PA NI SKU GSUM ZHES BYA BA LA SOGS PA LA SKU LA SOGS PA'I GNAS KYI LAS DE DAG GIS YONGS SU DAG PA NI SKU DANG GSUNG DANG THUGS KYI PHRIN LAS YONGS SU DAG PA CAN ZHES BYA BA'I DON TO, ,DE LTAR NA DAM PA'I CHOS YUN RING GNAS PAR BYA BA'I PHYIR DANG, SKYE BO MANG PO LA PHAN PAR BYA BA'I PHYIR DANG, BSGRUB PAR BYA BA DE NYID DMYAL BA LA SOGS PA LAS BZLOG PAR BYA BA'I PHYIR DANG, SNGAGS DANG PHYAG RGYA DANG TING NGE 'DZIN GYI STOBS KYIS YONGS SU DAG PA'I SANGS RGYAS KYI ZHING DU SKYE BAR 'GYUR BA'I SA BON GDAB PA'I DON DU PHRIN LAS MDZAD PA DANG STON PA DE'I PHYIR DE BAS NA 'DI NI DRAG PO DANG 'DRA BAR SNANG BA'I PHYIR DRAG PO YIN GYI THUGS RJE CHEN PO LAS BYUNG BA NYID KYI PHYIR MI DGE BA NI MA YIN NO, ,BSGRUB PAR BYA BA LA SOGS PA SKYE BO MANG PO LA PHAN 'DOGS PA CHEN PO NYID YIN PA'I PHYIR YANG BSOD NAMS KYI PHUNG PO RGYA CHEN PO DANG LDAN PA YIN NO, ,SEMS CAN GDUG PA MA YIN PA RNAMS LA NI ZHE SDANG DANG CHAGS PA MED DU ZIN KYANG MCHOD SBYIN GYI DON DU PHYUGS GSOD PA DANG 'DRA BAR GTI MUG LAS BYUNG BA'I MI DGE BA YIN TE, GDUG PA MA YIN PA RNAMS LA NI GSOD PA NI SNYING RJE MED PAR 'GYUR BA'I PHYIR DANG, DE RNAMS KYIS 'DI SANGS RGYAS KYI ZHING DU BSKYED PA'I SA BON BSKYED PA YANG MI SRID PA STE, SANGS RGYAS KYI BKAS MA GNANG BA NYID KYIS NA DAM TSIG LAS 'DAS PA'I PHYIR RO, ,RTZE GCIG MA GYUR PA YIS KYANG, ,ZHES BYA BA LA SOGS PA LA, RTZE GCIG PA STE, DMIGS PA GCIG LA SEMS DE GNAS PA THOB PA STE, 'GOG PA'I BZLAS PA'AM, RDO RJE BZLAS PAS RDZOGS PA'I SNGAGS PA YIN NO, ,CIG SHOS RTZE GCIG MA GYUR PA NI GRANGS KYI BZLAS PA RDZOGS PA'I SNGAGS PA YIN LA, DES KYANG GDUG PA THAMS CAD RNAM PAR GZHIG PA'I LAS 'DI DAG BYED PA YIN NA, SNGA MA DAG GIS LTA SMOS KYANG CI DGOS, KYANG GI SGRAS NI GSUM CHAR LAS KYANG 'GRUB PAR

36a

, ,'GYUR RO ZHES BYA BAR DGONGS PA'O, ,JI LTAR BYA ZHE NA, BRTUL ZHUGS BRTAN PA STE, THOS PA DAG DANG DAD PA DANG SNYING RJE DANG, RANG GI LHAR MOS PA DANG, GZUGS BRNYAN LA BSGRUB BYAR MOS PA DANG, RANG GI DAM TSIG BSKYANG BA LA SOGS PAS NI BRTUL ZHUGS YIN TE, DE RNAMS BRTAN PA ZHES BYA BA'I DON TO, ,SBYOR BA GZHAN GYIS MI BYA'O ZHES BYA BA NI LHA GANG GI SNGAGS YIN PA DE NI SBYOR BA NYID KYIS BYA'O, ,BRTUL ZHUGS BRTAN PA MA YIN PA'AM, SBYOR BA GZHAN GYIS BYAS NA 'GRUB PAR MI 'GYUR RO ZHES BYA BA'I DON TO, ,PHUB SOGS LAS ZHES BYA BA LA SOGS PA'I SGRAS NI BSGRUB PAR BYA BA'I RKANG RJES KYI SA LA SOGS PA STE LHAG MA NI DBYIG SNGON GYI SNGAGS DANG 'DRA'O, ,RO BSREGS THAL BA YIS ZHES BYA BA NI RO BSREGS PA DE NYID NA GNAS PA'I SA DANG THAL BA DANG BSGRUB PAR BYA BA'I RKANG RJES KYI SA DANG BCAS PAS SO, ,LHAG MA NI DBYIG SNGON GYI SNGAGS DANG 'DRA'O, ,SKU BSHIG GCER BUR ZHES BYA BA NI GNYI GA LA SBYAR BAR BYA'O, ,DE 'BA' ZHIG NI MA YIN GYI, STONG RTZA BRGYAD DU BZLAS PAS KYANG ZHES BYA BA NI, STONG RTZA BRGYAD DAM BRGYA RTZA BRGYAD BZLAS PAS KYANG ZHES PA STE, MANG PO LTA SMOS KYANG CI DGOS ZHES BYA BA'I DON TO, ,DKYIL 'KHOR ZHES BYA BA LA SOGS PAS NI SBYIN SREG GI SBYOR BA GSUNGS PA YIN NO, ,DKYIL 'KHOR GRU GSUM ZHES BYA BA NI ME'I DKYIL 'KHOR TE, DUR KHROD DANG RIGS PA'I SA'I CHA LA SOGS PA'I RO BSREGS PA'I SA DANG THAL BAS ME'I DKYIL 'KHOR BRIS LA DE'I DBUS SU ME THAB GRU GSUM LA BDUD RTZI THAB SBYOR GYI ZHAL DU SBYIN SREG BYA'O ZHES BYA BA'I DON TO, ,SHA GSUM CHAR BSDUS PA'AM RE RE DANG GZUGS BRNYAN BYAS NAS BRIS PA'I SNGAGS SNYING GAR BCUG PA'I SBYOR BA SNA TSOGS KYIS SO, ,BYAS PA LA ZHES BYA BA LA SBYIN SREG CES BYA BA NI LHAG MA'O, ,SHA CHEN GYIS NI ZHES BYA BA LA SBYIN SREG CES BYA BA NI LHAG MA'O, ,RDO RJE LAS BYUNG ZHES BYA BA LA RDO RJE NI ZHE SDANG CHEN PO STE, DE LAS BYUNG BA'I KHRO BO'I DBANG PO RANG NYID LTA BU ZHES BYA BA'I DON TO, ,NI NI GANG GI PHYIR RO, ,SHA CHEN GYI GZUGS BRNYAN GYI SBYIN SREG 'DI NI DRAG PO'I LAS THAMS CAD KYI NANG NAS MI BZAD PA YIN NO, ,

36b

CHOS MCHOG CAN ZHES BYA BA NI TING NGE 'DZIN BRTAN PA DANG LDAN PA'O, ,TSER MA'I SHING LAS SBAR BA'I ME NI TSER MA'I ME'O, ,RGYUN GYIS 'BAB PA'I CHU BO'I 'GRAM GNYIS PO DE'I 'GRAM GNYIS SA YIS KYANG ZHES BYA BA'I NGOGS GNYIS KYI SA YIS KYANG NGO, ,DE YANG MGO BYANG PHYOGS SU BSTAN ZHING GAN RKYAL DU BZHAG PA DE'I YAN LAG KUN TIL 'BRU TZAM GYIS NANG DGANG BAR BYA'O, ,GANG GIS DGANG BAR BYA ZHE NA, DUG LAS BYUNG BA'I TSER MA YIN TE, SPRUL DANG SDIG PA DANG, SANG KO TZA DANG, NYA RVA CAN LA SOGS PA'I TSER MA'AM DUG GIS BYUGS PA'I BIL PA LA SOGS PA'I TSER MAS DGANG BAR BYA'O, ,BSKUL BA'I TSIG DANG ZHES BYA BA NI SARBA BI GHN'Am ZHES BYA BA BTON LA CHE GE MO M'A RA YA ZHES BYA BA'I BSKUL TSIG DANG LDAN PA'I SNGAGS BZLA BAR BYA'O ZHES BYA BA'I DON TO, ,DRAG PO'I 'KHRUL 'KHOR BRI BA'I CHED KYI SNAG TSA NI SKE TSE ZHES BYA BA LA SOGS PA GSUNGS PA LA 'BRU MAR ZHES BYA BA NI YUNGS MAR RAM SNUM CHEN PO'O, ,DA DU RA'I KA'I KHYAD PAR NI RIM GSUM PA SNGON PO CAN NO, ,SOL BA NI RO BSREGS PA'I SOL PA'AM, RO BSREGS PA'I ME BSLANGS PAS BSREG PA'I MYOS PAR BYED PA'I SO LA BA'O, ,LHAG MA NI GZHAN GYIS MI THUB PA'I SNGAGS KYI SKABS SU GSUNGS PA NI SRIN PO LA SOGS PA 'DZIN PA DANG 'DRA'O, ,'DIR YANG CHE GE MO R'AKshA SEE GR'A HA YA ZHES BYA BA NI BSKUL TSIG YIN NO, ,LINGGA NI BSGRUB PAR BYA BA'I GZUGS BRNYAN NO, ,DE BYA BA'I PHYED KYI RDZAS NI RUS PHYE ZHES BYA BA LA SOGS PA GSUNGS SO, ,KHYAD PAR 'GYUR ZHES BYA BA SRIN PO RNAMS KYIS SO, , LINGGA ZHES BYA BA NI BSHAD MA THAG PA'I RDZAS SKE TSE GTZO BOR GYUR PA'I BSHAD GCI SBYAR BA YIN TE, BYAS PA'I BSGRUB PAR BYA BA'I GZUGS BRNYAN ZHES BYA BA'I DON TO, ,TSA BA CHEN POS BTAB PAR 'GYUR, ,ZHES BYA BA NI CHE GE MO MA H'A D'A GE NA GR'A HA YA ZHES BYA BA'I BSKUL TSIG DANG LDAN PA'I SNGAGS BZLA BAR BYA'O, ,SNGAGS GANG GIS DRAG PO'I SBYOR BA DE DAG DANG 'CHAD PAR 'GYUR BA DE NI DE LA 'DI NI ZHES BYA BA LA SOGS PA GSUNGS TE, DE BZHIN GSHEGS PA THAMS CAD NI KHRO BO CHEN PO'O, ,DE THAMS CAD KYI DAM TSIG NI BSDUS PA STE, BDUD RTZI THAB SBYOR LA BYA'O; ,DE'I SNYING PO NI GRUB PA'I SNGAGS SO, ,

37a

, ,NA MA: ZHES BYA BA LA SOGS PA LA, HU LU HU LU ZHES BYA BA NI RMO BAS NA GSHOL TE, SNA TSOGS SU SNANG BA'I SEMS BSKYED LA, MTSAN MA'I RNAM PAR RTOG PA THAMS CAD NUB PAR BYA BA'I PHYIR, RMOS SHIG RMOS SHIG PA'I DON TE, KHA KHA KH'A HI KH'A HI ZHES BYA BA'I BAR DU'O; ,TIshthA TIshthA ZHES BYA BA LA SOGS PA NI SNGA MA DANG 'DRA'O, ,DZ'I B'I TA AANTA KA RA YA ZHES BYA BA NI BOD PA'I DON GYIS BZHI PA'O, ,SV'A H'A'I GNAS SU YI GE H'Um PHAt SBYAR TE DON NI SNGA MA BZHIN NO, ,SBYIN SREG YANG NA ZHES BYA BA LA YANG NA'I SGRA NI BZLAS PA YANG STE, GNYI GA JI SKAD DU BSHAD PA BZHIN NO, ,YANG NA BSAM GTAN DAG NI 'CHAD PAR 'GYUR BA'O, ,JI LTA BU ZHE NA LUS DANG NGAG SEMS 'JIG PA STE, GSUM PA DE BYA'O, ,MA YENGS PAR SEMS KYIS TE, DUS DE SRID KYI BAR DU YID RTZE GCIG PAS SO, ,RDO RJE SEMS DPA' ZHES BYA BA NI BDUD RTZI THAB SBYOR RO, ,STA RE THO BA PHYAG NA BSNAMS, ,ZHES BYA BA NI PADMA DANG RAL GRI'I GNAS SU'O, ,BSAM GTAN DE NYID NI DE LA ZHES BYA BA LA SOGS PA GSUNGS TE, DRAG PO CHEN PO'I LAS LA GNAS PA'I KHRO BO LA DE SKAD CES BYA'O, ,DE'I DAM TSIG NI BSAM GTAN NO, ,BSAD PAR NI ZHES BYA BA NI NAM MKHA'I DBYINGS KYI YUL CAN LA NYE BAR BTAGS PA'I PHYIR RO, ,DE YIS ZHES BYA BA NI BSGRUB PAR BYA BA YIS TE, NAM MKHA' KHYAB PA DE RNAMS LAG NA DGRA STA THOGS PA DES DUM BUR BYED PA'I PHYIR RO, ,BSAMS NA ZHES BYA BA NI DE LTAR BSGOMS NA'O, ,RDO RJE 'DZIN PA NYID KYANG ZHES BYA BA NI GAL TE BSGRUB PA BYA BA DE RDO RJE 'DZIN PA'I DNGOS PO YIN NA YANG 'GYUR RO, ,SANGS RGYAS GNOD BYED CES BYA BA NI BSHAD MA THAG PA'I RIM PAS SO, ,MDUN ZHES BYA BA NI MDUN LA SOGS SU'O, ,GTUM PA NI GNOD PA BYED PA CAN NYID YIN PA'I PHYIR RO, ,MCHU RING BA ZHES BYA BA NI BYA KANG KA LA SOGS PA'O; ,SPRUL NAG CES BYA BA NI YI GE KHAm LAS BYUNG BA'O, ,DUG GI MCHOG NI DAM TSIG CES BYA BA NI HA LA HA LA LA SOGS PA'I KHAMS GSUM DU GTOGS PA'I DUG DAG GI TSOGS NI DUG GI MCHOG STE, DE'I DAM TSIG GO, ,'DI LA BSDUS PA YOD PAS NA DE SKAD CES BYA'O, ,DE'I KHA NA GNAS

37b

PA'I YI GE HR'I'I 'OD ZER RNAMS KYIS DE'I KHAR RDO RJE NYID DU DUG GI TSOGS SDUD PAR BYED PA'I PHYIR RO, ,'PHRAL BAR BSAMS NAS ZHES BYA BA NI CHE GE MO ZO SHIG CES LUNG BSGO BA CAN DES DPRAL BAR SOS 'DZIN PA'I NANG NA KHYAD PAR 'PHAGS PA ZHES BYA BA STE, KHYAD PAR CAN DU GYUR PA ZHES BYA BA'I DON TO; ,PHYOGS BCU'I SEMS CAN THAMS CAD GANG YIN PA DE RNAMS LA YAMS SAM, GNOD PAR BYED PA RNAMS 'JIGS PA GANG YIN PA DE RNAMS NGES PAR 'BEBS PA'I MCHOG STE SHIN TU'O, ,DGRA'I ZHES BYA BA NI DGRA LA'O, ,BSGUL BA ZHES BYA BA NI GSOD PA'O, ,THO BA ZHES BYA NI G-YAS KYI GSUM PAR GZHAG PA'O, ,GSHEGS PA CI 'DRA BA ZHE NA, GTUB PA'O, ,STA RE SOGS ZHES BYA BA LA, DANG PO NYID DU LEN CING 'DZIN PA NI DANG PO'I SOGS TE, GANG LA G-YON PA'I PHYAG GSUM PAS DANG PO STA RE 'DZIN PA GANG LA MNGA' BA DE LA DE SKAD CES BYA'O, ,RDO RJE CAN NI BDUD RTZI THAB SBYOR GYIS SO, ,MNGON SPYOD LA KHA SBYAR DBYE BA LA SOGS PA SNGON DU BYA BA'I BLA MA'I MAN NGAG LAS SHES PA GANG YIN PA DE TSIGS SU BCAD PA GNYIS KYIS BSTAN PAR BYA BA'I PHYIR BSRUNG BA ZHES BYA BA LA SOGS PA GSUNGS TE, BSRUNG BA'I DON DU DANG POR YONGS SU GZUNG BA NI KHA SBYAR LA SOGS PA'O, , SNGAGS RNAMS NI BSRUNG BA'I SNGAGS SO, ,LHA RNAMS NI SRUNG BAR BYED PA'I LHA RNAMS SO, ,DE RNAMS RANG GI SNYING GA LAS BYUNG BA'I RDO RJE LCAGS KYU PHYAG NA BSNAMS PA'I LHA RNAMS KYIS BKUG PA RNAMS G-YON LOGS SU GZHAG STE, BDUD RTZI THAB SBYOR GYI PHUR BUS K'A YA B'A GA TZITTA BADZRA ZHES BYA BA BTON LA, CHE GE MO'I RAKshA SAm PU TA DIm RAKshA MANTRA DE BA TA SHU ZHES BYA BA BCUG LA, AOm GHA GHA ZHES BYA BA LA SOGS PA'I SNGAGS BRJOD CING BSNUN PAR BYA'O, ,DAM TSIG NI TING NGE 'DZIN TO, ,RDO RJE PHUNG POS ZHES BYA BA NI BSGRUB PAR BYA BA'I LUS LA'O, ,DKYIL 'KHOR ZHES BYA BA NI 'DUS PA'I DKYIL 'KHOR GYI RNAM PAS SO, ,BSAD BDAG NYID GTOGS ZHES BYA BA NI BSGRUB PAR BYA BA'I NYES PA BSGRAGS PA DANG, DE LA KHROS NAS KHRO BO'I GZUGS SU BYAS TE, DE BSAD NAS BSAD PA'I 'OG TU BDAG NYID GTOGS TE, RANG GI DKYIL 'KHOR DU BYON NAS ZHUGS PAR BSAM PAR BYA'O, ,STON PA

38a

, ,SANGS RGYAS ZHES BYA BA LA SOGS PA LA, GAL TE BSGRUB PAR BYA BA SANGS RGYAS LA SOGS PAR GYUR BA DE LTA NA YANG CHO GA 'DIS 'CHI BAR 'GYUR RO ZHES LA DOR BA GSUNGS PA YIN NO, ,RDO RJE CHEN PO'I DAM TSIG NI JI SKAD DU GSUNGS PA'I BSAM GTAN NO, ,DES GDUG PA'I LAS CAN GYI KHRO BO LA DE SKAD CES BYA'O, ,DE STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA'O, ,CHO GA 'DI DAG THAMS CAD NI SNGAGS GZHAN DAG DANG YANG GDUG PA'I LAS RNAMS LA SBYAR BAR BYA'O, ,BDUD RTZI THAB SBYOR GYI RTOG PA'O, ,YID BZHIN GYI NOR BU'I RANG BZHIN CAN GYI SANGS RGYAS THAMS CAD GCIG TU GYUR PA'I PHYIR THUB PA CHEN PO'O, ,DON YOD PA'I RANG BZHIN NYID KYI THAMS CAD DU RTOG PA SPROS PA'I PHYIR RDZOGS SANGS RGYAS SO, ,LHAG MA NI SNGA MA BZHIN NO, ,LAS PHRAN TSEGS KYI DNGOS GRUB NI YE SHES RDO RJE'O, ,DE STON PAR MDZAD PA LA YANG DE SKAD CES BYA'O, ,DE LA BKA' STZAL PA YANG RDZOGS PAR SANGS RGYAS PA NYID KYI PHYIR RO, ,RDO RGYUS KYI SPRUL LA SOGS PA LAS, SPRUL LA SOGS PA'I BYA BA 'BYUNG BA'I THE TSOM BSAL BA'I PHYIR, AE MA'O ZHES BYA BA LA SOGS PA GSUNGS TE, NGO BO NYID KYIS DAG PA NI RANG BZHIN GYIS KUN NAS DAG PA'O, ,RDO RJE'I THEG PA ZHES BYA BA NI THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA DE RNAMS BSDUS PA NI THABS DANG SHES RAB YIN ZHING DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA DE NYID NI RDO RJE YIN NO, ,RDO RJE YANG DE YIN LA THEG PA YANG YIN PAS NA RDO RJE THEG PA STE, SNAGS KYI THEG PA ZHES BYA BA'I DON TO, ,BLA NA MED CES BYA BA NI THEG PA THAMS CAD KYI MCHOG NYID DU GYUR PA'I PHYIR RO, ,DE CI'I PHYIR ZHE NA, MA SKYES PA'I ZHES BYA BA LA SOGS PA GSUNGS TE, GZHAN DU NA RDO RGYUS KYI SPRUL LA SOGS PA LAS GDUG PA'I SPRUL LA SOGS PA'I LAS RNAMS MA SKYES PA RNAMS DE LAS GANG GI PHYIR RGYAL BA BDEN PA GSUNGS PA RNAMS KYIS SKYE BA BSTAN PA'I PHYIR TE, RDO RJE THEG PA CHEN PO 'DI'I CHE BA'I BDAG NYID YIN PAS NA, ,'DI NI THE TSOM GYI GNAS MA YIN NO ZHES BYA BAR

38b

DGONGS SO, ,RDO RGYUS DAG CES BYA BA LA SOGS PA LA KHRO BO'I LHA NYID KYI SBYOR BA DANG LDAN PAS RDO RGYUS DANG DUR KHROD KYI SOL BA DAG LA YI GE KHAm BRGYA RTZA BRGYAD KYIS MNGON PAR BSNGAGS PA BYAS NAS DE DAG GIS JI SKAD GSUNGS PA'I SPRUL NAG PO BRI BAR BYA'O, ,DUG BSAM ZHES BYA BA NI YI GE KHAm GIS SO; ,CI 'DRA BA ZHIG CE NA, MI BZAD PAR NI GYUR BA YI, ,SREG PA'I ME YI KHA DOG BZHIN, ,BSGOMS NA ZHES BYA BA NI DE LTAR BSGOMS NA'O, ,'GUL BAR GDON MI ZA ZHES BYA BA NI YI GE KHAm NYID KYIS BSGRUB PAR BYA BA LA 'DZIN PA'I PHYIR BSKUL NA GNAS LAS 'GRO BAR 'GYUR RO ZHES BYA BA'I DON TO; ,DE YIS ZHES BYA BA NI SPRUL GYI KHAR BSGOMS PA'I YI GE HR'I'I 'OD ZER GYI LCAGS KYUS SPRUL GYI KHAR 'BAB PAR 'GYUR BA'O, ,REG MA THAG TU ZHES BYA BA NI GAL TE REG NA'O, ,DE LTA MA YIN NA NI CHE GE MO BHAKshA YA KHAm ZHES BYA BA'I BSKUL BA'I TSIG DES BSGRUB PAR BYA BA'I DPRAL BAR SOS 'DZIN PAR BSAM PAR BYA'O, ,DE YIS 'DI 'DZIN PA DANG 'CHI BA NI SNGA MA BZHIN NO, ,SDIG PA ZHES BYA BA LA SOGS PA LA RAB TU ZHES BYA BA NI BSKYED PAR BYA BA'O, ,JI LTAR BYA ZHE NA, CHO GA BZHIN DU STE YI GE KHAm GIS MNGON PAR BSNGAGS PA'I TSON GYIS BRIS PA BZHIN NO, ,DE BZHIN DU SBYOR BA 'BYUNG BA'I MTSAN NYID GANG YIN PA STE, ,DE DAG GIS DUG BSKYED PA DANG DUG GTONG BA DANG, DUG DGUG PA LA SOGS PA NI SNGA MA BZHIN NO, ,LTA BA ZHES BYA BA LA SOGS PA RDO RJE NI MCHE BA'O, ,SOGS PA'I SGRAS NI GNAS PA'I DUG RNAMS SO, ,GZHAN YANG DUG CES BYA BA NI SBYOR BA RNAMS SO, ,YE SHES RDO RJE ZHES BYA BA NI RNAM PAR SNANG MDZAD DKAR PO'I RNAL 'BYOR BYAS LA, LAG PA G-YAS PAR AOm LAS BYUNG BA'I 'KHOR LO'I LTE BAR AOm GNAS PA 'OD ZER DKAR PO'I PHRENG BA CAN BSAM PAR BYA BA DE NI 'DIR YE SHES RDO RJE STE, DE BYABS PA LAS DUG DRANGS NAS NAM MKHA' LA SPRO BAR BYA'O, ,DE BZHIN DU BU RAM GYI KHAM PHOR LA SOGS PAR BYA'O, ,DUG GI DAM TSIG RDO RJE NI DUG SPRO BA BSTAN PA'O, ,DE STON PAR MDZAD PA NYID KYI PHYIR DE SKAD CES BYA'O, ,GSO BA'I RDO RJE NI GSO BAR BSTAN PA'O, ,DE'I DON GYI SNYING PO NI YI GE H'Um DKAR PO'O, ,SNYING PO 'DI ZHES BYA BA NI MI BSKYOD PA DKAR PO'I RNAL 'BYOR RAM, RDO RJE SEMS

39a

, ,DPA'I RNAL 'BYOR BYAS NAS SNYING GA'I ZLA BAR SA BON DE NYID KYI LAS RDO RJE RTZE LNGA PA DKAR PO DE'I LTE BAR RNAM PAR BSAM PAR BYA'O, ,DE NAS DE'I 'OD ZER DKAR PO BSIL BA'I TSOGS KYIS BSGRUB PAR BYA BA'I LUS LA KHYAB PAR BYAS LA, DUG KHA DOG NAG PO DE DE'I SNYING GA DANG LKOG MA DANG, DPRAL BA DANG MGO BOR BSDUS LA LANGS PAR ZHES BYA BA LAN GNYIS LAN GSUM BSAM PAR BYA'O, ,DE NAS THAMS CAD SNYING GAR BSDUS PA THAMS CAD SKUG PA NYID DU BSGRUB PAR BYA BA LA BSAM PAR BYA'O, ,GANG GZHAN NAD DU ZHES BYA BA NI SHU BA DANG, ,'BRUM BU LA SOGS PA'O, ,PADMA CHEN PO ZHES BYA BA NI 'OD DPAG TU MED PA DKAR PO'I SBYOR BA DANG LDAN PAS A'A: DKAR PO LAS BYUNG BA'I PADMA DKAR PO'O, ,DE'I ZHES BYA BA NI LAG PA G-YAS PA'I MTHIL GYI'O, ,SDUD PA NA NI ZHES BYA BA NI BYABS PA'I SKAD CIG LA NAD PA LA ZHUGS PA'I 'OD ZER RNAMS RGYAS PAR BYAS NAS BSDUS PA NA NI'O, ,DAM TSIG GNAG CES BYA BA LA DAM TSIG NI 'OD ZER GYI TSOGS SO, ,DE'I NAG PO NI DUG BSDUS PA'I PHYIR TE BSAM PA ZHES BYA BAR SBYAR RO, ,BSKUL BA NA NI ZHES BYA BA NI KHU TSUR PHYI ROL DU BKROL BAS DUG THAG RING BAR DRANG BA NA'O, ,DKAR PO DANG 'DRA ZHES BYA BA NI DUG LAS NGES PAR THAR PA NYID KYI PHYIR RO, ,GZHAN DAG NA RE DE'I ZHES BYA BA NI NAD GNAS SU BSDU BA'I SNGAGS KYI'O, ,BSKUL BA NA NI PHYOGS SU 'OD ZER SPRO BA'I PHYIR ZHES 'CHAD DO, ,GSANG BA NI PADMA'I DON GYIS SO, ,GSANG CHEN NI YI GE A'A: DE NYID KYIS SO, ,YE SHES DRI MED NI 'OD ZER GYI LAS KYIS SO, ,PHYI'I NAD NI RIMS LA SOGS PA'O, ,NANG GI NAD NI SDIG PA LA SOGS PA'O, ,NANG RNAMS GSO BA RDO RJE'I DON DANG SNYING PO LA SOGS PA'I DON NI SNGAR DANG 'DRA'O, ,'DOD PA NI SNGAGS PA STE PHUL DU BYUNG BA'I YUL YIN PA'I PHYIR RO, ,DAD PA NI GUS PA'O, ,DE'I YON TAN NI KHYAD PAR CAN NO, ,DE THOB PAR 'GYUR BA NI DE'I YUL CAN YIN PA'I PHYIR RO, ,YI GE'I TSIG CES BYA BA LA, ,SNGAGS DE RNAMS KYI 'BRAS BU RNAM PAR RNAM PAR SNANG MDZAD LA SOGS PA'I GZUGS SO, ,DE 'DRA BA'I GZUGS NI ZHES BYA BA LA BDAG NYID KYI GZUGS NI DE RNAMS KYI GZUGS KHRO BO THAMS CAD GNAG PA'I 'BAR BA'I PHRENG BA

39b

'KHRIGS PA'O, ,NAD KYI RGYU'I SDIG PA NI NAD DE DE BSKUL BA NI BSGRUB PAR BYA BA'I LTE BA LA BSAMS PA'I 'DZIN DZIK LA SOGS PA'I SNGAGS KYI 'OD ZER 'BAR BA RNAMS KYIS BSGRUB PAR BYA BA'I LUS DANG, NGAG DANG YID KHYAB PA RNAMS KYIS BKANG BA STE, DE RGYUR GYUR PA RNAMS KYIS SO, ,GANG DU BSKUL BAS SHE NA, RANG GI LUS NGAG SEMS GNAS LAS TE, BSGRUB PAR BYA BA'I LUS LA SOGS PA NYID NI SDIG PA'I GNAS YIN LA DE LAS DE RNAMS KYIS SO, ,DE'I LUS LA SOGS PAR GTOGS PA'I SDIG PA NAG PO YI GE KAm GIS DE'I SNYING GAR BSDUS PA NI DAM TSIG KYANG YIN LA DE BYUNG BA YANG DE NYID YIN NO, ,DE NAS LTE BA YAN CHAD DU 'OD ZER 'BAR BA'I SNGAGS KYIS RIM GYIS BTEG CING YI GE KHAm YANG SNYING GA LAS GONG BUR BYUNG STE, RANG GI LHA'I RNAM PA THAMS CAD DKAR POR YONGS SU GYUR PA'I RANG GI SNGAGS SNYING GAR PHYIN NAS GNAS PA LA YI GE KHAm YANG SNA RTZE LAS BYUNG BA NYID NA GNAG CING MI SDUG PA'I SPRE'U LA SOGS PA'I RNAM PAR YONGS SU GYUR NAS BYUNG BAR BSAM PAR BYA'O, ,SPRE'U DANG 'DRA BAR YONGS SU GYUR PA'I DAM TSIG LA DE SKAD CES BYA ZHING, KHYI DANG 'DRA BAR GYUR PA'I BYUNG BA'I DE LA'ANG DE SKAD CES BYA'O, ,DE BYUNG BA BDAG TU RNAM PAR BSAM PA NI RNAM PAR BRTAG PAR BYA'O, ,YANG NA ZHES BYA BA GSUNGS PA'I PHYIR GNAG CING MI SDUG PA GCER BU YI DAGS KYI GZUGS SU YONGS SU GYUR PA'ANG RUNG, ,'KHOR LO'AM ZHES BYA BA NI RNAM PA SNANG MDZAD KYI PHYAG TU'O, ,RDO RJE'ANG RUNG ZHES BYA BA NI MI BSKYOD PA DANG 'OD DPAG TU MED PA DAG LA'O, ,BSGOMS NAS ZHES BYA BA NI 'BAR BA RNAM PAR BSAMS NA SO, ,RDO RJE GO 'PHANG NI SKU RDO RJE LA SOGS PA'I NGA RGYAL TE DE'I GNAS SO, ,LUS LA SOGS PA'I TSOGS NI LUS DANG NGAG SEMS DAM TSIG RNAMS SO, ,DES NI ZHES BYA BA NI 'KHOR LO LA SOGS PAS NI'O, ,RAB TU RTZOL ZHES BYA BA NI BSGRUB PAR BYA PA'I NAD NYE BAR ZHI BAR BYA BA'I PHYIR RO, ,SANGS RGYAS SPRIN DAG CES BYA BA NI PHYOGS RNAMS NAS LHAGS TE, SKU LA SOGS PAR ZHUGS NAS GNAS PA DAG GO, ,RDO RJE RNAMS KYI RGYAL PO NI RDO RJE SEMS DPA' STE DE'I SPRIN BSAM PAR BYA'O, ,BSGOM PAR BYA ZHES BYA BA NI DE LTAR BSGOMS PAS SO, ,SANGS

40a

, ,RGYAS ZHES BYA BA NI SANGS RGYAS RNAMS SO, ,KHROS PAR ZHES BYA BA LA NI'I SGRAS NI BSNUN PAR NI'O, ,DE LA ZHES BYA BA NI SPRE'U LA SOGS PA DANG 'DRA BAR BYUNG BA'I NAD LA'O, ,NAD KYI RIGS LAS SKYES PAR GANG GRAGS PA DE YANG 'JIG PAR 'GYUR RO, ,BRGYA RTZA BRGYAD PA NI BRGYA DANG BRGYAD BZLAS PA STA DE'I SBYOR BAS YIN GYI BSAM GTAN YAN GAR BAS KYANG MA YIN NO, ,YANG NA ZHES BYA BA NI PHYOGS GZHAN NO, ,BDAG GI SNGAGS RGYAL GYIS ZHES BYA BA NI RANG GI 'DOD PA'I LHA DANG TING NGE 'DZIN DANG SNGAGS KYIS SO, ,RDO RJE'I BSAM GTAN NI BSHAD MA THAG PA'I BSAM GTAN NO; ,DAM TSIG NI TING NGE 'DZIN TO, ,LAS KYI DNGOS GRUB PHRA MO'O, ,DE DE LTAR NA DNGOS GRUB MCHOG DANG DMAN PA GSUNGS NAS DNGOS GRUB PHRA MO RNAMS KYANG GSUNGS PA YIN TE, ,DNGOS GRU TU MTSUNGS PA'I PHYIR RO, ,DA NI TSOGS KYI LAM LA GNAS PA'I RNAL 'BYOR PAS BZLAS PA DANG BSGOM PA LA BRTZON PA RNAMS KYIS NI DNGOS GRUB KYI MTSAN MA'I RMI LAM DAG MTHONG BAR 'GYUR LA, ,MTHONG NAS KYANG SNGON DU BSNYEN PA LA 'JUG PAR 'GYUR BA GANG YIN PA DE BSTAN PA'I SKABS DBYE BA'I PHYIR DE NAS ZHES BYA BA LA SOGS PA GSUNGS TE, 'DOD DANG THAR PA NI THABS GSUM PA'I 'BRAS BU'O, , RDO RJE CHE NI RNAM PAR SNANG MDZAD LA SOGS PA DANG 'DRA BA'I SKU LA SOGS PA STE, DNGOS GRUB DMAN PA RNAMS ZHES BYA BA'I DON TO, ,DE DAG RGYAS PAR BSHAD MA THAG PA'I TSUL DU STON PAR MDZAD PA'I BCOM LDAN 'DAS LA, 'DOD DANG THAR PA RDO RJE TSES, ,ZHES BYA'O, ,DNGOS GRUB RNAM PA GNYIS PO DE NYID NI YE SHES YIN LA, DE 'DREN PAR MDZAD PAS NA YE SHES KYI KYO BA YANG DE YIN LA, DNGOS GRUB KYI MTSAN NYID YIN PA'I PHYIR RMI LAM CHEN POR SNANG BA'I 'OD PO CHE YANG YIN PAS NA DE SKAD CES BYA'O, ,DE DE MA THAG TU STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA'O, , DE LA RANG BZHIN GYIS SLU BA'I RMI LAM LA YONGS SU STON ZHE NA, ,'GA' ZHIG THE TSOM DU GYUR BA DE BSAL BA'I PHYIR CHOS RNAMS ZHES BYA BA LA SOGS PA GSUNGS TE, GNYIS MED KYANG GNYIS SU SNANG BAS BSLAD PA'I RNAM PAR RIG PA TZAM GYIS LUS CAN GZHAN GYI DBANG GI MTSAN NYID CAN GYI

40b

CHOS RNAMS THAMS CAD NI RMI LAM LTA BU'O, ,KUN DU BRTAGS PA NYID YIN PA'I PHYIR SKYE BA DANG BRAL BA'I RANG BZHIN GYIS BZUNG BA DANG 'DZIN PA'I MTSAN NYID CAN GANG YIN PA DE DANG LDAN PA'I PHYIR NGO BO NYID KYIS MA SKYES SHING NGO, ,GNYIS KYI RANG BZHIN DE DAG NYID KYIS DAG PA STE, ,STONG PA DE NYID 'DI DAG LA YOD PAS NA DE SKAD CES BYA STE, ,DE DAG NI GNYIS KYIS STONG PA'I YONGS SU GRUB PA'I RANG BZHIN NO ZHES BYA BA'I DON TO, ,AE MA'O DE LTA BU'I RNAM PA CAN GYIS NI CHOS THAMS CAD NI JI LTAR RMI LAM GYI LA YID BRTAN DU MED PA DE BZHIN DU GZHAN DAG TU YANG 'KHRUL BA TZAM YIN NO; ,'ON KYANG 'KHRUL BA'I RDO RJE RAB TU GSUNGS TE, BAG CHAGS BRTAN POS SHIN TU BRTAN PAR GYUR PA NI 'KHRUL PA'I RDO RJE YIN LA, DE NYID DON BYED PA LA MI SLU BA'I PHYIR 'JIG RTEN GYI THA SNYAD KYI TSUL DU GSUNGS PA NI TSAD MAR BRJOD DE, JI LTAR YUL DANG DUS DANG RNAM PA THA DAD PA YIN NA YANG, CHU ZLA DANG NI RMI LAM BDEN PA DANG NAGS TSAL STUG PO LA SOGS PA'I 'KHRUL PA NI 'KHRUL PA'I RDO RJE YIN PA DE BZHIN DU DNGOS GRUB KYI MTSAN MA'I RMI LAM DE DAG KYANG YIN PA'I PHYIR, 'DI LA SOM NYI BYA BAR RIGS PA MA YIN NO ZHES BYA BAR DGONGS SO, ,BSAM GTAN ZHES BYA BA LA SOGS PA LA TSIGS SU BCAD PA 'DIS NI BSTAN PA'O, ,BSAM GTAN BZLAS PA'I DON NI DMIGS PA'O, ,DE LA BRTZON PA NI SEMS BRTAN PAR GYUR PA CAN NO, ,YANG NA BSAM GTAN BZLAS PA'I DON NI 'BRAS BU YIN TE, ,DNGOS GRUB RNAM PA GNYIS SO, ,DE NI MTHONG BA DE LAS GZHAN PA GANG YIN BDE LA DE SKAD CES BYA'O, ,DE YANG DBYE BA MTHONG ZHES BYA BA STE DNGOS GRUB KYI DBYE BA'O, ,RNAM PA GNYIS NI BDAG NYID LA SANGS RGYAS LA SOGS PA'I GZUGS SU MTHONG BA NI DNGOS GRUB MCHOG YIN LA GZHAN MTHONG BA NI DNGOS GRUB DMAN PA YIN NO ZHES BYA BA'I DON TO, ,DE LA ZHES BYA BA NI, DE DAG GI NANG NAS SO, ,RMI LAM GYI DAM TSIG GI GNAS NYID NI RTOGS PA'I MTSAN MA YIN LA, ,DE DANG DE'I DNGOS GRUB MCHOG GI YUL NYID YIN PA'I PHYIR CHEN PO YANG YIN PAS NA, ,RMI LAM CHEN PO'I DAM TSIG GI GNAS SO, ,BYANG CHUB NYID YE SHES KYI MCHOG YIN LA DE THOB PAS BDAG

41a

, ,NYID CES BYA BAR SBYAR RO, ,SANGS RGYAS 'OD NI BZANG POR ZHES BYA BA NI RAB TU GRAGS PA'I SANGS RGYAS KYI SKU MDOG DANG MTSAN DANG DPE BYAD RNAMS KYIS RNAM PAR MDZES PA'O, ,SANGS RGYAS RDZOGS LONGS SPYOD PA'I SKU YANG ZHES BYA BA NI YONGS SU DAG PA'I SANGS RGYAS KYI ZHING DU GTZO BO 'BA' ZHIG TU'O, ,MCHOD PAR BYED PA ZHES BYA BA NI BDAG NYID LA'O, ,GZUGS DANG, SANGS RGYAS BYANG CHUB SEMS DPA' YIS, ,MCHOD PA BYAS PAR ZHES BYA BA NI RANG GI GZUGS LA'O, ,YE SHES CHEN PO NI SKU RDO RJE LA'O, ,RDO RJE SEMS DPA' NI THUGS RDO RJE LA'O, ,RDO RJE CHOS NI GSUNG RDO RJE LA'O, ,SKU RDO RJE LA SOGS PA'I DNGOS GRUB LA NGES PA NYID KYI PHYIR NA GSANG BA'O, ,RDO RJE YANG DE YIN LA BSOD NAMS MDZAD PA NYID KYI PHYIR GRAGS PA CHEN PO YANG YIN PAS NA'O, ,RDO RJE CAN ZHES BYA BA NI RDO RJE 'CHANG BA'O, ,GZUGS ZHES BYA BA NI RANG GI LUS SO, ,'DI 'DRA BA ZHES BYA BA NI SANGS RGYAS DANG BYANG CHUB SEMS DPA' RNAMS KYIS PHYAG BYAS PAR GYUR BA'O, ,SKU GSUNG THUGS KYI DNGOS GRUB NI RNAM PAR DAG PA'I MTHAR THUG PA'O, ,DE NI RDO RJE 'DZIN PA'I MTSAN NYID DE LAS SKYE BA STE, RIG PA CHEN PO'I SKYES BU GZUGS SU GYUR TO ZHES BYA BA'I DON TO, , LHA RNAMS KYI BU MO DANG KHYE'U DANG BU MO DAG YID DU 'ONG BA DE RNAMS KYANG MNGON DU PHYOGS PAR GYUR BA'AM, NYE BAR GNAS PA'AM GANG NA GNAS PAR MTHONG NA'O, ,CHOS KYI 'KHOR LOS SGYUR BA'I ZHES BYA BA NI CHOS STON PA'I PHYIR RO, ,BSAM GTAN RDO RJE NI TING NGE 'DZIN GYI RDO RJE'O, ,DE LA GNAS PA NI SEMS BRTAN PAR GYUR BA'O, ,DE NYID KYIS NA DE LAS BYUNG BA'I PHYIR DAM TSIG SBYOR BA YANG DE LTAR MTHONG BAR 'GYUR RO, ,DBANG BSKUR BA ZHES BYA BA NI 'DIR BDAG NYID CES BYA BA NI LHAG MA STE BSAM GTAN DAM TSIG CAN DAG GIS ZHES BYA BAR SBYAR RO, ,DE BZHIN DU MCHOD PA BYAS PA YANG ZHES BYA BA 'DIR YANG NGO ZHE'O ZHES BYA BA NI DNGOS GRUB KYI MCHOG GI MTSAN MA YONGS SU RDZOGS ZHES BYA BA'I DON TO, ,YANG GSUNGS PA ZHES BYA BA NI DNGOS GRUB DMAN PA'I MTSAN MA'I TSIGS SU BCAD PA 'OG MA GNYIS SO, ,RDO RJE LAS BYUNG ZHES BYA BA LA, RDO RJE NI BYANG CHUB KYI SEMS SO, ,'DIR NI DE THOB PA CAN GYI BYANG CHUB

41b

SEMS DPA' NYID LA RDO RJE ZHES BSHAD DO, ,DE YANG DAG PAR 'BYUNG BA NI YANG DAG PAR SKYES PA'O, ,SNA TSOGS PA'I ZHES BYA BA NI BDAG NYID BYANG CHUB SEMS DPAR GYUR PA'AM, BYANG CHUB SEMS DPA'I MDZAD PA CHEN PO LA 'JUG PAR GYUR PA'AM, GZHAN SANGS RGYAS DANG BYANG CHUB SEMS DPA' MNGON SUM DU GYUR PA'AM, BU MO DANG KHYE'U YID DU 'ONG BA'AM, DE LTA BU'I RIGS GZHAN 'GA' ZHIG MTHONG NAS ZHES BYA BA'I DON TO, ,DRI MA MED CES BYA BA NI BSNGAGS PA'O, ,BLA NA MED PAR ZHES BYA BA NI GONG NA MED PA NYID DE DGAG PA DANG 'DRA BA DANG LDAN PA'I RIGS PAS 'JIG RTEN LAS 'DAS PA'I SANGS RGYAS DANG BYANG CHUB SEMS DPA' DANG 'DRA BA ZHES BYA BA'I DON YIN GYI RNAM PA THAMS CAD DU NI MA YIN NO, ,'O NA CI YIN ZHE NA, SKU GSUNG THUGS KYI RDO RJE LAS SKYES PA STE, SKU'I RDO RJE'AM, GSUNG GI RDO RJE'AM, THUGS KYI RDO RJE'I SKU DANG GSUNG DANG THUGS RDO RJE LAS SKYES PA'O, ,GDOL BA ZHES BYA BA LA SOGS PA LA GANG GI TSE GDOL BA MO'AM KHYI MO'AM RGOD MA LA SOGS PA RNAMS DANG, BDAG NYID SBYOR BAS RDO RJE SLOB DPON TE, BRTAG PA'I BLOS MTHONG BAR GYUR PA DE'I TSE THUGS KYI GSANG BA 'GRUB PAR 'GYUR RO, ,MI BSKYOD PA NI BLO LDAN MI BSKYOD PA'I ZHES BYA BA GANG YIN PA NI TSIGS SU BCAD PA'I DON YIN NO, ,DNGOS GRUB KYI MTSAN MA RNAMS SO, ,JI LTAR DNGOS GRUB KYI MTSAN MA'I RMI LAM RNAMS BSGOMS PA'I STOBS LAS MA BSAMS PAR 'BYUNG BA DE BZHIN DU DNGOS GRUB RNAMS KYANG YIN NO ZHES NGES PAR BYA BA'I PHYIR DNGOS GRUB NYE BA'I CHED DU RMI LAM GYI MTSAN MA MTHONG BA RNAMS KYIS RMI LAM BRTAG PAR BYA BA YIN PA DE'I PHYIR, DE LA ZHES BYA BA LA SOGS PA GSUNGS PA LA DE LA ZHES BYA BA NI RMI LAM GYI MTSAN MA DE MTHONG BA YOD NA'O, ,RMI LAM GYI RNAM PAR DPYAD PA NI CHOS THAMS CAD MNYAM PA NYID KYI YE SHES KYIS RMI LAM RNAM PAR DPYAD PAR BYA STE, SEMS LA DMIGS SO, ,DE'I SNYING PO NI SNYING PO BSDUS PA STE NAM MKHA' RDO RJE'O, ,'DI NI ZHES PA 'CHAD PAR 'GYUR BA'I TSIGS SU BCAD PA'I DON GYI TSUL LO, ,DE NYID NI RANG SEMS ZHES BYA BA LA SOGS PA GSUNGS TE, DON NI 'DI NA

42a

, ,BYANG CHUB SEMS DPA' RMI LAM MTHONG NA RMI LAM DE NYID LA MNYAM PAR GZHAG PA'I SEMS RAB TU 'JOG STE RNAM PAR DPYOD PAR BYED DO, ,RMI LAM 'DI LA NI GZUNG BAR BYA BA'I DON CI YANG MED LA GZUNG BAR BYA BA MED PAS 'DZIN PA YANG MED DO, ,'ON KYANG GNYIS MED PA LA GNYIS SU SNANG BA'I SEMS TZAM 'DI NI 'KHRUL BA TZAM YIN TE, RMI LAM 'DI JI LTA BA BZHIN DU YANG DAG PA MA YIN PA'I KUN DU RTOG PA SEMS TZAM GYI LUS CAN GYI CHOS THAMS CAD GNYIS SU MED PA LA GNYIS SU SNANG BA YIN NO ZHES BYA BA 'DI YIN NO, ,DE LTAR NA RMI LAM LTA BU NYID YIN PA'I PHYIR CHOS THAMS CAD NI SEMS TZAM NYID YIN PA DE LTAR DE RNAMS SEMS SU DMIGS PA STE, YANG DAG PA LA SO SOR RTOG PA GANG YIN PA 'DI NI SEMS LA DMIGS PA ZHES BYA BAR BRJOD DO, ,'DI LA CHOS RNAMS THAMS CAD RAB TU GNAS PA STE RANG GI SEMS SNANG BA YIN NO ZHES BYA BA NI LHAG MA STE, GZUGS DANG TSER BA LA SOGS PA'I CHOS SNANG BA GANG YIN PA DE THAMS CAD GZUGS DANG TSOR BA LA SOGS PA'I RNAM PA CAN GYI RANG GI SEMS NYID YIN GYI SEMS LAS PHYI ROL DU GYUR PA'I SEMS KYIS GZUNG BAR BYA BA'I DON MA YIN PA DE LTAR NI DE RNAMS SEMS SU DMIGS PA LA YANG DAG PA JI LTA BA BZHIN DU SNANG NGO ZHES BYA BA'I DON TO, ,DE'I 'OG TU GZUNG BA MED PAS 'DZIN PA YANG YOD PA MA YIN PA DE LTAR NA GNYIS SU MED PA'I PHYIR GNYIS SU MED PAR SNANG BA TZAM GYI MTSAN NYID CAN GNYIS KYIS STONG PA NYID KYI CHOS THAMS CAD RO GCIG PA GNYIS SU SNANG BA'I 'KHRUL PA'I RGYU MTSAN YONGS SU SPANGS NAS YANG DAG PA'I YID LA BYED PAS YID LA BYED PA DE NYID KYIS RJES SU 'GRO BA'I PHYIR LHUN GYIS GRUB PA MNGON PAR 'DU MI BYED PA SPROS PA'I MTSAN MAR SNANG BA THAMS CAD DANG BRAL BAS GNYIS KYIS STONG PA'I SPROS PA MED PA DE LA SEMS MNYAM PAR 'JOG GO, ,DE NI SPROS PA MED PA RNAM PAR MI RTOG PA 'JIG RTEN LAS 'DAS PA'I YE SHES DON DAM PA'I BYANG CHUB KYI SEMS YIN PAR BSHAD DO, ,DE NYID NI NAM MKHA' RDO RJE STE, CHOS THAMS CAD NAM MKHA' DANG 'DRA BAR MTHONG BA'I PHYIR NAM MKHA' YANG DE YIN LA, BYANG CHUB KYI SEMS NYID YIN PA'I PHYIR, RDO RJE YANG YIN PA DE

42b

LTAR NA NAM MKHA' RDO RJE'O, ,NAM MKHA' RDO RJE'I GNAS ZHES BYA BA LA NI'I SGRA NI YANG GI DON TE, NAM MKHA'I RDO RJE LA YANG CHOS RNAMS THAMS CAD RAB TU GNAS PA'O, ,CHOS MED CHOS NYID MED PA STE, RE ZHIG CHOS KYI TSUL DU SNANG BA MA YIN TE, CHOS THAMS CAD KYI RGYU MTSAN NUB PA NA DE LA STONG PA NYID TZAM DU SNANG BA'I PHYIR RO, ,CHOS NYID KYI TSUL DU YANG MA YIN TE, LTUNG BA'I CHOS CAN RGYA SHUG GI 'BRAS BU KHAR GZHONG GIS RTEN PAR BYED PA NA DE RNAMS KYI RTEN DU GYUR BA YIN LA, STONG PA NYID NI RTAG PA NYID YIN PA'I PHYIR RNAM PA JI LTAR YANG BYA BA MA YIN PA DE BAS NA 'DI'I NI 'GA' ZHIG GI YANG BRTEN PA MA YIN PA DE LTAR NA 'DI NI 'GA' ZHIG GI YANG CHOS NYID MA YIN NO, ,CHOS RNAMS KYI NI STONG PA NYID CHOS NYID YIN NO ZHES GSUNGS PA GANG YIN PA DE LA DON NI 'DI'I RANG BZHIN ZHES BYA BA YIN GYI, BRTEN PA'I YON TAN NI MA YIN NO ZHES BYA BA'I DON TO, , DE NAS ZHES BYA BA LA SOGS PA LA NGO MTSAR DU GYUR BA NI CHOS RNAMS RANG BZHIN MED PA LA'O, ,RMAD DU GYUR PA NI NAM MKHA'I RDO RJES NAM MKHA' RDO RJE MTHONG BA LA'O, ,SKU DANG GSUNG DANG THUGS NI CHOS THAMS CAD DO, ,DE RNAMS KYI DAM TSIG NI YANG DAG PA'I DE KHO NA NYID DANG YANG DAG PAR RTOGS PA ZHES BYA BA'I DON TO, ,DE DAG GI THE TSOM NI DE BZHIN GSHEGS PA THAMS CAD KYI STE DE GCOD PA'O, NGO MTSAR DANG RMAD DU GYUR BA NI THE TSOM LAS GYUR PA YIN PA DE'I PHYIR ZHUS PA NI BCOM LDAN 'DAS ZHES BYA BA LA SOGS PA YIN TE, DON NI CHOS RNAMS NGO BO MED PA LA, CHOS KYI DE NYID KUN BSHAD PA GANG YIN PA DE DANG DE NI NGO MTSAR YIN TE, RANG BZHIN MED PAR MA GRUB PA'I PHYIR RO ZHES BYA BAR DGONGS SO, ,NGO MTSAR LAS BYUNG BA NAM MKHA' LA NI NAM MKHA' BSGOM ZHES BYA BA NI NAM MKHA' RDO RJES NAM MKHA' BSGOM PA NI SHIN TU NGO MTSAR DANG LDAN PA'O, , GANG GI TSE RANG GI SEMS NYID CHOS THAMS CAD YIN PA DE'I TSE SNA TSOGS PA NYID YIN NA CI'I PHYIR NAM MKHA'I RDO RJE YIN, 'ON TE RANG GI SEMS NYID NAM MKHA'I RDO RJE NYID YIN PA DE'I TSE SNA TSOGS PA NYID MED PA YIN PAS NA JI LTAR NA DE NYID CHOS THAMS CAD YIN, 'ON TE NAM MKHA'I RDO RJE NYID CHOS

43a

, ,THAMS CAD DU 'GYUR BA DE LTA NA YANG NAM MKHA'I RDO RJES NAM MKHA'I RDO RJE NYID RIG PAR BYA BA YIN NO ZHES BYA BA NI RIGS PA MA YIN TE, RANG NYID LA BYED PA 'GAL BA'I PHYIR RAL GRI'I SO RNON POS KYANG RAL GRI'I SO RNON PO DE NYID GCOD PAR MI BYED PA LTA BU'O, ,DE BZHIN DU NAM MKHA' RDO RJE RNAM PA MED PA YIN NA YANG DE JI LTAR DE BZHIN NYID LA DMIGS PA CAN YIN, DE LA DMIGS PA CAN YIN NA YANG NGA NI THAMS CAD DU GTOGS PA DANG, THAMS CAD KYI RJES SU LTA BA YIN NO ZHES RNAM PAR RTOG PAR THAL BAR 'GYUR RO ZHE NA, DE LA RE ZHIG DANG POR SHIN TU NGO MTSAR DU GYUR BA NYID GSAL BA'I PHYIR DE NAS ZHES BYA BA LA SOGS PA GSUNGS PA LA, SKU DANG GSUNG DANG THUGS NI SKU LA SOGS PA RO GCIG PA'I BYANG CHUB KYI SEMS SO, ,DE NYID NI RDO RJE STE, DE GANG GI PHYAG NA BSNAMS PA DE LA DE SKAD CES BYA'O, ,CHOS ZHES BYA BA NI GZUGS CAN NO, ,MI LDAN TE ZHES BYA BA NI LDAN PA NYID DU RTAG TU MI SNANG BA STE, NAM MKHA' MTHA' YAS SKYE MCHED THOB PA RNAMS NI RNAM PA THAMS CAD DU GZUGS KYI 'DU SHES LAS 'DAS NAS NAM MKHA' MTHA' YAS TZAM DU SNANG BA'I PHYIR LDAN PA YANG MA YIN NO, ,MI LDAN PA YANG MA YIN TE ZHES BYA BA NI MI LDAN PA NYID RTAG TU SNANG BA MA YIN TE, GZUGS MTHONG BA RNAMS KYIS NAM MKHA' NYID LA GZUGS THAMS CAD MTHONG BA'I PHYIR RO, ,NAM MKHA' NI 'DI SNYAM DU YANG MI SEMS SO ZHES BYA BA NI NAM MKHA' LA RNAM PAR RTOG PA MED PA'I PHYIR RO ZHES BYA BAR DGONGS SO, ,'GRO ZHING RGYUN MI 'CHAD PAR MTHONG BA NI RJES SU LTA BA'O, ,DE DANG LDAN PAS NA RJES SU LTA BA CAN TE, NGA NI MTHA' YAS PA DANG 'BA' ZHIG TU MTHONG BAR BYA BA YIN NO ZHES BYA BA'I DON TO, ,DE BZHIN DU ZHES BYA BA NI GZUGS CAN GYI RDZAS DANG NAM MKHA'I TSUL DU'O, ,RMI LAM ZHES BYA BA NI RMI LAM LTA BUR SNANG BA'I PHYIR TE SEMS DE LA DMIGS PA NI SEMS TZAM YIN PA'I PHYIR RO, ,RMI LAM DANG MTSUNGS PA DE RNAMS KYI DAM TSIG NI RO GCIG PA'I YE SHES TE, NAM MKHA' RDO RJE'O, ,DE LAS BYUNG BA NI DER RO GCIG PAR GYUR BAS SNANG BAR SHES PAR BYA'O, ,DE 'DI SKAD DU SEMS PA LA DMIGS PA LAS CHOS THAMS CAD SEMS TZAM DU SHES PAR GYUR

43b

PA YIN NA YANG BLO 'KHRUL BA'I PHYIR RANG GI SEMS MTSAN NYID KYI RGYU MTSAN YANG DAG PA MA YIN PA DANG LDAN PA SNANG NGO, ,NAM MKHA' RDO RJE NI DE RNAMS DANG BRAL BA YIN TE, YID LA MI BYED PAS YONGS SU SPONG ZHING DE RNAMS NUB PAS YANG DAG PA LA SO SOR RTOG PA'I STOBS BSKYED PA'I PHYIR LHUN GYIS GRUB PA'I NAM MKHA'I RDO RJE SHIN TU 'KHRUL BA MED PAR SKYED PA'I PHYIR RO ZHES BSTAN PAR 'GYUR RO, ,DE BAS NA SEMS LA DMIGS PA LA SNA TSOGS PAR SNANG ZHING NAM MKHA' RDO RJE LA NI RO GCIG PA YIN PA DE LTAR NA 'DI 'GAL BA CI ZHIG YOD, SEMS JI LTA BUR GYUR PA SKYE BA DE LTA BUR GYUR PA NYID DU SNANG BA STE, GSAL BA'I MTSAN NYID CAN NYID YIN PA'I PHYIR RO, ,DE LTAR GSAL BAR GYUR PA NYID KYIS 'DI DE LTAR GYUR PA'I BDAG NYID DU RIG PA DE'I PHYIR JI LTAR 'DI NI DE LTAR GYUR PA 'BYUNG BA 'GAL BA MED PA DE BZHIN DU DE LTA BUR GYUR BA'I BDAG NYID RIG PA YANG YIN PA'I PHYIR RANG RIG PA LA YANG 'GAL BA YOD PA MA YIN NO, ,DGONGS PA NGES PAR 'GREL BA LAS KYANG BYAMS PAS GSOL BA, BCOM LDAN 'DAS TING NGE 'DZIN GYI SPYOD YUL GYI GZUGS BRNYAN GAL TE SEMS DE LAS THA DAD PA MA LAGS NA, SEMS DE NYID KYIS SEMS DE NYID LA JI LTAR RTOGS PAR BGYID LAGS; BCOM LDAN 'DAS KYIS BKA' STZAL PA, BYAMS PA DE LA CHOS GANG YANG CHOS GANG LA YANG CHOS GANG LA YANG RTOG PAR MI BYED MOD KYI, 'ON KYANG DE LTAR SKYES PA'I SEMS GANG YIN PA DE DE LTAR SNANG NGO ZHES GSUNGS PA DANG, GNYIS SU GYUR PA LA RAG LAS PA'I GCOD PAR BYED PAS GCAD PAR BYA BA RNAM PA GNYIS SU BYED PA DE'I PHYIR BDAG NYID GCOD PA LA 'GAL BA YIN PA DE LTAR NA DPE DANG 'DRA BA MA YIN NO, ,'DI LTAR CHOS THAMS CAD LA GNYIS KYIS STONG PA NYID DU YANG DAG PAR RIG PA NYID DMIGS PA YIN GYI GZUNG BA NYID NI MA YIN NO, ,MTSAN MA NYID KYIS DBEN PA NYID NI NAM MKHA' RDO RJE'I RNAM PA YIN TE, DE NYID KYIS DE YANG DAG PAR RIG PA 'GRUB PA'I PHYIR DANG, RNAM PA GZHAN GYIS GRUB PA MA YIN PA'I PHYIR TE, DPER NA BUM PAR SNANG BAS DBEN PA MTHONG BAS SA PHYOGS SU BUM PAS STONG PA NYID DU 'GRUB KYIS GZHAN GYIS NI MA YIN PA LTA BU'O, ,THEG PA CHEN PO BSDUS

44a

, ,PA LAS KYANG, BYANG CHUB SEMS DPA' RNAMS KYIS SHES, ,RNAM RTOG MED PA'I DMIGS PA NI, ,CHOS RNAMS BRJOD DU MED PA NYID, ,BDAG MED DE BZHIN NYID KYANG DE, ,BYANG CHUB SEMS DPA' RNAMS KYIS SHES, ,BYANG CHUB SEMS DPA'I RNAM PA'I'O, ,SHES BYA DMIGS PA DE NYID LA, ,MTSAN MA MED PA GANG YIN PA'O, ,ZHES BSHAD DO, ,'O NA JI LTAR RNAM PAR MI RTOG PA'I YE SHES 'DI RNAM PA MED PA ZHES BYA ZHE NA, GNYIS KYI RNAM PAS STONG PA NYID KYI PHYIR RO, ,JI LTAR NA DMIGS PA MED PA ZHES BYA ZHE NA, GZUNG BA'I DON GZHAN LA MI RTOG PA'I PHYIR RO; ,DE LTAR NA RNAM PAR MI RTOG PA DE NYID NAM MKHA' RDO RJE CHOS THAMS CAD DU GTOGS PA DE NI DE BZHIN NYID RIG CING NYAMS SU MYONG BA NA YANG 'DI LTAR NGA NI THAMS CAD DU GTOGS PA LA THAMS CAD KYI RJES SU BLTA'O SNYAM DU YANG RNAM PAR RTOG PAR MI BYED DO, ,DE DE LTAR NA SHIN TU NGO MTSAR DU GYUR PA MDOR BSDUS PAS GSAL NAS RGYAS PAR NGO MTSAR DU GYUR PA GSAL BA'I PHYIR BCOM LDAN 'DAS ZHES BYA BA LA SOGS PA GSUNGS TE, 'DIR NI GZUNG BA MED PA STON PAR BYED DO, ,GZUGS KYI PHUNG PO LAS GZHAN GZUNG BAR BYA BA'I RDZAS NYID DU YOD PA MA YIN NO ZHES BYA BA DE NI RAB TU GRAGS PA YIN LA, GZUGS KYI PHUNG PO NI YOD PA MA YIN NO ZHES MA GRAGS PA DE 'DIS DNGOS SU BRJOD PAR BYA'O, ,'DI LTA STE ZHES BYA BA NI TSIG RTZOM PA'O, ,DPER NA ZHES BYA BA NI JI LTAR RAB TU GRAGS PA'O, ,DE GANG ZHE NA, NAM MKHA'I GZUGS CAN MA YIN PA BLTAR MI SNANG BA STE, GZUGS KYI PHUNG PO'I RANG BZHIN MED PA'I PHYIR GZUGS CAN MA YIN PA'O, ,DE NYID KYI PHYIR MIG GI RNAM PAR SHES PA 'DIS BLTAR SNANG BA MED PA'I PHYIR BLTAR MI SNANG BA STE, NAM MKHA' LA NI GZUGS CAN GYI RDZAS MED PA'I MTSAN NYID YIN PA'I PHYIR RO, ,DE BZHIN DU ZHES BYA BA NI NAM MKHA' DANG 'DRA BA NYID DU CHOS THAMS CAD GZUGS CAN MA YIN ZHING BLTAR MI SNANG BA SHES PAR BYA STE, GCIG DANG DU MA'I RANG BZHIN DANG BRAL BA'I GZUGS KYI PHUNG PO DANG SKYE MCHED BCU DANG KHAMS BCU PO DON DAM PAR YOD PA NYID MA YIN PA'I PHYIR RO ZHES BYA BAR DGONGS SO, ,GAL TE GZHAN GYI SEMS LA SOGS PA GZUNG BA YOD PA NYID KYI PHYIR RO ZHE NA,

44b

JI LTAR SNANG BA NI MED PA NYID YIN PA'I PHYIR DANG, JI LTAR YOD PA NYID NI MI SNANG BA'I PHYIR TE, DE DAG KYANG GZUNG BA MA YIN PA DE LTAR NI SKYON YOD PA MA YIN NO, ,'DZIN PA MED PAR STON PA'I PHYIR, BCOM LDAN 'DAS ZHES BYA BA LA SOGS PA GSUNGS TE, STONG PA NYID DU GSUNGS PA GANG YIN PA DE 'DI LTA STE, DPER NA MDO SDE GZHAN DAG TU RAB TU GRAGS PA'I CHOS THAMS CAD RGYAS PA DE MDOR BSDUS NAS LUS DANG NGAG DANG SEMS KYI DAM TSIG GI DE KHO NA NYID DE BZHIN DU RIG PAR BYA'O, ,CI 'DRA BA ZHIG CE NA, THAMS CAD KYI RJES SU SONG BA STE, CHOS THAMS CAD LA YOD PA'I PHYIR RO, ,NGO BO NYID GCIG PA NI ZHES BYA BA NI JI LTAR GZUNG BA DE DANG DE'I RANG BZHIN GYIS STONG PA DE BZHIN DU 'DZIN PA'I RANG BZHIN GYIS KYANG STONG STE, GZUNG BA MED NA 'DZIN PA YANG MI RUNG BA'I PHYIR RO, ,'DZIN PA'I RANG BZHIN GANG GIS SHE NA GANG LHAG MAR GYUR PA'I PHUNG PO BZHI DANG KHAMS BRGYAD DANG SKYE MCHED BCU GNYIS SO, ,DE LTAR NI RNAM PAR SHES PAR BYED PAS NA RNAM PAR SHES PA STE, DE YANG DON GYI RANG GI NGO BO TZAM 'DZIN PA YIN LA, DON DE NYID KYI KHYAD PAR 'DZIN PA'I SEMS LAS BYUNG BA'I TSOR BA DANG 'DU SHES DANG 'DU BYED DAG YIN NO, ,DE LTAR NA GZUNG BA DANG 'DZIN PA'I RANG BZHIN MED PA'I PHYIR RANG BZHIN GZHAN GANG ZHIG LUS NA GANG GIS DE NGO BO NYID GCIG PA YIN SNYAM PA LA DE'I PHYIR 'DI LTA STE SEMS KYI NGO BO NYID DO ZHES GSUNGS TE, GSAL BA'I MTSAN NYID CAN GYI SEMS 'DI NYID NI THOG MA MED PA NAS GNYIS SU RTOG PA'I BAG CHAGS KYIS BSLAD PA'I PHYIR GNYIS MED KYANG GNYIS KYI RNAM PAR BYUNG BA YIN TE, RMI LAM LA SOGS PA LTA BU'O ZHES BYA BA'I DON TO, ,GZHUNG 'DI TZAM GYIS NI SEMS LA DMIGS PA LA CHOS THAMS CAD KYI DE KHO NA NYID SEMS TZAM NYID CES SNANG BA CI 'DRA BA YIN PA DE RAB TU BSGRUBS PA YIN NO, ,NAM MKHA'I RDO RJER SNANG BA CI 'DRA BA YIN PA DE RAB TU BSGRUB PA'I PHYIR LUS DANG ZHES BYA BA LA SOGS PA GSUNGS TE; LUS DANG NGAG DANG SEMS KYI KHAMS NI CHOS THAMS CAD SNANG BA'I LUS CAN RNAMS KYI RANG BZHIN YIN TE, YONGS SU GRUB PA'I NGO BO NYID 'DI NI GNYIS KYIS STONG PA NYID YIN NO, ,NAM MKHA'I KHAMS NI RANG BZHIN TE, DAG PA'I NAM MKHA'O, ,DE DAG GNYI GA YANG GNYIS SU MED CING

45a

, ,GNYIS SU DBYER MED PA STE, KHYAD PAR MED DO ZHES BYA BA'I DON TO, ,CHOS KYI RANG GI MTSAN NYID RNAMS NI GNYIS PO BRDZUN PA'I MTSAN MA'O, ,KHYAD PAR NYID KYIS YONGS SU GRUB PA MA YIN PA NYID DO ZHES BYA BAR DGONGS SO, ,'DI TZAM GYIS NI CHOS THAMS CAD RANG GI MTSAN NYID DU YOD PA MA YIN NO ZHES BYA BA RAB TU 'GRUB PA YIN NO, ,CHOS NYID KYANG MTSAN NYID JI LTA BA BZHIN DU YOD PA MA YIN NO ZHES RAB TU BSGRUB PA'I PHYIR BCOM LDAN 'DAS ZHES BYA BA LA SOGS PA GSUNGS PA LA 'DI LTA STE ZHES BYA BA NI DE'I PHYIR RO, ,NAM MKHA'I KHAMS LA GNAS TE ZHES BYA BA NI NAM MKHA' LTA BU'I CHOS KYI DBYINGS LA GNAS PA'O, ,JI LTAR NA NAM MKHA' LTA BU YIN ZHE NA, DPER NA ZHES BYA BA GSUNGS TE, 'DAS MA THAG PA NYID DU JI LTAR RAB TU BSGRUBS PA'O, ,JI LTAR DE RNAMS DE LA GNAS SHE NA, NAM MKHA' DANG 'DRA BA'I TSAD MED PA DANG RTAG PA DE'I NANG DU TSAD YOD PA DANG; MI RTAG PA DE RNAMS 'DUS PA NYID KYI PHYIR RO, ,DE YANG ZHES BYA BA NI CHOS KYI DBYINGS SO, ,'DOD PA'I KHAMS LA SOGS PA LA GNAS PA MA YIN PA NI NANG DU 'DUS PA MA YIN TE, TSAD MED PA'I PHYIR DANG, RTAG PA NYID KYI PHYIR RO, ,DE LAS CIR 'GYUR ZHE NA, CHOS GANG ZHES BYA BA LA SOGS PA GSUNGS SO, ,RTAG PAR MI NUS SO ZHES BYA BA NI BRTAN PAR NUS PA MA YIN LA, BRTAN PAR NUS PA NANG DU 'GYUR PA'I MTSAN NYID CAN YIN PA'I PHYIR TE, DPER NA KHAR GZHONG GIS RGYA SHUG GI 'BRAS BU LTA BU'O ZHES BYA BAR DGONGS SO, ,GANG GI PHYIR 'GA' ZHIG LTAR YANG BRTAN PAR BYA BA MA YIN PA DE'I PHYIR 'GA' ZHIG GI YANG CHOS NYID MA YIN NO ZHES BSTAN PAR 'GYUR RO, ,DE BAS NA ZHES BYA BA LA SOGS PAS NI MJUG BSDU BA YIN TE, GANG GI PHYIR MTSAN NYID CAN JI LTA BA BZHIN DU CHOS MA YIN PA DE BAS NA RANG DANG SPYI'I MTSAN NYID DAG GIS CHOS THAMS CAD NI NGO BO NYID MED PA YIN TE, NGO BO NYID MED PA GANG GIS SPROS PA'I RGYU MTSAN THAMS CAD NUB PA'I DRI MA MED PA NAM MKHA'I RDO RJE LA SNANG NGO ZHES BYA BAR DGONGS SO, ,NAM MKHA' RDO RJE NI BYANG CHUB KYANG MA YIN BYANG CHUB KYI SEMS KYANG MA YIN PA DE BAS NA 'DI BSGOMS PAS CIR 'GYUR ZHE NA, BCOM LDAN 'DAS ZHES BYA BA LA SOGS PA GSUNGS TE,

45b

'DI LTA STE ZHES BYA BA NI NAM MKHA'I RDO RJE NYID DE BYANG CHUB KYI SEMS SO, ,DPER NA ZHES BYA BA NI JI LTAR RAB TU GRAGS PA'I THEG PA CHEN PO LA'O, ,CI'I PHYIR DE BYANG CHUB KYI SEMS YIN ZHE NA, GANG GI PHYIR DE BZHIN GSHEGS PA THAMS CAD KYI YE SHES TE, SANGS RGYAS KYI CHOS THAMS CAD DO, ,DE RNAMS 'BYUNG BA NI BSKYED PA'O, ,RDO RJE'I GNAS NI RDO RJE 'CHANG CHEN PO'I GO 'PHANG STE, BLA NA MED PA'I BYANG CHUB PO, ,DE BYED PA NI THOB PAR BYED PA STE, RGYU ZHES BYA BA'I DON TO, ,SANGS RGYAS RNAMS KYI SKU DANG GSUNG DANG THUGS GANG YIN PA DE LA DMIGS PA CAN GYI SEMS MA YIN NAM, DE CI'I PHYIR NAM MKHA'I RDO RJE YIN ZHE NA, DE'I PHYIR BYANG CHUB KYI SEMS ZHES BYA BA LA SOGS PA GSUNGS TE, DON DAM PAR BYANG CHUB KYI SEMS NI LUS LA SOGS PA LA DMIGS PA CAN MA YIN TE, 'KHRUL PA MED PA NYID YIN PA'I PHYIR RO ZHES BYA BA'I DON TO, ,SANGS RGYAS RNAMS KYI SKU DANG GSUNG YANG YOD PA MA YIN TE, GZUNG BA MED PA'I PHYIR RO, ,THUGS KYANG YOD PA MA YIN TE, 'DZIN PA MED PA'I PHYIR RO, ,SKU LA SOGS PA'I RNAM PAR RIG PA'I MTSAN NYID CAN GYI SKU DANG GSUNG DANG THUGS SANGS RGYAS RNAMS KYI LONGS SPYOD RDZOGS PA DANG SPRUL PA CAN GANG YIN PA DE YANG DAG PA'I 'JIG RTEN PA RNAM PAR RTOG PA'I RANG BZHIN NYID YIN PA'I PHYIR GTZO BO'I BYANG CHUB MA YIN NO, ,DMIGS PA DANG BCAS PA'I BYANG CHUB KYI SEMS KYANG GTZO BO MA YIN NO ZHES BYA BA THUGS LA BZHAG NAS, CHOS GANG ZHES BYA BA LA SOGS PA GSUNGS PA LA, CHOS GANG ZHES BYA BA NI SEMS KYI RGYUN RNAM PAR BYANG BAR GNAS GYUR PA'O, ,KHAMS GSUM NA MI GNAS PA ZHES BYA BA NI KUN NAS NYON MONGS PA'I CHOS YANG DAG PA MA YIN PA KUN DU RTOG PA'I RANG BZHIN CAN THAMS CAD NI KHAMS GSUM PA YIN LA, DE LA MI GNAS PA NI DE'I RGYU MTSAN DU MI GNAS PA STE, KUN NAS NYON MONGS PA CAN GYI CHOS THAMS CAD KYI SA BON NI DER 'PHAGS PA'I LAM GYIS YONGS SU ZAD PA'I PHYIR RO, ,DE LA SKYE BA MED DE ZHES BYA BA NI DE LA KUN NAS NYON MONGS PA'I CHOS 'BYUNG BA NI YOD PA MA YIN TE, SA BON MED PA NYID KYI PHYIR RO ZHES BYA BA'I DON TO, ,'DI NI ZHES BYA BA LA SOGS PA LA GANG GNAS

46a

, ,YONGS SU GYUR PA'I MTSAN NYID CAN GYI CHOS GANG YIN PA 'DI NI KUN NAS NYON MONGS PA CAN GYI SA BON THAMS CAD ZAD PA YIN PAS NA RNAM PAR DAG PA YIN LA, LUS DANG GNAS DANG LONGS SPYOD DU SNANG BA'I RNAM PAR RTOG PA RNAMS NUB PA'I PHYIR NAM MKHA' DANG MNYAM PA STE, 'DI NYID NI DE BZHIN GSHEGS PA THAMS CAD KYI YE SHES 'BYUNG BA'I RDO RJE'I GNAS YIN NO, ,DE BAS NA DE BYED PA NAM MKHA'I RDO RJE NI BYANG CHUB KYI SEMS KYI MCHOG YIN NO ZHES DGONGS SO, ,GANG GI TSE DE NYID RDO RJE'I GNAS YIN PA DE'I TSE DE BZHIN GSHEGS PA RNAMS MDZAD PA MED PA DANG, SKU LA SOGS PA MI MNGA' BA YIN NA DE RNAMS KYI SKU DANG GSUNG GI KHYAD PAR SNA TSOGS PAS DE RNAMS KYIS 'GRO BA MA LUS PA'I DON MDZAD PA GZHAN DAG GIS JI LTAR DMIGS PAR 'GYUR ZHE NA, DE'I PHYIR BCOM LDAN 'DAS ZHES BYA BA LA SOGS PA GSUNGS PA LA, RMI LAM ZHES BYA BA NI GNYID LOG PA'O; ,KHAMS GSUM DU RMI LAM ZHES BYA BA NI KHAMS GSUM GYI RNAM PAR RTOG PA DANG 'GRO BA LA SOGS PA'I LAS RMI LAM DU MTHONG BA'O, ,DE RNAMS KYANG ZHES BYA BA NI RMI LAM DU STON PA'I RNAM PAR RTOG PA LA SOGS PA'I PHYIR RO, ,RMI LAM LTA BU ZHES BYA BA NI DANG PO'I RMI LAM MTHONG ZHING RMI LAM GYI BYA BA'I RANG BZHIN CAN GYI BYA BA DE LA JI LTAR GNYID LOG PA DANG SKYES BU DAG LA 'DOD PA'I RTOG PA MED CING G-YO 'GUL MED PA DE BZHIN DU SEMS LAS RMI LAM GYI KHAMS GSUM PA PHYI ROL NA MED BZHIN DU STE, RANG GI BYA BA LA SMRA BAR 'DOD PA MED PA DE BAS NA 'DI NI RMI LAM LTA BU'O, G-YO 'GUL MED PA DE BAS NA 'DI NI RMI LAM DANG 'DRA BA'O, ,RMI LAM LAS BYUNG BA ZHES BYA BA NI RMI LAM DANG LHAN CIG RO GCIG PA STE, GZUNG BA DANG 'DZIN PAR SNANG BA DAG NI BRDZUN PA NYID KYIS NA DER SNANG BA DAG NI RO GCIG PA NYID YIN PA'I PHYIR RO, ,RMI LAM LA BDAG MED PA'I GNAS ZHES BYA BA NI RMI LAM MTHONG BA RNAMS KYIS BDAG MED PA'I GNAS 'DI NI BDAG MED PA'I TSUL GANG YIN PA DE RTOGS PAR BYA STE MTHONG BAR GYUR PA DE RNAMS KYANG MTHONG BAS NA 'KHRUL PA'I RGYU MTSAN TZAM NYID KYIS MI RTOG PA NYID DANG, G-YO 'GUL MED PA NYID KYI PHYIR DANG, SNANG BA TZAM NYID YIN PA'I PHYIR RO, ,DE LA

46b

RDO RJE'I TSIG 'DI GSUNGS PA GANG YIN PA DE LA SANGS RGYAS RNAMS KYI SKU GANG YIN ZHE NA, CHOS KYI SKU ZHES BYA BAR SBYAR STE, DER SANGS RGYAS KYI CHOS THAMS CAD KYI SA BON GYIS YONGS SU GANG BA NYID KYI PHYIR SANGS RGYAS KYI CHOS RNAMS SKYED PAR BYED PA YIN PA DE BAS NA CHOS RNAMS KYI STON PA YIN PA DE LTAR NA CHOS KYI SKU ZHES BYA'O, ,SANGS RGYAS KYI CHOS RNAMS KYANG RNAM PA GNYIS TE, DE LA LA LA NI DON DAM PA MTHONG BA'I PHYIR RNAM PA MED PA NYID KYIS 'JIG RTEN LAS 'DAS PA YIN LA, LA LA NI CHOS KYI LONGS SPYOD NYID KYI PHYIR RAM, GZHAN GYI DON GYI PHYIR RNAM PA DANG BCAS PA NYID KYIS DAG PA 'JIG RTEN PA YIN TE, RNAM PAR MI RTOG PA'I RGYU MTHUN PA DANG GNYIS SU MNGON PAR ZHEN PA MED PA NYID KYI PHYIR DANG, GNYIS KYIS STONG PA NYID LA RTAG TU 'KHRUL PA MED PA'I PHYIR DAG PA YANG YIN LA RNAM PA DANG BCAS PA YIN PA NYID KYI PHYIR 'JIG RTEN PA YANG YIN PAS NA DAG PA 'JIG RTEN PA'O,, 'JIG RTEN PA'I RNAM PAR RTOG PA THAMS CAD NI SANGS RGYAS RNAMS KYIS SHIN TU SPANG BAR 'DOD DO, ,MCHOG TU GNAS GYUR PA KUN NAS NYON MONGS PA THAMS CAD KYI SA BON ZAD PA CAN GANG YIN PA DE NI MYA NGAN LAS 'DAS PA YIN LA, DE NYID NI ZAG PA MED PA'I DBYINGS YIN ZHING DE NI YANG DAG PAR RDZOGS PA'I SANGS RGYAS DANG NYAN THOS DANG RANG SANGS RGYAS RNAMS KYI RNAM PAR GROL BA'I SKU MA YIN NO, ,GANG GI TSE YANG DAG PAR RDZOGS PA'I SANGS RGYAS RNAMS KYI DE NYID CHOS KYI SKU YIN PA DE'I TSE NYAN THOS DANG RANG SANGS RGYAS DAG GI YANG YIN PAR 'GYUR BA'AM, YANG NA 'GA' ZHIG GI YANG RNAM PAR GROL BA'I SKU CHOS KYI SKUR MI 'GYUR LA, DE LA SANGS RGYAS KYI CHOS RNAMS MED PA NI NAM MKHA'I ME TOG DANG 'DRA BAR DES SKYE BA MI RUNG BA'I PHYIR RO ZHE NA, DE'I PHYIR BCOM LDAN 'DAS ZHES BYA BA LA SOGS PA GSUNGS TE, DE BZHIN DU SANGS RGYAS KYI CHOS THAMS CAD KYANG RJES SU RTOGS PAR BYA'O ZHES BYA BAR SBYAR RO, ,DE LTAR NI DPER NA YID BZHIN GYI NOR BU RIN PO CHE NI RIN PO CHE THAMS CAD KYI GTZO BO YIN ZHING YID BZHIN GYI NOR BU RIN PO CHE'I YON TAN DANG LDAN GYI GZHAN DAG NI MA YIN NO, ,DE BZHIN DU SANGS RGYAS KYI RNAM PAR GROL BA'I SKU NI RNAM PAR

47a

, ,GROL BA'I SKU THAMS CAD KYI GTZO BO YIN ZHING SANGS RGYAS KYI CHOS THAMS CAD KYI SA BON SNGON GYI TSOGS KYI STOBS BSKYED PA'I MTSAN NYID CAN DANG LDAN PA YIN GYI GZHAN DAG NI MA YIN NO, ,JI LTAR YID BZHIN GYI NOR BU RIN PO CHE DE NI MNGON PAR 'DU BYED PA MED PAR DON DU GNYER BA RNAMS LA GSER RAM RIN PO CHE'AM DNGUL BSAMS PA TZAM GYIS 'BYOR BAR BYED KYI GZHAN DAG GIS NI MA YIN NO, ,DE BZHIN DU SANGS RGYAS RNAMS KYI RNAM PAR GROL BA'I SKU YANG MNGON PAR 'DU MDZAD PA MED PAR SEMS CAN SKAL BA DANG LDAN PA RNAMS KYI DON DU RANG GI SKU DANG GSUNG DANG THUGS, SEMS CAN GYI SKAL BA TZAM GYIS SKYED PAR MDZAD KYI GZHAN DAG GIS NI MA YIN NO, JI LTAR GSER DANG RIN PO CHE DANG DNGUL DE DAG GI DON DU GNYER BA RNAMS KYI SEMS LA YANG MI GNAS YID BZHIN GYI NOR BU LA GNAS PA YANG MA YIN PA DE LTAR NA YANG DE DAG LAS 'BYUNG BAR 'GYUR RO, ,DE BZHIN DU SANGS RGYAS RNAMS KYI SKU DANG GSUNG DANG THUGS NI SANGS RGYAS RNAMS KYI RNAM PAR GROL BA'I SKU LA YANG MI GNAS PA SEMS CAN GYI RGYUD LA GNAS PA YANG MA YIN PA DE LTAR NA YANG DE DAG LAS 'BYUNG BAR 'GYUR RO, ,CHOS THAMS CAD CES BYA BA NI CHOS THAMS CAD LA YANG DE BZHIN DU RJES SU RTOGS PAR BYA STE, YID BZHIN GYI NOR BU DANG GSER LA SOGS PA'I TSUL DU RGYUD DANG RKYEN RNAMS LA YOD PA MA YIN BZHIN DU CHOS THAMS CAD 'BYUNG BAR 'GYUR TE, SANGS RGYAS KYI CHOS 'BA' ZHIG NI MA YIN NO ZHES BYA BA'I DON TO, ,DE BAS NA CHOS KYI SKU NI YOD DE DE YANG DAG PAR RDZOGS PA'I SANGS RGYAS RNAMS NYID KYI YIN GYI NYAN THOS DANG RANG SANGS RGYAS RNAMS KYI NI MA YIN NO ZHES BYA BA STON PAR 'GYUR RO, ,BCOM LDAN 'DAS GANG ZHES BYA BA LA SOGS PA LA DE NGO MTSAR RO ZHES BYA BA NI ZAB PA NYID KYI PHYIR RO, ,NAM MKHA'I KHAMS NI CHOS KYI SKU'O, ,DE'I RJES SU 'BRANG BA NI BSDUS PA STE, 'DI DAG LA DE NYID DU SA BON 'GOG PAS NI SHIN TU 'GOG PA YOD PA'I PHYIR DE SKAD CES BYA'O, ,CHOS THAMS CAD KYIS ZHES BYA BA LA NI KUN NAS NYON MONGS PA RNAMS KYI'O, ,RJES SU 'BRANG BA ZHES BYA BA NI CHOS KYI SKU DE NYID DU RTAG PA'I SA BON GYIS GNAS PAS DE NYID LAS RTAG TU 'BYUNG BA'I

47b

PHYIR RO, ,DE BZHIN GSHEGS PA THAMS CAD KYI YE SHES 'BYUNG BA RDO RJE'I GNAS NYID NI BYANG CHUB KYI GTZO BO YIN LA, DE BYED PA NAM MKHA'I RDO RJE NYID NI 'JIG RTEN LAS 'DAS PA'I BYANG CHUB KYI SEMS YIN TE, SEMS LA DMIGS PA NI SBYOR BA LAS BYUNG BA'I BYANG CHUB KYI SEMS YIN NO ZHES BYA BA DER GNAS SO, DE LA RMI LAM GYI MTSAN MA MTHONG BAS NGES PAR DNGOS GRUB PHRA MO LA SEMS LA DMIGS PA BSGOM PAR BYA BA YIN LA, DNGOS GRUB MCHOG LA NI DE'I SNGON DU 'GRO BA'I NAM MKHA' RDO RJE YIN NO, ,DE LA DE DAG GI GDAMS NGAG BRJOD PAR BYA BA YIN LA, DANG PO'I SKABS DBYE BA'I PHYIR DE NAS ZHES BYA BA LA SOGS PA GSUNGS TE, ZHABS GNYIS LA PHYAG 'TSAL BA NI GDAMS NGAG GNYIS LA GUS PA'I PHYIR TE, SNGAGS KYI RDO RJE NI SNGAGS KYI LHA RNAMS TE, DE RNAMS KYI DNGOS GRUB BO, ,DE RNAMS KYI MDOR BSDUS PA NI RNAM PA MANG PO'O, ,MDOR BSDUS PA'I DNGOS GRUB NI DNGOS GRUB RNAM PA MANG PO'O, ,GNAS PA NI DE LA GNAS PA'I PHYIR RO, ,'BYUNG BA NI DE'I BDAG NYID DU 'DUS PA THOB PA'I PHYIR TE, GNAS PA DANG 'BYUNG BAR 'GYUR RO ZHES BYA BA'I DON TO, ,'DI SNYAM DU 'DIR SEMS LA DMIGS PA NI DNGOS GRUB NYE BAR BYA BA'I PHYIR SGOM PAR BYED PA YIN NA DE YANG RIGS PA MA YIN TE, DE NI RANG GI SEMS BSGOM PA YIN NA RANG GI SEMS LAS GRUB PA YANG MA YIN NO, ,'O NA CI YIN ZHE NA, LHA RNAMS KYI SKU DANG GSUNG DANG THUGS LAS YIN TE, GZHAN DU NA BSGOM PA DE DON MED PA'I PHYIR RO, ,DE BAS NA DNGOS GRUB 'DI LHA'I SKU DANG GSUNG DANG THUGS NYID LA GNAS PA DANG, DE LAS BYUNG BA YIN NO SNYAM NA, DE DGAG PAR BYA BA'I PHYIR BCOM LDAN 'DAS ZHES BYA BA LA SOGS PA GSUNGS TE, SGRUB PA POS THOB PAR BYA BA'I DNGOS GRUB RNAMS LHA RNAMS KYI SKU GSUM LA MI GNAS PA NYID YIN NO, ,CI'I PHYIR ZHE NA ZHES BYA BA NI RGYU GANG LAS KYANG MA YIN NO ZHES BYA BA'I DON TO, ,SA BON GZHAN DAG LAS 'BRAS BU GZHAN 'BYUNG BA NI MED DO ZHES BYA BAR DGONGS SO, ,'O NA GANG LA GNAS SHE NA, 'ON KYANG ZHES BYA BA LA SOGS PA GSUNGS TE, SANGS RGYAS KYI CHOS THAMS CAD CES BYA BA NI SANGS RGYAS

48a

, ,KYI CHOS KYI RANG BZHIN SNA TSOGS PA RNAMS SO, ,'DIR RDO RJE'I SGRAS NI LHA'I SKU DANG GSUNG DANG THUGS LA BYA BAR BSHAD DO, ,BDAG GI LUS DANG NGAG DANG SEMS NYID RDO RJE YIN TE, BDAG GI LUS DANG NGAG DANG SEMS NYID LA LHA'I SKU DANG GSUNG DANG THUGS KYI TSUL DU MOS PAS BSGOM PA'I PHYIR RO, ,DE LA GNAS PA'I RGYU DANG DNGOS GRUB KYI GNAS SKABS KYI 'BRAS BU NI LAS DE DANG THA MI DAD PA'I PHYIR RO ZHES BYA BAR DGONGS SO, ,LHA'I SKU LA SOGS PAR MOS PA NI DNGOS GRUB KYI RANG BZHIN YIN LA, DE'ANG SHIN TU RING DU GNAS PA MA YIN NAM, DE BAS NA DE DAG NI RANG GI LUS LA SOGS PA LA GNAS PA MA YIN NO ZHE NA, LUS DANG ZHES BYA BA LA SOGS PA GSUNGS TE, 'DI NYID DU SNANG BAR GYUR BA NI 'DI LAS GZHAN PA 'DOD PA'I KHAMS LA SOGS PA LA GNAS PA NI MI RIGS TE, GANG DU SNANG BA DE NYID DU GNAS PA'I PHYIR TE TSAD MAS GRUB PA NYID KYI PHYIR RO ZHES BYA BAR DGONGS SO, ,'ON KYANG THA DAD PA MED PA'I PHYIR RANG GI LUS LA SOGS PA LA GNAS PA NI BLA STE, 'BYUNG BA NI MA YIN TE, LHA'I SKU LA SOGS PA NI RANG GI SEMS KYI YUL NYID YIN PA'I PHYIR RAM RANG GI SEMS LA SNANG BA'I PHYIR DANG RTEN DANG BRTEN PA DAG THA DAD PA'I PHYIR RO ZHE NA, DE'I PHYIR SEMS KYANG ZHES BYA BA LA SOGS PA GSUNGS TE, GSAL BA'I BDAG NYID CAN GYI SEMS LAS THA MI DAD PA NYID KYI PHYIR LUS KYI KHAMS SU SNANG BA YIN GYI RTEN DANG BRTEN PA NYID KYIS NI MA YIN NO ZHES BYA BAR DGONGS SO, ,DE NYID GSAL BAR BYA BA'I PHYIR, DE CI'I PHYIR ZHE NA ZHES BYA BA LA SOGS PA GSUNGS PA LA DE ZHES BYA BA NI DE DAG LA STE, SEMS DANG SEMS LA DE DAG NI MI GNAS PA NYID NI DPER NA STENG DANG 'OG GI NAM MKHA' RTEN DANG BRTEN PA'I NGO BO NYID DAG CING STONG PA NI GZUGS CAN MA YIN PA NYID KYIS THOGS PA MED PA NYID KYI PHYIR RO, ,DE BZHIN DU LUS LA SEMS DANG NGAG LA SEMS NI SEMS TZAM NYID YIN PAS NA THOGS PA MED PA NYID KYI PHYIR RO, ,DE BAS NA RANG GI LUS DANG NGAG DANG SEMS RANG GI LHA'I SKU DANG GSUNG DANG THUGS NI RANG GI SEMS NYID YIN TE, DE'I BDAG NYID LAS MA GTOGS PAR

48b

RANG GI SEMS SNANG BAR MI RUNG BA'I PHYIR RO, ,DE BAS NA RANG GI SEMS NYID LA DNGOS GRUB RNAMS GNAS PA DANG 'BYUNG BA YIN PA DE LTAR NA SEMS LA DMIGS PA NI RIGS PA YIN NO, ,'DIS NI RANG GI LUS DANG NGAG DANG SEMS LA RANG GI LHA'I SKU DANG GSUNG DANG THUGS KYI TSUL DU MOS SHING GNYI GA'I SKU DANG GSUNG DANG THUGS RANG GI SEMS TZAM NYID DU MOS PAR BYA'O, ,'DI NI 'DIR SEMS LA DMIGS PA YIN LA 'DI NYID NI 'DIR DNGOS GRUB PHRA MO'I GDAMS PA YIN NO ZHES GSUNG BAR 'GYUR RO, ,DNGOS GRUB MCHOG LA NI CHOS KYI SKU YANG BSGRUB PAR BYA BA NYID YIN PA'I PHYIR SNGA MA BZHIN DU SEMS LA DMIGS PA BSGOMS NAS NAM MKHA'I RDO RJE BSGOM PAR BYA'O, ,DE LA GDAMS NGAG GI SKABS DBYE BA'I PHYIR DE NAS ZHES BYA BA LA SOGS PA GSUNGS SO, ,'DI SNYAM DU GANG GI TSE NAM MKHA' RDO RJE LA GNAS PA DANG BYUNG BA YIN NA, DE'I TSE LHA BSGOMS PA DON MED DO ZHES SEMS NA RDO RJE 'CHANG ZHES BYA BA LA SOGS PA LA, RANG GI LUS DANG NGAG DANG SEMS LA RANG GI LHA'I SKU DANG GSUNG DANG THUGS KYI TSUL DANG, RANG GI SEMS TZAM NYID DU SNANG BA LAS GNAS PA DANG, 'BYUNG NGO ZHES BYA BA NI LAN GYI DON YIN NO, ,'DI TZAM GYIS NI SNGA MA BZHIN DU SEMS LA DMIGS PA GSUNGS PA YIN NO, ,BCOM LDAN 'DAS ZHES BYA BA LA SOGS PA GSUNGS PA LA, GANG LA GNAS ZHES BYA BA NI DE LTAR SEMS TZAM NYID DU MTHONG BA NA, CI DE NYID LA GNAS SHING BRTEN PA YIN NAM, CI NAM MKHA'I DRI MA MED PA LTA BU'I STONG PA NYID LA 'GYUR GRANG NA, GANG GI TSE DE NYID LA YIN PA DE'I TSE DE NYID DE KHO NA NYID KYI MCHOG YIN PA DE LTAR NA, CI'I PHYIR NAM MKHA'I RDO RJE YIN LA, YANG NA STONG PA NYID LA YIN PA DE'I TSE LHA'I SKU DANG GSUNG DANG THUGS SU SNANG BA TZAM YANG MED PA'I PHYIR GANG LA DNGOS GRUB TU 'GYUR ZHES BYA BA BSAM PA'O; ,NAM MKHA' LA GNAS ZHES BYA BA NI NAM MKHA' LTA BU'I STONG PA NYID LA STE, STONG PA NYID NI DE KHO NA NYID KYI MCHOG YIN GYI RNAM PAR RIG PA TZAM NI MA YIN NO ZHES BYA BAR DGONGS SO, ,DE LTAR NI DNGOS PO RNAMS GSAL BA TZAM GYIS RANG GI RANG BZHIN YIN TE, SGRO MA BTAGS PA NYID

49a

, ,KYI PHYIR RO, ,GNYIS KYI RGYU MTSAN GANG YIN PA DE YANG BRDZUN PA'I NGO BO YIN TE, BLO'I 'KHRUL PAS SGRO BTAGS PA NYID KYI PHYIR RO, ,DE BAS NA SEMS TZAM NYID NI DE KHO NA NYID KYI MCHOG MA YIN TE, DE MTHONG BA NA YANG DKAR PO LA SOGS PA'I RNAM PA MED PA BZHIN DU SNANG BA'I PHYIR RO, ,GNYIS KYIS STONG PA NYID NI MCHOG YIN TE, 'KHRUL BA'I RGYU MTSAN THAMS CAD NUB PAS DE MTHONG BA'I PHYIR RO, ,'O NA SNGAGS KYI TSUL LA CI'I PHYIR LHA'I SKU LA SOGS PA BSGOMS SHE NA, PHA ROL TU PHYIN PA'I TSUL LA PHA ROL TU PHYIN PA LNGA BSGOMS PAS KYANG CI DGOS, NAM MKHA'I GANG LA GNAS ZHES BYA BA NI STONG PA NYID NI CHOS RNAMS KYI CHOS NYID YIN PAS NI DE RNAMS NYID LA GNAS KYI DE MED PAR DE MI MTHONG NA GANG LAS NAM MKHA' RDO RJE YIN ZHES BYA BAR BSAMS PA'O, ,GANG NA'ANG MI GNAS ZHES BYA BA NI JI LTAR NAM MKHA' GANG LA YANG MI GNAS PA DE BZHIN DU NAM MKHA' LTA BU'I STONG PA NYID KYANG NGO, ,DE NI 'DI NI CHOS GANG GIS KYANG BRTAG PAR MI NUS SO ZHES BYA BA 'DIR RAB TU BSGRUBS PA YIN NO, ,GZHAN YANG RANG GI MTSAN NYID DAG BRDZUN GYI RNAM PA'I KHYAD PAR CAN NYID YIN PA'I PHYIR DE DAG LA DE GNAS PA MA YIN NO, , DE NYID KYI PHYIR CHOS THAMS CAD KYI RANG GI MTSAN NYID SNANG BA MED PA NA SNANG BA'I CHOS GANG LA YANG MI GNAS PAR SNANG BA YIN PA DE LTAR NA NAM MKHA' RDO RJE'I RIGS PA YIN NO, ,GAL TE 'O NA CHOS NYID KYANG CHOS NYID KYI RANG GI MTSAN NYID DU MI SNANG NGO ZHE NA DE NI 'DOD PA YIN NO, ,DE LTAR NA CHOS MED CHOS NYID MED PAR NAM MKHA' RDO RJE SNANG STE, RANG DANG SPYI'I MTSAN NYID KYI RGYU MTSAN RNAMS NI DER NUB PA'I PHYIR RO, ,DE BAS NA GNYIS KYIS STONG PA GSAL BA TZAM NYID 'BA' ZHIG DRI MA MED PA MTHA' YAS PA'I NAM MKHA' LTA BUR CHOS THAMS CAD DANG, RANG GI LHA'I SKU LA SOGS PA RNAMS NAM MKHA' RDO RJE LA SNANG ZHING DE NYID LHA RNAMS KYI YANG DE KHO NA NYID KYI MCHOG MTHONG BA YIN NO, ,DE NYID KYI PHYIR CHOS KYI SKU YANG SKU GZHAN DAG DANG SANGS RGYAS KYI CHOS THAMS CAD YONGS SU RDZOGS PA YIN NO, ,DANG POR BYANG CHUB KYI SEMS SNANG BA MED PA LA SEMS MNYAM PAR 'JOG PA NI RGYU'I

49b

RTZA BA NYID YIN PA'I PHYIR RO, ,DE NAS LHA'I SKU LA SOGS PAR DE NYID SNANG BA'I PHYIR RO, ,DE NAS DE'I RANG GI LUS LA SOGS PA NYID YOD NA RANG GI LUS LA SOGS PA NYID DU DE LTAR SNANG BA'I PHYIR RO, ,DE NAS DE'I RANG GI SEMS TZAM NYID YOD NA RANG GI SEMS NYID DE LTAR SNANG BA'I PHYIR RO, ,DE NAS DE'I GNYIS SU MED PA'I STONG PA NYID YOD NA, DE NYID NI DE KHO NA NYID KYI MCHOG YIN NO ZHES BYA BA 'DI NI NAM MKHA' RDO RJE BSGOMS PA YIN TE, 'DI NI 'DIR DNGOS GRUB KYI MCHOG LA GDAMS PA YIN NO, ,NGO MTSAR DU GYUR PA NI SEMS LA DMIGS PA LA'O, ,RMAD DU GYUR PA ZHES BYA BA NI NAM MKHA' RDO RJE LA'O, ,RANG GI SEMS KYI CHOS NYID LA GNAS NAS ZHES BYA BA LA, RANG NYID KYI SEMS NYID YIN PAS NA RANG GI SEMS TE, CHOS THAMS CAD SEMS TZAM NYID DU MTHONG BA'O, ,DE RNAMS KYI CHOS NYID NI RANG DANG SPYI'I MTSAN NYID STONG PA NYID DO, ,DE LA GNAS PA NI SEMS KYI TING NGE 'DZIN TE, 'DAS MA THAG PA'I NAM MKHA' RDO RJE'I GDAMS NGAG THOB PA'O, ,DES SEMS SHING ZHES BYA BA NI MNGON DU BYED PA'O, ,CANG MI SMRA BAR ZHES BYA BA NI NGAG GI RNAM PAR RTOG PA MED PAR RO, ,'DIR DANG POR RMI LAM RNAM PAR DPYAD PA'I SNYING PO'I TSIGS SU BCAD PA NI MDO YIN LA, DE NAS TSIGS SU BCAD PA NYID KYIS NI RGAL BA YIN ZHING DE NAS RGYAS PAS NI GZHUNG BTZUGS PA YIN LA, DE NAS GDAMS NGAG YIN NO ZHES BYA BA NI BSDUS PA'I DON YIN NO, ,SEMS THAMS CAD CES BYA BA LA SOGS PA LA SEMS KYANG YIN LA THAMS CAD KYI DAM TSIG KYANG YIN PAS SEMS THAMS CAD KYI DAM TSIG STE, YID KYI TING NGE 'DZIN RNAMS SO, ,DE RNAMS KYI SNYING PO NI STOBS BRTAN PAR 'GYUR BA'O, ,DE'I RDO RJE NI MTSAN MA'O, ,DE RNAMS 'BYUNG BA NI SKYES PA'O, ,DON DE GSAL BAR BYED PAS LE'U LA YANG DE SKAD CES BYA'O, ,DON DE NYID KYI PHYIR 'DI LTAR LE'U 'DI NI BSNYEN PA'I LE'U ZHES DNGOS KYI MING YIN PAR RIGS KYI, BSGRUB PA DANG PO BSTAN PAS GTZO BOR GYUR PAS NI MA YIN NO, ,GSANG BA 'DUS PA'I BSHAD SBYAR SNYAM PA'I ME TOG CES BYA BA LAS LE'U BCO LNGA PA'O,, ,,BCU DRUG PA NI SGRUB PA'I LE'U YIN PA DE BAS NA 'DIR SLOB DPON GYI LAS DANG, DNGOS GRUB DANG, BRTUL ZHUGS DANG, SDOM PA

50a

, ,RNAMS BSTAN PAR BYA'O, ,DE LA BRIS PA'I DKYIL 'KHOR NYID DU NI DNGOS GRUB KYI SGRUB PA DANG, SLOB DPON GYI BYA BA YIN PA DE BAS NA, DANG PO BRI BA'I DKYIL 'KHOR GYI SKABS DBYE BA'I PHYIR DE NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD KYI SKU DANG GSUNG DANG THUGS DE RNAMS KYI DAM TSIG STE, GO BAR BYED PA NI LE'U BZHI PA LAS, DE BZHIN GSHEGS PA KUN ZHI BA, ,ZHES BYA BA LA SOGS PA GSUNGS TE, DKYIL 'KHOR GSOL BA 'DEBS PA'I TSIGS SU BCAD PA BZHI ZHES BYA BA'I DON TE, ,DES GSOL BA BTAB NAS SO, ,DE BZHIN GSHEGS PA THAMS CAD KYI RDO RJE RIN CHEN ZHES PA LA, DGA' BA RGYAS PAR BYED PAS NA RIN CHEN NO, ,NYON MONGS PA ZAD PAR BYED PAS RDO RJE STE, GZUGS RDO RJE LA SOGS PA'O, ,DE NYID MCHOD PA YIN LA DE'I BKOD PA NI GANG DAG GIS NAM MKHA' KHYAB PA'I TSOGS SO, ,RDO RJE THAMS CAD NI SANGS RGYAS DANG BYANG CHUB SEMS DPA' THAMS CAD DO, ,DE RNAMS KYI DKYIL 'KHOR DE NYID SENG GE'I RGYAL PO DANG 'DRA BAS NA, SENG GE'I DAM TSIG GI RGYAL PO'O, ,DE'I SO SOR SPROS PA DE SO SO'I MTSAN MA'I RNAM PAR BSDUS PAS NI JI LTA BA BZHIN DU BKOD PA NI BKOD PA'O, DE LA DMIGS PA'I TING NGE 'DZIN LA DE SKAD CES BYA'O, ,SANGS RGYAS THAMS CAD KYI RDO RJE'I SKU NI RTAG PA'I SKU STE, RNAM PAR SNANG MDZAD YIN LA, DE'I DKYIL 'KHOR NI GSANG BA 'DUS PA RTEN DANG BCAS PA BRIS PA'I SKU'I DKYIL 'KHOR RO, ,MCHOG CES BYA BA NI SKU RDO RJE DE NI DE BZHIN GSHEGS PA THAMS CAD KYI YIN PA'I PHYIR RO, ,THUGS KYI RDO RJE DE NI RDO RJE 'CHANG GIS SPRUL PA'I TING NGE 'DZIN GYI DKYIL 'KHOR RO, ,DE DANG 'DRA BA NI DE DANG MTSUNGS PA'O, ,DKYIL 'KHOR RNAMS NI KUN GYI ZHES BYA BA GSANG BA GSUM PO 'DUS PA STE, DE LA LHA MO RNAMS NI GSUNG GI GSANG BA'O, ,KHRO BO RNAMS NI THUGS KYI GSANG BA'O, ,LHAG MA RNAMS NI SKU'I GSANG BA'O, ,MCHOG CES BYA BA NI GSANG BA DE RNAMS DE BZHIN GSHEGS PA NYID YIN PA'I PHYIR RO, ,KHRU NI BCU DRUG CES BYA BA NI LOGS RE RE ZHING KHRU BZHI'AM KHRU BCU DRUG PA NYID DO, ,'DI NI SGRUB PA'I DKYIL 'KHOR GYI TSAD YIN NO, ,DBANG BSKUR BA

50b

LA SOGS PA'I DKYIL 'KHOR NI LOGS RE RE ZHING KHRU GANG NAS BRTZAMS TE, KHRU STONG GI BAR YIN NO, ,SKU YI RDO RJE RAB TU GNAS, ,ZHES BYA BA NI DE'I BDAG PO CAN ZHES BYA BA'I DON TO, ,'KHOR LO NI BRI BAR BYA ZHES BYA BA NI DE'I DKYIL 'KHOR GYI PHYED KYI TSAD TAM RDO RJE'I THIG BTAB NAS KA BA BRGYAD KYIS MDZES PAR BYAS PA'I RE'U CHA BRGYAD PA NANG GI DKYIL 'KHOR ZLUM PO'O, ,RDO RJE'I CHO GA ZHES BYA BA NI THIG GDAB PA LA SOGS PA NAS DBANG BSKUR BA'I MTHAR THUG PA'I BAR DU SBYAR BAR BYA STE, DE KHO NA NYID BSDUS PA DANG, DPAL MCHOG DANG PO LA SOGS PA'I RGYUD GZHAN DAG LAS SPYIR GSUNGS PA'I BYA BA 'GAL BA MED PA CAN 'DIR YANG BYA BA NYID YIN PA'I PHYIR CHO GA'O, ,GSANG BA 'DUS PA KHYAD PAR DU GSUNGS PA NI 'GAL BA NYID YIN PA'I PHYIR RDO RJE STE, CHO GA DANG LHAN CIG PA'I RDO RJE NI RDO RJE'I CHO GA'O, ,DES THIG GDAB CING BRI BAR BYA'O, ,DE BZHIN DU JI SRID DBANG BSKUR BA DANG, SNGAGS DANG TING NGE 'DZIN SBYIN PA'I BAR DU RDO RJE CHO GA YIS ZHES BYA BAR SBYAR RO, ,DE MA LUS PAR YANG DKYIL 'KHOR GYI CHO GAR BLTA BAR BYA'O, ,PHYAG RGYA NI MTSAN MA'I PHYAG RGYA'O, ,DE NYID NI RDO RJE'I GNAS TE, SNGAGS RNAMS KYI DE KHO NA NYID DGOD PAR BYA'O, ,CI 'DRA BA ZHIG CE NA, GSANG BA'I MCHOG STE, MCHOG NI DAM TSIG GO, ,YANG NA MCHOG NI PHYAG RGYA CHEN PO LA SOGS PA GZUGS SO, ,GSANG BA NI BSTAN PAR BYA BA MA YIN PA STE, BRI BAR BYA BA MA YIN NO ZHES BYA BA'I DON TO, ,RNAM PAR SNANG MDZAD GNAS NI 'OD ZER DANG BCAS PA'I 'KHOR LO'O, ,MI BSKYOD PA LA SOGS PA ZHES BYA BA NI DE'I NGOS KYI RE'U CHA RNAMS LA STE, 'OD ZER DANG BCAS PA'I RDO RJE DANG NOR BU DANG PADMA DANG RAL GRI'O, ,SKU GSUNG THUGS RDO RJE MCHOG RNAMS GRVA KUN DU ZHES BYA BA NI SKU'I MCHOG DANG GSUNG GI MCHOG DANG, RDO RJE THUGS KYI MCHOG DANG RDO RJE'I MCHOG RNAMS NI GO RIMS BZHIN DU SPYAN DANG M'A MA K'I DANG, GOS DKAR MO DANG, SGROL MA YIN TE, DE RNAMS NI GO RIMS BZHIN DU NANG GI DKYIL 'KHOR GYI ME LA SOGS PA'I MTSAMS DAG LA DGOD PAR BYA'O, ,KHRO BO RNAMS NI ZHES BYA BA NI GSHIN RJE GSHED LA SOGS PA'O, ,LHA MO RNAMS NI MANG PO'I TSIG DANG SOGS ZHES BSDUS PAR 'GYUR TE, DES

51a

, ,NA MCHOD PA'I LHA MO DRUG GZUNG STE, BZHI NI PHYI'I GRVA BZHIR RO, ,DBANG LDAN DANG ME MTSAMS GNYIS SU NI, REG BYA DANG CHOS KYI DBYINGS KYI RDO RJE MA DAG RIM BZHIN NO ZHES KUN DGA' SNYING PO'I ZHAL SNGA NAS GSUNGS SO, ,'DI GNYIS RTZA BA'I SGO'I NGOS GNYIS SU STE, DE DAG GRVA DANG NYE BAS GRVA ZHES BYA'O ZHES YE SHES ZHABS KYI'O, ,SGO'I NGOS RNAMS KYANG GRVA YIN PAS PHYI RIM GYI GRVA BCU GNYIS SU SKYE MCHED BCU GNYIS TE, GLENG GZHI'I GZHUNG DANG DKYIL 'KHOR CHEN PO'I BSTOD PA LAS DE DAG SMOS PA'I PHYIR RO ZHES GZHAN DAG 'DOD DO, ,DE LA RGYAL MO RNAMS KYI SPYAN DANG, RDO RJE DANG, PADMA DANG, AUTPALA SNGON PO'O, ,MCHOD PA RNAMS KYI NI, ME LONG DANG, PI WANG DANG, DRI'I DUNG DANG, RO'I SNOD DANG, GOS SNA TSOGS DANG, CHOS 'BYUNG BA ZHES BYA BA BRI BAR BYA'O, ,SA'I SNYING PO LA SOGS PA NI, 'KHOR LO DANG, RDO RJE SNGON PO DANG, NOR BU DANG, PADMA DANG, RAL GRI DANG, RDO RJE BZANG PO RNAMS SO, ,KHRO BO RNAMS KYI 'BAR BA DANG BCAS PA'I THO BA DANG, DBYIG PA DANG, PADMA DANG, RDO RJE KHA GYES PA'I RNAM PA'O, ,RDO RJE GSANG BA RAB BSGOMS PAS, ,ZHES BYA BA NI PADMA DANG RDO RJE LAS BYUNG BA'O, ,GSUNG RDO RJE THAMS CAD KYI NGO BO NYID KYI GSANG BA GSUM MO, ,DE SPROS PA NI SPRIN TE, SO SOR SPROS PA'I SPRIN NO, ,DE RNAMS KYI BKOD PA NI RE RE ZHING MTSAN MA'I RNAM PAR BSDUS NAS GNAS JI LTA BA BZHIN DU DGOD PA'O, ,LHAG MA RNAMS NI SNGA MA'I RJES SU 'BRANGS NAS SHES PAR BYA'O, ,RDO RJE'I BSGOMS PAS ZHES BYA BA NI BSGOM PAR BYA BA'I DON BSTAN PAR BSGOMS PAS SO, , RDO RJE CHOS NI 'OD DPAG TU MED PA STE, 'DI LA RGYAL PO CHEN PO DE MNGA' BAS NA DE SKAD CES BYA'O, ,RIG PA'I DBANG PO NI 'OD DPAG TU MED PA STE, DE'I NGO BO NYID YIN PA'I PHYIR RIG PA'I DBANG PO'O, ,'OD DPAG TU MED PA DE NYID KYI RANG GI SKU DANG RANG GI DKYIL 'KHOR GANG YIN PA DE DAG NI GNAS TE BZHI'O, , GSUNG GI RDO RJE NI 'OD DPAG TU MED PA STE, ,DE'I YON TAN DE RNAMS SKYED PAR MDZAD PA STE, MTHONG BA DANG 'JUG PA LA SOGS PAS DE'I SA BON BTAB PA DANG GSOL BA GDAB PA'I PHYIR RO, ,DBAB PAR BYA ZHES BYA BA NI DKYIL 'KHOR SAR PA BRI BAR BYA'O, ,'KHOR LO CHEN PO NI DBUS MA'I DKYIL 'KHOR RO, ,

51b

PHYAG RGYA THAMS CAD NI THAMS CAD KYI MTSAN MA'O, ,PHYAG RGYA CHEN PO NI MTSAN MA CHEN PO'O, ,DE NYID DU ZHES BYA BA NI LE'U BZHI PA LAS GSUNGS PA GANG YIN PA DE NYID DU'O, ,RDO RJE'I GNAS NI MTSAN MA DGOD PA'O, ,KUN NAS SPRIN NI DKYIL 'KHOR GYI BDAG PO THAMS CAD KYI DKYIL 'KHOR SPROS PA'O, , DE RNAMS KYI TSOGS NI RANG GI MTSAN MA'I RNAM PA JI LTA BA BSDUS NAS GNAS JI LTA BA BZHIN DU DGOD PA'O, ,BRTAN PA NYID KYI PHYIR RDO RJE'O, ,DE LA DMIGS PA NYID KYI PHYIR DE SKAD CES BYA'O, ,RAB TU GSANGS BA'I DKYIL 'KHOR NI DKYIL 'KHOR GYI DE KHO NA NYID DO, ,DE JI LTAR NA MCHOG TU GSANG BA YIN ZHE NA, DE BZHIN GSHEGS PA THAMS CAD KYI BDAG PO DKYIL 'KHOR GYI BDAG PO'I TSUL DU BYANG CHUB SEMS DPA' RNAMS KYANG 'DIR BSKYED PA'I PHYIR RO, ,DE YANG RDO RJE 'DZIN ZHES BYA BA LA SOGS PA LA DKYIL 'KHOR YANG LHA'I DKYIL 'KHOR YIN LA, GNAS KYANG DE'I RTEN GYI 'KHOR LO YIN PAS NA DKYIL 'KHOR GYI GNAS SO, ,JI LTA BU ZHE NA, SKU GSUNG THUGS KYI GSANG BA LAS BYUNG STE, DE BZHIN GSHEGS PA'I GSANG BA GSUM LAS SKYES SHING GSUM GYIS YANG DAG PAR BSDUS PA ZHES BYA BA'I DON TO, ,RTEN GYI DKYIL 'KHOR YANG SKU'I GSANG BAS BSDUS PA'I PHYIR RO, ,'DI 'DRA BA'I DKYIL 'KHOR GYI GNAS SU DE 'GYUR BA NI BDAG POR 'GYUR BA YIN TE, GANG YIN PA'I GZUGS TE, MTSAN MA DE'I DBUS SU LEGS BRIS PA'O, ,RDO RJE 'DZIN MCHOG JI LTA BU ZHIG CE NA, DE BZHIN GSHEGS PA THAMS CAD KYI GSANG BA'I BDAG PO NYID YIN PA'I PHYIR RDO RJE 'DZIN PA YANG DE YIN LA, SANGS RGYAS DANG BYANG CHUB SEMS DPA' RNAMS KYI NANG NAS GANG YANG RUNG BA NYID YIN PA'I PHYIR MCHOG KYANG YIN PA DE LTAR NA RDO RJE 'DZIN MCHOG STE, RIN PO CHE DANG, DON YOD PA DANG, SEMS DPA' DANG, 'JAM PA'I RDO RJE LA SOGS PA'I DKYIL 'KHOR DE DAG TU 'GYUR RO ZHES BYA BA'I DON TO, , SANGS RGYAS BCOM LDAN 'DAS DE RNAMS DANG BYANG CHUB SEMS DPA' RNAMS KYANG KUN NAS BZANG BA'I GZUGS CAN YIN TE, SKYES PA DANG, BUD MED DANG, KHRO BO LA SOGS PA'I DBYE BAS SNA TSOGS PAR STON PA YIN PA LA 'DIR THE TSOM MI BYA'O, ,MU STEGS PA'I LHA RNAMS KYANG RGYUD 'DIR DKYIL

52a

, ,'KHOR GYI BDAG PO MA YIN ZHING DKYIL 'KHOR PA YANG MA YIN TE, TSIGS SU BCAD PA NI RDO RJE 'DZIN MCHOG GANG YIN PA'O ZHES BYA BA 'DIS NI 'KHOR DE DANG 'KHOR LO'I DBANG PHYUG SANGS RGYAS DANG, DE'I SRAS JI LTAR 'DOD PA BZHIN DU GSUNGS, SKU LA SOGS PA'I RDO RJE'I GNAS NI GSANG BA'I DKYIL 'KHOR RO, ,DE'I YE SHES DANG DE'I GSANG BA NI DON DAM PA'O, ,DKYIL 'KHOR THAMS CAD 'BYUNG BA NI THIG GIS BKOD PA DANG TSON DGYE BA'O, ,DE LA DMIGS PA'I TING NGE 'DZIN LA DE SKAD CES BYA'O, ,DKYIL 'KHOR THAMS CAD NI SKU LA SOGS PA'I GSANG BA RNAMS SO, , DE GSAL BAR BYED PA'I YI GE GSUM PO LA DE SKAD CES BYA'O, ,RDO RJE'I DKYIL 'KHOR NI GSANG BA GSUM GYI DKYIL 'KHOR RO, ,DE'I SNGAGS NI DE SHES PAR BYED PA'I PHYIR RO, ,SNYING PO'I TSIG NI DE KHO NA NYID STON PAR BYED PA'I PHYIR RO, ,YI GE NI YI GE GCIG NYID YIN PA'I PHYIR RO, ,GNAS NI RJOD PAR BYED PA YIN PA'I PHYIR RO, ,DE BAS NA YI GE GSUM PO 'DI DAG GIS DKYIL 'KHOR GYI THIG GDAB PA DANG TSON DGYE BA DAG PA'O ZHES BYA BAR DGONGS SO, ,THIG GDAB PA DANG TSON DGYE BA GANG YIN PA DE DANG DE DAG SLOB DPON RANG NYID KYIS RTAG TU BYA'AM ZHE NA, DE'I PHYIR RDO RJE'I ZHES BYA BA LA SOGS PA GSUNGS TE, SNGAGS NI RANG GI LHA NYID DO, ,SNGON DU BSNYEN PAS BRTAN PAR BYAS PA'I SEMS NI SEMS DPA'O, ,YUN RING POR RIG PA'I BRTUL ZHUGS CAN NYID YIN PA'I PHYIR SNGAGS SGRUB PA'I SEMS DPA' 'DI LA YOD PAS NA SNGAGS KYI SEMS DPA' STE, BSNYEN PA MTHAR PHYIN PA DANG RIG PA'I BRTUL ZHUGS MTHAR PHYIN PA CAN GYI SGRUB PA PO LA SNGAGS KYI SEMS DPA' ZHES GSUNGS SO, ,DES THIG GDAB PA DANG, TSON RTZI DGYE BA RANG NYID KYIS MI BYA'O, ,BYAS NA BYANG CHUB RNYED PAR DKA', ,ZHES BYA BA NI RANG NYID BYED NA, DE'I BYANG CHUB NI THOB PAR DKA'O ZHES BYA BA'I DON TO, ,GANG GI PHYIR DE LTA YIN PA; DE BAS DAM TSIG TSUL SHES PAS, ,ZHES BYA BA NI DAM TSIG NI BSHANG MA THAG PA'I TSIGS SU BCAD PA'I DON TO, ,TSUL NI LE'U BCO LNGA PA LAS GSUNGS PA'I LHA DBAB PA LA SOGS PA'I CHO GA'O, ,DE DAG SHES PA YIN PAS NA SHES PA'O, ,SNGAGS KYI LHA RNAMS ZHES BYA BA NI, RIGS KYI TSIG GCIG PA

52b

CAN NO, ,LO BCU GNYIS LON PA'I KHYE'U DANG BU MO DAG LHAG PAR GNAS PA CI RIGS PAR LHA DANG LHA MO'I GZUGS DE DAG LA YE SHES KYI LHA GNYIS DAG PHAB NAS TE, BCUG NAS SO ZHES BYA BA'I DAN TO, ,BYIN GYIS BRLAB PA'I GNAS NI MIG DANG SKU LA SOGS PA BYIN GYIS BRLAB PA'O, ,RNAM PAR BRTAG PA NI DE DAG NYID 'DRA BA STE, GZHUG PAR BYA'O ZHES BYA BA NI LHAG MA'O, ,SKU DANG GSUNG DANG THUGS KYI DKYIL 'KHOR RNAMS GO RIMS BZHIN DU LHA DBAB PAR BYA BA GNYIS PO GO RIMS GANG DANG GANG YIN PA DE NI RGYAL CHEN ZHES BYA BA LA SOGS PA GSUNGS SO, ,SKU'I DKYIL 'KHOR GNAS ZHES BYA BA NI LHA GNYIS PO DE DAG NYID DE, GO RIMS BZHIN DU SKU'I DKYIL 'KHOR DANG DE'I RTEN GYI DKYIL 'KHOR RO ZHES BYA BA'I DON TO, ,RANG GI CHOS MA DANG ZHES BYA BA NI RANG GI BTZUN MO 'DOD CHAGS DGA' MA DANG LHAN CIG GO, ,GZHUNG LA LA LAS NI RANG GI CHOS MA YIN ZHES 'BYUNG STE, DE NI BYED PA'I TSIG MED PA CAN YIN NO, , 'DI NI ZHES BYA BA NI LHA DE DAG GI SNYOMS PAR ZHUGS PA'O, ,SNGAGS RNAMS THAMS CAD KYI GSANG BA ZHES BYA BA NI GSUNG GI DKYIL 'KHOR RTEN DANG BCAS PA'I DE KHO NA NYID DO, ,RDO RJE SEMS DPA' NI MI BSKYOD PA'O, ,RDO RJE THAMS CAD KYI ZHES BYA BA NI THUGS KYI DKYIL 'KHOR RTEN DANG BCAS PA'I'O, , SNYOMS PAR 'JUG PA RNAMS KYIS DBAB PA BYAS PAS CIR 'GYUR ZHE NA, DE LTAR BYAS NAS ZHES BYA BA LA SOGS PA GSUNGS TE, YID LA DBANG BA NYID CES BYA BA NI LHA DRUG GO, ,GSHEGS TE ZHES BYA BA NI MNGON SUM DU BAB PA'O, ,GSANG BA RNAMS KYI MCHOG CES BYA BA NI SKU LA SOGS PA'I DKYIL 'KHOR RO, , KYANG GSUNGS SO ZHES BYA BA NI BRIS PA'I DGOS PA DANG DKYIL 'KHOR BSGRUB PA DANG SGRUB PA'I MCHOD PA'O, ,SNGAGS KYI DNGOS GRUB KYIS ZHES BYA BA BSGRUB PA'I PHYIR GRUB PA STE, SNGAGS KYI SEMS PAS ZHES BYA BA'I DON TO, ,RDO RJE BRI BA'I GSANG BA NI RDO RJE GSANG BA STE, SKU RDO RJE LA SOGS PA BABS PAS BRIS PA'I DKYIL 'KHOR RO, ,RMAD PO CHE ZHES BYA BA NI DE MTHONG NA LHA DANG MI RNAMS KYI YID DGA' BAR BYED PA'O, ,KHRO BO'I RGYAL PO STE GNOD MDZES RDO RJES SO, ,MCHOD PAR BYA ZHES BYA BA NI RANG DANG RANG GI GNAS SU BKOD LA MIG DANG SKU LA SOGS PA BYIN GYIS BRLABS PA DANG DBANG BSKUR BAR BYAS NAS

53a

, ,SO; ,DAM TSIG GI MCHOD PA DUS GSUM PA NI THUN MTSAMS SU'O, ,RDO RJE DRI MED GSUM DAG GIS NI RDO RJE CAN TE DE NI DKYIL 'KHOR GYI BDAG PO'O, ,RDO RJE YI NI SBYOR BAS BYA, ,ZHES BYA BA NI DKYIL 'KHOR BA NYID KYIS SO, ,KYANG GSUNGS SO ZHES BYA BA NI LHA BSHOS RNAMS SO, ,SNGAGS RNAMS ZHES BYA BA NI LHA RNAMS SO, ,BSHANG BA LA SOGS PA NI MI'I BDUD RTZI LNGA'O, ,TSIGS SU BCAD PA NI LNGA PA'I KHYAD PAR GSUNGS PA YIN NO, ,DES DE LTAR SGRUB PA'I DKYIL 'KHOR JI LTAR BRI BA DE BZHIN DU GSUNGS PA YIN NO, ,DAM TSIG GI DKYIL 'KHOR YANG MA GRUB TU ZIN KYANG BRI BAR BYA'O, ,DE'I PHYIR MA GRUB PA'I DBANG DU MDZAD NAS THIG GDAB PA'I ZHES BYA BA LA SOGS PA GSUNGS TE, DE'I TSE SKU DANG GSUNG DANG THUGS KYI DKYIL 'KHOR BRI BAR BYA BA'I PHYIR GO RIMS BZHIN DU BDAG NYID RNAM PAR SNANG MDZAD DAM YANG NA RDO RJE 'OD PO CHE ZHES BYA BA 'OD DPAG TU MED PAR BDAG NYID BSGOMS NAS SU'O, ,RDO RJE MI 'CHIR GRAGS SLOB MA, ,ZHES BYA BA NI THIG SKUD 'DZIN PAR 'OS PA'I SLOB MA BDUD RTZI THAB SBYOR NYID DU BSGOM PAR BYA'O, ,GZHAN DAG NA RE BDAG NYID RNAM PAR SNANG MDZAD DAM, DKYIL 'KHOR GYI BDAG PO GZHAN DAG TU BSGOMS NAS, SLOB MA RDO RJE SEMS DPA'AM BDUD RTZI THAB SBYOR 'OD ZER 'BAR BA CAN BSGOM PAR BYA'O ZHES ZER RO, ,LAS NI DKYIL 'KHOR BRI BA'O, ,DE LA BRTZON PA GANG YIN PA DE NI, SANGS RGYAS KUN GYIS NGES BSTEN PA, ,BSGOM PAR BYA STE DE NI SANGS RGYAS THAMS CAD KYIS GOMS PAR MDZAD PA YIN NO ZHES BSAM PAR BYA'O, ,SANGS RGYAS ZHES BYA BA LA SOGS PA LA RGYAL CHEN ZHES BYA BA NI RGYAL PO CHEN PO'O, ,RDO RJE THIG SKUD NI TSON GYI BYE BRAG GIS THIG SKUD SANGS RGYAS DANG KHA DOG MTSUNGS PA'O, ,DE DAG CHUD PAR DGOD PA NI SKU'AM YE SHES KYI THIG GI RNAM PAR NANG DU CHUD PAR DGOD PA STE BSTIM PAR BYA'O, ,THIG SKUD KHA DOG LNGA PAR SO SO SO SOR BTZOS LA THUGS KYI DKYIL 'KHOR BRI BAR BYA BA'I PHYIR LAG PA G-YON PA'I MTHIL DU SOR MO'I RTZE MO'I RTZE MO NAS BRTZAMS TE, MTHE BO'I RTZA BA'I BAR DU DKAR PO DANG SER PO DANG DMAR PO DANG LJANG GU DANG NAG PO RIM BZHIN DU DGOD DO, ,SKU'I DKYIL 'KHOR GYI DON DU NI NAG PO DANG SER PO DANG DMAR PO DANG LJANG GU DANG DKAR PO RNAMS SO, ,GSUNG GI DKYIL 'KHOR GYI DON DU NI DKAR PO DANG SER PO DANG NAG PO DANG LJANG GU DANG DMAR PO'O, ,RIN PO CHE'I DKYIL 'KHOR GYI DON DU NI DKAR PO DANG

53b

NAG PO DANG DMAR PO DANG LJANG GU DANG SER PO'O, DON YOD PAR GRUB PA'I DKYIL 'KHOR GYI DON DU NI DKAR PO DANG SER PO DANG DMAR PO DANG NAG PO DANG LJANG GU RIM BZHIN DU BZHAG LA DE RNAMS LA DUS THAMS CAD DU DE BZHIN GSHEGS PA LNGA DANG KHA DOG MTHUN PA'I SA BON BSAMS LA, DE BZHIN GSHEGS PA LNGA'I RANG BZHIN CAN 'BAR BA'I SRAD BU DE BSAM PAR BYA'O, ,DE NAS YE SHES KYI THIG CHO GA BZHIN DU BKUG LA BCUG STE CHO GA BZHIN DU BSGRIL BAR BYA'O ZHES BYA BA'I DON TO, ,RNAM PA NYI SHU RTZA LNGAR NI, ,TSON RTZI DAG KYANG RNAM PAR BSGOM PAR BYA'O, ,THIG SKUD 'BA' ZHIG LA NI MA YIN NO ZHES BYA BA NI KYANG GI SGRA'I DON TO, ,RDUL TSON KHA DOG LNGA BA SNOD SO SOR BZHAG LA DE BZHIN GSHEGS PA THAMS CAD KYI SA BON GYIS DE BZHIN GSHEGS PA THAMS CAD DANG KHA DOG MTHUN PA'I RANG BZHIN CAN DU BYAS NAS 'BAR BA'I LTA BAS SBYAR TE, AOm BADZRA TZI TRA SA MA YA H'Um ZHES MNGON PAR BSNGAGS TE, THUGS DANG SKU DANG GSUNG DANG NOR BU DANG SNA TSOGS KYI DKYIL 'KHOR DU JI LTAR THIG GDAB PA BZHIN DU TSON GYI GZHI LA PANYTZA RE KH'A'I DON DU RDUL TSON PHYI ROL NAS BRTZAMS PA'I RIM GYIS KUN GYI NANG DU LNGA PA BYA BA'I TSUL GYIS DGYE BAR BYA'O, ,'DIR TSIGS SU BCAD PA NI, DKAR DANG SER DANG DMAR DANG LJANG, ,NAG PO MI BSKYOD DKYIL 'KHOR DU'O, ,NAG DANG SER DANG DMAR DANG LJANG, ,DKAR PO RGYAL PO'I DKYIL 'KHOR DU'O; ,DKAR DANG SER DANG NAG DANG LJANG, ,DMAR PO DPAG MED DKYIL 'KHOR DU'O, DKAR DANG NAG DANG DMAR DANG LJANG, ,SER PO NOR BU'I DKYIL 'KHOR DU'O, ,DKAR DANG SER DANG DMAR DANG SNGO, ,LJANG DANG SNA TSOGS DKYIL 'KHOR DU'O, ,THIG DANG RDUL TSON DGYE BA DAG ,PHYI RIM NANG RIM BZHIN BRTZAM BYA, ,ZHES BYA BA GSUNGS PA YIN NO, ,'DIR YANG DKYIL 'KHOR BSGRUB PA SNGA MA DANG 'DRA'O, ,DE LTAR DKYIL 'KHOR CHEN PO GSUNGS NAS, BSDUS PA'I DKYIL 'KHOR 'DI NI ZHES BYA BA LA SOGS PA GSUNGS PA LA SNGAGS RNAMS ZHES BYA BA NI LHA RNAMS SO, ,RDO RJE NI RDO RJES MKHREGS PAR GYUR PA STE CI RIGS PAR BSDUS PA ZHES BYA BA'I DON TO, ,H'Um NI BSGOM PAR BYA, SKU DANG GSUNG DANG DAM TSIG MCHOG ,BSGOM PAR BYA ZHES BYA BA NI GANG GI DON DU RTOGS PAR BYA STE, YI GE H'Um DU BRTAG PA DANG SKU LA SOGS PA BRTAG PAR BYA BA'I DON TO, ,DE LA H'Um NI MI BSKYOD PA'O, ,SKU NI RNAM PAR SNANG MDZAD DO, ,GSUNG NI 'OD DPAG TU MED PA'O, ,DAM TSIG NI DON YOD PAR GRUB PA'O, ,MCHOG NI RIN CHEN 'BYUNG

54a

, ,LDAN TE, ,NAM MKHA' THAMS CAD NYID YIN PA'I PHYIR RO, ,GNAS LNGA DAG TU ZHES BYA BA NI DBUS SU BDAG PO BYAS LA DE'I LOGS RNAMS SU SANGS RGYAS BZHI DKYIL 'KHOR CHEN PO DANG 'DRA BAR BYA BA'O ZHES BYA BA'I DON TO, ,THAMS CAD DU BRI BA'I DKYIL 'KHOR LA JI LTA BA BZHIN DU BSAM PA'I DKYIL 'KHOR YANG YIN NO, ,DE LTAR DU BYAS NA NI ZHES BYA BA NI JI LTAR GSUNGS PA'I CHO GAS BRI BAR BYAS NA'O, ,RDO RJE GSUM PO RO GCIG PA'I BYANG CHUB KYI SEMS NI RDO RJE MI PHYED GSUM STE, DE LAS SKYES PA NI SANGS RGYAS DANG BYANG CHUB SEMS DPA' RNAMS ZHES BYA BA'I DON TE, RDO RJE SEMS DPA' ZHES BYA BA NI RDO RJE SEMS DPA' NYID LAS SO, ,'JIGS SHING ZHES BYA BA NI DAM TSIG LAS 'DAS PA'I 'JIGS PA'O, ,DES SKRAG PA NI RAB TU 'DAR BA'O, ,GZHAN DAG NA RE GNAS LNGA DAG TU ZHES BYA BA NI JI LTA BA'I RIGS KYI DKYIL 'KHOR RNAMS SU'O, ,SNGAGS RNAMS ZHES BYA BA NI YE SHES KYI LHA RNAMS KYI'O, ,RDO RJE H'Um NI BSGOM PAR BYA BA NI GNOD MDZES RGYAL POS DGUG PAR BSGOM PA'O, DE NAS SKU DANG GSUNG DANG DAM TSIG MCHOG BSGOM PAR BYA BA NI SKU LA SOGS PA'I BYIN GYIS BRLABS PA'O, ,DE LTAR BYAS PAS BYIN GYIS RLOB PAR BYED CES ZER RO, ,BUM PA'I DGOD PA BSTAN PAR BYA BA'I PHYIR RDO RJE BUM PA ZHES BYA BA LA SOGS PA GSUNGS PA LA, SNGAGS RGYUD BDAG POS ZHES BYA BA NI LHA GANG GI BUM PA GANG YIN PA DE'I SNGAGS KYIS DE LA BZLAS PA'I PHYIR DANG, RGYUD SDE 'BRU LNGA LA SOGS PAS BYIN GYIS BRLABS PA'I PHYIR DANG, BDAG PO STE RANG GI LHA'I RANG BZHIN DU BSKYED PA'I PHYIR RO, ,DKYIL 'KHOR GYI BDAG PO GANG YIN PA DE NYID NI RDO RJE SEMS DPA' YIN LA, TING NGE 'DZIN GNAS ZHES BYA BA NI DE'I RNAL 'BYOR DANG LDAN PA'I SLOB DPON NO, ,CI ZHIG BRTAG PAR BYA ZHE NA, DE NYID DGOD PA'O, ,BRTEN PA'I BLOS NI ZHES BYA BA NI CI RIGS PAR BDAG NYID DAM BUM PA LA SOGS PA LA LHA LA SOGS PA'I MOS PA BRTAN PA'O, ,SBYIN SREG GI CHO GA BSTAN PAR BYA BA'I PHYIR DNGOS GRUB CES BYA BA LA SOGS PA GSUNGS TE, 'DOD PA'I ZHES BYA BA NI DON DU GNYER BA'O, ,SNGAGS SHES PAS NI ZHES BYA BA NI RGYUD MANG PO SHES PA STE, DE NYID KYI CHO GA LHAG MA RNAMS BSGRE BA SHES PA'I PHYIR RO, ,BSREG BYA KHYAD PAR CAN NI BSHAD GCI ZHES BYA BA LA SOGS PA GSUNGS SO, ,RDO RJE GANG BA'I SBYIN SREG NI DGANG BLUGS SO, ,RDO RJE MI PHYED GSUM NI DKYIL 'KHOR GYI BDAG PO'O, ,'KHOR LO DE'I DKYIL 'KHOR PA RNAMS SO, ,DBUS SU ZHES BYA BA

54b

NI 'BAR BA'I ME THAB KYI DBUS SU'O, ,RANG GI LHA'I GZUGS ZHES BYA BA NI BDAG TU MOS PAR BYAS PA'I DKYIL 'KHOR GYI BDAG PO'I DKYIL 'KHOR PA THAMS CAD KYIS YONGS SU BSKOR BA'O, ,ZHAL DU ZHES BYA BA NI DE RNAMS KYI ZHAL TE, DE'I SA BON GYI BYIN GYIS BRLABS PA'I LJAGS LA'O, ,KYANG GSUNGS ZHES BYA BA NI 'CHAD PAR 'GYUR BA'I TSIGS SU BCAD PA'O, ,DBANG PO GNYIS KYI SBYOR BA YIS, ,ZHES BYA BA NI ME LA BZHUGS PA'I DKYIL 'KHOR GYI LHA RNAMS SNYOMS PAR 'JUG PA NYID DU BSAM PA'O, ,BRGYA RTZA BRGYAD ZHES BYA BA NI NYE BAR MTSON PA TZAM STE, LAN 'GA' STONG RTZA BRGYAD DAM DPAG TU MED PA'O, ,SLOB MA GZHUG PA'I CHO GA BSTAN PA'I PHYIR RNAM PAR SNANG MDZAD KYIS ZHES BYA BA LA SOGS PA GSUNGS PA'O, ,SLOB MA ZHES BYA BA NI SNGON DU BYA BA BYAS PA'I SLOB MA'O, ,RNAM SNANG MDZAD KYI SBYOR BA YIS, ,ZHES BYA BA NI YI GE AOm LAS RNAM PAR SNANG MDZAD DU BYAS PA'O, ,RDO RJE GSUM LAS BYUNG ZHES BYA BA NI SKU LA SOGS PAS BYIN GYIS BRLABS PAS TE, SKU'I DKYIL 'KHOR DU GZHUG PAR BYA'O ZHES PA NI LHAG MA'O, ,A'A: NI LUS DANG NGAG SEMS LA BSGOMS NAS ZHES BYA BA NI 'JUG PA DE LA DBAB PAR BYA BA'I PHYIR DE'I SNYING GA'I MTSAN MA'I LTE BA'I DBUS SU BDE BA CHEN PO'I SKU MDOG DMAR PO BSAMS LA RDO RJE DE BRDABS PA LAS BYUNG BA'I DBYANGS YIG THA MA KHA DOG DMAR PO DPAG TU MED PA SPROS PA'I TSUL GYIS DE'I LUS DANG NGAG DANG SEMS THAMS CAD LA BSGOMS NAS SO, ,CI ZHIG BYED CE NA, DE'I 'OD ZER RNAMS KYIS DE DAG BSGYUR BAR BYA'O ZHES BYA BA NI LHAG MA'O, ,DE LAS CIR 'GYUR ZHE NA, RDO RJES GZUNG BAR BYA ZHES BYA BA GSUNGS TE, SKU RDO RJES SLOB MA DE BYIN GYIS BRLAB PAR BYA STE DBAB PAR BYA'O ZHES BYA BA'I DON TO, ,DE BZHIN DU THUGS KYI DKYIL 'KHOR LA SOGS PA LA YANG DKYIL 'KHOR GYI BDAG PO'I SBYOR BAS 'JUG PA LA DBAB PA NI, RGYAL CHEN ZHES BYA BA LA SOGS PA GSUNGS PA LA, RGYAL CHEN NI 'OD DPAG TU MED PA STE SHIN TU ZHEN PA YIN PA'I PHYIR RO, ,RDO RJE SEMS DPA' NI MI BSKYOD PA'O, ,SKU GSUNG THUGS KYI DAM TSIG NI YI GE A'A: LAS JI SKAD DU BSHAD PA'I KHYAD PAR BYA'O, ,DE LA 'DI NI ZHES BYA BA LA SOGS PA LA 'JUG PA'I PHYIR RDO RJE DAM TSIG NI 'DA' BAR DKA' BA'I SNGAGS SO, ,DAM TSIG THAMS CAD NI LHA THAMS CAD DO, ,DE

55a

, ,RNAMS KYI LUS DANG NGAG DANG SEMS KYI DAM TSIG NI GSANG BA GSUM GYI DKYIL 'KHOR RO, ,DE RNAMS KYI SNGAGS KYI RDO RJE NI MI PHYED PA'I SNGAGS SO, ,'DI NI ZHES BYA BA NI YI GE LNGA PO 'DI NYID DO, ,DE CI'I PHYIR ZHE NA, DE BZHIN GSHEGS PA LNGA'I SNYING PO RNAMS KYIS THAMS CAD BSDUS PA'I PHYIR RO, ,DE BAS NA 'DI NYID BRJOD PAS DKYIL 'KHOR THAMS CAD DU 'JUG PA DANG 'JUG PAR BYED PAR 'GYUR RO, ,ZHUGS PA NI SLOB MA LA CI RIGS PAR CHO GA JI LTA BA BZHIN DU DBANG BSKUR BA SBYIN PAR BYA'O, ,'DIR TSIGS SU BCAD PA NI, PHRENG BA'I DBANG BSKUR DANG PO STE, ,PHRENG GTOR SPYI BOR BCING PHYIR RO, ,CHU DANG COD PAN RDO RJE DANG, ,BDAG PO DANG NI MING DANG GNYIS, ,'DI DRUG RIG PA'I DBANG BSKUR YIN, ,SLOB DPON ZHES BYA BA BDUN PA STE, ,SLOB DPON ZHES BYA BA 'DI RNAM GSUM, ,RDOR GSANG YE SHES KYIS BSHAD DO, ,DE LA RIG PA'I DBANG BSKUR BA DRUG KYANG RGYUD GZHAN DAG DANG 'DRA BA NYID KYI PHYIR MA BSHAD DO, ,SLOB DPON GYI DBANG BSKUR NYID KYANG KHYAD PAR RNAM PA GSUM DANG LDAN PA'I PHYIR BSHAD PAR BYA BA YIN NO, ,DE NYID KYI BSTAN PA NI DE LA 'DI NI ZHES BYA BA LA SOGS PA GSUNGS TE, RDO RJE CHEN PO'I DBANG BSKUR BA DANG GSANG BA DANG YE SHES KYI GSANG BA ZHES BYA BA ZLAS DBYE BA'I TSIG BSDU BA'O, ,JI LTAR BSTAN PA BZHIN DU BSHAD PAR BYA'O ZHES BYA BA'I RIGS PAS RDO RJE CHEN PO BSTAN PA DANG PO NYID BSHAD PA NI KUN GYIS ZHES BYA BA LA SOGS PA GSUNGS PA LA, SANGS RGYAS KUN GYIS ZHES BYA BA NI 'DUS PA'I DKYIL 'KHOR NANG DU CHUD CING ZHU BA'I DAM TSIG GI YE SHES KYI CHUS GANG BA'I RIN PO CHE'I BUM PA PHYAG NA BSNAMS PA RNAMS KYIS SO, ,SIL SNYAN DRI LA SOGS PA NYID DAM TSIG YIN TE, DBANG BSKUR BA'I YO BYAD 'DI NYID YIN PA'I PHYIR RO, ,DE RNAMS KYI SPRIN TSOGS NI NAM MKHA' KHYAB PA STE, CHEN PO DANG BCAS PA'I RIG PA'I TSOGS RNAMS KYI PHYAG NA BSNAMS PA'O, ,RDO RJE SKU GSUM SNGAGS KYIS NI ZHES BYA BA NI YI GE GSUM GYIS SO, ,YUNGS KAR ZHES BYA BA NI SNYING PO'I SA BON GYI THIG LE LAS BYUNG BA'I 'OD ZER RNAMS KYIS SO, ,BRDEG PAR BYA ZHES BYA BA NI BSKUL BAR BYA'O, ,YANG NA ZHES BYA BA NI PHYOGS GZHAN NO, ,SANGS RGYAS ZHES

55b

BYA BA NI NAM MKHA'I NGOS NA BZHUGS PA RNAMS SO, ,RDO RJE SEMS DPA'I TING NGE 'DZIN GYIS ZHES BYA BA NI TING NGE 'DZIN BRTAN POS SNYOMS PAR 'JUG PA YIS SO, ,DAM TSIG MCHOG RNAMS KYIS ZHES BYA BA NI SANGS RGYAS DE DAG NYID KYI THUGS KA'I SA BON GYI 'OD ZER GYI SGO LAS BYUNG BA'I RIG PA'I RGYAL MO RNAMS KYIS SO, ,GZUGS RDO RJE MA LA SOGS PA'I YO BYAD RNAMS NI SNGA MA BZHIN NO, ,SLOB MA ZHES BYA BA NI SLOB DPON DU DBANG BSKUR BAR 'OS PA'O, ,RNAM PAR SNANG MDZAD CES BYA BA NI DKYIL 'KHOR GYI BDAG PO'I GZUGS SU'O, ,SKU GSUNG THUGS KYI RDO RJE CAN, ,ZHES BYA BA NI SKU RDO RJE LA SOGS PA'O, ,DGOD PAR BYA ZHES BYA BA NI DE NYID KYI SPYI BO DANG LKOG MA DANG SNYING GA RNAMS SU'O, DBANG BSKUR BA THAMS CAD KYI GSANG BA ZHES BYA BA NI DBANG BSKUR BA GSUM CHAR YANG RDZOGS PAR BYED PA'I DE KHO NA NYID DO, ,DE GANG ZHIG YIN ZHE NA, SLOB DPON THAMS CAD KYIS RDO RJE'I TSIG TU SMRA BAR BYA ZHES BYA BA GSUNGS TE, SLOB DPON THAMS CAD KYIS RDO RJE'I TSIG GI TSIGS SU BCAD PA'I TSUL GYIS DBANG BSKUR BA'I SKAD CIG LA BRJOD PAR BYA'O, ,TSIGS SU BCAD PA DE NYID NI SANGS RGYAS RNAMS NI ZHES BYA BA LA SOGS PA GSUNGS TE, SGRIB PA'I DRI MA 'KHRUD PA'I PHYIR 'DIS DBANG BSKUR BAR BYED PAS NA DBANG BSKUR BA'O, ,GANG GI SGRIB PA ZHE NA, PHYIR MI LDOG PA NYID DANG DNGOS GRUB THAMS CAD KYI'O, ,RDO RJE CHEN PO ZHES BYA BA NI BYANG CHUB KYI SEMS CHEN PO'O, ,SBYIN ZHES BYA BA LA SLOB MA 'DI LA ZHES BYA BA NI LHAG MA'O, ,DE YANG GANG YIN ZHE NA, SANGS RGYAS RNAMS NI THAMS CAD KYI GSANG PA GSUM TE, GSANG BA 'DUS PAR RO GCIG PA'O, ,JI LTA BU ZHIG CE NA, RDO RJE LAS BYUNG STE DANG PO'I DBANG BSKUR BA NI LHA THAMS CAD KYI RDO RJE LAS BYUNG BA YIN LA GNYIS PA NI STER BA PO'I'O, ,GSUM PA NI YAB KYI'O, ,JI LTAR NA DANG PO NYID RDO RJE CHEN PO'I DBANG BSKUR BA YIN GYIS GZHAN DAG MA YIN NAM ZHE NA, 'DIR RGYA CHE BA NYID YIN TE, PHYAG RGYA CHEN PO DANG 'DRA'O, ,DE YANG SKU'I DBANG BSKUR BA NYID YIN PA'I PHYIR RAM STER BA PO DU MA YIN PA'I PHYIR RO, ,TSIGS SU BCAD PA GANG GIS GSOL BA 'DEBS PA CAN GYI SLOB MA LA DBANG BSKUR BA RE RE STZOL BA DE'I SKABS DBYE BA'I PHYIR,

56a

, ,DE LA 'DI NI ZHES BYA BA LA SOGS PA GSUNGS TE, SLOB MA THAMS CAD KYIS RDO RJE 'CHANG CHEN PO LA GSOL BA 'DEBS PA GANG YIN PA DE'I CHOG GSUNG BA NI THABS KYI DE KHO NA NYID DE TSIGS SU BCAD PA'I RANG BZHIN NO, ,BYANG CHUB RDO RJE NI RDO RJE 'CHANG BA'O, ,MCHOD CHEN ZHES BYA BA'I TSIG NI DGA' STON CHEN PO STE, MNGON PAR 'DOD PA'I DBANG BSKUR BA ZHES BYA BA'I DON TO, ,NAM MKHA' RDO RJE NI RDO RJE 'CHANG BA YIN LA, 'DIR NI SLOB DPON NYID NAM MKHA' RDO RJE STE, NAM MKHA' RDO RJE DANG MTSUNGS PA NYID KYI PHYIR RO, ,JI LTAR STZAL BA BZHIN ZHES BYA BA'I TSIG LAS DE BZHIN DU STZOL CIG CES BYA BAR SHES PAR BYA'O, ,DE TSE ZHES BYA BA NI GSOL BA BTAB PA'I DE MA THAG TU'O, ,STZOL BAR MDZAD PA NI SLOB DPON GYIS SO, ,LHA YI GZUGS KYI SBYOR BA YIS, ,ZHES BYA BA NI RDO RJE RNAM SNANG GI TSIGS SU BCAD PA BSTAN PA YIS SO, ,SNYING GAR ZHES BYA BA NI SLOB MA'I YE SHES SEMS DPA'I SNYING GA'I ZLA BA LA'O, ,BDAG PO GZHAG PAR BYA ZHES BYA BA NI RDO RJE SEMS DPA'I DGA' BA'I BDE BA LA BZHUGS PAR BSAMS LA DE NAS DBANG BSKUR BA SBYIN PAR BYA'O, ,RDO RJE ZHES BYA BA LA SOGS PA CHO GA BZHIN ZHES BYA BA NI CHO GA BZHIN DU BCUG LA'O, ,DAM TSIG KYANG ZHES BYA BA NI DENG KHYOD DE BZHIN GSHEGS PA THAMS CAD KYI RIGS SU ZHUGS KYIS ZHES BYA BA LA SOGS PA RGYA CHER GSUNGS PA'O, ,KYANG GIS NI DBAB PA YANG STE, PHRENG BA DKYIL 'KHOR DU DOR LA DE YANG DE'I SPYI BOR BCINGS NAS, DE NAS SNGAGS KYI YI GE'I TSIG BYIN LA ZHES BYA BA DE NI DE NYID KYI MIG DAG LA 'BAR BA DANG BCAS PA'I AOm DKAR PO BSGOM PAR BYA'O ZHES BYA BA'I DON TO, ,DE NAS MIG DBYE BA'I SNGAGS KYIS GDONG G-YOGS DGROL ZHING DE LA DKYIL 'KHOR DAG NI BSTAN PAR BYA BA NI GSHIN RJE GSHED NAS BRTZAMS TE, DKYIL 'KHOR GYI BDAG PO'I BAR DU'O, ,DE NAS CHU DANG COD PAN DANG RDO RJE DANG BDAG PO DANG MING GI DBANG BSKUR BA SBYIN LA RDO RJE CHEN PO'I DBANG BSKUR BA SBYIN PAR BYA'O ZHES BYA BA NI LHAG MA'O, ,DE NAS ZHES BYA BA NI RDO RJE CHEN PO'I DBANG BSKUR BA'I 'OG TU'O, ,DAM TSIG GI NI 'DA' BAR BYA BA MA YIN PA'I PHYIR RO, ,GSANG BA NI BSGRAG PAR BYA BA MA YIN PA'I PHYIR RAM SBA BAR BYA BA'I DON NYID YIN PA'I PHYIR RO, ,

56b

DON DE YANG BLA MA'I MAN NGAG LAS SHES PAR BYA'O, ,RDO RJE'I LAM NI BYANG CHUB KYI LAM MO, ,'DI DAG GIS NI ZHES BYA BAS NI DAM TSIG BZHI PO YIS SO, ,SEMS CAN THAMS CAD CES BYA BA NI DE'I SKAL PA DANG LDAN PA RNAMS SO, ,BSKUL BAR BYA ZHES BYA BA NI 'JUG PAR BYA BA'O, ,'DI SKAD KYANG GSUNGS SO ZHES BYA BA NI RDO RJE'I LAM NI ZHES BYA BA LA SOGS PA'I TSIGS SU BCAD PA'O, ,DE TSE ZHES BYA BA NI DAM TSIG BZHI BSGRAGS NAS SO, ,SNGAGS KYANG SBYIN PAR BYA ZHES BYA BA NI DE'I 'DOD PA'I LHA'I SNGAGS SO, ,SNGAGS KYIS BSKUL BA SMRAS PA YIS, ,ZHES BYA BA LA SNGAGS NI SNGAGS BZLAS PA'O, ,BSKUL BA NI SBYIN PA BSGRAG PA'O; ,SMRAS PA NI BLANGS PAR BRDA SPRAD PA STE, DKYIL 'KHOR DU RANG NYID KYIS BRGYA RTZA BRGYAD BZLAS LA, BCOM LDAN BDAG GIS STZAL LAGS KYIS, ,'DI LA 'GO BAR MDZAD DU GSOL, ,ZHES SLOB DPON GYIS BRJOD CING SLOB MAS KYANG MGO BO BTUD LA, BCOM LDAN BDAG GIS GZUNG LAGS KYIS, ,BDAG LA 'GO BAR MDZAD DU GSOL, ,ZHES BRJOD PAR BYA'O ZHES BYA BA'I DON TO, ,SNGAGS KYI RGYAL PO'I TING NGE 'DZIN DANG ZHES BYA BA NI SNGAGS DE NYID KYIS TING NGE 'DZIN KYANG SBYIN PAR BYA BA STE, DBU GSUM DANG PHYAG DRUG PA LA SOGS PA DANG LDAN PA SBYIN PAR BYA'O, ,GSANG BA'I SBYIN PA BRTZAM PAR BYA, ,ZHES BYA BA DE LTAR 'DI LA RIG PA'I DBANG BSKUR BA DRUG DANG RDO RJE CHEN PO'I DBANG BSKUR BA DANG SNGAGS DANG SNGAGS KYI TING NGE 'DZIN KYANG SBYIN PAS DE'I 'OG TU GSANG BA BRTZAM PAR BYA STE, GSANG BA'I DBANG BSKUR BA SBYIN PAR BYA'O ZHES BYA BA'I DON TO, ,'DIR DAM TSIG NI KHU BA'AM ZHES BYA BA LA SOGS PA GSUNGS SO, ,DE NAS SHES RAB DANG YE SHES KYI DBANG BSKUR BA SBYIN PAR BYA BA'I PHYIR RNAM PA 'DI BZHI ZHES BYA BA LA SOGS PA GSUNGS PA LA RNAM PA BZHI NI BZHI PO'O, ,'DI ZHES BYA BA NI 'DI RNAMS SO, ,GSANG CHEN NI SHES RAB YE SHES SO, ,DE LA SNOD DU RUNG BA NI GSANG BA'O, ,JI LTAR ZHE NA, PHYI ROL GYI RIG MA RNAMS DE'I TSUL DU BSGOMS PA'I PHYIR ZHES DGONGS SO, ,GANG DAG GI GSANG BA YIN ZHE NA, RDO RJE CAN NI KUN GYI STE, ,KUN NI MCHOG DANG PO'I GZUGS CAN GYI DANG DAM TSIG SEMS DPA'O, ,RDO RJE NI RANG GI LHA'I RANG BZHIN GYI YE SHES SEMS DPA'O, ,DE DANG LDAN PA STE DE DANG LDAN PAR BSGOMS PA'I SLOB MA RNAMS ZHES BYA BA'I DON TO, ,BZHI PA GANG ZHE NA, SNGAGS

57a

, ,KYI ZHES BYA BA LA SOGS PA GSUNGS PA LA BUD MED NI LHA MO BZHI STE, DE'I GZUGS SO, ,SNGAGS KYI 'KHOR LO NI LHA RNAMS BSDUS PA'I DKYIL 'KHOR DU GNAS PA GANG YIN PA'O, ,SNGAGS KYI RDO RJE GSUM GYI GZUGS, ,ZHES BYA BA NI MNGON PAR MI SHES PAS DA LTAR GZHUNG DU BYAS PA YIN NO, ,'O NA BYA BA GANG GIS GNAS SHE NA, SEMS DPA' DON SPYOD CES BYA BA LA SEMS DPA' NI RDO RJE SEMS DPA' STE, LHA RNAMS KYI DKYIL 'KHOR GYI BDAG PO'O, ,DE'I DON NI BYA BA STE, SEMS CAN THAMS CAD BLA NA MED PA'I GO 'PHANG THOB PAR BYED PA'O, ,DE'I SPYOD PA NI BCOM LDAN 'DAS DE NYID DANG LHAN CIG NAN TAN DU BYED PA STE GTI MUG DGA' MA LA SOGS PA ZHES BYA BA'I DON TO, ,'DIS NI RDO RJE SEMS DPA' BSDUS PA'I DKYIL 'KHOR YANG BSHAD PA YIN NO, ,DE LA ZHES BYA BA LA SOGS PA LA RDO RJE DKYIL 'KHOR YANG DE YIN LA THAMS CAD KYANG YIN TE DE RNAMS KYI SNGAGS SO, ,DE RNAMS MNYES PAR BYA BA YANG YIN LA SBA BAR BYA BA NYID YIN PA'I PHYIR GSANG BA YANG YIN PAS NA'O, ,YID CHES PA NI YID RTON PAR BYED PA NYID DO, ,DE LTA BAS NA SLOB MA DE THE TSOM MED PAR ZAD PAR BYED PA'I DPYAD PA'O, ,RDO RJE GSANG BA'I TSIG DAG STE, ,DE NI JI LTAR MNA' BSGAGS PA LA SOGS PA GUS PAR GYUR BA'O, ,SGRUB PA'I DKYIL 'KHOR DU NI DON YANG YIN TE, YID CHES PA ZHES BYA BA NI SNGAGS KYI CHE BA'I BDAG NYID YID CHES PA'I YAN LAG SKYES BU'I RANG GI BYED PA'O, ,MKHAS PAS ZHES BYA BA NI SNGAGS KYI SEMS DPA'O, ,CI LTA ZHE NA, BSHANG GCI BYA BA DANG ZHES BYA BA GSUNGS TE, DE MA THAG TU 'CHAD PAR 'GYUR BA DANG NGO, ,RDO RJE GSANG BA'I TSIG DAG GIS, ,ZHES BYA BA NI SNOD LA BABS PA'I SKU RDO RJE LA SOGS PA BTZUN MO DANG BCAS PA BRIS PA'I DKYIL 'KHOR DU SNGAR JI SKAD GSUNGS PA'O, ,BSHAD PA LA SOGS PA'I DBANG DU BYA BA DE NYID NI SNGAGS RNAMS ZHES BYA BA LA SOGS PA GSUNGS PA LA, SNGAGS RNAMS KUN GYI ZHES BYA BA NI DKYIL 'KHOR PA THAMS CAD DANG 'BREL BA STE, DE LAS DE RNAMS SPROS TE BSDUS PA'I GZUGS RIN PO CHE PHRA BAS BYIN GYIS BRLABS PA'I THIG LE ZHES BYA BA'I DON TO, ,'BAR BA NI BSHANG BA LA SOGS PA LA YI GE AOm BSGOMS PA LAS DE NYID LA 'BAR BA SPRO BAR BSGOM PA'I PHYIR RO, ,SNGAGS CHEN PO NI YI GE AOm MO, ,DE'I RDO RJE RIN PO CHE'O, ,DE NYID NI RIG PA'I SKYES BU STE, DES RDO RJE NI

57b

BSHANG BA LA SOGS PA 'BAR BA'O, ,DE STON PAR MDZAD PAS NA BCOM LDAN 'DAS LA YANG DE SKAD CES BYA'O, ,DE NAS SNGAGS KYI SEMS DPA' DES SGRUB PA'I DKYIL 'KHOR DU CI ZHIG BSGRUB PAR BYA ZHE NA, DNGOS GRUB CES BYA BA LA SOGS PA GSUNGS TE, DNGOS GRUB DMAN PA THAMS CAD DANG DAM TSIG CHEN PO STE, RDZOGS PAR BYANG CHUB PA CHEN PO'O, ,SGRUB PA NI SGRUB PA'I DKYIL 'KHOR DU BYA BA STE, TSIG RKANG PA GNYIS PA NI BSTAN PA'O, ,TSIGS SU BCAD PA PHYED DANG GNYIS KYIS BSHAD PA NI NAN TAN YAN LAG DRUG GI BSNYEN PA LA SOGS PA'O, ,SANGS RGYAS BYANG CHUB NI BCO LNGA PA LAS GSUNGS PA'I SA BCU PA'I DBANG PHYUG NYID DO, ,NYID DAG CES BYA BA NI MNGON SUM DU GYUR PA NYID YIN GYI 'DRA BA TZAM NI MA YIN NO, ,KYANG GI SGRAS NI MI SNANG BA LA SOGS PA YANG SBYAR TE, MI SNANG BA NI RI LU LA SOGS PA'O, ,STOBS NI RIG PA 'DZIN PA'I BDAG PO'O, ,BRTZON 'GRUS NI MNGON PAR SHES PA LNGA'I MTSAN NYID CAN GYI MTHU'O, ,RDO RJE 'GUGS PA NI SANGS RGYAS LA SOGS PA 'GUGS PA'O, ,MCHOG DAG NI DAM PAR GYUR PA'I SANGS RGYAS DANG BYANG CHUB SEMS DPA' RNAMS DANG 'DRA BA STE, RDO RJE GSUM ZHES BYA BA'I DON TO, ,DNGOS GRUB DMAN PA 'DI DAG NI LE'U BCU GNYIS PAR BSTAN PA YIN NO, ,LHAN CIG 'KHOD CES BYA BA NI LHAN CIG GNAS PA STE, DKYIL 'KHOR GYI DBUS SU MTSAN THOG THAG BZHAG PAS SO, ,DE LTAR RDZAS DE GRUB PAR GYUR NA MTHU CHEN PO DANG LDAN PAR 'GYUR RO, ,DE LA ZHES BYA BA LA SOGS PA LA GSANG BA'I RDO RJE NI RIGS GSUM GYI KHRO BO RNAMS SO, ,DE NYID NI MNGAG GZHUG PA STE, BKA' BSGO BA THAMS CAD BYED PA'O, ,DE LTA BUR GYUR PA DE RNAMS KYI RAB TU BSGRUB PA NI RDZOGS PAR BYED PA'O, ,DE'I DON GYI TSIG GI MCHOG NI GSANG BA'I KHRO BO DE RNAMS KYI SA BON GYI TSIG YIN TE, SANGS RGYAS THAMS CAD NANG DU CHUD PA'I PHYIR MCHOG STE DAM PA'O, ,HRI NI ZHES BYA BA LA SOGS PA LA RANG GI 'DOD PA'I LHA'I SBYOR BA DANG LDAN PAS MDUN GYI NAM MKHA' LA, YI GE HRI 'BAR BA'I PHRENG BA CAN DANG; SANGS RGYAS KUN GYIS NAM MKHA' YONGS SU KHYAB PAR BYED PA RNAM PAR BSGOM PAR BYA'O, ,SKU GSUNG THUGS KYI GNAS NI SKU LA SOGS PA'I DNGOS PO THAMS CAD DO, ,DER NI SNGAGS LA ZHES BYA BA NI YI GE HRI LA'O, ,DBAB PAR BYA ZHES BYA BA NI BSDU BAR BYA BA'O, ,SKU DANG GSUNG DANG THUGS KYI SNGAGS

58a

, ,RDO RJE NI SKU LA SOGS PA'I GSANG BA DANG GNYIS SU MED PAR GYUR PA'I YI GE HRI'O, ,DE'I BYIN GYIS BRLABS PA NI BRTAN PAR BYED PA'O, ,DE'I DON GYI TSIG NI SNGAGS TE AA KHAm KHA'O, ,GZHUNG KHA CIG LA NI AA KHAm PA'O, ,PHYAG NA RDO RJE NI BGEGS MTHAR BYED DAM, GNOD MDZES RGYAL PO'O, , PHYAG NA PADMO NI PADMA MTHAR BYED DO, ,GZHAN GYIS MI THUB PAS NI GSHIN RJE GSHED DAM SHES RAB MTHAR BYED DO, ,BSGOMS NAS ZHES BYA BA NI YI GE HRI DE LAS BYUNG BA BKA' NOD PAR RNAM PAR BSAMS NAS SO, ,GSANG BA'I GNAS ZHES BYA BA NI GSANG BA'I GNAS NYID DE THUGS KYI GSANG BA ZHES BYA BA'I DON TO; ,DE GANG YIN ZHE NA, DE LA ZHES BYA BA LA SOGS PA GSUNGS PA LA RDO RJE NI MNGAG GZHUG PA'I KHRO BO RNAMS TE, DE RNAMS KYI GSANG BA'I GNAS SO, ,NYI MA ZHES BYA BA LA SOGS PA LA MNGAG GZHUG PA'I SNYING GAR NYI MA 'BAR BA LA GNAS PA 'OD ZER GYI PHRENG BA CAN GYI MI BSKYOD PA LA SOGS PA GANG YANG RUNG BA'I RIGS KYI DBYE BAS BSAM PAR BYA'O, ,SNYING POS ZHES BYA BA NI AOm LAS BYUNG BA'I RTZE GSUM LA SOGS PAS SO, ,BSKUL BAR BYA ZHES BYA BA NI BRDEG PAR BYA BA'O, ,SDUG BSNGAL CHEN PO YIS ZHES BYA BA NI SDUG BSNGAL MI BZAD PAR BYED PAS SO, ,'OD CHEN THAMS CAD CES BYA BA NI NAM MKHA' KHYAB PA'I YE SHES KYI MNGAG GZHUG PA'O, ,RDO RJE THAMS CAD NI YE SHES KYI MNGAG GZHUG PA'O, ,DE RNAMS KYI SNYING PO RDO RJE STE, RTZE GSUM LA SOGS PA SGROS PA YIS SO, ,BSKUL BA NI BRDEGS PA'O, ,AAm NI DAM TSIG GI MNGAG GZHUG PA'I THUGS KYI GSANG BA'I SNYING GA'I NYI MA LA BSAM PAR BYA BA'I SNGAGS SO, ,JI LTAR BSKUL BAR BYA ZHE NA, MDUNG RTZE CHE DANG ZHES BYA BA LA SOGS PA GSUNGS TE, CHO GA BZHIN ZHES BYA BA NI YI GE AOm NYID LAS MDUNG RTZE LA SOGS PA SPROS PA DANG DAM TSIG GI MNGAG GZHUG PA LA BYIN GYIS BRLABS LA BDAG LA GRUB PAR GYUR CIG CES BYA BA'I BSAM PAS BRDEG PA NI 'DIR CHO GA YIN NO, ,SANGS RGYAS BYANG CHUB CES BYA BA NI SANGS RGYAS KYI THABS KYI MNGAG GZHUG PA'O, ,SA PHYOGS GANG DU MNGAG GZHUG PA BSGRUB PAR BYA BA DANG, DUS JI SRID NAS 'GRUB PAR 'GYUR BA DE NI NYAMS DGA' BA'I ZHES BYA BA LA SOGS PA'I TSIGS SU BCAD PAS GSUNGS PA YIN NO, ,MNGAG GZHUG PA GRUB PAR GYUR NAS

58b

CIR 'GYUR ZHE NA, RI RAB CES BYA BA LA SOGS PA GSUNGS TE, RDO RJE CAN NYID BYANG CHUB STE, ,DE YI DON GYI 'KHOR RNAMS SO, ,'GRO BAR 'GYUR ZHES BYA BA NI, RDZU 'PHRUL GYIS 'GRO BAR 'GYUR RO, ,THAS 'GYUR ZHING ZHES BYA BA NI, DE NA BZHUGS PA'I SANGS RGYAS RNAMS SO, , SANGS RGYAS SA YANG ZHES BYA BA NI, MTHAR 'TSANG RGYA BA NYID DO, ,DAM TSIG RDO RJE'I BZHAD PA YANG DE YIN LA CHEN PO YANG YIN PAS NA'O, ,DE LA DAM TSIG NI DAM TSIG GI MNGAG GZHUG PA'O, ,DE'I RDO RJE NI THUGS KYI GSANG BA'O, ,DE'I BZHAD PA NI SNYING GAR GNAS PA'I YI GI A'Om: LAS BYUNG BA'I MDUNG LA SOGS PA'I TSOGS SO, ,DE YANG NAM MKHA' KHYAB PAS NA CHEN PO YIN TE, YE SHES KYI MNGAG GZHUG PA'I RIGS KYI SNYING PO SKUL BAR BYED PA NYID KYI KHYAB PAR BYED PA NYID YIN PA'I PHYIR RO, ,DE STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA'O, ,MNGAG GZHUG PA SGRUB PA RNAM PA GNYIS LAS GCIG BSHAD NAS GNYIS PA BSHAD PA'I PHYIR, DE LA ZHES BYA BA LA SGOS PA GSUNGS PA LA DE LA ZHES BYA BA NI SNGA MA BZHIN DU BSKYED PA'I DAM TSIG GI MNGA' GZHUG PA'O, ,MNGAG GZHUG PA THAMS CAD KYI GSANG BA'I RDO RJE NI SKU DANG GSUNG DANG THUGS KYI GSANG BA'O, ,DE RNAMS KYI GSANG BA NI DE KHO NA NYID DO, ,DE GANG YIN ZHE NA, RDO RJE SEMS DPA' ZHES BYA BA LA SGOS PA LA MI BSKYOD PA DANG, 'OD DPAG TU MED PA DANG RNAM PAR SNANG MDZAD KYI'O, ,DGOD PA ZHES BYA BA NI SNYING GA DANG LKOG MA DANG SPYI BOR 'BAR BA'I 'PHRENG BA CAN 'DI RNAMS RNAM PAR DGOD PA YIS SO, ,BSKUL ZHES BYA BA NI GRUB PA'I PHYIR SAD PAR BYA BA'O, ,DE LA ZHES BYA BA NI GSANG BA GSUM DGOD PAR BYAS PAR RO, ,RDO RJE NI DE NYID KYI GSANG BA'O, ,DE RNAMS KYI YE SHES KYI 'KHOR LO NI DE DAG NYID KYI SNYING GA'I SNGAGS KYI 'OD ZER GYI SPRUL PA RNAMS RE RE ZHING NAM MKHA' KHYAB PA'I YE SHES KYI MNGAG GZHUG PA'I RIGS GSUM PA'O, ,DE RNAMS KYI DAM TSIG GI GNAS BZHI NI DAM TSIG GI GNAS BZHI STE, DAM TSIG NI YE SHES KYI 'KHOR LO YIN LA DE'I GNAS NI LAS RNAMS SO, ,DAM TSIG BSKUL BA NI A'A: LA SOGS PA'I RANG GI DE KHO NA NYID KYIS SAD PA'O, ,DAM TSIG

59a

, ,GTONG BA NI A'A: LA SOGS PA'I 'OD ZER PHO NYA'I GNAS SU GYUR PA RNAMS GTONG BA'O, ,DAM TSIG BOD PA NI 'OD ZER DE DAG NYID KYIS DGUG PA'O, ,DAM TSIG BCING BA NI BKUG PA DE NYID YI GE A'A: LA SOGS PA LA BSDUS TE 'JOG PA'O, ,DE NAD DAM TSIG GI TSIG 'DI DAG GIS CI ZHIG BYED CE NA, MKHA' DBYINGS ZHES BYA BA LA SOGS PA GSUNGS TE, YE SHES KYI KHRO BO'I 'KHOR LO'I RANG BZHIN NYID YIN PA'I PHYIR CHOS KYI DBYINGS SU RO GCIG PA'I RDZOGS PA'I BYANG CHUB KYI SEMS NI NAM MKHA'I KHAMS KYI RANG BZHIN NYID YIN PA'I PHYIR MKHA' DBYINGS SO, ,MTHA' YAS PA NYID KYI PHYIR RGYA CHEN NO, ,RANG BZHIN GYIS 'OD GSAL BA NYID YIN PA'I PHYIR DAG PA'O, ,RNAM PA THAMS CAD DU GZUNG BA DANG 'DZIN PA'I RNAM PA DANG BRAL BA NYID KYI PHYIR CHOS RNAMS THAMS CAD RNAMS SPANGS PA'O, ,DE GONG BU'I TSUL GYIS ZHES BYA BA NI RDO RJE GSUM DU BSDUS PA'O, ,RDO RJE NYID NI NGO MTSAR DU GYUR BA'I TSUL CAN NYID YIN TE, DE DANG LDAN PAS NA RDO RJE RMAD BYUNG GZUGS CAN TE, NAM MKHA' KHYAB PAR BYED PA'I SANGS RGYAS THAMS CAD KYI BU GCIG PA NI GSANG BA GSUM BSDUS PA DE RNAMS KYIS BSKYED PA NYID KYI PHYIR RO, ,DE GANG YIN ZHE NA, DAM TSIG GI MNGAG GZHUG PA'O, , DE STON PAR MDZAD PA NYID KYIS NI BCOM LDAN LA YANG DE SKAD CES BYA'O, ,MNGAG GZHUG PA SGRUB PA 'DI LA YANG DE NYID 'BRAS BU YIN TE, GZHAN DU MA GSUNGS PA'I PHYIR RO, ,MNGAG GZHUG PA SGRUB PA'O, ,RDO RJE LUS MED KYI SBYOR BA NI SANGS RGYAS ZHES BYA BA LA SOGS PA GSUNGS TE, 'ONG GI SGRAS NI LHA DANG MI'I DBANG PO'I BU MO LA SOGS PA'O, ,'DI ZHES BYA BA NI 'CHAD PAR 'GYUR BA'I BSAM GTAN NO, ,BSGRUB PAR BYA BA'I LUS DANG NGAG DANG YID NI RDO RJE GSUM MO, ,DE DBANG DU BYAS NAS MDUN DU 'JOG PA'I PHYIR RDO RJE MCHOG GSUM 'DZIN PA'O, ,RDO RJE 'JAM PA ZHES BYA BA NI ZLA BA DMAR PO LA GNAS PA SKU DANG THUGS DANG NA BZA' DANG RGYAN DANG PHRENG BA DMAR PO'O, ,MDA' LNGA ZHES BYA BA LA SOGS PA LA BSGRUB PAR BYA BA KHA DOG DMAR ZHING GOS MED PAS 'JIGS PAR 'GYUR BA MDUN DU BSAMS TE, DE NYID 'BEN DU BYAS NAS TZAm LAS BYUNG BA'I GZHU DMAR PO LAG PA G-YON PAS GZUNG LA GZHU'I

59b

RGYUD 'DRAN [?] PAR BYED PA CAN SOR MO LNGA'I NANG NA GNAS PA'I YI GE RAm LAS BYUNG BA'I MDA' AUTPALA DMAR PO KHA MA BYE BA'I MDE'U DANG LDAN PA'I MDA' LNGA LTONG 'DZIN PAR BYED PA'I G-YAS KYI KHU TSUR COD PAN GYI MTHAR 'JOG PA NI MDA' LNGA'I SBYOR BDAG GIS NI DBU RGYAN RTZE MOR RO, ,DES YANG DAG SPRO BA NI MDA' LNGA LAS MDA' LNGA 'BYUNG ZHING SPRO BA BSAM PAR BYA'O, ,DE NAS MDA' LAS BYUNG BAS CI ZHIG BYED CE NA, GNAS LNGA DAG TU RAB TU DBAB PA STE, BSGRUB PAR BYA BA'I MIG GNYIS DANG, SNYING GA DANG LTE BA DANG GSANG BA RNAMS SU'O, ,RDO RJE KHRO BOS ZHES BYA BA NI 'BAR ZHING CHAGS PA DANG BCAS PA'I YI GE H'Um NGAM YI GE MAm GYIS SO, ,BRGYAL BA NI MYOS TE DBANG DU GYUR PA'I PHYIR RO, ,DE ZHES BYA BA NI BSGRUB PAR BYA BA'O, ,BYIS PA'I GZIGS KYANG DE YIN LA, SANGS RGYAS THAMS CAD KYI BLO YANG YIN PAS NA BYIS PA'I BLO STE 'JAM DPAL LO, ,DE'I GRAGS CHEN NI GRAGS PA DANG LDAN PA'I MDA'O, ,GSANG BA'I BSKUL BA DAG GIS ZHES BYA BA NI GNAD DU BSNUN PA YIS SO, ,SNGAGS RNAMS KUN NI LHA THAMS CAD DO, ,DE RNAMS KYI RAB GSANG BA NI NANG GI NOR RO, ,SGRUB PA POS DON BYA BA YIN LA BLO NI BSGRUB PAR BYA BA RNAMS KYI BSAM PA YIN PAS NA DON GYI BLO YIN ZHING DE GANG LAS DBYER MI PHYED PAR 'GYUR BA DE NI RDO RJE DON GYI BLO STE, RDO RJE LUS MED KYI SBYOR BA'O, ,DE STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA STE, RDO RJE LUS MED DO, ,MCHOG DANG ZHES BYA BA NI PHYAG RGYA CHEN PO'I GZUGS SO, ,NAM MKHA'I DBYINGS NI CHOS 'BYUNG BA'I NANG DU CHUD PA'I GZHAL YAS KHANG NGO, ,JI LTAR BSAM PAR BYA ZHE NA, SNGAGS KYI RDO RJE H'Um LA SOGS TE, DBYANGS KYI YI GE THAMS CAD LAS BYUNG BA'I ZLA BA'I DKYIL 'KHOR LA GSAL BA'I YI GE THAMS CAD KYIS YONGS SU BSKOR BA MCHOG DANG PO'I SNYING PO STE DE LAS RDO RJE'O, ,DE'I DBUS SU SNYING PO DE NYID DO, ,SOGS PA SMOS PAS NI SPRO BA DANG BSDU BA DANG RDO RJE 'DZIN PA BSKYED PA 'DOD CHAGS CHEN PO'I TSUL LA SOGS PA'I RIM GYIS DKYIL 'KHOR GYI BDAG PO DANG, DKYIL 'KHOR PA RNAMS SPRUL PA, DKYIL 'KHOR GYI BDAG PO LA SOGS PA DE NAMS KYI RDO RJE GSUM LA SOGS PA BSGOMS TE, SKU RDO RJE LA SOGS PA DANG, YE SHES SEMS DPA' DANG COD PAN LA

60a

, ,RIGS KYI BDAG PO DANG, RIG PA DANG YANG DAG PAR SBYOR BA CI RIGS PAR BSGOM PAR BYA'O ZHES BYA BA'I DON TO, ,CHO GA BZHIN DU ZHES BYA BA NI SLOB MA GZHUG PA'I CHO GA BZHIN DU'O, ,BSTAN ZHES BYA BA NI SPRUL PA'I DKYIL 'KHOR 'DI BSTAN PA'O, ,AOm NI MIG GI DBUS BSAMS NAS, ,ZHES BYA BA NI SNGAGS KYI YI GE'I TSIG BYIN LA ZHES SNGAR GSUNGS PA GANG YIN PA'O, ,SPRUL PA'I DKYIL 'KHOR YANG DAG PAR BSTAN PA'O, ,BKRES SKOM ZHES BYA BA NI BKRES PA DANG SKOM PA RNAMS KYIS SO, ,NYON MONGS CHES ZHES BYA BA NI NGAL BA CHEN PO YIN TE, DE RGYUR GYUR PAS RNAM BSAMS NAS TE ZHI BA'I DON DU'O, , DON RNAMS THAMS CAD 'BYOR ZHES BYA BA NI GZUGS KYI PHUNG PO LA DBANG THOB PA'I PHYIR RO, ,BAm ZHES BYA BA NI BUM PA DKAR PO LTA BU'O, ,KHA'I NANG DU ZHES BYA BA NI MA MCHU DANG 'BYAR ZHING CUNG ZAD KHAS SPUB PA'O, ,BZA' BAR BYA BA KUN ZHES BYA BA NI BZA' BAR BYA BA DANG BTUNG BA LA SOGS PA'O, ,YID BZHIN NOR BUS BRGYAN PA STE, ,ZHES BYA BA NI ZLA BA PHYED PA'I RANG BZHIN CAN PHYED BKAB PA'I THIG LE'I GZUGS CAN GYI YID BZHIN GYI NOR BUS RNAM PAR BRGYAN PA STE, BUM PA BZANG PO NYID YI PA'I PHYIR RO, ,YE SHES RDO RJE NI TING NGE 'DZIN BSTAN PA'O, ,DE LAS BYUNG BA NI BSKYED PA'O, ,ZHI BA STE NYON MONGS PA MED PA BKRES PA LA SOGS PA'I SDUG BSNGAL SPANG BA GANG YIN PA DE 'DRA BA'I YI GE BAm BSAMS NAS SO, ,AOm NI LCE LA 'DUG PAR BSAM, ,LCE'I RTZE MO LA YI GE AOm BSAM PA KHA DER GTAD PAR BYA STE, BZA' BA DANG BTUNG BA LA SOGS PA RNGUB PA'I PHYIR RO ZHES BYA BA'I DON TO, ,YID BZHIN GYI NOR BU RDO RJE 'DI NYID NI TING NGE 'DZIN TO, , DE STON PAR MDZAD PA LA YANG DE SKAD CES BYA'O, ,ZAS KYI YID BZHIN NOR BU'O, ,DPA' BO CHEN PO'I RDO RJE YANG DE YIN LA DE BZHIN GSHEGS PA YANG YIN PA STE, DE'I RDO RJE BSGOMS PA NI SKU GSUM BSGOM PA'O, ,DE'I DAM TSIG GI MCHOG NI SA BON GYI MCHOG GO, ,RDO RJE GSUNG LAS ZHES BYA BA NI RDO RJE GSUNG LA SOGS PA LAS SO, ,BSGOM PA NI SANGS RGYAS ZHES BYA BA LA SOGS PA GSUNGS PA LA, SANGS RGYAS DKYIL 'KHOR NI ZLA BA'I DKYIL 'KHOR RO, ,RDO RJE GSUM NI ZLA BA DANG RDO RJE DANG BAm GYI'O, ,DE RNAMS KYI SKU'I SBYOR BA NI NAM MKHA' KHYAB PAR BYED PA'I RGYAL BA'I SKU BSDUS PA STE DES BSKYED PA'O, ,DES CI ZHIG BYED CE NA, SKABS

60b

NYID YIN PA'I PHYIR DPA' BO RDO RJE'O, ,SER BA ZHES BYA BA NI GSER LTA BU'O, ,RDO RJE 'GYING BA ZHES BYA BA NI PHYAG NA GNAS PA'I RDO RJE 'BAR BA LTA BU'O, ,RANG SNANG BA'I RIG MAS 'KHYUD PAS RDO RJE DANG, RAL GRI DANG NOR BU DANG PADMA BSNAMS PA'O, ,'DI NI RNAM PAR BSAM ZHES BYA BA NI SA BON GYI YI GE BAm SNYING GA'I ZLA BA RDO RJE'I LTE BA LA GNAS PA ZLA BA'O, ,BSAMS NAS ZHES BYA BA NI DE LTA BU'I YI GE BAm GYI RNAM PAR BSAMS NAS SO, ,THAMS CAD BRTZAM PAR BYA ZHES BYA BA NI BSGRUB PAR BYA BA MA YIN PA'I LAS KYANG BRTZAMS NAS DE NGES PAR 'GRUB PAR 'GYUR RO ZHES BYA BAR DGONGS SO ZHES BYA BA'I DON TO, ,RDO RJE DPA' BO'I RLABS NI BRTZON PAS GZENGS BSTOD PA'I SNGAGS KYI 'OD ZER TE DE RNAMS KYI PHRENG BA'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,DPA' BO'I RDO RJE'O, ,KUN NAS DBYANGS NI SNGAGS THAMS CAD DE SANGS RGYAS DANG BYANG CHUB SEMS DPA' ZHES BYA BA'I DON TO, ,DE'I RDO RJE NI TZUNDA'I RNAM PAR BSDUS PA'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,RDO RJE CHEN MO NI SKUL BYED MA DE NYID DE DE'I BSGOMS PA'I DON GYI TSIG NI SA BON NO, ,RDO RJE GSUM GYI ZHES BYA BA NI RDO RJE SEMS DPA' LA SOGS PA'I BYANG CHUB SEMS DPA' RNAMS SO, ,LUS DANG NGAG DANG SEMS ZHES BYA BA NI NYI MA DANG PADMA DANG YI GE TZUm MO, ,RAB TU BSGOM ZHES BYA BA NI RAB TU BRTAGS NAS BSGOM PA STE, NYI MA'I GDAN DANG NYI MA'I 'OD MNGA' BA THABS KYIS 'KHYUD PA PADMA DKAR PO DANG RAL GRI DANG NOR BU DANG 'KHOR LO BSNAMS PA'O, ,RDO RJE SEMS DPA' ZHES BYA BA NI MI BSKYOD PA'I COD PAN CAN NO, , SNGAGS KYI TSIG CES BYA BA NI SNYING GA'I NYI MA LA BZLAS PA'I SNGAGS KYI YI GE TZUm MA, YANG NA AOm TZA LE TZU LE TZUNDE SV'A H'A BYA BA'O, ,DE LA SDIG PA RNAMS BSKYOD CONG SEL BAR MDZAD PAS NA TZA LE'O, ,DE RNAMS KYANG MI PHYED PA'I PHYIR LDEM ZHING YANG DAG PAR LDEM PAS NA TZU LE'O, ,DKAR PO'I CHOS RNAMS KYIS 'BAR BAR BYED CING GSAL BAR BYED PAS NA TZUNDE'O, ,TZUNDA'I DON GYI YI GE TZUm MAM, ,YANG NA TZA LE TZU LE TZUNDE'I DON GYI YI GE GSUM MO, ,RDO RJE NI SNGAGS THAMS CAD DO, ,DE RNAMS KYI DAM TSIG NI BSDUS PA STE, DE NYID NI SKUL BYED MA'O, ,DE'I YE SHES NI SA BON TE, DE'I 'OD ZER NI PHRENG BA'O, ,DE DAG

61a

, ,LA DMIGS PA'I TING NGE 'DZIN LA YANG DE SKAD CES BYA'O, ,SDIG PA THAMS CAD 'JIG PA'O, ,BSAM PA THAMS CAD NI NOR THAMS CAD KYI BSAM PA'O, ,DE'I RDO RJE'I LONGS SPYOD NI NGES PAR RDZOGS PAR BYED PA STE, DPAL GNOD GNAS SO, ,DE LA DMIGS PA'I TING NGE 'DZIN LA NI DE SKAD CES BYA'O, ,TING NGE 'DZIN DE NYID NI TING NGE 'DZIN RDO RJE'O, ,DE'I TSUL NI THABS SO, ,SANGS RGYAS DKYIL 'KHOR NI ZLA BA'I DKYIL 'KHOR RO, ,RDO RJE BSGOM PAS ZHES BYA BA NI ZLA BA DE LA SA BON GANG BA DE'I LTE BAR RDO RJE STE DZAm BSGOMS PA'O, ,SANGS RGYAS KUN ZHES PA NI SANGS RGYAS THAMS CAD DO, ,DBAB PAR BYA ZHES BYA BA NI YI GE DZAm LA BSDU BA'O, ,DZAm BHA NI GNOD SBYIN CHEN PO ZHES BYA BA NI SER PO'AM NAG PO ZLA BA'I GDAN DANG, ZLA BA'I 'OD YOD PA MI THUNG GSUS PA CHE BA RANG SNANG BA'I RIG MAS 'KHYUD PA LAG PA G-YAS GNYIS NA SA BON GANG BA DANG RAL GRI THOGS PA, G-YON PA GNYIS NA RIN PO CHE SKYUG PA'I NE'U LE DANG PADMA THOGS PA'O, ,THOR TSUGS DANG DBU RGYAN DANG RDO RJE CAN NI SKU RDO RJE CAN LA SOGS PA STE, DE DAG DANG LDAN PA'O, ,GNAS LNGA DAG TU ZHES BYA BA NI COD PAN GYI STENG GI BAR SNANG LA'O, ,CHO GA YIS ZHES BYA BA NI LNGA PO YANG RANG GI RIG PA RJES SU MNYES PA'I CHO GAS GNAS PA'O, , RDO RJE BDUD RTZI'I CHU ZHES BYA BA NI DE DAG NYID KYI DGA' BA BYUNG BA'I RGYUN MI 'CHAD PA'O, ,DBU LA ZHES BYA BA NI SPYI BOR DBANG BSKUR BA'I PHYIR RO, ,RDO RJE SEMS DPA'I ZHES BYA BA NI MI BSKYOD PA'I'O, ,CHO GA YIS ZHES BYA BA NI CHU DE NYID KYIS BSKYED PA'O, ,DE BZHIN DU RDO RJE SEMS DPA' LA SOGS PA'I SBYOR BA DANG LDAN PAS SNOD LA SOGS PAR RMUGS 'DZIN GYI MDZOD SPU RU GNAS PA YI GE DZAm SER PO'I 'OD ZER RNAMS KYIS SGRUB PA PO KUN DU 'GENGS PAR BYED PAR BSAMS LA LAG PA G-YAS PA'I SOR MO'I RTZA BA RNAMS LA RDO RJE CHU DE BDUD RTZIR MOS PAR BYAS LA PHYI'I CHU DE'I SPYI BOR SNGAGS BZLA ZHING SBYIN PAR BYA'O, ,SNGAGS NI AOm DZAm BHA LA DZA LENDR'A YA SV'A H'A, RDO RJE RGYA MTSO NI BYANG CHUB KYI SEMS KYI RGYA MTSO STE DPAL GNOD GNAS SO, ,DE LA RDZAS BSGRUB PA NI NOR THOB PA LA'O, ,DE'I DON GYI TOG GI DPAL NI RGYAL MTSAN MDZES PA'O, ,DE'I 'BRAS BU NYID KYIS DE GSAL BAR BYED PA NYID KYI PHYIR RO, ,RDZAS SGRUB PA'O, ,MI ZAD PA'I 'DOD PA NI RDO RJE 'DOD PA STE, DE RNAMS KYI NYE BAR LONGS SPYOD PA'O, ,

61b

DE'I DON GYI DPAL NI DE SGRUB PAR BYED PA NYID YIN PA'I PHYIR RO, ,DE YANG KHYAD PAR CAN GYI GNOD SBYIN MO YIN NO, ,DE LA DMIGS PA'I TING NGE 'DZIN LA YANG DE SKAD CES BYA'O, ,GNOD SBYIN MO THAMS CAD KYI TSIG NI BSDUS PA'O, ,DE LAS SKYES PA'I RDO RJE NI GNOD SBYIN MO GCIG GI GZUGS SO, ,DE'I DAM TSIG NI SA BON NO, ,MKHA' DBYINGS RDO RJE NI DE'I MDUN GYI NAM MKHA'O, ,RIN CHEN BZHI LAS BYAS ZHES BYA BA NI SHAR DANG LHO DANG NUB DANG BYANG GI NGOS RNAMS SHEL DANG AINDRA N'I LA DANG PADMA R'A GA DANG MARGAD LA SOGS PA'I RI BO'O, ,KUN DU 'KHRIGS ZHES BYA BA NI KHYAB PA'O, ,RDO RJE GSUM GYI SBYOR BAS DBAB CES BYA BA NI JI SKAD DU BSHAD PA'I RI BO'I PHUG GI DBUS KYI PADMA LA 'DUG PA ZLA BA'I MTSAN MA'I YI GE KshnIm NI RDO RJE SBYOR BA GSUM STE, DE LA SBYOR BA DES DBAB PAR BYA STE, KshnIm GI 'OD ZER RNAMS KYIS BKUG NAS YI GE KshnIm LA GZHUG PAR BYA'O ZHES BYA BA'I DON TO, ,GZUGS GCIG DAG NI ZHES BYA BA NI RGYUD GZHAN DAG GI RJES SU 'BRANGS NAS LONGS SPYOD LDAN MA LA SOGS PA GNOD SBYIN MO'AM, GZHAN GANG YANG RUNG BA'I GZUGS SO, ,DE LA LONGS SPYOD DANG LDAN PA NI, RIN PO CHE'I RI'I PHUG DE NYID NA G-YON PAS DPAG BSAM GYI SHING DE LA BRTEN PAS G-YAS PAR GDUGS DKAR PO THOGS PA GSER GYI MDOG CAN MA YID DU 'ONG BA'I GZUGS DANG LDAN PA DAR LA BAB CING SGEG PAS RNAM PAR ROL PA'I KHA 'DZUM PA CAN DAR LA'I STOD G-YOGS DANG SMAD G-YOGS CAN RGYAN THAMS CAD KYIS BRGYAN PA, KHA DOG LNGA'I ME TOG PHRENG BAS SKRA PHYED 'KHYIL BA'I MGO BRGYAN PA'O, ,LAS GSUM ZHES BYA BA LA SOGS PA LA RANG NYID 'JAM PA'I RDO RJE'I TING NGE 'DZIN LA GNAS TE, GNOD SBYIN MO DE'I BSAM GTAN BSGOM PAR BYA'O, ,JI LTA BU ZHIG CE NA LAS GSUM STE, LAS GSUM PO 'DI LA YOD PA'I PHYIR RO, ,JI LTAR NA LAS GSUM YIN ZHE NA, RDO RJE'I BYE BRAG GIS TE, SKU LA SOGS PA'I DBYE BAS SO, ,KHRO BO ZHES BYA BA NI GSHIN RJE GSHED DO, ,SNGAGS KYI TSIG CES BYA BA NI YI GE KshnIm NGO, ,RDO RJE SBYOR BA ZHES BYA BA NI SNYOMS PAR 'JUG PA'I BDE BA LA YANG DAG PAR SBYOR BA STE, 'DI DAG NI GO RIMS BZHIN DU DE'I LUS DANG NGAG DANG YID KYI LAS RNAMS YIN NO, ,GNOD SBYIN MO THAMS CAD KYI MNYAM PA NYID NI BSDUS PA STE,

62a

, ,DE GNAS PA NI BDE BA DANG YID BDE BA'O, ,DE BSGOM PA YANG YIN LA BRTAN PA NYID KYIS NA RDO RJE YANG YIN PA'I PHYIR DE SKAD CES BYA'O, ,GNOD SBYIN MO'I SGRUB PA'I THABS SO, ,RDO RJE'I SNGAGS THAMS CAD NI SANGS RGYAS DANG BYANG CHUB SEMS DPA' RNAMS TE, DE RNAMS KYI DNGOS GRUB PO, ,DE'I RNAM PAR 'PHRUL PA NI MTHU'O, ,DE LA DMIGS PA NYID KYI PHYIR DANG DBYER MI PHYED PA NYID KYI PHYIR TING NGE 'DZIN LA DE SKAD CES BYA'O, ,DNGOS GRUB PHRA MO ZHES BYA BA NI DNGOS GRUB DMAN PA'I BYA BA'I KHYAD PAR RO, ,SKU DANG GSUNG DANG THUGS YANG DAG PAR GRUB PA NI THOB PA'I KHYAD PAR RO, ,SANGS RGYAS GZUGS NI MTSAN LA SOGS PA'O, ,DE 'DZIN PA DANG 'DRA BAR 'OD BYED PAS NA SANGS RGYAS GZUGS 'DZIN 'OD BZANG BO'O, ,'DZAM BU CHU BO'I GSER 'OD 'DRA, ,ZHES BYA BA NI LUS GSER GYI MDANGS DANG LDAN PA'O, ,DE LTAR SU ZHIG 'GYUR ZHE NA, DNGOS GRUB PHRA MO DAG LA GNAS PA RNAMS SO, , DE LTAR THUN MONG GI KHYAD PAR GSUNGS NAS THUN MONG MA YIN PA'I RDO RJE 'CHANG BA'I GTZO BO NI THUGS KYI RDO RJE GTZO BOR GYUR BA'O, ,RIG PA 'DZIN PA'I GTZO BO STE, GSUNG RDO RJE NI GTZO BO YIN TE, CIG SHOS KYIS NI GZHAN RNAMS LA NI SKU RDO RJE GTZO BO'O, ,BSHAD MA THAG PA'I TSOGS GANG GIS GNOD SBYIN MO GRUB PA DE NI GNOD SBYIN GYI RGYAL PO'O, ,SOGS PA SMOS PAS NI BCU GNYIS PA LAS GSUNGS PA'I RIG PA 'DZIN PA STE, DE RNAMS KYI DNGOS GRUB NI GNOD SBYIN RGYAL PO LA SOGS PA GRUB PA NA'O, ,DNGOS GRUB MCHOG GI BYA BA'I KHYAD PAR NI, DE LA ZHES BYA BA LA SOGS PA GSUNGS TE, THAMS CAD ZHU BA'I RANG BZHIN GYIS BCOM LDAN 'DAS NI RDO RJE THAMS CAD YIN LA, DE'I DNGOS GRUB GSUM PA'I 'BRAS BU'O, ,DE'I GZUGS DANG GSANG BA DANG SNGAGS KYI DNGOS GRUB RNAMS NI SKU DANG THUGS DANG GSUNG GI KHYAD PAR RO, ,THAMS CAD NI MA LUS PA'O, ,SNGAGS KYIS GRUB CING ZHES BYA BA NI SNGAGS TE NGAG GI BYA BA GRUB PA'O, ,MDZES PA'I GZUGS NI MTSAN DANG DPE BYAD DANG LDAN PAS 'JIG RTEN KHAMS NI THAMS CAD DU MTHONG BA NYID KYIS DGA' BAR 'GYUR ZHES BYA BAR SBYOR RO, ,'DOD PA YIS ZHES BYA BA NI 'DOD PA TZAM GYIS 'GRUB CING ZHES BYA BAR SBYAR RO, ,THAMS CAD KYI MCHOG BSTAN PA'I

62b

PHYIR GTZUG TOR ZHES BYA BA LA SOGS PA GSUNGS TE, YID BZHIN NOR BU'I BDAG POR GYUR PA GANG YIN PA DE NI DNGOS GRUB THAMS CAD KYI RTZE MO YIN TE, CHOS THAMS CAD LA DBANG BSKUR BA'I CHOS KYI SKU'I MTSAN NYID CAN GYI SANGS RGYAS KYI BYANG CHUB NI YID BZHIN NOR BU'O, ,DE'I BDAG PO NI GTZO BO YIN TE, DE THOB PA NYID KYI PHYIR RO, ,SANGS RGYAS BYANG CHUB BYED PA'I MCHOG ,CES BYA BA NI SANGS RGYAS BYANG CHUB DE'I THABS PHYI MA'O, ,SANGS RGYAS RDO RJE RAB BSGOM PA'I, ,ZHES BYA BA LA SANGS RGYAS NI DKYIL 'KHOR GYI BDAG PO'O, ,DE'I RDO RJE NI GSANG BA GSUM PO YIN LA DE RNAMS BSGOM PA NI DKYIL 'KHOR THAMS CAD KYI RNAM PAR RAB TU PHYE NAS BSGOM PA STE, SGRUB PA CHEN PO ZHES BYA BA'I DON TO, ,DNGOS GRUB THAMS CAD STON PAR MDZAD PA'I PHYIR BSAM PA THAMS CAD YONGS SU RDZOGS PA DE YIN LA MI SLU BA NYID YIN PA'I PHYIR RDO RJE YANG YIN PAS NA'O, ,DNGOS GRUB MCHOG 'DOD PA RNAMS KYIS NI YAN LAG DRUG GI BSNYEN PA DANG NYE BAR BSGRUB PA'I 'BRAS BU LA GNAS PAS RIG PA'I BRTUL ZHUGS ZLA BA DRUG GI BAR DU SPYAD LA, DE'I 'OG TU BSGRUB PA BRTZAM PAR BYA BA DE'I PHYIR 'DI'I RIG PA'I BRTUL ZHUGS BRTAN PA'I PHYIR, DE NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD NI SKU RDO RJE LA SOGS PA'O, ,DE RNAMS KYI SKU DANG GSUNG DANG THUGS NI SKU LA SOGS PA DANG 'DRA BA'O, ,DE DAG NYID NI RIG PA'I DON GYI BRTUL ZHUGS YIN LA, DE YANG DAG PAR LEN PA'I SPYOD PA NYID NI BLA MA LAS YANG DAG PAR BLANGS PA SNGON DU 'GRO BA CAN GYIS NYAMS SU LEN PA'O, ,RANG TSUL NYID KYI ZHES BYA BA NI LUGS MA DANG BYAS PA LA SOGS PA'I GZUGS DANG BCAS PA NYID KYIS SO, ,SKU DANG GSUNG DANG THUGS KYI RIG PA'I BRTUL ZHUGS ZHES BYA BA LA, RAL PA DANG THOR TSUGS LA SOGS PA'I SKU'I BRTUL ZHUGS SO, ,GNYI GA LHA LA SOGS PAR MOS PA NI GSUNG GI BRTUL ZHUGS SO, ,RANG GI RIG MA DANG GNYIS SU MED PA'I SBYOR BA LAS BYUNG BA'I SHES RAB KYI YE SHES NI THUGS KYI BRTUL ZHUGS SO, ,THOR TSUGS DBU RGYAN NI LUGS MA DANG BYAS PA LA SOGS PA'I MI BSKYOD PAS BRGYAN PA'O, ,KHA DOG DKAR PO 'DRA BA NI DKAR ZHING SNUM PAS YAN

63a

, ,LAG BCOS PA'O, ,CHO GA BZHIN DU THAMS CAD CES BYA BA NI LAG TU 'KHOR LO DKAR PO RTZIBS BRGYAD PA DANG, RGYAN DANG GOS SRAB CING YANG LA MDZES PA'O, ,DPUNG PA DAG LA DPUNG RGYAN G-YAS PA'I RIL BU GSUM STE, LUS DANG NGAG DANG SEMS BSRUNG BA'I PHYIR SANGS RGYAS THAMS CAD KYIS YANG DAG PAR GTAD PA'O, ,SNGAGS KYI SDOM PA NI 'CHAD PAR 'GYUR BA'I SDOM PA'I TSIGS SU BCAD PA STE, DES BLA MA LAS YANG DAG PAR MNOS PA'O, ,RGYAN RNAMS KUN NI RIN THANG MED PA SHIN TU MDZES PA'O, ,SPYAN GYI GO 'PHANG NI GZUGS SO, ,LONGS SPYOD NI RIN PO CHE'I COD PAN LA SOGS PA'O, ,RDO RJE NI COD PAN LA 'OD DPAG TU MED PA'O, ,MTSAN MA NI LAG PA'I 'KHOR LO'O, ,PHYAG RGYA'I CHO GA NI PHYAG RGYA CHEN PO LA SOGS PA BSGOM PA'I CHO GA'O, ,SNGAGS KYI CHO GA NI BZLAS PA'I CHO GA'O, ,SNGAGS KYI RAB TU SBYOR BA NI SNGAGS KYI RGYUD DE DE RNAMS LA LEGS PAR BSLABS PA NI SLOB MAR YANG DAG PAR BYAS PA ZHES BYA BA'I DON TO, ,SANGS RGYAS 'GYUR ZHES BYA BA NI RNAM PAR SNANG MDZAD DU'O, ,ZLA BA DRUG GIS ZHES BYA BA NI BRTUL ZHUGS KYI DUS SU'O, ,RTAG TU GZHAN GYIS ZHES BYA BA LA SOGS PA 'DI NI SNGAGS KYI SDOM PA'I TSIGS SU BCAD PA'O, ,RKU BA NI RANG GI LHA'I CHA LUGS 'DZIN PA'O, ,BSAD PA NI LHAR MOS PAS THA MAL BA'I NGA RGYAL LO, ,'DOD CHAGS RDO RJE NI JI SKAD DU BSHAD PA'I RIG PA DANG, GNYIS SU MED PAR SBYOR BA LAS BYUNG BA CHOS KYI DBYINGS SO SOR RTOG PA BSGOM PA'O, ,DE NYID NI GNAS TE BLA NA MED PA'I BDE BA'O, ,DE LA SPYAD PA NI LONGS SPYOD PA'O; ,SDOM PA 'DIS NI KUN DU BSDAMS, ,ZHES BYA BA NI NGA YI SDOM PA 'DI RNAMS YANG DAG PAR BLANGS PAS NA KUN DU BSDAMS PA'O, ,RNAM PAR SNANG MDZAD KYI RIG PA'I BRTUL ZHUGS GSUNGS NAS 'OD DPAG TU MED PA DANG MI BSKYOD PA DAG GIS GSUNGS PA LA, 'DOD CHAGS RDO RJE NI 'OD DPAG TU MED PA'O, ,DE'I LCAGS KYU MO NI 'GUGS PAR BYED PA STE GOS DKAR MO'O, ,YON TAN SKA RAGS ZHES BYA BA 'DI SANGS RGYAS KYI YON TAN NYID KYI SKA RAGS MNGA' BAS NA DE SKAD CES BYA'O, ,GSUNG GI RDO RJE NI 'OD DPAG TU MED PA'O, ,THUGS MCHOG NI MI BSKYOD PA'O, ,'DI NI ZHES BYA BA NI BSHAD MA THAG PA'I

63b

RIG MA GNYIS SO, ,RNAM PA KUN DU ZHES BYA BA NI GNYI GA'I RAL PA DANG COD PAN LA SOGS PA'I RNAM PA THAMS CAD SNGA MA DANG RJES SU MTHUN PAR GO SLA BE'O, ,YON TAN DANG LDAN PA'I PHYIR RIG MA MA RNYED PA'AM, SGRUB PA PO'I PHYI'I RIG MA 'GA' ZHIG GIS RGYAB KYIS PHYOGS NA JI LTAR BYA ZHE NA, BSAM GTAN ZHES BYA BA LA SOGS PA GSUNGS LA YANG NA ZHES BYA BA NI PHYOGS GZHAN ZHES BYA BA'I DON TO, ,RANG GI PHYAG RGYA'AM ZHES BYA BA'I SGRAS NI NGES PAR GZUNG BA STE, LHAN CIG SKYES PA'I RANG GI SNANG BA KHO NA YIN GYI PHYI ROL GYI NI MA YIN NO ZHES BYA BA'I DON TO, ,DE NYID KYI PHYIR BSAM GTAN ZHES BYA BA GSUNGS TE; YID KYI RANG BZHIN CAN ZHES BYA BA'I DON TO, ,BSAM ZHES BYA BA NI SNGA MA BZHIN DU SPYAN LA SOGS PA'I GZUGS SU'O, ,YIG GSUM RDO RJE CAN ZHES BYA BA NI RNAM PAR SNANG MDZAD LA SOGS PA'I YI GE GSUM MO, ,DE RNAMS KYI RDO RJE NI SKU LA SOGS PA DANG 'DRA BA'I RAL PA DANG, COD PAN LA SOGS PA DE DANG BDAG NYID LDAN PA'O, ,GAL TE PHYI ROL GYI RIG MA MA MTHONG BA DE'I TSE JI LTAR SANGS RGYAS RNAMS MNYES PAR 'GYUR ZHE NA, DE LTAR ZHES BYA BA LA SOGS PA GSUNGS TE, DE RNAMS NI THAMS CAD MKHYEN PA NYID YIN PA'I PHYIR DE RNAMS KYI RANG BZHIN CAN GYI RIG MA DANG SEMS BRTAN PAR GZIGS PA NA, SHIN TU MNYES PAR 'GYUR RO ZHES BYA BAR DGONGS SO, ,RDO RJE ZHES BYA BA NI BSNYEN PA DANG NYE BA'I SGRUB PA DAG GIS RDO RJE GSUM DU GRUB PA'O, ,'DAS DANG ZHES BYA BA NI BSKYOD PA'AM NYAMS PA'O, ,RDO RJE'I YI GE NI 'DOD PA DANG THAR BA'O, ,'JIG PAR 'GYUR BA NI 'JIG PA THOB PAR 'GYUR BA STE, 'GRUB PAR MI 'GYUR RO ZHES BYA BA'I DON TO, ,RDO RJE GSUM GYI YE SHES NI RTOG PA'O, ,DE'I DON STON CING GOMS PA GANG LA YOD PA DE LA DE SKAD CES BYA'O, ,TSUL CHEN YIN PA NI THABS CHEN PO YIN PA'O, ,RDO RJE GSUM GYI YE SHES 'BYUNG, ,ZHES BYA BA NI SKYES PA'O, ,RIG PA'I BRTUL ZHUGS NYID NI DAM TSIG GI DE KHO NA NYID DE, DAM TSIG GI MCHOG GO, ,DE NYID NI RDO RJE STE, DNGOS GRUB KYI SGRIB PA THAMS CAD 'JIG PAR BYED PA NYID KYI PHYIR RO, ,DE STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA'O, ,DNGOS GRUB THAMS CAD KYI DON GYI DKYIL 'KHOR TE, DE'I RDO RJE NI GSANG BA'I LAS RNAMS SO, ,DE

64a

, ,RNAMS KYI MNGON PAR BYANG CHUB PA NI MA LUS PAR YANG DAG PAR RTOGS PA'O, ,DE'I DON GYI LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BCU DRUG PA'O,, ,,BCU BDUN PA NI SGRUB PA CHEN PO'I LE'U YIN PA DE BAS NA 'DI NI SANGS RGYAS DANG BYANG CHUB SEMS DPA' RNAMS KYI DE KHO NA NYID RDO RJE 'CHANG CHEN PO'I RANG BZHIN GYI TING NGE 'DZIN GSUM DANG DAM TSIG NI BRJOD PAR BYA BA YIN NO, ,DE LA JI LTAR DE BZHIN GSHEGS PA THAMS CAD KYIS BCOM LDAN 'DAS LA GSOL BA BTAB PA DANG, JI LTAR STON PAR MDZAD PA DE GNYI GA'I SKABS DBYE BAR BYA BA'I PHYIR DE NAS ZHES BYA BA LA SOGS PA GSUNGS PA LA, DE BZHIN GSHEGS PA THAMS CAD NI SNGAGS KYI LHA THAMS CAD DE DE RNAMS KYI SKU DANG GSUNG DANG THUGS SO, ,DE RNAMS KYI RDO RJE NI DE BZHIN NYID DO, ,DE'I RANG BZHIN CAN NYID YIN PA'I PHYIR RDO RJE 'DZIN PA LA YANG DE SKAD CES BYA'O, ,RANG BZHIN GYIS 'OD GSAL BA NYID YIN PA'I PHYIR, RTAG TU DE BZHIN DU GNAS PA NI DE BZHIN GSHEGS PA'O, ,DE LA GSOL BA BTAB PA NI DE LTA BUR GYUR BA DE NYID STON PA NYID DU'O, ,JI LTAR ZHE NA MI BSKYOD CES BYA BA LA SOGS PA GSUNGS TE, LNGA POS BSDUS PA'I DE BZHIN GSHEGS PA THAMS CAD NI LNGA PO DE DAG YIN LA, DE DAG GI DE KHO NA NYID GSUM NI RDO RJE GSUM PO YIN ZHING DE KHO NA NYID KYANG DE BZHIN NYID YIN PA DE BAS NA, DE LTA BUR GYUR BA'I BDAG NYID CAN STON PAR MDZAD PA'I BCOM LDAN 'DAS KHYED LA PHYAG 'TSAL LO ZHES BYA BA NI BSDUS PA'I DON TO, ,YAN LAG GI DON BRJOD PAR BYA BA YIN TE, DE LA BSDUS PA'I DON NI 'DI YIN TE, TSIGS BCAD SO SO ZHING KHYOD PHYAG 'TSAL ZHES PAS NI PHYAG GI MCHOD PA BSTAN LA BOD PA'I TSIG THAMS CAD NYID KYIS STON PA YIN NO, ,DE LA DANG POS NI BCOM LDAN 'DAS MI BSKYOD PA LA SOGS PA'I DE KHO NA NYID KYI TSUL DU STON PA YIN LA, LNGA BOS NI DE NYID BSHAD PA YIN NO, ,JI LTAR BSHAD CE NA, GCIG GIS NI MTSAN NYID YIN LA BZHIS NI MTSAN NYID KYI RIGS PAS SO, ,BDUN PAS NI SKU RDO RJE LA SOGS PA'I GSANG BA'I TSUL GSUNGS PA YIN LA, BSTOD PA LNGA BA'I BRGYAD PAS NI RDO RJE 'CHANG GI BDAG NYID CAN GYI GSANG BA'I TSUL NYID DU GSUNGS PA YIN NO, ,

64b

DBYANGS DANG STON PA DANG GSUNG ZHES BYA BA TSIG BCAD KYI BDUN PAS NI GSOL BA 'DEBS PA STE, STON PAR MDZAD CES BYA BA'I DON TO, ,CI ZHIG STON CE NA, SKABS NYID YIN PA'I PHYIR BDAG NYID KYI DE KHO NA NYID DO, ,SPROS PA'I RGYU MTSAN THAMS CAD KYIS RNYOG PAR BYA BAR MI NUS PA NYID KYI PHYIR MI BSKYOD PA YANG DE YIN LA, BRTAN PA YANG YIN PA'I PHYIR RDO RJE YANG YIN PA DE LTAR NA MI BSKYOD PA RDO RJE'O, ,SNA TSOGS PA YE SHES TZAM DU MTHONG BAS NA YE SHES CHEN PO STE, YE SHES CHEN PO NI MI BSKYOD PA ZHES BYA BA'I MTSAN NYID DO, ,MTSAN NYID DE'I RIGS PA NI RDO RJE DBYINGS DANG MKHAS PA CHE DANG, RDO RJE GSUM MCHOG DANG DKYIL 'KHOR GSUM ZHES BYA BA RNAMS SO, ,RDO RJE NI GZHI GNAS BZHI STE, DES SEMS 'DZIN PAS NA RDO RJE DBYINGS SO, ,DE KHO NA NYID RIG PA'I LHAG MTHONG BZHI NI DE RNAMS KYIS MKHAS PA CHE'O, ,DE NYID SNYING PO BSDUS PAS DKYIL 'KHOR TE, DBYE BA GSUM GYI DKYIL 'KHOR DANG BSDUS PA STE, BZHI BAR BSDUS PA'I DKYIL 'KHOR DAG NI DKYIL 'KHOR GSUM MO, ,RDO RJE GSUM DANG DE BZHIN DU BZHI PA DAG GIS TSOGS YANG DAG PAR BSDUS PA NI RDO RJE GSUM MCHOG GO, ,THUGS KYI GSANG BA YIN PA'I PHYIR RDO RJE'O, ,KHYAB PAR GSAL BA'I BYANG CHUB RTOG PA GANG YIN PA DE NI RNAM PAR SNANG MDZAD DE RANG GI DON LA AA n'I RKYEN BYAS PAS RNAM PAR SNANG MDZAD DO, ,RANG BZHIN SNA TSOGS YE SHES TZAM GYIS SNANG BA YIN PAS DAG PA CHE STE, 'DI NI DE'I MTSAN NYID DO, ,DE'I RIGS PA NI RDO RJE ZHI BA DANG, DGA' BA CHE DANG RANG BZHIN 'OD GSAL DANG, MCHOG GI MCHOG CES BYA BA RNAMS SO, ,RDO RJE NI 'BYUNG BA'I DBANG PO DANG, 'BYUNG BA LAS GYUR BA'I DBANG PO RNAMS SO, ,DE GNYI GA LNGA PAR BSDUS PA NI RDO RJE ZHI BA'O, ,GNYIS MED PAR CHOS KYI DANG SNA TSOGS PA'I GZUGS KYIS ROL PAS NA DGA' BA CHE'O, ,RNAG BZHIN GYIS 'OD GSAL BA NI GDAN RNAM PA LNGA'O, , DE RNAMS KYI MCHOG NI 'DUS PA STE, DE BAS NA MCHOG GI MCHOG GO, ,SKU'I GSANG BA YIN PA'I PHYIR RDO RJE'O, ,SEMS KYI RIN PO CHE YIN PAS NA RIN CHEN NO, ,NOR GYI BDAG PO YIN PAS NA RGYAL PO STE, RIN CHEN RGYAL PO'O, ,DUS GSUM GYI SANGS RGYAS RNAMS DANG 'BREL BA'I SKU DANG GSUNG DANG

65a

, ,THUGS BSDUS PA'I ZAB MO YANG BSDUS PAS NA RAB NI RAB TU ZAB STE, DE BAS NA SHIN TU ZAB PA 'DI LA YOD PAS RAB TU ZAB MO STE, 'DI NI MTSAN NYID DO, ,RIGS PA NI RDO RJE DANG, NAM MKHA' DRI MA MED DANG, RANG BZHIN DAG PA DANG, GOS PA MED CES BYA BA RNAMS TE, MKHA' DANG MTSUNGS PAR RIG BYA RNAMS BSDUS PAS NA RDO RJE MKHA'O, ,SHIN TU RNAM PAR DAG PA'I CHOS KYI DBYINGS NANG DU CHUD PA'I NAM MKHA' DRI MA MED PA 'DI LA YOD PAS NA NAM MKHA' DRI MA MED DO, ,RANG BZHIN ZHES BYA BA LA RANG NI BDAG STE SKU'O, ,DE RNAMS KYI RANG BZHIN NI RANG GI MTSAN NYID DO, ,DAG PA NI DE RNAMS BSDUS PA'I STONG PA NYID DE, DE'I PHYIR RANG BZHIN DAG PA NYID DO, ,PHRA MO GSUM PO BSDUS PA DE RNAMS DMIGS PAS NA GOS PA MED PA'O, ,GSUNG GI GSANG BA YIN PA'I PHYIR GSANG BA'O, ,'OD KYI SNANG BA DPAG TU MED PAS SO SOR RTOG PA 'DI LA YOD PAS NA 'OD DPAG TU MED DE TSIG DANG PO MI MNGON PA'O, ,BRTAN PAS RDO RJE STE, RDO RJE YANG YIN LA 'OD DPAG TU MED PA YANG YIN NO, ,MCHOD PA NI RGYAL PO YIN LA SHIN TU MCHOD PAS NA RGYAL PO CHE'O, ,JI LTAR NA SHIN TU MCHOD PA YIN ZHE NA, RIN PO CHES CHOS THAMS CAD MNYAM PA NYID DU GZHAG PA LA, DE RNAMS DANG DE DAG GI MING DANG BLO RNAMS MI DMIGS PAS YANG DAG PAR MTSON PA'I PHYIR RO, ,'DI NI MTSAN NYID DO, ,RIGS PA NI MI RTOG PA NAM MKHA' RDO RJE 'DZIN DANG, 'DOD CHAGS DANG, PHA ROL PHYIN PA BRNYES ZHES BYA BA'O, ,RANG GI SNYING GA'I SNGAGS TZAM DU BLTA BAS NA RNAM PAR MI RTOG PA'O, ,DER NAM MKHA' NI SNGAGS KYI THIG LE'O, ,DER SEMS KYIS RIN PO CHE 'DZIN PAS NA NAM MKHA' RDO RJE 'DZIN NO, ,DE'I RJES LA RANG GI SNGAGS SU SNGAGS GSUM PO RIM BZHIN DU BCUG STE, GSANG BA GSUM DANG DE BSDUS PA'I NOR BUR GYUR BA'I MTSAN NYID LA SHIN TU CHAGS PAS 'DOD CHAGS SO, ,DE NAS SNGAGS RNAMS BSDUS PA'I THIG LE LA SEMS KYI RIN PO CHE NGES PAR BYA STE, YUN RING DU BRTAN PAR 'GYUR BA'I MTSAN NYID NI MCHOG TU SONG BAS NA PHA ROL TU PHYIN PA BRNYES SO, ,GSUNG GI GSANG BA YIN PA'I PHYIR RDO RJE'O, ,THAMS CAD DU 'GRO BA'I DON GRUB PA NYID LA YOD PAS NA DON YOD GRUB PA STE, TSIG THA

65b

MA MI MNGON PAS NA DON YOD DO, ,DE YANG YIN LA BRTAN PA'I PHYIR RDO RJE YANG YIN TE, DES NA DON YOD RDO RJE'O, ,MA LUS PAR RTOGS PAS NA RDZOGS SANGS RGYAS TE, 'DI NI MTSAN NYID DO, ,RIGS PA NI BSAM PA THAMS CAD RDZOGS MDZAD PA DANG YANG DAG PA DANG NGO BO NYID DANG, LAS BYUNG ZHES BYA BA RNAMS SO, ,'DZIN PA'I STOBS KYIS PHYOGS THAMS CAD DU 'GENGS PA'I NUS PA RNYED PA NI BSAM PA THAMS CAD RDZOGS PAR MDZAD PA'O, ,PHYOGS THAMS CAD DU GANG BAR GYUR KYANG TING NGE 'DZIN GYI SKYON RAB TU G-YO BA DANG SPROS PA MED PAS DAG PA'O, ,JI LTAR NA PHYOGS GANG BA YIN ZHE NA SPROS PA'I PHYIR RO; ,DE NYID GSUNGS PA NGO BO NYID CES BYA BA STE RANG RANG GI NGO BO STE, BDAG NYID KYI PHYOGS RNAMS SU SHIN TU MTHUG POR GYUR PA 'DI LA YOD PAS NA NGO BO NYID DO, ,KUN DU SPRO BA MTHAR PHYIN PA 'BYUNG BAS NA LAS BYUNG NGO, ,GSUNG GI GSANG BA NYID YIN PAS NA RDO RJE'O, ,RDO RJE SEMS DPA' NYID YIN PAS NA SEMS DPA' STE, TSIG DANG PO MI MNGON PA'O, ,GSANG BA GSUM PA'I RDO RJE 'DI DAG GI RDO RJE RNAMS KYI SEMS DPA' DE NI RDO RJE SEMS DPA'O, ,SEMS DPA' NI SNYING PO STE BA BLA DANG LHANG TSER GYI SNYING PO LTA BU'O, ,GSANG BA RNAMS KYI SNYING PO YANG GANG YIN ZHE NA, DE MA THAG PA'I RDO RJE GSANG BA'I TSIGS SU BCAD PAS BRJOD PAR BYA BA GANG YIN PA'O, ,MDOR BSDUS NA DE RNAMS KYI SHIN TU RNAM PAR DAG PAS SHIN TU RNAM PAR DAG PA'I DE BZHIN NYID DE NI DE RNAMS KYI SNYING PO'O, ,BSKUL BAR ZHES BYA BA NI SGRA RAB TU SBYAR BA'O, ,ZHI BA ZHES BYA BA NI DAG PA'O, ,RDO RJE NI DE BZHIN GSHEGS PA RNAMS SAM, DE'I GSANG BA RNAMS SO, ,DE'I LONGS SPYOD NI YANG DAG PAR RDZOGS PA'I BYANG CHUB STE, LONGS SPYOD RDZOGS PA'I SKU'AM 'KHOR RNAMS GANG DAG LA MNGA' BA DE DAG NI RDO RJE 'CHANG ZHES BYA BA'I DON TO, ,DKYIL 'KHOR GYI BDAG PO ZHES BYA BA'I BAR DU'O, ,DE YANG ZHES BYA BA NI BSTOD PAR BYA BA GANG YIN PA'O, ,RDO RJE 'CHANG 'DRA NI RDO RJE 'CHANG DANG MTSUNGS PAR RO, ,DE NAS ZHES BYA BA LA SOGS PA LA SANGS RGYAS KUN TE CHOS BZHED PA RNAMS LA DE BSHAD PA'I PHYIR RJES BRTZE BA'O, ,RDO RJE NI RDO RJE 'CHANG BA'O, ,DE'I GSANG BA NI DE KHO NA NYID DO, ,DE'I GSUNG BA NI BKA'O, ,DAG PA'I DON

66a

, ,DANG LDAN PA NYID KYI PHYIR DAG PA'O, ,RDO RJE GSUNG NI GNOD PAR BYED PA MA YIN PA NYID KYI PHYIR RO, ,SANGS RGYAS RNAMS KYI GSANG BA GSUM NI SANGS RGYAS THAMS CAD DO, ,DE RNAMS KYI CHOS KYI DBYINGS TE DE BZHIN NYID GANG YIN PA DE NYID NI YI GE STE THAR PA'I MCHOG GO, , CI'I PHYIR YI GE YIN ZHE NA, GANG GI PHYIR DAG PA NYID NI BAG CHAGS DANG BCAS PA'I SGRIB PA THAMS CAD YONGS SU ZAD PA'I PHYIR RO, ,CI'I PHYIR MI 'GYUR CHEN PO YIN ZHE NA, GANG GI PHYIR SNGAR YANG DE ZAD PA'I PHYIR RO, ,RANG BZHIN NYID KYIS 'OD GSAL BA NI DRI MA RNAMS DE'I RANG BZHIN MA YIN PA NYID KYIS DER GLO BUR BA NYID YIN PA'I PHYIR RO, ,CI 'DRA BAR ZHE NA MKHA' DBYINGS BZHIN DU DRI MA MED PA STE, GLO BUR BA'I MUN PA DANG SPRIN LA SOGS PA DANG BRAL BA BZHIN DU'O, ,DE NYID NI RDO RJE 'CHANG GI DE KHO NA NYID YIN PAS DE LTAR NA NGO MTSAR ZHES BYA BA'I DON TO, ,'DI TZAM GYIS NI SKU RDO RJE LA SOGS PA'I MTSAN NYID KYI DE KHO NA NYID GSUNGS TE, DE KHO NA NYID GANG GIS MTHONG BA NI DE DAG 'GRUB PAR 'GYUR RO, ,DAM TSIG GI DE KHO NA NYID BRJOD PAR BYA STE, GANG ZHIG LA SPYOD NA NGES PAR 'GRUB PAR 'GYUR BA'O, ,DES NI SKU RDO RJE LA SOGS PA DAM TSIG TSIGS SU BCAD PA GSUM GYIS GSUNGS PA NI DE NAS ZHES BYA BA LA SOGS PA GSUNGS TE, SKU RDO RJE LA SOGS PA'I DAM TSIG NI 'DA' BAR BYA BA MA YIN PA'I LAS TE, DES DE RNAMS NGES PAR 'GRUB PA'I PHYIR RO, ,DE RNAMS NI RDO RJE 'CHANG BA'I BKA' 'DI LAS 'DA' BAR MI MDZAD DO, ,DE CI'I PHYIR ZHE NA, 'DI LTAR DE NI PHYAG NA RDO RJE DANG DE BZHIN GSHEGS PA THAMS CAD KYI BDAG PO YIN PAS SO, ,JI LTAR BZA' BAR BYA BA'I DAM TSIG YIN ZHE NA, LUS LA SOGS PA MI GTZANG BA'I GNYEN PO SKU RDO RJE LA SOGS PA'I SBYOR BA'I ME RNAMS LA, DE RNAMS SREG PA'I PHYIR RO, ,DE LA SHA NI LUS KYI PHYOGS GCIG YIN PAS NA SKU'I'O, ,BSHAD GCI NI NAM MKHA' DANG RLUNG GI 'BAD PA LAS BYUNG BA NYID KYIS NA NGAG DANG CHOS MTHUN PA'I PHYIR GSUNG GI'O, ,CIG SHOS GNYIS NI SEMS KYI KHYAD PAR LAS BYUNG BA NYID KYI PHYIR THUGS KYI'O, ,DAM TSIG BZHI NI ZHES BYA BA NI BCU DRUG PA LAS KHYOD KYIS SROG CHAGS ZHES BYA BA LA SOGS PA GANG GSUNGS PA'O, ,

66b

BSRUNG BAR BYA ZHES BYA BA NI GZHIG PAR MI BYA BA'O, ,SANGS RGYAS ZHES BYA BA NI SKU RDO RJE'I SBYOR BA LA GNAS PA'O, ,YE SHES RGYA MTSO YIS ZHES BYA BA NI RGYA MTSO LTA BU YIS TE, THAMS CAD RANG GI SEMS TZAM DU MTHONG BAS ZHES BYA BA'I DON TO, ,DE'I RNAL 'BYOR PA NYID YIN PA'I PHYIR GSUNG GI RDO RJE YANG DAG YIN LA, GSUM PO DMIGS SU MED PAS CHOS THAMS CAD YANG DAG PAR MTSON PA'I PHYIR YI GE CHEN PO YANG YIN PA DE LTAR NA, GSUNG GI RDO RJE YI GE CHE'O, ,THUGS KYI RDO RJE'I RNAL 'BYOR PA NYID YIN PA'I PHYIR RDO RJE SEMS DPA' YANG DE DAG YIN LA THAMS CAD NAM MKHAR BYED PA'I PHYIR RDZU 'PHRUL CHEN PO YANG YIN PA DE LTAR NA, RDO RJE SEMS DPA' RDZU 'PHRUL CHES SO, ,RTAG PA NI RGYUN DU 'DOD PAR BYA BA'O, ,BSRUNG BAR BYA BA NI MA NYAMS PAR RO, ,RDO RJE 'DZIN GYIS ZHES BYA BA NI SANGS RGYAS DANG BYANG CHUB SEMS DPA'I RNAL 'BYOR PA THAMS CAD KYIS SO, ,'BRAS BU NI 'DIR GANG ZHIG CES BYA BA LA SOGS PAS GSUNGS TE, GANG ZHIG STE SRUNG BA PO'I SKU GSUNG THUGS SU GTOGS PA STE SANGS RGYAS SU 'GYUR RO, ,JI LTA BU ZHE NA 'OD PO CHE STE MTHU CHE BA'O, ,GANG ZHE NA RDO RJE SEMS DPA' STE, RDO RJE 'CHANG CHEN PO'O, ,YANG NA GO RIMS BZHIN DU SANGS RGYAS DANG BYANG CHUB SEMS DPA' 'OD PO CHE DANG RDO RJE SEMS DPA' NI DE'I SKU LA SOGS PAR GTOGS PAR 'GYUR TE, DE BZHIN GSHEGS PA RNAMS KYI SKU DANG GSUNG DANG THUGS KYI RDO RJE ZHES BYA BA'I DON TO, ,JI LTAR RDO RJE DAM TSIG GI MTHUS DMAN PA'I ZAS KYI DNGOS GRUB GSUNGS NAS, THEG PA DMAN PA LA MOS PA RNAMS KYI NI DE NAS ZHES BYA BA LA SOGS PA GSUNGS TE; RANG SANGS RGYAS NYID DON DU GNYER BA NI SANGS RGYAS KYI DON ZHES GSUNGS SO, ,DE RNAMS KYI DAM TSIG NI BSGRUB PAR BYA BA 'DA' BAR BYA BA MA YIN PA'I LAS SO, ,DE RNAMS KYI BSGRUB PAR BYA BA YANG GANG YIN ZHE NA, SNGAGS DANG PHYAG RGYA DANG DAM TSIG GI MTHU LAS BYUNG BA'I SKU RDO RJE'O, ,RDO RJE SKU LA RAB TU GNAS, ,ZHES BYA BA NI RNAM PAR SNANG MDZAD KYI RNAL 'BYOR PAS RNAM PAR RIG PA TZAM NYID DU MOS PA LA GNAS PAR BYAS NAS SO, ,LUS KYIS ZHES BYA BA NI SPROS PA LAS SANGS RGYAS KYI SKU SPROS PAS BYAS PA YIN NO, ,STON PA ZHES BYA BA NI SEMS CAN THAMS CAD LA CHOS KYI SBYIN PA BYED PAS, SKAL PA JI

67a

, ,LTA BA BZHIN DU TSUL KHRIMS DANG, TING NGE 'DZIN DANG SHES RAB KYI PHUNG PO SKYED PAR BYED PA'I PHYIR RO, ,SEMS CAN GZUNG BA NI MGU BAR BYED PA'O, ,TSUL KHRIMS TE LUS DANG NGAG DANG SEMS KYIS LEGS PAR SPYOD PA'O, ,DE NYID KYIS NI SBYOR BA 'DI NI BUD MED KYI GZUGS KYIS SBYOR BA MED PA YIN PAR SHES PAR BYA'O, ,NYAN THOS ZHES BYA BA NI NYAN THOS DON DU GNYER BA RNAMS SO, ,DE RNAMS KYI BSLAB PA NYID DAM TSIG STE, SKU RDO RJE LA SOGS PA BSGRUB PAR BYA BA RNAMS KYIS 'DA' BAR BYA BA MA YIN PA'I LAS SO, ,DGE BA BCU'I LAS KYI LAM ZHES BYA BA NI SROG GCOD PA LA SOGS PA BDUN LAS JI SRID 'TSO'I BAR DU LDOG CING YANG DAG PAR BLANGS PA NI BDUN YIN LA, GNOD SEMS DANG BRNAB SEMS DANG LOG PAR LTA BA GSUM PO YANG SPONG BA'O, ,BYED PA ZHES BYA BA NI JI SRID 'TSO'I BAR DU MA NYAMS PAR BYED PA'O, ,YE SHES SPANGS PA RNAMS ZHES BYA BA NI CHOS LA BDAG MED PA'I YE SHES SPANGS PA YIN GYI, GANG ZAG LA BDAG MED PA'I YE SHES NI LEGS PAR GNAS PA NYID YIN NO, ,'DI DAG LA NI 'BRAS BU DMAN PA STE, RANG GI SDUG BSNGAL ZAD PA TZAM LA MOS PA DON DU GNYER BA NYID YOD PA DE LA DE SKAD CES BYA'O, ,THAMS CAD KYI ZHES BYA BA NI RNAL 'BYOR PA THAMS CAD DE JI LTAR 'DOD PA'I BUD MED SPANGS TE, SKU RDO RJE LA SOGS PA ZHI BA'I RNAL 'BYOR PA'I ZHI BA ZHES BYA BA'I DON TO, ,LOG PA'I THEG PA LA MOS PA RNAMS KYI RDO RJE DAM TSIG NI TSANGS PA'I DAM TSIG CES BYA BA GSUNGS TE, TSANGS PA NYID DON DU GNYER BA'I BSGRUB PAR BYA BA RNAMS 'DA' BAR BYA BA MA YIN PA'I LAS SO, ,GTI MUG LAM GYIS ZHES BYA BA LA SOGS PA LA AOm LAS BYUNG BA'I TSANGS PA SER PO GDONG BZHI PA RAL PA DANG COD PAN CAN PHYAG DRUG PA, PHYAG GNYIS KYIS RANG SNANG LA 'KHYUD PA, LHA MO ZHAL GCIG PA PHYAG GNYIS PA LHA MO RDO RJE ZHI BA MO DANG SNYOMS PAR 'JUG PA DANG PHYAG LHAG MA RNAMS KYIS BGRANG PHRENG DANG DBYUG PA DANG SPYI BLUGS DANG PADMA BSNAMS PA, NGANG PA'I RGYAB TU SNA TSOGS PADMA DANG ZLA BA'I GDAN LA GNAS PA'I TSANGS PAR BDAG NYID BSAMS LA, DE BZHIN GSHEGS PA THAMS CAD KYI YON TAN RIN PO CHES BDAG NYID BRGYAN PAR BYA'O ZHES BYA BA'I BSAM PA NI GTI MUG

67b

GI LAM MO, ,DES SANGS RGYAS KYI BYANG CHUB THOB PAR BYED PA'I LAS GONG RNAMS BYED PA NI SNGAGS PA'O, ,RANG BZHIN CI 'DRA BA ZHIG CE NA, 'JIGS SHING MI SDUG PA STE, YUN RING PO'I NGAN 'GROS 'JIGS PAS NA MI SDUG PA'O, ,LAS DE YANG DGU PA LAS JI SKAD DU, NAM MKHA' KHYAB PA'I DE BZHIN GSHEGS PA THAMS CAD KYI RIN PO CHE'I RGYAN THAMS CAD AOm GYI PHYOGS LA DES BDAG NYID BRGYAN PAR BYA'O ZHES GSUNGS PA LTA BU'O, ,SKU'I RDO RJE NYID DU 'GYUR BA STE, 'DIS NI ZHES BYA BA NI LHAG MA'O, ,DRAG PO NYID DON DU GNYER BA'I DAM TSIG NI KHAMS GSUM ZHES BYA BA LA SOGS PA GSUNGS TE, 'DOD CHAGS LAM GYIS ZHES BYA BA NI SNGA MA'I RJES SU 'BRANGS NAS SHES PAR BYA'O, ,LHA CHEN PO'I YI GE AA LAS BYUNG BA THAL BA'I MDOG CAN ZHAL GCIG PA SPYAN GSUM PA, ZLA BA PHYED PA DANG LDAN PA'I RAL PA DANG COD PAN CAN, PHYAG DRUG PA PHYAG GNYIS KYIS 'KHYUD PA DKAR MO PHYAG GNYIS PA DANG SNYOMS PAR 'JUG PA, PHYAG LHAG MA RNAMS KYIS RTZE GSUM PA DANG RAL GRI DANG NOR BU DANG PADMA BSNAMS PA, STAG GI PAGS PA BSNAMS PA KHYU MCHOG DKAR PO'I RGYAB TU SNA TSOGS PADMA DANG ZLA BA'I GDAN GYI STENG DU DBANG PHYUG CHEN POR BDAG NYID BSGOMS LA, DE BZHIN GSHEGS PA THAMS CAD KYI RIG MA LA NYE BAR LONGS SPYOD PA'I BSAM PA NI 'DOD CHAGS KYI LAM MO, ,BUD MED KUN ZHES BYA BA NI BUD MED THAMS CAD DO, ,KHAMS GSUM DAG NA GNAS PA'I ZHES BYA BA NI NAM MKHA' KHYAB PAR BYED PA'O, ,RDO RJE LAS BYUNG ZHES BYA BA NI DE BZHIN GSHEGS PA THAMS CAD DANG YANG DAG PAR LDAN PA'O, ,SNA TSOGS DNGOS PO ZHES BYA BA NI DGA' BA DANG MGU BA DANG BDE BA LA SOGS PA'I RNAM PAS SO, ,SPYAD PA NI ZHES BYA BA NI YI GE AAS DE RNAMS LAS PHROGS NAS LONGS SPYOD PA'O, ,GSUNG GI RDO RJE NYID DU 'GYUR BA NI SNGA MA'I RJES SU 'BRANGS NAS SHES PAR BYA'O, ,SEMS CAN ZHES BYA BA LA SOGS PA LA, ZHE SDANG SBYOR BAS ZHES BYA BA NI SNGA MA'I RJES SU 'BRANGS NAS ZHES BYA BA STE, YI GE H'Um LAS BYUNG BA ZAR MA'I ME TOG LTA BU RIN PO CHE'I COD PAN CAN, PHYAG DRUG PA PHYAG GNYIS KYIS 'KHYUD PAR RDO RJE DGA' BYED LHA MO SER MO DANG SNYOMS PAR 'JUG PA, PHYAG LHAG MA RNAMS KYIS 'KHOR

68a

, ,LO DANG DBYIG PA DANG KHRA BO DANG DUNG DANG PADMA BSNAMS PA, NA BZA' SER PO BSNAMS PA, NAM MKHA' LDING GI RGYAB TU SNA TSOGS PADMA DANG ZLA BA'I GDAN GYI STENG DU KHRO BO MIG DMAR ZHING GDUG PA'I LTA BA CAN GYI KHYAB 'JUG TU BDAG NYID BSGOM PAR BYA'O ZHES BYA BA NI ZHE SDANG GI SBYOR BA'O, , SBYOR BA 'DIS SEMS CAN LAS BYUNG BA JI SNYED PA NI SEMS DANG LDAN PA RNAMS SEMS CAN ZHES BYA BA'I DON TO, ,DE THAMS CAD DBYER MED SKU GSUM LA GNAS PA NI, SKU DANG GSUNG DANG THUGS RO GCIG PA DE KHO NA NYID DANG DE BZHIN NYID CES BYA BA NAM MKHA' LTA BU GANG YIN PA'I TSUL DES GNAS PA'O, , DE LTAR NA BSAM GTAN RDO RJE STE, BSAM GTAN GYI BSAM PA BRTAN PO 'DIS YI GE H'Um BRJOD CING SEMS CAN DE DAG THAMS CAD DANG PO NYID DU NAM MKHA'I NGOS LA BLTA ZHING GSAD PAR BYA STE, DE KHO NA NYID DES BLTA BAR BYA'O ZHES BYA BA'I DON TO, ,RDO RJE MKHA' DBYINGS BDAG NYID KYANG, ,ZHES BYA BA NI RDO RJE 'CHANG CHEN PO YANG STE, GZHAN SANGS RGYAS DANG BYANG CHUB SEMS DPA' DANG NYAN THOS DANG RANG SANGS RGYAS DANG, LHA DANG LHA MA YIN DANG MI DANG, DUD 'GRO DANG YI DAGS DANG, DMYAL BA LTA SMOS KYANG CI DGOS TE, GZUNG BA DANG 'DZIN PAR DMIGS PAR BSDUS PA 'DI DAG THAMS CAD GSAL BAR BYA BA NYID YIN PA'I PHYIR RO, ,THUGS KYI RDO RJE NYID DU 'GYUR RO ZHES BYA BA NI SNGA MA'I RJES SU 'BRANGS NAS SHES PAR BYA'O, ,GAL TE MU STEGS PA'I SBYOR BA'I SKU RDO RJE LA SOGS PA NYID JI LTAR RNYED PAR 'GYUR ZHE NA, DE NAS ZHES BYA BA LA SOGS PA GSUNGS TE, JI SKAD DU BSHAD PA'I TSANGS PA LA SOGS PA DANG GZUGS MTHUN PA NI RDO RJE GSUM GYI DAM TSIG STE SKU RDO RJE LA SOGS PA'I PHYAG RGYA CHEN PO YIN GYI 'DI NI TSANGS PA LA SOGS PA'I GZUGS NYID NI MA YIN TE, MTSAN NYID MI MTHUN PA'I PHYIR RO, ,'DI'I DON GSAL BAR BYED PA'I TSIGS SU BCAD PA LA YANG DE SKAD CES BYA'O, ,TSANGS PA LA SOGS PA DANG MTHUN PA 'DI GANG YIN PA DE NI SKU RDO RJE LA SOGS PA NYID YIN TE, 'GRO BA 'DUL BA'I DBANG DU MDZAD PA'I PHYIR RO ZHES BYA BA'I TSIGS SU BCAD PA'I DON TO, ,GNOD SBYIN MO LA SOGS PA SGRUB PA LA NI DE RNAMS KYI RDO RJE DAM TSIG DANG BCAS PA'I TSIGS SU BCAD PA LNGAS GSUNGS PA YIN TE, BUD

68b

MED NI GNOD SBYIN MO RNAMS SO, ,'DI RNAMS KYIS ZHES BYA BA NI KHRAG DANG SHA DANG 'DOD PA RNAMS KYIS TE, CI RIGS PAR BSGOMS PA DANG DE DAG RANG NYID KYIS PHYI ROL BSTEN PA RNAMS KYIS SO, ,DKA' BA NI 'DA' BAR DKA' BA'O, ,PHRA MA DANG LDAN PA'I PHYIR PHRA MA CAN NO, ,DE DAG CES BYA BA NI DE KLU'I RGYAL PO'O, ,'DIS NI ZHES BYA BA NI PHRA MA LA SOGS PA RNAMS KYIS DE SNGA MA BZHIN NO, ,RDO RJE SA 'OG CES BYA BA NI SA 'OG GI BU MO BSGRUB PA'O, ,THOD PA DANG 'BRU MAR NI MI BYA'O, ,ZHAG NI GLANG PO DANG RTA LA SOGS PA'O, ,'BYUNG PO KUN GYIS ZHES BYA BA NI 'BYUNG PO DANG YI DAGS LA SOGS PA'I YANG NGO, ,DAG BYED CES BYA BA NI DE KHO NA NYID DU MOS PA'I YI GE GSUM GYIS DAG PAR BYAS PA'I PHYIR RO, ,RDO RJE MKHA' 'GRO MA NI GOO R'I DANG TZOO R'I LA SOGS PA ZHES BYA'O, ,CHANG NI 'BRU'I CHANG DANG SBYAR BA'I CHANG NGO, ,SBYOR BA YIS ZHES BYA BA NI DPAL SANGS RGYAS THAMS CAD DANG MNYAM PAR SBYOR BA LA SOGS PA GRAGS PA'I SKU MDOG DANG, MTSAN MA DANG, SNGAGS LA SOGS PA DANG, DBU GSUM DANG PHYAG DRUG LA SOGS PA'I TING NGE 'DZIN GYIS SO, ,GSAD BYA ZHES BYA BA NI BSGOMS PA'I SEMS CAN THAMS CAD DO, ,GNAS KYI MTSAN NYID KYIS ZHES BYA BA NI SNGAGS DANG MTSAN MA RNAMS KYIS SO; ,NGO BO NYID KYIS ZHES BYA BA NI MNGON SUM NYID DU'O, ,KUN 'BYUNG BA ZHES BYA BA NI MI LA SOGS PA'I KHYAD PAR GYIS 'BYUNG BA'O, ,RNAM PAR SPYOD CES BYA BA NI LHAN CIG SKYES PA'I MTHU YIS SO, ,DAM TSIG MA LUS PA ZHES BYA BA NI DE RNAMS NYID YONGS SU BRNYES PAR BYED PA'O, ,DNGOS GRUB KUN NYID LA PHAN 'DOD PA NI GNYEN TE DE'I DON DU'O, ,TSANGS PA LA SOGS PA NI 'JIG RTEN PA NYID YIN PA'I PHYIR KHAMS GSUM PA YANG YIN LA, SKU RDO RJE LA SOGS PA NI 'JIG RTEN PA NYID YIN PA'I PHYIR RDO RJE YANG YIN ZHING THAMS CAD KYANG DE DAG NYID LA DE DAG KYANG YIN PAS NA'O, ,DE RNAMS KYI RJES SU 'BRANG BA NI RDO RJE 'CHANG BA CHEN PO'I NANG DU CHUD PA STE, RDO RJE'I SNGAGS LAS SKYES PA YIN PA'I PHYIR DANG, MI BSKYOD PA LA SOGS PAS RGYAS BTAB PA YIN PA'I PHYIR RO, ,DE LA DMIGS PA'I TING NGE 'DZIN LA YANG DE SKAD CES BYA'O, ,LUS KYI DNGOS GRUB KYI PHYIR DAM TSIG GI RDO RJE NI LUS KYI LAS

69a

, ,THAMS CAD RO GCIG PA'O, ,DE GSAL BAR BYED PA'I TSIGS SU BCAD PA LA YANG DE SKAD CES BYA'O, ,LUS KYI THAMS CAD NI LUS KYI LAS THAMS CAD DO, ,RNAM GSUM ZHES BYA BA NI DGE BA DANG MI DGE BA DANG LUNG DU MA BSTAN PA'O, ,DE NI RTAG PAR RDO RJE LAS NI 'BYUNG BAR BYA STE; SKAD CIG DE LAS SPROS PA'I TSUL DU GANG LAS SKU RDO RJE KUN 'BYUNG BA DE BZHIN DU BYA'O, ,SPRO BA DE DAG GCIG TU BYAS PA'I PHYIR SEMS CAN THAMS CAD SANGS RGYAS SKUR BYED PA NI BYA BA STE, SKU RDO RJE'I SBYOR BA LA GNAS NAS ZHES BYA BA NI LHAG MA'O, ,GNAS NI THABS SU BYA BA'O, ,MA LUS PA NI NGAG GI LAS SO, ,JI LTA BU ZHE NA, KHAMS GSUM DRI MED DKYIL 'KHOR TE, SPROS PA'I NGAG RDO RJE DANG GCIG TU BYAS PA'I PHYIR DRI MED DO, ,DKYIL 'KHOR NI 'JIG RTEN GSUM GYI DKYIL 'KHOR RO, ,'DI LAS ZHES BYA BA NI DBANG DU BYAS PA'I PHYIR RO, ,TSIG GI DNGOS GRUB KYI GNAS KYANG DE YIN LA, YID 'ONG BA YANG YIN PAS NA'O, ,'DIR YANG GSUNG GI RDO RJE'I SBYOR BA LA GNAS NAS ZHES BYA BA NI LHAG MA'O, ,YID DE SEMS KYI RDO RJE'I RANG BZHIN KUN BSGOM PAR BYA'O, ,RDO RJE BRTAN PA NI THUGS RDO RJE STE, DE RNAMS KYI 'DZIN PA NI SPRO ZHING GCIG TU BYED PA'I TSUL GYIS 'BYIN PA YIN PA DE LTAR NA RDO RJE BRTAN PA 'DZIN PA YIS SO, ,RDO RJE GSUM GYI PHYED 'KHOR LO NI THUGS RDO RJE YIN LA, DE DANG LDAN PA STE DE'I RNAL 'BYOR PA ZHES BYA BA'I DON TO, ,SBYOR BA GNAG LAS LAS THAMS CAD DGE BA NI KUN DU MDZES DGA'O DE STON PAR MDZAD PA LA DE SKAD CES BYA'O, ,'DIR RNAL 'BYOR BA THAMS CAD NI RDO RJE 'CHANG BA'I RNAL 'BYOR BA YIN PAS, GAL TE DE SANGS RGYAS LA SOGS PA LA PHYAG MA BYAS NA SMAD PA NYID DU 'GYUR BA DANG TSOGS GNYIS KYANG MYUR DU RDZOGS PAR MI 'GYUR RO, ,YANG NA PHYAG BYED PA DE'I TSE RDO RJE 'CHANG BA'I NGA RGYAL 'DOR BAR 'GYUR BA DE BAS NA 'DIS THABS GANG GIS PHYAG BYA ZHE NA, DE'I PHYIR DE NAS ZHES BYA BA LA SOGS PA GSUNGS TE, THAMS CAD NI SANGS RGYAS LA SOGS PA LA PHYAG 'TSAL BAR BYA'O, ,SNGAGS NI LHA'I RNAL 'BYOR PA PHYAG BYED PA'O, ,DE RNAMS KYI RDO RJE NI DMIGS SU MED PA'O, ,DE NYID NI SNYING PO STE KHYAD PAR 'PHAGS PA'I DAM TSIG GO, ,DE GSAL BAR BYED PA'I TSIGS SU BCAD PA LA DE

69b

SKAD CES BYA'O, ,PHYAG 'TSAL NA NI ZHES BYA BA NI PHYAG 'TSAL BA NA'O, ,MA RUNG ZHES BYA BA NI MI SNANG BA STE DE RNAMS DANG BDAG NYID DANG PHYAG BYED PA MI DMIGS PA STONG PA NYID DU RO GCIG PA'I YE SHES ZHES BYA BA'I DON TO, ,RANG GI LHA LA JI LTAR PHYAG BYA ZHE NA, DE NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD NI PHYAG BYA BA'I RANG GI LHA STE, DE'I SKU DANG GSUNG DANG THUGS SO, ,DE RNAMS KYI BSAM GTAN NI RANG GI LUS DANG NGAG DANG YID DAG LA'O, ,DE NYID NI DAM TSIG GO, ,RDO RJE SEMS DPA' NI RANG GI LHA NYID DE DE'I BSAM GTAN NO, ,RDO RJE GSUM SBYOR BAS ZHES BYA BA NI DE'I SKU DANG GSUNG DANG THUGS RNAMS GCIG TU GYUR PA'I PHYIR RO, ,GANG DU ZHE NA, SKU GSUNG THUGS KYI DKYIL 'KHOR LA STE, RANG NYID KYI THAMS CAD LA'O, ,SNGAGS ZLOS PAS NI RANG GI LHA'I RNAL 'BYOR RO, ,BLA MA DANG SLOB DPON DANG RGAN RABS LA SOGS PA LA JI LTAR PHYAG BYA ZHE NA, DE NAS ZHES BYA BA LA SOGS PA GSUNGS TE, SNGAGS DANG RDO RJE BSGRUB PA'I BLA MA DANG RGAN RABS LA SOGS PA LA RANG GI LHA NYID KYI RNAM PAR BSGOM PA'O, ,DE'I DAM TSIG STE, DE'I SKU DANG GSUNG DANG THUGS DANG RANG GI LUS DANG NGAG DANG YID GCIG TU BYED PA'O, ,DE NYID NI SDOM PA STE, PHYAG BYA BA'I DUS SU NGES PAR BYA BA'I CHO GA'O, ,SEMS CAN KHAMS RNAMS NI ZHES BYA BA NI BLA MA DANG RGAN RABS LA SOGS PA'O, ,BSAM GTAN RDO RJES BSKUL BAR BYA ZHES BYA BA NI BSAM GTAN LAS BYUNG BA'I RANG GI LHA'I RNAM PAR SBYOR BAR BYA BA'O, ,RDO RJE GSUM PHYAG 'TSAL MCHOG MCHOG, , CES BYA BA NI RANG GI LUS DANG NGAG DANG YID KYIS GONG NAS GONG DU PHYAG 'TSAL BA'O, ,DE GANG YIN ZHE NA, RDO RJE LAS BYUNG ZHES BYA BA SMOS TE, DE NYID KYI SKU DANG GSUNG DANG THUGS 'BYUNG BA STE, RO GCIG PAR GYUR BA'O, ,GANG DU ZHE NA, SKABS NYID YIN PA'I PHYIR RANG GI LUS DANG NGAG DANG YID LA'O; ,DE DAG GIS KYANG 'DA' BAR BYA BA NYID MA YIN PAS NA DAM TSIG GO, ,DE DE LTAR NA PHYAG BYA BA NI RNAM PA GNYIS TE, 'KHOR GSUM MI DMIGS PA'AM RDO RJE 'BYUNG BAS SO, ,DE NAS ZHES BYA BA LA SOGS PA LA DNGOS GRUB KYI MCHOG LA THABS BZHI NI BSNYEN PA LA SOGS PA YIN NO, ,

70a

, ,DE RNAMS KYI DAM TSIG NI DUS SO, ,DE'I TSE SDOM PA NI NGES PAR BYA BA'I CHO GA'O, ,GNYIS PO NI RAB TU GRAGS PA NYID YIN NO, ,RDO RJE NI BYANG CHUB KYI SEMS SO, ,YE SHES KYI NYI MAR BYAS PA DE DAG GIS RE RES YONGS SU GANG BA DBUL ZHES BYA BA NI LHA BSHOS KYI BSAM PAS SO, , RDO RJE THAMS CAD MI SNANG BAR MOS PA NI DNGOS GRUB PHRA MO'I NYE BAR MTSON PA YIN NO, ,DE NAS MCHOD RDZAS ZHES BYA BA NI DE'I DUS SU BYUNG BA'I BYANG CHUB KYI SEMS SO, ,RDO RJE NI THABS TE DE RDZOGS PAR BYED PA'O, ,DE NAS ZHES BYA BA LA SOGS PA LA NAM MKHA' NI MI BSKYOD PA'O, ,DE'I RDO RJE RIGS 'DZIN RNAMS KYI DAM TSIG YIN NO, ,SKU GSUNG THUGS KYI RDO RJE NI, ,ZHES BYA BA NI BDAG NYID KYI'O, ,BSAM GTAN ZHES BYA BA NI MI BSKYOD PA KHROS PA'I'O, ,RDO RJE GSUM GYI DAM TSIG STE, ,ZHES BYA BA NI RDO RJE RIGS 'DZIN RNAMS KYIS SO, ,SNGAGS 'CHANG BA NI SNGAGS PA'O, ,LAS DANG PO PA NI MA GRUB PA STE, DE RNAMS KYI DAM TSIG GO, ,SKU'I RDO SKU'I RDO RJE ZHES BYA BA NI LHAG MA STE ZHES BYA BA DANG SBYAR BAR BYA'O, ,PHYI ROL ZHES BYA BA NI PHYI ROL TU 'GRO BA LA'O, ,RDO RJE 'DZIN PA NI THUGS RDO RJE LA'O, ,RDO RJE CHOS ZHES BYA BA NI GSUNG GI RDO RJE'I SBYOR BA'O, ,MDO GDON CHO GA'I BYA BA LA, ,ZHES BYA BA NI KLOG PA'O, ,DE LA ZHES BYA BA 'DI NI 'DIR THUGS RDO RJE'I SBYOR BA NI SEMS KYI DRI MA BSAL BAR BYA BA'I PHYIR RO, ,BDE BAR GSHEGS PA'I SKU DANG GSUNG GI SBYOR BA LHAG MA BDAG NYID KYI LUS DANG BLO RGYAS PAR BYA BA'I PHYIR RO, ,YANG NA PHYI ROL DU 'GRO BA NI 'CHAG PA STE, DE LTAR NA SBYOR BA GSUM PO 'DI DAG GO RIMS BZHIN DU PHYI'I DON LA DMIGS PA DANG SNA TSOGS SU SNANG BA LA DMIGS PA DANG BRJOD BYA DANG RJOD PA LA DMIGS PA'I GNYEN POR RIG PAR BYA'O, ,DE SKAD CES BKA' STZAL TO ZHES BYA BA NI SKU'I LAS LA SOGS PA NAS MDO GDON PA'I BAR GYI SBYOR BA'O, ,SBYOR BA DE NYID NI NGO BO NYID DAG PA YANG YIN LA RDO RJE 'CHANG BA'I BDAG NYID YIN PA'I PHYIR RDO RJE YANG YIN PAS NA'O, ,DE STON PAR MDZAD PA'I PHYIR BCOM LDAN 'DAS LA YANG DE SKAD CES BYA'O, ,'DI MAN CHAD NI SBYOR BA DANG PO'I TING NGE 'DZIN BSTAN TO, ,SBYOR BA DE YANG YAN LAG BZHI CAN YIN NO, ,YAN LAG BZHI NI SNYING PO MNYAM PA NYID

70b

KYI YE SHES DANG MNYAM PA NYID KYI CHE BA'I BDAG NYID KYI YE SHES DANG SNYING PO CHE BA'I BDAG NYID KYI YE SHES DANG, RIG PA'I SKYES BU BSGOM PA'O, ,DE LA BCOM LDAN 'DAS CANG MI GSUNG BAR GYUR BA NI SNYING PO MNYAM PA NYID KYI YE SHES KYI MDO YIN NO, ,DE NI DE NAS ZHES BYA BA LA SOGS PA GSUNGS TE, RDO RJE 'DZIN PA THAMS CAD NI RIG PA'I SKYES BU THAMS CAD DO, ,DE RNAMS KYI RANG GI SKU DANG GSUNG DANG THUGS KYI RDO RJE DANG SNYING PO MNYAM PA NYID RDO RJE ZHES BYA BA NI DRUG PA'I BSDU BA'O, ,RANG GI SKU DANG GSUNG DANG THUGS RDO RJE DANG SNYING PO ZHES BYA BA NI ZLAS DBYE BA'O, ,RANG GI SKU DANG GSUNG DANG THUGS NYID NI SKU LA SOGS PA DMIGS SU MED PA'I RDO RJE YIN TE, RANG GI SEMS TZAM NYID KYIS JI LTAR SNANG BA BZHIN DU MED PAR SNANG BA'I PHYIR RO, ,SNYING PO NI SGRIB PA MED PAS DAG PA'I NAM MKHA'I KHAMS SO, ,DE DAG MNYAM PA NYID NI KHYAD PAR MED PA NYID DE, GNYI GA YANG YANG DAG PA'I YE SHES NYID YIN PA'I PHYIR RO, , DE'I YE SHES LA YANG DE SKAD CES BYA'O, ,DE NYID NI BRTAN PA NYID KYIS NA RDO RJE'O, ,DE LTAR MA YIN PAR DGONGS NAS ZHES BYA BA NI MNGON GSUM DU MDZAD NAS SO, ,CANG MI GSUNG BAR GYUR PA NI DE NYID LA MNYAM PAR 'JOG PA'I PHYIR RO, ,PHYAG 'TSAL BA NI CANG MI GSUNG PAS BSTAN PA'I DE KHO NA NYID CHEN PO LA THOS PAR 'DOD PA'I PHYIR RO, ,BZHUGS PA NI BTANG SNYOMS SU MDZAD CING DUS 'DA' BAR MDZAD PA'O, ,RTAG PA NYID YIN PA'I PHYIR YI GE YANG DE YIN LA THOB PAR BYA BA NYID YIN PA'I PHYIR TSIG KYANG YIN TE, RDO RJE 'CHANG DAG GI SKU DANG GSUNGS DANG THUGS RDO RJE DMIGS SU MED PA NI RANG GI SEMS TZAM NYID KYIS JI LTAR SNANG BA BZHIN DU MED PA NYID DU SNANG BA'O, ,DE NYID NI NGO BO NYID DE SNANG BA 'DI LA YOD PAS NA'O, ,DE YANG DE DE YIN LA YI GE'I TSIG KYANG YIN PAS NA'O, ,DE LA NGO BO NYID MED PA'I YI GE'I TSIG DPYAD NAS TE, NGO BO NYID MED PA NI SGRIB PA MED PAS NGAG PA NAM MKHA'I DBYINGS KYI YE SHES TE, SNANG BA MED PA NYID YIN PA'I PHYIR RO, ,DE NYID NI YI GE'I TSIG YIN TE, BRTAN PA NYID KYI PHYIR DANG THOB PAR BYA BA NYID YIN PA'I PHYIR RO, ,DE NYID 'DI YIN PA CI'I PHYIR ZHE NA, DON DAM PA'I YE SHES NYID DU DE MNYAM PA NYID KYI PHYIR RO, ,SNYING PO MNYAM PA NYID KYI YE SHES KYI MTSAN MA'I MTSAN NYID NI BZHI

71a

, ,STE; MA SKYES PA'I MTSAN NYID DANG MA THOB PA'I MTSAN NYID DANG THOB PAR MI DMIGS PA'I MTSAN NYID DANG SEMS CAN THAMS CAD DANG THUN MONG PA'I MTSAN NYID DO, ,DE DAG NYID BSTAN PAR BYA BA'I PHYIR RIGS KYI BU ZHES BYA BA LA SOGS PA GSUNGS TE, MA SKYES PA ZHES BYA BA NI JI LTAR SNANG BA BZHIN DU MA SKYES PA STE, GCIG DANG DU MA NYID DANG BRAL BAS JI LTAR SNANG BA BZHIN DU MED PA NYID KYI PHYIR RO, ,SGRIB PA MED PAR DAG PA NAM MKHA'I DBYINGS KYI DON NI NAM MKHA'I RDO RJE'O, ,DE LA RTOG PA LAS BYUNG BA NI DE YONGS SU GCOD PAR BYED PA NYID KYI PHYIR RO, ,LOG PAR GZUNG BA NI DAG PA 'JIG RTEN PA'I YE SHES TE DE NI DON DAM PA'I YUL NYID DU YANG DAG PAR 'DZIN PAS NA GZUNG BA STE, DE NYID KYIS NA DAG PA'O, ,MED PA'I RNAM PAR SNANG BA NYID KYIS 'KHRUL PA NYID KYI PHYIR LOG PA STE, DE NYID KYIS NA 'JIG RTEN PA'O, ,DES 'DI LA ZIN PA YOD PAS NA DE SKAD CES BYA'O, , GAL TE LOG PAR GZUNG BA YIN NA JI LTAR DPAL RDO RJE RTZE MO LAS DKYIL 'KHOR GYI BDAG PO NGO BO NYID KYI SKUR GSUNGS SHE NA, DER DON NI NGO BO NYID KYI PHYAG RGYA YIN NO ZHES BYA BA YIN GYI RANG NYID NGO BO NYID NI MA YIN NO ZHES BYA BA 'DI YIN NO, ,DE SKAD GSUNGS PA NA TSANGS PA LA SOGS PA'I LOG PA'I RNAM PAR RTOG PA SKYES PA DE BSAL BAR BYA BA'I PHYIR 'JAM DPAL LA SOGS PAS GSOL BA NI RDO RJE 'CHANG BA'I SKU RDO RJE LA SOGS PAS STON PA'I GSUNG DE NYID RDO RJE'I TSIG NYID YIN TE, MI SLU BA NYID YIN PA'I PHYIR RDO RJE YANG YIN LA BYANG CHUB SGRUB PAR BYED PA NYID KYI PHYIR TSIG YIN NO, ,SLU BA NYID KYIS BSKYED PA NI PHYIN CI LOG KUN 'BYUNG BA DES MI RTAG TU GSOL BA NI MI 'GRUB PAR GSOL BA'O, ,DE ZHES BYA BA NI GSUNG RDO RJE'I TSIG NYID DO, ,DE CI'I SLAD DU ZHE NA, DE BZHIN GSHEGS PA THAMS CAD KYI RDO RJE DBYINGS NI SGRIB PA MED PA'I NAM MKHA'I DBYINGS SO, ,DE'I NGO BO NYID NI RANG BZHIN NO, ,DE'I SPYOD PA NI DON DAM PA'I YE SHES DANG BDAG DANG GZHAN GYI BYA BA'O, ,DER 'GRO ZHING RJES SU 'GRO BA'I NGO BO NYID KYIS 'JUG PA NI 'GRO BA YIN LA DE'I RGYU MTHUN PA'I SKU RDO RJE LA SOGS PA'I NGO BO NYID KYIS 'JUG PA NI RJES SU 'GRO BA YIN TE, DE GNYI GA NI 'GRO BA DANG RJES SU 'GRO BA ZHES GSUNGS SO, ,DE

71b

DE LTA BUR 'GYUR BA'I GSUNG RDO RJE'I TSIG NYID NI PHYIN CI LOG KUN 'BYUNG BA NI MA YIN NO ZHES BYA BAR DGONGS SO, ,DE ZHES BYA BA NI PHYIN CI LOG KUN 'BYUNG BAR RTOG PA STE, CI'I SLAD DU ZHE NA, CHOS THAMS CAD NI RDO RJE 'CHANG BA'I SKU RDO RJE LA SOGS PA'O, ,DE RNAMS KYI MTSAN NYID KYI NGO BO NYID NI SNGAR BSHAD PA'I DMIGS SU MED PA'I NGO BO NYID DO, ,BCOM LDAN 'DAS DE BZHIN GSHEGS PA RNAMS KYIS BSTAN PA MI SHES PA STE, BCOM LDAN 'DAS KYIS SKU RDO RJE LA SOGS PA YOD PA NYID DANG, DE BZHIN GSHEGS PA RNAMS KYIS NI MED PA NYID DU BSTAN PA YIN NO ZHES SHES NAS SO, ,RDO RJE NYID CHOS YIN LA DE RNAMS KYI DE KHO NA NYID NI YIN PA NYID DO, ,GSANG BA'I YI GE RNAMS NI YOD PA NYID DU 'CHAD PAR MDZAD DAM SNYAM PA'O, ,DE LTAR TSANGS PA LA SOGS PA MI BDEN PA'I RNAM PAR RTOG PA 'JAM DPAL LA SOGS PAS BSAL BA YIN NO, ,DANG PO'I MTSAN NYID BSTAN NAS GNYIS PA DANG GSUM PA'I DBANG DU MDZAD DE DE NAS ZHES BYA BA LA SOGS PA GSUNGS TE, BYANG CHUB SEMS DPAS MI SHES SO ZHES BYA BA'I SKABS YIN PA DE'I PHYIR, BKA' STZAL PA NI BYANG CHUB SEMS DPA' KHYED RNAMS LTA CI SMOS TE, NGED KYIS KYANG MI SHES SHING MI DMIGS SO, ,CI ZHIG CE NA SKU DANG GSUNG DANG THUGS RDO RJE RNAMS KYI BYANG CHUB THOB PA STE, SKU LA SOGS PA DMIGS SU MED PA YIN NA DE THOB PA YANG DMIGS SU MED PA'I PHYIR RO ZHES BYA BAR DGONGS SO, ,CI ZHIG THOB NAS SHE NA, SKU DANG GSUNG DANG THUGS RDO RJE'I GSANG BA STE, JI LTA BA BZHIN DU SNANG BA MA YIN PA DE KHO NA NYID DO, , DE NYID NI YI GE'I GNAS TE, DE'I YOD PA NI YOD PA NYID LAS RTAG TU MI 'GYUR BA'I PHYIR RO, ,JI LTAR SNANG BA'I SKU LA SOGS PA'I RDO RJE NI 'GYUR BA NYID YIN TE, DE'I 'OG TU MED PA NA YOD PA NYID LAS RTAG TU 'GYUR BA YIN PA'I PHYIR RO, ,DE NYID KYIS NA GNAS PA MA YIN TE, MED PA NI THOB PAR MI NUS PA NYID KYI PHYIR RO, ,DE LTAR NA 'DI NI MA THOB PA'I MTSAN NYID YIN NO, ,DE CI'I SLAD DU ZHE NA ZHES BYA BA NI SANGS RGYAS RNAMS KYI RANG GI SLU LA SOGS PAR SNANG BA'I YE SHES NI SKYE BA YANG YIN LA, SKU LA SOGS PA RNYED PA YANG MI DMIGS PA YIN NO ZHES BYA BA DE GNYI GA'I RGYU GANG LAS YIN GANG LAS KYANG MA YIN TE,

72a

, ,'GAL BA NYID KYI PHYIR RO ZHES BSAMS PAS SO, ,SKYE BA MED PA LA SOGS PA NI LAN YIN TE, NGO BO NYID MED PAR MI 'GYUR BA'I GNAS NI SGRIB PA MED PA DAG PA'I NAM MKHA'I DBYINGS SANGS RGYAS RNAMS KYI NGO BO NYID KYI SKU STE CHOS KYI SKU'O, ,DE LAS BYUNG BA NI MNYAM PA NYID DU SKYES PA STE, DE'I RGYU MTHUN PA YIN PA'I PHYIR RO, ,SKU LA SOGS PA'I MI DMIGS PA'I RANG BZHIN NYID YIN PA'I PHYIR SKU RDO RJE LA SOGS PA SKYE BA MED PAR MTHONG BA NI SKYE BA MED PA'I RDO RJE'O, ,DE RNAMS KYI MNGON PAR BYANG CHUB PA NI THOB PA'O, ,DGONGS PA NI 'DI LTAR 'JIG RTEN NA JI LTAR MTHONG BA'I NUS PAS JI LTAR MTHONG BA'I DON LA NGES PA SKYE BAR 'GYUR BA DE BZHIN DU SANGS RGYAS RNAMS KYANG NGO BO NYID MED PA'I MI 'GYUR BA YANG DAG PAR GZIGS PAS SKU LA SOGS PA'I SNANG BA MED PA NYID DU GZIGS PA NYID NI DE'I STOBS KYIS DAG PA 'JIG RTEN PA'I SKU RDO RJE LA SOGS PA'I RANG BZHIN GYIS NGES PA SKYE PAR 'GYUR RO ZHES BYA BA 'DI YIN NO, ,SKU LA SOGS PA MED PA NYID DU DMIGS PA GANG YIN PA DE NI DE RNAMS KYI MI DMIGS PA YIN NO, ,DE NYID NI THOB PA MI DMIGS PA NYID YIN PA DE LTAR NA THOB PA NI MI DMIGS PA'I MTSAN NYID YIN NO, ,MTSAN NYID BZHI PA BSTAN PA'I PHYIR RIGS KYI BU ZHES BYA BA LA SOGS PA GSUNGS TE, BYANG CHUB NI NGO BO NYID MED PA MI 'GYUR BA'I GNAS TE DE LA GNAS PA'O, ,'DI RNAMS KYI SANGS RGYAS TE MNGON PAR RDZOGS PAR SANGS RGYAS PA YIN LA, RDO RJE NI SKU LA SOGS PA'I YIN PA DE LTAR NA SANGS RGYAS RDO RJE'O, ,SKU LA SOGS PA'I RDO RJE NI GSANG BA GSUM MO, ,YE SHES NI BYANG CHUB STE DE GNYIS THOB PA'O, ,SKU GSUM RDO RJE'I CHOS NYID CES BYA BA LA 'DIR RDO RJE NI YE SHES TZAM STE THOGS PA MED PA'I PHYIR RO, ,SANGS RGYAS RNAMS KYI YE SHES KYI DE BZHIN NYID DANG SKU LA SOGS PA'I DE BZHIN NYID GANG YIN PA DE NYID NI SEMS CAN THAMS CAD KYI YIN NO, ,DE BAS NA SNANG BAR GYUR PA MED PA NYID KYI PHYIR CHOS KYI RANG BZHIN NYID KYIS SANGS RGYAS RNAMS DANG SEMS CAN RNAMS NI YE SHES MNYAM PA DANG, SKU DANG GSUNG DANG THUGS MNYAM PA YIN NO, ,DE LTAR NA MTSAN NYID BZHI PO YIN NO, ,DE NAS ZHES BYA BA LA SOGS

72b

PA LA DE LTAR CANG MI GSUNG PAR STON PAR BYED PA SNYING PO MNYAM PA NYID KYI YE SHES DE BZHIN GSHEGS PA RNAMS KYIS RGYA CHER RNAM PAR BKROL NAS ZHES BYA BA NI DE NAS KYI SGRA'I DON YIN NO, ,'DI SKAD GSUNGS SO ZHES BYA BA NI SNYING PO MNYAM PA NYID KYI YE SHES KYI TSIGS SU BCAD PA STE, RTOG PAR SMRA BAR BYED PA ZHES BYA BAR SBYAR RO, ,GANG ZHE NA RDO RJE LAS BYUNG BA STE, SKU RDO RJE LA SOGS PA'I RNAM PAR 'DRES PA'O, ,SMRA BAR BYED PA NI RJOD PAR BYED PA'O, ,DE LA CI'I PHYIR RTOG PA ZHES BYA ZHE NA, RNAM PA RNAMS NI RANG NYID BRDZUN PA NYID KYI PHYIR RO, ,DON GANG LA DE RTOG CE NA, RANG BZHIN DAG CING BDAG MED PA STE SANGS RGYAS THAMS CAD KYI SKU DANG GSUNG DANG THUGS RDO RJE RO GCIG PAR 'GYUR BA'I SHES BYA'I CHA DE NYID KYI NGO BO NYID LA'O, ,RANG BZHIN NI GNAS YIN TE DE NI BYANG CHUB BO, ,YE SHES KYI CHA DAG PA NI YE SHES KYI CHA DAG PA'O, ,RANG BZHIN DAG LA NI RANG BZHIN DAG PA STE, BYANG CHUB KYI SEMS ZHES BYA BA'I DON TO, ,DE NYID NI BDAG MED PA STE, DAM TSIG CHEN PO'I BDAG NYID KYANG DE BZHIN NYID DU RO GCIG PA'I PHYIR TE DE LA'O, ,JI LTA BU ZHE NA CHOS NI DKYIL 'KHOR PA RNAMS YIN LA, DBYINGS NI RTEN GYI DKYIL 'KHOR YIN TE RO GCIG PAR BYED PA'I PHYIR CHOS KYI DBYINGS KYANG DE YIN LA, CHAGS PA'I GNAS PHUNG PO DANG KHAMS LA SOGS PA RO GCIG PAR BYED PA'I PHYIR GNAS MED PA YANG YIN PA DE LTAR NA CHOS KYI DBYINGS NI GNAS MED PA STE, SGRIB PA MED CING DAG PA'I NAM MKHA'I DBYINGS KYI DNGOS PO'I MTSAN NYID CAN GYI SNYING PO'I DON YIN NO ZHES BYA BA'I BAR DU'O, ,DE'I BDAG NYID CAN GYI DAG PA MTHONG BA'I STOBS KYIS JI LTAR MTHONG BA'I DON NGES PA'I TSUL DU DE 'BYUNG BA'I PHYIR RO ZHES BYA BAR DGONGS SO, ,SMRA MA YIN NI DE LA RTOG PA ZHES PA MI BRJOD DE MED PA LA MOS PA'I PHYIR SNYING PO DANG DON MTSUNGS PA NYID DANG SNYING PO'I RGYU MTHUN PA NYID KYIS SNYING PO LAS KHYAD PAR MED PA'I PHYIR RO ZHES BYA BAR DGONGS SO, , SNYING PO MNYAM PA NYID KYI YE SHES GSUNGS NAS CHE BA'I BDAG NYID KYI YE SHES KYI SKABS DBYE BA'I PHYIR DE NAS ZHES BYA BA LA SOGS PA GSUNGS TE, BDAG PO'I 'BYIN PA DANG SDUD PA LA DBANG DU GYUR PA NYID KYI PHYIR RO, ,DE STON PAR MDZAD PA LA DE SKAD CES BYA STE, DE NYID KYIS NA PHYAG 'TSAL BA YIN NO, ,JI LTAR

73a

, ,ZHES BYA BA NI GANG DU'O, ,DE BZHIN GSHEGS PA THAMS CAD NI RDO RJE 'CHANG NGO, ,DE'I SKU LA SOGS PA'I RDO RJE NI GSANG BA GSUM STE, 'DI LTA STE BCOM LDAN 'DAS DANG DKYIL 'KHOR BA'I CHOS RNAMS DANG SANGS RGYAS KYI ZHING YONGS SU DAG PA STE, DE RNAMS KYI DNGOS GRUB NI GRUB PA'O, ,YANG DAG PAR 'BYUNG BA NI RGYU'I GNAS SKABS KYIS BSDUS PAR GYUR PA'O, ,GNAS PA NI RGYU'I GNAS SKABS KYI MTHAR THUG PA STE, DE MA THAG PA'I 'BRAS BU'I GNAS SKABS SKYE PA'I PHYIR RO, ,GANG GI TSE SNYING PO MNYAM PA NYID MED PA DE'I TSE DE'I BSGOM PA DON MED PAR 'GYUR RO ZHES BYA BAR DGONGS SO, ,DE BZHIN GSHEGS PA THAMS CAD KYI BDAG PO NI CHOS KYI SKU BRNYES PA'I PHYIR RO, ,RDO RJE 'DZIN PA NI GSANG BA GSUM BRNYES PA'I PHYIR RO, ,DE GSAL BAR MDZAD PA LA YANG DE SKAD CES BYA'O, ,RANG GI SKU DANG GSUNG DANG THUGS KYI RDO RJE SNYING POS MNYAM PA NYID DE NI YE SHES TE DE SKAD CES BYA'O, ,DE'I RGYUD NI RGYUN MI 'CHAD PAR 'JUG PA'O, ,DE NYID NI BRTAN PAR GYUR PA THOB PA'I PHYIR RDO RJE STE DE NYID LA GNAS PA'O, ,RGYUD DE NYID LAS YANG DAG PAR BYUNG BA ZHES BYA BA'I DON GYIS SHES PAR BYA'O, ,DNGOS GRUB THAMS CAD NI RDO RJE 'CHANG BA'I DNGOS GRUB SNA TSOGS PA'O, ,RDO RJE'I YE SHES NI DKYIL 'KHOR PA'I CHOS RNAMS SO, ,KHAMS GSUM NI YONGS SU DAG PA'I SANGS RGYAS KYI ZHING NGO, ,SNYING PO CHE BA'I BDAG NYID KYIS YE SHES KYI DBANG DU MDZAD NAS DE BZHIN GSHEGS PA THAMS CAD KYIS ZHES BYA BA LA SOGS PA GSUNGS TE, DE BZHIN GSHEGS PA THAMS CAD NI DAM TSIG CHEN PO'I DKYIL 'KHOR GYI DBANG PHYUG GO, ,SKU LA SOGS PA DNGOS GRUB NI DE NYID KYI DKYIL 'KHOR BA'I CHOS RNAMS THOB PA'O, ,KHAMS GSUM PA THAMS CAD NI DAM TSIG GI DKYIL 'KHOR CHEN PO'O, ,GANG NA GNAS ZHES BYA BA NI JI DE LTA NYID KYI PADMA'AM JI ZHU BA'I SNYING PO LA YIN, GAL TE SNYING PO LA MA YIN NA DE'I TSE SNYING PO'I RGYU MTHUN PA'I SNYING PO MNYAM PA NYID KYI YE SHES LA YANG DNGOS GRUB DANG, RDO RJE YE SHES DANG KHAMS GSUM PA MI GNAS PA DE BAS NA, DNGOS GRUB DE GANG LA 'GYUR ZHES BSAMS PA'O, ,DE BZHIN GSHEGS PA THAMS CAD NI DKYIL 'KHOR GYI BDAG PO'O, ,RDO RJE NI

73b

DKYIL 'KHOR PA RNAMS SO, ,YE SHES NI RTEN GYI DKYIL 'KHOR RO, ,DE RNAMS KYI BDAG PO NI SDUD PAR MDZAD PA'O, ,DE STON PAR MDZAD PA LA DE SKAD CES BYA'O, ,NAM MKHA' NI SNYING PO DE NYID DE DE LA GNAS PA NI DE NYID DU ZHU BA'I PHYIR RO, ,GANG NA GNAS ZHES BYA BA CI DE YAB YUM LA GNAS SAM, CI DE DAG NYID LA THIM PAR 'GYUR GRANG NA, PHYOGS DANG PO LTAR NA NI SGRIB PA MED PAR MI 'GYUR RO ZHES BSAM PA LA'O, ,RDO RJE NI SNGAR BSDUS PA THAMS CAD DE RIG PA DANG BCAS PA'I MCHOG DANG POS SAM, DE RNAMS BSDUS NAS 'DZIN PAR MDZAD PA'I PHYIR RDO RJE 'CHANG BA STE, SGRIB PA MED CING DAG PA'I NAM MKHA'I DBYINGS SO, ,DE STON PAR MDZAD PA'I BCOM LDAN 'DAS LA YANG DE SKAD CES BYA'O, ,GANG NA YANG MA YIN NO ZHES BYA BA NI DE DAG KYANG DE NYID DU ZHU BA'I PHYIR RO, ,NGO MTSAR NI MNYAM PA NYID KYI RDO RJE LA'O, ,RMAD DU GYUR PA NI SNYING PO RDO RJE LA'O, ,DE NYID KYIS NI AE MA'O RDO RJE AE MA'O RDO RJE ZHES BYA BA GSUNGS SO, ,RDO RJE'I ZHES PA NI RDO RJE 'CHANG BA'I'O, ,BSTAN PA 'DI DAG GANG YIN PA DE YANG NGO MTSAR TO, ,CI'I PHYIR ZHE NA GANG DU ZHES BYA BA LA SOGS PA GSUNGS PA LA, GANG DU ZHES BYA BA NI SNYING PO DANG RDO RJE MNYAM PA NYID RDO RJE GANG LA'O, ,LUS DANG NGAG DANG SEMS MED CES BYA BA NI GO RIMS BZHIN DU LUS LA SOGS PA NI RNAM PAR RTOG PA MED PA'I PHYIR DANG RNAM PAR RTOG PA DMIGS SU MED PA'I PHYIR RO, ,DE RU GZUGS NI RNAM PAR BSGOM PA NI SKU DANG GSUNG DANG THUGS SU SNANG BAR TE, RIM BZHIN DU DE KHO NA NYID RO GCIG PA DANG LUS DANG NGAG DANG SEMS SU SNANG BAS SO, , RIG PA'I SKYES BU BSGOM PA'I DBANG DU MDZAD NAS, DE NAS ZHES BYA BA LA SOGS PA GSUNGS TE, YI GE GSUM BRNYES PA'I PHYIR RDO RJE GSUM YANG DE YIN LA MCHOG CHEN PO YANG YIN PAS NA'O, ,DAM PA NYID YIN PA'I PHYIR MCHOG NI BYANG CHUB SEMS DPA' RNAMS SO, ,SHIN TU DAM PA NYID YIN PA'I PHYIR MCHOG CHEN NI SANGS RGYAS RNAMS SO, ,DE RNAMS KYI MCHOG NI TSOGS SO, ,DE RNAMS KYI RDO RJE GSUM NI GSANG BA GSUM MO, ,DE RNAMS KYI DBANG PHYUG MCHOG NI 'BYIN PA'I MCHOG GO, ,RIG PA'I SKYES BU BSGOM PA'I DNGOS GRUB NI DNGOS GRUB KYI THABS YIN PA'I PHYIR RO, ,NAM MKHA'

74a

, ,DBYINGS NI CHOS 'BYUNG BA'O, ,DE LA RDO RJE NI GZHAL YAS KHANG NGO, ,DE'I DBUS NA GNAS PA NI DBUS MA'I GDAN LA GNAS PA'O, ,SANGS RGYAS NI MNGON PAR BYANG CHUB PA RNAM PA LNGA DANG LDAN PA'I MCHOG DANG PO'O, ,DE'I DKYIL 'KHOR NI SNYING PO BSDUS PA STE, 'DOD CHAGS CHEN PO'I TSUL LA SOGS PA'I CHO GA LAS GRUB PA'I SGRIB PA MED CING DAG PA'I NAM MKHA'I DBYINGS SO, ,BSGOM PAR BYA ZHES BYA BA NI GLU BZHIS BSKUL BA LA SOGS PA'I RIM GYIS SO, ,RDO RJE'I SKU NI ZHES BYA BA NI RNAM PAR SNANG MDZAD DO, ,RDO RJE ZHES BYA BA NI MI BSKYOD PA'O, ,SKU GSUM LAS BYUNG BA ZHES BYA BA NI SKU RDO RJE LA SOGS PA'I SKU GSUM GYIS BYIN GYIS BRLABS PA'O, ,RNAM PAR 'PHRO BA NI 'OD ZER LNGA SPROS PA'I PHYIR RO, ,SPYIR BOR RDO RJE DANG PHYAG TU 'KHOR LO 'DZIN PAR MDZAD PAS NI RDO RJE 'KHOR LO 'DZIN TO, ,THAMS CAD 'DI NI ZHES BYA BA NI MTHUN PAR BSGRES PA STE, BUD MED DANG SKYES PA'I RNAM PA DANG LDAN PA'I BDAG NYID CAN LA 'DIR PHYAG RGYA CHEN PO BLTA BAR BYA'O, ,DE NYID KYI PHYIR RIG PA'I SKYES BU RDO RJE GSANG BAS ZHES BYA BA GSUNGS TE, RIG MA DANG YANG DAG PAR LDAN PA'I SKYES BU NI RIG PA'I SKYES BU'O, ,DE'I RDO RJE STE 'KHOR LOS SGYUR BA'I SPYI BO DANG GSANG BA NI GNAS JI LTA BA BZHIN DU GSUM MO, ,DE STON PAR MDZAD PA LA DE SKAD CES BYA'O, ,DBYINGS GYUR PA ZHES BYA BA NI KHAMS GSUM GYI LHA MO BZHI LAS RIGS KYI DBYE BAS GCIG GO, ,MNYES PAR BYED PA ZHES BYA BA NI MDUN DU BSKYED NAS CHO GA JI LTA BA BZHIN DU SBYAR BAS SO, ,RDO RJE SKU NI GSUM GYIS MTSAN, ,ZHES BYA BA NI RDO RJE DANG SKU GSUM GYI GNAS JI LTA BA BZHIN DU MTSAN PA'O, ,CHAR 'BEBS PAS NA KHYU MCHOG STE, BDE BA CHEN POS BDAG DANG GZHAN LA DBANG BSKUR BAR MDZAD PA'I PHYIR RO, ,BYANG CHUB NI BSNYEN PA'I 'BRAS BU'O, ,SEMS DPA' NI NYE BAR BSGRUBS PA'I 'BRAS BU STE, DE DAG DANG LDAN PAS NA BYANG CHUB SEMS DPA'O, ,GRAGS CHEN RNAMS NI RIG PA'I BRTUL ZHUGS LEGS PAR SPYAD PAS SO, ,ZHAG BDUN GYIS GZI CHEN PO ZHES BYA BA NI RGYU'I NUS PA SHIN TU PHUL DU BYUNG BAS SO, ,DE BAS RGYU'I STOBS CHUNG BAS ZLA BA PHYED NA'O, ,DE BAS KYANG CHUNG BAS NI ZLA BA PHYED NA'O, ,DE BAS KYANG SHIN TU CHUNG BAS NI PHYED DANG GNYIS KYIS TE, DE BZHIN 'GRUB PA'O, ,

74b

SKU GSUM DNGOS GRUB NI 'DOD PA'I THAR PA'O, ,SKU DANG GSUNG DANG THUGS NI SKU RDO RJE LA SOGS PA'O, ,RDO RJE NI YE SHES SEMS DPA'O, ,DE RNAMS BSDUS PA NI GNAS JI LTA BA BZHIN DU BZHI CHAR YANG BKOD PA'O, ,GSANG BA'I THUGS KA'I ZLA BA DANG MTSAN MA'O, ,GSANG CHEN NI MTSAN MA'I LTE BA'I ZLA BA LA SA BON NO, ,DE GSAL BAR BYED PA'I GZHUNG LA YANG DE SKAD CES BYA'O, ,SKU GSUNG THUGS NI SEMS DPA' GSUM GYIS BRLABS PA'O, ,DE RNAMS KYI DAM TSIG NI THUGS SU CHUD PA STE, 'DI RNAMS KYI SO SO'I RANG GI THUGS KA'I SA BON NO, ,SKU GSUM NI MI PHYED PA NYID KYI PHYIR PHYAG RGYA CHEN PO STE, YE SHES SEMS DPA'O, ,DE'I DON NI RANG GI SA BON NO, ,DE'I BSTAN PA NI 'BYIN PA PO STE, DE NYID KYI NGOS GSUM DU DE NYID LAS DBYE BA GSUM GYI SNGAGS SPROS PA'O, ,THAMS CAD CES PA NI SNGAGS BDUN PO DE DAG BSGOM PA'O, ,CHO GA BZHIN ZHES PA NI SO SO'I GDAN GYI MTSAN MA RNAMS KYI NANG DU GNAS PA'I GDAN RNAMS LA'O, ,'BRAS BU NI SKAD CIG GIS ZHES BYA BA GSUNGS TE, ,DUS KYI SKAD CIG GIS ZHES BYA BA'I DON TO, ,SANGS RGYAS ZHES BYA BA NI SA BCU'I DBANG PHYUG NYID DO, ,SGRUB PA'I CHO GA LHAG MA RNAMS DANG BRTUL ZHUGS DANG DBANG BSKUR BA'I SPROS PA RNAMS NI BCO LNGA PA LAS GSUNGS SO, ,DE DE LTAR NA YAN LAG DRUG PA'I RIG PA'I SKYES BU BSGOM PA NI BSKYED PA DANG BYIN GYIS BRLABS PA DANG, DBANG BSKUR BA DANG BRTUL ZHUGS DANG, GSANG BA DANG GSANG CHEN DANG SDOM PA ZHES BYA BA YAN LAG DRUG GO, ,DE LA SDOM PA NI KHYU MCHOG GI SGRAS GSUNGS SO; ,DE BAS NA 'DIR RIG PA'I SKYES BU BSGOM PA NI RNAL 'BYOR GYI LUS YIN LA SNYING PO MNYAM PA NYID KYI YE SHES NI PHYIN CI MA LOG PA'I DON YIN ZHING CHE BA'I BDAG NYID KYI YE SHES GNYIS NIS GRUB PA'I SBYOR BA LAS KYANG SGRUB PA CHEN PO'I SBYOR BA DANG 'DRA BA TSOGS YONGS SU RDZOGS PAR GRUB PA'I PHYIR RO, ,SGRUB PA'I SBYOR BA LA GDAMS PA'O, ,GAL TE ZHES BYA BA LA SOGS PA LA GSANG BA 'DUS PA'I RNAL 'BYOR LA NI PHYI ROL GYI LAG PA'I PHYAG RGYA BCING BAR MI BYA'O ZHES BYA BA'I DON TO, ,MTSAN MA 'DZIN PA'I KHU TSUR GYI PHYAG RGYA NI, YID KYI NYID YIN PA'I PHYIR BKAG PA MED DO, ,GAL TE

75a

, ,RGYUD GZHAN DAG TU LAG PA'I PHYAG RGYA LA SOGS PA MED PAR DNGOS GRUB YOD PA MA YIN PA DE LTAR 'DIR YANG YIN NO ZHE NA SNGAGS RNAMS ZHES BYA BA LA SOGS PA GSUNGS TE, RGYUD GZHAN DAG TU NI DE RNAMS BCING BA NI DAM TSIG YIN LA 'DIR YANG MA BCINGS PA NYID DAM TSIG CHEN PO YIN NO ZHES BYA BA'I DON TO, ,GSANG BA 'DI NI ZHES BYA BA NI SKU RDO RJE'I SBYOR BAS BZA' BA'O, ,RDO RJE GSUM 'BYUNG ZHES BYA BA NI RIGS GSUM GYI THUN MONG NGO, ,KHAMS GSUM PA NI LHA YUL DANG MI YUL DANG SA 'OG GO, ,NYAMS DGA' BA NI YID DU 'ONG BA'I RNAM PAR BSGOM PA'I PHYIR RO, , DRAN PA RNAMS ZHES BYA BA NI SPYAN LA SOGS PA'I NGO BOR BSAM PA'O, ,GSUNG GI RDO RJE ZHES BYA BA NI GSUNG GI RDO RJES RNAM PAR SPROS PA'I RANG GI LUS KYIS TE, SPYAD CES BYA BAR SBYAR RO, ,DAM TSIG KUN ZHES BYA BA NI PHYOGS BCU NA BZHUGS PA'I SANGS RGYAS DANG BYANG CHUB SEMS DPA' RNAMS SO, , RDO RJE GSUM GYI BDAG NYID CAN DU BSGOM PA'I RANG GI LUS NI RDO RJE GSUM SKU'O, ,DE LA GNAS PA NI NANG DU 'DUS PA'O, DE TSIM PA DAG TU BYA BA NI MCHOG TU BDE BA DANG YID BDE BA THOB PA CAN DU BYA BA'O, ,GANG GI SHE NA RDO RJE GSUM GYI DAM TSIG STE, DE'I SKU DANG GSUNG DANG THUGS RO GCIG PAR GYUR PA YIS SO, ,JI LTA BUS SHE NA THUGS KYI RDO RJE STE, RANG GI BYANG CHUB KYI SEMS KYI RNAM PAS SO, ,SKU RDO RJE LA SOGS PA'I DAM TSIG RNAMS LA SMAD PA DANG DGAG PA DANG DMAN PA'I 'DU SHES KYI GNYEN POR GO RIMS BZHIN DU BDUD RTZI MYANG BA DANG CHOS KYI LONGS SPYOD DANG BLA NA MED PA'I MCHOD PA'I 'DU SHES BSKYED PA'I PHYIR TE, DAM TSIG YIN NO, ,DE BZHIN GSHEGS PA THAMS CAD KYI GSANG BA'I RDO RJE NI SBA BAR BYA BA'I DKYIL 'KHOR RO, ,DE LTAR NA 'DI NI RDZOGS PA'I RIM PA'I RNAL 'BYOR YIN TE, SGRUB PA DANG SGRUB PA CHEN PO'I RNAL 'BYOR DAG LAS LANGS NAS 'DI LTAR YANG DANG YANG DU MOS PAR BYAS TE 'DIR BDAG GI PHA DANG MA NI THABS DANG SHES RAB BO, ,DE DAG SBYOR BA LAS BYUNG BA'I SA BON GANG YIN PA DE NI BYANG CHUB KYI SEMS SO, ,DE YONGS SU GYUR PA NI BDAG NYID DO, ,DE BAS NA BDAG GI MDOR NA PHUNG PO LNGA RNAMS NI GANG DAG YIN PA DE DAG SANGS RGYAS LNGAR NI SANGS RGYAS THAMS CAD

75b

MDOR BSDUS PA'I RANG BZHIN NO ZHES BYA BA'I DON TO, ,BDAG GI LUS DANG NGAG DANG YID GANG YIN PA DE DAG NI RDO RJE RNAMS SO, ,SKYE MCHED NYID DAG PA STE MIG LA SOGS PA DRUG PO GANG YIN PA DE DAG NYID NI BYANG CHUB SEMS DPA'I DKYIL 'KHOR MCHOG STE BYANG CHUB SEMS DPA' THAMS CAD KYI MDOR BSDUS PA'I RANG BZHIN NO, ,KHAMS GSUM PA NYID NI DAM TSIG GI 'KHOR LO YIN TE, YANG DAG PA'I YE SHES KYI RANG BZHIN CAN RTEN GYI DKYIL 'KHOR YIN NO, ,PHYI ROL GYI SA LA SOGS PA GANG YIN PA DE NI SPYAN LA SOGS PA YIN PA DE'I PHYIR DE'I RANG BZHIN CAN GYI KHAMS GSUM NI BDAG GI GZHAL YAS KHANG YIN NO, ,NAM MKHA' RDO RJE NI NAM MKHA'O, ,DE NYID NI BZHI PO RNAMS KYI DBYINGS YIN ZHING DAM TSIG NI BSDUS PA YIN TE, CHOS 'BYUNG BA ZHES BYA BA'I DON TO, ,DE NYID RDO RJE 'DZIN PAR BSHAD PA STE GSUNGS SO, ,RTEN DANG BRTEN PA'I 'KHOR LO GNYI GA YANG NGA'I YIN PA DE BAS NA NGA NYID NI DKYIL 'KHOR GYI DBANG PHYUG YIN ZHING PHYI ROL GYI 'DOD PA LNGA NI NGA NYID KYI MCHOD PA'I LHA MO YIN NO ZHES BYA BA'I DON GYIS SHES PAR BYA'O, ,DE BZHIN GSHEGS PA THAMS CAD NI BRTEN PA PO'I 'KHOR LO YIN LA, GNAS NI RTEN GYI 'KHOR LO YIN ZHING DE RNAMS KYI DBANG PHYUG GI RNAL 'BYOR PA YIN NO, ,DE NYID NI DKYIL 'KHOR RGYA CHEN PO'I RNAL 'BYOR BA NYID YIN PA'I PHYIR RDO RJE SEMS DPA' CHEN PO'O, ,DE STON PAR MDZAD PA LA DE SKAD CES BYA'O, ,MNYAM PAR MA BZHAG PA'I RNAL 'BYOR RO, ,DE BZHIN GSHEGS PA THAMS CAD KYI MNYAM PA NYID DU GNAS PA NI GSANG BA GSUM GYI TSOGS RO GCIG GI TSUL DU MCHOG TU BDE BA DANG YID BDE BA NYAMS SU MYONG BA'O, ,DE LA DMIGS PA'I TING NGE 'DZIN LA DE SKAD CES BYA'O, ,DE LA CI'I PHYIR SNYOMS PAR 'JUG CE NA, BLA NA MED PA'I BYANG CHUB KYI SEMS DE NI BYANG CHUB RDO RJE STE, DE NYID KYIS DBANG BSKUR BAR BYED PA GANG YIN PA DE NI SLOB DPON YIN ZHING DE NYID NI DNGOS GRUB THAMS CAD KYI SNOD YIN GYI CIG SHOS NI MA YIN NO ZHES BSTAN PA'I PHYIR RO, ,CI'I PHYIR 'KHOR LA GZIGS SHE NA, DBANG BSKUR BA'I CHE BA'I BDAG NYID BSTAN PA NI SANGS

76a

, ,RGYAS DANG BYANG CHUB SEMS DPA' BSKUL BAR BYA BA'I DON TO, ,CANG MI GSUNG BAR GYUR PA NI DE RNAMS NYID KYI TSIG GI GO SKABS DBYE BA'I DON TO, ,DE BZHIN GSHEGS PA THAMS CAD KYI SKU DANG GSUNG DANG THUGS TE, DE RNAMS KYI RDO RJE NI RO GCIG PAR GYUR PA'O, ,DES GSANG BA 'DUS PA'I DKYIL 'KHOR DU DBANG BSKUR BA LA DE SKAD CES BYA'O, ,BYANG CHUB KYI SEMS RDO RJE NI RDO RJE 'CHANG CHEN PO'O, ,BYANG CHUB KYI SEMS DANG SLOB DPON ZHES BYA BA NI RDO RJE 'CHANG CHEN PO DANG RDO RJE 'CHANG CHEN POS DBANG BSKUR BA ZHES BYA BA'I DON TO, ,GNYIS PA DE NI GNYIS SU DBYER MED DE GNYI GA YANG BYANG CHUB KYI SEMS CHEN PO'I RANG BZHIN NYID YIN PA'I PHYIR RO, ,SLOB DPON LA NI SO SO'I SKYE BO'I CHOS YOD LA, RDO RJE 'DZIN PA CHEN PO LA NI DAG PA'I SANGS RGYAS KYI CHOS MNGA'O ZHES THA DAD PAR MTSAN MAR 'DZIN PA NI GNYIS SU BYED PA YIN LA SANGS RGYAS DANG BYANG CHUB SEMS DPA' RNAMS LA NI GNYIS SU BYED PA MI MNGA' BAS NA GNYIS SU DBYER MED PA'O, ,GAL TE DE RNAMS LA DE DAG GI GNYIS SU BYED PA CI'I PHYIR SPONG ZHE NA, RDO RJE 'DZIN PA CHEN PO LA BYAS PA DRIN DU GO BA'I PHYIR DANG SLOB DPON NYID LA GDUL BYA RNAMS SPRO BA BSKYED PA'I PHYIR DANG, SLOB MA RNAMS KYANG RDO RJE 'CHANG CHEN PO DANG, BLA MA LA DAD PA MNYAM PAR BYA BA'I PHYIR DANG, RDO RJE 'CHANG GI NGA RGYAL BRTAN PAR BYED PA'I PHYIR DANG, TSOGS CHUNG DUS TSOGS BSAGS PAS MYUR DU 'GRUB PAR BYA BA'I PHYIR RO, ,JI LTAR ZHE NA, RIGS KYI DU ZHES GSUNGS TE BSTAN PA'O, ,CI ZHE NA DE LA DE RNAMS KYIS DE BZHIN DU BLTA BA'O, ,MDOR YIN GYI PHYOGS KYI DBYE BA RE RE NAS RGYAS PA NI MA YIN NO, ,NAS ZHES BYA BA NI 'DI'I MTHAR THUG PA'O, ,DE GANG YIN ZHE NA, ,PHYOGS BCU'I ZHES BYA BA LA SOGS PA LA THAMS CAD CES BYA BA NI THAMS CAD NYID DO, ,CI'I PHYIR DE MCHOG PAR BYA BA YIN ZHE NA, DE'I PHYIR NGAG RDO RJE ZHES BYA BA LA SOGS PA GSUNGS TE, NGAG RDO RJE NI MI PHYED PA'I NGAG GO, ,DE NYID NI DON LAS MI 'GYUR BAS NA YI GE'O, ,CI LTA BU ZHE NA, BDAG CAG CES BYA BA LA SOGS PA GSUNGS TE, BDAG CAG CES BYA BA NAS THAMS CAD MKHYEN PA'I YE SHES 'BYUNG GNAS YIN

76b

PA'I BAR DU GSUNGS TE, BYANG CHUB NYID STER BAR BYED PAS PHA DANG MA NAS STON PA'I BAR YIN NO, ,DE BAS NA PHAN 'DOGS PA'I ZHING NYID YIN PA'I PHYIR MCHOD PAR BYA BA YIN NO ZHES BYA BAR DGONGS SO, ,YON TAN GYI ZHING NYID KYANG YIN PAS NI ZHES STON PAR BYA BA'I PHYIR 'DI LTA STE ZHES BYA BA LA SOGS PA GSUNGS PA LA 'DI LTA STE DPER NA ZHES BYA BA NI 'DAS MA THAG PAR BSTAN PA'I ZHING NYID JI LTA BAR RO, ,YANG 'DAS MA THAG PAR BSTAN PA'I ZHING NYID JI LTA BAR RO, ,YANG ZHES BYA BA YANG 'CHAD PAR 'GYUR BA'I YANG DE BZHIN NO ZHES BZHIN DU SBYAR TE, SLOB DPON ZHES BYA BA'I DE MA THAG TU BLTA BAR BYA'O, ,JI SNYED PA ZHES BYA BA NI RE RE'I BAR DU ZHES BYA BA'I DON TO, ,KHYAD PAR DU 'PHAGS SO ZHES BYA BA LA SNGA MA LAS 'DI NYID CES BYA BA NI LHAG MA'O, ,SANGS RGYAS THAMS CAD KYI YE SHES NI GANG DE RNAMS KYI CHOS THAMS CAD YIN LA SNYING POR GYUR PA NI 'DUS PA NYID KYI PHYIR DANG RKANG DU GYUR PA NYID KYI PHYIR RO, ,SKYE BA'I GNAS SU GYUR PA NI RGYU'I GTZO BO NYID YIN PA'I PHYIR RO, ,THAMS CAD MKHYEN PA'I YE SHES NI RNAM PA THAMS CAD KYI MCHOG MKHYEN PA'O, ,DE BZHIN GSHEGS PA THAMS CAD KYIS MCHOD PAR BYA BA NYID YIN PAR THOS NAS BYAMS PA SKRAG PAR GYUR PA'O; ,RDO RJE 'DZIN PA THAMS CAD KYIS MCHOD PAR BYA BA NYID DU YANG GSUNGS PA DE'I SKABS DBYE BA'I PHYIR DE NAS ZHES BYA BA LA SOGS PA GSUNGS PA, RDO RJE 'DZIN PA THAMS CAD KYI DNGOS GRUB KYI DAM TSIG NI THUN MONG GI RGYU NYID DAM DE KHO NA NYID DE DANG PO'I RDO RJE 'CHANG NGO, ,DE LA DMIGS PA NI SLOB DPON DE DANG 'DRA BA'O, ,DE LA DMIGS PA'I TING NGE 'DZIN LA DE SKAD CES BYA'O, ,CI'I PHYIR SNYOMS PAR 'JUG PAR MDZAD CE NA, DE NYID LA SNYOMS PAR 'JUG NAS RDO RJE 'DZIN PA RNAMS KYIS DE LA MCHOD PAR BYA'O ZHES BYA BAR BSTAN PA'I PHYIR RO, ,DUS GSUM GYI RDO RJE YE SHES NI DE BZHIN GSHEGS PA THAMS CAD KYI GSANG BA GSUM RO GCIG PA'I YE SHES SO, DE LAS 'BYUNG BA NI RDO RJE 'DZIN PAR GYUR TO ZHES BYA BA'I DON TO, ,STON PA YIN ZHES BYA BA NI PHAN 'DOGS PA'I ZHING NYID DE, SANGS RGYAS KYI YE SHES KYI BDAG PO ZHES BYA BA NI YON TAN GYI ZHING NYID DO, ,GAL TE DE LTA YIN NA YANG MNYAM PA NYID

77a

, ,YIN PA'I PHYIR RO, ,DE RNAMS KYIS MCHOD PAR BYA BA MA YIN NO ZHE NA, 'DIR DE NYID CES GSUNGS TE, DE NYID NI SLOB DPON NO, ,BCOM LDAN 'DAS RDO RJE 'DZIN PA CHEN PO NI MCHOG DANG PO YIN ZHING GANG DE DAG THAMS CAD SKYED PA PO DANG STON PA YIN TE, SLOB DPON DANG MNYAM PA NYID LAS BDAG NYID BYE BRAG TU BRTAGS NAS, DE RNAMS KYIS DE LA MCHOD PAR BYA'O ZHES BYA BA'I DON TO, ,PHAN YON GZHAN DAG GI SKABS DBYE BA'I PHYIR DE NAS ZHES BYA BA LA SOGS PA GSUNGS TE, CI LA GNAS GANG DU 'BYUNG ZHES BYA BA NI GO RIMS BZHIN DU RGYU'I GNAS SKABS DANG DE MTHAR THUG PAS SO, ,GSANG BA GSUM NI DBANG BSKUR BA'I SGRUB PA'I BYANG CHUB KYI SEMS SO, DES DBANG BSKUR BA'I PHYIR GANG LA DE'I RANG BZHIN CAN GYI SKU DANG GSUNG DANG THUGS YOD PA STE, DE YANG 'DI YIN LA RDO RJE SLOB DPON YANG YIN PAS SO, ,DE'I LUS LA SOGS PA'I RDO RJE LA RANG GI LHA'I SKU LA SOGS PAR SNANG BA'I RANG GI SEMS LA YIN GYI DBANG MA BSKUR BA LA NI MA YIN NO, ,LUS DANG NGAG DANG SEMS KYI GSANG BA'I RDO RJE RANG GI SEMS DE NYID DO, ,DE GANG LA GNAS PA NI DMIGS PA STE, LUS LA SOGS PA LA'AM JI LTAR SNANG BA'I SEMS LA ZHES BYA BAR BSAMS PA'O, ,GANG LA'ANG MI GNAS SO ZHES BYA BA LA SOGS PA LA NI MA YIN TE, SEMS DANG THA DAD PA MED PA'I PHYIR RO, ,JI LTAR SNANG BA'I SEMS LA YANG MA YIN TE, RANG GI SEMS TZAM NYID DANG JI LTAR SNANG BA BZHIN DU MED PA NYID DU DE RNAMS SNANG BA'I PHYIR RO ZHES BYA BAR DGONGS SO, ,CANG MI SMRA BAR 'KHOD PA NI BRJOD PAR BYA BA YONGS SU RDZOGS PA'I PHYIR RO, ,DBANG BSKUR BA'I PHAN YON NO, ,GSANG BA'I RDO RJE NI GSANG BA GSUM PA RO GCIG PA'I BYANG CHUB KYI SEMS SO, ,DE LA DMIGS PA NYID KYI PHYIR GSANG BA'I RDO RJE YANG DE YIN LA, TING NGE 'DZIN KYANG YIN PAS NA'O, ,DE LAS BZHENGS PA NI SO SOR SLAR SAD NAS SO, ,DE BZHIN GSHEGS PA THAMS CAD DANG, BYANG CHUB SEMS DPA' KUN 'BYUNG BA'I RDO RJE NI TING NGE 'DZIN GYI TSOGS SO, ,TING NGE 'DZIN GYI BDAG NYID CAN GYI DKYIL 'KHOR CHEN PO LA DE SKAD CES BYA'O, ,SANGS RGYAS DKYIL 'KHOR SBYOR BA YIS, ,BSAM GTAN RDO RJE RAB BSKUL BYA, ,ZHES PA NI SANGS RGYAS KYI

77b

RNAL 'BYOR PA'I SLOB MA RNAMS DBANG BSKUR BA'I PHYIR SANGS RGYAS GTZO BOR GYUR PA'I SANGS RGYAS KYI DKYIL 'KHOR GYI TSUL GANG YIN PA DES BSAM GTAN GYI DKYIL 'KHOR LA ZHUGS PAR BYA ZHES BYA BA'I DON TO, ,RDO RJE DKYIL 'KHOR BSAM GTAN GYIS, ,'KHOR LO CAN KUN GZHUG PAR BYA, , ZHES BYA BA NI BYANG CHUB SEMS DPA'I RNAL 'BYOR PA'I SLOB MA RNAMS DBANG BSKUR BA'I PHYIR RDO RJE STE, BYANG CHUB SEMS DPA' DE GTZO BOR GYUR PA'I DKYIL 'KHOR GYI BSAM GTAN TE, BSAM GTAN GYI RIM PA GANG YIN PA DES 'KHOR LO CAN THAMS CAD DGOD PAR BYA'O ZHES BYA BA'I DON TO, ,DE NYID KYIS ZHES BYA BA NI BRI BA'I DKYIL 'KHOR DU GSUNGS PAS SO, ,SLOB DPON ZHES BYA BA NI YE SHES SEMS DPA' DE'I RANG BZHIN CAN GYI RDO RJE 'CHANG DE'O, ,SNYING GAR ZHES BYA BA NI SLOB MA'I SNYING GAR RO, ,DBANG BSKUR BA'I GNAS ZHES BYA BA NI DBANG BSKUR BA'I DON GYI TSOGS SO, ,GSUM GYIS ZHES BYA BA NI BUM PA DANG GSANG BA DANG SHES RAB YE SHES KYIS DBANG BSKUR BA'I CHO GA RNAMS KYIS SO, ,CI'I PHYIR GSUM POR BYA BA YIN ZHE NA, GSUM PO NYID KYIS SLOB DPON DU BYED PA'I PHYIR RO, ,SLOB DPON GYIS DBANG BSKUR BA YANG SNGAR PHRENG BA DANG CHU DANG COD PAN DANG RDO RJE DANG BDAG PO DANG MING ZHES BYA BA RIG PA'I DBANG BSKUR BA DRUG PO RGYUD GZHAN LAS GSUNGS PA'I CHO GA NYID BRI BA'I DKYIL 'KHOR RAM BSAM GTAN GYI DKYIL 'KHOR DU SBYIN PAR BYA STE, KHYAD PAR GYI TSIG MED PA'I PHYIR RO, ,THAMS CAD CES BYA BA NI SANGS RGYAS THAMS CAD DO, ,BYANG CHUB CES BYA BA NI RDO RJE 'DZIN PA'I GO 'PHANG NGO, ,NGO MTSAR CHEN PO'I DNGOS GRUB KUN, ,ZHES BYA BA NI DNGOS GRUB PHRA MO THAMS CAD DO, ,SKU GSUNG THUGS NI ZHES BYA BA NI SANGS RGYAS KYI CHOS THAMS CAD DO, ,DAM TSIG GI 'KHOR LO NI TING NGE 'DZIN GYI TSOGS SO, ,DE NAS BSAM GTAN GYI DKYIL 'KHOR 'DIR DBANG BSKUR JI LTA BUS JI LTA BU LA SBYIN PAR BYA BA NI BRTAN ZHING MI 'GYUR BA'I SEMS DANG LDAN PAS BRTAN ZHING MI 'GYUR BA'I SEMS DANG LDAN PA LA'O, ,DE LA SLOB DPON GYIS SEMS BRTAN PA NYID NI SPRUL PA'I DKYIL 'KHOR YONGS SU GSAL BAR MTHONG BA'O, ,SEMS MI 'GYUR BA NYID KYANG DKYIL 'KHOR DE NYID KYI

78a

, ,DKYIL 'KHOR GYI BYA BA THAMS CAD BYED KYANG DE KHO NA NYID DU MTHONG BA'O, ,SLOB MA'I SEMS BRTAN PA NYID NI BRIS PA'I DKYIL 'KHOR LAS, BLA MA'I BSAM GTAN GYI DKYIL 'KHOR KHYAD PAR DU 'PHAGS PA'AM DMAN PA MA YIN NO ZHES STOBS DANG LDAN PAR MOS PA'O, ,SEMS MI 'GYUR BA NYID NI BDAG NI BLA MA DAM PA 'DIS YANG DAG PAR DBANG BSKUR BAR 'GYUR BA DANG DBANG BSKUR BA DANG, DBANG BSKUR BAR GYUR PA YIN NO ZHES DUS GSUM CHAR LA YANG BDAG DANG GZHAN GYIS MI BSKYOD PAR NGES PA'O, ,DAM TSIG NYAMS PA LAS BSLANG BA LA SOGS PA'I DON DU YANG BSAM GTAN GYI DKYIL 'KHOR LA YANG DBANG BSKUR BAR BYA'O ZHES BYA BA NI MAN NGAG YIN NO, ,BSAM GTAN GYI DKYIL 'KHOR RO, ,DE BZHIN GSHEGS PA THAMS CAD KYI RDO RJE NI SKU DANG GSUNG DANG THUGS SO, ,DE RNAMS KYI SBYOR BA NI MNYAM PA NYID DO, ,RDO RJE NI RDO RJE 'CHANG BA STE, DE'I SKU DANG GSUNG DANG THUGS SO, ,DE RNAMS KYI GSANG BA NI SNYING PO'O, ,DE GANG ZHE NA BCOM LDAN 'DAS RDO RJE MKHA' 'GRO YIN LA 'DIR NI SA BON LA DE SKAD CES BYA'O, ,SHA RUS LA SOGS DKYIL 'KHOR NI, ,ZHES BYA BA NI YI GE KHAm LAS BSGRUB PAR BYA BA'I LUS PAGS PA KHONG STONG RUS PA DANG SHA RNAMS KHRAG GCIG PUR GYUR PAS YONGS SU GANG BA'I RKYAL BA'I RNAM PA'O, ,RDO RJE SEMS DPA'I SKU DANG GSUNG DANG THUGS GSUM GANG YIN PA DE RNAMS KYI SNYING PO NI SNYING PO BSDUS PA STE, RDO RJE MKHA' 'GRO ZHES BYA BA'I DON TO, ,BSGOM PAR BYA ZHES BYA BA NI CHO GA YIS ZHES BYA BA 'OG MA DANG SBYAR BAR BYA'O, ,DE LA NYI MA'I DKYIL 'KHOR LA H'Um HR'I: KHAm ZHES BYA BA YI GE GSUM YONGS SU GYUR PA'I RTZE MO GSUM DE'I LTE BA'I 'OD ZER SPRO BA DANG BSDU BA LA SOGS PA'I RIM GYIS BSKYED PA DANG MI BSKYOD PA'I COD PAN GYIS DBANG BSKUR BA NI CHO GA YIN NO, ,DRAG PO NI GDUG PA RNAMS TSAR GCOD PA'I DGONGS PA CAN RNAMS NYID YIN PA'I PHYIR RO, ,MI SDUG PA NI MCHE BA GTZIGS PA DANG, LJAGS BSKYOD CING ZHAL 'GYUR PA NYID KYI PHYIR DANG, DBU SKRA KHAMS SER GYEN DU BRDZES PA NYID KYI PHYIR DANG, THOD PA DANG RGYU MA'I PHRENG BA LA SOGS PAS BRGYAN BA CAN NYID YIN PA'I PHYIR RO, ,KHROS PA NI G-YON BRKYANG BA DANG SMIN MA

78b

BSDUS PA DANG, SPYAN DMAR BA DANG, HA HA ZHES BZHAD PA DANG LDAN PA'I PHYIR RO, ,PHYAG BZHI PO NI MTSON CHA BSNAMS PA'I PHYAG DANG, RDO RJE MKHA' 'GRO MA LA 'KHYUD PA'I PHYAG DAG DANG BCAS PAR PHYAG DRUG PA NYID DO, ,PHYAG NA THOD PA BSNAMS PAR BSGOM, ,ZHES BYA BA NI RTZE GSUM DANG RDO RJE DAM TSIG DANG PHUR BU DRAG PO MCHOG DAG GIS BYA BA 'OG MA DANG SBYAR TE, BSNAMS PA ZHES BYA BA NI LHAG MA'O, ,G-YAS KYI PHYAG DAG GIS RTZE GSUM DANG MI'I RUS PA'I PHUR BU BSNAMS SHING G-YON DAG GIS THOD PA DANG RDO RJE KHA tV'Am GA BSNAMS PA ZHES BYA BA'I DON TO, ,'OD ZER ZHES BYA BA LA SOGS PA LA KHA DOG LNGA'I YI GE HR'I:'I 'OD ZER 'PHRO ZHING SNANG BA GANG LA YOD PA DE LA DE SKAD CES BYA'O, ,BSAM GTAN RDO RJE NI GOMS PA BRTAN PAR BYAS PA'I BSAM GTAN NO, ,DE'I SBYOR BA NI PHYAG NA BSNAMS PA'I MI'I RUS PA'I PHUR BUS BSGRUB PAR BYA BA'I LUS KYI RKYAL PA GNAS LNGA DAG LA PHUG NAS DER ZHUGS PA'I 'OD ZER GYI SBU GUS DE LAS KHRAG DRANGS LA DES RANG GI KHA YONGS SU GANG BAR BSGOM PA 'DI NI SBYOR BA YIN NO, ,DES KHRAG DRANG BA'I MCHOG YIN NO ZHES BYA BA LA 'GRUB PAR 'GYUR RO ZHES BYA BA NI LHAG MA'O, ,GDAB PAR BYA ZHES BYA BA NI BSGRUB PAR BYA BA GSAD PAR 'OS PA SBYOR BA 'DI NYID KYIS KHRAG GZHIBS LA RTZE GSUM GYIS PHUG PAS SHI BAR BSAMS NA 'CHI BAR 'GYUR RO, ,RDO RJE MKHA' 'GRO'O, ,RDO RJE KHA ZAS KYI DAM TSIG GI BYA BA NI DE'I DON GYI THABS SO, ,SBYOR BA YIS ZHES BYA BA NI BSAM GTAN GYIS SO, ,CHO GA BZHIN DU ZHES BYA BA NI, NAM MKHAR GNAS PA BSAM PAR BYA, ,ZHES BYA BA LA SOGS PA'I CHO GA BZHIN DU'O, ,YONGS SU BRTAG PA NI LEGS PAR SBYANGS TE DE NAS BZA' BAR BYA'O, ,MCHOD PA'I YO BYAD LNGA NI BDUD RTZI LNGA'O, ,DAM TSIG NI SPYAN LA SOGS PA'I GZUGS YIN LA DE 'DZIN PA NI DE LTAR BSAM PA NYID KYI PHYIR RO, ,SEMS CAN GYI KHAMS KYI MA NI BUD MED YIN TE, THOG MA MED PA'I 'KHOR BAR THAMS CAD BUD MED LAS SKYES PA NYID KYI PHYIR RO, ,RDO RJE GSUM NI RDO RJE 'CHANG BA'O, ,DE'I DAM TSIG NI RANG GI LHA'I RNAM PAS ZHES PA'I DON TO, ,SDOM PA'I RDO RJE NYID KYIS ZHES BYA BA NI,

79a

, ,SDOM PA 'DI NYID LA SEMS BRTAN PA'I'O, ,LUS DANG NGAG SEMS LONGS SPYOD NI, ,ZHES BYA BA NI RO GCIG PAR KHONG DU CHUD PA'O, ,GSANG BA GSUM GNAS NI PADMA'O, ,RDO RJE NI RDO RJE NYID DO, ,BZANG PO NI KUN DU BZANG PO'O, ,'DIR NI BSAM PAS THAMS CAD DU, ,ZHES BYA BA NI BSAM GTAN 'DI NYID KYIS TE SPYAD PAR BYA'O ZHES BYA BAR SBYAR RO, ,RDO RJE SEMS DPA' NI MI PHYED PA'I GZI BRJID DE DE'I DON GYI SDOM PA'O, ,SPYI BOR ZHES BYA BA NI SPYI BO'I STENG DU'O, ,DKYIL 'KHOR BRTAG PAR BYA ZHES BYA BA NI BDUD RTZI LNGA'I RANG BZHIN STUG CING RGYA CHE BA'I ZLA BA BSGOM PAR BYA'O, ,AOm NI DBUS SU GNAS BSAMS NAS, ,ZHES BYA BA NI ZLA BA'I DBUS SU AOm PHRA MO BSGOM PA'O, ,BDUD RTZI LNGA PO DBAB PAR BYA, ,ZHES BYA BA NI AOm GYI 'OD ZER GYIS THAD KAR KHYAB PA'I RIM GYIS ZHU BAR GYUR PA DBUS SU BU GA CAN DU BYAS PA, BDUD RTZI LNGA'I RGYUN BSIL ZHING DKAR BA'I RGYUN GCIG PA'I TSUL DU 'BAB CING RTZA SBUBS SU RGYU BAS LUS THAMS CAD KHYAB PAR BSAM PAR BYA'O ZHES BYA BA'I DON TO, ,GZHAN DAG NA RE ZLA BA'I DBUS SU RANG BZHIN GYIS ZHU BA'I BDUD RTZI MGO BO'I DBUS SU BSAMS PA'O, ,AOm GYI 'OD ZER GYIS PHUG PA'I BU GA NAS DBAB PAR BYA'O ZHES BYA BAR 'DOD DO, ,SNGAGS 'DZIN PA NI SNGAGS GRUB PA'I'O, ,MCHOD RTEN DAG GIS ZHES BYA BA LA SOGS PA LA SANGS RGYAS THAMS CAD KYI SPRUL PA DANG, CHOS THAMS CAD BSHAD PA DANG, MCHOD PA THAMS CAD SPRUL PA DANG, DE BZHIN GSHEGS PA THAMS CAD KYIS BDAG NYID LA BYIN GYIS BRLAB PA STON PA'I DNGOS GRUB KYI MTSAN MAS SEMS CAN RNAMS SHIN TU 'DUN PAR BYA'O, ,MCHOD RTEN GYI LAS LA SOGS PAS NI BYA BA MA YIN TE, 'DI LTAR 'DI NI GRUB PA MA YIN NO ZHES THE TSOM DU 'GYUR RO ZHES BYA BA'I DON TO, ,GZHAN DAG SGRUB PA LAS ZHUGS PA NYID 'DIR SNGAGS 'DZIN PA YIN TE, DE RNAMS KYI DAM TSIG NI 'DI YIN NO ZHES 'DOD DO, ,DUG BSAL BA LA SOGS PA'I DON DU GSANG BA NI YI GE BHR'Um MO, DE LA DUG BSAL BA LA JI LTAR BYA ZHE NA, YI GE BHR'Um LAS BYUNG BA'I RNAM PAR SNANG MDZAD DKAR PO'I SBYOR BA BYAS LA LAG PA G-YAS PA'I MTHIL DU YI GE BHR'Um

79b

LAS BYUNG BA'I 'KHOR LO RTZIBS BRGYAD PA DKAR PO'I LTE BAR YI GE BHR'Um DKAR PO 'OD ZER DKAR PO'I PHRENG BA CAN GYI GSANG BA BZHAG LA DE'I 'OD ZER 'JUG PA DANG 'BYUNG BA'I BYA BAS DUG GIS ZIN PA'I LUS CAN GYI DUG BTON PAR BYED DO, ,DUG GNON PA LA JI LTAR BYA ZHE NA, DE BZHIN DU THAMS CAD SER POR BSGOMS LA YI GE BHR'Um SER PO 'OD ZER SER POS KHYAB PA CAN YANG BSGOM PAR BYA'O, ,DE'I 'OD ZER RNAMS KYIS DUG GIS SMRAS PA'I LUS DGANG BAR BYA'O, ,DUG DRANG BA LA JI LTAR BYA ZHE NA, DE BZHIN DU THAMS CAD DMAR POR BSAMS LA YI GE BHR'Um DMAR PO 'OD ZER DMAR PO CAN YANG BSAMS NAS DE'I 'OD ZER RNAMS KYIS KHAMS GSUM DU GTOGS PA'I DUG BKUG LA GANG DU 'DOD PA DER DBAB PAR BYA'O, ,DE NYID KYI PHYIR RDOR GSUM ZHES BYA BA LA SOGS PA GSUNGS TE, RDO RJE NI SANGS RGYAS RNAMS TE, SANGS RGYAS GSUM DANG 'DRA BA'I 'OD ZER GYI RGYU BA YIS SO; ,LAS KYI GSANG BA GSUM 'BYUNG BA NI RGYU'O, ,'DIR 'DI SKAD DU 'OD NI KHA DOG GO, ,'OD ZER GYI PHRENG BA CAN NI 'OD ZER GYI PHRENG BA CAN NO, ,DKAR MO YANG DE YIN LA DE YANG YIN TE, DE DANG LDAN PA'O, ,'OD ZER SER PO STE KHA DOG SER PO'I 'OD ZER GYI TSOGS GANG LA YOD PA DANG, GANG LA 'OD ZER SER PO LTA BU'I KHA DOG YOD PA'O, ,RDOR GSUM 'OD ZER DE RNAMS KYI DAM TSIG STE RGYU BA'O, ,'DI LAS BYUNG BAS NA 'BYUNG BA ZHES BYA BAR TSIG SBYAR BAR BYA'O, ,AOm ZHES BYA BA LA SOGS PA LA, AOm HU LU HU LU, ,TIshthA TIshthA, BANDHA BANDHA, HA NA HA NA, DA HA DA HA, ZHES BYA BA NI SNGA MA BZHIN NO, ,AOm AA MRi TA ZHES BYA BA NI BDUD RTZI THAB SBYOR LA CHOS NYID KYI LUS KYIS BOD PA'O, ,SV'A H'A 'I GNAS SU YI GE H'Um PHAt NI SNGA MA BZHIN TE, SNGAGS KYI YI GE NYI SHU RTZA DRUG PA YIN NO, ,GRO GA LA SOGS PA ZHES BYA BA LA SOGS PA'I SGRAS NI DAR LA SOGS PA LA YANG NGO, ,'KHOR LO NI LAS KYI RDO RJE LA GNAS PAR ZHES BYA BA NI CHO GA BZHIN DU RNAM PAR SNANG MDZAD KYI SBYOR BA BYAS LA SKYES PA BSRUNG BA'I PHYIR NI GUR GUM DANG, BUD MED BSRUNG BA'I PHYIR NI GI WANG GIS SNA TSOGS RDO RJE'I LTE BA LA GNAS PA'I 'KHOR LO RTZIBS BRGYAD PA BRIS LA'O, ,HAm NI DBUS SU BZHAG NAS SU, ,ZHES BYA BA NI 'KHOR LO'I LTE

80a

, ,PA'I DBUS SU YI GE HAm MGO GRU GSUM PA CHE BA ZLA BA PHYED PA DANG THIG LE GTZUG TOR DANG LDAN PA BRIS NAS SU'O, ,MING NI DBUS SU BRI BAR BYA, ,ZHES BYA BA NI YI GE HAm GI MGO'I DBUS SU SNYING PO DANG SPEL BA'I MING DZI NA CHE GE MO'I RAKshA KU RU DZIK CES BYA BAR BRI BAR BYA'O, , SNGAGS KYI YI GE'I TSIG RNAMS KYIS BRGYAN TE ZHES BYA BA NI 'KHOR LO'I SHAR LA SOGS PA'I PHYOGS KYI RTZIBS KYI DBUS DAG TU DE BZHIN GSHEGS PA MI BSKYOD PA LA SOGS PA'I 'BYIN PA'I SNGAGS DANG, ME LA SOGS PA'I MTSAMS RNAMS KYI RTZIBS KYI DBUS SU LHA MO BZHI 'BYIN PA'I SNGAGS DANG, SHAR LA SOGS PA'I PHYOGS KYI RTZIBS KYI MTHA' DAG TU NI GSHIN RJE GSHED LA SOGS PA'I 'BYIN PA'I SNGAGS DANG, MTSAMS RNAMS SU NI YI GE GSUM BRI BAR BYA'O, ,'KHOR LO'I MU KHYUD LA NI AOm HU LU HU LU, TIshthA TIshthA, AA MO KA SYA, AU PA DRA PA RO KAm, ,BANDHA BANDHA, HA NA HA NA, DA HA DA HANA, AA MRi TE H'Um PHAt CES BYA BA 'KHOR BAR BRI BAR BYA'O, ,DE NAS RANG GI SNYING PO LAS RNAM PAR SNANG MDZAD LA SOGS PA'I LHA RNAMS KYI 'KHOR LO GAS JI LTA BA BZHIN DU BSKYED NAS MU KHYUD LA BKOD PA'I YI GE RE RE LAS BYUNG BA'I 'PHAGS PA BDUD RTZI THAB SBYOR GYI TSOGS KYIS YONGS SU BSKOR BAR BSAMS LA, RNAM PAR SNANG MDZAD KYI THUGS KA'I ZLA BA LA GNAS PA'I RANG GI MING LAS BYUNG BA'I RDO RJE'I LUS DANG LDAN PA'I BSGRUB PAR BYA BA LA, HAm LAS BYUNG BA'I RDO RJE'I GO CHAS GO BSKON PAR NGES PAR BSAMS LA, DAM TSIG 'KHOR LO'I YE SHES KYI 'KHOR LO NANG DU CHUD PA SNGON DU SONG BA CAN GYI MCHOD PA THAMS CAD KYIS MCHOD PAR BYA'O, ,DE LTAR 'KHOR LO'I RNAM PA 'DI SNGAGS KYI YI GE'I TSIG RNAMS KYIS BRGYAN TE RTAG TU GZHAG PAR BYA ZHES BYA BA STE, KHAM PHOR LA SOGS PA'I KHA SBYAR GYI NANG NA GNAS PAR BYAS LA, LHA RNAMS KYI MCHOD PA GNAS LA RTAG TU GZHAG CING RGYUN DU MCHOD PAR BYA'O, ,'DI NI ZHES BYA BA LA SOGS PA LA GANG GI PHYIR 'KHOR LO LA SNGAGS BKOD PA'I LHA THAMS CAD KYI GSANG BA GSUM GYI DKYIL 'KHOR GYI BSGRUB PAR BYA BA BSRUNG BA'I PHYIR MNGON DU PHYOGS PA YIN PA DE'I PHYIR 'DIS 'TSE BA THAMS CAD LAS BSRUNG

80b

BAR 'GYUR RO ZHES BYA BA'I DON TO, ,YANG NA 'KHOR LO BRIS LA SHAR GYI RTZIBS LA AOm, ME'I RTZIBS LA HU LU HU LU, LHO'I RTZIBS LA TIshthA TIshthA, BDEN BRAL GYI RTZIBS LA BANDHA BANDHA, NUB KYI RTZIBS LA HA NA HA NA, RLUNG GI RTZIBS LA DA HA DA HA, BYANG GI RTZIBS LA AA MRi TE, DBANG LDAN GYI RTZIBS LA H'Um PHAt; 'KHOR LO'I LTE BA DANG DE BZHIN DU YI GE HAm GI MGO'I NANG DU AOm DZI NA CHE GE MO RAKshA KU RU DZIK CES BRI BAR BYA STE, DE LTAR 'KHOR LO DE NI SNGAGS KYI YI GE'I TSIG RNAMS KYIS BRGYAN TE RAB TU GZHAG PAR BYA ZHES BYA BA NI SNGA MA BZHIN NO, ,SNGAGS DGOD PA 'DI NI LHA THAMS CAD KYI GSANG BA GSUM GYI GNAS NI 'PHAGS PA BDUD RTZI THAB SBYOR TE, BSDUS PA NI BSGRUB PAR BYA BA BSRUNG BA'I PHYIR KUN NAS BYUNG BA'AM MNGON DU PHYOGS PA'O, ,DE BAS NA 'DIS NI THAMS CAD DU BSRUNG BAR 'GYUR RO ZHES BYA BA'I DON TO, ,'KHOR LO RNAM PA GNYIS PO 'DI DAG NI BSRUNG BA'I MCHOG YIN NO, ,BSRUNG BA'I 'KHOR LO'O; ,AANYDZA NA NYID NI GNAS YIN TE, DNGOS GRUB KYI THABS SO, ,'DI NYID NI RDO RJE 'CHANG DANG 'DRA BA'I PHYIR RDO RJE YIN PA DE LTAR NA RDO RJE AANYDZA NA'I GNAS NYID DO, ,TSIL CHEN NI MAR ME'I DON DU'O, ,KHRAG DANG BSHANG BA DANG ZHES BYA BA NI LNGA PO DAG GIS NYE BAR MTSON PA'O, ,KUN DU BZANG PO NI AANYDZA NA DE NYID DO, ,DE STON PAR MDZAD PA NYID KYI PHYIR DE SKAD CES BYA'O, ,'DIS NI 'DI SKAD DU RDO RJE AANYDZA NA'I DNGOS GRUB KYI CHED DU BZLAS BRJOD 'BUM BYAS PA MAR GYI NGO'I BCU BZHI LA PHYI'I RIG MA DANG LHAN CIG TU 'DOD PA'I LHA DMAR PO'I SBYOR BA DANG LDAN PAS JI SKAD DU BSHAD PA'I GNAS GANG YANG RUNG BAR YID KYIS RANG GI DKYIL 'KHOR YONGS SU BRTAGS LA DE'I DBUS SU THOD PA GSUM KHA SBUB PA'I STENG DU BDUD RTZI LNGA DANG LDAN PA'I CHANG GIS LEGS PAR BYUGS PA'I THOD PA KHA SBUB TU BZHAG LA, DE'I 'OG TU BDUD RTZI LNGA CUNG CAD DANG LDAN PA'I TSIL CHEN PO BZHUS PAS BKANG BA'I THOD PA BDUD RTZI LNGA DANG BCAS PA'I AARGA'I SHING BAL DANG PADMA'I SKUD PAS DKRIS PA'I SDONG BU CAN DU MAR ME SBAR LA MTSAN PHYED KYI DUS SU THOD PA GCIG GI STAN LA 'DUD CING THOD PA GNYIS LA PUS MO GNYIS BZHAG STE, SNYOMS PAR 'JUG PAS GNAS SHING RANG GI SNGAGS ZLOS PAS DUD PA DBAB PAR BYA'O, ,DE NAS

81a

, ,DE DAG BSDUS LA BDUD RTZI LNGA DANG BCAS PA'I SNUM CHEN PO DANG SPRUL LA RAS SAM DAR BZANG PO LA THUM BUR GTUMS LA RIG MA'I PADMAR BCUG LA DE'I SBYOR BA DANG LDAN PAS GNAS DE NYID DU DRO BA DANG DU BA DANG 'BAR BA'I MTSAN MA SHES PAR BYA STE, RANG GI SNGAGS BRGYA RTZA BRGYAD BZLA BAR BYA ZHING DRO BA DE NYID KYIS MIG BSKUS NA THAMS CAD DU SKAD CIG GIS 'GRO BA DANG 'ONG BAR 'GYUR BA DANG SA LA SPYOD PA'I SEMS CAN THAMS CAD DBANG DU BYED DO, ,DU BA 'THUL BAS NI NAM MKHA' LA 'GRO BA DANG, NAM MKHA' LA SPYOD PA'I SEMS CAN DBANG DU BYED DO, ,'BAR BAS NI NAM MKHA' THAMS CAD DU 'GRO BAR 'GYUR BA DANG, SEMS CAN THAMS CAD DBANG DU BYED DO, ,DE LTAR NA DNGOS GRUB RNAM PA GSUM DU 'GYUR RO ZHES BSTAN PAR 'GYUR RO, ,RDO RJE MIG SMAN NO, ,'DI MAN CHAD NI SGRUB PA CHEN PO'I SBYOR BA'I GDAMS NGAG YIN LA DE YANG SBYOR BA 'DI LA SKAL BA DANG LDAN PA RNYED PAR DKA' BA NYID DANG, 'BRAS BU CHE BA NYID KYIS GUS PA BSKYED NAS BRJOD PAR BYA BA YIN NO, ,DE LA RNYED PAR DKA' BA'I DBANG DU MDZAD NAS DE NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD KYI BDAG PO NI DKYIL 'KHOR PA DANG BCAS PA'I DKYIL 'KHOR GYI DBANG PHYUG GO, ,DE STON PAR MDZAD PA'I PHYIR DE SKAD CES BYA'O, ,LDAN ZHES BYA BA NI MYUR DU DE THOB PA'I SKAL BA DANG LDAN PA ZHES BYA BA'I DON TO, ,DE BZHIN GSHEGS PA THAMS CAD NI DKYIL 'KHOR GYI DBANG PHYUG GO, ,DE YANG DANG PO'I SBYOR BA'I BDAG NYID CAN NO, ,SPYOD PA NI DE NYID KYIS BDAG DANG GZHAN GYI DON NAN TAN DU BYED PA'I DKYIL 'KHOR GYI RGYAL PO MCHOG DANG, LAS KYI RGYAL PO MCHOG STE DE BZHIN GSHEGS PA THAMS CAD DANG LHAN CIG SPYOD PA'O, ,DE NYID NI RDO RJE STE RDO RJE 'CHANG BA'O, ,DE LTAR NA TING NGE 'DZIN GSUM PO NI GO RIMS BZHIN DU RDO RJE 'CHANG GI NGO BO NYID DANG, LONGS SPYOD RDZOGS PA DANG SPRUL PA'I SKU GSUM YIN NO, ,YANG NA DE NYID NI RDO RJE YIN TE MI ZAD PA'I RIN PO CHE NYID YIN PA'I PHYIR RO, ,'DI LTAR DE BZHIN GSHEGS PA NI RTAG PA'I SKU CAN YIN TE GO RIMS BZHIN DU NGO BO NYID KYIS RTAG PA DANG RGYUN MI 'JIG PAS RTAG PA DANG RGYUN GYIS RTAG PAS SO, ,'DIR DAD PA DANG

81b

SGOM PA GANG YIN PA DE GNYI GA YI GE GSUM GYI SKAL BA DANG LDAN NO ZHES BYA BA NI DRIS PA DANG PO'I LAN GYI DON YIN NO, ,ZHABS DAG LA PHYAG 'TSAL BA NI GDAMS PAR GSOL BA 'DEBS PA'O, ,MI GSUNG BAR GYUR PA NI GDAMS PA'I YUL STON PA'O, ,YI GE GSUM PO DE'I SKAL BA YOD PA 'DIS NI SKAL BA DANG LDAN PAS ZHES GSUNGS PA NYID YIN TE, DE RNAMS KYIS RNYED PAR DKA' BA NYID KYANG BSTAN PA'I PHYIR BCOM LDAN 'DAS ZHES BYA BA LA SOGS PA GSUNGS SO, ,GANG GI TSE BSKAL PA 'DAS SHE NA, BCOM LDAN 'DAS ZHES BYA BA LA SOGS PA GSUNGS TE, MAR ME MDZAD MYA NGAN LAS 'DAS PA NAS 'OD SRUNGS MNGON PAR SANGS RGYAS PA'I BAR DU STE DE GNYI GA'I BAR DU ZHES BYA BA'I DON TO, ,MA GSUNGS SO ZHES BYA BA NI NGAS DE'I TSE ZHES BYA BA 'OG MA DANG SBYAR RO, ,SKAL BA MED PA ZHES BYA BA NI DE'I DUS NA ZHES GONG MA DANG SBYAR RO, ,GSANG BA CHEN PO'I GNAS NI RDO RJE 'DZIN CHEN PO'I GNAS SO, ,DE'I DON NI SGRUB PA'I THABS DE NYID RGYUD KYI RGYAL PO 'DI'O, ,GAL TE MA GSUNGS PA DE LTAR NA YANG GZHAN STON PA'I PHYIR DE'I TSE DE'I DON GRUB PAR 'GYUR RO ZHES KHA CIG DOGS PA LA DE BSAL BA'I PHYIR 'BRAS BU CHEN PO NYID MA BSHAD DE ZHES BYA BA LA SOGS PA GSUNGS TE MA GSUNGS PA NYID YIN NO, ,'ON KYANG 'DI KHYAD PAR 'DI'I DON CHEN PO GZHAN LAS GRUB PA MA YIN PA GANG YIN PA DE NI BCOM LDAN 'DAS ZHES BYA BA LA SOGS PA GSUNGS PA LA, SKAD CIG THANG CIG YUD TZAM NI DUS KYI SKAD CIG MA'O, ,GAL TE SKAD CIG DE NYID DUS JI TZAM GYIS YIN ZHE NA, GANGG'A'I ZHES BYA BA LA SOGS PA GSUNGS PA LA, GANG YIN PA ZHES BYA BA NI BYANG CHUB BO, ,'BAD CING NI GANG GO CHA'I BRTZON 'GRUS KYIS SO, ,BRTZAL BA NI SBYOR BA'I BRTZON 'GRUS KYIS SO, ,DE ZHES BYA BA NI BYANG CHUB DE'O, ,TSE 'DI NYID LA ZHES BYA BA NI SKYE BA 'DI NYID LA'O, ,SANGS RGYAS ZHES BYA BA'I GRANGS NI BGRANG BA STE; SGRUB PAS SA BCU'I DBANG PHYUG NYID DANG SGRUB PA CHEN POS SA THAMS CAD NYID DU'O, ,DE DAG GIS ZHES BYA BA NI GANG DAG DE'I TSE GDUL BYA RNAMS KYIS SO, ,MI 'GYUR BA NI THUN MONG YIN NO ZHES BYA BA NI MI 'GYUR BA GSUM NI THUN MONG NYID DO, ,THUN MONG NYID NI RIGS KYI BU ZHES BYA BA LA SOGS PA GSUNGS

82a

, ,SO; GSANG BA'I MI 'GYUR BA GSUM RNAM PAR DAG PA NI JI LTAR SNANG BA BZHIN DU MED PA NYID YIN PA DE'I PHYIR DE LTAR SNANG BA MTHONG CING MA MTHONG BA YIN NO, ,CANG MI SMRA BAR GNAS PAR GYUR BA NI MI 'GYUR BA DMIGS SU MED PA'I PHYIR RO, ,THAMS CAD CANG MI SMRA BAR GYUR BA NI BSHAD PA'I SKABS DBYE BA'I DON TO, ,STON PA'I DBANG DU MDZAD NAS DE NAS ZHES BYA BA LA SOGS PA GSUNGS PA LA, DE NAS ZHES BYA BA NI MNGON PAR BYANG CHUB PA RNAM PA LNGA'I 'DOD CHAGS CHEN PO'I DE MA THAG TU'O, ,DE BZHIN GSHEGS PA THAMS CAD NI PHYOGS BCU NAS BYON PA RNAMS SO, ,DE BZHIN GSHEGS PA THAMS CAD NI RNAM PA LNGA LAS BYANG CHUB PA'I RDO RJE 'DZIN CHEN PO'O, ,DE'I SKU DANG GSUNG DANG THUGS NI THABS KYI SKU STE, DER DE BZHIN GSHEGS PA LNGAR GYUR NAS BZHUGS PA'O, ,RDO RJE'I BTZUN MO NI RIG MA DGU'I GZUGS KYIS DE RNAMS SPROS PA'I'O, ,BHA GA NI SHES RAB KYI SKU DER DE RNAMS RO GCIG TU GYUR PA'O, ,LHA MO BZHI'I GLU'I GZHUNG RIM PA BZHIN DU SBYAR BAR BYA STE, CANG MI GSUNG BAR GYUR TO ZHES BSHAD PA GANG YIN PA DE'I RJES THOGS LA DE NAS BRTZAMS TE SEMS CAN THAMS CAD KUN DU BZANG PO KUN DU BZANG PO ZHES DE BZHIN GSHEGS PA THAMS CAD KYI SKU DANG GSUNG DANG THUGS RDO RJES DBANG BSKUR BAR GYUR TO ZHES BYA BA NI BRJOD PAR BYA'O, ,GZHUNG 'DI LAS NI 'DI NYID DU BSHAD PAR BYA BA YIN TE, DE NAS ZHES BYA BA NI SNYING PO'I RDO RJE LA GNAS PA'I DE MA THAG TU'O, ,DE BZHIN GSHEGS PA THAMS CAD NI DKYIL 'KHOR GYI DBANG PHYUG GO, ,DE'I BDAG PO NI RGYU'O; ,RDO RJE NI DE BZHIN GSHEGS PA RNAMS KYI GSANG BA'O, ,DE 'DZIN PAR MDZAD CING BDAG NYID LA BSTOD PAR MDZAD PAS NA RDO RJE 'DZIN PA'O, ,DE RNAMS KYI RO GCIG PA STON KA'I ZLA BA LTAR DKAR BA'I ZHU BA GANG YIN PA DE NYID NI RTEN DANG BRTEN PA SKYED PAR BYED PA DANG SKYED PAR BYED PA ZHU BAS NA CHEN PO YIN PA DE LTAR NA RDO RJE 'DZIN CHEN PO STE, SNYING PO RDO RJE ZHES BYA BA'I DON TO, ,DE LA BSTOD PA NI STOD PAR BYED PA STE, YANG DAG PA'I YON TAN BRJOD PAS MCHOD PAR BYED PA'O, ,DGA' BAS ZHES BYA BA NI DE BZHIN GSHEGS PA THAMS CAD KYI BDE BA DANG YID BDE BA DANG YID BDE BA'I SNYING PO'I RDO RJE DE LA

82b

YONGS SU MGU BAS SO, ,M'A MA K'IS ZHES BYA BA NI RANG GI PHYOGS NAS LHAGS TE, RANG GI STAN LA BZHUGS PA'I ZHE SDANG DGA' MA'O, ,DE BZHIN GSHEGS PA THAMS CAD KYI THUGS GANG YIN PA DE'I BTZUN MO NI SO SOR RTOGS PAS TSIM PAR MDZAD PA'I PHYIR RO, ,RDO RJE'I THUGS ZHES BYA BA LA; RDO RJE NI DE BZHIN GSHEGS PA THAMS CAD DO, ,DE RNAMS KYI THUGS NI GSANG BA GSUM ZHU BA'I BDAG NYID CAN GYI BYANG CHUB KYI SEMS SO, ,GNAS KYI DBANG PHYUG NI DKYIL 'KHOR GYI DBANG PHYUG TU ZHU BA'I PHYIR RO, ,SEMS CAN KHAMS NI RTEN DANG BRTEN PA'I 'KHOR LO ZHU BA'I PHYIR RO, , DGA' MA RNAMS KYI YID DU 'ONG BA NI DGA' BAR BYED PA STE, DE DAG KYANG ZHU BA'I PHYIR RO, ,YUL CHEN PO NYID YIN PA'I PHYIR DON CHEN PO'O, ,YUL GANG GIS SHE NA 'DOD PAS STE, DE RNAMS KYANG ZHU BA'I PHYIR RO, ,MCHOG DANG PO'I RIG MA DANG BCAS PA ZHU BA'I PHYIR SEMS CAN YAB CHEN NO; ,GNYEN MCHOG NI SANGS RGYAS RNAMS TE, DE RNAMS KYANG ZHU BA'I PHYIR GNYEN MCHOG GO, ,DGYES PAR MDZAD DU GSOL ZHES BYA BA NI SKUR GYUR NAS DON MDZAD PA'O, ,KHYED KYIS BDAG LA BSKYAB TU GSOL, ,ZHES BYA BA NI THUN MONG DU BSRUNG BA'O, ,GSAL BAR BYA BA'I PHYIR NI MGON PO ZHES BYA BA LA SOGS PA GSUNGS PA LA, MCHIS BZHED NA NI LUS CAN DU MDZAD PAR DGYES NA'O, ,MGON PO GAL TE DE RING GSON PAR ZHES BYA BA NI GAL TE GTZO BOS BDAG 'TSO BAR BZHED NA'O, ,RDO RJE'I SKU LA SOGS PA'I YANG SNYING PO'I RDO RJE NYID KYI RGYU MTHUN PA YIN PA DE LTAR NA DE DAG GI RANG BZHIN GYIS KYANG DE LA BSTOD PA NI, DE NAS ZHES BYA BA NI M'A MA K'IS BSTOD PA'I DE MA THAG TU'O, ,SANGS RGYAS SPYAN YIN GYI NAM MKHA'I SPYAN NI MA YIN NO, ,DE BZHIN GSHEGS PA THAMS CAD KYI SKU STE, DE'I BTZUN MO NI 'KHYUD PAS TSIM PAR BYED PA'I PHYIR RO, ,YE SHES TZAM NYID KYI MTHAR THUG PA'I 'DOD PA NI RDO RJE 'DOD PA STE, DE RNAMS KYI DGA' BA NI LONGS SPYOD CING 'KHYUD PA'O, ,DE NYID NI MCHOD PA YIN LA DE'I MCHOG NI DE'I GTZO BO'O, ,DON LAS MI 'GYUR BA'I PHYIR NA YI GE'O, ,RJOD PAR BYED PA NYID YIN PA'I PHYIR TSIG STE DE YIS SO, ,DE BZHIN

83a

, ,GSHEGS PA THAMS CAD KYI SKU NYID YIN PA'I PHYIR RDO RJE'I SKU'O, ,BKA'I 'KHOR LO NI CHOS KYI 'KHOR LO STE, DE YANG RNAM PA MANG PO YOD MOD KYI 'DIR NI GZUGS KYI KHYAD PAR DANG LDAN PA'I PHYIR TSIM PAR BYED PAS NA PHAN PA'I BKA'I 'KHOR LO'O, ,SANGS RGYAS KYI 'KHOR LO NYID YIN PA'I PHYIR SEMS CAN KUN NO, ,BYANG CHUB PA'I TSUL GYI BLO 'DI LA MNGA' BAS NA SANGS RGYAS SO, ,DON RNAMS NI DE LAS THA MI DAD PA'I PHYIR DON TO, ,SANGS RGYAS KYANG DE YIN LA DON KYANG YIN PAS NA SANGS RGYAS DON TO, ,YE SHES DAM PA'I THUGS SU CHUD PAS NA BYANG CHUB PO; ,YE SHES TZAM NYID DU SNANG BA'I PHYIR DON GYI MCHOG 'DI LA MNGA' BAS NA DON DAM PAS SO, ,SNYING PO'I DON NI PHAN PA STE SNYING PO'I RGYU MTHUN PA NYID YIN PA'I PHYIR RJES SU STE, DUS PHYIS MTHONG BA'I PHYIR DE LTAR NA RJES SU PHAN PA STON PA'O, ,'DOD CHAGS DAM TSIG NI LHAN CIG SPYOD PA'O, , BDAG LA ZHES BYA BA NI BDAG NYID LA'O, ,DGYES PAR MDZAD DU GSOL ZHES BYA BA NI RDO RJE'I SKU NYID BRNYES NAS DGYES PAR RO, ,CHAGS PA NI 'KHYUD PA STE, KHO MO NI YONGS SU BCAD PA'I YE SHES TZAM NYID YIN LA KHYOD NI YONGS SU GCOD PA RTOGS PA YIN TE, YONGS SU GCOD PA NI 'KHYUD PA YIN NO, ,'JIG RTEN DBANG PHYUG NI DE BZHIN GSHEGS PA THAMS CAD KYI SO SOR RTOGS PA'I RGYAL PO'O, ,DE'I SKU DANG GSUNG DANG THUGS NI MTSAN GZHI DANG MTSAN NYID DANG MTSON BYA LA RNAM PAR GZIGS PA'O, ,DE RNAMS KYI TSUL TE DE NI MTSAN GZHI LA SOGS PA'I DE BZHIN NYID DE GZIGS PA'I YUL LO, ,'DOD PA NI RDO RJE 'DOD PA'O, ,DE RNAMS KYIS NYE BAR LONGS SPYOD PA NI MTSAN NYID DO, ,DE'I DAM TSIG STE MING GIS SO, ,SMRA BAS SHES PAR BYED CING MTSON PAR BYED PAS NA GSUNG STE, BRJOD PA DANG SHES RAB PO, ,DE BZHIN GSHEGS PA THAMS CAD KYI RDO RJE GSUNG NYID YIN PAS NA RDO RJE GSUNG NGO, ,KUN LA ZHES BYA BA NI SNA TSOGS PA'O, ,ZHI BA DANG BDE BA DAG SGRUB PAR BYED PA'I PHYIR GO RIMS BZHIN DU PHAN PA YANG DE YIN LA BRTZE BA YANG YIN PAS DE LTAR NA PHAN ZHING THUGS BRTZE BA'O, ,'JIG RTEN DAG NI DGOS PA'I DON NI PHAN PA DANG BDE BA'O, ,DE MDZAD PA NI SGRUB PA MDZAD PA'O, ,

83b

RTAG TU BRTZON PA YIN GYI RES 'GA' NI MA YIN NO, ,RAB DGA' NI DE KHO NA NYID THAMS CAD LA RNAM PAR SPYOD PA'O, ,DE NYID KYI SPYOD PA 'DI LA MNGA' BAS NA RAB DGA' SPYOD PA'O, ,KUN DU NI RNAM PA THAMS CAD DU'O, ,BZANG PO NI PHAN PA DANG BDE BA STE, 'DI LAS 'JIG RTEN LAS 'GYUR BA DE LTAR NA KUN DU BZANG PO'O, ,DES NI 'DIS SEMS CAN THAMS CAD LA DUS THAMS CAD DU DANG, DE KHO NA NYID LA SPYOD PA DANG PHAN PA DANG BDE BA'I RNAM PA THAMS CAD MDZAD PA'I PHYIR GO RIMS BZHIN DU TSIG BZHI PO 'DI DAG YIN NO, ,DGYES PAR MDZAD CES BYA BA'I RDO RJE'I GSUNG DE NYID THOB NAS SPYOD PAS DGYES PAR RO, ,DE BZHIN GSHEGS PA THAMS CAD KYI SKU DANG GSUNG DANG THUGS KYI DAM TSIG NI RO GCIG PA'I SKU LA SOGS PA'I YE SHES SO, ,'DOD PA NI BDE BA DANG YID BDE BA'O, ,DE NYID NI RDO RJE STE YANG DAG PAR RIG PA'I CHA YIS SO, ,DE'I BTZUN MO NI YANG DAG PAR RIG PAR BYA BA SKU LA SOGS PA'I DE BZHIN NYID DO, ,JI LTAR NI BTZUN MO YIN ZHE NA, DE'I BDAG NYID KYIS TSIM PAR BYED PA YIN PA'I PHYIR RO, ,'DIS ZHES BYA BA NI 'CHAD PAR 'GYUR BA'I TSIGS SU BCAD PAS SO, ,BDE BA DANG YID BDE BA NI RDO RJE 'DOD PA DE NYID DO, ,DE LA DGA' BA NI SDUG PA'O, ,DE GSAL BAR BYED PA'I TSIGS SU BCAD PA LA DE SKAD CES BYA'O, ,DE BZHIN GSHEGS PA THAMS CAD KYI 'DOD PA NYID YIN PA'I PHYIR RDO RJE 'DOD PA'O, ,DAM TSIG NI YANG DAG PAR RTOGS PA STE, GTI MUG RDO RJE MA LA SOGS PA'I LONGS SPYOD DO, ,DE RNAMS KYI MCHOG NYID YIN PAS NA DAM TSIG GO, ,MCHOG TU PHAN PA'I BDE BA NYID YIN PA'I PHYIR PHAN DON CHE'O, ,YANG DAG PAR RDZOGS PA'I SANGS RGYAS KYI GDUNG STE, RIGS GANG LAS DE RNAMS 'BYUNG ZHING DE RNAMS KYI MCHOG NYID YIN PA'I PHYIR YANG DAG PAR RDZOGS PA'I SANGS RGYAS KYI GDUNG MCHOG GO, ,MNYAN NYID NI RO GCIG PAR GYUR PA'O, ,DES RJES SU BRTZE BAR MDZAD PA'I PHYIR MNYAM NYID RJES BRTZE'O, ,RIN CHEN MANG PO NI SKU GSUM GYI DE BZHIN NYID BSDUS PA YIN PA'I PHYIR RO, ,DE NYID KYI PHYIR YON TAN GTER GYUR PA STE, BDAG LA DMIGS NAS SANGS RGYAS KYI YON TAN THAMS CAD SKYE BA'I PHYIR RO, ,BDAG LA DGYES ZHES BYA BA NI MNYAM PA DE

84a

, ,NYID KYIS YANG DAG PAR DMIGS PA'I PHYIR RO, ,DE NAS ZHES BYA BA NI RIG PA BCU PO GNYIS SU MED PAR 'GYUR BA'I RJES THOGS LA'O, ,'DOD CHAGS THAMS CAD NI RIG PA DE DAG NYID DO, ,DE RNAMS KYIS NYE BAR LONGS SPYOD PA NI GTI MUG DANG, ZHE SDANG DANG ,'DOD CHAGS SO, ,DE LAS BYUNG BA NI RDO RJE'I DPAL TE SNYING GAR ZHUGS PA'I SANGS RGYAS LNGA RDO RJE NOR BUR ZHU ZHING RO GCIG PAR GYUR BA NI RDO RJE YIN LA, DE NYID NI PHUN SUM TSOGS PA'AM GZI BRJID DO, ,DE LA DMIGS PA'I TING NGE 'DZIN LA YANG DE SKAD CES BYA'O, ,DE LA SNYOMS PAR ZHUGS NAS CANG MI GSUNG PAR GYUR TE, DE BZHIN GSHEGS PA THAMS CAD KYI BTZUN MO DE DAG CES BYA BA NI RIG MA BCU PO DE NYID DO, ,DAM TSIG GI 'KHOR LOS ZHES BYA BA NI DAM TSIG CHEN PO'I DKYIL 'KHOR RTEN DANG BCAS PA'I BDAG POS SO, ,'DOD PA SPYOD CING NI YANG DAG PAR SHES PAR BYED CING NGO, ,NAM MKHA'I DBYINGS THAMS CAD NI RIG PA'I PADMA'O, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE STE, DE RNAMS KYI DAM TSIG NI RO GCIG PAR GYUR PA STE, STON KA'I ZLA BA LTAR DKAR BA YIN ZHING DE NYID NI KHU BA YIN TE, KHU BA DANG CHOS MTHUN PA'I PHYIR RO, ,DE NYID NI RDO RJE CHU STE, DES YONGS SU GANG BA'I BUM PA LA DE SKAD CES BYA'O, ,DE LTAR DBANG NI BSKUR BA DANG PO'O, ,BSDUS PA NYID KYI PHYIR RDO RJE YIN LA, KHONG NYID YIN PA'I PHYIR NAM MKHA' YIN ZHING GZHIR GYUR PA NYID KYI PHYIR DBYINGS TE DE NYID NI PADMA'O, ,GANG SEMS CAN ZHES BYA BA NI BDAG PO DANG BCAS PA'I DKYIL 'KHOR PA RNAMS SO, ,SKU GSUM GYI DAM TSIG NI ZHU BA DE NYID DO, ,'DI RNAMS LA BU GA'I NANG NA ZHUGS SHING BABS NAS YANG DAG PAR BYUNG BA MNGA' BAS NA DE SKAD CES BYA'O, ,DE LTAR NA GNYIS PA'O, ,DE RNAMS RDO RJE DPAL GYIS REG NAS ZHES BYA BA LA RDO RJE DPAL NI ZHU BA DE NYID DO, ,DES REG PA NI RO GCIG PAR GYUR PA NI REG PA STE, DE RNAMS KYANG DE NYID DU ZHU BA'I PHYIR RO, ,DE NYID DER ZHU BA RDO RJE GSUM GYI YE SHES CAN MCHOG TU BDE BA DANG YID BDE BA'O, ,DE LTAR NA GSUM PA'O, ,THAMS CAD CES BYA BA LA SOGS PA LA, DE LTAR RDO RJE GSUM GYI YE SHES CAN DU GYUR PAS NA THAMS CAD DE BZHIN GSHEGS

84b

PA DGRA BCOM PA YANG DAG PAR RDZOGS PA'I SANGS RGYAS SU 'GYUR TE, SHES BYA BA THAMS CAD PHYIN CI MA LOG PAR MKHYEN PAS NA YANG DAG PAR RDZOGS PA'I SANGS RGYAS SO, ,DGRA BCOM PA NI NYON MONGS PA YIN LA DE THAMS CAD BAG CHAGS DANG BCAS PAR BCOM PA'I PHYIR DGRA BCOM PA'O, ,CHOS JI LTA BA DE BZHIN DU STON PAR MDZAD PA'I PHYIR DE BZHIN GSHEGS PA'O, ,DE NAS BRTZAMS TE ZHES BYA BA LA SOGS PA NAS DBANG BSKUR BAR GYUR TE ZHES BYA BA 'DI'I MTHAR THUG PA'I GZHUNG NI RIM PA GZHAN DU SBYOR BA YIN TE, CANG MI SMRA BAR GYUR TO ZHES BSHAD PAR 'GYUR BA GANG YIN PA DE'I DE MA THAG TU BLTA BAR BYA'O, ,DE NAS BRTZAMS TE ZHES BYA BA NI THAMS CAD ZHU BA DE NAS BRTZAMS TE'O, ,SEMS CAN THAMS CAD CES BYA BA NI PHYOGS BCU'I 'JIG RTEN GYI KHAMS NA GNAS PA'I SEMS CAN RNAMS SO, ,KUN DU BZANG PO KUN DU BZANG PO ZHES BYA BAR GYUR BA NI MING DE SKAD CES BYA STE, DE BZHIN GSHEGS PA THAMS CAD KYIS RDO RJE'I MING GIS DBANG BSKUR BA'I PHYIR RO, ,CI GLO BUR PA NYID DU YIN NAM ZHE NA, MA YIN NO ZHES BYA BA NI DE BZHIN GSHEGS PA ZHES BYA BA LA SOGS PA GSUNGS TE, DE BZHIN GSHEGS PA THAMS CAD KYI SKU DANG GSUNG DANG THUGS KYI RDO RJE NI ZHU BA DE NYID DO, ,DES DBANG BSKUR BA NI 'OD ZER SPROS PA'I SBYOR BAS SO, ,'DI MAN CHAD DE NAS PHYAG NA RDO RJE ZHES BYA BA NAS BRTZAMS TE, CHOS MA YIN CHOS MA YIN PA YANG MA YIN NO ZHES BYA BA'I BAR DU NI MNGON PAR RTOGS PA MA YIN NO, ,'O NA CI YIN ZHEN PHA DANG MAS BSDUS PA'I PHUNG PO LA SOGS PA ZHU BA'I MNGON PAR RTOGS PA'I YAN LAG LA BZHUGS PA'I PHYIR RO, ,DE DAG CES BYA BA NI ZHU BA STE, YID KYIS MYONG BAR MDZAD NAS DRI BAR MDZAD PA'O, ,MTHONG BA NI MNGON SUM DU BYAS PA'O, ,SANGS RGYAS THAMS CAD KYI CHOS MNYAM PA NYID LA CHOS NI RDO RJE'I YE SHES TE DE DANG MNYAM PA NYID DO, ,THAMS CAD DU RO GCIG BA'I YE SHES NI RDO RJE YE SHES SO, ,RDO RJE YE SHES KYI SPYOD PA NI BDE BA LA GNAS PA'O, ,BHA GA LAS ZHES BYA BA NI BHA GA RNAMS LAS SO, ,GANG ZHES BYA BA LA SOGS PA NI NGO MTSAR GANG YIN PA STON PA YIN TE GANG ZHES BYA BA NI GSUNGS PA'O, ,DE CI ZHE NA, 'DOD CHAGS KYI YI GE'I TSIG

85a

, ,GIS SANGS RGYAS KYI BYANG CHUB RJES SU RTOGS PA DE NI STE, RIG MA'I NYE BAR LONGS SPYOD NI 'DOD CHAGS SO, ,DE LAS SKYES PA'I MI 'GYUR BA'I RDO RJE YE SHES NI YI GE'O, ,DE'I TSIG NI GNAS TE DMIGS PA DANG BCAS PA'I PHUNG PO LA SOGS PA BYANG CHUB TU RJES SU RTOGS PA'O, ,NAM MKHA' RDO RJE NI RDO RJE YE SHES DE NYID DO, ,DAM TSIG NI DER ZHUS PA RO GCIG TU GYUR PA'I RGYU DES MTSUNGS PA STE, SNGAR ZHU BA DANG LHAN CIG TU MTSUNGS PA'O, ,DE NYID BSTAN PAR BYA BA'I PHYIR GZUGS KYI PHUNG PO MA YIN ZHES BYA BA LA SOGS PA GSUNGS TE, DE LA PHUNG PO RNAMS NI SANGS RGYAS LNGA'O, ,KHAMS NI DGA' MA RNAMS DANG MCHOG DANG PO'O, ,SKYE MCHED NI YUL DRUG GO, ,'DOD CHAGS NI REG PA'I MTSAN NYID DO, ,ZHE SDANG NI SO SOR 'BIGS PA'O, ,GTI MUG NI KUN DU 'KHYUD PA'O, ,CHOS NI NAM MKHA'I RDO RJE'O, ,CHOS MA YIN PA NI LHAG MA RNAMS TE, DE DAG KYANG GNYIS MED CING GNYIS SU MED PAR GYUR PA'O, ,DE NAS DE BZHIN GSHEGS PA THAMS CAD CES BYA BA NI PHUNG PO LA SOGS PA SO SOR RIG PA RNAMS SO, ,CANG MI SMRA BAR GYUR TO ZHES BYA BA NI SNYING PO RDO RJE DE NYID DU ZHU BAR GYUR PA'O, ,DE'I RJES LA DE NAS BRTZAMS TE ZHES BYA BA LA SOGS PA GANG YIN PA'O, ,DE'I 'OG TU NI LHA MO BZHI'I GLU BZHIS BSKUL BA'I GZHUNG NGO, ,DE'I RJES LA DE BCOM LDAN 'DAS ZHES BYA BA LA SOGS PA 'DI YIN TE, DE NAS ZHES BYA BA NI GLU BZHIS BSKUL BA'I 'OG TU'O, PHYAG NA RDO RJE ZHES BYA BA NI SNYING PO RDO RJE BSDUS PA LAS BYUNG BA'I RANG GI SA BON LAS BSKYED PA'I RIG MA'I SKYES BU'I SKU STE RDO RJE 'DZIN PA'O, ,'DI NI SBYOR BA DANG PO'I TING NGE 'DZIN TE DANG PO'O, ,BCOM LDAN 'DAS ZHES BYA BA LA DE BZHIN GSHEGS PA RNAMS KYI RANG GI RTOG PA GDUL BYA RNAMS LA 'DI LTAR RNAM PAR PHYE BAS NA BCOM PA STE DKYIL 'KHOR BA THAMS CAD DO, ,DE RNAMS SU SPRUL PA 'DI LA YOD PAS NI BCOM LDAN 'DAS SO, ,'DI NI DKYIL 'KHOR RGYAL PO'I MCHOG CES BYA BA'I TING NGE 'DZIN TE GNYIS PA'O, ,DE RNAMS LA ZHES BYA BA NI DKYIL 'KHOR PA RNAMS DANG 'KHOR RNAMS LA'O, ,BKA' STZAL PA ZHES BYA BA NI BKA' BSGO BA'O SKU LA SOGS PA'I RDO RJE'I GSANG BA NI DE KHO NA NYID DO, ,BSGO BAR GYIS

85b

SHIG CES BYA BA NI 'DZIN DU CHUG SHIG PA'O, ,CHOS KYI RNAM GRANGS ZHES BYA BA NI CHOS KYI RAB TU DBYE BA STE, SKAL BA YOD PA NI DE'I SNOD DU GYUR PA STE, SNYING PO RDO RJE 'OD SPROS PAS KUN DU BZANG POR BYAS PA'I PHYIR RO, ,DE LTAR BSGO BA BYAS PAS DKYIL 'KHOR BA JI SNYED PA RANG RANG GI SPRUL PA RNAMS KYIS 'BYIN PA PO'I BKA' JI LTA BA BZHIN DU NYAMS SU BLANG STE, RANG RANG GI SPRUL PA RNAMS BDAG NYID LA BSDU BAR BAR GYUR PA'O, ,'DI NI LAS RGYAL BA MCHOG GI TING NGE 'DZIN TE GSUM PA'O, ,'KHOR RNAMS NI STON PA'I BKA' BZUNG NAS CANG MI SMRA BAR GYUR PA'O, ,DE NAS ZHES BYA BA LA SOGS PA LA DE BZHIN GSHEGS PA THAMS CAD KYI BDAG PO NI DE'I BSTAN PA GZUNG BA'I PHYIR RO, ,RDO RJE CHOS NI RDO RJE THEG PA STE, DE LA DBAB PAR GYUR PAS PHYAG NA RDO RJE NI RDO RJE CHOS SO, ,DAM TSIG GI DE KHO NA NYID NI GSANG CHEN GYI CHOS SO, ,CHOS KYI DBANG PHYUG NI THEG PA CHEN PO'O; ,DE BSRUNG BA LA DBANG BAS NA RGYAL PO'O, ,RDO RJE YANG DE YIN TE THOGS PA MED PA'I STOBS DANG LDAN PA'I PHYIR RO, ,DES NA CHOS KYI DBANG PHYUG GI RGYAL PO RDO RJE'O, ,DE BZHIN GSHEGS PA DE DAG THAMS CAD CES BYA BA NI DKYIL 'KHOR BA RNAMS SO, ,RDO RJE SEMS DPA' ZHES BYA BA NI DKYIL 'KHOR GYI DBANG PHYUG GO, ,DE'I YI GE NI DE NYID KYI SKU DANG GSUNG DANG THUGS KYI YI GE RNAMS TE, RDO RJE GSUM PO MI 'GYUR BAS YI GE ZHES GSUNGS PA'I PHYIR RO, ,RDO RJE SEMS DPA' YI GE YANG YIN LA GSUM PO YANG DE YIN NO, ,DE RNAMS LA RANG GI SKU DANG GSUNG DANG THUGS ZHUGS PAR GYUR PA NI DKYIL 'KHOR NYE BAR BSDU BA'O, ,DE DAG THAMS CAD NI SGRUB PA CHEN PO'I GDAMS NGAG GO, ,KHAMS GSUM THAMS CAD KYI LUS RDO RJE NI 'DUS PAR GYUR PA'I SANGS RGYAS RNAMS KYI SKU'O, ,GNAS SHING ZHES BYA BA NI DE RNAMS LA YID KYIS SO, ,DE RNAMS KYI MNYAM PA NYID DMIGS NAS ZHES BYA BA NI BDAG NYID LA BZHUGS PA STE, DE RNAMS NAM MKHA' DANG MNYAM PA NYID DU BLTA BA'O, ,CANG MI GSUNG BAR GYUR TO ZHES BYA BA NI DE DAG NYID RANG GI NANG DU CHUD PA'O, DE BZHIN DU 'OD DPAG TU MED PA DANG MI BSKYOD PA LA YANG SHES PAR BYA STE, GSUNG GI RDO RJE

86a

, ,NI 'OD DPAG TU MED PA'O, ,PHYAG NA RDO RJE NI MI BSKYOD PA'O, ,DE SKAD CES BKA' STZAL TO ZHES BYA BA NI RTZA BA'I RGYUD BCOM LDAN 'DAS RDO RJE 'DZIN PAS GSUNGS PA'O, ,DE BZHIN GSHEGS PA ZHES BYA BA LA SOGS PA LA BYIN GYIS BRLAB CES BYA BA NI SPRUL PA'O, ,RDO RJE NI NYE BAR BSDU BA STE BYIN RLABS DANG BCAS PA'I RDO RJE RNAMS NYE BAR BSDU BA NI RDO RJE'I BYIN GYI RLABS SO, ,RDO RJE NI DKYIL 'KHOR PA'I GSANG BA RNAMS 'DUS PA'I PHYIR RO, ,DAM TSIG DANG SDOM PA DANG BCAS PA'I RDO RJE BYIN GYI RLABS KYI, RDO RJE NI DAM TSIG DANG SDOM PA RDO RJE BYIN GYI RLABS KYI RDO RJE STE; DE GSAL BAR BYED PA'I LE'U LA DE SKAD CES BYA'O, ,DE DAG NI 'DIR GTZO BO YIN LA, LE'U'I DON LHAG MA RNAMS NI ZHAR LAS BYUNG BA YIN NO, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BCU BDUN PA'O,, ,,DE LTAR BCOM LDAN 'DAS RDO RJE 'DZIN PAS RTZA BA'I RGYUD LE'U BCU BDUN GYIS GSUNGS PA LA, DER GNAS PA'I RDO RJE'I TSIG GSAL BAR BYED PA'I PHYIR RGYUD PHYI MA LE'U BCO BRGYAD PA DE BZHIN GSHEGS PA THAMS CAD KYI GSUNG GCIG TU BSTAN PAR BYA BA DE BYANG CHUB SEMS DPA' RNAMS KYIS ZHU BA'I SGO NAS SKABS DBYE BA'I PHYIR DE NAS ZHES BYA BA LA SOGS PA GSUNGS PA LA, DE BZHIN GSHEGS PA THAMS CAD KYI DBANG BSKUR BA NI SGRIB PA MED CING DAG PA NAM MKHA'I KHAMS KYI RANG BZHIN CAN YIN PA'I PHYIR RO, ,DE YANG BCOM LDAN 'DAS DKYIL 'KHOR GYI BDAG PO RDO RJE 'CHANG CHEN PO STE, DE'I SKU DANG GSUNG DANG THUGS KYI GSANG BA'O; ,DE RNAMS KYI BSTAN PA NI BSHAD PA'I RNAM PA'O, ,DNGOS PO THAMS CAD DE MA LUS PA'O, ,DE DUS JI LTA BA BZHIN DU MTHONG ZHING THOS LA KHONG DU CHUD NAS ZHES BYA BA LA DUS DE GZUGS SU BSTAN PA'I DUS SU MTHONG LA, GSUNG DU BSHAD PA'I DUS SU THOS SHING PHYIS KHONG DU CHUD PA DE MNGON SUM DU BYAS NAS SO, ,JI LTA BA BZHIN DU ZHES BYA BA NI PHYIN CI MA LOG PAR RO, ,DE DAG CES BYA BA NI GANG GIS BSTAN PA 'DI GSAN PA'O, ,GZIGS PA NI NYID KYIS CHOS THAMS CAD MNGON PAR RDZOGS PAR THUGS SU CHUD PA'O, ,DE DAG GIS THA SNYAD DU MDZAD PA'I PHYIR CHOS GZIGS

86b

PA DANG LDAN PA'O, ,GSOL TO ZHES BYA BA NI ZHUS PA'O, ,AE MA'O ZHES BYA BA NI NGO MTSAR GYI SGO NAS DRI BA ZHUS PA'O, ,KUN DU BZANG PO NI RDO RJE 'CHANG BA STE DE NI SKU DANG GSUNG DANG THUGS SO, ,DE RNAMS KYI NGES PA DAG NI YONGS SU SHES PAR BYA BA'I DE KHO NA NYID DE DE NGO MTSAR YIN NO, ,JI LTAR NGO MTSAR YIN ZHE NA, KUN DU ZHES BYA BA NI 'JIG RTEN GYI KHAMS THAMS CAD DU'O, ,GANG DE'I SKU DANG GSUNG DANG THUGS DAG GIS RNAM PAR BZHUGS SO, ,GANG LA BZHUGS SHE NA, SEMS CAN THAMS CAD LA'O, ,CI KHO BO CAG DANG 'DRA ZHE NA, MA YIN NO ZHES GSUNGS PA NI DUS GSUM GYI RDO RJE'I NGO BOR YANG DAG BYUNG NGO, ,DE BZHIN GSHEGS PA THAMS CAD KYI GSANG BA GSUM NI DUS GSUM YIN LA, DE RNAMS KYI RDO RJE NI RO GCIG PAR SNANG BA'I BDAG NYID CAN BYANG CHUB KYI SEMS SHIN TU RNAM PAR DAG PA DE NYID NGO BOR TE, RANG GI RANG BZHIN DER YANG YANG DAG PAR BYUNG BA STE, DE RNAMS KYI SGRIB PA MA LUS PAR SPANGS PA'I PHYIR RO, ,DE NYID KYI PHYIR BYANG CHUB RDO RJE NI RDO RJE 'CHANG GI GNAS CHOS KYI SKU THOB PA YIN NO, ,DE NYID KYI PHYIR LONGS SPYOD RDZOGS PA'I SKU'I SGO NAS MI ZAD PA NYID KYI PHYIR SANGS RGYAS RDO RJE YANG DE DAG YIN LA, SPRUL PA'I SKU'I SGO NAS DE DANG DER BLTAMS PA DANG MYA NGAN LAS 'DAS PA'I PHYIR RDZU 'PHRUL CHEN PO YIN PAS NA, SANGS RGYAS RDO RJE RDZU 'PHRUL CHE'O, ,'DI TZAM GYIS NI THAMS CAD DU THAMS CAD KYI TSE SKU THAMS CAD KYIS SANGS RGYAS THAMS CAD KYI BZHUGS PA'I GNAS NYID KYI SGO NAS NGO MTSAR TE GSUNGS PA YIN NO, ,YANG KHYAD PAR LNGAS NGO MTSAR DU BSTAN PA'I PHYIR AE MA'O ZHES BYA BA LA SOGS PA GSUNGS PA LA, 'DIR RAB NGO MTSAR CHE ZHES BYA BA NI RGYA CHE BA'I KHYAD PAR GYIS SO, ,ZHI BA ZHES BYA BA NI SPROS PA MED PA'I KHYAD PAR GYIS SO, ,DBANG PO 'DAS ZHES BYA BA NI ZAB PA'I KHYAD PAR GYIS SO, ,MCHOG TU MYA NGAN 'DAS ZHES BYA BA NI SPANGS PA'I KHYAD PAR GYIS TE, KUN NAS NYON MONGS PA'I SGRIB PA THAMS CAD MA LUS PAR SPANGS PA'I PHYIR RO, ,'KHOR BA DAG GI RGYUN ZHES BYA BA NI SKU RTAG PA NYID KYI KHYAD PAR GYIS SO, ,DE DE BZHIN NO ZHES GSUNGS PA NI LAN TE NGES PAR GZUNG BAS THE TSOM GCOD PA'I PHYIR RO, ,PHYI MA'I PHYI MA ZHES BYA BA NI MCHOG

87a

, ,LAS KYANG MCHOG TU GYUR PA'O, ,YANG DAG GSUNG BAS ZHES BYA BA NI RDO RJE 'CHANG GIS SO, ,GANG ZHES BYA BA NI RTZA BA'I RGYUD DE, ,DE LA SBAS PA'I GNAS GANG YIN PA DE RNAMS RTOGS PA NYID NI DON DE BYA BA NYID YIN PAS NA DON DE'I PHYIR RO, ,KHYED LA ZHES BYA BA NI KHYED RNAMS LA'O, ,LEGS SO LEGS SO ZHES BYA BA NI SPRO BA BSKYED PA'O, ,SEMS DPA' CHE ZHES BYA BA NI DGONGS PA CHEN PO STE, SEMS CAN RNAMS KYI DON CHEN PO BYA BA'I BSAM PA YOD PA'I PHYIR RO, ,GSANG BA RNAMS THOS PA DANG 'DZIN PA DANG STON PA LA MKHAS PA DANG LDAN PAS NA YON TAN GYI GNAS SO, ,SOM NYI ZHES BYA BA NI THE TSOM CAN GYI DON TO, ,'DIR ZHES BYA BA NI RGYUD LA'O, ,GSANG BA LA SOGS PA'I SGRA RANG GI NGO BO TZAM DU BSTAN PA'I PHYIR 'BREL PA MED PA CAN YIN MOD KYI ZHES BYA BA BRJOD PA'I PHYIR 'BREL PA THOB PAR 'GYUR RO ZHES BYA BA'I SGRA 'DIS NI ZHES BYA BA'I DON TO, , DPER NA 'DI BA LANG ZHES SMRAS SO ZHES BYA BA LTA BU STE, 'DI'I SGRA ZHES BYA BA'I DON TO ZHES BYA BA'I SGRA 'DI NI RNAM PAR DBYE BA'I TSIG CAN 'DI THAMS CAD KYI DON LA 'JUG PA YIN NO, GSANG BA 'DUS PA ZHES BYA BA 'DI NI RNAL 'BYOR GYI RGYUD YIN TE, DE RJOD PAR BYED PA NYID YIN PA'I PHYIR RO, , 'BREL PA MED PA NI RJOD PAR BYED PAR 'GYUR BA YANG MA YIN TE, SE'U 'BRU BCU ZHES BYA BA LA SOGS PA'I NGAG LTA BU'O, ,DE NYID KYI PHYIR TSIGS SU BCAD PA DANG POS NI DRI BA LNGA ZHUS PA YIN NO, ,RNAL 'BYOR DANG RGYUD NI RGYUD DANG RNAL 'BYOR RO, ,DE DAG CI LA BGYI ZHES BYA BA NI ZHU BA GNYIS SO; ,GANG DU RNAL 'BYOR ZHES 'DIR CI LA BGYI ZHES PA'I TSIG 'BYUNG BA NI RIGS PA MA YIN NO, ,DE BZHIN RIGS ZHES 'DIR CI LAGS ZHES PA LA DE BZHIN GYI SGRA NI BSDU BA'I DON TO ZHES BYA BA NI SOGS PA'I DON TO, ,'DIR ZHES BYA BA NI BSDU BA'I TSIGS SU BCAD PA THUGS LA GZHAG PA STE; RIGS LA SOGS PA'I SGRAS CI ZHIG BRJOD CES BYA BA'I DON TO, ,BYANG CHUB SEMS DPA' CHEN PO ZHES BYA BA LA DE KHO NA NYID YIN PA'I PHYIR BYANG CHUB CHEN PO YANG DE YIN LA, DAM TSIG NYID YIN PA'I PHYIR SEMS DPA' YANG YIN PAS NA DE SKAD CES BYA'O, ,RAB BSKUL BA ZHES BYA BA NI

87b

GSOL BA 'DEBS PAR BYED PA'O, ,BZHAG NAS ZHES BYA BA JI LTAR ZHE NA, DE'I SBYOR BAS GNAS PA'I PHYIR RO, ,ZHUS PA RGYA CHEN ZHES BYA BA NI ZHUS PA RGYAS PA'I YUL CAN GYI DON RNAMS SO, ,RANG RANG GI LUS LA SOGS PA LA RDO RJE 'CHANG CHEN PO'I SKU LA SOGS PA'I RNAM PAR DMIGS LA ZHES BYA BAR SBYAR RO, ,RANG GI THUGS LA DMIGS PAR ZHES BYA BA NI MNGON SUM DU MDZAD PAS SO, ,BYIN GYIS BRLABS NAS ZHES BYA BA NI NUS PA'I KHYAD PAR GYIS DE LA YANG DAG PAR SBYOR BA'O, ,GSUNG GCIG GIS NI DBYANGS GCIG GIS SO, ,RNAM PA GSUM ZHES BYA BA NI RE RE'I SKU DANG SNGAGS DANG MTSAN MA'I BDAG NYID CAN NYID YIN PA'I PHYIR RAM SANGS RGYAS DANG RIG PA DANG KHRO BO'I BDAG NYID CAN YIN PA'I PHYIR RO, ,'DI LA SANGS RGYAS THAMS CAD YOD PAS NA SANGS RGYAS THAMS CAD DO, ,GSANG BA 'DUS PA NI BCOM LDAN 'DAS RDO RJE 'CHANG CHEN PO'O, ,DE RJOD PAR BYED PA NYID YIN PA'I PHYIR RGYUD LA YANG DE SKAD CES BYA'O, ,DE'I RJOD PAR BYED PA NYID KYANG NGAG GCIG PO NYID DU 'BREL PA'I PHYIR RO, ,'BREL PA DE YANG GSANG BA 'DUS PA DON GCIG NYID LA BSDU BA'I PHYIR LE'U THAMS CAD PHAN TSUN PHAN 'DOGS PAR BYED PA'O, ,DE LA DANG POR RANG GI DBANG DU MDZAD NAS TSIGS SU BCAD PA BZHIS 'BREL PA BSTAN PA'I PHYIR LNGA PA DANG NI ZHES BYA BA LA SOGS PA GSUNGS TE GSANG BA 'DUS PA 'DI NI BCOM LDAN 'DAS THABS LAS BYUNG BA'O, ,DE'I THABS NI BZHI STE BSNYEN PA DANG NYE BAR SGRUB PA DANG SGRUB PA CHEN PO ZHES BYA BA 'CHAD PAR 'GYUR BA'O, ,DE LA THABS LAS BYUNG BA RDO RJE 'CHANG NYID NI LE'U DANG POR BSTAN PA YIN TE, GTZO BO YIN PA'I PHYIR RO, ,DE'I 'OG TU LE'U BCU DRUG GIS NI THABS BZHI YIN LA, DE NAS BCO BRGYAD PAS NI GNYIS KA GSAL BAR BYED PA YIN NO, ,DE BAS NA THABS LAS BYUNG BA THABS DANG BCAS PA GSAL BAR BYED PA DANG BCAS PA BSDUS PA'I PHYIR LTOS PA'I MTSAN NYID CAN NI LE'U RNAMS KYI 'BREL PA YIN NO, ,DE LA LE'U THOG MA THA MA DAG NI MA GSUNGS KYANG 'BREL PA GRUB PA YIN PA DE LTAR NA LE'U LHAG MA RNAMS KYI 'BREL PA TSIGS SU BCAD PA GSUNGS PA YIN TE, 'DI NI 'DI RNAMS KYIS BSDUS

88a

, ,BA'I DON TO, ,DGA' BA CAN GYI LE'US NI SGRUB PA CHEN PO DANG RDZOGS LDAN GYI LE'US NI SGRUB PA DANG, GNYIS LDAN GYI LE'US NI NYE BAR SGRUB PA DANG, GSUM LDAN GYI LE'US NI BSNYEN PA STON TO, ,DE LA THABS BZHI PO RE RE'I PHYED PHYI MAS NI MTSAN NYID DANG, PHYED SNGA MAS NI LE'U YIN NO, ,RGYAS PA'I DON NI, LNGA PA DANG NI DGU PA DANG, ,BCU BDUN PA DANG BCU GSUM PA, ,ZHES BYA BA LE'U BZHI PO DE DAG NI SGRUB PA CHEN PO STE, SGRUB PA CHEN PO ZHES BYA BA'I DON YIN ZHING SGRUB PA CHEN PO'I BSHAD PA YIN NO ZHES BYA BA'I BAR DU'O, ,THABS BZHI PO SO SOR RE RE ZHING MNGON PAR RTOGS PA DANG DAM TSIG GNYIS GNYIS SU DBYE STE, MTSAN NYID GNYI GA YANG GCIG GI NUS PA THA DAD KYI RIGS PAS NGAG GCIG GIS STON TO, ,DE LAS SGRUB PA CHEN PO'I MTSAN NYID SANGS RGYAS DANG BYANG CHUB SEMS DPA' RNAMS BSTAN PA ZHES BYA BA YIN TE, DE LA RIG PA'I SKYES BU'I BDAG POS YAN LAG DANG BCAS PA'I DKYIL 'KHOR PA'I SANGS RGYAS DANG BYANG CHUB SEMS DPA' RNAMS PHYUNG BA NI SGRUB PA CHEN PO'I MNGON PAR RTOGS PA'O, ,DE YANG MA LUS PAR NI BCU BDUN PAR RO, ,BCU GSUM PA'I RIG PA'I SKYES BU'I NGES PAR BRTAN BA LAS NI PHYOGS GCIG GO, ,DANG BOR YANG THABS LAS BYUNG BA'I ZHOR LA PHYOGS GCIG GIS SO, ,LE'U LHAG MA RNAMS SU YANG ZHOR LA BSTAN TO, ,GNYIS SU MED PA'I YE SHES TZAM NI BYANG CHUB BO, ,DE RNYED PA NI SANGS RGYAS SO, ,DE LA NGES PAR BSTAN PA NI BYANG CHUB SEMS DPA' STE, DE RNAMS KYI BYA BA'I PHYIR BSTAN PA STE, SHIN TU GSANG BA'I SPYOD PA ZHES BYA BA'I DON TO, ,DAM TSIG DE YANG SGRUB PA CHEN PO STE, THABS CHEN PO YIN PA'I PHYIR RO, ,DE NI LNGA PA DANG DGU PA MA LUS PAS SNYON PA BCU BDUN PA LA SOGS PA'I PHYIR RE RES SO, ,BZHI PA DANG NI BCU DRUG PA, ,BRGYAD PA BCU GNYIS PA DAG NI, ,SGRUB PA STE 'DI NA GNAS MED PAS TSIGS SU BCAD PA, BZHI PA'I MTHAR SGRUB PA'I SDOM PA ZHES PA DANG SBYAR TE, SGRUB NYID GSANG BA'I PHYIR SDOM PA'I, ,SLOB DPON SPYI YI LAS DANG NI, ,DNGOS GRUB BRTUL ZHUGS SDOM PA YIN, ,ZHES BYA BA NI MTSAN NYID YIN TE DE LA 'DOD CHAGS CHEN PO'I TSUL GYI RIM PAS DAM TSIG CHEN PO'I

88b

DKYIL 'KHOR DU YE SHES SEMS DPA' LA DBANG BSKUR BA GSUM SBYIN PA NI SLOB DPON SPYI'I LAS SO, ,RIG PA'I SKYES BU BSKYED PA NAS DBANG BSKUR BA'I MTHAR THUG PA NI DNGOS GRUB PO, ,RIG PA'I BRTUL ZHUGS SO, ,MCHOD PA DANG BSTOD PA LA SOGS PA NI SNGOM PA SDE, SGRUB PA'I MNGON PAR RTOGS PA'O, ,SLOB DPON GYI LAS THAMS CAD DANG DNGOS GRUB THAMS CAD YONGS SU SHES PAR BYA BA DANG, RIG PA'I BRTUL ZHUGS BZUNG BA DANG, BSRUNG BA DANG ZIN PA'I SDOM PA RNAMS NI SGRUB PA'I DAM TSIG GO, ,DRUG PA DANG NI GNYIS PA DANG BCU PA DANG BCU BZHI PA DAG NI NYE BAR SGRUB PA'I SDOM PA'O; ,NI ZHES BYA BAS MTSAMS SBYOR BA'O, ,KHA CIG LA NI DRUG PA 'DIR, ,ZHES 'BYUNG STE, 'DIR ZHES PA NI RGYUD 'DIR RO, ,DRUG PA ZHES PA NI GRANGS DRUG PAR SHES PAR BYED PA'AM GNAS DRUG PAR SHOR BAS NA DRUG PA'O, ,NYE BA'I SGRUB PA'I MTSAN NYID NI DRUG SPYOD DANG RJES SU CHAGS PA'O,, DE LA RJES SU CHAGS PA'I MNGON PAR RTOGS PA NI BYIN GYIS RLOBS PA'I SNGAGS LNGA STE, THUGS ME NYES PAR BYED PAS SO, ,DRUG SHUL GYI MNGON PAR RTOGS PA NI LNGA PA RNAMS TE ZAB CING PHRA BA'I DNGOS PO LA DRAG SHUL GYIS YID 'JUG PAR BYED PA'I PHYIR RO, ,DAM TSIG GI DRAG SHUL GYI SPYOD PA'O, , NYE BAR LONGS SPYOD PA'I SPYOD PA DANG, DKA' BA'I SPYOD PA NI LHA RNAMS RJES SU CHAGS PAR BYED PA'O, ,DE DAG THAMS CAD LE'U BZHI PO 'DI RNAMS SU STON TO, ,BDUN PA DANG NI GSUM PA DANG, BCU GCIG PA DANG, BCO LNGA PA STE, BZHI PO 'DI DAG NI BSNYEN PA YIN NO, ,'DI'I MTSAN NYID NI DNGOS GRUB ZHING DANG MTSAN MA STE, DNGOS GRUB NI 'KHOR LOS SGYUR BA'I RNAL 'BYOR RO, ,ZHING NI YAN LAG DRUG GI SBYOR BA STE, DE DAG GIS BDAG NYID DNGOS GRUB MCHOG GI ZHING DU BYED PA'I PHYIR RO, ,MTSAN MA NI DAM TSIG DANG RMI LAM STE, DNGOS GRUB KYI RGYUR GYUR PA'I PHYIR DNGOS GRUB STON PAR BYED PA'I PHYIR RO, ,YANG GZHAN GYI DON LAS BRTZAMS TE, RGYUD KYI 'GREL PA TSIGS SU BCAD PA BZHIS BSTAN PAR BYA BA'I PHYIR, DE BZHIN GSHEGS PA KUN GYI LAS, ,ZHES BYA BA GSUNGS TE, GZHAN GYI DON NI RNAM PA BZHI STE, GZHUG PA DANG DBUGS DBYUNG BA DANG YONGS SU SMIN PA DANG YONGS SU GROL BA'O, ,

89a

, ,DBUGS DBYUNG BA'I TSIG NI TSIGS SU BCAD PA GNYIS PA'I KHONG NAS DBYUNG BAR BYA'O, ,DE BZHIN GSHEGS PA KUN GYI LAS, GZHAN DAG TSAR GCOD PHAN 'DOGS SPYOD PA DAG GANG YIN PA DE NI RGYUD 'DI LA DUL DANG ZHES BYA BA LA SOGS PA SEMS CAN RNAMS KYI 'JUG PA STE, MNGON PAR DAD PA'O, ,DUL BA NI TSAR GCOD PA CHUNG DUS BSGRUB PAR BYA BA YIN LA, GDUL DKA' BA NI TSAR GCOD PA CHEN POS BSGRUB PAR BYA BA RNAMS YIN NO, ,ZHI BA NI PHAN GDAGS PAS BSGRUB PAR BYA BA'O, ,MCHOG NYID NI DNGOS GRUB MCHOG DANG 'BREL PA'O, ,DE LA THUN MONG GI DNGOS GRUB DANG 'BREL PA GANG YIN ZHE NA, GANG DE'I BSNYEN PA DE YANG RNAM PA BZHI STE, RDO RJE'I CHO GA ZHES BYA BA RDO RJE BZHI PO BSHAD PA'O, ,DNGOS GRUB MCHOG GI 'BREL PA GANG YIN ZHE NA, BSKYED PA'I RIM PA DANG 'BREL PA STE, RANG GI LHA NYID DU BSKYED PA'I GO RIMS DANG 'BREL PA NI MIG DANG SKU LA SOGS PA'I SEMS PA LAS YANG DAG PAR SBYOR BA'O, ,DE GNYI GA NI DBUGS DBYUNG BA STE, RANG GI LHA'I RNAL 'BYOR LA YANG DAG PAR SBYOR BA'I PHYIR RO, ,DKYIL 'KHOR ZHES BYA BA NI BRI BA'I DKYIL 'KHOR DANG MCHOD PA'I DKYIL 'KHOR RO, ,BRTUL ZHUGS NI RIG PA'I BRTUL ZHUGS SO, ,SLOB DPON PHUN SUM TSOGS PA ZHES BYA BA NI GZHUG PA DANG, DBUGS DBYUNG BA DANG YONGS SU GROL BA MA GTOGS PAR SLOB DPON GYI BYA BA GZHAN DAG YIN NO, ,DE NI BLA MA'I SNGAGS KYI LAM GYIS NI SLOB MA SNOD DU RUNG BA RNAMS YONGS SU SMIN PAR BYA BA YIN NO, ,BRTUL ZHUGS BZANG DANG ZHES BYA BA NI YANG DAG PAR GZUNG BA'I BRTUL ZHUGS CAN GYI'O, ,SLOB DPON GYI DBANG BSKUR BA GSUM GYIS KYANG DBANG BSKUR BA'O, ,RANG GI SLOB MA NI BKA' LAS MI 'DA' BA'I PHYIR RO, ,BDAG NYID CHE ZHES BYA BA NI 'DUS PA'I DE KHO NA NYID THAMS CAD BSTAN PA LA RJES SU MTHUN PA'I DAD PA DANG SHES RAB DANG BSTAN PA DANG ZAB PA DANG LDAN PA'O, , SANGS RGYAS LA SOGS PA'I SHIN TU GSANG BA'I DE KHO NA NYID STON PA GANG YIN PA DE YONGS SU GROL BA YIN TE, DGONGS PA THAMS CAD NGES PAR 'GREL PA'I PHYIR RO, ,DE LA DGA' BA CAN GYI LE'U LNGAR NI YONGS SU GROL BA YIN LA LHAG MA RNAMS CI RIGS PAR LE'U GZHAN DAG LA SBYOR RO, ,DE LTAR

89b

NA RTZA BA'I RGYUD KYI CHA SHAS BZHI'I NGAG BZHI GANG DAG YIN PA NI YAN LAG RNAM PAR 'THOR BA PHAN TSUN LTOS PA CAN YIN PAS NA GZHAN GYI RE RE SDUD PAR BYED PA YIN ZHING GZHAN GYI DON MA LUS PAR BSDU BA'I PHYIR RTZA BA'I RGYUD NI NGAG GCIG YIN NO, ,DE GSAL BAR BYED PA NI RGYUD PHYI MA STE, DE GNYI GA NI BSTAN PA DANG BCAS PA DE NYID KYI'O, ,RGYUD KYI 'GREL PA GNYI GA DAG LA YANG PHAL CHER DE RJOD PAR BYED PA'I GZHUNG YIN PAS NA DE SKAD CES BYA'O, ,RNAL 'BYOR ZHUS PA'I LAN GSUNGS PA, THABS DANG ZHES BYA BA LA SOGS PA LA, THABS DANG SHES RAB SNYOMS PAR 'JUG PA'I RAB TU SBYOR BA RNAL 'BYOR YIN TE, PHUL DU BYUNG BA'I SHES PA NI SHES RAB PO, ,GANG ZHIG NI GANG YANG RUNG BA'I SHES PA DNGOS MED PA NI RIG BYA DANG RIG PA GNYIS SU BYAR MED PA'O, ,DNGOS MED PA DE NYID SHES RAB TU BRJOD LA DE NYID 'DIR BYE BRAG TU MTHONG BAS NA LHAG MTHONG STE, DGA' BA'I YUL YIN PAS DGA' MA YANG YIN TE YUL DANG YUL CAN DBYER MED PAR GYUR PAS SO, ,SHES RAB NYID RIG PA DANG SHES BYA ZHES KYANG BYA'O, ,NYE BAR SONG BA NI THABS TE SEMS DER NYE BAR 'JUG PA'O, ,DE YANG DNGOS PO'I MTSAN NYID SEMS DE KHO NAR GYUR PA NI PHRA MO NYID LAS MI 'PHRO BA SEMS DER GYUR PA KHO NA STE BRTAN ZHING MI G-YO BAS SO, ,DE NYID NI ZHI GNAS TE GYUR PA PO GUD NA MED PA'I PHYIR SEMS NYID THABS YIN LA SKYES BU DANG YE SHES KYANG YIN NO, ,RIG BYA DANG RIG PA PO DANG SEMS LAS BYUNG BA DANG SEMS DE NYID DBYER MED PAR GYUR PA NI THABS DANG SHES RAB SBYOR BA STE RNAM 'BYOR RO; ,RGYUD KYI DRI BA ZHUS PA'I LAN NI RGYUD NI ZHES BYA BA LA SOGS PA GSUNGS PA LA RGYUD NI RGYUN RGYAS PA'O, ,DE NI RGYUD DE SKAD KYI DBYINGS LA RGYUD NI RGYAS PA ZHES 'BYUNG BA'I PHYIR RO, ,RGYUN YANG DE YIN LA DE YANG YIN PAS NA RGYUN TE DE NI RNAM PA GSUM DU 'GYUR TE RAB TU DBYE BA LAS SO, ,JI LTAR RAB TU DBYE BA LAS YIN ZHE NA, GZHI DANG DE BZHIN RANG BZHIN DANG, ,SPANG DU MED PA YIS ZHES BYA BA STE, DE LAS 'BYUNG GNAS RANG BZHIN RGYU YIN TE, 'GRO BAR BYED CING 'BRAS BU NYID THOB PAR BYED PAS NA RGYU STE, SA BON ZHES BYA BA'I DON TO, ,DE NI RANG BZHIN YIN TE, GTZO BO'I RGYU NYID YIN PA'I PHYIR RO, ,

90a

, ,DE YANG GANG YIN ZHE NA, DE 'BYUNG GNAS TE THOG MA'I RGYU ZHES BYA BA'I DON TO, ,BYANG CHUB KYI RGYU DANG PO GANG YIN ZHE NA, THOG MA DANG THA MA MED PA CHOS KYI DBYINGS 'DI NI BYANG CHUB KYI SEMS SO, ,DE BZHIN SPANG MED 'BRAS BU STE BAG CHAGS DANG BCAS PA'I SGRIB PA THAMS CAD SPANGS PA'I PHYIR RANG GI RANG BZHIN DU GNAS PA'I CHOS KYI DBYINGS KYI 'BRAS BU DE NI SPANG DU MED PA YIN TE, SPANG BAR BYA BA'I SGRIB PA DE'I TSE SHIN TU MED PA'I PHYIR RO, ,GZHI NI THABS ZHES BYA BA STE, RANG BZHIN LAS RGYU GZHAN NI THABS YIN NO, ,DE NI GZHI YIN TE DE LA GNAS PA'I RNAL 'BYOR PAS 'BRAS BU THOB PA'I PHYIR RO, ,GSUM GYIS RGYUD KYI DON BSDUS TE, RGYU DANG 'BRAS BU THABS KYI RGYUD GSUM NYID KYIS RGYUD KYI DON MA LUS PAR BSDUS PA YIN NO, ,THABS NI SNGAGS DANG PHYAG RGYA LA SOGS PA'I DBYE BAS RGYUN DANG LDAN PA'I PHYIR THABS KYI RGYUD DU RIGS PA MA YIN NAM, RGYU NI CHOS KYI DBYINGS NYID YIN LA DE YANG GCIG NYID YIN PA DE LTAR NA, RGYUN MED PA'I PHYIR RGYU'I RGYUD RIGS PA MA YIN LA DE NYID KYI PHYIR 'BRAS BU'I RGYUD KYANG RIGS PA MA YIN NO ZHE NA, 'DIR RIGS NI ZHES BYA BA LA SOGS PA GSUNGS PA LA RIGS KYI SGRA NI THAMS CAD LA SBYAR BAR BYA STE, RIGS DANG RUS DANG RGYUD DANG SA BON DANG RGYUD DANG KHAMS DANG BLA MA DANG THOG MA DANG 'BYUNG GNAS DANG RANG BZHIN ZHES BYA BA NI RNAM GRANGS YIN NO, ,RIGS LNGA NI GTI MUG DANG ZHE SDANG DANG NGA RGYAL DANG 'DOD CHAGS DANG PHRAG DOG CES BYA BA RIGS LNGA PO DAG GO, ,RIGS GSUM DAG NI GTI MUG DANG ZHE SDANG DANG 'DOD CHAGS ZHES BYA BA RIGS GSUM PO DAG GO, ,NGO BO NYID GCIG RIGS NI RANG BZHIN NGO BO NYID DE RANG BZHIN RO GCIG TU 'JUG PA DE NI RIGS GCIG CES BYA BA'I DON TO, ,RIGS BRGYA ZHES BYA BA NI RIGS MTHA' YAS PA YIN TE, SANGS RGYAS KYI CHOS RNAMS NI RE RE ZHING RAB TU MTHA' YAS PA NYID KYI PHYIR RO, ,RIGS KYI RAB TU DBYE BA GSUNGS PA DE NI ZHES GSUNGS PA'O, ,BYANG CHUB RDO RJE NI RNAM PAR DAG PA'I MTHAR THUG PA NA BYANG CHUB KYANG DE YIN LA, BYANG CHUB KYI SEMS KYI RANG BZHIN NYID YIN PA'I PHYIR RDO RJE YANG YIN PAS NA BYANG CHUB DRO RJE STE DE NYID NI CHOS KYI DBYINGS SO, ,DE NI KHYAD

90b

PAR DE DANG BCAS PAR GSUNGS PA STE, RIGS LNGA LA SOGS PA GSUNGS PA'O, ,DE'I PHYIR YANG DE NI BLA MA'I RGYUD DU 'DOD DO, ,DE'I KHYAD PAR DE DAG BCAS PAR GSUNGS PA DE NI RGYU'I RGYUN GYI RANG BZHIN CAN NYID YIN PA'I PHYIR RGYUD BLA MA STE RGYU'I RGYUD CES BYA BA'I DON TO, ,DE SKAD DU YANG DPAL MCHOG DANG PO LA SOGS PA LAS, RGYUD NI RGYUN ZHES BYA BAR BSHAD, ,BLA MA NYID NI THOG MAR BRJOD, ,DE NYID GSANG BA GSANG CHEN NI, ,BLA MA'I RGYUD NI YIN PAR 'DOD, ,CES GSUNGS SO, ,JI LTAR 'PHAGS PA'I RIGS GCIG LA NYAN THOS LA SOGS PA'I DBYE BAS RNAM PA GSUM DU BYED PAR 'GYUR BA DE BZHIN DU BYANG CHUB SEMS DPA'I RIGS GCIG LA RIGS LNGA LA SOGS PA'I DBYE BAS SO, ,DE SKAD DU YANG, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,BRTEN PA'I CHOS KYI BYE BRAG GIS, ,DE YI DBYE BA RAB TU BRJOD, ,CES GSUNGS SO; ,GTI MUG GTZO BOR GYUR PA'I BYANG CHUB SEMS DPA'I CHOS RNAMS KYI GNAS SU GYUR PA'I RIGS NI GTI MUG GI RIGS SO, ,ZHE SDANG GTZO BOR GYUR PA RNAMS KYI NI ZHE SDANG GI RIGS TE, DE BZHIN DU GZHAN DAG LA YANG SBYAR BAR BYA'O, ,RGYU'I RGYUD NYID RNAM PAR DAG PA'I MTHAR THUG PA YANG 'BRAS BU'I RGYUD YIN NO ZHES BYA BA DE YANG MI RIGS PA MA YIN NO, ,RGYUD KYI DON ZHUS NAS RGYU'I RGYUD KYANG GSUNGS LA, DE YANG RIGS LNGA LA SOGS PA YIN NO ZHES NGES PAR MDZAD NAS TSIGS SU BCAD PA NYIS KYI DE KHO NA NYID NI RNAM PA DU, RIGS KYI GSANG BA NI RNAM PA DU, RIGS KYI GSANG CHEN NI GANG LAGS, RIGS KYI DAM PA NI RNAM PA DU ZHIG MCHIS ZHES 'DRI BA'I ZHU BA BZHI BO BYAS PA DE LA DE NYID CES BYA BA LA SOGS PA GSUNGS TE, DE NYID RNAM PA LNGA GANG YIN PA DE RGYUD THAMS CAD KYIS BSDUS PA PHRA BA NYID YIN PA'I PHYIR RO, ,GSANG BA RNAM GSUM NI DE SHIN TU PHRA BA NYID YIN PA'I PHYIR RO, ,LHA RNAMS KYI BDAG PO LHAG PA'I LHA'I RANG BZHIN NI BCOM LDAN 'DAS SO, ,DE NI GSANG CHEN TE SHIN TU RAB TU PHRA BA NYID KYI PHYIR RO, ,RIGS RNAM PA BRGYA NI RIGS KYI RANG BZHIN SNA TSOGS PA'O, ,DE NI DAM PA STE MTHA' YAS PA NYID KYI PHYIR RO, ,DE DE LTAR NA DRI BA'I ZHU BA DGU PO DANG LAN GYI

91a

, ,RNAL 'BYOR GYI RGYUD GSANG BA 'DUS PA YIN NO ZHES BYA BA'I SPYI'I DON YANG DAG PAR PHYE BA YIN NO, ,GZHUNG GZHAN NI YAN LAG GI DON JI LTAR SBAS PA RNAMS RAB TU DBYE BA'I PHYIR RO, ,DE LA DANG POR LE'U DANG PO LA SBAS PA'I TSIG GI DON RNAMS ZHUS PA NI, BYANG CHUB SEMS ZHES CI LA BGYI, ,ZHES BYA BA LA BRTZAMS TE, DE BZHIN BIGHAN'ANTA KRi TA CI ZHES BYA BA'I BAR DU'O, ,DE LA BYANG CHUB KYI SEMS KYI DON NI THOG MA THA MA ZHES BYA BA LA SOGS PA GSUNGS TE, THOG MA NI SKYE BA YIN LA THA MA NI 'JIG PA YIN NO, ,DE DAG MED PA'I PHYIR THOG MA DANG THA MA MED PA STE, CHOS KYI DBYINGS SEMS KYI RANG BZHIN YIN LA DE NYID NI BYANG CHUB KYI SEMS YIN NO, ,DE'I PHYIR RDO RJE 'CHANG GI DON GYIS NA THOG MA DANG THA MA MED PA'O, ,SEMS LA MA GTOGS PA'I DON DU RTOG PA THAMS CAD NYE BAR ZHI BA'I PHYIR RNAM PAR SNANG MDZAD KYI DON GYIS NA ZHI BA'O, , CHOS DANG CHOS NYID KYI RGYU MTSAN RNAMS NUB PA'I PHYIR MI BSKYOD PA'I DON GYIS DNGOS DANG DNGOS MIN ZAD PA'O, ,CHOS KYI DBYINGS TZAM GYI BDAG NYID DANG SANGS RGYAS THAMS CAD DBYER MED PAR MTHONG BA'I PHYIR RIN CHEN 'BYUNG LDAN GYI DON GYIS NA KHYAB BDAG STE THAMS CAD DU 'GRO BA'O, , MTSAN GZHI DANG MTSAN NYID LA DGA' BA RNAMS RNAM PA THAMS CAD DU STONG PA NYID DU YONGS SU GCOD PA'I PHYIR 'OD DPAG TU MED PA'I DON GYIS NA STONG PA NYID MI PHYED PA'O, ,SNA TSOGS KYI DON MDZAD PA'I PHYIR DON YOD PAR GRUB PA'I DON GYIS NA SNYING RJE MI PHYED PA'O, ,BYANG CHUB KYI SEMS KYI DON 'DI YANG LE'U DANG POR SANGS RGYAS LNGA RNAMS CHOS NYID DANG LHAN CIG THUGS KAR ZHUGS PA DANG DE ZHU BA DANG DKYIL 'KHOR DU ZHU BA DANG, LONGS SPYOD PA PO DANG, LONGS SPYOD PAR BYA BA DANG, LONGS SPYOD ZHU BA DANG 'OD ZER SPROS PAS SNA TSOGS DBANG BSKUR BAR SHES PAR BYA'O, , BYANG CHUB KYI SEMS DE NYID LAS RIG PA'I SKYES BU 'BYUNG BAR GSUNGS PA YIN NO, ,DE'I PHYIR DE ZHUS PA'I DE MA THAG TU LAN SKU ZHES BYA BA LA SOGS PA GSUNGS SO, ,TSIGS BCAD PHYED PHYI MAS NI NGES TSIG BSTAN TE, LHAN CIG CES PA NI GSUM PA'O, ,RIG PAR LDAN PA ZHES PA

91b

NI DON GYIS NA SKYES BU LA BYA'O, ,RIG PA DANG LHAN CIG PA'I SKYES BU NI RIG PA'I SKYES BU STE, BAR GYI TSIG MI MNGON PA'O, ,PHYED SNGA MA NI 'DI'I RIG PA STE, MI PHYED PA NI 'DIR BYANG CHUB KYI SEMS SU THAMS CAD ZHU BAR GYUR PA GANG YIN PA'O, ,GANG GIS MI PHYED CE NA, SKU GSUNG THUGS KYI RDO RJE YIS TE, RDO RJE NI DE BZHIN NYID DO, ,SANGS RGYAS RNAMS KYI SKU GSUNGS THUGS DANG DE BZHIN NYID CES ZLAS PHYE LA ZHU BAR MI PHYED PA'O ZHES BSDU BA'O, ,PHYE BA'I NGO BOS ZHES PA NI DE DAG NYID PHYE BA'I RIGS PAS RIG PA DANG SKYES BUR PHYE BAS TE, SANGS RGYAS RNAMS KYIS DE BZHIN NYID NI RIG PA STE, DE YANG RIG BYA'I CHA'O, ,RIG PA PO'I CHA NI SKYES BU'O, ,DE SKU GSUNGS THUGS PHYE BA LAS NI GNYI GA'I ZHAL GSUM MO, ,MI PHYED PAR NI DON DAM PAR TE DES NA DE DANG LDAN PA'O, ,RIG PA'I SKYES BU DE NYID KYIS DKYIL 'KHOR PHYUNG BA YIN NO, ,DE LA SNGAGS BCU GSUM DANG RIGS LNGA BTZUN MO'I PHUN SUM TSOGS PA ZHES BYA BA'I SDOM PA GNYIS KYI DBANG DU MDZAD NAS 'DRI BA'I ZHU BA NYI SHU RTZA DRUG BYAS PA YIN NO, ,DE LA CI ZHES BYA BA'I SGRA BCO LNGA NI 'DRI BA BCO LNGA DANG, RIGS 'DIR DE BZHIN GANG ZHIG LAGS, ,ZHES BYA BA GCIG NYID KYIS BCU GCIG GO, ,RIGS ZHES BYA BA LA SOGS PA'I SGRAS SDOM GYI TSIGS SU BCAD PA LA GANG ZHIG LAGS ZHES PA NI THUN MONG DU SGRA GCIG YIN GYI BYE BRAG TU NA BCU GCIG GO, ,DON GYI RIGS NI CI, ZHE SDANG NI GANG, GTI MUG NI GANG, 'DOD CHAGS NI GANG, YID BZHIN GYI NOR BU NI GANG, DAM TSIG CES PA NI GANG, NGA RGYAL NI GANG, DREGS PA'I DON NI GANG, PHRAG DOG NI GANG, THAR PA NI GANG, 'DOD PA NI GANG ZHES BYA BA 'DI YIN NO, ,YANG NA ZHU BA NYI SHU RTZA BDUN YIN TE, DE BZHIN DU BIGHAN'ANTA KRiTA BI ZHES PA DE LA, DRI BA GNYIS SU BYAS TE BIGHAN'ANTA KRiTA PA ZHES PA DANG, DE BZHIN BI ZHES PA'O, ,DE BZHIN ZHES PA NI DE DAG DANG 'DRA BAR DKYIL 'KHOR PA GZHAN DAG GI MING JI LTA BU ZHES PA'I DON TO, ,DE LA DANG POR ZHUS PA'I BADZRA DHRiK GI SNGAGS KYI DON GSUNGS PA, RIG PA LNGA DANG ZHES BYA BA LA SOGS PA LA, RIG PA LNGA NI MTSAN MA RNAMS TE, ZHI GNAS SO, ,RIG BYA NI LHAG MTHONG STE, DE YANG RNAM PA LNGA'O, ,BCU PO DE DAG

92a

, ,GCIG TU GYUR PA NI RDO RJE ZHES BSHAD DO, ,DE NYID MCHOG TU BRTAN PA'I PHYIR DANG MCHOG TU PHRA BA'I BSAM GTAN GYI BDAG NYID YIN PA'I PHYIR RDO RJE'O, ,DE NYID 'DZIN PA STE BYANG CHUB KYI SEMS BRTAN PAR BYED PA'I PHYIR DHRiK CES BSHAD DE, BADZRA YANG YIN LA DHRiK KYANG YIN NO, , ZHES BYA BAR DGONGS SO, ,DE CI ZHIG CE NA, YID CES BYA BA SMOS TE RNAM PAR SHES PA'O, ,RIG PA DANG RIG BYA'I SHES PA BCU PO'I TSOGS RNAM PAR SHES PA'I PHUNG PO'O, ,DZI NA DZIK GI SNGAGS KYI DON GSUNGS PA YOD DANG MED PA ZHES BYA BA LA SOGS PA LA LUS ZHES BYA BA NI SNGAR THAL BA'I YID CES BYA BA DANG SBYAR TE, DES NA YID KYI LUS SO, ,SEMS CAN KUN ZHES BYA BA NI SNGAGS KYI LHA THAMS CAD DO, ,YANG DE CI ZHE NA, GDAN RNAM PA LNGA LA GNAS PA'I SNGAGS RNAM PA LNGA'O, ,CI 'DRA ZHIG CE NA, 'BYUNG BA DANG 'BYUNG BA LAS GYUR PA LAS BYUNG STE, SA LA SOGS PA'I 'BYUNG BA LNGA YANG DAG PAR BSDUS PAS NA 'BYUNG BA NI PADMA'O, ,MIG LA SOGS PA'I 'BYUNG BA LAS GYUR PA RNAMS YANG DAG PAR BSDUS PA'I PHYIR, 'BYUNG BA LAS GYUR PA NI RDO RJE'O, ,YUL DRUG PO YANG DAG PAR BSDUS PA'I CHOS KYI DBYINGS KYI ZLA BA YANG 'BYUNG BA STE DON DAM PA YIN PA'I PHYIR RO, ,DE LA GNAS PA'I YID SNA TSOGS PA YANG 'BYUNG BA LAS GYUR PA STE, CHOS KYI DBYINGS LA DMIGS PA'I PHYIR RO, ,DE DAG LAS 'BYUNG BA 'DI LA YOD PAS NA DE LAS BYUNG NGO, ,JI LTAR ZHE NA, RDO RJE'I SGO LAS PADMA'I NANG DU GDAN DANG BCAS PA'I SNA TSOGS PA LAS BYUNG BA'I DER CHUD PA RNAMS SO, ,YOD DANG MED DANG DBUS LAS 'DAS PA LA, GNYIS KYI RANG BZHIN DU MED PAS NA YOD PA LAS 'DAS PA'O, ,RNAM PAR RIG PA'I RANG BZHIN DU YOD PAS NA MED PA LAS 'DAS PA'O, ,RES 'GA' GNYIS KYI RANG BZHIN DU YOD LA RES 'GA' MED PA MA YIN PAS NA DBUS LAS 'DAS PA'O, ,DE LTA BU'I YID NI DZIK STE, RGYAL BA ZHES BYA BA NI RGYAL BA RNAMS KYI'O, ,DE RNAMS KYI SKYE BA NI SKYE BAR GYUR PA'O, ,DE BAS NA YID KYI LUS NI SEMS CAN KUN GYI LUS YIN LA LUS KYANG GZUGS YIN TE, DE'I PHYIR DON GYI GZUGS KYI PHUNG PO ZHES BYA BAR 'GYUR RO, ,RATNA DHRiK CES BYA BA'I SNGAGS KYI DON GSUNGS PA, DON RNAMS

92b

THAMS CAD CES BYA BA LA SOGS PA LA, SEMS NI RIN PO CHE ZHES BYA BA NI DAM PA YIN PA'I PHYIR DANG YID BZHIN GYI NOR BU DANG MTSUNGS PA'I PHYIR SEMS NI RIN PO CHE'O, ,JI LTAR ZHE NA DON RNAMS ZHES BYA BA LA SOGS PA SMOS TE, MNYAM PA'I ROR YANG DAG PAR BSDUS TE 'BYUNG BA 'DI LA YOD PAS NI YANG DAG 'BYUNG NGO, ,GANG DANG LHAN CIG CE NA, DON RNAMS DANG STE BSGRUB PAR BYA BA NYID DANG 'DOD PAR BYA BA YIN PAS NA DON TO, ,BDE BA DANG YID BDE BA'O, ,THAMS CAD CES PA NI SNA TSOGS PA STE, DUS GSUM GYI SANGS RGYAS RNAMS KYI SKU DANG 'DOD PA DANG BCAS PA THAMS CAD CES BYA BA'I DON TO, ,DE BAS NA DON ZHES BYA BAS NI DUS GSUM GYI SANGS RGYAS RNAMS KYI SKU'I TSOR BA YANG BSDUS SO, ,TSOR BA POS TSOR BA ZHES BYA BA NI SKU DANG GSUNG DANG THUGS KYI TSOR BA PO DANG BCAS PA'I BDE BA DANG YID BDE BA'I TSOR BA'O, ,NGES PA ZHES BYA BA NI BRTAN ZHING RTAG PA STE, DES NI DHRiK GI DON BSHAD PAR 'GYUR TE, DHRiK DA DHRiK CES BYA BA'I DON GCIG PA NYID YIN PA'I PHYIR DANG, 'JIG PA MED PA LA 'JUG PA'I PHYIR RO, ,RATNA YANG YIN LA DHRiK KYANG YIN PAS NA RATNA DHRiK GO, ,TSOR BA ZHES BYA BA NI TSOR BA'I PHUNG PO STE, DE BZHIN GSHEGS PA THAMS CAD KYI BDE BA DANG YID BDE BA BSDUS PA'I PHYIR RO, ,YID CES BYA BA NI SNGAR BSHAD PA BZHIN NO, ,A'A RO LI KA GI SNGAGS KYI DON GSUNGS PA MTSAN GZHI ZHES BYA BA LA SOGS PA THAMS CAD DU ZHES BYA BA NI DRUG PA'I DON GYI BSDU BA'O, ,MTSAN NYID KYI GNAS SU NI GSUM PA SBYAR LA MTSAN GZHI'I GNAS SU NI DRUG PA SBYAR RO; ,DE'I DON NI 'DI YIN TE, MTSAN GZHI THAMS CAD KYI MTSAN NYID KUN GYI ROL PA KUN YIN PA DE NI, A'A RO LI KA CES BSHAD PA YIN TE, 'DI LTAR A'A ZHES BYA BA NI A'ANG STE MA LUS PA'I DON YIN LA, DE NI RO DANG LI DANG KA RNAMS SO SO DANG SBYAR RO, ,RA NI ROL PA STE, A'A AOR BYAS PAS RO'O; ,LA NI MTSAN NYID DE A'A AIR BYAS PAS NA LA'O, ,KA NI MTSAN GZHI STE, A'A RO LIK GO, ,DE LA MTSAN GZHI NI DUS GSUM GYI SANGS RGYAS RNAMS KYI SKU DANG GSUNG DANG THUGS SO, ,MTSAN NYID NI DE RNAMS KYI MING NGO, ,ROL PA NI MTSON PA'I 'DU SHES TE, DES DE DAG YONGS SU GCOD

93a

, ,PA'I BLO'O, ,DE DAG MA LUS PAR DBYER MED PA BRJOD PA BSTAN PA'I PHYIR MTSAN GZHI MTSAN NYID CES BYA BA LA SOGS PA SMOS TE, MTSAN NYID KYI SGRA NI DNGOS PO DANG BYED PA SGRUB PA LAS GCIG LUS PA YIN NO, ,MTSAN GZHI DANG MTSAN NYID DANG ROL PA RNAMS KYI DNGOS PO NI DE KHO NA NYID DE MNYAM PAS NA DBYER MED PA'O, ,NI ZHES BYA BA NI NGES PAR GZUNG BA'I DON TE DBYER MED PA KHO NA YIN GYI THA DAD PA NI MA YIN NO ZHES BYA BA'I DON TO, ,DE LA SKU DBYER MED PA NI SKU'I GSANG BAR RO, ,THUGS NI THUGS KYI GSANG BAR RO, ,GSANG BA RNAMS DBYER MED PA NI GSANG BA RNAMS BSDUS PA'I NOR BUR RO, ,GSANG BA RNAMS KYI MING NI, AOm A'A: H'Um DU'O, ,DE RNAMS KYI DBYER MED PA NI SA BON DE DAG NYID BSDUS PA'I RANG GI LHA'I SA BON GYI NOR BUR RO, ,MTSAN GZHI NI MTSAN NYID KYIS BSDUS SO, ,MTSAN NYID NI ROL PAS BSDUS SO, ,DE NYID KYI PHYIR 'DU SHES BSDUS PA YIN PAS NA 'DU SHES KYI PHUNG PO'O ZHES DON GYIS SHES PAR BYA'O, ,PRADZNY'A DHRiK GI SNGAGS KYI DON GSUNGS PA RNAM SHES ZHES BYA BA LA SOGS PA LA RAB MTHAR PHYIN ZHES BYA BA NI RAB TU SONG BA STE, BTANG ZHING SPROS PA ZHES BYA BA'I DON TO, ,KHYAB PA'I SHES PA YIN PAS RNAM SHES TE, DE GANG YIN PA SHES RAB YIN PAR BCOM LDAN 'DAS KYIS GSUNGS PA'O, ,DE DAG LAS YI GE GNYIS GZUNG ZHES BYA BAR DGONGS SO, ,JI LTA BU'I RNAM PAR SHES PA ZHE NA, SEMS DPAS 'DZIN PA ZHES BYA BA STE, SEMS DPA' NI SEMS MNGON PAR 'DU BYED PA'O, ,DES 'DZIN PA NI 'BAD PA DANG BCAS PAS YUN RING DU NYE BAR GZHAG PA YIN GYI RANG GI NGANG GIS NI MA YIN NO, ,DE NYID KYIS NA 'DU BYED CES BYA BA SMOS TE 'DU BYED KYI PHUNG PO'O, ,DES SHES RAB 'DZIN PAS NA PRADZNY'A DHRiK CES BYA BAR BSHAD DO, ,'DI LTAR SEMS DPA' NYID DU BYED DE, JI SKAD DU 'DU BYED GANG ZHE NA, SEMS DPA'O ZHES GSUNGS PA'I PHYIR RO, ,SEMS DPA' YANG GCIG GIS SHES RAB 'DZIN PA MA YIN TE, 'O NA CI ZHE NA, SEMS DPA'I TSOGS KYIS TE, DE'I PHYIR 'DU BYED KYI PHUNG PO NI SHES PA 'DZIN PA'O, ,RIGS KYIS DRI BA'I LAN BSTAN PA'I PHYIR RIGS NI ZHES BYA BA LA SOGS PA SMOS TE, RGYUD CES BYA BA

93b

NI RIGS RNAM PA LNGA RNAMS KYI THOG MA STE, 'DI NI BSTAN PA'O, ,PHYED PHYI MA NI NYE BAR BSTAN PA STE, MI SKYE MI 'JIG CES BYA BA NI CHOS KYI DBYINGS YIN PAR BSTAN PA'O, ,DE'I DBYE BA NI RNAM PA LNGA ZHES BYA BA'I DON TO, ,DE NYID NI MGON PO STE, DE LA DMIGS PAS SANGS RGYAS LA SOGS PA'I GO 'PHANG THOB PAR BYED PA'I GTZO BO YIN PA'I PHYIR RO, ,SDOM GYI TSIGS SU BCAD PA LAS DE BZHIN ZHES 'BYUNG BA NI, JI LTAR 'DOD CHAGS LA SOGS PA'I NYON MONGS PA BZHIN DU YID BZHIN GYI NOR BU DANG DAM TSIG KYANG NYON MONGS PAR GZUNG BA STE, GO RIMS BZHIN DU DREGS PA DANG, NGA RGYAL DANG PHRAG DOG CES BYA BA'I DON TO, ,DE BAS NA NYON MONGS PA DRUG GI DRI YIN LA LAN NI RIG BYA ZHES BYA BA LA SOGS PA TSIGS SU BCAD PA PHYED DANG GSUM GYIS GSUNGS TE, RNAM PAR SHES PA ZHES BYA BA NI RNAM PAR SHES PA'I PHUNG PO STE MI BSKYOD PA'O, ,SDANG BA NI 'JOMS PA STE, GNYEN PO'I PHYOGS ZHES BYA BA'I DON TO, ,GANG GI ZHE NA, RIG BYA RIG BYED GNYIS KYI STE, ,DRUG PA'I DON GYI GSUM PA'O, ,DE DAG SUN 'BYIN PAR BYED PAS NA SDANG BA'O, ,GZHUNG KHA CIG LAS NI GNYIS KYI BLO ZHES 'BYUNG NGO, ,DER YANG ZHE SDANG ZHES BYA BA DANG SBYAR TE, RIG BYA RIG BYED GNYIS KYI BLO LA ZHE SDANG BA ZHES BYA BA'I DON TO, ,DE BAS NA GNYIS KYI MI MTHUN PA'I PHYOGS YIN PAS RNAM PAR SHES PA'I PHUNG PO NI ZHE SDANG NGO, ,BEMS PO ZHES BYA BA LA SOGS PA LA GZUGS NI PHUNG PO STE, RNAM PAR SNANG MDZAD DO, ,BEMS PO NI RMONGS PA STE, SKYES BU GLEN PA BZHIN NO, ,BCINGS PA NI 'CHANG BA STE RAL PA BCINGS PA BZHIN NO, ,DES NA GZUGS NI PHUNG PO STE, BZUNG BAS STONG PAR 'DOD PA'I PHYIR RO, ,BEMS PO'I GZHIR GYUR PAS NA BCINGS PA STE, DE'I PHYIR GZUGS KYI PHUNG PO NI GTI MUG GO, ,BDAG TU ZHES PA LA SOGS PA LA TSOR BA'I PHUNG PO STE RIN CHEN 'BYUNG LDAN NO, ,DE NI DREGS PA DANG NGA RGYAL YIN PAR BSHAD DO, ,JI LTAR ZHE NA, BDAG TU RLOM PA'I RANG BZHIN PAS, ,ZHES BYA BA SMOS TE, BDAG TU RLOM PA NI NGA RGYAL LO, ,RANG BZHIN NI DREGS PA STE, 'DI LTAR RANG GI PHUN SUM TSOGS PA NYID DU GNAS SHING DER CHAGS PAS GZHAN DU MI 'GRO BA STE DES NA DREGS PA'O, ,JI

94a

, ,SKAD DU RANG GI CHOS LA ZHEN PA'I SEMS KYIS GZHAN DU MI 'JUG PA NI DREGS PA'O ZHES GSUNGS PA'O, ,AOm DHARMA DH'A TU SVA BH'A BA A'ATMA KO&HAm ZHES BYA BAS BDAG GI SEMS DANG DE BZHIN GSHEGS PA'I THUGS MNYAM PA NYID YIN NO ZHES SEMS GZENGS BSTOD PAS NGA RGYAL TE, SEMS GZENGS BSTOD PA'I MTSAN NYID NI NGA RGYAL YIN NO, ,DE BAS NA TSOR BA'I PHUNG PO NI DREGS PA DANG NGA RGYAL LO, ,DNGOS LA ZHES BYA BA LA SOGS PA LA 'DU SHES NI 'DU SHES KYI PHUNG PO STE, SNANG BA MTHA' YAS SO, ,DE NI KUN CHAGS TE YANG DAG PA'I 'DOD CHAGS SO, ,DE CI ZHIG CE NA BDAG NYID DE SEMS SO, ,JI LTA BU ZHE NA, DNGOS LA STE DON DAM PA LA'O, ,CHAGS PA NI KUN DU ZHEN PA YIN LA DE'I MTSAN NYID NI CHAGS PA'I MTSAN NYID DE 'DOD CHAGS SO, ,RTOG PA ZHES BYA BA LA SOGS PA LA 'DU BYED NI 'DU BYED KYI PHUNG PO'O, ,DE YANG DON YOD GRUB PA STE, DE NI PHRAG DOG GO, ,JI LTAR ZHE NA, RTOG PAS STONG PA'I BDAG NYID DE RTAG TU ZHES BYA BA NI YANG DANG YANG DU'O, ,RTOG PA ZHES BYA BA NI 'DZIN PA YANG DAG PAR MTSON PA'O, ,GTONG BA NI YANG DANG YANG DU GTONG BA STE, RTOG PAR GYUR PAS, YANG DANG YANG DU SPRO BAR BYED, ,CES BYA BA'I DON TO, , BDAG NYID CES BYA BA NI RANG RANG GI NGO BO STE, 'KHOR LO DANG PADMA LA SOGS PA SPRO BA'O, ,DE LTAR STONG PA'I AI RA DANG YANG DAG PAR MTSON PA'I SHA DANG, BDAG NYID KYI AA RNAMS NI LHAG MA PHYI BAS PHRAG DOG CES BYA BAR 'GYUR RO, ,DE'I PHYIR 'DU BYED KYI PHUNG PO NI PHRAG DOG GO, ,YID BZHIN NOR BU DANG DAM TSIG DANG 'DOD PA DANG THAR PA RNAMS DRIS PA'I LAN BYANG CHUB SEMS DPA' ZHES BYA BA LA SOGS PA'I TSIGS SU BCAD PA PHYED DANG GNYIS KYIS GSUNGS TE, BYANG CHUB NI BDE BA'I PHRA MO'O, ,SEMS NI SEMS KYI PHRA MO STE, BYANG CHUB DANG RO GCIG PA'I SEMS NI BYANG CHUB SEMS SO, ,'DOD PA THAMS CAD KYI GDAN DANG BCAS PA'I SNA TSOGS PA'I NGO BO NYID DE DUS GSUM GYI SANGS RGYAS RNAMS KYI SKU'I BDAG NYID YIN PA'I PHYIR RO, ,DANG PO NYID KYI BYANG CHUB KYI SEMS NI SEMS KYI RIN PO CHE ZHES BYA BA'I DON TO, ,DE NI SRID PA LAS KUN 'BYUNG YIN NO, ,YID LAS BYUNG BAS NA SRID PA STE GSUM

94b

MO, ,SRID PA LAS BYUNG BA 'DI LA YOD PAS SRID PA LAS BYUNG STE, CI ZHIG CE NA, THAMS CAD DE 'GRO BA RNAMS ZHES BYA BA'I DON TO, ,DE BAS NA YID BZHIN GYI NOR BU DANG CHOS MTHUN PA'I PHYIR YID BZHIN NOR BU'O, ,SEMS DE NI 'DOD PA ZHES KYANG BYA'O, ,JI LTA BU ZHIG CE NA, 'DOD CHAGS ZHES BYA BA LA SOGS PA SMOS TE, 'DOD CHAGS LA SOGS PA'I RANG BZHIN DANG LDAN PA'O, ,SNA TSOGS NI BDAG NYID KYIS KHYAB PAR SPRO BA'I PHYIR TE, DE LTAR NA YID LAS BYUNG BAS NA 'DOD PA YIN LA 'DOD PA GANG YIN PA DE NI DAM TSIG KYANG YIN TE, KUN DU 'GRO BA YIN PA'I PHYIR RO, ,DE NYID KYI PHYIR SNA TSOGS SNANG BAS NA ZHES BYA BA GSUNGS TE, RNAM PA SNA TSOGS KYIS KUN DU RTOGS SHING GSAL BA'O, ,SNA TSOGS KYIS YE SHES 'BAD PA DANG BCAS PA DE NYID NI LAS LA SKYES PA ZHES BYA BA LA DE NYID RTAG TU GYUR PA NI MNGON SUM DU GYUR PA ZHES BRJOD DO, ,DE NYID 'BRAS BU ZHES BYA BA THAR PA ZHES BYA'O, , DE LTAR BYAS NA 'DOD PA LAS THAR PA NI 'DOD PA DANG THAR PA ZHES BSTAN PAR 'GYUR RO, ,SDOM DANG BCAS PA'I MO HA RA T'I LA SOGS PA'I SNGAGS KYI DBANG DU BYAS PA'I DRI TSIG DRUG PO RNAMS KYI LAN TSIGS SU BCAD PA NYID KYIS BSTAN PAR BYA BA'I PHYIR CHOS RNAMS ZHES BYA BA LA SOGS PA SMOS TE, CHOS RNAMS NI SHES BYA DANG SHES PA RNAMS SO, ,GNYIS MED YE SHES KYI NGA RGYAL ZHES BYA BA NI YE SHES TZAM DU GNYIS SU MED PAR NGES PA'O, ,DE NI GTI MUG STE GNYIS SU MI SHES PA'I PHYIR RO, ,PHAN TSUN 'DZER BA ZHES BYA BA NI RDO RJE DANG PADMO 'DUS PA'O, ,DE NI ZHE SDANG STE GNYIS 'BYOR PA'I YI GE RNAMS LAS AA YANG DANG SHA LA MI MNGON PAS SO, ,MTSAN NYID CES BYA BA NI ZHE SDANG DANG GTI MUG LAS SKYES PA'I TSOR BA'I PHUNG PO'I ROL PA DANG MTSAN NYID DANG MTSAN GZHI RNAMS DMIGS PA MED PAR YANG DAG PAR MTSON PA STE DE NI 'DOD CHAGS SO, ,CI'I PHYIR ZHE NA ZHES PAS TE GANG GI PHYIR RGYUN GYIS 'JUG PA'I PHYIR RO, ,YE SHES 'DIR NI RDO RJE BSHAD, ,CES BYA BA NI, DE RNAMS RO MNYAM PA'I YE SHES GANG YIN PA DE 'DIR RDO RJE ZHES BRJOD DO, ,BZHI PO 'DI RNAMS KYI TSIG PHYI MA NI RA T'I ZHES BYA BAR 'GYUR RO, ,DE'I DON NI, SHIN TU LONGS SPYOD RDZOGS PA STE, GTI MUG

95a

, ,LA SOGS PA RNAMS KYI YUL LA LONGS SPYOD PA YIN LA DGA' BAS NI DE RNAMS LONGS SPYOD YIN TE ZAG PA MED PA'I PHYIR YANG DAG PAR DGA' BA ZHES BYA'O, ,SHIN TU ZHES BYA BA NI PHUL DU BYUNG BA'AM RTAG PA'I PHYIR TE, MTHA' LAS 'DAS PA ZHES PA'I DON TO, , SDOM LA, BTZUN MO'I MCHOG PHUN SUM TSOGS PA, ,ZHES BYA BA LA PHUN SUM TSOGS PA'I DON BSTAN PA'I PHYIR RO, ,GSUM GYI BDE MCHOG PHUN SUM TSOGS, ,ZHES GSUNGS TE RAB TU DBYE BA LA LTOS NAS MANG PO'I TSIG STE, SKU DANG GSUNG DANG THUGS KYI BDE BA'I MCHOG CES PA'I DON TO, ,DE DAG NI RTEN DANG BRTEN PA'I 'BREL BAS NA, DRUG PA'I MTSAMS SBYOR YIN TE DE'I PHYIR GSUNGS LA GTI MUG ZHE SDANG ZHES BYA BA LA SOGS PA LA DGA' BA RTAG TU ZHES BYA BA'I RANG BZHIN LA MKHAS PAS RTAG TU YID BDE BAR GYUR PA'O, ,PHYED PHYI MAS NI DGA' BA'I BDAG CHE BA BSTAN TE, ,DES NA ZHES BYA BA NI GANG PHYIR DE LTA BUR MTSON PA DE'I PHYIR RO, ,THABS ZHES BYA BA NI PHUL DU 'BYUNG BAR 'GRO BA'I PHYIR SEMS CAN RNAMS KYI BYANG CHUB THOB PA'I THABS CHEN PO'O, ,DE'I PHYIR RDO RJE THEG PA STE PHA ROL TU PHYIN PA'I THEG PA NI DER ZHUGS SU ZIN KYANG SDUG BSNGAL MANG PO NYID KYI PHYIR MANG DU PHYIR LDOG PAR 'GYUR BAS BRTAN PA MA YIN LA DGA' BA RNAMS NI SHIN TU BRTAN PA'I RDO RJE THEG PAR BRJOD DE, GANG GI PHYIR SANGS RGYAS KYI BYANG CHUB SGRUB PA RNAMS BDE BA NYID KYIS 'JIGS PA MED PA'I PHYIR RO, ,SGO SKYONG RNAMS KYI SNGAGS KYI DON GYI DRI TSIG BZHI'I LAN TSIGS SU BCAD PA RE RES BSTAN PA'I PHYIR CHOS RNAMS MI 'JIG BDAG NYID CES BYA BA LA SOGS PA SMOS TE, LUS LA SOGS PA'I CHOS RNAMS NI MA SKYES PA'I NGO BO NYID DE GANG GI PHYIR BUM PA LA SOGS PA 'DI DAG GCIG DANG DU MA'I RANG BZHIN DANG BRAL BA'I PHYIR DON DAM PAR YOD PA MA YIN LA MED PAS NI SKYE BA MED DE MA SKYES NA 'JIG PAR MI 'GYUR, DE'I PHYIR 'JIG PA MED PA'I BDAG NYID DO ZHES BYA'O, ,DE NYID NI MNGON SUM DU RTOGS PA'I PHYIR 'DI'I DAM TSIG STE, DNGOS PO KUN GYI ZHES BYA BA NI LUS DANG GNAS DANG LONGS SPYOD RNAMS KYI'O, ,DAM

95b

TSIG 'DI'I GANG YIN PA 'DI NYID KYIS MTHAR BYED GSHIN RJE STE, GSHIN RJE MTHAR BYED DO, ,DE YANG DRUG PA'I MTSAMS SBYOR BA 'DI NI LAG PA'I RTZE MO DANG RTZE MO LAG PA ZHES BYA BA'I MTHAR BYED GSHIN RJE DANG, GSHIN RJE MTHAR BYED GNYI GA'I YIN NO, ,GSHIN RJE NI DUS TE 'JIG RTEN PA YIN LA DE MTHAR BYED PA NI BRTAN PAR BYED PA'I DON TO, ,CHOS RNAMS RNAM PAR MI SHES BDAG ,CES BYA BA LA, SEMS KYI CHOS THAMS CAD RNAM PAR MI SHES PA'I BDAG NYID DO, ,CI'I PHYIR ZHE NA, DON DAM MI 'GYUR BDAG NYID KYI PHYIR TE MI 'GYUR BA'I CHOS KYI DBYINGS KYIS SO, ,DAG PA NI 'BA' ZHIG PA STE 'DI LTAR GZUNG BA DANG 'DZIN PA MED PAS DE'I SNANG BA YANG NUB PAR GYUR PA'I PHYIR CHOS KYI DBYINGS 'BA' ZHIG LHAG MAR GYUR PA ZHES BYA'O, ,DE NYID MNGON SUM DU RTOGS PAS 'DI'I DAM TSIG GO, ,DAM TSIG 'DI YIN PA DES NA 'DI NYID NI SHES RAB MTHAR BYED DE SHES PA MTHAR BYED PA'O, ,RGYAL BA NI SHES PA LAS RGYAL BA'O, ,CHOS RNAMS BRJOD DU MED BDAG NYID, ,CES BYA BA NI BRJOD PAR BYA BA'I CHOS THAMS CAD GZHAN LA TSIG GIS BSTAN PAR MI NUS PA'I PHYIR RO, ,CI'I PHYIR ZHE NA, GANG GI PHYIR MING DANG RANG BZHIN BLO DNGOS MED PA'I PHYIR RO, ,JI STE MING RNAMS LAS DON RNAMS KYI BLO SKYE BA YOD NA BRJOD BYA DANG BRJOD BYED DU 'GYUR BA ZHIG NA DE LTAR YOD PA MA YIN TE DE GANG GI PHYIR MI BDEN PAS SO, ,BLO LAS PHYI ROL NA MING NGAM RANG BZHIN YOD PA MA YIN PA LAS BLO YANG YOD PA MA YIN TE, GZUNG BA MED PAS 'DZIN PA MED PA'I PHYIR DANG, DE SNANG BA DAG KYANG NUB PA'I PHYIR RO, ,DE NYID NI MNGON SUM DU RTOGS PA'I PHYIR 'DI'I DAM TSIG STE, DE LTA BU YIN PA DES NA 'DI NYID NI PADM'ANTA KRiTA DE 'DIS DON RNAMS GO ZHING RTOGS PAR BYED PAS NA PADMA NI TSIG STE, DE MTHAR BYED PA'O, ,MTHU DANG LDAN PA'I PHYIR KHYAB BDAG GO, ,CHOS KUN RNAM PAR MI RTOG BDAG ,CES BYA BA NI RTAG PA'I CHOS THAMS CAD BDAG NYID KYIS KYANG BRTAG PAR MI NUS SO, ,CI'I PHYIR ZHE NA, RANG BZHIN GYIS NI ZHI BA'I DNGOS KYI PHYIR TE, CHOS RNAMS RANG BZHIN GYIS DE BZHIN NYID DES DE DAG RTAG TU ZHI BA'O, ,BEMS PO YIN PA'I PHYIR MI RTOG PA'O, ,DE NI RNAM PAR RTOG PA'I YUL YANG MA

96a

, ,YIN TE, RNAM PAR RTOG PA'I MTSAN MA NUB NA DER SNANG BA'I PHYIR RO, ,DE NI MNGON SUM DU RTOGS PA'I PHYIR 'DI'I DAM TSIG GO, ,RDO RJE KUN ZHES BYA BA NI, RNAM PAR RTOG PA THAMS CAD DO, ,DAM TSIG 'DI'I GANG YIN PA DES NA 'DI NYID BGEGS MTHAR BYED DE BGEGS RNAMS NI RANG GI RNAM PAR RTOG PA LAS BYUNG BA'I PHYIR RO, ,MTHU DANG LDAN PA'I PHYIR GTZO BO'O, ,MI 'JIG CES BYA BA LA SOGS PA NI SGO RNAMS KYI THUN MONG GI DON DANG DE DAG GI 'BRAS BU YANG GSUNGS PA YIN TE, 'CHI BA'I GNYEN PO YIN PA'I PHYIR DANG MTSAN MA RNAMS NUB PA'I PHYIR DANG NGAG DANG RNAM PAR RTOG PA'I YUL LAS 'DAS PA'I PHYIR GO RIMS JI LTA BA BZHIN DU MI 'JIG PA DANG RNAM PAR MI SHES PA DANG, BRJOD PA MED PA DANG, RNAM PAR RTOG PA MED PA RNAMS SO, ,YE SHES 'DI ZHES BYA BA NI KHRO BO BZHI'I BDAG NYID KYI SANGS RGYAS KYI BYANG CHUB KYI YE SHES SO; ,SHES NAS ZHES BYA BA NI LHAG PAR KHONG DU CHUD PA'O, ,BDE BA THOB PAR 'GYUR ZHES BYA BA NI BDE BA CHEN PO'I RDO RJE 'DZIN PA'I GO 'PHANG THOB PAR 'GYUR BA'O, ,DE LTAR BYAS NA DE BZHIN GSHEGS PA LNGA DANG RIG PA BZHI DANG KHRO BO BZHI RNAMS GO RIMS BZHIN DU RANG BZHIN DANG RANG GI BDE BA DANG ZHI BA ZHES BYA BA GRAGS PA'I BYANG CHUB KYI SEMS GSUM RGYU DANG THABS DANG 'BRAS BU DAG YIN NO, ,MTHAR THUG PA'I 'BRAS BU NI RDO RJE 'CHANG CHEN PO'I GO 'PHANG STE, DE DAG BSTAN PAR 'DOD NAS GTI MUG CES BYA BA LA SOGS PA'I TSIGS SU BCAD PA LNGAS DKYIL 'KHOR GYI 'BREL PA GSUNGS TE, GTI MUG GI RIGS GANG YIN PA STE RNAM PAR SNANG MDZAD DO, ,DE NI GTI MUG LONGS SPYOD KYIS TE, GTI MUG DGA' MA'I THABS KYIS GTI MUG ZAD PA'I PHUN SUM TSOGS PAR 'GYUR TE, YE SHES TZAM DU SHES PA MED PA NI GTI MUG GI LA DE ZAD PA NI GTI MUG ZAD PA STE, DE YANG BCOM LDAN 'DAS GSHIN RJE MTHAR BYED DO, ,DE NA ZHES BYA BA NI GTI MUG ZAD PA'I RGYU DES NA'O, ,LUS MTHAR BYED CES BYA BA NI LUS KYI RTOG PA MTHAR BYED PA'O, ,DES NA SHES BYA MTHAR BYED 'GYUR, ,ZHES BYA BA NI SHES BYA'I RTOG PA MTHAR 'BYIN PA'O, ,NYES

96b

PA ZHES BYA BA NI ZHE SDANG GI RIGS GANG YIN PA STE MI BSKYOD PA'O, ,ZHE SDANG NYID NYES PA STE DE DER BYAS PAS DE NI NYES PA'I LONGS SPYOD KYIS TE, ZHE SDANG DGA' MA'I THABS KYIS NYES ZAD PHUN SUM TSOGS PAR 'GYUR TE, 'DIR NYES PA NI GNYIS SU SNANG BA YIN TE DE DOR BYAS PAS SO, ,DE ZAD PA NA NYES PA ZAD PA STE, DE YANG BCOM LDAN 'DAS SHES RAB MTHAR MDZAD DO, ,DES NA SEMS MTHAR BYED YIN TE, 'DZIN PA PO NUB PA'I PHYIR RO, ,DES NA NYON MONGS PA MTHAR BYED KYANG YIN TE, DE RNAMS 'DZIN PA'I BYE BRAG YIN PA'I PHYIR RO, ,'DOD CHAGS ZHES BYA BA NI RIGS GANG YIN PA STE, RIN PO CHE DANG 'OD DPAG TU MED PA'O, ,DE NI 'DOD CHAGS LONGS SPYOD PA, ,ZHES BYA BA NI 'DOD CHAGS DGA' MA THABS KYI 'DOD CHAGS ZAD PA'I PHUN SUM TSOGS PAR 'GYUR TE, 'DIR 'DOD CHAGS ROL PA DANG MTSAN NYID DANG, MTSAN GZHI LA NYE BAR DMIGS PA'I MTSAN NYID GANG YIN PA STE, DE ZAD PA NI 'DOD CHAGS ZAD PA'O, ,DE YANG BCOM LDAN 'DAS PADMA MTHAR MDZAD DO, ,DES NA NGAG MTHAR BYED PA STE, RNAM PAR RTOG PA LAS BYUNG BA'I NGAG MTHAR BYED PA'O, ,DE BZHIN SNYOMS 'JUG MTHAR BYED 'GYUR, ,ZHES BYA BA 'DIR SNYOMS PA NI SNYOMS PAR 'JUG PA'I SGRIB PA STE, TSIG PHYI MA MI MNGON PAR SNYOMS PAR 'JUG PA'O, ,DE MTHAR BYED NI 'DOD CHAGS DGA' MAS SEMS BRTAN PAR BYAS PAS NA RDO RJE SEMS DPA' ZHUGS PA'I PHYIR JI LTAR 'DOD PA BZHIN DU TING NGE 'DZIN LA SNYOMS PAR 'JUG PA'I PHYIR RO, ,NYON MONGS KUN NI GO RIMS BZHIN DU GTI MUG DANG ZHE SDANG DANG 'DOD CHAGS RNAMS SO, ,RDO RJE THAMS CAD NI LUS DANG SEMS DANG NGAG RNAMS SO, ,SGRIB PA KUN NI SHES BYA DANG NYON MONGS PA DANG SNYOMS PAR 'JUG PA'I SGRIB PA RNAMS SO, ,DE LA SHES BYAR RTOG PA NYID SHES BYA'I SGRIB PA'O, ,NYON MONGS PA NYID NI NYON MONGS PA'I SGRIB PA'O, ,SNYOMS PAR 'JUG PA LA SGRIB PA NI SNYOMS PAR 'JUG PA'I SGRIB PA'O, RNAMS ZAD PAR BYED PA'I YE SHES TE, DE NI BCOM LDAN 'DAS BGEGS MTHAR BYED DO, ,DES 'DI SKAD DU, NYON MONGS RDO RJE LONGS SPYOD PAS, ,NYON MONGS RDO RJE ZAD

97a

, ,PA BGEGS MTHAR BYED, ,DES NI NYON MONGS RDO RJE ZAD 'GYUR LA, ,DE BZHIN SGRIB PA MTHAR BYED 'BYUNG, ,ZHES BSTAN PAR 'GYUR TE, GZHAN DU DON YOD GRUB PA DANG RDO RJE DGA' MA DANG BGEGS MTHAR BYED RNAMS KYI 'BREL PA BSTAN PAR 'GYUR RO, ,DE DAG GIS RIGS DANG LONGS SPYOD RNAMS KHRO BO RNAMS DANG 'BREL PAR BSTAN NAS 'BRAS BU DANG 'BREL PA BSTAN PA'I PHYIR NYON MONGS ZHES BYA BA LA SOGS PA SMOS TE, NYON MONGS PA RNAMS DANG RDO RJE RNAMS DANG SGRIB PA RNAMS ZAD PAS BDUD RTZI 'KHYIL PA'I DUS SU LAS THAMS CAD RNAM PAR DAG CING DRI MA MED PAR 'GYUR TE DES NA LAS LAS SKYES PA'I 'BRAS BU RDO RJE 'CHANG CHEN PO GO 'PHANG SHIN TU RNAM PAR DAG PAR 'GYUR RO, ,DE BZHIN DU BIGHN'ANTA KRiTA BI ZHES BYA BA'I DRI MA NI BIGHN'ANTA KRiTA JI LTA BU DE BZHIN NI JI LTA BU ZHES RNAM PAR DBYE BA BYAS PAS GNYIS SU 'GYUR RO, ,DE BZHIN ZHES BYA BAS NI DE DANG 'DRA BA'I LHA GZHAN DAG GIS YANG MING JI SKAD CES BYA BA DANG DON JI LTA BU ZHIG LAGS ZHES BYA BA'I DON TO, ,DE BAS NA DE DAG GI LAN GSUNGS PA GZUNG BA DANG ZHES BYA BA LA SOGS PA LA GZUNG BA NI 'DOD PA RNAMS LA LONGS SPYOD PA'O, ,'DOD CHAGS NI BSAM GTAN GYI SEMS KYI DBYINGS LA ROL PA'O, ,RNAM PA NI DE NYID KYIS RIG BYA DANG BCAS PA'I DUS GSUM GYI SANGS RGYAS RNAMS KYI SKU DANG GSUNG DANG THUGS KYI RIG PA POS RIN PO CHE PHRA MOR BYED PA'O, ,MI G-YO BA NI RIN PO CHE DE NYID SNGAGS KYI THIG LE LA BRTAN ZHING MI G-YO BAR BYED PA'O, ,RGYU NI RIN CHEN DE NYID LAS MTSAN MA RNAMS KHYAB PAR SPRO BA'O; ,'BRAS BU NI KHYAB PAR SPROS PA RNAMS DE NYID DU BSDUS TE NYI MA'AM ZLA BA'I GZUGS GANG YANG RUNG BAR BSKYOD PA'O, ,RDO RJE ZHES BYA BA NI BYANG CHUB KYI SEMS TE, YAN LAG DRUG PO DE DAG LAS YANG DAG PAR BYUNG BA'O, ,DE BAS NA DON DRUG PO 'DI DAG NI JI LTAR RIGS PAR DRUG TSAN GSUM DU RIG PAR BYA'O ZHES BYA BAR DGONGS SO, ,DE NYID KYI PHYIR GSUNGS PA 'DOD PA ZHES BYA BA LA SOGS PA STE, 'DOD PA'I RGYAL PO LA SOGS PA DRUG GO, ,'DI LTAR 'DOD PA'I RGYAL PO NI LONGS SPYOD KYI PHYIR 'DOD PA RNAMS 'GUGS PA'O, ,SNGON PO NI NAG PO STE DE BAS NA BSAM GTAN GYIS SEMS

97b

'GUGS SHING 'DUL BA NI DBYIG SNGON CAN NO, ,TSOR BA'I PHUNG POS BDAG NYID GSO BA NI STOBS PO CHE'O, ,BRTAN PAR GYUR PA NI MI G-YO BA'O, ,'BRAS BU LA SGRIB PA 'JOMS PA NI GNOD MDZES RDO RJE'O, ,RTZE MOR GYUR PA'I 'BRAS BU NYID NI GTZUG TOR KHRO BO'O, ,DBANG POR RNAM PAR GRAGS ZHES BYA BA LA KHRO BO GSHIN RJE GSHED LA SOGS PA'O, ,DBANG PO NI DE RNAMS KYI BDAG PO'I RKYEN NO, ,DE NYID KYI PHYIR KHRO BO'I 'KHOR LO LA BDAG PO DANG BCAS PA'I LHA BCU GCIG GO, ,DAM TSIG CES BYA BA LA SOGS PA LA SNGAGS KYI LHA THAMS CAD KYI LUS NI DZI NA DZIK CES BYA BA'I SNGAGS KYI DON YIN LA DE NI SNA TSOGS PA LAS SKYES PA STE, DE YANG YI GE BHR'Um MO, ,DE'I DON NI YI GE BHA DANG RA DANG AU DANG MA RNAMS KYIS GO RIMS BZHIN DU 'BYUNG BA DANG, 'BYUNG BA LAS GYUR PA DANG, GZUGS LA SOGS PAS STONG PAS YID SNA TSOGS PA TZAM ZHES BYA'O, ,DE LA 'BYUNG BA LNGA STONG PA NYID NI PADMA'O,, 'BYUNG BA LAS GYUR PA LNGA STONG PA NYID NI RDO RJE'O, ,GZUGS LA SOGS PA STONG PA NYID NI RDO RJE'I NANG DU CHUD PA'I CHOS KYI DBYINGS SO, ,'BYUNG BA LAS GYUR PA DRUG PA YID NI, CHOS KYI DBYINGS LA GNAS PA SNA TSOGS PA DE NYID DO, ,DE BAS NA, DAM TSIG RDO RJE SOGS DRUG DANG, ,SA LA SOGS PA RNAM PA LNGA, ,'BYUNG DANG 'BYUNG LAS GYUR PAR GRAGS, ,ZHES GSUNGS SO, ,RIG PA'I RGYAL PO ZHES BYAR BSHAD, ,CES BYA BA NI, DAM TSIG RDO RJE LA SOGS DRUG ,CES BYA BA DANG SBYAR RO, ,JI LTAR NA RIG PA'I RGYAL PO YIN ZHE NA, DAG PA'I 'DOD PA RNAMS KYI RIG PA DANG, BSAM GTAN GSUM DANG BZHI PA'I RIG PA RNAMS KYI BDAG PO YIN PA'I PHYIR TE, DE DAG GI STOBS KYIS DE RNAMS SKYE BA'I PHYIR RO, ,GZUGS KYI RDO RJE LA SOGS DRUG ,RDO RJE'I BDAG PO ZHES BYAR BRJOD, ,CES BYA BA NI YONGS SU DAG PA'I 'DOD PA DRUG GI LONGS SPYOD LAS BSAM GTAN DANG PO DANG GNYIS PA LAS BSDUS PA'I RDO RJE'I NGAG SKYES PA'O, ,LHA BCU GNYIS PO DE DAG DKYIL 'KHOR PA CHEN PO LA GANG DANG 'BREL ZHE NA, BCU GNYIS PO 'DI DAG NI SANGS RGYAS LNGA RNAMS ZHES BYA BA DANG SBYAR TE, DE DAG NI 'BRAS BU LNGA'I RGYUR GYUR PA'O, ,JI STE BCU GNYIS PO DE DAG GI BRJOD PA'I SNGAGS NI GANG

98a

, ,ZHIG GANG LAS NI SKYES SNYAM DU SEMS NA, DE'I PHYIR SKU ZHES BYA BA LA SOGS PA SMOS TE, DE KHO NA NYID GSUM BRJOD PAS SO, ,BDAG NYID CHE LAS ZHES BYA BA NI DKYIL 'KHOR CHEN PO'I BDAG PO'I RIG PA'I PADMA'I NANG NA GNAS PA'I SA BON LAS CHO GA BZHIN DU BSKYED DO ZHES BYA BA'I DON TO, ,KUN DGA' SNYING PO DANG YE SHES ZHABS KYI ZHAL SNGA NAS 'DI NI 'DAS MA THAG PA YIN PA'I PHYIR GZUGS KYI RDO RJE LA SOGS PA DANG SBYOR GYI DAM TSIG RDO RJE LA SOGS PA DANG NI MA YIN NO ZHES ZER RO, ,CI STE SA'I SNYING PO LA SOGS PA DRUG ,JI LTAR DBANG PO DRUG GYIN ZHE NA, GZUGS LA SOGS PA'I SHES PA SKYED PA'I BDAG PO YIN PA'I PHYIR TE, DE BAS NA DBANG DU BYED PA'I PHYIR DBANG PO ZHES BYA'O, ,DE LA 'KHOR LOS SGYUR BA RNAMS KYI DE KHO NA NYID KYI GO RIMS BZHI NI GZUGS LA SOGS PA'I SHES PA YIN PAR DRUG KHO NA YIN LA DE'I SBYOR BA'I GNAS SKABS NI SA'I SNYING PO LA SOGS PA'O, ,DE NYID KYI PHYIR DE DAG NI DE BZHIN GSHEGS PA RNAMS DANG MTSUNGS PA'I MTSAN MA CAN NO, ,SA'I SNYING PO'I SGRA NI DE LAS GZHAN PA RNAMS KYI RTEN DU GYUR PA STE SA DANG MTSUNGS PA'I SEMS BSKYED PA LTA BU'O, ,SANGS RGYAS RNAMS KYI GZUGS NI RNAM PAR RIG PA TZAM YIN PA'I PHYIR GZUGS BRNYAN LTA BUR SHES PAR BYED, DE BAS NA GZUGS KYI RDO RJE MDOG DKAR MO LA NA ME LONG THOGS PA'O, ,SANGS RGYAS RNAMS KYI GSUNG GI DON CHOS KYI DBYINGS SU SHES PAR BYED DE DE YANG RNAM PAR RTOG PA MED PAR SHES PAR BYA'O, ,DE NYID KYI PHYIR SGRA RDO RJE MA'I LAG NA PI WANG THOGS PA STE; PI WANG YANG RNAM PAR RTOG PA MED PAR SGRA SGROGS PA'O, ,SANGS RGYAS KYI DRI NI TSOR BA'I PHUNG PO YONGS SU DAG PA STE, DES DUS GSUM GYI SANGS RGYAS RNAMS KYI SKU DANG GSUNG DANG THUGS LA BYUG PAR BYED DO, ,DE NYID KYI PHYIR DRI RDO RJE MA'I LAG NA DRI'I DUNG THOGS PA'O, ,YID BZHIN GYI NOR BU'I SEMS DE NYID SNGAGS KYI THIG LER BZHAG STE, BSGOMS PA'I RO MYONG BAR GYUR PA NI RO'O, ,DE NYID KYI PHYIR RO RDO RJE MA'I LAG NA RO'I SNOD THOGS PA'O, ,DE LAS 'KHOR LO PHRA MO LA SOGS PA RNAMS LAS THAMS CAD SPROS TE, BDE BA SKYED PA'I PHYIR LUS KUN LA BDE BA SKYED PA NI REG PA STE, DE NYID KYI PHYIR REG

98b

RDO RJE MA'I LAG NA SNA TSOGS PA'I NA BZA' SRAB MO THOGS PA'O, ,SHIN TU PHRA BA'I NOR BU'I SNYING POR SHIN TU PHRA BA'I RDO RJE'I BYANG CHUB NI 'DZIN PA'I YE SHES SO, ,DE'I RIG PAR BYA BA NI SEMS DPA' RNAMS KYI CHOS KYI DBYINGS SO, ,DE NYID KYI PHYIR CHOS KYI DBYINGS KYI RDO RJE MA CHOS 'BYUNG DKAR PO THOGS PA'O; ,LE'U DANG PO'I TSIG GI DON SBAS PA RNAMS GSAL BAR BYAS PA ZHAR LA BYUNG BA DANG BCAS PA'O, ,LE'U DANG POR THABS LAS BYUNG BA'I DON SBAS PA RNAMS GSAL BAR MDZAD NAS, DA NI THABS KYI LE'U GSAL BAR BYA STE, DE LAS DANG POR SGRUB PA CHEN PO'I LE'U LNGA PA DANG DGU PA DANG BCU GSUM PA DANG BCU BDUN PA RNAMS LAS, LE'U LNGA PA'I DON KUN DU SPYAD PA DRIS PA'I LAN GSUNGS PA THABS DANG SHES RAB CES BYA BA GSUNGS PA LA, SNGAGS PAS NGES PAR SPYOD CES BYA BAR SBYAR TE, YANG DAG PA'I TING NGE 'DZIN GYIS SNGAGS 'DZIN PAS NA SNGAGS PA ZHES BYA'O, ,CI ZHIG NGES SHE NA, PHUNG PO DANG KHAMS DANG SKYE MCHED DANG LUS SO, ,JI LTAR NGES SHE NA, THABS DANG SHES RAB LAS BYUNG BA'I ZHES BYA STE, MKHA' MED PA'I NAM MKHA'I RANG BZHIN GYI RDO RJE 'CHANG CHEN PO NI THABS SO, ,DE DANG LHAN CIG SPYOD PA'I CHOS KYI DBYINGS KYI RANG BZHIN NI SHES RAB PO, ,DE LAS BYUNG BA NI DE DAG SBYOR BA LAS SKYES PA STE, BYANG CHUB KYI SEMS 'BYUNG BA ZHES BYA BA'I DON TO, ,JI LTAR SBYOR BAR NGES PAR BYA ZHE NA, JI LTAR RIGS PAR BYA ZHES BYA BA'I DON TO, ,DE LA JI LTAR RIG PA'I DON NI 'DI YIN TE, DE RNAMS LA PHYI ROL GYI KHAMS BZHI NI LHA MO BZHI LAS BYUNG BA'I BDAG GI GZHAL YAS KHANG RGYA CHEN PO'O, ,BDAG GI LUS GANG YIN PA NI BDAG GI YI DAM GYI LHA'I SKU'O, ,BDAG GI RIG PA GANG YIN PA DE NI KHAMS BZHI'I LHA MO'O, ,BDAG NYID NI DKYIL 'KHOR GYI BDAG PO'O, ,BDAG GI PHUNG PO LNGA GANG YIN PA DE NI SANGS RGYAS THAMS CAD BSDUS PA'I DKYIL 'KHOR PA'I SANGS RGYAS LNGA RNAMS SO, ,BDAG GI MIG LA SOGS PA'I SKYE MCHED DRUG GANG YIN PA DE NI BYANG CHUB SEMS DPA' THAMS CAD BSDUS PA'I SA'I SNYING PO LA SOGS PA'I DKYIL 'KHOR PA'I BYANG CHUB SEMS DPA' RNAMS SO, ,'JIGS PA THAMS CAD NI SEMS CAN DANG LAS

99a

, ,DANG NYON MONGS PA RNAMS KYIS SKRAG PA SPANG BA'O, ,RGYU CI'I PHYIR ZHE NA, THAMS CAD DAG PAR MOS PA YIS TE, DE DAG THAMS CAD BDAG PO NYID LHAG PAR MOS PAS SO, ,DE NYID KYANG JI LTAR ZHE NA, RDZOGS PA'I RIM PA'I SBYOR BA YIS, ,ZHES BYA BA GSUNGS TE, RDZOGS PA'I RIM PA'I BYE BRAG GANG YIN PA'O, ,DE'I SBYOR BA'I TING NGE 'DZIN TE BRTAN PA'I NGA RGYAL LO, ,DE NI BDAG JI LTA BA BZHIN DU SEMS CAN THAMS CAD DE GTI MUG LA SOGS PA'I NYON MONGS PA DRUG NI SANGS RGYAS LNGA'O, ,LUS LA SOGS PA RNAMS NI SKU RDO RJE LA SOGS PA'O, , LUS LA SOGS PA'I LAS RNAMS NI SKU RDO RJE LA SOGS PA'I MDZAD SPYOD DO, ,DE LTAR SNANG BA 'DI DAG LHA RNAMS NYID DU MTHONG BA'I LHAG MAR MOS PA 'DI NI RDZOGS PA'I RIM PA'I SBYOR BA'O, ,DOGS PA MED PA'I SEMS KYIS ZHES BYA BA NI SANGS RGYAS RNAMS NYID DE SANGS RGYAS MA YIN PA'I DOGS PA MI BYA'O, ,SNGAGS NI RANG GI LHA'O; ,DE 'DI LA SHIN TU YOD PAS NA SNGAGS PA STE, DE'I NGA RGYAL BRTAN PAR GNAS PA'O, ,SENG GE BZHIN DU RGYU ZHES BYA BA NI DOGS PA MED PA'I SEMS KYIS RGYU BA'O, ,YANG ZHES BYA BA NI GANG GI PHYIR ZHES BYA BA'I DON TO, ,'DI LA ZHES BYA BA NI RNAL 'BYOR 'DIR RO, ,MI BYA MED CES BYA BA DANG MI BZA' YOD MA YIN ZHES BYA BA NI, LUS KYI LAS DGAG PA MED PA'O, ,SMRA BAR MI BYA ZHES BYA BA NI NGAG GI LAS RNAMS SO, ,MI BSAM PA ZHES BYA BA NI SEMS DE LAS TE, SKU LA SOGS PA'I MDZAD SPYOD YIN ZHES BYA BA'O, ,MNYAM PAR MA BZHAG CES BYA BA NI LHAG PAR MOS PA'I SEMS KYIS SBYOR BA STE, JI SKAD DU GSUNGS PA'I TING NGE 'DZIN TO, ,RTAG PA NYID DU MNYAM PAR ZHOG ,CES BYA BA NI GANG GI PHYIR DE NYID KYIS GNAS PAS SO, ,SEMS KUN LAS ZHES BYA BA NI KHA PHYIR BLTAS PA'I SEMS YIN DU ZIN KYANG NGO, ,GANG GIS SPYOD PA ZHES BYA BA NI, SBYOR BA GANG GIS SPYOD PA'O, ,SEMS KUN LA SPYOD PA NI KUN DU SPYOD PA ZHES BYA BAR DGONGS SO, ,KUN DU SPYOD PA'I ZHOR LA DE'I 'OG TU SNGAGS KYI SPYOD PA DRIS PA'I LAN GSUNGS PA DBANG PO ZHES BYA BA LA SOGS PA LA DBANG PO RNAMS DANG YUL RNAMS DANG BCAS PA'I YID KYI RKYEN LAS BYUNG

99b

BA GANG DANG YIN PA DE NI YID YIN TE, YID DE NI MA NA ZHES BYA BAR GRAGS PA'O, ,DE ZHES BYA BA'I SGRA NI GANG DANG GANG BYA BA DAG DANG 'BREL PAS DE ZHES BYA BA GNYIS SU 'GYUR BAR SHES PAR BYA'O, ,DBANG PO ZHES BYA BA NI 'BYUNG BA LNGA'I DBANG PO STE PADMAR BSDUS PA'O, ,'BYUNG BA LAS GYUR PA'I DBANG PO LNGA NI RDO RJER BSDUS PA'O, ,YUL RNAMS ZHES BYA BA NI GZUGS LA SOGS PA'I YUL DRUG PO RNAMS KYI CHOS KYI DBYINGS KYIS SKYES PA'O, ,YID CES BYA BA NI RNAM PAR SHES PA'I KHAMS BDUN YID KYI SKYE MCHED DU BSDUS PA'O, ,DE RNAMS KYI RKYEN GYIS DE RNAMS LA BRTEN TE GANG DANG GANG SKYES PA'O, ,CI ZHIG SKYE ZHE NA, YID CES BYA BA STE YID KYI YUL YIN PAS NA YID DE SEMS KYIS DMIGS PA DANG TING NGE 'DZIN ZHES BYA BA'I DON TO, ,DE YANG SO SOR SDUD PA LA SOGS PA YAN LAG DRUG DANG DE'I PHYOGS GCIG GZUGS LA SOGS PA'I ZLA BA YANG STE, DE YANG DE'I YID MA NA ZHES BYA BAR BSHAD PA NI YAN LAG DRUG GIS BSDUS PA'I MNYAM PAR GZHAG PA'I SHES RAB CES BYA BA'I DON TO, ,BSHAD PA NI GRAGS PA STE LHAG PA'I DON ZHES BYA BA'I NGES PA'I TSIG GIS DE'I NGANG TSUL CAN GYI TING NGE 'DZIN LA BYA'O, ,DE BAS NA YAN LAG DRUG LA MNYAM PAR BZHAG PAS BSDUS PA'I SHES RAB NI MA NA'O, ,MA NA YANG YIN LA TRA YANG YIN PAS NA MANTRA STE, MA NA NI SHES PAS MA NA YIN LA SKYOB PAS NA TRA YIN NO, ,NGES PA'I TSIG TU'O, ,TRA NI SKYOB PAR BYED PA'I PHYIR, ,ZHES BYA BA 'DIS MA NA NI SHES PAR BYED PA'I DON ZHES BYA BA YANG DON GYIS SHES PAR BYA STE, NGAN 'GRO DANG SRID PA'I SDUG BSNGAL DANG THEG PA DMAN PA SRUNG BAS NA SKYOB PA STE DE BYED PA'O, ,'DIR TSIGS SU BCAD PA NI, LONGS SPYOD DANG NI YAN LAG RNAM PA GANG YIN BLO DANG ZHIG NAS GCIG BSDUS GANG YIN DANG, ,DE LAS PHRA MO GSUM GYI RIN CHEN DANG NI NGAG BSDUS THIG LE'I RIN CHEN GZUD PA DANG, NOR BU SOGS 'OD KHYAB PAR SPROS DANG DE DBUS BSDUS PA LAS SKYES DKYIL 'KHOR SNGAGS SU GSUNGS, ,DRUG PO 'DI DAG RIM PA CI RIGS CHA SHAS DRUG TU PHYE BA'ANG YIN, ,'JIG RTEN SPYOD LAS SPYOD LAS RNAM 'GROL BA NI PHYI ROL RNAMS DANG 'DRA BA MA YIN PA'O, ,DAM TSIG NI BDE BA LA SOGS PA'O, ,

100a

, ,SDOM PA NI 'JIG PA LA SOGS PA'O, ,BSKYOD PA NI DE DAG THAMS CAD NYAMS SU LEN PA STE, SPYOD PA ZHES BYA BA NI LHAG MA'O, ,RDO RJE THAMS CAD KYI ZHES BYA BA NI LUS LA SOGS PA CI RIGS PA'O, ,DE ZHES BYA BA NI DE DAG GNYI GA SNGAGS KYI SPYOD PAR BSHAD PA STE BRJOD PA'O, ,SNGAGS DANG LHAN CIG PA'I SPYOD PA NI SNGAGS KYI SPYOD PA ZHES BYA BAR DGONGS SO, ,LE'U BCU GSUM PA'I RDO RJE BZLAS PA LAS BZLAS PA NYID DO, ,DE BAS NA BZLAS PA'I DON DU DRIS PA BSHAD PAR BYA BA'I PHYIR RANG RANG ZHES BYA BA LA SOGS PA SMOS TE, BZLAS PAR BYA BA LHA'I RNAL 'BYOR BYAS LA RANG RANG NGO BO ZHES BYA BA'I DE'I SKU DANG GSUNG DANG THUGS 'DI DAG RNAM PAR SPYAD PA STE NGES PAR DPYAD PAR BYA BA'O, ,SNYING LA YID KYIS ZHES BYA BA NI SNYING GAR SON PA YID KYIS TE, MNYAM PAR GZHAG PA'I SEMS KYIS ZHES BYA BA'I DON TO, ,LE'U BCU GSUM PA LAS, THAMS CAD RIGS KYI SNGAGS RNAMS NI, ,SKU DANG GSUNG DANG THUGS SU MTSON, ,ZHES GSUNGS TE, DPER NA RNAM PAR SNANG MDZAD KYI BZLAS PA LA DE BZHIN GSHEGS PA THAMS CAD SKU MNYAM PA NYID DU MNGON PAR RDZOGS PAR BYANG CHUB PA NI SKU'I DE KHO NA NYID YIN LA, ,DE GSAL BAR BYED PA NI SNYING GA'I YE SHES KYI 'KHOR LO STE THUGS SO; ,DE'I DE KHO NA NYID NI SKU DE'I DNGOS PO DANG DNGOS PO MED PA DGAG PA STE, LUS 'DI NI YE SHES KYI 'KHOR LO'I RANG BZHIN TE SKYE BA MED PAS LUS KYI DNGOS POR YOD PA MA YIN NO, ,MI SKYED BA YANG MA YIN TE, YE SHES LUS KYI RNAM PAR 'BYUNG BA'I PHYIR RO, ,DE'I NGAG NI 'KHOR LO DE'I LTE BAR GNAS PA'I RAB SNGAGS YIN TE, DE'I DE KHO NA NYID NI GDOD NAS SKYE BA MED PAS STONG PA NYID KYI RANG BZHIN GYI YID NYID DE ZHES BYA BAS 'KHOR LO'I DON STON PAR BYED PA'O, ,GSANG SNGAGS ZLOS PA ZHES BYA BA NI, YI GE BZHI'I SNGAGS ZLOS BZHIN PAS, ,ZHES BYA BA'I DON TO, ,PHYE NAS SU ZHES BYA BA NI SNA TSOGS PA DANG BYE BRAG PAR PHYE BA YIN TE, GSUM PO NI THUN MONG PA NYID KYI PHYIR RO, ,ZLOS PAR BYED PAS SPRO ZHING BSDU, ,ZHES BYA BA NI SPRO BA DANG BSDU BAS BZLAS SO ZHES BYA BA'I DON TO, ,DE LA PHYI MA NYID KYIS SPRO BA NI BCU GSUM PA LAS DNGOS SU GSUNGS PAS GZHAN GNYIS KYIS BSDU

100b

BA NI LHAG MA YIN NO, ,'DIR NI SNGA MA GNYIS KYIS BSDUS PA DNGOS SU GSUNGS PAS, PHYI MA GNYIS KYIS SPRO BAR SHES PAR BYA BA NI LHAG MA'O, ,BCU GSUM PA LAS, SKU GSUNG THUGS DANG BDAG MED LAS, ,YE SHES SEMS KYIS SPRO BAR BYA, ,ZHES GSUNGS TE, YE SHES NI SNA TSOGS PA'O; ,SEMS NI H'Um NGO, ,DE DAG GI GO RIMS JI BZHIN DU SKU GSUNG THUGS RNAMS DANG BDAG MED PA LAS SPRO ZHES BYA BA'I DON TO, ,BDAG MED PA NI SNA TSOGS PA'O, ,RDO RJE BZLAS PA YANG RNAM PAR GNYIS TE, THAMS CAD LAS SPRO BA DANG GCIG LAS SPRO BA'O, ,DE LA DANG PO'I DBANG DU BYAS TE, GSUNGS PA, SANGS RGYAS ZHES BYA BA LA SOGS PA LA SANGS RGYAS NI SANGS RGYAS RNAMS KYI SKU DANG GSUNGS DANG THUGS KYI LUS DANG BCAS PA'O, ,SNA TSOGS RDO RJE BDAG CES PA LA SNA TSOGS PA BRJOD PA NI, RDO RJE'I BDAG NYID KYI RANG GI SA BON RNAMS LAS SPRO BA'O, ,H'Um BRJOD PA NA SNA TSOGS PA LAS SPROS TE SNA TSOGS PA'I BDAG NYID DU RO MNYAM PAR BYA'O, ,YE SHES SA BON NI RAB SNGAGS TE, DON RNAMS YE SHES TZAM YIN PA'I PHYIR RO, ,DE BRJOD BZHIN PA NA BSDU BAR BYA BA STE, 'DI BDAG BDAG GI YE SHES SO, ,ZHES BYA BA'I DON TO, ,DE LTAR 'DI DAG GZUNG BA MA YIN PAS DE DAG MED NA 'DZIN PA YANG MED DO ZHES BYA BAR 'GRUB PO, ,DE LTA MOD KYI MTSON PAR BYA BA NI YID DO SNYAM NA DE BZLOG PA'I PHYIR BYANG CHUB CES BYA BA LA SOGS PA SMOS TE, BYANG CHUB NI MTSAN NYID DO, ,DE MED PA NI BDAG MED PA'O, ,SA BON NI DE GSAL BAR BYED PA'I YI GE AA: STE THA SNYAD NA NAM MKHA' LTA BU'O ZHES BYA BA'I DON TO, ,DES GZUNG BA NI NGES PAR BYA'O, ,JI LTAR ZHE NA BDAG MED CES BYA STE, RNAM PAR BRTAG PAR BYA BA'I RANG BZHIN GYIS STONG PAR RO, ,GCIG LAS SPRO BA'I BZLAS PA'I DBANG DU BYAS TE GSUNGS PA, SNA TSOGS BYA BA SOGS PA LA SNA TSOGS BZHIN DU ZHES BYA BA NI THAMS CAD PA BZHIN DU STE, JI LTAR SNGAR THAMS CAD LAS SPROS PA DE BZHIN DU SNA TSOGS PA SPRO BAR BYED PA PO YIN TE, SNA TSOGS PA ZHES BRJOD BZHIN PAS NA SNA TSOGS PA NYID LAS BYE BRAG RNAMS SPRO BA DANG H'Um BRJOD BZHIN PA NA SA BON LA BDAG NYID JI LTA BA BZHIN DU SKU DANG GSUNG DANG

101a

, ,THUGS KYI SPRIN RNAM PA SNA TSOGS PA'I SPRIN DANG RO MNYAM PAR BYAS TE, RAB SNGAGS BRJOD PAS NI BSDU LA, A'A: YIS NI BDAG MED PAR GZUNG BAR BYA'O, ,THAMS CAD LAS SPROS PA NI SNGA MA BZHIN BZLAS PAS TSOGS PAR BSDU BAR BYA'O, ,BCU GSUM PA LAS, SKU GSUM RDO RJE'I BYE BRAG GIS, ,SPRO BA DANG NI BSDU BAR 'GYUR, ,ZHES GSUNGS TE RDO RJE NI SNA TSOGS PA'O, ,SKU GSUM RDO RJE'I BYE BRAG GI SPRO BA DANG BSDU BAR BYA BA STE, GANG GI TSE SKU LA SOGS PA'I SKU GSUM LAS SPROS PA DE'I TSE RDO RJER BSDUS LA, ,GANG GI TSE RDO RJE LAS YIN PA DE'I TSE SKU GSUM LA'O ZHES PA'I DON TO, ,BZLAS PA SPYIR DRIS PA LAS BCU GSUM PA'I RDO RJE BZLAS PA GNYIS PO DAG BSHAD NAS BCU BZHI PA'I 'GOG PA'I BZLAS PA DANG GRANGS KYI BZLAS PA GNYIS KYI DBANG DU BYAS TE GSUNGS PA, ,TSIG KUN ZHES BYA BA LA SOGS PA LA 'DI DAG NI RANG GI SNYING GAR GNAS PA'I BZLAS PAR BYA BA'I YI GE 'BAR BA LAS 'GOG PAS YID KYIS ZLOS BZHIN PA DANG, BZLAS PAR BYA BA'I YI GE LA DMIGS TE SNGAGS YID TZAM GYIS BRJOD PAS BZLAS KYI SPRO BA DANG BSDU BAR NI MI BYA'O, ,'JIG RTEN NA SNGAGS KYI DON NI TSIG YIN PAS TSIG THAMS CAD BRJOD PAR BYA BA'AM ZHE NA, 'DIR TSIG KUN ZHES BYA BA LA SOGS PA SMOS TE, 'JIG RTEN PA'I TSIG KUN SNGAGS YIN PA BDEN MOD KYI, ,'DIR NI SNGAGS NYID DU GRANGS PA LA BRTEN NAS SNGAGS SO, ,SNGAGS NYID CES BYA BA CI ZHIG CAN, ,DE KHO NA NYID BSKUL BA SMRA BA ZHES BYA BA TE DE LA DE KHO NA NYID BSKUL BA ZHES BYA BA NI STON PA STE, PHYAG RGYA ZHES BYA BA'I DON TO, ,DE YANG SA BON GYI YI GE'O, ,SMRA BA NI 'CHAD PA'O, ,'CHAD PA YANG MDOR BSDU NA RNAM PA GSUM STE, DZI NA DZIK CES BYA BA LA SOGS PA NI SNYING PO'O, ,AOm SHU LI SV'A H'A, ZHES BYA BA LA SOGS PA NI 'BAR BA DANG BCAS TE SHIN TU SHES PAR BYED PAS NI SNGAGS SO, , AOm T'A RE TUTT'A RE TU RE SV'A H'A, ZHES BYA BA LA SOGS PA NI KHYAD PAR DU RIG PAR BYED PAS NA RIG PA'O, ,'O NA CI'I PHYIR MDUNG CAN MA'I SNGAGS LA RIG PA ZHES BYA BA ZHE NA, ,RIG PA RJOD PAR BYED PA'I PHYIR TE, BZLAS PA'O, ,RGYAS BTAB PA NI BCU BDUN PA LAS RIG PA'I SKYES BU BSGOMS PA'I DNGOS GRUB

101b

KUN NI BSHAD PA MDZAD CES BYA BA NAS BRTZAMS TE LAG PA'I PHYAG RGYA MI 'CHING NGO ZHES BYA BA'I BAR DU GSUNGS PA DE'I PHYIR RGYAS BTAB PA GANG YIN ZHES ZHUS PA DE'I LAN NI JI LTAR ZHES BYA BA LA SOGS PA GSUNGS PA LA JI LTAR SKU DANG GSUNG DANG THUGS DANG YE SHES KYIS BYIN GYIS BRLABS PA MNGON SUM DU GSUNGS PA, TING NGE 'DZIN KYANG DE BZHIN DU SNYING GA STE SNYING GA RU BSAM PAR BYA'O, ,TING NGE 'DZIN NI LONGS SPYOD RNAM PA BZHI STE, ,GDAN BZHI LA GNAS PA'I SNGAGS KYI DKYIL 'KHOR BZHI'O, ,SPYI BOR DBANG BSKUR ZHES BYA BA NI CI RIGS PAR ZHE SDANG RDO RJE LA SOGS PAS SO, ,MCHOD PA ZHES BYA BA NI CI RIGS PAR RIGS KYI RIG PA'O, ,DE RNAMS ZHES BYA BA NI 'DIR SNGAGS KYI SKYES BU GANG YIN PA DE RNAMS KYI'O, ,KUN DU NI RGYAS BTAB PA DE TZAM MA LUS PAR RO, ,RNAM PAR PHYE NAS RDO RJE 'CHANG BA ZHES BYA BA LA SOGS PA GSUNGS PA LA GANG YIN PA'I SBYOR BA DE'I RIG PA DANG SBYOR BA LAS BYUNG BA LA LONGS SPYOD BZHI'O, ,BDAG BYIN BRLAB SOGS DE BZHIN TE, ,ZHES BYA BA LA DE'I SBYOR BA ZHES BYA BAR SBYAR RO, ,DE BZHIN TE ZHES BYA BA NI LUS CAN TE, YE SHES DANG SKU DANG GSUNG DANG THUGS KYIS BYIN GYIS BRLABS PA LUS DANG BCAS PA DE RNAMS KYANG DE DANG 'DRA BAR DE NYID KYI SBYOR BA YIN GYI, ,GZHAN GYI NI MA YIN NO ZHES BYA BA'I DON TO, ,RDO RJE 'CHANG BA ZHES BYA BA NI DKYIL 'KHOR GYI BDAG PO'O, ,'DIS NI DKYIL 'KHOR BA RNAMS KYI RIG PA DANG SBYOR BA YOD DU ZIN KYANG BRGYAD PA DE DAG GIS RGYAS BTAB PA YOD PA MA YIN NO ZHES STON PAR 'GYUR RO, ,DE LA LHAN CIG SKYES PA'I SHES RAB BAM LHAN CIG SKYES PA'I THABS DANG BDAG BYIN GYIS BRLAB PA LA SOGS PA NI LUS MED PA DANG DBU RGYAN NI SANGS RGYAS YIN NO ZHES DKYIL 'KHOR RNAMS RGYAS BTAB PA'O, ,PHYAG RGYA CHEN PO DANG YANG DAG PAR SBYOR BA'I GNAS KYI MCHOG RNAMS NI SPYAN LA SOGS PA LA YANG RJES SU 'JUG PA'I PHYIR TE, SBYOR BA YI NI SNGAGS RNAMS KUN, ,SPYI BO NAS NI BSKUL BA SHES, ,ZHES GSUNGS PA'I PHYIR RO, ,DE BZHIN GSHEGS PA RNAMS KYI RIGS KYI RIG MA RNAMS LA YANG, ,RDO RJE SPYAN GYI GZUGS LA SOGS, ,GTZUG TOR MNYES PAR BYED PAR BSHAD, ,CES GSUNGS PA'I PHYIR RO, ,

102a

, ,BDAG PO ZHES BYA BA NI GCIG PU STE, DKYIL 'KHOR LAS PHYI ROL PA ZHES BYA BA'I DON TO, ,RDO RJE GCIG PU'I ZHES BYA BA NI RIG MA DANG 'KHYUD PA CAN NO, ,RE RE ZHES BYA BA NI RIG MAS MA 'KHYUD PA STE, ,DON GYIS NI RIG MA DANG BCAS PA LA RIG PA DANG BCAS PA NYID DO, ,SNYING GAR PHYAG RGYA SNGAGS TZAM GYIS, ,RGYAS BTAB PAR NI BRTAG PAR BYA, ,DE RNAMS KYI SNYING GA RNAMS SU STE, ,SNYING GA DANG, SPYI BO DANG, LKOG MA DANG, SEMS KYI GNAS RNAMS KYI PHYAG RGYA NI SNYING GAR PHYAG RGYA'O, ,RANG RIG RIM GYIS ZHES BYA BA NI, ,YE SHES DANG SKU GSUNG THUGS DAG GI RIM GYIS SO, ,YANG DAG PAR SBYOR BA CAN LUS DANG BCAS PA DANG LUS MED PA CAN SNYING GA'I PHYAG RGYA RNAMS LA SNGAGS JI LTAR BSGOM PAR BYA ZHE NA, ,DE'I PHYIR 'BRAS BU ZHES BYA BA LA SOGS PA GSUNGS PA LA 'BRAS BU NI GDAN TE, SNYING GA'I NYI MA'AM, ,ZLA BA YIN LA RGYU NI DE'I DBUS KYI MTSAN MA STE, ,DE'I LTE BA'I NYI MA'AM ZLA BA YIN LA, ,DE'I DBUS SU SNGAGS ZHES BYA BA'I DON TO, ,CHOS 'BYUNG BA BSGOM PA NI BCU PA LAS, ,'GOG PA KHRO BO'I 'KHOR LO YIS, ,ZHES BYA BA 'DIS BSTAN PA DE'I DRI BA ZHUS PA'I LAN NI LONGS SPYOD BZHI ZHES BYA BA LA SOGS PA GSUNGS PA STE, 'DI NI NYE BA'I GRUB PA'I DRAG SHUL GYI SBYOR BA BYA BAR MI NUS PA RNAMS KYI CHO GA'O, ,RIG PA'I SKYES BU YANG DE YIN LA RDO RJE CAN YANG YIN PA STE, DE BSGOM PAR BYA ZHES BYA BAR SBYOR RO, ,GANG DU ZHE NA GRU GSUM STE, ,CHOS 'BYUNG BA'I NANG DU CHUD PA'I GZHAL YAS KHANG DU ZHES BYA BA'I DON TO, ,JI LTAR GRU GSUM ZHE NA, ,SKU GSUNG THUGS KYI BYE BRAG GIS SO, ,JI LTA BU'I RDO RJE CAN ZHE NA, ,LONGS SPYOD BZHI DANG YANG DAG LDAN PA STE, ,DGA' MA BZHI'I RIG MAS YONGS SU BSKOR BA'O, ,DBUS SU ZHES BYA BA NI RDO RJE CAN GYI SNYING GAR 'KHOR LO BSGOM PA'O, ,DE RU ZHES BYA BA NI 'KHOR LO LA'O, , RTZIBS KUN LA NI ZHES BYA BA NI RTZIBS BCU PO RNAMS LA'O, ,YE SHES BCU NI GZUNG BA DANG, 'DOD CHAGS LA SOGS PA 'CHAD PAR 'GYUR BA RNAMS SO, ,DE'I BDAG NYID CAN NI DE'I RANG BZHIN DU 'BYUNG BA STE, ,'DI DAG LA RANG GI SA BON LAS RANG GI MTSAN MA'I RNAM PAR 'BYUNG BA YOD PAS NA DE SKAD

102b

CES BYA'O, ,DE CI'I PHYIR ZHE NA, ,LCAGS KYU DBYIG PA MDUNG DANG NI, ,RAL GRI MTSAMS SU DGOD PAR BYA, ,'DOD RGYAL DBYIG SNGON STOBS MI G-YO, ,STENG DU 'KHOR LO 'OG GNOD MDZES, ,KHRO RGYAL RNAMS KYIS RGYAS BTAB BO, ,ZHES PHYAG RGYA DGOD PA ZHUS PA'I LAN GSUNGS PA'I PHYIR RO; ,'KHOR LO'I LTE BAR YANG RDO RJE 'DZIN PA'I MTSAN MA SA BON LAS BYUNG BA LTE BAR SA BON CAN DU DON GYIS SHES PAR BYA'O, ,'DI LTAR LHA BCU GCIG GIS BYIN GYIS BRLABS PA SHIN TU MI G-YO BA DANG MTSUNGS PAR 'KHOR BA'I 'KHOR LO RTZIBS BCU PA DE NYID DO, ,RNAL 'BYOR PAS 'GOG PA'I SEMS KYIS BSGOM PAR BYA'O, ,BSGOMS PA'I STOBS KYIS RDZOGS PA'I 'GOG PA'I RDO RJE STE BRTAN PAR 'GOG PAS SO, ,SHIN TU GSAL BAR SNANG BA NYID KYI PHYIR MCHOG TU'O, ,DGA' BAR BYED PA NYID KYI PHYIR MDZES PAR GYUR PAS SO, ,RDO RJE 'BAR BA'I SPRIN SPRO BAS KHRO BO'I MTSAN MA RNAMS LAS KHRO BO'I RNAM PAR 'BAR BA NAM MKHA' KHYAB PAR BYED PA RGYUN GYIS YANG DANG YANG PHYOGS BCUR SPRO BAR BYA'O, ,DE LTAR NA ZHES BYA BA LA SOGS PAS NI MJUG SDUD PA YIN NO, ,CHOS 'BYUNG YE SHES DE NI YE SHES BCUR 'BYUNG BA BSGOM PA'O, ,DRI MA MED PA NI NYES PA MED PA NYID KYI PHYIR RO, ,ZHI BA NI YON TAN GYI 'BYUNG GNAS NYID YIN PA'I PHYIR RO, ,'DI BSGOMS PAS CIR 'GYUR ZHE NA, ,BSGOMS PAS ZHES BYA BA LA SOGS PA GSUNGS PA LA, ,BSGOMS PAS NI BSGOM PA YONGS SU RDZOGS PA'O, ,SANGS RGYAS SPYAN NI 'JIG RTEN LAS 'DAS PA'I BYANG CHUB KYI SEMS NYE BAR SGRUB PA'I 'BRAS BU'O, ,SRUNG BA'I 'KHOR LO NI PHYI'I KHRO BO'I GZUGS BCU PO NYID KYIS BYIN GYIS BRLAB PAR BSGOM PAR BYA'O, ,SDOM PA NI PHAL CHER LNGA PA DANG DGU PA DANG BCU BDUN PA LAS GSUNGS PA DE DRI BA ZHUS PA'I LAN NI RDO RJE CAN GYIS ZHES BYA LA SOGS PA GSUNGS PA LA, ,'DA' BAR MI BYA BA'I DON GYIS NA DAM TSIG YIN LA, ,BGEGS BZLOG PA'I DON GYIS NA SDOM PA YIN TE, ,RNAM GRANGS KYI DBYE BAS YAN GYI DON GYI DBYE BAS NI MA YIN PA DE'I PHYIR SDOM PA'I SGRAS NI ZHUS PA YIN LA, ,DAM TSIG DANG SDOM PA DAG GIS NI LAN GSUNGS PA YIN NO, ,RIM PA GNYIS NI RNAL 'BYOR RNAM PA GNYIS

103a

, ,SO; ,DE LA RANG GI LHA LA SOGS PA'I SNGAGS DANG PHYAG RGYA MTSAN LA SOGS PA YONGS SU GYUR PA LAS NYIN RE ZHING YONGS SU BSKYED PA NI BSKYED PA STE, ,DE LA GNAS PAS NA BSKYED PA'O, ,RDZOGS PA NI KUN DU SPYOD PA STE, ,THABS GSUM GYIS 'BRAS BU RTOGS SO, ,THABS GONG MA BZHI PA'I BSGOM PA BRTAN POR GYUR PAS DNGOS PO THAMS CAD LA CI RIGS PAR SKYES SHING RDZOGS PAR SKAD CIG RE RE ZHING MTHONG BAR GYUR BA KUN DU SPYOD PA'I DON NI RDZOGS PA'O, ,RDZOGS PA DE NYID LAS DANG PO LAS KYANG LHAG PAR MOS PAS DMIGS PA NI RDZOGS PA'I RIM PA'O, ,DE LTAR RIM PA GNYIS LA BRTEN NAS BSHAD PA YIN GYI RIM PA GCIG GIS NI MA YIN NO, ,SGRUB PA NI MNGON PAR RTOGS PA'O, ,'BAD PA NI NYAMS SU LEN PA'O, ,DAM TSIG DANG SDOM PA GANG YIN PA NI SNGAR RGYAS PAR BSHAD PA NYID DO, ,DE NI RIM PA'I DBYE BAS PHYE BA YIN TE, ,BSKYED PA'I RIM PA LA MNGON PAR RTOGS PA NI TING NGE 'DZIN GSUM MO, , DE'I NYAMS SU LEN PA NI DUS MTSAMS DANG LANGS NAS MNYAM PAR MA GZHAG PA'I RNAL 'BYOR RO, ,DAM TSIG NI SBYANG BA DANG SPAR BA DANG SPRO LA SOGS PA DANG LDAN PA'O, ,DE NYAMS SU LEN PA NI BAG MED PA DANG SPANG BA DANG BSAM GTAN GYIS KYANG NGO, ,RDZOGS PA'I MNGON PAR RTOGS PA NI KUN DU SPYOD PA'O, , NYAMS SU LEN PA NI SKAD CIG CING RGYUN MI 'CHAD PAR RO, ,DAM TSIG NI LHAG PAR MOS PA TZAM GYIS SBYANG BA'O, ,DAM TSIG GI NYAMS SU LEN PA NI RANG GI SKU'AM LUS GZHAN GYIS KYANG CI RIGS PAR RO, ,LAS DANG PO PA RNAMS KYI YANG BSKYED PA BZHIN TE SDOM PA'O, ,DBANG BSKUR BAS KUN DU BZANG PO NYID DU 'GYUR RO ZHES BCU BDUN PA LAS 'BYUNG LA, ,KUN DU BZANG PO DE YANG DPAL MCHOG DANG PO LA SOGS PAR, SNYING STOBS RDUL DANG MUN PAS KYANG, ,GANG PHYIR 'GRO BA'I DON 'BYUNG BA, ,DE PHYIR NGA NI KUN DU BZANG, ,ZHES BSHAD PA YIN NO, ,DE LA SNYING STOBS DANG RDUL DANG MUN PA NI 'DOD CHAGS DANG, ZHE SDANG DANG, GTI MUG GO, ,DE'I PHYIR, 'DOD CHAGS ZHE SDANG GTI MUG CHES, ,SEMS CAN DON MDZAD JI LTA BU, ,ZHES BYA BA 'DI DRIS PA YIN TE, ,DE'I LAN NI GZUGS DANG ZHES BYA BA GSUNGS PA LA 'DOD PA ZHES BYA BA NI SO SOR SDUD PA LA GDAN GYI RANG BZHIN RNAMS SO, ,BDE BA NI

103b

BDE BA BSKYED PA'I BSIL BA DANG DKAR BA'AM DMAR BA'O, ,SDUG BSNGAL NI DRO ZHING DMAR BA'O, ,GNYI GA'I BDAG NYID NI ZHI ZHING DKAR BA'O, ,SNYING LA ZHES BYA BA NI TSOGS PA'O, ,SKYE BAR 'GYUR ZHES BYA BA NI BSDUS PA'O, ,'DOD CHAGS NI TSIM PAR BYED PA'I KHA DOG STE, SER PO DANG, DMAR PO DANG, LJANG GU RNAMS SAM, ,DKAR ZHING BSIL BA'O, ,ZHE SDANG NI KHRO ZHING GNAG PA'O, ,MUN PA NI ZHI ZHING DKAR BA'O, ,CHAGS PA'I RANG BZHIN NI SNA TSOGS PA'I RANG BZHIN NO, ,RDO RJE NI SEMS KYI PHRA MO'O, ,DAM TSIG NI SPROS PA'I DKYIL 'KHOR RO, ,'DOD PAR BYAS PAS NA 'DOD PA STE BYANG CHUB BO, ,DAM TSIG MTSUNGS PA NI DAM TSIG GI RJES SU BYED PA STE, SNGAR GYI 'DOD PA BZHIN NO, ,RNAM PA NI SANGS RGYAS RNAMS KYI SKU'I YE SHES TE, ,DON BYED DO ZHES BYA BA 'OG NAS 'BYUNG BA DANG 'BREL TO, ,RNAM PA MED PA ZHES BYA BA NI THUGS KYI YE SHES TE, ,PHRA MO GNYIS PA'O, , KUN 'GRO BA ZHES BYA BA NI BDE BA'I YE SHES TE, ,PHRA MO GSUM GYI RANG BZHIN NOR BU'O, ,YI GE GSUM GYI BDAG NYID NI DE NYID NYE BAR MTSON PA STE, ,GANG DU YE SHES GSUM PO YOD PAS DE'I YI GE GSUM MO, ,BDAG NI RANG GI SNGAGS SO ,GANG ZHES BYA BA NI DER GNYI BDE BA STE, 'DI NI YI GE GSUM GYI BDAG CES BYA'O, ,BYED PA ZHES BYA BA NI DE BZHIN DU SGOM PA BRTAN POR BYED PA'O, ,'PHROG PA ZHES BYA BA NI RDO RJE'I NANG DU SPROS PA'O, ,SPRO BAR BYA BA ZHES BYA BA NI DE NYID KYI 'OD ZER PHYUNG BAS NAM MKHA' KHYAB PAR BYA BA'O, ,RANG GIS BZLAS PA ZHES BYA BA NI DE'I BDAG NYID KYIS 'KHOR LO DANG PADMA LA SOGS PA SPRO BA'O, ,DE LTAR ZHES BYA BA NI CHAGS PA'I RANG BZHIN ZHES BYA BA DANG SBYAR TE BSTAN PA'I RIM GYIS 'DOD CHAGS KYI RANG BZHIN SPROS PAS SA GSUM PO MA LUS PAR BSKYED PAR BYA'O, ,ZHE SDANG GTI MUG CES BYA BA YANG DE LTAR ZHES BYA BA DANG SBYAR TE, ,RIM PA DE NYID KYIS ZHE SDANG GI RANG BZHIN DANG GTI MUG GI RANG BZHIN DU 'GRO BA RNAMS BSKYED PA'O, ,RGYAS BTAB CING ZHES PA NI SPROS PA'I DKYIL 'KHOR BSDUS PA LAS BYUNG BA SHIN TU PHRA BA'I GDAN SNGAR GYI GDAN DANG MTSUNGS PA'I REG BYA DANG, KHA DOG CAN NOR BU PHRA MO'I NANG DU RNAM PAR BSAM MO ZHES BYA BA'I DON TO, ,

104a

, ,RDO RJE CAN GYI ZHES BYA BA NI RDO RJE SEMS DPA'I'O, ,DON ZHES BYA BA NI DE KHO NA NYID RNAL 'BYOR PAS BYED PA'O, ,DON JI LTA BU ZHIG BYED CE NA, ,GSANG BA DAG PA STE, SGRIB PA DANG BRAL BA'I YE SHES GSANG BA'O, ,DE DAG NI BSNYEN PA'I SBYOR BA'I YAN LAG STE, ZHAR LA 'ONGS PA BSHAD NAS GZHAN LE'U DGU PA LAS 'DOD CHAGS LA SOGS PAS SEMS CAN GYI DON BYA BAR GSUNGS PA, ,ZHE SDANG ZHES BYA BA LA SOGS PA LA, ,ZHE SDANG 'KHOR LO BSKYED NAS SU, ,ZHES BYA BA NI BDAG NYID ZHE SDANG 'KHOR LO BSKYED PA'O, ,ZHE SDANG RNAL 'BYOR PAS ZHES BYA BA NI, BDAG NYID MI BSKYOD PA'I RNAL 'BYOR PAS SO, ,SBYOR BA ZHES BYA BA NI NAM MKHA'I NGOS LA BSGOMS PA'I SANGS RGYAS DANG BYANG CHUB SEMS DPA'I BKOD PA'I TING NGE 'DZIN GYIS BSTAN PAR BYA BA'O, ,RDO RJE DRAG PO ZHES BYA BA NI BDAG GI DKYIL 'KHOR BA'I LAG PAS 'PHANGS PAS SO, ,BCOM NAS SU ZHES BYA BA NI BKOD PA CHEN PO DE DAG NYID BSAD PA'O, ,YE SHES RDO RJE CAN ZHES BYA BA NI BCOM PA RNAMS KYI YE SHES SEMS DPA' STE, ,BSDUS NAS BDAG GI DKYIL 'KHOR GYI YE SHES SEMS DPA' LA BSDU BA'O, ,DE ZHES BYA BA NI BSDUS PA DE RNAMS SO, ,GSAD PAR BYA ZHES BYA BA NI SLAR SPRO STE BCOM PA RNAMS LA RJES SU BCUG PAS YANG DAG PAR GSO BA'O, ,DE BZHIN DU ZHES BYA BA NI SNGA MA BZHIN DU GSAD PA'O, ,GOMS BYAS NA ZHES BYA BA NI YANG DANG YANG DU SPRO ZHING BSDUS PA'O, ,ZHE SDANG RDO RJER BDAG NYID 'GYUR BA NI MTHAR THUG PA'I 'BRAS BU'O, ,KHAMS GSUM PO NI MA LUS PA BSAD DANG ZHES BYA BA LA SOGS PA NI 'PHRAL GYI 'BRAS BU STE GSAD PAR NUS PA ZHES BYA BA NI SEMS BRTAN PAR GYUR PAS MNGON DU NUS PAR GYUR PA'O, ,GTI MUG NI RNAM PAR SNANG MDZAD DO, ,RGYAN LA SOGS PA NI NAM MKHAR BSAMS PA RNAMS KYI'O, ,BRKU BAR BYA ZHES BYA BA NI BDAG NYID DANG BDAG GI DKYIL 'KHOR BA RNAMS KYIS KYANG BLANGS TE SPYAD PA'O, ,RTAG TU ZHES BYA BA NI YANG DANG YANG DU'O, ,GTI MUG SEMS KYI RGYA MTSO ZHES BYA BA NI BDAG DANG BDAG GI DKYIL 'KHOR BA'O, ,GTI MUG 'KHOR LO CAN GYIS KUN LA STE, ,BCOM PA RNAMS LA NI RIN PO CHE SLAR SBYIN PA'O, ,'DOD CHAGS NI

104b

SNANG BA MTHA' YAS SO, ,LHA MO THAMS CAD NI NAM MKHAR BLTAS PA'I LHA MO RNAMS SO, ,'DOD PA'I SBYOR BA NI 'DOD PA'I BYA BA'O, ,DGA' BA NI 'KHYUD PA LA SOGS PA'O, ,SDUG PA NI DGA' BA DANG YANG DAG PAR MTSON PA'O, ,BDE BA YE SHES SKYE BA'O, ,RANGS PA NI BDE BA LAS BYUNG BA'I RAB TU MGU BA'O, 'DOD PA'I RTZED MO NI RENGS PA LAS BYUNG BA'I LUS DANG NGAG GI 'GYUR BA'O, ,DE'I RNAM PAR 'PHRUL BA NI RNAM PAR ROL PA'O, ,KHAMS GSUM ZHES BYA BA LA SOGS PA NA 'PHRAL GYI 'BRAS BU GSUNGS PA'O, ,MTHAR PHYIN PA'I 'BRAS BU NI GNYI GA'I RIM PA BZHIN DU GTI MUG RDO RJE DANG 'DOD CHAGS RDO RJE'O; ,SKAD CIG TZAM GYIS ZHES BYA BA NI JI LTAR BSTAN PA'I DON DE RNAMS RNAL 'BYOR DE DAG LA GNAS TE, BSAMS MA THAG TU ZHES BYA BA'I DON TO, ,DE YANG RIGS PA MA YIN TE, RDZAS DANG 'KHRUL 'KHOR LA SOGS PA'I SBYOR BA DU MAS BSGRUB PAR BYA'O, ,DON RNAMS NI DE DAG MED PAR MI SRID PA'I PHYIR RO ZHE NA, ,'DIR DKYIL 'KHOR ZHES BYA BA LA SOGS PA SMOS TE LAS MCHOG NI, LAS DAM PA RNAMS SO, ,TSOGS NI RGYAS PA'O, ,NYAMS SU LEN PA'I THABS SU BYA BA'O, ,BYIN GYIS RLOB PA NI NUS PA LHAG PAR GZHAG PA'O, ,GRUB PA NI DKYIL 'KHOR LA SOGS PA GANG YIN PA'O, ,DE DAG GI BGROD PA GZHAN NI RNAM PA GZHAN YIN GYI, ,GDON MI ZA BAR RGYUD JI BZHIN DU NI MA YIN TE, ,GANG GI PHYIR KHYAD PAR DU GYUR PA 'DI DAG THAMS CAD NI DE DAG GI SEMS LA RAG LAS PA'I PHYIR RO, ,SGRUB PA CHEN PO'I LE'U RNAMS KYI SBAS PA'I TSIG GI DON ZHAR LA 'ONGS PA DANG BCAS PA GSAL BAR BYAS NAS SGRUB PA'I LE'U RNAMS KYI SBAS PA'I TSIG DON BRJOD PAR BYA STE, ,DE LA DKYIL 'KHOR NI PHAL CHER BZHI BA DANG, BCU DRUG PA DANG, BRGYAD PA LA YIN LA, ,DE'I DRIS PA'I LAN NI BHA GA ZHES BYA BA LA SOGS PA GSUNGS PA YIN TE, ,DE'I PHYIR SHES RAB BHA GAR BRJOD CES GSUNGS PAS NA, BHA GA NI SHES RAB YIN LA DE NYID NI NGAG YIN TE, ,DE'I PHYIR BHA GA'I DKYIL 'KHOR NI GSUNG GI DKYIL 'KHOR RO, ,BYANG CHUB KYI SEMS NI THUGS SO, ,DE'I PHYIR BYANG CHUB SEMS KYI DKYIL 'KHOR NI MI BSKYOD PA'I DKYIL 'KHOR RO, ,LUS NI RNAM PAR SNANG MDZAD DO, ,DE BAS NA DE'I DKYIL 'KHOR NI SKU'I

105a

, ,DKYIL 'KHOR RO, ,YANG NA BHA GA NI GDAN DANG SNGAGS SO, ,BYANG CHUB NI MTSAN MA'O, ,LUS NI PHYAG RGYA CHEN PO'O, ,DE GSUM NI DKYIL 'KHOR YIN PAR BRTAGS PA STE RNAM PAR GZHAG PA'O, ,GSUM CHAR YANG SNYING PO BSDUS PA'I PHYIR DKYIL 'KHOR YIN NO, , PHYAG RGYA DGOD PA YANG DKYIL 'KHOR YIN PA'I PHYIR DKYIL 'KHOR GYI DE MA THAG TU DE DRIS PAS NA DE'I LAN PHUNG PO ZHES BYA BA LA SOGS PA SMOS TE, ,THAMS CAD CES BYA BA NI SANGS RGYAS RNAMS SO, ,PHYAG RGYA NI SKYE BO RNAMS RJES SU GZUNG BA'I PHYIR RGYAS BTAB PA'O, ,PHYAG RGYA GANG GI YIN ZHE NA; ,PHUNG PO SKYE MCHED KHAMS KYI'O, ,'O NA SGO SKYONG RNAMS KYI PHYAG RGYA GANG LA GDAB CE NA, ,RNAM PAR SHES PA'I PHUNG PO LA STE, ,SANGS RGYAS BYANG CHUB YE SHES 'DI, ,ZHES GSUNGS PA'I PHYIR RO, ,RTAG TU ZHES BYA BA NI 'KHOR RNAMS SO, ,LCAGS KYU ZHES BYA BA LA SOGS PA NI MTSAN MA'I PHYAG RGYA STE; ,SNYING GAR SON PA'I KHRO BO'I 'KHOR LO RTZIBS BCU PA RNAMS KYI'O, ,'KHOR LO GNOD MDZES DANG 'KHOR LO'O, ,RIG PA'I RGYAL PO RDO RJE RNAMS, ,ZHES BYA BA NI MIG LA SOGS PA YIN NO ZHES KHA CIG ZER RO, ,GZHAN DAG NI DKYIL 'KHOR CHEN PO NYID KYI'O ZHES ZER RO, ,SA LA SOGS PA'I SEMS DPA' RNAMS ZHES BYA BA NI LHA MO BCU PO RNAMS SO, ,RANG GI DKYIL 'KHOR RO ZHES BYA BA NI JI LTA BA BZHIN DU SO SOR SDUD PA LAS LAS RANG RANG GI 'DOD PA'I GDAN GYI DKYIL 'KHOR DANG LONGS SPYOD BZHI'I DKYIL 'KHOR LAS LA SOGS PA RNAMS KYI'O, ,ME LONG LA SOGS PA'I PHYAG RGYA DRUG NI DKYIL 'KHOR CHEN PO NYID KYI 'DOD PA RNAMS KYI'O, ,SANGS RGYAS NI RNAM PAR SNANG MDZAD PA LA SOGS PA'O, ,BYANG CHUB SEMS DPA' NI RIG PA'I RGYAL MO RNAMS SO, ,KHRO BO'I RGYAL PO NI SGO SKYONG RNAMS TE, DE RNAMS KYI PHYAG RGYA NI RTZA BA'I RGYUD DU BSHAD PAS 'DIR MA BSTAN TO ZHES BYA BAR DGONGS SO, ,GAL TE DE LTAN CI'I PHYIR SA LA SOGS PA'I SEMS DPA' RNAMS PHYAG RGYA RANG GI DKYIL 'KHOR YIN ZHES BRJOD CE NA, ,DE LTA YIN PA DE NYID KYI PHYIR SO SOR SDUD PA'I DKYIL 'KHOR DANG LONGS SPYOD BZHI'I DKYIL 'KHOR GYI DBANG DU BYAS PA'I GDAN BCU'I DKYIL 'KHOR YIN PAR

105b

SHES PAR BYA BA'I PHYIR SA LA SOGS PA'I SEMS DPA' RNAMS ZHES BYA BA LA SOGS PA GSUNGS PA YIN NO, ,DE BZHIN DU LCAGS KYU LA SOGS PA YANG 'GOG PA'I DKYIL 'KHOR GYI DBANG DU BYAS PA YIN PAS NA PHYAG RGYA THAMS CAD GCIG KHO NAS DKYIL 'KHOR CHEN PO'I DBANG DU BYAS TE, GSUNGS PA NI MA YIN NO, ,DE BAS NA PHYAG RGYA SUM CU RTZA GCIG BDAG PO DANG BCAS PA'I DKYIL 'KHOR CHEN PO LHA SUM CU RTZA GNYIS KYI YIN PAR KHA CIG SMRA BA DE DAG RIGS PA MA YIN NO, ,SKU RDO RJE LA SOGS PA'I BYANG CHUB SEMS DPA' RNAMS KYIS NI SA'I SNYING PO LA SOGS PA BZHIN TE RIGS RNAMS KYI MTSAN MA NI SANGS RGYAS RNAMS KYI MTSAN MA NYID DO ZHES BYA BA 'DI NI GRUB PA YIN NO, ,DE BAS GZHAN DU'ANG ZHES BYA BA LA SOGS PA LA GZHAN DU ZHES BYA BA NI RGYUD GZHAN DU GSUNGS PA'I LHA RNAMS SO, ,DPA' BO GCIG CES BYA BA LA DPA' BO NI DKYIL 'KHOR GYI BDAG PO YIN PAS SO; ,GCIG NI GROGS MED PAS SO, ,RIGS KYI KHA DOG GIS NI BRTAG ,CES BYA BA LA BRTAG CES PA NI BRTAG GO ZHES BYA BA DA LTA'I BA'I DUS STON PA'O ,DE LAS ZHES BYA BA NI LTOS PA'I LNGA PA STE, RGYUD 'DI'I SKABS SU ZHAL GSUM PHYAG DRUG PA LA LTOS PA'O, ,RIGS ZHES BYA BA NI KHYIM STE DE RNAMS RANG GI RGYUD DO, ,RIGS DE'I KHA DOG GCIG GIS BRTAGS TE, DE LA BARnA NI SNGAGS DANG MTSAN MA DANG DKAR PO LA SOGS PA DANG BRAM ZE DANG RGYAL RIGS LA SOGS PA BZHIN DU RIGS DANG RNAM PA BZHI LA BYA'O, ,PHYAG RGYA DGOD PA'O, ,PADMA DANG AUTPALA SOGS PA ME TOG DANG MCHOD RTEN DAG BRGYAD PA LAS GSUNGS PA DE'I DON DRI BA ZHUS PA'I LAN NI LHA MO ZHES BYA BA LA SOGS PA GSUNGS PA LHA MO DGU NI RIG MA DGU'O, ,DE RNAMS KYI NAM MKHA'I KHAMS NI GSANG BA'O, ,ME TOG CES BYA BA NI ME TOG GI MING CAN NO, ,DGOD PAR BYA ZHES BYA BA NI ME TOG DE RNAMS NYID DO, ,SKU GSUNG THUGS KYI DBYE BA YIS, ,RIM GYIS ZHES BYA BA NI GTI MUG DANG 'DOD CHAGS DANG ZHE SDANG SKYED PAR BYED PA'I SKU RNAMS NI GO RIMS BZHIN DU GTI MUG DANG 'DOD CHAGS GSUM DANG ZHE SDANG LA'O, DE BZHIN DU GTI MUG DGA' MA LA SOGS PA'I GTI MUG DANG ZHE SDANG DANG 'DOD CHAGS GNYIS DANG RDO RJE LA'O, ,SANGS

106a

, ,RGYAS THAMS CAD KYI BZHUGS GNAS NI GZHAL YAS KHANG STE MCHOD RTEN NO, ,'DIS NI MCHOD RTEN YANG BSHAD PA YIN TE, GNYI GA'I DON GCIG PA NYID KYI PHYIR RO, ,YE SHES 'KHOR LO DANG GNAS KYI YI GE DANG DAM TSIG BSKUL BA DANG GTONG BA DANG BOD PA DANG BCING BA STE BCU DRUG PA LAS GSUNG PA DRUG PO 'DI DAG GI DON, DRI BA'I LAN NI YE SHES SEMS, ,ZHES BYA BA LA SOGS PA GSUNGS PA LA, YE SHES SEMS DPAS SPRUL ZHING PHYUNG BA'I 'KHOR LO GANG YIN PA DE YE SHES 'KHOR LO STE, YE SHES LAS BYUNG BA'I 'KHOR LO NI YE SHES KYI 'KHOR LO ZHES BYA BAR DGONGS SO; ,DE NYID NI KUN DU RTOG PAS ZHES BYA BAR BYAS PAS DAM TSIG GO, ,SA BON YI GE GNAS ZHES BSHAD, ,CES PA LA, LHA'I GNAS YIN PAS NA SA BON NO, ,DE'I BRJOD PA NI YI GE STE NGES GNAS SO, ,JI LTAR RJOD PAR BYED PAS YI GE YIN ZHE NA, GANG GI PHYIR YI GE TZAM 'DIR YI GE MA YIN TE; 'O NA CI ZHIG CE NA, RDO RJE GSUM PO DE YI GE MI 'GYUR BA STE, SEMS GANG YIN PA DE NYID BRJOD PA'I NGAG GI RNAM PA DANG, LUS SU YANG 'GYUR TE, RDO RJE GSUM PO DE LAS MI 'GYUR BAS NI RDO RJE GSUM YI GE'O, ,DE'I PHYIR RJOD PAR BYED PAS NA YI GE YIN GYI YI GE TZAM NI MA YIN NO, ,SAD PAR BYA BA NI DAM TSIG STE YE SHES KYI 'KHOR LA'O, ,SKU DANG GSUNG DANG THUGS RO MNYAM PA'I SA BON GYI YI GE YIN TE, DES NA DE NYID BRJOD PAS ZHES BYA BA'I DON TO, ,'OD ZER 'BYED PA NI 'OD 'BAR ZHIG SPRO BA'O, ,RDO RJE KUN NI SANGS RGYAS THAMS CAD KYI'O, ,RDO RJE CAN NI SKU GSUNG THUGS KYI RDO RJE CAN NO, , DE RNAMS SPYAN DRANGS PA NI 'OD ZER DE NYID KYIS DGUG PA'O, ,DE'I GNAS NI YE SHES KYI SA BON NO, ,DBANG BSKUR BA DANG RIG PA'I BRTUL ZHUGS NI BCU DRUG PA LAS GSUNGS PA DE'I DRI BA ZHUS PA'I LAN NI SKU ZHES BYA BA LA SOGS GSUNGS PA LA, SKU LA SOGS PA NI DKYIL 'KHOR GYI BDAG PO'I SKU DANG GSUNG DANG THUGS KYI RANG BZHIN GYI SKU GSUNG THUGS NI RGYAS BTAB STE, RI MO'I DKYIL 'KHOR BRTAG PAR BYA ZHING 'BYIN PAR BYA'O, ,SANGS RGYAS THAMS CAD MNYAM PAR SBYOR BA LA SOGS PA LAS, DKYIL 'KHOR YANG DAG JI LTA BAR, ,RAB TU BRTAG PAR SU YIS NUS, ,RANG GI LHA YI SBYOR BA YIS, ,

106b

DKYIL 'KHOR BRTAG PAR 'GRUB PAR 'GYUR, ,ZHES GSUNGS PA'I PHYIR RO, ,DE LTAR DKYIL 'KHOR BRIS NAS CHO GA BZHIN DU BZHUGS SHING CHO GA BZHIN DU BCUG PA'I SLOB MA LA DBANG BSKUR BA SBYIN PAR BYA ZHES BYA BA LA SOGS PA GSUNGS SO, ,CI'I PHYIR 'DIR DBANG BSKUR GSUM GSUNGS SHE NA, GSUM PO NYID KYIS SLOB DPON DU BYED PA'I PHYIR RO, ,DE LTAR BZHI PA DE BZHIN NO, ,ZHES BYA BA NI GSUM PO DAG LAS LHAG MA NYID KYI PHYIR BZHI STE, RIG PA'I DBANG BSKUR RO, ,DE YANG DE BZHIN TE ZHES PA NI RGYUD GZHAN JI LTA BA DE BZHIN DU STE, DE BAS NA DE'I RGYUD GZHAN GYI RJES SU 'BRANGS NAS SHES PAR BYA'O, , DE YANG DBANG BSKUR BA DRUG STE, PHRENG BA DANG, CHU DANG, COD PAN DANG, RDO RJE DANG, BDAG PO DANG, MING GI DBANG BSKUR BA ZHES BYA'O, ,DE LA BUM PA'I DBANG BSKUR BA NI LE'U BCU DRUG PA NYID DU YONGS SU GSAL BAR MDZAD PA YIN NO, ,GNYIS PA NI MIG YANGS ZHES BYA BA LA SOGS PA GSUNGS PA LA, SNGAGS NI YID CHES PA 'DI NYID DO, ,SNGAGS KYI SNOD DU RUNG BA NI, THOS PA DANG DAD PA LA SOGS PA'I KHYAD PAR DANG LDAN PA'I PHYIR RO, ,ME TOG NI DUS SU 'BYUNG BA'O, ,RDO RJE THAMS CAD NI SANGS RGYAS THAMS CAD DO, ,SKU GSUNG THUGS KYI RDO RJE NI RO GCIG PAR 'GYUR BA STE, DE'I RNAM PA PHYUNG NAS SO, , GSUM PA NI MCHOG TU DAD CING ZHES BYA BA LA SOGS PA GSUNGS TE, SBYOR BA GCIG NI RGYUD GCIG LA NAN TAN DU BYED PA'O, ,DAM TSIG DAG GI DAM TSIG CAN, ,ZHES BYA BA NI DE'I PHYI ROL RNAL 'BYOR BA SGRUB PA PA'O, ,SHES RAB NI RNAL 'BYOR MA'O, ,RMONGS PA ZHES BYA BA NI, GTI MUG GI RIGS RANG GI LHAG PA'I LHAR GYUR PA NA'O, ,GTI MUG BDAG NYID RNAL 'BYOR ZHES BYA BA NI RNAM PAR SNANG MDZAD KYI RNAL 'BYOR BYA BA'O, ,GTI MUG DGA' MA ZHES BYA BA NI, RIG MA DE NYID GTI MUG DGA' MAR BYAS PA'O, ,GTI MUG RGYUN NI BSIL ZHING DKAR BA'O, ,GTI MUG RDO RJE RANG NYID GYUR, ,ZHES PAS DE'I RIGS LAS SKYES PAR 'GYUR BA LTA CI SMOS ZHES PA'O, ,DE LTAR PHYI MA GSUM LA YANG SBYAR BAR BYA'O, ,'ON KYANG ZHE SDANG GI RGYUN NI DRO ZHING GNAG PA'O, ,'DOD CHAGS KYI RGYUN NI PADMA R'A GA LTA BU'O, ,SHES RAB YE SHES NI DON YOD GRUB PA'O, ,RIG PA'I BRTUL ZHUGS LA SGRUB PA POS NI RIG PA GNYI G-YONGS

107a

, ,SU GZUNG STE GTANG BAR MI BYA'O, ,SLOB DPON TZAM BZHI NI PHYI ROL GYI NGES PA MA YIN NO, ,BDUD RTZI LNGA DANG DPA' BO LNGA DAG BSTEN PA NI BCU DRUG PA DANG BCU GNYIS PA LA SOGS PA LAS GSUNGS PA DE'I DRI BA ZHUS PA 'DI DAG GI LAN NI THA MAL ZHES BYA BA LA SOGS PA GSUNGS TE, 'DIR 'JIG RTEN LA RAB TU GRAGS PA'I RANG BZHIN GYI THA MAL PA'O, ,NGO BO NYID DES DRI MA LNGA RNAMS DE NYID DO, ,LUS KYI CHOS LA ZHES BYA BA NI LUS GNAS PA'I PHUNG PO LA SOGS PA LA'O, ,SNANG BA NI YONGS SU GSAL BAR BYA ZHES BYA BA'I DON TO, ,DE BAS NA NGO BO NYID DE NYID BSTEN PAR MI BYA BAR DGONGS SO 'O NA JI LTAR NA BDUD RTZI LNGA YIN ZHE NA, YE SHES LNGA YIS BYIN GYIS BRLABS PA STE, YE SHES LNGA NI SPAR BA LA SOGS PA'O, ,YE SHES KYI BDUD RTZI DBAB PA NI LNGA PA'O, ,DES NI BDUD RTZI LNGA NYID BDUD RTZIR GYUR PA'O, ,DE BAS NA BDUD RTZI LNGA ZHES GSUNGS PA YIN NO, ,'DI RNAMS KYI 'GREL PA NI RDO RJE H'Um ZHES BYA BA LA SOGS PA YIN TE, RDO RJE NI SNGON PO KHA GYEN DU BLTAS PA'O, ,PADMA NI THOD PA DMAR PO KHA BKAG PA'O, ,DE'I DBUS SU ZHES BYA BA NI PADMA'I NANG DU'O, ,SPAR BA DANG GDUNG BAR BYA BA NI YE SHES GNYIS SO, ,RNAL 'BYOR PAS ZHES BYA BA NI RNAL 'BYOR GYI STOBS KYIS SO, ,SHEL DANG MTSUNGS PAR SNANG GYUR CING, ,ZHES BYA BA NI SHEL DANG 'DRA BAR DANG BAR BYAS NAS SO, ,DE NI YE SHES GSUM PA'O, ,YE SHES NYI MA BZHI BAR GYUR, ,CES BYA BA NI YE SHES KYI RANG BZHIN CAN GYI NYI MA'I DKYIL 'KHOR LTA BUR BSTAN NAS SO, ,DE NI YE SHES BZHI PA'O, ,MTSON CHA'I TSOGS NI 'OD ZER RNAMS SO, 'JIG RTEN GYI KHAMS NA BDUD RTZI GANG YIN PA DE NI SANGS RGYAS THAMS CAD KYI THUGS KA NA GNAS PA'I YE SHES KYI BDUD RTZI'O, ,PHAB NAS KYANG ZHES BYA BA NI THUGS KAR ZHUGS TE, SBUBS KYIS 'DREN PA BZHIN DU DRANGS NAS SO, ,DE NI YE SHES LNGA PA'O, ,BZA' BA'I SBYOR BAS ZHES BYA BA NI SNGAGS KYI LUS DANG, RDO RJE'I LCAGS KYU DANG, RDO RJE'I LCE DANG, YE SHES GSUM GYIS BYIN GYIS BRLABS NAS SO, ,DE BZHIN ZHES BYA BA NI BDUD RTZI LNGA'I CHO GA NYID KYIS SO, ,DPA' BO LNGA ZHES BYA BA NI SHA LNGA'O, ,BSGRUB BYA'I DNGOS GRUB CHO GA YIS, ,ZHES BYA BA NI DNGOS GRUB GANG GIS BSGRUB PAR BYA BAR GANG GSUNGS

107b

PA'O, ,GZHAN DU ZHES BYA BA NI SPAR BA LA SOGS PA'I CHO GA YI GE GSUM GYIS BYIN GYIS BRLABS PA'I MTHAR THUG PA RNAMS LAS 'DAS TE BSHAD BA LA SOGS PA DANG, DA DANG HA DANG, NA LA SOGS PAS NI DNGOS GRUB STZOL BAR MI 'GYUR RO, ,DNGOS GRUB NI BCU DRUG PA DANG BCU GNYIS PA DANG BCO LNGA PA DANG BCU GCIG PA DAG TU GSUNGS LA, DE LAS THA MAL PA NI JI LTA BU MCHOG KYANG JI LTA BU ZHES ZHUS PA'I DON YIN LA LAN NI MI SNANG ZHES BYA BA LA SOGS PA YIN TE, DNGOS GRUB NI ZHES BYA BA NI DNGOS GRUB RNAMS SO, ,THA MAL PA ZHES BYA BA NI DMAN PA'O, ,MCHOG CES BYA BA NI DAM PA'O, ,SGRUB PA'I LE'U RNAMS KYI SPAS PA'I TSIG GI DON BSHAD PA ZHAR LA 'ONGS PA DANG BCAS PA'O, ,THABS NI RTZA BA'I RGYUD MA LUS PA YIN PA DE BAS NA, DE LA THABS NI RNAM PA DU, ,ZHES ZHUS PA DE'I LAN NI, THABS NI RNAM PA BZHI PO DAG ,CES BYA BA LA SOGS PAS RGYA CHER GSUNGS SO, ,CI'I PHYIR GSUNG BA SHE NA, GANG GI PHYIR RNAL 'BYOR PAS RTAG PAR BSNGAGS PA STE, DE NYID RTAG TU BSNGAGS PA'AM, RAB TU GSAL BAR MDZAD CES BYA BA'I DON TO, ,JI LTAR NA RNAM PA BZHI PO YIN ZHE NA, BSNYEN PA'I ZHES BYA BA LA SOGS PA GSUNGS SO, ,BSNYEN PA RNAM PA GNYIS SU 'GYUR, ,ZHES BYA BA NI BSNYEN PA'I CHO GA NI RNAM PA GNYIS YIN NO ZHES BYA BA'I DON TO, ,JI LTAR RNAM PA GNYIS YIN ZHE NA, THUN MONG GI BYE BRAG GIS TE, DNGOS GRUB DMAN PA BSGRUB PA'I PHYIR BSNYEN PA NI THUN MONG GI BSNYEN PA'O, ,DNGOS GRUB MCHOG GI PHYIR BSNYEN PA GANG YIN PA DE NI MCHOG GI BSNYEN PA'O, ,DE LA THUN MONG GI BSNYEN PA NI RDO RJE BZHIS 'GYUR LA, MCHOG GI BSNYEN PA NI YE SHES BDUD RTZIS SO, ,DE LA DANG POR RDO RJE BZHI NI DANG PO ZHES BYA BA LA SOGS PA GSUNGS PA LA, STONG NYID BYANG CHUB STE ZHES BYA BA NI SNA TSOGS RNAM PAR RIG PA TZAM YIN NO ZHES MOS PAR BYAS LA, RNAM PAR RIG PA TZAM DE YANG GNYIS SU SNANG BA NUB PA'I PHYIR GNYIS KYIS STONG BA RTOGS PA, NAM MKHA' LTA BU, AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES BYA BA 'DIS BRTAN PAR BYA BA NI STONG NYID BYANG CHUB STE, DE NI RDO RJE DANG PO'O, ,SA BON BSDUS PA YIN ZHES BYA BA NI SNYING GAR GNAS PA'I RANG LHA'I SA BON DE NYID LAS SPROS PA'I DE BZHIN GSHEGS PA THAMS

108a

, ,CAD BSDUS PA'O, ,GZUGS NI RDZOGS PA STE ZHES BYA BA NI RANG GI LHA'I RNAM PAR RANG GI LUS RTEN BSKYED PA'O, ,YI GE BKOD PA'O ZHES BYA BA NI RANG GI LHA'I RNAM PA'I BDAG NYID KYI SNYING GAR DE'I SA BON BKOD PA'O, ,'DI DAG GIS ZHES BYA BA 'DIS BSKYED PAR BYA ZHES BYA BAR SBYAR RO, ,SBYOR BA DRUG GIS ZHES BYA BA NI YAN LAG DRUG GI SBYOR BAS SO, ,'DI NYID KYIS NGES PAR BYAS PA NI BSNYEN PA ZHES BYA BA LA SOGS PA GSUNGS SO, ,SO SOR SDUD PA DANG ZHES BYA BA LA SOGS PA NI YAN LAG DRUG GIS BSTAN PA YIN LA, DBANG PO BCU PO ZHES BYA BA LA SOGS PAS NI RGYAS PAR BSTAN PA YIN NO, ,DE LA SO SOR SDUD PA'I DBANG DU BYAS NAS, DBANG PO BCU PO ZHES BYA BA LA SOGS PA RKANG PA DRUG PA'I TSIGS SU BCAD PA GSUNGS SO, ,'BYUNG BA'I DBANG PO LNGA PO YONGS SU BSDUS PA NI PADMA DANG 'BYUNG BA LAS GYUR PA'I DBANG PO LNGA PO YONGS SU BSDUS PA'I RDO RJE DAG NI DBANG PO STE, 'DOD PA LA NYE BAR LONGS SPYOD PA'I BDAG PO YIN PA'I PHYIR RO, ,DE DAG NI BCU'O, ,BCU PA DE RNAMS NI BYED PA'I DRUG PA STE, DPER NA RAL GRIS BCAD PA BZHIN NO, ,NYE BAR SPYOD PA LA LTOS NAS BYED PA YIN NO, ,GCIG LAS NI BYUNG LA CIG SHOS SU NI 'JUG PAS SO; ,SDUD PA NI SDUD CING NYE BAR SPYOD PA STE, SANGS RGYAS LNGA'I RANG GI SA BON GYI RNAM PA'O, ,GANG LA SPYOD CE NA, GDAN GYI RANG BZHIN CAN GYI 'DOD PA LNGA LA'O, ,DE'I PHYIR GSUNGS PA 'DOD PA ZHES BYA BA STE, 'DOD PA RNAMS LA ZHES BYA BA'I DON TO, ,GANG LAS NYE BAR SPYOD CE NA, DE'I PHYIR GSUNGS PA, RANG GI GZHIR GNAS THAMS CAD LAS, ,ZHES BYA BA STE, RANG GI GDAN LA GNAS PA'I SNA TSOGS PA LAS ZHES BYA BA'I DON TO, ,'DI LTA BU'I 'DOD PA LA SPYOD PA GANG YIN PA DE NI SO SOR SDUD PA'O, ,DE'I PHYIR 'DOD PA SO SOR ZHES BYA BA LA SOGS PA GSUNGS TE, CI'I PHYIR GSUNGS SHE NA, SO SOR SDUD PA ZHES BYA BA GSUNGS TE, SO SO'I SGRA NI SO SOR PHYE BA'I DON TO, ,SO SOR PHYE NAS NYE BAR SPYOD DO ZHES GZUNG ZHING SBYAR BAR BYA STE, ,SO SOR PHYE BA LA NYE BAR SPYOD PA ZHES BYA BAR DGONGS SO, ,JI LTAR SO SOR PHYE ZHE NA, GANG PHYIR DBANG PO RNAM SBYOR BA'I RDO RJE'I NANG DU SON PA'I CHOS

108b

KYI DBYINGS LAS, RDO RJE'I BU GA NAS 'DOD PA LNGA PO RIM BZHIN DU PHYUNG STE PADMA'I NANG DU BKOD DE DE'I RJES LA DE BZHIN DU SNA TSOGS PA LAS SANGS RGYAS RNAMS PHYUNG STE, 'DOD PA RNAMS LA DGOD PAR BYA'O, ,GNYIS PA LA NI SO SO'I SGRA NI SO SOR KUN DU SDUD PA STE, SO SOR KUN DU BSDUS NAS NYE BAR SPYOD PA NA SO SOR SDUD PA ZHES BYA BA'O, ,DE CI'I PHYIR ZHE NA, 'DOD PA LNGA ZHES BYA BA LA SOGS PA GSUNGS TE, MDOR BSDUS ZHES BYA BA NI THAMS CAD CES BYA BA GZUNG BA LA SBYAR RO, ,AA SI ZHES BYA BA NI GDAN TE GDAN LNGA'O, ,'DOD PA'I GDAN LNGA PO SNA TSOGS PA'I GDAN LA MDOR BYAS TE BSDUS PA'O, , RGYU DE NYID KYIS NA SANGS RGYAS LNGA RAB TU SBYOR BAS SNA TSOGS PA LA BSDU BAR BYA'O, ,BSAM GTAN GYI DBANG DU BYAS TE GSUNGS PA BRTAG PA ZHES BYA BA LA SOGS PA LA, BRTAG PA NI ZHI GNAS DANG LHAG MTHONG STE DE NI BSAM GTAN NO, ,DE NI RNAM PA LNGA LNGAR 'GYUR, ,ZHES BYA BA LA SOGS PA LA; RTOG PA DANG BCAS DPYOD PA DANG BCAS PA DANG, RTOG PA MED PA'I DPYOD PA TZAM DANG, RTOG PA YANG MED DPYOD PA YANG MED PA'I TING NGE 'DZIN RNAM PA GSUM LA BSAM GTAN RNAM PA BZHI STE, RTOG PA DANG BCAS SHING DPYOD PA DANG BCAS PA DANG, RTOG PA YANG MED DPYOD PA YANG MED PA DANG, DGA' BA MED PA'I BDE BA DANG, SDUG BSNGAL YANG MED BDE BA YANG MED PA'I SEMS RTZE GCIG PA'O, ,DE LA TING NGE 'DZIN GNYIS PA BSAM GTAN GNYIS PAR BYAS NAS BSAM GTAN RNAM PA LDAR BRJOD DO, ,DE NYID KYI PHYIR RTOG DANG ZHES BYA BA SMOS STE, 'DOD PA RNAMS LAS 'DAS PA NI RTOG PA'O, ,DE LAS 'DAS PA NI DPYOD PA'O, ,DE LAS 'DAS PA NI DGA' BA'O, ,DE LAS 'DAS PA NI BDE BA'O, ,DE LAS KYANG 'DAS PA NI SEMS RTZE GCIG PA'O, ,BSAM GTAN BSDUS ZHES BYA BA NI SEMS YANG DAG PAR BSDUS PA NI BSAM GTAN ZHES BYA'O, ,'DI NA JI LTA BU ZHIG YIN ZHE NA, GSANG BA ZHES BYA BA LA SOGS PA GSUNGS TE, GSUM 'BYUNG BA NI PADMA'I LTE BA'I GRVA GSUM DU, 'KHOR LO DANG, PADMA DANG, RDO RJE RNAMS 'BYUNG BA'O, ,RTOG PA ZHES BYA BA NI RTOG PAR GRAGS PA STE, RGYA CHE BA'I BSAM GTAN YIN PA'I PHYIR RO, ,GSANG BA DE RNAMS KYI LONGS SPYOD NI DE RNAMS RO GCIG PAR GYUR PA'I RAL GRI

109a

, ,DBUS SU DGOD PA'O, ,DPYOD PA ZHES BYA BA NI DPYAD PAR GRAGS PA STE, PHRA BA'I BSAM GTAN YIN PA'I PHYIR RO, ,DGA' BA KUN SNANG ZHES BYA BA NI KUN DU YONGS SU SNANG BA'O, ,GSUM PA ZHES BYA BA NI DGA' BA ZHES GRAGS PA'I BSAM GTAN TE, MTSAN MA BZHI'I LTE BAR AOm A'A: H'Um H'A ZHES BYA BA 'DI'I DGA' MA RNAMS JI LTA BZHIN DU DGOD PA'O, ,BZHI PA ZHES BYA BA NI BDE BA ZHES GRAGS PA'I BSAM GTAN TE, BDE BA BSDUS PA ZHES BYA BA LA, DGA' MA DE DAG BSDUS NAS ZHU BA'I PHYIR BSDUS PA YANG YIN LA, BDE BA'I THIG LE YIN PA'I PHYIR BDE BA YANG DE YIN PAS BDE BA BSDUS PA'O, ,LNGA PA ZHES BYA BA NI SEMS RTZE GCIG PA ZHES BYA BAR GRAGS PA'I BSAM GTAN NO, ,DE CI ZHIG CE NA, RANG SEMS TE THA MAL PAR GNAS PA'I RANG GI SEMS NI RANG SEMS TE, BDE BA'I THIG LE'I NANG DU CHUD PA'I MTSAN MA BZHI BSDUS PA LAS BYUNG BA'I SEMS KYI THIG LE ZHES PA'I DON TO, ,DE NYID KYI PHYIR SHES DANG SHES BYA 'BYUNG ZAD PA STE SHES PA 'BYUNG BA NI MTSAN MA RNAMS SO, ,SHES BYA 'BYUNG BA NI DGA' MA RNAMS SO, ,ZAD PA NI DE DAG BSDUS PA'O, ,'DI NI BSAM GTAN GYI YAN LAG STE GNYIS PA'O, ,ZHI BA NI SNA TSOGS PA STE, DER SANGS RGYAS THAMS CAD BSDUS PA'I PHYIR SANGS RGYAS KUN DNGOS SO, ,DE'I GDAN LA SANGS RGYAS RNAMS KYI GDAN BSDUS PA LA GNAS PA NA 'DOD PA KUN LA RAB TU GNAS SO, ,DBUGS ZHES BYA BA NI SEMS KYI THIG LE'O, ,MTSAN MA BZHI BSDUS PA LAS BYUNG BA'I ZHI GNAS LNGA'I BDAG NYID YIN PA'I PHYIR YE SHES LNGA'I DNGOS SO, ,DGA' MA RNAMS BSDUS PA LAS BYUNG BA'I BDE BA'I THIG LE NANG DU CHUD PA'I PHYIR 'BYUNG BA LNGA'I NGO BO'O, ,GANG GI SGRA YANG DON GYIS SHES PAR BYA STE, DE NYID BSDUS PA LAS RIN PO CHE CHEN PO PHYUNG ZHES BYA BA NI SKYED PA STE, TZA RI DANG PAD DO'I DON GCIG PA'I PHYIR RO, ,JI LTA JI LTAR, SEMS PHRA MO'I 'GYUR BA DE LTA DE LTAR RIN THANG CHE BA'I PHYIR RIN CHEN TE RIN CHEN PHRA MO ZHES BYA BA'I DON TO, ,'KHOR LOS SGYUR BA'I RNAL 'BYOR LA GNAS NAS YAN LAG DRUG GI RNAL 'BYOR BYA BA YIN PA LAS RIN PO CHE YANG DE'I MDOG DANG 'DRA BA DE BAS NA RIN CHEN KHA DOG SNA LNGA PA'O, ,JI LTAR BSKYED PAR BYA ZHE NA,

109b

GONG BU'I GZUGS KYIS TE, ZLUM PAS GONG BU YIN LA NGES PAR BRTAGS PAS NA GZUGS TE, DE GNYIS NI GONG BU'I GZUGS SO, ,DES NI GDAN DANG BCAS PA'I YI GE BHR'Um YUNGS KAR TZAM GYI NOR BU'I GONG BUR BYAS TE, DPE'I THIG LE'I SNYING PO CAN GYI SEMS KYI THIG LE'I NANG DU CHUD PAR BYA BA'I GONG BU'O, ,DE NAS AOm DHA RMA DH'A TU SVA BH'A BA A'ATMA KO&HAm, ZHES BYA BAS BYIN GYIS BRLABS TE, NGES PAR BRTAG PAR BYA'O, ,DE LTAR RIN PO CHE BSKYED LA BTEG NAS SNA'I RTZE MOR RAB TU BRTAG PAR BYA'O, ,SROG NI SEMS KYI RIN PO CHE DE'O, ,DE'I RTZOL BA NI SNA'I RTZE MOR GSUNGS PA'O, , 'DI NI SROG DANG RTZOL BA'I YAN LAG STE GSUM PA'O, ,SROG NI RIN CHEN DE NYID DO, ,THIG LE NI SNGAGS KYI THIG LE'O, ,GZHAG PA NI DER JI LTAR SON PAR GYUR PA'O, ,RANG DBANG NI YID KYI DBANG PO'O, ,DGAG PA NI SNGAGS KYI THIG LER MI G-YO BAR BYA'O, ,GZUNG BA ZHES BYA BA NI BRTAN PAR BYA PA'O; ,'DI NI 'DZIN PA'I YAN LAG STE BZHI PA'O, ,RJES SU DRAN PA BRJOD PAR BYA STE, DE YANG 'DZIN PAS RIN PO CHE BRTAN PAR BYAS PAS DE BYA BA YIN LA BRTAN PA YANG MTSAN MA SHES PA LAS SO, ,DE NYID KYI PHYIR SEMS NI ZHES BYA BA LA SOGS PA SMOS TE, SEMS NI RIN PO CHE'O, ,MI G-YO BAS NA 'GOG PA STE, DE NYID BRTAN PAS NA RDO RJE'O, ,'GOG PA'I RDO RJE DER GYUR PA NI THOB PA'O, ,MTSAN MA DE'I RTAGS SO, ,NYER 'DZIN NI SO SOR SNANG BA 'BYUNG BA'O, ,GSUNGS ZHES BYA BA DE GANG DU GSUNGS SHE NA, GSUM BAR TE, SANGS RGYAS 'BAR BA'I 'OD 'DRA BA'I, ,RAB MCHOG SPRIN NI SPRO BAR BYA, ,ZHES BYA BA'O, ,DE YANG DE NYID DU BDAG GIS BSHAD ZIN TO, ,SPRIN MED NAM MKHA' LTA BU YANG DE YIN LA RTAG TU SNANG BA YANG YIN NO ZHES BSDU BA'O, ,BRTAN GYUR ZHES BYA BA NI RIN PO CHE BRTAN PA NYID DO, ,BRTAN PA NYID DU GYUR NAS SPRO BAR BYA ZHES SBYOR RO, ,PADMA DANG LDAN PA'I RDO RJE NOR BU PHAB LA ZHES DON GYI SHES PAR BYA STE, SKAL BA NI MI RIGS PA'I PHYIR DANG, TING NGE 'DZIN GYI YAN LAG LA SLAR GDEG PA'I TSIG YOD PA'I PHYIR RO, ,RDO RJE LAM NAS ZHES BYA BA NI RDO RJE'I BU GNAS SO, ,NAM MKHA'I KHAMS SO ZHES BYA BA NI PADMA'I NANG DANG LUS GNYIS KYI NANG DANG BA SPU'I BU GNAS

110a

, ,THAMS CAD JI SNYED PA RU'O, ,DE LAS YANG CI ZHIG SPRO ZHE NA, RJES DRAN GANG ZHIG CES BYA BA STE, DE'I RNAM PAR ZHES BYA BA NI PADMA'I NANG DU MTSAN MAR SPRO BA BSGOMS PAS DE BZHIN DU SANGS RGYAS DANG CHOS DANG RDO RJE DANG, RIGS DANG KHRO BO RJES SU DRAN PA STE LNGA PO GO RIMS BZHIN DU 'KHOR LO DKAR PO DANG, PADMA DMAR PO DANG, RDO RJE NAG PO DANG, RAL GRI DANG, 'KHOR LO SER PO RNAMS KUN DU SPROS PA'O, ,DAM TSIG RJES SU DRAN PA NI SLAR YANG MTSAN MA LNGA PO DE DAG LAS 'KHOR LO SER PO GTZO BOR BSGOMS LA SPRO BA'O, ,'DI DAG NI RJES SU DRAN PA'I YAN LAG TU SHES PAR BYA'O; ,SO SOR SNANG BA NI GSAL BAR SNANG BA'O, ,DE LA ZHES BYA BA NI RJES SU DRAN PA DE LA SKYE BA STE, JI LTAR 'DZIN PA MTHAR PHYIN PA'I TSE MNYAM PAR GZHAG PA NA MTSAN MA GSAL BAR SNANG BA DE BZHIN DU RJES SU DRAN PA LAS 'PHROS PA'I SPRIN KHYAB PA SO SOR SNANG BA YANG DE BZHIN NO, ,'DI NI RJES SU DRAN PA'I YAN LAG LNGA STE, SHES RAB CES BYA BA NI SNYING GAR GNAS PA'I SNGAGS SO, ,THABS NI DE'I RIN PO CHE'O, ,DE DAG GI SNYOMS PAR 'JUG PA NI YANG DAG PAR 'JUG STE, RIN PO CHE NI SLAR YANG BLANG STE SNGAGS KYI THIG LER GZHAG GO ZHES BYA BA'I DON TO, ,DNGOS PO THAMS CAD CES BYA BA NI NAM MKHA'I NGOS SU KHYAB PA'I 'KHOR LO LA SOGS PA BSDU BA'O, ,MDOR BSDUS ZHES BYA BA NI SKAD CIG TZAM GYIS SO, ,GONG BU'I TSUL GYIS SHES PAR BYA BA NI SRAB MOR BYAS TE ZHES BYA BA'I DON TO, ,DBUS SU ZHES BYA BA NI RIN PO CHE'I NANG DU'O, ,GZUGS NI ZLA BA'AM NYI MA'I GZUGS SU BSGOM PA'O, ,DE LTA BU'I SBYOR BA NI TING NGE 'DZIN ZHES BYA BA'I MING CAN NO, ,YID KYIS ZHES BYA BA NI YE SHES KYIS KHYAB PA'O, ,RDZOGS PA NI 'BAD PA MED PA STE, SGRIB PA RNAM PAR ZAD PAR DGONGS PA'O, ,'DI NI TING NGE 'DZIN GYI YAN LAG GO, ,DE'I RJES SU BCAD PA PHYED PO DRUG GIS NI YAN LAG GI PHAN YON GSUNGS SO; ,TING NGE 'DZIN DBANG DU GYUR TZAM GYIS ZHES BYA BA NI TING NGE 'DZIN GYI YAN LAG GI TING NGE 'DZIN LA DBANG THOB PAS SO, ,SGRIB PA MED PA DANG LDAN PAR 'GYUR ZHES BYA BAS NI SNYOMS PAR 'JUG PA'I SGRIB PA RNAMS YONGS SU ZAD PA'O, ,BSNYEN PA ZHES BYA BA STE THABS DANG PO'O, ,SNYING PO DE NI THUGS KA RU, ,

110b

ZHES BYA BA NI MNGON PAR 'DOD PA'I 'KHOR LOS SGYUR BA'I THUGS KA'I SA BON GYI YI GE'O, ,ZLA BA NI DE NYID KYI GDAN NO, ,RDO RJE NI DE NYID KYI MTSAN MA STE, ZLA BA'I RDO RJE DE GNYI GA NYE BAR MTSAN PA'O, ,DE'I SBYOR BA NI DE'I STE BAR BKOD PA STE, DES SEMS DE'I MTSAN NYID LA LTA BA'O, ,MTSON CHA MCHOG CES BYA BA NI SEMS DE'I 'OD ZER SPROS PA STE, DE PHYOGS KUN DU KHYAB PA'I SNGAGS KYI LHA'I BKOD PA RNAMS BKUG STE, SEMS DE LA BSTIMS NAS SEMS DE SNGAGS KYI NGO BOR BYA'O, ,MTSON PAR BYA ZHES BYA BAR SBYAR TE, DE NAS SNGAGS DE NYID KYIS 'KHOR LOR GYUR PA'I DUS SU BSKYED PA NI SNGAGS KYI LUS SU RAB SBYOR BA'O, ,RGYU DES NA BYANG CHUB TSIGS BCAD BRJOD PA STE, BYANG CHUB NI SKU DE NYID YIN LA DE RNAM PAR DPYAD PA TSIGS SU BCAD PA NI BYANG CHUB TSIGS BCAD DE, LE'U GNYIS PAR GSUNGS PA BRJOD PAR BYA'O, ,DE NAS SKU DANG GSUNG DANG THUGS DANG YE SHES RNAMS JI LTA BA BZHIN DU ZLA BA DANG RDO RJE SNGA MA BZHIN DU BSAM PAR BYA'O, ,DE NI BYANG CHUB KYI SEMS RAGS PA STE, 'DIR BYANG CHUB NI PHYAG RGYA CHEN PO'O, ,SEMS NI TSIGS SU BCAD PA STE, DE GNYIS KAR RAGS PA'O, ,PHRA MO BRJOD PAR BYA STE, DE LA MTSAN MA PHRA MO'I NANG GI SHIN TU PHRA BA'I GNAS NI BYANG CHUB BO, , DE LA GNAS PA'I MCHOG TU PHRA BA'I SA BON NI SEMS SO, ,RANG GI DKYIL 'KHOR NI YE SHES KYI MTSAN MA'O, ,DER GNAS PA NI DE'I NANG DU 'BYUNG BA'O, ,DE CI ZHIG CE NA, RANG GI SNGAGS SO, ,YE SHES GZUGS KYIS BSGOM PA ZHES BYA BA NI MTSAN MA PHRA MOS YANG DAG PAR BYA STE, DE'I THIG LE LA MTSAN MA PHRA MO BSAM PAR BYA ZHES BYA BA'I DON TO, ,CI STE MTSAN MA PHRA MO GANG GIS MTSON PAR BYA ZHE NA, BYANG CHUB SBYOR BA BSGOM PA STE, BYANG CHUB DANG SBYOR BA DANG BSGOM PA DAG GIS SO, ,DE LA BSGOM PA NI MTSAN MA PHRA MO LAS SPROS TE SNA TSOGS BA LA KHYAB PA'O, ,BYANG CHUB NI DE DAG NYID BSDUS PA LAS BYUNG BA'I MTSAN MA PHRA MO NANG DU BYUNG BA'I SHIN TU PHRA BA'I GDAN NO, ,YANG DAG SBYOR BA NI MCHOG TU PHRA BA'I RANG GI SNGAGS KYIS DE NYID MNAN PA'O, ,BYANG CHUB KYI SEMS DE GNYI GA NI NYE BAR SGRUB PA STE, NYE BA'I SGRUB PA'I MNGON PAR RTOGS PA'O, ,DAM TSIG NI SPYOD PA GSUM MO, ,

111a

, ,DE LA DANG PO GSUNGS PA JI SRID CES BYA BA LA SOGS PA LA JI SRID CES BYA BA NI ZLA DRUG PHRAG GCIG DANG GNYIS DANG GSUM GYI BAR DU SHES PAR BYA BA'I DON TO, ,RNAM PA GNYIS MTHONG BA ZHES BYA BA NI GNYIS SU SNANG BA STE, GNYIS SU MED PA MA YIN PA NA ZHES BYA BA'I DON TO, ,THAMS CAD DU NI ZHES BYA BA NI GUS PA STE, SHIN TU GRIMS PA'I SBYOR BA ZHES BYA BA'I DON TO, ,RTAG TU ZHES BYA BA NI RGYUN MI 'CHAD PAR RO, ,DAM TSIG GNYIS PA GSUNGS PA, GAL TE ZHES BYA BA LA SOGS PA JI SKAD DU GSUNGS PA JI LTA BA BZHIN DU BSHAD PA STE, GNYIS MED PA ZHES BYA BA'I DON TO, ,DAM TSIG DANG POS ZLA BA DRUG PA GSUM GYIS MA GRUB NA LAN BZHI PAR BRTZAM PAR BYA'O, ,JI SKAD BSHAD PA'I CHO GA DANG SDOM PAS ZHES BYA BA NI DKA' BA'I SPYOD PA'O, ,'BYUNG BAR MA GYUR ZHES BYA BA NI GANG GI TSE ZHES BYA BA DANG SBYAR TE, DE NYID KYIS BSHAD PA NI, MA GRUB PA ZHES BYA BA YIN NO, ,BYANG CHUB NI GNYIS SU MED PA'I YE SHES TZAM MO, ,RIGS KYI ZHES BYA BA LA SOGS PAS NI DRAG SHUL GYI SBYOR BA NYID STON TO, ,DBANG DU BYA BA DANG BSRUNG BA ZHES BYA BA NI DE'I 'OG TU PHUR BU BTON LA RJES SU CHAGS PAR BYA'O, ,NYE BAR SGRUB PA ZHES BYA BA STE THABS GNYIS PA'O, ,CHOS 'BYUNG BA'I NANG DU CHUD PA'I RIM PA GNYIS PA'I GZHAL YAS KHANG GI GDAN DBUS MA MNGON PAR BYANG CHUB PA RNAM PA LNGAS RDO RJE 'DZIN PA RANG SNANG BA'I RIG MA LA 'KHYUD PA'I SNYING GA'I SNGAGS KYI 'OD ZER GYI SGO NAS RIGS LNGA SPROS PA NI 'DOD CHAGS CHEN PO'I TSUL YIN TE, MTHAR BYA BA NAS THAMS CAD ZHU BA'I MTHAR THUG PA'I 'DOD CHAGS CHEN PO'I THABS SU BYA BAS NA TSUL LO, ,RGYU DE NYID KYIS DE'I TING NGE 'DZIN LA SNYOMS PAR ZHUGS SO ZHES BYA BA'I DON TO, ,YE SHES 'KHOR LO CAN ZHES BYA BA NI YE SHES SEMS DPA'I SA BON LAS SPROS PA SANGS RGYAS KYI 'KHOR LO'O, ,BSDU ZHES BYA BA NI RIGS LNGA'I DE BZHIN GSHEGS PA MDOR BSDUS TE, RANG GI LUS KYI NANG DU GZHUG PAR BYA'O, ,BTZUN MO DGU ZHES BYA BA NI RIG PA'I LHA MO DGU'O, ,SPROS NAS ZHES BYA BA NI SANGS RGYAS DE RNAMS SPROS PA'O, ,BSGRUB PAR BYA ZHES BYA BA NI LHAN CIG SKYES PA STE BCU PA'O, ,PHYAG RGYA BZHI ZHES BYA BA NI 'BYUNG BA BZHI'I LHA MO STE SA BON GYI PHYAG RGYA DANG, MTSAN MA'I PHYAG RGYA DANG, PHYAG RGYA

111b

CHEN PO LAS SO, ,DKYIL 'KHOR NI GZHAL YAS KHANG NGO, ,DER LHA MO BCU'I PADMA BSDUS PAR RO, ,BDAG NYID CES BYA BA NI BSGOM PAR 'GYUR BA'I RANG GI LHA'I YE SHES KYI SEMS DPA' MDUN DU BYON PA'O, ,DBUS SU ZHES BYA BA NI DBUS KYI GDAN LA DGOD PA'O, ,'KHOR LA CAN KUN ZHES BYA BA NI DE DANG LHAN CIG TU 'ONGS PA'I RIGS DAM PA LNGA'O, ,BSDU BAR BYA ZHES BYA BA NI BDEN BZHI LA LHA MO BZHI'I GZUGS SU'AM GNAS LNGA RNAMS SU SANGS RGYAS LNGA'I GZUGS SO, ,RDO RJE KUN GYI GNAS BYAS LA, ,ZHES BYA BA NI SANGS RGYAS LNGA PO'I RIG PA DANG BCAS PA RANG GI SNYING GAR BSTIMS TE ZHU BAR GYUR NAS ZHU BA RDO RJE'I LAM NAS 'DZAG PAS PADMA'I NANG DKYIL 'KHOR LA DBANG BSKUR TE, DKYIL 'KHOR GYI LHA THAMS CAD KYI DKYIL 'KHOR BA SPU'I BU GNAS LUS KYI NANG DU ZHU BA DE ZHUGS PAS DE RNAMS KYANG ZHU BAR GYUR BA DES PHA DANG MA YANG ZHU BAR GYUR PA'O, ,RIM PA 'DIS THAMS CAD BYANG CHUB SEMS KYI RANG BZHIN DU BYAS NAS DE'I 'OG BYANG CHUB BSGOM PAR BYA'O, ,JI LTAR ZHE NA, BSKUL BA'I GLU ZHES BYA BA LA SOGS PA SMOS TE, SNYING LAS ZHES BYA BA NI SNYING LA STE ZHU BA'I RO DE NYID LA'O, ,SANGS RGYAS THAMS CAD KYI SKU DANG GSUNG DANG THUGS NI DUS GSUM MO, ,DE RNAMS KYI RDO RJE NI RO MNYAM PAR GYUR PA STE DE NYID ZHU BA'I RO'O, ,DE'I RANG BZHIN NI BSDUS PA LAS BYUNG BA'O, ,SEMS NI GDAN LA GNAS PA'I RANG GI LHA'I SA BON NO, ,YE SHES LTA BU ZHES BYA BA NI YE SHES SEMS DPA' DANG 'DRA BA'O, ,LUS BSGOM MO ZHES BYA BA NI RANG GI LUS BSGOM PA'O, ,JI LTAR BSGOM ZHE NA, SEMS DES MTSAN MA BSGOMS LA MTSAN MA'I NANG DU YANG SEMS SO, ,DE LAS DKYIL 'KHOR PA THAMS CAD SPROS TE BSDU BA BYAS LA, GDAN DANG MTSAN MA DANG SNGAGS RNAMS YONGS SU GYUR PA LAS SO, ,'DI'I RJES LA TSIG RKANG PA DRUG DANG TSIGS SU BCAD PA PHYED DANG BZHI NI RDO RJE'I TSIG BCU'I BSHAD PA'O, ,DE YANG SGRUB PA CHEN PO'I GZHUNG GI 'OG TU BLTA BAR BYA STE, DE BAS NA DE YANG DE NYID DU BSHAD PAR BYA'O, ,'DI YIS NI ZHES BYA BA NI 'DOD CHAGS CHEN PO'I TSUL LA SOGS PA'O, ,YE SHES KYIS ZHES BYA BA NI YE SHES SEMS DPA' STE, RTEN DANG BRTEN PA'I 'KHOR LO DANG PHA DANG MA DAG ZHU BA DE NYID LAS LUS SU

112a

, ,BSKYED PA'O, ,SKU GSUNG THUGS NI RDO RJE YIS, ,ZHES BYA BA NI SEMS DPA' BZHIS BYIN GYIS BRLABS PA DANG BCAS PAR RO, ,GNYIS SU MED PAR PHYED PA NI BSGOM PA GANG YIN PA STE, DE NI BSGRUB PA ZHES BYA BA'I DON TO, ,BSGRUB PA ZHES BYA BA STE THABS GSUM PA'O, ,SDANG BSHAD PA'I LE'U DANG POR BSHAD PA'O, ,BDAG DANG 'DRA ZHES BYA BA NI RIG PA'I PADMO'I NANG DU SANGS RGYAS RNAMS ZHU BA YONGS SU GYUR PA LAS BYUNG BA'I SA BON LAS DAM PA'I RIGS RNAMS SPROS NAS BSDUS BA LAS BSKYED DE BKOD PA'O, ,DKYIL 'KHOR NI DKYIL 'KHOR CHEN PO'O, ,BSKYED PA NI DBYUNG PA'O, ,SGRUB PA CHEN PO ZHES BYA BA NI THABS BZHI PA'O, ,DREGS PA YIS ZHES BYA BA LA SOGS PA LA TSIG DRUG LA DANG PO'I MTHA' PA RNAMS BSHAD PAR BYA'O, ,GSUM PA'I MTHA' PA RNAMS KYIS NI 'CHAD PA'O, ,DBYE ZHES BYA BA RNAMS NI BSHAD PA'O, ,GSUM PA LAS NI, RIN CHEN CHEN PO KHA DOG LNGA, ,ZHES BYA BA GSUNGS PA LA, DE LA WA NA'I SGRA NI DREGS PAS DBYE BA STE, DE'I DON DREGS PA'O, ,MYOS PAR BYED PA NI DREGS PA STE, BDE BA DANG YID BDE BA'O, ,DGA' BA BZHI NI YID BDE BA YIN LA, DE BSDUS PA NI BDE BA STE, KHA DOG LNGA PO GANG LA YOD PA DE NI KHA DOG SNA LNGA STE SEMS KYI THIG LE'O,, DE DANG GNYIS SU MED PAR GYUR PAS NA, RIN CHEN CHEN PO KHA DOG LNGA'O, ,JI STE LNGA PA JI LTAR KHA DOG YIN ZHE NA, BDE BA'I THIG LE NI RJES SU 'GRO BA'I DBYANGS YIN PA DANG KHA DOG SGYUR BAR BYED PA YIN TE, GLU RTZI BZHIN DU MNYAM PA NYID KYI YE SHES YIN PAS DUS GSUM GYI SANGS RGYAS RNAMS KYI SKU DANG THUGS LA BYUG PAR BYED PA'I PHYIR RO, ,SNYING PO'I SGRA NI DANG PO DANG BCU GCIG PA LA SOGS PA LAS BYUNG BA'O, ,DE NI ROS PHYE BA'O, ,RO NI SNYING PO YIN TE, DPER NA SKU DANG GSUNG DANG THUGS KYI SNYING PO ZHES BYA BA DANG SKU DANG GSUNG DANG THUGS KYI SNYING KHU ZHES BYA BA DE BZHIN DU SNGAGS RAGS PA NI SNYING KHU'O, ,MDOR BSDUS PA'I SNGAGS SA BON LA SOGS PA NI SNYING PO'O, ,DE BZHIN DU SGRIB PA MED PAS DAG PA'I NAM MKHA'I DBYINGS KYANG SNYING PO DANG SNYING KHU ZHES BYA'O, ,BCU GCIG PA LAS, SANGS RGYAS RGYU DANG 'BRAS BU 'BYUNG, ,ZHES GSUNGS PA LA, 'DIR RGYU ZHES BYA BA'I SGRA NI MTSAN MA

112b

YANG RDO RJE DBANG BSKUR BA YIN PAS NA DBANG BSKUR GYIS PHYE BA'O, ,'BRAS BU'I SGRA NI BZHIS PHYE BAR SHES PAR BYA STE, BZHI NI GDAN TE DES PHYE BA ZHES BYA BA'I DON TO, ,CHOS MCHOG MI G-YO BRNYES PA YANG, ,ZHES BYA BA LA SOGS PA LA, CHOS KYI SGRA GANG YIN PA DE NI SNGAGS KYIS PHYE BA STE, SNGAGS KYI YI GE ZHES BYA BA'I DON TO, ,BCU GCIG PA LAS SNGAGS LA GNAS PA'I RIN PO CHE RIG PA'I SKYES BUR BRJOD PA DE LA SKYES BU NI SEMS RIN PO CHE YIN PAR GRAGS PA NYID DO, ,RIG PA'I SGRA NI CHOS KYI PHYAG RGYAS PHYE BA STE, DE YANG SA BON GYI YI GE'O, ,'KHOR LOS SGYUR BA RNAMS KYI DBU RGYAN NI BSNYEN PA LA YANG YOD PAS DE'I ZHOR LA SANGS RGYAS KYI DBU RGYAN DANG RIG PA'I BRTUL ZHUGS BCO LNGA PA LAS RGYAS PAR GSUNGS SO, ,DE LA TSIG RNAM PA BZHI 'DIR BSHAD PAR BYA STE, RGYAL PO ZHES BYA BA NI RGYAL PO RNAMS SO, ,RDO RJE SPYAN GYI GZUGS LA SOGS, ,GTZUG TOR MNYES PAR BYED PAR BRJOD, ,CES BYA BA DER RO; ,RNAM PAR GRAGS ZHES BYA BA NI BSGRAGS SHING BSHAD PA'O, ,LONGS SPYOD BZHI ZHES BYA BA NI DGA' MA BZHI STE, RIG PA'I RGYAL MO RAB SBYOR BA, ,ZHES PA DER RO, ,DE NYID KYI PHYIR, THAMS CAD LAS BYED SNGAGS RNAMS LA, ,ZHES BYA BA'I TSIG 'BYUNG BA NI MI RIGS SO, ,SNGAGS RNAMS THAMS CAD NYID LAS NI, ,RDO RJE SEMS DPA' RNAM PAR BSGOM, ,ZHES BYA BA DER CI SANGS RGYAS KYI BYANG CHUB RDO RJE SEMS DPA' 'AM YANG NA MI BSKYOD PA GANG ZHIG YIN ZHES THE TSOM DU GYUR PA DE NYID KYI PHYIR BSAM GTAN RDO RJE ZHES BYA BA STE, THAMS CAD LA NI MI BSKYOD PAS DBANG BSKUR RO ZHES BYA BA'I DON TO; ,DE NI, BSAM GTAN LNGA PA'I BDAG NYID DO, ,ZHES BYA BAR DGONGS SO, ,RDO RJE TSIG BCU'I BSHAD PA'O, ,THABS BZHI RNAMS LAS GANG DU GYUR PA CUNG ZAD CIG BSHAD PAR 'DOD NAS BSNYEN DUS ZHES BYA BA LA SOGS PA SMOS TE, DMIGS PA ZHES BYA BA YID LA BYA'O, ,SBYOR BA NYID CES BYA BA NI RNAL 'BYOR GYI RANG GI LHA'I GZUGS DANG LHAN CIG GNYIS SU MED PAR BYA BA STE, KHRO BO RJES SU DRAN PA BSGOM MO ZHES BYA BA LHAG MA YIN NO, ,BDUD RTZI 'KHYIL PA'I GZUGS ZHES BYA BA NI DMIGS PA'I SBYOR BA NYID CES BYA BA DANG SBYOR TE, PHUR BUS GDAB PO ZHES BYA BA NI LHAG MA YIN

113a

, ,NO; ,LHA'I SBYOR BA ZHES BYA BA NI DAM TSIG GI LHA DANG YE SHES KYI LHA GNYIS SU MED PAR BYA'O ZHES BYA BA'I DON TO, ,SANGS RGYAS BDAG PO'I GTZO BO ZHES BYA BA NI DAM TSIG GI DKYIL 'KHOR DANG YE SHES KYI DKYIL 'KHOR GNYIS SU MED PAR BYA'O ZHES BYA BA'I DON TO, ,SNGAGS PAS CHO GA SHES PAS ZHES BYA BA DANG 'BREL TO, ,DNGOS GRUB MCHOG NI YANG DAG PA'I DNGOS GRUB PO, ,JI LTA BU ZHIG CE NA, MCHOG TU ZHI BA ZHES BYA BA SMOS TE, BLA NA MED PA'I BYANG CHUB CES BYA BA'I DON TE, ,SANGS RGYAS RNAMS KYIS KYANG ZHES BYA BA NI SHIN TU LA BZLA BA'O, ,THABS BZHI PO RNAMS LAS GTZO BO'I DON GSUNGS PA, BSGRUB PAR BYA ZHES BYA BA LA SOGS PA LA, BSGRUB BYA NI BYANG CHUB KYI RANG BZHIN NO, ,SGRUB PA NI BYANG CHUB KYI SEMS SO, ,DE'I YANG DAG PAR SBYOR BA NI YANG DAG PA'I RNAL 'BYOR TE, YAN LAG BZHI YIS SGRUB PA'I RIN PO CHE PHRA MO'I NANG DU YAN LAG GNYIS KYIS SGRUB PA'I GDAN PHRA MO BSGOM PA NYID DO, ,RDO RJE NI MCHOG TU PHRA BA'I SA BON NO, ,PADMA'I MTSAN MA PHRA MO'I NANG GI SHIN TU PHRA BA'I GDAN NO, ,DE DAG GI MNYAM SBYOR NI YANG DAG PAR SBYOR BA STE, CHO GA BZHIN SGRUB PA'I PADMAR RDO RJE BSGOMS PA NYID DO, ,BSKYOD PA ZHES BYA BA NI DAM TSIG CHEN PO'I DKYIL 'KHOR GYI BDAG PO'O; ,THABS ZHU BA LAS CHO GA BZHIN DU DKYIL 'KHOR CHEN PO'I DBANG PHYUG TU BYA'O, ,H'Um ZHES BYA BA NI DE'I SA BON NYE BAR MTSON PA'O, ,PHAt CES BYA BA NI PHYI ROL GYI SA BON DGAG PA'I PHYIR RO, ,NGO BO NYID NI SANGS RGYAS RNAMS SO, ,RANG GI BDE BA NI RIG MA RNAMS SO, ,ZHI BA NI SGO SRUNG RNAMS SO, , GZHAN YANG BSGRUB BYA SGRUB PA NI SHES RAB DANG THABS SO, ,RDO RJE PADMA ZHES BYA BA NI DBANG PO GNYIS SO, ,BSKYOD CES BYA BA NI DAL BU DAL BUS SO, ,H'Um ZHES BYA BA NI RDO RJE PADMA DAG GI'O, ,KA ZHES BYA BA NI SKU'I SA BON TE RAB SNGAGS SO, ,RA LA SOGS PA ZHES BYA BA NI 'DOD CHAGS KYI SA BON TE AA'O, ,DE DAG NI NOR BU GNYIS KYI'O, ,PHAt NI SNGA MA BZHIN NO, ,YE SHES SKYES PA LAS DMIGS PA'I TING NGE 'DZIN NI NGO BO NYID DO, ,DE'I BDE BA'I RANG BZHIN NI RANG GI BDE BA'O, ,DE NYID LAS GZHAN LA MI DMIGS PA NI ZHI BA STE, THABS RNAM PA BZHI'O, ,THABS LAS BYUNG BA'I DRI BA'I TSIGS SU BCAD PA'I LAN GSUNGS

113b

PA DPAL LDAN ZHES BYA BA LA SOGS PA LA, DPAL NI RIG MA RNAMS SO, ,SANGS RGYAS KUN GYI BDAG NI DE BZHIN GSHEGS PA LNGA'O, ,RDO RJE 'DZIN CHEN NI GSHIN RJE GSHED LA SOGS PA RNAMS SO, ,GNAS NI DKYIL 'KHOR GYI RANG BZHIN CAN YIN PAS SO, ,DE LTAR GSANG BA 'DUS PA'I BDAG NYID CAN GYI BCOM LDAN 'DAS 'DIS NI SANGS RGYAS KUN GYI THABS BYUNG NGO, ,DE NYID CHOS RNAMS KYI CHOS NYID DE BCOM LDAN 'DAS DE NYID CHOS DKAR PO THAMS CAD SHIN TU RNAM PAR DAG PA'I DE BZHIN NYID SANGS RGYAS THAMS CAD KYI THUN MONG GI CHOS KYI SKU GANG YIN PA STE, GANG GI DBANG GIS DE RNAMS LONGS SPYOD RDZOGS PA'I SKU DANG SPRUL PA'I SKUS BDAG DANG GZHAN GYI DON PHUN SUM TSOGS PA'I MTHAR THUG PA STE THABS LAS BYUNG BA'O, ,THABS BZHI PO 'DI DAG GSUNGS PA GANG YIN PA DE RNAMS KYI NANG NAS CI GCIG GIS KYANG SANGS RGYAS NYID RTOGS PAR 'GYUR RAM, 'ON TE MA LUS PAS YIN ZHES 'DI DPYAD PAR BYA'O, ,MA LUS PAS ZHES BYA BA NI GRUB PA'I MTHA' YIN NO, ,DE JI LTAR ZHE NA, GSUM POS RIM GYIS DE DANG DE'I KHYAD PAR GRUB PA YOD NA BZHI PAR 'BRAS BU MA LUS PA 'GRUB PA'I PHYIR RO, ,DE LTAR NA BSNYEN PA NI CHOS THAMS CAD RNAM PAR RIG PA TZAM NYID DANG NYE BAR SGRUB PA LA NI NAM MKHA' DANG MNYAM PA NYID DANG SGRUB PA LA NI DAG PA'I NAM MKHA'I DBYINGS NYID DANG SGRUB PA CHEN PO LA NI SHIN TU RNAM PAR DAG PA'I NAM MKHA'I DBYINGS NYID DU MNGON SUM DU GYUR PA BYANG CHUB YIN NO, ,GZHAN YANG BSNYEN PA LA NI SANGS RGYAS KYI CHOS RNAMS KYI KHAMS RGYAS PA DANG, NYE BAR SGRUB PA LA NI SKYE BAR 'GYUR BA DANG, SGRUB PA LA NI DAG PA DANG SGRUB PA CHEN PO LA SHIN TU RNAM PAR DAG PA NYID DANG YANG DAG PAR STON PA LA DBANG DU GYUR PA NYID DO, ,GZHAN YANG RE ZHIG BSNYEN PAS NI MOS PAS SPYOD PA'I SA NYID DANG, NYE BAR SGRUB PA THOB PA RAB TU DGA' BA LA SOGS PA LHAG PA'I BSAM PA RNAM PAR DAG PA'I SA BDUN DANG, SGRUB PAS THOB PA MI G-YO BA LA SOGS PA RNAM PAR SMIN PA'I SA GSUM DANG, SGRUB PA CHEN POS THOB PAR BYA BA NI SANGS RGYAS KYIS NYID YIN NO ZHES BSHAD PAR BYA'O, ,GZHAN YANG DNGOS GRUB MCHOG GI PHYIR ZHING DU GYUR BA NI BSNYEN PA'I DON YIN LA, DE MA LUS PA MA YIN PAR SGRUB PA NI NYE BAR SGRUB PA'I DON

114a

, ,YIN ZHING MA LUS PAR SGRUB PA NI SGRUB PA'I DON YIN LA, SHIN TU SGRUB PA NI SGRUB PA CHEN PO'I DON YIN TE, SHIN TU RNAM PAR DAG PA DANG LONGS SPYOD LA DBANG PA LA LONGS SPYOD PA DE SGRUB PA'I PHYIR RO, ,BSNYEN PA NI, 'DIS NI DE BZHIN GSHEGS PA'I SKU, ,RDO RJE 'DZIN PA'I THUGS DANG NI, ,CHOS 'DZIN MCHOG GI GSUNG DAG KYANG, ,TSE 'DI NYID LA THOB PAR 'GYUR, ,ZHES GSUNGS PA YIN NO, ,NYE BAR SGRUB PA NI, RDO RJE GSUM MKHA' 'DRA BA YIS, ,BYANG CHUB 'DI YIS THOB PAR 'GYUR, ,BYANG CHUB SEMS DPA' RGYAL RGYA MTSO, ,RDO RJE SEMS DPA'I MCHOG DES THOB; ,CES GSUNGS PA YIN TE, 'DIR RGYAL BA NI SANGS RGYAS KYI CHOS RNAMS SO, ,BSGRUBS PA'I 'BRAS BU BCO LNGA PA LAS, BSAM GTAN SNGAGS KYI SBYOR BA YIS, ,SANGS RGYAS KYI NI 'OD 'DRAR 'GYUR, ,DE NI DE MA THAG TU YANG, ,RDO RJE SEMS DPA' 'OD 'DRAR 'GYUR, ,RGYAL PO CHOS RNAMS THAMS CAD MTSUNGS, ,'DOD DANG THAR PA RAB SGRUB PA, ,DE NI RDO RJE CHOS KYI BDAG ,SA BCU LA NI GNAS PAR 'GYUR, ,ZHES GSUNGS PA YIN TE, 'DIR SA BCU'I DBANG PHYUG NYID YIN PA'I PHYIR SANGS RGYAS DANG MNYAM PAR 'GYUR BA YIN TE, SANGS RGYAS NYID NI MA YIN PA DE BAS NA, RNAM PAR SNANG MDZAD LA SOGS PA 'OD DANG 'DRA BA ZHES GSUNGS PA YIN NO, ,SANGS RGYAS KYI CHOS THAMS CAD NYID DANG MNYAM PA YIN GYI SHIN TU RNAM PAR DAG PA DAG NI MA YIN PA DES NA CHOS RNAMS KUN DANG MTSUNGS ZHES PA YIN NO, ,RGYAL PO NI RNAM PAR MI RTOG PA LA DBANG DU GYUR PA DANG ZHING LA DBANG DU GYUR PA DANG YE SHES LA DBANG DU GYUR PA DANG LAS LA DBANG DU GYUR BAS SO, ,SLOB MA'I SA NI THAMS CAD 'DOD PA DANG BCAS PA NYID KYI PHYIR RO, ,DE'I SGRIB PA LAS RNAM PAR GROL BA NI 'DOD PA'I THAR BA STE, DER RAB SGRUB PA NI DE THOB PAR BYED PA'I PHYIR RO, ,SGRUB PA CHEN PO'I 'BRAS BU NI BCU DRUG PA LAS, DNGOS GRUB THAMS CAD GTZUG TOR NI, ,YID BZHIN NOR BU'I BDAG POR 'GYUR, ,SANGS RGYAS BYANG CHUB BYED PA'I MCHOG ,SANGS RGYAS RDO RJER RAB BSGOMS PA'O, ,ZHES GSUNGS PA YIN TE, 'DIR DNGOS GRUB THAMS CAD GTZUG TOR NI RTZE MO STE, YANG DAG PAR RDZOGS PA'I SANGS RGYAS ZHES BYA

114b

BA'I DON TO, ,DE NI YID BZHIN GYI NOR BU'I RGYAL PO DE DANG CHOS MTHUN PA'I PHYIR LHUN GYIS GRUB PA RNAM PA THAMS CAD DU SANGS RGYAS KYI SKU RGYUN MI 'CHAD PAR 'JUG PA'O, ,YANG DAG PAR RDZOGS PA'I BYANG CHUB DE NI MCHOG STE DAM PA'I SGRUB PA'O, ,SANGS RGYAS RDO RJE RAB BSGOMS PA STE, SANGS RGYAS NI DKYIL 'KHOR GYI BDAG PO YIN LA, DE LAS RDO RJE RAB TU BSGOM PA NI GSANG BA GSUM PO DKYIL 'KHOR BA'I RNAM RNAM PAR RAB TU PHYE NAS BSGOM PA STE, SGRUB PA CHEN PO ZHES BYA BA'I DON TO, ,DE BAS NA TSOGS PA BZHI PO MA LUS PA 'DI DAG GI RIM PA 'DI NYID KYIS SANGS RGYAS NYID RTOGS PAR 'GYUR GYI MA LUS PAS MA YIN ZHING, RIM PA GZHAN GYIS KYANG MA YIN NO ZHES BYA BA NI NGES PA YIN NO, ,GAL TE 'DI LTAR RE ZHIG SANGS RGYAS NYID SGRUB PA CHEN PO NYID KYIS 'THOB PAR 'GYUR NA DE NYID KYIS CHOG MONG, GZHAN GSUM POS CI ZHIG BYA ZHE NA, BYANG CHUB SEMS DPA' RNAMS SANGS RGYAS SA LA 'JUG PA'I CHED KYI SBYOR BA GANG YIN PA DE NYID CHOG NA MOS PAS SPYOD PA LA SOGS PAS SA BCUR GTOGS PA'I SBYOR BA GZHAN GYIS CI ZHIG BYA ZHES CI'I PHYIR MI 'DOD, YANG NA SA SNGA MAR GTOGS PA'I SBYOR BA MED PAR SBYOR BA PHYI MA PHYI MAR BYED PAR NUS PA MA YIN TE RIM PA NI NGES PA'I PHYIR RO, ,BYED PA NYID 'JIG PA YIN PA DE NYID NI MA YIN NO, ,'O NA YIN ZHE NA, DE'I GZUGS BRNYAN TAM YIN TE, DE'I GZUGS BRNYAN NI DE'I BYA BA BYED PA MA YIN NO, ,DE BAS NA DE RNAMS 'BRAS BU MED PA MA YIN NO SNYAM NA DE BZHIN DU BSNYEN PA LA SOGS PA LA YANG SNGA MA SNGA MA MED PAR NYE BAR SGRUB PA LA SOGS PA BYED PA GANG YIN PA DE NI GZUGS BRNYAN TZAM YIN GYI DE NYID NI MA YIN PA DE LTAR NA DE LAS 'BRAS BU 'GRUB PA MA YIN NO, ,DE BAS NA GCIG KYANG DON MED PA MA YIN NO, ,'O NA JI LTAR NA SGRUB PA CHEN PO LAS SANGS RGYAS NYID DU 'GYUR RO, ,ZHES BRJOD CE NA, GSUM PO DAG LAS RIM GYIS RTOG PA'I SAL GNAS PA DES MTHAR THUG PA THOB PAR BYED PA'I PHYIR, ,YID KYI CHOS GANG DAG GOMS PAS BOGS PHYIN BAR GYUR PA DE DAG SHIN TU GOMS PAR BYAS NA NA RAB KYI MTHAR THUG PA THOB PAR 'GYUR PAR SRID DE, BRAM ZE GTZANG MAR SPYOD PA RNAMS

115a

, ,THOD PA CAN LA DGA' BA BZHIN NO, , BDAG CAG LTA BU'I SNYING RJE DANG SHES RAB LA SOGS PA YANG DE LTA BUR GYUR PA'O ZHES BYA BA NI RANG BZHIN GYI GTAN TSIGS SO, ,DE BAS NA 'DI NI RANG RGYUD RIGS MTHUN PA RNAMS LA SNYING RJE LA SOGS PA RAB KYI MTHAR THUG PAR SRID PAR RJES SU DPOG PA YIN TE, DE DAG NYID KYIS DE RNAMS SANGS RGYAS KYI CHOS RNAMS DANG BYANG CHUB TU 'GYUR BAR SRID PA YANG RJES SU DPAG GO, ,'GYUR BA DE YANG NYAN THOS DANG PHA ROL TU PHYIN PA'I TSUL GYIS NI SDUG BSNGAL DANG DKA' THUB KYI RNAM PA THAMS CAD KYIS PHA ROL TU PHYIN PA RNAMS GOMS PAR BYAS PAS BSKAL PA GRANGS MED PA GSUM DU BSGRUB PAS SO, ,RNAL 'BYOR GYI RGYUD KYIS NI SNGAGS DANG PHYAG RGYA LA SOGS PA'I THABS DPAG TU MED PAS SNGAGS KYI LHA RNAMS KYIS BYIN GYIS BRLABS, BDE BA DANG BDE BAR SPYOD PAS RING PO MI THOGS PAR TSE 'DI NYID LA RAB TU DGA' BA'I SA THOB NAS, TSES BCU DRUG GIS SANGS RGYAS THOB PAR 'GYUR BA NYID DO, ,GSANG BA 'DUS PA NI RGYUD RNAMS KYI BLA MA'I BLA MA STE TSE 'DI NYID LA BYANG CHUB THOB PAR 'GYUR BA'I THABS KYI PHUL DU PHYIN PA YIN PAR GSUNGS TE, 'DI LTAR 'DIR SNGAGS KYI LHA THAMS CAD KYIS BYIN GYIS RLOB PAR 'GYUR BA'I RGYUR YAN LAG DRUG GI TING NGE 'DZIN DBANG DU BYED DO, ,NYE BAR SGRUB PAS NI RNAM PAR MI RTOG PA'I DBYINGS SU 'JUG GO, ,SGRUB PAS NI DE NYID RNAM PAR DAG PA'I MTHAR THUG PA'I BYANG CHUB SEMS DPAR RO, ,SGRUB PA CHEN POS NI DE BZHIN GSHEGS PAR RO, ,DE SKAD DU YANG, DE LTAR BYE BRAG RTOGS BYAS NAS, ,DNGOS GRUB MCHOG NI BSGRUB PAR BYA, ,GZHAN DU BSKAL PA STONG DU NI, ,SANGS RGYAS SKYOB PA RNAMS KYIS KYANG, ,DNGOS GRUB MCHOG NI ZHI BA DAG ,'GRUB PAR 'BYUNG BAR MI 'GYUR RO, ,ZHES GSUNGS SO, ,DE BAS NA BSNYEN PA LA SOGS PA'I THABS RNAMS MA LUS PA'I RIM GYIS BYANG CHUB THOB PAR 'GYUR RO ZHES BYA BA 'DI NI GNAS PA YIN NO, ,RNAL 'BYOR RDO RJE CAN KUN GYI, ,BKA' NI 'DI LTAR BSGO BAR GYIS, ,ZHES ZHUS PA'I RIM PA'I DON DANG KHA BSKANG BA'I DON DE'I LAN NI LAS DAN ZHES BYA BA LA SOGS PA GSUNGS PA LA DRAG SHUL GYI LAS DANG RJES SU MTHUN PA GANG GIS SBYOR BA'I LE'U BCU GSUM PA LAS KYANG GSUNGS PA

115b

STE; KHRO BO DANG BCAS PA'I SKU RDO RJE LA SOGS PA'I RNAL 'BYOR RO, ,RNAL 'BYOR PA YIS DE DMIGS TE, ,DKYIL 'KHOR DE DANG DE ZHES BYA BA NI BCU GSUM PA LAS GANG DANG GANG GSUNGS PA'O, ,DAM TSIG CES BYA BA NI DAM TSIG GO, ,SKU GSUNG THUGS KYI SBYOR BA CAN, ,ZHES BYA BA LA SOGS PA'I TSIGS SU BCAD PA GNYIS PA'I RANG BZHIN CAN GYIS SO, ,DAM TSIG CES BYA BA NI BDAG DANG GNAS DANG LHA LA SOGS PA'O, ,DANG POR ZHES BYA BA NI THOG MA NYID DU'O, ,SKU ZHES BYA BA LA SOGS PA LA SKU LA SOGS PA'I RDO RJE'AM GTZUG TOR GYI DAM TSIG STE RNAL 'BYOR RO, ,CHO GA JI SKAD GSUNGS PA'I RNAM PA DES GANG LA BYUNG ZHING SKYE BA MNGA' STE, KHRO BO BCUS BYIN GYIS BRLABS PA'I 'KHOR LO RTZIBS BCU PA'I BDAG POR BYUNG BA'I DON TO, ,LAS NI DE DE'I ZHES BYA BA GSAD PA DANG YAN LAG BSHIG PA LA SOGS PA'O, ,RANG GI 'KHOR LO NI RANG GI 'KHOR LO'O, ,SGRUB PA NI BSGRUB BYA NYID DO, ,DKYIL 'KHOR ZHES BYA BA NI PHUNG PO LA SOGS PA LA LHA DE RNAMS KYIS BYIN GYIS BRLABS PA'O, ,DE YI LUS GNAS 'KHOR LO CAN, ,ZHES BYA BA NI 'KHOR LO CAN DE RNAMS LA'O, ,BYUNG BAR GYUR PA ZHES BYA BA NI DE'I LUS LAS SO, ,DNGOS PO KUN GYIS NI BDAG NYID THAMS CAD KYIS SO, ,GZUGS BRNYAN NI BCOS MA'I LUS SO, ,GSAD PHYIR ZHES BYA BA NI GSAD PA'I PHYIR RO, ,BSGRUB BYA ZHES BYA BA NI BSGRUB PAR BYA'O, ,RDO RJE CAN ZHES BYA BA NI SGRUB PA PO NYID RDO RJE CAN YIN NO ZHES BYA BA'I DON TO, ,KHRO BO'I RGYAL PO DES ZHES BYA BA NI KHRO BO'I RGYAL PO DE RNAMS KYIS SO,, RDO RJE GSUM GYIS ZHES BYA BA NI RDO RJE GSUM LA'O, ,SNGAGS ZHES BYA BA NI SNGAGS PAS SO, ,SNA SOGS ZHES BYA BA NI RNAM PA SNA TSOGS PAS SO, ,DU MA LAS BYUNG ZHES BYA BA SNA TSOGS PA'I RGYU CAN NO, ,GZUGS ZHES BYA BA NI GZUGS BRNYAN RNAMS SO, ,DE LA ZHES BYA BA NI GZUGS BRNYAN NO, ,RANG LA ZHES BYA BA NI RANG GIS SO, ,GANG DU DE ZHES 'BYUNG BA DER NI SGRUB PA PO ZHES BYA BA'I DON TO, ,SBYOR BA THAMS CAD NI RTZOM PA THAMS CAD DO, ,ZOS PAR GYUR PA ZHES BYA BA NI ZOS BZHIN PAR RO, ,BKA' BSGO BA NI 'KHOR LA'O, ,LAS KYI TSOGS RNAMS LA SGRUB PO'I SEMS

116a

, ,LA SNA TSOGS PAR JI LTAR BGYI BAR 'GYUR ZHES DRI BA ZHUS PA DE'I LAN TSIGS SU BCAD PAS GSUNGS PA NI, ZHI BA'I SEMS NI BYAMS PA'I SEMS SO, ,RGYAS PA'I YID NI DGA' BA'I SEMS SO, ,CHAGS PA'I YID NI RJES SU CHAGS PA DANG BCAS PA'I SEMS TE, GSUM PO 'DI DAG BYAS NAS ZHI BA LA SOGS PA'I LAS RNAMS RAB TU BSGRUB PAR BYA'O, ,GTUM PA NI KHRO BO LAS LA GTUM PAS RAB TU BSGRUB PAR BYA ZHES BYA BA TSIGS SU BCAD PA'I DON YIN NO, ,THAMS CAD SKU ZHES BYA BA LA SOGS PA LA KHYOD CES BYA BA NI KHYED RNAMS LA'O, ,SEMS CAN THAMS CAD KYI LUS NI THAMS CAD SKU STE, DE LA LUS 'DI RNAMS MNGA' BA ZHES BYA BA NI 'BRU MANG PO STE, BAR GYI TSIG MI MNGON PAR BYAS PA'O, ,DE BZHIN DU BYA BA LHAG MA RNAMS LA YANG NGO, ,MDZAD PA NI BYA BA STE PHRIN LAS ZHES BYA BA'I DON TO, ,DE SKAD DU DE BZHIN GSHEGS PA GSANG BA BSTAN PA'I MDO LAS, GZUGS DANG SGRA DANG YID KYI G-YO BA THAMS CAD GO RIMS BZHIN DU DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA'I RJES SU 'GRO BA YIN NO ZHES GSUNGS PA YIN NO, ,DE NYID KYI PHYIR SKU GSUNG THUGS NI ZHES BYA BA LA SOGS PA'I RGAL BA YIN TE, GANG DAG LA SKU DANG GSUNG DANG THUGS KYI RDO RJE MNGA' BA DE RNAMS LA DE SKAD CES BYA STE, SANGS RGYAS THAMS CAD CES BYA BA'I DON TO, ,DE RNAMS KYI SKU DANG GSUNG DANG, THUGS GANG YIN PA DE THOB PAR 'GYUR BAS NA, SEMS CAN THAMS CAD NYID SANGS RGYAS YIN NO, ,SANGS RGYAS CI 'DRA BA YIN ZHE NA, MNYAM MED MNYAM STE RDO RJE 'CHANG CHEN PO DANG MNYAM PA NYID YIN GYI, CHOS KYI DBYINGS KYIS SO SOR KHYAB PA TZAM GYIS SANGS RGYAS NYID NI MA YIN NO, ,DE RNAMS KYI NANG NAS BSGRUB BYA SU YIN SGRUB PA PO GANG RDO RJE'I SKU CAN NYID LAS GZHAN 'GA' ZHIG KYANG YOD PA MA YIN ZHING TSUL KHRIMS SHIN TU RNAM PAR DAG PA NYID KYI PHYIR GSOD PA PO 'GA' YANG MED PA DE'I PHYIR DRAG SHUL GYIS 'GRUB PAR MI 'GYUR RO ZHES BYA BA RGAL BA'O, ,GAL TE GSANG BA GSUM GYI RJES SU 'GRO BA'AM, CHOS NYID KYI CHOS DE RNAMS KYIS THOB PA YIN GYI RNAM PA THAMS CAD KYIS NI MA YIN NO ZHE NA, DE LTAR

116b

NA SANGS RGYAS RNAMS KYI RTEN BSAD PA NA, SANGS RGYAS GSOD PA LA SOGS PA NI SGRUB PA'I DBANG PO ZHES BYA BA LA SOGS PA RGAL BA YIN TE, SGRUB PA PO BDAG NYID CHEN PO'I MTSAMS MED PA'AM, MTSAMS MED PA 'DRA BA'I JI LTAR SDIG PAS GOS PAR MI 'GYUR RO, ,'ON TE GOS PAR 'GYUR BA NYID YIN NA, DE'I TSE GANG LAS 'GRUB PAR 'GYUR ZHE NA, LEGS SO LEGS SO ZHES BYA BA LA ZHUS PA ZHES BYA BA NI LHAG MA'O, ,TSIGS SU BCAD PA 'DI LA SEMS PA NI, SEMS CAN LA PHAN PA'I BSAM PA YIN LA BDAG NYID NI DE'I SPOBS PA YIN ZHING GSUNG DBYANGS NI DE ZHU BA'O, , CHEN PO NI GSUM PO DE RNAMS KYIS SANGS RGYAS RNAMS MNYES PAR BYAS PA'O, ,DE NAS SLOB DPON ZHES BYA BA LA SOGS PA NI LAN YIN TE, SLOB DPON NI SGRUB PA CHEN PO'I MTHAR THUG PAR GNAS PA DANG, DE'I RNAL 'BYOR LA GNAS PA'O, ,BYANG CHUB CES BYA BA NI RANG NYID RDO RJE 'CHANG GI BDAG NYID DO, ,DPAL LDAN SANGS RGYAS KUN GYI BDAG ,RDO RJE CAN ZHES BYA BA NI SANGS RGYAS DANG RIG MA BCU DANG KHRO BO BZHIS YONGS SU BSKOR BA'O, ,DE YANG BSGRUB PAR BYA BA LA SOGS PA'I DNGOS PO RNAMS THAMS CAD SGYU MA'I RNAM PA STE SGYU MA'I GLANG PO LA SOGS PA BZHIN DU'O, ,BDAG RANG NYID MA RMONGS PA NYID DU SKYED PA DANG, SDUD PAR MDZAD PA'O, ,RGYU DES NA DE'I SDIG TU MI 'GYUR TE, SDIG PA SKYE BAR MI 'GYUR BA'I PHYIR SDIG PA DANG LDAN PA MI DMIGS PA'I PHYIR TE RDO RJE 'DZIN PA'I SPYOD PA RMAD DU BYUNG BA TZAM LA SEMS MNYAM PAR 'JOG PA'I PHYIR RO, ,BSOD NAMS KYANG NI DE BZHIN NO; ,ZHES BYA BA NI BSOD NAMS NYID DE LAS 'BYUNG BAR 'GYUR TE, DE YANG DE LA DE BZHIN DU YOD PA NYID MA YIN TE, BSOD NAMS DE DANG LDAN PAS DMIGS SU MED PA'I PHYIR RO ZHES BYA BA'I DON TO, ,TSUL 'DIS NI GANG LA SDIG PA MED PA STE, SDIG PA RNAMS SHIN TU MA SKYES PA'I PHYIR DANG BSOD NAMS NYE BAR BSAGS PA'I PHYIR DANG, ,GNYI GA YANG DMIGS SU MED PA'I PHYIR RO, ,GANG LA BSOD NAMS KYANG MED PA STE, BSOD NAMS DANG, BSOD NAMS DANG LDAN PA DANG, BSOD NAMS KYI 'BRAS BU DMIGS SU MED PA'I PHYIR RO, ,SANGS RGYAS RNAMS KYIS DE'I BYANG CHUB YIN PAR GSUNGS

117a

, ,TE; YE SHES DANG BSOD NAMS KYI TSOGS DAG CIG CAR SBYANGS PA'I PHYIR DANG RDZOGS PA'I PHYIR RO, ,GAL TE SGRUB PA PO YANG DE LTAR DON MED PAR MI 'GYUR NA YANG DES SEMS CAN RNAMS KYANG DON MED PAR BYAS PAR GYUR PA MA YIN NAM ZHE NA, 'DIR MGON PO ZHES BYA BA LA SOGS PA GSUNGS TE, JI LTAR SGYU MA MKHAN GYIS SGYU MA'I GLANG PO LA SOGS PA YANG DAG PAR BSTAN PA NI RMONGS PA RNAMS SLU BA YIN PA DE BZHIN DU MGON PO DE'I ZHES BYA BA SGRUB PA PO THUGS BRTZE BA CAN GYIS SEMS CAN GDUG PA 'JOMS PA NI RMONGS PA STE, LUS CAN THAMS CAD SLU BA YIN NO, , 'DI LTAR THABS DES GDUG PA DE RNAMS MTSAMS MED PA LA SOGS PA LAS BZLOG PA'I RGYU CAN DES NGAN 'GROR SKYE BAR MI 'GYUR ZHING BYANG CHUB KYANG RNYED SLA BAR 'GYUR TE, SANGS RGYAS KYI YE SHES KYIS RGYAS BTAB PA'I PHYIR RO, ,GANG GI TSE SNGON GYI LAS KYI DBANG GIS DE RNAMS DMYAL BA RNAMS SU SKYE BAR 'GYUR BA DE'I TSE, DE RNAMS KYIS DMYAL BA RNAMS SU GYUR NA YANG 'BRAS BU CHEN PO NI GANG DE RNAMS KYI SANGS RGYAS KYI YE SHES KYIS RGYAS BTAB PAR 'GYUR TE, 'DI LTAR 'DI DMYAL BA DE LAS 'PHOS NAS RING POR MI THOGS PAR NGES PAR 'TSANG RGYA BAR 'GYUR RO, ,GANG GIS DE LTAR BYAS PA'I RGYU DES 'DI ZHES BYA BA'I GDUG PA'I LAS KYI MTSAN NYID SEMS CAN RNAMS LA MCHOG TU PHAN BTAGS PA'O, ,DE NYID KYI PHYIR BYANG CHUB RDO RJE CAN TE RNAL 'BYOR PA RNAMS KYIS BSGRUB BYAR SHES PAR BYA STE, RNAL 'BYOR LA GNAS PA'I SLOB DPON GYI BYA BA YIN PAR SHES PAR BYA'O, ,TSAR GCOD PA ZHES BYA BA LA SOGS PA LA GANG GIS DE LTAR BYAS PA DES JI LTAR SEMS CAN RNAMS LA PHAN 'DOGS PAR BYED PA LAS ZHI BA LA SOGS PA BYA BA DE BZHIN DU TSAR GCOD PA DRAG PO'I LAS KYANG BYA BA YIN TE, DE YANG MCHOG TU PHAN 'DOGS PA NYID YIN PA'I PHYIR RO, ,'O NA JI LTAR TSAR GCOD PA ZHES BYA ZHE NA, RMONGS PA RNAMS LA TSAR GCOD PA DANG 'DRA BAR SNANG BA'I PHYIR TE KHA BA DANG TSA BA'I SMAN CHEN PO LTA BU'O, ,BDAG NYID CHEN PO ZHES BYA BA NI BSAM PA CHEN PO STE, THUGS RDO RJE CAN ZHES BYA BA'I DON TE, DE LA JI LAS DANG PO PAS KYANG DE LTAR BYA BA'AM ZHE NA, MA YIN NO ZHES BSTAN PA'I PHYIR SGRUB PA CHEN PO'I

117b

ZHES BYA BA LA SOGS PA GSUNGS PA STE, YAN LAG DRUG GIS BSNYEN PA LA SOGS PA NAS, SGRUB PA CHEN PO'I MTHAR THUG GI BAR DU RTOGS PAR BYAS NAS DE'I 'OG TU DRAG PO'I LAS BRTZAM PAR BYA STE, DE'I TSE YE SHES DANG MTHUN PAR SBYOR BA BYAS PA NI MCHOG TU PHAN 'DOGS PAR BYED PA YIN PA'I PHYIR RO, ,BZLAS PA LA SOGS PA TZAM GYIS KYANG LAS RNAMS 'GRUB PA MA YIN NAM ZHE NA, 'GRUB PAR 'GYUR BA NI BDEN MOD KYI NGES PAR BYAS PA MA YIN GYI TSAR GCOD PA NI MA YIN TE, GANG GI TSE DE MCHOG TU PHAN 'DOGS PAR GYUR PA DE'I TSE BYA BA YIN NO ZHES BYA BAR DGONGS SO, ,RDO RJE CAN THAMS CAD NI SANGS RGYAS THAMS CAD DO, ,THUGS RJE CHEN PO LAS BYUNG BA'I TSUL GYI LAM NI THUGS RJE CHEN PO'I TSUL TE, JI SKAD GSUNGS PA'I DRAG PO'I LAS SO, ,GSAL BAR BYED PA'I CHOS TE DE THOS PAS SO, ,DGA' ZHING RAB TU DGA' BA LA YANG DAG PAR MGU BA NI, CHUNG NGU DANG 'BRING DANG CHEN PO'I RIM GYIS DGA' BA THOB PA'I PHYIR RO, ,MGON PO CHEN PO ZHES BYA BA NI THABS THAMS CAD KYIS GZHAN GYI DON DAM PA'I PHYIR RO, ,THUB PA CHEN PO ZHES BYA BA LA THUB PA CHEN PO RNAMS TE, RTAG TU SHIN TU RNAM PAR DAG PA'I SKU DANG GSUNG DANG THUGS KYI PHRIN LAS CAN NYID YIN PA'I PHYIR RO; ,CHOS RNAMS CHEN PO ZHES BYA BA NI RNAM PA THAMS CAD DU KHA NA MA THO BA MED PA'I CHOS RNAMS STON PAR MDZAD PA NYID KYI PHYIR RO, ,GSUM PA DE DAG NYID KYIS NA THUGS RJE CHEN PO'O, ,KUN DU BZANG PO'I ZHES BYA BA NI SNYING STOBS DANG RDUL DANG MUN PA RNAMS KYIS GZHAN GYI DON LA GCIG TU GZHOL BA'I BYANG CHUB KYI SEMS SO, ,GDUG PA'I MI BZAD PA'I LAS BYAS PA GANG YIN PA DES KYANG BSGRUB PAR BYA BA DANG SGRUB PA PO DAG SANGS RGYAS NYID DU RDZOGS PAR MDZAD PA'O, ,DE BZHIN GSHEGS PA THAMS CAD KYIS DBANG BSKUR BA NI RNAM PA GSUM GYIS DBANG BSKUR BA'O, ,DES GSANG BA GSUM PA'I DKYIL 'KHOR DU DBANG BSKUR BA'I SNGAGS PA GANG YIN PA DES DRAG PO'I LAS LA SOGS PA 'DI LA SKRAG PA LA SOGS PA MI BYA'O, ,BYANG CHUB RDO RJE NI KUN DU BZANG PO'I THUGS BSKYED PA'O, ,RNAM PA TZAM GYIS NA ZHE SDANG YIN LA, BYANG CHUB KYI SEMS KYI RGYU MTHUN PA NYID YIN PA'I PHYIR RDO RJE YIN

118a

, ,PAS NA ZHE SDANG RDO RJE'O, ,SOGS PA'I SGRAS NI 'DOD CHAGS RDO RJE LA SOGS PA DE DAG THAMS CAD NI MCHOD PA CHEN PO YIN NO ZHES BYA BA'I DON TO, ,BSGRUB PAR BYA BA RNAMS LA MCHOG TU PHAN 'DOGS PAS SANGS RGYAS THAMS CAD YANG DAG PAR MNYES PAR BYAS PAS ZHES BYA BA'I DON TO, ,DE BAS NA 'DI RNAMS SU YANG SPANG BAR MI BYA'O, ,'DI LTAR SNGAGS KYI RGYUN NI RNAM PA DU MA'I SNGAGS BSDUS PA STE, SHES PA DANG SKYOB PAR BYED PA'I PHYIR SNGAGS TE, THABS DANG SHES RAB KYI BDAG NYID CAN GYI BYANG CHUB KYI SEMS SO, ,DE'I BSDUS PA NI YANG DAG PAR STON PAR MDZAD PA'I STON PA STE, DE SKAD DU YANG, GANG DU 'DI BLOS RTOGS PAR MA GYUR PA, ,DER NI DE BZHIN GSHEGS PA DBANG MDZAD 'GYUR, ,BDAG GIS MI SHES RGYAL BA RNAMS KYIS MKHYEN, ,BYANG CHUB MTHA' YAS BDE BAR GSHEGS PAS GSUNGS, ,ZHES GSUNGS PA YIN NO, ,THUGS RJE CHEN PO'I TSUL LO, ,DE BZHIN GSHEGS PA LA MNGON PAR BSTOD DO ZHES BYA BA LA BYANG CHUB RDO RJE NYID DE BZHIN GSHEGS PA THAMS CAD KYI NGO BO NYID KYI SKU YIN LA, DKYIL 'KHOR PA RNAMS NI LONGS SPYOD RDZOGS PA YIN ZHING PHYAG RGYA LA SOGS PAR SPRUL PA YIN LA, LHAG MA RNAMS NI DES BYIN GYIS BRLABS PA NYID KYI PHYIR RO, ,DE'I RANG BZHIN YIN PAS NA DE RNAMS KYI YON TAN BRJOD PA'I TSIGS SU BCAD PA RNAMS KYIS DE BZHIN GSHEGS PA NYID LA BSTOD PAR GYUR PA YIN NO ZHES BYA BAR DGONGS SO, ,GANG YIN ZHES BYA BA NI BCOM LDAN 'DAS DKYIL 'KHOR CHEN PO'I DBANG PHYUG GO, ,DUS GSUM RDO RJER DBYUNG BA ZHES BYA BA LA, DBYUNG BA NI MCHOG DANG PO'I SNYING PO'I GZUGS SO, ,DUS GSUM RDO RJE DE NYID DE BZHIN GSHEGS PA THAMS CAD KYI SKU DANG GSUNG DANG THUGS KYI RANG BZHIN DU BYED PAS SO, ,PHUN TSOGS BYUNG BA NI DE LAS BYUNG BA'I MCHOG DANG PO RIG PA DANG BCAS PA'I GZUGS SU'O, ,ZHI BA NI BUM PA DANG GSANG BA'I DBANG BSKUR BA DAG GIS SO, ,SGRIB MED NAM MKHA'I KHAMS DAG PA'I NGO BO NYID NI DBANG BSKUR BA GSUM PO THOB PAS ZHU BA'I DKYIL 'KHOR 'BA' ZHIG GI GZUGS SU'O, ,SANGS RGYAS LHAG PAS SANGS RGYAS NI, SANGS RGYAS RNAMS LAS LHAG PA'I SANGS RGYAS DKYIL 'KHOR GYI BDAG PO'I GZUGS SU'O, ,DE NYID KYI PHYIR BYANG CHUB MCHOG KYANG YIN ZHING BYANG CHUB RDO RJE YANG YIN TE, CHOS KYI SKU NYID YIN PA'I PHYIR BYANG CHUB KYANG DE YIN LA, SKU GSUNG

118b

THUGS KYI GSANG BA'I GNAS NYID YIN PA'I PHYIR RDO RJE YANG YIN PAS SO, ,YANG NA DUS GSUM ZHES BYA BA NI DUS GSUM GYI SANGS RGYAS RNAMS KYI GZUGS TSOGS TE SO SOR SDUD PA'I SGO NAS SO, ,RDO RJE NI DE RNAMS NYID KYI SEMS KYI TSOGS TE BSAM GTAN GYIS SO, ,PHUN TSOGS 'BYUNG NI DE RNAMS KYI TSOR BA'I TSOGS TE SROG DANG RTZOL BAS SO, ,DNGOS ZHES BYA BA NI DE NYID BSGOMS PAS BRTAN PAR GYUR PA STE 'DZIN PAS SO, ,GROL BA NI SGROL BA LA DBANG DU GYUR PA STE RJES SU DRAN PA RNAMS KYIS SO, ,GYUR PA NI YONGS SU GTUGS TE TING NGE 'DZIN GYI YAN LAG GIS SO, ,ZHI BA NI RNAM PAR MI RTOG CING DMIGS SU MED PA STE NYE BAR BSGRUBS PAS SO, ,SGRIB MED NAM MKHA' DAG GI NGO BO NYID NI SGRUB PA POS SO, ,LHAG MA NI SGRUB PA CHEN PO STE, SANGS RGYAS LHAG SANGS RGYAS NI DE BZHIN GSHEGS PA RNAMS SO, ,DBANG PHYUG MCHOG NI DGA' MA RNAMS SO, ,BYANG CHUB RDO RJE NI SGO SKYONG RNAMS SO, ,GANG YIN DE LA ZHES BYA BA NI BCOM LDAN 'DAS NYID YIN PAS PHO RTAGS SO, ,LHAG MA RNAMS NI THUGS NYID YIN PA'I PHYIR MA NING GI RTAGS SO, ,DKYIL 'KHOR CHEN PO'I BDAG PO LA BSTOD PAS BSTOD PA'O, ,NAM MKHA' NI SKYES PA DANG BUD MED KYI LHA RNAMS KYI LHAN CIG SKYES PA'I THABS RNAMS DANG RIG MA RNAMS SO, ,BYANG CHUB SEMS NI RDO RJE 'DZIN PA STE DE DANG 'DRA BA NI DES SKYED PA'I PHYIR RO, ,RGYA CHEN PO ZHES BYA BA NI RDZU 'PHRUL CHEN PO DANG LDAN PAS SO, ,DE RNAMS LA ZHES BYA BA NI DKYIL 'KHOR CHEN PO'I DKYIL 'KHOR LA BSTOD PAS SO, ,GTI MUG CES BYA BA LA SOGS PA LA CHOS NI SNGAGS SO, ,SNGAGS GANG YIN ZHE NA, GTI MUG ZHE SDANG DE BZHIN 'DOD CHAGS RDO RJER BCAS PA STE, GTI MUG DANG ZHE SDANG DANG 'DOD CHAGS DANG RDO RJE STE, LONGS SPYOD BZHI ZHES BYA BA'I DON TO, ,'DIR CHOS LA SOGS PA BZHI NI DANG PO'I DON GYIS GNYIS PA'O, ,RTAG TU RGYUN CHAGS ZHES BYA BA NI BSGOM PA'I RGYUN CHAGS SO, ,RNAM PA NI BYE BRAG MANG PO'O, ,SNA TSOGS PA NI NGO MTSAR DU GYUR PA'O, ,DGA' BA NI DE RNAMS BDAG GI RANG BZHIN NO, ,MYOS PA'I DNGOS PO NI DE LA LHAG PAR ZHEN PA'O, ,DER GYUR PA NI THOB PA STE, DE LA PHYAG 'TSAL BA'O, ,LONGS SPYOD KYI DKYIL 'KHOR LA BSTOD PAS BSTOD PA'O, ,RDO RJE'I DKYIL 'KHOR RNAM PA GNYIS LAS LONGS SPYOD KYI DKYIL 'KHOR JI LTA BA DE BZHIN DU BZLAS PA'I DKYIL 'KHOR YIN NO, ,DE LA LONGS SPYOD KYI DKYIL 'KHOR GYIS NI TING NGE 'DZIN 'GRUB

119a

, ,LA BZLAS PA'I DKYIL 'KHOR GYIS NI RDO RJE YE SHES 'GRUB STE, BCU GSUM PA LAS, TING NGE 'DZIN YE SHES RDO RJE DAG ,RDO RJE DKYIL 'KHOR GYIS 'GRUB 'GYUR, ,ZHES GSUNGS SO, ,GANG YANG GZUNGS DANG ZHES BYA BA LA SOGS PA LA SON PA'I CHOS ZHES BYA BA NI DANG PO'I DON GYIS GNYIS PA'O,, CHOS ZHES BYA BA'I SGRA NI 'DIR YE SHES KYI TSIG GO, ,GANG ZHES BYA BA NI CHOS GANG DAG YIN PA'O, ,KHA CIG LA NI YONGS SU GZUNG BA ZHES 'BYUNG STE, DER NI NGAG DANG DE NI RTAG TU 'BREL PA YIN PAS GANG ZHES BYA BA DON GYIS SHES PAR BYA BA'O, ,JI LTA BU'I CHOS SHE NA, SEMS KYI RANG BZHIN DU SON PA STE, 'KHOR LO SER PO RTZIBS BCU PA LA GNAS PA ZHES BYA BA'I DON TO, ,STE ZHES BYA BA NI TSIG KHA BSKANG BA'O, ,JI LTA BU'I CHOS YIN ZHE NA, GZUNGS BA DANG DGA' BA DANG RNAM PA DANG MI G-YO BA DANG RGYU DANG 'BRAS BU DANG DRUG STE, GZUNG BA DANG ZHES BYA BA NI 'DZIN PA NYID DO, ,RMONGS PA ZHES BYA BA LA SOGS PA BZHI NI RDO RJE STE, GTI MUG LA SOGS PA NI MTHAR BYED RNAMS SO, ,DE RNAMS KYANG 'KHOR BA'I 'KHOR LO LA NI MTSAN MA'I RNAM PA YIN LA SRUNG BA'I 'KHOR LO LA NI LUS CAN NO, ,KHRO BO'I 'KHOR LO LA BSTOD PAS BSTOD PA'O, ,GANG ZHIG GIS ZHES BYA BA LA SOGS PA LA RNAM DAG NI SO SOR DAG PA'O, ,'DI ZHES BYA BA NI 'DI DAG GO, ,'DI LA THOG MA MED PA'I NGO BO YOD PAS NA THOG MA MED DNGOS SO, ,SHES RAB THABS DAG NI 'DOD CHAGS CHEN PO'I TSUL LA SOGS PA'I RIM GYIS BSKYED PA'I RIM PA'I SKYES BU'O, ,DPE DANG BRAL BAS NA DPE MED PA'O, ,DE LTA BU'I LHA RNAMS SHIN TU BSGOM PA NI GSANG BA LA SOGS PA'I SBYOR BAS TE, DE LA GSANG BA NI SKU RDO RJE LA SOGS PA'O, ,DBANG BSKUR BA NI SANGS RGYAS KYI COD PAN NO, ,BRTUL ZHUGS NI RIG PA DANG YANG DAG PAR SBYOR BA'O, ,SDOM PA NI BLA NA MED PA'I BDE BA STE, SGOM PA PO DE YANG RDO RJE 'DZIN PA DANG 'DRA BAR BLTA'O, ,DE NYID KYI PHYIR GSUNGS PA, BYANG CHUB RDO RJE ZHES BYA BA LA SOGS PA SMOS TE, RNAL 'BYOR PA LA BSTOD PAS BSTOD PA'O, ,GANG ZHIG CES BYA BA LA SOGS PA LA NYE BAR SGRUB PA DANG BSGRUB PA DANG SGRUB PA CHEN PO DANG ZHES BYA BA NI, NYE BAR SGRUB PA DANG BSGRUB PA DANG SGRUB PA CHEN PO RNAMS ZHES BYA BA'I DON TO, ,BLO MI G-YO BA ZHES BYA BA NI MI G-YO BA'I BLO YOD PA'O, ,SGRUB PA'I DBANG PO ZHES BYA BA NI DNGOS GRUB MCHOG GI SGRUB PA PO YIN PA'I PHYIR RO, ,GANG ZHIG CES BYA BA

119b

LA SOGS PA LA THUN BZHI ZHES BYA BA NI THUN MTSAMS BZHIR BYAS PA'O, ,RDO RJE BZHI ZHES BYA BA NI RDO RJE BZHI PO RNAMS KYIS SO, ,MI SNANG BA LA SOGS ZHES BYA BA NI MI SNANG BA LA SOGS PA'I THUN MONG GI DNGOS GRUB DU MA RNAMS ZHES BYA BA'I DON TO, ,MA NYAMS PA ZHES BYA BA NI MA TSANG BA MED PA'I LAM 'DI'O,, RTOGS PA NI KHONG DU CHUD PA'O, ,DNGOS GRUB GNYIS KYI SGRUB PA PO LA BSTOD PA'O, ,NYAN PA ZHES BYA BA NI GZHAN LAS GZHUNG DANG DON 'DZIN PA'O, ,'DON PA NI RANG NYID 'DON PAR BYED PAS NA RANG 'DON PAR BYED PA STE, THOS PA RNAMS DE BZHIN DU YANG DAG PAR DPYAD PAS RANG NYID GOMS PAR BYED CES BYA BA'I BAR DU'O, ,'DIR 'DON PA'I YUL DU BYAS PA STE DES BYAS PA'O, ,KLOG PA ZHES BYA BA NI TSIG TU BRJOD PAS SO, ,SEMS DPA' DANG ZHES BYA BA NI THE TSOM GCAD PAR BYA BA'I PHYIR RANG NGAM GZHAN LAS YANG DAG PA'I RIGS PA DANG, RIGS PA'I YUL LAS 'DAS PA LA YANG BCOM LDAN 'DAS NYID TSAD MAR BYAS PAS RNAM PAR DPYOD PA'O, ,GSANG BA 'DUS PA LA MNGON PAR BRTZON PA RNAMS LA BSTOD PAS BSTOD PA'O, ,GANG DU ZHES BYA BA LA SOGS PA LA 'DI ZHES BYA BA NI RGYUD 'DIR RO, ,MNGON LDAN PA ZHES BYA BA NI MNGON PAR BRTZON PA STE, YANG DAG PA'I SBYOR BA RNAMS LA DGOS PA MED PA'I SGRUB PA PO DANG, DE RNAMS KYIS BSGRUB PAR BYA BA GANG YIN PA YANG NGO, ,SGRUB PA PO DANG BSGRUB PAR BYA BA JI LTA BU ZHIG CE NA, ZHI SOGS LAS RGYAS SHIN TU BTAB PA YIS, ,ZHES BYA BA SMOS TE, ,LEGS PAR BYAS PA STE 'KHRUL 'KHOR NI GRO GA LA BRIS PAS SO, ,SNGAGS NI SNGAGS KYI CHO GA ZHIG GIS SO, ,DE BZHIN RGYAS BTAB CES BYA BA NI BSAM GTAN LAS 'BYUNG BA'I RGYAS BTAB PAS KYANG NGO, ,DE LTA BU'I SGRUB PA PO DANG BSGRUB PAR BYA BA LA PHYAG 'TSAL BA'O, ,SGRUB PA PO DANG BSGRUB PAR BYA BA LA BSTOD PAS BSTOD PA'O, ,MTHONG BA ZHES BYA BA NI LTA BA'O, ,SGRUB PA PO GTZO BO ZHES BYA BAR SBYAR TE, SGRUB PA PO NYID GTZO BO STE KHYAB BDAG RDO RJE 'DZIN PA ZHES BYA BA'I DON TO, ,SGRUB PA PO LTA BA LA BSTOD PAS BSTOD PA'O, ,ZHI BA ZHES BYA BA NI NYES PA DANG BRAL BA'O, ,'DREN PA NI SANGS RGYAS SO, ,RJES SU YI RANG BA ZHES BYA BA NI BSTOD PA MDZAD PA LA'O, ,MGON PO DE DAG CES BYA BA NI SANGS RGYAS RNAMS SO, ,BYANG CHUB SEMS DPA' NI BYANG CHUB SEMS DPA' RNAMS SO, ,GRAGS CHEN PO ZHES BYA BA NI

120a

, ,SHIN TU DGYES PA'O, ,DE SKAD GSUNGS NAS ZHES BYA BA NI LEGS PAR GSUNGS PA YIN ZHES BYA BA LA SOGS PA'O, ,GSANG BA THAMS CAD STON PA NI SBAS PA'I TSIG RNAMS SO, ,'DI NYID RDO RJE STE DE RNAMS KYI YE SHES NI DON LA NGES PA'O, ,DE BYIN GYIS RLOB PA NI BSKYED PA'O, GSANG BA 'DUS PA'I BSHAD SBYAR SNYIM PA'I ME TOG LAS LE'U BCO BRGYAD PA'O,, ,,BDAG GI DAD PA'I STOBS KYIS RGYUD KYI SNYING PO'I DON NI RNAM 'BYED PA'I, ,SNYIM PA'I ME TOG BYAS PA 'DI LAS BSOD NAMS PHUNG PO GANG BSAGS PA, ,DES NI RIM CAN 'DI NI RIM GYIS BYANG CHUB RTOGS DANG LDAN GYUR CING, ,LHA RNAMS DAD PAS ME TOG SNYIM PA ZHAGS GTOR BA LA BRTEN GYUR CIG ,'DUS PA'I SNYING PO RNAM PAR 'GREL PA 'DI, ,LEGS PAR SMRAS PA DRI MED RIN PO CHES, ,MUN PA BCOM NAS GSAL BYED RGYAN YIN LA, ,RNAM PAR 'GREL PA'ANG RIN CHEN 'BYUNG BA'I GNAS, ,GSANG BA 'DUS PA'I BSHAD SBYAR SNYIM PA'I ME TOG CES BYA BA SLOB DPON CHEN PO RATNA A'A KAR SH'ANTIS MDZAD PA RDZOGS SO,, ,,PAndI TA CHEN PO SH'ANTA BHA DRA DANG ZHU CHEN GYI LO TZ'A BA CHEN PO 'GOS LHAS BTZAS KYIS BSGYUR CING ZHUS TE GTAN LA PHAB PA,,

טיבטיתTibetanTD01851_GSANG BA 'DUS PA'I BSHAD SBYAR SNYIM PA'I ME TOG CES BYA BA (Kusumāñjali Guhya Samāja Nibandha (Nāma)).txt490,508 תוויםcharacters

202b

, ,RGYA GAR SKAD DU, KU SU M'ANYDZA LI GU HYA SA MA DZA NI BANDHA N'A MA, BOD SKAD DU, ,GSANG BA 'DUS PA'I BSHAD SBYAR SNYIM PA'I ME TOG CES BYA BA, BCOM LDAN 'DAS GSUNG GI DBANG PHYUG 'JAM DPAL GZHON NUR GYUR PA LA PHYAG 'TSAL LO, ,NAM MKHA' DANG MTSUNGS BYA BA MDZAD PA, ,DPAL MCHOG DANG PO NYID KYI SKU, ,GANG LAS GZA' SKAR BZHIN RGYAL RNAMS, ,SHAR DANG NUB GYUR KHYED SKYONG SHOG ,THUB PA RNAMS KYI SKU MCHOG MKHA' 'DRA BA, ,GANG LAS NYI ZLA LTAR 'BAR MDZES DE DAG ,YE SHES RANG BZHIN SKU GNYIS RNAM 'DZIN PA, ,RDO RJE 'CHANG BAR GSUNG DE LA PHYAG 'TSAL, ,DNGOS GRUB TSUL GYI RIN CHEN RGYA MTSO YIS, ,'DUS PA'I DON NI BSTAN PAR SU YIS NUS, ,DE LA GUS PA'I LCUG MA DAG LAS NI, ,BSHAD SBYAR 'DI NI SNYIM PA'I ME TOG YIN, ,'DIR LE'U BCO BRGYAD DANG LDAN PA'I NGAG CHEN PO DE LA GSANG BA 'DUS PA'I RNAL 'BYOR GYI RGYUD CES BYA NA, YANG DE JI LTAR NA GSANG BA 'DUS PA ZHES BYA, JI LTAR NA RNAL 'BYOR GYI RGYUD YIN, ,'DI'I SKYES BU'I DON GANG, BRJOD PAR BYA BA'I DGOS PA'I GTZO BO NI GANG YIN, ,'DIR NYAMS SU BLANG BAR NUS PA DGOS PA DANG RJES SU MTHUN PA'I THABS NI GANG YIN, 'DI DAG GI DGOS PA'I 'BREL PA NI GANG YIN, ,DE YANG TSAD MA RNAM 'GREL LAS, ,'BREL PA DANG NI RJES MTHUN THABS, ,SKYES BU'I DON NI RJOD BYED NGAG ,DPYAD PAR BYA BAR 'OS PA YIN, ,DE LAS GZHAN PA DPYAD 'OS MIN, ,ZHES BSHAD PA YIN NO, ,GZHAN YANG GSUNG RAB YAN LAG BCU GNYIS KYI NANG NAS 'DI GANG YIN ZHE NA, 'DI NI ZAB MO'I DON MDOR STON PAS NA MDO'I SDE YIN NO, ,DE LTA NA 'DI'I DGOS PA NI GANG YIN, ,BSDUS PA'I DON NI GANG YIN, TSIG GI DON DANG, MTSAMS SBYAR BA DANG, BRGAL BA'I LAN NI GANG YIN ZHES BRJOD PAR BYA STE; JI SKAD DU, RNAM PAR BSHAD PA'I RIG PA LAS, MDO DON SMRA BA DAG GIS NI, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS PAS BSNYAD PAR BYA, ,ZHES BSHAD PA YIN NO ZHE NA, 'DIR BRJOD PAR BYA STE, DE BZHIN

203a

, ,GSHEGS PA THAMS CAD KYI GSANG BA NI GSUM STE, SKU'I GSANG BA DANG, GSUNG GI GSANG BA DANG, THUGS KYI GSANG BA'O, ,GSANG BA RNAMS 'DUS SHING TSOGS PA GANG LA YOD PA NI GSANG BA 'DUS PA BCOM LDAN 'DAS RDO RJE 'CHANG STE, DE LA DE DAG RAG LAS PA NYID KYI PHYIR RO, ,DE LA MDOR BSDU NA, ,SKU'I GSANG BA NI BCOM LDAN 'DAS RNAM PAR SNANG MDZAD LA SOGS PA'O, ,GSUNG GI GSANG BA NI SPYAN LA SOGS PA'O, ,THUGS KYI GSANG BA NI GSHIN RJE GSHED LA SOGS PA STE, GSANG BA 'DUS PA RJOD PAR BYED PA'I GZHUNG LA YANG NYE BAR BTAGS NAS MING DE SKAD CES BYA STE, SI TA PHROGS PA'I SNYAN DNGAGS BZHIN NO, ,DE SKAD DU YANG, SKU GSUNG THUGS NI RNAM PA GSUM, ,GSANG BA ZHES NI BSTAN PA YIN, ,SANGS RGYAS THAMS CAD CES BYA BA, ,TSOGS PA 'DUS PA YIN PAR BSHAD, ,CES 'CHAD PAR 'GYUR RO, ,SHES RAB DANG THABS DAG GI SNYOMS PAR 'JUG PA STE, RAB TU SBYOR BA NI RNAL 'BYOR RO, ,NYE BAR SONG BAS NA THABS TE, SEMS ZHES RAB TU 'JUG PA'O, ,DE NYID DNGOS PO'I MTSAN NYID DE, ,DE DE KHO NA'I NGO BOR GYUR PA'I PHYIR RO, , DE YANG GYUR PA PO MA GTOGS PAR GYUR PA MED PAS SEMS NYID DE, THABS DE NYID ZHI GNAS DANG SKYES BU DANG YE SHES KYANG YIN NO, ,RANG BZHIN MED PA'I YE SHES NI SHES RAB STE, PHUL DU BYUNG BA'I SHES PA YIN PAS SO, ,'DIR RANG BZHIN MED PA LA YANG SHES RAB CES BYA STE, RIG PA DANG RIG BYA DBYER MED PAS SO, ,DE KHO NA NYID BYE BRAG TU MTHONG BAS NA LHAG MTHONG YIN LA, SDUG PAR GYUR PAS NA DGA' BA MA YIN TE, SHES RAB DANG RIG PA DANG SHES BYA YANG YIN NO, ,THABS DANG SHES RAB DE DAG GNYIS SU MED PA NI RAB TU SBYOR BA STE RNAL 'BYOR RO, ,RGYUD NI RGYUN TE, DE YANG RGYU'I RGYUD DANG, 'BRAS BU'I RGYUD DANG, THABS KYI RGYUD DO, ,DE LA RIGS KYI DBYE BA NI RGYU'I RGYUD DO, ,RIGS KYI DBYE BA LAS 'BRAS BUR GYUR PA RDO RJE 'CHANG CHEN PO'I RAB TU DBYE BA NI 'BRAS BU'I RGYUD DO, ,RGYU LAS 'BRAS BU GRUB PAR BYA BA'I PHYIR SNGAGS DANG, PHYAG RGYA DANG, DKYIL 'KHOR LA

203b

SOGS PA'I RKYEN NI THABS KYI RGYUD YIN NO, ,RNAL 'BYOR GTZO BOR GYUR PA'I RGYUD NI RNAL 'BYOR GYI RGYUD DO, ,DE STON PAR BYED PA NYID YIN PAS NA GZHUNG LA YANG 'DI SKAD CES BYA'O, ,DE SKAD DU YANG, SHES RAB THABS KYI SNYOMS 'JUG PA, ,RNAL 'BYOR ZHES NI BYA BAR BSHAD, ,GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,RGYUN NI RGYUD CES BYA BAR GRAGS, ,RGYUN DE RNAM PA GSUM 'GYUR TE, ,GZHI DANG DE BZHIN RANG BZHIN DANG, ,SPONG DU MED PAR RAB TU PHYE, ,RANG BZHIN SBYANG BYA'I RGYU YIN TE, ,DE BZHIN SPANG MED 'BRAS BU'O, , GZHI NI THABS ZHES BYA BA STE, ,GSUM GYI RGYUD NI DON BSDUS PA'O, ,ZHES 'CHAD PAR 'GYUR RO, ,GANG GI PHYIR GSANG BA 'DUS PA 'DI NI RNAL 'BYOR GYI RGYUD YIN PA DE'I PHYIR RNAL 'BYOR GYI RGYUD GZHAN DANG THUN MONG DU GYUR PA NI 'DI'I GTZO BO'I DGOS PA STE, 'BRAS BU'I RGYUD DO, ,THUN MONG MA YIN PA NI GSANG BA 'DUS PA'I RGYUD 'DI NYID LAS GSANG BA 'DUS PA'I TSUL DU 'BRAS BU GRUB PA'I PHYIR SRID PA DANG ZHI BA LA MI GNAS PA'I BCOM LDAN 'DAS RDO RJE 'CHANG NI MI ZAD PA DANG MI NYAMS PA BLA NA MED PA'I CHOS THAMS CAD LA DBANG BSGYUR BA'I THAR PA CHEN PO'I BDE BA YIN TE, DE BAS NA 'DI NI SKYES BU'I DON GYI MCHOG TU GYUR PA YIN PAS NA DGOS PA'I GTZO BO YIN NO, ,DE NI RANG NYID LA THA DAD PA MI MNGA' NA YANG THABS KYI DBYE BAS THA DAD PAR THA SNYAD DU BYAS PA YIN NO, ,DE LA GSANG BA 'DUS PA ZHES BYA BA'I THABS NI THABS GZHAN DE DAG THAMS CAD LAS KHYAD PAR DU 'PHAGS PA YIN TE, SHIN TU BDE BA DANG, SHIN TU MYUR BA NYID DU RDO RJE 'CHANG CHEN PO'I GO 'PHANG THOB PAR BYED PA'I PHYIR RO, ,DE BAS NA DES THOB PA'I 'BRAS BU GSANG BA 'DUS PA ZHES BYA BA YANG 'BRAS BU THAMS CAD KYI MCHOG TU GYUR PA YIN PAR BSHAD DO, ,RGYU'I RGYUD DANG THABS KYI RGYUD NI DGOS PA'I RJES SU MTHUN PA'I THABS YIN TE, DE DAG THOS PA DANG, BSAM PA LA SOGS PA'I MTSAN NYID CAN GYIS NYAMS SU BLANG BAR NUS PA NYID YIN LA DE DAG GIS NYAMS SU BLANGS PAS DGOS PA 'GRUB PA'I PHYIR RO, ,THABS KYANG GNAS JI LTA BA BZHIN DU GSANG

204a

, ,BA RNAMS 'DUS PA NYID YIN NO, ,'BREL PA NI TSIG DANG NGAG RNAMS DON GCIG LA BSDU BA'I PHYIR LTOS PA SNGON DU SONG BA CAN GYI PHAN TSUN PHAN 'DOGS PAR BYED PA STE, LNGA PA DGU PA NYID DAG DANG, ,BCU BDUN PA DANG BCU GSUM PA, ,ZHES BYA BA LA SOGS PAS 'CHAD PAR 'GYUR TE, DE YANG PHYIS BSTAN PAR BYA'O, ,DGOS PA SMRAS ZIN TO, ,BSDUS PA'I DON KYANG 'BREL BA BSTAN PA NYID LAS SHES PAR BYA'O, ,TSIG GI DON DANG MTSAMS SBYAR BA DANG BRGAL BA'I LAN RNAMS KYANG GNAS SKABS JI LTA BA NYID DU BSHAD PAR BYA'O, ,'DI LTAR DE BZHIN GSHEGS PA'I BSNYEN BKUR BA YIN PA'I PHYIR THOS PA MA LUS PA YANG DAG PAR BSAGS PA YIN PA DANG, THOS PA 'DZIN PA'I MCHOG YIN PAR 'JIG RTEN NA GRAGS PA YIN PAS NYAN THOS KYI SDE SNOD SDUD PAR BYED PA NI 'PHAGS PA KUN DGA' BO YIN NO, ,DE BZHIN DU BYANG CHUB SEMS DPA'I SDE SNOD KYI SDUD PA PO NI BCOM LDAN 'DAS PHYAG NA RDO RJE YIN TE DE NI BSKAL PA BZANG PO'I DE BZHIN GSHEGS PA RNAMS KYI GZUGS KYI SKU DANG CHOS KYI TSOGS SRUNG BA'I DBANG DU BYAS PA DANG, PHYAG NA RDO RJE DBANG BSKUR BA LA SOGS PA'I MDO LAS BSTAN PA GTAD PAR 'BYUNG BA DANG, LE'U BCU BDUN PA LAS, RDO RJE CHOS ZHES BYA BA DANG, CHOS KYI DBANG PHYUG GI RGYAL PO ZHES BSTAN PA GANG YIN PA DER YANG PHYAG NA RDO RJE NYID LA DE SKAD DU BSTAN PA YIN TE, RDO RJE THEG PA NI RDO RJE CHOS DANG RDO RJE CHOS KYI DBANG PHYUG YIN LA, DE YANG DE LA GTAD PA YIN PA'I PHYIR DE LA DE SKAD CES BYA'O, ,DE BAS NA 'DI LTAR BYANG CHUB SEMS DPA'I SDE SNOD MTHA' DAG BYANG CHUB SEMS DPA' GCIG GIS BSDUS PAR GYUR PA NA SDUD PA PO DANG, STON PA PO DANG, CHOS KYI BDAG NYID KYI CHE BA YIN PAR SHES PAR BYA'I GZHAN DU NI MA YIN NO, ,BCOM LDAN 'DAS KYIS KYANG DGE SLONG DAG 'DI SKAD BDAG GIS THOS PA'I DUS GCIG NA ZHES KYIS LA CHOS BSDU BAR BYA'O ZHES GSUNGS PA YIN NO, ,DE BAS NA SDUD PAR BYED PA PHYAG NA RDO RJES 'DI SKAD BDAG GIS ZHES BYA BA LA SOGS PA SMRAS PA YIN NO, ,DE YANG STON PA PO RANG NYID MNGON PAR

204b

RDZOGS PAR SANGS RGYAS NAS CHOS RNAMS STON PAR MDZAD LA STON PA LAS THOS NAS SDUD PA YIN PA DE'I PHYIR, THOS PA ZHES BYA BA 'DIS NI SDUD PA POR STON PAR BYED DE, THOS PA YIN GYI BDAG GIS MNGON PAR RTOGS PA NI MA YIN NO ZHES BYA BA'I DON TO, ,THOS PA GCIG NAS GCIG TU BRGYUD PA NI SHIN TU DAD PAR BYA BA MA YIN PA DE BAS NA, MNGON SUM DU THOS PA NYID NI BDAG GIS ZHES BYA BA SMOS PA YIN TE, BDAG NYID KYIS STON PA PO LAS DE THOS KYI, GZHAN GYIS SAM, DE LAS KYANG GZHAN PA LAS THOS NAS BDAG STON PA NI MA YIN NO ZHES BYA BA'I DON TO, ,MNGON SUM DU THOS SU ZIN KYANG RNAM PA THAMS CAD DRAN PA MED PA'AM, ,BSNAN PA DANG PHRI BAS NI YANG DAG PA'I SDUD PA POR MI 'GYUR BA DE BAS NA YANG DAG PA NYID YIN PA NI 'DI SKAD CES BYA BA SMOS PA YIN TE, YI GE DANG TSIG DANG, NGAG 'DI DAG NYID KYIS GLENG GZHI DANG SKABS LA SOGS PA'I RIM PA'I RNAM PA 'DI NYID KYIS BDAG GIS THOS NAS JI LTA BA BZHIN DU BSDUS PA YIN GYI, GZHAN DU THOS NAS GZHAN DU BSDUS PA NI MA YIN TE, BRJED PA'AM, BSNAN PA LA SOGS PA'I BAB COL GYI SKYON YOD PA MA YIN NO ZHES BYA BA'I DON TO, ,DE LTAR BYAS NA 'DI SKAD CES BYA BA'I SGRA NYID KYI GLENG GZHI DANG, SKABS DANG MDO NYE BAR BSDU BA LA SOGS PA'I DAG NI BCOM LDAN 'DAS KYIS GNANG BA YIN NO ZHES BYA BAR KHONG DU CHUD PAR BYA'O, ,DE BAS NA BSTAN PA DANG MTHUN PA'I YUL DU BCOM LDAN 'DAS RES 'GA' BZHUGS PA DANG, RJES SU MTHUN PA'I 'KHOR 'DUS PA LA SOGS PA NI GLENG GZHI YIN NO, ,DE NI DUS GCIG NA ZHES BYA BA LA SOGS PA SMOS TE, DUS GCIG NA BCOM LDAN 'DAS BZHUGS SO ZHES BYA BAR SBYAR RO, ,DUS NI DUS TSOD DO, ,BCOM LDAN 'DAS ZHES BYA BA LA, ,DBANG PHYUG LA SOGS PA PHUN SUM TSOGS PA DRUG NI SKAL BA STE, JI SKAD DU, ,DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO DE LA LDAN ZHES BYA, ,ZHES BSHAD PA LTA BU'O, ,SKAL BA DE 'DI LA MNGA' BAS NA BCOM LDAN 'DAS

205a

, ,SO; ,'DI LTAR DBANG PHYUG NYID NI GZHAN GYI DBANG MA YIN PA NYID DO, ,DE NI BCOM LDAN 'DAS KYI PHUN SUM TSOGS PA YIN TE, BAG CHAGS DANG BCAS PA'I SGRIB PA THAMS CAD SPANGS PA'I PHYIR RO, ,SHES BYA THAMS CAD LA RNAM PA THAMS CAD DU RTAG TU THOGS PA MED PA'I YE SHES MNGA' BAS NA YE SHES PHUN SUM TSOGS PA'O, ,YON TAN THAMS CAD KYI GZHIR GYUR PA NYID KYIS PHYOGS DANG PHYOGS MTSAMS RNAMS SU SGRA RNAM PAR GRAGS PA PHUN SUM TSOGS PA'O, ,'JIG RTEN DANG 'JIG RTEN LAS 'DAS PA'I PHUN SUM TSOGS PA 'DOD PA RNAMS KYIS BSTAN PAR BYA BA YIN PAS NA DPAL PHUN SUM TSOGS PA'O, ,DPE MED PA'I MTSAN DANG DPE BYAD RNAMS KYIS BRGYAN PA'I SKU MNGA' BAS NA GZUGS PHUN SUM TSOGS PA'O, ,RNAM PA THAMS CAD DU SEMS CAN THAMS CAD KYI DON GYI BYA BA LA LDOG PA MI MNGA' BAS NA BRTZON 'GRUS PHUN SUM TSOGS PA'O, ,'DIR BCOM LDAN 'DAS GANG ZHIG YIN ZHE NA, ,DUS DER STON PA PO BCOM LDAN 'DAS SH'AKYA THUB PA'I SKUR GRAGS PA'I RDO RJE 'CHANG CHEN PO'O, ,BZHUGS PA ZHES BYA BA NI GNAS PAR MDZAD DO, ,BZHUGS PA'I TSIG NI MNYAM PAR 'JOG PA LA YANG 'JUG STE, SANGS RGYAS BCOM LDAN 'DAS NI RTAG TU MNYAM PAR GZHAG PA YIN NO, ,DE BAS NA 'DI DANG BCOM LDAN 'DAS SBYAR NA SANGS RGYAS KYI BZHUGS PA RNAM PA BZHI BSTAN PA YIN LA, LHAG MA NI CI RIGS PAR SBYAR RO, ,DE LA SANGS RGYAS RNAMS KYI SKU'I PHRIN LAS GANG CI YANG RUNG BA DE NI DE RNAMS KYI SPYOD LAM GYIS BZHUGS PA'O, ,GSUNG GI PHRIN LAS GANG CI YANG RUNG BA DE NI CHOS 'CHAD PAS BZHUGS PA'O, ,TING NGE 'DZIN LA SNYOMS PAR 'JUG PAR MDZAD PA DANG, RANG BZHIN GYIS MNYAM PAR GZHAG PA'I THUGS KYI PHRIN LAS GANG CI YANG RUNG BA DE NI TING NGE 'DZIN GYIS BZHUGS PA'O, ,SANGS RGYAS KYI SPYAN GYIS SEMS CAN RNAMS LA GZIGS PA DANG, LHA RNAMS NYE BAR BSDU BAR MDZAD PA'I THUGS KYI PHRIN LAS GANG YIN PA DE NI NANG DU YANG DAG 'JOG GIS BZHUGS PA ZHES BYA'O, ,GANG NA BZHUGS SHE NA, DE'I PHYIR DE BZHIN GSHEGS PA THAMS CAD KYI

205b

ZHES BYA BA LA SOGS PA SMOS TE, CHOS RNAMS JI LTA BA BZHIN DU RTOGS SHING MKHYEN PA 'AM, DE RNAMS DE BZHIN DU STON PAR MDZAD PAS NA DE BZHIN GSHEGS PA STE, SANGS RGYAS RNAMS SO, ,GSHEGS PA NI MKHYEN PA'I DON YIN PA'I PHYIR RAM, ,NGES PA'I TSIG GI TSUL GYIS GTA'I LTAR BYAS PA'I PHYIR RO, ,DE BZHIN GSHEGS PA THAMS CAD KYI SKU DANG GSUNG DANG THUGS DE RNAMS KYI SNYING PO NI DON DAM PA STONG PA NYID DE, ,DE NYID KYI PHYIR GRU GSUM NAM MKHA' LTA BU STE, ,SKU GSUNG THUGS KYI DBYE BA YIS, ,GRU GSUM DU NI BSGOM PAR BYA, ,ZHES GSUNGS PA'I PHYIR RO, ,RDO RJE BTZUN MO NI RIG PA BCU'O, ,DE RNAMS KYI BHA GA NI PADMA'O, ,DE NYID SNYING PO YIN GYI 'DI DAG BUD MED NYID NI MA YIN NO, ,'O NA CI YIN ZHE NA, SNYING PO DE NYID NU MA DANG BZHIN RAS LA SOGS PA'I YAN LAG GI BYE BRAG GI SGO NAS RAB TU PHYE BA YIN TE, GANG ZHIG DNGOS MED NYID SHES RAB, ,CES GSUNGS PA'I PHYIR RO, ,DE BZHIN GSHEGS PA THAMS CAD KYI SKU DANG GSUNG DANG, THUGS KYI SNYING PO YANG DE YIN LA, RDO RJE BTZUN MO'I BHA GA YANG YIN PAS NA DE SKAD CES BYA STE, CHOS 'BYUNG BA'I PHYAG RGYA ZHES BYA BA'I DON TO, ,DER BCOM LDAN 'DAS BZHUGS PA NI CHOS 'BYUNG BA'I NANG DU CHUD PA'I GZHAL YAS KHANG DU ZHES BYA BA'I THA TSIG STE, DPER NA GRONG KHYER NA GNAS PA'I PHYUG PO BYA BA NI GRONG KHYER GYI NANG DU GTOGS PA'I KHANG BZANGS NA ZHES BYA BA'I DON YIN NO, ,DE CI'I PHYIR DER BZHUGS SHE NA, ,GSANG BA 'DUS PA BSHAD PAR BYA'O ZHES BSTAN PA'I PHYIR DE'I SKAL BA DANG LDAN PA DRANG BAR BYA BA'I PHYIR RO, ,GANG DANG THABS CIG BZHUGS SHE NA, ,BYANG CHUB SEMS DPA' SEMS DPA' CHEN PO ZHES BYA BA SMOS TE, BYANG CHUB NI BLA NA MED PA YANG DAG PAR RDZOGS PA'I BYANG CHUB STE, ,PHUL DU BYUNG BAR RTOGS PA'I PHYIR RO, ,SEMS DPA' NI BSAM PA STE, DE YANG 'DIR THOB PA'I PHYIR MNGON PAR SEMS PA'O, ,'DI RNAMS LA BYANG CHUB SEMS DPA' YOD PAS NA BYANG CHUB SEMS DPA'O, ,SEMS DPA' CHEN PO ZHES BYA BA NI 'DI RNAMS LA SEMS DPA' CHEN PO YOD PAS NA SEMS DPA' CHEN PO STE, SEMS CAN THAMS CAD MYA NGAN LAS 'DAS BZLA BA'I BSAM PA YOD

206a

, ,PA NYID KYI PHYIR RO, ,BCAS PA'I DON GYI SBYOR BA NI GSUM PA YIN TE, DE RNAMS DANG THABS CIG TU ZHES BYA BA'I DON TO, ,JI SNYED CIG DANG ZHE NA, BRJOD KYIS MI LANG BA'I YANG BRJOD KYIS MI LANG BA'I ZHES BYA BA SMOS TE, GRANGS KYI MTHA' BRJOD KYIS MI LANG BA DANG, DE'I MTSAN NYID CAN YANG BRJOD KYIS MI LANG BA STE, 'DI DAG TZAM MO ZHES BSTAN PAR MI NUS PA'I PHYIR TE, GANG DAG BRJOD KYIS MI LANG BA DE DAG DANG, BRJOD KYIS MI LANG BA'I GRANGS DE DAG 'DI TZAM YIN NO ZHES BYA BAR BRJOD PAR YANG MI NUS PA ZHES BYA BA'I DON TO, ,DE LTAR NA GRANGS KYIS BGRANG DU MED PA DE DAG DPES BSTAN PAR BYA BA'I PHYIR, SANGS RGYAS KYI ZHING GI ZHES BYA BA LA SOGS PA SMOS PA YIN TE, 'JIG RTEN GYI KHAMS JI SNYED PAR DUS GCIG NA SANGS RGYAS GCIG NYID 'BYUNG BA DE NI SANGS RGYAS KYI ZHING STE, STONG GSUM GYI STONG CHEN PO'I 'JIG RTEN GYI KHAMS SO, ,DE YANG GLING BZHI PA DANG, NYI MA DANG, ZLA BA DANG, RI RAB DANG, 'DOD PA'I KHAMS KYI LHA RNAMS DANG, TSANGS PA'I 'JIG RTEN BYE BA PHRAG BRGYA GANG YIN NO, ,DE LTAR NA GLING BZHI PA LA SOGS PA RE RE ZHING STONG GANG YIN PA DE NI STONG SPYI PHUD KYI 'JIG RTEN GYI KHAMS SO, ,STONG CHUNG DU STONG NI, STONG GNYIS PA BAR MA'I 'JIG RTEN GYI KHAMS SO, , STONG GNYIS PA STONG NI STONG GSUM GYI STONG CHEN PO'I 'JIG RTEN GYI KHAMS TE, MNYAM DU 'JIG CING MNYAM DU CHAGS SO, ,DE SKAD DU YANG, GLING BZHI PA DANG NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUNG YIN PAR 'DOD, ,DE STONG LA NI STONG GNYIS PA, ,BAR MA'I 'JIG RTEN KHAMS YIN NO, ,DE STONG LA NI STONG GSUM STE, ,MNYAM DU 'JIG CING CHAGS PA YIN, ,ZHES BSHAD PA YIN NO, ,SANGS RGYAS KYI ZHING GI RI RAB NYID BYE BA BRGYA PHRAG GCIG STE, DE RNAMS KYI RDUL PHRA RAB KYI RDUL DE SNYED DE, DE DANG GRANGS MTSUNGS PA'O, , KHYAD PAR MED PAR BSTAN PA RNAMS KYI KHYAD PAR BSTAN PAR BYA BA'I PHYIR, 'DI LTA STE, BYANG CHUB SEMS DPA' SEMS DPA' CHEN PO DAM TSIG RDO RJE DANG ZHES BYA BA LA SOGS PA GSUNGS TE, 'DIR SKYES PA DANG BUD MED KYI LHA RNAMS NI ZHI GNAS DANG LHAG MTHONG YIN TE, DE BAS NA ZHI GNAS DANG BCAS

206b

PA'I DE BZHIN NYID DANG, DE'I RNAM PA CAN GYI YANG DAG PA'I YE SHES NI LHAG MTHONG NGO, ,DE'I PHYIR THEG PA CHEN PO'I DE KHO NA NYID NI GNYIS TE, DE BZHIN NYID DANG YANG DAG PA'I YE SHES SO, ,DE KHO NA NYID DE NI MI ZAD PA'I RIN PO CHE YIN PAS NA RDO RJE STE, DE'I PHYIR GDON MI ZA BA'I MTHAR THUG PA'I LHA RNAMS NI RDO RJE'O, ,'DI LAS THAMS CAD THOB PAR 'GYUR BAS NA DAM TSIG GO, ,DAM TSIG KYANG YIN LA RDO RJE YANG YIN PAS NA DAM TSIG RDO RJE STE KUN DU BZANG PO'O, ,SKU NI GNAS TE SA NYID GNAS YIN PAS NA SKU STE, SA'I SNYING PO'O, ,GSUNG NI CHOS RNAMS 'DZIN PA'I PHYIR PHYAG NA RDO RJE'O, , THUGS NI NAM MKHA'I SNYING PO STE, SEMS KYI RIN PO CHE MNGA' BA'I PHYIR RO, ,TING NGE 'DZIN NI 'JIG RTEN DBANG PHYUG STE, SEMS BRTAN PAR BYED PA YIN PA'I PHYIR RO, ,SGRIB PA LAS RGYAL BAR BYED PAS NA RGYAL BA STE, SGRIB PA THAMS CAD RNAM PAR SEL BA'O, ,SA LA SOGS PA DANG, CHOS MTHUN PA'I PHYIR SA LA SOGS PA NI SPYAN DANG, M'A MA K'I DANG, GOS DKAR MO DANG SGROL MA STE, ,DE DAG GI GO RIMS BZHIN DU SEMS TZAM NYID DU 'DZIN PA'I PHYIR DANG, GNYIS ZAD PAR SDUD PA'I PHYIR DANG, MNYAM PA NYID NYAMS SU MYONG BA'I PHYIR DANG, BSGOM PAS SMIN PAR BYED PA'I PHYIR DANG, THAMS CAD DU SKYONG BAR BYED PA YIN PA'I PHYIR RO, ,NAM MKHA' NI 'BYUNG BA LNGA PA'O, ,DE NYID NI RDO RJE 'CHANG STE, DE YANG DKYIL 'KHOR PA'I LHA SKYES PA DANG BUD MED KYI GZUGS CAN RNAMS STONG PA NYID KYI SHES RAB DANG YE SHES KYI BDAG NYID LHAN CIG SKYES PA'I RIG PA DANG, THABS DANG LDAN PA DAG STE, LHA RE RER SO SOR NGES PAR BSTAN PA NI SBYOR BA'I BYE BRAG GIS SO, ,DE DAG KYANG, DAM TSIG RDO RJE SOGS DRUG DANG, ,SA LA SOGS PA RNAM PA LNGA, ,ZHES GANG GSUNGS PA'O, ,DE BAS NA TSIG BZHI PO 'AM, TSIG GCIG GIS KHRO BO BZHI PO DAG KYANG BSTAN TO ZHES BYA BA NI RIGS PA YIN NO, ,DE DAG BRTAN PA NYID DANG, BSAM GTAN DANG, RI MO'I DKYIL 'KHOR DAG LAS GSUNGS PA'I PHYIR RO, ,DE'I RANG BZHIN YIN PA'I PHYIR, DPE MED PA'I SANGS RGYAS KYI SKU DANG, GNAS DANG, MTHA' YAS PA'I LONGS SPYOD KYI GZUGS LA SOGS PA DE DAG THAMS CAD LA GZUGS LA SOGS PA'I SGRAR 'DIR BSHAD DE, DE RNAMS KYANG

207a

, ,MCHOD PA'I LHA MO DRUG YIN LA, 'DIR BYANG CHUB SEMS DPA'I TSUL DU BRJOD PA'I PHYIR, LHA MO RNAMS LA YANG SKYES PA'I RTAGS KYIS MING DU BYAS PA YIN NO, ,DE DAG LA SOGS PA ZHES BYA BA NI, 'DI DAG GTZO BOR GYUR PA DANG STE, GTZO BOR GYUR PA YANG RTAG TU NGA'I DKYIL 'KHOR LA, DE DAG DKYIL 'KHOR PA NYID YIN PA'I PHYIR RO, ,KHRO BO'I DKYIL 'KHOR NI RTAG TU BA MA YIN TE, SRUNG BA'I DON NAM 'GOG PA'I DON DU RES 'GA' BSGOM PAR BYA BA YIN PA'I PHYIR RO, ,DE BAS NA 'DIR 'DOD PA'I RGYAL PO LA SOGS PA DRUG NI MA GSUNGS PA YIN NO, , DKYIL 'KHOR GYI BDAG PO LA NI NGES PA YOD PA MA YIN TE, RES 'GA' NI GCIG PU NYID DKYIL 'KHOR GYI GTZO BO YIN TE, DE YANG 'DIR BCOM LDAN 'DAS ZHES BYA BA'I SKABS YIN NO, ,DE LTAR NA BYANG CHUB SEMS DPA' RNAMS NI GDUL BAR BYA BA YIN PAS GSANG BA MA YIN NO, ,DE BAS NA THABS CIG TU BZHUGS PA BSTAN NAS, 'DUL BAR MDZAD PA PO DE BZHIN GSHEGS PA RNAMS DANG THABS CIG TU BZHUGS PA NI GSANG BAR BYA BA NYID YIN PA'I PHYIR, DE BZHIN GSHEGS PA ZHES BYA BA LA SOGS PA PHYIS SMOS PA YIN TE, NAM MKHA'I DBYINGS DANG MNYAM PAR BSHAD CING BSTAN PA STE, DE YONGS SU GANG BA'I GRANGS RNYED DANG ZHES BYA BA'I DON TO, ,NYON MONGS PA DANG RNAM PAR RTOG PA RNAMS KYIS G-YO BAR MI NUS PAS NA MI BSKYOD PA STE, RNAM PA SNA TSOGS PA'I RNAM PAR DAG PA'I YE SHES KYI NGO BO NYID YIN PA'I PHYIR RO, ,DUS GSUM GYI SANGS RGYAS RNAMS KYI SKU BSDUS PAS RNAM PAR SNANG MDZAD PA NYID KYIS NA RNAM PAR SNANG MDZAD DO, ,DUS GSUM GYI SANGS RGYAS RNAMS KYI GSANG BA GSUM MNYAM PA'I SEMS BSKYED PA'I RIN PO CHE NI, MNYAM PA NYID KYI YE SHES TE, DE LAS DON THAMS CAD GRUB PA YIN PA'I PHYIR RO, ,DE NYID KYI TOG GI MTSAN NYID 'DI LA MNGA' BAS NA RIN PO CHE DPAL LO, ,RIN PO CHE LAS SO SOR RTOG PA'I SNANG BA DPAG TU MED PA'I RGYUR GYUR PAS NA, 'OD DPAG TU MED PA STE, 'OD TSAD MED PA ZHES BYA BA'I DON TO, ,SNA TSOGS PA'I DON GYI LAS RNAMS DON YOD PAR MDZAD PAS NA GDON MI ZA BA STE, DON YOD

207b

PAR GRUB PA ZHES BYA BA'I DON TO, ,DE DAG LA SOGS PA ZHES BYA BA NI DE DAG GTZO BOR GYUR PA DANG STE, LNGA PO NYID NI DKYIL 'KHOR BA YIN PA'I PHYIR RO, ,'DI LTA STE ZHES BYA BA NI NAM MKHA'I DBYINGS DANG MNYAM PA NYID DU RAB TU STON PAR BYED DO, ,DPER NA ZHES BYA BA NI YONGS SU GSAL BAR ZHES BYA BA'I DON TO, ,TIL GYI GANG BU ZHES BYA BA NI TIL 'BRU'I GANG BU STE, DPER NA DE TIL RNAMS KYIS SHIN TU BCER TE YONGS SU GANG BA DE BZHIN DU DE BZHIN GSHEGS PA THAMS CAD KYIS NAM MKHA'I DBYINGS THAMS CAD DU SHIN TU GANG BAR SNANG BAR GYUR TO ZHES BYA BA NI KUN NAS SNANG BAR GYUR PA STE, DE BAS NA 'JIG RTEN GYI KHAMS THAMS CAD DU RTOGS PA'I GDUL BYA RNAMS KYIS MTHONG BAR GYUR TO ZHES BYA BA'I DON TO, ,GAL TE DE BZHIN GSHEGS PA RNAMS KYIS NAM MKHA' BAR MTSAMS MED PAR GANG NA BYANG CHUB SEMS DPA' DE SNYED DAM, SEMS CAN RNAMS KYI GO SKABS GA LA YOD; GAL TE GANG GIS DA LTAR MTHONG BA 'AM GANG NAS GANG DU 'ONG BAR 'GYUR ZHE NA, SANGS RGYAS DANG BYANG CHUB SEMS DPA' DE RNAMS KYIS DBANG BSGYUR BA'I MTHU NI BSAM GYIS MI KHYAB PA YIN LA, STON PA KHYAD PAR CAN DU GYUR PA YIN PA GANG GIS NA SANGS RGYAS DANG BYANG CHUB SEMS DPA' MTHA' YAS PA DANG, BDAG NYID CHOS 'BYUNG GI PHYAG RGYA MTHA' YAS PA GCIG GI NANG DU GDUL BYA 'GOD PA MED PA NYID KYIS YONGS SU GSAL BAR MTHONG BA'I PHYIR 'DI LA THOS PA MANG PO DANG LDAN PA RNAMS LA NGO MTSAR DU GYUR PA CI YANG MED DO, ,DE LTAR NA DE TZAM NYID NI RGYUD KYI GLENG GZHI YIN LA, DE LAS GZHAN PA DAG NI RGYUD KYI LUS YIN NO, ,DE LA LE'U DANG PO NI THABS LAS BYUNG BA'I RGYUD YIN TE, BCOM LDAN 'DAS THABS LAS BYUNG BA'I MCHOG GSANG BA 'DUS PA NI DES BSTAN PA YIN PA'I PHYIR RO, ,DE SKAD DU YANG, DPAL LDAN SANGS RGYAS KUN GYI BDAG RDO RJE 'DZIN PA CHEN PO'I GNAS, ,SANGS RGYAS KUN GYI THABS BYUNG BA, ,DE NYID CHOS KYI CHOS NYID YIN, ,ZHES 'CHAD PAR 'GYUR RO, ,GNYIS PA NAS BRTZAMS TE, LE'U BCU DRUG NI THABS KYI RGYUD YIN NO, ,'DI LTAR THABS NI BZHI STE, BSNYEN PA DANG, NYE BAR SGRUB PA DANG, ,

208a

, ,SGRUB PA DANG, SGRUB PA CHEN PO'O, ,DE LA DGA' BA CAN GYI LE'U BZHI NI SGRUB PA CHEN PO STE, DE STON PAR BYED PA NYID YIN PA'I PHYIR RO, ,RDZOGS LDAN GYI LE'U BZHI NI SGRUB PA YIN NO, ,GNYIS LDAN GYI LE'U BZHI NI NYE BAR SGRUB PA YIN NO, ,GSUM LDAN GYI LE'U BZHI NI BSNYEN PA YIN NO, ,DE SKAD DU YANG, LNGA PA DANG NI DGU PA DANG, BCU DANG BDUN DANG BCU GSUM PA, ,SANGS RGYAS BYANG CHUB SEMS RNAMS KYIS, ,BSTAN PA DAG NI SGRUB PA CHE, ,BZHI PA DANG NI BCU DRUG PA, ,BRGYAD PA DE BZHIN BCU GNYIS PA, ,SLOB DPON SPYI YI LAS DANG NI, , DNGOS GRUB BRTUL ZHUGS SDOM PA YIN, ,DRUG PA DANG NI GNYIS PA DANG, ,BCU PA DANG NI BCU BZHI PA, ,DRAG SPYOD RJES SU CHAGS PA DANG, ,NYE BAR SGRUB PA SDOM PA'O, ,BDUN PA DANG NI GSUM PA DANG, ,BCU DANG GCIG DANG BCU DANG LNGA, ,DNGOS GRUB ZHING DANG LTAS DANG NI, ,BSNYEN PA SGRUB PA'I SDOM PA'O, ,ZHES 'OG NAS DE BZHIN GSHEGS PA RNAMS KYIS GSUNGS PA YIN NO, ,'DIR SGRUB PA CHE ZHES BYA BA NI SGRUB PA CHEN PO ZHES BYA BA'I DON TO, ,SGRUB PA'I SDOM PA'O ZHES TSIGS SU BCAD PA BZHI PA'I MTHA' MAR GANG GSUNGS PA DE TSIGS SU BCAD PA GNYIS PA'I MTHAR BLTA BAR BYA'O, ,BCU DANG BDUN ZHES BYA BA NI BCU BDUN PA'O, ,DRUG CES BYA BA NI DRUG PA'O, ,BCU DANG GCIG CES BYA BA NI BCU GCIG PA'O, ,BCU DANG LNGA ZHES BYA BA NI BCO LNGA PA'O, ,LE'U BCU BDUN PO 'DI DAG NI RTZA BA'I RGYUD DU BYANG CHUB RDO RJES GSUNGS PA YIN NO, ,LE'U BCO BRGYAD PA NI DE BZHIN GSHEGS PA THAMS CAD KYIS GSUNGS PA RGYUD PHYI MA YIN TE, DES RTZA BA'I RGYUD KYI TSIG DON SBAS PA GSAL BAR BYED PA NYID DO, ,DE BAS NA 'DIR LE'U BZHI BZHIS THABS RE RE NYE BAR SDUD PA YIN TE, LE'U BZHI TSAN BZHIS THABS BZHI DANG, DANG POS THABS LAS BYUNG BA YIN TE, BCU BDUN PO 'DI DAG GIS NI THABS DANG THABS LAS BYUNG BA DANG BCAS PA YIN LA, BCO BRGYAD PAS NI DE NYID GSAL BAR BYED PA YIN NO, ,DE LTAR NA LE'U BCO BRGYAD PO DAG GIS THABS DANG THABS LAS BYUNG BA DANG BCAS PA DANG, GSAL BAR BYED PA DANG BCAS PA BSDUS PA YIN PAS NA RGYUD 'DI LE'U RNAMS

208b

KYI 'BREL BA DANG BSDUS PA'I DON YIN NO, ,DE LA GTZO BO YIN PAS LE'U DANG PO'I BRJOD PAR BYA BA NI THABS LAS BYUNG BA YIN LA, DE'I ZHAR LAS BYUNG BA SGRUB PA DANG, SGRUB PA CHEN PO YANG BSTAN PA YIN NO, ,DE LTAR NA 'DIR BCOM LDAN 'DAS DE BZHIN GSHEGS PA THAMS CAD KYI GSANG BA 'DUS PA NI THABS LAS BYUNG BA YIN TE, SGRUB PA DE RNAMS DANG, DE DAG GI GSANG BA RNAMS RO GCIG PA CAN DU RANG NYID KYIS MNGON PAR RDZOGS PAR RTOGS PA YIN LA, RANG NYID KYIS MNGON PAR RDZOGS PAR RTOGS NAS SGRUB PA CHEN PO DE DAG RAB TU RNAM PAR PHYE STE GZHAN DAG LA YANG DAG PAR STON PA YIN NO, ,DE LTAR NA RANG DANG GZHAN GYI DBYE BAS GSANG BA 'DUS PA 'DI NI RNAM PA GNYIS YIN PA DE'I PHYIR MED NA MI 'BYUNG BA NYID YIN PAS NA THABS LAS BYUNG BA BRJOD PAR BYA BA'I DON DU LE'U DANG POR THABS GNYIS PO YANG BRJOD PAR BYA BA YIN NO, ,DE LA BCOM LDAN 'DAS NI GLENG GZHI DANG 'DRA BAR SGRUB PA YANG RANG GI NGO BO NYID DU STON PAR MDZAD PA YIN GYI TSIG TU NI MA YIN NO, ,SDUD PAR BYED PAS KYANG DE BZHIN DU MTHONG ZHING SNGAR STON PA'I BYIN GYI RLABS NYID KYIS JI LTAR SNANG BA'I TSIG DANG, YI GE 'DI NYID KYIS SDUD PAR BYED PA YIN PA NI DE NAS BCOM LDAN 'DAS DE BZHIN GSHEGS PA RDO RJE RNAM PAR SNANG MDZAD CHEN PO ZHES BYA BA NAS ZHAL GSUM PA LTA BUR DE BZHIN GSHEGS PA THAMS CAD KYIS GZIGS PAR GYUR TO ZHES BYA BA'I BAR DU RGYAS PAR BSDUS PA YIN NO, ,DE NAS ZHES BYA BA NI GLENG GZHI PHUN SUM TSOGS PA'I DE MA THAG PA'O, ,BCOM LDAN 'DAS ZHES BYA BA NI SH'AKYA THUB PA'I RANG BZHIN CAN GYI RDO RJE CAN NO, ,DE BZHIN NYID THUGS SU CHUD PA'I PHYIR DE BZHIN GSHEGS PA STE RIG PA DANG BCAS PA ZHES BYA BA'I DON TO, ,RDO RJE RNAM PAR SNANG MDZAD CHEN PO ZHES BYA BA LA DE NYID KYI TSE RANG GI BYANG CHUB YANG DAG PAR STON PAR MDZAD PAS NA RNAM PAR SNANG MDZAD DO, , RNAM PA LNGA DAG GIS DE YANG DAG PAR STON PAR MDZAD PAS NA RNAM PAR SNANG MDZAD CHEN PO'O, ,DE NYID KYIS DE 'DI YANG YIN LA RDO RJE 'CHANG GI SKUR KUN DU STON PAR MDZAD PAS NA RDO RJE YANG YIN PA'I PHYIR RDO RJE RNAM PAR SNANG MDZAD CHEN PO STE, ZLA BA'I DKYIL 'KHOR DANG, DANG PO'I RDO RJE DANG, DANG

209a

, ,PO'I SNYING PO DANG, DE'I 'OD ZER GYIS DE BZHIN GSHEGS PA THAMS CAD DGUG PA DANG, GZHUG PA DANG, SNGAGS KYI SKUR RAB TU SBYOR BA ZHES BYA BA RNAM PA LNGAS ZHAL GSUM DANG PHYAG DRUG PA'I DPAL MCHOG DANG PO'I SKU THUGS KAR ZLA BA DANG RDO RJE DANG SNGAGS KYI DE KHO NA NYID KYIS BYIN GYIS BRLAB PA'I TSUL DU BYUNG BA'O ZHES BYA BA'I DON TO, ,DE BZHIN GSHEGS PA THAMS CAD KYI 'DOD CHAGS CHEN PO NI 'OG NAS 'BYUNG BA'I CHO GAS THAMS CAD ZHU BAR GYUR PA'O, ,TSUL NI DE'I THABS TE DPAL MCHOG DANG PO RANG GI GNYUG MA'I RIG MA DANG SBYOR BAR LDAN PA'I SNYING GA'I SNGAGS KYI 'OD ZER GYI SGO LAS PHYOGS BCUR KHYAB PA'I SNGAGS KYIS LHA THAMS CAD SPRO BA'O, ,DE LA DMIGS PA'I TING NGE 'DZIN LA YANG DE SKAD CES BYA'O ZHES BYA BA'I SGRA NI RAB TU GSAL BA YIN TE MING 'DI NYID DU RAB TU GRAGS PA ZHES BYA BA'I DON TO, ,TING NGE 'DZIN LA ZHES BYA BA NI MNYAM PAR GZHAG PA STE SEMS NANG DU 'JOG PA'O, ,SNYOMS PAR ZHUGS NAS ZHES BYA BA NI MNGON SUM DU MDZAD NAS SO, ,BKOD PA ZHES BYA BA NI TSOGS SO, ,DE DAG CES BYA BA NI PHYOGS BCUR SON PA RNAMS SO, ,ZHUGS PAR MDZAD DO ZHES BYA BA NI SANGS RGYAS LNGA'I SKU RANG GI SKU LA SOGS PA LA BSDUS NAS DE'I SKU LA SOGS PA DANG DBYER MI PHYED PAR 'JOG PAR MDZAD PA'I PHYIR RO, ,SKU RDO RJE LA SOGS PA'I BDAG PO YIN TE DE LA ZHUGS PAS DE BDAG POR GYUR PA YIN PA'I PHYIR RO, ,YONGS SU MNYES PAR BYA BA'I PHYIR ZHES BYA BA NI RIG PA THAMS CAD LA NYE BAR LONGS SPYOD PA'I PHYIR RO, NYID KYI SKU ZHES PA NI RANG NYID KYI SKU'I KHYAD PAR RO, ,MNGON PAR SPRUL NAS TE PHYUNG NAS SO, ,MNGON PAR BYUNG BAR GYUR TO ZHES BYA BA NI DE DAG NYID 'THON PAR GYUR PA'O, ,DE LA ZHES BYA BA NI DMIGS KYIS BKAR BA'O, ,SANGS RGYAS NI RNAM PAR SNANG MDZAD DE DE'I SPYAN YIN GYI NAM MKHA'I SPYAN NI MA YIN NO, ,DAM TSIG NI DON YOD BAR GRUB PA STE DE'I SGROL MA YIN GYI PADMA'I SGROL MA NI MA YIN NO, ,KUN DU GNAS PAR GYUR PA NI YANG DAG PAR GNAS PAR GYUR PA'O, ,GANG DU ZHE NA, DER ZHES BYA BA GSUNGS TE RDO RJE 'CHANG DE'I RIG PA LA ZHES BYA BA'I DON TO, ,GZUGS LA SOGS PA RNAMS KYI NGO BO NYID DE KHO

209b

NA NYID NI GZUGS RDO RJE LA SOGS PA'O, ,CI'I PHYIR DGU PO NYID YIN ZHE NA, 'DI LTAR BCU'I NANG DU BSDU BAR BYA BA YIN TE, 'DOD CHAGS CHEN PO'I TSUL NYID KYIS, ,YE SHES 'KHOR LO CAN RNAMS BSDU, ,LHA MO DGU NI SPROS NAS SU, ,BSGRUB PAR BYA BA'I LUS LA DGOD, ,CES BSHAD PA YIN NO, ,RIG BYA DANG RIG PA GNYIS SU MED PAR BYAS PA'I PHYIR DE NYID NI BCOM LDAN MI BSKYOD PA'O ZHES BSHAD DO, ,DE BZHIN GSHEGS PA THAMS CAD KYI SKU DANG GSUNG DANG THUGS DE RNAMS KYI SNYING PO YANG YIN ZHING RDO RJE BTZUN MO'I BHA GA YANG YIN NO ZHES BYA BAR TSIG BSDU'O, ,RDO RJE BTZUN MO NI RIG PA BCU'O, ,DE RNAMS KYI BHA GA NI RO GCIG PAR GYUR PA RNAMS KYI RO GCIG PAR GYUR PA'I PADMA STE DE DAG GI DE'I LTE BA'I DBUS NA ZHES BYA BA'I DON TO, ,DAM TSIG CHEN PO'I DKYIL 'KHOR ZHES BYA BA LA AA YA NI YANG DAG PAR RTOGS PA STE YE SHES SEMS DPA'O, ,SA MA NI BSKYED PAR BYA BA DON DU MTSUNGS PAR BYON PA GANG YIN PA STE, BYANG CHUB SEMS DPAR BYA BA'I PHYIR GANG ZHIG BYON PA DE DAM TSIG CHEN PO'O, ,DE'I DKYIL 'KHOR NI GZHAL YAS KHANG NGO, ,RDUL MED PA ZHES BYA BA NI ZAG PA MED PA'O, ,GRU BZHI ZHES BYA BA NI PHYI ROL GYI RIM PA STE, NANG GI RIM PA NI ZLUM PO NYID YIN NO, ,BYIN GYIS BRLABS PA ZHES BYA BA NI LHA MO BZHI YONGS SU GYUR PA LAS SPRUL PA'O, ,GSAL BA NI DRI MA MED PA'O, ,DE'I NGO BO NYID CES BYA BA NI DAM TSIG CHEN PO'I NGO BO NYID DO, ,SNA TSOGS GZUGS KYIS ZHES BYA BA NI SGO DANG RTA BABS DANG KHA KHYER GYI LHA MO RNAMS DANG KA BA LA SOGS PA RNAM PA SNA TSOGS CAN NO, ,SANGS RGYAS SPRIN TE 'PHRO BAS SO, ,KUN DU KHYAB PA NI SNA TSOGS PAR GYUR PA'O, ,'OD ZER 'PHRO BA MANG PO NI 'OD ZER GYI DRA BA STE MGYOGS PA'I SHUGS KYIS KUN DU KHYAB PA'O, ,DES KUN DU 'KHRUGS PA NI KHYAB PA'O, ,GSAL BA LA SOGS DKYIL 'KHOR ZHES BYA BA NI ZLA BA LNGA DANG ZLA BA DANG NYI MA'O, ,DE BZHIN GSHEGS PA THAMS CAD NI RDO RJE 'DZIN PA CHEN PO STE DE'I'O, ,JI LTAR DE BZHIN GSHEGS PA THAMS CAD KYI YIN ZHE NA DE'I RANG BZHIN GANG YIN PA STE GNAS NI THAR BA'I GRONG KHYER YIN PA'I PHYIR RO, ,DE BZHIN

210a

, ,GSHEGS PA THAMS CAD KYI DKYIL 'KHOR CHEN PO ZHES BYA BA LA DE BZHIN NI RANG GI LHA JI LTA BA BZHIN NO, ,AA GA TA NI BYON PA'O, ,THAMS CAD NI RNAM PA DANG TSOGS DANG 'KHOR RNAMS TE DE RNAMS RANG GI LHA JI LTA BA BZHIN DU BYON PA 'DI LA YOD PAS NA DE BZHIN GSHEGS PA THAMS CAD KYI DAM TSIG CHEN PO'O, ,DE BZHIN GSHEGS PA THAMS CAD KYANG YIN LA, DAM TSIG CHEN PO'I DKYIL 'KHOR YANG YIN TE DE DANG LHAN CIG TU 'ONGS PA'I RIGS LNGA'O, ,MCHOG TU BSDUS PA LAS BYUNG BA'I LHA LNGA STE, DE GNYI GA DBUS SU ZHES BYA BA NANG GI RIM PAR BKOD PA'O, ,'DIR RDO RJE SEMS DPA' BSKYED PA LA NI DE'I YE SHES SEMS DPA' BKUG STE, DBUS KYI ZLA BA'I GDAN LA BKOD PA DE'I DKYIL 'KHOR CHEN PO PA RNAMS LHA MO LNGAR BSDUS TE, GOS DKAR MO GNYIS GCIG TU BYAS PAS DGA' MA BZHIR BYAS TE NGOS BZHI'I ZLA BA LA DGOD DO; ,GZHAN RNAMS LA YANG YE SHES SEMS DPA' DBUS SU BKOD LA DKYIL 'KHOR CHEN PO RGYAL BA LNGAR BSDUS LA, DE NAS GCIG NI 'KHOR LO'I BDAG PO LA BSTIMS LA BZHI NI NGOS BZHI'I SO SO'I GDAN LA DGOD DO, ,PHYAG RGYA BZHI YIS YONGS BSKOR BA, ,DKYIL 'KHOR DER NI BRTAG PAR BYA, ,BDAG NYID DBUS SU GNAS BYAS LA, ,'KHOR LO CAN KUN BSDU BAR BYA, ,ZHES GSUNGS PA YIN NO, ,DE BAS NA YE SHES SEMS DPA' DE LA BYANG CHUB KYI SEMS RNAM PA LNGAS DBANG BSKUR BA SBYIN PAR BYA'O, ,DE NYID KYI PHYIR 'DIR BCOM LDAN 'DAS NI BYANG CHUB KYI SEMS STON PAR MDZAD PA NYID YIN PAS NA BYANG CHUB KYI SEMS RDO RJE ZHES BSHAD PA YIN NO, ,DE NAS ZHES BYA BA LA SOGS PA LA DE BZHIN GSHEGS PA LNGA PO THUGS LA ZHUGS PA 'DI YANG BYANG CHUB KYI SEMS ZHI BA YIN TE NANG DU CHUD PA NYID KYIS PHYI'I DON STONG PA NYID YIN PA'I PHYIR RO, , DE BZHIN GSHEGS PA THAMS CAD ZIL GYIS MNAN PA NI ZHU BA'I TSUL GYIS RO GCIG PAR GYUR PA STE, BYANG CHUB KYI SEMS 'DI NI DNGOS DANG DNGOS MED ZAD PA PO DE LA DMIGS PA'I TING NGE 'DZIN LA DE SKAD CES BYA'O, ,DE NYID NI RDO RJE STE MI PHYED PA'I PHYIR RO, ,DE BZHIN GSHEGS PA THAMS

210b

CAD NI DKYIL 'KHOR DANG BCAS PA'I YE SHES SEMS DPA'O, ,DE'I BDAG PO NI NOR BU'I BUM PAS DBANG BSKUR BAR MDZAD PA'I PHYIR RO, ,GANG LA SNYOMS PAR 'JUG PA'I SKAD CIG MA GNYIS PA'I NGES PAR 'BYUNG BA NI SNYOMS PAR ZHUGS MA THAG TU ZHES BYA STE DE LTA BUR GYUR MA THAG TU ZHES BYA BA'I DON TO, ,NAM MKHA'I DBYINGS THAMS CAD NI PADMA THAMS CAD DO, ,DE BZHIN GSHEGS PA THAMS CAD KYI RDO RJE NI SKU GSUM MNYAM PA NYID DE, DE NYID STON KA'I ZLA BA LTAR DKAR BA ZHU BAR GYUR PA'O, ,DE'I NGO BO NI DES YONGS SU GANG BA'O, ,GNAS PAR GYUR PA NI RNAM PAR GNAS PA STE DE LTAR NA DBANG BSKUR BA DANG PO'O, ,NAM MKHA' THAMS CAD NI PADMA DE DAG NYID THAMS CAD DO, ,DE'I DBYINGS NI ZHU BA DE NYID DO, ,DE GNAS PA NI KUN NAS GNAS PA STE DE DAG NANG DU YANG ZHUGS PA'I PHYIR DE SKAD CES BYA'O, ,SEMS CAN THAMS CAD CES BYA BA NI RANG DANG BDAG PO'O; ,DE LTAR NA DBANG BSKUR BA NI GNYIS PA'O, ,DE BZHIN GSHEGS PA ZHES BYA BA LA SOGS PA LA DE BZHIN GSHEGS PA THAMS CAD KYI BDE BA DANG YID BDE BA NI GO RIMS BZHIN DU LUS KYI DANG SEMS KYI TSOR BA BDE BA'O, ,DE THOB PA NI RNYED PA'O, ,GYUR TO ZHES BYA BA NI RDZOGS PA STE RANG GI LUS ZHU BA LAS BYUNG BA'I 'OD KYIS DE RNAMS KYANG ZHU BAR GYUR PA 'DI NI DBANG BSKUR BA GSUM PA STE, ZHU BA NI SHES RAB YIN PA DE NYAMS SU MYONG ZHING RNYED PA NI YE SHES SO, ,RDO RJE SEMS DPA'I BYIN GYI RLABS KYIS ZHES BYA BA NI BCAS PA'I DON GYI GSUM PA STE DE RNAMS KYIS DE THOB PAR GYUR PAS RDO RJE SEMS DPA' BYIN GYIS BRLABS PA STE LHAN CIG TU GYUR PA'I DON TO, ,RDO RJE DANG RDO RJE SEMS DPA' NI RDO RJE SEMS DPA' STE DER BYIN GYIS BRLABS PAS SO, ,DE LA RDO RJE DANG RDO RJE NI MA DANG PHA STE BYIN GYIS BRLABS PA NI DE DAG ZHU BA'I 'OD KYIS RDO RJE DAG KYANG ZHU BAR GYUR PA'O, ,SEMS DPA' BYIN GYIS BRLABS PA NI ZHU BA'I 'OD SPROS PAS SEMS CAN THAMS CAD LA DBANG BSKUR BA'O, ,DE LA BDAG PO DANG BCAS PA'I LHA RNAMS BSDUS PA LAS GYUR PA'I ZHU BA NI GTZO BO'I BYANG CHUB KYI SEMS SO, ,CHOS THAMS CAD SDUD PAR BYED PA'I YAB YUM ZHU BAR GYUR PA NI STONG PA

211a

, ,NYID DANG DBYER MED PA'I BYANG CHUB KYI SEMS SO, ,SEMS RNAMS DBANG BSKUR BA NI SNYING RJE DBYER MED PA'I SEMS SO, ,DE LTAR NA CHOS KYI DBYINGS KYI RANG BZHIN YIN PA'I PHYIR THOG MA DANG THA MA MED PA'I RANG BZHIN DU RNAM PA LNGA'I RANG BZHIN DU GNAS PAS SGRIB PA DAG CING NAM MKHA' LTA BU'I BYANG CHUB KYI SEMS CHEN PO DBUS MA'I GDAN LA GNAS PAR BSAMS LA DE LA BYANG CHUB TU BSGOM PAR BYA'O, ,DE YANG, THAMS CAD RDO RJE'I DNGOS BYAS LA, ,DE 'OG BYANG CHUB BSGOM PAR BYA'O, ,ZHES BSHAD PA YIN NO, ,JI LTAR BSGOM PAR BYA ZHE NA, LHA MO BZHIS GLU BZHIS BSKUL BA'I RJES THOGS LA ZHUB BSDUS PA LAS BYUNG BA RANG GI GDAN LA GNAS PA'I RANG GI LHA'I SA BON LAS DE'I MTSAN MA RNAM PAR BSGOM LA DE'I LTE BAR SA BON DE NYID PHRA MO NOR BU'I SNYING PO'I THIG LE DANG LDAN PA BSAMS TE NOR BU DE NYID LAS DKYIL 'KHOR PA'I SPRIN THAMS CAD KUN DU SPROS LA, DE RNAMS ZLA BA DANG RDO RJE DANG SNGAGS LA YANG DAG PAR BSDUS TE YONGS SU GYUR PA LAS RANG GI LHA'I GZUGS SU BSGOM PA NYID DO, ,'DI DAG NYID BSTAN PAR BYA BA'I PHYIR DE NAS ZHES BYA BA LA SOGS PA GSUNGS TE, DE NAS ZHES BYA BA NI LHA MO BZHIS BSKUL BA'I RJES THOGS NYID LA'O, ,DE BZHIN GSHEGS PA NI SGRIB PA MED PA'I DE BZHIN NYID THUGS SU CHUD PA'I PHYIR RO, ,BYANG CHUB KYI SEMS RDO RJE ZHES BYA BA NI SGRIB PA DANG BRAL ZHING DAG PA NAM MKHA'I DBYINGS KYI NGO BO NYID DO, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE NI BYANG CHUB KYI SEMS DE NYID DO, ,DE'I DAM TSIG NI BSDUS PA'O, ,DE'I 'BYUNG BA NI RANG GI GDAN LA GNAS PA'I SA BON TE 'DI LAS BYUNG BAS NA ZHES BYA BA'I DBANG DU BYAS PA'I PHYIR RO, ,DE LA DMIGS PA'I TING NGE 'DZIN LA DE SKAD CES BYA'O, ,RIG PA DANG LDAN PA'I SKYES BU'I RNAM PA NYID YIN PA'I PHYIR RIG PA'I SKYES BU'I GZUGS KYANG DE YIN LA BLA NA MED PA NYID KYI PHYIR CHEN PO YANG YIN PAS NA'O, ,'DI ZHES BYA BA NI DAM TSIG CHEN PO'I GZUGS CAN TE SKU GNYIS KA YANG ZHAL GSUM PA PHYAG DRUG PA SNYOMS PAR 'JUG PA RANG GI LHA'I GZUGS

211b

CAN ZHES BYA BA'I DON TO, ,CHEN PO NYID NI DE BZHIN GSHEGS PA THAMS CAD KYI SNGAGS KYI BYIN GYI RLABS KYIS ZHES BYA BA GSUNGS PA LA DE BZHIN GSHEGS PA THAMS CAD KYI SNGAGS NI SANGS RGYAS KYI CHOS THAMS CAD DE MI BSKYOD PA LA SOGS PA NAS BGEGS MTHAR BYED KYI BAR DU'O, ,DE RNAMS KYI BYIN GYI RLABS NI RTEN YIN TE DE'I RANG BZHIN YIN PA'I PHYIR DANG DE SKYED PAR BYED PA NYID YIN PA'I PHYIR RO, ,BYIN GYIS BRLABS SO ZHES BYA BA NI SPRUL PAR GYUR PA STE LHA MO RNAMS KYIS BSKUL BA'I GLU BZHIS SNYING PO BSKUL BA DANG, DUS GSUM RDO RJE'I RANG BZHIN SEMS, ,YE SHES BZHIN DU LUS BSGOM MO, ,ZHES BSHAD PA YIN NO, ,ZHAL GSUM PA NI SKABS SU BAB PA'I BYANG CHUB CHEN PO'I PHYAG RGYAR GYUR PA'I SKU'O, ,LTA BUR NI DE LTAR SNANG BA'O, ,DE GZIGS PAR GYUR PA STE NGES PAR DNGOS PO THAMS CAD DU SNANG BAR NI MA YIN TE, SANGS RGYAS MA YIN PA RNAMS KYI SPYOD YUL MA YIN PA NYID KYI PHYIR RO, ,DE BZHIN GSHEGS PA THAMS CAD KYIS ZHES BYA BA NI 'KHOR GYI SANGS RGYAS DANG BYANG CHUB SEMS DPA' RNAMS KYIS SO, ,CI'I PHYIR SPYOD YUL MA YIN ZHE NA, 'DI LTAR DKYIL 'KHOR GYI BDAG PO'I SKU NI BYANG CHUB CHEN PO YIN LA DE YANG SANGS RGYAS RNAMS KYI NGO BO NYID KYI SKU YIN TE, DE NI MCHOG TU NGO MTSAR DU GYUR PA'I SANGS RGYAS KYI CHOS RNAMS RO GCIG PAR GYUR PA'I TSOGS CHEN PO BAG CHAGS DANG BCAS PA'I SGRIB PA THAMS CAD LAS NGES PAR GROL BA YIN TE, JI SKAD DU, DPAL RDO RJE RTZE MO LAS, SANGS RGYAS RDO RJE CAN RNAMS NI, ,NGO BO NYID KYI SKU YIS BYUNG, ,RMAD BYUNG CHOS KYI RGYUD CHEN PO, ,THAR PA'I MCHOG TU RTAG PA YIN, ,ZHES GSUNGS PA LTA BU'O, ,DE BAS NA 'DI NI BYANG CHUB SEMS DPA' RNAMS KYI YUL MA YIN GYI RNAM PA THAMS CAD DU SHES BYA THAMS CAD LA RTAG TU THOGS PA MED PAR GZIGS PA'I SANGS RGYAS RNAMS KYI YUL YIN PAR 'DOD DO, ,'DI BYANG CHUB SEMS DPA' RNAMS KYI YANG YUL NYID MA YIN NAM 'DI RNAMS LAS SANGS RGYAS GZHAN MA YIN LA SANGS RGYAS KYI CHOS RNAMS NYID 'DIR DKYIL 'KHOR BA DANG 'KHOR RNAMS YIN NO, ,DE BAS NA 'DI LTAR SANGS RGYAS KYI YUL

212a

, ,YIN NA, JI LTAR 'KHOR RNAMS KYI YUL MA YIN ZHE NA, DE LTAR NI 'GYUR MOD KYI 'ON KYANG DKYIL 'KHOR PA NI SANGS RGYAS KYI CHOS THAMS CAD NYID YIN LA 'KHOR RNAMS NI NGES PA MED PA YIN NO, ,LHAG MA NI BCU BDUN PA DANG BCO LNGA PA LAS 'CHAD PAR 'GYUR RO,, GAL TE BCOM LDAN 'DAS NI THOG MA'I SANGS RGYAS YIN LA MNGON PAR RDZOGS PAR SANGS RGYAS ZIN PAS MNGON PAR RDZOGS PAR 'TSANG RGYA BAR MI DGOS SO ZHE NA, 'DI NI STON PA'I MNGON PAR BYANG CHUB STON PA YIN GYI MNGON PAR RDZOGS PAR BYANG CHUB PA NI MA YIN NO, ,SGRUB PA BSHAD ZIN TO, ,SGRUB PA CHEN PO RTZOM PA'I PHYIR DE NAS ZHES BYA BA LA SOGS PA GSUNGS TE SKAD CIG MA DE LA MNGON PAR RDZOGS PAR SANGS RGYAS PAS NA RNAM PAR SNANG MDZAD DO, ,THUGS KA NAS ZHES BYA BA NI THUGS KA'I MTSAN MA LA GNAS PA'I SA BON LAS SO, ,BYUNG STE ZHES BYA BA NI SPROS PA'I TSUL DU'O, ,CHED DU BRJOD PA 'DI ZHES BYA BA NI LUS LAS BYUNG BA'I RLUNG STE JI LTAR DE RANG GI NGANG GIS BYUNG BA DE BZHIN DU 'PHAGS PA RNAMS KYI RMAD DU BYUNG BA'I CHOS THUGS SU CHUD PA'I DGYES PAS KUN NAS BSLANG PA'I TSIG KYANG YIN PA DE BAS NA RLUNG DANG CHOS MTHUN PA'I PHYIR CHED DU BRJOD PA ZHES BYA'O, ,'DI ZHES BYA BA NI 'CHAD PAR 'GYUR BA'O, ,CHED DU BRJOD DO ZHES BYA BA NI BRJOD PAR GYUR PA'O, ,CI'I PHYIR DE DAG NYID CHED DU BRJOD CE NA, DE'I THUGS KA NAS BYUNG BA NYID KYIS DE'I CHOS RTOGS PA NYID KYI PHYIR RO, ,AE MA'O ZHES BYA BA NI NGO MTSAR DU GYUR PA'O, ,SANGS RGYAS THAMS CAD KYI ZHES BYA BA NI GSANG BA 'DUS PA'I'O, ,BYANG CHUB SEMS LAS RAB BYUNG BA, ,ZHES BYA BA NI ZHAL GSUM PA DANG PHYAG DRUG PA LA SOGS PA'I TSUL GYIS BYANG CHUB PA'I NGO BOR BYUNG BAR GYUR PA'O, ,DE BZHIN GSHEGS PA KUN GYI GSANG, ,ZHES BYA BA NI DE BZHIN GSHEGS PA THAMS CAD DANG 'BREL BA'I GSANG BA GSUM MO, ,RAB TU MI RTOG CES BYA BA NI SPROS PA DANG MTSAN MA THAMS CAD DU SNANG BA DANG BRAL BA NYID KYIS DE BZHIN DU RO GCIG PA NYID KYI PHYIR SHIN TU YANG RNAM PAR RTOG PA'I YUL MA YIN NO, ,RNYOG PA MED PA'O ZHES BYA BA NI SGRIB PA THAMS CAD KYI DRI MA BAG CHAGS DANG

212b

BCAS PA ZAD PA'I PHYIR MCHOG TU DANG BA'I THUGS KYI BDAG NYID CAN NO, ,GANG GI PHYIR DE BZHIN GSHEGS PA THAMS CAD YIN PA DE BAS NA PHYAG MTSAN LNGA 'DZIN PAR MDZAD PA'I PHYIR PHYAG DRUG PA'O, ,GANG GI PHYIR GSANG BA GSUM MDA' BA DE BAS NA ZHAL GSUM PA'O, ,GANG GI PHYIR RAB TU MI RTOG CING RNYOG PA MED PA YIN PA DE'I PHYIR RIG PA DANG LDAN PA'I SKYES BU'I BDAG NYID CAN NO, ,DE NAS ZHES BYA BA NI SKABS SU BAB PA'I CHOS LA 'DOD PA SKYED PAR BYED PA'I CHED DU BRJOD PA THOS PA'I RJES THOGS LA'O, ,YANG 'DUS NAS ZHES BYA BA NI SNGAR NI SKU'I 'DUS PA MDZAD PA YIN LA DA NI GSOL BA GDAB PA'I DON DU DGONGS PA GCIG PA'I MTSAN NYID CAN GYI 'DUS PA YIN NO, ,BYANG CHUB KYI SEMS KYANG DE YIN LA RDO RJE YANG YIN PAS NA BYANG CHUB KYI SEMS RDO RJE STE RDO RJE 'CHANG GI RNAM PA NYID YIN PA'I PHYIR RO, ,DE BZHIN GSHEGS PA THAMS CAD KYI MCHOD PA NI MCHOD PA'I SNYING GA'I SNGAGS LAS BYUNG BA'I GZUGS RDO RJE MA LA SOGS PA'I LHA MO RNAMS SO, ,DE RNAMS KYIS SPROS PA'I DAM TSIG NI 'DA' BAR MI BYA BA DANG BLA NA MED PA'I GZUGS DANG SGRA LA SOGS PA RNAM PA SNA TSOGS PA 'PHRO BA'I BDAG NYID CAN NO, ,DE NYID NI DE KHO NA NYID YIN NO, ,RIN PO CHE NI KHYAD PAR DU 'PHAGS PA'I DE KHO NA NYID DE GNYIS SU MED PA'I BDE BA CHEN PO'I NGO BO NYID KYI PHYIR RO, ,DE RNAMS KYI SPRIN NI NAM MKHA'I KHYAB PA'I BKOD PA'O, ,PHYAG 'TSAL NAS ZHES BYA BA NI PHYAG BYAS NAS SO, ,'DI SKAD CES BYA BA NI JI SKAD DU 'CHAD PAR 'GYUR RO, ,'DUS PA GSANG BA LAS BYUNG BA, ,DE BZHIN GSHEGS PA KUN GYIS ZHES BYA BA LA 'DI GSANG BA RNAMS KYIS BYUNG BAS NA DE SKAD CES BYA STE, DE BZHIN GSHEGS PA THAMS CAD KYI GSANG BA 'DUS PA ZHES BYA BA'I DON TO, ,RDO RJE NI DE BZHIN GSHEGS PA RNAMS SO, ,DE RNAMS KYI SNYING PO NI NOR GYI MCHOG STE CHOS THAMS CAD DO, ,DE RNAMS KYIS BTUS PA NI BSDUS PA'O, ,DE NYID CES BYA BA NI DON DAM PA STE THAR PA'I MCHOG CES BYA BA'I DON TO, ,BSHAD DU GSOL ZHES BYA BA NI RDZOGS PA'I BYANG CHUB KYI RNAM PAR STON PA STE RNAM PAR PHYE NAS GSUNGS SHIG PA'O, ,GSANG BA ZHES BYA BA NI GZHAN RNAMS KYI MNGON SUM DANG RJES SU DPAG

213a

, ,PA LA SOGS PAS MI RTOGS PA'O, ,GAL TE 'DI LTAR GSANG BA DE JI LTAR NA BCOM LDAN 'DAS KYIS KYANG BKA' STZOL BAR MDZAD PA YIN ZHE NA, RANG GI NGO BO'I SGO NAS BSTAN PAR BYA BA MA YIN NO, ,'O NA CI YIN ZHE NA, DE'I RGYU MTHUN PAR GYUR PA LONGS SPYOD RDZOGS PA'I SKUS YANG DAG PAR BSDUS PA PHYAG RGYA CHEN PO KUN NAS YANG DAG PAR STON PA'I SGO NAS YIN TE, DE SKAD DU, DPAL RDO RJE RTZE MO'I RGYUD LAS, DE NAS NGO BO NYID SKU LAS, ,SLAR YANG LONGS SPYOD RDZOGS SKUR BYUNG, ,ZHES BYA BA DANG, GSANG BA'I ROL MO'I 'KHOR LO YANG, ,LONGS SPYOD RDZOGS PA'I SKU MCHOG GIS, ,ZHES GSUNGS PA DANG, YANG, NGO BO NYID KYI SKU LAS NI, ,MIG YOR LTA BUR YANG DAG BYUNG, ,LONGS SPYOD RDZOGS PA'I SKU YI NI, ,CHOS KYI LONGS SPYOD 'DI LTA BUR, ,THAMS CAD BRJOD MED GNAS PA MED, ,ZHI PHRA SHIN TU BLTA DKA' YIN, ,SANGS RGYAS RJES SU THUGS BRTZE BAS, ,SANGS RGYAS ROL MO STON PAR MDZAD, ,CES GSUNGS PA LTA BU'O, ,LEGS SO LEGS SO ZHES BYA BA NI BSNGAGS PA'I SGO NAS ZHAL GYIS BZHES PAR MDZAD PA'O, ,'ON KYANG ZHES BYA BA'I SGRA NI KHYAD PAR DU BYED PA'I DON TO, ,'DI NI ZHES BYA BA NI GSANG BA 'DUS PA'I MING CAN GYI LONGS SPYOD RDZOGS PA'I SKU'O, ,'DI DAG GIS THAMS CAD DE BZHIN NYID DU MTHONG BAS NA DE BZHIN GSHEGS PA THAMS CAD DE BDEN PA MTHONG BA'I BYANG CHUB SEMS DPA' RNAMS SO, ,DE RNAMS KYANG THE TSOM SKYED PAR BYED PA YIN NO ZHES BYA BA NI DE DAG LA BSTAN DU ZIN KYANG 'DI'I CHE BA'I BDAG NYID NGES PAR MI NUS PA NYID KYI PHYIR RO, ,'DIR THE TSOM NI MA NGES PA TZAM YIN GYI THE TSOM NYID NI MA YIN TE, DE NI BDEN PA MTHONG BAS SPANGS PA NYID YIN PA'I PHYIR RO, ,GZHAN RNAMS LTA CI SMOS ZHES BYA BA NI BDEN PA MA MTHONG BA RNAMS LTA SMOS KYANG CI DGOS PA'O, , GAL TE BDEN PA MA MTHONG BA RNAMS LA LONGS SPYOD RDZOGS PA'I SKU JI LTAR STON PAR MDZAD CE NA, DE NI SANGS RGYAS KYI LONGS SPYOD RDZOGS PA'I SKU DANG CHA 'DRA BAR STON PA YIN TE, SANGS RGYAS KYI ZHING YONGS SU DAG PA STON PAR MDZAD PA LTA BU YIN NO, ,NGO MTSAR DU GYUR PA NI GZHAN DAG DANG RANG

213b

GIS BRTAG PAR MI NUS PA NYID KYIS SO, ,RMAD DU GYUR PA NI SHIN TU NGO MTSAR DU GYUR PA STE BSTAN DU ZIN KYANG TSE BA'I BDAG NYID NGES PA MED PA'I PHYIR RO, ,SANGS RGYAS RNAMS NI SANGS RGYAS KYI CHOS RNAMS LA NGO MTSAR DANG RMAD DU GYUR PA MNGA' BA YIN NO, ,'ON KYANG NGO MTSAR DANG RMAD DU GYUR PA'I MIG DANG YAN LAG GI 'GYUR BA THUGS RJE STON PAR MDZAD PAS NA NGO MTSAR DU GYUR RMAD DU GYUR TE GSOL TO, ,DE BZHIN GSHEGS PA THAMS CAD KYI THE TSOM THAMS CAD GCOD PA NI RDO RJE 'CHANG STE, DE'I GO 'PHANG THOB PA NYID KYIS DE RNAMS KYI THE TSOM THAMS CAD GCOD PA'I PHYIR RO, ,'TSANG RGYA BA NYID NI DE LA RAG LAS PA YIN PA'I PHYIR DE NI DE RNAMS KYI BDAG PO YIN LA, DE BZHIN GSHEGS PA'I GSANG BA RNAM PA THAMS CAD DU STON PAR MDZAD PA'I PHYIR CHOS KYI BDAG PO YIN NO, ,DE NYID KYIS NA DE DAG GIS PHYAG 'TSAL NAS GSOL BA BTAB PA'O; ,DE'I PHYIR KHA CIG TU NI SKU DANG GSUNG DANG THUGS RDO RJE'I BDAG PO DANG SKU DANG GSUNG DANG THUGS RDO RJE ZHES KYANG BRJOD DO, ,GSOL TO ZHES BYA BA NI YANG GSOL BA 'DEBS PA'O, ,GANG ZHES BYA BA'I SGRA NI GANG GIS TSE ZHES BYA BA'I DON TO, ,DE ZHES BYA BA NI DE'I TSE ZHES BYA BA'I DON TO, ,DE BZHIN GSHEGS PA THAMS CAD KYI SANGS RGYAS RNAMS KYI CHOS DE NYID DO, ,DE RNAMS KYIS BYIN GYIS BRLABS PA NI DE RNAMS GANG LAS BYUNG BA'I 'BYUNG GNAS TE DE YANG RANG GI RIG PA'I CHU SKYES TE LTE BA'I NANG DU ZHU BA SPRO BA DANG BSDU BA LAS BYUNG BA STAN LA GNAS PA RANG GI SA BON YIN NO, ,DE MDZAD PA NI BSKYED PA STE DE YANG DAG PAR BSTAN DU GSOL, ,CI'I PHYIR ZHE NA, DE BZHIN GSHEGS PA ZHES BYA BA LA SOGS PA SMOS PA YIN TE DE BZHIN GSHEGS PA THAMS CAD NI DKYIL 'KHOR PA THAMS CAD DO, ,DE RNAMS KYI RDO RJE DAM TSIG 'BYUNG BA NI BKOD PA'I KHYAD PAR TE DE'I DON GYI TSIG NI BADZRA DHRiK CES BYA BA LA SOGS PA'I TSIG GO, ,SPRO BA DANG BSDU BA DANG RGYAS BTAB PA DANG NGES PAR DGOD PA ZHES BYA BA BZHI NI RDO RJE DAM TSIG STE, GSANG BA RNAMS NYE BAR SGRUB PA'I PHYIR RO, ,TSIG GIS ZAB PA'I CHE BA'I BDAG NYID DANG SPRO BA LA SOGS PAS RGYA CHE BA'I BDAG NYID STON PA'I PHYIR RO ZHES BYA

214a

, ,BAR DGONGS SO, ,DE BZHIN GSHEGS PA THAMS CAD KYI BDE BA DANG YID BDE BA GANG YIN PA DE DAG MYONG BAR BGYI BA NI DE'I RANG BZHIN DAG DE RNAMS KYIS MTHONG BA DANG BSGOM PAS NYAMS SU MYONG BA'I PHYIR RO, ,DE BZHIN GSHEGS PA THAMS CAD KYI YE SHES NI LNGA STE; ME LONG LTA BU'I YE SHES DANG, MNYAM PA NYID KYI YE SHES DANG, ,SO SOR RTOG PA'I YE SHES DANG, BYA BA NAN TAN SGRUB PA'I YE SHES DANG, CHOS KYI DBYINGS RNAM PAR DAG PA'I YE SHES SO, ,MNGON PAR SHES PA DRUG STE, LHA'I MIG DANG, LHA'I RNA BA DANG, GZHAN GYI SEMS SHES PA DANG; SNGON GYI GNAS RJES SU DRAN PA SHES PA DANG, RDZU 'PHRUL GYI BYA BA SHES PA DANG, ZAG PA ZAD PA SHES PA'O, ,DE DAG THOB CING RNYED PAR BGYI BA DE NYID NI 'BRAS BU STE DE'I RGYU NI DE'I DON DU'O, ,BAR GYI ZHES BYA BA MTHAR THUG PA'I TSIG GIS NI 'BRAS BUR GYUR PA'I SANGS RGYAS KYI CHOS RNAMS BSDUS SO, ,DE BZHIN GSHEGS PA THAMS CAD KYI SKU DANG GSUNG DANG THUGS TE DE RNAMS KYI RDO RJE NI RO GCIG PAR ZHU BA STE DE'I RANG BZHIN CAN NYID YIN PAS NA DE SKAD CES BYA'O, ,ZHU BA DE NYID NI RIG PA DANG BCAS PAR DPAL MCHOG DANG PO'I TSUL DU MNGON PAR RDZOGS PAR SANGS RGYAS PAS NA DE BZHIN GSHEGS PA'O, ,GSOL BA BTAB PA MKHYEN NAS ZHES BYA BA NI GSOL BA BTAB PA'I PHYOGS GCIG GZIGS NAS TE RIG PA'I CHU SKYES KYI NANG DU DE BZHIN GSHEGS PA THAMS CAD KYIS BYIN GYIS BRLABS PA 'BYIN PAR MDZAD NAS ZHES BYA BA'I DON TO, ,YE SHES KYI SGRON MA ZHES BYA BA NI DON DAM PA GSAL BAR BYED PAS NA YE SHES KYANG YIN LA SGRON MA YANG YIN PAS NA YE SHES SGRON MA STE SHES BYA LNGA DANG YE SHES LNGA GNYIS SU MED PA'I RNAM PAR SHES PA'I PHUNG PO STE DE NYID BCOM LDAN 'DAS MI BSKYOD PA'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,DE NYID NI MI PHYED PA'I PHYIR RDO RJE ZHES BYA'O, ,DE LA SNYOMS PAR ZHUGS PA NI PADMA'I NANG NA GNAS PA'I SA BON LAS RIGS SPRO BA'I TSUL GYIS MI BSKYOD PA SPRUL PAR BZHED PA'I RNAM PA CAN GYI THUGS RTZE GCIG TU MDZAD NAS ZHES BYA BA'I DON TO, ,ZHE SDANG GI RIGS NI SNGAGS KYI TING NGE 'DZIN RNAMS TE DE RNAMS KYI MCHOG NI NAM

214b

MKHA' KHYAB PAR YONGS SU GANG BA'O, ,DE'I SNYING PO BSDUS PA NI BCOM LDAN 'DAS MI BSKYOD PA'O, ,DE'I SNYING PO NI DE KHO NA NYID SKUL BAR BYED PA'I SNGAGS SO, ,NYID KYI SKU DANG GSUNG DANG THUGS RDO RJE LAS PHYUNG NGO ZHES BYA BA LA SKU DANG GSUNG DANG THUGS NI SEMS DPA' GSUM MO, ,RDO RJE NI YE SHES SEMS DPA'O, ,PHYUNG BA NI DE DAG DANG LHAN CIG TU BRJOD PA'O, ,BADZRA DHRiK CES BYA BA LA SOGS PA'I SNYING PO DAG GI DON NI GO RIMS BZHIN DU LE'U BCO BRGYAD PA LAS STON PAR 'GYUR RO, ,DE BZHIN GSHEGS PA THAMS CAD KYI SKU DANG GSUNG DANG THUGS NI DKYIL 'KHOR GYI BDAG PO'O, DE'I RIG PAS BSKYED PA'I SKYES BU NI RIG PA'I SKYES BU STE LUS CAN GYI RIG PA'I PADMA'I NANG DU PHYUNG BA'I YE SHES LNGA ZHU BA GANG YIN PA DE NI DON DAM PA NYID RIG PAS NA RIG PA'O, ,RIG PA BSDUS PA LAS BSKYED PA'I RANG GI STAN LA GNAS PA'I SEMS KYI BDAG NYID KYI SA BON NI SKYES BU STENG NI SNGAR DE BZHIN GSHEGS PA THAMS CAD KYIS BYIN GYIS BRLABS PA'I SGRAR GSUNGS PA GANG YIN PA'O, ,BCOM LDAN 'DAS DE NYID BZHUGS SO ZHES BYA BA LA JI LTAR DE NYID YIN ZHE NA DE'I RANG BZHIN YIN PA'I PHYIR TE ZHE SDANG GI RIGS MCHOG GI SNGAGS RNAMS DE LAS SPROS TE BSDUS NAS MI BSKYOD PA'I SKU PHYAG RGYA CHEN POR BYAS PA'I PHYIR RO, ,DE BAS NA MI BSKYOD PA'I PHYAG RGYA CHEN PO YANG ZHAL GSUM PA PHYAG DRUG PA THAMS CAD KYI SKU YIN LA SBYOR BA YANG DE DANG MTSUNGS PA'I SHES RAB KYI SKU YIN ZHING, MCHOG GI MCHOG NI THUGS KAR NYI MA DANG RDO RJE DANG NYI MA DANG ZHE SDANG GI YI GE H'Um STE DE DAG KUN DU SNANG BAR GYUR PA NYID KYIS BZHUGS SO, ,PHYAG RGYA CHEN PO 'DI JI LTA BU SBYOR BA NI JI LTA BU YIN ZHE NA NAG PO DANG DKAR PO DANG DMAR PO'I TSUL DU STE SKU DANG RTZA BA'I ZHAL NI NAG PO'O, ,ZHAL G-YAS PA NI DKAR PO'O, ,ZHAL G-YON PA NI DMAR PO'I TSUL DU'O, ,GANG DU ZHE NA DE BZHIN GSHEGS PA THAMS CAD KYI SKU DANG GSUNG DANG THUGS RDO RJE LA ZHES BYA BA NI DKYIL 'KHOR GYI BDAG PO DE BZHIN GSHEGS PA THAMS CAD KYI BDAG NYID CAN GYI SKU DANG GSUNG DANG THUGS RDO RJE LA'O, ,GO RIMS BZHIN DU PHYAG RGYA CHEN PO DANG SBYOR BA DANG MCHOG GI GO 'PHANG DAG LA BZHUGS PA STE MI SNANG BAR 'GYUR PA NYID

215a

, ,KYIS BZHUGS SO ZHES BYA BA'I DON TO, ,GAL TE DKYIL 'KHOR GYI BDAG PO NYID LAS 'BYIN PA YIN NA DKYIL 'KHOR PA THAMS CAD KYI RIGS KYANG DE NYID YIN TE, BDAG PO'I DBYE BAS RIGS KYI DBYE BAR THAL BAR 'GYUR RO ZHE NA, NYES PA 'DI YOD PA MA YIN TE RGYUD 'DIR SKYED PA PO NI RIGS MA YIN NO, ,'O NA CI YIN ZHE NA, DE'I RIGS DANG LDAN PA'I BYANG CHUB SEMS DPA' RNAMS NI GTI MUG DANG ZHE SDANG DANG NGA RGYAL DANG 'DOD CHAGS DANG PHRAG DOG GI RIGS RNAMS YIN LA SANGS RGYAS RNAMS KYI NI ZHE SDANG YIN TE ZHE SDANG NI MCHOG DANG PO YIN NO ZHES BYA BA NI GRUB PA'I MTHA' CAN NO, ,'O NA ZHE SDANG GI RIGS KYI SNGAGS KYI MCHOG DE SPROS PA GANG YIN PA DE GANG ZHE NA, LA LA NI MI BSKYOD PA NYID YIN NO ZHES 'DOD DO, ,GZHAN DAG NI DE BZHIN GSHEGS PA LNGA'I TSOGS KHRO BOR GYUR PA'O ZHES 'DOD DO, ,GZHAN NI KHRO BO'I RIGS DPAG TU MED PA YIN NO ZHES 'DOD DO, ,DE BZHIN DU GTI MUG GI RIGS LA SOGS PA LA YANG CI RIGS PAR BRJOD PAR BYA'O, ,DE BZHIN GSHEGS PA THAMS CAD KYI DAM TSIG NI YANG DAG PAR RTOG PA STE, GZUGS KYI PHUNG PO'I BDAG NYID KYI RNAM PAR SNANG MDZAD DO, ,DE 'BYUNG BA NI BSKYED PA STE DE LA DMIGS PA'I TING NGE 'DZIN LA DE SKAD CES BYA'O, ,LHAG MA NI SNGA MA'I RJES SU 'BRANGS NAS SHES PAR BYA'O, ,DKAR PO NAG PO DMAR PO'I TSUL DU ZHES BYA BA NI SKU DANG RTZA BA'I ZHAL NI DKAR PO'O, ,ZHAL G-YAS PA NI NAG PO'O, ,ZHAL G-YON PA NI DMAR PO'I TSUL DU'O, ,SPYAN SNGAR BZHUGS SO ZHES BYA BA NI BYUNG NAS SHAR PHYOGS KYI PADMA DANG ZLA BA LA BZHUGS PA'O, ,DE BZHIN GSHEGS PA THAMS CAD KYI RIN PO CHE'I 'BYUNG BA ZHES PA LA RIN PO CHE'I RNAM PAR 'BYUNG BAS NA RIN CHEN 'BYUNG BA'O, ,NOR BU NI PHRA MO STE DE YANG SKU DANG THUGS DANG GSUNG PHRA MO MNYAM PA NYID LAS BYUNG BA'I PHRA MO YANG YIN LA RDO RJE DPAL YANG YIN TE, DE BAS NA TSOR BA'I PHUNG PO'I NGO BO NYID KYI RIN CHEN 'BYUNG LDAN TE BSAMS MA THAG TU DON SNA TSOGS 'BYOR BA'I PHYIR YID BZHIN GYI NOR BU'I RIGS SO, ,SER PO DANG DMAR PO DANG LJANG GU DAG GI G-YON DANG G-YAS KYI ZHAL DKAR PO DANG NAG PO NYID DU SBYAR BAR BYA'O, ,DE BZHIN GSHEGS PA THAMS

215b

CAD KYI 'DOD CHAGS CHEN PO NI RIG PA BZHI YONGS SU BSDUS PA'I GSANG BA'I TSOGS DE NYID LA SO SOR KUN DU RTOG PA STE DE YANG 'DU SHES KYI PHUNG PO'I BDAG NYID KYI SNANG BA MTHA' YAS SO, ,RDO RJE NI GSANG BA'I DAM TSIG GO, ,DE RNAMS KYI 'DOD CHAGS NI RIGS RNAMS SO, ,'DOD CHAGS DE NYID NI KUN DU BLTA BAS NA GZIGS PA STE DE'I DBANG PHYUG GO, ,KUN TU SPYAN RAS GZIGS DBANG PHYUG KYANG YIN LA RIG PA CHEN PO'I BDAG PO YANG YIN NO, ,DE BZHIN GSHEGS PA THAMS CAD NI YANG DAG PAR RTOGS PA'O, ,DE RNAMS KYI GDON MI ZA BA'I DAM TSIG NI KUN DU 'GO BAS 'BRAS BU DANG BCAS PA STE DE YANG 'DU BYED KYI PHUNG PO'I BDAG NYID KYI DON YOD PAR 'GRUB PA'O, ,DAM TSIG NI KUN NAS RTOGS PA YIN LA BKUG PA NI 'BRAS BU NYE BAR BYED PA'O, ,DE BZHIN GSHEGS PA LNGA PO'I SDOM NI ZHE SDANG ZHE BYA BA LA SOGS PA GSUNGS TE SHES PA DANG SHES BYA GCIG TU GYUR PA'I RNAM PAR SHES PA'I PHUNG PO STE BCOM LDAN 'DAS MI BSKYOD PA'O, ,DE NYID KYIS NA THA DAD DU 'BYED PA'I GNYEN PO YIN PAS GNYIS LA ZHE SDANG BA'O, ,SEMS TZAM NYID KYIS YE SHES DON LA MI DMIGS PA NI GZUGS KYI PHUNG PO'I BEMS PO YIN PAS GTI MUG STE RNAM PAR SNANG MDZAD DO,, DE KHO NA NYID MTSAN MA'I 'DU SHES KYI PHUNG PO 'DOD CHAGS TE 'OD DPAG TU MED PA'O, ,DE BZHIN ZHES BYA BA NI JI LTAR ZHE SDANG DANG GTI MUG DANG 'DOD CHAGS RNAMS NYON MONGS PA YIN PA BZHIN DU YID BZHIN GYI NOR BU DANG DAM TSIG KYANG NGO, ,YID BZHIN GYI NOR BU NI YE SHES TZAM DU RIG PA'I TSOR BA'I PHUNG PO'O, ,DE YANG NGA RGYAL DREGS PA STE NGAR RLOM PA'I RANG BZHIN YIN PA'I PHYIR RO, ,DAM TSIG NI 'DU BYED KYI PHUNG PO STE GTONG BA DANG YANG DAG PAR MTSON PA DANG BDAG NYID CAN ZHES BYA BA'I DBANG DU BYAS NAS LHAG MA MI MNGON PAS DE NYID PHRAG DOG GO, ,LNGAR GTOGS PA 'DI RNAMS NI RANG RANG GI SNGAGS KYI LHA RNAMS KYI RIGS YIN TE RIGS SU GYUR PA RNAMS ZHES BYA BA'I DON TO, ,'DI LTAR RIGS NI DANG PO'I RGYUD DO, ,RGYUD KYANG SNGAGS RNAMS KYI BYANG CHUB KYI SEMS SO, ,DE YANG DBYER MI PHYED PAS THOG MA DANG THA MA MED PA'I CHOS KYI DBYINGS YIN LA DBYE NA RNAM PA LNGA'O, ,GNYIS SU

216a

, ,RTOG PA THAMS CAD NYE BAR ZHI BAS NA ZHI BA'O, ,CHOS DANG CHOS NYID DU SNANG BA NUB PA'I PHYIR DNGOS PO DANG DNGOS PO MED PAR ZAD PA'O, ,DUS GSUM GYI SANGS RGYAS RNAMS GSANG BA RO GCIG PA NYID KYIS NA GTZO BO'O, ,YANG DAG PA LA SO SOR RTOG PA'I PHYIR STONG PA NYID MI PHYED PA'O; ,SNA TSOGS PA'I DON MDZAD PA'I PHYIR SNYING RJE MI PHYED PA'O, ,DE SKAD DU YANG, THOG MA THA MA MED ZHI BA, ,DNGOS DANG DNGOS MED ZAD PA'I GTZO, ,STONG NYID SNYING RJE MI PHYED PA, ,BYANG CHUB SEMS ZHES BSHAD PA YIN, ,ZHES 'CHAD PAR 'GYUR RO, ,ZHI BA LA SOGS PA LNGA PO 'DI DAG GTI MUG DANG ZHE SDANG DANG 'DOD CHAGS DANG NGA RGYAL DANG PHRAG DOG NYID YIN PA DE BAS NA RIGS LNGA PO YIN NO, ,'DOD DANG THAR PA RAB SGRUB PA, ,ZHES PA NI 'DOD CHAGS DANG ZHE SDANG DANG GTI MUG GI RANG BZHIN DANG LDAN PA SNA TSOGS LA KHYAB PA'I SEMS NI 'DOD PA'O, ,DE YANG DON YOD PAR GRUB PA STE 'BAD PA DANG BCAS PA'I THAMS CAD MKHYEN PA'O, ,DE LAS 'BAD PA MED PA'I THAMS CAD MKHYEN PA NI THAR PA'O, ,DE'I RAB SGRUB PA NI SKYED PA'O, ,MDOR BSDU NA RIGS GSUM DU 'GYUR TE GTI MUG DANG ZHE SDANG DANG 'DOD CHAGS SO, ,'DOD CHAGS NI SHES RAB STE DE YANG BLA NA MED PA'I BDE BA'I TSOGS NYAMS SU MYONG BA DANG YONGS SU GCOD PA DANG KUN DU GTONG BA'I MTSAN NYID KYI PHUNG PO GSUM MO, ,DE LA GTI MUG NI DON DMIGS SU MED PAS RNAM PAR THAR PA'I SGO STONG PA NYID DO, ,ZHE SDANG NI SMON CING MNGON PAR ZHEN PA'I GNYEN PO YIN PAS SMON PA MED PA'O, ,'DOD CHAGS GSUM NI BDAG DANG GZHAN DU 'BYED PA'I MTSAN MA DER NUB PAS MTSAN MA MED PA'O, ,DE LTAR GNAS PA'I RIGS LNGA DANG RIGS GSUM GYI DE KHO NA NYID LA SKU MDOG DANG ZHAL GYI RIGS PA RNAMS KYANG MNYEN PAR GYIS SHIG ,GANG GI PHYIR RMONGS PAS DON LA MI DMIGS PA'I PHYIR SEMS 'BA' ZHIG SNANG LA 'BA' ZHIG PA NYID NI DAG PA NYID DO, ,DAG PA NYID NI GTZANG BA NYID DO, ,GTZANG BA DANG DKAR BA ZHES BYA BA NI RNAM GRANGS YIN PA DE'I PHYIR RNAM PAR SNANG MDZAD NI DKAR PO YIN NO, ,GANG GI PHYIR ZHE SDANG GIS NI KHAMS GSUM LAS SEMS 'DREN PAR BYED PA DE BAS NA MI BSKYOD PA STE 'DREN

216b

PAR BYED PA'I PHYIR NAG PO'O, ,GANG GI PHYIR MNYAM PA NYID KYI YE SHES KYIS NI BDE BAS SEMS TSIM PAR BYED PA DE BAS NA RIN CHEN DPAL TE TSIM PAR BYED PA'I PHYIR SER PO'O, ,GANG GI PHYIR CHAGS PAS NA SEMS DNGOS PO LA SGYUR BAR BYED PA DE BAS NA 'OD DPAG TU MED PA NI DMAR PO YIN NO, ,GANG GI PHYIR DAM TSIG GIS SEMS CAN THAMS CAD DU 'GRO BAR BYED PA DE BAS NA DON YOD PAR GRUB PA STE 'GRO BAR BYED PA'I LJANG GU'O, ,DE NYID KYI PHYIR STONG PA NYID KYI ZHAL NI DKAR PO'O, ,SMON PA MED PA'I ZHAL NI NAG PO'O, ,MTSAN MA MED PA'I ZHAL NI DMAR PO'O, ,JI LTAR RIGS PA BZHIN DU GTI MUG LA SOGS PA SKYE BA YIN PA DE LTAR NA RIM PA DE NYID KYIS SKU MDOG DANG ZHAL DANG LDAN PA YIN NO, ,THAMS CAD KYI RTZA BA'I ZHAL NI SKU DANG 'DRA BA YIN TE, GTZO BO YIN PA'I PHYIR RO, ,DE LA DANG PO GTI MUG NI DKAR PO STE DE'I ZHAL DBUS MA DKAR PO YIN LA G-YAS PA NI NAG PO G-YON PA NI DMAR PO'O, , GTI MUG GI ZHAL RNAMS KYI 'BREL PA GRUB PA YIN TE THAMS CAD DU RAGS PA NYID KYIS THOG MA NYID YIN PA'I PHYIR RO, ,DE NAS ZHE SDANG LA SOGS PA'I ZHAL DKAR PO NI GNAS 'PHROG PAR BYED PA'I GNAS SU 'PHO BA YIN TE, ZHE SDANG NAG PO DE'I ZHAL NAG PO NI DKAR PO'I GNAS DBUS MA LA YIN LA NAG PO'I GNAS G-YAS SU NI DKAR PO YIN ZHING G-YON PA NI DMAR PO NYID DO, ,SER PO DANG DMAR PO DANG LJANG GU DAG GIS MTSAN MA MED PA'I ZHAL DE DAG NI GO RIMS BZHIN DU DBUS MA DKAR PO'I GNAS LA SER PO DANG DMAR PO DANG LJANG GU NYID YIN LA MTSAN MA MED PA'I GNAS G-YON PA LA NI DKAR PO YIN TE LHAG MA G-YAS PA NI NAG PO'O, ,JI LTAR SANGS RGYAS RNAMS LA ZHAL GSUM MNGA' BA DE BZHIN DU DE LAS GZHAN RNAMS KYI YANG KHA DOG DE DAG YIN TE, 'DIR TSIGS SU BCAD PA NI, RGYAL BA RNAMS KYI SKU MDOG LNGA, ,DKAR NAG SER DANG DMAR LJANG 'GYUR, ,SEMS LA 'BA' ZHIG DANG 'DREN BYED DANG, ,TSIM 'GYUR 'TSOR DANG 'GRO BAR BYED, ,DKAR MIN G-YAS DKAR DKAR BA'I NAG ,DE DAG GI NI G-YON PA DMAR PO STE, ,SER DANG DMAR DANG LJANG BA DAG GI NI, ,G-YAS PA DKAR MIN G-YON PA DKAR PO YIN, ,DKAR DANG DKAR MIN GZHAN RNAMS

217a

, ,RTZA BA'I ZHAL, ,SKU DANG 'DRA DANG G-YAS DANG G-YON GYI NI, ,SNGO DMAR DANG NI DKAR DANG DMAR PO DANG, ,SNGO DANG DKAR PO DAG TU SHES PAR BYA, ,GANG PHYIR DKAR MIN DANG NI CHAGS CAN GSUM, ,DKAR DBUS ZHAL GYI GNAS NI 'PHROG BYED PAS, ,GNAS 'PHROG BYED PA'I GNAS SU 'PHO RIM PAS, ,RGYUD LA DKAR NA GZHAL NI SBYAR BAR BYA, ,SPYAN DANG M'A MA K'I'I TSIG GI GZHUNG NI GO RIMS 'CHOL BAR YOD PAS NA DE LA SPYI'I GZHUNG DANG POR BLTA BAR BYA LA DE'I 'OG TU M'A MA K'I'I GZHUNG YIN PAR BLTA BAR BYA STE, GTI MUG BZHIN DU GTI MUG DGA' MA YANG DANG PO NYID YIN PA'I PHYIR TE DPER NA BRIS PA'I DKYIL 'KHOR LTA BU'O, ,DE NAS ZHES BYA BA NI DON YOD PAR GRUB PA BKOD PA'I RJES THOGS NYID LA'O, ,DE BZHIN GSHEGS PA THAMS CAD NI GANG DE BZHIN GSHEGS PA'I SKU YIN PA DE NI DE BZHIN GSHEGS PA THAMS CAD DE DE NYID GTI MUG RDO RJE STE DE YANG LUS MNYAM PA NYID DU DMIGS PA'I ZHI GNAS SO, ,DE'I RJES SU MNYES PAR BYED PA NI RNAM PAR DPYAD NA SEMS TZAM NYID DU MNYAM PAR LTA BA'I LHAG MTHONG STE, DE RNAMS KYI GZUGS KYI DE KHO NA NYID LA LTA BA'I SANGS RGYAS KYI SPYAN NO, ,DE LA DMIGS PA'I TING NGE 'DZIN DE LA DE SKAD CES BYA'O; ,DE NYID NI MI PHYED PAS NA RDO RJE'O, ,DE BZHIN GSHEGS PA THAMS CAD NI GTI MUG RDO RJE'O, ,DE'I BTZUN MO'I MCHOG NI GTZO MO STE SHIN TU YANG LONGS SPYOD DU GYUR PA'O, ,SPYAN GYI SNYING PO NI 'DIR SPYAN YIN PA DE NYID KYIS NA MO HA RA T'I ZHES BYA'O, ,BUD MED KYI GZUGS 'DZIN PAR 'GYUR TE, ZHES BYA BA NI RIGS SPROS PA DANG, BSDUS PA DANG RGYAS BTAB PA LAS LHA MO SPYAN GYI GZUGS SU GYUR TE'O, ,GANG DU ZHE NA, SHAR PHYOGS KYI GRVAR BZHUGS SO ZHES SNGA MA DANG SBYAR TE SHAR GYI DE MA THAG GRVAR NI SHAR GYI GRVAR TE ME'I PHYOGS SU ZHES BYA BA'I DON TO, ,DE NAS ZHES BYA BA NI SPYAN BKOD PA'I RJES THOGS LA'O, ,DE BZHIN GSHEGS PA THAMS CAD KYI RDO RJE NI SEMS SO, ,DE 'DZIN PA NI 'DZIN PAR BYED PA'I ZHI GNAS TE ZHE SDANG RDO RJE'O, ,DE RJES SU MNYES PA NI RNAM PAR DPYAD NA 'DZIN PA PO MED PAS MNYAM PA NYID DU LTA BA'I LHAG MTHONG STE M'A MA K'I'O, ,'DI LTAR SANGS RGYAS RNAMS KYI

217b

THUGS NI BDAG STE DE LA RIGS PAS NA M'A MA K'I'O, ,DE LA DMIGS PA'I TING NGE 'DZIN DE LA DE SKAD CES BYA'O, ,DE NYID NI DAM TSIG STE 'DA' BAR BYA BA MA YIN PA NYID KYI PHYIR RO, ,BUD MED KYI GZUGS 'DZIN PAR 'GYUR TE ZHES BYA BA NI SNGA MA BZHIN DU M'A MA K'I'O GZUGS SU GYUR TE'O, ,GANG DU ZHE NA, LHO PHYOGS KYI GRVAR BZHUGS SO ZHES 'OG MA DANG SBYAR TE LTO PHYOGS KYI DE MA THAG PA'I GRVAR NI BDEN BRAL GYI PHYOGS SU ZHES BYA BA'I DON TO, ,'DOD CHAGS NI CHOS SO, ,DE 'DZIN PA NI ZHI GNAS TE 'DOD CHAGS RDO RJE'O, ,DE RJES SU CHAGS PAR BYED PA NI NGAG LA RNAM PAR DPYAD PAS BRJOD DU MED PAR MNYAM PAR LTA BA'I LHAG MTHONG STE, CHOS LA MKHAS PA NYID KYIS GOS DKAR MO'O, ,DE BZHIN GSHEGS PA THAMS CAD KYI SKU DANG GSUNG DANG THUGS NI SKU LA SOGS PA MNYAM PAR DMIGS PA'I ZHI GNAS TE DAM TSIG RDO RJE SHES RAB 'DZIN PA'O, ,DE'I SLU BA NI RNAM PAR DPYAD NA SLU BA STE RANG BZHIN MED PAR MNYAM PAR LTA BA'I YE SHES TE LAM DU RGAL BAS NA SGROL MA'O, ,DE LA DMIGS PA'I TING NGE 'DZIN LA DE SKAD CES BYA'O, ,SHES RAB 'CHANG BA NI SHES RAB 'CHANG BA STE DAM TSIG RDO RJE'O, ,SDOM PA NI DE BZHIN GSHEGS PA THAMS CAD KYI ZHES BYA BA LA SOGS PA GSUM DE BZHIN GSHEGS PA THAMS CAD KYI BTZUN MO'I MCHOG NYID PHUN SUM TSOGS PA STE SKU DANG GSUNG DANG THUGS KYI BDE BA'I MCHOG CES BYA BA'I DON TE, GSUM GYI BDE MCHOG PHUN SUM CHOG ,ZHES GSUNGS PA'I PHYIR RO, ,BZHI PO 'DI DAG NI GO RIMS BZHIN DU SKU MDOG DKAR PO DANG NAG PO DANG DMAR PO DANG SER PO DAG YIN NO, ,RNAM PAR SNANG MDZAD NI DE BZHIN GSHEGS PA RTAG PA'I SKU'O, ,DE'I RDO RJE NI MI MTHUN PA'I PHYOGS MTHAR BYED PA'I YE SHES SO, ,DE YANG BCOM LDAN 'DAS GSHIN RJE GSHED DE DE'I SPRUL PAR BZHED PA'I RNAM PA CAN NYID YIN PA'I PHYIR DE LA DMIGS PA'I TING NGE 'DZIN LA DE SKAD CES BYA'O, ,DE BZHIN GSHEGS PA THAMS CAD NI SANGS RGYAS KYI SKU DAG GO, ,DE RNAMS KYI DKYIL 'KHOR NI MNGON PAR 'DOD PA THAMS CAD DO, ,DES BYIN GYIS BRLABS PA NI BSRUNG BAS TE GSHIN RJE GSHED NYID DO, ,DE BZHIN GSHEGS PA THAMS CAD BSNYENGS PAR

218a

, ,BYED PA NI RANG GI MI MTHUN PA'I PHYOGS 'JIGS PAR BYED PA YIN LA DE NYID NI GSHIN RJE GSHED DO, ,TSUL DES BZHUGS SO ZHES BYA BA STE G-YON BRKYANG BA'I GNAS PAS TSAR GCOD PAS BZHUGS PA'O, ,DE BZHIN GSHEGS PA THAMS CAD KYI MNGON PAR BYANG CHUB PA NI THUGS SO, ,DE'I RDO RJE NI MI MTHUN PA'I PHYOGS ZAD PAR BYED PA'I YE SHES TE DE YANG SHES RAB MTHAR BYED DO, ,DE BZHIN GSHEGS PA THAMS CAD KYI DKYIL 'KHOR NI THUGS KYI BDAG NYID CAN NO, ,RDO RJE NI DE BZHIN GSHEGS PA RNAMS SO, ,DE'I DAM TSIG NI THUGS SO, ,DE DAG BSNYENGS PAR BYED PA NI RANG GI MI MTHUN PA'I PHYOGS SKRAG PAR BYED PA STE SHES RAB MTHAR BYED DO, ,DE BZHIN GSHEGS PA THAMS CAD KYI CHOS RIN PO CHE NI SHIN TU RNAM PAR DAG PA'I GSUNG NGO, ,DE RNAMS KYI 'BYUNG GNAS NI DE'I MI MTHUN PA'I PHYOGS MTHAR BYED PA YIN PA'I PHYIR TE DE YANG PADMA MTHAR BYED YIN NO, ,DE BZHIN GSHEGS PA THAMS CAD KYI 'DOD CHAGS 'CHANG BA'I DKYIL 'KHOR NI GSUNG GI BDAG NYID CAN NO, ,DE BZHIN GSHEGS PA THAMS CAD KYI GSUNG NI PADMA MTHAR BYED DO, ,DE BZHIN GSHEGS PA THAMS CAD KYI SKU DANG GSUNG DANG THUGS DE RNAMS KYI RDO RJE NI BGEGS MTHAR BYED DO, ,DE BZHIN GSHEGS PA THAMS CAD KYI SKU DANG GSUNG DANG THUGS NI BGEGS MTHAR BYED DE, SKU DANG GSUNG DANG THUGS BSRUNG BA YIN PA'I PHYIR RO, ,SDOM NI DE BZHIN GSHEGS PA ZHES BYA BA LA SOGS PA GSUNGS TE, DE BZHIN GSHEGS PA THAMS CAD KYI SKU DANG GSUNG DANG THUGS DE RNAMS KYIS MNYES PAR BYED PA NI RANGS PAR BYAS PA STE MI MTHUN PA'I PHYOGS ZAD PAR BYED PA'I PHYIR RO, ,DE'I DON GYI DKYIL 'KHOR GYI DAM TSIG GI SEMS DPA' NI 'DA' BAR MI BYA BA'I SKYES BU YIN NO, ,BZHI PO 'DI DAG NI GO RIMS BZHIN DU NAG PO DANG DKAR PO DANG DMAR PO DANG NAG PO YIN NO, ,DE LTAR LHA BCU GSUM PO DE DAG DKYIL 'KHOR 'DI LA GNAS JI LTA BA BZHIN DU DGOD PAR BYA'O, ,GZHAN GZUGS RDO RJE LA SOGS PA MCHOD PA'I LHA MO DRUG PO MTSAMS DRUG TU DGOD PAR BYA STE, 'DI LTAR DKYIL 'KHOR CHEN PO NI MCHOD PA DANG BRAL BAR RIGS PA MA YIN NO ZHES SNGON GYI SLOB DPON DAG 'DOD DO, ,'DI LTAR

218b

LE'U BCU DRUG PA LAS KYANG, SKU GSUNG THUGS KYI RDO RJE MCHOG ,GRVA RNAMS KUN DU DGOD PAR BYA, ,ZHES 'BYUNG STE, DE LA SKU'I RDO RJE'I MCHOG MA NI SPYAN NO, ,GSUNG GI RDO RJE'I MCHOG MA NI GOS DKAR MO'O, ,THUGS KYI RDO RJE'I MCHOG MA NI M'A MA K'I'O, ,SKU DANG GSUNG DANG THUGS RDO RJE'I MCHOG MA NI MCHOD PA'I LHA MO DANG, SGROL MA STE BDUN NO, ,GZHAN DAG NA RE RTZA BA'I SGO'I NGOS GNYIS SU LHA MO DGOD PA BZHIN DU SGO THAMS CAD DU YANG STE DE LA SKU NI SA'I SNYING PO'O, ,GSUNG NI 'JIG RTEN DBANG PHYUG GO, ,THUGS NI PHYAG NA RDO RJE'O, ,RDO RJE GSUM BSDUS PAS NA RDO RJE STE NAM MKHA'I SNYING PO DANG SGRIB PA SEL BA DANG KUN DU BZANG PO'O, MCHOG NI LHA MO BCU STE, SKU GSUNG THUGS KYI RDO RJE MCHOG GI SGRAS NI BCU DRUG BZUNG STE GRVAR KUN DU DGOD PAR BZUNG NGO, ,GZHAN DU NA KUN ZHES SMOS PA DON MED PAR 'GYUR RO, ,DE DAG KYANG GLENG GZHI'I GZHUNG DANG DKYIL 'KHOR CHEN PO'I BSTOD PA LAS NGES PAR BYAS PA YIN NO, ,GZUGS LA SOGS PA DANG SA'I SNYING PO LA SOGS PA LNGA'I SKU MDOG NI DE BZHIN GSHEGS PA LNGA DANG 'DRA'O, ,RDO RJE 'CHANG DANG CHOS KYI DBYINGS DANG KUN DU BZANG PO'I YANG RNAM PAR SNANG MDZAD KYI DANG 'DRA'O, ,RGYUD 'DIR YANG LHA THAMS CAD PHYAG DRUG PA DANG PHYAG MTSAN LNGA CAN TE, LE'U BCU GSUM PA LAS, RDO RJE PHYAG DRUG MTSON CHA NI, ,BZANG PO SNA TSOGS BSNAMS PAR BSGOM, ,ZHES GSUNGS PA'I PHYIR RO, ,LHA RNAMS KYI PHYAG MTSAN RE RER GSUNGS PA GANG YIN PA DE YANG DE RNAMS KYI KHYAD PAR GYI PHYAG MTSAN YIN PAR RIGS TE LHAG MA BZHI NI RIGS PAS SHES PAR BYA'O, ,DE LA RIGS PA NI 'DI YIN TE, LE'U BCU GSUM PA LAS PHYAG MTSAN RNAMS KYI DANG PO BSTAN PA DE NI DE RNAMS KYI GTZO BO BSTAN PA'I DON TO, ,DE YANG DE BZHIN GSHEGS PA LNGA PO KHO NA YIN NO, ,DE BAS NA DE BZHIN GSHEGS PA'I PHYAG MTSAN RNAMS KYANG CI RIGS PAR LHA RNAMS KYI PHYAG LA YANG BRJE BAR BYA'O, ,DE LA MI BSKYOD PA'I NI CHOS KYI DBYINGS KYI YE SHES KYI RANG BZHIN NYID YIN PA'I PHYIR CHOS KYI DBYINGS KYANG PHYAG MTSAN YIN LA DE'I YE SHES KYANG YIN TE, LE'U BCU GSUM PA LAS, TSOGS GNYIS

219a

, ,DANG NI LDAN PA YIS, ,MI BSKYOD PA YI RGYA MCHOG DANG, ZHES GSUNGS PA'I PHYIR RO, ,DE BAS NA DE'I PHYAG MTSAN 'DI GNYI GA GZHAN DAG LA YANG SBYAR BAR BYA STE, SHES RAB DANG YE SHES LA BRTEN PA NYID KYIS NI SHIN TU GTZO BO NYID YIN PA'I PHYIR RO, ,DE BAS NA THABS KYI RANG BZHIN GYI LHA RNAMS RTZA BA'I PHYAG GNYIS KYIS SHES RAB LA 'KHYUD PA CAN YIN LA SHES RAB KYI RANG BZHIN YANG DE GNYIS KYIS THABS LA 'KHYUD PA CAN YIN NO, ,THAMS CAD KYI G-YAS PA'I GNYIS PAS KHYAD PAR GYI PHYAG MTSAN BSNAMS PA YIN LA CIG SHOS GSUM LA NI GSUM STE DE LA G-YAS PA'I GSUM PAS NI RAL GRI'O, ,G-YON LA NI GO RIMS BZHIN DU NOR BU DANG PADMA'O, ,GNAS 'PHROG PAR BYED PA'I GNAS LA NI 'KHOR LO YIN TE GTI MUG NYID KYI DANG PO YIN PA'I PHYIR RO, ,GANG DAG LA KHYAD PAR GYI MTSAN MA 'KHOR LO MED PA DE DAG GI THUN MONG DU GTI MUG GI MTSAN MA LUS NYID YIN NO, ,CHOS KYI DBYINGS NI MA YIN TE DE DAG GI NANG NAS RTZA BA'I PHYAG GNYIS KYIS 'KHYUD PA NYID KYI PHYIR RO, ,RDO RJE CAN DAG GI G-YAS KYI GNYIS PA LA RDO RJE'O, ,CHOS KYI DBYINGS KYI NI CHOS 'BYUNG BA'I PHYAG RGYA STE KHYAD PAR GYI PHYAG MTSAN GYI DON YIN NO, ,SKU MDOG GI RIGS LA NI SNGAR BSHAD ZIN TO, ,RNAM PAR DAG PA'I DBYE BA NI LA LAR RNAM PA GZHAN DU YANG 'GYUR RO, ,'DIR TSIGS SU BCAD PA NI, 'KHOR LO NAM MKHA'I DBYINGS DANG RDO RJE DANG, ,NOR BU 'DAM SKYES RAL GRI PHYAG MTSAN YIN, ,RTZA BA'I PHYAG GNYIS YID 'ONG GIS MTSAN CAN, ,G-YAS PA'I GNYIS PAS KYANG NI RANG PHYAG MTSAN, ,GSUM LA CIG SHOS RNAMS TE G-YAS RAL GRI, ,YID 'ONG LDAN PHYIR RDO RJE NAM MKHA' MIN, ,ZHAL DKAR SEMS KYI DBANG PHYUG 'KHOR LO NI, ,GNAS 'PHROG BYED PA'I GNAS SU 'GRO BAR BYED, ,SNYING PO MTSAN MA SEMS DANG 'DRA BA STE, ,RAL GRI NAM MKHA' LTA BUR SNGO BA DANG, ,NOR BU CHA DGU PA CAN LJANG GU'I MDOG ,DUNG CHOS NYA PHYIS RI BONG CAN BZHIN DKAR, ,DANG PO'I RDO RJE DMAR BA'I RANG BZHIN CAN, ,YID DANG YID YUL RDO RJE 'CHANG DKAR PO, ,SGO GNAS SNGO DKAR DMAR DANG SNGON PO DANG, ,SGROL MA GSER MDOG RNAM DAG DBYE PHYIR RO, ,ZHES BYA BA YIN NO, ,LE'U 'DI'I BSDUS

219b

PA'I DON NI 'DI YIN TE, RGYUD 'DIR BSGOM PA DANG, BZLAS PA'I DBANG THOB PA MOS PA BRTAN PA BYANG CHUB KYI SEMS BRTAN PA DKON MCHOG GSUM LA GCIG TU SKYABS SU SONG BA BLA MA DANG RDO RJE 'CHANG LA THA MI DAD PAR MOS PA BLO GROS DANG LDAN PA KHENGS PA MED PA SNYING RJE DANG LDAN PA, DNGOS GRUB KYI MCHOG 'DOD PA GANG YIN PA DE BSOD NAMS DANG YE SHES KYI TSOGS DAG NYE BAR BSAGS PA'I PHYIR DANG RNAL 'BYOR DBANG DU BYA BA'I PHYIR DANG POR SGRUB PA'AM, SGRUB PA CHEN PO LA YUN RING DU MNGON PAR BRTZON PAR BYA'O, ,GANG GI TSE RDO RJE SEMS DPA'I RNAL 'BYOR BYED PAR 'DOD NA DE'I TSE DES DANG POR NANG PAR GYI DUS RANG GI SNYING GA'I ZLA BA LA DE'I SA BON 'OD ZER GYI PHRENG BA CAN BSAMS LA GDONG BKRU BA LA SOGS PA BYA'O, ,DE'I 'OG TU BDUD RTZI BAB [?] SBYOR GYI SNGAGS KYIS GNAS DANG BDAG DANG RNAL 'BYOR BSRUNG BA BYAS LA BSAM GTAN GYI KHANG PA YANG TZANDAN BZANG PO LA SOGS PA DANG ME TOG GI GCAL BKRAM PAS GTZANG ZHING DRI ZHIM PAR BYAS PA'AM, DE LTAR MOS PAR BYAS NAS ZHUGS TE, STAN BDE BA LA 'DUG NAS PHYOGS BCU'I 'JIG RTEN GYI KHAMS THAMS CAD KYI DE BZHIN GSHEGS PA BYANG CHUB SEMS DPA'I TSOGS DANG BCAS PA THAMS CAD MNGON SUM DANG 'DRA BAR BSAMS TE, DE RNAMS LA DAD PA'I NYAMS RGYUN MI 'CHAD PAR BSKYED DE DE RNAMS KYI BLA NA MED PA'I MCHOD PA RNAM PA BDUN PO SANGS RGYAS THAMS CAD LA LUS DANG NGAG DANG YID KYIS PHYAG 'TSAL LO, ,SANGS RGYAS THAMS CAD LA MCHOD PA RGYA CHEN PO THAMS CAD KYIS MCHOD PAR BGYI'O, ,SANGS RGYAS DANG BYANG CHUB SEMS DPA' THAMS CAD LA BDAG GIS SDIG PA THAMS CAD SO SOR BSHAGS PAR BGYI'O, ,SANGS RGYAS DANG BYANG CHUB SEMS DPA' DANG, 'PHAGS PA DANG SO SO'I SKYE BO THAMS CAD KYI DGE BA THAMS CAD LA RJES SU YI RANG BAR BGYI'O, ,MNGON PAR RDZOGS PAR SANGS RGYAS NAS RING PO MA LON PA'I SANGS RGYAS THAMS CAD LA CHOS KYI 'KHOR LO BSKOR BA'I PHYIR BSKUL BAR BYA'O, ,YONGS SU MYA NGAN LAS 'DA' BAR BZHED PA'I SANGS RGYAS THAMS CAD LA BSKAL PA MANG POR BZHUGS PA'I PHYIR GSOL BA GDAB PAR BGYI'O, ,BDAG GI MCHOD PA RNAM PA DRUG GI RANG BZHIN CAN DANG DGE BA

220a

, ,GZHAN GANG YIN PA DE DAG THAMS CAD CHO GA BZHIN DU BLA NA MED PA YANG DAG PAR RDZOGS PA'I BYANG CHUB TU BSNGO BAR BGYI'O ZHES BYA BA DE DAG BYA'O, ,DE NAS SKYABS SU 'GRO BAR BYA STE CHOS THAMS CAD LA DBANG BSGYUR BA'I SANGS RGYAS THAMS CAD LA BYANG CHUB KYI BAR DU SKYABS SU MCHI'O, ,RNAM PA THAMS CAD PA'I THEG PA CHEN PO'I CHOS LA SKYABS SU MCHI'O, ,PHYIR MI LDOG PA'I BYANG CHUB SEMS DPA'I TSOGS KYI DGE 'DUN LA SKYABS SU MCHI'O, ,DE NAS BYANG CHUB TU SEMS BSKYED PAR BYA STE, KYE MA'O BDAG GIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SEMS CAN THAMS CAD KYI DON BYED PAS NA SHIN TU MYA NGAN LAS 'DAS PA'I MTHAR THUG PA DANG DE BZHIN GSHEGS PA'I YE SHES KYI BAR LA DE DAG GZHAG PAR BGYI'O, ,DE NAS BDAG NYID KYI DNGOS PO DBUL BAR BYA STE SANGS RGYAS DANG BYANG CHUB SEMS DPA' THAMS CAD LA BDAG NYID KYI DNGOS PO 'BUL GYIS MGON PO JI LTAR BZHED PAR MDZAD PAR BYA BA'I PHYIR BDAG SO SOR BZHES SU GSOL, ,DE NAS LAM LA GNAS PAR BYA BA NI 'DI LTA STE, DE BZHIN GSHEGS PA THAMS CAD KYI GSANG BA 'DUS PA BLA NA MED PA'I BYANG CHUB KYI LAM LA BDAG GNAS PAR BGYI'O, ,DE NAS 'TSO BA'I 'JIG RTEN SDUG BSNGAL GYI RANG BZHIN DU RNAM PAR BSAMS LA DE YONGS SU BSKYAB PA'I BSAM PA'I RNAM PA CAN GYI SNYING RJE BSGOM PAR BYA'O, ,DE NAS SEMS TZAM YIN NO ZHES SHES PAR BYAS LA 'KHRUL BA'I MTSAN MA GNYIS SU SNANG BA SPANGS NAS GCIG TU NAM MKHA' MTHA' YAS PA DRI MA MED PA LTA BUR 'GRO BA THAMS CAD BLTAS TE, AOm SH'U N+YA T'A DZNY'A NA BADZRA SVA BH'A WA A'ATMA KO&HAm ZHES BYA BA 'DIS KYANG BSTAN PAR BYA'O, ,DON DAM PA'I BYANG CHUB KYI SEMS 'DI NI NYON MONGS PA DANG RNAM PAR RTOG PA'I BGEGS MA LUS PAR NGES PAR ZLOG PAR BYED PA DE NI SNGAGS KYI DON THAMS CAD SGOM PA'I RNAM PAR DAG PA RDZOGS PAR BYED PA'I RGYUR GYUR PA YIN NO, ,DE LAS KYANG LHAG PAR BSRUNG BA'I DON DU YI GE BRUm LAS 'KHOR LO DMAR SER RTZIBS BCU PA RGYA CHE BA'I PHYOGS KYI RTZIBS LA SGO SRUNG

220b

RNAMS DANG MTSAMS KYI RTZIBS RNAMS LA 'DOD PA'I RGYAL PO DANG DBYUG SNGON DANG STOBS PO CHE DANG MI G-YO BA DANG STENG GI RTZIBS LA 'KHOR LOS SGYUR BA DANG 'OG GI RTZIBS LA GNOD MDZES RDO RJE DANG LTE BAR RANG GI LHA LA SOGS PAS BYIN GYIS BRLABS PA MYUR DU 'KHOR BA BSGOM BAR BYA ZHING KHRO BO 'BAR BA SPROS PA RNAMS KYIS KYANG PHYOGS THAMS CAD DU BGEGS KYI RIGS KYI TSOGS BSKRAD PAR RNAM PAR BSAM PAR BYA'O, ,DE NAS BGEGS RNAMS SHIN TU MI 'BYUNG BAR MOS PAR BYAS LA STON KA'I ZLA BA LTAR DKAR BA'I CHOS 'BYUNG 'OG PHRA ZHING STENG YANGS PA GRU GSUM PA NAM MKHA' NANG DU CHUD PAR BSAM PAR BYA'O, ,DE'I DBUS SU SNA TSOGS 'DAB MA CAN GYI PADMA'I LTE BA LA GNAS PA'I SNA TSOGS RDO RJE DANG DE'I LTE BAR ZLA BA DANG 'KHOR LO DANG YI GE BRUm DANG NOR BU LAS SPROS PA'I YE SHES KYI RGYA MTSO BSDUS PA LAS BYUNG BA RIG PA'I RGYAL MO'I TSOGS YONGS SU GYUR PA LAS SNA TSOGS PA'I 'OD ZER CAN NOR BU'I RANG BZHIN CAN GYI GZHAL YAS KHANG THAR PA CHEN PO'I GRONG KHYER GYI RANG BZHIN CAN, ZUR BZHI PA LA SGO BZHI PA, ,RTA BABS BZHI YIS RNAM PAR BRGYAN, ,KHA KHYER BZHI DANG YANG DAG LDAN, ,SANGS RGYAS RIGS 'PHROS DKRUGS PA CAN, ,GAR DANG GLU DANG SIL SNYAN LA SOGS PA'I MCHOD PA DAM PA THOGS PA'I LHA MO'I TSOGS SGEG PA'I MGON DANG BCAS PA'I KHA KHYER BZHI DANG LDAN PA RDO RJE PHRENG BAS YONGS SU BSKOR BA KA BA BRGYAD KYIS RNAM PAR SPRAS PA ZLUM PO NI NANG GI RIM PA'O, ,BLA RE DANG DRA BA DANG DRA BA PHYED PAS MDZES PA DANG RNGA YAB YID DU 'ONG BA DANG ME LONG DANG DAR DANG ME TOG GI CHUN 'PHYANG GIS BRGYAN PA BA DAN SNA TSOGS PA DPYANGS PA RLUNG GIS BSKYOD PA'I DRIL BU'I SGRAS PHYOGS KYI TSOGS SGRA DANG BCAS PA CAN DPE MED PA'I MCHOD PA RNAM PA LNGA DANG, 'DOD PA'I YON TAN LNGAS RNAM PAR MDZES PA DANG 'JIG RTEN GYI KHAMS MA LUS PA'I NANG NA KHA DOG RNAM PA LNGA 'PHRO BA'I 'OD KYIS GSAL BAR BYED PA LHA RNAMS KYI GNAS SU SNA TSOGS PADMA'I 'DAB MA LA GNAS PA'I ZLA BA DANG NYI MAR NYE BAR BRTAGS PA'I GDAN CAN BSGOM PAR BYA'O, ,'DIR GTI MUG SPANGS PA'I SANGS RGYAS DANG KHRO BO RNAMS KYI KHYAD

221a

, ,PAR DU; 'OD DANG GDAN NI NYI MA YIN, ,LHAG MA ZLA BA'I DKYIL 'KHOR RO, ,ZHES BSHAD DO, ,DE NI 'DIR, DBUS DANG MDUN DU ZLA BA STE, ,LOGS GSUM DU NI NYI MA'O, ,MTSAMS RNAMS KUN DU ZLA BA STE, ,SGO BZHI DAG LA NYI MA YIN, ,ZHES BSHAD DO, , DE NAS DBUS SU GNAS PA'I ZLA BA'I DKYIL 'KHOR LA SANGS RGYAS RNAMS KYI YON TAN GYI SA BON DBYANGS KYI YI GE DKAR PO BCU DRUG YONGS SU GYUR PA LAS ZLA BA'I DKYIL 'KHOR RGYAS PAR GYUR PA NI ME LONG LTA BU'I YE SHES KYI BDAG NYID CAN NO, ,DE'I DBUS SU GSAL BYA'I YI GE DKAR PO SUM CU RTZA BZHI'I RNAM PA SANGS RGYAS KYI YON TAN THAMS CAD KYI YI GE H'Um DKAR PO DANG BCAS PA YONGS SU GYUR PA LAS BYUNG BA PADMA R'A GA LTAR DMAR BA DANG PO'I RDO RJE NI MNYAM PA NYID KYI YE SHES KYI BDAG NYID CAN NO, ,DE'I LTE BA LA YI GE H'Um DE NYID NI MNYAM PA NYID LA DES PAR SPYOD PA NYID KYI PHYIR SO SOR RTOG PA'I YE SHES KYI BDAG NYID CAN NO, ,'OD ZER DES DKYIL 'KHOR BA THAMS CAD KYI MCHOG SPRO BA DANG BSDUS PA NI BYA BA NAN TAN SGRUB PA'I YE SHES KYI BDAG NYID CAN YIN PAR BSGOMS NAS ZLA BA DANG RDO RJE DANG SNGAGS YONGS SU GYUR PA LAS BYUNG BA'I SKU CHOS KYI DBYINGS SHIN TU RNAM PAR DAG PA'I YE SHES KYI BDAG NYID CAN NO, ,BCOM LDAN 'DAS DANG PO'I SKYES BU STON KA'I ZLA BA LTAR DKAR BA ZHAL DKAR BA DANG SNGO BA DANG DMAR BA CAN RTZA BA'I PHYAG GNYIS KYIS RANG SNANG BA'I RIG MA LA YONGS SU 'KHYUD PA, PHYAG CIG SHOS BZHIS RDO RJE DANG RAL GRI DANG NOR BU DANG PADMA BSNAMS PA MA MCHU 'JIB PA DMAR POS SPRAS PA'I 'OD ZER CAN BDAG NYID KYI THUGS KA LA ZLA BA DANG RDO RJE DANG SA BON GYIS BYIN GYIS BRLABS PA MI BSKYOD PA DANG BCAS PA'I RIN PO CHE'I COD PAN LHA'I RGYAN DANG NA BZA' CAN BSGOM PAR BYA'O, ,DE NAS 'DOD CHAGS CHEN PO'I TSUL GYIS TING NGE 'DZIN LA SNYOMS PAR ZHUGS TE DE BZHIN GSHEGS PA THAMS CAD BDAG LA BCUG NAS DE DAG NYID LAS LHA MO DGU SPROS TE RANG GI RIG PA'I NANG DU CHUD PAR BYAS LA PADMA'I LTE BA'I NANG DU PHYAG RGYA BZHI YONGS SU GYUR PA'I DAM TSIG CHEN PO'I DKYIL 'KHOR GYI PHYI'I DKYIL 'KHOR DANG 'DRA BA DBUS SU SNA TSOGS PADMA DANG ZLA

221b

BA'I GDAN LNGA DANG LDAN PAR BSAMS LA, NAM MKHA' LA YANG SKYE BAR 'GYUR BA'I RDO RJE 'DZIN PA'I YE SHES SEMS DPA' DE'I RNAM PA CAN RIGS LNGA'I TSOGS KYIS YONGS SU BSKOR BA BLTAS LA DE BKUG STE DAM TSIG CHEN PO'I DKYIL 'KHOR GYI DBUS KYI ZLA BA LA DGOD DO, ,RIGS LNGA'I TSOGS NI DGA' MA LNGAR BSDUS LA GOS DKAR MO GNYIS GCIG TU BYAS TE DE'I NGOS BZHI'I ZLA BA LA DGOD DO, ,DE NAS RANG GI SNYING GAR DE BZHIN GSHEGS PA LNGA BZHUGS PA ZHU BAS BDAG NYID 'KHOR DANG BCAS PA DBANG BSKUR NAS BA SPU'I BU GA LA SOGS PA'I KHUNG BU LAS ZHUGS PA'I CHU DES ZHU BAR GYUR LA, DE BZHIN DU DKYIL 'KHOR DANG DKYIL 'KHOR PA THAMS CAD ZHU BAR GYUR PA DE'I 'OD KYIS YAB DANG YUM DAG RO GCIG PAR ZHU BAR GYUR TE, SGRIB PA MED CING DAG PA'I NAM MKHA'I DBYINGS KYI RANG BZHIN CAN SHIN TU DKAR BA'I ZLA BA'I DKYIL 'KHOR STUG PO'I RNAM PAR BDAG NYID ZLA BA'I DKYIL 'KHOR LA GNAS PAR BSAM PAR BYA'O, ,DE'I 'OD ZER PHYOGS BCUR RNAM PAR 'PHROS PAS SEMS CAN GYI 'JIG RTEN MA LUS PA DBANG BSKUR TE YONGS SU SBYANG BAR BYA'O, ,DE'I 'OG TU TING NGE 'DZIN DE LAS BSLANG BAR BYA BA'I PHYIR 'BAD RTZOL MED PAR M'A MA K'I LA SOGS PA LHA MO BZHIS BSKUL BA'I GLUS BSKUL BAR BSAM PAR BYA'O, ,SEMS CAN KHAMS NI GNAS KYI DBANG PHYUG KHYOD NI RDO RJE'I THUGS, ,DGA' BA YID 'ONG DON CHEN 'DOD PAS BDAG LA BSKYAB TU GSOL, ,MGON PO GAL TE DE RING BDAG NI GSON PAR MCHIS BZHED NA; SEMS CAN YAB CHEN GNYEN MCHOG BDAG LA DGYES PAR MDZAD DU GSOL, ,RDO RJE'I SKU KHYOD BKA' YI 'KHOR LOS SEMS CAN KUN LA PHAN, ,SANGS RGYAS DON DU BYANG CHUB DON DAM RJES SU PHAN STON PA, ,MGON PO GAL TE DE RING BDAG NI GSON PAR MCHIS BZHED NA, , 'DOD CHAGS DAM TSIG CHAGS PAS BDAG LA DGYES PAR MDZAD DU GSOL, ,KHYOD NI RDO RJE'I GSUNG STE KUN LA PHAN ZHING THUGS BRTZE BA, ,'JIG RTEN DAG GI DGOS PA'I DON MDZAD PA LA RTAG TU BRTZON, ,MGON PO GAL TE DE RING BDAG NI GSON PAR MCHIS BZHED NA, ,RAB

222a

, ,DGA'I SPYOD PA KUN DU BZANG PO BDAG LA DGYES PAR MDZAD DU GSOL, ,KHYOD NI RDO RJE'I 'DOD PA DAM TSIG MCHOG GI PHAN YON CHE, ,YANG DAG RDZOGS SANGS RGYAS KYI GDUNG MCHOG MNYAM NYID RJES BRTZE BA, ,MGON PO GAL TE DE RING BDAG NI GSON PAR MCHIS BZHED NA, , YON TAN RIN CHEN MANG PO'I GTER GYUR BDAG LA DGYES PAR MDZAD DU GSOL, ,DE NAS GLU'I NGOR MDZAD NAS ZHU BA BSDUS PA LAS BYUNG BA'I ZLA BA'I DKYIL 'KHOR LA GNAS PA'I DANG PO'I SA BON BSAMS LA DE LAS BYUNG BA'I DANG PO'I RDO RJE DE'I SNYING PO CAN BSGOMS NAS SNGA MA BZHIN DU SPRO BA DANG BSDU BA LA SOGS PA'I RIM GYIS RIG PA DANG BCAS PA'I RDO RJE 'DZIN PA'I RNAM PAR BDAG NYID GYUR PAR BSAM PAR BYA'O, ,RANG BZHIN DAG CING BDAG MED PA, ,CHOS KYI DBYINGS NI GNAS MED PA, ,RTOG PA'I RDO RJE LAS BYUNG BA'I, ,SMRA BAR BYED PA SMRA MA YIN, ,ZHES BYA BA'I TSIGS SU BCAD PA 'DIS DE'I SNYING PO'I RDO RJE MNYAM PA NYID DU LHAG PAR MOS PAR BYA'O, ,DE'I 'OG TU MIG DANG RNA BA DANG SNA DANG LCE DANG LUS DANG YID LA GO RIMS BZHIN DU KshIm DZRIm KHAm GAm shAm SAm ZHES BYA BA'I 'OD 'PHRO BA CAN DE DAG GI RNAM PAR SBYANGS LA, DE YONGS SU GYUR PA'I SA'I SNYING PO DANG PHYAG NA RDO RJE DANG NAM MKHA'I SNYING PO DANG 'JIG RTEN DBANG PHYUG DANG SGRIB PA THAMS CAD RNAM PAR SEL BA DANG KUN DU BZANG PO ZLA BA'I GDAN DANG ZLA BA'I 'OD MNGA' BA, GO RIMS BZHIN DU RNAM PAR SNANG MDZAD DANG MI BSKYOD PA DANG RIN CHEN DPAL DANG GSUNG GI DBANG PHYUG DANG DON YOD PAR GRUB PA DANG DPAL MCHOG DANG PO RNAMS DANG SKU MDOG DANG ZHAL DANG PHYAG MTSAN MTSUNGS PA RIN PO CHE'I COD PAN CAN, ,RIG PA DANG BCAS PA BYIN GYIS BRLAB PAR BYA'O, ,DE'I 'OG TU THUGS KA'I ZLA BA LA RANG GI MTSAN MA DANG SA BON YONGS SU GYUR PA LAS DAM TSIG SEMS DPA'I RNAM PA CAN GYI YE SHES SEMS DPA' DE'I THUGS KA LA ZLA BA DANG RDO RJE DANG SA BON GYIS BYIN GYIS BRLABS PAR BSAMS NAS DE BZHIN GSHEGS PA THAMS CAD KYI THUN MONG DU GYUR PA'I YE SHES SEMS DPA' RDO RJE 'CHANG CHEN PO BKUG CING BCUG LA, RIG PA DANG GNYIS SU MED PA'I SBYOR BAS BCING BA DANG, DBANG DU BYAS SHING DE BYIN GYIS

222b

BRLABS LA, AOm DHARMA DH'A TU BADZRA SVA BH'A WA A'ATMA KO&HAm, ZHES BYA BA'I SNGAGS KYIS BRTAN PAR BYA'O, ,DE'I 'OG LOGS SU ZLA BA'I DKYIL 'KHOR LA RDO RJE DANG SA BON YONGS SU GYUR PA'I THUGS RDO RJE PHYAG NA RDO RJE LTA BU THUGS KAR ZLA BA DANG RDO RJE DANG SA BON GYIS BYIN GYIS BRLABS PAR BSAMS NAS, DE BZHIN GSHEGS PA THAMS CAD KYI THUGS RDO RJE YANG DGUG PA DANG GZHUG PA DANG BCING BA DANG DBANG DU BYAS SHING DES BYIN GYIS BRLABS LA, AOm SARBA TA TH'A GA TA TZITTA BADZRA SVA BH'A WA A'ATMA KO&HAm ZHES BYA BAS DE BRTAN PAR BYA'O, ,DE BZHIN DU SPYI BOR ZLA BA'I DKYIL 'KHOR LA 'KHOR LO DANG, AOm LAS BYUNG BA'I SKU RDO RJE SA'I SNYING PO LTA BUR BSAMS NAS DE BZHIN GSHEGS PA THAMS CAD KYI SKU RDO RJES BYIN GYIS BRLABS LA, AOm SARBA TA TH'A GA TA K'A YA BADZRA SVA BH'A WA A'ATMA KO&HAm ZHES BYA BAS BRTAN PAR BYA'O, ,DE BZHIN DU LKOG MAR ZLA BA PADMA DANG, A'A: LAS BYUNG BA'I GSUNG GI RDO RJE 'JIG RTEN DBANG PHYUG LTA BUR BSAMS NAS DE BZHIN GSHEGS PA THAMS CAD KYI GSUNG GI RDO RJES BYIN GYIS BRLABS LA, AOm SARBA TA TH'A GA T'A WA KA BADZRA SVA BH'A WA A'ATMA KO&HAm ZHES BYA BAS BRTAN PAR BYA'O, ,DE NAS YE SHES SEMS DPA'I THUGS KA'I SA BON GYI 'OD ZER GYIS YANG DAG PAR BSKUL BA'I PHYOGS BCU'I DE BZHIN GSHEGS PA THAMS CAD NAM MKHA'I NGOS LA BYON PA RNAMS KYI THUGS KA'I SA BON GYI 'OD ZER LAS BYUNG BA'I RIG PA'I LHA MO RNAMS KYIS CI RIGS PAR PHYAG NA GDUGS DANG RGYAL MTSAN DANG ROL MO DANG RIN PO CHE'I BUM PA LA SOGS PA THOGS PA RNAMS KYIS DRI MA MED PA'I YE SHES KYI CHUS BDAG NYID DBANG BSKUR BAR GYUR PA DANG DE LAS BYUNG BA'I RIG PA DANG BCAS PA'I MI BSKYOD PA DANG BCAS PA RIN PO CHE'I COD PAN CAN BSAM PAR BYA'O, ,DE'I 'OG TU MDUN GYI GDAN LA RIGS KYI RIG PA THUGS KA'I PHYAG MTSAN DANG SA BON TZAM LAS BSKYED DE MNGON PAR PHYOGS PAR BYAS LA SNGA MA BZHIN DU MIG DANG LUS LA SOGS PA BYIN GYIS BRLABS LA, DE BZHIN DU DBANG BSKUR LA CHAGS PA DANG BCAS SHING CHAGS PA DANG BCAS PA'I MIG GIS BLTA BA BSAMS LA RANG GI RIG PA DANG GNYIS SU MED PAR BYA'O, ,

223a

, ,DE NAS DE'I SPYI BO DANG SNYING GA DANG LTE BA DANG GSANG BA DANG BRLA RTZA RNAMS LA GO RIMS BZHIN DU, AOm H'Um SV'A A'A:H'A ZHES BYA BA'I RIG PA BKOD LA, DE SPROS PA LAS SNYING GA'I BAR DANG LTE BA'I BAR DANG RKED PA NAS GSANG BA'I BAR DANG BRLA RTZA NAS RKANG PA'I MTHIL GYI BAR DU DKAR PO DANG NAG PO DANG DMAR PO DANG LJANG GUR BYA'O, ,DE'I 'OG TU, H'Um A'A:H'A AOm, ZHES BYA BA DE DAG GIS GO RIMS BZHIN DU PADMA DMAR PO 'DAB MA BRGYAD PA LA DE'I NOR BU ZUR GSUM MU TIG GI 'OD CAN RJES SU MTHUN PA'I BU GA CAN RDO RJE DMAR PO RTZE MO SHIN TU SBAS PA DE'I NOR BU MU TIG GI 'OD CAN BSKYED PAR BYA'O, ,DE NAS, AA NU R'A GA YA MI H'Um ZHES BRJOD LA DGA' BA BRTZAM PAR BYA BA DANG DE BZHIN GSHEGS PA THAMS CAD KYI BLA NA MED PA'I BDE BA DANG YID BDE BA MNGON SUM DU BYAS LA, AOm SARBA TATH'A GA TA AA NU R'A GA nA BADZRA SVA BH'A LA A'ATMA KO&HAm, ZHES BYA BAS KYANG BYIN GYIS BRLAB PAR BYA'O, ,DE NAS 'CHAD PAR 'GYUR BA'I RNAM PAS MCHOD PA DANG BSTOD PA DANG BDUD RTZI MYANG BA LA SOGS PA BYA'O, ,DE LTAR NA SGRUB PA ZHES BYA BA'I THABS YIN TE LE'U BCO BRGYAD PA LAS KYANG, GANG ZHIG THOG MA MED DNGOS RNAM DAG 'DI BSGOM PA, ,THABS DANG SHES RAB LAS BYUNG DPE DANG RNAM PAR BRAL, ,GSANG BA DBANG BSKUR BRTUL ZHUGS SDOM PA SBYOR LA RTAG ,BYANG CHUB RDO RJE 'DRA LTA DE LA PHYAG 'TSAL LO, ,ZHES 'CHAD PAS 'CHAD PAR 'GYUR RO, ,SGRUB PA CHEN PO LA MCHOD PA DANG BSTOD PA LA SOGS PA MED PAR SANGS RGYAS KYI BYANG CHUB KYI NGO BO CHOS KYI DBYINGS SHIN TU RNAM PAR DAG PA'I MTSAN NYID CAN SANGS RGYAS KYI CHOS THAMS CAD RO GCIG PA'I BDE BA CHEN PO'I RANG BZHIN NGO BO NYID KYI SKU'I BDAG NYID CAN 'DI NI DANG PO'I SBYOR BA ZHES BYA BA'I TING NGE 'DZIN DANG PO'O, ,DE LTAR DANG PO'I SBYOR BA RDZOGS NAS DON DAM PA'I DGA' BA LA GNAS PA'I SNGAGS PAS DGA' BA DE NYID, AOm SARBA TA TH'A GA TA AA NU R'A GA nA BADZRA SVA BH'A WA A'ATMA KO&HAm ZHES BYA BAS BYIN GYIS BRLABS LA, SNYING PO'I SA BON GYI 'OD ZER RNAMS KYIS DE BZHIN GSHEGS PA THAMS CAD BKUG LA BCUG STE RNAM PAR ZHU BA'I NOR

223b

BU'I BU GA NAS NOR BU'I BU GAR ZHUGS TE ZLA BA ZHU BA'I DKYIL 'KHOR DU GYUR PAR BSAM PAR BYA'O, ,DE BSDUS PA LAS BYUNG BA'I RANG GI SA BON GDAN DANG BCAS PA RNAM PAR BSAMS LA DE NYID LAS DKYIL 'KHOR PA THAMS CAD RE RE ZHING RDO RJE DAM TSIG GSUM GYIS BSKYED LA BZHI PAS GZHAG PAR BYA'O, , DE LA DANG POR SA BON DE NYID LAS BADZRA DHRiK CES BYA BA 'DIS KHRO BO'I RIGS NAM MKHA'I GTOS THAMS CAD KHYAB PA CAN SPROS NAS BSDUS PA LAS BYUNG BA'I MI BSKYOD PA CIG AINDRA N'I LA LTA BU ZHAL NAG PO DANG DKAR PO DANG DMAR PO CAN 'BAR ZHING MCHE BA CUNG ZAD GTZIGS PA RAL BA'I THOR TSUGS CAN RTZA BA'I PHYAG GNYIS KYIS RANG SDANG BA'I RIG MA LA 'KHYUD PA CAN, LHAG MAS RDO RJE DANG RAL GRI DANG NOR BU DANG PADMA BSNAMS PA BSAMS LA DE PHYUNG STE BCOM LDAN 'DAS KYI SKU DANG GSUNG DANG THUGS LA RANG GI SKU DANG GSUNG DANG THUGS KYI NANG DU GZHUG PAR BYA'O, ,DE NYID LAS DZI NA DZI KA CES BYA BA 'DIS DE BZHIN GSHEGS PA'I RIGS SPRO BA DANG BSDU BA LAS BYUNG BA'I RNAM PAR SNANG MDZAD STON KA'I ZLA BA LTA BU ZHAL DKAR PO DANG NAG PO DANG DMAR PO CAN ZHI BA RANG SNANG BA'I RIG MA LA 'KHYUD PA CAN, LHAG MAS 'KHOR LO DANG RAL GRI DANG NOR BU DANG PADMA BSNAMS PA RNAM PAR BSAMS LA SNGA MA BZHIN DU BYUNG STE SHAR PHYOGS KYI ZLA BA LA DGOD PAR BYA'O, ,DE NYID LAS RATNA DHRiK CES BYA BA 'DIS RIG PA'I RGYAL PO'I RIGS SPRO BA DANG BSDU BA LAS BYUNG BA'I RIN CHEN 'BYUNG LDAN GSER BCOM LTA BU ZHAL SER PO DANG NAG PO DANG DKAR PO CAN NOR BU DANG RAL GRI DANG 'KHOR LO DANG PADMA BSNAMS PA RNAM PAR BSAMS LA LTO PHYOGS KYI NYI MA LA DGOD PAR BYA'O, ,DE NYID LAS A'A RO Li KA CES BYA BA 'DIS RIG PA'I RGYAL MO'I RIGS SPRO BA DANG BSDU BA LAS BYUNG BA'I 'OD DPAG TU MED PA PADMA R'A GA LTA BU ZHAL DMAR PO DANG NAG PO DANG DKAR PO CAN PADMA DANG RAL GRI DANG NOR BU DANG 'KHOR LO BSNAMS PAR BSAMS LA NUB KYI NYI MA LA DGOD PAR BYA'O, ,DE NYID LAS PRADZNY'A DHRiK CES BYA BA 'DIS MCHOD PA'I LHA MO'I RIGS SPRO BA DANG BSDU BA LAS BYUNG BA'I GDON MI ZA BAR GRUB PA NOR BU MA RGAD LTA BU ZHAL LJANG GU DANG NAG PO DANG DKAR PO CAN RAL GRI DANG 'KHOR LO DANG NOR BU DANG PADMA BSNAMS PA BSGOMS LA BYANG GI

224a

, ,NYI MA LA DGOD PAR BYA'O, ,LNGA PO DE DAG NI RAL BA'I THOR TSUGS CAN YIN NO, ,DE NYID LAS MO HA RA T'I ZHES BYA BA 'DIS DE BZHIN GSHEGS PA THAMS CAD KYI SKU RDO RJE'I SPRIN SPROS TE GTI MUG DGA' MA'I GZUGS SU BSDUS PA LAS BYUNG BA'I SPYAN STON KA'I ZLA BA LTA BU GTZO BO DANG RJES SU MTHUN PAR ZHAL GSUM PA RIN PO CHE'I COD PAN CAN RTZA BA'I PHYAG GNYIS KYIS RANG SNANG BA'I THABS LA 'KHYUD PA CAN LHAG MAS 'KHOR LO DANG RAL GRI DANG NOR BU DANG PADMA BSNAMS PAR BSAMS LA ME'I PHYOGS KYI ZLA BA LA DGOD PAR BYA'O, ,DE NYID LAS DVE shA RA T'I ZHES BYA BA 'DIS DE BZHIN GSHEGS PA THAMS CAD KYI THUGS RDO RJE'I SPRIN SPROS TE ZHE SDANG DGA' MA'I GZUGS SU BSDUS PA LAS BYUNG BA'I M'A MA K'I AINDRA N'I LA LTA BU, AUTPALA DMAR PO DANG RAL GRI DANG NOR BU DANG PADMA BSNAMS PA BDEN BRAL GYI PHYOGS KYI ZLA BA LA DGOD PAR BYA'O, ,DE NYID LAS R'A GA RA T'I ZHES BYA BA 'DIS DE BZHIN GSHEGS PA THAMS CAD KYI GSUNG GI RDO RJE'I SPRIN SPROS TE 'DOD CHAGS DGA' MA'I GZUGS SU BSDUS PA LAS BYUNG BA'I GOS DKAR MO PADMA R'A GA LTA BU PADMA DANG RAL GRI DANG NOR BU DANG 'KHOR LO BSNAMS PA RLUNG GI PHYOGS KYI ZLA BA LA DGOD PAR BYA'O, ,DE NYID LAS BADZRA RA T'I ZHES BYA BA 'DIS SKU DANG GSUNG DANG THUGS DAM TSIG RDO RJE'I SPRIN SPROS TE RDO RJE DGA' MA'I GZUGS SU BSDUS PA LAS BYUNG BA'I SGROL MA GSER BCOM LTA BU AUTPALA SER PO DANG, RAL GRI DANG NOR BU DANG PADMA BSNAMS PA DBANG LDAN GYI PHYOGS KYI ZLA BA LA DGOD PAR BYA'O, ,BZHI PO 'DI DAG NI GO RIMS BZHIN DU YONGS SU RTZOM PA DANG SO SOR 'BIGS PA DANG RNAM PAR DPYOD PA DANG YE SHES 'BYUNG BA'I RO 'DOD PA STON PAR BYED PA'I BZHIN 'DZUM PA DANG ZUR GYIS LTA BA LA SOGS PA'I RNAM PAR 'GYUR BAS NYE BAR MDZES PA YIN NO, ,DE NYID LAS, AOm A'A:H'Um ZHES BYA BA'I DE KHO NA NYID GSUM BRJOD CING, NYAMS DGA' BA SNA TSOGS PA'I GZUGS DANG SGRA DANG DRI DANG RO DANG REG BYA STE MCHOD PA RNAM PA LNGA'I SPRIN SPRO BA DANG BSDUS PA LAS BYUNG BA'I GO RIMS BZHIN DU, GZUGS DANG SGRA DANG DRI DANG RO DANG REG BYA DANG CHOS KYI DBYINGS KYI RDO RJE DKAR PO DANG NAG PO DANG SER PO DANG DMAR PO DANG LJANG GU DANG DKAR PO STE G-YAS

224b

PA GNYIS PAS ME LONG DANG PI WANG DANG DUNG CHOS DANG RO'I SNOD DANG SNA TSOGS PA'I GOS DANG CHOS 'BYUNG BA BSNAMS PA, PHYAG LHAG MA GSUM GYIS RAL GRI DANG NOR BU DANG PADMA BSNAMS PA RIM PA BZHIN DU RNAM PAR BSGOMS LA, GO RIMS BZHIN DU PHYI ROL GYI RIM PA'I ME LA SOGS PA'I MTSAMS BZHI DANG, RTZA BA'I SGO'I LOGS GNYIS KYI ZLA BA'I DKYIL 'KHOR DAG LA DGOD PAR BYA'O, ,LHA MO BCU PO DE DAG KYANG RIN PO CHE'I COD PAN CAN SGEG PA'I NYAMS KYIS RNAM PAR 'GYUR ZHING ROL PA'O, ,BCU PO 'DI DAG DANG, RGYAL BA LNGA NI RDO RJE'I SKYIL KRUNG CAN LHA'I RGYAN DANG NA BZA' CAN NO, ,PHYOGS GZHAN LA NI DE KHO NA GSUM PO DE NYID KYIS LHO DANG NUB DANG BYANG GI SGO'I NGOS GNYIS KYI ZLA BA RNAMS LA SA'I SNYING PO DANG PHYAG NA RDO RJE DANG NAM MKHA'I SNYING PO DANG 'JIG RTEN DBANG PHYUG DANG SGRIB PA SEL BA DANG KUN DU BZANG PO STE DRUG PO 'DI DAG RIN PO CHE'I COD PAN DANG MDOG DANG ZHAL DANG MTSAN MA RNAMS 'KHOR LOS SGYUR BA DRUG DANG 'DRA BAR BSAM PAR BYA'O, ,DE NYID LAS YA M'ANTA KRiTA PRADZNY'ANTA KRi TA PADM'ANTA KRiTA, BAGHN'ANTA KRiTA CES BYA BAS KHRO BO'I RIGS SPRO BA DANG BSDU BA LAS BYUNG BA'I GO RIMS BZHIN DU, GSHIN RJE MTHAR BYED DANG SHES RAB MTHAR BYED DANG PADMA MTHAR BYED DANG BGEGS MTHAR BYED DANG NAG PO DANG DKAR PO DANG DMAR PO DANG NAG PO G-YAS KYI GNYIS PA NA RDO RJE'I THO BA DANG RDO RJE'I DBYUG PA DANG PADMA 'BAR BA DANG RDO RJE KHA GYES PA BSNAMS PA, CIG SHOS GSUM GYIS RAL GRI DANG NOR BU DANG PADMA BSNAMS PA, PADMA MTHAR BYED KYI CIG SHOS GSUM GYIS RAL GRI DANG NOR BU DANG 'KHOR LO BSNAMS PAR BSAMS NAS SHAR PHYOGS LA SOGS PA'I SGO'I NYI MA LA DGOD PAR BYA'O, ,BZHI PO DE DAG NI, HA HA ZHES BZHAD LJAGS BSKYOD PA, MCHE CAN SMIN GNYER GSUS PA 'PHYANG, ,SMIN MA RDZI MA AAG TSOM SER, ,SPYAN DMAR MI'U THUNG SBOM LA DRAG ,DUS MTHA'I ME LTAR 'BAR BA STE, ,DBU SKRA KHAM SER GYEN BRJES 'BAR, ,G-YON BRKYANG GIS BZHUGS SBRUL GYIS BRGYAN, ,STAG GI PAGS PA'I SHAM THABS CAN, ,YIN NO, ,DE LTAR RNAM PA THAMS CAD DU RDZOGS PA'I DKYIL 'KHOR LA RNAM PAR BLTAS LA SNYING PO'I SA BON GYI 'OD

225a

, ,ZER RNAMS KYIS YE SHES KYI DKYIL 'KHOR BKUG LA DAM TSIG GI DKYIL 'KHOR GYI MDUN DU GZHUG PAR BYA'O, ,DE DANG LHAN CIG 'ONGS PA'I BGEGS KYI RIGS SGO SRUNG RNAMS KYIS BSKRAD LA DE DAG NYID KYI SNYING POS DKYIL 'KHOR BSRUNG BA BYAS LA RANG GI GSANG SNGAGS BZLAS PA'I MCHOD YON PHUL NAS DE SGO SRUNG RNAMS KYIS DGUG PA DANG GZHUG PA DANG BCING BA DANG MNYES PA RNAMS BYA'O, ,DE LTAR DAM TSIG GI DKYIL 'KHOR DANG YE SHES KYI DKYIL 'KHOR GCIG TU BYAS NAS THAMS CAD KYI THUGS KA DANG DBU DANG LKOG MA DANG THUGS KYI GNAS SU ZLA BA DANG MTSAN MA DANG ZLA BA LA GNAS PA'I YE SHES DANG SKU DANG GSUNG DANG THUGS KYI SA BON BYIN GYIS BRLAB PAR BYA'O, ,DE NAS RANG GI SNYING PO'I SA BON GYI 'OD ZER GYIS BKUG NAS NAM MKHA'I NGOS LA BZHUGS PA'I PHYOGS BCU'I SANGS RGYAS RNAMS KYI SNYING PO'I SNGAGS KYI 'OD ZER LAS BYUNG BA'I RIG PA'I TSOGS KYIS PHYAG NA YE SHES KYI CHU'I BUM PA BSNAMS PA RNAMS KYIS DBANG BSKUR BA DANG DE RNAMS KYI COD PAN LA 'KHOR LOS BSGYUR BA RE RE 'BYUNG BAR BLTA BAR BYA STE, 'DI LTAR MI BSKYOD PA'I RDO RJE 'CHANG NGO, ,RNAM PAR SNANG MDZAD LA SOGS PA NI MI BSKYOD PA'O, ,SPYAN MA LA SOGS PA NI 'OD DPAG TU MED PA'O, ,GZUGS RDO RJE LA SOGS PA NI DON YOD PAR GRUB PA'O, ,KHRO BO RNAMS KYI NI MI BSKYOD PA'O, ,YANG NA MI BSKYOD PA MA GTOGS PA LHA THAMS CAD KYI YANG MI BSKYOD PA'O, ,DE NAS DE BZHIN GSHEGS PA DE RNAMS RANG GI SNYING PO'I SA BON LAS BYUNG BA'I RIGS KYI RIG PA RNAMS CI RIGS PAR DKYIL 'KHOR GYI BDAG PO DANG DE BZHIN GSHEGS PA BZHI LA RIG PA'I BRTUL ZHUGS SBYIN PAR BYA'O, ,SGRUB PA'I RNAL 'BYOR PAS KYANG MIG LA SOGS PA BYIN GYIS BRLABS PA'I SNGON DU SNYING GA'I SA BON GYI 'OD ZER RNAMS KYIS YE SHES KYI RDO RJE 'CHANG BKUG STE MDUN GYI NAM MKHA'I ZLA BA LA BZHAG STE BGEGS BSAL BA DANG MCHOD YON DANG ZHABS BSIL DBUL BA BYAS NAS BDAG NYID LA DE DNGOS PO THAMS CAD KYIS GZHUG PAR BYA'O, ,DE NAS GZUGS LA SOGS PA THAMS CAD RANG GI SNYING GA'I SA BON GYI 'OD ZER GYIS BKUG LA, GONG BU'I TSUL DU BCUG STE ZHU BAR GYUR

225b

PA PADMA'I NANG DU CHUD PAR BSAM PAR BYA'O, ,DE'I RJES LA SHES RAB KYI BA SPU'I KHUNG BU RE RE NAS PHYUNG BA'I 'OD ZER DE'I SGO LAS BYUNG BA'I GZUGS RDO RJE MA LA SOGS PA'I LHA MO DRUG PO BDAG NYID JI LTA BA BZHIN DU LHA LAS KHYAD PAR DU 'PHAGS PA'I GZUGS DANG SGRA DANG DRI DANG RO DANG REG BYA SNA TSOGS DANG DRUG PA LAS MCHOD PA LNGA'I SPRIN SPRO BA LA MKHAS PA RNAM PA MANG DU GYUR PA BDE BA'I MCHOG SKYED PAR BYED PA RNAMS KYIS NAM MKHA'I LTOS BRGYAN PAR GYUR PAR BSAMS LA, AOm SARBA TA TH'A GA TA P'U DZA BADZRA SVA BH'A WA A'ATMA KO&HAm, ZHES BYA BAS KYANG BYIN GYIS BRLAB PAR BYA'O, ,DE NAS DKYIL 'KHOR BA THAMS CAD KYI ZHAL NAS CIG CAR 'BYUNG BA'I TSIGS SU BCAD PA LNGA, MI BSKYOD RDO RJE YE SHES CHE, ,RDO RJE DBYINGS NI MKHA' CHEN PO, ,RDO RJE GSUM MCHOG DKYIL 'KHOR GSUM, ,RDO RJE DBYINGS KHYOD PHYAG 'TSAL LO, ,RNAM PAR SNANG MDZAD DAG PA CHE, ,RDO RJE ZHI BA DGA' BA CHE; ,RANG BZHIN 'OD GSAL MCHOG GI MCHOG ,STON PA RDO RJE KHYOD PHYAG 'TSAL, ,RIN CHEN RGYAL PO RAB TU ZAB, ,RDO RJE NAM MKHA' DRI MA MED, ,RANG BZHIN DAG PA GOS PA MED, ,RDO RJE SKU KHYOD PHYAG 'TSAL LO, ,RDO RJE BAG MED RGYAL PO CE, ,MI RTOG NAM MKHA' RDO RJE 'DZIN; ,'DOD CHAGS PHA ROL PHYIN PA BRNYES, ,RDO RJE GSUNG KHYOD PHYAG 'TSAL LO, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA'I NGO BO NYID LAS BYUNG, ,RDO RJE SEMS DPA' KHYOD PHYAG 'TSAL, ,ZHES BYA BAS MNGON PAR BSTOD PAR BYA'O, ,DE NAS BDUD RTZI LNGA PO BSAM PA 'AM DGUG PA CHO GA BZHIN DU BSKYED LA YI GE H'Um LAS RDO RJE DKAR PO PHRA MO LCE'I DBUS SU BSAMS LA SPRO BSDU'I SBYOR BAS DE'I RANG BZHIN CAN GYI LCER BYAS TE GTZO BO DANG BCAS PA'I DKYIL 'KHOR SNYING GA'I ZLA BA CHEN PO LA MOS PAR BYAS TE DES TSIM PAR BYA'O, ,DE NAS SANGS RGYAS RNAMS KYI NGO BO NYID KYI SKU GZHAN GYIS RAG PAR BYA BA MA YIN PAS NA SANGS RGYAS KYI CHOS THAMS CAD RO GCIG PA BDE BA CHEN PO'I RANG BZHIN CAN DKYIL 'KHOR GYI GTZO BO'I BDAG NYID DANG DE'I RGYU MTHUN PAR GYUR PA SANGS RGYAS THAMS CAD KYI CHOS KYI

226a

, ,LONGS SPYOD KYI NGO BO'I DKYIL 'KHOR CHEN PO'I BYANG CHUB SEMS DPA' CHEN PO RNAMS DANG LHAN CIG KUN DU LONGS SPYOD PAR GYUR LA BDE BA CHEN PO 'BEBS PAS GZHAN GYI DBANG DU GYUR PAS GNYI GA JI SRID 'DOD KYI BAR DU BSGOM PAR BYA'O, ,DE LTAR NA LONGS SPYOD RDZOGS PA'I SKU'I BDAG NYID CAN DKYIL 'KHOR GYI RGYAL PO'I MCHOG CES BYA BA STE TING NGE 'DZIN GNYIS PA'O, ,DE NAS BDAG POS DKYIL 'KHOR BA'I LHA THAMS CAD BSKUL ZHING RANG GI SKU'I SPRIN SPROS PAS PHYOGS BCU'I SEMS CAN THAMS CAD KYI DON MDZAD NAS RANG GI SKU'I SPRIN BDAG NYID LA BSDU BAR BYA'O, ,DE LA RNAM PAR SNANG MDZAD KYI SEMS CAN THAMS CAD DE BZHIN GSHEGS PA THAMS CAD KYI GZUGS KYI DE KHO NA NYID RNAM PAR THAR PA'I TING NGE 'DZIN MCHOG TU MDZAD DO, ,RNAM PAR SHES PA'I DE KHO NA NYID NI MI BSKYOD PAS SO, ,TSOR BA'I DE KHO NA NYID NI RIN CHEN 'BYUNG LDAN GYIS SO, ,'DU SHES KYI DE KHO NA NYID NI 'OD DPAG TU MED PAS SO, ,'DU BYED KYI DE KHO NA NYID NI DON YOD GRUB PAS SO, ,GZUGS KYI DE KHO NA NYID NI YANG DAG PAR MTHONG BA'I DGA' BA NI SPYAN GYIS SO, ,RNAM PAR SHES PA'I DE KHO NA NYID NI M'A MA K'IS SO, ,CHOS KYI DE KHO NA NYID NI GOS DKAR MOS SO, ,LAS KYI DE KHO NA NYID NI SGROL MAS SO, ,GZUGS KYI DE KHO NA NYID NI THOB PA LA SGRIB PA ZAD PAR BYED PA NI GSHIN RJE MTHAR BYED KYIS SO, ,RNAM PAR SHES PA'I DE KHO NA NYID NI SHES RAB MTHAR BYED KYIS SO, ,CHOS KYI DE KHO NA NYID NI PADMA MTHAR BYED KYIS SO, ,LAS KYI DE KHO NA NYID NI BGEGS MTHAR BYED KYIS SO; ,MCHOG TU KHA NA MA THO BA MED PA DANG MCHOG TU NYAMS DGA' BA'I GZUGS LA SOGS PA'I YUL SNA TSOGS DBANG DU BYED PA NYID NI GZUGS RDO RJE MA LA SOGS PAS SO, ,SA'I SNYING PO LA SOGS PAS NI GZUGS MTHONG BA LA SOGS PA LA DBANG BSGYUR BAR RO, ,DKYIL 'KHOR GYI BDAG PO'I BDAG NYID NI BLA NA MED PA'I BYANG CHUB KYI BDE BA STZOL BAR MDZAD DO, ,SGRIB PA KUN LAS NGES GROL BA, ,SANGS RGYAS KUN GYI YON TAN GNAS, ,RTAG CING BLA NA MED BDE BA, ,RDO RJE 'CHANG BA CHEN PO'I GNAS, ,ZHES GSUNGS PA YIN NO, ,DE NI BLA NA MED PA'I

226b

BYANG CHUB KYI BDE BA'O, ,DE'I 'OG TU BDAG DANG GZHAN GYI DON PHUN SUM TSOGS PA LA DGA' BA'I DON NYAMS SU MYONG BA'I PHYIR KHYAD PAR DU BDE BA DANG YID BDE BA DE GZHAN GYI DBANG GI BDAG NYID 'KHOR DANG BCAS PA JI SRID 'DOD KYI BAR DU BSGOM PAR BYA'O, ,DE LTAR NA SPRUL BA'I SKU'I BDAG NYID CAN TE LAS KYI RGYAL PO'I MCHOG CES BYA BA STE TING NGE 'DZIN GSUM PA'O, ,SGRUB PA'I RNAL 'BYOR PAS CHO GA BZHIN DU BDUD RTZI MYONG BA'I RJES THOGS LA RANG GI SNYING GA'I SNGAGS NYID LAS DKYIL 'KHOR PA THAMS CAD LA PHAN PA'I DON SNGA MA BZHIN DU BYAS LA DE NYID DU DE RNAMS YANG DAG PAR BSDUS TE, PHUN SUM TSOGS PA'I BDAG NYID MNYAM PA MED PA'I BDE BA DANG YID BDE BA'I RO GCIG PA NGAL BA MED PA'I BAR DU BSGOM PAR BYA'O, ,DE LTAR SGRUB PA'I RNAL 'BYOR PA DANG SGRUB PA CHEN PO'I RNAL 'BYOR PA BSGOMS PAS DUB PAR GYUR NA NGAL BSOS LA BZLAS BRJOD BYA'O, ,DE LA DANG POR YE SHES SEMS DPA'I THUGS KA'I ZLA BA'I DKYIL 'KHOR GYI DBUS NA GNAS PA'I RANG GI MTSAN MA RANG GI NGO BO NYID DU GYUR PA DE'I LTE BA'I ZLA BA'I DKYIL 'KHOR LA GNAS PA'I RANG GI SA BON GYI DON NYID LA NGES PAR BRTAG PAR BYA'O, ,SHES DANG SHES BYA GNYIS MED PA, ,BDAG LUS BDE BA RDZOGS BYANG CHUB, ,DANG PO'I RDO RJE DANG PO'I DBYANGS, ,SEMS DANG NGAG KYANG DE DON YIN, ,ZHES BYA BA YIN NO, ,DE'I 'OG TU ZLA BA'I DKYIL 'KHOR LA GNAS PA'I RANG GI SA BON GYI MDUN DANG G-YAS DANG G-YON PHYOGS KYI CHA DAG LA GO RIMS BZHIN DU SKU DANG GSUNG DANG THUGS KYI SA BON DANG SA BON GYI GDAN BZHI BSAM MO, ,DE LA DBUS MA GANG YIN PA DE NI RANG GI SEMS TE DE NI SNA TSOGS PA YIN LA DE NYID NI RDO RJE GSUM MI PHYED PA'I NGO BO NYID YIN PAR RDO RJE'O, ,CIG SHOS GSUM PO NI DE NYID KYI DBYE BA YIN PA DE NYID KYI PHYIR RDO RJE GSUM MI PHYED PA'I NGO BO NYID KYIS RANG GI SEMS YANG DAG PAR MTSON PA NI RDO RJE BZLAS PA ZHES BSHAD DE, SNGAGS KYI DON KUN BZLAS PA NI, ,RDO RJE MI PHYED GSUM GYIS MTSAN, ,RDO RJE DBYE BA GSUM NI MTHAR, ,BKOD PA RDO RJE GSUM ZHES BYA, ,ZHES GSUNGS PA'I PHYIR RO, ,DE LA SNA TSOGS PA LAS KHA DOG LNGA'I 'OD ZER SPRO ZHING DBYE BA LAS NI KHA DOG RE RE'O, ,DE NAS YI GE BZHI PO'I SNGAGS

227a

, ,RIM PA 'DIS BZLAS PAR BYA STE, YE SHES KYI SNYING PO BRJOD PA NA DBYE BA DANG SNA TSOGS PA RNAMS RANG GI SEMS TZAM NYID DU DE NYID KYIS MOS PAR BYA'O, ,BYANG CHUB BDAG MED PA BRJOD PA NA MING DANG DON DAG GI BLO BDAG MED PAR LHAG PAR MOS PAS THA SNYAD NAM MKHA' LTA BU'O, ,SNA TSOGS PA BRJOD PA NA RANG GI SEMS NYID SNA TSOGS PA'I NGO BO NYID DU MOS PAR BYAS TE, DE NYID LAS DE BZHIN GSHEGS PA THAMS CAD KYI SKU DANG GSUNG DANG THUGS KYI SPRIN SPRO BA'I PHYIR RO, ,DRAG PO BRJOD PA NA MNYAM PA NYID DU MOS PAR BYA BA STE, SKU LA SOGS PA'I SPRIN GSUM PO SNA TSOGS PA LAS, SNA TSOGS PA'I SPRIN SPROS PA GSUM DANG RO GCIG PAR BYED PA'I PHYIR RO, ,DE LTAR NA RE ZHIG LAN DANG PO LA DE LTAR YIN NO, ,LAN GNYIS PA LA SOGS PAR NI YE SHES KYI SNYING PO BRJOD CING SPROS PA RANG GI SEMS TZAM NYID DU MOS PAR BYA STE, RANG GI SEMS SU SDUD PA YIN NO; ,LHAG MA RNAMS NI LAN DANG PO 'DRA BA'O, ,LAN GNYIS PA LA SOGS PA JI LTA BA BZHIN DU THAMS CAD KYI PHYI MA'I LAN YANG YIN MOD KYI 'ON KYANG SNA TSOGS PA NYID BRJOD CING SPRO BAR NI MI BYA STE DBYE BA RNAMS LA YANG SNA TSOGS PA'I RAB TU DBYE BA NYID DU MOS PAR BYA'O, ,DRAG PO NYID BRJOD PA NA YANG SPRO BAR MI BYA STE, DBYE BA RNAMS LA YANG MNYAM PA NYID DU MOS PAR BYA STE, 'DI NI 'DI'I RDO RJE BZLAS PA'O, ,DE LA YANG RNAM PA GNYIS TE GANG GI TSE DBYE BA LAS DBYE BA DANG SNA TSOGS PA LAS SNA TSOGS PA SPROS NAS SNA TSOGS PAR SDUD PA DE'I TSE THAMS CAD LAS SPROS PA'I RDO RJE BZLAS PA'O,, YANG GANG GI TSE SNA TSOGS PA NYID LAS DBYE BA DANG SNA TSOGS PA YANG DAG PAR SPROS NAS DBYE BA DAG LA SDUD PA DE'I TSE GCIG BU NYID LAS SPROS PA NI RDO RJE BZLAS PA YIN PA DE LTAR NA RDO RJE BZLAS PA NI RNAM PA GNYIS SO, ,YANG NA RANG GI SKU DANG THUGS DANG GSUNG GI DON DE BZHIN DU DPYAD LA YE SHES SEMS DPA'I THUGS KAR RJES SU MTHUN PA'I GDAN LA SNYING PO'I SNGAGS BLTAS TE SA BON DE NYID LA ZLUM POR YONGS SU BSKOR BA MGO GYEN DU LTA BA'I SNGAGS KYI YI GE'I PHRENG BA MAR ME'I PHRENG BA LTA BU 'BAR BAS G-YAS NAS BSKOR BAR YID KYIS BRIS LA DE NYID LA YID MNYAM PAR GZHAG STE,

227b

DE NYID ZLOS SHING JI SRID 'DOD KYI BAR DU BZLA BAR BYA STE DE NI 'GOG PA'I BZLAS PA'O, ,DE LTAR BZLAS PA DANG BSGOMS PA DAG GIS DUB PAR GYUR NA SGRUB PA CHEN PO'I RNAL 'BYOR PAS MCHOD PA DANG BSTOD PA LA SOGS PA CHO GA BZHIN DU BYAS LA, YI GE GSUM GYIS DKYIL 'KHOR NYE BAR BSDU BAR BYAS TE, BLO DANG BDAG MED MNYAM PA NYID, ,STON PA GSUM GYIS RIM BZHIN DU, ,SKU GSUNG THUGS KYI SA BON LA, ,RGYAL BA LHA MO MTHAR BYED BSDU'O, ,DE NAS STOBS JI LTA BA BZHIN DU'AM MDOR BSDU NA TSIGS SU BCAD PA GNYIS PO 'DIS, ,SANGS RGYAS KUN GYI KUN BDAG NYID, ,RDO RJE 'CHANG BA CHEN PO'I GNAS, ,DGE BA 'DI YIS THOB GYUR CIG ,'GRO BAS KYANG NI DE THOB SHOG ,BYANG CHUB PHYIR NI SPYOD GANG DANG, ,RDZOGS SANGS RGYAS KYI GANG YIN PA, ,BYANG CHUB RDO RJES GSUNGS PA YI, ,SPYOD DE GNYI GA BDAG SPYOD SHOG ,CES SMON LAM GDAB PAR BYA'O, ,DE NAS CHOS 'BYUNG NI NAM MKHA' DANG GZHAL YAS KHANG NI PHYI'I SA LA SOGS PA LA THIM PAR BLTAS LA BDAG NYID KYI PHUNG PO LNGA NI SANGS RGYAS LNGA DANG, SKYE MCHED DRUG NI BYANG CHUB SEMS DPA' DRUG TU MOS PAR BYAS LA LANGS NAS MOS PA'I SBYOR BA DE NYID KYIS GNAS PAR BYA'O, ,'DIR BRJOD PA, NGA NI 'KHOR LO'I BDAG PO DANG, ,NGA PHUNG DBANG BCAS 'KHOR LO YIN, ,'BYUNG BA LNGA NI GNAS YIN ZHES, ,YANG YANG MOS SHING GNAS PAR BYA, ,GZHAN YANG, TING 'DZIN GNAS KYANG RNAM BCAS PA, ,MTHONG GANG DE NI GNYIS MED PA'I, ,YE SHES RGYU MTHUN YE SHES TE, ,SGYU MA LTA BU'I MCHOG TU BRTAG ,CES BSHAD DO, ,SGRUB PA'I RNAL 'BYOR PAS KYANG DKYIL 'KHOR NYE BAR BSDU BA LAS GZHAN PA 'DI DAG THAMS CAD BYA'O, ,THUN MTSAMS SU YANG SGRUB PA'I RNAL 'BYOR PAS DE BZHIN DU BSAM GTAN GYI KHANG PAR ZHUGS LA 'DUG STE, SKAD CIG GIS 'BYUNG BA LNGA LAS YONGS SU GYUR PA'I GZHI'I DKYIL 'KHOR DE'I DBUS MA'I GDAN LA 'DUG PA'I RDO RJE SEMS DPAR BDAG NYID BSAMS LA MIG DANG SKU LA SOGS PA BYIN GYIS BRLABS TE, MI BSKYOD PA'I COD PAN CAN RANG GI RIG MA DANG GNYIS SU MED PAR GYUR PA'I RIGS KYI RIG PA DANG YANG DAG PAR SBYOR BA CAN DMIGS PAR BYA'O, ,

228a

, ,SGRUB PA CHEN PO'I RNAL 'BYOR PAS NI SNGAR BSDUS PA'I DKYIL 'KHOR PA RNAMS KYANG SKU LA SOGS PA'I SA BON RNAMS LAS BYUNG STE, GNAS JI LTA BA BZHIN DU BKOD LA CI RIGS PAR SKU LA SOGS PAS BYIN GYIS BRLAB PA DANG COD PAN GYIS DBANG BSKUR BA DANG, RIG PA'I BRTUL ZHUGS DANG LDAN PAR DE RNAMS MOS PAR BYAS LA SDOM PA DANG MCHOD PA DANG BSTOD PA DANG BDUD RTZI MYANG BA DANG BZLAS PA LA SOGS PA YANG BYAS TE SNGA MA BZHIN DU LANGS LA DE BZHIN DU GNAS PAR BYA'O, ,THUN MTSAMS THA MA LA YANG RNAM PA 'DI NYID YIN NO, ,KHYAD PAR NI 'DI YIN TE, AOm KHYED KYIS 'GRO BA'I DON KUN MDZAD, ,RJES SU MTHUN PAR DNGOS GRUB STZOL, ,SANGS RGYAS YUL DU GSHEGS NAS NI, ,SLAR YANG GSHEGS PAR MDZAD DU GSOL, ,AOm BADZRA MU: ZHES BYA BAS YE SHES SEMS DPA' 'AM YE SHES KYI DKYIL 'KHOR GSHEGS SU GSOL BAR BYA'O, ,DE NAS DAM TSIG GI DKYIL 'KHOR SNGA MA BZHIN DU NYE BAR BSDUS LA, DON DAM PA BYANG CHUB KYI SEMS CHEN PO MNGON SUM DU BYAS TE 'BAD RTZOL MED PAR NYAL BAR BYA'O, ,SAD PA'I TSE NA YANG LHA MO BZHI'I GLUS BSKUL BAR BSAMS LA DE NAS LANGS TE ZHAG SNGA MA BZHIN DU THAMS CAD BYA'O, ,DE LTAR NYIN RE'I THUN MTSAMS SAM GNAS SKABS JI LTA BA BZHIN DU DE DAG THAMS CAD BYA STE, TSOGS BSAGS PA LA NI THUN LA SOGS PA'I NGES PA MED PA'I PHYIR RO, ,NUS PA YOD NA NGES PA YOD PA NYID DE, DE NI DGE BA RNAMS LA RAB KYI MTHAR THUG PAR BYED PA NYID KYI PHYIR RO, ,DE LTAR GOMS PAR BYED PA NYID KYI DUS SU SGOM PA'AM BZLAS PA GRUB PAR 'GYUR TE, GRUB PA DE YANG DE LA DMIGS PA MA LUS PA SHIN TU GSAL BAR SNANG BA RGYUN MI 'CHAD PA'I PHYIR RAM LHUN GYIS GRUB PA LAS BYUNG BA'I DGA' BA'I SHUGS RGYUN MI 'CHAD PA'I PHYIR RAM NYE BAR GYUR PA'I SGRA GSAL BA MA THOS PA LA SOGS PA'AM, LE'U BCO LNGA PA LAS GSUNGS PA'I RMI LAM GYI KHYAD PAR RNAMS KYIS YANG DAG PAR SHES PAR BYA'O, ,YANG DAG PAR SHES PAR BYAS NAS BSGOM PA DANG BZLAS PA'I STOBS LAS JI LTAR MTSAN MA DE DAG 'BYUNG BAR 'GYUR BA DE BZHIN DU YUN RING PO MI THOGS PAR 'GRUB PAR 'GYUR RO ZHES NGES PAR BYAS LA DNGOS GRUB NYE BAR BYA BA'I PHYIR

228b

SEMS LA DPYAD PA DANG NAM MKHA'I RDO RJE BSGOM PAR BYA'O, ,NGA'I LUS DANG NGAG DANG YID RTEN DANG BRTEN PA'I DKYIL 'KHOR GYI TSUL DU SNANG BA GANG YIN PA DAG NI NGA'I SEMS TZAM STE RANG GI SEMS LAS GZHAN SNANG BA MI RIGS PA'I PHYIR RO ZHES BYA BA NI SEMS LA DPYAD PA'O, ,SEMS TZAM DE YANG DON DAM PAR SNANG BA TZAM GNYIS MED PA STE, RNAM PA'I DBYE BA TZAM NI BRDZUN PA NYID KYIS DON DAM PA MTHONG BA LA NUB PA'I PHYIR RO ZHES BYA BA NI NAM MKHA'I RDO RJE 'BA' ZHIG DRI MA MED PA NAM MKHA' MTHA' YAS PA LTA BU SNANG BA MED PA'I YE SHES SO, ,DE'I 'OG TU RI PHUG DANG DGON PA CHEN PO DANG MTSO'I NGOGS DANG CHU'I NGOGS LA SOGS PA SKYE BO MED PAR RJES SU MTHUN PAR SKYE BO DAM PA'I GROGS DANG LDAN PAR GNAS LA, BSNYEN PA YAN LAG DRUG DANG LDAN PA LA SOGS PA'I CHO GA'I DNGOS GRUB KYI MCHOG GI DBANG DU BYAS NAS BSGRUB PAR BYA'O, ,DE SKAD DU YANG, GANG ZHIG DNGOS GRUB MCHOG GI THABS NI 'DI BSGOM PA, ,BSNYEN PA'I CHO GA NYE BAR SGRUB DANG SGRUB PA DANG, ,SGRUB PA CHEN POS BLO MI 'GYUR BA'I SGRUB DBANG PO, ,BYANG CHUB RDO RJE 'DRA BLTA DE LA BDAG PHYAG 'TSAL, ,ZHES GSUNGS PA YIN NO, ,GANG YANG LHA GZHAN DAG GI SBYAR BAS DNGOS GRUB KYI MCHOG 'DOD PA DE RNAMS KYI CHO GA 'DI RNAMS THAMS CAD NYID BYAS TE, SA BON DANG SKU MDOG DANG PHYAG MTSAN DANG SNGAGS LA SOGS PA LA NI KHYAD PAR YOD DE 'DIR TSIGS SU BCAD PA NI, GZHAN GYI SA BON SNGAGS DANG RIGS, ,DE NYID RIG PA'AM RIG SKYES BU; ,DE DAG RJES SU DPAG PAR BYA, ,GZHAN RNAMS THAMS CAD BSHAD PA YIN, ,RGYUD GZHAN LAS NI BSTAN PA YI, ,SA BON SKU MDOG RIGS LA SOGS, ,MTSAN MA 'AM MTSAN MA BZHI PO DAG ,DE NYID LAS NI NGES PAR BZUNG, ,GSUNGS PA'AM MA GSUNGS PA BZHIN DU, ,GZHAN LAS SA BON STZOGS GZUNG BYA, ,'DUS PA'I CHO GAS RDO RJE RNAMS, ,THAMS CAD 'DUS PA PA YIN PHYIR, ,THUGS KYI DKYIL 'KHOR GRUB PA'I PHYIR, ,'KHOR LO CAN GYI RTEN GNAS KYI, ,GAL TE RGYAL GZHAN DBUS MAR GYUR, ,DE YI GNAS LA MI

229a

, ,BSKYOD 'GYUR, ,GANG TSE 'KHOR GTZO SANGS RGYAS 'GYUR, ,PHYUNG BA DE NI BSTIM PAR BYA, ,BYANG CHUB SEMS DPA' 'KHOR GTZOR 'GYUR, ,DE YI RIGS DAG BSTIM PAR BYA, ,RGYAL BA LAS GZHAN DKYIL 'KHOR PA, ,GAL TE 'KHOR LO GTZO BOR BYED, ,DBUS MA DE YANG GZHAN NYID DE; ,RANG GNAS SU YANG GZHAN DE NYID, ,TSOGS RNAMS BSAGS PA DE DAG NI, ,TSE 'DI NYID LA GRUB PHYIR RO, ,SKYE BO GZHAN DU GRUB PA'I PHYIR, ,CUNG ZAD BZLAS DANG BSGOM PA 'ANG BYA, ,DE BZHIN GSHEGS PA ZHES BYA BA LA SOGS PA LA DE BZHIN GSHEGS PA THAMS CAD KYI SKU DANG GSUNG DANG THUGS GANG YIN PA DE RNAMS KYI GSANG BA NI DON DAM PA STE RDO RJE 'CHANG NGO, ,DE LAS BYUNG BA NI GSANG BA 'DUS PA ZHES BYA BA'I RGYUD GANG YIN PA DE LA DKYIL 'KHOR NI DE BZHIN GSHEGS PA THAMS CAD KYI TING NGE 'DZIN GYI RANG BZHIN CAN GANG YIN GYI, BRIS PA'I RANG BZHIN NI MA YIN NO, ,DE LA DKYIL 'KHOR NI SNYING PO YIN LA DE LEN CING 'DZIN PAR BYED PAS NA DKYIL 'KHOR TE CHOS RNAMS KYI SNYING PO BSDUS PA ZHES BYA BA'I DON TO, ,DE BYIN GYIS BRLABS PA NI SPRUL PA STE DE GSAL BAR BYED PA'I LE'U NI SGRA'I TSOGS SO, ,DANG PO ZHES BYA BA NI THOG MA'O, ,RDZOGS SO ZHES BYA BA NI MTHAR THUG PA'O,, GSANG BA 'DUS PA'I BSHAD SBYAR SNYIM PA'I ME TOG LAS LE'U DANG PO'O, ,,DNGOS GRUB MCHOG LA THABS LAS BYUNG BA NI LE'U DANG POR BSTAN LA, DE'I THABS NI BSNYEN PA DANG NYE BA'I SGRUB PA DANG SGRUB PA DANG SGRUB CHEN PO STE BZHI'O, ,DE YANG BCOM LDAN 'DAS KYIS LE'U 'DI NAS BZUNG STE NYE BA'I SGRUB PA DANG, BSNYEN PA DANG, SGRUB PA DANG, SGRUB PA CHEN PO'I RIM GYIS LE'U LNGA PA'I BAR DU GSUNGS LA, DE BZHIN DU BZHI PA GZHAN DAG TU YANG GSUNGS SO, ,DE BAS NA MTHAR CHAGS SU BKLAG PA'I RIM GYIS LE'U RNAMS JI LTA BA BZHIN GYI RIM PAR BZHAG PA DE'I DON GCIG NYE BAR SDUD PA NI RIM PA BZHIN YIN TE, GANG YANG LE'U BCO BRGYAD PA LAS, ,LNGA PA DGU PA NYID DANG NI, ,BCU GSUM PA DANG BCU BDUN RNAMS, ,ZHES BYA BA LA SOGS PA GSUNGS SO, ,DE LA NYE BA'I SGRUB PA NI LE'U GNYIS PA DANG DRUG PA DANG, BCU PA DANG, BCU BZHI PA RNAMS SU GTOR TE GNAS PA

229b

LAS DE DAG GI MNGON PAR RTOGS PA'I LE'U 'DIR DANG POR BSDUS TE BRJOD PAR BYA'O, ,'DIR YAN LAG DRUG GI BSNYEN PA NAN TAN DU BYAS PA'I SGRUB PA POS, SKYE BO MED PA'I RI'I PHUG PA LA SOGS PAR GNAS BCAS TE NANG PAR GYI DUS SU BSAM GTAN GYI KHANG PAR ZHUGS LA, LAM LA GNAS PA'I BAR GYI CHO GA RJES SU SPYAD NAS SNYING RJE CHEN PO BSKYED DE, DON DAM PA BYANG CHUB KYI SEMS BSKYED LA, STOD PA NYID KYI YE SHES KYI SNGAGS KYIS BYIN GYIS BRLABS NAS CHOS 'BYUNG BA'I NANG DU CHUD PA'I SNA TSOGS PADMA'I LTE BA LA GNAS PA'I SNA TSOGS RDO RJE'I LTE BAR GNAS PA'I GZHAL YAS KHANG GI DBUS MA'I STAN LA 'DUG PAR BDAG NYID MOS PAR BYA'O, ,GAL TE DE MI BSKYOD PA'I RNAL 'BYOR PA'AM, DE'I RIGS KYI RNAL 'BYOR PA YIN PA DE'I TSE, SNYING GA'I NYI MA DANG RDO RJE'I DBUS SU RANG GI SEMS NYID MI BSKYOD PA'I THUGS DANG DE'I SNGAGS KYI RNAM PAR BSAM PAR BYA'O, ,SNGAGS DE YANG YI GE H'Um KHA DOG SNGO BAR REG BYA TSA ZHING SGRA RTZUB MO STE DE'I RNAM PA'I SEMS KYIS LHA THAMS CAD MI BSKYOD PA'I DE KHO NA NYID DU RNAM PAR BRTAGS TE, SEMS KYI 'OD ZER SPROS PA NI SNANG BA THOB PA'I TING NGE 'DZIN TO, ,'OD ZER DES DE'I LHA'I BKOD PA RNAMS NAM MKHA'I NGOS LA KHYAB PAR BLTAS PA NI SNANG PA MCHED PA'I TING NGE 'DZIN TO, ,DE NAS 'OD ZER DES 'DI DAG THAMS CAD SEMS NYID DO SNYAM DU BSAMS TE LHA'I BKOD PA DE RNAMS BKUG NAS SEMS LA BCUG PA NI SNGAGS LA DMIGS PA STE, DE KHO NA NYID KYI DON LA PHYOGS GCIG PA'I TING NGE 'DZIN TO, ,DE NAS GZUNG BA MED PAS 'DZIN PA YANG MED DO SNYAM STE, SEMS DE YANG SEMS MA YIN PAR SHES PA NI SEMS LA DMIGS PA STE BAR CHAD MED PA'I TING NGE 'DZIN TO, ,DE NAS SNGAGS YONGS SU GYUR PA LAS BDAG NYID MI BSKYOD PA NI NGAG LA DMIGS PA STE MI BSKYOD PA'I BYANG CHUB BO, ,MI BSKYOD PA'I SKU DE YANG AINDRA N'I LA LTA BU ZHAL NAG PO DANG DKAR PO DANG DMAR PO KHRO BO RDO RJE SEMS DPAS BRGYAN PA'I RAL PA'I COD PAN CAN NYI MA'I 'OD DANG ZLA BA'I GDAN CAN RDO RJE'I SKYIL MO KRUNG GIS BZHUGS PA, PHYAG GNYIS KYIS RANG DANG 'DRA BA'I RIG MA LA 'KHYUD PA, LHAG MA RNAMS KYIS RDO RJE DANG RAL GRI DANG NOR

230a

, ,BU DANG PADMA BSNAMS PA STE, DE'I 'OG TU, DNGOS PO'I 'DI DAG MA SKYES PAS, ,CHOS RNAMS MED CING CHOS NYID MED, ,NAM MKHA' LTA BUR BDAG MED PAR, ,BYANG CHUB TSUL NI BSTAN PA'O, ,ZHES BYA BA'I TSIGS SU BCAD PAS MI BSKYOD PA'I BYANG CHUB RNAM PAR SPYAD PA NI BYANG CHUB KYI SEMS RAGS PA'O, ,DE'I RJES LA SEMS KYI GNAS DANG MGO DANG MGRIN PA'I ZLA BA RNAMS LA RDO RJE DANG 'KHOR LO DANG PADMA RNAMS BSAMS TE, DE DAG GI LTE BA RNAMS SU H'Um DANG RIG SNGAGS DANG A'A: RNAMS BLTA'O, ,DE'I 'OG TU SNYING GA'I NYI MA LA RDO RJE'I LTE BAR YI GE H'Um DE'I THIG LER H'Um PHRA MO LAS NAS KYI 'BRU TSAD TZAM GYI RDO RJE SNGON PO CUNG ZAD GDENGS PA BSAMS TE, DE NYID LAS MTSAN MA'I SPRIN SPROS TE, RGYU BA DANG MI RGYU BA'I TSOGS DE'I BDAG NYID DU BYAS LA, SNA TSOGS DE DAG GONG BUR BYAS TE SHIN TU PHRA BA'I NYI MA'I DKYIL 'KHOR GYI RNAM PAR GYUR NAS MTSAN MA'I DBUS SU BSDUS LA, NYI MA DER MI BSKYOD PA'I SA BON MCHOG TU PHRA BA BSAMS PA 'DI NI SNGAGS KYIS BRTAG PA DANG TING NGE 'DZIN BYANG CHUB SBYOR BA STE PHRA MO'I BYANG CHUB KYI SEMS SO, ,DE'O 'OG TU SEMS KYI GNAS DANG MGO DANG MGRIN PA'I ZLA BA LA GNAS PA'I MTSAN MA'I YI GE'I RNAM PA THUGS KYI RDO RJE LA SOGS PA RNAMS SU DE'I SNGAGS KYIS BYIN GYIS BRLABS PAR BYAS TE, AOm SARBA TA TH'A GA TA TZITTA BADZRA SVA BH'A WA A'ATMA KO&HAm, AOm SARBA TA TH'A GA TA K'A YA BADZRA SVA BH'A WA A'ATMA KO&HAm, AOm SARBA TA TH'A GA TA B'A KA BADZRA SVA BH'A BA A'ATMA KO&HAm, DE'I 'OG TU SNGAGS KYI DAM TSIG DANG DKYIL 'KHOR GYI DAM TSIG DANG BYANG CHUB KYI DAM TSIG CES BYA BA'I DGA' BA'I MCHOD PA GSUM BYAS TE, DE LA SNYING GAR GNAS PA'I MTSAN MA PHRA MO LAS GTI MUG DANG ZHE SDANG DANG, 'DOD CHAGS DANG RDO RJE RNAMS MTSAN MA PHRA MOR NAM MKHA' KHYAB PAR SPROS PA NI SNGAGS KYI DAM TSIG GO, ,DE DAG BSDUS NAS SHIN TU PHRA BA'I RANG GI SNGAGS KYI GDAN LA RIG MA'I DBANG PHYUG TU BCUG STE, DE'I STENG DU RANG GI SNGAGS KYI YI GE CHAGS PA STE ZHEN PAS RIG MA'I DBANG PHYUG DE LA CHAGS PA STE, ZHEN PAS BLTA BA 'DI NI DKYIL 'KHOR GYI DAM TSIG GO, ,DE NAS RIG PA'I DBANG PHYUG LAS RIG PA'I

230b

SKU'I SPRIN THAMS CAD SPROS TE SLAR DE NYID DU BSDUS LA, DE'I STENG NA GNAS PA'I SNGAGS KYI YI GE LAS DE BZHIN GSHEGS PA'I SKU'I SPRIN THAMS CAD SPROS TE, SLAR DE NYID DU BSDUS PA 'DI NI BYANG CHUB KYI DAM TSIG GO, ,DE NAS DGA' BA'I MCHOG DE NYID, ,AOm SARBA TA TH'A GA TA AA NU R'A GA nA BADZRA SVA BH'A WA A'ATMA KO&HAm, ZHES BYA BAS BYIN GYIS BRLAB PA'O, ,DE NAS SNYING GA'I SNGAGS KYI 'OD ZER GYI SGO RNAMS LAS MCHOD PA'I LHA MO DRUG PHYUNG STE, DE LA LHA MO LNGA LAS NI 'DOD PA'I YON TAN LNGA'I SPRIN SPRO'O, ,DRUG PA LAS NI MCHOD PA RNAM PA LNGA'I SPRIN SPRUL TE DE BZHIN GSHEGS PA THAMS CAD YANG DAG PAR MCHOD LA, MCHOD PA DE NYID, AOm SARBA TA TH'A GA TA P'U DZA BADZRA SVA BH'A BA A'ATMA KO&HAm, ZHES BYA BAS BYIN GYIS BRLAB PO, ,LE'U 'DI'I DON GYIS GTZO BO NI NYE BAR SGRUB PA YIN TE, DE LAS BYANG CHUB KYI SEMS NYID KYI SKABS DBYE BA'I PHYIR, DE NAS ZHES BYA BA LA SOGS PA GSUNGS TE, SKU LA SOGS PA'I BDAG PO NI RNAM PA KUN NAS SKU LA SOGS PA DBYE BA'I PHYIR RO, ,MCHOD PA NI GZUGS RDO RJE MA LA SOGS PA RNAMS KYI YIN NO, ,'DI SKAD CES BYA BA NI GSOL BA 'DEBS PA'I TSIG STE, KYE BCOM LDAN 'DAS KYIS BSHAD DU GSOL, ZHES BYA BAR 'BREL TO, ,BYANG CHUB LA RNAM PAR SPYOD PA'I SEMS NI BYANG CHUB KYI SEMS SO, ,BLA MA NI LHAG MA STE 'DI LAS BLA MAR GYUR PA'I LHAG PA MED PAS BLA NA MED PA'O, ,DE CI ZHIG CE NA, GSANG BA STE SKU LA SOGS PA'I GSANG BA'O, ,SU'I ZHE NA, DE BZHIN GSHEGS PA THAMS CAD KYI STE DKYIL 'KHOR GYI BDAG PO RNAMS KYI'O, ,JI LTA BU ZHIG CE NA, SKU DANG GSUNG DANG THUGS KYI SNYING PO MCHOG STE, SKU DANG, GSUNG DANG, THUGS NAM MKHA' DANG MTSUNGS PAS SNYING PO YIN LA, 'KHOR LOS SGYUR BA DRUG DANG 'BREL PA DE BAS NA, BYANG CHUB KYI SEMS 'DI NI RNAM PA DRUG YIN LA YANG RAGS PA DANG PHRA MO'I DBYE BAS RNAM PA BCU GNYIS SU 'GYUR RO, ,'DIR TSIGS SU BCAD PA NI, BYANG CHUB RNAM SPYAD BYANG CHUB SEMS, ,RNAM PA BCU GNYIS DAG TU BRJOD, ,GNYIS PA YIS NI RAGS PA DRUG ,PHRA MO DRUG NI DRUG

231a

, ,PAS SO, ,SKU LA SOGS PA'I RDO RJE NI BSDUS PA STE, GSANG BA 'DUS PA ZHES BYA BA'I DON TO, ,MKHYEN ZHING ZHES BYA BA NI THUGS LA BZHAG NAS SO, ,YONGS SU RTOG PA ZHES BYA BA NI KUN DU TSOL BA'I YID KYIS BRJOD PA'O, ,RNAM PAR RTOG PA MNGA' BAS NA YONGS SU RTOG PA STE TSIG TU MA BRJOD PAR SEMS KYIS RTOG PA'O, ,DE MKHYEN PA NI SEMS KYI RNAM GRANGS SHES PA'I MNGON PAR SHES PAS MKHYEN PA'O, ,RNAM PAR RTOG PA DE YANG 'DIR RNAM PA DRUG STE RGYUD GZHAN DAG LAS SNYING GAR ZLA BA'I MTSAN MA'I DBUS SU SNGAGS BKOD PA BYANG CHUB KYI SEMS YIN PA DE BZHIN DU 'DIR YANG YIN NAM ZHES BYA BA NI RNAM PAR RTOG PA DANG PO'O, ,DE LTAR NA KHYAD PAR CI ZHIG YOD NAS 'DI BLA NA MED PA YIN ZHES BYA BA NI GNYIS PA'O, ,'KHOR LOS SGYUR BA NYID KYI SKU DANG GSUNG DANG THUGS YIN NA JI LTAR DE DE BZHIN GSHEGS PA THAMS CAD KYI YIN ZHES BYA BA NI GSUM PA'O, ,BYANG CHUB KYI SEMS NI SEMS NYID YIN NA JI LTAR SKU DANG GSUNG DANG THUGS NYID YIN ZHES BYA BA NI BZHI PA'O, ,JI STE SNGAGS LAS SKYES PA'I SKU GZUNG BA YIN NA YANG BYANG CHUB NYID YIN GYI BYANG CHUB KYI SEMS NI MA YIN NO ZHES BYA BA NI LNGA PA'O, ,JI STE YANG BYANG CHUB LA RNAM PAR SPYOD PA'I SEMS NI BYANG CHUB KYI SEMS SO ZHES BYA BAR 'DOD NA DE LTAR NA YANG SKU DANG, GSUNG LA BYANG CHUB KYI SEMS ZHES BYA BAS GSUNG NI MA YIN NO ZHES BYA BA NI DRUG PA'O, ,'DI SKAD CES BYA BA NI BYANG CHUB KYI SEMS BSKYED PA'I PHYIR NYE BAR BSHAD PA 'DIS RNAM PAR RTOG PA RNAMS BSAL BA'O, ,KHYED KYIS SKYED CIG CES BYA BA LA, SEMS ZHES BYA BA NI JI LTAR GRAGS PA BZHIN DU SNYING GA'I ZLA BA DANG MTSAN MA'I DBUS SU SNGAGS KYI RNAM PA'I SEMS SKYED CIG CES BYA BA'I DON TO, ,'DIS NI RNAM PAR RTOG PA DANG PO BSAL TO, ,LUS LTA BU ZHES BYA NI CHOS GTZO BOR GYUR PA STE, LUS KYI SGRAS NI LUS NYID DANG LTA BU ZHES BYA BA'I RNAM PA STE DE DAG TU SKYED CIG CES BYA BA'I DON TO, ,DE LA NAM MKHA'I GTOS KHYAB PA'I DE BZHIN GSHEGS PA THAMS CAD KYI GSANG BA GSUM BSDUS PA'I SNGAGS KYI LHA'I TSOGS NI LUS SO, ,

231b

LUS NYID KYIS TE LUS KYI RANG BZHIN NYID KYIS BSKYED PA STE, SEMS KYI 'OD ZER RNAMS KYIS DE DAG BKUG NAS SEMS LA LUS RNAMS BCUG PA'O, ,'DI NI SNGAGS LA DMIGS PA STE GZUNG BA MED PA'I YE SHES YIN NO, ,DE LA SOGS PA'I KHYAD PAR BSTAN PAS GNYIS PA YANG BSAL TO, ,SEMS DE NI DE BZHIN GSHEGS PA THAMS CAD KYI SKU DANG GSUNG DANG THUGS KYI RANG BZHIN DU MNGON PAR BRJOD PAS DE DAG GI NGAG DANG SKUR YANG DE 'GYUR BA'I PHYIR GSUM PA YANG BSAL BA YIN NO, ,LTA BU NI RANG BZHIN TE SEMS GNYIS POS STONG PA'I RANG BZHIN DU SKYED CIG PA'O; ,GZUNG BA MED PAS 'DZIN PA YANG BKAG PA 'DI NI SEMS LA DMIGS PA STE 'DZIN PA MED PA'I YE SHES SO, ,LUS SEMS KYI RNAM PA LTA BU ZHES BYA BA LA SEMS DE NYID KYI RNAM PA SNGAGS GANG YIN PA DE YONGS SU GYUR PA LAS SKU DANG GSUNG DANG THUGS RNAMS NAM MKHA'I BDAG NYID CAN BYANG CHUB KYI MTSAN NYID 'KHOR LOS SGYUR BA'I SKUR SKYED CIG CES BYA BA'O, ,'DI NI NGAG LA DMIGS PA'O, ,SEMS TSIG TU BRJOD PA LTA BUR ZHES BYA BA NI MTSAN NYID KYI GSUM PA STE, BYANG CHUB KYI TSIGS SU BCAD PA BRJOD NAS DE'I RNAM PA LTA BU'I SEMS KYI BYANG CHUB RNAM PAR SPYAD PA'I SEMS SKYED CIG CES BYA BA'I DON TO, ,'DIS NI BZHI PA DANG, LNGA PA DANG, DRUG PA YANG BSAL TE, 'DI LTAR 'DIR DMIGS PA RNAM PA GSUM GYIS BSGRUBS PA'I SKU NI BYANG CHUB YIN LA, DE LA RNAM PAR SPYAD PA'I SEMS NI BYANG CHUB KYI SEMS ZHES BYA BAR 'DOD PAS LUS LA DMIGS PA'I SEMS DANG NGAG GI RNAM PA DANG RNAM PAR SPYAD PA'I RANG BZHIN DAG YIN PA'I PHYIR SKU DANG GSUNG DANG THUGS NYID DO, ,YANG NA BYANG CHUB DE NYID SKU DANG GSUNG DANG THUGS NAM MKHA' LTA BU'I MTSAN NYID PAS SKU DANG GSUNG DANG THUGS YIN LA, BYANG CHUB DE LA RNAM PAR SPYAD PA'I SEMS KYANG SKU DANG GSUNG DANG THUGS ZHES BYA'O, ,DE'I PHYIR RNAM PAR RTOG PA BZHI PA BSAL TO, ,SNGAGS LAS SKYES PA'I SKU LA BYANG CHUB SEMS ZHES BYA BA NI BYANG CHUB NYID YIN GYI SEMS SU NI MI 'GYUR RO ZHES BYA BA DANG LUS KYI SEMS LA SKU DANG,

232a

, ,GSUNG DANG, THUGS SU 'GYUR RO ZHES BYA BA GNYI GA YANG MI 'DOD PAS DER THAR BAR 'GYUR BA MED PAS RNAM PAR RTOG PA LNGA PA DANG DRUG PA YANG BSAL TO, ,DE NAS ZHES BYA BA NI NYE BAR BSTAN PA'I 'OG TU'O, ,DE DAG CES BYA BA NI GANG GI SNGON DU RNAM PAR RTOG PA SKYES PA RNAMS SO, , BYANG CHUB SEMS DPA' DE RNAMS LA YOD PA NI BYANG CHUB SEMS DPA' STE SNYING GA'I ZLA BA DANG MTSAN MA'I DBUS SU SNGAGS KYI RNAM PA'I SEMS BSKYED PAR GYUR TO ZHES BYA BA'I DON TO, ,DE BZHIN GSHEGS PA THAMS CAD NI SNGAGS KYI LHA THAMS CAD DO, ,DE RNAMS KYI SKU LA SOGS PA'I NAM MKHA' NI SKU LA SOGS PA'I MI DMIGS PA'O, ,DE RNAMS DANG DE LTA BU ZHES ZLAS PHYE LA 'KHOR LOS SGYUR BA'I SKU BSDU BA'O, ,DE DAG GI SBYOR BA NI SNYING GA'I MTSAN MAR CHUD PA'I SEMS LA DMIGS PA GSUM GYI SBYOR BA'O, ,CHED DU BRJOD PA ZHES BYA BA LA SOGS PA LA KUN DU BZANG PO ZHES BYA BA NI SNGAGS KYI LHA THAMS CAD KYI BDAG NYID KYI SEMS SO, ,SKU LA SOGS PA'I RDO RJE NI DMIGS SU MED PA STE DE DANG LDAN PAS RDO RJE CAN NO, ,SKYE BA MED PA'I SBYOR BA NI SKYE BA MED PA'I RNAM PAR SEMS PA'I BYA BAS SBYOR BA'O, ,RAB TU BSGRAGS PA ZHES BYA BA NI TSIGS SU BCAD PAS RNAM PAR DPYOD PA'O, ,DE DAG NI BYANG CHUB SEMS DPA' RNAMS KYIS MGRIN GCIG TU BYANG CHUB THUN MONG DU RNAM PAR DPYOD PA'O, ,BYANG CHUB SEMS KYI THUN MONG GI MTSAN NYID BSTAN NAS, ,RAB TU DBYE BA BSTAN PA'I PHYIR, DE NAS ZHES BYA BA LA SOGS PA GSUNGS TE, TSIG DRUG CAR LA YANG DANG PO'I RDO RJE'I SGRAS NI MTSAN MA'I DON TO, ,GNYIS PA NI MI PHYED PA'I DON TO, ,GSUM PA NI TING NGE 'DZIN GYI DON TO, ,GSHEGS PA'I SGRA DANG PO RNAMS NI SNGAGS KYI TSIG STE SANGS RGYAS ZHES BYA BA'I SGRA BZHIN DE KHO NA NYID RTOGS PA'O, ,DRUG CAR LA YANG BCOM LDAN 'DAS ZHES BYA BA NI RDO RJE 'DZIN PA NYID DO, ,DE LA DANG POR RDO RJE 'DZIN PA'I BYANG CHUB KYI SEMS GSUNGS PA, DE NAS ZHES BYA BA LA SOGS PA LA DE BZHIN GSHEGS PA THAMS CAD KYI SKU DANG GSUNG DANG THUGS NI RDO RJE 'DZIN PA'O, ,DE'I RDO RJE 'DI LA YOD PAS NA DE SKAD CES BYA STE,

232b

SNYING GA'I ZLA BAR PADMA R'A GA LTAR DMAR BA'I SBYOR BAS SO, ,DE BZHIN ZHES BYA BA NI DE'I RDO RJE JI LTA BA DE BZHIN DU GSHEGS SHING RTOGS PA'I SNGAGS 'DI LA YOD PAS DE BZHIN GSHEGS PA STE MTSAN MA'I DBUS SU DE BZHIN GSHEGS PA'I SNGAGS BKOD PA'O, ,SNGAGS DE YANG YI GE H'Um DKAR BA DANG BSIL BA DANG SNYAN PA'I SGRA DANG LDAN PA DE GZUNG BA DANG 'DZIN PAS STONG PA'I YID TZAM YIN PAS YI GE GSUM STE SHES BYA DANG SHES PA BSDUS TE GNAS PA ZHES BYA BA'I DON TO, ,DE BZHIN GSHEGS PA THAMS CAD CES BYA BA NI SNGAGS KYI LHA RNAMS SO, ,DE RNAMS KYI MNGON PAR BYANG CHUB PA'I TSUL DE KHO NA NYID SHIN TU RNAM PAR DAG PA'I CHOS KYI DBYINGS KYI YE SHES RDO RJE 'DZIN PA ZHES BYA BA'I DON TO, ,DE LA DMIGS PA'I TING NGE 'DZIN LA YANG DE SKAD CES BYA STE, DE NYID NI MI PHYED PAS NA RDO RJE'I SNYOMS PAR ZHUGS PA NI DMIGS PA GSUM GYIS MNGON DU BYAS PA STE, SNGAGS KYI RNAM PA'I SEMS DE LAS KUN DU 'OD ZER SPROS PA NI SNANG BA THOB PA'I TING NGE 'DZIN TO, ,'OD ZER DE NYID KYIS PHYOGS BCUR KUN DU KHYAB PAR BZHUGS PA'I SNGAGS KYI LHA RNAMS KYI BKOD PA MTHONG BA NI SNANG BA MCHED PA'I TING NGE 'DZIN TO, ,DE RNAMS DES BSDUS NAS SEMS KYI NANG DU BCUG PA NI SNGAGS LA DMIGS PA STE, DE KHO NA NYID PHYOGS GCIG PA'I TING NGE 'DZIN TO, ,GZUNG BA MED PAR SHES NAS DE LA 'DZIN PA YANG MED PAR SHES PA NI SEMS LAS DMIGS PA ZHES BYA BA BAR CHAD MED PA'I TING NGE 'DZIN TE 'JIG RTEN LAS 'DAS PA'I SEMS SKYE BA LA BAR DU GCOD PAR NUS PA NI BAR CHAD DE DE 'DI LA MED PAS NA BAR CHAD MED PA'O, ,DE NAS NGAG GI BDAG NYID KYIS SNGAGS YONGS SU GYUR PA LAS RDO RJE 'DZIN PA'I SKUR BSKYED PA NI NGAG LA DMIGS PA'O, ,DE LTAR DMIGS PA GSUM GYIS RDO RJE 'DZIN PA LA DMIGS PA'I TING NGE 'DZIN LA SNYOMS PAR ZHUGS TE BYANG CHUB KYI SEMS 'DI ZHES BYA BA LA NGAG LA DMIGS PA'I RDO RJE 'DZIN PA NI BYANG CHUB YIN LA, DE LA NYE BAR SPYOD PA'I SEMS NI BYANG CHUB KYI SEMS SO, ,DNGOS PO MED PAR ZHES BYA BA LA SOGS PA LA DNGOS PO MED PA NI CHOS KYI DBYINGS KYI

233a

, ,YUL LO, ,BSGOM PA MED CES BYA BA LA BSGOM PA NI DGA' MA RNAMS KYI 'JUG PA STE DE MED PA NI DE RNAMS KYI SPYOD YUL MA YIN PA ZHES BYA BA'I DON TO, ,BSGOM PAR BYA ZHES BYA BA NI DGA' MA RNAMS TE DE DAG KYANG DE LA BSGOM PA MA YIN TE DE DAG NI DE'I YUL CAN DU MED PA'I PHYIR RO, , 'DI LTAR DE RNAMS NI MNGON PAR BRJOD PAS RO THA DAD PA YIN LA DE'I BRJOD DU MED PAS RO GCIG PA'I PHYIR RO, ,DE LTAR ZHES BYA BA NI GANG GI PHYIR BSGOM PAR BYA BA BSGOM PA MIN PA DANG, DE RNAMS DER RO GCIG TU GYUR PA'I BDE BA'I RANG BZHIN NI DE NYAMS SU MYONG BA YIN PA DE'I PHYIR DNGOS PO BSGOM PA MIN PA DANG, BDE BA CHEN PO'I SEMS BSKYED PA DON DAM PAR MA SKYES PA DANG BSGOMS PAS RNYED PA MA YIN ZHING DMIGS PAR GYUR PA MA YIN TE, BSGOM PA YANG DER BKAG PA YIN PA'I PHYIR RO ZHES BYA BA NI RDO RJE 'DZIN PA NYID KYI BYANG CHUB RNAM PAR DPYAD PA STE, BCOM LDAN 'DAS KYIS DE SKAD CES GSUNGS PA'O, ,DE BZHIN GSHEGS PA THAMS CAD KYI SKU DANG GSUNG DANG THUGS KYI RDO RJE NI TING NGE 'DZIN TE DE LA SNYOMS PAR ZHUGS PA DE LA DE SKAD CES BYA'O, ,DE BZHIN ZHES BYA BA NI SNYOMS PAR ZHUGS PA YIN LA GSHEGS PA ZHES BYA BA NI 'KHOR RNAMS KYIS DE BZHIN DU RTOGS PA'O, ,'DIR TSIGS SU BCAD PA NI, ,DGA' MA RNAMS NI BSDUS PA YIS, ,CHOS DBYINGS NYAMS SU MYONG BA BDE, ,DE NI SKYE MED RNYED MED DU, ,RDOR 'DZIN TSIGS SU BCAD PA SHES, ,RNAM PAR SNANG MDZAD KYIS GSUNGS PA, ,DE NAS ZHES BYA BA LA SOGS PA LA RNAM PAR SNANG MDZAD LA SOGS PA'I BSHAD PA NI RDO RJE 'DZIN GYI RJES SU 'BRANGS NAS SHES PAR BYA'O, ,BYE BRAG TU GYUR PA RNAMS 'DIR BSHAD PAR BYA STE, RNAM PAR SNANG MDZAD KYI THUGS KA'I ZLA BA LA 'KHOR LO DKAR PO RTZIBS BRGYAD PA'I MTSAN MA'I NANG DU RAB SNGAGS BKOD DE, DE YANG GDOD MA NAS MA SKYES PA'I STONG PA NYID KYI RANG BZHIN GYI DON DU YI GE GSUM PO 'DIS BSTAN PA YIN NO, ,DE BZHIN GSHEGS PA THAMS CAD KYI MNGON PAR RTOGS PA NI MA LUS PAR YANG DAG PAR THUGS SU CHUD PA STE BYANG CHUB LAS MA GTOGS PA MED PAS MA

233b

LUS PAR THUGS SU CHUD PA YIN LA, STONG PA NYID KYI RANG BZHIN YIN PAS YANG DAG PA STE, GDOD NAS SKYE BA MED PAS SO, ,DES NA GDOD NAS SKYE BA MED PAS STONG PA NYID KYI RANG BZHIN GYI YE SHES TZAM ZHES BYA BA'I DON TO, ,RNAM PAR SNANG MDZAD CES BYA BA'I BAR DU'O, ,DNGOS PO THAMS CAD CES BYA BA LA SOGS PA LA TSIGS SU BCAD PA 'DI NI RKANG PA DRUG PA STE, YI GE BDUN DANG BDUN DANG BRGYAD DANG DGU DANG BRGYAD DANG DRUG GI TSIG DAG GO, ,DNGOS PO THAMS CAD CES BYA BA NI PHYI ROL GYI SNGAGS KYI LHA RNAMS SO, ,BRAL BA NI MI LDAN PA'O, ,BSTAN PA 'DI'I NYE BAR BSHAD PA NI PHUNG PO ZHES BYA BA LA SOGS PA YIN TE PHUNG PO NI SANGS RGYAS LNGA RNAMS SO, ,KHAMS NI SPYAN MA LA SOGS PA LNGA'O, ,SKYE MCHED NI BCU GNYIS TE SA'I SNYING PO LA SOGS PA RNAMS DANG GZUGS RDO RJE MA LA SOGS PA RNAMS SO, ,MDOR BSDUS NA GZUNG BA NI GZUGS KYI PHUNG PO'O, ,'DZIN PA NI TSOR BA'I PHUNG PO LA SOGS PA'O, ,RNAM PAR SPANGS PA NI RANG RIG PA TZAM GYI PHYIR TE PHUNG PO LA SOGS PA DE RNAMS RANG GI SEMS YIN PAS SO, ,GNYIS KYIS STONG PA 'DI LA YOD PAS NA STONG PA NYID KYI RANG BZHIN TE STONG PA NYID KYIS NA GDOD MA NYID NAS MA SKYES PA STE SKYES NAS 'GOG PA MA YIN PAS GDOD NAS SKYE BA MED PA NYID DO, ,CHOS BDAG MED PAR MNYAM NYID PA, ,ZHES CHOS RNAMS NI GZUNG BA DANG 'DZIN PA RNAMS SO, ,DE RNAMS MED PA NI BDAG MED PA STE, DUS GSUM MNYAM PA NYID DO, ,'DIR TSIGS SU BCAD PA NI, ,SANGS RGYAS 'KHOR LO 'DIR DON MED, ,DE RNAMS STONG PA NYID KYI BDAG, ,GDOD NAS SKYE MED NYID YIN ZHES, ,BRTAG PA'I TSIGS SU BCAD PA SHES, ,MI BSKYOD PA YIS GSUNGS PA, ,DE NAS ZHES BYA BA LA SOGS PA LA MI BSKYOD PA'I SNYING GAR NYI MA LA MTSAN MA RDO RJE NAG PO YID TZAM GDENGS POR 'DUG PA'I DBUS SU DE'I SNGAGS YI GE H'Um KHA DOG NAG PO REG BYA TSA BA SKRA RTZUB MO, ,GZUNG BA DANG 'DZIN PA'I STONG PA NYID KYI YID YIN PAS YI GE GSUM PO 'DI NI SHES BYA DANG SHES PA NYE BAR BSDUS PAS RO GCIG TU GYUR PA ZHES BYA BA'I DON TO, ,DE BZHIN GSHEGS PA THAMS CAD KYI MI ZAD PA ZHES BYA BA NI BSDUS PA'I MTHAR THUG PAR BSAM GTAN LNGA PA STE MI BSKYOD PA ZHES BYA BA'I DON TO, ,DNGOS

234a

, ,PO 'DI RNAMS ZHES BYA BA NI MTHA' YAS PA'I SNGAGS KYI LHA RNAMS KYI MA SKYES PA ZHES BYA BA NI MNYAM PAR GZHAG PA'I SEMS LA MTHA' YAS PA'I SKYE BA MED PAS RGYA CHE BA DANG BRAL TE BSDUS PAS SO, ,DE LTA NA NI CHOS DANG CHOS NYID DU 'GYUR TE, SEMS 'DZIN PAS NA CHOS TE ZHI GNAS SO, ,CHOS NYID KYI RNAM PA DANG LDAN PAS NA CHOS NYID DE LHAG MTHONG NGO, ,DE DAG KYANG BZLOG PAR BYA STE DE LA CHOS GSUM PO BSAM GTAN DANG PO DANG, CHOS BZHI PO BSAM GTAN GNYIS PA DANG CHOS NYID BZHI STE BSAM GTAN GSUM PO DAG GO, ,DE BAS NA CHOS NYID MED PA ZHES BZLOG PAR SBYOR RO, ,CHOS NYID NI DE DAG BSDUS PA'I SNGAGS KYI THIG LE BSAM GTAN BZHI PA'O, ,CHOS DANG CHOS NYID DE DAG MED PA NI DE BSDUS PA'I SEMS KYI THIG LE DANG SNGAGS KYI THIG LE GCIG TU GYUR PA'I BSAM GTAN LNGA PA'O, ,NAM MKHA' LTA BUR BDAG MED PA NI SEMS ZAD PAS NAM MKHA' LTA BU'O, ,BYANG CHUB TSUL GYIS ZHES BYA BA NI BYANG CHUB LA RNAM PAR DPYAD PA'O, ,BRTAN PA NI MI PHYED PA'O, , 'DIR TSIGS SU BCAD PA NI, CHOS DANG BLO NI MDOR BSDUS PA, ,MKHA' DANG NAM MKHA' GNYIS SU MED, ,'DI NI GSANG ZAD ZAB MO STE, ,MI BSKYOD TSIGS SU BCAD PAS SHES, ,RIN CHEN 'BYUNG LDAN GYIS GSUNGS PA, ,DE NAS ZHES BYA BA LA SOGS PA LA 'DI DANG POR YANG RIN CHEN DPAL GYI SGRA'I MTHAR RDO RJE'I SGRA LTA BU'O; ,JI STE RDO RJE'I SGRA MED NA YANG RIN CHEN GYI SGRAS RIN CHEN 'BYUNG LDAN BSTAN LA, DPAL GYI SGRAS MTSAN MA BSTAN TE SNYING GA'I NYI MA LA NOR BU RIN PO CHE LJANG GU ZUR DGU PA DE'I DBUS SU YI GE SV'A'I SNGAGS TE, THAMS CAD CES BYA BA SKU PHRA MO DANG RDO RJE ZHES BYA BA THUGS PHRA MO DANG DON GYI RJES SU 'GRO BA'I GSUNG PHRA MO STE, DE RNAMS RO GCIG PAR GYUR PA'I BSDUS PA'I DON NI YI GE GSUM MO, ,DE BZHIN GSHEGS PA THAMS CAD KYI BDAG MED PA NI RANG DANG SPYI'I MTSAN NYID MED PA STE DE LA RANG GI MTSAN NYID PHRA MO RNAM PA GSUM MO, ,SPYI'I MTSAN NYID NI DE DAG BSDUS PA'O, ,DE DAG MED PA NI RO GCIG TU GYUR PA STE RIN CHEN 'BYUNG LDAN ZHES BYA BA'I DON TO, ,CHOS RNAMS THAMS CAD CES BYA BA LA SOGS PA LA CHOS RNAMS THAMS CAD NI MTHA' YAS PA'I SNGAGS KYI LHA RNAMS SO, ,DE RNAMS NI DNGOS PO MED PA NYID DE CHOS KYI MTSAN NYID RNAM PAR SPANGS PA STE CHOS RNAMS KYI RANG GI MTSAN NYID DANG BRAL BA'I PHYIR RO, ,CHOS BDAG

234b

MED PA NI PHRA MO RNAM PA GSUM MO, ,KUN TU 'BYUNG BA GCIG TU GYUR PA'O, ,'DIR TSIGS SU BCAD PA NI, SNGAGS KYI LHA RNAMS RANG DANG NI, ,SPYI YI MTSAN NYID YONGS SU ZAD, ,RIN CHEN GSANG GSUM DAM TSIG STE, ,RIG 'DZIN TSIGS SU BCAD PAS SHES, ,SNANG BA MTHA' YAS KYIS GSUNGS PA, , DE NAS ZHES BYA BA LA SOGS PA LA SNANG BA MTHA' YAS KYI MTSAN MA DMAR PO 'DAB MA BRGYAD KYI DBUS SU SNGAGS YI GE A'A: DGOD DE THA SNYAD NAM MKHA' LTA BU NYID NI YI GE GNYIS KYI DON YIN NO, ,YE SHES NI SNGAGS THAMS CAD DO, ,DE'I 'BAR BA NI MNYAM PA NYID KYI YE SHES KYI RIN PO CHE'O, ,SGRON MA NI DE LA SO SOR RTOG PA STE SNANG BA MTHA' YAS ZHES BYA BA'I DON TO, ,MA SKYES PA ZHES BYA BA LA SOGS PA LA CHOS RNAMS NI SNGAGS THAMS CAD KYI GSANG BA RNAMS TE NAM MKHA' DANG 'DRA BA MA SKYES PA'O, ,NGO BO MED DE ZHES BYA BA NI RIN CHEN 'BYUNG LDAN TE MTSON PAR BYA BA'O, ,BSGOM PA MED CES BYA BA NI DE'I BSGOM PA'ANG MED DE; MTSON PAR BYA BA'I PHYIR RO, ,NAM MKHA'I GNAS SU SBYAR BA YIS, ,ZHES BYA BA LA GSUM PO BSDUS PA NI NAM MKHA' YIN LA BZHI PO NYE BAR BSDUS PA NI GNAS DE DAG GI SBYOR BA'O, ,DE LTAR ZHES PA NI DE'I PHYIR ZHES PA STE DNGOS PO ZHES BYA BA NI RIN CHEN 'BYUNG LDAN NO, ,RAB TU BSGRAGS ZHES BYA BA NI SO SOR RTOG PA'O, ,'DIR TSIGS SU BCAD PA NI, SNGAGS RNAMS GSANG BA MKHA' YIN PAS, ,MTSAN BYA MTSAN NYID GA LA YOD, ,DE LTAR THA SNYAD MKHAR BSDUS PAS, ,NGAG BDAG TSIGS SU BCAD PAS SHES, ,DON YOD GRUB PAS GSUNGS PA, DE NAS ZHES BYA BA LA SOGS PA LA 'DI'I 'BRAS BU DANG BCAS PAS NA DON YOD GRUB PA'O, ,DE'I SNYING GAR NYI MA LA MTSAN MA RAL GRI'I DBUS SU GNAS PA SNGAGS KYI YI GE H'A BKOD PA STE MGYOGS PAR 'GRO BA DANG MI G-YO BA NI YI GE GNYIS KYI DON TO, ,DE BZHIN GSHEGS PA THAMS CAD KYIS ZIL GYIS MNAN PA NI SEMS CAN THAMS CAD KYI RGYUD LA GNAS PA STE, DON YOD GRUB PA ZHES BYA BA'I DON TO, ,CHOS RNAMS ZHES BYA BA LA SOGS PA LA RANG BZHIN 'OD GSAL BA NI CHOS RNAMS RANG BZHIN GYIS DE BZHIN NYID DE DE DRI MA MED CING 'OD GSAL BA ZHES BYA BA'I DON TO, ,GDOD NAS ZHES BYA BA NI DE NYID GDOD NAS DAG PA YIN GYI GNYEN PO'I MTHUS PHYIS DAG PA NI MA YIN NO, ,NAM MKHA' BZHIN

235a

, ,ZHES BYA BA NI 'KHRUL BA'I DRI MA RNAMS DE'I RANG BZHIN MA YIN TE GLO BUR BA YIN PA'I PHYIR RO, ,RANG BZHIN RNAM PAR DAG PA STE JI LTAR NAM MKHA' DUD PA DANG KHUG RNA DANG RDUL DANG SPRIN LA SOGS PA'I RANG BZHIN MA YIN PA BZHIN NO, ,DE NYID KYIS NA BYANG CHUB MED PA STE DON DAM PAR DE RNAMS SBYANGS PAS DAG PA MA YIN PA'I PHYIR RO, ,MNGON PAR RTOGS PA MED PA NI DAG PAR BYED PA'I LAM GYI 'BRAS BU MA YIN PA'I PHYIR RO, ,'DIR TSIGS SU BCAD PA NI, 'JIG RTEN RANG BZHIN 'OD GSAL BAS, ,THAMS CAD DU NI SANGS RGYAS DNGOS, ,BYANG CHUB MED CING LAM YANG MED, ,THOGS MED TSIGS SU BCAD PAS SHES, ,'DIR BSDU BA'I TSIGS SU BCAD PAR GYUR PA NI, DANG PO'I SNYING SNGAGS LHAG MOS GNAS, ,DMIGS PA RNAMS KYIS MNGON DU BYA, ,LUS KYI PHYAG RGYA DE NYID GANG, ,TSIGS BCAD RNAMS KYIS DE DPYAD BYA, ,PHYAG RGYA CHE DANG TSIGS BCAD RNAMS, ,BYANG CHUB RAGS PA'I RNAM DPYAD YIN, ,PHRA MO GNAS DANG SA BON NI, ,BYANG CHUB PHRA MO'I RNAM DPYAD DO, ,DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA'I CHOS NYID KYI DE KHO NA NYID KYI YI GE RNAMS THOB NAS ZHES BYA BA LA DE BZHIN GSHEGS PA THAMS CAD NI 'KHOR LOS SGYUR BA DRUG GO, ,DE RNAMS KYI SKU LA SOGS PA'I GSANG BA STE DE LA DMIGS PA GSUM GYIS BSGRUBS PA'I SKU NI SKU'I GSANG BA'O, ,SNGAGS NI GSUNG GI GSANG BA'O, ,SNGAGS KYI RNAM PA LA DMIGS PA'I SEMS NI THUGS KYI GSANG BA'O, ,DE GSAL BAR BYED PA'I SKUR BSTAN PA NI DE'I CHOS SO, ,DE'I DE KHO NA NYID KYI YI GE NI DE DAG STON PAR BYED PA'I TSIGS SU BCAD PA'I YI GE STE, THOS PA NI NGES PAR BZUNG BA'O, ,NGO MTSAR DU GYUR PA NI MNGON PAR RTOGS PA LA'O, ,RMAD DU GYUR PA NI BYANG CHUB RNAM PAR BCAD PA'I TSIGS SU BCAD PA LA'O, ,AE MA'O SANGS RGYAS ZHES BYA BA NI SKU'I GSANG PA'O, ,AE MA HO CHOS ZHES BYA BA NI GSUNG DANG THUGS KYI GSANG BA DBYER MED PA BSTAN PA STE, GANG GI PHYIR 'DIR LAM GYI CHOS YIN PAS NA'O, ,DE YANG GSUNG DANG THUGS KYI GSANG BA'O, ,CHOS BSHAD PA NI NGO MTSAR CHE, ,ZHES BYA BA CHOS NI BYANG CHUB STE CHOS THAMS CAD KYI PHUL DU GYUR PA YIN PA'I PHYIR RO, ,DE

235b

BSHAD PA NI BYANG CHUB KYIS MIS TSIGS SU BCAD PA'O, ,DE BAS NA GO RIMS JI LTA BA BZHIN DU NGAG DANG DE NYID DON DAG DON TE, SKU'I GSANG BA NI MING DANG MTSAN MA'I DRI MA NUB PA YIN PA DANG LAM NI DE KHO NA NYID KYI YUL CAN YIN PA DANG TSIGS SU BCAD PA NI YANG DAG PAR RTOGS PAR BRJOD PA'I PHYIR RO, ,SKU'I GSANG BA LA BSTOD PA GSUNGS PA, BDAG MED PA ZHES BYA BA LA SOGS PA LA BDAG MED PA LA DMIGS PA'I LAM LA DE SKAD CES BYA'O, ,BYUNG BA NI DE LAS SKYES PA STE RNAM PAR RTOG PA DANG BCAS PA'I MI DMIGS PA'I LAM GYIS SANGS RGYAS KYI BYANG CHUB RDZOGS PA MA YIN PAS, SANGS RGYAS BYANG CHUB RDZOGS MDZAD PA; ,RNAM PAR MI RTOG DMIGS SU MED, ,CES BYA BA GSUNGS SO, ,SKU'I GSANG BA NI RNAM PAR MI RTOG PA DANG MI DMIGS PAS RDZOGS PA YIN PA'I PHYIR RO, ,GSUNG GI GSANG BA LA BSTOD PA GSUNGS PA, KUN DU BZANG PO ZHES BYA BA LA SOGS PA LA 'DI NYID NI KUN DU BZANG PO STE, SANGS RGYAS THAMS CAD KYI SA BON DU GYUR PA'I PHYIR RO, ,CHOS THAMS CAD KYI DE KHO NA NYID KYI DON DE NYID KYI DON TE 'DI'I DON YIN PAS NA THAMS CAD DON NO, ,ZLA BA RDO RJE'I SBYOR BAS SA BON BSKYED PA NI BYANG CHUB SEMS KYI 'JUG PA'O, ,DE LAS SGRIB PA THAMS CAD 'JOMS PA NI BYANG CHUB RTOGS PA STE DE NYID KYI PHYIR GSUNGS PA, BYANG CHUB SEMS NI RAB BSKOR BA, ,BYANG CHUB SPYOD PA RDO RJE CHE, ,ZHES SO, ,THUGS KYI GSANG BA LA BSTOD PA GSUNGS PA, DE BZHIN GSHEGS PA ZHES BYA BA LA SOGS PA LA THUGS NI DE BZHIN NYID RTOGS PAS GSAL BA TZAM STE DUS GSUM GYI SANGS RGYAS KYI ZHES BYA BA DANG 'BREL TO, ,DAG PA NI RANG BZHIN TE DRI MA RNAMS GLO BUR BA YIN PA'I PHYIR RO, ,DE NYID KYI PHYIR THABS DANG SHES RAB YANG DAG PAR SBYOR BA'I SA BON DANG BCAS PA'O, ,GZUNG BA RNAMS THIM PAS NA SKU 'DZIN PA'O, ,'DZIN PA RNAMS THIM PAS NA THUGS 'DZIN PA'O, ,GSUNG THIM PAS NA GSUNG 'DZIN PA'O, ,RDO RJE CAN DU GYUR PAS NA RDO RJE 'DZIN PA'O, ,DE LTA BU'I MNGON PAR RTOGS PA'I BYANG CHUB TSIGS SU BCAD PAS STON PAR MDZAD PA NA SANGS RGYAS BYANG CHUB RAB STON PA'O, ,DE DAG THAMS CAD NI BYANG CHUB SEMS KYI GNAS SKABS YIN PAS DE BAS NA TSIGS SU BCAD PA BZHI CHAR LA YANG BYANG CHUB SEMS KYI SGRA SBYAR BA YIN NO, ,JI STE GANG YANG THEG PA

236a

, ,CHEN PO DAG LAS DE BZHIN NYID DANG YANG DAG PA'I MTHA' DANG MTSAN MA MED PA DANG DON DAM PA DANG CHOS KYI DBYINGS DANG CHOS NYID LA SOGS PA'I SGRA 'DI DAG GIS BRJOD PA'I DON GANG YIN ZHE NA, STONG PA NYID YIN NO, ,DE NI 'GYUR BA MED PAS DE BZHIN NYID DU BRJOD DO, ,ZAS SU CHU ZA'O ZHES BYA BA DE BZHIN DU DE BZHIN GYI SGRAS NGES PAR GZUNG BA STON PAS RTAG TU DE BZHIN NYID YIN PA'I PHYIR RO, ,YANG DAG PA NI DE KHO NA YIN TE DE BZHIN NYID DO, ,MTHA' NI MCHOG STE DE LAS LHAG PAR GYUR PA'I DE KHO NA GZHAN MED PAS 'DI LA YANG DAG PA'I MTHA' ZHES BRJOD DO, ,MI BDEN PAR SNANG BA 'KHRUL PA YIN LA DE LA GANG SNANG BA DE NI DE'I MTSAN MA YIN TE DES YUL DU BYAS PA'I PHYIR RO, ,DE LAS BZLOG PA NI MTSAN MA MED PA STE 'KHRUL PA'I YUL MA YIN PA'I PHYIR RO, ,DE NI MTSAN MA MED PA ZHES BRJOD DO, ,DAM PA NI 'JIG RTEN LAS 'DAS PA'I YE SHES TE, 'DI DE'I YUL YIN PA'I PHYIR 'DI LA DON DAM PA ZHES BRJOD DO, ,CHOS NI 'PHAGS PA RNAMS KYI CHOS TE, PHUL DU BYUNG BA'I PHYIR RO, ,DE NYID LA DMIGS PAS DE RNAMS SKYE BAS CHOS RNAMS KYI RGYU YIN PA'I PHYIR 'DI NI CHOS KYI DBYINGS SU BRJOD DO, ,DE NI CHOS THAMS CAD KYI RANG BZHIN YIN PA'I PHYIR CHOS NYID CES KYANG BRJOD DO, ,DE LTAR NA NI GANG DU BRTAG PA'I PHYIR SEMS KYI SKYE BA NI GSAL BAR SNANG BA TZAM YIN TE, DPER NA RTZIG PA ZHIG PAS NAM MKHA' LA SOGS PA'I SKYE BA BZHIN NO ZHES BYA BA DE GANG ZHIG CE NA DER YANG SEMS ZHES BYA BA'I SGRA NI STONG PA NYID LA BYA STE, SEMS KYI RANG BZHIN YIN PA'I PHYIR RO, ,CI STE STONG PA NYID KYI MTSAN NYID LA SOGS PA MDOR BSDUS TE RNAM PAR GZHAG PA GANG YIN ZHE NA, BRJOD PAR BYA STE, STONG NYID CHOS RNAMS THAMS CAD KYI, ,GNYIS KYI STONG PA GANG YIN PA DE'O, ,GNYIS PA MED PA'I MTSAN NYID PAS, ,DE NI THAMS CAD RO GCIG NYID, ,STONG PA NYID PHYIR DNGOS PO 'ANG MIN, ,DE RNAMS DNGOS PHYIR DNGOS MED MIN, ,LUS DNGOS YIN PHYIR GZHAN MA YIN, ,MTSAN NYID KYIS NI GZHAN MA MIN, ,SEMS KYI CHOS NYID RTAG PA'I PHYIR, ,NAM MKHA'I BYUNG BA BZHIN DE BRJOD, ,DE YI BRJOD BYAS BSGOMS PA LAS, ,NYE BAR BRJOD PA KUN RDZOB YIN, ,SPROS PA MED PA'I YE SHES KYIS, ,DRI MA RTZA NAS BTON GYUR PAS, ,GLO

236b

BUR DRI MA ZAD PA NA, ,RANG BZHIN DAG CES DAG PA YIN, ,GAL TE PHYI ROL DON MED NA, ,SNGON PO LA SOGS PA 'DI DAG JI LTAR SNANG BAR 'GYUR ZHE NA, ,BAG CHAGS KYI STOBS LAS SKYES PA'I MI BDEN PA'I DON GYI DON DU SNANG STE RMI LAM GYI SHES PA BZHIN NO, ,BCOM LDAN 'DAS KYIS KYANG, JI LTAR BYIS PAS RNAM BRTAGS PA'I, ,DON PHYIR DE NI YOD MA YIN, ,BAG CHAGS KYIS NI DKRUGS PA'I SEMS, ,DON DU SNANG BAR 'GYUR BA YIN, ,ZHES GSUNGS TE, BAG CHAGS KYIS DKRUGS PA NI NYAMS PAR BYAS PA'O, ,JI STE 'DI DAG SHES PA NYID YIN GYI PHYI ROL GYI DON MA YIN PAR GAL SHES TE, RMI LAM GYI SHES PA NYID DON DE DANG DER SNANG BA BZHIN DU SAD PA NYID NA YANG MA YIN TE, SNGON PO LA SOGS PA'I DON NYID SNANG BA YIN LA DPE TZAM GYI DON GRUB PA MED DO ZHE NA, 'DIR BRJOD PAR BYA STE 'DI LA GSAL BA DANG SNANG BA MYONG BA DANG, BEMS PO MA YIN PA DANG LKOG TU GYUR PA MA YIN PA RNAMS NI RTOGS PA'I MTSAN NYID YIN LA, SNGON PO LA SOGS PA RNAMS KYANG NYAMS SU MYONG BA NI MYONG BA DE MA GTOGS PA MED DE, DE BAS NA SNGON PO LA SOGS PA YANG RTOG PA'I NGO BOR GRUB LA DE NYID KYI PHYIR PHYI ROL GYI NGO BO MA YIN PAR GRUB STE, BEMS PO DANG SNANG BA DAG LA 'GAL BA'I PHYIR RO, ,'DIR DPYOD PA CAN DAG NA RE DON GYI CHOS GSAL BA CAN YIN ZHES BYA BA NI BDAG NYID KYIS MYONG BAS BDEN NA DE YANG SHES PAS BYAS PA YIN GYI SHES PA'I MTSAN NYID NI MA YIN NO, ,DE BAS NA DE NI DON GYI CHOS YIN LA DE GSAL BAR BYED PA'I RGYU SHES PA NI SKYES BU'I CHOS YIN NO ZHES ZER NA, DE YANG MI RIGS TE DON GYI RANG BZHIN NI SKYES BU RNAMS KYI THUN MONG MA YIN TE, 'DI LTAR SNAM BU DMAR PO TSOS MKHAN NYID LA DMAR POR SNANG GI GZHAN DAG LA DKAR POR SNANG BA NI MA YIN TE, 'O NA CI ZHE NA, SKYES BU THAMS CAD KYI DMAR PO YIN PAS 'DI LTAR GANG ZHIG GIS DON GYI CHOS GSAL BAR BYAS PA DE THAMS CAD KYIS MTHONG BAR 'GYUR TE THAMS CAD KYI SNANG BA'I CHOS YIN PA'I PHYIR RO, ,DE BAS NA THAMS CAD KYIS MTHONG BA MED PA MA GTOGS PA 'BA' ZHIG GIS DON 'GA' ZHIG MTHONG BA DE THAMS CAD DU MTHONG BAR 'GYUR RO, ,GZHAN DAG NA RE BEMS PO MA YIN PA DANG GSAL BA NI RIG PA'I MTSAN

237a

, ,NYID DE DE NYID NI RTOGS PA YIN LA, DE YANG SKYES BU'I CHOS YIN GYI CHOS MA YIN TE, SKYES BU'I SHES PA DES DON GYI PHYI ROL DU RIG CING GZUNG BAS RTOGS PA YIN NO, ,DE BAS NA DON GSAL BA YIN TE, GSAL BA NI SHES PAS GSAL BAR BYAS PA'O ZHE NA, DE YANG RIGS PA MA YIN TE 'DI LTAR GSAL BA'I MTSAN NYID SNGAR BSHAD PA BZHIN NYAMS SU MYONG BA YIN LA, DE YANG SNGON PO LA SOGS PA'I CHOS MA YIN, DE DANG GSAL BA MA YIN PAS GZHAN GYIS KYANG NUS PA MA YIN TE RANG GIS GSAL BA MA YIN PA NI GZHAN GYIS GSAL BAR BYA BAR NUS PA MA YIN TE, GSAL BAR BYAS PAS GSAL BAR GYUR PA DANG, GSAL BA MA YIN PA YANG 'GAL BA'I PHYIR RO, ,JI STE BDAG NYID KYIS MI GSAL BA YANG GSAL BA POS GSAL BAR BYAS PA LA SKYON CI YOD CE NA, DE LTA NA YANG GSAL BAR GYUR PA DON GYI CHOS NYID DU 'GYUR TE, DES NA DPYOD PA PA'I LUGS KHAS BLANGS PA MIN LA DE'I SKYON YANG SNGAR BSHAD ZIN TO, ,DE LTAR NA SNGON PO LA SOGS PA NI SNANG BA'I BDAG NYID LA SNANG BA YIN PAS NA GZUNG BA DANG 'DZIN PAS STONG PA'I RNAM PAR SHES PA TZAM MO ZHES BYA BA 'DIS GNAS PA YIN NO, 'DIR TSIGS SU BCAD PA NI, SNANG BA MIN PA SNANG MI 'GYUR, ,GZHAN GYIS KYANG NI SNANG MI NUS; SNGON PO LA SOGS SNANG BA STE, ,DE PHYIR GNYIS MED SHES PA YIN, ,GZHAN YANG SNAM BU DANG RE LDE DANG RTZIG PA LA SOGS PA SNANG BA 'DI DAG GCIG GAM DU MA ZHIG JI STE GCIG YIN NA THOG MA DANG THA MA DANG DBUS KYI CHA'I BYE BRAG DMIGS PAR MI 'GYUR TE BYE BRAG MED PA LA 'GAL BA'I PHYIR RO, ,DE LTAR CHA SHAS RNAMS KYANG SO SOR GCIG TU MI RUNG BAS CHA SHAS MED PA'I RDUL PHRA RAB 'BA' ZHIG GNAS GRANG, DE YANG YONGS SU BSKOR BA'I RDUL RNAMS KYIS PHYOGS GCIG NAS SBYOR DU MI RUNG STE, CHA SHAS MED PA'I PHYIR RO, ,THAMS CAD KYIS KYANG MI RUNG STE RDUL PHRA MO RNAMS GCIG LA GCIG ZHUGS PAS RI LA SOGS PA YANG RDUL PHRA MO'I TSAD TZAM DU THAL BAR 'GYUR RO, ,DES NA SNAM BU LA SOGS PA 'DI DAG GCIG KYANG MA YIN LA DU MA YANG MA YIN TE DE'I PHYIR SNGON PO LA SOGS PA 'DI DAG RDUL PHRA MOR BA SHIG NA, PHYI ROL GYI DON YOD PA MA YIN TE

237b

GCIG DANG DU MA DANG BRAL BA'I PHYIR RO, ,DE YANG SLOB DPON DBYIG GNYEN GYI ZHAL SNGA NAS, DRUG GIS CIG CAR SBYAR BAS NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG BU RDUL PHRAN TZAM DU 'GYUR, ,ZHES GSUNGS SO, ,JI LTAR SNGON PO LA SOGS PA PHYI ROL DU KHAS BLANGS PA LA SKYON BRJOD PA 'DI DAG NI RNAM PAR SHES PA'I BDAG NYID KYI SNGON PO LA SOGS PA LA YANG MTSUNGS TE, THAL BAR GYUR PA LA BYE BRAG MED PA'I PHYIR RO, ,DON DANG RNAM PAR SHES PA BYE BRAG TZAM GYIS NI CIR YANG MI 'GYUR RO, ,JI STE DON GYI RDUL PHRA RAB NI PHYOGS DRUG NAS BSKOR BA YIN LA RNAM PAR SHES PA'I RDUL PHRA MO NI PHYOGS BZHI PA'O ZHE NA, CHA SHAS DANG BCAS PAR MTSUNGS PA'I PHYIR DES KYANG CIR YANG MI 'GYUR RO, ,GCIG DANG DU MA LAS MA GTOGS PA'I DNGOS PO PHUNG PO GSUM PA GZHAN DAG KYANG MED PAS SNGON PO LA SOGS PA 'DI DAG NI PHYI ROL GYI DNGOS PO DANG NANG GI DNGOS POR MA GRUB PA BRDZUN PA NYID DO, ,GZHAN YANG 'DI NI SNGON PO LA SOGS PA 'DI DAG CIG CAR NYAMS SU MYONG BA YIN LA, NYAMS SU MYONG BA DE YANG RIG PA DANG GSAL BA DANG SNANG BA ZHES BYA STE, GSAL BA DE NI MYONG BA DANG BDAG NYID GCIG PA NYID YIN LA, GSAL BA DANG GSAL BA MA YIN PAR 'GAL BA'I PHYIR DANG GSAL BA NI GSAL BA KHO NA'I MTSAN NYID YIN PA'I PHYIR RO, ,MYONG BA'I NGO BO NYID YIN LA, DE LTAR GSAL BA TZAM YIN YANG BAG CHAGS KYIS DKRUGS PA'I DBANG GIS MED DU ZIN KYANG GANG ZHIG GIS BDAG NYID DU SNANG STE, BDAG NYID DE DAG NI GO RIMS BZHIN DU GZHAN GYIS MA BZHAG PA DANG, BZHAG PA YANG DAG PA DANG YANG DAG PA MA YIN PA YANG YIN TE, GSAL BA NI GZHAN GYIS BZHAG PA MA YIN PA'I PHYIR BRDZUN PAR MI RUNG NGO, ,GSAL BA DE YANG GSAL BA GZHAN GYIS BZHAG PAS GSAL BA MA YIN TE THUG PA MED PAR THAL BAR 'GYUR BA'I PHYIR RO, ,DE BAS NA GSAL BA 'DI NI RANG GI BDAG NYID KYI MNGON SUM GYI TSAD MA YIN TE GZHAN GYIS BZHAG PA NI NAM MKHA' LA SGRA'I TSOGS SNANG BA BZHIN 'KHRUL PAS YIN NO, ,DE NYID KYI PHYIR GSAL BA LA GNOD PAR BYED PA MED PA DANG DE LAS LHAG PA'I TSAD MA 'JIG RTEN NA MED PA'I PHYIR RO, ,SNGON PO

238a

, ,LA SOGS PA LA NI GNOD PA YOD PA KHO NA STE, 'DI LTAR SNGON PO DANG SER PO DANG DKAR PO DANG LJANG GU LA SOGS PA'I MTSAN NYID PHAN TSUN SPANGS TE SNANG BAS NA GCIG MA YIN LA DE'I BDAG NYID SNANG BA GCIG DANG 'GAL BA'I PHYIR DU MA NYID KYANG MA YIN NO, ,JI STE DE'I BDAG NYID YIN PA'I PHYIR DE DANG 'DRA BAR GSAL BA YANG THA DAD DO ZHE NA, DE DAG BDAG NYID SO SOR MYONG BA'I PHYIR LHAN CIG MYONG BA MED PAS THAMS CAD LA GCIG TU MYONG BA MED PAR THAL BAR 'GYUR RO, ,DE BAS NA SNGON PO LA SOGS PA NI GCIG DANG DU MA DANG BRAL BAS BRDZUN PA YIN TE NAM MKHA'I NGOS LA SNANG BA'I SKRA'I TSOGS BZHIN NO, ,BCOM LDAN 'DAS KYIS KYANG DON 'DI, ,JI LTAR ME LONG LA NI GZUGS, ,GCIG DANG GZHAN PA RNAMS SPANGS PA, ,SNANG YANG DE NA YOD MA YIN, ,DE BZHIN DNGOS RNAMS NGO BO NYID, ,CES GSUNGS SO, ,'DI LTAR GZHAN PA ZHES BYA BA NI GCIG LA LTOS PA STE DU MA'O, ,DNGOS RNAMS ZHES BYA BA NI RNAM PAR RIG PA TZAM GYI BDAG NYID KYI CHOS THAMS CAD DO, ,NGO BO NYID CES BYA BA NI DNGOS PO'I MTSAN NYID DE SNGON PO'I LAM LA SOGS PA'O, ,GZHAN YANG SNGON PO LA SOGS PA GSAL BA LAS THA DAD DAM 'ON TE THA DAD PA MA YIN JI STE THA DAD PA YIN NA NI DE MI SNANG BAR 'GYUR RO, ,GAL TE THA DAD PA MA YIN NA NI; DE RNAMS GSAL BA'I BDAG NYID YIN PAS GCIG TU GYUR PA'AM DE YANG DE RNAMS DANG THA MI DAD PAS DU MAR GYUR PA DES NA LHAN CIG MYONG BA MED PAR 'GYUR RO, ,DE BAS NA SNGON PO LA SOGS PA GSAL BA LAS THA DAD PA DANG, CIG SHOS KYI RANG BZHIN DANG BRAL BAS ME LONG GI NANG DU BYUNG BA'I GZUGS BRNYAN BZHIN DU BRDZUN PA YIN PA'I PHYIR YANG, JI LTAR ME LONG LA NI GZUGS, ,ZHES BYA BA LA SOGS PA GSUNGS TE, PHYOGS 'DI LA NI GCIG DANG GZHAN PA ZHES BYA BA NI THA DAD PA DANG THA DAD PA MA YIN PA'O, ,JI STE SNGON PO LA SOGS PA 'DI DAG LHAN CIG MYONG BA'I PHYIR GCIG YIN NO ZHE NA, MA YIN TE THA DAD PAR NYAMS SU MYONG BA'I PHYIR DANG THA MI DAD PAR NYAMS SU MYONG BAR MI NUS PAS SO, ,JI STE YANG SNGON PO LA SOGS PA 'DI DAG LHAN CIG NYAMS SU MYONG BAS JI LTAR NYAMS SU MYONG BA DE LTAR GCIG YIN NO ZHE NA, THA DAD PA NYID THA DAD PA MA YIN NO ZHES LEGS PAR SMRAS PAR 'GYUR RO, ,JI STE

238b

BLO'I RNAM PA YANG SNGON PO LA SOGS PA NI RANG NYID LA 'KHRUL PA MI RIGS PAS BRDZUN PA MA YIN LA, RANG GI SNANG BA PHYI ROL GYI DON MA YIN PA LA SNGON DU MNGON PAR ZHEN PAS BZHAG PA'I SNGON PO LA SOGS PA NI BRDZUN PA YIN NO ZHE NA, 'O NA NI RANG GI SNANG BA LA MNGON PAR ZHEN PA YIN PAS DE RNAM PA THAMS CAD DU SHES PA NYID DU ZHEN PAR 'GYUR GYI DON DU NI MA YIN TE DE DON MA YIN PA'I PHYIR RO, ,DE NYID KYI PHYIR 'KHRUL PA YIN NO ZHE NA, 'KHRUL PA DE NYID DPYAD PAR BYA BA YIN NO, ,JI STE DON LA MNGON PAR ZHEN PA YIN NA NI DE'I DON RNAM PA THAMS CAD DU YOD PAR 'GYUR BAS DON MED PA BZHIN DU ZHEN PAR MI 'GYUR RO, ,DE BAS NA DON LA YANG ZHEN PA MA YIN LA SHES PA LA YANG MA YIN NO, ,'O NA CI ZHE NA, RNAM PAR RTOG PA'I BLO'I SNANG BA LDOG PA'I LUS GTZO BOR GYUR PA TZAM NI BRDZUN PA YIN NO, ,DE YANG NYAMS SU MYONG BA'I PHYIR DANG BLO MED NA MI 'BYUNG BA'I PHYIR DANG SO SO'I BDAG NYID DU MYONG BA'I PHYIR BLO'I BDAG NYID YIN LA DON MNGON PAR ZHEN PAS DON DU GYUR PA YIN GYI DON YOD PAS NI MA YIN TE, DON MED KYANG 'BYUNG BA'I PHYIR RO, ,DE LAS KHA CIG NI DON RNAM PAR 'JOG PA YIN TE DON DANG 'BREL PA'I PHYIR RO, ,DE BAS NA GANG YANG SGRA RNAMS NI DNGOS SU DNGOS PO'I DON CAN DU MI RIGS TE 'GAL BA'I PHYIR RO, ,BRDZUN PA'I DON CAN DE NI JI LTAR GRAGS PA BZHIN RNAM PAR GZHAG PA YIN GYI DE KHO NA NYID JI LTA BA BZHIN DU NI MA YIN NO, ,DE YANG GSUNGS PA, DE LA NGO BO PHYI ROL DANG, ,GCIG LTA GZHAN LAS LOG LTA BUR, ,SNANG BA GANG YIN BRTAG PA YI, ,YAN LAG MED PHYIR DE NYID MIN, , YANG GSUNGS PA, SGRA DON 'DI NI YOD MIN KYANG, ,JI LTAR GRAGS PA BZHIN DU BRJOD, ,YANG CI'I PHYIR BRDZUN PAR SNANG ZHE NA, ,DE'I BDAG NYID KYI PHYIR RO, ,'O NA JI LTAR BDEN PA DANG BRDZUN PA 'GAL BAR GYUR PA DAG ,DE'I BDAG NYID DU RUNG, GSAL BA LAS THA MI DAD PA'I PHYIR RNAM PAR BRDZUN PA YANG DNGOS POR GYUR PA 'AM SNANG BA BRDZUN PA LAS THA MI DAD PA'I PHYIR GSAL BA YANG BRDZUN DU 'GYUR ZHE NA, GANG YANG JI LTAR BDEN PA DANG, ,BRDZUN PA 'GAL BAR GYUR PA DAG ,DE'I BDAG NYID DU RUNG BA ZHES BYA BA YANG MI RIGS TE, BDAG NYID KYI DNGOS POR GYUR NA 'GAL BAR 'GYUR GYI BRDZUN PA LA NI MA

239a

, ,YIN NO, ,DE BAS NA BRDZUN PA'I DBANG GIS SNANG BA YANG BRDZUN YIN LA, BRDZUN PA DES DE'I BDAG NYID KYANG YIN PA LA 'GAL BA CI YOD BRDZUN PA YANG JI LTAR GRAGS PA BZHIN DU RNAM PAR MI GZHAG PA NI MA YIN NO, ,'DI NI GDON MI ZA BAR KHAS BLANG BAR BYA STE GZHAN DU 'KHRUL PA RGYUN 'CHAD PAR 'GYUR RO, ,DE NAS NGES PA DANG 'JUG PA DANG PHAN TSUN RTZOD PA DANG BCINGS PA DANG GROL BA LA SOGS PA MED PAS THAL BAR 'GYUR RO, ,DE BAS NA GANG YANG GSAL BA LAS THA MI DAD PA'I PHYIR SNANG BA BRDZUN YANG DNGOS POR 'GYUR RO ZHES BYA BA'I GTAN TSIGS 'DI LA, GAL TE DNGOS PO'I RANG BZHIN DU THA MI DAD DO ZHE NA, GTAN TSIGS MA GRUB PAR 'GYUR RO, ,'ON TE THA DAD PA TZAM GTAN TSIGS YIN NA NI MA NGES PAR 'GYUR TE, GZUNG BA DANG 'DZIN PA NYID LA SOGS PA LA DE MED PAR GTAN TSIGS YOD PAS SO, ,DE NYID KYIS GSAL BA YANG RNAM PAR BRDZUN PA DE LA THA MI DAD PA'I PHYIR ZHES BYA BA LA SOGS PA YANG BSHAD ZIN TO, ,YANG DBU MA PAS SMRAS PA, KHO BO'I LTAR NA THAMS CAD BRDZUN YIN PA'I PHYIR DNGOS PO CUNG ZAD KYANG YIN PAS GTAN TSIGS 'DI BSGRUB BYA MED PAR YOD PA MA YIN NO ZHE NA, DE DAG GI LTAR NA YANG BZLOG PA LA GNOD PAR BYED PA'I TSAD MA MED PAS LDOG PA THE TSOM ZA BA'I MA NGES PAR 'GYUR RO, ,GZHAN YANG THAMS CAD BRDZUN PA NYID YIN NA, DE'I TSE GAG GIS KYANG CI LA YANG SGRO BTAGS PA MED PAR 'GYUR TE, BYE BRAG MED PA'I PHYIR RO, ,DE'I PHYIR 'KHRUL PA RGYUN CHAD PAR 'GYUR LA, SGRO MA BTAGS PA LA GNOD PA BYED PA MED PAS GANG GIS KYANG CI YANG BRDZUN PAR MA GRUB PO, ,GZHAN YANG GAL TE THAMS CAD STONG PA NYID KYANG BRDZUN PA YIN NA DON DAM PAR BYA BA GANG LA YOD NA CI STE DE NI TSAD MAS GRUB PAS BRDZUN PA MA YIN NO ZHE NA, 'O NA MI GSAL BA YANG BRDZUN DU MI 'GYUR TE, TSAD MAS GRUB PA'I PHYIR RO, ,'DI LTAR SNGON PO LA SOGS PA'I GSAL BA NI THAMS CAD KYI NYAMS SU MA MYONG BAS GRUB STE, DE YANG RIG PA LA 'KHRUL PA MI DMIGS PAS MNGON SUM NYID YIN NO, ,SNGON PO LA SOGS PA MYONG BA NI 'KHRUL PA YIN LA DE DAG DE LAS NGO BO GZHAN DU 'GYUR TE JI LTAR BSTAN PA'I GNOD PA YOD PA'I PHYIR RO, ,SNGON PO DANG GSAL BDAG NI SHIN TU DBYER MED DE BYE BRAG

239b

MI DMIGS PA'I PHYIR RO ZHE NA, DE'I TSE THA DAD PA MED PA TZAM DU SGRUB NA NI 'GRUB PA YIN NO, ,'ON TE DNGOS PO NYID KYI THA DAD PA MED PA SGRUB NA NI MA NGES PAR 'GYUR RO, ,DE BAS NA GSAL BA'I BDAG NYID YANG DAG PA YANG GZHAN YIN LA SNGON PO LA SOGS PA BRDZUN PA YANG GZHAN YIN NO, , GZHAN YANG THAMS CAD BRDZUN PA NYID YIN NA, 'JIG RTEN LAS 'DAS PA'I RNAM PAR MI RTOG PA'I YE SHES NAM YANG SKYE BAR MI 'GYUR TE, RTAG TU BRDZUN PA NYAMS SU MYONG BA'I PHYIR DANG BDEN PA LAS SO SOR RTOG PA DANG BCAS PA YIN PA'I PHYIR RO, ,KHA CIG NA RE SEMS DANG SEMS LAS BYUNG BA 'GAGS PA NI 'JIG RTEN LAS 'DAS PA'I YANG DAG PA'I YE SHES SO ZHES ZER NA DE YANG MI BDEN TE, 'DI LTAR SHES RAB LA SOGS PA 'GOG PA NA SHES PA NYID KYANG 'GAGS NA YANG DAG PA'I YE SHES LTA SMOS KYANG CI DGOS, KHO BO'I LTAR NA BRDZUN PAR SNANG BA 'GAGS NAS GNYIS SU MED PAR GSAL BAR MYONG BA'I 'JIG RTEN LAS 'DAS PA'I YE SHES SKYE BA'I PHYIR NYES PA CI YANG MED DO, ,DE'I PHYIR THAMS CAD BRDZUN PAR SMRA BA NI RTZOD PA LA MKHAS PA MA YIN NO, ,'DIR BRDZUN PA NI NGO BO MED PA'I PHYIR BTAGS PA'I YOD PA'O, ,GSAL BA NI RTEN CING 'BREL BAR 'BYUNG BA'I PHYIR RDZAS SU YOD PA'O, ,DE GNYIS KYIS STONG PA NI DON DAM PAR YOD PA STE YANG DAG PA'I YE SHES KYI YUL YIN PA'I PHYIR RO, ,DE NYID KYIS NA SNGON PO LA SOGS PA NI NGO BO NYID MED PA'I PHYIR SKYE BAR YANG MI 'GYUR LA 'GAG PAR YANG MI 'GYUR TE 'KHRUL PA'I DUS NA NI SNANG LA 'KHRUL PA LOG NA NI MI SNANG BAR ZAD DO, ,DE SKAD DU YANG SLOB DPON KLU SGRUB KYI ZHAL SNGA NAS, ,DNGOS RNAMS SKYE BA YOD MED CING, ,'GAG PA GANG NA YOD MA YIN, ,RKYEN NYID 'DI RNAMS KHO NA NI, ,SKYE ZHING 'GAG PAR 'GYUR BA YIN, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,YE SHES KYIS NI DE BRAL NA, ,LOG PAR RNAM BRTAG CIS MA YIN, ,GAL TE DE LTA NA RNAL 'BYOR SPYOD PA DANG DE DAG TU BYE BRAG CI ZHIG YOD CE NA, DBU MA PA KHA CIG DAG NI GSAL BA'I BDAG NYID DE YANG DPYAD MI BZOD PAS MED PAR KHAS LEN NA, DE NI RIGS PA MA YIN TE, SGRO MA BTAGS PAR MNGON SUM GYIS GRUB PAR GYUR PA, SPROS

240a

, ,PA THAMS CAD LOG PAR GYUR YANG RJES SU 'BRANG BA'I GSAL BA NI 'JIG RTEN DANG 'JIG RTEN LAS 'DAS PA'I DPYOD PA'I RGYA MTSO LAS RGAL BA CIG TU DPYAD BZOD PA'I BDAG NYID CAN YIN TE, GNOD PA THAMS CAD NI SGRO BTAGS PA'I YUL CAN YIN PA'I PHYIR RO, ,GANG GIS DE LA GNOD PA BYAS PAR GYUR NA DE'I RTZA BA CAN YIN PA'I PHYIR NYAM CHUNG BAR 'GYUR BA'AM DES GNOD PAR 'GYUR RO, ,YANG KHO BO NI DNGOS PO THAMS CAD GSAL BA'I BDAG NYID KYIS BDEN LA, SNGON PO LA SOGS PA'I BDAG NYID KYIS MI BDEN PA NI DBU MA NYID KYI LAM YIN PAR SMRAS TE, RNAL 'BYOR SPYOD PA 'DI LTAR 'DOD PA JI LTA BA DE BZHIN DU, N'A GA RDZU NA'I ZHAL SNGA NAS KYANG BZHAD DE, GRUB PA'I MTHA' 'DI NI GCIG PA YIN LA, THA DAD PAR 'DOD PA GZHAN DAG NI KHA NA MA THO BA MED PA MA YIN NO, ,SHIN TU SPROS PAS CHOG GO, ,'DI NI THAMS CAD DU GNAS PAR GYUR PA STE, 'DI LTAR CHOS THAMS CAD SNANG BA SEMS BSKYED PA GZUNG BA DANG 'DZIN PA DAG DANG BRAL BAS LUS DANG NGAG BZHIN DU SEMS TZAM NYID DU MOS PAR BYAS LA RNAM PA DE DAG BRDZUN PAR RIG NAS SNANG BA MED PAR RTOGS PA'I SBYOR BAS SPANGS TE SNANG BA MED PA'I ZHI GNAS 'DI BSKYED LA, DE NYID GSAL BAR MTHONG BA'I LHAG MTHONG DANG ZUNG DU 'JUG PA'I BSGOM PA RDZOGS PA NI, ZHI GNAS DANG LHAG MTHONG GI BDAG NYID CAN 'JIG RTEN LAS 'DAS PA'I YE SHES SNANG BA MED CING SPROS PA THAMS CAD DANG BRAL BA SKYE BAR 'GYUR RO, ,'DIR TSIGS SU BCAD PA GSUM YIN TE, BDEN MIN GNYIS SU RTOGS PA YIS, ,'JIG RTEN SHES PA RNAM PAR BCAS, ,RNAM PA DAG NI BRDZUN PA'I PHYIR, ,DE NI RNAM PA MED PAR BRJOD, ,'PHAGS PA BDEN MIN MI RTOG PAS, ,YE SHES GNYIS MED RNAM PA CAN, ,BDEN MIN RNAM PA SPANGS NAS SU, ,MNYAM NYID TING 'DZIN LHAG MTHONG BCAS, ,'JIG RTEN LAS 'DAS YE SHES NI, ,RNAM PA DAG NI NUB GYUR NAS; ,SPROS PA MED PAR GNYIS MED PAS, ,GTZO BO SNANG BA MED PA SKYE, ,BYANG CHUB KYI SEMS GSAL BAR BYED PA'I LE'U NI BYANG CHUB SEMS KYI LE'U STE, GSANG BA 'DUS PA'I BSHAD SBYAR SNYIM PA'I ME TOG LAS LE'U GNYIS PA'O,, ,,MCHOG GI BSNYEN PA NI LE'U GSUM

240b

PA DANG BDUN PA DANG BCU GCIG PA DANG BCO LNGA PA STE LE'U BZHI RNAMS SU GTOR TE GNAS PA LA SA DE'I MNGON PAR RTOGS PA NI LE'U GSUM PA'I DON YIN LA, DE BAS NA 'DI'I DANG POR DE NYID RE ZHIG MDOR BSDUS TE BRJOD PAR BYA'O, ,'DI SGRUB THABS KYI DBANG DU BYAS PA'I SNGAGS PA TSOGS BSAGS PA'I MTSAN MA THOB PAS ME TOG DANG 'BRAS BU DRI ZHIM PO PHUN SUM TSOGS PA GTZANG ZHING NYE BAR 'TSE BA MED PA'I RI SUL LA SOGS PAR GNAS BCAS TE SGRUB PA'I GROGS BZANG PO DANG LHAN CIG TU MCHOG GI BSNYEN PA RTZOM PAR 'DOD PAS THO RANGS KYI DUS SU LANGS LA, LAM LA BRTEN PA'I BAR GYI CHO GA NAS NYAMS SU BLANGS TE, SEMS CAN THAMS CAD LA SNYING RJE MNGON DU BYAS NAS SNANG BA MED PA'I BYANG CHUB KYI SEMS LHAG PAR MOS PAR BYAS LA, AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES BYA BA'I SNGAGS KYIS BYIN GYIS BRLAB PO, ,DE'I RJES LA CHOS 'BYUNG BA'I PHYAG RGYA'I NANG DU TSUD PA'I KHANG BU BRTZEGS PA BSGOMS PA, GAL TE RNAM PAR SNANG MDZAD DAM, DE'I RIGS KYI RNAL 'BYOR PA YIN NA, ,DE'I DBUS SU GDAN ZLA BA'I DKYIL 'KHOR LA RAB BSNGAGS KYI YI GE ZLA BA LTAR DKAR BA BSAMS LA, DE'I 'OD ZER GYIS NAM MKHA' KHYAB PA'I SNGAGS KYI LHA RNAMS BSDUS TE DE NYID DU BSTIMS PA LAS BYUNG BA'I BCOM LDAN 'DAS RNAM PAR SNANG MDZAD BSGOM PAR BYA STE, MDOG DKAR PO NAG PO DMAR PO'I ZHAL CAN, ,RTZA BA'I PHYAG GNYIS KYIS RANG GI 'OD ZER GYI RIG MA LA 'KHYUD CING MA MCHU 'DZIN PA, PHYAG G-YAS GNYIS KYIS 'KHOR LO DANG RAL GRI 'DZIN CING, G-YON GNYIS KYIS RIN PO CHE DANG PADMA BSNAMS PA ZLA BA'I GDAN DANG, ZLA BA'I 'OD CAN, RDO RJE'I SKYIL KRUNG DANG, ZHI BA'I NYAMS DANG LDAN PA RAL PA'I COD PAN LA MI BSKYOD PAS BRGYAN PA, MGO BO DANG, MGRIN PA SNYING GA RNAMS SU ZLA BA RAB BSNGAGS DANG, A'A: DANG H'Um GIS BYIN GYIS BRLAB CING 'OD ZER KHA DOG SNA LNGA LAS DE BZHIN GSHEGS PA'I TSOGS SPROS PAS NAM MKHA'I NGOS G-YOGS PAR BSAM MO, ,DE'I RJES LA SBYOR BA'I YAN LAG DRUG PO BYAS TE, JI SKAD DU LE'U BCO BRGYAD PA LAS, BSNYEN PA'I YAN LAG DRUG TSUL DU, ,BYAS PA MCHOG NI BSGRUB PAR BYA, ,GZHAN

241a

, ,DAG TU NI BSGRUBS GYUR NA, ,DNGOS GRUB MCHOG TU MI 'GYUR RO, ,SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN DANG TING 'DZIN DANG, ,SBYOR BA'I YAN LAG DRUG CES BYA, ,ZHES GSUNGS TE, DE LAS 'BYUNG BA CHEN PO LNGA BSDUS PA NI NAM MKHA' BSAMS NAS DE'I DBUS SU 'BYUNG BA LAS GYUR PA'I DBANG PO LNGA BSDUS PA'I RDO RJE BSAM MO, ,DE'I LTE BAR CHOS KYI DBYINGS KYI ZLA BA'I GDAN LA GNAS PA'I SNA TSOGS PA BSAMS LA SHES PA DANG SHES BYA DE DAG THA DAD KYI SBYOR BA DANG BRAL BAS GDAN SNA TSOGS PA DAG DBYER MED PA'I NGES PAR BYA'O, ,DE'I RJES LA SNA TSOGS PA'I GDAN ZLA BA LAS ZLA BA DANG NYI MA'I RNAM PA GZUGS DANG SGRA DANG DRI DANG RO DANG REG BYA RNAMS RIM BZHIN DU RDO RJE NOR BU'I SGO NAS BYUNG BAS PADMA'I NANG DU DBUS DANG, SHAR DANG, LHO DANG NUB DANG BYANG GI CHA RNAMS SU BKOD LA, SNA TSOGS PA NYID LA SANGS RGYAS LNGA'I SNGAGS KYI RNAM PA AOm H'Um SV'A A'A:H'A, ZHES BYA BA RNAMS SPROS TE, ,DE DAG TU BKOD NAS RIM PA JI LTA BA BZHIN DU RANG RANG LA RTAG PA DANG MI BSKYOD PA DANG, RIN CHEN DBANG PO DANG, NGAG GI DBANG PHYUG DANG, DON YOD GRUB PA RNAMS RANG GI RIGS MTHA' YAS PA DANG LHAN CIG TU 'ONGS TE BSTIM MO, ,DE LTAR DKYIL 'KHOR LNGA'I BDAG NYID JI SRID 'DOD KYI BAR DU BSGOM MO, ,DE'I RJES LA SNA TSOGS PA'I RANG GI GDAN LA SANGS RGYAS LNGA'I GDAN LNGA BSDU, BDAG NYID LA NI SANGS RGYAS LNGA PO BSDU BA 'DI NI SO SOR SDUD PA ZHES BYA BA'I YAN LAG DANG PO'O, ,DE'I RJES LA SNA TSOGS PA LAS PANG [?] MO'I LTE BA'I GRVA GSUM DU 'KHOR LO DANG PADMA DANG RDO RJE RNAMS SPROS PA NI BSAM GTAN DANG PO RTOG PA ZHES BYA'O, ,DE RNAMS KYI DBUS SU RAL GRI SPRO BA NI BSAM GTAN GNYIS PA DPYOD PA ZHES BYA'O, ,MTSAN MA BZHI'I LTE BA RNAMS SU, AOm A'A:H'Um HAm ZHES BYA BA'I DGA' MA RNAMS SPRO BA NI BSAM GTAN GSUM PA DGA' BA ZHES BYA'O, ,DE'I RJES LA RAL GRI'I SNYING PO'I LTE BAR DGA' MA RNAMS BSDUS PA LAS BYUNG BA'I THIG LE PHRA MO MU TIG GI RDOG MA LTA BUR GANG BA BSAM PA NI BSAM GTAN BZHI PA BDE BA ZHES BYA BA'O, ,DE'I RJES LA MTSAN MA BSDUS PA LAS BYUNG BA'I ME NANG DU CHUD

241b

PA'I SEMS KYI THIG LE BSAM PA NI BSAM GTAN LNGA PA SEMS RTZE GCIG PA ZHES BYA BA STE, 'DI NI BSAM GTAN LNGA PA ZHES BYA BA YAN LAG GNYIS PA'O, ,DE'I RJES LA SNA TSOGS PA GDAN DANG BCAS PA BYUNG STE BDE BA'I THIG LE DANG SEMS KYI THIG LE NANG DU CHUD PA'I RIN CHEN CHEN POR BSDUS PA'I SBYOR BA YUNGS KAR LTAR PHRA BA BSKYED LA, AOm DHARMA DH'A TU SVA BH'A WA A'ATMA KO&HAm, ZHES BYA BA'I SNGAGS KYIS BYIN GYIS BRLAB PO, ,DE NAS GYEN DU DRANGS TE SNA'I RTZE MOR BZHAG LA BSGOM PA 'DI NI SROG DANG RTZOL BA ZHES BYA BA YAN LAG GSUM PA'O, ,DE NAS SNYING GAR ZLA BA LA RANG GI SNGAGS BSAMS LA DE'I THIG LER RIN CHEN PHRA MO PHAB STE, DE NYID DU NGES PA BSGOMS LA DE NAS RANG GI SNGAGS LA RAB BSNGAGS BSTIMS TE SKU PHRA MO'I RIN CHEN PHRA MO LA BRTAG PAR BYA'O, ,DE BZHIN DU A'A: BSTIMS PAS NI GSUNG GI PHRA MO LA'O, ,H'Um BSTIMS PAS NI THUGS KYI PHRA MO LA'O, ,DE'I RJES LA RDO RJE GSUM PO DBYER MED PA'I RANG GI SNGAGS KYI GSANG BA GSUM PO BSDUS PA'I RIN CHEN PHRA MO LA GZUD PAR BYA STE, JI SRID DU DE NYID DU SEMS BRTAN PAR GYUR GYI BAR DU GZUNG BA 'DI NI 'DZIN PA ZHES BYA BA YAN LAG BZHI PA STE, JI SRID DU TZA NA KA'I 'BRU TZAM LA BRTAN PAR MA GYUR GYI BAR DU NI YAN LAG BZHI PA DE NYID KYI SBYOR BA BYA LA, BRTAN PA'I MTSAN MA NYE BAR THOB NAS NI YAN LAG DRUG PA RDZOGS PAR BYA'O, ,CI STE BRTAN PAR GYUR NA SEMS KYI RIN PO CHE RDO RJE NOR BUR PHAB LA DE LAS BYUNG BA'I 'OD KYI THIG LE PADMA'I NANG DU PHYUNG BA LAS 'KHOR LO PHRA MOR SPRUL TE SKU GNYIS DANG NAM MKHA'I NGOS KHYAB PA'I 'KHOR LO PHRA MO SPROS PA NI SANGS RGYAS RJES SU DRAN PA'O, ,DE BZHIN DU PADMA SPROS PA NI CHOS RJES SU DRAN PA'O, ,RDO RJE SPROS PA NI RDO RJE RJES SU DRAN PA'O, ,RAL GRI SPROS PA NI RIGS RJES SU DRAN PA'O, ,DE NAS GTZUG TOR 'KHOR LOS SGYUR BA YID KYIS BKUG STE BDAG NYID LA BCUG NAS RIN PO CHER BSDUS TE, RIN PO CHE DE NYID LAS DE'I 'KHOR LO SPROS PA NI, KHRO BO RJES SU DRAN PA'O, ,DE NYID LAS 'OD KYI THIG LE RNAMS LAS DE NYID DU MTSAN MA LNGA SPROS TE, DBUS SU NI 'KHOR LO SER PO'O, ,LHAG MA RNAMS NI NGOS BZHI RU SPRUL LA DE RNAMS

242a

, ,SPROS PA NI DAM TSIG RJES SU DRAN PA STE, 'DI NI RJES SU DRAN PA DRUG CES BYA BA YAN LAG LNGA PA'O, ,DE NAS SEMS KYI RIN PO CHE SNYING GA'I SNGAGS KYI THIG LER DRANGS TE GZHAG LA NAM MKHAR SPROS PA'I MTSAN MA RNAMS 'OD KYI DKYIL 'KHOR GCIG TU BSDUS TE, RIN PO CHE PHRA MO'I NANG DU 'KHOR LOS SGYUR BA'I GDAN GYI RNAM PA LTAR YUN RING DU BSGOM PA 'DI NI TING NGE 'DZIN ZHES BYA BA'I YAN LAG DRUG PA'O, ,LDANG BA'I DUS SU NI TSIGS SU BCAD PA 'DI LNGAS SMON LAM GDAB PAR BYA STE, SANGS RGYAS KUN GYI SKU GANG YIN, ,PHUNG PO LNGA YIS RAB TU GANG, ,SANGS RGYAS SKU YI RANG BZHIN PAS, ,BDAG KYANG DE DANG 'DRA BAR SHOG ,RDO RJE CHOS KYI GSUNG GANG YIN, ,GSUNG DE NGES TSIG PHUN SUM TSOGS, ,BDAG GI NGAG KYANG DE 'DRA BAS, ,CHOS 'DZIN PA DANG MTSUNGS PAR SHOG ,KUN DU BZANG PO'I THUGS GANG YIN, ,GSANG BA'I DBANG PO'I BLO LDAN PA; ,BDAG GI SEMS KYANG DE 'DRA BAS, ,RDO RJE 'DZIN DANG MTSUNGS PAR SHOG ,SEMS CAN KUN GYI SEMS GANG YIN, ,SKU DANG GSUNG DANG THUGS KYIS MTSAN, ,BDAG GI SEMS KYANG DE 'DRA BAS, ,MKHA' MTSUNGS SNYING PO CAN GYUR CIG ,RDO RJE SNGAGS KYI SKU GANG YIN, , GSUNG GI SKU NI RNAM BSGOMS TE, ,BDAG KYANG RTAG TU DE 'DRA BAR, ,SNGAGS 'DZIN PA DANG MTSUNGS PAR SHOG ,DE LTAR DNGOS GRUB MCHOG GI SBYOR BA'I YAN LAG DRUG GIS BSNYEN PA DAM TSIG LAS MI 'DA' BAR BYA'O, ,'DIR BSDUS PA'I TSIGS SU BCAD PA NI, 'KHOR LOS SGYUR BA'I RIG PAR BCAS, ,KHANG BRTZEGS NANG DU BLTAS NAS SU, ,MKHA' DANG RDO RJE GNAS NA TSOGS, ,SBYOR BA'I YAN LAG DRUG RDZOGS BYED, ,SEMS DPA' DE YI LONGS SPYOD DAG ,BSDUS GNYIS PHRA GSUM RIN PO CHE, ,RIN CHEN BSTAN NAS KHYAB PAR SPRO, ,DE NAS RIN PO CHER BSDU BYA, ,ZHES BYA BA STE, BSNYEN PA'I MNGON PAR RTOGS PA'O, ,'DI NI 'KHOR LOS SGYUR BA'I RNAL 'BYOR PAS SBYOR BA'I YAN LAG DRUG GI RNAL 'BYOR LA GNAS TE, BSNYEN PA'I MNGON PAR RTOGS PA BSTAN PA DE LAS YAN LAG DRUG PA NI 'BRAS BU YIN PA'I PHYIR GTZO BO YIN LA,

242b

DE NI RDO RJE BKOD PA ZHES BYA STE, DES NA DE'I LE'U'I DON GYI SKABS DBYE BA'I PHYIR DE NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD KYI SKU DANG GSUNG DANG THUGS NI GSANG BA YIN LA, DE RNAMS KYI RDO RJE NI 'DUS PA YIN TE GSANG BA 'DUS PA ZHES BYA BA'I DON TO; ,GSANG BA DE DAG JI LTA BA DE BZHIN DU GSUNGS PAS NA DE BZHIN GSHEGS PA'O, ,DE BZHIN GSHEGS PA THAMS CAD CES BYA BA NI YANG DAG PAR RTOGS PA STE, 'KHOR LO DANG PADMA DANG RDO RJE LA SOGS PA'O, ,DE RNAMS KYI SPRIN 'PHRO BA NI DE RNAMS KYI SPRIN GYIS NAM MKHA' KHYAB BAR G-YOGS PA'O, ,DE'I BKOD PA NI RDO RJER BSDUS PA'O, ,DE NYID RDO RJE STE MI PHYED PA'I PHYIR RO, ,DE LA DMIGS PA'I TING NGE 'DZIN LA DE SKAD CES BYA STE, DE LA SNYOMS PAR ZHUGS PA NI DE STON PA'I RNAM PAR THUGS RTZE GCIG TU MDZAD PA'I DON TO, ,RDO RJE BKOD PA NI TING NGE 'DZIN DE NYID DO, ,DE STON PAR BYED PA NI RDO RJE BKOD PA'I TING NGE 'DZIN GYI LE'U STE, 'DIR SO SOR SDUD PAS GRUB PA'I SKU NI GSANG BA DANG BSAM GTAN GYI YAN LAG GIS GRUB PA'I GSUNG DANG, THUGS KYI PHRA MO RNAMS GONG BUR BYAS PAS BSKYED PA'I YUNGS KAR PHRA MO'I SEMS KYI RIN PO CHE NI SROG DANG RTZOL BA STE, DE SNYED 'DZIN PA'I YAN LAG GIS BRTAN PAR BYAS PA NI RDO RJE ZHES BRJOD DE BYE BRAG TU RTOGS PA'I PHYIR RO, ,JI LTAR BYE BRAG TU 'GYUR ZHE NA, DER RDO RJE SEMS DPA' ZHUGS PA'I PHYIR RO, ,DE YANG JI SKAD DU, 'DZIN PAS RTAG TU STOBS LDAN TE, ,RDO RJE SEMS DPA' YANG DAG 'JUG ,CES GSUNGS SO, ,DE NYID LAS RDO RJE DANG 'KHOR LO LA SOGS PA'I SPRIN SPROS PA NI RJES SU DRAN PA'I YAN LAG GO, ,DE DAG NI RDO RJE DE NYID DU BSDUS PA'I BKOD PA STE DE NYID NI TING NGE 'DZIN GYI YAN LAG GO, ,DE BAS NA RDO RJE BKOD PA'I TSIG GIS YAN LAG DRUG PO RDZOGS PAR BSTAN PA YIN LA, DE THAMS CAD KYI SNGON DU BYA BA RNAMS KYANG 'PHANGS PA YIN TE, DE BAS NANG PAR LANGS NAS LAM LA BRTEN PA'I BAR GYI CHO GA NYAMS SU BLANGS LA SEMS CAN THAMS CAD LA SNYING RJE MNGON DU BYAS TE, SNANG BA MED PA'I BYANG CHUB KYI SEMS SU

243a

, ,LHAG PAR MOS PA BYAS LA SNGAGS KYIS BYIN GYIS BRLAB PAR BYA'O ZHES BYA BA LA SOGS PA YIN TE, SNGAGS DE NYID BCOM LDAN 'DAS KYIS GSUNGS PA, AOm ZHES BYA BA LA SOGS PA STE, RNAM PAR SHES PA NI SNGAGS RNAMS KYI RGYU YIN LA, DE NYID NI RAB SNGAGS KYI DON YIN NO, ,DE BAS NA RAB SNGAGS NI SNGAGS RNAMS KYI DANG POR GYUR PA YIN NO, ,GNYIS SU 'KHRUL PA'I MTSAN MA NUB PAS, CHOS THAMS CAD GNYIS KYIS STONG LA, GCIG TU MTHA' YAS SHING NAM MKHA' DRI MA MED PA LTA BUR SNANG BA MED PA NI SANGS RGYAS RNAMS KYI SH'U N+YA T'A DZNY'A NA'O, , DE NYID NI BADZRA STE SGRIB PA THAMS CAD 'BIGS PA'I PHYIR RO, ,DE NYID NI SVA BH'A BA STE SEMS BSKYED PA'O, ,DE NYID A'ATMA KO&HAm STE RANG BZHIN 'DI LA YOD PAS NA DE SKAD CES BYA'O, ,DE NAS CI ZHIG BSGOM PAR BYA ZHE NA, NAM MKHA'I ZHES BYA BA LA SOGS PA GSUNGS PA LA, NAM MKHA'I DBYINGS NI CHOS 'BYUNG BA'I PHYAG RGYA CHEN PO'O, ,DES DBUS NI DE'I NANG KHANG STONG GI 'OG LOGS NA SNA TSOGS PADMA RGYA CHE BA GYEN DU 'PHAGS PA'I LTE BA LA GNAS PA'I SNA TSOGS RDO RJE'I LTE BA GANG YIN PA DE LA GNAS PAR BSGOM PA NI'O, ,SANGS RGYAS DKYIL 'KHOR LA SANGS RGYAS NI YI GE BRUm YONGS SU GYUR PA'I GZHAL YAS KHANG NI DKYIL 'KHOR RO, ,GANG LAS 'OD ZER SPRIN GYI TSOGS CHEN PO 'PHRO BA DE LA DE SKAD CES BYA'O, ,SANGS RGYAS NYID 'BAR BA STE, RNAM PAR 'PHRO BA CHEN PO GANG YIN PA DANG, 'OD DE DANG MNYAM PA MED PA STE, DPE MED PA GANG LA YOD PA DE LA DE SKAD CES BYA'O, ,'OD ZER SNA LNGAS KUN DU KHYAB PA NI GANG GIS KUN DU STE, THAMS CAD KHYAB CING DKRIGS PA DE LA DE SKAD CES BYA'O, ,KUN NAS YONGS SU ZLUM PO STE, ZHES BYA BA NI NANG GI RIM BA ZLUM POR GNAS PA STE, PHYI RIM NI ZUR BZHI PA YIN NO, ,'DOD PAR BYA BA YIN PAS NA 'DOD PA STE, GZUGS DANG SGRA LA SOGS PA'O, ,DE NYID NI LNGA'O, ,YON TAN DANG LDAN PAS NA YON TAN TE, LONGS SPYOD GCIG TU DGE BA DANG, GCIG TU BDE BA DANG, GCIG TU KHA NA MA THO BA MED PA DANG, GCIG TU DBANG BSGYUR BA GANG YIN PA DE DAG GIS KHYAB PA'O, ,MCHOD

243b

PA LNGA YANG DE DANG 'DRA BA NYID DE, ME TOG DANG, SPOS DANG, MAR ME DANG, DRI DANG, LHA BSHOS KYI KHYAD PAR TE DE RNAMS KYIS BRGYAN PA'O, ,DRA BA DANG, RTA BABS KYIS PHUN SUM TSOGS PA NI GZHAN LA BLTA BAR BYA'O, ,DBUS SU ZHES BYA BA NI DBUS MA'I GDAN LA'O, ,BSGOM PAR BYA ZHES BYA BA NI 'KHOR LOS SGYUR BA'I SNGAGS BSGOM PA'O, ,MDOR BSDU NA ZHES BYA BA NI SNGAGS KYIS NAM MKHA' KHYAB PA'I SNGAGS KYI LHA'I BKOD PA RNAMS SNGAGS LA BSDU BA'O, ,GZUGS ZHES BYA BA NI 'KHOR LOS SGYUR BA'I GZUGS SU BSGOM PA'O, ,DE NYID KYI KHYAD PAR RNAM PAR SNANG MDZAD CES BYA BA LA SOGS PA GSUNGS PA YIN TE, RNAM PAR SNANG MDZAD DE'I YID KYI RANG BZHIN CAN GYI SKU GANG YIN PA DE NI PHYAG RGYA CHEN PO'O, ,DE SKAD DU YANG, YID KYI GZUGS NI BRTAN PA'I PHYIR, ,PHYAG RGYA DAM TSIG YIN PAR BSHAD, ,CES GSUNGS PA YIN TE, NGES PA'I TSIG GI TSUL GYIS SO, ,DE YANG SANGS RGYAS RNAMS KYIS KYANG 'DA' BAR MI MDZAD PA DANG, DE KHO NA'I DON GYI RJES SU MTHUN PA'I BRDAR GYUR PA DANG, DE BZHIN GSHEGS PA'I CHE BA NYID KYI GZUGS BRNYAN 'PHRO BA'O, ,DE LA 'DA' BAR MI BYA BA 'DI YANG PHYAG RGYA STE, RGYAL PO'I PHYAG RGYA BZHIN NO, ,BRDA'I DON GYIS KYANG YIN TE, NYO TSONG LA LAG PA'I BRDA STON PA LTA BU'O, ,GZUGS BRNYAN 'PHO BA'I DON GYIS KYANG YIN TE, SKYES BU'I YID DU 'ONG BA'I GDU BU'I RGYAN GYI RDZAS BZHIN NO, ,PHYAG RGYA CHE NI PHYAG RGYA CHEN PO'O, ,JI LTAR NA CHE BA YIN ZHE NA, RNAM PA THAMS CAD KYI MCHOG DANG LDAN PA'I PHYIR DANG RGYA CHE BA'I PHYIR DANG, DGA' BA CHEN POR GYUR PA'I PHYIR DANG, DE LAS GZHAN PA'I PHYAG RGYA'I RTEN YIN PA NYID KYI PHYIR RO, ,SKU GSUNG THUGS KYIS MTSAN PA'O ZHES BYA BA NI SNYING GA DANG, LKOG MA DANG, SPYI BOR YI GE H'Um DANG, A'A: DANG AOm, ZLA BA'I DKYIL 'KHOR LA NYE BAR GNAS PAS MTSAN PA'O, , DE NAS BSGOM BYA BA ZHES BYA BA NI GZHAL YAS KHANG BSGOMS PA'I RJES THOGS LA BSGOM PAR BYA'O, ,TSIG GSUM PO 'DI DAG NI DRUG CAR LA YANG SBYAR BAR BYA'O, ,SKU GSUNG THUGS NI RDO RJE'I ZHES BYA BA NI SNGA MA BZHIN TE RDO RJE 'CHANG BA ZHES BYA BA'I DON TO, ,PHYAG RGYA ZHES BYA BA NI PHYAG RGYA CHEN PO'O, ,

244a

, ,LAM ZHES BYA BA'I SGRA NI RNAM PAR RTOG PA'I DON TE DRUG CAR LA YANG SBYAR BAR BYA'O, ,TSOGS GNYIS NI SHES RAB DANG THABS KYI SKU GNYIS TE, DE DANG LDAN PA NI ZHAL BLTAS TE BRTAN PAR KUN TU SBYOR BA DE DANG DE YIS SO, ,DRUG CAR LA YANG 'DI SBYAR BAR BYA'O, ,MI BSKYOD PA YI RGYAL MCHOG DANG, ,ZHES BYA BA NI PHYAG RGYA CHEN PO'O, ,DKON MCHOG DPAL GYI RGYA CHEN DANG, ZHES BYA BA NI RIN CHEN 'BYUNG LDAN GYI PHYAG RGYA CHEN PO'O, ,TSE DPAG MED CES BYA BA NI 'OD DPAG TU MED PA'I PHYAG RGYA CHEN PO'O, ,'OD BYED PA NI NAM MKHA' KHYAB PA CAN GYI 'OD SPRO BAR MDZAD PA'I PHYIR TE 'DI NI DRUG CAR LA YANG SBYAR BAR BYA'O, ,'O NA DE DAG GANG DU BSGOM PAR BYA ZHE NA, SANGS RGYAS DKYIL 'KHOR LA BSGOM BYA, ,ZHES GSUNGS TE, SANGS RGYAS GANG GI GDAN GYI DKYIL 'KHOR GANG YIN PA DE LA BSGOM PAR BYA STE, DANG PO'I GNYIS KYIS NI ZLA BA'I DKYIL 'KHOR YIN LA LHAG MA RNAMS KYI NI NYI MA'I DKYIL 'KHOR YIN NO ZHES BYA BA'I DON TO, ,'DI RNAMS KYI SKU MDOG DANG PHYAG MTSAN LA SOGS PA BSTAN PAR BYA BA'I PHYIR SKU GSUNG ZHES BYA BA LA SOGS PA GSUNGS LA, SKU GSUNG THUGS KYI RDO RJE NI SKU DANG GSUNG DANG THUGS SNANG BA MED PAR BYED PA STE MI BSKYOD PA'O, ,'DI LA AINDRA N'I LA'I KHA DOG STE MDANGS DE DANG 'DRA BA'I KHA DOG RNAM PA MNGA' BAS NA DE SKAD CES BYA'O, ,DE NYID NI SNGAR SKU MDOG NAG PO CAN DU BSHAD PA NYID KYI PHYIR RO, ,'DIS KHYAB PA NYID KYI PHYIR RAB DANG 'BAR BA STE, 'OD 'PHRO BA YOD PA NYID KYI PHYIR RAB 'BAR CHE'O, ,'DI'I PHYAG NA RDO RJE RTZE LNGA PA BSNAMS PAS NA RDO RJE BSNAMS PA'O, ,RNAM PAR GTZIGS PA LA 'JIGS 'JIGS LTA BA NI MCHE BA CUNG ZAD GTZIGS PA'I PHYIR DANG, KHRO BO'I NYAMS DANG LDAN PA NYID KYI PHYIR DANG SKYE BO GDUG PA RNAMS SKRAG PAR MDZAD PA NYID KYI PHYIR RO, ,'DI LA DANG BA'I PHYIR SHEL DANG 'DRA BA DANG, DKAR POR SNANG BA NYID KYI PHYIR ZLA BA'I 'OD DANG 'DRA BA'I SKU MDOG MNGA' BA'I PHYIR DE SKAD CES BYA STE, RNAM PAR SNANG MDZAD DE DE NYID NI SNGAR DKAR POR BSHAD PA NYID KYI PHYIR RO, ,THOR TSUGS COD PAN DAG GIS BRGYAN PA NI RAL PAS SPRAS PA'I COD PAN DES BRGYAN PA'O, ,'KHOR LO NI RTZIBS BRGYAD PA'O, ,SNA

244b

TSOGS RGYAN NI LTA'I RGYAN DANG GOS RNAM PA SNA TSOGS PA STE DE DAG GIS MDZES PAR BRGYAN PA'O, ,'DZAM BU CHU BO'I GSER 'OD 'DRA, ,ZHES BYA BA NI RIN CHEN 'BYUNG LDAN TE, DE NYID NI SNGAR SER POR BSHAD PA NYID KYI PHYIR RO, ,SANGS RGYAS RIGS KYI SPRIN GYIS TE SPRIN SPRO BA'I TSOGS KYIS SO, ,KUN DU DKRIGS ZHES BYA BA NI SNA TSOGS KHYAB PA YIN PA DE LTAR NA DE SKAD CES BYA'O, ,RDO RJE CHE ZHES BYA BA NI RTZE DGU STE, CHA DGU PA CAN GYI PHYAG MTSAN CHEN PO'O, ,DE NYID NI 'DI'I PHYAG MTSAN YIN NO, ,KHYAD PAR YANG MARGAD CES BYA BA LA SOGS PA GSUNGS PA YIN TE, NOR BU RIN PO CHE LJANG GU 'OD RGYUN MI 'CHAD PAS BRGYAN PA DE'I PHYAG TU RNAM PAR BSGOMS LA, SANGS RGYAS KYI RIGS KYI SPRIN GYI 'OD ZER RNAM PAR 'KHRUG PAR THAMS CAD DU BSGOM PAR BYA'O, ,'DOD CHAGS 'BAR ZHES BYA BA LA, 'DOD CHAGS NI SHES RAB LA'O, ,KHA DOG LNGA'I 'OD ZER 'DI LA MNGA' BAS NA 'OD ZER SNA LNGA PA'O, ,'OD BYED PAS NA 'OD DE GZI BRJID 'BAR BA'O, ,DE YANG SKU MDOG LJANG GU STE SNGAR DE SKAD DU BSHAD PA NYID KYI PHYIR RO, ,ZHI BA ZHES BYA BA NI ZHI BA DANG, SGEG PA'I NYAMS DANG LDAN PA'O, ,PHYAG GIS RAL GRI BSNAMS PA NI PHYAG NA RAL GRI BSNAMS PA'O, ,DE LA, THOR TSUGS COD PAN GYIS BRGYAN PA, ,SNA TSOGS RGYAN GYIS MDZES PAR BRGYAN, ,SANGS RGYAS SPRIN GYIS KUN TU DKRIGS, ,RNAM PAR BSGOM PA ZHES BYA BA DANG, DE BZHIN DU 'OD ZER SNA LNGA ZHES BYA BA'I SGRA LNGA CHAR LA YANG SBYAR BAR BYA'O, ,DE LA ZHI BA SMOS PA NI ZHI BA LA YANG STE MI BSKYOD PA NI DRAG PO'I NYAMS DANG LDAN PA NYID KYI PHYIR RO, ,RDO RJE 'DZIN PA NI RAL PA'I THOR TSUGS KYI SKABS SU RIN PO CHE'I COD PAN TE 'DIR BYE BRAG MA SMOS PA'I PHYIR RO, ,'DIR LNGA PO'I PHYAG MTSAN GSUNGS PA YIN GYI RDO RJE 'CHANG BA'I NI MING NYID KYIS BSTAN PA YIN NO, ,'DI'I SKU MDOG NI LE'U BCO LNGA PA LAS, DE NI DE MA THAG TU YANG, RNAM PAR SNANG MDZAD 'OD 'DRA ZHING, ,RDO RJE SEMS DPA' RGYAL PO CHE, ,SANGS RGYAS SKU GSUM RDO RJE 'DZIN, ,ZHES 'CHAD PAR 'GYUR RO, ,DE BAS NA RTZA BA'I PHYAG MTSAN YIN TE, DE DAG NI DE DAG GI PHYAG G-YAS PA'I GNYIS PA LA BLTA BAR BYA'O, ,THAMS CAD

245a

, ,KYANG PHYAG DRUG DANG PHYAG MTSAN LNGA DANG LDAN PA YIN NO, ,DE LA SKU MDOG DANG PHYAG MTSAN GYI RIGS PA NI BDAG GIS LE'U DANG POR BSHAD PA NYID YIN NO, ,'DIR YANG AINDRA N'I LA SOGS PA'I TSIG NI SANGS RGYAS RNAMS KYI SHIN TU RNAM PAR DAG PA'I YE SHES KYI SNANG BA'O, ,RDUL PHRA RAB KYIS BSGRUB PA NYID KYI PHYIR RO, ,'DIR TSIGS SU BCAD PA NI MCHOG TU GSAL BA'I PHRA RAB RANG BZHIN DE'O, ,RGYAL BA RNAMS KYI SKU MCHOG 'BAR BA GANG, ,PADMA R'A GA DANG NI MARGAD GSER DANG NI, ,ZLA ZER AINDRA N'I LA'I 'OD 'GYUR GANG, ,DE PHYIR NOR BU'I 'OD KYI DPE BCAS NYID, ,MDOG SOGS RIGS PA DANG POR 'DUS BYAS NAS, ,'DIR NI LHA RNAMS KYI NI PHO BRANG DANG, ,SKU DANG RGYAN DANG PHYAG MTSAN DAG YIN NO, ,BCOM LDAN 'DAS ZHES BYA BA NI RDO RJE 'DZIN PA'O, ,SKU DANG GSUNG DANG THUGS RDO RJE ZHES BYA BA NI, ,SKU LA SOGS PA'I TSOGS GCIG TU MKHREGS PAR GYUR PA STE, DE MDZAD PA DANG LDAN PA'O, ,DE'I TSE BCOM LDAN 'DAS NYID RIG PA'I SKYES BU'I SBYOR BAS ZHUGS TE, NAM MKHAR CHUD PA'I RDO RJE'I NANG DU 'DOD PA'I YON TAN DRUG PO'I GDAN LA SNA TSOGS PA BSAMS NAS, DE LAS PADMA'I NANG DU 'DOD PA LNGA'I GDAN DANG, DE RNAMS SU SNGAGS LNGA PO SPROS TE SNGAGS KYI 'OD ZER GYIS NAM MKHA' KHYAB PA'I RIGS LNGA'I SPRIN SNGAGS LA BSDUS PA NI SO SOR SDUD PA DANG PO'O, ,DE NAS GDAN LA NI GDAN RNAM PA SNA TSOGS PA BSNGAGS RNAMS BSDUS PA NI GNYIS PA STE, 'DIR DUS GSUM GYI SANGS RGYAS RNAMS KYI SKU DE LA BSDUS PAS NA SKU RDO RJE'O, ,DE'I RJES LA SNA TSOGS PA LAS PADMA'I LTE BA'I GRVA GSUM DU 'KHOR LO DANG PADMA DANG RDO RJE RNAMS PHYUNG BA NI BSAM GTAN DANG PO'O, ,DE RNAMS KYI DBUS SU RAL GRI PHYUNG BA NI BSAM GTAN GNYIS PA'O, ,MTSAN MA BZHI'I LTE BAR YI GE BZHI PHYUNG STE DGOD PA NI BSAM GTAN GSUM PA'O, ,RAL GRI'I LTE BA'I SNYING POR YI GE BZHI BSDUS PA LAS BYUNG BA'I BDE BA'I THIG LE NI BSAM GTAN BZHI PA STE DE NI 'DIR GSUNG RDO RJE'O, ,DE'I DBUS SU MTSAN MA BZHI BSDUS PA LAS BYUNG BA'I SEMS KYI THIG LE NI BSAM GTAN LNGA PA STE DE NI 'DIR THUGS RDO RJE'O, ,DE DAG TU MDZAD PA DANG LDAN PAS NA SKU DANG GSUNG DANG THUGS RDO RJE'O, ,DE BZHIN

245b

ZHES BYA BA NI SKU DANG GSUNG DANG THUGS DE NYID DO, ,GSHEGS PA ZHES BYA BA NI 'KHOR RNAMS KYIS DE LTAR MKHYEN PA'O, ,CHOS KYI DBYINGS KYI NGO BO NYID RDO RJE ZHES BYA BA LA CHOS NI YI GE LNGA'I BDAG NYID KYI BDE BA'I THIG LE GSUNG PHRA MO'O, ,DE'I DBYINGS NI YE SHES LNGA'I RANG BZHIN SEMS KYI THIG LE THUGS KYI PHRA MO STE, DE 'DZIN PA'I PHYIR RO, ,NGO BO NI BDAG NYID DE DUS GSUM GYI SANGS RGYAS RNAMS KYI SKUR SNA TSOGS PA 'DOD PA THAMS CAD KYI GDAN LA GNAS PA GANG YIN PA STE, DE NYID RANG GI GDAN DANG BCAS NAS SKU'I NOR BU'I THIG LER BYUNG BA SKU PHRA MO STE, SANGS RGYAS THAMS CAD KYI RANG BZHIN YIN PAS SO, ,NYID CES BYA BA NI DE DAG GI NGO BO NYID DU GYUR PA STE, DE NI CHOS KYI DBYINGS KYI NGO BO NYID DO, ,DE NYID NI RDO RJE STE DE LA DMIGS PA'I TING NGE 'DZIN LA DE SKAD CES BYA'O, ,SNYOMS PAR ZHUGS PA ZHES BYA BA NI DE BZHIN GSHEGS PA ZHES BYA BAR SBYAR TE, SNYOMS PAR ZHUGS PAR GYUR PA DE LTA BUR GYUR PA DE BZHIN DU MKHYEN PAR GYUR PA'O, ,SKU DANG GSUNG DANG THUGS NI PHRA MO RNAM PA GSUM MO, ,BYIN GYIS RLOB PA NI DE'I DON GYI SNGAGS SO, ,SNGAGS KYI DON NI SANGS RGYAS RNAMS KYI CHOS KYI DBYINGS KYI RANG BZHIN GANG YIN PA DE NYID BDAG NYID YIN NO ZHES BYA BA'O, ,'DI ZHES BYA BA NI SNGAGS KYI SNGON ROL DU GSUNGS MOD KYI DE NI SNGAGS KYI 'OG ROL BU BLTA BAR BYA STE, DE NAS 'DI YANG GSUNGS SO ZHES BYA BA'I DON TO, ,DE LTAR NA SNGAGS GSUNGS SO ZHES BYA BA NI, AOm LA SOGS PA'O, ,'DI ZHES BYA BA NI 'DI YANG STE RIN CHEN ZHES BYA BA LA SOGS PA'O, ,KHA DOG SNA LNGA PA ZHES BYA BA NI DE BZHIN GSHEGS PA RNAMS KYI SNGAGS GANG DU THIM PA DE NI KHA DOG SNA LNGA STE, GDAN DRUG DANG BCAS PA'I SNA TSOGS PA'O, ,DES BYAS PA'I RIN PO CHE GONG BU YANG KHA DOG SNA LNGA PA STE BAR NA NI'I SNGAGS KYI YI GE'O, ,DE BZHIN DU YANG KHA DOG SNA LNGA PA STE DGA' MA RNAMS DANG BDE BA DAG GANG DU GNAS PA DE NI KHA DOG SNA LNGA STE BDE BA'I THIG LE'I NANG DU CHUD PA'I SEMS KYI THIG LE'O, ,DE DAG DANG LHAN CIG TU GYUR PAS NA KHA DOG SNA LNGA'O, ,'DIR BDE BA'I THIG LE JI LTAR SNGAGS YIN ZHE NA, SNGAGS RNAMS BSDUS PAS NA SNGAGS SO, ,DE BZHIN DU RIM PA BZHIN DU YANG 'KHOR LOS SGYUR BA'I RNAL 'BYOR GYI

246a

, ,KHA DOG DANG BCAS PAS KYANG KHA DOG SNA LNGA PA STE RIN CHEN CHEN PO'O, ,YUNGS KAR SBOM PO'I TSAD TZAM 'DI LA YOD PAS NA DE SKAD CES BYA STE, SNA'I RTZE MO ZHES BYA BA NI BSGOM ZHES BYA BA DANG 'BREL TO, ,NAN TAN DU ZHES BYA BA NI CHOS KYI DBYINGS KYI SNGAGS KYI BYIN GYI RLABS TE, DE NAS BSLANGS LA SNA'I RTZE MOR GZHAG PA'O, ,'DI NI SROG DANG RTZOL BA ZHES BYA BA YAN LAG GSUM PA'O, ,SBYOR BA PA YIS RTAG TU BSGOM, ,ZHES BYA BA LA SBYOR BA RNAMS NI RIG PA RNAMS DANG SBYOR BA STE, SNYING GA'I GDAN LA RANG GI SNGAGS BSAMS TE DE'I THIG LER RIN PO CHE PHAB LA DER RIG PA RNAMS DANG SBYAR NAS NGES PAR BSGOM PA'O, ,RTAG TU ZHES BYA BA NI JI SRID KYI BAR DU BRTAN PAR GYUR PA DE SRID KYI BAR DU BSGOM PAR BYA BA STE, 'DI NI 'DZIN PA'I YAN LAG BZHI PA'O, ,RJES SU DRAN PA NI SPRO BA'O, ,RE ZHIG DE'I DUS GSUNGS PA RIN CHEN ZHES BYA BA LA SOGS PA STE, PHRA MO BRTAN PA'I MTSAN MA NI KUN DU SNANG BA'I BYE BRAG DAG YIN NA SNANG BA'I BYE BRAG DE DAG 'DIR CI 'DRA BA ZHIG SNANG NA MTSAN MA SPRO BAR BYA ZHE NA, SANGS RGYAS ZHES BYA BA LA SOGS PA SMOS TE SANGS RGYAS NI STONG PA NYID KYI NAM MKHA' GSAL BAR BYED PA YIN LA, SRID BU ME KHYER YANG DE DANG 'DRA BAR NAM MKHA' GSAL BAR BYED PAS DE SKAD CES BYA'O, ,'BAR BA 'DRA BA'I 'OD CES BYA BA LA ME MAR GYI RTZE MO LTA BU STE, KUN DU 'OD 'BAR BA'I PHYIR RO, ,RAB MCHOG CES BYA BA NI SMIG RGYU LTA BU STER BA MCHOG GI CHOS CAN GYI NOR BU LAS KHUNG BA'I PHYIR RO, ,SPRIN ZHES BYA BA NI SPRIN DANG 'DRA BA STE DU BA LTA BU'O, ,'OD CES BYA BA NI 'OD GSAL BA STE, SPRIN MED PA'I NAM MKHA' LTAR SNANG BA DANG BCAS PA ZHES BYA BA'I DON TO, ,'KHOR LO ZHES BYA BA NI DE NAS RIN PO CHE RDO RJE NOR BUR PHAB STE BZHAG LA DE LAS PADMA'I NANG DU 'OD KYI THIG LE PHYUNG BAS SKU GNYIS KYI NANG DU KHYAB PAR BYAS TE, BA SPU'I BU GA RNAMS NAS 'KHOR LO LA SOGS PAR SPRUL TE SPRO BAR BYA'O, ,DE NYID KYI PHYIR GSUNGS PA 'KHOR LO ZHES BYA BA LA SOGS PA STE, 'KHOR LO DANG RDO RJE DANG PADMA DANG SHUGS CAN ZHES BYA BAR RAL GRI DANG, MTSON MCHOG STE GTZUG TOR 'KHOR LOS SGYUR BA'I 'KHOR LO RNAMS KYI SPRIN DE DANG DE DAG NI SANGS RGYAS DANG RDO RJE DANG, CHOS DANG RIGS DANG KHRO BO

246b

RJES SU DRAN PA STE LNGA'O, ,DRUG PA NI DAM TSIG RJES SU DRAN PA'O, ,DE NYID GSUNGS PA BYANG CHUB SEMS DPA'I ZHES BYA BA LA SOGS PA LA BYANG CHUB NI GTZUG TOR GYI MTSAN MA DBUS NA GNAS PA'O, ,SEMS DPA' NI BYANG CHUB DE'I NGOS BZHI NA GNAS PA'I MTSAN MA RNAMS SO, ,DE RNAMS KYI TSOGS NI SPRIN NO; ,SPRO BA'I BDAG NYID CAN ZHES BYA BA NI RIN PO CHE DANG DE LAS SPROS PA RNAMS KYANG RNAL 'BYOR PA'I RANG GI SEMS KYI NGO BO NYID CES BYA BA'I DON TO, ,DE LTAR RJES SU DRAN PA'I RAB TU DBYE BA DRUG YONGS SU RDZOGS PAR BYA BA'I PHYIR GSUNGS PA, NAM MKHA'I ZHES BYA BA LA SOGS PA LA NAM MKHA'I DBYINGS NI NAM MKHA' JI SNYED PA'O, ,DE'I DBUS NA GNAS PA NI NAM MKHA' LAS CHAD PA 'AM LHAG PA MED PAR KHYAB PA ZHES BYA BA'I DON TO, ,RDO RJE ZHES BYA BA NI MI BSKYOD PA'I STE MI BSKYOD PA'I RNAL 'BYOR PAS 'OD KYI DKYIL 'KHOR BSGOM PA'O, ,BRI BAR BYA ZHES BYA BA NI BSAM PAR BYA BA'O, ,BZLAS DANG BSGOM PAR BYA ZHES BYA BA NI SPRO BA DANG BSGOM PA'O, ,RIN CHEN BRTZON PA ZHES BYA BA NI RIN CHEN PHRA MO'I DRAN PA MA NYAMS PAS SO, ,DE BZHIN DU GSAL BA NI RDO RJE 'DZIN PA'O, ,DE'I DKYIL 'KHOR NI GSAL BA'I DKYIL 'KHOR TE DBUS GNAS ZHES BYA BA NI NAM MKHA'I DBUS TE, DE'I RNAL 'BYOR PAS SO; ,DE BZHIN DU 'KHOR LO NI RNAM PAR SNANG MDZAD DO, ,DE'I DKYIL 'KHOR NI DE'I RNAL 'BYOR PAS NAM MKHA' KHYAB PAR SPROS TE BSGOM PA'O, ,PADMA NI SNANG BA MTHA' YAS SO, ,DKYIL 'KHOR 'DRA BA NI KUN TU SNANG BA STE KHYAB PA ZHES BYA BA'I DON TO, ,DE BZHIN DU RIN PO CHE'I DKYIL 'KHOR NI RIN PO CHE'O, ,SBYOR BA NI DON YOD PAR GRUB PA STE 'BRAS BUR NGES PAR SBYAR BAS SO, ,DKYIL 'KHOR 'BYUNG BA BRI BA ZHES BYA BA NI DKYIL 'KHOR BSKYED PA BSAM PA'O, NAM MKHA' 'DRA BA'I GTER ZHES BYA BA NI MA LUS PA'I GTER DU GYUR PAS SO, ,'DIR RDO RJE 'DZIN PA DANG RNAM PAR SNANG MDZAD DAG GI 'OD KYI DKYIL 'KHOR NI ZLA BA LTAR DKAR BA'O, ,GZHAN DAG GI NI NYI MA GZHON NU LTAR DMAR BA'O, ,DE LTAR RJES SU DRAN PA'I YAN LAG BSTAN NAS TING NGE 'DZIN GYI YAN LAG GSUNGS PA, 'DI DAG CES BYA BA NI BSHAD MA THAG PA'I DKYIL 'KHOR DRUG GO, ,SANGS RGYAS RAB KYI

247a

, ,MCHOG CES BYA BA LA KHYAB PAS NA RAB MCHOG STE RTOGS PA'O, ,CI'I PHYIR ZHE NA, SKU GSUNG THUGS NI BSGOM PA YIS, ZHES BYA BA STE, GSANG BA GSUM PO RGYUD THAMS CAD LA KHYAB PAR BLTAS PA'AM BSKYED PA'O, ,DE NYID KYIS NA RDO RJE LAS BYUNG STE SEMS KYI RIN PO CHE BRTAN PAR GYUR NAS NANG DU CHUD PAR GYUR PA'O, ,THAMS CAD MKHYEN PA ZHES BYA BA NI 'BAD PA MED PAR THAMS CAD RTOGS SHING RIGS PAS NA THAMS CAD MKHYEN PA NYID DU NGES PAR GZUNG BA'O, ,DE'I TSUL GANG LA YOD PA DE NI RNYED PA STE DE 'DI RNAMS LA YOD PAS NA THAMS CAD MKHYEN PA'I TSUL RNYED PA'O; ,TSUL DE YANG NYI MA'AM ZLA BA'I DKYIL 'KHOR SHIN TU PHRA BA'I DKYIL 'KHOR GYI RNAM PA STE 'DI NI TING NGE 'DZIN GYI YAN LAG GO, ,DE BZHIN GSHEGS PA THAMS CAD KYI ZHES BYA BA LA SOGS PA LA DE BZHIN GSHEGS PA THAMS CAD NI YANG DAG PAR RTOGS PA STE, 'KHOR LO DANG RDO RJE DANG PADMA LA SOGS PA'O, ,DE RNAMS KYIS NAM MKHA'I KHAMS KUN DU KHYAB PAR SPROS PA'I DKYIL 'KHOR GYI SNANG BAR NAMS BSDUS PA NI RDO RJE BKOD PA'O, ,DE NYID NYI TING NGE 'DZIN TE DE GSAL BAR BYED PA'I LE'U LA STE DE SKAD BYA'O, ,GSAL BA 'DUS PA'I BSHAD SBYAR SNYIM PA'I ME TOG LAS LE'U GSUM PA'O,, ,,DNGOS GRUB MCHOG GI THABS GSUM PA NI SGRUB PA YIN TE, DE'I MTSAN NYID NI SLOB DPON SPYI'I LAS DANG DNGOS GRUB DANG BRTUL ZHUGS DANG SDOM PA RNAMS SO, ,MTSAN NYID DE BSTAN PA YANG SGRUB PA'I SDOM PA'O ZHES BSNYEN PA'I TSIGS SU BCAD PA'I MTHAR GSUNGS PA YIN TE, CHOS 'BYUNG BA'I NANG DU CHUD PA'I GZHAL YAS KHANG GI DBUS KYI STAN LA RANG NYID MNGON PAR BYANG CHUB PA RNAM PA LNGAS RDO RJE 'DZIN PAR BSGYUR TE, 'DOD CHAGS CHEN PO'I TSUL LA SOGS PA'I RIM GYIS PADMA'I NANG DU DAM TSIG CHEN PO'I DKYIL 'KHOR SPRUL TE DE'I DBUS SU 'KHOR LO DANG BCAS PA'I RANG GI LHA'I YE SHES SEMS DPA' BKOD LA, DE LA BYANG CHUB SEMS DPA' RNAM LNGAS DBANG BSKUR BA RNAM PA GSUM SBYIN PA NI SLOB DPON SPYI'I LAS SO, ,DE NAS RANG GI LHA'I LUS GNYIS SU BSKYED PA LA SOGS PA NAS RIGS KYI BDAG PO'I DBANG BSKUR BA'I BAR DU NI DNGOS GRUB PO, ,BRTUL ZHUGS NI RIG PA'I

247b

BRTUL ZHUGS SO, ,MCHOD PA DANG BSTOD PA LA SOGS PA'I LAS NI SDOM PA'O, ,DE DAG NI SGRUB PA'I SDOM PA ZHES BYA STE, MNGON PAR RTOGS PA'I SGRUB PA GTAN LA PHAB PA'O, ,SLOB DPON GYI LAS THAMS CAD DANG DNGOS GRUB THAMS CAD YONGS SU SHES PAR BYA BA DANG RIG PA'I BRTUL ZHUGS BZUNG BA DANG, BZA' BA DANG BSRUNG BA LA SOGS PA 'DI YANG SGRUB PA'I SDOM PA STE, DAM TSIG GI SGRUB PA'O, ,DE LA MNGON PAR RTOGS PA NI LE'U DANG POR BSTAN LA DAM TSIG NI BZHI PA DANG BCU DRUG PA DANG BRGYAD PA DANG BCU GNYIS PA RNAMS SU STON TO, ,DE GNYIS KA LE'U GZHAN DAG LAS KYANG ZHAR LA BYUNG BAS STON PAR RJES SU DPAG PAR BYA'O, ,DE LA DKYIL 'KHOR BRI BA NI SLOB DPON GYI LAS NYID YIN TE, BCOM LDAN 'DAS KYIS KYANG, DKYIL 'KHOR DAG DANG MI LDAN ZHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB PO, ,ZHES GSUNGS PA DANG, GZHAN YANG, DKYIL 'KHOR DAG TU MA ZHUGS SHING, ,DBANG BSKUR BA YANG MA THOB LA, ,BYANG CHUB SEMS DPA'I BRTUL ZHUGS DANG, MTSAN MA RNAM PA SNA TSOGS PA, SBYIN MI BYA BAR GANG GSUNGS PA, ,DE PHYIR DKYIL 'KHOR BRI BAR BYA, ,ZHES GSUNGS PA YIN NO, ,DE BAS NA SGRUB PA'I DKYIL 'KHOR DANG DAM TSIG GI DKYIL 'KHOR BRI BAR BYA BA'I PHYIR LE'U BZHI PA NI DE NAS ZHES BYA BA LA SOGS PA GSUNGS TE, YANG GI SGRA NI LE'U DANG POR GSUNGS PA'I 'DUS PA LA LTOS PA YIN NO, ,DE BZHIN GSHEGS PA THAMS CAD NI DKYIL 'KHOR GYI DBANG PHYUG GO, ,DE RNAMS KYI SKU DANG GSUNG DANG THUGS NI DKYIL 'KHOR PA RNAMS SO, ,DE RNAMS KYI BDAG PO NI DE STON PAR BYED PA NYID YIN PA'I PHYIR RO, ,YANG DAG PA'I YON TAN BRJOD PA'I PHYIR BSTOD PA'O, ,SNYING PO BSDU BA'I DON NI DKYIL 'KHOR GYI DON TO, ,DE LA TSIGS SU BCAD PA DANG POS NI DE BZHIN GSHEGS PA THAMS CAD KYI THUGS DANG SKU DANG GSUNG BSDUS PA'I DON GYI DKYIL 'KHOR LA BSTOD PA YIN NO, ,TSIGS SU BCAD PA GSUM GYIS DE BZHIN GSHEGS PA RNAMS KYI SKU DANG GSUNG DANG THUGS KYI YON TAN PHUN SUM TSOGS PAS SNYING PO'I DON DANG, PHUN SUM

248a

, ,TSOGS PA DE DAG NYID KYIS KUN DU BZANG PO'I SGRA RE RES BCOM LDAN 'DAS LA YANG BSTOD PA YIN NO, ,BSHAD DU GSOL ZHES BYA BA NI GSOL BA GDAB PA'I TSIG YIN TE, BSTAN DU GSOL ZHES BYA BA'I DON TO, ,DE BZHIN GSHEGS PA ZHES BYA BA LA SOGS PA LA GSANG BA 'DUS PA'I DKYIL 'KHOR GANG YIN PA DE NI DE BZHIN GSHEGS PA KUN ZHI BA'I RANG BZHIN YIN TE, DE BZHIN GSHEGS PA LNGA'I NGO BO NYID YIN PAS NA SHIN TU RNAM PAR DAG PA RTAG PA'I SKU YIN NO, ,DE BZHIN GSHEGS PA KUN GYI GNAS NI CHAGS PA'I GNAS TE LHA MO BZHI'I RANG BZHIN YIN PAS NA CHOS KYI LONGS SPYOD DO, ,DE BZHIN GSHEGS PA THAMS CAD KYI SEMS DANG SEMS LAS BYUNG BA'I CHOS RNAMS NI CHOS KUN NO, ,DE RNAMS KYI BDAG MED PA MCHOG NI KHRO BO BZHI'I RANG BZHIN YIN PAS NA SHIN TU SEMS TZAM NYID DE GNYIS SU SNANG BA YONGS SU ZAD PA'O, ,MCHOG NI MCHOD PA'I LHA MO DRUG GI RANG BZHIN GYI MCHOD PAR BYA BA NYID YIN PA'I PHYIR MCHOG STE DE BSHAD DU GSOL ZHES BYA BA'I DON TO, ,MTSAN RNAMS NI SKU'I YON TAN YANG DAG PAR RDZOGS PA'O, ,MTSAN MIN THAMS CAD DE SKU'I NYES PA RNAMS YANG DAG SPANGS PA'O, ,SKU'I YON TAN DE DAG NYID KYIS THAMS CAD DU BZANG BA NYID KYI PHYIR KUN DU BZANG PO'O, ,SKU'I MCHOG NI SKU'I SNYING POR GYUR PA STE BZHIN GSHEGS PA LNGA'I RANG BZHIN YIN PAS NA ZHES BYA BA'I DON TO, ,ZHI BA'I CHOS NI MCHOG STE SANGS RGYAS RNAMS KYI CHOS KYI DBYINGS RNAM PAR DAG PA'O, ,DE LAS BYUNG BA NI DE'I RGYU MTHUN PA'O; ,YE SHES SPYOD PA NI BYANG CHUB SEMS DPA' RNAMS KYI BYANG CHUB KYI SPYOD PA'O, ,DE RNAM PAR SBYANG BA NI DE RNAM PAR DAG PA'I PHYIR DMIGS PA'O, ,GSUNG GI YON TAN DE DAG NYID KYIS NI KUN DU BZANG PO'O, ,GSUNG GI MCHOG 'DI GSUNG GI SNYING PO STE, LHA MO BZHI'I RANG BZHIN YIN PAS ZHES BYA BA'I DON TO, ,SEMS CAN KUN GYI SEMS CHEN PO NI SANGS RGYAS THAMS CAD KYI SKU GSUM DE BZHIN NYID DU RO GCIG PA CAN SNANG BA MED PA'I SEMS SO, ,GLO BUR BA'I SGRIB PA THAMS CAD RNAM PAR DAG PAS NA DAG PA'O, ,RANG BZHIN GYIS RNAM PAR DAG PA YIN PAS NA RANG BZHIN

248b

DRI MA MED PA'O, ,THUGS KYI YON TAN DE DAG NYID KYIS NA KUN DU BZANG PO'O, ,'DUL BAR 'OS PA'I SKYES BU RNAMS YANG DAG PAR GDUL BAR MDZAD PAS NA KHA LO SGYUR BA'O, ,THUGS KYI MCHOG NI THUGS KYI SNYING PO STE KHRO BO BZHI'I RANG BZHIN YIN PAS NA ZHES BYA BA'I DON TO, ,DKYIL 'KHOR DAM PA BSHAD DU GSOL, ,ZHES BYA BA NI DKYIL 'KHOR GSUNGS SHIG CES BYA BA'I DON TO, ,DBUS KYI BDAG PO'I RNAL 'BYOR PA SLOB DPON LA PHYOGS KYI SANGS RGYAS KYI RNAL 'BYOR PA SLOB MA BZHIS DKYIL 'KHOR BRI BA'I PHYIR BSTOD PA 'DIS GSOL BA GDAB PO ZHES SNGON GYI SLOB DPON THAMS CAD BZHED DO, ,LA LA DAG NI BSAM GTAN GYI DKYIL 'KHOR SPRUL PAR BYA BA'I PHYIR, YANG DE BZHIN GSHEGS PA THAMS CAD RJES SU CHAGS PAR BYED PA'I TING NGE 'DZIN LA GNAS PA'I RNAL 'BYOR PA LA PHYOGS BCU NAS BYON PA'I DE BZHIN GSHEGS PA RNAMS KYIS, 'DUS PA GSANG BA LAS BYUNG BA, ,DE BZHIN GSHEGS PA KUN GYI GSANG, ,RDO RJE SNYING PO BSDUS PA NYID, ,DE NYID BCOM LDAN BSHAD DU GSOL, ,ZHES BYA BA'I TSIGS SU BCAD PA GCIG GIS GSOL BA GDAB PAR BYA ZHING DE NAS 'DI LTAR DANG PO DANG BCAS PA'I TSIGS SU BCAD PA GSUM PO 'DI DAG GIS RE RE NAS 'DUS PA'I DKYIL 'KHOR GSUM GYI BDAG NYID CAN DU BSTOD DO ZHES SMRA'O, ,GZHAN DAG NA RE DKYIL 'KHOR GSUM DANG PO DANG BCAS PA'I TSIGS SU BCAD PA'I GSUM GYIS RE RE NAS BSTOD PAR BYA'O ZHES SMRAS TE, DE NI BDEN PA MA YIN NO; ,DE LTAR NA TSIGS SU BCAD PA BZHIS GSOL BA GDAB PAS DKYIL 'KHOR GSUM CHAR YANG BRI BA DANG, STON PA THOB PAR 'GYUR TE, GSUM CHAR YANG GSOL BA 'DEBS PA'I TSIG DANG 'BREL BA'I PHYIR RO, ,DE NAS ZHES BYA BA LA SOGS PA LA 'DI LAS 'JIG RTEN GSUM PA'I SKU DANG GSUNG DANG THUGS KYI DKYIL 'KHOR 'BYUNG BAS NA 'JIG BRTEN GSUM STE, DE NYID KYI TSE RANG GI SEMS LAS DKYIL 'KHOR CHEN PO SPROS PA'I PHYIR RO, ,'DI LAS KHAMS GSUM PO STE DE RNAMS NYID KYI KHAMS 'BYUNG BAS NA KHAMS GSUM PA STE DE LAS DANG PO KHO NAR BRI BA DANG 'DRA BA'I RTEN GYI

249a

, ,DKYIL 'KHOR SPRUL PA'I PHYIR RO, ,'JIG RTEN GSUM MCHOG RDO RJE GTZO, ,ZHES BYA BA NI 'JIG RTEN GSUM PO DE DAG NYID NI RDO RJE MCHOG GI NANG NAS MCHOG RE RE LA BSDUS PA'I DE'I RANG BZHIN CAN GYI MTSAN MA RNAMS SO, ,DE RNAMS KYI GTZO BO NI MCHOG STE BDAG NYID DBUS MA'I GDAN LA MI BSKYOD PA'I MTSAN MA'I RNAM PAR BSDUS NAS DE DAG GI PHYAG MTSAN BSDUS PA GNAS JI LTA BA BZHIN DU 'JOG PA'I PHYIR RO, ,DE LTAR MNGON SUM DU BSTAN PA'I 'JIG RTEN GSUM GYI RJES LA LUS THOB NAS GSUNG GIS STON PA NI 'JIG RTEN GSUM MCHOG STON PAS SO; ,DE BZHIN GSHEGS PA KUN GYI THUGS, ,ZHES BYA BA NI SANGS RGYAS RNAMS KYI THUGS GANG YIN PA'I NGO BO STE DE YANG MI BSKYOD PA'O, ,MI BSKYOD PA DE YANG BSAM GTAN GYI GNAS LA GNAS PA'O, ,DE NYID KYI PHYIR GSUNGS PA, DE BZHIN GSHEGS PA KUN GYI GNAS, ,ZHES PA'O, ,DKYIL 'KHOR ZHES BYA BA NI GSANG BA 'DUS PA'O, ,DKYIL 'KHOR 'DRA BA ZHES PA NI BRIS PA'I DKYIL 'KHOR 'DRA BA'O, ,DKYIL 'KHOR RAB TU NYAMS DGA' BA, ,ZHES BYA BA LA ZHI GNAS KYI CHA YIS SNYING PO BSDUS PAS NA DKYIL 'KHOR RO, ,LHAG MTHONG GI CHA YIS DGA' MA BSDUS PAS NA NYAMS DGA' BA'O, ,DE NAS ZHES BYA BA LA SOGS PA NI RDO RJE 'CHANG BAS GSUNGS PA YIN NO, ,DE NAS ZHES BYA BA NI DE MA THAG PA NYID DU'O, ,RAB TU BSHAD PAR BYA BA STE YANG DAG PAR RAB TU PHYE STE BSHAD PAR BYA'O, ,DE LAS ZHES BYA BA NI GANG GI PHYIR SLOB DPON GYIS DKYIL 'KHOR BRIS LA DNGOS GRUB BSGRUB PAR BYA BA DANG, GZHAN RJES SU GZUNG BAR BYA BA YIN PA DE'I PHYIR RO, ,THUGS KYI DKYIL 'KHOR ZHES BYA BA NI MI BSKYOD PA GTZO BOR BYAS PA'I DKYIL 'KHOR RO, ,'O NA CI'I PHYIR DKYIL 'KHOR GCIG KHO NA 'CHAD CE NA, DKYIL 'KHOR GCIG BRI BA LA YANG TSIGS SU BCAD PAS ZHES GSOL BA GDAB PAR BSTAN PA'I DON NYID YIN NO, ,SKU DANG GSUNG DANG THUGS RNAMS KYI DKYIL 'KHOR ZHES BYA BA NI DKYIL 'KHOR GSUM GYI NGO BO NYID DO, ,THUGS KYI RDO RJE RAB 'DRA BA, ,ZHES BYA BA NI THUGS LAS BYUNG BA'I RDO RJE GANG YIN PA DE BSTAN PA'I PHYAG MTSAN GYI DKYIL 'KHOR TE DE DANG 'DRA BA NI

249b

MTHU MTSUNGS PA'I PHYIR RO, ,JI SKAD DU, DPAL SANGS RGYAS THAMS CAD DANG MNYAM PAR SBYOR BA LAS, RDO RJE SEMS SOGS LHA RNAMS KYI, ,'KHOR LO MNGON SUM MTHONG BA LAS, ,BSOD NAMS RTAG PA CI 'DRA BAR, ,PHYIS BRIS PA YANG DE BZHIN NO, ,ZHES GSUNGS PA LTA BU'O, , LUS NGAG SEMS NI BSGOMS PA YIS, ,ZHES BYA BA NI, LUS DANG NGAG DANG SEMS MI BSKYOD PAR BDAG NYID BSGOMS PA'O, ,ZHES RAB CAN GYI ZHES BYA BA NI CHO GA MTHONG ZHING LAS RNAMS LA MA RMONGS PA STE GZHAN DAG LA YANG 'DI SBYAR BAR BYA'O, ,THIG SKUD SAR PA ZHES BYA BA NI GZHAN DU LONGS SPYOD PA'O, ,LEGS BKAL BA ZHES BYA BA NI YANG DAG PAR BSGRIL BA'O, ,TSAD MA ZHES BYA BA NI CHUR NI DKYIL 'KHOR GYI NYIS 'GYUR LA, SBOMS NI SGO'I NYI SHU CHA'O, ,RAB TU MDZES PA YIS ZHES BYA BA NI MDUD PA LA SOGS PA'I NYES PA DANG BRAL BAS SO, ,KHRU NI BCU GNYIS ZHES BYA BA NI NGOS BZHI 'AM NGOS RE RE'O, ,SGRUB PA'I DKYIL 'KHOR LA NGES PA YIN GYI DAM TSIG GI DKYIL 'KHOR LA NI 'BYOR PA JI LTA BA BZHIN DU KHRU GANG NAS BRTZAMS TE KHRU STONG GI BAR DU'O, ,NGOS BZHI ZHES BYA BA NI PHYOGS BZHI'I RE KH'A BZHI'O, ,GRVA BZHIR LDAN ZHES BYA BA NI DE RNAMS KYI GNYI GA'I MTHA' PHAN TSUN 'BREL PA'I PHYIR RO, ,SGO BZHI PA NI LOGS SO SO'I DBUS SU SGO DANG LDAN PA'I PHYIR RO, ,RAB TU BRTAG CES BYA BA NI BRI BAR BYA BA'O, ,DE LTAR PHYI'I DKYIL 'KHOR BRIS NAS DE'I DBUS SU 'KHOR LO NI DKYIL 'KHOR TE BRI BAR BYA'O, ,RAB TU ZLUM PO NI KUN NAS ZLUM PA'O; ,'DIS NI 'DI SKAD DU, ZUR BZHI PA LA SGO BZHI PA, ,RTA BABS BZHIS NI RNAM PAR MDZES, ,THIG BZHI DANG NI YANG DAG LDAN, ,DAR DANG ME TOG PHRENG BAS BRGYAN, ,GR'A YI MTSAMS NI THAMS CAD DANG, ,SGO KHYUD KYI NI MTSAMS SU YANG, ,RDO RJE RIN CHEN SPRAS PAR NI, ,PHYI YI DKYIL 'KHOR THIG GDAB PO, ,DE YI NANG GI 'KHOR LO NI, ,DKYIL 'KHOR BRGYAD PA 'DRA BA LA, ,PHYI YI DKYIL 'KHOR PHYED KYI TSAD, ,KUN NAS YONGS SU ZLUM POR BYA, ,KA BA'I RTZE MOR RDO RJES SPRAS, ,RDO RJE'I PHRENG BA BZANG POS BSKOR, ,DE NAS H'I DANG KHRO BO

250a

, ,YI; ,LTA BAS SGO NI RNAM PAR DBYE, ,SGO NI KHA KHYER MA GTOGS PA'I, ,'KHOR LO'I BRGYAD CHAR BSHAD PA YIN, ,SGO KHYUD SGO YI TSAD YIN TE, ,DE BZHIN LHA YI SNAM BU DANG, ,KUN NAS KHA KHYER SGO YI PHYED, ,LOGS DANG 'GRAM DANG DE BZHIN NO, ,RTZA BA'I THIG SA'I PHYI ROL DU, ,TSON GYIS NI DE YI PHYED, ,KHA KHYER RE KH'A LA BRTEN NAS, ,RTA BABS KA BAS PHYIN TSAD DU'O, ,DRA BA DRA PHYED NYI ZLA DANG, ,DAR SOGS SNAM BU 'ANG DE BZHIN NO, ,RDO RJE LA SOGS KA BA'I THIG ,SA NI TSON GYI CHA DANG MNYAM, ,BA DAN G-YER KHA DANG LDAN PA, ,RTA BABS SGO YI SUM 'GYUR TE, ,G-YER BCAS RLUNG GIS BSKYOD PA YI, ,BA DAN PHYI YI MTSAMS SU BYA, ,GZHAN DAG 'KHOR LO'I RJES MTHUN PAR, ,JI LTAR MDZES PAR RNAM PAR BRTAG ,CES STON TO, ,DE NAS ZHES BYA BA LA SOGS PA LA, DE NAS ZHES BYA BA NI GZHI'I DKYIL 'KHOR BRIS PA'I 'OG TU'O, ,LAS KYI CHO GA MTHONG BA ZHES BYA BA NI DE KHO NA NYID BSDUS PA DANG RDO RJE RTZE MO DANG DPAL MCHOG DANG PO LA SOGS PA DANG, RGYUD 'DI'I SPYI DANG KHYAD PAR LA SOGS PA'I TSUL NI CHO GA YIN LA CHO GA DES NGES PAR BYAS PA NI LAS KYI CHO GA MTHONG BA'O, ,DON NI RGYUD 'DIR LAS KYI JI SKAD GSUNGS PA GANG YIN PA DE NI DE BZHIN DU GZUNG BAR BYA'O, ,MA GSUNGS PA GANG YIN PA DE NI RIGS PA JI LTA BA BZHIN DU RGYUD GZHAN DAG LAS GZUNG BAR BYA'O, ,DE LAS CUNG ZHIG BLANGS PA YANG GSANG BA 'DUS PA'I DKYIL 'KHOR DANG RJES SU MTHUN PAR YONGS SU BSGYUR BAR BYA'O ZHES BYA BA YIN NO, ,'DI DAG KYANG THAMS CAD LA SBYAR BAR BYA'O, ,LAS KYI CHO GA MTHONG BA DE YANG DKYIL 'KHOR GYI CHO GA SHIN TU RGYAS PAR BYA'O, ,PHYAG RGYA DGOD PAR BYA ZHES BYA BA NI YID KYI GZUGS BRTAN PA TING NGE 'DZIN LAS BYUNG BA'I SEMS KYI RNAM PA PHYAG RGYA CHEN PO LA SOGS PA'I DBYE BAS PHYAG RGYA SNA TSOGS YOD MOD KYI 'DIR NI PHYAG MTSAN GYI PHYAG RGYA NYID GZUNG BAR BYA'O, ,DE'I DGOD PA NI RANG GI GNAS RNAMS SU SNA TSOGS PADMA LA GNAS PA'I ZLA BA DANG NYI MA'I DKYIL 'KHOR BRIS LA DE'I DBUS SU BRI BA'O, ,DE'I ZHES BYA BA NI DKYIL 'KHOR GYI'O, ,DBUS ZHES BYA BA NI NANG GI

250b

DKYIL 'KHOR GYI DBUS MA'I RE'U CHA'O, ,RDO RJE NI MI BSKYOD PA'I PHYAG MTSAN NO, ,AINDRA N'I LA NI SNGO BA'O, ,RTZE LNGA PA NI CUNG ZAD KHA GYIS PA RTZE MO SHAR DU BLTAS PA'O, ,'JIGS PA NI 'JIGS PAR BYED PA'O, ,'KHOR LO ZHES BYA BA LA SOGS PA LA, ,DE'I SHAR DANG LHO DANG NUB DANG BYANG GI RE'U CHA RNAMS LA RNAM PAR SNANG MDZAD DANG RIN CHEN 'BYUNG LDAN DANG, 'OD DPAG MED DANG, DON YOD GRUB PA'I MTSAN MA RTZE MO SHAR LA SOGS PAR BLTA BAR BYA STE, GO RIMS BZHIN DU 'KHOR LO RTZIBS BRGYAD PA DKAR PO DANG, RIN PO CHE CHA DGU PA LJANG GU DANG, PADMA 'DAB MA BRGYAD PA DMAR PO DANG; RAL GRI NAM MKHA' LTAR SNGO BSANGS BRI BAR BYA'O, ,'DIR TSIGS SU BCAD PA NI, PHYOGS GANG GI NI MTSAN MA GANG, ,DE LTAR DE NI BRI BAR BYA, ,DKYIL 'KHOR BDAG PO'I MTSAN MA NI, ,SHAR DU LTA BAR BRI BAR BYA, ,'DIR YANG RDO RJE 'BAR BA LA SOGS PA'I SGRAS NI 'BAR BA CHEN PO NYID STON TO, ,DBUS NA ZHES BYA BA LA SOGS PAS NI LHA MO BZHI'I PHYAG MTSAN BSTAN PA'I PHYIR, SHAR ZHES BYA BA LA SOGS PA GSUNGS TE SHAR LA SOGS PA'I MTSAMS LA SHAR LA SOGS PA THA SNYAD DU BYAS PA YIN TE SHAR GYI MTSAMS YIN PAS SHAR GYI PHYOGS SO, ,DE BZHIN LHO DANG NUB DANG BYANG GI PHYOGS TE ME LA SOGS PA'I MTSAMS ZHES BYA BA'I DON TO, ,SPYAN ZHES BYA NI MIG DKAR PO LA MIG 'BRAS NAG PO YOD PA STE, 'DI LTAR, DBUS NI SPRIN DANG 'DRA BA'I 'OD, ,CES GSUNGS PA YIN TE, 'DI LA DBUS NA SPRIN DANG 'DRA BA'I 'OD DANG LDAN PAS NA ZHES BYA BA NI 'BRU MANG PO PA'O, ,LHO PHYOGS KYI MTSAMS GANG YIN PA DER NI RDO RJE M'A MA K'I'I RIGS ZHE SDANG YIN TE, DE LAS BYUNG BA NI DE'I RANG BZHIN CAN YIN TE RTZE LNGA PA NAG PO ZHES BYA BA'I DON TO, ,KHA BYA BA ZHES BYA BA NI PADMA DMAR PO KHA RGYAS PA'O, ,SDONG BUR BCAS ZHES BYA BA NI YU BA DANG BCAS PA'O, ,MTHING GA'I SPRIN DANG 'DRA BAR BRI, ,ZHES BYA BA NI SGROL MA'I PHYAG MTSAN BRI BA'I DKYIL 'KHOR DU NI AUTPALA SNGON PO NYID YIN LA TING NGE 'DZIN GYI DKYIL 'KHOR DU NI AUTPALA SER POR 'CHAD PAR 'GYUR RO, ,SGO SRUNG RNAMS KYI PHYAG MTSAN NI THO BA ZHES BYA BA LA SOGS PA

251a

, ,GSUNGS TE, RDO RJE THO BA ZHES BYA BA NI RDO RJES MTSAN PA'I THO BA SNGON PO'O, ,'BAR BA RNAMS KYI 'OD GSAL BA NI 'BAR BA'I 'OD GSAL BA'O, ,LHO PHYOGS KYI SGO GANG YIN PA DER NI BE CON DKAR PO RDO RJES MTSAN PA STE, NYON MONGS PA LA SOGS PA 'JIG PAR BYED PA'I 'BAR BA NI RDO RJE 'BAR BA'O, ,SOGS PA'I SGRAS NI RDO RJE MTSAN PA STE DES 'OD BZANG BA'O, ,MA DAG PA GCOD PAR BYED PA'I 'BAR BA NI RAL GRI LTAR 'BAR BA STE, DES 'OD BYED PA NI SNANG BAR BYED PA'O, ,RDO RJE 'KHYIL PA ZHES BYA BA NI BDUD RTZI 'KHYIL PA'O, ,DE NYID NI RDO RJE CAN TE SGRIB PA THAMS CAD 'JIG PAR BYED PA'I YE SHES DANG LDAN PA'I PHYIR RO, ,DE'I RDO RJE NI SNGON PO STE RTZE LNGA PA KHA GYES PA'O, ,MCHOD PA'I LHA MO RNAMS KYI MTSAN MA NI PHYI'I DKYIL 'KHOR GYI ME LA SOGS PA'I MTSAMS BZHI DANG, RTZA BA'I SGO LOGS GNYIS LA GO RIMS BZHIN DU ME LONG DANG PI WANG DANG DRI'I SNOD KYI DUD DANG RO'I SNOD DANG GOS SNA TSOGS DANG CHOS 'BYUNG BA BRI BAR BYA STE, LE'U BCO BRGYAD PA LAS, ME LONG PI WANG DUNG CHOS DANG, ,DE BZHIN SNOD DANG SNA TSOGS RAS, ,CHOS 'BYUNG BA YI PHYAG RGYA DRUG ,RDO RJE'I BDAG PO RDO RJE CAN, ZHES GSUNGS PA'I PHYIR RO, ,YONGS SU GSAL BAR ZHES BYA BA NI YONGS SU RDZOGS PA DANG GSAL BA'O, ,LUS DANG NGAG SEMS MCHOD PA YIS, ,ZHES BYA BA NI LUS KYI DANG NGAG GI DANG SEMS KYI MCHOD PA RNAMS KYIS SO, ,BUD MED CES BYA BA NI 'DOD CAN MA'O, ,'DI LA MDANGS DANG LDAN PA'I KHA DOG MDZES PA YOD PAS NA RAB TU MDANGS BZANG BA'O, , LO GRANGS BCU DRUG LON ZHES BYA BA NI LO BCU DRUG LON PA'O, ,DRI DANG ME TOG PHRENG BRGYAN TE, ,ZHES PA NI DRI DANG PHRENG BA MANG PO NI DGA' BA'I RGYU YIN PA'I PHYIR RO, ,YON TAN SKA RAGS ZHES BYA BA NI SANGS RGYAS KYI YON TAN LAS NOR BU'I 'OG PAG BYAS PAR MOS PAR BYA'O, ,DE YANG CI'I PHYIR ZHE NA; SANGS RGYAS KYI YON TAN RNAMS NI CHOS KYI DBYINGS RNAM PAR DAG PA LA BRTEN PA NYID KYI PHYIR DANG RIN PO CHER GYUR PA NYID KYI PHYIR RO, ,M'A MA K'IR BYIN GYIS BRLABS LA ZHES BYA BA NI SNYING GAR ZLA BA DANG, PHYAG MTSAN LA SOGS PA'I RIM GYIS M'A MA K'I'I GZUGS SU BSKYED PA LA

251b

SOGS PA DANG, MIG LA SOGS PA DANG, SKU LA SOGS PA DANG, RIGS KYI BDAG POS BYIN GYIS BRLABS PA DANG, RIGS LNGA'I TSOGS CAN DU YANG BYAS PA'O, ,SHES RAB CAN GYIS ZHES BYA BA NI BUD MED KYI 'DU SHES SAM BDAG GI 'DU SHES SKAD CIG TZAM YANG MI BYED KYI, 'ON KYANG GNYIS SU MED PA'I YE SHES KYI DE KHO NA NYID LA BRTZON PA DES, DE BZHIN NYID KYI NGO BO NYID SANGS RGYAS THAMS CAD KYI THUGS SU CHUD PA'I BYA BA BSDUS PA DANG LHA'I SKU DANG CHOS KYI LONGS SPYOD LA GNAS PA SHES PAS SO, ,DE YI DBUS SU MNYES PAR BYA, ,ZHES BYA BA NI 'KHOR LO'I BDAG PO'I RNAL 'BYOR PA 'KHOR LO'I DBUS SU GNAS PA'I BDAG NYID SANGS RGYAS THAMS CAD KYI NGO BO YIN PAR MOS PAR BYAS NAS DE YANG DAG PAR MNYES PAR BYA'O ZHES BYA BA'I DON TO, ,DE LTAR NA SKU LA SOGS PA'I GSANG BA'I MCHOD PA YIN NO, ,SANGS RGYAS ZHES BYA BA LA SOGS PAS DKYIL 'KHOR GYI SGRUB PA'I GSANG BA GSUNGS PA YIN TE, ZHI BA ZHES BYA BA NI ZLA BA ZHUB BSKYED PA BSDUS PA LAS BYUNG BA'I MI BSKYOD PA'I SA BON TE BYED PA PO'O, ,NAM MKHA'I DBYINGS NI RAB TU BRGYAN, ,ZHES BYA BA NI RIGS KYI MCHOG RE RE SPROS PAS NAM MKHA' THAMS CAD RGYAN CAN NO, ,DES CI ZHIG BYED CE NA, SANGS RGYAS GNAS SPROS PA NI MI BSKYOD PA'I DKYIL 'KHOR TE, RIGS KYI TSOGS SPRO BA BSDUS PA LAS BDAG NYID JI LTA BA BZHIN DU MI BSKYOD PA LA SOGS PA RANG RANG GI PHYAG MTSAN GYI LTE BA LA BSKYED PA'I PHYIR RO, ,DE YANG GSAL BAS NA MA GSUNGS SO, ,DE NAS DE DAG GI YE SHES KYI DKYIL 'KHOR DGUG PA DANG GZHUG PA DANG MIG DANG SKU LA SOGS PA BYIN GYIS BRLAB PA DANG, DBANG BSKUR BA DANG RIG PA'I BRTUL ZHUGS DANG SDOM PA RNAMS JI LTAR RIGS PAR BSAM PAR BYA STE, MA GSUNGS NA YANG GRUB PA YIN NO, ,GSANG BA'I LHA BSHOS NI BSHANG BA ZHES BYA BA LA SOGS PA GSUNGS PA YIN TE, RIG MA LNGA PO 'BAR BA DANG BSREG PA DANG GSAL BA'I GZUGS SU BSAM PA DANG BDUD RTZI YANG DAG PAR BSTIM PA DANG, YE SHES LNGA'I BDUD RTZIR BYAS NAS DBUL BAR BYA'O, ,DE ZHES BYA BA NI GANG CI YANG RUNG BA STE THAMS CAD CES BYA BA'I DON TO, ,DE LA

252a

, ,SANGS RGYAS NI LNGA PO 'DI DAG GIS BSDUS PA'O, ,BYANG CHUB SEMS DPA' NI LHAG MA RNAMS SO, ,DE LTAR BYAS NA MNYES ZHES BYA BA NI GSANG BA'I MCHOD PA DE DAG GIS DGYES PAR GYUR PA'O, ,DE CI'I PHYIR ZHE NA, DE DAG GI BKA' LAS MI 'DA' BA'I PHYIR DANG ZAB MO'I DE KHO NA NYID RTOGS PA'I PHYIR RO, ,'DIR TSIGS SU BCAD PA NI, CHOS KYI LONGS SPYOD DAM PA NI, ,GSANG BA'I MCHOD PAS DBUL BAR BYA, ,BYANG CHUB SEMS 'BYUNG 'KHOR LO DE, ,DE LTAR DES NI SGRUB PAR BYED, ,DE'I SKU GNAS PHYIR RTAG TU NI, ,BDUD RTZI LNGA PHUL DE YI PHYIR, ,GUS PA DANG NI DE NYID SHES, ,BSAM PA MKHYEN PAS RGYAL BA MNYES, ,LUNG PA LA SOGS BDAG CAG GIS, ,GTZANG DANG MI GTZANG BRTAGS PA GANG, ,RNAL 'BYOR ZHEN PAS DE RNAMS NYID, ,TSANGS LA SOGS PAS BSGOM PAR BYA, ,THAMS CAD CHOS NYID DU BSGOM ZHING, ,DE YANG RANG BZHIN DRI MA MED, ,DE PHYIR DE NYID KUN DAG STE, ,DE BZHIN NYID TZAM MTHONG PHYIR RO, ,DAM TSIG GIS NI SNGAGS 'GRUB CING, ,SKYOB PA'I DAM TSIG 'DI YIN LA, ,SANGS RGYAS DNGOS PO 'ANG DAG PA YIN, ,THAMS CAD JI BZHIN SGRAR MI GZUNG, ,GZHAN YANG SNGON DU BSNYEN PA BYAS SHING SEMS BRTAN PAR BYAS PA CAN GYIS SGRUB PA'I DKYIL 'KHOR BRI BAR BYA STE, DE'I TSE DE LA YANG BUD MED KYI 'DU SHES MI 'BYUNG BDAG GI 'DU SHES MI 'BYUNG 'KHRIG PA'I 'DU SHES MI 'BYUNG GI ,'ON KYANG DE BZHIN NYID DANG DE BZHIN NYID KYI YE SHES KYI BDAG NYID KYI LHA DANG GNYIS SU MED PA'I 'DU SHES DANG, CHOS KYI LONGS SPYOD KYI 'DU SHES SU 'GYUR BA DE BAS NA CI'I PHYIR DE SDIG PA YIN, 'JIG RTEN GYI KHA NA MA THO BA YANG MED DE SPRAS PA'I PHYIR, MA BRTAGS PA'I MCHOD PA YANG MA YIN TE, DE BZHIN GSHEGS PA NI YONGS SU DAG PA NYID KYI PHYIR DANG YONGS SU SBYONG BAR BYED PA NYID YIN PA'I PHYIR TE DRI DANG PHRENG BA LA SOGS PA'I MCHOD PA LTA BU'O, ,BUD MED LAS BYUNG BA'I PHUNG KHROL YANG YOD PA MA YIN TE, YID BRTAN DU RUNG BA'I LHA DANG MI DANG KLU LA SOGS PA'I BU MO 'GUGS PA YIN PA'I PHYIR RO, ,BDUD RTZI LA SOGS PA YANG RIGS PA 'DI NYID YIN NO, ,DE LA DAM TSIG

252b

LA SDANG BA DANG CHO GA NYAMS PA NI DNGOS GRUB LAS NYAMS PAR 'DRA BA YIN TE, DE SKAD DU, BCOM LDAN 'DAS KYIS, ,SANGS RGYAS SKU YI CHO GA SHES, ,MNGON SUM BZHIN DU DE MTHONG DANG, ,RANG GI GZUGS NI MI SHES SHING, ,SGRA YANG THOS PA MED PA'O, ,JI LTAR RTOGS PAR MI 'GYUR BAR, THAMS CAD GSANG STE BYA BA YIN, ,GAL TE RTOGS PAR GYUR NA NI, ,SANGS RGYAS KYIS KYANG MI 'GRUB PO, ,SEMS CAN KUN GYI SEMS GANG NI, ,DAG CING ZHI LA 'OD GSAL BAS, ,DNGOS PO KUN GYIS MI GOS PA, ,SEMS ZHES BYA BA DE NYID DNGOS, ,DE BZHIN 'DOD PA'I CHO GA SHES, ,DE NYID KYIS NA NYE BAR SPYOD, ,GZHAN DU DGE BA 'BYUNG BA YI, ,SNGAGS RNAMS THAMS CAD 'GRUB MI 'GYUR, ,DE BAS SNGAGS PA'I KHYAD PAR GYIS, ,BUD MED MCHOG NI DGUG PAR BYA, ,GZHAN DU RDO RJE SEMS DPA' DANG, ,DE LAS BYUNG BA MNYES MI 'GYUR, ,DE BAS SPYAD BYA THAMS CAD KYI, , LONGS SPYOD NYAMS SU BLANG BAR BYA, ,GZHAN DU NA NI RMONGS PA'I BDAG ,,MNAR MED NGES PAR 'TSED PAR 'GYUR, ,ZHES GSUNGS PA LTA BU'O, ,'ON TE GANG GI TSE 'DI DAG THAMS CAD RKYEN 'GA' ZHIG GIS BYA BA MA LCOGS PA DE'I TSE JI LTAR BYA ZHE NA, DE BDAG NYID KYIS BSAMS LA BYA'O ZHES SNGON GYI SLOB DPON DAG 'DOD DO, ,LE'U BCU GNYIS PA LAS KYANG, ,SHA RNAMS THAMS CAD MED NA YANG, ,THAMS CAD BSAMS PAR RNAM PAR BRTAG ,ZHES 'CHAD PAR 'GYUR RO, ,LE'U BCU DRUG PA LAS KYANG, BSAM GTAN YIG GSUM RDO RJE CAN, ,RANG GI PHYAG RGYA'AM SEMS KYIS BSAM, ,DE LTAR SANGS RGYAS KUN MKHYEN PA, ,MNYES PAR 'GYUR BA GDON MI ZA, ,ZHES 'CHAD PAR 'GYUR RO, ,GSANG BA ZHES BYA BA SBA BAR BYA BA STE, ,JI LTAR GZHAN GYIS SHES PAR MI 'GYUR BAR BYA'O, ,RTOGS PAR MI 'GYUR BA NI, ,GSANG MI THUB PA LA MI BSTAN PA'O, ,YID KYI RANG BZHIN LA NI TSANGS PAR SPYOD PA MA YIN PA'I DGOS PA YANG YOD PA MA YIN TE, LUS KYI LAS MED PA'I PHYIR DANG RNAM PAR RIG PA TZAM LA MOS PA'I STOBS DANG LDAN PA NYID KYI PHYIR RO, ,'JIG RTEN PA'I KHA NA MA THO BA'I DGOS PA YANG YOD PA MA YIN TE, GANG GIS STON PA'I BSTAN PA SUN PHYUNG

253a

, ,BAR GYUR NA, GZHAN GYI SEMS YONGS SU MI SHES PA'I PHYIR RO, ,GZHAN GYI SEMS SHES PAS KYANG DE'I THABS LA MKHAS PA MTHONG BA'I PHYIR MNGON PAR DAD PA NYID DU 'GYUR GYI SMOD PAR NI MI BYED DO, ,'DIR LA LA DAG RGOL TE 'DI'I LE'U BDUN PA LAS NI SKU'I RIGS LA LO BCU DRUG PA DANG, THUGS KYI RIGS LA LO BCU GNYIS PA'I BU MO GSUNGS LA LE'U BCO BRGYAD PA LAS KYANG LO GRANGS NYI SHU PA GSUNGS TE, DE YANG LUS PO'I 'BREL PAS GSUNG GI RIGS SU 'GYUR RO, ,DE BAS NA CI'I PHYIR LE'U 'DIR THUGS KYI RIGS NYID LA LO GRANGS BCU DRUG PA GSUNGS SHE NA, NYES PA DE YANG YOD PA MA YIN TE, RIGS GSUM CHAR LA YANG LO GRANGS BCU DRUG PA NYID CAN BZHED PA'I PHYIR RO, ,DE SKAD DU, LE'U BRGYAD PA LAS, NA CHUNG GZHON NU MIG YANGS MA, ,GZUGS BZANG GZHON PAS BRGYAN PA NI, ,LO GRANGS NYI SHU LNGA LON RNYED, ,BYOL SONG LAS KYANG RAB TU BRTAG, CES 'BYUNG BA GANG YIN PA DE LA DON NI 'DI YIN TE, BU MO LO GRANGS NYI SHU PA RNYED NAS GSUNG GI RIGS LA MCHOD PA RAB TU BRTAG PAR BYA'O, ,RIGS LHAG MA RNAMS LA NI LO GRANGS BCU DRUG PA DANG BCU GNYIS PA YIN GYI RIGS RE RE ZHING BU MO GCIG NYID NI GDON MI ZA BAR MA YIN NO, , 'O NA CI YIN ZHE NA, LNGA YIN NO, ,JI LTAR BYAS NAS SHE NA, BYOL SONG LAS KYANG STE, LOG LAS KYANG ZHES BYA BA'I DON TO, ,DE YANG LANG TSO GTZO BOR BYAS NAS GSUNG GI RIGS LA NI G-YON LOGS NAS ZHE'O, ,THUGS KYI RIGS LA NI G-YAS LOGS NAS SO, ,SKU'I RIGS LA NI LOGS GNYI GA NAS SO, ,DE BAS NA GSUNG GI RIGS LA NI LO GRANGS NYI SHU PA DANG, BCU DGU PA DANG BCO BRGYAD PA DANG BCU BDUN PA DANG BCU DRUG PA DAG STE BU MO LNGA'O, ,THUGS KYI RIGS LA NI LO GRANGS BCU GNYIS PA DANG BCU GSUM PA DANG BCU BZHI PA DANG BCO LNGA PA DANG BCU DRUG PA STE LNGA'O SKU'I RIGS LA NI LO GRANGS BCU BZHI PA DANG BCO LNGA PA DANG BCU DRUG PA DANG BCU BDUN PA DANG BCO BRGYAD PA STE, BU MO LNGA LNGAR 'GYUR ZHES BYA BA 'DI YIN NO, ,THUGS KYI DKYIL 'KHOR STON PAR BYED PA'I LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS

253b

LE'U BZHI PA'O,, ,,DNGOS GRUB MCHOG GI THABS BZHI PA NI SGRUB PA CHEN PO STE, DE'I MTSAN NYID NI, SANGS RGYAS BYANG CHUB SEMS RNAMS KYI, ,BSTAN PA DAG NI SGRUB CHEN PO, ,ZHES BYA BA STE DKYIL 'KHOR GYI BDAG POS DKYIL 'KHOR PA RNAMS BSTAN CING PHYUNG BA'I MNGON PAR RTOGS PA NI SGRUB PA CHEN PO'O, ,DE YANG LE'U DANG PO LA SOGS PA RNAMS SU GSUNGS SO, ,'DIR GNYIS SU MED PA'I YE SHES NI 'DIR BYANG CHUB BO, ,DE RNYED PA NI SANGS RGYAS SO, ,DE LA MOS PA BRTAN PA NI BYANG CHUB SEMS DPA' RNAMS SO, ,DE RNAMS KYI BSTAN PA NI MDZAD PA GANG YIN PA SHIN TU GSANG BA'I SPYOD PA ZHES BYA BA'I DON TO, ,DE YANG DAM TSIG GI SGRUB PA CHEN PO STE THABS CHEN PO YIN PA'I PHYIR RO, ,DE YANG LNGA PA DANG DGU PA MTHA' DAG DANG, ,BCU BDUN PA LA SOGS PA'I PHYOGS KYIS STON TE, DE LAS LE'U 'DI'I DON NI KUN DU SPYOD PA YIN TE, DE YANG LE'U BCO BRGYAD PA LAS GSUNGS PA; SHES RAB THABS LAS BYUNG BA YI, ,PHUNG PO KHAMS DANG SKYE MCHED LUS, ,ZHES BYA BA NAS, THAMS CAD SEMS LA GANG SPYOD PA, ,KUN DU SPYOD PAR BSTAN PA YIN, ,ZHES BYA BA'I BAR DU'O, ,DE NYID KYI SKABS DBYE BA'I PHYIR, DE NAS ZHES BYA BA LA SOGS PA GSUNGS TE, TSIG RKANG PA DRUG PA'I TSIGS SU BCAD PA 'DIS BCOM LDAN 'DAS KYI KHYAD PAR BSTAN PA'I SGO NAS LHAG PAR MOS PA'I SPYOD PA GANG YIN PA DE BSTAN PA YIN TE, DE BZHIN GSHEGS PA THAMS CAD KYI SKU DANG GSUNG DANG THUGS LAS BYUNG BA DE LA DE SKAD CES BYA'O, ,'DIR SANGS RGYAS RNAMS KYI SKU NI RDO RJE 'DZIN PA STE, DE YANG NAM MKHA' YIN NO, ,GSUNG NI DE NYID RIG PA STE NAM MKHA'I KHAMS SO, ,THAMS CAD DE DAG LAS SKYES PA NYID GANG YIN PA DER LHAG PAR MOS PA DE LA DE SKAD CES BYA'O, ,THUGS NI THOG MA MED PA'I SEMS SO, ,SKU LA SOGS PA THUGS DE LAS BYUNG BA NI THUGS KYI RDO RJE STE, DE 'DZIN PA NI DE BZHIN DU LHAG PAR MOS PAS THUGS KYI RDO RJE 'DZIN PA'O, ,RGYAL PO NI DKYIL 'KHOR GYI DBANG PHYUG GO ZHES BYA BA LA, PHYI ROL GYI 'BYUNG BA CHEN PO BZHI'I BDAG NYID KYI LHA MO BZHI'O, ,GZHAL YAS KHANG DANG YUL DRUG GI ,LHA MO DRUG GI YUL DE DAG NI, ,

254a

, ,GNAS TE DE'I DBANG PHYUG GO, ,DKYIL 'KHOR BA GSUNGS PA, KUN MCHOG CES BYA BA STE, SANGS RGYAS DANG BYANG CHUB SEMS DPA' RNAMS KYI MCHOG 'DI LA YOD PA STE, SANGS RGYAS THAMS CAD LA BSDUS PA'I SANGS RGYAS LNGA NI, 'DI'I PHYUNG PO LNGA RNAMS SO, ,BYANG CHUB SEMS DPA' THAMS CAD BSDUS PA'I BYANG CHUB SEMS DPA' DRUG NI 'DI'I MIG LA SOGS PA SKYE MCHED DRUG YIN PAS SO, ,SPYOD PA KUN NI KUN DU SPYOD PA STE DE NYID MCHOG GI CHOS TE LAM GYI DAM PA YIN PAS SO, ,DE NYID NYAMS SU BLANG BAR BYA BA'I DON YIN PAS DE SKAD CES BYA'O, ,SPYOD PA'I MTSAN NYID NI KUN DU SPYOD PA'I RANG BZHIN TE, BKA' STZAL PA NI GSUNGS PAR GYUR PA'O, ,DE CI ZHIG CE NA, RNAM PAR MI RTOG CES BYA BA LA SOGS PA GSUNGS TE, DE BZHIN NYID DANG YANG DAG PA'I YE SHES KYI BDAG NYID KYI LHA'I RANG BZHIN YIN PAS NA RNAM PAR MI RTOG PA'O, ,DON NI DNGOS PO THAMS CAD DO, ,DE LAS BYUNG BA NI GANG DAG RDZOGS PA'I NGO BO NYID DU LHAG PAR MOS PA LA DE SKAD CES BYA'O, ,DE BAS NA 'DI NI RDZOGS PA'I RIM PA'O, ,JI STE DNGOS PO GANG ZHIG GANG DU LHAG PAR MOS PAR BYA ZHE NA, 'DI LA PHA DANG MA NI THABS DANG SHES RAB KYI BDAG NYID DU'O, , DE DAG GI KHU BA NI SPROS PA MED PA'I BYANG CHUB KYI SEMS SU'O, ,BDAG NYID NI DE YONGS SU GYUR PA'I DKYIL 'KHOR GYI BDAG POR RO, ,RANG GI PHUNG PO DANG KHAMS DANG SKYE MCHED RNAMS NI DKYIL 'KHOR PA RNAMS SO, ,DE RNAMS KYI CHOS NYID NI DE RNAMS KYI RIG PA RNAMS SU'O, , GZUGS LA SOGS PA DRUG NI MCHOD PA'I LHA MO DRUG GI RANG BZHIN DU'O, ,PHYI ROL LA SOGS PA RNAMS NI LHA MO BZHI'I BDAG NYID KYI GZHAL YAS KHANG CHEN PO'I RANG BZHIN DU LHAG PAR MOS PAR BYA'O, ,'DOD CHAGS ZHE SDANG GTI MUG RIGS, ,ZHES BYA BA LA, 'DOD CHAGS LA SOGS PA RNAMS KYIS KHYAB PAR YANG DANG YANG DU MNGON DU BYAS TE, DE LA BDAG NYID KYI PHUNG PO DANG SKYE MCHED RNAMS DANG RANG GI RIG MA LA KUN DU 'KHYUD PAR MOS PAS GZUGS LA SOGS PA 'DZIN PA NI GTI MUG GO, ,GNYIS KYI RNAM PAR RTOG PA RNAMS NUB PA NI ZHE SDANG NGO, ,GNYIS SU MED

254b

PA'I BDE BA'I RO MYONG BA NI 'DOD CHAGS SO, ,DE LTA BUR GYUR PA'I SGRUB PA PO NI RAB MCHOG SGRUB PAR BYED PA STE, SANGS RGYAS NYID DU SGRUB PA'O, ,DE CI ZHIG CE NA, THEG PA'I MCHOG NI BLA NA MED PA STE, SANGS RGYAS NYID KYI BYANG CHUB KYI LAM DAM PA SGRUB PA CHEN PO ZHES BYA BA'I DON TO, ,MNYAM PAR MA BZHAG PA'I SEMS LA KUN DU SPYOD PA MA YIN NAM, DE YANG DKA' BA YIN PA DE BAS NA 'DI'I PHAN YON CI YIN ZHE NA, RIGS NGAN ZHES BYA BA LA SOGS PA GSUNGS TE, DE SKYE BA GCIG GAM SKYE BA BRGYUD PA DE NI RIGS NGAN YIN TE GSAD BYA GSOD PAR BYED PA'O, ,SMYIG MA MKHAN NI SMYIG MA'I LAS BYED PAS NA MDA' MKHAN DANG MDAS LAS BYED PA STE RNGON PA'O, ,SOGS PA'I SGRAS NI NYA BA LA SOGS PA 'TSE BA BYED PA GZHAN DAG KYANG GZUNG NGO, ,BUD MED RNAMS LA CHAGS SHING BRGYAL BA NI BDAG NYID GSOD PA YIN TE, DE DAG LA GSOD PA'I DON GYI BYA BA YOD PAS GSOD PA'I DON CAN TE, SHIN TU YANG CHAGS PA CAN ZHES BYA BA'I DON TO, ,DON NI NOR DANG BU LA SOGS PA'O, ,GANG LA DON NYID LA SEMS PA YOD PA DE NI DON GNYER SEMS PA RNAMS TE, GTI MUG CHEN PO RMONGS PA ZHES BYA BA'I DON TO, ,YANG GI SGRA'I DON NI RIM PA GZHAN DU SBYAR BA YIN TE, RIGS NGAN SMYIG MA MKHAN LA SOGS KYANG STE, ,ZHE SDANG DRAG PA DANG GSOD DON DANG DON GNYER SEMS PA YANG STE, 'DOD CHAG DANG GTI MUG DRAG PA YANG GRUB PAR 'GYUR RO, ,THEG CHEN BLA NA MED PA STE SGRUB PA CHEN PO'O, ,THEG MCHOG 'DI LA STE, DPAL GSANG BA 'DUS PA LA KUN DU SPYOD PA NYID KYIS DE RNAMS KYI NYON MONGS PA'I SGRUB PA ZAD PAR 'GYUR RO ZHES BYA BAR DGONGS SO, ,SEMS CAN MTSAMS MED CES BYA BA LA SOGS PA LA, DE LTAR NA 'PHAGS PA'I CHOS RNAMS LA SGRIB PA NI GSUM STE DE SKYE BA LA GEGS BYED PA'I PHYIR RO, ,DE YANG NYON MONGS PA'I DBANG SHIN TU DRAG PA NI NYON MONGS PA'I SGRIB PA'O,, MTSAMS MED PA LA SOGS PA'I LAS NI LAS KYI SGRIB PA'O, ,DMYAL BA LA SOGS PAR SKYE BA NI SKYE BA'I SGRIB PA'O, ,MTSAMS MED PA NI BAR DU GCOD PAR MI NUS PA YIN TE, 'CHI MA THAG NYID DU 'BYUNG BA'I PHYIR RO, ,MTSAMS MED PA DE YANG RNAM PA LNGA STE, PHA GSOD PA DANG, MA GSOD

255a

, ,PA DANG, DGRA BCOM PA GSOD PA DANG, DGE 'DUN GYI DBYEN DANG, DE BZHIN GSHEGS PA LA NGAN SEMS KYIS KHRAG 'BYIN PA'O, ,SOGS PA'I SGRAS NI DAM PA'I CHOS SPANG BA LA SOGS PA DANG, MTSAMS MED PA DANG NYE BA RNAM PA LNGA GZUNG STE JI SKAD DU, MA DGRA BCOM MA SUN BYAS DANG, ,BYANG CHUB SEMS DPA' DES GNAS DANG, ,SLOB MA GSOD DANG DGE 'DUN GYI, ,'DU BA'I SGO NI 'PHROG PA DAG ,MTSAMS MED PA DANG CHA 'DRA STE, ,LNGA PA MCHOD RTEN 'JIG PA YIN, ,ZHES BSHAD PA LTA BU'O, ,DE BYED PA'I PHYIR DE SKAD THA SNYAD 'DOGS SO, , MTSAMS MED PA LA SOGS PA SDIG PA CHEN PO BYED PA STE, SDIG PA CHEN PO BYED PA GANG YIN PA DE DAG THAMS CAD KYANG GSANG BA 'DUS PA'I SGRUB PA CHEN PO 'DI LA 'GRUB PAR 'GYUR TE, KUN DU SPYOD PA NYID KYIS DE RNAMS KYI LAS KYI SGRIB PA ZAD PAR BYED PA YIN NO ZHES BYA BAR DGONGS SO, ,GANG YANG, LAS RNAMS BSKAL PA BRGYAR YANG NI, ,CHUD MI ZA BA 'ANG TSOGS DANG DUS, ,RNYED NAS LUS CAN RNAMS LA NI, ,'BRAS BU NYID DU SMIN PAR 'GYUR, ,ZHES GANG GSUNGS PA DE NI 'DI LTA BU'I GNYEN PO'I PHYOGS BSGOM PA YIN NO ZHES BYA BAR SHES PAR BYA'O, ,'DIS KYANG ZAD PAR MI 'GYUR BA'I LAS KYI SGRIB PA SHIN TU LCI BA GCIG NYID YOD PA GANG YIN PA DE NI, SNYING NAS ZHES BYA BA LA SOGS PA GSUNGS TE, 'DIR 'ONGS NAS SPYOD PA'I PHYIR SLOB DPON TE, GSANG SNGAGS KYI THEG PA 'DI LA YANG DAG PAR DBANG BSKUR BA DANG, RJES SU GNANG BA DANG YANG DAG PA GANG YIN PA DE NI SLOB DPON NO, ,'DIR GANG LA SNGAGS SAM TING NGE 'DZIN YANG DAG PA GCIG STON PA GANG YIN PA DE YANG DE'I SLOB DPON YIN NO, ,SLOB DPON DE LA YANG DANG YANG DU SMOD PAR BYED PA DANG DES KYANG DGA' BAR BYED KYI 'GYOD PAR NI MI BYED PA DANG, CHOS BZHIN DU PHYIR 'CHOS PAR MI BYED PA GANG YIN PA DE NI SNYING NAS SLOB DPON SMOD PA STE, DE NI SGRUB PA GSUM CHAR LA YANG 'GRUB PAR MI 'GYUR RO, ,'PHAGS PA'I CHOS 'DI NYON MONGS PA DANG LAS KYI SGRIB PA ZAD PA RNAMS LA 'PHAGS PA'I CHOS SKYE BAR 'GYUR GYI MA ZAD PA LA NI MA YIN NAM,

255b

'PHAGS PA YANG SGRUB PA DANG, NYE BAR SGRUB PA'I 'BRAS BU YIN LA DE DAG KYANG RTOGS NAS PHYIS SGRUB PA PO SGRUB PA CHEN PO LA 'JUG PAR BYED PA YIN PA DE'I PHYIR DE'I NYON MONGS PA DANG LAS KYI SGRIB PA YOD PA MA YIN NO, ,DE BAS NA CI'I PHYIR KUN DU SPYOD PAS DE DAG ZAD PA YIN ZHES SMRA STE DE LTAR YIN MOD KYI TSIGS SU BCAD PA PHYED DANG GSUM PA DE DAG NYID NI SO SO'I SKYE BOS KYANG TSOGS NYE BAR BSAGS PAR BYA BA'I PHYIR NUS PA JI LTA BA BZHIN DU KUN DU SPYOD PA LA SPYAD PAR BYA'O ZHES BYA BA NI THABS KYI PHAN YON GSAL BAR BYED PA YIN PAR BLTA BAR BYA'O, ,'O NA JI LTAR NA KUN DU SPYOD PA SGRUB PA CHEN PO YIN ZHE NA, THABS CHEN PO YIN PA'I PHYIR RO, ,JI LTAR NA SHIN TU GSANG BA YIN ZHE NA, BDAG NYID KYI NUS PA MI SHES PAR SGRA JI BZHIN PAR 'DZIN PA RNAMS DON MED PAR BYED PAS SO, ,DE LTAR YID KYIS KUN DU SPYOD PA'I NYON MONGS PA RNAMS MING GIS BSTAN NAS DA NI LUS DANG NGAG GI NYES PA KUN DU SPYOD PA'I MING GIS BSTAN PA'I PHYIR SROG GCOD PA'I ZHES BYA BA LA SOGS PA GSUNGS TE, ,'DI NI DAM TSIG RNAM PA BZHI STON PA YIN NO, ,DE YANG TSIGS SU BCAD PA GSUNGS PA, STONG NYID STON PA BRDZUN YIN TE, ,GZHAN DAG KYANG NI 'DI BRJOD PA, ,RIG PA RTEN DANG SEMS ZHU DANG, ,ZHU BA DE NAS LEN PA'O, ,SHING DANG BONG BA LA SOGS PA LHA'I BDAG PO NYID DU RNAM PAR RTOG PAS MOS PAR BYAS TE SNANG BA MED PAR BYAS PA'I PHYIR SROG GCOD PA'O, ,RNAM PAR RTOG PA'I NGO BO NYID KYIS BDEN PA MA YIN PA'I RNAM PAR RTOG PA'I DON YANG DAG GI DON YIN NO ZHES YANG DAG PAR SHES PA LA SMRA BA THAMS CAD NI BRDZUN DU SMRA BA'O, ,DE LA DGA' BA NI MNGON PAR BRTZON PA'O, ,BDAG NYID KYI PHUNG PO DANG SKYE MCHED LA SANGS RGYAS DANG BYANG CHUB SEMS DPAR MOS PAR BYAS TE DE DAG LA PHUL NAS LONGS SPYOD THAMS CAD NYE BAR LONGS SPYOD PA'I PHYIR GZHAN GYI NOR LA CHAGS PA'O, , RIG PA LA NYE BAR LONGS SPYOD PA NI 'DOD PAR SPYOD PA'O, ,BSHANG GCI NI BSHANG BA LA SOGS PA LNGA'O, ,DE DAG LA DE DAG NYID ZA BAR BYED PA'I DON YOD PAS NA DE SKAD CES BYA BA STE, BZA' PAR BYA BA THAMS CAD LA LNGA POR MOS LA YE SHES LNGA'I BDUD RTZI NYID DU MOS PAR BYAS NAS NANG GI DKYIL 'KHOR

256a

, ,LA DE DAG SBYIN SREG BYED PA'I PHYIR RO, ,DE DAG CES BYA BA LA, DE DAG NYID SNOD DU 'GYUR BA'I SGRUB PA'I ZHES BYA BA NI SANGS RGYAS NYID DU GRUB PA LA SKAL PA DANG LDAN PA STE, SKAD CIG MA RE RE LA BSOD NAMS DANG YE SHES MTHA' YAS PA NYE BAR BSAGS PA'I PHYIR DANG DAM TSIG LAS MA 'DAS PA'I PHYIR RO, ,DE NAS 'DOD BYA DE GANG YIN ZHE NA, MA DANG ZHES BYA BA LA SOGS PA GSUNGS PA LA MCHOG DANG PO'I RIG MA NI MA'O, ,LHAN CIG SKYES PA'I RIG MA NI SRING MO'O, ,DKYIL 'KHOR DU SPROS PA NI BU MO STE, DE DAG LA MNYES PAR BYA STE, DE'I DE DAG GI THABS KYI LHA NYID DU NGA RGYAL BYED CING RANG GI RIG MA LA DE RNAMS BCUG PA'I PHYIR RO, ,THEG CHEN MCHOG GI CHOS NYID DE, ,LAM GYI MCHOG SGRUB PA PO GANG DAG LA YOD PA DE DAG LA DE SKAD CES BYA STE, GSANG BA 'DUS PA'I SGRUB PA CHEN POR ZHUGS PA ZHES BYA BA'I DON TO, ,DNGOS GRUB RGYA CHEN ZHES BYA BA NI BYANG CHUB CHEN PO'O; ,THOB PA NI RNYED PAR GYUR PA'O, ,DES DE RNAMS KYI NANG DU ZHES BYA BA'I DON TO, ,SANGS RGYAS ZHES BYA BA NI SANGS RGYAS RNAMS SO, ,NGANG GI SGRAS NI BYANG CHUB SEMS DPA' RNAMS GZUNG NGO, ,GTZO BO ZHES BYA BA NI MCHOG GI BLA MA RNAMS TE RIG PA'I BRTUL ZHUGS DANG LDAN PA'I RIGS KYI RIG PA ZHES BYA BA'I DON TO, ,YUM DAG LA ZHES BYA BA NI SKYED PAR MDZAD PA LA'O, ,RNAM PAR MI RTOG BLO CAN GYIS, ,ZHES BYA BA NI DE NYID KYI RNAM PAR RTOG PA ZAD PA'I PHYIR DANG YANG DAG PA'I YE SHES NYE BAR BSNGAGS PA'I PHYIR RO, ,DE NI SHES RAB KYI PHA ROL TU PHYIN PA NYID DO, ,DE LA MNYES PAR BYAS PA NI BSGOM PA NYID YIN PA DE BAS NA MI DGE BA'I RNAM PAR RTOG PA THAMS CAD KYI GNYEN PO DANG YANG DAG PA'I YE SHES KYI RGYU YIN NO ZHES BYA BAR DGONGS SO, ,SDIG PA RNAMS KYIS KYANG MI GOS TE DE NYID KYI SDIG PA THAMS CAD ZAD PAR BYED PA'I PHYIR RO, ,DE NAS ZHES BYA BA NI 'DI BSTAN PA'I RJES THOGS LA'O, , SGRIB PA NI 'DOD PA LA 'DUN PA DANG, GNOD SEMS DANG, GNYID DANG, RMUGS PA DANG, RGOD PA DANG, 'GYOD PA DANG, THE TSOM STE LNGA'O, ,DE DAG THAMS CAD RNAM PAR SEL BAR MDZAD PAS NA, SGRIB PA THAMS CAD RNAM PAR SEL BA'O, ,RMAD DU GYUR PA NI SHIN TU NGO MTSAR DU GYUR PA'O, ,'DIR

256b

NGO MTSAR DANG RMAD DU STON PA'I TSIG NYID DU DE SKAD CES BYA'O, ,DER GYUR PA NI DE BRJOD PA ZHES BYA BA'I DON TO, ,DE RNAMS KYI TSIG DE NYID NI BCOM LDAN 'DAS ZHES BYA BA LA SOGS PA SMOS SO, ,CI'I SLAD DU SGRA NI THE TSOM MO, ,TSIG NGAN PA NI CHOS MA YIN PA DANG LDAN PA'O, ,GSUNG NI BKA'O, GANG LA DE GSUNGS SHING BRJOD PA MNGA' BA DE LA DE SKAD CES BYA STE CHOS MA YIN PA DE ZHES BYA BA'I DON TO, ,DE LA DE BZHIN GSHEGS PA THAMS CAD KYI BDAG PO CI'I SLAD DU CHOS MA YIN PA GSUNGS ZHES BYA BA NI NGO MTSAR TE, DE LTA BU MI SRID PA'I PHYIR RO, ,DE YANG CI'I SLAD DU DE BZHIN GSHEGS PA THAMS CAD KYI 'KHOR GYI NANG DU GSUNGS ZHES BYA BA NI RMAD DU GYUR PA STE, DE LTA BU SHIN TU MI SRID PA'I PHYIR RO, ,DE LA SO SO'I SKYE BO'I BYANG CHUB SEMS DPA' SHIN TU MANG PO THE TSOM GYI RANG BZHIN CAN GYI NGO MTSAR DANG RMAD DU GYUR PA STE THE TSOM SKYE BAR 'GYUR RO, ,DE RNAMS KYI THE TSOM BSAL BAR BYA BA'I PHYIR DE'I BSAM PA NYID BYANG CHUB SEMS DPA' CHEN PO SGRIB PA THAMS CAD RNAM PAR SEL BA LA SOGS PAS DE SKAD DU GSOL BA YIN GYI RANG NYID DE DAG LA THE TSOM YOD PA YANG MA YIN LA, DAG GI NYES PAR SPYOD PA YANG MA YIN TE, 'PHAGS PA NYID YIN PA'I PHYIR DANG YE SHES KYI PHA ROL TU PHYIN PAS DGONGS PA CAN GYI CHOS KYI DON MKHYEN PA'I PHYIR RO, ,CI'I PHYIR SGRIB PA THAMS CAD RNAM PAR SEL BA LA SOGS PAS DE SKAD CES GSOL ZHE NA, THE TSOM RNAM PAR SEL BA LA NI SGRIB PA THAMS CAD RNAM PAR SEL BA NYID GTZO BO YIN PA'I PHYIR RO, ,RIGS KYI BU RNAMS ZHES BYA BA LA DE BZHIN GSHEGS PA RNAMS KYI RIGS NI BYANG CHUB KYI SEMS YIN TE, DE'I RAB TU DBYE BA NI GTI MUG LA SOGS PA'O, ,DE LAS SKYES PA NI RIGS KYI BU'O, ,THONG ZHES BYA BA NI BZLOG PA'O, ,'DI NYID KYI BSHAD PA NI DE SKAD MA ZER CIG CES BYA BA STE, 'DI NI CHOS MA YIN NO ZHES MA SMRA SHIG CES BYA BA'I DON TO, ,'O NA 'DI CI YIN ZHE NA, SNYING PO ZHES BYA BA LA SOGS PA GSUNGS TE, CHOS NI LAM YIN LA CHOS KHO NA NYID DE TING NGE 'DZIN GYI RANG BZHIN CAN GYI SGRUB PA ZHES BYA BA'I DON TO, ,JI SKAD DU DE KHO NA NYID BSDUS PA LAS, RDO RJE SEMS DPA' TING 'DZIN NI, ,SANGS RGYAS CHOS NYID DAG TU BSHAD, ,'DI LAS SANGS RGYAS

257a

, ,SANGS RGYAS NYID, ,GZHAN LAS SANGS RGYAS 'GYUR MA YIN, ,ZHES BYA BA LA SOGS PA GSUNGS PA LTA BU'O, ,MI ZAD PA NYID KYI PHYIR SNYING PO YE SHES CAN RNAMS TE SANGS RGYAS KYI CHOS RNAMS SO, ,DE DANG LDAN PA SANGS RGYAS RNAMS KYI CHOS NYID DAG PA STE NYON MONGS PA DANG LAS KYI SGRIB PA ZAD PAR BYED PA 'DI NYID GANG YIN PA DE NI 'DI LTA STE KUN DU SPYOD PA'O, ,CHOS NI LE'U LNGA PA'O, ,DE'I SNYING PO'I DON NI LKOG TU GYUR PA STE DGONGS PA CAN ZHES BYA BA'I DON TO, ,DE YANG SNGAR BSHAD PA NYID YIN NO, ,DE LAS BYUNG BA NI GNAS PA'O, ,DE BAS NA CHOS NI BYANG CHUB SPYOD PA'I GNAS 'DI YIN TE; BYANG CHUB KYI SPYOD PA'I GNAS NA GNAS KYI GTZO BO YIN TE, SGRUB PA CHEN PO NYID YIN PA'I PHYIR KUN DU SPYOD PA'O ZHES BYA BAR DGONGS SO, ,LE'U 'DI'I SGRA JI BZHIN PA'I DON YANG CI YIN NA, GANG CHOS MA YIN PA ZHES BRJOD CE NA, SNGAGS PA BSOD NAMS DANG SDIG PA THA MI DAD PAR ZHEN PAS RNAM PAR MI RTOG PA NYON MONGS PAS DKRUGS PA'I MTSAMS MED PA BYED PA DANG, SROG GCOD PA DANG, MA BYIN PAR LEN PA DANG, 'KHRIG PA DANG, BRDZUN DU SMRA BA LA DGA' BA DANG, BZA' BAR BYA BA MA YIN PA ZA BA DANG, BGROD PAR BYA BA MA YIN PA LA 'GRO BA 'GRUB PAR 'GYUR RO ZHES BYA BA 'DI LA BYANG CHUB SEMS DPA' GANG GI SA 'DI CHOS MA YIN NO ZHES THE TSOM DU GYUR PA 'DI'I SGRA JI BZHIN PA'I DON YIN NO, ,BYANG CHUB SEMS DPA' TSIG 'DI DANG SANGS RGYAS KYI BKA' 'DI DAG GIS THOS NAS JI LTAR GYUR PA NA DE NAS YANG ZHES BYA BA LA SOGS PA GSUNGS TE, BYANG CHUB SEMS DPA' SEMS DPA' CHEN PO RNAMS ZHES BYA BA NI RANG GI BYANG CHUB DANG SEMS CAN THAMS CAD KYI DON LA SMON PAR BYED PA'I PHYIR RO, ,'JIGS PA NI KHA NA MA THO BAS SO, ,SKAG PA NI NGAN 'GRO'I DOGS PAS SO, ,BRGYAL BA NI KUN NAS BRGYAL BAR GYUR PA STE KUN NAS SKRAG PA'I PHYIR RO, ,BRGYAL BA NI SEMS STOR BA'O, ,SKU LA SOGS PA'I BDAG PO NI DE DAG DE LA RAG LAS PA NYID KYI PHYIR RO, ,BYANG CHUB SEMS DPA' SEMS DPA' CHEN PO ZHES BYA BA NI BYANG CHUB CHEN PO LA SMON LAM BTAB PA CAN NO, ,NAM MKHA' NI RIG PA'I PADMA'O, ,DE DANG MNYAM PA NI GCIG TU GYUR PA'O, ,DE'I GNYIS SU

257b

MED PA'I RDO RJE ZHES BYA BA LA, SANGS RGYAS THAMS CAD DU ZHU BA NI RDO RJE'O, ,GNYIS SU MED PA NI RTEN DANG BRTEN PA'I DAM TSIG CHEN PO'I DKYIL 'KHOR CHEN PO GNYIS DE NYID DU ZHU BA'I PHYIR RO, ,DE LA DMIGS PA'I TING NGE 'DZIN LA DE SKAD CES BYA'O, ,'OD KYIS REG PA TZAM GYIS ZHES BYA BA NI BYANG CHUB KYI SEMS KYI BDUD RTZI DE NYID DE'I RANG BZHIN CAN GYI 'OD ZER RDUL PHRA RAB SO SO LA ZHUGS TE YANG DAG PAR GSOS NAS LUS DANG SEMS TSIM PAR BYAS PA NI REG PA 'BA' ZHIG YIN GYI BSGOM PA DANG LDAN PA YANG MA YIN NO ZHES BYA BA NI TZAM GYI SGRA'I DON TO, ,DE NAS ZHES BYA BA NI RIG PA TZAM GYI RJES THOGS LA'O, ,'JIG RTEN LAS 'DAS PA'I BYANG CHUB KYI SEMS THOB PAS NA BYANG CHUB CHEN POR GYUR TE, 'JIGS PA RNAM PA LNGA LAS 'DAS PAS NA RANG RANG GI STAN LA JI LTA BA BZHIN DU GNAS PAR GYUR TO, ,TSIGS SU BCAD PA GSUNGS PA'I KUN DU SPYOD PA'I CHE BA'I BDAG NYID GANG THOS PAS DE DAG BRGYAL BA NI NGO MTSAR DU GYUR PA'O, , RMAD DU GYUR PA NI GANG LA 'OD KYIS REG PA TZAM GYIS DE RNAMS YANG DAG PAR GSOS PA DANG, 'PHAGS PA'I SA LA 'JUG PA'I TING NGE 'DZIN LA'O, ,DGYES PA NI YID BDE BA'O, ,KHYAB PA NI LUS KYI BDE BA STE LUS YONGS SU GANG BAS BA SPU LANGS PA'O, ,DER GYUR PA NI SEMS CAN RNAMS KYI DON GYI THABS CHEN PO MTHONG BA'I PHYIR RO, ,'DI SKAD CES BYA BA NI 'CHAD PAR 'GYUR BA'O, ,CHOS KYI DBYINGS ZHES BYA BA NI CHOS 'DI NYID BSTOD PA'I DBYINGS TE RDO RJE 'CHANG BA NYID DU RNAL 'BYOR PA'I LUS DANG NGAG DANG SEMS DE BZHIN DU LHAG PAR MOS PAS KUN DU SPYOD PA'I PHYIR RO, ,DE YANG DON DAM PAR DE LAS THA DAD PA MA YIN TE, BYA BA DANG BYED PA PO THA DAD PA MED PA'I PHYIR RO, ,KUN RDZOB TU NI THA DAD PA YIN PAS DE BAS NA 'DIR TSIGS SU BCAD PA GSUM GYIS SKU LA SOGS PA'I RANG BZHIN DANG BZHI PAS NI SKU LA SOGS PA'I PHRIN LAS KYI RANG BZHIN DU BSTOD PAR BYA'O, ,DE LA DANG POR GSUNG GI RANG BZHIN DU BSTOD PA NI, AE MA'O ZHES BYA BA LA SOGS PA GSUNGS TE, DANG PO'I CHOS KYI SGRAS NI GSUNG GI RANG BZHIN GYI CHOS BSHAD PA YIN NO, ,GNYIS PAS NI BRJOD PAR BYA BA'I RANG BZHIN YIN LA, GSUM PAS NI YE SHES KYI RANG BZHIN YIN NO, ,CHOS KYI LAM JI LTAR BSTAN PA'I DON YANG DAG PAR GYUR PA NI CHOS KYI DON BYUNG BA STE,

258a

, ,GSUM PA 'DI YANG NGO MTSAR YIN NO, ,DE BAS NA CHOS KYI RGYAL PO ZHES GSUNGS TE GSUNG GI RGYAL PO'O, ,PHYAG 'TSAL 'DUD CES BYA BA LA KHYED LA ZHES BYA BA NI LHAG MA'O, ,CHOS NI YE SHES KYI RANG BZHIN NO, ,'DI LAS DAG PAS NA CHOS DAG PAS SO, ,'DI LA DON TE YUL BDAG MED PA YOD PAS NA DON BDAG MED PA'O, ,'DIR CHOS KYI RGYAL PO'I SGRAS NI THEG PA CHEN PO MA LUS PA 'AM RDO RJE THEG PA DANG GSANG BA 'DUS PA BRJOD PAR 'DOD DO, ,SKU'I RANG BZHIN DU BSTOD PA NI SKU DANG ZHES BYA BA LA SOGS PA GSUNGS TE, SKU DANG GSUNG DANG THUGS RAB TU DAG PA NI BRJOD BYA'I RANG BZHIN GZUNG BA DANG 'DZIN PA STONG PA NYID KYI PHYIR SKU DANG GSUNG DANG THUGS RAB TU DAG PA'O, ,NAM MKHA' DANG MNYAM PA NYID KYIS DE BZHIN GSHEGS PA THAMS CAD KYI SKU DANG GSUNG DANG THUGS DANG YANG DAG PAR SBYOR BA'I NGO BO NYID YIN PA'I PHYIR, NAM MKHA' DANG NI MNYAM NYID GNAS SO, ,DE NYID KYIS NA DE BZHIN NYID DU RO GCIG PA'I PHYIR, RNAM PAR MI 'GYUR SNANG BA MED, ,CES BYA'O, ,RDO RJE'I SKU NI SKU MI PHYED PA NYID KYI PHYIR RO, ,THUGS KYI RANG BZHIN DU BSTOD PA THUGS NI ZHES BYA BA LA SOGS PA GSUNGS TE, 'DI DE BZHIN GSHEGS PA YIN PAS NA DE BZHIN GSHEGS PA'O, ,GTZO BO NI MCHOG TU DBANG DU GYUR PA NYID KYI PHYIR RO, ,DE BZHIN GSHEGS PA RNAMS CI TZAM PA YIN ZHE NA, DUS GSUM DAG GI LAM DU BYUNG BA STE DUS GSUM NI DUS NYID DO, ,DE NYID NI LAM YIN TE DER BYUNG BA'O, ,DE NYID KYIS NI GO RIMS BZHIN DU CHOS KYI DBYINGS RNAM PAR DAG PA'I NGO BO NYID YIN PA'I PHYIR DBYINGS SU GYUR PA'O, ,THUGS RJE CHEN PO NI MCHOG TU RGYAS PA NYID KYI PHYIR RO, ,'DI NAM MKHA' DANG 'DRA BA'I LAM MNGA' BAS NAM MKHA'I LAM STE, RTAG PA ZHES BYA BA'I DON TO, ,SKU LA SOGS PA LAS THA DAD PAR BYAS NAS DE'I PHRIN LAS KYI TSUL DU BSTOD PA NI NAM MKHA' ZHES BYA BA LA SOGS PA GSUNGS TE, NAM MKHA'I SKU NI DE BZHIN NYID DU RO GCIG PA DE BZHIN GSHEGS PA THAMS CAD KYI THUN MONG DU GYUR PA'I SKU'O, ,DE LAS YANG DAG PAR BYUNG BA NI YANG DAG PAR SKYES PA'O, ,BDAG MED PAR STON PA'I GSUNG NI NAM MKHA'I GSUNG NGO, ,DE

258b

RAB TU 'JUG PA'I PHYIR RO, ,CHOS KYI DBYINGS SHIN TU RNAM PAR DAG PA'I THUGS NI NAM MKHA'I THUGS SO, ,DER CHOS NI YONGS SU SPYOD PA'O, ,DE RNAMS KYI MCHOG STE DAM PA'O, ,SPYOD PA NI KUN DU SPYOD PA'O, ,DE NYID NI GZHI DANG GNAS TE DE NYID LA GNAS NAS SANGS RGYAS NYID DANG SGRUB PA YIN PA'I PHYIR RO, ,SEMS KUN LA SPYOD PAS NA KUN DU SPYOD PA STE, LE'U BCO BRGYAD PA LAS, SEMS KUN LA NI SPYOD PA STE, ,KUN DU SPYOD PA ZHES BSHAD DO, ,ZHES GSUNGS PA'I PHYIR RO, ,DE'I DON DU DE GTZO BOR GYUR PA NI KUN DU SPYOD PA MCHOG GI LE'U'O, ,GSANG BA 'DUS PA'I BSHAD SBYAR SNYIM PA'I ME TOG LAS LE'U LNGA PA'O,, ,,DNGOS GRUB MCHOG GI NYE BA'I SGRUB PA NI LE'U 'DI'I DON YIN TE, DE'I MTSAN NYID NI, DRAG SHUL RJES SU CHAGS PA NI, ,NYE BAR BSGRUB PA'I SDOM PA'O, ,ZHES BYA BAS BSTAN TE NYE BAR BSGRUB PA GTAN LA PHAB PA ZHES BYA BA'I DON TO, ,DE LA MNGON PAR RTOGS PA LAS BYIN GYIS RLOB PA'I SNGAGS LNGA NI RJES SU CHAGS PA STE SEMS DGA' BAR BYED PA'I PHYIR RO, ,DE RNAMS KYIS MNGON DU BYA BA'I MNGON PAR RTOGS PA NI DRAG SHUL TE, ZAB CING PHRA BA'I DNGOS PO LA DRAG SHUL GYIS YID 'JUG PAR BYED PA'I PHYIR RO, ,DRAG SHUL GYI SPYOD PA NI DAM TSIG GI DRAG SHUL LO, ,NYE BA'I LONGS SPYOD DANG DKA' SPYOD DAG NI DAM TSIG GI RJES SU CHAGS PA STE DE DAG GI LHA RNAMS CHAGS PAR BYED PA'I PHYIR RO, ,DE DAG THAMS CAD LE'U BZHI RNAMS SU STON TO, ,DE LA MNGON PAR RTOGS PA NI GTZO BO YIN TE DE'I YAN LAG DRUG STE; SNGAGS DGONG PA DANG, PHYAG RGYA CHEN PO DANG, DE'I SPYAD PA DANG SKU DANG GSUNG DANG THUGS DANG YE SHES RDO RJE RNAMS DANG PHRA MO'I RNAL 'BYOR RNAMS DANG SKU LA SOGS PA BYIN GYIS BRLAB PA RNAMS SO, ,YAN LAG DRUG PO DE RNAMS LAS DRUG PO NI 'BRAS BU YIN PA'I PHYIR GTZO BO YIN TE; DE BAS NA DE'I SGO NAS DE'I DON STON PA'I MTHAR LE'U'I MING DANG, SKU DANG GSUNG DANG THUGS BYIN GYIS RLOB PA'I LE'U STE DRUG PA'O ZHES BYA BA BSTAN TE, RDO RJE BKOD PA'I LE'U ZHES BYA BA'I DON TO, ,SKU LA SOGS PA BYIN GYIS RLOB PA DE'I LE'U DON GYI GTZO BO YIN PA'I PHYIR DANG POR BSTAN GYI

259a

, ,MNGON PAR RTOGS PA'I DANG PO YIN PA'I PHYIR NI MA YIN TE, SKU GSUNG THUGS KYIS MTSAN PA YI, ,CHOS KYI TSIG RNAMS RAB TU BRJOD, ,CES BYA BAS MNGON PAR RTOGS PA'I MTHAR GSUNGS PA'I PHYIR MI RIGS SO, ,DE NAS ZHES BYA BA LA SOGS PA LA, 'DIR YANG BCOM LDAN 'DAS RDO RJE 'CHANG BA NYID MI BSKYOD PA LA SOGS PA'I RANG BZHIN CAN GYI THUGS RDO RJE LA SOGS PA'I NGA RGYAL STON PAR MDZAD PA LA MI BSKYOD PA LA SOGS PA'I SGRAR BRJOD DO, ,DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA'I RDO RJE GSUM MI PHYED PA NI BCOM LDAN 'DAS THUGS RDO RJE STE, DES NI THUGS BYIN GYIS BRLAB PAR BYA'O, ,DE LA DMIGS PA'I TING NGE 'DZIN LA YANG DE SKAD CES BYA'O, ,DE NYID MI PHYED PA NYID KYI PHYIR RDO RJE'O, ,THUGS BYIN GYIS BRLAB PA NI RANG GI THUGS RDO RJE DANG GNYIS SU MED PAR BYED PA STE DE'I DON GYI SNGAGS SO, ,DE BZHIN GSHEGS PA THAMS CAD KYI THUGS DE NYID SHIN TU RNAM PAR DAG PA NYID KYIS PHAN TSUN DBYER MI PHYED PA'I PHYIR RAM MI 'PHROGS PA NYID KYI PHYIR RDO RJE'O, ,LHAG MA NI SNGA MA BZHIN NO, ,DE BZHIN DU SKU BYIN GYIS BRLAB PA LA SOGS PA'I SNGAGS RNAMS LA BLTA BAR BYA'O, ,RDUL DANG BRAL BA'I GNAS RDO RJE, ,ZHES BYA BA LA RDUL NI NYON MONGS PA RNAMS TE DE DANG BRAL BA'I PHYIR RDUL DANG BRAL BA NI ZAG PA MED PA'I CHOS RNAMS SO, ,DE DAG NYID KYI GZHIR GYUR PAS NA GNAS TE, ,DE'I SA BON GYI GZHIR GYUR PA YIN PA'I PHYIR RO, ,ZAG PA DANG BCAS PA RNAMS KYI GNAS NI MA YIN TE, DE'I SA BON DE ZAD PAR BYED PA'I PHYIR RO, ,DE LTAR NA RDUL DANG BRAL BA'I GNAS NI KUN GZHI RNAM PAR SHES PAR GYUR PA LAS GRUB PA'I ME LONG LTA BU'I YE SHES SO, ,DE BZHIN GSHEGS PA THAMS CAD KYI ME LONG LTA BU'I YE SHES GANG YIN PA DE NI BCOM LDAN 'DAS SKU RDO RJE STE DES KYANG SKU BYIN GYIS BRLAB PAR BYA'O,, DE BZHIN GSHEGS PA THAMS CAD KYI MNYAM PA NYID NI NOR BU PHRA MOS RIG PAR BYA'O, ,DE GNYIS SU MED PA NI BRJOD PAR BYA BA DANG RJOD PAR BYED PA MI DMIGS PAS MTSON PA NYID DANG TSIG YIN TE, DE BZHIN GSHEGS PA THAMS CAD KYI MNYAM PA NYID MI DMIGS PA'O, ,DE YANG BCOM LDAN 'DAS GSUNG

259b

RDO RJE STE, DES KYANG GSUNG BYIN GYIS BRLAB PAR BYA'O, ,RDO RJE GSUM ZHES BYA BA LA SOGS PA LA, DE BZHIN GSHEGS PA'I GSANG BA ZHES BYA BA NI 'DI LTA BU'I DE BZHIN GSHEGS PA THAMS CAD KYI GNAS TE GO 'PHANG DU DE RNAMS BYIN GYIS BRLABS PAR GYUR PAS BSKYOD PAR BYA'O, ,GNAS SU RNAM PAR BSGOM ZHES PA LA, GNAS NI SNYING GA DANG, MGO DANG, MGRIN PA RNAMS TE, DE RNAMS SU BSGOM PA GANG LA YOD PA DE LA DE SKAD CES BYA'O, ,SNGAGS KYI MTSAN GYIS SHIN TU MTSAN BYAS PA SO SOR GSUM DU SBYAR TE, SHIN TU MTSAN PA NI ZLA BA'I DKYIL 'KHOR RO, ,MTSAN MA NI DE'I STENG NA GNAS PA'I MTSAN MAR GYUR PA'O, ,SNGAGS NI DE'I LTE BAR GNAS PA'I YI GE'O, ,DE DAG KYANG GO RIMS BZHIN DU RDO RJE DANG 'KHOR LO DANG PADMA'I MTSAN MA RNAMS LA YI GE H'Um DANG RAB SNGAGS DANG A'A: RNAMS SO, ,'DIS ZHES BYA BA NI BYIN GYIS RLOB PA'I SNGAGS GSUM GYIS SO, ,MCHOG RAB CES BYA BA NI DAM PA STE DON YOD PA'I PHYIR RO, ,DE'I RJES LA PHRA MO'I RNAL 'BYOR LAS DGA' BA'I MCHOD PA RNAM PA GSUM LE'U BCU PA LAS GSUNGS PA NI YE SHES SGROL MA RDO RJE ZHES BYA STE, DE LA DMIGS PA'I TING NGE 'DZIN LA DE SKAD CES BYA'O, ,SNGAGS 'DI ZHES BYA BA NI DGA' BA'I MCHOD PA DE DAG BYIN GYIS RLOB PA'I SNGAGS SO, ,SARBA TA TH'A GA TA AA NU R'A GA nA ZHES BYA BA NI DGA' BA'I MCHOD PA GSUM STE, SVA BH'A BA ZHES BYA BA RIN CHEN TOG GI RANG BZHIN NO, ,GRUB PA RDO RJE GDON MI ZA BA ZHES BYA BA NI NAM MKHA' KHYAB PAR SPROS PA'O, ,DE BZHIN GSHEGS PA RNAMS KYI MCHOD PA STE, DON YOD GRUB PA'I RANG BZHIN YIN PA'I PHYIR RO, ,TING NGE 'DZIN DE LA DMIGS PA DE LA DE SKAD CES BYA'O, ,MCHOD PA'I DE NYID KYI KHYAD PAR GSUNGS PA, RTAG TU ZHES BYA BA LA SOGS PA LA SNYING GA'I SNGAGS KYI 'OD ZER GYI SGO LAS MCHOD PA'I LHA MO DRUG PHYUNG LA; LHA MO LNGA'I 'OD ZER LAS NI 'DOD PA'I YON TAN LNGA'I SPRIN SPRO'O, ,DRUG PA'I 'OD ZER LAS NI MCHOD PA RNAM PA LNGA SPROS TE SANGS RGYAS THAMS CAD LA THAMS CAD KYIS MCHOD PAR BYA'O ZHES BYA BA'I DON TO, ,PHAN YON BSTAN PA'I PHYIR GSUNGS PA, MCHOD PA ZHES BYA BA LA SOGS

260a

, ,PA STE; DE LTAR SANGS RGYAS RNAMS MCHOD NAS SANGS RGYAS NYID MYUR DU THOB PAR 'GYUR ZHES BYA BA'I DON TO, ,DE BZHIN GSHEGS PA THAMS CAD KYI SKU DANG GSUNG DANG THUGS RNAMS RDO RJE STE NOR BU DANG SNA TSOGS PA YIN LA DE RNAMS KYI BDAG PO NI RDO RJE 'DZIN PA STE, 'DI BKA'I SKU LA SOGS PA'I BDAG NYID DU BYIN GYIS BRLAB PAR BYED PA'I PHYIR RO, ,DE NAS ZHES BYA BA LA SOGS PA LA BDAG PO ZHES BYA BA NI RNAM PA THAMS CAD KYI TSUL GYIS BYED PA PO YIN PA'I PHYIR RO, ,DE BZHIN GSHEGS PA THAMS CAD NI 'KHOR LOS SGYUR BA DRUG GO, ,DE RNAMS KYI SNGAGS NI SA BON GYI YI GE'O, ,DE'I GSANG BA'I ZLA BA DANG RDO RJE'I SBYOR BAS DE RNAMS JI LTA BA BZHIN DU BSKYED PA DANG, DMIGS PA GSUM GYIS DE RNAMS KYI SKUR JI LTA BA BZHIN DU BSKYED PA'O, ,SNGAGS LA DMIGS PA ZHES BYA BA NI MTSAN BZHI BSTAN PA'O, ,LHAG MAS NI MTSAN NYID BSTAN PA'O, ,LUS DANG NGAG GIS YID NI BSKUL NAS SU ZHES BYA BA LA, ,YID NI ZHES BYA BA NI GSUM PA'I DON GYIS BDUN PA'O, ,NGAG DANG LUS NI SHES RAB THABS KYI BDAG NYID DE, DE DAG RGYU'I RANG BZHIN NO, ,YID NI 'BRAS BU'I RANG BZHIN GYIS BSKYED CING RDZOGS PA'O, ,DE LA SNYING GA'I ZLA BA NI SHES RAB BO, ,DE'I DBUS SU GNAS PA'I MTSAN MA NI THABS SO, ,MTSAN MA'I DBUS SU BKOD PA'I SNGAGS KYI RNAM PA'I SEMS NI YOD DO, ,RNAM PA GSUM PO DE DAG LAS BYUNG BA NI SEMS BSKYED PA'O, ,BSGRUB PAR BYA BA NI ZHES BYA BA LA, CI ZHIG BSGRUB PAR BYA ZHE NA, DNGOS GRUB MCHOG STE BYANG CHUB DAM PA'O, ,NAM MKHA'I KHONGS SU KHYAB PA'I DKYIL 'KHOR PA'I LHA'I BKOD PA MA LUS PA ZHES BYA BA'I DON TO, ,JI LTA BU ZHIG GIS SHE NA, YID NI DGA' ZHING MGU BA YIS, ,ZHES BYA STE SEMS KYI 'OD ZER RNAMS KYIS LHA'I BKOD PA DE DAG SNANG BAR BYAS TE BKUG LA SNGAGS LA BCUG STE, 'DI DAG THAMS CAD NI SEMS TZAM YIN NO ZHES BYA BA'I DON 'DI GANG YIN PA DE DGA' ZHING MGU LA RANGS PAR BYED PA YIN TE, SNGAGS KYI LHA THAMS CAD RANG GI SEMS TZAM DU BSTAN PA'I RNAM PAR MTHONG BA GANG YIN PA NI SNGAGS LA

260b

DMIGS PA ZHES BYA BA'I DON TO, ,SEMS LA DMIGS PA ZHES BYA BA NI MTSAN GZHI'O, ,BDAG MED PA ZHES BYA BA MTSAN NYID DO, ,GZUNG BA MED NA 'DZIN PA YANG MED PA DE LTA BAS NA SEMS NI SEMS MA YIN PA NYID DU MTHONG BA NI BDAG MED PA MTHONG BA STE, DE NI SEMS LA DMIGS PA ZHES BYA BA'I DON TO, ,NGAG DANG LUS KYANG RNAM PAR BSGOM, ,ZHES BYA BA NI DMIGS PA ZHES BYA BAR SBYAR TE, SEMS LA DMIGS PA YANG STE, DAG DANG 'BREL BA'I PHYIR YANG DAG PAR DES PA YIN GYI, SNGAGS THAMS CAD KYI YANG DAG PA GNYIS SU MED PA'I YE SHE KYI LUS SU BDAG LA MTHONG BA NI MA YIN NO, ,DE YANG GANG GI TSE SNGAGS KYI GZUGS KYI NGAG YONGS SU GYUR NAS 'KHOR LOS SGYUR BA'I LUS BDAG NYID MTHONG BA DE'I TSE NA MTHONG BAR 'GYUR TE, SNGAGS YONGS SU GYUR PA LAS LHA'I LUS SU BSGOMS PA GANG YIN PA 'DI NI NGAG LA DMIGS PA ZHES BYA BA'I DON TO,, SKU DE NYID NI BYANG CHUB STE DE'I RNAM PAR SPYAD PA NI BYANG CHUB KYI SEMS SO, ,DE'I PHYIR GSUNGS PA, NAM MKHA' BZHIN DU ZHES BYA BA LA SOGS PA SBYOR BA RNAM PA GSUM NI LUS DANG NGAG DANG SEMS SBYOR BAS 'KHOR LOS SGYUR BA'I SKUR BYA BA STE, DE NYID NI BYANG CHUB BO, ,BSGRUB PAR BYA ZHES BYA BA NI BYANG CHUB KYI TSIGS SU BCAD PAS NGES PAR BYA BA'O, ,JI LTAR NGES PAR BYA ZHE NA, NAM MKHA' BZHIN DU MNYAM PA'I GNAS, ,ZHES BYA BA LA, NAM MKHA' NI STONG PA NYID DO, ,DE'I MNYAM PA NI GSUM PA'O, ,DES NA DE RNAMS KYI GNAS TE GCIG TU 'GYUR ZHING SBYAR BA'O, ,DE NYID KYI PHYIR GSUNGS PA, LUS DANG ZHES BYA BA LA SOGS PA LA, LUS DANG NGAG DANG SEMS DMIGS PA NI STONG PA NYID DO, ,DE DAG GI NGO BO NI RANG GI MTSAN NYID DE STONG PA NYID YIN PA'I PHYIR DMIGS SU MED PA'O, ,DE NYID KYI PHYIR SNGAGS KYI LUS SU SBYOR BA LA BYANG CHUB MED PA STE, NAM MKHA' LTA BU YIN PA'I PHYIR RO, ,DMIGS PA GNYIS KYIS BYANG CHUB TU BSGOM PA GANG YIN PA DE YANG MED PA STE, GNYI GA DMIGS SU MED PA'I PHYIR RO, ,SKU GSUNG ZHES BYA BA LA SOGS PA LA, SKU DANG GSUNG DANG THUGS DANG SKU GSUNG THUGS RNAMS TE, SKU GSUNG THUGS DANG YE SHES RDO RJE ZHES BYA BA'I DON

261a

, ,TO; ,JI LTAR DE DAG GI MTSAN NYID RNAM PAR DPYAD CE NA, DE DAG MDOR BSDUS TE SKU LA SOGS PA DE DAG SO SOR GDAN DANG MTSAN MA DANG SNGAGS RNAMS SU SBYOR BAS ZHES BYA BA'I DON TO, ,DE'I RJES LA PHRA MO'I RNAL 'BYOR YIN TE, DE'I MTSAN NYID NI TSIGS SU BCAD PA PHYED LHAG MA SHOS KYIS BSTAN TO, ,TING NGE 'DZIN NI MTSAN MA PHRA MO STE DE BSGOM PA'O, ,BYANG CHUB NI ZLA BA 'AM NYI MA'I DKYIL 'KHOR RO, ,DE'I NANG DU CHUD PA'I SBYOR BA GANG LA YOD PA DE LA DE SKAD CES BYA'O, ,SNGAGS NI BYANG CHUB LA GNAS PA'I SA BON NO, ,BRTAGS PA NI SBYOR BA'O, ,DE LTAR MTSAN NYID BSTAN NAS, DE'I RAB TU DBYE BA BSTAN PA'I PHYIR GSUNGS PA, DE NAS ZHES BYA BA LA SOGS PA LA, 'DIR DPAL NI YE SHES KYI GDAN NO, ,DE DANG LDAN PA NI DE DANG SBYOR BA'I MTSAN MA STE DPAL LDAN NO, ,DE BZHIN GSHEGS PA NI SNGAGS SO, ,KUN NI YE SHES RDO RJE'O, ,DES MCHOD PA NI SNGAGS TE, MTSAN MA'I DBUS SU BKOD PA'O, ,SNGAGS DE NYID NI SANGS RGYAS KUN TE DE'I MCHOG NI THIG LE'O, ,DE LA THAMS CAD MKHYEN PA YOD PA DE LA DE SKAD CES BYA'O, ,'DIR THAMS CAD MKHYEN PA DE CI ZHIG CE NA, MTSAN MA PHRA MO'I NANG GI GDAN LA GNAS PA'I SNGAGS SO, ,DE LTAR PHRA MO LA SNYOMS PAR ZHUGS NAS BKA' STZAL PA ZHES BYA BA NI RAB TU PHYE STE GSUNGS PA'O, ,BSGOM PA'I MCHOG CES BYA BA LA SOGS PA LA BSGOM PA'I MCHOG NI PHRA MO'I RNAL 'BYOR RO, ,NAM MKHA' ZHES BYA BA LA SOGS PA LA, NAM MKHA'I DBYINGS NI YE SHES TE, RDO RJE'I SNGAGS KYI THIG LE'O, ,DE'I DBUS GNAS PA NI SANGS RGYAS KYI GZUGS TE, RDO RJE 'DZIN PA'I SKU MTSAN MA PHRA MO'O, ,BSGOMS NAS ZHES BYA BA NI BSGOM PA BYAS NAS SO, ,ZLA BA'I DKYIL 'KHOR BSGOM PAR BYA, ,ZHES BYA BA NI MTSAN MA DE'I DBUS SU ZLA BA'I DKYIL 'KHOR BSAMS LA PHRA MO'I SBYOR BA STE, RDO RJE 'DZIN PA'I SA BON BSAM PAR BYA STE, BKOD LA YUN RING DU BSAM PAR BYA'O, ,DE YANG DMIGS PA GSUM GYIS BSGRUBS PA'I BYANG CHUB TSIGS SU BCAD PAS RNAM PAR SPYAD PA'I RDO RJE 'DZIN PA'I RNAL 'BYOR LA GNAS TE BSGOM PAR BYA'O ZHES BYA BAR SKABS KYIS SHES

261b

PAR BYA'O, ,GSAL BAR BYA BA'I PHYIR SNA'I RTZE MOR ZHES BYA BA LA SOGS PA GSUNGS TE, SNA RTZE LAS BYUNG BAS NA SNA RTZE STE RJES SU 'GRO BA'I DBYINGS ZHES BYA BA'I DON TO, ,SNA YANG YIN LA RTZE MO YANG YIN PAS NA SNA RTZE STE, YE SHES RDO RJE'I SNGAGS KYI STENG GI CHAR GYUR PAS SO, ,YUNGS KAR ZHES BYA BA NI YUNGS KAR LTAR PHRA BA'I YE SHES KYI THIG LE ZLA BA LTAR DKAR BA'O, ,JI SKAD DU, NAM MKHA'I DBUS SU DE NYID MCHOG ,BDUD RTZI THIG LE'I RANG BZHIN CAN, ,ZLA BA LTAR DKAR STONG DE NYID, ,MI ZAD MI NYAMS SHIN TU PHRA, ,RDO RJE SEMS DPA' MI SHIGS PAR, ,BSHAD PA RNAM PAR BSGOM PAR BYA; ,ZHE SDANG RDO RJE BDUD RTZI'I RGYUD LAS GSUNGS PA LTA BU'O, ,'GRO DANG MI 'GRO YUNGS KAR LA, ,YE SHES GNAS BSAM ZHES BYA BA NI YUNGS KAR LAS MTSAN MA SPROS TE, RGYU BA DANG MI RGYU BA SNA TSOGS MTSAN MA'I RANG BZHIN DU BYAS NAS YUNGS KAR GYI NANG DU BSDUS PA DE NYID NI YE SHES KYI GNAS TE, DE BSGOM PA'O, ,YE SHES NI 'DIR MCHOG TU PHRA BA'I DPAL MCHOG DANG PO'I SA BON NO, ,DE'I GNAS NI RTEN TE ZLA BA'I DKYIL 'KHOR ZHES BYA BA'I DON TO, ,NYAMS DGA' BA NI DGA' MA'I RANG BZHIN YIN PA'I PHYIR RO, ,GSANG BA NI PHRA BA'I PHYIR RO, , YE SHES KYIS BRTAGS ZHES BYA BA NI DPAL MCHOG DANG PO'I YI GE DE NYID KYIS MNAN PA'I PHYIR RO, ,SANGS RGYAS SKU YI ZHES BYA BA NI RDO RJE PHRA MO SNGON PO RTZE MO CUNG ZAD GYES PA MI BSKYOD PA'I RNAL 'BYOR PAS SNA'I RTZE MOR BSAMS LA DE'I DBUS SU MTSAN MA SPRO BA DANG, BSDU BA LAS BYUNG BA'I NYI MA'I DKYIL 'KHOR BSGOM PAR BYA'O, ,DE'I STENG DU GNAS PA'I STE MI BSKYOD PA'I SA BON DGOD PAR BYA'O, ,DE NYID NI H'Um ZHES BYA BAS GSUNGS SO, ,'KHOR LO'I DKYIL 'KHOR ZHES BYA BA NI RNAM PAR SNANG MDZAD KYI RNAL 'BYOR PAS NI 'KHOR LO RTZIBS BRGYAD PA PHRA MO'O, ,SPYAN GYI TSUL DU SBYOR BA LA, ZHES BYA BA LA MTSAN MA SPRO BA DANG BSDUS PA LAS BYUNG BA'I ZLA BA'I DKYIL 'KHOR NI SPYAN TE DBUS NA GNAS PA DE'I TSUL DU STE, MTSAN MA PHRA MO DE NYID DU SBYOR BA RNAM PAR BSGOM ZHES BYA BAR SBYAR RO, ,PADMA ZHES BYA BA NI ZLA BA DE NYID LA'O, ,RDO RJE ZHES BYA BA NI SANGS RGYAS TE RNAM

262a

, ,PAR SNANG MDZAD KYI SA BON ZHES BYA BA'I DON TO, ,RIN CHEN DKYIL 'KHOR ZHES BYA BA NI RIN CHEN 'BYUNG LDAN GYI RNAL 'BYOR PAS RIN PO CHE PHRA MO'O, ,DANG PO'I SBYOR BA ZHES BYA BA LA DANG PO NI SA BON TE DE DANG SBYOR BA'O, ,DE'I STENG DU ZHES BYA BA LA DE'I SGRA NI BAR DU GCOD BA YIN DU ZIN KYANG, NYI MA'I DKYIL 'KHOR LA SNYEGS KYI SPYAN NI MA YIN NO, ,PADMA'I DKYIL 'KHOR ZHES BYA BA NI 'OD DPAG TU MED PA'I RNAL 'BYOR PAS PADMA PHRA MO'O, ,'DOD CHAGS RDO RJE CAN ZHES BYA BA NI 'OD DPAG TU MED PA'I SA BON NO, ,DE'I STENG DU ZHES BYA BA NI SNGA MA DANG 'BREL PA'I PHYIR NYI MA'I DKYIL 'KHOR GYI STENG DU'O, ,'OD KYI DKYIL 'KHOR ZHES BYA BA LA, 'OD NI DON YOD PAR GRUB PA'O, ,DE'I DKYIL 'KHOR NI MTSAN MA STE, DON YOD PAR GRUB PA'I RNAL 'BYOR PAS RAL GRI PHRA MO'O, ,SANGS RGYAS TSUL NI ZHI BA SPRO, ,ZHES BYA BA NI DON YOD PAR GRUB PA'I SA BON NO, ,'KHOR LO ZHES BYA BA NI SA BON DE NYID KYI GZHI NI NYI MA'I DKYIL 'KHOR RO, ,KHYAD PAR DAG TU ZHES BYA BA NI MTSAN MA SPRO BA DANG BSDU BA LAS SO, ,MTSAN MA PHRA MO'I TSAD BSTAN PAR BYA BA'I PHYIR AUTPALA ZHES BYA BA LA SOGS PA GSUNGS TE, 'DRA BA ZHES BYA BA NI KHA DOG GO, ,NAS KYI 'BRU TZAM ZHES BYA BA NI CHUR NAS 'BRU TZAM MO, ,KHYAD PAR DU ZHES BYA BA NI DBYE BA DE NYID KYIS TE, MI BSKYOD PA'I RDO RJE ZHES BYA BA'I DON TO, ,'DAB MA BRGYAD PA ZHES BYA BA NI PADMA'O, ,NAS ZHES BYA BA NI BSNGAGS PA'O, ,BYANG CHUB GZHOL PAR 'GYUR ZHES BYA BA NI 'DI PHA ROL TU SON PA YOD PAS NA, DE SKAD CES BYA STE, BYANG CHUB DON DU GNYER BA ZHES BYA BA'I DON TO, ,'DI DAG NYID BSGRE BAR BYA BA'I PHYIR 'KHOR LO LA SOGS PA ZHES BYA BA LA SOGS PA GSUNGS PA LA, KHYAD PAR DU ZHES BYA BA NI DBYIBS KYI BYE BRAG GIS SO, ,BRTAG PAR BYA ZHES BYA BA NI PADMA DANG RDO RJE DANG YUNGS KAR GYI RJES SU 'BRANGS NAS DPAG PAR BYA STE, DE LA 'KHOR LO NI KUN NAS ZLUM PA NYID KYIS TSAD PADMA DANG 'DRA'O, ,RAL GRI NI CHUR GNAS PA NYID KYIS RDO RJE 'DRA'O, ,RIN PO CHE NI ZLUM PA NYID KYIS YUNGS KAR GYI TSAD LA ZUR DGU PA STE, GCIG NI STENG YIN LA BRGYAD NI NGOS YIN NO, ,BSGOMS PA'I

262b

PHAN YON NI DNGOS GRUB CES BYA BA LA SOGS PA GSUNGS TE, DNGOS GRUB THAMS CAD NI THAMS CAD MKHYEN PA NYID DO, ,YON TAN NI SANGS RGYAS KYI YON TAN RNAMS SO, ,DE RNAMS KYI GNAS 'DI LA YOD PAS NA DE SKAD CES BYA STE, NYAMS DGA' BA NI BLA NA MED PA'I BDE BA NYID YIN PA'I PHYIR, BYANG CHUB NYID GNAS YIN PAS NA BYANG CHUB GNAS SO, ,'GRUB 'GYUR NI 'GRUB PAR BYED PAR 'GYUR BA'O, ,SANGS RGYAS BYANG CHUB GNAS RNAMS NI, ,ZHES BYA BA NI ZLA BA DANG NYI MA LA GNAS PA'I SANGS RGYAS RNAMS KYI SA BON NO, ,DE RU MDOR NA SPRO BAR BYA, ,ZHES BYA BA NI MTSAN MA PHRA MO DE RNAMS LA'O; ,'DI DAG NI PHRA MO'I BYANG CHUB KYI SEMS TE 'DIS BYANG CHUB LA RNAM PAR SPYOD PAS SO, ,DE'I 'OG TU SNGAGS LNGAS SKU LA SOGS PA BYIN GYIS BRLAB PAR BYA BA YIN PAS, DE BSTAN PA'I PHYIR SKU GSUM ZHES BYA BA LA SOGS PA GSUNGS TE, SKU GSUNG THUGS KYIS MTSAN PA NI SKU LA SOGS PA NYE BAR MTSON PA'O, ,CHOS KYI TSIG RNAMS NI SNGAGS KYI TSIG GO, ,RAB TU BRJOD CES BYA BA NI BRJOD PAR BYA'O, ,NGA RGYAL LNGA'I MTSAN NYID NI JI SKAD DU, LE'U DANG POR BSHAD PA LTA BU'O, ,NYE BAR SGRUB PA 'DI NI BCO BRGYAD PA LAS, SEMS DE'I SNYING GAR MTSON PAR BYA, ZHES BYA BA LA SOGS PAS BSHAD PAR BYA ZHING DE LA SPYOD PA YANG BCO BRGYAD PA LAS, JI SRID MTHONG BA DE SRID DU, ,ZLA BA DRUG TU GNYIS SU BSGOM, ,'DOD PA KUN LA LONGS SPYOD PAS, ,THAMS CAD DU NI RTAG TU BYA, ,GAL TE ZLA BA DRUG GIS NI, ,JI SKAD GSUNGS PA MA MTHONG NA, ,JI SKAD BSHAD PA'I SA BON DANG, ,SDOM PAS LAN GSUM BRTZAM PAR BYA, ,ZHES BSHAD PAR BYA'O, ,SPYOD PA DE NYID NI DE NAS ZHES BYA BA LA SOGS PA GSUNGS TE, RNAM PA THAMS CAD DU YONGS SU DAG PAS NA DPAL LDAN NO, ,MTSAN MA PHRA MO 'DZIN PAR MDZAD PAS NA RDO RJE 'DZIN NO, ,DE NYID NI RDO RJE 'DZIN PA DER GYUR PA'I DON GANG YIN PA THAMS CAD STON PA NI, DE NYIS DON KUN STON PA'O, ,SPYOD PA KUN MCHOG NI DKA' SPYOD DANG, ,BDE BA'I SPYOD PA'O, ,DES LEGS DAG PA NI LAS KYI SGRIB PA LA SOGS PA ZAD PA'O, ,BCOM LDAN 'DAS KYIS KYANG SPYOD PA 'DI SPYAD

263a

, ,PA STE; 'DIS NI SPYOD PA LA GUS PAS BSKYED PA BSTAN TO, ,GSANG BA ZHES BYA BA NI SPYOD PA'I MCHOG SBA BAR BYA'O, ,DAM PA ZHES BYA BA NI DON YOD PA NYID KYI PHYIR RO, ,GZUGS LA SOGS PA DANG LDAN PA NI KHA NA MA THO BA MED PA'I YUL LA LONGS SPYOD PA'O, ,GSANG BA'I DE NYID NI SHES RAB KYI YE SHES TE, DE NYID MCHOD PA CHEN PO'O, ,DE YIS LEGS PAR MCHOD NAS BSGOM PAR BYA'O, ,MA 'ONGS PA'I DUS NA KA TVA RKYEN DU SBYAR TE, KHA GDONGS NAS GNYID LOG CES BYA BA LTA BU STE, DE BSGOMS NAS KYANG MCHOD PAR BYA BA YIN GYI, NGES PAR PHYI'I LUS GNYIS KYIS BYAS NAS NI MA YIN NO ZHES BYA BA'I DON TO, ,GAL TE RNAM PAR RIG PA TZAM GYI TSUL LA PHYI ROL GYI LUS GANG YIN ZHE NA, THUN MONG GI LUS KYI RNAM PAR SNANG BA'I KUN GZHI RNAM PAR SHES PA GANG YIN PA DE NI PHYI ROL GYI LUS YIN NO, ,LEGS PAR MCHOD NAS ZHES BYA BA NI RANG GI LUS DANG NGAG DANG SEMS YANG DAG PAR BSDUS PA'I SANGS RGYAS THAMS CAD LA MCHOD PAR BYA'O ZHES BYA BA'I DON TO, ,GANG GI TSE SPYOD PA 'DIS BSGRUB PA LAN GSUM DU ZHUGS SU ZIN KYANG MA GRUB PA DE'I TSE 'DI'I SPYOD PA GZHAN BSTAN PA'I PHYIR DNGOS GRUB CES BYA BA LA SOGS PA GSUNGS TE, DNGOS GRUB NI BYANG CHUB BO, ,DE NYID NI 'BRAS BU STE DE NYID 'DOD PAS SO, ,BSHANG GCI ZHES BYA BA LA SOGS PAS ZAS KYI BYA BA BYED PA DE NYID KYI PHYIR DE BYA BA YIN NO, ,CI DE DE'I TSE SANGS RGYAS 'GRUB PAR 'GYUR RAM MI 'GYUR ZHE NA, SANGS RGYAS BYANG CHUB CES BYA BA LA SOGS PAS GSUNGS TE, BYANG CHUB KYI BDAG NYID CAN GYI SEMS NI BYANG CHUB KYI SEMS SO, ,GNYIS SU SNANG BA'I DRI MA ZAD PAS NA SKYON MED PA'O, ,DON DAM PA NYID YIN PAS NA YANG DAG PA'O, ,'DI LAS GONG NA GZHAN MED PAS NA BLA NA MED PA'O, ,GSANG BA NI NAM MKHA' DANG MNYAM PA NYID KYI PHYIR RO, ,DNGOS GRUB THAMS CAD NI 'KHOR LOS SGYUR BA DRUG GI BYANG CHUB RNAMS SO, ,DAM PA ZHES BYA BA NI MCHOG GO, ,DE BZA' BAR BYA'I GZHAN MI BZA'O, ,ZAS NI KHA ZAS GZHAN TE, GAL TE MA RNYED NA ZAS GZHAN YANG BZA'O, ,RNAM PA'I SGRA NI SMAD PA YIN TE BSHAD PA LA SOGS PA'I TSUL DU MOS PA MED PA DANG MA SBYANGS PA NI 'DIR SMAD PA YIN NO, ,SPYOD PA 'DI

263b

NI 'JIG RTEN PA RNAMS LA DKA' BA YIN GYI, SGRUB PA PO RNAMS LA NI SLA BA NYID DE, YAN LAG DRUG GI BSNYEN PAS TING NGE 'DZIN LA DBANG THOB PA DE NYID KYIS NI BDE BLAG TU 'BAR BA DANG BSREGS PA LA SOGS PA BYED PA'I PHYIR DANG GCI BA LA SOGS PA 'GUGS PAR BYED PA'I PHYIR RO, ,BSHANG GCI LA SOGS PA CI DGAR GZUNG BAR NI MI BYA STE, BCOM LDAN 'DAS KYIS JI SKAD DU, BSHANG GCI LA SOGS DRANGS NAS NI, ,ZAS KYI DON DU RAB TU SBYAR, ,ZHES GSUNGS PA LTA BU'O, ,DE BAS NA SPYOD PA 'DIS 'DI LA, BYANG CHUB SEMS DPA' BLO LDAN DANG, ,SANGS RGYAS RNAMS NI MNYES PAR 'GYUR TE, DE'I BKAS DKA' BA SPYOD PA YIN PA'I PHYIR RO, ,DE NAS CIR 'GYUR ZHE NA, 'DI LTA BU ZHES BYA BA LA SOGS PA GSUNGS TE, 'DOD KHAMS DBANG PHYUG NI PHAN 'DOGS PA DANG TSAR GCOD PAR NUS PA'O, ,GO 'PHANG NI NGAG STE DES KYANG LAS BYED PAR 'GYUR RO, ,GANG DU ZHE NA, LAS DE YANG 'JIG RTEN TE, 'DOD PA'I KHAMS SU'O, ,LUS KYI JI LTAR LAS BYED PA DE NI GTZO BO ZHES BYA BA LA SOGS PA GSUNGS TE, GZI CHEN NI LUS KYI GZI DANG LDAN PA'O, ,STOBS DANG LDAN ZHES BYA BA NI LUS KYI STOBS DANG LDAN PA'O, ,MTHONG NA YID DU 'ONG ZHES BYA BA NI MTSAN PHUN SUM TSOGS PA'O, , BSKUL BA YIS ZHES BYA BA NI BTANG BA YIS SO, ,NYE BAR BSGRUB PA'I DON MDOR BSDUS PA NI, 'DI DE ZHES BYA BA LA SOGS PA GSUNGS TE, DE DAG GIS SANGS RGYAS KYI CHOS THAMS CAD KYI SNYING PO RTOGS SHING MNGON SUM DU BYED PAS SANGS RGYAS THAMS CAD DE DMIGS PA GSUM LAS GRUB PA'I 'KHOR LOS SGYUR BA RNAMS SO, ,DE RNAMS KYI GSANG BA 'DI NI MTSAN MA PHRA MO'I RNAM PAS PHRA MO'I YE SHES SO, ,BYANG CHUB DAM PA NI SHIN TU PHRA BA'I GDAN GYI RNAM PAS BYANG CHUB KYI MCHOG GO, ,SNGAGS KYI GSANG BA NI MCHOG TU PHRA BA'I SA BON GYI RNAM PAS SO, ,DE NYID 'DI ZHES BYA BA NI YANG DAG PA'I YE SHES SO, ,SKU DANG GSUNG DANG THUGS NI LUS DANG NGAG DANG SEMS SU SNANG BA RNAMS DE LAS 'DAS PA STE, RDO RJER BYED PA'I PHYIR RO, ,DE BZHIN GSHEGS PA RNAMS KYI SKU LA SOGS PA BYIN GYIS BRLAB PA NI NYE BAR SGRUB PA'I 'BRAS BU'O, ,DE'I DON GYI LE'U LA DE SKAD CES BYA'O, ,DPAL GSANG BA

264a

, ,'DUS PA'I BSHAD SBYAR SNYIM PA'I ME TOG LAS LE'U DRUG PA'O,, ,,LE'U 'DI'I DON NI MCHOG GI BSNYEN PA YIN TE, DE'I MTSAN NYID NI DNGOS GRUB DANG ZHING DANG MTSAN MA'I BSNYEN PA'O ZHES BYA BAS BSTAN TE, DNGOS GRUB NI 'KHOR LOS SGYUR BA'I RNAL 'BYOR RO, ,ZHING NI SBYOR BA'I YAN LAG DRUG STE, DE RNAMS KYI BDAG NYID DNGOS GRUB MCHOG GI ZHING DU BYED PA'I PHYIR RO, ,MTSAN MA NI DAM TSIG DANG RMI LTAS KYI KHYAD PAR TE, DNGOS GRUB KYI RGYUR GYUR PA DANG DNGOS GRUB STON PAR BYED PA'I PHYIR RO, ,DE DAG NYID NI BSNYEN PA STE, DE THAMS CAD LE'U BZHI RNAMS SU STON PA DE BAS NA SKABS TE GSUNGS PA, DE NAS ZHES BYA BA LA SOGS PA LA, SKU LA SOGS PA'I BDAG PO NI RNAM PA THAMS CAD DU DE RNAMS BSKYED PA DANG BSRUNG BA DANG STON PAR BYED PAS SO, ,SNGAGS ZHES BYA BA NI SBYOR BA'I YAN LAG DRUG STE, SHES SHING SKYOB PA YIN PA'I PHYIR RO, ,YAN LAG DRUG DANG RJES SU MTHUN PA'I DAM TSIG NI SPYOD PA STE, SNGAGS DANG LHAN CIG SPYOD PA NI SNGAGS KYI SPYOD PA'O, ,'DI LAS BYANG CHUB 'ONGS PA NA DAM TSIG STE RIGS LNGA'O, ,DE RNAMS KYI THUN MONG GI MTSAN NYID RDO RJE 'DZIN PA NI DAM TSIG CHEN PO'O, ,DRUG PO 'DI DAG NYID NI DE KHO NA NYID DE DE BAS NA DAM TSIG CHEN PO DE KHO NA NYID KYANG YIN LA, SNGAGS SPYOD PA YANG YIN PAS NA DAM TSIG CHEN PO'I DE KHO NA NYID KYI SNGAGS SPYOD PA'O, ,DE RNAMS KYI MCHOG NI THABS KYI DANG PO STE BSNYEN PA ZHES BYA BA'I DON TO, ,MNGON PAR RDZOGS PAR BYANG CHUB PA NI DE DAG MA LUS PAR YANG DAG PAR SHES PA STE, DE'I DON GYI LE'U LA DE SKAD CES BYA'O, ,DE LA DANG PO'I TSIGS SU BCAD PA GSUM GYIS NI BYANG CHUB MYUR DU SGRUB PA'I RGYU GSUM GYI SPYOD PA GSUNGS TE, SANGS RGYAS KYIS RJES SU GNANG BA'I PHYIR DANG, SANGS RGYAS MCHOD PA'I THABS YIN PA'I PHYIR DANG, TING NGE 'DZIN DANG RJES SU MTHUN PA NYID KYI PHYIR TE RIM BZHIN NO, , LA ZHES BYA BA DANG, NI ZHES BYA BA DANG, YANG NI ZHES BYA BA NI GO RIMS BZHIN DU BSDU BA DANG, NGES PAR GZUNG BA DANG, BYE BRAG TU STON PA YIN NO, ,'DI LTA BU ZHES BYA BA NI, NI ZHES BYA BAS BSDUS PA'I YAN LAG DRUG GO, ,MYUR DU ZHES BYA BA NI MGYOGS PAR RO, ,'DOD PA THAMS CAD CES BYA BA

264b

NI 'DOD PA DRUG STE, DE RNAMS KYI LONGS SPYOD LA NYE BAR SPYOD PA NYID KYIS SO, ,JI LTAR 'DOD PA ZHES BYA BA LA, 'DOD PA NI STON PA'I BKAS GNANG BA DE LAS MI 'DA' BA STE, JI LTAR NA SDUG BSNGAL DANG YID MI BDE BA 'PHEL BAR 'GYUR BA'I DKA' BAS SGRUB PA LA SOGS PA MA YIN PAS ZHES BYA BA'I DON TO, ,RANG GI LHA NI RANG GI RIGS KYI 'KHOR LOS SGYUR BA'O, ,DE'I RNAL 'BYOR NI TING NGE 'DZIN TO, ,RANG ZHES BYA BA NI 'KHOR LOS SGYUR BA DE NYID DO, ,GZHAN ZHES BYA BA NI DE NYID DU DUS GSUM GYI SANGS RGYAS RNAMS BSDUS PA'O, ,DKA' THUB SDOM PA ZHES BYA BA'I RGYUD LAS GSUNGS PA'O, ,SNGO TSOD DANG, SRE DANG, BSOD SNYOMS GCIG PA DANG, BSOD SNYOMS KYI KHA ZAS LA SOGS PA DANG, KHRUS DANG MI SMRA BA LA SOGS PA'I NGES PA STE, SHIN TU SDUG BSNGAL BA'I RGYU YIN PA'I PHYIR MI BZOD PA'O, ,BSTEN KYANG GRUB PAR MI 'GYUR ZHES BYA BA NI DE DAG GOMS PAR BYAS PAS TING NGE 'DZIN SKYE BAR MI 'GYUR BA'O, ,DE SKAD DU BCOM LDAN 'DAS KYIS KYANG GSUNGS PA, ,BKA' THUB SDOM PA MI BZAD PAS, ,LUS NI SKAMS SHING SDUG BSNGAL 'GYUR, ,SDUG BSNGAL GYIS NI SEMS G-YENGS TE, ,G-YENGS PAS DNGOS GRUB GZHAN DU 'GYUR, ,BSGOMS NA ZHES BYA BA NI RNAL 'BYOR PA'O, ,NI ZHES BYA BA'I SGRA NI 'DI NYID KYIS TING NGE 'DZIN SKYE BAR 'GYUR RO ZHES BYE BRAG TU NGES PAR GZUNG BAR BYA STE, ,SEMS BDE BA NI TING NGE 'DZIN DU 'GYUR ZHES GSUNGS PA'I PHYIR RO, ,LE'U 'DI'I DON SNGAGS DANG SPYOD PA LAS SPYOD PA CUNG ZAD CIG BSTAN TE, CUNG ZAD CIG NI 'OG NAS STON TO, ,BAR DU SNGAGS GSUNGS PA, SLONG MO ZHES BYA BA LA SOGS PA LA SNGAGS NI RTZA BA'I SNGAGS TE, SNA TSOGS PA'O, ,DE'I BZLA BA NI RNAL 'BYOR PAS SPRO BA DANG BSDU BAR BYA'O, ,YAN LAG MA NYAMS PA ZHES BYA BA NI YAN LAG 'DI LA DBANG PO BCU PA DBYER MED PA 'DI LA YOD PAS NA YAN LAG MA NYAMS PA STE 'BYUNG BA'I DBANG PO LNGA NI PADMAS BSDUS PA LAS BYUNG BA LAS GYUR PA'I DBANG PO RNAMS NI RDO RJE STE, DE DAG GIS YANG DAG PAR SBYAR BAS SO, ,SLONG MO ZA ZHING

265a

, ,MI BZLA STE, ,ZHES BYA BA LA SLONG MO NI GANG GI TSE PHYI ROL GYI YUL LNGA LA NYE BAR SPYOD PA NI SRID PA'I DBANG GIS DE DANG DE DAG TU KUN DU TSOL ZHING RGYUG PA YIN LA SLONG MO'I LONGS SPYOD DE DAG 'DIR MI BYA'O, ,DE BAS NA RDO RJE'I NANG DU CHUD PA'I CHOS KYI DBYINGS LA DE DON BSDUS TE SPYAD DO, ,SLONG LA DGA' BAR MI BYA'O, ,ZHES BYA BA LA BSLANG BAR BYA BA RNAMS BSDUS PA NA SLONG BA STE, CHOS KYI DBYINGS SO, ,DGA' BA NI MTSAN MA SNA TSOGS SU 'DZIN PA STE DE MI BYA'O, ,'O NA JI LTAR BYA ZHE NA, DER RIG BYA RNAMS TE RIG PA RNAMS BSDUS PA'I YID KYI SKYE MCHED SNA TSOGS PA'I GZUGS SU BZHAG NAS SO ZHES BYA BA'I DON TO, ,DE LTAR RGYUD DGOD PAR BYAS NAS, SNGAGS JI LTAR BZLA ZHE NA, 'DOD PA KUN LA LONGS SPYOD CING, ,ZHES BYA BA LA, KUN NI SNA TSOGS PA'O, ,DES NYE BAR SPYOD PAS SO SO BA MA LUS PA DANG BSDUS PA LONGS SPYOD PA STE, NYAMS SU MYONG BAR BYED PA'O, ,SNA TSOGS PA NYID KYIS DE RNAMS SPRO BA DANG, SDUD PAR BYED PA'I PHYIR RO, ,TSIGS SU BCAD PA GCIG GIS BSTAN PA 'DI NYID TSIGS SU BCAD PA GNYIS KYI BAR DU CHOD PA'I LHAG MA RNAMS KYIS NYE BAR BSTAN PAR 'GYUR TE, SO SOR SDUD PA ZHES BYA BA'I YAN LAG DANG PO'O, ,BSAM GTAN GYI YAN LAG TSIGS SU BCAD PA GCIG GIS GSUNGS PA, LUS DANG ZHES BYA BA LA SOGS PA LA LUS DANG NGAG DANG SEMS RNAMS PADMA'I ZE 'BRU GSUM LA 'KHOR LO DANG PADMA DANG RDO RJE PHYUNG BA STE BSAM GTAN DANG PO'O, , YANG LUS DANG NGAG DANG SEMS TE DE RNAMS KYI DBUS SU RAL GRI PHYUNG BA NI BSAM GTAN GNYIS PA'O, ,DE LTAR NA LUS DANG NGAG DANG SEMS DANG LUS DANG NGAG DANG SEMS RNAMS TE, GCIG LUS PA'I SBYOR BA BYA'O, ,LUS DANG NGAG DANG SEMS KYI MTSAN MA BZHI'I NANG DU BDE BAR GNAS PA STE, DGA' MA RNAMS BKOD PA NI BSAM GTAN GSUM PA'O, ,LUS DANG NGAG DANG SEMS DANG BDE BAR GNAS PA DAG NI LUS DANG NGAG DANG SEMS BDE BAR GNAS PA STE ZLAS DBYE BA'I BSDU BA'O, ,BYANG CHUB YANG DAG THOB CES BYA BA LA DE LTAR BSAM GTAN GSUM THOB NAS RAL GRI'I LTE BAR

265b

DGA' MA RNAMS BSDUS PA LAS BYUNG BA'I THIG LE NI THEG PA CHEN PO'I DON YANG DAG PAR RTOGS PAS NA BSAM GTAN BZHI PA'O, ,DE'I YANG DAG PAR THOB PA NI YANG DAG THOB STE, MTSAN MA BZHI BSDUS PA LAS BYUNG BA'I DGA' BA'I THIG LE NANG DU CHUD PA'I SEMS KYI THIG LE STE 'DI NI BSAM GTAN LNGA PA'O, ,DE LTAR NA RAL GRI'I LTE BAR BYUNG BA THIG LE DANG PO NI BYANG CHUB THOB PA YIN LA, MTSAN MA GSUM PAR RAL GRI LA BSDUS TE, DE YANG PHRA MOR GYUR PA'I THIG LE NI YANG DAG THOB PA'O, ,DE BLA NA MED PA'I BYANG CHUB KYANG NGES PAR RNYED PAR 'GYUR TE, BSAM GTAN LNGA THOB PA NI DNGOS KYI 'BRAS BU YIN LA, BRGYUD PAS THOB PA'I BYANG CHUB NI BRGYUD PA'I 'BRAS BU'O, ,'DI'I PHAN YON TSIGS SU BCAD PA PHYED PHYI MAS GSUNGS PA GZHAN DU ZHES BYA BA LA SOGS PA LA, DMYAL BA ZHES BYA BA NI DMYAL BA LA SOGS PA'O, ,NGES PAR ZHES BYA BA NI GDON MI ZA BA STE BSAM GTAN LNGA PA MA THOB NA DUS MA YIN PA'I 'CHI BA DANG NGAN 'GROR LTUNG BAR 'GYUR LA THOB NA NI DER NGES PAR 'GRO BAR MI 'GYUR RO ZHES BYA BA'I DON TO, ,BSAM GTAN ZHES BYA BA'I YAN LAG GNYIS PA'O, YAN LAG GNYIS KYI DBANG DU BYAS PA'I TSIGS SU BCAD PA GSUNGS PA, SANGS RGYAS ZHES BYA BA LA SOGS PA LA, SANGS RGYAS NI SNA TSOGS PAR BSDUS PA RNAMS SO, ,BYANG CHUB SEMS DPA' NI SNA TSOGS YIN PA'I GDAN LA'O, ,SNGAGS KYI SPYAD PA NI SKABS KYI STOBS KYIS NA BDE PA'I THIG LE NANG DU CHUD PA'I SEMS KYI THIG LE'O, ,DE'I SPYOD PA NI DE DANG LHAN CIG TU RGYU BA STE, GONG BU'I SBYOR BAS PHRA MOR GYUR NAS SNGA MA'I THIG LER 'GRO BA'O, ,DE'I MCHOG NI RTZE MO STE, SNA'I RTZE MOR RGYU ZHING GNAS PA STE, SROG DANG RTZOL BA ZHES PA NI YAN LAG GSUM PA'O, ,DE LTA BUR GYUR PA DE NI CHOS MI G-YO BA BRNYES PA STE, CHOS KYI SNGAGS SU BSHAD PA YIN, ,ZHES GSUNGS PAS NA CHOS NYID YI GE STE NYE BA'I STOBS KYIS NA RANG GI SNYING GAR BSAM PA'I SNGAGS KYI YI GE ZHES BYA BA'I DON TO, ,DE'I BRNYES PA NI DE'I THIG LER GZHAG PA'I RIN PO CHE NYID LA NGES PAR GNAS PA'O, ,MCHOG CES BYA BA NI DAM PA STE, RANG GI SNGAGS

266a

, ,DE LA RIN PO CHE GNAS PA DE BZHIN DU SNGAGS KYI YI GE RAB SNGAGS DANG, A'A: DANG H'Um RNAMS GNYIS SU MED PAR BYAS PA STE, 'DZIN PA ZHES BYA BA NI YAN LAG BZHI PA'O, ,JI STE PHUN SUM TSOGS PA DE LTA BUR GYUR PA'I GZHI GANG YIN ZHE NA, 'DOD PA THAMS CAD BSTEN PAS SO, ,ZHES BYA BA GSUNGS TE, THAMS CAD NI SNA TSOGS PA'O, ,'DOD PA BSTEN PA NI DES SO SO BA DANG MA LUS PA'I 'DOD PA NYE BAR SPYOD PA STE DE'O, ,DE'I BSTAN PA SLONG MO ZHES BYA BA'I TSIG BSHAD PA YIN LA DE'I NYE BAR BSTAN PA NI 'OG NAS 'BYUNG BA'I TSIGS SU BCAD PA BRGYAD YIN TE,, DE LAS GCIG GIS NI TSOGS GNYIS KYI RGYU BSTAN TO, ,DE'I 'OG MA LNGAS NI SO SO'I NYE BAR SPYOD PA LNGA BSTAN TO, ,BDUN PAS NI DE NYID GSAL BAR BYED DO, ,BRGYAD PAS NI NYE BA'I LONGS SPYOD THAMS CAD STON TO, ,CHAGS CAN ZHES BYA BA NI RNAL 'BYOR PA'O, ,YE SHES 'DOD PA ZHES BYA BA NI BSAM GTAN LNGA PO DON DU GNYER BA GANG YIN PA'O, ,RTAG TU 'DOD PA LNGA RNAMS BSTEN, ,ZHES BYA BA LA 'DOD PA YANG YIN LA RNAM PAR DAG PAR BYED PAS YON TAN YANG STE DE BSTEN PA NI BSGOM PAR BYA'O, ,RTAG TU ZHES BYA BA NI GNAS PA STE DE RNAMS DE LA DGOD PA'I LAS KYIS SO; ,MNYES PAR BYA BA DANG CHAGS PAR BYA BA NI DON GCIG GO, ,DES NI YE SHES KYI TSOGS KYI RGYU BSTAN TO, ,BYANG CHUB SEMS DPA' ZHES BYA BA LA SOGS PA LA GSAL BA'I LAS BYED PAS NA NYI MA STE, PHYOGS DANG PHYOGS RNAMS YE SHES KYI SNANG BA MDZAD PAS DE DAG CHOS MTHUN PA'I PHYIR RO, ,DER SBYOR BAS RTOGS PA'I SNGAGS RNAMS NI BYANG CHUB NYI MA STE, SANGS RGYAS ZHES BYA BA'I DON TO, ,DE NI BSOD NAMS KYI TSOGS KYI RGYU BSTAN TO, ,GZUGS LA ZHES BYA BA LA SOGS PA LA, 'DIS MCHOD PAS NA MCHOD PA STE, GZUGS LA SOGS PA'I GDAN NO, ,BDAG NYID CES BYA BA NI DE KHO NA NYID KYI RANG BZHIN TE CHOS KYI DBYINGS ZHES BYA BA'I DON TO, ,MCHOD PA RNAMS KYI BDAG NYID GANG LA YOD PA CHOS KYI DBYINGS TE, DE NYID LAS MCHOD PA RNAMS SPROS PA'I PHYIR RO, ,MCHOD PA'I BDAG NYID KYI RNAL 'BYOR PAS SPROS TE, MCHOD PAR BYA ZHES PA NI BYANG CHUB NYI MA ZHES BYA BA DANG

266b

'BREL TO, ,DES NI RIGS RNAMS DANG RIGS CAN GYI SANGS RGYAS RNAMS LA MCHOD DO ZHES BYA BA'I DON TO, ,DE LA RNAM PAR SNANG MDZAD KYI RIGS CAN NI 'KHOR LOS SGYUR BA MNGA' BA'I SANGS RGYAS RNAMS NI RIGS SO, ,JI LTAR MCHOD CE NA, GZUGS LA RNAM PA GSUM SHES BYA LA, GZUGS NI GZUGS, KYI GDAN NO, ,SHES PAR BYA BA NI NYAMS SU MYONG BAR BYA BA STE, JI LTAR NYAMS SU MYONG BAR BYA ZHE NA, SEMS TZAM NYID DANG CHOS KYI DBYINGS LAS BYUNG BA NYID DANG RDO RJE BU GA LAS BYUNG BA NYID DANG PADMA'I NANG NA GNAS PA NYID DU SHES PAR BYA'O, ,RNAM PA GSUM ZHES BYA BA NI 'DOD CHAGS CHEN PO'I RNAL, 'BYOR PA DANG, 'DOD CHAGS KYI RNAL 'BYOR PA GSUM PO DAG GIS NI SIM PA'I RGYUR JI LTAR RIGS PA BZHIN DU BSIL BA DANG DMAR PO DAG TU'O, ,ZHE SDANG GI RNAL 'BYOR PAS NI GDUNG BA'I RGYUR DMAR PO DANG DRO BAR 'GYUR RO, ,GTI MUG GI RNAL 'BYOR PAS NI BSIL BA DANG DKAR PO'O, , CHOS KYI DBYINGS LAS DE DAG BSKYED NAS JI LTAR BYA ZHE NA, BCOM LDAN 'DAS ZHES BYA BA SMOS TE, BSTEN PAR BYA ZHING BSNYEN PAR BYA BAS NA BCOM PA STE YUL NGA'O, ,DE 'DI LA YOD PAS NA BCOM LDAN TE, DE CHOS KYI DBYINGS SO, ,DE'I PHYIR DE NYID DU BSDU BAR BYA'O, ,'O NA SNA TSOGS PA ZHES BYA BA GSUNGS TE, SNA TSOGS PA ZHES BYA BA DE NYID CES BYA BA DANG 'BREL TO, ,CHOS KYI DBYINGS NYID SNA TSOGS PA YIN TE RIG PA DANG RIG BYA DBYER MED PA'I SBYOR BAS SO, ,'O NA GANG LA MCHOD CE NA, SANGS RGYAS ZHES BYA BA SMOS TE, SNA TSOGS PA DE NYID SANGS RGYAS TE DE NYID LAS SNGAGS SPROS PAS NA SNGAGS SO, ,SNGAGS GANG ZHIG CE NA, RNAM PAR SNANG MDZAD CES BYA BA SMOS TE RAB SNGAGS ZHES BYA BA'I DON TO, ,JI LTA BU ZHE NA, GTZO BO ZHES BYA BA SMOS TE, RNAM PAR SNANG MDZAD KYI RIGS MTHA' YAS PA'I PHYOGS SU KHYAB PA RNAMS BKUG STE, RAB SNGAGS LA BSTIM PAS NA RIGS KYI DBANG PO YIN PAS SO, ,RIN CHEN 'BYUNG LDAN LA SOGS PA'I TSIGS SU BCAD PA RNAMS NI DRI DANG RO DANG REG BYA DANG SGRA RNAMS DANG SBYAR TE GDON PAR BYA'O, ,DBUL BAR BYA ZHES BYA BA NI MCHOD PAR BYA BA'O, ,LHA RNAMS ZHES BYA BA NI RIGS DANG RIGS CAN RNAMS LA'O, ,SHES

267a

, ,PAR BYA BA NI RTOGS PAR BYA'O, ,'DIR TSIGS SU BCAD PA NI, GZUGS DANG SGRA DANG DE BZHIN DI, ,RO DANG REG BYA LA GNAS PA, ,RTAG DANG MI BSKYOD RIN CHEN DANG, ,NGAG GI BDAG PO THOGS MED RNAMS, ,DE BZHIN GSHEGS PA LNGA DBUS SU, ,RANG RANG SBYOR BAS GNAS PAR BYA, ,RDO RJE 'DZIN PA'I RNAL 'BYOR PAS, ,DBUS SU MI BSKYOD DGOD PAR BYA, ,RDOR 'DZIN RTAG PA'I RNAL 'BYOR PAS, ,'DOD PA LNGA PO BZLA BAR BYA, ,'KHOR LOS SGYUR BA LHAG MA YIS, ,NYI MA'I GZUGS DANG SBYAR BAR BYA, ,RIN CHEN ZHES BYA BA NI BYANG CHUB SEMS DPA' RNAMS SO, ,DE'I 'BYUNG GNAS NI DE'I RIGS KYI 'BYUNG GNAS SU GYUR PA RIN CHEN 'BYUNG LDAN GYI SNGAGS ZHES BYA BA'I DON TO, ,'DOD CHAGS CHOS NI SHES RAB KYI CHOS TE RIG PA'I RGYAL MO RNAMS SO, ,DES NI RIGS RNAMS BSTAN LA DE'I 'BYUNG GNAS NI SNANG BA MTHA' YAS KYI SNGAGS ZHES BYA BA'I DON TO, ,THOGS MED CES BYA BA NI DON YOD GRUB PA'I SNGAGS SO, ,THOGS MED RDO RJE 'DZIN ZHES BYA BA LA, 'DOD PAR BYA BAS NA RAB STE 'DOD PA RNAMS SO, ,RDO RJE NI DE'I RIGS MTHA' YAS PA'I PHYOGS SU KHYAB PA RNAMS SO, ,DE BKUG STE GZUNG BAS NA THOGS MED RDO RJE 'DZIN NI THOGS MED DO, ,BCOM LDAN ZHES BYA BA NI SNA TSOGS PA'O, ,RDO RJE CAN ZHES BYA BA NI MI BSKYOD PA'I SNGAGS SO, ,MI BSKYOD PA ZHES BYA BA'I KHRO BO'I TSUL LO, ,BDAG NYID MI BSKYOD PA YIN NA GZHAN DAG KYANG KHRO BO'I TSUL DU BYA BA'I DON TO, ,DE MNYES PA NI PHYOGS BCUR KHYAB PA RNAMS BKUG STE BSTIMS PA'I SBYOR BAS MI BSKYOD PA'I SBYOR BAS MNYES PA'O, ,GZUGS SGRA ZHES BYA BA LA SOGS PA LA, RTAG TU ZHES BYA BA NI BSTAN PA STE, ZLA BA DANG NYI MA'I GDAN RNAMS LA GNAS PAS SBYOR BAR GYUR PA'O, ,SEMS ZHES BYA BA NI SANGS RGYAS RNAMS KYI SNGAGS SO, ,GSANG BA ZHES BYA BA NI SEMS DE NYID RDZAS CHEN POR GYUR PA'I GSANG BA'O, ,SNYING PO ZHES BYA BA YANG GSANG BA DE NYID STON PA STE, DBANG PO DANG BCAS PA'I DPAG TU MED PA'I RIGS KYI SNYING POR GYUR PA PHUN SUM

267b

TSOGS PA'O, ,BSDUS PA NI BSAGS PA STE, DE GANG LA YOD PA DE LA DE SKAD CES BYA'O, ,DE DAG GIS CI ZHIG BSTAN PAR 'GYUR ZHE NA, GZUGS LA SOGS PA'I RANG BZHIN ZLA BA LA SOGS PA'I GDAN LA, SANGS RGYAS ZHES BYA BA SANGS RGYAS RNAMS KYI SNGAGS KYI RIGS MTHA' YAS PA'O; ,SNOD DU GYUR PAS GTZO BOR GYUR PA RNAMS SBYOR BA ZHES PA DE DAG LA BKOD PAS MCHOD PA BYA'O, ,GZUGS SGRA DRI LA SOGS ZHES BYA BA LA LHA NYID CES BYA BA NI SNA TSOGS PA'O, ,BSGOM ZHES BYA BA NI MNYES PAR BYA'O, ,RTAG TU ZHES BYA BA NI DE LA DGOD PA'I LAS KYI STE, SANGS RGYAS RNAMS DANG GDAN RNAMS DANG SNA TSOGS PA DANG GDAN LA BSDU'O ZHES BYA BA'I DON TO, ,YANG NA DE LA BSGOM PA NI ZHES BYA BA NI MNYES PAR BYA BA'I MTHAR RIGS KYIS PHYE BA'I SNGAGS RNAMS RNAM PAR BSGOM PA STE, DE LA ZHES BYA BA NI DE NYID DU MNGON DU BSDUS PA'O, ,'DOD PA LA NYE BAR SPYOD PA'I NYE BAR BSTAN PA RNAMS KYI MTHAR BRJOD PAR RIGS NA CI'I PHYIR 'DZIN PA'I MTHAR BSTAN ZHE NA, SBYOR BA'I YAN LAG BZHI PA RDZOGS PAR BYA BA'I PHYIR, SEMS KYI RIN PO CHE LA BSTAN PAR MA GYUR GYI BAR DU DE NYID LA GNAS PAR BYA BA'I PHYIR RO, ,BRTAN NAS NI SBYOR BA'I YAN LAG DRUG TU BYAS TE DE LA YAN LAG LNGA PA RJES SU DRAN PA TSIGS SU BCAD PA GNYIS KYIS BSTAN PA'I PHYIR SANGS RGYAS RJES SU DRAN PA ZHES BYA BA LA SOGS PA GSUNGS TE, RJES SU DRAN PAR BYED PAS NA RJES SU DRAN PA STE GSAL BAR SHES PA'O, ,RGYU DANG YUL DANG DUS KYI RJES SU 'GRO BA'I DRAN PA NI RJES SU DRAN PA'O, ,RGYU NI RIN PO CHE BRTAN PAR GYUR PA STE, DE'I RJES SU 'GRO BA DE NI DE LAS SKYES SHING DE DANG 'DRA BAR PHRA BA'O, ,YUL GYI RJES SU 'GRO BA NI SPRO BA'I SBYOR BAS SNA TSOGS PAR KHYAB PA'O, ,DUS KYI RJES SU 'GRO BA NI BRTAN PAR GYUR PAS SO, , DE NYID NI SBYOR BA STE RGYUN TU SBYOR BA'O, ,BSGOMS PAS NI YANG DANG YANG GOMS PAR BYED PA STE, MANG PO RNAMS KYANG RIGS KYIS NA GCIG GI TSIG YIN NO, ,SBYOR BAS ZHES BYA BA NI BYANG CHUB THOB PAR 'GYUR ZHES BYA BA DANG 'BREL TO, ,BSGOM PAS ZHES BYA BA NI BSGOM PAR BYA

268a

, ,BAS SO, ,CI STE RJES SU DRAN PAS BYANG CHUB GANG THOB CE NA, SKU DANG GSUNG DANG THUGS RNAMS ZHES BYA BA SMOS TE GANG GIS SKU LA SOGS PA'I RDO RJE GSUM MI PHYED PA'I RDO RJE CAN ZHES BYA BA'I DON TO, ,RJES SU DRAN PA'I SNGON DU LHAG PAR BYA BA'I RIG MA SBYAR BA DANG DBANG PO GNYIS SBYANG BA DANG 'OD KYIS BRGYAN PA RNAMS BSTAN PAR BYA BA'I PHYIR BUD MED CES BYA BA LA SOGS PA GSUNGS TE, GZUGS LDAN ZHES BYA BA NI 'OD BZANG PO DANG BCAS PA'I DBYINGS PHUN SUM TSOGS PA'O, ,MDANGS BZANG ZHES BYA BA NI KHA DOG PHUN SUM TSOGS PA STE DBYIBS DANG KHA DOG TU LDAN PA DE LA DE SKAD CES BYA'O, ,BYIN GYIS BRLAB PA NI BSKYED PA'O, ,DE'I GNAS NI RGYU STE DE YANG 'DIR SPYAN MA'I TSUL GYI RNAL 'BYOR DANG, RIGS LNGAS DGANG BA DANG PADMA DANG NOR BU SBYANG BA'O, ,PHYOGS GZHAN GSUNGS PA, DE BZHIN GSHEGS PA'I ZHES BYA BA LA SOGS PA STE, RNAM PAR SNANG MDZAD KYI BTZUN MO'I MCHOG STE RIG PA CHEN MO SEMS BRTAN PAR GYUR PAS BSGOMS PA'I RIG PA DANG SNYOMS PAR 'JUG PA STE, DE YANG DE LAS GZHAN DANG SNYOMS PAR 'JUG PA DANG YON TAN MTSUNGS PA'I STENG DU SKYON MED PA'O, ,YI GE H'Um DANG ZHES BYA BA LA, NGANG GI SGRAS NI A'A: YANG GZUNG BAR BYA STE, DE LA H'Um GIS PADMA DMAR PO 'DAB MA BRGYAD PAR RO, ,A'A: YIS NI DE'I ZE'U 'BRU GRUB GSUM MU TIG GI RDOG MA LTA BU NOR BU DANG 'TSAM PA'I BU GA CAN NO, ,YANG H'Um DE NYID KYIS RDO RJE DMAR PO THAMS CAD RTZE MO SHIN TU 'BAR BA'O, ,DE'I RTZE MO NI NOR BU MU TIG GI RDOG MA LTAR DKAR PA AOm GYIS BSGOM PAR BYA'O, ,PHAt NI MDOG SER PO STE GNYI GA'I BU GAR KHU BA DGAG PA'I DON DU'O, ,'KHOR LO LA SOGS PA SPRO BA'I PHYIR NI YE SHES KYI KHU BA'O, ,'BAR BCAS ZLA 'OD BZHIN DU DKAR, ,ZHES BYA BA NI DKAR ZHING BSIL BA'I 'OD DANG LDAN PA'O; ,DE NAS CI ZHIG BYA ZHE NA, SANGS RGYAS RJES SU DRAN ZHES BYA BA LA SOGS PA SMOS TE, DE LA ZHES BYA BA NI DMIGS KYIS DKAR BA'I BDUN PA STE RJES SU DRAN PA DE LAS SO, ,JI LTAR ZHES BYA BA NI BDAG NYID KYIS DRIS NAS BDAG NYID KYIS LAN STON PAR MDZAD PA'O, ,'DIR SANGS

268b

RGYAS LA SOGS PA'I LHA RNAMS KYI SGRA NI MTSAN MA LA GZUNG BAR BYA'O, ,KHA CIG TU NI LHA NYID DO, ,CHOS ZHES BYA BA NI PADMA'O, ,RDO RJE NI RDO RJE NYID DO, ,BDAG NI RDO RJE PADMAR LDAN, ,ZHES 'OG NAS 'BYUNG BA DE 'DI DAG KUN LA SBYAR BAR BYA STE PADMA DANG LDAN PA'I RDO RJE STE BDUN PA'I DON GYI GNYIS PA YIN NO, BHA GA NI PADMA'I LTE BA'O, ,LING GA NI SEMS KYI RIN PO CHE'O, ,GZHAG PA NI DE LA BSTAN PAR GYUR PA'O, ,SANGS RGYAS GZUGS NI GTI MUG GI MTSAN MA 'KHOR LO PHRA MO STE, RIN PO CHE LAS 'DZEG PA'I 'OD DU BSGOM PAR BYA'O, ,DE LAS SANGS RGYAS KYI SPRIN TE SPRO BA'I RIM GYIS LUS GNYIS 'OD KYIS KHYAB PAR BKANG LA BA SPU'I RTZE MO'I TSOGS KYI BU GA LAS 'KHOR LO'I TSOGS NAM MKHA' KHYAB PAR SPRO BAR BYA ZHES BYA BA'I DON TO, ,CHOS NI 'DOD CHAGS RDO RJE'O, ,DE NYID RDO RJE CHOS NI DE'I MTSAN MA PADMA PHRA MO ZHES BYA BA'I DON TO, ,RDO RJE SEMS DPA' NI ZHE SDANG RDO RJE STE, RDO RJE PHRA MO ZHES BYA BA'I DON TO, ,RIGS NI YE SHES RDO RJE STE, RIGS GSUM PO BSDUS PA'I PHYIR DE NYID NI SANGS RGYAS TE YE SHES YIN PA'I PHYIR RO, ,DE'I GZUGS NI RAL GRI PHRA MO'O, ,KHRO BO NI GTZUG TOR CHEN PO'O, ,KHRO BO'I DBANG PO ZHES BYA BA NI YE SHES KYI GTZUG TOR CHEN PO YID KYIS BKUG LA BDAG LA BSTIMS TE SEMS KYI RIN PO CHE BSDUS LA SEMS KYI RIN PO CHE LAS 'DZAG PA'I 'OD ZER SER PO LAS 'KHOR LO PHRA MO RNAM PAR BSGOM PA'O, ,DAM TSIG NI MTSAN MA DE RNAMS TSOGS PA STE DE'I RJES SU DRAN PA NI SANGS RGYAS RDO RJE SEMS DPA' ZHES BYA BA LA SANGS RGYAS NI DBUS NA GNAS PA GTZUG TOR GYI 'KHOR LO'O, ,RDO RJE SEMS DPA' NI NGOS RNAMS NI GNAS PA'I 'KHOR LO DANG PADMA DANG RDO RJE DANG RAL GRI'I MTSAN MA RNAMS SO, ,BSGOM ZHES BYA BA 'DI NI SPRO BAR BYA BA'O, ,RJES SU DRAN PA DRUG PO DE DAG NI RJES SU DRAN PA'I YAN LAG GO, ,DE LA ZHES BYA BA LA SOGS PA LA 'DI NAS BZUNG STE DE LA ZHES BYA BA RNAMS NI NYE BA'I DBANG DU BYAS PA'O, ,BDUN PA STE DE'I 'OG TU ZHES BYA BA'I DON TO, ,DKYIL 'KHOR RJES SU DRAN PA ZHES BYA BA LA SHES BYA THAMS CAD LA KHYAB PA DANG DBANG DU GYUR PA'I RJES SU 'GRO BA'I DRAN PA NI RJES SU DRAN PA STE GSAL BAR

269a

, ,SHES PA'O, ,DE'I BSGOM PA NI MTSAN MA PHRA MO'I LTE BAR GDAN PHRA MO'I DKYIL 'KHOR LA RGYUN GYIS 'JUG PA'I BSGOM PA'O, ,DBANG PO GNYIS NI ZHES PA LA SOGS PA LA RANG GI KHU BA ZHES BYA BA NI YE SHES KYI KHU BA'O, ,NI ZHES BYA BA NI NGES PAR GZUNGS PA'O, ,'BYUNG ZHES BYA BA NI BSKYED PA STE; RGYU BA DANG SKYE BA NI DON GCIG GO ZHES 'BYUNG BA'I PHYIR RO, ,TSUL ZHES BYA BA NI BZLOG CING BSDU'O, ,RNAL 'BYOR PA YIS RTAG TU ZHES BYA BA LA RTAG TU 'DZIN PA LA MNYAM PAR GZHAG PA'I STOBS KYIS SO, ,MKHAS PA ZHES BYA BA 'BAD PA DANG BCAS PAS RJES SU DRAN PA THAMS CAD SHES PA'I STOBS CAN DE LTA BUR GYUR PA'I SNGAGS PAS SO, ,DBANG PO GNYIS MNYAM PAR SBYAR TE, ZHES BYA BA NI SNYING GA'I SNGAGS KYI THIG LE LA NOR BU PHRA MO YAR DRANGS TE GZHAG LA YE SHES KYI KHU BA DE NYID LAS DKYIL 'KHOR TE, NAM MKHA' KHYAB PAR SPROS NAS DE RNAMS TSUL ZHES BYA BA NOR BU PHRA MOR BSDUS TE 'BYUNG BA ZHES BYA BA ZLA BA PHRA MO 'AM NYI MA'I DKYIL 'KHOR PHRA MOR BSKYED PAR BYA BA STE, 'DI NI TING NGE 'DZIN GYI YAN LAG GO, ,DE LA ZHES BYA BA LA SOGS PA SMON LAM GYI RJES SU DRAN PA LNGA PO 'DI DAG NI 'THOB PA'I RJES SU MTHUN PA'I SMON LAM NI RJES SU DRAN PA'O, ,SKU GANG YIN ZHES BYA BA LA SKU ZHES BYA BA NI SNA TSOGS PA'O, ,PHUNG PO NI SO SO'I RIGS KYI TSOGS KYI SNGAGS LNGA'O, ,DES RAB TU RGYAS PA NI BYE BRAG TU YONGS SU GANG BA'O, ,JI LTAR BYE BRAG YIN ZHE NA, DE DAG GI GDAN RNAMS SNA TSOGS PA'I GDAN GYIS BSDUS PA'O, ,SANGS RGYA SKU ZHES BYA BA NI SKU RDO RJE'O, ,DE DANG ZHES BYA BA NI DE JI LTA BA BZHIN DU'O, ,RDO RJE CHOS ZHES BYA BA NI GSUNG RDO RJE'O, ,DES TSIG CES BYA BA LA TSIG NI MING DANG RNAM PAR RTOG PA'O, ,PHUN SUM TSOGS PA NI NOR BU PHRA MO GSUM MO, ,NGES PA NI DE DAG LA RNAM PAR GROL BA STE DE DAG MI DMIGS PA DE NI NGES TSIG PHUN SUM TSOGS PA'O, ,CHOS 'DZIN PA DANG MTSUNGS PA ZHES BYA BA NI RDO RJE DANG MTSUNGS PA'O, ,KUN DU BZANG PO ZHES BYA BA NI THUGS RDO RJE'O, ,GSANG BA BZHES BYA BA NI RIG BYA'O, ,BLO ZHES BYA BA NI RIG PA'O, ,RDO RJE 'DZIN DANG MTSUNGS PA ZHES BYA BA NI THUGS RDO RJE LTA BUR RO, ,SEMS CAN ZHES BYA BA NI TING NGE 'DZIN LA DBANG THOB PA'I SEMS

269b

TE DE'I RJES SU DRAN PA'O, ,SEMS CAN KUN ZHES BYA BA LA, SANGS RGYAS THAMS CAD CES BYA BA NI DUS GSUM GYI SANGS RGYAS KYI'O, ,SKU DANG GSUNG DANG THUGS ZHES BYA BA DE NYID NI GSANG BA RNAMS MNYAM PAR SBYOR BA'I SROG DANG RTZOL BA'O, ,MTSAN ZHES BYA BA NI 'DZIN PA STE DE DAG 'DI'I YIN PAS DE SKAD CES BYA'O, ,MKHA' DANG MTSUNGS PA ZHES BYA BA NI RJES SU DRAN PA STE, DES THAMS CAD DU KHYAB PA'I PHYIR RO, ,SPYOD GYUR CIG CES BYA BA NI SNYING PO BSDUS PA STE TING NGE 'DZIN LA DE SKAD CES BYA'O, ,GYUR CIG CES BYA BA NI DE DANG 'DRA BAR GYUR CIG CES BYA BA'I DON TO, ,SNGAGS THAMS CAD CES BYA BA NI LHA THAMS CAD KYI SNGAGS RNAMS SO, ,GZUGS ZHES BYA BA NI BSAGS PA STE SA BON GYIS DE RNAMS BSDUS PA DE NI SNGAGS THAMS CAD KYI GZUGS SO, ,DE NYID NI SKU DANG GSUNG DANG THUGS KYANG YIN TE SNGAGS DANG SNGAGS KYI RNAM PA'I SEMS NI GSUNG DANG THUGS YIN LA DE YONGS SU GYUR PA'I SKU GANG YIN PA DE NI SKU'O, ,DE LTA BU'I SKU DANG GSUNG DANG THUGS 'DI LA YOD PA'O, ,DE'I RJES SU DRAN PA'O, ,SNGAGS 'DZIN PA DANG ZHES BYA BA NI SNGAGS THAMS CAD KYI BDAG NYID 'DZIN PA GANG YIN PA STE DE DANG 'DRA BA NI DE LTA BUR GYUR CIG PA'O, ,DE LTA RJES SU DRAN PA BCU GNYIS KYIS YAN LAG DANG BCAS PA'I MNGON PAR RTOGS PA BSTAN NAS GZHAN BZHIS NI DE'I DAM TSIG STON PAR BYED DE DAM TSIG BZHI LAS BRDZUN DU SMRA BA MA GTOGS PA'I DAM TSIG GO, ,DE'I RJES SU DRAN PA NI YID LA BYED PA'O, ,DE BAS NA 'DI NI YID KYI DAM TSIG GO, ,DAM TSIG GIS ZHES BYA BA NI RIGS KYI RIG MA DANG YANG DAG PAR SBYAR BAS SO, ,KHU BA ZHES BYA BA NI LHA DAG GI BDUD RTZI'O, ,CHO GA BZHIN ZHES BYA BA NI LCE SBYANG BA'I RTZE MOR ROL PAS SO, ,'BRAS 'DOD PAS ZHES BYA BA NI BYANG CHUB 'DOD PA DANG LDAN PAS SO, ,BSAD NA ZHES BYA BA NI BZHUS NA'O, ,'DIR YANG, DANG POR 'KHRIG DGA'I BAR DU NI, ,BSANG DANG DE RJES RKU BA STE, ,GSUM PO 'ANG YANG DAG MA YIN PAR, ,DE 'DRA BRJOD PHYIR DE SKAD BRJOD, ,BRDZUN DU SMRA BA NI DAM TSIG BZHI PA STE DE YANG DE DANG 'DRA BAR BRJOD PA'I PHYIR DE SKAD CES BYA BA'O, ,SMRA BA DE YANG YID DANG 'DRA BAR BRJOD PA'O, ,DE YANG 'CHAD PAR 'GYUR BA'I RJES

270a

, ,SU DRAN PA GNYIS YIN PA DE GNYI GA BRJOD PA'I DAM TSIG YIN NO, ,RNAM PAR RTOG PA'I PHA ROL DANG RNAM PAR DAG PA'I PHA ROL TU BYON PA'I DE BZHIN GSHEGS PA'I SHES RAB GANG YIN PA DE NYID NI 'DIR SHES RAB KYI PHA ROL TU PHYIN PAR GZUNG NGO, ,DE'I DAM TSIG NI THAMS CAD KHYAB PAS NA SHES RAB KYI PHA ROL TU PHYIN PA'I DAM TSIG GO, ,DE'I RJES SU DRAN PA NI SO SOR RTOG PA DANG DAM TSIG GO, ,THAMS CAD NI SEMS DANG SEMS LAS BYUNG BA THAMS CAD DO, ,RANG BZHIN GYIS NI 'OD GSAL BA NYID NI RANG BZHIN GYIS GNYIS KYIS STONG PA'I MTSAN NYID CAN TE DRI MA RNAMS MED PA'I PHYIR RO, ,CI'I PHYIR DE LTA BU YIN ZHE NA, GANG GI PHYIR MA SKYES PA DANG ZAG PA MED PA STE DE RNAMS KYI RANG BZHIN NI DE BZHIN NYID DE RTAG TU DE BZHIN DU GNAS PA'I PHYIR RO, ,DE BAS NA DES DE RNAMS MA SKYES PA YIN TE GNYIS KYI RGYU MTSAN DU SNANG BA'I RNAM PAR RTOG PA'I MTSAN NYID DU MA SKYES PA'O, ,DE BAS NA DE RNAMS KYI RGYU MTSAN GYI DRI MA MED PA YIN NO, ,ZAG PA RNAMS KYI DRI MA YANG YOD PA MA YIN TE, ZAG PA RNAMS KYI RNAM PAR RTOG PA'I KHYAD PAR GYI MTSAN NYID YIN PA'I PHYIR RO, ,DE BAS NA SEMS DANG SEMS LAS BYUNG BA RNAMS THOG MA MED PA NAS GRUB PA'I RANG BZHIN NI JI SKAD DU BSHAD PA'I SHES RAB KYI PHA ROL TU PHYIN PA YIN NO, ,DE BAS NA RANG BZHIN 'DI LA BYANG CHUB MED CING THOB PAR BYA BA'I KHYAD PAR MED PA'I PHYIR BYANG CHUB MED NA YANG MNGON RTOGS KYANG MED KHAMS KYANG MED CING 'BYUNG BA YANG MED PA STE BYANG CHUB KYI LAM MED CING BYANG CHUB KYI RIGS MED LA, BYANG CHUB TU SEMS BSKYED PA YOD PA MA YIN NO ZHES BYA BA'I DON TO, ,RJES SU DRAN PA 'DIS NI BYANG CHUB KYI LAM MA YIN PA YANG LAM DU BYED DO, ,SKYES PA NI 'KHOR BA'O, ,MA SKYES PA'I MYA NGAN LAS 'DAS PA'O, ,DE RJES SU DRAN PA NI DUS THAMS CAD DU RJES SU 'BRANG BA NYID KYI SO SOR RTOG PA DANG TSIG GO, ,THAMS CAD CES BYA BA NI 'DUS BYAS DANG 'DUS MA BYAS RNAMS SO, ,'OD GSAL BA NYID RANG BZHIN YIN TE STONG PA NYID KYI MTSAN NYID CAN GYI RANG BZHIN LA NI KUN NAS NYON MONGS PA'I DRI MA MED PA'I PHYIR RO, ,DE YANG CI'I

270b

PHYIR ZHE NA, GANG GI PHYIR 'DI DAG THAMS CAD NI MTSAN MED MI 'GYUR TE, STONG PA NYID LA NI GNYIS KYI RGYU MTSAN NAS BRJOD PAR SNANG BA MED DE, MTSAN NYID JI LTA BA BZHIN DU NI BEMS PO'I PHYIR DANG STONG PA NYID NI DER SNANG BA'I RNAM PAR RTOG PA'I MTSAN NYID DU MA SKYES PA'I PHYIR RANG GI MTSAN NYID KYIS RTAG PA'O, ,DE LAS CIR 'GYUR ZHE NA, GNYIS MED GNYIS SU MED MIN ZHES BYA BA NI GANG LAS RNAM PAR RTOG PA'I MTSAN NYID CAN GYI KUN NAS NYON MONGS PA 'DIR 'GYUR BA'I GNYIS SU SNANG BA THAMS CAD MED DO, ,GNYIS SU SNANG BA'I GNYEN PO'I LAM THAMS CAD MED DE GNOD BYA MED NA GNOD PA CAN YANG MI RUNG BA'I PHYIR RO, ,'O NA 'DI CI YIN ZHE NA, ZHI ZHES BYA BA GSUNGS TE, KUN NAS NYON MONGS PA RNAMS THOG MA NAS MA SKYES PA'I PHYIR ZHI BA STE MYA NGAN LAS 'DAS PA ZHES BYA BA'I DON TO, ,GAL TE 'ON KYANG JI SRID ZHI BA MED PA DE SRID DU KUN NAS NYON MONGS PA LAS RANG BZHIN GYIS 'OD GSAL BA ZHES BYA BA'I NGES PAR MI 'GRUB PO ZHE NA, SHIN TU DRI MED CES BYA BA GSUNGS TE, KUN NAS NYON MONGS PA'I NGO BO NYID NI NAM YANG MA SKYES PA DE LTAR NA RTAG TU KUN NAS NYON MONGS PA MED PA'I PHYIR SHIN TU DRI MA MED PA STE GCIG TU RNAM PAR BYED PA YIN NO, ,DE BAS NA NAM MKHA' BZHIN TE JI LTAR NAM MKHA' RANG BZHIN GYIS RNAM PAR DAG PA YIN GYI SNGAR KUN NAS NYON MONGS PA YIN PA LAS PHYIS RNAM PAR DAG PA NI MA YIN PA DE BZHIN DU THAMS CAD RANG BZHIN GYIS SHES PA'I DON TO, ,RJES SU DRAN PA 'DIS NI 'KHOR BA YANG MYA NGAN LAS 'DAS PAR BYED DO, , GAL TE 'ON SHES RAB KYI PHA ROL TU PHYIN PA RTAG PA DANG, MYA NGAN LAS 'DAS PA RTAG PA YIN NA JI LTAR SNGAR RNAM PAR RTOG PA DANG, KUN NAS NYON MONGS PA RNAM PAR GZHAG CE NA, CHOS RNAMS KYI RANG GI MTSAN NYID LA BRTEN PA YIN GYI CHOS NYID LA NI MA YIN NO, ,CI'I PHYIR CHOS NYID LA MA YIN ZHE NA; DRI MA RNAMS NI DE'I RANG BZHIN MA YIN PA NYID KYIS DE LA GLO BUR PA NYID YIN PA'I PHYIR TE NAM MKHA' LA MUN PA DANG KHUG RNA LA SOGS PA LTA BU'O, ,'DOD PA'I LONGS SPYOD THAMS CAD DANG MCHOD PA'I RJES SU DRAN PA YANG BSKUL BA'I DAM TSIG GO, ,LO GRANGS BCU GNYIS ZHES BYA BA NI ZHE

271a

, ,SDANG GI RIGS LA STE DE NYID THOS PA NYID KYI PHYIR RO, ,GTI MUG GI RIGS LA NI LO GRANGS BCU DRUG PAR SNGAR BSHAD PA NYID YIN NO, ,'DOD CHAGS KYI RIGS LA NI NYI SHU PA YIN PAR BRGYAD PA LAS 'CHAD PAR 'GYUR RO, ,DE YANG JI LTA BU ZHE NA, SEMS NI RAB BRTAN PA CES BYA BA NI MNYAM PAR GZHAG PA'O, ,RIGS RNAMS LA SBYOR BAS DE RNAMS KYI DBYE BA STE ZHE SDANG DGA' MA LA SOGS PA'I SBYOR BAS BSAMS LA ZHES BYA BA'I DON TO, ,RNYED CES BYA BA NI 'DIR BSAM GTAN GYIS BYAS PA YANG RNYED PAR BZHED DE PHYI'I RNYED PA KHO NAR DES PA NI MA YIN NO, ,PHYI'I RNYED PAS NYES PA MED PA LA NI NGES PA MED PA'I PHYIR DANG DAM TSIG LAS 'DA' BAR BYA BA MA YIN PA NYID KYI PHYIR RO, ,JI STE MCHOG GI BSNYEN PA 'BA' ZHIG GIS CI THOB CE NA, 'DIS NI ZHES BYA BA STE, BSNYEN PA NYAMS SU BLANGS PAS SO, ,DE BZHIN GSHEGS PA'I SKU ZHES BYA BA NI SKU RDO RJE'O; ,JI STE BSNYEN PA'I MTHAR THUG PAS DMAN PA'I DNGOS GRUB JI LTAR 'GRUB CE NA, SKU DANG GSUNG DANG THUGS KYANG 'GRUB, ,CES BYA BA LA SOGS PA SMOS TE, GANG GZHAN ZHES BYA BA NI SKU LA SOGS PA BSTAN MA THAG PA LAS GZHAN GANG YIN PA RNAL 'BYOR DMAN PA LAS 'BYUNG BAR 'GYUR BA GANG YIN PA DE NI DMAN PA LAS 'BYUNG STE MI SNANG BA'I DNGOS GRUB LA SOGS PA'O, ,BSHAD PA RNAMS NI GSUNGS PA RNAMS SO, ,'GRUB PAR 'GYUR ZHES BYA BA NI DE RNAMS 'GRUB PAR 'GYUR RO ZHES BYA BA'I DON TO, ,DE ZHAS BYA BA NI BSNYEN PA NAN TAN DU BYED PA CAN NO, ,JI LTAR 'GRUB PAR 'GYUR ZHE NA, RDO RJE MI PHYED GSUM BSGOMS TE, BZLAS PA LE'U BCU GSUM PA LAS 'CHAD PAR 'GYUR BA GANG YIN PA DES 'GRUB PAR 'GYUR RO, ,SNGAGS KYI SPYOD PA NYID MCHOG STE THABS DANG PO YIN LA DE GSAL BAR BYED PA'I LE'U NI SNGAGS KYI SPYOD PA'I MCHOG GI LE'U'O, ,GSANG BA 'DUS PA BSHAD SBYAR SNYIM PA'I ME TOG LAS LE'U BDUN PA'O,, ,,THABS GSUM PO NI SGRUB PA'O, ,DE LA MCHOD PA'I CHO GA RGYAS PA YANG DAM TSIG YIN LA DE NI LE'U 'DI'I DON YIN NO, ,DE BRTZAM PA'I PHYIR DE NAS ZHES BYA BA LA SOGS PA GSUNGS TE, DE LAS SANGS RGYAS LA MCHOD

271b

PA NI SBYIN PA'I MCHOG YIN TE DE YANG DBANG PHYUG LAS YIN NO, ,DE LA DBANG PHYUG NI DKON MCHOG DPAL LO, ,RDO RJE 'CHANG BA NI DBANG PHYUG DAM PA'O, ,DE BAS NA DE NYID LA 'DIR GSOL BA 'DEBS PA YIN NO, ,GANG GI PHYIR DE BZHIN GSHEGS PA THAMS CAD KYI SKU DANG GSUNGS DANG THUGS KYI BDAG PO YIN PA DE NYID KYI PHYIR DBANG PHYUG DAM PA'O, ,DE LA 'DIR BSTOD PA DANG PO NI RGYU NYID YIN LA GNYIS PA DANG GSUM PA NI MA YIN TE 'BRAS BU NYID KYIS RANG GI DON DANG GZHAN GYI DON PHUN SUM TSOGS PA'I TSUL THA DAD PA'I PHYIR RO, ,BZHI PA NI RGYU DANG 'BRAS BU'I NGO BO NYID KYIS SO, ,DE LA SANGS RGYAS KYI RGYU NI BYANG CHUB KYI SEMS RNAM PA LNGA STE, SMON PA BYANG CHUB KYI SEMS DANG, 'JUG PA'I BYANG CHUB SEMS DANG, 'JIG RTEN LAS 'DAS PA DANG, KUN DU BZANG PO DANG MCHOD PA'I MCHOG GO, ,RDO RJE SEMS DPA' ZHES BYA BA LA RDO RJE NI BYANG CHUB STE, DBYER MI PHYED PA DAD RIN PO CHE NYID KYI PHYIR RO; ,DE LA SEMS DPA' NI DGONGS PA'O, ,THEG PA CHE ZHES BYA BA NI PHA ROL TU PHYIN PA LA SOGS PAS 'JUG PA CHEN PO'O, ,NAM MKHA'I SPYOD PA RNAM PAR SBYOR, ,ZHES BYA BA NI DE BZHIN NYID DU RO GCIG PA'I SEMS KYI SPYOD PA NAM MKHA'I MTHAR THUG PA RNAM PAR SBYONG BA'O, ,'DI LA KUN DU BZANG PO MNGA' BAS NA KUN DU BZANG PO STE, 'DI'I SKU THAMS CAD SEMS CAN GYI DON GYI RGYU YIN NO ZHES BYA BA'I DON TO, ,MCHOD PA'I MCHOG CES BYA BA NI 'DI LAS SANGS RGYAS RNAMS KYI MCHOD PA'I MCHOG YIN PA DE LTAR NA MCHOD PA'I MCHOG GO, ,RGYAL BA RNAMS KYI RGYUR GYUR PA NYID KYI PHYIR RGYAL MCHOG GO, ,BSHAD PA DANG GSUNGS PA DANG BSTAN PA ZHES PA NI BSHAD DU GSOL ZHES BYA BA'I DON TO, ,NYID KYI DON PHUN SUM TSOGS PA NI BLA NA MED PA'I BYANG CHUB YIN TE, DE YANG MI GNAS PA'I MYA NGAN LAS 'DAS PA'O, ,DE YANG SKU DANG GSUNG DANG THUGS KYI MCHOG TU RGYA CHE BA DANG ZAB PA YONGS SU DAG PA YIN NO, ,'DOD CHAGS ZHE SDANG GTI MUG CHE, ,ZHES BYA BA LA CHE ZHES BYA BA'I SGRA NI LHAN CIG SPYOD PA YIN PA'I PHYIR GSUM CHAR LA YANG SBYAR BAR BYA'O, ,ZAG PA DANG BCAS PA'I CHOS THAMS CAD KYI BAG CHAGS ZAD PA'I PHYIR DANG, SANGS RGYAS KYI CHOS THAMS

272a

, ,CAD KYI BAG CHAGS RGYAS PA NYID KYI PHYIR KUN GZHI RNAM PAR SHES PA GNAS GYUR PAS 'BAD RTZOL MED PAR SKU MTHA' YAS BAR SPRUL PA NI GTI MUG CHEN PO'O, ,RANG BZHIN GYIS 'OD GSAL BA'I CHOS NYID KYI THUGS LA GLO BUR BA'I SGRIB PA THAMS CAD ZAD ZIN PA NI ZHE SDANG CHEN PO'O, ,CHOS THAMS CAD RO GCIG PA RJES SU BSTAR BA DANG, DE'I RGYU MTHUN PA RNAM PA THAMS CAD YONGS SU SPYOD PA DANG GSUNG DANG G-YO 'GUL NI 'DOD CHAGS CHEN PO STE 'DI NI RGYA CHE BA'O, ,ZAB MO NI, NAM MKHA'I DBYINGS DANG MTSUNGS PA'I MCHOG ,CES BYA BA GSUNGS TE, CHOS KYI DBYINGS SHIN TU RNAM PAR DAG PA NAM MKHA'I DBYINGS DANG MTSUNGS PA'I MCHOG STE, DAM PAR GYUR PA'I SKU DE 'DI LA MNGA' BAS NA DE SKAD CES BYA'O, ,DE CI'I PHYIR ZHE NA, SANGS RGYAS RNAMS NI SHIN TU RNAM PAR DAG PA'I DE BZHIN NYID KYI MTSAN NYID CAN YIN PA'I PHYIR RO, ,RDO RJE THEG PA JI SKAD DU BSHAD PA'I BYANG CHUB KYI SEMS SO, ,DE NYID RAB TU STER BA STE, 'DI 'BRAS BU RAB TU STZOL BAR MDZAD PA 'DI LA MNGA' BA NYID KYI PHYIR RDO RJE THEG PA RAB TU STER BA'O, ,GZHUNG LA LAS NI RAB TU 'JUG PA ZHES 'BYUNG STE, DE LA NI RDO RJE THEG PA LA 'JUG PAR MDZAD PA MNGA' BAS NA ZHES BYA BAR TSIG RNAM PAR SBYAR RO, ,SANGS RGYAS KYI GNAS NYID YIN PAS NA RGYAL GZHI'O, ,GZHAN GYI DON PHUN SUM TSOGS PAS BSTOD PA'I PHYIR THAR PA'I ZHES BYA BA LA SOGS PA GSUNGS TE, THAR PA'I LAM NI THEG PA GSUM GYI LAM YIN TE BYANG CHUB RNAM PA GSUM NI THEG PA GSUM YIN LA DE NI THAR PA'O, ,DE'I LAM NI LAM DU GYUR PA'O, ,DE THOB PAR BYED PA'I 'JIG RTEN LAS 'DAS PA'I SHES RAB NI LAM DNGOS YIN LA 'DIR NI LAM GSAL BAR BYED PA'I TSIG LA LAM ZHES BYA'O, ,DE RAB TU STON PA NI 'BYIN PAR MDZAD PA'O, ,THEG PA GSUM GYI LAM LA GNAS, ,ZHES BYA BA NI LAM DNGOS LA 'JIG RTEN PA 'JUG PAR MDZAD PA STE DE STON PAR MDZAD PAS GDUL BYA RNAMS KYI RGYUD LA TSUL DE SKYE BA'I PHYIR RO, ,DE BAS NA GDUL BYA RNAMS LA SANGS RGYAS RNAMS KYI SKAL BA BZANG PO STON PA LA DGA' BA GANG YIN PA DE BYED PA NYID KYI PHYIR SANGS RGYAS SKAL MCHOG

272b

GO, ,DUL BA DANG MA DUL BA RNAMS LA RJES SU CHAGS PA DANG KHONG KHRO BA MI MNGA' BAS NA DAG PA'I BDAG GO, ,DE LTAR NA SKYES BU DAM PA'I BLA NA MED PA'I CHOS DANG LDAN PAS NA MI MCHOG GO, ,BYANG CHUB SEMS ZHES BYA BA 'DI NI BRDAR BTAGS PA'I BYANG CHUB KYI SEMS SO, ,RGYAS PA'I SPYAN ZHES BYA BA NI DON DAM PA BYANG CHUB KYI SEMS DES CHOS THAMS CAD DON DAM PA'I TSUL DU GZIGS PAR MDZAD PA'I PHYIR RO, ,'DI TZAM GYIS NI RGYU NYID GSUNGS PA YIN NO, ,CHOS NI LAM YIN LA DE NYID NI CHOS KYI 'KHOR LO RAB BSKOR BA ZHES BYA BA YIN TE, GDUL BYA RNAMS KYI RGYUD LA 'PHO BAR BYED PA'I DON GYIS NA DE NYID NI 'KHOR LO STE 'JIG RTEN DU RAB TU BSKOR BA'O, ,'DI TZAM GYIS NI GZHAN GYI DON PHUN SUM TSOGS PA'O, ,'DI LA SKU DANG GSUNG DANG THUGS RNAM PA THAMS CAD DU DAG PA MNGA' BAS NA DE SKAD CES BYA'O, 'DI TZAM GYIS NI RANG GI DON PHUN SUM TSOGS PA'O, ,DE LTAR NA SANGS RGYAS RNAMS GANG GIS GSHEGS PA DANG GANG DU GSHEGS PA'I LAM DANG 'BRAS BU DE DAG NI THEG PA STE MI ZAD PA'I RIN PO CHE NYID YIN PAS NA RDO RJE YANG DE YIN LA THEG PA YANG YIN PA DE LTAR NA RDO RJE THEG PA LA'O, ,DE NAS ZHES BYA BA NI GNYI GA LA STE, DE NAS MCHOD PA BSHAD DO ZHES BYA BAR SBYAR RO, ,SUS BSHAD CE NA, RDO RJE RIN CHEN 'DZIN TE MCHOG DANG PO'O, ,DE YANG 'DI'I RDO RJE NI DGA' BA SGRUB PAR BYED PA NYID KYI PHYIR RIN PO CHE'O, ,RGYAL PO ZHES BYA BA LA SOGS PA'I TSIG DRUG NI 'DI NYID KYI KHYAD PAR YIN NO, ,MDZES PAS NA RGYAL PO STE RNAM PAR SNANG MDZAD KYI RANG BZHIN NYID YIN PA'I PHYIR RO, ,MI BSKYOD PA'I RANG BZHIN NYID YIN PAS NA RDO RJE 'DZIN PA'O, ,NAM MKHA' THAMS CAD 'DI LA MNGA' BAS NA THAMS CAD NAM MKHA' STE, RIN CHEN 'BYUNG LDAN GYI RANG BZHIN NYID YIN PA'I PHYIR RO, ,SHIN TU MI ZAD PAS NA MI 'GYUR CHE STE TSE DPAG TU MED PA'I RANG BZHIN NYID YIN PA'I PHYIR RO, ,'DI LAS THAMS CAD DBANG BSKUR BA'I YE SHES KYI 'OD ZER GYI SPRIN RNAMS KYIS THAMS CAD KYI DON 'BYUNG BA DE LTAR NA DBANG BSKUR GYI DON TE, DON YOD GRUB PA'I RANG BZHIN NYID YIN PA'I PHYIR RO, ,

273a

, ,'DI DAG THAMS CAD KYI BDAG NYID 'BA' ZHIG YIN PAR MA ZAD KYI, ,'ON KYANG RGYUR GYUR PA NYID KYI DBANG PHYUG KYANG YIN PAS NA KUN DBANG NGO, ,'DIR MCHOD PA'I KHYAD PAR RNAM PA LNGA GSUNGS PA LA DE BZHIN GSHEGS PA ZHES BYA BA NI ZHING GI KHYAD PAR TE DE RNAMS LA 'DIR MCHOD PA NYID YIN PA'I PHYIR RO, ,MCHOG CES BYA BA NI 'DIR RGYA CHE BA'I KHYAD PAR YIN TE, THAMS CAD LAS DAM PAR GYUR PA ZHES BYA BA'I DON TO, ,RDO RJE MI PHYED GSUM GNAS PA, ZHES BYA BA NI ZAB PA'I KHYAD PAR YIN TE, 'DIR NI MCHOD PA'I RDZAS THAMS CAD NI RDO RJE GSUM MI PHYED PA STE; SANGS RGYAS THAMS CAD BSDUS PAR GYUR PA, SKU DANG GSUNG DANG THUGS RDO RJE RO GCIG PA'I DE KHO NA NYID DE BZHIN DU BRDAR BYAS PA'I PHYIR RO, ,DE LA GNAS PA NI DE LA DMIGS PA'I BDE BA DANG YID BDE BA'I NGO BO NYID CES BYA BA'I DON TO, ,SKU DANG GSUNG DANG THUGS SKAL MCHOG ,CES BYA BA'I LAS KYI KHYAD PAR TE 'DI LAS SANGS RGYAS KYI SKU DANG GSUNG DANG THUGS KYI SKAL BA MCHOG YOD CING DE TSIM PAR MDZAD PAS NA DE SKAD CES BYA'O, ,RGYAL BA 'BYUNG BAR GYUR PA ZHES BYA BA'I RGYU'I KHYAD PAR TE RGYAL BA RNAMS LAS 'DI 'BYUNG BA YIN ZHING DE RNAMS NYID KYIS DE LTAR MDZAD PA'I DAM TSIG YIN PA'I PHYIR ZHES BYA BA'I DON TO, ,YANG NA 'BRAS BU'I KHYAD PAR TE, 'DI LAS RGYAL BA RNAMS 'BYUNG BA YIN PA'I PHYIR RO, ,NA CHUNG ZHES BYA BA LA SOGS PA MCHOD PA'I GTZO BO'I SKABS 'BYED PA YIN TE, RAB TU BRTAG CES BYA BA NI BSGRUB PAR BYA BA YIN TE, MCHOD PA ZHES BYA BA'I SKABS DANG SBYAR RO, ,NA CHUNG GZHON NU ZHES BYA BA NI BUD MED DE, LO GRANGS NYI SHU ZHES BYA BA NI 'DOD CHAGS KYI RIGS LA NI NYI SHU PA'O, ,GTI MUG GI RIGS LA NI LO GRANGS BCU DRUG PA DANG, ZHE SDANG GI RIGS LA LO GRANGS BCU GNYIS PA STE, LE'U BDUN PA LAS DE SKAD DU GSUNGS PA NYID KYI PHYIR RO; ,GZHON NU SMOS PA NI NA TSOD GTZO BOR BSTAN PA'I DON TO, ,RIGS RE RE LA RE RE NI MA YIN NO, ,'O NA CI YIN ZHE NA, LNGA ZHES BYA BA GSUNGS TE DE'I PHYIR BYOL SONG LAS KYANG LNGA GZUNG BAR BYA ZHES BYA BA LA SOGS PA DAG LA YANG RIGS RE RE LA BU MO LNGA BLANGS NAS BRTAG PAR BYA'O ZHES BYA BA'I DON TO, ,

273b

NA CHUNG GZHON NU RNAMS ZHES BYA BA NI JI LTAR YIN ZHE NA, DON GYI TSIG RNAM PAR BSGRUB PA'I PHYIR RO, ,RIGS RE RE ZHES BYA BA JI LTAR YIN ZHE NA, DUD 'GRO LAS KYANG ZHES BYA BA MANG PO PA'I TSIG YIN PA'I PHYIR RO, ,DE BAS NA 'DIR NA TSOD GTZO BOR GYUR PA'I 'DOD CHAGS KYI RIGS LA BU MO LO NYI SHU PA DANG, DE'I YANG G-YON GYI LOGS LA BZHI STE LO BCU DRUG PA'I BAR DU'O, ,ZHE SDANG GI RIGS LA LO GRANGS BCU GNYIS PA DANG, DE'I YANG G-YAS KYI LOGS LA BZHI STE LO BCU DRUG PA'I BAR DU'O, ,GTI MUG GI RIGS LA BU MO LO BCU DRUG PA DANG, DE'I LOGS GNYIS LA BCU BZHI PA DANG BCO LNGA PA GNYIS BCU BDUN PA DANG BCO BRGYAD PA GNYIS SO, ,DE LTAR BYAS NA RIGS GSUM LA LO GRANGS BCU DRUG PA MCHOG YIN NO, ,DE NYID KYI PHYIR THUGS KYI DKYIL 'KHOR GYI LE 'UR BCU DRUG PA GSUNGS PA YIN NO, ,DANG POR GNAS DANG BDAG DANG RIG PA'I SBYANG BA GSUNGS PAS PHYOGS ZHES BYA BA NI BSAM GTAN GYI GNAS SO, ,GTZANG ZHING ZHES BYA BA NI SBYANGS PA'O, ,RNAM PAR DBEN PA ZHES BYA BA NI SKYE BO MED PA'O, ,RGYAL BA NYID SKYES ZHES BYA BA RGYAL BA RNAMS KYI BDAG NYID DE BZHIN NYID DE LAS SKYES PA STE BYANG CHUB KYI SEMS KYI BDAG NYID THABS KYI LUS ZHES BYA BA'I DON TO, ,ZHI BA DGE BA'I GNAS RNAMS SU, ,ZHES BYA BA LA RNAM PAR RTOG PA DE RAB TU ZHI BA'I PHYIR DANG, KUN DU BZANG PO NYID YIN PA'I PHYIR ZHI DGE STE BYANG CHUB KYI SEMS SO, ,DE'I GNAS NI DMIGS PAR BYA BA STE, DE BZHIN NYID KYI BDAG NYID CAN GYI SHES RAB KYI LUS ZHES BYA BA'I DON TO, ,GSUM PO DE DAG LA BYUNG PAR BYA'O, ,'AM GYI SGRA NI BYUG PA'AM MOS PA CI RIGS PAR RO, ,GANG GIS SHE NA, BSHANG GCI LA SOGS PA BSRES PA DAG GIS SO, ,SOGS PA'I SGRAS NI GNYI GA LA YANG SBYAR BAR BYA STE, SBYANGS PA'I BSHAD GCI LA SOGS PA NYUNG NGU NI DAM TSIG GI DON YIN LA CHU DANG TZANDAN LA SOGS PA SHIN TU MANG BA NI DRI ZHIM PA'I DON TO, ,RTAG PAR ZHES BYA BA NI NYIN RE RE'O, ,SPYAN LA SOGS PAR BSGOMS PAS RIG PA BSKYED DE SBYANG BA GANG YIN PA DE NU MA'I DBUS ZHES BYA BA LA SOGS PA LA

274a

, ,RIGS LNGA RNAMS NI ZHES BYA BA NI RIGS LNGA PO RNAMS NA'O, ,CI SKU'I RANG BZHIN YIN NAM MA YIN ZHE NA, RGYAL BA'I SRAS ZHES BYA BA GSUNGS TE, RGYAL BA'I BDAG NYID RNAMS LA YOD PAS NA RGYAL BA'I SRAS TE RGYAL BA'I SA BON LAS ZHES BYA BA'I DON TO, ,CHO GA SHES PA NI RIGS PA SHES PA'O, ,DE LA RIGS PA NI 'DI YIN TE SPYI GTZUG GI MTHA' NI SPYI BO'I RTZE MO STE DE'I DBUS NAS NU MA'I DBUS KYI BAR DU YI GE AOm SPRO BA'I TSUL GYIS DGOD PAR BYA'O, ,NU MA'I DBUS NI SNYING GA STE DE'I TSU ROL THAMS CAD DU ZHES BYA BA'I DON TO, ,NU MA'I DBUS NAS LTE BA'I BAR LA YI GE H'Um DGOD PAR BYA'O, ,LTE BA NAS RKED PA DANG, GSANG BA'I BAR LA YI GE SV'A DGOD PAR BYA'O, ,RKED PA DANG GSANG BA NAS RKANG PA'I BAR TSUN CHAD DU YI GE A'A: DGOD PAR BYA'O, ,RKANG PA'I BAR THAMS CAD LA YI GE H'Um DGOD PAR BYA'O, ,'DIR RKANG PA'I SGRAS NI RKANG PA'I MTHIL NAS BRLA RTZA'I BAR GYI LUS KYI YAN LAG RNAMS BZUNG STE DPER NA RKANG PA G-YAS PA BSKUM PA ZHES BYA BA LA SOGS PA'I SGRA LTA BU'O, ,RKANG PA NYID LAS BRTZAMS PA'I BAR NI MTHAR THUG PA STE RKANG PA'I BAR RO, ,PADMA DANG NOR BU SBYANG BA NI LE'U GZHAN DAG LAS SHES PAR BYA'O, ,BYUGS PA'I RJES THOGS NYID LA DON DAM PA BYANG CHUB KYI SEMS LA MOS PAR BYAS LA DE SNGAGS KYIS BYIN GYIS BRLABS NAS BYA BA GANG YIN PA DE NI NAM MKHA' ZHES BYA BA LA SOGS PA GSUNGS TE NAM MKHA'I DBYINGS NI CHOS 'BYUNG BA'I RNAM PA'I RDO RJE 'CHANG NGO, ,DE'I DBUS SU GNAS PA NI KHO STONG THAMS CAD KHYAB PA'O, , YE SHES RGYA MTSO ZHES BYA BA NI SKU DANG GSUNG DANG THUGS DANG RDO RJE STE MTSAN MA BZHI'I RNAM PA'I YE SHES KYI 'OD ZER BKOD PA'O, ,DE NAS YE SHES KYI RGYA MTSO SPRO BAR BYA BA'I PHYIR CI ZHIG BSGOM PAR BYA ZHE NA, BDAG NYID CES BYA BA LA SOGS PA GSUNGS TE SNYING GAR ZHES BYA BA NI CHOS 'BYUNG BAR TE CHOS 'BYUNG BA'I NANG DU CHUD PA'I SNA TSOGS PADMA LA GNAS PA'I SNA TSOGS RDO RJE'I LTE BAR ZHES BYA BA'I DON TO, ,BDAG NYID CES BYA BA NI YI GE BRUm GYI DE NYID LAS YE SHES KYI RGYA MTSO SPRO BAR BYA'O ZHES BYA BAR DGONGS SO, ,'DI DAG THAMS CAD NI SEMS TZAM YIN NO

274b

ZHES RTOGS PAS NA MKHAS PA'O, ,BSDU BA DAG CES BYA BA NI YE SHES KYI RGYA MTSO'I BSDU BA'O, ,BSDU BA CI 'DRA BA ZHIG CE NA, ZHI BA RDO RJE 'DZIN 'DOD NA, ,ZHES BYA BA STE NAM MKHA'I DBYINGS KYI RANG BZHIN CAN GYI RDO RJE 'DZIN PA'I 'DOD PA GANG YIN PA NI SA LA SOGS PA'I KHAMS BZHI'I LHA MO'I RANG BZHIN ZHES BYA BA'I DON TO, ,MTSAN MA DE RNAMS LHA MO BZHI'I DNGOS POR YONGS SU BSGYUR NAS, BSDU BAR BYA STE GZHAL YAS KHANG GI 'BYUNG BA CHEN PO BZHIR GYUR PA NYID YIN PA'I PHYIR ZHES BYA BA'I DON TO, ,DE ZHES BYA BA NI DE LTAR BSDUS PA'I YE SHES KYI RGYA MTSO'O, ,GNAS TE BZHUGS GNAS SU RNAM PAR BSAM MO, ,RDO RJE GSUM ZHES BYA BA NI SANGS RGYAS KYI STE DE'I DON GYI BZHI PA'O, ,MCHOD RTEN LA ZHES BYA BA NI GZHAL YAS KHANG LA'O, ,RIN CHEN SNA BZHI ZHES BYA BA NI LHA MO BZHI'I RANG BZHIN NO, ,'OD ZER PHRENG BA NI KHA DOG LNGA PA STE NOR BU KHA DOG SNA LNGA'I GZUGS SU YONGS SU GYUR PA 'BYUNG BA BSDUS PA'I GZHAL YAS KHANG GI RNAM PAR 'JOG PA'I PHYIR RO, ,BDAG GI NI DKYIL 'KHOR GYI BDAG POR GYUR PA'I SGRUB PA PO RANG NYID KYI STE DE'I BA SPU'I'O, ,DE RNAMS KYI TSOGS NI PHUNG PO STE DE'I BU GA NAS ZHES BYA BA'I DON TO, ,MKHAS PAS ZHES BYA BA NI SNGAR BSHAD PA BZHIN NO, ,ME TOG GI MCHOD PA NI MKHAS PAS ZHES BYA BA LA SOGS PA GSUNGS TE, 'DIR ME TOG CES BYA BA'I MING GIS NI LHA MO DGU'I NAM MKHA'I DBYINGS STON PA YIN TE, DE NI ME TOG DANG 'DRA BAR KHA BYE BA DANG ZUM PA DANG SBRANG RTZI DANG RDUL DANG DRI ZHIM PA DANG SHIN TU MNYEN PA DANG LDAN PA'I PHYIR TE DE LA, LHA MO DGU YI NAM MKHA'I DBYINGS, ,ME TOG CES NI BYA BAR BSHAD, ,CES GSUNGS PA'I PHYIR RO, ,AUTPALA DAG DANG ZHES BYA BA NI DGA' MA BZHI PO GANG YIN PA'O, ,DE JI LTAR NA AUTPALA YIN ZHE NA, SKYES PA DE NYID KYIS MTSON PAR BYA BA NYID YIN PA'I PHYIR RO, ,PADMA RNAM PA LNGAR ZHES BYA BA NI 'DOD PA'I LHA MO GANG YIN PA'O, ,DE JI LTAR NA PADMA YIN ZHE NA, GTI MUG LA SOGS PA SKYE BA'I GNAS NYID YIN PA'I PHYIR RO, ,GZUGS SGRA LA SOGS 'DOD PA RNAMS, ,BDE SDUG GNYIS KYI BDAG NYID CAN, ,RTAG TU SNYING

275a

, ,LA SKYE BAR 'GYUR, ,'DOD CHAGS ZHE SDANG MUN PA 'BYUNG, ,ZHES BYA BA LE'U BCO BRGYAD PA LAS GSUNGS SO, ,SHES BYA ZHES BYA BA NI SPRUL NAS SO, ,DE GNYI GA LHA RNAMS LA NI DBUL BAR BYA STE, RIGS KYI DBYE BAS DBUL BAR BYA'O, ,MKHA' PAS ZHES BYA BA NI ME TOG DANG LDAN PA RNAMS YANG DAG PAR SBYAR BAS YANG DAG PAR ME TOG DBUL BA'I PHYIR RO, ,DZ'A TI ZHES BYA BA NI PADMA LNGA PA STE 'DI LAS GTI MUG LA SOGS PA SKYE BA'I PHYIR RO, ,RNAM GSUM BYAS NA NI ZHES BYA BA NI BDE BA DANG SDUG BSNGAL BA DANG GNYI GA BSKYED PA NYID KYIS 'DOD CHAGS DANG ZHE SDANG DANG GTI MUG GI RIGS LA GO RIMS BZHIN DU DBUL BAR BYA'O, ,AUTPALA'I GRANGS MA GSUNGS PA, DE NI ME TOG KARnI KA NANG ZHES BYA BA LA SOGS PAS GSUNGS TE NGA LA ZHU BAS NA MA LI KA NI M'A MA K'I STE DE NI ME TOG YIN NO ZHES BYA BA'I DON TO, ,ME TOG LHAG MA RNAMS NI DGA' MA LHAG MA RNAMS KYI YIN TE KHA DOG MTHUN PA'I PHYIR RO, ,MCHOD PA'I DKYIL 'KHOR 'DI LA MDOR BSDUS PA LA DGA' BA RNAMS KYI PHYIR TSAD MDOR BSDUS PA DANG LHA RNAMS KYI DGOD PA BSTAN PA'I PHYIR DPAG TSAD BRGYA'I ZHES BYA BA LA SOGS PA GSUNGS SO, , 'KHOR LO'I DKYIL 'KHOR ZHES BYA BA NI RNAM PAR SNANG MDZAD KYI DKYIL 'KHOR RO, ,RIGS RNAMS ZHES BYA BA NI 'KHOR LOS SGYUR BA LHAG MA RNAMS KYI'O, ,RTAG PAR ZHES BYA BA NI 'KHOR GYI DNGOS POR RO, ,NI'I SGRA NI NGES PAR BZUNG BA STE RIGS NYID CES BYA BA'I DON TO, ,RDO RJE SEMS DPA'I DKYIL 'KHOR LA YANG 'DI LTAR DGA' MA NYID DGOD PAR MI BYA BA STE DE RNAMS MCHOD PA'I KHYAD PAR YIN PA'I PHYIR RO, ,RNAM PAR MKHAS PAS ZHES BYA BA NI THAMS CAD DGOD PA'I GNAS LA MKHAS PA'O, ,PADMA ZHES BYA BA LA SOGS PA LA DE BZHIN ZHES BYA BA NI 'KHOR LO'I DKYIL 'KHOR DANG 'DRA BAR TSAD DANG LHA RNAMS DGOD PA'O, ,'DIR PADMA NI 'OD DPAG TU MED PA'I DKYIL 'KHOR RO, ,RDO RJE NI MI BSKYOD PA'AM RDO RJE 'CHANG GI'O, ,RAL GRI NI DON YOD PAR GRUB PA'O, ,AUTPALA NI RIN CHEN DPAL GYI STE, RDO RJE'I MCHOG NI AUTPALA YIN PA'I PHYIR RO, ,RGYA CHEN PO

275b

'DOD PA RNAMS KYI CHED DU TSAD GZHAN BSTAN PA'I PHYIR RO, ,DPAG TSAD BYE BA'I KHYON ZHES BYA BA LA SOGS PA GSUNGS SO, ,MCHOD RTEN ZHES BYA BA NI GZHAL YAS KHANG NGO, ,MCHOD PA'I PHYIR ZHES BYA BA NI MCHOD PA'I DON DU'O, ,LHA'I DGOD PA DANG MCHOD PA NI SNGA MA DANG 'DRA ZHING DKYIL 'KHOR GNYI GA LA'ANG DKYIL 'KHOR PA DGOD PA NI 'DRA BA YIN TE DE NYID KYIS THAMS CAD BSDUS PA'I PHYIR RO, ,GNAS YANGS PA NYID NI MCHOD PA RGYA CHEN PO'I GO SKABS BYED PA'I DON TO, ,DE'I RNAM PA NI GRVA BZHI ZHES BYA BA'I DBYINGS SO, ,RIN CHEN SNA BZHI ZHES BYA BA NI LHA MO BZHI'I RANG BZHIN NO; ,GSAL ZHING DRI MA MED CES BYA BA NI CHOS KYI DBYINGS RGYU MTHUN PA YIN PA'I PHYIR RO, ,RIGS RNAMS THAMS CAD CES BYA BA NI DKYIL 'KHOR PA RNAMS LA BLA NA YOD PA DANG BCAS PA'I MCHOD PA BYA BA'I PHYIR GNAS BSGOM PA'O, ,DE NYID BSTAN PAR BYA BA'I PHYIR 'DOD PA'I YON TAN ZHES BYA BA LA SOGS PA SMOS TE DE RNAMS KYI MCHOD PA'I RGYA MTSO BRTZAM PAR BYA'O, ,RIN CHEN NI RIN PO CHE LA SOGS PA'O, ,SOGS PA'I SGRAS NI GDUGS DANG RGYAL MTSAN LA SOGS PA NAM MKHA' KHYAB PAS MCHOD PAS SO, ,BLA NA MED PA'I MCHOD PA BSTAN PA NI MCHOD PA LNGA RNAMS KYIS ZHES BYA BA LA SOGS PA GSUNGS PA YIN NO, ,NA CHUNG ZHES BYA BA NI PHYI'I STE RIG PA'I RGYAL MOR BYAS PA'O, ,RIN CHEN 'BYUNG GNAS ZHES BYA BA NI RIGS KYI TSOGS CAN YIN NO, ,MCHOG CES BYA BA NI GZUGS LA SOGS PAS SO, ,SGRUB TSE ZHES BYA BA NI SGRUB PA'I THABS SO, ,RAB TU 'GRUB PA'I PHYIR ZHES BYA BA NI DNGOS GRUB MCHOG GI PHYIR RO, ,RIN PO CHE THAMS CAD CES BYA BA NI SANGS RGYAS THAMS CAD KYI'O, ,ZHING 'DIR ZHES BYA BA NI GZHAL YAS KHANG NGO, ,RIN CHEN SNA BDUN NI GSER DANG DNGUL DANG BEEd'UR+YA DANG MU SA LA GARBHA DANG RDO'I SNYING PO DANG MU TIG DMAR PO DANG BDUN PA NI KARKE TA'O, ,MKHAS PA DAG GIS NI ZHES BYA BA NI SANGS RGYAS THAMS CAD KYI ZHING GI TSOGS NYID DU SHES PA DAG GIS SO, ,SHES RAB CAN NI THABS LA MKHAS PA'I PHYIR RO,, ,RNAL 'BYOR GANG LA GNAS NAS

276a

, ,MCHOD PA DE NI BDAG PO ZHES BYA BA LA SOGS PA GSUNGS PA LA, BDAG PO'I PHYAG RGYA ZHES BYA BA NI DKYIL 'KHOR GYI BDAG PO STE RANG GI 'KHOR LOS SGYUR BA'I PHYAG RGYA CHEN PO'O, ,MNYAM GZHAG LA ZHES BYA BA NI BDAG NYID KYIS SEMS BRTAN POR BYAS PA'O, ,REG PA'I SBYOR BA ZHES BYA BA NI JI SKAD DU BSHAD PA'I MCHOD PA RNAMS KYIS BDE BA DANG LDAN PA'O, ,SANGS RGYAS LA ZHES BYA BA NI SANGS RGYAS DANG BYANG CHUB SEMS DPA' THAMS CAD LA BSDUS PAR GYUR PA'I DKYIL 'KHOR BA RNAMS LA'O, ,SANGS RGYAS RNAMS LA MI BDE BA MI MNGA' ZHING YID MI BDE BA YANG MI MNGA' LA, DE LA 'DOD CHAGS MI MNGA' BA YANG MA YIN NAM, DE BAS NA DE DAG LA MCHOD PA MED CING DE LEN PAR MDZAD PA YANG MI MNGA'O ZHE NA, DE'I PHYIR 'DOD CHAGS BLO CAN ZHES BYA BA GSUNGS TE, 'DOD CHAGS DANG CHOS MTHUN PA'I PHYIR 'DOD CHAGS NI SNYING RJE YIN LA BLO NI YE SHES YIN TE DE DAG PHUL DU BYUNG BA MNGA' BA'I PHYIR 'DOD CHAGS BLO CAN NO, ,DE LA RNAM PA THAMS CAD DU SEMS CAN THAMS CAD KYI SDUG BSNGAL BSAL BA'I DGONGS PA RAB KYI MTHAR PHYIN PA NI THUGS RJE PHUL DU BYUNG BA'O, ,SHES BYA THAMS CAD KYI RNAM PA THAMS CAD LA SHIN TU RNAM PAR DAG PA CHAGS PA MED PA THOGS PA MED PA 'JIG RTEN LAS 'DAS PA DANG DAG PA 'JIG RTEN PA'I YE SHES NI BLO PHUL DU BYUNG BA'O, ,DE BAS NA DE DAG GI YE SHES PHUL DU BYUNG BAS MCHOD PAR BYED PA DANG MCHOD PA'I DNGOS PO RNAMS GZIGS SHING THUGS RJE PHUL DU BYUNG BAS NI 'JIG RTEN LAS 'DAS PA'I BDE BA DANG DU LEN PAR MDZAD CING STOBS KYIS YID BDE BA NYAMS SU BSTAR BAR 'GYUR BA DE LTAR NA MCHOD PA LEN PAR MDZAD PA GRUB PA YIN NO, ,BDAG PO'I SBYOR BA 'BA' ZHIG GIS KYANG SANGS RGYAS THAMS CAD LA MCHOD PAR BYA'O ZHES BYA BA DE NAM MKHA'I DBYINGS KYI ZHES BYA BA LA SOGS PA GSUNGS PA YIN NO, ,DKYIL 'KHOR BKOD PA ZHES BYA BA NI GZHAL YAS KHANG NGO, ,DE BZHIN GSHEGS PA'I BDAG CES BYA BA NI RANG RANG GI RIGS KYI SNGAGS KYI MCHOG BSDUS PA LAS BYUNG BA'I DE BZHIN GSHEGS PA RNAMS DANG GNYIS SU

276b

MED PAR 'GYUR BA'O, ,BDAG GI LUS ZHES BYA BA NI DE'I DBUS MA'I GDAN LA GNAS PA'I RANG GI LUS SO, ,BLA MA ZHES BYA BA NI RANG GI 'KHOR LOS SGYUR BA'I GZUGS SO, ,BSHANG DANG GCI RNAMS KYIS ZHES BYA BA NI MANG PO'I MING GIS SOGS PA BSDUS TE BYUG PA LA SOGS PA SNGAR BSHAD PA'I BYUG PA LA SOGS PA'I MCHOD PA RNAMS KYIS ZHES BYA BA'I DON TO, ,NA CHUNG ZHES BYA BA NI SNGAR BSHAD PA'I BU MO'O, ,DE NYID MCHOD PA NI DGA' BA'I MCHOD PA'O, ,BRTAN PA'I BLO LDAN PAS ZHES BYA BA NI BSNYEN PA DANG NYE BAR BSGRUB PA DAG LA SHES PA BRTAN PAR BYA BAS SO, ,BZA' BAR BYA ZHES BYA BA NI CHO GA BZHIN DU'O, ,SNGAGS RNAMS ZHES BYA BA NI SNGAGS KYI LHA RNAMS SO, ,YE SHES RDO RJE CAN GYI GSANG, ,ZHES BYA BA NI SANGS RGYAS RNAMS KYI GSANG BA'I RDZAS SO, ,'DI DAG GIS NI SNOD MA YIN PA RNAMS LA DE GSANG BAR BYA'O ZHES STON TO, ,BSHAD BA NI 'JUG PA YIN LA GCI BA NI 'CHING BA STE SGRIB PA'O, ,'DI LTAR SGRUB PA LA 'JUG PA NA DNGOS GRUB LA SGRIB PA DE LAS SKYOB PAR BYED NA BSHANG GCI'O, ,DE YANG YIN LA 'DA' BAR MI BYA BA NYID KYI PHYIR DAM TSIG KYANG YIN PA DE LTAR NA JI SKAD DU BSHAD PA'I MCHOD PA'I RGYUN NI BSHANG GCI'I DAM TSIG YIN NO, ,DE GSAL BAR BYED PA'I LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BRGYAD PA'O,, ,,SGRUB PA CHEN PO LA MNYAM PAR GZHAG PA'I RNAL 'BYOR GYI BDAG NYID CAN GYI DAM TSIG BSTAN PA'I PHYIR LE'U DGU PA NI, DE NAS ZHES BYA BA LA SOGS PA GSUNGS TE, 'DA' BAR BYA BA MA YIN PAS NA DAM TSIG STE BKA'O, ,RGYAL PO NYID KYI BKA' LAS KYANG 'DA' BAR DKA' BA YIN PA DE LTAR NA RGYAL PO ZHES GSUNGS SO, ,KHYAD PAR DU TSAR GCOD PAR MDZAD PA YIN PA DE'I PHYIR RDO RJE 'DZIN PA ZHES GSUNGS SO, ,DE'I DAM TSIG LA GNAS PA LA YANG RANG GI BYANG CHUB LA DE RNAMS DBANG PHYUG NYID DU RANG DBANG DU GYUR PA NYID KYIS SANGS RGYAS RNAMS KYI DNGOS GRUB GDON MI ZA BAR MI STZOL BA MA YIN NAM ZHE NA, DE'I PHYIR DBANG PHYUG DAM PA ZHES BYA BA

277a

, ,GSUNGS TE SANGS RGYAS RNAMS DBANG PHYUG YIN PA DE BDEN TE DE NI DE RNAMS KYI YANG DBANG PHYUG YIN PAS NA DBANG PHYUG DAM PA STE DE BAS NA DE'I BKA' NI RGYAL BA RNAMS KYIS KYANG 'DA' BAR BYA BA MA YIN NO ZHES BYA BAR DGONGS SO, ,CI'I PHYIR DBANG PHYUG DAM PA YIN ZHE NA, 'DI LTAR KUN DON TE 'DI LAS DON THAMS CAD 'BYUNG BAS NA KUN TE SANGS RGYAS RNAMS KYI BYANG CHUB NI DE LA RAG LAS PA YIN NO ZHES BYA BA'I DON TO, ,DAM TSIG DANG SPYOD PA ZHES BYA BA NI RNAM GRANGS SO, ,DE BAS NA ZHE SDANG GI DAM TSIG BRJOD PAR BYA BA MA YIN LA, BCOM LDAN 'DAS KYI SPYOD PA'I 'BRAS BU RAB TU SGRUB PAR BYED PA NYID DANG SPYOD PA LA RAB TU 'JUG PAR BYED PA NYID NI TSIGS SU BCAD PA'I RKANG PA GNYIS KYIS GSUNGS TE, GSAL BA NYID NI THAMS CAD NAM MKHA' STE, SHES BYA YONGS SU ZAD PA'I PHYIR RO, ,SHES PA YONGS SU ZAD PA'I MI 'GYUR CHE STE, CHOS KYI DBYINGS SHIN TU RNAM PAR DAG PA'I YE SHES YIN PA'I DON TO, ,'DI NI ZHE SDANG GI RIGS KYI 'BRAS BU STE DE RAB TU SGRUB PAR MDZAD PA NYID KYI PHYIR BCOM LDAN 'DAS LA DE SKAD CES BYA'O, ,LUS LA SOGS PA'I RGYU MTSAN GYI DRI MA THAMS CAD 'KHRUNG PAR MDZAD CING MI SNANG BAR MDZAD PA NI THAMS CAD DBANG BSKUR RO, ,DE NYID NI SPYOD PA YIN LA DE'I MCHOG NI DANG PO YIN TE DE LA 'JUG PAR BYED PA NI THAMS CAD DBANG BSKUR SPYOD PA'I MCHOG GO, ,SPYOD PA DE NYID BSTAN PA'I PHYIR SKU ZHES BYA BA LA SOGS PA GSUNGS TE SKU DANG GSUNG DANG THUGS LA LONGS SPYOD PA NI DMIGS SU MED PAR RAB TU BSHAD CES BYA BAR SBYAR RO, ,JI LTA BU ZHE NA, RDO RJE MI PHYED PA GSUM DKYIL 'KHOR TE SKU LA SOGS PA'I RDO RJE GSUM PO MI PHYED CING RO GCIG PA'I DKYIL 'KHOR NI SNYING PO BSDUS PA STE DE BZHIN NYID DU RO GCIG PA'I YE SHES ZHES BYA BA'I DON TO, ,GSANG BA NI GZHAN GYIS RIG PAR BYA BA MA YIN PA'O, ,NYAMS DGA' BA NI BLA NA MED PA'I BDE BA DANG YANG DAG PAR LDAN PA'I PHYIR RO, ,MCHOG NI 'JIG RTEN LAS 'DAS PA NYID YIN PA'I PHYIR RO, ,GANG GI ZHE NA, SANGS RGYAS YE SHES CAN GYI STE MI BSKYOD PA'I YE SHES DANG LDAN PA'O,,

277b

JI LTAR ZHE NA, NAM MKHA'I ZHES BYA BA LA SOGS PA GSUNGS TE, CHOS 'BYUNG BA'I NANG DU CHUD PA'I GZHAL YAS KHANG NI 'DIR NAM MKHA'I DBYINGS TE DE'I DBUS SU BDAG NYID RDO RJE MI BSKYOD PA KHRO BA DANG BCAS PA RAB BSGOMS NAS ZHES BYA BA'I DON TO, ,SANGS RGYAS DKYIL 'KHOR BSGOM PAR BYA BA NI MI BSKYOD PA'I DKYIL 'KHOR BA RNAMS SO, ,LAG TU ZHES BYA BA NI THAMS CAD KYI'O, ,RDO RJE ZHES BYA BA NI SGRIB PA THAMS CAD 'JIG PAR BYED PA BYANG CHUB KYI SEMS KYI RANG BZHIN GYI DRAG PO'I RDO RJE'O, ,'OD 'PHRO ZHES BYA BA NI 'BAR BA'O, ,BSGOMS NAS ZHES BYA BA NI NAM MKHA'I NGOS LA'O, ,LONGS SPYOD NI TSOGS SO, ,BRLAG PA NI MTHONG BA MED PA STE, SNANG BA MED PAR GYUR PA ZHES BYA BA'I DON TO, ,BSGOMS PA YIS ZHES BYA BA NI MI BSKYOD PA'I RNAL 'BYOR PAS SO, ,'BRAS BU NI BSAM GTAN ZHES BYA BA LA SOGS PA GSUNGS TE, BSAM GTAN MCHOG 'DI'O, ,THUGS KYI DNGOS GRUB THOB PAR 'GYUR TE, MI BSKYOD PA'I YE SHES SGRUB PA'O, ,'DI NI RNAL 'BYOR 'DI'I MCHOG GO, ,'PHRAL GYI 'BRAS BU BSTAN PA'I PHYIR RDO RJE GSANG BA ZHES BYA BA LA SOGS PA GSUNGS TE, GSANG BA'I RDO RJE ZHES BYA BA NI GSANG BA'I TING NGE 'DZIN TO,, SEMS CAN THAMS CAD BSAD NA NI, ,ZHES BYA BA NI 'DOD PA TZAM GYIS GSOD PAR NUS PAR 'GYUR RO, ,DE DAG BSAD PAS CIR 'GYUR ZHE NA, MI BSKYOD PA ZHES BYA BA LA SOGS PA GSUNGS TE RGYAL BA RNAMS KYI THUGS NI THUGS TE CHOS KYI DBYINGS SO, ,DE LA DMIGS PA NA YE SHES KYI LUS SU SKYES PA NI RGYAL BA'I THUGS SRAS TE BYANG CHUB SEMS DPA' ZHES BYA BA'I DON TO, ,'DI NI ZHE SDANG GI RIGS KYI DAM TSIG CES BYA BA NI NYE BAR BSDU BA'O, ,'DI'I RIGS THAMS CAD KYIS BYA BA NI RIGS ZHES BYA BA LA SOGS PA GSUNGS PA LA RIGS THAMS CAD KYI RGYA MTSO NI RGYA MTSO CHEN PO STE CHU'I THIGS PA DANG 'DRA BAR SKYES BU GRANGS MED PA NYID KYI PHYIR RO, ,JI LTAR SHES PAR BYA ZHE NA, RIGS THAMS CAD LA YANG RIGS KYI BDAG PO'I DKYIL 'KHOR GYI DBANG PHYUG KHRO BO'I RNAL 'BYOR LA GNAS NAS PHYAG GIS KHRO BO'I DKYIL 'KHOR

278a

, ,DRAG PO'I RDO RJE 'PHEN PAS SNGA MA BZHIN DU SANGS RGYAS THAMS CAD YANG DAG PAR PHYE MAR MDZAD PA'I PHYIR RO, ,DE NAS ZHES BYA BA LA SOGS PA LA YE SHES NI RANG GI LHA'I RNAM PAS RGYAS BTAB PA'I ME LONGS LTA BU'I YE SHES TE, DE'I THAR PA NI SGRIB PA THAMS CAD LAS RNAM PAR GROL BA'O, ,KUN NAS NYON MONGS PA'I CHOS RNAMS KYI BAG CHAGS ZAD PA 'DI NI GTI MUG GI RIGS KYI SPYOD PA'I 'BRAS BU YIN NO, ,DE RAB SGRUB PA NI THOB PAR BYED PA'O, ,NGO BO NYID KYIS DAG PA DANG MI MTHUN PA'I PHYOGS THAMS CAD ZAD PAR BYED PA NYID KYI PHYIR GOS PA MED PA STE, SANGS RGYA KYI CHOS THAMS CAD KYI RIN PO CHE THAMS CAD KYI RGYAN GYI PHYAG RGYA'O, ,DE RNAMS KYI BYANG CHUB NI THUGS SU CHUD PA STE DE NI SPYOD PA YIN LA, DE RAB TU STON PA STE 'JUG PAR BYED PAS SO, ,SANGS RGYAS BYANG CHUB NI RNAM PAR SNANG MDZAD KYI YE SHES SO, ,YANG DAG CES BYA BA NI PHYIN CI MA LOG PA'I LAM MO, ,'KHOR LO'I DKYIL 'KHOR ZHES BYA BA NI RNAM PAR SNANG MDZAD KYI DKYIL 'KHOR PA RNAMS SO, ,SANGS RGYAS THAMS CAD RNAM PAR BSGOM, ,ZHES BYA BA NAM MKHA'I NGOS LA'O, ,RIN CHEN KUN GYI SBYOR BA YIS, ,RAB TU RTOG CES BYA BA NI RIN PO CHE THAMS CAD KYI RGYAN DANG LDAN PAR BSGOM PAR BYA'O, ,RDO RJE'I GZUGS NI ZHES BYA BA NI SANGS RGYAS RNAMS KYI SKU'O, ,NOR RNAMS THAMS CAD CES BYA BA NI RGYAN THAMS CAD DO, ,RDO RJE GSUM ZHES BYA BA NI SKU DANG GSUNG DANG THUGS KYIS SO; ,'PHRAL GYI 'BRAS BU NI NOR GYI ZHES BYA BA LA SOGS PA GSUNGS TE, GANG GIS 'PHROG PAR 'DOD PA DE NI NOR GYI RGYA MTSO GANG BAR 'GYUR RO, ,'PHROGS PAR GYUR PA GANG YIN PA DE DAG SHI NAS CIR 'GYUR ZHE NA, SANGS RGYAS ZHES BYA BA LA SOGS PA GSUNGS TE, RNAM PAR SNANG MDZAD KYI SANGS RGYAS KYI ZHING DU BYANG CHUB SEMS DPAR 'GYUR ZHES BYA BA'I DON TO, ,'BRAS BU'I MCHOG NI THUB PA'I ZHES BYA BA LA SOGS PA GSUNGS TE, THUB PA'I SKYES BU'I MCHOG NI RNAM PAR SNANG MDZAD KYI YE SHES CAN NO, ,LHAG MA NI SNGA MA'I RJES SU 'BRANG BAR BYA'O, ,DE BZHIN DU DAM TSIG

278b

'OG MA RNAMS LA YANG 'BRAS BU RNAM PA GNYIS DANG, GZHAN GYI DON THAMS CAD LA CI RIGS PAR SBYAR BAR BYA'O, ,DE NAS ZHES BYA BA LA SOGS PA 'DOD CHAGS NI SO SOR RTOG PA'I YE SHES SO, ,DE'I THAR PA NI SGRIB PA THAMS CAD LAS RNAM PAR GROL BA'O, ,'DI NI 'DOD CHAGS KYI RIGS KYI SPYOD PA'I 'BRAS BU SNYED RAB TU SGRUB PAR BYED PA'O, ,SBA BAR BYA BA NYID KYI PHYIR GSANG BA YANG DE YIN LA NYES PA MED PA NYID KYIS NA DAG PA YANG YIN LA DE BZHIN NYID LA DMIGS PA NYID KYIS NA DMIGS PA MED PA YANG YIN TE, LHA MO THAMS CAD 'PHROG PAR BYED PA'I MTSAN NYID CAN GYI LAM MO, ,DE LA RAB TU 'JUG PAR BYED PA NYID KYI PHYIR GSANG BA DAG PA DMIGS PA MED PAS SO, ,DKYIL 'KHOR ZHES BYA BA NI SNYING PO BSDUS PA'O, ,BUD MED LTA BU NI BUD MED KYI RNAM PAR RO, ,DAM TSIG BZHI YI SBYOR BA YIS, ,ZHES BYA BA LA DAM TSIG BZHI NI DGA' MA BZHI STE, THAMS CAD KYANG LHA MO BZHI'I SBYOR BAS BYA'I BUD MED GZHAN GYI SBYOR BAS NI MA YIN NO ZHES BYA BA'I DON TO, ,NYON MONGS PA MED PA RNAMS NYON MONGS PA MED PA RNAMS SU CI'I PHYIR YANG DAG PAR SBYOR BA 'AM, DE YANG DAG PAR SBYOR BAR BSGOMS NA YANG CI'I PHYIR SDIG PA MA YIN ZHE NA, DE'I PHYIR, 'DI NI RDO RJE TSUL MCHOG GO, ,ZHES BYA BA GSUNGS TE, 'DI NI RDO RJE THEG PA MCHOG YIN GYI GRONG BA'I CHOS NI MA YIN NO ZHES BYA BA'I DON TO, ,LE'U BCO BRGYAD PA LAS, GTI MUG ZHE SDANG 'DOD CHAGS DANG, ,RDO RJE LA DGA' RTAG PAR GNAS, ,DES NA SANGS RGYAS RNAMS KYI THABS, ,RDO RJE'I THEG PA ZHES BSHAD DO, ,ZHES GSUNGS PA'I PHYIR RO, ,NYE BAR SPYOD CES BYA BA NI YID KYIS BKUG NAS SO, ,NYE BAR LONGS SPYOD PA DE YANG DE BZHIN GSHEGS PA THAMS CAD DANG 'BREL PA'I RDO RJE YIN NO;, BSGOMS PA'I 'BRAS BU NI 'DI ZHES BYA BA LA SOGS PA GSUNGS PA LA RDO RJE THAMS CAD KYI ZHES BYA BA NI SANGS RGYAS THAMS CAD KYI'O, ,MI PHYED SKU GSUM NI SKU DANG GSUNG DANG THUGS RO GCIG PAR RNAM PAR MI RTOG PA'I BDE BA BLA NA MED PA'O, ,DE BSGOM PA NI DE THOB PAR BYED PA'I

279a

, ,LAM GYI BDEN PA ZHES BYA BA'I DON TO, ,SNGAGS PA RNAMS KYIS ZHES BYA BA NI RIGS THAMS CAD KYI RNAL 'BYOR PA RNAMS KYIS SO, ,DE NAS ZHES BYA BA LA SOGS PA LA RDO RJE NI DON YOD PA STE, 'BRAS BU LA SGRIB PA THAMS CAD 'JOMS PA'I PHYIR RO, ,DE'I SNGAGS NI CHOS THAMS CAD RANG BZHIN GYIS 'OD GSAL BA'O, ,DE'I DON NI 'BRAS BU STE BYA BA NAN TAN GYI YE SHES ZHES BYA BA'I DON TO, ,'DI NI LAS KYI RIGS KYI SPYOD PA'I 'BRAS BU STE 'DI'I SGRUB PAR BYED PA'O, ,YE SHES NI SANGS RGYAS DANG BYANG CHUB SEMS DPA' RNAMS SO, ,DE 'BYUNG BA NI THAMS CAD DU YANG DAG PAR 'BYUNG BA STE, SEMS CAN THAMS CAD KYI RGYUD LA 'PHO BAR BYED PA'O, ,DE'I BDAG NYID MED PA NI MED PA STE DE STON PA DE NYID NI SNGAGS SO, ,BRDZUN DU SMRA BA DANG 'DRA BAS BRDZUN DU SMRA BA STE 'DI NI SANGS RGYAS KYI RIGS KYI SPYOD PA'O, ,DE LA 'JUG PAR BYED PA'I PHYIR BCOM LDAN 'DAS LA YANG DE SKAD CES BYA'O, ,SANGS RGYAS DKYIL 'KHOR ZHES BYA BA NI DON YOD GRUB PA'I DKYIL 'KHOR PA RNAMS SO, ,SANGS RGYAS THAMS CAD CES BYA BA NI NAM MKHA'I NGOS NA GNAS PA'I SANGS RGYAS DANG BYANG CHUB SEMS DPA' RNAMS SO, ,SNGAGS DE NYID BRDZUN DU SMRA BA DANG CHOS MTHUN PAS NA BRDZUN NO, ,DON DAM PA GSAL BAR BYED PAS NA, RDO RJE'I TSIG GO, ,YANG DANG YANG DU ZLOS PAS NA MANG PO'I TSIG STE THAMS CAD KYIS DE ZLOS PAR MTSON PA'O, ,GZUGS RNAMS KUN ZHES BYA BA NI DKYIL 'KHOR PA THAMS CAD DO, ,RGYAL BA'I GNAS ZHES BYA BA NI BYANG CHUB SEMS DPA'O, ,KUN ZHES BYA BA NI NAM MKHA'I NGOS LA BSAMS PA RNAMS SO, ,BSLU BAR BYA ZHES BYA BA NI BZLAS PA DES BSGYUR BA'O, ,'BRAS BU NI 'DI ZHES BYA BA LA SOGS PA GSUNGS PA LA, NAM MKHA'I GSUNG STE ZHES BYA BA NI DE KHO NA NYID KYI DON GYI GSUNG STE, DRI MA MED PA ZHES BYA BA NI RNAM PAR RTOG PA THAMS CAD KYI GNYEN POR GYUR PA NYID KYI PHYIR RO, ,YE SHES BLO CAN NI DAG PA'I YE SHES KYI TSUL DU CHOS THAMS CAD RTOGS PA STE DE DANG LDAN PA'O, ,GSANG BA NI GSANG BA'I RDZAS SO, ,DON JI LTA BA BZHIN DU ZHES BYA BA NI CI RIGS PAR RO,,

279b

SPRO BAR BYA'O ZHES BYA BA NI RIGS THAMS CAD LA SBYAR BAR BYA'O, ,DE NAS ZHES BYA BA LA SOGS PA DUS GSUM GYI SANGS RGYAS RNAMS KYI GSANG BA GSUM SDUD PAR BYED PAS NA RDO RJE MI PHYED GSUM MO, ,'DIR THIM PAS NA GNAS TE BDE BA'O, ,RGYAL BA'I GNAS TE 'DI LA YONG PAS NA RGYAL GNAS TE MNYAM PA NYID KYI YE SHES ZHES BYA BA'I DON TO, ,'DI NI NOR BU'I RIGS KYI SPYOD PA'I 'BRAS BU'O, ,DE SGRUB PAR MDZAD PA NYID KYI PHYIR, BCOM LDAN 'DAS LA YANG DE SKAD CES BYA'O, ,DNGOS GRUB NI YE SHES NYID DO, ,DE'I RDO RJE NI GSUM GYI BZLAS PA'O,, 'DI NI NOR BU'I RIGS KYI SPYOD PA'O, ,'DI NI RAB TU STON PA NI RAB TU 'JUG PAR BYED PA'O, ,DAM TSIG DKYIL 'KHOR ZHES BYA BA NI RIN CHEN TOG GI DKYIL 'KHOR PA RNAMS SO, ,GZUGS RNAMS KUN GYIS 'DI DAG DGANG, ZHES BYA BA NI NAM MKHA'I NGOS SU SANGS RGYAS THAMS CAD KYIS KHYAB PAR DGANG BA'O, ,BSTEN NA ZHES BYA BA NI SANGS RGYAS DE DAG NYID H'Um AOm A'A: ZHES BYA BA'I BZLAS PA YANG DANG YANG DU ZLOS PA'I SBYOR BA BSTEN PA'O, ,DE DAG NI GO RIMS BZHIN DU TSIG RTZUB MO DANG, PHRA MA DANG, 'KHYAL PA STE RTZUB PA DANG 'BYED PA DANG BAG CHAGS PA LAS SKYES PA'I PHYIR RO, ,DE LA H'Um ZHES BYA BA NI KHYED KYI THABS KYI YI GSAD PA'O, ,AOm ZHES BYA BA NI 'BYUNG BA RNAMS NGA'I GAN DU BYON CIG PA'O, ,A'A: ZHES BYA BA NI MCHOG TU BDE BA MYONG NGO ZHES PA STE DE LTA BU'I TSIG RTZUB LA SOGS PA BSTAN NA YE SHES THOB PAR 'GYUR BA NI MNYAM PA NYID KYI YE SHES THOB PAR 'GYUR RO, ,DE BZHIN GSHEGS PA THAMS CAD KYI RDO RJE NI GSANG BA RNAMS SO, ,DE RNAMS KYI BKOD PA NI RANG GSANG BAR SDUD PA'O, ,DE STON PA PO LA YANG DE SKAD CES BYA'O, ,'DI NI LNGA PO 'DI DAG KYANG BZLAS PA'I RANG BZHIN YIN TE; DE LA DANG PO GSUM NI SPRO BA DANG BSDUS PA'I BDAG NYID CAN YIN PA'I PHYIR RO ZHES STON PAR BYED DO, ,PHYI MA NI NGAG TU BZLAS PA YIN PA'I PHYIR RO, ,DE NAS ZHES BYA BA LA SOGS PA LA DE BZHIN GSHEGS PA THAMS CAD KYI DAM TSIG RDO RJE NI SGRIB PA THAMS CAD 'JIG PAR BYED PA'I DAM

280a

, ,TSIG GO, ,DE NYID NI DPAL TE MTSAN MA'O, ,DE'I RTZE MO THOB PA GANG YIN PA DE LA DE SKAD CES BYA'O, ,DE YANG BCOM LDAN 'DAS SGRIB PA THAMS CAD RNAM PAR SEL BA'O, ,NGO MTSAR DU GYUR PA NI SMAD PAR BYA BA MA YIN PA'I PHYIR RO, ,RMAD DU GYUR PA NI SHIN TU NGO MTSAR TE DMAN PA MA YIN PA NYID KYIS DE THOB PA'O, ,DE RNAMS KYI BDAG NYID NGO MTSAR DANG RMAD DU GYUR PA'I RGYU MTSAN BCOS MA YANG DAG PAR STON PA NYID YIN PA'I PHYIR SMRAS PA YIN TE, YUN RING POR CHOS RNAMS MNGON SUM DU BYAS PA DE DAG LA NI NGO MTSAR DANG RMAD DU GYUR PA DAG MI RUNG BA'I PHYIR RO, , TSIG GI LAM NI TSIG GI RGYUN NO, ,DE RDO RJE'I TSIG NI SGRA GCIG NYID YIN PA'I PHYIR DBYER MI PHYED PA'I SGRA MANG PO STE DE SMRAS SO, ,CI'I PHYIR ZHE NA DE NYID BYANG CHUB SEMS DPA' BYIS PA SHIN TU MANG PO RNAMS KYI THE TSOM DE BZHIN GSHEGS PAS BCAD PA'I PHYIR RO, CI'I SLAD DU ZHES BYA BA NI 'DI BA YIN TE RANG NYID LA THE TSOM MED KYI THE TSOM DU GYUR PA'I BYANG CHUB SEMS DPA' RNAMS KYI BSAM PA LA BRTEN NAS, DE BZHIN GSHEGS PA THAMS CAD LA 'DI SKAD ZHUS PA YIN NO, ,DE BZHIN GSHEGS PA THAMS CAD GSONG PA DANG RKU BA DANG SLU BA DANG RTZUB MO LA SOGS PA'I CHOS MA YIN PA DE NYID CHOS MA YIN PA DE NYID DU STON PAR MDZAD PA MI SRID PA NYID KYI PHYIR RMAD DU GYUR PA'O, ,RMAD DU GYUR PA YANG DE YIN LA RNAM PAR RTOG PA TZAM NYID YIN PA'I PHYIR TSIG GI LAM YANG YIN PAS NA DE SKAD CES BYA'O, ,RNAM PAR RTOG PA TZAM NI GZUNG BA DANG 'DZIN PA DANG BRJOD PAR BYA BA DANG RJOD PAR BYED PAR SNANG BA NYID KYI PHYIR DANG DE BZHIN GSHEGS PA GSOD PA LA SOGS PA SHIN TU MI SRID PA'I PHYIR RO, ,BYANG CHUB LA SGRIB PA 'JIG PAR BYED PA NYID KYI PHYIR RDO RJE YANG YIN LA BYANG CHUB THOB PAR BYED PA NYID KYI PHYIR TSIG STE DES NA RDO RJE'I TSIG SO, ,RMAD DU GYUR PA'I TSIG GI LAM YANG DE YIN LA RDO RJE'I TSIG KYANG YIN TE, RDO RJE'I TSIG NYID KYIS STON PAR MDZAD PA NYID KYI PHYIR DE SKAD CES BYA'O, ,KHAMS GSUM PO 'DI DAG 'JIG RTEN GYI KHAMS GZHAN THAMS CAD NA DAD BA DANG LDAN

280b

PA RNAMS KYIS NYAMS SU BLANG BAR MI NUS PA NYID KYI PHYIR KHAMS GSUM LAS 'DAS SHING 'JIG RTEN THAMS CAD LAS 'DAS PA'O, ,GZHUNG LA YANG, LAS NI 'DAS SHING 'DAS PA RNAMS, ,ZHES 'BYUNG STE, DER NI SKABS KYIS DAM TSIG LNGA RNAMS ZHES KHONG DU CHUD PAR BYA'O, ,DE LA YANG TSIG GI SGRAS GZHI MTHUN PA DANG RTAGS DANG GRANGS KYI DBYE BA LA YANG SKYON YOD PA MA YIN TE, DPER NA, GANG RNAMS SMAD PA'I GNAS MI 'GYUR, ,ZHES BYA BA LTA BU'O, ,DE DAG LA 'DI SKAD CES BKA' STZAL TO ZHES BYA BA NI DE'I SGO NAS THE TSOM DU GYUR PA DAG LA 'DI SKAD CES BKA' STZAL TO, ,DMAN PA'I 'DU SHES ZHES BYA BA NI RNAM PAR RTOG PA TZAM GYI 'DU SHES TE, RNAM PAR RTOG PA TZAM NI SANGS RGYAS KYI THEG PA MA YIN PA'I PHYIR RO, SMAD PA'I 'DU SHES ZHES BYA BA NI CHOS MA YIN PA'I 'DU SHES SO, ,'DU SHES GNYIS PO'I GNYEN POR GO RIMS BZHIN DU SPYOD PA'I MCHOG DANG DE BZHIN GSHEGS PA'I SPYOD PA'O ZHES GSUNGS SO, ,SNGAGS KYI SPYOD PA ZHES BYA BA NI SNGAGS DANG PHYAG RGYA LA SOGS PA'I RNAM PA STE, RDO RJE SEMS DPA'I TING NGE 'DZIN THAMS CAD NI SNGAGS TE DE KHO NA NYID KYI DON SHES PA'I PHYIR DANG 'GRO BA SKYOB PA'I PHYIR RO, ,SNGAGS KYI SPYOD PA NI SNGAGS SPYOD PA'O,, DE LA SHES PA NI YE SHES KYI TSOGS YIN ZHING SKYOB PA NI BSOD NAMS KYI TSOGS YIN LA, TSOGS GNYIS KYI SPYOD PA NYID NI BYANG CHUB KYI SPYOD PA NYID KYANG MCHOG YIN PAS NA DMAN PA'I 'DU SHES NI RIGS PA MA YIN NO, ,DE BZHIN GSHEGS PA THAMS CAD KYI SPYOD PA NI MDZAD SPYOD DO, ,'PHAGS PA GZHAN DAG KYANG CHOS MA YIN PA LA MI SPYOD NA DE BZHIN GSHEGS PA RNAMS PA LTA SMOS KYANG CI DGOS DE RNAMS 'DI LA SPYOD PAR MDZAD PA'I PHYIR SMAD PA'I 'DU SHES RIGS PA MA YIN NO, ,GAL TE 'DIR GSAD PAR BYA BA DANG GSOD PAR BYED PA DANG GSOD PA LA SOGS PA RNAM PAR RTOG PA 'BA' ZHIG TZAM SKYE BAR 'GYUR NA SHES PAR BYED PA YANG MA YIN ZHING SKYOB PAR BYED PA YANG MA YIN NO, ,'DIR RIGS KYI BU 'DI LTA STE DPER NA ZHES BYA BA LA SOGS PA GSUNGS TE, RJES SU SONG BA ZHES BYA BA NI KHYAD PAR GNAS PA'O, ,CHOS THAMS CAD KYANG ZHES BYA BA NI GZUNGS CAN GYI RDZAS

281a

, ,THAMS CAD DE NAM MKHA' NYID LA DE DAG GI GO SKABS YOD PA'I PHYIR NAM MKHA' KHAMS SU GTOGS PA NI KHYAB PA'O, ,CHOS DE DAG CES BYA BA LA SOGS PA NI 'DOD PA DANG GZUGS DANG GZUGS MED PA'I KHAMS RNAMS DANG 'BYUNG BA CHEN PO SA DANG CHU DANG ME DANG RLUNG STE, RE RES GZUGS CAN DE DAG THAMS CAD DU MI GNAS TE, 'DI DAG RE RE LA MA KHYAB PA NYID KYI PHYIR RO, ,'ON KYANG NAM MKHA' NYID NI THAMS CAD DU GNAS SO, ,DE LTAR ZHES BYA BA NI GZUGS CAN THAMS CAD NAM MKHA'I KHONGS SU GTOGS PA DANG CHOS MTHUN PA'I PHYIR RO, ,CHOS THAMS CAD CES BYA BA NI SNGAGS THAMS CAD DO, ,RJES SU RIG PAR BYA'O ZHES BYA BA NI DPAG PAR BYA STE, 'DI LTAR DE RNAMS KYANG NAM MKHA' LTA BU BYANG CHUB KYI SEMS ZHES BYA BA NI DE BZHIN NYID YE SHES KYI BDAG NYID RJES SU 'GRO BA YIN TO, GSAL BA NI GSAL BA'I BDAG NYID DU GYUR PA NYID KYI PHYIR DANG RANG RIG PA GNYIS KYIS STONG PA DE YANG NGO BO NYID KYI DE BZHIN NYID YIN PA'I PHYIR RO, ,DE NYID LA GNAS PA'I MTHAR PHYIN PA STE, DE NYID LA DE RNAMS SANGS RGYAS THAMS CAD KYIS BRDAR MDZAD PA NYID KYI PHYIR DANG, BRDA SHES PA'I RNAL 'BYOR PA RNAMS LA DE RNAMS DE KHO NA NYID BZHIN DU SNANG BA'I PHYIR RO, ,RNAM PA RNAMS NI BRDZUN PA NYID DU SNANG BA'I PHYIR SANGS RGYAS RNAMS KYI SKU DANG GSUNG DANG THUGS SAM DE'I GZHIR GYUR PAS SA DANG CHU DANG ME DANG RLUNG GI RDZAS RNAMS KYIS DE DAG GNAS PA YANG MA YIN TE DE RNAMS LA DE DAG BRDAR MA MDZAD PA NYID KYI PHYIR RO, ,GZHAN DU NA NI SNGAGS DE KHO NA NYID GZHAN DU MI 'GYUR TE, DE KHO NA NYID KYI DON YONGS SU MI SHES PA'I PHYIR DANG 'GRO BA SKYOB PA'I NUS PA DANG BRAL BA'I PHYIR RO, ,GAL TE SNGAGS MA YIN PA DAG KYANG SNGAGS KYI THEG PA RNAM PA MANG DU STON PAR MDZAD NA DE BZHIN NYID KYI YE SHES YIN ZHE NA, 'DI LA YANG DE BZHIN GSHEGS PA RNAMS NI ZHES BYA BA LA SOGS PA GSUNGS PA LA DON GYI DBANG ZHES BYA BA NI DON GYI STOBS DANG, DON GYI DE KHO NA NYID DO, ,'DI LTA BU ZHES BYA BA NI BSTAN MA THAG PA'O, ,MKHYEN CING ZHES BYA BA NI DGONGS PA'O,,

281b

GANG DANG GANG GI ZHES BYA BA NI ZLOS PA STE, BSAM PAR BYA BA DANG BZLA BAR BYA BA LA SOGS PA'I CHOS GANG 'CHAD PAR MDZAD PA DE DANG DE NI DE BZHIN NYID KYI YE SHES NYID LA DE LTA BUR DGANGS [?] NAS ZHES BYA BA'I DON TO, ,GAL TE DON GYI DE KHO NA NYID GCIG PA YIN NA, CI'I PHYIR SNA TSOGS PA'I CHOS STON PAR MDZAD CE NA, DE'I PHYIR SEMS CAN THAMS CAD KYI BSAM PA MKHYEN NAS ZHES BYA BA GSUNGS TE, SEMS CAN NI GDUL BYA RNAMS TE, DE YANG BSAM PA SNA TSOGS PAR RO, ,DE BAS NA DAM TSIG JI LTA BU BZHIN DU CHOS STON PAR MDZAD DO, ,GAL TE 'GYUR BA BLA STE, DE LTA NA YANG DAM TSIG LNGA PO NYID DE BZHIN NYID KYI NGO BO NYID KYI YE SHES KYI NGO BO NYID MA YIN NO ZHE NA, 'DIR RIGS KYI BU ZHES BYA BA GSUNGS TE, 'DI LA NAM MKHA' LA GNAS PA YOD PAS NA NAM MKHA'I TSIG STE, STONG PA NYID LA GNAS PA BYANG CHUB KYI SEMS RNAM PA LNGA'O, ,DE'I NGES PA BRJOD PA NI RDO RJE DAM TSIG STON PA'I TSUL DU BRJOD PA'O, ,DES NA DE DAG STE RDO RJE'I DAM TSIG LNGA YIN PAR BLTA BAR BYA'O ZHES BYA BA'I DON TO, ,DE LTAR NA DNGOS SU RDO RJE GSUM RO GCIG PA'I SEMS NYID NI ZHE SDANG GI DAM TSIG GO, ,SANGS RGYAS KYI CHOS THAMS CAD YE SHES TZAM NYID DU RTOGS PA NI GTI MUG GI DAM TSIG GO, ,SANGS RGYAS THAMS CAD KYI ZHES BYA BA DE BZHIN NYID KYI YE SHES NI 'DOD CHAGS KYI DAM TSIG GO, ,RANG BZHIN GYIS 'OD GSAL BA NYID DU SEMS CAN THAMS CAD SANGS RGYAS KYI CHOS RNAMS DANG YANG DAG PAR SBYOR BA NI LAS KYI DAM TSIG GO, ,SANGS RGYAS THAMS CAD DANG BDAG NYID MNYAM PA NYID DU RTOGS PA NI RIN PO CHE'I DAM TSIG GO, ,'DIR SANGS RGYAS RNAMS KYI BYON PA DANG BZHUD PA DANG GSOD PA DANG RKU BA LA SOGS PA YOD PA MA YIN NAM DE DAG MED NA NI DER SNANG BAR MI RUNG BA'I PHYIR RO, ,DE LTAR NA DMAN PA'I 'DU SHES NI RIGS PA NYID YIN LA, GAL TE RDO RJE'I DAM TSIG BRDZUN PAR SNANG BA DE'I TSE DE DAG GI LOG PA'I RNAM PAR RTOG PA YIN PA DE LTAR NA, DE DAG LAS ME LONG LTA BU LA SOGS PA'I YANG DAG PA'I YE SHES SKYE BAR MI 'GYUR BA DE LTA NA YANG DMAN PA'I 'DU SHES RIGS PA NYID YIN NO ZHE NA, 'DIR

282a

, ,RIGS KYI BU ZHES BYA BA LA SOGS PA GSUNGS PA LA GTZUB SHING NI STENG NAS BSRUBS PA'O, ,GTZUB GTAN NI 'OG GZHI'O, ,BSKYOD PA NI BYA BA'O, ,RKYEN GYIS ZHES BYA BA NI 'TSOGS GNAS SO, ,DU BA 'BYUNG ZHING MI 'BYUNG BAR 'GYUR MOD KYI ZHES BYA BA NI MI NYE BAR 'BYUNG BAR STON PA LA MA 'BYUNG BA ZHES BYA STE, DPER NA KHA BA BSAD PA STON PA LA KHA BA 'JOMS PA ZHES BYA BA LTA BU'O, ,STON PA NI 'DIR BSHAD PA YIN TE, DGOS BYED MED PAS NA NI BSHAD, ,CES BYA BA LA SOGS PA LTA BU'O, ,DE YANG ZHES BYA BA LA YANG GI SGRA NI BSDU PA YIN TE DU BA DE DANG ME ZHES BYA BA'I DON TO, ,DE BZHIN DU ZHES BYA BA NI TSUL 'DI NYID KYIS SO, ,'GRO BA DANG 'ONG BA LA SOGS PAS ZHES BYA BA NI RANG GI RGYUD RNAMS LA 'GRO BA DANG 'ONG BA LA SOGS PA MED PA'I RNAM PA DU BA'I GNAS LTA BU DANG ME LONG LTA BU'I YE SHES LA SOGS PA'I 'BRAS BU ME'I GNAS LTA BU'I NYE BAR SKYE BA RNAMS KYI RJES SU RIG PAR BYA'O, ,DE DAG CES BYA BA NI SGRIB PA RNAM PAR SEL BA LA SOGS PA'O, ,TSIG 'DI SKAD CES SMRAS SO ZHES BYA BA NI DE BZHIN GSHEGS PAS GSUNGS PA'I DON NYID BYIS PA RNAMS LA GSAL BAR BYA BA'I PHYIR RO, ,RMAD BYUNG CHEN PO'I ZHES BYA BA LA SOGS PA LA, CHOS RNAMS NI ZHES BYA BA NI SANGS RGYAS KYI CHOS RNAMS TE MDOR BSDU NA ME LONG LTA BU DANG MNYAM PA NYID DANG SO SOR RTOG PA DANG BYA BA SGRUB PA DANG CHOS KYI DBYINGS SHIN TU RNAM PAR DAG PA'I YE SHES RNAMS NI'O, ,RMAD BYUNG CHEN PO'I ZHES BYA BA NI MCHOG TU RGYA CHEN PO BSTAN PA'O, ,NAM MKHA' DANG NI MTSUNGS PA DANG, ,ZHES BYA BA NI MCHOG TU ZAB PA YIN TE, SPROS PA'I RGYU MTSAN THAMS CAD DANG BRAL BAS 'DI DAG NI NAM MKHA' DANG MNYAM PA NYID YIN PA'I PHYIR RO, ,RGYA CHE BA DANG ZAB PA DAG GIS NI BYANG CHUB KYI SEMS MA LUS PA'I MTSAN NYID BSTAN PA YIN NO, ,DAG PA LA ZHES BYA BA NI SGRIB PA DANG BRAL BA STE, GSAL BAR PHYE BA RNAMS LA ZHES BYA BA'I DON TO, ,KUN RDZOB TU YANG BSHAD PA MTSAR, ,ZHES BYA BA LA, DANG ZHES BYA BA NI NGES PAR GZUNG BA'O, ,NI'I SGRA YANG NGES PAR GZUNG BA'I DON

282b

TO; ,SANGS RGYAS KYI CHOS ZAB MO DANG RGYA CHEN PO NYID GANG YIN PA DE NI KUN RDZOB KYI YUL NYID YIN PA'I PHYIR KUN RDZOB BO, ,RDO RJE DAM TSIG DE STON PA 'DIS BSHAD PA NI BSTAN PA'O, ,GANG NYAN THOS LA SOGS PA'I CHOS RNAMS KYANG MA YIN NO, GANG NYES PAR SPYOD PA'I RGYU MTSAN LA LTA CI ZHIG SMOS, SANGS RGYAS KYI CHOS RNAMS KUN RDZOB NYID DU STON GYI DE DAG GI RANG GI NGO BO NYID KYI TSUL GYIS NI MA YIN NO, ,YANG CI'I PHYIR MA YIN ZHE NA, DE'I PHYIR RNAM PAR MI RTOG CES BYA BA SMOS TE, DE DAG NI RNAM PAR RTOG PA'I YUL YANG MA YIN NA TSIG GIS LTA SMOS KYANG CI DGOS, DE BAS NA DE DAG NI KUN RDZOB NYID DU BSHAD PA YIN NO, ,DE NYID KYI PHYIR KUN RDZOB KYI DE KHO NA NYID LA RGYA CHE BA'I DE KHO NA NYID CES BYA STE, BYIS PA'I SPYOD YUL NYID YIN PA'I PHYIR RO, ,DON DAM PA'I DE KHO NA NYID NI PHRA MO'I DE KHO NA NYID DE, 'PHAGS PA RNAMS KYI SPYOD YUL YIN PA'I NGO; ,'DI LTAR KUN RDZOB KYANG RNAM PA GSUM STE, BRTAGS PA'I KUN RDZOB NI CHOS THAMS CAD BRTAGS PA'I RANG BZHIN NO, ,SHES PA'I KUN RDZOB NI LOG PA'I SHES PA THAMS CAD DO, ,BRJOD PA'I KUN RDZOB NI SGRA DANG RTOG PAS DON DAM PA STON PAR BYED PA'O, ,DON DAM PA YANG RNAM PA GSUM STE, DE BZHIN NYID NI DON DAM PA'O, ,SGRUB PA DON DAM PA NI YANG DAG PA'I YE SHES SO, ,THOB PAR BYA BA DON DAM PA NI MYA NGAN LAS 'DAS PA STE, JI SKAD DU DBUS DANG MTHA' RNAM PAR 'BYED PA LAS, BRTAGS PA DANG NI SHES PA DANG, ,DE BZHIN BRJOD PA RAGS PA YIN, ,ZHES BYA BA DANG, DON DANG THOB DANG SGRUB PA DANG, ,DON DAM RNAM PA GSUM DU 'DOD, ,CES BSHAD PA LTA BU'O, ,DE LA RDO RJE'I DAM TSIG 'DI DANG DE LAS GZHAN PA'I SNGAGS THAMS CAD NI BRJOD PA'I KUN RDZOB YIN TE, YANG DAG PA LA SO SOR RTOG PA'I BDAG NYID CAN YIN PA'I PHYIR RO, ,YANG DAG PA LA SO SOR RTOG PA YANG RNAM PAR RTOG PA MA YIN ZHING RNAM PAR MI RTOG PA YANG MA YIN NO, ,CI'I PHYIR RNAM PAR RTOG PA MA YIN ZHE NA, RNAM PAR MI RTOG PA SKYED PA DANG RJES SU MTHUN PA NYID KYI PHYIR RO, ,CI'I PHYIR RNAM PAR MI

283a

, ,RTOG PA MA YIN ZHE NA, YANG DAG PA'I DON LA RNAM PAR RTOG PA'I PHYIR RO, ,RNAM PAR MI RTOG PA NYID LAS KYANG RNAM PAR MI RTOG PA SKYE BA MA YIN TE, BYIS PA RNAMS LA DE MED PA'I PHYIR RO, ,THA MAL PA'I RNAM PAR RTOG PA LAS KYANG SKYE BA MA YIN TE, DE NI DE'I GNYEN PO NYID YIN PA'I PHYIR RO, ,'ON KYANG YANG DAG PA'I DON NYID LA RNAM PAR 'JOG PA'I YID KYIS SO SOR RTOG PA RNAMS DE BSGOM PA'I RJES SU 'GRO BAS NA 'BAD RTZOL MED PAR CHOS KYI DBYINGS SPROS PA MED PA LAS SEMS MNYAM PAR GZHAG PAR 'GYUR RO, ,SPROS PA MED PA DE LA RNAM PAR MI RTOG PA'I YE SHES ZHES BYA'O, ,DE SKAD DU YANG RNAM PAR MI RTOG PA'I GZUNGS LAS DE YANG YANG DAG PAR SBYOR BAS KUN DU BSTEN PAS RJES SU 'GRO BAR BYED, BSGOMS PAS RJES SU 'GRO BAR BYED, MANG DU BYAS PAS RJES SU 'GRO BAR BYED, YANG DAG PAR YID LA BYED PAS RJES SU 'GRO BAR BYAS NA, MNGON PAR 'DU BYED PA MED CING LHUN GYIS GRUB PAS RNAM PAR MI RTOG PA'I DBYINGS LA REG STE ZHES GSUNGS PA DANG, TSAD MA RNAM PA NGES PA LAS KYANG, BSAM PA'I RANG BZHIN CAN NYID KYIS SHES RAB LA GOMS PAR BYAS NA DON DAM PA'I YE SHES 'KHRUL PAS DBEN PA DRI MA MED PA 'JIGS PA MED PA MNGON SUM DU BYED PAR 'GYUR RO ZHES BSHAD DO, ,DE BAS NA BCOM LDAN 'DAS KYIS GSUNGS PA'I YANG DAG PA LA SO SOR RTOG PA NYID KYI RNAM PAR MI RTOG PA BYANG CHUB RTOGS PAR 'DOD PA RNAMS KYIS BRTEN PAR BYA'O ZHES BYA BA NI GRUB PA'I MTHA' YIN NO, ,'DI LA DON DAM PA'I 'BRAS BU YOD PAS NA DON DAM PA STE, BYANG CHUB KYI 'BRAS BU CAN YIN PA'I PHYIR RO, ,GSAL BAR BYED PA NYID KYI PHYIR DE KHO NA NYID LNGA'I DAG PA'I DON GYI YUL 'DI LA YOD PAS NA DAG PA DE KHO NA NYID KYI DON TO, ,YANG DAG PAR RTOGS PAR BYA BA YIN PA'I PHYIR DANG 'DA' 'BAR BYA BA MA YIN PA'I PHYIR DAM TSIG STE, RDO RJE DAM TSIG RNAM PA LNGA'O, ,DON DAM PA YANG DE YIN LA DAG PA DE KHO NA NYID KYI DON YANG YIN PAS NA DE SKAD CES BYA'O, ,DE DAG KYANG YIN LA DAM TSIG KYANG YIN PAS NA ZHES BYA BA NI BSDU BA'O, ,DE GSAL

283b

BAR BYED PA'I LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS LE'U DGU PA'O,, ,,NYE BAR SGRUB PA'I MNGON PAR RTOGS PA NI GNYIS PA DANG DRUG PA DAG TU GSUNGS PA YIN LA 'DI LAS KYANG MDOR BSDUS TE STON TO, ,DE LA SPYOD PA GSUM DANG RJES SU MNYES PAR BYA BA NI DAM TSIG YIN TE LE'U BCO BRGYAD PA LAS, JI SRID MTHONG BA DE SRID DU, ,RNAM GNYIS ZLA BA DRUG TU BSGOM, ,'DOD PA KUN LA LONGS SPYOD PAS, ,THAMS CAD DU NI RTAG TU BYA, ,GAL TE ZLA BA DRUG GIS NI, ,JI SKAD GSUNGS PA MA MTHONG NA, ,JI SKAD GSUNGS PA'I CHO GA DANG, ,SDOM PAS LAN GSUM BRTZAM PAR BYA, ,DE LTAR BYAS KYANG SGRUB PA POS, ,MTHONG BA 'BYUNG BAR MA GYUR CING, ,GANG TSE BYANG CHUB MA GRUB NA, ,DRAG SHUL SBYOR BAS BSGRUB PAR BYA, ,DE TSE DE YI YE SHES NI, ,SGRUB PA NGES PAR NYE BAR 'BYUNG,, RIGS KYI DBYE BA'I SBYOR BAS NI, ,RDO RJE PHUR BUS PHUR BU GDAB, ,DE NAS DBANG DU BYA BA DANG, ,BSRUNG BA'I SBYOR BA DAG KYANG BYA, ,ZHES 'CHAD PAR 'GYUR RO, ,DE LA DRUG PA LAS GSUNGS PA'I SPYOD PA DANG PO GNYIS NI 'DI LTA STE, NYE BAR LONGS SPYOD PA'I SPYOD PA DANG, ,DKA' BA'I SPYOD PA'O, ,GSUM PA NI DRAG SHUL GYI SPYOD PA STE, DE DANG RJES SU MNYES PAR BYAS PA BSTAN PA'I PHYIR LE'U BCU PA NI, ,DE NAS ZHES BYA BA LA SOGS PA GSUNGS TE, DAM TSIG CHEN PO NI RDO RJE CAN NO, ,DE'I RDO RJE NI SKU DANG GSUNG DANG THUGS SO, ,DE RNAMS KYI DE KHO NA NYID NI NAM MKHA' DANG MNYAM PA NYID DO, ,DE'I MNGON PAR RDZOGS PAR BYANG CHUB PA NI THUGS SU CHUD PA'O, ,DE'I DON GYI SKU DANG GSUNG DANG THUGS KYI GSANG BA NI SKU LA SOGS PA'I GSANG BA STE, GSANG BA'I SGRAS NI 'DIR SBA BAR BYA BA YIN PAS NA PHUR BUS BSNUN PA GSUNGS PA YIN NO, ,DE'I BDAG NYID YIN PA'I PHYIR DANG, DE STON PAR MDZAD PA NYID YIN PA'I PHYIR, BCOM LDAN 'DAS LA YANG DE SKAD CES BYA'O, ,SNGAGS NI LHA THAMS CAD DO, ,DE RNAMS KYI SNYING PO NI BDAG NYID THAMS CAD DO, ,DE'I BDAG NYID

284a

, ,THAMS CAD KUN BSDUS PA NI, 'DIS YANG DAG PAR BSDUS PA'I PHYIR RO, ,DE NYID NI DMIGS PA'I GNYEN PO NYID YIN PA'I PHYIR RO, ,SKU DANG GSUNG THUGS GSANG BAR BSGRAGS, ,ZHES BYA BA NI, PHUR BUS 'DEBS PA ZHES BYA BA'I DON TO, ,PHUR BUS 'DEBS PA JI LTA BU ZHE NA, DNGOS GRUB CHEN PO'I TSUL GYI MCHOG STE, NYE BAR SGRUB PA'I 'BRAS BU'I THABS PHYI MAR GYUR PA'O, ,DE NAS ZHES BYA BA NI GSOL BA BTAB PA'I DE MA THAG TU'O, ,GSUNG NI 'DI SKAD CES BYA BA NI PHUR BUS 'DEBS PA'I MDO'I TSIGS SU BCAD PA'O, ,'BAR BA NI MI BSKYOD PA LA SOGS PA LA RAB TU KHRO BA'O, ,KHRO BA STON PA'I SKU DANG GSUNG GI RNAM PAR 'GYUR BAS DRAG PO'O, ,KHRO BO NYID KYI SPYAN YANGS PA STE, SPYAN RGYA CHE BA'O, ,GAL TE NYON MONGS PA SPANGS PA RNAMS LA KHRO BA CI'I PHYIR YOD CE NA, GSUNGS PA, NYON MONGS KUN NYID RGYA MTSO YIN TE RE RE ZHING DBYE BA MTHA' YAS PA NYID KYI PHYIR RO, ,DE'I GTZO BO NI DBANG BSGYUR BA STE, SEMS CAN GDUL BAR BYA BA'I PHYIR 'DI DAG JI LTAR 'DOD PA BZHIN DU YANG DAG PAR STON PAR MDZAD PA'I PHYIR RO, ,RGYAL PO NI SNGAGS THAMS CAD KYI'O, ,DE NYID KYI PHYIR DE DAG LA YANG KHRO BA YIN TE KHRO BO'I GAR MDZAD PA YIN NO, ,LUS DANG NGAG CES BYA BA LA SOGS PA LA, LUS LA SOGS PA SKU DANG GSUNG DANG THUGS TE, DKYIL 'KHOR PA RNAMS SO, ,RDO RJE NI DKYIL 'KHOR PA THAMS CAD KYI BDAG PO'O, ,DE NI DE RNAMS KYI SKU YANG YIN LA NGAG KYANG YIN ZHING THUGS KYANG YIN TE, 'KHOR LOS SGYUR BA NI RANG GI LUS SO, ,DE BSGOM PA NI YID DANG NGAG GI STE, GO RIMS BZHIN DU DMIGS PA GSUM DANG, BYANG CHUB KYI TSIGS SU BCAD PAS SO, ,DE MI DMIGS PA NI MTSAN MA PHRA MO STE, YE SHES TZAM DU DMIGS PAS SO, ,DE MI DMIGS PA DE RNAM PAR MI RTOG PA NI GDAN PHRA MOS TE, CI'I PHYIR ZHE NA, MNYAM PA NYID KYI PHYIR TE GNYIS SU MED PA ZHES BYA BA'I DON TO, ,DE LAS GANG NA 'ANG MI GNAS PA NI MCHOG TU PHRA BA'I SA BON GYI SNGAGS KYIS TE,

284b

DON LA YANG MA YIN SHES PA LA YANG MA YIN MNYAM PA NYID DU GNAS PA NI YID LA MA YIN NO, ,TING NGE 'DZIN DE LTA BU LA RANG NYID SNYOMS PAR ZHUGS PA BSTAN PA'I PHYIR, ,DE NAS ZHES BYA BA LA SOGS PA GSUNGS TE, RANG BZHIN GYIS DAG PA ZHES BYA BA NI STONG PA STE, DMIGS PA GSUM GYIS BSGRUB PA'I DE BZHIN GSHEGS PA ZHES BYA BA NI BYANG CHUB KYI TSIGS SU BCAD PA STE, DE JI LTA BA BZHIN DU STON PA'I PHYIR RO, PHA ROL TU PHYIN PA'I SNGAGS KYI TSUL RDO RJE ZHES BYA BA LA PHA ROL TU PHYIN PA BZHI NI RIG PA'I RGYAL MO STE, YE SHES KYI PHA ROL TU PHYIN PA DANG, RDO RJE'I PHA ROL TU PHYIN PA DANG, CHOS KYI PHA ROL TU PHYIN PA DANG, LAS KYI PHA ROL TU PHYIN PA'O, ,DE RNAMS KYANG RANG GI GNAS JI LTA BA BZHIN DU SHIN TU PHRA BA'I MTSAN MA'I NANG DU CHUD PA NI SHIN TU PHRA BA'I GDAN DAG YIN NO, ,DE LA RDO RJE 'DZIN PA'I MTSAN MA PHRA MO NI DRUG PAR BSHAD DO, , DE'I NANG DU PHA ROL TU PHYIN PA GNYIS PA LA MCHOG TU PHRA BA'I SNGAGS KYI SNYING PO'O, ,DE NYID NI TSUL TE YANG DAG PAR RDZOGS PA'I BYANG CHUB KYI LAM MO, ,DE LA DMIGS PA'I TING NGE 'DZIN LA DE SKAD CES BYA'O, ,DE NYID NI MI PHYED PA NYID KYIS NA RDO RJE'O, ,SNYOMS PAR ZHUGS NAS ZHES BYA BA NI MNGON DU MDZAD PA'O, ,GAL TE CI'I PHYIR TING NGE 'DZIN 'DI LA SNYOMS PAR ZHUGS PAR MDZAD CE NA, 'DI LTA BU LA SNYOMS PAR ZHUGS SHING DE BZHIN GSHEGS PA'I 'DUS PA BSGOMS NAS, DANG POR NYES PA BSGRAGS PAR BYAS PA DE'I 'OG TU DRAG SHUL SGRUB PAR BYED CES STON PA'I PHYIR RO, ,DE DAG CES BYA BA NI 'DUS PA LA ZHUGS PA'O, ,'DI SKAD CES BKA' STZAL TO ZHES BYA BA NI 'CHAD PAR 'GYUR BA'I NYES PA BSGRAG PA'O, ,YOD CES BYA BA NI 'DI ZHES BYA BA'I DON TO, ,SEMS CAN THAMS CAD KYI DON NI PHAN PA'O, ,DE'I BYA BA NI BYED PA'O, ,DE'I DON DU ROL BA NI BCOS PA'I SKYES PA DANG BUD MED KYI RNAM PA DANG DE'I BYA BA LA SOGS PA'O, ,DE 'JIG RTEN GYI KHAMS THAMS CAD DU STON PAR MDZAD DO, ,CI STONG GNYIS PA 'AM STONG GSUM PA GCIG GI 'JIG RTEN GYI KHAMS THAMS CAD DU ZHE NA, MA YIN TE PHYOGS BCU'I

285a

, ,ZHES BYA BA LA SOGS PA GSUNGS PA LA, PHYOGS BCU'I 'JIG RTEN GYI KHAMS KYI STONG GSUM GYI MTHAR THUG PA GANG YIN PA DE DAG NI THAMS CAD DU ZHES BYA BA'I DON TO, ,'DOD PA'I YON TAN LNGA RNAMS KYIS, ,ZHES BYA BA NI ROL MOR GYUR PA RNAMS KYIS TE, DE LTA BU'I SKABS YIN PA'I PHYIR RO, ,ROL CING ZHES BYA BA NI BSTAN PA STE, ,BDE BA'I SKU NYAMS SU BSTAR ZHES BYA BA'I DON TO, ,DGYES LA YONGS SU SPYOD PA ZHES BYA BA NI BSHAD PA STE, YID DANG DBANG PO LNGAS BDE BAR SPYOD CES BYA BA'I DON TO, ,SNGAGS LA SPYOD PA LA MNGON PAR BRTZON PA RNAMS LA ZHES BYA BA NI BSNYEN PA DANG NYE BAR SGRUB PA DAG GIS YID SKYOB PA'I MTSAN NYID CAN NO, ,DE LA MNGON PAR BRTZON PA NI RNAM PA THAMS CAD DU BYA BA DANG LDAN PA STE, SGRUB PA PO 'GA' ZHIG GO, ,SPYAN RAS KYIS MI 'TSO STE ZHES BYA BA NI YE SHES KYI DNGOS GRUB STZOL BA'I PHYIR MI GZIGS PA 'AM GNYIS SU MED PA'I CHOS NYID LTA BAR MI MDZAD CES BYA BA'I DON TO, ,'DIR YANG MI BSKYOD PA LA SOGS PA 'JIG RTEN GYI KHAMS THAMS CAD DU ROL PA STON PAR MDZAD PAS DBANG DU GYUR PA NYID DANG THUGS RJE CHEN PO DANG LDAN PA NYID DU GSUNGS PA LA, SNGAGS KYI SPYOD PA LA MNGON PAR BRTZON PA NYID KYIS SGRUB PA PO THUGS RJE CHEN PO'I SNOD NYID DU GSUNGS PA DE LTA NA YANG DE RNAMS 'DI LA SPYAN RAS KYIS MI 'TSO ZHES BYA BA NI NYES PA BSGRAGS PA'O, ,DE CI'I PHYIR ZHES BYA BA NI DE RNAMS KYI NYES PA BSGRAGS PA DE'O,, BYA BA GANG GIS SHE NA, BYA BA NI RDZOGS PAR GYUR NA ZHES BYA BA GSUNGS TE, MTHAR THUG PAR GYUR PA'O, ,GANG DU ZHE NA, DE BZHIN GSHEGS PA THAMS CAD KYI SNGAGS KYI SPYOD PA'I TSUL GYI CHOS TE, 'DUL BA'I LAM GANG YIN PA DE LA'O, ,LAM GANG YIN ZHE NA, YAN LAG DRUG GI BSNYEN PA'I MTHAR PHYIN PA NYE BAR SGRUB PA'I SBYOR BA LA GNAS PAS 'DOD PA'I LONGS SPYOD KYI SPYOD PA LA ZLA BA DRUG PA CAN GYI SGRUB PA GSUM YIN LA, DE NAS DKA' BA'I SPYOD PA LA YANG ZLA BA DRUG PA CAN GYI SGRUB PA GCIG YIN NO, ,DE BAS NA 'DI NI RJES SU BRTZE BAR BYA BA YIN PA DE LTAR RJES SU BRTZE

285b

BA LA KYE MA'I SGRA YIN NO, ,'DIS NI NYES PA BSGRAG PAR BYA BA DRAG SHUL GYI SPYOD PA RIGS SO ZHES STON PAR BYED DO, ,BCOM LDAN 'DAS KYI 'DI 'DRA BA NI YIN DU CHUG NA SGRUB PA POS JI LTAR NYES PA BSGRAG PAR BYED CE NA, DES KYANG BCOM LDAN 'DAS ZHES BYA BA NAS YOD KYANG ZHES BYA BA'I BAR GYI NGAG GIS SGROGS PAR BYED DO, ,DE LA KHYAD PAR NI 'DI TZAM YOD DE, SNGAGS SPYOD PA LA MNGON PAR BRTZON PA ZHES BYA BA DE'I 'OG TU BDAG LA ZHES BYA BA GZHUG PA DANG, KYE MA'O 'DI DAG CES BYA BA BYUNG LA KYE MA BDAG CES BYA BA BRJOD PAR BYA'O, ,DE SKAD GSUNGS NAS CI BKA' STZAL CE NA, DE'I PHYIR DE BAS NA ZHES BYA BA LA SOGS PA GSUNGS TE, DE BAS NA NI DE'I DE MA THAG TU'O, ,SNGAGS PA 'DI LTA BU GSUNGS SO ZHES BYA BAR SBYAR RO, ,SNGAGS NI MI BSKYOD PA LA SOGS PA'I DE KHO NA NYID STON PAR BYED PA'I SGRA'O, ,DE RNAMS KYIS BSDUS PA NI TSOGS PA'O, ,JI LTAR STON PAR BYED CE NA, TSIG GI LAM NGES PAR BRJOD PAS TE RJOD PAR BYED PA'I SGRA NI TSIG YIN LA DE'I LAM NI DON TO, ,DE RNAMS 'DREN PAR BYED PA'I YI GE RNAMS KYIS BRJOD PA YIN TE DES SO, ,DE NI LE'U GNYIS PAR BSHAD ZIN TO, ,CI'I PHYIR GSUNGS SHE NA, SKYES BU ZHES PA LA SOGS PA GSUNGS TE, MI BSKYOD PA LA SOGS PA'I SKYES BU DAM PA DE RNAMS KYIS SGRUB PA PO LA SPYAN RAS KYIS BTZA' BA'I PHYIR RO, ,SNGAGS BSDUS PA JI LTA BU ZHE NA, DE BZHIN GSHEGS PA THAMS CAD KYI SKU DANG GSUNG DANG THUGS NI DKYIL 'KHOR THAMS CAD DO; ,DE'I RANG BZHIN CAN NI SNGAGS SO, ,SNGAGS LA DMIGS PA YIN PAS NA, SNGAGS KYANG YIN LA SEMS LA DMIGS PAS RDO RJE YANG DE YIN ZHING NGAG LA DMIGS PAS GSANG BA YANG DE YIN PA DE LA DE SKAD CES BYA'O, ,DE LTAR 'KHOR LOS SGYUR BA'I SKU NYID DU GYUR NAS YANG DE NYID SNYING GAR GNAS PA'I GDAN LA MTSAN MA PHRA MO'I DBUS SU GDAN PHRA MO LA MCHOG TU PHRA BA'I RANG GI NGO BOR GNAS PAS NA RAB TU GSANG BA'O, ,SNGAGS THAMS CAD NI 'KHOR LOS SGYUR BA DRUG GO, ,DE RNAMS KYI SNYING PO SGRUB PA PO LA SPYAN RAS KYIS MI 'TSO BA

286a

, ,KUN DU SKUL BAR BYED PA NI YANG DAG PAR SAD PAR BYED PA'O, ,JI LTAR NA DE DE'I SAD PAR BYED PA YIN ZHE NA, RIM PA BZHIN GSUM PO DAG LAS RDO RJE LCAGS KYU LA SOGS PA SPROS LA CIG SHOS 'KHYIL PA'I SA BON DU BSGYUR TE, PHUR BU BSKYED DO ZHES BYA BA NI DE SKAD CES BYA BAR GRAGS PA'O; ,DE BZHIN GSHEGS PA THAMS CAD DANG RDO RJE 'DZIN PA THAMS CAD DANG CHOS 'DZIN PA THAMS CAD KYI SGRAS NI SNGAGS THAMS CAD RIGS GSUM GYI DBYE BAR BSTAN PA YIN NO, ,DE RNAMS KYI SKU DANG GSUNG DANG THUGS KYI DAM TSIG NI DE RNAMS KYI STE, GNAS JI LTA BA BZHIN DU GZHAG PA'O, ,DE LA DMIGS PA NI SKYE BA'I GNAS SO, ,RAB TU 'DAR ZHING ZHES PA NI SKYED PA STE, RANG GI TING NGE 'DZIN LAS BZHENGS PA ZHES BYA BA'I DON TO, ,BRGYAL BAR GYUR ZHES BYA BA NI PHUR BUS 'DEBS PA'I 'JIGS PA STON PA'O, ,RDO RJE SEMS DPA' RJES SU DRAN NAM ZHES BYA BA NI BZHENGS NAS YONGS SU SKYOB PAR GAR MDZAD PAR STON PA'O, ,DAM TSIG CES BYA BA NI RDO RJE GSUM DANG LDAN PA'O, ,NAM MKHA'I DBYINGS KYI DBUS GNAS PAR, ,ZHES BYA BA NI CHOS 'BYUNG BA'I NANG DU CHUD PA'O, ,BKOD PA'I DKYIL 'KHOR ZHES BYA BA NI GZHAL YAS KHANG NGO, ,DE'I ZHES BYA BA NI BKOD PA'I DKYIL 'KHOR GYI'O, ,DBUS GNAS ZHES BYA BA NI RANG GI SNYING GAR CHUD PA'O, ,YI GE H'Um NI SHIN TU DKAR BA'O, ,RANG GI GZUGS SU ZHES BYA BA NI RANG GI MTSAN MA STE, DANG PO'I RDO RJE DANG LDAN PA DE'I DBUS NA GNAS PA ZHES BYA BA'I DON TO, ,RANG GI STAN LA GNAS NAS ZHES BYA BA NI MA SMRAS KYANG GRUB PA YIN NO, ,RAB TU BRTAG CES BYA BA NI SHES PAR BYA'O, ,RDO RJE'I 'OD ZER ZHES BYA BA NI RDO RJE'I 'OD DANG LDAN PA'O, ,CHER 'BAR BA ZHES BYA BA NI SHIN TU 'BAR BA'O, ,RNAM PAR 'PHRO BA ZHES BYA BA NI PHYOGS BCUR KHYAB PAR GYUR PA'O, ,SANGS RGYAS KYI NI SKU GSUNG THUGS, ,ZHES BYA BA NI DKYIL 'KHOR CHEN PO'I LHA RNAMS KYI SKU'I PHYOGS SU MTHONG BA'O, ,DRANGS PA ZHES BYA BA NI 'OD ZER DE NYID KYIS DRANGS LA YI GE H'Um DU BCUG PA'O, ,DE LTAR NA GZUNG BAR BYA BA MED PA'I YE SHES GANG YIN PA DE NI SNGAGS LA DMIGS PA'O, ,DE NAS 'DZIN PA YANG MED DO ZHES SEMS LA SEMS MED PA

286b

NYID DU SHES PA NI SEMS LA DMIGS PA'O, ,DE NAS TSIGS SU BCAD PA NI NGAG LA DMIGS PA'O, ,SKU GSUNG THUGS KYI RDO RJE 'DZIN, ,ZHES BYA BA NI RDO RJE GSUM DANG LDAN PA'I PHYIR RO, ,RDO RJE SEMS DPA' ZHES BYA BA LA SANGS RGYAS THAMS CAD KYI RANG BZHIN GYI SEMS DPA' YIN LA RGYA CHEN PO NI DBUS MA'I GDAN LA BZHUGS PA'I PHYIR RO, ,KUN GYI GTZO BO NI BYANG CHUB SEMS DPA' THAMS CAD KYI BDAG PO NYID YIN PA'I PHYIR RO, ,DBANG PHYUG MCHOG NI SANGS RGYAS THAMS CAD KYI GTZO BO NYID DU GYUR PA'I PHYIR RO, ,RANG GI DKYIL 'KHOR ZHES BYA BA LA SOGS PA NI RDO RJE 'DZIN PAR BSHAD PA'I CHO GA THUN MONG NYID YIN PAR GSUNGS PA YIN NO, ,RANG GI DKYIL 'KHOR NI RDO RJE DANG 'KHOR LO LA SOGS PA'O, ,RANG SNGAGS KYIS ZHES BYA BA NI H'Um DANG AOm LA SOGS PA DANG LDAN PA'O, ,SKABS 'DIS NI RDO RJE SEMS DPA' LA NGES PAR BSTAN PA'I DMIGS PA GSUM GYI MTSAN NYID CAN 'DI NI SKYED PAR BYED PA'I TSUL DU 'KHOR LOS SGYUR BA DRUG CAR 'GYUR RO, ,SNGAGS RNAMS ZHES BYA BA LA SOGS PA GSUNGS PA LA, SNGAGS THAMS CAD NI SNGAGS KYI LHA THAMS CAD DO, ,SNYING PO ZHES BYA BA NI NAM MKHA' DANG MNYAM PA STE, RANG GI BYANG CHUB KYI TSIGS SU BCAD PAS DE LTAR SGRUB PA YIN PA'I PHYIR RO, ,RDO RJE BSDUS PA YIN ZHES BYA BA NI RDO RJE GSUM BSDUS PAR GYUR PA'O, ,DE LTAR RDO RJE'I DAM TSIG TSIGS SU BCAD PA BZHI GSUNGS PA, NAM MKHA' RDO RJE'I DAM TSIG TSIGS SU BCAD PA GCIG GIS BSTAN PA'I PHYIR RANG SNGAGS ZHES BYA BA LA SOGS PA GSUNGS TE, RANG SNGAGS SKYES BU NI BSTEN PAR BYA BA 'AM, PHUR BUS GDAB PAR BYA BA'I RANG GI 'KHOR LOS SGYUR BA 'AM 'DEBS PA'I PHUR BU STE, GSUM PO GANG YANG RUNG BA'O, ,DE BSGOMS NAS DE DMIGS PA GSUM DANG BYANG CHUB KYI TSIGS SU BCAD PAS BSKYED NAS SO, ,RAB TU BSGOM PA NI RNAM PAR DGANG BAR BYA'O, ,GANG DU GANG GIS SHE NA, GNAS BZHI RNAMS SU STE, MGO DANG MGRIN PA DANG SEMS DANG YE SHES KYI GNAS RNAMS SU SHES RAB KYI RANG BZHIN DU BRTAG PAR BYA BA NA GZUGS KYI

287a

, ,TSUL TE GDAN RNAMS SO, ,GZUGS DE DAG LA ZHAL GSUM ZHES BYA BA NI RNAM PAR THAR PA'I SGO GSUM YIN PA'I PHYIR SKU DANG GSUNG DANG THUGS SO, ,DE RNAMS KYI LTA BU NI SO SO DANG BSDUS PA STE, SKU DANG GSUNG DANG THUGS DANG YE SHES SEMS DPA'I MTSAN MA ZHES BYA BA'I DON TO, ,SBYOR BA NI DE YANG DAG PA'I SBYOR BA STE, MTSAN MA BZHI'I NANG DU KHA DOG GSUM PO GANG YIN PA STE, YI GE GSUM PO GANG YIN PA SO SO BA DANG, BSDUS PA DANG BCAS PA DGOD PA STE, SKU DANG GSUNG DANG THUGS DANG YE SHES SEMS DPA' RNAMS KYI SA BON ZHES BYA BA'I DON TE DE DAG GI DGA' BA'O; ,NAM MKHA' RDO RJE'I DAM TSIG CES PA LA NAM MKHA' NI NANG NGO, ,DAM TSIG NI DER RDO RJE RNAMS 'DUS PA'O, ,DE STON PAR MDZAD PAS BCOM LDAN 'DAS LA YANG DE SKAD CES BYA'O, ,RDO RJE'I MCHOG GI GSANG BA ZHES BYA BA LA MCHOG NI MCHOG TU PHRA BA'I SA BON NO, ,RDO RJE NI SHIN TU PHRA BA'I MTSAN MA'O, ,GSANG BA ZHES BYA BA NI SNGAGS KYI GDAN PHRA MO STE, ZLAS DBYE BA'I BSDU BA'O, ,SNYING GA ZHES BYA BA NI YE SHES KYI SA BON TE, DE'I PHYOGS GCIG YIN PAS DE'I THIG LE YANG SNYING GA'O, ,DKYIL 'KHOR ZHES BYA BA NI MTSAN MA'O, ,YI GE MCHOG TU GYUR PA ZHES PA NI MCHOG TU PHRA BA'O, ,GNAS ZHES BYA BA NI SNGAGS KYI GDAN ZHES BYA BA'I DON TO, ,DE'I ZHES BYA BA NI MTSAN MA PHRA MO'I DBUS SU'O, ,DE LTAR 'KHOR LOS SGYUR BA'I RNAL 'BYOR GYIS GNAS DE BZHIN GSHEGS PA THAMS CAD PHYOGS SU BLTAS LA DE RNAMS LA DE'I NYES PA BSGRAGS LA PHUR BU'I LHA'I RNAL 'BYOR YANG BYAS NAS GANG ZHIG BYA BA DE GSUNGS PA, RDO RJE CHEN PO ZHES BYA BA LA SOGS PA LA YE SHES KYI BDUD RTZI 'KHYIL PA CHO GA BZHIN DU BKUG STE BDAG LA BSTIMS TE, RO GCIG PAR SBYOR BA DE'I 'OG TU RDO RJE DANG PADMA DANG MI PHYED PAR MOS PAS KHROS BZHIN DU PADMA'I NANG DU BSGRUB BYA DE BSAMS TE, DE'I RIGS KYI RDO RJE LCAGS KYU DAM TSIG GI STOBS KYIS SONG NAS YE SHES KYIS BSGRUB PAR BYA BA'I SNYING GA PHUG LA DGUG PA DANG GZHUG PA DANG BCINGS PA'I SBYOR BA BSAMS TE, NAM MKHAR SON PA'I RDO RJE'I NANG DU

287b

'KHYIL PA'I SA BON LAS RDO RJE CHEN PO ZHES BYA BA NI RDO RJE'I RANG BZHIN PHRA MO'I PHUR BU STE, PHUR BU'I 'OG RTZE GCIG PA'O, ,RTZE LNGA PA ZHES BYA BA NI RDO RJE RTZE LNGA PA'O, ,RTAG TU ZHES BYA BA NI YUN RING DU STE, 'DI NI RE ZHIG RDO RJE RIGS KYI PHUR BU YIN NO, ,'KHOR LO DANG PADMA'I RIGS DAG GI YANG RNAM PAR BSGOM PAR BYA ZHES GSUNGS SO, ,RDO RJE NI PHUR BU'I RIGS KYI DBYE BA LAS RDO RJE LCAGS KYU DANG 'DRA BAR KHYAD PAR GYIS TE, RDO RJE DANG 'KHOR LO DANG PADMA'I RIGS RNAMS LA RDO RJE DANG 'KHOR LO DANG PADMA MGO BOR BYA'O ZHES BYA BA'I DON TO, ,DE YIS ZHES BYA BA NI RANG GI RIGS KYI PHUR BUS SO, ,SNYING GAR ZHES BYA BA NI BSGRUB PAR BYA BA'I'O, ,LHA RNAMS RAB TU BSKUL BA 'AM ZHES BYA BA LA 'AM GYI SGRA NI DE SRID KYI DON TE BCU BZHI PA LAS 'CHAD PAR 'GYUR BA'I DE'I SNGAGS DANG PHYAG RGYA DAG GIS PHUR BU'I LHA DE SRID KYI BAR DU BSKUL BAR BYA ZHING DE NAS SNGAGS KYI MTHAR GDAB PAR BYA'O ZHES BYA BAR DGONGS SO, ,'DI ZHES BYA BA NI BSHAD MA THAG PA'I PHUR BUS GDAB BO, ,DE ZHES BYA BA NI SBAS PA GANG YIN PA'O, ,RDO RJE THAMS CAD KYIS ZHES BYA BA NI LHA THAMS CAD KYI'O, ,SANGS RGYAS BYANG CHUB NI SGRUB PA'I 'BRAS BU'O, ,DE'I RAB SGRUB PA NI KHYAD PAR CAN GYI SGRUB PA'O, ,'KHOR LO PADMA ZHES BYA BA LA SOGS PA LA 'KHOR LO'I RIGS LA SOGS PA'I RGYUR GYUR PAS CI RIGS PAR RDO RJE LCAGS KYU LA SOGS PA GSUNGS NAS 'KHOR LO DANG RDO RJE DANG PADMA'I RIGS RNAMS KYIS LHA RNAMS DGUG PAR BYA BA'I PHYIR GO RIMS BZHIN DU 'KHOR LO DANG RDO RJE DANG PADMAS MTSAN PA'I LCAGS KYU SPYI BO DANG LKOG MA DANG SNYING GAR GNAS PA'I 'KHOR LO LA SOGS PA LAS SPROS LA BSGOM PAR BYA BA NGAS GSUNGS PA YIN NO ZHES BYA BA'I DON TO, ,SNYING GA RU NI BSKUL BAR BYA BA NI SNYING GA PHUG NAS DGUG PA'O, ,DRAG SHUL GYI SGRUB PA 'DI LA NYES BYAS SU 'GYUR BAR DOGS PA BSAL BAR BYA BA'I PHYIR, 'DI NI ROL MO'I 'BYUNG BA DE, ,ZHES BYA BA GSUNGS TE, ROL MO LAS SKYES PA ZHES BYA BA'I DON TO, ,'DIR SANGS RGYAS BYON PA 'AM THUGS GAR GDAB PA YANG MA YIN GYI, 'ON

288a

, ,KYANG DON MED PA LA DON DU SNANG BA'I RNAL 'BYOR PA'I SEMS TZAM NI DE LTAR RTEN CING 'BREL PAR 'BYUNG BA YIN PA DE BAS NA ROL MO 'BYUNG BA 'DI NI BCOM LDAN 'DAS DE RNAMS NYID KYIS GDUL BYA RNAMS LA THUGS BRTZE BA'I PHYIR GSUNGS PA YIN TE, 'DI LTA BU'I NYE BAR DMIGS PA DKA' BA BSGOM PA NI NYE BAR DMIGS PA ZAD PAR BYA BA'I PHYIR DE'I BKA' BZHIN BYED PA'I DAD PA DANG SHES RAB 'PHEL BA'I PHYIR RO, ,DNGOS GRUB KYI DON GYI RDO RJE NI BYANG CHUB KYI SEMS TE DE'I TSUL MCHOG GO, ,YE SHES RDO RJE CAN NI SEMS BRTAN PA RNAMS KYI'O GSANG BA ZHES BYA BA NI RO GCIG PA'O, ,GRUB PAR 'GYUR ZHES BYA BA NI ZHAG BDUN TZAM GYIS 'GRUB PAR 'GYUR RO, ,RIM PA GANG GIS 'GRUB PAR 'GYUR ZHE NA, MCHOG STZOL BA DAG CES BYA BA LA SOGS PA GSUNGS SO, ,YID NI 'JIGS SHING SKRAG GYUR NAS, ZHES BYA BA LA 'DIR BCOM LDAN 'DAS SGRUB BA PO BTANG SNYOMS SU BZHAG PAS BDAG NYID BRTZE BA MED PA'I RTOG PA NI 'JIGS PA'O, ,DAM TSIG LAS 'DAS PAS BRDZUN DU SMRA BA'I RTOG PA NI SKRAG PA'O, ,YID LA ZHES BYA BA LA SOGS PA LA SEMS DGA' BAR BYED PA'I PHYIR MGU BA ZHES BYA BA'I DON TO, ,DNGOS GRUB RGYA CHEN PO NI SKU GSUM NAM MKHA'I MTSAN NYID CAN GYI RDO RJE GSUM MO, ,SNGAGS KYI SPYOD PA'I MCHOG SGRUB PAS, ,ZHES BYA BA NI SNGAGS NI SPYOD PA'I MCHOG 'DI RAB TU MDZAD PAS SO, ,DE NYID KYIS NA DE DAG GI BKA' 'DI DAG GAL TE SGRUB PA PO 'GA' ZHIG GIS 'DA' BAR BYAS NA STE, KHA NA MA THO BA'I DGOS PAS NYAMS SU LEN PAR MI BYED NA NI'O, ,RMONGS PA DAG CES BYA BA NI MA RIG PA'I RANG BZHIN CIN NO, ,GANG GI PHYIR DE NI THUGS RJE CHEN POS BSTAN PA DMIGS PA'I GNYEN PO'I RNAL 'BYOR PAS KYANG GANG KHA NA MA THO BA DGOS PAR 'GYUR BA'I PHYIR RIGS PA'I RJES SU 'BRANG BAR BYA'I RGYU MED PAR BSGRAGS PAR NI MI BYA'O, ,DE'I ZHES BYA BA NI 'DA' BAR BYED PA'O, ,SROG CES BYA BA NI DNGOS GRUB KYI SNOD NYID DE 'DI LTAR DGE SLONG TSUL KHRIMS 'CHAL PA NI BSTAN PA 'DI LA SHI BA ZHES BRJOD DE, NYAN THOS KYI 'BRAS BU'I SKAL BA MED PA'I

288b

PHYIR RO, ,DE BZHIN DU DE YANG DNGOS GRUB 'DI LA SHI BAR 'GYUR BA YIN TE, SKAL BA MED PA'I PHYIR RO, ,DE CI'I PHYIR ZHE NA, DANG PO'I SPYOD PA DAG GIS NI MA GRUB PA NYID KYI PHYIR DANG SPYOD PA 'DI LA NI RGYAB KYIS PHYOGS PA'I PHYIR RO, ,GANG YANG DUS MA YIN PA 'AM CHO GA MA YIN PAS DRAG SHUL GYI SBYOR BA BYED PA 'AM GZHAN DAM TSIG MED PA LA GSANG BA 'DI STON PAR BYED NA DE'I NYES PA NI DUS MA YIN PAR 'CHI BA DANG DMYAL BAR LTUNG BA LA SOGS PA 'DI YIN NO, ,DRAG SHUL SGRUB PA'I THA MA DANG SNGAR GYI SPYOD PA LA CHO GA BZHIN DU SANGS RGYAS THAMS CAD RJES SU MNYES PAR BYA BA YIN PAS NA DE NAS ZHES BYA BA LA SOGS PAS CHO GA DE DAG NYID GSUNGS TE RIGS GSUM BSDUS PA'I LHA RNAMS NI 'JIG RTEN GSUM YIN LA DE RNAMS KYI MCHOG NI RJES SU MTHUN PA YIN ZHING SNGAR BSHAD PA'I DRAG SHUL GYI SBYOR BAS STON PAR MDZAD PAS NA 'JIG RTEN GSUM MCHOG STON PA PO'O, ,'JIG RTEN GSUM PO DE DAG NYID KYI MCHOG GI RDO RJE MNYES PA'I CHO GA 'CHAD PAR 'GYUR BAS LONGS SPYOD DAM PA DANG MCHOG TU DGYES PAR 'GYUR BA DE NI 'JIG RTEN GSUM MCHOG RDO RJE GTZO BOS SO, ,GSUNG NI ZHES BYA BA NI RJES SU MNYES PAR BYA BA STON PA NA'O, ,CI SNYED PA ZHES BYA BA NI SNGAR BSTEN NAS GANG DU PHUR BUS BTAB PA RANG GI RDO RJE'I SKAM PAS PHYUNG NAS YE SHES KYI BDUD RTZIS DBANG BSKUR NAS YANG SNGA MA BZHIN DU BSKYED PA'I BAR DU'O, ,RDO RJE GSUM GYI YE SHES RDZOGS, ,ZHES BYA BA NI SPYI BO DANG, LKOG MA LA SOGS PAR SKU DANG GSUNG DANG THUGS DANG YE SHES KYI MTSAN MA SNGAGS DANG BCAS PA BYIN GYIS RLOB PA'O, ,DBANG PO GNYIS KYI SBYOR BA YIS, ZHES BYA BA NI RDO RJE DANG PADMA YANG DAG PAR SBYAR BAS SO, ,DNGOS PO THAMS CAD BRTAG PAR BYA, ,ZHES BYA BA NI DE RNAMS LA BYA'O, ZHES BYA BA LHAG MA'O, ,DNGOS PO THAMS CAD NI LONGS SPYOD BZHI STE, GTI MUG DANG ZHE SDANG DANG 'DOD CHAGS DANG RDO RJE'O,,DE RNAMS BRTAG PAR BYA BA NI SNA TSOGS SU BRTAG PAR BYA STE, YE SHES KYI MTSAN MA LAS NAM MKHA' KHYAB PAR BYED PA SPRO BA'O, ,'DI DAG GANG ZHE NA, 'DI NI ZHES BYA BA LA SOGS PA GSUNGS TE, SNGAGS DE NYID NI LONGS SPYOD YIN LA DE RNAMS

289a

, ,KYI DAM TSIG NI KUN DU 'GRO BA'O, ,RIG MA'I DBANG PHYUG CES BYA BA NI YE SHES KYI MTSAN MA'I NANG DU CHUD PA'I NYI MA DANG ZLA BA'I DKYIL 'KHOR GYI RNAM PA CAN GYI GTZO MO'O, ,ZHUGS PA LA ZHES BYA BA NI DE DAG NYID LA DNGOS PO THAMS CAD BSDU BA'I SBYOR BAS RO GCIG PAR GYUR PA DAG LA'O, ,RDO RJE'I SBYOR BA RAB BSGOM ZHING, ,ZHES BYA BA NI DE LA GNAS PA'I SNGAGS KYI YE SHES LHAN CIG SBYOR ZHING PHAN TSUN CHAGS PAR SGOM PA'O, ,JI LTAR ZHE NA, CHAGS PA ZHES BYA BA LA SOGS PA GSUNGS TE, CHAGS PA NI RIG PA'I RGYAL MO DE LA CHAGS PA'O, ,BLTA BA NI YE SHES TE SNGAGS SO, ,'DI LA CHAGS PAS BLTA BA YOD PAS NA DE SKAD CES BYA BA STE, GNYI GA CHAGS PAS BLTA BAR BYA'O ZHES BYA BA'I DON TO, ,DE GANG ZHE NA, 'DI NI DAM TSIG DKYIL 'KHOR RO, ,ZHES GSUNGS TE, SNGAGS KYI DAM TSIG DE NYID BSDU BA'I SBYOR BAS SNYING POR BSDU BA'O ZHES BYA BA'I DON TO, ,DE NAS ZHES BYA BA LA SOGS PA LA, DE BZHIN GSHEGS PA KUN BDAG SRAS NI BYANG CHUB SEMS DPA' RNAMS SO, ,'DI LAS BSHAD MA THAG PA'I BYANG CHUB SEMS DPA'I TSOGS SPROS PA DANG BSDUS PA LAS DE BZHIN GSHEGS PA KUN GYI SRAS SU GYUR PAS NA DE SKAD CES BYA'O, ,'DI LAS 'CHAD PAR 'GYUR BA'I RIG MA'I TSOGS SPROS PA DANG BSDUS PAS THAMS CAD DBANG BSKUR BA DE LTAR NA THAMS CAD DBANG BSKUR RO, ,DE LTA BU YANG DE YIN LA SANGS RGYAS GTZO BO YANG YIN TE, 'DI LAS 'CHAD PAR 'GYUR BA'I SANGS RGYAS KYI TSOGS SPRO BA DANG BSDUS PAS SANGS RGYAS RNAMS MCHOG YIN PA'I PHYIR RO, ,DE BYED PA'I PHYIR RNAL 'BYOR PA LA YANG DE SKAD CES BYA LA DE STON PAR MDZAD PA NYID KYI PHYIR BCOM LDAN 'DAS LA YANG DE SKAD CES BYA'O, ,JI SNYED YOD CES BYA BA NI BUD MED DE RIG MA JI SNYED YOD PA'O,, BSHAD PA NI BSAMS PA STE, MCHOG TU DGA' BA'I RIG MA THAMS CAD SPRO BA'I PHYIR RO, ,PHYAG RGYA CHEN PO'I SA DANG PO NI SA BON NO, ,DE LA SBYOR BA NI DE'I STAN LA RJES SU ZHUGS PA'O, ,DE THAMS CAD CES BYA BA NI DE DAG THAMS CAD LA'O, ,BYE BA GRANGS MED RDO RJE CAN, ZHES BYA BA NI SANGS

289b

RGYAS BYE BA GRANGS MED PA'O, ,MTHAR BSDU BA NI MA BSHAD KYANG GRUB PA YIN NO, ,SANGS RGYAS GNAS NI DER ZHES BYA BA NI DER GNAS PA'I YE SHES KYI SA BON NO, ,SPRO BYA ZHES BYA BA NI MCHOG TU 'DEBS SO, ,BYANG CHUB KYI DAM TSIG CES BYA BA NI BYANG CHUB TU YANG DAG PAR SBYOR BA 'DI NYID STON PAR MDZAD PA DE LA DE SKAD CES BYA'O, ,RDO RJE ZHES BYA BA LA SOGS PAS NI 'BRAS BU GSUNGS PA YIN TE GANG LA RDO RJE GSUM PO MKHA' 'DRA BA YOD PA DE LA DE SKAD CES BYA'O, ,BYANG CHUB NI DON DAM PA MTHONG BA'O, ,'DI LA BYANG CHUB LA GNAS PA'I SEMS YOD PAS NA BYANG CHUB SEMS DPA'O, , DES BDAG NYID SANGS RGYAS THAMS CAD DANG MNYAM PA NYID KYI PHYIR RGYAL BA RGYA MTSO'O, ,RDO RJE SEMS DPA' NI BYANG CHUB SEMS DPA' STE, DE RNAMS KYI MCHOG NI DON DAM PA MTHONG BA'I PHYIR RO, ,DES ZHES BYA BA NI RNAL 'BYOR PAS SO, ,DE BZHIN GSHEGS PA THAMS CAD KYI SNYING PO BSKUL BA NI YANG DAG PAR SAD PA STE, DRAG SHUL GYI SBYOR BA'I PHYIR DANG RJES SU MNYES PA'I PHYIR RO, ,DE GSAL BAR BYED PA NYID KYI PHYIR LE'U LA YANG DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG CES BYA BA LAS LE'U BCU PA'O,, ,,DNGOS GRUB MCHOG NI BSNYEN PA NI LE'U 'DI'I DON YIN TE, LE'U GSUM BA DANG BDUN PAR SBAS PA'I DON GSAL BAR BYA BA'I PHYIR DANG ZHAR LAS 'ONGS PA'I DMAN PA'I DNGOS GRUB KYANG BRJOD PAR BYA'O, ,JI LTAR NA ZHAR LAS 'ONGS PA YIN ZHE NA, SBYOR BA'I YAN LAG DRUG NI DNGOS SU BDAG NYID ZHING DU BYED PA YIN LA, DE RNAMS KYIS KYANG CUNG ZAD TZAM ZHING DU BYED PA YIN PA'I PHYIR RO, ,DE YANG SEMS BRTAN PA LAS YIN LA SEMS BRTAN PA DE YANG YAN LAG BZHI'I SBYOR BA LAS YIN PAS DE NYID DANG POR BYA'O, ,DE BAS NA DE'I DON GYI LE'U BSTAN PAR 'DOD NAS ZHES BYA BA LA SOGS PA GSUNGS TE, DE BZHIN GSHEGS PA THAMS CAD CES BYA BA NI 'KHOR LOS SGYUR BA DRUG PO RNAMS TE, DE RNAMS KYI RDO RJE SKYES BU'I MCHOG CES BYA BA LA RDO RJE NI BYANG CHUB KYI SEMS SO, ,DE NYID NI SKYES BU STE SEMS NYID SKYES BU'I BYA BA BYED PAS SKYES BU YIN TE DE RNAMS KYI MCHOG NI RDO RJE SKYES BU MCHOG GO, ,JI LTAR NA MCHOG YIN ZHE NA, DUS GSUM

290a

, ,GYI SANGS RGYAS RNAMS KYI GSANG BA'I DAM TSIG YIN PA DANG DE BZHIN DU SNGAGS KYIS NYE BAR MTSON PA YIN PA'I PHYIR TE TING NGE 'DZIN DE LA DMIGS PA DE LA DE SKAD CES BYA'O, ,DE LA SNYOMS PAR ZHUGS PA NI DE STON PA'I RNAM PAR THUGS RTZE GCIG TU MDZAD PA ZHES BYA BA'I DON TO, , DE BZHIN GSHEGS PA THAMS CAD KYI SNGAGS RDO RJE ZHES BYA BA NI SNGAGS LA GNAS PA'I RDO RJE STE, SNGAGS DANG RIG PA DAG GI DON GCIG PA YIN PA'I PHYIR DE NYID NI RIG PA'I SKYES BU'O, ,DE RNAMS KYI MCHOG NI SNGAR BSHAD PA BZHIN NO, ,DE GSAL BAR BYED PA'I LE'U NI DE'I LE'U'O, ,RDO RJE GSUM ZHES BYA BA LA SOGS PA LA TSIGS SU BCAD PA 'DIS NI YAN LAG BZHI PA MDOR BSTAN TO, ,CHEN POR GYUR PA'I PHYAG RGYA NI PHYAG RGYA CHEN PO STE, PHRA MO GSUM GYI RIN CHEN CHEN PO'O, ,DE'I BSGOM PA NI RNAM PAR DPYAD PAR BYA'O, ,YE SHES RDO RJE ZHES BYA BA NI YE SHES SNYING PO STE DES BYA BA'O, ,BYANG CHUB THAMS CAD CES BYA BA NI THAMS CAD MKHYEN PA STE, DE'I THOB PAR BYED PA NI RGYUR GYUR PA'O, ,CI STE SNGAGS GANG GIS DE BSGOM PAR BYA ZHE NA, RDO RJE GSUM YIG SNGAGS MCHOG GIS TE, RDO RJE GSUM GYI YI GE NI RAB BSNGAGS DANG, A'A:H'Um RNAMS SO,, SNGAGS KYI MCHOG NI RANG GI SNGAGS TE, DE RNAMS KYIS SO, ,DE LA SO SOR SDUD PA NI DUS GSUM GYI SANGS RGYAS RNAMS KYI SKU BSDUS PA'O, ,BSAM GTAN GYI YAN LAG NI GSUNG DANG THUGS BSDUS PA'O, ,SROG DANG RTZOL BA NI SKU DANG GSUNG DANG THUGS RNAMS BSDUS PA'I SEMS KYI RIN PO CHE PHRA MO'O, ,DE YANG SNGAGS KYI RTZE MO'I TIG LE LA DE RNAM PAR BKOD NAS DE NYID LA BRTAN PAR GNAS TE SNGAGS KYI MCHOG DE NYID DU RIM PA BZHIN RAB SNGAGS DANG A'A: DANG H'Um RNAMS BSTIM PAS SKU PHRA MO LA SOGS PAS NYE BAR MTSAN PA'I NOR BU PHRA MO NI 'DZIN PA'I YAN LAG STE, DE DAG NI YAN LAG BZHI'I SBYOR BA'O, ,'DI LA GOMS PAS SEMS KYI RIN PO CHE BRTAN PAR GYUR NAS RJES SU DRAN PA DANG TING NGE 'DZIN YANG BSGOM PA NI YAN LAG DRUG GO, ,DE GNYI GA YANG 'KHOR LOS SGYUR BA'I PHYAG RGYA CHEN PO SKU DANG GSUNG DANG THUGS KYIS MTSAN PA BSGOM PAR BYAS NAS PHYIS BSGOM PAR BYA'O, ,DE

290b

LA SKU LA SOGS PA RNAMS KYI RANG BZHIN DON DANG 'BRAS BU RNAMS MA BSTAN PA DE DAG BSTAN PAR BZHED NAS TSIG RKANG DRUG PA'I TSIGS SU BCAD PA GSUNGS PA, AOm ZHES BYA BA LA SOGS PA LA 'DI SNGAGS RNAMS KYI RANG BZHIN SKU LA SOGS PA'O, ,DE RNAMS KYI DON NI YE SHES LA SOGS PA'O, ,'BRAS BU NI RDO RJE'I SKU LA SOGS PA'O, ,GDOD MA NAS SKYE BA MED PA'I STONG PA NYID PA NYID KYI RANG BZHIN GYI YID NI AOm ZHES BYA'O, ,DE BAS NA 'DI NI YE SHES KYI SNYING PO STE DES YE SHES TZAM DU DMIGS PA'O, ,SANGS RGYAS RNAMS KYI SKU DANG MTSUNGS PAR GYUR PA NI RDO RJE'I SKU STE, DE THOB PAR BYED PA NI LHA RNAMS KYI PHYAG RGYA CHEN PO GZUGS BRNYAN LTA BU DANG MNYAM PAR BYED PA YIN TE, THOB PAR BYED PA NI SKYED PAR BYED PA'O, ,THA SNYAD RNAMS NAM MKHA' LTA BU NI A'A: ZHES BYA STE, DES NA 'DI NI BYANG CHUB BDAG MED PA STE, BYANG CHUB DE'I MTSAN NYID MING DANG DON DANG BLO RNAMS DMIGS SU MED PAS BDAG MED PA'O, ,DE LA DMIGS PA DE LA DE SKAD CES BYA STE, LHAG MA SNGA MA BZHIN NO, ,GZUNG BA DANG 'DZIN PAS STONG PA'I YID NI H'Um ZHES BYA'O, ,DE BAS NA 'DI NI SKU GSUNG THUGS YIN TE, SKU LA SOGS PA'I NGES PA'O, ,GANG GI PHYIR LUS LA SOGS PA SANGS RGYAS RNAMS KYI SKU LA SOGS PAR SNANG BA'I SKU LA SOGS PA DMIGS SU MED DO, DE RNAMS JI LTAR SNANG BA BZHIN DU MI BDEN PA'I PHYIR RO, ,DE LTAR NA SKU DANG GSUNG GI GZUNG BA MED PAS THUGS KYANG 'DZIN PAR YOD PA MA YIN TE, GNYIS PO MI DMIGS PA 'DI NI SKU DANG GSUNG DANG THUGS TE, SKU LA SOGS PA DMIGS SU MED PA ZHES BYA BA'I DON TO, ,RDO RJE GSUM MI PHYED PA DE'I PHYIR THUGS NI RDO RJE'O, ,SNGAGS YONGS SU GYUR PA'I SKYES BU NI SNGAGS KYI SKYES BU STE, DE BZHIN GSHEGS PA THAMS CAD KYI SKU LA SOGS PA RNAMS KYIS MTSAN MA'I SNGAGS KYI SKYES BU DE NI SKU LA SOGS PA'I SNGAGS KYI SKYES BU'O, ,DE STON PAR MDZAD PA LA YANG DE SKAD CES BYA'O, ,SO SOR SDUD PA'I DBANG DU BYAS NAS NAM MKHA' RDO RJE ZHES BYA BA LA SOGS PA TSIGS SU BCAD PAS GSUNGS TE, 'BYUNG BA DANG 'BYUNG BA BSDUS PA LAS GYUR PA'I RNAM PA MA BSTAN PA DE NAM MKHA' RDO RJE ZHES BYA BAS BSTAN TE, PADMA DANG RDO RJE ZHES BYA BA'I

291a

, ,DON TO, ,KUN ZHES BYA BA NI SNA TSOGS PA'O, ,RDO RJE NI STONG PA NYID DE CHOS KYI DBYINGS ZHES BYA BA'I DON TO, ,RDO RJE SKU LAS SKYES PA'I DKYIL 'KHOR NI 'DOD PA LNGA'I LONGS SPYOD PAR BYA BA DANG NYE BAR SPYOD PA'I SANGS RGYAS RNAM PA LNGA STE, NAM MKHA' RDO RJE DBUS SU BSAM, ,ZHES BYA BAR SBYAR RO; ,DE DAG GI RNAM PA NI BDUN PAR BSHAD ZIN TO, ,SDUD PA NI NYE BAR SPYOD PA'O, ,SO SO'I SGRA NI DON RNAM PA GNYIS TE SO SOR RNAM PAR PHYE STE, SPYOD PA DANG SO SOR BSDUS PA'O, ,GANG GI TSE SO SOR RNAM PAR PHYE BA YIN PA DE'I TSE RDO RJE KUN LAS SKYES PA'I DKYIL 'KHOR NAM MKHA'I DBUS SU BSAMS LA, GANG GI TSE SO SOR BSDUS PA DE'I TSE RDO RJE KUN LAS SKYES PAR GYUR PA RDO RJE'I NANG DU BSDU BAR BYA'O ZHES BYA BA'I DON TO, ,DE LA DANG POR DE'I RGYU DGOD PAR BYA BA NI DE RU ZHES BYA BA LA SOGS PA RKANG PA GSUM PA YIN TE, YI GE BRUm SNA TSOGS PA'I GZUGS CAN BSGOM PAR BYA'O, ,DE LA ZHES BYA BA NI CHOS KYI DBYINGS SKABS KYI NAM MKHA' RDO RJE DBUS ZHES BYA BA DANG 'BREL TO, ,RNAM PAR BSGYUR BA BZLOG PA'I DBANG GIS DON GZHAN GYI SKABS SU DON GZHAN DU 'GYUR TE NAM MKHA' DANG LDAN PA'I RDO RJE'I CHOS KYI GDAN LA YI GE BRUm DANG POR BLTA BAR BYA BA'I DON TO, ,BRUm JI LTA BU ZHIG CE NA, RDO RJE SPRIN NI 'PHROS GNAS PA, ZHES BYA BA SMOS TE, 'DI NI SO SOR BSDUS PA GNYIS GSAL BAR BYED DE, RDO RJE ZHES BYA BA NI SANGS RGYAS RNAMS TE, RTAG PA'I SKU YIN PA'I PHYIR RO, ,SPRIN ZHES BYA BA NI 'DOD MA RNAMS TE, DGA' BAS DBANG BSKUR BAR BYED PA'I PHYIR RO, ,DE RNAMS KYI SPROR GNAS PA NI SPRO BA DANG SDUD PA STE, SPRO BA NI RNAM PAR PHYE STE SPRO BA'O, ,GNAS PA NI DE NYID NYE BAR BSDU BA STE, SPRO BA YANG YIN LA BSDU BA YANG YIN NO, ,GANG GI PHYIR CHOS KYI DBYINGS LA GNAS PA'I SNA TSOGS PA LA RIM BZHIN DU RDO RJE NOR BU'O, ,LAM NAS 'DOD PA LNGA PO PHYUNG LA PADMA'I DBUS SU GZHAG STE, DE'I RJES LA RANG NYID LAS SANGS RGYAS LNGA PO RIM BZHIN DU PHYUNG STE, DE RNAMS SU BKOD PA NI DE RNAMS KYI SPRO BAR 'GYUR RO, ,DE'I RJES LA PADMA'I DBUS NAS 'DOD PA LNGA PO BSLANGS TE, RDO RJE'I LAM NAS CHOS KYI DBYINGS LA BSDUS LA, DE NAS SANGS RGYAS LNGA PO YANG DE BZHIN DU BSLANGS TE BDAG NYID LA BSDUS PA NI DE RNAMS

291b

KYI GNAS PA STE BSDU BAR 'GYUR RO, ,DE LA ZHES BYA BA NI YAN LAG BZHI PO BSTAN MA THAG PA'O, ,YE SHES RDO RJE SNYING PO NI BRUm ZHES BYA BA 'DI'O, ,BSAM GTAN RNAMS KYI RANG GI NGO BO MA BSTAN PA DE BSTAN PAR 'DOD NAS RDO RJE DKYIL 'KHOR BYA BA LA SOGS PA TSIG RKANG DRUG PA'I TSIGS SU BCAD PA STE; DKYIL 'KHOR ZHES BYA BA'I SGRA 'OG MA GNYIS NI MTSAN MA'I TSIG STE, MTSAN MA DE YANG GSAL BA ZHES BYA BA NI RNAM PAR SNANG MDZAD YIN LA, DE'I MTSAN MA NI 'KHOR LO'O, ,CHOS ZHES BYA BA NI 'OD DPAG TU MED PA STE, DE'I MTSAN MA NI PADMA'O, ,RDO RJE NI RDO RJE NYID DO, ,PADMA'I LTE BA'I GRVA GSUM DU DE RNAMS PHYUNG BA NI BSAM GTAN DANG PO'O, ,RDO RJE DKYIL 'KHOR ZHES BYA BA LA DKYIL 'KHOR GYI TSIG NI RAL GRI YIN TE, RAL GRI LA DKYIL 'KHOR MCHOG CES ZER BA LAS TSIG PHYI MA MI MNGON PAR BYAS PA'O, ,DE BAS NA PADMA'I LTE BA'I DBUS SU RAL GRI PHYUNG BA NI BSAM GTAN GNYIS PA'O; ,AOm ZHES BYA BA NI 'KHOR LO'I DBUS SU BSGOM PAR BYA BA YIN LA, A'A: ZHES BYA BA NI PADMA'I DBUS SU'O ZHES BYA BA NI TSIG GNYIS PA LA SOGS PA RKANG PA BZHI'I DON TO, ,RDO RJE DKYIL 'KHOR DBUS GNAS ZHES BYA BA TSIG RKANG PA DANG PO DANG, DE RU H'Um NI ZHES BYA BA DRUG PA DANG SBYAR TE RDO RJE DANG RAL GRI DANG DBUS SU RIM BZHIN DU SA BON H'Um DANG HOm GI SA BON DGOD PA'O, ,H'Um ZHES BYA BA NI DBUS GNAS PA ZHES BYA BA DANG 'BRAL TE DANG ZHES BYA BA'I DON KYANG BLTA BAR BYA'O, ,DON GZHAN GYI SKABS SU DON GZHAN DU YANG 'GYUR BAS H'Um DBUS GNAS BYA BAR YANG 'GYUR TE, SA BON H'Um GI DBUS SU YI GE GSUM DU PHRAL BAS AU'I GNAS SU A'A: SBYAR ZHING MI MNGON PAR BYAS PAS SA BON H'Um DU GYUR PA ZHES BYA BA'I BAR DU'O, ,DE'I DON NI GSANG BA RNAMS KYI RO DBYER MED PA'I YID DE SNANG BA MED PA'I PHYIR RO ZHES BYA BA'I HAm ZHES BYA'O, ,SA BON BZHI PO 'DI DAG MTSAN MA BZHI'I LTE BAR DBYUNG BA NI BSAM GTAN GSUM PA'O, , RAB TU BSGOM ZHES BYA BA NI BYE BRAG TU BSGOM PA STE, GANG YANG PHRA MOR BSGOMS PAS ZHES BYA BA'I DON TO, ,DE JI LTAR ZHE NA, KAR SA ZHES BYA BA LA KA NI BDE BA DANG CHU'O, ,AA RAN NI SEMS TE MYUR DU 'GRO BA'I PHYIR RO, ,GA DANG AA RAN NI KA RAN TE ZLAS DBYE BA'I BSDU BA'O, ,DGA' MA BSDUS PA LAS BYUNG BA BDE BAR

292a

, ,ZHU BA'I THIG LE MU TIG GI RDOG MA LTA BU NI BSAM GTAN BZHI PA YIN LA MTSAN MA RNAMS BSDUS PA LAS BYUNG BA'I SEMS KYI THIG LE'I NANG DU CHUD PA RANG GI 'KHOR LOS SGYUR BA'I KHA DOG LTA BU NI, BSAM GTAN LNGA PA'O, ,SROG DANG RTZOL BA LA BSKYED PA'I RIN PO CHE GSAL BAR BYA BA'I PHYIR, YI GE BRUm GYIS ZHES BYA BA LA SOGS PA LA DE BZHIN GSHEGS PA RNAMS KYI SKU DANG GSUNG DANG THUGS KYI PHRA MO RNAMS BSDUS PA'I SEMS KYI RIN PO CHE NI RDO RJE GSUM MO, ,DE'I 'BYUNG BA NI DE BSKYED PA STE, DE BSGOM PAR BYA BA'O, ,JI LTA ZHE NA, YI GE BRUm GYI GNAS BSGOMS TE, ZHES BYA BA LA BSAM GTAN LNGA PAR GRUB PA'I PHRA MO GNYIS LA KHYAB PA 'DI LA YOD PAS NA GNAS TE, SO SOR SDUD PAR GRUB PA'I YI GE BRUm GDAN DANG BCAS PA GONG BUR GYUR PA'I SBYOR BA SKU'I PHRA MO THIG LE GNYIS NANG DU CHUD PA 'OD GSAL BAR BYAS PA NI GNAS ZHES BYA BA'I DON TO, ,DAM TSIG GSANG BA ZHES BYA BA NI SEMS KYI RIN PO CHE BSDUS PA'O, ,DE STON PAS BCOM LDAN 'DAS LA YANG DE SKAD CES BYA'O, ,'DZIN PA'I DBANG DU BYAS NAS TSIG RKANG DRUG PA'I TSIGS SU BCAD PA'I SNYING PO ZHES BYA BA LA SOGS PA GSUNGS TE, DRUG PA'I DON GYI LNGA PA'O, ,DUS GSUM SANGS RGYAS KYI SKU GSUNG THUGS ZHES BYA BA NI DAM TSIG GSANG BA STE, SEMS KYI RIN PO CHE ZHES BYA BA'I DON TO, ,DE'I MNYES BYED DE 'DI LA YOD PA'O, ,DE CI ZHIG CE NA SNYING PO STE, RANG GI SNYING GAR BSGOMS PA'I 'KHOR LOS SGYUR BA'I SA BON NO, ,DES DE DAG JI LTAR MNYES PAR BYED CE NA, DE'I THIG LE LA DE DAG GI MTSAN NYID DMIGS PA'I PHYIR RO, ,DE JI LTAR SNYING PO YIN ZHE NA, DAM PAR GYUR PAS TE, DE RNAMS KYI SNGAGS SO, ,CI'I PHYIR ZHE NA, MDOR BSDUS PA'I PHYIR RO, ,JI SKAD DU LE'U BCO BRGYAD PA LAS, DREGS PA'I SA NI KHA DOG DBYE, ,DE BZHIN RO YI SNYING PO'O, ,ZHES GSUNGS TE, RO DANG SNYING PO DAM PAR GYUR PA NI RNAM GRANGS YIN NO, ,DE BAS NA ROS SNYING PO DBYE BA STE, SNYING PO'I DON GSAL BAR BYAS PA ZHES BYA BA'I DON TO, ,DE NYID KYI PHYIR DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO DANG RDO RJE 'DZIN PA DANG, CHOS KYI DBYINGS KYANG YIN NO, ,

292b

KHYAD PAR DU SGRIB PA MED PA RNAM PAR DAG PAS NAM MKHA'I DBYINGS SO, DES NA SNGAGS KYI MCHOG GI THIG LER YANG DAG PAR SBYOR BAS GRUB PA'I NI RIG PA'I MCHOG STE, MCHOG CES BYA BA NI RDO RJE GSUM PO MI PHYED PAS YANG DAG PAR MTSON PA'I PHYIR RO, ,DE NYID BSTAN PA'I PHYIR, AOm ZHES BYA BA LA SOGS PA GSUNGS TE, YI GE AOm RTZA BA'I SNGAGS LA THIM PAS SANGS RGYAS SKU'I MCHOG CES BYA BA DUS GSUM GYI SANGS RGYAS RNAMS KYI SKU BSDUS PA SKU PHRA MO'I NOR BU STE, MTSON PAR BYA ZHES BYA BA NI LHAG MA'O, ,GANG ZHE NA, AOm ZHES BYA'O, ,A'A: THIM PAS NI SANGS RGYAS GSUNG GI LAM STE, DUS GSUM GYI SANGS RGYAS RNAMS KYIS BSTAN PA'I DON GSUNG PHRA MO STE A'A:'O, ,H'Um THIM PAS NI THUGS YE SHES KYI RGYA MTSO STE, MTHA' YAS PA'I ZHI GNAS DANG LHAG MTHONG BSDUS PA SEMS KYI PHRA MO STE H'Um NGO, ,DE DAG CI ZHIG YIN ZHE NA, BYANG CHUB TSUL MCHOG CES BYA BA LA SOGS PA SMOS TE, BYANG CHUB KYI RIN PO CHE'I MTSAN NYID DE'I TSUL MCHOG STE, MCHOG TU 'DREN PA'O, ,'DI DAG CES BYA BA LA SOGS PAS NI NYE BAR BSDU BA STON TE, 'DI ZHES BYA BA NI BSTAN MA THAG PA'I YAN LAG BZHI PO THAMS CAD DO, ,BSTAN PA DE DAG SANGS RGYAS KYI BYANG CHUB SKYED PA POR BSTAN PA'I PHYIR THAMS CAD CES BYA BA LA SOGS PA SMOS TE, SANGS RGYAS THAMS CAD NI 'KHOR LOS SGYUR BA RNAMS SO, ,DE RNAMS KYI SANGS RGYAS BYANG CHUB DAM PA STE, DE RAB TU BSGRUB PAR BYA'O, ,JI LTAR YAN LAG BZHI'I SBYOR BA DES BYANG CHUB TU 'GYUR ZHE NA, SANGS RGYAS RGYU DANG 'BRAS BU 'BYUNG, ,ZHES BYA BA SNOS TE, SANGS RGYAS RNAMS KYI RGYU NI MTSAN MA STE, BYANG CHUB SEMS KYI KHYAD PAR YIN PA'I PHYIR RO, ,'BRAS BU NI GDAN TE, BYANG CHUB NYID YIN PA'I PHYIR RO, ,DE LTAR NA MTSAN MA SPROS PA NI RJES SU DRAN PA'I YAN LAG YIN LA, DE BSDUS PA LAS BYUNG BA'I GDAN NI TING NGE 'DZIN GYI YAN LAG STE, RJES SU DRAN PAS BAR DU CHOD PA'I BYANG CHUB YAN LAG BZHI'I SBYOR BAS SGRUB PO ZHES BYA BAR 'GYUR RO, ,MTSAN MA DANG GDAN DAG JI LTAR NA RGYU DANG 'BRAS BUR 'GYUR ZHE NA, BCO BRGYAD PA LAS, RANG GI RGYU YIS DBANG BSKUR BA, ,'BRAS BU BZHI YIS PHYE BA NYID, ,CES GSUNGS SO, ,JI LTAR MTSAN

293a

, ,MAS DBANG BSKUR YIN ZHE NA, DAM TSIG RJES SU DRAN PA LAS MTSAN MA NYID SPRO BA BSTAN PA DANG YANG RDO RJE'I DBANG BSKUR BA YIN PA'I PHYIR RO, ,GANG YANG SMRA BA YE SHES SU ZHU BA'I DBANG BSKUR BA'O ZHES PA DE LTAR NA NI, RGYU LA 'BRAS BUS RGYAS BTAB CING, ,'BRAS BU 'ANG RGYU YIS RGYAS BTAB BSGOM; ,ZHES BYA BA MI 'THAD PAS MI RUNG NGO, ,RIG PA'I SKYES BU NYID SBYAR BA'I PHYIR 'DI DAG CES BYA BA LA SOGS PA SMOS TE, 'DZIN PAS GRUB PA GANG YIN PA DE NI SKYES BU'O, ,DE NYID NI SANGS RGYAS SKYES BU YIN LA SNGAGS KYI SKYES BU ZHES BYA STE, SANGS RGYAS DANG SNGAGS DANG RIG PA'I SGRA RNAMS NI DON GCIG PA'I PHYIR RO, ,SKYES BU ZHES BYA BA'I SGRA NI GSUM KA LA YANG SBYAR RO ZHES KYANG BSGRAGS ZHES BYA BA NI SGRA DE LAS BYUNG BAR BSGRAGS PA'O, ,JI LTAR ZHE NA, RIG PA'I SKYES BUR BSKYED PA STE, DE'I DAM TSIG GI RIN PO CHE BSKYED DE DANG PO'I RANG GI SA BON DANG SBYAR BA'O, ,JI LTAR BSGRAGS SHE NA, RDO RJE MI PHYED GSUM BSGOMS TE, ,RIN PO CHE DE NYID DU YI GE GSUM GYIS MTSAN PA'I RDO RJE MI PHYED PAS SO, ,YAN LAG BZHI TING NGE 'DZIN GYI MING GZHAN GSUNGS PA, DE BZHIN GSHEGS PA ZHES BYA BA LA SOGS PA STE, DE BZHIN GSHEGS PA THAMS CAD KYI SKU DANG GSUNG DANG THUGS RNAMS KYI DAM TSIG NI SEMS KYI RIN PO CHE PHRA MOR BSDU BA'O, ,DE'I DE KHO NA NYID KYI YE SHES NI SNGAGS BZHI PA'O, ,DE NYID NI RDO RJE BYIN GYIS RLOB PA STE, RDO RJE SEMS DPA' 'JUG PA'I RGYU'O, ,BCO BRGYAD PA LAS, 'DZIN PA YIS NI STOBS LDAN TE, RDO RJE SEMS DPA' YANG DAG 'JUG ,CES GSUNGS PA'I PHYIR RO, 'DI NAS BZUNG STE LE'U'I MTHAR THUG PAS NI DMAN PA'I DNGOS GRUB BRJOD PAR BYA BA YIN NA, DE RNAMS KYI ZHING DANG DUS TSIGS SU BCAD PA GCIG GIS GSUNGS PA, DBEN ZHING ZHES BYA BA LA SOGS PA LA NYAMS DGA' BA ZHES BYA BA NI ME TOG DANG 'BRAS BU DANG CHU LA SOGS PA PHUN SUM TSOGS SHING NYE BAR 'TSE BA MED PA'O, ,'DI NI ZHES BYA BA NI 'OG NAS 'BYUNG BA RNAMS SO, ,ZLA PHYED NI ZLA BA PHYED DO, ,'DIR YANG BSNYEN PA'I DUS SU RDO RJE BZHI YIN PA JI LTA BA DE BZHIN DU SGRUB PA'I DUS SU YANG YIN TE, BCO BRGYAD PA LAS, DANG PO STONG PA'I BYANG CHUB STE, ,GNYIS PAS SA BON BSDU BA'O, ,GSUM PA GZUGS NYID

293b

RDZOGS PA STE, ,BZHI PA LA NI YI GE DGOD, ,CES GANG GSUNGS PA YIN NO, ,GSAL BA'I DKYIL 'KHOR ZHES BYA BA LA SOGS PA LA, NAM MKHA' RDO RJE'I DBUS GYUR ZHES BYA BA NI SNANG BA MED PA'I STONG PA NYID KYI YE SHES BSKYED DE SNGAGS KYIS BYIN GYIS BRLABS PA'I MTHUS CHOS 'BYUNG BAR GYUR PA'I NANG DU SNA TSOGS PADMA LA GNAS PA'I SNA TSOGS RDO RJE BLTA BA NI 'DIR NAM MKHA'I RDO RJE ZHES BYA STE, STONG PA NYID KYI BYANG CHUB BO, ,DE NAM MKHA' RDO RJE'I DBUS SU GYUR PAR GSAL BA STE, SKU RDO RJE'O, ,DE'I DKYIL 'KHOR NI SNA TSOGS PADMA LA GNAS PA'I STON KA'I ZLA BA LTA BU'I GZUGS SO, ,'DIR BYANG CHUB SEMS DPA' RNAMS KYI GDAN YANG ZLA BA'I DKYIL 'KHOR NYID YIN TE DE RNAMS RIGS KYI DBYE BAS PHYE BA YIN GYI RANG GI NI NGO BO MA YIN NO, ,RANG SNGAGS NI SKU'I RDO RJE'O, ,DE'I DAM TSIG NI PHYAG RGYA CHEN PO BSKYED PA'O, ,JI LTAR ZHE NA, ZLA BA'I DKYIL 'KHOR NYID DU RAB SNGAGS BLTAS TE, SANGS RGYAS RNAMS SPROS LA DE NYID DU BSDU BA 'DI NI GNYIS PA SA BON NYE BAR BSDU BA'O, ,RAB SNGAGS DE NYID LAS PHYAG RGYA CHEN POR BSKYED PA 'DI NI GZUGS RDZOGS PA'O, ,AOm NI SNYING GAR GZHAG CES BYA BA NI SNYING GA'I ZLA BA LA GZHAG PA STE, YI GE DGOD PA'O, ,'OD ZER LNGA YI SPRIN CHEN PO, ,ZHES BYA BA NI KHA DOG LNGA'I 'OD ZER GYI TSOGS TE, RAB SNGAGS DE NYID LAS SPRO BAR BYA ZHES BYA BA LHAG MA YIN NO, ,RNAM PAR SNANG MDZAD MCHOG TU ZHES BYA BA NI SANGS RGYAS LNGA'I GTZO BOR RNAM PAR SNANG MDZAD GYUR PA'O, ,BSGOM ZHES BYA BA NI SPRO BA'O, ,'DI ZHES BYA BA LA SOGS PAS NI 'BRAS BU GSUNGS TE, SANGS RGYAS RNAMS KYI ZHES BYA BA NI SKU RDO RJE'I SKU NI SKU NYID DO, ,RDO RJE ZHES BYA BA NI SANGS RGYAS RNAMS SO, ,DE RNAMS KYI RNAM PAR SNANG MDZAD NI MTHA' YAS PA'I SKU'O, ,DE RNAMS KYI RGYA MTSO NI TSOGS SO, ,SANGS RGYAS SKU NI 'DRA BA'I 'OD, ,CES BYA BA LA SOGS PAS NA 'OD KYI DKYIL 'KHOR GYIS BRGYAN PA'O, ,DE TZAM GYIS MTSUNGS PA YIN GYI TSE TSAD KYIS NI MA YIN PAR BSTAN PA'I PHYIR YE SHES ZHES BYA BA LA SOGS PA SMOS TE, SANGS RGYAS BSTEN BZHIN PAS BSKAL PA GSUM DU GNAS NAS, PHYIS TSEGS CHUNG NGUS BYANG CHUB BSGRUB PAR 'GRO'O ZHES BYA BA'I DON TO, ,SKU RDO RJE'I GSANG BA ZHES BYA BA NI SGRUB

294a

, ,THABS DE NYID DE STON PAR MDZAD PA LA YANG DE SKAD CES BYA'O, ,'OD ZER GYI BKONG PA 'OD ZER 'PHRO BA'O, ,DE LA DMIGS PA'I TING NGE 'DZIN LA DE SKAD CES BYA'O, ,CHOS ZHES BYA BA NI GSUNG RDO RJE'O, ,NGAG GI LAM ZHES BYA BA NI CHOS KYI YE SHES KYI GNAS TE, SNYING GAR PADMA CHEN POS KHYAB PA'I YE SHES LAS 'OD ZER 'PHRO BA'I DON TO, ,'JIG RTEN DBANG PHYUG CES BYA BA NI 'OD DPAG TU MED PA'O, ,DAM TSIG CES BYA BA LA SOGS PA NI 'BRAS BU BSTAN TE, DAM TSIG YE SHES NI GSUNG RAB RNAMS KYI YE SHES SO, ,CI LTA ZHE NA, TSIG GI DAM TSIG SPROS PA ZHES BYA BA LA TSIG BSTAN PAR BYA'O; ,DAM TSIG NI DON RTOGS PA STE, SO SO YANG DAG PAR RIG PA BZHI'O, ,DE'I SPROS PA NI KHYAD PAR DU SKYED PAR BYED PA STE, DER BSKYED NA RDO RJE CHOS TE GSUNG RDO RJE DANG MTSUNGS PAR 'GYUR RO, ,CHOS NI DAM TSIG YE SHES DE NYID YIN LA TSIG GI LAM DE NYID NI TSIG GI DAM TSIG GO, ,DE DAG LA GNAS PA NI RAB TU GNAS PA STE, DAM TSIG NI 'BYUNG BA'I 'OD ZER 'PHRO BA'O, ,RDO RJE NI THUGS KYI RDO RJE STE, RDO RJE THUGS DANG RDO RJE DANG, SKU DANG GSUNG DANG THUGS ZHES BYA BA NI RNAM GRANGS SO, ,SEMS ZHES BYA BA NI THUGS KAR KHYAB PA'I YE SHES TE, DAM TSIG CHEN PO'O, ,DE'I DE KHO NA NYID NI 'OD ZER 'PHRO BA'I PHYAG RGYA'O, ,YE SHES RDO RJE NI THUGS KA'I SA BON NO, ,RDO RJE KUN DANG RGYAL BA NI, ,SANGS RGYAS KYI 'OD ZER RNAMS SO, ,GNAS NI DE NYID DE DE NYID LA SPRO BA DANG BSDUS PA'I PHYIR RO, ,STON PA NI SDANG BA RNAMS 'DUL BAS SO, ,YE SHES NI TING NGE 'DZIN TO, ,YON TAN NI MNGON PAR SHES PA LA SOGS PA'O, ,DE RNAMS KYI RGYA MTSO NI TSOGS SO, ,DAM TSIG RDO RJE ZHES BYA BA NI KUN DU 'GRO BA'I 'OD ZER CAN NO, ,DE DAG NI SKU RDO RJE LA SOGS PA'I DNGOS GRUB STE, SA'I SNYING PO DANG, 'JIG RTEN DBANG PHYUG DANG, PHYAG NA RDO RJE RNAMS KYANG DE BZHIN NO, ,YE SHES DANG RDO RJE CHEN PO DANG, NAM MKHA' RDO RJE DANG RDO RJE YE SHES NAM MKHA' DANG, SKU DANG GSUNG DANG THUGS RDO RJE DANG NAM MKHA'I SNYING PO RNAMS NI RNAM GRANGS SO, ,BSGOM PAR BYA BA NI BSAM PAR BYA BA'O, ,LUS RNAMS KUN LA ZHES BYA BA NI BSGOM PAR BYA ZHES PA DANG 'BREL TO, SNYING GAR BSAMS PA DE LAS BA SPU'I BU GA THAMS CAD SPRO BA'O, ,

294b

MCHOD PA NI RAB TU BSNGAGS PA'O, ,BSKAL PA'I DUS NI BSKAL PA CHEN PO'I DUS SO, ,MI GZIGS ZHES BYA BAS NI MI SNANG BA'I DNGOS GRUB TU STON TO, ,NAM MKHA'I RDO RJE DAM TSIG NI SPRO BA STE, DE STON PAR MDZAD PA DE LA YANG DE SKAD CES BYA'O, ,MI SNANG BA ZHES BYA BA NI KHAm NGO, ,DE LAS BYUNG BA NI LUS THAMS CAD DU BYUNG BA'O, ,DE NYID KYI PHYIR BKOD PA'I PHRENG BA STE, 'OD ZER SO SO'I SPRIN DES GSAL BA'I PHRENG BA'O, ,RDO RJE DANG DAM TSIG RDO RJE NI SGRIB PA RNAM PAR SEL BA'O, ,DE RJOD PAR BYED PA NI RDO RJE HAm ZHES BYA BA STE, HAm YANG YIN LA RDO RJE YANG YIN NO, ,RNAM PAR BSGOM PA NI SPRO BA STE ZHES BYA BA LHAG MA YIN NO, ,'JAM DPAL ZHES BYA BA LA SOGS PAS NI 'DRA BA'I 'BRAS BU BSTAN PA YIN TE, YID DU 'ONG BAS NA 'JAM PA'O, ,DGA' MA RNAMS BSDUS PAS NA DPAL DAM TSIG STE, DE'I LONGS SPYOD YOD PA DE LA DE SKAD CES BYA'O, ,RDO RJE GSUM PO RO GCIG TU GYUR PAS NA SKU GSUNG THUGS KYI RDO RJE CAN NO, ,SA BCU DAG LA GNAS PA'I BYANG CHUB SEMS DPA' NI RDO RJE 'DOD PA'O, ,YE SHES NI SNYING GA'I SNGAGS SO, ,DE'I DAM TSIG NI 'OD ZER SPRO BA'O, ,DE'I ZLA BA NI TSIM PAR BYED PA'I PHYIR RO, ,RDO RJE NI MI PHYED PA'I PHYIR RO, ,'BYUNG BA LNGA'I RANG BZHIN YIN PA'I PHYIR, NAM MKHA'I DBYINGS NI KUN DU BZANG PO'O, ,DE NYID NI SANGS RGYAS THAMS CAD KYI RANG BZHIN YIN PA'I PHYIR, NAM MKHA'I RDO RJE DANG RDO RJE'I SKU'O, ,TSOGS KYI SGRA NI SKU'I DON TO, ,DE NYID MCHOG GI THABS YIN PAS NA MCHOG GI MTSON PA'O, ,'DIR MTSON CHA MCHOG GI RNAL 'BYOR PA LA YANG MTSON MCHOG CES BYA STE, DE NAM MKHA'I RDO RJE'I SKU DANG MTSUNGS PAR 'GYUR RO, ,CI ZHIG BYAS NAS SHE NA, THL'Im BSGOMS NAS SO, ,NAM MKHA'I DBYINGS KYI DBUS GYUR NI, ,SNYING GA'I DBUS SU GYUR PAR RO, ,'OD ZER 'BAR BA NI 'OD ZER 'PHRO BA'O, ,SANGS RGYAS SKU ZHES BYA BA NI 'OD ZER SPROS PA LAS SANGS RGYAS KYI SKU'I SPRIN 'PHRO BA'O, , SA DANG CHU DANG 'BAR BA DANG, DRI'I BZHON PA RNAMS KYI DBANG PHYUG GI YID NI THL'Im ZHES BYA BA'O, ,NAM MKHA'I RDO RJE DAM TSIG GI BKOD PA ZHES PA NI 'OD ZER 'PHRO BA'O, ,DE NYID KYI GNAS LA DMIGS PA GANG YIN PA DE LA DE SKAD CES BYA'O, ,BYANG CHUB SEMS DPA' RNAMS DANG 'DRA BA'I DNGOS GRUB BO, ,SANGS

295a

, ,RGYAS MNGON SHES ZHES BYA BA LA SOGS PA LA SANGS RGYAS MNGON SHES NI RDO RJE GSUM GYI DNGOS GRUB BO, ,MCHOG NI BYANG CHUB SEMS DPA' RNAMS SO, ,DE RNAMS KYI DAM TSIG NI MNGON PAR RTOGS PA STE, SNGAR BSTAN PA DANG 'OG NAS 'BYUNG BA RNAMS SO, ,DES MNGON SHES LNGA STE, MNGON SHES LNGA GRUB PA DAG DANG, MNGON SHES LNGA PO RNYED PAS KYANG MTSUNGS PAR 'GYUR BA'O, ,SANGS RGYAS KYI MNGON SHES KYI SKABS GSUNGS PA, 'DI DE ZHES BYA BA LA SOGS PA LA, DNGOS GRUB THAMS CAD NI DMAN PA'I DNGOS GRUB THAMS CAD KYI NANG NA'O, SANGS RGYAS MNGON SHES NI SANGS RGYAS KYI RTOG PA'O, ,MCHOG NI RDO RJE GSUM MO, ,SGRUB PA NI SGRUB THABS SO, ,NAM MKHA'I DBYINGS NI NAM MKHA'I RDO RJE STE, DBYINGS ZHES BYA BA NI 'DZIN PA STE, SNA TSOGS RDO RJE'O, ,DER DANG POR SANGS RGYAS MI BSKYOD PA DANG RIN CHEN TOG DANG, TSE DPAG MED DANG, THOGS MED RNAMS TE, DE DAG NYID RDO RJE SEMS DPA' DANG NAM MKHA' DANG 'JIG RTEN DBANG PHYUG DANG, RDO RJE AUTPALA DANG, RDO RJE DANG, RIN CHEN DANG, CHOS DANG DAM TSIG CES KYANG BYA STE, DE 'DI RNAMS KYI DKYIL 'KHOR NI NYI MA'O, ,DE RNAMS KYI TING NGE 'DZIN STON PA'I RDO RJE 'DZIN PA YANG MI BSKYOD PA LA SOGS PAR BSTAN TO, ,RDO RJE GSUM NI SKU LA SOGS PA RNAMS SO, ,DAM TSIG NI BSAM PA STE, RAB SNGAGS BSAMS PA DES RDO RJE GSUM PO MI BSKYOD PA LA SOGS PA DANG MTSUNGS PAR 'GYUR RO, ,DE NYID NYE BAR BSTAN PA NI MI BSKYOD PA ZHES BYA BA LA SOGS PA TSIGS SU BCAD PA GCIG YIN TE, GSUNG DANG THUGS MCHOG NI GSUNG DANG THUGS KYI MCHOG GO, ,MI BSKYOD RDO RJE ZHES BYA BA NI MI BSKYOD PA'I SKU RDO RJE LA SOGS PA STE, DE DANG LDAN PA'O, ,MI BSKYOD PA'I DAM TSIG NI YANG DAG PA'I YE SHES SO, ,SKU NI SKU GSUM MO, ,DE RNAMS KYI MNGON PAR BYANG CHU PA NI DE THOB PAR BYED PA'I RGYU STE DE LA DE SKAD CES BYA'O, ,DPAL NI RIN CHEN TOG STE, 'OD NI MDZES PA'O, ,BYANG CHUB NI DUS GSUM GYI SANGS RGYAS RNAMS KYI CHOS THAMS CAD DO, ,DE'I BDAG MED PA NI RANG DANG SPYI'I MTSAN NYID STONG PA NYID DO, ,YE SHES NI MNYAM PA NYID KYI YE SHES TE, DE'I GSANG BA'I GNAS NI DE BZHIN GSHEGS PA RNAMS KYI GSANG BA

295b

BSDUS PA'O, ,RIN PO CHE'I DAM TSIG NI MNYAM PA NYID KYI YE SHES SO, ,LONGS SPYOD NI SKU GSUM STE, DE DAG THOB PAR BYED PA'I RGYU DE LA DE SKAD CES BYA'O, ,THEG CHEN NI BLA NA MED PA'I BYANG CHUB BO, ,LAM NI DER BGROD PA'I LAM STE GANG LAS DE 'BYUNG BA'O, ,GANG LAS SHE NA, YANG DAG PA'I CHOS BSTAN PA LAS SO, ,'OD DPAG TU MED PA'I YON TAN NI SHES RAB DANG SNYING RJE LA SOGS PA'O, ,RDO RJE NI SKU GSUM STE, DE'I 'OD KYIS DPAL NI NUS PA PHUN SUM TSOGS PA STE, DE THOB PAR BYED PA DE LA DE SKAD CES BYA'O, ,AUTPALA ZHES BYA BA LA NYE BAR SONG NAS GNAS LA DMIGS PAS NA AUTPALA'O, , DPAL LDAN ZHES BYA BA NI DE RNAMS NYID SPRO BA'I PHYIR RO, ,YE SHES MTSO ZHES BYA BA NI MTHA' YAS PA'I YE SHES KYI RANG BZHIN YIN PA'I PHYIR RO, ,SEMS CAN KUN DON 'BYUNG BAR 'GYUR, ,ZHES BYA BA NI SPROS PA DE RNAMS KYI DON BYED PA'O, ,GDON MI ZA BA'I DAM TSIG NI THAMS CAD SHES PA'O, ,DE RNAMS KYI 'BYUNG BA NI 'OD ZER DE LAS YE SHES KYI MCHOG 'BYUNG BA DES SEMS CAN GYI TSOGS KYI DON GANG LAS 'BYUNG BA DE LA DE SKAD CES BYA'O, ,RNAM PAR SNANG MDZAD KYI DKYIL 'KHOR NI ZLA BA'I GZUGS SO, ,SKU GSUM AOm NI SKU GSUM GYI 'BYUNG GNAS SO, ,YE SHES RDZOGS BYANG CHUB NI YE SHES TZAM DU THAMS CAD THUGS SU CHUD PA YIN NO, ,SKU GSUM MI PHYED SGRUB BYED PA NI SKU DANG GSUNG DAG KYANG YE SHES NYID KYI SNANG BA YIN PAS SO, ,LUS DANG NGAG NYID DMIGS PA STE, YONGS SU SHES PAR BYA BA'I PHYIR RO, ,DE'I MNGON PAR BYANG CHUB PA NI YONGS SU SHES PA STE, DE'I RGYU BYED PA DE LA DE SKAD CES BYA'O; ,SANGS RGYAS RNAMS DANG MNYAM PA'I DNGOS GRUB BO, ,MNGON PAR SHES PA'I DNGOS GRUB KYI DBANG DU BYAS TE GSUNGS PA, ,RNAM PAR DBEN PA ZHES BYA BA LA SOGS PA LA KLUNG NI CHU RNAMS SKYE ZHING RAB TU 'BAB PA'O, ,YE SHES RDO RJE ZHES BYA BA NI RNAM PAR SNANG MDZAD DO, ,SOGS PA'I SGRAS NI RIN CHEN DANG; TSE DPAG MED DANG, DON YOD GRUB PA RNAMS KYI MNGON PAR SHES PA RNAMS KYANG BSDUS TE, BRTZAM PA NI MNGON SHES LNGA'I SBYOR BA 'DIS BRTZAM PAR BYA'O, ,GNAS RNAMS SU ZHES BYA BA NI MIG DANG RNA BA DANG SNA DANG LCE DANG, MGO RNAMS SU SANGS RGYAS MCHOG GI ZHES BYA BA LA MCHOG NI DANG PO STE

296a

, ,SANGS RGYAS RNAMS KYI DANG PO SA BON LAS BYUNG BA'I MTSAN MA DE NANG DU CHUD PA BSGOM PAR BYA BA'O, ,RDO RJE CHEN PO ZHES BYA BA NI DE BZHIN GSHEGS PA RNAMS KYI MTSAN MA'O, ,DE'I DAM TSIG NI SNGAGS DANG 'BREL BA STE, SNGAGS LAS SKYES NAS SNGAGS KYI NANG DU MTSAN PA'O, ,DER RDO RJE NI TING NGE 'DZIN BRTAN PA STE, MNGON PAR SHES PAS MKHYEN PA DE LA DE SKAD CES BYA'O, ,MNGON SHES LNGA ZHES BYA BA NI MI BSKYOD PA'O, ,RDO RJE MNGON SHES ZHES BYA BA NI RNAM PAR SNANG MDZAD DO, ,DE BZHIN DU RIN CHEN 'BYUNG LDAN LA SOGS PA'I YANG NGO, ,MNGON PAR SHES PA'I DNGOS GRUB BO, ,'KHOR LO ZHES BYA BA NI BDAG NYID BRUm LAS SKYES PA'I GZHAL YAS KHANG DU BYA'O, ,GZHAN DAG LA NI AOm LAS SKYES PA'I 'KHOR LO DKAR PO RTZIBS BRGYAD PA YIN NO ZHES ZER RO, ,SANGS RGYAS 'JUG PA ZHES BYA BA NI SPRO BA DANG BSDU BAS SO, ,SANGS RGYAS KYI GNAS DANG MNYAM PA'I DNGOS GRUB BO, ,SANGS RGYAS DKYIL 'KHOR DBUS GNAS PA; ,ZHES BYA BA NI CHOS 'BYUNG BA'I NANG DU CHUD PA'I SNA TSOGS PADMA DANG SNA TSOGS RDO RJE LA GNAS PA'I SNA TSOGS PADMA LAS SANGS RGYAS DKYIL 'KHOR TE, ZLA BA'I GZUGS LA DBUS GNAS PA, ,ZHES BYA BA JI LTAR 'BYUNG BA BZHIN DU BKOD PA STE, BDAG GI LUS LA SNANG MDZAD GZHAG ,CES BYA BA YI GE AOm LAS BDAG NYID RNAM PAR SNANG MDZAD DU BSGOM PAR BYA'O ZHES BYA BA'I DON TO, ,SNGAGS LA RNAM PAR SHES PA BSGOM, ,ZHES BYA BA NI SNYING GAR ZLA BA'I RANG SNGAGS KYI STENG DU THIG LE BRTAN PAR BYAS LA RNAM PAR SHES PA STE, SEMS KYI RIN PO CHE PHRA MO'I THIG LE LA BSGOM PAR BYA'O ZHES BYA BA'I DON TO, ,JI SRID DU THIG LE LA BRTAN PAR GYUR PA DE SRID DU DE NYID DU DE BRTAN PA NI 'GOG PA'O, ,BRTAN PAR GYUR PA DE NYID NI RDO RJE STE GYUR PA NI RNAL 'BYOR PA'I SEMS DER GYUR PA THOB PA STE, RNAL 'BYOR PA DE NI YID BZHIN GYI NOR BUR 'GYUR BA STE, DE NYID NI JI LTAR 'DOD PA DE BZHIN DU SANGS RGYAS RNAMS SPRO BA DANG SDUD PAR BYED PA'I PHYIR RO, ,DPAL LDAN PA STE TING NGE 'DZIN GYI STOBS KYIS SKU LA SOGS PA'I PHUN SUM TSOGS PA THOB PA'I PHYIR RO, ,SANGS RGYAS KUN GYI MCHOG NI RDO RJE SEMS DPA'O, ,DE 'DZIN PA NI DER 'JUG PA'O, ,DE LTAR GZHAN DAG LA YANG SBYAR BAR BYA'O, ,MI BSKYOD PA DANG SNANG BA

296b

MTHA' YAS KYI DKYIL 'KHOR NI NYI MA'O, ,SEMS NI THIG LER GYUR PA ZHES BYA BA NI THIG LE'I BYE BRAG STE, GYUR PA DANG RNAM PA DANG BYE BRAG RNAMS NI RAB TU DBYE BA'I PHYIR ZHES BYA BA GSUNGS PA'I PHYIR RO, ,GANG DU GZHAG CES SNGAGS KYI THIG LE LA STE SNGAR BZHIN NO, ,DAM TSIG CES BYA BA NI TING NGE 'DZIN TO, ,DE RNAMS KYI MCHOG GI MCHOG NI BLA MA'I BLA MA'O, ,RDO RJE MI PHYED GSUM BSGOMS PA, ,ZHES BYA BA NI DE NYID DU SEMS BRTAN PAR GYUR PA NA LUS DANG NGAG KYANG MI DMIGS PA'I PHYIR RO, ,'GOG PA'I DAM TSIG YE SHES TE, ,ZHES BYA BA NI ZHI GNAS DANG LHAG MTHONG GIS 'GOG PA LA DMIGS PA'O, , SANGS RGYAS NI RDO RJE 'DZIN PA'O, ,DNGOS GRUB NI DE DANG 'DRA BA'O, ,'GOG PA'I RDO RJE'I DNGOS GRUB BO, ,GSAL BA NI RNAM PAR SNANG MDZAD DO, ,DE'I DKYIL 'KHOR NI GDAN NO, ,BSAMS NA DE NI RTAG PAR GNAS, ,ZHES BYA BA LA RTOG PA NI RNAL 'BYOR TE, RDO RJE GSUM PO MNYAM PA'I YE SHES KYI THIG LE ZHES BYA BA'I DON TO, ,DE GANG DU BSAMS SHE NA, SNYING GA'I SNGAGS NI THIG LE'O, ,GNAS ZHES BYA BA NI RNAL 'BYOR PA DE'I SEMS BRTAN PAR GNAS PA STE, RDO RJE GSUM GYI RTOG PA ZHES BYA BA NI RDO RJE GSUM DANG BCAS PA'O, ,DE'I DAM TSIG NI YE SHES TE ZHI GNAS DANG LHAG MTHONG NGO, ,'BRAS BU GSUNGS PA SKU DANG ZHES BYA BA LA SOGS PA LA, KLOG PA ZHES BYA BA NI THOS PA'I SHES RAB KYI BDAG NYID KYI DON DU DAD PA BSKYED PA'O, ,SEMS KYANG RUNG ZHES BYA BA NI BDAG NYID KYIS BSAMS PA LAS BYUNG BA'I SHES RAB KYI NGES PA'O, ,DE YANG RDO RJE 'DRA BAR 'GYUR, ,ZHES BYA BA NI RDO RJE SEMS DPA' DANG 'DRA BAR 'GYUR BA STE, LHA RNAMS KYIS MCHOD PA DANG BSRUNG BA LA SOGS PA BYED PA'I PHYIR RO, ,KYANG GI SGRAS NI BSGOMS PAS SEMS BRTAN PAR BYAS PA RNAMS KYI SKU DANG GSUNG DANG THUGS DE LA MNYAM PAR 'GYUR RO ZHES BYA BA'I DON TO, ,RDO RJE RTOG PA'I DNGOS GRUB BO, ,DE BZHIN GSHEGS PA THAMS CAD NI 'KHOR LOS SGYUR BA DRUG GO, ,DE RNAMS KYI SNGAGS KYI DAM TSIG GI DE KHO NA NYID NI SNGAGS LA GNAS PA'I GSANG BA'I PHRA MO GSUM GYI SEMS KYI RIN PO CHE'O, ,DE NYID NI RIG PA'I SKYES BU MCHOG STE, RIG PA NI RIG MA BZHI'I RANG BZHIN YIN PA'I PHYIR RO, ,SKYES BU NI

297a

, ,GSANG BA GSUM PO 'DUS PA'I PHYIR TE, DE BZHIN GSHEGS PA THAMS CAD KYI SNGAGS KYI DAM TSIG GI DE KHO NA NYID RIG PA'I SKYES BU'I MCHOG GO, ,DE GSAL BAR BYED PA'I LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BCU GCIG PA'O,, ,,DNGOS GRUB MCHOG GI THABS GSUM PA SGRUB PA ZHES BYA BA NI LE'U 'DI'I BRJOD PAR BYA BA YIN TE, DMAN PA'I DNGOS GRUB YAN LAG DANG BCAS PA NI DE'I YANG DAM TSIG YIN LA LHAG MA NI MNGON PAR RTOGS PA YIN NO, ,DMAN PA'I DNGOS GRUB RNAMS KYI SGRUB PA NI LHA RNAMS KYI PHYAG RGYA SKU DANG GSUNG THUGS KYI RNAM PA CAN YIN TE, DE DAG SGRUB PA POS GANG DE KHO NA NYID DU MTHONG NA 'GRUB PAR 'GYUR BAS NA DE GSAL BAR BYED PA'I TSIGS SU BCAD PA DANG PO'I SKABS SU DBYE BA'I PHYIR DE NAS ZHES BYA BA LA SOGS PA GSUNGS TE, DE NAS ZHES BYA BA NI 'DAS MA THAG PA'O, ,STON PA NI PHYAG RGYA DE RNAMS NYID GSUNG GIS STON PAR MDZAD PA'I PHYIR RO, ,RDO RJE 'DZIN PA NI DON DANG LDAN PA'I MTSAN NO, ,BSKYED PA NI DE DAG NYID SGRUB PA PO'I RGYU LAS BSKYED PAR MDZAD PA'I PHYIR RO, ,YE SHES MCHOG NI BSKYED PA DE RNAMS KYI DE KHO NA NYID MKHYEN PA'O, ,DE SGRUB PA NI RDZOGS PAR MDZAD PA STE, TSIGS SU BCAD PA DANG PO NYID KYIS SO, ,RDO RJE GSUM DAM TSIG DE NYID, ,CES BYA BA LA RDO RJE GSUM NI PHYAG RGYA DE RNAMS NYID DO, ,DE'I DAM TSIG NI RO GCIG PAR THUGS SU CHUD PA STE, DE NYID NI YANG DAG PA'I YE SHES NYID YIN PA'I PHYIR RO, ,DE GSAL BAR MDZAD PA NI RDO RJE GSUNG LA DE SKAD CES BYA'O; ,GSUNG ZHES BYA BA NI 'CHAD PAR 'GYUR BA'I TSIGS SU BCAD PA'O, ,DE NYID NI RDO RJE STE, YANG DAG PA'I DON CAN NYID YIN PAS NA RDO RJE DANG 'DRA BAR DBYER MI PHYED PA NYID KYI PHYIR RO, ,BKA' STZAL ZHES BYA BA NI GSUNGS PA'O, ,RDO RJE GSUNG DE GANG ZHE NA, MKHA' DANG MTSUNGS PAR ZHES BYA BA LA 'DI DAG CES BYA BA NI 'CHAD PAR 'GYUR BA'I PHYAG RGYA CHEN PO LA SOGS PA'I MTSAN NYID CAN GYI LAM MO, ,DPER NA ROL MO DGA' BYED DANG LAKshM'I LA SOGS PAR SNANG BA NYID KYANG, JI LTAR SNANG BA BSTAR MED PA NYID SNANG BA DE BZHIN DU SKU LA SOGS PAR SNANG BA NYID KYI LAM 'DI YANG SNANG BA

297b

DE LTAR NA SGRUB PA PO LA ROL MO DANG CHOS MTHUN PA'I PHYIR ROL MO'O, ,'DI DAG KYANG CHOS RNAMS RANG BZHIN DAG PAR RAB TU BSGOM PA STE, RANG GI LHAN CIG 'BYUNG BA'I TSUL NYID KYIS, STONG PA NYID STON PAR BYED MTSON PAR BYED PA DE LTAR NA RANG BZHIN YANG DE DAG YIN LA GNYIS SU RTOGS PA MED PA'I PHYIR DAG PA YANG YIN PA DE LTAR NA RANG BZHIN GYIS DAG PA'O, ,DE LTA BU YANG DE DAG YIN LA LAM NYID YIN PA'I PHYIR CHOS RNAMS CHOS KYANG YIN PA DE LTAR RANG BZHIN GYIS DAG PA STE, DAG PA 'JIG RTEN PA'I LAM ZHES BYA BA'I DON TO, ,DAG PA DANG 'JIG RTEN PA'I RIG PA'I TSIG RKANG GNYIS POS RIM PA BZHIN DU GSUNGS PA, RNAM PAR MI RTOG NGO BO NYID DE DE DAG NI SKU LA SOGS PA'I RTOG PA MED PA'I PHYIR RNAM PAR MI RTOG PA YANG DE YIN LA SKU LA SOGS PA'I RANG GI NGO BO NYID DANG THA MI DAD PAR SNANG BA TZAM DANG LDAN PA'I NGO BO NYID KYANG YIN PAS SO, ,SKU LA SOGS PA'I SNANG BA BRDZUN PA NYID KYIS JI LTAR SNANG BA BZHIN DU MED PA NYID DU SNANG BA'I PHYIR NAM MKHA' DANG MTSUNGS PA YANG DE YIN LA YANG DAG PAR RTOGS PA NYID KYI PHYIR DAM TSIG KYANG YIN PA DE LTAR NA NAM MKHA' DANG MTSUNGS PA'I DAM TSIG GO, ,DE NYID KYI DNGOS PO NI DE'I RANG BZHIN YIN PA DE LTAR NAM MKHA' DANG MTSUNGS PA DAM TSIG DNGOS TE DE LTA BU'I RNAM PA CAN GYI DNGOS PO DE DAG RAB TU BSGOM PAR BYA ZHING RNAM PAR GZHAG PAR BYA'O, ,DAG PA 'JIG RTEN PA'I LAM 'DI YANG RNAM PAR MI RTOG PA'I NGO BO NYID CAN DANG NAM MKHA' DANG MTSUNGS PA'I DAM TSIG GI NGO BO ZHES BYA BA'I DON TO, ,SGRUB PA POS RANG GI LHA'I SKU LA SOGS PA BSKYED CING DER SNANG BA RANG GI SEMS TZAM JI LTAR SNANG BA BZHIN DU MED PA NAM MKHA' DANG MTSUNGS PAR SNANG BA DON DAM PA CAN DE LA MOS PAS BYAS NAS DE BZHIN DU YUN RING DU BSGOMS NA 'GRUB PAR 'GYUR GYI DON DAM PA LA KUN DU RMONGS PA NI MA YIN NO ZHES BYA BA'I BAR DU'O, ,LE'U 'DIR YANG DNGOS GRUB LA LA NI SNGA NA MED PA NYID DU GSUNGS PA YIN, LA LA NI BCU GCIG PA LAS GSUNGS PA KHA SKONGS PA YIN NO, ,DE LA DNGOS GRUB KYI ZHING NI DGON PA CHEN PO ZHES BYA BA LA SOGS PA GSUNGS SO, ,BRGYAN PA NYID DE DBEN PA NI TSIG GCIG PA YIN TE, RI BO DANG 'BREL BA'I PHYIR RO, ,SA PHYOGS DANG 'BREL PA LA NI MANG PO'I TSIG BYA'O, ,MAm ZHES

298a

, ,BYA BA LA SOGS PA LA NI 'JAM PA'I RDO RJE'I RI LU BSGRUB PA GSUNGS BA YIN TE, SHES BYA BSDUS PA'I BDE BA LA CHAGS PA YIN PA'I PHYIR 'JAM PA YANG DE YIN LA SHES PA BSDUS PA'I PHYIR RDO RJE YANG YIN PA NYID KYI PHYIR MAm MO, ,LUS DANG NGAG DANG SEMS RDO RJE LA ZHES BYA BA NI BDAG NYID KYI LUS LA SOGS PA LA RDO RJE 'JAM PA RAB TU BSGOM PA STE, STONG PA NYID KYI BYANG CHUB DANG SA BON BSDUS PA DANG GZUGS RDZOGS PA DANG, YI GE DGOD PAS SKU LA SOGS PA BSGOM PA'O, ,DE LA SA BON YI GE NI YI GE MAm MO, ,LUS DANG NGAG DANG SEMS LAS ZHES BYA BA NI YI GE MAm DE NYID LAS SO; ,SPROS PA NI 'OD ZER LNGA DAG GO, ,GRUB PA'I BDAG NYID CES BYA BA NI RNAL 'BYOR 'DIS RIL BU SGRUB BA LAS GRUB PAR 'GYUR NA'O, ,RDO RJE 'JAM PA'I DAM TSIG MI SNANG BAR BYED PA ZHES BYA BA RDO RJE 'JAM PA MCHOG GI DAM TSIG GI TING NGE 'DZIN TO, ,DES MI SNANG BA DE BYED PA'O, ,MTSANG BA BSKANG BAR BYA BA'I PHYIR RDO RJE ZHES BYA BA LA SOGS PA GSUNGS TE, YI GE A'A: DANG AOm DANG H'Um LA SOGS PAS RNAM PAR SBYANGS PA'I PHYIR 'DI DAG LA RDO RJE MI PHYED PA GSUM LAS BYUNG BA YOD PAS NA'O, ,JI SKAD DU BSHAD PA'I BSHAD PA LA SOGS PA LAS RI LU BYAS NAS, LCAGS GSUM LAS BYUNG LDAN BYAS TE, ,DKRIL LA DE BCUG NAS NI'O, ,GANG DU ZHE NA, KHAR TE RANG GI KHA 'AM RIG MA'I PADMAR RO, ,SANGS RGYAS KUN GYI THUGS NI ZHES BYA BA NI 'JAM PA'I RDO RJE ZHES BYA BA'I DON TO, ,DE LA LCAGS GSUM GYI TSAD NI RA TI BRGYA NYI SHU RTZA LNGA'O, ,DE DAG GI CHA BA GO BA NI MAN NGAG RNAM PA GNYIS YOD DE, LA LA DAG NI RI LU DKRIL LA MDOG BZANGS DANG, ZLA BA NYI MA SHA NI, ,GSUM BZHI RIG BYED TSAD RA TI, ,DRANG SRONG GSUM MDA' RIM BZHIN BSKYED, ,CES ZER RO, ,GZHAN DAG NA RE, RI LU DKRI LA GSER DANG DNGUL NYI MA, ,MA SHA ME DANG DUS DANG MDA' DAG LA, ,RA TI CHA BCU CHA PHYED BCAS PA DANG, ,PHYED DANG BZHI DANG BDUN GYIS RIM BZHIN BSKYED, ,CES ZER RO, ,MAN NGAG NI BRJOD PAR BYA STE, DAM TSIG SDOM PA LA GNAS SHING, ,RNAM SBYANGS RTA SHA LONGS SPYAD PA'I, ,RANG RIG LAS BYUNG DE BZHI DANG, ,SHA BZANGS ZHES BYA DAM TSIG LNGA, ,DE DAG BLANGS NAS RNAM SBYANGS LA, ,TZA NA KA'I RUS PA TZAM MAM, KU LA

298b

THA'I RUS PA TZAM GYI RI LU BYAS TE, JI SKAD DU BSHAD PA'I TSAD KYI GSER DANG DNGUL DANG ZANGS MA 'DAB MAR BYAS NAS GO RIMS BZHIN DU DKRI BAR BYA'O, ,DAM TSIG LNGA LA YE SHES LNGAR NGES PAR BYAS TE, YAR NGO'I TSES GCIG NAS BRTZAMS LA, THUN BZHIR SANGS RGYAS THAMS CAD LA PHYI DANG NANG GI MCHOD PA BYAS LA RI LU DE RANG GI KHA 'AM RIG MA'I PADMAR BCUG LA LAG PA G-YON PA 'AM RDO RJES BKAB LA, 'JAM PA'I RDO RJE'I DKYIL 'KHOR YANG DAG PAR BRIS PA'I DBUS SU YID KYIS 'JAM PA'I RDO RJE'I RNAL 'BYOR GYIS 'DUG LA DE BZHIN DU BCOM LDAN 'DAS DE'I YI GE MAM LAS BSKYED PA'I RI LU'I DBUS SU BSGOMS NAS YI GE MAm BZLA BAR BYA ZHING RI LU LAS KYANG DU BA 'THUL BAR MOS PAR BYAS NAS DE DANG POR DRO BAR 'GYUR RO, ,DE NAS DU BA 'THUL BAR 'GYUR RO, ,DE NAS JI SKAD DU BSHAD PA'I SKU MDOG DANG RNAM PA DANG 'OD DANG MTHU DANG LDAN PA'I MI SNANG BA'I BDAG PO 'GRUB PAR 'GYUR RO, ,DNGOS GRUB DE YANG ZHAG BDUN NAS ZLA BA PHYED DAM ZLA BA GCIG GAM ZLA BA PHYED DANG GNYIS SAM GZHAN DAG NA RE ZLA BA PHYED KYI NANG DU'O ZHES ZER TE, PHYOGS GNYI GA LA THUN BZHI'I RNAL 'BYOR NYID KYIS 'GRUB PAR 'GYUR TE, LE'U BCO BRGYAD PA LAS, GANG ZHIG THUN BZHI'I RDO RJE DAG NI SGRUB BYED PA, ,MI SNANG LA SOGS SNA TSOGS DMAN PA'I DNGOS GRUB SGRUB BYED CING, ZHES GSUNGS PA'I PHYIR RO, ,LA LA NI ZLA BA NYA LA NYIN ZHAG THAMS CAD DU NYI MA NUB PA NAS BRTZAMS TE JI SRID SKYA RENGS 'CHAR GYI BAR DU SBYOR BAS BYA BA YIN PAR 'DOD DO, ,DE BZHIN DU SGRUB PA 'OG MA RNAMS LA YANG CI RIGS PAR SBYAR BAR BYA'O, ,SKU RDO RJE LA SOGS PA'I DNGOS GRUB KYI RNAM PA GZHAN NI 'KHOR LO ZHES BYA BA LA SOGS PA GSUNGS TE, 'KHOR LO ZHES BYA BA NI SNGAGS KYI SNYING PO CAN NO, ,RANG GI SNGAGS NI YI GE AOm MO, ,SANGS RGYAS THAMS CAD BZHUGS PA'I GNAS, ,ZHES BYA BA NI DE NYID LAS DE BZHIN GSHEGS PA'I RIGS SPRO BA DANG, BSDUS PA'I PHYIR DANG DE DANG RO GCIG PAR GYUR PA'I SNGAGS DES BDAG NYID 'KHOR LO'I LTE BA LA RNAM PAR SNANG MDZAD KYI SKUR BSGOM PA'I PHYIR RO, ,'KHOR LO'I DAM TSIG NI DE BZHIN GSHEGS PA'I RIGS KYI MNYAM PA NYID DE DE LA DMIGS PA'I TING NGE 'DZIN TO, ,DE BZHIN DU RDO RJE DANG PADMA'I RIGS DAG LA YANG BLTA BAR BYA'O, ,RDO RJE

299a

, ,CHEN PO NI MI BSKYOD PA'O, ,CHOS RNAMS KUN NI 'OD DPAG TU MED PA'O, ,'JOG PAR BYED CES BYA BA NI SEMS CAN DE SNYED DO, ,GANG DU ZHE NA, SANGS RGYAS RDO RJE MCHOG DKYIL 'KHOR TE, SKU DANG THUGS DANG GSUNG GI DKYIL 'KHOR RNAMS LA STE THEG PA CHEN PO THOB PA'I PHYIR RO, ,DAG PA'I BDAG NYID CES BYA BA NI DNGOS GRUB 'DI NYID KYIS YONGS SU DAG PA'I YE SHES CAN NO, ,SGRUB PA GSUM PO 'DI DAG NYID KYI THUN MONG GI 'BRAS BU NI YE SHES LNGA LDAN ZHES BYA BA LA SOGS PA GSUNGS TE, ,DON NI SNGA MA BZHIN NO, ,GSANG BA GSUM LA BSNYEN BKUR BYED, ,CES BYA BA NI SKU DANG GSUNG THUGS MNYES PAR BYED PA'O, ,'KHOR LO LA SOGS PA BRDUNGS PA RNAMS AA SHVATTHA'I LO MA LA SOGS PA SGRUB PA LAS RIG PA 'DZIN PA'I BDAG PO'I DNGOS GRUB NI 'OD ZER ZHES BYA BA LA SOGS PA GSUNGS PA LA 'OD ZER LNGA ZHES BYA BA NI RE RE ZHING RANG GI RIGS SPRO BA'I PHYIR RO, ,MDOG 'DRA BA ZHES BYA BA NI RIGS BSDUS NAS RO GCIG PA'I SNGAGS KYIS RNAM PAR SNANG MDZAD LA SOGS PAR BSKYED PA'I PHYIR RO, ,RANG GI SNGAGS KYIS ZHES BYA BA NI BDAG PO'I SNGAGS KYIS TE DE BSKYED CING DE'I SNYING PO CAN ZHES BYA BA'I DON TO, ,RAL GRI ZHES BYA BA NI RIGS KYI BDAG PO'I MTSAN MA'O, ,LAG NA THOGS NA ZHES BYA BA NI MTSAN MA DRUG PA LAG NA THOGS PA NI'O, ,RDO RJE GSUM YANG DE YIN LA RIG PA 'DZIN PA YANG YIN PAS NA RDO RJE GSUM RIGS 'DZIN PAR 'GYUR RO, ,MI GNAS GZUNG BA TSANGS PA'I BAR DE RNAMS KYI MCHOG GO, ,GANG RNAMS ZHES BYA BA NI DNGOS GRUB JI LTA BA RNAMS TE RANG GI DON DANG GZHAN GYI DON TO, ,SKU GSUNG THUGS KYI RDO RJE 'DZIN, ,ZHES BYA BA NI RDO RJE 'CHANG BA'O, ,DE LTA BU'I DNGOS GRUB STER ZHES BYA BA LA DE LA ZHES BYA BA LHAG MA'O, ,RDO RJE'I THUGS LAS TE DE'I SKAD CIG MA CAN GYI MNYAM PAR GZHAG PA LAS SO, ,MTSAN MA THAMS CAD KYI MCHOG NI RAL GRI THAMS CAD KYI MCHOG STE, DE LA DMIGS PA'I TING NGE 'DZIN TO; ,'DIR MAN NGAG NI SGRUB PA'I DKYIL 'KHOR GYI DBUS SU LCAGS RNON PO 'AM GSER GYI 'AM, DNGUL GYI 'KHOR LO AA SHVA TTHA'I 'DAB MAR BZHAG LA YI GE AOm LAS 'BAR BA DANG BCAS PAR BSKYED NAS 'BAR BA DANG BCAS PA'I RANG NYID KYI SNYING PO CAN ZHAG BDUN NAM ZLA BA PHYED DANG ZLA BA

299b

GCIG GAM, ZLA BA PHYED DANG GNYIS SAM JI SRID 'BAR BAR GYUR PA DE SRID KYI BAR DU BSGOM PAR BYA'O, ,DE NAS RANG GI RIGS KYI RIG PA'I SNGAGS BZLAS SHING BLANG BAR BYA'O, ,GANG GI TSE DE SHIN TU 'BAR BAR GYUR PA DE'I TSE DBANG CHEN GYI DKYIL 'KHOR GYI CHO GAS MNAN LA BZLOG PAR BYA'O, ,DE BZHIN DU YI GE H'Um LAS LCAGS GSUM GYI RANG BZHIN CAN GYI RDO RJE'O, ,YI GE SV'A LAS NOR BU MARGAD DAM, GSER GYI RANG BZHIN GYI RIN PO CHE'O, ,YI GE A'A: LAS TZANDAN DKAR PO 'AM DMAR PO'I RANG BZHIN CAN NAM ZANGS MA'I RANG BZHIN CAN GYI PADMA 'DAB MA BRGYAD PA'O, ,YI GE H'A LAS LCAGS RNON PO 'AM LCAGS GZHAN GYI RANG BZHIN GYI RAL GRI STE, SNGA MA BZHIN NO, ,RIN PO CHE DANG PADMA NI GOS DKAR MO'I RIG PAS BLANG BAR BYA'O, ,'JAM PA'I RDO RJE'I RI LU'I DNGOS GRUB GSUNGS PA DE BZHIN DU SKU RDO RJE LA SOGS PA'I YANG NGO, ,DE LA KHYAD PAR GANG YIN PA DE NI AOm NI ZHES BYA BA LA SOGS PA GSUNGS SO, ,BYANG CHUB KYI RANG BZHIN GYI SEMS DPA' NI SKU RDO RJE'O, ,DE DANG 'OD 'DRA BAR 'GYUR ZHES BYA BA NI GZUGS DANG MTHU MTSUNGS PA CAN DU 'GYUR BA'O, ,NYI MA SHAR BA'I 'OD 'DRA ZHING, ,ZHES BYA BA NI GSER GYI KHA DOG DANG 'DRA BA'I MDOG CAN NO, ,BYANG CHUB YI SHES NI GSUNG GI RDO RJE'O, ,RDO RJE'I RANG BZHIN CAN GYI SKU NI THUGS RDO RJE'O, ,LAG PAR MTSAN MA SGRUB PA'I PHYIR RIG PA 'DZIN PA'I DNGOS GRUB NI NAM MKHA'I DBYINGS GSAL BA ZHES BYA BA LA SOGS PA GSUNGS TE, 'DIR MKHA'I DBYINGS NI CHOS 'BYUNG BA'I SNA TSOGS RDO RJE DANG PADMA'O, ,DE LA GNAS GSAL BA LA SOGS PA NI RIGS PAR ZLA BA DANG NYI MA'I DKYIL 'KHOR RO, ,RAB TU BSGOM ZHES BYA BA NI RDO RJE BZHI POS SO, ,LAG TU 'KHOR LO ZHES BYA BA NI BRDUNGS PA 'AM MA BRDUNGS PA STE, YI GE AOm LAS BSKYED PA'I YI GE AOm GYI SNYING PO CAN GYI 'KHOR LO'O, ,YE SHES MCHOG 'DI RAB BSGRUB BYA, ,ZHES BYA BA NI 'KHOR LO BSGRUB PA'O, ,'KHOR LO CHEN PO'I RIGS BSGOMS TE, ,DE BZHIN GSHEGS PA'I RIGS LA GANG GI RANG GI LHA GANG YIN PA DE'I SBYOR BA ZHES BYA BA'I DON TO, ,YE SHES RDO RJE DAG GIS NI, ,SANGS RGYAS SKU MCHOG RAB SBYOR ZHING, ,ZHES BYA BA NI RANG GI RIGS SPRO BA DANG BSDU BA DANG, GCIG TU GYUR PA'I SNGAGS DE NYID NI YE

300a

, ,SHES RDO RJE YIN LA DES BSKYED PA'I SANGS RGYAS KYI SKU'I 'KHOR LO'I LTE BAR BSGOM PAR BYA'O ZHES BYA BA'I DON TO, ,DE BZHIN DU RDO RJE LA SOGS PA'I SGRUB PA LA YANG BLTA BAR BYA'O, ,RTZE GSUM ZHES BYA BA LA SOGS PA LA RTZE GSUM NI STOBS PO CHE'I'O, ,YE SHES LCAGS KYU NI 'DOD PA'I RGYAL PO'O, ,SOGS PA'I SGRAS NI ZHAGS PA LA SOGS PA BSDU'O, ,RDO RJE KHYAD PAR GYIS ZHES BYA BA NI RIGS KYI KHYAD PAR TE RANG GI LHA'I RNAL 'BYOR GYI RIGS KYI BDAG PO SNA TSOGS KYI SNYING PO CAN GYI RTZE GSUM LA SOGS PA SGRUB PA'I PHYIR TE SNGA MA BZHIN NO, ,SKU GSUNG THUGS KYI SGRUB PA YIS, , ZHES BYA BA LA THUGS NI MTSAN MA'O, ,GSUNG NI SNGAGS SO, ,SKU NI DE LAS BYUNG BA'I SANGS RGYAS KYI SKU'O, ,DAM TSIG CHEN PO'I DNGOS GRUB RDO RJE ZHES BYA BA LA DAM TSIG CHEN PO NI MTSAN RNAMS YIN LA DE RNAMS KYI DNGOS GRUB DE DE'I DON CAN GYI RDO RJE TING NGE 'DZIN TO, ,DE STON PAR MDZAD PA NYID KYI PHYIR DE SKAD CES BYA'O, ,RDO RJE DGUG PA ZHES BYA BA NI SKU LA SOGS PA'I LCAGS KYU YIN NO, ,DE'I SGRUB PA SANGS RGYAS LA SOGS PA'I 'GUGS PAR BYED PA'I DON DE NI LAM GYI BZHI MDOR ZHES BYA BA LA SOGS PA GSUNGS SO, ,KHYAD PAR GYIS ZHES BYA BA NI RDO RJE'I KHYAD PAR RAM RAB KYIS MTHAR THUG PAS SO, ,SBYOR GSUM RDO RJE CAN RNAMS KYIS, ,ZHES BYA BA NI RDO RJE SEMS DPA', ,SKU DANG GSUNG DANG THUGS KYI GNAS GSUM PO DAG LA SNGAGS DANG LDAN PA'I PHYIR DANG, SNGAGS LAS BYUNG BA'I SKYES BU'I GZUGS CAN NYID YIN PA'I PHYIR RO, ,SBYOR GSUM SNGAGS KYI SKYES BU STE, 'DI LTA BUR RTZOM PA'O, ,KYO BA ZHES BYA BA NI BRDUNGS PA 'AM MA BRDUNGS PA'I RDO RJES MTSAN PA'I LCAGS KYU YI GE H'Um LAS BYUNG BA DANG YI GE H'Um GI SNYING PO CAN LAG PAR BSAM PAR BYA'O, ,JI LTA BUR ZHE NA, SKU ZHES BYA BA LA SOGS PA GSUNGS TE, H'Um DE NYID LAS SANGS RGYAS RNAMS KYI SKU DANG GSUNG DANG THUGS RDO RJE SPROS LA SKU GSUNG YE SHES TZAM YIN NO ZHES NGES PAR BYAS NAS DE DAG YI GE H'Um LA BSDUS PA'I PHYIR RO, ,'DI DAG LA YE SHES TZAM NYID KYI BLO MNGA' BA DE LTAR NA, SANGS RGYAS YE SHES BLO CAN GYI STE, DE RNAMS KYI SKU DANG GSUNG DANG THUGS GANG YIN

300b

PA'I PHYIR DE SKAD CES BYA'O, ,RLUNG GI ZHES BYA BA LA SOGS PA LA LCAGS KYU GRUB PAS SANGS RGYAS DANG RDO RJE 'DZIN PA LA SOGS PA'I RLUNG GI DKYIL 'KHOR LA GNAS PA BKUG STE, RANG GI BKA' BSGO BA LA SBYOR BAR BYA'O, ,'DI NI SANGS RGYAS DGUG PA'I DAM PA'O, ,DE BZHIN DU GONG BU DGUG PAR BYA'O, ZHES BYA BA LA SOGS PA GZHAN DAG LA YANG NGO, ,DAM TSIG 'BYUNG BA ZHES BYA BA LA SOGS PA LA DAM TSIG NI BUD MED RNAMS SO, ,'BYUNG BA PHYOGS BCU NA YOD PAR 'GYUR RO, ,RDO RJE LCAGS KYU 'AM YI GE H'Um NAM MKHA'I DBYINGS NI RDO RJE 'CHANG BA'O, ,DES DAM TSIG RNAMS DANG RDO RJE RNAMS DGUG PA NI 'DI NYID DO, ,RNAM PAR SNANG MDZAD 'KHOR LO TSE, ,ZHES BYA BA LA SOGS PA NI 'KHOR LOS MTSAN PA'I LCAGS KYU'O, ,RGYAL GNAS ZHES BYA BA NI DE BZHIN GSHEGS PA'I RIGS SPRO BA DANG SDUD PA'I PHYIR RGYAL GNAS SO, ,LCAGS KYU STE DAM TSIG DGUG PAR BYA'O ZHES SBYAR RO, ,RDO RJE PADMA LA SOGS PAS, , ZHES DANG GI DON DU RTOGS PAR BYA STE, MI BSKYOD PA'I NI RDO RJES MTSAN PA'I LCAGS KYU'O, ,'OD DPAG TU MED PA'I NI PADMAS MTSAN PA'O, ,RIN CHEN 'BYUNG LDAN LA SOGS PA'I NI RIN PO CHE LA SOGS PAS MTSAN PA STE,SOGS PA SMOS PA'I PHYIR RO, ,KHAMS GSUM NI GTI MUG DANG ZHE SDANG DANG 'DOD CHAGS YIN LA DE RNAMS KYI DAM TSIG STE, SANGS RGYAS DANG RDO RJE 'CHANG LA SOGS PA RNAMS DGUG PA 'DI YIN NO, ,'KHOR LO LCAGS KYU LA SOGS PAR LHA'I RNAL 'BYOR MA BSTAN PAS DE NI RNAM PA'I MCHOG RNAMS ZHES BYA BA LA SOGS PA GSUNGS TE, SANGS RGYAS NI RNAM PAR SNANG MDZAD LA SOGS PA'O, ,KYO BA LA SOGS ZHES BYA BA LA NI 'KHOR LO'I LCAGS KYU LA SOGS PA'O, ,'DI DAG LTA BU ZHES BYA BA NI 'CHANG BAR 'GYUR BA'O, ,DE NI ZHES BYA BA NI RNAL 'BYOR PA'O, ,TSIG NI NGAG TZAM STE, DE NYID KYIS DGUG PA LA SOGS PA'I LAS BYED PAR 'GYUR RO, ,RDO RJE SKU ZHES BYA BA NI RANG GI LHA'I SKU'O, ,RDO RJE LCE'I SBYOR BA NI LCE'I NANG DU CHUD PA'I ZLA BA LA GSUNG GI RDO RJE BSGOM PA'O, ,BSGOMS NAS ZHES BYA BA NI RNAL 'BYOR RDZOGS PAR BYAS NAS TE, RDZOGS PA MNGON SUM BZHIN DU MTHONG BA'I PHYIR RAM 'OD ZER MTHONG BA'I PHYIR RO, ,RDO RJE GSUNG GI DON YOD PA'I GSUNG CAN TE LCE DES JI SKAD SMRAS PA DE BZHIN DU 'GYUR BA'O, ,

301a

, ,DNGOS GRUB RNAMS BSHAD ZIN PA DE RNAMS KYI SGRUB PA NI GSANG BA'I MCHOD PA SNGON DU 'GRO BA CAN YIN PA'I PHYIR DE NI GSANG GSUM ZHES BYA BA LA SOGS PA GSUNGS TE, GSANG BA GSUM NI RDO RJE 'DZIN PA'O, ,DE'I DAM TSIG NI YANG DAG PA'I RIGS PA'O, ,DES MCHOD PA GANG YIN PA DE NI MCHOG STE DE GTZO BOR GYUR PA CAN YIN NO, ,MCHOD PAS ZHES BYA BA NI SANGS RGYAS THAMS CAD KYI MCHOD PAS SO, ,MCHOD NAS ZHES BYA BA NI RJED PAR BYED NAS SO, ,DES SANGS RGYAS RNAMS MNYES PAR BYAS PA NYID DE NI DE'I RJED PA YIN NO, ,RAB SGRUB CES BYA BA NI DNGOS GRUB SGRUB PA'O, ,DNGOS GRUB CES BYA BA NI SGRUB PA'I YAN LAG RNAMS SO, ,SNYING PO NI GTZO PO'O, ,GSANG BA BSDUS PA YIN ZHES BYA BA NI MCHOD PA'I GSANG BA MDOR BSDUS PA'O, ,GSANG BA CHEN PO NI MCHOD PA THAMS CAD KYI GSANG BA'O, ,DE RNAMS KYI DAM TSIG NI MDOR BSDUS PA'O, ,DE STON PAR MDZAD PA NYID KYI PHYIR DE SKAD CES BYA'O, ,SGRUB PA LA ZHUGS PA RNAMS KYIS DNGOS GRUB KYI DBYE BAS DAM TSIG THA DAD PA BSTEN PA DE NI SHA CHEN ZHES BYA BA LA SOGS PA GSUNGS TE, SHA CHEN PO LA SOGS PA NYID DAM TSIG GI MCHOG YIN NO, ,ZHES BYA BA'I TSIG BSDUS PA'O, ,DE BZHIN DU RTA'I SHA YANG DE YIN LA DAM TSIG KYANG DE YIN PAS NA ZHES BYA BAR TSIG BSDU BA'O, ,DNGOS GRUB THAMS CAD 'GRUB PAR 'GYUR, ,ZHES GANG DU BSHAD PA DER NI TSIG GI DNGOS GRUB KYI YANG DE NYID DAM TSIG YIN PA 'AM, GANG RDO RJE GSUM GYI DNGOS GRUB KYI YANG NGO, ,SHA RNAMS THAMS CAD MED NA YANG, ,ZHES BYA BA LA SOGS PA LA MA RNYED PA DAD CHOS MA YIN PAR RNYED PA DANG BSTAN PA LA KHA NA MA THO BAR THAL BAR 'GYUR BA ZHES BYA BA RNAM PA GSUM NI MA RNYED PA YIN NO, ,DE'I TSE THAMS CAD BSAMS PAS RNAM PAR BRTAG PAR BYA'I DNGOS SU NI MA YIN NO, ,'DI THA MAL PA'I NGA RGYAL GYIS KYANG MI BYA STE, 'BRAS BU MED PA NYID KYI PHYIR RAM NGAN SONG GI 'BRAS BU CAN NYID YIN PA'I PHYIR RO, ,DE BAS NA RNAL 'BYOR GYI KHYAD PAR RDO RJE'I SBYOR BA ZHES BYA BA LA SOGS PA GSUNGS TE, RDO RJE'I SBYOR BA NI YE SHES LNGAS BYIN GYIS BRLABS PA'I RNAL 'BYOR RO, ,'DI BYAS NA ZHES BYA BA NI 'CHAD PAR 'GYUR BA'O, ,DE LA, RNAM PA'I MCHOG RNAMS KUN LDAN PA, ,ZHES BYA BA NI RANG GI LHA'I RTZA BA'I RNAL 'BYOR

301b

RO; ,SKU GSUNG THUGS NI RDO RJE CAN, ,ZHES BYA BA NI SKU LA SOGS PA GSUM GYIS BYIN GYIS BRLABS PA'O, ,SNYING GAR YE SHES DAM TSIG DANG, ,ZHES BYA BA NI YE SHES SEMS DPA' DANG, YANG DAG PAR LDAN PA STE YANG DAG PAR SBYOR BA'I PHYIR RO, ,'DI NI BYIN GYIS BRLABS PA BZHI PA'O, ,RDO RJE MCHOG NI RANG GI RIGS KYI BDAG PO STE, DE 'DZIN PA'O, ,'DI NI BYIN GYIS BRLABS PA LNGA PA'O, ,TSIGS SU BCAD PA'I MTHAR BSGOM MO, ,ZHES BYA BA NI LHAG MA'O, ,SANGS RGYAS THAMS CAD BYIN GYIS RLOB, ,ZHES GSUNGS PA DE LA SA CIR 'GYUR ZHE NA, SANGS RGYAS THAMS CAD MNYES PAR 'GYUR, ,ZHES BYA BA GSUNGS SO, ,DAM TSIG TSUL MCHOG STE ZHES BYA BA NI DAM TSIG LONGS SPYOD PA'I DON CAN TE TING NGE 'DZIN TO, ,DAM TSIG MCHOG GIS ZHES BYA BA NI DE'I LONGS SPYOD KYI DANG PO NYID DU'O, ,YANG NI 'DI LA DAM TSIG GI MCHOG YOD PAS NA DAM TSIG MCHOG STE, DES DAM TSIG LA GUS PAR GYUR ZHES BYA BA'I DON TO, ,DAM TSIG THAMS CAD YE SHES RDO RJE NI DE BZHIN GSHEGS PA THAMS CAD KYI 'DUS PAS LONGS SPYOD PAR MDZAD PA STE, DE'I DON CAN GYI TING NGE 'DZIN LA DE SKAD CES BYA'O, ,DE LA LCE SBYANG BAR BYA BA'I PHYIR LCE ZHES BYA BA LA SOGS PA GSUNGS TE, LCE'I DAM TSIG NI RO GCIG PAR GYUR PA'O, , RDO RJE MCHOG NI YI GE H'Um LAS BYUNG BA'I RDO RJE PHRA MO DKAR PO SPROS PA'I RDO RJE'I RA BA STE, ,DER RDO RJE CAN GYI RANG BZHIN GYI YI GE H'Um DE NYID LTE BAR TSUD PA BSGOMS TE ZHES BYA BA'I DON TO, ,RDZAS SBYANG BA LA SOGS PA NI BDUD RTZI LNGA'I ZHES BYA BA LA SOGS PA GSUNGS TE, BDUD RTZI LNGA'I SBYOR BA DE NYID KYIS STOBS LNGA'I YANG ZHES BYA BA'I DON TO, ,DE NYID BSTAN PAR BYA BA'I PHYIR A'A: DANG ZHES BYA BA LA SOGS PA GSUNGS TE, YI GE A'A: LAS BYUNG BA'I PADMA NI YI GE A'A:'O, ,DE LA YI GE AOm GYIS MTSAN PA'I DAM TSIG A'A: DANG AOm GYI DAM TSIG GO, ,DE LAS YI GE H'Um LAS BYUNG BA'I RDO RJE'I TSUL MCHOG STE, SBYANG BA'I THABS DAM PA'O; ,'DI NI ZHES BYA BA NI 'BAR BA DANG, SREG PA DANG, GSAL BAR BYA BA DANG, GZUGS SU LTA BA DANG, BDUD RTZI BSTIM PA DANG, YE SHES LNGA DANG, YI GE GSUM GYIS BYIN GYIS BRLABS PA'O, ,DAM TSIG RNAMS LA YE SHES KYI 'OD ZER GYI RDO RJE RNAMS KYI BDUD RTZI BSTIM PA'I PHRENG BA NI RDO RJE DAM

302a

, ,TSIG BDUD RTZI PHRENG BA STE, DE LA DMIGS PA'I PHYIR DE DANG LDAN PA'I TING NGE 'DZIN TO, ,DNGOS GRUB PHRA MO'I MTHU'I DBYE BA DANG, RDO RJE GSUM DANG, RDO RJE GCIG GI DNGOS GRUB KYI DBYE BA BSTAN PAR BYA BA'I PHYIR RDO RJE ZHES BYA BA LA SOGS PA GSUNGS PA LA, RDO RJE'I DAM TSIG GSUM NI LE'U BCU GCIG PA LAS, SANGS RGYAS DANG MNYAM PA NYID BSTAN PA YIN NO, ,DE NYID GRUB MCHOG STE, DNGOS GRUB PHRA MO RNAMS KYI NGO BO NYID YIN PA'I PHYIR RO, ,DE LA SKU GSUM RDO RJE CAN DU 'GYUR TE, RDO RJE GSUM THOB PAR 'GYUR ZHES BYA BA'I DON TO, ,SANGS RGYAS THAMS CAD KYI NOR BU YIN BZHIN RGYA MTSOR 'GYUR ZHES BYA BA NI JI LTAR 'DOD PA BZHIN DU SANGS RGYAS 'DI DAG THAMS CAD SPROS PA'I PHYIR, YID BZHIN NOR BU YANG DE YIN LA, JI LTAR 'DOD PA BZHIN DU 'DI RNAMS SDUD PA'I PHYIR RGYA MTSO YANG YIN PAS SO, ,THAMS CAD DU ZHES BYA BA NI KUN DU'O, ,RDO RJE'I BDAG NYID CES BYA BA NI RDO RJE GSUM GYI BDAG NYID CAN NO, ,SNANG BAR BYED CES BYA BA NI 'OD ZER RNAMS DANG, SEMS CAN RNAMS KYI DON MDZAD PA RNAMS KYIS SNANG BAR MDZAD PA'I PHYIR RO, ,'KHOR LO'I DAM TSIG GRUB PA'I MCHOG, ,CES BYA BA LA MCHOG GI SGRA NI SOGS PA'I DON YIN PAS NA, 'KHOR LO'I DAM TSIG GRUB PA ZHES BYA BA LA SOGS PA'I DON TO, ,'KHOR LO DANG, RDO RJE DANG, PADMA'I MNYAM PA NYID THUB NA ZHES BYA BA'I DON TO, ,SANGS RGYAS SKU DANG 'DRA BA NI GO RIMS BZHIN DU, RNAM PAR SNANG MDZAD LA SOGS PA'I SKU DANG MNYAM PA NYID THOB PA'I PHYIR RO, ,PHYOGS BCU GANG G'A'I KLUNG GI BYE MA SNYED THAMS CAD DU STE, THAMS CAD DANG SNA TSOGS DANG, 'JIG RTEN GYI KHAMS ZHES BYA BA NI RNAM GRANGS SO, ,KUN DU ZHES BYA BA NI PHYOGS BCU'O, ,DAM TSIG MCHOG NYID KYI ZHES BYA BA NI RAL GRI MCHOG RNAMS KYI'O, ,RIGS PA 'DZIN PA'I GTZO BOR 'GYUR, ,ZHES BYA BA NI RDO RJE GSUM GYI RIG PA 'DZIN PA'O, ,MTSAN MA'I DNGOS GRUB GZHAN DANG MNYAM PA NYID KYI DNGOS GRUB NI DAM TSIG YIN LA DE RNAMS KYI MCHOG NI TSOGS TE, DE THAMS CAD YOD NA SKU RDO RJE'I MTHU YIS NA'O, ,GANG YIN ZHE NA, JI SKAD DU, 'BRAS BU STONG KHAMS GCIG NI SNANG BAR BYED, ,CES BSHAD PA DANG, SKU YI RDO RJE'I MTHU YIS NI, ,ZHES BYA

302b

BA NYID KYIS 'PHROG PA DANG, LHA MCHOG LAS SKYES BU MA SPYOD, ,CES BYA BA LA LHA MCHOG NI LHA'I GTZO BO'O, DE LAS SKYES BU'I BU MO NYID DO, ,MNGON PAR SHES PA GRUB PA YOD NA DE RNAMS KYI MTHUS TSIGS SU BCAD PA RE RES GSUNGS PA NI GSANG BA GSUM NYID NI GNAS YIN LA, DE RNAMS LA BZHUGS PA STE, DE'I RANG BZHIN CAN ZHES BYA BA'I DON TO, ,GZUGS LDAN ZHES BYA BA LA SOGS PA LA RANG GI LAG PAR SKYU RU RA BZHAG PA BZHIN DU GSAL BA'O, ,ZHING RNAMS NA ZHES BYA BA NI ZHING RNAMS LA'O, ,SGRA BSGRAGS PA ZHES BYA BA NI SGRAR BRJOD PA'O, ,THOS PA NI ZHES BYA BA NI MNGON PAR SHES PA STE, LHA'I RNA BA'I MNGON PAR SHES PA MCHOG GIS RTZA BA'I DRUNG NA SGRA GCIG 'KHOD PA BZHIN DU THOS PA'O, ,GANG GI ZHES BYA BA LA SOGS PA LA GANG G'A'I BYE MA SNYED KYI ZHING RNAMS NA, SEMS CAN KUN GYI GANG YIN PA RNAMS KYI LUS DANG NGAG DANG SEMS KYI MTSAN NYID DE RIG PA'O, ,SEMS ZHES BYA BA NI RDO RJE'I SEMS SO, , BSGOM PA'I MCHOG NI MNGON PAR SHES PA'I MCHOG GO, ,BSKAL PA ZHES BYA BA NI GSAL BA RNAMS SU'O, ,'KHOR BA NA GNAS PA 'BYUNG BA RNAMS TE, 'JIG PA DANG GNAS PA DANG, CHAGS PA GANG YIN PA DE RNAMS ZHAG GSUM PA DE BZHIN DU DRAN PAR 'GYUR RO, ,'DI NI SNGON GYI GNAS KYI DAM TSIG YIN TE SNGON GYI GNAS RJES SU DRAN PA'I MNGON PAR SHES PA'O, ,SANGS RGYAS SPRIN NI SPROS PA 'AM BA SPU'I KHUNG BU RE RE LA GNAS PA'O, ,SOGS PA'I SGRAS NI BYANG CHUB SEMS DPA' LA SOGS PA'I SPRIN NO, ,RDZU 'PHRUL RDO RJE MCHOG CAN NI RDO RJE'I RDZU 'PHRUL TE DE DANG LDAN PA'O, ,'GENGS ZHES BYA BA NI NAM MKHA' KHYAB PA'O, ,DAM TSIG MNGON PAR MKHYEN PA NI RDO RJE MNGON PAR SHES PA'O, ,DE STON PAR MDZAD PA NYID KYI PHYIR NA DE SKAD CES BYA'O, ,MNGON PAR SHES PA'I DNGOS GRUB YONG NA RDO RJE GCIG KYANG THOB PA YOD DO ZHES BSTAN PA'I PHYIR, SANGS RGYAS MNGON SHES ZHES BYA BA LA SOGS PA LA, SANGS RGYAS RNAMS KYI MNGON PAR SHES PA RNAMS KYI DON DE THABS DE YANG DAG PAR 'GRUB NA'O, ,DNGOS GRUB DMAN PA'I LAS DANG DAM TSIG DANG MTHU RNAMS BSTAN ZIN NAS BSNYEN PA ZHES BYA BA LA SOGS PAS NI DUS DER BYA BA STON TE BSNYEN PA'I DUS SU'O, ,SBYOR BA NI RDO RJE BZHI'I SBYOR BA STE, DE SHES PAS

303a

, ,NYAMS SU BLANG ZHING SGRUB PA'I DUS SU YANG SBYOR BA DE NYID LA GNAS TE SKU RDO RJE LA SOGS PA BYIN GYIS BRLABS PA'I MTSAN NYID NYE BAR SGRUB PA LA RGYU RNAMS LA RANG RANG GI TSIGS SU BCAD PA GNYIS KYIS GSOL BA GDAB PA NYAMS SU BLANG BAR BYA'O, ,DE NAS SANGS RGYAS RNAMS KYIS 'OD ZER SPRO BA LA SOGS PAS JI SKAD DU BSTAN PA'I LAS RNAMS NYAMS SU BLANG BA GANG YIN PA NYIN RE THUN MTSAMS SU BYAS NA ZLA BA PHYED KYI NANG ROL DU 'GRUB PAR 'GYUR RO, ,'DIS DE DANG MNYAM PAR BYED PAS NA DAM TSIG GO, ,'DIS LAS 'BYUNG BAR 'GYUR BAS NA 'BYUNG BA'O, , SGRUB PA CHEN PO ZHES BYA BA YANG DAM TSIG CES BYA BA DANG 'BREL TO, ,DNGOS GRUB MCHOG GI THABS BZHI'I MTSAN NYID BSTAN PA'I PHYIR BSNYEN PA ZHES BYA BA LA SOGS PA GSUNGS TE, BSNYEN PA'I TING 'DZIN RAB SBYOR BA, ,ZHES BYA BA NI TING NGE 'DZIN GYI MTHAR THUG PA MA LUS PA'I SBYOR BA STE, SBYOR BA'I YAN LAG DRUG CES BYA BA'I DON TO, ,DE NI BSNYEN PA'O, ,DES JI LTAR BYA ZHE NA, BYANG CHUB MCHOG NI BSGOM PAR BYA, ,ZHES GSUNGS TE, SO SOR BSDUS PA LA SOGS PA'I RIM GYIS SNA TSOGS SNANG BA RNAMS YE SHES SU BSDUS PA LAS BYUNG BA'I RIN PO CHE PHRA MO'I NANG DU ZLA BA 'AM NYI MA'I BYANG CHUB DAM PA DE BSGOM PAR BYA'O, ,NYE BAR SGRUB PA NYID GRUB PA'I MCHOG STE GRUB PA'I THABS SO, ,DE LA RDO RJE'I SKYE MCHED RNAM PAR DPYAD PAR BYA STE, RDO RJE NI BYANG CHUB KYI SEMS SO, ,DE'I SKYE MCHED NI BYANG CHUB DE LA DMIGS PA RNAM PAR DPYAD PA STE, 'DIR DMIGS PA GSUM GYIS BSGRUBS PA'I 'KHOR LOS SGYUR BA'I SKU NI BYANG CHUB RAGS PA'O, ,BYANG CHUB RAGS PA DE NI RNAM PAR DPYAD PA NI TSIGS SU BCAD PA'O, ,SPRO BA DANG BSDUS PA LAS BYUNG BA MTSAN MA PHRA MO'I NANG DU NYI MA DANG ZLA BA'I GZUGS NI BYANG CHUB PHRA MO'O, ,DE'I RNAM PAR DPYAD PA NI DE LA GNAS PA'I MCHOG TU PHRA BA'I SNGAGS SO, ,DE LTAR NA BYANG CHUB RNAM PAR DPYAD PA RNAM PA GNYIS TE DE'I MTSAN NYID CES BYA BA'I DON TO, ,SGRUB PA LA NI BSKUL BAR GSUNGS, ,ZHES BYA BA LA BSKUL BA NI RANG GI LHA BSKYED PAR BYA'O, ,GSUNGS PA ZHES BYA BA NI DAM TSIG CHEN PO'I DKYIL 'KHOR LA DBANG BSKUR NAS PHYI'I DKYIL

303b

'KHOR CHEN POR MNGON PAR BYANG CHUB PAR BYA BA BSTAN PA STE, DE BYAS PA NI SGRUB PA'I MTSAN NYID CES BYA BA'I DON TO, ,BSKUL BA RNAM PAR BSHAD PA'I PHYIR SNGAGS ZHES BYA BA LA SOGS PA SMOS TE, SNGAGS KYI BDAG PO NI RANG GI LHA NYID DE DKYIL 'KHOR GYI DBUS CHOS KYI SKU'I RANG BZHIN DU BSKYED PA'I PHYIR RO, ,DE'I SGOM PA NI 'DOD CHAGS CHEN PO'I TSUL LA SOGS PA'I RIM GYIS BSKYED LA, MIG DANG SKU LA SOGS PA BYIN GYIS BRLABS NAS SPYI BOR DBANG BSKUR TE BRTUL ZHUGS DANG SDOM PA BSAM PAR BYA'O, ,SGRUB PA CHEN PO BYED PA'I TSE, ZHES BYA BA LA SOGS PA LA RDO RJE NI GSANG BA GSUM STE, DKYIL 'KHOR BA ZHES BYA BA'I DON TO, ,DE DANG SBYOR BAS NA RDO RJE CAN TE RANG SNGAGS NYID RDO RJE CAN NO, ,RANG SNGAGS RDO RJE CAN GYI GZUGS BSAMS LA YE SHES RDO RJE CAN GYI GZUGS BSAM PAR BYA'O, ,YE SHES NYID RDO RJE CAN TE DAM TSIG DANG YE SHES KYI DKYIL 'KHOR DANG DE'I BDAG PO DAG GNYIS SU MED PAR BYA'O ZHES BYA BA'I DON TO, ,DE DAG NYID GNYIS SU MED PAR BYAS PA'I DBU RGYAN GYI BDAG PO BSGOM PAR BYA STE, CHO GA JI LTA BA BZHIN DU DBU RGYAN DU RANG RANG GI BDAG PO BSAMS NAS SGRUB PA CHEN PO BYED PA'I TSE RNAL 'BYOR PA 'GRUB PAR 'GYUR TE, DE LTA BU'I MTSAN NYID KYI RNAL 'BYOR NI GRUB PA CHEN PO ZHES BYA BA'I DON TO, ,'DIR TSIGS SU BCAD PA NI, RGYAL BA CAN LA LAS SPROS RGYAL BA LNGA PO RNAMS, ,SPRUL BYED DE LA THIM PAR RIGS PA YIN, ,SANGS RGYAS RIGS LAS SPROS LA RGYAL YIN PAR, ,LE'U DANG PO NYID DU GRUB PA YIN, ,RGYAL BA LTA GNAS JI LTAR SPYIR BSTAN PA, ,LE'U DANG PO NYID DU GRUB PA YIN NO, ,GANG ZHIG DBUS SU GNAS PAR GYUR PA NA, DE YI GNAS SU SEMS KYI DBANG PHYUG GO, ,BSNYEN PA ZHES BYA BA LA SOGS PA 'DIS NI MCHOG GI BSNYEN PA RNAM PAR BSHAD PA YIN TE, THAMS CAD CES BYA BA NI SNA TSOGS PA'O, ,RTAG TU ZHES BYA BA NI YAN LAG DRUG CUR LA YANG DUS RTAG TU'O, ,YE SHES BDUD RTZI NI SNA TSOGS PA LAS BYUNG BA STE, DE NYID KYIS BSNYEN PAR BYA'O, ,DE LA SO SOR SDUD PA'I DUS SU NI YE SHES NI SANGS RGYAS RNAMS YIN LA, BDUD RTZI NI ZLA BA RNAMS SO, ,BSAM GTAN GYI DUS SU NI YE SHES NI RDO RJE RNAMS YIN LA

304a

, ,BDUD RTZI NI DGA' MA RNAMS KYI BDE BA STE, DE RNAMS RO GCIG TU GYUR PA'O, ,SROG DANG RTZOL BA'I DUS SU NI DUS GSUM GYI SANGS RGYAS RNAMS KYI BDE BA NYAMS SU MYONG BA'I SEMS DPA' RIN PO CHE NI YE SHES BDUD RTZI'O, ,'DZIN PA'I DUS SU NI SEMS KYI RIN PO CHE DE NYID BSTAN PAR BYED PA'O, ,RJES SU DRAN PA'I DUS SU NI SPRO BA'I SBYOR BAR SNA TSOGS DE'I RANG BZHIN DU BYAS PA'O, ,TING NGE 'DZIN GYI DUS SU NI DE NYID RIN PO CHE PHRA MO'I NANG DU BSDUS PA'O, ,'DI NI ZHES BYA BA NI SNA TSOGS PA'O, ,SNGAGS RNAMS THAMS CAD CES BYA BA NI SNGAGS KYI LHA THAMS CAD KYI'O, ,SNGAGS NI RIGS KYI SNGAGS RNAMS TE, RAB SNGAGS LA SOGS PA DANG DZI NA DZIK CES BYA BA LA SOGS PA'O, ,DE RNAMS KYI DON NI SO SOR SDUD PA LA SOGS PA'I YAN LAG DRUG GO, ,SGRUB PA NI DE DAG GI BSKYED PA'O, ,DGON PA CHEN PO ZHES BYA BA LA SOGS PA LA DMAN PA'I DNGOS GRUB KYI GNAS NI SNGAR BSHAD ZIN TO, , MCHOG GI DNGOS GRUB KYI GNAS NI RNAM PA BZHI STE, DGON PA CHEN PO DANG, DBEN PA CHEN PO DANG, MTSO 'GRAM CHEN PO DANG, RI SUL DANG CHU NGOGS RNAMS SO, ,GNAS DE RNAMS SU MCHOG GI DNGOS GRUB RTAG PAR THOB PAR 'GYUR TE, ,'DIR BSGRUB PAR BYA BAS NA SGRUB PA'O, ,SGRUB PA CHEN PO NI MCHOG GI DNGOS GRUB KYI SGRUB PA'O, ,DE NYID GZHAN DU MI 'GYUR BAS NA RDO RJE STE, DE STON PAR MDZAD PA LA YANG DE SKAD CES BYA'O, ,DMAN PA'I DNGOS GRUB KYI BSNYEN PA GSUNGS PA, YANG NA ZHES BYA BA LA SOGS PA LA BRTUL ZHUGS BRTAN PA NI, DAM TSIG MNYAM PA'O, ,DANG PO STONG NYID BYANG CHUB STE, ,GNYIS PAS SA BON SDUD PA YIN, ,GSUM PA LA NI GZUGS RDZOGS TE, ,BZHI PA NA NI YIG 'BRU DGOD, ,CES BYA BA NI RDO RJE BZHI'O, ,RDO RJE GSUM ZHES BYA BA LA SOGS PAS NI DON DE NYID BSTAN TE GZUGS RDZOGS PA'I MTHAR THUG PA NI RDO RJE GSUM MO, ,SNGAGS KYI DE KHO NA NYID NI DE KHO NA NYID GSAL BAR BYED PA'I SNGAGS KYI YI GE DGOD PA STE SNYING GA DANG MGO BO DANG MGRIN PA RNAMS DANG SNYING GA RU ZHES ZLAS DBYE BAR BSDU'O, ,BSNYEN PA'I DUS SU CHOG 'DIS RANG GI LHA BSGOM PAR BYAS NA SGRUB PA'I DUS SU DNGOS GRUB THOB PAR 'GYUR RO, ,DNGOS GRUB

304b

MCHOG GI SGRUB PA NI LE'U BCO LNGA PA'I DANG POR RGYAS PAR STON PAR 'GYUR RO, ,DE LAS 'DIR CUNG ZAD CIG BRJOD PAR BYA STE, DUS BZHI DAG TU ZHES BYA BA LA SOGS PA LA RAB TU SBYOR BA NI NGES PA'O, ,BLO DANG LDAN PA ZHES BYA BA NI RIGS KYI TSOGS DGANG BA LA LTA BAS MTHONG BAS SO, ,GNAS LNGA ZHES BYA BA NI RIGS KYI RIG MA'I MGO DANG SNYING GA DANG LTE BA DANG PADMA DANG RKANG PA RNAMS SU'O, ,YE SHES RDO RJE'I YI GE AOm, ,ZHES BYA BA LA YE SHES RDO RJE NI H'Um GIS SBYANGS PA'I RDO RJE'O, ,AOm NI RAB SNGAGS TE DES SBYANGS PA'O, ,BSGOMS NAS ZHES PA NI PADMAR GZHUG PA'O, ,SDOM PA GZHUG PAR BYA ZHES BYA BA LA SDOM PA NI BDE BA'I MCHOG STE, BDE BA CHEN PO SPRO BAR BSGOM PA'O, ,DE GZHUG PA NI RAB TU GZHUG PA STE DE LAS GZHAN MI DMIGS PA'O, ,DER CIR 'GYUR ZHE NA, ZHAG BDUN ZHES BYA BA LA SOGS PA LA RDO RJE NI BDE BA CHEN PO'O, ,DE'I DAM TSIG NI SPRO BA'O, ,DNGOS GRUB NI DE LAS SKYES PA'I MCHOG GI DNGOS GRUB PO, ,MYUR BA NI MGYOGS PAR THOB PAR 'GYUR BA'O, ,ZHAG GRANGS BYE BRAG NI ZHAG BDUN NAM ZLA BA PHYED DANG GNYIS KYI BAR DU'O, ,RAB TU BSKUL BA NI BSKYOD PAR BYA BA'O, ,RGYAS PAR BSHAD CES BYA BA NI MCHOG GI DNGOS GRUB KYI'O, ,DMAN PA'I DNGOS GRUB KYI JI SNYED CIG CE NA, GSANG BA MCHOG CES BYA BA LA SOGS PA SMOS TE, GSANG BA MCHOG NI BYANG CHUB SEMS DPA' RNAMS KYI LUS DANG NGAG DANG SEMS SO, ,DE LAS BYUNG BA NI DMAN PA'I DNGOS GRUB CES BYA BA'I DON TE, ZLA BA PHYED KYIS GRUB PAR GSUNGS, ,ZHES BYA BA NI SKU DANG GSUNG DANG THUGS NAMS KYI ZLA BA PHYED KYIS GDON MI ZA ZHES GSUNGS PA'O, ,DMAN PA'I DNGOS GRUB KYI SGRUB PA GSUNGS PA, DE LA ZHES BYA BA LA SOGS PA LA, DE LA ZHES BYA BA NI DMAN PA'I DNGOS GRUB KYI RGYU MTSAN LA'O, ,'DI NI ZHES BYA BA NI 'OG NAS 'BYUNG BA'I TSIGS BCAD GNYIS SO, ,NYE BAR SGRUB PA ZHES BYA BA NI SKU RDO RJER BYIN GYIS BRLABS PA'O, ,SGRUB PA NI GSUNG RDO RJER RO, ,SGRUB PA CHEN PO NI THUGS RDO RJER RO, ,DE DAG GI SDOM PA NI KUN DU GSOL BA GDAB PA STE DE'I YUL BRJOD PAR BYA BA 'DI LA YOD PAS DE SKAD CES BYA'O, ,DE DAG GIS NI NYIN RE ZHING DUS TSIGS RNAMS SU RDO RJE RNAM PA BZHIS

305a

, ,RANG GI SBYAR BA LA GNAS TE, RDO RJE GCIG GI DNGOS GRUB LA NI CI RIGS PAR TSIGS SU BCAD PA GNYIS SDOM PAR BYA LA, RDO RJE GSUM GYI DNGOS GRUB LA TSIGS SU BCAD PA GNYIS PA GSUM GYIS SDOM PA GSUM BYAS LA LAS RNAMS BYAS NA ZLA BA PHYED KYI NANG ROL DU 'GRUB BAR 'GYUR RO ZHES BSTAN PA YIN NO, ,SANGS RGYAS RNAMS KYI SKU 'DZIN PAS NA, SANGS RGYAS SKU 'DZIN TE SKU RDO RJE'O, ,DPAL DANG LDAN PA NI RIGS DANG SBYOR BA'O, ,RDO RJE GSUM PO MI PHYED DNGOS, ,ZHES BYA BA NI THUN MONG NYID DU GRUB PA 'DI YIN PAS DE SKAD CES BYA'O, ,BYIN GYIS BRLAB PA NYID GNAS TE PHUN SUM TSOGS PA'O, ,SKU'I RDO RJE ZHES BYA BA NI BDAG GI SKU RDO RJE'O, ,PHYOGS BCUR BZHUGS PA'I SANGS RGYAS ZHES BYA BA NI GANG RNAMS KYI SKU RDO RJE 'DZIN PA'I SKU 'DZIN PA RNAMS TE, SKU RDO RJE 'JUG PA NA DE RNAMS KYIS KYANG 'JUG PA RNAMS SO, ,DE'I ZHES BYA BA NI SGRUB PA'O, ,RDO RJE'I GSANG BA DE'I'O, ,SKU'I MTSAN ZHES BYA BA NI SKUS NYE BAR MTSAN PA STE NYID KYI SKU RDO RJE DANG BCAS PA'I SKU YANG ZHUGS PA'O, ,'DIR TSIGS SU BCAD PA GNYIS NI SDOM PA YIN LA, TSIGS SU BCAD PA GSUM PA NI DE'I 'BRAS BU YIN PAR BSHAD DO, ,'DI'I RJES SU 'BRANGS NAS TSIGS SU BCAD PA GSUM PO GZHAN DAG KYANG SBYAR BAR BYA'O, ,CHOS ZHES BYA BA NI GSUNG RDO RJE'O, ,GSUNG LAM ZHES BYA BA NI SANGS RGYAS THAMS CAD KYI GSUNG GI GNAS SO, ,GSUNG LAM LAS BYUNG BA ZHES BYA BA NI RANG GI GSUNG GI RDO RJE DANG RANG GI GSUNG RNAMS KYIS 'JUG PA'I PHYIR RO, ,DE BZHIN GSHEGS PA THAMS CAD KYI THUGS NI RDO RJE'I THUGS TE DE 'DZIN PA'I PHYIR RDO RJE'I THUGS 'DZIN PA'I THUGS RDO RJE'O, ,LAM GSUM LAS BYUNG CAN ZHES BYA BA NI RANG GI THUGS RDO RJE'I LAM GSUM DANG RANG GI SKU DANG GSUNG DANG THUGS KYI LAM GSUM LAS BYUNG ZHING 'JUG PA GANG LA MNGA' BA DE DAG LA DE SKAD CES BYA'O, ,NGES PAR BYIN GYIS BRLAB PAR MDZAD PA'I PHYIR SANGS RGYAS ZHES BYA BA LA SOGS PA GSUNGS PA LA, RMONGS BDAG CES BYA BA NI DGONGS PAR MI MDZAD PA'I PHYIR RO, ,TSAL PAR 'GAS PA ZHES BYA BA NI JI LTAR DE DAG LA TSAL PAR 'GAS PA MI SRID PA DE BZHIN DU SHIN TU 'DA' BA YANG ZHES BYA BA'I DON TO, ,DE LTAR RDO RJE GSUM

305b

GYIS BYIN GYIS BRLABS PA YOD NA YANG, RDO RJE GCIG NYID KYI MNYAM PA NYID DU 'GRUB CING CIG SHOS DGAL NI CHA YIS YIN TE, RDO RJE DAM TSIG RNAMS NI 'BRAS BU DANG BCAS PA NYID KYI PHYIR GSUM PO MNYAM PA NYID DU GRUB PAS NA RDO RJE GSUM GYI DNGOS GRUB NYID DU 'GYUR RO, ,RDO RJE SBYOR BA ZHES BYA BA LA SOGS PA LA RDO RJE NI SKU RDO RJE LA SOGS PA'O, ,DE RNAMS KYIS BYIN GYIS BRLAB PA'I PHYIR GSOL BA 'DEBS PA NI SBYOR BA STE RDO RJE SBYOR BA'O, ,DE'I DAM TSIG RNAMS NI DMAN PA'I DNGOS GRUB KYIS LHAG PAR MOS PA'O, ,DE DANG GRUB PA'I MCHOG NI DNGOS GRUB MCHOG GI SGRUB PA STE RDO RJE SBYOR BA'I DAM TSIG DNGOS GRUB MCHOG GO, ,DE BSTAN PA YANG YIN LA LE'U YANG YIN PAS SO, ,GSANG BA 'DUS PA'I BSHAD SBYAR SNYIM PA'I ME TOG LAS LE'U BCU GNYIS PA'O,, ,,LE'U 'DI'I DON NI SGRUB PA CHEN PO YIN NO, ,DE LA MNGON PAR RTOGS PA CHA GNYIS TE RDO RJE BZLAS PA DANG RIG PA'I SKYES BU BSGOM PA'O, , LHAG MA RNAMS NI ZHAR LAS 'ONGS PA'O, ,DE NAS ZHES BYA BA LA SOGS PA LA BCOM LDAN 'DAS ZHES BYA BA NI GDON PAR MI BYA STE, TSIGS BCAD LAS LHAG PA YIN PAS SO, ,YE SHES NI SNA TSOGS PA'O, ,RDO RJE NI SKU LA SOGS PA'I RDO RJE'O, ,DE RNAMS KYI MCHOG NI TSOGS TE YANG DANG YANG DU SPROS PA'O, , DE 'DZIN PA NI YANG DANG YANG DU SDUD PA'I PHYIR TE, DE LTAR NA YE SHES RDO RJE MCHOG 'DZIN PA'O, ,BLO LDAN NI YE SHES PHUL DU BYUNG BA DE NYID RDO RJE BZLAS PA DANG LDAN PA'O, ,SEMS CAN KUN DON PHAN PA'O, ,DE'I CHED DU YANG DAG PAR BYUNG BA NI TSOGS PA STE, 'DUS PA MDZAD PA ZHES BYA BA'I DON TO, ,STON PA NI STON PA PO STE, YANG DAG PA THAMS CAD STON PA'I MTHU DANG LDAN PAS NI STON CHEN NO, ,THAMS CAD YANG DAG PAR NAN TAN DU BYED PA'I RTEN NYID YIN PA'I PHYIR DANG 'BRAS BU NYID YIN PA'I PHYIR NA THUB PA DANG KUN DON NO, ,RDO RJE 'CHANG NI RDO RJE 'CHANG NGO, ,DAM TSIG NI YE SHES KYI RDO RJE'O, ,DE'I DE NYID NI RDO RJE GSUM MI PHYED PA NYID DO, ,DE MKHYEN PAR MDZAD PA DE LTAR NA DAM TSIG DE NYID MKHYEN PA'O, ,DE LA PHYAG 'TSAL NAS ZHES BYA BA NI BTUD PAS SO, ,MCHOD DE ZHES BYA BA NI GZUGS RDO RJE LA SOGS PA'I SPRIN GYIS SO, ,SGRA GCIG NYID YIN PA'I PHYIR RDO RJE YANG DE YIN LA ZHAL GYI SGO RE RE NAS GSUNGS PA'I PHYIR GSUNG YANG YIN PA DE LTAR NA RDO RJE DBYINGS

306a

, ,SO, ,DE YANG 'CHAD PAR 'GYUR BA'I TSIGS SU BCAD PA DRUG GO, ,DE GSUNGS PA NI BKA' STZAL PA'O, ,DE LA DANG POS BZLAS PA NYID KYI BSTOD PA NI AE MA'O ZHES BYA BA LA SOGS PA LA AE MA ZHES BYA BA NI NGO MTSAR RO, ,TSUL DANG RIGS PA DANG YONGS SU SHES PA NI RNAM GRANGS YIN NO,, SANGS RGYAS TSUL RE BZANG ZHES BYA BA NI YE SHES KYI RDO RJE SHIN TU RNAM PAR DAG PA'I DE BZHIN NYID KYI BDAG NYID CAN GYI CHOS KYI SKU'O, ,DE NYID NI SANGS RGYAS RNAMS KYI BYANG CHUB YIN LA, DE NYID NI BZANG BA YIN TE NAM MKHA' DANG MNYAM PA'I PHYIR RO, ,NAM MKHA'I KHAMS THAMS CAD KHYAB PA'I SANGS RGYAS THAMS CAD KYI SKU DANG GSUNG DANG THUGS NI SANGS RGYAS KYI CHOS RNAMS YIN LA DE NYID NI SANGS RGYAS YIN ZHING DE NI SNGAGS YIN TE, DE RNAMS BZANG BA NYID DE CHOS KYI SKU LAS BYUNG BA NYID DU YONGS SU SHES NA NI SANGS RGYAS TSUL RE BZANG STE, DE YANG YE SHES RDO RJE LAS RTZA BA'I SNGAGS KYIS DE RNAMS SPROS PA'I PHYIR RO, ,BYANG CHUB TSUL GYI MCHOG CES BYA BA NI CHOS KYI SKU'I BDAG NYID CAN GYI BYANG CHUB DE NYID NI MCHOG STE SANGS RGYAS KYI CHOS KYI MCHOG RANG BZHIN NYID DU YONGS SU SHES PA NI BYANG CHUB KYI TSUL GYI MCHOG STE, DE YANG RTZA BA'I SNGAGS KYIS YE SHES RDO RJE NYID LAS SPROS PA'I YE SHES RDO RJE RNAMS DANG DE RNAMS RO GCIG PAR BYED PA'I PHYIR RO, ,CHOS KYI TSUL RE ZHI ZHES BYA BA NI SANGS RGYAS KYI CHOS DE RNAMS NYID ZHI BA NYID DE GZUNG BAR BYA BA'I NGO BO NYID RANG GI SHES PA TZAM NYID DU YONGS SU SHES PA NI ZHI BA'I CHOS KYI TSUL TE DE YANG YE SHES KYI SNYING POS DE RNAMS DBYE BA GSUM PO SDUD PA'I PHYIR RO, , SNGAGS KYI TSUL RE BRTAN ZHES BYA BA NI SNGAGS DE RNAMS NYID DE, BRTAN PA NI SNYING PO NYID DE DE DAG GI SHES PA YANG YOD PA MA YIN TE, GZUNG BA MED NA 'DZIN PA YANG MED PA'I PHYIR GNYIS KYIS STONG PA'I MTSAN NYID DU YONGS SU SHES PA GANG YIN PA DE NI SNGAGS KYI TSUL DU BRTAN PA STE, DE YANG BYANG CHUB BDAG MED PA'I SNGAGS KYIS DE RNAMS DE BZHIN DU NGES PA'I PHYIR RO, ,RDO RJE BZLAS PA NI RNAM PA GNYIS TE GCIG LAS SPROS PA DANG KUN LAS SPROS PA'O, ,DE LTAR DANG PO LA TSIGS SU BCAD PAS BSTOD NAS GNYIS PA LA BSTOD PA'I PHYIR, MA SKYES PA'I CHOS RNAMS NI ZHES BYA BA LA

306b

SOGS PA GSUNGS TE NAM MKHA'I KHAMS THAMS CAD KHYAB PAR MDZAD PA'I SANGS RGYAS RNAMS KYI SKU DANG GSUNG DANG THUGS DE DAG NYID NI SANGS RGYAS RNAMS KYI CHOS KHO NA YIN PAS NA CHOS RNAMS NI'O, ,DE RNAMS LAS YE SHES 'BYUNG BA NI NGES PA BSKYED PA'O, ,RAB TU BSHAD PA NI SANGS RGYAS THAMS CAD KYIS RAB TU BSNGAGS PA'O, ,JI LTA BU LAS SHE NA, MA SKYES PA LAS TE CHOS KYI SKU'I DKYIL 'KHOR LA BZHUGS PA'I SKU GSUM PO NYID 'DI LTAR KHYAB PAR BYED PAR SNANG GI SNGA NA MED PA 'BYUNG BA NI MA YIN NO, ,DE YANG RTZA BA'I SNGAGS KYIS DBYE BA GSUM LAS RANG RANG GI RIGS SPRO BA NYID DO, ,JI LTA BU LAS SHE NA, NGO BO NYID KYI KHYAD PAR CAN LAS TE KHYAD PAR NI MCHOG GI TSUL BDAG MED PA'O, ,DE NYID KYI DNGOS PO NI NGO BO NYID DE RANG BZHIN 'DI DAG LA YOD PAS NA DE SKAD CES BYA'O, ,DE RNAMS LAS YE SHES 'BYUNG BA DE YANG ZHE SDANG GI SNGAGS KYIS YE SHES RDO RJE NYID LAS SPROS PA'I YE SHES RDO RJE RNAMS DANG DE RNAMS RO GCIG TU BYED PA'I PHYIR RO, ,YANG JI LTA BU LAS SHE NA, RNAM PAR MI RTOG PA LAS DE RNAM PAR BRTAG PAR BYA BA YIN PAS NA RNAM PAR RTOG PA STE, GZUNG BA'I NGO BO NYID DO, ,DE MED PAS NA RNAM PAR MI RTOG PA LAS TE 'DI NI NGA'I SEMS TZAM YIN NO ZHES BYA'O, ,DE YANG GTI MUG GI SNGAGS KYIS YE SHES RDO RJE DE RNAMS BSDUS PA'I PHYIR RO, ,YANG JI LTA BU LAS SHE NA, YANG DAG LAS ZHES BYA BA GNYIS KYIS STONG PA'I NGO BO NYID YIN PA'I PHYIR PHYIN CI MA LOG PA'I RANG BZHIN LAS TE DE DAG NI SHES PA YANG MA YIN TE GZUNG BA MED NA 'DZIN PA YANG MED PA'I PHYIR RO, ,DE YANG DE BZHIN DU BSDUS PA DE RNAMS 'DOD CHAGS KYI SNGAGS KYIS DE BZHIN DU NGES PA'I PHYIR RO, ,DE LTAR RDO RJE BZLAS PA LA BSTOD NAS DE NYAN PAR 'DOD PA'I GDUL BYA RNAMS LA DE BSTAN PAR BYA BA'I PHYIR, BCOM LDAN 'DAS LA GSOL BA BTAB PA'I TSIGS SU BCAD PA BZHI NI YID 'ONG ZHES BYA BA LA SOGS PA GSUNGS TE 'DIS DGA' ZHING DON DAM PA YANG DAG PAR SHES PAS NA YID 'ONG NGO, ,GTI MUG DANG 'DOD CHAGS DANG RTZA BA DANG ZHE SDANG GI SNGAGS NI SNGAGS RNAMS KUN NO, ,DE RNAMS BSDUS PA NI GANG LAS BAR MA CHAD PAR BRJOD PA YOD PA'O, ,GANG LA YE SHES CHE STE YONGS SU SHES PA BZHI YOD PA'O, ,SKU GSUM NI DBYE

307a

, ,BA GSUM STE, YE SHES RDO RJE MI PHYED PA'I DKYIL 'KHOR GANG LA YOD PA DE LA DE SKAD CES BYA'O, ,RDO RJE RNAMS KYIS SAM RDO RJE RNAMS KYI SPRO BA DANG BSDU BA NI RDO RJE BZLAS PA'O, ,RDO RJE BZLAS PA'I BSKAL PA'I 'BRAS BU NI SANGS RGYAS YE SHES ZHES BYA BA LA SOGS PA GSUNGS TE DE BZHIN GSHEGS PA THAMS CAD KYI SKU DANG GSUNG DANG THUGS RDO RJE GSUM PO MI PHYED PA'I BDAG NYID CAN GYI DE KHO NA NYID NI RANG GI YE SHES RDO RJE'O, ,DE BSGOM PA NI YANG DAG PAR SHES PA STE, RDO RJE BZLAS PA ZHES BYA BA'I DON TO, ,NYE BA'I 'BRAS BU NI RDO RJE BZLAS PA ZHES BYA BA LA SOGS PA GSUNGS TE, ,RDO RJE RNAMS GCIG TU SBYOR BA NI RDO RJE'I SBYOR BA'O, ,GAL TE GCIG LAS SPROS PA NI GSUM LA SDUD PA'I PHYIR JI LTAR RDO RJE GCIG LA SBYOR BA YIN ZHE NA, DE NYID LAS SPROS PA'I PHYIR DANG DE NYID KYIS RO GCIG PAR BYED PA'I PHYIR DANG DE NYID KYI RAB TU DBYE BA LAS SDUD PA'I PHYIR RO, ,'DI NI RE ZHIG LHA THAMS CAD KYI THUN MONG GI SNGAGS BZHI'I DON GYI BZLAS PA BSTAN PA'I PHYIR GSOL BA 'DEBS PA YIN NO, ,THUN MONG MA YIN PA'I SNGAGS KYIS DON GYI BZLAS PA NI GSANG SNGAGS ZHES BYA BA LA SOGS PA GSUNGS TE, RIGS NI DE KHO NA NYID LNGA STE SANGS RGYAS RNAMS SO, ,GSANG SNGAGS NI KHRO BO'I NYAMS LA SOGS PA'O,, DE RNAMS KYI SKU DANG GSUNG DANG THUGS KYI MTSAN NYID CAN NI SKU LA SOGS PA'I DE KHO NA NYID YANG DAG PAR SHES PA'O, ,GSUNGS ZHES BYA BA NI STON CIG PA'O, ,YE SHES RGYA MTSO NI YE SHES KYI PHUNG PO STE 'DIS NI 'KHOR SNOD DU RUNG BA GSUNGS PA YIN NO, ,SKU GSUNG THUGS KYI ZHES BYA BA LA SOGS PA'I RDO RJE BZLAS PA'I BGROD PA GCIG PA NYID GSUNGS PA YIN NO, ,RDO RJE NI SANGS RGYAS DANG BYANG CHUB SEMS DPA' RNAMS SO, ,DE RNAMS KYI SNGAGS DANG SNGAGS RNAMS KYIS SO, ,RAB BSGOMS PAS NI YANG DAG PAR SHES PA STE THUN MONG MA YIN PA'I BZLAS PA DE RNAMS KYIS ZHES BYA BA'I DON TO, ,YE SHES NI BLA NA MED PA'I BYANG CHUB STE MNYAM PA MED PA DE THOB PAR GYUR PA'O, ,DE NAS ZHES BYA BA NI GSOL BA BTAB PA'I RJES THOGS LA'O, ,CI'I PHYIR STON PA YIN ZHE NA, 'DI LTAR, NAM MKHA'I RDO RJE'I YE SHES 'BYUNG, ,NAM MKHA' DANG RDO RJE NI NAM MKHA' RDO RJE STE YE SHES KYI 'KHOR LO'O,,

307b

DE'I YE SHES NI SNGAGS BZHI'I TSUL DU'O, ,DE 'BYUNG BA NI RTZA BA'I RGYU'O, ,DE NYID NI BYED PA PO YIN ZHING YE SHES KYI DKYIL 'KHOR SKYED PA PO YIN TE, DE LAS RIGS KYI TSOGS SPROS PA'I PHYIR RO, ,DAM PA'I MCHOG GI GTZO BO MDZAD PA'I PHYIR DAM PA'I MCHOG GI GTZO BO'O, ,DAM PA MCHOG NI RIGS KYI TSOGS YIN LA DE RNAMS KYI GTZO BO NI MCHOG TU PHYED PA STE, YE SHES MCHOG GI DKYIL 'KHOR LA SDUD PAR MDZAD PA'I PHYIR RO, ,DE LA DANG POR YE SHES KYI DKYIL 'KHOR GSUNGS PA SNGAGS KYI DON KUN ZHES BYA STE, YE SHES BZHI YONGS SU SHES PA'I DE KHO NA NYID KYI BZLAS PA STE, YANG DANG YANG BZLAS PAR BYA BA LA BKOD PA ZHES BYA BAR SBYAR RO, ,YE SHES SEMS DPA'I THUGS KA'I ZLA BA LA RNAM PAR BKOD PA NI BKOD PA'O, ,JI LTAR BKOD CE NA, ,RDO RJE DBYE BA GSUM NI MTHAR JI LTAR 'GYUR BA STE, DBYE BA GSUM NI SKU DANG GSUNG DANG THUGS RDO RJE STE YE SHES RDO RJE'I MTHAR THUG PA'I LOGS GSUM GANG YIN PA'I BKOD PA LA DE SKAD CES BYA'O, ,BKOD PA 'DI NYID LA BRJOD GSUM, ,ZHES BYA BA STE, GSUM DANG RDO RJE ZHES BYA BA'I DBANG DU BYAS NAS SO, ,JI LTA BU ZHE NA, RDO RJE GSUM MI PHYED MTSAN NYID DE RDO RJE GSUM DBYER MI PHYED PA'I YE SHES KYI MTSAN NYID LA SO SOR RTOG PA'O, ,KHA CIG NA RE SKU RDO RJE LA SOGS PAS SPYI BO DANG LKOG MA LA SOGS PAR BYIN GYIS RLOB PA GANG YIN PA DE NYID RDO RJE GSUM 'DI YIN MOD CES ZER MOD KYI DE NI BDEN PA MA YIN TE, SHES ZIN PA DE TSIG 'DI LA RTZOL BA MI RUNG BA'I PHYIR DANG, RDO RJE'I DBYE BA GSUM GYI MTHAR GYI SGRA NI DE'I RJOD PAR BYED PA MA YIN PA'I PHYIR DANG, YE SHES KYI DKYIL 'KHOR GYI THUGS KA LAS GZHAN MI RUNG BA'I PHYIR RANG, MNYAM PAR GZHAG PA RNAMS LA SPRO BA DANG BSDU BA CIG CAR MI NUS PA'I PHYIR DANG, DKYIL 'KHOR KUN GYI LOGS RNAMS LA, ZHES LOGS SMOS PA'I PHYIR DANG, LONGS SPYOD KYI DKYIL 'KHOR DANG SKU LA SOGS PA BYIN GYIS BRLABS PA DAG KYANG BCO BRGYAD PA LAS RDO RJE 'CHANG BA GANG YIN PA'I RIG PA YOD PA'I SBYOR BA DANG, BDAG BYIN RLABS SOGS DE BZHIN TE, ,DE YI LONGS SPYOD BZHIR ZHES BYA, ,ZHES THA DAD PAR GSUNGS PA'I PHYIR RO, ,SHIN TU SPROS PAS CHOG GO ZHES BYA BA NI DE SKAD

308a

, ,GSUNGS PA'I DGOS PA'O, ,KYANG GSUNGS SO ZHES BYA BA NI RDO RJE'I BZLAS PA RGYAS PAR RO, ,RNAM PA GSUM DAG CES BYA BA NI SKU DANG GSUNG DANG THUGS THA DAD PA'I PHYIR RO, ,SPRO BA NI KHYAB PAR BYED PA'I SPRUL PA'O, ,NGOS RNAMS SU ZHES BYA BA NI PHYOGS CHAR TE RIGS MTHUN PA NYID YIN PA'I PHYIR DANG DE RNAMS NYID LA MTHAR BSDU BA'I PHYIR RO, ,SANGS RGYAS THAMS CAD KYI RDO RJE GSUM GYI THUGS DANG MTSUNGS PA 'DI LA YOD PAS NA RDO RJE GSUM GYI THUGS 'DRA STE DE RNAMS SEMS TZAM NYID DU YANG DAG PAR MTHONG BA'I PHYIR RO, ,RNAM PA GSUM PO NI JI LTA BU BYA BA GZHAN YANG GANG YIN ZHE NA, SANGS RGYAS RNAMS KYI ZHES BYA BA LA SOGS PA GSUNGS TE, BSGOMS NAS ZHES BYA BA NI YANG DAG PAR SPROS NAS SO, ,MCHOD PA'I MCHOG BRTAG PA NA MCHOD PA'I MCHOG BSKYED PA'O, ,DE RNAMS BYED PA PO GANG GIS SPRO BA RNAM PA GSUM DANG, MCHOD PAR BYA BA YIN ZHE NA, YA SHES RDO RJE ZHES BYAS NA NI'O, ,MCHOD PA'I RDZAS GANG GIS MCHOD CE NA, SANGS RGYAS RNAMS KYI ZHES BYA BA LA SOGS PA GSUNGS SO, ,YE SHES RDO RJE ZHES BYA BA NI YE SHES RDO RJE LAS SPRO BA RNAM PA GSUM GYIS SO, ,BYANG CHUB MCHOG THOB PA'I ZHES BYA BA NI BDAG MED PAR YONGS SU SHES PA'I SANGS RGYAS KYI CHOS THAMS CAD KHONG DU CHUD PA NI BYANG CHUB KYI MTSAN NYID CAN YIN PA'I PHYIR RO, ,DE LTAR GCIG LAS SPROS PA'I RDO RJE'I BZLAS PA GSUNGS NAS KUN NAS SPROS PA'I RDO RJE'I BZLAS PA GSUNGS PA'I PHYIR, YANG NA ZHES BYA BA LA SOGS PA GSUNGS TE, DBYE BA RNAM PA GSUM GYIS ZHES BYA BA NI SKU DANG GSUNG DANG THUGS KYI DBYE BA RNAM PA GSUM GYI BYED PA POS SO, ,DE DAG LAS JI LTAR SPRO ZHE NA, SO SO DAG TU STE RE RE LAS RIGS MTHUN PA SPRO BA'I PHYIR RO, ,MCHOD PA'I MCHOG BRTAG PA NI YE SHES RDO RJE NYID KYIS DE BZHIN DU BYAS TE GNOD PA CAN MED PA'I PHYIR RO, , 'O NA SNGAGS GANG GIS CI ZHIG SPRO ZHE NA, SKU DANG ZHES BYA BA LA SOGS PA GSUNGS TE, SKU DANG GSUNG DANG THUGS NI RTZA BA'I SNGAGS KYIS SO, ,DE RNAMS KYI BDAG MED PA NI ZHE SDANG GI SNGAGS KYIS ZHES BYA BA'I DON TO, ,DANG PO'I SNGAGS GNYIS KYIS BSDU'O ZHES BYA BA NI LUS PA LAS

308b

SHES PAR BYA STE, BCO BRGYAD PA LAS, SANGS RGYAS SNA TSOGS RDO RJE'I BDAG, ,YE SHES SA BON BDAG GIS BSDU, ,BYANG CHUB BDAG MED SA BON GYI, ,BRTUL ZHUGS CAN GYIS BDAG MED BZUNG, ,ZHES GSUNGS PA'I PHYIR RO, ,BRJOD NAS ZHES BYA BA LA SOGS PA LA JI LTAR BDEN PA RNAMS DANG POR MTHONG BA NI MTHONG BA'I LAM YIN PA DE BZHIN DU 'DIR BRJOD NAS ZHES BYA BA STE SNGAGS BZHI PO DANG POR BRJOD ZHES BYA BA'I DON TO, ,RDO RJE ZHES BYA BA NI SKU DANG GSUNG DANG THUGS YE SHES KYI RDO RJE'O, ,SPRO BA NI ZHES BYA BA NI SPRO BA NYID YIN GYI BSDU BA MA YIN TE, SPRO BA MA BYAS PA LA BSDU BA MI RUNG BA'I PHYIR RO ZHES BYA BAR DGONGS SO, ,RDZOGS NAS ZHES BYA BA NI SNGAGS BZHI PO RDZOGS PAR BRJOD PA STE, THA MA BRJOD PA NA ZHES BYA BA'I DON TO, ,RAB TU BSDU BAR BYA ZHES BYA BA NI BSDU BA NYID BYA'I SPRO BA NI MA YIN NO, ,GZHAN DU NA THA MA NYID DU MI 'GYUR TE SPRO BA RNAMS NGES PAR BSDU BAR BYA BA NYID YIN PA'I PHYIR DANG DE BSDU BA'I CHED DU BRJOD PAR THAL BAR 'GYUR BA'I PHYIR RO ZHES BYA BAR DGONGS SO, ,BRJOD PA LHAG MA RNAMS LA NI BSDUS NAS KYANG SPRO BAR BYA'O ZHES DON GYIS RNYED PAR 'GYUR RO, ,'ON TE DANG POR BRJOD PA'I SNGAGS DANG PO DAG GI DON GANG YIN ZHE NA, DBYE BA RNAMS DANG SNA TSOGS PA'I YE SHES TZAM DANG BDAG MED PAS SO, ,PHYIS BRJOD PA'I SNGAGS PHYI MA DAG DON GANG YIN ZHE NA, DBYE BA NYID KYIS RDO RJE DBYE BA NYID DANG RDO RJE MNYAM PA NYID DO, ,'DI DE ZHES BYA BA NI KHYED GSAN PAR DGYES PA RDO RJE BZLAS PA'I YE SHES CHE 'DI GANG YIN PA DE'O, ,YE SHES NYID KYI SPYAN PHYE BA STE SGRIB PA MED PA DE RNAMS LA MNGA' BAS NA DE SKAD CES BYA'O, ,DE LTAR THUN MONG GI RDO RJE BZLAS PA'I GZHUNG RGYAS PAS PHYIS BYA BA GSUNGS NAS LAN CIG BYA BA'I THUN MONG MA YIN PA'I RDO RJE BZLAS PA BSTAN PA'I PHYIR SKU'I RDO RJE ZHES BYA BA LA SOGS PA GSUNGS TE, DE SKAD DU YANG BCO BRGYAD PA LAS, RANG RANG GI NI NGO BO NYID, ,SNYING GAR YID KYIS RNAM BSAMS TE, ,GSANG SNGAGS BZLAS PA'I DBYE BA YIS, ,ZLOS PAR BYED CING SPRO ZHING BSDU, ,ZHES GSUNGS PA LA, RANG RANG GI NI NGO BO NYID, ,CES BYA BA NI RANG GI SKU LA

309a

, ,SOGS PA JI LTA BA BZHIN GYI DE KHO NA NYID DO, ,RNAM BSAMS TE ZHES BYA BA NI NGES PAR DPYAD PA'O, ,SNYING LA YID KYIS ZHES BYA BA NI SNYING GAR CHUD PA'I YID KYIS TE MNYAM PAR GZHAG PAS ZHES BYA BA'I DON TO, ,DE LA RIGS KYI SNGAGS LAS SKYES PA'I LUS NI SKU'O, ,YE SHES SEMS DPA'I THUGS KAR SON PA'I MTSAN MA NI THUGS SO, ,MTSAN MA'I NANG DU SON PA'I SA BON NI GSUNG NGO, ,KHRO BO LA SOGS PA RNAMS KYI NI KHRO BO LA SOGS PA'I MNYAM PA NYID NI THUGS SO, ,DE LAS BYUNG BA'I SNGAGS DANG LUS KYI 'GYUR BA NI RIM BZHIN DU GSUNG DANG SKU'O, ,SANGS RGYAS RNAMS KYI SKU MNYAM PA NYID DU BSDUS PA NI SKU RDO RJE'O, ,DE'I MNGON PAR BYANG CHUB PA NI MNGON DU BYAS PA STE SKU'O, ,DNGOS DANG DNGOS MED RNAM PAR DPYAD PAS MI DMIGS PA NI THUGS SO, ,DE YANG CI ZHIG YIN ZHE NA, SANGS RGYAS SKU STE NANG DU GYUR PA DANG 'KHOR LO'I RNAM PA YIN PA'I PHYIR ZHES PA'I TSOGS TE YE SHES KYI 'KHOR LO ZHES BYA BA'I DON TO, ,DE JI LTAR NA DNGOS DANG DNGOS MED DPYAD CE NA, LUS 'DI RNAMS KYIS MA SKYES PAS LUS KYI NGO PO NYID MED PA YIN LA, YE SHES LUS SU SNANG BAR SKYES PAS DNGOS PO MED PA YANG MA YIN TE, 'DI DAG YE SHES KYI 'KHOR LO'I ZHES BYA BA NI 'KHOR LO'I NANG DU ZHUGS PA'I RANG GI NGAG AOm ZHES BYA BAS 'KHOR LO'I DON LUS TE STON PAR BYED PA YIN TE, GDOD NAS MA SKYES PAS STONG PA NYID KYI RANG BZHIN GYIS YID NYID DO ZHES BYA BA NI 'DI'I DON YIN NO, ,DE LTAR GANG SKU DANG THUGS DANG GSUNG RNAMS YANG DAG PAR MTSON PA NI SKU'I BZLAS PAR BSHAD PA STE, RNAM PAR SNANG MDZAD KYI BZLAS PA ZHES BYA BA'I DON TO, ,SANGS RGYAS RNAMS KYI GSUNG SDUD PA NI GSUNG GI DAM TSIG GO, ,DE'I MNGON PAR BYANG CHUB PA NI SKU'O, ,SGRA DANG SGRA MIN RNAM DPYAD PA NI THUGS TE, SANGS RGYAS RNAMS KYI GSUNG NI CHOS RNAMS BRJOD DU MED PAS SGRA MA YIN NO, ,CHOS NYID GSAL BAR MDZAD PAS SGRA MA YIN PA YANG MA YIN NO, ,CI ZHIG CE NA, GSUNG GI RDO RJE ZHES BYA STE, SANGS RGYAS THAMS CAD KYI GSUNG GI MTSAN MA PADMA DMAR PO'O, ,DMAR PO NI MTSON PA'I DON YIN TE, PADMA NI DAG PA'I DON TE DE BAS NA PADMA'I DON GYIS

309b

SGRA MA YIN LA DMAR PO'I DON GYIS NI SGRA MA YIN PA YANG MA YIN NO ZHES BYA BA'I DON TO, ,SHES ZHES BYA BA NI MTSAN MA'I DON 'DI'I LUS TE, AA ZHES BYA BA'I RANG GI NGAG GIS RAB TU STON TO, ,THA SNYAD NAM MKHA' LTA BU STE, ,DON DANG MING DANG BLO RNAMS SU, ,RNAM PAR MI RTOG PA ZHES BYA BA'I DON TO, ,DE LTAR GANG SKU DANG GSUNG DANG THUGS RNAMS YANG DAG PAR MTSON PA DE NI GSUNG GI BZLAS PAR BSHAD DE, SNANG BA MTHA' YAS KYI BZLAS PA ZHES BYA BA'I DON TO, ,SANGS RGYAS RNAMS KYI THUGS NI MNYAM PA NYID NI THUGS KYI DAM TSIG STE, DE'I MNGON PAR BYANG CHUB PA NI SKU'O,, GNAS PA'I RDO RJE RNAM DPYAD PA NI THUGS TE, GNAS PA NI DGA' MA RNAMS SO, ,RDO RJE REG BYA RNAMS SO, ,DE DAG GNYIS SU MED PA NI RNAM PAR DPYAD PA STE, 'DI LA GNAS PA YANG MED LA RDO RJE YANG MED PA'O, ,'O NA CI ZHIG CE NA, THUGS KYI RDO RJE ZHES BYA BA SMOS TE, THUGS NI MI BSKYOD PA'O, , DE'I RDO RJE NAG PO RTZE LNGA PA STE, DE YANG THUGS 'DREN PAS NA NAG PO YIN LA REG BYA DANG RIG PA RNAMS BSDUS PAS NA RTZE LNGA PA'O, ,SHES ZHES BYA BA NI LUS TE RDO RJE'I DON GZUNG BA GNAS PA DANG 'DZIN PA RDO RJE GNYIS SU MED PAR GYUR PA GZUNG BA DANG 'DZIN PAS STONG PA'I YID TZAM NI H'Um ZHES BYA'O, ,DE LTAR GANG SKU LA SOGS PA YANG DAG PAR MTSON PA NI SEMS KYI BZLAS PAR BSHAD DE MI BSKYOD PA'I BZLAS PA ZHES BYA BA'I DON TO, ,DGA' MA RNAMS NI DON YIN LA, DE'I RJES SU 'GRO BA NI BDE BA'I RANG BZHIN DU RO GCIG TU GYUR PA'O, ,DE NYID NI RANG GI NGAG SV'A ZHES BYA BA NI DES BRJOD PAR BYA BA YIN PAS BZLAS PA'O, ,DE JI LTA BU ZHIG CE NA, NGO PO NYID MED PA STE, NGO BO NI SKU BSDUS PA'O, ,MED PA NI THUGS BSDUS PA'O, ,DE DAG GNYIS SU MED PAR GYUR PA NI NGO BO NYID MED PA RIN PO CHE'I RNAM PA YIN PAS NA BZANG PO'O, ,DUS GSUM SANGS RGYAS RNAM DPYAD PA, ,ZHES BYA BA NI MNYAM PA NYID KYI YE SHES SO, ,DE NYID RIN CHEN BZLAS PA STE RIN CHEN 'BYUNG LDAN GYI BZLAS PA'O, ,DE LAS SANGS RGYAS RNAMS KYI GSANG BA GSUM PA MNYAM PA'I BDE BA MNGON PAR BYANG CHUB PA NI SKU'O, ,SNYIR GAR CHUD PA'I YID BZHIN GYI NOR BU NI THUGS SO, ,DE'I NANG NA GNAS PA'I YI GE SV'A NI

310a

, ,GSUNG STE, YI GE GSUM GYIS NI THAMS CAD RDO RJE'I DON GYIS RJES SU 'GRO BAR BSTAN TO, ,SKU'I SPRIN RNAMS SPRO BA ZHES BYA BA NI SANGS RGYAS KYI ZHING RNAMS THAMS CAD DU KHYAB PAR 'KHOR LO LTA BU'I RNAM PAR SPRO BA STE SKU'O, ,'GRO DANG 'GRO MIN RDO RJE ZHES BYA BA LA 'GRO BA YANG DE YIN LA 'GRO MIN YANG DE YIN TE, DE'I RDO RJE NI MTSAN MA STE, DES MTSON PA'I PHYIR RO, ,DE NYID RANG GI SNGAGS KYIS BRJOD PAR BYA BA'I SGRA DON YIN PAS RDO RJE DON TO, ,DE BAS NA 'GRO BA DANG 'ONG BA MA YIN PA'I STON PA'I MTSAN MA NI THUGS SO, ,'GRO BA DANG 'ONG BA MA YIN PA'I DON NI SNGAGS KYI GSUNG NGO; ,'DI LTAR 'DI'I MTSAN MA NI RAL GRI STE DE YANG 'DEBS NA THAMS CAD 'GRO BA YIN LA LAG PAR GNAS PAS NA MA'I GRO BA YANG YIN NO, ,DE BZHIN DU THOGS MED SPROS PAS NI KUN DU 'GRO BA YIN LA GNAS PAS MI 'GRO BA YIN PA'I DON TE, YI GE HAS STON TE KUN DU 'GRO BAR GNAS PA ZHES BYA BA'I DON TO, ,DE LTAR GANG SKU DANG THUGS DANG GSUNG RNAMS YANG DAG PAR MTSON PA 'DI NI THOGS MED KYI BZLAS PA STE, RIGS RNAMS KYI BZLAS PA'O, ,YI GE RNAMS 'DUS PA'I TSIG NI YI GE'I TSIG STE, DE SGRUB PA PO RANG GIS GANG THOS PA'O, ,RANG ZHES BYA BA NI BDAG NYID DE DAM TSIG SEMS DPA'O, RDO RJE ZHES BYA BA NI SKU DANG GSUNG DANG THUGS RNAMS DANG YE SHES KYI RDO RJE RNAMS SO, ,DRAG PO NI LNGA PO DE NYID KYIS LHAN CIG TU GSANG MTHON POR SGROGS PA'O, ,DKYIL 'KHOR ZHES BYA BA NI SNGAGS RNAMS KYI SNYING PO BSDUS PA STE, H'Um ZHES BYA BA LA SOGS PA 'BRUG GI SGRA LTA BU SGROGS PA GANG LA YOD PA'O, ,JI LTAR SGROGS SHE NA, KHRO BO'I DAM TSIG YE SHES DAG GIS TE, DAM TSIG NI SMIN MA BCUM PA LA SOGS PA'O, ,YE SHES NI NYAMS SU MYONG BA'O, ,DE GANG SEMS DPA' RNAMS KYIS SKU DANG GSUNG DANG THUGS RNAMS YANG DAG PAR MTSON PA DE NI KHRO BO'I BZLAS PA'O, ,THABS DANG BCAS PAS 'DOD PA RNAMS DANG GNYIS SU MED PAR BSTAN PA NI 'DOD PA'I DON TO, ,MYOS PAR GYUR PA NI SHIN TU CHAGS PA'O, ,KUN DU SKYOB CING PHAN PAR DGA', ,ZHES BYA BA NI SEMS CAN RNAMS LA SKYOB PA DANG

310b

PHAN PA DON DU GNYER BA'O, ,SEMS CAN ZHES BYA BA NI DAM TSIG SEMS DPA' LA SOGS PA LNGA'O, ,GTI MUG GNAS ZHES BYA BA NI RAB BSNGAGS YIN LA GZHAG PA NI DE DAG GIS DE BRJOD PA ZHES BYA BA'I DON TO, ,DE LTA BU GANG YIN PA DE NI GTI MUG GI BZLAS PA STE DES SKU DANG THUGS DANG GSUNG RNAMS YANG DAG PAR MTSON PA'O, ,NANG DU REG PA'I RO NI 'DOD CHAGS SO, ,DE LAS BYUNG BA'I TSIG NI YI GE A'A'O, ,LUS DANG NGAG DANG SEMS NI LUS DANG NGAG DANG SEMS RNAMS DANG LUS NGAG SEMS TE DAM TSIG SEMS DPA' LA SOGS PA'O, ,DE RNAMS KYI MDZAD PA NI DE RNAMS KYI MDZAD PA'O, ,SEMS DE RNAMS 'DOD GNAS TE 'DOD CHAGS KYIS BSLANG BA'I LUS KYI LAS LA GZHAG PA STE, BZLAS PA GANG YIN PA DE NI 'DOD CHAGS PA'O, ,ZHE SDANG RDO RJE NI GNYIS SU MED PA SO SOR RTOGS PAR GYUR PA'I LUS KYI LAS SO, ,DE LAS BYUNG BA'I SEMS NI DGA' BA'O, , DE'I LUS LA SOGS PA LA GNAS PA ZHE SDANG GI GNAS NI H'Um STE, DE LA ZHEN PAS SEMS PA LNGA PO ZLOS PAR BYED PA GZHAG PA'I BZLAS PA GANG YIN PA DE NI ZHE SDANG GI BZLAS PA'O, ,GTI MUG LA SOGS PA GSUM PO DAM TSIG GANG DU BSDUS PA'I DE KHO NA NYID NI DAM TSIG DE NYID RDO RJE GSUM MO, ,DBU MA ZHES BYA BA NI GTI MUG LA SOGS PA RNAMS BRI BA MED PAS 'PHEL BA YANG MED PA'O, ,DE NYID CES BYA BA NI DE BZHIN NYID DO, ,RDO RJE THAMS CAD CES BYA BA NI DAM TSIG SEMS DPA' LA SOGS PA LNGA PO GANG DU ZLOS PA DE MA NING GI BZLAS PA STE, MA NING NI BUD MED KYANG MA YIN LA SKYES PA YANG MA YIN PA BZHIN 'DIR YANG GTI MUG LA SOGS PA RNAMS 'PHEL BA DANG 'BRI BA'I MTSAN NYID KYIS SKYES PA DANG BUD MED MA YIN PAS MA NING NGO, ,KHRO BO LA SOGS PA'I BZLAS PA DAG NI LAS KYI DBYE BA DANG LHA'I DBYE BAS RIG PAR BYA'O, ,RDO RJE BDAG PO RNAMS NI 'DOD PA DRUG GO, ,DE THAMS CAD NI 'DOD CHAGS DE NYID DON BSGOM PA STE, 'DOD CHAGS KYANG YIN LA DON YANG YIN TE, DE LA SEMS PA NI 'DOD CHAGS KYI DON LA SEMS PA'O, ,SEMS CAN ZHES BYA BA LA SOGS PA NI GO SLA'O, ,'DIS NI DE'I RNAL 'BYOR PA 'DOD PA LNGA'I LUS

311a

, ,GNYIS RANG GI LUS GNYIS LA BCUG STE, 'DOD CHAGS KYI BZLAS PA BYA'O ZHES BYA BAR 'GYUR RO, ,'DOD PA RNAMS KYI DON DER BRTZON ZHING BSDUS PA'I RNAL 'BYOR PAS 'DOD PA LNGA GNYIS SU MED PA'I SBYOR BAS 'DOD CHAGS KYI BZLAS PA BYA'O, ,'DOD PA'I LONGS SPYOD CES BYA BA LA SOGS PAS NI SPYAN LA SOGS PA'I BZLAS PA'I DAM TSIG BSTAN TO, ,RIG PA'I RGYAL PO NI DAM TSIG RDO RJE LA SOGS PA DRUG STE, GTI MUG GI DAM TSIG GI YUL LAS SKYES PAS SO, ,DE NYID KYIS NA 'KHOR LO CAN NO, ,MA NING GI GNAS NI GTI MUG GI BZLAS PA STE, SKYES PA DANG BUD MED GNYIS SU MED PA'I DON GYIS SHIN TU 'KHYUD PA'I PHYIR DNGOS GRUB NI DER GNAS PA'I GRUB PA'O, ,ZHE SDANG GI GNAS NI ZHE SDANG GI RIGS SO, ,GSAD PA NI SNANG BA MED PAR BYED PA'O, ,DE BAS NA DE NYID NI ZHE SDANG 'DAS PA'O, ,SGRUB PA ZHES BYA BA LA SOGS PAS NI DAM TSIG GSUNGS TE, GSAD PAR BYA BA GDUG PA RNAMS KYIS NAM MKHA' KHYAB PAR BSAMS NA, H'Um ZHES BYA BAS SNANG BA MED PAR BYAS PAS GSAD PAR BYA'O, ,MCHOG GI CHOS NI DAD PA DANG SHES RAB LA SOGS PA'O, ,SKYES BU CHEN PO ZHES BYA BA NI SHIN TU KHRO BO'I SKYES BU'I LAS DANG LDAN PA STE; DE RNAMS KYI DAM TSIG GO, ,DE STON PAR MDZAD PA LA YANG DE SKAD CES BYA'O, ,DE LTAR BZLAS PA RGYAS PAR BSHAD NAS BYE BRAG BSTAN PAR BYA BA'I PHYIR SLAR YANG GSUNGS PA, YE SHES ZHES BYA BA LA SOGS PA LA RDO RJE GSUM PA BKOD PA'I TSIGS SU BCAD PA LNGAR BSTAN PA DE 'DIR TSIGS SU BCAD PA PHYED DANG DRUG GIS GSUNGS LA, DE NAS TSIG RKANG GNYIS KYIS NI 'OD ZER SPROS PA SNGAR MA BSTAN PA STON TO, ,TSIGS SU BCAD PA LNGA'I TSIG GSUM GYIS NI GCIG BRJOD LA BZHI PAS NI GNYIS PA'O, ,YE SHES KYANG YIN LA 'KHOR LO YANG YIN PAS YE SHES 'KHOR LO STE, ,DE DANG LDAN PA'I RNAL 'BYOR PA'I SNYING GAR BSGOM PAR BYA'O, ,GSANG BA'I DKYIL 'KHOR NI ZLA BA'I DKYIL 'KHOR TE DE'I DBUS SU GNAS PAR RO, ,DE BZHIN DU YE SHES RDO RJE CAN LA SOGS PA'I SNYING GAR RDO RJE LA SOGS PA NYI MA'I DKYIL 'KHOR LA GNAS PA'O,,

311b

DBUS SU 'KHOR LO'I DON BSGOM MO ZHES BYA BA NI 'KHOR LO DE'I DBUS SU 'KHOR LO'I DON GYI SNGAGS AOm ZHES BYA BA LA SOGS PA BSGOM PA'O, ,RDO RJE'I DON BSGOM ZHES BYA BA LA RDO RJE NI RDO RJE'I DBUS SO, ,DE'I DON GYI SNGAGS NI H'Um ZHES BYA STE DE BSGOM PA'O, ,RIN CHEN YE SHES CAN ZHES BYA BA RIN CHEN YANG YIN LA YE SHES KYANG DE YIN NO, ,KUN NI SNA TSOGS PA STE YE SHES SEMS DPA'I THUGS KAR GNAS PA'I SA BON NO, ,DE'I DKYIL 'KHOR NI GDAN NO, ,DE'I NGOS RNAMS NI SHAR DANG LHO DANG BYANG DU'AM, DBANG LDAN DANG, ME MTSAMS DANG, NUB PHYOGS SO, ,SANGS RGYAS KUN ZHES BYA BA NI SANGS RGYAS THAMS CAD KYI SKU DANG GSUNG DANG THUGS KYI SA BON YANG RANG GI STENG LA DGOD PAR BYA'O, ,'OD ZER LNGA ZHES BYA BA NI KHA DOG LNGA'O, ,SPRO BA NI SPRO BAR BYA'O, ,BYE BRAG GIS ZHES BYA BA NI SNA TSOGS PA LAS KHA DOG RNAM PA LNGA DANG SKU LA SOGS PA'I RDO RJE DAG LAS RANG GI KHA DOG GO, ,'OD ZER SPROS PA'I MTHAR SEMS DPA' SPRO BA'O, ,DE DAG KYANG GCIG DANG THAMS CAD LAS ZHES RNAM PA GNYIS SU SNGAR BSHAD DO, ,DE NYID KYI PHYIR GSUNGS PA, SNGAGS RNAMS THAMS CAD CES BYA BA LA SOGS PA'O, ,GANG DU BSDU BA MA BSTAN PA DE BSTAN PAR BYA BA'I PHYIR SKU GSUM ZHES BYA BA LA SOGS PA GSUNGS TE, SKU GSUM NI SKU GSUM PO DAG GO, ,RDO RJE NI SNA TSOGS PA STE, DE'I BYE BRAG GIS SPROS PA RNAMS BSDUS TE, GANG GI TSE BYE BRAG RNAMS LA SPROS PA DE'I TSE RDO RJER BSDU'O, ,GANG GI RDO RJE LAS SPROS PA DE'I TSE BYE BRAG RNAMS SU'O ZHES BYA BA'I DON TO, ,DE LTAR RDO RJE GSUM PO DBYER MED PA'I MTSAN NYID NI SHIN TU KHYAD PAR DU 'PHAGS PA'O, ,BDAG MED PA LAS SPROS PA DE GANG DU SPYO BAR BYA ZHE NA, LUS KYIS ZHES BYA BA LA SOGS PA GSUNGS TE, NGO BO NYID NI BDAG MED PA'I STE SNA TSOGS PA'O, ,DE JI LTAR SKU LA SOGS PA YIN ZHE NA, DE DAG GANG GI PHYOGS SU SPROS PAS SO,, DES NI MCHOD PAR 'GYUR TE, GNYIS SU MED PA'I MCHOD PA THOB PAR 'GYUR RO ZHES BYA BA'O, ,DES SKU LA SOGS PA'I DBYE BA SNA TSOGS PA DANG, GNYIS SU MED PAR BYAS PA 'AM ZHES BYA BA'I DON TO, ,DE LTAR BZLAS PA RGYA CHER GSUNGS NAS, DA NI LAS KYI TSOGS STON LA, DE LA RNAL

312a

, ,'BYOR JI LTA BU LA GNAS NAS LAS BYAS PA NI, DKYIL 'KHOR CHEN PO ZHES BYA BA LA SOGS PA GSUNGS TE, DKYIL 'KHOR CHEN PO NYI SHU LNGA 'AM 'KHOR LOS TE DON GYI SHUGS KYIS LHA DRUG GIS SO, ,NANG GI RNAM PAR RDO RJE LNGA RNAMS TE SANGS RGYAS RNAMS BSGOM PAR BYA'O, , CI ZHIG BYAS NAS SHE NA, DBUS SU BDAG PO BSAMS NAS NI'O, ,GZUGS ZHES BYA BA NI SKU'I RNAM PA'O, ,GSUM NI SKU GSUM PO DAG GO, ,SKU NI YE SHES SEMS DPA'O, ,RDO RJE NI COD PAN NO, ,LNGA PO DE DAG DANG LDAN PA'I PHYIR RO, ,GSUM SKU RDO RJE CAN GYI GZUGS, ,RANG SNGAGS RDO RJE ZHES BYA BA NI RANG GI LHAG PA'I LHA'I'O, ,GZUGS NI DE NYID DO, ,DKYIL 'KHOR RNAM PA BZHI DAG NI, ,ZHES BYA BA NI CHU DANG DBANG CHEN DANG ME DANG RLUNG GI LA'O, ,KHA DOG RNAM BZHIR KUN BRTAGS LA, ,ZHES BYA BA NI GO RIMS BZHIN DU DKAR PO DANG SER PO DANG NAG POR RNAM PAR BSGOM PA'O, ,SNYING GAR SNGAGS KYI DON BSGOMS NA, ,ZHES BYA BA NI RANG GI LHA'I GZUGS DE NYID KYI THUGS KAR SNGAGS KYI DON ZHI BA LA SOGS PA'I LAS JI SKAD 'CHAD PAR 'GYUR BA'O, ,CHU LA SOGS PA'I DKYIL 'KHOR JI LTA BU YIN ZHE NA, JI SKAD DU RDO RJE BDUD RTZI'I RGYUD LAS, ZHI LA CHU YI DKYIL 'KHOR NI, , ZLUM ZHING KHA DOG DKAR PO YIN, ,RGYAS PA'I LAS LA DBANG CHEN GYI, ,DKYIL 'KHOR GRU BZHI SER PO YIN, ,GDUG PA'I LAS DER ME YI NI, ,DKYIL 'KHOR GRU GSUM NAG POR BSAM, DBANG LA SHIN TU DMAR BAR BSAM, ,RLUNG GI DKYIL 'KHOR GZHU YI DBYIBS, ,ZHES GSUNGS PA LTA BU'O, ,DE LAS CHU NI BAm LAS BYUNG BA STE, LOGS LA BUM PAS MTSAN PA'O, ,DBANG CHEN LA NI LAm LAS BYUNG BA STE, MTSAMS RNAMS SU RDO RJE RTZE GSUM PAS MTSAN PA'O, ,ME NI RAm LAS BYUNG BA STE, ZUR RNAMS SU NI RAm GYIS MTSAN PA'O, ,RLUNG NI YAm LAS BYUNG BA STE, ,ZUR DAG TU RDO RJE RGYAL MTSAN GYIS MTSAN PA YIN NO, ,RDO RJE RNAM PA BZHI ZHES BYA BA NI KHA DOG DANG STAN LA SOGS PAS PHYE BA 'DI NYID RNAL 'BYOR BZHI'O, ,LAS NI ZHI BA LA SOGS PA'O, ,BSAM GTAN RDO RJE NI TING NGE 'DZIN BRTAN PA'O, ,'DI NI ZHES BYA BA NI LAS 'DI

312b

NI'O; ,SNGAGS RNAMS THAMS CAD KYI ZHES BYA BA NI LHA THAMS CAD KYI ZHES BYA BA'I DON TO, ,RAB TU BZANG PO YIN ZHES BYA BA NI SHIN TU RMAD DU BYUNG BA STE, YID KYI LAS NYID YIN PA'I PHYIR RO, ,KHYAD PAR GYI LHA BZHI PO NI ZHI BA LA NI ZHES BYA BA LA SOGS PA GSUNGS TE, SPYAN GYI TSUL NI RNAM PAR SNANG MDZAD DO, ,RDO RJE PADMO CAN NI GOS DKAR MO STE DE DANG LDAN PA'I RIN CHEN DPAL DANG 'OD DPAG TU MED PA ZHES BYA BA'I DON TO, ,SKU'I SPRIN GYI TSOGS KYIS GSAL BAR MDZAD PA'I PHYIR RNAM PAR SNANG MDZAD DE, DON YOD PAR GRUB PA'O, ,RDO RJE NI MI BSKYOD PA'O, ,KHRO PO NI DRAG PO NYID KYI PHYIR RO, , 'DI ZHES BYA BA NI LHA BZHI PO 'DI DAG GANG YIN PA'O, ,DE ZHES BYA BA NI KHYAD PAR CAN NO, ,LHA THAMS CAD KYI SKU GSUM NI LHA BZHI PO DE NYID DO, ,BYA BA NI ZHI BA LA SOGS PA'I LAS RNAMS SO, ,DE NYID NI ROL MO STE, 'JIG RTEN LAS 'DAS PA'I TING NGE 'DZIN GYI NGO BO NYID YIN YANG 'JIG RTEN PA'I DON DANG 'DRA BAR SNANG BA'I PHYIR RO, ,DE'I MTSAN NYID NI RANG GI NGO BO'O, ,GSANG BA NI SBA BAR BYA BA NYID YIN PA'I PHYIR RO, ,YE SHES RDO RJE NI BYANG CHUB RDO RJE'O, ,MNGON SPYOD NI THAMS CAD LA BYA BA MA YIN PAS GANG DAG LA BYA BA DE DAG NI MA DAD CES BYA BA LA SOGS PA GSUNGS TE, DKON MCHOG GSUM DANG SNGAGS KYI TSUL LA SOGS PA LA MA DAD PA NI LEGS PA MA YIN NO ZHES SEMS CAN RNAMS 'DZIN PAR BYED PA GANG YIN PA DE DAG NI MA DAD PAR SMRA BA'O, ,SNGAGS KYI TSUL LA SLOB DPON GYIS DBANG BSKUR BA THOB PA CAN DANG YANG DAG PAR STON PAR BYED PA GANG YIN PA DE NI RDO RJE SLOB DPON NO, ,KHYAD PAR DU NI GANG GI RDO RJE SLOB DPON TE DE LA SMOD PA GZHAN DAG GUS PA MA YIN PA BSKYED CING SMOD PA GANG YIN PA DE DAG NI RDO RJE SLOB DPON SMOD PA'O, ,GZHAN RNAMS LA ZHES BYA BA NI DKON MCHOG GSUM LA GNOD PA BYED PA LA SOGS PA'O, ,'ANG GI SGRAS NI SKABS LA LTOS PA YIN TE MA DAD PAR SMRA BA RNAMS LA YANG ZHES BYA BA'I DON TO, ,GDUG PA'I SEMS CAN ZHES BYA BA NI GNYI GA YANG KHYAD PAR YIN TE, 'JIG RTEN GYI DON CHEN PO LAS NYAMS PAR BYED PA DANG GNOD PA CHEN PO BSKYED PA 'AM BDAG NYID KYANG NGAN SONG BRGYUD MAR GZHOL BAR BYED PA ZHES BYA BA'I DON TO, ,RAB

313a

, ,TU BSKUL BA 'DI BYA'O ZHES BYA BA NI 'CHAD PAR 'GYUR BA'I BYA BA'O, ,YE SHES CHEN PO'I 'KHOR NI 'CHAD PAR 'GYUR BA'I BKA'I 'KHOR CHEN PO'O, ,DE NYID NI RDO RJE YIN TE DON YOD PA NYID KYI PHYIR RO, ,DE 'CHAD PAR RTZOM PA MDZAD PA NYID KYI PHYIR DE SKAD CES BYA'O, ,KHAMS GSUM GNAS PA'I ZHES BYA BA NI KHAMS GSUM KHYAB PAR BYED PA'I'O, ,SANGS RGYAS SKUR NI ZHES BYA BA NI SANGS RGYAS KYI TSOGS KYI NGO GO NYID DU'O, ,CI'I PHYIR ZHE NA, DE RNAMS GNOD PA CHEN PO BYED PA'I BSGRUB BYA LA BLTA BAR BYA BA'I PHYIR RO, ,DE SKAD DU YANG, SANGS RGYAS KUN LA GNOD BYED PAR; ,BSAMS NAS RNAL 'BYOR RAB TU SBYOR, ,ZHES 'CHAD PAR 'GYUR RO, ,KHA SBYOR DBYE BAR BSAMS NAS SU, ,ZHES BYA BA NI BSRUNG BA GSAL BA STE, 'DI YANG GSAL BAR MA BSHAD DO, ,DE NAS ZHES BYA BA NI DE'I RJES THOGS LA'O, ,LAS RNAMS BRTZAM PAR BYA BA NI MNGON SPYOD KYI CHO GA'O, ,JI LTAR BYA ZHE NA, NAM MKHA'I DBYINGS KYI ZHES BYA BA LA SOGS PA GSUNGS TE, NAM MKHA'I DBYINGS NI ME'I DKYIL 'KHOR TE GRU GSUM NYID YIN PA'I PHYIR RO, ,KHA BZHI PA ZHES BYA BA NI KHA GYEN DU BLTAS PA'I PHYOGS BZHI'I RTZE MO BZHI'O, ,RDO RJE DE NYID RDO RJE SEMS DPA' RNAM PAR BSGOM PA NI MI BSKYOD PA ZHES BYA BA'I DON TO, ,SKABS KYIS KHRO ZHING SNGO BA'I 'KHOR DANG LDAN PA'O, ,DUS GSUM ZHES BYA BA LA SOGS PA LA DUS GSUM GYI DAM TSIG NI TSOGS PA'O, ,SANGS RGYAS RNAMS KYI 'KHOR LO NI TSOGS TE, NAM MKHA'I NGOS LA RNAM BSGOM PA'O, ,LAG PA ZHES BYA BA NI LAG PAR GNAS PA'I 'BAR BA'I RDO RJE LA'O, ,BYA ZHES BYA BA NI GZHUG PAR BYA BA'O, ,SANGS RGYAS SKU'I BYE BRAG GIS ZHES BYA BA NI RDO RJE'I 'OD ZER LAS BYUNG BA'I DE BZHIN GSHEGS PA'I KHROS PA RNAMS KYIS GCIG TU BYAS NAS SO, ,BSDUS TE GONG BU'I TSUL GYIS SU, ,ZHES BYA BA NI GCIG TU BYAS PA'O, , RANG GI LUS LA ZHES BYA BA NI RANG GI SNYING GA'I NYI MA DANG MTSAN MA LA GNAS PA'I SNGAGS KYI THIG LER RO, ,SANGS RGYAS ZHES BYA BA NI DE RNAMS NYID KYI'O, ,YE SHES 'KHOR LO CAN ZHES BYA BA NI YE SHES SEMS DPA'I THUGS KA'I SA BON LAS BYUNG BA'O, ,KHRO BAS ZHES BYA BA NI SANGS

313b

RGYAS DE NYID SPROS PA'O, ,GSAD PA'I DON SEMS PA ZHES BYA BA LA GSAD PA NYID KYI DON TE THABS YIN NO, ,DES BSGRUB PAR BYA BA'I DON SEMS PA STE, DON PHAN PA BYANG CHUB LA MNGON PAR PHYOGS PAR BYED PA LA GZHOL BAR BYED CES BYA BA'I DON TO, ,BAR 'DI YANG BSGRUB PAR BYA BA MDUN GYI ME'I DKYIL 'KHOR LA GNAS PA GCER BU SKRA GROL BA YUNGS MAR GYIS BYUGS PA SKABS MED PAR BSAM PAR BYA'O, ,DE NAS, SKU GSUNG THUGS KYI SBYOR BA CAN, ,ZHES BYA BA LA SOGS PA'I TSIGS SU BCAD PA GNYIS KYIS KHRO BO RNAMS LA BSGO BA SBYIN PAR BYA'O, ,GDUG PA CHEN PO GSOD PAR BYED, ,CES BYA BA NI BSGRUB PAR BYA BA GDUG PA GSOD PAR BYED PA'I KHRO BO DE RNAMS BSGOM PAR BYA ZHING RANG GIS KYANG RDO RJE BSNUN PAR BYA'O ZHES BYA BA NI LHAG MA'O, ,RANG NYID DAM ZHES BYA BA NI DNGOS SU STE, GAL TE 'DIR BSGRUB PAR BYA BA 'DI GANG YIN PA DE RDO RJE SEMS DPA' YIN NA YANG 'GYUR RO ZHES BYA BA'I DON TO, ,KHYAD PAR GSUNGS PA 'DI NI SBYOR BA'I MTHU BSTAN PA'I PHYIR RO, ,SANGS RGYAS ZHES BYA BA NI RDO RJE 'CHANG BA'O, ,RDO RJE GSUM GYIS DKYIL 'KHOR GNAS NI MI BSKYOD PA'I RIGS SO, ,DNGOS GRUB NI SGRUB PA PO LA'O, ,RMONGS PA NI BSGRUB PAR BYA BA'O, ,'GRUB MI 'GYUR NI BSGRUB PAR BYA BA NYID DE GSOL BAR MI NUS SO ZHES BYA BA'I DON TO, ,RDO RJE NI MI BSKYOD PA'O, ,DE'I DAM TSIG NI YE SHES KYI SA BON NO, ,DE'I BKA' 'KHOR LO NI DE LAS BYUNG BA'I KHRO BO RNAMS TE DE LA DMIGS PA NYID KYI PHYIR DE SKAD CES BYA'O, ,RDO RJE 'BAR BA NI RDO RJE'I RNAM PA LTA BU'I 'OD DO, ,RDO RJE SEMS DPA'I RDO RJE BSGOM, ZHES BYA BAR SBYOR RO, ,RDO RJE SEMS DPA' NI SANGS RGYAS RNAMS SO, ,RDO RJE NI 'KHOR LO 'BAR BA STE, DE LA DE RNAMS NANG DU 'DUS PA'I PHYIR GZHI MTHUN PA YIN NO, ,RDO RJE'I SKU YI KHYAD PAR GYIS, ,ZHES BYA BA NI 'KHOR LO'I 'OD ZER LAS BYUNG BA'I DE BZHIN GSHEGS PA KHROS PA RNAMS KYIS GCIG TU BYAS NAS SO, ,RDO RJE THAMS CAD KYI ZHES BYA BA NI SANGS RGYAS KHRO BO DE RNAMS NYID KYI'O, ,YE SHES MCHOG GI GNYEN GYIS ZHES BYA BA NI YE SHES SEMS DPA' NYID MCHOG GI GNYEN TE, SPRO BAR MDZAD PA POS SO, ,DE LA BSGRUB PAR BYA BA

314a

, ,SNGA MA BZHIN DU BSAMS LA TSIGS SU BCAD PA GNYIS KYIS KHRO BO RNAMS LA BSGO BA SBYIN PAR BYA'O, ,SKU GSUNG THUGS ZHES BYA BA LA SOGS PA'I TSIGS SU BCAD PA GNYIS PA 'DI NYID KYIS JI SKAD GSUNGS PA BZHIN DU SBYOR BA SNGA MA LA BLTA BAR BYA'O, ,SBYOR BA 'DI LA NI 'KHOR LO 'DZIN PA DANG 'KHOR LO RAB TU 'BAR BA YIS ZHES BRJOD PAR BYA'O, ,LHAG MA NI MTSUNGS PA YIN NO, ,DE BZHIN DU LHA GZHAN DAG LA YANG CI RIGS PAR SHES PAR BYA'O, ,SBYOR BA NI YE SHES SEMS DPA'O, ,SKU GSUM LAS BYUNG NI, YE SHES SEMS DPAS BSKYED PA STE, ,GANG GI TSE ZHE NA, GAL TE ZHES BYA BA LA SOGS PA GSUNGS TE, DAM TSIG CES BYA BA NI BKA' BSGO BA STE, DE LAS 'DAS NA'O, ,DAGS PAR BGYIS NA CIR 'GYUR ZHE NA, ZHIG PAR 'GYUR BA ZHES BYA BA LA SOGS PA GSUNGS SO, ,'KHOR LO NI RNAM PAR SNANG MDZAD DO, ,DE'I DAM TSIG NI YE SHES KYI SA BON NO, ,DE BAS NA BKA'I 'KHOR LO STE, BKA' BSGO BA LTAR BYED PA'I KHRO BO'O, ,DE LA DMIGS PA NYID KYI PHYIR DE SKAD CES BYA'O, ,DE LTAR DE BZHIN GSHEGS PA RNAMS LA GNYIS GSUNGS NAS KHRO BO RNAMS LA GCIG BSTAN PA'I PHYIR SANGS RGYAS ZHES BYA BA LA SOGS PA GSUNGS TE, SANGS RGYAS KYI DKYIL 'KHOR NI COD PAN LA RNAM PAR SNANG MDZAD KYI GZUGS SO, ,RDO RJE NI SKU DANG GSUNG DANG THUGS DANG YE SHES SEMS DPA' STE GNAS JI LTA BA BZHIN DU DE DANG LDAN PA'O, ,GSHIN RJE GSHED KYANG DE YIN LA, DKYIL 'KHOR CHEN PO DANG LDAN PA'I PHYIR 'KHOR LO CHEN PO YANG YIN PAS NA DE BRTAG PAR BYA'O, ,DE YANG RANG GI RDO RJE YANG YIN BRTAG PAR BYA STE, RANG GI RDO RJE NI RANG GI MTSAN MA STE RDO RJE THO BA'O, ,DE'I PHYAG NA MNGA' BAR GRAGS SHING STON PA 'DI LA MNGA' BAS NA RANG GI RDO RJE YIN PAR RO, ,SANGS RGYAS ZHES BYA BA NI MTSAN MA'I NANG DU CHUD PA LA SOGS PA'I RIM GYIS SNGA MA BZHIN NO, ,SKU GSUM DKYIL 'KHOR NI YE SHES SEMS DPA'I SA BON GYI THIG LE'O, ,SEMS CAN DANG ZHES BYA BA NI YANG GI DON DU RTOGS PAR BYA BA STE, SEMS CAN YANG DE DANG 'DRA BAR SPRO BAR BYA'O ZHES SNGA MA DANG SBYAR BAR BYA'O, ,DGRA RNAMS ZHES BYA

314b

BA NI GSAD PAR BYA ZHES BYA BA 'OG MA DANG SBYAR BAR BYA'O, ,RDO RJE BKA'I 'KHOR LO NI KHRO BO'I BKA'I 'KHOR LO'O, ,DAM TSIG THAMS CAD NI SANGS RGYAS DANG SEMS CAN RNAMS SO, ,DE RNAMS KYI 'BYUNG BA NI 'JUG PA STE, GSHIN RJE GSHED KYI SKU GSUM GYI YE SHES KYI SA BON GANG YIN PA LA'O, ,DE BAS NA BKA'I 'KHOR LO NI BKA'I KHRO BO STE, DE LA DMIGS PA'I PHYIR DE SKAD CES BYA'O, ,BKA'I 'KHOR LO GSUNGS NAS SRUNG BA'I 'KHOR NI SKU ZHES BYA BA LA SOGS PA GSUNGS TE, RANG SNGAGS NI RANG GI LHA NYID DO, ,DON NI RDO RJE 'CHANG STE 'BRAS BU'I MCHOG NYID YIN PA'I PHYIR RO, ,YON TAN NI DE NYID KYI SNYING PO STE, RDO RJE H'Um MDZAD CES BYA BA'I DON TE ZLAS DBYE BA'I BSDU BA BYA'O, ,GTZUG NI RGYAL BA'I GTZUG TOR LA SOGS PA BRGYAD DO, ,DE NYID NI 'DA' BAR BYA BA MA YIN PA NYID KYI PHYIR DAM TSIG GO, ,BCU GCIG PO DE LAS GANG YANG RUNG BA'I SBYOR BA DANG LDAN PAS 'KHOR LO LTE BAR GNAS NAS BKA'I DKYIL 'KHOR SBYAR BAR BYA STE, BKA' LTAR BYED PA'I 'KHOR LO NI BKA'I 'KHOR LO'O, ,RTZIBS BCUR GNAS PA'I KHRO BO BCU PO DE RAB TU SBYAR BAR BYA BA DE'I DGOS PA NI PHYOGS BCUR 'OD ZER GYI SPRIN RAB TU 'GYED PAR BYED PA'O, ,SNGAGS KUN ZHES BYA BA NI LHA THAMS CAD KYI SBYOR BA'O, ,YE SHES MCHOG NI NANG GI BDAG NYID CAN GYI DKYIL 'KHOR RO, ,RDO RJE NI PHYI'I DKYIL 'KHOR PA STE RTEN DANG BCAS PA DE DAG LDAN PAS NA'O, ,SRUNG BA'I DON NI SRUNG BA'I THABS TE SRUNG BA'I 'KHOR LOS BGEGS RNAMS BSAL LA CHO GA BZHIN DU RDO RJE 'CHANG BA RNAM PAR BSGOMS TE, 'DOD CHAGS CHEN PO'I TSUL LA SOGS PA'I RIM GYIS DANG POR SBYOR BA BSGOM PAR BYA'O, ,DE NYID KYI CHO GA BSTAN PAR BYA BA'I PHYIR NAM MKHA'I ZHES BYA BA LA SOGS PA GSUNGS TE, CHOS 'BYUNG BA'I PHYAG RGYA CHEN PO NI NAM MKHA' DANG MNYAM PA NYID KYI PHYIR NAM MKHA' STE; NAM MKHA' LA GNAS PA'I SNA TSOGS RDO RJE NI NAM MKHA' RDO RJE'O, ,DE'I DBUS GNAS PA NI DBUS NA 'DUG PA'O, ,CHOS ZHES BYA BA NI YI GE BHR'Um MO, ,JI LTA BU ZHE NA, RNAM PAR SNANG MDZAD SKU MCHOG LAS BYUNG BA STE SNA TSOGS 'DI LA SNANG BAR MDZAD PA'I PHYIR RNAM PAR SNANG

315a

, ,MDZAD YE SHES KYI MTSAN MA'O, ,DE RNAMS KYI SKU'I MCHOG NI TSOGS CHEN PO STE, YE SHES RGYA MTSO ZHES BYA BA'I DON TO, ,DE 'BYUNG BA'I DE LAS SKYES PA YIN PAS NI DE SKYES ZHES BYA'O, ,SKU DANG GSUNG DANG THUGS KYI RO TSOGS PA DANG RO GCIG PA'I PHUNG PO NI SKU GSUM STE DE NYID NI YE SHES KYI RGYA MTSO'O, ,DE NYID NI GZHI'I RGYA MTSO TSUL DU YONGS SU GYUR PA DE'I DAM TSIG BSDUS PA 'DI LA YOD PAS NI SKU GSUM DAM TSIG GO, ,DE LTA BU'I YI GE BHR'Um BSAMS NAS GDAN DU DE RAB TU BRTAGS TE, YI GE BHR'Um DE NYID GZHAL YAS KHANG RIM PA GNYIS PA RANG GI GDAN GYI MGON DANG BCAS PAR BYA'O ZHES BYA BA'I DON TO, ,DE'I DBUS SU CHUD PA'I MKHA' DBYINGS RNAM PAR BSGOM PA NI DON GYIS NA DBUS MA'I GDAN LA GNAS PA'O, ,NAM MKHA' NI NAM MKHA' YIN LA, DBYINGS NI 'JIG RTEN GYI YIN PAS NA NAM MKHA'I DBYINGS TE ZLA BA'I DKYIL 'KHOR RO, ,YONGS SU GANG BA NI CHA MED PA'O, ,SANGS RGYAS THAMS CAD KYIS ZHES BYA BA NI SANGS RGYAS THAMS CAD KYI YON TAN GYI SA BON GYI RANG BZHIN CAN DBYANGS KYI YI GE SHIN TU DKAR BA BCU DRUG LA STE, 'DI NI ME LONG LTA BU'I YE SHES SO; ,DE'I DBUS NA GNAS PA'I RANG SNGAGS YI GE'I GNAS BSGOM PAR BYA ZHES BYA BA SBYOR RO, ,RANG SNGAGS NI MCHOG DANG PO'I SNYING PO'O, ,DE YANG GSAL BYED KYI YI GE SUM CU RTZA BZHI SHIN TU DKAR BA SHIN TU RNAM PAR DAG PA SANGS RGYAS THAMS CAD KYI YON TAN GYI RANG BZHIN CAN NO, ,DE LAS BYUNG BA NI GNAS TE, MTSAN MA DANG PO'I RDO RJE'O, ,'DI NI MNYAM PA NYID KYI YE SHES SO, ,DE'I DBUS SU CHUD PA'I YE SHES THUGS KYI RNAM PAR TE, DANG PO'I SNYING PO'I RNAM PAR BSGOM PAR BYA STE, 'DI NI SO SOR RTOG PA'I YE SHES SO, ,YANG ZHES BYA BA NI PHYIS SO, ,THUGS KYI RDO RJE DES BSGOMS NAS TE KUN NAS BSKYED NAS SANGS RGYAS THAMS CAD DE NYID DU RAB TU BSDU BAR BYA STE, 'DI NI BYA BA NAN TAN GYI YE SHES SO, ,THUGS KYI ZHES BYA BA NI YI GE H'Um DE NYID DO, ,RDO RJER BYAS PA'I PHYIR ZHES BYA BA NI RIG MA DANG BCAS PA'I MCHOG DANG

315b

PO'I PHYIR RO, ,'DI NI CHOS KYI DBYINGS SHIN TU RNAM PAR DAG PA'I YE SHES SO, ,SKU GSUM ZHES BYA BA NI GSUM CHAR GYI GNAS TE RDO RJE 'CHANG BA'I THUGS KAR ZHES BYA BA'I DON TO, ,DE DAG CES BYA BA NI ZLA BA DANG RDO RJE DANG SNGAGS TE GSUM MO, ,MDZAD CES BYA BA NI DGOD PA'O, ,NAM MKHA' ZHES BYA BA NI CHOS 'BYUNG BAR RO, ,RDO RJE'I DAM TSIG NI RDO RJE 'DZIN PA RNAM PA LNGAS MTSON PAR BYANG CHUB BO, ,DE STON PAR MDZAD PA LA YANG DE SKAD CES BYA'O, ,'DI NI YE SHES LNGA'I GO RIMS SO, ,RDO RJE NYID NI RDO RJE 'CHANG BA'O, ,DE'I SNGAGS RIN PO CHE NI RAB SNGAGS KYI MCHOG GO, ,DE'I RAB TU SNANG BAR BYED PA NI GSAL BAR BYED PA STE, SANGS RGYAS THAMS CAD SPRO BA DANG, RDO RJE 'CHANG BA BSKYED PA DANG, DE'I THUGS KAR MAR ME LTAR 'BAR BA'O, ,DE BYED PA YIN PAS NA DE BYED PA'O, ,CHU LA 'CHAG PA'I CHO GA NI RNAM PA'I MCHOG RNAMS ZHES BYA BA LA SOGS PA GSUNGS SO, ,SANGS RGYAS RIM PAR BKOD NAS NI, ,ZHES BYA BA NI SNYING GA'I SA BON LAS SANGS RGYAS PHRA MO'I SPRO BA'I SBYOR BAS RANG GI LUS KYI RDUL PHRA RAB SANGS RGYAS KYI RANG BZHIN DU BYA BA DANG, CHU'I PHRA RAB THAMS CAD KYANG SANGS RGYAS KYI RANG BZHIN DU BYAS TE, RI RAB LTAR SRA ZHING MKHREGS PAR BSGOM PA'I SBYOR BAS BRTAN PAR BYA'O ZHES BYA BA'I DON TO, ,SANGS RGYAS KYI RANG BZHIN DU BYAS PA NYID KYI PHYIR CHU LA RKANG PA MNYAM PAR GZHAG PA YIN PAS NA, RKANG PA MNYAM GZHAG SBYOR BAS SO, ,GZHUNG LA LA LAS NI, RKANG PA MNYAM NYID SBYOR BA YIS, ,ZHES 'BYUNG STE, DENG NI SPYI BO DANG RKANG PA NI SANGS RGYAS KYI RANG BZHIN DU MNYAM PAS NA RKANG PA DE'I STE, DE LA DMIGS PA'I SBYOR BA ZHES BYA BA'I DON TO, ,DE NYID KYI PHYIR SANGS RGYAS RNAMS LA SANGS RGYAS KYI DGOD PA RANG BZHIN DAG PAR BSTAN PAS NA NGO BO NYID DAG PA'O, ,RDO RJE'I BDAG NYID CAN GYI RGYA MTSO DANG RKANG PAS GNON PA 'DI LA YOD PAS NA DE SKAD CES BYA'O, ,TSIG GNON PA NI DBANG CHEN ZHES BYA BA LA SOGS PA GSUNGS TE, RTZOD PA SMRA BA'I DUS SU RANG GI LHA NYID KYI SBYOR BA SER POR BYAS NAS SO, ,DBUS SU ZHES BYA BA RGOL BA'I KHA'I DBUS SU DBANG CHEN GYI DKYIL 'KHOR LAm

316a

, ,LAS BYUNG BA ZUR BZHI PA SER PO GRVA BZHIR RDO RJE RTZE GSUM PAS MTSAN PA CAN GRVA'I RDO RJE DE DAG NYID KYIS BSGRUB PAR BYA BA'I RNA BA DANG LCE RTZA DANG RKAN DANG SPYI BO PHUG STE BYUNG NAS LEGS PAR GNAS PAR BSGOMS NAS NI'O, ,KHRO BO'I RIGS BZHAG LA ZHES BYA BA NI RI BO SER PO LTA BU'I KHRO BO NAM MKHA' BSAMS NAS KHRO BO GCIG GI RNAM PAR SBYAR BAR BYA'O ZHES BYA BA'I DON TO, ,JI LTAR SBYAR BAR BYA ZHE NA, DE'I SPYI BOR BSGOM ZHES BYA BA GSUNGS TE, BSGRUB PAR BYA BA KHA SBUB TU 'GYEL BA SPOBS PA MED PA DE'I MGO BOR LHAG PAR BSGOM PAR BYA'O ZHES BYA BA'I DON TO, ,CI 'DRA BA ZHIG CE NA, LAS KYI RDO RJE'I RKANG PAS GNON PAR TE, BSGRUB PAR BYA BA'I MGO BO'I LTAG PAR DBYANGS KYI YI GE THA MA LAS BYUNG BA'I SNA TSOGS RDO RJE GANG YIN PA DE DE'I RKANG PA G-YON PA BRKYANG PA GNON PA DE LTAR NA DE SKAD CES BYA'O, ,DPUNG GNON PA'I RDO RJE ZHES BYA BA LA SOGS PA GSUNGS PA LA RDO RJE GSUM MCHOG CES BYA BA NI DKYIL 'KHOR PA'I TSOGS SPROS TE, RANG GI DKYIL 'KHOR PA'I TSOGS RNAM PAR SNANG MDZAD LA SOGS PA SPROS PA'O, ,SKU MCHOG NI SER PO YIN TE, GE SAR MDOG 'DRA BA NI 'BAR BA RNAMS KYIS SO, ,SPYI BOR ZHES BYA BA NI DPUNG GI TSOGS RNAMS SO SO'I SPYI BOR RO, ,KHYAD PAR DU NI DPA' BO RNAMS LA DBANG CHEN GYI DKYIL 'KHOR LA GNAS PA'I LAS KYI RDO RJE STENG RKANG PAS GNON PA ZHES BYA BA 'DIR YANG SBYAR BAR BYA'O, ,'DIR MAN NGAG NI, GANG TSE DPUNG TSOGS PHAR KHA BLTAS, ,MGO LA GNAS PA'I KHRO BO GNAG ,KHA SBYAR PHYOGS BLTAS CAN BSGOMS NA, DE TSE NGES PAR 'BROS PAR 'GYUR, ,SER PO KHA NI PHAR BLTAS LA, ,MNGON DU KHA BLTAS NGES DBANG 'GYUR, ,DKAR PO PHAN TSUN BLTAS PA RU, ,BSGOMS PA YIS NI BRGYAL BAR 'GYUR, ,DE BZHIN GSHEGS PA THAMS CAD NI DKYIL 'KHOR GYI BDAG PO'O, ,DE'I SKU DANG GSUNG DANG THUGS NI DKYIL 'KHOR PA RNAMS SO, ,DE RNAMS 'BYUNG BA NI DPUNG THAMS CAD KYI SPYI BOR 'BYUNG BA'O, ,DE STON PAR MDZAD PA NYID KYI PHYIR DE SKAD CES BYA'O, ,DGRA BO RNAMS SKRAG PA DE'I DAM TSIG

316b

NI DUS TE, BDUN PA'I DON NI DRUG PA'O, ,'DI ZHES BYA BA NI 'CHAD PAR 'GYUR BA'O, ,SANGS RGYAS DAG GIS ZHES BYA BA NI SANGS RGYAS DAG GIS KYANG NGO ZHES BYA BA'I DON TO, ,RDO RJE GSUM NI ZHE SDANG NGO, ,DE'I DAM TSIG NI BSAM GTAN GYI PHUR BUS BSNUN PA'O, ,DE STON PAR MDZAD PA NYID KYIS DE SKAD CES BYA'O, ,RTZE LNGA PA ZHES BYA BA NI STENG GI STENG 'OG GI RTZE GCIG PA'O, ,TSAD DU STE ZHES BYA BA NI SOR BRGYAD PA'I TSAD DU'O, ,RDO RJE PHUR BU'I BYA BA NI LAS TE PHUR BUS 'DEBS PA ZHES BYA BA'I DON TO, ,DE YIS BYA BA NI PHUR BU YIS SO, ,SNYING GAR ZHES BYA BA NI RANG GI MING GI YI GE DANG PO LAS BSKYED PA'I BSGRUB PAR BYA BA'I SNYING GAR RO, ,'DI NI ZHES BYA BA NI CHE GE MO RMONGS PAR GYIS SHIG ,SOD CIG CES GSOL BA BTAB NAS BRGYAL BA NYID DAM 'CHI BA NYID DU GANG BSGOM PA'O, ,RAB BSGOMS NA ZHES BYA BA NI KHROS PAS ZHES SNREL ZHIR SBYAR TE KHROS PA'I LHA'I SBYOR BAS ZHES BYA BA'I DON TO, , RMONGS PA DANG GNOD PA NI 'JIGS PAR 'GYUR BA STE, BRGYAL BA DANG GSAD PA ZHES BYA BA'I DON TO, ,GRONG KHYER LA SOGS PAR NAD LA SOGS PA NYE BAR ZHI BA'I GRONG NGAM ZHES BYA BA LA SOGS PA GSUNGS TE, LJONGS DAG TU ZHES BYA BA NI YUL 'KHOR DAG TU'O, ,RAB SBYAR BYA ZHES BYA BA NI 'CHAD PAR 'GYUR BA'I CHO GA GSUM GYIS SO, 'DIS NI ZHES BYA BA NI BSKAL PA BSREG PA'I SBYOR BAS SO, ,RAB TU BSGOM ZHES BYA BA NI BDAG NYID DKAR ZHING ZHI BA'I LHA NYID KYI RNAL 'BYOR PA'O, ,RDO RJE RTZE LNGA PA NI BAR SNANG DAG LA ZHES BYA BA NI GRONG KHYER LA SOGS PA'I STENG DU GRONG KHYER LA SOGS PA KHEBS PAR BYED PA'I TSAD DANG LDAN PA RTZE MO GYEN DU BLTAS PA'I RDO RJE DKAR PO YI GE H'Um GIS MTSAN PA'O, ,BSKAL PA BSREGS PA LTAR BSAMS NAS, ,ZHES BYA BA NI RDO RJE NYID LAS 'OD ZER 'BAR BA'I SPRIN SPROS PAS GRONG KHYER LA SOGS PA NA YOD PA'I NAD LA SOGS PA TZAM SHIN TU SREG PAR BYED PA NGAG GIS YE SHES DAG PA'I GOS KYI TSUL DU GRONG DANG GRONG KHYER PA LA SOGS PA LA GNOD PA MED PAR 'BAR BAR BSGOMS NAS ZHES BYA BA'I DON TO, ,SLAR YANG RAB TU BSDUS PAR BYA, ,ZHES BYA BA NI PHYIS RDO RJE DE NYID DU 'OD ZER 'BAR BA DE RNAMS BSDU BAR BYA'O, ,SPRO BA DAG CES BYA BA NI RDO RJE DE NYID

317a

, ,LAS BYUNG STE GRONG LA SOGS PA KHYAB PAR BYED PA DAG GO, ,RIN CHEN YID BZHIN NOR BU'I 'OD, ,CES BYA BA NI RIN CHEN 'BYUNG LDAN NYID YID BZHIN GYI NOR BU STE, 'DI NI RNAM PA CAN GYI 'OD DO, ,CHOS KYI SPRIN NI BSGOMS NAS KYANG, ,ZHES BYA BA NI RIN CHEN 'BYUNG LDAN DE YANG SANGS RGYAS THAMS CAD KYI YON TAN GYI RANG BZHIN CAN NO, ,'OD ZER SER PO 'BAR BA'I GZUGS SU BSGOM PAR BYA'O ZHES BYA BA'I DON TO, ,DBANG BSKUR BA NI ZHES BYA BA NI 'OD ZER GYI SPRIN DE DAG NYID GRONG DANG GRONG KHYER LA SOGS PA DE RNAMS LA ZHUGS PA'I PHYIR RO, ,DBANG BSKUR BA'I 'BRAS BU NI RDO RJE ZHES BYA BA LA SOGS PA GSUNGS PA LA DGANG DKA' BA YANG ZHES BYA BA NI NAD LA SOGS PA SNGAR SHIN TU RING BA YANG NGO, ,RAB TU 'GENGS ZHES BYA BA NI LUS RGYAS SHING YANG DAG PAR 'GENGS PA'O, ,SBYIN PA'I RDO RJE SGOM PAR BYED PA NI BYED PA PO'O, ,YID BZHIN NOR BU ZHES BYA BA NI NOR RGYAS PA'O, ,CHOS RGYAS PA NI SANGS RGYAS SPRIN DANG ZHES BYA BA LA SOGS PAS TE PHYIS RDO RJE DE NYID LAS BYUNG BA'I RNAM PAR SNANG MDZAD DANG, 'OD DPAG TU MED PA DANG, MI BSKYOD PA'I SPRIN GSUM GYIS GRONG KHYER LA SOGS PA KHYAB PAR BYA ZHES BYA BA'I DON TO, ,SBYOR BA'I 'BRAS BU NI BSKAL PA ZHES BYA BA LA SOGS PA GSUNGS PA LA BYIN GYIS RLOB CES BYA BA NI BYIN GYI RLABS GANG GI BSKAL PA GRANGS MED PA GSUM GYI BAR DU NAD LA SOGS PA 'TSE BA DER MED PAR 'GYUR RO, ,'DI DE ZHES BYA BA NI GANG 'DI LTAR BSGOMS PA'I BAR SNANG LA GNAS PA'I RDO RJE'O, ,GSANG BA'I SKU NI CHOS KYI SKU'O, ,SKYON MED PA NI SHIN TU RNAM PAR DAG PA'O, ,NAD SEL BA YANG DE YIN LA RDO RJE YANG YIN PAS SO, ,DE LAS BYUNG BA NI SBYOR BA GSUM MO, ,DE LA DMIGS PA NYID KYI PHYIR DE SKAD CES BYA'O, ,BGEGS THAMS CAD BZLOG PA NI BSAM GTAN ZHES BYA BA LA SOGS PA GSUNGS SO, ,'DI YIS NI ZHES BYA BA NI GANG BLO LA GNAS PA'I RDO RJE PHUR BU BSAM GTAN GYI RDO RJE YIN GYI SHING LA SOGS PA LAS BYUNG BAS NI MA YIN NO, ,DAM BCAS LAS ZHES BYA BA NI RTAG PAR RAB TU SBYOR BA STE NYIN RE 'AM THUN RE'O, ,BSAM GTAN SBYOR BA ZHES BYA BA NI SRUNG BA'I

317b

'KHOR LO'I TING NGE 'DZIN TO, ,GNAS NA ZHES BYA BA NI GNAS DE LA GNAS PA'I SGRUB PA PO'O, ,SANGS RGYAS BYIN GYIS RLOB CES BYA BA NI BYIN GYIS BRLABS PA GANG GIS BGEGS MED PAR 'DOD PA'I DON GYI DNGOS GRUB THOB PAR 'GYUR BA'O, ,RDO RJE BDUD RTZI NI BDUD RTZI THAB SBYOR RO, ,RDO RJE PHUR BU ZHES BYA BA NI LTE BA YAN CHAD DE'I SKU'I RNAM PA CAN DANG 'OG RDO RJE RTZE GCIG PA'I RNAM PA CAN NO, ,PHYOGS BCU'I 'KHOR LO'I BGEGS 'KHOR DANG BCAS PA LA'O, ,KYANG GSUNGS SO ZHES BYA BA NI BLO LA GNAS PA'I PHUR BU GANG YIN PA DE YANG GSUNGS PA'O, ,PHYOGS BCU'I BGEGS GANG YIN PA DE NI 'GRO BA YIN LA, DE 'DUL BA NI 'DUL BAR MDZAD PA'O, ,DE BAS NA ZHI BA'I RDO RJE STE 'TSE BA THAMS CAD ZHI BA DBYER MI PHYED PA'O, ,DE'I DON NYID YIN PA'I PHYIR DE SKAD CES BYA'O, ,ZHI BA LA NI SPYAN GYI TSUL, ,ZHES BYA BA LA SOGS PA'I TSIGS SU BCAD PAS BSTAN PA'I SBYOR BA BZHI PO GO RIMS BZHIN DU TSIGS SU BCAD PA PHYED DANG BZHI DANG PHYED DANG LNGA DANG BZHI DANG BZHI DAG GIS BSHAD PA'I PHYIR ZHI BA'I ZHES BYA BA LA SOGS PA GSUNGS TE, ZHI BA'I DKYIL 'KHOR NI JI SKAD DU GSUNGS PA'I CHU'I DKYIL 'KHOR RO, ,RNAM PAR SNANG MDZAD CES BYA BA DE YANG THAMS CAD DKAR ZHING THUGS ZHI BA'O, ,GZUGS NI RANG GI SKU'O, ,BSAMS NAS ZHES BYA BA NI ZHI BA'I DKYIL 'KHOR DE NYID KYI ZLA BA LA GNAS PA'O, ,RANG GI THUGS KAR ZHES BYA BA NI RANG GI YE SHES SEMS DPA'I THUGS KA'I ZLA BA LA'O, ,'DOD PA ZHES BYA BA NI BSGRUB PAR BYA BA STE, GANG LA ZHI BA LAS BYA'O, ,GZHAG CES BYA BA NI, AOm DZI NA DZIK CHE GE MO SH'A NTIm KU RU SV'A H'A, ZHES BYA BA'I SNGAGS BRJOD LA, RANG GI MING GI YI GE DANG PO LAS BSKYED PAR BYA'O, ,SPYAN LA SOGS PA'I MCHOG RNAMS KYIS, ,ZHES BYA BA NI DE LTAR BSKYED PA'I BSGRUB PAR BYA BA'I SNYING GA'I ZLA BA LA GZHAG PA'O, ,AOm RU RU SPU RU ZHES BYA BA LA SOGS PA'I SNGAGS KYI YI GE'I PHRENG BA LAS SPROS PA'I SPYAN GYI TSOGS RNAMS KYIS SO, ,BSDUS NAS ZHES BYA BA NI DE DAG NYID DO, ,'OD KYI GONG BU YIS ZHES BYA BA NI DKAR ZHING BSIL BA'I 'OD KYIS GONG BU'I GZUGS KYIS SO, ,NAD PA LA NI DBAB PAR BYA, ,ZHES BYA BA NI BSGRUB PAR BYA BA'I LUS LA DBANG

318a

, ,BSKUR BA'I TSUL DU GZHUG PAR BYA'O, ,SANGS RGYAS SPRIN RNAMS ZHES BYA BA NI RNAM PAR SNANG MDZAD KYI TSOGS SO, ,SPRO ZHES BYA BA NI BSGRUB PAR BYA BA'I LUS DE NYID LAS SO, ,DBANG BSKUR ZHES BYA BA NI DE BZHIN NYID DU 'OD ZER GYI GONG BUR GYUR PA ZHUGS PA'I PHYIR RO, ,NAD PA NI BSGRUB PAR BYA BA DE NYID DO, ,LUS DBYER MI PHYED PA RDO RJE LTA BU DANG DPAL LDAN PAR 'GYUR RO, ,SKAD CIG GIS ZHES BYA BA NI RING POR MI THOGS PA'O, ,SANGS RGYAS NI RNAM PAR SNAD MDZAD YIN LA DE'I DAM TSIG GI SPRIN NI THABS DANG SHES RAB KYI SKU SPROS PA'I SPRIN NO, ,DE RNAMS KYI BKOD PA NI NAD PA LA BSDU BA'O, ,DE LA DMIGS PA NYID KYI PHYIR DE SKAD CES BYA'O, ,ZLA BA'I DKYIL 'KHOR ZHES BYA BA LA SOGS PA LA, 'DIR RIN CHEN 'BYUNG LDAN NAM, 'OD DPAG TU MED PA CHOS 'DZIN PA DANG, RIN PO CHE DANG, CHOS KYI SGRAS GSUNGS TE, KUN TU 'GRO BA'I CHOS KYI DBYINGS 'DZIN PA'I PHYIR RO, ,DE YANG THAMS CAD SER ZHING SKU RGYAS PA YID DGYES PA DANG LDAN PA'O, ,DKAR MO ZHES BYA BA LA TSOGS ZHES BYA BA NI LHAG MA STE, YE SHES SEMS DPA'I THUGS KA'I NYI MA SER PO LA GNAS PA'I BSGRUB PAR BYA BA'I SNYING GAR ZLA BA SER PO LA, AOm KA tE ZHES BYA BA LA SOGS PA'I SNGAGS KYI YI GE'I PHRENG BA BKOD PA LAS SPROS PA'I GOS DKAR MO SER PO RGYAS PA'I TSOGS KYIS ZHES BYA BA'I DON TO, ,YID BZHIN NOR BU RIN CHEN SBYIN, ,ZHES BYA BA NI GOS DKAR MO ZHES BYA BA DE NYID DO, ,DE ZHES BYA BA NI 'OD KYI GONG BU'O, ,RIN CHEN SPRIN NI CHOS 'DZIN PA'I SPRIN RNAMS SO, , CHOS KYI SPRIN NI ZHES BYA BA NI CHOS 'DZIN PA'I SPRIN TE, 'OD ZER SER PO BSGOM PA KHAS BLANGS PA'I PHYIR RO, ,DBANG BSKUR BA NI ZHES BYA BA NI 'OD ZER GYI GONG BU DE NYID KYIS SNGA MA YIN NO, ,SBYIN PA NYID RDO RJE YIN TE MI ZAD PA NYID KYI PHYIR RO, ,DES DON BSGRUB PA NI SEMS CAN RNAMS LA PHAN PA BYED PA'O, , CHOS NI CHOS 'DZIN PA'O, ,DE'I SPRIN GYI DAM TSIG NI THABS DANG SHES RAB KYI SKU'I SPRIN SPROS PA RNAMS SO, ,DE DAG GI BKOD PA ZHES BYA BA NI SNGA MA BZHIN NO, ,RDO RJE RGYAL MTSAN GYIS MTSON PA NYID KYI PHYIR RDO RJE YANG DE YIN LA, GZHU'I DBYIBS CAN NYID YIN PA'I PHYIR ZLA BA PHYED PA YANG YIN PAS NA RDO RJE

318b

ZLA GAM MO, ,DE BZHIN DU DE'I DKYIL 'KHOR YANG YIN PAS NA RDO RJE GAM DKYIL 'KHOR TE, RLUNG GI DKYIL 'KHOR ZHES BYA BA'I DON TO, ,RDO RJE NAM MKHA' CHOS MCHOG CES BYA BA NI DON YOD PAR GRUB PA'O, ,DE LTAR NAM MKHA' KHYAB PA'I YE SHES CAN NYID YIN PA'I PHYIR RDO RJE NAM MKHA' YANG DE YIN LA YE SHES MCHOG NYID YIN PA'I PHYIR CHOS KYI MCHOG NYID YIN PAS NA DE SKAD CES BYA'O, ,DE YANG THAMS CAD DMAR ZHING CHAGS PA'I THUGS CAN NO, ,'DOD PA ZHES BYA BA NI 'GRO BA DBANG DU BYED PAR 'DOD PA STE BSGRUB PAR BYA'O, ,SANGS RGYAS BYANG CHUB SEMS DPA' YIS, ,ZHES BYA BA NI SNGON DU BYANG CHUB SEMS DPA'O, ,BSGRUB PAR BYA BA SNYING GAR ZLA BA DMAR PO LA BZHAG STE, SGROL MI'I RIG PA'I YI GE'I PHRENG BA BZHAG PA LAS SPROS PAS KUN DU CHAGS SHING DMAR BA'I SPYAN LA SOGS PA'I LHA MO BZHI PO'AM SGROL MA'I SPRIN GYIS ZHES BYA BA'I DON TO, ,'OD ZER LNGA YI SBYOR BA YIS, ,ZHES BYA BA NI LHA MO DE RNAMS 'OD ZER LNGA PO NYID DU GYUR PA'I PHYIR RO, ,GZI BRJID CES BYA BA NI 'OD ZER DE NYID DO, ,DER NI ZHES BYA BA NI BSGRUB PAR BYA BA'I LUS LA'O, ,PHYIS NI SANGS RGYAS RNAMS KYIS BSGRUB PAR BYA BA'I LUS DE NYID LAS SPROS PA'I DE BZHIN GSHEGS PA LNGA'I SPRIN NAM DON YOD PA'I SPRIN GYIS ZHES BYA BA'I DON TO, ,DE NAS DE RNAMS KYI YANG, 'OD ZER LNGA YI SBYOR BA YIS, ,DE NI GZI BRJID DBAB PAR BYA, ,ZHES BYA BAR SBYAR RO, ,DE NI ZHES BYA BA NI BSGRUB PAR BYA BA'I'O, ,SANGS RGYAS KUN DGES SHING 'JAM DPAL 'DRA BAR 'GYUR RO, ,SANGS RGYAS DE RNAMS KYIS KYANG DE LA DBANG BSKUR BA STZOL BAR 'GYUR RO, , GO 'PHANG LAS BYED PAR 'GYUR ZHES BYA BA NI MING GI LAS BYED PA STE, DBANG DU BYA BA'I PHYIR GANG GI MING NAS SMOS PA DE DBANG DU BYED DO ZHES BYA BA'I DON TO, ,BLTAS ZHES BYA BA NI DBANG DU BYA BA'I PHYIR GANG LA BLTAS PA STE DE RNAMS KYANG DBANG DU 'GYUR RO ZHES BYA BA'I DON TO, ,RIN PO CHE'I SPRIN NI SANGS RGYAS DANG BYANG CHUB SEMS DPA'I SPRIN NO, ,LHAG MA RNAMS NI SNGA MA BZHIN NO, ,BKA'I 'KHOR LO'I SBYOR BAS SNGAR GSUNGS PA NYID KYI MNGON SPYOD DE NYID KYANG KHA BSKANG BA'I PHYIR RO, ,NAM MKHA' ZHES BYA BA LA SOGS PA GSUNGS PA LA, NAM MKHA' RDO RJE NI NAM MKHA' THAMS CAD DO, ,SRIN PO LA

319a

, ,SOGS PA NI RANG GI KHRO BO'I LHA'I BA SPU'I BU GA LAS SPROS PA RNAMS KYIS TE, KHYAB PA ZHES BYA BA NI LHAG MA'O, ,DGRA BO RNAMS NI ZHES BYA BA NI DGRA STE MA DAD PAR SMRA BA LA SOGS PA ZHES BYA BA'I DON TO, ,GNOD BYED PA ZHES BYA BA NI BSGRUB PAR BYA BA DES NAM MKHA' NGOS KHYAB PA'I SANGS RGYAS RNAMS LA GNOD PAR BYED PA STE, DBU STA RE LA SOGS PAS GCOD PAR BSGOM PAR BYA ZHES BYA BA'I DON TO, ,RNAL 'BYOR ZHES BYA BA NI MNGON SPYOD KYI BSAM GTAN 'DI NYID DO, ,MTSON CHA SNA TSOGS THOGS PA NI KHRO BO'I SPROS PA'O, ,DE RNAMS KYIS MNAN PA'I DUM BUR BYAS PA'O, ,THAMS CAD NI SRIN PO LA SOGS PAS SO; ,DRANGS PAR BYA ZHES BYA BA NI KUN NAS DRANGS PAR RO, ,BSGOMS NA ZHES BYA BA NI SGRUB PA POS BSGOMS NA'O, ,RDO RJE DAM TSIG GI SPRIN NI KHRO BO LA SOGS PA'I SPRIN SPROS PA'O, ,DE RNAMS KYIS BKOD PA NI DUM BUR GTUBS PA'O, ,LE'U 'DIR MNGON SPYOD MA GSUNGS PA GANG YIN PA DE LE'U BCO BRGYAD PA LAS BLTA BAR BYA ZHING KHA SBYAR DBYE BA LA SOGS PA NI BLA MA'I MAN NGAG NYID LAS SHES PAR BYA'O, ,YID KYI LAS RNAMS GSUNGS NAS DA NI TING NGE 'DZIN RNAMS BSHAD PAR BYA BA YIN LA, DE YANG CHOG JI LTA BA BZHIN DU SNGAGS LAS BYUNG BA'I LHA'I SKU 'KHOR DANG BCAS PA'I MTSAN NYID CAN YIN NO, ,DE LA DE BZHIN GSHEGS PA LNGA'I SKU MDOG DANG, ZHAL DANG COD PAN DANG, RTZA BA'I PHYAG MTSAN RNAMS NI LE'U DANG PO DANG GSUM PA DAG LAS GSUNGS PA YIN LA, DE RNAMS KYI BDAG NYID TSIGS SU BCAD PA PHYED DANG BZHIS NYE BAR MTSON PAR GYUR PAS DRAN PAR BYED PA DANG LHAG MA RNAMS KYIS DE DAG NYID TSIGS SU BCAD PA LNGA PO LA SOGS PAS STON PAR BYED PA DANG TSIGS SU BCAD PA BZHI PA'I PHYED KYIS THAMS CAD KYI PHYAG GI NGES PA DANG MTSAN MA GZHAN RNAMS STON PAR BYED PA LA RNAM PAR SNANG MDZAD CES BYA BA LA SOGS PA NI TING NGE 'DZIN RNAMS KYIS BSTAN PA'O, ,STON KA'I 'DAM BU NI YONGS SU SMIN PA'I 'DAM BU'O, ,GZHAN DAG NI STON KA'I SPRIN LTA BU'O ZHES ZER RO, ,RDO RJE CAN ZHES BYA BA NI MI BSKYOD PA STE GANG GI 'JIG RTEN GYI KHAMS KUN DU 'KHRUG PAR BYED PA STE DRAG PO NYID KYI PHYIR RO, ,'DOD CHAGS CAN NI 'OD DPAG MED PA'O, ,LONGS SPYOD NI 'KHOR LO'O, ,DE NAS CIR 'GYUR ZHE NA, BSGOMS

319b

NA DES PAR 'GRUB PAR 'GYUR TE, DE ZHES BYA BA'AM DE RNAMS ZHES BYA BA NI LHAG MA'O, ,G-YAS PA'I PHYAG TU ZHES BYA BA NI G-YAS PA'I PHYAG GNYIS PA LA'O, ,RDO RJE ZHES BYA BA NI LHA THAMS CAD KYI'O, ,MTSON CHA NI BZANG PO SNA TSOGS BSNAMS ZHES BYA BA NI PHYAG MTSAN SNA TSOGS TZAM NYID GSUNGS PA YIN GYI RANG GI NGO BO NYID NI MA YIN TE, SNGAR GSUNGS PA NYID KYI PHYIR RO ZHES BYA BAR DGONGS SO, ,DE BAS NA DE BZHIN GSHEGS PA'I PHYAG MTSAN RNAMS GTZO BO NYID YIN PA'I PHYIR DANG SNGAR GSUNGS PA NYID KYI PHYIR DE DAG NYID LHAG THAMS CAD KYI PHYAG DRUG PO DAG LA SPYI'I TSUL DU MDZAD PA'O, ,BCOM LDAN 'DAS MI BSKYOD PA NI THABS DANG SHES RAB KYI TSOGS KYIS BSDUS PA NYID KYI PHYIR GNYI GA MTSAN MA YIN TE, LE'U GSUM PA LAS, TSOGS GNYIS DANG NI LDAN PA YIS, ,MI BSKYOD PA YI RGYAL MCHOG DANG, ,ZHES GSUNGS PA YIN NO, ,DE BAS NA PHYAG GNYIS KYIS GZUNG BAR BYA BA MI BSKYOD PA'I MTSAN MA THABS DANG SHES RAB NI CI RIGS PAR LHA THAMS CAD KYI RTZA BA'I PHYAG DAG LA YIN ZHING, RANG GI MTSAN MA NI G-YAS PA'I GNYIS PA LA 'GYUR RO, ,'KHOR LO DANG NOR BU DANG PADMA DANG RAL GRI RNAMS LHAG MA LUS PAR 'GYUR BA DE RNAMS DANG PO'I BZHIN GSHEGS PA'I GNAS DANG 'BREL PAR GRUB PA YIN NO, ,DANG PO DE YANG RNAM PAR SNANG MDZAD DE, DE'I G-YAS PA'I GNYIS PA LA 'KHOR LO'O, ,G-YAS PA'I GSUM PA LA RAL GRI STE, RAL GRI NI G-YAS PA LA NGES PA'I PHYIR RO, ,CIG SHOS DAG LA NI CI RIGS PAR NOR BU DANG PADMA'O, ,DE NAS MI BSKYOD PA STE, DE NAS MI BSKYOD PA'I GNYIS PA LA RDO RJE STE, THUN MONG MA YIN PA'I MTSAN NYID YIN PA'I PHYIR RO, ,SHES RAB DANG THABS NI THUN MONG DU GYUR PA YIN TE, DE DAG NI SHES RAB KYI YE SHES SGRUB PA NYID KYIS THAMS CAD KYI NGES PAR GZUNG BAR BYA BA YIN PA'I PHYIR RO, ,LHAG MA NI SNGA MA BZHIN NO, ,DE NAS RIN CHEN 'BYUNG LDAN TE DE'I 'KHOR LO'I GNAS SU NI NOR BU YIN NO, ,DE BAS NA NOR BU'I GNAS SU NI 'KHOR LO'O, ,LHAG MA NI SNGA MA BZHIN NO, ,DE NAS 'DOD DPAG TU MED PA STE, DE'I 'KHOR LO'I GNAS SU NI PADMA'O, ,PADMA'I GNAS SU NI 'KHOR LO'O, ,DE NAS DON YOD PAR GRUB PA STE, DE'I 'KHOR LO'I GNAS SU NI RAL GRI'O, ,RAL GRI'I GNAS SU 'KHOR LO'O, ,DE BZHIN DU LHA GZHAN DAG LA YANG SHES PAR BYA'O, ,BZANG PO NI SNGAGS PA'I GZUGS TE THUN

320a

, ,MONG MA YIN PA'I MTSAN DANG DPE BYAD MA TSANG BA MED PA NYID KYI PHYIR RO, ,SANGS RGYAS RNAMS KYI SKU NI SEMS TZAM NYID DU YANG DAG PAR MTHONG BA DE'I PHYIR RIG PA DE NYID NI SPYAN NO, ,SANGS RGYAS RNAMS KYI THUGS RDO RJE NI NAM MKHA' RDO RJE'O, ,DE'I SPYAN NI LTA BA STE, ,M'A MA K'I ZHES BYA BA'I DON TO,, RGYAL MO CHE NI RIG PA'I RGYAL MO CHEN MO'O, ,SANGS RGYAS RNAMS KYI GSUNG RDO RJE'I SPYAN NI LTA BA STE, GOS DKAR MO ZHES BYA BA'I DON TO, ,SANGS RGYAS RNAMS KYI RDO RJE GSUM PO RO GCIG PA NI YE SHES SO, ,DE'I RANG GI AUTPALA NI RDO RJE AUTPALA'O, ,DE 'DZIN PA NI RIG MA'I SGROL MA ZHES BYA BA'I DON TO, ,RAB TU GSAL BA'I MDANGS TE 'DI'O, ,'OD GSAL BA DANG MDANGS MDZES PAS SO, ,DRAG PO'I 'OD BZANG NI 'BAR BA'I 'OD ZER GYI PHRENG BA CAN NO, ,'JIGS PA'I RGYU NYID KYI PHYIR 'JIGS PA'O, ,RNON PO NI RAB TU GTUM PO'O, ,RAB TU 'PHRO BA NI GZI BRJID DANG LDAN PA'O, ,GANG GIS GDUG PA ZHABS KYIS GNON PAR MDZAD PA DE LA DE SKAD CES BYA'O, ,SBYOR BA CAN GYIS RTAG TU ZHES BYA BA NI RGYUN MI 'CHAD PAR RAB TU SBYOR BAS SO, ,RDO RJE MI 'CHI NI BDUD RTZI THAB SBYOR RO, ,GANG LA 'OD ZER 'PHRO BAR RAB TU 'KHRUG PA'I MTSAN MA THUGS MNGA' BA STE, DRAG PO'I THUGS DE NYID LAS DE RNAMS 'BYUNG BA'I PHYIR RO, ,tAKKI NI tAKK'I SGRAS 'DOD PA'I DON MIN PA DE BAS NA 'DOD PA RNAMS 'GUGS PA'I PHYIR 'DOD PA'I RGYAL PO'O, ,DE'I DE KHO NA NYID NI 'DOD PA'I YE SHES TE, 'DOD PA RNAMS LA YE SHES CAN NYID 'BREL PA STE, YID KYIS 'DZIN PA'I ZHES BYA BA'I DON TO, ,DE NYID KYI PHYIR PHYAG BZHI PA STE, LONGS SPYOD BZHI DANG YANG DAG PAR LDAN PA ZHES BYA BA'I DON TO; ,'JIGS PAR BYED PA'I MCHOG NI RGYU'O, ,STOBS PO CHE NI SANGS RGYAS THAMS CAD KYI BDAG NYID GSO BAR BYED PA'I PHYIR RO, ,RDO RJE NI KHRO BO CHEN PO NYID YIN PA'I PHYIR RO, ,MUN PA NI MI SHES PA'O, ,GDUG PA THAMS CAD 'JOMS PA NI 'DUS PA'O, ,SEMS 'DREN PAR BYED 'DUL PAR BYED PA'I DBYUG PA SNGON PO'I MTSAN MA 'DI LA YOD PAS NA DBYUG SNGON CAN YIN NO, ,RDO RJE RNAMS BSDUS PA YIN PAS NA RDO RJE GSUM YANG YIN LA, 'BYUNG BA YANG DAG PAR BSDUS PA YIN PAS NA 'BYUNG BA YANG YIN TE, BSAM GTAN LNGAS SO, ,KHRO BO'I YIN PAS NA RDO RJE'O, ,THUGS RIN PO CHE MI G-YO BAR 'DZIN PA'I RNAL 'BYOR GYIS

320b

BRTAN PAR BYED PA'I PHYIR MI G-YO BA'O, ,RDO RJE LAS BYUNG ZHES BYA BA NI RDO RJE SEMS DPA' BABS PA'I PHYIR RO, ,ZUR GYIS BLTA ZHES BYA BA NI SHIN TU CHAGS PAS YON POR LTA BA'I PHYIR RO, ,ZHI BZHES BYA BA NI SHIN TU SBYANGS PA'I BDE BAS SHIN DU GZHON SHA CHAGS PA NYID KYI PHYIR RO, ,DE NYID KYI PHYIR BYIS PA'I GZUGS CAN YIN NO; ,RAL GRI ZHAGS PA RNAMS ZHES BYA BA NI RNAM PAR RTOG PA'I G-YENG BA GCOD PA'I PHYIR DANG BCINGS NAS 'DREN PA'I PHYIR RO, ,DE NYID KYI PHYIR 'DI'I RDO RJE'I GNAS SU RAL GRI BSNAMS LA RAL GRI'I GNAS SU NI 'KHOR LO'O, ,RIN PO CHE'I GNAS SU ZHAGS PA LJANG GU BSNAMS PA YIN NO, ,YI GE GCIG CES BYA BA NI YI GE BHR'Um GYI NGO BO NYID YIN PA'I PHYIR RO, ,'KHOR LO CAN ZHES BYA BA NI PHYAG NA 'KHOR LO BSNAMS PA'O, ,BSAM GTAN DKYIL 'KHOR ZHES BYA BA NI 'BRAS BUR GYUR PA'I TING NGE 'DZIN GYI RANG BZHIN NYID YIN PA'I PHYIR, BSAM GTAN DE YANG YIN LA, PHRA MO'I DKYIL 'KHOR GYI RANG BZHIN NYID YIN PA'I PHYIR DKYIL 'KHOR YANG YIN LA DE LTAR NA BSAM GTAN DKYIL 'KHOR RO, ,GZHUNG LA LAS NI BSAM GTAN DANG DKYIL 'KHOR DAG CES 'BYUNG STE, DE LA MTSAN NYID THA DAD PA'I PHYIR TSIG GNYIS PAR BYAS NAS GZHI MTHUN PAR BYA'O, ,SGRIB PA THAMS CAD 'JOMS PA'I YE SHES 'DZIN PA'I PHYIR, GNOD PA'I YE SHES MCHOG 'DZIN PA STE, GNOD MDZES RGYAL PO'O, ,'JIG PA'I RGYA MTSO SKYED PAR BYED PA'I PHYIR DE DANG 'DRA BA'I 'OD DO, ,BSAM GTAN 'OD BZANG ZHES BYA BA NI BSAM GTAN 'BRAS BUR GYUR PA'I TING NGE 'DZIN DE'I DON DU 'OD BZANG BA STE, MTSAN MA'I RNAM PA CAN GYI 'OD ZER THAMS CAD DU SPRO BA'I PHYIR RO, ,RGYUD GZHAN DAG LAS LHA GSUNGS PA GANG YIN PA DE DAG KYANG 'DIR BSGOMS NAS 'GRUB PAR 'GYUR BA DE LTAR NA, DE'I TING NGE 'DZIN BSTAN PA'I PHYIR GZI BRJID PHUNG PO ZHES BYA BA LA SOGS PA LA, GANG GZHAN ZHES BYA BA NI 'DI DAG DANG GSUNGS PA LAS GZHAN PA'O, ,SNGAGS KYI 'KHOR LO CAN ZHES BYA BA NI SNGAGS NI DPA' BO GCIG PA'O, ,'KHOR LO CAN NI DKYIL 'KHOR GYI BDAG PO RNAMS TE, DE YANG GTZUG TOR GYEN DU 'BYUNG BA DANG, CHER 'BYUNG BA LA SOGS PA KHRO BO RNAMS DANG BLO GROS MI ZAD PA DANG SPOBS PA BRTZEGS PA LA SOGS PA BYANG CHUB SEMS DPA' RNAMS DANG 'OD ZER CAN DANG RI KHROD LO MA CAN LA SOGS PA LHA MO RNAMS SO, ,DE DAG THAMS CAD KYANG LONGS SPYOD 'DI

321a

, ,RNAMS KYIS TE, JI SKAD DU BSHAD PA'I ZHAL GSUM DANG PHYAG DRUG LA SOGS PA 'CHAD PAR 'GYUR BA'I CHOS 'BYUNG BA'I GZHAL YAS KHANG DU RDO RJE 'CHANG YONGS SU GYUR PA LA SOGS PA'I TING NGE 'DZIN 'KHOR DANG BCAS PA RNAMS KYIS SO, ,SO SO DAG TU ZHES BYA BA NI GANG JI LTAR RIGS PA DANG GANG ZHIG GANG GI SNGAGS DANG MTSAN MA LA SOGS PA RANG RANG GI RGYUD DANG 'GAL BA MED PA BLANG BAR BYA STE, RGYUD SNA TSOGS LAS GSUNGS PA RNAMS DANG NYE BA'I RGYUD LAS GSUNGS PA 'DIR MA GSUNGS PA 'GAL BA MED PA GSUNG BAR BYA'O ZHES BYA BA'I DON TO, ,GAL TE 'O NA DE RNAMS KYI SNGAGS DE NYID 'DIR YANG YIN LA, PHYAG RGYA CHEN PO LA SOGS PA LA KHYAD PAR DU BYAR CI YOD CE NA, TING NGE 'DZIN NI ZHES BYA BA LA SOGS PA GSUNGS SO, ,KHRO BO ZHES BYA BA NI NYE BAR MTSON PA'O, ,NAM MKHA'I ZHES BYA BA NI NAM MKHA' KHYAB PA'I'O, ,STENG DU ZHES BYA BA NI DE LAS KYANG LHAG PA'O, ,SHIN DU 'PHAGS PA NI KHYAD PAR DU RTOGS PA'O, ,GANG ZHIG CE NA TING NGE 'DZIN ZHES BYA BA NI SKABS KYIS SHES PAR BYA'O, ,TING NGE 'DZIN RNAMS NI BRTAN PA'O, ,DE NYID KYI BSHAD PA NI NAM MKHA'I DBYINGS KYI ZHES BYA BA LA SOGS PA GSUNGS TE, CHOS 'BYUNG BA'I NANG DU CHUD PA'I GZHAL YAS NI NAM MKHA'I DBYINGS SO, ,DE'I DBUS NA GNAS PA NI DBUS MA'I SNA TSOGS PADMA LA GNAS PA'O, ,GSAL BA'I DKYIL 'KHOR NI ZLA BA'I DKYIL 'KHOR RO, ,SANGS RGYAS GSUNGS NI RAB BSGOMS LA, ,ZHES BYA BA NI ZLA BA'I DKYIL 'KHOR DE NYID KYI STENG DU MNGON PAR BYANG CHUB PA RNAM PA LNGA'I RIM GYIS ZLA BA'I GDAN DANG ZLA BA'I 'OD CAN GYI RDO RJE 'CHANG BSGOMS PA LA'O, ,RNAM PAR SNANG MDZAD RNAM PAR BSAM, ,ZHES BYA BA NI, 'DOD CHAGS CHEN PO'I TSUL LA SOGS PA'I RIM GYIS THAMS CAD ZHU BAR BYAS LA, DE BSDUS PA LAS BYUNG BA'I SA BON YONGS SU GYUR PAR BSAM PAR BYA'O, ,JI LTA BU ZHE NA, GSAL BA STE DRI MA MED PA'I PHYIR RO, ,ZHI BA NI ZHI BA'I NYAMS DANG LDAN PA STE, GNAS NGAN LEN GYI GNAS GYUR PA'I RANG BZHIN NYID YIN PA'I PHYIR RO, ,ZLA BA BZHIN NI SHIN TU DKAR BA NYID KYI PHYIR RO, ,'DI LAS SPROS PA'I 'OD ZER KHA DOG LNGA PO RNAMS KYIS THAMS CAD DU SNANG BA MDZAD PA'I PHYIR 'OD ZER SNA TSOGS 'DRA BA'I DON TO, ,ME LONG LTA BUR YANG DAG BYUNG, ,ZHES BYA BA NI ME LONG LTA BU'I YE SHES KYI NGO BO NYID YIN PA'I PHYIR RO, ,KHAMS GSUM DAG NI BRGYAN PA RU, ,ZHES BYA BA NI DPER NA GLING MA LUS PA'I STON KA'I ZLA BA RGYAS

321b

PA LTA BU'O, ,GANG LA RGYAN RNAMS KUN TE, DO SHAL DANG DPUNG RGYAN LA SOGS PA NGAG GIS BRGYAN CING BKOD PA YIN PA'O, ,BYANG CHUB MTHONG ZHES BYA BA NI RNAM PAR SNANG MDZAD MNGON SUM DU BYED PA'O, ,BSAM GTAN RDO RJE SPRIN NYID NI RDO RJE'I TING NGE 'DZIN TE, DE RAB BSGOM NI RAB KYI MTHAR THUG PAR BSGOM PA'O, ,RNAM PAR SNANG MDZAD KYI DAM TSIG NI PHYAG RGYA CHEN PO'O, ,DE 'BYUNG BA NI BSKYED PA'O, ,DE NYID KYI RNAM PA THAMS CAD KYI MCHOG DANG LDAN PA NYID KYI PHYIR MDZES PA'O, ,MI ZAD PA NYID KYI PHYIR RDO RJE'O, ,DE LA DMIGS PA NYID KYI PHYIR DE SKAD CES BYA'O, ,RDO RJE DKYIL 'KHOR NI NYI MA'O, ,SANGS RGYAS NI RDO RJE 'DZIN PA'O, ,RDO RJE SEMS DPA' NI MI BSKYOD PA'O,, GSAL PA'I LUS DANG 'DRA ZHES BYA BA NI SKU'I GZI MDANGS DRI MA MED PA'O, ,DE LTAR BSGOMS PAS CIR 'GYUR ZHE NA, MYUR DU ZHES BYA BA LA SOGS PA GSUNGS PA LA, MYUR DU NI MGYOGS PAR RO, ,RDO RJE DE NYID MI BSKYOD PA NYID THOB PAR 'GYUR RO, ,JI LTA BU ZHE NA, ZHI BA'I YE SHES GNAS NI MTSAN MA'I DRI MA RNAMS ZHI BAS NA ZHI BA'O, ,YE SHES GNAS NI CHOS KYI DBYINGS SHIN TU RNAM PAR DAG PA'I YE SHES ZHES BYA BA'I DON TO, ,BSAM GTAN 'DI YIS RAB TU BSKUL BA NI NYE BAR BSTAN PA'O, ,DAM TSIG THAMS CAD KYI RDO RJE NI MI BSKYOD PA STE RDO RJE GSUM GYI DAM TSIG NYID YIN PA'I PHYIR RO, ,CHOS KYI DKYIL 'KHOR NI NYI MA'O, ,CHOS KYI SEMS DPA' NI 'OD DPAG TU MED PA'O, ,YE SHES RGYA MTSO NI BDE BAR GSHEGS PA'I SO SOR RTOG PA'I YE SHES SO, ,SPYAN NYID NI MCHOG STE RIG PA'I RGYAL MO'O, ,BUD MED SGYU MA NI DAM DU 'KHYUD PAS DGA' BA STON CING RNAM PAR ROL PA'O, ,DE RNAMS KYI MCHOG NI TSOGS SO, ,JI LTA BU ZHE NA, YE SHES THAMS CAD 'GYUR PAR BYED PA'O, ,'KHOR LO ZHES BYA BA NI DON THAMS CAD SEMS TZAM NYID DU SNANG BA NI DNGOS GRUB PA THAMS CAD YIN LA, DE BYED PA'I YE SHES NI DE THOB PAR BYED PA'I LAM MO, ,'KHOR LO YID BZHIN NOR BU STER, ,ZHES BYA BA NI JI LTAR 'DOD PA'I SANGS RGYAS KYI 'KHOR LO SPRUL PA'I PHYIR 'KHOR LO'O, ,YID BZHIN GYI NOR BU NI ME LONG LTA BU'I YE SHES TE, SGRUB PA PO LA DE RAB KYI MTHAR PHYIN PA LA MCHOG STER BAR BYED CES BYA BA'I DON TO, ,SPYAN GYI DAM TSIG NI PHYAG RGYA CHEN PO'O, ,DE'I PHYAG MTSAN NI PHYAG GI GTZO BOR 'KHOR LO DE LA DMIGS PA NYID KYI PHYIR DE DANG LDAN PA'O, ,RDO RJE NI M'A MA K'I'O, ,CHOS NI GOS DKAR MO'O, ,DNGOS GRUB NI SGROL MA'O, ,DE RNAMS KYI DKYIL 'KHOR NI GDAN TE ZLA BA'I DKYIL 'KHOR

322a

, ,DE DAG NYID DE BYANG CHUB SEMS DPA'I TSOGS SU BGRANGS PA'I PHYIR RO, ,NAM MKHA'I RDO RJE MCHOG NI NAM MKHA'I RDO RJE'I TSUL TE, M'A MA K'I ZHES BYA BA'I DON TO, ,NANG GI REG BYA 'DOD PA STON PA NYID KYI PHYIR RO, ,NAM MKHA'I PHYOGS SU SGYU MA'I MCHOG RNAM PA ROL PA'I TSOGS NI NAM MKHA'I SGYU MA'I MCHOG STE, DE DANG LDAN PAS NA NAM MKHA'I SGYU MA'I MCHOG DANG LDAN PA'O, ,SANGS RGYAS BYANG CHUB CES BYA BA NI MI BSKYOD PA'I YE SHES SO, ,MCHOG CES BYA BA NI YE SHES KHYAD PAR CAN NYID YIN PA'I PHYIR RO, ,DNGOS GRUB RDO RJE CAN GYI ZHES BYA BA NI SGRUB PA PO RNAMS KYI'O, ,AUTPALA SNGO ZHES PA NI DBYINGS SO, ,DMAR ZHES BYA BA NI KHA DOG GO, ,CHOS KYI DBYINGS SHIN TU RNAM PAR DAG PA'I YE SHES NI NAM MKHA' DONG 'DRA BA NYID KYIS NA NAM MKHA'O, ,DE'I YUM NI BSKYED MAR GYUR PA'I SHES RAB KYI STE, M'A MA K'I ZHES BYA BA'I DON TO, ,DE'I 'OD KYI SPRIN DES SANGS RGYAS THAMS CAD KYI THUGS RDO RJE TSEM PAR BYED PA'O, ,DE LA DMIGS PA NYID KYI PHYIR DE DANG LDAN PA'O, ,RDO RJE CHOS MA NI GOS DKAR MO'O, ,CHOS KYI DBYINGS SO SOR RIG PA YANG DAG PAR MTSON PAR BYED PA'I RANG BZHIN CAN GYI 'DOD CHAGS NYID MTSAN PA'O, ,DE YANG DAG PAR STON PAR BYED PA'I RNAM PAR ROL PA NI SGYU MAS MTSAN PA'O, ,DE'I TSOGS NI SGYU MAS MTSAN PA'I MCHOG STE, DE NAS YANG DAG PAR BYUNG BA NI MA LUS PA'O, ,'DOD CHAGS DE NYID KYI CHAGS PA'I MCHOG NI SGRUB PA PO GANG YIN PA DE'I SDUG PA'O, ,SANGS RGYAS THAMS CAD RAB BSGOMS LA NI BSAM LA'O, ,CHOS KYI YE SHES NI SO SOR RTOG PA'I YE SHES SO, ,DE'I 'BYUNG GNAS NI RGYU'O, ,AUTPA LA DMAR PO ZHES BYA BA NI 'DIR AUTPALA CHEN PO STE, PADMA DMAR PO ZHES BYA BA'I DON TO, ,CHOS KYI DE KHO NA NYID NI SO SOR RTOG PA'I YE SHES SO, ,DE'I MNGON PAR BYANG CHUB PA NI SHES RAB STE, GOS DKAR MO'O, ,DE NYID NI MI ZAD PA NYID KYI PHYIR RDO RJE'O, ,DE LA DMIGS PA NYID KYI PHYIR DE SKAD CES BYA'O, ,'DRA BA'I 'OD MDANGS DANG LDAN PA'O, ,BUD MID SGYU MA NI RNAM PAR ROL PA'O, ,DE RNAMS KYIS RAB TU MYOS PAR 'DOD PA CAN GYI YE SHES SKYE BA LA PHYOGS PA NYID DU STON PA ZHES BYA BA'I DON TO, ,SER PO'I MDOG 'DRA BA ZHES BYA BA NI SER POR SNANG BA STE, AUTPALA SER PO MDZES PA ZHES BYA BA'I DON TO, ,JI LTA BU ZHE NA, RDO RJE'I

322b

TING NGE 'DZIN LAS BYUNG ZHES BYA BA STE, SHES RAB KYI YE SHES KYI TING NGE 'DZIN GYI 'BRAS BU ZHES BYA BA'I DON TO, ,DAM TSIG NI SHES RAB KYI YE SHES SO, ,DE'I LHAN CIG SPYOD PA NI SGROL MA STE, SGROL BAR BYED PA YIN PA'I PHYIR RO, ,DE NYID NI MCHOG YIN LA DE LA DMIGS PAS NA DE DANG LDAN PA'O, ,KHO BO CHEN PO YIN PA'I PHYIR RAB TU KHROS PA YANG DE YIN LA, 'JIGS PA CHEN PO SKYED PAR BYED PA'I PHYIR, 'JIGS PA'I DKYIL 'KHOR YANG YIN PAS NA'O, ,PHYAG NA RAL GRI ZHES BYA BA NI G-YAS KYI PHYAG GSUM PAS SO, ,SGO SRUNGS RNAMS KYI SKU MDOG DANG RTZA BA'I PHYAG MTSAN NI BRI BA'I DKYIL 'KHOR NYID DU GSUNGS ZIN PA NYID KYI PHYIR RO, ,GAL TE DE LTAR NA LHA GZHAN DANG 'DRA BAR RAL GRI YANG GRUB PA YIN NA PHYAG NA RAL GRI ZHES BYA BA'I BKA' CI'I PHYIR ZHE NA, SGO SRUNGS RNAMS KYI SNGAGS BRJOD PAR RAL GRI NYID JI BZHIN PAR GZUNG BAR BYA'O, ,GTUN SHING DANG DGRA STA DANG ZHAGS PA NI MA YIN NO ZHES NGES PA'I DON TO, ,DE BAS NA 'DI RNAMS KYI G-YAS PA'I GNYIS PAR THO BA DANG, DBYIG PA DANG, PADMA DANG, RDO RJE DANG G-YAS PA'I GSUM PAR NI RAL GRI'O, ,G-YON GYI GNYIS PA DANG GSUM PA LA NI NOR BU DANG PADMA'O, ,PADMA MTHAR BYED KYIS NI PADMA'I GNAS SU NI 'KHOR LO'O, ,'DIR LHA THAMS CAD NI ZHAL GSUM PA NYID DANG PHYAG DRUG PA NYID DANG ZHABS GNYIS NYID DANG SPYAN GNYIS NYID YIN TE LHA RNAMS 'CHAD PA NA ZHAL GSUM SMOS PA'I PHYIR DANG, SNA TSOGS MTSON CHA THOGS PA'I MCHOG ,RDO RJE'I PHYAG NI DRUG TU BSGOM, ,ZHES GSUNGS PA'I PHYIR DANG, DAM TSIG LONGS SPYOD 'DI RNAMS KYIS, ,ZHES BYA BAS MA GSUNGS PA RNAMS KYANG STON PA YIN PA'I PHYIR RO, ,GNAS NI GZUNGS SO, ,BSAMS NA ZHES BYA BA NI BSGOM PA ZHES BYA BA SNGA MA DANG SBYOR RO, ,DE LTAR BSGOMS PA LAS CIR 'GYUR ZHE NA, RDO RJE CAN NI DGYES PAR 'GYUR, ,ZHES BYA BA GSUNGS TE, RDO RJE CAN NI KHRO BO THAMS CAD DO, ,CI'I PHYIR ZHE NA, 'DI NI ZHES BYA BA LA SOGS PA GSUNGS PA LA YE SHES RDO RJE CAN ZHES BYA BA NI YE SHES RDO RJE LAS BYUNG BA NAM MKHA'I GTOS KHYAB PAR BYED PA'O, ,KHRO BO KUN GYI DAM TSIG NI TSOGS PA YIN TE, DE NYID DU DA RNAMS BSDUS PA YIN PA'I PHYIR RO, ,GSHIN RJE GSHED KYI SPRO BA'I SNANG BA NI KHRO BO THAMS CAD KYI RNAM PAS NAM MKHA'

323a

, ,KHYAB PA'I 'OD ZER GYI SPRIN NO, ,DE'I BKOD PA NI GSHIN RJE GSHED DE NYID LA BSDUS PA'O, ,DE LA DMIGS PA NYID KYI PHYIR DE SKAD CES BYA'O, ,RNAM GTZIGS NI MCHE BA GNYIS RNAM PAR GTZIGS PA'O, ,ZHAL NI GDANGS PA CAN TE ZHAL GYI LJAGS BSKYOD PA CAN NO, ,MI BSKYOD DAM TSIG NI GZUNGS SO, ,GZHAN GYIS MI THUB PA'I BKOD PA DE'I YE SHES KYI RDO RJE LAS SPROS PA'I KHRO BO THAMS CAD KYANG DE NYID DU BSDUS PA'O, ,RTA MGRIN NYID NI ZHES BYA BA NI RGYUD GZHAN LAS GRANGS PA'I MTSAN DE 'DIR NI BCOM LDAN 'DAS RTA MGRIN NI MA YIN NO, ,SNA TSOGS MTSON THOGS MDZES PA'I MCHOG ,CES GSUNGS PA'I PHYIR RO, ,DES GDUL BAR BYA BA'I GDUG PA THAMS CAD NI GDUG PA THAMS CAD DO, ,DE RNAMS 'DI'I ZHABS KYIS MNAN PAS NA DE SKAD CES BYA'O, ,RTA MGRIN BSKYED PA DE LAS BYUNG BA NI YE SHES KYI KHRO BO RNAMS SO, ,DE'I RNAM PAR BKOD PA NI DE NYID DU BSDUS PA'O, , RDO RJE'I SPRIN NI 'BAR BA'I 'OD ZER GYI SPRIN NO, ,DE RNAMS KYIS KUN DU 'KHRUG PA NI THAMS CAD DU 'KHRUG PA'O, ,GANG GI PHYIR DE LTA BU YIN PA DES NA KHRO BO 'DZIN ZHES BYA BA KHRO BO THAMS CAD KYI RANG BZHIN TE DE NYID NI BCOM LDAN 'DAS SO, ,RGYU NI 'DI NI ZHES BYA BA LA SOGS PA GSUNGS SO, ,MI 'CHI BA NI BDUD RTZI THAB SBYOR RO, ,'DI'I DAM TSIG NI KHRO BO THAMS CAD SPROS PA'I PHYIR RO, ,DE'I 'BYUNG BA'I RDO RJE NI DE NYID DU BRTAN PAR BSDU PA'O, ,'DOD PA'I SEMS PA NI 'DOD PA'I RGYAL PO STE, 'DOD PA RNAMS LA KHA PHYIR PHYOGS KYI SEMS NANG DU 'JOG PAR BYED PA'I PHYIR RO, ,DE LTAR NA t'A KKI NI 'DOD PA RNAMS YIN LA, SEMS PA NI SEMS NANG DU 'JOG PAR BYED PA YIN NO, ,BSAM GTAN RDO RJE NI BSAM GTAN GYI YAN LAG BRTAN PA'O, ,DE 'BYUNG BA NI RGYU STE, 'DOD PA'I RGYAL PO'O, ,DE LA DMIGS PA NYID KYI PHYIR DE SKAD CES BYA'O, ,ZHAGS PA 'DZIN PA NI NOR BU GNAS PA'I PHYAG GIS SO; ,RDO RJE GSUM GYI GNAS DKYIL 'KHOR, ,ZHES BYA BA NI DUS GSUM GYI SANGS RGYAS RNAMS KYI GSANG BA GSUM PA BSDUS PAS NA DE'I GNAS KYANG DE YIN LA DKYIL 'KHOR YANG YIN TE, CHOS KYI RO'I SNYING PO GTZO BOR GYUR PA'I PHYIR TE, TSON PO LA SHA DANG LDAN PA ZHES BYA BA BZHIN NO, ,DE NYID KYANG

323b

YONGS SU RGYAS SHING STOBS DANG RDO RJE GSUM DANG LDAN PA'I PHYIR RDO RJE STOBS CAN NO, ,DE NYID KYIS NA RDO RJE GSUM GYI STOBS CHEN PO'O, ,DE LA DMIGS PA'I TING NGE 'DZIN LA DE SKAD CES BYA'O, ,RDO RJE SNGON PO NI DBYUG SNGON CAN NO, ,GZUGS NI RAB TU GNAS CES BYA BA NI SKU MDOG GO, ,RNO ZHES BYA BA NI GZI MDANGS SO, ,DE LTAR PHYAG RGYA GSUNGS NAS DE KHO NA NYID NI, RGYA MTSO NAG PO SKYED PAR BYED, ,CES BYA BA GSUNGS TE, NYON MONGS PA THAMS CAD NGES PAR 'JOMS SHING GNYIS SU MED PA'I GTING MTHA' MED PA'I YE SHES KYI RGYA MTSO NAG PO DE RAB TU 'PHEL BAR BYED PA'O, ,DE MCHOG TU GYUR PA'I DBYUG PA NYID NI BSTAN PA NYID KYI PHYIR RDO RJE YIN LA DE DANG LDAN PAS NA RDO RJE DBYUG THOGS SO, ,'DUL BAR BYED PA'I DBYUG PA NI TSAR GCOD PAR BYED PA STE, NYON MONGS PA RNAMS SHIN TU TSAR GCOD PAR BYED PA'I PHYIR RO, ,RDO RJE DBYUG PA NI BCOM LDAN 'DAS DBYUG SNGON CAN NO, ,DE'I DAM TSIG NI PHYAG RGYA CHEN PO'O, ,DE NYID NI MCHOG STE DMIGS PA DE DANG LDAN PA'O, ,MI GYO BA NI MCHOG GO, ,ZHAGS PA BSNAMS PA NI SNGA MA BZHIN NO, ,RAL GRI BSNAMS PA NI G-YAS PA'I GNYIS PAS SO, ,'KHRUGS PAS NI KUN DU ZHEN PA'O, ,RDO RJE BSDUS PA'I PHYIR RDO RJE YANG YIN LA KHAMS GSUM BSDUS PA'I PHYIR DBYINGS YIN PAS NI RDO RJE DBYINGS TE, BSAM GTAN GYI YAN LAG GRUB PA'O, ,RDO RJE DBYINGS NYID NI DAM TSIG YIN TE, THAMS CAD DU GTOGS PA'I SROG DANG STZOL BA'O, ,DES GNAS TE SA BON GYI YI GE GNON PA 'DZIN PA'I YAN LAG GANG LA YOD PAR DE NI RDO RJE DBYINGS KYI DAM TSIG GIS GNAS GNON PA CAN NO, ,DE'I NGO BO NYID YIN PA'I PHYIR MI GYO BA LA YANG DE SKAD CES BYA ZHING DE LA DMIGS PA'I TING NGE 'DZIN LA YANG DE SKAD CES BYA'O, ,'BRAS BUR GYUR PA'I SEMS SGRIB PA MED PA'I TING NGE 'DZIN GYI RANG BZHIN CAN NI GTZUG TOR YIN TE, RTZE MOR PHYIN PA NYID KYI PHYIR RO, ,'KHOR LO NI PHRA MO'I DKYIL 'KHOR NYID YIN PA'I PHYIR RO, ,GTZUG TOR 'KHOR LO NI DE BZHIN DU DBANG DU GYUR PA NYID KYI PHYIR RO, ,RIG PA NI BYANG CHUB KYI NGO BO NYID YIN PA'I PHYIR RO, ,DE'I RANG BZHIN CAN NI KHRO BO'I RGYAL PO LA YANG DE SKAD CES BYA'O, ,RIG PA'I 'KHOR LO ZHES BYA BA NI GTZUG GTOR 'KHOR LOS

324a

, ,SGYUR BA'O, ,'KHOR LO 'BAR BA NI RAB TU 'BAR BAS SO, ,GTZUG TOR 'KHOR LO'I DAM TSIG NI GZUGS SO, ,GTZUG TOR GYI DAM TSIG NYID NI RIG PA YIN TE BYANG CHUB NYID YIN PA'I PHYIR RO, ,STOBS NI MI MTHUN PA'I PHYOGS KYIS ZIL GYIS GNON PAR MI NUS PA NYID KYI PHYIR RO, ,'KHOR LO NI KYIL 'KHOR PHRA MO NYID YIN PA'I PHYIR RO, ,DE LA DMIGS PA'I TING NGE 'DZIN LA YANG DE SKAD CES BYA'O, ,KHRO BO YIN PA'I PHYIR RDO RJE YANG DE YIN LA BYUNG CHUB KYI SEMS KYI SGRIB PA RNAMS NGES PAR SEL BA'I PHYIR GNOD MDZES KYANG YIN PA DE LTAR NA RDO RJE SU MBH'A STE, GNOD MDZES RGYAL PO'O, ,RDO RJE SPRIN CAN ZHES BYA BA NI KHRO BO NAG PO'O, ,KHRO BO'I 'OD ZER 'PHRO BA'I PHYIR RDO RJE DAM TSIG KYANG DE YIN LA SU MBHA ZHES BYA BA YANG YIN NO, ,DE LA DMIGS PA'I TING NGE 'DZIN LA YANG DE SKAD CES BYA'O, ,GZHUNG LA LA LAS NI RDO RJE DAM TSIG 'BYUNG BA ZHES 'BYUNG TE, DER NI RDO RJE DAM TSIG NI GNOD MDZES RGYAL PO YIN LA DE 'BYUNG BA NI SKYE BA YIN NO ZHES BSHAD PAR BYA'O, ,'DIR YANG GSHIN RJE GSHED NI NAG PO YIN TE, BSTAN PA LAS SKU MDOG NAG PO ZHES GSUNGS PA'I PHYIR RO, ,SHES RAB MTHAR BYED DANG PADMA MTHAR BYED DANG, BGEGS MTHAR BYED NI GO RIMS BZHIN DU DKAR PO DANG DMAR PO DANG NAG PO STE BSHAD PA LAS KHA DOG DKAR PO DANG KHA DOG DMAR PO DANG NAG PO ZHES GSUNGS PA'I PHYIR RO, ,'KHYIL PA DANG DBYUG PA SNGON PO DAG NI NAG POR SMOS PA YIN TE, BSGRE BA'I DON TO, ,DE BAS NA DE'I BAR NA GNAS PA 'DOD PA'I RGAL PO DANG STOBS PO CHE YANG NAG PO YIN NO, ,MI G-YO BA YANG NAG PO YIN PAR DBYUG SNGON CAN GYI RJES SU 'BRANG BAR BYA'O, ,GNOD MDZES RGYAL PO YANG NAG PO YIN TE, SPRIN CAN ZHES SMOS PA'I PHYIR RO, ,GTZUG TOR NI SER PO YIN TE, MTSAN RNAMS THAMS CAD YONGS SU RDZOGS, , ZHES GSUNGS PA'I PHYIR DANG, GSER BTZO MA'I MDOG KYANG SKYES BU CHEN PO'I MTSAN NYID YIN PA'I PHYIR RO, ,SPYAN LA SOGS PA NI DKAR PO DANG NAG PO DANG DMAR PO DANG SER PO STE, DE SKAD DU GSUNGS PA'I PHYIR RO, ,SGO SRUNGS RNAMS KYI RTZA BA'I PHYAG MTSAN NI BRI BA'I DKYIL 'KHOR LAS

324b

GRAGS PA DAG YIN NO, ,'DOD PA'I RGYAL PO NI LCAGS KYU YIN TE, DE'I SNGAGS 'GUGS PA'I DON LA DZA: ZHES GSUNGS PA'I PHYIR RO, ,STOBS PO CHE NI RTZE GSUM YIN TE, ,DE'I SNGAGS AU GRV'A SHUL P'A nI ZHES GSUNGS PA'I PHYIR RO, ,MI G-YO BA'I NI RAL GRI STE, RAL GRI ZHAGS PA RNAMS ZHES GSUNGS PA'I PHYIR RO, ,DBYUG SNGON GYI NI RDO RJE DBYUG PA SNGON PO STE, DE'I SNGAGS N'I LA DAndA BADZRA DAndE nA SV'A H'A ZHES GSUNGS PA'I PHYIR RO, ,GTZUG TOR GYI NI 'KHOR LO YIN LA, GNOD MDZES RGYAL PO'I NI RDO RJE TE, 'KHOR LO DANG PHYAG NA RDO RJE ZHES GSUNGS PA'I PHYIR RO, ,DE NYID KYIS NA LE'U BCO BRGYAD PA LAS, LCAGS KYU DBYUG TO RTZE GSUM DANG, ,RAL GRI'I MTSAMS SU RNAM PAR DGOD, ,'DOD RGYAL DBYUG SNGON STOBS MI G-YO, ,STENG DU 'KHOR LO 'OG GNOD MDZES, ,ZHES 'CHAD PAR 'GYUR RO, ,'DOD PA'I RGYAL PO DANG MI G-YO BA DANG GTZUG TOR NI SGEG PA STE, ,DE BZHIN DU RGYAN RNAMS THAMS CAD YONGS SU RDZOGS, ,ZHI BA 'OD ZER MANG PO 'PHRO, ,MTSAN RNAMS THAMS CAD YONGS SU RDZOGS, ,ZHES GO RIMS BZHIN DU GSUNGS PA'I PHYIR RO, ,DE BAS NA GSUM PO 'DI DAG KYANG LEGS PAR TSAD DANG LDAN PA MTSAN THAMS CAD DANG LDAN PAR RIN PO CHE'I COD PAN LA SOGS PA RGYAN SNA TSOGS PA CAN NA BZA' BZANG PO DANG AAG TSOM MED PA MCHE BA CUNG ZAD GTZIGS PA, ZHAL CUNG ZAD GDANGS PA SMIN MA 'KHYOG PA CAN, SPYAN DMAR BA KHRO BA RAB TU 'BAR BA'I 'OD ZER CAN NO, ,DE DAG LAS GZHAN PA RNAMS NI TSON PO'O, ,MKHRANG BAG DANG LDAN PA, GSUS PA 'PHYANG BA MI'U THUNG ZHAL RNAM PAR GDANGS PA, LJAGS BSKYOD PA HA HA ZHES SGROGS PA'I SGRA CAN, AAG TSOM DANG SMIN MA DANG DBU SKRA KHAMS SER SMIN MA 'KHYOG PA SPYAN DMAR BA STAG GI PAGS PA MNABS PA DBU SKRA GYEN DU BRDZES PA SPRUL GYIS BCINGS PA, ,SPRUL GDUG PA RNAMS KYIS BRGYAN PA STE; SPRUL GYIS BRGYAN PA'I SKE RAGS CAN, ,ZHES BYA BA 'DI NI NYE BAR MTSON PA NYID YIN PA'I PHYIR RO, ,RNAM PA DE LTA BU CAN GYI KHYAD PAR DE RNAMS NI DE DAG THAMS CAD DANG 'BREL PA'I PHYIR RO, ,LA LA NI GNOD MDZES RGYAL PO YANG SGEG PAR 'DOD DE GTZUG TOR GYI BSHAD PA, MTSAN RNAMS THAMS CAD YONGS

325a

, ,SU RDZOGS, ,ZHES BYA BA'I RJES SU 'BRANG BAR BYA'O ZHES ZER RO, ,DE LTAR NA TING NGE 'DZIN RNAMS KYI BSHAD PA DANG BSTAN PA DAG YIN NO, ,'DI DAG RE RE ZHING DKYIL 'KHOR GYI BDAG PO'I RNAL 'BYOR YIN NO, ,DKYIL 'KHOR GYI DGOD PA YANG 'BRAS BU DANG BCAS PA BSTAN PA'I PHYIR 'GOG PA ZHES BYA BA LA SOGS PA'I TSIGS SU BCAD PA GSUNGS TE, GANG DU KHRO BO NYID DKYIL 'KHOR BA GANG YIN PA DE NI 'DIR KHRO BO'I 'KHOR LO YIN LA GANG DU SANGS RGYAS NYID YIN PA DE NI SANGS RGYAS KYI 'KHOR LO YIN ZHING GANG DU RDO RJE NYID YIN PA DE RDO RJE'I DKYIL 'KHOR TE SNGAGS BZHI'I GDOD PA'O, ,DE LA DANG POS NI 'GOG PA SGRUB PAR BYED PA STE, 'GOG PA'I RDO RJE ZHES BYA BA'I DON TO, ,GNYIS PAS NI BSNYEN PA YIN TE, YAN LAG DRUG GI BSNYEN PA ZHES BYA BA'I DON TO, ,GSUM PAS NI RNAM PA GNYIS TE GTI MUG DANG ZHE SDANG DANG 'DOD CHAGS DANG YE SHES RDO RJE RNAMS KYIS LONGS SPYOD DANG, SKU DANG, GSUNG DANG, THUGS DANG YE SHES RDO RJE RNAMS KYI BZLAS PA'O, , DE LAS SNGA MAS NI TING NGE 'DZIN GRUB LA PHYI MA NI RDO RJE YE SHES TE BZLAS PA'I 'BRAS BU'O, ,DE LA KHRO BO'I 'KHOR LO NI LE'U BCO BRGYAD PA LAS, KUN NAS SER BA'I 'KHOR LO NI, ,ZHES BYA BA NAS, MI G-YO BA DANG MTSUNGS PAR 'KHOR, ,ZHES BYA BA'I BAR GYIS 'CHAD PAR 'GYUR ZHING RDO RJE DKYIL 'KHOR YANG, GTI MUG NYES PA 'DOD CHAGS RDO RJE CHOS BCAS GANG, ,RIG PA'I SBYOR BA LAS BYUNG RTAG TU RAB 'BREL PAR, ,RNAM PA SNA TSOGS DAG PAS MYOS PA'I DNGOS GYUR PA, ,BYANG CHUB SEMS 'DRA RGYA CHEN DE LA PHYAG 'TSAL LO, ,ZHES BYA BAS 'CHAD PAR 'GYUR RO, ,SANGS RGYAS KYI 'KHOR LO NI BDUN PA LAS GZUGS LA RNAM GSUM ZHES BYA BA LA SOGS PA GSUNGS PA YIN NO, ,'O NA 'DIR DKYIL 'KHOR CHEN PO CI'I PHYIR MA GSUNGS SHE NA, DE NI LE'U DANG PO NYID DU RGYA CHER BSTAN ZIN PA'I PHYIR RO, ,RDO RJE DAM TSIG CES BYA BA LA SOGS PA LA, RDO RJE NI SKU DANG GSUNG DANG THUGS YE SHES RDO RJE RNAMS SO, ,DE RNAMS KYI DAM TSIG BKOD PA NI SPRO BA DANG BSDU BA STE, ,DE DAG GI DE KHO NA NYID DON GYI BSGOM PA DANG, MNGON PAR BYANG CHUB PA STE, RIG PA'I SKYES BU'I BSGOM PA STE, DE GSAL BAR BYED PA'I LE'U LA DE SKAD CES BYA'O, ,GSANG BA 'DUS PA'I BSHAD SBYAR SNYIM PA'I ME TOG LAS, LE'U BCU GSUM PA'O,, ,,