SGRON MA GSAL BAR BYED PA'I DGONGS PA RAB GSAL ZHES BYA BA BSHAD PA'I t'I K'A (Pradīpīdyotanābhisandhi Prakāśikā Nāma Vyākhyā Ṭīkā*)

[DD] #, ,RGYA GAR SKAD DU, PRA D'I PA AU DYO TA NA AA NO SANDHI PRA K'A SHI K'A N'A MA BY'A KHY'A t'I K'A, BOD SKAD DU, ,SGRON MA GSAL BAR BYED PA'I DGONGS PA RAB GSAL ZHES BYA BA BSHAD PA'I t'I K'A, RDO RJE [DD] 'CHANG LA PHYAG 'TSAL LO, ,DPAL LDAN RTOG PA'I DRA BA DU MA SNA TSOGS MUN PA'I TSOGS NI 'JOMS BYED NYI MA NI, ,GANG ZHIG YOD DANG MED PA NYID KYANG YONGS SU SPONG BA LA BRTZON NGO BO NYID MED SKU, ,SHIN TU RJES CHAGS YID CAN LHA MO REG BYA RDO RJE MA LA YANG DAG PAR 'KHYUD PA, ,DKYIL 'KHOR PA RNAMS DAG GIS YONGS BSKOR DPE MED RDO RJE SEMS DPA' DE LA BDAG GIS 'DUD, ,'KHOR BA'I DGON PAR RTOG PA'I DRA BA DU MAS RNAM PAR 'KHOR BA NI, ,RKUN PO DANG 'DRA GANG GIS SHIN TU DKA' BA'I GNAS SU 'JIG RTEN KHYER, ,GANG YOD PAS NI SRID PA PA RNAMS SKYE YIN KHAMS TSOGS DE DAG NI, ,YANG DAG SBYANGS TE GSAL BYED RIGS BDAG BTZUN MO SPYAN SOGS BDAG GIS 'DUD, ,DRI MA DANG BCAS GZUGS SOGS NYE BAR LEN PA'I PHUNG PO LNGA RNAMS DAG BYAS NAS, ,NAM MKHA'I DKYIL MTSUNGS SHEL LTAR DANGS SHING YE SHES LNGA PO

, ,RO GCIG RAB BSKYED PA, ,THABS DANG SHES RAB BDAG NYID SKU YIS SKYE DGU PHAN 'DOGS BRTZON 'GRUS BDAG NYID CAN, ,RANG BZHIN GYIS GRUB RTAG PA LA SOGS RGYAL BA'I TSOGS RNAMS MCHOG GYUR DE LA BDAG PHYAG 'TSAL; ,GANG GIS DBANG PO RNAMS NI NGES PAR NYAMS BYAS PA, ,CHU SKYES DRI YI TSOGS KYIS BUNG BA'I TSOGS RNAMS BZHIN, ,DE DAG GANG GIS RAB TU ZHI BAR BYED PA NI, ,GZUGS KYI RDO RJE MA SOGS DE LA BDAG PHYAG 'TSAL, ,GZUGS SOGS SPYOD YUL TSOGS NI RAB NYAMS RGYU YI PHYIR, ,SKAD CIG BDE BA'I SRED PAS GZUNG BAR BYED PA GANG, ,DBANG PO DE RNAMS GANG GIS RGYAL BA NYID BYED PA, ,SA SNYING LA SOGS DE LA SPYI BOS BDAG RTAG 'DUD, ,'GRO BA MA LUS GZIR BYED 'JIG RTEN SKYONG BA RNAMS, ,SHIN TU ZIL GYIS MNAN CING THEG MCHOG 'JUG BYED PA, ,SBRUL BDAG TSOGS KYIS YAN LAG BRGYAN CING KHRO BCAS PA, ,GSHIN RJE GSHED SOGS KHRO RGYAL RNAMS LA PHYAG 'TSAL LO, ,KONG KA NA YI GRONG KHYER DU, ,DPAL GYI RI YI RTZE MOR NI, ,SKYE BOS DBEN PA'I GNAS NYID DU, ,DANG POR DE LA GNAS BYAS NA, ,MI DANG LHA YI BDAG POR MTSUNGS, ,MCHOG TU GYUR PA'I CHOS GSUNGS PA, ,SGRA GCAN 'DZIN GYI ZHAL SNGA NAS, ,SA STENG 'DI LA RGYAL GYUR CIG ,MNYES

PA DE LAS DE NYID NI, ,THEG CHEN RNAL 'BYOR PAS THOB PA, ,SA THOB GZHAN GYI DON LA BRTZON, ,DPAL LDAN KLU SGRUB RGYAL GYUR CIG ,DE LAS DE NYID RIN CHEN NI, ,THOB PA 'JIG RTEN GSUM DU GRAGS, ,'DUS PA RGYA MTSO'I PHA ROL PHYIN, ,ZLA GRAGS GSAL BYED RGYAL GYUR CIG ,DE YIS BYAS PA'I 'GREL PA NI, , MTHA' DRUG BSHAD PAS ZAB PA NYID, ,DE NI DENG BDAG MA LUS PAR, ,SKAL LDAN GRAGS PAS GSAL BSHAD BYA, ,SNGAGS KYI THEG PA CHEN PO 'DI LA NI NEE RA NYDZA NA'I CHU BO'I 'GRAM DU RGYAL BU DON THAMS CAD GRUB PA DE BZHIN GSHEGS PA THAMS CAD KYIS BSKUL BAS THAMS CAD MKHYEN PA'I YE SHES THOB PA'I DGA' LDAN GYI GNAS SU GSHEGS PA BZHIN DU RGYUD LA SOGS PA'I RIGS PA BZHI LA BRTEN TE, SNYIGS MA RNAM PA LNGAS RNYOG PAR BYAS PA'I SEMS KYI RGYUD DANG LDAN PA'I MA 'ONGS PA'I SEMS CAN GYI KHAMS RJES SU GZUNG BAR BYA BA'I PHYIR RIN PO CHE SNA TSOGS PA'I RANG BZHIN CHOS KYI 'BYUNG GNAS KYI GZHI CAN GZHAL YAS KHANG PA LA BZHUGS TE, DKYIL 'KHOR PA RNAMS SPRO ZHING DE BZHIN GSHEGS PA LNGAS GSOL BA GDAB PA'I DPAL RDO RJE 'CHANG CHEN POS BSAM PA DANG BAG LA NYAL DANG KHAMS DANG BAG CHAGS KYI DBYE BA LAS SNGAGS KYI BSTAN BCOS RNAM PA LNGA RU GSUNGS TE, BYA BA DANG, SPYOD PA DANG, RNAL 'BYOR DANG, RNAL 'BYOR GYI BLA MA DANG, RNAL 'BYOR MA'I RGYUD KYI DBYE BAS SO, ,DE LA DKYIL 'KHOR DANG BSKOR BA DANG SBYIN SREG DANG RAB TU GNAS PA DANG DUS GSUM DU KHRUS DANG GOS DUS GSUM DU BRJE BA DANG BSNYUNG BAR GNAS PA LA SOGS PA RJOD PAR BYED PA'I RGYUD NI BYA BA'I RGYUD DE SGROL MA BYUNG BA LA SOGS PA'O, ,BRTUL ZHUGS DANG DNGOS GRUB DANG RDZU 'PHRUL GTZOR GYUR PA LA SOGS PA SPYOD PA'I RGYUD DE DPAL MCHOG DANG PO DAD RNAM PAR SNANG MDZAD MNGON PAR BYANG CHUB PA'I RGYUD RNAMS SO, ,PHYAG RGYA BZHI DANG DKYIL 'KHOR DANG TING 'DZIN GTZOR GYUR PA'I RNAL 'BYOR GYI RGYUD NI DPAL DE KHO NA NYID BSDUS PA LA SOGS PA'O, ,BSKYED PA DANG RDZOGS PA LA SOGS PA SO SOR BSTAN PA'I RGYUD NI RNAL 'BYOR GYI BLA MA STE DPAL GSANG BA 'DUS PA LA SOGS PA'O, ,RIM PA GNYIS PO DE YANG SPROS PA MED PAR GANG DU KHYAD PAR DU BSTAN PA DE DAG NI DPAL DGYES PA'I RDO RJE LA SOGS PA RNAL 'BYOR

, ,MA'I RGYUD DO, ,DE LA RAB DANG 'BRING GI GTI MUG GI RIGS CAN LA DGONGS TE BYA BA'I RGYUD BSTAN TO, ,GTI MUG DMAN PA'I RIGS CAN RNAMS LA SPYOD PA'I RGYUD BSTAN TO, ,DMAN PA DANG BAR PA'I 'DOD CHAGS DANG ZHE SDANG DANG GTI MUG GI RIGS CAN RNAMS LA RNAL 'BYOR GYI RGYUD BSTAN TO, ,'DOD CHAGS DANG ZHE SDANG DANG GTI MUG RAB GYI RIGS CAN RNAMS LA RNAL 'BYOR GYI BLA MA'I RGYUD DO, ,RAB KYI RAB KYI 'DOD CHAGS DANG ZHE SDANG DANG GTI MUG GI RIGS CAN RNAMS LA RNAL 'BYOR MA'I RGYUD BSTAN TO ZHES RGYUD KYI DBYE BA DANG YUL GYI BYE BRAG BSTAN TO, ,YUL GYI DBYE BA DE LA NI TZANDAN DANG AUTPALA DANG PADMA DKAR PO DANG, PADMA DMAR PO DANG, RIN PO CHE STE GANG ZAG RNAM PA LNGA YOD DE, DE LA TZANDAN NI BLUN PO'I RIGS CAN NO, ,AUTPALA NI DBANG PO DMAN PA'O, ,PADMA DKAR PO NI DBANG PO BAR PA'O, ,PADMA DMAR PO NI DBANG PO RNO BA'O, ,RIN PO CHE NI DBANG PO RAB KYI RAB BO, ,BAG CHAGS KYI BYE BRAG GIS GANG ZAG RNAMS LA RIGS KYI BYE BRAG BSTAN TO, ,DE YANG GDOD MA NAS CHAGS PA YIN TE DE DNGUL LA SOGS PA'I RIGS BZHIN NO, ,DE'I PHYIR GANG ZAG GI DBYE BA LA DGONGS TE BCOM LDAN 'DAS KYIS RGYUD THAMS CAD KYI NGO BO RNAL 'BYOR GYI RGYUD CHEN PO 'DI GANG ZAG THAMS CAD GDUL BAR BYA BA'I PHYIR GSUNGS PA, DE'I 'GREL PA SLOB DPON ZLA BA GRAGS PAS BSKYED PA DANG RDZOGS PA'I RIM PA GNYIS LA BRTEN TE SGROL MA GSAL BAR BYED PA BRTZAMS SO, ,JI SKAD DU RGYUD PHYI MA LAS, BSKYED PA YI NI RIM PA DANG, ,RDZOGS PA'I RIM PA NYID DANG NI, ,RIM PA GNYIS LA BRTEN BYAS NAS; ,RDO RJE CAN GYIS CHOS GSUNGS SO, ,DE LA BSKYED PA'I RIM PA RNAM PA GSUM STE, DANG PO'I SBYOR BA DANG, DKYIL 'KHOR RGYAL BA MCHOG DANG, LAS RGYAL BA MCHOG GO, ,RDZOGS PA'I RIM PA NI RNAM PA LNGA STE, RDO RJE BZLAS PA'I RIM PA DANG, SEMS LA DMIGS PA THOB PA'I RIM PA DANG, BDAG LA BYIN GYIS BRLAB PA'I RIM PA DANG, MNGON PAR BYANG CHUB PA'I RIM PA DANG, ZUNG DU 'JUG PA'O, ,DE LA DANG PO'I SBYOR BA LA RNAM PA BZHI STE, RNAL 'BYOR DANG, RJES SU RNAL 'BYOR DANG, SHIN TU RNAL 'BYOR DANG, RNAL 'BYOR CHEN PO'O, ,RNAL 'BYOR LA NI RNAM PA BCU STE SNYING RJE CHEN PO MNGON

DU BYA BA SNGON DU 'GRO BA KHYAD PAR GYI GNAS LA BRTEN PA DANG, BGEGS BSKRAD PA'I BDAG NYID CAN GNAS BSRUNG BA DANG, STONG PA NYID KYI SGOM PAS BDAG NYID BSRUNG BA DANG, YE SHES KYI SA GZHI BSGOM PA DANG, GZHAL YAS KHANG DANG, DE'I NANG DU PADMA DANG ZLA BA DANG NYI MA'I GDAN LA GNAS PA LHAG PAR MOS PA'I DKYIL 'KHOR BSGOMS PA DANG, DON DAM PA'I DKYIL 'KHOR BSGOM PA DANG, GZHAL YAS KHANG GI NANG DU GDAN DGOD PA DANG, CHOS KYI DBYINGS KYI DE KHO NA NYID BSGOM PA DANG, YI GE GSUM LAS SKYES PA'I DBUS KYI GTZO BO BSGOM PA'O, ,RJES SU RNAL 'BYOR NI YE SHES SEMS DPA'I DANG TING NGE 'DZIN SEMS DPA' BSGOM PA'O, ,PHUNG PO KHAMS DANG SKYE MCHED BYIN GYIS RLOB PA NI SHIN TU RNAL 'BYOR RO, ,SKU DANG GSUNG DANG THUGS BYIN GYIS RLOB PA'I BDAG NYID CAN NI RNAL 'BYOR CHEN PO STE, DANG PO'I SBYOR BA'I TING NGE 'DZIN TO, ,DKYIL 'KHOR RGYAL BA MCHOG NI RNAM PA BRGYAD DE, PHYAG RGYA'I DBYE BA DANG, RIGS KYI DBYE BAS DE DAG LA DMIGS PA DANG, RDO RJE PADMA SNYOMS PAR ZHUGS PA DANG, DE BZHIN GSHEGS PA THAMS CAD RJES SU 'JUG PA DANG, PADMA'I NANG DU DAM TSIG GI DKYIL 'KHOR DBYUNG BA DANG, SEMS CAN GYI KHAMS SBYANG BA SNGON DU 'GRO BA'I PHYIR SPRO BA DANG, PHYIR MI LDOG PA'I DBANG DANG RGYAS GTAB PA STE DKYIL 'KHOR RGYAL BA MCHOG GI TING NGE 'DZIN TO, ,LAS KYI RGYAL BA MCHOG GI TING NGE 'DZIN LA BCU GNYIS TE, PHRA MO'I RNAL 'BYOR DANG, BZLAS PA'I CHO GA DANG, BYA BA BYAS PAS ZHU BA NYID DANG, LHA MOS BSKUL BA NYID DANG, SLAR YANG BZHENGS PA DANG, BZHENGS PA LA DE BZHIN GSHEGS PA LNGAS BSTOD PA DANG, DKYIL 'KHOR GYI 'KHOR LO NYE BAR BSDU BA DANG, TSIM PAR BYED PA'I CHO GA DANG, NANG GI SBYIN SREG GI CHO GA DANG, GSHEGS SU GSOL BA DANG, GTOR MA'I CHO GA DANG, GNYID LOG PA'I CHO GA STE LAS KYI RGYAL BA MCHOG GI TING NGE 'DZIN TO, ,'DI NI BSKYED PA'I RIM PA STE THA MAL PA'I LUS RNAM PAR DAG PAS KHYAD PAR CAN GYI LHA'I RNAM PA RDZOGS PAR BYED PA'I PHYIR RO, ,RDO RJE'I BZLAS PA'I RIM PA LA RNAM PA BCU GCIG STE, RDO RJE 'CHANG CHEN PO BZLAS PA DANG, SKU'I BZLAS PA DANG, GSUNG GI BZLAS PA DANG, THUGS KYI BZLAS PA DANG, RIN PO CHE'I

, ,BZLAS PA DANG, DON YOD PA'I BZLAS PA DANG, KHRO BO'I BZLAS PA DANG, 'DOD CHAGS KYI BZLAS PA DANG, ZHE SDANG GI BZLAS PA DANG, GTI MUG GI BZLAS PA DANG, MA NING GI BZLAS PA'O, ,SEMS LA DMIGS PA THOB PA YANG RNAM PA GSUM STE, SNANG BA RNAM PAR DAG PA DANG, SNANG BA MCHED PA RNAM PAR DAG PA DANG, SNANG BA NYE BAR THOB PA RNAM PAR DAG PA'O, ,BDAG LA BYIN GYIS RLOB PA YANG RNAM PA GSUM STE, CHOS KYI SKUR BDAG BYIN GYIS BRLAB PA DANG, LONGS SPYOD RDZOGS PA'I SKUR BYIN GYIS BRLAB PA DANG, SPRUL PA'I SKUR BYIN GYIS BRLAB PA'O, ,MNGON PAR BYANG CHUB PA'I RIM PA LA YANG RNAM PA GSUM STE, 'DOD CHAGS RNAM PAR DAG PA DANG, 'DOD CHAGS PAR MA RNAM PAR DAG PA DANG, 'DOD CHAGS DANG BRAL BA RNAM PAR DAG PA'O, ,ZUNG DU 'JUG PA'I RIM PA YANG GNYIS TE, RGYU'I ZUNG DU 'JUG PA DANG, 'BRAS BU'I ZUNG DU 'JUG PA'O, ,DE NI RDZOGS PA'I RIM PA STE RANG BZHIN GYIS GRUB PA'I PHYIR DANG, DBANG PO RNO BA'I GDUL BYA'I YUL YIN PA'I PHYIR ZHES BYA BA'I BAR DU'O, ,DE LA BSKYED PA'I RIM PA MDOR BSDUS PA 'DI YIN TE, DANG PO RE ZHIG RNAL 'BYOR PAS SNYING RJE CHEN PO MNGON DU BYAS TE, SEMS CAN THAMS CAD SDUD PAR BYED PA'I TSAD MED PA'I SEMS BSKYED LA, DE NAS YID DU 'ONG BA'I SA PHYOGS SU BDUD RTZI LNGAS DKYIL 'KHOR BYUGS TE, NANG TSANGS CAN LA SOGS PA'I STAN 'JAM PO LA SEMS DPA'I SKYIL MO KRUNG DU 'DUG STE, MYUR DU THA MAL PA'I LUS RNAM PAR DAG PAR BYA BA'I PHYIR ZHE SDANG RDO RJE BDAG NYID BSGOM PAR BYA'O, ,DE NAS GNAS BSRUNG BAR BYA BA'I PHYIR ZHE SDANG RDO RJE'I TING NGE 'DZIN MNGON DU BYAS TE, SNYOMS PAR ZHUGS PA'I REG BYA RDO RJE MA'I CHOS 'BYUNG BA'I PHYAG RGYA'I NANG DU SNA TSOGS PADMA LA NYI MA'I DKYIL 'KHOR GYI STENG DU, KHRO BO THAMS CAD 'JUG PA SNGON DU 'GRO BA RDO RJE'I LAM NAS H'Um YONGS SU GYUR PA LAS KHRO BO'I RDO RJE LAS BYUNG BA ZHAL GSUM PA PHYAG DRUG PA, SPYAN GSUM PA RIGS KYI KLU BRGYAD KYIS BRGYAN PA SKU MDOG SNGON PO DANG DKAR PO DANG DMAR BA'I ZHAL, SPYAN ZLUM ZHING G-YO BA, G-YON BRKYANG PA RDO RJE DANG DRIL BU RTZA BA'I PHYAG GNYIS KYIS BSNAMS PA, ZHAGS PA

DANG LCAGS KYU DANG RAL GRI DANG RDO RJE THOB 'DZIN ZHE SDANG RDO RJE'I COD PAN CAN SMIN MA KHAM PA HA HA HI HI'I SGRO SGROGS PA'I GNOD MDZES KYI RGYAL PO BSGOM PAR BYA STE, RDO RJE DANG PADMA'I NANG NAS PHYIR BYUNG STE NYI MA'I DKYIL 'KHOR GYI STENG DU GNAS SHING BKA' NOD BZHIN PAR RNAM PAR BSAMS TE, DE'I RJES SU SNGA MA BZHIN DU REG BYA RDO RJE MA'I CHOS 'BYUNG BA'I NANG DU YI GE H'Um BCU YONGS SU GYUR PA LAS GSHIN RJE DGRA LA SOGS PA KHRO BO BCU PO 'OG NAS 'BYUNG BA'I KHA DOG DANG MTSON CHA 'DZIN PA SPROS TE, RIM PA JI LTA BA BZHIN DU SHAR LA SOGS PA'I PHYOGS SU BSGOM PAR BYA'O, ,KHRO BO DE RNAMS KYANG STOD KHRO BO'I RNAM PA SMAD PHUR BU'I RNAM PAR SHES PAR BYA'O, ,DE'I RJES SU DBUS KYI GTZO BO'I BDAG NYID KYIS SNGAGS 'DI DANG GNOD MDZES LA BKA' BSGO BAR BYA'O, ,AOm SUMBHA NI SUMBHA H'Um H'Um PHAt, AOm GRiHnA GRiHnA H'Um H'Um PHAt, AOm GRiHn'A PA YA GRiHn'A PA YA H'Um H'Um PHAt, AOm A'A NA YA HO BHA GA B'ANA BADZRA R'A DZA H'Um H'Um PHAt, ZHES PA 'DIS PHYOGS BCUR GNAS PA'I BRGYA BYIN LA SOGS PA'I PHYOGS SKYONG DGUG PAR BYA BA'I PHYIR BKA' BSGO BAR BYA'O, ,BKA' THOS MA THAG TU GNOD MDZES KYI RGYAL POS ZHAGS PA DANG, LCAGS KYU PHYOGS BCUR SPROS TE, BRGYA BYIN LA SOGS PA PHYOGS SKYONG RNAMS KYI MGRIN PAR ZHAGS PAS BCINGS TE; LCAGS KYUS SPYI BOR BTAB PA LA SHAR LA SOGS PA'I PHYOGS DANG MTSAMS SU DGOD PAR BSAM MO, ,PHYOGS SKYONG BA RNAMS KYI KHA DOG DANG PHYAG MTSAN LA SOGS PA'I RIM PA NI 'DI YIN TE, SHAR KYI PHYOGS SU BRGYA BYIN MDOG SER PO GDONG GCIG PA LAG PA GNYIS PA RAB BRTAN LA ZHON PA LAG PA NA RDO RJE THOGS PA BSGOM PAR BYA'O, ,LHO PHYOGS SU GSHIN RJE KHA DOG NAG PO GDONG GCIG PA LAG PA GNYIS PA MA HE LA ZHON PA BE CON THOGS PA'O, ,NUB KYI PHYOGS SU CHU LHA STE MDOG DKAR PO GDONG PA GCIG PA LAG PA GNYIS PA KLU'I ZHAGS PA THOGS PA CHU SRIN LA ZHON PA'O, ,BYANG GI PHYOGS SU NOR LHA STE MDOG DMAR BA GDONG GCIG PA LAG PA GNYIS PA SENG GE'I RGYAL MTSAN DANG NE'U LE'I GTER 'DZIN PA SENG GE'I STAN LA 'DUG PA'O, ,ME'I MTSAMS SU ME LHA STE MDOG DMAR PO GDONG GCIG PA LAG PA GNYIS PA DBYUG PA DANG BGRANG PHRENG

, ,'DZIN CING RA SKYES KHAM PA LA ZHON PA'O, ,BDEN BRAL GYI MTSAMS SU SRIN PO STE MDOG NAG PO GDONG GCIG PA LAG PA GNYIS PA RAL GRI DANG PHUB 'DZIN CING YI DAGS LA ZHON PA'O, ,RLUNG GI MTSAMS SU RLUNG LHA STE MDOG DUD KHA GDONG GCIG PA LAG PA GNYIS PA BA DAN 'DZIN CING SHA BA LA ZHON PA'O, ,DBANG LDAN GYI MTSAMS SU 'BYUNG PO'I BDAG PO STE KHA DOG DKAR PO GDONG GCIG PA LAG PA GNYIS PA RTZE GSUM DANG SA BON RGYAS PA'I 'BRAS BU 'DZIN CING KHYU MCHOG LA ZHON PA'O, ,STENG DU TSANGS PA MDOG DKAR PO GDONG BZHI PA DBYUG PA DANG SPYI BLUGS 'DZIN PA NGANG PA LA ZHON PA'O, ,STENG DU YANG NYI MA NI MDOG DMAR PO GDONG GCIG PA LAG PA GNYIS PA PADMA THOGS PA PADMA'I GDAN LA 'DUG PA'O, ,ZLA BA NI MDOG DKAR PO GDONG GCIG PA LAG PA GNYIS PA ME TOG KU MU DA THOGS SHING KU MU DA'I STAN LA 'DUG PA'O, ,'OG TU SRIN PO'I BDAG PO THAGS BZANGS RIS TE KHA DOG NAG PO GDONG GCIG PA LAG PA GNYIS PA SDIGS MDZUB DANG RAL GRI THOGS PA GLANG PO CHE LA ZHON PA'O, ,SA'I LHA MO YANG MDOG SER PO GDONG GCIG PA LAG PA GNYIS PA LUS KYI STOD MNGON PA GSER GYI BUM PA THOGS PA BSGOM PAR BYA'O, ,DE'I RJES LA GNOD MDZES RGYAL PO LA YANG PHYOGS SKYONG RNAMS LA PHUR BUS GDAB PAR BYA BA'I PHYIR BKA' BSGO BAR BYA'O, ,DES KYANG GSHIN RJE'I GSHED LA SOGS PA KHRO BO RNAMS PHUR BU'I RNAM PA SPYI BOS BLANGS TE PHYOGS SKYONG RNAMS KYI SPYI BOR 'DEBS PAR BYED PAR BSAMS TE, DE'I SNGAGS NI 'DI YIN TE, AOm GHA GHA GH'A TA YA GH'A TA YA SARBA DU sht'A NA H'Um H'Um PHAt, K'I LA YA K'I LA YA SARBA P'A PAm H'Um PHAt H'Um H'Um H'Um BADZRA K'I LA YA BADZRA DHARA A'A DZNY'A PA YA TE SARBA BIGHN'A NA K'A YA B'A KA TZITTA BADZRA K'I LA YA H'Um PHAt, ZHES SNGAGS 'DIS MGO BO NAS RKANG PA'I BAR DU PHUR BUS GDAB PAR BYA'O, ,SLAR YANG GNOD MDZES KYI RGYAL POS GSHIN RJE GSHED LA SOGS PA'I PHUR BU RNAMS LA RDO RJE THO BAS BRDUNG BAR BYA STE, AOm BADZRA MUNG+GA RA BADZRA K'I LA YA A'A KO tA YA H'Um PHAt, ZHES 'DIS BRDUNGS PAS SA 'OG BDUN GYI BAR DU DE DAG THAMS CAD SON PAR GYUR PAR BSAM MO, ,GSHIN RJE GSHED LA SOGS PA'I KHRO BO RNAMS KYIS RANG GI SKU LAS NGES PAR BYUNG BA'I

ME STAG 'PHRO BA LTA BUS BRGYA BYIN LA SOGS PA'I 'KHOR GNOD SBYIN DANG SRIN PO LA SOGS PA TSIG CING THAL BAR BYAS PAR BSAM BAR BYA'O, ,DE LTAR BGEGS BSKRAD PA BYAS LA RANG GI SNYING GNAS NGES PAR 'BYUNG BA'I 'OD ZER GYI TSOGS KYIS KHRO BO'I TSOGS DGUG PAR BYAS LA DE NYID DU 'JUG PAR BYA'O,, ZHUGS MA THAG TU STONG PA NYID KYI DE KHO NA NYID MNGON DU BYA'O, ,CI'I SLAD DU ZHE NA, GANG GI PHYIR BSGOM PA'I RIM PA DES KYANG GAL TE BGEGS ZHI BAR MI 'GYUR NA DE'I TSE DON DAM PA'I BDEN PA LA 'JUG PAR BYA'O, ,GANG GI PHYIR 'OD GSAL BA'I SEMS LA BGEGS 'JUG PA DE NI GNAS MA YIN ZHING GLAGS SKABS YOD PA MA YIN NO, ,DE LA STONG PA NYID KYI BSGOM PA 'DI YIN TE, REG BYA RDO RJE MA DANG SNYOMS PAR ZHUGS PA'I DBANG GIS BDE BA CHEN PO SKYE BA NI, DNGOS PO MED PAS BSGOM PA MED, ,BSGOM PAR BYA BA SGOM PA MIN, ,DE LTAR DNGOS DANG DNGOS MED PAS, ,BSGOM PA DMIGS SU MED PA'O, ,ZHES BYANG CHUB KYI SEMS KYI TSIGS SU BCAD PA RJES SU DRAN PAR BYAS TE, SNOD DANG BCUD KYI 'JIG RTEN GNYIS PO 'OD GSAL ZHING STONG PA NYID KYI RANG BZHIN DU BSAM PAR BYA'O, ,DE BRTEN PAR BYA BA'I PHYIR, AOm SH'U N+YA T'A DZNY'A NA BADZRA SVA BH'A WA A'ATMA KO&HAm, ZHES SNGAGS BRJOD DO, ,DE'I RJES LA KUN GYI GZHI'I DKYIL 'KHOR GRU GSUM PA NAG PO DANG DKAR PO DANG DMAR PO DBUS DANG G-YAS PA DANG G-YON PA'I CHA BSAM PAR BYA'O, ,DE'I DBUS SU YI GE H'Um KHA DOG SNGON POR BSAMS TE, DE'I PHYI ROL TU DBYANGS KYI YI GE NYIS 'GYUR GYI PHRENG BA DANG, DE'I PHYI SKOR TU GSAL BYA'I PHRENG BA RIM PA JI LTA BA BZHIN DU DKAR PO DANG DMAR PO DANG THABS DANG SHES RAB KYI NGO BOR BSAM PAR BYA'O, ,DBYANGS YIG GI PHRENG BA LAS GRUB PA'I LHA MO RNAMS DANG GSAL BYA'I YI GE LAS GRUB PA DE BZHIN GSHEGS PA DE DAG KYANG SNYOMS PAR ZHUGS PA SEMS DPA' GSUM GYI BDAG NYID CAN SNYOMS PAR ZHUGS PA LAS SKYES PA'I BDE BA CHEN POS THIM PAR GYUR NAS YI GE H'Um DANG LHAN CIG TU RO GCIG PAR GYUR NAS CHOS 'BYUNG BA'I PHYAG RGYA'I NANG BYANG CHUB SEMS KYIS GANG BA BSGOM MO ZHES DE BZHIN GSHEGS PA THAMS CAD KYI NGO BO NYID CHOS 'BYUNG BA'I PHYAG RGYA

, ,ZHES BYA BA KUN GYI GZHI'I DKYIL 'KHOR DU BSGOM MO, ,DE'I STENG DU MDOG SNGON PO YI GE YAm LAS SKYES PA H'Um GNYIS KYIS SPEL BA CHOS MNGON PA LAS BSHAD PA'I TSAD DANG LDAN PA'I GZHU'I DBYIBS CAN BA DAN DAG GIS MTSAN PA RLUNG GI DKYIL 'KHOR H'Um GNYIS LAS SKYES BA'I RDO RJE SNGON PO GNYIS KYIS BCINGS PA RNAM PAR BSAMS TE, DE'I DBUS SU KHAm SNGON PO RNAM PAR DGOD CING DE'I 'OD ZER GYIS ME TOG CAN ZHES BYA BA'I 'JIG RTEN GYI KHAMS NA BZHUGS PA BCOM LDAN 'DAS DON YOD GRUB PA 'KHOR DANG BCAS PA DER 'JUG PAR BYAS LA, DE YONGS SU GYUR PA LAS SLAR YANG BCOM LDAN 'DAS DON YOD GRUB PA SKU MDOG SNGO BSANG ZHAL GSUM PA PHYAG DRUG PA RAL GRI DANG RDO RJE DANG 'KHOR LO DANG RIN PO CHE DANG PADMA DANG DRIL BU 'DZIN PA, DAM TSIG SGROL MA DANG SNYOMS PAR ZHUGS PAR BSAMS TE, YE SHES SEMS DPA'I THUGS KA'I SA BON GYI THIG LE'I 'OD ZER GYI LCAGS KYUS SNGA MA DANG 'DRA BA'I DON YOD GRUB PA DGUG PA LA SOGS BYAS PAS GNYIS KA BDE BA CHEN PO'I DBANG GIS ZHU BA'I GZUGS THIG LER GYUR PA DE NYID RLUNG GI DKYIL 'KHOR DANG LHAN CIG TU 'DRES PAR GYUR NAS, SLAR YANG GZHU'I DBYIBS CAN RLUNG GI DKYIL 'KHOR DU GYUR PAR BSAM MO, ,DE'I RJES LA RLUNG GI DKYIL 'KHOR GYI STENG DU RAm DMAR PO H'Um GNYIS KYIS RNAM PAR SPEL BA RNAM PAR DGOD DE, DE YONGS SU GYUR PA LAS RLUNG GI DKYIL 'KHOR DE NYID ZUR GSUM PA ME 'BAR BA SPRO BAR BYED PA ME'I DKYIL 'KHOR H'Um GNYIS LAS SKYES PA'I RDO RJE DMAR PO GNYIS KYIS BCINGS PA RNAM PAR BSAMS TE, DE'I DBUS SU A'A:DMAR PO YONGS SU GYUR PA LAS BCOM LDAN 'DAS 'OD DPAG TU MED PA SKU MDOG DMAR PO ZHAL GSUM PA PHYAG DRUG PA PADMA DANG RDO RJE DANG 'KHOR LO DANG DRIL BU DANG RIN PO CHE DANG RAL GRI 'DZIN PA GOS DKAR MO DANG SNYOMS PAR ZHUGS PA RNAM PAR BSAMS TE, YE SHES SEMS DPA'I THUGS KA'I SA BON GYI THIG LE'I 'OD KYI TSOGS KYIS BDE BA CAN GYI SANGS RGYAS KYI ZHING NA BZHUGS PA'I 'OD DPAG TU MED PA 'KHOR DANG BCAS PA BKUG LA DE NYID DU 'JUG PAR BYA STE, GNYIS KA BDE BA CHEN PO'I DBANG GIS ZHU ZHING THIG LE'I GZUGS SU YONGS SU GYUR PA ME'I

DKYIL 'KHOR DE NYID DANG LHAN CIG TU 'DRES PAR GYUR PA SLAR YANG ME'I DKYIL 'KHOR BSAM PAR BYA'O, ,DE'I RJES LA DE'I STENG DU YI GE BAm DKAR PO H'Um GNYIS KYIS SPEL BA RNAM PAR DGOD DE, DE YONGS SU GYUR PA LAS ME'I DKYIL 'KHOR DE NYID KHA DOG DKAR PO CHU'I DKYIL 'KHOR ZLUM PO'O MA CAN GYI RGYA MTSO BZHIN DU PHA ROL MED PAR BLTAS TE, DBA' RLABS KYI PHRENG BA DKAR PO 'PHRO BA BSAMS LA, DE'I DBUS SU YI GE H'Um KHA DOG GNAG PA RNAM PAR BKOD NAS DE YONGS SU GYUR PA LAS BCOM LDAN 'DAS MI BSKYOD PA SKU MDOG NAG PO ZHAL GSUM PA PHYAG DRUG PA RDO RJE DANG 'KHOR LO DANG PADMA DANG DRIL BU DANG RIN PO CHE DANG RAL GRI 'DZIN PA, M'A MA K'IS 'KHYUD PAR RNAM PAR BSAMS TE, YE SHES SEMS DPA'I THUGS KA'I SA BON GYI THIG LE'I 'OD ZER GYI TSOGS KYIS MNGON PAR DGA' BA'I 'JIG RTEN GYI KHAMS NA BZHUGS PA'I MI BSKYOD PA 'KHOR DANG BCAS PA BKUG LA, GNYIS KA BDE BA CHEN PO 'BAB PA'I DBANG GIS ZHU ZHING THIG LE'I GZUGS SU YONGS SU GYUR PA CHU'I DKYIL 'KHOR DE NYID DANG LHAN CIG 'DRES PAR GYUR PAS ME'I DKYIL 'KHOR DE NYID SLAR YANG CHU'I DKYIL 'KHOR DU BSGOM PAR BYA'O, ,DE'I RJES LA DE'I STENG DU YI GE LAm LAS SKYE BA'I KHA DOG SER PO YI GE H'Um GNYIS KYIS SPEL PA YONGS SU GYUR PA LAS SA'I DKYIL 'KHOR GRU BZHI RNAM PAR BSAMS TE, DE'I DBUS SU AOm KHA DOG DKAR PO RNAM PAR DGOD LA DE YONGS SU GYUR PA LAS BCOM LDAN 'DAS RNAM PAR SNANG MDZAD SKU MDOG DKAR PO ZHAL GSUM PA PHYAG DRUG PA 'KHOR LO DANG RDO RJE DANG, PADMA DANG DRIL BU DANG RIN PO CHE DANG RAL GRI 'DZIN PA, SANGS RGYAS SPYAN DE DANG 'DRA BAS 'KHYUD PAR BSAMS LA, YE SHES SEMS DPA'I THUGS KA'I SA BON GYI THIG LE'I 'OD ZER GYI TSOGS KYIS 'OG MIN GYI GNAS NA BZHUGS PA'I BCOM LDAN 'DAS RNAM PAR SNANG MDZAD BKUG LA DE NYID DU 'JUG PAR BYA STE, GNYIS KA BDE BA CHEN PO 'BAB PA'I DBANG GIS ZHU BA'I THIG LE'I GZUGS YONGS SU GYUR PA LAS SA'I DKYIL 'KHOR DE NYID DANG LHAN CIG 'DRES PAR GYUR NAS, CHU'I DKYIL

, ,'KHOR DE NYID SLAR YANG DBANG CHEN GYI DKYIL 'KHOR DU BSGOM PAR BYA'O, ,DE YANG JI LTA BU ZHE NA, JI SKAD DU GSANG BA THAMS CAD KYI RGYUD LAS, GRU BZHI PA LAS SHIN TU RGYAS, ,RIN CHEN SNA TSOGS RANG BZHIN BRTAN, ,SPROS PA'I 'OD ZER TSOGS KYIS NI, ,NAM MKHA' MA LUS LTOS KHYAB PA, ,RDO RJE CHEN PO GNYIS KYIS NI, ,KHA DOG SER POS MDZES BYAS PA, ,RNAM PAR SNANG MDZAD RANG BZHIN TE, ,SA YI DKYIL 'KHOR BSGOM PAR BYA, ,ZHES 'BYUNG NGO, ,DE NAS DE'I STENG DU YI GE SV'A SER PO YONGS SU GYUR PA LAS RIN CHEN 'BYUNG LDAN SKU MDOG SER PO ZHAL GSUM PHYAG DRUG PA, RIN PO CHE DANG, 'KHOR LO DANG, RDO RJE DANG, DRIL BU DANG, PADMA DANG, RAL GRI 'DZIN PA, M'A MA K'I NYID DANG SNYOMS PAR ZHUGS PAR BSAMS TE, YE SHES SEMS DPA'I THUGS KHA'I SA BON GYI THIG LE'I 'OD ZER GYI TSOGS KYIS RIN PO CHE'I 'BYUNG GNAS ZHES BYA BA'I 'JIG RTEN GYI KHAMS NA BZHUGS PA'I BCOM LDAN 'DAS RIN CHEN 'BYUNG LDAN BKUG LA DE NYID DU 'JUG PAR BYA STE, GNYIS KA BDE BA CHEN PO 'BAB PA'I DBANG GIS ZHU BA'I GZUGS SU BSAMS TE SA'I DKYIL 'KHOR DE NYID NAM MKHA' LTA BU SHIN TU RGYAS PAR BSAM BAR BYA'O,, YE SHES LNGA'I NGO BO NYID DE BZHIN GSHEGS PA RNAM PA LNGA RNAM PAR DAG PA RLUNG LA SOGS PA'I DKYIL 'KHOR GYI RANG BZHIN YE SHES KYI SA GZHI'O, ,DE'I RJES LA DE'I STENG DU KHA DOG SER PO YI GE SV'A YONGS SU GYUR PA LAS RIN PO CHE SNA BDUN GYI NGO BO NYID GRU BZHI PA RTZE MO BRGYAD KYIS NYE BAR MDZES PA, RGYAL PO CHEN PO BZHI LA SOGS PA'I LHA'I GNAS RIS DRUG GIS RNAM PAR BRGYAN PA YONGS SU 'DU ZHES BYA BA LA SOGS PA'I DPAG BSAM GYI SHING LA SOGS PAS NYE BAR BRGYAN PA'I RI'I RGYAL PO RNAM PAR BSAMS TE, DE'I STENG DU YI GE BHR'Um DKAR PO YONGS SU GYUR PA LAS 'KHOR LO RTZIBS BRGYAD PA BHR'Um GYIS MTSAN PA RNAM PAR BSGOMS TE DE'I 'OD ZER GYI TSOGS KYIS SNGA MA BZHIN RNAM PAR SNANG MDZAD 'JUG PAR BYA STE, DE YONGS SU GYUR PA LAS SLAR YANG RNAM PAR SNANG MDZAD RIG MA DANG BCAS PAR BSGOMS TE, PHYOGS BCU'I 'JIG RTEN GYI KHAMS NA BZHUGS PA'I DE BZHIN

GSHEGS PA 'JUG PA DE MA THAG TU RNAM PAR THIM ZHING THIG LE'I GZUGS SU BSGOM PAR BYA'O, ,DE'I RJES SU YE SHES KYI SA GZHI DANG RI RAB DANG THIG LE YONGS SU GYUR PA LAS GZHAL YAS KHANG PA BSGOM PAR BYA STE, JI SKAD DU, GRU BZHI PA LA SGO BZHI PA, ,RTA BABS BZHI POS RNAM PAR BRGYAN, , G-YER KA DAR DPYANG 'PHAN LA SOGS, ,RNGA YAB LA SOGS DAG GIS BRGYAN, ,MTSAMS KYI CHA RNAMS THAMS CAD DANG, ,SGO DANG SGO KHYUD ZUR RNAMS LA, ,RIN CHEN RDO RJE MDZES PAR NI, ,PHYI YI DKYIL 'KHOR BSGOM PAR BYA, ,LHA YI SNAM BU LA SOGS KYIS, ,KHYAD PAR DU NI RNAM PAR BRGYAN; ,BYANG CHUB PHYOGS CHOS TSOGS RNAMS KYI, ,RNAM PAR DAG NAS DRAN PAR BYA, ,ZHES GZHAL YAS KHANG PA BSGOM PA'I RIM PA'O, ,DE NAS GZHAL YAS KHANG PA'I DBUS SU PADMA 'DAB MA SNA TSOGS PA DANG, DE'I SHAR LA SOGS PA'I PHYOGS SU SNA TSOGS PADMA BZHI DANG, JI SRID SGO BA'I BAR DU SNA TSOGS PADMA SUM CU RTZA GNYIS BSGOM PAR BYA'O, ,DBUS KYI GDAN DANG M'A MA K'I'I GDAN DANG, KHRO BO BCU'I NYI MA'I GDAN DU SHES PAR BYA'O, ,LHAG MA RNAMS NI ZLA BA'I GDAN NO, ,DBUS SU SNA TSOGS PADMA DANG NYI MA'I STENG DU BCOM LDAN 'DAS KHA DOG GNAG PA ZHAL GSUM PA PHYAG DRUG PA, CUNG ZAD MCHE BA GTZIGS SHING TSAM NGAM PA 'OG NAS 'CHAD PA'I PHYAG MTSAN 'DZIN PA RDO RJE'I SKYIL MO KRUNG GIS BZHUGS PA BCOM LDAN 'DAS MA REG BYA RDO RJE MA DANG SNYOMS PAR ZHUGS PA, ZHI BA DANG SGEG PA DANG KHRO BO'I NYAMS DANG LDAN PA MYUR BA'I TING NGE 'DZIN GYIS RDZOGS PA MI BSKYOD RDO RJE BSGOM PAR BYA'O, ,DE BZHIN DU YANG SHAR LA SOGS PA'I PHYOGS SU RNAM PAR SNANG MDZAD LA SOGS PA ZHAL GSUM PA PHYAG DRUG PA DKAR BA LA SOGS PA'I MDOG DANG LDAN PA LA SOGS PA DANG SNYOMS PAR ZHUGS PA BSAM PAR BA'O, ,MTSAMS RNAMS LA YANG SPYAN LA SOGS PA'I RIGS KYI LHA MO RIGS DANG RJES SU MTHUN PA BSGOM PAR BYA'O, ,PHYI'I MTSAMS BZHI LA GZUGS RDO RJE MA LA SOGS PA DE BZHIN DU BSAM PAR BYA'O, ,SHAR GYI SNAM BU LA SA'I SNYING PO DANG BYAMS PA DAG GO, ,LHO'I SNAM BU LA PHYAG NA RDO RJE DANG NAM

, ,MKHA'I SNYING PO'O, ,NUB KYI SNAM BU LA 'JAM DPAL DANG SPYAN RAS GZIGS KYI DBANG PHYUG GO, ,BYANG GI SNAM BU LA SGRIB PA THAMS CAD RNAM PAR SEL BA DANG KUN TU BZANG PO DAG BSGOM PAR BYA'O, ,SGO RNAMS SU GSHIN RJE GSHED LA SOGS PA DANG SGO'I MTSAMS SU MI G-YO MGON LA SOGS PA DANG, STENG DANG 'OG TU GTZUG TOR 'KHOR LOS SGYUR BA DANG GNOD MDZES KYI RGYAL PO BSGOM PAR BYA'O, ,DE DAG GI KHA DOG DANG PHYAG MTSAN LA SOGS PA'I BYE BRAG 'OG NAS 'CHAD PAR 'GYUR RO ZHES LHAG PAR MOS PA'I DKYIL 'KHOR NYE BAR BSTAN TO, , DE NAS PHUNG PO DANG KHAMS DANG SKYE MCHED 'DI DAG THAMS CAD LHA'I NGO BO NYID THA MAL PA'I LUS RNAM PAR DAG PAS KHYAD PAR CAN GYI LHA'I RNAM PA'I BDAG NYID YIN YANG SPROS PA YIN PAS, DE RNAM PAR DAG PAR BYA BA'I PHYIR THAMS CAD STONG PA NYID NGO BO NYID DON DAM PA'I DKYIL 'KHOR DU THIM PAR BYA'O,, DE'I RIM PA 'DI YIN TE, GZUGS KYI PHUNG PO SPYI BOR RNAM PAR SNANG MDZAD DANG SPYAN MA DANG GZUGS RDO RJE MA DANG SA'I SNYING PO DANG BYAMS PA DANG GSHIN RJE MTHAR BYED DANG MI G-YO MGON RNAMS 'JUG PAR BYA'O, ,TSOR BA'I PHUNG PO LTE BAR RIN CHEN 'BYUNG LDAN DANG M'A MA K'I DANG SGRA RDO RJE MA DANG PHYAG NA RDO RJE DANG NAM MKHA'I SNYING PO DAG DANG SHES RAB MTHAR BYED DANG 'DOD PA'I RGYAL PO DAG 'JUG PAR BYA'O, ,'DU SHES KYI PHUNG PO'I MGRIN PAR 'OD DPAG MED PA DANG GOS DKAR MO DANG RDO RJE DRI MA DANG 'JAM DPAL DANG SPYAN RAS GZIGS KYI DBANG PHYUG DANG PADMA MTHAR BYED DANG DBYUG SNGON CAN 'JUG PAR BYA'O, , 'DU BYED KYI PHUNG PO RKANG PA DAG LA DON YOD GRUB PA DANG DAM TSIG SGROL MA DANG RO RDO RJE MA DANG SGRIB PA THAMS CAD RNAM PAR SEL BA DANG KUN TU BZANG PO DANG BGEGS MTHAR BYED DANG STOBS PO CHE RNAMS 'JUG PAR BYA'O, ,RNAM PAR SHES PA'I PHUNG PO SNYING GAR SKU'I DKYIL 'KHOR DE DAG THAMS CAD DANG GTZUG TOR DANG GNOD MDZES KYANG 'JUG PAR BYA'O, ,RNAM PAR SHES PA'I PHUNG PO YANG NAM MKHA'I DBYINGS ZHES BYA BA 'OD GSAL BA LA 'JUG PAR BYA'O, ,DE'I RIM PA NI REG BYA RDO RJE MA DANG SNYOMS PAR ZHUGS PA'I DBANG GIS TSANGS PA'I BU GA NA GNAS PA'I RTZA'I 'KHOR LO'I NANG NAS BYANG CHUB KYI

SEMS 'PHO BA'I TSE, SHES RAB KYI NGO BO NYID MTSAN MO'I CHA STE SNANG BA'O, ,YAN LAG THAMS CAD LA KHYAB PA'I DUS SU NYIN MO'I RANG BZHIN THABS KYI NGO BO NYID SNANG BA MCHED PA'O, ,RDO RJE 'CHANG ZUNGS SU GNAS PA'I BYANG CHUB KYI SEMS KYI THIG LA GSUM 'PHO BA'I GNAS SKABS SU MTSAMS KYI NGO BO NYID SHES RAB DANG THABS RO GCIG PA'I TSUL CAN SNANG BA THOB PA'O, ,DE'I RDZAS LA GSANG BA'I RDO RJE'I RTZE MOR NOR BU'I CHAR BYANG CHUB KYI SEMS KYI BDE BA NYAMS SU MYONG BA THOB PAS CHAGS PA DANG CHAGS PA DANG BRAL BA DANG CHAGS PA BAR PA RNAMS SPANGS PA SHES RAB DANG THABS DANG NYE BAR THOB PA DANG BRAL BA, THAMS CAD STONG PA'I BDAG NYID SKAD CIG MA GANG SHAR BA DE 'OD GSAL BA'I BDAG NYID CAN SKAD CIG MA YIN PAR SHES PAR BYA'O, ,SNANG BA NYE BAR THOB PA DANG 'OD GSAL BA'I SKAD CIG MA GNYIS KYI BAR DU RTAGS RNAM PA LNGA DE KHO NA NYID LA MTHONG BA LA MI SLU BAR BYED PA DE DAG BSHAD PAR BYA STE, DE LA DANG PO SMIG RGYU'I RNAM PA DANG, GNYIS PA DU BA'I RNAM PA DANG, GSUM PA MKHA' SNANG GI RNAM PA DANG, BZHI PA MAR ME'I RNAM PA DANG, LNGA PA SPRIN MED PA'I NAM MKHA' DANG MTSUNGS PAR SHES PAR BYA'O, ,DE LAS CHU LA THIM PAS SMIG RGYU'I RNAM PA DANG, CHU ME LA THIM PAS DU BA'I RNAM PA DANG, ME RLUNG LA THIM PAS MKHA' SNANG GI RNAM PA DANG, RLUNG NAM MKHA' LA THIM PAS MAR ME'I RNAM PA DANG, NAM MKHA' 'OD GSAL BA LA THIM PAS SPRIN MED PA'I NAM MKHA' LTA BU SKYE BAR 'GYUR ZHES RTAGS KYI DBYE BA'O, ,DE NAS BDE BA CHEN PO ZHES BYA BA'I RNAM GRANGS CAN 'OD GSAL BA 'BYUNG BAR 'GYUR RO, ,DE NYID KYI YAB YUM GNYIS KA ZHU BAR GYUR NAS ZLA BA NYA BA BZHIN DU GNAS PA STONG PA NYID GCIG PU'I BDAG NYID CAN DU GYUR PA, 'OD GSAL BA'I RANG BZHIN DU BSGOM PAR BYA ZHES PA 'DI NI DON DAM PA'I BDEN PA LA 'JUG PA'O, ,DE BRTAN PAR BYA BA'I PHYIR SNGAGS 'DI BRJOD PAR BYA STE, AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES DON DAM PA'I DKYIL 'KHOR NYE BAR BSTAN PA'O, ,JI SKAD DU RTZA BA'I RGYUD LAS KYANG, SKU YI RDO RJER CHUD PA YI, ,SANGS RGYAS CHO GA BZHIN BSAMS TE, ,DON DAM PA YI RDO RJE YIS, ,DE

, ,BZHIN NYID DU 'JUG PAR BYA, ,DE BZHIN GSHEGS PA'I TSOGS BSAD NA, ,DNGOS GRUB NGES PAR THOB PAR 'GYUR, ,ZHES 'BYUNG NGO, ,DE'I RJES LA SNGON DU BSHAD PA'I PADMA'I STENG DU YI GE GSUM LAS BYUNG BA'I NYI MA DANG PADMA DANG ZLA BA'I DKYIL 'KHOR DE BZHIN GSHEGS PA'I RIGS DANG RJES SU MTHUN PA'I KHA DOG RNAM PAR BSGOMS TE, DE'I STENG DU YI GE GSUM LAS BYUNG BA'I ZLA BA'I DKYIL 'KHOR BSAMS TE, 'OG GI ZLA BA DANG NYI MA DANG PADMA DANG ZLA BA'I DKYIL 'KHOR DE NYID DU BZHUGS PAR BSAM MO, ,RNAM PAR BYANG BA'I ZHEN PA YONGS SU BZLOG PAR BYA BA'I PHYIR SNGAGS 'DI BRJOD PAR BYA STE, AOm DHARMA DH'A TU DZNY'A NA BADZRA SVA BH'A BA A'ATMA KO&HAm, DE NAS ZLA BA'I DKYIL 'KHOR GYI STENG DU YI GE GSUM PO SNGAR BSHAD PA'I KHA DOG CAN RNAM PAR DGOD DE, YI GE GNYIS THUGS KYI RDO RJE'I SA BON LA NGES PAR 'JUG CING DE YONGS SU GYUR PA LAS, RDO RJE DMAR PO YI GE H'Um GIS BYIN GYIS BRLABS PA, DE'I 'OD ZER RNAMS KYIS NAM MKHA'I DBYINGS NA GNAS PA'I DE BZHIN GSHEGS PA'I TSOGS DE NYID DU 'JUG PAR BYAS LA SEMS CAN THAMS CAD KYI DON BYA STE, BCOM LDAN 'DAS CHU SHEL GYI NOR BU'I 'OD DANG 'DRA BA ZHAL GSUM PA PHYAG DRUG PA; ZLA BA'I DKYIL 'KHOR LA BZHUGS PA, DKAR PO DANG, NAG PO DANG, DMAR PO STE, ZHAL GSUM MDZES PA, RAL PA'I THOR TSUGS 'DZIN CING RDO RJE'I SKYIL MO KRUNG CAN, RDO RJE DANG, 'KHOR LO DANG, PADMA G-YAS NA BSNAMS PA, DRIL BU DANG, YID BZHIN GYI NOR BU DANG, RAL GRI G-YON NA BSNAMS PA, RGYAN THAMS CAD KYIS BRGYAN PA BDAG NYID BSGOM PAR BYA ZHES DBUS KYI BDAG PO BSKYED PA'I MTSAN NYID YAN LAG BCU DANG LDAN PA'I RNAL 'BYOR RO, ,DE'I RJES SU RANG GI SNYING GA'I SA BON GYI 'OD ZER LAS BCOM LDAN 'DAS MI BSKYOD PA SPROS TE SEMS CAN GYI KHAMS MA LUS PA'I NYON MONGS PA ZHE SDANG RNAM PAR DAG PAR BYAS TE, SLAR YANG GSHEGS SHING BDAG RDO RJE 'DZIN PA LA ZHUGS TE 'O MA DANG CHU BZHIN DU GCIG GI DNGOS POR GYUR PAR BSAM MO ,DE ZHUGS MA THAG TU NYI MA'I DKYIL 'KHOR LA BA ZHUGS PA NOR BU AI NDRA N'I LA'I MDOG CAN BCOM

LDAN 'DAS ZHE SDANG RDO RJE MI BSKYOD PA ZHES BYA BA BSGOM PAR BYA'O, ,DE'I THUGS KAR BAm LAS SKYES PA'I PADMA'I STENG DU AA LAS SKYES PA'I ZLA BA LA SA BON H'Um LAS SKYES PA'I RDO RJE LAS BYUNG BA'I THUGS RDO RJE 'DZIN PA DE DANG 'DRA BAR BSAMS TE, DE'I THUGS KAR DE BZHIN DU PADMA DANG ZLA BA LA GNAS PA, RANG GI CHOS KYI YI GE H'Um TING NGE 'DZIN SEMS DPA' ZHES BYA BA RNAM PAR DGOD DE, CHOS DANG LONGS SPYOD DANG SPRUL PA'I SKU'I BDAG NYID BSGOM PAR BYA ZHES RJES SU RNAL 'BYOR RO, ,DE'I RJES SU MIG GNYIS LA THLIm LAS SKYES PA'I SA'I SNYING PO'O, ,RNA BA GNYIS LA AOm LAS SKYES PA'I PHYAG NA RDO RJE'O, ,SNA BUG GNYIS LA AOm LAS SKYES PA'I NAM MKHA'I SNYING PO'O, ,LCE LA AOm LAS SKYES PA'I SPYAN RAS GZIGS DBANG PHYUG GO, ,LUS LA AOm LAS SKYES PA'I SGRIB PA RNAM PAR SEL BA'O, ,YID LA AOm H'Um LAS SKYES PA'I 'JAM PA'I DBYANGS SO, ,RTZA RGYUS THAMS CAD LA YI GE MEEm LAS SKYES PA'I BYAMS PA'O, ,YI GE SAm LAS KUN TU BZANG PO TSIG GIS THAMS CAD LA DGOD PAR BYA'O, ,ZHES MIG LA SOGS PA SKYE MCHED BYIN GYIS BRLAB PA'O, ,SRA BA'I MTSAN NYID JI SRID SHA DANG RUS PA LA SOGS PA'I TSOGS DE LA YI GE LAm LAS SKYES PA'I SANGS RGYAS SPYAN MA'O, ,JI SRID GSHER BA'I MTSAN NYID KHRAG LA SOGS PA DE DAG LA YI GE AE WAm LAS SKYES PA'I M'A MA K'I'O, ,JI SRID DROD KYI CHA DE DAG TU YI GE BAm LAS SKYES PA'I GOS DKAR MO'O, ,JI SRID G-YO 'GUL LA SOGS PA DE DAG LA YI GE TAM LAS SKYES PA'I DAM TSIG SGROL MA DGOD CES KHAMS BYIN GYIS BRLAB PA'O, ,SPYI BOR ZLA BA'I DKYIL 'KHOR GYI STENG DU YI GE AOm LAS SKYES PA'I RNAM PAR SNANG MDZAD DO, ,MGRIN PAR PADMA'I STENG DU YI GE A'A:LAS SKYES PA'I 'OD DPAG TU MED PA'O, ,THUGS KA'I RDO RJE DANG NYI MA'I STENG DU YI GE H'Um LAS SKYES PA'I MI BSKYOD PA'O, ,LTE BAR YI GE SV'A LAS SKYES PA'I RIN CHEN 'BYUNG LDAN NO, ,RKANG PA DAG LA YI GE H'A LAS SKYES PA DON YOD GRUB PA DGOD PAR BYA ZHES PHUNG PO BYIN GYIS BRLAB PA'O, ,SLAR YANG GSHIN RJE GSHED DPUNG PA G-YAS LA'O, ,SHES RAB MTHAR BYED DPUNG PA G-YON LA'O, ,KHA LA RTA MGRIN NO, ,RDO RJE LA BDUD RTZI 'KHYIL PA'O, ,LAG PA G-YAS PA LA MI G-YO MGON NO, ,G-YON

, ,PA LA 'DOD PA'I RGYAL PO'O, ,PUS MO G-YAS PA LA DBYUG SNGON CAN NO, ,G-YON PA LA STOBS PO CHE'O, ,SPYI BO LA GTZUG TOR 'KHOR LOS SGYUR BA'O, ,RKANG PA'I 'OG TU GNOD MDZES KYI RGYAL PO DGOD PAR BYA ZHES YAN LAG DANG NYING LAG THAMS CAD DU DGOD PA NI SHIN TU RNAL 'BYOR RO, ,DE'I SPYI BOR YI GE AOm LAS BYUNG BA'I ZLA BA'I DKYIL 'KHOR GYI STENG DU YI GE AOm KHA DOG DKAR PO DGOD DE, DE'I 'OD ZER GYI TSOGS LAS PHYI ROL DU SANGS RGYAS SPYAN MA'I TSOGS SPROS TE, NAM MKHA'I KHAMS NA 'OG MIN GYI GNAS SU BZHUGS PA'I BCOM LDAN 'DAS SKU RDO RJE 'KHOR DANG BCAS PA SANGS RGYAS SPYAN MA'I TSOGS DES RJES SU CHAGS PAR BYAS LA PHYAG GI ZHAGS PAS MGRIN PAR BCINGS TE BKUG PA GZHAL YAS KHANG PA'I MDUN DU PADMA DANG ZLA BA'I DKYIL 'KHOR GYI STENG DU BZHUGS PAR BSAMS TE, 'DI LTAR GSOL BA GDAB PAR BYA STE, DPAL LDAN SANGS RGYAS SKU 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN BRLABS GO 'PHANG NI, ,SKU YI RDO RJER MDZAD DU GSOL, ,ZHES BDAG PO'I TSIGS SU BCAD PA'I GSOL BA GDAB PA'O, ,PHYOGS BCUR BZHUGS PA'I SANGS RGYAS RNAMS, ,MI PHYED RDO RJE GSUM BSGOMS PAS, ,DENG BDAG BYIN BRLABS GO 'PHANG NI, ,SKU YI RDO RJER MDZAD DU GSOL, ,ZHES DE'I 'KHOR RNAMS LA GSOL BA GDAB PA'I TSIGS SU BCAD PA'O, ,DE'I RJES LA MCHOD PA RNAM PA LNGAS DE MCHOD NAS SPYAN GYI TSOGS DANG BCAS PA RNAM PAR SNANG MDZAD KYI TSOGS YI GE AOm LA 'JUG PAR BYA'O, ,ZHUGS PA'I DE MA THAG TU MTSAN DANG DPE BYAD KYIS BRGYAN PA'I BDAG NYID KYI LUS MTHONG NAS NGA RGYAL BYA'O, ,SANGS RGYAS KUN GYI SKU GANG YIN, ,PHUNG PO LNGA YIS RAB RDZOGS PA, ,SANGS RGYAS KUN GYI RANG BZHIN NI, ,BDAG LA'ANG DE DANG 'DRA BAR SHOG, AOm SARBA TA TH'A GA TA K'A YA BADZRA SV'A BH'A BA A'ATMA KO& HAM, DE'I 'OG TU MGRIN PA'I PHYOGS SU A'A: LAS SKYES PA'I PADMA'I STENG DU AA RNAM PAR DGOD DE, DE LAS BYUNG BA'I 'OD ZER GYI 'KHOR LOS GOS DKAR MO'I TSOGS SPROS PA DES NAM MKHA'I DBYINGS NA BDE BA CAN GYI 'JIG RTEN GYI KHAMS NA BZHUGS

PA'I 'OD DPAG TU MED PA 'KHOR DANG BCAS PA BKUG LA, SHAR GYI SGOR MNGON PAR PHYOGS PA PADMA DANG ZLA BA'I DKYIL 'KHOR DU BZHUGS PAR LTA STE, TSIGS SU BCAD PA 'DIS GSOL BA GDAB PAR BYA'O, ,DPAL LDAN CHOS KYI GSUNG LAM NYID, ,RDO RJE MI PHYED GSUM BSGOMS PAS, ,DENG BDAG BYIN BRLABS GO 'PHANG NI ,GSANG GI RDO RJER MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN BRLABS GO 'PHANG NI, ,GSUNG GI RDO RJER MDZAD DU GSOL, ,DE'I RJES SU MCHOD PA RNAM PA LNGAS MCHOD LA, ,'OD ZER GYI SGO NAS YI GE A'A: LA 'JUG PAR BYA'O, ,ZHUGS MA THAG TU DUNG G-YAS SU 'KHYIL BA'I DBYIBS CAN GYI MGRIN PA'I GNAS LAS BYUNG BA'I PADMA'I 'DAB MA DANG MTSUNGS PA'I YAN LAG DRUG CU DANG GSUNG RAB YAN LAG BCU GNYIS DANG LDAN PA TSANGS PA'I DBYANGS CAN RANG GI LCE LA BLTAS TE, TSIGS SU BCAD PA 'DIS 'DI LTAR NGA RGYAL 'DZIN PAR BYA STE, GANG ZHIG RDO RJE CHOS KYIS NI, ,GSUNG GI NGES TSIG PHUN SUM TSOGS, ,BDAG LA'ANG DE DANG 'DRA BA'I DAG ,RDO RJE 'DZIN DANG MTSUNGS PAR SHOG ,BRTAN PAR BYA BA'I PHYIR SNGAGS 'DI BRJOD PAR BYA'O, ,AOm SARBA TA TH'A GA TA B'A KA BADZRA SVA BH'A BA A'ATMA KO&HAm, DE'I RJES SU RANG GI THUGS KAR PADMA DANG NYI MA DANG RDO RJE'I STENG DU SPRIN GYI MDOG CAN YI GE H'UM RNAM PAR BKOD NAS, DE LAS BYUNG BA'I 'OD ZER GYI TSOGS LAS SPROS PA'I M'A MA K'I'I TSOGS DES NAM MKHA'I DBYINGS NA MNGON PAR DGA' BA'I 'JIG RTEN GYI KHAMS NA BZHUGS PA, ,DPAL MI BSKYOD PA 'KHOR DANG BCAS PA RJES SU CHAGS PAR BYA STE, PHYAG GI ZHAGS PA DAG GIS BKUG LA SHAR GYI SGOR MNGON PAR PHYOGS PA PADMA DANG NYI MA LA BZHUGS TE, TSIGS SU BCAD PA 'DIS GSOL BA GDAB PAR BYA STE, DPAL LDAN THUGS KYI RDO RJE NI, , RDO RJE MI PHYED GSUM BSGOMS PAS, ,DENG BDAG BYIN GYIS RLOB PA NI, ,THUGS KYI RDO RJE MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS RLOB PA NI, ,THUGS KYI RDO RJES MDZAD DU GSOL, ,SNGA MA BZHIN DU MCHOD

, ,PA RNAM PA LNGAS MCHOD CING 'OD ZER GYI SGO NAS M'A MA K'I'I TSOGS DANG BCAS PA DPAL MI BSKYOD PA 'KHOR DANG BCAS PA H'Um DE NYID DU 'JUG PAR BYA'O, ,ZHUGS MA THAG TU ME LONG DRI MA MED PA LTAR ME LONG LTA BU'I YE SHES KYI NGO BO NYID ZLA BA'I BDUD RTZI DANG MTSUNGS SHING DANGS PAR RANG GI SEMS BLTA STE, TSIGS SU BCAD PA 'DIS NGA RGYAL 'CHANG BA NI, ,GANG ZHIG KUN TU BZANG PO'I THUGS, ,BLO LDAN GSANG BA'I DBANG PO NI, ,BDAG LA'ANG DE DANG 'DRA BA'I THUGS, ,RDO RJE 'DZIN DANG MTSUNGS PAR SHOG ,BRTAN PAR BYA BA'I PHYIR SNGAGS 'DI BRJOD PAR BYA STE, AOm SARBA TA TH'A GA TA TZITTA BADZRA SVA BH'A BA A'ATMA KO&HAm, DE LTAR SKU LA SOGS PA THA DAD PAR BYIN GYIS BRLABS NAS, SNGAGS 'DIS CIG CAR DU YANG BYIN GYIS BRLAB PAR BYA BA YIN TE, AOm SARBA TA TH'A GA TA K'A YA B'A KA TZITTA BADZRA SVA BH'A BA A'ATMA KO&HAm, DE LTAR BDAG NYID NYI MA'I DKYIL 'KHOR GYI DBUS SU GNAS PA ZHAL GSUM PA PHYAG DRUG PA RDO RJE SKYIL MO KRUNG BCAS PA AI NDRA N'I LA'I MDOG CAN, RDO RJE DANG, DRIL BU DANG, 'KHOR LO DANG, RIN PO CHE DANG, PADMA DANG, RAL GRI 'DZIN PA CUNG ZAD MCHE BA GTZIGS PA SPRO BA DANG BSDU BA'I RIM PAS RANG DANG 'DRA BA'I LHAG PA'I BDAG PO DANG BCAS PA'I GSAL GYIN GSAL BA'I DKYIL 'KHOR GYI 'KHOR LO SKYED PAR BYED PA BCOM LDAN 'DAS YE SHES LNGA'I NGO BO NYID RDO RJE SEMS DPA' BSAM PAR BYA'O ZHES RNAL 'BYOR CHEN PO'O, ,DE LTAR RNAL 'BYOR BZHI'I BDAG NYID CAN DANG PO'I SBYOR BA ZHES BYA BA'I TING NGE 'DZIN TE, NGO BO NYID KYI SKU'O, ,DE'I RJES LA DKYIL 'KHOR RGYAL BA MCHOG GI TING NGE 'DZIN BRTZAM PA'I DUS SU PHYAG RGYA LEGS PAR SBYANG BA'I CHO GA NI 'DI YIN TE, DE LA PHYAG RGYA MTHA' YAS PA YIN PAS RIGS KYI DBYE BAS LNGA RU GYUR PA'O, ,DE LA YANG MDOR BSDU NA SKU DANG GSUNG DANG THUGS KYI DBYE BAS GSUM DU 'GYUR RO, ,DE LA THUGS KYI RDO RJE'I RNAL 'BYOR PA LA SME SHA CAN GYI BU MO AUTPALA SNGON PO'I MDOG 'DRA BA, LO BCU GNYIS LON PA BSNGAGS SO, ,GSUNG GI RDO RJE'I RNAL 'BYOR PA LA LO BCU DRUG PA GAR MKHAN MO DMAR MO BSNGAGS SO, ,SKU'I RDO RJE'I RNAL 'BYOR PA LA BTZO BLAG MKHAN GYI BU MO LO NYI SHU LON

PA MDOG DKAR MO BSNGAGS SO, ,'DIR YANG SME SHA CAN GYI BU MO AUTPALA SNGON PO'I MDOG DANG 'DRA BA BRANG SKYES SRA ZHING MTHO BA RGYAS PA DANG LDAN PA LO BCU GNYIS PA BLANGS TE, MDUN DU ME'I DKYIL 'KHOR ZUR GSUM PA LA GNAS PAR BSAMS TE, RANG GI SNYING GA NAS SPROS PA'I REG BYA RDO RJE MA DANG SNYOMS PAR ZHUGS PA'I BDAG NYID BSGOMS TE, YE SHES SEMS DPA'I THUGS KA NA GNAS PA'I RDO RJE RTZE LNGA PA DMAR PO DE'I CHANG ZUNGS NA GNAS PA'I H'Um DMAR PO LAS BYUNG BA'I 'OD ZER GYI 'KHOR LO ME 'BAR BA SPRO BA'I SNA BUG G-YAS PA NAS NGES PAR 'BYUNG BA DES SME SHA CAN GYI BU MO'I LUS PO BSREGS TE THAL BAR GYUR PA LAS THAL BA DE YANG RLUNG DRAG PO'I SHUGS CAN GYIS PHYOGS BCUR KHYER ZHING DE'I RNAM PAR SMIN PA MAR ME DANG 'DRA BA DANG, NOR BU DAD PA'I 'OD ZER DANG 'DRA BA MI G-YO BAR BSGOM STE, SNGAR BYUNG BA'I 'OD ZER GYIS SNA BUG G-YON PA NAS NANG DU BSDUS TE, LAM DBUS MA 'DOD PA'I GDUGS ZHES BYA BA'I RTZA NAS ZLA BA ZHU BA'I GZUGS SU SPROS TE REG BYA RDO RJE MA'I CHOS 'BYUNG BA'I PHYAG RGYA'I NANG DU GNAS PA'I 'DAB MA SNA TSOGS PA'I PADMA'I LTE BA LA GNAS PA'I ZLA BA'I DKYIL 'KHOR GYI STENG DU BDE BA CHEN PO 'BAB PAS DBANG DU GYUR PAS BYANG CHUB KYI SEMS THIG LE'I TSUL DU DGOD PAR BYA'O, ,DGOD PA'I DE MA THAG TU LHA MO REG BYA RDO RJE MA DANG 'DRA BA ZHAL GSUM PHYAG DRUG PA MDOG SNGO BSANGS MA RDO RJE DANG 'KHOR LO DANG PADMA DANG DRIL BU DANG YID BZHIN NOR BU DANG RAL GRI 'DZIN PA, RDO RJE'I SKYIL KRUNG GIS GNAS PA, SGEG PA DANG BZHAD PA DANG RNAM PAR ROL PA CAN 'BYUNG BAR BSAMS TE, DE'I SNYING KHAR RANG GI CHOS KYI YI GE LAS 'BYUNG BA'I PADMA DANG ZLA BA LA GNAS PA'I YE SHES KYI LHA MO DE'I RNAM PAR BKOD LA, DE YANG SNYING KHAR SNGA MA BZHIN DU RANG GI CHOS KYI YI GE LAS BYUNG BA'I RDO RJE'I STENG DU RANG GI CHOS KYI YI GE LA BLTAS TE, GSANG BA'I RDO RJE DANG CHU SKYES KYI BYA BA LAS BYUNG BA'I 'OD ZER GYI 'KHOR LOS PHYI ROL TU SPROS TE DE DANG LHAN CIG TU MAR LA MAR THIM PA BZHIN DU RO GCIG PAR BYAS LA, SPYI BO DANG LKOG MA DANG SNYING GA DANG LTE BA DANG RKANG PA'I BOL DAG TU RIM

, ,PA BZHIN, AOm A'A: H'Um SV'A H'A SA BON 'DI DAG DGOD DE, NU MA GNYIS KYI STENG DU SA'I RANG BZHIN SA BON LAm LAS SKYES PA'I SANGS RGYAS SPYAN BSAMS TE, DE YONGS SU GYUR PA LAS SLAR YANG NU MA GNYIS SU BSGOM MO, ,MA MCHU LA YANG CHOS KYI YI GE MAm LAS 'BYUNG BA'I M'A MA K'I YONGS SU GYUR PA LAS SLAR YANG MA MCHUR BSGOM MO, ,GSANG BA'I PADMA LA YANG YI GE BAm LAS SKYES PA'I GOS DKAR MO ME'I KHAMS KYI RANG BZHIN CAN RNAM PAR BSGOMS TE, DE'I NANG GI KHONG STONG LA YANG RLUNG GI KHAMS KYI NGO BO NYID YI GE TAm YONGS SU GYUR PA LAS DAM TSIG SGROL MA YAm YONGS SU GYUR PA LAS KHONG STONG NAM MKHA' LTA BU BSKYED PAR BYA'O, ,DE'I GZUGS LA GZUGS RDO RJE MA DANG, DE'I PADMA LA SOGS PA'I DRI RNAMS LA YANG DRI RDO RJE MA DANG, DE'I SKAD SNYAN PA LA SGRA RDO RJE MA DANG, DE'I KHA MTSAN KHUNG GNYIS NU MA GNYIS LTE BA LA SOGS PA'I RO DRUG LA RDO RJE MA DE DAG DZA: H'Um BA HO: ,SA BON LAS SKYES PA RNAM PAR DGOD DO, ,DE RNAMS DANG LHAN CIG TU SA'I SNYING PO LA SOGS PA DANG SNYOMS PAR ZHUGS PAR BSAMS TE, G-YAS PA DANG G-YON PA'I PHYAG GNYIS DANG KHA DANG GSANG BA DANG, G-YAS PA DANG G-YON PA'I DPUNG PA GNYIS DANG DE BZHIN DU G-YAS DANG G-YON PA'I PUS MO DANG, SPYI BO DANG RKANG PA'I MTHIL DU RIM PA JI LTA BA BZHIN DU RDO RJE RO LANGS MA DANG, GZHAN GYIS MI THUB MA DANG, KHRO GNYER MA DANG, RAL PA GCIG MA DANG, SNA TSOGS RDO RJE MA DANG, RIN CHEN SNA TSOGS MA DANG; PADMA SNA TSOGS MA DANG, LAS SNA TSOGS MA DANG, NAM MKHA' RDO RJE MA DANG, SA 'DZIN MA KHRO BO'I RGYAL PO RNAMS KYI BTZUN MO, ,GSHIN RJE GSHED LA SOGS PA KHRO BO BCU'I MDOG DANG MTSUNGS PA ZHAL GSUM PA PHYAG DRUG PA DGOD PAR BYA'O, ,DE'I RJES LA BDAG NYID KYI RDO RJE SA BON H'Um LAS YONGS SU RDZOGS PA'I RDO RJE RTZE LNGA PA'I RNAM PA TSANGS PAS BYIN GYIS BRLABS PA'I NOR BU'I CHA DANG LDAN PAR BYA STE, LHA MO LA YANG AA LAS SKYES PA'I PADMA DMAR PO 'DAB MA BRGYAD PA, DE'I LTE BAR CHAR 'BAB PA DGAG PAR BYA BA'I PHYIR YI GE PHAt KYIS BYIN GYIS BRLABS TE

DE GNYIS KA LAS KYANG KHA DOG SNA LNGA PA'I 'OD ZER GYI 'KHOR LO BYUNG BAR BSAMS TE, BSNYEN PA MCHOG LA SOGS PA'I RIM GYIS BSGRUB PA LA BRTZAM PAR BYA'O, ,DE LA BSGRUB BYA DANG SGRUB BYED KYI SBYOR BA NI BSNYEN PA'O, ,RDO RJE DANG PADMA 'DUS PA NI NYE BAR SGRUB PA'O, ,SA BON GYI BYIN GYIS BRLABS PA DE DAG GIS BSKYOD PA NI SGRUB PA'O, ,DE LAS BDE BA CHEN PO NYAMS SU MYONG BA NI SGRUB PA CHEN PO'O, ,JI SKAD DU RGYUD PHYI MA LAS, GANG PHYIR BSGRUB BYA SGRUB BYED KYI, ,SBYOR BA BSNYEN PA YIN PAR 'DOD, ,RDO RJE PADMA MNYAM SBYOR BAS, ,NYE BAR SGRUB PAR GSUNGS PA YIN, ,SGRUB PA BSKYOD PA RAB BSHAD PA, ,H'Um PHAt YANG DAG LDAN PA STE, ,RANG NGO RANG BDE ZHI BA NI, ,SGRUB PA CHEN PO YIN PAR 'DOD, ,CES 'BYUNG NGO, ,DE'I 'OG TU 'DOD CHAGS CHEN PO'I DBYANGS KYIS DE BZHIN GSHEGS PA 'JUG PA SNGON DU 'GRO BA RDO RJE DANG PADMA SNYOMS PAR 'JUG PA'I DUS SU BCOM LDAN 'DAS RIN CHEN 'BYUNG LDAN GYI SNGAGS BRJOD PAR BYA STE, AOm SARBA TA TH'A GA TA AA NU R'A GA NA BADZRA SVA BH'A BA A'ATMA KO&HAm, YAN LAG DANG NYING LAG THAMS CAD LA PHYUNG ZHING RDO RJE'I CHANG ZUNGS SU GNAS PA'I BYANG CHUB KYI SEMS, H'Um GI SGRA BRJOD CING DE'I 'OG TU PHAt KYI SGRAS DE BZHIN GSHEGS PA THAMS CAD 'DUS PA'I BLOS PADMA'I NANG ZLA BA'I DKYIL 'KHOR GYI STENG DU DBYUNG BAR BYA'O, ,DE'I SNGAGS 'DI YIN TE, AOm SARBA TA TH'A GA TA P'U DZA BADZRA SVA BH'A BA A'ATMA KO&HAm, BCOM LDAN 'DAS DON YOD GRUB PA'I SNGAGS SO, ,BYANG CHUB KYI SEMS DE NYID AOm BADZRA DHRi KA CES SNGAGS KYI TSUL DU YONGS SU GYUR PA LAS MI BSKYOD PA ZHAL GSUM PA PHYAG DRUG PA SKU MDOG SNGON PO MCHE BA GTZIGS PA TSAM NGAM PA SEMS DPA' GSUM GYI BDAG NYID CAN PHYIR SPROS PA DES ZHE SDANG LA SOGS PA'I SEMS CAN GYI KHAMS SBYANGS LA, MNGON PAR DGA' BA'I 'JIG RTEN GYI KHAMS SU RAB TU DGOD DE, SLAR YANG GSHEGS NAS PHYOGS BCU LA GZIGS TE RDO RJE SEMS DPA' DE NYID DANG LHAN CIG TU MAR LA MAR THIM PA BZHIN DU GCIG TU GYUR PA DPAL MI BSKYOD RDO RJE BSGOM PAR BYA'O, ,PHYAG LA SOGS PA'I BSHAD

, ,PA'I RGYUD LAS GSUNGS PA NI JI SKAD DU, AI NDRA N'I LA'I MDOG DANG MTSUNGS, ,CUNG ZAD MCHE BA GTZIGS PA STE, ,NYI MA'I DKYIL 'KHOR LA GNAS PA, ,ZHAL GSUM PHYAG DRUG GZI BRJID CHE, ,RDO RJE 'KHOR LO CHU SKYES NI, ,G-YAS PA'I PHYAG DU BSGOM PAR BYA, ,DRIL BU YID BZHIN NOR BU DANG, ,DE BZHIN RAL GRI PHYAG G-YON NA'O, ,MGON PO RDO RJE SKYIL KRUNG CAN, ,RAL BA'I THOR TSUGS 'DZIN PA MCHOG ,ZHI BA RJES CHAGS SGEG PA DANG, ,ZHAL GSUM PO NI RNAM PAR MDZES, ,SPROS PA'I 'OD ZER 'KHOR LOS NI, ,NAM MKHA'I GTOS NI MA LUS KHYAB, ,ZHE SDANG RDO RJE'I GO 'PHANG GNAS, ,BDAG NYID DE LTAR BSGOM PAR BYA, ,ZHES 'BYUNG NGO, ,DE'I RJES LA BYANG CHUB SEMS KYI THIG LE GNYIS PA DZI NA DZi KA ZHES SNGAGS KYI TSUL DU SPROS TE, PADMA'I NANG DU RNAM PAR SNANG MDZAD KYI GZUGS YONGS SU GYUR PA PHYI ROL DU SPROS TE GTI MUG LA SPYOD PA'I SEMS CAN GYI KHAMS SBYANGS NAS 'OG MIN GYI GNAS SU DGOD DE, SLAR YANG GSHEGS NAS PHYOGS BCUR GZIGS PA SNGON DU 'GRO BAS MDUN DU ZLA BA'I DKYIL 'KHOR 'KHOR LOS MTSAN PA LA BZHUGS PAR BSGOM PAR BYA'O, ,RDO RJE PHRENG BA LAS KYANG, DE YI RTZA BA'I PHYAG LA NI, ,'KHOR LO RTZIBS NI BRGYAD PA MCHOG ,KHA DOG DKAR ZHING KUNDA 'DRA, ,ZHI BA YI NI GZUGS 'CHANG BA, ,LHAG MA THAMS CAD SNGON BZHIN DU, ,MDOR BSDUS PAR NI SHES PAR BYA, ,ZHES 'BYUNG NGO, ,DE'I RJES SU SLAR YANG BYANG CHUB KYI SEMS KYI THIG LE RADNA DHRi KA CES BYA BA'I SNGAGS KYI TSUL DU YONGS SU GYUR PA'I RIN CHEN 'BYUNG LDAN DE NYID DU SPROS TE PHYIR GSHEGS SHING NGA RGYAL LA SPYOD PA'I SEMS CAN GYI KHAMS SBYANGS TE, RIN CHEN 'BYUNG LDAN GYI 'JIG RTEN GYI KHAMS SU RAB TU BKOD DE, SLAR YANG GSHEGS NAS PHYOGS BCUR GZIGS NAS LHO'I PHYOGS SU ZLA BA'I DKYIL 'KHOR LA RTZIBS DRUG PA'I RIN PO CHE'I STENG DU BZHUGS PAR BSAM MO, ,DE'I RTZA BA'I PHYAG NA YID BZHIN GYI NOR BU, SKU MDOG SER PO

SHES PAR BYA'O, ,LHAG MA NI SNGA MA BZHIN NO, ,DE'I RJES SU BYANG CHUB KYI SEMS KYI THIG LE A'A RO Li KA CES BYA BA'I SNGAGS KYI TSUL DU YONGS SU GYUR PA 'OD DPAG TU MED PA'I GZUGS DE NYID DU SPROS TE, PHYI ROL TU GSHEGS NAS 'DOD CHAGS LA SPYOD PA'I SEMS CAN GYI KHAMS SBYANGS TE, BDE BA CAN GYI 'JIG RTEN GYI KHAMS SU BKOD DE, SLAR YANG GSHEGS NAS PHYOGS BCU LA GZIGS TE NUB KYI PHYOGS SU ZLA BA DANG PADMA'I STENG DU BZHUGS PAR BSAM MO, ,'DI'I RTZA BA'I PHYAG GNYIS KYIS PADMA BSKUM PA RGYAS PAR BYED PA SKU MDOG DMAR PO BSGOM PAR BYA'O, ,LHAG MA NI SNGA MA BZHIN NO, ,DE'I RJES SU YANG SLAR BYANG CHUB KYI SEMS KYI THIG LE PRADZNY'A DHRi KA CES PA'I SNGAGS KYI TSUL DU YONGS SU GYUR PA DE LAS DON YOD GRUB PA DE NYID DU SPROS TE PHYI ROL DU GSHEGS NAS PHRAG DOG LA SPYOD PA'I SEMS CAN GYI KHAMS SBYANGS NAS, ME TOG CAN ZHES BYA BA'I SANGS RGYAS KYI ZHING DU RAB TU GNAS PAR MDZAD NAS SLAR YANG GSHEGS TE, PHYOGS BCUR GZIGS NAS BYANG GI PHYOGS SU SNA TSOGS PADMA DANG SNA TSOGS RDO RJES MTSAN PA'I NYI MA'I DKYIL 'KHOR GYI STENG DU BZHUGS PAR BSAM MO, ,DE'I RTZA BA'I PHYAG G-YAS PA LA RAL GRI DANG SKU MDOG SNGO BSANGS SU BSAM PAR BYA ZHES LHAG MA RNAMS SNGA MA BZHIN NO, ,DE DAG NI PHUNG PO LNGA DANG, 'BYUNG BA CHEN PO LNGA DANG, DBANG PO LNGA DANG, RNAM PAR SHES PA LNGA DANG, NAM MKHA' RNAM PAR DAG PA'I YE SHES LNGA'I NGO BO NYID DE BZHIN GSHEGS PA LNGA PO SHES PAR BYA'O, ,JI SKAD DU, ZHE SDANG GTI MUG 'DOD CHAGS DANG, ,DAM TSIG NOR BU'I RIGS DE BZHIN, ,DE DAG RIGS NI LNGA NYID DE, ,'DOD DANG GROL BA RAB SGRUB BYED, CES 'BYUNG NGO, ,DE'I RJES LA MO HA RA TI ZHES SNGAGS KYI TSUL DU YONGS SU GYUR PA'I THIG LE LAS SANGS RGYAS SPYAN MA DE NYID DU BSKYED PA'I PHYIR SPROS TE, BDAG TU GTI MUG PA'I RNAM PAR RTOG PA SBYANGS TE SA'I KHAMS LA MNGON PAR ZHEN PA RNAMS RNAM PAR SNANG MDZAD KYI ZHING LA BKOD DE, ,SLAR YANG GSHEGS NAS ME'I MTSAMS SU PADMA DANG ZLA BA'I DKYIL 'KHOR GYI STENG DU BZHUGS

, ,PAR BSAM MO, ,DE'I RJES SU DVE shA RA TI ZHES BYA BA'I SNGAGS KYI TSUL DU YONGS SU GYUR PA'I THIG LE LAS M'A MA K'I DE NYID DU BSKYED LA CHU'I KHAMS LA MNGON PAR ZHEN PA RNAMS KYI BDAG TU NGA RGYAL BA'I RNAM PAR RTOG PA SBYANGS TE, RIN CHEN 'BYUNG LDAN GYI ZHING KHAMS SU RNAM PAR DKOD DE SLAR YANG GSHEGS SHING BDEN BRAL GYI MTSAMS SU PADMA DANG NYI MA'I DKYIL 'KHOR GYI STENG DU BZHUGS PAR BSAM PAR BYA'O, ,DE'I 'OG TU R'A GA RA TI ZHES BYA BA'I SNGAGS KYI TSUL DU YONGS SU GYUR PA LAS GOS DKAR MO DE NYID DU BSKYED DE PHYIR SPROS LA ME'I KHAMS LA MNGON PAR ZHEN PA RNAMS KYI BDAG TU CHAGS PA'I RNAM PAR RTOG PA SBYANGS TE, SNANG BA MTHA' YAS KYI ZHING KHAMS SU BKOD PAR BYAS LA, SLAR YANG GSHEGS TE RLUNG GI MTSAMS SU PADMA DANG ZLA BA'I DKYIL 'KHOR LA BZHUGS PAR BSAM MO, ,DE NAS BADZRA RA TI ZHES BYA BA'I SNGAGS KYI TSUL DU YONGS SU GYUR PA THIG LE LAS LHA MO SGROL MA DE NYID DU BSKYED DE DE PHYIR SPROS LA RLUNG GI KHAMS LA MNGON PAR ZHEN PA RNAMS KYI BDAG TU LTA BA'I RNAM PAR RTOG PA 'JOMS SHING DON YOD GRUB PA'I ZHING DON YOD GRUB PA'I ZHING DU RNAM PAR DKOD DE SLAR YANG GSHEGS NAS DBANG LDAN GYI MTSAMS SU PADMA DANG ZLA BA'I DKYIL 'KHOR DU BZHUGS PAR BSAM MO, ,RIGS KYI BTZUN MO BZHI PO DE DAG GZHAL DANG PHYAG DANG MTSON CHA DANG SKU MDOG DANG GNAS STABS GTZO BO BZHIN DU 'DZIN PA, LHA'I GZUGS CAN RGYAN THAMS CAD KYIS BRGYAN PA 'DOD KYANG, KHYAD PAR DU NI M'A MA K'I'I PHYAG MTSAN NI RDO RJES MTSAN PA'I AUTPALA'O, ,LHA MO SGROL MA'I AUTPALA SER PO'O, ,DE DAG KYANG STONG PA NYID RNAM PAR THAR PA BZHI DANG, TSAD MED PA BZHI DANG, PHRIN LAS BZHI DANG, PHA ROL TU PHYIN PA BZHI DANG, BSDU BA'I DNGOS PO BZHI'I NGO BO NYID DU SHES PAR BYA'O ZHES NANG GI PHO BRANG GCIG GO, ,DE'I PHYI ROL DU GRU BZHI PA DE'I ZUR BZHI'I NANG DU, DZA: H'Um BAm HO: ,ZHES BYA BA'I SNGAGS KYI TSUL DU THIG LE YONGS SU GYUR PA LAS GZUGS RDO RJE MA LA SOGS PA'I MCHOD PA'I LHA MO BZHI DE NYID DU BSKYED

LA; PHYI ROL DU SPROS TE GZUGS LA SOGS PA'I MNGON PAR ZHEN PA RNAMS LA 'DOD PA'I YON TAN SBYANGS TE, RANG GI RIGS KYI BDAG PO'I ZHING KHAMS SU BKOD PAR BYAS LA, SLAR YANG GSHEGS TE SNGA MA BZHIN DU ZUR BZHIR ZLA BA RNAMS LA BZHUGS PAR BSAM MO, ,DE RNAMS KYI RTZA BA'I PHYAG G-YAS PA'I DANG PO RNAMS LA ME LONG DANG RGYUD MANGS DANG DRI'I DUNG CHOS DANG BDUD RTZI LNGAS GANG BA'I SNOD BSGOM PAR BYA'O, ,LHAG MA NI SANGS RGYAS SPYAN LA SOGS PA BZHIN DU SHES PAR BYA'O, ,DE RNAMS THLIm MAM SA BON LAS YONGS SU RDZOGS PA SA'I SNYING PO DANG BYAMS PA DAG GIS THIG LE'I GZUGS LAS DE NYID DU SPOS TE DE'I PHYI ROL DU GSHEGS NAS SEMS CAN THAMS CAD KYI MIG LA SOGS PA'I DBANG PO LHA'I MIG TU BYAS PA DANG, RTZA RGYUS KYI DRA BA YANG SANGS RGYAS KYI SKU DANG 'DRA BAR BSKYED DE, RANG GI RIGS KYI BDAG PO'I ZHING KHAMS SU RAB TU BKOD CING SLAR YANG GSHEGS NAS SHAR GYI SNAM BU LA ZLA BA'I DKYIL 'KHOR BDAG PO LA 'DUD PAR BYED CING GNAS PAR BSGOM MO, ,DE DAG RIM PA BZHIN DU DKAR PO DANG SER POR SKU MDOG SHES PAR BYA'O, ,RTZA BA'I PHYAG DANG PO'I PHYAG MTSAN NI RANG RANG GI RIGS KYI BDAG PO'I BZHIN NO, ,'ON KYANG BYAMS PA'I PHYAG DU N'A GA GE SAR GYI SHING GI YAL GA'O, ,DE'I RJES SU AOm GNYIS THIG LE'I GZUGS SU YONGS SU GYUR PA LAS PHYAG NA RDO RJE DANG NAM MKHA'I SNYING PO DE NYID DU SPROS TE, PHYI ROL DU GSHEGS NAS SEMS CAN THAMS CAD KYI RNA BA DANG SNA'I DBANG PO SBYANGS TE LHA'I DBANG POR BYAS LA, RANG GI RIGS KYI BDAG PO'I ZHING KHAMS SU GNAS PAR MDZAD CING SLAR YANG GSHEGS TE LHA'I SNAM BU LA ZLA BA'I DKYIL 'KHOR DU BDAG PO LA 'DUD PA SNGON DU 'GRO BAR BZHUGS PAR BSAM MO, , 'DI DAG GI ZHAL LA SOGS PA NI LHAG PA'I LHA'I BDAG PO BZHIN NO, ,'ON KYANG PHYAG NA RDO RJE NAG PO DANG, NAM MKHA'I SNYING PO SER PO'O, ,DE'I RJES SU H'Um DANG AOm SA BON LAS THIG LE'I GZUGS DE DAG LAS BYUNG BA 'JAM DPAL DANG SPYAN RAS GZIGS KYI DBANG PHYUG DE NYID

, ,DU SPROS TE PHYI ROL DU GSHEGS NAS SEMS CAN GYI LCE DANG YID KYI DBANG PO DAG LHA'I RANG BZHIN DU BYAS NAS RANG GI RIGS KYI BDAG PO'I ZHING KHAMS SU RAB TU BKOD DE, SLAR YANG GSHEGS NAS NUB KYI SNAM BU LA ZLA BA'I DKYIL 'KHOR GNYIS KYI STENG DU RANG GI BDAG PO LA 'DUD PA SNGON DU 'GRO BAR BZHUGS SO, ,SKU MDOG NI DMAR PO DANG DKAR PO STE LHAG MA NI BDAG PO BZHIN NO, ,DE'I 'OG TU SAm DANG AOm SA BON DAG LAS GRUB PA KUN DU BZANG PO DANG SGRIB PA THAMS CAD RNAM PAR SEL BA DE NYID SPROS TE, SEMS CAN THAMS CAD KYI YAN LAG GI TSIGS DANG, LUS KYI DBANG PO RNAM PAR SBYANGS TE LHA'I GZUGS SU BSKYED LA RANG GI RIGS KYI BDAG PO'I ZHING KHAMS SU RAB TU BKOD DE, SLAR YANG GSHEGS NAS BYANG GI SNAM BUR ZLA BA'I STENG DU BDAG PO LA 'DUD PA MDZAD CING BZHUGS SO, ,SKU MDOG NI DMAR PO DANG LJANG GU DAG GO, ,LHAG MA NI BDAG PO BZHIN NO, ,BYANG CHUB SEMS DPA' BRGYAD PO DE DAG NI LE'U BCU GNYIS PA LAS PHYAG RGYA CHEN PO YONGS SU GYUR PA'I GNAS SKABS SU GSUNGS PA'I SA BON LAS SHES PAR BYA'O, ,'DIR YANG 'CHAD PAR 'GYUR TE, DE LTAR LAS KYI LAM RNAM PAR DAG PA SO SOR BSTAN ZHES BYA BA LA SOGS PAS SO, ,DE'I RJES SU YA M'A NTA KRi TA CES BYA BA'I SNGAGS LAS RDZOGS PA GSHIN RJE GSHED PO DE NYID DU SPROS TE PHYI ROL DU GSHEGS NAS PHUNG PO'I BDUD DANG NYON MONGS PA'I SGRIB PA DANG 'JIG TSOGS LA LTA BA DANG MA DAD PA RNAM PAR BCOM STE, SEMS CAN THAMS CAD DAD PA'I DBANG PO LA NGES PAR BKOD DE, SLAR YANG GSHEGS NAS SHAR GYI SGOR PADMA DANG NYI MA'I DKYIL 'KHOR GYI STENG DU BZHUGS PAR BSAM MO, ,'DI'I RTZA BA'I PHYAG G-YAS PA LA THO BA'O, ,SKU MDOG NAG PO LHAG MA RNAMS NI SNGA MA BZHIN NO, ,DE'I 'OG TU PRADZNY'ANTA KRiTA CES BYA BA'I SNGAGS LAS RDZOGS PA'I SHES RAB MTHAR BYED DE NYID DU SPROS TE PHYI ROL DU GSHEGS NAS 'CHI BDAG GI BDUD DANG SHES BYA'I SGRIB PA DANG MTHAR 'DZIN PA'I LTA BA DANG LE LO RNAM PAR 'JOMS

SHING; SEMS CAN THAMS CAD BRTZON 'GRUS KYI DBANG PO LA RNAM PAR BKOD DE, SLAR YANG GSHEGS NAS LHO'I SGOR PADMA DANG NYI MA'I DKYIL 'KHOR GYI STENG DU BZHUGS PAR BSAM MO, ,RTZA BA'I PHYAG G-YAS PAS DBYUG PA BSNAMS PA'O, ,SKU MDOG DKAR PO'O, ,LHAG MA SNGA MA BZHIN NO, ,DE'I 'OG TU PADMA M'ANTA KRiTA CES BYA BA'I SNGAGS LAS GRUB PA PADMA MTHAR BYED DE NYID DU SPROS TE PHYI ROL DU GSHEGS NAS NYON MONGS PA'I BDUD DANG LAS KYI SGRIB PA DANG LTA BA LOG PA DANG BRJED NGAS PA RNAM PAR 'JOMS SHING, SEMS CAN GYI KHAMS DRAN PA'I DBANG PO LA GNAS PAR BYAS NAS, SLAR YANG GSHEGS TE NUB KYI SGOR PADMA DANG NYI MA'I DKYIL 'KHOR GYI STENG DU BZHUGS SO, ,RTZA BA'I PHYAG G-YAS PAS PADMA BSNAMS PA'O, ,SKU MDOG DMAR PO'O, ,LHAG MA NI BDAG PO BZHIN NO, , DE NAS BIGHN'ANTA KRiTA CES BYA BA'I SNGAGS LAS SKYES PA BGEGS MTHAR BYED DE NYID DU SPROS NAS PHYIR GSHEGS TE, LHA'I BU'I BDUD DANG RNAM PAR SMIN PA'I SGRIB PA DANG LTA BA MCHOG TU 'DZIN PA DANG, G-YENG BA RNAMS RNAM PAR 'JOMS SHING TING NGE 'DZIN GYI DBANG PO LA SEMS CAN THAMS CAD RAB TU BKOD DE, SLAR YANG GSHEGS NAS BYANG PHYOGS KYI SGOR PADMA DANG NYI MA'I DKYIL 'KHOR LA BZHUGS SO, ,RTZA BA'I PHYAG G-YAS PAS RDO RJE 'DZIN PA SKU MDOG MANG+GAD [?] LTA BU STE, LHAG MA NI SNGA MA BZHIN NO, ,KHRO BO DE RNAMS G-YAS BRKYANG PA DANG G-YON BRKYANG PA DANG MNYAM PA DANG MI MNYAM PA'I STANG STABS KYIS BZHUGS PAR BSAM MO, ,DE'I 'OG TU SV'A H'A A'A: AOm H'Um BHR'Um SA BON DRUG LAS RDZOGS PA MI G-YO MGON DANG, DBYUG SNGON CAN DANG, 'DOD PA'I RGYAL PO DANG, STOBS PO CHE DANG, GNOD MDZES KYI RGYAL PO DANG, GTZUG TOR 'KHOR LOS SGYUR BA SNGA MA BZHIN DU SPROS NAS PHYIR GSHEGS TE MIG LA SOGS PA'I RNAM PAR SHES PA DRUG GI RNAM PAR RTOG PA'I DRI MA SBYANGS TE, SEMS CAN GYI KHAMS PHA ROL TU PHYIN PA DRUG DANG LDAN PA DANG MNGON PAR SHES PA DRUG THOB PAR BYAS TE, SLAR YANG GSHEGS TE

, ,SHAR LA SOGS PA'I SGO'I MTSAMS RNAMS DANG, STENG DANG 'OG DAG TU BZHUGS PAR BSAM MO, ,DE RNAMS KYI SKU MDOG NI RANG RANG GI RIGS DANG MTHUN PA ZHES LA LA 'DOD DO, ,DRUG CAR SKU MDOG NAG PO YIN ZHES DPAL KLU SGRUB KYI ZHAL SNGA NAS BZHED DO, DE DAG G-YON BRKYANG PA'I STANG STABS CAN NO, ,KHRO BO BCU PO MIG G-YO ZHING ZLUM PA'I SMIN MA KHAM PA, SHANGS ZLUM PA, DBU SKRA 'BAR ZHING GYEN DU BRDZES PA, ZHAL GSUM PA, SPYAN GSUM PA, PHYAG DRUG PA, MI'U THUNG GI RNAM PA CAN, MCHE BA GTZIGS SHING TSAM NGAM PA, LJAGS BSGUL ZHING ME STAG 'PHRO BA RIGS KYI KLU BRGYAD KYIS RGYAN BYAS PA, 'JIGS PA'I GZUGS CAN RIM PA JI LTA BA BZHIN DU RDO RJE RO LANGS MA DANG, KHRO GNYER MA DANG, GZHAN GYIS MI THUB MA DANG, RAL PA GCIG MA DANG, RDO RJE SNA TSOGS MA DANG, RIN CHEN SNA TSOGS MA DANG, PADMA SNA TSOGS MA DANG, LAS SNA TSOGS MA DANG, SA 'DZIN MA DANG, NAM MKHA' RDO RJE MA KHRO BO'I RGYAL PO'I BTZUN MO RNAMS DE DAG GI CHOS NYID DAG GIS 'KHYUD PAR BSAM MO, ,MI G-YO MGON LA SOGS PA'I KHRO BO DRUG GI RTZA BA'I PHYAG G-YAS PA'I DANG PO RNAMS LA LCAGS KYU DANG, DBYUG PA DANG, RTZE GSUM DANG, RAL GRI DANG, RDO RJE DANG, 'KHOR LO DAG SHES PAR BYA'O, ,LHAG MA RNAMS NI SNGA MA BZHIN NO, ,RGYUD PHYI MA LAS KYANG, LCAGS KYU DBYUG PA RTZE GSUM DANG, ,RAL GRI RDO RJE 'KHOR LO STE, ,'DOD PA DBYUG SNGON MI G-YO STOBS, , STENG 'OG GNOD MDZES GTZUG TOR GYI'O, ,ZHES 'BYUNG NGO, ,SRUNG BA'I 'KHOR LO 'DI NI NANG GI DE BZHIN GSHEGS PA DANG LHA MO DANG BYANG CHUB SEMS DPA' SNYOMS PAR ZHUGS PA RNAMS KYI TING NGE 'DZIN BSRUNG BA'I DON DANG, BGEGS RNAM PAR 'JIGS PAR BYA BA'I PHYIR BCOM LDAN 'DAS KYI KHRO BO'I RGYAL PO'I DKYIL 'KHOR GSUNGS SO, ,LE'U BCU GSUM PA LAS KYANG, ,'GOG PA'I RDO RJE KHRO BO NI, ,SANGS RGYAS 'KHOR LO LA BRTEN PAS, ,TING 'DZIN YE SHES RDO RJE RNAMS, ,RDO RJE KHRO BOS LAS 'GRUB 'GYUR, ,ZHES 'BYUNG NGO, ,DE LTAR YONGS

SU GRUB PA'I DKYIL 'KHOR GYI 'KHOR LO LHA SUM CU RTZA GNYIS KYI BDAG NYID LA BLTAS TE, GZHAL YAS KHANG PA'I PHYI ROL DU YI GE SV'A LAS BYUNG BA'I BEE d'U RYA DANG PADMA R'A GA DANG AINDRA N'I LA'I NOR BU'I KHYAD PAR RNAMS KYIS SPRUL PA'I SKAS KYI RIM PA CAN CHU DANG SA PA'I NANG DU SKYES PA'I GSER GYI PADMA CAN GYI RDZING RNAMS DANG, DE BZHIN DU YANG DE LAS SKYES PA'I BEE d'U RYA'I SDONG PO CAN GSER BTZO MA'I KHA DOG DANG LDAN PA'I PADMA'I LTE BA LA BZHUGS PA BSAM GTAN LA 'JUG PA'I DE BZHIN GSHEGS PA RNAMS SO, ,DE'I YANG PHYI ROL TU ME TOG DANG 'BRAS BU PHUN SUM TSOGS PA DANG LDAN PA'I YONGS SU 'DU LA SOGS PA'I SHING SNA TSOGS PA RNAMS KYI RTZA BAR KRishnA SA LE'I PAGS PA'I GDAN LA BZHUGS PA'I RANG SANGS RGYAS DANG DGRA BCOM PA MTHA' YAS PAS MDZES PA'O, ,DE'I YANG PHYI ROL TU GDUGS DANG RGYAL MTSAN DANG BA DAN DANG G-YER KA DANG RVA DUNG DANG RDZA RNGA DANG RNGA ZLUM DANG PI WANG DANG GLING BU DANG RGYUD MANGS DANG CHAL CUNG BI RIL DANG, TAM BU RA DANG RKED PHRAN LA SOGS PA ROL CHA SNA TSOGS PA 'DZIN PA'I LHA MO RNAMS KYIS BRGYAN PA'O, ,DE'I YANG PHYI ROL DU RIN PO CHE SNA BDUN NI 'KHOR LO RTZIBS BRGYAD LA KHA DOG SER PO DANG GLANG PO RIN PO CHE NI MCHE BA DRUG PA KHA DOG DKAR PO DANG, RTA RIN PO CHE NI KHA DOG LJANG KHU DANG BUD MED RIN PO CHE NI LO BCU DRUG GI RNAM PA SNGO BSANGS MA TSUL KHRIMS DANG LDAN PA DANG, YID BZHIN NOR BU RIN PO CHE NI RTZIBS DRUG PA KHA DOG SER PO DANG, KHYIM BDAG RIN PO CHE NI MDOG DMAR PO MDZOD MI ZAD PA DANG LDAN PA DANG, DMAG DPON RIN PO CHE NI MDUNG DANG RAL GRI 'DZIN ZHING KHA DOG NAG PO GO CHA DANG BCAS PA BSGOM PAR BYA'O, ,DE'I PHYI ROL DU LHA'I GNAS RIS DRUG GI LHA'I BU MO SNA TSOGS PA DANG BCAS PA MCHOD RDZAS SNA TSOGS THOGS PAR BSAM MO, ,DE'I YANG PHYI ROL DU GNOD SBYIN DANG, SRIN PO DANG, 'BYUNG PO DANG, YI DVAGS DANG, SHA ZA DANG, GRUL BUM DANG, BRJED BYED DANG, MKHA' 'GRO MA DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE DANG, MI DANG, MI MA YIN DANG, RKANG MED DANG, RKANG GNYIS PA DANG, RKANG BZHI PA DANG,

, ,RKANG MANG BA RNAMS STENG DU LAG PA TSOL BA LA BRTZON PA KI LI KI LI'I SGRA RJOD PAR BYED PA RNAMS KYIS BSKOR BA'O, ,GZHAL YAS KHANG PA'I 'OG TU YANG SA 'OG BDUN GYI BAR DU KHYAB PAR BYED PA YI GE H'A YONGS SU GYUR PA LAS RDO RJE RGYA GRAM BSAM MO, ,STENG DU YANG BA DAN DANG G-YER KHA RNAMS SRID PA'I RTZE MO'I BAR DU SLEBS PAR BSAM MO, ,DE LTA BU'I DKYIL 'KHOR GYI 'KHOR LO MTHONG NAS DBUS KYI BDAG POR GYUR PA'I RNAL 'BYOR PAS SNGA MA BZHIN DU REG BYA RDO RJE MA'I CHOS 'BYUNG BA'I PHYAG RGYA'I NANG DU SNA TSOGS PADMA DANG ZLA BA'I DKYIL 'KHOR GYI STENG DU BDE BA CHEN PO 'DOD PA'I DBANG GIS GSANG BA'I RDO RJE RAB TU 'JUG PAS BA SPU'I KHUNG BU NAS NGES PAR 'BYUNG BA'I 'OD ZER LCAGS KYU'I RNAM PAS PHYOGS BCU NA BZHUGS PA'I DE BZHIN GSHEGS PA DBANG BSKUR BA'I DON DU 'GUGS SHING GSOL BA GDAB PAR BYA'O, ,KYE BCOM LDAN 'DAS DE BZHIN GSHEGS PA RNAMS BLA NA MED PA'I DBANG BSKUR BAS BDAG LA DBANG BSKUR BA MDZOD CIG PA'O, ,GSOL BA BTAB PA GSAN MA THAG TU, BCOM LDAN 'DAS DE BZHIN GSHEGS PA DANG LHA MO DANG BYANG CHUB SEMS DPA' KHRO BO 'KHOR DANG BCAS PA GSER GYI ME TOG SNA TSOGS PA THOGS PA DANG, LA LA NI ROL CHA SNA TSOGS PA'I SGRAS PHYOGS KYI CHA RNAMS KHYAB PAR BYAS LA KHA CIG KYANG MCHOD PA RNAM PA LNGA LAG NA THOGS PA DANG, LA LA YANG BDUD RTZI LNGAS BKANG BA'I SNOD 'DZIN PA, DE BZHIN DU YANG KHA CIG DRI BZANG PO'I CHUS BKANG BA'I RIN PO CHE'I BUM PA THOGS PA GZHAN DAG KYANG BSTOD PA'I TSIG RNAMS BRJOD PA LA BRTZON PA, GZHAN DAG KYANG BKRA SHIS PA'I TSIGS SU BCAD PA RJOD PAR BYED PA, LA LA NI RDO RJE'I GLU LEN PA, LA LA NI GAR BYED CING NAM MKHA'I DBYINGS NAS GSHEGS SHING SGRUB PA PO LA MNGON PAR PHYOGS PA, DKYIL 'KHOR GYI 'KHOR LO'I BDAG PO 'KHOR DANG BCAS PA LA DBANG BSKUR BA MDZAD PAR BSAM MO, ,DE'I DUS SU YANG SNGAGS DANG TSIGS SU BCAD PA BRJOD PAR MDZAD DE, JI LTAR BLTAMS PA TZAM GYIS NI, DE BZHIN GSHEGS KUN DBANG BSKUR BA, ,LHA YI CHU NI DAG PA YIS, ,

DE BZHIN KHYOD LA DBANG BSKUR RO, ,AOm SARBA TA TH'A GA TA AA BHI shE KA SA MA YA SHR'I YE H'Um, DBANG BSKUR MA THAG TU DBUS KYI BDAG PO'I COD PAN DU RDO RJE 'CHANG BA'O, ,RNAM PAR SNANG MDZAD LA SOGS PA DE BZHIN GSHEGS PA BZHI LA RDO RJE 'CHANG BA NYID DO, ,SPYAN LA SOGS PA BZHI NI RNAM PAR SNANG MDZAD DANG, RIN CHEN 'BYUNG LDAN DANG, 'OD DPAG TU MED PA DANG, DON YOD GRUB PA'O, ,GZUGS RDO RJE MA LA SOGS PA YANG DE BZHIN NO, ,SA'I SNYING PO DANG BYAMS PA DAG LA RNAM PAR SNANG MDZAD NYID DO, ,PHYAG NA RDO RJE DANG NAM MKHA'I SNYING PO DAG LA RIN CHEN 'BYUNG LDAN NAM MI BSKYOD PA'O, ,'JAM DPAL DANG SPYAN RAS GZIGS KYI DBANG PHYUG LA 'OD DPAG TU MED PA'O, ,KUN DU BZANG PO DANG SGRIB PA RNAM PAR SEL BA LA DON YOD GRUB PA'O, ,GSHIN RJE GSHED LA SOGS PA BZHI LA RNAM PAR SNANG MDZAD LA SOGS PA'O, , 'DOD PA'I RGYAL PO LA SOGS PA BZHI LA RNAM PAR SNANG MDZAD LA SOGS PA'AM MI BSKYOD PA'O, ,JI SKAD DU, KHRO BO ZHE SDANG GNAS LAS 'BYUNG, ,ZHES GSUNGS SO, ,RDO RJE RO LANGS MA LA SOGS PA RNAMS LA GSHIN RJE GSHED KHO NA'O, ,RGYAS GDAB PA DE RANG GI RIGS RNAL 'BYOR PAS RJES SU DRAN PAR 'GYUR RO, ,JI SKAD DU, RGYAS GDAB PAS NI LHAR 'GRUB DANG, ,RIGS LA'ANG BYIN GYIS RLOB PA STE, ,RIGS 'CHOL PA YI SBYOR BA YIS, ,DNGOS GRUB MED CING SGRUB PA'ANG MED, ,CES 'BYUNG NGO, ,'DIR NI PHYIR MI LDOG PA'I DBANG BSKUR BAS SA BRGYAD PA THOB PA DANG, KUN GZHI RNAM PAR SHES PA GNAS GYUR PA ZHES BYA BA'I BAR RO, ,DE'I RJES SU SNGAR BSHAD PA'I RIM PAS PHYOGS BCU NA BZHUGS PA'I DE BZHIN GSHEGS PA'I TSOGS RNAMS BKUG LA ZHAL DU 'JUG PAR BYA STE, 'DOD PA'I GDUGS ZHES BYA BA'I RTZA'I DBUS NAS BYANG CHUB KYI GZUGS SU REG BYA RDO RJE MA'I CHOS 'BYUNG BA'I NANG DU LHA SUM CU RTZA GNYIS KYI BDAG NYID KYI DKYIL 'KHOR GYI 'KHOR LO RIM GYIS SPROS TE SNGA MA BZHIN DU SEMS DPA' GSUM GYIS BDAG NYID DANG, DBANG BSKUR BA RGYAS GDAB PA'I BAR SHIN TU MNGON

, ,PAR 'DUS BYAS LA, PHAN TSUN SNYOMS PAR ZHUGS PAS ZHU BA'I BYANG CHUB KYI SEMS DE YONGS SU GYUR PA LAS MCHOD PA'I LHA MO RNAMS PADMA'I NANG NAS PHYUNG STE DKYIL 'KHOR GYI SGO RNAMS KYI BAR DU YONGS SU BSKOR BAR BSAM MO, ,DE DAG GIS KYANG MCHOD PA RNAM PA LNGA DANG NANG GI MCHOD PA DANG GSANG BA'I MCHOD PA LA BRTZON PA, GDUGS DANG, RGYAL MTSAN DANG, BA DAN DANG, RNGA YAB LA SOGS PA THOGS SHING PHYAG 'TSAL BA SNGON DU 'GRO BAS PUS MO G-YAS PA SA LA BTZUGS TE, DBUS KYI BDAG PO NAS BRTZAM ZHING SGO BA RNAMS KYI BAR DU RANG GI BDAG NYID MCHOD PAR BYA STE, DE LA RIM PA NI ME TOG MAS ME TOG DBUL BA'I DUS SU, AOm SARBA TA TH'A GA TA PU shPE P'U DZA ME GHA SA MU DRA SPHA RA nA SA MA YA SHRI YE H'Um, DE BZHIN DU YANG, AOm SARBA TA TH'A GA TA DH'U PPE P'U DZA ME GHA SA MU DRA SPHA RA nA SA MA YA SHRI YE H'Um, ZHES BYA BA LA SOGS PA'I SNGAGS KYI TSOGS BRJOD PAR BYA'O, ,MCHOD PA YONGS SU RDZOGS PA NA SNGA MA BZHIN DU 'OD ZER GYI LCAGS KYUS BKUG LA MCHOD PA'I LHA MO RNAMS SNYING GAR 'JUG PAR BYA ZHES MCHOD PA'I RIM PA'O, ,DE BZHIN DU YANG SPROS TE SNYAN PA'I SKAD RNAMS KYIS LHA MO'I TSOGS KYIS BDAG NYID KYI 'KHOR LO LA BSTOD PAR BSAMS TE, AOm SARBA TA TH'A GA TA STU TI P'U DZA ME GHA SA MU DRA SPHA RA nA SA MA YA SHRI YE H'Um, ZHES 'DI NI DKYIL 'KHOR RGYAL BA MCHOG GI TING NGE 'DZIN DANG LONGS SPYOD RDZOGS PA'I SKU'O,, ,,DA NI LAS KYI RGYAL BA MCHOG GI TING NGE 'DZIN LAS THAMS CAD DAG PAR BYA BA'I PHYIR BRTZAM PAR BYA STE, DE'I RIM PA NI RE ZHIG DANG PO RNAL 'BYOR PAS PHRA MO'I RNAL 'BYOR BSGOM PAR BYA STE, DE LA REG BYA RDO RJE MA'I CHOS 'BYUNG BA'I PHYAG RGYA'I NANG DU RDO RJE 'CHANG CHEN PO'I RNAL 'BYOR PAS DKYIL 'KHOR MA LUS PA'I RNAM PAR RTOG PA SPANGS PAS NA RA'I SNA DANG 'DRA BA'I PADMA'I SNA'I RTZE MOR YUNGS KAR PHRA BA TZAM GYI TSOD THIG LER BSGOMS LA, DE'I DBUS SU BDAG NYID LHA SUM CU RTZA GNYIS DANG BCAS PA'AM GSANG BA LNGA'I DKYIL 'KHOR CHEN PO RNAM PAR BSGOMS TE, DE SRID GNAS PA'I JI SRID SEMS RTZE GCIG PAR GYUR

BA'I BAR RO, ,SEMS RTZE GCIG PA'I RTAGS NI GAM NA GNAS PA'I SGRA LA SOGS PA'I MTSAN NYID GZUNG BAR MI NUS PA DANG DE LTAR GYUR PA'I RNAL 'BYOR PA LA SHIN TU GSANG BA'I RNGA DANG RVA DUNG DANG, 'BRUG SGRA'AM YAN LAG MCHOG DANG LDAN PA'I ROL MO BYED PA'I REG PA'AM SHIN TU SRA BA'I BRAG DANG, GNAM LCAGS LA SOGS PA RNAMS KYIS KYANG SEMS RTZE GCIG PA LAS NYAMS PAR MI 'GYUR TE PHRA MO'I RNAL 'BYOR DANG LDAN PA'I PHYIR RO, ,RDUL PHRA RAB BAM SHIN TU CHE BA'I MTHA' LA GNAS PA'I SEMS DBANG DU 'GYUR ZHES GZHAN NAS 'BYUNG NGO, , DE LTA BUR GYUR PA'I BRTAN PA'I RTAGS MTHONG NAS SPRO BAR BYA'O, ,DANG PO KHA DOG SNA LNGA PA 'OD ZER GYI TSOGS DE GSAL BAR GYUR NA RNAM PAR SNANG MDZAD LA SOGS PA'I SA BON RNAMS SPRO BA DANG, DE'I RJES SU DE YONGS SU GYUR PA'I 'KHOR LO LA SOGS PA'I MTSAN MA RNAMS SO, ,DE RNAMS LAS KYANG DE BZHIN GSHEGS PA'I GZUGS DU MA SPROS TE, SLAR YANG THIG LE DE NYID DU 'JUG PAR BYA'O ZHES RDO RJE 'CHANG CHEN PO'I RNAL 'BYOR BA'I PHRA MO'I RNAL 'BYOR RO, ,ZHE SDANG RDO RJE'I RNAL 'BYOR PAS TZA NA KA'I 'BRU'I TSONG TZAM AINDRA N'I LA'I MDOG CAN CHOS 'BYUNG BA'I PHYAG RGYA'I NANG DU PHRA BA'I RDO RJE RNAM PAR BSGOMS TE, DE'I CHANG ZUNGS KYI NANG DU SNGA MA BZHIN DU BDAG NYID BSGOMS TE, BRTAN PAR BYED PA'I MTSAN MA MTHONG BA SNGON DU 'GRO BAS RDO RJE'I RIGS RNAMS SPRO BA DANG BSDU BAR BYA'O ZHES RIGS KYI RNAL 'BYOR PA'I PHRA MO'I RNAL 'BYOR RO, ,SKU'I RDO RJE'I RNAL 'BYOR PAS NI YUNGS KAR GYI 'BRU'I TSOD TZAM 'KHOR LO'I MTSAN MA DE NYID DU BSGOMS TE, DE'I LTE BA LA BDAG NYID SNGA MA BZHIN DU BSAMS TE BRTAN PAR BYED PA'I MTSAN MA MTHONG NAS SKU RDO RJE RNAMS SPRO BA DANG BSDU BAR BYA'O ZHES SKU RDO RJE'I RNAL 'BYOR PA'I PHRA MO'I RNAL 'BYOR RO; ,DE BZHIN DU GSUNG GI RDO RJE'I RNAL 'BYOR PAS CHOS 'BYUNG BA'I NANG DU TZA NA KA'I 'BRU'I TSOD TZAM PADMA DMAR PO RNAM PAR BSAMS TE, DE'I LTE BA LA SNGA MA BZHIN DU BDAG NYID RNAM PAR BKOD DE, BRTAN PAR BYED PA'I MTSAN MA BYUNG BA NA GSUNG GI RDO RJE'I LHA RNAMS SPRO BA DANG BSDU BAR

, ,BYA'O ZHES GSUNG GI RDO RJE'I RNAL 'BYOR PA'I PHRA MO'I RNAL 'BYOR RO, ,DE'I RJES SU RIN CHEN 'BYUNG LDAN GYI RNAL 'BYOR PAS ZUR DRUG PA MDOG SER PO TZA NA KA'I 'BRU'I TSOD DAM NAS 'BRU'I TSOD KYI RIN PO CHE RNAMS BRTAGS LA, DE'I DBUS SU BDAG NYID SNGA MA BZHIN DU BSAMS TE, BRTAN PAR BYED PA'I MTSAN MA RNYED NAS RIN PO CHE'I RIGS KYI LHA RNAMS SPRO BA DANG BSDU BAR BYA'O ZHES RIN PO CHE'I RIGS KYI RNAL 'BYOR BA'I PHRA MO'I RNAL 'BYOR RO, ,DE'I RJES SU DAM TSIG GI RDO RJE'I RNAL 'BYOR PAS CHOS 'BYUNG BA'I NANG DU YUNGS KAR KYI 'BRU'I TSOD TZAM GYI RAL GRI LA DMIGS TE, DE'I CHANG ZUNGS KYI NANG DU SNGA MA BZHIN BDAG NYID BSAMS TE, BRTAN PA'I MTSAN MA BYUNG BA NA DAM TSIG GI RDO RJE'I RIGS KYI LHA RNAMS SPRO BA DANG BSDU BAR BYA'O ZHES DAM TSIG GI RDO RJE'I RIGS KYI RNAL 'BYOR PA'I PHRA MO'I RNAL 'BYOR RO, ,RDZOGS PA'I RIM PA'I RNAL 'BYOR PA LA YANG PHRA MO'I RNAL 'BYOR NI 'OG NAS 'CHAD PAR 'GYUR RO ZHES PHRA MO'I RNAL 'BYOR GYI BSGOM PA'I RIM PA BSTAN TO, ,DE NAS BZLAS BRJOD BSHAD PAR BYA STE, RE ZHIG DANG POR YE SHES SEMS DPA'I SNYING GA'I PADMA'I LTE BAR PADMA DANG ZLA BA'I DKYIL 'KHOR GYI STENG DU RDO RJE 'CHANG CHEN PO LA SOGS PA'I SNYING PO'AM NYE BA'I SNYING PO LA SOGS PA GANG YANG RUNG BA KHA GYEN DU LTA BA, SHEL GYI PHRENG BA LTA BU 'OD DANG BA DE'I NANG NA SROG DANG RTZOL BA MDOG DMAR PO SKUD PA LTA BUS BRGYUS PA YE SHES SEMS DPA'I THUGS KA NAS BYUNG ZHING KHA'I LAM NAS NGES PAR SPROS TE, DAM TSIG SEMS DPA'I SNYING GAR PHYIN NAS DE LAS KYANG DAM TSIG SEMS DPA'I KHA NAS NGES PAR BYUNG STE, DAM TSIG GI LHA MO'I KHA NAS ZHUGS TE DE LAS KYANG YE SHES KYI LHA MO'I KHA NAS YE SHES KYI LHA MO'I THUGS KAR THIM NAS DE LAS KYANG DE NYID KYI CHOS 'BYUNG BA'I PHYAG RGYAR PHYIN TE, DE LAS NGES PAR BYUNG NAS DAM TSIG GI LHA MO'I PADMAR PHYIN ZHING DE LAS KYANG DAM TSIG SEMS DPA'I RDO RJER ZHUGS NAS YE SHES SEMS DPA'I RDO RJE NAS DE'I THUGS KAR PHYIN CING THUGS KA DE NYID DU GNAS PAR BYA'O, ,DE LTAR YANG DANG YANG DU MU TIG PHRENG BA LTAR

SNGAGS KYI PHRENG BA YONGS SU 'KHOR BAR BSAM PAR BYA'O, ,KHA CIG NI YE SHES SEMS DPA' RDO RJE'I LAM NAS NGES PAR BYUNG ZHING SLAR YANG DAM TSIG SEMS DPA'I RDO RJE'I LAM NAS BYUNG STE, DAM TSIG SEMS MA'I PADMAR ZHUGS SHING YE SHES SEMS MA'I PADMA'I SGO NAS DE'I THUGS KA DANG KHA LA PHYIN TE, DE LAS KYANG DAM TSIG SEMS MA'I KHA NAS DAM TSIG SEMS DPA'I KHA LA PHYIN TE, DE LAS KYANG YE SHES SEMS DPA'I KHAR ZHUGS SHING DE'I THUGS KAR PHYIN TE DE NYID DU GNAS PAR BYA'O, ,STENG DANG 'OG GI BYE BRAG NI ZHE SDANG DANG 'DOD CHAGS KYI RNAL 'BYOR PA'I DBYE BAS RTOGS PAR BYA'O, ,ZHES RDO RJE 'CHANG CHEN PO'I BZLAS PA 'DI YE SHES KYI TSOGS KYI NGO BO NYID RDO RJE SEMS DPA'I RNAL 'BYOR PAS BZLA BAR BYA'O, ,RNAM PAR SNANG MDZAD KYI RNAL 'BYOR PAS KYANG YE SHES SEMS DPA'I THUGS KAR ZLA BA DANG 'KHOR LO'I STENG DU DZI NA DZI KA CES BYA BA'I SNGAGS SNGA MA BZHIN DU BKOD LA, DE NYID MU TIG GI PHRENG BA BZHIN DU SPRO BA DANG BSDU BA'I RIM PAS BZLA BAR BYA'O, ,DE BZHIN DU YANG RIN PO CHE DANG 'OD DPAG TU MED PA DANG DON YOD GRUB PA'I RNAL 'BYOR PA RNAMS KYIS RANG RANG GI YE SHES SEMS DPA'I THUGS KAR PADMA DANG ZLA BA LA GNAS PA'I RANG RANG GI RIGS KYI MTSAN MA RNAMS SU RATNA DHRiKA CES BYA BA'I SNGAGS RNAMS RNAM PAR BKOD LA, SPRO BA DANG BSDU BA'I RIM PAS SO SOR BZLA BAR BYA'O ZHES RIGS DRUG GI DBYE BAS DAM TSIG GI BZLAS PA BSTAN TO, ,DE LTAR DBUS KYI GTZO BO'I BZLAS BRJOD BYAS NAS DKYIL 'KHOR PA RNAMS LA YANG SNGAR BSHAD PA'I RIM PAS SPRO BA DANG, BSDU BA SNGON DU 'GRO BA'I SNGAGS BZLAS BRJOD BYA'O, ,RTAG TU BZLAS PA'I DUS SU DBUS KYI GTZO BO LA BRGYA RTZA BRGYAD DAM DE'I PHYED DAM PHYED KYI PHYED BZLAS PAR BYA'O, ,DKYIL 'KHOR PA RNAMS LA YANG LAN BDUN NAM GSUM MAM RE RE BZLAS PAR BYA'O, , DKYIL 'KHOR BRI BA'I DUS DANG RAB TU GNAS PA DANG, SBYIN SREG GI CHO GA'I DUS SU BZLAS PA DE NYID KHYAD PAR DU BYA BA YIN TE, JI SKAD DU, 'KHOR LO CAN LA 'BUM BZLA ZHING, ,RANG 'DOD LHA YI 'BUM DE BZHIN, ,GZHAN DAG LA NI KHRI PHRAG GCIG ,SNGON DU BSNYEN PA 'DI BSHAD DO, ,ZHES

, ,'BYUNG NGO, ,YANG NA RDO RJE 'CHANG CHEN PO'I BZLAS PA JI LTAR BSHAD PA BZHIN DU YIN TE, 'ON KYANG RNAM PAR SNANG MDZAD LA SOGS PA'I SNGAGS KYI BZLAS PA NI YE SHES SEMS DPA'I THUGS KA NAS PADMA DANG ZLA BA'I STENG DU 'KHOR LO LA SOGS PA'I MTSAN MA RNAMS LA RANG GI CHOS KYI YI GE RNAM PAR BKOD DE, DE LAS SNGA MA BZHIN DU 'OD ZER GYI 'KHOR LO SPRO BA DANG BSDU BAR BYA ZHING JI SRID SEMS RTZE GCIG PAR GYUR PA DE SRID DU GNAS KYI BAR DU GNAS PAR BYA'O ZHES DAM TSIG GI BZLAS PA'I RNAM PA'O, ,NGAG GI BZLAS BRJOD GNYIS PA'I RIM PA NI LAG PA G-YAS PA G-YON PA DAG LA DBYANGS DANG GSAL BYED YONGS SU GYUR PA LAS ZLA BA DANG NYI MA'I DKYIL 'KHOR DU BSGOMS TE, DE DAG GI STENG DU DBYANGS DANG GSAL BYA'I YI GE PHRENG BA GNYIS PO DGOD DE, AOm LA SOGS PA'I SA BON YONGS SU GYUR PA'I PHYAG MTSAN LAS SKYES PA'I RNAM PAR SNANG MDZAD LA SOGS PA LAG PA G-YAS PA'I SOR MOR GYUR PA DANG, DE BZHIN DU LAm LA SOGS PA'I SA BON YONGS SU GYUR PA'I RANG RANG GI MTSAN MA LAS SKYES PA'I SPYAN LA SOGS PA RIGS KYI BTZUN MO RNAMS LAG PA G-YON PA'I SOR MO LA DGOD DE, SEMS RTZE GCIG PA NYID LA DMIGS TE SHEL LA SOGS PA'I RANG BZHIN DU BGRANG PHRENG BLANGS LA, DAL BA DANG MYUR BA SPANGS PA'I SROG DANG RTZOL BA'I RLUNG RGYU BA'I TSOD DU DBUS MA ZHI BA'I RANG BZHIN DU BZLAS BRJOD BYA'O, ,JI SKAD DU GDAN BZHI LAS KYANG, GRANGS LA RAB TU 'JUG PA NI, , BGRANG PHRENG YANG DAG BSTEN PAR BYA, ,SHEL DANG DUNG DANG MU TIG DANG, ,DE BZHIN DKAR PO KHAMS LAS BYUNG, ,ZHI BA YI NI LAS RNAMS LA, ,SHES RAB CAN GYI GZUNG BAR BYA, ,DNGUL DANG GSER DANG ZANGS DAG NI, ,RGYAS PA LA NI RGYAL BAS GSUNGS, ,DBANG LA GUR KUM GLA RTZI DANG, ,BZHI MNYAM RANG BZHIN SHES PAR BYA, ,DGUG PA LA NI RU DR'A KshA, ,SDANG BA LA SOGS GLANG PO'I RUS, ,RTZA BA'I SNGAGS KYI BZLAS BRJOD LA, ,MI RUS RANG BZHIN YIN PAR 'DOD, ,LAS RNAMS THAMS CAD RAB BSGRUB PHYIR, ,BO DHE TZE YI PHRENG BAR 'DOD, ,CES BYA BA LA SOGS

PA 'BYUNG NGO ZHES BYA BA 'DI NI BSKYED PA'I RIM PA'I BZLAS BRJOD KYI CHO GA'O, ,RDZOGS PA'I RIM PA'I RNAL 'BYOR LA YANG PHRA MO'I RNAL 'BYOR DANG RDO RJE BZLAS PA DAG ,RDO RJE BZLAS PA'I RIM PA GTAN LA DBAB PA'I DUS SU 'CHAD PAR 'GYUR RO, ,PHRA MO'I RNAL 'BYOR DANG DAM TSIG GI BZLAS PA DAG GIS SEMS CAN THAMS CAD KYI DON BYED PA NA DE BZHIN GSHEGS PA RNAL 'BYOR PA LA LUNG STON PA YIN NO, ,DUS DE NAS BRTZAMS TE DKYIL 'KHOR 'BRI BA DANG RAB TU GNAS PA DANG SBYIN SREG DANG MCHOD PA'I CHO GA DANG, SLOB MA LHAG PAR GNAS PA DANG, DBANG BSKUR BA LA SOGS PA LA RNAL 'BYOR PA SNOD DU RUNG BAR 'GYUR RO, ,DE'I RJES SU RANG DANG GZHAN GYI DON PHUN SUM TSOGS PA YONGS SU RDZOGS PA LA BLTAS TE, BYA BA BYAS PA PHYED PA RDZOGS PA BDAG YIN ZHES BDAG RNAM PAR DPYOD CING SPROS PA 'DI CI ZHIG BYA ZHES BSAMS TE, DBUS KYI GTZO BO REG BYA RDO RJE MA DANG LHAN CIG TU BDE BA CHEN PO'I DBANG GIS MAR GYI BUM PA THIM PA DANG 'DRA BAR BYANG CHUB KYI SEMS KYI THIG LE'I GZUGS SU YONGS SU GYUR PAR BSAM PAR BYA, LE'U BCU BDUN PA LAS KYANG, DE NAS BCOM LDAN 'DAS PHYAG NA RDO RJE DE BZHIN GSHEGS PA THAMS CAD KYI BDAG PO DE BZHIN GSHEGS PA THAMS CAD KYI RJES SU CHAGS PA'I RDO RJE ZHES BYA BA'I TING NGE 'DZIN LA SNYOMS PAR ZHUGS TE, SNYOMS PAR ZHUGS MA THAG TU BCOM LDAN 'DAS KYI 'OD KYIS NAM MKHA'I DBYINGS KUN TU ZHUGS PA'I DE BZHIN GSHEGS PA THAMS CAD RDO RJE'I DPAL DES REG PAS KUN TU BZANG ZHING KUN TU BZANG POS ZHES YANG DAG PAR GYUR TO, ,DE NAS NAM MKHA'I DBYINGS THAMS CAD 'DI RDO RJE'I CHU'I BUM PA BZHIN DU YONGS SU GANG BAR GYUR TO ZHES BYA BA LA SOGS PA 'BYUNG NGO, ,DE NAS BCOM LDAN 'DAS MA SPYAN LA SOGS PA'I RIGS KYI BTZUN MO BZHI POS BCOM LDAN 'DAS RDO RJE 'DZIN PA THIM PAR MTHONG NAS GZHAN GYI DON MED PAS SNGON GYI SMON LAM DANG MI LDAN PA'I PHYIR DANG, CHAD PA'I LTA BA BZHIN DU DBANG PHYUG PA'I BSTAN PAR THAL BAR 'GYUR BAS TSAD MED PA'I NGO BO NYID KYI LHA MOS BCOM LDAN 'DAS BDAG PO MA MTHONG BA'I

, ,GDUNG BA'I YID CAN RNAMS KYIS DE BSLANG BA'I DON DU GLU SNYAN PAS 'DI LTAR SAD PAR BYED DE, SEMS CAN KHAMS NA GNAS KYI DBANG PHYUG KHYOD NI RDO RJE'I THUGS, ,DGA' BA'I YID 'ONG DON CHEN 'DOD PAS BDAG LA SKYAB [*SKYABS?] DU GSOL, ,MGON PO GAL TE DE RING BDAG NI GSON PAR MCHIS BZHED NA, ,SEMS CAN YAB CHEN GNYEN MCHOG BDAG LA DGYES PAR MDZAD DU GSOL, ,RDO RJE'I SKU KHYOD BKA' YI 'KHOR LOS SEMS CAN KUN LA PHAN, ,SANGS RGYAS DON DU BYANG CHUB DON DAM RJES SU PHAN STON PA, ,MGON PO GAL TE DE RING BDAG NI GSON PAR MCHIS BZHED NA, ,'DOD CHAGS DAM TSIG CHAGS PAS BDAG LA DGYES PAR MDZAD DU GSOL, ,KHYOD NI RDO RJE'I GSUNG STE KUN LA PHAN ZHING THUGS BRTZE BA, ,'JIG RTEN DAG GI DGOS PA'I DON MDZAD PA LA RAB TU BRTZON, ,MGON PO GAL TE DE RING BDAG NI GSON PAR MCHIS BZHED NA, ,RAB DGA'I SPYOD PA KUN TU BZANG PO BDAG LA DGYES PAR MDZAD DU GSOL, ,KHYOD NI RDO RJE 'DOD PA DAM TSIG MCHOG GI PHAN DON CHE, ,YANG DAG RDZOGS SANGS RGYAS KYI GDUNG MCHOG MNYAM PA NYID GZIGS PA, ,MGON PO GAL TE DE RING BDAG NI GSON PAR MCHIS BZHED NA; ,YON TAN RIN CHEN MANG PO GTER GYUR BDAG LA DGYES PAR MDZOD, ,CES BSKUL BA'I GLU RMI LAM BZHIN DU GSAN NAS MI DMIGS PA'I SNYING RJES BSKUL NAS SNGON GYI SMON LAM 'BRAS BU DANG BCAS PAR BYA BA'I PHYIR DANG, MA 'ONGS PA'I SEMS CAN RJES SU GZUNG BAR BYA BA'I SLAD DU BCOM LDAN 'DAS DON DAM PA'I BDEN PA LAS BZHENGS PAR GYUR TO, ,SGRON GSAL LAS KYANG BSHAD PA, TSAD MED PA BZHI'I LHA MO RNAMS KYIS BSKUL BAR GYUR PA DANG, SNGON GYI SMON LAM RGYUN GYI SHUGS KYIS STONG PA NYID KYI RNAL 'BYOR LAS BZHENGS NAS DPAL RAB TU DGA' BA'I 'DOD CHAGS LA SPYOD PA BRTAN PAR BYA BA'I PHYIR, 'KHYUD PA DANG, 'O BYED PA DANG, 'JIB PA DANG, THAL MOS BRDAB PA DANG, SO DANG SEN MOS 'DEB [*'DEBS?] PA DANG, NYED PA DANG, PHYANG THAG DANG, BRKYANG BA DANG, GRONG GI 'DUG STANGS DANG, BRGYAL BA DANG, MU TIG PHRENG BA G-YO BA DANG,

GDU BU DANG, 'KHOR GDUB DANG, RKANG GDUB KYI SGRA DANG, YUL DANG, DBANG PO STE RDO RJE DANG, PADMA MNYAM PAR SBYOR ZHING SHES RAB DANG THABS KYI SNYOMS PAR ZHUGS PAS A'A LI DANG K'A LI DANG, 'DOD PA'I GDUGS DANG RUS SBAL DANG, ZLA BAS GANG BA STE, RTZA GSUM SOR MO GSUM GYIS BSKYOD CING RAB TU BSGUL BA'I DGA' BA'I SGYU MA'I SGRAS MCHOG TU DGA' BA'I BDE BA NYAMS SU MYONG BAS PHUNG PO DANG KHAMS DANG SKYE MCHED KYI NGO BO DE BZHIN GSHEGS PA THAMS CAD SPYI BO NAS BRTZAMS TE, DRI MA MED PA'I CHU'I RGYUN BZHIN DU BZHUS LA BYANG CHUB KYI SEMS KYI NGO BO NYID DU 'DZAG PAS CHOS 'BYUNG BA'I NANG DU YANG DAG PAR BZHAG STE, DES ZHE SDANG LA SOGS PA LA SPYOD PA'I SEMS CAN RNAMS RNAM PAR SBYANG BA'I PHYIR DKYIL 'KHOR GYI 'KHOR LO PHYUNG STE, SLAR YANG 'OD GSAL BAR ZHUGS NAS RNAM PAR RTOG PA MED PA NYID DU GYUR PA DE LA YE SHES KYI PHYAG RGYA DANG LHAN CIG TU ZHAL GSUM LA SOGS PA'I RNAM PA LA DMIGS TE, 'DOD PA'I YON TAN THAMS CAD KYI DPAL ZHES BYA BA'I TING NGE 'DZIN LA SNYOMS PAR ZHUGS PAR BSAM PAR BYA'O, ,DE'I DGONGS PA NI BCOM LDAN 'DAS DANG LHA MO RNAMS NI THABS DANG SHES RAB KYI NGO BO NYID STONG PA NYID DANG SNYING RJE'I RANG BZHIN NO, ,DE DAG PHAN TSUN DBYER MED PA YIN TE BYAS PA DANG MI RTAG PA BZHIN NO, ,DE BAS NA BCOM LDAN 'DAS GANG GI TSE DON DAM PA'I BDEN PA LA RAB TU ZHUGS PA DE'I TSE SNYING RJE'I CHA LHA MO RNAMS LA GZUGS BRNYAN GYI TSUL DU RAB TU ZHUGS SO, ,LHA MO RNAMS KYI STONG PA NYID KYI CHA GANG YIN PA DE BCOM LDAN 'DAS LA GZUGS BRNYAN DU ZHUGS TE, ME LONG GNYIS KYI GZUGS BRNYAN PHAN TSUN SNANG BA BZHIN NO, ,DE BAS NA BCOM LDAN 'DAS LA GNAS PA'I SNYING RJE'I CHA GZUGS BRNYAN DU ZHUGS PA'I STONG PA NYID KYI NGO BO LHA MO RNAMS KYIS BCOM LDAN 'DAS RANG GI CHOS NYID KYIS KHO NA BSKUL BAR BYED PA YIN TE, YE SHES CHA SHAS MED PAS GCIG PA YIN PA'I PHYIR RO, ,GZHAN DU NA THA DAD PAR SMRA BAR 'GYUR RO, ,GNYIS SU MED PA'I YE SHES NI THA MI DAD PA YIN TE, RANG BZHIN GYIS GRUB PA'I PHYIR RO, ,DE LTAR NA GAL TE YE SHES LA GNYIS

, ,PA MED NA DE'I TSE SKYES PA DANG BUD MED KYI DBYE BA JI LTAR 'GYUR ZHE NA, SMRAS PA 'DOD CHAGS KYIS 'DUL BA'I SEMS CAN GYI KHAMS SBYANG BAR BYA BA YIN GYI DON DAM PAR NI MA YIN NO, ,GANG GI PHYIR DON DAM PAR NI GZUGS MED CING BAG CHAGS DANG BCAS PA'I NYON MONGS PA DANG SHES BYA'I SGRIB PA DANG BRAL ZHING RANG GI RIG PA'O, ,'OG NAS KYANG 'CHAD PAR 'GYUR TE, 'DOD PA'I KHAMS NA GNAS PA'I YUL LA ZHEN PA'I SEMS CAN RNAMS LA 'DOD PA'I YON TAN LNGA LONGS SPYOD PA'I SGO NAS THAR PA BSTAN PAR BYA BA'I PHYIR GSUNGS SO ZHES BYA BA LA SOGS PA'O, ,LE'U DANG PO LAS KYANG, RANG GI GZUGS BRNYAN BUD MED KYI GZUGS BRNYAN DU SPRUL ZHES GSUNGS SO, ,DE'I PHYIR THABS DANG SHES RAB KYI TING NGE 'DZIN LAS DBYER MED PA'I LHA MO RNAMS KYIS BSTOD DE THAL CHES PAS CHOG GO, ,DE'I RJES SU SNGA MA BZHIN DU BCOM LDAN 'DAS ZHAL DANG PHYAG MTSAN JI LTA BA BZHIN DU YE SHES KYI PHYAG RGYAS 'KHYUD PA BZHENGS PAR MTHONG NAS DE BZHIN GSHEGS PA LNGA'I SGO NAS RNAM PAR SNANG MDZAD LA SOGS PAS BSTOD PAR 'GYUR TE, MI BSKYOD RDO RJE YE SHES CHE, ,RDO RJE DBYINGS NI MKHA' CHEN PO, , RDO RJE GSUM MCHOG DKYIL 'KHOR GSUM, ,RDO RJE GSUM LA PHYAG 'TSAL LO, ,RNAM PAR SNANG MDZAD DGA' CHEN PO, ,RDO RJE ZHI BA DGA' BA CHE, ,RANG BZHIN 'OD GSAL MCHOG GI MCHOG ,STON PA RDO RJE PHYAG 'TSAL BSTOD, ,RIN CHEN RGYAL PO SHIN TU ZAB, ,RDO RJE NAM MKHA' DRI MA MED, ,RANG BZHIN GYIS DAG GOS PA MED, ,RDO RJE SKU LA PHYAG 'TSAL BSTOD, ,RDO RJE 'CHI MED RGYAL CHEN PO, ,RTOG MED NAM MKHA' RDO RJE 'DZIN, ,'DOD CHAGS PHA ROL PHYIN THOB PA, ,RDO RJE GSUNG LA PHYAG 'TSAL BSTOD, ,DON YOD RDO RJE RDZOGS SANGS RGYAS, , BSAM PA THAMS CAD YONGS RDZOGS PA, ,RNAM DAG NGO BO LAS BYUNG BA, ,RDO RJE SEMS LA PHYAG 'TSAL LO, ,DE'I RJES LA BSTOD PA'I TSIG THOS MA THAG TU NGA RGYAL BRTAN PAR GYUR PAS KYANG GAL TE SKYO BAR GYUR NA, DE'I TSE PHUNG PO KHAMS DANG SKYE MCHED KYI RANG BZHIN GYI LUS TSIM

PAR BYA BA'I PHYIR CHO GA 'DI BRTZAM PAR BYA STE, MTSOGS MA'I BUG PA NAS MTHO GANG TZAM GYI STENG DU KUNDA DAG PA'I 'OD DANG MTSUNGS PA'I YI GE AOm RNAM PAR DGOD DE, DE YONGS SU GYUR PA'I DRI MA MED PA'I NAM MKHA'I ZLA BA'I DKYIL 'KHOR DANG MTSUNGS PA'I LHA'I BDUD RTZI'I RANG BZHIN GYI GZUGS BRNYAN RNAM PAR BSGOMS TE, DE'I DBUS SU THUR DU 'PHYANG BA 'BAR BA'I PHRENG BA CAN AOm RNAM PAR DGOD DE, DE'I 'OD ZER GYIS BZHU BAR BYA STE, DE'I BDUD RTZI 'BAB CHU'I RGYUN GYIS RNAM PAS MTSOGS MA'I BU GA'I LAM NAS 'ONGS PA DE RKAN GYI PHUGS LA GTAD PA'I LCES KUN TU MYANG BAR BYAS LA, RTZA KUN TU SPYOD PA'I RIM PAS YAN LAG DANG NYING LAG THAMS CAD RGYAS PAR BYA'O, ,DE LTAR BYAS PAS BSAM GTAN GYI ZAS CAN DBANG PO THAMS CAD YONGS SU RDZOGS PA, KHAM GYI ZAS LA LTOS PA MED CING GNAS PAR 'GYUR RO ZHES TSIM PAR BYED PA'I CHO GA GCIG GO, ,CHO GA GNYIS PA YANG YOD DE, MCHU GNYIS KYI RTZE MOR AOm YONGS SU GYUR PA'I KHA DOG SER PO BUM PA BZANG PO BKOD DE, DE'I NANG DU SAm YONGS SU GYUR PA LAS BDUD RTZIS KHA'I BAR DU YONGS SU BKANG BA LA DMIGS TE, LCE'I RTZE MOR H'Um PHRA MO YONGS SU GYUR PA'I RDO RJE PHRA MOS DE'I NANG NAS BDUD RTZI BKUG LA SNGA MA BZHIN DU PHUNG PO LA SOGS PA TSIM PAR BYA'O ZHES KHYAD PAR RO, ,DE'I RJES SU PHYI'I DKYIL 'KHOR LUS KYI DKYIL 'KHOR LA RAB TU 'JUG CING BDUD RTZI MYANG BAR BYA STE, YE SHES SEMS DPA'I THUGS KA'I SA BON LAS BYUNG BA'I 'OD ZER GYI TSOGS LCAGS KYU'I RNAM PAS PHUNG PO LA SOGS PA'I NGO BO NYID DE BZHIN GSHEGS PA DANG LHA MO DANG BYANG CHUB SEMS DPA' DANG, KHRO BO'I 'KHOR LO SNGA MA BZHIN DU BKUG LA, YAN LAG DANG TSIGS THAMS CAD DU NGES PAR DGOD DE, DE LAS KYANG SKU'I RDO RJE 'DZIN PA'I NGO BO NYID LHA'I 'KHOR LO SPYI BOR AOm LA BSDU BA DANG, GSUNG GI RDO RJE'I NGO BO NYID LHA'I 'KHOR LO MGRIN PAR YI GE A'A: LA BSDU BA DANG, THUGS KYI RDO RJE 'DZIN PA'I NGO BO NYID KYI LHA'I 'KHOR LO THUGS KA NA GNAS PA'I YI GE H'Um LA BSDU BAR BYA'O, ,DE'I

, ,RJES LA YI GE AOm A'A: LA THIM PA DANG A'A:YI GE H'Um LA THIM PA DANG, H'Um DE NYID LA YANG YE SHES KYI PHYAG RGYA DANG SNYOMS PAR ZHUGS PA'I RANG GI LHA'I GZUGS BRNYAN BSDUS TE, SLAR YANG H'Um DE NYID LA KHAMS GSUM MA LUS PA BSDUS TE, ,DE NYID YONGS SU GYUR BA LAS, SLAR YANG BDE BA CHEN PO'I RANG BZHIN CAN, RDO RJE 'CHANG CHEN PO'I GZUGS BRNYAN BSGOM PAR BYA'O, ,ZHES DPA' BO GCIG TU BSGOM PA'I BDAG NYID CAN GYI 'KHOR LO NYE BAR BSDU BA'I BSGOM PA'I CHO GA'O, ,DE'I RJES LA KHA DOG SNGON PO YI GE YAm YONGS SU GYUR PA LAS, MDUN DU GZHU'I DBYIBS CAN RLUNG GI DKYIL 'KHOR RNAM PAR BSAMS TE, DE'I STENG DU YI GE RAm YONGS SU GYUR PA LAS ME'I DKYIL 'KHOR ZUR GSUM PA ME'I PHRENG BAS DKRUGS PAR BSAMS LA, DE'I STENG DU YI GE AA DMAR PO YONGS SU GYUR PA LAS DUM BU GCIG PA PADMA'I SNOD BSAMS TE, DE'I DBUS SU MA RA BI SHU MU'I SA BON DANG GO KU DA HA NA ZHES BYA BA'I SA BON LNGA BKOD DE, YI GE BCU 'DRES PAR GYUR PAS LNGA RU SONG BAR RNAM PAR BSAMS TE, DE DAG YONGS SU GYUR PA LAS RTAG PA LA SOGS PA'I RANG BZHIN CAN GYI RDZAS RNAM PA LNGA PO DE'I STENG DU RIM PA JI LTA BA BZHIN DU DE BZHIN GSHEGS PA LNGA'I SA BON AOm LA SOGS PA RNAM PAR DGOD DE, SPRO BA DANG BSDU BA'I RIM PAS DE BZHIN GSHEGS PA THAMS CAD KYI RANG BZHIN DU BSGRUBS LA, SA BON DANG RDZAS YONGS SU GYUR PA LAS DE BZHIN GSHEGS PA LNGA ZHAL GSUM PA LA SOGS PA'I RNAM PA CAN, SEMS DPA' GSUM GYI BDAG NYID RANG RANG GI PHYAG RGYA DANG SNYOMS PAR ZHUGS PA SNA TSOGS PADMA DANG ZLA BA'I DKYIL 'KHOR LA BZHUGS PA 'OD GSAL BA'I RANG BZHIN CAN BSGOM PAR BYA'O, ,DE NAS RDO RJE DANG PADMA SNYOMS PAR 'JUG PA'I DUS SU DE RNAMS KYI RJES SU CHAGS PA'I SGRA DAM PAS BKUG PA DE BZHIN GSHEGS PA RNAMS NANG DU ZHUGS PAR BSAM LA ZHUGS PA'I DE MA THAG TU DE DAG ZHU ZHING BYANG CHUB KYI SEMS KYI GZUGS 'O MA CAN GYI RGYA MTSO LTA BU BDUD RTZI DE NYID

DU GNAS PAR BLTA BAR BYA'O, ,DE LA BLTAS TE CHOS KYI DBYINGS KYI YE SHES KYI RANG BZHIN YI GE H'Um GIS SBYANGS PAS THA MAL PA'I RNAM PAR RTOG PA BZLOG PAR BYA'O, ,YI GE A'A: SO SOR RTOG PA'I YE SHES KYI RANG BZHIN GYIS SAD PAR BYA BA G-YAS DANG G-YON DU 'KHOR BAR BSAM PAR BYA'O, ,YI GE AOm ME LONG LTA BU'I YE SHES KYI RANG BZHIN GYIS SPAR ZHING 'OD KYI TSOGS SPRO BAR GYUR PAR BSAM MO ZHES BDUD RTZI SBYANG BA LA SOGS PA'I RIM PA'O, ,AOm SVA BH'A BA SHUDDHA SARBA DHA RM'A SVA BH'A BA SHUDDHO&HAm, ZHES SNGAGS SAM YANG NA, AOm BADZRA DHRi KA CES BYA BA'I SNGAGS KYIS BYIN GYIS BRLAB PAR BYA'O, ,DE'I RJES LA YANG YE SHES SEMS DPA'I THUGS KAR TING NGE 'DZIN SEMS DPA'I ME LCE BDUN DANG LDAN PA LTA BUR BSAMS TE, MGRIN PAR YI GE A'A: YONGS SU GYUR PA LAS PADMA 'DAB MA BRGYAD PA DANG DMAR PO DE'I 'DAB MA GCIG LCE RU BSAMS LA, DE LA YANG SA BON H'Um YONGS SU GYUR PA'I RDO RJE DKAR PO PHRA MO DE'I DBUS KYI RTZE LA YI GE AOm GYIS BYIN GYIS BRLAB PAR BYA STE, SNGA MA BZHIN DU DE BZHIN GSHEGS PA DANG YUM GYIS BYIN GYIS BRLABS LA DGANG GZAR DANG BLUGS GZAR DU LAG PA GNYIS BSAMS TE, DE DAG GIS BDUD RTZI'I SNOD PHYAG 'TSAL BA SNGON DU 'GRO BAR BLANGS TE, DBYE BA RNAM PAR SPANGS PA'I BLOS DE BZHIN GSHEGS PA THAMS CAD 'DUS PA'I NGO BO NYID AOm BADZRA AA MRi TE SA M'A DHI DH'A NA PRi nA NI SV'A H'A, ZHES BYA BA'I SNGAGS 'DIS KHA'I THAB KHUNG GI LAM NAS YE SHES KYI ME LA BSREG PAR BYA'O, ,'DI'I PHAN YON NI LHA MO BZHIS ZHUS PA'I RGYUD LAS, RGA BA MED CING NAD MED DANG, ,'CHI BA MED CING DUG SOGS MED, ,DE NI DUS MIN 'CHI BA MED, ,GNOD PA THAMS CAD 'JOMS PAR BYED, ,CES 'BYUNG NGO, , ZLA GSANG THIG LE LAS KYANG, DUS DE BRTZAMS NAS DE NI RTOG MED DE, ,DE YI KHA DOG DBYIBS DANG MTSAN MA 'DZIN, ,BSAM MI KHYAB PA'I NGO BO RNAM SMIN SKU, ,SDOM PA DE LAS BYA BA BYAS PAS BSGOM, ,ZHES 'BYUNG NGO, ,BZA' BA DANG BTUNG BA LA SOGS PA GANG CI YANG RUNG BA

, ,DE DAG THAMS CAD ZAS KYI DUS SU RANG 'DOD PA'I LHA'I RNAL 'BYOR PA DANG LDAN PAS BDUD RTZI LNGA BZHIN DU SBYANGS TE BZA' BAR BYA'O, ,DE LA LKOG MA DANG SNYING GA DANG LTE BA DANG GSANG BA DAG TU KHAMS BZHI'I RANG BZHIN DKYIL 'KHOR BZHI STE, ME DANG CHU DANG RLUNG DANG DBANG CHEN NO, ,DE LA ME'I DKYIL 'KHOR NI RLUNG GI DKYIL 'KHOR GYIS SPAR BA YIN TE, CHU'I DKYIL 'KHOR GYIS YONGS SU SMIN PAR BYED DE, DBANG CHEN GYI DKYIL 'KHOR SNOD KYI 'JIG RTEN GYI NGO BOR BSREG BYA GNAS PAR GYUR TE, DE NYID DU 'JUG GO 'JUG PA'I THA MAR BSHANG LAM LAS THAL BAR GYUR PA NGES PAR 'BYUNG BAR 'GYUR ZHES NANG GI SBYIN SREG GI CHO GA'O, ,DE'I RJES SU MCHOD PA'I CHO GA BRTZAM PAR BYA STE, YE SHES SEMS DPA'I THUGS KA NA GNAS PA'I DKYIL 'KHOR GYI 'KHOR LO GANG YIN PA DE NYID SROG DANG RTZOL BAS BSKUL BA NA G-YAS DANG G-YON PA'I SNA'I BUG PA KHA SBYAR GYI NANG NAS PHYI'I RDUL TSON LA SOGS PA'I DKYIL 'KHOR DAG TU RNAM PAR SPRO ZHING DGOD LA, SNGA MA BZHIN DU KHA SBYAR DU BYAS TE DKYIL 'KHOR GYI 'KHOR LO YONGS SU GSAL BAR MTHONG NAS YAN LAG LNGAS PHYAG 'TSAL BA BZHI PO BYA'O, ,AOm SARBA TA TH'A GA TA SKU'I RIGS KYI DKYIL 'KHOR BA RNAMS LA K'A YA B'A KA TZI TTA PRA NA ME NA P'A D'A BA ND'A N'Am KA RO MI, ZHES SHAR NAS SO, ,AOm SARBA TA TH'A GA TA RIN PO CHE'I RIGS KYI DKYIL 'KHOR PA RNAMS LA K'A YA B'A KA TZI TTA PRA NA ME NA P'A D'A BA ND'A N'Am KA RO MI, ZHES LHO NAS BYA'O, ,AOm SARBA TA TH'A GA TA PADMA'I RIGS KYI DKYIL 'KHOR PA RNAMS LA K'A YA B'A KA TZI TTA PRA NA ME NA P'A D'A BA ND'A N'Am KA RO MI, ZHES NUB NAS BYA'O, ,AOm SARBA TA TH'A GA TA LAS KYI RIGS KYI DKYIL 'KHOR PA RNAMS LA K'A YA B'A KA TZI TTA PRA NA ME NA P'A D'A BA ND'A N'Am KA RO MI, ZHES BYANG NAS SO, ,DE LTAR PHYAG BZHI BYAS LA SDIG PA BSHAGS PA LA SOGS PA BLA NA MED PA'I MCHOD PA RNAM PA BDUN BYAS LA SLAR YANG 'DUD DE SKU KHRUS KYI CHO GA SNGON DU 'GRO BAR RANG RANG GI MCHOD PA'I SNGAGS DANG BCAS PA'I SNGAGS DAG GIS MCHOD PA RNAM PA LNGAS DKYIL 'KHOR GYI 'KHOR LO MCHOD PAR BYA STE, ,AOm BADZRA PU shPE A'A: H'Um PHAt SV'A H'A,

AOm BADZRA DH'U PPE A'A: H'Um PHAt SV'A H'A, AOm BADZRA D'I PE A'A: H'Um PHAt SV'A H'A, AOm BADZRA GANDHE A'A: H'Um PHAt SV'A H'A, AOm BADZRA AA MRi TE A'A: H'Um PHAt SV'A H'A, MCHOD PA RNAM LNGA'I SNGAGS SO, ,AOm SARBA TA TH'A GA TA P'A TYAm SA MA YA SHRI YE H'Um, AOm SARBA TA TH'A GA TA AA RGHAm SA MA YA SHRI YE H'Um, ZHABS BSIL DANG YON CHAB DAG GI SNGAGS SO, ,DE'I RJES SU RANG RANG GI SNGAGS BRJOD PAR BYA STE, AOm BADZRA DHRi KA A'A: H'Um PHAt SV'A H'A, AOm DZI NA DZI KA A'A: H'Um PHAt SV'A H'A, AOm RATNA DHRi KA A'A: H'Um PHAt SV'A H'A, AOm A'A RO Li KA A'A: H'Um PHAt SV'A H'A, AOm PRADZNY'A DHRi KA A'A: H'Um PHAt SV'A H'A, AOm MO HA RA TI A'A: H'Um PHAt SV'A H'A, AOm DVE shA RA TI A'A: H'Um PHAt SV'A H'A, AOm R'A GA RA TI A'A: H'Um PHAt SV'A H'A, AOm BADZRA RA TI A'A: H'Um PHAt SV'A H'A, AOm DZA: RU PA BADZRI NI A'A: H'Um PHAt SV'A H'A, AOm H'Um SHA BTA BADZRI NI A'A: H'Um PHAt SV'A H'A, AOm BAm GANDHA BADZRI NI A'A: H'Um PHAt SV'A H'A, AOm HO: RA SA BADZRI NI A'A: H'Um PHAt SV'A H'A, AOm H'Um SPA RshE BADZRI NI A'A: H'Um PHAt SV'A H'A, AOm THLIm KSHI TI GARBA A'A: H'Um SV'A H'A, AOm MAm MEE TRI A'A: H'Um SV'A H'A, AOm AAm BADZRA P'A nI A'A: H'Um SV'A H'A, AOm AOm AA K'A SHA GARBHA A'A: H'Um SV'A H'A, AOm MAm MA NYDZU SHR'I BADZRA A'A: H'Um SV'A H'A, AOm AOm LO KE SHVA RA A'A: H'Um SV'A H'A, AOm SAm SA MANTA BHA DRA A'A: H'Um SV'A H'A, AOm AOm SARBA nI WA RA nI BE shAm BI NI A'A: H'Um SV'A H'A, AOm YA M'A NTA KRi TA A'A: H'Um SV'A H'A, AOm PRA DZNY'A NTA KRi TA A'A: H'Um SV'A H'A, AOm PADMA NTA KRi TA A'A: H'Um SV'A H'A, AOm BI GHN'A NTA KRi TA A'A: H'Um SV'A H'A, AOm AA TZA LA A'A: H'Um SV'A H'A, AOm AOm tA KKI R'A DZA A'A: H'Um SV'A H'A, AOm A'A: NI LA DA ndA A'A: H'Um SV'A H'A, AOm H'Um MA H'A BA LA A'A: H'Um SV'A H'A, AOm H'Um SU MBHA R'A DZA A'A: H'Um SV'A H'A, AOm BHR'Um AU shn'I shA TZA KRA BA RTI NI A'A: H'Um SV'A H'A, 'DI DAG MCHOD PA DANG BZLAS PA'I SNGAGS SO, ,MCHOD PA'I MTHA' RU DKYIL 'KHOR SNGA MA BZHIN DU BSTOD CING BSKOR BAR BYA STE, 'DUD DE BSOD NAMS YONGS SU BSNGOS LA, SMON LAM BYAS LA SLAR YANG DKYIL 'KHOR SANGS RGYAS KYI ZHING DU GSHEGS SU GSOL NAS DAM TSIG GI DKYIL 'KHOR SNGA MA BZHIN DU SKU'I DKYIL 'KHOR DU 'JUG PAR BYA'O, ,DKYIL 'KHOR GYI 'KHOR LO DANG, RGYAL PO CHEN PO BZHI DANG, 'BYUNG PO THAMS CAD DANG, KHRO BO RNAMS LA

, ,GTOR MA SBYIN PAR BYA'O ZHES MCHOD PA'I CHO GA'O, ,DE LA RE ZHIG DANG POR MDUN DU 'DAB GSUM CU RTZA GNYIS PA'I PADMA BSAMS TE, DE'I DBUS KYI LTE BA NAS BRTZAMS TE, 'DAB MA THAMS CAD KYI BAR DU RANG BYIN GYIS RLOB PA'I RIM PAS LHA SUM CU RTZA GNYIS LA DMIGS SHING, SNGA MA BZHIN DU BTUD LA SNGAR BSHAD PA'I BSGOM PA'I RIM PAS PADMA'I SNOD KYI NANG DU YE SHES KYI BDUD RTZI BSGOMS TE ZHABS BSIL DANG ZHAL BSIL DANG YON CHAB SNGON DU 'GRO BAR DRIL BU'I SGRA SGOGS SHING BDUG SPOS BSREGS TE, AOm BADZRA DHRi KA SV'A H'A, ZHES BYA BA'I SNGAGS KYIS SPYAN DRANGS PAR BYA'O, ,DE NAS DAM TSIG GI PHYAG RGYA BCINGS TE 'CHAD PAR 'GYUR BA'I SNGAGS KYIS GTOR MA SBYIN PAR BYA'O, ,PHYAG RGYA NI RDO RJE KHU TSUR GNYIS BCINGS TE, MDZUB MO DANG MTHE CHUNG GNYIS LCAGS KYU'I RNAM PAR BCAS TE, GUNG MO DANG SRIN LAG GNYIS BKUG PA DAG GIS RTZA BA'I TSIGS GNYIS SU MTHE BONG GTAD LA LAG PA G-YON PA'I MKHRIG MA LAG PA G-YAS PA'I MKHRIG MAS 'KHYUD CING SNYING KHAR BCANG LA SNGAGS 'DI BRJOD LA, AOm SARBA TA TH'A GA TA TZA KRAm KRAm PR'I nA YE SV'A H'A, ZHES 'DI GTOR MA'I SNOD PHUL NAS, DE'I RJES SU AOm BADZRA SA TVA SA MA YA MA NU P'A LA YA, ZHES BYA BA LA SOGS PA'I YI GE BRGYA PA DANG, BDUD RTZI 'KHYIL PA'I SNGAGS DAG GIS SHING GCIG GAM LAM GYI SUM MDO LA SOGS PAR SPYI GTZUG TU BCINGS TE GTOR MA SBYIN PAR BYA'O, ,KHYED KYIS SEMS CAN DON KUN MDZAD, ,CES BYA BA LA SOGS PA'I TSIGS SU BCAD PAS GSHEGS SU GSOL BAR BYA'O ZHES DKYIL 'KHOR GYI GTOR MA'I CHO GA'O, ,DE'I RJES SU GLING BZHI'I BDAG PO RGYAL PO CHEN PO BZHI LA RIM PA 'DIS GTOR MA SBYIN PAR BYA BA YIN TE, MDUN DU dHRI DANG BI DANG B'I DANG BEE ZHES BYA BA RNAMS LAS BYUNG BA; GDONG GCIG PA LAG PA GNYIS PA DKAR PO DANG SER PO DANG NAG PO DANG DMAR PO'I MDOG CAN LUS LA GO CHA BGOS PA SPYI BOR RMOG GIS BRGYAN PA, MDUNG DANG RAL GRI LAG NA THOGS PA, YUL 'KHOR SRUNG DANG, 'PHAGS SKYES PO DANG, MIG MI BZANG DANG, RNAM THOS SRAS TE RGYAL PO CHEN

PO BZHI DE RNAMS LA SNOD BZHI PO NI CHANG DANG, SHA DANG 'O MA DANG 'BRAS THUG LA SOGS PA KHA ZAS RNAMS KYIS BKANG BAR BYAS TE, DKYIL 'KHOR GYI PHYOGS BZHI'I MTHAR DGOD PAR BYAS LA SNGAGS 'DI DAG GIS SBYIN PAR BYA STE, AOm dHRI TA R'A shtA YA GAN DHA RBA SE N'A DH'I P'A TA YE AI MAm BA LIm PRA T'I TZTSA YA SA MA YA MA NU SMA RA A'A: H'Um PHAt SV'A H'A, AOm BI RU dHA K'A YA MA H'A KUm BH'A NA d'A DHI PA TA YE AI MAm BA LI PRA T'I TZTSA SA MA YA MA NU SMA RA A'A: H'Um PHAt SV'A H'A, AOm BI R'U P'A KshA YA MA H'A N'A G'A DHI PA TA YE AI MAm BA LIm PRA T'I TZTSA SA MA YA MA NU SMA RA A'A: H'Um PHAt SV'A H'A, AOm BEE SHRA BA nA YA MA H'A YA KshA SE N'A DHI PA TA YE AI MAm BA LIm PRA T'I TZTSA SA MA YA MA NU SMA RA A'A: H'Um PHAt SV'A H'A, SNGAGS DE DAG GIS BYIN GYIS BRLABS TE SHAR LA SOGS PA'I PHYOGS SU GTOR BAR BYA'O ZHES RGYAL PO BZHI PO'I GTOR MA'I CHO GA'O, ,DE'I RJES SU 'BYUNG PO THAMS CAD KYI GTOR MA'I CHO GA 'DIS SBYIN PAR BYA STE, RE ZHIG DANG POR PHYOGS BZHI DAG TU GLING BZHI BRIS TE, ZLA BA PHYED PA DANG SOG KHA'I RNAM PA DANG ZLUM PO DANG GRU BZHI RNAMS KYI DKYIL 'KHOR DU YI GE SUm LAS RI RAB BSKYED DE LHA'I GNAS RIGS DRUG GIS BRGYAN PA, DBUS KYI CHA RU ZLA BA DANG NYI MA DAG GIS 'KHOR BAR BSAMS TE, DE'I 'OG TU 'JOG PO DANG RIGS LDAN DANG MTHA' YAS DANG, PADMA DANG PADMA CHEN PO DANG NOR RGYAS DANG DUNG SKYONG DANG STOBS KYI RGYU ZHES BYA BA'I KLU'I RGYAL PO RNAMS KYIS BSKOR BA, DE RNAMS KYI YANG 'OG TU GSER MIG LA SOGS PA'I LHA MA YIN GYI RGYAL PO 'KHOR DANG BCAS PA'O, ,DE RNAMS KYI YANG 'OG TU YI DAGS GCER BU SKAM ZHING SKRA GYEN DU SONG BA'O, ,DE RNAMS KYI YANG 'OG TU DMYAL BA CHEN PO BRGYAD, 'BAR BA'I MES BZOD PAR DKA' BA DANG, GRANG BA'I DMYAL BA YANG SHUGS DRAG PO CAN RLUNG GI REG PA DANG BCAS PAR BSAMS TE, GLING BZHI LA GNAS PA'I SKYE BO SNA TSOGS PA'I MI RNAMS DANG NGANG PA DANG PHUG RON LA SOGS PA DANG RKANG MED DANG RKANG GNYIS PA DANG RKANG BZHI PA DANG RKANG MANG LA SOGS PA BYOL SONG DANG BCAS PAR DMIGS SHING DE RNAMS THAMS CAD TSIM PAR BYA BA'I PHYIR SHIN TU RGYAS PA'I SNOD CHEN PO'I NANG DU 'BRAS CHAN DANG SHA CHANG DANG MYOS BYED DANG BAG PHYE'I 'BRAS BU DANG NYA SKAM PO DANG RLON PA DANG

, ,'BRU LNGA'I CHAN DANG GLA GOR ZHO SHA DANG, ZANGS LA SOGS PA'I PHYE MA DANG DAR DANG DNGUL GYI DONG TZE DANG, 'GRON BU LA SOGS PA RNAMS KYIS YONGS SU BKANG BAR BYAS LA, SNGAR BSHAD PA'I BDUD RTZI'I CHO GAS MI 'CHI BAR BYA STE, DRIL BU DKROL ZHING SPOS PA DUGS LA GONG DU BSHAD PA'I PHYAG RGYA DANG, GDAN BZHI LAS GSUNGS PA'I SNGAGS KYIS DE RNAMS DGUG PAR BYA STE, SNYING RJE CHEN PO BSKYED LA SNGAGS 'DIS GTOR MA SBYIN PAR BYA STE, AOm AA K'A RO MU KHAm SARBA DHARM'A N'Am A'A DYA NU TPA NA TV'A TA AOm A'A: H'Um PHAt SV'A H'A, ZHES 'BYUNG PO LA SOGS PA'I GNAS SU GTOR MA GTANG NGO, ,GTOR MAS TSIM PAR BYAS MA THAG TU DE DAG THAMS CAD ZHAL GCIG PHYAG GNYIS PA SKU MDOG DKAR PO RDO RJE DANG DRIL BU 'DZIN PA SEMS DPA'I SKYIL MO KRUNG DU BZHUGS PA RDO RJE SEMS DPA'I CHA LUGS CAN PADMA'I GDAN LA BZHUGS PA SHIN TU MNYAM PAR GZHAG PA, MNGON PAR DGA' BA'I 'JIG RTEN GYI KHAMS SU GSHEGS SHING BYANG CHUB SEMS DPA'I TSOGS KYIS BSKOR BA CHOS STON PAR BYED PAR BSGOM PAR BYA'O ZHES 'BYUNG PO THAMS CAD KYI GTOR MA'I CHO GA'O, ,NYAL BA'I DUS DANG RAB GNAS MTHAR, ,DE BZHIN SBYIN SREG THA MAR NI, ,PHYOGS BCUR TSIM PAR BYA BA'I PHYIR, ,KHRO RGYAL RNAMS LA GTOR MA SBYIN, ,RE ZHIG DANG POR RNAL 'BYOR BAS, ,MDUN DU KHRO BO'I DKYIL 'KHOR NI, ,RANG GI SA BON LAS BYUNG BA'I, ,JI LTAR BSHAD PA'I MDOG LDAN PA, ,PADMA'I STENG DU BSGOM PAR BYA, ,'KHOR LOS SGYUR DANG GNOD MDZES DAG ,STENG DANG 'OG TU BSGOM PAR BYA, ,DRAG PO'I GZUGS CAN BSGOM BYAS NAS, ,DE NAS GTOR MA SBYIN PAR BYA, ,SHA CHANG MYOS BYED DAG GIS NI, ,SNOD BCU PO NI DGANG BAR BYA, ,MCHOD PA RNAM LNGAS MCHOD BYAS NAS, ,TSIGS SU BCAD PA 'DI RNAMS BRJOD, ,GTZANG ZHING GTZANG MA'I GNAS LAS BYUNG, ,LHA YI ME TOG DGE BA 'DI, ,BDAG GIS DAD PAS 'BUL LAGS NA, ,BZHES TE BKA' DRIN BDAG LA GSOL, ,DE BZHIN DU SPOS DANG, MAR ME DANG, DRI DANG, LHA BSHOS KYI TSIG RNAMS BRJOD PAR BYA'O, ,DE NAS YON CHAB DANG,

ZHABS BSIL DANG, MTHOR 'THUNG PHUL LA, DRIL BU'I DBYANGS KYIS SPOS BSREG CING SPYAN DRANG BAR BYA'O, ,AOm A'A YAN TO A'A YAN TO KRU DHA R'A DZA AE HA SAN NE HI SVA BH'A BAN TO SV'A H'A, DE NAS RANG RANG GI SNGAGS KYIS SNOD RNAMS BYIN GYIS BRLAB PAR BYA STE, NA MA: SA MA NTA TA BUDDHE BHYO NA MO BADZRA MUNG+GA RA HA STA YA TZA ndA MAndALA AA KshE BA K'A R'A YA H'Um PHAt, GSHIN RJE GSHED KYI'O, ,NA MA: SA MANTA BUDDHE BHYO NA MO MA H'A DAndA DHA RA BI BI DHA SU RA AA SU RA MA RA DHA NA BHRUm TAN NI RA MA THA H'Um PHAt, SHES RAB MTHAR BYED KYI'O, ,NA MA: SA MANTA BUDDHE BHYO HU LU HU LU MA H'A PADMA AA MRi TE KU RU MA H'A B'A sh'A NA AA, PADMA MTHAR BYED KYI'O, ,NA MA: SA MANTA BUDDHE BHYO NA MA:, BADZRA KRO DH'A YA MA H'A DAm shtRO DA KA tA BHEE RA W'A YA BADZRA SANTO HA DA RP'A YA AA MRi TA KUNdA LI H'Um PHAt, BGEGS MTHAR BYED KYI'O, ,NA MA: SA MANTA BUDDHE BHYO AOm YA MA DA nd'A YA N'I LA DAnd'A YA, TU RU TU RU MU RU MU RU SARBA DU shtA NA M'A RA YA M'A RA YA H'Um PHAt, DBYUG SNGON CAN GYI'O, ,NA MA: SA MANTA BUDDHE BHYO NA MO MA H'A BA L'A YA AU TZU SHMA KO DHA R'A DZA YA, SARBA NA G'A NAm HRi DA YAm T'A d'A YA H'Um PHAt, STOBS PO CHE'I'O, ,NA MA: SA MANTA BUDDHE BHYO NA MO AA TZA LA K'A nA TZE TTA TZE TTA MO ttA MO ttA, GHA GHA, GH'A TA YA GH'A TA YA H'Um PHAt, MI G-YO MGON GYI'O, ,AOm tA KKI H'Um DZA, 'DOD PA'I RGYAL PO'I'O, ,AOm SUm BHA NI SUm BHA H'Um H'Um, AOm GRi HnA GRi HnA H'Um H'Um, GRi HnA GRi HnA PA YA GRi HnA PA YA H'Um H'Um, AOm A'A NA YA HO BHA GA B'AN BI DY'A R'A DZA H'Um PHAt, GNOD MDZES KYI RGYAL PO YI'O, ,NA MA: SA MANTA BUD DH'A N'Am NA MA SA MANTA DHARM'A NAm NA MA SA MANTA SAm GH'A N'Am, AOm SI T'A TA PA TRE AOm BI MA LE AOm SHAm KA RE, AOm PRA TYAm GI RA BADZRA AUshn'I shA TZA KRA WA RTI SARBA YA NTRA MA NTRA M'U LA KARMA BANDH'A N'Am TE dA NAm KI LA NAm W'Am, MA MA KRi TE YE NA KE NA TZI TTA KRi TA NTA SARBA NTU, TSI NDA TSI NDA, BI NDHA BI NDHA, TZI RI TZI RI GI RI GI RI MA RA MA RA H'Um H'Um H'Um H'Um H'Um H'Um H'Um H'Um H'Um H'Um PHAt PHAt PHAt, GTZUG TOR 'KHOR LOS SGYUR BA'I'O, ,SNGAGS MCHOG DAM PA DE RNAMS KYIS, ,GTOR MA'I SNOD LA SNGAGS BTAB CING, SHAR LA SOGS PAR GTOR BYAS NAS, ,RANG GI GNAS SU 'JUG PAR BYA, ,GTOR MA'I SBYIN PA 'DI YIS NI, ,PHYOGS BCUR GNAS PA'I 'BYUNG PO RNAMS, ,KHRO BO'I RGYAL PO TSIM BYAS PAS, ,DE DAG MA LUS TSIM PAR 'GYUR, ,GANG PHYIR

, ,KHAMS GSUM THAMS CAD NI, ,PHYOGS BCU POS NI YONGS BSKOR BA, ,KHRO BO'I RGYAL PO RANG NUS PAS, ,THAMS CAD RTAG TU SKYONG BAR BYED, ,RAB GNAS MTHAR NI 'DI BYAS PAS, ,GTOR MA YIS NI BRTAN PAR 'GYUR, ,GZUGS BRNYAN RAS RIS MCHOD RTEN SOGS, , BSKAL PA'I BAR DU GNAS PAR 'GYUR, ,SBYIN SREG MTHAR NI LHA MO RNAMS, ,DE BZHIN GSHEGS PA MNYES PAR 'GYUR, ,NYAL BA'I DUS SU CHO GA BZHIN, ,GTOR MA SBYIN PA 'DI NYID KYIS, ,RMI LAM NGAN PA SGRUB PA POS, ,NAM YANG MTHONG BAR MI 'GYUR RO, ,RNAL 'BYOR DBANG PO RMI LAM NI, ,BZANG PO KHO NAR MTHONG BAR 'GYUR, ,ZHES KHRO BO'I RGYAL PO'I GTOR MA'I CHO GA'O, ,DE'I RJES SU RANG DAD PA'I LHA'I NGA RGYAL DANG LDAN PA'I RNAL 'BYOR BAS RANG GI SNYING GAR YI GE KHAm YONGS SU GYUR PA'I SNA TSOGS RDO RJE'I CHANG ZUNGS LA GNAS PA'I YI GE KHAm GI THIG LE LA NGAL BSO TE, DE'I RJES SU SNGAR BSHAD PA'I KHRO BO'I RGYAL PO'I SNGAGS BCU BRJOD CING SE GOL BRDABS TE PHYOGS BCING BAR BYAS LA NYAL BAR BYA'O, ,DE'I TSE RMI LAM BZANG PO MTHONG BA SLOB DPON LA BZLA BAR BYA'O, ,DE MED NA BCOM LDAN 'DAS DE BZHIN GSHEGS PA RNAMS KYI MDUN DU SMRA BAR BYA YI GZHAN DU NI MA YIN NO, ,THO RANGS LDANG BA'I DUS SU KHYOD NI RDO RJE THUGS TE ZHES BYA BA LA SOGS PA'I TSIGS SU BCAD PA BRJOD CING SPYAN LA SOGS PA RNAMS KYIS BDAG LA SAD PAR BYED PAR BSAM MO, ,SLAR YANG THO RANGS NAS BRTZAMS TE SNGA MA BZHIN DU GNAS GZUNG BA LA SOGS PA SNGON DU 'GRO BAR BSGOM PAR BYA'O ZHES LAS KYI RGYAL BA MCHOG GI TING NGE 'DZIN DANG SPRUL PA'I SKU BSTAN PAS GZHAN GYI DON PHUN SUM TSOGS PA YANG BSTAN TO, ,DE LTAR PHUN SUM TSOGS PA GNYIS KA GTZOR GYUR PA'I TING NGE 'DZIN GSUM GYI BDAG NYID BSKYED PA'I RIM PA BSTAN TO, ,DA NI RDZOGS PA'I RIM PA BSHAD PAR BYA STE, DE YANG BSKYED PA'I RIM PA'I PHA ROL TU PHYIN PAS BSGOM PAR BYA BA 'DI YIN TE, DBANG PO RNO BAS DBANG BA DANG RANG BZHIN GYIS GRUB PA'I PHYIR BSKYED PA'I RIM PA'I PHA ROL TU PHYIN PA'I RTAGS NI 'DI DAG YIN TE, RANG GI

BDAG NYID KYIS JI BZHIN BSGOMS PA'I RANG 'DOD PA'I LHA'I RNAM PA GANG YIN PA DE MA 'KHRUL ZHING GSAL BAR SNANG BA DANG, GZHAN RNAMS KYANG DE BZHIN DU MNGON PAR MTHONG BA DANG LDANG BA DANG 'DUG PA DANG NYAL BA DANG 'CHAG PA'I MTSAN NYID SPYOD LAM BZHI PO'I DUS SU LHA'I RNAM PAR DAG PA MTHONG BA DANG, ZHI BA DANG, RGYAS PA DANG, DBANG DANG, DGUG PA DANG, RNAM PAR LDANG BA DANG, RENGS PA DANG, BSKRAD PA DANG, MNGON SPYOD CES BYA BA DNGOS GRUB BRGYAD DANG, DE BZHIN DU SMAN MCHOG DANG RO DANG BCUD KYIS LEN PA DANG, GSER 'GYUR GYI RTZI SBYOR BA DANG, NAM MKHA' LDING GI SBYOR BA DANG, SA 'OG GI DNGOS GRUB DANG, ,RO LANGS DANG RAL GRI DANG RI LU DANG MIG SMAN DANG RKANG MGYOGS DANG, 'KHOR LO'I RIG PA 'DZIN PA LA SOGS PA DNGOS GRUB RNAM PA DU MA GANG YIN PA DE RNAMS GZHAN GYI DON DU MI SLU BAR 'GRUB PA DANG, RANG GI LUS LA AUTPA LA SNGON PO'I DRI BRO BA DANG, CHOS GOS LA SOGS PA DANG RDUL DANG LUS LA SHIG DANG 'BU MED PA DANG, PHYI'I KHAM GYI ZAS LA LTOS PA MED PA DANG, BZA' BCA' THOB NAS KYANG SRED PA MED PA DANG, SHING TOG LA SOGS PA GANG CI YANG RUNG BAS CHOG SHES PA DANG, YUL LA 'DOD PA CHUNG BA DANG, MI SLONG ZHING SBYIN PA GTONG BA DANG, BSHANG BA DANG GCI BA CHUNG BA'O, ,NGES PA CAN GYI RTAGS DE DAG GIS BSKYED PA'I RIM PA'I RNAL 'BYOR LA MTHAR PHYIN PAR SHES PAR BYA'O, ,JI SKAD DU, LANG KAR GSHEGS PA LAS, DU BA LAS NI MER SHES TE, CHU SKYAR LAS NI CHU YIN NO, ,BYANG CHUB SEMS DPA' BLO LDAN GYIS, ,RIGS NI MTSAN MA RNAMS LAS SHES, ,ZHES 'BYUNG NGO, ,DE LTAR BSKYED PA'I RIM PA MTHAR PHYIN NAS RDZOGS PA'I RIM PA LA GOMS PAR BYA STE, RAB TU BYED PA'I MKHAN POS KYANG, ,BSKYED PA'I RIM PA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES 'BYUNG NGO, ,DE LA BSKYED PA'I RIM PA LA LEGS PAR GNAS PA GANG ZHE NA, GANG DANG PO'I SBYOR BA LA SOGS PA'I BSGOM

, ,PA'I RIM PAS, RIGS BRGYA'I DBYE BAS LUS RNAM PAR DBEN PA LA ZHUGS PA'O, ,RIGS BRGYA'I DBYE BA NI GZUGS KYI PHUNG PO'I TSOGS NI RNAM PAR SNANG MDZAD DO, ,TSOR BA'I PHUNG PO'I TSOGS NI RIN CHEN 'BYUNG LDAN NO, ,'DU SHES KYI PHUNG PO'I TSOGS NI 'OD DPAG TU MED PA'O, ,'DU BYED KYI PHUNG PO'I TSOGS NI DON YOD GRUB PA'O, ,RNAM PAR SHES PA'I PHUNG PO'I TSOGS NI MI BSKYOD PA'O, ,DE RNAMS RE RE RIGS LNGA'I DBYE BAS NYI SHU RTZA LNGAR 'GYUR RO, ,SA NI SANGS RGYAS SPYAN YIN TE, ,CHU KHAMS M'A MA K'I RU BSHAD, ,GZI BRJID GOS DKAR MO YIN TE, ,RLUNG NI DAM TSIG SGROL MAR BSHAD, ,DE RNAMS RE RE RIGS LNGA LNGA'I DBYE BAS NYI SHUR 'GYUR RO, ,RDO RJE SKYE MCHED 'DI DAG KYANG, ,BYANG CHUB SEMS DPA'I DKYIL 'KHOR MCHOG ,CES BYA BAS MIG LA SOGS PA'I DBANG PO RNAMS RE RE'ANG RIGS LNGA LNGA'I DBYE BAS NYI SHU RTZA LNGAR SHES PAR BYA'O, ,YUL GYI LHA MO RNAMS RE RE RIGS LNGA LNGA'I DBYE BAS NYI SHU RTZA LNGA'O, ,KHYAB PAR BYED PA YE SHES LNGA NI RIGS BRGYA'I BYE BRAG GO, ,JI SKAD DU, PHUNG PO KHAMS DANG SKYE MCHED RNAMS LA NI, ,LNGA PO'I DBYE BAS LNGA RU BYAS PA LA, ,DE BZHIN GSHEGS PAS SO SOR BYIN GYIS BRLABS, ,'KHOR BA'I LAS RNAMS DAG NI GANG LAS 'BYUNG, ,DE BZHIN DBANG PO PHYI ROL YUL BCAS LNGA, ,RE RE ZHIG KYANG BDE GSHEGS LNGA RNAMS KYIS, ,DE LA RANG RANG RTAG TU BYIN RLOB CING, ,YE SHES LNGA DANG GSUM DU YANG DAG GNAS, ,ZHES 'BYUNG NGO,, DE BZHIN DU YANG, RIGS NI RNAM PA BRGYAR BSHAD PA, ,MDOR BSDUS PA NI RNAM PA LNGA, ,LUS NGAG YID KYI DBYE BA YIS, ,PHYIS NI RNAM PA GSUM DU 'GYUR, ,ZHES 'BYUNG BAS SO, ,RIGS BRGYA'I DBYE BAS LHA'I GZUGS SU LUS RNAM PAR DBEN PAR BYAS LA, THAMS CAD STONG PA'I RANG BZHIN DE KHO NA NYID RNAL 'BYOR PAS MNGON DU BYED DE, DE CI'I PHYIR ZHE NA, RIGS BRGYA PO GANG BSHAD PA DE MDOR BSDUS PAS LNGA RU 'GYUR TE PHUNG PO LNGA DANG NYON MONGS PA LNGA DANG 'BYUNG BA CHEN PO LNGA DANG YE SHES LNGAS RNAM PAR DAG PA'I PHYIR RO, ,RIGS LNGA PO DE YANG SLAR YANG GSUM DU 'GYUR TE,

SKU DANG GSUNG DANG THUGS KYIS SO, ,RIN CHEN DANG DON YOD PA'I RIGS DAG NI SKU'I RIGS DANG GSUNG NGAM THUGS KYI RIGS SU BSDU BAR BYA'O, ,DE LA NGA RGYAL GYI NGO BO NYID RIN CHEN 'BYUNG LDAN NI GTI MUG LAS 'BYUNG BA'I PHYIR SKU'I RIGS SU BSDU BAR BYA'O, ,DON YOD GRUB PA PHRAG DOG GI NGO BO NYID NI 'DOD CHAGS SAM ZHE SDANG LAS 'BYUNG BA'I PHYIR 'DOD CHAGS KYI RIGS SAM ZHE SDANG GI RIGS SU BSDU'O, ,RIGS GSUM PO DE GCIG PA NYID DU SHES PAR BYA'O, ,GANG GI PHYIR LUS DANG NGAG NI THUGS KYI RDO RJE LA BSDU BA YIN TE SNANG BA THAMS CAD KYI RTZA BA YIN PA'I PHYIR RO, ,SEMS DE YANG SNANG BA DANG SNANG BA MCHED PA SNANG BA NYE BAR THOB PA'I DBYE BAS DPYAD PA NA THAMS CAD STONG PA'I NGO BO NYID DU 'GYUR TE, JI SKAD DU, STONG PA'I CHOS LAS STONG PA'I CHOS RNAMS 'BYUNG, ,ZHES SLOB DPON KLU SGRUB KYI ZHAL SNGA NAS KYIS GSUNGS SO, ,RAB TU BYED PA LAS KYANG, ,JI LTAR CHU KLUNG DANGS PA LAS, ,NYA DAG MYUR DU LDANG GYUR TE, ,DE BZHIN THAMS CAD STONG GSAL LA, ,SGYU 'PHRUL DRA BA 'BYUNG BAR 'GYUR, ,ZHES 'BYUNG NGO, ,RIGS BRGYA'I DBYE BA BSGOM PA'I RIM PA 'DIS, ,RNAL 'BYOR PA PHYIR MI LDOG PA'I SA BRGYAD PA LA GNAS PAR 'GYUR RO, ,DE LTAR BSKYED PA'I RIM PA LA MTHAR PHYIN NAS RDZOGS PA'I RIM PA'I DANG PO RDO RJE BZLAS PA LA GOMS PAR BYA'O, ,DE LA DANG PO RLUNG GI DE KHO NA NYID LA DMIGS NAS SNGAGS KYI DE KHO NA NYID LA DMIGS PAR RO, ,RLUNG GI DE KHO NA NYID CES BYA BA NI GDONG GI SNA LA SOGS PAR GNAS PA'I YUNGS KAR PHRA MO TZAM GYI THIG LE BSGOM PA'O, , GANG GI PHYIR RLUNG NI LUS THAMS CAD LA KHYAB PA DANG, LAS THAMS CAD BYED CING SROG CHAGS THAMS CAD KYI SROG TU GYUR PA RNAM SHES KYI BZHON PA GCIG PU KHO NA'O, ,DE YANG PHUNG PO LNGA'I DBYE BAS LNGA RU 'GYUR TE, SROG DANG, THUR DU SEL BA DANG, ME DANG MNYAM PA DANG, GYEN DU RGYU BA DANG, KHYAB PA'O, ,DE LA SROG NI LTE BA LA GNAS SHING RNAM PAR SHES PA'I PHUNG PO MNGON PAR SKYED BAR BYED PA'I LAS CAN NO, ,THUR DU SEL BA NI BSHANG LAM LA GNAS SHING TSOR BA'I PHUNG PO MNGON PAR SKYED PA'I LAS CAN NO, ,GYEN DU RGYU BA NI MGRIN PA LA GNAS SHING 'DU SHES KYI PHUNG PO MNGON

, ,PAR SKYED PA'I LAS CAN NO, ,ME DANG MNYAM PA NI SNYING GA NA GNAS SHING 'DU BYED KYI PHUNG PO MNGON PAR SKYED PA'I LAS CAN NO, ,KHYAB PAR BYED PA NI LUS KYI TSIGS THAMS CAD LA GNAS SHING GZUGS KYI PHUNG PO MNGON PAR SKYED PA'I LAS CAN NO, ,DE DAG SA LA SOGS PA 'BYUNG BA CHEN PO LNGA DANG, DE BZHIN GSHEGS PA LNGA DANG, KHA DOG LNGA DANG LDAN ZHING ZHI BA LA SOGS PA'I LAS BYED PA'I YE SHES LNGA'I NGO BO NYID DU SHES PAR BYA'O, ,YAN LAG GI RLUNG NI RGYU BA DANG RNAM PAR RGYU BA DANG KUN TU RGYU BA DANG, RAB TU RGYU BA DANG, NGES PAR RGYU BA'O, DE DAG GI MIG LA SOGS PA'I DBANG PO LNGA LA BRTEN TE GZUGS LA SOGS PA GZUNG BA'I MTSAN NYID CAN GYI LAS BYED DO, ,DE RNAMS KYANG DE BZHIN GSHEGS PA LNGA'I NGO BO NYID DO, ,BCU PO DE RNAMS KYI MING NI SGRA JI BZHIN MA YIN PAS DPAL SANGS RGYAS THAMS CAD DANG MNYAM PAR SBYOR BA LAS BCOM LDAN 'DAS KYIS GSUNGS TE, KU tA KHYA DANG KU dA DANG, ,KU dA BHA DANG KU tI RA, ,KA KU L'A TSA KU LA WA, ,KU L'A BHA KO LI RA BA, ,SROG DANG THUR SEL ME MNYAM DANG, ,GYEN DU DE BZHIN KHYAB BYED DANG, ,GLANG PO RUS SBAL RTZANGS PA DANG, ,LHA SBYIN DANG NI GZHU LAS RGYAL, ,ZHES 'BYUNG NGO, ,RLUNG BCU PO DE DAG GNAS DANG NYON MONGS PA DANG LAS KYI BYE BRAG LA BRTEN TE NYIN MTSAN DU ZO CHUN BZHIN DU SEMS CAN GYI KHAMS 'JUG PAR BYED PA NA 'KHOR BAR BYED CING, YANG DANG YANG DU 'KHOR BA'I SGO NAS NYING MTSAMS SBYOR BA LA BCINGS PAS NYON MONGS PAR BYED DO, ,RLUNG DE RNAMS KYI DE KHO NA NYID YONGS SU SHES PAS GROL BAR 'GYUR BAS DE BSHAD PAR BYA STE, DE'I DE KHO NA NYID NI THIG LE BSGOM PA'O, ,GANG GI PHYIR THABS DANG SHES RAB SNYOMS PAR ZHUGS PA'I DUS SU RTZA STONG PHRAG BDUN CU RTZA GNYIS KYI 'KHOR LO LAS BYUNG BA'I BYANG CHUB KYI SEMS RDO RJE NOR BU'I RTZE MOR GONG BUR GYUR PA NA, RLUNG DANG NYE BA'I RLUNG THAMS CAD RAB TU ZHI BAR GYUR PAS NA, GSAL BA DANG DGA' BA'I RANG BZHIN CAN GYI 'OD GSAL BA'I DE KHO NA NYID MNGON DU 'GYUR RO, ,DE'I PHYIR BDE BA CHEN PO'I DBANG GIS

RLUNG GZUGS MED KYANG BYANG CHUB KYI SEMS KYI THIG LE'I GZUGS SU 'GYUR TE, SHIN TU GRANG BA'I DBANG GIS CHU'I SRA BA NYID BZHIN NO, ,THIG LE DE YANG RNAM PA GSUM STE, GSANG BA'I SNA'I RTZE MOR BYANG CHUB KYI SEMS KYI THIG LE GSUNG GI RDO RJE'I RNAL 'BYOR PAS BSGOM PAR BYA BA DANG, SNYING GA'I PADMA'I SNA'I RTZE MOR SNGAGS KYI THIG LE THUGS KYI RDO RJE'I RNAL 'BYOR PAS BSGOM PAR BYA BA DANG, GDONG GI SNA'I RTZE MOR RLUNG GI THIG LE 'OD ZER CAN SKU'I RDO RJE'I RNAL 'BYOR BAS BSGOM PAR BYA BA'O, ,DE LA SNYOMS PAR ZHUGS PA LAS 'BYUNG BA YAN LAG DANG NYING LAG THAMS CAD NAS 'PHO BAS DAM PA DGA' BA'I GNAS SKABS SU, ,RDO RJE DANG PADMA'I SNA RU 'DZIN PAR GYUR PA NA NGAG GI SPROS PA THAMS CAD SPANGS PA, BRJOD DU MED PA'I THIG LE 'DOD CHAGS CAN GYI RNAL 'BYOR PAS BSGOM PAR BYA'O ZHES GSUNG GI RDO RJE'I RNAL 'BYOR PA'I PHRA MO'I RNAL 'BYOR RO, ,SPYI BO DANG LKOG MA DANG, SNYING GA NA GNAS PA'I YI GE GSUM PO LA DMIGS TE, SKU'I RDO RJE'I SA BON GYI CHA RNAMS STENG NAS BRTZAMS TE GCIG NAS GCIG TU THIM PAR BYAS TE, 'OG GI CHA GSUNG GI RDO RJE'I CHA RNAMS LA 'JUG PAR BYA STE, DE'I CHA RNAMS KYANG SNGA MA BZHIN DU 'JUG PAR BYAS LA YI GE H'Um DU THIM PAR BSAM MO, ,YI GE H'Um CHA BZHI PA YANG ZHABS KYU NI LA LA THIM PA DANG, 'A HA LA THIM PA DANG, HA MGO BO LA THIM PA DANG, MGO BO ZLA TSES LA THIM PA DANG, ZLA TSES THIG LE LA THIM PA DANG, THIG LE SEMS RTZE GCIG PAR BYAS PAS NAM MKHA' LTA BU'I NGO BO NYID DU GNAS PA NI ZHE SDANG RDO RJE'I RNAL 'BYOR PA'I PHRA MO'I RNAL 'BYOR RO, ,DE BZHIN DU LUS 'DI LA KHAMS BZHI'I RANG BZHIN DKYIL 'KHOR BZHI YOD DE, DE YANG MGRIN PA DANG, SNYING GA DANG, LTE BA DANG, GSANG BAR GNAS PA STE, GRU GSUM DANG, ZLUM PO DANG, GZHU'I DBYIBS CAN DANG, GRU BZHI'O, ,DMAR PO DANG, DKAR PO DANG, DUD KHA DANG, SER PO'I MDOG CAN, ME DANG, CHU DANG, RLUNG DANG, SA'I NGO BO NYID DO, ,YAm RAm BAm KHAm ZHES BYA BA'I SA BON LAS BYUNG BA DANG, SNANG BA MTHA' YAS DANG, MI BSKYOD PA DANG, DON YOD GRUB

, ,PA DANG; RIN CHEN 'BYUNG LDAN GYIS BYIN GYIS BRLABS PA STE THABS BSTAN NO, ,DE NAS GOS DKAR MO DANG, M'A MA K'I DANG, SGROL MA DANG, SANGS RGYAS SPYAN GYIS BYIN GYIS RLOB PA NI SHES RAB KYI NGO BO NYID DO, ,G-YAS PA DANG, G-YON PA DANG, GNYIS KA DANG, DMAN PAR RGYU BA RNAMS KYI SNA'I SGOR BSTAN TO, ,SNGA DRO DANG, NYI MA PHYED DANG, PHYI DRO DANG, MTSAMS DAG GI DUS BSTAN PA DE BZHIN DU YANG MTSAN MOR RO, ,DBANG DANG ZHI BA DANG, DGUG PA DANG, RGYAS PA NI PHRIN LAS SO, ,DKYIL 'KHOR DE RNAMS LAS THO RANGS NAS BRTZAMS TE, KHA DOG DMAR PO'I 'OD ZER SNA'I BUG PA G-YAS PA NAS 'BYUNG BAR 'GYUR ZHING SNA'I RTZE MOR THUN GYI PHYED KYI PHYED KYI BAR DU GNAS PAR 'GYUR RO, ,DE BZHIN DU THUN GNYIS PA LA KHA DOG LJANG SER CAN, ,'OD ZER SNA'I BUG PA G-YON NAS 'BYUNG ZHING DE NYID DU THUN GYI PHYED KYI PHYED KYI BAR DU GNAS PA'O, , THUN GSUM PA LA YANG KHA DOG SER PO 'OD ZER GYIS KA LAS 'BYUNG ZHING SNA'I BUG PA DE NYID DU THUN GYI PHYED KYI PHYED KYI BAR DU GNAS SO, ,THUN BZHI PA LA YANG GNYIS KA KHA NAS 'BYUNG ZHING 'ON KYANG DAL ZHING DMAN PAR RGYU BA KHA DOG DKAR PO'I 'OD ZER 'BYUNG ZHING, DE YANG THUN GYI PHYED KYI PHYED KYI PAR DU GNAS PA STE, MTSAN MO YANG DE BZHIN NO, ,DE LTAR NYIN MO DANG MTSAN MO THUN BRGYAD LA CHU TSOD DRUG CU'I BAR DU STONG PHRAG NYI SHU RTZA GCIG DANG DRUG BRGYA DKYIL 'KHOR SO SO DAG TU 'JUG PA DANG GNAS PA DANG LDANG BA'I RIM GYIS RGYU BA'O, ,DKYIL 'KHOR RE RE DAG LA BZHI BZHI'I BDAG NYID YOD DO, ,CHA DE RNAMS SU 'JUG PA LA SOGS PA'I SA YA BDUN CU RTZA GNYIS GSUNGS SO, ,DE DAG THAMS CAD KYI RTZA BA NI BCOM LDAN 'DAS MA PHYI MO'I YI GE BZHI BCU RTZA DGU PA'O, ,DE YI YANG RTZA BA NI LTA BA'I 'OG 'OD GSAL BA'I GNAS LAS BYUNG BA SROG CES BYA BA'I RLUNG NGO, ,JI SKAD DU, NAM MKHA'I RLUNG NI LUS LA 'BYUNG BA STE, ,YANG DAG BRJOD PAS DBYANGS NI KHAR PHYIN PA, ,GNAS GZHAN DAG TU RAB TU PHYE BAS NA, ,YI GE NYID DU GYUR PA GANG YIN DE SGRA YIN, ,DE NI TSANGS PA'I YI GE DAG BYED MCHOG ,PHUGS NA GNAS

PAR YANG DAG BRAM ZES 'DOD, ,DE NI YANG DAG RAB TU SBYOR GYUR NA, ,NGES LEGS MNGON PAR MTHO BAS SKYES BUR SBYOR, ,ZHES SO, ,DE BAS NA SROG DE NYID SNYING LA SOGS PA'I GNAS BRGYAD LA RIG PAS DBYANGS DANG GSAL BYA'I SDE TSAN RNAMS SKYED PAR BYED DO, ,JI SKAD DU, YI GE RNAMS KYI GNAS BRGYAD DE, BRANG DANG MGRIN PA MGO DE BZHIN, ,LCE YI RTZA BA SO DANG NI, ,SNA DANG MCHU DANG RKAN DAG GO, ,ZHES 'BYUNG NGO, ,GNAS BRGYAD PO DE DAG LAS SDE TSAN BRGYAD SKYE BAR 'GYUR TE DBYANGS KYI SDE KA LA SOGS PA MA'I BAR DU SDE TSAN LNGA DANG BAR NA GNAS PA DANG DROD KYI YI GE'I SDE TSAN GNYIS TE, RNAM PA SHES PA TSOGS BRGYAD RNAM PAR DAG PA'I NGO BO YIN ZHES BAR DU'O, ,DE LAS KYANG TSIGS RNAMS NI BA LANG DANG RTA LA SOGS PA'I SGRA 'BYUNG NGO, ,DE RNAMS LAS KYANG NGAG SKYE BA YIN TE, DPER NA KYE LHAS BYIN PA DKAR MO DANG DBYUG PAS RDUNGS SHIG ,CES BYA BA LA SOGS PA'O, ,DE RNAMS KYANG NGAG CHEN POR 'GYUR TE, DPER NA 'DI SKAD BDAG GIS THOS PA'I DUS GCIG NA ZHES BYA BA LA SOGS PA'O, ,NGAG CHEN PO LAS KYANG BSTAN BCOS RTZOM PA DANG, GAR GYI BSTAN BCOS DANG, RAB TU BYED PA DANG, RLUNG DANG LUNG BSTAN PA DANG, RTOG GE DANG, GRANGS CAN PA DANG, MCHOD 'OS DANG, PHYUGS KYI BDAG PO PA DANG, RIGS PA PA DANG, KHYAD PAR PA DANG, DPYOD PA PA DANG, BDE BAR GSHEGS PA LA SOGS PA'I BSTAN BCOS DANG, 'JIG RTEN GYI THA SNYAD KYI BYE BRAG GIS RNAM PA DRUG TU BYUNG BA DE DAG THAMS CAD KYI RGYUR GYUR PA NI PHYI MO'I YI GE KHO NA'O, ,DE LA SNGAGS THAMS CAD BTU BAS NA SNGAGS KYI BTU BA STE PHYI MO'O, ,DE NI SPRO BA'I RIM PAS SNGAGS BTU BA'O, ,BSDU BA'I RIM PAS KYANG 'DI LTA STE, AA LA SOGS PA NAS HA'I BAR DU SDE TSAN BRGYAD PA DANG PO'I YI GE RNAMS KYIS BSDUS PA YIN TE, AA KA TZA tA TA PA YA SHA'O, ,DE DAG KYANG 'BYUNG BA'I YI GE BZHI LA BSDUS PAS AA KA YA SHA'O, ,DE DAG KYANG GSUM DU BSDUS PA LAS AA KA YA'O, ,DE RNAMS KYANG YI GE GSUM DU 'GYUR TE, DE LA SHES RAB KYI RANG BZHIN YI GE AA, 'DOD CHAGS KYI SA BON YI GE AA YA'O, ,THABS

, ,KYI NGO BO NYID KYI YI GE KA YONGS SU GYUR PA'I THUGS KYI RDO RJE'I SA BON YI GE H'Um NGO, ,GNYIS KA SNYOMS PAR ZHUGS PA'I MTSAN NYID YI GE YA YONGS SU GYUR PA GTI MUG RDO RJE'I SA BON YI GE A'A'O, ,DE RNAMS KHAMS GSUM DANG, SRID PA GSUM DANG, SKU GSUM DANG, YE SHES GSUM DANG, RTZA GSUM DANG, RDZAS GSUM DANG, SEMS DPA' GSUM DANG, DE BZHIN GSHEGS PA GSUM DANG, LHA MO GSUM DANG, DKYIL 'KHOR GSUM GYI NGO BO NYID BUD MED DANG SKYES PA DANG MA NING DANG, THABS DANG SHES RAB DANG GNYIS KA SNYOMS PAR ZHUGS PA DANG, ZLA BA DANG, NYI MA DANG, ME DANG, NYIN MO DANG, MTSAN MO DANG, MTSAMS KYI RANG BZHIN YI GE GSUM SKYE BAR 'GYUR TE, DE YANG PHAN TSUN YI GE AOm A'A: LA ZHUGS PA DANG, A'A: H'Um LA ZHUGS PA DANG, H'Um THIG LE DANG BCAS PA LA DMIGS TE, THIG LE NI ZLA TSES LA THIM PA DANG, ZLA TSES MGO BO LA THIM PA DANG, MGO BO HA LA THIM PA DANG, HA ZHABS BSKYED LA THIM PA DANG, ZHABS BSKYED THUNG DU AA RU GYUR PAS NGAG MA LUS PA'I NGO BO NYID GNAS PAR 'GYUR RO ZHES SNGAGS KYI DE KHO NA NYID KYIS KHYAB PA'I SNGAGS KYI BTU BA'O, ,SGYU 'PHRUL DRA BA LAS KYANG, AA NI YIG 'BRU KUN GYI MCHOG ,DON CHEN YI GE DAM PA STE, ,KHONG NAS 'BYUNG BA SKYE BA MED, ,TSIG TU BRJOD PA SPANGS PA STE, ,BRJOD PA KUN GYI RGYU YI MCHOG ,TSIG KUN RAB TU GSAL BAR BYED, ,CES 'BYUNG NGO, ,RDO RJE DKYIL 'KHOR GYI RGYAN LAS KYANG, SNYING GI DKYIL NA MI SHIGS PA'I, ,'BAR BA'I MAR ME DAG DANG MTSUNGS, ,YI GE DAM PA PHRA BA NI, ,AA NI KHYAB BDAG GTZO BOR GNAS, ,ZHES 'BYUNG NGO, ,GANG LAS 'BYUNG BA DANG THIM PA DE NI YI GE AA STE, DE'I RGYU CAN SNGAGS THAMS CAD YIN PAS BTU BA YANG DE KHO NA NYID KYIS KHYAB PA'O, ,GANG GI TSE MA NING GI BZLAS PA'I DUS SU LTE BAR THIM PAR GYUR PA DE'I TSE 'GRO BA DANG 'ONG BA DANG BRAL BA DANG, 'OD GSAL BA NYID SNGAGS THAMS CAD SKYED PAR BYED PA'I RGYU YIN PAS DE NYID LAS BTU BAR BYA'O, ,BTU BA NI RNAM PA GSUM STE, GANG GI PHYIR PHYI MO'I YI GE DANG AA DANG 'OD GSAL BA NYID DE, SPROS PA DANG

SPROS PA MED PA DANG SHIN TU SPROS PA MED PA'I PHYIR SPYOD PA BZHIN ZHES BTU BA'O, ,SNGAGS KYI DON ZHES BYA BA NI YI GE AOm GYI DON NI RNAM PAR SNANG MDZAD DO, ,A'A:'I DON NI SNANG BA MTHA' YAS SO, ,YI GE H'Um GI DON NI MI BSKYOD PA'O, ,SV'A DANG H'A DAG GI DON NI RIN CHEN 'BYUNG LDAN DANG DON YOD GRUB PA'O, ,DE BZHIN DU GZHAN RNAMS KYI BRJOD PAR BYA BA'I DON LA BRTEN TE RANG RANG GI LHA'I BDAG NYID KYI DON BRTAG PAR BYA'O ZHES BYA BA'I DON TO, ,SNGAGS KYI BRDA ZHES BYA BA NI SPRUL DANG MGO MED DANG MTHA' MED DANG BTU BA'O, ,DE LA AOm DANG SV'A H'A LDAN PA NI SPRUL LO, ,AOm MED CING SV'A H'A DANG LDAN PA NI MGO MED DO, ,SV'A H'A MED CING AOm DANG LDAN PA NI MTHA' MED PA'O, ,GNYIS KA SPANGS PA NI BTUS PA'O, ,DE RNAMS KYI DPE NI LE'U BCU BZHI PA LAS 'CHAD PAR 'GYUR RO, ,DE YANG LAS KYI DBYE BAS BRDA'I DBYE BA STE, ZHI BA DANG RGYAS PA DANG DBANG DANG DGUG PA LA SOGS PA DAG TU DGOS PA'I PHYIR RO, ,GZHAN YANG BRDA BCU GCIG PO NI SPEL BA DANG 'DRES PA DANG KHA SBYAR LA SOGS PA RDO RJE GTZUG TOR GYI RGYUD LAS RTOGS PAR BYA'O, ,DE BZHIN DU YANG SNYING PO DANG, NYE BA'I SNYING PO DANG, SNYING PO SKUL BAR BYED PA DANG, RTZA BA'I SNGAGS DANG, PHRENG BA'I SNGAGS DANG, RIG SNGAGS DANG, GZUNGS SNGAGS DANG, SA BON DANG, MING GI YI GE DANG PO DANG, PHYUNG BA'I SNGAGS RNAMS NI LAS DANG RJES SU MTHUN PAR BCOM LDAN 'DAS KYIS GSUNGS SO, ,DE LA SNYING PO NI BCOM LDAN 'DAS MNGON DU RJOD PAR BYED PA'O, ,NYE BA'I SNYING PO NI YAN LAG GI SGO NAS YIN GYI DNGOS SU NI MA YIN NO, ,DE DAG NI 'DAS PA'I DUS DANG LAS KYI RAB 'BYAMS SGRUB LA SHES PAR BYA'O, ,SNYING PO BSKUL BA NI LHA'I THUGS KYI NUS PA NAN TAN GYIS BKUG LA BDAG NYID LA 'JUG PA'O, ,RTZA BA'I SNGAGS NI MNGON PAR 'DOD PA'I LHA MNGON DU BYED PA'O, ,PHRENG BA'I SNGAGS NI MCHOD PA'I MTHAR CHUN 'PHYANG 'BUL BA'O, ,RIG PA'I SNGAGS NI SA 'OG LA SOGS PA'I DNGOS GRUB SGRUB PA'O, ,GZUNGS SNGAGS NI RGYAL PO LA SOGS PA'I 'JIGS PA ZLOG PA'O, ,SA BON GYI SNGAGS NI DE BZHIN GSHEGS PA DANG LHA MO

, ,RNAMS SKYED PA'O, ,PHYUNG BA'I SNGAGS NI GSANG BA'I GNAS SU DAM TSIG GI DKYIL 'KHOR SPRO BAR BYED PA'O, ,MING GI DANG PO'I YI GE RNAMS NI SA BON GYI SNGAGS KYI KHYAD PAR RO, ,DE BAS NA BRDA'I SGO NAS 'DOD PA'I DON THAMS CAD 'GRUB PA YIN ZHES SNGAGS KYI BRDA'O, ,SNGAGS KYI DE KHO NA NYID NI DE BZHIN NYID DO, ,CHOS THAMS CAD KYI DON DAM PA'I 'OD GSAL BAS BRTAGS SHING CHOS NYID KYI MTSAN NYID DO, ,GANG GI PHYIR DE KHO NA NYID YONGS SU SHES PA MED PAR ZHI BA LA SOGS SGRUB PA LA SNGAGS THAMS CAD DON DANG LDAN PAR MI 'GYUR RO,, JI SKAD DU, YI GE'I GZUGS CAN SNGAGS RNAMS NI, ,DE BAS DAM PA RNAMS MI 'DOD, ,GANG PHYIR RTZVA MCHOG TZAM NYID NI, ,'GUGS PAR BYED PAR MI NUS SO, ,ZHES 'BYUNG NGO, ,MTHAR THUG PA'I RIM PA LAS KYANG, ,SO MCHU RKAN DANG LCE SOGS KYIS, ,NGAG NI BSKYOD PA DANG LDAN PA; ,DE NI 'GYUR BA NYID YIN TE, ,MI SHIGS PA NYID GA LAS 'GYUR, ,ZHES PA DANG, RGYUD PHYI MA LAS KYANG SNGAGS KYI SGRA MAN TRA'I TSIG GI SGO NAS SNGAGS KYI DE KHO NA NYID BSTAN TE, JI SKAD DU, DBANG PO DANG NI YUL DAG LA, ,BRTEN TE YID NI GANG SKYES PA, ,DE NI MAN ZHES BRJOD PA STE, ,SKYOB PA'I DON GYIS TRA ZHES BYA, ,ZHES SO, ,LUNG BSTAN PA LAS KYANG, ,MAN TRA GSANG BAR BRJOD PA'I DON TO, ,DE BAS NA SNGAGS KYI DE KHO NA NYID MI SHES NA GANG LAS BYED PA DE'I LAS DE RNAMS 'GRUB PAR MI 'GYUR TE, NGO BO NYID YONGS SU MI SHES PA'I PHYIR BYE MA LA MAR BZHIN NO, ,SNGAGS KYI DE KHO NA NYID SHES PA'I RNAL 'BYOR PAS ZHI BA LA SOGS PA 'BAD PA MED PAR 'GRUB PAR 'GYUR TE, DE RNAMS ZHAR LA 'BYUNG BA'I PHYIR RO, ,DE BAS NA RNAM PA THAMS CAD DU BLA MA'I DRIN LA BRTEN TE SNGAGS KYI DE KHO NA NYID BTZAL BAR BYA'O, ,DE LTAR RNAM PA BZHIS SNGAGS KYI DE KHO NA NYID BSTAN TO, ,RLUNG GI DE KHO NA NYID DANG, SNGAGS KYI DE KHO NA NYID BSTAN NAS, RDO RJE BZLAS PA LA SOGS PA BRJOD PAR BYA STE, DE RDO RJE 'CHANG CHEN PO'I BZLAS PA ZHES BYA BA NI DANG PO RNAL 'BYOR PAS MYUR DU RDO RJE 'CHANG CHEN PO'I GZUGS REG BYA RDO RJE

MA DANG SNYOMS PAR ZHUGS PAR BSAMS TE, LTE BAR RTZIBS BRGYAD PA'I CHOS KYI DBYINGS KYI 'KHOR LO'I DKYIL 'KHOR DU MAR ME 'BAR BA'I 'OD DANG MTSUNGS PA'I YI GE AA LA DMIGS TE, DE'I 'OD ZER GYIS ME STAG DANG 'DRA BA'I YI GE GSUM MDOG JI LTA BA BZHIN DU SPROS TE, SNYING LA SOGS PA'I GNAS GSUM DU DGOD DE, 'JUG PA LA SOGS PA'I RIM PAS YAN LAG MA NYAMS PAR BZLAS TE, JI SRID SEMS RTZE GCIG PAR GYUR GYI BAR DU THA MAR MAR ME DANG 'DRA BA'I 'OD GSAL BA'I YI GE LA GNAS PAR BYA'O, ,GDOD MA NAS MA SKYES PA'I YI GE TZAM LA DMIGS TE RDO RJE 'CHANG CHEN PO'I TING NGE 'DZIN MNGON DU BYAS TE, SROG LA SOGS PA'I 'KHOR LO DANG, YID DANG DE NYID DU ZHUGS PAS BRTAN PA DANG G-YO BA'I DNGOS PO THAMS CAD KYI RNAM PAR RTOG PA ZHI BAS, YE SHES LNGA'I NGO BO NYID DPAL RDO RJE SEMS DPA'I RANG BZHIN 'OD GSAL BA LA RNAL 'BYOR PAS GNAS PAR BYA'O ZHES RDO RJE 'CHANG CHEN PO'I BZLAS PA'O, ,DE BZHIN DU YANG MYUR BA'I TING NGE 'DZIN GYIS SANGS RGYAS SPYAN DANG SNYOMS PAR ZHUGS PA'I RNAM PAR SNANG MDZAD DU BDAG NYID BSGOMS TE, SPYI BO LA SOGS PAR YI GE GSUM RNAM PAR DGOD DE, DE'I 'OD ZER SPRO BA DANG BSDU BA'I RIM PAS SEMS CAN GYI DON BYAS LA, THUGS DANG GSUNG GI SA BON SKU'I SA BON LA 'JUG PAR BYA STE, YI GE AOm GCIG PU LA DMIGS SHING ME LONG LTA BU'I YE SHES KYI NGO BO NYID NYON MONGS PA DANG SHES BYA'I SGRIB PA RAB TU ZHI BAR GYUR PAR GNAS PAR BYA'O ZHES SKU'I BZLAS PA'O; ,DE BZHIN DU YANG MYUR BA'I TING NGE 'DZIN GYI GOS DKAR MO DANG SNYOMS PAR ZHUGS PA 'OD DPAG TU MED PAR BDAG NYID BSGOMS TE, YI GE GSUM LKOG MA LA SOGS PAR DGOD DE, DE'I 'OD ZER SPRO BA DANG BSDU BAS SEMS CAN GYI DON BYAS PAS, THUGS DANG SKU'I SA BON GSUNG GI SA BON LA 'JUG PAR BYAS TE, YI GE A'A: GCIG PU LA DMIGS SHING SO SOR RTOG PA'I YE SHES KYI NGO BO NYID DU RTOG PA THAMS CAD NYE BAR ZHI BAR GNAS PAR BYA'O ZHES GSUNG GI BZLAS PA'O, ,DE BZHIN DU YANG MYUR BA'I TING NGE 'DZIN GYIS M'A MA K'I DANG SNYOMS PAR ZHUGS PA'I

, ,THUGS KYI RDO RJER BDAG NYID RNAM PAR BSGOMS TE, THUGS LA SOGS PA'I YI GE GSUM DGOD DE'I 'OD ZER SPRO BA DANG BSDU BAS SEMS CAN GYI DON BYAS LA LUS DANG NGAG GI SA BON THUGS KYI SA BON LA 'JUG PAR BYA STE, YI GE H'Um GCIG PU LA DMIGS SHING CHOS KYI DBYINGS KYI YE SHES KYI NGO BO NYID DU RTOG PA MA LUS PAR RAB TU ZHI BAR GNAS PAR BYA'O ZHES THUGS KYI BZLAS PA'O, ,DE BZHIN DU YANG MYUR BA'I TING NGE 'DZIN GYIS M'A MA K'I DANG SNYOMS PAR ZHUGS PA RIN CHEN 'BYUNG LDAN DU BDAG NYID RNAM PAR BSGOMS TE, SPYI BO LA SOGS PAR YI GE GSUM DGOD DE, 'OD ZER SPRO BA DANG BSDU BA'I RIM PAS SEMS CAN THAMS CAD LA DBUL BA'I SDUG BSNGAL PHROGS TE, YI GE GSUM PO THIG LE LA 'JUG PAR BYA STE, NAM MKHA' DANG MTSUNGS PA'I THIG LE LA SEMS GTAD DE, MNYAM PA NYID KYI YE SHES KYI NGO BO NYID DU DMIGS PA THAMS CAD NYE BAR ZHI BAR BYA'O ZHES RIN PO CHE'I BZLAS PA'O, ,DE BZHIN DU YANG MYUR PA'I TING NGE 'DZIN GYIS DAM TSIG SGROL MA DANG SNYOMS PAR ZHUGS PA DON YOD GRUB PAR BDAG NYID BSGOMS TE, SPYI BO LA SOGS PAR YI GE GSUM DGOD DE, 'OD ZER SPRO BA DANG BSDU BA'I RIM PAS GZHAL YAS KHANG PA DANG BCAS PA'I DE BZHIN GSHEGS PA SPROS TE, SEMS CAN THAMS CAD KYI DON BYAS LA THO RANGS KYI SKAR MA LTA BU'I THIG LE LA YI GE GSUM BSDUS TE, BYA BA NAN TAN GYI YE SHES KYI NGO BO NYID DU BYA BA BYAS PA NYID KYIS GNAS PAR BYA'O ZHES DON YOD BZLAS PA'O, ,DE BZHIN DU YANG MYUR BA'I TING NGE 'DZIN GYIS BDAG NYID GTI MUG RDO RJER SNYOMS PAR ZHUGS PAR BSAMS TE, SPYI BO LA SOGS PAR YI GE GSUM DGOD DE, SA BON GNYIS YI GE AOm LA 'JUG PAR BYA STE, DE'I 'OD ZER GYIS GTI MUG GI RIGS CAN GYI SEMS CAN THAMS CAD BKUG LA DE NYID DU 'JUG PAR BYA STE, GTI MUG RNAM PAR DAG PA'I GNAS SU SEMS CAN 'JOG PAR BYA'O ZHES LHAG PAR MOS PAS GTI MUG CES BYA BA GCIG PA DANG DU MA MA YIN ZHES DPYOD PAS GANG SEMS RTZE GCIG PA NYID DE NI GTI MUG GI BZLAS PA'O, ,DE BZHIN DU YANG MYUR BA'I TING NGE 'DZIN GYIS 'DOD CHAGS RDO RJER BDAG NYID SNYOMS PAR ZHUGS PAR BSGOMS TE, SPYI BO LA

SOGS PAR YI GE GSUM DGOD CING SA BON GNYIS GSUNG GI YI GE LA BSDUS TE, DE'I 'OD ZER GYIS 'DOD CHAGS KYI RIGS CAN GYI SEMS CAN BKUG CING DE NYID DU 'JUG PAR BYAS LA, 'DOD CHAGS RNAM PAR DAG PA'I GNAS SU DGOD PAR BYA'O ZHES LHAG PAR MOS PAS 'DOD CHAGS ZHES BYA BA GCIG PA DANG DU MA MA YIN ZHES SPYOD PAS GANG SEMS RTZE GCIG PA DE NI 'DOD CHAGS KYI BZLAS PA'O, ,DE BZHIN DU MYUR BA'I TING NGE 'DZIN GYIS BDAG NYID ZHE SDANG RDO RJER SNYOMS PAR ZHUGS PAR BSGOMS TE, SPYI BO LA SOGS PAR YI GE GSUM DGOD DE SA BON GNYIS H'Um LA 'JUG PAR BYAS LA, DE'I 'OD ZER GYIS ZHE SDANG GI RIGS CAN GYI SEMS CAN BKUG LA DE NYID DU 'JUG PAR BYA STE, ZHE SDANG RNAM PAR DAG PA'I GNAS SU DGOD PAR BYA ZHES LHAG PAR MOS PAS ZHE SDANG ZHES BYA BA NI GCIG GAM DU MAR MED CES DPYOD PAS GANG SEMS RTZE GCIG PA DE NI ZHE SDANG GI BZLAS PA'O, ,DE BZHIN DU YANG MYUR BA'I TING NGE 'DZIN GYIS RANG 'DOD PA'I LHA GANG YANG RUNG BA SNYOMS PAR ZHUGS PAR BDAG NYID RNAM PAR BSGOMS TE, SPYI BO LA SOGS PAR YI GE GSUM PO BKOD PA DE LA DMIGS PAS PHYOGS BCU NA BZHUGS PA'I SANGS RGYAS DANG BYANG CHUB SEMS DPA' RNAMS BDAG GIS SNGAGS BRJOD PAR GYUR PA 'DI NYON CIG CES LHAG PAR MOS PAS DNGOS GRUB 'DOD PA'I SGRUB PA POS RANG NGAM GZHAN GYIS THOS PAR GYUR PA KHRO BAR BRJOD PAS NA KHRO BO'I BZLAS PA'O, ,DE BZHIN DU MYUR BA'I TING NGE 'DZIN GYIS RDO RJE 'CHANG CHEN PO LA SOGS PA GANG YANG RUNG BA RANG GI SHES RAB MA DANG SNYOMS PAR ZHUGS PAR BDAG NYID BSAMS TE, SPYI BO LA SOGS PAR YI GE GSUM PO DGOD CING, LTE BAR RTZIBS BRGYAD PA KHA DOG DKAR PO CHOS KYI DBYINGS KYI 'KHOR LO DE'I LTE BAR DBYANGS YIG DANG PO MAR ME DANG 'DRA BA LA DMIGS TE, DE'I 'OD ZER SPRO BA DANG BSDU BA'I RIM PAS SEMS CAN MA LUS PA'I DON BYAS LA, SEMS RTZE GCIG PAR GYUR PAS CHA DANG CHA'I DBYE BAS YI GE GSUM PO SKYE BA MED PA'I YI GE AA LA 'JUG PAR BYA STE, DE YANG RTZIBS BRGYAD PA'I 'KHOR LO LA THIM ZHING DE YANG LTE BA'I NAM MKHA' LA DBYER MED PAR

, ,BSAMS LA, RNAM PAR RTOG PA'I BAG CHAGS RAB TU ZHI BA SGO THAMS CAD 'GAGS PA 'GRO BA DANG 'ONG BA LAS NGES PAR GROL BA SROG LA SOGS PA'I RLUNG GI 'KHOR LO THAMS CAD RO GCIG PAR GYUR NA, DRI MA MED PA'I MTHA' YAS PA'I NAM MKHA' DANG MTSUNGS PA 'OD GSAL BA'I DE KHO NA NYID 'BA' ZHIG TU RNAL 'BYOR PAS GNAS PAR BYA'O, ,'DI NI THABS DANG SHES RAB RO GCIG PA'I BDAG NYID BUD MED DANG SKYES PA'I THA SNYAD DANG BRAL BA'I MA NING GI BZLAS PAR BSHAD DO ZHES RDO RJE BZLAS PA RNAM PA BCU GCIG PA'O, ,RDO RJE 'CHANG CHEN PO'I BZLAS PA LA YANG DBYE BA GZHAN BSHAD PAR BYA STE, RE ZHIG DANG PO RDO RJE 'CHANG CHEN PO'I PHYAG RGYA CHEN PO'I GZUGS SU BDAG NYID BSAMS TE, LKOG MA DANG SNYING GA DANG LTE BA DANG GSANG BA DAG TU 'BYUNG BA CHEN PO BZHI'I RANG BZHIN GYI DKYIL 'KHOR MYUR DU DGOD DE, DE RNAMS KYI STENG DU THUGS KYI RDO RJE'I SA BON GYI CHA RE RE RNAM PAR BKOD LA, 'JUG PA LA SOGS PA'I RIM PAS JI SRID SEMS RTZE GCIG PA'I BAR DU BSAM PAR BYA'O, ,DE LA CHA DGOD PA'I RIM PA 'DI YIN TE, SNYING GA'I PADMAR YI GE MGO MED DE DPER NA HA'O, ,LKOG MA'I PADMAR MGO BO STE, DPER NA AA'O, , GSANG BA'I PADMAR DBYANGS TE DPER NA AU'O, ,LTE BA'I PADMAR DBYANGS KYI MTHA' STE DPER NA DBYANGS KYI MTHA'O, ,JI SKAD DU, LHA MO BZHI YIS ZHUS PA LAS KYANG, MGO MED SNYING GA'I PADMAR GNAS, ,KHA YIG PADMAR MGO BO STE, ,GSANG BA'I PADMAR DBYANGS GNAS PA, ,LTE BA'I PADMAR DBYANGS MTHA'O, ,'DI NYID 'GRO DANG 'ONG BA YIS, ,THIG LE RNAL 'BYOR LA 'JUG PA'O, ,ZHES 'BYUNG NGO, ,RAB TU BYED PA LAS KYANG, ,THABS KYI DAM PA RAB 'JUG PA'O, ,RNAL 'BYOR DNGOS GRUB RAB STER BA'I, ,GSANG BA'I YI GE BSHAD PAR BYA, , GANG ZHIG BSAMS PA TZAM GYIS NI, ,RNAL 'BYOR CAN LA MCHOG STER 'GYUR, ,DANG PO'I YI GE'I SBYOR BA YIS, ,RTAG TU DBUGS NI RNGUB PAR BYED, ,BRGYAD PA'I MTHA' DANG YANG DAG LDAN, ,YI GE AU DANG THIG LER BCAS, ,RNAL 'BYOR BA YIS DBUGS GTONG BYED, ,'DI NI CI DGA'I BZLAS

PAR BSHAD, ,RDO RJE BZLAS PA RNAM PA BCU GCIG PO 'DIS THA MAL PA'I NGAG GI BRJOD PA'I RNAM PAR RTOG PA BZLOG PAS 'JIG RTEN LAS 'DAS PA'I TING NGE 'DZIN MNGON DU GYUR PA NA, GSUNG GI RDO RJE'I TING NGE 'DZIN LA 'JUG PAR 'GYUR RO, ,THA MAL PA'I NGAG NI RNAM PA BZHI STE, MTSAN NYID KYI NGAG DANG, RMI LAM GYI NGAG DANG, GNAS NGAN LEN PA'I MNGON PAR ZHEN PA'I NGAG DANG, THOG MA MED PA'I DUS KYI RNAM PAR RTOG PA'I NGAG GO, ,JI SKAD DU, DE LA BLO GROS CHEN PO MTSAN NYID KYI NGAG NI RANG GI RNAM PAR RTOG PA'I GZUGS KYI MTSAN MA LA MNGON PAR ZHEN PA LAS 'BYUNG BA'O, ,BLO GROS CHEN PO RMI LAM GYI NGAG NI SNGAR MYONG BA'I YUL RJES SU DRAN PAS RTOG PA'I YUL MED BZHIN DU 'BYUNG BA'O, ,BLO GROS CHEN PO GNAS NGAN LEN PA'I MNGON PAR ZHEN PAS BYUNG BA'I NGAG NI SEMS CAN GYI SNGON BYAS PA'I LAS KYI DBANG LAS 'BYUNG NGO, ,BLO GROS CHEN PO THOG MA MED PA'I DUS NAS RNAM PAR RTOG PA'I TSIG NI THOG MA MED PA'I SPROS PA LA MNGON PAR ZHEN PA'I GNAS NGAN LEN GYI RANG GI SA BON GOMS PA LAS BYUNG BA STE, BLO GROS CHEN PO NGAG GI RNAM PAR RTOG PA'I MTSAN NYID BZHI PO 'DI DAG GO ZHES MI'AM CI'I RGYAL POS ZHUS PA LAS BYUNG NGO, ,DE BZLOG PAS 'JIG RTEN LAS 'DAS PA'I NGAG MNGON DU GYUR PAS RDO RJE LTA BU'I NGAG RDZOGS PAR GYUR PA DANG, BSTOD PA DANG SMAD PA LA SOGS PA'I TSIG GI TSOGS THOS NAS, YID BDE BA DANG YID MI BDE BAR MI 'GYUR RO ZHES RDO RJE BZLAS PA'I RIM PA BSTAN TO, ,NGAG RNAM PAR DAG PA'I 'OG TU SEMS RNAM PAR DAG PA LA 'BAD PAR BYA STE; DE LA THABS NI GNYIS TE, SNGAGS KYI RIM PA DANG, PHYAG RGYA'I RIM PA'O, ,DE LA SNGAGS KYI RIM PA NI 'DI LTAR RIG PAR BYA STE, DANG PO SEMS NI RNAM PA BRGYAD DE KUN GZHI RNAM PAR SHES PA DANG, NYON MONGS PA CAN DANG, SGO LNGA DANG, YID KYI RNAM PAR SHES PA'O, ,RNAM PAR SHES PA BRGYAD PO DE DAG MDOR BSDUS PAS GSUM DU 'GYUR TE, RNAM PAR SMIN PA'I RNAM SHES DANG, ,NYON MONGS PA CAN GYI YID DANG, ,'JUG PA'I RNAM PAR SHES PA'O, ,RNAM PAR SHES PA GSUM PO DES NI SEMS CAN GYI KHAMS 'KHOR BA'I SA RU 'GRO BA DANG, 'ONG BA DAG GIS

, ,'KHOR BAR BYED DO, ,JI SKAD DU, DMYAL BA NAS NI YI DAGS GNAS SU 'GRO, ,SLAR YANG LHA YI GNAS SU SKYE BAR 'GYUR, ,ZHES 'BYUNG NGO, ,DE RNAMS GNAS GYUR PA LAS 'OD GSAL BA'I DE KHO NA NYID SNGON DU BYAS PAS THAR BAR 'GYUR TE, JI SKAD DU, 'DOD CHAGS LA SOGS KYIS GOS PA'I, ,SEMS NYID 'KHOR BAR BSHAD PA STE, ,DE LAS RNAM PAR DBEN PA NI, ,RGYAL BAS MDOR BSDUS THAR BA GSUNGS, ,ZHES 'BYUNG NGO, ,RNAM PAR SHES PA GSUM PO DE'I BRDA 'DI DAG YIN TE, SEMS DANG YID DANG RNAM SHES DANG, SNANG DANG SNANG BA MCHED PA DANG SNANG BA 'THOB PA DANG, SHES RAB DANG THABS DANG NYE BAR THOB PA'O, ,ZLA BA DANG NYI MA DANG MUN PA'O, ,MTSAN MO DANG NYIN MO DANG MTSAMS DANG STONG PA DANG SHIN TU STONG PA DANG STONG PA CHEN PO ZHES BYA'O, ,DE LA 'JUG PA'I RNAM PAR SHES PA GNAS GYUR PA LA GNYEN PO NI STONG PA NYID DANG SNANG BA'I YE SHES SO, ,NYON MONGS PA CAN GYI YID GNAS GYUR PA LA GNYEN PO NI SNANG BA MCHED PA DANG SHIN TU STONG PA'O, ,KUN GZHI RNAM PAR SHES PA GNAS GYUR PA LA GNYEN PO NI SNANG BA THOB PA DANG CHEN PO STONG PA'O, ,YE SHES GSUM PO DE RO GCIG PAR BYED PA 'OD GSAL BA'I YE SHES THAMS CAD STONG PA'I NGO BO'O, ,RNAM PAR SHES PA GSUM PO'I RANG BZHIN NI BRGYAD CU'O, ,DE LA 'JUG PA'I RNAM PAR SHES PA'I RANG BZHIN SHES RAB KYI NGO BO STE SUM CU RTZA GSUM MO, ,NYON MONGS PA CAN GYI YID KYI RANG BZHIN NI BCU STE, THABS KYI RANG BZHIN NO, ,KUN GZHI RNAM PAR SHES PA'I RANG BZHIN BDUN PO NI MA RIG PA'I NGO BO NYID DO, ,DE RNAMS KHO NA NYIN MO DANG MTSAN MO'I DBYE BAS BRGYA DRUG CUR 'GYUR RO, ,DE RNAMS SPANG BAR BYA BA'I PHYIR SNGAGS KYI RIM PA BSTAN PAR BYA STE, DANG POR LTE BAR RTZIBS BRGYAD PA'I CHOS KYI DBYINGS KYI 'KHOR LO'I LTE BAR PADMA'I STENG DU ZLA BA'I DKYIL 'KHOR LA THIG LES BRGYAN PA'I DBYANGS YIG DANG PO DGOD PAR BYAS LA, SPYI BO LA SOGS PAR YI GE GSUM LA DMIGS TE AA'I THIG LE LAS BYUNG BA'I 'OD ZER DKAR POS SPYI BO NAS YI GE AOm 'JUG PA'I RNAM PAR SHES PA'I NGO BO NYID BKUG CING DE NYID DU 'JUG PAR BYA STE,

DE LA YID RTZE GCIG PAR GNAS PAR BYA'O, ,DE'I TSE RANG BZHIN SUM CU RTZA GSUM DANG LDAN PA'I 'JUG PA'I RNAM PAR SHES PA LOG PA LAS ZLA BA'I SNANG PA DANG 'DRA BA'I SNANG BA'I YE SHES SKYE BAR 'GYUR RO, ,DE'I 'OG TU CHOS KYI DBYINGS KYI 'KHOR LO DE NYID DU NYI MA'I DKYIL 'KHOR DANG RDO RJE'I CHANG ZUNGS KYI NANG NA GNAS PA'I THIG LE GNYIS KYIS BRGYAN PA'I DANG PO'I DBYANGS YIG KHA DOG DMAR PO RNAM PAR BSAMS TE, DE LAS BYUNG BA'I 'OD ZER DMAR PO MGRIN PA NA GNAS PA'I YI GE AA NYON MONGS PA CAN GYI YID KYI NGO BO NYID BKUG LA DE NYID DU 'JUG PAR BYA STE, DE NYID DU YID RTZE GCIG PAR GNAS PAR BYA'O, ,DE'I TSE RANG BZHIN BZHI BCU DANG LDAN PA'I NYON MONGS PA CAN GYI YID LOG PAS NYI MA'I SNANG BA DANG 'DRA BA'I SNANG BA MCHED PA'I YE SHES SKYE BAR 'GYUR RO, ,DE'I RJES LA SA BON DANG PADMA DANG ZLA BA DANG NYI MA DANG RDO RJE'I DMIGS PA SPANGS TE, 'KHOR LO LA GNAS PA'I THIG LE TZAM LA BLTAS TE, DE LAS BYUNG BA'I MTSAMS KYI SNANG BA DANG MTSUNGS PA'I 'OD ZER GYI SNYING GA NA GNAS PA'I THUGS KYI RDO RJE'I SA BON BKUG LA DE NYID DU 'JUG PAR BYA STE DE NYID DU YID RTZE GCIG PAR GNAS PAR BYA'O, ,DE'I TSE KUN GZHI RNAM PAR SHES PA RANG BZHIN BDUN DANG LDAN PA LOG PAS MTSAMS KYI SNANG BA DANG MTSUNGS PA'I SNANG BA THOB PA'I YE SHES SKYE BAR 'GYUR RO, ,DE NAS KYANG RIM GYIS THIG LE DANG 'KHOR LO LTE BA'I MKHA' LA THIM PAS RTAGS LNGA'I SNANG BA SNGON DU 'GRO BAR LUS LA SOGS PA'I RNAM PAR RTOG PA'I BAG CHAGS MA LUS PA ZAD PAS SPRIN MED PA'I NAM MKHA' DANG 'DRA BA'I CHOS KYI DBYINGS KYI YE SHES 'OD GSAL BA'I DE KHO NA NYID SKYE BAR 'GYUR RO, ,DE DAG RIM PA JI LTA BA BZHIN DU STONG PA DANG SHIN TU STONG PA DANG STONG PA CHEN PO DANG THAMS CAD STONG PA STE, SNANG BA LA SOGS PA'I YE SHES RNAMS KYI RNAM GRANGS SU SHES PAR BYA STE, KUN NAS NYON MONGS PA DANG RNAM PAR BYANG BA DAG RANG BZHIN GCIG PA YIN PA'I PHYIR ZHES BYA BA'I THA TSIG GO ZHES SNGAGS KYI RIM PAS SEMS RNAM PAR DAG PA'I RIM PA BSTAN TO, ,DA NI PHYAG RGYA'I RIM PA BSHAD PAR BYA STE, RE ZHIG DANG PO RNAL 'BYOR PAS MYUR BA'I TING NGE 'DZIN GYIS

, ,RDO RJE 'CHANG CHEN PO LA SOGS PA'I PHYAG RGYA BSGOMS TE, SME SHA CAN LA SOGS PA'I BU MO LO BCU GNYIS PA LA SOGS PA NA SO DANG LDAN PA'I PHYAG RGYA BLANGS TE DE NI M'A MA K'I LA SOGS PAR LHAG PAR MOS TE MCHOG GI BSNYEN PA LA SOGS PAS BDE BA CHEN PO NYE BAR MTSON PAR BYA BA'I PHYIR DE DANG LHAN CIG SNYOMS PAR ZHUGS PAR BYA'O, ,DE LA RDO RJE DANG PADMA BSKYOD PA LA 'JUG PA TSANGS PA'I BU GA NAS ZHU BA'I BYANG CHUB KYI SEMS KYI GNAS SKABS SU SNANG BA'I YE SHES DANG RNAM PA SNA TSOGS PA'I SKAD CIG DANG, 'DOD CHAGS DANG BRAL BA LA SOGS PA'I RANG BZHIN RNAMS DANG, MTSAN MO DANG SHES RAB DANG ZLA BA'I SNANG BA LTA BU DANG 'JUG PA'I RNAM PAR SHES PA RANG GI RANG BZHIN DANG LDAN PA RNAMS 'GOG PAR 'GYUR RO, ,YAN LAG GI TSIGS THAMS CAD KHYAB PA'I DUS SU SNANG BA MCHED PA'I YE SHES DANG, RNAM PAR SMIN PA'I SKAD CIG MA DANG, 'DOD CHAGS DANG 'DOD CHAGS KYI RANG BZHIN DANG BCAS PA DANG, NYIN MO DANG THABS DANG NYI MA'I 'OD ZER SNANG BA LTA BU DANG, NYON MONGS PA CAN GYI YID RANG GI RANG BZHIN DANG BCAS PA 'GOG PAR 'GYUR RO, ,DE'I RJES SU RDO RJE'I CHANG ZUNGS SU GNAS PA'I BYANG CHUB KYI SEMS KYI THIG LE GSUM GYI BDAG NYID KYI SKABS SU SNANG BA THOB PA'I YE SHES DANG RNAM PAR 'JOMS PA'I SKAD CIG MA DANG, CHAGS PA BAR MA RANG BZHIN DANG BCAS PA DANG, MTSAMS KYI DUS DANG, THABS DANG SHES RAB SNYOMS PAR ZHUGS PA DANG, MUN PA LTA BU'I SNANG BA DANG, KUN GZHI RNAM PAR SHES PA RANG GI RANG BZHIN BDUN DANG BCAS PA 'GOG PAR 'GYUR RO, ,DE'I RJES SU RDO RJE'I NOR BU'I RTZE MOR BYANG CHUB KYI SEMS PHYIN PA'I GNAS SKABS SU SNGA MA BZHIN DU RTAGS LNGA SNGON DU 'GRO BA'I THABS DANG SHES RAB DANG, NYE BAR THOB PA DANG BRAL BA, ZLA BA DANG NYI MA DANG MTSAMS KYI MUN PA'I SNANG BA LA SOGS PA CHAGS PA DANG CHAGS BRAL DANG, CHAGS PA BAR MA DANG BRAL ZHING, , SGO 'GAGS PA DANG 'GRO BA DANG 'ONG BA DANG BRAL BA SNANG BA LA SOGS PA'I YE SHES SPANGS PA SPRIN MED PA'I NAM MKHA' DANG 'DRA BA'I 'OD GSAL BA'I YE SHES RNAL 'BYOR BAS MTHONG BAR 'GYUR RO, ,JI SKAD DU, ,DE NYID YE SHES GNYIS MED DE, ,CHOS DBYINGS SHES RAB PHA ROL PHYIN, ,

ZHES 'BYUNG NGO, ,RAB TU BYED PA LAS KYANG, ,SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NA, ,'DI NYID DU NI GSAL BAR MTSON, ,ZHES 'BYUNG NGO, ,SEMS RNAM PAR DAG PA'I RIM PA 'DIS RNAL 'BYOR PA SA BCU PA LA GNAS PAR 'GYUR RO, ,RAB TU BYED PA LAS KYANG, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, SNANG BA GSUM PO MTHONG BA NI, ,SA BCU LA NI GNAS PAR 'GYUR, ,ZHES 'BYUNG NGO, ,SA BCU'I DBANG PHYUG RNAL 'BYOR PAS YE SHES LA DBANG THOB PA'I DBANG GIS KUN LA DBANG BYED PAR 'GYUR RO ZHES PHYAG RGYA'I RIM PAS SEMS LA DMIGS PA THOB PA'O, ,DA NI LUS DANG NGAG DANG YID RNAM PAR DAG PAS DON DAM PA'I BDEN PA LA 'JUG PA NYID KYIS GZHAN GYI DON DANG BRAL BA DANG, CHAD PAR THAL BAR 'GYUR BA DANG, SNGON GYI SMON LAM GYI 'BRAS BU MED PA DANG, 'GRO BA'I DON MI BYED PAS NYAN THOS KYI BYANG CHUB BZHIN DU RANG GI DON TZAM LA LTA BDE DAG BZLOG PAR BYA BA'I PHYIR DANG, KUN RDZOB KYI BDEN PA YANG DAG PAR MTHONG BA'I PHYIR SGYU MA LTA BU'I TING NGE 'DZIN ZHES BYA BA BDAG BYIN GYIS RLOB PA MYUR BA'I RNAM PAS YONGS SU RDZOGS PA RDO RJE 'CHANG CHEN PO'I PHYAG RGYA'I GZUGS RIM PA 'DIS BSGOM PAR BYA'O, ,DE LA RNAL 'BYOR GNYIS TE, MYUR BA'I RNAM PA'I RNAL 'BYOR DANG, SNANG BA THOB PA LA SOGS PA'I RNAL 'BYOR RO, ,DE LA DANG PO SEMS RNAM PAR DAG PA'I RIM PAS 'OD GSAL BA THOB PA GANG YIN PA DE LAS MI DMIGS PA'I SNYING RJE'I DBANG GIS 'BAD PA MED PAR RNAM PA THAMS CAD KYI MCHOG DANG LDAN PA, ZHAL GSUM PA LA SOGS PA DANG LDAN PA, RIN PO CHE SNA TSOGS PA'I RANG BZHIN GZHAL YAS KHANG PA LA PADMA DANG ZLA BA LA SOGS PA'I GDAN LA BZHUGS PA, DE BZHIN GSHEGS PA DANG LHA MO DANG BYANG CHUB SEMS DPA' DANG KHRO BO'I TSOGS KYIS YONGS SU BSKOR BA, DE'I BA SPU'I KHUNG BU NAS BYUNG BA'I 'OD ZER GYI 'KHOR LOS KHAMS GSUM PA RNAMS KYI RE BA SKONG BAR BYED LA, YID BZHIN GYI NOR BU DANG DPAG BSAM GYI SHING BZHIN DU 'DOD PA'I DON STOBS KYIS STER

, ,BAR BYED PA SAR ZHING SAR PA'I DKYIL 'KHOR GYI 'KHOR LO SPROS PAS NAM MKHA'I DBYINGS MTHA' MED PA MA LUS PA KHYAB PAR BYED PA, RDO RJE 'CHANG CHEN PO LA SOGS PA'I PHYAG RGYA CHEN PO'I GZUGS MYUR DU SPROS TE, DE NYID SGYU MA LA SOGS PA'I DPE BCU GNYIS KYIS YANG DAG PAR BLTAS TE, KHAMS GSUM THAMS CAD KYANG SGYU MA LTA BUR SHES NAS SNGAGS DANG PHYAG RGYA LA SOGS PA'I SBYOR BA DANG, RAB TU GNAS PA DANG, SBYIN SREG DANG, DKYIL 'KHOR DANG, BZLAS PA DANG, SKU KHRUS DANG, GTOR MA DANG, SPYAN DRANG BA DANG, BZHUGS SU GSOL BA DANG; GSHEGS SU GSOL BA DANG, RIM PA GNYIS BSGOM PA LA SOGS PA DANG, PHRIN LAS THAMS CAD DANG, DE BZHIN DU YANG GAR DANG GLU DANG ROL MO DANG, SGEG PA LA SOGS PA LONGS SPYOD PA DANG, JI SRID SPYOD LAM BZHI'I BAR DU SGYU MA DANG DRI ZA'I GRONG KHYER DANG, BRAG CA DANG SMIG RGYU DANG, CHU ZLA DANG ME LONG GI GZUGS BRNYAN DANG, CHU SHING DANG SENG GE ZLA BA'I GRONG KHYER LA SOGS PA DANG 'DRA BAR BLTA BAR BYA'O, ,TING NGE 'DZIN 'DI SPYOD PAR GYUR PA'I RNAL 'BYOR PAS RANG DANG GZHAN GYI DON THAMS CAD 'BAD PA MED PAR 'GRUB PAR 'GYUR RO,, BSKAL PA DANG BSKAL PA STONG GI BAR DU GNAS PAR 'GYUR RO ZHES 'DI NI MYUR BA'I TING NGE 'DZIN GYIS BDAG BYIN GYIS RLOB PA'I RIM PA GCIG GO, ,GNYIS PA NI RE ZHIG DANG PO SPRIN MED PA'I NAM MKHA' 'DRA BA'I 'OD GSAL BA LA DMIGS TE, DE LAS MTSAMS KYI SNANG BA DANG 'DRA BA'I CHOS KYI DBYINGS KYI 'KHOR LO LA GNAS PA'I THIG LE LA BLTAS TE, DE'I RJES SU NYI MA DANG RDO RJE'I STENG DU AA: TSEG DRAG CAN DMAR PO BSAMS TE, DE'I RJES LA PADMA DANG ZLA BA'I DKYIL 'KHOR GYI STENG DU THIG LE DANG BCAS PA DBYANGS YIG DANG PO DKAR PO LA BLTAS TE, DE DAG THAMS CAD YONGS SU GYUR PA LAS SNGA MA BZHIN DU LHA'I GZUGS YONGS SU RDZOGS PA ZHES BYA BA'I SNANG BA THOB PA LA SOGS PA'I RIM PAS BDAG BYIN GYIS RLOB PA'O, ,GAL TE YANG SA BON DANG MTSAN MA YONGS SU GYUR PA LAS BYUNG BA'I RNAM PA YIN YANG, 'ON KYANG SGYU MA LA SOGS PA'I DPE RNAMS KYIS NYE BAR BRGYAN PAS NA BSKYED PA'I RIM PA LAS

KHYAD PAR DU GYUR PA'O, ,GANG GI PHYIR BSKYED PA'I RIM PA LAS SGYU MA NYID DU MTHONG BA MED DO, ,LHA'I NGA RGYAL KHO NA DER BSGRUB PAR BYA BA YIN PA'I PHYIR RO, ,LHA'I NGA RGYAL DANG SGYU MA LTA BUR MTHONG BA DAG NI PHAN TSUN 'GAL BA YIN NO, ,DE BAS NA LHA'I RNAL 'BYOR RNAM PA GNYIS TE, RTOG PA DANG YONGS SU RDZOGS PA'O, ,DE LA RTOG PA'I RNAL 'BYOR NI ZLA BA DANG RDO RJE LA SOGS PA YONGS SU GYUR PA LAS SKYES PA, BSKYED PA'I RIM PA'I RNAL 'BYOR PA'I SPYOD YUL SNGAGS KYI SKU'O, ,YONGS SU RDZOGS PA'I RNAL 'BYOR NI MYUR BA'I TING NGE 'DZIN GYIS RDZOGS PA'AM, SNANG BA THOB PA LA SOGS PA'I RIM PA LAS BSKYED PA'I YE SHES KYI SKU YIN PAS KHYAD PAR YOD PA KHO NA'O ZHES BDAG LA BYIN GYIS RLOB PA'O, ,DA NI SGYU MA LTA BU'I TING NGE 'DZIN YANG RNAM PAR DAG PAR BYA BA YIN TE, RTOG PA DANG BCAS PA YIN PA'I PHYIR RO, ,DE'I PHYIR DON DAM PA'I BDEN PA'I NGO BO NYID MNGON PAR BYANG CHUB PA'I RIM PAS DE BZHIN NYID KYIS SBYANG BAR BYA BA'I PHYIR MNGON PAR BYANG CHUB PA'I RIM PA BSTAN PAR BYA STE, DE LA YANG RNAM PA GNYIS YIN TE, PHYAG RGYA DANG, TING NGE 'DZIN GYI BYE BRAG GIS SO, ,PHYAG RGYA'I RIM PA LA RNAM PA GNYIS TE, PHYI'I MNGON PAR BYANG CHUB PA DANG, NANG GI MNGON PAR BYANG CHUB PA'O, ,TING NGE 'DZIN GYI MNGON PAR BYANG CHUB PA RNAM PA GNYIS TE, RIL PO 'DZIN PA DANG, RJES SU GZHIG PA'O, ,DE LA PHYAG RGYA'I RIM PA BSTAN PAR BYA STE, DANG PO RE ZHIG SGRUB PA POS SLOB DPON DANG GSANG BA'I DBANG THOB PAS SHES RAB KYI DBANG BSKUR BA THOB PAR BYA BA'I PHYIR PHYI DANG NANG DANG GSANG BA'I MCHOD PA RNAMS KYIS RDO RJE SLOB DPON MCHOD PAR BYA STE, DE LA PHYI'I MCHOD PA NI MCHOD PA RNAM PA LNGA'O, ,NANG GI MCHOD PA NI GO KU DA HA NA, MA RA BI SHA MU ZHES BYA BA'I MTSAN NYID DO, ,GSANG BA'I MCHOD PA NI LO BCU GNYIS PA GZUGS BZANG BRGYAN THAMS CAD KYIS BRGYAN PA, DRI DANG ME TOG GIS NYE BAR MDZES PA'I LUS CAN RDOL BA'I RIGS KYI BU MO DAM TSIG DANG SDOM PA LA GNAS PA, THOS PA DANG BSAM PA DANG SGOM PA'I RIM GYIS SHES RAB KYI PHA ROL TU PHYIN PA'I RNAL 'BYOR MA RDO RJE SLOB DPON LA DBUL BAR BYA'O, ,

, ,DE'I RJES SU DKON MCHOG GSUM TSIM PAR BYA BA'I PHYIR TSOGS KYI 'KHOR LO'I NANG DU YANG DE MCHOD PAR BYA'O, ,DE LA DANG PO RE ZHIG NYAN THOS KYI RIGS MA GTOGS PA DGE SLONG DANG DGE TSUL DANG RDO RJE SLOB DPON DANG DGE BSNYEN RNAMS SPYAN DRANGS TE, DE RNAMS LA GO RIMS BZHIN DU BRTUL ZHUGS KYI RGAN GZHON GYI RIM PAS GDAN RNAMS DBUL BAR BYA'O, ,DE LA RIM PA GCIG LA DGE SLONG GI TSOGS DGOD PA DANG, GNYIS PA LA DGE TSUL GYI TSOGS DANG, GSUM PA LA RDO RJE SLOB DPON GYI TSOGS DANG, DGE BSNYEN GYI TSOGS SO, ,GAL TE DGE SLONG RNAMS RDO RJE SLOB DPON DU GYUR NA DE RNAMS KYI MDUN DU BRTUL ZHUGS CAN DANG BRTUL ZHUGS CAN MA YIN PA RNAMS DGOD PAR BYA'O, ,GAL TE DGE BSNYEN RDO RJE SLOB DPON DU GYUR NA, DE'I MDUN DU DGE SLONG SLOB MA DANG SLOB MA MA YIN PA RNAMS DGOD PAR BYA'O, ,RNAL 'BYOR PA'I TSOGS RNAMS NI RAB TU BYUNG BA'AM, RAB TU MA BYUNG BA RNAMS RNAM PA THAMS CAD DU GONG DU DGOD PAR BYA'O, ,DGE SLONG NGAM DGE TSUL LAM DGE BSNYEN YIN YANG RUNG LA, RNAL 'BYOR PAS RTAGS DANG LDAN PA YIN NA TSOGS KYI BDAG POR BYA'O, ,THAMS CAD RIM PA BZHIN DU BZHUGS PAR MTHONG NAS LAS KYI RDO RJE MDUN DU PHYIN TE PHYAG 'TSAL BA SNGON DU 'GRO BAR RGAN GZHON GYI RIM PAS RE RE LA ZHABS BSIL DBUL BAR BYA'O, ,DE'I RJES SU MCHOD PA RNAM PA LNGAS MCHOD DE LAG PA G-YAS PAS BDUD RTZI LNGAS BKANG BA'I PADMA'I SNOD BLANGS TE, LAG PA G-YON PA'I SRIN LAG DANG MTHE BONG GIS DE RNAMS KYI MDUN DU GRU GSUM PA CHOS 'BYUNG BA'I PHYAG RGYA BRI BAR BYA'O, ,DE'I NANG DU THIG LE ZLUM PO BRIS TE, DE'I YANG NANG DU DKYIL 'KHOR GYI 'KHOR LO DAG BLTA BAR BYA'O, ,DKYIL 'KHOR GYI BDAG PO LA SOGS PA'I THUGS KAR SEMS DPA' GNYIS PO SNOD DANG BCUD KYI NGO BO NYID MA LUS PAR BLTA BAR BYA'O, ,DE'I SHAR GYI ZUR GYI STENG DU BDUD RTZI LNGAS GANG BA'I SNOD DANG, THABS DANG SHES RAB KYI NGO BO NYID HRI H'Um DAG GIS BYIN GYIS BRLABS PA MYOS BYED DANG SBYAR BA'I CHANG GIS BKANG BA'I SNOD GNYIS NI DBUS KYI SNOD KYI LOGS GNYIS SU GZHAG PAR BYAS LA, NAG PO DANG DMAR PO DANG

DKAR PO'I RAS KYIS KHA BKAB LA ME TOG SNYIM PAS GTOR BAR BYAS TE, THUGS RDO RJE LA SOGS PA'I SNGAGS KYIS BYIN GYIS BRLAB BAR BYA'O, ,DE NAS PHYAG BYAS TE DBUS KYI SNOD LAS THIGS PA GSUM GSUM BLANGS TE, G-YAS G-YON GYI SNOD DAG TU GTOR BAR BYA ZHING MYOS BYED KYI SNOD DAM CHANG GI SNOD BLANGS LA RNAL 'BYOR PA RNAMS LA LAS KYI RDO RJES DANG PO BSNYOD PAR BYA'O, ,DE'I RJES SU DGE SLONG DANG, DGE TSUL DANG DGE BSNYEN GYI TSOGS LA'O, ,GANG LAS BTUNG BA BRTZAM PA THA MAR DE NYID LA BSNYOD PAR BYA'O, ,DE NAS RE RE'I MDUN DU TSOD MA SNA TSOGS PA DANG, SHA SNA TSOGS PA DANG RO DRUG DANG LDAN PA'I RGYAL PO'I S'A LU LA SOGS PAS BKANG BA'I SNOD RNAMS 'BUL BAS TSIM PAR BYA'O, ,PHYED ZOS PAS BZA' BCA' THAMS CAD SNOD GCIG TU BSDUS TE THAMS CAD KYIS GCIG TU BZA' BAR BYA'O, ,DE NAS BTUNG BA'I SNOD RNAMS GCIG TU BSRES TE BTUNG BAR BYA'O, ,LAS KYI RDO RJES KYANG CANG TE'U LA YI GE GSUM GYIS MCHOD PAR BYA STE, LAG PA G-YAS PAS BLANGS LA H'Um PHAt CES BYA BA'I SGRA SGROGS PAR BYA'O, ,RDO RJE RNAL 'BYOR MA RNAMS KYIS RDO RJE'I GAR SNA TSOGS BYA'O, ,TSOGS KYI BDAG POS GAR BYA BA DANG, GZHAN MA RNAMS KYIS GLU NGANG ROL MO BYA'O ZHES LA LA 'DOD DO, ,THAMS CAD KYIS KYANG GAR BYA'O ZHES LA LA 'DOD DO, ,DAM PAR DGA' BA SKYES PA NA GAR BYA BA YIN GYI, GZHAN DU NA SEMS RTZE GCIG PAR GNAS PAR BYA'O, ,TSOGS KYI 'KHOR LO'I PHYIN GYIS RLOB PA'I RTAGS NI NGANG PA DANG BUNG BA DANG KHYU MCHOG DANG 'UG PA LA ZHON PA'I MKHA' 'GRO MA RNAMS 'ONG BAR GYUR PA NA DE RNAMS KYI LUS KYI DRI SGOG SKYA DANG GA BUR DANG PADMA DANG, SHA'I DRI BRO BA DANG, NGANG PA LA SOGS PA'I SGRA THOS PAS SO, ,DE'I TSE DE RNAMS LA LHAG MA'I GTOR MA RGYAS PAR SBYIN PAR BYA'O, ,TSOGS KYI NANG DU RTZOD PA'AM RGOD PA'AM RTOG PA GANG GIS BYED PA DE DE MA THAG TU PHYI ROL DU DBYUNG BAR BYA'O, ,BZOD PAR GSOL BA BYED NA MCHOD PA'I LAS BYED DU BZHUGS SO, ,DE NAS LAG PA LA SOGS PA BKRUS LA ME TOG GI GCAL BKRAM PAR BYA STE, SO RTZI PHUL LA YON RNAM PA BZHI POS MNYES PAR BYA STE, GSHEGS SU GSOL BAS TSIGS SU BCAD PAS TSOGS KYI 'KHOR LO GSHEGS

, ,SU GSOL LO, ,AOm KU RU KU RU BA TTA LE ZHES BYA BA LA SOGS PA'I SNGAGS KYIS LHAG MA'I GTOR MA DUR KHROD DU BSKYAL BAR BYA'O ZHES TSOGS KYI 'KHOR LO'I CHO GA'I RIM PA'O, ,DE LTA BU'I MCHOD PA RDO RJE SLOB DPON LA BYAS PAS MNYES PAR GYUR PA'I SLOB DPON GYIS KYANG SLOB MAS PHUL BA'I PHYAG RGYA DANG LHAN CIG SNYOMS PAR ZHUGS TE PHYAG RGYA DE NYID DAM, PHYAG RGYA GZHAN GYIS SLOB MA DE LA SHES RAB KYI DBANG BSKUR BAR BYA'O, ,DE LA SLOB MA RDO RJE SLOB DPON LA 'DUD CING TSIGS SU BCAD PA 'DIS BSTOD PAR BYA STE, KHAMS GSUM LAS NI NGES SGROL ZHING, ,MKHA' DANG MNYAM PA NYID GYUR PA, ,KHYOD NI 'DOD PAS MA GOS PAS, ,MI DMIGS KHYOD LA PHYAG 'TSAL BSTOD, ,PHUNG PO DANG NI KHAMS RNAMS DANG, ,SKYE MCHED RNAMS LA MI BRTEN PA, ,PHYIN CI LOG LAS NGES GROL BA, ,DMIGS MED KHYOD LA PHYAG 'TSAL BSTOD; ,JI LTAR NAM MKHA' GZHI MED CING, ,SPROS PA MED CING SNANG BA MED, ,KHYOD KYI THUGS NI MKHA' DANG MTSUNGS, ,MI DMIGS KHYOD LA PHYAG 'TSAL BSTOD, ,DE LTAR BSTOD NAS SLAR YANG MNGON PAR BYANG CHUB PA MTHONG BAR 'DOD PA'I PHYIR TSIGS SU BCAD PA 'DI DAG GIS GSOL BA GDAB PAR BYA STE, MNGON PAR BYANG CHUB MTHONG BA NI, ,MGON PO CHEN PO BDAG LA STZOL, ,LAS DANG SKYE BA LAS GROL ZHING, ,SNANG BA GSUM PO RNAM PAR SPANGS, ,RDO RJE YE SHES BLA MED PA, ,SLOB DPON CHEN PO BDAG LA STZOL, ,SANGS RGYAS KUN GYI YE SHES CHE, ,DE BZHIN GSHEGS PA KUN GYI GNAS, ,LUS NGAG YID NI DAG BYED PA, ,RDO RJE CHEN PO BDAG LA STZOL, ,THOG MA THA MA MED ZHI BA, ,NYON MONGS THAMS CAD SBYONG BYED PA, ,ZHES TSIGS SU BCAD PAS MNYES PA'I SLOB DPON GYIS RDO RJE DBYINGS KYI DBANG PHYUG MA'I NGO BO NYID KYI PHYAG RGYA RDO RJE 'CHANG GI RANG BZHIN SLOB MA DE LA SBYIN PAR BYA'O, ,DE NAS YANG SHES RAB KYI PHA ROL TU PHYIN PA'I RANG BZHIN DAM TSIG GI PHYAG RGYA RGYAN THAMS CAD KYIS BRGYAN PA SKRA GROL BA GCER BUR GYUR NAS KHRI'I THOG TU BZHUGS TE SLOB MA BKUG LA 'DI LTAR DRI BAR BYA STE, BSHANG GCI LA SOGS BZA' BA NI, ,RDO RJE CAN

KHYOD CI NUS SAM, KHRAG DANG KHU BA SHA DAG DANG, ,BUD MED RNAMS LA DAD PA DANG, ,BHA GA'I 'O BYED MI RTOG GAM, ,BU KHYOD SMROS SHIG RDO RJE CAN, ,SLOB MAS KYANG 'DI LTAR BRJOD DE, ,SHU KRA KHRAG SOGS BZA' BA NI, ,LHA MO CI PHYIR BDAG MI NUS, ,RA GTA SHU KRA SHA CHEN DANG, ,BUD MED RNAMS LA DAD DE BZHIN, ,BHA GA'I PADMAR TZUM PA NA, ,THAMS CAD BDAG GI NUS PA NYID, ,CES SLOB MA'I TSIG THOS NAS LAG PA GNYIS KYIS PADMA PHYE BAR BYAS TE, NANG DU GNAS PA'I RTZA'I 'KHOR LO BSTAN PAR BYED DE, SKYES BU GSANG BA'I PADMA 'DI LA RE ZHIG BLTA BAR GYIS SHIG ,GANG GI NANG DU RTZA RNAM PA LNGA PO 'DI DAG NAM MKHA' LNGA'I NGO BO NYID DU GNAS SO, ,DE LA 'DOD PA'I GDUGS ZHES BYA BA'I RTZA DBU MA 'DI NI CHU RGYU BA THUGS KYI RDO RJE'I NGO BO NYID DU SHES PAR BYA'O, ,'DI NI G-YON PA'I RTZA STE RI BONG 'DZIN MA ZHES BYA BA SHU KRA RGYU BA STE BCOM LDAN 'DAS 'OD DPAG TU MED PA'I BDAG NYID DU SHES PAR BYA'O, ,G-YAS PA'I RTZA 'DI YANG KHRAG RGYU BA STE RUS SBAL MO ZHES BYA BA BCOM LDAN 'DAS RIN 'BYUNG GI NGO BO NYID DU SHES PAR BYA'O, ,DE BZHIN DU MDUN NA GNAS PA'I RTZA 'DI YANG LHA SBYIN MO ZHES BYA BA DRI CHEN RGYU BA STE, BCOM LDAN 'DAS RNAM PAR SNANG MDZAD KYI NGO BO NYID DU SHES PAR BYA'O, ,DE BZHIN DU NUB KYI CHA LA GNAS PA NOR RGYAL MO ZHES BYA BA RTZA 'DI NI SHA RGYU BA STE BCOM LDAN 'DAS DON YOD GRUB PA'I RANG BZHIN DU SHES PAR BYA'O, ,NAM MKHA' LNGA'I BDAG NYID DE RTZA BA'I 'KHOR LO'I PHYI ROL DU 'DAB MA BRGYAD PA'I PADMA 'DI 'OD GSAL BA'I RDO RJE 'CHANG CHEN PO'I GZHAL YAS KHANG YIN PAR SHES PAR BYA'O, ,JI SKAD DU RDO RJE BDUD RTZI LAS, BHA GA'I DBUS SU NAM MKHA' GANG, ,NAM MKHA' LNGA PO RNAM PAR BRGYAN, ,LTE BA ZE 'BRU RNAMS DANG LDAN, ,'DAB MA BRGYAD POS NYE BAR MDZES, ,DER GNAS RTAG TU ZAG PA NI, , THIG LE BDUD RTZI'I TSUL CAN NO, ,ZHES 'BYUNG NGO, ,DE BZHIN DU DE NYID LAS KYANG GSUNGS TE, BDUD RTZI RGYU BA'I RTZA GANG NI, ,BHA GA'I GNAS SU RNAM PAR GNAS, ,SUM CU RTZA GNYIS RTZA GZHAN DAG ,DE RNAMS KYI NI GTZO BO YIN, ,ZHES 'BYUNG NGO, ,GZHAN YANG, KYE MA'O NGA'I PADMA

, ,'DI; ,BDE BA THAMS CAD YANG DAG LDAN, ,CHO GA BZHIN DU GANG BSTEN PA, ,DE YI MDUN NA BDAG GNAS SO, ,'DI NI CHOS DBYINGS RNAM PAR DAG ,SEMS CAN KHAMS NI GROL BAR BYED, ,BDE CHEN RDO RJE RGYAL PO NYID, ,DNGOS KUN GYIS NI 'DI LA GNAS, , ZHES SO, ,GZHAN YANG NU MA'I SNA DANG PAGS PAS G-YOGS PA SOR BZHI PA'I LTE BA 'JAM PA DE NYID BUD MED KYI DBANG PO'O, ,GANG GI PHYIR DE LA NI RTZA STONG PHRAG BDUN CU RTZA GNYIS DE NYID DU 'DUS PA DE'I PHYIR BDE BA CHEN PO'I MTSAN NYID CAN GSANG BA 'DUS PA ZHES BYA'O, ,DE LTAR GTAM DAG SMRAS TE LHA MO CANG MI SMRA BAR GYUR TO, ,SLOB MAS KYANG DE'I PADMAR LAG PA G-YON PA'I SOR MO PHYAG RGYAR BCINGS TE 'JUG PAR BYA STE, MIG DANG LCAGS KYU DANG SNAM BU DANG BA DAN NO, ,PHYAG RGYA'I SBYOR BA DES DE SRID BSKYOD PAR BYA BA NI JI SRID MKHUR TSOS DMAR BA DANG BA SPU LDANG BA DANG, ,DGA' BA DAM PA SKYES PA'I DAM TSIG GI PHYAG RGYA SLOB PA'I MGRIN PAR RANG NYID KYIS 'KHYUD PA'I BAR DU BYA'O, ,DE'I RJES SU RDO RJE MKHREGS MO'I STENG DU NYE BAR 'DUS STE MCHOG GI BSNYEN PA LA SOGS PA'I RIM PA YANG DAG PAR BZLA BAR BYA'O, ,DE LA BSGRUB BYA DANG SGRUB BYED KYI SBYOR BA NI BSNYEN PA'O, , RDO RJE DANG PADMA MNYAM PAR SBYOR BA NI NYE BAR BSGRUB PA'O, ,SA BON GYI BYIN GYIS BRLABS PA'I RDO RJE DANG PADMAS BSKYOD PA NI SGRUB PA'O, ,BDE BA CHEN PO NYAMS SU MYONG BA NI SGRUB PA CHEN PO'O ZHES MCHOG GI BSNYEN PA LA SOGS PA'O, ,RGYUD PHYI MA LAS KYANG, BSGRUB BYA SGRUB BYED SBYOR BA NI, ,GANG PHYIR BSNYEN PAR BRJOD PA STE, ,RDO RJE PADMA MNYAM SBYOR BAS, ,NYE BAR SGRUB PA ZHES SU BSTAN, ,YI GE H'Um DANG PHAt LDAN PA'I, ,BSKYOD PA SGRUB PAR RAB TU GRAGS, ,RANG ZHI RANG BDE RANG NGO BO, ,SGRUB PA CHEN POR RAB TU BSHAD, ,DPAL LDAN SANGS RGYAS KUN GYI BDAG ,RDO RJE 'CHANG BA'I GO 'PHANG CHE, ,CHO GA'I SBYOR BA 'DI YIS NI, ,MYUR DU DNGOS GRUB THOB PAR 'GYUR, ,ZHES 'BYUNG NGO, ,GNAS SKABS DE LA RDO RJE DBYINGS KYI DBANG PHYUG MA DANG, SNYOMS PAR ZHUGS PA'I SLOB MA MTHONG NAS RANG GI SNYING GA NAS GTI MUG DGA' MA LA SOGS PA BZHI

SPROS TE SLOB MA'I KHA LA 'JUG PAR BYAS LA, ,GTI MUG DANG ZHE SDANG DANG 'DOD CHAGS DANG PHRAG DOG GI RGYUN RNAMS KYIS SLOB DPON GYIS RIM PA 'DIS DBANG BSKUR BAR BYA STE, RANG GI SNYING GA'I YE SHES SEMS DPA'I PHYAG MTSAN GYI SA BON GYI THIG LE LAS 'OD ZER GYI SGO NAS SANGS RGYAS SPYAN MA DANG SNYOMS PAR ZHUGS PA'I RNAM PAR SNANG MDZAD SEMS DPA' GSUM GYI BDAG NYID CAN RNAM PAR SPRO ZHING SLOB MA'I KHA LA 'JUG PA STE, DE'I YANG SNYING GAR NAM MKHA'I DBYINGS NAS RNAM PAR SNANG MDZAD KYI TSOGS 'JUG PAR BYAS LA, ,BDE BA CHEN PO 'BAB PA'I DBANG GIS ZHU ZHING BYANG CHUB KYI SEMS KYI THIG LE'I GZUGS SU GYUR PA GTI MUG GI RGYUN DES DBANG BSKUR BAR BYA'O ZHES GTI MUG GI RGYUN GYI DBANG NGO, ,DE BZHIN DU SNYING GA'I 'OD ZER GYIS GOS DKAR MO DANG SNYOMS PAR ZHUGS PA'I SNANG BA MTHA' YAS SEMS DPA' GSUM GYI BDAG NYID CAN RNAM PAR SPROS SHING, SLOB MA'I KHA LA BCUG STE, DE'I YANG SNYING GAR SNANG BA MTHA' YAS KYI TSOGS NAM MKHA'I DBYINGS NAS BKUG CING BCUG LA BDE BA CHEN PO 'BAB PA'I DBANG GIS ZHU ZHING BYANG CHUB KYI SEMS KYI THIG LE'I GZUGS SU GYUR PA 'DOD CHAGS KYI RGYUN DES DBANG BSKUR BAR BYA'O ZHES 'DOD CHAGS KYI RGYUN GYI DBANG NGO, ,DE BZHIN DU SNYING GA'I 'OD ZER GYIS M'A MA K'I DANG SNYOMS PAR ZHUGS PA'I MI BSKYOD PA SEMS DPA' GSUM GYI BDAG NYID CAN RNAM PAR SPRO ZHING SLOB MA'I KHA LA BCUG STE, DE'I YANG SNYING GAR MI BSKYOD PA'I TSOGS NAM MKHA'I DBYINGS NAS BKUG CING BCUG LA BDE BA CHEN PO 'BAB PA'I DBANG GIS ZHU ZHING BYANG CHUB KYI SEMS KYI THIG LE'I GZUGS SU GYUR PA ZHE SDANG GI RGYUN DES DBANG BSKUR BAR BYA'O ZHES ZHE SDANG GI RGYUN KYI DBANG NGO, ,DE BZHIN DU YANG SNYING GA'I 'OD ZER GYIS DAM TSIG SGROL MA DANG SNYOMS PAR ZHUGS PA'I DON YOD GRUB PA SEMS DPA' GSUM GYI BDAG NYID CAN RNAM PAR SPROS ZHING SLOB MA'I KHA LA BCUG STE, DE'I SNYING GAR DON YOD GRUB PA'I TSOGS NAM MKHA'I DBYINGS NAS BKUG CING BCUG LA BDE BA CHEN PO 'BAB PA'I DBANG GIS ZHU ZHING BYANG CHUB KYI SEMS KYI THIG LE'I GZUGS SU GYUR PA PHRAG DOG GI RGYUN DES DBANG BSKUR BAR BYA'O ZHES PHRAG

, ,DOG GI RGYUN GYI DBANG NGO, ,DE LTAR DBANG BSKUR BA BZHIS DBANG BSKUR BAS DE BZHIN GSHEGS PA THAMS CAD KYI NGO BO NYID KYIS PHUNG PO DANG KHAMS RGYAS PAR BYAS PA ZHES 'BYUNG BA RGYAS PA SNGON DU 'GRO BA SHES RAB YE SHES KYI DBANG NGO, ,DE'I RJES SU SLOB MA LANGS TE THAL MO SBYAR ZHING SLOB DPON GYI MDUN DU 'DUG NAS GSOL BA 'DEBS PA'I SLOB MA LA MAN NGAG GA DBANG BZHI PA 'DI BSTAN PAR BYA STE, THABS DANG SHES RAB SNYOMS PAR ZHUGS PA'I DUS SU TSANG BA'I BU GNAS 'PHO BA'I BYANG CHUB KYI SEMS LAS 'BYUNG BA KHYOD KYIS GANG MYONG BA DE NI SNANG BA'I YE SHES DANG 'DOD CHAGS DANG BRAL BA DANG, RNAM PA SNA TSOGS PA'I SKAD CIG MA'I BDAG NYID DANG, DE NAS BSNYEN PA DANG DGA' BA'I RNAM GRANGS CAN DU SHES PAR GYIS SHIG ,DE'I RJES LA BYANG CHUB KYI SEMS YAN LAG THAMS CAD DU KHYAB PA NA KHYOD KYIS BDE BA GANG MYONG BA DE NI SNANG BA MCHED PA'I YE SHES TE RNAM PAR SMIN PA'I SKAD CIG MA'I BDAG NYID CAN NYE BAR SGRUB PA DANG, MCHOG TU DGA' BA'I NGO BO NYID DU SHES PAR GYIS SHIG ,DE'I 'OG TU RDO RJE'I NANG DU SON PA'I BYANG CHUB KYI SEMS LAS KHYOD KYIS BDE BA GANG MYONG BA DE NI SNANG BA THOB PA'I YE SHES TE RNAM PAR 'JOMS PA'I SKAD CIG MA'I BDAG NYID CAN SGRUB PA DANG, 'DOD CHAGS BAR BA'I NGO BO NYID DU SHES PAR GYIS SHIG ,DE NAS YANG RDO RJE NOR BU'I RTZE MOR PHYIN PA'I BYANG CHUB KYI SEMS KYI BDE BA CHEN PO NYAMS SU MYONG BAS SGO RNAMS 'GAGS PAS SEMS KYI RNAM PAR RTOG PA'I TSOGS THIM ZHING RAB TU ZHI BA'I GNAS LA SOGS PA'I TSOGS RO GCIG PAR GYUR PA YE SHES MTHONG BA GANG YIN PA DE NI SNANG BA LA SOGS PA GSUM DANG BRAL BA, 'DOD CHAGS DANG, 'DOD CHAGS DANG BRAL BA DANG, 'DOD CHAGS PAR SPANGS PA THABS DANG SHES RAB GNYI GA LAS 'DAS PA DE NI 'OD GSAL BA GNYIS SU MED PA'I YE SHES SGRUB PA CHEN PO MTSAN NYID DANG BRAL BA'I SKAD CIG MA BDE BA CHEN POR SHES PAR GYIS SHIG ,DE LTAR DRI MA THAMS CAD DANG BRAL BA'I YE SHES SHES RAB KYI PHA ROL TU PHYIN PA DANG CHOS KYI DBYINGS KYI NGO BO NYID DU SHES PAR GYIS SHIG ,SKYES BU MTSAN MO YANG MA YIN, NYIN MO YANG MA YIN,

MTSAMS KYANG MA YIN TE, SNANG BA YANG MA YIN, SNANG BA MCHED PA YANG MA YIN, SNANG BA THOB PA YANG MA YIN PA, GNYID LOG PA YANG MA YIN PA, SAD PA YANG MA YIN, CHAGS PA DANG, CHAGS PA DANG BRAL BA DANG, CHAGS PA BAR MA'I RANG BZHIN RNAMS DANG BRAL BA'I 'OD GSAL BA'I YE SHES LA DUS THAMS CAD DU GNAS PAR GYIS SHIG ,DE NAS RDO RJE SLOB DPON GYI BKA' DRIN THOB PA'I SLOB MA THAL MO SBYAR BAR GYUR PAS DE KHO NA NYID THOB PA LA RJES SU YI RANG ZHING BYANG CHUB KYI SEMS KYI TSIGS SU BCAD PA 'DI RJOD PAR BYED DE, AOm DNGOS PO THAMS CAD LAS 'DAS SHING, ,PHUNG PO KHAMS DANG SKYE MCHED BRAL, ,GZUNG DANG 'DZIN PA RNAM SPANGS PA, ,CHOS RNAMS BDAG MED MNYAM NYID KYIS, ,RANG SEMS GDOD NAS MA SKYES PA, ,STONG PA NYID KYI NGO BO YIN, ,ZHES BYA BA BYANG CHUB KYI SEMS KYI SNGAGS 'DI BRJOD CING, BLA MA'I ZHABS KYI RTZA BAR SNYIM PA'I ME TOG DBUL BAR BYA'O ZHES 'DI NI NANG GI MNGON PAR BYANG CHUB PA'I RIM PA'O, ,DE'I DPE NI NYIN MO SNANG BA MCHED PA'I YE SHES SO, ,MTSAN MO NI SNANG BA'I YE SHES SO, ,NUB KYI DUS KYI MTSAMS NI SNANG BA THOB PA'I YE SHES SO, ,SKYA RENGS KYI DUS SU BZHI PA 'OD GSAL BA'I YE SHES TE PHYI'I MNGON PAR BYANG CHUB PA'I RIM PA'O, ,RIM PA 'DIS KYANG NANG GI MNGON PAR BYANG CHUB PA'I RIM PA BSTAN PA YIN TE, DPER NA, SMIG RGYU DANG, DU BA DANG, MKHA' SNANG DANG, MAR ME DANG, SPRIN MED PA'I NAM MKHA' DANG 'DRA BA'I RTAGS RNAM BA LNGA'O, ,JI SKAD DU, LAS KYI MTHA' RNAM PAR 'BYED PA LAS, DANG PO SA NI CHUR THIM ZHING,, CHU NI ME LA THIM PAR 'GYUR, ,ME NI RLUNG GI RJES 'GRO ZHING, ,RLUNG NI NAM MKHAR YANG DAG 'JUG ,NAM MKHA' 'DZIN PA DE NYID DE, ,YE SHES GSUM PO RNAM SPANGS PA'O, ,ZHES 'BYUNG NGO, ,YANG NA DAM TSIG GI PHYAG RGYA'I SGO NAS PHYI'I MNGON PAR BYANG CHUB PA DANG, YE SHES KYI PHYAG RGYA DANG PHYAG RGYA CHEN PO'I SGO NAS NI NANG GI MNGON PAR BYANG CHUB PAR SHES PAR BYA'O, ,RIM PA DE DAG GIS DE KHO NA NYID RTOGS PA'I RNAM 'BYOR PAS BRTAN PAR BYA BA'I PHYIR TING NGE 'DZIN RNAM PA GNYIS KYIS KYANG DE BZHIN NYID LA 'DUN PAR BYA'O, ,DE LA LTE BA'I PHYOGS SU RTZIBS BRGYAD PA'I CHOS

, ,KYI 'KHOR LO'I DKYIL 'KHOR DU ME'I 'OD 'PHRO BA'I YI GE RAm 'BAR BA BSGOMS TE, DE'I SNANG BAS SPYI BO NAS LUS MA LUS PA LA KHYAB PAR BYA STE, STONG PA NYID KYI RANG BZHIN 'OD GSAL BAR GNAS PAR BYA'O ZHES RIL POR 'DZIN PA ZHES BYA BA'I TING NGE 'DZIN TO, ,DE BZHIN DU YANG BRTAN PA DANG G-YO BA'I RANG BZHIN KHAMS GSUM PO DANG PO 'OD GSAL BAR BYA STE, PHYIS DE BZHIN DU BDAG NYID LA BYA BA NI RJES SU GZHIG PA'I TING NGE 'DZIN TO, ,TING NGE 'DZIN GNYIS KYI DPE NI JI SKAD DU, ,CHU BO'AM LTENG KA'I CHU NI DRI MED DAG LA ZLA BA GNAS PA LTAR, ,DE BZHIN DE LA RJES SU 'JIG BAR BYED PA RNAL 'BYOR PAS NI RTAG TU BSAM, ,ME LONG LA NI DBUGS RLUNG RIM GYIS ZAD 'GYUR DE BZHIN YANG DAG BLTA, ,RIL POR 'DZIN PA'I RIM PA 'DI YANG RNAL 'BYOR PA YIS RTAG TU BRTAG, ,CES 'BYUNG NGO, ,MNGON PAR BYANG CHUB PA'I RIM PAS 'DIS YE SHES LNGA'I NGO BO NYID RNAM PAR RTOG PA MA LUS PA RING DU SPANGS PA MCHOG TU DGA' BA'I RANG BZHIN RNAL 'BYOR PA GSON BZHIN GROL BAR GNAS PAR BYA'O ZHES MNGON PAR BYANG CHUB PA'I RIM PA'O, ,DA NI ZUNG DU 'JUG PA'I RIM PA BSTAN PAR BYA STE, DE YANG GNYIS SO, ,RGYU'I ZUNG DU 'JUG PA DANG, 'BRAS BU'I ZUNG DU 'JUG PA'O, ,RGYU'I ZUNG DU 'JUG PA LA RNAM PA BZHI STE, NYAN THOS DANG, RANG SANGS RGYAS DANG, DBU MA DANG, SNGAGS KYI LTA BA'I BYE BRAG GIS SO, ,DE LA RIM PA BZHI PO 'OD GSAL BA THOB NAS DE'I RJES SU KUN RDZOB DANG DON DAM PA DBYER MED PA DPAL RDO RJE 'CHANG CHEN PO'I PHYAG RGYA CHEN PO RNAM BA THAMS CAD KYI MCHOG DANG LDAN PA, SEMS CAN MA LUS PA'I DON BYED PA MYUR DU SPROS TE GNYIS PA THAMS CAD KYI SNANG BA DANG BRAL ZHING, BLA NA MED PA'I SKU THOB PAR 'GYUR ZHES ZUNG DU 'JUG PA'I TING NGE 'DZIN MDOR BSDUS PA'O, ,DE LA NI LHAG MA DANG BCAS PA DANG LHAG MA MED PA'I MYA NGAN LAS 'DAS PA'I DBYINGS GNYIS KYI RNAM PAR RTOG PA DANG, GANG ZAG LA BDAG MED PA DANG CHOS LA BDAG MED PA NYID DANG, 'DU SHES MED PA'I SNYOMS PAR ZHUGS PA DANG 'GOG PA'I SNYOMS PAR ZHUGS PA DANG, RNAM PA DANG BCAS PA DANG, RNAM PA MED PA DANG, RTAG PA DANG CHAD PA DANG,

KUN RDZOB DANG, DON DAM PA DANG, RTAG PA DANG, MI RTAG PA DANG, GTZANG BA DANG MI GTZANG BA DANG, YOD PA DANG MED PA DANG, DNGOS PO DANG DNGOS PO MED PA DANG, SNGAGS KYI SKU DANG, YE SHES KYI SKU DANG, BSKYED PA DANG, RDZOGS PA DANG, RTOG PA'I RNAL 'BYOR DANG, YONGS SU RDZOGS PA DANG, STONG PA NYID DANG SNYING RJE DANG, THABS DANG SHES RAB LA SOGS PA'I GNYIS PAR 'DZIN PA'I BAG CHAGS THAMS CAD MED PAS BCU GNYIS PA KUN TU 'OD CES BYA BA LA GNAS PA'O, ,DE BAS NA DE LAS LDANG BA'I DAG PA 'JIG RTEN PA'I YE SHES LA GNAS PA SA BCU GSUM PA THOB PA YONGS SU RDZOGS PA'I SPYOD PA ZUNG DU 'JUG PA'I NGO BO NYID DO, ,DPER NA BRAM ZE DANG GDOL PA DANG, SMAD 'TSOD MA DANG, BU MO DANG CHUNG MA DANG, GA BUR DANG, BSHANG BA DANG, DRAG PO DANG, RDO RJE 'CHANG BA DANG, MTHO RIS DANG NGAN SONG DANG, BDE BA DANG SDUG BSNGAL BA DANG, GRAGS PA DANG GRAGS PA MA YIN PA DANG, RNYED PA DANG RNYED PA MA YIN PA DANG, BSTOD PA DANG SMAD PA LA SOGS PA DANG BRAL BA, RJES SU DRAN PA DANG MA 'DRES PA'I CHOS DANG LDAN PA, SANGS RGYAS KYI SKU 'DZIN PA, SANGS RGYAS KYI ZHING GCIG NAS GCIG TU SEMS CAN GYI DON MDZAD PA LA BRTZON PA DPAL BDE BA CHEN PO'I RNAM GRANGS CAN RDO RJE SEMS DPA' NYID DU 'GYUR RO, ,DE LTA NA GAL TE 'BRAS BU DE YIN NA RGYU NYID DU JI LTAR 'GYUR TE, GANG GI PHYIR RIM PA BZHI PO NI THABS TE RGYU'O, ,LNGA PA NI MI SLOB PA'I NGO BO NYID 'BRAS BU'O, ,DE CI'I PHYIR GCIG LA RGYU NYID DANG 'BRAS BU NYID 'THAD CE NA, SMRAS PA RO GCIG PA'I ZUNG DU 'JUG PA LA BLOS BRTAGS PA'I RGYU DANG 'BRAS BU'I THA SNYAD YIN GYI DAM PA'I DON DU NI MA YIN NO, ,DE LTAR THAMS CAD MKHYEN PA'I YE SHES THOB PA'I RNAL 'BYOR PA LA RGYU DANG 'BRAS BU'I BYE BRAG TU GNAS PA'I DNGOS PO THAMS CAD NGO BO GCIG KHO NA YIN GYI BYE BRAG TU DE LA DE RNAMS SNANG BA MA YIN NO, ,BDAG CAG LTA BU GZHAL BAR BYED PA RNAMS KYIS DE LTAR 'DOD PA LA SKYON MED DO, ,YANG NA SRID PA DANG MYA NGAN LAS 'DAS PA'I RNAM PAR RTOG PA PHAN TSUN BYE BRAG TU RAB TU 'JUG PA DE RNAMS KHO NA RO GCIG PAR SHES PAS TING NGE 'DZIN MNGON DU 'GYUR ZHES RGYU DANG

, ,'BRAS BU'I BYE BRAG 'DI NI BRTAGS PA YIN PAS GNOD PA GANG YANG MED DO, ,DE LTA NA GAL TE TING NGE 'DZIN 'DI YIN NA, JI LTAR LDANG BAR 'GYUR TE, LDANG BA MED NA DE'I TSE SEMS CAN GYI DON MED CES PHAN TSUN 'GAL BA THOB PAR 'GYUR ZHE NA, SMRAS PA LDANG BA ZHES BYA BA NI TING NGE 'DZIN NYAMS PAR BYED PA NI MA YIN TE, 'ON KYANG TING NGE 'DZIN LA ZHUGS PA NYID KYIS 'GRO BA'I DON MDZAD PA'O, ,GANG GI PHYIR SANGS RGYAS BCOM LDAN 'DAS RNAMS KYI SPYOD LAM RNAM PA BZHI STE, SPYOD LAM GYI BZHUGS PA DANG, BSTAN PA'I BZHUGS PA DANG, TING NGE 'DZIN GYI BZHUGS PA DANG, SO SOR YANG DAG PA'I 'JUG PA'I BZHUGS PA'O, ,DE LA SANGS RGYAS RNAMS KYI SKU'I PHRIN LAS RTAG TU MNYAM PAR GZHAG PA GANG YIN PA DE NI SPYOD LAM GYI BZHUGS PA'O, ,GANG GSUNG GI PHRIN LAS RTAG TU MNYAM PAR GZHAG PA GANG YIN PA DE NI BSTAN PA'I BZHUGS PA'O, , GANG THUGS KYI PHRIN LAS RTAG TU MNYAM PAR GZHAG PA GANG YIN PA DE NI TING NGE 'DZIN GYI BZHUGS PA'O, ,GANG SANGS RGYAS RNAMS KYIS MTHONG BA'I CHOS KYI BDE BA'I BZHUGS PA DANG, LHA LA SOGS PA'I GNAS SU NYE BAR GSHEGS PA LA THUGS KYI PHRIN LAS RTAG TU MNYAM PAR GZHAG PA GANG YIN PA DE NI SO SOR YANG DAG PAR 'JUG PA'I BZHUGS PA'O, ,MNYAM PAR GZHAG PA'I SPYOD PA NI BZHUGS PA STE GANG GI PHYIR SANGS RGYAS BCOM LDAN 'DAS RTAG TU MNYAM PAR GZHAG PAS SO, ,DE LTAR ZUNG DU 'JUG PA'I RIM PA LA GNAS PA'I RNAL 'BYOR PA'I TING NGE 'DZIN LAS LDANG YANG RUNG MI LDANG YANG RUNG KHYAD PAR GANG YANG MED DE ZHES TING NGE 'DZIN KHO NA YIN TE, TING NGE 'DZIN MA YIN PA LAS LOG PA'I PHYIR RO, ,GAL TE PHYOGS GNYIS KA LA MTSUNGS PA YIN NA DE CI'I PHYIR RNAM PAR MI RTOG PAR GYUR NAS KYANG SEMS CAN GYI DON BYED CE NA, SMRAS PA SNGON GYI SMON LAM DANG THUGS RJE CHEN PO'I SHUGS KYIS SEMS CAN GYI DON MDZAD PA YIN GYI RNAM PAR RTOG PAS NI MA YIN NO, ,SEMS CAN RNAMS KYI YANG DE PHRAD PA TZAM GYIS RE BA THAMS CAD YONGS SU RDZOGS PAR 'GYUR TE YID BZHIN GYI NOR BU DANG BUM PA BZANG PO BZHIN NO, ,JI SKAD DU, DE NI PHRAD PA TZAM GYIS NI, ,SKYES BU YID BZHIN NOR BU LTAR,,

RTZIG PA LA SOGS RNAMS LAS KYANG, ,JI 'DOD BSTAN PA RNAMS NI 'BYUNG, ,ZHES 'BYUNG NGO, ,DE BAS NA SANGS RGYAS KYI SA LA NYON MONGS PA'I DRA BA ZAD NAS KYANG SNGON GYI SMON LAM GYI 'PHEN PA'I DBANG GIS SKUR BYUNG BA DANG SEMS CAN GYI DON YANG 'BYUNG STE, RDZA MKHAN GYI 'KHOR LO BZHIN NO, , JI SKAD DU, SKYON RNAMS SKYED BYED 'JIG TSOGS LTA BU'I BUD SHING SREG BYED GANG, ,RANG GZHAN BYE BRAG YUL RNAMS RTZA NAS 'DON BYED DE RNAMS SKYON MED DE, ,SKYON MED PA YANG THUGS RJES SGYU MA'I SKYES BU LAS LA 'JUG ,BLO BZANG SNGON GYI SMON LAM DBANG GIS 'KHOR LO 'KHOR BZHIN GNAS,, ZHES 'BYUNG NGO, ,KAM PA LA'I ZHAL SNGA NAS KYIS KYANG GSUNGS TE, MI SHIGS KHYOD KYIS MNGON PAR BYANG CHUB THOB NAS NI, ,GANG TSE MI SHIGS NYID KYANG YI GER GSUNGS PA NI, ,DE TSE RING DU NYAMS PA RNAMS KYI JI LTAR NI, ,LCAGS KYU MED PA RNAMS KYIS LOG PA'I RTZOL BA BYED, ,CES 'BYUNG NGO, ,ZUNG DU 'JUG PA'I RIM PA'I TING NGE 'DZIN TE RDZOGS PA'I RIM PA'O, ,DE LTAR BSKYED PA DANG RDZOGS PA'I RIM PA DAG YAN LAG DANG DBYE BAR BCAS PA NI RAB TU BSTAN TO, ,'GREL PA MA LUS PA'I DON DE NYID LA BRTEN TE SLOB DPON ZLA BA GRAGS PAS 'GREL PA LAS DON BSTAN TO, ,DE BRTZAM PA LA DANG PO RNAM PA GSUM YIN TE; BYA BA DANG BYA BA'I 'BRAS BU DANG, BYA BA'I 'BRAS BU'I 'BRAS BU'O, ,DE LA RDO RJE PHRENG BA DANG, LHA MO BZHIS YONGS SU ZHUS PA DANG, DGONGS PA LUNG BSTAN PA DANG, YE SHES RDO RJE KUN LAS BTUS PA RNAL 'BYOR GYI RGYUD CHEN PO'I BSHAD PA'I RGYUD BZHI PO LAS YANG DAG PAR BTUS TE, DPAL GSANG BA 'DUS PA'I 'GREL PA BYED PA GANG YIN PA DE BYA'O, ,BSHAD PA'I RGYUD RGYAS PA RNAMS LAS BLO DMAN PA RNAMS KYIS DON GZUNG BAR MI NUS TE, DE RNAMS KYIS BDE BLAG TU GO BA NI BYA BA'I 'BRAS BU'O, ,BDE BLAG TU GO BAS PHAN TSUN SLOB DPON DANG SLOB MA DAG GI 'CHAD PA PO DANG NYAN PA PO'I 'BREL PA DANG BSNYEN BKUR BYED PA DANG, BSNYEN BKUR BYA BA DANG, THOS PA DANG BSAM PA DANG BSGOM PAS RTOGS PAS ZAB CING RGYA CHE BA BLA NA MED PAS SEMS CAN MA LUS PA LA RJES SU GZUNG BAR BYED PA DPAL RDO RJE 'CHANG CHEN PO'I GO 'PHANG THOB PA NI BYA BA'I 'BRAS BU'I 'BRAS BU'O,,

, ,DE YOD PAS NYAN PA PO 'JUG PAR 'GYUR RO, ,DE BZHIN DU GZHAN YANG BRJOD PA LA SOGS PA RNAM PA LNGA BO NYAN PA PO 'JUG PAR BYA BA'I PHYIR SMRA BAR BYA STE, RJOD PA DANG BRJOD PAR BYA BA DANG, 'BREL PA DANG, DGOS PA DANG, DGOS PA'I DGOS PA'O, ,DE LA RJOD PAR BYED PA 'GREL PA'I MING NI SGRON MA RAB TU GSAL BAR BYED PA'O, ,DPAL GSANG BA 'DUS PA'I RNAL 'BYOR GYI RGYUD CHEN PO THOS PA CHUNG BA'I SLOB DPON GYIS BSHAD PA'I MUN PAS KHEBS PA'I RDO RJE'I TSIG RNAMS SGRON MA LTAR GSAL BAR BYED CING JI LTA BA BZHIN DU MNGON PAR GSAL BAR BYED PAS NA SGRON MA GSAL BA'O, ,MTHA' DRUG CES BYA BA NI DE NYID KYI DON GYI SGO NAS MING YIN TE, BRJOD PAR BYA BA DRUG DU BSTAN PA'I PHYIR RJOD PAR BYED PA'O, ,BRJOD PAR BYA BA NI SNGON DU BSHAD PA'I RIM PA GNYIS TE, DE LA YANG DANG PO LA RNAM BA GSUM STE, LUS RNAM PAR DBEN PA'I BAR DU'O, ,GNYIS PA NI RNAM PA LNGA STE NGAG RNAM PAR DBEN PA NAS BRTZAMS TE MI GNAS PA'I MYA NGAN LAS 'DAS PA'I BAR DU'O ZHES BRJOD PAR BYA'O, ,'BREL PA ZHES BYA BA NI SGRA DANG DON DAG GIS THABS DANG THABS LAS BYUNG BA'I MTSAN NYID DAM, ,RGYU DANG 'BRAS BU'I TSUL LAM, RJOD PA DANG BRJOD PAR BYA BA'I MTSAN NYID NGES PAR SHES PAR BYA'O, ,GAL TE SGRA DANG DON DAG GIS 'BREL PA GTZO BO YOD PA MA YIN YANG BLOS BYAS PA KHO NA'O, ,GANG GI PHYIR SGRA DANG DON DAG LA 'BREL PA MED DE RANG GI MTSAN NYID STON MI NUS PA'I PHYIR RO, ,'BREL PA ZHES BYA BA NI RNAM PA GNYIS TE, DE'I BDAG NYID DANG, DE LAS BYUNG BA'O, ,DE LAS DE'I BDAG NYID CES BYA BA NI DBYER MED PA'I DNGOS PO GCIG PO KHO NA LA LDOG PAS BYAS PA'I BYE BRAG LA BRTEN TE BSGRUB PAR BYA BA DANG SGRUB PAR BYED PA DANG, RTOGS PAR BYA BA DANG RTOGS PAR BYED PA'I BSGRUB PA DAG SO SOR BSTAN PA NI RMONGS PA'I BLO CAN RNAMS KYI RMONGS PA SEL BAR BYED PA'O, ,DPER NA SHING DANG SHA BA DAG DANG, BYAS PA DANG MI RTAG PA DAG GI DBYER MED PA NI SHING DANG SHA BA DAG DANG BYAS PA DANG MI RTAG PA BZHIN DU SGRA DANG DON DAG LA DBYER MED PA NYID MED DO, ,DPER NA SGRA RJOD PAR GYUR PA NA SKYES BU'I KHA YONGS SU KHENGS PAR 'GYUR BA'I DON GYIS NI MA YIN NO, ,SGRA NI SKAD CIG MA YIN PA'I

PHYIR BRJOD MA THAG TU RNAM PAR 'JIG GO, ,DON NI BUM PA LA SOGS PA'I MTSAN NYID PHYI ROL DU YOD PA DE YANG SKAD CIG MA CAN MA YIN ZHES DE DAG THA DAD PA'O, ,THA DAD PA DANG THA MI DAD PA DAG GIS PHAN TSUN SPANGS PA'I MTSAN NYID CAN GYI 'GAL BAS DE'I BDAG NYID MED DO, ,GAL TE SKYON DE BSAL BAR BYA BA'I PHYIR THA DAD PA'I DON LA YANG DON SGRAR MTSAN BRDA'I SGO NAS RJOD PAR BYED CE NA, DE YANG MI RIGS TE, GANG GI PHYIR DNGOS PO'I CHOS NYID DU GNAS PA'I RANG GI MTSAN NYID MI RTOG PA'I YE SHES PA'I SPYOD YUL NI BRDAS BSTAN PAR MI NUS TE, THA DAD PA DANG THA MI DAD PA DANG, MING DANG RIGS LA SOGS PA'I DBYE BAS KYANG BRJOD PAR BYA BA MA YIN PA'I PHYIR RO, ,RE ZHIG BRJOD BYA NI SKAD CIG MA YIN PA'I PHYIR MI GNAS TE, RJOD PAR BYED PA DE YANG DE BZHIN TE, DNGOS PO THAMS CAD SKAD CIG MAS KHYAB PA'I PHYIR RO, ,BRDA NI THA SNYAD LA DGOS PA STE, ,GANG LA BRTEN PA'I THA SNYAD DE, , GAL TE GNAS PAR MI 'GYUR NA, ,DE'I TSE GANG GI BRDA YIN TE, ,MO GSHAM GYI BU'I BRDA BZHIN NO, ,JI SKAD DU TSAD MA RNAM 'GREL LAS, ,SGRA RNAMS KYIS NI BRDA CAN STON, ,DE NI THA SNYAD PHYIR BSHAD PA, ,DE TSE RANG GI MTSAN NYID MED, ,DES NA DE LA BRDA MED DO, ,ZHES 'BYUNG NGO,, DE BAS NA DE'I BDAG NYID KYI 'BREL PA MED PA KHO NA'O, ,DE LAS BYUNG BA'I 'BREL PA YANG MED DE, CI'I PHYIR ZHE NA, DE LAS BYUNG BA'I MTSAN NYID KYI 'BREL PA NI THA DAD PA'I DNGOS PO DAG LA YOD DE, DON GYI RJES SU 'GRO BA DANG, LDOG PA RJES SU 'JUG PA'I PHYIR TE, DU BA DANG ME BZHIN NO, ,ME YOD PAS DU BA YOD PA DANG, ME MED PAS BUD SHING LA SOGS PA RGYU RNAMS MA TSANG BA MED PA YOD PAS KYANG DU BA YOD PAR MI 'GYUR ZHES RGYU YOD PA DANG MED PA DAG GIS 'BRAS BU LA YANG YOD PA DANG MED PA NYID DE, DE NI RGYU'I RJES SU 'GRO BA'I PHYIR RO, ,DE BAS NA YOD PA DANG MED PA DAG GIS BYAS PA'I BDAG NYID YOD PA DANG MED PA CAN GYI DU BAS ME RTOGS PAR BYED DO, ,RTOGS PA DANG RTOGS PAR BYA BA'I DNGOS PO'AM, BSGRUB BYA DANG SGRUB PAR BYED PA DNGOS PO DAG GI RJES SU 'GRO BA DANG LDOG PA KHO NA RGYU YIN NO, ,DE LTA BU'I RIGS PA SGRA DANG DON DAG LA MED DE, CI'I PHYIR ZHE NA, BUM PA LA SOGS PA'I DON YOD PAS KYANG

, ,DNGOS PO GCIG LA YID 'BREL PA CAN GYI SKYES BUS SGRA BRJOD PAR MI NUS PA DANG, DON MED PAS KYANG RTOG PA DANG BCAS BA'I RNAM PAR SHES PA RANG DBANG DU SGRA RJOD PAR BYED PA STE, 'KHOR LOS SGYUR BA DANG RGYA MTSO LA SOGS PA'I SGRA BZHIN NO, ,DE'I PHYIR DON GYI RJES SU 'GRO BA DANG LDOG PA MED PAS SGRA DANG DON DAG GIS DE LAS BYUNG BA'I 'BREL PA MED DO, ,DE LA SMRAS PA, RANG GI MTSAN NYID KYI 'BREL PA MED DE SPYI'I MTSAN NYID KYIS BYAS PA'I 'BREL PA YOD PA NYID DE DPER NA RTOG BCAS KYI SHES PA LA SPYI'I TSUL DU DON GYI RNAM PA GANG SNANG BA DE NYID KYIS PHA ROL PO LA RTOGS PAR BYA BA'I PHYIR 'BRAS BUR GYUR PA'I SGRA SKYED PAR BYED DO, ,SPYI'I SGRA'I RNAM PA DES KYANG NYAN PA PO'I RGYUD LA RTOG PA SKYED PAR BYED DO, ,DE'I PHYIR SGRA'I YUL GANG YIN PA DE NYID RNAM PAR RTOG PA RNAMS KYI YUL LO, ,DE BAS SGRA DANG DON RNAMS KYI BTAGS PA PA'I 'BREL PA YOD PA KHO NA'O, ,DE NYID LA BRTEN TE NYE BAR BRTAGS PAS RANG GI MTSAN NYID LA YANG SGRA 'JUG GI 'JUG PA GTZO BOS NI MA YIN NO, ,'BREL PA DE YANG RNAM PA DRUG TU 'GYUR TE, DE BZHIN GSHEGS PA DANG LHA MO DANG BYANG CHUB SEMS DPA' DANG, LHA DANG, MI 'AM CI DANG, MI RNAMS KYI'O, ,DE LA DANG PO 'GRO BA 'DI DAG MUN PAR GYUR PA STONG PA NYID KYI RANG BZHIN DU YOD DE, DE NAS BSAM GTAN BZHI PA'I GZUGS KHAMS SU GNAS PA DANG, NAM MKHA' MTHA' YAS KYI SKYE MCHED DU GNAS PA DANG, RNAM PAR SHES PA MTHA' YAS SKYE MCHED DANG; CI YANG MED PA'I SKYE MCHED DANG, 'DU SHES YOD MIN MED MIN SKYE MCHED DU GNAS PA RNAMS KYI YUN RING BA'I DBANG GIS, CHANG GIS MYOS PA'I NUS PA BZHIN DU 'DOD CHAGS KYI BAG CHAGS 'BYUNG BAR 'GYUR RO, ,DE'I DE MA THAG TU DE RNAMS GZUGS CAN DU GYUR TO,, DE NAS CHAGS PA DANG MNGON PAR 'BREL PA'I DBANG GIS RANG GI LUS LAS BCUD KYI RANG BZHIN CHAR GYI RGYUN 'BAB PAR 'GYUR RO, ,BAB PA DE RNAMS KYIS KYANG KHA DOG SER PO SA'I CHA 'DAM DU CHAGS SO, ,YANG DUS KYI DBANG GIS DE DUM BU BZHIR GAS NAS GLING BZHI DANG DKYIL DU RI

RAB KYI RGYAL PO YANG DAG PAR BYUNG BAR GYUR TO, ,DE NAS DE DAG KYANG DE NYID DU BABS SO, ,BAG CHAGS LDANG BA'I SHUGS KYIS BUD MED DANG SKYES PA'I RTAGS SU GYUR PAS PHAN TSUN 'BREL PA'I DBANG GIS SKYE DGU DANG RIGS BZHI'I THA SNYAD KYANG 'BYUNG NGO, ,MA RMOS PAR SMIN PA'I 'BRAS LA SOGS PA'I 'BRU RNAMS DANG, DE DAG BSRUNG BAR BYA BA'I PHYIR MTHA' YAS GRAGS PA LA SOGS PA RGYAL PO RNAMS BYUNG NGO, ,BDAG DANG GZHAN GYI DBYE BA'I DBANG GIS NGA DANG BDAG TU 'DZIN PA BYUNG NGO, ,DE'I RTZA BA CAN NI 'DOD CHAGS LA SOGS PA'I NYON MONGS PA DANG DE LAS BYUNG BA'I DGE BA DANG MI DGE BA'I LAS DANG, DE'I RGYU CAN BDE 'GRO DANG NGAN 'GRO DAG CES ZO CHUN GYI 'KHRUL 'KHOR BZHIN DU YONGS SU 'KHOR BA'I DGON PAR 'KHOR BAR GYUR TO, ,DE NAS BCOM LDAN 'DAS RDO RJE 'CHANG CHEN POS SNYIGS MA LNGA'I DUS SU NYON MONGS PA LNGAS DKRUGS PA'I SEMS CAN GYI KHAMS LA GZIGS TE, NYAN THOS LA SOGS PA'I LAM GZHAN GYIS 'DI DAG 'DUL BAR MI 'GYUR TE ZHES MKHYEN NAS NYON MONGS PA NYID KYIS NYON MONGS PA THAMS CAD NYE BAR ZHI BAR 'GYUR ZHES DGONGS NAS SGEG PA LA SOGS PA'I CHA LUGS DANG LDAN PA'I DE BZHIN GSHEGS PA LNGA YE SHES LNGA'I NGO BO NYID SPRO BAR MDZAD DE, DE BZHIN GSHEGS PA DA DAG GIS DGA' LDAN GYI LHA'I GNAS SU RIN PO CHE SNA BDUN GYI RANG BZHIN GYI GZHAL YAS KHANG PA LA BZHUGS PA'I RDO RJE SEMS DPA' LA GSOL BA BTAB PAR GYUR PAS BCOM LDAN 'DAS KYIS KYANG RIG MA'I CHU SKYES KYI NANG DU DKYIL 'KHOR SPROS TE, DE BZHIN GSHEGS PA RNAMS LA RIG MA'I DBANG BSKUR NAS PHYI ROL DU SPROS TE, DE KHO NA NYID BSTAN TO ZHES PA DE NI DE BZHIN GSHEGS PA'I 'BREL PA'O, ,BCOM LDAN 'DAS DE NYID KYIS 'DOD CHAGS KYI RIGS CAN RJES SU GZUNG BAR BYA BA'I PHYIR, LHA MO BZHI SPROS TE, DE RNAMS KYIS YONGS SU ZHUS PAS DE KHO NA NYID GSUNGS PA DE NI LHA MO'I 'BREL BA'O, ,DBANG PO RNAMS LA MNGON PAR ZHEN PA'I NYON MONGS PA LA GNAS PA'I SEMS CAN RJES SU GZUNG BAR BYA BA'I

, ,PHYIR BYANG CHUB SEMS DPA'I TSOGS SPROS TE DE KHO NA NYID BSTAN PA NI BYANG CHUB SEMS DPA'I 'BREL PA'O, ,BRGYA BYIN GYIS YONGS SU ZHUS PA LA SOGS PA'I BSHAD PA'I RGYUD LA SOGS PA GANG GSUNGS PA DE NI LHA'I 'BREL PA'O, ,MI'AM CI DANG KLU DANG DRANG SRONG LA SOGS PA RNAMS LA SGROL MA 'BYUNG BA LA SOGS PA'I RGYUD BSTAN PA GANG YIN PA DE NI MI 'AM CI'I 'BREL PA'O, ,RAB GSAL ZLA BA LA SOGS PA'I RGYAL PO RNAMS YUL DBUS SU GRONG KHYER BCO BRGYAD LA CHOS GSUNGS PA DE NI MI'I 'BREL PA'O, ,DE LTAR 'BREL PA DRUG PO RGYAS PA DE MDOR BSDUS PAS RNAM PA GNYIS SU 'GYUR TE, SGRA DANG DON GYI 'BREL PA DANG, STON PA DANG 'KHOR GYI 'BREL PA'O, ,JI SKAD DU, ,BSTAN BCOS GANG ZAG DBYE BA YIS, ,'BREL PA RNAM PA GNYIS SU 'DOD, ,BSTAN BCOS SGRA DANG DON 'BREL PA, ,'CHAD DANG NYAN PA'I CIG SHOS YIN, ,GNYIS PA'I BYE BRAG DRUG YIN TE, ,GCIG NAS GCIG TU BRGYUD RIM 'ONGS, ,DE BZHIN GSHEGS SOGS DBYE BA YIS, ,BLO LDAN GRAGS PA RNAMS KYIS GSUNGS, ,ZHES 'BYUNG NGO, ,'DIR NI DE BZHIN GSHEGS PA'I 'BREL PA GCIG PU YIN TE, ,DE BZHIN GSHEGS PA LNGAS DBUS KYI GTZO BO LA GSOL BA BTAB PAS SO ZHES 'BREL PA BSTAN TO, ,DGOS PA ZHES BYA BA NI THOS PA DANG BSAM PA DANG BSGOM PA'I RIM PAS BSGRUB BYAR GYUR PA'I RDO RJE 'CHANG CHEN PO'I GNAS THOB PA'O, ,DE THOB NAS KHAMS GSUM PA THAMS CAD KYANG DE'I GNAS SU DGOD PA NI BYA BA BYAS PA'I PHYIR DGOS PA'I DGOS PA'O, ,GZHAN DAG NA RE THOS PA LA SOGS PA'I RIM GYIS RTOGS PA NI DGOS PA'O, ,DE LAS KYANG THA MAL PA'I LUS BZLOG PAS 'JIG RTEN LAS 'DAS PA'I LHA'I RNAM PA BSGRUB PA NI DGOS PA'I DGOS PA YIN NO ZHES BRJOD PA DE NI MI RIGS TE, GANG GI PHYIR BYANG CHUB SEMS DPA' RNAMS KYIS RANG GI DON SGRUB PA LA 'BAD PA MA YIN TE, DE RNAMS KYIS NI GZHAN GYI DON GTZO BO YIN GYI RANG GI DON NI MA YIN NO, ,JI SKAD DU, 'GRO BA MA LUS RANG GZHAN DON MDZAD PA'I, ,DE BZHIN GSHEGS NYID DE YI ZHAR LA 'BYUNG, ,ZHES 'BYUNG NGO, ,DE'I PHYIR GZHAN GYI DON KHO NA

DGOS PA'I GTZO BO YIN GYI, ,GZHAN DU NA RANG GI DON NI DGOS PA NYID DU MI 'GYUR RO, ,SGRUB PAR SNANG BA DANG, DON GYI BYA BAR SNANG BA'I SHES PA GNYIS BZHIN NO, ,DPER NA DANG PO MIG PHYE BA'I DUS SU SREG PA DANG 'TSED PA LA SOGS PA'I DON GYI BYA BA BYED NUS PA YANG ME LA SOGS PA TZAM DU SO SOR SNANG BA YIN TE, DON GYI BYA BA MED PA'I PHYIR RO, ,ME LA SOGS PA THOB NAS SREG PA DANG 'TSED PA LA SOGS PA'I BYA BA DNGOS SU BYED PA'I SHES PA NI DON GYI BYA BA SNANG BAR BSHAD DO, ,DE NYID DU BYA BA BYAS PA'I PHYIR RO, ,GANG DON GYI BYA BA BYED PA DE NYID DAM PA'I DON DU YOD CES 'BYUNG NGO, , 'DIR YANG DGOS PA NI SGRUB PAR SNANG BA'O, ,DGOS PA'I DGOS PA NI DON GYI BYA BAR SNANG BA YIN ZHES RGYAS PAS CHOG GO, ,DGOS PA LA SOGS PA'I SGO NAS GDUL BYA 'JUG PA YIN PAS DE DAG BSTAN PAR BYA BA'I PHYIR GANG ZAG LNGA BRTAG PAR BYA STE, DE YANG TZANDAN LA SOGS PA'I GONG DU BSHAD PA STE, DE LA TZANDAN ZHES BYA BA NI GTI MUG 'BA' ZHIG GI RIGS CAN THOS PA CHUNG ZHING NGA RGYAL GYI DBANG GIS GZHAN RNAMS SKYO BAR BYED PA DE LAS GZHAN DANG RANG GI DON SGRUB PAR MI NUS TE, BLUN PO YIN PA'I PHYIR RO, ,AUTPALA ZHES BYA BA NI THOS PA LA SOGS PA'I RIM GYIS 'JUG PA YANG BRJED NGAS PA'I NGANG TSUL CAN YIN TE, DBANG PO DMAN PA YIN PA'I PHYIR RO, ,DE'I RANG GI DON SKYE BA 'DI LA MED DE SKYE BA GZHAN LA 'BYUNG BAR 'GYUR BA'I PHYIR RO, ,PADMA DKAR PO NI THOS PA LA SOGS PA RANG GI SEMS LA 'DZIN CING GZHAN LA STON PAR MI NUS PAS RANG GI DON TZAM YOD DE, DBANG PO BAR BA YIN PA'I PHYIR RO, ,PADMA ZHES BYA BA NI GZHAN RNAMS LA STON PAR BYED NUS TE, DBANG PO RNON PO YIN PA'I PHYIR RO, ,RIN PO CHE ZHES BYA BA NI RANG GI DON DANG GZHAN GYI DON PHUN SUM TSOGS PA DANG LDAN PA TSUL KHRIMS LA SOGS PA'I YON TAN DANG BCAS PA BYANG CHUB SEMS DPA'I RIGS CAN DBANG PO RAB GYI RAB YIN PA'I PHYIR RO, ,BZHI PO NI KUN RDZOB KYI PHYOGS KYI BSHAD PA LA SNOD DU RUNG BA DANG, GCIG NI DON DAM PA'I MCHOG GI BSHAD PA'I SNOD DU RUNG BA'O, ,DE YANG SHIN TU RGYAS PAR

, ,'OG NAS 'CHAD PAR 'GYUR RO, ,GZHAN DAG NA RE GANG ZAG BZHI YOD DE, MI SHES PA DANG, THE TSOM ZA BA DANG, PHYIN CI LOG PA'I BLO DANG, NGES PA CAN GYI BLO CAN NO, ,DE LA MI SHES PA NI RNAM PA GNYIS TE, TSAD MA'I RJES SU 'BRANG BA DANG, TSAD MA MA YIN PA'I RJES SU 'BRANG BA'O, ,DE LA TSAD MA'I RJES SU 'BRANG BA NI GZHAN GYI RIGS PA LEN CING THOS PA LA SOGS PA'I RIM GYIS LAM LA BRTEN PA'O, ,TSAD MA MA YIN PA'I RJES SU 'BRANG BA NI MKHAS PA'I TSIG LA BRTEN TE LAM LA 'JUG PA'O, ,DE DAG GNYIS KA YANG LAM GYI SNOD DU RUNG BA'O, ,THE TSOM ZA BA LA YANG RNAM PA GNYIS TE SNGA MA BZHIN TE, THE TSOM ZA BA TSAD MA'I RJES SU 'BRANG BA NI YANG DAG PAR TSAD MA BRJOD PAS THE TSOM LAS LOG CING YANG DAG PA'I LAM LA GZHAG PAR BYA BA ZHES RJES SU GZUNG BAR BYA'O, ,TSAD MA'I RJES SU MI 'BRANG BA'I THE TSOM ZA BA NI BCOM LDAN 'DAS DE BZHIN GSHEGS PAS KYANG RJES SU GZUNG BAR MI SPYOD DO, ,JI SKAD DU, MI SHES PA NI BDE BAR MGU GYUR CING, ,KHYAD PAR SHES PA DE BAS MYUR BAR MGU, ,DUM GCIG SHES PAS ME YIS PHYED TSIG PA, ,ME DE SANGS RGYAS KYIS KYANG MGU BYA MIN, ,DE BAS NA BTANG SNYOMS KYI GNAS SU BSHAD DO, ,PHYIN CI LOG PA'I BLO CAN NI RNAM PA GSUM STE, THE TSOM ZA BA LA PHYIN CI LOG PA DANG, MI SHES PA LA PHYIN CI LOG PA DANG, SHES PA LA PHYIN CI LOG PA'O, ,DE LA THE TSOM ZA BA LA PHYIN CI LOG PA NI NYAN THOS LTA BU SNGAGS NI YANG DAG PA MA YIN NO ZHES ZER BA THABS GANG GIS KYANG RJES SU GZUNG BAR BYA BA MA YIN PAS BTANG SNYOMS KYI GNAS KHO NA'O, ,MI SHES PA LA PHYIN CI LOG PA NI CHOS BSTAN PA TZAM GYIS PHYIN CI LOG PA LAS LOG CING LAM DU 'JUG PAR BYA'O, ,SHES PA LA PHYIN CI LOG PA LA YANG GNYIS TE, TSAD MA'I RJES SU 'BRANG BA DANG, TSAD MA'I RJES SU 'BRANG BA MA YIN PA'O, ,DE LA SHES PA LA TSAD MA'I RJES SU 'BRANG BA MA YIN PA'I PHYIN CI LOG PA'I BLO CAN NI GANG GIS KYANG LAM DU 'JUG PAR BYED MI NUS TE, PHYIN CI LOG PA'I LTA BA DANG LDAN PA YIN PA'I PHYIR

RO; ,SHES PA LA TSAD MA'I RJES SU 'BRANG BA PHYIN CI LOG PA'I BLO CAN LA RNAM PA DRUG STE, GRANGS CAN PA DANG, RIGS PA PA DANG, 'JIG RTEN RGYANG PHAN PA DANG, MCHOD 'OS PA DANG, ZHI BA PA DANG, DPYOD PA PA'O, ,G-YO BA DANG MI G-YO BA 'DI DAG THAMS CAD DE KHO NA NYID NYI SHU RTZA LNGA PA'O; ,BLO'I DBANG PO LNGA NI MIG LA SOGS PA LNGA'O, ,LAS KYI DBANG PO LNGA NI, NGAG DANG, LAG PA DANG, RKANG PA DANG, BSHANG LAM DANG, GSANG BA'I DBANG PO'O, ,GZUGS LA SOGS PA YUL LNGA DANG, SA LA SOGS PA 'BYUNG BA CHEN PO LNGA DANG, NANG GI BYED PA GSUM STE, YID DANG, BLO DANG, NGA RGYAL LO, ,GTZO BO'I RNAM GRANGS CAN RANG BZHIN DANG SKYES BU'O, ,DE LA DE KHO NA NYID NYI SHU RTZA GSUM NI 'BRAS BU YANG YIN LA RGYU YANG YIN NO, ,RANG BZHIN NI RGYU KHO NA'O, ,SKYES BU NI RGYU YANG MA YIN 'BRAS BU YANG MA YIN NO, ,JI SKAD DU, RTZA BA'I RANG BZHIN BYA BA MA YIN TE, ,CHEN PO LA SOGS BDUN PO RGYU 'BRAS YIN, ,BCU DRUG PO NI 'BRAS BU NYID YIN TE, ,RGYU MIN 'BRAS MIN SKYES BU DE YIN NO, ,DE'I DON NI 'DI YIN TE, YON TAN GSUM GYI BDAG NYID CAN LUS CAN THAMS CAD KYI RGYUR GYUR PA'I RANG BZHIN NI GTZO BO'O, ,SNYING STOBS DANG, RDUL DANG MUN PA GSUM NI YON TAN NO, ,DE LA SNYING STOBS NI YANG ZHING GSAL BAR BYED PA DGE BA'I BAG CHAGS GTZOR GYUR PA STE MTHO RIS KYI RGYU'O, ,RDUL NI G-YO BA STE G-YO ZHING 'CHING BAR BYED PA STE DMYAL BA'I RGYU'O, ,MUN PA NI LCI ZHING SGRIB PAR BYED PA MI DGE BA'I BDAG NYID DMYAL BA NYID KYI RGYU'O, ,JI SKAD DU, ,SNYING STOBS YANG ZHING GSAL BAR BYED PAR 'DOD, ,RDUL NI 'CHING BYED G-YO BA NYID DU BSHAD, ,MUN PA LCI ZHING SGRIB PAR BYED PA STE, ,DON LA MAR ME BZHIN DU GNAS PAR 'GYUR, ,ZHES 'BYUNG NGO, ,DE LTAR SNYING STOBS LA SOGS PA'I YON TAN GSUM RO GCIG PAR GYUR PA, DBANG PO LA SOGS PA RNAMS KYI RGYUR GYUR PA RTAG PA'I RANG BZHIN NI BYA BA'I SGO NAS RJES SU DPAG PAR BYA BA YIN TE ME BZHIN NO, ,DE NI RANG GI GZUGS SU DMIGS PAR MI 'GYUR TE, PHRA BA'I PHYIR RO, ,MI DMIGS PA DE YANG RNAM PA BDUN DU 'GYUR RO,,

, ,'DI LTA STE SHIN TU RING BAS NAM MKHAR 'PHUR BA'I BYA DANG, SHIN TU NYE BAS MIG GI DBANG PO'I RDZI MA DANG, DBANG PO NYAMS PAS LONG BA LA SOGS PAS GZUGS MI MTHONG BA DANG, YID MI BRTAN PAS SMYO BA LA SOGS PA RNAMS KYIS DNGOS PO MI MTHONG BA DANG PHRA BAS PHRA BA LA SOGS PA MI MTHONG BA DANG, ZIL GYIS GNON PAS RLUNG DANG MTSON CHA LA SOGS PAS SMAS PA DANG, MTSUNGS PA DANG PHRAD PAS 'O MA DANG, CHU DANG TIL DANG 'BRAS CHANG LA SOGS PA'O, ,'DIR NI RANG BZHIN PHRA BA'I PHYIR MI DMIGS PAS 'BRAS BUS DPAG PAR BYA BA YIN NO, ,JI SKAD DU; SHIN TU RING BA DANG NI SHIN TU NYE BA YIS, ,DBANG PO NYAMS DANG YID NI MI GNAS PAS, ,PHRA BA NYID DANG ZIL GYIS NON PAS NI, ,DE BZHIN MTSUNGS PA PHAN TSUN RNAMS TSOGS PAS, ,PHRA PHYIR DE NI MI DMIGS PA NYID DE, ,DE NI MED MIN BYA BAS DMIGS PA YIN, ,BYA BA DE YANG CHEN PO LA SOGS TE, ,RANG BZHIN DANG NI 'DRA DANG MI 'DRA YIN, ,ZHES BYA BA LA SOGS PA'O, ,DE LA RGYU DANG 'BRAS BU'I TSUL NI RANG BZHIN LAS BLO DANG, DE LAS KYANG NGA RGYAL DANG, ,DE NYID LAS KYANG BLO'I DBANG PO LNGA DANG LAS KYI DBANG PO LNGA DANG DE TZAM LNGA DANG YID KYANG SKYE BAR 'GYUR RO, , DE TZAM RNAM PA LNGA LAS 'BYUNG BA CHEN PO YON TAN GSUM GYI BDAG NYID SKYE BAR 'GYUR TE, YANG DANG YANG DU 'JIG CING SLAR YANG SKYE BAR 'GYUR ZHES RGYU DANG 'BRAS BU'I TSUL DU 'KHOR BA PA RNAMS YONGS SU 'KHOR BAR GYUR PA STE DBYER MED PAR SHES PA'I PHYIR RO, ,DBYER YOD PAR SHES PAS RANG BZHIN DANG SKYES BU DAG LAS 'DI NI RANG BZHIN DANG 'DI NI SKYES BU'O ZHES PAS GROL BA'O, ,SKYES BU NI DRI MA MED PA SHEL GYI RNAM PA MTHONG BA PO STE, ,BTANG SNYOMS PA NYID KYIS RANG BZHIN GYI SGO NAS THAMS CAD MTHONG BAR BYED DO, ,MTHONG NAS KYANG RANG BZHIN KHA DRAG YIN PAS MTHONG BAR MI 'GYUR TE, DGE BA DANG MI DGE BA'I RGYU GNYIS LAS SKYE BA DANG, TSE DANG LONGS SPYOD KYI MTSAN NYID KYI 'BRAS BU MYONG BAR 'GYUR RO, ,JI SKAD DU, DGE BA YIS NI STENG DU 'GRO 'GYUR TE, ,MI DGE BA YIS 'OG TU 'GRO BAR 'GYUR, ,YE SHES KYIS NI GROL BA NYID 'GYUR ZHING,,

PHYIN CI LOG PAS 'CHING BA NYID DU 'DOD, ,CES 'BYUNG NGO, ,DE BAS NA SKYES BU DU MA NYID DE, GANG GI PHYIR GCIG YIN NA SKYES BU GCIG GROL BAS THAMS CAD GROL BAR THAL BA DANG, GCIG SKYE BA'AM 'CHI BAS THAMS CAD DE BZHIN DU THAL BAR 'GYUR RO, ,RANG BZHIN NI BEMS POS KYANG LEGS PA DANG, ,MI LEGS PA'I LAS DAG TU SKYES BU RAB TU 'JUG PAR BYED DE 'O MA BZHIN NO, ,JI SKAD DU, ,BE'U SKYED PAR BYED PA'I RGYU MTSAN GYIS, ,BEMS PO 'O MA JI BZHIN 'BYUNG GYUR PA, ,DE BZHIN SKYES BU GROL BA'I CHED DU NI, ,RANG BZHIN GTZO BOS RAB TU 'JUG PAR BYED, ,CES 'BYUNG NGO, ,DE LTAR DE KHO NA NYID NYI SHU RTZA GSUM RANG BZHIN DANG LHAN CIG TU BEMS PO YIN TE, THA DAD PA MED PAS 'BYUNG PO RNAM PA BCU BZHI'I 'KHOR BAR YONGS SU 'KHOR BAR 'GYUR RO, ,THA DAD PAR YONGS SU SHES PA TZAM GYIS GROL BAR 'GYUR RO, ,RANG BZHIN BEMS PO YIN YANG SKYES BU DANG 'BREL BA'I DBANG GIS DNGOS PO THAMS CAD LA 'JUG PA DANG LDOG PAR BYED DE 'PHYE BO DANG LONG BA BZHIN NO, ,'PHYE BO DANG LONG BA'I 'BREL BA BZHIN, ,DE YIS BYAS PA 'DI DAG 'GRO BA YIN, ,ZHES 'BYUNG NGO, ,BYE BRAG DE YANG TSIG GI DON DRUG CU YONGS SU SHES PAS SKYE BAR 'GYUR TE, GTZO BO YOD DANG GCIG PA NYID, ,DON LDAN NYID DANG DE LAS GZHAN, ,GZHAN DON NYID DANG DU MA DANG, BRAL BA DANG NI MA BRAL NYID, ,LHAG MA'I SKABS DANG BYED MIN NYID, ,DON NI GTZO BO BCU RU BSHAD, ,PHYIN CI LOG PA'I BYE BRAG LNGA YIN TE, ,BYED PA MA TSANG BAS NI MI NUS PA, ,DBYE BA NYI SHU RTZA BRGYAD CAN ZHES BYA, ,DGA' BA DGU DANG DNGOS GRUB RNAM BRGYAD DO, ,ZHES MDOR BSTAN PA'O, ,RGYAS PAR BSTAN PA YANG MUN PA DANG GTI MUG DANG GTI MUG CHEN PO DANG, MUN PA THIBS PO DANG, SHIN TU MUN NAG THIBS PO ZHES PHYIN CI LOG PA LNGA'O, ,MIG DANG RNA BA DANG SNA DANG LCE DANG LUS MA TSANG BA DANG, NGAG DANG LAG PA DANG RKANG PA DANG BSHANG SGO DANG, GSANG BA'I DBANG PO MTSANG BA DANG, YID MA TSANG BA STE BCU GCIG GO, ,DGA' BA DANG DNGOS GRUB MA TSANG BAS BLO DRUG PA NI BCU BDUN NO, ,RTOG PA SGRA DANG

, ,KHA DOG 'DZIN PA DANG, ,SDUG BSNGAL SEL BA GSUM STE BSHES GNYEN PHRAD, ,SBYIN PA DAD DANG DNGOS GRUB RNAM BRGYAD DO, ,ZHES 'BYUNG BAS SO, ,LHAG PA'I LHA LAS 'BYUNG BA DANG, 'BYUNG BA LHAG PA LAS 'BYUNG BA DANG LHAG PA'I NANG GI BDAG NYID LAS 'BYUNG BA DE SEL BAS DNGOS GRUB GSUM NI DGA' BA DAG GO, ,PHRA BA LA SOGS PA'I MTSAN NYID DNGOS GRUB BRGYAD DANG NI DGA' BA DGU'O, ,TSIG GI DON DRUG CU GANG GI TSE SKYES BUS BYE BRAG TU MTHONG NA DE'I TSE GROL BA'O, ,DE YANG TSAD MAS NGES PAR BYA BA YIN TE, MNGON SUM DANG, RJES SU DPAG PA DANG, YID CHES PA'I TSIG STE TSAD MA GSUM MO, ,DE LA MNGON SUM GYIS DE KHO NA NYID NYI SHU RTZA GSUM NGES PAR BYA BA STE, SO SO'I YUL RNAMS LA RTOG PA NI MNGON SUM YIN ZHES BSHAD PA'I PHYIR RO, ,RANG BZHIN NI YON TAN GSUM GYI BDAG NYID DE RJES SU DPAG PAS NGES PAR BYA BA STE, LKOG TU GYUR PA'I PHYIR RO, ,SKYE BA DANG TSE DANG LONGS SPYOD NI SPYIR MTHONG BA'I RJES SU DPAG PAS SO, ,THAR PA LA SOGS PA SHIN TU LKOG TU GYUR PA RNAMS LA YID CHES PA'I TSIG GIS SO, ,DE LTAR TSAD MA DANG BCAS PA 'CHING BA DANG GROL BA'I THA SNYAD KYI RGYUR GYUR PA GRANGS CAN GYI GZHUNG LA 'DOD DO, ,DE LA SMRAS PA, RE ZHIG DANG PO DE KHO NA NYID NYI SHU RTZA LNGA MED DE, YID DANG BLO DANG RGYAL GCIG PA YIN PA'I PHYIR RO, ,'DIR NI PHYI'I DON BDAG GIS RTOGS SO ZHES NGES PAR BYAS PA TZAM GYIS BLO DANG NGA RGYAL DAG YID LAS THA DAD PA MA YIN NO, ,YID KHO NA BDAG GIS RTOGS SO ZHES NGES PA DANG BDAG NYID DU SKYE BAR 'GYUR RO, ,LA LA SMRA BA NI RTOG PAR BYED PA YID YIN NO ZHES MI RIGS TE, KHYAD PAR GYI BDAG NYID RNAM PAR RTOG PA NI SPYI'I BDAG NYID NGES PA LA 'DUS PA'I PHYIR RO, ,DNGOS PO'I BYE BRAG MA NGES PAS RNAM PAR RTOG PA MI 'BYUNG NGO, ,BDAG GIS RTOGS PA DANG BDAG RTOGS PA PO ZHES KHYAD PAR NI NGES PA LAS THA DAD MA YIN TE, YID NI THAMS CAD NGES PAR BYED PA'I BDAG NYID YIN PA'I PHYIR RO, ,GANG GI PHYIR SHES PA NI LDOG PA DU MA DANG LDAN PA, LDOG PA GANG GIS BRTAGS PA DE'I BDAG

NYID DE YIN NO, ,NGA RGYAL MA YIN PA LAS LOG PA DE NYID NGA RGYAL DU BSTAN PA DANG, RNAM PAR MI RTOG PA LDOG PA LAS DE NYID RNAM PAR RTOG PA YIN ZHES YID GCIG PU KHO NA YIN GYI BLO DANG NGA RGYAL MED DO, ,LAS KYI DBANG PO RNAMS KYANG GUD NA MED DE, DE RNAMS LUS KYI DBANG PO LA 'DUS PA'I PHYIR RO, ,GANG 'DI LTAR SMRA BA'I TSIG DANG, LEN PA DANG, 'GRO BA DANG, 'DOR BA DANG, DGA' BA LNGA PO'I DBYE BAS NI MI RIGS TE, MA KHYAB PA DANG THAL CHES PAR 'GYUR RO, ,GANG GI PHYIR RKANG PA MED PA SBRUL LA SOGS PA RNAMS KYI 'GRO BA MED PAR THAL BAR 'GYUR RO, ,SO DANG MIG GI RDZI MA DAG LDANG PA DANG, BTZUM PA DANG, PHYE BA LAS YOD PAS LAS KYI DBANG POR THAL BAR 'GYUR RO, ,GZHAN YANG DUR BA'I MCHI MAS DUR MO MNGAL LEN PA'I PHYIR MCHI MA YANG LAS KYI DBANG POR THAL BAR 'GYUR RO, ,DE BAS LAS KYI DBANG PO RNAMS NI MED DO, ,RANG BZHIN YANG NI DE KHO NA NYID GUD PA MA YIN TE, DE TZAM LAS KYANG THAMS CAD SKYE BA'I PHYIR RO, ,SKYES BU YANG TSAD MAS MA GRUB PAS NGO BO NYID MED DE, DE'I MTHONG BA LA SOGS PA'I BYA BA'I 'BREL BA JI LTAR 'THAD DO, ,DE LTAR GRANGS PHYOGS GCIG PA MA GRUB PAS NGES PA MED DO, ,DE'I PHYIR NA PHUNG PO LNGA LAS DNGOS PO GANG YANG MED DO, ,RANG BZHIN BEMS PO YIN PAS BYA BA JI LTAR BYED, ,BE'U 'O MAS SKYED PA YIN ZHES MI RIGS TE, DE LA GANG GI PHYIR BA'I SEMS KYIS 'O MA SBYIN PA LA 'JUG PA YIN GYI 'O MA NI MA YIN NO, ,DPER NA BA MI 'DOD NA RANG GI BE'U LA YANG MI STER BA'I PHYIR RO, ,DE'I PHYIR SEMS DANG LDAN PA KHO NA LA 'JUG PA DANG LDOG PA'O, ,GANG GI PHYIR SKYES BUS MI BYED DO ZHES KHYED CAG 'DOD PAS BYA BA THAMS CAD GANG LAS 'BYUNG, DE LTAR SKYES BU MED DE DMIGS PA'I MTSAN NYID DANG LDAN PA MI DMIGS PA'I PHYIR RO, ,DPER NA BUM PAS DBEN PA'I SA PHYOGS BZHIN NO, ,MED PA SKYES BU GANG YIN PA DE LA 'CHING BA 'AM THAR PA GA LAS SRID RI BONG RVA LA SPONG BA DANG LEN PA BZHIN NO, ,RANG BZHIN YOD PAS SKYES BU DANG LHAN CIG TU BYE BRAG YONGS SU SHES PAR RIGS SO, ,DE YUL

, ,MED PAS SKYES BU DU MA DANG DE THAR PA'I PHYIR RANG BZHIN DU 'JUG PA DANG THAMS CAD CES BYA BA NI MI RIGS SO, ,DE LTAR GRANGS CAN PA RNAMS BKAG GO, ,RIGS PA PA DANG KHYAD PAR PA RNAMS NI RTAG PA DANG BEMS PO DAG TU SMRA BA BDAG GI YON TAN DGU LOG PA NA TSIG GI DON BCU DRUG YONGS SU SHES PA NI, TSAD MA BZHIS GRUB PA'I BDAG SHES PAS GROL BA'O, ,DE LTAR YONGS SU MI SHES PAS 'CHING BA'O, ,DE RNAMS LA LAN 'DI YIN TE, BDAG MED DE DMIGS PA'I MTSAN NYID DANG LDAN PA MI DMIGS PA'I PHYIR TE, BUM PAS DBEN PA'I SA PHYOGS BZHIN NO, ,GANG YONGS SU SHES PAS GROL BA YON TAN DGU PO DE GANG YIN, GAL TE 'DI LTAR 'DOD NA KHYED CAG PHUNG PO LNGA KHO NA BDAG YIN NA, DE NI MI RIGS TE, PHUNG PO MI RTAG PAS BDAG KYANG MI RTAG PAR THAL BAR 'GYUR RO, ,YANG NA MI RTAG PA MA YIN TE DE DANG GZHI MTHUN PA MED PAS 'ON KYANG PHUNG PO LA BDAG YOD DO ZHES GZHI DANG GZHI CAN GYI THA SNYAD DU GNAS ZHES 'DOD DO ZHE NA, DE YANG MI RIGS TE, RTAG PA DANG MI RTAG PA DAG GI GZHI DANG GZHI CAN MI 'THAD PA'I PHYIR RO, ,YANG NA GZHI DANG GZHI CAN GYI 'BREL PA YOD MOD KYI 'ON KYANG RGYU DANG 'BRAS BU'I 'BREL PA KHO NA GZHI DANG GZHI CAN GYI 'BREL PA YIN GYI GZHAN MA YIN NO, ,'DI LTAR RTEN GYIS BRTEN PA'I LTUNG BA 'GOG PAR BYED PA'I MTSAN NYID KYI GNAS SKABS SKYED PAR BYED PA YIN TE, LTUNG BA'I CHOS DANG MI LTUNG BA'I CHOS CAN THA DAD PA YIN PHYIR RO,, DNGOS PO'I GNAS SKABS GZHAN SKYED PAR BYED PA NI BYA BA YIN TE, SKAD CIG MA'I RANG BZHIN YOD PA'I PHYIR RO, ,DPER NA SNOD LA 'BRAS BU BZHIN NO, ,GZHI GANG YIN PA DE NYID RGYU YIN ZHES BYA BA'I GZHI CAN YANG MI RTAG PAR 'GYUR RO, ,DE YANG MI RIGS TE, BDAG RTAG PA YIN PA'I PHYIR RO, ,BDAG LA PHUNG PO YOD CES PHYOGS NI MI RIGS TE, SNGA MA BZHIN DU SKYON DU THAL BAR 'GYUR BA'I PHYIR RO, ,BYA BA'I RAB TU SKYED PAS RGYU NYAMS PAR MTHONG BA'I SHIN TU YANG BDAG MI RTAG PAR THAL BAR 'GYUR RO, ,RGYU DE RNAMS NI NGES PAR 'BRAS BU DANG LDAN

PAR MI 'GYUR TE ZHES KHYOD KYI BDAG GI PHUNG PO RNAMS MI SKYED PAR YANG YANG SRID PA'O, ,PHUNG PO KHO NA BDAG YIN ZHES GZHI MTHUN PA'I PHYOGS SU SNGAR BSHAD PA'I SKYON KHO NAR THAL BAR 'GYUR TE THA MI DAD PA'I PHYIR RO, ,PHUNG PO DANG BDAG NI ME DANG BUD SHING BZHIN DU THA MI DAD CE NA DE YANG MED DO, ,GAL TE DE LTAR YIN NA BUD SHING NYAMS PA LAS MI SKYE BA NI ME YIN GYI GZHAN MA YIN NO, ,DE BZHIN DU BDAG NYAMS PA LAS PHUNG PO SKYE BAR 'GYUR BAS BDAG YOD PA MA YIN NO, ,YANG NA BDAG YONGS SU GYUR ZHING PHUNG PO SKYE BA MA YIN GYI, ,'ON KYANG PHUNG PO YONGS SU GYUR PA LAS BDAG TU 'GYUR RO ZHE NA SMRAS PA, PHUNG PO MA GTOGS PA'I BDAG MI DMIGS PAS MED DO ZHES RTAG PA NYID KYANG MED DO, ,BEMS PO NYID KYANG MI RIGS TE BRAG DANG 'DRA BA'I BEMS PO LA 'CHING BA DANG GROL BA'I THA SNYAD MI 'THAD PA'I PHYIR RO, ,DE'I PHYIR YON TAN DGU PO MTHO RIS DANG DMYAL BA SGRUB PAR BYED PA JI LTAR RIGS, ,CHOS DANG CHOS MIN BDE SDUG BSNGAL, ,'DOD DANG ZHE SDANG DE BZHIN TE, ,RTZOL BA SHES PA 'DU BYED RNAMS, ,BDAG YOD PA LA RTAGS RNAMS SO, ,ZHES 'BYUNG BA DE NI MI RIGS TE, ,GANG GI PHYIR RTAGS NI RTAGS CAN MTSON PAR BYED PAS DE LAS THA DAD PA YIN NAM, ,THA MI DAD PA YIN, ,GAL TE THA DAD PA YIN NA DNGOS PO THAMS CAD LA CHOS LA SOGS PA RTAGS SU 'GYUR RO, ,YANG NA THA MI DAD PA YIN NA DE'I TSE, ,RANG RIG PA YIN NAM, ,GZHAN YIN, ,DE LAS GZHAN YIN NA, ,RANG GIS MI RIGS PA'I CHOS LA SOGS PAS DMYAL BA DANG MTHO RIS LA SOGS PA'I 'BRAS BU DANG 'BREL PA MED DO, ,RANG RIG PA YIN NA BEMS PO NYID DU JI LTAR 'GYUR ZHES PHAN TSUN 'GAL BA'O, ,ME DANG DU BA BZHIN DU BDAG DANG RTAGS DAG GI 'BREL PA YIN NA DE YANG CHOS LA SOGS PA'I BYA BA RTOGS PAR BYED PA 'BYUNG BAS RTOGS PAR BYA BA RGYUR 'GYUR BA BDAG 'GOG PAR THAL BAR 'GYUR TE, 'BRAS BU 'BYUNG BAS RGYU RNAMS NYAMS PAR 'GYUR BA'I PHYIR BDAG MED BDAG CES RIGS PA PA DANG BYE BRAG SMRA BA RNAMS LA LAN NO, ,'JIG RTEN RGYANG PHAN PAS NI MNGON SUM KHO NA TSAD MA YIN GYI RJES

, ,SU DPAG PA NI MA YIN NO, ,CI'I PHYIR ZHE NA, LAG PA REG PAS LOD PA YIS, ,DKA' BA'I LAM DU RGYUG PA NA, ,RJES SU DPAG PA GTZOR GYUR LA, ,LTUNG BA DAG NI DKON PA MIN, ,'BAD PAS DON NI RJES DPAG PA, ,MKHAS PA MJAL BAR SPRO RNAMS KYI, , SHIN TU MKHAS PA GZHAN RNAMS KYIS, ,RNAM PA GZHAN DU SGRUB PAR BYED, ,DE BAS NA RJES SU DPAG PA MED DO, ,GANG MNGON SUM GYIS NYE BAR DMIGS PA DE YOD DO, JI SKAD DU, JI SRID 'TSO BAR BDE TSOL ZHING, ,SHI NAS 'BYUNG BA KHYOD LA MED, ,THAL BAR 'GYUR BA'I 'CHI BA LA, , SLAR YANG 'BYUNG BAG LAS 'GYUR, ,ZHES 'BYUNG NGO, ,DE BZHIN DU 'BYUNG BA CHEN PO BZHI 'GYUR BA LAS SNA TSOGS 'DI DAG SO SOR SNANG BA YIN GYI SEMS PA ZHES BYA BA GZHAN GANG YANG MED DE, GANG GI LONGS SPYOD DANG THAR PA BSGRUB PAR BYA BA'I PHYIR, RJES SU DPAG PA TSAD MA NYID YIN NO, ,GAL TE 'BYUNG BA CHEN PO YONGS SU GYUR PA MTSUNGS PA YIN NA YANG, G-YO BA NYID DANG MI G-YO BA NYID MI RIGS SO ZHE NA, DE LA YANG SMRAS PA NGES PA CAN GYI 'BRU YONGS SU GYUR PA LAS SKYES PA'I CHANG GIS JI LTAR MYOS PA'I NUS PA DE BZHIN DU PHA DANG MA LAS SKYES PA'I LUS KYI GONG BU'I SEMS KYI NUS PA SKYE BAR 'GYUR RO, ,SHING LA SOGS PA'I DNGOS PO RNAMS DE LTAR MA SKYES PAS SEMS PA MED DO, ,'BYUNG BA CHEN PO YONGS SU GYUR PA NI MTSUNGS PA KHO NA'O, ,DE YANG MI RIGS TE, 'BYUNG BA CHEN PO NI BEMS PO DANG SEMS PA NI BEMS PO MA YIN PAS SHES PA DE DAG NI PHAN TSUN RGYU GCIG PA NI MI RIGS SO, ,RGYU MTSUNGS PA YIN PAS THAMS CAD SEMS PA NYID DU 'GYUR BA'AM SEMS PA MED PA NYID DU 'GYUR RO, ,RGYU MED NA RTAG TU YOD PA 'AM MED PA NYID DU 'GYUR RO, ,JI SKAD DU, RGYU MED GZHAN LA LTOS MED PHYIR, ,RTAG TU YOD PA'AM MED PAR 'GYUR,, DNGOS PO YI NI LTOS PA LAS, ,BRGYA LA NYID DU 'BYUNG BAR 'GYUR, ,DON GZHAN RGYU MTSAN CAN NYID NI, ,CHOS DE GZHAN PA NYID DU 'GYUR, ,PHYI NAS 'BYUNG BA RGYU MED NYID, ,'BRAS BU NGES PA CAN MI 'GYUR, ,ZHES GSUNGS PAS SO, ,SEMS PA DANG 'BYUNG BA CHEN PO RNAMS NI THA DAD MED CING THA

DAD MED PA'I RGYU CAN NO, ,GAL TE 'BYUNG BA CHEN PO LAS THA DAD PA BDAG GIS SEMS PA KHAS MA BLANGS TE, 'ON KYANG DE'I RANG BZHIN DE RNAMS YIN ZHES ZER BA NA, 'DI YANG BDEN PA MA YIN TE, SEMS DANG 'BYUNG BA CHEN PO DAG NI THA DAD PA'I TSAD MA'I YUL CAN YIN PA'I PHYIR RO, ,DPER NA DBANG PO'I MNGON SUM GYIS 'DI NYID DU SO SOR SNANG BA NI 'BYUNG BA CHEN PO'O, ,RANG RIG PA'I MNGON SUM GYIS BDAG NYID DU SO SOR SNANG BA NI SEMS PA NYID DO, ,'DI NYID DANG BDAG NYID DBANG PO DANG RANG RIG PA'I MNGON SUM GYI TSAD MA DAG DANG GZHAL BYA RNAMS PHAN TSUN THA DAD PA'I PHYIR RO, ,CHOS RNAMS KYI 'DI NYID KHO NA DBYE BA'AM DBYE BA'I RGYU STE, GANG 'GAL BA'I CHOS DANG LDAN PA'AM RGYU'I DBYE BA'O, ,DE LTAR NA BDE BAR GSHEGS PA KHYED RNAMS LA DNGOS PO GCIG LA NI TSAD MA THA DAD PA 'JUG PAR MTHONG NGO, ,'DI LTA STE, DNGOS PO NYID DANG SKAD CIG MA DAG BZHIN NO, , DPER NA MNGON SUM YAN LAG THAMS CAD DANG LDAN PA MA NYAMS PA'I DNGOS PO NGES PAR BYAS PA'AM, SLAR YANG DE NYID DU RJES SU DPAG PAS SKAD CIG MA'I NGO BOR DPAG PAR BYA BA DE BZHIN DU 'BYUNG BA DANG SEMS PA'I BDAG NYID CAN DBYER MED PA'I DNGOS PO CAN LA YANG DBANG PO'I MNGON SUM DANG RANG RIG PA'I MNGON SUM 'JUG PAR 'GYUR ZHE NA, SMRAS PA DBYER MED PA'I DNGOS PO MNGON SUM GYIS YONGS SU GCOD PA YIN TE, 'ON KYANG YUL GANG DU GANG LA THE TSOM YOD PA DE DAG TU 'JAL BA PO DE'I 'KHRUL PA TZAM YANG SPANG BAR BYA BA'I PHYIR RJES SU DPAG PA 'JUG PAR 'GYUR TE, DPER NA DNGOS PO RTAG PAR SMRA BA'I SKAD CIG MA YIN PA NYID KYI'O, ,KHYED CAG LA YANG 'KHRUL BA GANG YANG MI DGOS TE, GANG BZLOG PAR BYA BA'I PHYIR TSAD MA GZHAN BTZAL BAR BYA STE, SEMS PA NYID 'BYUNG BA CHEN PO'I RANG BZHIN YIN PA'I PHYIR RO, ,DE'I PHYIR DBYER MED PA'I DNGOS PO LA THA DAD PA'I TSAD MA 'JUG PAR MTHONG BA'I PHYIR SEMS PA THA DAD PA YOD PA KHO NA'O, ,CHANG GIS MYOS PA BZHIN ZHES DPE NI DON DANG MI LDAN PA STE, LHAN CIG MI DMIGS PA'I PHYIR RO, ,GANG GI TSE CHANG GI RDZAS MYONG BAR MI BYED PA NA DE'I TSE MYOS PA'I NUS PA GA LA YOD DE, ,CHANG

, ,GIS MYOS PAR GYUR PA NA YANG LUS KYI NANG DU THIM PAS MYONG BA'I NUS PA GCIG TU SNANG GI CHANG NI MA YIN ZHES LHAN CIG DMIGS PA MED DO, ,DE BZHIN DU YANG 'BYUNG BA DANG SEMS PA DAG LA MED DO, ,DPER NA LUS MED PAS KYANG PHRA BA'I LUS DANG LDAN PA'I SEMS PA YOD PA NYID DO, ,SEMS DANG LDAN PA NI LUS THAMS CAD DU MTHONG NGO, ,GZUGS MED PA'I KHAMS LA YANG TING NGE 'DZIN GYI LUS MED PAR MI 'BYUNG BA'O, ,GZHI DANG GZHI CAN GYI 'BREL PA NI LUS DANG, SEMS DAG LA 'BREL PA RIGS PA NYID DO, ,GZHI 'JIG PAS GZHI CAN 'JIG PAR MA MTHONG STE, SHING BCAD PAS BYA ROG BCAD PA MA MTHONG NGO, ,GAL TE DE LTA YIN NA GSON PA DANG 'CHI BA'I THA SNYAD JI LTAR 'GYUR ZHE NA, SMRAS PA, THOG MA MED PA'I DUS NAS SRED PA DANG MA RIG PA'I BAG CHAGS KUN 'BYUNG GI BDEN PA'I RNAM GRANGS CAN GYI DBANG GIS SROG DANG DBANG PO'I TSOGS G-YO BAR GYUR PAS TSE GNAS PAR BYED PA'I LAS KYI DBANG GIS PHUNG PO ZA MA TOG GI NANG DU JI SRID RNAM PAR SHES PA GNAS PA DE SRID GSON PO YIN ZHES THA SNYAD 'BYUNG NGO, ,TSE GNAS PAR BYED PA'I LAS 'GOG PAS SROG LA SOGS PA'I 'KHOR LO 'DZAD PAS 'CHI'O ZHES 'JIG RTEN DU GRAGS SO, ,RNAM PAR SHES PA NI YANG DANG YANG DU SKYE ZHING 'GOG PAR 'GYUR ZHES 'BYUNG BA CHEN PO LAS SEMS THA DAD PA KHO NA'O, ,DE'I PHYIR RNAM PAR SHES PA'I TSOGS DRUG NI YOD DE DE RNAMS KYI YANG BDE BA LA SOGS PA SGRUB PAR BYED PA DGE BA DANG MI DGE BA YOD PAS MTHO RIS DANG DMYAL BA LA SOGS PA YOD CES DE RTOGS PAR BYA BA'I PHYIR RJES SU DPAG PA YANG YOD PA KHO NA'O ZHES 'JIG RTEN RGYANG PHAN PA LA LAN NO, ,MCHOD 'OS RNAMS KYIS KYANG YONGS SU 'GYUR BA DANG, GANG ZAG RTAG PA YIN ZHES SMRA BA'O, ,DE RNAMS KYI GZHUNG 'DI YIN TE, DUS GSUM GYI DNGOS PO RNAMS NI GANG MA 'ONGS PA'I DUS SU GNAS PA DE DAG DE LTAR 'BYUNG BAR 'GYUR TE, GANG YANG DA LTAR BYUNG BA DE DAG 'DAS PA'I DUS NYID DU 'GYUR TE, 'DAS PA RNAMS KYANG MA 'ONGS PAR 'GYUR ZHING, MA 'ONGS PA YANG DA LTAR BYUNG BAR 'GYUR

ZHES GANG YANG SKYE BA DANG 'JIG PAR MI 'GYUR TE GSER BZHIN NO, ,DPER NA RNA CHA 'GYUR BAS GSER DANG GSER YANG 'GYUR BAS RNA CHA LTA BUR 'GYUR ZHES GSER GYI RANG GZUGS NYAMS PAR MI 'GYUR RO, ,DE LTAR YIN PAS ZHO YANG RNGA MOR 'GYUR BA DANG RNGA MO YANG ZHOR 'GYUR RO, , BDAG RTAG PA LA NI 'GYUR BAS KYANG SKYON MED DO, ,JI SKAD DU, SNGA MA'I CHOS GZHAN SPANGS PA NI, ,GANG TSE CHOS GZHAN LEN GYUR NA, ,CHOS CAN DE NYID LAS MA 'PHOS, ,YONGS SU GYUR PA DE BSHAD DO, ,ZHES 'BYUNG NGO, ,DE LA SMRAS PA, GAL TE 'GRO BA DANG MI 'GRO BA'I BDAG NYID 'GRO BA BDAG RTAG PA'I NGO BO YIN NA, DE'I TSE CI'I PHYIR YONGS SU 'GYUR TE YONGS SU 'GYUR BA ZHES BYA BA NI RANG GI GZUGS 'JIG PA'I BDAG NYID MI RTAG PA'I MTSAN NYID CAN GYI CHOS KYI KHYAD PAR RO, ,GANG MI RTAG PA DE JI LTAR BDAG YIN GAL TE GSER DANG MDUD PA DANG KHU TSUR GYI RIGS PAS RANG GI NGO BO MI 'JIG CES ZER NA, DE YANG MI RIGS TE, GSER LA KHYAD PAR MTHONG BA'I PHYIR RO, ,DPER NA GSER LTAR SNANG BA 'JIG PAS KYANG DE NI BRTAG PA SHES PA RNAMS KYIS SRA BA DANG KHA DOG LA SOGS PAS BYAS PA'I KHYAD PAR 'GAS NGES PAR 'BYUNG NGO,, GANG KHYAD PAR 'BYUNG BA DE NYID MI RTAG PA NYID DO, ,GAL TE BDAG CES BYA BA THA DAD PA DANG THA MI DAD PA YANG RUNG STE, DE'I RANG GI NGO BO 'JIG PAR MI 'GYUR ZHE NA, DE YANG BDEN PA MA YIN TE, THA DAD PA DANG THA MI DAD PA NI PHAN TSUN 'GAL BA'O, ,GAL TE THA DAD NA CI'I PHYIR THA MI DAD, THA MI DAD PA LA THA DAD PA YANG MI RIGS TE, THA MI DAD PA YANG YIN LA THA DAD PA YANG YIN ZHES 'GAL BA'I CHOS BRTAGS PA'I DBANG GIS BDAG JI LTAR BRTAG PAR 'GYUR RO, ,DE'I PHYIR NA GANG ZAG GI THA SNYAD NI BRTAGS PA YIN NO ZHES MCHOD 'OS PA LA LAN NO, ,ZHI BA BA NA RE RTAG CING THAMS CAD BYED PA KUN SHES PA 'DOD PA DANG BYA BA DANG YE SHES KYI NUS PA GSUM GYI MTHUS SKYE BA DANG GNAS PA DANG, 'JIG PAR BYED PA 'JIG RTEN GSUM GYI DBANG PHYUG KHO NA RGYU YIN ZHES DE NYID LAS THAMS CAD 'BYUNG ZHING THIM PAR 'GYUR RO, ,BRTAN PA DANG G-YO BA'I DBYE BAS DBYE BAR 'GYUR BA'I

, ,'BRAS BU'I DNGOS PO GANG YIN PA DE DAG THAMS CAD 'JIG PA'I CHOS CAN DE LAS 'BYUNG ZHING, RANG NYID NI MI 'JIG GO, ,JI SKAD DU, 'DIR NI GNAS SKABS GNYIS YIN TE, ,BYA BA BYED PA NYID DU GRAGS, ,BYA BA NYID NI ZAD GYUR PA, ,BYED PA NYID NI ZAD MED DO, ,ZHES 'BYUNG NGO; ,SBYOR BA NI GANG DANG GANG RGYU RTAG PA LAS BYUNG BA DE DAG NI 'JIG PA'I CHOS CAN DU MTHONG STE, DUG GI SHING GI MYU GU DANG 'DAB MA DANG 'BRAS BU DANG YAL GA BZHIN NO, ,RTAG PA'I DBANG PHYUG LAS 'BYUNG BA THAMS CAD 'JIG PA'I CHOS CAN YIN GYI RTZA BAR GYUR PA'I DBANG PHYUG LA 'JIG PA MED DE NAM MKHA' BZHIN ZHES RANG BZHIN GYI GTAN TSIGS SO, ,SMRAS PA, GAL TE DES KHAMS GSUM SKYED PAR BYED NA DE'I TSE JI LTAR RTAG PA YIN TE, BYED PA DANG RTAG PA NYID PHAN TSUN 'GAL BA'I PHYIR RO, ,BYED PA PO YIN NA CI'I PHYIR SNGON DU MI BYED, LHAN CIG BYED PA LA LTOS PA CI DGOS TE, LTOS PA DANG BCAS PA NI NUS PA MED PA'I PHYIR RO, ,YANG NA LTOS PA MI DGOS NA DE'I TSE CI STE BYED DE NAM MKHA' BZHIN NO, ,DE'I PHYIR BYA BA'I DUS DANG BYA BA MED PA'I DUS DAG YOD PAS BYED PA DANG MI BYED PAS PHAN TSUN 'GAL BA YIN PAS MI RTAG PA KHO NA'O, ,YANG NA GAL TE DBANG PHYUG DES RANG DBANG DU BYED PA YIN NA DE'I TSE SNGON DU BSHAD PA'I NUS PA GSUM LA LTOS PA MI RIGS SO, ,YANG NA DBANG PHYUG LAS NUS PA THA MI DAD PA ZHE NA, DE'I TSE NUS PA KHO NA BYED PA YIN GYI DBANG PHYUG NI MA YIN NO, ,YANG NA DBANG PHYUG BYED PA PO YIN NA NUS PAS CI ZHIG BYA, ,YANG NA DBANG PHYUG GI NUS PAS ZHES 'BREL PA GANG ZHIG YIN, ,DE'I BDAG NYID LA SNGON DU BSHAD PA'I SKYON DU THAL BAR 'GYUR RO, ,RGYU 'BRAS KYI 'BREL PAS KYANG DBANG PHYUG LA NUS BA SKYES PAS DBANG PHYUG 'GOG PAR 'GYUR RO, ,DE YANG 'DOD PA MA YIN TE, DE RTAG PA'I PHYIR RO, ,RGYU RNAMS NI NGES PAR 'BRAS BU DANG LDAN PAR MI 'GYUR ZHES NUS PA KHO NA RGYU RU 'GAL BA MED DO, ,DE BAS NA DBANG PHYUG BYED PA POR MI 'GYUR RO, ,'DU BA'I 'BREL PAS DE'I BDAG NYID DU 'THAD CE NA, 'DU BA ZHES BYA BA CI YIN NA SNAM BU DANG SNAL MA THA DAD PA DAG LA YANG 'DIR SNAL MA LA SNAM BU

ZHES THA SNYAD YIN ZHE NA, 'O NA NI SNAL MA LAS MA GTOGS PA'I SNAM BU GANG ZHIG YOD, GANG LA LTOS PAS DE DAG GI 'DU BA'I 'BREL PAR 'GYUR, CHU DANG ZHENG GI BDAG NYID KHEBS PA LA SOGS PA'I BYA BA BYED PA SNAM BU YIN ZHE NA, DE NI MA YIN TE, DE'I TSE DE DAG SNAL MA MA YIN GYI SNAM BU GCIG PU KHO NA DON GYI BYA BA BYED PAS SO, ,GANG DON GYI BYA BA BYED PA DE NYID BDEN PA'I DON NO, ,GAL TE SNAM BU MA YIN NA DE'I TSE SNAL MA MA YIN PAS 'BREL PA MED DE, GNYIS LA 'BREL PA YOD PA'I PHYIR RO, ,YANG NA RGYU SPUN DANG SNAM BU RANG GI BDAG NYID DU GNAS PA YIN NA DE'I TSE, 'BREL BA MED DE RANG DBANG YIN PAS SO, ,JI SKAD DU, GANG PHYIR 'BREL BA GZHAN DBANG NI, ,GRUB PAS GZHAN DBANG GANG ZHIG YOD, ,DE BAS DNGOS PO THAMS CAD KYI, ,DE NYID KYIS NI 'BREL BA MED, ,CES 'BYUNG NGO, ,GAL TE 'DU BA'I MTSAN NYID KYI 'BREL PAS SNAL MA DANG SNAM BU'I 'BREL PA YIN NA DE'I TSE 'DU BA LA GZHAN 'DU BA DANG DE LA YANG GZHAN DANG GZHAN THUG PA MED PAR THAL BAR 'GYUR RO, ,GAL TE LTOS PA MED NA DE'I TSE 'BREL PA MED PA DES GANG GI 'BREL PA BYED, DE BAS NA SNAL MA RNAMS DANG SNAM BU DAG THA DAD PA KHO NAR SNANG BAR GYUR NA, DE LTAR YANG MA MTHONG STE, 'DIR SNAL MA LA SNAM BU YOD CES SGRA DANG RNAM PAR RTOG PA TZAM YIN GYI TSAD MA YIN NO, ,DE BAS NA DNGOS PO RNAM PAR DPYOD PA NA SNAM BU ZHES BYA BA MED DO, ,SNAL MA KHO NA NI THAGS MKHAN GYI YONGS SU LAS KYI NUS PAS GNAS SKABS DE LTA BU THOB PA GANG GIS KHEBS PA LA SOGS PA'I BYA BA BYED PA'O, ,BLO DMAN PAS SNAM BU ZHES RTOG STE, BUM PA CHAG PA BZHIN NO, ,DPER NA RDZA MKHAN GYI SPRUL PA'I DUS SU 'JIG PA'I CHOS CAN KHO NA BUM PA SKYES PA DE 'JIG PAR BYED PA RGYU GZHAN MED DO, ,THO BA LA SOGS PA PHRAD PA'I DUS SU BUM PA CHAG GO ZHES 'JIG RTEN PAS SEMS SO, ,BUM PA DE 'JIG RTEN PA MA YIN TE, DANG PO KHO NA DE 'JIG PAS SO, ,GYO MO LA SOGS PA'I 'BRAS BU'I GNAS SKABS GZHAN SKYES PA NYID DO, ,DE BZHIN DU SNAL MA RNAMS NI KHEBS PA LA SOGS PA'I LAS CAN LA SNAM BUR BTAGS PA'O, ,

, ,DE'I PHYIR 'DU BA'I 'BREL PA MED PAS DBANG PHYUG DANG NUS PA GCIG PA MA YIN NO, ,GAL TE NUS PA DES NUS PA GZHAN LA LTOS PA'AM MI LTOS PA YIN GRANG, GAL TE LTOS PAR BYED NA DE'I TSE DES KYANG GZHAN LA LTOS PA DGOS ZHES THUG PA MED PAR THAL BAR 'GYUR RO, ,YANG NA LTOS PA MED NA NUS PA MED PA NUS PA NYID DU MI 'GYUR RO, ,DE BAS NA SKYED PAR MI BYED DO, ,NUS PA DANG DBANG PHYUG THA DAD PAS SKYON SNGA MA BZHIN NO, ,DE NYID KYIS NA KUN SHES PA NYID KYANG MI RIGS TE DE LA THAMS CAD SHES PA NYID GANG YIN ZHE NA, THAMS CAD SHES PA NA THAMS CAD SHES PA ZHE NA, 'DAS PA LA SOGS PA'I DUS GSUM NA GNAS PA'I SEMS CAN THAMS CAD KYI SEMS KYI SPYOD PA SHES PA'AM, SEMS KYI RANG BZHIN SHES SHE NA, GAL TE 'DAS PA LAS SOGS PA SHES NA DE'I TSE KHYU MCHOG DANG 'PHEL BA LA SOGS PAS BYAS PA'I SKAR MA'I BSTAN BCOS YONGS SU SHES PAS PHA ROL PO'I SEMS KYI SPYOD PA DANG DUS GSUM GYI MTSAN NYID BDAG CAG GIS KYANG SHES PAS THAMS CAD SHES PAR THAL BAR 'GYUR RO, ,YANG NA SEMS KYI NGO BO NYID SHES PA YIN NA BDAG YOD PA'AM MED PAR SHES SHE NA, BDAG MED PAR NI MI SHES TE; DE LTAR MI 'DOD PA'I PHYIR RO, ,BDAG YOD PAR SHES SHE NA, DO MI SHES TE BDAG SNGON DU BKAG PA'I PHYIR RO, ,DNGOS PO RNAMS KYI BDAG MED PA KHO NA DON DAM PA YIN TE, DE YANG LE'U GNYIS PA LAS 'CHAD PAR 'GYUR TE DE'I PHYIR DE NI THAMS CAD SHES PA MA YIN NO, ,BYED PA YIN DU 'JUG NA DES NI CIG CAR DU THAMS CAD CI'I PHYIR SKYE BA DANG 'JIG PAR MI BYED PAR RIM GYIS PA'I PHYIR MI RTAG PA'O, ,LTOS PA MED PA'I DNGOS POS CIG CAR DANG RIM GYIS DON GYI BYA BA MA MTHONG BAS NAM MKHA' BZHIN DU DBANG PHYUG MED DO ZHES DBANG PHYUG 'DOD PA LA LAN NO, ,SPYOD PA LA YANG RNAM PA GNYIS TE, BYA BA'I PHYOGS LA GNAS PA DANG, YE SHES KYI PHYOGS LA GNAS PA'O, ,DE LA BYA BA'I PHYOGS LA GNAS PA LA TSAD MA BRGYAD DE, JI SKAD DU, MNGON SUM DANG NI RJES DPAG DANG, ,SGRA LAS BYUNG BA DPE DANG BCAS, ,DON GYI SHUGS DANG MED NYID DANG,,

SRID DANG YOD SNYAM DE BZHIN TE, ,ZHES BSHAD PAS SO, ,TSAD MED RNAMS KYIS DNGOS PO RNAMS LA SPYI DANG KHYAD PAR DU 'JOG PAR BYED DO, ,MCHOD SBYIN LA SOGS PA SROG GCOD PA DANG BCAS PAS KYANG MTHO RIS DANG THAR BA DAG 'DOD DO, ,DE YANG MI RIGS TE, DE RNAMS KYI RIGS SAM, GSAL BA'AM SPYI DANG LDAN PA'AM DE'I 'BREL BA'I SGRA DON YIN ZHE NA, DE LA SPYI ZHES BYA BA GANG YANG DNGOS PO LAS GUD NA MED DE DMIGS PA'I MTSAN NYID DANG LDAN PA DE MI DMIGS PA'I PHYIR BUM PAS DBEN PA'I SA PHYOGS BZHIN NO, ,DE LTA NA GCIG GI RNAM PA RTOG PA DANG SGRA RTOG PAR BYED PA'I RGYU NI SPYI YIN PAS KHYED KYIS JI LTAR SBED PAR BYED CAN, DE NI BDEN PA MA YIN TE KHYAD PAR KHO NA KHYAD PAR GZHAN LAS LOG PAS RNAM PAR RTOG PA DANG SGRA GCIG TU SKYED PAR BYED CES PAR GCOD PAR BYED PA DES CI ZHIG BYA'O, ,KHYAD PAR RNAMS NI SGRA DANG RNAM PAR RTOG PAS SO SOR BSTAN MI NUS PAS SGRA DANG SHES PA GCIG PA NYID BSKYED PA'I NUS PA JI LTAR 'GYUR ZHE NA, SMRAS PA, KHYAD PAR GYIS NI 'JUG PA GTZO BO SGRA DANG RNAM PAR RTOG PA SKYED PAR MI NUS TE, 'ON KYANG RTOG BCAS KYI RNAM PAR SHES PA LA SO SOR SNANG BA'I SPYI TZAM GYIS SO, ,DE BAS JI SKAD DU, BYE BRAG GZHAN NI SO SOR BKAG ,MA BKAG PA DANG DE DAG GI, ,BRDA YI BYE BRAG GNAS YIN TE, ,SHES PA PO YI 'DOD DOR RO, ,ZHES 'BYUNG NGO, ,DE'I PHYIR MED PA'I SPYI NI KHAS BLANGS TE JI LTAR BDAG NYID SMOD PAR BYED, DE BAS SPYI MED DE, KHYAD PAR YANG SGRA'I DON MA YIN TE, KHYAD PAR NI DON GYI BYA BA BYED PA 'ON KYANG DE SKAD CIG MA CAN YIN PAS MI GNAS PA'I CHOS CAN NO, ,GANG LA NGO BO NYID KYIS GNAS PA MED PA DE NYID DE JI LTAR RNAM PAR RTOG PA'I SHES PA'AM SGRA SKYED PAR NUS SO, ,JI SKAD DU, SGRA YIS MTSON CHA BSHAD PA STE, THA SNYAD PHYIR NI DE BSHAD DO; ,DE TSE RANG GI MTSAN NYID MED, ,DES NA DE LA BRDA YANG MED, ,CES 'BYUNG NGO, ,'DI LA 'DI LTAR DPYAD PAR BYA STE, CI RTOG PA DANG BCAS PA'I SHES PA DANG SGRA DAG LAS KHYAD PAR SNGON DU 'BYUNG BA'AM KHYAD PAR LAS KYANG SNGON DU RNAM PAR RTOG PA'I SHES PA DANG SGRA DAG 'BYUNG NGAM, CI

, ,LHAN CIG TU SKYES PA RNAM PAR RTOG PA'I SHES PA DANG SGRA DANG KHYAD PAR RNAMS YIN NAM, GAL TE KHYAD PAR DANG PO SKYES NA DE'I TSE DE GANG GI YUL YIN, YANG NA PHYIS SKYES PA YIN NA RNAM PAR RTOG PA DANG SGRA DAG GI KHYAD PAR DANG LHAN CIG TU PHAN TSUN 'BREL PA MED DO,, RGYU DE DAG GIS RGYU DANG 'BRAS BU 'BREL PA NI TSAD MA MA YIN TE, 'KHRUL PA DANG MA NGES PA'I PHYIR RO, ,KHYAD PAR SGRA DANG RNAM PAR RTOG PA RNAMS LHAN CIG TU 'BYUNG BAS GANG GI GANG YUL YIN ZHES NGES PA MED DO, ,MA NGES PA LA BRJOD PAR BYA BA DANG RJOD PAR BYED PA'I 'BREL PA MED DE GOO'U SGRA DAG BZHIN NO, ,GZHAN YANG GAL TE KHYAD PAR SGRA'I DON DU BRTAGS NA DES ME'I SGRA BRJOD PA'I DUS SU KHA TSIG PAR 'GYUR BA DANG, BUM PA BRJOD PA'I DUS SU YANG BUM PAS KHA KHENGS PAR 'GYUR RO, ,DE LTAR NI MA MTHONG STE, DE'I PHYIR NA KHYAD PAR NI SGRA'I DON MA YIN NO, ,SPYI MED PAS SPYI DANG LDAN PA'ANG MED DE LDAN PA'I SGRA NI 'BREL PA BYED PA'I TSIG LAS 'BYUNG BA'I PHYIR RO, ,'BREL PA NI SPYI BKAG PA'I SGO NAS SEL BA YIN TE, GNYIS LAS 'BREL PA 'DOD PA'I PHYIR RO, ,DE'I PHYIR SNGAR BSHAD PA'I RIM PAS 'BREL PA RTAG PAR BYED NA DNGOS PO RNAMS KYI PHAN TSUN 'BREL BA GANG YANG MED DE THAMS CAD RANG NYID LAS GRUB PA'I PHYIR RO, ,DNGOS PO THAMS CAD RANG BZHIN GYIS, ,RANG RANG NGO BOR GNAS PA STE, ,RANG DANG GZHAN GYI NGO BO LAS, ,GANG PHYIR LDOG PA LA BRTEN PAS, ,DE PHYIR DNGOS RNAMS GANG GANG LAS, ,LDOG PA DE YI RGYU MTSAN NI, ,SPYI YI DBYE BAR RAB BRTAGS PAS, ,DE YI KHYAD PAR GZUNG BAR BYED, ,DE PHYIR GANG ZHIG CHOS GZHAN GYI, ,KHYAD PAR YANG DAG RTOGS 'GYUR BA, ,DE LAS GZHAN GYIS DE MI RIGS, ,DES NA THA DAD THA SNYAD YIN, ,GZHAN DBANG NYID DANG 'BREL BA YIN, ,ZHES BYA BA LA SOGS PAS 'BREL PA MED PAR BSHAD DO, ,DE LTAR SPYI LA SOGS PA BKAG PAS DPYOD PA PA RNAMS LA SGRA'I DON NYID MED DO ZHES DON GANG LA TSAD MA BRGYAD DON DANG LDAN PAR MI 'GYUR TE GZHAL BYA MED PA'I PHYIR RO, ,GANG GI PHYIR TSAD MA LAS GZHAL BYA GRUB CES

BSHAD DO, ,DE BAS NA YUL MED PA'I SGRA RNAMS KYIS DON GANG RJOD PAR BYED DO, ,GZHAN YANG DPYOD PA PA RNAMS KYI SGRA'I DON MA GRUB PAS KYANG KHAS BLANGS TE LAN SMRA BAR BYA STE, RE ZHIG BYA BA'I PHYOGS SU NI MCHOD SBYIN DANG KHRUS DANG BRTUL ZHUGS DANG SMYUNG BA DANG DKA' THUB LA SOGS PA'I MTSAN NYID MTHO RIS DANG THAR PA'I 'BRAS BU THOB PA'I PHYIR, RNAM PAR 'TSE BA'I BDAG NYID KYI LAS RA GSOD PA LA SOGS PA 'GAL BA MI RIGS TE, MTHO RIS NI BDE BA LA LONG SA SPYOD PA'I MTSAN NYID DE, BDE BA SBYIN PAS THOB PAR 'GYUR GYI SROG CHAGS GSOD PAS NI MA YIN NO, , YANG NA CHO GA MKHAN GYI SNGAGS KYI MTHUS DE SGROL BA YIN NA, DE CI'I PHYIR SGO THAMS CAD BKAG NAS SGROL BA YIN TE, CI SNGAGS KYI MTHU MED DAM YANG NA DBANG PO BKAG PA GCIG PU GTZO BO YIN NA DE'I TSE SNGAGS DON MED DO, ,SNGAGS DANG BCAS PAS RLUNG BKAG PAR BYED PA SNYING RJES GSOD PA YIN ZHE NA, DE LTA NA SHIN TU YID DU 'ONG BA RANG GI NYE BA RNAMS CI'I PHYIR MI GSOD, DE NI DES MI 'DOD CE NA, PHYUGS KYIS KYANG 'DOD PA MA YIN ZHES CI'I PHYIR RNAM PAR 'TSE, DE BAS RNAM PAR 'TSE BA'I BDAG NYID CAN ME MCHOD PA'I LAS LA SOGS PA SDIG PA YIN PA'I PHYIR MTHO RIS KYI RGYU MA YIN NO, ,JI SKAD DU, SROG CHAGS GSOD PA MI BZAD PA, ,DRAG PO KHRAG GIS LAG BSGOS PA, ,RTAG TU SDIG PA'I LAS SPYOD PA, ,DE DAG DU 'BOD SKYE BAR 'GYUR, ,ZHES 'BYUNG NGO, ,GZHAN YANG RTOG PA DANG LDAN PA'I PHYIR THAR BAR MI 'GYUR TE, GANG GI BYA BA'I PHYOGS NI ME MCHOD PA DANG, KHA DON DANG KHRUS LA SOGS PA DANG LDAN PA'I PHYIR TE RTOG PA DANG BCAS PA'O, ,THAMS CAD 'DOR BA'I RANG BZHIN NI MI RTOG PA STE THAR BA'O, ,DE BAS NA RTOG PA DANG BCAS PA'I LAM GYIS MI RTOG PA'I THAR PA THOB PAR MI 'GYUR TE, RGYU MI 'DRA BA'I PHYIR RO, ,NAS KYI SA BON LAS S'A LU'I 'BRAS BU MI 'BYUNG BA BZHIN NO, ,DE BAS NA RTOG PA THAMS CAD YONGS SU SPANGS PA'I TING NGE 'DZIN GYIS RTAG TU DRI MA MED PA ZAG PA MED CING RNAM PAR MI RTOG PA'I THAR PA THOB PAR 'GYUR RO, ,DE BAS KHYED CAG GI BYA BA'I PHYOGS SU 'BRAS BU GANG YANG THOB PAR MI 'GYUR RO ZHES DPYOD PA PA RNAMS

, ,KYIS GTZANG SBRA LA SOGS PA NGAL BA DON MED DU 'GYUR RO, ,JI SKAD DU, KHRUS KYIS DGE 'DOD RIGS KYIS BRNYAS PA DANG, ,RIG BYED TSAD MAR BYED PA KHA CIG YOD, ,SDIG PA ZAD PHYIR DKA' THUB LA BRTEN PA, ,BLO MED RNAMS KYI BLUN PO'I RTAGS LNGA'O, ,ZHES BYA BA'I PHYOGS KYI DPYOD PA PA RNAMS LA LAN NO, ,YE SHES KYI PHYOGS SU YANG CHOS GOS LA SOGS PA 'DZIN PA NI 'GAL BA'O, ,RIG BYED KYI MTHA' GSANG BAR SMRA BA BRAM ZE RNAMS KYI THAMS CAD 'DOR BA'I YE SHES CAN GYI PHYOGS SU CHOS GOS 'DZIN PA DANG, GTZUG PHUD 'DZIN PA DANG, DBYUG PA GSUM PA DANG, THIG LE GSUM SPRAS PA DANG, KRishnA SA RA'I PAGS PA GYON PA DANG, YUL NAS YUL DU 'KHYAM PA LA SOGS PA NI 'GAL BA'O, ,DANG PO DAM PA'I RNAL 'BYOR LA GNAS PA'I BRTUL ZHUGS PA RNAMS KYIS DE DAG THAMS CAD SPYOD PA NI CHOS GOS LA SOGS PAS DE KHO NYID THOB PA MA YIN TE SPROS PA DANG BCAS PA'I PHYIR RO, ,SPROS PA MED PA'I RGYUS SPROS PA MED PA'I 'BRAS BU BSKYED PA YIN GYI SPROS PA DANG BCAS PA NI MA YIN NO, ,JI SKAD DU, GZHAN RKYEN MED CING ZHI BA STE, ,SPROS PA DAG GIS MA SPROS PA, ,THA DAD DON MIN RNAM MI RTOG ,'DI NI YANG DAG MTSAN NYID DO,, ZHES 'BYUNG NGO, ,DE'I PHYIR RANG GI PHYOGS KHAS BLANGS PA MA GRUB STE TSAD MA MED PA'I PHYIR RO, ,GZHAN YANG DE RNAMS KYI PHYOGS NI SNA TSOGS KYI NGO BO DNGOS PO THAMS CAD GANG SNANG BA DE NI TSANGS PA NYID KHO NA'O, ,DPER NA BUM PA DANG RE LDE LA SOGS PA PHYI ROL DU SNANG BA GANG YIN PA DE DAG RNAM PAR DPYOD PA NA RANG GZUGS SU YOD PA MA YIN TE SNANG BA GUD NA MED PA'I PHYIR RO, ,SNANG BA YANG BDAG NYID KYIS YOD KYI 'DI NYID KYIS NI RIG PA MA YIN NO, ,BDAG NYID DANG 'DI NYID CES PHAN TSUN 'GAL BA'O, ,DE'I PHYIR SNANG BAR GYUR PA'I BDAG NYID KYIS BSDUS PA'I DNGOS PO SNANG BA GANG YIN PA DE NYID TSANGS PA NYID DO, ,RTAG TU DGA' BA'I BDAG NYID BAG CHAGS SNA TSOGS DANG BCAS PA DE NYID KYI DBYE BA 'DI DAG GO, ,JI SKAD DU, TSANGS PA'I TSUL NI DGA' BA STE, ,ZHES BYA BA LA SOGS PA 'BYUNG NGO ZHES TSANGS PAS SMRA BA RNAMS KYI RANG GI PHYOGS TE DE MI RIGS PA NI TSAD MA MED PA'I PHYIR RO, ,

TSANGS PA NYID YOD PA'I TSAD MA MTHONG BA'O, ,RE ZHIG MNGON SUM YANG MA YIN TE MI RTOG PA'I PHYIR RO, ,TSANGS PA'I SNA TSOGS PA NYID NI RNAM PAR RTOG PAS 'JOG BAR BYA BAS SO, ,DE LTA NA GZHAN YANG RTOG PA DANG BCAS PA'ANG MNGON SUM MA YIN NAM, JI SKAD DU, DANG PO MTHONG BA'I SHES YOD DE, , RTOG PA THAMS CAD RNAM BRAL BA, ,BYIS PA LKUGS PA DANG 'DRA BA'I, ,SHES PA DAG PA'I DNGOS LAS BYUNG, ,DE LAS GZHAN PA'I DNGOS PO NI, ,SKYES SOGS CHOS BCAS GANG GIS NI, ,BLO YIS RTOGS BA DE NYID KYANG, ,MNGON SUM NYID DU 'DOD PA YIN, ,ZHES 'BYUNG NGO, ,DE LA SMRAS PA; DANG PO MI RTOG PA KHO NA TSAD MA YIN TE, GANG GI RANG GI MTSAN NYID KYI DON GYI BYA BA BYED NUS PA YUL DANG RGYU YIN PA DE NYID MI RTOG PA TSAD MA'O, ,DE NYID KYIS BYA BA BYAS PA'I PHYIR GZHAN NI BRTAGS PA LA BRTAG PA DANG MTSUNGS PA DON MED PA NI TSAD MA MA YIN NO, ,DON DANG PHRAD PAR BYED PA NI MA YIN TE, BSTAN PA'I DON LA SKYES BU 'JUG PA NA DE THOB PAS TSAD MA'I BYA BA DE NYID DU RDZOGS SO, ,DE LTA BU'I MTSAN NYID DANG PO KHO NA LA YOD KYI, GNYIS PA LA MA YIN NO, ,DE'I PHYIR MI RTOG PA'I BDAG NYID MNGON SUM GYI NI DE YUL MA YIN NO, ,GANG GI YUL YIN PA DE NI TSAD MA MA YIN NO ZHES TSANGS PA NYID LA YOD PA LA MNGON SUM MI 'JUG GO, ,RJES SU DPAG PA YANG DE BZHIN TE GANG GI PHYIR RJES SU DPAG PA NI RTAGS DANG RTAGS CAN GYI 'BREL PA SNGON DU 'GRO BAR 'JUG PAR 'GYUR TE, DU BA DANG ME BZHIN NO, ,TSANGS PA DE'I 'BRAS BUR GYUR PA'I RTAGS GANG YANG MA MTHONG STE, GANG GIS DE MTHONG BA MED PAR MI 'BYUNG BAS RTAGS CAN DU GYUR PA TSANGS PA NYID DPAG PAR BYA'O, ,DNGOS PO THAMS CAD DE LAS 'BYUNG BA YIN ZHES 'BRAS BU MTHONG BAS DE DPAG PAR BYA ZHE NA, DE YANG MI RIGS TE, GANG 'BRAS BU SKYED PAR BYED PA DE NI RGYU NYID DE, 'BRAS BU BYUNG BAS DE 'JIG PAR 'GYUR BAS RTAG PA MA YIN NO, ,TSANGS PA NYID KYI TSUL NI KHYED CAG GI PHYOGS SU RTAG PAR 'DOD PA MA YIN NAM, RE ZHIG RGYU NYID DU 'DOD NA YANG, RANG DANG 'DRA BA'I 'BRAS BU CI'I PHYIR MI SKYED PHYIN CI LOG PAR SKYED PA LA RIGS PA MA MTHONG NGO, ,DPER NA LHA

, ,LA SOGS PA KHA CIG BDE BAR GYUR PA DANG, YI DAGS LA SOGS PA KHA CIG SDUG BSNGAL CAN DU MTHONG BA'I PHYIR RO, ,DE'I SNA TSOGS PA NYID DE LTA BU YOD CE NA, SMRAS PA SNA TSOGS PA NYID NI DE DANG THA DAD PA YIN NAM, THA MI DAD PA YIN, THA DAD PA YIN NA TSANGS PA DE NYID KYIS DER MI 'GYUR RO, ,DBYER MED PAS DE'I BDAG NYID DU GYUR PA'I NGO BO GANG YIN PA DE DANG 'DRA BA DGA' BA'I GZUGS CAN DU 'GYUR TE, TSANGS PA'I GZUGS NI DGA' BA STE, ,ZHES BSHAD PAS SO, ,DE LTAR YANG MA MTHONG STE DE'I PHYIR NA 'BRAS BU'I RJES SU DPAG PA MED DO, ,YANG NA SKYON DE BSAL BAR BYA BA'I PHYIR RGYU'I RJES SU DPAG PA RTOG PAR BYED NA, DPER NA, BUNG BA MA HE SBRUL DAG DANG, ,TA MA LA YI 'OD NAG CAN, ,SPRIN RNAMS DE DANG 'DRA BA NI, ,CHAR 'BAB NAM YANG SLU MI BYED, ,CES 'BYUNG BA DE BZHIN DU TSANGS PA THAMS CAD KYI BDAG NYID GAL TE MED NA DE'I TSE SNA TSOGS PA NYID KYANG 'BYUNG BAR MI 'GYUR RO, ,DE LA SMRAS PA, RGYU'I RJES SU DPAG PA NI SLU BA YIN PA'I PHYIR NGES PA MED PA NYID DO, ,DPER NA, PHYOGS BCUR KHYAB PA'I SHIN TU NAG PO'I MDOG CAN SPRIN RNAMS LAS KYANG CHAR RES 'GA' MI 'BYUNG NGO, ,NYI MA DRO BA'I DUS SU SPRIN CHUNG DU LAS KYANG CHAR PA 'BYUNG BAR MTHONG BAS RGYU'I RJES SU DPAG PA NI SLU BA KHO NA'O, ,DES NI GROG MO 'BYUNG BA DANG NYA 'PHAR BA LA SOGS PA BKAG GO, ,SPYI RU MTHONG BA'I RJES SU DPAG PA NI RTOG PAR BYED PA YIN ZHE NA, DPER NA KHANG BZANGS LA SOGS PA BRTZIGS PA'I SNGON DU 'GRO BA 'PHEL BAR MTHONG BAS NAGS KYI SMAN LA SOGS PA RNAMS KYI SKYE BA SNGON DU 'GRO BA'I 'PHEL BA RJES SU DPAG PAR BYA'O, ,DE LTAR TSANGS PA'I SNA TSOGS PA NYID KYIS DNGOS PO SNA TSOGS PA NYID DO, ,TSIG GI DON SNA TSOGS PA NYID KYANG TSANGS PA'I SNA TSOGS PA NYID RJES SU DPAG PAR BYA'O, ,DE YANG MI RIGS TE, GANG GI PHYIR TSANGS PA SNA TSOGS PA SMRA BA POS TSANGS PA'I RANG BZHIN CAN DNGOS PO RNAMS 'DOD DO, ,SPYIR MTHONG BA'I RJES SU DPAG PA'I PHYOGS SU THA DAD PAR THAL BAR 'GYUR RO, ,CI'I PHYIR ZHE NA, TSIG GI DON

RNAMS GUD DU GRUB PA YIN PAS TSANGS PA'I SNA TSOGS PA NYID NGES PA DANG TSANGS PA YANG GUD NA GRUB PAS TSIG GI DON SNA TSOGS THA DAD PA'O, ,DE LAS SLU BA NYID KYIS KYANG NGES PA MED DE, DE YANG DPER NA SPYIR MTHONG BA'I RJES SU DPAG PA NI SLU BAR MTHONG STE, KHANG BZANGS LA SOGS PA'I 'PHEL BA SKYE BA SNGON DU 'GRO BAS NAGS TSAL LA SOGS PA'I 'PHEL BA RTOGS PAR MI BYED DO, ,NAGS TSAL LA SOGS PA KHA CIG NI CHU 'BAB PAS KYANG 'PHEL BAR MI 'GYUR BA DANG, KHA CIG KYANG MIG 'PHRUL MKHAN GYIS SPRUL PA YANG MTHONG NGO, ,DE BAS NA RJES SU DPAG PA DES DES PA MED DO, ,SGRA LAS BYUNG BA YANG TSAD MA MA YIN TE, TSANGS PA'I SNA TSOGS PA NYID LA SNGON DU BSHAD PA'I RIGS PAS SGRA DANG DON DAG GI 'BREL PA MED PA'I PHYIR RO, ,DON TZAM YANG SO SOR BSTAN PAR SGRAS MI NUS NA DE'I SNA TSOGS PA NYID JI LTAR BRJOD, SPYI'I RNAM PAS NUS KYANG SGRA'I RANG GI MTSAN NYID DANG LHAN CIG TU DON GYI RANG GI MTSAN NYID LA BRJOD PA DANG RJOD PAR BYED PA'I MTSAN NYID MED DO, ,SPYI'I YANG GONG DU BKAG PAS JI LTAR DE KHO BOS TSAD MAR GZUNG, SKAD CIG MA YIN PAS KYANG NGES PA MED DE, GANG GI PHYIR SGRA NI GNAS DANG BYED PA DANG SKYES BU'I RTZOL BA LAS 'BYUNG BAS BRJOD MA THAG TU 'JIG PAR 'GYUR BA DE RANG GZUGS SU YOD PAR MI 'GYUR BAS JI LTAR DON RTOGS PAR BYED DE, GA DANG AU DANG TSEG DRAG RNAMS RE RE LHAN CIG TU MI DMIGS PA'I PHYIR RO, ,RNA BA'I DBANG POS GZUNG BAR BYA BA DBYANGS TZAM NI RTOGS PAR BYED PA YIN TE, DRIL BU'I SGRA BZHIN NO ZHE NA, SMRAS PA YI GE DANG TSIG DANG NGAG RNAMS KYIS RANG GI NGO BO DOR NAS DON GZHAN GYI DBYANGS TZAM MI DMIGS SO, ,DE RNAMS ZHIG NAS DBYANGS NI MI 'JIG PAR JI LTAR 'GYUR, DE'I PHYIR NA DBYANGS TZAM GYI THA SNYAD NI BTAGS PA YIN GYI NGES PA'I RGYUR NI MA YIN NO, ,DPE YANG TSAD MA MA YIN TE GANG GI PHYIR DE NI CHOS GSUM DANG LDAN PA YIN TE, DPE DANG DPE LAS BYUNG BA DANG THUN MONG GI CHOS KYIS SO, ,DPER NA BA DANG 'DRA BA NI BA MEN NO, ,DE LA BA MEN MTHONG BA'I SKYES BUS PA LA GNAS PA'I LKOG SHAL LA

, ,SOGS PA'I CHOS MTHUN PA'I PHYIR BA MEN MA MTHONG BA'I SKYES BU KHA CIG RTOGS PAR BYED DE, BA DANG 'DRA BA NI BA MEN NO ZHES PAS SO, ,DES NI DE'I BA MEN YIN ZHES KHONG DU CHUD DO, ,DE BZHIN DU 'DIR TSANGS PA'I SNA TSOGS PA NYID DNGOS PO SNA TSOGS PA NYID KYIS DPE MA YIN PA DANG, DE LA SOGS PAS KYANG MA YIN TE DE DANG MTHUN PA'I CHOS MED PA'I PHYIR RO, ,TSANGS PA NI GZUGS MED PA DANG, DNGOS PO RNAMS GZUGS CAN YIN PAS GANG GIS DPER BYA'O, ,DON GYI SHUGS KYIS KYANG NGES PA MED DO, ,DPER NA LHA SBYIN CHEN PO NYIN PAR MI ZA ZHES BYA BAS DON GYI SHUGS KYIS MTSAN MO ZA ZHES NGES SO, ,DE LTAR TSIG GI DON RNAMS LA SNA TSOGS PA MED DO, ,DON GYI SHUGS KYIS TSANGS PA LA YOD DO ZHES MI RIGS TE, DNGOS PO RNAMS LA SNA TSOGS PA NYID DMIGS PA'I PHYIR RO, ,GCIG BKAG PAS CHOS GZHAN NGES PAR DMIGS PAS NI DON GYI SHUGS SO, ,DE YANG DNGOS PO DANG TSANGS PA DAG LA MED DO, ,DNGOS PO MED PA YANG TSAD MA MA YIN TE, GANG GI PHYIR DE LA RNAM PA BZHI YOD DE, SNGA NA MED PA DANG 'JIG PAS MED PA DANG PHAN TSUN MED PA DANG SHIN TU MED PA'O, ,DE LA SNGA NA MED PA NI 'O MA ZHOR GYUR PA'O, , 'JIG PAS MED PA NI BUM PA THOB DANG PHRAD PAS 'JIG PA'O, ,PHAN TSUN MED PA NI SNAM BU DANG BUM PA DAG GO, ,SHIN TU MED PA NI RI BONG GI RVA LA SOGS PA'O, ,DNGOS PO MED PA NI YUL LA DNGOS PO MED PA TSAD MA YIN GYI DNGOS PO YOD PA'I YUL DU NI MA YIN NO ZHES JI LTAR DES NI DNGOS PO'I CHOS NI TSANGS PA'I SNA TSOGS PA NYID SGRUB PAR BYED DE, DGAG PA GTZO BO YIN PA'I PHYIR RO, ,ZHO LA MAR SRID PA DANG, TIL 'BRU LA MAR KHU ZHES SRID PA NI TSAD MA MA YIN TE, SA MI GSHIN PA LAS SKYES PA'I TIL 'BRU RNAMS LA MAR KHU MI 'BYUNG BAS SO, ,PHAL CHER LA DGONGS PA NI NGES PAR BYED PA'I RGYU MA YIN TE SLU BA'I PHYIR RO SNYAM PAS YOD PA YANG TSAD MA MA YIN TE, SHING 'DI LA GNOD SBYIN YOD PA DANG, KHANG PA 'DI LA SHA ZA YOD DO ZHES NGES PA MED DO, ,RES 'GA' DE NAS GZHAN DU 'GRO BA'I PHYIR DANG SNGAGS SHES PA'I SKYES BU'I NUS PA'I

'BREL PAS GNOD SBYIN LA SOGS PA BSKRAD PA RNAMS DER MI GNAS PA'I PHYIR RO, ,DE BZHIN DU 'DIR TSANGS PA'I SNA TSOGS PA NYID DNGOS PO RNAMS LA MA DES SO, ,MA MTHONG BA RANG BZHIN GYIS BSKAL PA SHA ZA LA SOGS PA LA SNYAM PA ZHES BYA BAS NGES PAR BYED PAR RIGS SO, , SNA TSOGS PA NI MNGON SUM GYIS SNANG NA SNYAM PAS JI LTAR NGES PAR BYED DO, ,DE BAS NA TSAD MA BRGYAD KYIS MA GRUB PA'I TSANGS PA NYID DANG DE'I SNA TSOGS PA NYID DU GNAS PA DAD PA DAM PA BA RNAMS JI LTAR GROL BAR 'GYUR, ,DES NI TSANGS PA ZHI BA SMRA BA'I PHYOGS KYANG BKAG GO ,GAL TE TSANGS BA NYID DNGOS PO'I SNA TSOGS MA SKYES PA ZHI BA YIN NO, ,JI LTAR DNGOS PO 'DI RNAMS RNAM PA SNA TSOGS SU SNANG NGO, ,DE RNAMS KYANG ZHI BA YIN ZHES 'DOD PA RIGS PA MA YIN TE, TSAD MA DANG 'GAL BA'I PHYIR RO, ,GANG GI PHYIR MTHONG BA LA MI RIGS PA ZHES BYA BA MED DO, , 'KHRUL PA KHO NA DNGOS PO RNAMS KYI SNA TSOGS PA YIN ZHE NA, 'KHRUL PA NI CI DE LAS THA DAD PA'AM THA MI DAD CE NA, THA DAD PA YIN NA 'KHRUL PA DANG TSANGS PA NYID GNYIS KA YOD CES THA DAD PA'O, ,TSANGS PA NI GNYIS SU MED PAS 'GAL LO, ,THA MI DAD PA NI TSANGS PA NYID 'KHRUL PA'I RANG BZHIN DU SONG BAS DE KHO NA NYID DU MI 'GYUR RO, ,DE NI 'KHRUL PA MED PA YIN DU 'JUG NA CI'I PHYIR 'KHRUL PA SKYED PAR BYED PA YIN TE, 'GYUR BA MED PA LA SPROS PA MED DE NAM MKHA' BZHIN NO, ,DE BAS NA ZHI BA'I TSANGS PA NYID SMRA BA'I PHYOGS NI MI RIGS SO ZHES TSAD MA BA DPYOD PA PA'I LAN NO, ,DE RNAMS BSTAN PA DRUG LA GNAS PA PHYIN CI LOG PA'I BLO CAN DU BSHAD DO, ,NGES PA'I BLO CAN NI RNAM PA BZHI STE, NYAN THOS DANG RANG SANGS RGYAS DANG RNAL 'BYOR SPYOD PA DANG DBU MA'I DBYE BAS SO, ,DE LA NYAN THOS PA'I GZHUNG NI BDEN PA BZHI STE, SDUG BSNGAL DANG; KUN 'BYUNG BA DANG, 'GOG PA DANG, LAM MO, ,DE LA BDEN PA GNYIS NI RGYU DANG 'BRAS BU'I DBYE BAS GNAS PA NI 'KHOR BA'O, ,BDEN PA YANG GNYIS NI RGYU DANG 'BRAS BU'I BYE BRAG GI MYA NGAN LAS 'DAS PA'O, ,DE LA 'DOD PA DANG GZUGS DANG GZUGS MED PA'I DBYE BAS NYON MONGS

, ,PA DGU BCU RTZA BRGYAD MTHONG BA DANG, BSGOM PA'I LAM GYIS SPANGS TE, 'GOG PA'I SNYOMS PAR ZHUGS PA GTZOR GYUR PA RANG GI DON TZAM DANG LDAN PA NYAN THOS KYI BYANG CHUB THOB PAR 'GYUR RO, ,DE RNAMS KYI RE BA NI GZHAN GYI DON GYIS CI ZHIG BYA, BDAG GI DON NI BSGRUB BYA YIN, ,ZHES BYA BA LA SOGS PA 'BYUNG NGO, ,DE RNAMS GANG ZAG LA BDAG MED PAR 'DOD CING, PHUNG PO LA SOGS PA CHOS RNAMS LA BDAG YOD PAR 'DOD CING GZUNG BA DANG, 'DZIN PA LA ZHEN PA'O, ,DE'I PHYIR DE RNAMS KYI GROL BA RNAM PAR DAG PA MA YIN PAS SNGAGS KYI THEG PA CHEN POR SNOD MA YIN PAR BSHAD DO, ,JI SKAD DU, DGE SLONG NYID DU GANG GNAS PA, ,GANG YANG RTOG GE BA RNAMS MI, ,RGAN POR GYUR PA GANG RNAMS DANG, ,DE LA DE NYID BSTAN MI BYA, ,ZHES GSUNGS SO, ,MDO SDE PA ZHES BYA BAS RJES SU DPAG PAS PHYI'I DON 'DOD DE, PHYI'I DON NI GCIG DANG DU MAS MA GRUB PAS MED PAS KYANG RNAM PAR SHES PA'I SKYE BA GZHAN DU NA MI 'GYUR BAS RJES SU DPAG PA YIN TE, MIG GI DBANG PO BZHIN NO ZHES RJES SU DPOG PA'I MDO SDE PA PHYI'I DON SMRA BA RNAMS KYIS SNGA MA BZHIN DU THAR PA NI RNAM PAR MA DAG PAS DE DAG KYANG SNGAGS KYI SNOD DU RUNG BA MA YIN NO, ,RNAL 'BYOR SPYOD PA BA NI RNAM PA GNYIS TE, RNAM PA DANG BCAS PA SMRA BA DANG, RNAM PA MED PA SMRA BA'O, ,DE LA DNGOS PO THAMS CAD PHYI ROL DU SO SOR SNANG BA RNAMS RANG GI RNAM PA YIN TE, RANG GI RNAM PAR SNANG BA'I PHYIR RO, ,GANG DANG GANG RANG SNANG BA'I DNGOS PO DE DANG DE YOD DE BLO BZHIN NO; ,GZHAN GYI SNANG BA BUM PA LA SOGS PAR RANG NYID KYIS YOD PA MA YIN TE, GZHAN GANG YIN PA DE RNAM PAR SHES PA YIN NO, ,DON NI GCIG DANG DU MAR MA GRUB PAS ZHES GRAGS SO ZHES SMRA BA DE'I GZHUNG NI MI BDEN TE, GAL TE DON MED NA GANG LA LTOS NAS RNAM PAR SHES PA 'BYUNG, RNAM PAR SHES PAS NA RNAM PAR SHES PA'O, ,DE BAS NA RNAM PAR RIG PA SMRA BA RANG GI TSIG DANG 'GAL BA 'DI YIN TE, RNAM PAR SHES PA 'DOD PA DANG DON 'GOG PAR BYED PA'I PHYIR RO, ,GAL TE GZUNG BA DANG 'DZIN PA RNAM PAR RTOG PA 'KHRUL PA YIN NA DE'I TSE RNAM PAR RIG PA YANG 'KHRUL PAR 'GYUR

RO; ,DES KHAS BLANGS NA YANG DE'I THAR PA MA DAG PAR 'GYUR RO, ,YANG NA CI'I PHYIR RNAM PAR MA DAG ,BDAG CAG RNAMS KYI NI MTSAN NYID GSUM STE, KUN BRTAGS DANG, GZHAN DBANG DANG, YONGS SU GRUB PA'O, ,DE LA KUN BRTAGS NI YANG DAG BA MA YIN PA'I KUN DU RTOG PA'I MTSAN NYID DE, GZUNG BA DANG 'DZIN PA'I RNAM PAR RTOG PA'O, ,GZHAN DBANG ZHES BYA BA NI DE'I RNAM PA SO SOR SNANG BA'I 'KHRUL BA'I GZHI'O, ,YONGS SU GRUB PA ZHES BYA BA NI GNYIS KYIS STONG PA'I MTSAN NYID DO, ,DNGOS PO SHES DON DE YI RNAMS, ,DE MED PA NYID MKHAS PA YIS, , KUN BRTAGS LA SOGS MTSAN NYID NI, ,GO RIMS BZHIN DU SHES PAR BYA, ,ZHES 'BYUNG NGO, ,DE LA MTSAN NYID GNYIS MED PAS YONGS SU GRUB PA'I NGO BO NYID NI SPROS PA'I DRI MA THAMS CAD DANG BRAL BA, CHOS KYI DBYINGS KYI YE SHES ZHES BYA BA RNAM PAR DAG PA'I THAR PA YIN ZHE NA, DE YANG BDEN PA MA YIN TE, RNAM PAR DAG PA ZHES BYA BA NI MDUD PA THAMS CAD DANG BRAL BA'I STONG PA NYID DU BSHAD KYI, ,RNAM PAR RIG PA NI MA YIN NO, ,DE'I DMIGS PA JI SRID BLO LA RGYU BA DE'I BAR DU RNAM PAR MA DAG PA'O, ,JI SKAD DU, 'BYUNG BA CHE SOGS RNAM SHES LA, ,BSTAN PA DE DAG 'GOG PAR 'GYUR, ,DE NI YE SHES LA THI MA ZHING, ,NGES PAR PHYIN CI LOG PA YIN, ,ZHES 'BYUNG NGO, ,KAM PA LA'I ZHAL SNGA NAS KYIS, ,RE ZHIG THAMS CAD BRDZUN YIN TE, ,JI SRID JI SRID RNAM PAR RTOG ,GANG ZHIG RTOG PAR MI BYED PA, ,DE YI BDEN PA DE NYID YIN, ,ZHES GSUNGS SO; ,RNAM RIG TZAM NYID 'DI DAG CES, ,DE LTAR NYE BAR DMIGS GYUR PA, ,MDUN DU CUNG ZAD 'JOG BYED NA, ,DE TZAM LA YANG GNAS MI 'GYUR, ,ZHES KHYED CAG RNAMS KYI RNAG GI TSIG DANG 'GAL BA'O, ,'O NA JI LTAR 'GAL BA YIN ZHES 'DOD NA, SMRAS PA, GANG TSE SHES PA'I DMIGS PA NI, ,DMIGS PA NYID DU MI 'GYUR NA, ,DE TSE RNAM RIG LA GNAS SHING, ,GZUNG BA MED PAS DE MI 'DZIN, ,ZHE NA, DE YANG BDEN PA MA YIN TE, GANG GI PHYIR DE LTA BUS KYANG STONG PA NYID NI MNGON PAR RTOGS PA MA YIN TE, RNAM PAR RIG PAR 'JIG PAR BYAS PA'I PHYIR DE YANG SNGON DU

, ,BKAG ZIN TO, ,JI SKAD DU, GAL TE SHES PA SHES BYA'I SNGON, ,CI LA DMIGS TE DE BYUNG STE, ,SHES BYA ZHIG PAS SHES 'BYUNG NA, ,CI LA DMIGS TE DE 'BYUNG 'GYUR, ,ZHES 'BYUNG BAS SHES PA DANG SHES BYA DAG LA 'BREL PA MED PAS RNAM PAR SHES PA'I SNANG BA MED DO; ,DE'I PHYIR DE LTA BU'I LTA BA CAN SNGAGS KYI THEG PA CHEN PO LA MI 'JUG PAS RJES SU GZUNG BAR BYA'O ZHES RNAM PAR RIG PA SMRA BA PO RNAMS LA LAN NO, ,DBU MA PA ZHES BYA BAS GZUNG BA DANG 'DZIN PA'I RNAM PAR RTOG PA DANG BRAL BA 'BA' ZHIG TU DRI MA MED PA'I MTHA' YAS PA NAM MKHA' DANG MTSUNGS PA, DNGOS PO THAMS CAD KYI DE KHO NA NYID CES BYA BA 'DOD DE RNAM PAR THAR PA GSUM GYIS RTOGS PAR BYA BA'I PHYIR RO, ,DE BAS NA DNGOS PO THAMS CAD STONG PA NYID DE, GCIG DANG DU MAS BRAL BA'I PHYIR RO, ,DBANG PHYUG LA SOGS PA'I RGYU MTSAN DANG BRAL BA DNGOS PO RNAMS YIN TE DBANG PHYUG LA SOGS PA DPYOD PA NA MI DMIGS PA'I PHYIR RO, ,DNGOS PO THAMS CAD SMON PA MED PA YIN TE, SMON PAR BYA BA MA GRUB PAS SO, ,'DI LA SBYOR BA NI DNGOS PO THAMS CAD STONG PA YIN TE GCIG DANG DU MAS BRAL BA'I PHYIR GZUGS BRNYAN BZHIN NO, ,DE LA GAL TE, CHOS MTHUN PA'I DPES NGO BO MED PA NYID DMIGS NA DE BZHIN DU YANG DE TZAM LAS GTAN TSIGS KYI 'BREL BA NGES SO, ,RJES SU 'GRO BA NYE BAR LEN PA'I LDOG PA DON GYIS RTOGS PA'I PHYIR RO, ,MKHAS PA RNAMS KYIS GTAN TSIGS GCIG PU TZAM GYIS NGES PA YIN GYI YAN LAG LNGA'AM YAN LAG GSUM GYI TSIG GI SBYOR BA BSTAN MI DGOS SO, ,DE DNGOS DANG NI RGYU DNGOS DAG ,DPE YIS DE NI MI RIGS LA, ,SMRA BA YIN GYI MKHAS PA LA, ,GTAN TSIGS GCIG PU SMRA BA YIN, ,DE'I PHYIR PHYOGS DANG DPE LA SOGS PA'I TSIG RGYAS PA SPANGS TE RJES SU 'GRO BA TZAM GYIS KHO BO CAG GI STONG PA NYID DU 'GRUB PO, ,GAL TE GCIG DANG DU MAS BRAL BA TZAM GYIS STONG PA NYID NGES PAR BYED NA, DE CI'I PHYIR BYE BRAG BCO BRGYAD PA'I STONG PA NYID GSUNGS SHE NA, SMRAS PA 'DIR NI GDOD MA NAS MA RIG PA'I BAG CHAGS KYI SHUGS KYI DBANG GIS

JI SRID RNAM PAR RTOG PA DE DANG DE DAG GI RGYU BA SPANG BA'I DON DU 'BAD PA BYA BA YIN TE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG; MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN MED PA STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID DANG, NGO BO NYID STONG PA NYID DANG, NGO BO MED PA'I RANG BZHIN STONG PA NYID DO, ,NANG GI CHOS NI MIG LA SOGS PA NYID KYIS STONG PA YIN NO ZHES STONG PA NYID DO, ,PHYI'I CHOS NI GZUGS LA SOGS PA STE, DE DAG GZUGS LA SOGS PA STONG PA NYID KYIS STONG PA ZHES PHYI STONG PA NYID DO, ,NANG DANG PHYI'I CHOS NI NANG DANG PHYI'I CHOS NYID KYIS STONG PA STE PHYI NANG STONG PA NYID DO, ,CHOS THAMS CAD KYIS STONG PA GANG YIN PA DE NYID KYIS STONG PA YIN NO ZHES STONG PA NYID KYI STONG PA NYID DO, ,SHAR LA SOGS PA'I PHYOGS RNAMS LA SHAR LA SOGS PA'I PHYOGS NYID KYIS STONG PA YIN NO ZHES STONG PA CHEN PO'O, ,DON DAM PA NI MYA NGAN LAS 'DAS PA STE, DE YANG MYA NGAN LAS 'DAS PA STONG PA NYID KYIS STONG PA YIN ZHES DON DAM PA'I STONG PA NYID DO, ,'DUS BYAS PA NI KHAMS GSUM STE, 'DOD PA DANG GZUGS DANG GZUGS MED PA'I KHAMS SO, ,DE DE RNAMS KYIS STONG PA YIN NO ZHES 'DUS BYAS STONG PA NYID DO, ,SKYE BA DANG GNAS PA DANG 'JIG PA DANG BRAL BA NI 'DUS MA BYAS PA STE, DE DE NYID KYIS STONG PA NI 'DUS MA BYAS KYI STONG PA NYID DANG, RTAG PA DANG CHAD PA DAG NI MTHA'O, ,DE DAG NYID KYIS STONG PA NI MTHA' LAS 'DAS PA STONG PA NYID DO, ,GANG THOG MA DANG MA MED PA DE LA BDEN PA'I DNGOS PO MED DE, 'GRO BA DANG 'ONG BA MED CING THOG MA DANG BAR DANG MTHAS STONG PA'I PHYIR THOG MA DANG THA MA MED PA'I STONG PA NYID DO, ,DOR BA NI SPANG BA STE DE LAS LOG PA NI DOR BA MED PA STE, DE NYID KYIS STONG PAS NA DOR BA MED PA'I STONG PA NYID DO, ,CHOS THAMS CAD KYI RANG BZHIN GANG YIN PA

, ,DE NI SUS KYANG MA BYAS PA DANG 'DUS MA BYAS PA YANG MA YIN TE, DE RANG BZHIN GYIS STONG PAS NA, RANG BZHIN GYIS STONG PA'O, ,CHOS THAMS CAD NI 'DUS BYAS PA DANG 'DUS MA BYAS PA DE DAG DE NYID KYIS STONG PAS NA CHOS THAMS CAD STONG PA NYID DO, ,CHOS THAMS CAD NI RANG RANG GI GZUGS LA SOGS PA'I MTSAN NYID KYIS STONG PAS NA RANG GI MTSAN NYID STONG PA NYID DO, ,'DAS PA DANG MA 'ONGS PA DANG DA LTAR BYUNG BA NYID KYIS STONG PAS NA MI DMIGS PA STONG PA NYID DO, ,SBYOR BA LAS BYUNG BA'I CHOS KYI MTSAN NYID MED DE RTEN CING 'BREL BAR 'BYUNG BA LAS 'BYUNG BA'I PHYIR RO, , SBYOR BA NI SBYOR BA NYID KYIS STONG PAS NA NGO BO NYID DO, ,RANG BZHIN GYIS STONG PAS NA RANG GI NGO BO STONG PA NYID DO, ,DNGOS PO MED PA'I RANG BZHIN DNGOS PO DE DE NYID KYIS STONG PAS NA NGO BO MED PA'I RANG BZHIN STONG PA NYID DO, ,DE'I PHYIR STONG PA NYID BCO BRGYAD BSTAN TO, ,DE BAS NA RNAM PAR THAR PA GSUM THOB PAS RDO RJE LTA BU'I TING NGE 'DZIN GYI RJES THOGS LA SA BCU GNYIS PA KUN TU 'OD KYI SA LA BYANG CHUB SEMS DPAS BYANG CHUB THOB BO ZHES DE NYID YANG DAG PAR RDZOGS PA'I SANGS RGYAS NYID DO, ,PHYOGS DER NYAN THOS LA SOGS PA'I 'DOD PA'I DNGOS PO'I MNGON PAR ZHEN PA MED DE, DE RNAMS KYI STONG PA NYID MNGON DU GYUR PA LA SPANGS PA'I PHYIR RO, ,JI SKAD DU, DNGOS PO GOS DANG 'DRA BA RNAMS, ,RNAM PA DU MAS THA DAD PA, ,STONG PA NYID KYI MES TSIG NA, ,THAL BA'I DBYE BA GANG YANG MED, ,SNOD DANG SEMS CAN ZHES BYA BA'I, ,'JIG RTEN GNYIS PO 'DIS BSREGS NAS, ,DA YANG RANG NYID DE NYID DU, ,ME SGRON BZHIN DU ZHI BAR 'GYUR, ,ZHES 'BYUNG NGO, ,SNGON GYI SMON LAM DANG SNYING RJE CHEN POS BSKUL BAS SEMS CAN GYI DON 'GRUB PA YIN PAS CHAD PA'I PHYOGS MED DO, ,SPROS PA THAMS CAD DANG BRAL BA'I TING NGE 'DZIN LA RTAG TU GZHOL BAS RTAG PA YANG MED DO ZHES STONG PA NYID SMRA BA THEG PA CHEN PO BA BDAG CAG RNAMS KYI ZHI GNAS DANG LHAG MTHONG GI BDAG NYID ZUNG DU 'JUG PA'I TING NGE 'DZIN GYI PHYOGS SO, ,'O NA MNGON PAR 'DUS MA BYAS PA'I RNAM PAR THAR PA YANG YOD DE DE CI'I PHYIR MA BSTAN ZHE NA, DE NI YOD PA BDEN

TE; 'ON KYANG GSUM PA LA GOMS PAS 'BAD PA MED PAR LHUN GYIS GRUB PA YIN TE CHU THIGS BZHIN NO, ,DE BAS DE NI BYANG CHUB KYI RGYU YIN YANG SHIN TU NYE BA'I PHYIR 'BRAS BU YANG YIN PA LA SKYON GANG YANG MED DO, ,DBU MA PA DE RNAMS GAL TE RANG BZHIN MED PAR SMRA NA YANG SNGAGS KYI THEG PA CHEN PO NI THABS DU MAS KHYAD PAR DU 'GYUR TE, JI SKAD DU, DON GCIG PA LA MA RMONGS PHYIR, ,THABS MANG BAS NI DKA' THUB MED, ,DBANG PO RNO BA'I DBANG BYAS NAS, ,SNGAGS KYI THEG PA KHYAD PAR 'PHAGS, ,ZHES 'BYUNG NGO, ,DE LA PHA ROL TU PHYIN PA'I RNAL 'BYOR PAS CHOS KYI DBYINGS KYI YE SHES KYI NGO BO NYID DE KHO NA JI LTAR THOB PA BZHIN DU SNGAGS KYI THEG PA CHEN PO PA RNAMS KYIS KYANG THOB PAR 'GYUR RO ZHES 'BRAS BU LOG PAR RTOG PA GANG YANG MED DO, ,'ON KYANG DE RNAMS LA RMONGS PA YOD DE, DPER NA BYANG CHUB SEMS DPA' SEMS DPA' CHEN PO THUGS RJE'I DBANG GIS SBYIN PA'I PHA ROL TU PHYIN PA YONGS SU RDZOGS PAR BYA BA'I PHYIR DON GNYER BA RNAMS LA MGO BO LA SOGS PA SBYIN PAR BYED DE, DE'I DES NI SBYIN PA'I PHA ROL TU PHYIN PAR MI 'GYUR TE, SEMS CAN GCIG LA PHAN PA YIN GYI KUN LA MED PA'I PHYIR RO, ,GANG GI PHYIR SBYIN PA'I PHA ROL TU PHYIN PAS NA PHA ROL TU PHYIN PA ZHES BYA'O, ,DE NYID KYI PHYIR DE NI DGE BA'I 'DU BYED DE DAG GIS GZHAN DANG GZHAN DU SKYE ZHING 'CHI 'PHO BAR 'GYUR RO, ,DE BAS NA BSKAL PA GRANGS MED PA GSUM GYIS THOB PA'I BYANG CHUB CAN NI BYANG CHUB SEMS DPA' ZHES BYA'O, ,SNGAGS KYI THEG PA LA GNAS PA LA RMONGS PA MED DE, 'GRO BA GSUM POR NGES SBYIN PA'I PHA ROL TU PHYIN PA SPRO BA LA SOGS PA'I RIM GYIS CIG CAR DU RDZOGS PA'I PHYIR RO, ,SEMS CAN GYI BSOD NAMS KYI BDAG PO'I RKYEN DANG DE RNAMS KYI SKAL BA NYID KYIS KYANG BSAM BA THAMS CAD YONGS SU RDZOGS PAR 'GYUR RO, ,JI SKAD DU, LHA YI DBANG POS CHAR PHAB KYANG, ,SA BON NGAN PA SKYE MI 'GYUR, ,SANGS RGYAS RNAMS NI BYUNG NA YANG, ,SKAL MED PAS NI 'BRAS MI THOB, ,CES 'BYUNG NGO, ,DE NYID KYI

, ,PHYIR DES NI SKAD CIG MA GCIG GIS BYANG CHUB PA YIN NO, ,DE BZHIN DU NYAN THOS PA RNAMS KYIS 'BRAS BU DANG THABS YANG DAG PA MA YIN TE, MI SDUG PA LA SOGS PA BSGOMS PAS CHOS KYI DBYINGS THOB PAR MI 'GYUR TE, DES KENG RUS LA SOGS PA TZAM THOB PA'I PHYIR RO, ,DE YANG DE KHO NA NYID MA YIN NO, ,MAR ME LTA BU MYA NGAN LAS 'DAS PA TSAD MA GNYIS DANG BRAL BA RANG DANG GZHAN GYI DON PHUN SUM TSOGS PA MED PA GANG YIN PA DE YANG DE KHO NA NYID DU BSTAN PA MA YIN TE, MTHONG BA'I CHOS KYIS DE KHO NA NYID MI THOB PA'I PHYIR RO, , THEG PA CHEN PO RNAMS KYI DE KHO NA NYID NGO BO GCIG YIN MOD KYI 'ON KYANG THABS NI GCIG KHO NA STE, RNAM PAR THAR PA'I SGO NAS STONG PA NYID RTOGS PA'I PHYIR RO, ,DE YANG BRTAGS PA PA YIN TE, GCIG DANG DU MA LA SOGS PA'I GTAN TSIGS KYIS DE RTOGS PAR BYA BA YIN PA'I PHYIR RO; ,MES PA DANG RIGS DANG BAG CHAGS DANG BAG LA NYAL BA DANG, BSAM PA SNA TSOGS PA'I SEMS CAN GYI KHAMS LA LAM GCIG BSTAN PA NI MI 'DOD PA'I PHYIR RO, ,DE BZHIN DU THEG PA CHEN PO PA RNAMS KYIS KYANG DKA' THUB DANG MGO LA SOGS PA SBYIN PA DANG, STONG PA NYID BCO BRGYAD BSGOM PA DANG, BSKAL PA GRANGS MED PA GSUM GYIS BYANG CHUB THOB PA'I PHYIR SANGS RGYAS NYID THOB PAR 'GYUR RO, ,DE BZHIN DU SNGAGS KYI THEG PA'I SPYOD PA DANG LDAN PAS DKA' THUB DANG BRTUL ZHUGS LA MI BRTEN TE, DE RNAMS KYIS 'DOD PA'I YON TAN LNGAS SPYOD PA'I SGO NAS DE NYID THOB PA'I PHYIR RO, ,LE'U LNGA PA LAS KYANG, DKA' THUB NYES PA MA RUNGS LA, ,RTEN PAR BYED PAS 'GRUB MI 'GYUR, ,'DOD PA'I YON TAN LONGS SPYOD LA, ,BRTEN PAS MYUR DU 'GRUB PAR 'GYUR, ,ZHES 'BYUNG NGO, ,GZHAN LAS KYANG, DKA' THUB NYES PA MA RUNGS PAS; SDUG BSNGAL DANG LDAN LUS SKAM 'GYUR, ,SDUG BSNGAL GYIS NI SEMS G-YENGS TE, ,G-YENGS PAS DNGOS GRUB THOB MI 'GYUR, ,ZHES 'BYUNG NGO, ,DE BZHIN DU THEG PA CHEN PO PA RNAMS NI DBANG PO RNO BA MA YIN TE, DE RNAMS KYI DAD PA LA SOGS PA'I YON TAN RNAMS DMAN PA

YIN PA'I PHYIR RO, ,DE LTAR JI SRID THA MAL PA'I LUS MA SBYANGS PA DE SRID DU THA MAL PA MA YIN PA'I RDO RJE'I SKU'I MTSAN NYID KYI SANGS RGYAS NYID THOB PAR MI 'GYUR RO, ,DE YANG THEG PA CHEN PO LA MED DE, ,LHA'I RNAM PA BSGOM PA MED PA'I PHYIR RO, ,DE MI BSGOM PA NI DBANG PO RNO BA MA YIN PA'I PHYIR RO, ,LUS GANG GI THA MAL PA 'CHING BA DE NYID KYI RNAM PAR SBYANG BA DANG YONGS SU SHES NA GROL BAR 'GYUR RO, ,DE YANG, RMONGS PA GANG GIS 'CHING BA NI, ,MKHAS PA DES NI RAB TU GROL, ,DE LTAR BYANG CHUB BSGOM PA'I PHYIR, ,THABS 'DI THAMS CAD LOG PA YIN, ,ZHES 'BYUNG NGO, , GANG DANG GANG GIS SKYE BO RNAMS, ,MI BZAD LAS KYIS 'CHING 'GYUR BA, ,THABS DANG BCAS PA DE NYID KYIS, ,SRID PA'I 'CHING BA LAS GROL 'GYUR, ,ZHES 'BYUNG NGO, ,'OD SRUNGS 'DI LTA STE, BU RAM GYI SHING DANG 'BRAS KYI ZHING RNAMS LA LUD KYI PHUNG PO PHAN PAR GYUR PA DE BZHIN DU BYANG CHUB SEMS DPA' SEMS DPA' CHEN PO LA YANG NYON MONGS PA KHO NA PHAN PAR 'GYUR ZHES GSUNGS PAS SO, ,DE'I PHYIR SNGAGS KYI THEG PA LA SNOD DU GYUR PA'I RNAL 'BYOR PA RNAMS NI DBANG PO RNO BA YIN NO, ,THEG PA CHEN PO PA DE DAG KYANG 'DIR RJES SU GZUNG BAR BYA BA YIN PA DANG, SNGAGS KYI THEG PA CHEN PO'I SNOD DU RUNG BA YIN TE, 'BRAS BU LA DBYER MED PA'I PHYIR RO, ,JI SKAD DU, DGA' BA MI ZAD 'OD GSAL ZHING, ,SNA TSOGS GZUGS CAN MI RTOG PA, ,SNYING RJE CHEN PO'I ROS KHYAB PA, ,CHOS DBYINGS BDAG NYID 'BRAS BU YIN, ,ZHES GSUNGS SO, ,RE ZHIG THEG PA CHEN PO 'DI BZHAG NA GSUM PO DAG KYANG SNGAGS KYI THEG PA CHEN PO'I SNOD DU RUNG BAR 'GYUR RO, ,GANG GI TSE DE RNAMS BCOM LDAN 'DAS YANG DAG PAR RDZOGS PA'I SANGS RGYAS RNAMS KYI 'OD ZER GYI 'KHOR LOS BSKUL BA DE'I TSE, DON DAM PA'I BLO YANG DAG PAR BSKYED PAS MI RTOG PA'I TING NGE 'DZIN MNGON DU BYAS NAS, ,DE KHO NA NYID LA 'JUG CING YANG DAG PAR RDZOGS PA'I SANGS RGYAS NYID DU 'GYUR RO, ,'KHOR LOS SGYUR BA'I RGYAL POS DBANG BSKUR BAS THA MAL PA'I RGYAL PO RGYAL PO CHEN POR 'GYUR BA BZHIN NO, ,GZHAN YANG NYAN THOS LA SOGS PA DE RNAMS

, ,SANGS RGYAS KYI SNOD YIN ZHES NGO MTSAR MED DE, DE NI RANG GI TSOGS PA DANG BCOM LDAN 'DAS KYI LAM LA GNAS PA'I PHYIR SNGAGS KYI THEG PA CHEN PO LA BRTEN TE 'GRUB PAR 'GYUR RO, ,RGYANG PHAN PA LA SOGS PA GZHAN GYI TSOGS PA RNAMS DE DAG KYANG BSTAN PA 'DI LA BRTEN TE DNGOS GRUB THOB PA'O, ,JI SKAD DU, PHA ROL SMRA BA GANG DAG NI, ,RTAGS KYI DBYE BAS RNAM PAR GNAS, ,RDO RJE SEMS DPA'I SPRUL PAS SO, ,ZHES 'BYUNG NGO, ,TSAD MA'I LAM LA GNAS PA MKHAS PA DE DAG RE ZHIG TSAD MAS GRUB PA'I BSTAN BCOS THOS PA TZAM GYIS LAM 'DIR 'JUG PAR 'DOD PA DE DAG GZHAN NA, 'ON KYANG SHIN TU GDUG PA DANG RKU BA DANG G-YEM PA'I CHOS CAN DANG MTSAMS MED PA'I LAS BYED PA DE RNAMS KYANG SNGAGS KYI THEG PA CHEN PO LA BRTEN TE, DNGOS GRUB LHAG PAR THOB PA'O, ,JI SKAD DU, RIGS NGAN SMYUG MA MKHAN LA SOGS, GSOD BAS NOR NI DON GNYER BA, ,DE YANG THEG PA MCHOG 'DI LA, ,BLA MED DNGOS GRUB THOB PAR 'GYUR, ,MTSAMS MED LA SOGS LAS BYED RNAMS, ,SHIN TU SDIG CAN SEMS CAN RNAMS, ,DE YANG THEG PA BLA MED 'DI, ,'GRUB PAR 'GYUR TE THE TSOM MED, ,CES 'BYUNG NGO; ,DE LTAR 'DI SKYON THAMS CAD LAS NGES PAR GROL BA, YON TAN THAMS CAD KYIS BRGYAN PA, ZAB PA DANG RGYA CHE BA RDO RJE THEG PA CHEN PO 'DI YIN NO, ,DE LA RNAM PA LNGA STE, BYA BA DANG, SPYOD PA DANG, RNAL 'BYOR DANG, RNAL 'BYOR CHEN PO DANG, RNAL 'BYOR CHEN PO'I MTHAR THUG PA'I BYE BRAG GIS DE RNAMS KYI RANG RANG GI MTSAN NYID DANG, DBANG PO'I DNGOS PO DANG, YUL GYI BYE BRAG SNGON DU BSHAD ZIN TO, ,DE RNAMS KYI RIM PA GNYIS 'DI LTAR YIN TE, DE LA BYA BA'I RGYUD KYI RNAL 'BYOR PA RNAMS KYI BSKYED PA'I RIM PA NI DANG PO'I YI GE TZAM YONGS SU GYUR PAS SO; ,RDZOGS PA'I RIM PA YANG MDZOD SPU LAS BYUNG BA'I 'OD ZER GYI 'KHOR LOS SPRO BA DANG, BSDU BA'I RIM PAS SO, ,SPYOD PA DANG RNAL 'BYOR GYI RGYUD KYI RNAL 'BYOR PA RNAMS KYI BSKYED PA'I RIM PA NI MNGON PAR BYANG CHUB PA'I RNAM PA LNGA'I RIM PAS SO, ,RDZOGS PA'I RIM PA NI PHRA

BA'I RDO RJE LA SOGS PA'I BSGOM PA'I RIM PAS SO, ,RNAL 'BYOR PA CHEN PO PA RNAMS KYI BSKYED PA'I RIM PA NI RNAL 'BYOR BZHI DANG LDAN PA'I DANG PO SBYOR BA LA SOGS PA'I TING NGE 'DZIN GYI RIM PA'AM RDO RJE BZHI PAS SO, ,RDZOGS PA'I RIM PA NI BSGOM PA DU MA STE, DPER NA PHRA MO'I RNAL 'BYOR NI SO SOR SNANG BA TZAM GYI RANG BZHIN NI SHEL DAG PA LTA BU'I RNAM PA 'OD ZER GYI SBYOR BAS SO, ,THIG LE'I RNAL 'BYOR NI SNA GSUM GYI RTZE MOR DGOD PA'I KHAMS GSUM MA LUS PA'I NGO BO PHRA ZHING DANG BA'I THIG LE TZAM BSGOM PA'I RIM PAS SO, ,YANG NA RTZA'I KUN TU RGYU BAS BYANG CHUB KYI SEMS YONGS SU G-YO BAS SO, ,YANG NA PADMA'I NANG DU DAM TSIG GI DKYIL 'KHOR BSGOM PA'I RIM PAS SO, ,YANG NA RTZA THAMS CAD KYI KHUNG BU NAS 'PHO BA'I BYANG CHUB SEMS KYI STENG DU BZLOG PAR 'GYUR BAS BDE BA CHEN PO'I NYAMS SU MYONG BA'I TING NGE 'DZIN GYIS SO; ,RDO RJE NOR BU'I NANG DU CHUD PA'I THIG LE H'Um PHAt LA SOGS PA'I SA BON SNGON DU 'GRO BAS 'DZIN PA'AM SNYOMS PAR ZHUGS PA'I DUS SU DE BZHIN GSHEGS PA RNAMS 'JUG PAS RO GCIG PAR BYED PA'I RNAL 'BYOR GYIS SAM, DE LAS MA LHUNG BA'I BYANG CHUB KYI SEMS DE DE BZHIN GSHEGS PA THAMS CAD 'DUS PA'I BLOS LCES YANG DAG PAR MYONG BA'I RIM PAS SAM, YUL DANG DBANG PO PHRAD PA DANG DE'I RNAM PAR DAG PA DANG BYANG CHUB KYI SEMS DE SPRO BA DANG DE 'DZIN PA DANG, NAM MKHA'I GTOS DE BZHIN GSHEGS PA THAMS CAD KYIS YONGS SU GANG BA DANG; THAMS CAD YONGS SU SDUD PAS RDO RJE 'CHANG CHEN PO'I PHYAG RGYA CHEN PO BSGOM PA'I RIM PA ZHES BYA BA YAN LAG DRUG GI RIM PAS SO, ,YANG NA RIM PA LNGA STE RDO RJE BZLAS PA'I RIM PA NI NGAG RNAM PAR DAG PA'I PHYIR RO, ,SEMS RNAM PAR DAG PA NI SEMS LA DMIGS PA'I RIM PAS SO, ,KUN RDZOB KYI BDEN PA RNAM PAR DAG PA NI RANG BYIN GYIS RLOB PAS SO, ,DON DAM PA'I BDEN PA RNAM PAR DAG PA NI MNGON PAR BYANG CHUB PAS SO, ,MI GNAS PA'I MYA NGAN LAS 'DAS PA'I DBYINGS SU 'JUG PA NI ZUNG DU 'JUG PA'I TING NGE 'DZIN GYI RIM PAS SO, ,SEMS DPA'

, ,GNYIS NI YE SHES SEMS DPA'I SA BON GYI THIG LER 'JUG PAR BYA STE, DE TZAM GYI NGA RGYAL LA GNAS PA'I RIM PAS SO, ,RIL POR 'DZIN PA DANG RJES SU GZHIG PA'I TING NGE 'DZIN GYIS RANG BZHIN DANG GZHAN GYI RGYUD LA GNAS PA'I LUS LA SOGS PA'I RNAM PAR RTOG PA BKAG PA'I SGO NAS SO, ,DE DANG 'DRA BA GZHAN YANG RDZOGS PA'I RIM PA'I TING NGE 'DZIN 'OG NAS 'CHAD PAR 'GYUR BA DANG, RTZA YANG DAG PAR RGYU BA LA SOGS PA GANG YIN PA DANG, DE DAG THAMS CAD RIM PA LNGA POR 'DUS PAR RIG PAR BYA'O, ,RNAL 'BYOR CHEN PO'I PHYOGS 'DI GANG ZAG LNGA 'DUL BA'I YUL CAN GANG YIN PA DE'I DBYE BAS 'OG NAS KYANG 'CHAD PAR 'GYUR RO, ,DA NI 'DI LTAR DPYAD PAR BYA STE, BCOM LDAN 'DAS KYIS GANG GSUNGS PA DE DAG LAS BSKYED PA'I RIM PA BSGOM PA PO'I GANG ZAG GANG ZHE NA, SMRAS PA, DBANG PO DMAN PA DANG BAR MA DANG, RAB NI TZANDAN LA SOGS PA'O, ,DE'I PHYIR DE DAG TSOGS LA BSHAD PA LA SNOD YIN NO, ,BSKYED PA'I RIM PA ZHES BYA BA NI RTOG PA'I RNAL 'BYOR RO, ,PHUNG PO DANG KHAMS DANG SKYE MCHED THA MAL PA SPANGS TE, DE BZHIN NYID DANG PHYAG MTSAN DANG SA BON LAS SPRO BA DANG BSDU BA'I RIM PAS PHYAG RGYA BSGOM PA YIN NO; ,DE BAS NA SPROS PAS BSGRUB PA'I PHYIR RNAL 'BYOR PA SA BRGYAD PA LA GNAS PAR GYUR NAS DE'I 'OG TU DAD PA LA SOGS PA'I CHOS LA MTHAR PHYIN PAS DE RNAMS KHO NA DBANG PO RNO BAR 'GRO BAS NA RIN PO CHE LTA BU'I GANG ZAG TU 'GYUR RO, ,LA LAN RE GSER KHUNG LTA BU'I THA DAD PA'I RIGS TZANDAN LA SOGS PA YIN NO, ,DE'I PHYIR GANG BSKYED PA'I RIM PA SGOM PA PO DE DAG DE'I RIGS CAN KHO NA'O, ,GANG RIN PO CHE LTA BU'I GANG ZAG GANG YIN PA DE RNAMS THA DAD PA STE, RDZOGS PA'I RIM PA'I SGOM PA PO KHO NA'O, ,DE BAS NA DE RNAMS KYIS BSKYED PA'I RIM PA MA BSGOMS PAS KYANG RDZOGS PA'I RIM PA GCIG PU SGOM PA LA DBANG PA STE, BSKYED PA'I RIM PA TSE SNGA MA LA GOMS PA'I PHYIR ZHES SKYON MED DO, ,JI SKAD DU, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS,,

SKAS KYI RIM PA LTA BUR GSUNGS, ,ZHES GSUNGS PA'O, ,DE LA GAL TE BCOM LDAN 'DAS KYI GSUNG GI NGO BO MI BZOD NAS MYUR BA'I TING NGE 'DZIN GYIS PHYAG RGYA LA DMIGS TE RIM PA LA BSLAB PAR BYA'O, ,YANG NA MED NA DE'I TSE SNGA MA BZHIN DU RDZOGS PA'I RIM PA NYID BSGOM PAR BYA'O, , GOMS PA'I RIM PAS CI ZHIG BYA ZHES GANG GSUNGS PA DE NI RDZOGS PA'I RIM PA'I GO RIMS LA SLOB PA'I PHYIR YIN GYI, BSKYED PA'I RIM PA LA NI MA YIN NO ZHES SKYON GANG YANG MED DE, DE LA 'DI LTAR DPYAD PAR BYA STE, RDZOGS PA'I RIM PA GTZOR GYUR PA RIM PA LNGA PO YIN NA DE'I TSE RIM PA'I GRANGS KYIS RNAL 'BYOR PA'I RIM PA LNGA PO YIN NAM GCIG YIN ZHE NA, GAL TE GCIG YIN NA DE'I TSE RDO RJE BZLAS PA'I RIM PA NYID KYIS BYA BA BYAS PA'I PHYIR RIM PA GZHAN GYIS CI ZHIG BYA, DE LA YANG MA NING GI BZLAS PA LA SOGS PA'I SKABS SU 'OD GSAL PA NYID BSTAN PA'I PHYIR RO, ,LNGA YIN NA NI DE'I TSE RE RE DAG LA NGAG RNAM PAR DBEN PA LA SOGS PA YIN GYI SEMS RNAM PAR DAG PA LA SOGS PA MA YIN NO, ,DE BZHIN DU GZHAN DAG GI'O, ,SMRAS PA, RNAL 'BYOR PA GCIG PA YIN GYI LNGA NI MA YIN NO, ,GANG GI PHYIR BSKYED PA'I RIM PAS TING NGE 'DZIN GSUM PO DE NYID LA DMIGS TE, RIGS BRGYA'I DBYE BAS LUS RNAM PAR DBEN PA LA 'JUG GO, ,DE'I RJES SU YI GE GSUM 'JUG PA LA SOGS PA'I RIM GYIS RDO RJE'I BZLAS PA LA GOMS PAS NGAG RNAM PAR DBEN PA LA 'JUG GO, ,DE'I 'OG TU SNANG BA LA SOGS PA'I YE SHES GSUM RNAM PAR DAG PAS DE RDZOGS PA NA SEMS RNAM PAR DBEN PA LA 'JUG GO, ,RANG BYIN GYIS RLOB PA'I RIM PAS KUN RDZOB KYI BDEN PA MTHONG BA LA 'JUG GO, ,MNGON PAR BYANG CHUB PA'I RIM PAS 'OD GSAL BA LA 'JUG GO, ,ZUNG DU 'JUG PA'I RIM PAS MI GNAS PA'I MYA NGAN LAS 'DAS PA'I DBYINGS SU 'JUG GO, ,DE'I PHYIR SANGS RGYAS NYID RIM GYIS RNYED PA YIN PAS RNAL 'BYOR PA GCIG RDO RJE'I BZLAS PA GCIG PU'AM GANG YANG RUNG STE GCIG GIS MI 'GRUB PO, ,DE'I PHYIR TZANDAN LA SOGS PA LTA BU'AM RIN PO CHE LTA BU'I RNAL 'BYOR PAS

, ,RIM PA LNGA CHAR BSGOM PAR BYA'O, ,DE LTA NA PADMA LTA BU LA SOGS PA'I BSKYED PA'I RIM PA GCIG PU'I SNOD YIN PAS RDZOGS PA'I RIM PA LNGA PO'I PHYIR SGOM PAR BYED CE NA, SMRAS PA, DRANG BA'I DON DU YANG RDZOGS PA'I RIM PA GSUNGS PAS KUN GYIS BSGOM PAR BYA BA YIN NO, ,DE BAS NA BCOM LDAN 'DAS KYIS KYANG GZHAN DU GSUNGS TE, DE SKAD DU SPYOD PA BSDUS PA'I SGRON MA LAS, RDO RJE SLOB MAS GSOL BA, BDAG CAG LTA BU'I SO SO'I SKYE BO THOG MA MED PA NAS PHYI ROL GYI DNGOS PO RNAM PA SNA TSOGS PA LA MNGON PAR ZHEN PAS YOD PA DANG MED PA DANG GCIG PA DANG DU MA DANG, GNYIS DANG GNYIS MA YIN PA DANG, YOD PA MA YIN MED PA'ANG MA YIN PA RTAG PA DANG MI RTAG PA LA SOGS PA'I RANG BZHIN GYI BAG CHAGS KYI RGYUS RNAM PAR RTOG PA LA MNGON PAR ZHEN PA LA MA ZHUGS PA RNAMS KYIS RDZOGS PA'I RIM PA'I GO RIMS KYI TING NGE 'DZIN LA SLOB PA NA, GO RIMS JI LTA BA BZHIN DU BSLAB PAR BGYI BA'AM YANG NA BLA MA'I MAN NGAG TZAM GYIS DE DAG SKAD CIG TZAM G YIS SO SOR SNANG BAR BGYI, RDO RJE SLOB DPON GYIS SMRAS PA, RIM GYIS 'JUG PA LA SLOB PAR BYA'I CIG CAR NI MA YIN NO, ,BCOM LDAN 'DAS KYIS KYANG LANG KAR GSHEGS PA'I MDO LAS GSUNGS TE, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS RANG GI SEMS SNANG BA'I RGYUD RNAM PAR DAG PAR BYA BA'I PHYIR YANG GSOL BA BTAB PA, BCOM LDAN 'DAS RANG GI SEMS SNANG BA'I RGYUD CIG CAR RAM RIM GYIS 'JUG PAS SAM, JI LTAR RNAM PAR DAG PAR GYUR, BCOM LDAN 'DAS KYIS BKA' STZAL PA, BLO GROS CHEN PO RANG GI SEMS SNANG BA'I RGYUD NI RIM GYIS 'JUG PAS RNAM PAR DAG STE CIG CAR NI MA YIN NO, ,'DI LTA STE BLO GROS CHEN PO SHING AA MRA'I 'BRAS BU NI RIM GYIS SMIN PAR 'GYUR GYI CIG CAR NI MA YIN NO, ,BLO GROS CHEN PO DE BZHIN DU SEMS CAN RNAMS KYI RANG GI SEMS SNANG BA'I RGYUD KYANG RIM GYIS RNAM PAR DAG PA STE, CIG CAR NI MA YIN NO, ,BLO GROS CHEN PO 'DI LTA STE, RDZA MKHAN GYI SNOD RNAMS NI RIM GYIS BYED KYI, CIG CAR NI MA YIN NO, ,BLO GROS CHEN

PO DE BZHIN DU DE BZHIN GSHEGS PA YANG SEMS CAN RNAMS KYI RANG GI SEMS SNANG BA'I RGYUD RIM GYIS RNAM PAR SBYONG STE, CIG CAR NI MA YIN NO, ,BLO GROS CHEN PO 'DI LTA STE, SA CHEN PO LAS RTZVA DANG SHING GEL BA DANG, SMAN DANG NAGS TSAL RNAMS RIM GYIS 'JUG PAS SKYE'I CIG CAR NI MA YIN NO, ,BLO GROS CHEN PO DE BZHIN DU DE BZHIN GSHEGS PA YANG SEMS CAN THAMS CAD KYI RANG GI SEMS SNANG BA'I RGYUD RIM GYIS SBYOR STE CIG CAR NI MA YIN NO, ,BLO GROS CHEN PO 'DI LTA STE, BZHAD GAD DANG, ROL MO DANG, GLU DANG, PI WANG DANG, SIL SNYAN DANG, ROL MO DAG LA MKHAS PA NI RIM GYIS 'BYUNG GI CIG CAR NI MA YIN NO, ,BLO GROS CHEN PO DE BZHIN DU, DE BZHIN GSHEGS PA YANG SEMS CAN THAMS CAD KYI SEMS SNANG BA'I RGYUD RNAMS RIM GYIS SBYONG STE CIG CAR NI MA YIN NO, ,RIM PA 'DI NYID NI DPA' BAR 'GRO BA'I TING NGE 'DZIN GYI MDO LAS KYANG GSAL BAR GSUNGS TE, DE NAS BYANG CHUB SEMS DPA' SEMS DPA' CHEN PO BLO GROS BRTAN PAS 'DI SKAD CES GSOL TO, ,BCOM LDAN 'DAS JI LTAR SLOB NA BYANG CHUB SEMS DPA' BSLAB PA THAMS CAD LA DMIGS PA MA MCHIS PAR DPA' BAR 'GRO BA'I TING NGE 'DZIN LA SLOB PA LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS BRTAN PA LA 'DI SKAD CES BKA' STZAL TO, ,BLO GROS BRTAN PA 'DI LTA STE, DPER NA 'PHONG GI SLOB DPON NAM 'PHONG GI SLOB MA NI THOG MAR BA LANG GI KO BA LA SLOB PAR BYED DO, ,GANG GI TSE BA LANG GI KO BA LA LOBS PA DE'I TSE SHING LEB LA 'PHOG PAR BYED DO, ,GANG GI TSE SHING LEB LA LOBS PA DE'I TSE, 'BEN LA 'PHOG PAR BYED DO, ,GANG GI TSE 'BEN LA LOBS PA DE'I TSE DBYUG GU LA 'PHOG PAR BYED DO, , GANG GI TSE DBYUG GU LA LOBS PA DE'I TSE SKRA BRGYA LA 'PHOG PAR BYED DO, ,GANG GI TSE SKRA BRGYA LA LOBS PA DE'I TSE SKRA BCU LA 'PHOG PAR BYED DO, ,GANG GI TSE SKRA BCU LA LOBS PA DE'I TSE, SKRA GCIG LA 'PHOG PAR BYED DO, ,GANG GI TSE SKRA GCIG LA LOBS PA DE'I TSE, SGRAS MTSON

, ,PA LA 'PHOG PAR BYED DO, ,GANG GI TSE SGRAS MTSON PA LA 'PHOG PA DE'I TSE, MI 'TSOR BAR 'PHOG PAR BYED DO, ,GANG GI TSE MI MCHOR BAR 'PHOG PAR BYED PA DE'I TSE 'PHONG BSLABS PA MTHAR PHYIN PA YIN TE, DE 'DOD NA NUB MO MUN PA MUN NAG GI NANG NA MI DANG MI MA YIN PA GANG DANG GANG DAG GI SGRA GRAG PA DE DANG DER LHUN GYIS GRUB CING MI 'CHOR BA NYID DU MDA' 'GRO'O, ,SGRAS MTSON PA 'PHOG PAR BYED PAR GNAS PAS PHYIS GANG DU YANG MI SLOB STE, DE CI'I PHYIR ZHE NA, SNGON LEGS PAR BSLABS PA'I PHYIR PHOG PAR BYA BA THAMS CAD DE LA MNGON SUM DU 'GYUR RO, ,BLO GROS BRTAN PA DE BZHIN DU DPA' BAR 'GRO BA'I TING NGE 'DZIN 'DI LA GNAS PA'I BYANG CHUB SEMS DPAS PHYIS CHOS GANG LA YANG BSLAB PAR MI BYA'O, ,DE CI'I PHYIR ZHE NA, TING NGE 'DZIN DE NYID LA LEGS PAR BSLABS PA'I PHYIR BYANG CHUB SEMS DPA'I YON TAN GYI CHOS THAMS CAD MNGON SUM DU 'GYUR RO, ,YANG TSUL 'DI NYID KYIS RDO RJE'I THEG PA LA GNAS PA'I DPA' BAR 'GRO BA'I TING NGE 'DZIN LA SLOB PAR 'DOD PAS KYANG RIM PA 'DI NYID KYIS BSLAB PAR BYA'O, ,DE'I RIM PA 'DI YIN TE, THOG MA NYID DU SANGS RGYAS KYI THEG PA'I BSAM PA LA SLOB PO, ,GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE THEG PA SAR PA LA DRAN PA GCIG PA'I TING NGE 'DZIN LA SLOB BO, ,GANG GI TSE THEG PA SAR PA LA DRAN PA GCIG PA'I TING NGE 'DZIN LA LOBS PA DE'I TSE RTOG PA'I RNAL 'BYOR LA SLOB BO, ,GANG GI TSE RTOG PA'I RNAL 'BYOR LA LOBS PA DE'I TSE LAS DANG PO PA'I TING NGE 'DZIN LA RAB TU GNAS PAR 'GYUR RO, ,GANG GI TSE LAS DANG PO PA'I TING NGE 'DZIN LA GNAS PA DE'I TSE RIGS BRGYA'I DBYE BA LA 'JUG GO, ,GANG GI TSE RIGS BRGYA'I DBYE BAS LUS RNAM PAR DBEN PA SHES PA DE'I TSE SKU RDO RJE'I TING NGE 'DZIN LA GNAS PAR 'GYUR RO, ,LUS RNAM PAR DBEN PA LA GNAS NAS A'A LI K'A LI'I SGO NAS NGAG RNAM PAR DBEN PA LA 'JUG GO, ,GANG GI TSE RDO RJE BZLAS PA'I RIM GYIS SROG DANG RTZOL BA SHES PAR 'GYUR

PA DE'I TSE GSUNG GI RDO RJE'I TING NGE 'DZIN GSAL BAR 'GYUR RO, ,NGAG RNAM PAR DBEN PA LA GNAS NAS RANG BZHIN GYIS SNANG BA'I RIM GYIS SEMS KYI TING NGE 'DZIN LA 'JUG PAR 'GYUR RO, ,SEMS YANG DAG PA JI LTA BA BZHIN DU YONGS SU SHES PA LA GNAS NAS SGYU MA'I DPE BCU GNYIS KYI KUN RDZOB KYI BDEN PA LA 'JUG PAR 'GYUR RO, ,GANG GI TSE SGYU MA LTA BU'I TING NGE 'DZIN LA 'JUG PA DE'I TSE SANGS RGYAS KYI DBANG BSKUR BA THOB BO, ,GANG GI TSE DBANG BSKUR BA THOB PA DE'I TSE SGYU MA LTA BU'I TING NGE 'DZIN LA GNAS NAS STONG PA CHEN PO BCO BRGYAD KYI RIM PAS DON DAM PA'I BDEN PA LA 'JUG GO, ,GANG GI TSE RIL POR 'DZIN PA DANG RJES SU 'DZIN PA'I TING NGE 'DZIN GYIS YANG DAG PA'I MTHA' LA 'JUG PA DE'I TSE NYON MONGS PA THAMS CAD RNAM PAR DAG PAR 'GYUR RO, ,GANG GI TSE YE SHES KYI RIM GYIS LDANG BA'I PHYIR RANG BZHIN GYIS 'OD GSAL BA'I BDEN PA GNYIS LA GNYIS SU MED PA'I RNAL 'BYOR PAS BDAG NYID MNGON PAR RDZOGS PAR SANGS RGYAS PA DE'I TSE RDZOGS PA'I TING NGE 'DZIN LA SLOB PAR 'GYUR RO, ,GANG GI TSE RDZOGS PA'I TING NGE 'DZIN LA SNYOMS PAR 'JUG PA'I RNAL 'BYOR PAS NI YANG CHOS GANG LA YANG MI SLOB BO, ,DE CI'I PHYIR ZHE NA, SNGON LEGS PAR BSLABS PA'I PHYIR DE'I SNGON GYI 'PHEN SHUGS KYI STOBS KYIS MNGON SUM DU 'GYUR RO ZHE'O, ,DE'I PHYIR NA RIM GYIS THOB PAR BYA BA RDO RJE 'CHANG CHEN PO NYID, RIM PA LNGA BSGOM PAS THOB PA YIN ZHES RNAL 'BYOR PA GCIG GIS THAMS CAD BSGOM MO, ,GANG YANG RIM PA RE RE LA 'OD GSAL BA BSHAD PA DE NI DE KHO NA NYID KYIS KUN KHYAB BO ZHES BSTAN PAR BYA BA'I PHYIR YIN GYI, DE NYID DU YONGS SU RDZOGS PA MA YIN NO, ,BYA BA BYAS PA NYID NI ZUNG DU 'JUG PA'I TING NGE 'DZIN LA'O, ,JI SKAD DU, 'DI NI RDZOGS PA'I RNAL 'BYOR ZHES, ,RDO RJE 'CHANG BA CHEN PO NYID, ,RNAM PA THAMS CAD MCHOG LDAN PA, ,THAMS CAD MKHYEN PA'ANG DE NAS 'GYUR, ,ZHES DANG, DE BZHIN DU YANG GSUNGS TE, ZUNG 'JUG GI TING NGE 'DZIN LA GNAS PAS SLAR YANG GANG LA MI BSLAB PO ZHES 'BYUNG NGO, ,DE'I PHYIR RIM

, ,PA LNGA LA BRTEN NAS RNAL 'BYOR PA GCIG GIS 'BRAS BU'I GNAS SKABS SU DNGOS GRUB THOB PA YIN NO, ,LE'U BCO BRGYAD PA'I BRJOD PAR BYA BA'I RIM PA GNYIS SGOM PA PO RNAL 'BYOR PA GCIG GIS THOB PAR BYA BA RDO RJE 'CHANG GI GO 'PHANG BZHIN NO, ,RTZA BA'I RGYUD KYI LE'U BCO BRGYAD LA RNAL 'BYOR PAS BCO BRGYAD SO SOR SGOM PA PO MA BSTAN TO, ,'ON KYANG GCIG PU NYID DO, ,RIM PA GNYIS MA GTOGS PAR GZHAN MA GSUNGS SO, ,DE DAG GI SGOM PA PO NI GCIG YIN ZHES SNGON DU BSHAD DO, ,GANG ZAG GI DBYE BA NI BSHAD PA'I DBYE BAS BSHAD DU RUNG BA'O; ,THABS LA MKHAS PA DANG LDAN PA'I BCOM LDAN 'DAS SANGS RGYAS RNAMS KYIS SEMS CAN GYI BSAM PA'I DBYE BAS SEMS CAN GYI RGYUD KYI KHYAD PAR SHES NAS DE DANG RJES SU MTHUN PAR BSTAN PAR MDZAD DO, ,'BRAS BU LA DGONGS TE DBYE BA MA BSTAN TE, DE GCIG GI RANG BZHIN YIN PA'I PHYIR RO, ,LAM NI THA DAD PA KHO NA STE, LAM GYI 'BRAS BUR GYUR PA'I DE KHO NA NYID KYI DBYE BA SGRUB PAR BYED PA MA YIN TE, LAM DU MAS THOB PAR BYA BA GRONG KHYER CHEN PO BZHIN NO, ,MOS PA'I BYE BRAG GI DE KHO NA NYID GCIG PU YANG NYAN PA POS BYE BRAG TU GZUNG NGO, ,DPER NA NYAN THOS RNAMS KYIS 'GOG PA'I SNYOMS PAR ZHUGS PA'I SGO NAS GZUNG BAR BYED DE, MDO SDE PA RNAMS KYIS DE NYID RJES SU DPAG PA'I PHYI'I DON YOD PAR SO SOR SNANG BA'I SGO NAS SO, ,RNAM PA DANG BCAS PA'I RNAM RIG SMRA BA RNAMS KYIS SHES PA'I RNAM PA PHYI'I DON YOD PA'I SGO NAS SO, ,RNAM PA MED PA'I RNAM RIG SMRA BA POS PHYI'I DNGOS PO LAS NGES PAR GROL BA DRI MA MED PA MTHA' LAS 'DAS PA'I NAM MKHA' GCIG PU DANG MTSUNGS PA'I RNAM PAR RIG PA GCIG PU YOD PA'I SGO NA GZUNG NGO, ,LA LA YANG DBU MA PA RNAMS KYIS GZUNG BA DANG 'DZIN PA LAS GROL BA RAB TU ZHI ZHING SPROS PA MED PA 'BA' ZHIG TU STONG PA NYID KYIS NGO BO NYID DNGOS PO SO SOR SNANG BA TZAM GYI SGO NAS GZUNG BA DANG, BYA BA'I RGYUD KYI RNAL 'BYOR PAS LHA'I RNAM PA SGOM PA TZAM GYI SGO NAS GZUNG BA DANG, SPYOD PA'I RGYUD KYI RNAL 'BYOR PAS DNGOS GRUB DANG TING

NGE 'DZIN DANG CHO 'PHRUL DANG LDAN PA, SNGAGS KYI SKU BSGOM PA'I SGO NAS SO, ,RNAM 'BYOR GYI RGYUD GTZOR GYUR PA'I RNAL 'BYOR PAS SNGAGS DANG PHYAG RGYA LA SOGS PA GTZOR GYUR PA'I RNAL 'BYOR PAS RDO RJE DBYINGS KYI DKYIL 'KHOR CHEN PO LA SOGS PA'I BSGOM PA'I RIM PAS SO, , RNAL 'BYOR CHEN PO'I RGYUD KYI RNAL 'BYOR PAS RIM PA GNYIS KYIS SO, ,DE LA BSKYED PA'I RIM PA'I RNAL 'BYOR PAS TING NGE 'DZIN GSUM GYI SGO NAS DE KHO NA NYID GZUNG BA'O, ,RDZOGS PA'I RIM PA'I RNAL 'BYOR PAS PHRA MO'I RNAL 'BYOR GZUNG BA'I SGO NAS DE KHO NA NYID GZUNG BA'O, ,LA LAS KYANG THIG LE'I RNAL 'BYOR BSGOM PA'I RIM PAS 'DOD DO, ,LA LAS KYANG RTZA KUN TU RGYU BA'I RTZA'I BSGOM PAS SO, ,LA LAS KYANG DAM TSIG GI DKYIL 'KHOR GYI SGO NAS GZUNG NGO, ,LA LAS KYANG DE'I NANG DU GSANG BA'I DKYIL 'KHOR LA GSANG BA'I DBANG GIS SO, ,GZHAN DAG GIS KYANG BYANG CHUB KYI SEMS GZUNG BA GCIG PUS SO, ,GZHAN YANG DE NYID STENG DU BZLOG PA'I SGO NAS SO, ,LA LAS KYANG YUL DANG DBANG PO'I LONGS SPYOD CING SO SOR SDUD PA'I BSGOM PA'I RIM PAS SO, ,GZHAN DAG GIS KYANG DE'I RNAM PAR DAG PA'I NGO BO NYID DE BZHIN GSHEGS PA LNGA'I RANG BZHIN RTOG PA DANG DPYOD PA LA SOGS PA RNAM PA LNGA'I BSAM GTAN GYI RIM PAS SO, ,KHA CIG GIS KYANG STENG DANG 'OG TU RGYU BA'I RLUNG GSUM GYI BDAG NYID SROG DANG RTZOL BA'I RLUNG GI SGO NAS DE KHO NA NYID NGES PAR GZUNG NGO, ,DE BZHIN DU GZHAN RNAMS KYIS KYANG SNA GSUM GYI RTZE MOR 'DZIN PAR GYUR PA RLUNG DANG SNGAGS DANG BYANG CHUB KYI SEMS KYI THIG LE 'DZIN PAS SO, ,KHA CIG GIS KYANG SPRUL PA MTHA' YAS PA SPRO BAS NAM MKHA'I DBYINGS YONGS SU BKANG ZHING RJES SU DRAN PA'I YAN LAG BSGOM PAS SO, ,LA LAS KYANG DNGOS PO THAMS CAD NYE BAR SDUD CING GCIG DANG DU MA LA SOGS PA SPANGS PA'I GNYIS SU MED PA'I TING NGE 'DZIN GYI RIM PAS SO, ,LA LA SNGAGS KYI DE KHO NA NYID DAM RLUNG GI DE KHO NA NYID BSGOM PAS SO, ,LA LAS KYANG SNGAGS DANG PHYAG RGYA LA SOGS PA'I RIM PAS SO, ,KHA CIG GIS KYANG DE LAS SKYES PA'I

, ,SNGAGS KYI SKU DANG SGYU MA LTA BU'I TING NGE 'DZIN GYIS SO, ,GZHAN DAG GIS KYANG SNANG BA THOB PA LA SOGS PA'I RNAL 'BYOR GYIS LHA'I SKUR BSGOMS PAS SO, ,LA LAS KYANG PHYAG RGYA DANG TING NGE 'DZIN BSGOM PA'I RIM PAS 'OD GSAL BA LA 'JUG PAS SO, ,GZHAN YANG SRID PA DANG MYA NGAN LAS 'DAS PA RO GCIG PA GNYIS SU MED PA ZUNG DU 'JUG PA'I TING NGE 'DZIN GYI SGO NAS DE KHO NA NYID SGOM PAR BYED DO, ,DE KHO NA NYID GCIG YIN PA'I PHYIR LAM GYI BYE BRAG DU MA LA SKYON MED DO, ,GZHI'I BYE BRAG GI DBANG GIS BYE BRAG LTAR SNANG BA STE CHAR BZHIN NO, ,DPER NA CHAR BA'I DUS SU CHU 'DZIN GYI TSOGS KYI NANG NAS 'BYUNG BA'I CHAR BA RMA BYAS 'THUNG PA NA BDUD RTZI NYID DU 'GYUR RO, ,DE NYID SBRUL GYIS 'THUNG BA NA DUG TU 'GYUR RO, ,BU RAM GYI SHING LA SOGS PA DE NYID MNGAR BA'I RO RU 'GYUR RO, ,NIM PA'I SHING LA DE NYID KHA BA'I RO RU 'GYUR RO ZHES DE KHO NA NYID LA DE BZHIN DU BYE BRAG TU MED DO, ,'DI LTAR DPYAD PAR BYA STE, GAL TE DPAL GSANG BA 'DUS PA'I PHYOGS SU RIM PA LNGA MA GTOGS PAR GZHAN RDZOGS PA'I RIM PA MED PA YIN NA DE CI'I PHYIR PHRA MO'I RNAL 'BYOR LA SOGS PA YAN LAG DRUG PA'I RNAL 'BYOR BCOM LDAN 'DAS KYIS DE DANG DE RU GSUNGS SHE NA, SMRAS PA, DE DAG GI NANG DU SONG BAS RDZOGS PA'I RIM PA DE LAS GZHAN MED DO, ,DE LA PHRA MO'I RNAL 'BYOR DANG THIG LE'I RNAL 'BYOR DAG NI RDO RJE BZLAS PA'I RIM PA LA BSDUS SO, ,RTZA'I KUN TU SPYOD PA DANG DAM TSIG GI DKYIL 'KHOR DANG DE'I NANG DU GSANG BA'I DBANG SEMS LA DMIGS PA THOB PA'I BDAG NYID DO, ,BYANG CHUB SEMS 'DZIN PA NI MNGON PAR BYANG CHUB PA'I RIM PA LA'O, ,DE STENG DU BZLOG PA NI DE NYID DU 'DUS SO, ,SO SOR SDUD PA DANG BSAM GTAN DAG NI SEMS RNAM PAR DAG PA LA'O, ,SROG DANG RTZOL BA DAG GIS RDO RJE BZLAS PA MTSON PA DANG, 'DZIN PA NI MNGON PAR BYANG CHUB PA'I RIM PAS MTSON NO, ,RJES SU DRAN PAS NI BDAG BYIN GYIS RLOB PA'I RIM PA MTSON PA DANG, TING NGE 'DZIN GYI YAN LAG NI ZUNG DU 'JUG PA'I RIM PA LA BSDUS SO ZHES RIM PA LNGA'I BDAG NYID KHO NA RDZOGS

PA'I RIM PA'O, ,DE LA 'DI LTAR DPYAD PA YIN TE, CI RIM PA 'DI DAG BZHI'AM DRUG LA SOGS PAR MI 'GYUR ZHING LNGA KHO NAR BSHAD CE NA ZHES GRANGS LA LOG PAR RTOG PA BSAL BAR BYA BA'I PHYIR SMRAS PA, 'DIR NI RNAL 'BYOR PAS THA MAL PA'I LUS DANG NGAG DANG YID RNAM PAR BYA BA YIN TE, DE'I DON DU BSKYED PA'I RIM PAS LUS RNAM PAR DAG PA DANG, RDZOGS PA'I RIM PA'I DANG PO RDO RJE BZLAS PA'I RIM PAS NGAG RNAM PAR DAG PA DANG, THAMS CAD RNAM PAR DAG PAS SEMS RNAM PAR DAG PA'O, ,LUS DANG NGAG DANG YID RNAM PAR DAG PA NA SEMS CAN GYI DON BYA BA'I PHYIR SGYU MA LTA BU'I TING NGE 'DZIN GYIS RANG BYIN GYIS RLOB PA'O, ,DE LA MNGON PAR ZHEN PA YONGS SU SPONG BA'I PHYIR DON DAM PA'I BDEN PA'I NGO BO MNGON PAR BYANG CHUB PA'O, ,DE LTAR NA CHAD PAR THAL BAR 'GYUR BAS DE YONGS SU SPONG BA'I PHYIR BDEN PA GNYIS GNYIS SU BYAR MED PA'I MTSAN NYID RNAM PA THAMS CAD KYI MCHOG DANG LDAN PA RDO RJE'I SKU ZHES BYA BA'I RNAM GRANGS CAN RIN PO CHE SNA TSOGS KYI RANG BZHIN GZHAL YAS KHANG PA'I NANG DU GNAS PA'I DKYIL 'KHOR GYI BDAG PO NYID DU BZHUGS PA, SAR ZHING SAR PA'I DKYIL 'KHOR GYI 'KHOR LO SPROS PAS NAM MKHA'I GTOS MA LUS PAR KHYAB PA DUS THAMS CAD DU SEMS CAN MA LUS PA SGROL BA LA BRTZON PA, KHYAB 'JUG DANG LHA CHEN PO DANG TSANGS PA DANG BRGYA BYIN LA SOGS PA LHA'I MCHOG RNAMS KYIS ZHABS KYI PADMA LA PHYAG BYAS PA, YID BZHIN NOR BU DANG DPAG BSAM SHING DANG, BUM PA BZANG PO LTAR RE BA THAMS CAD SKONG BAR BYED PA ZUNG DU 'JUG PA'I TING NGE 'DZIN LA DMIGS NAS RNAL 'BYOR PAS GNAS PAR BYA'O, ,DE BAS NA KUN TU 'OD KYI SA BCU GNYIS PA LA GNAS PAR 'GYUR RO, ,DE'I 'OG TU BSLAB PAR BYA BA MED PAS DE NYID SA BCU GSUM PAR BSHAD DO, ,JI SKAD DU, ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB PO, ,ZHES 'BYUNG NGO, ,DE LTAR RIM PA DE DAG GI RNAL 'BYOR PAS GAL TE GANG LA YANG MI SLOB PA'I DBANG GIS BYA BA BYAS PA BYED PA RDZOGS PAS RIM PA DRUG PA GANG YANG MED DO, ,

, ,ZHES GRANGS LHAG PA BSAL TO, ,NYUNG BA YANG MA YIN TE, LNGA MED PAS GZHAN DANG RANG GI DON MED PA'I PHYIR ZHES GRANGS LA LOG PAR RTOG PA CAN GYI LAN NO, ,'DIR YANG 'DI LTAR DPYAD PAR BYA STE, TING NGE 'DZIN DE RNAMS KYI TSAD MA MNGON SUM MAM RJES SU DPAG PA YOD CE NA, DE LA RE ZHIG MNGON SUM NI MI 'THAD DE, RTOG PA MED PA'I PHYIR RO, ,MNGON SUM RTOG PA DANG BRAL ZHING MA 'KHRUL PA YIN ZHES BSHAD PAS SO, ,RDO RJE BZLAS PA LA SOGS PA'I BSGOM PA'I RIM PAS DE KHO NA NYID KYI RNAM PAR RTOG PA 'BYUNG BA'I PHYIR RO, , RDO RJE BZLAS PA'I RIM PA LA NI SNGAGS DANG, RLUNG GI DE KHO NA NYID YID LA BYED PA JI SRID MA BYAS PA DE SRID RNAM PA BCU GCIG GIS RDO RJE BZLAS PA JI LTAR BSGOM, SEMS LA DMIGS PA THOB PA LA NI YI GE GSUM GYI BDAG NYID SNGAGS CHOS 'BYUNG BA'I 'KHOR LO'I NANG DU THIG LE DANG TSEG DRAG GI NANG DU 'JUG PA DANG, PHYAG RGYA DANG LHAN CIG TU SNANG BA LA SOGS PA'I YE SHES RTOGS PAR BYED DO, ,SGYU MA LTA BU'I TING NGE 'DZIN LA YANG SGYU MA'I DPE BCU GNYIS KYI RNAM PAR RTOG PA SKYE'O, ,MNGON PAR BYANG CHUB PA'I RIM PA LA PHYAG RGYA DANG RDO RJE DANG PADMA SNYOMS PAR ZHUGS PA'I YID LA BYED PA DANG, CHAGS PA DANG CHAGS PA DANG BRAL BA DANG, CHAGS PA BAR MA'I RNAM PAR RTOG PA YID LA BYED PA 'BYUNG NGO, ,ZUNG DU 'JUG PA'I TING NGE 'DZIN LA YANG BDEN PA GNYIS GNYIS SU MED PA'I RTOG PA SKYE BAR 'GYUR RO, ,DE LTAR RIM PA GNYIS BSGOM PA NI RTOG PA DANG BCAS PA'I PHYIR MNGON SUM DU MI SRID DO, ,NGES PA'I SHES PAS 'GRUB PO ZHE NA MA YIN TE, NGES PA'I SHES PA NI RTOG PA MED PA'I MNGON SUM LAS PHYIS 'BYUNG BA YIN GYI DANG PO NI MA YIN NO, ,RDO RJE BZLAS PA LA SOGS PA NI RNAM PAR RTOG PA LA RTOG PA MED PA'I MNGON SUM 'JUG PAR MI 'GYUR ZHES CI LA BRTEN TE, NGES PA'I SHES PA 'BYUNG BAR 'GYUR, ,RGYUN DU GNAS PA'I SHES PA RNAMS KYIS TSAD MA NYID MED DE, DON GYI YUL CAN MA YIN PA'I PHYIR RO, ,RANG DBANG GI RTOG PA YANG NGES PA MED DE, DE TSAD MA MA YIN PA'I PHYIR RO, ,TSAD MA MED PA NI BDEN PA'I

DNGOS PO LA BRTEN TE MI 'BYUNG BA'I PHYIR RO, ,SLOB DPON GYIS BSTAN PA'I RDO RJE BZLAS PA LA SOGS PA'I RIM PA RNAMS RNA BA'I DBANG GIS GZUNG BAR BYA BA YIN PAS DBANG PO'I MNGON SUM NGES PA'I SHES PA DANG BCAS PAS NGES PAR 'GYUR ZHE NA, BDEN MOD KYI 'ON KYANG NYE BAR STON PA'I DUS SU DE TSAD MA NYID DU NGES NA DE PHYIS KYI DUS SU JI LTAR NGES, RNAM PAR RTOG PAS SHE NA, BDEN TE DON LA BRTEN PA MA YIN PAS RTOG PA NI TSAD MA MA YIN NO, ,YANG NA SKYON DE BSAL BAR BYA BA'I PHYIR SLOB DPON GYIS BSTAN PA'I PHYIS KYI DUS SU DE NYID 'DI YIN NO ZHES NGO SHES PAS SHES PAR BYED DE DPER NA MA GA DH'A'I 'BRU GANG YIN PA DE NYID YUL 'DI'I YIN NO ZHES PA DANG, GANG MA GA DH'A RU MTHONG BA DE 'DI NYID YIN ZHE NA, DE LA SMRAS PA, NGO SHES PAS NI TSAD MA MA YIN TE SGRA DANG DON 'GAL BA'I PHYIR RO, ,DE ZHES BYA BA NI THAMS CAD KYI MING GI SGRAS 'DAS PA'I DUS SU SO SOR RTOGS PA'O, ,'DI ZHES BYA BA NI MNGON SUM GYI DNGOS PO RTOGS PAR BYED PA THAMS CAD KYI MING GI SGRA'O, ,'DAS PA DANG DA LTAR BYUNG BA DUS SO SOR BSTAN PA'I SGRA GNYIS KYI GZHI MTHUN PA MED PA'I PHYIR KHYAD PAR CAN GYI MTSAN NYID MI RIGS SO, ,JI LTAR MI RIGS TE; RDZAS THA DAD PA STON PAR BYED PA'I SGRA DAG GI DON GCIG LA 'JUG PA NI GZHI MTHUN PA'O, ,DE ZHES BYA BA'I SGRA NI 'DAS PA'I DUS KYI YUL GYI RDZAS STON PAR BYED PA DANG, 'DI ZHES BYA BA'I SGRAS KYANG DA LTAR BYUNG BA'I YUL GYI RDZAS SO SOR STON ZHES PA 'DIR NI 'DI DANG DE GNYIS KYI DE NYID 'DI YIN ZHES GZHI MTHUN PAR RIGS PA YIN NO ZHE NA, DE LA SMRAS PA, GZHI MTHUN PA'I THA SNYAD 'DI BRTAGS PA PA YIN GYI, DNGOS PO'I YUL CAN MA YIN NO, ,CI'I PHYIR ZHE NA, DNGOS PO GANG 'DAS PA DE'I 'JIG PAS DE'I RDZAS JI LTAR RTOGS, GANG DE LTAR BYUNG BA DE YANG SKAD CIG MAS MI GNAS PA'AM CHOS CAN ZHES 'DI'I SGRAS JI LTAR BRJOD NUS, BRJOD MA THAG TU 'JIG PA'I SGRA RNAMS RANG GI BDAG NYID KYI NUS PA ZAD PA'I PHYIR RO, ,JI LTAR DON GCIG LA 'DI YIN ZHES JI LTAR 'JUG CES SGRA 'GAL BA'O, ,SGRA DANG DON DAG GI 'GAL BA NI 'BREL PA MED PA'I SGO

, ,NAS SO SOR BSTAN TO, ,BUM PA LA SOGS PA'I SGRA GCIG GIS KYANG GTZOR 'JUG PA'I SGO NAS DNGOS PO SO SOR BSTAN PA MA MTHONG NGO, ,'DAS PA DANG MNGON SUM GYI DUS KYI YUL CAN DAG GI SGRA GNYIS KYIS SO SOR BSTAN PA CI MTHONG NGAM GZHAN YANG DE NYID LA 'DI YIN ZHES 'KHRUL PA KHO NA YIN GYI GZHAN NI MA YIN NO, ,GANG GI PHYIR GANG MA GA DH'A LA SOGS PA'I YUL DU BA LANG DANG, 'BRU LA SOGS PA MTHONG BA DANG MYONG BA GANG YIN PA DE DAG GI GZUGS KYI BYE BRAG DANG RO MCHOG LA SOGS PA GZHAN YIN LA 'DI DAG GI YANG GZHAN YIN PA'I PHYIR RO, ,JI SKAD DU, YUL LA SOGS PA'I BYE BRAG GIS, ,RDZAS KYI NUS PA THA DAD YIN, ,DE LA GCIG NI MTHONG BA YIS, ,GZHAN DU DE DNGOS MTHONG NGES MED, ,CES 'BYUNG NGO, ,DPER NA LHO'I PHYOGS KYI AA RU RA BDAM PAR BYED PA YIN TE, GZHAN DU KHRUS SMAN DU 'GYUR RO, ,YUL GYI BYE BRAG RE ZHIG 'JOG NA DNGOS PO THAMS CAD RANG RANG GI GZUGS SU YOD PA MA YIN TE ZHES GANG GANG GIS BRJOD CING 'BREL LO, ,JI SKAD DU, 'DU BYED THAMS CAD SKAD CIG MA, ,MI GNAS BYA BA GA LA YOD, ,GANG YOD DE NYID BYA BA STE, ,BYED PA PO YANG DE NYID BSHAD, ,CES 'BYUNG NGO, ,DE'I PHYIR DRAN PA'I SHES PA LTAR NGO SHES PA YANG DON GYI YUL CAN MA YIN PAS TSAD MA MA YIN NO, ,RJES SU DPAG PAS KYANG RDO RJE BZLAS PA LA SOGS PA RNAMS KYI NGES PA MED DE, DE NI RTAGS DANG RTAGS CAN GYI DNGOS PO'I 'BREL PA'I SGO NAS RTOGS PA STE, ME DANG DU BA BZHIN NO, ,DE LTA BU'I RTAGS RDO RJE BZLAS PA LA SOGS PA RNAMS LA MED DO, ,RLUNG GI DE KHO NA NYID DANG SNGAGS KYI DE KHO NA NYID MED PAR MI 'BYUNG BA'I RDO RJE BZLAS PA'I SHES PA NI RANG BZHIN GYI GTAN TSIGS KYIS NGES PAR 'DZIN CE NA, DE NI MA YIN TE, BYE BRAG TU DMIGS PA'I PHYIR RO, ,RLUNG GI DE KHO NA NYID NI THIG LE PHRA MO'I RNAL 'BYOR RO, ,SNGAGS KYI DE KHO NA NYID KYI YI GE GSUM MAM YI GE AA'O, ,RDO RJE BZLAS PA'I RIM PA YANG 'JUG PA LA SOGS PA'I BYA BA'I GZHI SROG DANG RTZOL BA DANG ME DANG MNYAM PA'I NGO BO YIN ZHES BYE BRAG GO, ,DE'I BDAG NYID KYI 'BREL PAS NI BYAS PA DANG, MI RTAG PA DANG SHING DANG SHA

PA BZHIN DBYER MED PAR NGES PAR BYED PA'O, ,MI DMIGS PA'I GTAN TSIGS KYIS KYANG RDO RJE BZLAS PA LA SOGS PA YANG NGES PAR MI NUS TE, DNGOS PO MED PA'I THA SNYAD DE'I YUL YIN PA'I PHYIR RO, ,'DIR CHOS CAN THAMS CAD KYI CHOS NYID KYI NGO BO DE KHO NA NYID DNGOS PO DANG DNGOS PO MED PA DAG GIS BRJOD DU MED PAR GRAGS SO, ,DE'I PHYIR MNGON SUM DANG RJES SU DPAG PA DAG GIS GANG MA GRUB PA'I RDO RJE BZLAS PA LA SOGS PA'I DE RNAMS TSAD MA MED PA KHO NA'O, ,DE LA SMRAS PA, MNGON SUM KHO NAS 'GRUB PA YIN TE, YANG RNAM PA BZHI YIN PAS RANG RIG PA'I MNGON SUM GYIS RDO RJE BZLAS PA LA SOGS PA MNGON PAR BYANG CHUB PA'I BAR DU NGES PAR BYED DO, ,RLUNG DANG SNGAGS KYI DE KHO NA NYID CES BYA BA'I THIG LE TZAM BSGOM PA NI RANG GI MNGON SUM GYI YUL KHO NA'O, ,THIG LE BSGOM PA ZHES BYA BA NI TING NGE 'DZIN GYI CHOS TE SEMS LAS BYUNG BA'O, , SEMS LAS BYUNG BA'I CHOS RNAMS KYANG RANG RIG PA'I YUL YIN NO, ,RANG RIG PA'I MNGON SUM GYI MTSAN NYID NI SEMS DANG SEMS LAS BYUNG BA THAMS CAD RANG GIS RIG PA'O, ,SEMS LA RNAM PAR DAG PA YANG RNAM PAR SHES PA GSUM GNAS GYUR PA'I MTSAN NYID 'OD GSAL BA DE NYID KYI RJES SU MYONG NGO, ,BDAG BYIN GYIS BRLAB PA'I RIM PA LA YANG SGYU MA'I DPE BCU GNYIS KYIS NYE BAR MTSON PA'I YE SHES KYI SKU THOB PA STE, SEMS LAS BYUNG BA'O, ,THOB PA DANG MA THOB PA DANG RIGS GCIG CES BYA BA LA SOGS PA SEMS DANG MI LDAN PA'I 'DU BYED KYANG SEMS LAS BYUNG BA NYID DO, ,MNGON PAR BYANG CHUB PA'I RIM PA LA YANG BDE BA CHEN PO 'OD GSAL BA 'DOD CHAGS LA SOGS PA DANG BRAL BA NI RANG RIG PA NYID DO, ,BZHI PO DE DAG RANG RIG PA STE, MA 'KHRUL ZHING GSAL BAR SNANG BA'I PHYIR RO, ,RANG BZHIN GYIS GRUB PA'I DNGOS PO LAS SKYES PA'I PHYIR RTOG PA MED PA'O ZHES MNGON SUM GYI MTSAN NYID LAS MA 'DAS PA'O, ,JI SKAD DU, MNGON SUM MI RTOG MI SLU BA, ,ZHES 'BYUNG NGO, ,RIM PA THA MA NI RNAL 'BYOR GYIS THOB PA YIN TE, GANG GI PHYIR DE NI LHUN GYIS GRUB PA'I YANG DAG PA'I DON LA BSGOM

, ,PA MTHAR THUG PA'I DBANG GIS RDO RJE'I SKU LAG MTHIL GYI SKYU RU RA BZHIN DU DNGOS PO THAMS CAD MTHONG BA LA BRTZON PA THAMS CAD MKHYEN PA YIN PAS RTOG PA MED CING MA 'KHRUL PA YIN NO, ,JI SKAD DU, BSGOMS PA'I STOBS KYIS GSAL BA NI, ,'JIGS PA LA SOGS GSAL BA BZHIN, ,MI SLU BA YIS SHES PA GANG, ,DE NI RTOG MED MNGON SUM MO, ,ZHES 'BYUNG NGO, ,RDZOGS PA'I RIM PA TSAD MA NYID DU BRTAGS PA'O, ,DA NI 'DI LTAR DPYAD PAR BYA STE, GSANG BA 'DUS PA'I RNAL 'BYOR GYI RGYUD CHEN PO 'DI GSUNG RAB YAN LAG BCU GNYIS KYI NANG NAS GANG YIN ZHE NA, SMRAS PA, MDO SDE ZHES BYA BA 'DI YIN TE, DE YANG ZAB PA DANG RGYA CHE BA'I TSIG GI DON MTSON PAR BYED PAS MDO ZHES BYA'O, ,'O NA DPAL GSANG BA 'DUS PA ZHES BYA BA RNAL 'BYOR CHEN PO'I RGYUD YIN NA, JI LTAR MDO ZHES BSHAD CE NA, SMRAS PA, YAN LAG YIN PA'I PHYIR DE'I THA SNYAD YIN TE, RGYUD KYI MDO ZHES BYA BA YAN LAG GTZO BO YIN TE, DE'I PHYIR DE NYID KYIS BSTAN PA YIN TE, GDENGS KA CAN DANG SNA CAN BZHIN NO, ,'O NA RGYUD KYI YAN LAG GTZO BO MDO SDE ZHES SMRAS PAS YAN LAG GZHAN RNAMS KYANG SMRA BAR BYA BA'I RIGS SO ZHES YAN LAG DE JI LTA BU YIN ZHE NA, SMRAS PA, MDO DANG TSAD MA YAN LAG GRUB PA DANG, ,MA TSANG MED DANG 'DRI LA LAN 'DEBS DANG, ,MDOR BSTAN PA DANG RGYAS BSHAD GO RIMS DANG, ,MING DANG NYE BAR BSTAN PA RGYUD KUN YIN, ,MDO DANG TSAD MA YAN LAG RNAMS NI MDO DANG TSAD MA DANG YAN LAG RNAMS SO, ,DE RNAMS GRUB PA NI MDO DANG TSAD MA YAN LAG GRUB PA'O, ,'GRUB PA NI YOD PA ZHES DON GZHAN MA YIN NO, ,'GRUB PA'I SGRA NI RE RE DANG SBYAR TE MDO GRUB PA ZHES BYA BA LA SOGS PA'O, ,MTSAN NYID DANG LDAN PA'I MDO GRUB PA ZHES BSHAD PAR BYA STE, GZHAN DU NA MTSAN NYID DANG MI LDAN PA'I MDO RGYUD KYI YAN LAG TU 'GYUR ZHE NA, SMRAS PA, BRJOD PAR MI BYA STE, MED PAR MI 'BYUNG BA'I PHYIR RO, ,MTSAN NYID GRUB PA MA GTOGS PAR MDO NYID MI 'GYUR RO, ,DE'I PHYIR MTSAN NYID BRJOD PAR MI BYA STE, YANG NA MDO ZHES BYA BA CI'I PHYIR ZHE NA, SMRAS PA, DON

MDOR BSTAN PAS NA MDO'O, ,KHYAD PAR GYI DON DE DAG STON PAR BYED PAS NA MDO'O, ,DE NAS BCOM LDAN 'DAS YE SHES SGRON MA RDO RJE ZHES BYA BA'I TING NGE 'DZIN LA SNYOMS PAR ZHUGS TE ZHES BYA BA DE'I BSHAD PA RNAM PA BZHI'I RIGS PAS BSKYED PA'I RIM PA DANG, RDO RJE BZLAS PA DANG, SEMS RNAM PAR DAG PA DANG, BDAG LA BYIN GYIS BRLAB PA DANG, 'OD GSAL BA DANG, ZUNG DU 'JUG PA'I RIM PA RNAMS MTSON TO, ,DE BZHIN DU, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM NYID PAS, ,RANG SEMS GZOD NAS MA SKYES PA, ,STONG PA NYID KYI RANG BZHIN NO, ,ZHES BYA BAS RANG GI SEMS LA DAM BCA' BA DANG, GTAN TSIGS DAG NYID KYIS GSUNGS SO, ,DE DAG GZUNG BAS BSGRUB BYA BSGRUB PAR BYA BA'I PHYIR RO, ,DPE MED PA'I SGRUB PAR BYED PAS SGRUB MI NUS PA'I PHYIR RO ZHES BYA BA NAS, JI LTAR SGYU MA'I RMI LAM BZHIN, ,JI LTAR SRID PA BAR MA DO, ,ZHES BYA BA LA SOGS PA RGYUD GZHAN NAS GSUNGS PA'I DPE RNAMS STON PAS NA MDOR SHES PAR BYA'O, ,YANG NA G-YENG BA GZHAN NYE BAR SDUD PA'I DGE SLONG RTZE GCIG PA'I BLO NI TSIG DE DANG DE DAG TU SPEL BAR BYED PAS NA MDO'O, ,'DI LTA STE, THUGS KYI DKYIL 'KHOR GYI LE'U BZHI PA LAS, DE NAS LAS KYI CHO GA NI, ,MTHONG BAS PHYAG RGYA DGOD PAR BYA, ,ZHES SMOS PA LAS LAS KYI CHO GA MTHONG BA'I RDO RJE SLOB DPON GYIS LHA DANG DKYIL 'KHOR DANG THIG GDAB PA LA SOGS PA'I RNAM PA DKYIL 'KHOR GYI CHO GA'I SPROS PA GANG YIN PA DE DAG THAMS CAD RGYUD GZHAN LAS 'DIR MTSON PA'O, ,GZHAN YANG MDO'I MTSAN NYID DANG LDAN PAS NA MDO SDE, MDO'I MTSAN NYID SLOB DPON RNAMS KYIS NYE BAR BSTAN PA GANG YIN PA DANG, DE DANG LDAN BAS NA MDO NI 'DI LTA STE, TSIG NYUNG THE TSOM MED PA DANG, ,SNA TSOGS SGO DANG SNYING PO CAN, ,ZLOS MED KHA NA MA THO MED, ,MDO SHES PAS NI MDO SDER BSHAD, ,ZLOS MED CES BYA BA NI SNGA PHYI DAG LA KHYAD PAR YOD PA'O, ,DE BZHIN DU YANG, SPANG BA DE NI DON MTSON PA, ,YI GE

, ,DANG NI TSIG NYUNG BA, ,KUN TU SNYING POR GYUR PA STE, ,BLO DANG LDAN PAS MDO RU BSHAD, ,DE NAS MDO ZHES BYA BA YAN LAG DANG PO GTZO BO STE, MDO GANG GI MING GIS RGYUD YIN YANG MDO SDE ZHES BYA BAR BSTAN TO, ,TSAD MA NI MNGON SUM DANG RJES SU DPAG PA GNYIS TE; DE DAG KYANG 'OG NAS 'CHAD PAR 'GYUR RO, ,DE BZHIN DU YANG LE'U BCU BDUN PA LAS, DE NAS DE BZHIN GSHEGS PA PHYAG NA RDO RJES DE BZHIN GSHEGS PA DE DAG THAMS CAD LA 'DI SKAD CES BKA' STZAL TO, ,BCOM LDAN 'DAS DE BZHIN GSHEGS PA THAMS CAD SANGS RGYAS THAMS CAD KYI CHOS KYI MNYAM PA NYID MTHONG NGAM, DE NAS DE BZHIN GSHEGS PA THAMS CAD KYIS PHYAG NA RDO RJE DE BZHIN GSHEGS PA THAMS CAD KYI BDAG PO LA 'DI SKAD CES GSOL TO, ,BCOM LDAN 'DAS DE BZHIN GSHEGS PA THAMS CAD KYI RDO RJE YE SHES KYI SPYOD PA MTHONG LAGS SO,, BDE BAR GSHEGS PA MTHONG LAGS SO ZHES PA DANG, LE'U DANG PO'I GLENG BZHI'I TSIG LA NI 'DI SKAD BDAG GIS THOS PA'I DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO RDO RJE BTZUN MO'I BHA GA LA BZHUGS SO ZHES BYA BA 'DIR MTHONG BA DANG THOS PA'I SGRA DAG GIS MNGON SUM GYI TSAD MAR SO SOR RTOGS SO, ,DE BZHIN DU LE'U DGU PA LAS KYANG, RIGS KYI BU 'DI LTA STE DPER NA GTZUB SHING DANG GTZUB STAN DANG, MI'I LAG PA BSKYOD PA'I RKYEN GYIS DU BA RAB TU 'BYUNG ZHING ME 'BYUNG BAR 'GYUR MOD KYI ZHES BYA BA TSOGS PA'I RGYU LA BRTEN NAS, ME DANG DU BA DAG GI RGYU DANG 'BRAS BU'I NGO BO'I MTSAN NYID CAN RJES SU DPAG PAR BSTAN TO, ,DE LTAR TSAD MA ZHES BYA BA'I YAN LAG GNYIS PA'O, ,YAN LAG NI BSHAD PA'I RGYUD DANG, YAN LAG GI RGYUD RNAMS TE LHA MO BZHIS YONGS SU ZHUS PA DANG, DGONGS PA LUNG BSTAN PA DANG, RDO RJE PHRENG BA DANG, YE SHES RDO RJE KUN LAS BTUS PA'I RNAL 'BYOR CHEN PO'I RGYUD LA SOGS PA DE RNAMS KYIS RGYUD KYI DON YONGS SU RDZOGS PAR 'GYUR TE, LAG PA DANG RKANG PA LA SOGS PAS LUS BZHIN NO, ,DE YANG DE NAS LAS KYI CHO GA NI MTHONG BAS ZHES BYA BA LA SOGS

PA'I TSIG GIS RGYUD GZHAN LAS MTHONG BA'I YAN LAG RDZOGS PAR BSTAN TO, ,DE LTAR NA YAN LAG CES BYA BA YAN LAG GSUM PA'O, ,MA TSANG BA MED PA NI TSIG GI DON MA LUS PAR GRUB PA'O, ,DE LA TSIG GI DON NI GNYIS TE, BSKYED PA'I RIM PA DANG RDZOGS PA'I RIM PA'O, ,DE DAG GI MA LUS PA DE NI DANG PO'I DBYE BA GSUM DANG GNYIS PA'I LNGA'O, ,DE RNAMS GRUB PA NI BSHAD PA'I RGYUD KYI TSIG GIS BSTAN PA'O, ,DE BZHIN DU YANG LE'U BCO BRGYAD PA LAS, BSKYED PA YI NI RIM PA DANG, ,RDZOGS PA YI NI RIM PA STE, ,RIM PA GNYIS LA BRTEN NAS NI, ,RDO RJE CAN RNAMS CHOS BSTAN PA'O; ,ZHES RTZA BA'I RGYUD KYI TSIG GO, ,YI GE'I DON DANG SPYI DON DANG, ,SBAS PA DANG NI MTHAR THUG PA, ,ZHES BYA BA'I RDO RJE PHRENG BA'I BSHAD PA'I RGYUD LAS GSUNGS PA'I TSIG GIS BSKYED PA'I RIM PA'I DANG PO SBYOR BA LA SOGS PA GSUM DANG, RDZOGS PA'I RIM PA'I RDO RJE BZLAS PA LA SOGS PA'I TSIG GI DON LNGA BSTAN TO, ,DE RNAMS TSANG BAR BSTAN PA NI MA TSANG BA MED PA ZHES BYA BA'I YAN LAG BZHI PA'O, ,'DRI BA DANG LAN 'DEBS PA NI 'DRI BA DANG LAN 'DEBS PA'O, ,DE DAG BSTAN PA NI 'DRI BA DANG LAN 'DEBS PA BSTAN PA'O, ,JI SKAD DU LE'U BCO BRGYAD PA LAS; GSANG BA ZHES BYA BA JI LTAR BSHAD BYA BA NAS BRTZAMS TE PHRIN LAS KYI TSOGS MCHOG CES BYA BA'I BAR DU 'DRI BA'I TSIG BDUN CU RTZA GNYIS SO, ,SKU GSUNG THUGS NI RNAM PA GSUM, ,GSANG BA ZHES BYAR BSHAD PA YIN, ,ZHES BYA BA NAS BRTZAMS TE, KHROS PAS DRAG PO KUN TU SPYOD, ,CES BYA BA'I BAR DU LAN 'DEBS PA'I TSIG KYANG BDUN CU RTZA GNYIS BSTAN TO, ,GANG GI PHYIR SPYIR STON PA NI 'DRI BA DANG KHYAD PAR STON PA NI LAN 'DEBS PA'O, ,DE YANG RNAM PA GNYIS TE, SGRA DANG DON GYIS SO, ,DE LA SGRA NI, SKU GSUNG THUGS NI RNAM PA GSUM,, ZHES BYA BA LA SOGS PA'O, ,DON GYIS NI, YUL DANG DBANG PO RNAM DAG LA, ,BRTEN TE GANG ZHIG YID SKYES PA, ,DE NI MAN ZHES BSHAD PA STE, ,TRA NI SKYOB PA'I DON YIN NO, ,ZHES BYA'O, ,DE NI 'DRI BA DANG LAN BTAB PA'I MTSAN NYID CAN YAN LAG LNGA PA'O, ,MDOR BSTAN PA

, ,DANG RGYAS PAR BSTAN PA NI MDOR BSTAN PA DANG RGYAS PAR BSTAN PA'O, ,ZLAS DBYE BA THAMS CAD NI PHYOGS GCIG TU 'GYUR RO ZHES GCIG GI TSIG GI MTHA' CAN NO, ,MDOR BSDUS PA'I TSIG NI MDOR BSTAN PA'O, ,'DI LTA STE, THA MAL MCHOG GI DBYE BA YIS, ,BSNYEN PA RNAM PA GNYIS YIN TE, ,THA MAL PA NI RDO RJE'I GZHI, ,YAN LAG DRUG NI MCHOG YIN NO, ,RGYA CHE BA'I TSIG NI RGYAS PAR BSHAD PA 'DI LTA STE, DANG POR STONG NYID BYANG CHUB STE, ,GNYIS PA SA BON BSDUS PA DANG, ,GSUM PA GZUGS BRNYAN RDZOGS PA STE, ,BZHI PA YIG 'BRU RNAMS DGOD PA'O, ,SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN DANG TING 'DZIN NI, ,RNAL 'BYOR YAN LAG DRUG TU BSHAD, ,DE NI MDOR BSDUS BSTAN PA DANG, ,RGYAS PAR BSTAN PA'I MTSAN NYID CAN YAN LAG DRUG PA'O, ,TSIG GI DON RIM PAS STON PA NI GO RIMS SO, ,'DI LTA STE, LE'U DANG PO LAS, BADZRA DHRi KA, DZI NA DZI KA ,RATNA DHRi KA ,A'A RO LI KA ,PRA DZNY'A DHRi KA CES BYA BAS DANG PO DE BZHIN GSHEGS PA LNGA PHYUNG BA'O, ,DE'I RJES LA MO HA RA TI, DVE shA RA TI, R'A GA RA TI, BADZRA RA TI ZHES BYA BAS DGA' MA RNAMS PHYUNG BA'O, ,DE NAS YANG YA M'A NTA KRi TA, PRA DZNY'A NTA KRi TA, PAD M'A NTA KRi TA, BI GHN'A NTA TA KRi TA, CES BYA BAS KHRO BO PHYUNG BA ZHES GO RIMS BYA BA'I YAN LAG BDUN PA'O, ,MING DANG NYE BAR BSTAN PA NI MING DANG NYE BAR BSTAN PA DAG GO, ,MING CAN RTOGS PAR BYED PA'I SGRA NI MING NGO, ,DE YANG RNAM PA GNYIS TE, DON GYI RGYU MTSAN CAN DANG; RANG GZUGS KYI RGYU MTSAN CAN NO, ,DE LA DON GYI RGYU MTSAN NI, ,DON GYI DBANG GIS DON GYI BYA BA LA LTOS PAS SO, ,RIGS LA SOGS PA'I DON RANG GZUGS SU BSDUS PAR BYA STE, JI LTAR DON YIN PA DE LTA BUR GYUR PA'I MING CAN RTOGS PAR BYED DO, ,DPER NA 'TSED PA DANG, BYED PA DANG DRA BAR BYED PA'O, ,RANG GZUGS KYI RGYU MTSAN CAN NI MING DANG RTOGS PAR BYED PA'I THABS TZAM YIN TE, RANG GZUGS TZAM LA PHAN PAR BYED PA YAN LAG GI DON MA GTOGS PAR RANG GI BRDA'I DBANG GIS DE LTA BUR GYUR PA'I MING CAN YANG RTOGS PAR BYED DO, ,DPER NA GLANG PO'I RNA BA CAN DANG,

RTA'I RNA BA CAN NO, ,DE LA BCOM LDAN 'DAS KHAMS GSUM MA LUS PA'I BDEN PA MKHYEN PAS THAMS CAD MKHYEN PA'I YE SHES KYI DNGOS PO THAMS CAD KYI BDEN PA GZIGS NAS MING BTAGS PA LA RANG GZUGS KYI RGYU MTSAN CAN GYI SGRA MED DE, DPER NA MI BSKYOD PA ZHES BYA BA NI NYON MONGS PA DANG SHES BYA'I SGRIB PA'I BAG CHAGS KYI RLUNG GIS MA BSKYOD PAS MI BSKYOD PA STE, CHOS KYI DBYINGS KYI YE SHES KYI NGO BO NYID YIN PA'I PHYIR RO, ,RNAM PAR SNANG MDZAD PAS NA RNAM PAR SNANG MDZAD DE ME LONG LTA BU'I YE SHES GSAL BA YIN PA'I PHYIR RO, ,DE LTAR NA MING GI BRDA DON DANG LDAN PA GZHAN DAG TU YANG SHES PAR BYA'O ZHES MING BSTAN PA ZHES BYA BA YAN LAG BRGYAD PA'O, ,'DI LTAR BYA BA'I 'BRAS BU YANG DAG PAR BSTAN PA NI NYE BAR BSTAN PA'O, ,'DI LTA STE, DE LTAR BYAS NA SANGS RGYAS DANG, ,BYANG CHUB SEMS DPA' GRAGS CHEN MNYES, ,ZHES 'BYUNG NGO, ,DE BZHIN DU YANG RNAL 'BYOR 'DI DAG NYID KYIS NI, MYUR DU SANGS RGYAS NYID THOB 'GYUR, ,ZHES NYE BAR BSTAN PA ZHES BYA BA'I YAN LAG DGU PA'O, ,LNGA PA DANG DRUG PA GNYIS GNYIS SU BYAS TE, MDO SDE LA SOGS PA RGYUD KYI YAN LAG BCU GCIG YIN NO ZHES BYA BA'I SGRA NI RNAM PA'I DON TO, ,DES NA DE LTA BU'I RNAM PA CAN GZHAN RNAMS KYANG SHES PAR BYA'O, ,'DI LTA STE, SPYING BTANG BA DANG, DMIGS KYIS BSAL BA DANG, GZHAN GYI CHOS YONGS SU THOB PA'O, ,JI SKAD DU, LE'U LNGA PA LAS, RIGS NGAN SMYIG MA MKHAN LA SOGS, ,GSOD DON DON GNYER SEMS PA RNAMS, ,THEG CHEN BLA NA MED PA YI, ,THEG MCHOG 'DI LA 'GRUB PAR 'GYUR, ,ZHES SPYIR BTANG BA'O, , GZHAN YANG, SLOB DPON LA NI SMOD PA DAG ,BSGRUBS KYANG 'GRUB PAR YANG MI 'GYUR, ,ZHES DMIGS KYIS BSAL BA'O, ,LE'U BCO BRGYAD PA LAS KYANG, ,JI LTAR SNGON BYUNG DE BZHIN KUN, ,'DI NI GSANG BA YANG DAG STER, ,ZHES GZHAN GYI CHOS THOB PO, ,YANG NA 'DAM KHA YANG RGYUD KYI YAN LAG YIN TE, ,SKU GSUNG THUGS KYI RDO RJE'AM, ,RANG SNGAGS DON GYI YON TAN NAM, ,YANG NA GTZUG TOR DAM TSIG GIS, ,BKA' YI 'KHOR LO SBYAR BAR BYA, ,ZHES 'DAM KHA'O, ,BSDU BA YANG RGYUD KYI YAN LAG YIN TE, RDO RJE CAN GYI GZUGS SOGS KYIS, GTZUG

, ,TOR MNYES PAR BYED PAR BSHAD, ,KHRO BO RNAMS LA'ANG DE MCHOG STE, ,SANGS RGYAS RDO RJE RAB BSGOM PA'O, ,ZHES LE'U BCO LNGA PA LAS 'BYUNG NGO, ,NGES PA YANG RGYUD KYI YAN LAG YIN TE, ,LE'U DE NYID LAS KYANG, ,GNOD SBYIN MA YI SNGAGS RGYUD LA, ,GSHIN RJE GSHED NI NYID DU BSGOM, ,ZHES 'BYUNG NGO, ,RDO RJE PHRENG BA LAS KYANG, MING DANG YONGS SU SMRA BA DANG, ,CHO GA DANG NI NGES PA NYID, ,SO SOR BKAG PA DBANG BA DANG, ,'DAM KHA DANG NI GZHAN DAG SDUD, ,RJES SU SMRA BA GZHAN CHOS THOB, ,MDO YI MTSAN NYID RNAM PA BCU, ,ZHES BYA BA'I TSIG 'DUS SO, ,DE LTAR GZHAN YANG RGYUD KYI YAN LAG 'DI NYID DU BSTAN PAR BYED NUS TE, 'ON KYANG SHIN TU RGYAS PAS DON RNAL MA SGRIB PAR BYED PAS MA BSTAN TO, ,RGYUD KYI YAN LAG GRUB PAS RGYUD GRUB PO, ,GTZO BO YIN PA'I PHYIR MDOR YANG BSTAN TO, ,GAL TE DE LTAR YIN NA YAN LAG DU MA YOD PAS TSAD MA LA SOGS PA CI'I PHYIR MA BSTAN ZHE NA, SMRAS PA, GANG GNYI GA LAS SKYES PA DE NI GCIG GIS NYE BAR BSTAN DU YOD DE, DPER NA, AU MA'I BU NI GZHON NU DANG MA H'A DE BA'I BU BZHIN NO, ,BSHAD PA'I RGYUD RNAMS KYANG DE LTAR GYUR PA'I YAN LAG LNGA DANG LDAN PA'I PHYIR MDO SDE'I YAN LAG GI NANG DU 'DUS SO, ,GAL TE 'DI MDO SDER BSHAD PA YIN NA DE'I TSE, DGOS PA BSDUS PA'I DON DANG BCAS, ,TSIG DON DGONGS PA YANG DAG LDAN, ,RGAL LAN BCAS PA NYID DANG NI, ,MDO DON SMRA BA POS BSHAD BYA, ,ZHES 'BYUNG BAS DGONGS PA LA SOGS PA DRUG PO NGES PAR BSHAD PAR BYA BA YIN ZHE NA, SMRAS PA, BRJOD PA LA SOGS PA RNAM PA LNGA PO 'DUS PA'I PHYIR LOGS SU MA BSTAN TE, BRJOD PA LA SOGS PA BSHAD PA'I DUS NYID DU DGONGS PA LA SOGS PA'I DON RTOGS PAS LOGS SU MI BSHAD DE, MDO'I DGOS PA NI DGOS PA'I NANG DU 'DUS PA DANG; ,RGAL LAN DAG NI 'BREL PA BSDUS PA'O, ,GANG GI PHYIR DE BZHIN GSHEGS PA LA SOGS PA'I 'BREL PA RNAM PA DRUG BSTAN PA'I DUS SU NYAN PA PO DANG 'CHAD PA PO DAG GI DUS SU PHAN TSUN 'DRI BA DANG LAN GYI BYE BRAG NGES PAR 'BYUNG BA YIN TE, 'DRI BA DANG LAN KHO NA RGAL LAN DAG GO, ,BRJOD PAR BYA BA LA

TSIG GI DON DANG 'DUS PA'I DON DANG DGONGS PA RNAMS 'DUS PA'O, ,DE YANG MA BSDUS PA'I DON DANG DGOS PA MED PA, BRJOD PAR BYA BAR DANG BRAL BA BRJOD PA NYID DU MI 'GYUR RO, ,BYA ROG GI SKAD BRTAG PA DANG SE'U BCU LA SOGS PA'I TSIG BZHIN NO, ,DE'I PHYIR 'DI NI MDO SDE'I YAN LAG KHO NA YIN PAS SKYON MED DO, ,DE LTA NA BRJOD PA LA SOGS PA LNGA PO DE DAG NI TSAD MA MED PA'I TSIG LAS JI LTAR GZUNG ZHE NA, RTAG PA SNGON DU 'GRO BA RNAMS KYIS KYANG TSAD MA SNGON DU 'GRO BAS 'JUG PAR BYED DE TSIG LA NI TSAD MA NYING MED DO, ,JI SKAD DU, DNGOS POS DNGOS PO STON MIN TE, ,DNGOS PO'I DUS SU DNGOS MED YIN, ,DE NYID KYIS NI 'DAS PA DE, ,DE NI 'DAS PA ZHES BRJOD DO, ,BRAG GI ZA MA TOG DPE YIS, ,SGRA YIS BDAG DANG 'JIG RTEN DANG, ,SGRA NI SBAL PA'I PHUNG PO YIS, ,RANG NYID KYIS NI DMAN PAR BYAS, ,YI GE TSIG DANG NGAG RNAMS DANG, ,RTAGS DANG TSIG GI TSOGS DAG NYID, ,BYA BA BYED PA 'BREL PA RNAMS, ,BRDZUN YIN PAS NA RJOD BYED MIN, ,TSIG BSHAD TSIG RKANG LNGA 'AM NI, ,GSUM GYIS KYANG NI CIS MI 'DOD, ,NGAG NI BRJOD BYA RAG LAS PHYIR, ,MKHA' 'GRO MA YI BRDA LTAR 'GYUR, ,GZUNG BAR BYA BA'I CHOS RNAMS LA, ,SNGON GYI MKHAS PAR 'DOD RNAMS KYIS, ,SGRA YI LEGS SBYAR G-YANG SA RU, ,AE MA'O 'JIG RTEN LHUNG BAR BYAS, ,'DI NI SNANG ZHES BRJOD PA LA, ,DRIS PA MKHAS PA GANG GIS NI, ,MGO NAS BSKOR NAS LAG G-YAS KYI, ,DE LTAR GANG GIS STON PAR BYED, ,GZHAN GYIS GZHAN NI MI RIG STE, ,'BREL PA MED PAS SKYE MI 'GYUR, ,GZHAN DU RAL GRI PHOG PA LA, ,GZHAN LA 'GYUR BAR BYED DAM CI, ,BYA BA MED PA'I RANG BZHIN GYIS, ,GANG GIS GANG GI 'DIR STON BYED, ,DNGOS MED LAS BYUNG DNGOS PO YIS, ,DNGOS PO GANG LAS BSKYED PA MED, ,DE BAS SKYOB PA RNAMS KYIS NI, ,'BYUNG BA CHEN PO ZHES BSHAD DO, ,'BYUNG BA KUN GYI SNGON GYUR PAS, ,NGES TSIG MKHAS PA RNAMS KYIS GSUNGS, ,ZHES BYA BA LA SOGS PA SNGON GYI SLOB DPON GYI TSAD MA'I TSIG RNAMS KYIS GSAL BA'I SGRA DANG DON GYI 'BREL PA LA NGAG GI TSAD MA NYID MED PA'I PHYIR BRJOD PA LA SOGS PA'I TSIG TZAM GYIS

, ,JI LTAR NGES PAR BYED CE NA, DE LA SMRAS PA, NGAG LAS THE TSOM SKYE BA NI, DE YANG RNAM PA GSUM STE, DON DANG LDAN PA'I THE TSOM DANG, DON MED PA'I THE TSOM DANG, DON YOD PA DANG DON MED PA'I THE TSOM MO, ,DE LA DON DANG LDAN PA'I THE TSOM NI DPER NA, SA 'OG NA GNAS PA'I GTER 'DON PA BZHIN NO, ,DON MED PA NI DPER NA SHUGS CHE BA'I GTZANG PO LA GCOD PA BZHIN NO, ,DON YOD PA DANG MED PA'I THE TSOM NI DPER NA RO LANGS BSLANG BA BZHIN NO, ,DE LA DON DANG LDAN PA NI 'JUG PA'I YAN LAG GO, ,DON DANG MI LDAN PA DANG DON MED PA DANG, YOD PA'I THE TSOM DAG NI LDOG PA'I YAN LAG GO, ,'DIR NI DANG PO'I TSIG TSAD MA MED PA LAS CI 'DIR BRJOD PA LA SOGS PA YOD DAM MED CES THE TSOM LA 'JUG PAR 'GYUR TE, DE'I RJES SU RIM PA GNYIS KYIS MTSON PA'I BRJOD PAR BYA BA DANG, DE RJOD PAR BYED PA'I TSIG GI TSOGS DANG DE DAG GI 'BREL PA YANG THOS NAS BSAM PA DANG BSGOM PA'I RIM PAS THA MAL PA'I LUS BZLOG PA DANG 'JIG RTEN LAS 'DAS PA'I RDO RJE'I SKU'I MTSAN NYID RDO RJE 'CHANG CHEN PO'I PHRIN LAS THAMS CAD PA THOB NAS, DE'I RJES THOGS SU 'GRO BA THAMS CAD KYANG RDO RJE 'DZIN PAR BYED PA NI DGOS PA'I DGOS PA YANG LA LA YOD PAR 'DOD PAS BSTAN BCOS 'DI LEGS ZHES MGU ZHING BYA BA BYAS PAR 'GYUR RO, ,DE'I PHYIR DON GYI THE TSOM LAS 'JUG PA NI RIGS PA KHO NA'O, ,GZHAN DAG GIS KYANG KHYAB PAR BYED PA MI DMIGS PAS RGOL BAR BYED PA GANG YIN PA DE'I GTAN TSIGS MA GRUB PA YIN ZHES SMRA BAR BYA BA'I PHYIR, BRJOD PA LA SOGS PA'I MTSAN NYID 'CHAD PAR 'GYUR RO, ,'DIR 'BREL PA RTZOM PA'I DUS SU SLOB DPON ZLA GRAGS RANG 'DOD PA'I LHA LA PHYAG 'TSAL BA RTZOM PA BYED DE, DE LA RNAM PA GSUM STE, MTHUN PA DANG RJES SU MTHUN PA DANG GNYI GA'I RJES SU 'GRO BA'O, ,DE LA MTHUN PA ZHES BYA BA NI GANG BSTAN BCOS DANG MI 'GAL BA YIN GYI BSTAN BCOS MKHAN GYI NI MA YIN NO, ,'DI LTA STE, DPAL GYI PHUN SUM TSOGS PA'I SA LAS 'DAS ZHES BYA BA LA SOGS PA SO SOR THAR PA'I RAB TU BYED PA'I DANG PO BCOM LDAN 'DAS 'DOD CHAGS DANG BRAL BA LA PHYAG 'TSAL LO, ,

RJES SU MTHUN PA ZHES BYA BA NI BSTAN BCOS DANG ME 'GAL BA YIN TE, BSTAN BCOS MKHAN GYI MNGON PAR 'DOD PA KHO NA'O, ,'DI LTA STE, NGAG NI RTOGS PAR BYED PA MCHOG ,'JIG RTEN MGON PO LA BTUD NAS, ,ZHES SNANG BA'I PHRENG BA'I 'BREL PA DANG PO LA PHYAG 'TSAL BA BZHIN NO, ,DE LA NI BSTAN BCOS KYI BRJOD PAR BYA BA DANG MTHUN PA MA YIN TE, 'ON KYANG 'GREL PA MKHAN GYI YI DAM YIN PAS RJES SU MTHUN PA'O, ,GNYI GA'I RJES SU 'GRO BA NI GANG BSTAN BCOS DANG BSTAN BCOS MKHAN PO DAG GIS BRJOD PAR BYA BA DANG MNGON PAR 'DOD PAS GNYI GA'I RJES SU 'GRO BA'O, , GZHAN YANG 'DI LTA STE, KHAMS GSUM SPYOD PA LAS GROL ZHES BYA BA LA SOGS PA'I PHYAG 'TSAL BA'I TSIG LA BRJOD PAR BYA BA DANG, RANG 'DOD PA'I LHA GNYI GA'I RJES SU 'GRO'O, ,DE LTAR 'DIR YANG DPAL RDO RJE SEMS DPA' LA PHYAG 'TSAL BA NI SLOB DPON ZLA BA GRAGS PA'I DE NYID RANG 'DOD PA'I LHA YIN TE, DPAL KLU SGRUB KYI ZHAL SNGA NAS KYIS 'DOD PA DANG RJES SU MTHUN PA'I PHYIR RO, ,SGRON MA GSAL BAR BYED PA LAS KYANG, DE NYID BRJOD PAR BYA BA YIN TE, ,TING NGE 'DZIN THAMS CAD KYI SGO NAS DE NYID THOB PAR BYA BA'I PHYIR RO, ,RJOD PA DANG BRJOD PAR BYA BA'I BDAG NYID RDO RJE 'CHANG CHEN PO'I YIN ZHES 'CHAD PAR 'GYUR RO, ,DE'I PHYIR PHYAG 'TSAL BA GNYI GA'I RJES SU 'GRO BA 'DI YIN NO, ,DE LTAR NA PHYAG 'TSAL BA BYAS PAS CIR 'GYUR, BGEGS NYE BAR ZHI BAR 'GYUR ZHES RIGS PA GANG ZHIG YOD CE NA, PHYAG 'TSAL BA BYAS PAS BCOM LDAN 'DAS RDO RJE 'CHANG CHEN PO'I YON TAN BRJOD PA LAS SKYES PA'I BSOD NAMS KYI TSOGS KYIS BSOD NAMS MA YIN PA LOG PAR 'GYUR RO, ,BSOD NAMS MA YIN PA LAS SKYES PA'I BGEGS BSOD NAMS NYE BAR DMIGS PAS DE DAG MED DO ZHES DGAG PAR BYA BA'I RGYU 'GAL BA DMIGS PA'I PHYIR RO, ,PHYAG 'TSAL BA DE YANG LA LAS RNAM PA BZHI RU 'DOD DE LUS DANG NGAG DANG YID DANG BLA NA MED PA'I MCHOD PAS PHYAG 'TSAL BA'O, ,DE LA LUS KYIS NI YAN LAG LNGA PA'I PHYAG GO, ,NGAG GIS NI DE'I YON TAN GYI TSOGS BRJOD PA'I MTSAN NYID DO, ,YID KYIS NI DE NYID RJES SU DRAN PA'O, ,

, ,BLA NA MED PA'I MCHOD PA'I PHYAG 'TSAL BA NI DE'I BDAG NYID RJES SU 'JUG PA'O, ,RAB TU BYED PA LAS, JI LTAR CHU LA CHU BZHAG DANG, ,JI LTAR MAR LA MAR BZHIN DU, ,RANG GIS RANG GI YE SHES NI, ,LEGS MTHONG GANG YIN 'DIR PHYAG YIN, ,ZHES DE LTA BU'I PHYAG 'TSAL BA YANG 'DIR 'DUS PA KHO NA'O, ,DA NI PHYAG 'TSAL BA BSHAD PAR BYA STE, DPAL LDAN RGYUD RGYAL ZHES BYA BA LA SOGS PA LA BCOM LDAN 'DAS RDO RJE SEMS DPA' LA PHYAG 'TSAL NAS, SLOB DPON ZLA BA GRAGS PAS 'DUS PA NI GSANG BA 'DUS PA ZHES BYA BA'I RGYUD DO; ,RAB GSAL ZHES BYA BA NI GSAL BAR BYED PA'O, ,'DUS PA JI LTA BU ZHE NA, DPAL LDAN RGYUD RGYAL DAM PA ZHES BYA BA 'DI NYID KYI KHYAD PAR RO, ,DPAL NI BSOD NAMS DANG YE SHES KYI TSOGS SO, ,DE DANG LDAN PAS NA DPAL LDAN NO, ,DE BZHIN DU NI DANG PO SNYING RJE CHEN PO'I SEMS BSKYED LA DANG PO'I SBYOR PA LA SOGS PA'I TING NGE 'DZIN GYI RIM GYIS SEMS CAN MA LUS PA'I DON BYAS TE DE'I RJES LA NGAG LA SOGS PA RNAM PAR DAG PAR BYED PA RIM PA LNGA'I MTSAN NYID YE SHES KYI TSOGS MNGON DU BYA'O, ,YANG NA DPAL NI LAS KYI PHYAG RGYA LA SOGS PA BZHI'O, , DE NYE BAR BSTAN PA YOD PAS DPAL LDAN NO, ,DE LTAR DKYIL 'KHOR RGYAL BA MCHOG GI TING NGE 'DZIN GYI DUS SU RIGS NGAN GYI BU MO LA SOGS PA LAS DANG DAM TSIG GI PHYAG RGYA MED PAS YE SHES KYI PHYAG RGYA BSAMS TE, BDE BA CHEN PO'I MTSAN NYID CAN PHYAG RGYA CHEN PO THOB PAR 'GYUR ZHES BSTAN TO, ,RGYUD NI SPYOD PA LA SOGS PA'I RGYUD DO, ,DE RNAMS KYI DAM PA'I RGYAL PO NI RGYAL PO DAM PA STE RNAL 'BYOR CHEN PO'I RGYUD DO, ,RGYUD CES BYA BA GANG ZHE NA, BCOM LDAN 'DAS KYIS RGYUD PHYI MA LAS GSUNGS TE, RGYUD NI RGYUN ZHES BYA BA STE, RGYUN DE RNAM PA GSUM DU 'GYUR, ,GZHI DANG RANG BZHIN NYID DANG NI, ,'GYUR BA MED PA RAB DBYE BA'O, ,RANG BZHIN RNAM PA RGYU YIN TE, ,DE BZHIN 'GYUR MED 'BRAS BU YIN, ,GZHI NI THABS ZHES BSHAD PA STE, ,GSUM GYIS RGYUD KYI DON 'DUS SO, ,ZHES 'BYUNG NGO, ,DE'I DGONGS PA NI RGYU'I RGYUD DANG 'BRAS BU'I RGYUD DANG THABS KYI

RGYUD DO, ,DE LA RGYU'I RGYUD NI GANG DU TSANGS PA'I GNAS DANG RNAM PAR THAR PA'I SGO LA SOGS PA'I SGOM PA BSTAN PA'O, ,'BRAS BU'I RGYUD NI GANG DU RDO RJE 'CHANG CHEN PO'I PHYAG RGYA CHEN PO NGES PAR BSTAN PA'O, ,THABS KYI RGYUD NI GANG DU ZHI BA LA SOGS PA'I LAS KYI TSOGS NGES PAR BSTAN PA'O, , DON SO SOR STON PAR BYED PA'I RGYUD RNAMS KYI RGYAL PO DAM PA'O, ,DE NAS LAS 'DZIN PA'I BSDU BA BYA'O, ,DES NI RGYUD THAMS CAD KYI DAM PA NYID NYE BAR BSTAN PA YIN NO, ,GAL TE RGYUD THAMS CAD KYI DAM PA YIN NA, DE'I TSE DON ZAB MO DANG LDAN PA'I PHYIR KHYOD KYIS JI LTAR BSHAD PAR NUS PA ZHE NA, RNAL 'BYOR RGYUD RNAMS KYI LEGS PAR BSHAD PA NI RNAL 'BYOR KYI RGYUD YAN LAG DANG BSHAD PA'I RGYUD SNGAR BSHAD PA'O, ,DE RNAMS KYI LEGS PAR BSHAD PA NI GSAL BAR BSHAD NUS PA'O, ,SHIN DU GSAL BAR RNAM PAR PHYE ZHES PA NI DE RNAMS NI KHYAD PAR RO; ,BSHAD PA NI DON GSAL BAR RTOGS PA'I RGYUS SO, ,RTZA BA'I RGYUD NI BSHAD PA'I RGYUD KHO NAS RTOGS PAR BYA ZHES BYA BA'I DON TO, ,RNAL 'BYOR GYI DON GANG ZHE NA, RGYUD PHYI MA LAS KYANG, THABS DANG SHES RAB MNYAM SBYOR BAS, ,RNAL 'BYOR ZHES NI MNGON PAR BRJOD, ,RANG BZHIN MED PA SHES RAB STE, ,THABS NI DNGOS PO'I MTSAN NYID DO, ,ZHES 'BYUNG NGO, ,DE'I DGONGS PA NI BSKYED PA'I RIM PAS SNYING RJE CHEN PO SNGON DU 'GRO BAR BSGOM PA NI THABS SO, ,RDZOGS PA'I RIM PA GNYIS PA DANG BZHI PA DAG GIS CHOS THAMS CAD RANG BZHIN MED PA'I MTSAN NYID CAN STONG PA NYID SGOM PA NI SHES RAB BO, ,DE DAG SNYOMS PAR ZHUGS PA NI RNAL 'BYOR RO, ,YANG NA SNGA MA BZHIN DU DKYIL 'KHOR RGYAL BA MCHOG GI TING NGE 'DZIN NAM, ,YANG NA GANG DU PHYAG RGYA'I MNYAM PAR SBYOR BA DGONGS PA DE LA DBANG PO GNYIS KYIS MNYAM PAR SBYOR BA, THABS DANG SHES RAB SNYOMS PAR 'JUG PA'I MTSAN NYID RNAL 'BYOR ZHES BSHAD DO, ,SEMS RNAM PAR DAG PA LA SOGS PA'I RIM PA DAG TU BDE BA CHEN PO BSKYED PA'I SLAD DU BSGRUB BYA DANG SGRUB BYED KYI DBYE BA LA DMIGS TE, THABS DANG SHES RAB NYID DU 'JOG PAR BYAS PA GNYI GA SNYOMS PAR ZHUGS PA'I MTSAN

, ,NYID NI RNAL 'BYOR ZHES BYA'O, ,DE BZHIN DU YANG BSHAD PA'I BYE BRAG GZHAN RNAMS KYANG 'OG NAS SKABS SKABS SU 'CHANG PAR 'GYUR RO, ,GAL TE RNAL 'BYOR GYI RGYUD KHO NAS RTZA BA'I RGYUD BSHAD PA YIN NA, DE'I TSE 'GREL PA BRTZAMS PAS CI ZHIG BYA ZHE NA, MTHA' DRUG 'CHING BA RNAMS KYIS BCINGS PA ZHES BYA BA SMOS TE, MTHA' DRUG CES BYA BA'I BSHAD PA NI, 'OG NAS 'CHAD PAR GYUR PA DE NYID 'CHING BA NI 'BREL PA'O, ,DES BCINGS PA NI BCINGS PA STE DE'I PHYIR RTOGS PAR DKA' ZHES BYA BA'I THA TSIG GO, ,GANG GI PHYIR BSHAD PA'I RGYUD KYIS NI RTZA BA'I RGYUD KYI TSIG DANG NGAG GI DON TZAM SO SOR BSTAN PAR NUS KYI MTHA' DRUG GI BYE BRAG DANG RAB TU DBYE BA BSHAD PAR MI NUS SO ZHES 'GREL PA BYA BAR DON DANG LDAN NO, ,DE LTA NA 'DUS PA'I RGYAN LA SOGS PA GZHAN YOD PAS 'GREL PA 'DIS CI ZHIG BYA ZHE NA, RGYAL SRAS YUL GYUR ZHES SMOS PA LA RGYAL BA'I SRAS NI NYON MONGS PA DANG SHES BYA'I SGRIB PA BRAL BAR SA BCU'I DBANG PHYUG BYANG CHUB SEMS DPA'O, ,DE RNAMS KYI YUL DU GYUR PA NI BSHAD PA'I SPYOD YUL 'DUS PA 'DI YIN ZHES 'DIS BDAG NYID MNGON PAR SHES PA THOB PA NYID KYIS SNOD DU RUNG BA NYID DU BSTAN PAS 'GREL PA BYAS PA STE, SKYE BO GZHAN GYIS 'GREL PA BYED MI NUS SO, ,RGYUD KYI MING BSTAN PAR BYA BA'I PHYIR, RGYAL BA RNAMS KYI 'DUS PA GANG YIN PA, ,ZHES SMOS TE, RGYAL BA RNAMS NI DE BZHIN GSHEGS PA LNGA'O, ,DE RNAMS KYI 'DUS PA NI GCIG TU GYUR PA'O, ,DGONGS PA NI 'DI LTA STE, BSKYED PA'I RIM PA'I RIGS BRGYA'I DBYE BA NYE BAR BSDUS TE, PHUNG PO LNGA DANG NYON MONGS PA DANG DBANG PO DANG YUL DANG, RNAM PAR SHES PA DANG 'BYUNG BA DANG RLUNG RNAM PA LNGA LA SOGS PA'I RNAM PAR DAG PA'I BCOM LDAN 'DAS RDO RJE 'CHANG CHEN POS YE SHES LNGA'I NGO BO NYID DE BZHIN GSHEGS PA RNAM PAR SNANG MDZAD LA SOGS PA SPROS TE, DE DAG GCIG TU GYUR PA DAG GIS MGRIN PA GCIG GIS DANG PO ZHU BA SNGON DU 'GRO BAR GSOL BA GDAB PO, ,BCOM LDAN 'DAS KYIS KYANG DE RNAMS LA SO SOR BSTAN ZHES RGYAL BA RNAMS KYI 'DUS PA'O, ,YANG NA DAM TSIG GI DKYIL

'KHOR DU THAMS CAD PHYUNG BA NI 'DUS PA'O, ,YANG NA SKU DANG GSUNG DANG THUGS KYI NGO BO NYID YI GE GSUM PO 'JUG PA LA SOGS PA'I RIM GYIS GOMS PAR GYUR PA NA DE BZHIN GSHEGS PA THAMS CAD KYI 'KHOR LO RO GCIG PAR GYUR PA NI 'DUS PA'O, ,GZHAN YANG PHYIR MI LDOG PA'I DBANG GIS DUS SU SLOB MA'I TSANGS PA'I SGO NAS DE BZHIN GSHEGS PA 'JUG PAS GCIG TU GYUR PA NI 'DUS PA'O, ,RDZOGS PA'I RIM PA LA YANG RTZA STONG PHRAG BDUN CU RTZA GNYIS KYI BUG PA NAS 'PHO BA'I BYANG CHUB KYI SEMS DE BZHIN GSHEGS PA THAMS CAD KYI NGO BO NYID RDO RJE'I RTZE MOR 'DZIN PA'I YAN LAG GIS GZUNG BA NI 'DUS PA'O, ,YANG NA DNGOS PO THAMS CAD NYE BAR BSDUS SHING SANGS RGYAS DANG BYANG CHUB SEMS DPA' THAMS CAD KYI NGO BO NYID PHYAG RGYA CHEN PO'I GZUGS SGOM PA NI 'DUS PA'O, ,DE LTA BU'I RNAM PA DU MA GZHUNG RGYAS PA'I 'JIGS PAS 'DIR MA BSHAD DO; ,GSANG BA ZHES BYA BA BRJOD PAR BYA BA YIN TE, GSANG BA 'DUS PA ZHES BYA'O, ,THA MAL PA'I LUS NGAG YID 'JIG RTEN LAS 'DAS PAR BYED PA NI GSANG BA'O, ,SKU LA SOGS PA'I NGO BO NYID YI GE GSUM GYI 'JUG PA LA SOGS PA'I SGOM PA NI GSANG BA'O, ,YANG NA 'DOD PA'I GDUGS LA SOGS PA RTZA GSUM DU BDE BA CHEN PO MYONG BA NI GSANG BA'O, ,DE BZHIN DU GZHAN YANG 'OG NAS 'CHAD PAR 'GYUR RO, ,JI SKAD DU, SKU GSUNG THUGS NI RNAM PA GSUM, ,GSANG BA ZHES NI MNGON PAR BRJOD, ,'DUS PA BSDUS PAR BRJOD PA STE, ,SANGS RGYAS THAMS CAD MING ZHES BYA'O, ,ZHES 'BYUNG NGO, ,RANG GI GLEGS BAM LA BLTA BA BKAG PA DANG SLOB DPON GYIS MAN NGAG BSTAN PAR BYA BA'I PHYIR, DE NI DPAL LDAN KLU SGRUB LAS RNYED PA, ,ZHES BYA BA SMOS TE, DE NI DPAL KLU SGRUB KYI ZHAL SNGA NAS KYI DNGOS SU SLOB MA NYID SO SOR BSTAN GYI BRGYUD PAS NI MA YIN NO, ,DES 'DUS PA'I TSIG GI KHYAD PAR DANG BCAS PAR SMRA BA NA RGYUD KYI MING BSTAN TO, ,BRJOD PAR BYA BA BSTAN PAR BYA BA'I PHYIR, RIM PA GNYIS KYI GNAS ZHES BYA BA SMOS PA LA, BSKYED PA'I RIM PA DANG RDZOGS PA'I RIM PA NI RIM PA GNYIS SO,,

, ,DE DAG GI GNAS NI 'DUS PA'O, ,DES DE DAG KHO NA BSTAN PAR BYA BA NI BRJOD PAR BYA BA YIN GYI GZHAN MA YIN NO, ,RIM PA GNYIS PO NI DBYE BA DANG MTSAN NYID DANG BCAS PAR BSHAD ZIN TO, ,MTHA' DRUG KYANG BSHAD PA'I RGYUD LAS SHES PAR BYAS LA RGYUD GO BAR GYUR PAS 'GREL PAS CI ZHIG BYA ZHES DE LA BSTAN PAR BYA BA'I PHYIR, SANGS RGYAS KUN GYIS RGYAS BTAB PA, ,ZHES SMOS TE, DPER NA RGYAL PO RNAMS KYIS RANG GI MDZOD LA RGYAS BTAB PA BZHIN DU SANGS RGYAS KUN GYI MAN NGAG GI GNAS DAG TU RDO RJE'I TSIG GIS RGYUD 'DI LA RGYAS BTAB PA'O, ,DE BAS NA 'GREL PA'I LDE MIG GIS PHYE BAR BYAS SO, ,RDO RJE SEMS DPA' DE JI LTA BU ZHE NA, KHYAB BDAG CES SMOS TE DE BZHIN GSHEGS PA THAMS CAD KYI BDAG PO YIN PA'I PHYIR RO, ,GANG GI PHYIR YE SHES LNGA NI THA DAD PA LTAR SNANG BA YIN ZHES KUN RDZOB KYI PHYOGS SO, ,DE DAG NUS PA THAMS CAD NYE BAR BSDUS PA NA GNYIS SU MED PA'I YE SHES KYI GNAS SKABS SU GYUR PA THAMS CAD STONG PA'I MTSAN NYID KYI DE KHO NA NYID GANG YIN PA BCOM LDAN 'DAS TE YE SHES DANG SHES BYA RO GCIG PA RDO RJE 'CHANG CHEN PO KHYAB BDAG CES BSHAD DO, ,DPAL GYI SGRA NI SNGAR BSHAD DO, ,RDO RJE SEMS DPA' BSHAD PAR BYA STE, SPONG BA LNGA DANG YE SHES LNGA, ,RDO RJE ZHES NI MNGON PAR BRJOD, ,DON NI 'DI YIN TE, RNAM PAR SHES PA LNGA PO SPONG BAR BYED PA YA SHES LNGA'I NGO BO NYID STONG PA 'OD GSAL BA NI RDO RJER BSHAD DO, ,DE NYID SEMS DPA' STE NGO BO NYID GANG LA YOD PA DE NI RDO RJE SEMS DPA'O, ,YANG NA RDO RJE NI THABS KYI YE SHES SO, ,SEMS DPA' NI SHES RAB KYI YE SHES SO, ,DE DAG RO GCIG PA NI BCOM LDAN 'DAS RDO RJE SEMS DPA'O, ,YANG NA DPAL NI THABS TE RDO RJE SHES RAB BO, ,DES NA SNYING RJE DANG STONG PA NYID DBYER MED PA NYID DPAL RDO RJE SEMS DPA'O, ,RDO RJE RTZE MO LAS KYANG, ,BRTAN ZHING SNYING PO KHONG STONG MED, ,DBYER MED BCAD MED MTSAN NYID CAN, ,BSREG TU MED DANG MI 'JIG NI, ,STONG NYID RDO RJE ZHES SU BSHAD, ,CES 'BYUNG NGO, ,BTUD DE ZHES PA NI LUS NGAG YID KYIS 'DUD PA'AM DE'I BDAG NYID DU RJES SU 'JUG PA'O, ,RIM PA BZHIN NI GO RIMS KYIS SO, ,ZLA BA GRAGS PAS RAB GSAL

BSHAD PA NI, ,GSAL BAR STON PAR BYED CES BYA BA'I DON TO, ,RIM PA GNYIS PO'I GNAS ZHES GANG BSHAD PA DE NYID BSTAN PAR BYA BA'I PHYIR, BSKYED PA'I RIM PA DANG PO YIN, ,ZHES SMOS TE, BSKYED PA'I GTZOR GYUR PA'I RIM PA NI BSKYED PA'I RIM PA STE DE BZHIN DU BZLA BA DANG RDO RJE DANG SA BON DANG SPRO BA DANG BSDU BAS LHA'I GZUGS KYIS THA MAL PA'I LUS BZLOG PAS 'JIG RTEN LAS 'DAS PA'I RDO RJE LTA BU'I SKU 'BYUNG BA'I PHYIR RO, ,DE LA DANG PO'I SBYOR BA LA SOGS PA DBYE BA GSUM SNGAR BSHAD ZIN TO, ,RIGS BRGYA'I BYE BRAG GI MTHA' CAN ZHES SMRA BAR BYA BA YIN TE, BSKYED PA'I RIM PA GCIG PUS THA MAL PA'I LUS RNAM PAR DAG PAR BYED MI NUS TE, 'ON KYANG TING NGE 'DZIN GSUM GYI 'OG TU GANG GI TSE PHUNG PO KHAMS DANG SKYE MCHED KYI BDAG NYID KYI LUS CHA SHAS KYI DBYE BAS YE SHES LNGA'I NGO BO DE BZHIN GSHEGS PA LNGAS RNAM PAR DPEN PAR BYED PA DE'I TSE THA MAL PA'I LUS KYI NYE BAR DMIGS PA SPANGS NAS, THA MAL PA MA YIN PA'I SKU BYUNG BA DE NYID BSKYED PA'I RIM PA'I MTHAR PHYIN PA'O, ,GCIG PUS MI NUS ZHES SMRA BAR MI BYA STE, TING NGE 'DZIN GSUM BZHIN DU DE GRUB PA'I PHYIR RO, ,RIGS BRGYA'I DBYE BA'I MTHA' CAN BSKYED PA'I RIM PA YIN ZHES SMRA BAR MI BYA STE, CI'I PHYIR ZHE NA, TING NGE 'DZIN GSUM RTZA BA'I RGYUD LAS JI LTAR BRTAG PA BZHIN DU RIGS BRGYA'I DBYE BA YANG SHES PAR BYA'O, ,DE LTAR MA YIN TE GUD PAR BSTAN PA'I PHYIR RO, ,TING NGE 'DZIN GSUM BZHIN DU DE YANG GRUB PO ZHES GANG SMRAS PA DE NI MA YIN NO, ,GNYI GA GSUNGS PA'I PHYIR RO, ,'DI LTA STE, DE NAS BCOM LDAN 'DAS DE BZHIN GSHEGS PA RDO RJE RNAM PAR SNANG MDZAD CHEN POS DE BZHIN GSHEGS PA THAMS CAD KYI 'DOD CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS SO ZHES BYA BA NAS BRTZAMS TE DE BZHIN GSHEGS PA THAMS CAD KYI SKU DANG GSUNG DANG THUGS KYI RDO RJE LA BZHUGS PAR GYUR TO ZHES BYA BA'I BAR DU DANG PO'I SBYOR BA ZHES BYA BA NYE BAR BSTAN TO, ,DE NAS BCOM LDAN 'DAS DE BZHIN GSHEGS PA THAMS CAD KYI DAM TSIG 'BYUNG BA CHEN PO RDO RJE ZHES BYA BA'I TING NGE 'DZIN LA SNYOMS PAR ZHUGS TE ZHES PA NAS

, ,BRTZAMS TE, DE BZHIN GSHEGS PA THAMS CAD KYI SKU DANG GSUNG DANG THUGS MNYES PAR BYED PA DKYIL 'KHOR GYI DAM TSIG SEMS DPA' RNAMS SO SO ZHES BYA BA'I BAR GYIS DKYIL 'KHOR RGYAL BA MCHOG GI TING NGE 'DZIN BSTAN TO, ,DE'I RJES SU LE'U DRUG PA LA SOGS PA DAG TU, SNA YI RTZE MOR YUNGS KAR BSAM, ,ZHES BYA BA LA SOGS PAS LAS KYI RGYAL BA MCHOG GI TING NGE 'DZIN BSTAN TO ZHES DE'I PHYIR TING NGE 'DZIN GSUM PO GSAL BAR BSTAN TO, ,RIGS BRGYA'I BYE BRAG GI MTHA' CAN DU SMRA BA KHO NA'O, ,DE YANG DANG PO YIN ZHES PA NI DANG PO LUS KYI RNAM PAR RTOG PA RAGS PA SPANG PAR BYA BA YIN ZHES PA'I THA TSIG GO, ,DE LAS LUS RNAM PAR DAG NAS NGAG RNAM PAR DAG PAR BYA BA'I PHYIR, RIM PA LNGA PO'I DANG PO RDO RJE BZLAS PA ZHES BYA BA BSGOM PAR BYA STE, DE'I PHYIR GSANG SNGAGS KYI SKU NI RAB SGRUB BYED CES BYA BA SMOS TE, DE LA BCOM LDAN 'DAS KYIS BSAM PA DANG BAG LA NYAL BA DANG KHAMS DANG BAG CHAGS KYI DBYE BAS SNGAGS KYI SA YA BDUN CU RTZA GNYIS BSHAD DO, ,DE DAG THAMS CAD KYI RTZA BA NI YI GE BZHI BCU RTZA DGU PA PHYI MA'O, ,DE YANG SDE TSAN BRGYAD KYI BDAG NYID DANG PO'I YI GE RNAMS LA YONGS SU THIM PAR GYUR PA'O, ,DE DAG KYANG BZHI PO LA THIM, ,BZHI PO YANG YI GE GSUM GYI BDAG NYID DU GYUR PAS ZHES YI GE DANG TSIG DANG NGAG DANG RAB TU BYED PA DANG SNGAGS THAMS CAD KYI YI GE GSUM PO KHO NA RGYU'I GTZO BO YIN TE, RIGS GSUM RNAM PAR DAG PAS SKU GSUNG THUGS KYI NGO BOR GYUR PA GSANG SNGAGS KYI SKU'O,, DE YANG GNYIS TE, RLUNG GI BDAG NYID DANG, YI GE'I BDAG NYID DO, ,DE LA 'JUG PA DANG, GNAS PA DANG, LDANG BA'I RIM PAS NYIN MTSAN DU NYI KHRI CHIG STONG DRUG BRGYA'I DKYIL 'KHOR BZHI'I SBYOR BAS GOMS PAS SEMS RTZE GCIG PA DE NYID GANG YIN PA DE NI RLUNG GI BDAG NYID KYI SNGAGS KYI SKU'O, ,RDO RJE 'CHANG CHEN PO LA SOGS PA'I SNGAGS KYI BZLAS PA LA YI GE GSUM PO KHO NA SPYI BO LA SOGS PAR GNAS PA YAN LAG MA NYAMS PAR BZLAS PA'I RIM PA GOMS PAR BYED PA NA SEMS RTZE GCIG PA NYID GANG YIN PA DE NI YI GE'I BDAG NYID GSANG SNGAGS KYI SKU'O, ,DE

GNYIS KA RAB TU SGRUB PAR BYED PA NI RDZOGS PAR BYED PA RDO RJE BZLAS PA'I RIM PA STE GCIG GO, ,DES NI NGAG GI NGO BO SHES NAS BSTOD PA DANG SMAD PA LA SOGS PA'I TSIG GIS RNAL 'BYOR PA MGU BA DANG MI MGU BAR MI 'GYUR RO ZHES GSUNG GI RDO RJE'I TING NGE 'DZIN LA GNAS PA'O, ,GCIG CES SMRA BAR BYA BA YIN TE, RDO RJE BZLAS PA'I RIM PA GSANG SNGAGS KYI SKU RAB TU SGRUB PAR BYED PA GCIG NI DANG PO STE RDZOGS PA'I RIM PA'I DANG PO'O, ,LA LA NA RE BSKYED PA'I RIM PA KHYAD PAR DU GYUR PA KHO NA GSANG SNGAGS KYI SKU RAB TU SGRUB PAR BYED PA ZHES 'CHAD PA DE NI MI BDEN TE, DE LTA YIN NA RDO RJE BZLAS PA MA 'DUS PAR THAL BAR 'GYUR RO, ,DE MA GTOGS PAR NGAG RNAM PAR DAG PA MED PAS DGOS PA KHO NA'O, ,GANG GI TSE, BSKYED PA'I RIM PA DANG PO YIN, ,ZHES DANG PO BSKYED PA'I RIM PA BSGOM PA YIN NA DE'I TSE GCIG CES SMRAS PAS, RDO RJE BZLAS PA'I RIM PA'I 'OG TU SEMS LA DMIGS PA TZAM ZHIG NI RIM PA GNYIS PA ZHES BRJOD DO ZHES SMRAS PAR MI RIGS TE, RDO RJE BZLAS PA'I 'OG TU DE NYE BAR BSTAN PA YIN GYI BSKYED PA'I RIM PA'I 'OG TU NI MA YIN NO, ,DE'I PHYIR GSANG SNGAGS KYI SKU RAB TU SGRUB PAR BYED PA'I SGRA NI BSKYED PA'I RIM PA'I KHYAD PAR MA YIN TE 'ON KYANG RDO RJE BZLAS PA'I RIM PA KHO NA STON PAR BYED PA'O, ,DE'I KHYAD PAR BYED PA'I PHYIR GCIG CES SMRA BAR BYA BA KHO NA'O, ,JI LTAR RIM PA KHO NA MCHOG GO, ,SEMS LA DMIGS PA ZHES BYA BA LA SOGS PA LA NGAG RNAM PAR DAG PAR GYUR PAS RNAM PAR SHES PA GSUM GYI BDAG NYID KYI SEMS LA DMIGS PA NI MTHONG BA STE, SNGAR BSHAD PA'I SNGAGS DANG PHYAG RGYA'I RIM PAS 'OD GSAL BAR BYA'O, ,DE NYID NI DE TZAM ZHIG YIN GYI SNGAGS KYI SKU'I BDAG NYID GZHAN NI MA YIN NO, ,SEMS RNAM PAR DAG PA TZAM GCIG PU RIM PA GNYIS PA YIN ZHES TSIG GI DON TO, ,RNAM PAR DAG PA'I SEMS KYI RGYUD DANG LDAN PA'I RNAL 'BYOR PAS GZHAN GYI DON BYA BA'I PHYIR, LHA'I SKU YID KYI RANG BZHIN GYIS CHOS THAMS CAD SGYU MA LTA BUR BLTA BAR BYA ZHES DE'I SLAD DU, KUN RDZOB BDEN PA BSTAN PA NI, ,ZHES BYA BA SMOS TE, 'OD GSAL BA LAS MYUR

, ,BAR RNAM PA THAMS CAD KYI MCHOG DANG LDAN PA YID DU 'ONG BA NI DKYIL 'KHOR PA'I LHA TSOGS KYIS YONGS SU BSKOR BA, MI NGOMS PA'I GZUGS YE SHES KYI SKU SPRAS TE GNAS PA BSTAN PA NI SGYU MA DANG MTSUNGS PAR BDAG DANG DNGOS PO THAMS CAD LA BLTA'O, ,YANG NA YID 'ONG NI BSTAN PA DANG DGE BA'I RTZA BA SMIN PA DANG RNAM PAR GROL BA DANG, SPRO BA'I RIM PAS 'GRO BA'I DON BYED PAS SO, ,DE BAS NA BDAG BYIN GYIS RLOB PA ZHES BYA BA RIM PA GSUM PA BSTAN TO, ,SGYU MA LTA BU'I TING NGE 'DZIN MNGON DU BYAS NAS DE NYID DU MNGON PAR ZHEN PAR BRGYA LAM DU 'GYUR BAS DE DAG PAR BYA BA'I PHYIR, KUN RDZOB BDEN PA'I DAG PA NI, ,ZHES SMOS TE KUN RDZOB KYI BDEN PA NI SGYU MA LTA BUR MTHONG BA DE'I DAG PA GANG YIN PA THAMS CAD STONG PA LA 'JUG PA STE 'OD GSAL BA RTOGS PA'O, ,DE NI MNGON PAR BYANG CHUB PA, ,ZHES BYA BA RIM PA BZHI PAR BSHAD DO, 'OD GSAL BA'I DE KHO NA NYID THOB PAS CHAD PA'I PHYOGS SU LHUNG BAS SKYON DE BSAL BA'I PHYIR, BDEN GNYIS SBYOR BA GANG YIN PA, ZHES SMOS TE, BDEN PA GNYIS NI KUN RDZOB DANG DON DAM PA'I BDAG NYID YE SHES KYI SKU DANG 'OD GSAL BA'I RNAM GRANGS CAN BDAG LA BYIN GYIS RLOB PA DANG, MNGON PAR BYANG CHUB PA'I RIM PA GNYIS DANG, DE BZHIN DU PHAN TSUN 'GAL BA'I DNGOS PO DANG DNGOS PO MED PA LA SOGS PA'I CHOS RNAMS LA SBYOR BA NI GCIG TU BYED PA STE GNYIS SU MED PAR YONGS SU SHES PA GANG YIN PA DE ZUNG DU 'JUG PA'O, ,ZUNG NI DNGOS PO DANG DNGOS PO MED PA LA SOGS PA'I BDAG NYID DU 'JUG PA NI DBYER MED PA'O ZHES RIM PA LNGA PAR SHES PAR BYA'O, ,DE LAS GZHAN PA'I RIM PA MED DE BYA BA MED PA'I PHYIR DANG MI SLOB PA'I PHYIR RO, ,GRANGS LA LOG PAR RTOGS PA LA SOGS PA SNGON DU BSHAD ZIN TO, ,BSDUS PA BSTAN PAR BYA BA'I PHYIR, 'DI NI SGRUB PA'I YAN LAG CES BYA BA LA SOGS PA SMOS TE, SGRUB PA NI LHA'I RNAL 'BYOR GNYIS TE, BRTAGS PA DANG YONGS SU RDZOGS PA'O, ,DE LA BRTAGS PA NI TING NGE 'DZIN GSUM GYI BDAG NYID DO, ,YONGS SU RDZOGS PA NI RIM PA LNGA'I BDAG NYID DO, ,DE DAG GI YAN LAG NI BYE BRAG STE, TING NGE 'DZIN GSUM

DANG RIM PA LNGA'O, ,DE NYID KYI PHYIR MCHOG CES SMOS TE, GZHAN LA LTOS PA MED PA STE, BDAG DANG GZHAN GYI DON BYED NUS PA'I PHYIR RO, ,DE BZHIN DU YANG RGYUD KUN GYI DON ZHES BYA BA NI DPAL GSANG BA 'DUS PA MA LUS PA'I BRJOD PAR BYA BA GANG YIN PA DE BSDU BAR BYED PA NI RIM PA GNYIS PO ZHES PA'I THA TSIG GO, ,LA LA NA RE BSNYEN PA LA SOGS PA YAN LAG BZHI DANG LDAN PA RGYUD KYI DON DU 'CHAD PA DE RNAMS KYIS RDZOGS PA'I RIM PA MA BZUNG STE, DPAL SANGS RGYAS YE SHES ZHABS KYI GZHUNG BZHIN NO, ,GANG YANG RDO RJE BZHI POS RGYUD KYI DON BSHAD PAR BYED PA DE RNAMS KYI BSKYED PA'I RIM PA'I RIM PA TZAM YANG YONGS SU MA RDZOGS PA'O, ,JI SKAD DU, DANG PO STONG NYID BYANG CHUB SEMS, ,GNYIS PA SA BON BSDU BA STE, ,GSUM PA GZUGS BRNYAN RDZOGS PA NI, ,YI GE DGOD PA BZHI PA'O, ,ZHES BYA BAS SBYOR BA DANG PO TING NGE 'DZIN KHO NA GZUNG BA YIN NO, ,KHO BOS NI JI LTAR GYUR PA DE BZHIN DU 'OG NAS BSHAD PAR BYA'O, ,DA NI RIM PA GNYIS KYI NANG NAS RDZOGS PA'I RIM PA RGYAS PA DANG MDOR BSDUS PAR RTOGS PAR BYED PAS RGYUD SHES PA YIN GYI GZHAN GYIS MA YIN ZHES DGONGS NAS, RIM PA 'DI'I ZHES BYA BA LA SOGS PA SMOS TE, DE'I SNGON DU BSHAD PA'I RIM PA RNAMS KYI'O, ,SPROS PA'I RIM PA NI RGYA CHE BA'I RIM PAS SO, ,RNAM PA MANG BA NI BSHAD PAR BYA STE, 'DI LTA STE, RDO RJE BZLAS PA NI RNAM PA BCU GCIG STE, RDO RJE 'CHANG CHEN PO'I BZLAS PA DANG, SKU'I BZLAS PA DANG, GSUNG GI BZLAS PA DANG, THUGS KYI BZLAS PA DANG, RIN PO CHE'I BZLAS PA DANG, DON YOD PA'I BZLAS PA DANG, KHRO BO'I BZLAS PA DANG, ZHE SDANG GI BZLAS PA DANG, 'DOD CHAGS KYI BZLAS PA DANG, GTI MUG GI BZLAS PA DANG, MA NING GI BZLAS PA'O, ,SEMS RNAM PAR DAG PA LA GSUM STE, SNANG BA RNAM PAR DAG PA DANG, SNANG BA MCHED PA RNAM PAR DAG PA DANG, SNANG BA NYE BAR THOB PAR RNAM PAR DAG PA'O, ,BDAG LA BYIN GYIS RLOB PA LA GSUM STE, CHOS KYI SKUR BYIN GYIS RLOB PA DANG, LONGS SPYOD RDZOGS PA'I SKUR BYIN GYIS RLOB PA DANG, SPRUL PA'I SKUR BYIN GYIS RLOB PA'O, ,MNGON PAR BYANG CHUB PA LA RNAM PA

, ,GSUM STE, CHAGS PA RNAM PAR DAG PA DANG, CHAGS BRAL RNAM PAR DAG PA DANG, CHAGS PA BAR MA RNAM PAR DAG PA'O, ,ZUNG DU 'JUG PA LA GNYIS TE, RGYU'I ZUNG DU 'JUG PA DANG, 'BRAS BU'I ZUNG DU 'JUG GO, ,RGYU'I ZUNG DU 'JUG PA LA BZHI STE, NYAN THOS DANG; RNAL 'BYOR SPYOD PA DANG, DBU MA DANG, SNGAGS KYI DBYE BAS SO, ,'BRAS BU LA YANG BZHI STE, RIGS DANG, YON TAN DANG, BYA BA DANG, RDZAS KYI BYE BRAG GIS SO, ,KUN TU BSDUS PAS DBYE BA NYI SHU RTZA BRGYAD KYI TING NGE 'DZIN TO, ,DE RNAMS KYI DON NI SNGON DU BSHAD ZIN TO, ,DE BZHIN DU YANG PHUNG PO LNGA DANG 'BYUNG BA CHEN PO DANG RNAM PAR SHES PA DANG, DBANG BSKUR BA DANG, LAM DANG DE BZHIN GSHEGS PA DANG, YE SHES LNGA'I NGO BO NYID RIM PA LNGA'O, ,DE LA GZUGS KYI PHUNG PO'I SKU RNAM PAR DAG PA NI RDO RJE BZLAS PA'I RIM PA STE, NGES KHRAG DANG KHU BA LAS BYUNG BA'I GZUGS KYI PHUNG PO PHRA MO'I RNAL 'BYOR GYIS SPONG PA'I PHYIR RO, ,TSOR BA'I PHUNG PO RNAM PAR DAG PAS SEMS RNAM PAR DAG PA STE BDE BA LA SOGS PA'I RNAM PA CAN GYI SEMS NGES SPONG BA'I PHYIR RO, ,'DU SHES KYI PHUNG PO RNAM PAR DAG PAS BDAG BYIN GYIS RLOB PA STE, GZUGS LA SOGS PA'I YUL RNAMS KYI MTSAN MA THAMS CAD SGYU MA TZAM DU MTHONG BAS SO, ,'DU BYED KYI PHUNG PO RNAM PAR DAG PAS MNGON PAR BYANG CHUB PA'I RIM PA STE, 'DOD CHAGS DANG 'DOD CHAGS DANG BRAL BA DANG 'DOD CHAGS BAR PA'I 'DU BYED RNAMS DES SPONG BA'I PHYIR RO, ,RNAM PAR SHES PA'I PHUNG PO RNAM PAR DAG PA NI ZUNG DU 'JUG PA'I RIM PA STE, BAG CHAGS DANG BCAS PA'I RNAM PAR SHES PA'I PHUNG PO GNAS GYUR PAS, 'JIG RTEN LAS 'DAS PA'I RDO RJE LTA BU'I SKUR 'GYUR BA'I PHYIR RO, ,SA'I KHAMS RNAM PAR DAG PAS RDO RJE BZLAS PA STE SRA BA'I GNAS BRGYAD LA BRGYAB PA LAS SNGAGS SKYES PA'I PHYIR RO, ,CHU'I KHAMS KYI RANG BZHIN NI SEMS RNAM PAR DAG PA STE DES RNAM SHES DANG YE SHES KYI DRI MA BKRUS PA'I PHYIR RO, ,ME'I KHAMS KYI NGO BO NYID NI BDAG LA BYIN GYIS RLOB PA STE, DES DNGOS PO'I MTSAN MA'I BUD SHING SGYU MA LTA BU'I

TING NGE 'DZIN GYI MES BSREGS PA'I PHYIR RO, ,RLUNG GI KHAMS KYI NGO BO NYID MNGON PAR BYANG CHUB PA'I RIM PA STE, 'DU BYED THAMS CAD 'OD GSAL BA DES SBYANGS PA'I PHYIR RO, ,NAM MKHA'I KHAMS KYI NGO BO NYID ZUNG DU 'JUG PA STE, NAM MKHA' DANG MTSUNGS PA MTHA' YAS SHING DRI MA MED PA GNYIS SU MED PA'I YE SHES GCIG PU YIN PA'I PHYIR RO, ,DE LA RNAM PAR SHES PA LNGA NI GZUGS LA SOGS PA SO SOR SNANG BA'I RNAM PAR SHES PA DANG, 'JUG PA'I RNAM PAR SHES PA DANG, YID KYI RNAM PAR SHES PA DANG, NYON MONGS PA CAN GYI YID RNAM PAR SHES PA DANG, KUN GZHI RNAM PAR SHES PA'O, ,DE LA GZUGS LA SOGS PA'I SO SOR SNANG BA'I RNAM PAR SHES PA'I NGO BO NI RDO RJE BZLAS PA'I RIM PA STE DE NI BZLAS PA LA SOGS PA'I SANGS RGYAS THAMS CAD KYI NGO BOR GZUGS LA SOGS PA MTHONG BA'I PHYIR RO, ,SGO LNGA RNAM PAR DAG PA NI SEMS LA DMIGS PA THOB PA'I RIM PA STE, SNANG BA THOB PA LA DE THIM PA'I PHYIR RO, ,YID KYI RNAM PAR SHES PA RNAM PAR DAG PA NI BDAG BYIN GYIS RLOB PA STE, SGYU MA LTA BU'I TING NGE 'DZIN MNGON DU GYUR PAS YID KYI RNAM PAR RTOG PA NUB PA'I PHYIR RO, ,NYON MONGS PA CAN GYI YID RNAM PAR DAG PA NI MNGON PAR BYANG CHUB PA STE BDAG TU LTA BA LA SOGS PA'I NYON MONGS PA DES SBYANGS PA'I PHYIR RO, ,KUN GZHI RNAM PAR SHES PA RNAM PAR DAG PA NI ZUNG DU 'JUG PA STE BAG CHAGS DANG BCAS PA'I SGRIB PA THAMS CAD RNAM PAR SHES PA THAMS CAD KYI GZHIR GYUR PA NUB PA'I PHYIR RO, ,DBANG BSKUR BA LNGA NI DE LA RIG PA'I DBANG GI NGO BO NI RDO RJE BZLAS PA'I RIM PA STE RIGS LNGA'I RNAM PAR SHES PA RNAM PAR DAG PA'I PHYIR RO, ,PHYIR MI LDOG PA'I DBANG GI NGO BO NI SEMS RNAM PAR DAG PA'I RIM PA STE SA BCU PA LAS SLAR MI LDOG PA'I PHYIR RO, ,GSANG BA'I DBANG GI NGO BO NI BDAG LA BYIN GYIS RLOB PA'I RIM PA STE DES NI KHA DOG DANG DBYIBS CAN YE SHES KYI SKU THOB PA'I PHYIR RO, ,JI SKAD DU, DES DUS BRTZAMS NAS DE NI MI LDOG PA, ,DE YI KHA DOG DBYIBS DANG PHYAG MTSAN CAN, ,BSAM GYIS MI KHYAB RNAM PAR SMIN PA'I SKU, ,

, ,SDOM PA DE LAS BYA BA BYAS PAS THOB, ,CES BYUNG NGO, ,SHES RAB YE SHES KYI DBANG GI NGO BO NYID NI MNGON PAR BYANG CHUB PA'I RIM PA STE DES DE THOB PA'I PHYIR RO, ,NGAG GI DBANG BSKUR BA'I NGO BO NI ZUNG DU 'JUG PA'I RIM PA STE SRID PA DANG MYA NGAN LAS 'DAS PA RO GCIG PA STE DE KHO NA NYID THOB PA'I PHYIR RO, ,TSOGS KYI LAM GYI NGO BO NYID NI RDO RJE BZLAS PA STE, BZLAS PA'I YAN LAG BCU GNYIS MNGON DU BYAS PA'I PHYIR RO, ,SBYOR BA'I LAM GYI NGO BO NI SEMS LA DMIGS PA STE SNANG BA LA SOGS PA'I YE SHES KYI SA BCU LA SBYOR BA'I PHYIR RO, ,MTHONG BA'I LAM GYI NGO BO NI RANG BYIN GYIS RLOB PA STE, YAN LAG BDUN DANG LDAN PA'I YID KYI RANG BZHIN GYI SKU SGYU MA'I DE KHO NA NYID DU MTHONG BA'I PHYIR RO, ,BSGOM PA'I LAM GYI NGO BO NI MNGON PAR BYANG CHUB PA'I RIM PA STE PHYI DANG NANG GI MNGON PAR BYANG CHUB PA'I RIM PA'I LAM GYI YAN LAG BRGYAD DANG LDAN PA'I PHYIR RO, ,MI SLOB PA'I LAM GYI NGO BO NI ZUNG DU 'JUG PA'I RIM PA STE, DE LAS SLOB PA'I RGYU MED PA'I PHYIR RO, ,RNAM PAR SNANG MDZAD KYI NGO BO NI RDO RJE BZLAS PA'I NGO BO STE, RLUNG RNAM PAR DAG PAS ME LONG LTA BU'I HA HU MED PAR SNANG PA'I PHYIR RO, ,RIN CHEN 'BYUNG LDAN GYI NGO BO NI SEMS RNAM PAR DAG PA STE RANG BZHIN GYIS TSOGS 'GOG PAS THAMS CAD MNYAM PA NYID DU 'GYUR BA'I PHYIR RO, ,SNANG BA MTHA' YAS KYI NGO BO NI BDAG LA BYIN GYIS RLOB PA STE CHOS THAMS CAD SGYU MA NYID DU SO SOR RTOG PA'I PHYIR RO, ,MI BSKYOD PA'I NGO BO NI MNGON PAR BYANG CHUB PA STE 'OD GSAL BA NI SHIN TU RNAM PAR DAG PA CHOS KYI DBYINGS KYI YE SHES YIN PA'I PHYIR RO, ,DON YOD GRUB PA'I NGO BO NYID NI ZUNG DU 'JUG PA'I RIM PA STE BYA BA BYAS PA'I PHYIR RO, ,YE SHES LNGA NI 'DIR DE BZHIN GSHEGS PA DANG DBYER MED PA'I PHYIR MA BSTAN TO, ,GTI MUG RNAM PAR DAG PA'I NGO BO NI RDO RJE BZLAS PA STE, SNGAGS THAMS CAD LA MA RMONGS PA'I PHYIR RO, ,ZHE SDANG RNAM PAR DAG PA NI SEMS RNAM PAR DAG PA STE, PHYIN CI MA LOG PA'I RANG BZHIN DANG SNANG BA THAMS CAD LA RNAM PAR SNANG BA'I PHYIR RO, ,NGA RGYAL RNAM PAR DAG PA NI BDAG BYIN

GYIS RLOB PA STE THA MAL PA'I NGA RGYAL LOG PAS SO, ,'DOD CHAGS RNAM PAR DAG PA NI MNGON PAR BYANG CHUB PA STE 'DOD CHAGS THAMS CAD SPANGS PA'I PHYIR RO, ,LTA BA RNAM PAR DAG PA NI ZUNG DU 'JUG PA STE LTA BA THAMS CAD KYI DRI MA MED PA'I PHYIR RO, ,NGAG RNAM PAR DAG PA NI RDO RJE BZLAS PA STE NGAG GI BRJOD PA THAMS CAD SPANGS PA'I PHYIR RO, ,SEMS RNAM PAR DAG PA NI, THAMS CAD RNAM PAR DAG PA'I RIM PA STE, SEMS DANG SEMS LAS BYUNG BA THAMS CAD 'GOG PA'I PHYIR RO, ,LUS RNAM PAR DAG PA NI BDAG LA BYIN GYIS RLOB PA STE YID KYI RANG BZHIN GYI SKU THOB PA'I PHYIR RO, ,DES NI KUN RDZOB KYI BDEN PA RNAM PAR DAG PA STE THAMS CAD SGYU MA TZAM DU MTHONG BA'I PHYIR RO, ,DON DAM PA'I BDEN PA RNAM PAR DAG PA NI MNGON PAR BYANG CHUB PA STE 'OD GSAL BA'I DE KHO NA NYID MNGON DU BYAS PA'I PHYIR RO, ,BDEN PA GNYIS RO GCIG PA NI ZUNG DU 'JUG PA STE MI GNAS PA'I MYA NGAN LAS 'DAS PA'I DBYINGS KYI NGO BO YIN PAS SO, ,DE BZHIN DU NYE BA'I NYON MONGS PA RNAMS KYANG GTI MUG LA SOGS PAR 'DUS PAR SHES PAR BYA'O, ,DE RNAMS YANG DAG BSDUS PA NI ZHES BYA BA LA, DBYE BA THAMS CAD GCIG TU 'DUS PA DE YANG RNAM PA GNYIS SO,, RANG RANG GI RIGS LA LTOS PA DANG, THA DAD PA'I RIGS LA LTOS PA'O, ,DE LA YANG RANG GI RIGS LA LTOS PA NI JI LTAR RDO RJE BZLAS PA RNAM PA BCU MA NING GI BZLAS PA GCIG PU LA 'DUS SO, ,DE BAS NA DE NI LE'U BCU GSUM PA LAS THA MAR BSTAN TO, ,SNANG BA LA SOGS PA'I YE SHES GSUM PO NI 'OD GSAL BA LA'O, ,CHOS KYI SKU LA SOGS PA YE SHE KYI SKU LA'O, ,'DOD CHAGS DANG 'DOD CHAGS BRAL BA DANG 'DOD CHAGS BAR MA 'OD GSAL BA'I DE KHO NA NYID LA'O, ,RGYU DANG 'BRAS BU DAG NI ZUNG DU 'JUG PA'I TING NGE 'DZIN LA 'DUS PAR 'GYUR RO,, RIGS THA DAD PA LA LTOS PA NI JI LTAR RIM PA THAMS CAD RGYU DANG 'BRAS BU'I NGO BOR GNAS TE, DE LA RDO RJE BZLAS PA LA SOGS PA RIM PA BZHI PO NI RGYU'O, ,ZUNG DU 'JUG PA RIM PA 'BRAS BU YIN PAS RIM PA BZHI PO NI ZUNG DU 'JUG PA'I RIM PA LNGA PA LA 'DUS TE, BYA BA BYAS PA DANG, DE

, ,LAS GZHAN PA MI SLOB PA'I PHYIR RO, ,DE LTAR RIM PA LNGA PO DE DAG GI DBYE BA DANG BSDU BA GANG GIS SHES PA DES RGYUD NI RNAL 'BYOR CHEN PO'I RGYUD RNAMS RIG CING SHES SO ZHES TSIG GI DON TO, ,TSIGS GI DON GCIG PU TZAM BSHAD PA LA MKHAS PAS SHES PA MA YIN NO, ,DA NI RIM PA LNGA'I BSDUS PA'I DON SHES PAS MTHA' DRUG GI 'GREL PA 'DI LA SNOD DU RUNG BAR 'GYUR ZHES BSTAN PAR BYA BA'I PHYIR, SNGAGS DANG ZHES BYA BA LA SOGS PA SMOS PA LA, DE LA SNGAGS DANG SNGAGS NI SNGAGS SO, ,GCIG NI LHAG MA'I BSDU BA BYAS NAS SNGAGS KYI SGRA GNYIS GZUNG NGO; ,DE LA SNGAGS KYI SGRA DANG POS NI DANG PO'I SBYOR BA LA SOGS PA TING NGE 'DZIN GSUM GYIS RDZOGS PA'I SNGAGS KYI SKU BRJOD PA'O, ,GNYIS PAS KYANG SNGAGS THAMS CAD KYI SNYING POR GYUR PA YI GE GSUM PO 'JUG PA LA SOGS PA GTZOR GYUR PA RJOD PAR BYED DO, ,DE'I RJES SU YE SHES DANG RNAM SHES DANG RANG BZHIN THAMS CAD 'GOG PAS SNGAGS DANG PHYAG RGYA'I RIM PAS RDZOGS PA SEMS RNAM PAR DAG PA'I MTSAN NYID SO SOR BSTAN PA'I RIM PA NI SEMS SO, ,DE LA RNAM PAR DAG PA'I TSIG MI MNGON PAR SHES PAR BYA'O, ,DE'I RJES SU GRIB MA DANG, SGYU MA DANG 'JA' TSON LA SOGS PA SGYU MA'I DPE RNAMS KYIS MTSON PA YE SHES KYI SKU STON PAR BYED PA NI LUS SO, ,SGYU MA'I LUS PO DE LA YANG PHYAG RGYA DANG TING NGE 'DZIN GYI RIM PA BSGOM PA'I DBANG GIS NYE BAR ZHI BAS 'OD GSAL BA LA 'JUG PA'I MTSAN NYID KYI RIM PA STON PAR BYED PA NI RNAM DAG GO, , SNGAR BSHAD PA'I KUN RDZOB DANG DON DAM PA LA SOGS PA GNYIS SU 'DZIN PA'I RNAM PAR RTOG PA GSAL BA'I MTSAN NYID KYI RIM PA SO SOR BSTAN PA NI ZUNG DU 'JUG GO, ,DE DAG LA BRTEN TE RKYEN DANG LDAN PA'I SGRA PHYE BAS LAS KYI DON DU 'AM RGYU LNGA PA LA BYA'O, ,RIM PA LNGA'I BSDUS PA'I DON NI DE DAG SKABS KYI RIM PA'I RIGS PAS BSDUS PA'I DON RNAMS SHES NAS NI RTOGS NAS SO, ,CI BYA ZHE NA, MTHA' DRUG LA 'JUG GO ZHES SMOS TE DON DRUG SO SOR BSTAN PA'I 'GREL PA 'DI LA 'JUG PAR BYA STE, DE MNYAN PA'AM BSHAD PA LA SNOD DU RUNG BAR 'GYUR

ZHES PA'I DON TO, ,JI LTAR MTHA' DRUG GI 'GREL PA'I RIM PA LNGA BRJOD PAR BYA BA DE BZHIN DU SNGON DU BSHAD ZIN PA DANG 'CHAD PAR YANG 'GYUR RO, ,DA NI GANG LA BRTEN TE 'GREL BA BYAS PA DE NYID YI GE GSUM PO STON PAR BYED PA DPAL GSANG BA 'DUS PA NYID BSNGAGS PAR BYA BA'I PHYIR, JI SRID CES BYA BA LA SOGS PA SMOS PA LA YANG, RAL WA LA SOGS PA GSAL BAR BYA BA RNAMS DANG, GANG MED PAR MI 'BYUNG BA DBYANGS KYI SDE JI SRID YOD PA DE RNAMS, DE DE'I RTZA BA YI GE GSUM LAS DE RNAMS 'BYUNG ZHES BYA BA'I DON TO, ,DGONGS PA NI 'DI YIN TE LTE PA'I PHYOGS NAS LANGS PA'I SROG GI RLUNG GIS GNAS BRGYAD DANG PHRAD PA LAS DBYANGS DANG GSAL BA'I BYE BRAG GIS SDE TSAN BRGYAD SKYE BAR 'GYUR TE, DE DAG KYANG SDE TSAN GYI YI GE DANG PO RNAMS LA THIM PAR GYUR NAS SLAR YANG BZHI RU GYUR NAS DE NYID SKYES PA DANG BUD MED DANG MA NING GI DBYE BAS YI GE GSUM DU 'GYUR RO, ,DE'I PHYIR 'DI LA GRUB PA'I MTHA' 'DI YIN TE, YI GE H'Um LAS KA LA SOGS PA NAS MA'I BAR DU SKYES PA DANG, YI GE AOm LAS BAR NA GNAS PA YA LA SOGS PA DANG, YI GE AA LA SOGS PA DBYANGS YI GE BCU DRUG SKYE BAR 'GYUR RO, ,DBYANGS YIG MED PAS GSAL BYA RNAMS BRJOD PAR MI NUS TE, KE KHE GHE DE ZHES BYA BA LA SOGS PA BZHIN NO, ,DE'I PHYIR YA LA SOGS PA GZUNG BAS DBYANGS YIG RNAMS KYANG 'DUS SO, ,DE LTAR NA KA LA SOGS PA DANG PO BRJOD PAR RIGS PA YIN NA JI LTAR YA LA SOGS PA BRJOD DE; GO RIMS 'DOR BA'I RGYU MED PA'I PHYIR RO, ,SMRAS PA YA LA SOGS PA'I RGYUD YOD DE LAS KYI RAB 'BYAMS GTZO BO YIN PAS NA GONG DU GSUNGS SO, ,RAB TU BYED PA LAS KYANG, YA YI DON GYIS CI YANG RUNG, ,DNGOS GRUB 'DOD PAS BYA BA NI, ,RA LA SOGS PA GSUM GYIS NI, ,'GRO BA'I BYA BA RAB TU 'JUG ,ZHE'O, GZHAN DAG NA RE DPAL GSANG BA 'DUS PA RNAL 'BYOR GYI RGYUD CHEN PO'I YAN LAG GI YI GE SUM CU RTZA GNYIS KYI GRANGS KYIS RNAL 'BYOR CHEN PO'I RGYUD SUM CU RTZA GNYIS YOD DE, DE RNAMS KYANG KA LA SOGS PA'I GSAL BYA'I MTHA'

, ,CAN NO, ,'DI LTA STE, DZNY'A NA BADZRA SA MU NYDZA YA NI YA'I MTHA' CAN NO, ,BADZRA DHA RA RGYUD NI RA'I MTHA' CAN NO, ,BADZRA MA LA RGYUD NI LA'I MTHA' CAN NO, ,BADZRA GRA HA RGYUD NI HA'I MTHA' CAN NO, ,DE LTAR GSAL BYA'I MTHA' CAN RGYUD GZHAN RNAMS KYANG SHES PAR BYA'O, ,DE RNAMS KYI YI GE GSUM PO RJOD PAR BYED PA DPAL GSANG BA 'DUS PA KHO NA RTZA BA'O, ,DE YANG RNAL 'BYOR GYI RGYUD RNAMS KYI RTZA BA GCIG PUR MA ZAD KYI GSUNG RAB YAN LAG BCU GNYIS KYI YANG RTZA BAR 'GYUR ZHES BSTAN PAR BYA BA'I PHYIR, THUB PA CHEN PO'I CHOS KYI PHUNG PO ZHES BYA BA LA SOGS PA SMOS PA LA, THUB PA CHEN PO NI SH'AKYA SENG GE'I 'O, ,CHOS KYI PHUNG PO BRGYAD KHRI BZHI STONG YOD DE DE DAG THAMS CAD KYI DPAL GSANG BA 'DUS PA SNOD YIN TE, DE KHO NA NYID KYI RIN PO CHE'I ZA MA TOG GO, ,DE LA GNAS PA'AM DE NYID LAS 'BYUNG NGO ZHES TSIG GI LHAG MA'O, ,DE BAS 'DI NI RGYUD KYI RTZE, ,ZHES BYA BA NI DE NYID RNAL 'BYOR CHEN PO'I RGYUD RNAMS KYI GTZUG PHUD YIN NO, ,DGONGS PA 'DI YIN TE LUS DANG NGAG DANG YID DAG PAR BYA BA'I PHYIR BCOM LDAN 'DAS KYI GSUNG RAB GSUNGS PA DE NYID RGYUD 'DI RU MDOR BSDUS SHING THABS BDE BAS BSTAN TO, ,YANG NA YI GE GSUM PO KHO NA LAS SNGAGS KYI SDE THAMS CAD DANG LUS LA SOGS PA'I BYA BA YANG 'BYUNG NGO ZHES DE LA LTOS PAS DPAL GSANG BA 'DUS PA KHO NA RGYUD KYI RTZE MO YIN TE, CHOS KYI PHUNG PO'I TSAD NI GRO GA RIM PA GCIG PA DANG SHING TA LA'I 'DAB MA RNAMS SU PHAG ZE'I RTZE MOS BRIS PA'I TSOD KYI YI GE RNAMS KYIS GANG BAR BYAS TE GANG BAR BYAS PA'I GRO GA'I KHUR JI SRID GLANG RGOD KYIS THEG PA DE NI CHOS KYI PHUNG PO GCIG GO, ,DE'I GRANGS KYIS BRGYAD KHRI BZHI STONG NGO, ,DE NI NYE BAR MTSON PA YIN TE, NYAN THOS KYI SDE SNOD NI CHOS KYI PHUNG PO BRGYAD KHRI BZHI STONG YIN NO, ,THEG PA CHEN PO LA DGU KHRI'O, ,SNGAGS KYI THEG PA LA STONG PHRAG BRGYA YIN NO, ,DA NI DON ZAB PA YIN PA'I PHYIR NYAN PA POS RGYUD 'DI RTOGS PAR DKA' BA NYID DU BSTAN PAR BYA BA'I PHYIR, GZHUNG NYUNG BA LA DON MANG BA ZHES BYA BA SMOS TE, RIM PA GNYIS

YONGS SU RDZOGS PAR STON PAR BYED PA'O, ,RGYUD 'DI GZHUNG NYUNG BA YIN PAS MDOR BSDUS PA'I BLO CAN GYI NYAN PA PO LA PHAN PA'O, ,DE LTA YIN NA RJOD PAR BYED PA'I NYUNG BAS BRJOD PAR BYA BA YANG NYUNG BAS BLANG BAR BYA BAR MI 'GYUR ZHE NA, DON MANG BA ZHES BYA BA SMOS TE, RIM PA GNYIS YONGS SU RDZOGS PAR STON PAR BYED PA'O, ,DGONGS PA 'DI YIN TE BYA BA'I RGYUD LA SOGS PA MA LUS PA DANG, CHOS KYI PHUNG PO MA LUS PA'I DON GANG YIN PA DE DAG THAMS CAD 'DIR ME LONG LA ZHUGS PA'I GZUGS BRNYAN GYI RIGS PAS NANG DU 'DUS PA ZHES DGONGS PA'O, ,'DUS PA'I RGYUD NI RNYED DKA' ZHING, ,ZHES BYA BA LAS, SNGON DU BSHAD PA'I RGYUD RNAMS KYI NANG NAS RNYED PAR DKA' BA STE, RTOGS PAR DKA' BA'O, ,THAMS CAD DU NI DUS THAMS CAD DU'O, ,RNAM PAR 'KHOR BA NI NYAN PA PO RMONGS SHING GO BAR MI 'GYUR RO ZHES PA'I THA TSIG GO, ,CI'I PHYIR ZHE NA, RGYAN BDUN RTOGS PAR DKA' BAS NA, ,ZHES SMOS TE, RGYAN RNAMS DKA' BAS YONGS SU MI SHES PA'I PHYIR RO, ,SBYOR BA NI 'DUS PA ZHES CHOS CAN NO, ,RNAM PAR 'KHOR BA ZHES BSGRUB BYA'I CHOS SO, ,RGYAN BDUN RTOGS PAR DKA' BAS NA ZHES GTAN TSIGS SO, ,RGYUD KYIS BRJOD PAR BYA BA RGYAN RNAMS DGONGS PA DANG BCAS PAR BSTAN PAR BYA BA'I PHYIR, DE BAS ZHES BYA BA LA SOGS PA SMOS PA LA, RGYAN RTOGS PAR DKA' BA CAN YIN PAS GANG GI PHYIR 'DUS PA LA MKHO BA DE'I PHYIR MKHO BAS SO, ,DE YI RNAM PAR DBYE BAR BYA, ,ZHES SMOS TE, RGYAN DE RNAMS PHYE NAS BSHAD PAR BYA'O, ,THOS PA MANG BA NYID BSTAN PAR BYA BA'I PHYIR, 'BAD DE RNAM PAR SHES NAS NI, ,ZHES BYA BA SMOS TE, CHOS MANG DU THOS PA LA BRTZON PAS DNGOS SU PHYIN CI MA LOG PAR SHES NAS SO, ,RANG BZO DGAG PAR BYA BA'I PHYIR, ,DE BAS BLA MA'I BKA' DRIN GYIS, ,ZHES SMOS TE, 'PHAGS PA KLU SGRUB KYI ZHABS KYI PADMA'I BKA' DRIN LAS SO, ,CI'I DON DU ZHE NA, SEMS CAN RJES BZUNG 'DOD PA YIS, ,ZHES SMOS TE SGRA JI BZHIN PA'I DON TZAM BZUNG BAS BLO RNAM PAR 'KHOR BA RNAMS LA YANG DAG PAR GYUR PA'I DE KHO NA NYID KYI DON RAB TU BSTAN PAR 'DOD PAS SO,,

, ,RGYAN DE JI LTA BU ZHE NA, BRGYAN PA NI RGYAN TE DNGOS PO SGRUB PAR BYED PAR GYUR PA'AM, YANG NA 'DIS BRGYAN PAR BYED PAS NA RGYAN ZHES BYED PA SGRUB PAR BYED PA YIN NAM ZHE NA, GAL TE DNGOS PO SGRUB PAR BYED PA YIN NA DE'I TSE DNGOS PO NI BYA BA TZAM DU GTZO BO YIN PAS BRJOD PAR BYA BA DANG RJOD PAR BYED PA LAS DE THA MI DAD PA YIN PAS SGRA DANG DON RGYAN NYID DU THAL BAR 'GYUR RO, ,RGYAN NI THA DAD PA YIN TE LDUM BU LA SOGS PA BZHIN NO, ,GAL TE BYED PA SGRUB PAR BYED PA YIN NA DE'I TSE SGRA DANG DON MA GTOGS PAR RGYAN NYID DU 'GYUR RO, ,RJOD PA DANG BRJOD PAR BYA BA LAS GZHAN PA RGYAN NI MA MTHONG NGO ZHE NA, SMRAS PA 'DIS BRGYAN PAS NA RGYAN ZHES BYA BA NI BYED PA SGRUB PAR BYED PA'O, ,GAL TE THA DAD PA NI MI DMIGS ZHES BSHAD CE NA, SMRAS PA, 'DIR SGRA NI NUS PA DU MAS KHYAB PA'I RANG BZHIN CAN GYIS DON DU MA LA STON PAR BYED PA'I NUS PA YOD DE, DON YANG DE DANG DE DAG SEL BA STON PA'I SGO NAS NUS PA DU MA CAN NO, ,'DI LTA STE, SGRA'I DON GNYIS YOD DE, BRJOD PAR BYA BA DANG, GSAL BAR BYA BA DAG GO, ,DE LA BRJOD PAR BYA BA NI BUM PA'I 'OG RGYAS PA DANG LTO BA'I RNAM PA CAN TSIG GI DON TO, ,GSAL BAR BYA BA NI BRJOD PAR BYA BA LAS THA MI DAD KYANG DE LTA BU'I SNA TSOGS KYI SGRA'I SBYOR BAS MTSON PAR BYA STE, DPER NA GO DANG WA RI'I YUL DU CHU BO'I 'GRAM NA GNAS PA'I SENG GES KHYI DE BSAD DO ZHES, KYE DGE SLONG BDE BAR SONG SHIG CES PA BZHIN NO, ,DE LA SONG SHIG CES SGRA'I DON 'GRO BA GTZO BO STE, 'GRO PA BKAG PA NI GSAL BAR BYA BA YIN NO, ,DE BZHIN DU YANG BYED PA SGRUB PA'I PHYOGS SU THA MI DAD PA YANG BRJOD PAR BYA BA NI GSAL BAR BYA BA YIN TE, RAB TU GRAGS PA'I YAN LAG LA GNAS PA'I MDZES PA NYID BUD MED DAM SKYES BU'I THA MI DAD PA LTAR RO, ,DE'I DBYE BA SGRA DANG DON LA SOGS PA'I BYE BRAG GIS 'OG NAS 'CHAD PAR 'GYUR RO, ,MDOR BSTAN PA DANG RGYAS PAR BSTAN PA DANG YONGS SU BRTAG PA ZHES 'GREL PA BYED PA PO RNAMS KYI LUGS SO, ,DANG PO MDOR BSTAN PA YIN TE DE YANG GRANGS SNGON DU 'GRO BAR BSTAN PAR BYA'O, ,GRANGS MA BSTAN PAS KYANG MDOR

BSTAN PA MA NGES PAR 'GYUR RO, ,RGYAS PAR BSTAN PA DE LTA BUS BRJOD PAS NI BSTAN BCOS MKHAN DU MI 'GYUR RO, ,GLENG BSLANG BA'I GRANGS NI LNGA ZHES BYA BA LA, ,RNAL MOS BSGRUB PAR BYA BA'I PHYIR, ,SEMS DPA' GLENG BSLANG PA RU BSHAD, ,CES 'BYUNG BA LAS BSTAN BCOS RTZOM PA'I DUS SU RJOD PAR BYED PA LA SOGS PA JI LTA BU YIN ZHES DPYOD PA'O, ,DE LA RNAM PA LNGA'O, ,DE'I RJES LA DE NYID BSTAN PAR BYA BA'I PHYIR PHYIN CI MA LOG PA'I PHYER DANG NANG GI BYE BRAG GIS TSAD MA NYE BAR STON PA'I MTSAN NYID CAN RIGS PA STE RNAM PA BZHI'O, ,DE'I RJES LA SGRA DON RGYAN GYI DBYE BAS RGYAS BSHAD MTHA' NI RNAM PA DRUG GO, ,DE NAS DE'I YAN LAG KHO NA RIM PA GNYIS GTZOR GYUR PA'I BSHAD PA NI RNAM PA BZHI'O, ,'CHAD PA'I RGYAN LNGA PA STE RNAM PA GNYIS SO, ,NYAN PA PO'I RGYAN DRUG PA STE RNAM PA LNGA'O, ,BDUN PA'I DBYE BA RNAM PA GNYIS TE ZHES BYA BA LA BRJOD PAR BYA BA'I DON MA LUS PA BSDUS PA'I RGYAN YIN TE RIM PA GNYIS GTZOR GYUR PA'I PHYIR RO, ,DE LAS GZHAN PA RGYAN MED DE MI DGOS PA'I PHYIR RO, ,MDOR BSDUS PA NI MDOR BSTAN PAS SO, ,DE'I DGONGS PA NI 'DI YIN TE, BCOM LDAN 'DAS RDO RJE 'DZIN PAS DAG JI SRID GSUM PA DE DAG ZAB PA DANG RGYA CHE BA DANG, SNA TSOGS KYI DON STON PAR BYED PA'I PHYIR, ,RGYAN DU MA DANG LDAN PA YIN PAS MDOR BSDUS PA NI 'DIR BDUN GZUNG BAR BYAS SO, ,RGYAS PAR BSTAN PAR BYA BA'I PHYIR, ,BSHAD PA'I RGYUD KYI RJES SU 'BRANGS NAS ZHES BYA BA LA SOGS PA LA, DGONGS BA LUNG BSTAN PA LA SOGS PA'I BSHAD PA'I RGYUD KYI RJES SU 'BRANGS NAS ZHES BYA BA 'DIS RANG BZOR BKAG PA BSTAN TO, ,RGYAN NI BDUN PO RNAMS KYI NI, ,ZHES BYA BA NGES PAR BZUNG BA'I DRUG PA'O, ,RIM PA BZHIN DU NI MDOR BSTAN PA'I TSIG GI RJES SU 'BRANG BAS SO, ,RE RE YI NI GLENG BSLANGS PA LA SOGS PA RNAMS KYI'O, ,BSTAN PA DAG CES PA NI KHO BOS 'CHAD DO, ,DE NYID BSTAN PAR BYA BA'I PHYIR, ,RGYUD 'DI'I MING NI CI ZHIG YIN, ,ZHES BYA BA LA SOGS PA SMOS PAS DRI TSIG LNGA BSTAN TO, ,LAN SMRAS PA, ,RGYUD KYI MTSAN NI MING YIN LA, ZHES PA NI MTSAN

, ,NI MING STE, DE YANG RGYUD RJOD PAR BYED PA DPAL GSANG BA 'DUS PA ZHES BYA'O, ,JI SKAD DU, BSTAN BCOS DAG NI THAMS CAD KYI, ,LAS RNAMS GANG CI 'ANG RUNG BA YI, ,MING MED PAS NI 'JIG RTEN 'DI, ,LONG BA 'AM LKUGS PA 'DRA BAR 'GYUR, ,ZHES 'BYUNG NGO; ,SKYE BO 'DOD CHAGS CAN DON DU, ,ZHES PA NI DON DU RGYU MTSAN TE RGYU'O, ,GANG LA BRTEN TE BCOM LDAN 'DAS KYIS RGYUD GSUNGS SO, ,'DOD CHAGS CAN ZHES NYE BAR MTSON PA STE 'DOD CHAGS LA SOGS PA NYON MONGS PA LNGAS DKRUGS PA'I SKYE BO RNAMS LA GZIGS NAS DE RNAMS SBYANG BAR BYA BA'I PHYIR RIM PA GNYIS STON PAR BYED PA'I RGYUD GSUNGS TE, JI SKAD DU, ZHE SDANG GTI MUG 'DOD CHAGS DANG, ,YID BZHIN NOR BU DAM TSIG STE, ,RIGS LNGAR GTOGS PA 'DI RNAMS KYIS, ,'DOD DANG THAR PA RAB BSGRUB PA'O, ,ZHES 'BYUNG BA'I PHYIR RO, , DE LTAR 'DOD CHAGS LA SOGS PA'I RIGS CAN GYI SKYE BO RJES SU GZUNG BAR BYED PA RIM PA GNYIS PO NI BRJOD PAR BYA'O, ,JI SKAD DU, BRJOD BYA MED PA'I DAG RNAMS NI, ,GANG PHYIR BYA ROG SKAD BZHIN NO, ,DE'I PHYIR BSTAN BCOS BRTZAMS DUS SU, ,BRJOD BYA SNGON DU MNGON PAR BRJOD, , CES 'BYUNG NGO, ,BRJOD BYA DANG RJOD PAR BYED PA 'DI DAG GI THABS DANG THABS LAS BYUNG BA'I MTSAN NYID KYI 'GREL PA MA BSHAD KYANG SHES PAR BYA STE, DE DAG GNAS PA'I PHYIR RO, ,'DI YI BYED PO RDO RJE SEMS, ,ZHES PA NI RDO RJE SEMS DPA' BYED PA PA YIN PAS NYAN PA PO RNAMS BKUR STI DANG BCAS PAR 'JUG PAR 'GYUR BA DE NYID KYI PHYIR ZUR GYIS 'BREL PA YANG BSTAN TO, ,DPER NA DGA' LDAN GYI GNAS SU BCOM LDAN 'DAS RDO RJE SEMS DPA' DPAL GSANG BA 'DUS PA'I RGYUD GSUNGS PA NA DE LA DE BZHIN GSHEGS PA RNAMS KYIS ZHUS PAR GYUR TO ZHES DON GYI SHUGS KYIS NYAN PA PO DANG 'CHAD PA PO'I 'BREL PA YIN NO, ,GANG LA BRTEN TE 'CHAD PA POS BSHAD PA DANG, NYAN PA POS NYAN PA DE NI SGRA DANG DON GYI 'BREL PA RTOGS PAR BYA'O, ,JI SKAD DU, GANG PHYIR 'BREL PA YOD PAS NA, ,NYAN PA PO YI 'JUG 'GRUB PA, ,DE PHYIR BSTAN BCOS

THAMS CAD KYI, ,SNGON DU 'BREL PA RTOGS PAR BYA, ,ZHES 'BYUNG NGO, ,TSAD DAG KYANG NI BSHAD BYA STE, ,ZHES BYA BA NI BRJOD PAR BYA BA DANG RJOD PAR BYED PA'I BSTAN BCOS KYI KHYAD PAR RO, ,DE YANG BRJOD BYA DANG RJOD BYED GNYIS KA'I YAN LAG LAS GZHAN MA YIN NO, ,LE'U DE BZHIN CHO GA DANG, ,ZHES PA NI LE'U LA SOGS PA BZHI PO NI GZHUNG RDZOGS PA'I GNAS YIN TE, GANG GI PHYIR YONGS SU GCOD CING GZHAL BYA GANG DU RDZOGS PAR BYED PA DE NI LE'U 'O, ,GZHAN DU NI LE'U BCO BRGYAD KYI BDAG NYID KYI RGYUD NGES PAR MI 'GYUR TE, MANG NYUNG GI SKYON DU THAL BAR 'GYUR BA'I PHYIR RO, ,DE BZHIN DU CHO GA LA SOGS PA YANG SHES PAR BYA'O, ,JI SKAD DU, YONGS SU GCOD PAS LE'U STE, STONG PA NYID KYI CHO GAR 'GYUR, ,SPROS PA MANG BAS DUM BU STE, ,SGRIB PA MED PAS RIM PA PHYE, ,ZHES 'BYUNG NGO, ,GZHUNG NYID KYIS NI GRANGS KYANG NGO, ,ZHES PA LA KYANG GI SGRA NI DON GYIS YIN TE, GANG DU DON YANG YONGS SU RDZOGS PA DE YANG LE'U LA SOGS PA YIN NO, ,DGOS PA BSTAN PAR BYA BA'I PHYIR, DGOS PA YANG NI ZHES BYA BA SMOS TE DE YANG RNAM PA GNYIS TE, DGOS PA DANG, DGOS PA'I DGOS PA'O, , DE DAG RANG DANG GZHAN GYI DON SGRUB PAR BYED PA'I MTSAN NYID DO, ,SGRUB PA BRGYAD NI RANG GI DON PHUN SUM TSOGS PA GTZOR GYUR BA'O, ,SANGS RGYAS NYID NI GZHAN GYI DON PHUN SUM TSOGS PA'O, ,GRUB PA NI RNAM PA GNYIS TE, 'JIG RTEN PA DANG 'JIG RTEN LAS 'DAS PA'O; ,'JIG RTEN PA NI ZHI BA LA SOGS PA'I CHO GA'O, ,'JIG RTEN LAS 'DAS PA NI PHRA BA LA SOGS PA'O, ,DE LA ZHI BA DANG RGYAS PA DANG DBANG DANG DGUG PA DANG RNAM PAR SDANG BA DANG GSOD PA DANG, SKROD PA DANG RENGS PA'O, ,YANG NA 'KHOR LO DANG RIN PO CHE DANG PADMA DANG RAL GRI DANG RDO RJE DANG RI LU DANG MIG SMAN DANG RKANG MGYOGS TE BRGYAD DO, ,PHRA BA LA SOGS PA NI GZUGS PHRA BA DANG REG PA YANG BA DANG KHYAB PA DANG YANG DAG PAR THOB PA NYID DANG RAB TU SNANG BA NYID DANG BRTAN PA DANG DBANG DU GYUR PA DANG 'DOD DGUR GYUR PA'O, ,YANG NA, SKU YI DBANG PHYUG GSUNG

, ,DBANG PHYUG ,DE BZHIN THUGS KYI DBANG PHYUG STE, ,RDZU 'PHRUL YON TAN KUN DBANG PHYUG ,BZA' BA BYED PA YON TAN BRGYAD, ,DE LTAR RANG GI DON PHUN SUM TSOGS PA GTZOR GYUR PA NI DGOS PA'O, ,GZHAN GYI DON PHUN SUM TSOGS PA GTZOR GYUR PA NI DGOS PA'I DGOS PA'O, ,DGOS PA'I TSIG GCIG GIS GNYIS KA GZUNG BA STE, RGYUD KYI RIGS PA LAS, SHIN TU DANG BA DE NI KHYI DANG DKAR PO 'GRO BA LA YANG 'JUG PA BZHIN NO, ,DES NA DGOS PA DANG DE'I YANG DGOS PA YANG DAG PAR BSDUS SO, ,GLENG BSLANG BA NI 'DAS ZIN TE, ZHES BYA BA 'DIS NYE BAR SDUD PA BSTAN TO, ,GNYIS PA ZHES PA LA SOGS PA 'DIS GNYIS PA MDOR BSTAN PA'O, ,RGYUD CES BYA BA LA SOGS PA 'DIS RGYAS PAR BSTAN PA'O, ,MI YI SKYE BAR 'KHRUNGS PA NI, ZHES BYA BA LA SOGS PAS SO SOR BSTAN PA'O, ,DE LA MDO SDE DANG 'DUL BA DANG MNGON PA RNAMS KYI RIGS PA NGES PAR BSTAN NAS SLAR YANG SNGAGS KYI THEG PA CHEN PO'I SGO NAS STON PA YIN TE, DE LA RE ZHIG DANG PO NI BCOM LDAN 'DAS KYIS MI'I SKYE BAR 'KHRUNGS PAR BSTAN TE, GANG GI PHYIR BCOM LDAN 'DAS SH'AKYA SENG GES 'GRO BA GDON PAR BYA BA'I PHYIR RJES SU MTHUN PA'I MI'I SKYE BAR 'KHRUNGS SO, ,RIGS PA DE NYID 'THAD PA YIN TE MI 'GAL BA'I PHYIR RO, ,GANG GI PHYIR RIGS MI MTHUN PA RNAMS LA DE'I LUS LA SOGS PA DANG MTSUNGS PA MA YIN TE, BA LANG LA SOGS PA DANG BYA RNAMS LA SOGS PA BZHIN NO, ,DE BAS NA MTSUNGS PA NI RGYUD YIN TE, RGYAL RIGS KYI SKYES BU CHEN PO 'AM BRAM ZE'I SKYES BU CHEN POR 'KHRUNGS PA'O, ,DE TZAM GYIS DON MI 'GRUB PAS CHAGS PA DANG BRAL ZHING DBEN PA LA MA BSTEN PA'I BAR DU MI 'GRUB PAS BTZUN MO'I 'KHOR GYI NANG NAS ZHES SMOS TE, BCOM LDAN 'DAS DE NYID KYIS BTZUN MO'I 'KHOR GYI NANG DU BZHUGS PAS MTSAN PHYED KYI DUS BTZUN MO THAMS CAD GNYID LOG PAS DUR KHROD 'DI NYID YIN ZHES MI SDUG PA'I BSGOM PA MNGON DU BYAS TE DE'I TSE MKHA' LA BYON PA'I SANGS RGYAS KYI TSOGS 'DOD CHAGS DANG BRAL BDAG RGYAL PO'I PHO BRANG GI NANG DU

ZHUGS PA LA BLTAS TE, DE RNAMS KYIS SKU BSTAN PA MTHONG NAS SKYO BA SKYES PAR GYUR PAS DE RNAMS KYI CHOS GOS KYI MTHA' BZUNG ZHING, BCOM LDAN 'DAS RANG SANGS RGYAS GANG GIS BZHUD PA'I LAM DE NYID NAS NGES PAR 'BYUNG BAR GYUR TO, ,BYUNG NAS DGON PA DBEN PA LA DRANG SRONG DAM PA LAS CHAGS BRAL GYI LAM BLANGS TE, RAL GRIS DBU SKRA BREGS TE CHOS GOS 'DZIN PAR GYUR TO ZHES BTZUN MO'I 'KHOR GYI NANG NAS NI NGES PAR BYUNG BA NI GLENG GZHI YIN TE, 'DOD CHAGS DANG BRAL BA'I SNGON BYUNG BA'I BCAS GZHI'O, ,DGON PAR GNAS PAS KYANG GAL TE 'DOD CHAGS LA SOGS PA SKYE BAR GYUR NA, DE'I TSE KHYIM NAS 'BYUNG BA DON MED PAR 'GYUR BAS DE'I PHYIR GSUM PA YIN TE, 'DUL LAS ZHES BYA BA LA SOGS PA 'DUL BA LAS BSTAN PA NI SO SOR THAR PA'I SDOM PA LA SOGS PA NAS GSUNGS PA'I BSLAB PA'I TSIG GI TSOGS GANG YIN PA DE BCOM LDAN 'DAS KYIS BLANGS SO, ,DES NI DON MTHUN PA BSDU BA'I DNGOS PO BSTAN TO, ,GZHAN DU NA SDOM PA MA BLANGS PAS PHA ROL PO RNAMS LA DE BSTAN PA DON MED PAR 'GYUR RO, ,DE BAS NA DE RIGS PA YIN TE, ,SEMS CAN GYI DON GYI YAN LAG GTZO BO YIN PA'I PHYIR RO, ,DE NI NGES PA'I TSIG CES BYA BA LA SOGS PAR GSUNGS PA'I SDOM PA'I TSIG NGES PAR BSRUNG BA'I PHYIR RO, ,'BRAS BU NI SANGS RGYAS NYID DO, ,DE 'DOD PAS NI DE THOB PAR BYA BA'I 'DUN PAS SO, ,CHOS SPYOD PA NI DKA' THUB KYI SPYOD PA LA SOGS PA BCOM LDAN 'DAS KYIS GANG MDZAD PA DE NI RGYU ZHES BRJOD BYA STE, 'BRAS BU THOB PA LA THABS YIN PA'I PHYIR RO, ,DE NYID NI RIGS PA YIN TE, GANG GI PHYIR LUS DANG NGAG DANG YID SDOM PAR BYED PA BRTUL ZHUGS KYI KHYAD PAR 'DI BYANG CHUB 'DOD PAR BYA BA YIN NO, ,'DI NI ZHES BYA BA LA SOGS PAS NYE BAR SDUD BA BSTAN TO, ,'DOD CHAGS CHOS KYI ZHES BYA BA LA SOGS PA LA, 'DOD CHAGS RNAM PAR DAG PAR BYED PA'I SNGAGS KYI BSTAN PA LA'O, ,DON GSAL RTOGS PHYIR BSHAD PAR BYA, ,ZHES PA NI MI SLU BA'I DON YONGS SU SHES PA'I RGYU BSHAD PAR BYA'O, ,RIGS LNGA'I SANGS RGYAS ZHES BYA BA LA SOGS PA LA, NYON MONGS PA LNGA DANG KHAMS DANG DBANG PO DANG YUL

, ,DANG RNAM PAR SHES PA DANG PHUNG PO LNGA RNAM PAR DAG PA'I SLAD DU BCOM LDAN 'DAS RDO RJE 'CHANG CHEN POS GZUGS GCIG PU YANG YE SHES LNGA'I NGO BO NYID DE BZHIN GSHEGS PA LNGA'I RIGS SU SPRUL PAR MDZAD DE, DE NYID KYIS SNGON DU BSHAD PA'I NYON MONGS PA LA SOGS PA 'GOG PA'I PHYIR RO, ,DE NYID RIGS PA YIN TE, GANG GI PHYIR LHA'I SKU NI THA MAL PA'I LUS DANG 'GAL BA YIN PA'I PHYIR RO, ,KUN RDZOB KYI PHYOGS 'DI YIN GYI DON DAM PA MA YIN PAR BSTAN PAR BYA BA'I PHYIR, RGYUD CES BYA BA YIN PAR BRJOD CES SMOS SO, ,SLAR YANG ZHES BYA BA LA SOGS PA LA, RIGS LNGA PO RDO RJE 'CHANG CHEN PO'I RIGS SU GCIG TU GYUR TE, DE YANG BSKYED PA'I RIM PA LAS KYI RGYAL BA MCHOG GI TING NGE 'DZIN GYI BAR DU PHYI'I DKYIL 'KHOR LUS KYI DKYIL 'KHOR LA BSDUS TE BDE BA CHEN PO'I RANG BZHIN DPA' BO GCIG PU GNAS PA BZHIN NO, ,RDZOGS PA'I RIM PA LA YANG GNYIS PA DANG, BZHI PA'I RIM PA LAS GSUNGS PA'I 'OD GSAL BA LA 'JUG PA'AM, ZUNG DU 'JUG PA'I TING NGE 'DZIN NI RIGS GCIG TU GYUR PA'O, ,DE NYID GLENG GZHI YIN PAR BSTAN PA NI RDO RJE 'CHANG CHEN PO NYID BSKAL PA'I BAR DU GNAS PA DANG, RANG BZHIN GYIS RTAG PA YIN GYI GZHAN NI MA YIN PA'I PHYIR RO, ,RIGS PA 'DI YANG YIN TE, DBYE BA THAMS CAD STONG PAR NUB PA'I PHYIR RO, ,RDO RJE LA SOGS PA ZHES BYA BA LA, MOS PA SNA TSOGS PA'I SEMS CAN GYI KHAMS RJES SU GZUNG BA'I PHYIR, DE BZHIN GSHEGS PA RIGS LNGA PO RDO RJE LA SOGS PA'I PHYAG MTSAN GZUNG BAR BYA BAR GSUNGS SO, ,DE RNAMS KYANG RNAM PAR DAG PA DANG BCAS PAR BSTAN TE, SPONG BA LNGA DANG RIG PA LNGA, ,RDO RJE ZHES NI MNGON PAR BRJOD, ,JI LTAR PADMA DMAR PO 'DI, ,GNAS KYI SKYON GYIS MGOS PA, , DNGOS PO SNA TSOGS SKYON RNAMS KYIS, ,MA GOS DE LTAR KHAMS GSUM YIN, ,ZHES 'BYUNG BA DANG, DE BZHIN DU YANG RIG PA'I DBANG BSKUR BA'I DUS SU SLOB MA'I LAG PA DAG TU RDO RJE DANG DRIL BU BYIN NAS, BYANG CHUB SEMS GANG DE RDO RJE, ,SHES RAB DRIL BU ZHES BRJOD DO, ,ZHES

'BYUNG NGO, ,'DIR YANG RIGS PA STE, DON DANG RJES SU LDAN PA'I MING DANG LDAN PA 'DZIN PA'I PHYIR RO, ,GZHAN DU NA LCAGS LA SOGS PAS 'DZIN PA MED DO, ,DE NYID KYI PHYIR, NGES PA'I TSIG NI YIN PAR BSHAD, ,CES SMOS TE, SGEG PA LA SOGS PA ZHES BYA BA LA SOGS PA NI; BDE BAS BYANG CHUB THOB PAR 'GYUR, ,ZHES TSIG LAS SGEG PA LA SOGS PA'I GAR GYI NYAMS DGU DANG LDAN PA'I SPYOD PAS RDO RJE 'CHANG CHEN PO'I GO 'PHANG THOB PAR 'GYUR ZHES 'BRAS BU THOB PA'I PHYIR SPYOD PA LNGA NI SNGA MA BZHIN KHO NA'O, ,DE LA, SGEG PA DPA' BA 'JIGS RUNG DANG; ,DGOD DANG GSHE DANG 'JIGS BYED DANG, ,SNYING RJE RNGAM DANG ZHI BA NI, ,GAR GYI NYAMS NI DGU RU BSHAD, ,DE LA SGEG PA'I SPYOD PA NI, DAM TSIG GI PHYAG RGYA LA SOGS PA BSTEN PA'O, ,DPA' BA'I SPYOD PA NI THAMS CAD DU MI 'JIGS PA'O, ,'JIGS SU RUNG BA'I SPYOD PA NI GO KU DA HA NA BZA' BA'I MTSAN NYID DO, ,SMAD PA DANG 'JIGS PAR BYED PA NI 'JIGS SU RUNG BA ZHES BSHAD DO, ,DGOD PA'I SPYOD PA NI RO LANGS BSLANG BA LA SOGS PA'I MTSAN NYID DAM SGEG PA'I NYAMS KYI BYE BRAG GO, ,GSHEG PA'I SPYOD PA NI MNGON SPYOD LA SOGS PA'I LAS DRAG PO'I RAB 'BYAMS BYED PA'I MTSAN NYID DO, ,'JIGS PAR BYED PA'I SPYOD PA NI ZHE SDANG RDO RJE'I TING NGE 'DZIN GYIS KHRO BO'I 'KHOR LO SPROS TE BGEGS RNAM PAR GNON PA DANG PHUR BUS GDAB PA DANG BRDUNG BA'I MTSAN NYID DO, ,SNYING RJE'I SPYOD PA NI SEMS CAN RJES SU BZUNG BA'I MTSAN NYID DO, ,RNGAM PA'I SPYOD PA NI BSTAN PA LA SOGS PA'I RDZU 'PHRUL LAM, CHOS 'DI RU BSTAN PA'I DUS SU GZHAN DU YANG BSTAN PA LTAR SNANG BA'O, ,'GAL BA'I SGO NAS SEMS CAN GYI DON BYED PA'I MTSAN NYID DO, ,ZHI BA'I SPYOD PA NI RANG BZHIN GYIS GRUB PA'I 'OD GSAL BA LA 'JUG PA'I TING NGE 'DZIN TO, , 'DI YANG RIGS PA YIN TE, THABS BDE BAS 'DOD CHAGS CAN LA SOGS PA 'DUL BA'I PHYIR RO, ,RIGS PA BSTAN NAS GSUM PA RGYAN BSHAD PA'I RGYUD LAS BYA BA'I PHYIR, RGYAN NI GSUM PA ZHES BYA BA LA SOGS PA SMOS TE, MTHA' DRUG NI MTHA'I SGRAS BYE BRAG BSHAD DO, DES

, ,BYE BRAG DRUG GI BSHAD PA'I RIM PA YIN ZHES BSHAD DO, ,RNAL 'BYOR RGYUD TSUL LAS BSHAD PA'I, ,ZHES PA NI RDO RJE PHRENG BA LA SOGS PA'I BSHAD PA'I RGYUD LAS BCOM LDAN 'DAS NYID KYIS GSUNGS SO, ,RGYAS BTAB DON NI RAB RTOGS PA, ,ZHES BYA BA NI PHYED PAR DKA' BA'I DON JI LTA BA BZHIN DU PHYIN CI MA LOG PA'I DE KHO NA NYID RAB TU RTOGS SHING BAR TU GSAL BA ZHES THA TSIG GO, ,JI LTA BU ZHE NA, MTHA' DRUG GI NI TSIG NGES SHING, ,ZHES SMOS PA NI MTHA' DRUG GIS TSIG RNAMS NGES PAR BYED PA'O, ,TSIG RNAMS KYI DON YANG NGES BAR BYA ZHES SMRA BA YANG YIN TE, MTHA' DRUG NI DON DANG SGRA'I RGYAN YIN PA'I PHYIR RO, ,DRANG BA DANG ZHES BYA BA LA SOGS PAS RGYAS PAR BSHAD DO, ,SKAL NGAN RNAMS LA ZHES BYA BA LA SOGS PAS SO SOR BSTAN PAR BSHAD DO, ,SKAL NGAN NI SEMS LA G-YO SGYU YOD PA DANG, THE TSOM RGOL BA LA DGA' BA'I PHYIR RO, ,DE LTA BU NYAN PA PO GANG YIN PA DE RNAMS LA RGYAL BA STE RDO RJE 'CHANG CHEN POS DRANG BA'I DON DU GSUNGS TE, DE KHO NA NYID KYI DON LAS BSKYED PA'I RIM BCOM GZHAN DU DRANGS PAS NA DRANG BA'I DON TO, ,DE KHO NA NYID STON PAR BYED PA MA YIN NO, ,SBAS TE ZHES PA NI DON DAM PA MA YIN ZHES BYA BA'I DON TO, ,YANG DAG DON NI RAB STON PHYIR, ,ZHES PA NI RTZA KUN TU SPYOD PA LA SOGS PA'I MTSAN NYID CAN GYI DON JI LTA BA BZHIN DU BSTAN PAR BYA BA'I PHYIR RO, ,NGES PA'I DON NI NGES PAR BSHAD PA'I DON NO, ,GNAS PA NI BSHAD PA'O, ,RJOD PAR BYED PA GCIG GIS DON GNYIS BRJOD PA LA NUS PA JI LTAR YOD CE NA, SMRAS PA, SNA TSOGS SEL BA DANG LDAN PA'I SGRA YIN PA'I PHYIR RO, ,DPER NA GO'I SGRA GCIG PUS DON BCU BRJOD DE, JI SKAD DU, NGAG PHYOGS SA 'OD RDO RJE MDA', ,PHYUGS MIG MTHO RIS CHU DAG TU, ,DON BCU LA NI BLO CAN GYIS, ,GO YI SGRA NI BRTAG PAR BYA, ,ZHES 'BYUNG NGO, ,DON GYI RGYAN DE DAG YIN TE, SGRA'I BYE BRAG MED PA'I PHYIR RO, ,MCHOG 'DOD CES BYA BA LA SOGS PA NI DE KHO NA NYID 'DOD PA'I SLOB MA RNAMS LA'O, ,DE RNAMS LA CHOS KYI DE NYID RAB STON PA ZHES PA NI 'OD GSAL BA'I

DE KHO NA NYID BSHAD PA'O, ,'GAL BA'I TSIG GI SBYOR BA YIS, ,ZHES PA LA 'JIG RTEN DANG 'GAL BA'I SGRA'I SGO NAS SO, ,GSUNGS PA GANG YIN DGONGS BSHAD DE, ,ZHES PA NI DGONGS PA DANG BCAS PA'I SGRA'I SBYOR BA BSTAN TE ZHES THA TSIG GO, ,'DI NI SGRA YI RGYAN YIN TE, DE LTA BUR GYUR PA'I SGRA GTZO BO YIN PA'I PHYIR RO, ,DBANG PO DMAN PA'I SEMS CAN RNAMS, ,ZHES BYA BA LA SOGS PA NI SHES RAB KYI MTHAR THUG PA MED PA DE BAS DAD PA CHE BA'I PHYIR DE KHO NA NYID STON PA LA SNOD DU GYUR PA DBANG PO DMAN PA'O, ,RTOGS PHYIR ZHES PA NI DE RNAMS DE KHO NA NYID DU RTOGS SU 'JUG PA'O, ,MCHOG TU GSAL BA YIS ZHES PA NI GSAL ZHING 'JAM PA'I TSIG GIS STON PA'O, ,DE NYID GSAL BAR STON PA NI ZHES PA LA RAB TU GRAGS PA'I DE KHO NA NYID BSHAD PA'O, ,DGONGS PA MIN PAS BSHAD PA'O, ,ZHES PA NI 'GAL BA'I SGRA MED PAR GSUNGS ZHES THA TSIG GO, ,'DI NI DON GYI RGYAN YIN TE, DON KHO NA BRGYAN PAR BYA BA YIN PAS SO, ,DKYIL 'KHOR LA SOGS DANG ZHES PA NI DKYIL 'KHOR SNA TSOGS 'DRI BA DANG, TSAD LA SOGS PA'I TSIG RNAMS LA'O, ,DE BZHIN DU RTOG PA NI GSHIN RJE GSHED LA SOGS PA'I SGOM PAS RNAM PAR SDANG BA LA SOGS PA LAS KYI RAB 'BYAMS STON PAR BYED PA LA'O, ,SPYOD PA NI SPROS BCAS LA SOGS PA'O, ,JI LTAR JI LTAR GSUNGS ZHES PA NI DE DANG DE STON PAR BYED PA'I TSIG DAG LA'O, ,DON ZAB MIN BSHAD GANG YIN PA, ZHES PA NI DE KHO NA NYID KYI DON DANG BRAL ZHING PHYI'I SPROS PA TZAM STON PAR BYED PA'O, ,DE NI JI BZHIN SGRAR GSUNGS PA'O, ,ZHES PA LA SGRA JI LTAR YOD PA DE DANG 'DRA BA'I DON STON PA'O, ,'DI YANG SGRA YI RGYAN YIN TE, ,JI SKAD DU, THUGS KYI DKYIL 'KHOR DAM PA STE, ,KHRU NI BCU GNYIS TSAD DU BYA, ,ZHES GSUNGS PAS DE LAS MANG BA'AM NYUNG BAR ME BYA'O, ,DE BZHIN DU RTOG PA DANG DPYOD PA DAG LAS SHES PAR BYA'O, ,KO tA KshA LA SOGS PA NI 'DIR SGRA GNYIS TE, 'JIG RTEN PA DANG, BSTAN BCOS PA'O, ,DE LA 'JIG RTEN PA NI, DPER NA BA LANG

, ,DANG RTA DANG SKYES PA DANG BYA DANG RI DAGS DANG GLANG PO CHE DANG BRAM ZE ZHES BYA BA DANG, BSTAN BCOS PA NI DPER NA BDEN PA DANG DKON MCHOG GSUM DANG, DE BZHIN NYID DANG YANG DAG PA'I MTHA' DANG STONG PA NYID DO ZHE'O, ,KO tA KshA LA SOGS PA NI 'JIG RTEN PA YANG MA YIN LA, BSTAN BCOS PA YANG MA YIN NO, ,DE LTA YIN NA CI'I PHYIR BRJOD CE NA, DE BZHIN GSHEGS PA ZHES PA NI RANG GIS GLEGS BAM LTA BA RNAMS LA 'KHRUL PA BSKYED PAR BYA BA'I PHYIR BCOM LDAN 'DAS DE BZHIN GSHEGS PA RTZA BA DANG YAN LAG GI RLUNG RNAMS KYI DE DAG BRDAR GSUNGS SO; ,DPER NA BHU SU KO BZHIN NO, ,ZA BA DANG NYAL BA DANG 'CHAG TU 'GRO BA ZHES BYA BA'I DON TO, ,DE NI JI BZHIN MIN SGRAR GRAGS, ,ZHES PA NI DON BRJOD PA LA SGRA MI 'DRA BA'I PHYIR RO, ,'DI YANG SGRA YI RGYAN YIN TE, BRDA YANG SGRA YIN PA'I PHYIR RO, ,DE LTA NA SGRA JI BZHIN PA DANG DRANG BA'I DON LA BYE BRAG GANG ZHE NA, SMRAS PA, SGRA DANG DON GYI RGYAN GYI DBYE BAS SO, ,DRANG BA'I DON DAD DGOS PA MA YIN PA DAG GI KHYAD PAR GANG ZHE NA, MI GSAL BA DANG GSAL BA'I BYE BRAG GIS SO, ,SGRA JI BZHIN PA DANG, DGONGS PAS BSHAD PA DAG GI NI, ,MI 'GAL BA DANG 'GAL BA'I SGRA'I DBYE BAS SO, ,NGES PA'I DON DANG, DGONGS PA MA YIN PA DAG GI NI, ,DBANG PO RNO BA DANG DBANG PO DMAN PA'I GANG ZAG GI DBYE BAS SO, ,DGONGS PA DANG SGRA JI BZHIN MA YIN PA DAG GI NI 'GAL BA DANG MA GRAGS PA DAG GI SGRA'I DBYE BAS SO, ,DE LTAR DRANG BA DANG NGES PA'I DON DANG DGONGS PA MA YIN PA NI DON GYI RGYAN NO, ,DGONGS PAS BSHAD PA DANG SGRA JI BZHIN MA YIN PA NI SGRA'I RGYAN ZHES MTHA' DRUG GI DBYE BA ZHES BYA BA BSHAD PA'I BYE BRAG BSTAN TO, ,RIM PA GNYIS PO GCIG PU STON PAR BYED PA BSHAD PA'I RNAM PA BSTAN PAR BYA BA'I PHYIR, BSHAD PA'I DBYE BA ZHES BYA BA LA SOGS PA SMOS SO, ,YI GE DON ZHES BYA BA LA SOGS PAS MDOR BSTAN PA'O, ,DANG PO GCIG PU KHO NA NYID, ,CES BYA BA LA SOGS PAS GRANGS SNGON DU 'GRO BAS RGYAS PAR BSHAD PA'O, ,KUN DU BSDUS TE RNAM PA BRGYAD DU 'GYUR RO, ,SO SOR BSTAN

PAR BYA BA'I PHYIR, SGRA TZAM LA NI RAB GZHOL BA, ,ZHES PA NI SGRA TZAM LA MNGON PAR ZHEN PA'O, ,PHYI ROL BSTAN BCOS MKHAS PA YIS, ,ZHES PA NI RTOG GE DANG SGRA'I BSTAN BCOS LA SOGS PAR BYED PA'I TSIG DANG BYED PA PO DANG RTAGS DANG BSDU BA LA SOGS LA MKHAS PA'O,, DE YI SGRUB PA RAB STON PA, ,ZHES PA NI DE DANG RJES SU MTHUN PA'I BSTAN PA BCOM LDAN 'DAS KYIS GANG BSTAN PA DE NI YI GE'I DON TE, YI GE TZAM GYI DON BRJOD CING BRJOD PAR BYA BA GANG YANG RUNG BA STE, RDZOGS PA'I RIM PA SPANGS PA'I BSKYED PA'I RIM PA'I PHYOGS GCIG GI MTSAN NYID DO, ,DE BAS 'DI SGRA'I RGYAN YIN TE, SGRA SNA TSOGS PA TZAM YIN PA'I PHYIR RO, ,SPYI'I DON BSTAN PAR BYA BA'I PHYIR, MDO SOGS ZHES BYA BA LA SOGS PA SMOS TE, MDO SDE LA SOGS PA NI NYAN THOS DANG MDO SDE PA DANG RNAL 'BYOR SPYOD PA DANG, DBU MA PA RNAMS SO, , GANG GI TSE SNGON GYI BAG CHAGS KYI 'BREL PA'AM, DGE BA'I BSHES GNYEN DANG PHRAD PAS SNGAGS KYI THEG PA CHEN PO BSTAN PAR GYUR PA DE'I TSE RANG GI SDOM PA DANG 'GAL BA'I DAM TSIG DANG SDOM PA THOS NAS 'GYOD PAR GYUR PAS GSANG SNGAGS KYI GSUNG LA SKUR BA BTAB PA'I SDIG PA ME LA PHYE MA LEB BZHIN DU LTUNG BAR 'GYUR RO, ,DE RNAMS KYI 'GYOD PA BZLOG PAR BYA BA'I PHYIR DE DANG MTHUN PAR BCOM LDAN 'DAS KYI BSTAN PA GSUNGS SO, ,GANG GIS 'DI NI RIGS PA YIN, ,ZHES LAM DE NYID DU ZHUGS SHING SKUR BA MI 'DEBS SO, , MDO SDE LA SOGS PA LA ZHUGS PA'I 'GYOD PA ZLOG PAR BYED PA'I MTSAN NYID NI SPYI'I DON GYI YAN LAG DANG PO'O, ,DE BZHIN DU YANG BSKYED PA'I RIM PA DANG LDAN PAS NA ZHES PA NI YAN LAG GNYIS PA'O, ,DE YANG RNAM PA GNYIS TE, YONGS SU GRAGS PA DANG BSTAN BCOS PA'O, ,DE LA DANG PO SBYOR BA DANG DKYIL 'KHOR RGYAL BA DANG LAS KYI RGYAL BA'I TING NGE 'DZIN GSUM STON PAR BYED PA NI YONGS SU GRAGS PA'O, ,BYANG CHUB KYI SEMS KHO NA LAS KHAMS GSUM THAMS CAD SKYE BA STE, BYANG CHUB KYI SEMS DE YANG DBANG PO GNYIS

, ,SNYOMS PAR ZHUGS PA LAS 'BYUNG NGO ZHES PA NI BSTAN BCOS PA'O, ,GNYI GA DE DAG KYANG SPYI'I DON ZHES BSHAD PA'I BYE BRAG STE BSKYED PA'I RIM PA'O, ,RDZOGS PA'I RIM PA SO SOR BSTAN PAR BYA BA'I PHYIR, ,'DOD CHAGS CHOS ZHES BYA BA LA SOGS PA 'DOD CHAGS KYI CHOS NI 'DOD CHAGS KYI CHOS TE DE'I CHOS NYID DO, ,BZLAS PA'I GNAS SKABS SU NI 'DOD CHAGS LA SOGS PA'I BZLAS PAS 'DOD CHAGS LA SOGS GANG GIS 'DOD CHAGS RNAM PAR DAG PAR GYUR PA'O, ,'DI NI NYE BAR MTSON PA STE, ZHE SDANG LA SOGS PA'I RNAM PAR DAG PA YANG SHES PAR BYA'O, ,DE RAB TU STON PA NI SBAS PA'I DON GCIG PA'O, ,DE YIS RDO RJE BZLAS PA'I RIM PA BSHAD DO, ,BZLAS PA'I GNAS SKABS SU NI 'DOD CHAGS LA SOGS PA'I BZLAS PAS 'DOD CHAGS LA SOGS PA RNAL 'BYOR BAS DAG PAR BYED DO, ,KUN RDZOB BDEN PA RTOGS PA DANG, ,ZHES PA NI MYUR BA'I TING NGE 'DZIN NAM SNANG BA LA SOGS PA'I RNAL 'BYOR GYIS SKYED PA'I LHA'I SKU SGYU MA LA SOGS PA'I DPE BCU GNYIS KYI SGO NAS MTHONG BA ZHES BYA BA 'DIS BDAG LA BYIN GYIS RLOB PA'I RIM PA SBAS PA'I DON GNYIS PA'O, ,YE SHES GSUM PO RNAM DPYAD PA'I, ,ZHES PA NI 'DIS SEMS RNAM PAR DAG PA'I RIM PA BSTAN TO, ,DE LTAR RDO RJE BZLAS PA DANG SEMS RNAM PAR DAG PA DANG RANG BYIN GYIS BRLAB PA STE RIM PA GSUM NI SBAS PA'O, ,SBAS PA NI SBAS PA'I MTSAN NYID CAN RIM PA GSUM PO GANG LA YOD PA DE NI SBAS PA'O, ,RIM PA THA MA GNYIS PO SO SOR STON PAR BYED PA NA MTHAR THUG PA BSTAN PAR BYA BA'I PHYIR, 'OD GSAL BA LA RAB 'JUG DANG, ,ZHES SMOS TE, PHYAG RGYA DANG, TING NGE 'DZIN GYI RIM PA DAG GIS YANG DAG PAR THOB PAR BYA BA'I DE KHO NA NYID BZHI PA MNGON DU BYED PA'O, ,DES NI MNGON PAR BYANG CHUB PA'I RIM PA BSTAN TO, ,DE BZHIN DU, ZUNG DU 'JUG PA RTOGS PA STE, ,ZHES BYA BA 'DIS ZUNG DU 'JUG PA'I RIM PA BSTAN TO, ,MTHA' NI MUR THUG PA YI TSIG ,CES PA NI DE LAS GZHAN PA'I RIM PA MED PA'I

PHYIR RO, ,DE LTAR BSHAD PA RNAM PA BZHIS RIM PA GNYIS PO YONGS SU RDZOGS PAR BSTAN TO, ,DE LTAR YI GE'I DON NI SGRA'I RGYAN NO, ,SPYI'I DON DANG SBAS PA DANG MTHAR THUG PA'I DON NI DON GYI RGYAN NO, ,DE RNAMS KYIS RIM PA GNYIS PO BRGYAN PAR BYED CES PA'I THA TSIG GO, , GAL TE BSHAD PA RNAM PA BZHI POS RIM PA GNYIS PO BSTAN PA YIN NA, DE'I TSE SGRA DANG DON GYI DBYE BAS CI ZHIG BYA ZHE NA, SMRAS PA, NGES PA MED PA'I PHYIR MTHA' DRUG TU GSUNGS TE, BSHAD PA RNAM PA BZHI PO BZHIN DU MTHA' DRUG GIS NGES PAR RIM PA GNYIS PA BSHAD PA MA YIN TE; DRANG BA'I DON GYIS RDZOGS PA'I RIM PA BKAG NAS BSKYED PA'I RIM PA'I YAN LAG TZAM STON PAR BYED DE, DE BAS NA SPYI'I DON LAS KHYAD PAR YOD PA'O, ,NGES PA'I DON NI RDZOGS PA'I RIM PA STON PAR BYED PA YANG RDO RJE BZLAS PA LA SOGS PA'I RIM PA STON PA LA NGES PA MED DE, STONG PA NYID TZAM MAM GZHAN GANG CI YANG RUNG BA DES STON PAR BYED PA'I PHYIR RO, ,RES 'GA' ZHIG BSTAN PAS KYANG DE'I THA SNYAD MI RIGS SO, ,DGONGS PA BSHAD PAS KYANG DE KHO NA NYID KYI DON SO SOR STON PAR BYED PA SNGA MA BZHIN NO, ,KHYAD PAR NI 'GAL BA'I SGRA RAB TU SBYOR BAS SO, , DGONGS PA MA YIN PA DE BZHIN YIN NO, ,SGRA JI BZHIN PAS NI PHYI'I SPROS PA TZAM STON PAR BYED PA'I NUS PA YOD KYI GZHAN NI MA YIN NO, ,SHIN TU SPROS PA MED PA'I SPYOD PA NI RDZOGS PA'I RIM PA'I YAN LAG YIN YANG SGRA JI BZHIN PAS DE BSGRUB PAR BYA BA MA YIN GYI 'ON KYANG DE'I MTSAN NYID TZAM RJOD PAR BYED PAS SKYON MED DO, ,SGRA JI BZHIN MA YIN PA NI 'JIG RTEN DANG BSTAN BCOS LAS PHYIR GYUR PAS BSKYED PA'I RIM PA TZAM LA YANG STON PAR BYED PA'I NUS PA MED NA YANG, YAN LAG LNGA DANG LDAN PA'I RDZOGS PA'I RIM PA LAG LAS 'GYUR TE, BRDA TZAM STON PAR BYED PA YIN PA'I PHYIR RO, ,DE'I PHYIR NA MTHA' DRUG LAS BSHAD PA RNAM PA BZHI PO THA DAD PA KHO NA'O, ,'CHAD PAS ZHES BYA BA LA SOGS PA 'DIS 'CHAD PA PO'I RGYUN BSHAD PA YIN TE, GAL TE 'CHAD PA POS GZHAL BYA MA SHES NAS SLOB MA RNAMS KYI BSAM PA MA LONGS SHING BSHAD PAR BYED NA, DE'I

, ,TSE THAMS CAD DKRUGS PAR 'GYUR RO, ,SLOB MA'I DBYE BA YONGS SU SHES PAS BSHAD PA SNA TSOGS PA BYED PA LA BRTZON PA'I 'CHAD PA PO YOD NA, THAMS CAD MDZES PAR BYED PAS 'CHAD PA PO'I RGYAN YIN NO, ,'DOD PA NI SMON PA STE SRID PA'I DON DU LUNG SBYAR RO, ,GAL TE 'CHAD PA POS BSHAD PAR 'DOD PA DE'I TSE DBYE PA GNYIS KYIS NYAN DU GZHUG PA'I PHYIR BSHAD PAR BYA'O, ,DE LA DBYE BA GNYIS NI TSOGS PA LA BSHAD PA DANG, SLOB MA LA BSHAD PAR BSTAN PA'O, ,DE LA TSOGS KYI NANG DU GSANG BA'I DON GAB PAR BYAS LA BSHAD PA GANG YIN PA DE NI TSOGS LA BSHAD PA'O, ,DBANG PO RNO BA'I GANG ZAG RNAMS LA SHIN TU GSAL BA'I DE KHO NA NYID RAB TU BSTAN PA NI SLOB MA LA BSHAD PA'O, ,DE LA DANG PO RNAM PA LNGA STE, JI BZHIN SGRA NI SGRA'I RGYAN NO, ,DGONGS MIN NI DON GYI RGYAN NO, ,DRANG BA'I DON NI DON GYI RGYAN NO, ,YI GE'I DON NI SGRA'I RGYAN NO, ,DE LTAR YI GE'I DON DANG SGRA JI BZHIN PA SGRA'I RGYAN DAG DANG, DRANG BA'I DON DANG DGONGS PA MA YIN PA DANG, SPYI'I DON RNAMS NI DON GYI RGYAN TE TSOGS PA LA BSHAD PA YIN TE BSKYED PA'I RIM PA TZAM STON PAR BYED PA'I PHYIR RO, ,GAL TE DBANG PO DMAN PAS RTOGS PAR BYED PA'I DE KHO NA NYID GSAL BAR BSHAD PA DGONGS PA MA YIN NO, JI LTAR TSOGS PA LA BSHAD PAR 'GYUR, SMRAS PA, RNAM PAR DAG PA TZAM STON PAR BYED PAS SAM, RIGS BRGYA'I DBYE BAS LUS RNAM PAR DBEN PA STON PAS NA SKYON MED DO, ,GAL TE RES 'GA' ZHIG DGONGS PA MA YIN PAS RIM PA LNGA'I NANG NAS GANG YANG RUNG BA STON PAR BYED NA DE'I TSE TSOGS PA LA BSHAD PA NYID DU 'GYUR RO, ,GANG GI TSE BYA MJUG RINGS 'PHUR BAS SBRUL DU MI 'GYUR RO, ,JI BZHIN MIN SGRA NI SGRA'I RGYAN NO, ,NGES DON NI DON GYI RGYAN NO, , DGONGS TE BSHAD PA NI SGRA'I RGYAN NO, ,SBAS PA DANG MTHAR THUG PA DAG NI DON GYI RGYAN YIN ZHES SLOB MA LA BSHAD PA DBYE BA LNGA STE, RDZOGS PA'I RIM PA BSTAN PAR BYED PA'I PHYIR RO, ,BSHAD PA'I RGYUD KYI RJES 'BRANGS NAS, ZHES PA 'DIS LUNG GI TSAD MA BSTAN TO, ,

DE LTAR MDOR BSDUS TE 'DUL BYA RNAMS LA NI GANG ZAG RNAMS LA RIM PA GNYIS LA BRTEN TE SNGON DU BSHAD PA'I DBYE BA BDE BAR GSHEGS PA RNAMS KYIS GSUNGS SO, ,NYAN PA PO'I RGYAN BSTAN PAR BYA BA'I PHYIR, RNAM PA KUN DU ZHES BYA BA LA SOGS PA SMOS TE, ,'JIG RTEN NA NI NGES GYUR PAS, ,ZHES PA LA, RIGS SO SOR NGES PA CAN NO, ,DE BAS NA LNGA YIN TE, BYANG CHUB SEMS DPA'I RIGS CAN GCIG PUR CI'I PHYIR MA GSUNGS SHE NA, RNAM PA KUN TU NYAN 'DOD PA'I, ZHES PAS NI THOS PA LA 'JUG PA BTANG SNYOMS BYA BAR MI RIGS PA'I PHYIR RO, ,BLO YI RNAM PA DPAG MED PHYIR, ,ZHES PA NI RIGS SO SOR NGES PA'I RGYU YIN PAS SO, ,AUTPALA DANG ZHES BYA BA LA SOGS PAS MDOR BSTAN PA'O, ,RANG BZHIN THA DAD MING CAN DE, ,ZHES PA DON DANG LDAN PA'I MING 'DZIN PA'O, ,THAMS CAD MKHYEN PAS GSUNGS PA YIN, ,ZHES PA 'DIS RANG BZO BKAG PA'O, ,DE NI MA LUS DON THOS NAS, ,ZHES PA NI RGYAS PAR BSTAN PA'O, ,DON MA LUS PA NI GZHAL BAR BYA BA'I DNGOS PO SLOB DPON GYI ZHAL NAS THOS TE, 'DZIN PA LA NI RNAM PAR MKHAS, ,ZHES PA NI PHYIN CI MA LOG PAR 'DZIN PAR BYED DO, ,SKAD CIG GIS NI BRJED GYUR PA, ,ZHES PA NI, DE NAS LANGS TE CANG MI DRAN PA'O, ,DE BAS NA AUTPALA LTAR AUTPALA TE, GANG GI PHYIR MTSON GNAS PA'I AUTPALA'I DRI DANG KHA DOG YOD DE, DE NAS BCAD MA THAG TU DRI MED PA DANG MDOG YAL LO, , GZUNG BYA LHAG PAR MANG THOS KYANG, ,ZHES BYA BA LA SOGS PA 'DIS PADMA DKAR PO BSTAN TO, ,GZUNG BYA NI CHOS KYI DON NO, ,LHAG PA NI CHOS GROGS PO LAS KHYAD PAR DU GYUR PA'O, ,DE NYID MANG DU THOS NAS 'DZIN CING DRAN PAS KYANG BYED DO, ,STON PA YIS NI NUS MED PA, ,ZHES PA NI THOS NAS KYANG BSHAD PA'I DUS SU PHYOGS DANG GTAN TSIGS DANG DPE DANG BSHAD PA'I RGYUD DANG YAN LAG GI RGYUD KYI RIM PAS SO SOR STON PAR MI NUS PA STE, SKYE BAS THOB PA'I SHES RAB MED PA'I PHYIR DANG, CHOS LA DMIGS PA LAS BYUNG BA'I SHES RAB DMAN PA'I PHYIR ZHES

, ,DGONGS SO, ,BUM PA'I RAS BAL ZHES BYA BA'I DPE YIN TE, DES NA BUM PA GNAS PA'I RAS BAL GYI SA BON LAS, MYU GU LA SOGS PA MI 'BYUNG DO ZHES THA TSIG GO, ,'DRA BA NI PADMA DKAR PO'I GANG ZAG KYANG DE DANG 'DRA BA YIN TE PADMA DKAR PO'I DRI RANG GI LTE BAR 'KHOR ZHING PHYIR SPRO BA MED DO, ,PADMA BSTAN PAR BYA BA'I PHYIR, DAD DANG LDAN ZHING SNYING RJE SHES, ,ZHES PA NI YON TAN THAMS CAD KYI GZHIR GYUR PA NI DAD PA'O, ,DES NI DGE BA CAN YIN BZHIN DU RNAL 'BYOR BA LA SRUNG BAR BYED PA STE, BDEN PA DANG DKON MCHOG GSUM LA SOGS PA RNAMS LA MNGON PAR DAD PA'O, ,SHES PA NI YANG DAG PAR RTOGS PA'O, ,SNYING RJE NI THOS PA LA SOGS PA'I 'BRAS BU DE DANG LDAN PA'O, ,THOS PA BLO LA RGYAS PAR GYUR PA ZHES PA NI SLOB DPON GYI ZHAL NAS GANG THOS PA DE NYID SEMS KYI RGYUD DU RIGS PA RNAM PA BZHIS 'PHEL BAR GYUR PA'I DANG TSUL CAN NO, ,DE BZHIN DU 'CHAD PA'I DUS SU, ,TSIGS MED 'OD MA BZHIN DU 'DZAG ,CES PA NI CHOS THAMS CAD GTONG BAR BYED PA'O, ,DE NI PADMAR BSHAD PA YIN TE, PADMA'I LTE BAR YOD PA'I ZIL BA RNAMS NYI MAS KHA PHYE MA THAG TU 'THOR BAR BYED DO, ,TZANDAN BSTAN PAR BYA BA'I PHYIR, THOS PA NYUNG ZHING ZHES SMOS TE, SLOB DPON GYI ZHAL NAS THOS PA MANG DU MA THOS PA'O, ,GAL TE MKHAS PA GZHAN GANG ZHIG GIS SKUL BAR BYED NA KYE GDONG BZANG 'BAD PAR GYIS SHIG ,JI SRID 'DOD PAR BDAG GIS KHYOD LA THAMS CAD BSHAD PAR BYA ZHES THOS NAS SMRA NA BDAG GIS THAMS CAD SHES PAS CHOS GZHAN THOS PAS BDAG LA DGOS PA MED DO ZHES KHROS NAS LANGS TE 'GRO BA NI NGA RGYAL LDAN PA'O, ,JI SKAD DU, THOS PA'I RJES SU 'BRANG BA GANG ZHIG BLO LDAN NYID, ,THOB NAS THOS PA NYID LA BTANG SNYOMS GANG BYED PA, ,THOS PA SNA TSOGS RNAM PA DPAG MED LUS PA NA, ,RMONGS PA DE NI NGES PA SKYE BAR GA LA 'GYUR, ,ZHES 'BYUNG NGO, ,GAL TE NGA RGYAL LDAN PA YIN NA DE SKYON MED DU CHUG NA GAL TE BSHAD PA'I DUS SU MANG DU SMRA STE SKYO BA SKYED PAR BYED DO, ,GAL TE RIGS PA SMRA NA DE'I TSE SKYON MED DO, ,'ON KYANG RTZA BA MED PAR NI MDO

LAS 'DAS SHING BSTAN PA GZHAN DANG BSRES TE RANG GI GRUB PA'I MTHA' DANG BRAL BAR SMRA ZHES BYA BA'I THA TSIG GO, ,SKYON DE BSAL BAR BYA BA'I PHYIR THOS PA'I SNOD DU RUNG BAR GAL TE BYAS NA DE YANG MI NUS TE, NGA RGYAL DANG LDAN PA'I PHYIR RO, ,JI SKAD DU, MI SHES PA NI BDE BAR MGU BYA STE, ,KHYAD PAR SHES PA SHIN TU MGU BAR SLA, ,DUM CIG SHES PAS KHENGS PA GANG YIN PA, ,SANGS RGYAS KYIS KYANG MGU BAR BYED MI NUS, ,ZHES 'BYUNG NGO, ,DE NI TZANDAN ZHES BYA BA STE TZANDAN NI RANG BZHIN GYIS 'BRAS BU MED PA DANG MCHE BA'I DUG CAN GYI SBRUL RNAMS KYIS BSKOR BA'I PHYIR DE'I GAM DU GANG GIS KYANG MI NYE BAS RJES SU GZUNG BAR MI NUS SO, ,DE LTAR BSOD NAMS DANG YE SHES KYI TSOGS DANG BRAL BA'I PHYIR RO, ,BDAG GI DON DANG GZHAN GYI DON SGRUB PAR BYED PA MA YIN NO, ,RIN PO CHE BSTAN PAR BYA BA'I PHYIR, ,TSUL KHRIMS ZHES BYA BA LA SOGS PA SMOS TE, RGYU DANG MI RGYU RNAMS KYI RTEN SA GZHI BZHIN DU YON TAN THAMS CAD YI GZHI NI TSUL KHRIMS DE DANG LDAN PA'O, ,DAG PA NI G-YO SGYU MED PA'O, ,MKHAS PA SGRIN ZHES BYA BA NI DGE BA'I LAS RNAMS LA BRTZON ZHING YONGS SU SHES PA'O, ,SHES RAB LDAN ZHING ZHES PA NI LHAN CIG SKYES PA'I SHES RAB YOD PA'I, ,RGYUD GCIG PA NI LAN GCIG GZHAN GYIS BRJOD PA'I GZHAL BYA THOS NAS JI SRID 'TSO BA'I BAR DU 'DZIN CING DRAN PA'O, ,THOS NAS LEGS PAR STON PA NI, ,ZHES PA LA, JI LTAR SLOB DPON GYI ZHAL NAS THOS PA DE BZHIN DU, BSHAD PA'I RGYUD LA SOGS PA DANG BCAS PA MA NOR BAR STON PA DE NI RIN PO CHE LTA BU'I GANG ZAG STE RE BA THAMS CAD RDZOGS PAR BYED PA DANG RIN THANG MED PA'I PHYIR RO, ,YANG NA SNGON DU BSHAD PA'I YON TAN GYI TSOGS RIN CHE BA'O, ,DE DANG LDAN PA'I PHYIR RIN PO CHE'O, ,GANG ZAG DE RNAMS RNAM PA GNYIS SU BSTAN PAR BYA BA'I PHYIR AUTPALA ZHES BYA BA LA SOGS PA SMOS SO, ,GANG ZAG BZHI PA 'DI DAG NI, ,ZHES BYA BA LA SOGS PA SMOS TE, ,BSKYED PA'I RIM PA GTZOR GYUR PA'I TSOGS KYI BSHAD PA'I SNOD DU RUNG BA YIN GYIS GZHAN GYI NI MA YIN ZHES TSIG GI LHAG MA'O, ,DE LTA NA TZANDAN ZHES

, ,BYA BA BEMS PA'I RIGS CAN DE CI'I PHYIR BSHAD PA'I SNOD DU RUNG BAR 'GYUR ZHE NA, SMRAS PA, RNAM PA KUN TU NYAN 'DOD PA, ,ZHES SNGON DU BSHAD DE NYAN PA LA 'JUG PA NI BTANG SNYOMS KYI GNAS MA YIN PA DANG, RJES SU GZUNG BAR BYA BA YIN PAS SO, ,GANG GI PHYIR GSANG BA 'DUS PA 'DI LA NI, RIGS NGAN DANG, SMYUG MA MKHAN LA SOGS PA YANG SNOD DU RUNG BAR 'GYUR NA, CHOS THOS PA LA SOGS PA'I RIM GYIS 'JUG PA NI LTA SMOS KYANG CI DGOS, DE'I LTA BA LOG PA TZAM RIM GYIS BSAL BAR NUS KYI DE NYID KYI PHYIR RDZOGS PA'I RIM PA'I SNOD MA YIN NO, ,GANG GI TSE SKAS KYI RIM PA'I RIGS PAS BSKYED PA'I RIM PA MTHAR PHYIN NA DE'I TSE TZANDAN LTA BU YANG RDZOGS PA'I RIM PA'I SNOD DU 'GYUR RO, ,DES NA RNAM PA THAMS CAD DU DE LA BTANG SNYOMS BYA BA MA YIN NO, ,RDZOGS PA'I RIM PA'I ZHES BYA BA LA SOGS PA NI 'DI SLOB MA LA BSHAD PA'I SNOD DU RUNG BA GCIG PU KHO NA ZHES DAM BCA' BA'O, ,RTAG TU SPYOD PAS RNAM BRGYAN PA NI TSUL KHRIMS LA SOGS PA'I YON TAN RNAMS KYIS BRGYAN PA ZHES KHYAD PAR GYI SGO NAS GTAN TSIGS SO, ,DA NI SLOB MA BRTAGS PAS BSHAD PA'I DBYE BA BSTAN PAR BYA BA'I PHYIR; GANG ZAG CES BYA BA LA SOGS PA SMOS TE, GANG ZAG GANG YIN PA DANG JI LTA BU'I SHES PA DANG LDAN PA ZHES YONGS SU BRTAGS TE SNOD DANG SNOD MIN ZHES PA LA YON TAN CAN DANG YON TAN CAN MA YIN PA SHES NAS, RDO RJE SLOB DPON MKHAS PA NI, ,ZHES PA LA, DE RNAMS KYI BSAM PA DANG BAG CHAGS LA SOGS PA'I DBYE BSHES PAS SO, ,BSHAD PA RNAM PA GNYIS BYA'O, ,ZHES PA NI SNGAR BSHAD PA'I BSHAD PA BYA BA YIN TE, GZHAN DU NA THAMS CAD DKRUGS PAR 'GYUR RO, ,BSTAN BCOS THAMS CAD KHYAB PAR BYED PA BSDU BA'I RGYAN BSTAN PAR BYA BA'I PHYIR, RGYAN NI DRUG PO ZHES BYA BA LA SOGS PA SMOS TE, GLENG GZHI LA SOGS PA DRUG GIS RGYUD KYI LUS NGES PAR BYAS PAS SO, ,BDEN GNYIS RNAM PAR NGES BYAS PA, ,ZHES PA NI KUN RDZOB DANG DON DAM PA DBYER MED PA'I TING NGE 'DZIN SO SOR BSTAN PA'O, ,DE NI RGYAN 'GYUR BDUN PA STE, ,ZHES PA

LA; DE LAS GZHAN PA'I RGYAN MI DGOS TE BSLAB PAR BYA BA MED PAS SO, ,RDZOGS PA'I RIM PA SGRUB BA'O, ,ZHES PA NI RDO RJE'I SKU RNAM GRANGS CAN CHOS KYI DBYINGS DANG SHES RAB KYI PHA ROL TU PHYIN PA DANG, JI LTAR GYUR PA'I TSUL ZHES BYA BA LA SOGS PA'I SGRAS BRJOD PA STE 'BRAS BUR GYUR PA'I PHYIR RO, ,DE LTA NA ZUNG DU 'JUG PA RAB TU BSTAN PA NI MTHAR THUG PA'I RNAM PA GNYIS PA 'DI YIN NA, DE CI'I PHYIR RDZOGS PA'I RIM PA SGRUB PAR BYED PA'I RGYAN GZHAN BSHAD CE NA, DE NI BDEN GYI RGYAS PAR BSHAD PA DANG MNGON DU BYED PA DAG GIS BYE BRAG YOD DO, ,DGONGS PA NI MTHAR THUG PAS NI ZUNG DU 'JUG PA'I RGYAS PAR BSHAD PA DANG MTSAN NYID STON TO, ,DE BAS NA ZUNG DU 'JUG PA LA RTOGS PA ZHES BSHAD KYI THOB PA NI MA YIN NO, ,'DIR NI BSTAN BCOS KYI DON MA LUS PA YONGS SU BRTAGS PAS GNYIS SU MED PA'I TING NGE 'DZIN DU GYUR TE, THOS PA DANG BSAM PA'I SHES RAB DAG LAS BSGOM PA'I RANG BZHIN KHYAD PAR DU 'PHAGS PA YIN PAS MNGON DU BYED PA'I DBANG GIS RGYAN 'DI THA DAD PA KHO NA'O, ,DA NI GZHUNG GI TSAD MA NYID BSTAN PAR BYA BA'I PHYIR BSHAD PA'I RGYUD KYI RJES SU 'BRANGS NAS ZHES SMOS TE, RDO RJE PHRENG BA LA SOGS PA'I RGYUD KYI RJES SU 'BRANGS BAS SO, ,SMRAS BSHAD SHIN TU RNYED BAR DKA', ,ZHES PA NI SMRAS PA DE NYID BSHAD PA NI BSTAN BCOS KYI DON MA LUS PA YONGS SU MA BRTAGS NA RNYED PAR DKA' BA'O, ,DES NI SGRA JI BZHIN PA LA BRTEN TE BSHAD PA PO GZHAN RNAMS LA SUN 'BYIN PA'O, ,DE'I PHYIR, RNAL 'BYOR RGYUD RNAMS 'DI NYID KYIS, ,DRANGS TE BSHAD PA GZHAN GYIS MIN, ,ZHES PA NI RNAL 'BYOR GYI RGYUD CHEN PO NI BSHAD PA 'DI NYID KYIS BSHAD PAR RIGS SO, ,GZHAN DU MIN SGRA JI BZHIN PA TZAM GYIS NI MA YIN NO, ,NYE BAR SDUD PA'I PHYIR, DE BAS ZHES BYA BA LA SOGS PA SMOS TE; RDO RJE SLOB DPON NI YANG DAG PA'I DBANG BSKUR BA LA SOGS PA YON TAN GYI TSOGS DANG LDAN PA LAS SO, ,BSHAD PA'I RGYUD LA MKHAS PA LAS NI RDO RJE SLOB DPON GYI KHYAD PAR RO, ,GLENG GZHI NI BSKYED PA'I RIM PA'O, ,RIM PA NI RDZOGS PA'I RIM PA STE, DE DAG GI SBYOR BA NI

, ,BSHAD PA'I 'BREL PA'O, ,YIS NI BYED PA'I GSUM PA'O, ,DE'I SGO NAS BSHAD PA'I RGYUD LA MKHAS PA'I RDO RJE SLOB DPON GANG YIN PA DE LAS SO, ,'BAD DE NI THOS PA LA SOGS PA'I RTZOL BAS SO, ,RNAL 'BYOR RGYUD RNAMS GZUNG ZHES PA'I RNAL 'BYOR CHEN PO'I RGYUD RNAMS MNYAN PAR BYA BA'O, ,DE LTA NA RIM PA'I SGRAS NI BSKYED PA DANG RDZOGS PA GNYIS KA BRJOD NA, 'DIR RDZOGS PA GCIG PU JI LTAR BRJOD CE NA, SMRAS PA GLENG GZHI'I SGRA GANG DU YOD PAS DE'I PHYIR GLENG GZHI'I SGRAS NI BSKYED PA'I RIM PA BRJOD DO ZHES DON GYI SHUGS KYIS RIM PA'I SGRAS RDZOGS PA'I RIM BRJOD PAR BYED PA'I PHYIR RO, ,GANG GI PHYIR SPYI'I SGRA RNAMS NI RGYUD RNAM PA BZHIS KHYAD PAR CAN DU 'GYUR TE, DON DANG RTAGS DANG RAB TU BYED PA DANG SGRA GZHAN DANG 'GROGS PAS SO, ,DE LA DON GYIS NI DPER NA BZA' BA PO 'DI YIN NO ZHES 'DIS THAMS CAD BZA' BA PO YIN PAS BZA' BA PO'I SGRAS DON GYI SHUGS LAS KHYAD PAR STON TE, DES NA MANG PO ZA ZHES RTOGS PAR BYA'O, ,RAB TU BYED PAS NI DPER NA SEN DA BA KHYER LA SHOG CES PAS TSANG BA NGAN [?] GNAS PA'I MIS TSVA 'ONG NGO, ,G-YUL NGOR GNAS PA'I MIS SMRAS NA RTA 'DOD PA YIN NO, ,RTAGS KYIS NI GO ZHES 'DIS RTAGS GNYIS KA CAN YIN YANG BUD MED KYI RTAGS KYI RKYEN DANG GZHI MTHUN PAS BUD MED KYI DON LA 'JUG GO, ,DPER NA GO AI YAm ZHES PAS MO BSTAN TO, ,GO AA YI ZHES PAS PHO BSTAN TO, ,SGRA GZHAN DANG 'GROGS PA NI PA YANG 'ONGS PA DANG GLANG RNAMS KYANG 'ONGS SO ZHES BYA BA LA SOGS PA BZHIN NO, ,DE BZHIN DU 'DIR YANG SHES PAR BYA'O, ,RGYAN RNAM PA BDUN BSHAD PA'I RIGS PA'O ZHES PA 'DIS RGYAN GYI BSHAD PA RDZOGS ZHES BSTAN PA'O, ,DA NI LE'U BCU BDUN GYIS BSDUS PA'I DON BSHAD PAR BYA ZHES BYA BA LA, DE'I DGONGS PA NI RGYUD KYI DON NI RNAM PA GSUM STE, TSIG GI DON DANG, NGAG GI DON DANG, BSDUS PA'I DON NO, ,DE LA TSIG GI DON NI 'DI SKAD BDAG GIS THOS PA ZHES BYA BA LA SOGS PA'I BSHAD PA'O, ,NGAG GI DON NI LE'U SO SO DAG TU YOD PA'I NGAG RNAMS KYIS BRJOD PAR BYA

BA SO SOR BSTAN PA'O, ,BSDUS PA'I DON NI LE'U DE RNAMS KYIS BRJOD PAR BYA BA NI 'DI YIN TE ZHES BRTAG PA NA BSDUS TE DON SO SOR BSTAN PA'O, ,DE LA BSDUS PA'I DON NGES PA LAS TSIG GI DON DANG NGAG GI DON DAG NI BDE BAR RTOGS PAS DANG PO BSDUS PA'I DON SMRA BAR BYA BA'I PHYIR, DE LA ZHES BYA BA LA SOGS PA SMOS SO, ,RJOD PA DANG BRJOD PAR BYA BA'I BDAG NYID RDO RJE 'CHANG CHEN PO'I ZHES PA'I DON NI 'DI YIN TE, RJOD PA NI RGYUD KYI TSIG RNAMS SO, ,BRJOD PAR BYA BA NI RIM PA GNYIS SO, ,DE DAG GI BDAG NYID NI NGO BO GANG LA YOD BRJOD PA DANG, BRJOD PAR BYA BA'I BDAG NYID BCOM LDAN 'DAS RDO RJE 'CHANG CHEN PO STE, DPAL RDO RJE SEMS DPA' ZHES BSTAN TO, ,GANG GI PHYIR RGYUD KYI TSIG RNAMS DANG DE LAS NYE BAR DMIGS PA'I DON GYI KHYAD PAR BSGOMS PA RNAMS KYIS RDO RJE 'CHANG CHEN PO'I SKU NYID THOB PAR 'GYUR RO, ,SGRA DANG DON GYI NGO BO RDO RJE SEMS DPA' KHO NA'O, ,GANG GI PHYIR LTE BA NA GNAS PA'I CHOS KYI DBYINGS KYI 'KHOR LO 'OD GSAL BA LAS, SROG GI RLUNG LANGS TE GNAS BRGYAD DANG PHRAD PAS YI GE RNAMS 'BYUNG BAR 'GYUR TE DE DAG GI TSIG RNAMS SO, ,DE DAG GIS KYANG NGAG BSKYED CING DE LAS KYANG RGYUD DANG RAB TU BYED PA LA SOGS PA SGRA'I TSOGS THAMS CAD RGYU DANG RJES SU MTHUN PA NYID YIN NO, RGYU DE YANG 'OD GSAL BA'I BDAG NYID RDO RJE 'CHANG CHEN PO NYID DO, ,YANG NA BRJOD PA NI RGYUD KYI MING STE GSANG BA 'DUS PA ZHES BYA'O, ,DES NI SKU GSUNG THUGS KYI NGO BO NYID SANGS RGYAS THAMS CAD 'DUS PA'I BDAG NYID DE RDO RJE SEMS DPA' ZHES BSTAN PAR 'GYUR RO, ,BRJOD PAR BYA BA NI RIM PA GNYIS TE, DE LAS BSKYED PA'I RIM PA ZHES BYA BA DANG PO'I SBYOR BA LA SOGS PA'I TING NGE 'DZIN GSUM GYI NGO BO RDO RJE 'DZIN PA'O, ,RDZOGS PA'I RIM PA YANG RDO RJE BZLAS PA LA SOGS PA'I RIM PA'I MTSAN NYID DO, ,DE LA RGYU DANG 'BRAS BU'I NGO BO ZUNG DU 'JUG PA LNGA PA'I TING NGE 'DZIN LAS RDO RJE 'CHANG CHEN PO'I GO 'PHANG THOB PAR 'GYUR BA DE YANG RDO RJE 'CHANG NYID DO, ,BCOM LDAN 'DAS DES LE'U DANG PO LAS LHA'I RNAL 'BYOR RNAM PA GNYIS BSTAN TO ZHES 'BREL

, ,BA'O; ,SPRUL PA'I DKYIL 'KHOR DU ZHES PA NI REG BYA RDO RJE MA'I CHOS 'BYUNG BAR RO, ,NYAN PA'I BSKAL PA ZHES BYA BA LA SOGS PA NI BADZRA DHRi KA CES BYA BA LA SOGS PA'I PHYUNG BA'I SNGAGS KYIS DAM TSIG GI DKYIL 'KHOR SPROS TE, DE NYID LA RIG MA'I DBANG BSKUR BA BYIN NAS ZHES PA NI RIG MA'I CHOS 'BYUNG BAR DBANG BSKUR BA NI RIG MA'I DBANG NGO, ,BYANG CHUB KYI SEMS KYIS ZHES BYA BA'I DON TO, ,BYIN NAS NI BYIN GYIS BRLAB PAR BYAS NAS SO, ,DRANG BA DANG NGES PA'I DON ZHES BYA BA LA SOGS PA LA, DE LA BRTAGS PA'I RIM PA NI DRANG BA'I DON GYIS SO, ,RDZOGS PA'I RIM PA NI NGES PA'I DON GYIS SO, ,LE'U BCU DRUG PA LAS DON GZHAN DAG RNYED PAS ZHES PA NI DE LA YANG DON DE NYID BSTAN TO, ,DE LTA NA BCU DRUG PA DANG LE'U DANG PO DAG GI BYE BRAG GANG YIN ZHE NA, DON GZHAN DAG RNYED NAS ZHES SMOS TE, DE DANG 'DRA BA'I DON BLANGS PA YIN GYI DE NYID NI MA YIN NO ZHES DGONGS PA'O, ,LHA'I RNAL 'BYOR RNAM PA GNYIS NI BSKYED PA DANG RDZOGS PA'I RIM PA DAG DE NYID RTOGS PA DANG RDZOGS PA'I RIM PAR BYED PA'I THABS SO SOR BSTAN ZHING GSUNGS PA'O, ,DE'I DGONGS PA NI RGYAL BU DON THAMS CAD GRUB PAS BYANG CHUB SEMS DPA'I GNAS SKABS LAS 'DAS TE RDO RJE 'CHANG BA'I SKU THOB NAS MA 'ONGS PA'I SEMS CAN GYI KHAMS RJES SU GZUNG BAR BYA BA'I PHYIR, 'DOD CHAGS CHEN PO'I TSUL ZHES BYA BA'I TING NGE 'DZIN PA SNYOMS PAR ZHUGS TE, SPYAN LA SOGS PA RIGS KYI LHA MO BZHI DANG GZUGS RDO RJE LA SOGS PA'I YUL GYI LHA MO LNGA SPROS TE, DE DANG LHAN CIG TU BDE BA CHEN PO DAM PA RJES SU MYONG NAS DE DAG KHO NA RANG GI SKU LA 'JUG PAR MDZAD CING SLAR YANG DE BZHIN GSHEGS PA LNGA'I GZUGS SU PHYIR SPROS TE, RIN PO CHE SNA BDUN GZHAL YAS KHANG PA'I NANG DU BZHUGS PA DE LA DE RNAMS KYIS GSOL BA GDAB PA GSAN NAS BCOM LDAN 'DAS KYIS GSANG BA 'DUS PA'I DKON PA NYID BSTAN PAR BYA BA'I PHYIR CANG MI GSUNG BAR GYUR PAS SLAR YANG ZHUS PAR GYUR TE, DE NAS DE DANG NANG DU 'JUG CING BADZRA DHRi KA CES BYA BA LA SOGS PAS MI BSKYOD

PA REG BYA RDO RJE MA'I CHOS 'BYUNG BA'I NANG DU PADMA DANG ZLA BA'I DKYIL 'KHOR GYI STENG DU SPROS NAS DE RNAMS LA BYANG CHUB KYI SEMS KYIS DBANG BSKUR TE DE LAS KYANG PHYIR SPROS TE, SEMS CAN GYI DON BYED DU BCUG NAS SHAR PHYOGS SU 'KHOR GYI RNAM PAR DGOD CING, DBUS KYI GTZO BO'I BDAG NYID RDO RJE 'CHANG CHEN PO'I GZUGS SU BZHUGS PAR GYUR TO, ,LE'U BCU DRUG PA LAS GSANG BA LNGA'I LHA'I 'KHOR LO'I RIM PA GNYIS KYIS 'CHAD PAR 'GYUR RO, ,DE'I PHYIR NGAG GI DON NI 'DI YIN TE, BCOM LDAN 'DAS RDO RJE 'CHANG CHEN POS DANG PO'I SBYOR BA DANG DKYIL 'KHOR RGYAL BA MCHOG GI TING NGE 'DZIN BSTAN NAS THUGS KYI RDO RJE 'DZIN PA'I SKU LA DMIGS TE, DPAL GSANG BA 'DUS PA'I RNAL 'BYOR GYI RGYUD CHEN PO'I RIM PA GNYIS RJOD PAR BYED PA BSTAN PAR BYA BA'I PHYIR DANG PO'I LE'U GSUNGS TE, DE LA GNYIS PA LAS NI ZHES PA NAS BRTZAMS TE DAM TSIG DANG SDOM PA RAB TU BSTAN PA YIN NO ZHES BYA BA'I BAR DU DON NI 'DI YIN TE, LHA'I RNAL 'BYOR GNYIS KYIS RGOD PA SKYES PAR GYUR NA DE NYE BAR ZHI BAR BYA BA'I PHYIR RDZOGS PA'I RIM PA 'BA' ZHIG GTZOR GYUR PA BYANG CHUB KYI SEMS KYI LE'U GNYIS PA BSTAN TO, ,BSKYED PA'I RIM PA LAS DANG PO'I SBYOR BA'I TING NGE 'DZIN GYI YAN LAG GO, ,RDZOGS PA'I RIM PA LAS SEMS RNAM PAR DAG PA LA SOGS PA'I MTSAN NYID KYI YAN LAG GO, ,DON DAM PA'I BDEN PA 'BA' ZHIG LA ZHUGS PAS GZHAN GYI DON MI 'GRUB PAS DE BSGRUB PAR BYA BA'I PHYIR, YONGS SU DAG PA'I LHA'I RNAL 'BYOR RJOD PAR BYED PA NI LE'U GSUM PA BSTAN TO, ,YONGS SU DAG PA'I SGRA NI RNAM PA GNYIS TE, GCIG GIS NI SNGAGS KYI SKU BSTAN PA DANG, GNYIS PAS YE SHES KYI SKU BSTAN TO, ,'DIR NI GNYIS KA BZUNG BA YIN TE, DES NI SBYOR BA DANG PO'I TING NGE 'DZIN GYI DBUS KYI GTZO BO BSKYED PA NI, ,YAN LAG DANG PO STE RNAL 'BYOR DU BSHAD DO, ,YONGS SU DAG PA'I SGRA'I YANG DON GNYIS PA NYE BAR BLANGS PA'I PHYIR PHRA MO'I RNAL 'BYOR YANG RNAM PA GSUM DU BSHAD DO, ,DE YANG RDZOGS PA'I RIM PA LAS RDO RJE BZLAS PA LA 'DUS SO, ,SKU RDZOGS PA NI DE BZHIN GSHEGS

, ,PA'I DBANG BSKUR BA THOB PAR BYA BA'I PHYIR LE'U BZHI PA GSUNGS TE, PHYIR MI LDOG PA DANG SLOB MA RNAMS LA DBANG BSKUR BA'I CHED DU THUGS KYI DKYIL 'KHOR SO SOR BSTAN PA'I PHYIR RO, ,DE NI DKYIL 'KHOR RGYAL BA MCHOG GI TING NGE 'DZIN GYI YAN LAG GO, ,DBANG BSKUR BA THOB PAS RNAL 'BYOR GYI SPYOD PA GSUM GYIS DNGOS GRUB THOB PA YANG YIN ZHES DE'I PHYIR LE'U LNGA PA BSTAN TO, ,LAS KYI RGYAL BA MCHOG GI TING NGE 'DZIN GYI YAN LAG GO, ,LE'U GSUM PA LAS BSGRUBS PA LHA'I RNAM PA'I SKU LA SOGS PA BYIN GYIS RLOB PA'I PHYIR LE'U DRUG PA BSTAN TO, ,DAD PA'I SBYOR BA'I YAN LAG BZHI PA RNAL 'BYOR CHEN PO ZHES BYA BA YIN NO, ,DE YANG NYE BAR MTSON PA YIN TE, DE LA YANG PHRA MO'I RNAL 'BYOR ZHES BYA BA RDZOGS PA'I RIM PA YANG BSHAD DO, ,LE'U BDUN PA LA NI KHYAD PAR GANG YANG MED DO, ,'ON KYANG LE'U LNGA PA LAS BSHAD PA'I RNAL 'BYOR SPYOD PA'I SPROS PA NYID BSTAN TE, LAS KYI RGYAL BA MCHOG GI TING NGE 'DZIN GYI YAN LAG GO, ,GTZOD PA DANG MI GTZOD PA'I RNAM PAR RTOG PA ZLOG PA MED PAS SPYOD PA'AM SNGAGS KYI SKU MI 'GRUB PAS DE'I PHYIR GSANG BA'I DBANG BSKUR BA SO SOR BSTAN PAR BYED PA LE'U BRGYAD PA GSUNGS SO, ,DKYIL 'KHOR GYI RGYAL BA MCHOG DANG LAS KYI RGYAL BA MCHOG GI YAN LAG GO, ,NAN GYIS SBYOR BA'I TING NGE 'DZIN GYIS SEMS CAN GYI DON 'GRUB CES SHIN TU RMAD DU 'BYUNG BA'I LUNG BSTAN RJOD PAR BYED PA LE'U DGU PA BSTAN TE, LAS KYI RGYAL BA MCHOG GI YAN LAG GO, ,DE BZHIN GSHEGS PA'I THUGS KYI SNYING POS BSKUL BAS SEMS CAN GYI DON DANG DNGOS GRUB MNGON DU 'GYUR BAS DE'I CHED DU BSDUMS DANG, SBYIN PA DANG, DBYES DANG, 'CHAD PA ZHES BYA BA THABS BZHI GTZOR GYUR PA LE'U BCU PA GSUNGS SO, ,DANG PO'I SBYOR BA'I TING NGE 'DZIN GYI SHIN TU RNAL 'BYOR CES BYA BA LA YAN LAG GSUM PA'O, ,LAS KYI RGYAL BA MCHOG CES LA LA 'DOD DO, ,DE BZHIN GSHEGS PA'I BYIN GYIS RLOB PA THOB PAS SNGAGS KYI SKU RNAM PA GNYIS TE,

SNGAGS DANG YE SHES KYI SKU'O, ,DE DAG GI SLAD DU LE'U BCU GCIG PA BSTAN TO, ,SNGAGS KYI SKU NI DBANG PO'I SBYOR BA DANG DKYIL 'KHOR RGYAL BA MCHOG GI TING NGE 'DZIN GYI YAN LAG GO, ,YE SHES KYI SKU NI BDAG LA BYIN GYIS RLOB PA'I YAN LAG CES BYA'O, ,SPROS PA SPANG BAR BYA BA'I PHYIR SKU RNAM PA GNYIS PO YANG PHYAG RGYA CHEN POR YONGS SU 'GYUR BAR BYA BA'I CHED DU LE'U BCU GNYIS PA BSTAN TO, ,SNGA MA BZHIN DU DKYIL 'KHOR RGYAL BA MCHOG GAM, LAS KYI RGYAL BA MCHOG GAM BDAG LA BYIN GYIS RLOB PA'I RIM PA'I YAN LAG BSTAN TO, ,RIM PA GNYIS PA YONGS SU RDZOGS PA'I RNAL 'BYOR PAS 'GRO BA'I DON BYA BA'I PHYIR ZHI BA LA SOGS PA'I LAS KYI TSOGS RAB 'BYAMS RJOD PAR BYED PA LE'U BCU GSUM PA DANG BCU BZHI PA DAG BSTAN TO, ,RIM PA GNYIS KYI YAN LAG TU SHES PAR BYA'O, ,DE DAG THAMS CAD NYE BAR MI DMIGS PAS SGYU MA LTA BU'I TING NGE 'DZIN GYIS 'GRUB PAR 'GYUR ZHES DE'I SLAD DU LE'U BCO LNGA PA GSUNGS SO, ,RDZOGS PA'I RIM PA'I NANG NAS BDAG LA BYIN GYIS RLOB PA'I RIM PA'I YAN LAG TU SHES PAR BYA'O, ,LE'U BCU DRUG PA NI LE'U BZHI PA'I YAN LAG YIN TE, GANG GI PHYIR BZHI PA LAS THUGS KYI DKYIL 'KHOR GCIG PU GSUNGS PAS SKU GSUNG THUGS KYI DKYIL 'KHOR GYIS YONGS SU BKANG BAR BYA BA'I PHYIR LE'U BCU DRUG PA YIN TE, YI GE GSUM GYI RGYUD NI SKU GSUNG THUGS KYI NGO BO YIN PA'I PHYIR RO, ,DE LTAR LE'U BCU DRUG GIS BDAG GI DON DANG GZHAN GYI DON PHUN SUM TSOGS PA SHES PAR BYA'O, ,DE YANG DAM TSIG DANG SDOM PA MA GTOGS PAR 'GRUB PAR MI 'GYUR BAS THABS PHUN SUM TSOGS PA GTZOR GYUR PA LE'U BCU BDUN PA GSUNGS SO, ,DANG PO'I SBYOR BA'I YAN LAG NI RNAL 'BYOR ZHES BYA BA DANG PO STE, DAM TSIG DANG SDOM PA BLANGS NAS RIM PA GNYIS SGOM PA LA DBANG BA'I PHYIR, ,DE LAS LE'U GZHAN MED DO, ,DE LTAR NA LE'U BCO BRGYAD PA YANG YOD PAS CI'I PHYIR BCU BDUN PO KHO NAR BSTAN TO ZHE NA, ,BDEN TE 'ON KYANG BCO BRGYAD PA NI LE'U BCU BDUN PO RNAMS KYI BSHAD PA DANG 'DRA

, ,BA YIN PAS DE'I BSDUS PA'I DON THA DAD PAR MA BSTAN TE, RGYUD PHYI MA YIN PA'I PHYIR RO, ,DE BAS NA DE NI 'DUS PA'I PHYI MA ZHES GRAGS PAS 'GAL BA MED DO, ,DA NI ZHES BYA BA LA SOGS PAS RGYUD MA LUS PA'I SGRA DANG DON GYI RGYAN GYI DBYE BAS GANG DON RNAM PA BCU BSHAD PA DE RNAMS TSIG RE RE LA JI LTAR GNAS ZHES SO SOR BSTAN PAR BYA BA'I PHYIR, DA NI ZHES BYA BA LA SOGS PA BSTAN TO, ,'DI SKAD BDAG GIS ZHES, BYA BA NAS BZHUGS SO ZHES BYA BA'I BAR DU NI BSHAD PA'I TSUL RNAM PA BZHI ZHES BYA BA LA YI GE'I DON LA SOGS PA STE, RIM PA GNYIS BSTAN PAR BYA BA'I PHYIR 'DOD PAS SO, , BRJOD KYIS MI LANG BA'I ZHES BYA BA NAS BRTZAMS TE DRANG BA DANG NGES PA'I DON ZHES BYA BA'I BAR DU NI SNGA MA BZHIN DU KUN RDZOB DANG DON DAM PA'I MTSAN NYID CAN GYI DON YOD PA'I PHYIR RO, ,DE BZHIN GSHEGS PA THAMS CAD CES PA NAS, RNAM PA BZHIR BSHAD CES BYA BA'I BAR DU NI DPAL GSANG BA 'DAS PA'I RGYUD RIM PA GNYIS KYI GTZO BO YIN PA'I PHYIR RO, ,'DOD CHAGS CHEN PO ZHES BYA BA NAS, ,DRANG BA DANG NGES PA'I DON ZHES BYA BA'I BAR DU NI SNGA MA BZHIN DU KUN RDZOB DANG DON DAM PA'I MTSAN NYID CAN GYI DON YOD PA'I PHYIR RO, ,SKU GSUNG THUGS ZHES BYA BA NAS, RNAM PA BZHIR BSHAD CES BYA BA'I BAR DU RIM PA GNYIS BSHAD PAR 'DOD PA'I PHYIR RO, ,RIG PA CHEN PO'I SKYES BU ZHES PA NAS, DRANG BA DANG NGES PA'I DON ZHES BYA BA'I BAR DU NI PHYI DANG NANG GI MCHOD PA GNYIS 'THAD PA'I PHYIR RO, ,'PHYI'I NI MCHOD PA RNAM PA LNGA'I MTSAN NYID DO, ,NANG GI NI GZUGS RDO RJE MA LA SOGS PA'I YAN LAG MCHOG GI MCHOD PA'O, ,AE MA'O ZHES BYA BA NAS GNAS MED PA ZHES BYA BA'I BAR DU NI DGONGS PA MA YIN ZHES BYA BA'I DE KHO NA NYID GSAL BAR GSUNGS PA'I PHYIR RO, ,BCOM LDAN 'DAS ZHES BYA BA NAS DGONGS PAS BSHAD PA'I ZHES BYA BA'I BAR DU NI 'GAL BA'I SGRA'I SGO NAS DE'I KHO NA NYID GSUNGS PA'I PHYIR RO, ,'GAL BA LA GNYIS TE, 'JIG RTEN PA DANG 'GAL BA DANG, ,SGRA DANG 'GAL BA'O, ,'JIG RTEN DANG 'GAL BA NI, ,DPER NA, ,PHA DANG MA NI BSAD BYA ZHING, ,RGYAL PO GTZANG MA GNYIS DANG NI, ,YUL 'KHOR 'KHOR BCAS BSAD BYAS NA, ,MI DE

DAG PAR 'GYUR ZHES BSHAD, ,CE'O, ,SGRA DANG 'GAL BA NI DPER NA BUM PA'I DON RJOD PAR BYED PA'I SGRA SMRA BA NA SNAM BU'I SGRA BZHIN NO, ,'DI NI SGRA DANG 'GAL BA YIN TE, DE BZHIN GSHEGS PA THAMS CAD KYI SGRAS RNAM PAR SNANG MDZAD LA SOGS PA RJOD PAR MI RIGS TE, 'ON KYANG RIN PO CHE LTA BU'I GANG ZAG RNAMS BRJOD DO, ,ZHE SDANG GI RIGS ZHES BYA BA NAS, SGRA JI BZHIN PA ZHES BYA BA'I BAR DU NI, DKYIL 'KHOR RGYAL BA MCHOG GI TING NGE 'DZIN BSHAD PAR 'OS PA'I PHYIR RO, ,BADZRA DHR'i KA CES BYA BA NAS, DRANG BA DANG NGES PA'I DON GYI BAR NI BRTAG PA'I RNAL 'BYOR DANG YONGS SU DAG PA'I RNAL 'BYOR GYI MTSAN NYID DKYIL 'KHOR GYI 'KHOR LO SPROS PA'I PHYIR RO, ,DE BAS NI BSKYED PA'I RIM PA'I PHYOGS SU DKYIL 'KHOR RGYAL BA MCHOG GI TING NGE 'DZIN TO, ,RDZOGS PA'I RIM PA'I PHYOGS SU BDAG LA BYIN GYIS RLOB PA'I RIM PA BSTAN TO, ,LE'U DANG PO ZHES BYA BA LA SOGS PAS DANG PO'I LE'U BSHAD PA'I DBYE BA NYE BAR BSDUS PA BSTAN TO, ,DE NAS ZHES BYA BA NAS, SGRA JI BZHIN PA'I BAR DU NI BDE BAR GSHEGS PA'I GSUNG TZAM BSTAN PA'I PHYIR RO, ,KHYED KYI SEMS ZHES BYA BA NAS DRANG BA DANG NGES PA'I DON ZHES BYA BA'I BAR DU RIM PA GNYIS BSHAD PAR 'OS PA'I PHYIR RO, ,AE MA'O ZHES BYA BA NAS DGONGS PA MA YIN PA ZHES BYA BA'I BAR DU DE KHO NA NYID SHIN TU GSAL BAR BSTAN PA'I PHYIR RO, ,DE YANG MYUR BA'I TING NGE 'DZIN GYIS RDZOGS PA'I YE SHES KYI SKU 'CHAD PAR 'DOD PA'I PHYIR RO, ,DNGOS PO MED PA ZHES PA NAS RNAM PA BZHI YIS BSHAD CES BYA BA'I BAR DU NI YI GE'I DON GYIS STONG PA NYID BSTAN TE, RNAM PAR THAR PA BZHI SO SOR BSTAN PA'I SGO NAS STONG PA NYID KYI DE KHO NA NYID RTOGS PAR BYA BAS SO, ,SPYI'I DON GYIS NI MDO SDE LA SOGS PA RNAMS KYI 'GYOD PA BZLOG PAR BSTAN TO, , SBAS PA'I PHYOGS SU NI BDAG BYIN GYIS RLOB PA'I RIM PA BSTAN PAS SO, ,MTHAR THUG PA'I PHYOGS SU NI ZUNG DU 'JUG PA'I RIM PA BSTAN ZHES PA'I THA TSIG GO, ,DNGOS PO THAMS CAD CES BYA BA NAS DGONGS PA MA YIN PA ZHES PA'I BAR DU NI DE KHO NA NYID GSAL BAR BSHAD PA'I PHYIR RO, ,

, ,DE KHO NA NYID NI RDZOGS PA'I RIM PA'O, ,BYANG CHUB KYI SEMS KYI TSIGS SU BCAD PA LNGA POS RDO RJE BZLAS PA LA SOGS PA'I RIM PA LNGA PO MA NGES PAR BSTAN PA'I PHYIR RO, ,DE NAS ZHES BYA BA NAS SGRA JI BZHIN ZHES BYA BA'I BAR DU NI PHYAG 'TSAL BTZAM BSHAD PA'I PHYIR RO, ,LE'U GNYIS PA'O ZHES PAS NYE BAR SDUD PA BSTAN TO, ,DE NAS BCOM LDAN 'DAS ZHES BYA BA NAS DRANG BA'I DON DANG ZHES BYA BA'I BAR DU NI SKU RDO RJE LA SOGS PA'I NGO BO DANG DE RNAMS KYI DE KHO NA NYID BSTAN PA'I PHYIR RO, ,RIN CHEN ZHES BSTAN PA NAS RNAM PA BZHI YIS BSHAD CES PA'I BAR DU NI DE LA SPYI'I DON GYI PHYOGS SU GDONG GI SNA LA THIG LE BSGOM PA'O, ,SBAS PA'I PHYOGS SU GSANG BA'I CHU SKYES DANG RDO RJE'I RTZE MOR BSGOM PA'O, ,MTHAR THUG PA'I PHYOGS SU SNYING GI PADMA'I SNA LA BSGOM PA STE, GTI MUG DANG 'DOD CHAGS DANG ZHE SDANG GI RIGS CAN RNAL 'BYOR PA'I DBYE BAS SO, ,TSIG RE RE'I BSDU BA DANG CHOS MTHUN PA BSHAD PA NI YI GE'I DON TE THAMS CAD DU SBYOR RO, ,NAM MKHA'I ZHES PA DRANG BA DANG NGES PA'I DON ZHES PA'I BAR DU NI RIM PA GNYIS 'CHAD PAR 'DOD PA'I PHYIR RO, ,DE LA BSKYED PA'I RIM PA NI RNAM PAR SNANG MDZAD LA SOGS PA LHA'I TSOGS BSGOM PA'I GTZOR GYUR PA'O, ,RDZOGS PA'I RIM PA NI DKYIL 'KHOR BZHI 'CHAR BA NA RDO RJE BZLAS PA 'CHAD PAR 'DOD PA'I PHYIR RO, ,LE'U GSUM PA'I ZHES PA 'DIS NYE BAR SDUD PA BSTAN TO, ,DE NAS ZHES PA NAS SGRA JI BZHIN PA ZHES PA'I BAR DU NI BSTOD PA TZAM GTZO BO YIN PA'I PHYIR RO, ,DKYIL 'KHOR LA SOGS PA ZHES PA'I SGRAS SHES PAR BYA'O ZHES DGONGS SO, ,DE BZHIN ZHES PA NAS DGONGS PA MA YIN ZHES PA'I BAR DU NI DKYIL 'KHOR GYI DE KHO NA NYID BSTAN PAS SO, ,DE LTAR NA DKYIL 'KHOR LA SOGS ZHES BYA BA 'DIS SGRA JI BZHIN PAR JI LTAR MI 'GYUR ZHE NA, SMRAS PA, DKYIL 'KHOR GYI TSAD TZAM DANG DGOD PA DE DAG TU SGRA JI BZHIN PA'O, ,'DIR NI DKYIL 'KHOR GYI DE KHO NA NYID KYI SKABS YIN PAS DGONGS PA MA YIN PA'O, ,DE NAS STON PA ZHES PA NAS, SGRA JI BZHIN PA ZHES PA BYA BA'I BAR DU NI THUGS KYI DKYIL 'KHOR TZAM BRJOD

BYA YIN PAS SO, ,DE NAS THUGS ZHES PA NAS DRANG BA DANG NGES PA'I DON ZHES BYA BA'I BAR DU NI MTSAN MA'I PHYAG RGYA DANG BCAS PA'I DKYIL 'KHOR DANG DE KHO NA NYID KYANG BSTAN PA'I PHYIR RO, ,LE'U BZHI PA'I ZHES PA 'DIS NYE BAR SDUD PA'O, ,DE NAS ZHES BYA BA NAS SGRA JI BZHIN ZHES BYA BA'I BAR DU NI SPYOD PA'I MTSAN NYID BSTAN TO, ,SPYOD PA JI LTA JI LTAR GSUNGS, ,ZHES BSHAD PA'I PHYIR RO, ,RNAM PAR RTOG PA ZHES BYA BA NAS DGONGS PA MA YIN PA ZHES BYA BA'I BAR DU DE KHO NA NYID GSAL BAR BSTAN PA'I PHYIR RO, ,RIGS DAN ZHES PA NAS SGRA JI BZHIN PA'I ZHES PA'I BAR DU NI DNGOS GRUB KYI CHO GA DGAG PA SGRA JI BZHIN PA NYID DE, SOGS PA'I SGRA SBYOR BAS SO, ,SROG GCOD PA NAS DGONGS PAS BSHAD CES BYA BA'I BAR DU NI 'JIG RTEN DANG 'GAL BA'I SGRA'I SGO NAS DE KHO NA NYID BSTAN PA'I PHYIR RO, ,MA DANG ZHES PA NAS DRANG BA'I DON DANG NGES PA'I DON GYI ZHES BYA BA'I BAR DU NI LEGS PAR BSLABS PA'I DAM TSIG GI PHYAG RGYA DANG CHOS DANG LONGS SPYOD DANG SPRUL PA'I SKU BRJOD BYA YIN PA'I PHYIR RO, ,DE NAS ZHES PA NAS SGRA BZHIN ZHES BYA BA'I BAR DU NI, SPYOD PA JI LTA JI LTAR GSUNGS, ,ZHES BYA BAS DE MTSON PA'I PHYIR RO, ,DE NAS ZHES PA NAS DRANG BA DANG NGES PA'I DON ZHES BYA BA'I BAR DU NI RGYAL BA DANG 'OD GSAL BA LA 'JUG PAS BSTAN PA'I PHYIR RO, ,DE NAS ZHES PA NAS SGRA JI BZHIN PA ZHES BYA BA'I BAR DU NI LAN BTAB PA DANG 'OD ZER SPRO BA BSTAN PA'I PHYIR RO, ,DE YANG SOGS PA'I SGRAS SHES PAR BYA'O, ,DE NAS ZHES PA NAS DRANG BA DANG NGES PA'I DON GYI BAR DU NI RANG GI GDAN LA GNAS PA DANG 'OD GSAL BA DANG BDAG LA BYIN GYI RLOB PA BSTAN PA'I PHYIR RO, ,DE NAS ZHES PA NAS DGONGS PA MA YIN PA'I ZHES BYA BA'I BAR DU NI SPYOD PA'I DE KHO NA NYID BSTAN PA'I PHYIR RO, ,LE'U LNGA PA ZHES BYA BA 'DIS NYE BAR BSDUS PA BSTAN TO, ,DE NAS ZHES PA NAS, DRANG BA'I DON DANG NGES PA'I DON ZHES BYA BA'I BAR DU NI BSKYED PA'I RIM PA'I PHYOGS SU SPYI BO LA SOGS PAR YI GE GSUM BKOD PA LA RNAM PAR SNANG MDZAD LA SOGS PA 'JUG PAS SKU RDO RJE LA SOGS PA'I BYIN GYIS RLAB [*BRLAB?] PA BSTAN PA'I PHYIR RO, ,RDZOGS PA'I RIM PA LA DE BZHIN GSHEGS PA LNGA'I BDAG NYID

, ,SKU LA SOGS PA'I NGO BO NYID KYIS SGYU MA'I LUS SO SOR BSTAN PA'I PHYIR RO, ,DE NAS BCOM LDAN 'DAS ZHES PA NAS, DGONGS PAS BSHAD PA ZHES BYA BA'I BAR DU NI 'GAL BA'I SGRA BRJOD PA'I SGO NAS RIM PA LNGA PO BSTAN PA'I PHYIR RO, ,DE NAS DPAL ZHES PA NAS NGES PA'I DON DANG DRANG BA'I DON ZHES BYA BA'I BAR DU NI LO BCU DRUG PA'I ROL BYED MA DANG SNYOMS PAR ZHUGS PA DANG PHYI DANG NANG GI MCHOD PA DANG CHOS KYI DBYINGS KYI NGO BO NYID SHES RAB DANG RJES SU MTHUN PA'I MCHOD PA BSTAN PA'I PHYIR RO, ,LE'U DRUG PA ZHES BYA BA 'DIS NYE BAR BSDUS PA BSTAN TO, ,DE NAS ZHES PA NAS SGRA JI BZHIN PA ZHES PA'I BAR DU NI SPYOD PA'I GNAS SKABS YIN PA'I PHYIR RO, ,SLONG MO ZA ZHES PA NAS, DRANG BA DANG NGES PA'I DON ZHES BYA BA'I BAR DU NI DMAN PA NYID YONGS SU DGAG PA DANG RDO RJE BZLAS PA'I RIM PA BSTAN PA'I PHYIR RO, ,SANGS RGYAS ZHES BYA BA NAS, RNAM PA BZHI YI TSUL GYIS BSHAD, ,CES BYA BA'I BAR DU NI DE LA SPYI'I DON GYI PHYOGS SU GZUGS LA SOGS PA RNAMS NI RNAM PAR SNANG MDZAD LA SOGS PA'I NGO BO NYID YONGS SU SHES PA LA LONGS SPYOD PA STE, DE RNAMS DE'I NGO BO YIN PA'I PHYIR RO, ,SBAS PA'I PHYOGS SU NI YE SHES GSUM GYI RANG BZHIN GYI GZUGS LA SOGS PA RNAMS LA LONGS SPYOD PA'O, ,MTHAR THUG PA LA YANG 'OD GSAL BA'I NGO BO NYID DU GZUGS LA SOGS PA SPYOD PA'O, ,SANGS RGYAS RJES DRANG ZHES BYA BA NAS DGONGS PAS BSHAD PA ZHES BYA BA'I BAR DU NI 'GAL BA BRJOD PA'I SGO NAS RDZOGS PA'I RIM PA'I RNAM GRANGS CAN RIM PA LNGA PO BSTAN PA'I PHYIR RO, ,BUD MED CES PA NAS DGONGS PA MA YIN PAS BSHAD PA ZHES BYA BA'I BAR DU NI RDO RJE 'CHANG CHEN PO LA SOGS PA'I RNAL 'BYOR PA RNAMS KYIS PHYAG RGYA'I 'BREL BA DE KHO NA NYID NYE BAR MTSON PA BSTAN PA'I PHYIR RO, ,SANGS RGYAS ZHES PA NAS DGONGS PAS BSHAD PA'I ZHES BYA BA'I BAR DU 'GAL BA'I SGRA SGO NAS BDAG BYIN GYIS SLOB PA'I RIM PAS DE BZHIN GSHEGS PA LNGA'I SKU SGOM PA DANG, TSIM PAR BYED PA'I CHO GA DANG DAM TSIG DANG YE SHES KYI PHYAG RGYA DAG LAS

GANG YANG RUNG BA DANG SNYOMS PAR ZHUGS PA'I DON RAB TU BSTAN PAR BYA BA'I PHYIR RO, ,DE LA SKU ZHES PA NAS SGRA JI BZHIN PAR BSHAD PA ZHES BYA BA'I BAR DU NI SKU LA SOGS PAR BYIN GYIS RLOB PAR BYAS NAS DE'I NGA RGYAL TZAM DE'I BRJOD PAR BYA BA YIN PAS SO, ,DE YANG SOGS PA'I SGRA SNGA MA BZHIN DU SHES PAR BYA'O, ,DE LA ZHES BYA BA NAS DGONGS PAS BSHAD PA ZHES BYA BA'I BAR DU NI 'GAL BA'I SGRA'I SBYOR BAS SGONG LAS SKYES PA LA SOGS PA'I SEMS CAN GYI KHAMS RNAM PA BZHI'I NGO BO YONGS SU SHES PA DANG, DAM TSIG GI DKYIL 'KHOR PHYUNG BA DANG RDO RJE PHRENG BA LAS GSUNGS PA'I DON DAM PA'I DKYIL 'KHOR BSTAN PA'I PHYIR RO, ,DE LA SHES RAB CES PA NAS DGONGS PA MA YIN PAS BSHAD PA ZHES BYA BA'I BAR DU NI SHES RAB KYI PHA ROL TU PHYIN PA'I NGO BO NYID KYI 'OD GSAL BA BSTAN PA'I PHYIR RO, ,DE LA MA SKYES PA ZHES PA NAS SGRA JI BZHIN PAR BSHAD PAR BYA BA'I BAR DU NI SPYOD PA NYID KYI PHAN YON TZAM RAB TU BSTAN PA'I PHYIR RO, ,LE'U BDUN PA'I ZHES PA NI NYE BAR BSDU BA'O, ,DE NAS ZHES PA NAS SGRA JI BZHIN PAS BSHAD PA ZHES BYA BA'I BAR DU NI SOGS PA'I SGRAS GSOL BA GDAB PA TZAM BSHAD PAS SO, ,'DOD CHAGS ZHES PA NAS DRANG BA DANG NGES PA'I DON GYI BSHAD PA ZHES PA'I BAR DU NI DRANG BA'I DON GYI PHYOGS SU DE BZHIN GSHEGS PA LNGA'I NGO BO RDO RJE 'CHANG CHEN PO LA BSTOD PAS SO, ,NGES PA'I DON GYI PHYOGS SU YE SHES GSUM GYI NGO BOR GYUR PA RANG BZHIN GYIS 'OD GSAL BA'I RNAM PA LA BSTOD PA'I PHYIR RO, ,DE NAS ZHES PA NAS DGONGS PA MA YIN PAS BSHAD PA ZHES BYA BA'I BAR DU NI KUN RDZOB KYI BDEN PA RNAM PAR DAG PA'I NGO BO NYID DE KHO NA NYID BSTAN PAS SO, ,DE BZHIN ZHES PA NAS DGONGS PAS BSHAD PA ZHES BYA BA'I BAR DU NI 'GAL BA'I SGRAS MYUR BA'I TING NGE 'DZIN GYIS GRUB PA'I RDO RJE 'CHANG CHEN PO'I GZUGS BRNYAN BSTAN PA DANG, BDAG LA BYIN GYIS RLOB PA'I RIM PAS DE KHO NA NYID BSTAN PA'I PHYIR RO, ,SA PHYOGS ZHES PA NAS SGRA JI BZHIN PA BSHAD PA ZHES BYA BA'I BAR DU NI GNAS KYI DBYE BA

, ,DANG DE LEGS PAR SBYANGS PA DANG, LHA'I SKU BSGOM PA SNGON DU 'GRO BAS MCHOD PA'I SPRIN SPRO BAR BSTAN PA'I PHYIR RO, ,MKHAS PA ZHES PA NAS DRANG BA DANG NGES PA'I DON DU BSHAD PA ZHES BYA BA'I BAR DU NI PHYI'I ME TOG DANG, SROG LA SOGS PA'I RLUNG RNAMS BSTAN PA'O, ,DPAG TSAD CES PA NAS SGRA JI BZHIN PAR BSHAD PA ZHES BYA BA'I BAR DU NI DBANG BSKUR BA'I DKYIL 'KHOR DANG DE'I TSAD DANG DE NYID DU SLOB MA 'JUG PA DANG, DE'I PHAN YON GSUNGS PAS SO, ,LE'U BRGYAD PA'I ZHES PA 'DIS NYE BAR SDUD PA'O, ,DE NAS RGYAL PO ZHES PA NAS SGRA JI BZHIN PAR BSHAD PA ZHES PA'I BAR DU DAM TSIG LNGA TZAM BSTAN PAS SO, ,DE YANG SOGS PA'I SGRAS SHES PAR BYA'O, ,NAM MKHA' ZHES PA NAS DRANG BA DANG NGES PA'I DON DU BSHAD PA ZHES PA'I BAR DU NI DE LA DRANG BA'I DON GYI PHYOGS SU RNAM PAR SNANG MDZAD LA SOGS PA DE BZHIN GSHEGS PA LNGA'I SKU LA DMIGS TE SER SNA DANG 'DOD CHAGS DANG DKON MCHOG GSUM LA GNOD PA DANG NGA RGYAL DANG PHRAG DOG CAN RNAMS KYI RDZAS 'PHROG PA LA SOGS PA MI DGE BA'I LAS KYI LAM LNGA SPYOD PAS BSOD NAMS CHEN PO THOB PAR 'GYUR ZHES RAB TU BSTAN PAS SO, ,NGES PA'I DON GYI PHYOGS SU PHUNG PO LA SOGS PA RNAM PAR RTOG PA RNAMS CHOS KYI DBYINGS KYI YE SHES KYIS RO GCIG PA NYID DU BSTAN PA'I PHYIR RO, ,DE NAS ZHES PA NAS DGONGS PAS BSHAD PA ZHES BYA BA'I BAR DU NI LAG NA RDO RJE LA SOGS PA BYANG CHUB SEMS DPA' RNAMS KYIS SMOD PA'I SEMS BZLOG PAR BYA BA'I PHYIR DE BZHIN GSHEGS PA RNAMS KYIS 'GAL BA'I SGRA'I SGO NAS SRUB SHING DANG SRUB GTAN LA SOGS PA'I RANG BZHIN MED PA'I DPES 'OD GSAL BA'I DE KHO NA NYID RAB TU BSTAN PA'I PHYIR RO, ,LE'U DGU PA'I ZHES PA 'DIS NYE BAR SDUD PA BSTAN TO, ,DE NAS ZHES PA NAS DGONGS PA MA YIN PAS BSHAD PA ZHES BYA BA'I BAR DU NI LUS LA SOGS PA RNAMS MNYAM PA NYID KYI NGO BO NYID PAS STONG PA NYID YIN PAR RAB TU BSTAN PAS SO, ,DE NAS BCOM LDAN 'DAS ZHES PA NAS SGRA JI BZHIN PAR BSHAD CES BYA BA'I BAR DU NI RIM PA SPONG BA DANG DE BZHIN GSHEGS PA'I THUGS BSKUL BA MED

PAS DNGOS GRUB MED CES DNGOS GRUB YONGS SU BKAG PA TZAM RAB TU BSTAN PAS SO, ,DE YANG SOGS PA'I SGRAS SHES PAR BYA'O, ,DE NAS RGYAL PO ZHES PA NAS DGONGS PAS BSHAD PA ZHES BYA BA'I BAR DU NI 'GAL BA'I SGRA'I SBYOR BAS PHYAG RGYA CHEN PO'I MTSAN NYID DE KHO NA NYID THOB PA RAB TU BSTAN PAS SO, ,LE'U BCU PA'I ZHES PAS NYE BAR BSDUS PA BSTAN TO, ,DE NAS BCOM LDAN 'DAS ZHES PA NAS, SGRA JI BZHIN PAS BSHAD CES PA'I BAR DU NI RDO RJE 'CHANG CHEN PO DANG DE BZHIN GSHEGS PA LNGA'I BSKYED PA'I RIM PA BRJOD BYA YIN PA'I PHYIR RO, ,YE SHES ZHES PA NAS DGONGS PAS BSHAD PA ZHES BYA BA'I BAR DU NI 'JAM PA'I RDO RJE LA SOGS PA ZHES 'GAL BA'I SGRAS BRJOD PAS 'OD GSAL BSTAN PA'I PHYIR RO, ,'OD ZER ZHES PA NAS DGONGS PA MA YIN PAS BSHAD CES PA'I BAR DU NI SHIN TU RNAL 'BYOR GYI LHA'I DMIGS PA LA SOGS PA DE KHO NA NYID BSTAN PAS SO, ,RNAM PAR DBEN PA ZHES PA NAS DRANG BA'I DON DANG NGES PA'I DON DU BSHAD PA ZHES BYA BA'I BAR DU NI DE LA DRANG BA'I DON GYI PHYOGS SU RNAM PAR DBEN PA DANG RI'I MCHOG LA SOGS PA'I GNAS BSTAN PA'I PHYIR RO, ,NGES PA'I DON GYI PHYOGS SU NU MA RGYAS PA DANG, YAN LAG MCHOG LA SOGS PA DANG LDAN PA'I DAM TSIG GI PHYAG RGYA DANG LHAN CIG TU SPYOD PA BSTAN PAS SO, ,MI BSKYOD PA ZHES PA NAS SGRA JI BZHIN PAS BSHAD CES BYA BA'I BAR DU NI BYANG CHUB SEMS DPA' RNAMS KYI MIG LA SOGS PA BYIN GYIS RLOB PA BZHIN DU DE BZHIN GSHEGS PA RNAMS KYIS KYANG BYA'O ZHES BSTAN PAS SO, ,RDO RJE 'CHANG CHEN PO ZHES BYA BA NAS DGONGS PAS BSHAD PA ZHES BYA BA'I BAR DU NI 'GAL BA'I SGRAS RDO RJE BZLAS PA LA SOGS PA RDZOGS PA'I RIM PA BSTAN PA'I LE'U BCU GCIG PA'I ZHES PAS NYE BAR BSDUS PA'O, ,DE NAS STON PA ZHES PA NAS DGONGS PA MA YIN PAS BSHAD PA ZHES BYA BA'I BAR DU NI SPROS PA 'DI DAG THAMS CAD RANG BZHIN MED PAR BSTAN PAS SO, ,DGON PA ZHES PA NAS DRANG BA'I DON NGES PA'I DON DU BSHAD PA ZHES BYA BA'I BAR DU DRANG BA'I DON GYI

, ,PHYOGS SU RNAM PAR DBEN PA'I GNAS KYI KHYAD PAR RAB TU BSTAN PAS SO, ,NGES PA'I DON LA YANG CHOS KYI SKU LA SOGS PA'I NYE BAR DMIGS PA BSTAN PA'I PHYIR RO, ,LUS DANG ZHES PA NAS DGONGS PAS BSHAD PA ZHES BYA BA'I BAR DU NI LCAGS GSUM LA SOGS PA'I SGRA'I SGO NAS YE SHES GSUM RNAM PAR DAG PA'I MTSAN NYID 'OD GSAL BA'I DE KHO NA NYID BSTAN PAS SO, ,'KHOR LO ZHES PA NAS SGRA JI BZHIN PAS BSHAD CES BYA BA'I BAR DU NI 'KHOR LO DANG, RDO RJE DANG, PADMA DANG, RIN PO CHE DANG, RAL GRI'I RIG PA 'DZIN PA'I DNGOS GRUB DANG, RI LU DANG MIG SMAN GYI DNGOS GRUB DANG, RNAM PAR SNANG MDZAD LA SOGS PA DE BZHIN GSHEGS PA'I SKU BSKYED PA DANG, BSKYED PA'I RIM PA'I YAN LAG TU GYUR PA'I BSNYEN PA LA SOGS PA BZHI PO BSTAN PA'I PHYIR RO, ,RTOG PA'I SGRAS SHES PAR BYA ZHES DGONGS SO, ,BSNYEN PA'I YE SHES ZHES PA NAS DGONGS PAS BSHAD CES PA'I BAR DU NI 'GAL BA'I SGRAS BRJOD PA'I RDZOGS PA'I RIM PA'I MTSAN NYID CAN RNAL 'BYOR GYI YAN LAG DRUG BSTAN PA'I PHYIR RO, ,DGON PA CHEN PO ZHES PA NAS DRANG BA DANG NGES PA'I DON DU BSHAD CES BYA BA'I BAR DU NI DRANG BA'I DON GYI PHYOGS SU NI PHYI'I GNAS TZAM SO SOR BSTAN PAS SO, ,NGOS PA'I DON GYI PHYOGS SU NI YE SHES LNGA'I NYE BAR DMIGS PA'I GZHI BSTAN PA'I PHYIR RO, ,DUS BZHI ZHES PA NAS SGRA JI BZHIN PAS BSHAD CES BYA BA'I BAR DU NI DMAN PA LA SOGS PA DBYE BAS DUS KYI DBYE BA GANG GIS DNGOS GRUB BSTAN PA'I PHYIR DE YANG SOGS PA'I SGRAS SHES PAR BYA'O, ,GSANG BA ZHES PA NAS DGONGS PAS BSHAD PA ZHES BYA BA'I BAR DU NI ZLA BA PHYED LA SOGS PA'I 'GAL BA'I SGRAS DE KHO NA NYID THOB PAR RAB TU BSTAN PAS SO, ,DE LA ZHES PA NAS SGRA JI BZHIN PAS BSHAD PA ZHES BYA BA'I BAR DU NI RNAL 'BYOR CHEN PO'I YAN LAG TU GYUR PA SKU RDO RJE LA SOGS PA GSUM LA GSOL BA GDAB PA TZAM BSTAN PA'I PHYIR RO, ,SOGS PA'I SGRAS YIN ZHES DGONGS SO, ,LE'U BCU GNYIS PA'I ZHES PAS NI NYE BAR SDUD PA

BSTAN TO, ,DE NAS BCOM LDAN 'DAS ZHES PA NAS, SGRA JI BZHIN PAS BSHAD PA ZHES BYA BA'I BAR DU NI DE BZHIN GSHEGS PA THAMS CAD LHA MO DANG BYANG CHUB SEMS DPA' DANG KHRO BO RNAMS RDO RJE 'CHANG CHEN PO LA GSOL PA GDAB PAR GYUR PAS SO, ,AE MA'O ZHES PA NAS DGONGS PAS BSHAD PA ZHES BYA BA'I BAR DU NI SANGS RGYAS LA SOGS PA ZHES 'GAL BA'I SGRAS RNAL 'BYOR YAN LAG DRUG LA SOGS PA'I DE KHO NA NYID BSTAN PAS SO, ,MA SKYES ZHES PA NAS DGONGS PA MA YIN PAS BSHAD PA ZHES BYA BA'I BAR DU NI RANG BZHIN GYIS RNAM PAR DAG PA'I NGO BO NYID MED PA'I PHYOGS SU YANG BSTAN PA DANG BSTAN BYA'I SGO NAS YE SHES SKYE BA BSTAN PA'I PHYIR RO, ,YID 'ONG ZHES PA NAS DGONGS PAS BSHAD PA ZHES BYA BA'I BAR DU NI 'GAL BA'I SGRAS RDO RJE BZLAS PA BCU GCIG SO SOR BSTAN PAS SO, ,'DOD CHAGS ZHES PA NAS, SGRA JI BZHIN PAS BSHAD PA ZHES BYA BA'I BAR DU NI 'DOD CHAGS LA SOGS PA'I SGRAS RIGS CAN RNAL 'BYOR PA RNAMS LA RDO RJE BZLAS PA'I PHAN YON BSTAN PAS SO, ,GTI MUG CES PA NAS DRANG BA'I DON DANG NGES PA'I DON DU BSHAD PA ZHES BYA BA'I BAR DU NI DRANG BA'I DON GYI PHYOGS SU RNAM PAR SNANG MDZAD LA SOGS PA'I LHA RNAMS KYI RANG RANG GI SA BON LAS BSKYED PA BSTAN PAS SO, ,NGES PA'I DON GYI PHYOGS SU NI RANG BZHIN DANG SNANG BA'I RIM PAS 'OD GSAL BA LA 'JUG PA BSTAN PA'I PHYIR RO, ,YE SHES ZHES PA NAS SGRA JI BZHIN PAS BSHAD PA ZHES BYA BA'I BAR DU NI RNAM PAR SNANG MDZAD LA SOGS PA DE BZHIN GSHEGS PA LNGA'I SKU'I SGO NAS ZHI BA LA SOGS PA'I LAS KYI RAB 'BYAMS LNGA BSTAN PAS SO, ,RTOG PA'I SGRAS SHES PAR BYA'O, ,NAM MKHA' RDO RJE ZHES PA NAS, DGONGS PAS BSHAD CES BYA BA'I BAR DU NI 'GAL BA'I SGRA'I SBYOR BAS LUS DANG NGAG DANG YID NYE BAR SDUD PAS 'OD GSAL BAR BSTAN PA'I PHYIR RO, ,RNAM PA ZHES PA NAS, SGRA JI BZHIN BSHAD CES PA'I BAR DU NI CHU RENGS PA BSTAN PAS SO, ,RTOG PA'I SGRAS SHES PAR BYA ZHES DGONGS SO, ,RKANG PA ZHES PA NAS, DGONGS PAS BSHAD PA ZHES BYA BA'I BAR DU NI

, ,'GAL BA'I SGRA'I SGO NAS MI GNAS PA'I MYA NGAN LAS 'DAS PA'I NGO BO RDO RJE'I SKU BSTAN PAS SO, ,DBANG CHEN ZHES PA NAS SGRA JI BZHIN PAS BSHAD PA ZHES BYA BA'I BAR DU NI NGAG RENGS PA DANG DPUNG RENGS PA DANG GDUG PA CAN PHUR BUS GDAB PA DANG GRONG DANG GRONG KHYER LA SOGS PA DAG TU ZHI BA LA SOGS PA SGRUB PA DANG, GSHIN RJE GSHED LA SOGS PA'I KHRO BO'I 'KHOR LO BSKYED PA'I RIM PA BSTAN PAS SO, ,RTOG PA'I SGRA DANG SOGS PA'I SGRAS SHES PAR BYA'O, ,'GOG PA ZHES PA NAS DRANG BA'I DON DANG NGES PA'I DON DU BSHAD PA ZHES BYA BA'I BAR DU NI DRANG BA'I DON GYI PHYOGS SU NI SRUNG BA'I 'KHOR LO'I DBUS KYI BDAG PO'I TING NGE 'DZIN BSRUNG BAS SO, ,NGES PA'I DON GYI PHYOGS SU NI 'OD GSAL BA'I DE KHO NA NYID SO SOR BSTAN PAS SO, ,LE'U BCU GSUM PA'I ZHES PAS NYE BAR SDUD PA'O, ,LE'U BCU BZHI PA LA SOGS PA ZHES BYA BA LA, PHRENG BA'I SNGAGS RNAMS NI LAS KYI RAB 'BYAMS SGRUB PAR BYED BA ZHES BYA BA'I DON TO, ,LAS KYI RAB 'BYAMS NI ZHI BA LA SOGS PA'O, ,SGRA JI BZHIN PA NI SOGS PA'I SGRA DANG RTOG PA'I SGRA BRJOD PAS SO, ,BAR BAR NA ZHES PA NI SKABS SKABS SU'O, ,LA LA NI ZHES PA LA RIM PA MED PAR GNAS PA'O, ,DGONGS PAS BSHAD PA YANG YOD DO ZHES PA NI GANG DU 'GAL BA'I SGRAS DE KHO NA NYID BSTAN PA'O, ,DE BZHIN DU LE'U BCO LNGA PA DANG ZHES BYA BA LA SOGS PAS MTHA' DRUG GI DON KHO NA BSTAN TO, ,LUS TSAD MA NYID DU BSTAN PAR BYA BA'I PHYIR, DE LTAR MDO'I TSIG CES BYA BA LA SOGS PA SMOS SO, ,BSHAD PA'I RGYUD LAS ZHES PA NI RDO RJE PHRENG BA LAS SO, ,DGONGS PAS BSHAD PA ZHES BYA BA LA SOGS PAS NI SNGAR BSHAD ZIN TO, ,RNAL 'BYOR GYI RGYUD CES PA NI RNAL 'BYOR CHEN PO'I RGYUD CES BYA BA'I DON TO, ,DE LTA NA YANG RNAL 'BYOR MA'I RGYUD RNAMS LAS KYANG MTHA' DRUG MTHONG NA RNAL 'BYOR GYI RGYUD KHO NA LAS CI'I PHYIR BSHAD CE NA, DE LA BDEN TE RNAL 'BYOR GYI RGYUD NI THUN MONG YIN LA RNAL 'BYOR MA'I RGYUD THUN MONG MA YIN ZHES KHYAD PAR THAMS CAD SPYI'I DBANG DU SONG BA YIN PAS KHYAD PAR RNAMS

BSDU BAR BYA'O, ,DE LTAR NA RNAL 'BYOR RGYUD NI MTHA' DRUG CAN YIN ZHES PA'I TSIG LAS 'GREL BA 'DI MTHA' DRUG PA ZHES MI 'THAD DO, ,RGYAN BDUN PA ZHES RIGS PA YIN TE, DE DAG TSANG BA'I PHYIR RO ZHE NA, SMRAS PA GLENG GZHI ZHES BYA BA NI TSIG THAMS CAD DU BSHAD PAR BYA BA YIN TE, GANG GI PHYIR NGES BRJOD PA LA SOGS PA LNGA STON GYI TSIG RE RE LA NI MI 'JUG GO, ,RIGS PA YANG TSIG RE RE LA SMRA BAR BYA BA MA YIN TE, GLENG BSLANG BA BZHIN DU DE YANG DE'I NGO BO NYID YIN PA'I PHYIR RO, ,'CHAD PA PO'I RGYAN YANG LOGS PA MA YIN TE MA GTOGS PAR BSHAD PA DBYE BA MA 'GRUB PAS SO, ,NYAN PA PO'I RGYAN YANG RTEN MED PA MA YIN TE DE'I RTEN MTHA' DRUG YIN PA'I PHYIR RO, ,MTHA' DRUG GI DON SO SOR BSTAN PA NYID KYI RIM PA GNYIS SDUD PAR BYED PA'I BRJOD PAR BYA BA'I DON MA LUS PA BSDU BA'I RGYAN ZHES BYA BA 'GRUB PO ZHES DON GYI SHUGS KYIS TSIG RE RE LA MTHA' DRUG GIS BSHAD PAS DE'I MING GIS 'GREL BAR GRANGS SO, ,DE LTAR NA BSHAD PA RNAM PA BZHI YANG TSIG RE RE LA LNGA LNGAR YOD PAS ZHES MTHA' DRUG GIS BSHAD PA MI RIGS SHE NA, SMRAS PA DANG, GZHAN GYI BRJOD PAS NYES PA MED DO, ,DPER NA MA'I BU DANG PHA'I BU ZHES BYA BA BZHIN NO, ,GANG GI PHYIR GNYI GA LA 'BYUNG BA DE CIG SHOS KYI MING GIS KYANG GRAGS PA YIN NO, ,DE BAS NA RIM PA 'DI NYID KYIS ZHES BYA BA LA SOGS PA SMOS SO, ,MTHA' DRUG TU BSHAD PA DANG RNAM PA BZHIR BSHAD PA ZHES PA NI MTHA' DRUG DANG BSHAD PA RNAM PA BZHIS BZUNG BAS RGYAN GZHAN RNAMS DE DAG TU 'DUS PAS SO, ,DPAL GSANG BA 'DUS PA'I DON RGYAS BTAB PA YIN LA ZHES PA NI DE BZHIN GSHEGS PA'I BDAG PO RDO RJE 'CHANG CHEN POS DE DAG GIS RGYAS BTAB PA NI BCINGS PA'O, ,DES NA RTOGS PAR DKA' BA'I RGYUD 'DI YIN ZHES BSTAN TO, ,DE MA GTOGS PA ZHES BYA BA 'DIS DA LTAR BYUNG BA RNAMS KYIS MI RTOGS ZHES BSTAN TO, ,SGRA JI BZHIN PAR BSHAD PA'I SGRA'I DON TZAM LA BRTEN TE ZHES PA NI MTHA' DRUG GI DON MI SHES NAS SO, ,'GAL BA DANG SHIN TU RMAD DU GYUR PA'I BYA BA BYED PAS NI LTA BA LA

, ,SOGS PA'I DBANG GIS MA DANG SRING MO ZHES BYA BA LA SOGS PA SGRA JI BZHIN DU GZUNG BAS 'GAL BA SPYOD PAS SO, ,LAS KYI DBANG DU 'GYUR RO ZHES PA NI, SDIG PA'I LAS KUN TU SPYOD PAS MNAR MED PA LA SOGS PAR SKYE BAR 'GYUR TE ZHES BYA BA'I DON TO, DE YANG BCOM LDAN 'DAS KYIS ZHES BYA BA LA SOGS PAS LUNG TSAD MA NYID DU BSTAN TO, ,GSANG BA'I BDAG PO ZHES PA NI BONG BA'I TSIG GO, ,TSUL CHEN 'DI NI RNYED GYUR NAS, ,ZHES PA NI RNAL 'BYOR GYI RGYUD CHEN PO ZHES BYA BA'I DON TO, ,ZAD MIN DON NI SGRA JI BZHIN PA YIN ZHES THA TSIG GO, ,LAM NGAN PA ZHES PA NI SO SO'I SKYE BO'I LAM DU'O, ,MNGON PA'I NGA RGYAL ZHES BYA BA LA SOGS PA NI RIG PA'I DBANG TZAM THOB NAS SGRUB PA'I THABS TZAM YONGS SU SHES PAS NGA RGYAL DANG LDAN PAR 'GYUR RO ZHES THA TSIG GO, ,CHOS NI G-YO YIS BYED PAR 'GYUR, ,ZHES PA NI G-YO SGYU'I DBANG GIS CHOS BYED PA STE SO BYA BZHIN NO, ,SEMS CAN SLU BAR BYED PA ZHES BYA BA'I DO N TO, ,DES NI 'DUS PA ZHES BYA BA LA SOGS PAS DAM TSIG NYAMS PA DANG YONGS SU MI SHES PA DAG BSTAN TO, ,MNGON SUM ZHES BYA BA LA SOGS PAS RDO RJE SLOB DPON LA SMOD PAR BYED PA BSTAN TO, ,SKAD CIG CES PA NAS BYAMS PA'I SEMS MED PA DANG, BGROD MIN LA 'GRO BA DANG, MTSAMS MED PA BYED PA DANG, MI DGE BA'I LAS KYI LAM LA SPYOD PAR BYED PA STON PAR BYED DO, ,DE NYID YE SHES PA NI RNAM PA GNYIS TE, BSKYED PA'I RIM PA LHAG PAR MOS PA'I SBYOR BAS STONG PA NYID MNGON DU BYED PA DANG, RDZOGS PA'I RIM PA LA RDO RJE BZLAS PA LA SOGS PA'I MTSAN NYID DO, ,TING NGE 'DZIN NI RIM PA GNYIS KYI MTSAN NYID DO, ,RTOGS PA MED PA'I 'BRAS BU BSTAN PAR BYA BA'I PHYIR RO, ,NYES PA CUNG ZAD CES BYA BA LA SOGS PA SMOS TE SLONG MO'I KHYIM NAS GAL TE BZA' BA TZAM MA RNYED NA DE'I TSE, LE'U GSUM PA LA SOGS PA NAS GSUNGS PA'I MNGON SPYOD KYI LAS BYED PAR 'GYUR RO, ,GAL TE DES GRUB PAR GYUR NA DE'I TSE SKYON MED DO, ,'ON KYANG

RNAL 'BYOR NI BSKYED PA'I RIM PA'I TING NGE 'DZIN TO, ,SBYOR BA NI RDZAS LA SOGS PA JI LTA BA BZHIN DU SBYOR BA'O, ,DE DAG GI DMAN PA NI BRAL BA'I PHYIR 'GRUB PAR MI 'GYUR RO, ,SNGAGS PA NI BSHAD PA'I TSIG STE BLUN PO ZHES BYA BA'I DON TO, ,DE YI SBYOR BA LA MKHAS PA ZHES BYA BA LA SOGS PA 'DIS SGOM PA MED PAS RANG GI BSTAN PA LA SKUR BA 'DEBS SHING, PHYI'I BSTAN BCOS LA BRTEN TE DE'I SBYOR BA SLOB PAS RANG GI DAM TSIG DANG BRAL ZHING RANG DBANG DU SONG BAS SNGAGS LA SOGS PA'I SBYOR BAS 'TSO BA TSOL ZHING, GANG DU RNYED PA YOD PA DE NYID DU 'JUG PAR 'GYUR TE BZO BO BZHIN NO, ,DE RNAMS RJES SU GZUNG BAR BYA BA'I PHYIR, GSANG BA DGONGS PAS BSHAD PA YIN, ,ZHES PA NI SEMS CAN DE RNAMS RJES SU GZUNG BAR BYA BA'I PHYIR DGONGS PAS LUNG BSTAN TE, RTZA BA'I RGYUD KYI DKA' BA'I TSIG PHYE NAS JI LTA BA BZHIN DU DON NGES PAR GZUNG BAS SO, , DE LTAR ZHES BYA BA LA SOGS PAS YAN LAG GI DON DBYE BAR BYA BA'I PHYIR BSHAD PAR BYED DE, 'DIR ZHES BYA BA LA SOGS PAS GLENG GZHI'I TSIG GI GNAS SKABS SO, ,SDUD PA PO 'PHAGS PA PHYAG NA RDO RJE ZHES PA NI LE'U BCU BDUN PA LAS KYE'I RDO RJE CHOS KYI RNAM GRANGS 'DI LONG SHIG CES 'CHAD PAR 'GYUR RO, ,DE BAS NI SDUD PA POR GYUR PA NI CHOS KYI MDZOD DE NYID LA GTAD PA'I PHYIR RO, ,'DI SKAD BYA BA TSIG GI PHRAD KYIS RGYUD KYI DON MA LUS PA MTSON PAR BYED PA NI RGYUD KYI DON MA LUS PA SEMS LA BZHAG NAS 'DI SKAD CES GSUNGS TE, TSIG PHRAD RNAMS LA DON DU MA YOD PA'I PHYIR RO, ,BDAG NYID KYIS NI DNGOS SU THOS KYI BRGYUD PAS NI MA YIN ZHES BYA BA LA DNGOS SU THOS PAS 'KHRUL PA MED PA NYID STON TE, BRGYUD PA'I SGO NAS THOS PA LA NI DE LAS GZHAN PAR 'GYUR ZHES BYA BA'I DON TO, ,RTOGS PA MA YIN PA ZHES PA NI THOS PA TZAM GTZO BO YIN PAS SO, ,RTOGS PA YOD NA BSGOM PA'I RANG BZHIN GYI SHES RAB KYI NGES PA RNYED NAS DE'I NGO BOR GNAS PA'I PHYIR RO, ,SDUD PAS CI ZHIG BYA ZHES PA'I THA TSIG GO, ,DUS GCIG NA ZHES PA LA SOGS PA 'DIS THOS PA MANG BA LA SOGS PA YON TAN GSUM BSTAN PA'O, ,RGYUD KYI DKON PA NYID NI RGYUD KYI YON TAN NO, ,

, ,THOS PA MANG BA DANG SHES RAB PHUL DU BYUNG BA DAG NI SDUD PA PO'I YON TAN NO, ,GANG LAS ZHES BYA BA LA SOGS PAS GLENG GZHI GSUNGS SO, ,GANG GI PHYIR STON PA DANG GNAS DANG NYAN PA PHUN SUM TSOGS PA GTZO BO YIN PA'I PHYIR GLENG GZHI YIN NO, ,DE LA STON PA PHUN SUM TSOGS PAS RGYUD KYI CHE BA NYID BSTAN TO, ,GNAS PHUN SUM TSOGS PA YONGS SU DAG PAS SANGS RGYAS KYI ZHING RNAMS SU TSAD BSTAN PAS TSAD MA NYID DU 'GYUR RO, ,'KHOR PHUN SUM TSOGS PAS 'DI DANG LHAN CIG THOS ZHES PAS DBANG PO NYID BSTAN PA YIN NO, ,BCOM LDAN 'DAS ZHES BYA BA LA SOGS PAS DE NYID BSTAN TO, ,SKAL PA DANG LDAN PA'I PHYIR ZHES PA NI, JI SKAD DU, DBANG PHYUG MA LUS PA NYID DANG, ,YE SHES DANG NI GRAGS PA DPAL, ,CHAGS BRAL RTZOL BA NYID DANG NI, ,BCOM PA RNAM PA DRUG TU GRAGS, ,ZHES PA 'BYUNG BAS SO, ,DE RNAMS DANG LDAN PA'I PHYIR NA BCOM LDAN 'DAS SO, ,MI MTHUN PA LA RNAM PA GNYIS TE, PHYI DANG NANG GI DAG GO, ,DE LA PHYI'I NI LHA'I GU LA SOGS PA'I BDUD RNAMS KYI'O, ,DE RNAMS RDO RJE LTA BU'I TING NGE 'DZIN GYIS BCOM PA'I PHYIR NA BCOM LDAN 'DAS SO, ,NANG GI NI NYON MONGS PA DANG SHES BYA DANG LAS DANG RNAM PAR SMIN PA'I SGRIB PA ZHES BYA BA DE RNAMS MTHONG BA DANG, BSGOM PA LA SOGS PA'I RIM GYIS BCOM PAS NA BCOM LDAN 'DAS SO, ,RAB TU BYED PA LAS KYANG, ,SKYE RENGS 'CHAR BA'I DUS SU NI, ,RDO RJE LTA BU'I TING NGE 'DZIN GYIS, ,BYANG CHUB SHING DRUNG BZHUGS NAS NI, ,DES NI BDUD RNAMS 'JOMS PAR MDZAD, ,CES 'BYUNG NGO, ,JI SRID YID NI G-YO 'GYUR BAS, ,DE SRID BDUD KYI SPYOD YUL YIN, ,DE LTAR YOD PAS SKYON MED NI, ,'DI NI CI PHYIR RIGS PA MIN, ,ZHES 'BYUNG NGO, ,KYANG GI SGRAS NI MA BSHAD PA BSDU BA'I DON YIN TE, DE NAS BCOM NI CHOS 'BYUNG BA'I NANG DU BDE BA CHEN PO'I TSUL LAM THIG LE'I GZUGS SU GNAS PA'I PHYIR RO, ,BCOM LDAN 'DAS ZHES SPYI'I DON GYI PHYOGS SU 'CHAD PAR 'GYUR RO, ,DE BZHIN GSHEGS PA THAMS CAD CES BYA BA LA SOGS PAS NI GNAS PHUN SUM TSOGS PA BSTAN PA YIN TE ZHES PA NI BCOM LDAN 'DAS GANG DU BZHUGS

ZHES 'DRI BA LA, RGYUD GANG DU BSHAD PAR DER BZHUGS ZHES LAN NO, ,DE BZHIN NYID DU GSHEGS PAS NA DE BZHIN GSHEGS PA'O ZHES PA NI 'OD GSAL BA LA 'JUG PA'AM MKHYEN PA'O, ,DE BZHIN GSHEGS PA YANG YIN LA ZHES BYA BA LA SOGS PA NI RDO RJE 'CHANG CHEN PO SNOD DANG BCUD KYI 'JIG RTEN GNYIS KYI NGO BO YIN PA'I PHYIR RO, ,MGON PO SEMS CAN KUN BDAG NYID, ,CES RAB TU BYED PA LAS 'BYUNG BA'I PHYIR RO, ,DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO STE, RDO RJE 'CHANG CHEN PO ZHES PA NI DE BZHIN GSHEGS PA THAMS CAD KYIS YONGS SU RDZOGS PA'I PHYIR RO, ,GANG GI PHYIR RIGS LNGA PHUNG PO LNGA RNAM PAR DAG PAR GSUNGS TE, DE DAG KHO NA SKU DANG GSUNG DANG THUGS KYI DBYE BAS GSUM DU 'GYUR RO, ,DE RNAMS KYANG 'OD GSAL BA LA NYE BAR BSDUS PAS RDO RJE SEMS DPA'I RIGS GCIG PO KHO NAR 'GYUR RO, , DE BAS RDO RJE 'CHANG CHEN PO ZHES GSUNGS TE, SHES PA DANG SHES BYA'I RNAM PAR DAG PA'I SPROS PA LAS NGES PAR GROL BA THAMS CAD STONG PA'I NGO BO NYID DPAL RDO RJE SEMS DPA' ZHES BYA BA'I DON TO, ,DE'I RDO RJE BTZUN MO NI SHES RAB STE ZHES PA LA 'OD GSAL BA'I DE KHO NYID MNGON DU BYED PA RNAL 'BYOR GYI MNGON SUM GYI TSAD MAS YANG DAG PAR RTOGS PAR BYA BA BSGOM PA'I RANG BZHIN GYI SHES RAB STE STONG PA NYID CES BYA BA'I DON TO, ,DE NYID NYON MONGS PA RNAMS 'JOMS PAS NA BHA GA'O ZHES GSUM DANG DE DANG 'BREL BA'I CHAGS BRAL LA SOGS PA'I RANG BZHIN BRGYA DRUG CU NI NYON MONGS PA RNAMS SO, ,DE RNAMS SNGAGS DANG PHYAG RGYA'I RIM PAS BCOM ZHING RNAM PAR DAG PAS NA BHA GA ZHES BSHAD DO, ,'DI SKAD STON PA YIN TE ZHES PA 'DIS NYE BAR SDUD PAR BSTAN TO, ,DE BZHIN NYID CES BYA BA LA SOGS PA 'DIS BGEGS BSKRAD PAR BYAS NAS CHOS KYI DBYINGS KYI YE SHES KYI NGO BO NYID STONG PA NYID BSGOMS TE, SLAR YANG DE BZHIN GSHEGS PA LNGA'I RANG BZHIN YE SHES KYIS SA GZHI BYIN GYIS BRLABS LA, DE'I STENG DU RI RAB YONGS SU GYUR PA'I GZHAL YAS KHANG PA'I NANG DU MYUR DU LHAG PAR MOS PA'I DKYIL 'KHOR RNAM PAR BSAMS LA, RDO RJE PHRENG BA LAS

, ,GSUNGS PA'I RIM PAS DON DAM PA'I DKYIL 'KHOR LA DMIGS SHING STONG PA NYID KYI SNGAGS MNGON DU BYAS TE, YI GE GSUM SPRO BA DANG BSDU BA'I RIM PAS PADMA DANG ZLA BA DANG NYI MA BSAMS LA SLAR YANG DE'I STENG DU YI GE GSUM BKOD LA, DE YONGS SU GYUR PA'I ZLA BA'I DKYIL 'KHOR DU SNGAR BSHAD PA'I NYI MA LA SOGS PA DE NYID DU 'JUG PAR BYAS LA, CHOS KYI DBYINGS ZHES BYA BA'I SNGAGS BRJOD PA SNGON DU 'GRO BAS RANG GI SEMS BRTAN PAR BYAS LA, SLAR YANG ZLA BA DE LA YI GE GSUM BKOD CING DE NYID LAS SPRO BA DANG BSDU BA'I RIM PAS RDO RJE DKAR PO RTZE LNGA PA SA BON DANG BCAS PAR BSAMS LA, DE YONGS SU GYUR PA LAS BCOM LDAN 'DAS RDO RJE SEMS DPA' BSKYED LA DE'I THUGS KAR YE SHES SEMS DPA' DE'I THUGS KAR TING NGE 'DZIN SEMS DPA' RNAM PAR BSGOMS TE, MIG LA SOGS PA'I DBANG PO RNAMS LA BYANG CHUB SEMS DPA'I SA BON RNAM PAR DGOD PA'I MTSAN NYID CAN SHIN TU RNAL 'BYOR RDZOGS PAR BYAS LA, SKU GSUNG THUGS KYI BYIN GYIS RLOB PA'I MTSAN NYID CAN RNAL 'BYOR CHEN PO YONGS SU RDZOGS PAR BYAS PA DANG, PADMA DANG ZLA BA'I DKYIL 'KHOR GYI STENG DU ZHAL GSUM LA SOGS PA'I RNAM PA CAN RDO RJE 'CHANG CHEN POS RGYUD GSUNGS SO ZHES DGONGS SO, ,YI GE'I DON TE ZHES PA NI BSKYED PA'I RIM PA STON PA LA DANG PO'I SBYOR BA TZAM TSIG GI SBYOR BAS STON PA DANG SGRA LA RNAM PAR ZHEN PA RNAMS LA 'DI SKAD CES BYA BA LA SOGS PA RNAMS SU BYA BA DANG BYED PA DANG BSDU BA LA SOGS PA BSHAD PA'I PHYIR RO, ,TSOGS PA LA BSHAD PA'I ZHES PA NI YAN LAG LNGA DANG LDAN PA DE'I YANG GCIG GIS KYANG THA SNYAD DU RIGS TE, TSIG RNAMS LA TSIG GI PHYOGS GCIG YOD DO ZHES 'BYUNG BA'I PHYIR RO, ,DPER NA YUL TSIG PA DANG SNAM BU TSIG PA BZHIN NO, ,DA NI SPYI'I DON GYI SKABS LA DANG PO RGOL BA DANG LAN GYI SGO NAS SO SOR BSTAN PAR BYA BA'I PHYIR, 'DIR SMRAS PA ZHES BYA BA LA SOGS PA SMRAS SO, ,DGONGS PA GANG GIS NA ZHES BYA BA LA SOGS PAS NI DGONGS PA NI 'DI YIN TE, 'DAS PA DANG DA LTAR BYUNG BA DAG RJOD PAR BYED PA DE DANG 'DIR ZHES SGRA GNYIS PO YOD NA 'DI SKAD CES BYA BA'I TSIG GI PHRAD CI'I PHYIR GZUNG

ZHE NA; SMRAS PA ZHES BYA BA 'DIS LAN YIN NO, ,DE BZHIN GSHEGS PA THAMS CAD NI SPYAN LA SOGS PA LHA MO DANG BCAS PA RNAMS KYI'O, ,BRDAR GYUR PA NI BRDA TZAM NYID DU BZUNG BA'O, ,DE BAS NA THABS DANG SHES RAB STON PA NYID KYIS NA ZHES PA NI STONG PA NYING DANG SNYING RJE'I DE KHO NA NYID THOB PAR BYED PA BSGRUB BYA DANG SGRUB BYED DANG, RDO RJE DANG PADMA DANG DE DAG GI SNYOMS PAR ZHUGS PA LAS SKYES PA'I BDE BA CHEN PO'I RJOD PAR BYED PA ZHES BAR DU'O, ,SMRAS PA GAL TE DE LTA NA NI ZHES BYA BA LA SOGS PA NI SDUD PA PO YOD PAR MI 'GYUR TE ZHES BSTAN TO, ,SDUD PA PO MED CES DAM BCA' BA'O, ,'BREL PA MED PA'I PHYIR ZHES GTAN TSIGS SO, ,DGONGS PA NI 'DI SKAD BDAG GIS THOS PA 'DIS THABS DANG SHES RAB MTSON PAR BYED PAS BDAG GIS THOS PA ZHES BYA BA LA SOGS PA'I BYED PA PO DANG BYA BA LA SOGS PA'I RNAM GRANGS CAN GYI LAS MED PAS 'BREL PA MED DO, ,DE BAS NA BDAG GIS THOS ZHES SDUD PAR BYED PA PO MED PAR THAL BAR 'GYUR RO, ,RGYUD KYI DON YANG MCHOG TU 'DZIN PAR MI 'GYUR RO ZHES DRI'O, ,DE NI BDEN TE SMRAS PA ZHES PA NI BDEN TE ZHES PA 'DIS LAN NO, ,'DIR SDUD PAR BYED PA PO NI MED DO ZHES PA NI RDO RJE 'CHANG CHEN PO NYID LONGS SPYOD DANG SPRUL PA'I SKU NYID KYIS 'CHAD PA PO YANG YIN LA NYAN PA PO YANG YIN NO, ,GANG GI PHYIR THAMS CAD STONG PA'I NGO BO NYID RDO RJE 'CHANG CHEN PO ZUNG DU 'JUG PA'I TING NGE 'DZIN LAS MI G-YO BA DE DANG THA MI DAD PA'I SPRUL PA PHYAG NA RDO RJE LA SOGS PA SDUD PA PO RNAMS LA THE TSOM MED NA, GANG BZLOG PAR BYA BA'I PHYIR DE RNAMS LA RDO RJE 'CHANG CHEN POS CHOS BSTAN PA DANG DE RNAMS KYIS KYANG DE LAS THOS NAS GZHAN RNAMS LA SO SOR BSTAN PAR 'GYUR RO, ,DE BAS NA MA 'ONGS PA'I SEMS CAN GYI KHAMS GDON PAR BYED PA'I BSAM PAS SNA TSOGS PA SANGS RGYAS KYI ROL STON 'DI BSTAN TO ZHES 'CHAD PA PO DANG NYAN PA PO THA DAD PA GANG ZHIG YOD, DE'I PHYIR SPROS PA MED PA RDO RJE 'CHANG CHEN PO GCIG PU NYID RDO RJE 'CHANG CHEN POS DBANG DU BYAS PA'I THUGS KYI RGYUD KYI 'CHAD PA PO DANG, NYAN PA PO DANG SDUD

, ,PA PO'I DBYE BAS BDAG NYID KHO NA RAB TU STON PAR MDZAD DO, ,DE LTA NA SMRAS PA NI 'O NA BTZUN PA KUN DGA' BO ZHES BYA BA LA SOGS PAS SLAR YANG 'DRI BA'O, ,DE'I BSAM PA NI 'PHAGS PA SHES RAB KYI PHA ROL TU PHYIN PA LAS BTZUN PA KUN DGA' BO NI SDUD PA PO STE, DE BZHIN DU YANG MDO SDE DANG RGYUD KYI RGYAL PO GZHAN RNAMS LA YANG 'OD SRUNGS DANG MOD GAL GYI BU LA SOGS PA SDUD PA PO YOD CES CI'I PHYIR 'DIR SDUD PA PO MED CES SMRAS SHE NA, SMRAS PA ZHES BYA BA LA SOGS PAS LAN YIN TE, KUN DGA' BO NI 'DIR BYANG CHUB SEMS DPA' SEMS DPA' CHEN PO KUN TU BZANG PO STE ZHES PA NI NYAN THOS KYI SDE SNOD RNAMS LA GANG BTZUN PA KUN DGA' BO SDUD PA PO YIN PA DE NYID SNGAGS KYI BSTAN PA 'DI LA KUN TU BZANG PO ZHES BYA'O, ,SNGAGS KYI THEG PA LA SDUD PA PO PHYAG NA RDO RJE GANG YIN PA DE NYID RDO RJE 'CHANG CHEN PO NYID DE, LONGS SPYOD DANG SPRUL PA'I SKU DAG NI DBYER MED PA'I PHYIR RO, ,GZHAN DU NA ZHES BYA BA LA SOGS PAS DE DAG DBYER MED PA LA TSAD MA NYID GSUNGS SO, ,CHOS KYI PHUNG PO BRGYAD KHRI BZHI STONG ZHES PA NI NYAN THOS KYI SDE SNOD KYI TSAD DO, ,NYE BAR MTSON PA YIN PAS THEG PA CHEN PO NI STONG PHRAG DGU BCU RDO RJE THEG PA YANG ZHES PA NI YANG GI SGRAS NI KHRI PHRAG BCU'I CHAD CAN NO, ,LHAG CHAD MED PAR LAN CIG GIS 'DZIN PAR GA LA NUS ZHES PA NI MI NUS ZHES BYA BA'I DON TO, ,DE BAS NA RDO RJE 'CHANG CHEN PO KHO NA'O, ,BCOM LDAN 'DAS KYIS KYANG ZHES PA LA SOGS PAS LUNG TSAD MA NYID DU BSTAN PA YIN TE, 'DI LTA STE, 'JAM DPAL NI RGYAL PO CHEN PO ZAS GTZANG MANG GYUR TO ZHES PA NI, ZAS GTZANG MA NI BCOM LDAN 'DAS KYI YAB STE RGYU'I RDO RJE 'CHANG BA'O, ,'JAM DPAL NI RGYAL BA'I SRAS TE SPRUL PA'I SKU'O, ,DE DAG THA MI DAD PA YIN TE, MDZAD PA GCIG PA YIN PA'I PHYIR RO, ,'JIG RTEN DBANG PHYUG NI LHA MO CHEN MO SGYU 'PHRUL DU GYUR TO ZHES PA NI 'DIS KYANG BUD MED DANG SKYES PA DBYER MED PAR SGYU MA LTA BUR MTHONG BAS DNGOS PO THAMS CAD LA GNYIS SU MED PA'I MTSAN NYID BSTAN TO, ,DPAL LHA MO NI GRAGS 'DZIN NO ZHES PA NI

BCOM LDAN 'DAS KYI BTZUN MO DAM PA'O, ,DE NYID DPAL KYI LHA MO NI RIG BYA RDO RJE MA'O, ,RDO RJE SEMS DPA' NI SGRA GCAN 'DZIN NO ZHES PA NI SH'A KYA SENG GE'I SRAS TE SPRUL PA'I SKU'O, ,RDO RJE SEMS DPA' NI LONGS SPYOD RDZOGS PA'I SKU'O ZHES DE DAG DBYER MED PA NYID DU BSTAN TO, ,DE BZHIN DU THAMS CAD DU SHES PAR BYA'O, ,RIGS PA 'DIS NI ZHES BYA BA LA BRTZON PAS NYE BAR SDUD PA BSTAN TO, ,'DIR, SANGS RGYAS MYA NGAN MI 'DA' ZHING, ,ZHES PA NI RDO RJE'I SKU NYID KYIS MI ZAD PA'I PHYIR RO, ,CHOS KYANG NUB PAR MI 'GYUR TE, ,ZHES PA NI SANGS RGYAS KYIS BYIN GYIS RLOB PA DE YIN PA'I PHYIR RO, ,SEMS CAN RNAMS NI GDUL BYA'I PHYIR, ,ZHES PA NI MA 'ONGS PA'I SEMS CAN SBYOR BA'I PHYIR RO, ,MYA NGAN LAS 'DAS PA NI YONGS SU MYA NGAN 'DAS PA DANG NUB PA YANG NYE BAR BSTAN TO, ,DE LTAR SDUD PA PO RNAMS DANG DBYER MED PA NYID DU BSTAN NAS, GLENG GZHI'I TSIG RAB TU BSTAN PAR BYA BA'I PHYIR, 'DI SKAD CES BYA BA LA SOGS PA GSUNGS SO, ,BCOM LDAN 'DAS ZHES BYA BA LA SOGS PAS LUNG TSAD MA NYID DU BSTAN TO, ,BRGYA BYIN GYIS GSOL PA NI DRI BA'O, ,DRI BA DE NYID CI'I PHYIR ZHES BYA BA LA SOGS PAS BSTAN TE, 'DIR NI SKAD KYI YI GE'I DON GANG YIN PA DANG CI'I SLAD DU DANG PO SBYOR BA DANG SANGS RGYAS KYIS GSUNGS PA'AM NYAN THOS KYIS GSUNGS SAM ZHES 'DRI BA'O, ,DAM CHOS YON TAN SMRA BA YI, ,ZHES BYA BA LA SOGS PAS LAN GSUNGS SO, ,DRI BA MCHOG YIN PA'I PHYIR LEGS SO ZHES BYA BA BYIN PA'O; ,GANG PHYIR THAMS CAD GZIGS PA ZHES BYA BA LA SOGS PAS DANG POR SBYOR BA'I DRI BA'I LAN NO, ,GANG GI PHYIR GYIS NI DON GANG YIN ZHES DRI BA'I LAN NO, ,THAMS CAD GZIGS PA YIS ZHES PA 'DIS NYAN THOS KYIS GSUNGS PA BKAG PA'O, ,DON DE NYID LAS BDE BAR GSHEGS PA'I GSUNG YIN ZHES BSTAN PAR 'GYUR RO, ,JI BZHIN DU ZHES PA NI SPYI'I DON GYIS BSHAD PA'I RIM PAS SO, ,DE NI GO RIMS ZHES PA NI DKYIL 'KHOR RGYAL BA MCHOG DANG LAS KYI RGYAL BA MCHOG GI TING NGE 'DZIN GYI PHYOGS SO, ,CHOS KYI PHUNG PO ZHES BYA BA LA SOGS

, ,PAS MDO SDE LA SOGS PA CHOS KYI PHUNG PO THAMS CAD DU'O, ,PHA DANG MA'I NGO BO NYID YI GE GNYIS YIN ZHES DAM BCA'O, ,DE NYID BSTAN PAR BYA BA'I PHYIR, ,YI GE AE NI MAR GYUR LA, ,ZHES SMOS TE, MA NI SHES RAB STE AE'I RNAM PA CAN CHOS 'BYUNG BA'I PHYAG RGYAS NYE BAR MTSON PA'I PHYIR RO, ,WA NI PHA ZHES BYA BAR GRAGS, ,ZHES PA NI THABS KYI NGO BO NYID RNAL 'BYOR PA YIN TE, YI GE WAS NYE BAR MTSON PA'I RTAGS DANG LDAN PA'I PHYIR RO, ,THIG LE DE NI SBYOR BA STE, ,ZHES PA NI DAG 'DUS PA'I NGO BO YIN PA'I PHYIR RO, ,DES NI BSGRUB BYA DANG SGRUB BYED KYI 'BREL BA'I NGO BO NYID NI BSNYEN PAR BSTAN TO, ,SBYOR TE SHIN TU RMAD BYUNG BA, ,ZHES PA NI 'KHYUD PA DANG TZUM PA NA LA SOGS PA'I SNA TSOGS PA'I SKAD CIG MA RDZOGS PAR BYED PA'I PHYIR RO ZHES YAN LAG DANG PO'O, ,AE NI PADMA ZHES PA NI, GRU GSUM YIN PA'I PHYIR RO, , WAm NI RDO RJE NYID YIN NO, ,ZHES PA NI YI GE WAS GSANG BA'I RDO RJE MTSON PA'I PHYIR RO, ,THIG LE DER NI SA BON TE, ,ZHES PA NI DE GNYIS KYI DBUS SU GNAS PA'I BYANG CHUB KYI SEMS SO, ,DE LAS 'GRO BA GSUM PO SKYES, ,ZHES PA NI DKYIL 'KHOR GYI 'KHOR LO DANG KHAMS GSUM YANG SKYES SO, ,DES NI RDO RJE DANG PADMA SNYOMS PAR ZHUGS PA'I MTSAN NYID NYE BAR SGRUB PA ZHES BYA BA YAN LAG GNYIS PA BSTAN TO, ,AE NI SHES RAB NYID GYUR PA, ,ZHES PA NI SHES RAB KYI PADMA'I LTE BAR CHAR BKAG PAR BYA BA'I PHYIR YI GE PHAt RNAM PAR BKOD NAS BSKYOD PA GANG YIN PA DE NI SHES RAB PO, ,WA NI RAB DGA'I BDAG PO ZHES PA NI RAB TU DGA' BA'I BDAG PO RDO RJE LA YI GE H'Um BKOD NAS BSKYED PA GANG YIN PA DE NI BSGRUB PA ZHES BYA BA YAN LAG GSUM PA'O, ,THIG LE NI MYONG BA'I NGANG TSUL CAN NO, ,DE YANG RNAM PA GNYIS TE, RDZAS KYI BDAG NYID DANG BDE BA CHEN PO'O, ,DE LA BDE BA CHEN PO NI MI SHIGS TE DE NYID CES SMOS TE, RANG RIG PA'I DE KHO NA NYID CES BYA BA'I DON TO, ,RDZAS KYI BDAG NYID NI GANG RDO RJE RTZE MO NAS PHYIR SPROS PA'I BYANG CHUB KYI SEMS SO, ,DE LAS YI GE DE NYID KYANG SKYES ZHES PA NI THIG LE DE LAS BADZRA DHRi KA CES BYA BA LA SOGS PA'I

SA BON GYI SNGAGS LAS SKYES PA'I THUGS RDO RJE 'DZIN PA LA SOGS PA ZHES SGRUB PA CHEN PO ZHES BYA BA YAN LAG BZHI PA'O, ,CHOS KYI PHYAG RGYA YI GE GNYIS, ,ZHES BYA BA LA SOGS PA LA CHOS NI BRGYA KHRI BZHI STONG GI TSAD KYI PHUNG PO DE LA GANG GIS RGYAS BTAB CING BSDUS PA DE NI CHOS KYI PHYAG RGYA STE AE WAm MO, ,DE BAS NA CHOS YANG DAG PAR BRJOD PA'I MDO LAS DGE SLONG RNAMS DE'I CHOS 'DI SKAD BDAG GIS THOS PA ZHES BYA BA LA SOGS PAS SDUD PAR BYA'O ZHES GSUNGS SO, ,DE BAS NA GSUNG RAB THAMS CAD KYI SNYING POR GYUR PA'I YI GE GNYIS PO YONGS SU SHES PAS SEMS CAN THAMS CAD LA CHOS KYI 'KHOR LO BSKOR BAR 'GYUR RO, ,'GRO BA GANG GIS YI GE GNYIS ZHES BYA BA LA SOGS PA LA, SKYE BO GANG GIS SNGON DU BSHAD PA'I YI GE GNYIS PO MI SHES NAS CHOS KLOG PA'AM NYAN PA 'AM SGOM PAR BYED PA DE NI SANGS RGYAS KYI CHOS LAS PHYI ROL DU GYUR PA SBYOR SPANGS NI RNAL 'BYOR MED PA'I THUB PA BZHIN, ,ZHES PA NI MU STEGS KYI BRAM ZE BZHIN DU 'GYUR RO, ,YANG NA DGAG PAR BYED PA'I SGRA SPANGS TE, SHES NAS RTAG TU 'DON PA DAG ,CES PA NI 'DIS YI GE GNYIS PO TZAM YONGS SU SHES PAS SANGS RGYAS KYI CHOS RNAMS KYI PHYI ROL TU 'GYUR ZHING SBYOR BA SPANGS PA NI TING NGE 'DZIN SPANG PA YANG THUB PA BZHIN ZHES PA NI SH'AKYA SENG GE DANG 'DRA BAR 'GYUR RO, ,AE WAm YI GE GNYIS SGYU MA LA ZHES PA NI RIG MA DANG SKYES BU'I BDAG NYID YIN PA'I PHYIR RO, ,THAMS CAD MKHYEN PA 'DIR BZHUGS PAS, ZHES PA NI DKYIL 'KHOR GYI BDAG PO NYID DU RDO RJE 'CHANG CHEN PO BZHUGS PAS SO, ,DAM CHOS BSTAN PA'I THOG MAR NI, ,ZHES BYA BA LA SOGS PAS RTAG PA'I GNAS THOB PAR 'DOD PAS DANG PO BSTAN BCOS KYI THOG MAR AE WAm ZHES BYA BA SBYAR BAR BYA BA DANG, BSTAN BCOS KYI BKUR STI BYA BA DANG, YI GE GNYIS PO DRAN PAR BYA'O ZHES BRGYA BYIN LA 'BOD CING GDAMS PA'O, ,BDAG GIS ZHES BYA BA LA SOGS PAS LUNG TSAD MA NYID BSTAN TO, ,BSHAD PA'I RGYUD LAS ZHES PA NI RDO RJE PHRENG BA LAS SO, ,'KHOR LOS SGYUR BA'I NGO BO'O, ,ZHES PA NI DBUS KYI BDAG PO'I TSUL GYIS SO, ,BDAG GIS THOS PA ZHES GSUNGS PA'I THOS ZHES BYA BA'I DON BSHAD PAR BYA STE, SA

, ,BON NGO BOS GANG SPRUL PA, ,ZHES PA NI RDO RJE RTZE MO LAS 'PHROS PA'I BYANG CHUB KYI SEMS LAS SKYE BA'O, ,LHA RNAMS KYI NI 'KHOR LO MCHOG ,CES PA NI MI BSKYOD PA LA SOGS PA LHA SUM CU RTZA GNYIS KYI BDAG NYID DKYIL 'KHOR GYI 'KHOR LO'O, ,DUS BSHAD PAR BYA STE MCHOG TU DGA' BA'I DUS GANG YIN, ,DUS GCIG NA ZHES BSHAD PA YIN, ,ZHES PA NI SNYOMS PAR ZHUGS PA'I DUS SU BDE BA CHEN PO MYONG NAS PHYIS DKYIL 'KHOR GYI 'KHOR LO SPRO BA YIN NO, ,DBUS KYI BDAG PO'I KHYAD PAR BSTAN PAR BYA BA'I PHYIR, DBANG PHYUG BRGYAD KYIS BCOM LDAN 'DAS, ,ZHES BYA BA SMOS TE, DBANG PHYUG BRGYAD NI SKU'I DBANG PHYUG LA SOGS PA'AM PHRA BA LA SOGS PA SNGON DU BSHAD ZIN TO, ,BDE BA CHEN PO NI BDE BA CHEN PO RGYU MTHUN PAR GYUR PA BYANG CHUB KYI SEMS LAS SKYES PA'I DKYIL 'KHOR GYI 'KHOR LO DE NYID GNAS ZHES PA NI BZHUGS GNAS TE GZHI'I DKYIL 'KHOR RO, ,DER BZHUGS PA NI DER BDAG PO NYID DU BZHUGS SO, ,'DI NI PHUNG PO LNGA RGYAL BA, ,ZHES BYA BA LA SOGS PA PHUNG PO LNGA DANG SKU GSUNG THUGS KYI BDAG NYID RDO RJE 'CHANG CHEN PO KHO NA BZHUGS SO, ,DE TZAM GYIS NI DKYIL 'KHOR RGYAL BA MCHOG GI TING NGE 'DZIN BSHAD DO, ,BTZUN MO ZHES BYA BA LA SOGS PA RNAMS NI REG BYA RDO RJE MA'O, ,BHA GA LEGS SBYANGS ZHES PA NI DE'I PADMA'O, ,BZHUGS PA ZHES BYA BA LA SOGS PAS NI PHRA MO'I RNAL 'BYOR LA SOGS PA BYAS NAS, DKYIL 'KHOR GYI 'KHOR LO NYE BAR BSDUS LA, SKU DANG GSUNG DANG THUGS KYI MTSAN NYID YI GE GSUM PO TZAM LA DMIGS TE, DE YANG CHA SHAS KYI DBYE BAS BSDUS TE THIG LE TZAM LA DMIGS SHING GNAS PAR BYA'O, ,DE BAS NA 'DIR BSHAD PA ZHES BYA BA LA SOGS PA NI CHA GNYIS PA NI YI GE AA'O, ,DGU PA NI MA NING GI YI GE SPANGS TE AO'O,, SUM CU PA LNGA PA'I SA BON NI HA'O, ,CHA GNYIS NI TSEG DRAG GO, ,LNGA PA NI MA'O, ,DE NYID RJES DBYANGS SO, ,DRUG PA NI AU'O, ,THIG LE NI RJES DBYANGS SO, ,DE LTAR AOm A'A: H'Um 'BYUNG NGO, ,SKU GSUNG THUGS KYI DKYIL 'KHOR NYE BAR BSDUS TE GNAS PAR BYA'O, ,YANG NA YI

GE AA DGAG PAR BYED PA SBREL TE, THIG LE TZAM DU DMIGS TE GNAS PAR BYA'O, ,DE'I BSDUS PA'I DON NI 'DI YIN TE, YI GE'I DON GYI PHYOGS SU DANG PO SBYOR BA'I TING NGE 'DZIN GYIS DBUS KYI BDAG POR GYUR NAS SME SHA CAN LA SOGS PA'I RIGS SU SKYES PA'I DAM TSIG GI PHYAG RGYA BLANGS TE, YE SHES SEMS DPA'I SA BON GYI THIG LE LAS BYUNG BA'I 'OD ZER GYI 'KHOR LO SNA'I BUG PA G-YAS PA NAS 'BYUNG BAS DE'I LUS PO BSREG PAR BYA STE, DE'I RNAM PAR SHES PA DRI MA MED PA RLUNG GIS MA BSKYOD PA'I MAR ME LTA BU DE NYID LCAGS KYU'I RNAM PAS RNAM PAR BCINGS TE BKUG LA SNA'I BUG PA G-YON PA NAS BCUG LA 'DOD PA'I GDUGS ZHES BYA BA'I LAM NAS BYANG CHUB KYI SEMS KYI GZUGS SU RNAM PAR SMOS TE, REG BYA RDO RJE MA'I CHOS 'BYUNG PADMA DANG ZLA BA'I GDAN GYI STENG DU DE DANG 'DRA BA'I SEMS MA GSUM GYI BDAG NYID BSKYED PAR BYAS LA, SHIN TU RNAL 'BYOR DANG RNAL 'BYOR CHEN PO'I RIM PAS LHA MO THAMS CAD KYI NGO BOR BYAS LA PHYIR SPROS TE, 'KHYUD PA'I REG BYA RDO RJE MA DANG GNYIS SU MED PAR BYAS LA RDO RJE DANG PADMA SBYAR BA SNGON DU 'GRO BA'I RIN CHEN 'BYUNG LDAN DANG DON YOD GRUB PA'I SNGAGS DAG GIS SNYOMS PAR ZHUGS TE BSKYED PAR BYAS LA, RJES SU CHAGS PA DAM PA'I SGRAS NAM MKHA'I DBYINGS KUN DU GNAS PA'I DE BZHIN GSHEGS PA'I TSOGS BKUG CING 'JUG PAR BYAS LA, SNGA MA BZHIN DU DBUS MA'I LAM NAS THIG LE'I GZUGS SU DMIGS TE, BADZRA DHRi KA CES BYA BA LA SOGS PA PHYUNG BA'I SNGAGS KYIS MI BSKYOD PA NAS BRTZAMS TE, SGO SKYONG GI BAR DU DKYIL 'KHOR GYI 'KHOR LO DE NYID DU SPROS TE, SEMS DPA' GSUM GYI BDAG NYID DU BYAS NAS SLAR YANG RNAM PAR SPROS TE, SEMS CAN GYI DON BYAS NAS SLAR YANG GSHEGS TE SHAR LA SOGS PA'I PHYOGS RNAMS SU RNAM PAR DGOD CING DBANG BSKUR BA DANG PHYAG RGYA GDAB PAR BSAMS TE, PHRA MO'I RNAL 'BYOR DANG BZLAS PA BYAS NAS BYA BA BYAS PA'I PHYIR RNAM PAR ZHU BA LHA MO'I GLUS BSKUL BAS BZHENGS TE, DE BZHIN GSHEGS PA RNAMS KYIS BSTOD PA GSAN NAS TSIM PAR BYED PA'I

, ,CHO GA LA SOGS PA RDZOGS NAS PHYI'I DKYIL 'KHOR LUS KYI DKYIL 'KHOR DU BCUG LA, YI GE GSUM GYI BDAG NYID DU GYUR NAS DE YANG YONGS SU GYUR CING BDE BA CHEN PO'I RANG BZHIN THIG LE TZAM DU MTHAR THUG LA RDO RJE 'DZIN PAR 'GYUR RO ZHES BYA'O, ,SPYI'I DON ZHES BYA BA NI BSKYED PA'I RIM PAS SO ZHES TSIG GI LHAG MA'O, ,YANG LUNG GIS BSHAD PA ZHES BYA BA 'DIS LUNG TSAD MA LAS SBAS PA'I DON BSHAD PAR BYA BA'I PHYIR, AE, AE NI SHES RAB DAM PA STE, ,'DOD CHAGS BRAL SOGS SKAD CIG BDAG ,SRID PA GSUM NA YONGS SHES PA, ,'DI NI RTZA BAR RNAM PAR BSTAN, ,ZHES SMOS TE, 'DIR DANG PO YE SHES GSUM PO RNAM PAR DPYAD PA'I MTSAN NYID CAN SBAS PA'I DON BSHAD PAR BYA STE, SEMS RNAM PAR DAG PAR BYED PAR 'DOD PA'I RNAL 'BYOR PAS DANG PO SNGAGS SAM PHYAG RGYA'I RIM PA LA DMIGS PAR BYA'O, ,DE LA SEMS NI RNAM GSUM STE, SEMS DANG, YID DANG, RNAM PAR SHES PA STE, DE NYID 'JUG PA'I RNAM PAR SHES PA DANG, NYON MONGS PA CAN GYI YID DANG, KUN GZHI RNAM PAR SHES PA'O, ,DE LA 'JUG PA'I RNAM PAR SHES PA GNAS GYUR BA ZLA BA'I SNANG BA DANG 'DRA BA'I SNANG BA'I YE SHES SKYE BAR GYUR PA DANG, 'DOD CHAGS BRAL BA LA SOGS PA'I RANG BZHIN SUM CU RTZA GSUM 'GOG PAR 'GYUR RO, ,NYON MONGS PA CAN GYI YID GNAS GYUR PAS NYI MA'I 'OD ZER DANG 'DRA BA'I SNANG BA MCHED PA'I YE SHES SKYE BA DANG, 'DOD CHAGS LA SOGS PA RANG BZHI BCU 'GOG PAR 'GYUR RO, ,KUN GZHI RNAM PAR SHES PA GNAS GYUR PAS MTSAMS KYI SNANG BA DANG 'DRA BA'I SNANG BA NYE BAR THOB PA'I YE SHES SKYE BAR 'GYUR BA DANG, CHAGS PA BAR MA ZHES BYA BA LA SOGS PAS RANG BZHIN BDUN 'GOG PAR 'GYUR RO, ,DE YANG GANG GI TSE THAMS CAD STONG PA LA 'JUG PA DE'I TSE, SPRIN MED PA'I NAM MKHA' DANG 'DRA BA'I 'OD GSAL BA'I DE KHO NA NYID 'CHAD PAR 'GYUR RO, ,DE'I PHYIR RNAM PAR SHES PA GSUM PO'I RNAM GRANGS NI SHES RAB DANG THABS DANG MA YIN PA'O, ,SNANG PA GSUM NI GNYEN PO'I PHYOGS SO, ,STONG PA LA SOGS PA GSUM NI DE RNAM BAR DAG PA'I THABS SO, ,

'BRAS BUR GYUR PA NI SEMS KYI 'OD GSAL BA'O, ,LA LA'I SKABS SU MI MTHUN PA'I PHYOGS KYI MING GIS GNYEN PO BSTAN PA DANG, GNYEN PO'I MING GIS MI MTHUN PA'I PHYOGS BSTAN PA DANG, DE'I THABS KYI MING GIS KYANG DE DAG BSTAN PA DANG, DE DAG GI MING GIS KYANG DE NYID BSTAN PA'O, ,DPER NA CHAR GYIS BYAS PA'I MU GE NI CHAR MED PAS MU GE BYUNG ZHES BYA BA'I DON TO, ,DE LA DANG PO SHES RAB KYI YE SHES BSTAN PAR BYA BA'I PHYIR, AE NI SHES RAB DAM PA ZHES SMOS TE, SHES RAB NI 'JUG PA'I RNAM PAR SHES PA'O, ,DBANG PO DANG YUL DANG SNANG BA DANG YID LA BYED PA'I RTEN CING 'BREL PA TSOGS PA LAS RAB TU SHES PA STE RNAM PAR SHES PA'I TSOGS DRUG GO, ,'DOD CHAGS BRAL SOGS SKAD CIG BDAG ,CES PA NI 'DOD CHAGS BRAL PA LA SOGS PA RANG BZHIN SUM CU RTZA GSUM GYI NGO BO'O, ,SRID PA GSUM NA ZHES BYA BA LA SOGS PA NI KHAMS GSUM NA GNAS PA'I GZUGS RNAM PA GSUM LA SOGS PA YUL DAG TU'O, ,YONGS SU SHES PA NI YUL GZUNG BA'I NGO BO NYID DO, ,'DI NI RTZA BAR ZHES PA LA MIG LA SOGS PA'I RNAM PAR SHES PA'O, ,GNYIS PA BSTAN PAR BYA BA'I PHYIR KHAMS NI 'OD MA 'GRENG BA ZHES BYA BA LA SOGS PA SMOS PA LA, RNAM PAR SHES PA NI NYON MONGS PA CAN GYI YID GNYIS PA STE BDAG TU LTA BA LA SOGS PA BZHI DANG LDAN PA'I PHYIR RO, ,WAm, 'OD MA 'GRENG BA LTAR ZHES PA NI DPER NA KHONG STONG 'OD MA YIN YANG TSIGS MDUD KYI DBANG GIS BSTAN PA NYID DU GYUR RO, , DE BZHIN DU RANG BZHIN GYIS STONG PA YIN YANG SHES PA DE NYID NYON MONGS PA'I MDUD PA BZHI'I DBANG GIS BSTAN PAR SNANG BAR 'GYUR RO, ,SEMS LAS BYUNG BA BSTAN PAR BYA BA'I PHYIR, 'DOD CHAGS LA SOGS RAB SKYE LDAN, ,ZHES PA NI THABS KYI NGO BO NYID RANG BZHIN BZHI BCU'I SKAD CIG MA LA SOGS PA'I DBYE BAS SKYE BA GANG YIN PA DE DANG LDAN PA'O, ,DE BZHIN DU GNYEN PO'I MING GIS SNANG BA MCHED PA ZHES BRJOD DO, ,DE 'GOG PAS DE DMIGS PA'I PHYIR RO, ,DE NYID THABS ZHES PA NI 'KHOR BA'I GRONG KHYER SNA TSOGS PA SPRUL PA'I RGYU YIN PA'I PHYIR RO, ,MING ZHES PA NI DE NYID

, ,KYI BRDA RU SHES PAR BYA'O, ,GSUM PA BSTAN PAR BYA BA'I PHYIR, MA, RIG CHEN ZHES BYA BA LA SOGS PA SMOS TE, RIG CHEN NI CHOS KYI DBYINGS KYI NGO BO STE 'OD GSAL BA'O, ,GANG GI PHYIR ZHE NA, MA RIG PA NI ZLA BA YI, ,ZHES SMOS TE, KUN GZHI RNAM PAR SHES PA RANG BZHIN BDUN DANG BCAS PAR 'GOG PAR BYED PAS SO, ,MA RIG PA NI KUN GZHI RNAM PAR SHES PA'O, ,'DI 'BYUNG BA ZHES PA NI DE SPANGS PAS DE BAS SNANG BA 'BYUNG BA NI MTSAMS KYI SNANG BA DANG 'DRA BA'I SNANG BA THOB PA SKYE BAR 'GYUR RO, ,RNAM PAR SHES PA GSUM GYI MTSAN NYID BSTAN NAS GNYEN PO'I SGO NAS 'OD GSAL BA LA 'JUG PA BSTAN PAR BYA BA'I PHYIR, ,Y'A, GANG YANG RNAM SHES DANG PO STE, ,ZHES SMOS TE, DANG PO'I RNAM PAR SHES PA NI SNGAGS SAM PHYAG RGYA'I RIM PAS SBYANGS PA NA, SNANG BA MCHED PA'I MING NI YE SHES GNYIS PA NYID DU 'GYUR RO; ,DE NI SNANG BA MCHED PA DAG PA'O, ,DE NI STONG PA CHER 'GYUR LA, ,ZHES PA NI MTSAMS KYI SNANG BA DANG 'DRA BA'I SNANG BA THOB PA'I YE SHES KYI NGO BO NYID DU 'GYUR RO, ,DE NI STONG PA CHEN PO'I NGO BO NYID SNANG BA MCHED PA'I YE SHES DAG PAR 'GYUR BAS 'OD GSAL BA NI THAMS CAD STONG PA 'OD GSAL BAR 'GRO BA NI 'GYUR BA'O, ,DGONGS PA 'DIS RAB TU BYED MKHAN GYIS KYANG GSUNGS TE, STONG NYID SHIN TU STONG PA DANG, ,GSUM PA STONG PA CHEN PO DANG, ,BZHI PA THAMS CAD STONG PA NI, ,RGYU DANG 'BRAS BU'I BYE BRAG GO; ,SNANG BA SNANG BA MCHED PA DANG, ,DE BZHIN SNANG BA NYER THOB PA, ,SEMS NI RNAM PA GSUM BSTAN PA, ,DE YI BSGRUB PA BSHAD PAR BYA, ,ZHES 'BYUNG NGO, ,BSDU BA BSTAN NAS BSKYED PAR BYA BA'I PHYIR RO, ,SHRU, SNANG BA GSUM GYIS ZHES BYA BA LA SOGS PA SMOS TE, SNGON DU BSHAD PA'I RNAM PAR SHES PA GSUM PO GANG YIN PA DE SNANG BA GSUM GYI MTSAN NYID CAN DE 'GOG PAS SNANG BA LA SOGS PA'I SGRAS BRJOD PAR BYA BAR 'GYUR RO, ,SEMS CAN KHAMS NI MA LUS PA'I, ,ZHES PA NI KHAMS GSUM NA SPYOD PA'I SEMS CAN GYI KHAMS KYI'O, ,

RANG BZHIN RTZA BA 'DI YIN NO, ,ZHES PA NI SHES RAB DANG THABS DANG MA RIG PA'I NGO BO NYID 'DOD CHAGS DANG BRAL BA LA SOGS PA BRGYA DRUG CU RNAMS KYI RTZA BA STE RGYU'O, ,DE RNAMS RNAM PAR SHES PA GSUM LAS BYUNG BA'I PHYIR RO, ,JI SKAD DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,NYAN THOS BYIS PA RNAMS LA NGAS MA BSTAN, ,ZHES 'BYUNG BA DANG, DE BZHIN DU YANG, YANG DAG MA YIN KUN BRTAGS NI, ,SEMS DANG SEMS BYUNG KHAMS GSUM PA, , ZHES 'BYUNG NGO, ,DE NI RLUNG DANG RNAM PAR SHES PA YANG DAG PAR SBYOR BAS 'GRO BA RNAMS KYI SKYE BA BSTAN PAR BYA BA'I PHYIR, TAm, DA NI RE RE ZHES BYA BA LA SOGS PA SMOS TE, MIG LA SOGS PA'I DBANG PO'I SGO NAS, SNGON PO LA SOGS PA'AM BDE BA LA SOGS PA'I DON GANG DANG GANG SNANG PA DE DANG DE DAG RLUNG GIS KHO NA YANG DAG PAR BLANGS NAS 'DZIN PAR BYED DE, G-YO 'GUL LA SOGS PA'I NGO BO DE YIN PA'I PHYIR RO, ,RNAM PAR SHES PAS NI MA YIN TE, G-YO 'GUL LA SOGS PA MED PA'I PHYIR RO, ,DE BAS NA 'PHYE BO DANG LONG BA BZHIN DU, ,RLUNG DANG LDAN PA'I RNAM SHES NI, RTAG TU 'GRO LA GNAS PAR 'GYUR, ,ZHES BYA BA 'DI SRID PA GSUM GYI BAR DU YANG 'GRO BA DANG 'ONG ZHING 'JUG PAR 'GYUR RO, ,LAS KYI LUS KYI SKYE BA BSTAN PAR BYA BA'I PHYIR, ,AE, 'DI NI ZHES BYA BA LA SOGS PA SMOS TE, 'CHI BA'I SRID PA 'DAS NAS ZHAG NYI SHU RTZA GCIG GI BAR DU BAR MA DO'I SRID PA NAM MKHA' LA GNAS PAR 'GYUR TE, RANG GI GNYEN DANG GNAS LA SOGS PA DANG BDAG GI LUS 'DI YIN ZHES YONGS SU NGO SHES SHING GNAS SO, ,DE BAS NA LAS KYI RLUNG GIS BSKUL BAS PHA MA'I G-YEM PA'I DUS SU ZHE SDANG DANG BCAS PA'AM 'DOD CHAGS DANG BCAS PAR SKYE GNAS SU 'JUG CING LUS LEN PAR BYED DO, ,DE BAS NA RNAM PAR SHES PA GSUM GYI NI BZHI PA STE SKUL BAR BYED PA'O, ,DE YIS RANG BZHIN RTAG TU NI, ,JI LTA JI LTAR NGES PAR 'BYUNG, ,ZHES PA NI RNAM PAR SHES PA RNAMS LAS, SEMS

, ,LAS BYUNG BA'I NGO BO NYID KYI 'DOD CHAGS BRAL BA LA SOGS PA RANG BZHIN RNAMS SKAD CIG LA SOGS PA'I DUS KYI DBYE BA DANG, YUL GYI SNANG BA YOD PA LAS SKYE BAR 'GYUR RO, ,MNGAL NAS 'BYUNG BA'I NGO BO BSTAN PAR BYA BA'I PHYIR, KA ,SRA BA'I KHAMS ZHES BYA BA LA SOGS PA SMOS TE, RLUNG NYID KYIS 'BYUNG BA CHEN PO BZHI BLANGS TE, LUS CAN RNAMS KHAMS GSUM DU 'KHOR BAR BYED DO, ,PHUNG PO 'BYUNG BA BSTAN PAR BYED PA'I PHYIR, SMIN, 'DI NA ZHES BYA BA LA SOGS PA SMOS PA 'DIS DE LTA BU'I LUS PO GZUGS LA SOGS PA'I PHUNG PO LNGA'I BDAG NYID DU SKYE BAR 'GYUR RO, ,'DUS BYAS MTSAN NYID NI DE DAG RTEN CING 'BREL PA LAS 'BYUNG GI RANG DBANG DU NI MA YIN NO, ,JI SKAD DU, DNGOS PO LAS NI DNGOS MI SKYE, ,DNGOS MED LAS KYANG 'BYUNG BA YIN, ,DNGOS PO RTAG TU SKYE BA NI, ,'KHRUL PAS MKHA' YI ME TOG BZHIN, ,BDAG LAS MA YIN GZHAN LAS MIN, ,GNYI GA LAS MIN RGYU MED MIN, ,DNGOS PO GANG DANG GANG NA YANG, ,SKYES PA NAM YANG YOD MA YIN, ,ZHES 'BYUNG BAS SO, ,DE BAS NA 'KHRUL PA TZAM GYI NGO BO GZUGS LA SOGS PA PHUNG PO LNGA ZHES THA TSIG GO, ,BYANG CHUB KYI SEMS KYI RNAM 'GREL LAS KYANG, GZUGS NI LBU BA LTA BU STE, ,TSOR BA CHU BUR LTA BU YIN, ,'DU SHES SMIG RGYU LTA BU STE, ,'DU BYED CHU SHING DANG 'DRA ZHING, ,RNAM SHES SGYU MA LTA BU STE, ,PHUNG PO'I BSTAN PA 'DI YIN NO, ,ZHES 'BYUNG NGO, ,KUN NAS NYON MONGS PA'I PHYOGS BSTAN NAS RNAM PAR BYANG BA'I PHYOGS BSTAN PAR BYA BA'I PHYIR, SA, MNYAM NYID CES BYA BA LA SOGS PA SMOS TE, PHUNG PO LNGA GNAS GYUR PAS YE SHES LNGA THOB PA'I RNAM PAR SHES PA GSUM KHO NA RGYU YIN NO, ,DE MED PAS PHUNG PO YANG MED DO, ,CI'I RNAM PAR DAG PAR BYA BA'I PHYIR YE SHES SKYE'O, ,SKYE MCHED KYI BSKYED PA BSTAN PAR BYA BA'I PHYIR, MA, YID KYI SKYE MCHED CES BYA BA LA SOGS PA SMOS TE, YID LA SOGS PA NANG GI SKYE MCHED DRUG STE, GANG GIS LAS KYI LUS PO 'DI DANG YUL RNAMS DANG LEN PAR BYED DE, 'DIR NI TSIGS SU BCAD PA GCIG 'DOR TE BSHAD PAR BYA BA

YIN NO, ,LUS SKYES PAS LAS KYI DBANG GIS SKYE BA LEN PA BSTAN PAR BYA BA'I PHYIR, BHA, 'BYUNG BA 'DI LAS RANG BZHIN ZHES BYA BA LA SOGS PA SMOS TE, 'DOD CHAGS LA SOGS PA'I RANG BZHIN BRGYA DRUG CU'I DBANG GIS DGE BA DANG MI DGE BA'I LAS BYAS NAS DE NAS SHI 'PHOS TE NGAN SONG DANG BDE 'GRO LA SOGS PA'I MTSAN NYID CAN SKYE BA THOB PA GANG YIN PA DE'I RGYU NI RNAM PAR SHES PA GSUM PO KHO NA LAS GZHAN MA YIN NO, ,BSKYED PA'I RIM PA PHUNG PO RNAM PAR DAG PA BSTAN PAR BYA BA'I PHYIR, GA, 'GRO BAR BYED CES CES BYA BA LA SOGS PA SMOS TE, 'GRO BA NI MI LA SOGS PA'I 'GRO BA'O, ,DES NA BDE 'GRO DANG NGAN 'GRO DAG TU NYE BAR LEN PA'I PHUNG PO LNGA GZUGS LA SOGS PA GANG YIN PA DE DAG 'BYUNG BA NI SKYE BAR 'GYUR TE NYON MONGS PA DANG LAS DANG RNAM PAR SMIN PA'I NGO BO NYID KYI RTEN CING 'BREL PA YAN LAG BCU GNYIS KYI MTSAN NYID CAN SRID PA'I 'KHOR LOS YONGS SU 'KHOR RO, ,DE DAG DAG PAR BYA BA'I PHYIR BSKYED PA'I RIM PA MNGON PAR BYANG CHUB PA RNAM PA LNGA'I BSGOM PAS SANGS RGYAS LNGA'I NGO BO NYID THOB PA GANG YIN PA DE'I YANG RGYU NI RNAM PAR SHES PA GSUM YIN NO, ,SA LA SOGS PA RNAM PAR DAG PA'I RGYU BSTAN PAR BYA BA'I PHYIR, W'ANA, RLUNG DANG ZHES BYA BA LA SOGS PA SMOS TE, SA LA SOGS PA KHAMS BZHI PO RNAM PAR DAG PA'I NGO BO SPYAN MA LA SOGS KYI BTZUN MO YANG RNAM PAR SHES PA GSUM PO LAS 'BYUNG BA STE, DE LA DMIGS PA LAS DE DAG RNAM PAR DAG PA'I PHYIR RO,, DE BAS NA SANGS RGYAS BYANG CHUB NI ZHES SMOS TE SA BRGYAD PA LA GNAS PA'I BYANG CHUB SEMS DPA' LAS SANGS RGYAS NYID STER BAR BYED PA DE NYID CES TSIG LHAG MA'O, ,MIG LA SOGS PA RNAM PAR DAG PA'I RGYU NYID BSTAN PAR BYA BA'I PHYIR, SA, THAMS CAD CES BYA BA LA SOGS PA SMOS TE, BSKYED PA'I RIM PAS DE BZHIN GSHEGS PA THAMS CAD KYIS GANG SLAR BSHAD PA DE NYID RNAM PAR SHES PA GSUM GYI RGYUN CAN YIN NO, ,PHYAG RGYA BZHIS NI RGYAS BTAB CING, ,ZHES PA NI DE LAS DGUG PA DANG, GZHUG PA DANG, BCING BA DANG, DBANG DU BSDU BA'I MTSAN

, ,NYID CAN PHYAG RGYA BZHI PO'O, ,GANG GIS YE SHES SEMS DPA' DGUG PA LA SOGS PA BYA'O, ,YANG NA SPYAN LA SOGS PA BZHI PO NI PHYAG RGYA BZHI STE, DE RNAMS KYIS RGYAS BTAB PA NI YONGS SU BSKOR TE DES NI GSANG BA LNGA'I DKYIL 'KHOR CHEN PO BSTAN TO, ,YANG NA LAS DANG; CHOS DANG, DAM TSIG DANG, PHYAG RGYA CHEN PO'I DAM TSIG CAN BZHI'O, ,PHYAG RGYA CHEN PO'I GZUGS DE DAG GIS 'GRUB PAR BYA'O, ,JI SKAD DU, THAMS CAD MKHYEN PA 'JIGS BYED CES BYA BA RNAL 'BYOR CHEN PO'I RGYUD LAS, DE NAS DE DAG RNAMS KYIS NI, ,RNAL 'BYOR GSANG BA MCHOG BSHAD BYA, ,DANG PO YE SHES SEMS BSGOMS NAS, ,PHYAG RGYA CHEN PO 'CHANG BAR BYA, ,ZLA BA'I DKYIL 'KHOR DANG MTSUNGS PA'I, ,SNYING GAR GNAS PA'I BYANG CHUB SEMS, ,PHYI MO'I YI GE DANG MTSUNGS PA, ,CUNG ZAD SNANG BA TZAM DU BSGOM, ,RNAL 'BYOR CHEN PO'I MTHONG BA BZHIN, ,DAM TSIG CES BYA BCAD PAR BYA, ,RTAG TU LAS KYI RGYA BCINGS TE, ,SNA TSOGS RDO RJE SNYING GAR GNAS, ,NGES PA NYID DU SHES BYAS NA, ,DE TSE THE TSOM MED PAR 'GRUB, ,DANG PO RDO RJE LCER BSGOMS TE, ,CHOS KYI PHYAG RGYA YANG DAG 'CHANG, ,CI 'DOD PA YI LAS RNAMS NI, ,MYUR DU THE TSOM MED PAR 'GRUB, ,DE LTAR PHYAG RGYA RNAM PA BZHI, ,BLO LDAN GANG GIS MI SHES NA, ,SDOM PA'I RNAL 'BYOR MCHOG NYID NI, ,DE YIS NGES PAR THOB MI 'GYUR, ,DKON ZHING BDE BA'I THABS 'DI NI, SANGS RGYAS ROL STON GSANG BA YIN, ,DE NI BYANG CHUB SEMS YIN TE, , RTAG TU SHES RAB RGYA MTSOR GNAS, ,ZHES 'BYUNG NGO, ,MIG LA SOGS PA'I BDAG NYID DER, ,ZHES PA NI LUS DE NYID DU MIG LA SOGS PA GANG YOD PA DE DAG TU SHIN TU RNAL 'BYOR GYI RIM PAS SA'I SNYING PO LA SOGS PA BYANG CHUB SEMS DPA' BRGYAD KYI SA BON BKOD PAS RNAM PAR DAG PAR BYED PA GANG YIN PA DE NI SHES PA GSUM GYI RGYU CAN KHO NA'O, ,RTOG PA'I RNAL 'BYOR PA'I YAN LAG LA 'GOD PA NI SHES PA GSUM GYI YANG RGYU CAN YIN PAR BSTAN PAR BYA BA'I PHYIR, RBA, ROL PAS SHES PA LA SOGS PA SMOS TE, PHYOGS BCU NA GNAS PA'I KHRO BO'I

RGYAL PO'I PHYI'I DKYIL 'KHOR DU BRGYA BYIN LA SOGS PA PHYOGS SKYONG RNAMS ZIL GYIS MNAN NAS BZHUGS PA, STOBS DANG MTHU CHE BA GANG YIN PA DE RNAMS ZHAL LA SOGS PA'I YAN LAG DANG NYING LAG RNAMS SU RNAM PAR BKOD PA, SKU'I DKYIL 'KHOR GYI TSUL DU BZHUGS PA GANG YIN PA DE YANG SHES PA GSUM GYI RGYU CAN YIN NO, ,DE'I RJES SU DKYIL 'KHOR NYE BAR SDUD PA LA RANG BZHIN MED PA NYID KYI SGOM PA'I YANG RGYU SHES PA GSUM YIN PA ZHES BSTAN PAR BYA BA'I PHYIR, TA, DE DANG DE YI ZHES BYA BA LA SOGS PA SMOS TE, THUGS KYI RDO RJE 'DZIN PA LA SOGS PA'I RIGS LAS 'BYUNG BA STE, DE BZHIN GSHEGS PA DANG LHA MO DANG BYANG CHUB SEMS DPA' DANG KHRO BO RNAMS SO, ,DE DAG KHO NA YOD MIN ZHES PA NI LAS KYI RGYAL BA MCHOG GI TING NGE 'DZIN GYI MTHAR NYE BAR BSDUS PAS DMIGS PAR MI 'GYUR RO, ,'ON KYANG 'GRO BA'I DON DU BSTAN PA YIN ZHES PA NI 'DOD CHAGS LA SOGS PA'I NYON MONGS PAS DKRUGS PA'I SEMS CAN GYI KHAMS RJES SU GZUNG BAR BYA BA'I PHYIR, DE DANG DE'I MOS PAS DBYE BAS BCOM LDAN 'DAS KYI SPRUL PA YIN KYI, DON DAM PAR DE DAG THAMS CAD 'OD GSAL BA NYID DO, ,RDZOGS PA'I RIM PA'I RNAL 'BYOR PAS SO SOR SDUD PA'I YAN LAG GIS 'JUG PA NI SHES PA GSUM GYI RGYU CAN YIN NO ZHES BSTAN PA'I PHYIR, TH'A, 'DI LAS ZHES BYA BA LA SOGS PA SMOS TE, 'DOD PA'I YON TAN LNGA NYE BAR SPYOD PA'I DUS SU DMAN PA DANG BAR MA DANG DAM PA'I DBYE BAS SO SO THA DAD PA'I GZUGS LA SOGS PA YUL LNGA MCHOG TU GYUR PAR RNAM PAR 'JOG CING SHES PA GSUM GYI NGO BO NYID YIN ZHES RNAM PAR SPYOD CING, YUL DANG DBANG PO BCU PO GNYIS SU MED PAR MTHONG NAS, RNAM PAR SNANG MDZAD LA SOGS PA DE BZHIN GSHEGS PA'I NGO BOR LHAG PAR MOS TE, RNAL 'BYOR PAS GNAS PAR BYA'O, ,SO SOR SDUD PA DAG PAR BYA BA'I PHYIR BSAM GTAN GYI YAN LAG GIS 'JUG PA GANG YIN PA DE NI YE SHES GSUM GYI RGYU CAN NO ZHES BSTAN PAR BYA BA'I PHYIR, GA, DBANG PO RANG NYID CES BYA BA LA SOGS PA SMOS TE, DBANG PO LNGA PO NI RANG RANG GI YUL 'DZIN PA

, ,LA SRED PA CAN YIN PAS GANG GI TSE DE RNAMS GZUNG BAR BYED NA DE'I TSE DE BZHIN GSHEGS PA'I NGO BO NYID YE SHES LNGA'I RANG BZHIN GYIS SNANG BAS SPYOD PAR BYA'O, ,DON DE NYID RGYAS PAR BSTAN PAR BYA BA'I PHYIR, TA, DBANG PO DE DE'I ZHES BYA BA LA SOGS PA SMOS TE, MIG LA SOGS PA'I DBANG PO'I SGO NAS RANG RANG GI YUL THOB CING, DE DANG DE LAS 'BYUNG BA'I DGA' BAS DE BZHIN GSHEGS PA THAMS CAD TSIM PAR BGYID DO ZHES LHAG PAR MOS PAS SHES PA GSUM KHO NA'I RNAM 'PHRUL YIN TE, BDE BA'I RANG BZHIN RNAM PAR SHES PA GSUM LAS 'BYUNG BA'I PHYIR RO, ,SHES PA GSUM BRTAG PA NYE BAR SDUD PA BSTAN PAR BYA BA'I PHYIR, K'A, SKU GSUM ZHES BYA BA LA SOGS PA SMOS TE, DANG PO'I SBYOR BA LA SOGS PA'I TING NGE 'DZIN GSUM GYI RIM PA'AM BDAG LA BYIN GYIS RLOB PA'I RIM PAS, CHOS DANG LONGS SPYOD DANG SPRUL PA'I BDAG NYID SKU GSUM PO BCOM LDAN 'DAS KYIS GANG GSUNGS PA, THA DAD PAR SKYOB PAS GSUNGS PA NI SO SOR NGES PA CAN GYIS NGES PAR BSTAN PA GANG YIN PA DE YANG SHES PA GSUM GYI RNAM 'PHRUL YIN NO, ,RDZOGS PA'I RIM PA'I SBYOR BA YIS, ,GCIG TU YANG NI 'GYUR BA YIN, ZHES PA LA; YE SHES GSUM GYI RNAM PAR RTOG PA SPANGS PAS, 'OD GSAL BA SHAR BAR GYUR PAS RO GCIG TU 'GYUR RO ZHES BYA BA'I DON TO, ,DE YAN CHAD YE SHES GSUM PO RNAM PAR DPYOD PA'I MTSAN NYID CAN SBAS PA'I DON RNAM PA GCIG TU BSTAN TO, ,YE, GANG YANG KHAMS GSUM SEMS CAN RNAMS, ,ZHES BYA BA LA SOGS PA SNGON DU BSHAD PA'I TSIGS SU BCAD PA BSHAD PAR BYA STE, SGO NGA LAS SKYES PA DANG MNGAL NAS SKYES PA DANG DROD GSHER LAS SKYES PA DANG RDZUS TE SKYES PA'I DBYE BAS KHAMS GSUM GYI SEMS CAN JI SRID YOD PA DE SRID THAMS CAD BSAM GTAN DANG KLOG PA'I TING NGE 'DZIN PA DANG KHA NA MA THO BA MED CING MI SHES PAS KYANG RDO RJE'I BZLAS PAS GSANG SNGAGS KYI RGYAL PO RANG BZHIN GYIS BZLAS PAR BYED DE, SROG DANG RTZOL BA DE'I NGO BOR ZLOS PA'I PHYIR RO, ,GANG GI PHYIR PHA MA MNYAM PAR SBYOR BA'I DUS SU 'JUG PAS SOGS

, ,PA'I RLUNG GSUM GYI BDAG NYID NYE BAR SDUD PAS SEMS CAN DE RNAMS SKYES PA'I PHYIR RO, ,NYIN DANG MTSAN DU STONG PHRAG NYI SHU RTZA GCIG DANG DRUG BRGYA'I RLUNG RNAMS RGYU BA STE ZO CHUN BZHIN NO, ,'DIS NI 'DOD CHAGS KYI CHOS RAB TU BSTAN PAS SBAS PA'I DON GNYIS PA BSHAD DO, ,DA NI KUN RDZOB KYI BDEN PA RTAGS PAR BYED PA'I MTSAN NYID BDAG LA BYIN GYIS RLOB PA'I RIM PA BSTAN PAR BYA BA'I PHYIR, YA, GANG ZHIG CES BYA BA LA SOGS PA SMOS TE, SANGS RGYAS RNAMS KYIS NI DE BZHIN GSHEGS PA THAMS CAD KYI SKU STE RNAM PA'O, ,DE 'JA' TSON BZHIN DU GANG GIS MTHONG BA DE MTSAN NYID DO, ,KUN RDZOB CES PA NI MYUR BA'I TING NGE 'DZIN GYIS BZHENGS PA'I YE SHES KYI SKU'O, ,DE'I BDEN PA NI SGYU MA BCU GNYIS KYI DPE DANG 'DRA BAR MTHONG BA'O, ,DE NYID RDZOGS PA'I RIM PA ZHES BSHAD PA YIN TE, 'OD GSAL BA RNAM PAR DAG PAS SO ZHES PA NI SEMS RNAM PAR DAG PA'I RIM PAS THOB PA'I 'OD GSAL BA'I DE KHO NA NYID LAS MYUR DU YANG DAG PAR BYUNG BA'I PHYIR RO, ,BDAG LA BYIN GYIS RLOB PA'I SGYU MA DANG MTSUNGS SHING 'GRO BA'I DON BYED PA YANG BSTAN PAR BYA BA'I PHYIR, W'AKA, TSIG GI LAM ZHES BYA BA LA SOGS PA SMOS TE, 'DI NI RANG BZHIN YE SHES SKU, ,NGAG GI LAM GYI SPYOD YUL YIN, ,ZHES PA NI SPRUL PA BZHIN DU CHOS BSTAN PA LA BRTZON PA'O, ,SEMS CAN KUN LA PHAN PA'I PHYIR, ,ZHES PA NI GROL BA'I GNAS THOB PAR BYA BA'I PHYIR 'JA' TSON BZHIN DU NI DBANG PO'I GZHU DANG 'DRA BAR SNANG BA STE GDUL BYA RNAMS KYIS MTHONG NGO, ,MYUR BA'I RNAL 'BYOR BSTAN NAS SNANG BA THOB PA LA SOGS PA BSTAN PA'I PHYIR, TZITA, SEMS ZHES BYA BA LA SOGS PA SMOS TE, SEMS NI 'JUG PA'I RNAM PAR SHES PA'O, ,SEMS LAS BYUNG BA NI NYON MONGS PA CAN GYI YID DO, ,MA RIG PA NI KUN GZHI RNAM PAR SHES PA'O, ,DE RNAMS KYI GO RIMS BZHIN DU SHES RAB DANG THABS NYE BAR THOB PA STE, MING GI RNAM GRANGS SO, ,SNGAGS DANG PHYAG RGYA'I RIM PAS RNAM PAR SHES PA RNAMS LOG PA NA DE NYID SNANG BA DANG SNANG BA MCHED PA DANG SNANG BA THOB PA DANG STONG PA DANG SHIN TU STONG PA DANG STONG PA

, ,CHEN POR 'GYUR RO, ,DE LTAR GNAS PAS DBANG PO DMAN PA'I RNAL 'BYOR PAS DANG PO 'OD GSAL BA NYAMS SU MYONG NAS DE'I RJES SU MTSAMS KYI SNANG BA DANG 'DRA BA'I SNANG BA THOB PA'I YE SHES MTHONG NAS, DE'I RJES SU NYI MA'I SNANG BA DANG 'DRA BA'I SNANG BA MCHED PA'I YE SHES RNAM PAR RTOGS SHING, DE LAS KYANG ZLA BA'I SNANG BA DANG 'DRA BA'I SNANG BA'I YE SHES NGES PAR BYAS LA, THAMS CAD YONGS SU GYUR PA LAS YE SHES KYI SKU RDZOGS PAR 'GYUR ZHES SNANG BA THOB PA LA SOGS PA'I RIM PAS BDAG BYIN GYIS RLOB PA GNYIS PA'O, ,RIM PA GSUM PA LA GNAS PA'I SPYOD PA BSTAN PAR BYA BA'I PHYIR, TA, RANG BZHIN ZHES BYA BA LA SOGS PA SMOS TE, RANG BZHIN NI 'DOD CHAGS DANG BRAL BA LA SOGS PA DANG, SNANG BA NI SNANG BA'I YE SHES LA SOGS PA RNAMS KYI DBYE BA SHES PA STE, RIM PA GNYIS PAS DE RNAMS LA GOMS PA'I PHYIR RO, , DE NAS SPYOD PA RAB TU BYA, ,ZHES PA NI SKU'I RNAM PA THOB NAS DKYIL 'KHOR DANG MCHOD PA DANG SBYIN SREG DANG BSTOD PA LA SOGS PA'I MTSAN NYID SPYOD LAM RNAM PA BZHI DAG TU GANG BYED PA DE DAG THAMS CAD SGYU MA BZHIN DU BYA'O, ,DE BAS NA, SGYU MA LTA BU YONGS SHES PAS, ,LAS KYI LUS NI YONGS SPANGS NAS, ,ZHES PA NI DGE BA DANG MI DGE BA'I LAS DANG 'BREL PA'I LUS PO YONGS SU SPANGS PAS RDO RJE'I SKU STE, YE SHES KYI RANG BZHIN GYI SKU NYID THOB PAR 'GYUR RO, ,LONGS SPYOD RDZOGS PA'I SKU'I RANG BYIN GYIS BRLAB PA BSTAN NAS, SPRUL PA'I SKU'I BDAG BYIN GYIS RLOB PA BSTAN PA'I PHYIR, HRI, THUGS LA ZHES BYA BA LA SOGS PA SMOS TE, DON SPYOD PA NI SEMS CAN GYI DON LA SPYOD PA NI SNGON GYI SMON LAM GYI BAG CHAGS LAS 'BYUNG BA'I 'JIG RTEN PA RNAMS NI 'JIG RTEN PA DANG 'DRA BA'I SPYOD PA THUGS LA BZHAG NAS SO, ,KUN RDZOB PA YI SKUR SPRUL NAS, ,ZHES PA NI DE BZHIN GSHEGS PA DANG LHA MO DANG BYANG CHUB SEMS DPA' DANG, KHRO BO'I BDAG NYID CAN GYI DKYIL 'KHOR GYI 'KHOR LO SPROS TE, 'DOD PA LA ZHES PA NI 'DOD PA'I YON TAN LNGA LA LONGS SPYOD CING SEMS CAN GYI DON MDZAD NAS BYA BA BYAS PAR 'GYUR RO, ,DE NYID BSTAN PAR BYA BA'I PHYIR, DA, YID

BZHIN ZHES BYA BA LA SOGS PA SMOS TE, BDAG LA BYIN GYIS RLOB PA LA GNAS PA'I RNAL 'BYOR PA DE NYID KYIS SEMS CAN THAMS CAD LA MNGON PAR 'DOD PA'I DON YID BZHIN NOR BU LTAR STER BAR 'GYUR RO, ,SANGS RGYAS RNAMS KYI PHUN TSOGS KYANG, ,ZHES PA NI DE BZHIN GSHEGS PA RNAMS KYI SBYOR BA STE, PHRA BA LA SOGS PA DANG BSTAN PA'I CHO 'PHRUL LA SOGS PA RNAMS KYANG STOBS KYIS BLANGS NAS SPYOD PAR 'GYUR BA NI NAN GYIS BDAG NYID DU 'JOG PAR BYED DO, ,DE NYID KYIS THAMS CAD KYI DBANG PHYUG NYID BSTAN PAR BYA BA'I PHYIR, YA, RNAL 'BYOR ZHES BYA BA LA SOGS PA SMOS TE, RNAL 'BYOR PA'I DBANG PHYUG DES, GANG DANG GANG 'DOD PA NI BDE BA NYE BAR SPYOD PA LA SOGS PA 'GAL BA'AM MI 'GAL BA GANG 'DOD PA DE DANG DE DAG SGRIB PA MED CING MA GOS PA'I NGO BO NYID KYIS BYED PA NI THAMS CAD SPYOD PA'O, ,DE BAS NA, MNYAM PAR MA BZHAG RNAL 'BYOR GYIS; ,ZHES BYA BA SMOS TE, BZHENGS PA DANG 'DUG PA DANG, NYAL BA DANG 'CHAG PA'I SBYOR BAS GNAS NA YANG, RTAG TU MNYAM PAR GZHAG PAR GYUR PA NI DUS THAMS CAD DU RTZE GCIG PA STE, SGYU MA LTA BU'I TING NGE 'DZIN LAS MI G-YO BA'I PHYIR RO, ,JI SKAD DU 'PHAGS PA BYAMS PAS KYANG,, JI LTA JI LTAR MNGON GSUM SNA TSOGS SPYOD YUL LA, ,SPYOD PA LA GNAS SNYING RJE'I BDAG NYID KYIS 'JUG PA, ,DE DANG DE LTAR RIGS PA DANG MTSUNGS TSIG RNAMS KYIS, ,SEMS CAN RNAMS LA PHAN PHYIR MNGON PAR 'DU BYED PA'O, ,ZHES 'BYUNG NGO, ,SGYU MA LTA BU'I TING NGE 'DZIN NYID KYIS SNYOMS PAR 'JUG PA BSTAN PAR BYA BA'I PHYIR, WA, RDO RJE PADMA ZHES BYA BA LA SOGS PA SMOS TE, MCHOG GI BSNYEN PA LA SOGS PA'I RIM PAS RDO RJE DANG PADMA MNYAM PAR SBYOR ZHING SNGON DU BSHAD PA'I YE SHES GSUM GYI DBYE BA SHES PAR 'GYUR RO, ,DE SHES NAS BDE BAS NI BDE BA CHEN PO'I TING NGE 'DZIN GYIS RTAG TU GNAS PAR BYA'O, ,BLO LA GOS DANG MA GOS PAS BYA BA NI, BLO LA MA GOS PAS NI NYON MONGS PAS SO, ,BLO LA GOS PAS NI 'OD GSAL BAS SO, ,DE LTAR 'OD GSAL BA'I DE KHO NA NYID KYIS KHYAB PA'I SGYU MA LTA BU'I TING NGE 'DZIN BSTAN TO, ,'OD GSAL BA

, ,LA GNAS PA'I RNAL 'BYOR BAS SEMS CAN GYI DON GYI BYA BA BSTAN PA'I PHYIR, DZRE, SGYU MA LTA BU ZHAS BYA BA LA SOGS PA SMOS TE, RNAL 'BYOR PA DES SGYU MA LTA BU'I TING NGE 'DZIN GYI SGO NAS DNGOS PO THAMS CAD DANG SANGS RGYAS KYI BYA BA NI BSTAN PA DANG, YONGS SU SMIN PA DANG, RNAM PAR GROL BA LA SOGS PA BYED PA NI MDZAD PA'O, ,GTAN LA DBAB PA'I GZHI NI GRUB PA'I MTHA' STE, DE NYID MI 'PHO BA'I PHYIR GNAS PA'O, ,DE LA GNAS PA NI NGAL SO BA'O, ,RIM PA GNYIS PA GOMS PAS GSUM PA THOB NAS DE NYID 'DOR BA BYED DO ZHES BYA BA'I DON TO, , BSKYED PA'I RIM PA'I RNAL 'BYOR BZHI LAS KHYAD PAR BSTAN PAR BYA BA'I PHYIR, YO, RNAL 'BYOR ZHES BYA BA LA SOGS PA SMOS TE, BSKYED PA'I RIM PA RNAL 'BYOR BZHI STE, GANG GIS DANG PO'I SBYOR BA ZHES BYA BA LA SOGS PA'I TING NGE 'DZIN 'GRUB PAR 'GYUR RO, ,'DIR RNAL 'BYOR NI THABS SO, ,RJES SU RNAL 'BYOR NI SHES RAB BO, ,SHIN TU RNAL 'BYOR NI DE DAG GI SNYOMS PAR ZHUGS PA'O, ,RNAL 'BYOR CHEN PO NI SNYOMS PAR ZHUGS PA LAS BDE BA CHEN PO THOB PA'O, ,DE NYID BSTAN PAR BYA BA'I PHYIR DANG, RDO RJE CAN NI SKYES BU'O, ,MKHA' 'GRO NI SHES RAB BO, ,DE RANG NYID NI RDO RJE DANG PADMA SNYOMS PAR ZHUGS PA'O, ,YANG GI SGRAS NI BDE BA CHEN PO'O, ,RNAL 'BYOR GYI SGRAS NI RJES SU RNAL 'BYOR DU SHES PAR BYA'O, ,DE LTAR GYUR PA'I RNAL 'BYOR PA RANG DBANG DU SPYOD PA NI YANG MA GOS PA NYID BSTAN PAR BYA BA'I PHYIR, shI dA, BKAG PA ZHES BYA BA LA SOGS PA SMOS TE, BKAG PA NI 'JIG RTEN DANG 'GAL BA'I LAS SO, ,DPER NA DKON MCHOG GSUM LA GNOD PA CAN RNAMS LA RNAM PAR 'TSE BA DANG, SER SNA CAN LA RDZAS 'PHROG PA DANG, 'DOD CHAGS CAN LA BU SMAD 'PHROG PA DANG, NGA RGYAL CAN LA NGA RGYAL GCOG PA DANG, PHRAG DOG CAN LA RTZUB MO SMRA BA DANG, DE LA SOGS PA 'JIG RTEN DANG 'GAL BA'I LAS RNAMS THAMS CAD THABS LA MKHAS PA'I DBANG GIS BYAS TE GOS PAR MI 'GYUR TE, SNYING RJE CHEN PO'I DBANG GIS BYAS PAR GYUR NA SGRIB PAR MI 'GYUR RO, ,BYA DANG BYA MIN RNAM SPANGS LA, ,ZHES PA LA,

BGROD PA DANG BGROD PAR BYA BA MA YIN PA LA SOGS PA'I RNAM PAR RTOG PA SPANGS PA YIN TE, NGO BO NYID SHES PA'I PHYIR RO, ,PADMA LA NI 'DAM GYIS BZHIN, ,ZHES BSTAN TO, ,DE'I PHAN YON BSTAN PAR BYA BA'I PHYIR, BHA, YON TAN ZHES BYA BA LA SOGS PA SMOS TE, PHRA BA LA SOGS PA YON TAN BRGYAD KYI DBANG PHYUG GAM SKU'I DBANG PHYUG LA SOGS PA DE DANG LDAN PA'O, ,SEMS CAN THAMS CAD RIG 'GYUR ZHES PA NI 'DAS PA LA SOGS PA'I DUS GSUM GYI NANG NA GNAS PA'I SEMS CAN THAMS CAD KYI SEMS KYI SPYOD PA DANG 'CHI 'PHO BA DANG SKYE BA LA SOGS PA SHES PAR 'GYUR RO, ,DE BZHIN DU YANG SEMS CAN GYI DON BYA BA'I PHYIR, BDAG NYID YE SHES LUS KYI SPYOD, ,CES PA NI SGYU MA LTA BU'I RNAM PAS 'JIG RTEN GYI KHAMS MA LUS PA STE, SANGS RGYAS KYI ZHING RNAMS SU YONGS SU SPYOD DO, ,PHYI DANG NANG GI RIM PAS DE'I GZHI BSTAN PAR BYA BA'I PHYIR, GE, GTZO BO ZHES BYA BA LA SOGS PA SMOS TE, NAM MKHA' NI NAM MKHA'I DBYINGS SO, ,DE YI KHYIM NI BZHUGS GNAS SO, ,GTZO BO GANG DU SPYOD PA YI, ,ZHES PA LA, MI BSKYOD PA LA SOGS PA LNGA'I GTZO BO DPAL RDO RJE SEMS DPA', 'GRO BA'I DON MDZAD PA'I PHYIR GANG DU SPYOD PA ZHES PA NI BZHUGS SHING GNAS PA 'TSO ZHES BYA BA'I BAR DU'O, ,BDE BA CHEN PO'I TING 'DZIN GYIS, ,DE NYID DU NI RTAG TU ROL, ,ZHES PA LA, 'OD GSAL BA'I DE KHO NA NYID MNGON DU BYAS PAS, SPRO BA DANG BSDU BA'I RIM PAS ROL BAR 'GYUR RO ZHES PHYI'I DON TO, ,DE BZHIN DU RNAL 'BYOR BA DE'I NAM MKHA' DANG 'DRA BA'I KHYOD STONG PADMA NI KHYIM STE, BZHUGS PAS SO, ,GTZO BO GANG DU SPYOD PA YI, ,ZHES PA LA, PHYAG RGYA'I PADMA GANG DU DPAL RDO RJE 'DZIN PA STENG DANG 'OG TU BYANG CHUB KYI SEMS KYI GZUGS KYIS YONGS SU SPYOD PA'O, ,JI SKAD DU, BHA GA'I DBUS SU NAM MKHA' GANG, ,NAM MKHA' LNGA YIS RNAM PAR BRGYAN, ,ZHES 'BYUNG BAS SO, ,DE BZHIN DU YANG, CHOS DBYINGS 'DI NI RNAM PAR DAG ,SEMS CAN KHAMS NI GROL BYED PA, ,RANG NYID RDO RJE 'DZIN RGYAL PO, ,DNGOS KUN GYIS NI 'DI LA BZHUGS, ,ZHES 'BYUNG NGO,,

, ,DE LA PHYAG RGYA'I PADMAR BDE BA CHEN PO'I TING NGE 'DZIN GYIS NI SNANG BA LA SOGS PA'I YE SHES GSUM RNAM PAR DAG PAR BYED PA BDE BA CHEN PO'I RNAM GRANGS CAN 'OD GSAL BA NYAMS SU MYONG BAS ROL TE, RANG RIG PA'I NGO BO NYID KYIS GNAS SO ZHES NANG GI DON TO, ,BDAG BYIN GYIS RLOB PA'I RIM PA'I RNAL 'BYOR PAS BAR BAR DU SEMS RNAM PAR DAG PA YANG MNGON DU BYA BA'I PHYIR, shYA, 'DI LA SNANG BA ZHES BYA BA LA SOGS PA SMOS TE, SNANG BA LA SOGS PA'I YE SHES GSUM PO MTSAMS LA SOGS PA'I SGRAS THA SNYAD DU BYA'O, ,'JIG RTEN NA MTSAMS LA SOGS PA GZHAN MED DE YE SHES GSUM DU MTHONG BA'I PHYIR RO ZHES PA LA, 'JUG PA'I RNAM PAR SHES PA LA SOGS PA'I BZLOG PAS SPANGS PA'I PHYIR RO, ,DE DANG DE'I RJES SU MTHUN PA SNANG BA GSUM BZHIN DU PHYI'I MTSAMS LA SOGS PA'I RNAM PAR RTOG PA BRDZUN PA NYID DO, ,'DAS PA LA SOGS PA YANG YE SHES GSUM GYI RNAM PAR DAG PA BSTOD PAR BYA BA'I PHYIR, WI, SNA TSOGS ZHES BYA BA LA SOGS PA SMOS TE, SNA TSOGS PA YI THA SNYAD NI, ,LUS DANG NGAG DANG YID KYI BYA BA STE, SPYOD LAM BZHI'I MTSAN NYID CAN DE DAG CHAGS PA DANG BRAL BA LA SOGS PA'I RANG BZHIN GYI DBYE BAS SNA TSOGS CAN TE, DGE BA DANG MI DGE BA DANG LUNG DU MA BSTAN PA ZHES BYA BA'I BAR RO, ,'JIG RTEN PAS NI YONGS BRTAGS PA, ,ZHES PAS NI SO SO'I SKYE BOS BRTAGS PA GANG YIN PA DE DAG DUS GSUM GYI DBYE BAS NI, YE SHES RNAM PA GSUM LAS 'BYUNG, , ZHES RIG PAR BYA'O, ,DE LTAR YIN NA, YE SHES GSUM LTAR SPANG BAR BYA, ,ZHES THA TSIG GO, ,SKYE BA LA SOGS PA YANG DE'I NGO BO YIN ZHES BSTAN PAR BYA BA'I PHYIR, DZA, SKYE DANG ZHES BYA BA LA SOGS PA SMOS TE, 'DUS BYAS PA'I MTSAN NYID GSUM STE, SKYE BA DANG GNAS PA DANG 'JIG PA'O, ,DE BZHIN DU YANG SRID PA BAR MA NA GANG DU BSTAN TO, ,JI SNYED 'JIG RTEN GYIS BRTAGS PA, ,ZHES PA NI RTEN CING 'BREL BAR 'BYUNG BA YANG YAN LAG BCU GNYIS LA SOGS PA'I RNAM PAR RTOG PA'O, ,SEMS KYI RLUNG GI RNAM 'PHRUL LO, ,ZHES PA NI DE DAG THAMS CAD RNAM PAR SHES

PA'I RLUNG GI RGYU LAS KUN DU SKYE BAR 'GYUR RO, ,DE LTAR SHES NAS DE DAG RNAM PAR DAG PAR BYA BA'I PHYIR 'BAD PAR BYA'O, ,SLAR YANG BDAG BYIN GYIS RLOB PAR BYA BA'I PHYIR, HA, DGOD DANG ZHES BYA BA LA SOGS PA SMOS TE, DGOD PA NI SGEG PA'I RO'I BYE BRAG GO, ,RTZED MO NI GAR DANG GLU DANG ROL MO LA SOGS PA'O, ,DE BZHIN DU YANG GAR GYI RO DGU ZHES PA NI SNGON DU BSHAD PA'O, ,LDAN PA NI DE'I YAN LAG TU GYUR PA'I THA SNYAD DO, ,DE BZHIN DU PHYAG RGYA NI LAG BA DANG RKANG PA DANG RKED PA DANG MGRIN PA LA SOGS PA'I YAN LAG GI KHYAD PAR GYI BYA BA'I MTSAN NYID DO, ,SNGAGS NI ZHI BA DANG KHRO BA DANG GNYI GA MA YIN PA'I NGAG GIS BRJOD PAR GYUR PA'O, ,RNAM PAR RTOG PA NI SEMS LAS BYUNG BA RTZE GCIG PA LA SOGS PA'O, ,RDO RJE SEMS DPA'I RNAM 'PHRUL ZHES PA NI DE DAG THAMS CAD SGYU MA LTA BU'I TING NGE 'DZIN LAS RNAM PAR 'PHRUL PA STE, 'BYUNG NGO ZHES RNAL 'BYOR PAS SHES PAR BYA'O, ,DE LTAR SHES PAS TING NGE 'DZIN DE LA LEGS PAR GNAS PAR 'GYUR RO, ,NYE BAR SDUD PA BSTAN PAR BYA BA'I PHYIR, RA, BDAG BYIN ZHES BYA BA LA SOGS PA SMOS TE, BDAG BYIN GYIS RLOB PA'I RIM PA SPANGS TE, RIN PO CHE GZHAN NI 'GRO BA THAMS CAD KYI RE BA RDZOGS PAR BYED PA YOD PA MA YIN TE, GANG GI PHYIR BSKYED PA'I RIM PA'I SNGAGS KYI SKUS RE BA RDZOGS PAR BYED MI NUS TE, BRTAGS PA BA YIN PA'I PHYIR RO, ,RDZOGS PA'I RIM PA'I SEMS RNAM PAR DAG PA DANG MNGON PAR BYANG CHUB PA'I RIM PA DAG GIS 'GRO BA'I DON YANG MI 'GRUB STE, 'OD GSAL BA TZAM GTZO BO YIN PA'I PHYIR RO, ,RDO RJE BZLAS PA'I RIM PAS KYANG SEMS CAN GYI DON MED DE, RLUNG LA DBANG BA TZAM THOB PAS SO, ,DE'I PHYIR 'GRO BA'I DON LA BDAG BYIN GYIS RLOB PA KHO NA MCHOG YIN NO, ,SGYU MA LTA BU'I TING NGE 'DZIN LA MNGON PAR ZHEN PA BRGYA LA SRID PAS DE DGAG PAR BYA BA'I PHYIR, RIM PA BZHI BSGOM PAR BYA BA YIN ZHES ZUR GYIS MTHAR THUG PA'I PHYOGS GCIG PA 'OD GSAL BA LA 'JUG PAR BYA BA'I PHYIR, ,MES ZHES BYA BA LA SOGS PA SMOS TE, RIM PA BZHI PAS THOB PA'I 'OD GSAL BAS GAL TE BDAG BYIN GYIS RLOB PA'I SKU DAG PAR 'GYUR NA,

, ,DE'I TSE MES SBYANGS PA'I GSER BZHIN DU RNAM PAR DAG PA DRI MA MED CING SPROS PA MED PAR 'GYUR RO, ,DE'I PHYIR RIM PA BZHIN PA YANG, SGOM PAR BYED PAR RIG PA KHO NA'O, ,YANG TSAD MA NYID DU BSTAN PAR BYA BA'I PHYIR, DPAL LDAN 'DUS PA ZHES BYA BA LA SOGS PA SMOS TE; ,RDO RJE PHRENG BA ZHES BYA BA'I BSHAD PA'I RGYUD LAS BCOM LDAN 'DAS 'JAM PA'I DBYANGS KYIS KHO BO'I RGYAL PO GSHIN RJE GSHED LA BZHUGS PA'I TSIG DON NI GLENG GZHI'I TSIG DON BSHAD PA YIN ZHES PA NI DE LTAR GTAN LA DBAB PAR BSTAN PA'O, ,SBAS PA ZHES PA NI BSHAD PA'I KHYAD PAR RO, ,DE NAS, DON 'DI YIN TE, 'DOD CHAGS KYI CHOS BSTAN PA'I SGO NAS RDO RJE BZLAS PA'I RIM PA DANG YE SHES GSUM BRTAGS PA'I SGO NAS SEMS LA RNAM PAR RTOG PA'I RIM PA DANG, KUN RDZOB KYI BDEN PA RTOG PA'I SGO NAS BDAG BYIN GYIS RLOB PA'I RIM PA BSTEN ZHES SBAS PAS RIM PA GSUM SO SOR BSTAN TO, ,YANG LUNG GIS BSHAD PA GSUNGS PA ZHES BYA BA 'DIS RIM PA THA MA GNYIS PO STON PAR BYED PA MTHAR THUG PA NYID BSTAN PAR BYA BA'I PHYIR, RGYUD 'DI ZHES BYA BA LA SOGS PA SMOS TE, 'DI SKAD BDAG GIS THOS ZHES SDUD PA PO'I TSIG GSAL BA KHO NA'O, ,GSAL BA 'GA' ZHIG DUS YIN TE, ZHES PA NI SNYOMS PAR ZHUGS PA'I DUS SU BCOM LDAN 'DAS KYI KHYAD PAR RO, ,RDO RJE GSANG BA BCOM LDAN 'DAS ZHES PA NI GSANG BA'I RDO RJE NI RTAGS BSTAN PA'O, ,DE'I DBANG PHYUG NI SNYOMS PAR ZHUGS PA'I DBANG GIS BDE BA THOB PA'O, ,RDO RJE GSUM PO DAM TSIG MCHOG, ,CES PA NI DE BZHIN GSHEGS PA THAMS CAD KYI SKU GSUNG THUGS ZHES 'DI BSHAD PA'O, ,DES NA DON 'DI YIN TE, RDO RJE GSUM NI SKU LA SOGS PA'O, ,DE RNAMS KYI DAM TSIG NI DBYER MED PAR YONGS SU SHES PA'O, ,DES MCHOG CES PA NI ZUNG DU 'JUG PA'I RIM PA'I YAN LAG TU GYUR PA BCOM LDAN 'DAS KYI KHYAD PAR RO, ,YE SHES DE BZHIN GSHEGS PA KUN, ,ZHES PA NI RDO RJE GSUM NI BTZUN MO'I BHA GA'I KHYAD PAR RO, ,DE BZHIN GSHEGS PA KUN NI PHUNG PO LNGA'I YE SHES TE, RO GCIG PA NYID DU RTOGS PA NI 'OD

GSAL BA'O, ,YON TAN PHUN TSOGS BSAM MI KHYAB, ,CES PA NI BYANG CHUB KYI PHYOGS LA SOGS PA SANGS RGYAS KYI YON TAN GYI TSOGS BSAM GYIS MI KHYAB PA GANG LA YOD PA DE LA 'DI SKAD CES BYA'O, ,DES NI CHOS KYI SKU'I NGO BO RTAG TU DGA' BA'I RANG BZHIN CAN RIM PA BZHI PA NGES PAR BSTAN TO, ,CHAD PAR LTA BA SPANG BAR BYA BA'I PHYIR MI GNAS PA'I MYA NGAN LAS 'DAS PA'I DBYINGS LA MNGON DU BYED PA'I MTSAN NYID BSGOM PAR BYA BA YIN PAS DE BSTAN PAR BYA BA'I PHYIR, YOD MED CES BYA BA LA SOGS PA SMOS PA LA, YOD PA DANG MED PA DANG GNYI GA SPANGS PA DANG, GNAS DANG GNAS MA YIN PA GNYI GA BRAL BA STE ZUNG DU 'JUG PA'I TING NGE 'DZIN TO, ,NAM MKHA' GCIG PU'I NGO BO 'DIR, ,ZHES PA NI SGRIB PA MED PA'I YE SHES KYI DBYINGS KYI NGO BOR RO, ,THAMS CAD MKHYEN PA'I YE SHES BSGOM, ,ZHES PA NI RTAG TU 'CHAR ZHING DRI MA MED PA'I 'GRO BA GSUM PO SKAD CIG MA GCIG GIS YONGS SU SHES PA'O, ,'GRO SNYING ZHES PA NI G-YO BA DANG MI G-YO BA'I NGO BO NYID KHAMS GSUM GYI RGYU RDO RJE 'CHANG CHEN PO'I DE KHO NA NYID CES 'OD GSAL BA'I KHYAD PAR RO, ,RNAM DAG CES PA NI BDEN PA GNYIS KYI RNAM PAR RTOG PA'I DRI MA DAG PAR BYED PA ZHES ZUNG DU 'JUG PA'I RIM PA'I KHYAD PAR RO, ,THUB PA CHEN PO NI BCOM LDAN 'DAS RDO RJE 'CHANG CHEN PO BZHUGS SO ZHES PA NI MI GNAS PA'I MYA NGAN LAS 'DAS PA'I DBYINGS KYI TING NGE 'DZIN LA BZHUGS SO, ,MTHAR THUG PA ZHES PA NI RIM PA THA MA SO SOR STON PAR BYED PA YIN TE, DE LAS GZHAN LA MI SLOB PA'I PHYIR RO,, SLOB MA LA BSHAD PA'O ZHES PA NI RIM PO CHE LTA BU'I GANG ZAG SNOD YIN PA'I PHYIR RO, ,DE YANG SNGAR BSHAD ZIN TO, ,BSDUS PA'I DON 'DI YIN TE, YI GE'I DON DANG SPYI'I DON DAG GIS BSKYED PA'I RIM PA DANG SBAS PA DANG MTHAR THUG PA'I RIM PA DAG GIS RIM PA LNGA ZHES BYA BA RDZOGS PA'I RIM PA BSTAN TO, ,DE BAS NA BZHUGS PA'I TSIG NYID KYIS ZHES BYA BA LA SOGS PA SMOS TE, BZHUGS PA'I PHYOGS GCIG DANG LDAN PA'I TSIG NI BZHUGS PA'I TSIG GO, ,BAR GYI SGRA'I DBYE BAR BYAS PA'I LAS 'DZIN PA'O, ,RGYUD MA LAS PA'I DGONGS PA, ZHES PA NI LE'U BCO BRGYAD KYI BDAG NYID KYI

, ,RGYUD KYI DON RIM PA GNYIS MA GTOGS PAR GZHAN MI DMIGS PA'I PHYIR RO, ,YOD NA YANG DE NYID DU 'DUS PA'O, ,'KHOR PHUN SUM TSOGS PA BSTAN PAR BYA BA'I PHYIR, BRJOD KYIS MI LANG PA'I ZHES BYA BA LA SOGS PA SMOS TE, 'KHOR PHUN SUM TSOGS PA NI NYAN PA PO PHUN SUM TSOGS PA'O, ,STON TE ZHES PA NI SDUD PA POS ZHES TSIG LHAG MA STE 'CHAD PA PO DANG GNAS PHUN SUM TSOGS PA DAG NI GLENG GZHI'I TSIG NYID DU BSTAN PA'I PHYIR RO, ,BRJOD KYIS MI LANG BA ZHES BYA BA LA SOGS PA NI MANG BA TZAM DU DGONGS PA'I PHYIR RO, ,YANG BRJOD KYIS MI LANG BA ZHES BYA BA LA SOGS PA NI DE LA GZUGS NI MI NGOMS PA'O, ,YON TAN NI SBYIN PA LA SOGS PA'I PHA ROL TU PHYIN PA'I MTSAN NYID DO, ,DE YANG NGAG GI SPYOD YUL LAS 'DAS PA'O, ,DE DAG CES PHA NI GRANGS DANG GZUGS LA SOGS PA'I YON TAN DPAG TU MED PA'I PHYIR RO, ,SANGS RGYAS KYI ZHING GI ZHES BYA BA LA SOGS PAS DPE BSTAN TO, ,GANG GIS ZHES BYA BA LA SOGS PAS DKYIL 'KHOR PA SMOS TE, DE TZAM RGYUD 'DI RU BSGOM PAR BYA BA YIN PA'I PHYIR RO, ,'DI LTA STE ZHES BYA BA LA SOGS PAS DE DAG KHO NA GSUNGS SO, ,DAM TSIG RDO RJE NI DON YOD PAR GRUB PA ZHES PA LA, DAM TSIG GI RIGS YIN PA'I PHYIR RO, , JI SKAD DU, ZHE SDANG GTI MUG 'DOD CHAGS DANG, ,YID BZHIN NOR BU DAM TSIG NI, ,'DI DAG RIGS NI LNGA PO STE, ,'DOD DANG THAR PA RAB BSGRUB PA'O, ,ZHES 'BYUNG NGO, ,'DIR YANG ZHES BYA BA LA SOGS PA NI RIGS DANG RIGS CAN RNAMS LA BYE BRAG MED PA'I PHYIR RO, ,BYANG CHUB SEMS DPA'I SGRA NI LONGS SPYOD RDZOGS PA'I SKU DANG SPRUL PA'I SKU DBYER MED PA'I PHYIR RO, ,DBYER MED PA YANG BYA BA GCIG YIN PA'I PHYIR RO, ,DE LTAR SKU RDO RJE LA SOGS PA SNGA MA BZHIN NO, ,TING NGE 'DZIN RDO RJE NI NAM MKHA' SNYING PO ZHES PA LA, RIN CHEN 'BYUNG LDAN GYI RIGS NAM MKHA' MDZOD KYI TING NGE 'DZIN GTZO BOR GYUR PA'I PHYIR RO, ,RGYAL BA RDO RJE NI BYAMS PA ZHES PA LA, ,MA 'ONGS PA'I DUS SU CHOS KYI RGYAL SRID LA MNGA' MDZAD PA'I PHYIR RO, ,SA RDO RJE ZHES BYA BA LA SOGS PA KHAMS BZHI'I RNAM PAR DAG PA'I NGO BO SPYAN LA SOGS PA BSTAN TO, ,DAM TSIG SGROL MA ZHES PA NI DON YOD GRUB PA'I

RIGS YIN PA'I PHYIR RO, ,GANG GI PHYIR SGROL MA NI GNYIS TE, DAM TSIG GI SGROL MA DANG, DBANG GI SGROL MA'O, ,DBANG GI SGROL MA NI 'OD DPAG TU MED PA'I RIGS CAN NO, ,DAM TSIG SGROL MA NI DE NYID KYI SKU'I BYE BRAG GO, ,NAM MKHA' RDO RJE NI 'JAM DPAL ZHES PA LA RTAG TU DRI MA MED CING ZAG PA MED PA'I SHES RAB DANG LDAN PA'I PHYIR RO, ,GZUGS RDO RJE ZHES BYA BA LA SOGS PAS GZUGS LA SOGS PA RNAM PAR DAG PA'I MTSAN NYID CAN MCHOD PA'I LHA MO DANG DBUS KYI GTZO MO YANG BSTAN TO, ,CHOS KYI DBYINGS KYI RDO RJE KUN TU BZANG PO ZHES PA NI CHOS NI BYA BA GRUB PA'I YE SHES KYI RANG BZHIN CAN 'DZIN PA DANG, MI PHYED PA'I PHYIR RDO RJE STE, CHOS KYI DBYINGS KYI RDO RJE DAM TSIG GI RIGS CAN NO, ,BYANG CHUB SEMS DPA'I TSOGS ZHES BYA BA LA SOGS PAS NAM MKHA'I DBYINGS DANG MTSUNGS PA, LONGS SPYOD RDZOGS PA'I SKU'I NGO BO NYID DE BZHIN GSHEGS PA RNAMS KYIS GSUNGS SO, ,DE DAG CES BYA BA LA SOGS PAS RNAM PAR SNANG MDZAD LA SOGS PA LNGA BZUNG STE, DE DANG 'DRA BA'I DE BZHIN GSHEGS PA GZHAN RNAMS KYANG BSTAN TO, ,RIGS LNGAS BSDUS PA ZHES BYA BA LA SOGS PAS DE RNAMS KHO NA BSTAN TO, ,DE LTAR NA GANG GIS LHA'I 'KHOR LO YONGS SU RDZOGS PA DE TZAM NYID KYI DPE BSTEN PA'I PHYIR DE BAS NA SUM CU RTZA GNYIS DGOD PAR RIGS NA CI'I PHYIR KHRO BO RNAMS MA BSTAN ZHE NA, DE NI BDEN TE, 'ON KYANG 'GREL PA MKHAN GYIS 'CHAD PAR 'GYUR TE, DPER NA SKU'I DKYIL 'KHOR NYID DU LHA DGOD PA JI LTAR ZHES BYA BA LA SOGS PAS BSHAD PA'I RGYUD KYI KHUNGS LAS, SKU'I DKYIL 'KHOR BZHIN DU 'BYIN PA'I DKYIL 'KHOR LA YANG YOD PAR RIGS SO, ,'DIR MA GSUNGS PA NI RANG GIS GLEGS BAM LTA BA RNAMS LA 'KHRUL PA BSKYED PAR BYA BA'I PHYIR RO, ,'BYIN PA'I DKYIL 'KHOR GYI SKABS SU LE'U DANG PO LAS BZHI PO GSUNGS TE LHAG MA RNAMS LE'U BCU GSUM PO LAS GSUNGS PA RNAMS MDO BSRES TE SHES PAR BYA'O, ,KLOG PA'I RIM PA LAS DON GYI RIM PA STOBS DANG LDAN PA YIN NO ZHES GSUNGS SO, ,DE'I PHYIR GANG GIS LHA'I 'KHOR LO YONGS SU RDZOGS PAR 'GYUR BA GANG GSUNGS PA DE NI

, ,RIGS PA KHO NA'O, ,NAM MKHA'I DBYINGS THAMS CAD DANG MNYAM PA ZHES BYA BA LA SOGS PAS GZHAL YAS KHANG PA'I PHYI ROL TU BAR SNANG LA BZHUGS SO ZHES PA'I BAR DU 'O, ,'DI LTA STE ZHES BYA BA LA SOGS PAS TIL GYI GANG BU'I DPES DE BZHIN GSHEGS PA MTHA' YAS PA RNAMS KYI GNAS PA MI 'GAL BA BSTAN PA'O, ,DRANG BA'I DON ZHES PA NI YOD PA TZAM NYID BSTAN PA'I PHYIR RO, ,BRJOD KYIS MI LANG BA ZHES BYA BA LA SOGS PAS DKYIL 'KHOR GYI 'KHOR LO MA LUS PA NYE BAR BSDUS NAS KYANG LHA THAMS CAD KYI NGO BO RDO RJE 'CHANG CHEN POS SEMS CAN RJES SU GZUNG BAR BYA BA'I PHYIR GZHAL YAS KHANG PA DANG DKYIL 'KHOR PA RNAMS SPRUL TE RGYUD GSUNG ZHES BYA BA 'DIS DKYIL 'KHOR RGYAL BA MCHOG GI TING NGE 'DZIN BSTAN TO, ,NGES PA'I DON ZHES PA NI RDO RJE 'CHANG CHEN PO NYID GZHI DANG GZHI CAN GYI DKYIL 'KHOR GYI DE KHO NA NYID KYI RANG BZHIN YIN PA'I PHYIR RO, ,DE LTAR ZHES BYA BA LA SOGS PAS GLENG GZHI SDUD PAR BYED DO, ,DE NI 'DOD PA'I KHAMS NA GNAS PA'I YUL LA CHAGS PA'I SEMS CAN RNAMS ZHES BYA BA LA SOGS PA LA DPAL GSANG BA 'DUS PA LA BSTAN PA'I DUS SU DANG PO RANG GI SKU LA GRUB PA'I LHA'I 'KHOR LO PHYI ROL DU SPROS TE, SLAR YANG SKU'I DKYIL 'KHOR GYI TSUL DU BSDUS LA, SLAR YANG LHA MO DGUR SPROS TE, DE DAG GCIG TU SONG BA DANG LHAN CIG TU BDE BA CHEN PO MYONG NAS SLAR YANG DE BZHIN GSHEGS PA THAMS CAD NYE BAR BSDUS TE GZHAL YAS KHANG PA SPRUL ZHING DE'I NAD DU LHAG PAR MOS PA'I DKYIL 'KHOR BYIN GYIS BRLABS LA, DE YANG DON DAM PA'I DKYIL 'KHOR GYI RIM PAS NYE BAR BSDUS TE DBUS KYI GTZO BOR GYUR NAS DANG PO'I SBYOR BA'I TING NGE 'DZIN GYI MTHAR DKYIL 'KHOR 'BYIN PA'I MTSAN NYID CAN GYI DKYIL 'KHOR RGYAL BA MCHOG GI TING NGE 'DZIN RAB TU BSTAN PAR GYUR TO, ,DE NYID SPROS TE BSTAN PAR BYA BA'I PHYIR, 'DOD PA'I YON TAN ZHES BYA BA LA SOGS PA SMOS PA LA, GZUGS LA SOGS PA LA PHYAG RGYA GCIG LA GNAS PAS GROL BAR RAB TU BSTAN PAR BYA BA'I PHYIR RO, ,DE NAS ZHES BYA BA NI DE MA THAG PA'O ZHES PA NI 'KHOR GYI NANG DU GNAS

PA'I 'OG TU'O, ,YON TAN BRGYAD KYI DBANG PHYUG DANG LDAN PA NI SNGAR BSHAD ZIN TO, ,CHEN PO YANG YIN LA RNAM PAR SNANG MDZAD KYANG YIN PAS NA ZHES PA NI RDO RJE 'CHANG CHEN PO ZHES BYA BA'I DON TO, ,'DOD CHAGS KYIS 'DOD CHAGS RAB TU SPANG BAR BYA BA'I PHYIR ZHES PA NI PHYAG RGYA BSTAN PA'I CHAGS PAS 'DOD CHAGS KYI NYON MONGS PA BZLOG PAR BYA BA'I PHYIR RO, ,'DOD CHAGS DANG BRAL BA'I SKU SPANGS NAS ZHES PA NI SNYIGS MA LNGA'I DUS SU SGEG PA'I NYAMS GCOR [*GTZOR?] GYUR PAS SGEG CING GZUGS BSTAN TO, ,DE NYID BSTAN PAR BYA BA'I PHYIR, RDO RJE 'CHANG CHEN PO ZHES BYA BA SMOS SO, , SEMS CAN RNAMS SMIN PA ZHES BYA BA LA SOGS PAS DE BZHIN GSHEGS PA RNAMS KYI NGO BO NI SNYING RJE CHEN PO'I BDAG NYID KYI RGYU CAN YIN ZHES BSTAN TO, ,DE BAS NA DKYIL 'KHOR GYI 'KHOR LO BSGOM PAS GANG GI TSE 'GRO BA'I DON BYED NA DE'I TSE DE RDZOGS PAR BYA BA'I PHYIR DE DANG RJES SU MTHUN PA'I TING NGE 'DZIN LA DPAL RDO RJE 'CHANG CHEN POS DMIGS PAR MDZAD CES RGYUD THAMS CAD KYI GZHUNG LUGS SO, ,DKYIL 'KHOR BA RNAMS ZHES PA NI 'KHOR RNAMS SO, ,RANG GI SA BON ZHES BYA BA LA SOGS PAS YE SHES SEMS DPA'I THUGS KA NA GNAS PA PADMA DANG ZLA BA DANG RDO RJE LA GNAS PA RDO RJE 'CHANG CHEN PO'I SA BON GYI 'OD ZER GYI LCAGS KYUS NAM MKHA'I DBYINGS NA BZHUGS PA'I DE BZHIN GSHEGS PA LA SOGS PA'I TSOGS BKUG LA 'JUG PAR MDZAD DO, ,DE NAS DE BZHIN GSHEGS PA THAMS CAD CES BYA BA LA SOGS PAS SNGAR NYE BAR BSDUS PA GANG YIN PA DE RNAMS KYIS DGA' BA BSKYED PAR BYA BA'I PHYIR BUD MED MCHOG GI GZUGS SU BCOM LDAN 'DAS KYI SPROS PA MDZAD DO, ,DE NI DON DAM PAR BUD MED DANG SKYES PA'I BYE BRAG GANG YANG MED DO ZHES BSTAN TO, ,GDUL BYA RNAMS 'JUG PAR BYA BA'I PHYIR SANGS RGYAS KYI ROL STON GYI SPROS PA RMAD DU BYUNG BAR BSTAN TO, , DE LA BCOM LDAN 'DAS MCHOG TU DGA' BA'I BDE BAS, ZHES PA NI MCHOG TU DGA' BA LAS PHYI MA'I DGA' BA NI MCHOG TU DGA' BA STE, 'OD GSAL BA BZHI PA LA 'JUG GO, ,YANG NA MCHOG NI THAMS CAD KYI PHUL DU BYUNG BA STE DGA' BA BZHI PA KHO NA'O, ,RNAL 'BYOR PA LA GRAGS PA'I

, ,RIGS PAS MCHOG TU DGA' BA'I SGRAS KYANG BZHI PA BRJOD DO, ,DE LTA NA RANG GZUGS SU DE NYID CI'I PHYIR MA GZUNG ZHE NA, SKAD CIG MA YIN PA'I PHYIR RO, ,BZHI PA NI BLANG BAR BYA BA YIN TE, RTOG PA MED PA NYID KYIS RTAG PA YIN PA'I PHYIR RO, ,DE BAS NA STIM PAR BYA BA'I PHYIR ZHES SMOS PA LA, DE NYID KYIS TSIM PAR BYA BAR RIGS TE, 'KHRUL PA MED PA'I PHYIR RO, ,SNANG BA LA SOGS PA'I YE SHES GSUM GYI BDE BA NI 'KHRUL PA DANG BCAS PA YIN TE, DE MA YIN PA LA DE NYID DU GZUNG BA'I PHYIR RO, ,RANG BZHIN GYIS DAG PA LA NI 'KHRUL PA MED DE, CHOS NYID NI 'KHRUL PA MED PA'I PHYIR RO, ,GNAS SKABS ZHES BYA BA LA SOGS PAS NI 'OG NAS 'CHAD PAR 'GYUR BA'I LHA MO DGU NI DE BZHIN GSHEGS PA THAMS CAD DANG LHA MO DANG BYANG CHUB SEMS DPA' DANG KHRO BO RNAMS KYI NGO BO NYID YIN NO ZHES RAB TU BSTAN TO, ,GZHI DANG GZHI CAN THAMS CAD KYI DKYIL 'KHOR NYE BAR BSDUS PA'I BYANG CHUB KYI SEMS LAS 'BYUNG BA YIN PAS DE'I RGYU MTHUN PAR GYUR PA BDE BA CHEN PO'I NGO BO NYID GSAL BAR BYAS PA YIN NO, ,SA'I KHAMS NI ZHES BYA BA LA SOGS PAS RIGS KYI BTZUN MO BZHI BSTAN TO, ,YANG RNAM PAR SNANG MDZAD NI ZHES BYA BA LA SOGS PAS RNAM PAR SNANG MDZAD LA SOGS PA'I RIGS LAS 'BYUNG BA'I LHA MO LNGA BSTAN TO, ,DRANG BA'I DON ZHES PA NI SPRO BA DANG BSDU BA TZAM BRJOD PA'I PHYIR RO, ,DES NI BCOM LDAN 'DAS NAM MKHA'I DBYINGS THAMS CAD DU BZHUGS PA'I DE BZHIN GSHEGS PA RNAMS NYE BAR BSDUS PAS LHA MO DGUR SPROS TE, DE'I DBUS SU 'DOD PA SNA TSOGS KYI DBANG PHYUG NYID DU BZHUGS SO, ,DE'I 'OG TU 'DI LTAR BYA BA NYID BSTAN PAR BYA STE, 'DOD CHAGS KYANG YIN LA CHEN PO YANG YIN PAS ZHES BYA BA LA SOGS PA NI 'DOD CHAGS CHEN PO'I CHOS ZHES NANG DU SONG BA'I DNGOS PO'I RKYEN NYID KYIS 'DOD CHAGS CHEN PO'I CHOS NYID KYIS BRJOD PAR BYA BA NI 'OD GSAL BA NYID BSTAN TO, ,DE NYID BSTAN PAR BYA BA'I PHYIR, 'DOD CHAGS DANG 'DOD CHAGS BRAL BA ZHES BYA BA LA SOGS PA NI SNANG BA MCHED PA LA SOGS PA'I YE SHES GSUM GYI RNAM GRANGS YIN ZHES BYA

BA'I THA TSIG GO, ,RNAM PAR DAG PA NI MNGON DU BYA BA STE, 'OD GSAL BA THOB PA'O, ,THABS NI SNGAGS DANG PHYAG RGYA'I RIM PA'I MTSAN NYID KYIS NI SEMS RNAM PAR DAG PA'O, ,PHYAG RGYA DANG TING NGE 'DZIN GYI RIM PA'I MTSAN NYID CAN GYI RIM PA NI MNGON PAR BYANG CHUB PA'O, ,PHYI ROL GYI DE BZHIN GSHEGS PA'I 'KHOR DE DAG TU DMIGS PA'I MNGON PAR ZHEN PA SPANGS NAS ZHES PA NI BDAG NI 'DI YIN PA DANG 'DI RNAMS DE BZHIN GSHEGS PA YIN ZHES DE DAG GIS NI SEMS RNAM PAR DAG PA DANG MNGON PAR BYANG CHUB PA'I RIM PA DAG LA MED PA'I PHYIR RO, ,DE BZHIN GSHEGS PA THAMS CAD KYIS YONGS SU BSGRUBS PA'I SKU NI BDAG YIN NO ZHES BYA BA 'DIS GNYIS PA'I RIM PA LAS MYUR DU LHA'I GZUGS BDAG BYIN GYIS RLOB PA'I RIM PAS SPRO BA'AM, YANG NA BZHI PA LAS ZUNG DU 'JUG PA'I RIM PAS RDO RJE LTA BU'I SKU BYIN GYIS BRLAB PAR MDZAD DO, ,BDAG NYID CES BYA BA LA SOGS PAS LUNG GI TSAD MA NYID BSHAD DO, ,SNGA MA BZHIN ZHES BYA BA NI SPRO BA TZAM GYI DPE YIN GYI THAMS CAD KYI NI MA YIN NO, ,GANG GI PHYIR SNGON DU NI RTOG PA'I RNAL 'BYOR GYIS SPROS PA'I PHYIR RO, ,'DI NI SGYU MA LTA BU NYID KYIS SO, ,NGES PA'I DON ZHES PA NI SEMS RNAM PAR DAG PA DANG BDAG BYIN GYIS RLOB PA DANG, MNGON PAR BYANG CHUB PA DANG ZUNG DU 'JUG PA RNAMS 'CHAD PAR 'DOD PA'I PHYIR RO, ,DE LTAR ZHES BYA BA LA SOGS PAS NI 'DOD PA'I DBANG PHYUG NYID BSTAN PAR BYA BA'I PHYIR LHA MO DGU'I BDAG NYID GZUNGS KYI DKYIL 'KHOR BSTAN TO, ,SEMS GTZO BO NI NGAG DANG LUS KYI NANG NAS SEMS KHO NA GTZO BO YIN PA'I PHYIR RO, ,MI BSKYOD PA'I BSDUS PA'I DKYIL 'KHOR SPRUL PA'I BYA BA ZHES PA NI RDO RJE 'CHANG CHEN PO LA RJES SU ZHUGS PAS BSKYED PA'I THUGS KYI RDO RJE'I GZHI DANG, GZHI CAN GYI MTSAN NYID KYI DKYIL 'KHOR GYI SPRUL PA MDZAD CES THA TSIG GO, ,SNGA MA BZHIN TE SHES RAB KYI GNAS, ,ZHES PA NI BGEGS BSKRAD PA DANG STONG PA NYID BSGOM PA'I RJES SU H'Um LAS BYUNG BA'I CHOS 'BYUNG BA'I PHYAG RGYA LA'O, ,DER CHUD PA ZHES BYA BA LA SOGS PAS YE SHES KYIS GZHI DANG RI RAB LA SOGS PA YONGS SU GYUR PA LAS SKYES PA'I GRU BZHI PA LA SOGS PA'I YON

, ,TAN DANG LDAN PA'I GZHI'I DKYIL 'KHOR ZHES BYA BA'I BAR RO, ,DAM TSIG CHEN PO ZHES PA NI DE BZHIN GSHEGS PA LNGA'O, ,DE GANG DU 'DUS PA DE DAM TSIG CHEN PO STE RDO RJE 'CHANG CHEN PO KHO NA'O, ,DRI MA THAMS CAD DANG BRAL BA LAS ZHES PA NI 'DOD CHAGS KYI NYON MONGS PA'I DRI MAS MA GOS PA'O, ,SPRUL PAR MDZOD CES PA NI BSKYED PA'I RIM PAS SPRUL TO ZHES THA TSIG GO, ,GZHAL YAS KHANG PA'I PHYI ROL NA, ,ZHES BYA BA LA SOGS PAS SHIN TU DANG BA NYID BSTAN TO, ,AINDRA N'I LA ZHES BYA BA LA SOGS PAS RIN PO CHE'I KHA DOG LNGA BSTAN TO, ,BYUNG BA'I DKYIL 'KHOR ZHES BYA BA LA SOGS PAS DE'I NANG DU SNA TSOGS PADMA DANG ZLA BA DANG NYI MA'I DKYIL 'KHOR DAG TU MYUR DU BSGOMS PA'I LHA SUM CU RTZA GNYIS KYI BDAG NYID KYI DKYIL 'KHOR GYI 'KHOR LOS NYE BAR MDZES PA'O, ,'DIS NI GZHAL YAS KHANG PA BSGOM PA'I 'OG TU LHAG PAR MOS PA'I DKYIL 'KHOR BSTAN TO, ,PHYOGS BCU ZHES BYA BA LA SOGS PA NAS BRTZAMS TE, DKYIL 'KHOR ZHES BYA BA'I DON TO ZHES BYA BA'I BAR DU NI LHAG PAR MOS PA'I DKYIL 'KHOR NYID KYI KHYAD PAR RO, ,RDO RJE 'CHANG CHEN PO ZHES BYA BA LA SOGS PA LHAG PAR MOS PA'I DKYIL 'KHOR GYI BDAG PO DBUS KYI GTZO BO RDO RJE 'CHANG CHEN POS BYIN GYIS BRLAB PA BSTAN TO, ,RIGS LNGAS BSDUS PA'I ZHES BYA BA LA SOGS PA LHAG PAR MOS PA'I DKYIL 'KHOR DE NYID RDO RJE PHRENG BA'I RGYUD LAS GSUNGS PA'I RIM PAS SKU'I DKYIL 'KHOR LA 'JUG PA'I MTSAN NYID CAN GYI DON DAM PA'I DKYIL 'KHOR BSTAN TO, ,DRANG BA'I DON ZHES BYA BA NI DANG PO SBYOR BA'I TING 'DZIN GYI PHYOGS GCIG BSTAN PA'I PHYIR RO, ,TSIG GI DON YANG 'DI YIN TE, LE'U BCO BRGYAD PA LAS GSUNGS PA'I GZUNGS KYI DKYIL 'KHOR SPRUL TE, 'DOD PA'I DBANG PHYUG NYID DU GYUR PA BSTAN NAS GNOD MDZES KYI RGYAL PO SPRO BA SNGON DU 'GRO BAS KHRO BO'I 'KHOR LOS BGEGS BSKRAD LA LE'U GNYIS PA LAS GSUNGS PA'I DNGOS PO MED PA ZHES BYA BA LA SOGS PA'I TSIGS SU BCAD PA STONG PA NYID MNGON DU BYAS LA, RLUNG LA SOGS PA'I DKYIL 'KHOR BZHI YONGS

SU GYUR PA'I YE SHES KYIS GZHIR BYIN GYIS BRLABS TE, RI RAB YONGS SU GYUR PA LAS SKYES PA'I GZHAL YAS KHANG PA BSAMS LA, DE'I NANG DU SNA TSOGS PADMA DANG ZLA BA DANG NYI MA'I STENG DU MYUR DU DKYIL 'KHOR PA'I TSOGS BSKYED DE, DE NYID SLAR YANG RANG GI LUS LA 'JUG PA'I MTSAN NYID CAN DON DAM PA'I DKYIL 'KHOR DU RNAM PAR BSAMS TE, BDAG PO DE YANG DBANG PO GNYIS KYIS SNYOMS PAR ZHUGS PA LAS 'BYUNG BA'I 'DOD CHAGS KYI SEMS ZHU BAR GYUR PAR BSAMS TE, STONG PA NYID KYI SNGAGS KYIS BRTAN PAR BYA ZHING GNAS PAR BYA'O, ,RNAM PAR SHES PA'I BDAG NYID CES PA NAS BRTZAMS TE SKYE GNAS YIN TE ZHES BYA BA'I BAR DU NI RDZOGS PA'I RIM PA BSTAN TO, ,DE LA SHES RAB KYI PHA ROL TU PHYIN PA ZHES PA NI SEMS RNAM PAR DAG PA'I RIM PA GNYIS PAS 'OD GSAL BA THOB PA BSTAN TO, ,DGONGS PA LUNG BSTAN ZHES BYA BAS LUNG GI TSIG TSAD MA NYID DU BSTAN TO, ,SANGS RGYAS KUN GYI GANG BSTAN PA'I, ,ZHES PA NI DE NYID LA BRTEN TE, ,DE BZHIN GSHEGS PA THAMS CAD KYIS BYANG CHUB THOB PA'I PHYIR RO, ,SAR GYUR DE NI BCU GSUM PA, ZHES PA NI LHAG PAR MOS PA'I SPYOD PA'I SA NI TSOGS KYI LAM MO, , RAB TU DGA' BA NI MTHONG BA'I LAM MO, ,DRI MA MED PA DANG, 'OD BYED PA DANG, 'OD 'PHRO BA DANG, SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN RNAMS NI BSGOM PA'I LAM MO, ,KUN TU 'OD KYIS NI MI SLOB PA'I LAM MO, ,DE LA RNAM PA GNYIS TE, 'JIG RTEN LAS 'DAS PA DANG, DE'I RJES LA SKYES PA STE DAG PA 'JIG RTEN PA'O, ,JI SKAD DU, RNAM PAR MI RTOG PA LA 'JUG PA'I GZUGS LAS SHES BYA MA LUS PA'I YE SHES KYIS NAM MKHA'I DKYIL DANG MTSUNGS PAR CHOS THAMS CAD MTHONG NGO, ,DE'I RJES LAS SKYES PAS NI SGYU MA DANG, SMIG RGYU DANG, DRI ZA'I GRONG KHYER DANG, BRAG CA DANG, GZUGS BRNYAN DANG, MTSUNGS PAR RNAL 'BYOR PAS MTHONG NGO, ,DE'I PHYIR NA SA BCU GSUM PA STE RDO RJE 'CHANG CHEN PO'I 'O, ,BTZUN MO NI SHES RAB PO, ,

, ,DAM CHOS BHA GA NI NANG DU SONG BA'I DNGOS PO'I RKYEN DU SHES PAR BYA STE, DES NA CHOS NYID NI SA BCU GSUM PA'O, ,'JOG PAR GYUR PA NI 'OD GSAL BA LA YE SHES KYI SKU 'JUG PAR MDZAD DE, MNGON PAR BYANG CHUB PA'I RIM PAS SO ZHES TSIG GI LHAG MA'O, ,GSAL BA ZHES BYA BA LA SOGS PAS RDO RJE 'CHANG CHEN PO'I SKU PHYAG RGYA DANG TING NGE 'DZIN GYI RIM PAS 'OD GSAL BA RAB TU BZHUGS PAR GYUR TO ZHES PA NI DE'I BDAG NYID DU MDZAD PA'O, ,DE NAS ZHES BYA BA LA SOGS PAS RIM PA BZHI PA'I BSGOM PAS DE KHO NA NYID THOB PAS NA 'GRO BA'I DON BYA BA'I PHYIR, ZUNG DU 'JUG PA'I TING NGE 'DZIN GYIS RDO RJE'I SKU BLANGS SO ZHES BSTAN TO, ,JI SKAD DU, NAM MKHA'I KUN GYI SKABS NA DPAL, ,ZHES PA NI NAM MKHA'I DBYINGS MA LUS PA LAS KHYAB PA'I BSOD NAMS DANG YE SHES KYI TSOGS DANG LDAN PA'O, ,RDO RJE SEMS DPA' RAB TU BZHUGS, , ZHES PA NI MI GNAS PA'I MYA NGAN LAS 'DAS PA'I NGO BO RDO RJE 'CHANG CHEN PO'O, ,DE NAS ZHES BYA BA LA SOGS PAS DON DAM PA'I DKYIL 'KHOR YANG SNGA MA BZHIN DU BSHAD PAR BYA'O, ,NGES PA'I DON ZHES PA NI SEMS RNAM PAR DAG PA DANG BDAG LA BYIN GYIS BRLAB PA DANG, MNGON PAR BYANG CHUB PA DANG, ZUNG DU 'JUG PA'I RIM PAS BRJOD PAR 'DOD PA'I PHYIR RO, ,DON DAM PA'I DKYIL 'KHOR GYI BAR DU BSGOM PA RDZOGS PA NA DE NYID YANG SPROS TE, BSTAN PAR BYA BA'I PHYIR, DON 'DI NYID CES BYA BA LA SOGS PA SMOS TE, 'DAS PA DANG, MA 'ONGS BA ZHES PA NI DUS GSUM GYI DE BZHIN GSHEGS PA RNAMS SO, ,ZLA BA DANG RDO RJE LA SOGS PA'I RIM GYIS GCIG TU MDZAD PA NI ZHES PA LA, LHAG PAR MOS PA'I DKYIL 'KHOR DU ZLA BA DANG RDO RJE LA SOGS PA'I STENG DU RNAM PAR DGOD CING BSGOM PA GANG YIN PA DE NI ZIL GYIS GNON PA ZHES BYA BA'I DON TO; ,DE'I DON DU RDO RJE NI ZHES BYA BA LA SOGS PAS TING NGE 'DZIN GYI MING NGO, ,DE LA SNYOMS PAR ZHUGS ZHES PA NI LHAG PAR MOS PA'I DKYIL 'KHOR DU BDAG PO NYID DU GNAS SO, ,DE BZHIN GSHEGS PA THAMS CAD CES BYA BA LA SOGS PAS DBUS KYI BDAG PO DE NYID KYIS RDO RJE 'CHANG CHEN

PO'I DKYIL 'KHOR PA RNAMS MYUR DU BSGOM PAR BSTAN TO, ,DES ZHES BYA BA NAS BRTZAMS TE, RDO RJE SEMS DPA' NYID THOB BO ZHES BYA BA'I BAR DU NI RDO RJE 'CHANG CHEN PO'I DKYIL 'KHOR BA RNAMS KYIS SEMS CAN GYI DON GYI BYA BA BSTAN TO, ,'DI LTAR BSHAD PA YIN TE, LHAG PAR MOS PA'I DKYIL 'KHOR MYUR DU BSGOM ZHING DE MA THAG TU 'GRO BA THAMS CAD DE'I RANG BZHIN DU BYA'O ZHES PA'I DON TO, ,SPYI'I DON ZHES PA NI LHAG PAR MOS PA'I DKYIL 'KHOR DANG PO SBYOR BA'I PHYOGS GCIG BSTAN PAS SO, ,DON DAM PA'I DKYIL 'KHOR BSTAN PAR BYA BA'I PHYIR TING NGE 'DZIN GANG GIS ZHES BYA BA LA SOGS PAS NI PHUNG PO LA SOGS PA'I RNAM PAR RTOG PA YONGS SU 'GOG PAR BYED PA KUN RDZOB KYI BYANG CHUB KYI SEMS LA BRTEN PA'I BDE BA CHEN PO'I TING NGE 'DZIN LA SNYOMS PAR ZHUGS PA ZHES BSTAN TO, ,'DIR RTZA PHRAN STONG PHRAG BDUN CU RTZA GNYIS KYI KHONG STONG ZHES PA NI PHUNG PO LNGA'I BDAG NYID CAN LUS 'DI LA JI SNYED KYI BA SPU YOD PA DE SRID KYI RTZA RNAMS KYI DBUS KYI KHONG STONG NI NAM MKHA'I CHA'O, ,THABS KYI YE SHES NI SNANG BA MCHED PA'I YE SHES SO, ,PHUNG PO LA SOGS PA ZHES PA NI DE'I RGYUR GYUR PA'I 'DOD CHAGS LA SOGS PA'I RANG BZHIN RNAMS SO, ,THABS KYI YE SHES SHAR BAS ZHES PA NI BSHAD MA THAG PA DE NYID KYIS SO, ,DBANG PO GNYIS ZHES BYA BA LA SOGS PAS DAM PA DGA' BA'I BDE BA NYAMS SU MYONG BA THOB PAR GYUR TO ZHES BSTAN TO, ,DES NI 'DOD CHAGS LA SOGS PA RNAM PAR DAG PA'I SGO NAS DON DAM PA'I DKYIL 'KHOR BSTAN TO, ,SBAS PA ZHES PA NI 'DOD CHAGS KYI CHOS KYI MTSAN NYID BSTAN PA'I PHYIR RO, ,PHUNG PO LNGA RNAMS SO ZHES PA NAS DE'I NGO BOR GNAS PAR GYUR PA'O ZHES BYA BA'I BAR DU NI STONG PA GSUM GYI RIM PAS THAMS CAD STONG PA LA 'JUG PA BSTAN TO, ,MTHAR THUG PA NI 'OD GSAL BA LA 'JUG PAS SO, ,DE LTAR LHAG PAR MOS PAS ZHES BYA BA LA SOGS PAS LHAG PAR MOS PA'I SBYOR BAS RDO RJE 'CHANG CHEN PO YONGS SU RDZOGS PAR BSTAN TO, ,DE NI NYE BAR MTSON PA YIN TE, DON DAM PA'I DKYIL 'KHOR YANG RDZOGS PAR MDZAD DO, ,YONGS SU DAG PA DANG MA DAG PA

, ,ZHES BYA BA LA SOGS PAS BSKYED PA'I RIM PA DANG, BDAG BYIN GYIS RLOB PA'I RIM PA LAS SKYES PA DKYIL 'KHOR GYI 'KHOR LO'I BDAG PO SO SOR BSTAN PAR BYED DO ZHES DGONGS PA'O, ,RTOG PA'I RNAL 'BYOR GYI RIM PA RDZOGS PAR BYA BA'I PHYIR, ,TING NGE 'DZIN LA SNYOMS PAR ZHUGS PA BSTAN PAR BYED DE, SKU LA SOGS PA'I NGO BO NYID NGO BO NYID YIN PAS YI GE GSUM PO KHO NA SKU LA SOGS PA STE DBYER MED PAR BRTAGS PAS SO, ,'DA' BAR MI BYA BAS NI BSKYED PA'I RIM PA'I RNAL 'BYOR PA RNAMS KYIS DOR BAR BYA BA MA YIN PA'I PHYIR RO, , SNGAGS KYI YI GE RNAMS ZHES BYA BA LA SOGS PAS DON DAM PA'I DKYIL 'KHOR GYI 'OG TU YI GE GSUM YONGS SU GYUR PA LAS SKYES PA'I ZLA BA DANG NYI MA DANG PADMA GSUM PO RNAM PAR BSGOMS TE, DE'I STENG DU YI GE GSUM LAS SKYES PA'I ZLA BA'I DKYIL 'KHOR LA ZLA BA LA SOGS PA 'JUG PAR BYAS LA, CHOS KYI DBYINGS BRJOD PA'I SNGAGS KYIS ZLA BA'I DKYIL 'KHOR GYI RNAM PAR SEMS BRTAN PAR BYAS LA, DE'I STENG DU YI GE GSUM YONGS SU GYUR PA LAS SKYES PA'I RDO RJE RTZE LNGA PA RNAM PAR BSGOMS PAS SPRO BA DANG BSDU BA YANG BYAS TE, DE YONGS SU GYUR PA LAS BYUNG BA'I RDO RJE SEMS DPA', ,DE'I THUGS KAR YE SHES SEMS DPA' DANG, TING NGE 'DZIN SEMS DPA' BYIN GYIS BRLABS TE, MIG LA SOGS PA DANG SKU GSUNG THUGS BYIN GYIS BRLABS LA, SNA TSOGS PADMA DANG ZLA BA'I DKYIL 'KHOR GYI STENG DU ZHAL GSUM PA DANG, PHYAG DRUG PA'I GZUGS 'CHANG BAR GYUR TO, ,DES NI RNAL 'BYOR BZHI'I BDAG NYID CAN DANG PO'I SBYOR BA ZHES BYA BA'I TING NGE 'DZIN BSTAN TO, ,SGRUB THABS LAS BSHAD PA'I RIM PAS ZHES PA NI MDOR BSDUS PA'I SGRUB THABS NAS BSHAD PA'I RIM PAS SO, ,RNAL 'BYOR BZHI'I RIM GYIS, ZHES PA NI RNAL 'BYOR DANG, RJES SU RNAL 'BYOR DANG, SHIN TU RNAL 'BYOR DANG, RNAL 'BYOR CHEN PO'I RIM PAS SO, ,SEMS DPA' GSUM GYI MTHAR THUG PA'I BAR GYIS, ZHES PA NI SEMS DPA' GSUM GYI BDAG NYID KYI RDO RJE 'CHANG CHEN PO'I SKU RDZOGS PA'I MTHAR THUG PA'I BAR RO, ,BYIN GYIS BRLABS

PA ZHES BYA BA LA SOGS PAS DBUS KYI BDAG PO'I ZHAL DANG PHYAG MTSAN GYI KHYAD PAR BSTAN TO, ,ZHAL GSUM LTA BUR ZHES PA NI PHYAG DRUG LA SOGS PAS KYANG NYE BAR MTSON PAR BYA'O, ,'JIG RTEN GYI KHAMS NA GNAS PA RNAMS KYIS, ,ZHES PA NI SANGS RGYAS KYI ZHING MTHA' YAS PA LA GNAS PA'I 'KHOR THAMS CAD KYIS MTHONG NGO ZHES BYA BA'I BAR RO, ,DRANG BA'I DON ZHES PA NI RNAL 'BYOR BZHI'I BDAG NYID CAN DANG PO'I SBYOR BA'I TING NGE 'DZIN DU BSHAD PAS SO, ,'OD GSAL BA ZHES BYA BA LA SOGS PA RIL POR 'DZIN PA DANG, RJES SU GZHIG PA'I TING NGE 'DZIN GYI THOB PAR BYA BA'I 'OD GSAL BA'I DE KHO NA MNGON DU BYAS TE, KUN RDZOB DANG DON DAM PA DBYER MED PA'I LHA'I SKU ZUNG DU 'JUG PA'I TING NGE 'DZIN GYI MTSAN NYID CAN BLANGS PAR GYUR TO ZHES BSTAN TO, ,CHEN PO'I SGRA'I DON RNAM PA DRUG STE, MCHOG NI DPER NA SKYES BU CHEN PO BZHIN TE SKYE DGU THAMS CAD KYI MCHOG CES BYA BA'I DON TO, ,TSAD MED PA NI DPER NA RGYA MTSO CHEN PO BZHIN TSANG MED CES BYA BA'I DON TO, ,MKHAS PA NI DPER NA BLO GROS CHEN PO DE MKHAS PA CHEN PO ZHES BYA BA'I DON TO, ,BRTZON PA NI DPER NA CHEN POR 'GRO BA STE BRTZON 'GRUS KYIS KUN DU 'GRO BA'O, ,SPRO BA NI DPER NA CHEN PO DGE BA STE DGE BA'I LAS RNAMS LA BRTZON PA'O, ,RMAD BYUNG BYED PA NI DPER NA BSTAN BCOS CHEN PO BRTZAM PA BZHIN SNGAR MED PA SPRUL PA LA MKHAS PA'O, ,'DIR NI MCHOG GI DON GTZO BO YIN TE, THAMS CAD KYI MCHOG TU GYUR PA'I RNAM PA YIN ZHES BYA BA'I DON TO, ,DON DAM PA'I BDEN PA ZHES PA NAS SNGA MA BZHIN ZHES BYA BA'I BAR DU RDO RJE 'CHANG CHEN PO'I SKU BSTAN TO, ,NGES PA'I DON ZHES PA NI RIM PA BZHI PA DANG ZUNG DU 'JUG PA RJOD PAR 'DOD PAS SO, ,GZHUNG DE TZAM GYIS NI DPAL GSANG BA 'DUS PA'I RGYUD STON PAR BZHED PA DPAL RDO RJE 'CHANG CHEN POS MA 'ONGS PA'I SEMS CAN GYI KHAMS GDUL BAR BYA BA'I DON DU GNAS DANG BGEGS BSKRAD PA DANG STONG PA NYID BSGOM PA DANG, YE SHES KYIS GZHI DANG GZHAL YAS KHANG BSGOM PA DANG LHAG PAR MOS PA'I DKYIL 'KHOR DANG DON DAM PA'I DKYIL 'KHOR DANG GDAN GYI DBYE BA DANG CHOS KYI DBYINGS KYI DE KHO NA NYID MNGON DU BYA

, ,BA DANG, SA BON LAS PHYAG MTSAN BSGOM PA DANG, DE YONGS SU GYUR PA LAS RDO RJE 'DZIN PA SEMS DPA' GSUM GYI BDAG NYID BSKYED PA DANG, MIG LA SOGS PA'I BYIN GYIS RLOB PA DANG SKU GSUNG THUGS BYIN GYIS RLOB PA'I MTSAN NYID DANG PO'I RNAL 'BYOR GYI TING NGE 'DZIN LAS BSGRUB PA RDO RJE 'CHANG CHEN PO'I SNA TSOGS PADMA DANG ZLA BA'I DKYIL 'KHOR GYI STENG DU BZHUGS SO ZHES BSTAN TO, ,DPAL GSANG BA 'DUS PA'I RGYUD GSUNGS PA DANG DE BZHIN GSHEGS PA SPRO BA SNGON DU 'GRO BAR SLOB DPON DANG SLOB MA'I 'BREL PA BSTAN PAR BYA BA'I PHYIR, DE NAS ZHES BYA BA LA SOGS PA SMOS TE, DE'I DGONGS PA NI BCOM LDAN 'DAS RDO RJE 'CHANG CHEN PO DES MI BSKYOD PA LA SOGS PA DE BZHIN GSHEGS PA RNAMS SPROS TE, DE RNAMS KYI CHED DU BRJOD PA NYID BSTAN TO, ,LHA'I SKU RNAM PA GNYIS ZHES BYA BA LA SOGS PAS NI DPAL RDO RJE 'CHANG CHEN PO'I LHA'I RNAL 'BYOR GNYIS BSGRUB PAR BYA BA'I PHYIR DE DANG RJES SU MTHUN PA'I TING NGE 'DZIN RNAM PA GNYIS BSTAN PA GANG YIN PA DE NI RMAD DU BYUNG BA ZHES BSTAN TO, ,DE BZHIN GSHEGS PA KUN GYI ZHES BYA BA LA SOGS PAS DPAL GSANG BA 'DUS PA'I RGYUD DE DANG RJES SU MTHUN PAR BSTAN TO, ,DGONGS PA MA YIN PA NI RIM PA GNYIS GTZOR GYUR PA'I RGYUD KYI DE KHO NA NYID BSTAN PA'I PHYIR RO, ,DA NI ZHES BYA BA LA SOGS PAS MCHOD PA SNGON DU 'GRO BAR GSOL BA GDAB PAR RIGS TE, DE BAS NA DANG PO PHYI DANG NANG GI MCHOD PA'I BYE BRAG YONGS SU BSTAN TO, ,'DUS PA MDZAD NAS ZHES PA NI MDUN DU THAMS CAD GCIG TU BSDUS PA MDZAD NAS SO, ,DE BZHIN GSHEGS PA THAMS CAD KYI MCHOD PA RGYAS PA DE KHO NA NYID DAM TSIG RIN PO CHE'I RGYA MTSO'I TSOGS NI ZHES PA LA NYE BAR SPYOD PA LNGA LA SOGS PA DANG BDUD RTZI LNGA DAG NI SPRIN DANG 'DRA BA'O, ,DE DAG GIS YANG DAG PAR MCHOD NAS SO; ,DRANG BA'I DON NI PHYI'I ME TOG LA SOGS PA DANG BDUD RTZI'I MCHOD PA BRJOD PAR 'DOD PAS SO, ,GZUGS LA SOGS PA STE ZHES PA NI GZUGS RDO RJE MA LA SOGS PAS SO, ,BUD MED RIN PO CHE ZHES PA NI MCHOG TU BDE BA STER BAR BYED PAS NA RIN PO CHE'O, ,DE RNAMS KYIS MCHOD DE

PHYAG BTZAL NAS 'DI SKAD CES GSOL TO ZHES PA NI DE'I DON 'DI YIN TE, RDO RJE 'CHANG CHEN PO'I THUGS KA NAS DE BZHIN GSHEGS PA LNGA PHYUNG STE, NYE BAR SPYOD PA LNGA LA SOGS PA'I PHYI'I MCHOD PA DANG, BDUD RTZI'I LNGA'I MTSAN NYID NANG GI GSANG BA'I MCHOD PA DANG, GZUGS RDO RJE MA LA SOGS PA'I SNYOMS PAR ZHUGS PA'I GSANG BA'I MCHOD PAS, DE NYID LA MCHOD CING 'DI SKAD CES GSOL TO, ,NGES PA'I DON NI SNYOMS PAR ZHUGS PA'I MCHOD PAR BRJOD PAR 'DOD PA'I PHYIR RO, ,DE BZHIN GSHEGS PA RNAMS KYIS GSOL BA GDAB PA'O, ,GNYIS GCIG TU GYUR PA NI STONG PA NYID DANG SNYING RJE'I BDAG NYID CES PA'I THA TSIG GO, ,YI GE'I DON NI DE NYID TZAM SO SOR BSTAN PA'I PHYIR RO, ,RDO RJE DANG PADMA YANG DAG PAR SBYOR BA NI ZHES PA LA GSANG BA'I RDO RJE DANG CHU SKYES SBYANGS PA LAS KHAMS GSUM GYI BDAG NYID DKYIL 'KHOR GYI 'KHOR LO SKYE BAR 'GYUR RO, ,SPYI'I DON NI BSKYED PA'I RIM PA BRJOD PAR 'DOD PA'I PHYIR RO, ,SHES RAB DANG, THABS YANG DAG PAR SBYOR BA NI ZHES PA LA, SHES RAB NI 'JUG PA'I RNAM PAR SHES PA 'GOG PAR BYED PA'I MTSAN NYID DE SNANG BA'I YE SHES SO, ,THABS NI NYON MONGS PA CAN GYI YID 'GOG PAR BYED PA'I MTSAN NYID CAN SNANG BA MCHOD PA'I YE SHES SO, ,YANG DAG PAR SBYOR BA NI KUN GZHI RNAM PAR SHES PA 'GOG PA'I MTSAN NYID CAN SNANG BA THOB PA'I YE SHES SO, ,DON DE LTA BU STON PAR BYED PA'I PHYIR NA 'DUS PA'O, ,SBAS PA NI YE SHES GSUM RNAM PAR DAG PA'I MTSAN NYID GTZOR GYUR PA'I PHYIR RO, ,YANG NA SHES RAB NI YI GE A'A:'O, ,THABS NI H'Um NGO, ,YANG DAG PAR SBYOR BA NI MA NING GI NGO BO NYID YI GE AOm MO, ,DE RNAMS KYI 'JUG PA LA SOGS PA'I RIM PA LA BRTEN TE, DAM TSIG GAM YE SHES KYI PHYAG RGYA DANG, 'BREL PAS YAN LAG MA NYAMS PA'I MTSAN NYID CAN BZLAS PA NI 'DUS PA'O ZHES 'DOD CHAGS KYIS CHOS BSHAD PA'I SGO NAS RDO RJE BZLAS PA BSHAD PA'O, ,YANG NA SHES RAB NI ZLA BA DANG 'DRA BA'I SNANG BA'O, ,THABS NI NYI MA DANG 'DRA BA'I SNANG BA MCHED PA'O, ,YANG DAG PAR SBYOR BA NI MTSAMS KYI SNANG BA DANG 'DRA BA THOB PA'O, ,DE YONGS SU GYUR PA LAS

, ,YANG DAG PAR SKYES PA'I SGYU MA LTA BU'I YE SHES KYI SKU STE, 'DUS PA'O ZHES KUN RDZOB KYI BDEN PA RTOGS PA'I MTSAN NYID CAN BDAG BYIN GYIS RLOB PA'I RIM PA BSTAN TO, ,KUN RDZOB DANG DON DAM PA'I BDEN PA DAG TU 'DUS PA NI ZHES PA LA NYE BAR MTSON PA 'DI YIN PAS YONG BA DANG MED PA DANG, DNGOS PO DANG DNGOS PO MED PA DANG, RNAM PA DANG, RNAM PA MED PA DANG, RTAG PA DANG, CHAD PA DANG, GCIG PU DANG, DU MA DANG, THABS DANG SHES RAB LA SOGS PA GNYIS PO GCIG TU 'DUS PA'I RANG BZHIN NO, ,GSAL BA ZHES PA NI 'OD GSAL BA STE RIM PA BZHI PAS THOB PAR BYA BA DE KHO NYID DO, ,DE LAS BYUNG BA NI ZHES PA LA MYUR BA'I RNAM PAS SO ZHES TSIG GI LHAG MA'O, ,GNYIS SU MED PA'I YE SHES KYI BDAG NYID CAN RDO RJE 'CHANG CHEN PO ZHES BYA BA'I BAR DU STE ZHES PA LA, ZUNG DU 'JUG PA'I RIM PAR THOB PAR BYA BA PHYAG RGYA CHEN PO'I GZUGS KYI MTSAN NYID YE SHES SO, ,MTHAR THUG PA NI RIM PA BZHI PA DANG LNGA PA'I RIM PAS SO SOR BSTAN PA'I PHYIR RO, ,DE LTAR GSANG BA 'DUS PA'I DON BSHAD PAS RIM PA GNYIS GSAL BAR BSTAN TO, ,GCIG NAS GCIG TU BRGYUD PA'I ZHES PA LA, RDO RJE 'CHANG CHEN PO NAS BRTZAMS TE DE BZHIN GSHEGS PA LA SOGS PA 'BREL PA DRUG GTZOR GYUR PA'O, ,SBA BAR BYA'O ZHES PA LA BYA BA DANG SPYOD PA'I TSUL LA GNAS PA RNAMS LA BSTAN PAR BYA BA MA YIN PA'O, ,DE RNAMS KYI GCIG TU GYUR PA'I MTSAN NYID CAN NI ZHES PA LA, RIGS BRGYA'I DBYE BA LA BRTEN TE BSDUS PAS SKU DANG GSUNG DANG THUGS KYI NGO BOR BSDUS PA'I PHYIR RO, ,JI LTA BA BZHIN DU 'BYUNG BA ZHES PA NI RIM PA GNYIS BRJOD PAR BYA BA YIN PA'I PHYIR RO, ,DES NI DE BZHIN GSHEGS PA RNAMS KYIS ZHUS PA'O, ,DE NAS ZHES BYA BA LA SOGS PA NAS BRDA SPROD PA YIN NO ZHES BYA BA'I BAR DU NI RDO RJE 'CHANG CHEN POS LEGS SO LEGS SO SBYIN PA SNGON DU 'GRO BA RIN PO CHE LTA BU DBANG PO RNO BA RNAMS KYANG SPYOD YUL MA YIN NA, TZANDAN LA SOGS PA DBANG PO DMAN PA RNAMS KYI GA LAS 'GYUR RO ZHES PAS DRI BA LA LAN MI RTZOL ZHES BSTAN TO, ,DE LHAR BYA BA NAS

BRTZAMS TE STON PA YIN TE ZHES PA'I BAR DU NI DBANG PO RNO BA DANG DMAN PA DAG GIS YUL MA YIN PA NYID KYIS DPAL GSANG BA 'DUS PA'I RGYUD MI GSUNG BA'I PHYIR NGO MTSAR DANG RMAD DU BYUNG BA'I DE BZHIN GSHEGS PA RNAMS KYIS RIN PO CHE LTA BU'I GANG ZAG GI NGO BO BDAG CAG RNAMS 'KHOR 'DI YIN PAS, BCOM LDAN 'DAS KYIS BKA' STZOL CIG CES GSOL BA BTAB PAR GYUR TO ZHES BSTAN TO, ,DGONGS PAS BSHAD PA NI DE BZHIN GSHEGS PA'I SGRA NI RIN PO CHE LTA BU GANG ZAG GI RNAM GRANGS DANG BYANG CHUB SEMS DPA'I SGRA YANG TZANDAN LA SOGS PA RJOD PAR BYED PA YIN PAS 'GAL BA'I TSIG GI SBYOR BA DANG, GSANG BA 'DUS PA'I DE KHO NA NYID BSTAN PA'I PHYIR RO, ,DA NI SNOD DU RUNG BAR BYA BA SNGON DU 'GRO BAS DPAL GSANG BA 'DUS PA RAB TU STON CIG CES SLAR YANG GSOL BA GDAB PAR BYA BA'I PHYIR DAM TSIG DANG SDOM PA LA SOGS PA GSUNGS TE, DE LA DAM TSIG NI BSRUNG BAR BYA BA DANG BZA' BAR BYA BA'O, ,DE LA BSRUNG BAR BYA BA NI DE BZHIN GSHEGS PA RIGS LNGA'I DAM TSIG STE DKON MCHOG GSUM LA SKYABS SU 'GRO BA LA SOGS PA DANG SROG GCOD PA LA SOGS PA LAS LOG PA'O, ,RDZOGS PA'I RIM PA'I PHYOGS SU SROG GCOD PA LA SOGS PA KHO NA'O, , BZA' BAR BYA BA NI BDUD RTZI DANG LCAGS KYU LA SOGS PA MYANG BAR BYA BA KHO NA'O, ,SOGS PA'I SGRAS NI TSAD MED PA BZHI BSGOM PA LA SOGS PA'O, ,RIGS GSUM YONGS SU GYUR PA STE ZHES PA NI DAM TSIG LA SOGS PA BLANGS NAS BSKYED PA'I RIM PA LAS LUS DANG NGAG DANG YID SBYANG BAR BYA BA'I PHYIR RNAM PAR SNANG MDZAD LA SOGS PA'I RIGS GSUM GYI GZUGS SU BDAG NYID YONGS SU GYUR NAS LHA'I NGA RGYAL GYIS GNAS PA'O, ,YI GE'I DON NI DAM TSIG LA SOGS PA TZAM SO SOR BSTAN PAS SO, ,YI GE GSUM STE ZHES PA NI YI GE GSUM YONGS SU GYUR PA LAS SKYES BU'I LHA'I SKU'O, ,SPYI'I DON NI BSKYED PA'I RIM PA BRJOD PAR 'DOD PA'I PHYIR RO, ,YE SHES GSUM NI RNAM PAR SHES PA GSUM GYI GNYEN POR GYUR PA'O, ,RANG BZHIN GYIS SNANG BA RLUNG GI BZHON PA DANG LDAN PA STE, ZHES PA STE 'DOD CHAGS DANG BRAL BA LA SOGS PA RANG BZHIN GYI TSOGS

, ,DANG BCAS PA 'JUG PA'I RNAM PAR SHES PA LA SOGS PA GSUM PO NI MI MTHUN PA'I PHYOGS SO, ,DE LTAR MI MTHUN PA DANG GNYEN PO'I SGO NAS SEMS RNAM PAR DAG PAR 'GYUR RO, ,SBAS PA NI YE SHES GSUM PO BRTAGS PA'I MTSAN NYID CAN GYI SEMS RNAM PAR DAG PA'I RIM PA SO SOR BSTAN PA'I PHYIR RO, ,YE SHES KYI RANG BZHIN GYI SKU STE ZHES PA NI YE SHES NI BZHI PA'O, ,DE LAS BYUNG BA'I SKU NI YE SHES KYI SKU'O, ,MTHAR THUG PA NI 'OD GSAL BA DANG ZUNG DU 'JUG PA BSTAN PAS SO, ,SKU LA SOGS PA BZHUGS PA STE DE MDZAD PA ZHES BYA BA NI LUS LA SOGS PA SNOD DU RUNG BAR BYA BA'I PHYIR PADMA'I NANG DU DAM TSIG GI DKYIL 'KHOR SPRO BAR MDZAD NAS SO, ,DES BSKYED PA'I SA BON GYI YI GE STE, ,ZHES PA NI BADZRA DHRi KA CES BYA BA LA SOGS PA PHYUNG BA'I SNGAGS KYI YI GE RNAMS SO, ,DE RNAMS KYIS BYIN GYIS BRLABS PAR MDZAD NAS ZHES BYA BA'I BAR RO; ,SPYI'I DON NI BSKYED PA'I RIM PA'I YAN LAG TU GYUR PA'I DKYIL 'KHOR RGYAL BA MCHOG BRJOD PAR 'DOD PA'I PHYIR RO, ,DBANG PO GNYIS KYIS SNYOMS PAR 'JUG PA ZHES PA NI GSANG BA'I RDO RJE DANG CHU SKYES PHRAD PA'O, ,RDO RJE'I DAM TSIG CES PA NI RDO RJE DANG DAM TSIG GO, ,RDO RJE DANG DAM TSIG STE ZLAS DBYE BA'I BSDU BA'I DON GCIG PA'O, ,YANG NA RDO RJE NI DE BZHIN GSHEGS PA'AM RNAL 'BYOR BA RNAMS KYI'O, ,DAM TSIG NI DBANG PO GNYIS SNYOMS PAR ZHUGS PA KHO NA'O, ,BYANG CHUB SEMS KYI THIG LE ZHES PA NI SNYOMS PAR ZHUGS PA'I SGRAS NAM MKHA'I DBYINGS MA LUS PA NA GNAS PA'I DE BZHIN GSHEGS PA 'JUG PAS YONGS SU GYUR PA'I SHU KRA'I THIG LE RNAMS SO, ,DBANG BSKUR BAR BYA BA STE ZHES PA NI CHOS 'BYUNG NANG DU THIG LE RNAMS KYIS GSANG BA'I DBANG BYIN NAS SO, ,SBAS PA NI 'DOD CHAGS KYI CHOS BSTAN PAS SO, ,'OD GSAL BA NI PHYAG RGYA DANG TING NGE 'DZIN GYI RIM PAS THOB PAR BYA BA'I DE KHO NA NYID BZHI PA'O, ,CHEN PO STONG PA ZHES BYA BA LA SOGS PAS NI CHAGS PA BAR MA DANG CHAGS PA DANG, CHAGS PA DANG BRAL BA'O, ,DES BYIN GYIS RLOB PA NI CHAGS PA BAR PA LA SOGS PA BKAG NAS SO, ,GDUL BYA'I SKYE BO'I RGYUD LA NI 'KHOR GYI SEMS

KYI RGYUD RNAMS SU'O, ,LHA'I SKU RNAM PA GNYIS GSAL BAR MDZAD NAS ZHES PA NI SNGAGS KYI SKU DANG YE SHES KYI SKU DBYER MED PAR BYAS NAS SO, ,MTHAR THUG PA NI 'OD GSAL BA LA 'JUG PA DANG ZUNG DU 'JUG PA BSTAN PA'I PHYIR RO, ,DE LTAR GSOL BA BTAB PA DANG, ZHES BYA BA LA SOGS PAS RANG GI SNYING GNAS SPROS PA'I DE BZHIN GSHEGS PA RNAMS GSOL BA BTAB PA THOS MA THAG TU DE RNAMS LA DBANG BSKUR BAS CHOS BSTAN PA LA DBANG BA YIN PAS DE DANG 'BREL PA'I YE SHES KYI DKYIL 'KHOR SPRUL PAR MDZAD DO ZHES BSTAN TO, ,YE SHES KYI DKYIL 'KHOR NI LEGS PAR SBYANGS PA'I YAN LAG DANG NYING LAG DANG LDAN PA'I DAM TSIG GI PHYAG RGYA PADMA'I NANG DU BYANG CHUB KYI SEMS KYI THIG LE LAS SPRUL PA'I DAM TSIG GI DKYIL 'KHOR RO, ,DE'I SPRUL PA DANG RJES SU MTHUN PA'I TING NGE 'DZIN LA SNYOMS PAR ZHUGS PA NYID BSTAN PAR BYA BA'I PHYIR; YE SHES NYID SGRON MA YIN PAS NA ZHES SMOS TO, ,YE SHES NI DKYIL 'KHOR SPRUL PA'I PHYIR SEMS RTZE GCIG PA NYID DO, ,SGRON MA NI SPRUL PA'I DKYIL 'KHOR RAB TU BSTAN PAS SO, ,YI GE'I DON NI DE TZAM BAR DU BSTAN PAS SO, ,SEMS CAN RNAMS KYI RGYUD LA ZHES BYA BA LA SOGS PA NI GDUL BYA'I RGYUD LA'O, ,YE SHES NI SHIN TU RNAM PAR DAG PA'I CHOS KYI DBYINGS KYI YE SHES SO, ,DE NYID KYIS RAB TU SNANG BA MDZAD PAS NA YE SHES KYI SGRON MA STE MI BSKYOD PA'O, ,SPYI'I DON NI MDO SDE LA SOGS PA RNAMS KYI 'GYOD PA BZLOG PAS SO, ,RNAM PAR SHES PA GSUM GYI SNANG BAS ZHES PA NI, RNAM PAR SHES PA GSUM RNAM PAR DAG PA'I NGO BO YE SHES GSUM RNAM PAR DAG PA SEMS LA DMIGS PA THOB PA'O, ,PHYOGS BCUR SNANG BAR MDZAD PAS ZHES PA NI GTAN TSIGS SO, ,SBAS PA NI YE SHES GSUM BRTAG PA'I MTSAN NYID CAN GYI DON YIN PA'I PHYIR RO, ,DZNY'A NA RTOG PA'I DON TO, ,ZHES BYA BA NI 'DOD CHAGS DANG BRAL BA LA SOGS PA YONGS SU SHES PA'I MTSAN NYID NI YE SHES TE DZNY'A'O, ,NA NI DGAG PA LA 'JUG PA STE ZHES BYA BA NI AA MA NO NA DGAG PA'I DON ZHES 'BYUNG BAS SO, ,DE GANG YIN ZHES PA NI 'DOD

, ,CHAGS LA SOGS PA 'GOG PA'I MTSAN NYID CAN 'OD GSAL BA'I RNAM GRANGS DE KHO NA NYID BZHI PA GZI BRJID MA LUS PA'I ZIL GYIS GNON PA MI PHYED PA'I TING NGE 'DZIN ZHES BSTAN TO, ,MTHAR THUG PA NI MAN NGAG BZHI PA BRJOD PAR 'DOD PAS SO, ,RANG BZHIN GYIS 'OD GSAL BA'I TING NGE 'DZIN LAS BZHENGS NAS ZHES BYA BA LA SOGS PA'I DON NI 'DI YIN TE, DANG PO'I SBYOR BA'I TING NGE 'DZIN GYI RJES SU AUTPALA SNGON PO'I 'DAB MA DANG 'DRA BA'I LO BCU GNYIS PA SME SHA CAN GYI BU MO PHYAG RGYA RNYED NAS SNGON DU BSHAD PA'I RIM PAS DE'I THA MAL PA'I LUS BSREGS TE, DE'I RNAM PAR SHES PA NI 'KHYUD PA'I YE SHES KYI PHYAG RGYA'I CHOS 'BYUNG BA'I NANG DU PADMA DANG ZLA BA'I DKYIL 'KHOR LA ZHAL GSUM PA PHYAG DRUG PA SKU MDOG NAG PO DANG MTHING GA DANG DKAR BA DANG DMAR PO STE ZHAL GSUM PA, RDO RJE DANG 'KHOR LO DANG PADMA DANG DRIL BU DANG RIN PO CHE DANG RAL GRI G-YAS PA DANG G-YON PA'I PHYAG NA BSNAMS PA, RDO RJE SKYIL MO KRUNG GIS BZHUGS PA SEMS DPA' GSUM GYI BDAG NYID CAN REG BYA RDO RJE MA RNAM PAR SPROS TE RNAL 'BYOR DANG RJES SU RNAL 'BYOR BYAS NAS, DE NAS KYANG PHYI ROL DU SPROS TE DE DANG LHAN CIG TU RO GCIG PAR BYAS TE SPYI BO LA SOGS PA'I GNAS LNGA LA RIGS LNGAS KHYAB PAR BYAS TE MIG LA SOGS PA RNAMS SU SA'I SNYING PO LA SOGS PA DANG, SNYOMS PAR ZHUGS PA'I GZUGS RDO RJE MA LA SOGS PA'I LHA MO'I TSOGS RNAMS RNAM PAR BKOD LA, SA'I KHAMS KYI NGO BO YI GE LAm YONGS SU GYUR PA'I SANGS RGYAS SPYAN LAS SKYES PA'I DE'I NU MA DANG, YI GE MAm CHU'I KHAMS KYI NGO BO YONGS SU GYUR PA LAS M'A MA K'I DE'I RANG BZHIN CHU DANG, BAm GYI SA BON LAS ME'I KHAMS KYI NGO BO YONGS SU GYUR PA LAS GOS DKAR MO'I RANG BZHIN DE'I PADMA DANG, YI GE TAm LAS RLUNG GI KHAMS KYI RANG BZHIN SGROL MA YONGS SU GYUR PA'I PADMA'I NANG DU KHONG STONG BSAMS LA, GSANG BA LA SOGS PA'I GNAS BCU LA RDO RJE RO LANGS MA LA SOGS PA KHRO BO'I RGYAL PO RNAMS KYI BTZUN MO BCU RNAM PAR BKOD LA SKU GSUNG THUGS KYANG BYIN GYIS BRLAB PAR BYA STE,

DE'I PADMA YANG STONG PA NYID BSGOM PA SNGON DU SONG BA YI GE AA YONGS SU GYUR PA'I PADMA 'DAB MA BRGYAD PA'I RNAM PAR BYAS LA, DE'I LTE BA LA AOm GYI BYIN GYIS BRLAB PAR BYAS LA, BDAG NYID KYI GSANG BA'I RDO RJE YANG SNGA MA BZHIN H'Um YONGS SU GYUR PA LAS RDO RJE RTZE LNGA PA BSGOM PAR BYA STE, DE'I CHANG ZUNGS YANG YI GE AOm GYI BYIN GYIS BRLAB PAR BYAS LA, DANG PO RJES SU CHAGS PAR BYA BA'I PHYIR, DE'I PADMA LA H'Um GIS BYIN GYIS RLOB PA'I MIG DANG LCAGS KYU DANG BA DAN DANG SDIGS MDZUB GYI PHYAG RGYA RNAMS LAS GANG YANG RUNG BA BCUG LA, GRANG BA MA YIN PA'I REG PA'I BAR DU BSKYED PAR BYAS LA; BYANG CHUB KYI SEMS KYI RGYUN 'BYUNG BAR 'GYUR BA'I TSE 'DOD CHAGS CHEN PO'I DBANG GIS RANG GI MGRIN PA NAS BZUNG STE RNAM PAR BSAMS LA, DE DANG 'KHYUD PA DANG 'O LA SOGS PA RNAM PA BRGYAD DE'I SKAD 'JAM PO DKA' BA'I RANG BZHIN THOS NAS, AOm SARBA TA TH'A GA TA AA NU R'A GA NA BADZRA SVA BH'A WA A'ATMA KO&HAm, ZHES 'DIS NI RDO RJE DANG PADMA YANG DAG PAR BTZIR LA, AOm SARBA TA TH'A GA TA P'U DZA BADZRA SVA BH'A WA A'ATMA KO&HAm, ZHES BYA BA'I SNGAGS KYIS BSKYOD CING, DAM PA DGA' BA'I SGRAS PHYOGS BCU NA GNAS PA'I DE BZHIN GSHEGS PA BKUG LA NGAG GI LAM DU 'JUG PAR BYAS LA, RTZA DBU MA NAS RDO RJE NOR BU'I RTZE MOR BYANG CHUB KYI SEMS THIG LER BSAMS TE, 'DOD CHAGS DANG 'DOD CHAGS BRAL BA DANG 'DOD CHAGS BAR MA'I RIM GYIS 'OD GSAL BA'I DE KHO NA NYID MYONG NAS 'CHAD PAR 'GYUR BA'I BADZRA DHi KA CES BYA BA LA SOGS PA'I PHYUNG BA'I SNGAGS KYIS DE BZHIN GSHEGS PA LA SOGS PA SPRO BAR MDZAD DO ZHES DGONGS SO, ,'OD GSAL BA'I TING NGE 'DZIN LAS BZHENGS NAS ZHES BYA BA NI BDE BA CHEN PO'I TING NGE 'DZIN LAS SO, ,NYON MONGS BA LNGAS KHYAB PA'I SEMS CAN GYI KHAMS LA GZIGS NAS ZHES BYA BA NI 'DOD CHAGS LA SOGS PA'I SKYON GYIS YONGS SU KHYAB PAR RNAM PAR GZIGS NAS SO, ,NYON MONGS PA'I RANG BZHIN YONGS SU SHES PA ZHES PA NI GZOD MA NAS MA SKYES PA'I RANG BZHIN DE KHO NA NYID SHES PA'O, ,BYANG CHUB YIN LA NI RDO RJE 'CHANG NYID DO, ,DE'I NGO BO NYID BDAG YIN NO ZHES BYA BA NI 'DOD CHAGS LA SOGS PA NYON MONGS PA YONGS

, ,SU SHES PA'I RANG BZHIN RDO RJE 'CHANG CHEN PO'I BDAG YIN NO ZHES BYA BA'I DON TO, ,GDUL BYA RNAMS KYIS NYON MONGS PA ZHE SDANG RNAM PAR SBYANG BA'I ZHES PA NI NYE BAR MTSON PA TZAM YIN TE, DE'I 'BREL BA DANG LDAN PA'I KHRO BA LA SOGS PA NYE BA'I NYON MONGS PA RNAMS KYANG RNAM PAR SBYANG BAR BYA BA'I PHYIR ZHES PA'I THA TSIG GO, ,THUGS RJE CHEN PO'I THABS NI THUGS RJE CHEN PO'I THABS GANG LA YOD PA DE NI THABS CAN TE KHRO BA'O, ,GANG GI PHYIR BCOM LDAN 'DAS NI THUGS RJE CHEN POS DRAG PO'I GZUGS MDZAD KYIS ZHE SDANG GIS NI MA YIN NO, ,JI SKAD DU, SHIN TU MA RUNGS GDUG PA LA, ,ZHI BA NYID DU MI RIGS SO, ,ZHES DPAL BDE MCHOG LAS 'BYUNG BAS SO, ,DE BAS NA BCOM LDAN 'DAS SNYING RJE CHEN POS KHYAB PA YANG GDUG PA 'DUL BAR BYA BA'I PHYIR PHYI'I KHRO BO'I GZUGS 'CHANG PAR 'GYUR RO, ,NYI MA'I 'OD KYIS BSROS PA'I MTSO CHEN DANG MTSUNGS PA, ,SNYING RJE CHEN PO CAN RNAMS KHRO BO'I SKU DANG LDAN, ,NANG NI GANGS DANG 'DRA STE BSIL BA STE, ,'GRO BA 'DUL ZHING PHYI YI KHRO BOR SNANG, ,ZHES 'BYUNG NGO, ,'DOD PA'I 'BRAS BU BSKYED PAS NA, ,ZHES PA NI 'DOD PA'I 'BRAS BU NI CHOS KYI DBYINGS KYI YE SHES KYI MTSAN NYID DO, ,DE BSKYED PA NI THOB PAR BYED PAS SO, ,SNGAGS NI DNGOS SU MI BSKYED PA BRJOD PAR BYA BA YIN ZHES STON PA'O, ,BLO LA GZHAG PA NI SDUD PA PO'I BLO LA GNAS PA'O, ,SNYOMS PAR ZHUGS PA LAS ZHES PA NI SNGAR BSHAD PA'I REG BYA RDO RJE MA'I PADMA DANG RDO RJE MNYAM PAR SBYOR BA LAS YANG DAG PAR 'BYIN PAR MDZAD DO ZHES BYA BA'I DON TO, ,SGRA JI BZHIN PA NI MI BSKYOD PA SPRO BA BRJOD PAR 'DOD PA'I PHYIR RO, ,DKYIL 'KHOR LA SOGS ZHES SOGS PA'I SGRAS SHES PAR BYA'O, ,MNGON PAR BYANG CHUB PA RNAM PA LNGA YANG DAG PAR STON PA'I ZHES PA LA, 'OG GI RTZE LNGA RNAM PAR SHES PA LNGA'I NGO BO NYID STENG GI RTZE LNGA PO YE SHES LNGA'I NGO BO DAG GIS SBYANGS PA'I PHYIR RDO RJE RNAM PAR DAG PA'O, ,RGYUD PHYI MA LAS KYANG, SPANG BYA LNGA DANG RIG PA LNGA, ,RDO RJE ZHES PAR BRJOD PA'O, ,ZHES 'BYUNG BAS SO, ,DRANG BA'I DON NI RNAM PAR DAG PA DANG

BCAS PA'I PHYAG MTSAN TZAM BSTAN PAS SO, ,BDE BA GNYIS KYI BDAG NYID CAN, ,ZHES PA NI ZUNG DU 'JUG PA'I TING NGE 'DZIN GYI NGO BO NYID DO, ,NGES PA'I DON NI 'BRAS BUR GYUR PA'I DE KHO NA NYID BSTAN PA'I PHYIR RO, ,DES NA NI YONGS SU DAG PA DANG YONGS SU MA DAG PA'I MTSAN NYID LHA'I RNAL 'BYOR GNYIS BSTAN TO, ,DE LTAR DKYIL 'KHOR PA GZHAN RNAMS LA YANG SHES PAR BYA'O, ,SNGAR BSHAD PA'I RDO RJE 'CHANG CHEN PO ZHES BYA BA LA SOGS PAS REG BYA RDO RJE MA'I PADMA NAS BYUNG STE, ZHE SDANG LA SPYOD PA'I SEMS CAN GYI KHAMS RNAM PAR SBYANGS TE, MNGON PAR DGA' BA'I 'JIG RTEN GYI KHAMS SU BZHAG NAS SLAR YANG GSHEGS TE, PHYOGS BCU LA GZIGS PA SNGON DU 'GRO BA RDO RJE 'CHANG CHEN PO'I SKU DANG GSUNG DANG THUGS RDO RJE LA MAR LA MAR THIM PA BZHIN DU GYUR NAS MI BSKYOD PA KHO NA AI NDRA N'I LA DANG 'DRA BA'I RNAM PA ZHAL GSUM PA PHYAG DRUG PA CUNG ZAD MCHE BA GTZIGS PA, PADMA DANG NYI MA'I STENG DU RDO RJE'I SKYIL MO KRUNG GIS BZHUGS PAS SEMS DPA' GSUM GYI BDAG NYID CAN SNGON PO DANG DKAR PO DANG DMAR PO'I ZHAL GSUM GYI NYE BAR MDZES PA, RDO RJE DANG 'KHOR LO DANG PADMA DANG DRIL BU DANG YID BZHIN NOR BU DANG, RAL GRI 'DZIN PA, RDO RJE 'CHANG CHEN PO'I COD PAN CAN MDOG KHA DOG LNGA DANG LDAN PA'I 'OD ZER GYI 'KHOR LO SPRO BAR GYUR TO, ,DE GSUM GYI BDAG NYID CAN ZHES PA NI SEMS DPA' GSUM GYI BDAG NYID CAN NO, ,BDEN PA GNYIS KYI BDAG NYID CAN, ,ZHES PA NI YONGS SU DAG PA'I LHA'I RNAL 'BYOR GYI SKABS SU ZUNG DU 'JUG PA'I BDAG NYID YIN PAS SO, ,GCIG TU GYUR PA DE NI RDO RJE 'CHANG CHEN PO DE'I BDAG NYID KYIS SO, ,SNGA MA BZHIN NO ZHES KHA DOG GI KHYAD PAR RO, ,RDO RJE 'CHANG CHEN PO ZHES BYA BA LA SOGS PAS NI GCIG GI NGO BOR RAB TU GNAS PAR BYA BA'I PHYIR RO, , RDO RJE SEMS DPA' CHUNG BA ZHES PA NI DANG PO SBYOR BA'I LHAG MA'I TING NGE 'DZIN GYI LHAG MAR GYUR PA PHYAG RGYA SBYAR BA DANG MI BSKYOD PA'I DKYIL 'KHOR GYI BDAG PO NYID STON PAR BYED DO, ,SGRA JI BZHIN ZHES PA NI BSKYED PA'I RIM PA'I YAN LAG TU GYUR PA DANG DANG PO'I SBYOR BA STON PAR BYED PAS SO, ,

, ,DANG PO'I SBYOR BA'I 'OG TU ZHES PA LA SOGS PAS DKYIL 'KHOR RGYAL BA MCHOG STON PAR BYED DE, SEMS CAN RMONGS PA RNAMS RNAM PAR SBYONG BAR BYA BA'I PHYIR ZHES PA NI GTI MUG GI RIGS CAN GDUL BYA RNAMS SBYANG BAR BYA BA'I PHYIR RO, ,ZHI BA'I TSUL NI ZHI BA'I LAS KYI RAB 'BYAMS KYI NGO BO NYID RNAM PAR SNANG MDZAD YIN ZHES MTSON PAR BYED DO, ,RGYAL BA'I NGANG TSUL CAN ZHES PA NI SO SO'I SKYE BO'I SA LA GNAS PA'I SEMS CAN RNAMS LAS RGYAL BA STE BDUD DO, ,BDUD NI LHA'I BU LA SOGS PA'I BDUD RNAMS SO, ,DE DAG LAS RTZIBS BCU GNYIS PA'I CHOS KYI 'KHOR LOS RGYAL BAS NI DZI NA DZI KA GO, ,SDUG BSNGAL DANG, KUN 'BYUNG BA DANG, 'GOG PA DANG, LAM STE BDEN PA BZHI'O, ,SDUG BSNGAL NI SHES PAR BYA BA DANG, KUN 'BYUNG SPANG BAR BYA BA DANG, LAM BSGOM PAR BYA BA DANG, 'GOG PA MNGON DU BYA'O, ,SDUG BSNGAL SHES ZIN PA DANG, KUN 'BYUNG SPONG PA DANG, LAM BSGOM PA DANG, 'GOG PA MNGON DU BYAS SO ZHES MTHONG BA DANG BSGOM PA DANG MI SLOB PA'I LAM GYIS RTZIBS BCU GNYIS PA'O, ,RTEN 'BREL YAN LAG BCU GNYIS PA'I MTSAN NYID CHOS KYI 'KHOR LO YIN ZHES LA 'DOD DO, ,DRANG BA'I DON NI NYAN THOS DANG THEG PA CHEN PO'I LTA BA TZAM BSTAN PAS SO, ,RDO RJE LTA BU'I TING NGE 'DZIN GYIS ZHES PA NI KUN DU 'OD KYI SA'I SKAD CIG MA DANG POS THOB BAR BYA BA'I TING NGE 'DZIN GYI KHYAD PAR GYIS SO, ,NGES PA'I DON GYI BZHI PA DANG LNGA PA'I RIM PA DAG SO SOR BSTAN PA'I PHYIR RO, ,RNAM PAR SNANG MDZAD CES BYA BA LA SOGS PAS DZI NA DZI KA CES SPRO BA'I RJES SU CHOS 'BYUNG BA'I PHYAG RGYA NAS PHYI ROL DU BYUNG STE, GTI MUG LA SPYOD PA'I SEMS CAN GYI KHAMS SBYANGS NAS 'OG MIN GYI GNAS SU BZHAG NAS SLAR YANG GSHEGS TE, PHYOGS BCUR GZIGS PA SNGON DU 'GRO BAS BCOM LDAN 'DAS KYIS SHAR PHYOGS SU SNA TSOGS PADMA DANG ZLA BA'I GDAN LA 'KHOR LO'I STENG DU RDO RJE DKYIL MO KRUNG DU BZHUGS PA, 'KHOR LO LA SOGS PA PHYAG MTSAN DRUG 'DZIN PA SKU MDOG DKAR PO RNAM PAR SNANG MDZAD BZHUGS SO ZHES BSTAN TO, ,SGRA JI BZHIN PA NI SNGA MA BZHIN NO, ,KUN RDZOB BYANG CHUB KYI SEMS ZHES PA NI BDE

BA CHEN PO'I RGYU MTHUN PAS RIN THANG MED PA'I PHYIR RO, ,DE LAS BYUNG BA ZHES PA NI DAM TSIG GI DKYIL 'KHOR GYI NANG DU SPROS PA'I PHYIR RO, ,TING NGE 'DZIN YANG DE BZHIN DU SHES PAR BYA'O, ,DRANG BA'I DON NI BSKYED PA'I RIM PA BRJOD PAR 'DOD PA'I PHYIR RO, ,DON DAM PA'I BYANG CHUB KYI SEMS TE ZHES PA NI, 'OD GSAL BA'I DE KHO NA NYID DO, ,DE LAS BYUNG BAS NA ZHES PA NI BDAG BYIN GYIS RLOB PA DANG ZUNG DU 'JUG PA'I RIM PA DAG BRJOD PAR 'DOD PA'I PHYIR RO, ,NGES PA'I DON NI RDZOGS PA'I RIM PA SO SOR BSTAN PAS SO, ,BSAM PA THAMS CAD YONGS SU ZHES BYA BA LA SOGS PAS RIN CHEN 'BYUNG LDAN GYI DON DANG LDAN PA'I MTSAN SO SOR BSTAN TO, ,RE BA THAMS CAD YONGS SU RDZOGS PAR BYED PAS NA ZHES PA NI NAM MKHA' MDZOD KYI TING NGE 'DZIN GYIS SEMS CAN RNAMS LA DBUL BA NYID BCOM PA'I PHYIR RO, ,DRANG BA'I DON NI LAS KYI RGYAL BA MCHOG BRJOD PAR MDZAD PAR 'DOD PAS SO, ,YANG DAG PA'I MTHA'I RIN PO CHE ZHES PA NI RIM PA BZHI PAS THOB PAR BYA BA'I 'OD GSAL BA'I DE KHO NA NYID DO, ,NGES PA'I DON NI MNGON PAR BYANG CHUB PA'I RIM PA, RJOD PAR BYED PAS SO, ,NAM MKHA' LTAR GOS PA MED PA'I MNYAM PA NYID KYI YE SHES ZHES PA NI SKYE BA BZHIS BSDUS PA'I SEMS CAN THAMS CAD THA DAD PA RNAMS GCIG TU YONGS SU SHES PA'I PHYIR RO, ,NOR GYIS DREGS SHING ZHES BYA BA LA SOGS PA NI NOR MANG PA'I PHYIR NGA RGYAL GANG LA YOD PA DE RNAMS LA NAM MKHA' MDZOD KYI TING NGE 'DZIN LAS RIN PO CHE LA SOGS PA'I CHAR 'BEBS PA'I SGO NAS DREGS PA BCAG PA'I PHYIR RO, ,BCOM LDAN 'DAS KYI G-YAS PHYOGS SU BZHUGS ZHES PA NI SNGA MA BZHIN DU RDO RJE DANG PADMA'I TING NGE 'DZIN LAS PHYUNG STE, DE NAS YANG PHYI ROL DU GSHEGS TE, NGA RGYAL CAN GYI SEMS CAN GYI KHAMS SBYANGS TE RIN PO CHE'I 'BYUNG GNAS ZHES BYA BA'I SANGS RGYAS KYI ZHING LA RAB TU GNAS PAR BYAS NAS SLAR YANG GSHEGS TE, ZHAL GSUM PA PHYAG DRUG PA RIN PO CHE LA SOGS PA'I PHYAG MTSAN 'DZIN PA SKU MDOG SER PO BCOM LDAN 'DAS KYI G-YAS PHYOGS SU SNA TSOGS PADMA DANG ZLA BA

, ,DANG RIN PO CHE'I GDAN LA BZHUGS NAS SO, ,SGRA JI BZHIN PA NI SNGA MA BZHIN NO, ,'DOD CHAGS KYI 'DOD CHAGS RAB TU SPANG BA'I DON DU ZHES PA NI 'DOD CHAGS NI DE KHO NA NYID LA CHAGS PA'O, ,YANG 'DOD CHAGS NI NYON MONGS PA NYID DO, ,DON DES SPONG BA STE GSAL BA'O; ,MCHOG TU DGA' BA NI 'DOD CHAGS CHEN PO 'OD GSAL BA CHEN PO'I RGYU MTHUN PA YIN PA'I PHYIR RO, ,BYANG CHUB KYI SEMS YIN LA ZHES PA NI KUN RDZOB PA'I RDZAS KYI TSUL CAN SHU KRA'O, ,DE LAS BYUNG BA NI DAM TSIG GI DKYIL 'KHOR GYI RIM PAS RDZOGS ZHES PA'I BAR DU'O, , DRANG BA'I DON NI DKYIL 'KHOR RGYAL BA MCHOG BRJOD PAR 'DOD PA'I PHYIR RO, ,'OD GSAL BA STE ZHES PA NI MNGON PAR BYANG CHUB PA'O, ,DE LAS BYUNG BA NI ZUNG DU 'JUG PA'I TING NGE 'DZIN DE LAS BYUNG BA'I PHYIR RO, ,NGES PA'I DON NI YANG DAG PA'I DON BSTAN PAS SO, ,SO SOR RTOG PA'I YE SHES LA KUN DU CHAGS PA ZHES PA NI SNANG BA MTHA' YAS DE'I NGO BO YIN PA'I PHYIR RO, ,RO NI 'KHOR BA'O ZHES PA NI RO'I SGRA'I DON TO ZHES 'BYUNG BAS SGRA'I RNAM PAR RTOG PA'I NGO BO NI 'KHOR BA YIN PAS SO, ,Li KA CES PA NI SO SOR RTOG PA'I YE SHES KYIS 'KHOR BA LAS 'DAS PA'I PHYIR RO, ,DRANG BA'I DON NI MI MTHUN PA'I PHYOGS DANG GNYEN PO'I PHYOGS KYI LAM RJOD PAR BYED PA'I PHYIR RO, ,RO ZHES PA NI YE SHES GSUM STE, RA AA AO'O, ,DE LA RA NI CHAGS PA STE SNANG BA MCHED PA'O, ,AA NI 'DOD CHAGS DANG BRAL BA STE SNANG BA'O, ,AO NI 'DOD CHAGS PA RAB STE SNANG BA THOB PA'O, ,GCIG TU BSDUS PA LAS SNANG BA MCHED PA LA SOGS PA YE SHES GSUM BSHAD DO, ,DE LAS ZHES BYA BA LA SOGS PA LA, YE SHES GSUM LA NYE BAR DMIGS TE SLAR YANG 'OD GSAL BA LA 'JUG PAR BYA'O, ,NGES PA'I DON NI YANG DAG PA'I DON BSTAN PAS SO, ,DON YOD PAR GRUB PA ZHES PA NI LAS THAMS CAD PA YIN PA'I PHYIR RO, ,BYA BA GRUB PA'I YE SHES ZHES BYA BA LA SOGS PAS NI DE BZHIN GSHEGS PA RNAMS KYI SEMS CAN GYI DON KHO NA DAM TSIG GO, ,DRANG BA'I DON NI SEMS CAN GYI DON BYED PA'I MTSAN NYID CAN LAS KYI RGYAL BA MCHOG BRJOD PAR 'DOD PA'I PHYIR RO, ,'OD GSAL BA NI BZHI PA'O, ,MTSAN MA MED PA'I 'BRAS BU STER BA ZHES

PA LA; LHUN GYIS GRUB PA NYID KYIS BYANG CHUB KYI MTSAN NYID CAN KYI 'BRAS BU MNGON PAR 'BYUNG BA'I PHYIR RO, ,NGES PA'I DON NI YANG DAG PA'I DON STON PAS SO, ,NYON MONGS PA DAM TSIG NYAMS PA ZHES BYA BA LA SOGS PA LA PHRAG DOG CAN RNAMS KYI DAM TSIG NYAMS PA NI SLAR YANG DON YOD PAR GRUB PA'I BSGOM PAS BZLOG PA'I PHYIR RO, ,SOGS PA'I SGRAS MCHOD PA CHAGS PA LA SOGS PA GZUNG NGO, ,DRANG BA'I DON NI SNGA MA BZHIN DU BSKYED PA'I RIM PA'I BSGOM PA BRJOD PAR 'DOD PAS SO, ,KHAMS PHRA BA STE ZHES SHES PA NI 'OD GSAL BA'O, ,DES SHES PA NI RGYU'I GSUM PA STE, DES THABS KYI YE SHES DGUG PA NI SNANG BA MCHED PA'I YE SHES BSKYED NAS, DE'I RJES SU MCHOG TU DGA' BA NI BDE BA CHEN PO BSKYED LA YONGS SU SBYANG BA'I RIGS NI 'DOD CHAGS LA SOGS PA RANG BZHIN THAMS CAD SBYONG BAR BYED PA'I RIGS ZHES BYA BA'I BAR RO, ,NGES PA'I DON NI RIM PA GNYIS PA BSTAN PAS SO, ,RAB TU RNAM PAR 'BYED PA'I MTSAN NYID NI SHES RAB STE ZHES PA LA BYA BA NAN TAN GRUB PA'I YE SHES KYI BDAG NYID CAN RNAM PAR RTOG PA BLA NA MED PA'I BLO STE SHES RAB BO, ,DRANG BA'I DON NI BSGOM PA'I SHES RAB KYIS RANG BZHIN YIN PAS SO, ,ZLA BA LTAR SNANG BA STE ZHES PA NI SNANG BA'I YE SHES SO, ,DE YANG NYE BAR MTSON PA YIN TE, NYI MA'I SNANG BA DANG MTSAMS KYI SNANG BA'O, ,KHAMS PHRA BAR 'DZIN PAR MDZAD PAS NA, ,ZHES PA LA, 'OD GSAL BA LA 'JUG PAR BYED DO, ,NGES PA'I DON NI SEMS RNAM PAR DAG PA BRJOD PAR 'DOD PA'I PHYIR RO, ,BYANG PHYOGS SU BZHUGS SO ZHES PA LA SOGS PA NI SNGA MA BZHIN NO, ,ZHE SDANG ZHES BYA BA LA SOGS PAS ZHE SDANG LA SOGS PA NYON MONGS PA RNAM PAR DAG PA'I NGO BO DE BZHIN GSHEGS PA LNGA YIN ZHES NYE BAR SDUD PA BSTAN TO, ,GDUL BYA RNAMS KYI THAR PA'I MNGON PAR 'DOD PA ZHES BYA BA LA SOGS PAS 'DOD PA DANG THAR PA DAG GI LAM DANG 'BRAS BU'I BYE BRAG BSTAN TO, ,DRANG BA'I DON NI BSKYED PA'I RIM PA'I BSTAN PAS SO, ,'DOD PA LA NYE BAR LONGS SPYOD PAS THAR PA RAB TU THOB PA'AM ZHES PA NI SPROS PA DANG BCAS PA'I SPYOD PA YIN PA'I SGO NAS PHYAG RGYA CHEN PO'I DNGOS GRUB STER BAR BYED

, ,PA'O; ,YANG NA ZHES BYA BA LA SOGS PAS 'DOD PA DANG THAR PA DAG NI CIG CAR DU SGRUB PAR BYED PA NYID DU BSTAN TO, ,SGRA JI BZHIN PA NI SPYOD PA BRJOD PAR 'DOD PAS SO, ,BSHAD PA'I RGYUD LAS SHES PA LA, DGONGS PA LUNG BSTAN PA'I BSHAD PA'I RGYUD LAS SO, ,PHUNG PO 'DI DAG SANGS RGYAS TE, ,ZHES PA LA PHUNG PO KHO NA SANGS RGYAS NYID YIN TE DAM BCA' BA'O, ,RDZOGS PA'I BYANG CHUB RKYEN DU 'BYUNG, ,ZHES PA NI PHYAG RGYA CHEN PO'I GZUGS BSGRUB PAR BYA BA'I PHYIR PHA DANG MA'I BDE BA DANG YID BDE BA'I MTSAN NYID BDE BA CHEN PO'I RGYU MTHUN PA BYANG CHUB KYI SEMS KYI RGYU LAS 'BYUNG BA NI YANG DAG PAR SKYES PA'O, ,GNYIS MED DE BZHIN NYID SBYOR BAS, ,ZHES PA NI 'OD GSAL BA LAS 'BYUNG BA'I PHYIR RO, ,DE YANG DE BZHIN GSHEGS ZHES BYA, ,ZHES PA LA RANG BZHIN GYIS GRUB PA'I DE BZHIN GSHEGS PA'I RKYEN LAS BYUNG BA KHO NA'O, ,DE BAS NA PHUNG PO LNGA RNAM PAR DAG PA'I NGO BO DE BZHIN GSHEGS PA LNGA YIN ZHES GSUNGS TE DGONGS PA'O, ,NGES PA'I DON NI 'OD GSAL BA TZAM BSTAN PA'I PHYIR RO, ,LONGS SPYOD KYI PHYIR RO ZHES PA NI MCHOG TU DGA' BA'I BDE BA MYONG BA'I PHYIR RO, ,RDO RJE 'DZIN RJES SU MNYES PAR BYED PA'I DAM TSIG NI M'A MA K'I'O ZHES PA LA, THUGS KYI RDO RJE 'DZIN PA'I YID DU 'ONG BA'I LHA MO YIN ZHES BYA BA'I DON TO, ,SGRA JI BZHIN PA NI TING NGE 'DZIN TZAM BSTAN PAS SO, ,DRANG BA'I DON NI THUGS KYI RDO RJE'I BTZUN MO BSTAN PA TZAM GYIS SO, ,NGES PA'I DON NI, DE RNAM PAR DAG PA'I RANG BZHIN LHA MO BSTAN PAS SO, , M'A MA K'I'I GZUGS SU GYUR NAS ZHES PA NI RDO RJE 'CHANG CHEN PO NYID KYIS M'A MA K'I'I GZUGS SU BDAG NYID SPRUL PA YIN GYI SKYES PA DANG BUD MED KYI DBYE BA DE LA GANG YANG MED DE, SPROS PA MED PA'I DE KHO NA NYID LA GANG YANG BYE BRAG MED PA'I PHYIR RO, ,GDUL BYA RNAMS 'JUG PA'I PHYIR SANGS RGYAS KYI ROL STON SNA TSOGS YIN TE SBRUL PA BZHIN NO, ,SHAR PHYOGS KYI GRAR ZHES BYA BA LA SOGS PAS ME'I MTSAMS SU NYE BAR BZHUGS SO, ,DE BZHIN THAMS CAD DU SHES PAR BYA'O, ,RNAM PAR SNANG MDZAD NI DE BZHIN GSHEGS PA THAMS CAD KYI GONG DU BYUNG BA'I PHYIR RO, ,SGRA JI BZHIN PAS NI

SANGS RGYAS SPYAN GYI GZUGS TZAM BSTAN PAS SO, ,DRANG BA'I DON NI RNAM PAR SNANG MDZAD LA RJES SU CHAGS PA'I LHA MO BSTAN PAS SO, ,NGES PA'I DON NI DE RNAM PAR DAG PA BSTAN PA'I PHYIR RO, ,'DOD CHAGS 'DZIN PA NI 'OD DPAG TU MED PA ZHES PA NI 'DOD CHAGS RNAM PAR DAG PA'I RANG BZHIN YIN PA'I PHYIR RO, ,GOS DKAR MO STE ZHES PA LA, GSUNGS RDO RJE'I BTZUN MO'O, ,DRANG BA'I DON NI GOS DKAR MO'I GZUGS BSTAN PAS SO, ,NGES PA'I DON NI RNAM PAR DAG PA BSTAN PAS SO, ,SGRA JI BZHIN PA NI ZHES PA NI SNGA MA BZHIN NO, ,MI RTAG PA ZHES BYA BA LA SOGS PA NI NYE BAR MTSON PA STE, CHOS SGRA SGROGS PA RNAM PA BZHI STE, 'DUS BYAS THAMS CAD MI RTAG PA ZHES PA DANG, ZAG PA DANG BCAS PA THAMS CAD SDUG BSNGAL BA'O ZHES PA DANG, CHOS THAMS CAD BDAG MED PA DANG, MYA NGAN LAS 'DAS PA ZHI BA YIN NO ZHES SO, ,GZHAN DAG LA RAB TU STON PA NA GDUL BYA RNAMS LA BSTAN PA'O, ,YI GE'I DON NI CHOS BSTAN PA TZAM YIN PAS SO, ,CHOS THAMS CAD STONG PA'O ZHES PA NI RNAM PAR THAR PA'I SGO NAS ZHES TSIG GI LHAG MA'O, ,SPYI'I DON NI, MDO SDE PA LA SOGS PA'I 'GYOD PA BZLOG PAS SO, ,SNANG BA GSUM GYI NGO BO NYID CES PA NI SNANG BA LA SOGS PA'I RANG BZHIN NO, ,KHAMS PHRA BA NI 'OD GSAL BA'O, ,SKAD CIG RE RE ZHING ZHES PA LA, ,SKAD CIG DANG THANG CIG DANG YUD TZAM MIG BTZUMS DANG THAL MO BRDEBS [?] PA LA SOGS PA'O, ,RJES SU MYONG BA LA SOGS PAS 'DOD CHAGS DANG BRAL BA LA SOGS PAS RANG BZHIN GYI TSOGS BRGYA DRUG CU DE'I BDAG NYID KYIS NYAMS SU MYONG NAS SLAR YANG 'OD GSAL BA NYID DU 'JUG PAR BYA ZHES BSTAN TO, ,JI SKAD DU, CHU 'DZIN DU MA SNA TSOGS PA, ,MDOG DANG DBYIBS NI THA DAD PA, ,NAM MKHA'I DBYINGS LAS BYUNG NAS NI, ,DE NYID DU NI THIM 'GYUR BZHIN, ,DE BZHIN RANG BZHIN THAMS CAD NI, ,SNANG BA GSUM GYI RGYU CAN TE, ,MA LUS YUL LA 'JUG NAS NI, ,'OD GSAL BAR YANG 'JUG PAR 'GYUR, ,ZHES 'BYUNG NGO, ,SBAS PA NI YE SHES GSUM RNAM PAR SPYOD PAS SO, ,RIL POR 'DZIN PA DANG

, ,RJES SU GZHIG PA'I RIM GYIS ZHES PA NI RE ZHIG DANG PO RNAL 'BYOR BAS LTE BAR RTZIBS BRGYAD PA'I CHOS KYI DBYINGS KYI 'KHOR LO LA 'OD 'BAR BA'I YI GE RAm LA BLTAS TE, DE LAS BYUNG BA'I 'OD ZER GYI TSOGS KYI SPYI BO NAS RKANG PA'I BAR DU BSREG PAR BYA STE, 'OD GSAL BA'I RANG BZHIN DU GNAS PA GANG YIN PA DE NI RIL POR 'DZIN PA ZHES BYA BA TING NGE 'DZIN TO, ,'OD ZER GYI TSOGS DE NYID KYIS BRTAN PA DANG G-YO BA'I 'JIG RTEN GYI KHAMS DANG PO SNANG BA MED PAR BYAS LA, PHYIS BDAG NYID KYANG DE BZHIN DU BYA BA GANG YIN PA DE NYID RJES SU GZHIG PA'I TING NGE 'DZIN TO, ,DE DAG GIS SNANG BA MED PAR BYAS PA NI 'OD GSAL BAR BYED PA'O, ,MTHAR THUG PA DE KHO NA NYID BZHI PA BSTAN PAS SO, ,DON YOD PAR GRUB PA ZHES BYA BA NI BYA BA NAN TAN GRUB PA'I YE SHES CAN NO, ,DAM TSIG SGROL MA NI DAM TSIG GI RIGS LAS 'BYUNG BA'I PHYIR RO, ,DE'I RNAM PAR THUGS RTZE GCIG PA ZHES PA NI SGROL MA'I BSKYED PA'I RIM PA'I MTSAN NYID CAN NO, ,SGRA JI BZHIN PA NI BSKYED PA'I RIM PA TZAM BSTAN PA'I PHYIR RO, ,DON YOD PAR GRUB PA ZHES BYA BA LA, DAM TSIG NYAMS PA LA SOGS PA'I SKYON BZLOG PA'I DON DU RTZOL BA BSTAN PA'I PHYIR RO, , DRANG BA'I DON NI BSKYED PA'I RIM PA TZAM 'DOD PAS SO, ,RDO RJE YE SHES NI BYA BA NAN TAN GRUB PA'I YE SHES SO, ,NGES PA'I DON NI RNAM PAR DAG PA'I NGO BO NYID DE KHO NA NYID BSTAN PA'I PHYIR RO, ,SGRA JI BZHIN PA NI SNGA MA BZHIN NO, ,LHA MO BZHI PO'I DE DAG LHAN CIG SPYOD PA STE, DE BZHIN GSHEGS PA RNAMS SNYOMS PAR ZHUGS PAR MNGON PAR 'DOD PA'O, ,DE RNAMS DANG LHAN CIG CES BYA BA LA SOGS PAS DE BZHIN GSHEGS PA RNAMS LA DE DANG YANG DAG PAR SBYOR BAS, BSOD NAMS DANG YE SHES KYI TSOGS PHUN SUM TSOGS PA 'GRUB PAR 'GYUR RO, ,'DOD PA'I DBANG PHYUG YIN PAS ZHES PA NI 'KHYUD PA DANG 'O BYAS PA DANG 'JIB PA LA SOGS PA'I MTSAN NYID CAN LONGS SPYOD PA'I MCHOG GI KHYAD PAR RGYU YIN PAS, BTZUN MO MCHOG GI PHUN SUM TSOGS PA'I SGRAS SPYAN LA SOGS PA'I RIGS KYI YUM BSHAD DO, ,SGRA JI BZHIN PA NI LHA MO NYE BAR SDUD PA'I DON TZAM

SO SOR BSTAN PAS SO, ,RNAM PAR SNANG MDZAD NYID KYIS DBANG BSKUR BA'I RDO RJE ZHES PA NI 'PHAGS PA GSHIN RJE GSHED PO DPAL RNAM PAR SNANG MDZAD KYI COD PAN CAN YIN PA'I PHYIR RO, ,DKYIL 'KHOR BSKYED PA GANG YIN PA ZHES PA NI KHRO BO'I RGYAL PO RNAMS SRUNG BA'I 'KHOR LO YIN PA'I PHYIR RO, ,SGRA JI BZHIN PA NI BSKYED PA'I RIM PA TZAM BRJOD PAS SO, ,DMYAL BA ZHES PA NI YI DAGS KYI LHAG PAR BDAG PO'O, ,KHRO BO CHEN PO'I TING NGE 'DZIN GYIS ZHES PA NI THABS LA MKHAS PA DANG LDAN PA'I KHRO BO'I TING NGE 'DZIN GYIS ZHES BYA BA'I BAR RO, ,DRANG BA'I DON NI KHRO BO'I RNAM PA BRJOD PAR 'DOD PA'I PHYIR RO,, RMONGS PA'I MUN PA STE ZHES PA NI KUN GZHI RNAM PAR SHES PA'I NGO BO NYID DO, ,MA RIG PA NI DE'I KHYAD PAR RO, ,DON DAM PA'I BDEN PA SHES PA NI PHYAG RGYA DANG SNGAGS KYIS THOB PAR BYA BA'I SEMS RNAM PAR DAG PA'I MTSAN NYID CAN GYI 'OD GSAL BAS SO, ,DES PA'I DON NI SEMS RNAM PAR DAG PA NYID BSTAN PAS SO, ,SGRA JI BZHIN PA NI SNGA MA BZHIN NO, ,RIN CHEN 'BYUNG LDAN ZHES PA NI DE BZHIN GSHEGS PA THAMS CAD KYI NANG NA CHOS KYI RGYAL SRID KYI BDAG PO'I MTSAN NYID KYIS MNGON PAR BYANG CHUB THOB PA'I PHYIR DANG NAM MKHA' MDZOD KYI TING NGE 'DZIN DANG LDAN PA'I PHYIR RO, ,DE'I COD PAN DU RDO RJE GANG LA YOD PA ZHES PA NI 'PHAGS PA GZHAN GYIS MI THUB PA NI RIN CHEN 'BYUNG LDAN GYI RIGS YIN PA'I PHYIR RO, ,DRANG BA'I DON NI SHES RAB MTHAR BYED KYI BSKYED PA'I RIM PA TZAM BSTAN PA'I PHYIR RO, ,'OD GSAL BA ZHES PA NI RIM PA GNYIS PAS THOB PAR BYA BA DE KHO NA NYID DO, ,NGES PA'I DON NI RDZOGS PA'I RIM PA BRJOD PAS SO, ,SHES RAB KYIS NI MTHONG BA DANG BSGOM PA'I LAM GYI MTSAN NYID KYI BLOS SO, ,NYON MONGS PA ZHES PA NI KHAMS GSUM LA GNAS PA'I 'DOD CHAGS LA SOGS PA'O, ,DE LA MDOR BSDUS PA NI 'DIR BDEN PA BZHI PO LA BRTEN TE, NYON MONGS PA SPONG BAR BYED PA YIN TE, DE LA SDUG BSNGAL GYI BDEN PA LA BRTEN TE, MTHONG BA'I LAM GYI NYON MONGS PA BCU SPONG BA YIN TE, 'DI LTA STE, 'DOD CHAGS DANG, KHONG KHRO DANG, GTI MUG DANG, NGA RGYAL DANG, THE TSOM DANG LNGA'O, ,LTA BA YANG RNAM PA LNGA YIN TE, 'JIG TSOGS KYI LTA BA DANG, MTHAR

, ,'DZIN PA'I LTA BA DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'I LTA BA'O, ,KUN 'BYUNG GI BDEN PA LA BRTEN PA BDUN SPANG BAR BYA STE, 'JIG TSOGS KYI LTA BA DANG, MTHAR 'DZIN PA'I LTA BA DANG, TSUL KHRIMS DANG BRTUL ZHUGS MCHOG TU 'DZIN PA'I LTA BA MA GTOGS PAS SO, ,'GOG PA'I BDEN PA LA BRTEN TE BDUN PO DE NYID DO, ,LAM GYI BDEN PA LA BRTEN TE MTHONG BA'I LAM GYIS SNGAR BSHAD PA'I NYON MONGS PA BDUN DANG, TSUL KHRIMS DANG, BRTUL ZHUGS MCHOG TU 'DZIN PA'I LTA BA STE SPANG BAR BYA BA'O, ,BSGOM PAS SPANG BAR BYA BA NI BZHI STE, 'DOD CHAGS DANG, KHONG KHRO DANG, NGA RGYAL DANG, MA RIG PA'O, ,DE LTAR 'DOD PA'I KHAMS SUM CU RTZA DRUG NYON MONGS PA SPANG BAR BYA BA YIN NO, ,DE BZHIN DU NI GZUGS DANG GZUGS MED PA'I KHAMS SU KHONG KHRO BCU MA GTOGS PAR DGU BCU RTZA BRGYAD DU 'GYUR RO, ,GCIG TU BSDUS TE, MTHONG BA'I LAM GYIS BRGYAD CU RTZA BRGYAD SPANG BA DANG, BCU NI BSGOM PA'I LAM GYIS SPANG BAR BYA'O, ,GANG YANG NYON MONGS PA'I CHOS GZHAN RNAMS 'DU BYED KYI PHUNG POR 'DUS PA DE DAG NYE BA'I NYON MONGS PA KHO NA YIN TE, DE DAG GANG ZHE NA, SGYU DANG, RGYAGS PA DANG, RNAM PAR 'TSE BA DANG, 'TSIG PA DANG, KHO NA 'DZIN PA DANG, G-YO LA SOGS PA RNAM PA DU MA'O, ,BCU NI KUN DU SBYOR BA STE, NGO TSA MED PA DANG, KHREL MED PA DANG, PHRAG DOG DANG, SER SNA DANG, RGYAGS PA DANG; 'GYOD PA DANG, GNYID DANG, RMUGS PA DANG, KHRO BO DANG, 'CHAB PA DANG, BCU'O, ,NYON MONGS PA DE DAG NI ZAG PA'I SGRAS BSHAD PA'O, ,DE LA ZAG PA GSUM DU 'GYUR TE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,DE LA 'DOD PA'I KHAMS SU SONG BA'I NYON MONGS PA NI MA RIG PA RNAM PA LNGA MA GTOGS PAR RDZAS SUM CU RTZA GCIG GI NGO BO NI 'DOD PA'I ZAG PA'O, ,DE BZHIN DU YANG GZUGS DANG GZUGS MED PA NA GNAS PA'I NYON MONGS PA NI MA RIG PA RNAM PA BCU MA GTOGS PAR RDZAS LNGA BCU RTZA GNYIS KYI

NGO BO SRID PA'I ZAG PA'O, ,KHAMS GSUM PA'I MA RIG PA NI RDZAS BCO LNGA'I BDAG NYID CAN NI MA RIG PA'I ZAG PA'O, ,DMIGS PA DANG YANG DAG PAR SBYOR BA DAG NI RJES SU 'GRO BAS NA NYON MONGS PA'O, ,SRID PA'I RTZE MO NAS MNAR MED PA'I BAR DU SKYE MCHED DRUG GI RMA NAS KUN DU 'KHOR BAR ZAG PAR BYED PAS NA ZAG PA'I DON TO, ,CHU BO BZHI STE, 'DOD PA DANG, SRID PA DANG, LTA BA DANG, MA RIG PA ZHES PA'O, ,DE LA 'DOD PA'I ZAG PA KHO NA 'DOD PA'I CHU BO'O, ,SRID PA'I ZAG PA NYID NI SRID PA'I CHU BO STE, LTA BA RNAMS MA GTOGS PA'O, ,KHAMS GSUM PA'I LTA BA DAG NI LTA BA'I CHU BO STE RDZAS SUM CU RTZA DRUG GO, ,MA RIG PA'I ZAG PA NYID NI, MA RIG PA'I CHU BO STE KHYER BAR BYED PAS SO, ,BZHI PO DE NYID NI SBYOR BA BZHI STE, SBYOR BAR BYED PAS NA SBYOR BA'I DON TO, ,LEN PA NI BZHI STE, 'DOD PA DANG, LTA BA DANG, TSUL KHRIMS DANG, BRTUL ZHUGS MCHOG TU 'DZIN PA DANG, BDAG TU SMRA BA'I LEN PA'O, ,DE LA 'DOD PA'I LEN PA NI RDZAS NYI SHU RTZA BZHI'O, ,GZUGS DANG GZUGS MED PA NA GNAS PA'I NYON MONGS PA NI BDAG TU LTA BA'I LEN PA STE, RDZAS SUM CU RTZA BRGYAD DO, ,LTA BA'I LEN PA NI RDZAS SUM CU'O, ,TSUL KHRIMS DANG BRTUL ZHUGS LEN PA NI RDZAS SU DRUG GO, ,BZUNG BAR BYED PAS NA LEN PA'I DON TO, ,MDUD PA BZHI STE, MNAR SEMS DANG, GNOD SEMS DANG, TSUL KHRIMS DANG, BRTUL ZHUGS MCHOG TU 'DZIN PA DANG, 'DI BDEN PA ZHES MNGON PAR ZHEN PA NI LUS KYI MDUD PA'O, ,SGRIB PA LNGA STE, 'DOD PA LA 'DUN PA DANG, GNOD SEMS DANG, GNYID DANG RMUGS PA DANG, RGOD 'GYOD DANG, THE TSOM MO, ,MTHONG BA'I LAM DU SHES PA BCU NI CHOS SHES PA DANG, RJES SU 'GRO BA SHES PA DANG, KUN RDZOB KYI SHES PA DANG, PHA ROL GYI SEMS SHES PA DANG, SDUG BSNGAL SHES PA DANG, KUN 'BYUNG BA SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,BZOD PA BRGYAD DE, SDUG BSNGAL LA CHOS SHES PA'I BZOD PA DANG, DE BZHIN DU SDUG BSNGAL LA RJES SU 'GRO BA SHES PA'I BZOD PA DANG, DE BZHIN DU KUN 'BYUNG BA DANG, 'GOG PA DANG, LAM DANG LAM GYI BDEN

, ,PA RNAMS LA SHES PAR BYA'O, ,SDUG BSNGAL LA CHOS SHES PA'I BZOD PA SKYE BAR GYUR PAS 'DOD PA THOB PA'I SDUG BSNGAL GYI MTHONG BAS SPONG BA NYON MONGS PA LA BRTEN TE 'GOG PAR 'GYUR RO, ,CHOS SHES PA YANG DE RNAMS KYI DE KHO NA MYA NGAN LAS 'DAS PA THOB PA LA BRTEN TE SKYE BAR 'GYUR RO, ,SDUG BSNGAL NYID RJES SU 'GRO BA'I SHES PA'I BZOD PA SKYE BAR 'GYUR BAS GZUGS DANG GZUGS MED PA NA GNAS PA'I SDUG BSNGAL MTHONG BAS SPONG BA'I NYON MONGS PA THOB PA BLANGS TE 'GOG PAR 'GYUR RO, ,RJES SU 'GRO BA SHES PA YANG DE RNAMS KYI MYA NGAN LAS 'DAS PA'I THOB PA BLANGS TE SKYE BAR 'GYUR RO, ,DE LA BZOD PA RNAMS NI BAR CHAD MED PA'I LAM MO, ,SHES PA NI GROL BA'I LAM MO, ,DE LTAR KUN 'BYUNG BA DANG, 'GOG PA DANG, LAM RNAMS SU SEMS BZHI BZHIR SHES PAR BYA'O, ,SEMS RNAM PA BCU DRUG GIS BAG LA NYAL BRGYAD CU RTZA BRGYAD SPANGS PAS BDEN PA BZHI PO MNGON DU GYUR BA DANG, RGYUN DU ZHUGS PA'I 'BRAS BU YANG THOB PAR 'GYUR RO, ,BSGOM PAS SPANG BAR BYA BA BCU LHAG PAR GYUR BA NI 'DOD PA NA GNAS PA BZHI DANG, GZUGS DANG GZUGS MED PA LA GNAS PA GSUM GSUM MO, ,DE LA 'DOD PA NA GNAS PA NI 'DOD CHAGS DANG, ,KHONG KHRO DANG, NGA RGYAL DANG, MA RIG PA GCIG TU BYAS TE, RNAM PA DGUR 'GYUR TE, DMAN PA DANG, BAR BA DANG, RAB KYI DBYE BAS SO, ,DE LA RAB KYI RAB NYON MONGS PA LA DMAN PA'I YANG DMAN PA 'PHAGS PA'I LAM NI GNYEN PO YIN NO, ,NYON MONGS PA'I RNAM PA DRUG SPANGS PA LAN CIG PHYIR 'ONG BA'O, ,RNAM PA DGU PO SPANGS PAS PHYIR MI LDOG PA'O, ,JI LTAR 'DOD PA NA GNAS PA'I NYON MONGS PA RNAM PA DGU DANG, DE RNAMS KYI YANG BAR CHAD MED PA DANG, RNAM PAR GROL BA'I LAM ZHES BYA BA DGU GNYEN PO YIN PA DE BZHIN DU YANG SA RE RE LA NYON MONGS PA RNAM PA DGU DGU DANG, DE RNAMS KYI GNYEN PO YANG DE BZHIN DU SHES PAR BYA'O, ,DE'I PHYIR SNGA MA SNGA MA SPONG BAS PHYI MA PHYI MA NYES PA RNAMS MI GNAS PAS SRID PA'I RTZE MO PA DMAN YANG DMAN PA NYON MONGS PA'I RNAM PA RAB TU SPANGS

PAS DGRA BCOM PAR 'GYUR RO, ,'BRAS BU BZHI'I BAR NA GNAS PA RNAMS NI LAM DU ZHUGS PAR SHES PAR BYA'O, ,SDUG BSNGAL BA LA SOGS PA 'PHAGS PA'I BDEN PA BZHI'I YUL CAN SKAD CIG MA BCO LNGA'I BDAG NYID MTHONG BA'I LAM DANG, BCU DRUG PA BSGOM PA'I LAM GYIS MDOR BSDUS TE, LAM GNYIS KYIS NYON MONGS PA RAB TU SPANGS BAR 'GYUR RO, ,JI SKAD DU, MA MTHONG MTHONG PHYIR MTHONG BA'I LAM, ,DER NI SKAD CIG BCO LNGA YIN, ,BCU DRUG PA NI BSGOM PA'I LAM, ,ZHES BYA BA LA SOGS PA 'BYUNG NGO, ,DE'I PHYIR MTHONG BA DANG BSGOM PA'I LAM LA DMIGS PA'I SHES RAB DE LTA BUS NYON MONGS PA RNAMS MTHAR BYED PAS NA SHES RAB MTHAR BYED DO, ,DRANG BA'I DON NI MI MTHUN PA DANG GNYEN PO'I LAM BRJOD DO, ,RNAM PAR RTOG PA'I BDAG NYID CAN NI SHES RAB STE ZHES PA LA, RTOG PA NI GSUM STE, SNANG BA DANG, SNANG BA MCHED PA DANG, SNANG BA THOB PA'O, , DE RNAMS SNGAGS DANG PHYAG RGYA'I RIM PAS 'OD GSAL BAR 'JUG PAS MTHAR BYED PAS SHES RAB MTHAR BYED DO, ,NGES PA'I DON NI SEMS RNAM PAR DAG PA BRJOD PAR 'DOD PA'I PHYIR RO, ,RDO RJE DAM TSIG GIS ZHES PA NI KHRO BO'I GZUGS DANG HA HA DGOD PA DANG GSOD PA LA SOGS PA DRAG PO LAS KYI RAB 'BYAMS RNAMS KYIS SO, ,GDUG PA NI BRGYA BYIN LA SOGS PA PHYOGS SKYONG BA RNAMS SO, ,DE RNAMS SKRAG PAR MDZAD PA NI DGUG PA DANG PHUR BUS GDAB PA DANG, BRDUNG BA'I MTSAN NYID DO, ,YANG NA ZHES BYA BA 'DIS PHYOGS GZHAN BSHAD PA YIN TE, 'JIG RTEN PA'I MKHA' 'GRO MA RNAMS NI, AU MA DANG, BDE PHYOGS MA DANG, DPAL MO DANG, GRAGS PA MA LA SOGS PA'O, ,DE RNAMS SKRAG PAR MDZAD PA NI NAN GYIS PHROGS TE LONGS SPYOD PA'O, ,KHRO BO'I GZUGS KYIS DE DAG GDUL BA'I PHYIR RO, ,JI SKAD DU, BDE MCHOG LAS, SANGS RGYAS THAMS CAD LHAG MOS PAS, ,SDIG MED STOBS KYIS MNAN NAS KYANG, ,GNOD DANG ZIL GYIS GNON PA YIS, ,'JIG RTEN THAMS CAD RAB 'JOMS BYED, ,SHIN DU GDUG PA DRAG PO MCHOG ,SEMS CAN KHAMS NI DU MA RNAMS, ,BYI SHOR RGU BA BCINGS PA YIS,,

, ,SEMS CAN KHAMS NI SBYOR BAR MDZAD, ,NAN GYIS SGYU MA'I SBYOR BA YIS, ,SDIG MED STOBS KYIS BKUG BYAS NAS, ,MTSON CHA LNGA YI GO BGO ZHING, ,'JIG RTEN KUN LAS RGYAL BAR 'GYUR, ,'GRO BA BRTAN DANG G-YO BA DAG, ,'GRUB PA THAMS CAD LAS RGYAL ZHING; ,SNA TSOGS GDUL BA'I THABS KYIS NI, ,RANG GI RGYAL SRID SKYONG BAR MDZAD, ,'DOD LDAN MA LA 'DOD 'GYUR ZHING, ,DRAG PO RNAMS LA DRAG PO MCHOG ,ZHI BA RNAMS LA ZHI BA MCHOG, ,GNOD BYED RNAMS LA GNOD BYED MDZAD, ,DBANG PHYUG DAM PA DGUG BYAS NAS, ,SDIG MED STOBS KYI NUS PA YIS, ,LHA MO 'JIGS MA DGUG BYAS NAS, ,RANG GI LONGS SPYOD KYIS NI SPYOD, ,KHYAB 'JUG DAG GI BKUG NAS KYANG, ,SDIG MED NUS PA'I STOBS KYIS NI, ,LHA MO DPAL MO DGUG BYAS NAS, ,RANG GI LONGS SPYOD KYIS DE SPYAD, ,SKYE DGU'I BDAG PO BKUG NAS KYANG, ,SDIG MED NUS PA'I STOBS KYIS NI, ,NUS PA'I LHA MO PHROGS BYAS NAS, ,RANG GI LONGS SPYOD KYIS DE SPYAD, ,'DOD PA'I LHA NI DGUG BYAS NAS, ,SDIG MED NUS PA'I STOBS KYIS NI, ,DGA' MA CHAGS MA DBROG BYAS NAS, ,RANG GI LONGS SPYOD KYIS DE SPYAD, ,DE LA SOGS TE MTHA' YAS MCHOG ,CHOS KYI DBYINGS DANG MNYAM MI MNYAM, ,NAM MKHA'I MTHA' YI MTHAR THUG PA, ,RDO RJE CHOS MCHOG DPA' BO RNAMS, ,ZHES 'BYUNG BAS SO, ,SGRA JI BZHIN PA NI DRAG PO'I SPYOD PA SO SOR BSTAN PAS SO, ,DE NYID 'BYUNG NAS NI RIGS SU GYUR PA ZHES PA LA, RTA MGRIN NI 'OD DPAG TU MED PA'I RIGS YIN PA'I PHYIR RO, ,DRANG BA'I DON NI BSKYED PA'I RIM PA TZAM BSTAN PAS SO, ,'OD GSAL BA ZHES PA NI CHOS THAMS CAD KYI SNYING POR GYUR PAS RIN THANG MED PA'O, ,DE NYID 'BYUNG GNAS NI BDAG BYIN GYIS RLOB PA'I RIM PAS 'BYUNG BA'I PHYIR RO, ,NGES PA'I DON NI SGYU MA LTA BU'I TING NGE 'DZIN BSTAN PAS SO, ,NYON MONGS PA RNAMS KYIS MA GOS SHING ZHES PA NI DE'I DBUS SU GNAS PA DANG DE RNAMS BSNYEN CING SO SOR SDUD PA DANG, BSAM GTAN GYI RIM PAS DE'I SKYON GYIS MI GOS PA'O, ,GANG GI PHYIR

'DOD CHAGS LA SOGS PA'I NYES PA RNAMS KYIS SO SO'I SKYE BO 'JIG PAR GYUR PA DE RNAMS KHO NA THABS KYIS BSTEN PAR GYUR PA NA BYANG CHUB SEMS DPA' RNAMS LA DE KHO NA NYID KYI 'BRAS BU STER BAR 'GYUR TE THABS LA MKHAS PA'I PHYIR RO, ,DON YOD GRUB PA'I RGYUD LAS KYANG, ,RMONGS PA GANG GIS 'CHING 'GYUR BA, ,MKHAS PA DE NYID KYIS GROL 'GYUR, ,DE LTAR BYANG CHUB BSGOM DON DU, ,'DI DAG PHYIN CI LOG PA YIN, ,ZHES 'BYUNG NGO, ,DKON MCHOG BRTZEGS PA LAS KYANG, 'DI LTA STE, 'OD SRUNGS BU RAM GYI ZHING NGAM, 'BRAS KYI ZHING DANG 'DAM BU'I ZHING LA LUD KYI PHUNG POS PHAN PAR 'GYUR TE, DE BZHIN DU YANG BYANG CHUB SEMS DPA' SEMS DPA'I CHEN PO'I NYON MONGS PA KHO NA PHAN PAR 'GYUR TE, 'DI LTA STE, 'OD SRUNGS KI TA KI'I ME TOG SPOS KYI GLANG POS ZOS PAR GYUR NA GLA RTZI'I DNGOS POR 'GYUR RO, ,DE NYID GZHAN DAG GIS ZOS PA NA MI GTZANG BA'I GZUGS SU 'GYUR RO, ,DPAL MCHOG DANG PO LAS KYANG, 'DOD CHAGS ZHE SDANG GTI MUG NI, ,'JIG RTEN NA NI DUG CHEN GSUM, ,DUG NYID DU NI BSTEN PA NA, ,DUG NYID DU NI NYE BAR 'GRO, ,BDUD RTZI REM PAS BSTEN PA NA, ,DE BZHIN BDUD RTZI NYID DU 'GYUR, ,ZHES 'BYUNG NGO, ,RAB TU BYED PA LAS KYANG; SEMS GANG GIS NI BYIS PA RNAMS, ,'KHOR BAR 'CHING BA NYID DU 'GYUR, ,SEMS DE NYID KYIS RNAL 'BYOR PA, ,BDE BAR GSHEGS PA'I GNAS SU 'GRO, ,ZHES SO, ,SBYOR BA NI GANG DANG GANG KHYAD PAR CAN GYI BUD SHING SKAM PO'I RGYU LAS ME LA SOGS PA DE DANG DE RNAMS SREG PA DANG, 'TSOD PA LA SOGS PA'I BYA BA BYED PAR MTHONG NGO, ,BSAM PA BZANG POS NYE BAR SPYOD PA'I 'DOD PA'I YON TAN LNGA KHYAD PAR CAN GYI THAR PA'I MTSAN NYID CAN GYI 'BRAS BU STER BAR 'GYUR ZHES MTHUN PA'I DPE'O, ,GANG RGYU KHYAD PAR CAN LAS MA SKYES PA ME LA SOGS PA DE DAG DON GYI BYA BA SGRUB PAR BYED PAR MI NUS TE; KHYAD PAR MA YIN PA'I BSAM PAS GZUGS LA SOGS PA'I YUL RNAMS SPYAD PAR GYUR PA NA KHYAD PAR CAN GYI 'BRAS BU STER BAR BYED PAR MI 'GYUR ZHES MI MTHUN PA'I DPA'O, ,RGYU KHYAD PAR CAN GYI BSAM PAS GZUGS LA SOGS PA RANG BZHIN GYI GTAN TSIGS SO, ,DE BAS NA BYANG CHUB SEMS

, ,DPA' RNAMS KYI THABS LA MKHAS PA NYID GANG GIS YUL RNAMS SPYAD PA NA YANG DE ZHEN PA LAS BYUNG BA'I SKYON RNAMS KYIS GOS PAR MI 'GYUR TE PADMA BZHIN NO ZHES DPE'O, ,RIGS PA 'DIS DE NYID 'JIGS PAR MDZAD PA NA ZHES GSUNGS SO, ,DRANG BA'I DON NI THABS LA MKHAS PA NYID TZAM BSTAN PAS SO, ,PADMA NI SKYE GNAS ZHES PA LA, PHYAG RGYA'I CHOS 'BYUNG BA'O, ,MTHAR NI NANG STE, 'DOD PA'I GDUGS SO, ,DER DBANG PO GNYIS SNYOMS PAR ZHUGS PA'I THABS KYIS ZHES PA NI GSANG BA'I RDO RJE DANG CHU SKYES DANG PHRAD PA'I MTSAN NYID KYIS SO, ,MCHOG TU DGA' BA'I BDE BA ZHES PA NI THA MAL PA MA YIN PA'I BDE BA CHEN PO SKYED PAR BYED CING GSAL BAR MDZAD DO, ,DGONGS PA NI 'DI YIN TE, PADMA MTHAR BYED 'OD DPAG TU MED PA'I RIGS CAN YIN PAS BYANG CHUB SEMS KYI NGO BO NYID DO, ,DE YOD PAS MCHOG TU DGA' BA YANG DAG PAR 'GYUR GYIS GZHAN DU MA YIN NO, ,PADMA RDO RJE'I ZHAL SNGA NAS KYIS KYANG, ,DNGOS GRUB KUN GYI GTER GYUR PA'I, ,BYANG CHUB SEMS NI LHUNG GYUR NA, ,RNAM SHES PHUNG PO BRGYAL 'GYUR BAS, ,BLA MED DNGOS GRUB GA LAS 'GYUR, ,ZHES 'BYUNG BAS SO, ,RDO RJE PHRENG BA LAS KYANG, ,RIN CHEN RGYAL PO DPAG MED GNYIS, ,'KHOR BA BSGRUB PA'I RTZA BA YIN, ,ZHES BYA BA LA SOGS PA 'BYUNG NGO, ,DE LTA NA YANG SNYOMS PAR ZHUGS PA'I THABS KYIS BDE BA CHEN PO SKYE BAR 'GYUR ZHES MI RIGS TE, CI'I PHYIR ZHE NA, DE NAM MKHA' BZHIN DU 'DUS MA BYAS PA'I PHYIR RO, ,GANG GI PHYIR RGYU GANG GIS KYANG NAM MKHA' MI BSKYED CING 'GOG PAR YANG MI NUS TE, RTAG PAR YIN PA'I PHYIR RO, ,DE BZHIN DU NI 'OD GSAL BA'I DE KHO NA NYID CHOS THAMS CAD KYI NGO BO NYID THABS GANG GIS KYANG MI BSKYED CING 'GOG PAR YANG MI NUS SO, ,GAL TE DE NI BSKYED PAR BYA BA YIN NA NI DE'I TSE, 'DUS BYAS PAS 'JIG PA'I CHOS CAN DU THAL BAR 'GYUR RO, ,'JIM PA LA SOGS PA'I RGYU RNAMS KYIS BSKYED PAR 'GYUR BA'I BUM PA BZHIN NO, ,GANG GI PHYIR CHOS NYID NI CHOS GANG GIS KYANG 'BREL BAR MI 'GYUR ZHING BRAL BAR YANG MI 'GYUR RO, ,DE DANG LDAN PA YIN NA THA MAL PA'I SKYES BU BZHIN DU BYIS PA DANG, LANG TSO DANG, GNAS SKABS BAR PA

DANG, RGAS PA DANG, SHI BAR THAL BAR 'GYUR RO, ,'PHAGS PA BYAMS PAS, ,CHOS KYI DBYINGS NI DBYER MED CING ,RIGS NI THA DAD RUNG MA YIN, ,GZHI YI CHOS KYI DBYE BA YIS, ,DE YI DBYE BA RAB TU GRAGS, ,ZHES 'BYUNG NGO, ,DE BZHIN DU, JI LTAR RLON PA CHU SHING SDONG BU NI, ,SNYING PO 'DOD PA'I SKYES BUS RNAM DPYAD NA, ,PHYI DANG NANG MED SNYING PO YOD MI SNANG, ,DE LTAR CHOS RNAMS THAMS CAD SHES PAR GYIS, ,ZHES 'BYUNG NGO, ,RIGS PA DRUG CU PA LAS KYANG, ,MI RTAG BSLUS PA'I CHOS DANG LDAN, ,KHONG STONG STONG PA BDAG MED PA, ,DNGOS DANG DNGOS MED LA MKHAS PAS, ,RNAM PAR DBEN PA ZHES MTHONG NGO, ,RTOG PA MED CING DMIGS PA MED, ,BKOD PA MED CING GNAS MED PA, ,MA RIG SA BON LAS BYUNG BA'I, ,THOG MA THA MA BAR MA MED, ,CHI SHING NANG LTAR SNYING PO MED, ,DRI ZA'I GRONG KHYER DANG MTSUNGS PA, ,GZHAN DAG RMUGS BYED 'JIGS PA STE, ,'GRO BA SGYU MA BZHIN DU SNANG, ,ZHES 'BYUNG NGO, ,DE BZHIN DU, BDAG LAS MA YIN GZHAN LAS MIN, ,GNYIS KA LAS MIN RGYU MED MIN, ,DNGOS PO GANG DANG GANG DU YANG, ,SKYE BA NAM YANG 'THAD MA YIN, ,ZHES 'BYUNG NGO, ,RAB TU BYED PA LAS KYANG, ,'DIR NI KHA CIG MI SKYE ZHING, ,KHA CIG KYANG NI 'CHI MI 'GYUR, ,SEMS KYI NGO BOR RNAM GNAS PA'I, ,'KHOR BA NYID DU SHES PAR BYA, ,ZHES 'BYUNG NGO, ,SRID PA 'PHO BA'I MDO LAS KYANG, ,DNGOS PO LAS KYANG DNGOS MI SKYE, ,DNGOS MED LAS KYANG SKYE MI 'GYUR, ,DNGOS PO RTAG TU SKYE BA NI, ,'KHRUL PAS NAM MKHA'I ME TOG BZHIN, ,ZHES 'BYUNG NGO, ,KAMPA LA'I ZHAL SNGA NAS KYIS KYANG, ,DE NYID YANG DAG MTHA' YIN TE, ,DE NYID DE BZHIN DE STONG NYID, ,DE NYID MNYAM NYID DE GROL BA, ,DE NYID RNAM RIG TZAM NYID DE, ,CHOS KUN NANG DU CHUD PA'I PHYIR, ,RING POR MA YIN GAM DU MIN, ,DE NYID RTOGS PAR DKA' BA'I PHYIR, ,DE YI NGO BO SPYOD MI 'GYUR, ,ZHES GSUNGS PA'I PHYIR RO, ,DE BAS NA DANG PO MA SKYES PA'I RANG BZHIN GYI DE KHO NA NYID THABS KYI DBANG GIS JI LTAR SKYE BAR 'GYUR ZHE NA, 'DIR SMRAS PA, DE KHO NA NYID NI THABS GANG GIS KYANG SKYE BAR MI 'GYUR TE, RANG BZHIN GYIS GRUB PA'I

, ,PHYIR RO, ,'ON KYANG DE RANG BZHIN GYIS GRUB KYANG DE'I DBANG PO GNYIS SNYOMS PAR ZHUGS PA GSAL BAR BYED PA'I RGYU YIN GYI SKYED PAR BYED PA NI MA YIN NO, ,GANG GI PHYIR RGYU NI RNAM PA BCU YANG YIN TE, SKYE DANG GNAS DANG GSAL BYED DANG, ,'GYUR BA RKYEN DANG THOB PA DANG, SBYOR DANG GZHAN DANG RTEN DANG NI, ,RGYU NI RNAM PA BCU RU BSHAD, ,CES 'BYUNG NGO, ,DE NYID KYI PHYIR GSAL BA TZAM RGYU YIN NA, DE KHO NA NYID LA SKYED PA'I SKYON DU THAL BAR MI 'GYUR RO, ,'ON TE SKAD KYI DBYINGS DON DU MA YIN PAS MDZAS PA'I SGRA NI GSAL BAR BYED PA TZAM LA 'JUG GI BYED PA PO'I NUS PA LA MA YIN NO ZHES SHIN TU RGYAS PAS CHOG GO, ,DA NI RNAL MA DPYAD PAR BYA STE, ,SGRA JI BZHIN PA NI KHRO BO'I RGYAL PO DBYINGS TZAM BSTAN PAS SO, ,DON YOD PAR GRUB PA NI, DE BZHIN GSHEGS PA THAMS CAD KYI SKU LA SOGS PA'I NANG DU 'DUS PA'I PHYIR RO, ,DON YOD GRUB PA NI PHRAG DOG RNAM PAR DAG PA'I NGO BO PHRAG DOG YANG ZHE SDANG LAS BYUNG BA STE, ZHE SDANG GI NGO BO NYID THUGS RDO RJE 'DZIN PA'I RIGS SU 'DUS PAR 'GYUR RO, ,YANG NA 'DOD CHAGS LAS BYUNG BA YIN NA, SNANG BA MTHA' YAS KYI RIGS SU 'DUS PAR 'GYUR RO, ,DE NYID RDO RJE ZHES PA NI RIGS SAM RGYAS BTAB PAS SO, ,DRANG BA'I DON ZHES BYA BA 'PHAGS PA BDUD RTZI 'KHYIL PA KHRO BO BRJOD PAR 'DOD PA'I PHYIR RO, ,RNAM PAR DAG PA'I GNAS NI 'OD GSAL BA STE, SEMS RNAM PAR DAG PA'I RIM PAS THOB PAR BYA BA'I SEMS KYI DE KHO NA NYID DO, ,NGES PA'I DON ZHES BYA BA NI SEMS RNAM PAR DAG PA'I RIM PAS SO SOR BSTAN PAS SO, ,BGEGS RNAMS MTHAR MDZAD CING 'JIGS PAR MDZAD PAS NA ZHES PA NI DE LA BGEGS NI BDUD BZHI STE, DE RNAMS LA RDO RJE LTA BU'I TING NGE 'DZIN GYIS MTHAR BYED PAS NA BGEGS MTHAR BYED DO, ,DRANG BA'I DON NI BDUD 'JOMS PA RNAM PAR BSTAN PAS SO, ,KHAMS BZHI PO STE ZHES PA NI SA LA SOGS PA'O, ,'PHEL BA DANG 'GRIB PA ZHES PA NI SKYE BA DANG 'JIG PA DAG GIS SO, ,LUS GZIR BAS NA ZHES PA NI LUS KYIS NYE BAR MTSON PA'I SEMS GZIR BAS SO, ,DE RNAMS THABS KYI YE SHES SHAR BAS NA, ,ZHES PA NI SNANG BA MCHED PA'I YE SHES YANG DAG PAR

'BYUNG BAS SO, ,SNANG BA LA SOGS PA'I YE SHES KYI TSOGS KYIS RNAM PAR RTOG PA'I BDAG NYID SEMS RNAM PAR 'JIG CING NYAMS PAR MDZAD DO, ,NGES PA'I DON NI SEMS RNAM PAR DAG PA'I RAB TU BSTAN PA'I PHYIR RO, ,DKYIL 'KHOR PA RNAMS MNYES PAR BYED PA'I PHYIR ZHES PA NI DKYIL 'KHOR GYI BDAG PO DANG BCAS PA'I DKYIL 'KHOR BA RNAMS BRGYA BYIN LA SOGS PA'I BGEGS KYI RNAM PAR G-YENG BA LAS BSRUNG BAS MNYES PAR MDZAD PA ZHES BYA BA'I DON TO, ,DE BAS NA BGEGS THAMS CAD RNAM PAR 'JOMS PA'I PHYIR RO ZHES PA NI BRGYA BYIN LA SOGS PA PHYOGS SKYONG RNAMS 'JOMS PAR MDZAD PAS SO, ,SGRA JI BZHIN PA NI KHRO BO'I RGYAL PO DANG 'BREL BA'I SKU TZAM STON PA'I PHYIR RO, ,GZHUNG DE TZAM GYIS NI DKYIL 'KHOR RGYAL BA MCHOG GI TING NGE 'DZIN BSTAN TO, ,DKYIL 'KHOR GYI 'KHOR LO YONGS SU RDZOGS PAR BYA BA'I PHYIR DKYIL 'KHOR PA GZHAN RNAMS GYI 'BREL PA MKHAN GYIS LUNG GI TSAD MA NYID BSTAN PAR BYA BA'I PHYIR, DE LTAR SGO RNAM PA BZHIR BKOD NAS ZHES SMOS TE, GSHIN RJE GSHED DANG, SHES RAB MTHAR BYED DANG, PADMA MTHAR BYED DANG, BGEGS MTHAR BYED RNAMS NI SHAR DANG LHO DANG NUB DANG BYANG GI SGO RNAMS SU DGOD PAR BYA'O, , SHAR GYI MTSAMS NAS BRTZAMS TE ZHES PA NI ME DANG, BDEN BRAL DANG RLUNG DANG DBANG LDAN GYI MTSAMS RNAMS SU'O, ,MI G-YO BA LA SOGS PA DGOD PAR BYA'O ZHES PA NI MI G-YO MGON DANG 'DOD PA'I RGYAL PO DANG DBYUG SNGON CAN DANG STOBS PO CHE DGOD PA NI BSAM PAR BYA'O, ,SHAR PHYOGS SU NI SNAM BU ZHES BYA BA LA SOGS PAS NANG GI DKYIL 'KHOR GYI PHYI ROL DU SNAM BU BZHI LA NI SHAR DU SA'I SNYING PO DANG BYAMS PA DAG GO, ,LHO'I SNAM BU LA NAM MKHA'I SNYING PO DANG PHYAG NA RDO RJE DAG GO, ,NUB KYI SNAM BU LA 'JAM DPAL DANG 'JIG RTEN DBANG PHYUG GO, ,BYANG GI SNAM BU LA NI KUN DU BZANG PO DANG SGRIB PA RNAM PAR SEL BA DAG DGOD PA NI BSGOM PAR BYA'O, ,NANG GI DKYIL 'KHOR ZHES PA NI GANG DU BCOM LDAN 'DAS MI BSKYOD PA DBUS SU BZHUGS PA DANG, SHAR LA SOGS PA'I PHYOGS SU RNAM PAR SNANG MDZAD DANG, RIN CHEN 'BYUNG LDAN DANG, SNANG BA MTHA' YAS DANG, DON YOD GRUB PA

, ,DGOD PA'O, ,MTSAMS SU NI SANGS RGYAS SPYAN DANG, M'A MA K'I DANG, GOS DKAR MO DANG, SGROL MA DGOD PAR BYA'O, ,DE'I DKYIL 'KHOR GYI PHYI ROL GYI BYANG SHAR GYI MTSAMS NAS BRTZAMS TE ZHES PA LA NANG GI DKYIL 'KHOR GYI PHYI ROL DANG BYANG CHUB SEMS DPA'I SNAM BU'I BAR DU GRVA RNAMS LA GZUGS RDO RJE LA SOGS PA DGOD DO ZHES PA NI GZUGS RDO RJE MA DANG, SGRA RDO RJE MA DANG, DRI RDO RJE MA DANG, RO RDO RJE MA RNAMS DGOD DO, ,REG BYA RDO RJE MA NI DBUS KYI BDAG PO LA BRTEN TE BZHUGS SO, ,STENG DANG 'OG DAG TU NI GNOD MDZES DANG GTZUG TOR DGOD DO ZHES RIG PAR BYA'O, , DE LTAR SUM CU RTZA GNYIS KYI BDAG NYID KYI DKYIL 'KHOR YIN NO, ,THAMS CAD KYI GDAN LA SOGS PA'I NGES PA NI ZHES BYA BA NI GDAN DANG SKU MDOG DANG PHYAG MTSAN LA SOGS PA'I NGES PA'O, ,SGRUB THABS SU BYAS PA NYID YIN NO ZHES PA NI MDOR BSDUS PA'I SGRUB THABS SAM YANG NA RANG GIS BYAS PA LAS ZHES BYA BA'I THA TSIG GO, ,DE LTAR NA SUM CU RTZA GNYIS KYI DKYIL 'KHOR GANG LAS RTOGS PAR BYA STE, BCU GSUM LAS MA BSTAN ZHE NA, SMRAS PA, LHA YI RNAL 'BYOR JI LTA BA, ,ZHES BYA BA LA SOGS PA NI LHA'I RNAL 'BYOR NI BSKYED PA'I RIM PA'O, ,DKYIL 'KHOR NI RTEN DANG BRTEN PA'I MTSAN NYID DO, ,GZHAN DAG TU BSHAD PA'I RGYUD LA SOGS PAR RO, ,RDZOGS PA NI MA LUS PA'O, ,BCOM LDAN 'DAS NI RDO RJE 'CHANG CHEN POS SO, ,MA GSUNGS PA NI MA BSTAN PA'O, ,SLOB DPON MED PAR 'JUG PAR MA GYUR CIG SNYAM DU DGONGS PA YIN NO ZHES PA LA, SLOB DPON DANG SLOB MA'I RIM PA JI LTA BA BZHIN DU GYUR CIG CES DGONGS NAS SO, ,GZHAN DU NA GLEGS BAM KLOG PA TZAM GYIS BDAG CAG SLOB DPON YIN ZHES SMOS PA RNAMS LA NGA RGYAL SKYE BAR GYUR PAS SO, ,DE BZHIN DU 'DIR YANG ZHES PA NI, ,DPAL GSANG BA 'DUS PA'I LE'U DANG PO LAS KYANG MA BSTAN TO, , SKU'I DKYIL 'KHOR ZHES BYA BA LA SOGS PA LA DKYIL 'KHOR GYI 'KHOR LO MA LUS PA NYE BAR SDUD PA'I DUS SU DKYIL 'KHOR PA THAMS CAD SKU'I DKYIL 'KHOR DU BSGOM PAR BYA'O, ,DE BZHIN DU PHYUNG PA'I DKYIL 'KHOR LA YANG ZHES PA NI PHYUNG BA'I DUS SU YANG LHA SUM CU RTZA GNYIS DE BZHIN DU

SPRO BAR BYA'O, ,DE LTA NA GANG MA GRUB PAS GRUB PAR BYED PA DE YANG MA GRUB PA NYID CES 'BYUNG BAS SKU'I DKYIL 'KHOR NYID LA YANG NGES PA 'DI DAG LAS 'GYUR ZHE NA, SMRAS PA, BCOM LDAN 'DAS NYID KYIS ZHES BYA BA LA SOGS PAS LAN BSTAN TO, ,BSHAD PA'I RGYUD CES PA NI, RDO RJE PHRENG BA LAS SO, ,'DUS PA RNAMS LA ZHES PA NI RNAL 'BYOR CHEN PO'I RGYUD GSANG BA 'DUS PA'I RNAL 'BYOR PA RNAMS LA'O, ,DON THE TSOM MED PAR ZHES PA NI GSANG BA 'DUS PA'I DKYIL 'KHOR GYI 'KHOR LO LHA BCU GSUM GYI BDAG NYID YIN NAM SUM CU RTZA GNYIS YIN ZHES THE TSOM MED PAR BYA BA'I PHYIR RO, ,DE NYID BSTAN PAR BYA BA'I PHYIR, SEMS ZHES BYA BA LA SOGS PA SMOS TE, SEMS DPA' CHEN PO ZHES PA NI KHRO BO'I RGYAL PO GSHIN RJE GSHED LA BOD PA'O, ,GANG GI PHYIR RDO RJE PHRENG BA'I RGYUD LAS NI GSHIN RJE GSHED KHO NA ZHU BA PO YIN NO, ,RDO RJE SLOB DPON LUS 'DI LA, ,ZHES PA NI RDO RJE SLOB DPON GYI LUS BSHAD PA'I SGO NAS RDO RJE 'CHANG BA'I SKU KHO NA BSTAN PAR 'GYUR TE, BDEN PAR RDO RJE SLOB DPON DANG RDO RJE 'CHANG CHEN POR DBYER MED PA YIN NO, ,RGYAL BA'I SKU ZHES BYA BA LA SOGS PA LA RGYAL BA DANG, RGYAL BA'I SRAS NI RGYAL BA'O, ,ZHES MI 'DRA BA RNAMS LA GCIG LHAG MA'I BSDU BA'O, ,DE NAS DE BZHIN GSHEGS PA DANG LHA MO DANG BYANG CHUB SEMS DPA' DANG KHRO BO RNAMS KYI SKU GNAS PA NYID BSTAN TO, ,DANG PO ZHES BYA BA NAS BRTZAMS TE RDO RJE SLOB DPON NYID KYI LUS ZHES BYA BA'I BAR DU NI GO SLA'O, ,'ON KYANG DKYIL 'KHOR PA THAMS CAD LA DE BZHIN GSHEGS PA'I TSIG GI KHYAD PAR NI LONGS SPYOD RDZOGS PA DANG SPRUL PA'I SKU DBYER MED PAR BSTAN PA'O, ,GZUGS LA SOGS PA YANG RNAM PAR DAG PAR SHES PAR BYA'O, ,GANG GI PHYIR RDO RJE PHRENG BA LAS, GZUGS RDO RJE MA LA SOGS PA RNAMS SKU'I DKYIL 'KHOR LA DGOD PA MA BSTAN TO ZHES PA NI LOGS NAS SMRA BAR BYA'O ZHE NA, DE NI MA YIN NO, ,DKYIL 'KHOR PA RNAMS KYI KHA DOG LNGA GANG YIN PA DE NI GZUGS RDO RJE MA'O, ,SNGAGS BRJOD PA'I SGRA'AM RJES SU CHAGS PA'I SGRA RDO RJE MA'O, ,ZHAL GYI DRI 'AM CHOS 'BYUNG BA'I DRI NI DRI RDO RJE MA'O, ,BDUD RTZI LA SOGS PA'I RO MYANG BA NI RDO RJE MA'O, ,RNAM PA SNA TSOGS

, ,LA SOGS PA'I SKAD CIG MAS THOB PAR BYA BA'I BDE BA CHEN PO NYAMS SU MYONG BA'I MTSAN NYID CAN RANG RIG PA'I RNAM PAR DAG PA'I NGO BO NYID NI REG BYA RDO RJE MA'O, ,RDO RJE SLOB DPON NYID KYI LUS, ,ZHES BYA BA LA SOGS PAS PHUNG PO LA SOGS PA RNAM PAR DAG PA'I TSUL DU BSTAN PA'O, ,RDO RJE CAN NI RDO RJE SLOB DPON GYI GZUGS CAN RDO RJE SEMS DPA'O, ,SBYANGS ZHES PA NI DON DANG LDAN PA'I BSTAN BCOS BSTAN PA'O, ,MYA NGAN 'DAS PA 'JUG 'GYUR ZHING, ,ZHES PA NI RDO RJE 'CHANG CHEN PO'I GNAS THOB PAR BYED PA'O, ,KHYOD KYI RIGS NI YONGS SMIN PAS, , ZHES PA NI BYA BA BYAS PA'I PHYIR RO, ,BCOM LDAN MYUR DU MYA NGAN 'DAS, ,ZHES PA NI, KYE BCOM LDAN 'DAS KHYOD KYI SKU RDO RJE SLOB DPON GYI SKUR SNANG BAR 'GYUR TE, GZHAN LA LTOS PA MED PA'I PHYIR RO, ,DE BAS ZHES BYA BA LA SOGS PAS RDO RJE SLOB DPON GYI LUS LA SKU'I DKYIL 'KHOR NYE BAR BSDUS PA BSTAN TO, ,MTHONG NA DON NI YOD PA SKYE, ,ZHES BYA BA LA SOGS PAS MA 'ONGS PA'I DUS SU SEMS CAN THAMS CAD KYIS RDO RJE SLOB DPON KHO NA LA BSNYEN BKUR BYA ZHES LUNG BSTAN PA NYID DU GSUNGS SO, ,DE NAS MTHONG BA DON YOD BCAS, ,ZHES PA NI GSHIN RJE GSHED DANG LHAN CIG TU'O, , BYANG CHUB SEMS DPA' NI BYAMS PA LA SOGS PA'O, ,GRAGS PA CHE ZHES BYA BA NI 'GRO BA'I DON BYED PAS GRAGS PA THOB PA'O, ,DGA' ZHING MGU LA ZHES PA NI SKU'I DKYIL 'KHOR THOS PAS SO, ,RAB DANG BA NI DE BSAMS PAS SO, ,PHYAG 'TSAL NAS NI MCHI MA BLAGS, ,ZHES PA NI DE BSGOMS PAS SO, ,ZHES RDO RJE PHRENG BA LAS GSUNGS PA 'DIS LUNG TSAD MA NYID DU BSTAN TO, ,RIGS PA 'DIS ZHES PA NI SNGAR BSHAD PAS SO, ,BRI BA'I DKYIL 'KHOR DU YANG ZHES PA NI SGRUB PA'I DKYIL 'KHOR DU'O, ,LHA SUM CU RTZA GNYIS DGOD PAR BYA'O ZHES PA NI SNGAR BSHAD PA'I ZHAL DANG PHYAG MTSAN LA SOGS PA'I DBYE BA DANG LDAN PA'I LHA'I 'KHOR LO DGOD PAR BYA ZHES BYA BA'I DON TO, ,BSDUS PA'I DON NI GLENG GZHI'I TSIG GIS RGYUD KYI DON MA LUS PA SO SOR BSTAN NAS 'DOD CHAGS KYI RIGS CAN GDUL BAR BYA BA'I PHYIR, LHA MO DGU'I DBUS SU 'DOD CHAGS CHEN PO'I TING NGE 'DZIN BSTAN TO, ,DE'I RJES LA SGRUB PA'I THABS KYI RIM PAS RDO

RJE 'CHANG CHEN PO LA ZHUGS PA'I MTSAN NYID CAN THUGS RDO RJE 'DZIN PA DBUS KYI GTZO BO NYID YIN PAS DANG PO'I SBYOR BA ZHES BYA BA'I TING NGE 'DZIN BSTAN TO, ,PADMA'I NANG DU DAM TSIG GI DKYIL 'KHOR SPRUL PA DANG RNAM PAR SNANG MDZAD LA SOGS PA LHA'I 'KHOR LO SPRO BA DANG DGOD PA'I RIM PAS DKYIL 'KHOR RGYAL BA MCHOG GI TING NGE 'DZIN BSTAN TO, ,DE'I NANG DU DBANG BSKUR BA LA SOGS PA'I MTSAN NYID LAS KYI RGYAL BA MCHOG GI TING NGE 'DZIN DANG RDZOGS PA'I RIM PA YANG BSTAN TO, ,DE GLENG GZHI'I TSIG GI DON YIN TE, GANG GI PHYIR GLENG GZHI NI STON PA PO DANG NYAN PA PO DANG, GNAS PHUN SUM TSOGS PA GTZO BOR GYUR PA YIN NO, ,DE LA BCOM LDAN 'DAS ZHES BYA BA 'DIS STON PA PO PHUN SUM TSOGS PA GTZOR GYUR PA STE DANG PO'I SBYOR BA BSTAN TO, ,DE BZHIN GSHEGS PA THAMS CAD CES BYA BA LA SOGS PA 'DIS GZHI'I DKYIL 'KHOR GYI NGO BO DE NYID KYI YAN LAG STE GZHAL YAS KHANG PA SO SOR BSTAN PA'I PHYIR RO, BADZRA DHRi KA CES BYA BA LA SOGS PA PHYUNG PA'I DKYIL 'KHOR SPRO BA'I SGO NAS DKYIL 'KHOR RGYAL BA MCHOG GI TING NGE 'DZIN BSTAN TO, ,NGES PA'I DON GYI PHYOGS SU YANG DBANG BSKUR BA LA SOGS PA'I MTSAN NYID LAS KYI RGYAL BA MCHOG GI TING NGE 'DZIN DANG, RDZOGS PA'I RIM PA MTSON PA'O, ,BSKYED PA DANG RDZOGS PA'I RIM PA DAG LAS MA GTOGS PA'I RGYUD KYI DON GZHAN MED DO, ,DE NYID BSTAN PAR BYA BA'I PHYIR, GLENG GZHI ZHES BYA BA LA SOGS PA SMOS PA LA, GLENG GZHI NI DANG PO'I TSIG DANG DE'I LHAG MAR GYUR PA LE'U DANG PO'O, ,DBANG DU MDZAD NAS KYANG ZHES PA NI DE LA BRTEN PAS SO, ,DON GANG ZHES PA NI RIM PA GNYIS KYI MTSAN NYID DO, ,BSTAN PA ZHES PA NI SO SOR BSTAN PA'O, ,DE NYID DU NI ZHES PA NI GLENG GZHI'I TSIG KHO NA LA'O, ,RGYUD KYI DON ZHES PA NI RGYUD PHYI MA DANG LHAN CIG TU LE'U BCU BDUN GYI BDAG NYID CAN GYI DPAL GSANG BA 'DUS PA'I RGYUD KYI DON BSTAN TO, ,AA RGA LAS SBRANG THOB 'GYUR NA, ,CI YI PHYIR NI RI LA 'GRO, ,'DOD PA'I DON NI RNYED 'GYUR NA, ,MKHAS PA GANG GI YANG 'BAD BYED, ,CES TSIG LAS GLENG GZHI'I TSIG TZAM YONGS SU SHES PAS RNAL 'BYOR BA BYA BA BYAS PAR 'GYUR

, ,ZHES CI'I PHYIR BCOM LDAN 'DAS KYIS LE'U BCU BDUN GYI BDAG NYID BSTAN ZHE NA, SMRAS PA, LHAG MA ZHES PA LA, GLENG GZHI'I TSIG LAS GZHAN THAMS CAD RGYUD KYI LUS NI LHAG MA'O, ,DGOS PA LAS GZHAN NI LHAG MA YIN ZHES 'BYUNG NGO, ,ZHAR LA BYUNG BA ZHES PA NI GLENG GZHI'I TSIG GIS RGYUD KYI DON SHES KYANG DE'I SPOBS PA'I MTSAN NYID NI ZHAR LA BYUNG ZHES BYA BA'I DON TO, ,JI SKAD DU, SGRUB PA'I DE RNAMS NI LEGS PAR GZUNG BA YIN TE, GANG GI MTSAN NYID DANG SPROS PA YOD PA'O ZHES 'BYUNG NGO, ,DE BZHIN DU, YANG RGYAS PAR BSHAD PA NI SHIN TU GSAL BAR 'GYUR RO ZHES 'BYUNG BAS SO, ,GAL TE DE LTA YIN NA BSHAD PA'I RGYUD DANG, RGYUD PHYI MA DANG, YAN LAG GI RGYUD BCOM LDAN 'DAS KYIS CI'I PHYIR GSUNGS SHE NA, SMRAS PA, 'DIR NI BSKAL PA DANG PO 'DI LA BCOM LDAN 'DAS KYIS ZHAL GYI MAN NGAG KHO NA GSUNGS TE, DE TZAM GYIS GDUL BYA RNAMS KYI DNGOS GRUB THOB PAR 'GYUR RO, ,DE'I RJES SU ZHAL GYI MAN NGAG 'DZIN PAR NUS PA MED PAR GZIGS NAS RTZA BA'I RGYUD RNAMS GSUNGS PAS GLEGS BAM DU GRAGS SO, ,DE'I YANG RJES SU RTZA BA'I RGYUD KYIS KYANG RTOGS PA MED PAS RGYUD PHYI MA YAN LAG GI RGYUD GSUNGS SO, ,DE'I RJES SU RGYUD PHYI MA DANG YAN LAG GI RGYUD KYIS GANG GIS GSAL BAR MA GYUR PAS BSHAD PA'I RGYUD RNAMS KYANG GSUNGS TE, GANG GI TSE DE RNAMS KYIS KYANG RTOGS PAR MA GYUR NA DE'I TSE SNGON GYI SLOB DPON KHYAD PAR DU GYUR PA RNAMS KYIS 'GREL PA DANG, DKA' 'GREL DANG, t'I K'A DANG, RGYAN LA SOGS PA BYAS PA DANG, BYED PAR YANG 'GYUR RO, ,DE'I PHYIR NA DUS KYIS DBYE BA DANG, GDUL BYA'I BLO'I BYE BRAG LA BRTEN TE, BCOM LDAN 'DAS KYIS CHOS BSTAN PA NI MDOR BSDUS PA DANG RGYAS PAR GSUNGS PA ZHES ZHAR LA GSUNGS PA LA SKYON MED DO, ,SKU DANG GSUNG DANG THUGS GSANG BA LA GZIGS NAS ZHES PA LA DON NI 'DI YIN TE, BSKYED PA'I RIM PA'I PHYOGS SU RIGS LNGA NYE BAR BSDUS PA'I RIGS GSUM GYI NGO BO DE KHO NA NYID BSTAN PAS SKU GSUNG THUGS SO, ,GSANG BA NI DE YANG NYE BAR SDUD PAR BYED PA RDO RJE 'CHANG CHEN PO'I NGO BO NYID SO SOR BSTAN PAS SO, ,RDZOGS PA'I RIM PA LA

YANG LUS DANG NGAG YID RNAM PAR DAG PA'I NGO BO NYID RDO RJE BZLAS PA DANG, SEMS RNAM PAR DAG PA DANG, BDAG BYIN GYIS RLOB PA'I MTSAN NYID DANG MAN NGAG BZHI PA'I 'OD GSAL BA'I MTSAN NYID MNGON PAR BYANG CHUB PA'I RIM PA SO SOR BSTAN PA'I PHYIR, SKU GSUNG THUGS GANG YIN PA LA DE NYE BAR BSDUS PA MYUR DU YANG DAG PAR SKYES PA'I BDE BA GNYIS MI PHYED PA'I MTSAN NYID CAN MI GNAS PA'I MYA NGAN LAS 'DAS PA'I NGO BO NYID ZUNG DU 'JUG PA'I RIM PA SO SOR BSTAN PAR BYED PA'I PHYIR GSANG BA YANG YIN PAS SKU GSUNG THUGS KYI GSANG BA'O, ,GZIGS NAS ZHES PA NI THOS PA DANG BSAM PA DAG GIS SO, ,THUGS SU CHUD PAR ZHES PA NI BSGOM PAS SO, ,MDZAD PA NI RDO RJE 'CHANG CHEN PO LAS THOB NAS DBYANGS DE NYID DANG TSIG DE NYID DANG, DE DANG MTHUN PA'I DON GYIS SDUD PA POS RNAM PAR MDZAD PA'O, ,TING NGE 'DZIN GYI DKYIL 'KHOR NI PADMA'I NANG DU BSKYED CING SPRUL PA'I DKYIL 'KHOR RO, ,GSANG BA 'DUS PA ZHES PA NI SNGAR BSHAD PA'I DON DANG LDAN PA LA'O, ,BYIN GYIS RLOB PA ZHES PA NI SPRO BA DANG DGOD PA LE'U GANG LA YOD PA DE NI DE BZHIN GSHEGS PA THAMS CAD KYI TING NGE 'DZIN GYI DKYIL 'KHOR BYIN GYIS RLOB PA ZHES BYA'O, ,LE'U ZHES PA NI 'DI NI GRAGS PA'I SGRA STE RGYUD KYI DON YONGS SU GCOD PA'I MTSAN NYID SO SOR BSTAN PA'O, ,YANG NA SBYOR BA LA GRAGS PA'I SGRA'O, ,YAN LAG GI DON GYI DBYE BA'I SGO NAS GZUNG BAR BYA'O, ,SHA SBRANG DANG MCHU SNYUNG LA SOGS PA'I GNOD PA 'JOMS PAR BYED PA GOS SU GRAGS PA DE BZHIN DU, NYON MONGS PA DANG LAS DANG SKYE BA'I NYE BAR 'TSE BA 'JOMS PAR BYED PAS NA, GOS DANG 'DRA BAS NA GOS SO, ,'DIR BCOM LDAN 'DAS KYIS RTEN CING 'BREL PA YAN LAG BCU GNYIS PA'I MTSAN NYID SRID PA'I 'KHOR LO GSUNGS PA 'DI LTA STE, MA RIG PA DANG, 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, NYE BAR LEN PA DANG, SRID PA DANG, SKYE BA DANG, RGA SHI'O, ,DE LA DANG PO DANG BRGYAD PA DANG DGU PA NI MA RIG PA DANG, SRED PA DANG LEN PA NI NYON MONGS PA ZHES BYA BA'O, ,GANG GI PHYIR NYON MONGS PA THAMS

, ,CAD KYI RTZA BA NI MA RIG PA'O, ,GANG GI PHYIR MI RTAG PA DANG, MI GTZANG BA DANG SDUG BSNGAL BA DANG, BDAG MED PA RNAMS SU RTAG PA DANG GTZANG BA DANG, BDE BA DANG BDAG TU SNANG BA NI MA RIG PA STE, GTI MUG CHEN PO'I MUN PA'I MTSAN NYID YIN PA'I PHYIR RO, ,DE DANG LHAN CIG SPYOD PA NI SRID PA DANG DGA' BA DANG CHAGS PAR BCAS PA GANG GIS SRID PA'I LONGS SPYOD RNAMS LA 'DOD PA SKYE BA'O, ,DE DAG SRID PA SNGA MA MA RIG PA DANG SRID PA DAG GI 'GRO BA RIGS DRUG GI SRID PA'I 'KHOR LO MA LUS PA'I RTZA BA YIN NO, ,JI SKAD DU, BDAG YOD PA NI GZHAN GYI 'DU SHES TE, ,RANG DANG GZHAN GYI DBYE BAS CHAGS SDANG BYUNG, ,DE GNYIS PHAN TSUN KUN DU 'BREL PA LAS, ,SKYON RNAMS THAMS CAD RAB TU SKYE BAR 'GYUR, ,ZHES 'BYUNG NGO, ,LEN PA YANG DE DAG RGYAS PA'I MTSAN NYID PHUNG PO SO SOR LEN PA'O, ,DE LTAR NYON MONGS PA DE DAG GO, ,DE BZHIN DU GNYIS PA DANG BCU PA STE 'DU BYED DANG SRID PA DAG NI LAS SO, ,DE LA 'DU BYED NI GNYIS TE, SEMS DANG LDAN PA DANG SEMS DANG MI LDAN PA'O, ,DE LA SEMS DANG LDAN PA NI RNAM PA GSUM STE, DGE BA DANG, MI DGE BA DANG, LUNG DU MA BSTAN PA NI RNAM PA GNYIS TE, BSGRIBS LA LUNG DU MA BSTAN PA DANG, MA BSGRIBS LA LUNG DU MA BSTAN PA'O, ,DE LA GANG NYON MONGS PA DANG LDAN PA DE NI BSGRIBS LA LUNG DU BSTAN PA'O, ,GANG DE DANG BRAL BA DE NI MA BSGRIBS LA LUNG DU BSTAN PA'O, ,DE LA SEMS DANG LDAN PA NI SEMS PA DANG TSOR BA DANG 'DU SHES DANG 'DUN PA DANG REG PA DANG, BLO DANG DRAN PA DANG YID LA BYED PA DANG LHAG PAR MOS PA DANG, TING NGE 'DZIN DANG, DAD PA DANG, NGO TSA DANG KHREL DANG SER SNA MED PA DANG ZHE SDANG MED PA DANG, GTI MUG MED PA DANG, BRTZON 'GRUS DANG, SBYANGS PA DANG BAG YOD PA DANG BTANG SNYOMS DANG RNAM PAR 'TSE BA MED PA DANG, 'DOD CHAGS NAS BRTZAMS TE SPYOD PA'I BAR DU LNGA BCU RTZA GCIG GO, ,THOB PA DANG MA THOB PA DANG, SKAL PA MTSUNGS PA DANG, 'DU SHES MED PA DANG, 'GOG PA'I SNYOMS PAR 'JUG PA DANG, 'DU SHES MA YIN PA'I SNYOMS PAR ZHUGS PA DANG, SROG GI DBANG PO DANG, SKYE BA DANG, GNAS PA DANG, RGA BA DANG, MI RTAG PA DANG MING GI TSOGS DANG

TSIG GI TSOGS DANG YI GE'I TSOGS TE SEMS DANG MI LDAN PA NI BCU BZHI'O, ,SRID PA NI GSUM STE, 'CHI BA'I SRID PA DANG, BAR MA DO'I SRID PA DANG, SKYE BA'I SRID PA'O, ,DE DAG NI LAS TE, DGE BA DANG MI DGE BA'I NGO BO YIN PA'I PHYIR RO, ,LHAG MA BDUN NI SDUG BSNGAL CAN GYI RNAM GRANGS TE SKYE BA'O, ,RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG TSOR BA DANG SKYE BA DANG, RGA SHI'O, ,DE LA RNAM PAR SHES PA NI KUN GZHI RNAM PAR SHES PA DANG, NYON MONGS PA CAN GYI YID KYI RNAM PAR SHES PA DANG, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA STE BRGYAD DO, ,YANG NA LNGA STE, KUN GZHI DANG, NYON MONGS PA CAN GYI YID DANG, RANG DANG GZHAN GYI RGYUD LA GNAS PA'I DBANG PO'I RNAM PAR SHES PA DANG, 'JUG PA'I RNAM PAR SHES PA DANG, GZUGS LA SOGS PA'I SO SOR SNANG BA'I RNAM PAR SHES PA'O, ,YANG NA GSUM STE, RNAM PAR SMIN PA'I RNAM PAR SHES PA DANG, YID KYI RNAM PAR SHES PA DANG, 'JUG PA'I RNAM PAR SHES PA'O, ,'JUG PA'I RNAM PAR SHES PA DRUG PO GCIG TU BYAS TE, RNAM PAR SHES PA GCIG CES LA LA 'DOD DE, JI SKAD DU, DON DANG SEMS CAN BDAG RNAM RIG ,SO SOR SNANG BA RAB SKYE BA, ,RNAM PAR SHES PA DE DON MED, ,DE MED PAS NI DE YANG MED, ,GCIG NI RKYEN GYI RNAM SHES TE, ,GNYIS PA NYE BAR SPYOD PA CAN, ,LONGS SPYOD YONGS SU SPYOD PA DANG, SKUL BYED DE LA SEMS LAS BYUNG, ,ZHES 'BYUNG NGO, ,DE BZHIN DU YANG, RNAM BAR SMIN PA NGAR SEMS DANG, ,YUL LA RNAM PAR RIG PA'O, ,ZHES 'BYUNG NGO, ,DE BZHIN DU, GCIG PU NYID NI GNYIS SU SNANG, ,SEMS NYID RNAM PAR 'KHRUL PAS SO, ,GZUNG 'DZIN DAG GI DBYE BA YIS, ,SHIN TU MKHAS PAS CI MIN NAM, ,ZHES BYA BA LA SOGS PA 'BYUNG BAS SO, ,MING DANG GZUGS NI RNAM PA BZHI STE, TSOR BA DANG 'DU SHES DANG 'DU BYED NI GZUGS MED PA'I PHUNG PO'O, ,GZUGS NI GZUGS KYI PHUNG PO STE, ,DBANG PO DANG YUL DANG RNAM PAR RIG BYED MA YIN PA RNAM PA BCU GCIG

, ,GO, ,DE LTAR PHUNG PO BZHI'I BDAG NYID KYI MING DANG, GZUGS ZHES BYA'O, ,SKYE MCHED DRUG STE, MIG DANG, RNA BA DANG, SNA DANG, LCE DANG, LUS DANG, YID KYI SKYE MCHED DO, ,DBANG PO DANG YUL DANG RNAM PAR SHES PA 'DUS PA LAS SKYES PA NI REG PA'O, ,TSOR BA NI MYONG BA RNAM PA GSUM STE, BDE BA DANG, SDUG BSNGAL BA DANG, BTANG SNYOMS KYI NGO BO NYID DO, ,DE YANG MIG LA SOGS PA'I DBYE BAS RNAM PAR BCO BRGYAD DU 'GYUR RO, ,SKYE BA YANG RNAM PA BZHI STE, SGO NGA DANG, DROD GSHER DANG, MNGAL DANG, RDZUS TE SKYES PA'O, ,DMYAL BA DANG, YI DAGS DANG, BYOL SONG DANG, LHA DANG, LHA MA YIN DANG, MI'I DBYE BAS DRUG CES LA LA 'DOD DO, ,NGAN SONG DANG BDE 'GRO'I DBYE BAS GNYIS SU YANG 'DOD DO, ,RGA BA YANG NUS PA DANG BRAL BA'I MTSAN NYID KYI CHOS SO, ,SHI BA NI PHUNG PO 'DOR BAS RNAM PAR SHES PA'I SKAD CIG MTSOR BA LA GNAS PA'I NGO BO CHOS BDUN PO DE DAG NI SKYE BA STE SKYES PA LA NI RNAM PAR SHES PA LA SOGS PA'I CHOS BDUN DANG 'BREL BA'I PHYIR RO, ,NYON MONGS PA DANG LAS DANG SKYE BA 'DI DAG GIS KHAMS GSUM NA GNAS PA'I SEMS CAN GYI TSOGS ZO CHUN GYI 'KHRUL 'KHOR BZHIN DU 'KHOR BAR BYED PAS 'GRO BA GCIG NAS GCIG TU THOB PAR GYUR NAS NYON MONGS PA TSON PO MYONG BAR 'GYUR RO, ,THAL TSAN GYI CHU BO'I MDO LAS KYANG, ,NOR PHROGS RKUN MA LAS BDAG MI 'JIGS, ,DE YIS NOR PHROGS DE YANG YOD MA YIN, ,YID LA BSAGS SHING BSAGS PA'I DAG PA'I NOR, ,THA MAL RTOG PA DAG GIS NGES PAR 'PHROG ,CES DGON PA'I DGE SLONG GIS LAG PA GYEN DU BRKYANG ZHES NYIN MO'I'O 'DOD 'BOD CES 'BYUNG NGO, ,DE BAS NA NYON MONGS PA'I DBANG GIS LAS 'BYUNG BA DANG, LAS KYI DBANG GIS SKYE BA DANG, DE LAS KYANG LAS DANG, YANG NYON MONGS PA SKYE ZHES 'KHOR BA THA MA MED PA LA 'KHOR LO BZHIN DU YONGS SU 'KHOR BA'O, ,SRID PA'I 'KHOR LO 'DI NI BDAG LA SOGS PA GANG GIS KYANG MI BSKYED DE, ,STONG PA KHO NA LAS KYANG CHOS STONG PA 'BYUNG BA'I PHYIR RO, ,JI SKAD DU, GSUM LAS GNYIS SO SKYE BAR 'GYUR BA STE, ,GNYIS LAS BDUN PO

SKYE ZHING BDUN LAS NI, ,GNYIS PO YANG DAG SKYE 'GYUR DE PHYIR 'DI, ,THOG MA MED PA'I SRID PA'I 'KHOR LO YIN, ,STONG PA KHO NA'I CHOS LAS CHOS RNAMS NI, ,STONG PA'I RANG BZHIN RAB TU SKYE BAR 'GYUR, ,KHA THON MAR ME ME LONG RGYA, ME SHEL SA BON SKYUR DANG SGRA, ,PHUNG PO NYID MTSAMS SBYOR BA YANG, ,MI 'PHO BAR YANG MKHAN RTOGS BYA, ,ZHES 'BYUNG NGO, ,DE'I PHYIR NYON MONGS PA DANG LAS DANG SKYE BA NYID NI NYE BAR 'TSE BA STE SKYON CHEN PO'O, ,DE RNAMS RIM PA GNYIS SGOM PA'I SGO NAS BZLOG PA NI NYE BAR BYED PAS GOS DANG 'DRA BAS GOS SO, ,DE LEN CING 'DZIN PAS NA ZHES PA LA, BSKYED PA DANG RDZOGS PA'I MTSAN NYID CAN GYIS BRJOD PAR BYA BA'I DON RJOD PAR BYED PA'I TSIG GI MTSAN NYID DO, ,DE STON PA'I GZHUNG GI TSOGS LA YANG LE'U ZHES BYA'O ZHES PA NI RIM PA GNYIS KA'I NGO BO RTOG PA DANG YONGS SU RDZOGS PA'I LHA'I SKU STON PAR BYED PA'I TSIG GI TSOGS NI LE'U ZHES BYA BA'I DON TO, ,LA LA NI RLUNG DANG CHAR PA LA SOGS PA'I SKYON SEL BAR BYED PA'I KHYIM GYI BLA GAB BZHIN DU NYON MONGS PA DANG ZHES BYA BA LA SOGS PA'I SGRIB PA ZHI BAR BYED PAS LE'U ZHES SMRA'O, ,SGRON MA GSAL BAR BYED PA ZHES BYA BA'I 'GREL BA'I t'I K'A LAS LE'U DANG PO'O,, ,,DE LTAR LE'U DANG POS THAMS CAD BSKYED NAS ZHES PA NI LE'U DANG POS NI RGYUD KYI DON MA LUS PA MTSON PAR BYED PA GLENG GZHI'I TSIG GI KHYAD PAR DU GYUR PA'I LE'US SO, ,THAMS CAD BSKYED PA NI BCOM LDAN 'DAS RDO RJE 'CHANG CHEN POS MA 'ONGS PA'I SEMS CAN GDUL BAR BYA BA'I PHYIR 'DOD CHAGS CHEN PO'I TING NGE 'DZIN GYIS LHA MO'I 'KHOR LO NYE BAR SPYOD PA DANG, BGEGS BSKRAD PA NAS BRTZAMS TE GZHAL YAS KHANG PA DANG LHAG PAR MOS PA'I DKYIL 'KHOR DANG DON DAM PA'I DKYIL 'KHOR DANG, PADMA LA SOGS PA'I GDAN DANG CHOS KYI DBYINGS KYI DE KHO NA NYID MNGON DU BYA BA DANG, YI GE GSUM YONGS SU GYUR PA LAS SKYE PA'I DKYIL 'KHOR GYI GTZO BO BSGOM PA DANG MIG LA SOGS PA BYIN GYIS RLOB PA DANG, SKU GSUNG THUGS BYIN GYIS RLOB PA'I BAR DU DANG PO SBYOR BA'I TING NGE 'DZIN GYI 'OG TU PHYAG RGYA SPYANG BA DANG, RDO RJE DANG PADMA SNYOMS PAR ZHUGS PA DANG, DE LAS MI BSKYOD PA LA SOGS PA DKYIL 'KHOR BA SPRO BA DANG, DE DAG GIS SEMS CAN GYI DON BYA BA DANG,

, ,DKYIL 'KHOR GYI SHAR LA SOGS PA'I PHYOGS SU DGOD PA DANG, COD PAN DU BYA BA BSTAN TO, ,SEMS RNAM PAR DAG PA LA SOGS PA'I RIM PAS YANG DAG PAR 'BYUNG BA'I YONGS SU DAG PA'I LHA'I SKU RDZOGS PA'I RIM PA'I PHYOGS SU BSTAN PA NI DE DAG THAMS CAD BSKYED PAR BSTAN TO, ,RDZOGS PA'I RIM PA GSAL BAR BYA BA'I PHYIR ZHES PA NI DPAL GSANG BA 'DUS PA'I RGYUD BSTAN PA'I CHED DU LHA'I RNAL 'BYOR GNYIS KYI RANG BZHIN DAM TSIG GI DKYIL 'KHOR SPROS TE, DA NI DON DAM PA'I BDEN PA GCIG PU GTONG BA'I RANG BZHIN GYI DE KHO NA NYID BSKYED PA'I RIM PA'I RGYUR GYUR PA DANG, RDO RJE BZLAS PA LA SOGS PA'I MTSAN NYID RDZOGS PA'I RIM PA LNGA YANG GSAL BAR BYA BA'I PHYIR RO, ,BYANG CHUB KYI SEMS KYI LE'U NI GDOD MA NAS MA SKYES PA'I RANG BZHIN STON PAR BYED PA'I LE'U'O, ,GSUNGS TE NI GSUNGS PA'O ZHES SBYAR BA NI BYA BA DANG BYED PA PO'I SGRA DAG GI PHAN TSUN 'BREL PA'O, ,RDO RJE 'CHANG CHEN PO NI SKU LA SOGS PA NYE BAR BSDUS PA'I MTSAN NYID DPAL RDO RJE SEMS DPA' LA'O, ,MCHOD PA NI ME TOG MA LA SOGS PA'I LHA MO SPROS PAS SO, ,BCOM LDAN 'DAS LA GSOL BA BTAB PA NI BYANG CHUB SEMS KYI LE'U NYAN PA'I DON DU'O, ,SKU DANG GSUNG DANG THUGS DANG GSUM GYI MI PHYED PA'I NGO BO NYID NI THA MAL PA'I LUS LA SOGS PA STONG PA NYID KYI BSGOM PAS MI SNANG BAR BYAS PAS RDO RJE'I RANG BZHIN DU SKYE BAR 'GYUR RO, ,RGYU LA 'BRAS BU'I NYE BAR GDAGS PAS MCHOG NI RGYU NI STONG PA NYID KYI DE KHO NA NYID DO, ,'BRAS BU NI DE'I DBANG GIS SKU LA SOGS PA MI PHYED PAR THOB PA'O, ,DE DAG DBYER MED PAR BYAS TE SKU GSUNG THUGS KHO NA MCHOG TU BSHAD DO, ,GANG GI PHYIR NYE BAR BTAGS PA NI RGYU MTSAN GSUM GYIS 'GYUR TE, DON GTZO BO BKAG PA DANG, RGYU MTSAN DANG DGOS PAS SO, ,DPER NA TSONG DPON BA LANG YIN TE, BA LANG DANG TSONG DPON PHYUGS DANG MI DANG SHIN TU 'GAL BA YIN PAS DON GTZO BO BKAG PA'O, ,RGYU MTSAN NI GSAL BA DANG BLUN PA LA SOGS PA'I YON TAN DANG 'BREL BA'O, ,GANG GI DBANG GIS GZHI MTHUN PA'I SGO NAS BA LANG DANG TSONG DPON DAG BYED PA'I TSIG DANG POS SO SOR BSTAN TO, ,DGOS PA NI

BA LANG DANG 'DRA BAR RMONGS PAR GYUR PA'I TSONG DPON LA MI RTZI ZHES BYA BA'I DON TO, ,DE BZHIN DU 'DIR YANG SKU GSUNG THUGS DANG BYANG CHUB KYI SEMS PHAN TSUN 'GAL BA STE 'DUS BYAS PA DANG 'DUS MA BYAS PA NYID KYIS DON GTZO BO BKAG PA'O, ,RGYU MTSAN NI DE LA DMIGS PA'I YON TAN GYI 'BREL BA'O, ,GANG GI DBANG GIS SKU GSUNG THUGS NI BYANG CHUB KYI SEMS ZHES GZHI MTHUN PAS DON GNYIS KA YANG BYED PA'I TSIG DANG POS BRJOD DO, ,DGOS PA NI BYANG CHUB KYI SEMS BZHIN DU SKU GSUNG THUGS KYANG STONG PA DANG SGYU MA'I RANG BZHIN DU YONGS SU SHES PAR BYA BA YIN PAS NYE BAR GDAGS PA NI RIGS PA KHO NA'O, ,BYA BA'I RGYUD LA SOGS PA LA GNAS PA RNAMS LA MI BSTAN PAS NA ZHES PA NI RNAL 'BYOR GYI RGYUD KYI BAR DU RNAL 'BYOR BA RNAMS LA SBA BAR BYA'O, ,SGRIB PA THAMS CAD LAS RNAM PAR GROL BAS NA ZHES PA LA, NYON MONGS BA DANG SHES BYA'I SGRIB PA LA SOGS PA BRAL BA STE; BYANG CHUB SEMS KYIS RNAM PAR RTOG PA THAMS CAD NYE BAR ZHI BAR BYED PA'I PHYIR RO, ,YONGS SU DAG PA LHA'I SKU BSKYED PA'I PHYIR ZHES PA NI YONGS SU DAG PA'I SGRA 'DIR NI RNAM PA GNYIS TE, GCIG NI SNGAGS KYI SKU RJOD PAR BYED PA YIN TE, THA MAL PA'I LUS LA SOGS PA'I RNAM PAR RTOG PA ZLOG PAR BYED PA'I PHYIR RO, ,GNYIS PA NI YE SHES KYI SKU RJOD PAR BYED PA STE, SGYU MA LA SOGS PA'I DPES NYE BAR MTSON PA'I PHYIR RO, ,RDO RJE'I SKU YANG YONGS SU DAG PA'I LHA'I SKUR BRJOD PA YIN TE, MI GNAS PA'I MYA NGAN LAS 'DAS PA'I DBYINGS KYIS RNAM PAR RTOG PA'I SPROS PA THAMS CAD SPANGS PA'I PHYIR RO, ,'DIR NI THAMS CAD GZUNG BAR BYA STE, BYANG CHUB KYI SEMS NI STONG PA NYID KYI RANG BZHIN YIN PA'I PHYIR DANG, RDZOGS PA'I RIM PA STON PAR BYED PA'I PHYIR RO, ,BYANG CHUB CHEN PO'I SEMS BRTAN PAR MDZAD PA NA ZHES PA LA, BYANG CHUB KYI SEMS CHEN PO NI STONG PA NYID KYI DE KHO NA NYID DANG RDZOGS PA'I RIM PA'I DE KHO NA NYID DO, ,CHEN PO YANG YIN LA BYANG CHUB KYI SEMS KYANG YIN PAS NA BYANG CHUB KYI SEMS CHEN PO'O, ,DES NI SEMS CAN GYI DON CHEN POR 'GYUR RO ZHES BYA BA'O ZHES PA NI SEMS CAN NI TZANDAN LTA BU LA SOGS PA'I GANG ZAG RNAMS SO, ,CHEN PO NI RIN PO

, ,CHE LTA BU'I GANG ZAG RNAMS SO, ,DE RNAMS KYI DON NI RANG GI BSAM PA DANG MTHUN PA'I RNAM PAR GROL BA'I MTSAN NYID DO, ,GANG GI PHYIR TZANDAN LTA BU LA SOGS PA GANG YIN PA DE RNAMS BSKYED PA'I RIM PA'I YAN LAG TU GYUR PA DANG, STONG PA NYID KYI DE KHO NA NYID LA LHAG PAR MOS PAS GROL BAR 'GYUR RO, ,RIN PO CHE LTA BU'I GANG YIN PA DE RNAMS KYANG RDZOGS PA'I RIM PA'I DE KHO NA NYID YID LA BYED PAS GROL BAR 'GYUR RO ZHES BYA BA'I DON TO, ,DE LTA BU'I SEMS KYI YONGS SU RTOG PA THUGS KYIS MKHYEN NAS ZHES PA NI SANGS RGYAS RNAMS NI MNGON PAR SHES PA DRUG DANG LDAN PA'I PHYIR RO, ,SGRA JI BZHIN PA NI RIM PA GNYIS MDO TZAM BSTAN PAS SO, ,KHYOD KYIS ZHES BYA BA LA SOGS PA LA, SKU GSUNG THUGS KYI BDAG NYID CAN SNGAGS KYI SKU RNAMS THA MI DAD PAR BSTAN TO, ,SKU RDO RJE LTA BUR NI THUGS KYI RDO RJE'I NGO BO YANG YIN TE, SKU RTEN MED PAS BRTEN PA YANG SEMS MI GNAS PA'I PHYIR RO, ,THUGS RDO RJE LTA BUR ZHES PA NI SKU RDO RJE'I SKU YANG THUGS KYI RDO RJE 'DZIN PA'I SKU'I NGO BO YIN TE, SKU NI SEMS KYI SNANG BA YIN PA'I PHYIR RO, ,TSIG TU BRJOD PA NI NGAG TU SMRA BA STE ZHES PA LA, JI SRID NGAG GI BRJOD PA NI 'JIG RTEN PA'I BRDA LA SOGS PA DANG 'JIG RTEN LAS 'DAS PA'I KHA THON DANG KLOG PA DANG, BZLAS PA LA SOGS PA GANG YIN PA DE RNAMS GSUNG RDO RJE LTA BUR ZHES PA NI GSUNG RDO RJE'I SKU'I RANG BZHIN GYIS THUGS RDO RJE 'DZIN PA'I GZUGS KHO NA STE SEMS LAS NGAG BYUNG BA'I PHYIR RO, ,DE LTAR LTE BA'I PHYOGS NAS 'BYUNG BA'I SROG CES BYA BA'I RLUNG YID KYIS BSKUL BA'I PHYI ROL GYI DON GZUNG BAR 'DOD PAS GNAS BRGYUD KUN REG PAS YI GE RNAMS BSKYED PAR BYA STE, YI GE RNAMS KYIS KYANG TSIG DE RNAMS KYIS KYANG NGAG CHEN PO 'BYUNG BAR 'GYUR RO, ,DE BAS NA NGAG GI SPROS PA THAMS CAD 'DI SEMS KYI RTZA BA CAN YIN NO, ,'JI SKAD DU, NAM MKHA' LAS BYUNG RLUNG NI LUS PO LAS, ,KUN DU RGYU ZHING DBYANGS NI KHAR 'BYIN PA, ,GNAS GZHAN RNAMS LA RAB TU DBYE 'GYUR BA, ,YI GE NYID DU GYUR PA GANG DE SGRA, ,YI GE DE NI TSANGS PA DAG BYED MCHOG ,GSANG BA LA GNAS BRAL ZE

YANG DAG 'DOD, ,DE NI YANG DAG RAB TU SBYOR BA NA, ,LEGS THOB MNGON PAR 'BYUNG BAS SKYES BUR SBYAR, ,ZHES BSHAD PA'I PHYIR RO, ,DE LTAR SKU RDO RJE LA SOGS PA'I RNAL 'BYOR PA RNAMS LA, SKU LA SOGS PA'I RNAM PA GSUM GYI PHAN TSUN DBYER MED PA NYID BSTAN TO, ,STONG PA NYID KYI NGO BO NYID CES PA NI BGEGS BSKRAD PA'I DE KHO NA NYID DON DAM PA'I DKYIL 'KHOR GYI RIM PAS THOB PA'I STONG PA NYID KYI DE KHO NA NYID KYIS SO, ,GCIG TU BYAS NAS ZHES PA NI NGO BO NYID MED PA BSGOM PAR BYA'O, ,DGONGS PA NI 'DI YIN TE, BGEGS BSKRAD PA'I BSGOM PAS THUGS RDO RJE 'CHANG BSGOM PA DANG GZHAL YAS KHANG PA'I BSGOM PAS SKU RDO RJE 'CHANG BSGOM PA DANG, LHAG PA MOS PA'I DKYIL 'KHOR GYIS GSUNG RDO RJE 'CHANG GI RANG BZHIN GYI SKU BSGOM PA'O, ,SKU GSUNG THUGS KYI RDO RJE 'CHANG GI SKU RNAMS BSGOMS NAS YANG RDO RJE PHRENG BA LAS GSUNGS PA'I DON DAM PA'I DKYIL 'KHOR GYI RIM PAS STONG PA NYID DU GYUR PAR RNAM PAR BSAM PAR BYA BA DANG, AOm SH'U N+YA T'A ZHES BYA BA LA SOGS PA'I SNGAGS KYANG BRJOD DO, ,DRANG BA'I DON NI BSKYED PA'I RIM PA'I YAN LAG TU GYUR PA DANG PO SBYOR BA'I TING NGE 'DZIN GYI PHYOGS GCIG PA'I RNAL 'BYOR ZHES BYA BA'I YAN LAG DON DAM PA'I DKYIL 'KHOR GYI RANG BZHIN STONG PA NYID KYI DE KHO NA NYID RAB TU BSTAN PA'I PHYIR RO, ,RDZOGS PA'I RIM PA BSTAN PA'I PHYIR YID KYI RANG BZHIN GYI LUS GCIG PA ZHES BSTAN TO, ,SEMS GSUM PO ZHES BYA BA LA, KUN GZHI LA SOGS PA RNAM PAR SHES PA GSUM PA'O, ,KHAMS PHRA BA NI 'OD GSAL BA DANG LHAN CIG TU'O, ,LONGS SPYOD RDZOGS PA'I SKU LTA BU ZHES BYA BA NI SNANG BA NYE BAR THOB PA LA SOGS PA'I RIM PA'AM CIG CAR GYIS RDZOGS PA'I SGYU MA LTA BU'I SKU'O, ,LUS GANG BSKYED PA ZHES PA NI 'OD GSAL BA LAS CIG CAR RAM, RIM GYIS YE SHES KYI SKU SPRO BA'O, , DE NI SEMS NYID YIN NO ZHES PA LA, SEMS LA RNAM PAR DAG PA'I RIM PAS THOB PAR BYA BA'I 'OD GSAL BA'I DE KHO NA NYID LAS YE SHES KYI SKU BYUNG BA'I PHYIR RO, ,TSIG TU BRJOD PA GANG YIN PA DE DANG DE'I NGO BOR SEMS NYID SKYED CIG PA'O ZHES PA NI TSIG TU BRJOD PA NI YI GE GSUM PO 'JUG

, ,PA LA SOGS PA'I RIM PAS BZLA BA'O, ,DE GANG GI TSE 'OD GSAL BA'I MTSAN NYID SEMS LA BRTEN TE 'JUG PA DE'I TSE TSIG TU BRJOD PA NYID SEMS YIN NO ZHES RDO RJE BZLAS PA DANG SEMS RNAM PAR DAG PA DANG BDAG LA BYIN GYIS RLOB PA'I RIM PA BSTAN PA YIN NO, ,SKU DANG ZHES BYA BA LA SOGS PAS BZHI PA DANG LNGA PA'I RIM PA STON PAR BYED DE, DE LTAR BSKYED PA'I ZHES PA NI RIM PA GSUM BSGOM PAS SO, ,NAM MKHA'I NGO BO NYID KYIS YANG DAG PAR SBYOR ZHING ZHES PA LA, SGYU MA'I RANG BZHIN GYI LUS KYANG 'OD GSAL BA'I RANG BZHIN DE KHO NA NYID KYI RNAM PAR SBYANGS NAS SO, ,RDO RJE 'CHANG CHEN POR BDAG NYID BSKYED PAR BYA BA STE ZHES PA LA BDEN PA GNYIS GNYIS SU MED PA'I MTSAN NYID CAN ZUNG DU 'JUG PA'I TING NGE 'DZIN LAS RDZOGS PA'I RDO RJE'I SKU RDZOGS PAR BYA'O ZHES PA 'DIS MNGON PAR BYANG CHUB PA DANG ZUNG DU 'JUG PA'I RIM PA BSTAN TO, ,DE LA MDOR BSDUS PA NI RIGS BRGYA'I DBYE BA'I 'OG TU RDZOGS PA'I RNAL 'BYOR PAS YI GE GSUM PO 'JUG PA DANG, GNAS PA DANG, LDANG BA'I RIM PAS RNAM PA BCU GCIG YAN LAG MNYAMS [?] PA'I BZLAS PA BYA STE, NGAG SBYANG BA'I 'OG TU SNGAGS DANG PHYAG RGYA'I RIM PAS RNAM SHES GSUM PO GNAS GYUR PA'I MTSAN NYID SNANG BA GSUM RNAM PAR DAG PAS SEMS LA DMIGS PA THOB NAS DE LA CIG CAR RAM SNANG BA NYE BAR THOB PA LA SOGS PA'I RIM GYIS SEMS CAN GYI DON DU BLANGS LA, SGYU MA'I SKU YANG CHAGS PA DANG CHAGS BRAL DANG, CHAGS PA BAR MA'I RIM PAS SBYANG ZHING 'OD GSAL BA'I RANG BZHIN DU BYAS TE, DE LAS KYANG CIG CAR DU RNAM PA THAMS CAD KYI MCHOG DANG LDAN PA'I MTSAN DANG DPE BYAD KYIS RNAM PAR MDZES PA MI GNAS PA'I MYA NGAN LAS 'DAS PA'I DBYINGS KYI NGO BO RDO RJE'I SKU'I RNAM GRANGS CAN ZUNG DU 'JUG PA'I TING NGE 'DZIN GYIS THOB PAR BYA BA RDO RJE 'CHANG GI PHYAG RGYA CHEN PO'I SKU BSGOM PAR BYA'O, ,DPAL RDO RJE PHRENG BA ZHES BYA BA LA SOGS PAS LUNG TSAD MA NYID DU BSTAN TO, ,SNYING POR GYUR PA ZHES BYA BA LA SOGS PA LA KHAMS GSUM 'DI LA SNYING POR GYUR PA NI RANG GI SROG STE, RNAM PAR SHES PA GSUM MO, ,DE LA GZHAN MED PA NI RNAM PAR SHES PA'I SNA TSOGS PA

NYID RNAM PA DE DANG DER SNANG BA'I PHYIR RO, ,DE NYID SEMS RNAM PAR DAG PA'I RIM PAS RNAM PAR SBYANGS NAS SEMS KYI 'OD GSAL BA NYID THOB PAR 'GYUR RO, ,DES NI SEMS RNAM PAR DAG PA'I RIM PA BSTAN PA YIN NO, ,SKYES BU ZHES PA NI RNAL 'BYOR PAS SO, ,RLUNG GI KHAMS GSUM PA ZHES PA LA RLUNG GI KHAMS KYI RANG BZHIN GYI RANG GI LUS DANG KHAMS GSUM PA LA YANG DRI MA MED PAR MTHONG NGO, ,DES NI YI GE GSUM GYI RANG BZHIN 'JUG PA LA SOGS PA'I RIM PAS YAN LAG MA NYAMS PA'I BZLAS PA RAB TU BSTAN PA YIN NO, ,DE NI RDO RJE BZLAS PA'I RIM PA'O, , KHAMS GSUM BDAG NYID CES PA NI KHAMS GSUM GYI NANG DU GNAS PA KHYAB 'JUG DANG DRAG PO DANG DBYIG SNYING LA SOGS PA'I NANG NA MCHOG TU GYUR PA YE SHES KYI SKU'I RNAM GRANGS CAN BDAG LA BYIN GYIS RLOB PA'I RIM PA'I MTSAN NYID CAN SGYU MA'I SKU THOB PAR 'GYUR RO, ,DES NI BDAG LA BYIN GYIS BRLAB PA'I RIM PA BSTAN TO, ,GCIG TU MYUR BAR MTHONG BA NI ZHES PA LA CHAGS PA DANG CHAGS BRAL DANG, CHAGS PA BAR MA YONGS SU SPANGS NAS GCIG TU GYUR PA LHAN CIG SKYES PA'I BDE BA CHEN PO'I MTSAN NYID SHES RAB KYI PHA ROL TU PHYIN PA'I NGO BO DE KHO NA NYID BZHI PA'I MAN NGAG MYUR BAR PHYI DANG NANG GI PHYAG RGYA'I DBYE BA'AM, TING NGE 'DZIN GYI RIM PAS MTHONG BA NI THOB PAR 'GYUR RO ZHES BYA BA 'DIS MNGON PAR BYANG CHUB PA'I RIM PA BSTAN TO, ,BYIN GYIS BRLABS NAS DE BZHIN NYID, ,CES PA NI KUN RDZOB DANG DON DAM PA DANG CHAGS PA DANG CHAGS BRAL DANG, CHAGS PA BAR MA DANG, RTAG PA DANG, CHAD PA DANG, DNGOS PO DANG DNGOS PO MED PA DANG, YOD PA DANG MED PA DANG 'KHOR BA DANG MYA NGAN LAS 'DAS PA DANG, SRID PA DANG ZHI BA DANG 'CHING BA DANG GROL BA DANG, KUN NAS NYON MONGS PA DANG, RNAM PAR BYANG BA DANG YONGS SU DAG PA DANG, MA DAG PA DANG, SNGAGS KYI SKU DANG, YE SHES KYI SKU DANG, STONG PA NYID DANG, SNYING RJE DANG, SHES RAB DANG THABS DANG, RNAM PA DANG BCAS PA DANG RNAM PA MED PA DANG, GANG ZAG LA BDAG MED PA DANG, CHOS LA BDAG MED PA DANG, MA RIG PA DANG RIG PA LA

, ,SOGS PA NI BYIN GYIS BRLAB PA RNAMS SO, ,DE RNAMS KYI GNAS NI DBYER MED PA'I SGO NAS GZHIR GYUR PA'O, ,DE BZHIN NYID NI CHOS THAMS CAD KYI SNYING POR GYUR PA MI SLOB PA'I LAM GYIS KHONG DU CHUD PAR BYA'O, ,DNGOS GRUB MYUR BA ZHES PA NI 'JIG RTEN PA DANG 'JIG RTEN LAS 'DAS PA'I DNGOS GRUB RNAMS KYIS MYUR DU RGYUR GYUR PA'O, ,THOB PAR 'GYUR ZHES PA LA RNAL 'BYOR PAS THOB PAR 'GYUR ZHES BYA BA 'DIS ZUNG DU 'JUG PA'I RIM PA RAB TU BSTAN PA YIN NO, ,NGES PA'I DON ZHES BYA BA NI RIM PA LNGA PA'I RANG BZHIN RDZOGS PA'I RIM PA GSAL BAR BSHAD PA'I PHYIR RO, ,RDO RJE 'CHANG CHEN PO ZHES PA NI THOG MA DANG BAR MA DANG THA MAR KUN LAS BZANG BA GANG LA YOD PA ZHES BYA BAS SO, ,DE'I BYANG CHUB KYI SEMS RAB TU BRTAN PA NI NGO MTSAR CHE'O ZHES PA LA BSKYED PA'I RIM PA'I PHYOGS SU STONG PA NYID KYI DE KHO NA NYID MNGON DU GYUR PA'I MTSAN NYID DANG RDZOGS PA'I RIM PA'I PHYOGS SU RIM PA LNGA'I NGO BO BYANG CHUB KYI SEMS KYI RAB TU BRTAN PA GANG YIN PA DE NI NGO MTSAR CHE'O ZHES PA NI TSIG GCIG GIS DE RNAMS BSTAN PA'I PHYIR RO, ,DON DAM PA'I BDEN PA NI BSKYED PA'I RIM PA LA DON DAM PA'I DKYIL 'KHOR GYI NGO BO STONG PA NYID MNGON DU BYA'O, ,DE YID KYI RANG BZHIN GYI LUS 'JUG PA NI LHAG PAR MOS PA'I DKYIL 'KHOR RDO RJE PHRENG BA LAS GSUNGS PA, GZUGS PHUNG RTOG PA ME LONG DANG, ,ZHES BYA BA LA SOGS PAS MI SNANG BAR BYA BA'O, ,'DI GSAL BA LAS ZHES BYA BA LA SOGS PA LA 'OD GSAL BA LAS BYUNG BA'O, ,YONGS SU DAG PA'I LHA'I SKU 'DZIN PA'I MTSAN NYID NI THA MAL PA'I PHUNG PO LA SOGS PA LDOG PA'I MTSAN NYID RDO RJE 'CHANG GI PHYAG RGYA CHEN PO'I SKU RDZOGS PA'O, ,BZHENGS PA ZHES BYA BA NI DE NYID DKYIL 'KHOR MA LUS PA SPRUL PAR BYED PA'O, ,GANG GIS RAB TU SGROGS SHING BRJOD PA ZHES NGO MTSAR BA'O, ,DGONGS PA MA YIN PA ZHES BYA BA NI BSKYED PA'I RIM PA'I YAN LAG TU GYUR PA'I DON DAM PA'I DKYIL 'KHOR DANG DE LAS BYUNG BA'I DAG PA'I SKU BSTAN PA'I PHYIR RO, ,TSIGS SU BCAD PA DE NYID KYANG BSHAD PAR BYA STE, DON DAM PA'I BDEN PA'O ZHES PA NI SEMS RNAM PAR

DAG PA'I RIM PAS THOB PAR BYA BA'I 'OD GSAL BA'O, ,DER YID KYI RANG BZHIN GYI LUS 'JUG PA NI CIG CAR DU SPROS PAS 'JA' TSON DANG 'DRA BA'I SKU MNGON PAR BYANG CHUB PA'I RIM PA'I MTSAN NYID KYI 'OD GSAL BA'I DE KHO NA NYID DANG GCIG TU GYUR PA'O, ,'OD GSAL BA LAS NI MAN NGAG BZHI PA PAS YONGS SU DAG PA'I LHA'I SKU 'DZIN PA'I MTSAN NYID CES PA NI JI SRID 'KHOR BA'I BAR DU 'GRO BA'I DON MDZAD BAR BYA BA'I PHYIR CIG CAR DU 'BYUNG BA'I RNAM PA SNA TSOGS PA'I SPRUL PA RNAMS KYIS NAM MKHA'I DBYINGS KHYAB PA SRID PA DANG ZHI BA RO GCIG PA'I MTSAN NYID DBYIG SNYING LA SOGS PA'I LHA'I MCHOG GI ZHABS KYI PADMA MCHOD PAR BYA BA RNAM PA THAMS CAD KYI MCHOG DANG LDAN PA MTSAN DANG DPE BYAD KYIS RNAM PAR MDZES PA PHYAG RGYA CHEN PO'I RANG BZHIN MI GNAS PA'I MYA NGAN LAS 'DAS PA'I DBYINGS ZHES BYA BA CHOS KYI DBYINGS KYI YE SHES KYI RNAM GRANGS SHES PA DANG SHES BYA'I BAG CHAGS DANG BRAL BA 'OD KYI TSOGS KYIS ZLA BA DANG NYI MA'I GZI BRJID ZIL GYIS GNON PA ZUNG DU 'JUG PA'I TING NGE 'DZIN RDO RJE'I SKU'I MTSAN NYID 'DZIN PA NI DMIGS PAR BYA'O, ,BZHENGS PA 'DI NI ZHES PA NI LDANG BA'O, ,GANG GIS RAB TU BSGRAGS SHING NI BCOM LDAN 'DAS KYIS GSUNGS PA'O, ,DGONGS PA MA YIN PA NI RIM PA THA MA DE KHO NA NYID SO SOR BSTAN PA'I PHYIR RO, ,DE BZHIN GSHEGS PA DRUG CES BYA BA LA SOGS PAS BCOM LDAN 'DAS RDO RJE 'CHANG CHEN PO'I BKA' LUNG THOS PA'I 'OG TU BYANG CHUB KYI SEMS KYI NGO BO DE BZHIN GSHEGS PA RNAMS KYIS THOS PA GANG YIN PA DE NYID BSAMS NAS BSGOMS TE, DE'I DON STON PAR BYED PA TSIGS SU BCAD PA DRUG DRUG GIS 'BYUNG BAR BSTAN TO, ,DE LA RDO RJE 'CHANG CHEN PO'I TSIGS SU BCAD PA'I DON NI STONG PA NYID KYI DE KHO NA NYID DANG DON DAM PA'I DKYIL 'KHOR GYI RANG BZHIN NO, ,GZHAN RNAMS KYI DON NI RDO RJE BZLAS PA LA SOGS PA STE RDZOGS PA'I RIM PA'O, ,TSIGS SU BCAD PA BRJOD PA'I SNGON DU DE DANG RJES SU MTHUN PA'I TING NGE 'DZIN RNAMS BSTAN PA'I PHYIR, BDEN PA GNYIS GNYIS SU MED PA'I MTSAN NYID CES PA NI ZUNG DU 'JUG PA'I TING NGE 'DZIN NO, ,DE MNGON DU BYA BA'I THABS ZHES PA LA, RIM PA BZHI PA BSGOM PA'I MTSAN NYID

, ,DO, ,GANG GI PHYIR RIM PA BZHI PAS RIM PA LNGA PA THOB PAR 'GYUR ZHES PA'I DON TO, ,DGONGS PA MA YIN PA ZHES PA NI 'BRAS BUR GYUR PA'I DE KHO NA NYID BSTAN PAS SO, ,DE NYID BSTAN PAR BYA BA'I PHYIR BRTAN PA DANG G-YO BA ZHES BYA BA LA SOGS PA SMOS TE, 'DI LTAR SNANG BAR GYUR PA BRTAN PA DANG G-YO BA'I BDAG NYID 'DI YOD PA MA YIN TE, GCIG DANG DU MAS BRAL BA DE MI DMIGS PA'I PHYIR GZUGS BRNYAN BZHIN NO ZHES KHYAB PAR BYED PA MI DMIGS PAS SO, ,DE'I PHYIR DNGOS PO RNAMS MED DO, ,BSGOM PAR BYA BA MED PA'I PHYIR, ,ZHES PA NI SHES BYA'I YUL CAN GYI SGOM PA YANG MED DO, ,YANG NA, 'GRO BA'I DNGOS PO THAMS CAD 'DI, MA BRTAGS PA LA NYAMS DGA' BA, ,ZHES 'BYUNG BAS SO, ,GANG GI TSE MI DMIGS PA'I SBYOR BAS MI SPYOD DO, ,'ON KYANG JI LTAR SNANG BA TZAM YUL NYID DU 'DOD PA DE'I TSE DNGOS PO DE RNAMS YOD PA LTAR SNANG NGO ZHES 'DOD NA, DE LA SMRAS PA, GANG YOD PAR SGOM PA ZHES PA NI YONGS SU BRTAGS PA'I TSUL DU SNANG BAR GYUR PA'I DNGOS PO'I SGOM PA GANG YIN PA DE NI RJES SU DRAN PA'AM 'JOG PA NYID GANG YIN PA DE YANG MI RIGS TE, SGOM PA MED PAS KYANG YOD PA'I PHYIR RO, ,DE'I DGONGS PA NI GANG BRTAGS PA'I DNGOS PO 'DI YIN PA DE RANG LAS GRUB NA RANG LAS GRUB PA NI GZHAN LA RAG MA LAS PAS SGOM PA MI DGOS SO, ,YANG NA GZHAN LAS GRUB PA'I DNGOS PO ZHES BRJOD NA DE'I TSE DE NI YOD PAR MI BRJOD DE RTEN CING 'BREL PA LAS 'BYUNG BA'I PHYIR RO, ,JI SKAD DU, DE DE RTEN NAS GANG BYUNG BA, ,DE NYID KYIS NI DE MA SKYES, ,NGO BO NYID KYIS MA SKYES GANG, ,DE NI SKYE ZHES JI LTAR YIN, ,ZHES 'BYUNG NGO, ,DE BAS NA GZHAN LAS GRUB PA'I PHYOGS SU YANG BSGOM PA NI DGOS PA MA YIN NO, ,GAL TE MI DMIGS PA'I SBYOR BAS DNGOS PO MED PAR GYUR PA DANG DE NAS YOD PA'I BSGOM PA BKAG NAS BSGOM PA YANG MED DO ZHES DGONGS NA, DE'I PHYIR YOD PA DANG MED PAR 'DRES PA'I DNGOS PO KHA CIG YOD DE ZHES DGAG PAR BYA BA'I PHYIR, DNGOS PO MED PA DANG YOD PAR 'DOD PAS LDAN PA ZHES BYA BA NI DNGOS PO YIN NA RANG DANG RJES SU MTHUN PA'I TSOGS PA LAS BDAG NYID RNYED PA

DON GYI BYA BA BYED PA YIN PA DES DNGOS PO THAMS CAD KYI NUS PA DANG BRAL BA'I MTSAN NYID NAM YANG MED PA'I PHYOGS SU MI 'GYUR RO, ,DNGOS PO MED PA YANG RI BONG GI RVA DANG 'DRA BA DON GYI BYA BA BYED PA'I NUS PA DANG BRAL BA BRJOD PAR MI NUS PAS JI LTAR DNGOS PO'I GNAS 'THOB PAR 'GYUR TE PHAN TSUN SPANGS PA'I MTSAN NYID CAN GYI 'GAL BA DANG LDAN PA'I PHYIR RO, ,DE NYID KYI PHYIR DNGOS PO YANG YIN LA, DNGOS PO MED PA YANG YIN ZHES GCIG TU GNYI GA'I THA SNYAD MI RIGS SO, ,'ON DNGOS PO NYID DANG SKAD CIG MA DANG PHAN TSUN 'GAL BA JI LTAR DNGOS PO GCIG LA YOD PA DE BZHIN DU 'DIR YANG YIN NO ZHE NA, SMRAS PA, DNGOS PO NYID DANG SKAD CIG MA NYID NI DNGOS PO GNYIS NI 'THAD DE, 'ON KYANG SKAD CIG MA NYID GANG YIN PA DE NYID DNGOS PO NYID DO, ,BRTAN PA NI DNGOS POR SMRA BAS 'DRA BA GZHAN DANG GZHAN SKYED PAS SLU BA'I BLO DANG LDAN PA DNGOS PO BRTAN PA GCIG 'DI YIN NO ZHES SEMS SO, ,THO BA LA SOGS PA 'JIG PA'I RGYU DANG PHRAD PA'I DUS SU RMUGS PA'I BLO DANG LDAN PAS BUM PAS 'JIG GO ZHES SEMS SO, ,DON DAM PAR DE NI THOG MAR 'JIG PA YIN TE, SKAD CIG MA YIN PA'I PHYIR RO, ,DE BAS NA DNGOS POR SMRA BA BRTAN BA RNAMS KYI 'KHRUL BA BSAL BAR BYA BA'I DON DU DNGOS PO NYID DANG SKAD CIG MA NYID LDOG PA'I DBYE BAS BRTAGS TE BSGRUB PAR BYA BA DANG, SGRUB PAR BYED PA'I 'BREL PA MKHAS PA RNAMS KYIS BYAS SO, ,DE BAS NA 'KHRUL BA NYID BSAL BAR BYA BA'I PHYIR RJES SU DPAG PA'I TSAD MA BSTAN TO, ,LDOG PA MA LUS PA DANG LDAN PA'I RANG BZHIN GYI DNGOS PO GZUNG BA LA MKHAS PA MNGON SUM GYI SKAD CIG MA NYID GZUNG BA LA NUS PA MED DAM, 'ON KYANG NGES PAS GANG ZHIG CHA GZUNG BA MI NUS PA DE LA DE'I TSAD MA YANG BSTAN TO, ,CHA DANG BRAL BA'I KHYAD PAR NI, ,MNGON SUM GYIS NI GZUNG BAS KYANG, ,GANG ZHIG KHYAD PAR RTOGS NGES PA, ,DE NI RTOGS PAR GYUR PA YIN, ,ZHES BSHAD PA'I PHYIR RO, ,DE BZHIN DU DNGOS PO DANG DNGOS PO MA YIN PA NI RANG BZHIN GCIG PAR BRJOD PAR MI RIGS TE, THA DAD PA'I TSAD MA'I YUL YIN PA'I PHYIR RO, ,DE LA DON GYI BYA BA BYED PA'I DNGOS PO NI RANG

, ,GI MTSAN NYID DANG MA BRAL BA 'KHRUL PA MED PA GSAL BAR SNANG BA DBANG PO'I MNGON GSUM GYIS NGES PAR 'GYUR RO, ,DNGOS PO MA YIN PA YANG NUS PA THAMS CAD DANG BRAL BA'I MTSAN NYID SNANG BA MI DMIGS PAS MED PA'I THA SNYAD DU BYA'O ZHES BSGRUB PA DANG BKAG PA SGRUB PAR BYED PA MNGON SUM DANG RJES SU DPAG PA'I SPYOD YUL DNGOS PO DANG DNGOS PO MA YIN PA ZHES JI LTAR DNGOS PO GCIG GI RANG BZHIN YIN, 'O NA DNGOS PO GCIG GNYIS KA'I RANG BZHIN DE'I BDAG NYID KYIS BKAG PAS SHES PAR BYA BA MA YIN NAM, DPER NA BUM PA 'DI SHA ZA MA YIN NO ZHES BYA BA BZHIN NO, ,GAL TE YIN NA SHA ZA YANG MTHONG BAR 'GYUR RO, ,DE BZHIN DU YOD PA'I RANG BZHIN GYI DNGOS PO DANG DNGOS PO MED PA'I CHA DANG 'DRES PA YIN NO ZHE NA, DE NI YANG DAG PA MA YIN TE, DPE MI 'DRA BA'I PHYIR RO, ,GANG GI PHYIR BUM PA 'DI SHA ZA MA YIN NO ZHES BYA BAS, SHA ZA LAS LDOG PA TZAM BSTAN PA YIN TE, BUM PA LAS LDOG PA DANG LDAN PA'I SNAM BU BZHIN NO, ,DNGOS PO'I LDOG PA JI SRID YOD PA DE SRID DE BRJOD PA'I NUS PA YOD DE, DE BAS NA SHA ZA LAS LDOG PA'I RANG BZHIN BUM PA 'BA' ZHIG SO SOR SNANG BAS 'DI SHA ZA MA YIN NO ZHES DE'I BDAG NYID KYIS DGAG PAR RIGS SO, ,DE BZHIN DU DNGOS PO DANG DNGOS PO MED PA DANG LDAN PA'I DNGOS PO NI MI RIGS SO, ,DNGOS PO MED PA BKAG PA'I SGO NAS DNGOS PO RTOGS PAR 'GYUR BA DANG, DNGOS PO DGAG PA'I SGO NAS KYANG DNGOS PO MED PA RTOGS PAR 'GYUR RO, ,DE BAS NA DNGOS PO DGAG PAS, DNGOS PO MED PAR BYA BA DANG DNGOS PO MED PA BKAG PAS DNGOS PO NGES PAR BYA BA YIN NO, , DE BAS NA 'BA' ZHIG DNGOS PO TZAM DU 'GRUB PA'AM DNGOS PO MED PA TZAM 'GYUR BA YIN GYI DNGOS PO MED PA'I BDAG NYID CAN GYI DNGOS PO NI GNYIS KA'I RANG BZHIN MI RIGS SO, ,DE BAS NA ZHES BYA BA LA SOGS PAS NYE BAR BSDUS PA BSHAD PAR BYA STE, BSGOM PAR BYA BA NI SHES BYA'O, , SGOM PA PO NI DNGOS PO SGOM PAR BYED PA STE, SGOM PA GZHAL BAR BYED PA'O, ,BSGOM PA NI BYA BA'I BDAG NYID MED DE, LAS DANG BYED PA PO GNYIS MED PA'I PHYIR RO, ,DE BAS NA CHOS THAMS CAD STONG PA NYID YIN NO ZHES BYA'O, ,YI GE'I DON NI KHYAB PAR BYA BA MI DMIGS PAS DNGOS PO THAMS CAD

KYI STONG PA NYID SO SOR BSTAN PAR BYA BA'I PHYIR RO, ,RNAM PAR THAR PA'I SGO GSUM GYI RIM PAS DNGOS PO THAMS CAD KYI STONG PA NYID SO SOR BSTAN PAR BYA BA'I PHYIR, ,STENG 'OG CES BYA BA LA SOGS PA SMOS TE, CHA DRUG DANG LDAN PA'I SA LA SOGS PA'I KHAMS BZHI'O, ,DE RNAMS GCIG DANG DU MA BRAL BA'I PHYIR STONG PA YIN NO ZHES STONG PA NYID KYI MTSAN NYID CAN GYI RNAM PAR THAR PA'I SGO GCIG GO, ,'DUS BYAS DANG 'DUS MA BYAS PA NI 'DUS BYAS PA STE PHUNG PO LNGA'O, ,'DUS MA BYAS PA NI NAM MKHA' ZHES PA LA SOGS PA'O, ,DE DAG THAMS CAD SNGAR BSHAD PA'I RIGS PAS STONG PA STE, DNGOS PO MED PA ZHES BYA BA NI, PHA ROL TU PHYIN PA'I RNAL 'BYOR PA RNAMS KYI SGOM PA GANG YIN PA DE NI SGOM PA MA YIN TE, CI'I PHYIR ZHE NA, STONG PA NYID LA MNGON PAR ZHEN PAR LTA BA YIN PA'I PHYIR RO ZHES PA LA, CHOS THAMS CAD STONG PA YIN ZHES MNGON PAR ZHEN PA'I BDAG NYID KYI LTA BA GANG YIN BA RGYU ZHES BYA BA'I DON TO, ,STONG PA NYID LA MNGON PAR ZHEN PA'I LTA BAS 'DUS BYAS PA DANG 'DUS MA BYAS PA'I DNGOS PO'I YUL CAN GYI BSGOM PA NI MI RIGS TE, DE NI RTEN MED PA'I PHYIR RO, ,STONG PA NYID LA MNGON PAR ZHEN PA KHO NA BSGOM PA'I RTEN YIN NO ZHES PAS JI LTAR SGOM PA DGAG CE NA SMRAS PA, STONG PA NYID CES BYA BA MA YIN PAR DGAG PA'I MTSAN NYID CAN GYI DON RTOGS PA MA YIN GYI, 'ON KYANG MED PAR DGAG PA'I MTSAN NYID DO, ,DE LA DNGOS PO 'DRA BA YONGS SU 'DZIN PAR BYED PA DE MA YIN PAR DGAG PA STE, DPER NA BRAM ZE MA YIN PA LA KHYER SHOG CES BYA BAS BRAM ZE DANG 'DRA BA'I RGYAL RIGS LA SOGS PA KHYER BA NI RTOGS PA'O, ,MED PAR DGAG PA NI DNGOS PO MED PA NYID STON PAR BYED PA'O, ,DE BZHIN DU STONG PA NYID KYI DNGOS PO BKAG NAS GANG YANG RUNG BA'I CIG SHOS BRJOD PA MA YIN TE, GANG GIS MNGON PAR ZHEN PA TZAM YANG GZHAG PAR BYA, 'ON KYANG DNGOS PO'I CHA THAMS CAD DGAG PA STONG PA YIN NO, ,RNAM PA DU MAS THA DAD PA'I, ,DNGOS PO RNAMS NI GOS DANG 'DRA, ,STONG PA NYID MES TSIG GYUR NA, ,THAL BA'I DBYE BA GANG YANG MED, ,SEMS CAN DANG NI SNOD CES BYA, ,'JIG RTEN GNYIS PO 'DIR BSREGS NAS,,

, ,RANG BDAG KYANG NI DE NYID DO, ,ME SGRON BZHIN DU ZHI BAR 'GYUR, ,ZHES BSHAD PA'I PHYIR RO, ,DE NYID KYI PHYIR BCOM LDAN 'DAS KYIS CHA DANG CHA TZAM GYI RNAM PAR RTOG PA YANG SPONG BA'I PHYIR STONG PA NYID NI RNAM PA BCO BRGYAD DU GSUNGS TE, LTA BAS BYAS PA'I SKYON KUN NI, ,SPONG PHYIR STONG PA NYID GSUNGS SO, ,ZHES BSHAD PA'I PHYIR RO, ,GAL TE NUS PA THAMS CAD DANG BRAL BA'I MTSAN NYID CAN STONG PA NYID YIN NA, DE'I TSE BCOM LDAN 'DAS KYIS SHES RAB KYI PHA ROL TU PHYIN PA LAS, GZUGS STONG PA NYID DANG STONG PA NYID GZUGS SO ZHES GSUNGS TE, MED PAR DGAG PA'I PHYOGS NI DON GYI BYA BA BYED PA'I DNGOS PO DANG LHAN CIG TU DE'I BDAG NYID KYI 'BREL BA JI LTAR YIN ZHE NA, SMRAS PA, MED PAR DGAG PA'I BDAG NYID CAN STONG PA NYID YIN TE, GANG GI PHYIR STONG PA NYID DANG DNGOS PO DAG NI DE'I BDAG NYID KYIS DNGOS PO NI STONG PA NYID YIN NO ZHES RTOGS PA DANG, STONG PA YANG DNGOS PO YIN NO ZHES RTOGS PAS DNGOS PO NI GUD NA MED DO, ,GAL TE DE LTAR YIN NA, DON GYI BYA BA BYED PA'I DNGOS PO STONG PA NYID DANG 'GAL BAR GYUR PAS JI LTAR RTOGS SHE NA, SMRAS PA, DON DAM PA DON GYI BYA BA BYED PA MA YIN TE, 'KHRUL PAS DE LTAR SNANG BA'I PHYIR RO, ,DPER NA MYA NGAN GYI SA'I BYE MA NYI MA'I 'OD ZER GYI TSOGS DANG PHRAD PAS CHU LTAR SNANG BA'I RI BO'I RTZE NAS SHIN TU DGA' BAS 'ONGS PA'I RI DAGS RNAMS KYI SKOM PA SEL BAR MI BYED KYI 'ON KYANG RMOS PA DE RNAMS RNAM PAR SLU BAR BYED DO, ,DE BZHIN DU DNGOS PO 'DI RNAMS KYIS DNGOS PO LAS MNGON PAR ZHEN PA 'KHRUL PA MED PA'I SEMS KYI RGYU DANG LDAN PA THOB MA MED PA'I MA RIG PA'I BAG CHAGS KYIS YE SHES KYI MIG BTZUMS PA RNAMS KYIS DON GYI BYA BA MI BYED DO, ,DE RNAMS KYI CHOS KYI DBYINGS KYI DE KHO NA NYID MNGON DU BYED PA'I MTSAN NYID CAN GYI DON GYI BYA BA GANG YIN PA DE NI RNAL 'BYOR PA RNAMS KYIS RTOGS PAR BYA BA YIN GYI BAG CHAGS RAGS PAS BLO'I ME LONG BSGRIBS PA BDAG CAG LTA BU LA MI SNANG STE, MI SHES PA'I DRI MA DANG LDAN PA'I PHYIR RO, ,JI SKAD DU, SOS KA'I DUS SU SMIG RGYU NI, ,JI LTAR SEMS 'KHRUL G-YO BA STE, ,RI DAGS RNAMS KYIS CHUR 'DZIN

PA; ,DE LA CHU NGOMS YOD PA MIN, ,ZHES 'BYUNG NGO, ,DE BZHIN DU YANG, PHRA BAR GZIGS PA'I SANGS RGYAS KYIS, ,PHRA PHYIR DE NI RANG RIG YIN, ,RANG GNAS KYANG NI BDAG 'DRA BAS, ,BLO RAGS PHYIR NI MA MTHONG NGO, ,RNAL 'BYOR RIG PAR NAM YANG NI, ,THAR PA'I 'DU SHES RING MI BYA, , BRTAGS PA'I NGANG TSUL RANG BDAG NYID, ,STONG PAR MTHONG NA THAR PA YIN, ,ZHES BSHAD PA'I PHYIR RO, ,DE BAS NA DE'I BDAG NYID KYI DGAG PAS DNGOS PO RNAMS STONG PA NYID YIN NO, ,DE YANG MED PAR DGAG PA'I BDAG NYID YIN PAS STONG PA NYID LA MNGON PAR ZHEN PA MED DO, ,DES NI STONG PA NYID CES BYA BA RNAM PAR THAR PA'I SGO DANG PO BSTAN TO, ,MTSAN MA BZLOG PAR BYA BA'I PHYIR ZHES PA NI, RNAM PAR THAR PA'I SGO GNYIS PA BSTAN PAR BYA BA'I PHYIR RO, ,GANG YANG RGYU DANG 'BRAS BU ZHES PA NI RGYU NI RTEN CING 'BREL PAR 'BYUNG BA YAN LAG BCU GNYIS KYI MTSAN NYID NYON MONGS PA DANG LAS DANG SKYE BA ZHES BYA'O, ,'BRAS BU NI SEMS CAN GYI KHAMS RIGS BZHI'I DBYE BAS PHYE BAR GYUR PA MTHO RIS DANG NGAN SONG ZHES GRAGS PA 'GRO BA DRUG GO, ,DE RNAMS KYI RNAM PA NI SO SOR SNANG BA'O, ,MNGON PAR ZHEN PA NI RGYU 'DI DAG DANG 'BRAS BU 'DI DAG CES RTOG PA DANG THA SNYAD DO, ,DE NYID KYANG RIGS PA MA YIN TE ZHES PA NI RIGS PAS MI 'GRUB PO, ,RGYU DANG 'BRAS BU GNYIS SU MED PA'I PHYIR NI BYA BA DANG BYED PA DAG GNYIS SU MED PA STE RGYU NI RANG BZHIN GYIS NGO BO MED PA DANG, 'BRAS BU YANG RANG BZHIN GYIS NGO BO MED BA'O, ,JI SKAD DU, SGYU MA RMI LAM SMIG RGYU CHU ZLA DANG MTSUNGS SRID PA 'DI DAG GSUM, ,YOD PA MA YIN 'GAG PHYIR SKYE PHYIR GZHAN MIN GNYIS MIN MIN, ,SKYE DANG GNAS DANG 'JIG PA DANG BRAL DNGOS PO DE RNAMS DE BAS NA, ,GZHI MED BLO CAN LA NI 'KHOR DANG THAR PA'I DBYE BA MED, ,CES 'BYUNG NGO, ,GANG ZHIG RGYU MED MI 'BYUNG BA, ,RKYEN MED PAS NI GNAS PA MED, ,RKYEN DANG BRAL BAS GANG BRAL BA, ,DE YOD CES NA JI LTAR RTOGS, ,RGYU ZAD PAS NI GANG ZAD PA, ,ZAD PA ZHES BYA NYE BAR BSTAN, ,GANG ZHIG NGO BOR MA ZAD PA, ,DE NI ZAD CES JI LTAR BRJOD, ,DE NI GANG GIS YONGS SHES TE, ,RTEN 'BREL 'BYUNG BA THOB PAS NA, ,RTEN NAM SKYES PA MA SKYES PA, ,DE NYID RIG PA MCHOG

, ,GIS GSUNGS, ,DE LTAR GANG YANG MI BSKYED CING, ,CUNG ZAD 'GAG PAR MI 'GYUR TE, ,SKYE BA DANG NI 'JIG PA'I LAM, ,DGONGS PA'I DON DU NYE BAR BSTAN, ,SKYE BA SKYES PAS 'JIG SHES TE, ,'JIG SHES PAS NI MI RTAG SHES, ,MI RTAG PA LA 'JUG SHES PAS, ,DAM PA'I CHOS NI 'BYUNG BAR 'GYUR, ,ZHES 'BYUNG NGO, ,DE BZHIN DU, ,BDEN PA GCIG NI GRUB PAR MA GZIGS PAS, ,BYANG CHUB THOB PAS BZHI NI GA LA GZIGS, ,ZHES 'BYUNG NGO, ,RJE BTZUN RIN CHEN T'A LA LAS KYANG, ,JI LTAR RLON PA CHU SHING SDONG BU NI, ,SNYING PO 'DOD PA'I SKYES BUS RNAM PAR DPYOD; ,PHYI DANG NANG NA SNYING PO DE MED PA, ,CHOS RNAMS THAMS CAD DE LTAR SHES PAR GYIS, ,ZHES 'BYUNG NGO, ,YANG NA RGYU NI PHA ROL PA RNAMS KYIS YONGS SU BRTAGS PA BDAG DAG DBANG PHYUG LA SOGS PA'O, ,DE RNAMS RNAM PAR DPYANG NA 'GRUB PAR MI 'GYUR TE, NGO BO MED PA'I PHYIR RO, , 'BRAS BU YANG DE KHO NA NYID NYI SHU RTZA BZHI'I RANG BZHIN RNAM PAR DPYAD NA MI 'GRUB STE, RGYU RNAMS MED PA'I PHYIR RO, ,DE RNAMS MED PA KHO NA SNGAR BSHAD ZIN TO, ,RGYU MA GRUB NA 'BRAS BU GANG LAS 'BYUNG BAR 'GYUR TE, RGYU MED PAS 'BRAS BU MED PA'I PHYIR RO, ,DE BAS NA BDAG DANG DBANG PHYUG LA SOGS PA'I RGYU YIS SPRUL PA BSTAN PA DANG, G-YO BA LA SOGS PA'I SEMS CAN SNOD DU GYUR PA KHAMS GSUM GYI NANG NA GNAS PA'I DNGOS PO'I TSOGS NI DON DAM PAR YOD PA MA YIN NO, ,JI SKAD DU, ,BDAG DANG CHOS SU NYER BRTAGS PA'I, ,GANG ZHIG RNAM PA DU MA 'JUG, ,DE YANG RNAM SHES G-YOS 'GYUR BA, ,ZHES 'BYUNG NGO, ,DE BZHIN DU, BDAG CES BYA BA DNGOS PO MED, ,BYED PA PO ZHES GA LAS BRJOD, ,CHOS CAN YOD NA 'JIG RTEN PAS, ,CHOS RNAMS LA NI BSAM PA 'GYUR, ,PHUNG PO BDAG MIN DER DE MIN, ,DE LA DE MIN DE MED MIN, ,BDAG DANG PHUNG PO ME SHING BZHIN, ,'DRES MIN BDAG DES JI LTAR YOD; ,CES 'BYUNG BAS SO, ,DBANG PHYUG LA SOGS PA'I DGAG PA'I SGO DES MTSAN MA MED PA ZHES BYA BA RNAM PAR THAR PA GNYIS PA BSTAN TO, ,SMON PA BZLOG PA'I PHYIR ZHES BYA BA LA SOGS PAS RANG DBANG GI RNAM PA RTOG PA YONGS SU DGAG PAR BYA BA'I PHYIR BSHAD PAR BYA STE, DE LTAR ZHES BYA BA NI DNGOS PO

DANG DE'I BYED PA PO TSAD MA MED PAS BKAG NA DE'I DON DANG BRAL BA'I RNAM PAR RTOG PA YANG MI 'GRUB PO, ,DE LTAR PHYI ROL GYI RNAM BZHES PA NI RNAM PAR RIGS PA SMRA BA RNAMS KYIS 'DI LTAR KHAS BLANGS TE, RNAM PAR SHES PA 'BA' ZHIG TU 'DI SNANG BA YIN GYI DON NI MED DE, GCIG DANG DU MA DANG BRAL BA'I PHYIR RO, ,JI LTAR SNANG PA RNAM PA SNA TSOGS PA MTHA' YAS PA SPROS PA'I NGO BO'I DNGOS PO'I TSOGS NI RNAM PAR SHES PA'I SO SOR SNANG BA YIN NO, ,'DI LTA STE, GANG DANG GANG RANG GI SNANG BA'I RANG BZHIN DE NI YOD DE, ,GANG RANG SNANG BA MA YIN PA DE NI MED DO, ,GZUGS LA SOGS PA DNGOS PO RNAMS NI GZHAN GYI SNANG BA YIN NO, ,GANG GIS DE RNAMS SNANG BAR BYA BA DE NYID RNAM PAR SHES PA DON DAM PAR YOD LA, PHYI ROL GYI DON NI 'KHRUL PAS BRTAGS PAR BYAS TE, RNAM PAR SHES PA NI DON GYI RNAM PA YIN PA'I PHYIR ZLA BA GNYIS SO SOR SNANG BA'I SHES PA BZHIN NO, ,GAL TE PHYI ROL GYI DON DAM PAR YOD PAR 'GYUR NA DE'I TSE BUD MED KYI ROS MI RTAG PA'I SHES PA 'DI NYID SKYE BA YIN GYI THA DAD PA NI MA YIN NO, ,BUD MED RO NI GCIG PU LA, ,DGE SLONG 'DOD PA KHYI RNAMS KYIS, ,RO DANG 'DOD MA BZA' BA ZHES, ,RNAM PAR RTOG PA GSUM BYUNG NGO, ,ZHES DANG, DE BZHIN DU; NYIN DANG MTSAN MO SNANG BA'I DON, ,LONG PA YI NI 'DRA BA NA, ,NANG PAR SHES BYA SGRA THOS PAS, ,SNANG BA DANG BCAS 'DRA BAR 'GYUR, ,MI GTZANG BA YI RI DAGS KYIS, ,ME ZA DUG NI DUG BYI BAS, ,ZOS KYANG SHI BAR MI 'GYUR RO, ,SROG NI THAR BYED RDZAS KYIS SO, ,BYIS PA RNAMS KYIS YANG DANG YANG, ,GANG DANG GANG NI BSGOM BYA BA, ,GOMS PA'I STOBS KYIS SBYOR BA YIS, ,DE DANG DE NI MDUN DU SNANG, ,GOS KYI RNAM PAS BKAB PA YANG, ,MA GOMS PAS NI YAN LAG GNOD, ,GANGS KYI TSOGS NI MA RUNGS PAS, ,MIG LA MI GNOD NGO MTSAR CHE, ,GOMS PA'I SBYAR BA'I NUS PA YIS, ,KO BA LAG PAS MNYES BYED PA'I, ,LHAM MKHAN GYI NI DRI MI ZHIM, ,GNOD PAR BYED PAR MI 'GYUR RO, ,DANG POR LUS CAN RNAMS KYIS NI, ,DUG RNAMS ZOS NA SHI BAR 'GYUR, ,DE NYID GOMS PA'I SBYOR BA YIS, ,MTHAR NI BCUD KYIS LEN PAR 'GYUR, ,GAL TE 'BYUNG BA

, ,'DI RNAMS NI, ,SHES PA'I NGO BOR MI RTAG NA, ,RKANG LAG LA SOGS BYA BA RNAMS, ,BYA BA GZHAN LA JI LTAR 'JUG ,PHA MA'I KHRAG DANG KHU BA LAS, ,MGO LAG LA SOGS JI LTAR 'GYUR, ,SA BON LAS SKYES YAL GA CAN, ,JI LTAR ZHING RNAMS SKYE BAR 'GYUR, ,SGRA NI KHA LAS BYUNG BA DANG, ,RDZA RNGA LAS KYANG JI LTAR 'BYUNG, ,DE YI RGYU RNAMS RE RE LA, ,RANG BZHIN MED PA MTHONG PHYIR RO, ,BYA RNAMS NAM MKHAR 'GRO BA DANG, ,MUN KHUNG LA YANG DON MTHONG BA, ,KHANG PAR BYI BA LA SOGS PAS, ,MTSO LA SOGS PAR NYAS DON MTHONG, ,SBRUL RNAMS KYI NI MIG DAG GIS, , THOS PA DANG NI MTHONG BAR 'GYUR, ,DE BZHIN 'KHOR BAR DU MA NI, ,GZHAN DANG GZHAN GYIS 'GAL BAR SNANG, ,GNAS DANG DBYIBS NI MA MTHONG BA'I, ,GOMS PA'I DBANG GIS SGRA THOS NAS, ,YE SHES RTOGS PA RNAMS MED NA, ,'BEN LA MDA' RNAMS JI LTAR PHAB, ,BRJOD PA YANG NI MA GOMS PAS, ,JI LTAR KHA THON 'BYUNG BAR 'GYUR, ,GAL TE RNAM RIG RGYUN BZHIN DU, ,RAB TU RGYU BAR MI 'GYUR RO, ,RI BO'I TSOGS NI MTHO BA DANG, ,RGYA MTSO CHEN PO DKYIL MED PA, ,RDUL NI PHRA RAB G-YO BSDUS NAS, ,LAS BYED GANG GIS BYED PA YIN, ,LCAGS LA SOGS PA DGUG PA'I PHYIR, ,RDO NI KHAB LEN LA SOGS DANG, ,SNGAGS RNAMS DANG NI SMAN RNAMS KYI, ,NUS PA GANG GIS BYAS PA YIN, ,DE BAS MA RIG SNA TSOGS PAS, ,COG CHUNG GIS NI SKAD RGYAS BZHIN, ,JI LTAR 'DI DAG THAMS CAD SNANG, ,SEMS NYID KYI NI SBRUL PA YIN, , ZAD PAR SKYE MCHED SGOM PA NI, ,RNAL 'BYOR PA YIS JI LTAR SBYAR, ,BRTAN PA'I RANG BZHIN DNGOS PO RNAMS, ,GZHAN DANG GZHAN DU BZHAG PA MED, ,SHEL DANG 'DRA BA DU MA NI, ,DE LTAR 'KHRUL PAS SPYAR BAR RIGS, ,BAG CHAGS CHU LA TIL MAR BZHIN, , SEMS NYID 'DI NI KHYAB PAR 'GYUR, ,GLOG DANG 'BRUG SGRA CHAR PA DANG, SPRIN DANG RLUNG DANG THOG RNAMS NI, ,SEMS TZAM YOD PAR MED PA NA, ,NAM MKHA'I DKYIL LA GRUB MI 'GYUR, ,DNGOS PO RNAMS KYI BDAG NYID KYIS, ,NGO BO KHA CIG RAB GRUB NA, ,MDUD PA'I DBYE BAS DE RNAMS KYI,,

DBYE BA DU MA SNANG MI 'GYUR, ,KHA CIG MDZES MA GZHON NU MA, ,GZHAN LA DE NYID DAR LA BAB, ,LA LA YI NI TSON PO STE, ,KHA CIG LA NI SHA PHRA SNGO, ,GANG TSE SEMS NYID BUD MED KYI, ,RNAM PA NYID DU SKYES GYUR NA, ,DE TSE RANG SEMS 'DOD CAN GYIS, ,BDAG NYID BDAG GIS GANG GIS SPYOD,, RNAM PA THAMS CAD BDAG RANG BZHIN, ,BLO DANG LDAN PAS THAMS CAD NI, ,YUL RNAMS NYE BAR SPYOD PA'I PHYIR, ,BYIS PA BZHIN DU MI 'JUG GO, ,LAG PAS LAG PA BZUNG NAS NI, ,RMI LAM 'KHRUL PA BDAG NYID KYIS, ,RKUN MA BDAG GIS 'DZIN SHES PA'I, ,RNAM PAR SMRA BA GZHAN GYIS SMOD, ,SKAM PO RTZVA LA PHYUGS RNAMS NI, ,BZA' BA'I SEMS NI MI RNAMS MIN, ,AE MA 'O RNAM PAR RTOG PA 'DI, ,RNAL 'BYOR PAS KYANG BSAM MI KHYAB, ,MA DRAN PA DANG LUS REG DANG, ,GNYID LOG PA DANG RLUNG RNAMS KYIS, ,NYA DANG BYA DANG KHYI DANG SBRUL, ,SEMS CAN DE DAG 'TSO BAR 'GYUR, ,DBE NAS [*DBEN SA] BRLAG SHA KHYI DANG 'DRA, ,RANG GI 'KHOR DANG KHYAB PA STE, ,GNOD BYED DANG NI GNOD SBYIN MOS, ,LAS SNA TSOGS PAS MTHONG BAR 'GYUR, ,BSHANG GCIS KHYAB PA RNAG RGYU BA, ,YI DAGS RNAMS KYIS CHU BOR MTHONG, ,DANG BA DANG NI BSIL BA'I CHU, ,MIS DE MTHONG DANG BTUNG BAR 'GYUR, ,'BRAS BU 'DOD DANG MI 'DOD PA'I, ,RNAM PA LAS KYIS YONGS GNAS PA, ,RNAM SHES DE DANG DE NYID KYIS, ,STONG PA'I DON LA 'JUG PAR 'GYUR, ,KYE MA'O YUL NI SNA TSOGS PA, ,DUS GCIG DU NI RNAM PA MANG, ,ROL MO'I TSOGS KYI SGRA BZHIN DU; ,RTOG PA NYID DU RJES 'GROR 'GYUR, ,GAL TE DON YOD DE MED PAS, ,DON GYI BYA BA BYED MI 'GYUR, ,SKYUR RDZAS GZHAN GYIS ZOS PA NA, GZHAN GYI KHA NAS KHA CHU 'BYUNG, ,MTSAN MOR KHA CIG 'BRAS BU NI, ,ZOS PAS GZHAN LA SMRA BYED NA, ,GAL TE SKYUR ZOS DES SMRAS NA, , NYAN POR 'GYUR BAR MI 'GYUR RAM, ,RMI LAM 'DOD PA'I MO PHRAD PAS, ,BDE BA'I PHUN SUM TSOGS RGYU MED, ,DON MED PAS KYANG KHU BA NI, ,JI LTAR SHOR BAR MI 'GYUR RAM, ,GOMS PA'I STOBS KYIS RMI LAM DU, ,MTHONG YANG GAL TE YOD ZER NA, ,BU MO'I LHO LAS BU SKYES PA, ,MTHONG BA

, ,ZHES BYA RIGS PA MIN, ,YUL RINGS LAM DANG RI RNAMS DANG, ,YUL RNAMS KHANG PA'I NANG DU NI, ,THA DAD PA NI RAB MTHONG BAS, ,RMI LAM MTHONG BA DON MED PA'O, ,THEG PA CHEN PO'I RNAL 'BYOR SPYOD PA'I GZHUNG LA 'JUG PA SLOB DPON KAM PA LA'I ZHAL SNGA LA SOGS PAS DPE RNAMS BSTAN TO, ,RNAM RIG GI RANG BZHIN GYI CHOS THAMS CAD RNAM PAR GZHAG PA'I PHYIR RO, ,DE PHYI'I RNAM PA CAN GYI RNAM PAR SHES PA YIN GYI, ,DON 'KHRUL PA'I RANG BZHIN DU SNANG NGO, ,DON SNANG BA YANG GSUM STE, YOD PAR SNANG BA DANG, MED PAR SNANG BA DANG LOG PAR SNANG BA'O, , DE LA YOD PAR SNANG BA NI DPER NA, BYE MA NI SMIG RGYU'I RNAM PAS SO, ,MED PAR SNANG BA NI RAB RIB CAN GYIS SKRA SHAD LA SOGS PA BZHIN NO, ,LOG PAR SNANG BA NI DUNG DKAR PO SER PO LTAR SNANG BA BZHIN NO, ,DE LTAR SNANG BA GSUM GYI DBANG GIS PHYI ROL GYI DON MED PA YANG RMONGS PA'I BLO CAN GYIS GZUNG BAR 'GYUR RO, ,SMON PA'I 'BRAS BU ZHES PA NI DE NYID RNAM PA RIG PA'I RANG BZHIN PHYI ROL GYI DON SNANG BA'I PHYIR RO, ,DE YANG MED DE ZHES PA LA PHYI DANG NANG GI NGO BO MED DO, ,SMON LAM LA SOGS PA'I NYE BAR DMIGS PA MED PA'I PHYIR RO ZHES PA NI, 'DUN PA NI SMON LAM STE, PHYI'I RNAM PA NYID DU MNGON PAR ZHEN PA'O, ,DE'I NYE BAR DMIGS PA NI GZUNG BA 'DZIN PA'I TSUL GYIS GZUNG BA'O, ,MED PA NI DE'I NGO BO MED PA'I PHYIR RO, ,JI SKAD DU, ,YANG DAG MA YIN KUN RTOG YOD, ,DE LA GNYIS PO YOD MA YIN, ,DE LA STONG PA NYID YOD DE, ,DE LA YOD NA DE YOD DO, ,YOD DANG MED DANG YOD PA'I PHYIR, ,DE YANG DBU MA'I LAM YIN NO, ,ZHES 'BYUNG NGO, ,DE BAS NA PHYI ROL GYI DNGOS PO LTA BUR BSGOM PA DMIGS SU MED CING YOD PA MA YIN TE ZHES BYA BA NI RNAM PAR SHES PA'I RNAM PA DNGOS PO SO SOR SNANG BA'I RTOG PA NI MED DO, ,SEMS KYI RANG BZHIN YIN PA'I PHYIR RO, ,ZHES PA NI SEMS NYID SO SOR SNANG BA'I PHYIR RO, ,DON DANG SEMS CAN BDAG RNAM RIG ,SO SOR SNANG BA RAB SKYES PA, ,RNAM PAR SHES PA DE DON MED, ,DE MED PAS KYANG DE YANG MED, ,GCIG NI RKYEN GYI RNAM PAR SHES, ,GNYIS PA NYE BAR LONGS SPYOD PA, ,SPYOD DANG GCOD DANG SKUL BYED NI, ,DE LA SEMS LAS 'BYUNG BA YIN, ,ZHES 'BYUNG NGO, ,SPYI'I

DON ZHES BYA BA NI MDO SDE LA SOGS PA'I 'GYOD PA SEL BAR BYED PA'I PHYIR RO, ,GANG GI PHYIR MDO SDE PA LA SOGS PA RNAMS KYI PHYOGS NI PHYI ROL GYI DON MED PA DANG RNAM PAR RIG PA TZAM YOD PA'O, ,GANG PHUNG PO LA SOGS PA ZHES PA LA, ,PHUNG PO DANG KHAMS DANG SKYE MCHED RNAMS SO, ,DE RNAMS MED PA NI GCIG DANG DU MA DANG BRAL BA'I PHYIR MED PA'O, ,DE BAS NA PHYI ROL TU GYUR PA PHUNG PO LA SOGS PA MED PAS RNAM PAR SHES PA TZAM 'BA' ZHIG TU YOD PA ZHES RNAL 'BYOR SPYOD PA BA RNAMS KYI PHYOGS SO, ,DE NYID KYI PHYIR BSGOM PAR BYA BAR GYUR PA PHUNG PO LA SOGS PA MED PAS 'BA' ZHIG DRI MA MED PA MTHA' YAS PA NAM MKHA' DANG MTSUNGS PA, SEMS TZAM GANG YIN PA NI ZHES PA NI RNAM PAR RIG PA TZAM MO, ,DE NI DNGOS PO MED DE ZHES PA LA, ,MA DAG PA YIN PAS GROL BA THOB PAR MI 'GYUR RO ZHES BSHAD DO, ,RTAG TU MED PA YIN PA'I PHYIR, ,ZHES PA NI, ,SHES BYA MED BAS SHES PA RNAMS MI DMIGS PA'I PHYIR RO, ,JI SKAD DU, ,SHES BYA'I SNGON DU SHES PA NA, ,CI LA DMIGS TE DE 'BYUNG 'GYUR, ,SHES BYA 'JIG NAS SHES PA NA, ,CI LA DMIGS TE DE 'BYUNG 'GYUR, ,SHES DANG SHES BYA LHAN CIG NA, ,CI LA DMIGS TE DE 'BYUNG 'GYUR, ,ZHES BSHAD PA'I PHYIR RO, ,YANG NA RTAG TU MED PA MA YIN PA'I PHYIR RO ZHES PA NI, ,RTAG TU NI DUS THAMS CAD DE DUS GSUM LA YANG SEMS NI MED DO, ,GANG GI PHYIR 'DAS PA'I SEMS GANG YIN PA DE NI 'JIG PA'I PHYIR ZHES BYA BA YOD PA MA YIN NO, ,MA 'ONGS PA'I SEMS KYANG MA PHRAD PA'I PHYIR RO, ,RNAM PAR SHES PA ZHES MA GRAGS SO, ,DA LTAR BYUNG BA YANG 'DAS PA DANG MA 'ONGS PA'I SKAD CIG MA DANG LDAN PA'I PHYIR SNGA MA BZHIN NO ZHES DUS GSUM GYI RANG BZHIN SEMS MED DO, ,GANG 'DAS PA NI DE 'JIG PA, ,MA 'ONGS PA NI MA THOB STE, ,SKAD CIG GNYIS KA LDAN PA'I PHYIR, ,DA LTAR BYUNG BA GANG LA GNAS,, ZHES 'BYUNG NGO, ,DE BAS NA RIGS PA 'DIS, ,SEMS RNAM PAR DPYAD PA RNAM PAR SHES PA GSUM GYI RANG BZHIN SNGAGS DANG PHYAG RGYA'I RIM PAS 'OD GSAL BAR BYA'O, ,DES NI YE SHES GSUM DPYOD PA'I MTSAN NYID SBAS PA'I DON BSTAN PA YIN NO, ,GANG KUN RDZOB KYI BDEN PA'I BDAG NYID

, ,CAN ZHES PA LA, ,'OD GSAL BA LAS MYUR DU 'AM SNANG BA THOB PA LA SOGS PA'I RIM PAS BRGYA BYIN GYI GZHUNG DANG 'DRA BA'I YE SHES KYI SKU GANG SPROS PA SGYU MA LTA BU'I LHA'I SKU BSGOM PA NI SGYU MA'I DPE BCU GNYIS KYIS NYE BAR MTSON PA'O, ,DE YANG MI RIGS TE ZHES PA NI DE KHO NA NYID KYI NGO BO MA YIN PAS SO, ,'OD GSAL BAR RNAM PAR DAG PA'I PHYIR RO ZHES PA NI MNGON PAR BYANG CHUB PA'I RIM PA BZHI PAS DE YANG SBYANG BAR BYA BA'I PHYIR RO, ,DE LTAR KUN RDZOB KYI BDEN PA TZAM GYI DNGOS PO NI ZHES PA LA BDAG BYIN GYIS RLOB PA'I RIM PAS THOB PAR BYA BA YE SHES KYI SKU'I MTSAN NYID LHA'I SKU'I RNAM PA'O,, DNGOS PO MA YIN TE ZHES PA NI, DON DAM PA MA YIN NO, ,DE GNYIS PA LAS MA 'DAS PA'I PHYIR RO ZHES PA NI GNYIS SU SNANG BA'I PHYIR RO, ,DER NI SGYU MA LTA BU'I LHA'I RNAM PA DANG, SGYU MA'I DPE DE GNYIS SO SOR SNANG BA YOD PA'O, ,GANG DANG GANG DU GNYIS SO SOR SNANG BA YOD PA DE DANG DE RU 'KHOR BA KHO NA YIN TE, GZUNG BA DANG 'DZIN PA SO SOR SNANG BA BZHIN NO, ,DE'I PHYIR NA DE YANG RNAM PAR DAG PAR BYA BAR RIGS SO, ,DE BAS NA ZHES BYA BA LA SOGS PAS RIM PA BZHI'I 'BRAS BU ZUNG DU 'JUG PA'I RIM PA'I PHAN YON TZAM BSTAN TO, ,BDEN PA GNYIS LTA BUR BSGOM PA NI ZHES PA LA KUN RDZOB DON DAM PA DBYER MED PA'I NGO BO NYID ZUNG DU 'JUG PA'I RIM PA BSGOM PA'O, ,DKA' BAS DMIGS PA YIN PAS SO, ,ZHES PA NI SNGON BSAGS PA'I DGE BA'I STOBS DANG DGE BA'I BSHES GNYEN DANG PHRAD PA DANG RJES SU MTHUN PA'I GNAS SU SKYE BA DANG BYANG CHUB SEMS DPA'I RIGS DANG 'BREL PA DANG, SANGS RGYAS KYIS BYIN GYIS BRLABS PAS THOB PAR 'GYUR ZHES BYA BA'I DON TO, ,DES NI KUN RDZOB BDEN PA YANG DAG PAR RTOGS PA'I MTSAN NYID CAN SBAS PA'I DON BSTAN TO, ,SBAS PA ZHES PA LA SEMS RNAM PAR DAG PA DANG BDAG BYIN GYIS RLOB PA'I RIM PA BRJOD PAR 'DOD PAS SO, ,DON DAM PA'I BDEN PAS ZHES PA NI PHYAG RGYA DANG TING NGE 'DZIN GYI RIM PAS THOB PAR BYA BA MNGON PAR BYANG CHUB PA'I RIM PAS THOB PAR BYA BA LA'O, ,SGOM PA MED PA STE ZHES PA NI SGOM PA'I RIGS PA MA YIN TE, GANG GI PHYIR SGOM PA ZHES BYA BA NI SEMS KYI RNAM PAR DPYOD PA'I MTSAN NYID CAN RTOG BCAS KYI RNAM PAR SHES PA'I NGO BO STE 'DUS

BYAS SO, ,DON DAM PA'I BDEN PA NI RDZAS SU MED PA'I PHYIR 'DUS MA BYAS PA'O, ,'DUS BYAS PA DANG 'DUS MA BYAS PA'I RGYU DANG 'BRAS BU'I 'BREL PA MI RIGS TE, BUM PA DANG NAM MKHA' BZHIN NO, ,GANG GI 'DUS BYAS PA NYID 'DUS BYAS PA'I RGYU 'AM 'BRAS BUR 'THAD DE NAS KYI SA BON DANG NAS KYI MYU GU BZHIN NO, ,DE BZHIN DU YANG 'JIM PA DANG DBYUG PA DANG 'KHOR LO DANG SKUD PA DANG SKYES PA'I LAG PA'I RTZOL BA RNAMS KYIS BUM PA BZHIN NO, ,CHOS THAMS CAD KYI CHOS NYID KYI NGO BO DON DAM PA'I BDEN PA LA DE LTAR BSGOM PA MI RIGS TE, ,RTAG PA BSKYED PAR BYA BA MA YIN PA'I PHYIR RO, ,MA GRUB PA 'AM MA DAG PA GANG YIN PA DE THOB PAR BYA BA'AM RNAM PAR DAG PAR BYA BA'I PHYIR BSGOM PAR BYA BA YIN TE, GANG RANG BZHIN GYIS GRUB PA'AM RNAM PAR DAG PA YIN PA DE LA SGOM PAS DGOS PA MED DO, ,GAL TE YOD NA DON DAM PA NYID DU MI 'GYUR RO, ,DE NYID BSTAN PAR BYA BA'I PHYIR, GZOD MA NAS DAG PA'I PHYIR ZHES TE, RTAG PA NI DRI MA MED PA ZAG PA MED PA NI THOG MA NAS DAG PA'I PHYIR RO, ,GAL TE DE LTA YIN NA MNGON PAR BYANG CHUB PA THOB PAR BYA BA'I PHYIR PHYAG RGYA DANG TING NGE 'DZIN GYI RIM PA'I SGOM PA CI'I PHYIR BYA ZHE NA, ,SMRAS PA, PHYAG RGYA'I 'BREL PA'AM TING NGE 'DZIN MNGON DU BYA BAS 'OD GSAL BA NI SKYE BA'AM SBYANG BAR BYA BA MA YIN TE, DE NYID GZOD MA NAS GRUB PA'I PHYIR RO, ,PHYAG RGYA DANG TING NGE 'DZIN TZAM GYIS GLO BUR GYI DRI MA BSAL BAR BYA BA YIN GYI, ,DE KHO NA NYID THOB PA NI MA YIN NO, ,DE KHO NA NYID NI RANG SNANG BA STE, NAM MKHA' BZHIN NO, ,CHU KHAMS GSER DANG NAM MKHA' YI, ,DAG PA BZHIN DU DAG PAR 'DOD, ,CES BSHAD PA'I PHYIR RO, ,DES NI 'OD GSAL BA LA 'JUG PA'I MTSAN NYID CAN GYI RIM PA BZHI PA STON TO, ,GANG KUN RDZOB KYI BDEN PA'I BDAG NYID CAN ZHES BYA BA LA RIM PA GSUM PAS THOB PAR BYA BA'I SGYU MA LTA BU'I SKU SGOM PA DE YANG BSGOM PAR BYA BA MA YIN ZHES PA LA BSAM PAR BYA BA MI RIGS SO, ,MI BDEN PA NYID DO ZHES BYA BA NI RIM PA BZHI PAS RNAM PAR DAG PA LA LTOS PA'I PHYIR RO, ,RNAM PA ZHES BYA BA LA SOGS PA 'DIS ZUNG DU 'JUG PA'I RIM PA'I TING NGE 'DZIN BSTAN TO, ,BDEN PA GNYIS KYI

, ,BDAG NYID ZHES BYA BA NI, ,KUN RDZOB DANG DON DAM PA DBYER MED PA'I ZUNG DU 'JUG PA'I TING NGE 'DZIN TO, ,DNGOS PO'I BSGOM PAR BYA BA MI 'GYUR TE ZHES PA NI DE NYID BSAM PAR BYA BA MA YIN NO, ,DE CI'I PHYIR ZHE NA, BDEN PA GNYIS GNYIS SU MED PAR MTHONG BA TZAM GYIS GROL BAR 'GYUR BA'I PHYIR RO ZHES PA NI BDEN PA GNYIS DBYER MED PA'I RANG BZHIN GYI MI GNAS PA'I MYA NGAN LAS 'DAS PA'I DBYINGS MNGON DU GYUR PA TZAM GYIS RNAM PAR GROL BA THOB PA'I PHYIR RO, ,DE BAS NA ZHES BYA BA LA SOGS PAS ZUNG DU 'JUG PA'I RIM PA NYE BAR BSDUS PA BSTAN TE, SGOM PA PO ZHES PA NI RNAL 'BYOR PA'O, ,SGOM PA NI BSGOM PA'I SHES RAB BSGOM PAR BYA BA NI BSGOM DU RUNG BA'I MAN NGAG GO, ,DE LTAR MNGON PAR ZHEN PA NI 'DI NYID RNAM PAR RTOG PA'O, ,ZUNG DU 'JUG PA'I RIM PA RTOGS PA RNAMS LA ZHES PA NI MI GNAS PA'I MYA NGAN LAS 'DAS PA'I DBYINGS THOB PA'O, ,RNAL 'BYOR PA RNAMS LA YOD PA MA YIN NO ZHES BYA BA'I THA TSIG STE MI SLONG BA'I PHYIR RO, ,ZUNG 'JUG TING 'DZIN LA GNAS PAS, ,SLAR ZHING GANG LA MI SLOB PO, ,'DI NI RDZOGS PA'I RNAL 'BYOR ZHES, ,DE NI RDO RJE 'CHANG CHEN PO, ,RNAM PA THAMS CAD MCHOG LDAN PA'I, ,THAMS CAD MKHYEN PA DE NAS 'GYUR, ,'DAS PA DANG NI MA 'ONGS PA, ,DA LTAR BYUNG BA SRID GSUM LA, ,DE YIS SKAD CIG MA LUS PAR, ,'OD GSAL RNAM DAG 'DZIN PAS MTHONG, ,ZHES 'BYUNG NGO, ,RDO RJE 'CHANG CHEN POS GSUNGS TE ZHES BYA BA NI SDUD PA PO'I TSIG GO, ,MTHAR THUG PA ZHES BYA BA NI 'OD GSAL BA LA 'JUG PA DANG ZUNG DU 'JUG PA BSTAN PA'I PHYIR RO, ,DE LTAR YI GE'I DON GYIS BSKYED PA'I RIM PA'I YAN LAG TU GYUR PA'I STONG PA NYID KYI DE KHO NA NYID BSTAN PA DANG, SPYI'I DON GYI RNAM PAR THAR PA'I SGO GSUM GYI SGOM PAS MDO SDE PA LA SOGS PA'I 'GYOD PA SEL BA'I MTSAN NYID CAN GYI DON BSTAN TO, ,SBAS PA'I DON GYIS SEMS RNAM PAR DAG PA DANG, BDAG LA BYIN GYIS BRLAB PA'I RIM PA DAG BSTAN TO, ,MTHAR THUG PAS 'OD GSAL BA LA 'JUG PA ZUNG DU 'JUG PA'I RIM PA DAG BSTAN TO ZHES RDO RJE 'CHANG CHEN PO'I TSIGS SU BCAD PA'I BSKYED PA'I RIM PA'I PHYOGS GCIG DANG RDO RJE BZLAS PA MA GTOGS

PA'I RDZOGS PA'I RIM PA YANG BSTAN TO, ,DE BZHIN GSHEGS PA THAMS CAD KYI ZHES BYA BA LA RDO RJE 'CHANG LNGA'I'O, ,RNAM PA KUN NAS ZHES PA NI SKU GSUNG THUGS KYI BYA BA RNAMS KYIS SO, ,'OD GSAL BA ZHES PA NI DE BZHIN GSHEGS PA RNAMS KYI 'OD GSAL BA'I NGO BO NYID DE GTAN TSIGS NI 'DA' BA'I PHYIR RO, ,TING NGE 'DZIN DE LA DMIGS PA ZHES PA NI PHYAG RGYA DANG TING NGE 'DZIN GYI RIM PAS THOB PAR BYA BA'I MNGON PAR BYANG CHUB PA'I TING NGE 'DZIN ZHES BYA BA'I THA TSIG GO, ,SNOD DU GYUR PA'I ZHES BYA BA LA SOGS PA NI BDAG DANG DBANG PHYUG LA SOGS PA'I DNGOS PO THAMS CAD DO, ,THAMS CAD DANG BRAL BA NI DE DAG DANG BRAL BA'O, ,DE LA BDAG CES BYA BA SNGAR BSHAD PA'I RIGS PAS MED DO, ,DE LA RTAG PA LA SOGS PA'I CHOS RNAMS GA LAS 'GYUR, ,BDAG CES BYA BA DNGOS PO MED, ,BYED PA PO ZHES GA LAS BRJOD, ,CHOS CAN YOD NA 'JIG RTEN PAS, ,CHOS LA BSAM PA RAB TU 'JUG ,PHUNG PO BDAG MIN DER DE MIN, ,DE LA DE MED DE MED MIN, ,ME SHING BZHIN DU 'DRES PA MIN, ,DE PHYIR BDAG CES JI LTAR YOD, ,CES 'BYUNG NGO, ,DE'I DON 'DI YIN TE, BDAG NI PHUNG PO YIN NO ZHES BRJOD PA MI RIGS TE DE'I BDAG NYID KYI 'BREL PAS PHUNG PO BZHIN DU BDAG DANG MI RTAG PAR 'GYUR RO, ,RIGS PA PA RNAMS KYI PHYOGS NI BDAG CES BRTAN PA'O, ,SKYON DE SEL BAR BYA BA'I PHYIR, ,BDAG LA PHUNG PO YOD CES PHYOGS 'DZIN NA, DE'I TSE RTAG PA DANG MI RTAG PA DAG GI GZHI DANG GZHI CAN GYI 'BREL PAR MI 'GYUR RO, ,GZHI DANG GZHI CAN GYI 'BREL PA NI, ,RTAG DANG MI RTAG DAG GI MED, , CES 'BYUNG NGO, ,'O NA GZHI RTAG PA YIN NA GZHI CAN RNAMS MI RTAG PA YIN NO ZHES 'DOD CE NA, SMRAS PA, GZHI DANG GZHI CAN GYI 'BREL PA NYID DU MI 'GYUR RO, ,GZHI DANG GZHI CAN GYI 'BREL PA NYID RGYU DANG 'BRAS BU'I 'BREL PA YIN TE, PHAN GDAGS PAR BYA BA MA YIN PA NI GZHI CAN MI RIGS PA'I PHYIR RO, ,PHAN GDAGS PAR BYA BA DANG PHAN 'DOGS PAR BYED PA NYIN NI GZHI DANG GZHI CAN GYI 'BREL PA NYID YIN NO, ,RGYUS NI 'BRAS BU LA PHAN 'DOGS NA RANG LA GNAS PA'I CHOS DANG MED PAR MI 'BYUNG BAS NGES PAR PHAN 'DOGS PAR BYED PA DANG, 'BRAS BUS KYANG RGYU LA GNAS PA'I CHOS MA BLANGS PAS

, ,DE LA 'BYUNG BAR MI 'GYUR RO, ,DE BAS NA GAL TE BDAG DANG PHUNG PO DANG RGYU DANG 'BRAS BU'I 'BREL PA KHAS BLANGS NA DE'I TSE PHUNG PO MI RTAG PAS KYANG BDAG KYANG MI RTAG PAR 'GYUR RO, ,GAL TE BDAG RTAG PA YIN NA, ,PHUNG PO RNAMS KYANG RTAG PAR 'GYUR RO, ,DE YANG MA MTHONG STE RANG DANG GZHAN GYI GRUB PA'I MTHA' DANG 'GAL BA'I PHYIR RO, ,GZHAN YANG BDAG GZHI YIN MOD KYI DE YANG RGYU YIN PAS PHUNG PO BDAG NYID KYI 'BRAS BU BYUNG NA 'JIG PAR 'GYUR RO, ,PHYOGS GNYIS KA LA YANG MI RTAG PAR 'GYUR RO, ,GAL TE PHUNG PO LA BDAG YOD DE ZHES 'DOD NA DE'I TSE SNGA MA BZHIN DU GZHI DANG GZHI CAN GYI 'BREL PA MI 'GRUB PO, ,DE LTA YIN MOD KYI DE BZHIN DU YANG PHUNG PO RNAMS GZHI YIN PAS RGYU YIN PA'I PHYIR 'BRAS BU RNAMS NGES PAR MI 'BYUNG NGO ZHES PAS PHUNG PO RNAMS KYIS BDAG SKYE BAR MI 'GYUR BAS BDAG KYANG MI 'GYUR RO, ,GAL TE RES 'GA' BYUNG NA DE'I TSE DE RNAMS KYIS BDAG BSAL BAR 'GYUR RO, ,GANG ZHIG RES 'GA' BYUNG BA DE NI RTAG PA MA YIN TE LAM GYI SKYES BU'I BZHIN NO ZHES DE NYID MI RTAG PAR 'GYUR RO, ,PHUNG PO DANG BDAG PHAN TSUN THA MI DAD PA STE ME DANG BUD SHING BZHIN NO ZHES 'DOD NA, DE'I TSE BUD SHING RNAMS SOL BA BZHIN DU 'GYUR BA ME [?] ZHES BRJOD PA DE BZHIN DU BDAG NI PHUNG PO'I NGO BO NYID 'THOB, PHUNG PO'I THA SNYAD DU BRJOD DO ZHES SHIN TU MI RTAG PA NYID KHAS BLANGS PA YIN NO, ,DE BAS NA PHYOGS BZHI PO YANG BZANG PO MA YIN NO, ,DE BZHIN DU GZUGS KYI PHUNG PO LA RNAM PA GZHI BKAG NAS TSOR BA DANG 'DU SHES DANG 'DU BYED DANG RNAM PAR SHES PA RNAMS KYI YANG PHAN TSUN BDAG TU SMRA BA KHAS BLANGS PA BKAG PAR SHES PAR BYA'O, ,DES NI RI'I RTZE MO RNAM PA NYI SHU LAS BYUNG BA'I 'JIG TSOGS KYI LTA BA BKAG GO, ,GANG GIS 'KHOR BA'I 'KHOR LO MA LUS PA 'DI NYID MTSAN DU 'KHRUL 'KHOR GYI RIGS PAS 'KHOR BA ZHES BDAG TU SMRA BA'I PHYOGS BKAG PA'O, ,DBANG PHYUG DANG THAMS CAD BYED PA DANG THAMS CAD 'JIG PAR BYED PA NUS PA GSUM GYIS SPRUL PA'I BDAG NYID CHE BRTAG PA YIN NO ZHES 'GAL BA STE GANG GI PHYIR GAL TE THAMS CAD BYED CING 'JIG PAR BYED PA NA DE'I TSE CIG CAR DU BYED PA'AM 'JIG PA CI'I PHYIR MI BYED,

DE MI BYED PAS RIM GYIS BYED PA MA YIN TE, DE NYID MI RTAG PA NYID DO, ,GANG GI PHYIR GANG GI DUS SU BYED NA DE'I TSE DE LA NUS PA YOD DE, DUS GZHAN DU DE MED DO ZHES LTOS PA DANG BCAS PA YIN NO, ,LTOS PA DANG BCAS PA'I NUS PA MED PA STE, LHAN CIG BYED PA LA LTOS PA'I PHYIR TE, BUM PA BZHIN NO, , DE BAS NA DBANG PHYUG MED DO, ,SGRUB DANG BYED PA NGES PAR RANG BZHIN DANG, ,DUS DANG GZA' DANG DBANG PHYUG LHA NYID DANG, ,RGAL BA BSOD NAMS GSHIN RJE MTHAR BYED NI, ,MNGON DU BYAS PA'I MING GI RNAM GRANGS YIN, ,ZHES LA LA 'DOD DE, ,DE LA SGRUB PA ZHES PAS DNGOS PO 'DI DAG SKYED PAR BYED PA DANG, ,'JIG PAR BYED PA STE, DE NYID GCIG PU 'GRO BA'I RGYU YIN ZHE NA, DE YANG MI RIGS TE, RANG GI LAS KYI BAG CHAGS KYIS SPRUL PA'I KHAMS GSUM PA LA SPRUL PA GZHAN NI MED DE DE NYID SNGAR BKAG PA'I PHYIR RO, ,LUS DANG NGAG DANG YID KYI LAS, ,DGE DANG MI DGE RANG GIS BYAS, ,'JIG RTEN PA YIS DE 'BRAS SPYOD, ,BYED PA GZHAN NI KHA CIG MED, ,CES BSHAD PA'I PHYIR RO, ,BYED PA PO ZHES BYA BA RNAM PAR DPYAD NA MED DE, NYON MONGS PA DANG LAS DANG SKYE BA'I RGYUN GYI PHUNG PO RNAMS 'KHOR BA NYID KHAMS GSUM ZHES BSHAD DO, ,KHUR BU KHUR BA LTAR KHA CIG GANG ZAG YOD DO, ,GANG GIS PHUNG PO 'DI RNAMS SPANGS TE; PHUNG PO GZHAN LEN PA'O, ,'DIR GANG ZAG NI LAS DANG NYON MONGS PA'I BAG CHAGS DANG LDAN PA'I RNAM PAR SHES PA NYID DO, ,DE NYID KHAMS GSUM GYI NGO BOR YONGS SU 'KHOR BAR 'GYUR TE, DE BAS NA BYED PA PO GZHAN MED DO, ,NGES PA ZHES BYA BA NI 'CHI BDAG CES BRJOD DE, DE NYID KYIS 'GRO BA BSKYED CING 'JIG PAR BYED DO ZHE NA, DE YANG MA YIN TE, GAL TE 'CHI BDAG YIN NA DE'I TSE 'JIG PA'I NUS PA DANG LDAN PA YIN GYI, ,SKYE BA'I NUS PA DANG LDAN PAR MI 'GYUR RO, ,SKYE BA'I NUS PA DANG LDAN NA 'CHI BDAG MA YIN NO, ,DE BAS NA NGES PA'I SMRA BA 'DI NI BRTAGS PA PA [?] YIN NO,, RNAM PAR SHES PA DANG DBANG PO DANG TSE 'GAG PAR 'GYUR NA, SHI'O ZHES BRJOD PAS 'CHI BDAG MED DO, ,RANG BZHIN GYIS SMRA BA'I PHYOGS SU DNGOS PO RNAM PA SNA TSOGS PAR SKYE BAR MI 'GYUR GYI THAMS CAD RANG BZHIN GCIG PAR 'GYUR RO, ,SNA TSOGS PA NYID RANG BZHIN YIN ZHE NA, SMRAS PA, DE LTAR

, ,YIN NA CIG CAR DU SKYE BA DANG 'JIG PAR JI LTAR MI 'GYUR, ,DE BAS NA RANG BZHIN GYIS SMRA BA'I PHYOGS NI MI RIGS SO, ,DUS SMRA BA RNAMS NA RE, DUS KYI 'BYUNG BA SMIN PAR 'GYUR, ,ZHES ZER NA, DE YANG MI RIGS TE, GANG GI PHYIR DUS DE NI 'DAS PA DANG MA 'ONGS PA'I DBYE BAS GSUM DU 'GYUR TE, 'DAS PA NI ZHIG PA'I PHYIR SMIN PAR BYED PA'I NUS PA MED DO, ,MA 'ONGS PAS KYANG SMIN PA'I NUS PA YOD PA MA YIN TE MA THOB PA'I PHYIR RO, ,DA LTAR BYUNG BA LA YANG NUS PA MED DE SKAD CIG MA YIN PA'I PHYIR RO, ,DE BAS NA SKYE BA'AM 'JIG PA'I NUS PA MED DO, ,GZHAN YANG NYIN MO LA SOGS PA'I MTSAN NYID NYI MA LA SOGS PAS BYAS PA ZLA BA LA SOGS PA'I DUS YIN NO ZHES MI RIGS TE, RE ZHIG ZLA BA LA SOGS PA NYID NI YOD PAS YIN TE, SKAD CIG MA YIN PA'I PHYIR RO, ,DE RNAMS KYIS BYAS PAR GYUR PA'I DUS KYIS KYANG 'BYUNG BA SKYE BA LA SOGS PA'I NUS PA JI LTAR YIN ZHES DUS KYI SMRA BA'I PHYOGS MED DO, ,NYI MA LA SOGS PA GZA' RNAMS KYIS KYANG KHYIM DANG RGYU SKAR LA RGYU BA'I DBANG GIS 'GRO BA SKYED PA DANG 'JIG PAR BYED DO ZHE NA, DE YANG MI RIGS TE, GZA' RNAMS NI SHAR BA DANG, NUB PA'I DBANG GIS MI RTAG PA YIN NO, ,GANG ZHIG RANG YOD PA MA YIN PA DES NI GZHAN BSKYED PA'I NUS PA JI LTAR YOD, ,SMIN DRUG LA SOGS PA GZUNG BA'I CHA'I SBYOR BAS DE RNAMS LA DGOS PA MED DO, ,RANG NYID KYIS JI LTAR MI BYED DO, ,LTOS PA DANG BCAS PA'I PHYIR DE RNAMS KYANG MI RTAG PA ZHES BYA'O, ,SNGAR BSHAD PA'I RIGS PAS DBANG PHYUG BKAG PAS DE'I BYED PA NYID DANG RTAG PA NYID KYANG MI RIGS SO, ,LHAS THAMS CAD BYED DO ZHES ZER NA BDE BA'I RANG BZHIN THAMS CAD CI STE MI BYED SDUG BSNGAL GYI RANG BZHIN BYED PA DGOS PA MED DO, ,DE YANG SPANG BYA YIN PA'I PHYIR RO, ,DE BAS NA, 'DOD DANG MI 'DOD 'BRAS BU CAN, ,LAS RNAMS KYIS NI YONGS SMIN PA, ,RNAM PAR SHES PA STONG PA 'DI, ,DE DE RNAM PA DON LA 'JUG, CES 'BYUNG NGO, ,DE BZHIN DU, LAS LAS 'JIG RTEN SNA TSOGS SKYE, ,ZHES BSHAD PA'I PHYIR RO, ,NGA RGYAL LAS NI RAB SKYES PA, ,BDAG GI BYED PAS 'PHEL 'GYUR TE, ,'GRO LA PHAN PA NGES SMRAS PAS, ,SKYE DGU MA LUS 'DI DAG GSUNGS, ,ZHES KLU SGRUB KYI ZHAL SNGA NAS KYIS KYANG BSTAN TO, ,DE BAS

LHA GZHAN MED DO, ,DE BZHIN DU SKAL BA ZHES BYA BA NI GANG GI DBANG GIS 'JIG RTEN PA BDE BA DANG LDAN PAR 'GYUR PA DANG DE MED PAS SDUG BSNGAL DANG LDAN PAR 'GYUR RO, ,TSAD MAS GNOD PAR BYA BA'I PHYIR DE RNAMS NI MED DO, ,GAL TE DE LTA YIN NA PHA ROL GYI BSTAN PAS GRUB PA'I BDAG LA SOGS PA MED DO, ,DE RNAMS KYANG LAS KYI RNAM GRANGS YIN PAS DE'I MTSAN NYID NI LOGS SU MED DO, ,DE BZHIN DU BSOD NAMS KYANG 'GAG PAR BYA BA YIN NO, ,GSHIN RJE MTHAR BYED DAG KYANG NGES PA BZHIN DU BSHAD PAR BYA'O, ,DE NYID KYI PHYIR DE RNAMS NI SNGAR BYAS PA'I RANG GI SEMS KYI CHOS KYI BAG CHAGS KYI NGO BO'I LAS LA MING GI RNAM GRANGS YIN NO ZHES DON GZHAN MED DO ,DE LTAR GZHAN GYIS YONGS SU BRTAGS PA'I BDAG LA SOGS PA DE RNAMS SNOD DU 'GYUR BA YIN NO, ,DNGOS PO THAMS CAD BRAL BA DANG, ,ZHES PA NI TSAD MAS GNOD PA'I PHYIR RO, ,RGYU DANG 'BRAS BU'I NGO BO SDUG BSNGAL DANG KUN 'BYUNG GI BDEN PA DAG YOD DE, SDUG BSNGAL BA'I NYE BAR LEN PA'I PHUNG PO LNGA'O, ,DE LA GZUGS KYI PHUNG PO'I PHYOGS GCIG GIS BZUNG BA'I LUS KYI DBANG PO 'BYUNG BA CHEN PO BZHI'I BDAG NYID YIN PA'I PHYIR KHAMS BZHI NI MNGON SUM GYIS GRUB PO, ,DE BZHIN DU GZUGS LA SOGS PA'I YUL RNAMS KYANG DE'I PHYOGS GCIG NYID KYIS 'GRUB PO, ,DBANG PO DANG YUL PHRAD PA LAS SKYES PA'I MIG LA SOGS PA'I RNAM PAR SHES PA'I TSOGS DRUG KYANG MNGON SUM GYI SPYOD YUL YIN NO, ,RTEN DANG BRTEN PA DANG DMIGS PA DRUG RNAM PAR GZHAG PA'I PHYIR KHAMS BCO BRGYAD NI MNGON SUM DANG RJES SU DPAG PA'I TSAD MAS GRUB PO, ,KUN 'BYUNG GI BDEN PA YANG MA RIG PA DANG SRED PA'I RANG BZHIN 'BRAS BUR GYUR PA'I SDUG BSNGAL GYI BDEN PA MTHONG BAS RTOGS PAR BYA STE, DU BA LAS ME BZHIN NO, ,DE BAS NA PHUNG PO LA SOGS PA YOD DE, DE RNAMS SPANG BAR BYA BA'I PHYIR BCOM LDAN 'DAS KYIS 'GOG PA DANG LAM GYI BDEN PA GNYIS GSUNGS TE ZHES SMRA BA LA LAN NI RNAM PAR SHES PA 'DI 'BA' ZHIG PHYI'I NGO BO SNANG BA STE RANG GSAL BA'I PHYIR RO, ,PHUNG PO LA SOGS PA GZHAN RNAMS NI MED DE, GZHAN GYI SNANG BA YIN PA'I PHYIR RO, ,RANG SNANG BA GANG YIN PA

, ,DE NI RNAM PAR SHES PA YIN TE GZHAN MA YIN PAS, GZUGS LA SOGS PA MED DO, ,DE'I RNAM PA CAN DE RNAMS NI PHYI ROL GYI NGO BOR 'KHRUL PA'I DBANG GIS SNANG STE DON DAM PAR MA YIN NO, ,DPER NA RGYA MTSO DANG DBA' RLABS BZHIN NO, ,JI SKAD DU, ,DBA' RLABS G-YO BA DE DANG DES, ,CHUS NI RANG BZHIN THA DAD PA, ,SNANG BAR BYAS TE SKAD CIG GIS, ,SLAR YANG G-YO MED NYAL BZHIN 'GYUR, ,GANG ZHIG DE NI GNYIS SNANG BA, ,DE LA RIGS PA'I SPYOD YUL MIN, ,GLO BUR DU NI BRJOD PA YI, ,BRAG CA YI NI SGRA BZHIN NO, ,ZHES BSHAD PA'I PHYIR RO, ,DE BAS NA PHUNG PO DANG KHAMS DANG SKYE MCHED CAN NI MED DE, ,RNAM PAR SHES PA NYID DE'I RNAM PA NYID DU SNANG BA'I PHYIR RO, ,DES NI MDO SDE PA YANG BKAG PA YIN TE, GANG GI PHYIR DE'I RNAM PAR SHES PA'I RNAM PA DNGOS PO YIN NA YANG MNGON SUM GYI YUL MA YIN NO, ,'O NA KYANG MIG LA SOGS PA'I RNAM PAR SHES PA'I BSKYED PA MED PAR MI 'BYUNG PA'I PHYIR, PHYI ROL GYI DON NI RJES SU DPAG PAS RNAM PAR GZHAG GO, ,DE BAS NA MNGON SUM MA RJES SU DPAG PAR BYA BA'I DNGOS PO NI RNAM PA THAMS CAD DU MED DE, ,RNAM PA SHES PA KHO NA MNGON SUM DANG RJES SU DPAG PA'I TSAD MA GNYIS KYI NGO BOR SNANG BA'I PHYIR RO, ,DES NI NYAN THOS PA DANG MDO SDE PA'I PHYOGS BKAG PA YIN NO, ,RNAM RIG SMRA BAS NI RNAM PAR RIG PA TZAM 'BA' ZHIG TU DON LA MI LTOS PA YOD DE, ,GANG GIS SEMS CAN SNOD DU GYUR PA'I KHAMS GSUM PA 'DI SNANG BA YOD PA YIN NO, ,NYI MA ZLA BA NAM MKHA' DANG, ,RGYU SKAR TSOGS DANG SA GZHI DANG, ,CHU BO RGYA MTSO PHYOGS RI RNAMS, ,DE DAG SEMS KYI SPRUL PA YIN, ,JI SRID PA YI RTZE MO'I BAR, ,KHAMS GSUM PA RNAMS 'DI DAG NI, ,GANG ZHIG THAMS CAD 'DI LTAR SNANG, ,SEMS NYID LAS NI NGES PAR BYUNG, ,ZHES BSHAD PA'I PHYIR RO, ,DE BZHIN DU DBYIG GNYEN GYI ZHAL SNGA NAS KYANG, ,RNAM RIG TZAM NI DON MED DE, ,MED PA'I DON NI SNANG BA'I PHYIR, ,JI LTAR RAB RIB CAN GYIS NI, ,MED PA'I SKRA ZLA SOGS MTHONG BZHIN, ,ZHES BSHAD DO, ,DE LTAR RANG BZHIN GYIS DAG PA YANG GLO BUR GYI DRI MA DANG LDAN PA

BZHIN DU SNANG STE ME LONG BZHIN NO, ,DE'I NGO BO NI NYAMS PAR MI 'GYUR TE, ,MTSAN NYID GSUM YONGS SU DAG PAS DE'I RANG BZHIN RNAM PAR DPYAD PAR BYA'O, ,'DI LTA STE, KUN BRTAGS DANG GZHAN DBANG DANG YONGS SU GRUB PA'O, ,DE LA KUN BRTAGS NI PHYI ROL GYI DON MED PA YANG 'DI NYID KYIS THA SNYAD DU BYA BA YIN TE, BUM PA 'DI DANG SNAM BU 'DI ZHES PA LA SOGS PA BZHIN NO, ,GZHAN DBANG NI MED PA DE NYID GZUNG BA DANG 'DZIN PA'I TSUL DU RTOGS PA'O, ,YONGS SU GRUB PA NI GZUNG BA DANG 'DZIN PA'I NGO BO MED PAS 'BA' ZHIG DRI MA MED PA MTHA' YAS PA NAM MKHA' DANG 'DRA BA'I YE SHES MYONG BA'O; ,GLANG PO ZHES DON DE RNAM PA, ,DE MED PA NI MKHAS PA YIS, ,KUN BRTAGS LA SOGS RANG BZHIN RNAMS, ,GRANGS NI JI BZHIN SHES PAR BYA, ,ZHES 'BYUNG NGO, ,DE BZHIN DU, DANG PO YIS NI MTSAN NYID KYIS, ,NGO BO MED PA GZHAN DAG KYANG, ,RANG NYID DNGOS MED SHES BYA BA, ,DE YI NGO BO MED PAR BSTAN, ,GANG PHYIR CHOS RNAMS DON DAM PAR, ,DE YANG DE BZHIN NYID YIN NO, ,RTAG TU DE BZHIN YOD PA'I PHYIR, ,DE NYID RNAM RIG TZAM NYID DO, ,ZHES 'BYUNG NGO, ,MTSAN NYID GSUM YONGS SU BRTAGS PAS SEMS TZAM SHES NAS RTAG PA BDE BA CHOS KYI SKU'I MTSAN NYID RNAM PAR RIG PA TZAM DANG SHES PA DANG 'DRA BA RNAM PAR SNANG BAR 'GYUR RO ZHES BYA BAS THAR PA DANG 'CHING BA'I CHA DBYE BA'O, ,DE NI SEMS MED MI DMIGS PA, ,'JIG RTEN LAS 'DAS YE SHES TE, ,GNAS NGAN LAN GNYIS SPONG PA'I PHYIR, ,DE NI GZHI NI GNAS GYUR PA'O, ,DE NYID ZAG PA MED PA'I DBYINGS, ,BSAM GYIS MI KHYAB RTAG PAR DGE, ,BDE BA RNAM PAR GROL BA'I SKU, ,THUB PA CHEN PO'I CHOS ZHES BYA, ,ZHES 'BYUNG NGO, ,'DIR SMRAS PA, SEMS TZAM ZHES BYA BA DON DAM PAR MED DO, ,GANG GI PHYIR SHES PAS NA SEMS SO, ,RE ZHIG KHYOD NYID KYIS PHYI ROL GYI DNGOS PO BKAG PAR BYAS SO; ,DE MED PAS CI SHES PAS SEMS ZHES BYA STE, GZUNG BA MED PAS 'DZIN PA MED PA'I PHYIR RO, ,DE BAS NA SEMS MED NA DE'I PHYI ROL GYI SNANG BA GANG LAS YIN TE, MO GSHAM GYI BU 'GRO BA DANG 'ONG BA LA SOGS PA BZHIN NO, ,GZOD MA NAS MA SKYES PA'I NGO BO'I RANG BZHIN DNGOS PO RNAMS LA

, ,GANG DANG GANG GI LHAN CIG TU SNANG BA'AM MI SNANG BA YIN NO, ,GANG GIS SEMS NYID DON GYI RNAM PA ZHES BRJOD DE, ,DON NI SGYU MA DANG SMIG RGYU LA SOGS PA BZHIN DU BRDZUN PA YIN PAS DE SEMS KYI RNAM PA NYID JI LTAR YIN, SEMS KYANG CHA CHA'I DBYE BAS RNAM PAR DPYAD NA STONG PA NYID KYI RANG BZHIN YIN PAS DE'I DON GYI RNAM PA JI LTAR YIN NO, ,DE BAS NA RNAM PAR SHES PA'I BAG CHAGS KYI GDON GYIS BZUNG BA'I BLO DANG LDAN PA KHYOD KYIS GZUNG BA DANG 'DZIN PA'I DBYE BAS PHYI NANG GI TSUL DU BRTAGS SO, ,SEMS MED PAS DE LA MTSAN NYID GSUM GZHAG PA NI JI LTAR YIN, 'BA' ZHIG NGO BO MED PA'I RANG BZHIN GYI SEMS LA MTSAN NYID GSUM NI GA LAS 'BYUNG, ,DE NI DRI MA DANG BCAS PA YANG MA YIN TE, GANG ZHIG RNAM PAR SBYANG BA'I PHYIR, ,MTSAN NYID GSUM NI BSGOM PAR BYA, ,'BYUNG BA LA SOGS RNAM SHES LA, ,BSHAD PA GZHAN DAG 'GAG PAR 'GYUR, ,YE SHES PAS NI BRAL GYUR NA, ,LOG PAR RTOG PAR MA YIN NAM, ,GANG TSE DE NYID KHO NA LA, ,RGYAL BAS MYA NGAN 'DAS GSUNGS PA, ,DE TSE LHAG MA BRDZUN PA NI, ,MKHAS PA GANG GIS RTOGS PAR BYED, ,CES 'BYUNG NGO, ,DE KHO NA NYID GCIG KHO NA NI STONG PA NYID KYI MTSAN NYID DE MYA NGAN 'DAS PA KHO NA'O, ,RGYAL BAS GSUNGS PA NI BSTAN PA'O, ,DE TSE LHAG MA NI PHUNG PO DANG KHAMS DANG SKYE MCHED YOD PA'I MTSAN NYID DANG RNAM RIG SNANG BA YANG BRDZUN PA NYID DO, ,DE LTAR MKHAS PA GANG NI RIG PA DANG LDAN PAS RTOGS PAR NI DPYAD PAR BYA'O, ,DE BAS NA GZOD MA NAS GRUB PA SMOS PA THAMS CAD DANG BRAL BA DE KHO NA NYID YIN NO ZHES BYA BA RNAM PAR SHES PA'I RNAM PA'I DON DANG RNAM RIG TZAM YANG MED DO, ,DE BAS NA GZUNG BA DANG 'DZIN PA RNAM PAR SPANGS PA'O, ,DES NI GANG ZAG LA BDAG MED PA DANG CHOS LA BDAG MED PA NYID BSTAN TO, , DES NI RNAL 'BYOR SPYOD PA RNAMS KYA RNAM PA DANG BCAS PA DANG, RNAM PA MED PA'I RNAM RIG TZAM GYI PHYOGS SEL TO, ,GNYIS KA LA BDAG MED PA'I MTSAN NYID CAN GYI THEG PA CHEN PO'I PHYOGS BSTAN PAR BYA BA'I PHYIR, CHOS BDAG MED PA NI RANG BZHIN GYIS 'OD GSAL BA STE ZHES

PA LA, ,CHOS THAMS CAD NI PHUNG PO LA SOGS PA DANG RNAM RIG TZAM STE, DE DAG RANG BZHIN GYIS BDAG MED PA STE STONG PA'O, ,SGOM PA NI 'DI LA RNAM PAR THAR BA'I SGO GSUM YAN LAG YIN TA, ,DE LA CHOS THAMS CAD STONG PA YIN TE, ,GCIG DANG DU MA DANG BRAL BA'I PHYIR TE GZUGS BRNYAN BZHIN NO, ,DBANG PHYUG LA SOGS PA'I RGYU BYAS PA YANG MA YIN TE, RGYU RNAMS MED PA'I PHYIR RO, ,SMON PA'I 'BRAS BU YANG MA YIN TE, ,SMON LAM LA SOGS PA DMIGS PA MED PA'I PHYIR RO, ,DE LTAR 'OD GSAL BA ZHES NYE BAR BSDUS PA'O, ,GANG GI RANG BZHIN NGO BO YOD MA YIN, ,NGO BO MED DE GZHAN GYI JI LTAR RGYU, ,NGO BO MED PAS JI LTAR 'BRAS BU SKYE, ,BDE BAR GSHEGS PAS GTAN TSIGS JI LTAR GSUNGS, ,DE BZHIN DU, YI GE AA NI CHOS THAMS CAD KYI SGO YIN TE, ,GZOD MA NAS MA SKYES PA'I PHYIR RO, ,YI GE TZA NI CHOS THAMS CAD KYI SGO YIN TE, 'CHI 'PHO BA DANG SKYE BA MED PA'I PHYIR RO, ,YI GE SHA CHOS THAMS CAD KYI SGO YIN TE, ZHI BA'I NGO BO YIN PA'I PHYIR RO, ,YI GE HA CHOS THAMS CAD KYI SGO YIN TE, DGA' BA DANG MYA NGAN LAS 'DAS PA'I PHYIR RO, ,DE LA SOGS PA CHOS KYI YI GE NGES PA'I TSIG GI SGO NAS BDAG MED PA NYID BSTAN TO, ,DE LTAR CHOS BDAG MED PA NYID NI 'OD GSAL BA STE, GZUNG BA DANG 'DZIN PA DANG BRAL BA, CHAGS BRAL DANG CHAGS PA DANG CHAGS PA BAR MA'I RIM GYIS RNAM PAR SBYANGS PA'I DE KHO NA NYID BZHI PA'O, ,DE DANG MNYAM PA NYID NI GNYIS SU MED PA YIN PAR DGONGS SO ZHES PA NI JI LTAR BDAG NYID KYIS 'OD GSAL BA NYAMS SU MYONG BA DE BZHIN DU TING NGE 'DZIN DE NYID KYIS KHAMS GSUM PA YANG 'OD GSAL BA'I RANG BZHIN DU BLTA BAR BYA'O, ,DPER NA RIL POR 'DZIN PA'I TING NGE 'DZIN GYIS BDAG NYID 'OD GSAL BAR BYAS NAS KHAMS GSUM PA YANG DE BZHIN DU BYA BA NI RJES SU GZHIG PA'I TING NGE 'DZIN TO, ,RAB TU BYED PA LAS, MGO BO NAS NI RKANG PA'I BAR, ,JI SRID SNYING GAR PHYIN GYI BAR, ,RNAL 'BYOR YANG DAG MTHA' LA 'JUG ,RIL POR 'DZIN PA DE BSHAD DO, ,BRTAN PA DANG NI G-YO BA DAG ,SNGON DU 'OD GSAL BAR

, ,BYAS TE, ,PHYI NAS DE BZHIN BDAG BYAS PA'I, ,RJES SU 'JIG PA'I RIM 'DI YIN, ,ZHES 'BYUNG NGO, ,CHOS BDAG MED PA STE DE RNAMS DANG MNYAM PA NYID YIN PAS, SHES PA NI RANG DANG GZHAN GYI RGYUD LA GNAS PA'I DNGOS PO'I TSOGS NGO BO MED PA 'OD GSAL BA DANG MTSUNGS PAS SO, ,RANG GI SEMS ZHES PA NI RANG DANG GZHAN GYI RGYUD LA GNAS PA'I SEMS SO, ,YE NAS MA SKYES PA ZHES PA NI 'OD GSAL BA'I RANG BZHIN NO, ,RDO RJE GSUM MI PHYED PA'I LUS NI RDO RJE 'CHANG CHEN PO'I SKU'I RANG BZHIN GANG LA YOD PA DE LA DE SKAD CES BYA'O, ,DE NYID KYI PHYIR, STONG PA NYID KYI NGO BO STE, , ZHES PA NI LHAG CIG SKYES PA'I DGA' BA'I MING GI RNAM GRANGS CAN CHOS KYI DBYINGS KYI YE SHES KYI NGO BO 'OD GSAL BA ZHES BYA BA'I DON TO, ,MIG GI SPYOD YUL MA YIN PA'I PHYIR RO ZHES PA LA NYE PAR MTSON PA YIN TE, DBANG PO KUN LAS 'DAS PA YANG YIN PAR SHES PAR BYA STE, 'DUS MA BYAS PA'I PHYIR RO, ,DGONGS PA MA YIN PA NI RIM PA BZHI PAS MNGON PAR BYANG CHUB PA STON PA'I PHYIR RO, ,MI BSKYOD PA'I TSIGS SU BCAD PA BSTAN PAR BYA BA'I PHYIR, MI ZAD PA ZHES BYA BA NI MI ZAD CING 'JIG PAR MI 'GYUR BAS NA MI ZAD PA NI DON DAM PA'I BDEN PA STE, SKYE BA DANG 'JIG PA MED PA'I PHYIR RO, ,BRTAN ZHING SNYING PO KHONG STONG MED, ,GCOD MED DBYER MED MTSAN NYID MED, ,SRED PA MED CING 'JIG MED PA, ,STONG PA NYID NI RDO RJER BSHAD, ,CES RDO RJE RTZE MO LAS 'BYUNG NGO, ,YANG DAG PA'I MTHA' ZHES PA NI DE BZHIN NYID DE SEMS RNAM PAR DAG PA'I RIM PAS THOB PAR BYA BA'I 'OD GSAL BA'I DE KHO NA NYID DO, ,DE NYID RDO RJE STE ZHES PA NI BDUD THAMS CAD KYIS DBYER MI PHYED PA'I PHYIR RO, ,DE LA DMIGS PA'I TING NGE 'DZIN ZHES PA NI SNGAGS DANG PHYAG RGYA'I RIM PA'I MTSAN NYID CAN GYI SEMS RTZE GCIG PA NYID DO, ,DE LA SNYOMS PAR ZHUGS NAS ZHES BYA BA'I THA TSIG GO; ,PHYI DANG NANG GI BDAG NYID CAN GYI DNGOS PO 'DI RNAMS ZHES PA NI, SNOD KYI 'JIG RTEN DANG BCUD KYI 'JIG RTEN GYI RANG BZHIN GYIS SNANG BA'I RNAM PAR SHES PA GSUM MO, ,DE DAG MA SKYES PA STE ZHES PA NI, ,SNGAGS DANG PHYAG RGYA'I RIM PAS SPONG BAR 'GYUR NA RANG BZHIN MED PA DE

NYID DO, ,RANG BZHIN GYIS 'OD GSAL BA'I PHYIR RO ZHES PA NI THAMS CAD STONG PA'AM, GNAS LA 'JUG PAS SO, ,DE BAS NA CHOS RNAMS RE ZHIG MED PA KHO NA'O ZHES PA NI SNGAR BSHAD PA'I RIGS PAS RNAM PAR SHES PA GSUM SPONG BAR 'GYUR NA YOD PA MA YIN PA'I RGYUD DE LAS SO, ,CHOS NYID MED PA STE ZHES PA NI DE RNAMS KYI CHOS NYID KYANG MED, ,RNAM PAR SHES PA GSUM MED PAS DE LAS BYUNG BA'I SHES RAB DANG THABS DANG MA RIG PA'I NGO BO, ,NYIN DANG MTSAN MO RANG BZHIN BRGYA DRUG CU YANG MED DO, ,CHOS RNAMS MED PA'I PHYIR RO ZHES PA NI SEMS KYI RANG BZHIN RNAM PAR SHES PA GSUM MED PAS SO, ,RANG BZHIN GYI TSOGS NI RNAM PAR SHES PA GSUM GYI RTZA BA CAN YIN TE, RNAM PAR SHES PA GSUM MED NA DE LAS BYUNG BA'I SEMS LAS BYUNG BA'I RANG BZHIN RNAMS KYANG MED DE RGYU MED PA'I PHYIR RO, ,DE BAS NA 'DI LTAR NAM MKHA' LTA BUR BDAG MED PA'I MTSAN NYID CAN ZHES PA NI DE NYID THAMS CAD STONG PA ZHES BYA BA'I 'OD GSAL BA'I DE KHO NA NYID KYI KHYAD PAR RO, ,BYANG CHUB PA'I THABS SO ZHES PA NI SEMS KYI 'OD GSAL BA LA 'JUG PA'I MTSAN NYID KYI DE KHO NA NYID KYI LAM MO, ,SNYING PO YOD PA YIN NO ZHES PA NI SNGAGS DANG PHYAG RGYA'I RIM PAS BRTAN PAR 'GYUR RO ZHES BYA BA'I DON TO, ,DE BZHIN GSHEGS PA MI BSKYOD PAS GSUNGS PA STE ZHES PA NI RNAM PAR SHES PA'I PHUNG PO RNAM PA DAG PA'I NGO BO YIN PA'I PHYIR RO, ,DGONGS PA MA YIN PA ZHES PA NI SEMS RNAM PAR DAG PA'I RIM PA BSTAN PA'I PHYIR RO; ,BDAG MED PA NI DON DAM PA'I BDEN PA'O ZHES PA NI DE BZHIN GSHEGS PA THAMS CAD KYI RANG BZHIN GYI RNAM PAR SHES PA GSUM RNAM PAR DAG PA'I MTSAN NYID YIN PAS 'OD GSAL BA NYID DON DAM PA'I BDEN PA ZHES BSHAD DO, ,SNANG BA LA SOGS PA'I RNAM PAR DAG PA'I NGO BO THAMS CAD STONG PA'I GO 'PHANG ZHES BYA BA'I THA TSIG GO, ,DE NYID RDO RJE ZHES PA NI SA BCU PA LA YE SHES KYI DBANG THOB PA DANG ZAG PA DANG BCAS PA DANG ZAG PA MED PA RNAMS SO ZHES PA NI DGE BA DANG MI DGE BA DANG LUNG DU MA BSTAN PA'I CHOS DANG LDAN PA RNAM PAR SHES PA GSUM MO, ,MTSAN

, ,MA MED PA'I PHYIR RO ZHES PA NI RNAM PAR SHES PA GSUM GYI RGYU MED PAS SO, ,CHOS KYI MTSAN NYID RNAM SPANGS PA, ,ZHES BYA BA NI CHOS NI RNAM PAR SHES PA GSUM STE, DE RNAMS KYI MTSAN NYID NI GANG GI MTSON PAR 'GYUR BA'I MTSAN NYID DE, DGE BA DANG MI DGE BA DANG LUNG DU MA BSTAN PA'I RANG BZHIN RNAMS SO, ,RNAM PAR SPANG BYA BA NI DE MED PA'I 'OD GSAL BA ZHES BYA BA'I THA TSIG GO, ,'DI NYID DU NI RIGS PA BSTAN PA'I PHYIR, ,RE ZHIG CHOS RNAMS NYID MA GRUB NA ZHES PA NI RNAM PAR SHES PA GSUM NYID SNGAGS DANG PHYAG RGYA'I RIM PAS SPONG BAR 'GYUR NA NANG MED PA KHO NA'O, ,DE RNAMS KYI MTSAN NYID GA LA YOD DE ZHES PA NI RNAM PAR SHES PA DE RNAMS KYI SEMS LAS 'BYUNG BA'I RANG BZHIN RNAMS GA LAS YOD, MO GSHAM GYI BU ZHES BYA BA LA SOGS PAS DPE BSTAN TO, ,'O NA JI LTAR LHA'I SKU BSKYED CE NA ZHES BYA BA LA SOGS PA GANG GI TSE 'OD GSAL BA MNGON DU GYUR NA, DE'I TSE SEMS CAN GYI DON MA YIN NO ZHES DE BSGRUB PAR BYA BA'I PHYIR LHA'I SKU BSKYED PA BSTAN TE, 'OD GSAL BA LAS CIG CAR RAM SNANG BA NYE BAR THOB PA LA SOGS PA'I RIM PAS YE SHES KYI SKU SPRO BA NI LHA'I SKU BSKYED PA'O, ,DON DAM PA'I BDEN PA STE ZHES PA NI THAMS CAD STONG PA'O, ,DE LAS RANG LA BYIN GYIS BRLAB PA ZHES BYA BA'I RIM PA NI RIM PA GSUM PAS SO, ,KUN 'BYUNG BAS NA ZHES PA LA CIG CAR RAM RIM GYIS SGYU MA LTA BU DE NYID DU SKYES PA ZHES BYA BA'I DON TO, ,'O NA 'OD GSAL BA NI BAG CHAGS KYI DRI MA THAMS CAD DANG BRAL BAS RNAM PAR MI RTOG PA YIN NA DE LAS LHA'I SKU JI LTAR BSKYED CE NA, SMRAS PA, SNGON GYI 'PHEN PA'I SHUGS KYIS 'BYUNG BA'I ZHES PA NI SNGAR BSAGS PA'I THUGS RJE CHEN PO DANG SMON LAM GYI SHUGS KYIS ZHES BYA BA'I THA TSIG GO, ,SKYON RNAMS THAMS CAD SKYED BYED 'JIG TSOGS LTA BU'I BUD SHING RNAM SREG PA, ,RANG DANG GZHAN GYI BYE BRAG YUL RNAM GNYIS SPANGS DE YI SKYON 'BYUNG MED, ,NYES PA MED KYANG SGYU MA'I SKYES BU LAS LA THUGS RJES RIG BZHIN BSKUL, ,SNGON GYI SMON LAM GYIS NI BLO BZANG 'JUG STE, RDZA MKHAN 'KHOR LO SHUGS BZHIR

'PHEN, ,ZHES 'BYUNG NGO, ,DE BAS NA SANGS RGYAS BCOM LDAN 'DAS NI 'OD GSAL BA'I TING NGE 'DZIN LA BZHUGS PAS KYANG SEMS CAN GYI DON MDZAD DE, SKYES BU YID BZHIN NOR BU BZHIN, ,DE YI GNAS PA TZAM GYIS NI, ,RTZIG PA LA SOGS PA RNAMS LAS KYANG, ,JI BZHIN BSTAN PA RNAMS 'BYUNG NGO, ,ZHES 'BYUNG NGO, ,DGONGS PA MA YIN ZHES PA NI SEMS RNAM PAR DAG PA DANG BDAG BYIN GYIS BRLAB PA GNYIS 'CHAD PA'I PHYIR RO, ,YE SHES KYI 'OD ZER ZHES BYA BA LA SOGS PAS 'DRI'O, ,'OD GSAL BA'I SNANG BA ZHES BYA BA NI LAN NO, ,'OD GSAL BA NI DE KHO NA NYID BZHI PA'O,, SNANG BA NI GSAL BA STE BDE BA CHEN POS SO SOR SNANG BA'O, ,DE NYID RDO RJE STE ZHES PA NI RDO RJE LTA BU'I TING NGE 'DZIN GYI NGO BO YIN PA'I PHYIR RO, ,'DUS BYAS PA DANG 'DUS MA BYAS PA RNAMS LA'O ZHES PA NI CHAGS PA DANG BRAL BA DANG CHAGS PA DANG CHAGS PA BAR MA SPONG BAR 'GYUR BA DANG, ,RIL POR 'DZIN PA DANG RJES SU 'JIG PA'I TING NGE 'DZIN DAG KYANG SPANG BAR BYA'O, ,BSGOM PAR BYA BA MED PA'O ZHES PA NI 'OD GSAL BA'I DE KHO NA NYID THOB NA DE RNAMS BSGOM PAR BYA BAR MI RIGS TE, 'BRAS BU THOB PAS THABS DOR BAR BYA BA YIN PA'I PHYIR RO, ,'BRAS BU THOB PAS GANG 'DOR BA DE NI THABS ZHES BSHAD PA YIN, DE LTAR KHA CIG ME SGRON MAS, ,LAM LA MTHONG STE DE NYID BOR, ,SHES PAS SHES BYA GZIGS NAS NI, ,DE BZHIN GSHEGS PA 'DOR BAR BYA, ,ZHES 'BYUNG NGO, ,YANG NA BSGOM PAR BYA BA MED PA'O ZHES PA NI 'OD GSAL BA'I YUL DU NYIN MO DANG MTSAN MO MTSAMS DANG CHAGS DANG CHAGS BRAL DANG CHAGS PA BAR MA RNAMS NI BSGOM PAR BYA BA MA YIN TE, 'DUS BYAS PA DANG 'DUS MA BYAS PA DAG DGA' BA'I PHYIR RO, ,MTSAN MO SNANG BA'I CHA STE NYI MA'I 'OD ZER 'GYED PA SNANG BA MCHED PA YIN, ,MTSAMS NI SNANG BA MCHED PA RANG GI RANG BZHIN LHAN CIG MIN DANG SBYAR, ,MTSAN MO MA YIN MTSAMS MIN NYIN MIN RANG BZHIN GANG DAG PA, ,DE NI BYANG CHUB SKAD CIG BLA MA MCHOG BSHAD RNAL 'BYOR BA NYID YUL, ,ZHES 'BYUNG NGO, ,BSGOM PA YANG MED DE ZHES BYA BA NI DE THOB PAR BYA BA'I PHYIR SEMS RTZE GCIG PA NYID KYI TING NGE 'DZIN GYI KHYAD PAR YANG MED DO, ,

, ,BSGOM PAR BYA BA MED PA'I PHYIR RO ZHES PA LA BSGOM PAR BYA BA NI 'OD GSAL BA STE, DE MED PA NI 'DUS BYAS PA'I TSUL DU MED PA DANG, NGO BO NYID KYIS GRUB PA DANG, BSGOM PA NI GLO BUR GYI DRI MA SEL BA'I MTSAN NYID YIN PA'I PHYIR RO, ,'O NA LHA'I RNAL 'BYOR DU JI LTAR 'GYUR ZHE NA ZHES PA NI, DGONGS PA NI 'DI YIN TE, MNGON PAR BYANG CHUB PA'I RIM PA THOB PAS ZAG PA MED PA RNAM PAR MI RTOG PA DON DAM PA'I BDEN PA LA 'JUG PA'I RNAL 'BYOR BA'I CHAD PA'I PHYOGS KYI MTSAN NYID DU THAL BAR 'GYUR RO, ,DE BAS DE SPANG BAR BYA BA'I PHYIR LHA'I RNAL 'BYOR BSGOM PAR BYA BA'I RIGS SO, , DON DAM PA'I BDEN PA'O ZHES PA NI PHYAG RGYA DANG TING NGE 'DZIN GYI RIM PAS RTOGS PAR BYA BA'I DE KHO NA NYID BZHI PA STE, DE NI NAM MKHA' DANG MTSUNGS PA'I PHYIR RO, ,KUN RDZOB KYI BDEN PA'O ZHES PA NI DE LAS BYUNG BA'I RDO RJE'I SKU SPROS PAS TE SEMS CAN GYI DON GYI BYA BA LA GZHIR GYUR PA'I PHYIR RO, ,GCIG TU GYUR PA STE ZHES PA LA BZHI PA DANG LNGA PA'I RIM PAS THOB PAR BYA BA'I DON DAM PA DANG LHA'I SKU DAG YANG DAG PAR SBYOR BA ZHES BYA BA'I DON TO, ,DE DAG GIS ZHES BYA BA LA SOGS PAS KUN TU 'OD KYI SA LA GNAS PA'I RDO RJE 'CHANG CHEN PO'I SKU BDAG DANG GZHAN LA PHAN THOGS PA'I RGYUR GYUR PA RNAL 'BYOR PAS BSGOM PAR BYA'O ZHES BSTAN TO, ,DGONGS PA MA YIN PA NI MNGON PAR BYANG CHUB PA DANG ZUNG DU 'JUG PA'I RIM PA DAG 'CHAD PAR 'DOD PA'I PHYIR RO, ,BSHAD ZIN TO ZHES PA NI LE'U DANG PO NAS BSHAD PA RNAM PA BZHI POS BSTAN TO, ,CHOS RNAMS RANG BZHIN 'OD GSAL BA, ,ZHES PA 'DIS ZUNG DU 'JUG PA'I TING NGE 'DZIN NYID BSTAN TE, RANG BZHIN NI KUN RDZOB KYI BDEN PA STE, RGYU DANG RKYEN GYI KHYAD PAR GYIS BYAS PA'I PHYIR RO, ,'OD GSAL BA NI DON DAM PA'I BDEN PA STE ZHES PA LA, RTAG PA DRI MA MED PA ZAG PA MED CING DE KHO NA NYID KYI RANG BZHIN YIN PA'I PHYIR RO, ,PHYI DANG NANG GI DNGOS PO RNAMS NI BRTAN PA DANG G-YO BA'I DNGOS PO ZHES BYA BA'I THA TSIG GO, ,BDEN PA GNYIS KYI NGO BO NYID DO ZHES PA NI RIM PA GNYIS PA DANG BZHI PAS THOB PAR BYA BA'I 'OD GSAL BA'I DE KHO NA NYID RIM PA GSUM PA DANG LNGA PAS THOB PAR BYA BA'I YE SHES KYI SKU DANG, RDO RJE'I SKU'I RANG BZHIN NO, ,DE BAS ZHES BYA BA LA

SOGS PAS CHOS NYID KYI PHYOGS LA BRTEN TE RANG BZHIN GYIS DAG PA NAM MKHA' DANG CHOS MTHUN PA BSTAN TO, ,'BRAS BU'I NGO BO NYID DO ZHES PA NI ZUNG DU 'JUG PA'I RIM PA'I MTSAN NYID MI SLOB PA'I PHYIR RO, ,DE THOB PA'I RGYU STE ZHES PA NI, ,RDO RJE BZLAS PA LA SOGS PA'I RIM PA BZHI STE, DE RNAMS KYIS RIM PA JI LTA BA BZHIN DU NGAG DANG SEMS DANG LUS DANG KUN RDZOB DANG DON DAM PA RNAM PAR DAG PA THOB PAR BYED PA SGOM PAS ZUNG DU 'JUG PA'I TING NGE 'DZIN THOB PA'I PHYIR RO, ,ZUNG 'JUG GI TING NGE 'DZIN LA GNAS PAS, ,SLAR ZHING GANG LA'ANG MI SLOB PO, ,ZHES 'BYUNG NGO, ,RGYU DANG 'BRAS BU DBYER MED PA'I PHYIR RO ZHES PA NI THAMS CAD MKHYEN PA'I YE SHES KYI MTSAN NYID CAN GYI ZUNG DU 'JUG PA'I TING NGE 'DZIN DE KHO NA NYID CES BYA BA THOB NAS 'DI'I RGYU DANG 'DI'I 'BRAS BU ZHES THA DAD PAR MI SNANG STE DE NI DE'I RANG BZHIN YIN PA'I PHYIR RO, ,RGYU DANG 'BRAS BU DAG CES PA NI RDO RJE BZLAS PA LA SOGS PA'I RIM PA BZHI DANG, ZUNG DU 'JUG PA'I RIM PA DAG GO, ,MI PHYED PAR YONGS SU SHES PA NYID NI ZHES PA LA, SLOB PA'I GNAS SKABS SU YANG LAM NI DE KHO NA NYID DU MOS PA'I PHYIR 'BRAS BU THOB NAS KYANG LAM NI DE DANG RO GCIG PAR 'GYUR BA'I PHYIR RO, ,LAS DANG PO PA CAN 'JUG PAR BYA BA'I DON DU RIM PA'I DBYE BAS RGYU DANG 'BRAS BU'I DBYE BA RAB TU BSTAN TO, ,LAS DANG PO PA'I 'JIG RTEN PA RNAMS DON DAM PA LA 'JUG PA'I PHYIR RO, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES 'BYUNG NGO, ,DGONGS PA MA YIN PA ZHES BYA BA NI ZUNG DU 'JUG PA'I RIM PA 'BA' ZHIG TU BSTAN PA'I PHYIR RO, ,YID KYI RANG BZHIN GYI SKU'O ZHES PA NI, BDAG LA BYIN GYIS BRLAB PA'I RIM PAS THOB PAR BYA BA'I YE SHES KYI SKU'O, ,DON DAM PA'I BDEN PAS RNAM PAR DAG PA'O ZHES PA NI 'OD GSAL BA'I DE KHO NA NYID BZHI PAS SO, ,GANG GI PHYIR SGYU MA LTA BU'I RNAM PAR RTOG PA NYID YONGS SU SPONG BA'I DON DU 'OD GSAL BA DE KHO NA NYID BSGOM PAR BYA'O, ,DE GSAL BAR BYED PA'I NGAG GI TSOGS SO ZHES PA NI GSUM PA DANG BZHI PA'I RIM PA RJOD PAR BYED PA'I TSOGS RNAMS SO, ,KUN RDZOB KYI BDEN PAS SO ZHES PA NI SGYU MA LTA BU'I TING NGE 'DZIN GYI RANG

, ,BZHIN GYI BDAG BYIN GYIS BRLAB PA'I RIM PA'I MAN NGAG GIS SO, ,DON DAM PA'I BDEN PAS SO ZHES PA NI DE RNAM PAR DAG PAR BYED PA'I 'OD GSAL BA LA 'JUG PA'I MTSAN NYID CAN GYI MNGON PAR BYANG CHUB PA'I RIM PAS SO, ,'GRO BA'I DON MDZAD PA'I RDO RJE 'CHANG CHEN PO'I SKU YANG RNAM PAR DAG PAR BYA BA YIN NO ZHES BYA BAS NGO MTSAR BA DANG RMAD DU GYUR PA'O, ,AE MA'O SANGS RGYAS ZHES BYA BA LA SOGS PAS DON DE NYID BSTAN PAR BYA STE, KUN RDZOB KYI BDEN PA'I SGO NAS BSTOD PA'O ZHES PA NI BDAG LA BYIN GYIS BRLAB PA'I MAN NGAG GI SGO NAS SO, ,DON DAM PA'I BDEN PA'I SGO NAS SO ZHES PA NI SEMS RNAM PAR DAG PA DANG MNGON PAR BYANG CHUB PA BSTAN PA'I SGO NAS SO, ,BDEN PA GNYIS MI PHYED PA'I ZHES BYA BA LA SOGS PAS ZUNG DU 'JUG PA'I TING NGE 'DZIN GSAL BAR BYED PA'I MAN NGAG GI SGO NAS BSTOD PA'O, ,'OD GSAL BA'O ZHES PA NI SNGAGS DANG PHYAG RGYA'I RIM PAS THOB PAR BYA BA'I SEMS RNAM PAR DAG PA'I MTSAN NYID DO, ,YONGS SU DAG PA'I LHA'I SKU STE ZHES PA NI DE LAS BYUNG BA YE SHES KYI RANG BZHIN GYI SKU'O, ,DES NI RIM PA GNYIS KYI SGO NAS BSTOD PA'O, ,DON DAM PA'I BDEN PA LAS YANG DAG PAR 'KHRUNGS ZHES PA NI RIM PA BZHI PAS THOB PAR BYA BA'I 'OD GSAL BA'I DE KHO NA NYID LAS ZUNG DU 'JUG PA 'BYUNG BAS SO, ,DES RIM PA BZHI PA DANG LNGA PA ZHES BYA BA'I RIM PA GNYIS SO SOR BSTAN PA YIN NO, ,RDZOGS PA'I RIM PA'O ZHES PA NI SNGAR BSHAD PA'I SEMS RNAM PAR DAG PA LA SOGS PA'I BDAG NYID DO, ,DES NI RDZOGS PA'I RIM PAS SO, ,GDUL BYA RNAMS BSKYED PAR MDZAD PA ZHES PA LA RDO RJE 'CHANG CHEN PO'I SKU NYID DU RDZOGS PAR BYED PA'O, ,DES NI RANG GIS GZIGS PA'I DE KHO NA NYID KYI DON STON PAS NA BCOM LDAN 'DAS SKYOB PA ZHES BSHAD DO, ,RANG MTHONG LAM STON SKYOB PA YIN, ,ZHES 'BYUNG NGO, ,DES NA RANG GI DON DANG GZHAN GYI DON PHUN SUM TSOGS PA BSTAN TO, ,RTOG PA THAMS CAD LAS 'DAS PA, ,ZHES PA LA CHAGS BRAL LA SOGS PA'I RANG BZHIN RNAMS DANG BRAL BA'I PHYIR RO, ,DMIGS SU MED PA STE DE NYID KYI KHYAD PAR RO, ,'KHOR BA DANG MYA NGAN LAS 'DAS PA DAG TU BZUNG BAS NA ZHES PA

LA MI GNAS PA'I MYA NGAN LAS 'DAS PA'I DBYINGS THOB PA'I PHYIR KUN TU BZANG PO NI RDO RJE 'CHANG CHEN PO NYID DO, ,PHUN SUM TSOGS PA THAMS CAD CES PA NI RANG GI DON LA SOGS PA DE'I NGO BO NI DE NYID DO, ,LHA'I DKYIL 'KHOR SPRO BAR MDZAD PAS NA ZHES PA LA BRAN DANG BRAN MO DANG PHO NYA DANG PHO NYA MO DANG, BKA' NYAN DANG BKA' NYAN MO LA SOGS PA DKYIL 'KHOR PA DU MA 'OD ZER GYI SBYOR BAS BSKYED PA'I PHYIR RO, ,DES NI ZUNG DU 'JUG PA'I TING NGE 'DZIN LA GNAS PA'I BCOM LDAN 'DAS LA BSTOD PA BSTAN PA YIN NO, ,BYANG CHUB PA NI DON DAM PA'I BDEN PA LA ZHES PA RIM PA BZHI PA THOB PAR BYA BA'I DE KHO NA NYID DO, ,DE GANG GIS SPYAD CING THOB PAR BYED PA NI ZHES PA LA RDO RJE 'CHANG CHEN PO'I GO 'PHANG THOB PA'I MOS PAS MAN NGAG BZHI PA LA RNAL 'BYOR PA RNAMS BRTZON PA BYED PA'O, ,KUN RDZOB KYI BDEN PA'O ZHES PA NI SGYU MA LTA BU'I LHA'I SKU'I RNAM PA BZUNG BA'O, ,RDO RJE NI BDEN PA GNYIS KYI BDAG NYID CAN TE ZHES PA LA BDEN PA GNYIS KYI BDAG NYID CAN RDO RJE 'CHANG CHEN PO NYID DO, ,DAG PA NI DON DAM PA'I BDEN PA STE ZHES PA NI, SNANG BA LA SOGS PA'I YE SHES GSUM DANG, 'DOD CHAGS BRAL BA LA SOGS PA'I RANG BZHIN GYI TSOGS BRGYA DRUG CU DANG BRAL BA'I DE KHO NA NYID DO, ,DES NI RIM PA GNYIS PA GSAL BAR BSTAN TO, ,YONGS SU DAG CING YID KYI RANG BZHIN GYI SKU ZHES PA NI 'JA' TSON DANG DRI ZA'I GRONG KHYER DANG CHU ZLA LA SOGS PA SGYU MA'I DPES NYE BAR MTSON PA'I RNAM PA THAMS CAD KYI MCHOG DANG LDAN PA 'OD GSAL BA LA CIG CAR DU BYUNG BA'I RDO RJE 'CHANG CHEN PO'I SKU ZHES BYA BA'I DON TO, ,DE BZHIN NYID DU GSHEGS PAS NA, ZHES PA NI SEMS RNAM PAR DAG PAS THOB PAR BYA BA'I 'OD GSAL BA'I DE BZHIN NYID DE BDEN PAR GYUR PA'I PHYIR RO, ,GSHEGS PA NI SNGAGS DANG PHYAG RGYA'I RIM PAS THOB PA'I PHYIR RO, ,RDO RJE GSUM LA SOGS PA'I RNAM PAR ZHES BYA BA NI SKU RDO RJE LA SOGS PA'I SKU 'AM SEMS RNAM PA GSUM GYI BDAG NYID CAN GYI RDO RJE 'CHANG CHEN PO'I SKU YIS SO, ,GDUL BYA RNAMS LA SNANG BAS SO, ,ZHES BYA BA NI KHAMS GSUM GYI NANG NA GNAS PA'I SEMS CAN RNAMS LA RANG GI SKU GSAL BAR MDZAD PA'I PHYIR RO, ,MI

, ,GNAS PA'I MYA NGAN LAS 'DAS PA'I DBYINGS LA MNGON PAR BYANG CHUB PA THOB PA'I 'OG TU ZUNG DU 'JUG PA'I TING NGE 'DZIN LA 'JOG PA'I DON TO ZHES BYA BA'I THA TSIG GO, ,DES NI SEMS RNAM PAR DAG PA DANG BDAG LA BYIN GYIS BRLAB PA DANG MNGON PAR BYANG CHUB PA DANG ZUNG DU 'JUG PA'I RIM PA RNAMS BSTAN TO, ,SGRA JI BZHIN PAR BSHAD PA ZHES PA NI BSTOD PA'I MTSAN NYID KYI DON BSTAN PA'I PHYIR RO, ,DE YANG SOGS PA'I SGRAS SHES PAR BYA'O, ,'DIR TSIGS SU BCAD PA LNGA NI RDO RJE 'CHANG CHEN POS RJES SU ZHUGS PA'I DE BZHIN GSHEGS PA RNAMS KYIS GSUNGS SO, ,GZHAN DU NA RDO RJE 'CHANG CHEN PO STON PA YIN PAS GZHAN RNAMS KYIS CHOS STON PAR MI RIGS SO, ,LA LA NA RE RDO RJE 'CHANG CHEN PO LONGS SPYOD RDZOGS PA'I SKU'I NGO BO YIN LA DE BZHIN GSHEGS PA RNAMS NI SPRUL PA'I SKU'I RANG BZHIN YIN NO ZHES LONGS SPYOD RDZOGS PA DANG SPRUL PA'I SKU GNYIS DBYER MED PA'I PHYIR RDO RJE 'CHANG CHEN PO KHO NAS GSUNGS SO ZHES ZER RO, ,DBYER MED YANG 'GRO BA'I DON DU GCIG PA'I PHYIR RO, ,BYANG CHUB KYI SEMS RAB TU STON PA ZHES PA LA BYANG CHUB SEMS NI BSKYED PA'I RIM PA'I PHYOGS SU STONG PA NYID DO, ,DE GSAL BAR BYED PAS NA BYANG CHUB KYI SEMS RAB TU STON PA'O, ,DE NAS RDZOGS PA'I RIM PA'I PHYOGS SU RDO RJE BZLAS PA LA SOGS PA'I RIM PA LNGAS THOB PAR BYA BA'I STONG PA NYID DANG SNYING RJE DBYER MED PA'I NGO BO RDO RJE 'CHANG CHEN PO'I GO 'PHANG NI BYANG CHUB KYI SEMS SO, ,DE GSAL BAR BYED PAS NA BYANG CHUB KYI SEMS RAB TU STON PA'O, ,STONG NYID SNYING RJE DBYER MED PA'I, ,BYANG CHUB SEMS ZHES BSHAD PA YIN, ,ZHES RGYUD PHYI MA LAS 'BYUNG NGO, ,LE'U'I SGRA'I DON NI SNGAR BSHAD ZIN TO, ,SGRON MA GSAL BAR BYED PA'I 'GREL PA'I t'I K'A LAS LE'U GNYIS PA'O,, ,, RNAL 'BYOR PA RNAM PA GNYIS KYIS ZHES BYA BA LA SOGS PAS LHA'I LE'U GSUM PA BSTAN PAR BYA STE, GANG GI PHYIR BYANG CHUB KYI SEMS KYI LE'U LAS STONG PA NYID THOB NAS DE NAS BSKYED PA'I RIM PAS LHA'I 'KHOR LO BSGOM PAR BYA'O, ,DE BZHIN DU DANG PO SBYOR BA DANG DKYIL 'KHOR RGYAL BA

MCHOG YONGS SU RDZOGS NAS LAS KYI RGYAL BA MCHOG GSAL BAR BYA BA'I PHYIR PHRA MO'I RNAL 'BYOR BSGOM PAR BYA'O, ,RDZOGS PA'I RIM PA'I RNAL 'BYOR PAS PHRA MO'I RNAL 'BYOR BSGOM PAR BYA BA'I PHYIR RDO RJE BZLAS PA'I RIM PA BSTAN PAR BYA'O, ,RNAL 'BYOR PA GNYIS KYI NI BSKYED PA DANG RDZOGS PA'I RIM PA'I RNAL 'BYOR BA DAG GIS SO, ,PHRA MO'I RNAL 'BYOR BSGOM PA GNYIS BYA'O ZHES PA LA BSKYED PA'I RIM PA'I RNAL 'BYOR PAS RDO RJE LA SOGS PA PHRA MO'I RNAL 'BYOR BSGOM PA DANG, RDZOGS PA'I RIM PA'I RNAL 'BYOR PAS KYANG 'DOD CHAGS DANG ZHE SDANG DANG GTI MUG GI RIGS KYI DBYE BAS GSANG BA DANG SNYING GA DANG GDONG GI SNA RTZER PHRA MO'I THIG LE BSGOM PAR BYA'O, ,DE LA 'DOD CHAGS KYI RIGS CAN GYI RNAL 'BYOR PAS STONG PHRAG BDUN CU RTZA GNYIS KYI RTZA'I KHONG STONG NAS RGYU BA'I BYANG CHUB KYI SEMS KYI THIG LE RDO RJE NOR BU'I RTZE'AM, ,PADMA'I LTE BA'I RTZER YUNGS KAR GYI 'BRU'I TSAD TZAM GYI THIG LE BSGOM PAR BYA'O, ,ZHE SDANG GI RIGS KYI RNAL 'BYOR PAS YI GE GSUM CHA SHAS BSDUS NAS THUGS RDO RJE 'CHANG GI SA BON GYI THIG LE TZAM SNYING GAR DMIGS LA SNGAGS KYI THIG LE BSGOM PAR BYA'O, ,GTI MUG GI RIGS CAN GYIS DKYIL 'KHOR BZHI PO LAS G-YAS DANG G-YON DANG DMAN PA DANG DAL BUS RGYU BA'I DBYE BAS SPROS PA'I 'OD ZER GYI TSOGS KUN RDZOB KYI SNA RTZER THIG LE'I GZUGS BSGOM PAR BYA'O, ,DE BZHIN DU RIN CHEN 'BYUNG LDAN DANG DON YOD GRUB PA'I RNAL 'BYOR PA DAG GIS KYANG SMIN MTSAMS DANG LTE BA'I DKYIL DU THIG LE BSGOM PAR BYA BA NI PHRA MO'I RNAL 'BYOR RTOGS PAR BYA'O, ,DE BZHIN GSHEGS PA THAMS CAD NI ZHES PA LA PHUNG PO LNGA DANG DE RNAMS BSDU BAR BYED PA SKU LA SOGS PA'O, ,DE DAG NYE BAR SDUD PAR BYED PA'I PHYIR SKU GSUNG THUGS KYI RDO RJE NI RDO RJE 'CHANG CHEN PO STE DRUG PA'O, ,DE BZHIN GSHEGS PA THAMS CAD NI MI BSKYOD PA LA SOGS PA STE PHYAG RGYA LEGS PAR SBYANG BA'I SNGON DU 'GRO BAR PHYUNG BA'I SNGAGS KYI RIM PAS DAM TSIG GI DKYIL 'KHOR DANG SGRUB PA'I DKYIL 'KHOR SPROS LA LHA SUM CU RTZA GNYIS KYI BDAG NYID CAN GYI DE BZHIN GSHEGS PA DANG LHA MO DANG BYANG CHUB SEMS DPA'

, ,DANG KHRO BO RNAMS SO, ,DE RNAMS KYIS SEMS CAN GYI DON GYI PHYIR ZHES PA NI DE DAG GIS 'GRO BA'I DON MDZAD PA'I PHYIR RO, ,PHYOGS BCUR KHYAB PA ZHES PA LA REG BYA RDO RJE MA'I CHOS 'BYUNG BA'I NANG NAS PHYI ROL DU SPROS TE MNGON PAR DGA' BA LA SOGS PA'I SANGS RGYAS KYI ZHING DU 'JUG PAR BYA BA'I PHYIR PHYOGS BCUR GSHEGS PA'O, ,DE NYID NI CHOS KYI CHAR 'BEBS PAS NA ZHES PA NI NYE BAR MTSON PA TZAM YIN TE, ,BRTAN PA DANG SMIN PA DANG GROL BA DANG SANGS RGYAS KYI ZHING LA 'JUG PA'I PHYIR RO, ,DE NYID NI SEMS CAN BSAM PA SNA TSOGS PAS PHYE BA LA ZHES PA NI 'DOD CHAGS LA SOGS PA'I RIGS CAN RNAMS KYIS SEMS CAN GYI BSAM PA'I RJES SU 'BRANGS NAS BUD MED DANG SKYES PA'I DBYE BAS SPRO BA DANG ZHI BA DANG DRAG PO'I GZUGS DANG SGEG PA LA SOGS PA'I NYAMS DANG LDAN PA'I SKU'I DBYE BAS KYANG SPRO BA ZHES BYA BA'I THA TSIG GO, SKU DU MAR STON PA'I PHYIR BKOD PA'O ZHES PA NI ZHAL GSUM PA LA SOGS PA DANG RIGS SNA TSOGS PA'I RANG GI SKU BSTAN PA'I PHYIR RO, ,GANG GI PHYIR RDO RJE 'CHANG CHEN PO GCIG PU KHO NA CHOS KYI DBYINGS KYI RANG BZHIN YIN NA YANG KHA DOG LNGA DANG ZHI BA DANG DRAG PO DANG PHO DANG MO'I DBYE BAS RAB TU SNANG STE, DE DON DAM PAR DBYE BA NI MED DE, ,'OD GSAL BA'I RANG BZHIN YIN PA'I PHYIR RO, ,DE LTA BU'I TSUL GYIS ZHES BYA BA LA SOGS PA NI DANG PO'I SBYOR BA LA SOGS PA'I MTSAN NYID CAN ZHES BYA BA'I THA TSIG GO, ,RDO RJE NI DE BZHIN GSHEGS PA RNAMS SO ZHES PA LA RDO RJE BZHIN DU ME LONG LTA BU LA SOGS PA'I YE SHES RNAMS KYIS MI PHYED PA'I PHYIR RO, , 'DIR DE BZHIN GSHEGS PA'I SGRA NI NYE BAR MTSON PA YIN TE DES NA DE'I RIGS LAS BYUNG BA'I LHA MO DANG BYANG CHUB SEMS DPA' DANG KHRO BO RNAMS KYANG GZUNG NGO, ,DE SKAD CES BYA BA'I TING NGE 'DZIN GYI GZHI'I LE'U ZHES BYA BA LA, ,TING NGE 'DZIN NI GZHI CAN NO, ,LE'U NI GZHI'O, ,GZHI DANG GZHI CAN GYI DBYER MED PAR BYAS NAS TING NGE 'DZIN GYI LE'U ZHES BSTAN TE, TSEM BU DU BA BZHIN NO, ,TSEM BU LA GNAS PA'I BU CHUNG DU BA ZHES BYA BA'I THA TSIG GO, ,DE LTAR ZHES BYA BA LA SOGS PAS LE'U'I MING DON DANG LDAN PAS BSTAN TO, ,LHA RNAMS BSKYED PA'I YAN LAG DAG TU GYUR PA'I GSANG SNGAGS DANG

POR STON PA NI ZHES PA LA DANG PO SBYOR BA'I TING NGE 'DZIN GYI YAN LAG TU GYUR PA'I RNAL 'BYOR GYI PHYOGS GCIG PA STONG PA NYID BSGOM PA BRTAN PAR BYED PA'I MTSAN NYID KYI SNGAGS DANG PO BSTAN PAR BYA'O ZHES PA'I DON TO, ,AOm ZHES BYA BA LA SOGS PA LA DON DAM PA'I DKYIL 'KHOR BSGOMS PA'I 'OG TU SNGAGS 'DI BRJOD PAR BYA ZHES BYA BA'I DON TO, ,CHOS 'BYUNG BA LA GNAS PA'O ZHES PA NI BGEGS BSKRAD PA DANG STONG PA NYID BSGOMS PA'I 'OG TU YI GE H'Um GI SA BON LAS BSKYED PA'I GZHI'I DKYIL 'KHOR GYI RANG BZHIN GYI CHOS 'BYUNG GI PHYAG RGYA'I STENG DU YI SHES KYI SA GZHI 'BYUNG BA CHEN PO BZHI'I RANG BZHIN DANG RI RAB YONGS SU GYUR PA LAS, ,RIN CHEN SNA BDUN GYI GZHAL YAS KHANG PA'I NANG NA SNA TSOGS PADMA DANG, ZLA BA DANG, NYI MA'I DKYIL 'KHOR DU SKAD CIG GIS RDZOGS PA'I LHA SUM CU RTZA GNYIS KYIS LHAG PAR MOS PA'I DKYIL 'KHOR RNAM PAR BSGOM PA LA, DE NYID RDO RJE PHRENG BA LAS GSUNGS PA'I GZUGS PHUNG GTOGS PA ZHES BYA BA LA SOGS PAS DON DAM PA'I DKYIL 'KHOR DU BYAS LA, YAB YUM RO GCIG PAR GYUR NAS SNGAGS 'DIR BRTAN PAR BYAS TE, YANG YI GE GSUM LAS BYUNG BA'I PADMA DANG ZLA BA DANG NYI MA'I STENG DU YI GE GSUM YONGS SU GYUR PA LAS ZLA BA'I DKYIL 'KHOR LA SNGA MA'I PADMA LA SOGS PA GSUM ZHUGS TE CHOS KYI DBYINGS KYI SNGAGS KYIS RANG GI SEMS BRTAN PAR BYAS LA, DE'I STENG DU YI GE GSUM RNAM PAR BKOD LA DE NAS SPRO BA DANG BSDU BA SNGON DU 'GRO BAR RDO RJE BSKYED LA, ,DE YONGS SU GYUR PA LAS RDO RJE 'CHANG CHEN PO LA SOGS PA'I LHA'I 'KHOR LO GANG YANG RUNG BA RNAM PAR BSGOMS TE, YE SHES SEMS DPA' DANG TING NGE 'DZIN SEMS DPA' DGOD PA'I MTSAN NYID KYI RJES SU RNAL 'BYOR BYAS LA PHUNG PO DANG KHAMS DANG SKYE MCHED LA YIG 'BRU DGOD PA'I MTSAN NYID KYI SHIN TU RNAL 'BYOR RDZOGS NAS SKU LA SOGS PA LA BYIN GYIS BRLAB PA'I RNAL 'BYOR CHEN PO BYAS TE, PHYAG RGYA 'DUS NAS REG BYA RDO RJE MA'I CHOS 'BYUNG GI NANG DU PHYUNG BA'I SNGAGS KYIS DKYIL 'KHOR PA RNAMS SPRUL TE, DE LAS PHYI ROL DU SPROS LA 'GRO BA'I DON BYAS NAS SLAR YANG

, ,GSHEGS TE, SHAR LA SOGS PA'I PHYOGS DANG MTSAMS SU DKYIL 'KHOR PA RNAMS RIM GYIS BZHUGS PAR BSAMS LA, DBANG BSKUR BA DANG RGYAS BTAB CING DE'I 'OG TU 'CHAD PAR 'GYUR BA'I LAS KYI RGYAL BA MCHOG GI TING NGE 'DZIN GYI YAN LAG PHRA MO'I RNAL 'BYOR BSGOM PAR BYA'O, ,DE NYID BSTAN PAR BYA BA'I PHYIR RNAM PAR SNANG MDZAD LA SOGS PA'I LHA RNAMS KYI 'KHOR LO ZHES SMOS TE, YI GE GSUM YONGS SU GYUR PA LAS SKYES PA'I 'KHOR LO'I PHYAG MTSAN LAS BYUNG BA'I RNAM PAR SNANG MDZAD KYI SPRUL PA'I LHA SUM CU RTZA GNYIS KYI BDAG NYID KYI 'KHOR LO ZHES BYA BA'I DON TO, ,RIGS DANG DER 'BREL BA'I LHA RNAMS TE ZHES PA NI RNAM PAR SNANG MDZAD LA SOGS PA'I RIGS KYI 'BREL BA DANG LDAN PA'I LHA RNAMS ZHES BYA BA'I THA TSIG GO, ,DE NYID GNAS JI LTA BA BZHIN DU YANG DAG PAR GNAS PAS NA ZHES PA LA SHAR PHYOGS LA SOGS PA'I GNAS LA NYE BAR BKOD PAS SO, ,RANG GI BDAG PO'I SKU MDOG DANG 'DRA BA'O ZHES PA NI DBUS KYI GTZO BO LA LTOS PAS DBUS KYI SA'I CHA NI BDAG PO DANG MTSUNGS PA ZHES PA'I DON TO, ,DE LTAR RNAM PAR SNANG MDZAD KYI DKYIL 'KHOR GYI DBUS KYI SA'I CHA NI DKAR PO'O, ,SHAR DANG LHO DANG NUB DANG BYANG GI SA'I CHA RNAMS NI NAG PO DANG SER PO DANG, DMAR PO DANG LJANG GU'O, ,DE BZHIN DU MI BSKYOD PA'I DKYIL 'KHOR GYI DBUS KYI SA'I CHA NI KHA DOG NAG PO DANG SHAR LA SOGS PA DKAR PO DANG SER PO DANG, DMAR PO DANG LJANG GU'O, ,RIN CHEN 'BYUNG LDAN GYI DKYIL 'KHOR GYI DBUS KYI SA'I CHA NI SER PO DANG, SHAR LA SOGS PA DKAR PO DANG NAG PO DANG, DMAR PO DANG, LJANG GU'O, ,SNANG BA MTHA' YAS KYI DKYIL 'KHOR GYI DBUS KYI SA'I CHA NI DMAR PO DANG SHAR LA SOGS PA SNGA MA BZHIN NO, ,'ON KYANG NUB NI NAG PO'O, ,DON YOD GRUB PA'I DKYIL 'KHOR GYI SA'I CHA NI LJANG GU DANG; SHAR LA SOGS PA SNGA MA BZHIN NO, ,'ON KYANG BYANG NI NAG PO'O, ,DE LTAR SANGS RGYAS SPYAN MA NAS BRTZAMS TE GNOD MDZES KYI RGYAL PO'I BAR DU LHA SUM CU RTZA GNYIS KYI BDAG NYID CAN GYI DKYIL 'KHOR SUM CU RTZA GNYIS SU SHES PAR BYA'O, ,DE RNAMS MDOR BSDUS NA STONG PHRAG GCIG DANG NYI SHU RTZA

BZHI'I LHA RNAMS SU 'GYUR RO, ,DE RNAMS BDAG PO LA LTOS TE GNAS JI LTA BA BZHIN DU DGOD PAR BYA'O, ,KHA DOG SNA LNGA'I SA'I CHA DANG LDAN PA'O ZHES PA LA, BDAG PO LA LTOS TE SHAR LA SOGS PA'I PHYOGS SU KHA DOG LNGA DANG LDAN PA'O, ,THAMS CAD DU BZANG PO'I ZHES PA NI NANG GI DKYIL 'KHOR GYI KHYAD PAR RO, ,PHYI'I DKYIL 'KHOR NI GRU BZHI PA NYID DO, ,GZUGS RDO RJE LA SOGS PA DANG LDAN PA'O ZHES PA NI LHA'I SNAM BU DANG DRA BA PHYED PA DANG RIN PO CHE'I PHA GU DANG PA NYTZA R'A GA LA SOGS PA DANG LDAN PA'O, ,LHA LA SOGS PA NYE BAR BSTAN PA'I MCHOD PA RNAM PA LNGA DANG BCAS PA'O ZHES PA LA, SHIN TU DAD PA LAS 'ONGS PA'I BRGYA BYIN LA SOGS PA'I LHA'I TSOGS KYI LAG PAS 'BUL BA RNAM PA SNA TSOGS PA'I MCHOD PA DANG BCAS PA ZHES BYA BA'I THA TSIG GO, ,MDOR NA ZHES PA NI SNGAR BSHAD PA'I BSKYED PA'I RIM PAS SO, ,LHA'I 'KHOR LO 'DI LTAR BSAM PAR BYA'O ZHES BYA BA NI DKYIL 'KHOR RGYAL BA MCHOG GI TING NGE 'DZIN GYI SGO NAS BSKYED PA'I DE BZHIN GSHEGS PA LA SOGS PA'I LHA'I 'KHOR LO BSGOM PAR BYA'O, ,BDAG NYID NI DKYIL 'KHOR GYI 'KHOR LO LAS LOGS SU BDAG NYID KYANG THA DAD PAR BSGOM PAR MI BYA'I, 'ON KYANG DKYIL 'KHOR GYI BDAG PO'I RANG BZHIN DU BZHUGS PAR BDAG NYID BSAM PAR BYA BA'I DON TO, ,'KHOR LO'I DKYIL DU ZHES PA LA LHA SUM CU RTZA GNYIS KYI LHA'I 'KHOR LO'I DBUS SU'O, ,BDAG POR GYUR PA NYID KYIS GZHAG GO ZHES PA NI RNAL 'BYOR BZHIS BDAG NYID KYI DANG PO SBYOR BA'I TING NGE 'DZIN GYI ZHES BYA BA'I DON TO, ,SKAD KYI BYINGS BRJOD PA NI DON DU MA YIN PAS BSGOM PA'I SGRA NI GZHAG PA'I DON LA 'JUG GO, ,DE NAS ZHES BYA BA LA SOGS PAS RDO RJE 'CHANG CHEN PO LA RJES SU 'JUG PAS RNAM PAR SNANG MDZAD LA SOGS PA'I PHYAG RGYA CHEN PO BSGOM PA BSTAN TO, ,GANG GI PHYIR BCOM LDAN 'DAS RDO RJE 'CHANG CHEN PO NI, SHES PA DANG SHES BYA NYE BAR BSDUS PA'I NGO BO CHOS THAMS CAD KYI CHOS NYID KYI RANG BZHIN NO, ,DE BAS NA DES BYIN GYIS BRLABS PA'I DE BZHIN GSHEGS PA'I SKU RNAMS KYIS BSOD NAMS KYI TSOGS DANG YE SHES KYI TSOGS STER PAR 'GYUR RO, ,GZHAN DU NA BRTAG PAR BYA BA TZAM DE RNAMS KYI

, ,'BRAS BU GANG YANG STER BAR MI 'GYUR RO, ,DE LA RJES SU ZHUGS PA'I LHA'I SKU BRTAGS PA YANG YONGS SU DAG PA'I SKUR 'GYUR RO, ,DE NYID KYI PHYIR LE'U BCU GSUM PA LAS KYANG, ,RDO RJE SEMS DPA' RGYAL PO CHE, ,YANG DANG YANG DU BSKUL BAR BYA, ,DE NI SNGAGS RNAMS THAMS CAD KYI, ,RGYAL PO RTAG PA MCHOG YIN NO, ,ZHES 'BYUNG NGO, ,RAB TU BYED PA LAS KYANG, ,DE NI RANG BYUNG BCOM LDAN 'DAS, ,GCIG PU'I BDAG NYID CHE BA'I LHA, ,MAN NGAG RNAMS NI RAB STER BAS, ,RDO RJE SLOB DPON DE BAS LHAG ,CES 'BYUNG NGO, ,RDO RJE 'CHANG GI SPRUL PA YI, , ZHES PA NI, RDO RJE 'CHANG CHEN POS BSKYED CING, DE LA RJES SU ZHUGS TE DE'I RNAM PA NYID DU 'GYUR PA'O, ,BRTAN PA DANG G-YO BA'I BDAG NYID 'JIG RTEN PA 'DI JI SRID DE DAG THAMS CAD RDO RJE 'CHANG BA LAS BSKYED CING DE NYID DU THIM MO, ,JI SKAD DU, PHA ROL 'GRO BA KHA CIG GANG, ,RTAGS KYI DBYE BAS RNAM PAR GNAS, ,DE RNAMS KYANG 'DIS SMOD MI BYA, ,RDO RJE SEMS DPAS SPRUL PA YIN, ,ZHES 'BYUNG NGO, ,NAM MKHA'I DBYINGS NI THAMS CAD LA, ,RDO RJE SEMS DPA' DPAL LDAN BZHUGS, ZHES BDE MCHOG LAS 'BYUNG NGO, ,RNAM PAR SNANG MDZAD KYI PHYAG RGYA CHEN PO NI RDO RJE 'CHANG CHEN PO'I LHAG PAR MOS PAS, BSGOM PA'I RNAM PAR SNANG MDZAD LA SOGS PA'I SKU ZHES BYA BA'I THA TSIG GO, ,SKU RDO RJE NYID DU GYUR PA YIN YANG, ,ZHES PA NI SKU RNAM PAR DAG PA'I RANG BZHIN NYID DU GYUR PA'O, ,YON TAN GYI NGO BO NYID KYANG MNGA' BAS ZHES PA NI NANG DU CHUD PA'I GSUNG DANG THUGS KYI NUS PAS SO, , GANG GI PHYIR BCOM LDAN 'DAS RNAM PAR SNANG MDZAD NI SKU RDO RJE RNAM PAR DAG PA YIN PAR MA ZAD KYI, 'ON KYANG GSUNG DANG THUGS RNAM PAR DAG PA'I NGO BO YANG YIN NO, ,DE NYID KYI PHYIR DE BZHIN GSHEGS PA RNAMS KYI GTZO BOR GYUR PA'I CHA GCIG GIS MTSAN GYI THA SNYAD BYA BA YIN TE, DPER NA SNYING RJE'I RANG BZHIN 'JIG RTEN DBANG PHYUG BZHIN NO, ,DE LA SNYING RJE GCIG PU YOD KYI SHES RAB LA SOGS PA SANGS RGYAS KYI YON TAN GZHAN MED PA MA YIN NO, ,GTZO BO DANG GTZO BO MA YIN PA'I SANGS RGYAS KYI YON TAN DANG LDAN PA SANGS RGYAS DANG BYANG CHUB SEMS DPA' THAMS CAD YIN

NO; ,DPER NA ZHI BA'I RANG BZHIN RNAM PAR SNANG MDZAD YIN NO ZHES ZHI BA TZAM GYI NGO BO YANG MA YIN TE, RGYAS PA LA SOGS PA YANG MDZAD PA'I PHYIR RO, ,DE BZHIN DU RGYAS PA LA SOGS PA'I RANG BZHIN RIN CHEN 'BYUNG LDAN LA SOGS PA YANG SHES PAR BYA'O, ,SEMS CAN RNAMS KYI BSAM PA DANG BAG LA NYAL DANG BAG CHAGS DANG RIGS KYI DBYE BAS DE DANG RJES SU MTHUN PA'I GTZO BOR GYUR PA'I YON TAN GYI KHYAD PAR DMIGS TE, BCOM LDAN 'DAS KYIS DE BZHIN GSHEGS PA DANG BYANG CHUB SEMS DPA' LA SOGS PA'I RANG BZHIN BSTAN TO, ,DE BZHIN DU ME LONG LTA BU LA SOGS PA'I YE SHES LNGA'I RANG BZHIN RNAM PAR SNANG MDZAD LA SOGS PA RE RE LA YOD NA YANG MOS PA'I DBYE BAS YE SHES RE RE'I RANG BZHIN DU BSTAN TO, ,NYON MONGS PA DANG SHES BYA'I SGRIB PA MED PA MNGON PAR BYANG CHUB PA RNAM PA LNGA'I RIM PAS YANG DAG PAR RDZOGS PA'I SANGS RGYAS KYI GO 'PHANG THOB PA DE BZHIN GSHEGS PA RNAMS LA BAR CHOD MED DE GANG GIS DE RNAMS RE RES MING THOB PA YIN GYI TSANG PAS NI MA YIN NO, ,LAS DANG PO PA 'JUG PAR BYA BA'I PHYIR RIM GYIS YE SHES THOB PA YIN NO ZHES ME LONG LTA BU LA SOGS PA'I RANG BZHIN BSTAN TO, ,CHOS DANG CHOS MIN DKA' THUB STONG, ,BSDAMS DANG NGES BSDAMS 'DUL BA DANG, ,DUD 'GRO DMYAL BA YI DAGS DANG, ,LHA DANG BCAS PA'I MI RNAMS DANG, ,STON PA DANG NI NYAN THOS DANG, ,THAMS CAD DE DAG KUN RDZOB STON, ,LAS DANG PO YI 'JIG RTEN PA, ,DON DAM PA LA 'JUG PA'I PHYIR, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,DE LTAR BYIS PA'I SMRA BA 'DI, ,MTHAR NI THAMS CAD 'JIG PAR 'GYUR, ,BRJOD DU MED CING BRJOD MED PA'I, ,GANG YANG DE NYID SNANG BA'O, ,ZHES 'BYUNG NGO, ,DE BAS NA DE BZHIN GSHEGS PA THAMS CAD SKU GSUNG THUGS KYI RNAM PAR DAG PA'I RANG BZHIN YANG GDUL BYA'I DBANG GIS NGO BO GCIG YIN NO ZHES BSTAN TO, ,RGYU DU MA TSOGS PA LAS SKYES PA'I 'BRAS BU GANG LAS DE MA THAG TU SKYES PA DE DES MING GI THA SNYAD DU BYAS TE, DPER NA RNGA BO CHE'I SGRA DANG NAS KYI MYU GU BZHIN NO, ,DE BZHIN DU GANG LA DMIGS NAS RNAM PAR DAG PA 'BYUNG BA GANG YIN

, ,PA DE; DE'I MING GIS BSTAN PA YIN TE, DPER NA SKU RDO RJE DANG GSUNG RDO RJE DANG THUGS RDO RJE LA SOGS PA BZHIN NO, ,'DI LA LHA RNAMS KYI 'KHOR LO BSDUS PAS NA ZHES PA LA, RDO RJE 'CHANG CHEN PO NYID LA DKYIL 'KHOR GYI 'KHOR LO THAMS CAD YONGS SU BSDU BAR 'GYUR TE; GANG GI PHYIR ZUNG DU 'JUG PA'I RIM PAS THOB PAR BYA BA'I RDO RJE 'CHANG CHEN PO'I SKU LA PHUNG PO LA SOGS PA'I DKYIL 'KHOR GYI 'KHOR LO THIM PAR SNANG STE, BDEN PA GNYIS GNYIS SU MED PA'I PHYIR RO, ,DE NI NYE BAR MTSON PA TZAM YIN TE, ,NYON MONGS PA DANG NYE BA'I NYON MONGS PA'I KHAMS GSUM PA YANG DE LA THIM PAR 'GYUR TE, JI SKAD DU, DBYIBS DANG KHA DOG SNA TSOGS PA'I, ,JI SRID SPRIN NI DU MA RNAMS, ,NAM MKHA'I KHAMS LAS BYUNG NAS NI, ,DE NYID DU NI THIM PAR 'GYUR, ,DE BZHIN RANG BZHIN THAMS CAD NI, ,SNANG BA GSUM GYI RGYUR GYUR PA, ,MA LUS YUL LA ZHUGS NAS NI, ,'OD GSAL BAR NI 'JUG PAR 'GYUR, ,ZHES 'BYUNG NGO, ,THEG PA CHEN PO'I MDO LAS KYANG, ,SKRA RTZE GCIG LAS SANGS RGYAS DU MA NI, ,GANG G'A'I BYE MA SNYED DANG MTSUNGS PA STE, ,RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA'O, ,ZHES 'BYUNG NGO, ,RDO RJE 'CHANG CHEN PO'I SKU ZHES PA NI DRUG PA'O, ,DE DANG LHAN CIG TU SBYOR BA ZHES PA NI DANG PO SBYOR BA'I TING NGE 'DZIN GYI PHYOGS GCIG NI TING NGE 'DZIN GYIS RDZOGS LA RDO RJE 'CHANG CHEN PO'I SKU BSGOMS PA'I 'OG TU RANG GI THUGS KA NAS MI BSKYOD PA SPROS TE, ,DES 'GRO BA'I DON BYAS LA DE DANG LHAN CIG DUS GCIG TU GYUR NAS MI BSKYOD RDO RJER BDAG NYID BSGOM PAR BYA ZHES BYA BA'I DON TO, ,DE BZHIN DU ZHES BYA BA LA SOGS PAS RIN CHEN 'BYUNG LDAN LA SOGS PA'I TING NGE 'DZIN BSTAN TO, ,SKU MDOG CES BYA BA LA SOGS PAS ZHE SDANG RDO RJE LA SOGS PA'I SKU MDOG DANG PHYAG MTSAN DANG NYAMS DANG RNAM PAR DAG PA BSTAN TE, KHRO BA DANG 'DOD CHAGS CHEN PO 'DRES PAR GYUR PAS ZHES PA NI RNAL 'BYOR CHEN PO'I RGYUD NI 'DOD CHAGS DANG, ZHE SDANG RNAM PAR DAG PA'I RANG BZHIN YIN PA'I PHYIR RO, ,DE LA MCHE

BA CUNG ZAD GTZIGS PA'O ZHES PA NI KHRO BO'I NYAMS DANG LDAN PA DANG REG BYA RDO RJE MAS 'KHYUD PA CHAGS PA'I RO DANG LDAN PAR BSTAN TO, ,SHEL ZHES BYA BA LA SOGS PAS RNAM PAR SNANG MDZAD KYI DBYIBS DANG SKU MDOG DANG PHYAG MTSAN RNAMS BSTAN TO, ,GSER GYI MDOG CAN LA ZHES PA NI RGYAS PA'I RANG BZHIN YIN PA'I PHYIR RO, ,DE BZHIN GSHEGS PA'I SPRIN GYIS KUN DU 'KHRIGS PAR BSGOM PA'O ZHES PA NI DBUS KYI GTZO BO NYID DU BZHUGS NAS 'GRO BA DBUL BA'I SDUG BSNGAL BCOM PA'I PHYIR RANG DANG RJES SU MTHUN PA DZAMBHA LA LA SOGS PA SPRO BAR MDZAD PA'O, ,RDO RJE RTZE DGU PA ZHES PA NI DE BZHIN GSHEGS PA LNGA DANG LHA MO BZHI'I RANG BZHIN YIN PA'I PHYIR RO, ,BSHAD PA'I RGYUD LAS KYANG, DBUS RTZE RNAM PAR SNANG MDZAD DANG, ,SHAR LA MI BSKYOD RIN CHEN LHOR, ,NUB DANG BYANG GI RTZE DAG LA, ,'OD DPAG MED DANG DON YOD GRUB, ,PADMA 'DAB MA BRGYAD PA NI, ,DE YI 'DAB MA RE RE LA; ,SHIN DU GSAL BA'I PHYAG MTSAN CAN, ,BYANG CHUB SEMS DPA' BRGYAD YIN TE, ,LAG NA PADMA BYAMS PA DANG, ,NAM MKHA'I SNYING PO KUN DU BZANG, ,GNOD SBYIN BDAG PO 'JAM DPAL DANG, ,RNAM PAR SEL DANG SA SNYING PO, ,'OG TU SHAR RTZER RDOR MKHA' 'GRO, ,LHOR 'JIGS MA YI MKHA' 'GRO MA, ,NUB TU GTUM MO ZHES NI BYA, ,RO LANGS MA NI BYANG DU DGOD, ,DBUS SU YE SHES MKHA' 'GRO MA, ,'OG RTZE RNAM PAR DAG PA YIN, ,SPYAN MA DANG NI M'A MA K'I, ,GOS DKAR MO DANG SGROL MA DANG, ,SKUL BYED MA DANG RIN CHEN SGRON, ,SKE RAGS GZHAN GYIS MI THUB MA,, PADMA LA GNAS MKHA' 'GRO MA, ,RDO RJE DE NYID 'DI YIN NO, ,DBUS KYI CHANG ZUNG YE SHES DBYIG ,SPRO DANG BSDU BA MDZAD PA'O, ,ZHES 'BYUNG NGO, ,DE LTAR LHA NYI SHU RTZA BRGYAD KYI RANG BZHIN NI RDO RJE YIN NO, ,MARGATA ZHES BYA BA NI NAM MKHA' LTAR SNGO BA ZHES BYA BA'I THA TSIG GO, ,RIN CHEN 'BYUNG LDAN GYI PHYAG MTSAN GSUNGS PA'O ZHES PA NI ZUR DRUG PA'I RIN PO CHE STE 'GRO BA RIGS DRUG PA'I SEMS CAN GYI KHAMS KYI ZUR RE RES BSAM PA THAMS CAD RDZOGS PAR BYED PA'I PHYIR RO, ,'OD DPAG TU MED PA'I PHYAG MTSAN GSUNGS PA'O ZHES PA NI KHA BYED PA'I PHYAG RGYA DANG LDAN PA'I PADMA R'A GA'I KHA DOG DANG 'DRA BA'I

, ,PADMA ZHES BYA BA'I THA TSIG GO, ,JI LTAR PADMA DMAR PO 'DI, ,'DAM GYI SKYON GYIS MA GOS PA, ,DNGOS PO'I SKYON NI SNA TSOGS PAS, ,DE BZHIN KHAMS GSUM PA NI DAG ,CES 'BYUNG NGO, ,SNA TSOGS PA'I 'GRO BA MA LUS PA'I DON SGRUB PAR MDZAD PA'I NGO BO NYID YIN PAS ZHES PA LA, DON YOD PA NI BYA BA NAN TAN GRUB PA'I YE SHES KYI RANG BZHIN YIN PA'I PHYIR RO, ,'OD ZER DKAR PO LA SOGS PA DANG LDAN PA'I PHYIR RO ZHES PA DE NI DON YOD GRUB PA LAS THAMS CAD YIN PA'I PHYIR RO, ,RAL GRI BSNAMS PA NI NYON MONGS PA THAMS CAD GCOD PAR BYED PA'I SHES RAB KYI NGO BO 'CHANG BAS SO,, DES NI SEMS CAN RNAMS GDUL BAR BYA BA'I PHYIR YE SHES NYID SNGON PO LA SOGS PA'I KHA DOG GI KHYAD PAR GYI RNAM PA NYID DU BSTAN TO, ,AINDRA BH'U TI'I ZHAL SNGA NAS KYIS KYANG, ,SHIN TU RNAM DAG NGO BO'I PHYIR, ,KHA DOG DKAR POS RAB TU BSTAN, ,KUN LA GTONG BAS SER PO NYID, ,RTAG TU BRTZE BAS DMAR PO YIN, ,DKON MCHOG GSUM LA GNOD BYED SOGS, ,'DUL BAR BYED PA LA BRTZON PA, ,'GRO BA'I DON LA MDZAD PA'I MCHOG ,YE SHES DE NI NAG POR BSHAD, ,SNA TSOGS THABS KYIS GDUL BA'I PHYIR, ,KHA DOG LJANG GU RAB BSTAN PA'O, ,ZHES GSUNGS SO; ,DE BZHIN DU THUGS RDO RJE 'CHANG BA LA SOGS PA'I RDO RJE LA SOGS PA PHYAG MTSAN GANG YIN PA DE RNAMS YE SHES KYI KHYAD PAR NYID YIN NO, ,JI SKAD DU, GZUGS LA SOGS PA SKYE MCHED RNAMS, ,GANG PHYIR RANG NYID KYIS BRJOD PA, ,DES NA SANGS RGYAS YE SHES NI, ,DE BZHIN GSHEGS PAS PHYAG DRUG GSUNGS, ,BYANG CHUB SEMS NI RDO RJE STE, ,SHES RAB DRIL BU MNGON PAR BRJOD, ,MA RIG GCOD BYED 'KHOR LO STE, ,RIN CHEN RIN THANG MED PA'I PHYIR, ,SRID PA'I SKYON GYIS MA GOS PAS, ,YE SHES DE NI PADMAR BSHAD, ,RAL GRI NYON MONGS DGRA GCOD PA, , AUTPALA DE LAS SKYOB PA'I PHYIR, ,'KHOR PA'I DRA BA NGES TSIG PA'I, ,GANG PHYIR YE SHES NYID SKYES PA, ,SANGS RGYAS RJES GNANG SEMS CAN GYIS, ,RDEG PAR BYED PA THOB PAR BSHAD, ,CHAD PAS GDUL PHYIR DBYUG PA STE, ,SEMS CAN 'DUL BYED DE SHES YIN, ,PHAN TSUN KHYAB PA MI

BYED PHYIR, ,SNA TSOGS RDO RJE YIN PAR BSHAD, ,SKU MDOG DANG PHYAG MTSAN DANG YE SHES KYI RANG BZHIN 'BA' ZHIG TU MA ZAD KYI, ,'ON KYANG RNAM PAR SNANG MDZAD LA SOGS PA YANG DE'I NGO BO NYID DO, ,SEMS CAN KUN LA SNANG BYED PHYIR, ,RANG GI RANG BZHIN SNANG BYED PAS, ,DE BZHIN GSHEGS ZHES DAG PA NI, ,DE NI RNAM PAR SNANG MDZAD BSHAD, ,MA RUNGS THAMS CAD SKYE BO DANG, ,BLA MA LA NI LOG PA RNAMS, ,MI STON PA YI RANG BZHIN PHYIR, ,DE NI MI BSKYOD RAB TU BSHAD, ,GANG PHYIR SANGS RGYAS LA SOGS PA, ,RIN PO CHE RNAMS RAB BYUNG PAS, ,SEMS CAN DON LDAN YE SHES NI; ,RIN CHEN 'BYUNG LDAN BSHAD PA YIN, ,MI GNAS MYA NGAN LAS 'DAS PA'I, ,SRID DANG THAR PA MI DMIGS PA, ,MTHA' YAS YON TAN DANG LDAN PAS, ,DE NI SNANG BA MTHA' YAS BSHAD, ,SEMS CAN KUN GYI DON MDZAD PA'I, ,GANG PHYIR RANG NYID GRUB PAS NA, ,DON DANG BCAS PA'I YE SHES TE, ,DON YOD GRUB BAR BSHAD PA YIN, ,KHAMS GSUM PAS NI YONGS BSGOMS PAS, ,PHRA BA DANG NI RAGS PA'I GZUGS, ,ZHING KUN LA GNAS GZIGS PA'I PHYIR, ,DES NA SANGS RGYAS SPYAN MAR BSHAD, ,GANG PHYIR BDAG DANG BDAG GIR NI, ,DE BZHIN GSHEGS KUN YE SHES TE; ,PHAN TSUN KHYAB PAR BYED PA NA, ,DES NI M'A MA K'I RU BSHAD, ,SKYON KUN 'PHROGS PA'I YE SHES NI, ,DE BZHIN GSHEGS PA KUN GYI MCHOG ,SEMS CAN SBYANG BA LA BRTZON PA'I, ,GOS DKAR MOR NI BSHAD PA YIN, ,RTAG TU THUGS RJE CHEN PO YIS, ,'GRO BA 'DON PA'I BSAM PA CAN, ,SEMS CAN SGROL PA LA BRTZON PA, ,SGROL MA SHES RAB TU NI GRAGS, ,SA LA SOGS PA'I KHAMS GYUR PA, ,SANGS RGYAS YE SHES KYIS BRJOD PAS, ,'DOD PA THAMS CAD LONGS SPYOD PHYIR, ,SPYAN MA LA SOGS RAB TU GRAGS, ,'CHI SOGS 'JIGS PA LAS GROL BA'I, ,DE BZHIN GSHEGS PA KUN GYI MCHOG ,GDUL DKA' 'DUL BA'I YE SHES NI, ,DE PHYIR SNYING RJE MTHAR BYED BSHAD, ,DAG PAS SPYAD NA 'GRO BA NI, ,THAMS CAD DGA' BA'I RANG BZHIN 'GYUR, ,SRID PAS MI GOS RTOGS PA'I PHYIR, ,DE NI PADMA MTHAR BYED BSHAD, ,YE SHES DON KUN SGRUB BYED PA, ,SANGS RGYAS KUN GYI RANG BZHIN GRUB,,

, ,BGEGS LA SOGS PAS MI GNOD PA, ,DE PHYIR BGEGS NI MTHAR BYED BSHAD, ,RMONGS PA'I SEMS CAN GYIS SMRAS PA, ,LOG PA'I SHES PA RNAM SPYAD NAS, ,YANG DAG YE SHES LA 'JOG PAS, ,SHES RAB MTHAR BYED BSHAD PA YIN, ,SHES BYA MED PAS SHES PA MIN, ,SNYOMS PAR ZHUGS PA BSHAD PA YIN, ,CHAGS PA LA SOGS GSUM SBYANGS PAS, ,SRID GSUM MNGON 'GYUR YE SHES NI, ,SANGS RGYAS KUN GYI RANG BZHIN 'GRUB, ,DES NI ZHAL GSUM BSHAD PA YIN, ,ZHES BYA BA LA SOGS PA 'BYUNG NGO, ,DES NI DE BZHIN GSHEGS PA LNGA YE SHES LNGA'I RANG BZHIN NYID DU BSTAN TO, ,DE RNAMS KYI NGES TSIG NI, DE LAS KYANG JI SKAD DU, JI LTAR GZUGS BRNYAN ME LONG LA, ,RANG GI GZUGS NI GNYIS SNANG BA, ,CHOS SKUR DE BZHIN YE SHES NI, ,ME LONG SHES BYA SNANG BA YIN, ,DE BZHIN GSHEGS KUN YE SHES NI, ,SROG CHAGS RNAMS KYI RANG LHA NYID, ,RANG NYID GCIG TU RTOGS PA'I PHYIR; ,MNYAM NYID YE SHES BSHAD PA YIN, ,GZOD MA NAS DAG MA SKYES PA'I, ,RANG BZHIN NYID KYIS 'OD GSAL BA, ,PHAN TSUN KHYAB PAR BYED PAS NA, ,SO SOR RTOG PA'I YE SHES BSHAD, ,KUN DU RTAG TU KUN NAS NI, ,SANGS RGYAS MDZAD PA RAB [?] 'JUG PA, ,SANGS RGYAS KUN MDZAD GCIG YIN PHYIR; ,BYA BA NAN TAN GRUB PAR BSHAD, ,NYON MONGS SHES BYA'I SGRIB PA KUN, ,GANG TSE GROL NA DE TSE YI, ,RNAL 'BYOR PA MCHOG RDO RJE CAN, ,SHIN TU RNAM PAR DAG CES BSHAD, ,CES 'BYUNG NGO, ,DE RNAMS BSKYED PA'I ZHES BYA BA LA SOGS PA ZHES PA NI, DANG PO'I SBYOR BA'I PHYOGS GCIG TU GYUR PA'I DON DAM PA'I DKYIL 'KHOR GYI 'OG TU PADMA LA SOGS PA BSDU BAR BYED PA'I ZLA BA'I DKYIL 'KHOR GYI RNAM PA'I SEMS BRTAN PAR BYA BA'I PHYIR CHOS KYI DBYINGS KYI SNGAGS BRJOD PA'I MTSAN NYID CES BYA BA'I DON TO, ,GANG CHOS KYI DBYINGS KYI NGO BO NYID DU GYUR PA ZHES BYA BA NI STONG PA NYID KYI YE SHES KYI RANG BZHIN NO, ,SKYED PAR MDZAD PA STE ZHES PA NI DON DAM PA'I DKYIL 'KHOR GYI RIM PAS 'OD GSAL BAR BYAS LA YANG DE'I NGO BO NYID DU SKU GSUNG THUGS BSKYED PAR BYA'O, ,BYANG CHUB KYI SEMS KYI ZLA BA'I DKYIL 'KHOR GYI NGO BO NI RDO RJE 'CHANG GI SKU GSUNG THUGS ZHES BYA BA'O, ,AOm ZHES BYA BA LA

SOGS PA LA, AOm NI SKU GSUNG THUGS NYE BAR SDUD PAR BYED PA'I NGO BO DON DAM PA'I BDEN PA'I RNAM PA CAN RDO RJE 'CHANG CHEN PO'O, ,DHARMA DH'A TU NI CHOS THAMS CAD GNYIS SU MED PA'I NGO BO NYID YIN PA'I PHYIR RO, ,SVA BH'A BA NI RANG BZHIN GANG LA YOD PA DE NI CHOS KYI DBYINGS KYI RANG BZHIN KHAMS GSUM GYI BDAG NYID G-YO BA DANG BRTAN PA'I 'GRO BA STE, ,DE'I RNAM PA BDAG YIN NO ZHES RNAL 'BYOR PAS NGA RGYAL BSKYED PAR BYA'O, ,'DIS NI BDAG NYID ZLA BA'I DKYIL 'KHOR DANG 'DRA BAR BYIN GYIS BRLABS LA ZHES PA NI YI GE GSUM YONGS SU GYUR PA LAS SKYES PA'I PADMA LA SOGS PA GSUM GYI STENG DU YI GE, GSUM YONGS SU GYUR PA LAS SKYES PA'I ZLA BA LA SNGAR BSGOMS PA'I PADMA LA SOGS PA GSUM DANG RO GCIG PAR GYUR PA'I ZLA BA'I DKYIL 'KHOR DANG 'DRA BA'I SEMS NYID BYIN GYIS BRLABS NAS ZHES BYA BA'I DON TO, ,YID MI BDE BA LAS GROL BA'I, ,RNAM RTOG MUN PA SEL BYED CING, ,NYON MONGS DRI MA KUN LAS DAG ,ZLA BA BZHIN DU SEMS ZLA BA'O, ,ZHES 'BYUNG NGO, ,RTZA BA'I RGYUD LAS KYANG, BCOM LDAN 'DAS ZLA BA'I DKYIL 'KHOR DANG 'DRA BA'I SEMS MTHONG NGO ZHES 'BYUNG NGO, ,DE'I STENG DU YI GE GSUM LA SOGS PA'I LHA'I SKUR BSKYED DE ZHES PA LA ZLA BA'I DKYIL 'KHOR GYI STENG DU YANG YI GE GSUM BKOD PA DE YONGS SU GYUR PA LAS RDO RJE RTZE LNGA PA 'AM 'KHOR LO LA SOGS PA BSGOMS LA, ,DE LA YANG YIG 'BRU DGOD CING SPRO BA DANG BSDU BA'I RIM PA'I GRO BA'I DON BYAS LA BADZRA A'ATMA KO&HAm ZHES BYA BAS NGA RGYAL BYAS LA, DE YONGS SU GYUR PA LAS RDO RJE 'CHANG CHEN PO'I SKU DANG GCIG TU GYUR PA'I RNAM PAR SNANG MDZAD LA SOGS PA'I DE BZHIN GSHEGS PA'I PHYAG RGYA'I SKU BSGOMS LA, YE SHES SEMS DPA' DANG TING NGE 'DZIN SEMS DPA' DGOD CING PHUNG PO DANG KHAMS DANG SKYE MCHED RNAM PAR DAG PAR BYA STE, SKU LA SOGS PA BYIN GYIS BRLAB PA'I MTSAN NYID KYI RNAL 'BYOR CHEN PO YONGS SU RDZOGS SHING DBUS KYI GTZO BOR GYUR NAS, DANG PO SBYOR BA'I 'OG TU PHYAG RGYA LEGS PAR SBYANG ZHING DKYIL 'KHOR PA RNAMS SPRUL LA DKYIL 'KHOR LA DGOD DE, DBANG BSKUR BA DANG RGYAS GDAB PA'I BAR DU DKYIL 'KHOR RGYAL BA MCHOG YONGS SU RDZOGS TE LAS KYI RGYA BA MCHOG GI

, ,PHYOGS GCIG PA 'CHAD PAR 'GYUR BA'I RIM PAS, PHRA MO'I RNAL 'BYOR ZHES PA NI 'OG NAS 'CHAD PAR 'GYUR BA'I RIM PAS BSGOM PAR BYA'O, ,DRANG BA'I DON TO ZHES PA NI TING NGE 'DZIN GNYIS 'CHAD PAR 'DOD PA'I PHYIR RO, ,DE NYID GSAL BAR BYA BA'I PHYIR, ,BSKYED PA'I RIM PA'I TING NGE 'DZIN TO ZHES SMRAS PA LA, 'CHAD PAR 'GYUR BA'I PHRA MO'I RNAL 'BYOR DANG LHAN CIG TU TING NGE 'DZIN GSUM GYI BDAG NYID CES BYA BA'I THA TSIG GO, ,DA NI LE'U BRTZAM PA NAS BRTZAMS TE TSIG DE RNAMS NYID RDO RJE BZLAS PA LA SOGS PA RDZOGS PA'I RIM PA'I SGO NAS BSTAN PAR BYA BA'I PHYIR 'OD ZER LNGA PO ZHES SMOS PA LA, ME LA SOGS PA'I DKYIL 'KHOR BZHI PO LAS 'BYUNG BA'O, ,STENG GI SGO NAS 'BYUNG BA ZHES BYA BA NI GDONG GI SNA KHUNG GNYIS KYI LAM NAS SO, ,TSOGS SO ZHES PA NI NYIN MO DANG MTSAN MOR NYI KHRI CHIG STONG DRUG BRGYA SROG DANG RTZOL BA 'BYUNG BA'O, ,DKYIL 'KHOR RE RE LA DKYIL 'KHOR BZHI RAB TU 'BYUNG ZHING ZHES PA LA LKOG MA'I GNAS SU ME'I DKYIL 'KHOR YIN NA YANGS DANG CHU DANG RLUNG GI KHAMS KYI RANG BZHIN GYI CHA GSUM GYIS KHYAB PA'O, ,DE BZHIN DU SNYING GA CHU'I DKYIL 'KHOR YANG SA DANG ME DANG RLUNG GI DKYIL 'KHOR GYI CHUS KHYAB PA'O, ,DE BZHIN DU LTE BAR RLUNG GI DKYIL 'KHOR YANGS DANG CHU DANG ME'I KHAMS KYI CHAS KHYAB PA'O, ,DE BZHIN DU GSANG PA'I GNAS SU SA'I DKYIL 'KHOR YANG CHU DANG ME DANG RLUNG GI KHAMS KYI CHAS KHYAB PA'O, ,DE BZHIN DU DKYIL 'KHOR GYI CHA RE RE LA NYIS BRGYA DANG NYI SHU RTZA LNGA'I GRANGS KYIS CHA BZHI PO LA DGU BRGYAR 'GYUR RO, ,'JUG PA DANG LDANG BA DANG GNAS PA'I RIM PAS DKYIL 'KHOR GCIG LA NYIS STONG BDUN BRGYAR 'GYUR RO, ,CHU DANG RLUNG DANG SA'I DKYIL 'KHOR RNAMS SU YANG NYIS STONG BDUN BRGYA DANG NYIS STONG BDUN BRGYA'I GRANGS KYIS STONG PHRAG BCU DANG BRGYAD BRGYAR 'GYUR RO, ,DE BZHIN DU MTSAN MOR YANG STONG PHRAG BCU DANG BRGYAD 'GYUR RO, ,GCIG TU BSDUS TE NYI KHRI CHIG STONG DRUG BRGYAR 'GYUR RO, ,DE NYID KYI PHYIR DKYIL 'KHOR BZHI PO LA 'JUG PA LA SOGS PA'I RIM GYIS NYIN MOR RGYU BA BCU GNYIS DANG MTSAN MOR RGYU BA BCU GNYIS

TE GCIG TU BSDUS NAS NYI SHU RTZA BZHIR 'GYUR RO, ,DE NYID KYI PHYIR DKYIL 'KHOR BZHI PO LA 'JUG PA LA SOGS PA'I RIM GYIS DGONGS PA LUNG BSTAN PA'I BSHAD PA'I RGYUD LAS KYANG, GOS DKAR MO LA SOGS PAR BSHAD, ,BRGYA PHRAG GNYIS DANG NYE SHU LNGA, ,BZHI PO LEGS PAR BSGRES PAS NI, ,SBYOR BZHI BSDUS PAS BRGYA PHRAG DGU, ,DGU BRGYA DAG TU GANG BSTAN PA, ,NYI SHU RTZA BZHI'I RIM PA YIS, ,LEGS PAR BSDUS TE DE DAG NI, ,NYI KHRI TSIG STONG DRUG BRGYAR 'GYUR, ,ZHES 'BYUNG NGO, ,DKAR PO LA SOGS PA KHA DOG RNAMS KYIS PHYE BAS NA BKOD PA STE ZHES PA NI, 'DIR DKYIL 'KHOR RE RE GAL TE RIGS DANG RJES SU MTHUN PAS KHA DOG DMAR PO LA SOGS PA DANG LDAN PA YIN NA YANG DE BZHIN DU KHA DOG LNGA'I 'OD ZER GYI TSOGS DANG LDAN PA DE DAG SHES PAR BYA'O, ,G-YAS PA LAS BYUNG 'OD ZER NI, ,DE NYID ME YI DKYIL 'KHOR TE, ,KHA DOG DMAR PO DE GSAL BAS; ,DER NI PADMA'I MGON PO LHA, ,G-YON PA LAS BYUNG 'OD ZER NI, ,RLUNG GI DKYIL 'KHOR ZHES BYA BA'I, ,LJANG SER KHA DOG DANG MTSUNGS PA'I, ,DER NI LAS KYI MGON PO LHA, ,GNYI GA LAS BYUNG 'OD ZER NI, ,KHA DOG SER PO 'OD CHEN PO, ,DBANG CHEN DKYIL 'KHOR DE NYID DE, ,DER NI RIN CHEN MGON PO LHA, ,DAL BUS DMAN PAR RGYU BA NI, ,DKAR BA KUN DA ZLA BA MTSUNGS, ,DE NYID CHU YI DKYIL 'KHOR TE, ,DER NI RDO RJE MGON PO LHA, ,RLUNG NI LUS KUN RJES 'GRO BA'I, ,BYA BA KUN LA RAB 'JUG PA, ,RNAM PAR SNANG MDZAD RANG BZHIN TE, ,'CHI BA'I LUS LAS 'BYUNG BAR 'GYUR, , ZHES 'BYUNG NGO, ,TING NGE 'DZIN LA YANG DAG PAR DMIGS PA'O ZHES PA NI RDO RJE BZLAS PA'I MTSAN NYID CAN GYI TING NGE 'DZIN LA DMIGS NAS SO, ,RDO RJE YI GE GSUM MO ZHES PA NI SKU RDO RJE LA SOGS PA'I SA BON YIN PA'I PHYIR RO, ,DE'I BKOD PA NI TSOGS TE ZHES PA NI BCOM LDAN 'DAS RDO RJE 'CHANG GIS SEMS CAN RNAMS KYI BSAM PA DANG BAG CHAGS DANG BAG LA NYAL DANG RIGS KYI DBYE BAS SNGAGS KYI DBYE BA BDUN KHRI NYIS STONG GSUNGS SO, ,DE DAG THAMS CAD SKU GSUNG THUGS KYI RANG BZHIN GYI YI GE GSUM LA BSDU BAR 'GYUR TE, ,DE LA 'BYUNG BA'I RIM PA NI LTE BA'I PHYOGS NAS SROG CES BYA BA'I

, ,RLUNG GI GNAS BRGYAD LA REG PAS YI GE RNAMS 'BYUNG NGO, ,DE RNAMS KYIS TSIG DANG DES KYANG NGAG CHEN PO SKYE BAR 'GYUR RO, ,DE RNAMS KYIS KYANG BYA BA DANG BYED PA PO DANG RTAGS DANG BSDU BA DANG BDAG GI TSIG DANG GZHAN GYI TSIG DANG BYED PA DANG DE LA PHAN PA DANG KUN DU BSHAD PA DANG TSIG PHRAD DANG NYE BAR BSGYUR BA DANG LAS RAB TU BRJOD PA LA SOGS PA'I DBYE BAS ROL MO DANG TSIG LHUG PA LA SOGS PA DANG, ,BYA BA DANG SPYOD PA LA SOGS PA'I DBYE BAS CHOS KYI PHUNG PO BRGYAD KHRI BZHI STONG 'BYUNG BAR 'GYUR RO, ,DE LTAR NGAG GI SPROS PA THAMS CAD KYI YI GE PHYI MO GCIG PU NYID RTZA BA YIN TE, DE LA SDE TSAN BRGYAD NI RNAM PAR SHES PA BRGYAD KYI RANG BZHIN NO, ,DBYANGS KYI SDE TSAN GCIG DANG KA LA SOGS PA DU MA'I BAR DU REG PA'I SDE TSAN LNGA DANG, MTHAR GNAS PA DANG DROD KYI SDE TSAN GNYIS SO, ,DE RNAMS KYANG AA LA SOGS PA DANG PO'I YI GE RNAMS LA BSDU BAR 'GYUR RO, ,DE RNAMS KYANG AA KA YA SHA'I YI GE BZHI PO LA THIM PAR 'GYUR TE, KHAMS BZHI'I RANG BZHIN YIN PA'I PHYIR RO, ,YI GE BZHI PO YANG AA KA YA YI GE GSUM LA THIM PAR GYUR TO, ,DE RNAMS LAS SHES RAB KYI RANG BZHIN YI GE AA YONGS SU GYUR PA 'OD DPAG TU MED PA'I RANG BZHIN GYI YI GE AA 'GYUR TE, DBYANGS KYI SDE TSAN NI MO RTAGS YIN PAS SO, ,THABS KYI RANG BZHIN YI GE KA YONGS SU GYUR PA LAS H'Um BYUNG BAR GYUR TE, DE NI PHO RTAGS YIN PA'I PHYIR RO, ,GNYIS KA'I RANG BZHIN GYI YI GE YA YONGS SU GYUR PA LAS YI GE AOm BYUNG BAR GYUR TE, DE NI MA NING GI RTAGS YIN PA'I PHYIR RO, ,DE LTAR YI GE AOm A'A:H'Um YI GE GSUM PO NI SKU GSUNG THUGS LA SOGS PA'I RANG BZHIN DU SHES PAR BYA'O, ,DGONGS PA LUNG BSTAN PA'I RNAL 'BYOR CHEN PO'I RGYUD LAS KYANG, ,DANG PO GCIG NI DGU DBUS NA, ,GANG ZHIG BCU YIS MA BCINGS PA,, DE NI BCINGS MED CES BYA STE, ,DE YIS MCHOG GI GNAS SHES SO, ,DBYANGS DANG GSAL BYED YI GE STE, ,GRANGS DGU RU NI RJES 'JUG PA, ,AAS BCINGS PHAN TSUN YANG DAG SBYOR, ,GANG GIS SHES TE 'GRO BA'I BLA, ,'BYUNG BA'I MTHA' DANG YANG DAG LDAN, ,TSA LA SOGS PA BCU

DRUG GNAS, ,LNGA PA LNGA DANG YANG DAG LDAN, ,BZHI NI GSUM DU NGES PAR SBYAR, ,YI GE AOm BCAS RING BOR BCAS, ,YON TAN SBYOR SOGS PHYIS DANG MTSUNGS, ,THUNG DU MA LUS DAG TU 'GYUR, ,GCIG MIN DU MA'ANG MA YIN NO, ,DRUG BSHAD BZHI DANG GSUM GCIG DANG, , NGO BO NYID MED RANG BZHIN CAN, ,DE DAG DANG PO'I DON SBYAR NAS, ,DUS GSUM YE SHES SKYE BAR 'GYUR, ,ZHES BYA BA LA SOGS PA 'BYUNG NGO, ,YI GE GSUM PO DE DAG 'JUG PA LA SOGS PA'I RIM GYIS NYIN MTSAN TU STONG PHRAG NYI SHU RTZA GCIG DANG DRUG BRGYA'I RLUNG RNAMS RGYU'O, ,DE NYID YAN LAG MA NYAMS PA'I BZLAS PAS NGAG RNAM PAR DAG PA BYED DE, ,DE NYID CHA SHAS SU THIM PAS MA NING GI BZLAS PA'I MTHAR 'OD GSAL BA NYID THOB PAR BYED DO, ,DE NYID KHRO BO'I BZLAS PA'I DUS SU BZLAS PAR GYUR PAS ZHI BA LA SOGS PA'I LAS BYED PAR 'GYUR RO, , DE NYID KYIS KYANG BSKYED PA'I RIM PA'I RNAL 'BYOR PA RNAMS LA RDO RJE LA SOGS PA YONGS SU GYUR PA LAS LHA'I SKU YONGS SU RDZOGS PAR BYED DO, ,DE NYID KYIS KYANG DE BZHIN GSHEGS PA'I THUGS BSKUL BA'I SGO NAS DE RNAMS KYI NUS PA 'GUGS PAR BYED DO,, DE NYID GYEN DU RGYU BAS SNGAGS THAMS CAD KYI RGYUR GYUR PA'I A'A LI DANG K'A LI'I TSUL DU RNAM PAR 'JUG GO, ,DE NYID THABS DANG SHES RAB KYI SNYOMS PAR ZHUGS PAS THUR DU RGYU BA CAN KHU BA DANG KHRAG DANG CHU'I NGO BO NYID RIN CHEN 'BYUNG LDAN DANG SNANG BA MTHA' YAS DANG MI BSKYOD PA'I GZUGS SU RJES SU 'JUG GO, ,DE NYID CHOS 'BYUNG BA'I NANG DU SPROS PAS BU DANG TSA BO LA SOGS PA'I TSUL DU KHAMS GSUM PA DANG DE'I RNAM PAR DAG PA'I NGO BO NYID DKYIL 'KHOR GYI 'KHOR LO YANG SKYED PAR BYED DO, ,MTHA' MAR 'OD GSAL BA LA ZHUGS NAS RDO RJE 'CHANG CHEN PO'I GO 'PHANG THOB PAR BYED DO, ,DE'I PHYIR KHAMS GSUM KHYAB PAR BYED PA LA LONGS SPYOD DANG GROL BA'I 'BRAS BU STER BA RNAM PAR SNANG MDZAD LA SOGS PA DE BZHIN GSHEGS PA GSUM GYI BDAG NYID YI GE GSUM PO KHO NA SNGAGS THAMS CAD KYI TSUL DU GRAGS PAS TSOGS ZHES BSHAD DO, ,DE BAS NA SNGAGS PA TU BA LA SOGS PA

, ,BZHI PO GONG DU BSHAD PA GANG YIN PA DE DAG YI GE GSUM PO KHO NA LA BRTEN TE BCOM LDAN 'DAS KYIS GSUNGS SO, ,JI SKAD DU, BRJOD DANG DMIGS PAR GRAGS PA DANG, ,BRDAR GYUR DANG NI DON DAM MO, ,TSIG GI BRJOD PA THUN MONG STE, ,DMIGS PAR BCAS PA SANGS RGYAS NYID, ,SNGAGS KYI DE NYID BRDA RU BSHAD, ,DON DAM DE BZHIN NYID YIN NO, ,ZHES 'BYUNG NGO, ,GTAN TSIGS BSHAD PAR BYA BA'I PHYIR A'A LI K'A LI ZHES BYA BA LA SOGS PA SMOS TE, AA LA SOGS PA'I PHRENG BA NI A'A LI'O, ,AA LA SOGS PA DBYANGS KYI YI GE BCU DRUG ZLA BA'I CHA'I NGO BO NYID GANG YIN PA DE RNAMS KYI RTZA BA NI AA NYID DO, ,JI SKAD DU, SNYING GI DKYIL NI MI SHIGS PA'I, ,'BAR BA'I MAR ME LTA BU NI, ,YI GE DAM PA PHRA BA NI, ,AA YIG GSAL BA'I GTZO BOR GNAS, ,ZHES 'BYUNG NGO, ,DBYANGS YIG GI PHRENG BA DE NYID THABS DANG SHES RAB NYIS 'GYUR DU BYAS TE MTSAN BZANG PO SUM CU RTZA GNYIS KYI NGO BO NYID DU 'GYUR RO, ,DE NYID TSEG DRAG DANG RJES SU 'JUG PA'I DBYANGS DANG LCE'I RTZA BA'I YI GE DANG BUNG BA'I YI GE DANG RJES SU DBYANGS DANG BCAS PA'I MTHAR GNAS PA'I YI GE GSUM DANG BCAS PAR GSAL BYA SUM CU RTZA GSUM NYIS 'GYUR GYIS DPE BYAD BRGYAD CU'I RANG BZHIN DU 'GYUR RO, ,DE NYID THUNG DU LNGA'I BDAG NYID KYIS PHUNG PO LNGA'I NGO BO NYID YE SHES LNGA'I MTSAN NYID CAN THABS KYI RANG BZHIN DE BZHIN GSHEGS PA LNGA'I BDAG NYID DU 'GYUR RO, ,DE NYID RING PO LNGA DANG 'BREL PA'I YI GE BZHI'I TSUL GYIS SHES RAB KYI RANG BZHIN GYI SANGS RGYAS SPYAN MA LA SOGS PA'I YUM BZHI DANG GZUGS RDO RJE MA LA SOGS PA MCHOD PA'I LHA MO LNGAR SHES PAR BYA'O, ,MA NING GI YI GE BZHI YONGS SU SPANGS NAS DBYANGS BCU GNYIS KYI TSUL DU PHYI DANG NANG GI SKYE MCHED KYI RANG BZHIN DU 'GYUR RO, ,THUNG BA DANG RING BA GNYIS KYI TSUL DU 'BREL BA'I YI GE BZHI DANG LHAN CIG SPYAN MA LA SOGS PAS 'KHYUD PA DE BZHIN GSHEGS PA LNGA DANG GSHIN RJE MTHAR BYED LA SOGS PA'I KHRO BO BZHI STE BCU GSUM GYI BDAG NYID CAN GYI DKYIL 'KHOR GYI 'KHOR LO'I RANG BZHIN NYID DU 'GYUR RO, ,DE NYID KA LA SOGS PA'I YI GE LNGA LNGA

PA'I SDE TSAN LNGA'I RANG BZHIN GYI LHA MO BZHIS YONGS SU BSKOR BA'I DE BZHIN GSHEGS PA LNGA'I DKYIL 'KHOR LNGA MTHAR GNAS PA DANG DROD KYI YI GE DANG TSEG DRAG DANG RJES SU 'JUG PA'I DBYANGS DANG LHAN CIG TU KHRO BO'I RGYAL PO BCUS BSKOR BA'I DKYIL 'KHOR GYI 'KHOR LO NYID DU 'GYUR RO, ,DE NI THUNG BA DANG RING BA DANG 'PHAR BA'I DBYE BAS RNAM PA BCO BRGYAD KYI TSUL GYIS KHAMS BCO BRGYAD KYI NGO BO NYID DU 'GYUR RO, ,DE LA THUNG BA DANG RING BA DANG 'PHAR BA STE RE RE LA RJES SU 'JUG PA'I DBYANGS DANG BCAS PA DANG RJES SU 'JUG PA'I DBYANGS MED PA DANG MTHO BA DANG DMA' BA DANG BAR MA'O, ,JI SKAD DU, THUNG DANG RING DANG 'PHAR MA DANG, ,DBYANGS NI GSUM PO DANG SBYAR DANG, ,SNA RJES 'GRO BA'I MED PA YIS, ,GRANGS SU RNAM PA BCO BRGYAD YIN, ,ZHES 'BYUNG NGO, ,DE LTAR GYUR PA'I YI GE AA'I 'BREL BA DANG LDAN PA'I PHRENG BA NI A'A LI ZHES BYA'O, ,DE BZHIN DU KA'I 'BREL BA DANG LDAN PA'I PHRENG BA NI K'A LI ZHES BYA'O, ,A'A LI DANG K'A LI DE DAG YI GE BZHI BCU RTZA DGU'I YI GE NI PHYI MO'I RANG BZHIN NO, ,MA NING LA SOGS PA'I GZUGS CAN RNAMS NI ZHES PA NI DE LA BUD MED KYI RANG BZHIN NI YI GE AA LA SOGS PA STE, SHES RAB KYI NGO BO YIN PA'I PHYIR RO, ,PHO RTAGS KYI RANG BZHIN NI KA LA SOGS PA STE, THABS KYI NGO BO YIN PA'I PHYIR RO, ,GNYIS KA DANG SNYOMS PAR ZHUGS PA'I RANG BZHIN YA LA SOGS PA STE MA NING GI RTAGS KYI NGO BOR SHES PAR BYA'O, ,YI GE GSUM DU ZHUGS PAS MO RTAGS LA SOGS PA'I RANG BZHIN GYI AA LA SOGS PA DE RNAMS SKU GSUNG THUGS KYI BDAG NYID KYI YI GE GSUM LA BSDUS PA'I PHYIR RO, ,DA NI 'DI LTAR DPYAD PAR BYA STE, MO RTAGS DANG PHO RTAGS DANG MA NING GI RTAGS NI JI LTA BU YIN ZHE NA, DE LA KHA CIG NA RE, NU MA SKRA CAN BUD MED YIN, KHA SPU DANG LDAN SKYES PAR BSHAD, ,GANG ZHIG GNYIS KA LAS 'DAS PA'I, ,DE NI MA NING BSHAD PA YIN; ZHES ZER RO, ,DE YANG MI RIGS TE, GAL TE NU MA DANG SKRA CAN MO RTAGS YIN NA, DE'I TSE PHRENG BA DANG NYAL KHRI LA SOGS PA DAG MO RTAGS SU MI 'GYUR TE, DE RNAMS NU MA DANG SKAR MI LDAN PA'I PHYIR RO, ,'BREG PA'I SKRA DANG LDAN PA'I SA PHYOGS DAG KYANG MO RTAGS SU 'GYUR RO, ,SBYAR BA'I NU MA

, ,DANG SKRA'I CHA LUGS 'DZIN PA'I GAR MKHAN SKYES PA YANG MO RTAGS NYID DU THAL BAR 'GYUR RO, ,DE BZHIN DU, KHA SPU DANG LDAN PA PHO RTAGS YIN NA SGOG PA LA SOGS PA YANG DE NYID DU THAL BAR 'GYUR TE, DE RNAMS NI SGRA'I GZUGS LA LTOS PAS MA NING GI RTAGS YIN PA'I PHYIR RO, , GNAS LA SOGS PA GNAS PA'I RNAL 'BYOR MA RNAMS KHA SPU DANG LDAN PAS PHO RTAGS SU 'GYUR BA DANG, SKYES PA KHA CIG KHA SPU DANG MI LDAN PAS MO RTAGS SU THAL BAR 'GYUR RO, ,DE YANG MI 'THAD DE, GNYIS KA'I RANG BZHIN GYI RTAGS MA NING YIN NAS LA SOGS PA RNAMS KYANG MA NING NYID DU THAL BAR 'GYUR RO, ,DE YANG MI 'THAD DE, DE RNAMS MO RTAGS YIN PA'I PHYIR RO, ,GZHAN NA RE 'PHEL BA DANG 'GRIB PA DANG, BAR MA NI PHO RTAGS LA SOGS PA'I MTSAN NYID YIN NO ZHES ZER RO, ,DE LA 'PHEL BA NI NUS PA DANG PO DANG LDAN PA'O, ,'GRIB PA NI NUS PA CHUNG BA DANG LDAN PA'O, ,BAR MA NI NUS PA BAR MA DANG LDAN PA'O ZHE NA, DE YANG MA YIN TE, GANG GI PHYIR GAL TE 'GRIB PA NI MO RTAGS KYI MTSAN NYID YIN NA DE'I TSE BU MO SKYE NA DE'I TSE NUS PA 'PHEL BAS PHO RTAGS SU THAL BAR 'GYUR RO, ,DE YANG MI 'THAD DE, DE BZHIN DU 'PHEL BA ZHES BYA BA PHO RTAGS KYI MTSAN NYID YIN NA DE'I TSE SKYES BU RGAS PAS DE'I NUS PA 'GRIB PAR 'GYUR NA MO RTAGS SU THAL BAR 'GYUR RO, ,DE YANG MI 'THAD DE, SKYES PA DANG MA BRAL BA'I PHYIR RO, ,NUS PA BAR MA MA NING GI RTAGS KYI MTSAN NYID YIN NA DE'I TSE SKYES PA'AM BUD MED NUS PA BAR MA DANG LDAN PAS MA NING NYID DU THAL BAR 'GYUR RO, ,DE BAS NA MTSAN NYID DE DAG NI MA NGES PA YIN NO, ,KHA CIG NA RE SKAD RAGS PA LA SOGS PA PHO RTAGS KYI MTSAN NYID YIN LA, ,SKAD PHRA BA LA SOGS PA NI MO RTAGS KYI MTSAN NYID YIN NO, ,DE DAG MED NA NI MA NING GI MTSAN NYID YIN NO ZHE NA, DE YANG MA YIN TE, GAL TE SKAD RAGS PA LA SOGS PA PHO RTAGS KYI MTSAN NYID YIN NA, DE'I TSE MDZES ZIN PA'I SKYES PA RNAMS SKAD PHRA BA YIN PAS MO RTAGS SU THAL BAR 'GYUR BA DANG, DBYANGS RAGS PA'I MO RNAMS KYANG PHO RTAGS SU THAL BAR 'GYUR RO, ,GNYIS KA MED PA MA NING YIN NA PHRENG BA DANG NYAL

KHRI LA SOGS PA MA NING DU THAL BAR 'GYUR RO, ,DE YANG MI 'THAD DE, DE RNAMS MO RTAGS YIN PA'I PHYIR RO, ,SKAD RAGS PA DANG LDAN PA'I RDZA RNGA LA SOGS PA YANG PHO RTAGS SU THAL BAR 'GYUR RO, ,DE YANG MI 'THAD DE, MA NING YIN PAS SO, ,DE BAS NA MTSAN NYID DE YANG MA NGES PA'O, ,BU CHUNG CHAGS PA LA SOGS PA YANG MO RTAGS KYI MTSAN NYID DU MI RIGS TE, MO BSHAM LA DE MED PAS SKYES PA NYID DU THAL BAR 'GYUR BA'I PHYIR RO, ,SHES RAB DANG LDAN PA PHO RTAGS KYI MTSAN NYID DU MI RIGS TE, DE DANG LDAN PA'I MO RNAMS KYANG SKYES PA NYID DU THAL BAR 'GYUR RO, ,CHAGS PA'I CHA CHE BA DANG CHUNG BAS MO RTAGS DANG PHO RTAGS YIN NA DE'I CHAGS PA CHE BA'I SKYES PA YANG MO RTAGS NYID DU THAL BAR 'GYUR BA DANG, CHAGS PA CHUNG BA'I BUD MED KYANG SKYES PA NYID DU THAL BAR 'GYUR RO, ,DE BAS NA MTSAN NYID DE YANG MA NGES PA'O, ,PHO'I DBANG PO DANG MO'I DBANG PO DANG LDAN PA YANG PHO RTAGS DANG MO RTAGS KYI MTSAN NYID DANG LDAN PA MA YIN TE, ,NANG DU CHUD PAS PHO'I DBANG PO MI MNGON PA'I SANGS RGYAS DANG BYANG CHUB SEMS DPA' RNAMS MO RTAGS SU THAL BAR 'GYUR BA'I PHYIR RO, ,MO'I DBANG PO DANG LDAN PA YANG MO RTAGS MA YIN TE, MA NING LA DE YOD PA'I PHYIR RO, ,DE BAS NA MTSAN NYID DE YANG MA NGES SO, ,RTAGS NI KHYAD PAR MED PA STE, ,'JIG RTEN LA BRTEN PA'I PHYIR RO ZHES BYA BAR BRDA SPROD PA RNAMS KYIS SMRA BA DE NI MA YIN TE, GAL TE 'JIG RTEN LA BRTEN PA'I RTAGS YIN NA, DE'I TSE DNGOS PO THAMS CAD NI RTAGS THAMS CAN DANG LDAN PAR THAL BAR 'GYUR TE, 'GRAM DANG KHANG PA LA SOGS PA'I SGRA BZHIN NO, ,DE BAS NA PHO RTAGS LA SOGS PA'I MTSAN NYID NI RIGS PAS GRUB PA MA YIN NO, ,'DIR SMRAS PA KHYAB PAR BYA BA DANG KHYAB PAR BYED PA DANG GNYIS KA DANG BRAL BA NI PHO RTAGS DANG MO RTAGS DANG MA NING GI RTAGS YIN TE, GANG GI PHYIR SNYOMS PAR ZHUGS PA'I DUS SU LHAN CIG SKYES PA'I DGA' BA'I BDE BA CHEN POS GANG GIS KHYAB PAR BYED PA NI SEMS KYI RGYUD DE'I RANG BZHIN DU BYED PA KHYAB PAR BYED PA DE NI MO RTAGS YIN NO, ,BDE BA CHEN POS KHYAB PAR BYA BA NI PHO RTAGS YIN NO, ,BDE BA CHEN POS KHYAB PA DANG KHYAB PAR BYED PA MED PAS

, ,GNYIS KA DANG BRAL BA NI MA NING GI RTAGS YIN TE, SNOD KYI 'JIG RTEN NO, ,SNOD KYI 'JIG RTEN GYI DNGOS PO RNAMS LA MO RTAGS LA SOGS PA GANG YOD PA DE NI BRTAGS PA BA YIN TE, DON DAM PAR DE MED PA'I PHYIR RO, ,DE BZHIN DU DBYANGS KYI SDE TSAN ZLA BA'I CHA BCU DRUG GI RANG BZHIN GYIS GSAL BYA'I SDE TSAN KHYAB PAR BYED PAS NI TSIM PAR BYED PA SHES RAB KYI RANG BZHIN NI A'A LI STE MO RTAGS SO, ,KHYAB PAR BYA BA NI DE RNAMS KYIS BRJOD PAR BYA BA DE NI K'A LI STE THABS KYI RANG BZHIN GYI PHO RTAGS YIN NO, ,KHYAB PAR BYA BA DANG KHYAB PAR BYED PA GNYIS KA'I RANG BZHIN NI YA LA SOGS PA'I SDE TSAN TE MA NING GI RTAGS SO, ,DE NYID KYI PHYIR MO RTAGS KYI RANG BZHIN DBYANGS KYI SDE TSAN GYI THOG MA DANG THA MA'I YI GE GNYIS YANG DAG PAR SBYAR NAS SHES RAB KYI RANG BZHIN GYI YI GE AA RU 'GYUR RO, ,YI GE KA LA SOGS PA YANG DAG PAR SBYOR BAS THABS KYI RANG BZHIN NI YI GE H'Um STE PHO RTAGS YIN NO, ,YA LA SOGS PA SDE TSAN YONGS SU GYUR PA LAS YI GE AOm DU 'GYUR RO, ,DE LA AA AU MA ZHES YANG DAG PAR SBYOR BAS AOm DU 'GYUR RO, ,YI GE AA NI SHES RAB KYI RANG BZHIN NO, ,YI GE MA NI THABS KYI RANG BZHIN TE, ,GSAL BYA YIN PA'I PHYIR RO, ,YI GE AOm NI DE DANG SBYOR BA'I RANG BZHIN TE MA NING ZHES BYA'O, ,DE NYID KYI PHYIR SHES RAB DANG THABS GNYIS KA YANG DAG PAR SBYOR BA'I RANG BZHIN GYI MA NING GI RTAGS SO, ,DE LTAR PHO RTAGS DANG MO RTAGS GNYIS KA'I RANG BZHIN NI AOm LA SOGS PA'I YI GE GSUM YIN NO, , MNYAM PAR GZHAG CING ZHES PA NI SKAD KYI BYINGS DON DU MA YIN PA'I PHYIR MNYAM PAR GZHAG PA'I SGRA NI BZLAS PA'I DON LA 'JUG PA'O, ,DE NYIN DANG MTSAN DU LDANG BA DANG 'JUG PA DANG, GNAS PA DANG ZHES PA NI SROG GI RLUNG NANG DU ZHUGS PA NI 'JUG PA'O, ,ME DANG MNYAM PA'I RLUNG BAR DU GZHAG PA NI GNAS PA'O, ,SROG GI RLUNG GYEN DU RGYU BA NI LDANG BA YIN NO, ,DE BAS NA RLUNG GI BYA BA DE DAG GSUM NI 'GUGS PA DANG, BZHUGS SU GSOL BA DANG, GSHEGS SU GSOL BA'I RANG BZHIN DU SHES PAR BYA'O, ,GANG GI PHYIR YI GE AOm BRJOD PA'I

DUS SU NANG GI TSUL DU RLUNG 'JUG PAR 'GYUR RO, ,YI GE H'Um BRJOD PA'I DUS SU PHYI'I TSUL DU RLUNG 'BYUNG BAR MTSON PA'O, ,YI GE AA BRJOD PA'I DUS SU RLUNG NI BAR NA GNAS PA MTSON PAR 'GYUR TE, RLUNG DANG YI GE THA MI DAD PA'I PHYIR RO, ,DE LA RLUNG RGYU BAS YI GE RNAMS 'BYUNG BA YIN TE, YI GE BRJOD PA'I DUS SU RLUNG NYID KYIS RTZOL BAR BYED PA'I PHYIR RO, ,DE BAS NA BYA BA DANG BYED PA'I 'BREL BA'AM PHAN GDAGS PAR BYA BA DANG PHAN 'DOGS PAR BYED PA'I 'BREL PAS RLUNG DANG YI GE DBYER MED PA YIN NO, ,RLUNG GI LAS KYI BDAG NYID KYI 'JUG PA LA SOGS PA'I BYA BA NI RLUNG DANG DE'I BDAG NYID DU 'JUG PAS RLUNG LAS THA DAD PA MA YIN TE, 'GRO BA DANG BSKUM PA DANG BRKYANG BA'I MTSAN NYID DE YIN PA'I PHYIR RO, ,JI SKAD DU, YI GE AOm GYI DBUGS NI NANG DU 'JUG PA DANG, YI GE AA'I SNGAGS NI BAR DU GNAS PA DANG, YI GE H'Um GYI SNGAGS NI LDANG BAR GYUR PA STE, RKAN DANG MCHU DAG 'BREL MED GSANG SNGAGS BZLA, ,ZHES 'BYUNG NGO, ,DER NI 'GRO BA DANG 'ONG BA DANG BAR DU GNAS PA'I 'JUG PA DANG GNAS PA DANG LDANG BA DE RNAM PA GSUM GYIS BZLAS PAS NA ZHES PA NI YAN LAG MA NYAMS PA'I BZLAS PAS RDO RJE 'CHANG CHEN PO LA SOGS PA'I RNAM PA BCU GCIG PA'I RDO RJE BZLAS PA TING NGE 'DZIN GANG GIS BYED PA DE LA DE SKAD CES BSHAD DO, ,YAN LAG MA NYAMS PA'I BZLAS PA NI SNGAGS DANG RLUNG DANG LHA'I RNAM PAR DAG PA'I NGO BO YE SHES GSUM DANG KHAMS GSUM DANG RTZA GSUM DANG DE KHO NA NYID GSUM DANG RNAM PAR THAR PA'I SGO GSUM DANG SKU GSUNG THUGS DANG SKU GSUM DANG RDZAS GSUM DANG SRID PA GSUM DANG 'JIG RTEN GSUM LA SOGS PA GCIG TU BYAS PA'I YID LA BYED PA'I MOS PAS RDO RJE TSIG GIS SEMS RTZE GCIG PA THOB PA'I BAR DU RDO RJE BZLAS PA BYA BA YIN GYI, PHYI ROL GYI BZLAS PA BRJOD PA'AM THOS PA NGAG GI BZLAS PA'I RANG BZHIN BRTAG PAR BYA BA MA YIN NO, ,RKAN DANG MCHU DANG LCE SOGS KYI, ,GANG ZHIG G-YO BAR GYUR PA NI, ,DE NYID MI 'GYUR GA LAS TE, ,'GYUR BA NYID DU GNAS PA'I PHYIR, ,ZHES KAM PA LA'I ZHAL SNGA NAS KYIS GSUNGS PA'I PHYIR RO, ,DE BZHIN DU, YI GE RANG BZHIN SNGAGS RNAMS

, ,NI; ,DE NYID KYI PHYIR MI 'THAD DE, ,GANG PHYIR RTZVA MCHOG TZAM NYID NI, ,'GUGS PAR BYED PAR MI NUS SO, ,ZHES GSUNGS SO, ,RAB TU BYED PA LAS KYANG, DE YI BRTUL ZHUGS MA BSHAD CING, ,BGRANG PHRENG MA YIN 'DAS PA MIN, ,'DZIN DANG SBYIN SREG LAS RNAMS NI, ,YANG DANG YANG DU 'JUG PA MIN, ,ZHES 'BYUNG NGO, ,RTZA BA'I RGYUD LAS KYANG, ,SLONG MO ZA ZHING MI BZLA STE, ,MA BLANGS PA LA 'ANG CHAGS MI BYA, ,THABS DANG SHES RAB LA GNAS PAS, ,YAN LAG MA NYAMS GSANG SNGAGS BZLAS, ,DE BZHIN DU DE NYID LAS KYANG, ,DON RTOGS PA YIS BZLAS PA NI, ,NGO BO NYID MED MDZES PA STE, ,DUS GSUM SANGS RGYAS RNAM DPYOD PAS, DE NI RDO RJE BZLAS PAR BSHAD, CES GSUNGS SO, ,DE LTA BU TING NGE 'DZIN ZHES PA NI RLUNG GI DE KHO NA NYID DANG SNGAGS KYI DE KHO NA NYID RJES SU RTOGS PA SNGON DU 'GRO BAR RDO RJE BZLAS PA'I MTSAN NYID CAN GYI SEMS RTZE GCIG PA NYID DO, ,GANG YIN PA DE LA DE SKAD CES BYA STE ZHES PA LA, BRJOD PAR BYA BA'I SGO NAS LE'U GANG DU YOD PA ZHES TSIG GI DON TO, ,DON 'DI NYID NI ZHES PA NI GTZO BOR GYUR PA'I DANG PO RDO RJE BZLAS PA DANG, DE'I 'OG TU SEMS RNAM PAR DAG PA LA SOGS PA'I RIM PA GZHAN RNAMS KYANG ZHES BYA BA'I THA TSIG GO, ,AOm NI DANG PO GCIG DANG LDAN PA ZHES PA NI BCOM LDAN 'DAS RNAM PAR SNANG MDZAD DE, DE'I YI GE 'BRU YIN PA'I PHYIR RO, ,SH'U N+YA T'A NI GNYIS PA STE ZHES PA NI NAM MKHA'I DBYINGS NI STONG PA NYID DE DE'I RANG BZHIN NI RIN CHEN 'BYUNG LDAN TE GNYIS PA'O, ,DZNY'A NA ZHES PA GSUM PA NYID CES PA NI MKHYEN PAS NA YE SHES SO, ,DE BAS NA DNGOS PO THAMS CAD SO SOR RTOG PA'I YE SHES KYI BDAG NYID NI BCOM LDAN 'DAS SNANG BA MTHA' YAS TE GSUM PA'O, ,BADZRA ZHES BYA BA NI BZHI PA'O ZHES PA NI RDO RJE LTAR MI PHYED PA'I CHOS KYI DBYINGS KYI YE SHES KYI RANG BZHIN NI BZHI PA STE MI BSKYOD PA'O, ,SVA BH'A BA A'ATMA KO& LNGA PA ZHES PA NI BYA BA NAN TAN GRUB PA'I YE SHES KYI RANG BZHIN NAM, RLUNG GI KHAMS KYI RANG BZHIN TE, LNGA PA DE DON YOD GRUB PA'O, ,AA HAm ZHES PA DRUG PAR BRJOD, ,CES PA NI DE BZHIN GSHEGS PA LNGA SDUD PAR BYED PA THAMS CAD

GCIG GI BDAG NYID CAN RDO RJE 'CHANG CHEN PO ZHES BYA BA'I DON TO, ,DE LTAR BDE GSHEGS DRUG PO NI, ,RNAM PAR SNANG MDZAD LA SOGS PA DRUG PO RDZOGS PA'I RIM PA SGOM PAR BYED PA'I RIN PO CHE LTA BU'I GANG ZAG LA BSTAN TO, ,DES NA DON 'DI YIN TE, RDO RJE BZLAS PA BSGOM PAR BYA BAR 'DOD PA'I RNAL 'BYOR PAS DANG POR CIG CAR DU LHA'I SKU BSKYED CING DE BZHIN GSHEGS PA DRUG GI RANG BZHIN BSGOMS LA, DE NAS RNAM PA BCU GCIG BZLAS PAR BYA'O, ,YANG NA SGRA JI BZHIN MA YIN PA BSHAD PA'I RIM PAS YI GE DRUG GIS MTSON PA'I RNAM PAR SNANG MDZAD LA SOGS PA DRUG GI RNAL 'BYOR PAS ZLA BA GCIG GIS 'BUM PHRAG DRUG BZLAS PAR BYA'O, ,DE LA NYIN MTSAN GCIG GIS NYI KHRI CHIG STONG DRUG BRGYAR 'GYUR, ZHAG LNGAS 'BUM PHRAG GCIG DANG STONG RTZA BRGYAD NI 'BUM PHRAG GCIG CES BSTAN PA YIN NO, ,GRANGS 'DI NYID KYIS MDOR NA ZLA BA GCIG GIS 'BUM PHRAG DRUG TU 'GYUR RO, ,JI SKAD DU, SNGAGS NI RNAM SHES LAS 'BYUNG BA'I, ,'BUM PHRAG DRUG TU BZLAS BYAS TE, ,RDO RJE SEMS LA PHYAG 'TSAL NAS, ,DE NI NYAL 'GRUB PAR 'GYUR, ,ZHES 'BYUNG NGO, ,RNAM PA GZHAN GYIS KYANG RDO RJE BZLAS PA BSTAN PA'I PHYIR, AOm SH'U N+YA T'A ZHES BYA BA LA SOGS PA SMOS TE, ZUNG NI TSIG GNYIS SO, ,DANG PO RNAM PAR SNANG MDZAD DO, ,DZNY'A NA BADZRA GNYIS PO ZHES PA NI SNANG BA MTHA' YAS SO, ,SVA BH'A BA A'ATMA KO&HAm GYUR ZHES PA NI TSIG GNYIS KYIS MI BSKYOD PA BSTAN TO, ,DE NYID GSUM DU 'DIR BRTAGS PA'O ZHES PA LA SKU GSUNG THUGS KYI BDAG NYID CAN GYI RDO RJE 'CHANG CHEN PO AA HAm ZHES CIG CAR DU NGA RGYAL BSKYED LA SNGA MA BZHIN DU, LHA LA SOGS PA'I RNAL 'BYOR GYI BZLAS PA BYA'O, ,RAB TU BYED PA LAS KYANG, 'JUG PA DANG NI GNAS PA DANG, ,LDANG BA YI NI RIM PA YIS, ,MTSON BYA MTSON BYED GRANGS KYIS NI, ,YAN LAG MA NYAMS GSANG SNGAGS BZLAS, ,ZHES 'BYUNG NGO, ,YANG NA SKU RDO RJE LA SOGS PA RNAL 'BYOR PA GSUM GYIS SNA'I RTZE MOR YUNGS KAR GYI 'BRAS BU'I TSOD TZAM GYI THIG LE PHRA MOR BSGOMS LA BRTAN PA'I RTAGS MTHONG BA'I BAR DU BZLAS PAR BYA'O, ,DE NYID GSUM NI

, ,GCIG GYUR PA, ,ZHES PA NI SKU LA SOGS PA NYE BAR SDUD PA LAS 'BYUNG BA'I GZUGS SO, ,YANG DAG CES PA NI RNAL 'BYOR PA'I MNGON SUM MAM RANG RIG PA'I MNGON SUM GYIS THOB PAR BYA BA GSAL BAR SNANG BA RNAM PAR MI RTOG MA 'KHRUL BA ZHES PA'I THA TSIG GO, ,GSAL BA ZHES BYA BA NI DAG CING ZLA BA DANG KUN DA LTAR MTSUNGS PA'I PHYIR RO, ,MI GSAL ZHES PA NI KHAMS NYI SHU RTZA BZHI NYE BAR BSDUS PA LAS BYUNG BA'I ZHAL DANG PHYAG DANG SKU MDOG DANG DBYIBS LA SOGS PA DANG BRAL BA THIG LE'I GZUGS ZHES BYA BA'I DON TO, ,LHA MO BZHIS YONGS SU ZHUS PA'I BSHAD PA'I RGYUD LAS KYANG, ,DE PHYIR LHA MO BSHAD BYA BA, ,SNYING PO LAS NI SNYING PO MCHOG ,SANGS RGYAS KUN GYI GSANG BA NA, ,THAMS CAD BDAG NYID GANG ZHIG GNAS, ,DE NYID YE SHES LNGA RANG BZHIN, YUNGS KAR GYI NI 'BRU TSOD TZAM, ,DE YI DBUS NA GNAS PA'I LHA, ,MI GSAL GSAL BA'I BDAG NYID CAN, ,ZHES 'BYUNG NGO, ,RDO RJE BZLAS PA BSHAD NAS, SEMS LA DMIGS PA LA SOGS PA'I RIM PA BZHI BSTAN PAR BYA BA'I PHYIR, ,YANG DAG PAR SBYOR BA GSUM GYI SKUR BSGOM ZHING ZHES PA NI SNANG BA LA SOGS PA GSUM GYIS NYE BAR MTSON PA'I 'OD GSAL BA'I DE KHO NA NYID DO,, SNANG BA GSUM GYI TSOGS KYIS SNANG BA 'KHRIGS PA'O ZHES PA NI SNGAGS DANG PHYAG RGYA'I RIM PAS THOB PA'I ZLA BA DANG NYI MA DANG MTSAMS KYI SNANG BA DANG 'DRA BA'I SNANG BA LA SOGS PA'I YE SHES KYI NGO BO STE DE KHO NA NYID BZHI PO 'OD KYI TSOGS DANG BCAS PA SPRIN MED PA'I NAM MKHA' DANG MTSUNGS PA THAMS CAD STONG PA ZHES BYA BA'I DE KHO NA NYID BSGOM PAR BYA'O, ,DES NI SEMS LA DMIGS PA'I RIM PA BSTAN TO, ,'JA' TSON LTAR ZHES BYA BA LA SOGS PA NI SNGON GYI SMON LAM GYI SHUGS KYIS YE SHES KYI SKU SGYU MA'I DPE BCU GNYIS KYIS NYE BAR MTSON PA BSGOM PAR BYA'O, ,DKAR PO LA SOGS PA'I 'OD ZER LNGAS BRGYAN PA'O ZHES PA NI DKAR PO LA SOGS PA'I SKU MDOG LNGAS NYE BAR MTSON PA'I DE BZHIN GSHEGS PA RIGS LNGA LAS 'BYUNG BA LHA MO DANG BYANG CHUB SEMS DPA' DANG KHRO BO'I RGYAL PO DANG BCAS PA'O, ,KHAMS PHRA BA ZHES PA LA, 'OD GSAL BA'I DE KHO NA NYID DO, ,SNANG BA MCHED PA

LA SOGS PA'I RIM PA 'AM CIG CAR GYI RNAL 'BYOR GYIS DE LAS 'BYUNG BA'I YONGS SU RDZOGS PA ZHES BYA'O, ,DNGOS PO THAMS CAD KYI NGO BO NYID DO ZHES PA LA BRTAN PA DANG G-YO BA'I BDAG NYID DAM, RANG DANG GZHAN GYI RGYUD SGYU MA'I DPE BCU GNYIS KYIS NYE BAR MTSON PA'I RANG BZHIN YIN NO, ,RGYU BA LA SOGS PA'I 'OD ZER LNGA STE ZHES PA LA RGYU BA DANG RNAM PAR RGYU BA DANG YANG DAG PAR RGYU BA DANG, RAB TU RGYU BA DANG NGES PAR RGYU BA DANG ZHES BYA BA YAN LAG GI RLUNG LNGA STE SGRA JI BZHIN MA YIN PAS RDO RJE'I SGO ZHES BYA BA'I RNAL 'BYOR CHEN PO'I RGYUD LAS, SBRUL DANG RUS SBAL RTZANGS PA DANG, ,LHA SBYIN DANG NI GZHU LAS RGYAL,, ZHES 'BYUNG NGO, ,DE RNAMS KYI 'OD ZER NI YUL GZUNG BAR BYA BA'I PHYIR MIG LA SOGS PA'I DBANG PO RNAMS 'JUG GO, ,DE DANG LDAN PA NI SO SOR SDUD PA DANG BSAM GTAN GYI YAN LAG DAG GIS YUL DANG DBANG PO'I NYE BAR SPYOD PA DANG LDAN PA ZHES BYA BA'I THA TSIG GO, ,JI SKAD DU, GANG ZHIG MTHONG BA REG PA DANG, THAMS CAD SGYU MA BZHIN MTHONG STE, ,KUN RDZOB TU NI MI GNAS PAS, ,SGYU MA BZHIN DU MTSON PAR BYA, ,DBANG PO GANG DANG GANG LAM GYIS, ,DE DANG DE YI RANG BZHIN 'GRO, ,MNYAM PAR MA BZHAG SBYOR BA YIS, ,SANGS RGYAS KUN GYI RANG BZHIN LHA, ,GZUGS DANG SGRA DANG DE BZHIN DRI, ,RO DANG REG BYA NYID DAG LA, ,MIG LA SOGS PA'I 'JUG PA NI, ,SGYU MA BZHIN DU MTSON PAR BYA, ,'DIR NI MANG PO SMOS CI DGOS, ,RDO RJE THEG PAR DE NYID LA, ,GANG YANG RNAL 'BYOR PAS DMIGS PA'I, DE DE SGYU MA BZHIN GZHAN MIN, ,ZHES 'BYUNG NGO, ,YUL RNAMS LA NYE BAR LONGS SPYOD PA ZHES PA NI SO SOR SDUD PA'I RIM PAS GZUNG STE, BSAM GTAN GYI RIM PAS RNAM PAR DAG PA THOB PA GANG YIN PA'O, ,DBANG PO LNGA RNAMS SO ZHES PA NI MIG LA SOGS PA'O, ,DE RNAMS KYIS BRGYAN PA ZHES PA LA SGYU MA LTA BU'I DBANG PO DANG LDAN PA YIN GYI, KHRAG DANG SHA LA SOGS PA'I RANG BZHIN NI MA YIN NO, ,RAB TU BYED PA LAS KYANG, ,KHYOD KYI SKU LA KHONG STONG MED, ,SHA DANG RUS PA KHRAG KYANG MED, ,NAM MKHA'I 'JA' TSON DANG MTSUNGS PA'I, ,KHYOD KYI SKU NI STON PAR BYED, ,SKU LA SNYUN DANG MI GTZANG MED, ,BKRES DANG SKOM PA MI SRID DE, ,KHYOD

, ,KYIS 'JIG RTEN 'JUG PA'I PHYIR, ,'JIG RTEN BYA BA BSTAN PAR MDZAD, ,CES 'BYUNG NGO, ,DBANG PO TSANG BA'I PHYIR RO ZHES PA NI JI LTAR DRI ZA'I SEMS CAN GZUGS DANG DBANG PO PHRA BA DANG LDAN PA DE BZHIN DU SGYU MA'I SKU YANG GZUGS DANG DBANG PO PHRA BA DANG LDAN PA ZHES BYA'O, , DBANG PO TSANG BA'I DRI ZA NI, ,DE NYID DRI ZA'I SEMS CAN TE, ,RDO RJE'I SKU YANG DE NYID DO, ,ZHES 'BYUNG NGO, ,DE LTA BU'I RNAM PA ZHES PA NI SGYU MA LTA BU'I SKU'O, ,SANGS RGYAS KYI DKYIL 'KHOR GSAL BAR 'JUG CING ZHES PA LA, SANGS RGYAS NI DE BZHIN GSHEGS PA RNAMS LA DKYIL NI SNYING PO'O, ,DE LEN ZHING 'DZIN PAR BYED PAS NA SANGS RGYAS KYI DKYIL 'KHOR RO, ,CHOS KYI DBYINGS DANG DE BZHIN NYID DANG, SHES RAB KYI PHA ROL TU PHYIN PA DANG YANG DAG PA'I MTHA' DANG CHOS NYID KYI RANG BZHIN 'OD GSAL BA ZHES PA'I THA TSIG GO, ,DE LA 'JUG CING ZHES PA NI PHYAG RGYA'I RIM PA'AM TING NGE 'DZIN GYI RIM PAS YANG DAG PA'I MTHAR 'JUG PAR BYA'O ZHES PA'I DON TO, ,DE LTAR BDAG NYID CES BYA BA LA SOGS PAS BDAG LA BYIN GYIS BRLAB PAS MTSAN NYID KYI SKU RIM PA BZHI PAS 'OD GSAL BA LA 'JUG PAR BYA'O, ,SKAD CIG MA'I RNAM PAR SHES PA NI CIG CAR DU SPRO BA'O; ,RDO RJE 'CHANG CHEN PO'I SKU ZHES PA LA RDO RJE SKU'I RNAM GRANGS CAN DPAL RDO RJE SEMS DPA'I PHYAG RGYA CHEN PO'I GZUGS SO, ,'KHOR BA DANG MYA NGAN LAS 'DAS PA DAG GI DBUS SU ZHES PA NI, SRID PA DANG ZHI BA'I RO MNYAM PA'I RANG BZHIN CAN NO, ,YOD PA DANG MED PA'I PHYOGS DANG BRAL BA ZHES PA LA, DE NI NYE BAR MTSON PA TZAM YIN TE, YOD PA DANG MED PA DANG DNGOS PO DANG DNGOS PO MA YIN PA DANG RTAG PA DANG CHAD PA DANG KUN RDZOB DANG DON DAM PA DANG BRTAGS PA DANG YONGS SU RDZOGS PA DANG SNGAGS KYI SKU DANG YE SHES KYI SKU DANG, THABS DANG SHES RAB DANG STONG PA NYID DANG SNYING RJE LA SOGS PA'I RNAM PAR RTOG PA DANG BRAL BA'O, ,BDAG NYID CES PA NI RANG GI SKU'O, ,SHES PAR BYA BA LA RJES SU DRAN PAR BYA'O, ,DES NI ZUNG 'JUG GI RIM PA BSTAN PA'O, ,RIM PA 'DI NYID KYIS ZHES BYA BA LA SOGS PAS RDO RJE BZLAS PA LA SOGS PA'I RIM PA'I MTSAN

NYID CAN GYI RDZOGS PA'I RIM PAS SO, ,RNAM PAR SNANG MDZAD LA SOGS PAR ZHES PA NI DE BZHIN GSHEGS PA DRUG GI PHYAG RGYA CHEN PO'I SKU'O, ,BSAM PA JI LTA BA'I DBYE BAS ZHES PA NI GTI MUG LA SOGS PA'I NYON MONGS PA'I BAG CHAGS KYI DBYE BA'I SGO NAS SO, ,RANG GI BDAG NYID BSKYED PA LA, ,ZHES PA NI SPROS NAS SO, ,BDAG GI DON BYA'O ZHES PA LA NYE BAR MTSON PA TZAM YIN TE GZHAN GYI DON KYANG BYA'O ZHES BYA BA'I THA TSIG GO, ,DE BAS NA ZHES BYA BA LA SOGS PAS RNAM PAR SNANG MDZAD LA SOGS PA'I PHYAG RGYA CHEN PO'I SKU RDZOGS PA'I RIM PAS BSGOM PAR BYA'O ZHES BSTAN TO; ,RDO RJE 'CHANG CHEN PO'I RNAL 'BYOR ZHES BYA BA NI RDZOGS PA'I RIM PA LAS 'BYUNG BA'I RDO RJE 'CHANG CHEN PO'I LHA'I SKU'O, ,'DI NYID NI RIM PA LNGA'I SGO NAS RDZOGS PA'O, ,BRTEN PAR BYA BA'I PHYIR ZHES PA NI CHOS KYI DBYINGS KYI NGO BO NYID NI DE BZHIN GSHEGS PA DRUG GI RANG BZHIN DU BYA BA'I PHYIR RO, ,GSUNGS TE NI SDUD PA PO'I TSIG CES LHAG MA'O, ,'OD GSAL BA'O ZHES PA NI DNGOS PO THAMS CAD DE'I RANG BZHIN YIN PA'I PHYIR RO, ,TING NGE 'DZIN TO ZHES PA NI SPROS PA THAMS CAD DANG BRAL BA'I SEMS RNAM PAR DAG PA'I RIM PAS THOB PAR BYA BA'AM MNGON PAR BYANG CHUB PA'I RIM PAS THOB PAR BYA'O, ,DE LA DMIGS PA'O ZHES PA NI BSGOM PAR BYAS NAS SO, ,BSKYED PA DE NI ZHES PA LA RDZOGS PA'I RIM PAS YE SHES KYI SKU'I RANG BZHIN NAM RDO RJE'I SKU'I RANG BZHIN DU BSGRUB PAR BYA ZHES BYA BA'I DON TO, ,'DI'I DON NI BSHAD PA'I RGYUD LAS ZHES PA NI RDO RJE PHRENG BA'I RGYUD LAS SO, ,AOm NI DANG POR SHES PAR BYA, ,ZHES PA RNAM PAR SNANG MDZAD DE, DE NI AOm LAS 'BYUNG BA'I PHYIR RO, ,DHARMA ZHES BYA GNYIS PA'O, ,ZHES PA NI CHOS KYI PHUNG PO BRGYAD KHRI BZHI STONG GI RNAM PAR DAG PA'I RANG BZHIN GYI RDO RJE CHOS TE SNANG BA MTHA' YAS SO, ,DH'A TU ZHES BYA GSUM PAR BSHAD, ,CES PA NI CHOS THAMS CAD KYI RANG BZHIN CHOS KYI DBYINGS RNAM PAR DAG PA'I NGO BO NI MI BSKYOD PA'O, ,SVA BH'A BAR GRAGS BZHI PA'O, ,ZHES PA NI NAM MKHA'I KHAMS KYI RANG BZHIN RIN CHEN 'BYUNG LDAN NO, ,A'ATMA KO& NI LNGA PA YIN, ,ZHES PA NI THAMS CAD KYI BDAG NYID LAS THAMS CAD PA STE DON YOD PAR GRUB PA'O, ,AA HAm DU GYUR DRUG PAR 'DOD, ,CES PA NI DE

, ,BZHIN GSHEGS PA LNGA NYE BAR SDUD PAR BYED PA'I RNAM PA CAN TE RDO RJE 'CHANG CHEN PO'O ZHES PA'I DON TO, ,SNGAGS NI DBANG PO THAMS CAD DANG RNAM PAR SHES PA RNAM PAR DAG PA'I MTSAN NYID CAN GYI BSGOM PA'I RNAM PA'O, ,'DI BRJOD NAS ZHES PA NI DE BZHIN GSHEGS PA DRUG GI MOS PA BYAS NAS SO, ,RGYUD PHYI MA LAS KYANG, DBANG PO DANG NI YUL GYIS YID, ,RTEN TE BYUNG BA GANG YIN PA, ,DE NI MIN ZHES BSHAD PA STE, ,TRA NI SKYOB PA'I DON YIN NO, ,ZHES 'BYUNG NGO, ,DE'I 'OG TU ZHES PA NI DE DANG 'DRA BA'I LHAG PAR MOS PA BYAS NAS SO, ,SGOM PA'I BDAG NYID CAN GYIS ZHES PA NI RDZOGS PA'I RIM PA'I RNAL 'BYOR PAS SO, ,BSGOM ZHES PA NI ZUNG DU 'JUG PA'I RIM PA'I TING NGE 'DZIN GYI DE BZHIN GSHEGS PA DRUG GI NGA RGYAL BYA ZHES BYA BA'I DON TO, ,NGES PA'I DON NI RDZOGS PA'I RIM PA SO SOR BSTAN PA'I PHYIR RO, ,DE LTAR LE'U NAS BRTZAMS TE YONGS SU DAG PA DANG YONGS SU MA DAG PA'I LHA'I SKU'I DBYE BAS RIM PA GNYIS BSTAN TO, ,BSKYED PA'I RIM PA'I PHYOGS SU DANG PO'I SBYOR BA DANG DKYIL 'KHOR RGYAL BA MCHOG GI TING NGE 'DZIN DAG GIS RNAM PAR SNANG MDZAD LA SOGS PA DE BZHIN GSHEGS PA LNGA DANG DE'I LHA'I DKYIL 'KHOR BSTAN TO, ,RDZOGS PA'I RIM PA'I PHYOGS SU YANG RDO RJE BZLAS PA LA SOGS PA'I RIM PAS ZUNG DU 'JUG PA'I BAR DU RDO RJE 'CHANG CHEN PO'I SKU RDZOGS PAR BSTAN TO, ,DA NI ZHES PA NI BSKYED PA'I RIM PA'I YAN LAG TU GYUR PA'I LAS KYI RGYAL BA MCHOG GI PHYOGS GCIG PHRA MO'I RNAL 'BYOR ZHES BYA BA YAN LAG DANG PO BSTAN PAR BYA BA YIN NO, ,RANG GI SEMS BRTAN PAR BYA BA'I PHYIR ZHES PA NI RDUL PHRA RAB DANG SHIN TU RAGS PA'I BSGOM PA'I MTHA'I BAR DU SEMS DBANG DU 'GYUR BA'I PHYIR RO, ,DGONGS PA NI SA 'OG BDUN GYI BAR DU KHYAB PAR BYED PA'I ZHABS KYI PADMA DANG, SRID PA'I RTZE MO'I BAR DU SPYI BOS KHYAB PA PHYAG RNAMS KYIS PHYOGS BCU DANG NAM MKHA'I DKYIL KHYAB PAR BYED PA'I RDO RJE 'CHANG CHEN PO LA SOGS PA'I LHA'I SKU SNA TSOGS PA'I RANG BZHIN YIN NO ZHES GANG GI TSE RNAL 'BYOR PAS BSGOMS NA DE'I TSE RANG GI SEMS BRTAN PAR 'GYUR RO, ,GANG GI TSE YUNGS KAR GYI 'BRU'I TSAD TZAM GYI PHRA BA BRTAN PA DANG G-YO BA'I KHAMS GSUM GYI RANG BZHIN SKRA'I RTZE MO'I

BRGYA STONG GI CHA'I TSAD TZAM THIG LE'I BDAG NYID BSGOMS NA DE'I TSE RANG GI SEMS DBANG DU 'GYUR RO, ,'DIR NI RDUL PHRA RAB BSGOM PA'I GNAS SKABS YIN TE, SHIN TU RAGS PA'I BSGOM PA NI SNGAR BSHAD PA'I PHYIR RO, ,PHRA MO'I RNAL 'BYOR RNAM PA GSUM BSGOM PA GSUNGS TE ZHES PA NI BSKYED PA'I RIM PA'I RNAL 'BYOR PA'I GCIG DANG GZHAN MA GNYIS RDZOGS PA'I RIM PA'I RNAL 'BYOR PA'O, ,'CHAD PAR 'GYUR BA'I GSUM PA LA YANG RDZOGS PA'I RIM PA'I RNAL 'BYOR PA NYID KYI'O, ,BSDUS PA'I DON NI 'DI YIN TE, SPYI'I DON GYI PHYOGS SU BSKYED PA'I RIM PA'I RNAL 'BYOR PAS PHRA MO'I RNAL 'BYOR BSGOM PA DANG, SBAS PA DANG MTHAR THUG PA'I BSHAD PA'I PHYOGS DANG 'OG NAS BSHAD PA'I NGES PA'I DON GYI PHYOGS SU YANG RDZOGS PA'I RIM PA'I RNAL 'BYOR PAS PHRA MO'I RNAL 'BYOR BSGOM PA'O, ,DE LTAR BSKYED PA'I RIM PA DANG RDZOGS PA'I RIM PA'I RNAL 'BYOR PA DAG LA PHRA MO'I RNAL 'BYOR RNAM PA GSUM GYI BSGOM PA BSTAN TE, 'DOD CHAGS DANG ZHE SDANG DANG GTI MUG GI RIGS CAN GYI RNAL 'BYOR PA'I DBYE BAS SO, ,DE LA DANG PO BSHAD PA'I PHYIR, ,RDO RJE LA SOGS PA'I PHYAG MTSAN TE ZHES PA NI RDO RJE DANG 'KHOR LO DANG RIN PO CHE DANG PADMA DANG RAL GRI LA SOGS PA'O, ,RIN CHEN LTAR RIN CHE BA NYID DO ZHES PA NI MTHA' YAS PA'I 'JIG RTEN GYI KHAMS LA GNAS PA'I SEMS CAN RNAMS KYI BSAM PA THAMS CAD CIG CAR DU RDZOGS PAR BYED PA'I PHYIR RO, ,RIGS LAS BYUNG BAS SO ZHES PA NI RIGS LNGA'I 'BREL PA DANG LDAN PA'I DE BZHIN GSHEGS PA LA SOGS PA SPRO BA'I RGYU STE THIG LE'I KHYAD PAR RO, ,DE NI YUNGS KAR GYI 'BRU'I TSAD TZAM ZHES PA NI NAS DANG TZA NA KA LA SOGS PA'I 'BRU'I TSAD TZAM YANG YIN NO ZHES BYA BA'I THA TSIG GO, ,SNA'I RTZE MOR ZHES PA NI REG BYA RDO RJE MA'I CHOS 'BYUNG BA LA'O, ,RANG GI LHA YI RNAL 'BYOR GYIS, ,ZHES PA NI RNAM PAR SNANG MDZAD LA SOGS PA'I LHA'I PHYAG RGYA CHEN PO LA SOGS PA'I GZUGS KYIS SO, ,NYIN MTSAN DU NI DUS JI SRID KYI SEMS RTZE GCIG TU 'GYUR BA'O, ,GANG GI TSE MTHONG BA'I MTSAN MA ZHES BYA BA LA SOGS PA NI GANG GI TSE THIG LE BSGOM PA BRTAN PAR 'GYUR NA DE'I TSE RNAL 'BYOR PA LA MTSAN MA 'DI LTAR 'BYUNG STE,

, ,THIG LE TZAM LA KHAMS GSUM THAMS CAD KYI NGA RGYAL DANG PHYI'I SEMS CAN DU GYUR PA'I RNAM PAR RTOG PA DANG BRAL BA DANG, SEMS DANG SEMS LAS BYUNG BA'I CHOS MI 'BYUNG BA DANG, GAM NA GNAS PA'I SGRA LA SOGS PA MI ZIN PA DANG, RANG GI LUS MI TSOR BA ZHES BYA BA LA SOGS PA'O, ,DE'I TSE RDO RJE LA SOGS PA ZHES PA NI THUGS RDO RJE LA SOGS PA'I RNAL 'BYOR PA RNAMS KYIS BSGOM PAR GYUR PA'I RANG GI PHYAG MTSAN NO, ,BSGOM PAS MI G-YO BAR SHES NAS ZHES PA NI BSGOM PAR BYA BA DANG SGOM PA DAG GCIG TU GYUR PA'I MTSAN NYID KYIS DE'I BDAG NYID DU SHES NAS SO; ,BSGOM PA LA DBANG DU GYUR PA BSKYED PA'I PHYIR ZHES PA NI THIG LE BSGOM PA 'DI NI BRTAN PA YIN NAM MI BRTAN PA YIN ZHES DBANG NYID DU RDZOGS PAR BYA BA'I PHYIR RO, ,SPRO BAR BYA'O ZHES PA NI 'CHAD PAR 'GYUR BA'I 'OD ZER LA SOGS PA SPRO BAR BYA'O, ,BSGOM PA LA SLOB BZHIN PAR MI SPRO BA'O ZHES PA NI BSGOM PA'I DUS SU DE NYID MA RDZOGS NA DE LAS SPRO BA GA LA YOD DE, DE NYID KYI PHYIR SLOB BZHIN PAR ZHES BYA BA NI DA LTAR BYUNG BA'I DUS KYI RKYEN GYIS BSTAN PA'O, ,RDO RJE LA SOGS PA KHA DOG SNA LNGA PA'I 'OD ZER DANG PHYAG MTSAN RNAMS BSTAN PAR GYUR PA'O, ,PHYAG RGYA CHEN PO'I GZUGS KYANG ZHES PA NI DE BZHIN GSHEGS PA DANG LHA MO DANG BYANG CHUB SEMS DPA' DANG KHRO BO'I TSOGS RNAMS KYANG SEMS CAN GYI DON BYA BA'I PHYIR SPRO BAR BYA'O, ,DKAR PO LA SOGS PA'I KHA DOG DANG LDAN PA'O ZHES PA NI RANG GI RIGS DANG MTHUN PA'I 'OD KYIS MDZES PA'O, ,SANGS RGYAS KYI TSOGS SO ZHES PA NI DE BZHIN GSHEGS PA'I TSOGS SO, ,'KHOR LO DANG ZHES BYA BA LA SOGS PAS DE RNAMS KYI PHYAG MTSAN RNAMS BSTAN TO, ,NYE BAR MTSON PAS ZHES BYA BA LA SOGS PAS SPRUL PA'I SKU'I RANG BZHIN GYI BYANG CHUB SEMS DPA' DANG LHA MO DANG KHRO BO RNAMS KYANG SPRO BAR BYA'O ZHES BSTAN TO, ,NAM MKHA' KHYAB PAR SPRO BAR BYA ZHING G-YOGS PAR BYA'O ZHES PA LA 'GRO BA'I DON BYA BA'I PHYIR NAM MKHA'I KHAMS SNGAR BSHAD PA'I SPRIN GYIS G-YOGS PAR BYA'O ZHES BYA BA'I DON TO, ,SPYI DON ZHES BYA BA NI BSKYED PA'I RIM PA'I PHYOGS GCIG LAS KYI RGYAL BA MCHOG GI YAN LAG DANG PO STE PHRA MO'I RNAL 'BYOR YIN PA'I PHYIR RO, ,

DE BAS NA BSDUS PA'I DON NI 'DI YIN TE, DKYIL 'KHOR RGYAL BA MCHOG GI TING NGE 'DZIN GYI MTHAR ZHE SDANG RDO RJE'I TING NGE 'DZIN LA GNAS PA'I RNAL 'BYOR PAS RANG LA 'KHYUD PA'I REG BYA RDO RJE MA'I CHOS 'BYUNG BA'I PHYAG RGYA'I NANG DU SNA TSOGS PADMA DANG ZLA BA'I DKYIL 'KHOR GYI STENG DU DKYIL 'KHOR BA DANG LHAN CIG DKYIL 'KHOR GYI BDAG PO'I TSUL DU BDAG NYID BSGOMS LA, THABS DANG SHES RAB SNYOMS PAR ZHUGS PA'I RJES SU CHAGS PA'I DAM PA'I SGRAS DE BZHIN GSHEGS PA THAMS CAD 'GUGS SHING 'JUG LA, 'DOD CHAGS CHEN PO'I RANG BZHIN GYI YE SHES KYI MES BZHUS LA, THIG LE'I GZUGS SU DMIGS LA DE NYID YUNGS KAR GYI 'BRU'I TSAD TZAM GYI NANG NA LHA SUM CU RTZA GNYIS KYI LHA'I 'KHOR LO CIG CAR DU BSAMS LA, DE RNAMS KYI THUGS KAR YANG YE SHES SEMS DPA' DANG TING NGE 'DZIN SEMS DPA' DAG BSGOMS LA, YE SHES SEMS DPA'I YIG 'BRU'I THIG LER YANG SUM CU RTZA GNYIS KYI BDAG NYID KYI DKYIL 'KHOR GYI 'KHOR LO'AM, GSANG BA LNGA'I DKYIL 'KHOR CHEN PO BSAMS LA SEMS CAN DANG SNOD KYI 'JIG RTEN GNYIS KYI RNAM PAR RTOG PA SPANGS NAS, GAM NA GNAS PA'I SGRA LA SOGS PA MI ZIN PAS BSGOM PA LA DBANG BSKYED PAR BYA BA'I PHYIR DANG PO KHA DOG LNGA PA'I 'OD ZER GYI 'KHOR LO SPRO ZHING DES SEMS CAN GYI KHAMS SBYANGS TE SLAR YANG BSDUS LA DE NYID DU ZHUGS TE, DE NAS RANG GI RIGS DANG RDO RJES SU MTHUN PA'I RDO RJE LA SOGS PA SPRO ZHING NAM MKHA'I KHAMS KHYAB LA DE LAS BYUNG BA'I 'OD ZER GYI TSOGS KYIS 'GRO BA MA LUS PA'I DON BYAS TE, SLAR YANG BSDU ZHING DE NYID DU 'JUG PAR BYAS LA DE NAS RNAM PAR SNANG MDZAD LA SOGS PA DE BZHIN GSHEGS PA LNGA'I PHYAG RGYA CHEN PO'I SKU YANG SPROS TE, 'GRO BA'I DON BYA BA DE NI RDO RJE 'CHANG CHEN PO'I RNAL 'BYOR PA'I PHRA MA'I RNAL 'BYOR BSGOM PA'I RIM PA'O, ,SKU RDO RJE'I RNAL 'BYOR PAS SANGS RGYAS SPYAN MA'I CHOS 'BYUNG BA'I NANG DU, YUNGS KAR GYI 'BRU'I TSAD TZAM GYI 'KHOR LO'I PHYAG MTSAN BSGOMS LA DE'I LTE BAR SNGA MA BZHIN DU BDAG NYID BSAMS LA, BRTEN PA'I RTAGS MTHONG NAS SPRO BA DANG BSDU BAS SKU RDO RJE'I RIGS KYIS 'GRO BA'I 'DON BYAS TE, SKU RDO RJE'I RNAL 'BYOR PA'I PHRA MO'I RNAL 'BYOR BSGOM PA'I RIM PA'O, ,DE BZHIN DU GSUNG RDO RJE'I

, ,RNAL 'BYOR PAS GOS DKAR MO'I CHOS 'BYUNG GI NANG DU TZA NA KA'I 'BRU'I TSAD TZAM GYI PADMA DMAR PO BSAMS LA DE'I LTE BAR SNGA MA BZHIN DU BDAG NYID BSAMS TE, BRTAN PA'I RTAGS MTHONG ZHING GSUNG RDO RJE'I LHA'I RIGS SPRO BA DANG BSDU BAR BYA BA NI GSUNG RDO RJE'I RIGS KYI RNAL 'BYOR BA'I PHRA MO'I RNAL 'BYOR BSGOM PA'I RIM PA'O, ,RIN CHEN 'BYUNG LDAN GYI RNAL 'BYOR PAS M'A MA K'I'I CHOS 'BYUNG BA'I NANG DU KHA DOG SER PO TZA NA KA'I 'BRU'I TSAD TZAM GYI ZUR DRUG PA'I RIN PO CHE BSGOMS LA, DE'I CHANG ZUNG LA SNGA MA BZHIN DU BDAG NYID BSAMS LA, BRTAN PA'I RTAGS MTHONG BAS RIN PO CHE'I RIGS KYI LHA RNAMS SPRO BA DANG BSDU BA RIN CHEN 'BYUNG LDAN GYI RNAL 'BYOR PA'I PHRA MO'I RNAL 'BYOR BSGOM PA'I RIM PA'O, ,DAM TSIG RDO RJE'I RNAL 'BYOR PAS SGROL MA'I CHOS 'BYUNG BA'I NANG DU YUNGS KAR GYI 'BRU'I TSOD TZAM GYI RAL GRI BSGOMS LA, DE'I CHANG ZUNG DU SNGA MA BZHIN DU BDAG NYID BSAMS TE BRTAN PA'I RTAGS MTHONG ZHING DAM TSIG GI RIGS KYI LHA RNAMS SPRO BA DANG BSDU BAR BYED PA'I DAM TSIG GI RDO RJE'I RNAL 'BYOR PA'I PHRA MO'I RNAL 'BYOR BSGOM PA'I RIM PA'O, ,DES NI RIGS DRUG GI RJES SU 'BRANG BA'I PHRA MO'I RNAL 'BYOR BSTAN TO, ,PHRA MO'I RNAL 'BYOR DES KYANG DKYIL 'KHOR BRI BA DANG DE LA SLOB MA GZHUG PA DANG, SNGAGS DANG PHYAG RGYA DANG TING NGE 'DZIN RNAMS PHA ROL LA STON PA DANG, SNGAGS KYI THEG PA BSHAD PA'I PHYIR MNGON PAR DGA' BA LA SOGS PA'I SANGS RGYAS KYI ZHING LA BZHUGS PA'I BCOM LDAN 'DAS DE BZHIN GSHEGS PA RNAMS KYIS RNAL 'BYOR PA LA LUNG STON PAR 'GYUR RO, ,RDZOGS PA'I RIM PA'I PHRA MO'I RNAL 'BYOR BSTAN PA'I PHYIR, KUN RDZOB BYANG CHUB KYI SEMS TE ZHES SMOS PA LA, THABS DANG SHES RAB SNYOMS PAR ZHUGS PA LAS BYUNG BA'I SHU KRA'I THIG LE'I GZUGS SO, ,YUNGS KAR GYI 'BRU'I TSAD TZAM ZHES BYA BA 'DIS SHIN TU PHRA BA NYID BSTAN TO, ,RANG GI RDO RJE'I KHAR ZHES PA NI RANG GI GSANG BA'I RDO RJE'I BU GA LA'O, ,DE BZHIN GSHEGS PA LNGA'I BDAG NYID DU BYAS LA ZHES PA NI 'BYUNG BA CHEN PO LNGA'I RANG BZHIN DANG YE SHES LNGA'I NGO BO NYID DU BYAS LA'O, ,DE LA DE'I SRA BA NYID GANG YIN PA DE NI SA'I KHAMS SO, ,DE'I GSHER BA NYID GANG YIN PA DE NI CHU'I KHAMS SO, ,DE'I DRO BA'I

MTSAN NYID GANG YIN PA DE NI ME'I KHAMS SO, ,DE'I 'GRO BA DANG LDOG PA LA SOGS PA'I MTSAN NYID GANG YIN PA DE NI RLUNG GI KHAMS SO, ,DE'I NANG NA KHYAB PA'I BDE BA CHEN PO'I CHOS KYI DBYINGS KYI YE SHES KYI KHYAD PAR GANG YIN PA DE NI NAM MKHA'I KHAMS SO, ,DE BZHIN DU DAG PA KUN DA DANG ZLA BA DANG 'DRA BA'I GSAL BA'I RANG BZHIN GYI TSUL GANG YIN PA DE NI ME LONG LTA BU'I YE SHES SO, ,DE BZHIN DU DE'I KHAMS NYI SHU RTZA BZHI SDUD PAR BYED PA'I KHAMS DRUG GI TSUL GANG YIN PA DE NI MNYAM PA NYID KYI YE SHES SO, ,DE'I RNAM PAR MI RTOG PA'I MTSAN NYID CAN GYI SPYOD PA GANG YIN PA DE NI SO SOR RTOG PA'I YE SHES SO, , DE BZHIN DU DE'I 'OD ZER GYI TSOGS SPRO BAS SEMS CAN GYI DON RDZOGS PA GANG YIN PA DE NI BYA BA NAN TAN GRUB PA'I YE SHES SO, ,DE BZHIN DU DE'I RTAG PA DRI MA MED PA ZAG PA MED PA'I CHOS KYI SKU'I MTSAN NYID CAN GYI DON DAM PA BYANG CHUB KYI SEMS KYI NGO BO NYID GANG YIN PA DE NI SHIN TU RNAM PAR DAG PA'I CHOS KYI DBYINGS KYI YE SHES SO, ,JI SKAD DU BSHAD PA'I CHO GA ZHES BYA BA LA SOGS PA NI CHO GA 'DI YIN TE, DANG POR RDO RJE DANG PADMA'I GNAS DANG PO STONG PA NYID DU BSGOMS LA, ,DE NAS H'Um A'A: SA BON GNYIS YONGS SU GYUR PA LAS RTZE LNGA PA'I GSANG BA'I RDO RJE DANG PADMA 'DAB MA BRGYAD PA YANG BSGOMS LA, DE DAG GI RTZE MOR TSAD GCAD PA'I DON DU H'Um DANG PHAt BKOD CING RIN CHEN 'BYUNG LDAN DANG, DON YOD GRUB PA'I SNGAGS DAG GIS RDO RJE DANG PADMA SBYOR ZHING BSKYED PAR BYA STE RJES SU CHAGS PA'I MCHOG GI SGRAS DE BZHIN GSHEGS PA BKUG CING 'JUG LA BDUN KHRI NYIS STONG GI RTZA NAS CHU'I RGYUN DANG 'DRA BA'I BYANG CHUB KYI SEMS DBU MA'I LAM NAS RDO RJE'I RTZE MOR SMIG RGYU LA SOGS PA'I RTAGS LNGA MTSON PA SNGON DU 'GRO BAR BYANG CHUB KYI SEMS LA MCHOG TU DGA' BA NYAMS SU MYONG ZHING DE'I MTHAR BYANG CHUB KYI SEMS LAS SNGA MA BZHIN DU 'OD ZER DANG PHYAG MTSAN DANG, PHYAG RGYA CHEN PO'I GZUGS SPRO ZHING, DE RNAMS GYIS 'GRO BA'I DON BYAS LA SLAR YANG BSDUS TE DE NYID DU 'JUG PAR BSAM PAR BYA'O ZHES BSTAN TO, ,BYANG CHUB KYI SEMS PHYUNG BA LAS ZHES PA NI BYANG CHUB KYI SEMS DE NYID 'OD ZER GYI TSOGS KYI SGO NAS SANGS RGYAS DANG BYANG CHUB SEMS DPA'I TSUL DU SPRO BAR BYA'O ZHES BYA BA'I THA TSIG GO, ,BU NI RDO RJE 'CHANG CHEN

, ,PO LA LTOS PAS DE BZHIN GSHEGS PA LNGA'O, ,TSA BO NI DE RNAMS LAS KYANG BYUNG BA'I BYANG CHUB SEMS DPA' RNAMS SO, ,SOGS PA'I SGRAS NI RIGS KYI YUM DANG MCHOD PA'I LHA MO DANG KHRO BO'I 'KHOR LO YANG BSTAN TO, ,SBAS PA'O ZHES PA NI 'DOD CHAGS KYI CHOS NYID BSTAN PA'I PHYIR RO, ,'DOD CHAGS KYI RIGS CAN GYI RNAL 'BYOR PA'I PHRA MO'I RNAL 'BYOR TE RDZOGS PA'I RIM PA'I PHYOGS SU YIN NO, ,ZHE SDANG GI RIGS CAN GYI RNAL 'BYOR PA'I PHRA MO'I RNAL 'BYOR GNYIS PA BSTAN PAR BYA BA'I PHYIR, ,DE BZHIN GSHEGS PA'I BDAG NYID CAN, ,ZHES SMOS PA LA SKU RDO RJE LA SOGS PA DE BZHIN GSHEGS PA GSUM GYI YIG 'BRU NYE BAR BSDUS PA LAS 'BYUNG NGO, ,MI SHIGS PAR GRAGS PA STE ZHES PA NI 'BA' ZHIG TU SNGAGS KYI THIG LE BRJOD DU MI NUS PA'I PHYIR RO, ,SANGS RGYAS KYI RIN PO CHE SKYED PAS SO ZHES PA NI DE LAS KYANG SPRO BA'I SBYAR BAS SANGS RGYAS 'BYUNG BA'I PHYIR RO, ,YUNGS KAR GYI 'BRU TSAD TZAM NI RJES SU 'JUG PA'I DBYANGS KHO NA'O, ,THIG LE'I GZUGS CAN YIN PAS SO ZHES PA NI RJES SU 'JUG PA'I DBYANGS KYI RANG BZHIN YIN PA'I PHYIR RO, ,SNYING GA'I PADMA'I LTE BAR ZHES PA NI THUGS RDO RJE 'CHANG GI GNAS LA'O, ,DE LA ZHEN PAS NI DE LA SEMS RTZE GCIG PAS SO, ,DE NYID KYI BSHAD PA NI 'JUG PA DANG LDANG BA DANG; GNAS PA DANG SDUD PA'I RNAL 'BYOR GYIS SO, ,THUGS RDO RJE 'CHANG GI YIG 'BRU 'BA' ZHIG TU DMIGS LA, DE'I CHA SHAS NYE BAR BSDU ZHING SROG DANG RTZOL BA DANG ME DANG MNYAM PA'I RLUNG GSUM GYI BYA BA'I MTSAN NYID KYIS 'GRO BA DANG 'ONG BA DANG BAR DU GNAS PA'I TSUL GSUM DU GNAS PAR BYA'O, ,SDUD PA'I RNAL 'BYOR ZHES PA NI RLUNG GI GSUM PO YANG SNGAGS KYI THIG LE DE NYID DU PHYIN NAS BSDU BAR BYA'O, ,SNGA MA BZHIN DU BRTAN PA'I RTAGS MTHONG BA SNGON DU 'GRO BAS SPRO BAR BYA'O ZHES BYA BAS RTAG PA STE ZHES STON TE, THIG LE NYE BAR SDUD PA'I MTSAN NYID CAN GYI 'OD GSAL BA'O, ,MI SHIGS PA ZHES PA NI RDO RJE 'CHANG GI SA BON GYI THIG LE'O, ,DE LA RIN PO CHE STE 'OD GSAL BA'O, ,DE RTOGS SHING MNGON DU BYAS LA DES YANG DAG PAR SBYOR BA NI SPRO BA'I DUS SU YANG DE NYID DU LHAG PAR MOS PAR BYA'O, ,'OD ZER GYI TSOGS ZHES PA LA KHA DOG LNGA DANG LDAN PA'I DKYIL 'KHOR DE LAS YONGS

SU BRTAGS TE G-YAS PA LA SOGS PA'I DBYE BAS ME'I DKYIL 'KHOR LA SOGS PA'I RIM GYIS DE BZHIN GSHEGS PA'I TSOGS SPRO BAR BYA'O ZHES BYA BA'I DON TO, ,MTHAR THUG PA'O ZHES PA NI, THUGS KYI BZLAS PA'I 'ONG GSAL BA'I DE KHO NA NYID BSTAN PA'I PHYIR RO, ,'DIR NI BSDUS PA'I DON NI 'DI YIN TE, ZHE SDANG RDO RJE'I RNAL 'BYOR PAS MGO BO LA SOGS PAR YI GE GSUM BKOD LA 'JUG PA DANG LDANG BA LA SOGS PA'I RIM GYIS DE NYID BZLA ZHING KUN RDZOB KYI PHYOGS 'DOR BAR BYA BA YIN PAS SKU RDO RJE'I YIG 'BRU GSUNG RDO RJE'I SA BON LA 'JUG CING, DE'I CHA RNAMS KYANG SNYING GA'I PADMA LA GNAS PA'I THUGS KYI RDO RJE'I YI GE 'BRU'I THIG LE LA BSDUS TE, DE'I CHA RNAMS KYANG DE NYID DU THIM LA 'OD GSAL BA NYID DU DMIGS NAS, DE LAS SPROS PA'I DKYIL 'KHOR BZHI'I 'OD ZER GYI SGO NAS DE BZHIN GSHEGS PA'I TSOGS KYIS NAM MKHA'I DKYIL KHYAB PAR BYAS LA, ,DE RNAMS KYIS 'GRO BA'I DON BYAS TE DE NYID DU 'JUG PAR BYA'O ZHES PA NI, ZHE SDANG GYI RIGS CAN GYI RNAL 'BYOR PA'I PHRA MO'I RNAL 'BYOR BSTAN TO, ,DE LTAR PHRA MO'I RNAL 'BYOR PA RNAM PA GSUM LAS BSKYED PA'I RIM PA GTZO BOR GYUR PA'I RNAM PA DRUG NI GCIG YIN TE RIGS DRUG LAS BYUNG BA'I PHYIR RO, ,GNYIS PA DANG GSUM PA NI RDZOGS PA'I RIM PA'I RNAL 'BYOR PA 'DOD CHAGS DANG ZHE SDANG GI RIGS CAN DAG LA BSTAN TO, ,GTI MUG GI RIGS CAN DAG LA NI 'OG NAS 'CHAD PAR 'GYUR RO, ,DA NI SNGAR BSHAD PA'I RNAM PAR SNANG MDZAD LA SOGS PA'I BSKYED PA'I RIM PA'I YAN LAG TU GYUR PA RNAL 'BYOR DANG RJES SU RNAL 'BYOR BSTAN PAR BYA BA'I PHYIR RNAM PAR SNANG MDZAD CES PA LA SOGS PA SMOS TE, DE BZHIN NYID LA DMIGS PA SNGON DU 'GRO BAS ZHES PA NI DON DAM PA'I DKYIL 'KHOR BSGOM PA SNGON DU 'GRO BAS SO, ,ZLA BA'I DKYIL 'KHOR BSGOMS LA ZHES PA NI YI GE GSUM YONGS SU GYUR PA LAS BSKYED PA'I PADMA DANG ZLA BA DANG NYI MA'I GDAN GYI STENG DU YI GE GSUM BKOD PA YONGS SU GYUR PA LAS SKYES PA'I ZLA BA'I DKYIL 'KHOR LA SNGAR BSHAD PA'I PADMA LA SOGS PA THIM ZHING RO GCIG PAR BYAS LA CHOS KYI DBYINGS KYI SNGAGS KYIS BRTAN PAR BYAS PA'I ZLA BA'I DKYIL 'KHOR ZHES BYA BA'I DON TO, ,

, ,DE'I STENG DU 'KHOR LO BSAMS TE ZHES PA NI ZLA BA'I DKYIL 'KHOR DE NYID LA YI GE GSUM BKOD CING YI GE GNYIS YI GE AOm LA ZHUGS TE, SPRO BA DANG BSDU BA BYAS LA DE YONGS SU GYUR PA LAS SKYES PA'I KHA DOG DKAR PO RTZIBS BCU GNYIS PA'I 'KHOR LO BSGOM PAR BYA'O ZHES BYA BA'I DON TO; ,BSGOM MO ZHES PA NI 'KHOR LO DE'I LTE BA'I DBUS SU YANG YI GE AOm BKOD LA, SPRO BA DANG BSDU BA BYAS TE ZLA BA DANG 'KHOR LO DANG SA BON YONGS SU GYUR PA LAS BCOM LDAN 'DAS RNAM PAR SNANG MDZAD BSGOM PAR BYA'O ZHES BYA BA'I DON TO, ,DE BZHIN DU ZHES BYA BA LA SOGS PAS DE BZHIN GSHEGS PA BZHI PO'I BSKYED PA'I RIM PA STON TO, ,SNANG BA MTHA' YAS PA'I RNAL 'BYOR PAS BGEGS BSKRAD PA NAS BRTZAMS TE CHOS KYI DBYINGS KYI SNGAGS KYI BAR DU RANG GI SEMS ZLA BA'I DKYIL 'KHOR DANG 'DRA BAR DMIGS LA DE'I STENG DU YI GE GSUM DGOD CING YI GE GNYIS RANG GI SA BON LA ZHUGS TE, ,DE YONGS SU GYUR PA LAS BSKYED PA'I KHA DOG DMAR PO PADMA 'DAB MA BRGYAD PA BSAMS LA, DE'I LTE BAR YANG YIG 'BRU DE NYID DGOD CING ZLA BA DANG PADMA DANG YIG 'BRU YONGS SU GYUR PA LAS BCOM LDAN 'DAS 'OD DPAG TU MED PA BSGOM PAR BYA'O, ,RIN CHEN 'BYUNG LDAN GYI RNAL 'BYOR PAS BGEGS BSKRAD PA NAS BRTZAMS TE CHOS KYI DBYINGS KYI SNGAGS KYI BAR DU RANG GI SEMS ZLA BA'I DKYIL 'KHOR DANG 'DRA BAR LHAG PAR MOS LA, DE'I STENG DU YI GE GSUM SVA DANG BCAS PAR DGOD CING YI GE GSUM YANG RANG GI SA BON LA DGOD DE, DE YONGS SU GYUR PA LAS KHA DOG SER PO ZUNG DRUG PA'I RIN PO CHE BSGOMS LA, DE LAS SA BON DE NYID DGOD DE ZLA BA DANG RIN PO CHE DANG YIG 'BRU YONGS SU GYUR PA LAS BSKYED PA'I BCOM LDAN 'DAS RIN CHEN 'BYUNG LDAN BSGOM PAR BYA'O, ,DON YOD GRUB PA'I RNAL 'BYOR PAS BGEGS BSKRAD PA NAS BRTZAMS TE, CHOS KYI DBYINGS KYI SNGAGS KYI BAR DU RANG GI SEMS ZLA BA'I DKYIL 'KHOR DANG 'DRA BAR BSGOMS LA, YI GE GSUM HA DANG BCAS PAR DGOD DE, YI GE GSUM YANG RANG GI SA BON LA 'JUG CING SPRO BA DANG BSDU BAR BYAS TE, DE YONGS SU GYUR PA LAS BSKYED PA'I RAL GRI BSGOMS LA, DE'I CHANG ZUNG LA YIG 'BRU DE NYID DGOD DE, ZLA BA DANG RAL

GRI DANG SA BON YONGS SU GYUR PA LAS BCOM LDAN 'DAS DON YOD GRUB PAR BSGOM PAR BYA'O, ,MI BSKYOD PA'I RNAL 'BYOR PAS BGEGS BSKRAD PA NAS BRTZAMS TE, CHOS KYI DBYINGS KYI SNGAGS KYI BAR DU RANG GI SEMS ZLA BA'I DKYIL 'KHOR DANG 'DRA BAR BSGOMS LA, DE'I STENG DU YI GE GSUM DGOD CING YI GE GNYIS THUGS KYI RDO RJE'I SA BON LA ZHUGS TE, SPRO BA DANG BSDU BA BYAS LA DE YONGS SU GYUR PA LAS BSKYED PA'I RDO RJE RTZE LNGA PA RNAM PAR BSGOMS LA, DE NYID KYI DBUS KYI RTZE MOR YIG 'BRU DE NYID DGOD CING ZLA BA DANG RDO RJE DANG SA BON YONGS SU GYUR PA LAS BSKYED PA'I BCOM LDAN 'DAS MI BSKYOD PA BSGOM PAR BYA'O, ,DE TZAM GYIS DANG PO'I SBYOR BA'I TING NGE 'DZIN GYI PHYOGS GCIG PAR GYUR PA'I RNAL 'BYOR DANG RJES SU RNAL 'BYOR BSTAN TO, ,DE YANG NYE BAR MTSON PA TZAM YIN TE, PHYAG RGYA LEGS PAR SBYANG BA SNGON DU 'GRO BAR DKYIL 'KHOR RGYAL BA MCHOG GI TING NGE 'DZIN YANG BSGOM PAR BYA'O, ,LAS KYI RGYAL BA MCHOG GI PHYOGS GCIG PHRA MO'I RNAL 'BYOR NI RANG GI TSIG GIS GSUNGS SO ZHES TING NGE 'DZIN GSUM GYI BDAG NYID CAN GYI BSKYED PA'I RIM PA BSTAN PA DANG RDZOGS PA'I RIM PA YANG RDO RJE BZLAS PA LA SOGS PA'I DBYE BA'I SGO NAS BSTAN TO, ,DE LTAR RIM PA GNYIS NI GSAL BAR BSHAD PA YIN NO, ,DE LTAR PADMA YONGS SU GYUR PA LAS ZHES PA NI ZLA BA DANG PADMA DANG YIG 'BRU YONGS SU GYUR PA LAS ZHES BYA BA'I DON TO, ,PADMA R'A GA'I 'OD CAN NI DBANG GI LAS LA NUS PA'I PHYIR RO, ,KHA DOG SER PO NI RGYAS PA'I LAS LA NUS PA'I PHYIR TE GSER BZHIN NO, ,SNA TSOGS RDO RJE NI SGRA JI BZHIN MA YIN PAS RAL GRI 'AM RANG GI GZUGS SO, ,NAM MKHA' DANG 'DRA BA DER GNAS PA NI ZHES PA NI DE'I KHA DOG DANG LDAN PA'O, ,NAM MKHA' LTAR SNGO BSANGS ZHES BYA BA'I DON TO ZHES PA NI DE NYID KYI BSHAD PA'O, ,SKU DANG GSUNG DANG THUGS SGRUB PAS MTSON PA'I ZHES PA NI SKU GSUNG THUGS RDO RJE'I NANG NAS THUGS RDO RJE NYID GTZO BO YIN TE, LUS DANG NGAG GI RTZA BA DE YIN PA'I PHYIR RO, ,DE BAS NA SKU GSUNG THUGS KYI SGRUB PA NI DE BSKYED PA NI RGYUR GYUR PA YI GE GSUM MO, ,DES MTSON PA NI THUGS RDO RJE 'CHANG NYID DE 'OD GSAL BA'I RANG BZHIN GYI THUGS LA YI GE GSUM

, ,BYUNG BA'I PHYIR RO, ,DE DANG 'DRA BA BCOM LDAN 'DAS NI MI BSKYOD PA'O, ,DE'I RDO RJE LAS BYUNG BA'O ZHES PA NI ZLA BA DANG RDO RJE DANG YIG 'BRU DANG DE'I BDAG NYID KYI NGA RGYAL LAS BSKYED PA ZHES BYA BA'I THA TSIG GO, ,THAMS CAD MKHYEN PA NYID NI ZHES PA LA RANG GI GO 'PHANG NYON MONGS PA DANG SHES BYA'I SGRIB PA SPANGS PA ME LONG LTA BU'I YE SHES LA SOGS PA'O, ,SEMS CAN RNAMS DMIGS SHING ZHES PA NI SEMS CAN RNAMS LA STER BAR BYED PA BCOM LDAN 'DAS RNAM PAR SNANG MDZAD LA SOGS PA RNAMS SO, ,NGANG TSUL GANG LA YOD PA DE LA DE SKAD CES BYA'O ZHES PA NI NYE BAR BSDU BA'I SGO NAS DKYIL 'KHOR RGYAL BA MCHOG GI TING NGE 'DZIN BSTAN TE DE NI SEMS CAN GYI DON BYED PA'I NGO BO YIN PA'I PHYIR RO, ,RDO RJE NI DE BZHIN GSHEGS PA RNAMS SO ZHES PA NI RDO RJE LTAR MI PHYED PA'I YE SHES DANG LDAN PA'O, ,'DUS PA MDZAD PA ZHES PA NI DE BZHIN GSHEGS PA LNGA'I BDAG PO NYID KYIS SO, ,DE RNAMS KYI RE RE LA LHA SUM CU RTZA GNYIS KYI DKYIL 'KHOR RO, ,DE LTAR DKYIL 'KHOR SUM CU RTZA GNYIS NI LHA SUM CU RTZA GNYIS KYI BDAG NYID BSDUS PAR MDZAD PA'O, ,DRANG BA'I DON NI BSKYED PA'I RIM PA BSTAN PA'I PHYIR RO, ,GTI MUG GI RIGS CAN GYI RNAL 'BYOR PA'I PHRA MO'I RNAL 'BYOR BSTAN PAR BYA BA'I PHYIR 'OD GSAL BA'O ZHES SMOS PA LA, ,LUS RNAM PAR DBEN PA'I MTHAR CHOS KYI DBYINGS KYI YE SHES KYI NGO BO 'OD GSAL BA'I DE KHO NA NYID CES BYA BA'I THA TSIG GO, ,DE'I DBUS SU GNAS PA'I ZLA BA'I DKYIL 'KHOR DE MI SHIGS PA'O ZHES PA NI ZLA BA'I DKYIL 'KHOR LTAR 'BAR BAR 'GYUR BA'I DBYANGS KYI YI GE DANG PO MI SHIGS PA ZHES BYA'O,, RAB DU BYED PA LAS KYANG, THUNG DU LUS NGAG YIN TE, ,GCIG MIN DU MA MA YIN NO, ,ZHES 'BYUNG NGO, ,RDO RJE DKYIL 'KHOR GYI RGYAN LAS, 'BAR ZHING MAR ME DANG MTSUNGS PA'I, ,SNYING GA'I DBUS NA MI SHIGS PA, ,MI 'GYUR PADMA PHRA BA STE, ,AA YIG GTZO BO MCHOG YIN NO, ,ZHES 'BYUNG NGO; ,SGYU 'PHRUL DRA BA LAS KYANG, ,AA NI YIG 'BRU KUN GYI MCHOG ,DON CHEN YI GE DAM PA YIN, ,KHONG NAS 'BYUNG BA SKYE BA MED, ,TSIG TU BRJOD PA SPANGS PA STE, ,BRJOD PA KUN GYI RGYU YI MCHOG ,TSIG KUN RAB TU GSAL BAR BYED, CES 'BYUNG NGO, ,MI SHIGS PA LA NGES PAR 'BYUNG BA'I

ZHES PA NI CHOS KYI DBYINGS KYI 'KHOR LO RTZIBS BRGYAD PA'I YI GE AA LAS 'BYUNG ZHING DE'I SPRUL PA LAS BSKYED PA'O, ,CHU'I DKYIL 'KHOR TE MI BSKYOD PA'I NGO BO NYID KHA DOG DKAR BA NI ZHES PA LA SNYING GAR GNAS PA'I PHYIR DANG, CHU'I KHAMS KHA DOG DKAR BA'I PHYIR DANG, ZHI BA'I LAS LA BRTZON PA'I PHYIR RO, ,DAL BAR RGYU BA'I PHYIR RO ZHES PA NI RLUNG GI DKYIL 'KHOR BZHIN DU CHU NI DRAG PAR RGYU BA MA YIN TE, 'ON KYANG RANG BZHIN GYI CHU'I KHAMS DAL BAR RGYU BA STE, STENG DANG 'OG GI GNAS KYI 'BREL PAS DE RNAMS KYI MYUR BA DANG DMAN PA DANG BAR MA RGYU BA YIN TE, CHU BO DANG RGYA MTSO LA SOGS PA BZHIN NO, ,ME'I DKYIL 'KHOR KHA DOG DMAR PO'O ZHES PA LA DE NYID KYI RANG BZHIN LAS BYUNG BA GRU GSUM PA LKOG MAR GNAS PA'O, ,G-YAS NAS 'BYUNG BA ZHES PA NI SNA KHUNG G-YAS PA LAS 'BYUNG BA'O, ,ME'I DKYIL 'KHOR GYI RANG GI KHA DOG NI DMAR PO NYID DO ,DBANG CHEN GYI DKYIL 'KHOR ZHES PA NI SA'I DKYIL 'KHOR TE, ,DE NYID KYANG YI GE LAm LAS BYUNG BA GSANG BA'I GNAS SU GRU BZHI PAR GNAS PA'O, ,GNYI GA LAS 'BYUNG BAR ZHES PA NI SNA KHUNG GNYI GA LAS 'BYUNG NGO, ,SA'I DKYIL 'KHOR KHA DOG SER PO STE GSER GYI RANG BZHIN YIN PA'I PHYIR RO, ,DE YANG DAL BUS DMAN PAR RGYU BA YIN TE SA GZHI NI SNOD KYI 'JIG RTEN YIN PAS BRTAN PA'I PHYIR RO, ,RLUNG GI DKYIL 'KHOR TE ZHES PA NI DE NYID KYI YI GE YAm LAS BYUNG BA GZHU'I DBYIBS CAN LTE BAR GNAS PA'O, ,KHA DOG NAG PO ZHES PA RLUNG NI NGO BO NYID KYIS KHA DOG SNGO BA YIN PAS SO, ,G-YON NAS RGYU BA YIN PAR ZHES PA NI SNA KHUNG G-YON PA LAS RGYU BA'O, ,YIN PAR SHES PAR BYA STE ZHES PA NI BSAM PAR BYA'O, ,DE RNAMS NI DE BZHIN GSHEGS PA'I NGO BO NYID 'OD ZER BZHI'I RAB TU RGYU BA ZHES PA NI MI BSKYOD PA LA SOGS PA'I NGO BO NYID DO, ,DE NI NYE BAR MTSON PA TZAM YIN TE, GOS DKAR MO LA SOGS PA LHA MO BZHI'I RANG BZHIN DANG, SA LA SOGS PA'I KHAMS BZHI DANG, ZHI BA LA SOGS PA PHRIN LAS BZHI DANG, DKAR PO LA SOGS PA 'OD ZER 'BYUNG BA, G-YAS DANG G-YON DANG GNYI GA DANG DAL BUS RGYU BA DANG, WA LA SOGS PA'I YI GE LAS BYUNG BA DANG GRU

, ,GSUM DANG ZLUM PO DANG GZHU'I DBYIBS DANG GRU BZHI DANG KHA DOG DMAR PO LA SOGS PA DANG LDAN PAR SHES PAR BYA'O, ,BSHAD PA YIN NO ZHES PA NI SDUD PA POS BSHAD PA'O, ,SKU LA SOGS PA BSKYED PAS NA, ,ZHES PA NI ' JIG RTEN LAS 'DAS PA'I YE SHES KYI SKU'I RANG BZHIN GYI SKU GSUNG THUGS RDZOGS PAR BYED PA ZHES BYA BA'I THA TSIG GO, ,DE NYID BSTAN PAR BYA BA'I PHYIR 'OD GSAL BA LAS BZHENGS TE ZHES SMOS TE, RIM PA BZHI PAS THOB PA'I DE KHO NA NYID LAS 'BYUNG BA'O, ,BDEN PA GNYIS KYI BDAG NYID CAN GYI ZHES PA NI MI GNAS PA'I MYA NGAN LAS 'DAS PA'I DBYINGS KYI RANG BZHIN NO, ,LHA'I DKYIL 'KHOR YIN PAR SHES PAR BYA'O ZHES PA NI MI BSKYOD PA LA SOGS PA DE BZHIN GSHEGS PA'I TSOGS BSGOM PAR BYA'O, ,THAMS CAD MKHYEN PA'I GO 'PHANG THOB PAR 'DOD PA'I ZHES PA NI RNAL 'BYOR PAS ZHES TSIG LHAG MA'O, ,DE NI BYED PA'I DRUG PA YIN NO, ,DGONGS PA NI 'DI YIN TE, RE ZHIG DANG PO'I RNAL 'BYOR PAS CIG CAR DU YE SHES KYI SKU DMIGS LA, LTE BA'I PHYOGS SU RTZIBS BRGYAD PA'I CHOS KYI DBYINGS KYI 'KHOR LO'I YI GE LAS YA RA LA WA SPRUL TE, DE DAG YONGS SU GYUR PA LAS LKOG MA LA SOGS PA'I GNAS BZHI LAS GRU GSUM DANG ZLUM PO DANG ZLA GAM GRU BZHI PA'I ME DANG CHU DANG RLUNG DANG SA'I DKYIL 'KHOR RNAMS BSGOMS LA, ,DE RNAMS RE RE LA YI GE GSUM DMIGS PA SNGON DU 'GRO BAR 'JUG PA LA SOGS PA GSUM GYI RIM PAS BZLAS PAR BYA STE, DE LAS BYUNG BA'I 'OD ZER GYI 'KHOR LOS PHRA MO'I RNAL 'BYOR BSLAB PAR BYA'O, ,DE'I RIM PA NI ME'I DKYIL 'KHOR LA KHA DOG DMAR PO 'OD ZER SNA KHUNG G-YAS PA LAS 'BYUNG ZHING GDONG GI SNA RTZER THUN PHYED PHYED KYI DUS SU ZIN NA DE'I TSE RNAL 'BYOR PAS 'BAD RTZOL MED PAR DBANG GI LAS 'GRUB PAR 'GYUR RO, ,DE BZHIN DU RLUNG GI DKYIL 'KHOR LAS KHA DOG LJANG SER SNA BUG G-YON PA NAS 'BYUNG ZHING GDONG GI SNA RTZER THUN PHYED PHYED KYI DUS SU ZIN NA DE'I TSE RNAL 'BYOR PAS 'BAD RTZOL MED PAR DGUG PA DANG MNGON SPYOD DAG GRUB PO, ,DE BZHIN DU SA'I DKYIL 'KHOR

KHA DOG SER PO SNA KHUNG GNYIS KA LAS 'BYUNG ZHING GDONG GI SNA RTZER THUN PHYED PHYED KYI DUS SU ZIN NA, DE'I TSE RNAL 'BYOR PAS 'BAD RTZOL MED PAR RGYAS PA'I LAS GRUB BO, ,DE BZHIN DU CHU'I DKYIL 'KHOR LAS GNYI GA LAS BYUNG BA'I KHA DOG DKAR PO 'OD ZER 'BYUNG ZHING GDONG GI SNA RTZER THUN PHYED PHYED KYI DUS SU ZIN NA, DE'I TSE RNAL 'BYOR PAS 'BAD RTZOL MED PAR ZHI BA'I LAS GRUB BO, ,'OD ZER GYI THIG LE DE LAS SNGA MA BZHIN DU BRTAN PA'I RTAGS MTHONG BA SNGON DU 'GRO BAR 'OD ZER DANG PHYAG MTSAN DANG DE BZHIN GSHEGS PA'I PHYAG RGYA CHEN PO SPRO ZHING SLAR YANG DKYIL 'KHOR DE NYID DU 'JUG PA NI, ,GTI MUG GI RIGS CAN GYI RNAL 'BYOR PA'I PHRA MO'I RNAL 'BYOR BSGOM PA'O, ,'DI DANG SNGA MA GNYIS BSDUS TE RDZOGS PA'I RIM PA'I RNAL 'BYOR PA'I SKU RDO RJE LA SOGS PA'I DBYE BAS PHRA MO'I RNAL 'BYOR RNAM PA GSUM BSTAN TO, ,RIN CHEN 'BYUNG LDAN DANG DON YOD GRUB PA'I RNAL 'BYOR PA DAG GIS KYANG, ,SMIN MTSAMS DANG LTE BA'I DBUS SU THIG LE TZAM BSGOM PAR BYA'O, ,DE LA GSANG BA'I GNAS KYI BYANG CHUB KYI SEMS KYI THIG LE GANG YIN BA DE NYID THUR DU SEL BA'I RLUNG BZLOG NAS GYEN DU 'DREN PAR BSGOM PAR BYA'O ZHES BLA MA'I MAN NGAG GO, ,YANG NA SKU'I RIGS LA SOGS PA LA BSDUS PA'I PHYIR LOGS SU BSGOM PAR MI BYA STE, GANG GI PHYIR RIN CHEN 'BYUNG LDAN NI NGA RGYAL GYI RANG BZHIN NO, ,NGA RGYAL YANG GTI MUG LAS 'BYUNG BA'AM ZHE SDANG LAS BYUNG BA'O, ,DE LA GTI MUG LAS 'BYUNG NA RNAM PAR SNANG MDZAD KYI RIGS LA BSDU'O, ,ZHE SDANG LAS 'BYUNG NA MI BSKYOD PA'I RIGS LA BSDU'O, ,DON YOD GRUB PA YANG PHRAG DOG GI RANG BZHIN TE PHRAG DOG KYANG ZHE SDANG LAS 'BYUNG BAS NA THUGS RDO RJE'I RIGS KYI NANG DU BSDU'O, ,DE'I PHYIR RNAM PAR SNANG MDZAD DANG MI BSKYOD PA DAG GI PHRA MO'I RNAL 'BYOR GYI BSGOM PA GANG YIN PA DE DAG NI DE NYID RIN PO CHE DANG DON YOD GRUB PA'I RNAL 'BYOR PAS BSGOM PAR BYA ZHES GUD NAS BSHAD PAR MI BYA'O, ,DE NYID KYI PHYIR RGYUD PHYI MA LAS KYANG, SKU GSUNG THUGS NI RNAM PA GSUM, ,GSANG BA ZHES BYA MNGON PAR BSHAD, ,RIGS NI RNAM PA

, ,BRGYAR BSHAD DE, ,MDOR BSDUS PAS NI RNAM PA LNGA, ,SKU GSUNG THUGS KYI DBYE BA YIS, ,GSUM DU YANG NI BSTAN PA YIN, ,ZHES 'BYUNG NGO, ,RDO RJE'I BDAG NYID CAN GYI TSOGS TE ZHES BYA BA NI NYE BAR BSDUS PA'O, ,YONGS SU RDZOGS PA'I LHA'I SKU YIN LA ZHES PA NI BDAG LA BYIN GYIS BRLAB PA'I RIM PAS YE SHES KYI SKU BSKYED PA ZHES BYA BA'I DON TO, ,DE'I DON STON PA'I LE'U LA YANG DE SKAD CES BYA'O ZHES PA NI, DE'I DON SO SOR STON PA'I TSIG GI TSOGS NI LE'U ZHES BYA'O, ,BSHAD PA'I RGYUD NI ZHES PA LA, ,DGONGS PA LUNG BSTAN PA 'DUS PA'I BSHAD PA'I RGYUD LAS SO, ,GSAL BAR STON PA ZHES PA NI THE TSOM MED PA'O, ,DE 'DIR 'JUG PAR BYA STE ZHES PA NI 'GREL PA 'DIR YANG BSTAN PAR BYA'O, ,THOG MTHA' MED PA ZHES PA NI, THOG MA DANG THA MA'I SKAD CIG MA DANG BRAL BA'O, ,DE LA THOG MA NI SNANG BA DANG SNANG BA MCHED PA DAG GO, ,THA MA NI SNANG BA NYE BAR THOB PA'O, ,DE MED PA NI THOG MA DANG THA MA MED PA'O, ,RNAL 'BYOR ZHES PA NI THABS DANG SHES RAB YANG DAG PAR SBYOR BAS THOB PAR BYA BA STE RGYU LA 'BRAS BU'I MING BTAGS PA'I PHYIR RO, ,PHRA MO NI ZHES PA LA RNAL 'BYOR GYI MNGON SUM GYI TSAD MAS LHAG PAR RTOGS PAR BYA BA TING NGE 'DZIN GYI KHYAD PAR GYIS THOB PAS TE SANGS RGYAS KYI SPYOD YUL YIN PA'I PHYIR RO, ,PHRA BAR GZIGS PA'I SANGS RGYAS KYIS, ,PHRA PHYIR RANG GI RIG PA YIN, ,RANG BZHIN GNAS KYANG BDAG 'DRA BA'I, ,BLO RAGS PA NI MA MTHONG NGO, ,ZHES 'BYUNG NGO, ,DBYIG GNYEN GYI ZHAL SNGA NAS KYIS KYANG, ,RNAM RIG TZAM NI GRUB PA STE,, RANG NUS 'DRA BA BDAG GIS NI, ,BYAS PA THAMS CAD BSAM MI KHYAB, ,SANGS RGYAS RNAMS KYI SPYOD YUL YIN, ,ZHES 'BYUNG NGO, ,DE LTA BU'I 'OD GSAL BA'I DE KHO NA NYID DBYANGS KYI YI GE DANG PO GZOD MA NAS MA SKYES PA'I YE SHES KYI RANG BZHIN GYIS MTSON PAR BYA BA STE, NYE BAR BRTAGS PAS YI GE AA YANG PHRA MO'I SGRAS BSTAN TO, ,DE YANG JI LTA BU YIN ZHE NA, MI GSAL BA ZHES PA NI SPROS PA THAMS CAD DANG BRAL BAS SO, ,GSAL BAR YANG DAG SBYOR ZHES PA NI DE LAS DKYIL 'KHOR BZHI PHYUNG BA'I PHYIR RO, ,DNGOS MED CES PA NI GZOD MA NAS MA SKYES PA'O, ,NGO BO NYID DU BYUNG ZHES PA NI 'OD GSAL

BA LAS BYUNG BA'O, ,AA YIG CHOS KUN SGO YIN TE, ,GZOD MA NAS MA SKYES PA'I PHYIR ZHES 'BYUNG NGO, ,RANG BZHIN GYIS GRUB PA ZHES PA NI, CHOS NYID KYI NGO BO YIN PAS SO, ,DANG PO ZHES PA NI CHOS THAMS CAD KYI GTZO BOR GYUR PA'AM, A'A LI DANG K'A LIR THOG MAR DMIGS PA'I PHYIR RO, ,GCIG NI SDE TSAN BRGYAD SDUD PAR BYED PA'I DNGOS PO'I YI GE BRGYAD, ,DE SDUD PAR BYED PA'I YI GE BZHI YONGS SU GYUR PA LAS YI GE GSUM SDUD PAR BYED PA'I RANG BZHIN YIN PA'I PHYIR RO, ,JI SKAD DU, DANG PO GCIG NI DGU DBUS NA, ,GANG ZHIG BCU YIS MA BCINGS PA, ,DE NI BCINGS MED CES BYA STE, ,YE SHES PA NI MCHOG GI GNAS, ,DBYANGS DANG GSAL BYED YI GE STE, ,GRANGS DGU YI NI RJES 'JUG PA, ,AAS BCINGS PHAN TSUN YANG DAG SBYOR, ,GANG GIS SHES TE 'GRO BA'I BLA, ,'BYUNG BA'I MTHA' DANG YANG DAG LDAN, ,CHA LA SOGS PA BCU DRUG GNAS, ,LNGA PA LNGA DANG YANG DAG LDAN, ,BZHI NI GSUM DU NGES PAR SBYAR, ,YI GE AOm BCAS RING POR BCAS, ,YON TAN SBYOR SOGS PHYIS DANG MTSUNGS, ,THUNG DU MA LUS NGAG TU 'GYUR, ,GCIG MIN DU MA MA YIN NO, ,YI GE GANG ZHIG SNGAR BSHAD DANG, ,GANG YANG MNGON PAR PHYOGS PA RNAMS, ,SKYES PA BUD MED MA NING DANG, ,KHAMS LA SOGS PA YONGS SU BRTAGS, ,STENG DANG 'OG TU BCAS PAR NI, ,SHES NAS BLO NI NGES PAR SBYAR, ,BRJOD PA YI NI SNGAGS 'DI DAG ,DNGOS MED NGO BO NYID DU 'BYUNG, ,ZHES GSUNGS SO, ,GCIG DANG DU MA RNAMS SPANGS PA, ,ZHES PA NI YI GE PHYI MO THAMS CAD DE NYID KYI NANG DU BSDUS PA'I PHYIR DANG, ,DE NYID LA NGAG GI SPROS PA THAMS CAD 'BYUNG BA'I PHYIR RO, ,RTEN CING 'BREL 'BYUNG CHOS SU GRAGS, ,ZHES PA NI RTEN CING 'BREL PAR 'BYUNG BA'I RANG BZHIN GYIS LAS DANG, NYON MONGS PA DANG, SKYE BA'I NGO BO SRID PA GSUM GYI BDAG NYID CAN GYI 'KHOR BA'I 'KHOR LO'I CHOS NYID YIN TE, DE DAG STONG PA YIN PA'I PHYIR RO, ,DE BZHIN DU, DNGOS PO KUN GYI 'BYUNG GNAS GCIG ,CES PA NI SEMS CAN DANG SNOD KYI 'JIG RTEN ZHES BYA BA'I 'BYUNG BA'I GNAS GCIG GO, ,GANG LAS 'BYUNG BA NI 'BYUNG GNAS TE SKYED PA'I RGYU'O, ,DE LA KHAMS GSUM THAMS CAD BSKYED PA'O, ,BRJOD

, ,PA KUN GYI RGYU YI MCHOG ,CES 'BYUNG BA'I PHYIR RO, ,SRID PA GSUM PO 'DI DAG NI, ,MA LUS MUN PA LTAR 'GYUR TE, ,GAL TE SGRA ZHES SGRON MA YIS, ,THA SNYAD 'DI DAG MI GSAL NA, ,ZHES 'BYUNG BAS SO, ,BDAG NYID 'DI LTAR BYAS NA NI, ,ZHES PA LA 'OD GSAL BA GCIG PU LAS 'BYUNG BA'I YI GE AA'I RANG BZHIN DU BYAS NAS SO, ,CHOS KYI DKYIL 'KHOR BRI BAR BYA, ,ZHES PA NI CHOS KYI DE BZHIN GSHEGS PA BZHI PO'I DKYIL 'KHOR NI ME LA SOGS PA'I DKYIL 'KHOR BZHI ZHES BYA BA'I DON TO, ,DKYIL 'KHOR ZHES BYA BA NI RIGS KYI DON DU TSIG GCIG DANG SBYAR RO, ,DE RNAMS KYI KHA DOG BSHAD PA'I PHYIR DMAR PO ZHES BYA BA LA SOGS PA SMOS TE, DMAR PO NI ME'I DKYIL 'KHOR TE LKOG MAR RO, ,NAG PO NI RLUNG DKYIL 'KHOR TE LTE BAR RO, ,SER PO NI SA'I DKYIL 'KHOR TE GSANG BAR RO, ,DKAR PO NI CHU'I DKYIL 'KHOR TE SNYING GAR RO, ,MDOR BSDUS PA NI 'BYUNG BA CHEN PO BZHI'I NGO BO YIN PAS SO, ,BZHI BZHI YI NI SBYOR BA YIS, ,ZHES PA NI DKYIL 'KHOR RE RE LA YANG CHA BZHIS KHYAB PA'I PHYIR RO, ,DE LA LKOG MA'I DKYIL 'KHOR ME'I KHAMS KYI NGO BO YANG SA DANG CHU DANG RLUNG GI KHAMS KYI CHAS KHYAB PA'O, ,SNYING GA'I DKYIL 'KHOR CHU'I KHAMS KYI NGO BO YANG SA DANG ME DANG RLUNG GI KHAMS KYI CHAS KHYAB PA'O, ,LTE BA'I DKYIL 'KHOR RLUNG GI RANG BZHIN YANG SA DANG ME DANG CHU'I KHAMS KYI CHAS KHYAB PA'O, ,GSANG BA'I DKYIL 'KHOR SA'I RANG BZHIN YANG CHU DANG ME DANG RLUNG GI KHAMS KYI CHAS KHYAB PA'O, ,SA LA SOGS PA 'BYUNG BA CHEN PO RNAMS NI PHAN TSUN MED PAR MI 'BYUNG BA'I 'BREL PA DANG LDAN PA YIN TE, BYAS PA DANG MI RTAG PA BZHIN NO, ,GOS DKAR LA SOGS LEGS PAR BRI, ,ZHES PA NI SNANG BA MTHA' YAS LA SOGS PA'I DE BZHIN GSHEGS PA BZHI PO'I BTZUN MO KHAMS BZHIR BYIN GYIS BRLAB PA ZHES BYA BA'I DON TO, ,SA NI SPYAN MA ZHES PA STE, ,CHU YI KHAMS NI M'A MA K'I, ,GOS DKAR MA NI MER BSHAD PA, ,RLUNG NI SGROL MAR RAB TU GRAGS, ,ZHES 'BYUNG NGO, ,DE YI DBUS SU RANG GI LHA, ,ZHES PA NI DKYIL 'KHOR BZHI PO'I NANG NA RANG GI LTA STE 'OD DPAG TU MED PA DANG MI BSKYOD PA DANG DON YOD GRUB PA DANG, RIN CHEN 'BYUNG

LDAN GYI BYIN GYIS BRLABS PAR SHES PAR BYA STE, 'DIR NI PADMA'I MGON PO LHA, ,ZHES BYA BA LA SOGS PA BSHAD PA'I PHYIR RO, ,SBYOR BA BZHI YI GO 'PHANG MCHOG ,CES PA NI GRU GSUM DANG ZLUM PO DANG GZHU'I DBYIBS DANG GRU BZHI PA DANG LKOG MA DANG SNYING GA DANG LTE BA DANG GSANG BA'I GNAS DANG, DMAR PO DANG NAG PO DANG SER PO DANG DKAR PO'I KHA DOG LA SOGS PA DANG LDAN PA'I PHYIR RO, ,STENG DANG ZUR DANG MNYAM DANG 'OG ,CES PA NI STENG NI LKOG MA'O, ,ZUR NI SNYING GA'O, ,MNYAM PA NI LTE BA'O, ,'OG NI GSANG BA'O, ,YANG NA STENG NI ME'I DKYIL 'KHOR G-YAS PA'I SGO NAS 'BYUNG BA'O, ,ZUR NI RLUNG GI DKYIL 'KHOR G-YON NAS RGYU BA'O, ,MNYAM PA NI CHU'I DKYIL 'KHOR GNYIS KA LAS RGYU BA'O, ,'OG NI SA'I DKYIL 'KHOR GNYIS KA KHO NA LAS BYUNG BA ZHES BYA BA'I THA TSIG GO, ,GOS DKAR LA SOGS ZHES PA NI GOS DKAR LA SOGS PA'I LHA MO BZHIS NYE BAR MTSON PA'I DKYIL 'KHOR PA BZHI ZHES BYA BA'I THA TSIG GO; ,JI BZHIN DU ZHES PA NI RIM PA JI LTA BA BZHIN DU ZHES BYA BA'I DON TO, ,ME DANG RLUNG DANG DBANG CHEN DANG CHU STE ZHES PA NI DKYIL 'KHOR RNAMS KYI GNAS KYI RIM PAS NI MA YIN GYI, ,'ON KYANG RLUNG RAB TU RGYU BA'I RIM PAS SO, ,DE LA THUN DANG POR ME'I DKYIL 'KHOR G-YAS PA LAS RGYU BA'O, ,THUN GNYIS PA LA RLUNG GI DKYIL 'KHOR NI G-YON LAS RGYU BA'O, ,THUN GSUM PA LA SA'I DKYIL 'KHOR GNYI GA LAS RGYU BA'O, ,THUN BZHI PA LA CHU'I DKYIL 'KHOR DAL BUS DMAN PA GNYI GA LAS RGYU BA'O, ,SO SO'I DKYIL 'KHOR RO ZHES PA NI NYIN MO DANG MTSAN MO 'JUG PA DANG GNAS PA DANG LDANG BA'I RIM GYIS RGYU BA'I NYI SHU RTZA BZHIR 'GYUR RO, ,RGYU BA DE RNAMS KYI NYI KHRI CHIG STONG DRUG BRGYAR RLUNG GI GRANGS SU 'GYUR RO, ,GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, ,BZHI PO LEGS PAR BSGRES PAS NA, ,SBYOR BZHI BSDUS PAS BRGYA PHRAG DGU, ,DGU BRGYA DAG TU GANG BSHAD PA,, NYI SHU RTZA BZHI'I RIM PA YIS, ,LEGS PAR BSDUS TE DE DAG NI, ,NYI KHRI CHIG STONG DRUG BRGYAR 'GYUR, ,ZHES 'BYUNG NGO, ,DE LA DON BSDUS PA NI GTI MUG GI RIGS CAN GYI RNAL 'BYOR PAS PHRA MO'I RNAL 'BYOR BSGOM PAR 'DOD PAS SEMS RNAM PAR DAG PA'I RIM PAS 'OD GSAL BA LA 'JUG STE

, ,DE LAS BDAG BYIN GYIS BRLAB PA'I RIM PAS YE SHES KYI SKU DMIGS LA, LTE BA'I PHYOGS SU RTZIBS BRGYAD PA'I CHOS KYI DBYINGS KYI 'KHOR LO CIG CHAR DU BSGOM ZHING DE'I LTE BAR DANG PO YI GE 'BAR BA BSAMS TE DE'I ME STAG DANG 'DRA BA'I RA LA SOGS PA YI GE BZHI'I LKOG MA LA SOGS PA'I GNAS LAS SPROS TE, DE YONGS SU GYUR PA LAS ME LA SOGS PA'I DKYIL 'KHOR BZHI BSGOMS LA, KHA DOG DMAR PO LA SOGS PA'I DBYE BA DANG G-YAS PA LA SOGS PA'I SGO'I DBYE BAS 'OD ZER GYI TSOGS SPROS TE, DE NYID SNA'I RTZE MOR THUN PHYED PHYED KYI DUS 'DZIN NAS BRTAN PA'I RTAGS MTHONG BA SNGON DU 'GRO BAS SPRO BA DANG BSDU BA BYAS LA, 'BAD RTZOL MED PAR ZHI BA LA SOGS PA BSGRUBS LA JI SRID SEMS RTZE GCIG PAR 'GYUR BA DE SRID KYI BAR DU GNAS PAR BYA'O ZHES GTI MUG GI RIGS CAN GYI RNAL 'BYOR PA'I RDZOGS PA'I RIM PA'I SGO NAS PHRA MO'I RNAL 'BYOR BSGOM PA BSTAN TO, ,DE LTAR RDZOGS PA'I RIM PA'I RNAL 'BYOR PA'I RNAM PA GSUM GYI PHRA MO'I RNAL 'BYOR BSGOM PA BSTAN PA DANG, BSKYED PA'I RIM PA'I RNAL 'BYOR PA NI GCIG STE, MDOR BSDUS PA'O ZHES BCOM LDAN 'DAS KYIS GSUNGS TE ZHES PA NI SDUD PA PO'I CHIG GO, ,NGES PA'I DON TO ZHES PA NI RDO RJE BZLAS PA'I RIM PA'I RGYUR GYUR PA PHRA MO'I RNAL 'BYOR BSTAN PA'I PHYIR RO, ,RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS KYI BSKYED PA RTOGS NAS NI, ,RDO RJE BZLAS PA RNAMS LA SLOB, ,CES 'BYUNG NGO, ,SGRON MA GSAL BA'I t'I K'A LAS LE'U GSUM PA'O,, ,,LHA'I SKU YANG DAG PAR THOB PAS GZHAN RNAMS RJES SU GZUNG BA'I PHYIR DKYIL 'KHOR BRI BAR BYA'O ZHES BYA BAS LHA LA DMIGS PA ZHES BYA BA LA SOGS PAS LE'U BZHI PA'I BSHAD PA RTZOM PAR BYED DE, LHA LA DMIGS PA SNGON DU 'GRO BAS ZHES PA NI LE'U GSUM PA NAS GSUNGS PA'I DANG PO'I SBYOR BA DANG DKYIL 'KHOR RGYAL BA MCHOG GI TING NGE 'DZIN GNYIS KYIS BSGRUB PAR BYA BA'I LHA'I SKU BSGOM PA SNGON DU 'GRO BA ZHES BYA BA'I THA TSIG GO, ,PHRA MO'I RNAL 'BYOR BSGOM PAS ZHES PA NI LAS KYI RGYAL BA MCHOG GI TING NGE 'DZIN GYI PHYOGS GCIG TU GYUR PA, ,PHYAG RGYA'I PADMA'I NANG DU THIG LE BSGOM PA DANG SNA RTZER GSUM LA THIG LE LA BSGOM PAS SO, ,KHYAD PAR THOB PAS ZHES PA NI

SEMS RTZE GCIG PA NYID THOB PA DANG DE BZHIN GSHEGS PA RNAMS KYIS 'GRO BA'I DON BYA BA'I PHYIR LUNG BSTAN PA LA'O, ,SLOB MA RNAMS LA RDUL TSON GYI DKYIL 'KHOR DU DBANG BSKUR BA'I PHYIR ZHES PA NI, MTSAN MA'I PHYAG RGYA DANG LDAN PA'I RDUL TSON GYI DKYIL 'KHOR DU RIG PA'I DBANG LA SOGS PA BSKUR PA'I PHYIR RO; ,DES NA DON 'DI YIN TE PHRA MO'I RNAL 'BYOR BSGOM PA'I SGO NAS SEMS LA DBANG THOB PA'I SLOB DPON GYIS THUGS KYI DKYIL 'KHOR DU SLOB MA LA DBANG BSKUR RO ZHES BYA BA'I DON TO, ,BLA MA LA GSOL BA 'DEBS PA'I CHO GA ZHES PA NI RDO RJE SLOB DPON LA DKYIL 'KHOR DU 'JUG PA'I PHYIR SLOB MAS ZHU BA ZHES PA'I DON TO, ,SGRA JI BZHIN PAR NI SOGS PA'I SGRAS SHES PAR BYA'O, ,MI BSKYOD PA'I SGO NAS ZHES PA NI DE BZHIN GSHEGS PA LNGA'I NANG NAS THUGS RDO RJE GTZO BO YIN PA'I PHYIR RO, ,BSTOD PAS NI BSTOD PA BYAS NAS SO, ,MNYES PAR BYED PA ZHES PA NI GSOL BA 'DEBS PA'O,, RNAM PAR SNANG MDZAD KYI NGO BO NYID KYIS SO ZHES PA NI NYON MONGS PA DANG SHES BYA'I SGRIB BA'I SPROS PA ZHI BA'I MTSAN NYID KYI ME LONG LTA BU'I YE SHES KYI RANG BZHIN NAM ZHI BA'I PHRIN LAS MDZAD PA'I RANG BZHIN GYIS SO, ,DE BZHIN GSHEGS PA KUN GYI NI DE BZHIN GSHEGS PA THAMS CAD KYI 'OD GSAL BA LAS BYUNG BA RNAM PAR DAG PA'I RANG BZHIN TE 'BYUNG BA CHEN PO BZHI'O, ,DE RNAMS KYI GNAS NI BSKYED PA'I GNAS TE NAM MKHA'O, ,DE'I NGO BO NI RIN CHEN 'BYUNG LDAN ZHES BYA BA'I DON TO, ,MDO SDE LA SOGS PA YAN LAG BCU GNYIS KYI GSUNG RAB NI CHOS KUN TE DE'I RNAM PAR DAG PA'I RANG BZHIN 'OD DPAG TU MED PA ZHES PA NI NGAG RNAM PAR DAG PA'I NGO BO YIN PAS SO, ,YANG NA CHOS KUN NI SEMS CAN DANG SNOD KYI 'JIG RTEN GYI RANG BZHIN NO, ,DE RNAMS KYI BYANG CHUB KYI SEMS KYI RGYU YIN TE RGYU DANG 'BRAS BU DBYER MED PA'I PHYIR RO, ,CHOS THAMS CAD KYI RGYUR GYUR PA'I BYANG CHUB KYI SEMS KYI NGO BO 'OD DPAG TU MED PA DE NYID YIN NO ZHES BYA BA'I DON TO, ,YANG NA CHOS KUN NI CHOS THAMS CAD RAB TU BYED PA'I MTSAN NYID CAN GYI SO SOR RTOG PA'I YE SHES TE DE'I RANG BZHIN DE NYID YIN NO, ,BDAG MED PA'I ZHES PA NI RDO RJE 'CHANG GI GO 'PHANG NGO, ,MCHOG GI

, ,KHAMS GSUM LA BYA BA NAN TAN GRUB PA'I YE SHES KYIS DE THOB PAR BYED PAS NA BDAG MED PA MCHOG NI DON YOD GRUB PA'O, ,YANG MCHOG NI G-YO BA'I RANG BZHIN GYI RLUNG GI KHAMS TE, DE NYID RDO RJE BZLAS PA'I RIM PAS DBANG DU BYED CING MI SNANG BAR BYED PAS NA, BDAG MED DE BDAG MED MCHOG NI DON YOD GRUB PA NYID DO, ,RLUNG GI KHAMS RNAM PAR DAG PA'I PHYIR RO, ,RIGS GSUM GYI NGO BO NYID KYIS ZHES PA NI RIN CHEN 'BYUNG LDAN DANG DON YOD GRUB PA SNGAR BSHAD PA'I RIGS PAS RIGS GSUM LA BSDUS PA'I PHYIR RO ZHES BYA BAR SBYAR TE ZHES PA NI BYA BA DANG BYED PA'I TSIG GO, DE SKAD DU BSHAD PA'I DKYIL 'KHOR GYI MTSAN DANG ZHES PA NI 'OG NAS BSHAD PA'I MTSAN NYID DO, ,CHAD PA DANG LHAG PA'I ZHES PA NI THUGS KYI DKYIL 'KHOR NI KHRU TSAD BCU GNYIS BYA BA YIN GYI DE LAS CHAD PA KHRU BCU GCIG LA SOGS PA DANG, DE LAS LHAG PA KHRU BCU GSUM LA SOGS PA ZHES BYA BA'O, ,NYES PA NI BCOM LDAN 'DAS RDO RJE 'CHANG CHEN POS MA GSUNGS PA'I PHYIR RO, ,BRAL BA ZHES PA NI DE MED PA ZHES BYA'O, ,SKU'I MCHOG CES PA NI SKU RNAM PAR DAG PA'I RANG BZHIN RNAM PAR SNANG MDZAD CES BYA BA'I DON TO, ,DES NI SKU'I RIGS KYI GTZO BOS RDO RJE SLOB DPON LA BSTOD PA BSTAN TO, ,DON DAM PA'I BDEN PA LA NGES PAR 'BYUNG BA ZHES PA NI 'OD GSAL BA LAS KUN NAS NYON MONGS PA DANG RNAM PAR BYANG BA'I CHOS 'BYUNG BA'I PHYIR RO, ,JI SKAD DU, ,JI LTAR CHU KLUNG DANG BA LAS, ,NYA DAG MYUR DU LDANG BA BZHIN, ,THAMS CAD STONG PA'I DANG BA LAS, ,SGYU 'PHRUL DRA BA DE BZHIN 'BYUNG, ZHES BSHAD DO, ,SNANG BA GSUM PO ZHES PA NI BDE BA DANG SDUG BSNGAL DANG BTANG SNYOMS KYI TSOR BA GSUM DANG LDAN PA'I KUN GZHI LA SOGS PA'I RNAM PAR SHES PA GSUM MO, ,'DOD CHAGS LA SOGS PA STE ZHES PA NI RNAM PAR SHES PA DE RNAMS KYI DGE BA DANG MI DGE BA DANG LUNG DU MA BSTAN PA'I SEMS LAS BYUNG BA'I 'DU BYED KYI PHUNG PO'I NGO BO STE SPYOD PA'O, ,'DOD CHAGS LA SOGS PA NI SHES RAB KYI RANG BZHIN SUM CU RTZA GSUM GYI CHOS DANG, THABS KYI RANG BZHIN BCU DANG MA RIG PA'I RANG BZHIN BDUN TE, NYIN DANG MTSAN DU BRGYA BCU GNYIS GYUR NAS BRGYA DRUG CUR

'GYUR BA'O, ,DE RNAMS KYANG RANG BZHIN ZHES PA NI BRGYA DRUG CU'I GRANGS DANG LDAN PA'O, ,MNGON PAR BYANG CHUB PAR BSGOMS PAS ZHES PA NI SNGAGS DANG PHYAG RGYA'I RIM PAS SEMS RNAM PAR DAG PA'I RIM PAS SO, ,RNAM PAR SBYONG BAR MDZAD PAS NA, ,ZHES PA NI MI SNANG BAR BYED PA'O, ,YE SHES SPYOD PA RNAM SBYONG BA'O, ,ZHES PA NI RANG BZHIN GYIS DAG PA'I 'OD GSAL BA'I DE KHO NA NYID RTOGS PA ZHES BYA BA'I DON TO, ,THAMS CAD KYI DBANG PHYUG BRNYES PAS NA ZHES PA NI SKU'I DBANG PHYUG LA SOGS PA'I YON TAN BRGYAD DANG LDAN PA'I PHYIR DANG PHRA BA LA SOGS PA'I SGYU 'PHRUL BRGYAD THOB PA'I PHYIR RO, ,DE TSE DBANG PHYUG KUN THOB NAS, ,RDO RJE SKU NI MGU BAR 'GYUR, ,ZHES 'BYUNG NGO, ,NGAG GI DBANG PHYUG BRNYES PAS NA, ,ZHES PA NI YAN LAG DRUG CU DANG LDAN PA'I TSANGS PA'I DBYANGS LA SOGS PA'I MTSAN NYID CAN GYI NGAG GI DBANG PHYUG STE DBANG DU GYUR CING MNGON DU BYAS PA DE THOB PA'I PHYIR RO, ,DES NI GSUNG GI RANG BZHIN GYI 'OD DPAG TU MED PA'I SGO NAS RDO RJE SLOB DPON LA BSTOD PA BSTAN TO, ,SEMS CAN THAMS CAD KYI SEMS NI RDO RJE NYID PAS NA ZHES PA NI SEMS CAN THAMS CAD DE RIGS BZHI LAS BYUNG BA'I 'GRO BA RIGS DRUG LAS, ,RANG RIG PA'I MNGON SUM GYIS RTOGS PAR BYA BA'I RNAM PAR SHES PA'I PHUNG PO RNAM PAR DAG PA'I RANG BZHIN YIN PA'I PHYIR RO, ,'DOD CHAGS LA SOGS PA RNAMS RNAM PAR DPYAD NAS DMIGS SU MED PAS ZHES PA NI, CHOS THAMS CAD RANG BZHIN GYIS DAG PA DANG, BDAG KYANG RANG BZHIN GYIS RNAM PAR DAG PA'O, ,'DOD CHAGS LA SOGS PA'I DRI MA DANG BRAL BAS NI ZHES PA NI SNGAGS DANG PHYAG RGYA'I RIM PAS RANG BZHIN BRGYA DRUG CU DANG BRAL BA'I PHYIR RO, ,DE NA KHAMS GSUM PA NI 'OD GSAL BA'I RANG BZHIN NYID DANG SEMS KYANG STONG PA NYID KYI RANG BZHIN NO ZHES DE MED PAS SEMS LAS BYUNG BA'I CHOS KYI NGO BO 'DOD CHAGS LA SOGS PA'I NYON MONGS PA DANG NYE BA'I NYON MONGS PA RNAMS GA LA YOD DE, CHOS CAN YOD NA CHOS RNAMS LA 'JIG RTEN PA'I BSAM PA 'JUG PA ZHES BSHAD PA'I PHYIR RO, ,DE BZHIN DU GZHAN LAS KYANG, DBANG PO'I TSOGS LA CHAGS PA MED, ,DON LA MA YIN SEMS LA MIN, ,GZHAN DANG BDAG

, ,LA'ANG MI DMIGS TE, ,DES NA YOD MIN MED MIN TE, ,BSAM GYIS MI KHYAB 'BREL BA YIS, ,RGYU CAN SEMS KYI 'KHRUL PA LAS, ,SPRIN GYI BU GA GANG LAS KYANG, ,THOG NI ME LTAR 'BYUNG BAR 'GYUR, ,ZHES 'BYUNG NGO, ,DE BZHIN DU, 'DOD CHAGS RANG GI SEMS RTOGS TE, ,MUN PA ZHE SDANG LUS CAN GYI, ,BRDZUN PA'I BDAG NYID BYIS PA YIS, ,GANG DAG CHOS RNAMS BRTAG PA STE, ,DON DAM RNAM RTOG LA YANG NI, ,MKHAS PAS ZHEN PAR MI BYA'O, ,ZHES 'BYUNG NGO, ,ZHI BA'I LHA'I ZHAL SNGA NAS KYIS KYANG, NYON MONGS YUL LA MED CING DBANG PO'I TSOGS LA'ANG MED LA BAR YANG MI GNAS TE, ,DE LAS GZHAN DU MA YIN GAR GNAS 'ON KYANG DE YIS 'GRO BA THAMS CAD BCOM PAR BYED, ,'DI NI SGYU MA YIN GYI DE PHYIR SEMS KYI 'JIGS PA 'DOR ZHING RTZOL BA BRTEN PAR GYIS, ,SHES RAB KYIS NI DON DU DON MED PAS NI DMYAL BAR BDAG NYID CI PHYIR GNOD PAR BYED, ,CES BSHAD PA'I PHYIR RO, ,DE NYID KYIS NA KUN DU BZANG PO'I ZHES PA NI NYON MONGS PA'I DRI MA THAMS CAD DANG BRAL BAS THOG MA DANG THA MA DANG BAR MAR DGE BA ZHES PA'I DON TO, ,RANG GI THUGS SO SOR THUGS SU CHUD PAS NA ZHES PA LA RANG GI SEMS PHRA MO'I BSGOM PA DANG SNGAGS DANG PHYAG RGYA'I BSGOM PA'I SGO NAS 'OD GSAL BA'I DE KHO NA NYID MNGON DU BYED PA NI RANG GI THUGS SO SOR THUGS SU CHUD PA'O, ,RTZA BA'I RGYUD LAS KYANG RIGS KYI BU RANG GI SEMS LA SO SOR RTOG CING MNYAM PAR ZHOG LA ZHES GSUNGS SO, ,YID MI BDE LAS RNAM GROL BA'I, ,RNAM RTOG MUN PA SEL BYED PA, ,NYON MONGS DRI MA LAS DAG PA'I, ,ZLA BA BZHIN DU SEMS ZLA'O, ,ZHES 'BYUNG NGO, ,DE BZHIN DU RTZA BA'I RGYUD LAS KYANG, ,BCOM LDAN 'DAS ZLA BA'I DKYIL 'KHOR DANG 'DRA BA'I SEMS BDAG GIS MTHONG NGO ZHES 'BYUNG NGO, ,SEMS CAN THAMS CAD MYA NGAN LAS 'DAS PA THOB PAR MDZAD PAS NA ZHES PA NI 'GRO BA RIGS DRUG PA'I SEMS CAN THAMS CAD BRTAN PA DANG SMIN PA LA SOGS PA'I RNAM PAR THAR PA CHEN PO'I MTSAN NYID KYI GRONG KHYER CHEN PO LA 'JUG PA'I PHYIR RO, ,DGONGS PA MA YIN PA'O ZHES PA NI SKU GSUNG THUGS KYI

RDO RJE 'CHANG GI JI LTA BA BZHIN DU DE KHO NA NYID BSTAN PA'I PHYIR RO, ,SDUD PA PO NI LAG NA RDO RJES SO, ,GDUL BYA RNAMS LA CI RIGS PAR RJES SU STON PAR MDZAD PAS NA ZHES PA LA BSAM PA JI LTA BA DANG RIGS JI LTA BA BZHIN DU BSTAN PA LA SOGS PAS SEMS CAN GYI DON MDZAD PA'I PHYIR RO; ,JI SKAD DU, RI BONG STAG DANG SENG GE DANG, ,GLANG PO RNAMS KYI SKYE BAR YANG, ,THUGS RJE'I THUGS DANG LDAN PA YIS, ,PHYAG RGYA GRUB PAR SKYE BAR 'GYUR, ,ZHES 'BYUNG NGO, ,GNYIS SU MED PA'I YE SHES TE ZHES PA NI GZUNG BA DANG 'DZIN PA'I RNAM PAR RTOG PA'I BAG CHAGS GNYIS DANG BRAL BA'I DE KHO NA NYID CES BYA BA'I DON TO, ,DE LA DNGOS PO 'DI DAG RANG BZHIN GYIS STONG PA STE GCIG DANG DU MA DANG BRAL BA'I PHYIR TE GZUGS BRNYAN BZHIN NO ZHES SBYOR BA GCIG GO, ,GNYIS PA YANG RE ZHIG DANG PO GCIG DANG DU MA LA SOGS PAS RNAM PAR DPYAD NA MED PAS 'DZIN PAR GYUR PA'I SEMS KYANG MED DE, GZUNG BA MED PAS 'DZIN PA MED PA'I PHYIR RO, ,DE LTAR GZUNG BA DANG 'DZIN PA'I RNAM PAR RTOG PA GNYIS DANG BRAL BAS RANG BZHIN MED PA GANG YIN PA DE NI GNYIS SU MED PA'I YE SHES TE DE 'DZIN PAR MDZAD PAS NA RDO RJE 'DZIN NO, ,GZUNG BA DANG NI 'DZIN PA DAG ,RNAM PA GNYIS NI BLO MED PA, ,GANG ZHIG THA DAD MED PA STE, ,DE NI ZUNG 'JUG BSHAD PA YIN, ,ZHES 'BYUNG NGO, ,DE LTAR NA MI GNAS PA'I MYA NGAN LAS 'DAS PA'I DBYINGS KYI RNAM GRANGS CAN, ,GZUNG BA DANG 'DZIN PA GNYIS KYI RNAM PAR RTOG PA DANG BRAL BA ZUNG DU 'JUG PA'I TING NGE 'DZIN LA GNAS PA BCOM LDAN 'DAS RDO RJE 'CHANG ZHES BYA'O, ,SA 'OG DANG SA STENG DANG MTHO RIS KYI NGO BO NYID DU GYUR PAS NA ZHES PA LA PHA ROL GYI BSTAN PA LA GRAGS PAS 'JIG RTEN GSUM PA'O, ,'DOD PA'I KHAMS LA SOGS PA ZHES PA NI RANG GI BSTAN PA LA GRAGS PAS 'DOD PA DANG GZUGS DANG GZUGS MED PA STE KHAMS GSUM PA'O, ,DE'I NGO BO NYID KYIS ZHES PA NI BCOM LDAN 'DAS TE 'DOD PA'I KHAMS LA SOGS PA'I NGO BO NYID KYIS BZHUGS PAS NA 'O, ,'JIG RTEN GSUM GYI SGRAS LHA'I RIGS DRUG STE, DE RNAMS KYI NANG NA

, ,MCHOG NI DRAG PO DANG KHYAB 'JUG DANG DBYIG SNYING LA SOGS PA'O, ,DE RNAMS KYI NANG NA YANG LUNG BSTAN PA NYID KYI RDO RJE DANG 'DRA BAS NA RDO RJE STE, RANG SANGS RGYAS LA SOGS PA NI NYAN THOS DANG RANG SANGS RGYAS DANG YANG DAG PAR RDZOGS PA'I SANGS RGYAS RNAMS SO, , DE RNAMS KYI MCHOG NI GTZO BOR GYUR PAS SO ZHES PA LA THAMS CAD KYI MCHOG NI DPAL RDO RJE 'CHANG NGO, ,'JIG RTEN GSUM MCHOG NI ZHES PA LA TSANGS PA LA SOGS PA STE MNGON PAR SHES PA LNGA THOB PA DANG, DPAL RDO RJE 'CHANG GI SPRUL PA'I NGO BO YIN PA'I PHYIR RO, ,DE RNAMS LA RJES SU BRTEN PA NYID DE ZHES PA NI RANG GI PHYOGS LAS BKAG CING THEG PA CHEN PO'I LAM LA 'JUG PA'O, ,GANG GI PHYIR DE RNAMS KYI SKYES BU LA SOGS PA'I YOD PA'I LTA BA LOG PAR RTOGS PA GANG YIN PA DE LAS LDOG CING YANG DAG PA'I LAM GYI MTSAN NYID KYI GANG DAG DANG CHOS LA BDAG MED PA'I DE KHO NA NYID LA 'JUG PA'I PHYIR RO, ,'JIG RTEN 'DI LA BDEN PA GANG, ,TSANGS PA LA SOGS RNAMS KYIS BSTAN, ,'PHAGS PAS DE NYID BRDZUN BSHAD DE, ,DE LAS LHAG MA GZHAN CI YOD, ,SRID PA'I CHU BO'I RJES 'BRANG BA'I, ,MA RIG MUN PA 'JIG RTEN DANG, ,SRID PA MED PA'I MKHAS PA RNAMS, ,DAM PA DANG NI JI LTAR MNYAM, , ZHES 'BYUNG NGO, ,DE LTA BU'I RDO RJE 'CHANG CHEN PO ZHES PA NI, ,PHAN YON DANG BCAS PA'I TSIG GO, ,DE RNAMS KYI BZHUGS GNAS SU GYUR PAS SO ZHES PA NI GANG GZHI'I DKYIL 'KHOR GYI RANG BZHIN ZHES PA'O, ,DE BZHIN GSHEGS PA THAMS CAD GSHEGS PAS NA ZHES PA NI DE BZHIN GSHEGS PA THAMS CAD KYI YON TAN GYI TSOGS KYI MTSAN NYID CAN GYI BYANG CHUB KYI PHYOGS KYI CHOS KYI RANG BZHIN YIN PA'I PHYIR RO, ,SKU DANG GSUNG GI DKYIL 'KHOR DAG DGA' BA'O ZHES PA NI SKU DANG GSUNG GI CHA DE LA YON TAN GYI SGO NAS YOD KYI GTZO BO NI MA YIN NO, ,GTZO BO NI THUGS KYI DKYIL 'KHOR NYID DE KUN GYI NANG NA THUGS MCHOG YIN PAS SO, ,SKU GSUNG THUGS KYI DKYIL 'KHOR DAG NI 'OG NAS 'CHAD PAR 'GYUR RO, ,DKYIL NI SNYING PO'O ZHES PA LA DKYIL 'KHOR GYI DE KHO NA NYID KYI MTSAN NYID DE, MI MNYAM PA MED PAS GRU BZHI PA ZHES BYA BA LA SOGS PA'O, ,DE LEN PAS NA DKYIL 'KHOR

ZHES BYA'O, ,DE'I RNAM PA LTA BA'I DKYIL 'KHOR GANG YIN PA ZHES PA NI 'DIR BCOM LDAN 'DAS RDO RJE 'CHANG GIS 'DOD CHAGS LA SOGS PA'I RIGS CAN GYI SEMS CAN GYI KHAMS RJES SU GZUNG BAR BYA BA'I PHYIR DBANG PO RNO BAS RTOGS PAR BYA BA'I SANGS RGYAS KYI CHOS RNAMS THABS BLA BAS RTOGS PA'I DON DU'O, ,GRU BZHI PA DANG LDAN PA'I DKYIL 'KHOR GYI SGO NAS BSTAN TO, ,GANG GIS DE DAG DKYIL 'KHOR 'DRI BA DANG 'JUG PA DANG, DE'I DE KHO NA NYID THOB PAS SANGS RGYAS KYI CHOS DE RNAMS KHONG DU CHUD CING DPAL RDO RJE 'CHANG GI GO 'PHANG THOB PAR 'GYUR RO, ,PHYI ROL GYI DMAR PO LA SOGS PA'I KHA DOG DANG GRU BZHI PA LA SOGS PA'I DBYIBS DANG LDAN PAS DGOS PA NI CUNG ZAD KYANG MED DE, LAS DANG PO PA'I SEMS CAN 'JUG PA'I DON DU BCOM LDAN 'DAS KYIS DKYIL 'KHOR LA SOGS PA BSTAN TO, ,JI SKAD DU, CHEN PO MA YIN THUNG BA MIN, ,RING PO MA YIN ZLUM PO MIN, TSAD DANG LDAN PA NYID THOB PA'I, ,GZHAL MED KHYOD LA PHYAG 'TSAL BSTOD, ,DMAR DANG LJANG DANG DUD KA STE, KHYOD LA KHA DOG MI DMIGS TE, ,DKAR NAG SER PO MA YIN PA'I, ,KHA DOG LAS 'DAS KHYOD LA 'DUD, ,CES GSUNGS SO, ,DKYIL 'KHOR 'DRA BA ZHES PA NI DE LTAR GYUR PA GZHI'I DKYIL 'KHOR YANG; DE BZHIN GSHEGS PA THAMS CAD KYI YON TAN GYI TSOGS DANG LDAN PA'O, ,YID DU 'ONG BAS NA ZHES PA LA RIN PO CHE 'BAR BA NYID KYI SEMS LA TSIM PAR BYED PA'O, ,SGRA JI BZHIN PA'O ZHES PA NI DKYIL 'KHOR BSHAD PA'I PHYIR RO, ,RDO RJE 'CHANG CHEN PO'I GSUNG GIS ZHES PA NI SDUD BA POS RJES SU BRJOD PA ZHES BYA BA'I THA TSIG GO, ,DE NAS ZHES BYA BA NI TSIG GI SKABS 'BYED PA'O ZHES PA NI TSIG PHRAD RNAMS DON DU MA DANG LDAN PA'I PHYIR RO, ,DE'I PHYIR ZHES PA'I SGRA NI GTAN TSIGS KYI DON TE ZHES PA LA SNGA MA'I RNAL MA LA LTOS PA'O, ,BKRA SHIS DANG NI DBANG NYID BRJOD,, DE NAS SGRA DANG DE PHYIR SGRAS, RIM DANG GTAN TSIGS DON STON TO, ,ZHES 'BYUNG NGO, ,GTAN TSIGS KYI DON DE NYID BSTAN PAR BYA BA'I PHYIR SLOB MA'I TSOGS KHAS BLANGS NAS ZHES SMOS TE, SNGAR BSHAD PA'I DE BZHIN GSHEGS PA LNGA'I RANG BZHIN GYI RDO RJE SLOB DPON LA BSTOD PA'I TSIG STE GSOL

, ,BA GDAB PA'I TSIG CES BYA BA'I DON TO, ,DAD PA LA SOGS PA'I YON TAN RDZOGS PA YIN PAS NA ZHES PA LA SOGS PA'I SGRAS SHES RAB DANG TSUL KHRIMS DANG BRTZON 'GRUS DANG LDAN PA LA SOGS PA'I YON TAN GZUNG NGO, ,JI SKAD DU, SLOB DPON BSNYEN BKUR DAG GIS NI,, MKHAS PA RNAMS KYIS MGU BYAS TE, DKYIL 'KHOR LAG LEN BSGRUB PA RNAMS, ,MTHONG ZHING MKHAS PA RNAMS KYIS 'DOD, ,ZHI DANG RGYAS DANG RAB GNAS SOGS, ,'DOD CING DON BYED LA NUS PA'I, ,DKYIL 'KHOR BRI PHYIR SLOB MA YIS, ,LAN NI GNYIS GSUM GSOL 'DEBS BYA; ,ZHES 'BYUNG NGO, ,DKYIL 'KHOR ZHES BYA BA LA SOGS PAS NI YON TAN PHUN SUM TSOGS PA DU MA DANG LDAN PAS DE LA BSHAD PAR BYA'O, ,THUGS GTZO BOR BYAS PA'I DKYIL 'KHOR NI ZHES PA LA BAR MA'I TSIG MI MNGON PA'I LAS 'DZIN PA'I BSDU BA'O, ,MI BSKYOD RDO RJE BDAG PO NYID DU GYUR PA ZHES BYA BA'I DON TO, ,DE NYID KYI PHYIR RDO RJE'I RIGS GTZO BO YIN PAS NA ZHES SMOS TE THUGS KYI RIGS KHO NAS RDO RJE'I RIGS YIN NO ZHES BYA'O, ,THUGS GTZO BOR YIN TE DE MED PAS LUS DANG NGAG MI GNAS PA'I PHYIR RO, ,SEMS KYIS BYANG CHUB THOB PA DANG, ,SEMS KYIS 'GRO BA LNGAR 'GRO BA, ,SEMS LAS MA GTOGS CUNG ZAD KYANG, ,BDE DANG SDUG BSNGAL MTSAN NYID MED, ,CES 'BYUNG NGO, ,DE BAS NA 'DI NYID NI DANG POR GSUNGS SO ZHES PA LA SEMS NI DANG PO NYID DU DMIGS PA'I PHYIR RO, ,MI BSKYOD PA'O ZHES PA NI SEMS NI CHOS KYI DBYINGS KYI YE SHES KYI RANG BZHIN YIN PA'I PHYIR RO, ,DE DANG 'DRA BAR ZHES BYA BA LA SOGS PAS JI LTAR PHUNG PO'I BDUD LA SOGS PA BZHI POS RDO RJE LTA BU'I TING NGE 'DZIN LA ZHUGS PA'I BCOM LDAN 'DAS KYI THUGS G-YO BAR NI NUS PA DE BZHIN DU DKYIL 'KHOR 'DI YANG G-YO BAR MI NUS TE DE'I RTEN YIN PA'I PHYIR DANG DE'I NGO BO YIN PA'I PHYIR RO, ,BRTEN PA'I CHOS NI RTEN LA YANG MTHONG STE NYI MA'I 'OD ZER GYIS GSAL BAR BYA BA'I DON NAM MKHA' BZHIN NO, ,SNYING PO STE GSANG BA'O ZHES PA LA LUS LA SOGS PA'I THA MAL PA'I NGO BO NYID SPANGS NAS TING NGE 'DZIN GSUM GYI SGO NAS RNAM PAR

SNANG MDZAD LA SOGS PA'I NGO BO NYID DU SNANG BA GANG YIN PA DE NI SNYING PO GSANG BA STE, DE LEN PAS NA DKYIL 'KHOR RO, ,GANG GI PHYIR SKU GSUNG THUGS KYI RIGS KYI LHA RNAMS KYI GZHIR GYUR PA DE NYID KYI PHYIR SKU GSUNG THUGS KYI DKYIL 'KHOR TE ZHES BSTAN PA YIN GYIS 'DRI BA'I DKYIL 'KHOR TZAM NI MA YIN NO, ,DE YANG DAG PAR ZHES PA NI DKYIL 'KHOR GYI CHO GA'I RIM PAS BSHAD PAR BYA ZHES BYA BA'I DON TO, ,LUS DANG NGAG DANG SEMS MNYAM PAR GZHAG PAS SO ZHES PA NI RDO RJE SLOB DPON GYIS RANG GI LUS LA SOGS PA YANG DAG PAR BSDAMS PAS SO, ,DE LA RDO RJE SLOB DPON GYIS DKYIL 'KHOR BRI BA'I DUS SU SEMS NI RANG GI YI DAM GYI LHA BSGOM PA LA 'JUG PA DANG NGAG KYANG SNGAGS BZLAS PA LA BRTZON PAR 'GYUR BA DANG LUS KYANG DKYIL 'KHOR DRI BA DANG THIG GDAB PA DANG G-YAS BRKYANG BA LA SOGS PAS YONGS SU BSKOR PA'I BYA BA LA 'JUG PAR 'GYUR BA'I BYA BAS SO; ,LAS KYI CHO GA MTHONG BA'I SLOB DPON ZHES PA NI GANG GI DKYIL 'KHOR MANG PO 'DRI BA DANG DE'I SGO NAS GRAGS PA THOB PA DE NI LAS KYI CHO GA MTHONG BA'I SLOB DPON NO, ,GANG GI TSE DE KHO NA NYID BCU SHES PA DANG BZO'I RIGS THAMS CAD SHES PA'I RDO RJE SLOB DPON YIN NA DE'I TSE DKYIL 'KHOR BRI BA LA SOGS PA'I SNOD DU GYUR PA YIN NO, ,DE NYID BCU NI YONGS SHES PA, ,DKYIL 'KHOR BRI BA LA NI MKHAS, ,ZHES 'BYUNG NGO, ,DKYIL 'KHOR DANG NI TING NGE 'DZIN PHYAG RGYA DANG, ,SNGAGS DANG BYED PA STANG STABS BZLAS SBYIN SREG ,PHYAG RGYA SNGAGS DANG NGES SPYIR BSDU BA NI, , DE NYID BCU NI SNGAGS KYI TSUL LAS SO, ,ZHES 'BYUNG NGO, ,RNAM PAR BGO BA'O ZHES PA THIG KYANG BRGYA RTZA BRGYAD KYIS PHYE BAR BYA STE CHA CUNG LA SOGS PA'I RIM PAS ZHES BYA BA'I THA TSIG GO, ,DKYIL 'KHOR STON PAS THIG SKUD DO, ,ZHES PA NI PHYI DANG NANG GI DKYIL 'KHOR GYI DBYE BAS PHYE BA'I DE NYID THIG SKUD KYIS GSAL BAR BYED PA'I PHYIR RO, ,GZHAN DAG TU MA SPYAD PA'O ZHES PA NI KHRU TSAD DRUG DKYIL 'KHOR GZHAN LA THIG MA BTAB PA'O, ,YANG DAG PAR BSGRIL BA'O ZHES PA NA BRTAN PAR BSGRIL BAS TE JI LTAR CHAD PAR MI 'GYUR BAS SO, ,GZHAN DU NA SKYON CHEN POR 'GYUR TE, THIG

, ,SKUD CHAD NA BLA MA 'CHI, ,ZHES BSHAD PA'I PHYIR RO, ,DKYIL 'KHOR GYI NYIS LNGA PA BO ZHES PA NI KHRU TSAD NYI SHU RTZA BZHI 'AM YANG NA KHRU TSAD DRUG GIS SO, ,DE YANG PHYOGS RE RE 'AM THAMS CAD DU DKYIL 'KHOR GYI DBYIBS LAS SHES PAR BYA'O, ,DES NI MTSAMS BZHI'I THIG LEGS PAR BTAB PAR 'GYUR RO, ,TSON SNA LNGA PA LA STE ZHES PA NI RIM PA JI LTA BA BZHIN DU KHA DOG LNGA DANG LDAN PA'I THIG SKUD KYIS SO, ,DES NI DE BZHIN GSHEGS PA LNGA'I RANG BZHIN GYIS GSUNGS ZHES 'BYUNG NGO, ,DKYIL 'KHOR 'DRI BA DANG RJES SU MTHUN PA'I THIG SKUD BSTAN TO, ,SHIN DU PHRA BA DANG SBOM PA MA YIN PA'I ZHES PA NI TSAD PAR MA TZAM GYIS ZHES BYA BA'I THA TSIG GO, ,THIG SKUD SBOM POS RI MO SBOM PO DANG PHRA BAS KYANG PHRA MOR GYUR TE, SBOM PO BYUNG NA NAD 'BYUNG DANG, ,PHRA BA YIS NI NOR 'JIG 'GYUR, ,ZHES BSHAD PA'I PHYIR RO, ,DE LTA BU'I THIG SKUD KYIS ZHES PA NI, THIG SKUD KYI MTSAN NYID DANG LDAN PA'O ZHES BYA BA'I THA TSIG GO, ,DKYIL 'KHOR GYI TSANG BSTAN PA YIN NO ZHES PA NI SDUD PA POS ZHES TSIG LHAG MA'O, ,KHRU BCU GNYIS PA ZHES PA NI PHYOGS RE'ANG KUN DU STE, SNANG BA DANG SNANG BA MCHED PA DANG SNANG BA NYE BAR THOB PA DANG 'OD GSAL BA'I BDAG NYID CAN GYI SEMS RE RE'AM CHUNG BA DANG 'BRING DANG CHE BA'I DBYE BAS RNAM PA BCU GNYIS YIN PA'I PHYIR RO, ,GANG GI PHYIR SNANG BA LA SOGS PA'I YE SHES KYI RANG BZHIN NI BCOM LDAN 'DAS MI BSKYOD PA YIN NO, ,ZUR BZHI DANG LDAN PA'I PHYIR RO ZHES PA NI KUN TU BZANG PO YIN PAS SO, ,SHAR LA SOGS PA'I SGO BZHI DANG LDAN PA STE, ,ZHES PA NI RTA BABS DANG DRIL BU DANG BA DAN DANG MU TIG GI PHRENG BA DANG RNGA YAB DANG DRA BA DANG DRA BA PHYED PA LA SOGS PA DANG LDAN PA'I SHAR LA SOGS PA'I SGO BZHI DANG BCAS PA ZHES BYA BA'I DON TO, ,DON GYIS NA PHYI'I DKYIL 'KHOR YIN NO ZHES PA NI NANG GI DKYIL 'KHOR LA KHRU BZHI PA LA SOGS PA MED DO ZHES BYA BA'I DON TO, ,'KHOR LO STE NANG GI DKYIL 'KHOR ZHES PA NI DKYIL 'KHOR 'DI NI RIM PA GNYIS PA YIN NO ZHES BSTAN TO, ,NANG GI ZLUM PO DANG, PHYI'I GRU BZHI PA ZHES BYA BA'I DON TO, ,DE NYID BSTAN PAR BYA BA'I PHYIR KUN

NAS YONGS SU ZLUM PO LTA BUR BRI BAR BYA'O ZHES PA NI NANG GI DKYIL 'KHOR NYID DO, ,CHO GA NI SA SBYANG BA LA SOGS PA'I CHO GA NYI SHU'O ZHES PA NI 'PHAGS PA KLU SGRUB KYI ZHAL SNGA NAS KYIS MDZAD PA'I SA SBYANG BA LA SOGS PA'I CHO GA RNAM PA NYI SHU STON PAR BYED PA'I CHO GA'O, ,DA NI SEMS CAN RNAMS 'JUG PAR BYA BA'I PHYIR SGRUB PA'I DKYIL 'KHOR GYI CHO GA BSHAD PAR BYA STE, SLOB DPON LA LAN GNYIS GSUM ZHUS PA, ,GSANG BA'I BDUD RTZI DAM PA'I SNOD, ,YANG DAG DANG ZHING DAD PA LDAN, ,THAR PA 'DOD PA'I SLOB MA RNAMS, ,DPAL LDAN 'DUS PA'I RJES BZUNG BA'I, ,BYANG CHUB LA SBYOR BDAG GIS 'DI, ,DE LTAR BLA MAS DE DAG GZUNG, ,STING RJE DANG LDAN SEMS KYIS SO, ,RDO RJE SLOB DPON NI THEG PA CHEN PO'I TSUL LA MKHAS PA 'GRO BA THAMS CAD GDON PA'I BSAM PA DANG LDAN PA DAD PA DANG THOS PA LA SOGS PA'I STOBS KYIS, CHOS THAMS CAD KYI RANG BZHIN GYIS 'OD GSAL BA KHONG DU CHUD PAS, YUL GYI SPYOD PA MA LUS PA DRI MA MED PAR BYAS PA KUN TU 'GRO BA'I CHOS KYI DBYINGS SO SOR 'BIGS PA'I BSAM PAS DGA' BA'I RNAM PAR DAG PA LA GNAS PA, SHES RAB KYI TSOGS MNGON PAR 'PHEL BAS BRDZUN PA'I RNAM PAR RTOG PA'I BAG CHAGS LAS BYUNG BA'I GTI MUG GI DRA BA'I RAB RIB RING DU BYAS PA'I SLOB DPON LA GANG GI TSE SLOB MAS ZHUS PA DE'I TSE, SEMS CAN GYI KHAMS THAMS CAD 'DI NI BLA NA MED PA'I BDE BA CHEN PO'I GO 'PHANG LA BDAG GIS GZHAG PAR BYA'O ZHES BSAM PAS, KHYOD KYIS YO BYAD KUN TSOGS SAM MA TSOGS ZHES SLOB MA LA DRI BAR BYA'O, ,CUNG ZAD TSOGS TE CUNG ZAD MA TSOGS SO ZHES GAL TE DE SKAD SMRA NA DE'I TSE, DE'I LTE BAR DGOD PA'I NYI MA'I DKYIL 'KHOR GYI STENG DU YI GE H'Um GI 'OD ZER GYIS SNYING LA GNAS PA'I YI GE KAm LAS BSKYED PA KHA DOG NAG PO MA RUNGS PA SHA ZA DANG 'DRA BA'I SDIG PA SNA KHUNG G-YAS PA NAS PHYUNG STE, YI GE H'Um YANG SNYING GAR PHYIN PA LAS BYUNG BA G-YAS BRKYANG BA LA GNAS PA, MCHI BA RNAM PAR GTZIGS PA LTO BA 'PHYANG BA, KHA DOG NAG PO MCHE BA DANG BCAS PA'I G-YON PA'I SDIGS MDZUB SNYING GAR 'CHANG BA, MCHE BA DANG BCAS PA'I PHYAG G-YAS PA 'GRENG BA

, ,RDO RJE GNOD SBYIN GYI KHRO BO'I RGYAL PO'I GZUGS BSAMS TE, PHYUNG LA AOm BADZRA YA KshA KRO DHA KHA DA KHA DA SARBA P'A PAm BYA SYA H'Um PHAt CES BYA BAS SDIG PA DE ZOS LA, YI GE SAm YONGS SU GYUR PA LAS KUN DU BZANG PO'I GZUGS SU SLOB MA BSAMS LA, SNGAR BSHAD PA'I BDUD RTZI 'KHYIL PA'I SNGAGS KYIS DE'I SEMS KYI BGEGS PHUR BUS BTAB LA, DE LAS BYUNG BA'I DRAG PO'I 'OD ZER GYI TSOGS KYIS GDUG PA RNAMS BSREGS LA, SLOB MA'I SEMS BSRUNG BAR BYA BA'I DON DU SPYI BO'I STENG DU DBYANGS DANG PO LAS BYUNG BA'I ZLA BA'I DKYIL 'KHOR LA GNAS PA'I DBYANGS THA MA LAS BYUNG BA RDO RJE RGYA GRAM DE NYID DU GNAS PA YI GE HAm GIS BYIN GYIS BRLAB PAR BYA'O ZHES SLOB MA GZUNG BA'O, ,DE NAS SGRUB THABS LAS BSHAD PA'I GNAS SU, ,DE LAS BSHAD PA'I BSRUNG BA'I CHO GA DANG TING NGE 'DZIN GSUM BSGOM PA SNGON DU 'GRO BAR PHRA BO'I RNAL 'BYOR LA SOGS PA GANG YANG RUNG BA'I BSGOM PAS SEMS BRTAN PAR BYAS LA, LHA RE RE LA 'BUM PHRAG GCIG DANG KHRI PHRAG GCIG BZLAS LA SHAR DANG BYANG PHYOGS KYI CHA RU, MDOR BSDUS PAS NI DGE BA SGRUB, ,ZUG RNGU'I SKYON DANG NGES PAR BRAL, ,SHAR DANG BYANG PHYOGS MTHO BA STE, ,ME TOG SHING GIS NYE BAR MDZES, ,YANG NA GANG DU YID DGA' BA, ,DE NYID DU NI BRTZAMS PAR BYA, ,DE NAS PHYI DRO'I DUS SU MI BSKYOD PA'I RNAL 'BYOR DANG LDAN PAS YI GE LAm LAS BYUNG BA'I SA'I LHA MO KHA DOG SER MO LAG PA GNYIS KYIS GSER GYI BUM PA BSNAMS PA, LUS KYI PHYED PHYI ROL DU BYUNG BAR BSAMS LA, LAG PA G-YAS PAS SA GNON PAS BSKUL BAR BYA'O, ,SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR GYI, ,SA DANG PHA ROL PHYIN PA LA, ,LHA MO KHYOD NI DBANG DU GYUR, ,SH'A KYA SENG GE SKYOB PA YIS, ,JI LTAR BDUD DPUNG 'JOMS PAR MDZAD, ,DE BZHIN BDUD DPUNG LAS RGYAL NAS, ,BDAG GIS DKYIL 'KHOR BRI BAR BGYI, ,SNGAGS PAS CHO GA BZHIN BSKUL NAS, ,SA GZHI LAG PAS REG BYAS NAS, ,ME TOG DRI TSOGS KYIS MCHOD NAS, ,DE NYID DU NI THIM PAR BSAM, ,DE NAS ZHING SKYONG LA SOGS PA LA GTOR MA DANG MCHOD PA LA SOGS PA BYIN NAS SA GZHI LA GSOL BA GDAB CING DE NYID

DU NYAL BAR BYA'O, ,GAL TE RMI LAM LA SOGS PAS SLU BAR GYUR NA DE'I TSE, ZHAG GNYIS PA'I NYIN PHYED KYI DUS SU GANG YANG RUNG BA'I KHRO BO'I RNAL 'BYOR DANG LDAN PAS MNGON SPYOD KYI CHO GAS BGEGS GZHOM PAR BYA BA'I DON DU SBYIN SREG BYAS LA DE'I PHYI DRO KHRUS BYAS SHING GTZANG SBRA YAN LAG DRIS BYUGS PA, RDO RJE 'CHANG GI NGA RGYAL DANG LDAN PAS 'CHAD PAR 'GYUR BA'I CHO GAS ZHI BA'I SBYIN SREG BYAS TE, PUS MO DANG RKED PA DANG, LTE BA TZAM STE, THA MA DANG BAR MA DANG, MCHOG GI DNGOS GRUB KYI DBYE BAS SA GZHI BRKOS LA PHU BA MA DANG RDO DANG, RUS PA DANG RDE'U LA SOGS PA BTON NAS, DRI BZANGS KYI BDUD RTZI LNGAS DRI ZHIM PA'I CHU DANG LDAN PA YANG BYA STE, DES GANG BAR BYAS LA BDUD RTZI 'KHYIL PA BZLAS PA'I BDUD RTZI'I CHUS BSANG GTOR BYA ZHING, MI BSKYOD PA'I RNAL 'BYOR PAS GZHAL YAS KHANG PA'I NANG NA GNAS PA RIN PO CHE DANG SMAN DANG 'BRU THAMS CAD KYI SNYING PO CAN PHYOGS BZHIR RTA BABS DANG LCAGS RIS BSKOR BA THAMS CAD DU RNAM PA SNA TSOGS PA'I DRIL BU DANG BA DAN DANG, RGYAL MTSAN DANG BLA RE RGYAS PAS MCHOG TU MDZES PA DPAL BDUD RTZI ZHES BYA BA KHRO BO'I RNAL 'BYOR GYIS YI GE GSUM GYIS MNGON PAR 'DUS BYAS PA'I BDUD RTZI LNGAS BYUGS PA, ME TOG DANG SPOS LA SOGS PA DANG LDAN PA KHRO BO'I LTA BAS G-YON PHYOGS SU BLTA ZHING RIM GYIS BGEGS BSKRAD PA DANG PHYOGS BCING BA BYAS LA, AOm dHUm KHAm ZHES BYA BAS SA GZHI NAM MKHAR BYAS TE H'Um LAm H'Um ZHES BYA BAS RDO RJE'I RDUL PHRA RAB KYIS YONGS SU RDZOGS PAR BYAS LA, AOm ME D'I N'I BADZR'I BHA BA BADZRA BANDHA H'Um ZHES BYA BAS BYIN GYIS BRLABS LA LAG PA G-YAS PAS REG CING YI GE GSUM GYIS BYIN GYIS BRLAB CING MI MNGON PAR SNGAGS GDAB PAR BYA'O, ,KHANG THOG GAM 'OG KHANG NGAM NAGS TSAL LAM KUN DGA' RA BA'AM GTZUG LAG KHANG LA SOGS PA'AM CHU BO'I 'GRAM DU SA GZHI BRKO NA YI GE GSUM BZLAS PAR BYA'O ZHES BYA BAS SA SBYANG DANG SA GZUNG BA'I CHO GA DAG GO, ,'DIR SMRAS PA, STON ZLA THA CHUNGS LA SOGS NAS, ,ZLA BA GSUM GSUM BRTZAMS NAS G-YON, ,LHO DANG NUB DANG BYANG PHYOGS DANG, ,SHAR DU MGO NI GZHAG NAS NYAL, ,GLO G-YON NYAL BA DE NYID KYI, ,MGO BO

, ,BOR NAS SA GZHI BRKO, ,MGO DANG SKA [?] LA SOGS BRKOS PAS NA, ,SKYON NI RGYA CHEN SHES PAR BYA, ,ZHES 'BYUNG NGO, ,DE NAS NYIN RE 'AM ZLA RE 'AM LO RE DKYIL 'KHOR BRI BAR BYA STE, NYA NAS BRTZAMS TE JI SRID NYA PHYI MA'I BAR DU YAR GYI NGO'I TSES GCIG NAS BRTZAMS TE BRGYAD PA'AM DGU PA LA SOGS PA'I BAR DU DANG, NYA'I SNGA DRO'I MTSAMS NAS BRTZAMS TE ZHAG DE NYID DU THAMS CAD BYA'O, ,DE NAS SNGAR BSHAD PA'I GNAS BSKYED PA'I RIM PAS GZHAL YAS KHANG PA'I NANG DU DKYIL 'KHOR GYI RNAM PA CAN GYI SA GZHI LHAG PAR MOS TE DE BZHIN GSHEGS PA LA SOGS PA DANG DKYIL 'KHOR PA'I LHA'I GNAS SU DE BZHIN DU PADMA DANG ZLA BA LA SOGS PA'I GDAN RNAMS BSAMS LA, DE'I DBUS KYI GDAN LA BZHUGS PA'I RDO RJE 'CHANG GI RANG BZHIN GYI BDAG NYID DU MGU BAR BYAS TE, DENG BDAG SKYE BA 'BRAS BU BCAS, ,BDAG NI GSON PA 'ANG BUR BCAS, , LHA DANG DAM TSIG GIS MNYAM PAR, ,GYUR PAR BDAG NI SOM NYI MED, ,BYANG CHUB SEMS DANG SEMS GCIG LAS, ,MI LDOG PAR NI BDAG 'GYUR TE, ,DE BZHIN GSHEGS PA'I RIGS SU NI, ,DENG BDAG SKYE BAR THE TSOM MED, ,DE RING BDAG LA ZHAG MCHOG STE, ,DENG BDAG MCHOG SBYIN BLA NA MED, ,SANGS RGYAS THAMS CAD SPYAN DRANGS PAS, ,DENG BDAG TSOGS NI MCHOG YIN NO, ,ZHES BYA BA LA SOGS PAS SO, ,DE NAS YUN LAG KUN 'DUD DE, LAG NA SPOS KHANG 'DZIN PA YIS, ,SANGS RGYAS THAMS CAD SPYAN 'DREN BYA, ,PHYOGS RNAMS THAMS CAD NA BZHUGS PA'I, ,SANGS RGYAS BDAG LA DGONGS SU GSOL, ,CHE GE MO BDAG RDO RJE CAN, ,CHE GE MO ZHES DKYIL 'KHOR BRI, ,SANGS RGYAS KUN SOGS 'DIR GSHEGS NAS, ,BDAG LA DNGOS GRUB STZAL DU GSOL, ,ZHES BYA BAS SO, ,DE NAS DBUS KYI GDAN LA GNAS SHING BDAG PO'I RNAL 'BYOR DANG LDAN PAS SKU LA SOGS PA BYIN GYIS BRLABS PA'I 'OG TU RDO RJE'I RIGS CAN MNGON PAR 'DUS BYAS PA'I PHYI'I PHYAG RGYA DANG LDAN PAS MCHOD PAS BSDUS PA'I ZLA BA'I DKYIL 'KHOR DU BADZRA DHRi KA CES BYA BA LA SOGS PAS MI BSPYOD [*BA SPYOD?] PA LA SOGS PA PHYUNG ZHING ZHE SDANG LA SOGS PA'I

SPYOD PA DANG LDAN PA'I SEMS CAN GYI DON BYAS LA SLAR YANG GSHEGS TE RANG RANG GI GNAS LA BZHUGS PAR BSAMS LA, SPRO BA DANG BSDU BA DANG 'JUG PA DANG BRTAN PAR 'GYUR BA DANG, RJES SU CHAGS PA DANG LAS LA GNAS PAR BYA STE, AOm BADZRA A'ATMA KO&HAm, AOm SVA BH'A BA SHUDDHO&HAm, AOm SARBA SA MO&HAm, ZHES BYA BA BRJOD PAS RDO RJE'I BDAG NYID DANG RANG BZHIN GYIS DAG PA DANG, LHA THAMS CAD DANG DBYER MED PA'I BDAG NYID BSGOM PAR BYA'O, ,DES RNAM PAR SNANG MDZAD LA SOGS PA'I RNAL 'BYOR DANG LDAN PAS SHAR LA SOGS PA'I PHYOGS LA GNAS PA RDO RJE DANG DRIL BU MCHOG TU 'DZIN PA NYE BAR SGRUB PA PO RNAMS KYIS, DE BZHIN GSHEGS PA KUN ZHI ZHES BYA BA LA SOGS PA'I BSTOD PA'I MCHOD PAS DKYIL 'KHOR BRI BAR BYA BA'I PHYIR SLOB DPON LA GSOL BA GDAB PAR BYA'O, ,DE NAS RDO RJE DRIL BU 'DZIN PA'I SLOB DPON GYIS SANGS RGYAS THAMS CAD LA PHYAG 'TSAL NAS H'Um BA DZRO TA TI shthA ZHES BYA BAS JI LTAR SPRUL PA'I DKYIL 'KHOR GYI 'KHOR LO NAM MKHAR BZHAG STE, DPAL RDO RJE 'CHANG GI NGA RGYAL DANG LDAN PAS, MIG G-YON PA tA LAS ZLA BA, MIG G-YAS PA MA LAS NYI MAR BYAS PA, RDO RJE 'CHANG GI NGA RGYAL DANG LDAN PAS DKYIL 'KHOR GYIS GZHI'I PHYOGS SU YONGS SU BSKOR NAS RDO RJE RAB LA SOGS PA KUN DU BKOD NAS RKANG PA'I 'OG TU SNA TSOGS RDO RJE BSGOMS NAS, SGEG PA DANG BCAS PA'I GAR BYAS TE RDO RJE'I ZHABS KYIS KHRO BO DANG BCAS PA RDO RJE SEMS DPA'I RGYAL DANG LDAN PAS YI GE GSUM BRJOD CING DKYIL 'KHOR GYI SA GZHI LA YONGS SU BSKOR BAR BYA'O,, RDO RJE SEMS DPA'I RNAL 'BYOR LDAN, ,MA MCHU'I KHA SBYOR NGOS GZUNG BA, ,DPAL LDAN G-YON PHYOGS SGEG 'CHANG PAS, ,PHYOGS KYI 'KHOR LO BSKOR BAR BYA, ,STENG DANG 'OG GNYIS BYIN BRLABS NAS, ,SA DANG SA STENG MTHO RIS BSGOM, YI GE H'Um NI BRJOD BZHIN PA, ,BDAG NYID NGAN PAS MNAN MI NUS, ,ZHES 'BYUNG NGO, ,DE NAS SNGA MA BZHIN DU RIN PO CHE SNA BZHI'I RANG BZHIN GYI MCHOD RTEN BSAMS LA GSANG BA'I DKYIL 'KHOR DU MI'U THUNG LTO BA CHEN PO KHA DOG NAG PO RAL PA CAN ZHAL BZHI PA, PHYAG BZHI PA, G-YAS PA DAG GIS RDO RJE DANG 'KHOR LO BSNAMS LA, CIG SHOS KYIS PADMA

, ,DANG DRIL BU 'CHANG BA, ,ZHAL DE RNAMS SGO BZHIR GYUR PA LAS GDUL BYA RNAMS SANGS RGYAS KYI GO 'PHANG THOB PAR BYA BA'I PHYIR RANG GI LTO BA LA 'JUG PAR BYED PA'I RTEN GYUR PA RDO RJE HE RU KA'I RANG BZHIN GYI DKYIL 'KHOR DU GYUR PAR BSAMS TE, SGO PHYE BA'I SNGAGS KYIS SGO RNAMS PHYE BAR BYAS TE GSANG BA'I DKYIL 'KHOR SNGAGS 'DIS DGUG PAR BYA STE, AOm BADZRA MAndALA H'Um DZA:, AOm MA H'A BADZRA TZA KRA AA DHI TI shthA H'Um, DE DAG GIS DKYIL 'KHOR GYI 'KHOR LO'I RNAM PA BYIN GYIS BRLABS LA, AOm KHA KHA ZHES BYA BA LA SOGS PA SNGA MA BZHIN DU 'PHAGS PA BDUD RTZI 'KHYIL PA ZHES BYA BA'I KHRO BO'I BSAM GTAN GYI PHUR BUS, DKYIL 'KHOR GYI PHYI ROL GYI GRVA BZHIR AOm BADZRA MUNG+GA RA H'Um ZHES BYA BA 'DIS PHUR BU GDAB PAR BYA'O, ,DE NAS SNGA MA BZHIN DU YI GE H'Um BRJOD PAS PHYOGS DANG PHYOGS MTSAMS DANG NAM MKHA' BCING BA LA SOGS PA'I SRUNG BA BYAS LA 'CHAD PAR 'GYUR BA'I CHO GAS 'PHAGS PA BDUD RTZI 'KHYIL PAS YONGS SU BZLAS PA'I LAS THAMS CAD PA'I BUM PA KU SHU'I CHUN PO DANG LDAN PA DKYIL 'KHOR GYI PHYI ROL LAM NANG NGAM SGO'I GAM DU 'JUG PAR 'DOD PA'I SLOB MA RNAMS LA BSANG GTOR BYA BA'I PHYIR GZHAG LA, BGEGS MTHAR BYED KYI NGA RGYAL GYIS SNYING PO'I SNGAGS BZLA BAR BYA'O, ,NYE BA'I SGRUB PA POS KYANG, SHAR PHYOGS NAS BRTZAMS TE BDUD RTZI LNGAS DKYIL 'KHOR GYI SA GZHI BYUG PAR BYA'O, ,DE NAS BDAG PO LNGA'I GNAS SU GRU BZHI PA TZANDAN DANG BCAS PA'I BDUD RTZI LNGA'I MAndALA RANG RANG GI LHA'I SNGAGS KYIS YANG DAG PAR BZLAS PA GNAS JI LTA BA BZHIN DU BYAS LA ME TOG DGRAM STE RDO RJE SLOB DPON DBUS KYI MAndALA GYI SNA TSOGS PADMA DANG ZLA BA LA GNAS PAS, MAndALA DE NYID LA SNGA MA BZHIN DU GDAN RNAMS BSAMS TE, LHA'I 'KHOR LO RANG RANG GI GNAS LA BZHUGS PAR BLTAS TE NAM MKHA' LA GNAS PA GCIG TU BYAS NAS BLA NA MED PA DANG BCAS PA'I MCHOD PA LA SOGS PAS MCHOD LA, ,GSER DANG DNGUL DANG RDZA LA SOGS PA'I RANG BZHIN NAG PO DANG RTZA BA MED PAS LTO BA CHE BA MGRIN PA RING BA MCHU 'PHYANG BA ME TOG GI PHRENG BA DANG BCAS PA'I RAS GNYIS KYIS MGUL PA BCINGS PA KHAR LO MA DANG

BCAS PA RANG GI LHAG PA'I LHA'I MTSAN MAS MTSAN PA, DKAR PO'AM DMAR PO BA DAN GTOD PA LA BRi HA TI DANG KAndA KA RI DANG, SHEL DANG, AA PA RA DZI TA STE SMAN CHEN PO DANG LDAN PA, NOR BU DANG MU TIG DANG BYI RU DANG DNGUL DANG GSER GYI RIN PO CHE DANG LDAN PA TIL DANG NAS DANG MA SHA DANG GRO DANG 'BRAS SO BA STE 'BRU LNGA DANG LDAN PA'I RNAM PAR RGYAL BA'I BUM PA BADZRA DHRi KA CES BYA BA BRGYA RTZA BRGYAD DU BZLAS PA'I AA RGHA'I DRI'I CHU CUNG ZAD MNGON PAR 'DUS BYAS PA BDUD RTZI LNGA YANG DER BCUG STE, YI GE H'Um GIS 'PHAGS PA BDUD RTZI 'KHYIL BA RAL PA GCIG MA DANG SNYOMS PAR ZHUGS PAR BSGOMS TE DBANG BSKUR NAS MCHOD PO RNAM PA LNGA BLA NA MED PA DANG BCAS PA LA SOGS PA'I MCHOD PAS MCHOD LA, DE LA ME TOG GI PHRENG BA DANG BCAS PA'I HYA SHA STENG DU RDO RJE GZHAG NAS DE'I PHRENG BA'I MTHAR LAG PAS BLANGS LA, AOm A'A: BI GHNA NTA KRi TA H'Um PHAt CES BYA BA BRGYA RTZA BRGYAD BZLAS LA, ME TOG DKAR PO BKRAM NAS SPOS DBUL BAR BYA'O, ,DE BZHIN DU RDO RJE ME LTAR 'BAR BA DANG THUGS RDO RJE DAG GIS THAMS CAD LA YANG BYAS TE SPOS GTUL BAR BYA'O, ,DE LA ME LTAR 'BAR BA NI YI GE H'Um LAS BYUNG BA KHA DOG SNGON PO G-YAS BRKYANG PA LA GNAS PA SNYING GAR G-YON PA'I KHU TSUR GYI KHRO BO'I SDIGS MDZUB CAN, CIG SHOS KYIS 'BAR BA'I RDO RJE BSNAMS PA BSGOM MO, ,DE'I BZLAS PA'I SNGAGS NI, AOm BADZRA AA NA LA HA NA DA HA PA TZA MA THA BHA NYDZA RA nA H'Um PHAt, JI SRID LHA'I 'KHOR LO DGOD PA DE SRID KYI BAR DU NYIN RE DAG LAN GSUM DU BYAS TE BUM PA LHAG PAR GNAS PA'O, ,DE NAS PHYI ROL GYI GTOR MA BYIN NAS 'PHAGS PA BDUD RTZI 'KHYIL BA ZHES BYA BAS BGEGS BSKRAD PA'I SBYIN SREG DANG RDO RJE 'CHANG CHEN POS ZHI BA'I SBYIN SREG KYANG BYAS LA DKYIL 'KHOR LA BZHUGS SU GSOL NAS MCHOD CING AA RGHA PHUL NAS LHAG PAR GNAS PAR BYA'O,, LCE'I RTZE MOR YI GE H'Um LAS BYUNG BA'I RDO RJE BSAMS LA AOm PADMA SA RA SA TE MA WA RTA YA SHO DHA YA H'Um HR'I:RA HR'I: ZHES BYA BAS LCE BYIN GYIS BRLABS LA SPOS KHANG LAG TU THOGS TE YAN LAG THAMS CAD GYIS PHYAG BYAS LA, THUGS RJES PHAN 'DOGS NUS LDAN PA'I, ,SANGS RGYAS BDAG LA DGONGS SU

, ,GSOL; ,BDAG CES BYA BA CHE GE MO, ,THUGS KYI RDO RJE DKYIL 'KHOR MCHOG ,CI NUS PA YI MCHOD PA YIS, ,BDAG GIS NANG BAR DKYIL 'KHOR BRI, ,SLOB MA RNAMS LA BRTZE BA DANG, ,KHYED RNAMS LA YANG MCHOD PA'I PHYIR, ,SLOB MA DANG BCAS BDAG LA NI, ,THUGS RJE NYE BAR BLANGS NAS SU, ,SRAS BCAS KUN GYIS DKYIL 'KHOR DU, ,YANG DAG PAR NI BZHUGS PAR MDZOD, ,SRAS DANG BCAS PAR 'DIR GSHEGS NAS, ,DKYIL 'KHOR YONGS SU GZUNG BAR MDZOD, ,CES BYA'O, ,DE NI DKYIL 'KHOR LHAG PAR GNAS PA'O, ,DE NAS SLOB MA LHAG PAR GNAS PAR BYA STE, SNGAR BSHAD PA'I MTSAN NYID DANG LDAN PA'I SLOB MA DKYIL 'KHOR GYI SGOR MNGON PAR KHA BLTAS PAS SLOB DPON LA PHYAG BYAS TE 'DI LTAR SMRA BAR BYA'O, ,DGA' CHEN KHYOD BDAG STON PA PO, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BSTAN PA'I; ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN NI, ,DKON MCHOG GSUM YANG BDAG LA STZOL, ,THAR PA CHEN PO'I GRONG MCHOG TU, ,MGON PO BDAG NI 'JUG PAR 'TSAL, ,ZHES BYA BAS SO, ,DE NAS SLOB DPON GYIS SLOB MA GTZO BO MNGON DU BYAS NAS 'DI SKAD BKA' STZAL TE, DE YANG SLOB MA RE RES 'BOD PA RE RER SHES PAR BYA'O, ,TSUR SHOG RIGS BU THEG CHEN GYI, ,SNGAGS KYI SPYOD PA CHO GA'I TSUL, ,THEG CHEN LA KHYOD SNOD GYUR PAS, ,YANG DAG KHYOD LA BSTAN PAR BYA,, GANG ZHIG SANGS RGYAS 'DAS PA DANG, ,DE BZHIN GANG ZHIG MA BYON DANG, ,GANG ZHIG MGON PO DA LTAR BYUNG, ,'GRO LA PHAN PHYIR BZHUGS PA STE, ,THAR PA'I CHO GA MCHOG 'DI NI, ,BZANG PO MKHYEN NAS DE KUN GYIS, ,BYANG CHUB DRUNG DU DPA' BO YI, ,KUN MKHYEN MTSAN NYID MED THOB BO,, SNGAGS KYI SBYOR BA GZHAL MED 'DI, ,GANG GIS SH'AKYA SENG GE YIS, ,BDUD DPUNG 'JIGS PA CHEN PO NI, ,SKYOB PA YIS NI 'JOMS PAR MDZAD, ,BU KYE KUN MKHYEN NYID THOB PHYIR, ,DE BAS BLO NI BRTAN PAR GYIS, ,ZHES BYA BAS MNGA' BDAG BYAS LA SLOB MA RE RE ME'I DKYIL DU GNAS PA'I YI

GE RAm GYI MES THAL BAR BYAS LA, DE'I RNAM PAR SHES PA YI GE GSUM GYI BDAG NYID RANG GI KHAR BCUG STE, BDE BA CHEN PO'I RANG BZHIN RDO RJE'I LAM NAS PHYUNG LA DE'I SKU LA SOGS PA BYIN GYIS BRLAB PA DANG H'Um LAS BYUNG BA'I SNYING GAR RDO RJE DANG, A'A KHAm W'I RA H'Um ZHES BYA BAS LKOG MA DANG SPYI BO DANG DPUNG PA G-YAS PA DANG G-YON PA DANG SNYING GAR RIM PA JI LTA BA BZHIN DU BKOD LA, SDIG PA BSHAGS PA LA 'DI LTAR BYED DU BCUG STE, BDAG GIS SDIG PA GANG BYAS PA'AM, ,BYED DU 'JUG GAM RJES YI RANG, ,DENG DE SANGS RGYAS THAMS CAD KYI, ,MDUN DU SO SOR BSHAGS PAR BGYI, ,SANGS RGYAS MGON PO'I BSOD NAMS GANG, ,RANG RGYAL SLOB MA RNAMS KYI GANG, ,'GRO BA THAMS CAD RNAMS KYI YANG, ,DE NI BDAG GIS RJES YI RANG, ,SANGS RGYAS BYANG CHUB SEMS DPA' YIS, ,CHOS KYI RIN CHEN BLA NA MED, ,BYANG CHUB SEMS SOGS SLOB DPON LA, ,BDAG GIS YANG DAG SKYABS SU MCHI, ,SANGS RGYAS RNAMS NI CHOS GSUNGS SHIG ,NAM YANG MYA NGAN 'DAS MA GSHEGS, ,SEMS CAN BDE BA CAN MDZOD CIG ,GO 'PHANG MCHOG NI THOB PAR MDZAD, ,BYANG CHUB SEMS NI BLA NA MED, ,JI LTAR SANGS RGYAS KYIS BSKYED PA, ,DE SRAS BYANG CHUB SEMS DPAS KYANG, ,DE BZHIN BDAG GIS BSKYED PAR BGYI; ,KUN GYI DBANG PHYUG GNAS NAS KYANG, ,BDAG NI KUN RIG GYUR PA YIS, ,GTING MED SRID PA'I RGYA MTSO LA, ,'GRO BA THAMS CAD BSGRAL BAR BGYI, ,JI LTAR STOBS NI SANGS RGYAS NYID, ,THOB PA'I RGYUR NI BDAG GYUR CIG ,GAL TE MA NUS DE YI TSE, ,SMON LAM DAG NI BAG GIS BGYI, , SKYE BA 'DI LA GRUB PA'I PHYIR, ,DE YI THABS LA BRTZON BYAS PA, ,SKYON MED BDE DANG YON TAN LDAN, ,PHUN SUM TSOGS KUN DBANG PHYUG 'GYUR, ,BDAG GIS BSOD NAMS GANG BYAS PA, ,GANG ZHIG KYANG NI BYED PAR 'GYUR, ,DES NI BDAG DANG 'GRO BA DAG ,BDE GSHEGS GO 'PHANG THOB PAR SHOG ,CES BRJOD DU GZHUG STE, DE'I SNYING GAR YI GE H'Um GIS ZLA BA'I STENG DU RDO RJE BSAMS LA DRI'I CHU DANG BCAS PA LAG PA G-YAS PA'I RDO RJE CAN GYIS REG CING SU RA TA SA MA YA STVAm HO SIDDHYA BADZRA YA TH'A SU KHAm ZHES BYA BAS BYIN GYIS BRLABS LA, YI GE AOm DANG A'A: DAG LAS SPYI BO DANG LKOG MA DAG TU

, ,'KHOR LO DANG PADMA BSAMS LA, ,DZI NA DZI KA ,A'A RO LI KA CES BYA BA DAG GIS DE NYID LA REG LA YI GE GSUM BRJOD PAS DE RNAMS KYI LAG TU DRI DANG ME TOG BYIN NAS SPOS GTUL TE SNANG BAS GSAL BAR BYAS NAS 'PHAGS PA BDUD RTZI ZHES BYA BA BZLAS PA'I SHING AU DU MB'A RA 'AM AA SHVA TTHA YOR BCU GNYIS PA BU GA MED PA DRI'I CHUS BKRUS LA DKYIL 'KHOR LA ME TOG BCINGS PA'I SO SHING THAL MO SBYAR BA'I SLOB MA RNAMS LA BYANG PHYOGS SU BLTAS PA'I BLA MAS SBYIN PAR BYA'O, ,DE RNAMS KYIS KYANG BA'I PAGS PA TZAM GYI TSAD KYI DKYIL 'KHOR GYI DKYIL DU 'DUG NAS, SHAR PHYOGS SU SU KHA BLTAS PA'AM BYANG PHYOGS SU KHA BLTAS PAS RTZE MO ZOS TE MA CHAGS PA MNGON DU LTOS PA MED PAR DOR BAR BYA'O, ,DE LA MNGON DU BAB PA NA BAR CHAD MED PA'I DNGOS GRUB THAMS CAD 'GRUB PAR 'GYUR RO, ,DE NI GYEN DU BAB NA RIG PA 'DZIN PA'I DNGOS GRUB TU 'GYUR RO, ,'OG TU KHA DANG LDAN PA BAB NAS 'OG GI DNGOS GRUB TU 'GYUR RO, ,G-YAS SKOR BA'I RIM PAS SHAR PHYOGS SU KHA BLTAS PAR BAB NA, RGYAS PA DANG MNGON SPYOD DANG, DBANG DANG ZHI BA LA SOGS PA 'GRUB PAR 'GYUR RO, ,MAndALA NAS PHYI ROL DU BAB NA GRUB PAR MI 'GYUR RO, ,DE NAS YI GE PAm LAS SKYES PA DE NYID KYIS BZLAS PA'I SLOB DPON GYIS CHU BLANGS LA, DE RNAMS KYI LAG PA LA SBYIN TE, A'Om HR'I: BI SHU DDHA: SARBA DHARM'A SARBA PA PAm NI SHTZA SYA BI SHO DHA YA, SARBA BI KALPA NA AA PA NA YA H'Um ZHES BYA BA BZLAS PA'I DRI DANG BDUD RTZI'I CHU'I 'THOR 'THUNG GSUM BLUD PAR BYA'O, ,AOm A'A: H'Um ZHES BYA BA BZLAS PA'I YI GE H'Um LAS SKYES PA SAR PA MA NYAMS PA'I KU SHA GCIG DBU SNGAS DANG YI GE H'Um LAS SKYES PA'I BDUD RTZI 'KHYIL PA BZLAS PA'I KU SHA GNYIS MAL STAN DU BYIN TE, DE NYID KYIS BZLAS PA'I SRUNG SKUD GSUM KHUGS YI GE GSUM GYIS BRTAN PAR BYAS LA, DE RNAMS KYI DPUNG PA G-YAS PA LA MDUD PA GSUM RANG GIS BCINGS TE, AOm BUDDHA MEE TRI RA KshA RA KshA SARBA SV'A H'A ZHES BYA BA'I BYAMS PA'I GO CHAS BSRUNG ZHING CHOS BSTAN PAS DGA' BAR BYAS TE, BDAG NYID CHEN PO KHYOD RNAMS KYIS, ,DE RING RNYED PA GZHAL MED RNYED, ,GANG GIS KHYOD NI RGYAL BA KUN, ,SRAS

DANG BCAS PAS BSTAN 'DI LA, ,THAMS CAD YONGS SU GZUNG GYUR LA, ,BDAG NYID CHE LAS SKYES PAR 'GYUR, ,DES NI KHYOD RNAMS THEG CHEN LA, ,GANG PHYIR NANG PAR SKYE BAR 'GYUR, ,THEG PA CHEN PO 'BYUNG BA CHE, ,DE NI LAM MCHOG DAM PA YIN, ,GANG GIS KHYOD RNAMS MA 'ONGS PA'I, ,DE BZHIN GSHEGS PA RNAMS SU 'GYUR, ,RANG 'BYUNG SKAL PA CHE LDAN PA'I, ,'JIG RTEN THAMS CAD 'DUL BYED PA, ,YOD DANG MED PA LAS 'DAS PA'I, ,NAM MKHA' BZHIN DU DRI MA MED, ,ZAB CING GSANG BA KUN 'GRO BA'I, ,RTOG PA MED CING GNAS MED PA, ,SPROS PA THAMS CAD DANG BRAL BA'I, ,SPRO PA RNAMS KYIS MA SPROS PA, ,LAS DANG BYA BA LA SOGS BRAL, ,BDEN PA GNYIS DANG DBYER MED PA, ,'DI NI THEG CHEN DAM PA STE, ,TSUL LA GNAS PAS THOB PAR 'GYUR, ,ZHES BRJOD NAS, KYE BZHIN BZANGS DAG LONGS SHIG RDO RJE 'CHANG CHEN PO'I DRIN GYIS NANG PAR THUGS KYI DKYIL 'KHOR MTHONG BAR 'GYUR BA DANG, JI LTAR MTHONG BA'I RMI LAM YANG BDAG KHO NA LA SMROS SHIG CES BRJOD NAS NYAL DU GTONG NGO ZHES PA NI LHA DANG SLOB MA LHAG PAR GNAS PA'I CHO GA'O, ,DE NAS DKYIL 'KHOR YANG DAG PAR MCHOD CING, SLOB MA DANG BCAS PAS YID MNYAM PAR GZHAG PA'I SLOB DPON GYIS DKYIL 'KHOR GYIS GZHI'I MTHAR NYAL BAR BYA'O, ,ZHAG GNYIS PA'I RNAL 'BYOR BYAS PAS DE BZHIN DU DKYIL 'KHOR DE NI NAM MKHA'I DKYIL DU BTEG NAS DKAR PO DANG SER PO DANG DMAR PO DANG LJANG GU DANG SNGON PO BDUD RTZI DANG BCAS PA DRI ZHIM PO'I RDUL TSON YUNGS KAR GYI PHYE MA DANG 'DRES PAS THIG SKUD KHA DOG SO SOR BTZOS LA RIM PA DE NYID KYIS GZHAG STE, AOm SV'A A'A: H'A H'Um GI SA BON GYIS RNAM PAR SNANG MDZAD LA SOGS PA THIG SKUD LA 'GOD DE, SA BON DE NYID KYIS RANG RANG GI PHYOGS NA BZHUGS PA'I DE BZHIN GSHEGS PA RNAMS KYI THUGS KA NA GNAS PA DE DANG DE'I KHA DOG DANG LDAN PA'I 'OD ZER GYIS THIG SKUD MTHONG NAS, BCOM LDAN 'DAS DE BZHIN GSHEGS PA THAMS CAD KYI THUGS KYI DKYIL 'KHOR LA THIG GDAB PAR BYA BA'I PHYIR, RDO RJE'I THIG SKUD BDAG LA STZOL CIG CES BYA BAS RNAM PAR SNANG MDZAD

, ,LA SOGS PA BSKUL BAR BYA STE, AOm D'A BTI DRi shtA AA DKU SHA DZA ZHES BYA BA MIG DAG LA BKOD DE, RAB TU G-YO ZHING 'GUL BA'I MIG, ,'BAR BA'I LTA BA ZHES SU BSHAD, ,CES BYA BAS 'BAR BA'I LTA BA'I LCAGS KYUS RNAM PAR SNANG MDZAD LA SOGS PA'I THUGS KA NAS 'OD ZER GYI THIG SKUD DE RNAMS KYIS GSAL BAR 'GUGS SHING RANG GI LAG PA LA GNAS PA'I THIG SKUD DE DANG DRES PAR BYAS LA, AOm AA N+YO N+Y'A NU GA TA SARBA DHARM'A: SPHA RA SPHA RA AA NU PRA BI shtA SARBA DHARMA ZHES BRJOD PAS YI GE GSUM BZLA ZHING DKYIL 'KHOR LAS NYIS 'GYUR BA SGO'I NYI SHU CHA'I SBOM PA'I THIG SKUD BSGRIL PAR BYA'O, ,YI GE MA DANG tA DAG LAS NYI MA DANG ZLA BA MIG DAG LA DGOD DE, TRI shtI MAt ZHES BYA BAS BRTAN PAR BYAS LA DRI DANG BDUD RTZIS BYUGS PA'I GSER LA SOGS PA'I SNOD DU BZHAG LA DRI LA SOGS PAS MCHOD LA LAG PAS RIG CING YI GE GSUM GYIS BRGYA RTZA BRGYAD BZLA'O, ,YANG DKYIL 'KHOR GYI SA GZHI SNGA MA BZHIN DU NYE BA'I SGRUB PA POS DRIS BYUGS LA RNAM PA SNA TSOGS PA'I ME TOG DGRAM ZHING BAR SNANG LA GNAS PA RNAMS LA AA RGHAm DANG DRI LA SOGS PAS MCHOD DE PHYAG 'TSAL NAS RDO RJE 'CHANG DU GYUR PAS THIG SKUD 'DZIN PA RNAM PAR SNANG MDZAD DAM BDUD RTZI 'KHYIL BA'I RNAL 'BYOR LA GNAS PA YANG DAG PAR BYUNG STE, MIG G-YON PA DANG G-YAS PA DAG LA YI GE DZA LAS BYUNG BA'I KHA DOG SER PO ZLA BA DANG NYI MAR BSGOMS LA YI GE GSUM GYIS BZLAS PA'I YUNGS KAR PHYE MA DANG 'DRES PAS BDUD RTZI LNGA DANG LDAN PA'I DRI BZANGS KYI CHUS BSKUS LA, THIG SKYUD DE LAG PA G-YON PA'I KHU TSUR GYIS LTE BAR GZUNG BAR BYA'O, ,AOm DZA DZA DZA ZHES BYA BAS SLOB MA LA GTAD LA NYE BA'I SGRUB PA POS KYANG AOm DZA DZA DZA ZHES BYA BAS DE NYID GZUNG ZHING DE BZHIN DU LTE BA'I PHYOGS SU 'DZIN PAR BYA'O, ,LHA DANG GNOD SBYIN GYI BDAG PO'I PHYOGS SU ZHAL BLTAS PA'I RDO RJE 'CHANG GIS NAM MKHA'I THIG SKUD GDAB PAR BYA'O, ,DE NAS PHYOGS THAMS CAD KYI MNYAM PA NYID LA DMIGS TE TSANGS PA'I THIG SKUD GNYIS DBUS LA BTAB NAS GNOD SBYIN DANG DBANG PO'I PHYOGS SU ZHAL BLTAS PAS YI DAGS DANG KLU'I PHYOGS SU BTAB PA DANG ME DANG RLUNG GI MTSAMS LA GNAS PA'I BLA MAS,

SHAR DANG NUB DANG BYANG DANG LHO'I PHYOGS LA THIG BTAB NAS YANG ME'I MTSAMS LA GNAS NAS RLUNG GI MTSAMS THIG GDAB PA DANG, BDEN BRAL LA GNAS PAS DBANG LDAN GYI MTSAMS THIG BTAB NAS, SHAR DANG NUB DANG BYANG DANG LHO'I PHYOGS BZHI'I THIG GIS DUM BU BRGYAD PA'I DKYIL 'KHOR LA YANG RIM PA 'DI NYID KYIS YI GE GSUM BRJOD PA SNGON DU 'GRO BAS THIG GDAB PAR BYA'O, ,AOm BADZRA SA MA YA S'U TRAm M'A TI KRA MA H'Um ZHES ZLOS PAS THIG GDAB PA'I SGRAS DE BZHIN GSHEGS PA NAM MKHA' LA BZHUGS PA LA KHYOD KYIS SEMS CAN GYI DON BYA BA'I DUS YIN PAS 'DI NYID DU GSHEGS SU GSOL ZHES PAS BSKUL BAR BYA'O, ,THAMS CAD LA YANG SLOB DPON DANG NYE BA'I SGRUB PA PO DAG GIS G-YAS SKOR DU 'GRO BAR BYA'O, ,GRU BZHI PA DANG ZUR BZHI PA, ,SGO BZHI PA DANG RTA BABS BCAS, ,THIG BZHI DANG NI YANG DAG LDAN, ,DAR DANG ME TOG PHRENG BAS BRGYAN, ,GRVA YI CHA NI THAMS CAD DANG, ,SGO DANG SGO KHYUD KHA KHYER LA, ,RDO RJE RIN CHEN GYIS SPRAS PA'I, ,PHYI YI DKYIL 'KHOR THIG GDAB BYA, ,DE YI NANG GI DKYIL 'KHOR NI, ,DUM BU BRGYAD DANG DKYIL 'KHOR MTSUNGS, ,PHYI YI DKYIL 'KHOR PHYED KYI TSAD, ,KUN NAS YONGS SU ZLUM PO STE, ,RDO RJE KA BA MCHOG GIS SPRAS, ,DGE ZHING RDO RJE PHRENG BAS BSKOR, ,HRI YI KHRO BO'I LTA BA YIS, ,DE NAS SGO RNAMS PHYE BAR BYA, ,SGO NI 'KHOR LO'I CHA BRGYAD PA, ,KHA KHYER DANG NI BRAL BAR 'DOD, ,SGO KHYUD SGO YI TSAD YIN TE, ,DE BZHIN LHA YI SNAM BU YANG, ,KUN DU KHA KHYER SGO YI PHYED, ,DE BZHIN SGO 'GRAM SGO LOGS SO, ,RDUL TSON SA GZHI DE PHYED KYIS, ,RTZA BA'I THIG LAS PHYI ROL DU, ,DRA BA DRA PHYED ME TOG PHRENG, ,DAR DPYANG SOGS RNAMS DE BZHIN NO, ,KHA KYER DE KH'A LA BRTEN TE, ,RTA BABS LA NI KA BA GNAS, ,RDO RJE KA BA'I THIG RNAMS NI, ,RDUL TSON SA GZHI DANG MTSUNGS PA, ,SGO LAS NYIS 'GYUR RTA BABS TE, BA DAN DRIL BU DANG LDAN PA, ,DRIL BU DANG BCAS RLUNG GIS G-YO, ,PHYI YI MTSAMS LA BA DAN RNAMS, ,'KHOR LO DANG MTSUNGS GZHAN DAG NI, ,JI LTAR MDZES PAR BRTAG PAR BYA, ,GAL TE KHA CIG THIG BTAB LA, ,SNOD MED DE TSE RANG GIS NI, ,NYE BAR SGRUB

, ,PA PO MED PAS, ,PHUR BUS BTAB LA THIG GDAB BYA, ,DE NAS DKYIL 'KHOR GYI LTE BAR JI LTAR BSHAD PA'I PHUR BU'AM RDO RJES BTAB NAS DE LA THIG SKUD BTAGS NAS DE MTHE BONG GI NANG DU SBYAR BA'I THIG SKUD KYIS, PHYI DANG NANG GI DKYIL 'KHOR DAG DANG PHYI ROL GYI RDO RJE DANG 'KHOR LO DANG PADMA'I RA BA DANG DBANG LDAN GYI MTSAMS NAS BRTZAMS TE, ,G-YAS SKOR DU THIG BTAB NAS, ,YE SHES KYI THIG SKUD GSHEGS SU GSOL BAR BYA'O, ,DE NAS BAm LAm RAm YAm HAm GI SA BON LAS BSKYED PA'I THIG SKUD LA BSHAD PA'I KHA DOG GI RIM PAS DKAR PO LA SOGS MTSON RNAMS RIN PO CHE LAS BYUNG BA'AM LCAGS LNGA LAS BYUNG BA'AM, KHAMS LNGA LAS BYUNG BA'AM, 'BRU SNA LNGA LAS BYUNG BA'AM, SO PHAG LAS BYUNG BA'I SNGAR BSHAD PA'I SA BON LAS SPYAN MA LA SOGS PA DANG YANG DAG PAR LDAN PA'I DE BZHIN GSHEGS PA'I RANG BZHIN DU BSGOMS LA, YI GE H'Um GIS MNGON PAR BRLAS PA'I YI GE DZA YIS 'BAR BA'I LTA BAS RDUL TSON RNAMS YANG DAG PAR SBAR LA YI GE H'Um GIS PHUR BU RNAMS GDON TE, DE'I BU GA TSON RNAM PA LNGAS KUN DU GANG BAR BYAS LA THUGS RDO RJE'I RNAL 'BYOR DANG LDAN PAS BLA NA MED PA'I SHES RAB KYI DRIL BU'I SGRAS MTSAN MA NGAN PA LA SOGS PA BSAL TE CHOS KYI DBYINGS RNAM PAR DAG PA LA LHAG PAR MOS NAS G-YON PA'I KHU TSUR GYIS DBANG LDAN GYI MTSAMS NAS BRTZAMS TE SHAR PHYOGS SU KHA BLTAS PAR GYUR NAS, AOm BADZRA TZI TRA SA MA YA H'Um ZHES BRJOD NAS G-YAS SKOR NAS RDUL TSON GDAB PAR BYA'O, ,DE NAS JI LTAR BDE BA YIS, ,MNYAM PA BAR MED YON PO MED, ,BAR CHAD MED CING G-YAS SKOR BA, ,SGO YI NYI SHU'I CHA YI TSAD, ,RI MO MNYAM PO BRI BAR BYA, ,SBOM PO BYUNG NA NAD 'BYUNG STE, ,PHRA BA YIS NI NOR 'JIG 'GYUR, ,YON PO YIS NI SDANG BA STE, ,BAR CHAD PAS NI MKHAN SLOB 'CHI, ,G-YAS SKOR MA YIN PHAB PA NA, ,RDUL TSON PHUR BUS BTAB PAR 'GYUR, ,PHYI YI RE KH'A DKAR PO STE, ,GNYIS PA KHA DOG SER PO YIN, ,GSUM PA PADMA R'A GA MTSUNGS, ,BZHI PA MARGAD DANG 'DRA BA'I, ,NANG GI RE KH'A NAG PO STE, ,DES NA PANYTZA R'A GA'I RIM, ,SHAR GYI SA GZHI DKAR PO STE, ,LHO PHYOGS SER PO DANG MTSUNGS PA, ,

NUB NI KHA DOG DMAR PO DANG, ,BYANG NI LJANG GU DANG LDAN PA, ,DBUS NI AINDRA N'I LA MTSUNGS, ,THUGS KYI DKYIL 'KHOR DE 'DRA'O, ,RTAG TU MNYAM PAR GZHAG PA YIS, ,RDO RJE DRIL BU 'DZIN PAS BRI, ,NAS KYI 'BRU TSOD RDUL TSON GYI, ,RE KH'A PHAN TSUN GDAB PAR BYA, ,DKYIL 'KHOR BRI BA'I DUS SU GAL TE BGEGS BYUNG NA DE'I TSE BDUD RTZI ZHES BYA BA'I KHRO BO'I RNAL 'BYOR DANG LDAN PAS DE'I PHRENG BA'I SNGAGS BZLAS NAS BZLOG PAR BYA'O, ,NA MA:SA MANTA K'A YA W'A KTZI TTA BADZR'A n'Am, NA MO BADZRA KRO DH'A YA MA H'A DAm shtROm TKA tA BHEE RA W'A YA AA SI MU SA LA P'A RA SHU P'A SHA HA ST'A YA, AOm AA MRi TA KUndA LI KHA KHA KH'A HI KH'A HI TI shthA TI shthA BANDHA BANDHA HA NA HA NA DA HA DA HA GARDZA GARDZA BI SPHO tA YA BI SPHO tA YA SARBA BIGHN'A NA BI N'A YA K'A N'Am MA H'A GA nA PA TI DZ'I WI T'A NTA KA R'A YA H'Um PHAt SV'A H'A, BDUD RTZI 'KHYIL PA'I RNAL 'BYOR DANG LDAN PAS LAG PA G-YON PA'I SRIN LAG DANG MDZUB MO GUNG MO DAG BSKUM PAR BYAS TE MTHE'U CHUNG DANG MTHE BONG GI RTZE MOR YANG DAG PAR SBYAR NAS MCHE BA'I PHYAG RGYA KHA 'GRAM DU BCAS LA YI GE PHAt BZLAS PAS BGEGS BSKRAD PAR BYA'O, ,YANG NA SNGAR BSHAD PA'I SRUNG BA'I 'KHOR LO'I PHUR BUS GDAB PAR BYA'O, ,YANG NA DON DAM PAR BYANG CHUB KYI SEMS BSGOM PAR BYA STE, GANG GI PHYIR 'OD GSAL BA'I SEMS KYI BGEGS 'BYUNG BA GANG YIN PA DE NI GNAS SKABS KYANG MA YIN GYI GNAS KYANG MED DE, BGEGS LA SOGS PA'I THA MAL PA'I RNAM PAR RTOG PA LAS 'BYUNG BA'I PHYIR RO, ,DE NAS LHA RNAMS DGOD PA'I GNAS SU SNGA MA BZHIN DU PADMA DANG NYI MA LA SOGS PA'I GDAN RNAMS JI LTA BA BZHIN DU BLOS BKOD LA BADZRA DHRi KA CES BYA BA LA SOGS PA'I SNYING PO'I SNGAGS BRJOD PAS MTSAN MA LA NANG DU GNAS PA'I LHA'I GZUGS DANG NAM MKHA'I DE BZHIN GSHEGS PA GCIG TU BYA BA'I PHYIR, BLUGS PA'AM 'BUR DU BYAS PA 'AM BRIS PA'I PHYAG MTSAN RNAMS DGOD PAR BYA'O, ,DE LA DBUS SU AINDRA N'I LA DANG 'DRA BA BSKAL PA'I ME LTAR 'BAR ZHING 'JIGS PA RTZE LNGA PA'I RDO RJE BRI BAR BYA'O, ,RNAM PAR SNANG MDZAD KYI GNAS SU RDO RJE'I RNAM PA DANG 'DRA BA'I 'BAR BA CAN RTZIBS BRGYAD PA'I 'KHOR LO DKAR PO DGOD DO, ,DE BZHIN DU RIN CHEN 'BYUNG LDAN GYI

, ,GNAS NA BRTZAMS TE, LHA MO RO RDO RJE MA'I BAR DU RIM PA JI LTA BA BZHIN DU ME STAG SPRO BA'I NYI MA DANG 'DRA BA'I RIN PO CHE DANG PADMA DANG RAL GRI 'OD ZER DANG BCAS PA DANG SPRIN DANG 'DRA BA'I 'OD 'PHRO BA'I MIG DANG, 'BAR ZHING KHA DOG SNGON PO RDO RJE DANG SDONG BU DANG BCAS PA'I PADMA DANG, DE DANG 'DRA BA'I AUTPALA SNGON PO DANG 'BAR BA DANG BCAS PA'I THOB DANG RDO RJE LA SOGS PA'I 'BAR BA DANG LDAN PA'I DBYUG TO DANG RAL GRI'I RNAM PAS SPRO BA'I PADMA DANG KHA DOG SNGON PO'I SNA TSOG RDO RJE DANG DBUS DANG SHAR LA SOGS PA'I PHYOGS BZHI RU SNGON PO DANG DKAR PO DANG DMAR PO DANG LJANG GU BRI BAR BYA'O, ,SHAR GYI SNAM BU NAS BRTZAMS TE, ,'KHOR LO DANG N'A GA GE SAR GYI YAL GA DANG, YANG NA RDO RJE DANG RIN PO CHE DANG PADMA DANG, RAL GRI DANG, YANG RAL GRI DANG, CHOS STON PA'I PHYAG RGYA DANG, PHYI ROL GYI SNAM BU'I GRVA BZHI RU ME LONG DANG PI WANG DANG DRI'I DUNG PHOR DANG KHRAG CHEN POS YONGS SU BKANG PA'I THOD PA BRI BAR BYA'O, ,SGO BZHI PO ME'I MTSAMS LA SOGS PA BZHI LA LCAGS KYU DANG DBYUG TO DANG RTZE GSUM DANG RAL GRI BKOD NAS, SHAR PHYOGS KYI SGO'I THO BA'I GONG DU 'KHOR LO DANG, DE BZHIN DU NUB KYI SGO'I PADMA'I RGYAB TU DRIL BU DANG BCAS PA'I RDO RJE'I PADMA DANG NYI MA'I GDAN GYI STENG DU DGOD PAR BYA'O, ,GAL TE 'DIR THUGS RDO RJE LA SOGS PA NAS GANG YANG RUNG BA'I LHA SGRUB PAR 'DOD NA DE'I TSE, LO BCU GNYIS LON PA'I BU MO DANG, KHYE'U DAG LA MI BSKYOD PA DANG M'A MA K'I LA SOGS PA ZHUGS NAS, DE DAG GIS THIG GDAB PA LA SOGS PA'I CHO GA SNGON DU 'GRO BAR BRIS PA'I RTEN GYI DKYIL 'KHOR LA SGRUB THABS LAS BSHAD PA'I GDAN LA GZUGS DANG KHA DOG DANG ZHAL DANG PHYAG LA SOGS PA DANG LDAN PA LHA MA LUS PA DGOD PA'I GNAS LA JI BZHIN DU ZHUGS NAS BSGRUB PAR BYA'O, ,PHYOGS BZHI RU RIN PO CHE LA SOGS PA'I RANG BZHIN GYI RTA BABS BZHI DANG, ME TOG GI PHRENG BA DANG DRIL BU DANG BA DAN LA SOGS PA DANG LDAN PA'I SGO BZHI RDO RJE 'CHANG GI SNGAGS KYIS DBUL BAR BYA'O, ,DKYIL 'KHOR GYI PHYI ROL DU PHYOGS BZHI RU SHES RAB KYI PHA ROL TU PHYIN PA DANG, PHAL PO CHE DANG, DE BZHIN GSHEGS PA'I GSANG BA DANG, GSER 'OD DAM PA'I MDO SDE RNAMS KLOG DU GZHUG GO, ,GA PUR DANG AA GA RU DANG TU RU SKAL SOGS

PA'I SPOS KHANG PHYOGS DANG MTSAMS SU RGYUN MI 'CHAD PAR GTUL BAR BYA'O, ,DE NAS NYE BA'I SGRUB PA POS BDUD RTZI 'KHYIL BA'I NGA RGYAL DANG LDAN PAS RDO RJE RAB NAS PHYI ROL DU BDUD RTZI LNGA DANG BCAS PA'I DRI'I CHUS SA GZHI BYUGS TE ME TOG BKRAM NAS LAS THAMS CAD PA BZLAS PA'I CHUS DKYIL 'KHOR LA BSANG GTONG BYAS TE DE'I DBUS SU LAG PA BZHAG NAS 'KHOR LO BYIN GYIS BRLAB PAR BYA BA'I PHYIR YI GE GSUM BRGYA RTZA BRGYAD DU BZLAS NAS, AOm A'A: BIGHN'A NTA KRAi TA H'Um PHAt, ,CES BZLAS PAR BYA'O, ,DE NAS MTSAMS KYI DUS SU DPAL GNOD MDZES KYI RGYAL PO'I NGA RGYAL DANG LDAN PAS ME TOG SNGON PO'I PHRENG BA BLANGS NAS, AOm SUMBHA NI ZHES BYA BA LA SOGS PA'I SNGAGS BRJOD PAS DKYIL 'KHOR DU GZHUG STE, DRIL BU DKROL ZHING LAN GSUM BSKOR TE, MTSANG BA DANG LHAG PA'I SKYON ZHI BAR BYA BA'I PHYIR RDO RJE LA BLTAS TE ME TOG GI PHRENG BA BCOM LDAN 'DAS LA PHUL ZHING, YANG DE NYID GAR GYI TSUL GYIS BLANGS LA RANG GI MGO BO LA YI GE H'Um BZHI'I SNGAGS KYIS BCING BAR BYA'O, ,DE NAS PHYI DANG NANG GI DKYIL 'KHOR DAG GI BAR NA GNAS PA'I MNYAM PAR GZHAG PA'I RDO RJE SLOB DPON GYIS YI GE GSUM BRJOD NAS YID KYIS SGO PHYE BAR BYA'O, ,SGO RNAMS SHAR LA SOGS PAR NI, ,NUB KYI PHYOGS SU GNAS PA YIS, ,RIM GYIS PHYE BAR BYAS PA STE, ,DE BZHIN G-YAS BRKYANG LA SOGS PAS, ,ZHES 'BYUNG NGO, ,SNGAR LHAG PAR GNAS PAR BYAS PA'I RNAM PAR RGYAL BA'I BUM PA CHO GA DE NYID KYIS LAN BDUN BZLAS PAS BDAG PO'I MDUN DU GZHAG PAR BYA'O, ,GZHAN MA BADZRA DHRi KA CES BYA BA BRGYA RTZA BRGYAD BZLAS PAS 'JUG PA'I SGO LA MNGON PAR PHYOGS PAR GZHAG NAS DE'I CHUS BDAG NYID DANG SLOB MA BSANG BAR BYA BA'I PHYIR BZHAG NAS BZLAS LA, DKYIL 'KHOR GYI PHYI ROL DANG RDO RJE'I RA BA'I BAR NA, SHAR DANG LHO'I SGO'I MTSAMS SU MTSAN NYID DANG LDAN PA RANG GI LHA DANG RJES SU MTHUN PA'I TSON GYIS BRIS PA, RAS DAM PA GNYIS KYIS MGUL BA BCINGS PA LO MA DANG 'BRAS BUR BCAS PAR KHAR BCUG LA RIN PO CHE LNGA DANG SMAN DANG 'BRU LNGAR LDAN PA DANG, BDUD RTZI DANG LDAN PA'I TZANDAN GYI CHUS BKANG BA, RANG RANG GI SNGAGS KYIS BRGYA RTZA BRGYAD BZLAS PA, 'PHAGS PA GSHIN RJE

, ,MTHAR BYED PA LA SOGS PA'I KHRO BO'I RGYAL PO'I BUM PA GZHAG PAR BYA'O, ,DE BZHIN DU LHO DANG NUB KYI MTSAMS SU DPAL GNOD MDZES KYI RGYAL PO NAS BRTZAMS TE DRI RDO RJE MA'I BAR DU BUM PA BZHI DANG LNGA GZHAG GO, ,DE BZHIN DU NUB DANG BYANG GI MTSAMS SU 'JIG RTEN DBANG PHYUG NAS BRTZAMS TE SPYAN MA'I BAR DU BUM PA BDUN NYID DO, ,BYANG DANG SHAR GYI SGO'I MTSAMS SU M'A MA K'I NAS BRTZAMS TE MI BSKYOD PA'I BAR DU BUM PA BRGYAD DGOD DO, ,MA TSOGS NA RNAM PAR RGYAL BA DANG SPYAN MA LA SOGS PA BZHI DANG, LHA RNAMS KYI BZHI DANG, LAS THAMS CAD KYI BUM PA GANG PA YANG GZHAG STE BCU LAS NYUNG BAR MI BYA'O ZHES BSHAD PA'I PHYIR RO, ,DE NAS SGRUB THABS LAS GSUNGS PA'I TSOGS LA SOGS PA DANG PHYI'I YO BYAD KYIS KYANG DKYIL 'KHOR MCHOD NAS RDO RJE SLOB DPON GYIS RJE LTAR BSHAD PA'I RIG MA DANG LHAN CIG TU SLOB MA GZHUG PA'I CHO GA DANG 'DRA BAR RANG ZHUGS TE, BCOM LDAN 'DAS KYI DRUNG NAS BUM PA'I DBANG DANG GSANG BA DANG SHES RAB YE SHES KYI DBANG DANG RJES SU GNANG BA DANG DBUGS DBYUNG BA DANG LUNG BSTAN PA DANG TING NGE 'DZIN BSGOM PA THOB NAS, SNA TSOGS PADMA RAS KYIS BKAB PA'I GDAN GYI STENG DU GNAS PAS, SME SHA CAN GYI BU MO LO BCU GNYIS PA, BZHIN BZANGS MIG NI YANGS PA STE, ,RGYAN RNAMS THAMS CAD KYIS BRGYAN PA, ,DE NYID RIG LA RJES GNANG BA, ,YON TAN SKA RAGS M'A MA K'I, ,SGRUB THABS LAS BSHAD CHO GA YIS, ,DRI DANG ME TOG GIS KHYAB PA, ,LHA RNAMS THAMS CAD MCHOD PA'I PHYIR, ,RNAL 'BYOR PAS DE 'DOD PAR BYA, ,DE NAS RANG GI BYANG CHUB KYI SEMS SPRO BA DANG BSDU ZHING ZLA BA'I DKYIL 'KHOR DU SNGAR BSHAD PA'I SNYING PO RNAMS KYIS DAM TSIG GI DKYIL 'KHOR PHRA MO PHYUNG STE, PHYAG MTSAN GYI NANG DU GNAS PA'I LHA'I SKU RNAMS LA BSDUS PAR BSAMS TE, LCAGS KYU DANG ZHAGS PA THOGS PA'I GNOD MDZES KYI RGYAL PO'I YI GE DZA'I MTHA' CAN GYI H'Um BZHI PO'I SNGAGS KYIS YE SHES KYI 'KHOR LO DGUG CING LHA RE RE'I THUGS KAR GZUGS PA SNGON DU 'GRO BAS PHUNG PO LA SOGS PA BYIN GYIS BRLAB PA DANG SKU GSUNG THUGS BYIN GYIS BRLAB PA'I BAR DU BYAS TE, SNGA MA BZHIN DU RDO RJE 'CHANG CHEN PO LA SOGS PA'I COD PAN DANG DAR DPYANGS KYIS DBANG

BSKUR TE, RJES SU CHAGS PA'I TSOGS RJES SU CHAGS PAR BYAS NAS SNGA MA BZHIN DU BYANG CHUB KYI SEMS DE BZHIN GSHEGS PA DGONG BA'I RNAM PA CAN DU BSDUS TE PADMA LA ZHUGS NAS ZHU BAR GYUR PA YE SHES KYI BDUD RTZI'I RANG BZHIN DE BZHIN GSHEGS PA LA SOGS PAS SPYOD PAR BYA BA'I PHYIR PHUL LA YANG LHA MO'I TSOGS KYI GZUGS SU PHYUNG ZHING, BLA NA MED PA'I MCHOD PA DANG BCAS PA'I MCHOD PA DE RNAMS KYIS DKYIL 'KHOR LA MCHOD NAS YI GE GSUM GYIS BZLAS PA'I ME TOG DANG SPOS DANG SNANG BA DANG DRI DANG LHA BSHOS PHUL TE RDO RJE 'CHANG LA SOGS PAS MNGON PAR BZLAS PA'I DUNG PHOR LA SOGS PA'I SNOD LA GNAS PA BDUD RTZI DANG TI LA DANG NAS DANG KU SHA DANG DRI BZANGS ME TOG DKAR PO DANG BCAS PA'I DRI CHU GANG YIN PA DES LHA RNAMS LA ZHABS BSIL DANG MCHOD YON DBUL BAR BYA STE, DE NAS MCHOD PA BYA BA NI LHA RE RE LAN BZA' GNYIS GNYIS SAM, YANG NA THAMS CAD LA GCIG GCIG PHUL NAS RNAM PA SNA TSOGS PA'I GDUGS DANG RGYAL MTSAN DANG BA DAN DANG BLA RE RNAMS YI GE AOm MAM RDO RJE SEMS DPA' BZLAS TE, BADZRA SPHA RA nA KHAMS ZHES BYA BA 'DIS DBUL LO, ,AOm SARBA TA TH'A GA TA P'U DZA ME GHA SA MU DRA SPHA RA nA SA MA YA SHRI YE H'Um, ZHES BYA BA'I SNGAGS KYIS MNGON PA 'DUS BYAS PA'I GA PUR DANG AA GA RU DANG TU RU shKA LA SOGS PA'I DRI BZANGS TZANDAN DANG 'DRES PA DANG ME TOG GI SHING YANG RUNG BRGYA'AM BZHI DANG ME TOG THAMS CAD DANG, SPOS KHANG STONG NGAM BRGYA'AM BCU LAS NYUNG BAR MI DBUL LO, ,MAR ME 'BUM PHRAG BRGYA'I GRANGS SAM YANG NA MAR ME SNOD BRGYA 'AM YANG NA BZHI 'BUL LO, , DA MA THAG DU BSHAD PA'I SNGAGS KYIS ME TOG DANG SPOS DANG MAR ME'I MCHOD PA LA SOGS PA LA RE RE DANG SBYAR RO, ,YI GE GSUM GYIS MNGON PAR BZLAS PA'I AOm LO PI LA SOGS PA'I BZA' BA DANG, RNAM PA SNA TSOGS PA'I BZA' BA DANG BCA' BA DANG MYANG BA DANG NYES PA DANG BCAS PA DANG NYES PA MED PA'I GTOR MA'I MCHOD PA YANG STONG PHRAG GI GRANGS SU DE NYID KYIS DBUL LO, ,ROL MO STONG NGAM PI WANG NGAM, ,DUNG LA SOGS PA YANG NA ROL MO BCU DBUL LO, ,PHYI'I GAR MKHAN DANG GDU BU DANG RNA CHA DANG COD PAN LA SOGS PA DANG, RTA DANG GLANG PO DANG BA LANG GI TSOGS KYANG LEGS PAR BRGYAN PA

, ,DBUL BAR BYA'O, ,GOS DANG BCAS PA'I RTA BABS DANG DRIL BU DANG BCAS PA'I RNGA YAB DANG, DKAR PO DANG, NGUR [?] KA DANG, NAG PO DANG, DUD KHA DANG, DMAR PO DANG, KHA DOG SNA TSOGS PA DANG, SER PO DANG, LJANG GU DANG, DBANG PO'I PHYOGS LA SOGS PAR DKYIL 'KHOR GYI PHYI ROL DU RIM GYIS BA DAN BRGYAD DBUL BAR BYA'O, ,YANG BLA NA MED PA'I MCHOD PA DANG BCAS PA'I MCHOD PA LA SOGS PAS MCHOD CING, ,MI BSKYOD RDO RJE YE SHES CHE, ,ZHES BYA BA LA SOGS PAS SNGA MA BZHIN DU BSTOD PAR BYA'O, ,DE'AM GZHAN GYIS BSTOD NAS DUD PHOR LA GNAS PA'I BSHANG GCI LA SOGS PA DANG LDAN PA'I SPROS PA'I BYANG CHUB KYI SEMS YI GE GSUM GYIS MNGON PAR SBYANGS TE DKYIL 'KHOR GYI 'KHOR LO'I DBUS SU PHUL NAS DKYIL 'KHOR PA RNAMS DES TSIM PAR BYA'O, ,DE NAS MNGON PAR 'DUS BYAS PA'I BZA' BA LA SOGS PA YANG DBUL LO, ,SHAR PHYOGS NAS BRTZAMS TE LHA LA SOGS PA LA GTOR MA BYIN NAS LHA RNAMS TSIM PAR BYED PA'I SBYIN SREG BYA'O, ,DE NAS GZHAN LA DKYIL 'KHOR DU ZHUGS NAS DBUGS DBYUNG BA DANG LUNG BSTAN PA THOB PA SNGON DU 'GRO BA THAMS CAD BSKYED LA SLOB MA RNAMS 'JUG PAR BYA BA'I PHYIR DE LTAR BDEN PA GSAN DU 'JUG PAR BYA STE, CHOS RNAMS GZUGS BRNYAN DANG MTSUNGS PA'I, ,DAG CING DANG BA DRI MA MED, ,GZUNG BA MA YIN BRJOD BYA MIN, ,RGYU DANG LAS LAS KUN 'BYUNG BA, ,DE BZHIN DE NYID LAS BYUNG BA'I, ,DE LTAR BDEN PAS DKYIL 'KHOR 'DI, ,'DRI MED SLOB MA THAMS CAD KYIS,, GZUGS BRNYAN LTAR GSAL MTHONG BAR BYED, ,NAM MKHA' SKYED PA'I MTSAN MA'I PHYIR, ,THOG MA THA MA MED PA'I MCHOG ,SEMS DPA' RDO RJE CHE RANG BZHIN, ,RDOR SEMS DENG BDAG 'GRUB PAR MDZOD, ,DNGOS GRUB CHEN PO KUN GYI MCHOG ,DBANG PHYUG CHEN PO LHAG PA'I LHA, ,RDO RJE 'CHANG KUN RGYAL PO STE, ,MI 'GYUR DAM PA BDAG GRUB MDZOD, ,KHYOD NI SKYON MED RTAG PA STE, ,CHAGS PA KUN GYI RJES CHAGS PAS, ,CHAGS PA CHEN PO DGA' BA CHE, ,BCOM LDAN DE NYID BDAG GRUB MDZOD, ,SHIN DU DAG PA KUN GYI MCHOG ,GZOD MA NAS DAG DE BZHIN GSHEGS,,

KUN DU BZANG PO KUN BDAG NYID, ,BYANG CHUB SEMS DPA' BDAG GRUB MDZOD, ,DNGOS GRUB CHEN PO KUN GYI MCHOG ,DBANG PHYUG CHEN PO RGYA MCHOG GI, ,RDO RJE CHEN PO PHUL DU BYUNG, ,RDO RJE SGEG BDAG BDAG GRUB MDZOD, ,SEMS CAN KUN GYI YID KHYAB PA, ,SEMS CAN KUN GYI YAB NYID DE, ,DAM TSIG MCHOG LDAN 'DOD PA MCHOG ,DBEN PA GANG GIS DKYIL 'KHOR 'DI, ,THABS DANG SHES RAB BDAG NYID CAN, ,MGON PO BDEN PA DE NYID KYIS, ,BDAG LA RE BA RDZOGS PAR MDZOD, ,CES BYA BA'I DAM TSIG GSUM GYI GLU'I MCHOD PA DANG GSOL BA 'DEBS PA YANG BYA'O, ,DE NI SLOB MA 'JUG PA'I CHO GA YIN TE SNGA MA BZHIN DU SLOB MA MNGON PAR 'DUS BYAS PAS, ,DAM TSIG DANG SDOM PA KHAS BLANGS PA YON PHUL BA DE'I SNYING GAR SNYOMS PAR ZHUGS PA'I BDE BA CHEN PO RNAM PAR BSAMS TE, DE'I SBYOR BA'I G-YO BA LAS BYUNG BA'I SGRA'I KHA DOG DMAR PO YI GE AA'I 'OD ZER GYI PHRENG BAS LUS THAMS CAD SNANG BAR BYAS PAR BSGOMS LA, BDUD RTZI 'KHYIL BA'I KHRO BO BZLAS PA'I MIG DGAB PA DANG STOD SMAD KYI RAS DANG LDAN PA SGO SKYONG BZHI POS MNGON PAR BZLAS PA'I MIG BKAB PA'I GOS BYAS TE RANG GI DBANG BSKUR BA'I DE BZHIN GSHEGS PAS BYIN GYIS BRLABS PA'I RAS KYIS SPYI BOR BKAB LA JI LTAR BSHAD PA'I RANG GI RIGS KYI BU MO LAG PA G-YON PAS 'KHYUD PA'I PHYAG RGYAS BZUNG BA ZHUGS PAR BYAS TE LAS THAMS CAD PA'I BUM PA'I CHUS BSANG GTOR BYAS LA PHYAG BZHI BYED DU GZHUG PAR BYA STE, AE MA'O SANGS RGYAS AE MA'O CHOS, ,AE MA'O CHOS KYI BSTAN PA STE, ,DAG PA'I DE NYID DON DAG PA,, BYANG CHUB SEMS KHYOD LA PHYAG 'TSAL, ,CHOS RNAMS BDAG MED LAS BYUNG BA'I, ,SANGS RGYAS BYANG CHUB RDZOGS BYED PA, ,RNAM PAR MI RTOG DMIGS PA MED, ,BYANG CHUB SEMS LA PHYAG 'TSAL LO, ,KUN DU BZANGS PO KUN GYI DON, ,SANGS RGYAS BYANG CHUB RAB 'JOG PA, ,BYANG CHUB SEMS NI RDO RJE CHE, ,BYANG CHUB SEMS KHYOD LA PHYOGS 'TSAL, ,THUGS NI DE BZHIN GSHEGS PA'I BDAG ,SKU GSUNG THUGS KYI RDO RJE CAN, ,SANGS RGYAS BYANG CHUB RAB STZOL BA'I, ,BYANG CHUB SEMS KHYOD LA PHYAG 'TSAL, ,ZHES BYA BAS SO, ,DE NAS A'A KHAm W'I RA H'Um ZHES BYA BA'I SNGAGS KYIS THAL MOS ME

, ,TOG GI PHRENG BA BZUNG BA SGO RU GNAS PA DGA' BA LA BRTEN PA KHYOD GANG YIN ZHES DRI BAR BYA'O, ,DES NI SKAL PA DANG LDAN PA'I BDE BA CHEN PO BDAG YIN NO ZHES SMRA BAR BYA'O, ,DE NAS RDO RJE SEMS DPA'I BUM PA'I CHUS BSANGS LA, ,YI GE LNGAS 'JUG CING 'DI SKAD SMRA BAR BYA STE, KHYOD DE RING DE BZHIN GSHEGS PA'I RIGS SU ZHUGS PA DE BAS NA KHYOD LA BDAG GIS RDO RJE YE SHES BSKYED PAR BGYI GANG GIS DE BZHIN GSHEGS PA THAMS CAD KYI DNGOS GRUB THOB PAR 'GYUR NA, DNGOS GRUB GZHAN DAG SMOS KYANG CI DGOS, DKYIL 'KHOR CHEN PO SU ZHIG GIS MA MTHONG BA'I MDUN DU SMRA BAR MI BYA STE, GZHAN DU NA DAM TSIG NYAMS PAR 'GYUR RO, ,RDO RJE SEMS DPA' KHYOD KYI DENG, ,SNYING GA RU NI YANG DAG BZHUGS, ,GAL TE TSUL 'DI SMRA BA NA, ,'GAS NAS SKAD CIG GIS 'BYUNG 'GYUR, ,SBYANG BA DANG NI SAD PA STE, ,YE SHES 'BAR BA'I 'OD KYIS KHYAB, ,'KHOR LOR GNAS PA 'GRUB STER BA, ,DUNG CHEN LA GNAS BDUD RTZI LNGA, ,SA BON LNGA'AM GSUM BKOD PA'I, ,SLOB MAR BLUD PAR BYA BA STE, ,'DI NI DMYAL BA'I CHU YIN TE, ,DAM TSIG 'DAS PA SREG PAR BYED, ,DAM TSIG BSRUNGS NA 'GRUB 'GYUR BAS, ,RDO RJE BDUD RTZI'I CHU 'DI SPYOD, ,AOm BADZROD KA thA: thA: ZHES BYA BAS BYIN NO, ,DI [?] RING NAS BRTZAMS NAS KHYOD KYI LAG NA RDO RJE NGA [?] YIN NO, ,DE BAS NA KHYOD KYIS 'DI GYIS SHIG CES BYA BA 'DI DAG GI SMRA BA GANG YIN PA DE KHYOD KYIS BYA BA DANG BDAG KHYOD KYIS SMAD PAR MI BYA'O, ,GZHAN DU NA DKA' BAR MA 'DAS PAS DUS BYAS NAS DMYAL BAR LTUNG BAR 'GYUR RO; ,DE NAS SLOB MA LA 'DI SKAD SMRA STE, ,DE BZHIN GSHEGS PA THAMS CAD BDAG LA BYIN GYIS BRLAB PAR MDZOD CIG CES PA DANG, RDO RJE SEMS DPA' YANG BDAG LA ZHUGS SHIG CES BRJOD DU BCUG NAS, DE'I SNYING GAR YI GE H'Um LAS BYUNG BA'I KHA DOG SER PO RTZE GSUM PA'I RDO RJES MTSAN PA, ,ZUR BZHI PA DBANG CHEN GYI DKYIL 'KHOR LA GNAS PA'I YI GE H'Um LAS BYUNG BA'I KHA DOG DKAR PO BUM PAS MTSAN PA ZLUM PO CHU'I DKYIL 'KHOR LA GNAS PA YI GE HAm STE SPYI BO LA'O, ,YI GE YAm LAS BYUNG BA KHA DOG SNGON PO BA DAN GYIS MTSAN PA G-YO BA GZHU'I DBYIBS CAN TE RLUNG GI

DKYIL 'KHOR LA GNAS PA YI GE AA STE LKOG MA LA'O, ,YI GE RAm LAS BSKYED PA ME LTAR 'BAR BA GRU GSUM PA ME'I DKYIL 'KHOR LA GNAS PA YI GE DZHEEm 'OD GSAL BA RKANG PA'I 'OG TU BKOD NAS H'Um HA A'A: DZHEE ZHES BYA BAS BSKUL NAS RDO RJE DBAB PAR BYA'O, ,JI LTAR BSHAD PA'I DBANG CHEN LA SOGS PA'I DKYIL 'KHOR LA YI GE H'Um LAS BYUNG BA'I THUGS RDO RJE LA SOGS PA, ,YI GE DZHEEm LAS BYUNG BA ME'I 'OD ZER GYIS KHYAB PAR GYUR PAR BSAMS LA DBAB PAR BYAS PA'I LCE LA YI GE AA DMAR PO BSAMS LA SMROS SHIG RDO RJE ZHES 'DRI NA DGE BA DANG MI DGE BA THAMS CAD SMRA BAR 'GYUR RO ZHES BCOM LDAN 'DAS RDO RJE 'CHANG GIS GSUNGS SO, ,'BAB PA DE NYID TIshthA BADZRA DRi dHO ME BHA WA SH'A SHVA TO ME BHA HRi DA YA ME AA DHI TIshthA SARBA SIDDHI MME PRA YA TZTSA H'Um HA HA HA HA HO, ,ZHES BYA BA BRJOD NAS BRTAN PAR BYAS LA YI GE LNGA PAS PHRENG BA DE DKYIL 'KHOR LA GTOR ZHING DE NYID KYIS BLANGS LA DE'I SPYI BOR BYIN NAS SNYING GA'I ZLA BA LA H'Um BDAG PO DANG MIG LA AOm DANG DPRAL BA LA RAm BSGOMS NAS YI GE LNGA PAS MIG PHYE LA MAN NGAG JI LTA BA BZHIN DU DKYIL 'KHOR BSTAN ZHING 'DI SKAD SMRA BAR BYA STE, KYE'I RDO RJE'I BU MIG SMAN BZHIN PAS, 'DI NI NGA NI KHYOD KYIS MTHONG, ,SANGS RGYAS CHOS KYI RIGS LAS BYUNG, ,SNGAGS DANG PHYAG RGYAS BYIN GYIS BRLABS, ,DNGOS GRUB KUN GYIS PHUN SUM TSOGS, ,DAM TSIG RNAMS KYI MCHOG TU 'GYUR, ,RDO RJE PADMA ROL MCHOG GIS, ,SNGAGS RNAMS LA NI BRTEN PAR GYIS, ,GRU BZHI PA NI MI MNYAM MED, ,DRAN DANG DBANG PO SGO BZHI PA, ,BSAM GTAN DAG GIS RTA BABS BZHI, ,SNA MA BU RNAMS NI TING 'DZIN BSHAD, ,'DOD YON LA GNAS RDO RJE MCHOG ,GZUGS SKYI LHA MO DANG LDAN PA, ,BSAM PA THAMS CAD YONGS RDZOGS PAS, ,RNAM PA SNA TSOGS RGYAN KUN LDAN, ,SNA TSOGS RTZE MOR BA DAN DANG, ,DRIL BU SGRA SGROGS GDUL BYA'I PHYIR, ,ME LONG YE SHES BYANG CHUB KYI, ,YAN LAG ME TOG PHRENG BA CAN, ,DRA BA DRA PHYED RIN CHEN MCHOG ,NYI MA ZLA BA GDAN GYIS KHYAB, ,MI 'GYUR BDE BA DNGOS GRUB KUN, ,BDE BA CHEN PO ZHES PAR BSHAD, ,DE YI NANG GI 'KHOR LO NI, ,DKYIL 'KHOR RNAM PA BRGYAD DANG MTSUNGS, ,RNAM PAR THAR BRGYAD

, ,DE YIN PAS, ,DNGOS GRUB THAMS CAD RAB TU STER, ,THEG PA CHEN PO'I BYANG CHUB SEMS, ,CHOS KYI 'KHOR LO RAB BSKOR BAS, ,RDO RJE RA BAS YONGS BSKOR BA, ,THAMS CAD KYIS KYANG YONGS SU RDZOGS, ,TSON DAG RDZOGS PA'I SANGS RGYAS LNGA, ,SEMS CAN YE SHES KYIS MTSON PHYIR,, DBANG PO YUL DANG RNAM DAG PA, ,RANG GI MTSAN NYID RAB DBYE BAS, ,YE SHES BDUD RTZI LNGAR SPYOD GANG, ,RDO RJE'I BUM PA DE NYID YIN, ,TSOGS RDZOGS RGYU MTHUN SNYING RJE YIS, ,RLAN PAS GANG BA'I BUM PA YIN, ,ME TOG SPOS DANG MAR ME DANG, ,DRI ZHES BYA BA'I DKYIL 'KHOR LA, , BYANG CHUB YAN LAG YID TSIM PA'I, ,CHOS SGRON GRAGS PA'I TSOGS YIN NO, ,CHOS KYI BZA' BA LHA BSHOS TE, ,NGO TSA KHREL YOD NA BZA' YIN, ,GLU DANG GAR DANG ROL MO NI, ,BDE BA CHEN PO 'PHEL BYED PHYIR, ,GRONG KHYER THAR PA GRONG YIN PAS, ,DKYIL 'KHOR SNYING PO LEN PAS SO, ,ZHES BYA BA 'DIS RGYU DANG 'BRAS BU'I RANG BZHIN GYI RTEN GYI DKYIL 'KHOR BSTAN NAS BRTEN PA'I DKYIL 'KHOR BSTAN PAR BYA STE, DE LA RE ZHIG DAD PA'I DBANG PO'I RNAM PAR DAG PAS GSHIN RJE MTHAR BYED DE, SEMS CAN THAMS CAD KYI RGYUD LA GNAS PA 'CHI BDAG GI BDUD ZIL GYIS GNON PA'I RANG BZHIN YIN NO, ,DE BZHIN DU DRAN PA DANG TING NGE 'DZIN BRTZON 'GRUS KYI DBANG PO'I RNAM PAR DAG PAS 'PHAGS PA GZHAN GYIS MI THUB PA DANG RTA MGRIN DANG 'PHAGS PA BDUD RTZI 'KHYIL PA ZHES BYA BA STE, NYON MONGS PA DANG PHUNG PO DANG LHA'I BU'I BDUD ZIL GYIS GNON PA'I RANG BZHIN TE SGO SKYONG RNAMS SO, ,DE BZHIN DU 'DOD PA'I RGYAL PO DANG DBYUG SNGON DANG STOBS PO CHE DANG MI G-YO BA DANG GTZUG TOR 'KHOR LOS SGYUR BA DANG GNOD MDZES KYI RGYAL PO ZHE SDANG GI RIGS RNAM PAR DAG PA'I RANG BZHIN TE, MIG GI RNAM PAR SHES PA LA SOGS PA RNAM PAR DAG PA'I NGO BO YIN NO, ,MIG GI SKYE MCHED RNAM PAR DAG PA'I RANG BZHIN NI SA'I SNYING PO'O, ,PHYI'I GZUGS RNAM PA GSUM RNAM PAR DAG PA'I RANG BZHIN NI GZUGS RDO RJE MA'O, ,BYAMS PA DAM PA RNAM PAR DAG PA'I RANG BZHIN NI BYAMS PA'O, ,RNA BA'I SKYE MCHED RNAM PAR DAG PA'I NGO BO NI PHYAG NA RDO RJE'O, ,SGRA GSUM RNAM PAR DAG PA DANG RIN CHEN 'BYUNG

LDAN GYI RANG BZHIN NI SGRA RDO RJE MA'O, ,SNA'I SKYE MCHED RNAM PAR DAG PA NAM MKHA'I SNYING PO'O, ,DRI GSUM RNAM PAR DAG PA 'OD DPAG TU MED PA'I RANG BZHIN NI DRI RDO RJE MA'O, ,LCE'I SKYE MCHED RNAM PAR DAG PA NI 'JIG RTEN DBANG PHYUG GO, ,RO GSUM RNAM PAR DAG PA DANG DON YOD GRUB PA'I RANG BZHIN NI RO RDO RJE MA'O; ,SHES RAB RNAM PAR DAG PA'I RANG BZHIN NI 'PHAGS PA 'JAM DPAL LO, ,LUS RNAM PAR DAG PA NI SGRIB PA RNAM PAR SEL BA'O, ,REG BYA GSUM RNAM PAR DAG PA DANG MI BSKYOD PA'I RANG BZHIN NI REG BYA RDO RJE MA'O, ,YID RNAM PAR DAG PA NI KUN DU BZANG PO'O, ,PHYI DANG NANG GI BDAG NYID KYI SA'I KHAMS RNAM PAR DAG PA'I RANG BZHIN NI SANGS RGYAS SPYAN MA'O, ,DE BZHIN DU CHU DANG ME DANG RLUNG RNAM PAR DAG PA'I RANG BZHIN NI M'A MA K'I DANG GOS DKAR MO DANG SGROL MA RNAMS SO, ,DE BZHIN DU STONG PA NYID KYI RGYU MTHUN PA ME LONG LTA BU LA SOGS PA YE SHES KYI RANG BZHIN RNAM PAR SNANG MDZAD DANG RIN CHEN 'BYUNG LDAN DANG 'OD DPAG TU MED PA DANG DON YOD GRUB PA RNAMS SO, ,STONG PA NYID LA SOGS PA RNAM PAR THAR PA'I SGO BZHI NI RGYU MTHUN PA YE SHES LNGA'I RANG BZHIN NI BCOM LDAN 'DAS TE MI BSKYOD RDO RJE'O, ,GANG DU 'JUG PA TZAM GYIS NI, ,ZIL GYIS GNON MIN PHYIR LDOG MIN, ,BDE BA CHEN PO'I DNGOS GRUB PHYIR, ,MKHAS PA DE RNAMS 'BYUNG BAR 'GYUR, ,ZHES BSHAD PAR BYA'O, ,DE NAS RDO RJE SLOB DPON LA, ,YON NI MANG DU PHUL NAS NI, ,PHYAG 'TSAL BYAS NAS TSIG BSHAD PAS, ,DBANG BSKUR THOB PHYIR GSOL 'DEBS BYA'O, ,BYANG CHUB RDO RJE SANGS RGYAS LA, ,JI LTAR MCHOD CING GSOL BA BZHIN, ,BDAG LA YANG NI SKYOB DON DU, ,NAM MKHA'I RDO RJE DENG BDAG STZOL, ,'JUG PA'I SGO YI KHA BLTAS PA, ,PADMA 'DAB MA BRGYAD STENG DU, ,SNA TSOGS GDAN LA GZHAG NAS NI, ,RANG GI LHAG PA'I LHAR SBYOR BAS, ,LUS LA DGOD PA'I DKYIL 'KHOR CAN, ,CHO GA 'DIS NI DBANG BSKUR BYA, ,GDUGS DANG RGYAL MTSAN BA DAN DANG, ,BUM PA ROL MO NA BZA' MCHOG ,LHA YI RGYAN DAG THOGS PA STE, ,SANGS RGYAS KUN GYIS NAM MKHA'I KHAMS, ,SNGAR BSHAD BYA BA'I DBANG GIS NI, ,KHYAD PAR CHEN PO YANG DAG LDAN, ,

, ,DBANG GI DUS SU SLOB DPON GYIS, ,YONGS SU GANG BA RNAM PAR BSGOM, ,BUM PA'I CHU LA DE BSDUS NAS, ,BDUD RTZI LNGA SOGS BZHUS GYUR PA, ,MGUL NI DAR GYIS BCINGS PA STE, ,SPYAN SOGS PHYAG GIS GZUNG BYA BA, ,BUM PAS BA SPU'I BU GA NAS, ,SANGS RGYAS THAMS CAD 'JUG PAR BYA, ,TSIGS BCAD DANG NI SNGAGS BRJOD PAS, ,SLOB MA DGA' BAS DBANG BSKUR BYA, ,DBANG BSKUR PA NI RDO RJE CHE, ,KHAMS GSUM PAS NI PHYAG BYA BA, ,SANGS RGYAS KUN GYI GSANG BA GSUM, ,GNAS LAS BYUNG BA BDAG GIS STZOL, ,JI LTAR COD PAN DAG GIS KYANG, ,DBANG BSKUR BYAS TE DE NAS BLOS, ,BRTAN PAR BYAS TE RNAL 'BYOR GYIS, ,DE LTAR RIM PAS PHYAG MTSAN SBYIN, ,SANGS RGYAS RDO RJE'I DBANG BSKUR GYIS, ,KHYOD NI DI RING DBANG BSKUR RO, ,'DI NI SANGS RGYAS KUN NYID DE, ,DNGOS GRUB THOB PHYIR RDO RJE LONG, ,AOm BADZR'A DHI BA TI STVAm AA BHI shA NYTZ'A MI TI shthA BADZRA SA MA YA STVAm, ,SEMS DPA' THOG MTHA' MED PA NI, ,RDO RJE SEMS DPA' DGA' BA CHE, ,KUN DU BZANG PO KUN BDAG NYID, ,RDO RJE SGEG PA BDAG PO'I BDAG ,H'Um LAS BYUNG BA'I RDO RJE'I DBANG, ,'DI NI SANGS RGYAS THAMS CAD KYI, ,SHES RAB SGRA NI RJES 'GROR BSHAD, ,RGYAL BAS BZHED PA'I BYANG CHUB MCHOG ,KHYED KYIS RTAG TU GZUNG BAR GYIS, ,YI GE AA LAS SKYES PA'I DRIL BU'O, ,SRID PA NGO BO NYID KYIS DAG, ,NGO BO NYID KYIS SRID BRAL BYAS, ,RANG BZHIN DAG PA'I SEMS DPA' MCHOG ,SRID PA'I MCHOG NI GRUB PAR BYED, ,CES BYA BAS DE NYID DKROL BAR BYA'O, ,SRID PA'I BDE BA SHIN TU CHUNG,, SDUG BSNGAL CHEN PO DAG BYA'I PHYIR, ,SHIN TU BDE BA DAM PA'I THABS, ,DAM TSIG 'DI NI RTAG TU SKYED, ,'DOD PA'I LONGS SPYOD THAMS CAD DAG ,CI 'DOD PA NI BSTEN BZHIN DU, ,RANG GI LHA YI SBYOR BA YIS, ,BDAG DANG GZHAN LA MCHOD PAR GYIS, ,JI SRID 'KHOR BA'I GNAS SU NI, , MKHAS PAS MCHOG NI GNAS GYUR PA, ,DE SRID 'GRO DON YAL MED PA, ,MYA NGAN 'DAS PAS BYED PAR NUS, ,SHES RAB PHA ROL PHYIN PA'I THABS, ,BSOD NAMS BYIN RLABS 'GRUB BYED PA, ,DNGOS GRUB KUN DBANG 'GRUB PA YIS, ,SEMS CAN GYI DON BRTAN PAR BYED, ,PHYAG RGYA MNGON PAR

RTOGS BSHAD DE, ,YID KYI SKU NI BRTAN PHYIR RO, ,GANG GIS SKU KUN BRTAN PA STE, ,DE PHYIR PHYAG RGYA MNGON PAR BRJOD, ,CES BYA BA NI DAM TSIG GO, ,DE LTAR DAM TSIG GSUM BYIN NAS, ,AOm BADZR'A DHI PA TI STVAm AA BHI shI NYTZA MI BADZRA M'A M'A BHI shE KA TA ZHES BYA BAS KYE DPAL CHE GE MO RDO RJE ZHES BYA BAS DPAL GYI SGRA DANG SBYAR BA NI MING GI DBANG BSKUR RO, ,'DI DE SANGS RGYAS THAMS CAD KYI, ,RDO RJE SEMS DPA'I PHYAG NA GNAS, ,PHYAG NA RDO RJE'I BRTUL ZHUGS BRTAN, ,KHYOD KYIS KYANG NI RTAG TU ZUNG, ,AOm SARBA TA TH'A GA TA SIDDHI BADZRA SA MA YA AE shA STVAm DHA RA Y'A MI HI HI HI HI HI H'Um ZHES BYA BA BRJOD PAS SLOB MA BZUNG DU BCUG NAS, ME TOG LA SOGS PAS MCHOD CING GZHAG GO, ,DE NI BUM PA'I DBANG ZHES BYA BAS BSDUS PA'I PHYI'I DKYIL 'KHOR GYI DBANG BSKUR RO, ,BUM PA'I DBANG NI DANG PO STE, ,GSANG BA'I DBANG BSKUR GNYIS PA YIN, ,SHES RAB YE SHES GSUM PA YIN, ,ZHES LE'U BCO BRGYAD PA NAS GSUNGS PA'I PHYIR RO, ,DE NAS SKYE BOS DPEN PA'I SA PHYOGS SU SNGAGS DANG RGYUD LA LEGS PAR SLOB PA, ,BZHIN BZANG BA MIG YANGS PA DE NYID, RIG PA LA SBYOR BA DAM TSIG BSRUNG BA LA BRTZON PA, BDE BA THAMS CAD KYI YO BYAD DANG LDAN PA RANG GI RIGS KYI BU MO RDO RJE SLOB DPON LA SLOB MAS DBUL BAR BYA'O, , DE NAS G-YON PHYOGS NA GNAS PA'I DE DANG LHAN CIG TU GNAS PA'I BLA MA LA, ,LCAGS KYU DANG SGRON MA'I BSNYEN BKUR DANG DRI DANG PHRENG BA LA SOGS PA DANG, ,RGYA CHE BA'I PHYI'I YO BYAD DANG, BLA NA MED PA DANG BCAS PA LA SOGS PA'I MCHOD PAS YANG DAG PAR MCHOD CING PUS MO G-YAS PA SA LA BTZUGS TE, DE NAS THAL MO SBYAR NAS, SLOB DPON CHE LA GSOL BA GDAB, ,KHYOD KYIS ZHABS KYI DRIN GYIS NI, ,BLA MED BYA BA BDAG GIS SHES, ,DA NI DBANG BSKUR RIN CHEN GYIS, ,MGON PO RJES SU GZUNG BAR MDZOD, ,JI LTAR BDE CHEN MGON PO YIS, ,DPAL LDAN RDO RJE CHOS CAN LA; ,DAG PA'I DE NYID CES STON PA, ,MGON PO BDAG LA 'ANG DE BZHIN STZOL, ,SDUG BSNGAL KUN GYI GNAS GYUR PA, ,GTZO BO DMYAL BA LAS 'DON MDZOD, ,SDUG BSNGAL THAMS CAD NGES GCOD PHYIR, ,MGON MED LA NI THUGS RJES GZIGS, ,KHYOD ZHABS PADMA SPANGS NAS NI, ,GTZO BO

, ,BDAG LA GZHAN SKYABS MED, ,DE PHYIR SANGS RGYAS MCHOG 'GRO BA'I, ,DPA' BO THUB CHEN BKA' DRIN MDZOD, ,GSOL BA 'DEBS LA MKHAS PA YI, ,DE LTAR TSIG MCHOG GSAN NAS NI, ,SLOB MAR SNYING RJE BSKYED BYAS NAS, ,BLA MA DPAL LDAN YON TAN MTSO, ,ZHAL NI RAB TU DGA' 'GYUR BAS, ,BRTZE BA DANG BCAS MGU BA YIS, ,GSANG BA'I LAS NI GSANG BA MCHOG ,DAM TSIG MCHOG DE NYAN DU GZHUG ,KHYOD KYIS SROG CHAGS GSAD BYA STE, ,MA BYIN PAR YANG KHYOD KYIS BLANG, ,GZHAN GYI BUD MED BSTEN PA DANG, ,TSIG KYANG BRDZUN DU SMRA BAR BYA, ,THUGS KYI SDOM PA MCHOG 'DI NI, ,BU BZANG KHYOD KYIS BSRUNG BAR BYA, ,BSHANG GCI DANG NI SHA DANG KHRAG ,SEMS LAS BYUNG BA LNGA PA STE, ,KHYI MI GLANG PO BA LANG RTA'I, ,SHA NI SBYANG SOGS CHO GA YIS, ,KHYOD KYIS RTAG TU BZA' BYA BA, ,'DI NI DAM TSIG RMAD BYUNG CHE, ,DE NAS SNGAR BSHAD PA'I DKYIL 'KHOR RAM YANG NA BSGOM PAS YONGS SU BRTAGS PA'I LHA'I 'KHOR LO THAMS CAD KYI NANG NA BZHUGS PA'I RDO RJE SLOB DPON RDO RJE 'CHANG CHEN PO'I NGA RGYAL DANG LDAN PAS RANG GI RIG MA'I PADMA'I KHAR BDUD RTZI LNGA'I RI LU BCUG LA, MAN NGAG JI LTA BA BZHIN DU YANG DAG PA'I DBANG BSKUR BA'I DON DU SNYOMS PAR ZHUGS PAR BYA STE RANG GI LHAG PA'I LHA PHYUNG ZHING DES 'GRO BA'I DON BYAS LA, ,DE DGUG CING RANG GI LUS LA BCUG STE DE'I RNAM PAR 'GYUR NAS SLOB MA YANG DE'I RANG BZHIN DU PHUNG PO LA SOGS PA BYIN GYIS BRLAB PA RANG GI LHA MO DANG BCAS PAR BSAMS TE, RANG GI BA SPU'I BU GA LAS BYUNG BA'I 'OD ZER GYI LCAGS KYU'I TSOGS KYIS NAM MKHA'I DBYINGS MA LUS PAR KHYAB PAR BYED PA'I DE BZHIN GSHEGS PA RNAMS BSDUS LA, RANG GI SKU GSUNG THUGS LA 'JUG STE LAM LA GNAS PAR 'GYUR ZHING, ,RANG GI SNYING GNAS DE BZHIN GSHEGS PA RNAMS PHYUNG LA, MCHOG TU DGA' BA'I TSE ZHU BAR GYUR PA DE DAG LA SLOB MA'I KHAR BCUG PAR BYA'O, ,AE MA'O BDE CHEN 'DI BRJOD NAS, ,SLOB MAS SEMS BYUNG SPYOD PAR BYA, ,'DI DE SANGS RGYAS THAMS CAD KYI, ,DBANG BSKUR BA YI GNAS KYI MCHOG ,LAS KYI RAB 'BYAMS MCHOG DANG NI, ,RDO RJE KUN YANG

'GRUB PAR 'GYUR, ,DE NI GSAD PA'I DBANG BSKUR BA'O, ,SEMS BYUNG ME TOG DANG BCAS PA, ,PADMA LA GNAS BLANGS NAS NI, ,RANG GI ZHAL GYIS MCHOD PA'I PHYIR, ,RIG MA'I KHA RU GZHUG PAR BYA, ,BSHANG GCI SHA DANG YANG DAG LDAN ,MI YI DUNG PHOR LA GZHAG GO, ,SHIN DU DAD LDAN SHES RAB CHE, ,GZUGS BZANG SGRUB PA PO LA DGA', ,RNAL 'BYOR GCIG LA GOMS BYAS PAS, ,DAM TSIG LA MKHAS RNAL 'BYOR MA, ,SGRUB PA POS NI BLA MA LA, ,SNGAR NI YON DU PHUL BA GANG, ,BLA MAS DE NYID BYIN BRLABS NAS, ,SLOB MA DE LA SBYIN PAR BYA, ,ME TOG LA SOGS DAM TSIG LDAN; ,SANGS RGYAS SOGS KYIS BYIN BRLABS PA, ,DE DANG LHAN CIG SNYOMS ZHUGS PA, ,BLA MA DANG BCAS LA SOGS PAS, ,PHYI YI NYE BAR SPYOD PA YIS, ,RDOR CAN GNYIS PA BZHIN DU MCHOD, ,BKRA SHIS PA YI TSIGS BCAD DANG, ,ROL MO DANG NI SNA TSOGS DBYANGS, ,RNGA YAB RGYAL MTSAN GDUGS SOGS DANG, ,ME TOG PHRENG BA SOGS KYIS MCHOD, ,SHES RAB YE SHES DBANG BSKUR GYI, ,MNYAM PAR BRTAN PAR GZHAG NAS NI, ,SNGAR NI THAL MO DANG SBYAR BA, ,CHO GA 'DIS NI DBANG BSKUR BYA, ,DE LA RDO RJE SLOB DPON SPYAN MA DANG BCAS PA'I GTI MUG RDO RJE'I RNAL 'BYOR DANG LDAN PAS SLOB MA LA JI LTAR BSHAD PA BYED DU BCUG LA, ,RNAM PAR SNANG MDZAD DANG SNYOMS PAR ZHUGS PA'I SANGS RGYAS SPYAN MA'I SPRIN KHA DOG DKAR PO'I BYANG CHUB KYI SEMS KYIS YONGS SU GANG BA'I CHU SHEL GYI BUM PA LAG NA THOGS PA SNOMS PAR ZHUGS PA LAS SPROS TE, DE RNAMS KYIS DBANG BSKUR LA DE RNAMS KYIS SNYOMS PAR ZHUGS PA LAS BYUNG BA'I KHA DOG DKAR PO BYANG CHUB KYI SEMS KYI RGYUN GYIS DBANG BSKUR BYAS LA, SKU RDO RJE DANG SPYAN MA'I TSOGS DE DAG THAMS CAD BDE BA CHEN PO'I DBANG GIS GZHAN DBANG DU GYUR PA, MAR GYI BUM PA BZHIN DU BZHUS PA YE SHES KYI BDUD RTZI'I RNAM PA SLOB MA'I LUS LA RJES SU BCUG NAS, DE YANG LHA'I SKU BDE BA CHEN PO'I RANG BZHIN DU BSAM PAR BYA'O, ,DON NI 'DI LTAR BSHAD PA YIN TE, RMONGS PA LA NI GTI MUG BDAG ,GTI MUG DGA' MA'I RNAL 'BYOR LDAN, ,GTI MUG RGYUN GYIS DBANG BSKUR BAS, ,GTI

, ,MUG RDO RJE RANG NYID 'GYUR, ,ZHE SDANG CAN LA ZHE SDANG BDAG ,ZHE SDANG DGA' MA'I RNAL 'BYOR LDAN, ,ZHE SDANG RGYUN GYIS DBANG BSKUR BAS, ,ZHE SDANG RDO RJE RANG NYID 'GYUR, ,CHAGS PA CAN LA CHAGS BDAG NYID, ,CHAGS PA'I DGA' MA'I RNAL 'BYOR LDAN, ,'DOD CHAGS RGYUN GYIS DBANG BSKUR BAS, ,'DOD CHAGS RDO RJE RANG NYID 'GYUR, ,SHES RAB YE SHES BDAG NYID CAN, ,RDO RJE DGA' MA'I RNAL 'BYOR LDAN, ,YE SHES RGYUN GYIS DBANG BSKUR BAS, ,SHES RAB YE SHES RANG NYID 'GYUR, ,ZHES BYA BAS RANG RANG GI DE BZHIN GSHEGS PA DANG RJES SU MTHUN PA'I BYANG CHUB KYI SEMS KYI RGYUN RNAMS SHES PAR BYA'O, ,DE NI SHES RAB YE SHES KYI DBANG BSKUR RO, ,DE NAS DE LTAR GNAS PA'I SLOB MA'I LAG DU RIG MA'I LAG PA BLA MAS BYIN NAS DE BZHIN GSHEGS PA RNAMS DPANG POR BYA'O, ,'DI NAS BRTZAMS TE BDAG GIS NI, ,'DI LA RIG PA YANG DAG SBYIN, ,BYANG CHUB CHEN PO BSGRUB PA'I PHYIR; ,DE BZHIN GSHEGS PAS SNANG BAR MDZAD, ,DE NAS SLOB MA LA SMRA BAR BYA STE, ,'DI NI GZUGS MA DGA' MA STE, KHYOD KYIS RTAG TU BSTEN PAR BYA, ,BAR DU GNAS PA'I BLA MA YIS, ,SLOB MA'I SPYI BOR PHYAG BZHAG NAS, ,SANGS RGYAS NYID LA THABS GZHAN MED, ,DE PHYIR RIG MA 'DI NYID MCHOG ,CHOS RNAMS THAMS CAD GNYIS MED PA, ,GNYIS SU SNANG BA RTOG PA YIN, ,DE PHYIR RTAG TU KHYOD KYIS NI, ,'KHOR BA SPANG PAR BYA BA MIN, ,'DI NI SANGS RGYAS THAMS CAD KYI, ,RIG PA'I BRTUL ZHUGS BLA NA MED, ,RMONGS PA GANG GIS 'DAS PA NI, ,DE YI DNGOS GRUB THOB MI 'GYUR; ,DE NAS BRTZAMS TE DES DE LA, ,GSANG BA MCHOG NI BSTAN PAR BYA, ,RGYUD KUN LAS NI GANG ZHIG NI, ,BRDA YIS RGYAS BTAB SBAS PAR BSHAD, ,YANG JI LTA BA BZHIN DU SANGS RGYAS LA SOGS PA'I RNAL 'BYOR DANG LDAN PAS, SEMS CAN KUN LA PHAN PA'I PHYIR, ,'JIG RTEN THAMS CAD KUN NAS NI, ,JI LTAR GDUL BYA SNA TSOGS PA, ,CHOS KYI 'KHOR LO BSKOR BAR GYIS, ,DA BZHIN DU RDO RJE DANG RIN PO CHE DANG PADMA DANG, 'KHOR LO BSKOR BAR GYIS ZHES BYA BA LA SOGS PA'I TSIGS SU BCAD PA LNGAS RJES SU GNANG BA BYIN NAS LANGS TE, DE BZHIN GSHEGS PA THAMS

CAD KYI RNAL 'BYOR GYIS SNYING GAR LAG PA G-YON PA'I KHU TSUR GYIS CHOS GOS KYI DKYIL BZUNG BA'I TSUL DANG, G-YAS PA'I MCHOG SBYIN GYIS PHYAG RGYA RDO RJE MING GI DBANG BSKUR GYIS LUNG BSTAN PAR BYA STE, RDO RJE SEMS DPA' DE BZHIN GSHEGS, ,BDAG GIS KHYOD LA LUNG BSTAN TE, ,SRID PA'I NGAN 'GRO LAS BTON NAS, ,SHIN TU SRID PA GRUB PHYIR RO, ,HE BADZRA N'A MA TA TH'A GA TA SIDDHYA SA MA YA STVAm BHUR BHU WA SVA:, LANGS NAS LUNG BSTAN PA 'DIS MCHOG TU GSANG BA'I CHOGS LUNG BSTAN PAR BYA BA DE LA RDO RJE 'CHANG CHEN PO DANG BCAS PA DE BZHIN GSHEGS PA THAMS CAD DANG BYANG CHUB SEMS DPA' DANG; DKYIL 'KHOR PA RNAMS KYIS DE BZHIN GSHEGS PA THAMS CAD KYI RANG GI DAM TSIG GI SLOB DPON NYID DU BYA BA'I PHYIR NGAG GCIG GIS BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR 'GYUR RO, ,GZHAN YANG LUNG BSTAN PA'I PHYAG RGYA CHEN PO DE'I GSANG BA DAM PA MCHOG GI DNGOS GRUB KYIS BYIN GYIS BRLAB PA DANG SNGAGS DE NYID KYI STOBS KYIS DANG PAR BYA'O ZHES SLOB MA LA SMRAS NAS GSANG BA BSTAN PAR BYA STE, CHAGS BRAL DANG MTSUNGS SDIG PA NI, ,KHAMS GSUM LAS NI GZHAN MED DE, ,DE PHYIR 'DOD PA'I CHAGS BRAL NYID, ,BLO CAN KHYOD KYIS MI BYA'O, ,AOm MA H'A SA MA Y'A HA NA PHAt, ,DE NAS SLOB MA'I G-YAS PA'I MTHE BONG NAS, ,LAG PA G-YON PAS GZUNG BYAS TE, ,SLOB MA GTZO BO LA BRTEN CING, ,MAR GYI DGANG BLUGS BRGYA BRGYAD BSREGS, ,SBRANG RTZI MAR DANG ZHO BSRES PA'I, ,DGANG BLUGS BRGYA DANG RTZA BRGYAD BSREGS, ,KUN GYI SNYING RIGS RIG PA YIS, ,BSANGS TE SNYING GAR REG PAR BYA, ,BDUD RTZI 'KHYIL BA'I BZLAS BYA BA, ,DE YI DPUNG LA SRUNG SKU DAG DAGS, ,SPYI BOR GDUGS NI SBYIN BYAS NAS, ,THAL MO DANG BCAS SGOR 'JUG NAS, ,GDUGS DANG BCAS PA'I SLOB MA NI, ,DKYIL 'KHOR SGO RU 'DUD DU GZHUG ,SLOB MA 'DI NI BDAG GIS DBUL, ,RGYUD RNAMS 'DZIN PAR 'GYUR BA YIN, ,SLOB DPON GYIS NI GDUGS BLANGS PAS, ,DE LA TSIG SNYAN BSTAN PAR BYA, ,DA NI DKYIL 'KHOR SLOB DPON TE, ,SNGAGS DANG RGYUD 'CHANG KHYOD YIN TE, ,SANGS RGYAS BYANG CHUB

, ,SEMS DPA' DANG, ,LHA MO RNAMS KYIS YANG DAG BSHAD, ,SEMS CAN RNAMS LA BRTZE BA'I PHYIR, ,KHYOD KYIS DKYIL 'KHOR CHO GA YIS, ,'BAD DE BRI BAR BYA BA DANG, ,RGYUD LA SLOB MA SBYANG BAR GYIS, ,DE NAS MAN NGAG JI LTA BA BZHIN DU BYIN NAS DRANG BA'I DON LA SOGS PA DANG DGONGS PA'I GNAS KYANG BSTAN PAR BYA'O, ,DE NAS JI LTAR 'JUG PA LA DE BZHIN GSHEGS PA THAMS CAD KYIS DBUGS DBYUNG BA SBYIN PAR BYA STE, GSANG BA MCHOG GI DKYIL 'KHOR 'DI, ,DAM PA MTHONG DANG 'JUG BYAS NAS, ,SDIG PA THAMS CAD LAS GROL BA'I, ,KHYED RNAMS DING [?] NAS BDE BAR GNAS, ,KHYOD LA SLAR YANG 'CHI BA MED, ,BDE BA CHEN PO THEG CHEN LA, ,ZIL GYIS MI GNON GSOD BYED PA, ,GANG LAS 'JIGS MED ROL BAR GYIS, ,SRID PA'I SDUG BSNGAL KHYED LA MED, ,SHIN DU SRID PA GRUB PHYIR RO, ,DAM TSIG SDOM PA GRUB PA 'DI, ,KHYOD KYIS RTAG TU BSRUNG BAR GYIS, ,BKA' LUNG DAM PA RTAG PA 'DI, ,SANGS RGYAS KUN GYIS MNYAM PAR GSUNGS, ,RDO RJE ZHES BYA PHYAG RGYA 'DIS, ,BYANG CHUB SEMS 'DOR MI BYA STE, ,GANG ZHIG BSKYED PA TZAM GYIS NI, ,SANGS RGYAS NYID DE GDON MI ZA, ,DAM PA'I CHOS NI 'DOR MI BYA,, RDOR BCAS SANGS RGYAS THAMS CAD KYIS, ,KHYOD RNAMS DE RING DBANG BSKUR RO, ,KHAMS GSUM PA NI RGYAL SRID CHE, ,RGYAL PO'I BDAG PO RNAMS SU GNAS, ,DE RING BDUD RNAMS RNAM BCOM NAS, ,GRONG KHYER DAM PA LA NI ZHUGS, ,DE RING KHYOD KYIS SANGS RGYAS NYID, ,THOB PAR BYAS TE THE TSOM MED, ,NAM YANG SMOD PAR MI BYA'O, ,MI SHES PA'AM RMONGS PA LA, ,TSUL CHEN BSTAN PAR MI BYA'O, ,RANG GI BDAG NYID YONGS SPANGS NAS, ,DKA' THUB GYIS NI GZIR MI BYA, ,'DI NI MA 'ONGS SANGS RGYAS PAS, ,CI BDE BAS NI BDE BAR BZUNG, ,RDO RJE DRIL BU PHYAG RGYA RNAMS, ,NAM YANG 'DOR BAR MI BYA STE, ,SLOB DPON SMOD PAR MI BYA ZHING, ,DE NI SANGS RGYAS KUN DANG MNYAM, ,BLA MA SANGS RGYAS KUN DANG MTSUNGS, ,GANG GIS SMOD PAR GYUR PA NA, ,SANGS RGYAS THAMS CAD SMAD PAS NA, ,DES NI RTAG TU SDUG BSNGAL THOB, ,RIMS DANG SBYAR DUG DUG DANG

NAD; ,MKHA' 'GRO 'TSE BA GDON RNAMS DANG, ,BGEGS DANG LOG 'DREN 'JIGS PA YIS, ,BSAD NAS DMYAL BAR 'GRO BA YIN, ,DE PHYIR 'BAD PA THAMS CAD KYIS, ,RDO RJE SLOB DPON BLA MA CHE, ,DGE BA DAM PA RAB SBAS PA'I, ,NAM YANG SMAD PAR MI BYA'O, ,BZA' BCA' YON DANG BCAS PAR NI, BLA MA LA NI MTHUN PAR DBUL, ,DE NAS RIMS SOGS GDUNG BA RNAMS, ,SLAR YANG 'BYUNG BAR MI 'GYUR RO, ,RANG GI DAM TSIG SLOB DPON NI, ,RANG SROG GIS KYANG BSTEN PAR BYA, ,BUD MED LA SOGS DBUL BYAS TE, ,'BYOR PA GZHAN DAG SMOS CI DGOS, ,GRANGS MED BSKAL PA BYE BA YI, ,GANG PHYIR RTAG TU RNYED DKA' BA, ,RTZOL BA LDAN LA SANGS RGYAS NYID, ,TSE 'DI NYID DU STER BAR BYED, ,DER SBYIN SANGS RGYAS THAMS CAD LA, ,RTAG TU DBUL BAR GYUR PA YIN, ,DE PHUL BAS NI BSOD NAMS TSOGS, ,TSOGS LAS DNGOS GRUB DAM PA YIN, ,RTAG TU DAM TSIG BSGRUB BYA BA, ,RTAG TU DE BZHIN GSHEGS PA MCHOD, ,BLA MA LA YANG RTAG TU DBUL, ,DE NI SANGS RGYAS KUN DANG MTSUNGS, ,DING SANG KHYOD SKYE 'BRAS BUR BCAS, ,GANG PHYIR 'DI LA 'BRAS BUR GNAS, ,DAM TSIG LHA DANG MNYAM PA NI, ,KHYOD RNAMS GYUR TE THE TSOM MED, ,RDOR BCAS SANGS RGYAS THAMS CAD KYIS, ,KHYOD RNAMS DI [?] RING DBANG BKUR RO, ,KHAMS GSUM PA YI RGYAL SRID CHE, ,RGYAL PO'I BDAG PO RNAMS SU GNAS, ,DE RING BDUD RNAMS RNAM BCOM NAS, ,GRONG KHYER DAM PA LA NI ZHUGS, ,DI RING KHYOD KYIS SANGS RGYAS NYID, ,THOB PAR BYAS TE THE TSOM MED, ,DE LTAR YID NI DANG BA'I RDO RJER GYIS, ,RANG GI DAM TSIG MI ZAD BDE BA BSTEN, ,BDE BA 'GRO LA DE RING RDO RJE SEMS DPA' NI, ,'DRA BAR RTAG TU KHYOD RNAMS 'GYUR PA YIN, ,DAD DANG LDAN PA'I SLOB MA YIS, ,BLA MA'I ZHABS LA PHYAG 'TSAL NAS, ,JI LTAR GTZO BOS BKA' STZAL PA, ,THAMS CAD BGYI ZHES SMRA BAR BYA, ,DE LTAR DAM BCA' RNAMS BYAS PA'I, ,SLOB MA'I CHO GA 'DI NYID KYIS, ,ZHI BA'I DON DU SBYIN SREG BYA, ,'CHAD PAR 'GYUR BA'I RIM PAS SO, ,DE NAS SLOB MA RE RE YI, ,MTHE BO G-YAS PA MKHAS PA YIS, ,LAG PA G-YON PAS GZUNG BYAS NAS, ,DGANG BLUGS BDUN POS SBYIN SREG BYA, ,G-YAS

, ,SKOR BA YI RIM PA YIS, ,SPYI BOR BLUGS GZAR BSKOR BYAS NAS, ,SBYIN SREG BYAS TE SLOB KUN LAS, ,BLA MAS YON NI BLANG BAR BYA, ,GSER DANG DNGUL DANG RIN CHEN DANG, ,RTA DANG GLANG PO SA GZHI DANG, ,DE RNAMS KYIS PHUL BLANGS NAS NI, ,CHO GA BZHIN DU SNGAGS SBYIN BYA, ,SNGAGS KYI RGYAL PO'I TING 'DZIN TE, ,JI BZHIN NYE BAR BSTAN BYAS NAS, ,JI LTAR GSUNGS PA'I PHYAG RGYA YI, ,GSANG BA'I SBYOR BA BYED BCUG NAS, ,DE LAS BYUNG BA KUN BLANGS NAS, ,BYANG CHUB SEMS NI SPYOD DU GZHUG ,DE NYID LA NI YI DAM GYI, ,SGRUB THABS DE TSE BSHAD PAR BYA, ,DE NAS SNGAR BSHAD PA'I MCHOD PA RNAM PA LNGA DANG 'DOD PA'I YON TAN LNGA DANG BLA MA DANG BCAS PA LA SOGS PA'I MCHOD PA RNAMS KYIS DKYIL 'KHOR MCHOD CING SLOB MA RNAMS LA 'DI SKAD SMRA BAR BYA STE, KHYED RNAMS KYIS CI NUS PA DE BZHIN GSHEGS PA THAMS CAD LA MCHOD PA GYIS SHIG ,DE NAS JI LTAR GNAS PA THAMS CAD LA BZA' BA LA SOGS PA DANG BA LANG DANG RTA DANG GLANG PO DANG KHYI DANG MI'I SGRON MA DANG BDUD RTZI DANG, NYES PA DANG BCAS PA DANG NYES PA MED PA'I BTUNG BA'I KHYAD PAR GYIS DKYIL 'KHOR LA PHUL BAS TSIM PAR BYA'O, ,DE NAS, 'DI NI SANGS RGYAS THAMS CAD NYID, ,CES BYA BA LA SOGS PAS YANG RDO RJE BRTUL ZHUGS BYIN LA, ,DE DANG LHAN CIG TU MTSAN MO GNYID MA LOG PAS DGA' BA DAM PA'I CHO GA DANG DPAL BDE BA CHEN PO'I SGOM PA DANG, GAR DANG GLU LA SOGS PAS GNAS SHING BZLAS PAR BYA'O, ,YANG SU LA YANG SMRA BAR MI BYA STE, ,ZHES BYA BA THAMS CAD MNA' BSKYAL ZHING 'JUG PA THAMS CAD LA YANG 'JUG CING MGON PO RNAMS LA MCHOD CING BSTOD LA, PHYOGS SKYONG LA GTOR MA BYIN NAS NYE REG BYAS TE PHYAG BTZAL NAS, AA RGHA DBUL ZHING DGE BA'I RTZA BA YONGS SU BSNGOS TE, DKYIL 'KHOR LA LAN GSUM BSKOR NAS, BADZRA DHRi KA AA ZHES BRJOD LA YI GE GSUM MU:'I YI GE'I MTHA' CAN GYIS NAM MKHA' DANG MNYAM PA NYID KYIS RANG GI LUS NGAG YID LA DKYIL 'KHOR GYI 'KHOR LO ZHUGS NAS AA K'A RO MA KHAm SARBA DHARM'A n'Am A'A DYA NU TPA NNA TV'A TA ZHES BYA BA BRJOD NAS DKYIL 'KHOR GYI 'KHOR LO PHYUNG ZHING SNGA MA BZHIN DU GSANG BA'I YE SHES KYI DKYIL 'KHOR GSHEGS SU GSOL NAS

RDUL TSON LA SOGS CHU BO CHEN PO LA GTOR ZHING SNGAGS DE NYID BRJOD PAS DKYIL 'KHOR GYI PHUR BU RNAMS BTON NAS BDUD RTZI DANG BCAS PA'I 'O MAS BKRUS LA RANG DANG SLOB MA DANG RGYAL PO RNAMS LA BSRUNG BA DANG ZHI BA'I DON DU DUS GSUM MNYAM PA NYID KYI SGOM PAS JI LTAR BDE BAS GNAS PAR BYA'O; ,DE NI THUGS KYI DKYIL 'KHOR GYI CHO GA STE CHO GA'I SGRA BSTAN TO, ,CHO GA MTHONG BA STE ZHES PA NI DKYIL 'KHOR GYI CHO GA DE NYID LA MTHONG BA'O, ,LAS DE ZHES PA NI DKYIL 'KHOR GYI CHO GA LAS GSUNGS PA'I BYA BA'I KHYAD PAR GYIS SO, ,GZHIR GYUR PA'I DKYIL 'KHOR ZHES PA LA 'DRI BA'I DKYIL 'KHOR JI LTA BA BZHIN DU RDUL TSON GYI 'BAR BA RDZOGS PAR BYAS NAS SO, ,DE NAS ZHES PA NI RDUL TSON GYIS DKYIL 'KHOR BRIS PA'I 'OG TU'O, ,SLOB DPON RDO RJE SLOB DPON GYIS SO, ,RDO RJE LA SOGS PA'I PHYAG RGYA RNAMS DGOD PAR BYA'O ZHES PA NI SNGAR BSHAD PA'I SNGON PO'I RDO RJE LA SOGS PA MTSAN MA SUM CU RTZA GNYIS SO ZHES BYA BA'I THA TSIG GO, ,CHOS KYI PHYAG RGYA ZHES BYA BA LA SOGS PAS MDOR BSTAN PA STE SKU GSUNG THUGS KYI RNAM PAR DAG PA LA SOGS PAS DE NYID GSUM GYIS RGYAS BTAB PA'O, ,YI GE H'Um LA SOGS PA CHOS KYI PHYAG RGYA'O ZHES PA NI, YI GE H'Um LA SOGS PA YIG 'BRU DE BZHIN GSHEGS PA'I SA BON YIN PA'I PHYIR DANG RGYU DANG 'BRAS BU DBYER MI PHYED PA'I PHYIR RO, ,DE BAS NA DE BZHIN GSHEGS PA'I BRDA BSTAN PA'I DUS SU YIG 'BRU LA SOGS PA PHAN TSUN MING DANG MING CAN GYI THA SNYAD YIN NO, ,CHOS KYI PHYAG RGYA'O ZHES PA NI, DE BZHIN GSHEGS PA'I BRDA'I MTSAN NYID KYI CHOS NI YI GE RNAMS KYIS BRJOD PAR BYA BA'I PHYIR RO, ,DE BZHIN GSHEGS PA'I DE KHO NA NYID RGYAS BTAB PA GANG GIS DE NI PHYAG RGYA'O, ,CHOS LA RGYAS BTAB PAS NA CHOS KYI PHYAG RGYA STE DE'I SKYES BU'I BSDU BA'O, ,RDO RJE LA SOGS PA MTSAN MA'I PHYAG RGYA'O ZHES PA NI, ,THUGS RDO RJE LA SOGS PA LHA SUM CU RTZA GNYIS KYIS BRTEN PA'I DKYIL 'KHOR DE RNAMS PHYAG MTSAN YIN PA'I PHYIR RO, ,DE'I RNAM PAR DAG PA'I LE'U SUM CU PA NAS BSTAN TO, ,MTSAN MA YANG YIN LA PHYAG RGYA YANG YIN PAS NA MTSAN MA'I PHYAG RGYA STE LAS 'DZIN

, ,PA'I BSDU BA'O, ,MI BSKYOD PA LA SOGS PA LHA'I 'KHOR LO NI ZHES PA LA ZHAL GSUM PA LA SOGS PA'I RNAM PAS THUGS RDO RJE LA SOGS PA'I DKYIL 'KHOR SNGON DU 'DRI BA'O, ,PHYAG RGYA CHEN PO'I ZHES PA NI ZHAL GSUM LA SOGS PA'I BDAG NYID GYI PHYAG RGYA YANG YIN LA, CHOS KYI DBYINGS LA SOGS PA'I YE SHES KYI RANG BZHIN YIN PAS CHEN PO YANG YIN TE, PHYAG RGYA CHEN PO NI BCOM LDAN 'DAS MI BSKYOD PA LA SOGS PA'I 'DRI BAR BYA BA'I SKU ZHES BYA BA'I DON TO, ,DE LA PHYAG RGYA CHEN PO NI SEMS KYI RANG BZHIN YIN TE SEMS NYID DE'I RNAM PAR SNANG BA'I PHYIR RO, ,CHOS KYI PHYAG RGYA NI NGAG GI RANG BZHIN TE YIG 'BRU RNAMS NGAG YIN PAS SO, ,MTSAN MA'I PHYAG RGYA NI LUS KYI RANG BZHIN TE DE RNAMS SU LUS KYIS 'DZIN PA'I PHYIR RO, ,SEMS CAN GYI RGYUD THAMS CAD LA LTOS NAS ZHES PA NI GTI MUG DANG 'DOD CHAGS DANG ZHE SDANG GI RIGS CAN GYI SEMS CAN GYI RGYUD THAMS CAD CES BYA BA LA SOGS PA STE, BSAM PA DANG BAG LA NYAL BA DANG RIGS DANG BAG CHAGS LA SOGS PA'O, ,LTOS NAS ZHES PA NI DE RNAMS LA BRTEN PAS SO, ,RNAM PA GSUM PO 'DI DAG GIS, ,ZHES PA NI BLO LA GNAS PA DBYE BA GSUM GYI CHOS LA SOGS PA ZHES BYA BA'I PHYAG RGYA RNAMS SO, ,DGOD PA YANG BYA'O ZHES PA NI DE DAG THAMS CAD BRI BAR BYA'O ZHES BYA BA'I THA TSIG GO, ,'DI SKAD BSHAD PA YIN TE GAL TE GTI MUG GI RIGS CAN GYI RNAL 'BYOR PA YIN NA DE'I TSE, PHYAG RGYA CHEN POS MTSAN MA'I DKYIL 'KHOR BRI BAR BYA'O, ,DE BZHIN 'DOD CHAGS DANG ZHE SDANG GI RIGS CAN DAG LA LTOS NAS CHOS DANG MTSAN MA'I PHYAG RGYA DAG DGOD PAR BYA'O, ,DE DAG LA NYE BAR MTSON PA'I DON TZAM DU ZHES PA NI CHOS DANG PHYAG RGYA CHEN PO DAG MTSON PAR BYA STE, THA MI DAD PA'I PHYIR RO ZHES SNGAR BSHAD ZIN TO, ,MTSAN MA'I PHYAG RGYA ZHES PA NI ZHE SDANG GI RIGS CAN GYI PHAL CHE BA LA BRTEN PAS SO, ,ZHE SDANG GI DE KHO NA NYID YIN PA'I PHYIR ZHES PA NI NYON MONGS PA ZHE SDANG DANG DE'I 'BREL PA DANG LDAN PA'I NYE BA'I NYON MONGS PA RNAMS KYANG THUGS RDO RJE 'CHANG GIS SBYANG BAR MDZAD PA'I PHYIR RO, ,RNAM SHES ZHE SDANG BSHAD PA STE, ,SPONG DANG

RIG PA GNYIS SBYOR BAS, ,ZHES 'BYUNG NGO, ,RDO RJE NI 'JIGS PA RNAMS KYANG 'JIGS PAR BYED PA'O ZHES PA NI 'KHOR BA LAS 'JIGS PAR 'GYUR BA'I 'JIGS PA NI NYON MONGS PA DANG SHES BYA'I SGRIB PA GNYIS SO, ,DE YANG 'JIGS PAR BYED PA NI MTHONG BA DANG BSGOM PA'I LAM GYI RIM PAS 'JOMS PAR BYED PA STE, CHOS KYI DBYINGS KYI YE SHES SO, ,DE NYID DBYER MED PAS NA RDO RJE STE, ,RDO RJE'I GZUGS SU PHYI ROL TU SNANG BA'I PHYIR RO, ,JI SKAD DU, SPANG BYA LNGA DANG RIG PA LNGA, ,RDO RJE ZHES BYA MNGON PAR BSHAD, ,BRTAN PA SNYING PO KHONG STONG MED, ,GCOD MED DBYER MED MTSAN NYID CAN, ,BSREG PA MED CING 'JIG MED PA, ,STONG PA NYID NI RDO RJER BSHAD, CES 'BYUNG NGO, ,RDO RJE NI DE BZHIN GSHEGS PA RNAMS SO ZHES PA NI ME LONG LTA BU LA SOGS PA MI PHYED PA'I YE SHES LNGA'I RANG BZHIN YIN PA'I PHYIR RO, ,'OD ZER LNGA STE ZHES PA NI ZHI BA LA SOGS PA'I LAS KYI RAB 'BYAMS LNGA'I RANG BZHIN NYID DO, ,DES 'KHOR LO RNAM PAR BRGYAN PA'O ZHES PA NI 'OD ZER LNGA DANG LDAN PA'I RNAM PAR SNANG MDZAD KYI PHYAG MTSAN ZHES BYA BA'I DON TO, ,DES NI 'KHOR LO KHA DOG DKAR PO YIN NA YANG DE BZHIN GSHEGS PA LNGA'I DE KHO NA NYID KYI RANG BZHIN BSTAN PA YIN TE, GANG GI PHYIR ME LONG LTA BU'I YE SHES NI MNYAM PA NYID LA SOGS PA'I YE SHES KYI CHAS KHYAB PA'I PHYIR RO, ,DE BZHIN DU GZHAN RNAMS KYANG SHES PAR BYA'O, ,RIN PO CHE LA 'OD ZER GYI TSOGS KYI RGYAL PO'O ZHES PA NI DE BZHIN DU RIN PO CHE YANG 'OD ZER LNGAS KHYAB PA ZHES BYA BA'I THA TSIG GO, ,KHA DOG SNA LNGA PA'O ZHES PA NI RAL GRI'I RANG BZHIN GYI 'OD LNGA YIN TE, LAS THAMS CAD PA YIN PA'I PHYIR RO, ,GANG GI PHYIR BYA BA NAN TAN GRUB PA'I YE SHES KYIS NI ZHI BA LA SOGS PA'I PHRIN LAS THAMS CAD 'GRUB PAR 'GYUR BAS SO, ,RAL GRI LA 'OD DE'I TSOGS KYIS KHYAB PA'O ZHES PA NI BYA BA NAN TAN SGRUB PAS BSAM PA SNA TSOGS PA'I GDUL BYA YIN PAS TSOGS YIN PA'I PHYIR RO, ,SHAR GYI MTSAMS LA ZHES PA NI ME'I MTSAMS LA'O, ,SPRIN GYI MDOG 'DRA BA STE ZHES PA NI MAG GI DBUS GNAG PA STE MIG 'BRAS SNGON PO YIN PAS SO, ,MTHA' DKAR BA'I 'OD DANG LDAN PA GANG YIN PA DE NI ZHES PA LA MIG GI MTHA' MA'I CHA GNYIS DKAR PO YIN

, ,PAS SO, ,SPRIN GYI MDOG DANG 'DRA BA ZHES BYA BA LA SOGS PAS LAS 'DZIN PA'I BSDU BA BYAS NAS KHA DOG DKAR PO DANG, NAG PO MIG LA BSTAN PA YIN TE ME LONG LTA BU'I YE SHES KYI DNGOS PO THAMS CAD KYI NGO BO NYID DE KHO NA NYID MTHONG BA'I PHYIR RO, ,RDO RJE'I RIGS LA LTOS PA STE; ,ZHES PA NI RDO RJE'I PHYAG MTSAN NO, ,GANG GI RIN CHEN GYI RIGS LA LTOS PAR GYUR PA ZHES PA NI NGA RGYAL KUN DE NAS 'CHAD PAR 'DOD NA M'A MA K'I NI RIN CHEN GYI RIGS CAN DU 'GYUR RO, ,DE'I TSE NA RIN PO CHE YANG M'A MA K'I NI PHYAG MTSAN DU GYUR TE ZHES PA NI RIN PO CHE YANG PHYAG MTSAN YIN NO ZHES BYA BA'I DON TO, ,RDO RJE NI MA YIN NO ZHES PA NI RDO RJE TZAM 'BA' ZHIG BKAG PA ZHES DGONGS PA'O, ,'O NA DE BZHIN GSHEGS PA LNGA'I RIM PA JI LTA BA BZHIN DU REG BYA RDO RJE MA DANG, SPYAN MA DANG, M'A MA K'I DANG, GOS DKAR MO DANG SGROL MA STE BTZUN MO MCHOG GO, ,DE LA M'A MA K'I NI RIN CHEN 'BYUNG LDAN GYI RIGS YIN PAS GNYIS KA'I RIGS CAN CI'I PHYIR ZHE NA, SMRAS PA, 'DIR KHAMS BZHI'I RANG BZHIN NI YUM BZHI STE, STONG PA NYID BZHI'I RANG BZHIN NYID DU RAB TU GRAGS SO, ,DE BZHIN GSHEGS PA LNGA YANG PHUNG PO LNGA RNAM PAR DAG PA'I RANG BZHIN NO ZHES THABS LNGA LA SHES RAB BZHI JI LTAR RIGS, ,DE BAS NA ZHE SDANG DANG NGA RGYAL DAG DBYER MED PAR BYAS NAS THUGS RDO RJE DANG YID BZHIN NOR BU'I RIGS DAG LA M'A MA K'I GCIG PU SBYAR NA RIGS GNYIS PAR 'GYUR, 'O NA DBUS KYI GTZO BO'I REG BYA RDO RJE MA NYID 'KHYUD PAR GNAS NA DE LA M'A MA K'IS DGOS PA CI BYA ZHE NA, SMRAS PA, REG BYA RDO RJE MA'I RNAM GRANGS CAN M'A MA K'I KHO NA YIN TE SKYON MED DO, ,DE NYID KYI PHYIR DE M'A MA K'I CHEN MO YIN NO ZHES MING DU GRAGS SO, ,DE BAS NA GNYIS KA'I RIGS CAN M'A MA K'I YIN NO ZHES BSTAN PA NI RIGS SO, ,PADMA KHA PHYE ZHING BYA BA LA SOGS PAS 'OD DPAG TU MED PA'I RIGS CAN GYI PHYAG MTSAN BSTAN TE SO SOR RTOG PA'I YE SHES KYI DNGOS PO THAMS CAD RAB TU 'BYED PAS RGYAS PA'I PHYIR RO, ,SPRIN SNGON PO LTAR ZHES PA NI KHA DOG LJANG GU AUTPALA SRID PA'I 'JIGS PA LAS GROL BAR BYED PA DAM TSIG GI RIGS KYI PHYAG MTSAN TE, BYA BA NAN TAN GRUB PA'I YE SHES

KYIS SEMS CAN THAMS CAD KYI RGYUD LHAG PAR GNAS PAR BYED PA'I PHYIR RO, ,DES NI NANG GI RIM PA PHYAG RGYA DGOD PA BSTAN PA YIN NO, ,PHYI'I RIM PA'I SGO RNAMS LA MTSAN MA'I PHYAG RGYA DGOD PA'I PHYIR THO BA ZHES SMOS TE GSHIN RJE MTHAR BYED KYI PHYAG MTSAN TE, NYON MONGS PA'I SGRIB BRLAG PAR BYED PA'I PHYIR RO, ,SNGON PO LA SOGS PA ZHES BYA BAS RIGS LNGA'I RANG BZHIN GYI 'PHAGS PA GZHAN GYIS MI THUB PA'I PHYAG MTSAN BSTAN TO, ,DBYUG PA NI SHES BYA'I SGRIB PA GDUL BAR BYED PA'I RANG BZHIN YIN PA'I PHYIR RO, ,PADMA ZHES PA NI LAS KYI SGRIB PA RNAM PAR SBYONG BA'I RANG BZHIN YIN PA'I PHYIR RO, ,RAL GRI LTAR RNO BA'I 'OD 'PHRO BA GANG YIN PA ZHES PA NI PADMA MTHAR BYED KYI PHYAG MTSAN GYI KHYAD PAR RO, ,RDO RJE NI SNA TSOGS RDO RJE'O ZHES PA LA RIG BYED BZHIN DU MDO RNAMS KYANG YIN NO ZHES BYA BAS SNGA MA'I TSIG MI MNGON PA ZHES BYA BA'I DGONGS PAS SO, ,BDUD RTZI 'KHYIL PA ZHES PA NI DE'I PHYAG MTSAN TE LAS THAMS CAD PA YIN PA'I PHYIR DANG, RNAM PAR SMIN PA'I SGRIB PA SBYONG BAR BYED PA BYA BA NAN TAN GRUB PA'I YE SHES KYI BDAG NYID DE KUN DU ZHAL YIN PA'I PHYIR RO, ,THUGS KYI DKYIL 'KHOR ZHES BYA BA LA SOGS PAS NYE BAR BSDUS PA YIN TE, MTSAN MA'I PHYAG RGYA'I DKYIL 'KHOR BRI BA'I CHO GA RDZOGS PA'I PHYIR RO, ,'DIR RGYA CHER ZHES PA NI BYANG CHUB SEMS DPA' DANG, MCHOD PA'I LHA MO DANG, KHRO BO DRUG PO'I MTSAN MA'I PHYAG RGYA DGOD PA'I SPROS PA DANG, DKYIL 'KHOR LA THIG GDAB PA LA SOGS PA'O, ,DKYIL 'KHOR GYI CHO GA LAS NI RANG GIS BYAS PA'AM DPAL KLU SGRUB KYI ZHAL SNGA NAS KYIS MDZAD PA LAS SO, ,BLTA BAR BYA BA NI DPYAD PAR BYA BA STE DE YANG SNGAR BSHAD ZIN TO, ,MCHOD PA RNAM PA GSUM NI DKYIL 'KHOR RDZOGS PA DANG BUM PA DANG DKYIL 'KHOR DANG LHA DANG SLOB MA LHAG PAR GNAS PA RDZOGS NAS SLOB MA 'JUG PA DANG, ,DE LA BYIN GYIS BRLAB PA DANG, DBANG BSKUR BA LA SOGS PA RDZOGS PA'I 'OG TU SLOB DPON GYIS DKYIL 'KHOR PA RNAMS MNYES PAR BYA BA'I PHYIR LUS KYI MCHOD PA PHYAG LA SOGS PA DANG, NGAG GI MCHOD PA BSTOD PA LA SOGS PA DANG, YID KYI NI DE'I RTZE GCIG PA NYID KYIS YID

, ,LA BYED PA'I MTSAN NYID KYI MCHOD PA BYA STE DE NI PHYI'I MCHOD PA'O, ,NANG GI MCHOD PA BSTAN PAR BYA BA'I PHYIR ZHES BYA BAS NANG GI MCHOD PA BSTAN TE, RANG GI RIGS KYI BU MO NI AUTPAL SNGON PO'I 'DAB MA DANG 'DRA BA'I SME SHA CAN GYI BU MO'O, ,GZUGS SDUG PA LA SOGS PA'I YON TAN DANG LDAN PA'O ZHES PA NI RANG BZHIN SKYES PA'I MDZES PA NYID DANG SMAN DANG NU MA CHEN PO DANG, RKED PA PHRA BA DANG MIG YANGS PA DANG MA MCHU DMAR BA LA SOGS PA'I YON TAN GYI TSOGS DANG LDAN PA ZHES BYA BA'I THA TSIG GO, ,LO GRANGS BCU DRUG LON PA ZHES PA NI GAL TE GZUGS KYI DKYIL 'KHOR DU LO BCU GNYIS LON PA GSUNGS PA DE BZHIN DU YANG GSUNG GI DKYIL 'KHOR LA MTHUN PA'I PHYAG RGYA GZUNG BA BSTAN TE, GSUNG DANG SKU'I DKYIL 'KHOR DAG LA THUGS KYI DKYIL 'KHOR LAS GSUNGS PA'I PHYAG RGYA GZUNG BA BZHIN NO, ,DRI DANG ME TOG CES BYA BA LA SOGS PAS PHYI'I YO BYAD KYIS MDZES PA NYID DANG LDAN PAR BSTAN TO, ,PHYAG RGYA'I MDZES PA NI RNAM PA GNYIS TE, ,RANG BZHIN PA DANG BYAS PA'O, ,DE LA RANG BZHIN PA NI LUS MDZES PA LA SOGS PA'I MTSAN NYID DO, ,BYAS PA NI RGYAN LA SOGS PA'I MTSAN MA'O, ,SNGA MA NI RTAG PA STE RGYAN MED PAS KYANG MDZES PA'I PHYIR RO, ,PHYI MA NI MI RTAG PA STE SNGA MA MED PAS YID MI MGU BA'I PHYIR RO, ,'DIR GNYIS KA YANG GZUNG BAR BYA'O, ,DKYIL 'KHOR DE'I DBUS SU ZHES PA NI DKYIL 'KHOR GYI SA GZHI'I PHYOGS GCIG DBUS SU DMIGS NAS DE DANG LHAN CIG SNYOMS PAR ZHUGS PAR BYA'O, ,GZHAN DU DKYIL 'KHOR LA GNOD PAR 'GYUR TE DE'I DBUS LA LHAG PAR MOS PA'I YID LA BYED PAS DE'I PHYOGS GCIG TU ROL PAR BYA BA ZHES BYA BA'I THA TSIG GO, ,SNGAR BSHAD PAR ZHES BYA BA NI THUGS KYI DKYIL 'KHOR LA MTHUN PA'I PHYAG RGYA'O, ,MKHAS PA ZHES PA NI 'O DANG 'KHYUD PA LA SOGS PA'I RNAM PA SNA TSOGS PA'I LAS KYI BYA BA LA MKHAS PA'O, ,DE LA SHING LA 'DZEG PA DANG, YAL GAS 'KHRIL BA DANG, TIL 'BRAS DANG CHU DANG 'O MA 'DRES PA ZHES BYA BA LA SOGS PA 'KHYUD PA RNAM PA BRGYAD DANG STOD SMAD KYI MCHU LA SOGS PA RNAM PA BRGYAD KYI TZUMBA NA DANG RI BONG MCHONG [?] BA DANG NOR BU'I PHRENG BA LA SOGS MTSAN NYID

KYI SEN MO 'DEBS PA DANG STAG RJES LA SOG PA'I MTSAN NYID KYI RNAM PA BRGYAD KYI SOS 'DEBS PA DANG RNAM PA BRGYAD KYI NYE BAR PHUL BA DANG RANG BZHIN DANG DUS DANG YUL GYI MTHUN PA NYID DANG, DRUG CU RTZA BZHI DBYE BA'I RKED PA'I LAS DANG, BDE BA'I SGRA DANG PHYIN CI LOG PA'I DGA' BA LA SOGS PA'I DBYE BA SHES PA GANG YIN PA DE NI SNGAGS PA MKHAS PA ZHES BSHAD DO, ,DE YANG DPAL RDO RJE GDAN BZHI'I RGYUD LAS 'BRANG BAR BYA'O, ,SNGAGS PA'O ZHES PA 'DI SNGAGS DANG RGYUD DANG SBYOR BA LA SOGS PA LA MKHAS PA'O, ,GANG YON TAN NYID KYIS SKE RAGS SU BYAS PA ZHES PA LA JI LTAR GSER LA SOGS PA SNA TSOGS PA'I RIN PO CHES BYAS PA'I SKE RAGS KYIS BUD MED KYI RKED PA'I PHYOGS MDZES PAR BYED PA, DE BZHIN DU YON TAN GYI RANG BZHIN GYI SKE RAGS KYIS BRGYAN PA'I PHYAG RGYAS THABS KYI SEMS 'PHROG PAR BYED DO ZHES BYA BA NI DGONGS PA'O, ,DE M'A MA K'I DANG 'DRA BAR BYIN GYIS BRLABS TE ZHES PA NI BSKYED PA'I RIM PAS THA MAL PA'I RANG BZHIN SPANGS NAS REG BYA RDO RJE MA'I MING GI RNAM GRANGS CAN M'A MA K'I'I RANG BZHIN DU SPRUL PA ZHES BYA BA'I THA TSIG GO, ,RANG BZHIN GYI THA MAL PA'I DNGOS PO BSAL TE ZHES PA NI DE NYID KYI DON TO, ,RIGS LNGAS ZHES BYA BA LA SOGS PAS RIGS LNGA'I BSKYED PA'I RGYUR GYUR PA AOm LA SOGS PA'I SA BON DE RIGS LNGA'O, ,KHYAB PA NI MGO BO LA SOGS PA GNAS LNGA LA DE DAG DGOD PA'O, ,MNYES PAR BYED PA'O ZHES PA NI BYED PA'I TSOGS DGOD PA SNGON DU 'GRO BAS ROL PAR BYA'O, ,YANG GI SGRA NI NGES PAR BZUNG BA LA'O ZHES PA NI NGES PAR BZUNG NA STE GZHAN LAS RNAM PAR GCOD PA'O, ,DE NAS NGES PAR MNYES PAR BYA BA KHO NA ZHES PA NI GNAS PA TZAM 'BA' ZHIG DANG, TZUMBA NA DANG 'KHYUD PA TZAM DGAG PAR BYED DE BDE BA CHEN PO DANG DE'I RGYUR GYUR PA'I BYANG CHUB KYI SEMS DAM PA RNAMS KYIS MI 'BYUNG BA'I PHYIR RO, ,DE NYID RNAL 'BYOR PA RNAMS KYI MCHOG TU BLANG BAR BYA BA YIN TE, DE MED PAS MCHOD PA NYID DU MI 'GYUR RO, ,SANGS RGYAS KUN LA MNYES BYED PA, ,DE NI MCHOD PA CHEN POR 'DOD, ,CES GSUNGS PA'I PHYIR RO, ,ZHI BA NI BYANG CHUB GYI SEMS TE ZHES PA NI ZHI BA NYID NI ZHI BA STE ZLA BA'I RANG BZHIN

, ,BYANG CHUB SEMS ZHES BYA BA'I DON TO, ,SPROS PA ZHES PA'I BSHAD PA NI RDO RJE'I LAM NAS PHYI ROL DU BYA BA'O ZHES PA STE, PHYOGS BCU'I 'JIG RTEN GYI KHAMS NA BZHUGS PA'I DE BZHIN GSHEGS PA THAMS CAD LA 'JUG PA SNGON DU 'GRO BAS MCHOG TU DGA' BA'I BDE BA MYONG ZHING RTZA STONG PHRAG BDUN CU RTZA GNYIS LAS 'BAB PA'I CHU'I RGYUN RGYU'I RNAM PAS BYANG CHUB KYI SEMS 'DZAG PAR 'GYUR NA RTAGS LNGA 'BYUNG BA'I DE MA THAG TU BDE BA CHEN PO NYAMS SU MYONG ZHING DE LA RTZE GCIG PA'I YID KYIS 'DI NI DON DAM PA'I BDEN PA'I PHYOGS YIN GYI KUN RDZOB KYI BDEN PA'I PHYOGS MA YIN NO ZHES RNAM PAR DBYANG NAS, SEMS CAN GYI DON MED PAS SNGA MA'I SMON LAM GYI 'BRAS BU MED BAR 'GYUR RO ZHES BYA BAS RMI LAM BZHIN DU SO SOR RTOG CING RANG GI PHYAG RGYA'I CHOS 'BYUNG GI NANG NA H'Um PHAt KYI RANG BZHIN GYI SGRAS BYANG CHUB KYI SEMS SPRO BAR BYA'O ZHES BYA BA'I DON TO, ,SANGS RGYAS RAB TU 'BYUNG BA ZHES PA NI DE BZHIN GSHEGS PA THAMS CAD KYI SKYED PA'I RGYUR GYUR PA STE DE LAS DE BZHIN GSHEGS PA THAMS CAD 'BYUNG BA'I PHYIR RO, ,NAM MKHA'I KHAMS MA LUS PAR BRGYAN PAR 'GYUR BA ZHES PA NI NAM MKHA'I DBYINGS MA LUS PA BRGYAN PAR BYED PA DE BZHIN GSHEGS PA SPRO BAR BYA'O, ,'DI SKAD BSTAN PA YIN TE ZHES BYA BA LA SOGS PAS BYANG CHUB KYI SEMS LAS BYUNG BA'I DE BZHIN GSHEGS PA BSGOM PAR BYA'O ZHES BYA BA'I THA TSIG GO, ,BYANG CHUB KYI SEMS 'BA' ZHIG GIS MCHOD PAR MA ZAD DE ZHES PA NI SHU KRA 'BA' ZHIG TU DGAG PA'O, ,GZHAN YANG LUS KYI RGYU MTHUN PAS KYANG ZHES PA NI KHAMS NYI SHU RTZA BZHI'I RDZAS KYI BDAG NYID KYI LUS PO LAS 'BYUNG BA MAR DA WE SHO MU DANG LCAGS KYU RNAMS KYIS SO, ,BDUD RTZI LNGA ZHES PA NI BSHAD PA LA SOGS PA RDZAS LNGA'O, ,DKYIL 'KHOR GYI 'KHOR LO LA DBUL LO ZHES PA NI DE'I CHO GA 'DI YIN TE, SKYES MA THAG PA'I BU CHUNG GIS LAM LHUNG BA'I BSHANG [?] PA KHAM PHOR KHA SBYAR DU GZHAG LA ZHAG BDUN GYI BAR DU RANG GI 'DOD PA'I LHA'I SNGAGS DANG RJE BTZUN YI GE BRGYA PA DANG LHAN CIG TU MNGON BAR BZLAS LA GRIB MA LA SKAM DU BCUG LA, PHYI NAS DRI BZANG DANG, SHR'I KHAndA DANG, TZANDAN BSRES

NAS BTAGS TE BSKYED PA'I RIM PAS RNAM PAR SNANG MDZAD KYI GZUGS SU BSKYED LA DE YONGS SU GYUR PA LAS SLAR YANG DE NYID RDZAS SU BSAM PAR BYA'O, ,DE MED NA RANG LAS BYUNG BA'I MTHA' MAR MA GYUR PA THIGS PA GSUM TZAM BLANG BAR BYA STE, DANG PO BYUNG BA'I RAGS PA'I DRI MA NI BLANG BYA MA YIN PA'I PHYIR RO, ,DE LA BYIN GYIS BRLAB PA'I RIM PA NI SNGA MA BZHIN DU'O, ,DRI CHU YANG THA MA NAS BYUNG BA'I THIGS PA GSUM TZAM MI BSKYOD PA'I RNAL 'BYOR GYIS BYIN GYIS BRLABS TE BLANG NGO, ,KHRAG KYANG LO BCU GNYIS LON PA'I BU MO'I RANG BYUNG BA'I ME TOG BLANG BAR BYA STE MED NA G-YON PA'I SRIN LAG LAS BYUNG BA'I RIN CHEN 'BYUNG LDAN GYI BSKYED PA'I RIM PAS BYIN GYIS BRLABS NAS BLANG NGO, ,BYANG CHUB KYI SEMS KYANG ZLA BA GZAS ZIN PA'I DUS SU DBANG PO GNYIS SNYOMS PAR ZHUGS PA LAS BYUNG BA SA LAM LTUNG BA DUNG PHOR GYIS BLANGS TE GSUNG RDO RJE'I RNAL 'BYOR GYIS BYIN GYIS BRLAB PA'O, ,ZLA BA GZAS ZIN DUS SU NI, ,KHA RU BCUG STE 'DZIN PAR BYA, ,ZHES GSUNGS PA'I PHYIR RO, ,LA LA NA RE THUR DU SEL BA'I RLUNG GYEN DU DRANGS NAS RNAL 'BYOR DANG RNAL 'BYOR MAS NGAG GI LAM NAS PHYUNG BA BLANG BAR BYA'O, ,SNANG BA MTHA' YAS KYIS BYIN GYIS BRLAB PA YANG DE NYID LA BYA'O, ,SHA CHEN PO YANG DPAL RDO RJE BDUD RTZI'I RGYUD LAS GSUNGS PA'I CHO GAS BLANG BAR BYA STE, DE LA RE ZHIG DANG PO RNAL 'BYOR PAS DPAL RDO RJE HE RU KA'I BDAG NYID BSGOMS LA, KENG RUS LA SOGS PA 'JIGS PA'I DUR KHROD KYI PHYOGS SU PHYIN NAS DE LA LANG TSO DANG LDAN PA LO BCU DRUG PA SO SUM CU RTZA GNYIS TSANG BA, 'GEGS NAS SHI BA GDOL PA MO'I BUD MED DANG YANG NA GANG YANG RUNG BA'I LUS PO MTHONG NAS DPA' BO'I SEMS BYAS LA BDUD RTZI 'KHYIL BA YONGS SU BZLAS PA'I BDUD RTZI DANG DRI BZANGS KYI CHUS DE NYID BKRUS LA DBANG BSKUR GYI CHO GAS DBANG BYIN LA KENG RUS KYI GDAN LA SGRUB PA PO'I SNGON PHYOGS SU BZHAG LA, DPAL RDO RJE HE RU KA BZLAS PA'I YUNGS KAR GYIS KHA LA GTOR TE RKANG DANG BCAS PA'I TIL MAR CHEN POS DE'I LUS BYUGS LA MDUN DU DPAL RDO RJE HE RU KA'I

, ,DKYIL 'KHOR BRIS TE, MCHOD PA RNAM PA LNGA LA SOGS PAS DE NYID MCHOD LA, RDO RJE DANG DRIL BA LAG NA THOGS PA PHYAG RGYA LNGAS BRGYAN PA KHRO BO'I TSIG GIS SNGAGS BRJOD BZHIN PAS DUR KHROD SA LA BZHUGS TE SPOS GTUL BA DANG, CANG TE'U'I SGRAS DE NYID DU GTUL BAR BYA'O, ,DE MA THAG TU 'BAB PAR GYUR PA RO LANGS TE HA HA DGOD PA'I SGRA SGROGS PAR BYED DE, DE NAS SGRUB PA POS DPAL HE RU KA'I NGA RGYAL DANG LDAN PA 'JIGS PA MED PAS 'DAS PA LA SOGS PA DE NYID LA DRIS TE, RANG GI LAG PAS DE'I LAG TU ZANGS GRI BYIN NAS; RANG GI SNA LA SOGS PA'I YAN LAG BRGYAD PA'I SHA'I DUM BU RNAMS BDAG LA BYIN CIG CES SMRA BAR BYA'O, ,DES KYANG KHYOD LA SGRUBS SHIG CES SMRAS NAS BYIN NA SGRUB PA POS BLANGS NAS DE GSHEGS SU GSOL BAR BYA'O, ,SGRUB PA POS KYANG DE DANG 'DRA BA'I SHA'I DUM BU BLANGS NAS DPAL LAS KYI RDO RJE'I BSKYED PA'I RIM PAS BSKYED PA SNGAR BSHAD PA'I RDZAS DANG 'DRES PAR BYA'O, ,DPAL RDO RJE BDUD RTZI RNAL 'BYOR CHEN PO'I RGYUD LAS KYANG, ,DE NAS GZHAN YANG BSHAD BYA BA, ,RO LANGS CHEN PO BSGRUB PA STE, ,MAR NGO'I BRGYAD DAM BCU BZHI LA, ,RTAGS GCIG GAM NI BZHI MDO'AM, ,SHING GCIG GAM NI SUM MDO'AM, ,CHU BO'I 'GRAM MAM RI BO LA, ,PHRIN LAS THAMS CAD 'GRUB BYA BA, ,RO LANGS KYANG NI DE BZHIN NO, ,MTSAN NYID THAMS CAD DANG LDAN PA'I, ,'GEGS NAS SHI BA BUD MED GANG, ,SME SHA CAN NA MA RIGS NGAN MA, ,YAN LAG MA NYAMS MDZES MA STE, ,ZHI BA SO NI SUM CU GNYIS, ,LO NI NYI SHU LNGA LON PA, ,YANG NA BU CHUNG SKYED DUS SU, ,SHI BA'I BUD MED RO BLANGS TE, ,LHA YI CHU YIS KHRUS BYA BA, ,SNGAGS DANG SMAN GYIS 'DRES PA YIS, ,TZANDAN DKAR PO GA BUR GYIS, ,DE NYID LUS LA BYUG PAR BYA, ,ME TOG SPOS KYIS MCHOD BYA BA, ,RNAM PA SNA TSOGS GTOR MA SBYIN, ,TIL MAR CHEN POS LUS BYUGS NAS, ,YUNGS KAR RNAMS NI GDONG LA GTOR, ,MI BSKYOD PA YI DKYIL 'KHOR NI, ,SGRUB PA POS DE BRI BAR BYA, ,ZLA BA PHYED DANG THOD PA DANG, ,BDUNG BA'I GZHU YI DBYIBS CAN TE, ,RIG PA BRGYAD DANG YANG

DAG LDAN, ,THOD PA RNAMS KYIS NYE BAR MDZES, ,GDAN NI THOD PA RNAMS YIN TE, ,THAMS CAD KYANG NI KHA tV'Am 'DZIN, ,ZHAL GSUM PA DANG PHYAG DRUG PA, ,BDAG PO'I GZUGS CAN RAL GRI THOGS, ,DE YI DKYIL 'KHOR PHYI ROL DU, ,PHYOGS SKYONG RNAMS NI DGOD PAR BYA, ,BA SNA DANG NI GLANG SNA DANG; ,BZHIN BZANGS DANG NI BZHIN MI BZANG, ,DRAG PO LCAGS KYU THOGS PA STE, ,'JIGS SU RUNG BA'I 'JIGS BYED PA, ,ZHAL GCIG PA DANG PHYAG GNYIS PA'I, ,ME TOG SPOS MA LA SOGS BRI, ,ROL MO RNAM PA SNA TSOGS PA'I, ,DKYIL 'KHOR LA NI MCHOD PHYIR BRI, ,DE NAS DPA' BO SGRUB PA POS, ,RDO RJE HE RU GZUGS 'CHANG BA, ,DUNG CHEN POS NI BRGYAN BYAS NAS, ,COD PAN THOD PA RNAMS KYIS BYA, ,DE LA CANG TE'U BRDUNG BYA STE, ,GAR BYED PAS NI GRONG DU 'JUG ,SNGAGS RNAMS KYIS NI LUS BCINGS PA, ,DE LA PHYI SGRA SGROGS PAR BYA, ,KHRAG CHEN POS NI BSANG GTOR NAS; ,DKYIL 'KHOR MCHOG NI MCHOD PAR BYA, ,DPAL LDAN RDO RJE HE RU KA'I, ,SGRUB PA POS NI SNGAGS CHEN BZLAS, ,KHRO DANG BCAS PA'I RO LANGS KYIS, ,HA HA DGOD PA SGROGS PAR BYED, ,SNGAGS PA CHEN POS 'JIGS MI BYA, ,RDO RJE HE RU YANG DAG DRAN, ,RO LANGS DE NI LANGS NAS SU, ,SGRUB PA PO LA 'DI SKAD SMRA, ,DPA' BO CHEN PO BDAG CI BYED, ,RDO RJE CAN MCHOG BKA' LUNG SBYIN, ,RAL GRI MIG SMAN SA 'OG DANG, ,MKHA' SPYOD NYID DANG RGYAL BA NYID, ,SGRUB PA PO NI GANG 'DOD PA, ,LAS NI DE NYID SGRUB PAR BYED, ,DE NAS SGRUB PA POS SMRAS PA, ,GANG DANG GANG NI YID KYIS 'DOD, ,PADMA RGYAS PA'I M'A MA K'I, ,DE DE THAMS CAD SGRUB PAR BYED, ,RDO RJE BDUD RTZI LAS BYUNG BA'I, ,RO LANGS SGRUB PA MCHOG YIN NO, ,LUS DANG NGAG YID DAG PA'I PHYIR, ,SGRUB PA PO LA BDE BSKYOD PA'O, ,RDO RJE BDUD RTZI BDE BA CHE, ,BCOM LDAN RDO RJES DE SKAD GSUNGS, ,ZHES 'BYUNG NGO, ,RDZAS LNGA DE DAG BSDUS NAS RLUNG DANG ME'I DKYIL 'KHOR GYI STENG DU YI GE AA LAS BYUNG BA KHA DOG DMAR PO PADMA'I SNOD BSGOMS NAS, DE'I STENG DU BDUD RTZI LNGA'I SA BON LAS BSKYED PA'I RDZAS BSAMS LA, ,DE RNAMS LA YANG YIG 'BRU BKOD NAS, DE YONGS SU GYUR PA LAS DE BZHIN GSHEGS PA MI

, ,BSKYOD PA LA SOGS PA LNGA BSGOMS TE RNAL 'BYOR DANG RJES SU RNAL 'BYOR DANG SHIN DU RNAL 'BYOR DANG RNAL 'BYOR CHEN PO BYAS LA DE BZHIN GSHEGS PA THAMS CAD 'JUG PA SNGON DU 'GRO BAR RJES SU CHAGS PA'I TING NGE 'DZIN DAM PAS BZHUGS PA'I GZUGS CAN RNAM PAR BSAMS LA DE YONGS SU GYUR PA LAS 'O MA'I RGYA MTSO'I DBA' RLABS LTAR DKAR LA BYANG CHUB KYI SEMS NYID DU BSGOM PAR BYA'O, ,DE NAS BCOM LDAN 'DAS YI GE GSUM GYIS SBYANG BA LA SOGS PA BYAS LA DE NYID KYIS BYIN GYIS BRLABS PA DKYIL 'KHOR PA RNAMS LA DMIGS NAS, AOm SARBA TA TH'A GA TA PRI nA YA ME SV'A H'A, ZHES BYA BA'I SNGAGS KYIS DBUL BAR BYA'O, ,BDAG NYID KYI LAG PA DANG GDONG PA LA SOGS PA SBYANGS NAS LUS KYI DKYIL 'KHOR YANG TSIM PAR BYA'O, ,DE NYID BSTAN PAR BYA BA'I PHYIR LHA BSHOS SU GYUR PAS DKYIL 'KHOR GYI 'KHOR LO LA BSTABS PAR BYA ZHING ZHES BYA BA SMOS TE, SNGAGS KYIS BYIN GYIS BRLABS PA'I KHYAD PAR GYI RDZAS DANG BCAS PA'I SNOD NI LHA BSHOS SU GYUR PA DE NYID KYIS BSAMS PAS SO, ,DE NYID KYIS BDAG NYID TSIM PAR BYA'O ZHES PA NI BDAG RANG GIS KYANG DE NYID BZA' BAR BYA'O, ,DE LTAR BYA BA LA SOGS PAS NANG GI BDAG NYID KYI MCHOD PA'I PHAN YON BSTAN TO, , GZUGS KYI PHUNG PO LA SOGS PA ZHES PA NI DE RNAMS DAG PAR GYUR NA, SANGS RGYAS KYI NGO BO 'BYUNG BAR 'GYUR BA DANG, RANG BZHIN GYIS KYANG CHOS THAMS CAD DE BZHIN GSHEGS PA'I NGO BO YIN PA'I PHYIR RO, ,'DIR RNAM PAR DAG PA NI RNAM PA GNYIS DE KHYAB PAR BYED PA DANG NYI TSE BA'O, ,DE LA KHYAB PAR BYED PA NI GZUGS KYI PHUNG PO LA SOGS PA STONG PA NYID DU GRAGS PA'O, ,NYI TSE BA NI SO SOR NGES PA NYID KYIS RNAM PAR SNANG MDZAD LA SOGS PA'I MTSAN NYID DO, ,'DIR NI GNYIS KA YANG GZUNG BAR BYA'O, ,MDOR BSDUS PAS NI PHUNG PO LNGA, ,SANGS RGYAS LNGAR NI RAB TU GRAGS, ,RDO RJE SKYE MCHED NYID DAG KYANG, ,BYANG CHUB SEMS DPA'I DKYIL 'KHOR MCHOG ,CES 'BYUNG NGO, ,DE NYID BSTAN PAR BYA BA'I PHYIR, ,MIG LA SOGS PA'I SKYE MCHED DE, ,ZHES BYA BA LA SOGS PA SMOS SO, ,GRAGS PA CHE ZHING ZHES PA NI MNGON PAR SHES PA'I YE SHES THOB PA'O, ,

SPYOD PA BZANG PO DE RNAMS ZHES PA NI SKAD CIG TZAM GYIS BSKAL PA'I DNGOS PO RNAMS MTHONG BA LA GZHOL BA'O, ,MNYES SHING ZHES BYA BA LA SOGS PAS 'GRO BA'I MIG LA BDE BA STER BAR 'GYUR TE CHOG MI SHES PA YIN PA'I PHYIR RO, ,DE DUS BRTZAMS NAS DE NI RTOG MED PA, ,DE YI DBYIBS DANG KHA DOG MTSAN CI BZHIN, ,BSAM GYIS MI KHYAB RNAM PAR SMIN PA'I SKU, ,SDOM PA DE LAS BYA BA BYAS PAS THOB, ,CES 'BYUNG NGO, ,DE BZHIN DU, MI BSKYOD BSTEN PA'I RNAL 'BYOR PA, ,NAD RNAMS KUN DANG BRAL BAR 'GYUR, ,ZHES BYA BA LA SOGS PA BSHAD PA'I RGYUD LAS GSUNGS SO, ,DRANG BA'I DON TO ZHES PA NI, ,BSKYED PA'I RIM PA GTZO BOR GYUR PA'I DKYIL 'KHOR BSTAN PA'I PHYIR RO, ,LUNG GI BSHAD PA BRJOD PAR BYA BA ZHES PAS DKYIL 'KHOR GYI RNAM PAR DAG PA'I MTSAN NYID KYI DE KHO NA NYID BSTAN PAR BYA BA'I PHYIR BDAG NYID KYI YE SHES NI DKYIL 'KHOR LTA BUR SNANG NGO ZHES BSTAN PAR BYA STE, DE NAS ZHES BYA BA NI SDUD PA PO'I TSIG GO, ,THUGS KYANG YIN LA THUGS NYID DKYIL 'KHOR YIN PAS THUGS KYI DKYIL 'KHOR DE LAS 'DZIN PA'O, ,'DIR RANG BZHIN GYIS SAM RNAM PAR DAG PA'I RIM PAS DAG PA'I SEMS GANG YIN PA DE NYID SNYING PO LEN PAS NA DKYIL 'KHOR ZHES BYA'O, ,RDO RJE YE SHES NI YE SHES LNGA STE DE DANG 'DRA BA NI DE'I RANG BZHIN TE DE'I BDAG NYID DU 'JUG PA ZHES BYA BA'I DON TO, ,LUS LA SOGS PA THA MAL PA'I NGO BO SPANGS NAS 'OD GSAL BA'I RANG BZHIN DU GYUR PA GANG YIN PA DE NYID THUGS KYI NGO BO YIN NO ZHES BYA BA'I SNYING PO LEN PAS NA SKU GSUNG THUGS KYI DKYIL 'KHOR ZHES BYA BA'I DON TO, ,GZHAN YANG JI LTA BU YIN ZHE NA, 'DI NI DGU'I BDAG NYID CES PA NI SNANG BA DANG SNANG BA MCHED PA DANG SNANG BA NYE BAR THOB PA DANG STONG PA DANG SHIN DU STONG PA DANG STONG PA CHEN PO DANG SHES RAB DANG THABS DANG MA RIG PA'I RANG BZHIN NO, ,YANG NA GSUNG RAB YAN LAG DGU PA'I RANG BZHIN ZHES KHA CIG ZER RO, ,DE'I PHYIR MCHOG YIN NO, ,SNA TSOGS LUNG GI BRDAR GYUR PA, ,ZHES PA NI RNAM PA SNA TSOGS PA'I LUNG GIS NYE BAR MTSON PA'I SEMS ZHES BYA BA'I THA TSIG GO, ,DE LA SEMS NI GCIG YIN TE NYAN THOS LA SOGS PA'I RIGS SNA TSOGS PA'I

, ,GDUL BYA'I DBANG GIS NGO BO THA DAD PAR SNANG STE, NGO BO SNANG BA THAMS CAD SEMS KYI ME LONG LA GZUGS BRNYAN DU SNANG STE, SHEL GYI NOR BU LA SNGON PO LA SOGS PA BZHIN NO, ,LHA RNAMS LA NI DMIGS PA'I PHYIR, ,SEMS CAN MOS PA SNA TSOGS PA, ,SEMS RDO RJE LAS RNAM GROL BA'I; ,LHA GZHAN GRUB PA MA YIN NO, ,SEMS KYI BYANG CHUB RNYED BYA BA, ,SEMS KYIS 'GRO BA LNGAR 'GRO BA, ,SEMS LAS MA GTOGS KHA CIG NI, ,BDE DANG SDUG BSNGAL MTSAN NYID MED, ,CES 'BYUNG NGO, ,KUN RDZOB NI BTAGS PA'I TSUL DU SO SOR SNANG BA STE DNGOS PO'I TSIGS SO, ,DOD NA DAM PA NI DNGOS PO THAMS CAD KYI CHOS NYID KYI MTSAN NYID DE STONG PA NYID DO, ,RNAM PAR RTOG PA GZHAN MED PA, ,RNAM PAR RTOG PA KUN RDZOB BSHAD, ,RNAM PAR RTOG PA LDOG PA YIN, ,DON DAM PA NI DE NYID YIN, ,ZHES BSHAD DO, ,KUN RDZOB DANG NI DON DAM PA DE DAG PHAN TSUN MED PAR MI 'BYUNG BAS 'JUG PA YIN TE, ,'PHAGS PA BRGYAD STONG PA'I SHES RAB KYI PHA ROL DU PHYIN MA LAS, JI SKAD DU, RAB 'BYOR GZUGS NI RANG BZHIN GYIS STONG PA NYID DANG, GZUGS KYANG STONG PA NYID DANG, ,STONG PA NYID KYANG GZUGS SO, ,GZUGS LAS STONG PA NYID THA DAD PA MA YIN, STONG PA NYID LAS KYANG GZUGS THA DAD PA MA YIN TE, ,GNYIS SU MED PA RNAM PA GNYIS MED PA BCAD DU MED PA ZHES 'BYUNG NGO, ,KLU SGRUB KYI ZHAL SNGA NAS KYIS KYANG, ,MED PAR MI 'BYUNG NGES PA NI, ,BYAS DANG MI RTAG PA BZHIN NO, ,ZHES 'BYUNG NGO, ,KUN RDZOB DANG DON DAM PA DE DAG SEMS GANG LA DBYER MED PAR SNANG BA DE GNYIS PA STE, GNYIS SU MED PA'I YE SHES KYI NGO BOS MDZES PA ZHES BSTAN TE, RNAM PAR RTOG PA GNYIS KYI DRI MA DANG BRAL BA'I PHYIR RO, ,YANG NA KUN RDZOB NI YE SHES KYI SKU STE, BDAG LA BYIN GYIS BRLAB PA'I RIM PAS SO, ,DON DAM PA NI 'OD GSAL BA STE, ,MNGON PAR BYANG CHUB KYI RIM PAS SO, ,DE DAG GNYIS SU MED PA'I ZUNG DU 'JUG PA'I RIM PAS THOB PAR BYA BA'I RDO RJE'I SKU STE, MI GNAS PA'I MYA NGAN LAS 'DAS PA'I DBYINGS KYI RANG BZHIN NO, ,DE NYID MDZES PA NI BSKAL PA'AM BSKAL PA STONG GI BAR DU SEMS CAN GYI DON MDZAD PA LA BRTZON PAS SO, ,SHES RAB 'DI NI THIG

YIN TE, ,ZHES PA NI CHOS THAMS CAD STONG PA NYID KYI RANG BZHIN SO SOR RTOG PAR BYED PA'I BDAG NYID CAN GYI BLO NI SHES RAB BO, ,DE NYID THIG BTAB PA YIN TE KHAMS GSUM PA SEMS CAN DANG SNOD KYI 'JIG RTEN GNYIS SO, ,DE'I RANG BZHIN GYIS MTSON PAS SO, ,CHAD PA'I PHYOGS SPANG BAR BYA BA'I DON DU THABS NI DE'I RJES SU 'JUG PA ZHES SMOS TE, 'GRO BA MA LUS PA'I DON BYED PA'I SNYING RJE CHEN PO NI THABS SO, ,DE LA RJES SU 'JUG PA NI LDANG BA'O, ,SHES RAB CES BYA BA NI THIG GDAB PA YIN TE, SHES RAB DANG SNYING RJE DAG GIS SEMS CAN GYI DON 'GRUB PA'I PHYIR RO, ,CHOS DANG LONGS SPYOD RDZOGS PA ZHES PA NI SKU GNYIS KYI RANG BZHIN GYI DKYIL 'KHOR TE THUGS KYI DKYIL 'KHOR RO, ,DE LA ZAG PA MED PA SHES RAB KYI PHA ROL DU PHYIN PA'I RANG BZHIN NI SANGS RGYAS RNAMS KYI CHOS KYI SKU NYID DO, ,DE NYID SEMS CAN RNAMS KYI DON MDZAD PA'I PHYIR MTSAN DANG DPE BYED KYIS MDZES PA NI LONGS SPYOD RDZOGS PA'I SKU'O, ,SHES RAB THABS KYI THIG GCIG GIS, ,ZHES PA NI STONG PA NYID DANG SNYING RJE GTZOR GYUR PA'I SEMS KYI RGYUD KYIS SO, ,THUGS KYI DKYIL 'KHOR THIG GDAB BYA, ,ZHES PA NI DE'I BAG CHAGS DANG LDAN PA'I SEMS KYI RGYUD BYA BA GANG YIN PA DE NI THIG BTAB PA ZHES BYA'O, ,RTEN 'BREL YAN LAG BCU GNYIS PA, ,ZHES PA NI 'DI LTA STE, MA RIG PA DANG, 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA BA DANG, SHI BA'O, ,DE RNAMS LAS DANG PO DANG BRGYAD PA DANG DGU BA NI NYON MONGS PA'O, ,GNYIS PA DANG BCU PA NI LAS SO, ,LHAG MA BDUN NI SDUG BSNGAL LO, ,GSUM PO DE DAG GIS BSDUS PA'I YAN LAG BCU GNYIS KYIS 'GRO BA 'DI NYID YONGS SU 'KHOR TE 'KHRUL 'KHOR BZHIN NO, ,DE LA DBANG PHYUG LA SOGS PA BYED PA PO KHA CIG YOD PA MA YIN TE, GANG GIS 'DI SPRUL PAR BYA BA YIN, YAN LAG BCU GNYIS PA RTEN CING 'BREL PAR 'BYUNG BA'I RANG BZHIN GYI SRID PA 'KHOR LO 'DI MTHONG BA DANG, BSGOM PA'I LAM GANG GIS SBYANG BAR BYA BA DE NI SEMS NYID KHRU BCU GNYIS PA'I DKYIL 'KHOR ZHES

, ,BYA'O; ,BDEN PA NI BZHI STE, SDUG BSNGAL DANG, KUN 'BYUNG BA DANG, 'GOG PA DANG, LAM MO, ,DE LA 'PHAGS PA RNAMS KYI BDEN PA GNYIS DANG, 'PHAGS PA RANG GI BDEN PA GNYIS SO, ,DE LA SDUG BSNGAL NI NYE BAR LEN PA'I PHUNG PO LNGA STE 'BRAS BU'O, ,KUN 'BYUNG NI MA RIG PA DANG SRID PA STE RGYU'O, ,'GOG PA NI NYON MONGS PA DANG BRAL BA'I MTSAN NYID DO, ,LAM NI RNAM PA LNGA STE, 'JIG RTEN PA DANG 'JIG RTEN LAS 'DAS PA'I DBYE BAS SO, ,DE RNAM PAR DAG PAR BYED PA SEMS NYID NI BZHI ZHES BYA BA'I DON TO, ,TSANGS PA'I GNAS BZHI ZHES PA NI BYAMS PA DANG SNYING RJE DANG DGA' BA DANG BTANG SNYOMS SO, ,DE LA SEMS CAN THAMS CAD BDE BA DANG LDAN PAR GYUR CIG CES BSAM PA GANG YIN PA DE NI BYAMS PA STE, RNAM PAR SNANG BA DANG KHRO BA LA SOGS PA LDOG PAR BYED PA'I LAS CAN NO, ,SDUG BSNGAL DANG LDAN PA'I SEMS CAN RNAMS SDUG BSNGAL DANG BRAL BAR GYUR CIG CES BSAM PA NI SNYING RJE'O, ,BSOD NAMS CAN GYI SEMS CAN RNAMS KYI DGE BA LA RJES SU YI RANG BA'I BSAM PA GANG YIN PA DE NI DGA' BA'O, ,BSOD NAMS MED PA'I SEMS CAN RNAMS LA KHROD KHRO BA DANG RJES SU CHAGS PA DANG BRAL BA'I BSAM PA GANG YIN PA DE NI BTANG SNYOMS SO, ,DE RNAM PAR DAG PA'I RNAL 'BYOR PA'I SEMS NYID GRVA BZHI YIN ZHES BYA BA'I DON TO, ,JI SKAD DU BYAMS PA DANG SNYING RJE DANG DGA' BA DANG BTANG SNYOMS DANG BDE BA DANG SDUG BSNGAL BA DANG BSOD NAMS DANG BSOD NAMS MED PA'I YUL CAN BSGOM PAS SEMS DAG PAR 'GYUR RO ZHES 'BYUNG BA DANG, DE BZHIN DU, BSAM GTAN TSAD MED GZUGS MED PAS, ,TSANGS PA LA SOGS BDE THOB 'GYUR, ,ZHES 'BYUNG NGO, ,BSDU BA'I DNGOS PO GRANGS NI BZHI STE, SBYIN PA DANG, TSIG SNYAN PA DANG, DON SPYOD PA DANG, DON MTHUN PA'O, ,YAN LAG BZHI PO DE DAG GI RNAL 'BYOR PAS SEMS CAN RNAMS BSDU BAR 'GYUR RO, ,LONGS SPYOD 'DOD PA LA NI SBYIN PAS BSDUS SO, ,NGA RGYAL DANG LDAN PA DANG ZHE SDANG DANG BCAS PA LA NI TSIG SNYAN PAS SO, ,GTI MUG DANG LDAN PA LA NI DON SPYOD PAS SO, ,DE DAG THAMS CAD LA NI DON MTHUN PAS SO, ,RNAM PAR DAG PA DE NYID KYIS RNAL 'BYOR PA'I

SEMS NYID NI SGO BZHI YIN TE, GANG GI PHYIR SGO NAS JI LTAR SROG CHAGS RNAMS KHANG PA LA SOGS PA LA 'JUG PA DE BZHIN DU BSDU BA'I DNGOS PO'I SGO NAS THAR PA'I GRONG KHYER LA SEMS CAN RNAMS 'JUG PA LA 'JUG GO, ,RE RE NI BSDU BA'I DNGOS PO RE RE'I GRANGS KYIS BZHI'I MING CAN NI SGO BZHI PO'I MING GI THA SNYAD DU BYA'O, ,CHOS NI KUN RDZOB KYI BDEN PA'O, ,DE NYID DON NI DON DAM PA'I BDEN PA'O, ,DE DAG DBYER MED PA STE ZUNG DU 'JUG PA'I TING NGE 'DZIN GYI SGO NAS BRDA STE MING CAN NO, ,'KHOR LO'I NANG GI DKYIL 'KHOR RO ZHES PA NI SNYING PO'I DKYIL 'KHOR ZHES PA STE KUN RDZOB DANG DON DAM PA DBYER MED PA'I NGO BO RDO RJE 'CHANG CHEN PO'I DE KHO NA NYID NI NANG GI DKYIL 'KHOR GYI RNAM PA SO SOR SNANG BA STE SEMS NYID CES BYA BA'I DON TO, ,MI BYED YE SHES MTSAN MA STE, ,ZHES PA NI CHOS KYI DBYINGS KYI YE SHES KYI RANG BZHIN NO, ,RDO RJE AINDRA N'I LA RGYA, ,ZHES PA LA DBUS SU MI BSKYOD PA'I PHYAG RGYA GANG YIN PA DE NI SEMS NYID DO ZHES BYA BA'I DON TE,, MI PHYED PA'I RANG BZHIN YE SHES DE NYID SEMS TE DE'I RNAM PA LNGA NYID DU BSTAN PAR BYA BA'I PHYIR, RNAM PA LNGA YI DBYE BAR BSHAD, ,CES SMOS TE SEMS NYID GANG YIN PA DE NYID ME LONG LTA BU LA SOGS PA'I YE SHES LNGA'I RANG BZHIN TE DRI MA RNAMS GLO BUR BA YIN PA'I PHYIR RO, ,CHU KHAMS GSER DANG NAM MKHA' NI, ,DAG PA BZHIN DU DAG PAR 'DOD, ,CES 'BYUNG NGO, ,YE SHES LNGA NI KUN GZHI LA SOGS PA RNAM PAR SHES PA LNGA'I GNYEN PO'I PHYOGS YIN PAS RTZE MO 'KHOR BA 'JIGS BYED PA'O, ,YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA'O, ,ZHES 'BYUNG NGO,, RGYUD PHYI MA LAS KYANG, ,SPANG BYA LNGA DANG RIG PA LNGA, ,RDO RJE ZHES NI BSHAD PA YIN, ,ZHES 'BYUNG NGO, ,SHAR NAS ZHES BYA LA SOGS PAS RNAM PAR SNANG MDZAD KYI MTSAN MA 'BAR BA DANG BCAS PA'I 'KHOR LO GANG YIN PA DE NI ME LONG LTA BU'I YE SHES KYI RANG BZHIN DU SHES PAR BYA STE, DE BAS NA RNAL 'BYOR PA'I SEMS LA BSGOM PA'I DUS SU SA DANG POR MTHONG BA'I LAM GYI ME LONG LTA BU'I YE SHES 'BYUNG BAR 'GYUR RO, ,DE BAS NA PHYI ROL DU YANG SHAR PHYOGS SU DE NYID RNAM PAR DGOD PAR BYA'O, ,DE BZHIN DU LHO RU ZHES BYA BA LA SOGS PAS LHO PHYOGS SU YID BZHIN NOR BU RIN CHEN GANG

, ,YIN PA DE NI MNYAM PA NYID KYI YE SHES KYI RANG BZHIN TE SEMS NYID DU RTOGS PAR BYA'O, ,BSGOM PA'I LAM GYI SA GNYIS PA DANG GSUM PA DANG BZHI PA LA DE NYID KHAMS GSUM PA DANG DBYER MED PA'I SNANG BAS SO, ,DE BAS NA RIN THANG MED PA DANG, DKON PAS NA DE NYID RIN PO CHE ZHES BYA'O, ,NUB TU ZHES BYA BA LA SOGS PAS NUB KYI PHYOGS SU NGAG GI DBANG PHYUG GI MTSAN MA PADMA GANG YIN PA DE NI KUN DU SO SOR RTOG PA'I YE SHES KYI RANG BZHIN GYI SEMS NYID DU SHES PAR BYA BA STE, SA LNGA PA DANG DRUG PA DANG BDUN PA LA KHAMS GSUM YANG DAG PAR SO SOR RTOG PA'I BDAG NYID DU SKYES PA'I PHYIR RO, ,BYANG DU ZHES BYA BA LA SOGS PAS BYANG PHYOGS SU RAL GRI GANG YIN PA DE NI KHAMS GSUM GYI YUL GYI RNAM PAR RTOG PA GCOD PAR BYED PAS NA BYA BA NAN TAN GRUB PA'I RANG BZHIN GYI SEMS NYID DU SHES PAR BYA STE, SA BRGYAD PA DANG DGU PA DANG, ,BCU PA LA KUN GZHI GNAS SU GYUR PA DANG, LAS KYI DBANG DANG YE SHES KYI DBANG GIS RANG BZHIN DE SKYES PA'I PHYIR RO, ,RNAM PAR MI RTOG PA'I TING NGE 'DZIN LA ZHUGS PA'I SANGS RGYAS BCOM LDAN 'DAS RNAMS KYI SEMS CAN GYI DON MDZAD KYANG, SEMS CAN RNAMS NI MI DMIGS TE, ,SKYES BU YID BZHIN NOR BU BZHIN, ,DE YI PHRAD PA TZAM GYIS NI, ,RTZIG PA LA SOGS RNAMS LAS KYANG, ,JI BZHIN BSTAN PA RNAMS 'BYUNG NGO, ,ZHES 'BYUNG NGO, ,SHAR LHO ZHES BYA BA LA SOGS PA LA ME'I MTSAMS SU SANGS RGYAS SPYAN MA'I MTSAN MA MIG GANG YIN PA DE NI DGA' BA DANG SBYOR BA'I 'DOD PA MTHONG BA'I RANG BZHIN TSANGS PA'I GNAS BYAMS PA ZHES BYA BA'I NGO BO RANG GI SEMS NYID DU SHES PAR BYA'O, ,LHO NUB CES BYA BA LA SOGS PA NI BDEN BRAL GYI MTSAMS SU M'A MA K'I'I MTSAN MA RDO RJE GANG YIN PA DE NI SDUG BSNGAL BA DANG BRAL BAR 'DOD PA'I MTSAN NYID TSANGS PA'I GNAS SNYING RJE ZHES BYA BA'I RANG BZHIN RNAL 'BYOR PA'I SEMS NYID DU SHES PAR BYA STE, SDUG BSNGAL GYI NGO BO RNAMS GZHOM PA'I PHYIR RO, ,NUB BYANG ZHES BYA BA LA SOGS PA NI RLUNG GI MTSAMS SU GOS DKAR MO'I MTSAN MA PADMA GANG YIN PA DE NI SEMS CAN THAMS CAD KYI DGE BA'I SPYOD PA RJES SU YI RANG BA'I MTSAN NYID

TSANGS PA'I GNAS DGA' BA ZHES BYA BA'I NGO BO SEMS NYID DU SHES PAR BYA STE, PADMA KHA PHYE BA NI DGA' BA DANG LDAN PA'I BDE BA RGYAS PAR 'GYUR BA'I PHYIR RO, ,BYANG SHAR ZHES BYA BA LA SOGS PA NI DBANG LDAN GYI MTSAMS SU BCOM LDAN 'DAS MA SGROL MA'I MTSAN MA AUTPALA SNGON PO GANG YIN PA DE NI DGE BA DANG MI DGE BA'I DRI MA GNYIS DANG BRAL BA BTANG SNYOMS KYI NGO BO'I SEMS NYID DE, AUTPALA BZHIN DU 'DAM LAS BYUNG NA YANG DE'I SKYON GYIS MI GOS PA'I PHYIR RO, ,DE BZHIN DU SBYIN PA LA SOGS PA BSDU BA'I DNGOS PO BZHI DON DANG LDAN PA'I MING CAN SNGAR BSHAD PA GANG YIN PA DE DAG SHAR LA SOGS PA'I SGO BZHI LA GNAS PA 'PHAGS PA GSHIN RJE MTHAR BYED LA SOGS PA KHRO BO'I RGYAL PO BZHI'I MTSAN MA THOB LA SOGS PA BZHI'I RANG BZHIN GYI SEMS NYID DU SHES PAR BYA'O, ,DE NYID BSTAN PAR BYA BA'I PHYIR, DE BZHIN SHAR SGOR ZHES BYA BA LA SOGS PAS BSTAN TO, ,PHYAG RGYA DGOD PA'I MTSAN NYID NI PHYI ROL GYI MTSAN MA'I PHYAG RGYA DGOD PA'I DE KHO NA NYID CES BYA BA'I DON TO, ,LEGS PAR ZHES BYA BA LA SOGS PAS DKYIL 'KHOR GYI DE KHO NA NYID NYE BAR SDUD PAR BSTAN TO, ,LEGS PAR BSHAD PA NI JI LTA BA BZHIN DU GSAL BAR BSHAD PA'O, ,JI LTA BA'I DBYIBS KYIS MCHOD PA ZHES PA NI DE DANG 'DRA BA'I RANG GI SEMS NYID DO, ,RNAM GSUM BSGOMS PAS GYUR PA YIN, ,ZHES PA NI SNANG BA LA SOGS PA'I YE SHES GSUM GYI MCHOD PAS MCHOD PAR BYED DE 'OD GSAL BA LA 'JUG GO, ,DE NYID RNAM PA GSUM GYI MCHOD PA YIN TE, ,MCHOD PA'I 'BRAS BU YIN PAS SO, ,DANG POR CHEN PO ZHES PA NI MCHOD PA'I KHYAD PAR RO, ,DES NA SEMS RNAM PAR DAG PA'I MTSAN NYID KYI MCHOD PA NI MCHOD PA CHEN PO ZHES BYA'O, ,DE YI BRTUL ZHUGS MI BSHAD DE, ,BGRANG PHRENG MA YIN BZLAS PA MIN, ,'DZIN PA DANG NI SBYIN SREG LAS, ,GZHAN DAG KYANG NI 'JUG PA MIN, ,ZHES 'BYUNG NGO; ,PHYAG RGYA'I DKYIL 'KHOR YIN PAR BSHAD, ,CES BYA BA LAS, PHYAG RGYA NI CHOS KYI DBYINGS KYI YE SHES KYI RANG BZHIN TE CHOS NYID CES BYA'O, ,DE NYID SNYING PO'I DON LEN PAS NA DKYIL 'KHOR ZHES BSHAD DO, ,NANG LA SOGS PA'I DBYE BA YIN, ,ZHES PA NI SNANG BA DANG SNANG BA MCHED PA DANG

, ,SNANG BA NYE BAR THOB PA DANG ZHI BA DANG STONG PA DANG SHIN DU STONG PA DANG CHEN PO STONG PA DANG THAMS CAD STONG PA DANG SHES RAB DANG THABS DANG MA RIG PA DANG 'OD GSAL BA DANG, NYIN MO DANG MTSAN MO DANG DUS MTSAMS DANG DE DANG LDAN PA'I MTSAN NYID DE SKAD CIG MA BCU DRUG GO, ,STONG PA NYID BCU DRUG CES ZER RO, ,DE'I GRANGS KYIS LO BCU DRUG LON PA'I SEMS NYID DE SHES RAB BSTAN TO, ,MA SKYES PA YI ZHI BA GANG, ,ZHES PA NI GZOD MA NAS MA SKYES PA'I DE KHO NA NYID NI CHOS NYID DO, ,SPROS PA THAMS CAD DANG BRAL BAS NA ZHI BA'O, ,RKYEN GZHAN MED PA ZHI BA NI, ,SPROS PA RNAMS KYIS MA SPROS PA, ,THA DAD MA YIN DU MA MIN, ,DE NI DE NYID MTSAN NYID DO, ,ZHES SO, ,BUD MED CES PA NI, SHES RAB KYI PHA ROL DU PHYIN PA ZHES BSHAD DO, ,ZHI BA'I CHOS DANG RJES LDAN PA, ,ZHES PA NI 'OD GSAL BA LA 'JUG PA'I SEMS TZAM DE NYID KYI ZHI BA'I CHOS DANG RJES SU 'GRO BA'I YON TAN GANG YIN BA DE NI MDANGS BZANG 'OD YIN PAR BSHAD DO, ,RTEN 'BREL BAG CHAGS DRI YIN TE, ,ZHES PA NI, SHES RAB KYI PHA ROL DU PHYIN PA DE NYID RTEN CING 'BREL PA BCOM PA'I MTSAN NYID KYI BAG CHAGS TE DANG RIG PA'I CHOS GANG YIN PA DE NI SEMS KYI RGYUD DGA' BAR BYED PAS NA DRI ZHES BYA'O, ,NYON MONGS PA LAS RNAM GROL BA'I, ,SNANG BA GSUM DANG BRAL BA'O, ,ZHES 'BYUNG BAS SO, ,YE SHES KHA PHYE ME TOG GO, ,ZHES PA NI, DE LTAR GYUR PA'I 'OD GSAL BA'I YE SHES LAS KHA PHYE BA NI CIG CAR RAM SNANG BA NYE BAR THOB PA LA SOGS PA'I RIM PAS YE SHES TE SKU BSKYED PA GANG YIN PA DE NI 'GRO BA MA LUS PA'I RE BA YONGS SU RDZOGS PAR BYED PAS DGA' BA BSKYED PAS NA ME TOG CES BYA'O, ,DE DANG 'DRA BA'I DRI DANG ME TOG DAG GIS BRGYAN PA'I SHES RAB KYI PHA ROL TU PHYIN PA BUD MED CES BYA'O, ,DNGOS PO MED PA RIGS YIN TE, ,ZHES PA NI DE NYID KYI THAMS CAD MKHYEN PA'I YE SHES MI ZAD PA THOG MA DANG THA MA MED PA CHOS KYI DBYINGS KYI DE KHO NA NYID RANG BZHIN MED PA'I RIGS ZHES BYA BA STE, CHOS THAMS CAD NI 'OD GSAL BA LAS BYUNG BA'I PHYIR RO, ,JI LTAR CHU BO DANG BA LAS, ,NYA DAG MYUR BAR LDANG BA LTAR, ,THAMS CAD STONG PA DANG BA LAS, ,SGYU 'PHRUL DRA BA 'BYUNG BAR

'GYUR, ,ZHES 'BYUNG NGO, ,DE BZHIN DU, ,'OD GSAL DAG PA DE NYID LAS, ,YE SHES GSUM NI YANG DAG 'BYUNG, ,ZHES 'BYUNG NGO, ,CHOS DBYINGS ZHES BYA BA LA SOGS PA NI, ,SNGAR BSHAD PA'I MTSAN NYID CAN CHOS KYI DBYINGS KYI YE SHES KYI NGO BO 'OD GSAL GYI RANG BZHIN BUD MED DE, SA BCU GNYIS PA LA SHES RAB MNYAM PAR BYA BA NI SNGAGS DANG PHYAG RGYA'I RIM PAS MNYES PAR BYA'O, ,DE NYID KYI PHYIR SHES RAB NI SNGAGS KYI MTSAN NYID DANG PHYAG RGYA'I MTSAN NYID DANG LDAN PA'I SHES RAB KYIS SO, ,SGYU MA THAMS CAD RNAMS KYIS NI, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,DE LAS GSAL BAR MTSON PAR BYED, ,CES 'BYUNG NGO, ,SEMS RNAM PAR DAG PA'I RIM PAS 'OD GSAL BA'I RANG BZHIN GYI SHES RAB M'A MA K'I'I MING GIS THA SNYAD BYA BA'I PHYIR, NANG NA MA YIN PHYI NA MIN, ,ZHES SMOS TE, NANG NI MIG LA SOGS PA'I SKYE MCHED RNAMS SO, ,PHYI NI GZUGS LA SOGS PA'I YUL RNAMS SO, ,GNYIS KA NI SEMS CAN GYI 'JIG RTEN DANG SNOD KYI 'JIG RTEN DAG GO, ,RNAM PAR RTOG PA DE DAG GSUM SPANGS PAS GNAS MED PA'I 'OD GSAL BA'O, ,DE LA GNAS PA'I RNAL 'BYOR NI 'JUG PA'I MTSAN NYID KYI 'BREL PA GANG YIN PA DE NI M'A MA K'I ZHES BYA'O, ,M'A MA'I SGRAS NI DGAG PA GNYIS RJOD PAR BYED PA DANG, K'I'I SGRAS KYANG PHUR BUS GDAB PA BZHIN DU DGAG PA NYID BSTAN PA'I PHYIR RO, ,DE'I NGO BO NYID GCIG PA ZHES PA NI 'OD GSAL BA'I RANG BZHIN LHAN CIG SKYES PA'I DGA' BA'I MTSAN NYID KYI DE KHO NA NYID DO, ,GCIG NI GNYIS SU MED PA STE RNAL 'BYOR LA 'JUG PA GANG YIN PA DE NI BYIN GYIS BRLAB PA ZHES BYA'O, ,NAM MKHA' DANG NI GCIG TU GNAS, ,ZHES PA DE NI NAM MKHA'I DBYINGS DANG 'DRA BA MI GOS PA DE KHO NA NYID DO, ,SPROS PA MED PAS NI ZHI BA'O, ,SANGS RGYAS THAMS CAD SKYED PA'I RGYUR GYUR PAS NA SANGS RGYAS KYI GNAS SO, ,'GYUR NI BSGOM PAR BYA'O, ,GANG G'A'I BYE MA DANG MTSUNGS PA'I, ,'DI NYID LAS NI SANGS RGYAS 'GYUR, ,ZHES 'BYUNG NGO, ,DE BAS NA 'OD GSAL BA'I DE KHO NA NYID LA 'JUG PA'I PHYIR RO, ,YUL DU RNAM BRTAGS PA ZHES PA NI MIG LA SOGS PAS LONGS SPYOD PA GZUGS LA

, ,LA SOGS PA BSTAN TO, ,SDUD PA DAG NI BSHAD PA YIN, ,ZHES PA MIG LA SOGS PA'I DBANG PO LA 'JUG PAS NA DE KHO NA ZHES BYA'O, ,YE SHES DBANG PO STONG PA GCI, ,ZHES PA NI MIG GI RNAM PAR SHES PA LA SOGS PA DRUG DANG, DE BZHIN DU MIG LA SOGS PA'I DBANG PO DRUG GANG YIN PA DE RNAMS KYI STONG PA NI 'OD GSAL BA'I CHOS NYID GCI BA YIN TE NYON MONGS PA THAMS CAD ZAD PAR BYED PA'I PHYIR RO, ,RNAM PA DAG CHOS NI ZHES PA NI RANG BZHIN BRGYA DRUG CU'I TSOGS SPONG BAR BYED PA'I MTSAN NYID DO, ,DE NYID SRID PA LA 'KHOR BA'I MTSAN NYID KYI MYA NGAN GCOD PAS NA KHU BA ZHES BYA'O; ,THAMS CAD MKHYEN PA'I YE SHES NI 'OD GSAL BA LA RTOGS PA'I YE SHES KYI MTSAN NYID DO, ,SEMS CAN GYI DON GYI BYA BA LA RJES SU CHAGS PAS DE NYID KHRAG CES BYA'O, ,GANG ZHIG CHOS RNAMS YONGS SU BRTAGS PA, ,ZHES PA NI PHYI DANG NANG GI CHOS TE BDUD RTZI LNGA LA SOGS PAS BRDA RU BYAS PAS DBANG PO LA SOGS PA'O, ,DE NYID LHA RNAMS ZHES PA NI CHOS NYID LA 'JUG PA'I PHYIR RO, ,DNGOS PO MED PA NI SEMS RNAM PAR DAG PA'I MTSAN NYID KYI STONG PA NYID GANG YIN PA DE LA SNGAR BSHAD PA'I DE RNAMS DBUL PA NI 'JUG PAR BYA'O, ,DE NI BDUD RTZI LNGA 'BUL BA, ,ZHES BSHAD DO, , DE BYAS ZHES BYA BA LA SOGS PA NI 'DIR SANGS RGYAS DANG RGYAL SRAS NI PHUNG PO LA SOGS PA'O, ,KHYAD PAR DU ZHES PA NI THE TSOM MED PAS SO, ,MNYES PAR GYUR PA ZHES PA NI 'OD GSAL BA NYID DU 'GYUR RO, ,GANG YANG ZHES BYA BA LA SOGS PAS PHYI'I DKYIL 'KHOR LA MNGON PAR ZHEN PA'I LTA BA GANG YIN PA DE RNAMS KYIS DE SPANG PAR BYA BA'I PHYIR DE LTAR SEMS KYI NGO BO'I MTSAN NYID BSTAN TE, BSHAD PA'I RGYUD LAS BCOM LDAN 'DAS KYI GSUNGS SO ZHES TSIG GI LHAG MA BSTAN TO, , DE NYID BSTAN PAR BYA BA'I PHYIR, ,DE LTAR BRI BA'I DKYIL 'KHOR LA SOGS PA BSTAN PAS ZHES SMOS TE, PHYI'I DKYIL 'KHOR BRI BA DANG MCHOD PA LA SOGS PA'I RIM PAS SO, ,YONGS SU DAG PA'I LHA'I NGO BO NYID RAB TU GNAS PA YIN TE ZHES PA NI SEMS RNAM PAR DAG PA DANG BDAG LA BYIN GYIS BRLAB PA DAG GIS THOB PAR BYED PA YID KYI RANG BZHIN GYI SKU BSTAN TO, ,NGES PA'I DON TO ZHES

PA LA SEMS RNAM PAR DAG PA DANG BDAG LA BYIN GYIS BRLAB PA'I RIM PA GNYIS BSTAN PA'I PHYIR RO, ,THUGS RDO RJE ZHES PA NI THUGS RDO RJE BDAG PO NYID DU 'JUG PA 'DRI BA'I DKYIL 'KHOR ZHES BYA BA'I THA TSIG GO, ,DKYIL NI SNYING PO STE ZHES PA NI RTOG PA DANG BCAS PA'I RDUL TSON LA SOGS PA NYID DU SNANG BA'O, ,KUN RDZOB KYI BDEN PA'O ZHES PA NI GZHI'I DKYIL 'KHOR ZHES PA'I DON TO, ,DE LEN CING 'DZIN PAS NA DKYIL 'KHOR TE ZHES PA NI BYIN GYIS RLOB PAR BYED PA GANG YIN PA DE NI LHA'I 'KHOR LO'I BDAG NYID KYI RTEN PA'I DKYIL 'KHOR ZHES BYA BA'I DON TO, ,DRANG BA'I DON TO ZHES PA NI RTEN DANG BRTEN PA'I RANG BZHIN GYI DKYIL 'KHOR SO SOR BSTAN PAS SO, ,DKYIL 'KHOR NI SNYING PO DE DON DAM PA'I BDEN PA'O ZHES PA NI SEMS RNAM PAR DAG PA'I RIM PA THOB PAR BYA BA'I DE KHO NA NYID BZHI PA'O, ,DE LEN CING 'DZIN PA NA DKYIL 'KHOR DE ZHES PA NI DNGOS PO THAMS CAD KYI DE KHO NA NYID DU GYUR PA'I DON DAM PA'I BDEN PA LEN PAR BYED PA TING NGE 'DZIN GYIS THOB PAR BYED PA'I YE SHES ZHES BYA BA'I DON TO, ,LUNG GI TSAD MA NYID BSTAN PAR BYA BA'I PHYIR, JI SKAD DU ZHES BYA BA LA SOGS PA BSTAN TO, ,BSHAD PA'I RGYUD CES BYA BA NI RDO RJE PHRENG BA LAS SO, ,YAN LAG KUN BSGOM LAS 'DAS SHING, ,ZHES PA NI DANG POR SBYOR BA DANG DKYIL 'KHOR RGYAL BA MCHOG DANG LAS KYI RGYAL BA MCHOG STE BSGOM PA'I YAN LAG KUN NO, ,DE LAS 'DAS PA NI DE DANG BRAL BA ZHES BYA'O, ,RTOG PA NI 'JUG PA DANG GNAS PA DANG LDANG BA'I MTSAN NYID KYI RLUNG GI SPYOD PA'O, ,RTOG MIN NI SNANG BA GSUM DANG RANG BZHIN RNAM PA GSUM MO, ,DE DANG BRAL BA RNAM PAR SPANGS PA ZHES PA NI RANG BZHIN SNANG BA RNAM PAR DAG PAR BYED PA'I DE KHO NA NYID KYIS DE RNAMS SPANGS PA'O ,GUG SKYED NI AI LA SOGS PA DBYANGS BCU DRUG GO, ,THIG LE NI SNYING GA LA DGOD PA'I YUNGS KAR PHRA MO'I TSAD TZAM MO, ,'DAS PA NI DE DANG BRAL BA'O, ,'DI NI DKYIL 'KHOR ZHES PA NI SNYING POR GYUR PA'I 'OD GSAL BA'I DE KHO NA NYID CES BYA STE, THAMS CAD STONG PA 'OD GSAL BA, ,ZHES BSHAD PA'I PHYIR RO, ,MCHOG YIN NO ZHES PA NI DON DAM PA'I BDEN PA'I RANG BZHIN YIN NO, ,NGES PA'I DON TO

, ,ZHES PA NI SEMS RNAM PAR DAG PAS 'OD GSAL BA'I DE KHO NA NYID BSTAN PA'I PHYIR RO, ,SGRON MA GSAL BAR BYED PA'I t'I K'A LAS LE'U BZHI PA'O,, ,,RIM PA GNYIS ZHES BYA BA LA SOGS PAS LE'U LNGA PA'I BSHAD PA BRTZAM PAR BYA STE, DE LA LE'U DANG PO NAS RNAM PA GNYIS KYI LHA'I SKU BSTAN TO, ,LE'U GNYIS PA NAS DON DAM PA'I BDEN PA 'BA' ZHIG TU BSTAN TO, ,LE'U GSUM PA NAS LHA'I SKU'I BDAG NYID KUN RDZOB KYI BDEN PA BSTAN TO, ,LE'U BZHI PA NAS KUN RDZOB DANG DON DAM PA'I BDEN PA'I BDAG NYID KYI THUGS KYI DKYIL 'KHOR BSTAN TO, ,DE LTAR BSGOMS PAS RIM PA GNYIS YONGS SU RTOGS PA'I RIM PA GNYIS RTOGS PA'O, ,DBANG BSKUR BA THOB PAS KYANG ZHES PA NI LE'U BZHI PA NAS GSUNGS PA'I RIM PAS SO, ,SPYOD PA DANG BRAL BAS NI 'GRUB PAR MI 'GYUR RO ZHES PA NI SPROS PA LA SOGS PA'I RNAM PA GSUM GYI SPYOD PA SPANGS NAS RNAL 'BYOR PAS DNGOS GRUB THOB PAR MI 'GYUR RO ZHES BYA'I DON TO, ,GANG GI PHYIR RIM GYIS BSGOM PA DANG GOMS PAS BLA NA MED PA'I GO 'PHANG THOB PAR 'GYUR RO, ,SPYOD PA NI RGYU YIN TE DES 'BRAS BUR GYUR PA'I DE KHO NA NYID KHONG DU CHUNG PAR 'GYUR RO, ,GOMS PAS THOB PAR BYA BA YIN GYI RANG BZHIN GYIS THOB PAR BYA BA MA YIN NO, ,GOMS PA'I SBYOR BAS CI ZHIG BYA, , GZOD NAS GRUB PA'I NGO BO NYID, ,DE NYID RANG BZHIN GYIS GRUB KYI, RNAM RTOG LAS SKYES MA YIN NO, ,YE SHES RIM PA SPANGS NAS NI, ,GANG ZHIG 'DI LTAR RTOG BYED PA, ,DE YI DBYE BA MI SHES PAS, ,PHYIR YANG DE RNAMS SLOB BZHIN 'GYUR, ,LAS DANG PO YI 'JIG RTEN 'DI, ,DON DAM PA LAS 'JUG PA'I PHYIR, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES BSHAD PA'I PHYIR RO, ,DE BZHIN GSHEGS PA THAMS CAD KYI ZHES PA NI SKU RDO RJE 'CHANG LA SOGS PA RNAMS KYI'O, ,SKU DANG GSUNG DANG THUGS KYI BDAG NYID CAN GYI ZHES PA NYE BAR SDUD PAR BYED PA DPAL RDO RJE SEMS DPA'O, ,DE LA, RIGS NI RNAM PA BRGYAR BSTAN TE, MDOR BSDUS PA NI RNAM PA LNGA, ,SKU GSUNG THUGS KYI DBYE BA YIS, ,PHYI NAS RNAM PA GSUM DU 'GYUR, ,ZHES 'BYUNG NGO, ,DE NYID KYI PHYIR DE RNAMS KYI BDAG PO YIN PAS NA RGYAL PO STE KHAMS GSUM GYI BDAG PO'O, ,SA 'OG

DANG SA STENG DANG MTHO RIS RNAMS SU RJES SU STON PAR MDZAD PAS NA ZHES PA NI MTHO RIS DANG SA BLA DANG SA 'OG LA GNAS PA'I SEMS CAN GYI KHAMS GDUL BA LA BRTZON PAS STON PA ZHES BYA'O, ,KHYAB 'JUG DANG LHA CHEN PO LA SOGS PA 'JIG RTEN GYI LHA RNAMS SHES PA LA MNGON PAR SHES PA LNGA THOB PA'I PHYIR RO, ,NYAN THOS LA SOGS PA ZHES PA NI, ,NYAN THOS PA DANG RANG SANGS RGYAS DANG BYANG CHUB SEMS DPA' RNAMS SO, ,'JIG RTEN LAS 'DAS PA ZHES PA NI MNGON PAR SHES PA DRUG THOB PA'I PHYIR RO, ,YANG NA BDAG DANG BCAS PA DANG BDAG MED PA'I PHYOGS KYI LTA BA GTZO BO YIN PAS 'JIG RTEN PA DANG 'JIG RTEN LAS 'DAS PA NYID DO, ,YANG NA RNAM PAR 'TSE BA DANG BCAS PA DANG, RNAM PAR 'TSE BA MED PAS SO, ,RDZU 'PHRUL LA SOGS PAS ZIL GYIS GNON PAR MDZAD PAS NA ZHES PA NI 'BAR BA DANG SNANG BA LA SOGS PA LUS KYI RDZU 'PHRUL DANG, BSTAN PA LA SOGS PA GSUNG GI RDZU 'PHRUL DANG, RTZE GCIG PA LA SOGS PA THUGS KYI RDZU 'PHRUL GYIS DE RNAMS ZIL GYIS GNON PAR MDZAD PA'I PHYIR RO, ,JI SKAD DU, RGYA MTSO YI NI GTING MI RNYED, ,BA YI RJES DANG 'DRA BAR 'GYUR, ,GANG TSE KHYOD KYI BLO ZAB PA, ,GTING DANG PHA ROL MED MTHONG NA, KHYOD KYI BSTAN PA MNGON GYUR PAS, ,CHOS RNAMS KUN GYIS MI G-YO BA, ,SA YI KHAMS KYI BRTAN PA NYID, ,SHING GI 'DAB RTZE LTAR YANG 'GYUR, ,ZHES 'BYUNG NGO ,BDAG DANG GZHAN GYI TSOGS KYI ZHES PA NI DE LA BDAG GI TSOGS NI SNGAR BSHAD PA NYAN THOS LA SOGS PA'O, ,GZHAN GYI TSOGS NI GRANGS CAN LA SOGS PA'O, ,DE RNAMS KYI SPYOD PA NI GANG ZAG DANG CHOS LA BDAG MED PA'I SPYOD PA DANG, SKYES BU LA SOGS PA YOD PA'I MTSAN NYID LA SOGS PA'O, ,MCHOG GI CHOS SHES PA NI YON TAN MCHOG DANG LDAN PA'O, ,DE RNAMS KYIS DON DU GNYER BAR BYA BA'I PHYIR DON TO, ,DE NAS LAS 'DZIN PA'O, ,DE LTAR RANG DANG GZHAN GYI TSOGS KYIS MNGON PAR 'DOD PAR BYA BA BCOM LDAN 'DAS RDO RJE 'CHANG CHEN PO ZHES BYA BA'I DON TO, ,DE LA SANGS RGYAS RNAMS KYI 'OD ZER GYI 'KHOR LOS BSKUL BAS MU STEGS PA DANG NYAN THOS LA SOGS PA YANG DAG PAR RDZOGS PA'I BYANG CHUB THOB PAR 'GYUR TE, BSOD

, ,NAMS KYI NI TSOGS BSAGS NAS, ,DE YANG 'JIG RTEN 'DREN PAR 'GYUR, ,ZHES BSHAD PA'I PHYIR RO, ,THAR PA 'DOD PA THAMS CAD KYIS KYANG, THAMS CAD MKHYEN PA NYID GSOL BA GDAB PAR BYA BA YIN PAS SO ZHES PA NI MU STEGS DANG NYAN THOS LA SOGS PA THAMS CAD MKHYEN PA NYID 'DOD PAS SO, ,SEMS NI RAB TU 'JUG PA LA, ,SPYOD PA LA NI 'JUG MI BYA, ,'KHOR BA RAB TU BCOM PA'I PHYIR, ,KUN GYI BLO NI MNYAM PO YIN, ,ZHES BSHAD DO, ,SPROS PA DANG BCAS PA DANG SPROS PA MED PA DANG SHIN DU SPROS PA MED PA STE SPYOD PA RNAM PA GSUM PO ZHES PA NI RIM PA GNYIS LA BRTEN TE, RNAL 'BYOR PA RNAMS KYIS SPYOD PAR BYA'O, ,BSKYED PA'I RIM PA'I RNAL 'BYOR PAS GNYIS SPYOD PA DANG, RDZOGS PA'I RIM PA'I RNAL 'BYOR PAS GCIG SPYOD PAR BYA STE KHYAD PAR RO, ,SPYOD PAS NI KHYAD PAR RO ZHES PA NI BRTUL ZHUGS KYI KHYAD PAR GANG GIS SO, ,DE'I MTSAN NYID NI RANG GI NGO BO NYID DE ZHES PA NI 'CHAD PAR 'GYUR PA'I SPYOD PA GSUM GYI DE KHO NA NYID DO, ,BKA' STZAL PA STE ZHES PA NI RIG BYED KYI TSUL DU DUS LOG PAR BSTAN TO, ,SGRA JI BZHIN PA'O ZHES PA NI SPYOD PA JI LTA JI LTAR GSUNGS ZHES BSTAN PA'I PHYIR RO, ,GANG LA BRTEN NAS SPYOD PA RDO RJE THEG PA DE NYID KYI KHYAD PAR BSTAN PAR BYA BA'I PHYIR, ,DON DAM PA'I BDEN PA STE THAB PA'I MTSAN NYID DO ZHES PA LA, SHES RAB KYI PHA ROL TU PHYIN PA'I NGO BO CHOS THAMS CAD KYI CHOS NYID KYI MTSAN NYID 'OD GSAL BA'I RIM PA GNYIS PA DANG BZHI PA THOB PAR BYA BA MAN NGAG BZHI PA DE KHO NA NYID CES BYA'O; ,KUN RDZOB KYI BDEN PA STE ZHES PA NI DON THAMS CAD BYED PA LA GZHOL BA, RIM PA GSUM PA DANG BZHI PA THOB PAR BYA BA YE SHES KYI SKU 'AM RDO RJE'I SKU'I MTSAN NYID DE LHA RNAM PA GNYIS KYI RNAL 'BYOR GYI MTSAN NYID DO, ,DE NYID KYI PHYIR RGYA CHE BA'I MTSAN NYID DE ZHES BYA BA 'GRO BA'I DON BYED PA LA BRTZON PA, ,SAR ZHING SAR PA'I DKYIL 'KHOR GYI 'KHOR LO SPROS PAS NAM MKHA'I KHAMS MA LUS PA RDZOGS PAR BYED PA'I RANG BZHIN NO, ,GNYIS PO DE DAG CES PA NI KUN RDZOB DANG DON DAM PA'I BDEN PA GNYIS SO, ,GNYIS SU MED PA'I RNAM PA ZHES PA NI MI GNAS PA'I MYA

NGAN LAS 'DAS PA'I DBYINGS KYI RNAM PA'O, ,YANG DAG PAR NI JI LTAR BSTAN PA DE BZHIN DU BSGOM PA'O, ,RNAL 'BYOR PA DE ZHES PA NI DE LTA BU'I SGRUB PA PO RNAMS SO, ,'DOD CHAGS LA SOGS PAS 'KHRUGS KYANG ZHES PA NI 'DOD CHAGS KYI SPYOD PA SPROS PA DANG BCAS PA ZHES BYA BA DANG LDAN PA YANG NGO, ,THEG PA MCHOG NI RDO RJE THEG PA ZHES PA LA SNGAGS KYI THEG PA CHEN PO ZHES BYA'O, ,GTAN TSIGS BSHAD PAR BYA BA'I PHYIR THEG PA THAMS CAD KYI BLA MAR GYUR PA ZHES SMOS SO, ,DE LA NYAN THOS PA'I THEG PA NI THEG PA CHUNG NGU ZHES BYA STE, RANG GI DON TZAM 'GRUB PA DANG THABS DANG THABS LAS BYUNG BA'I LAM DANG 'BRAS BU MA DAG PA'I PHYIR RO, ,DE LA RE ZHIG MI SDUG PA'I BSGOM PA NI KENG RUS BSGOM PA'I BDAG NYID YANG DAG PA'I LAM MA YIN TE, DE DAG NGO BO NYID KYIS MA GRUB PA'I PHYIR RO, ,'BRAS BU YANG 'GOG PA'I SNYOMS PAR 'JUG PA'I MTSAN NYID NI YANG DAG PA MA YIN TE BAG CHAGS DANG BCAS PA'I PHYIR DANG SLAR YANG DE RNAMS BYUNG NAS 'KHOR BA'I RGYA MTSOR LHUNG BA'I PHYIR RANG SANGS RGYAS KYI THEG PA YANG GZHAN GYIS DON DANG BRAL BAS CHUNG BA NYID DE, DE RNAMS KYI THAR PAS KYANG 'DUD PAR GYUR PA RNAM PAR RIG PA TZAM YOD PA'I MTSAN NYID KYIS RNAM PAR MI RTOG PA NYID THOB PAR MI 'GYUR PAS MA DAG PA'O, ,BYANG CHUB SEMS DPA'I LAM YANG BSKAL PA GRANGS MED PA GSUM GYIS BYANG CHUB THOB PA'I PHYIR THABS NYID KHO NA MA YIN NO, ,RDO RJE THEG PA NI THABS DANG 'BRAS BU DAG LA MA 'KHRUL BA YIN TE GANG GI PHYIR 'DOD PA'I YON TAN LNGA NYE BAR SPYOD PA DANG PHYAG RGYA BSTEN PA LA SOGS PA'I BDE BA'I THABS KYIS 'BA' ZHIG DRI MA MED PA MTHA' YAS PA NAM MKHA' DANG 'DRA BA CHOS KYI DBYINGS KYI YE SHES SU GRAGS PA RDO RJE 'CHANG CHEN PO'I GO 'PHANG RANG DANG GZHAN KYI DON GRUB PA LA BRTZON PA, SKAD CIG MA GCIG GIS SNA TSOGS SPRUL PA DANG BSDU BAR MDZAD PA 'GRO BA MA LUS PA'I RANG BZHIN MNGON DU BYED PA DE BZHIN GSHEGS PA THAMS CAD KYI NGO BO DE KHO NA NYID SKAD CIG MA GCIG GIS THOB PAR 'GYUR TE RGYU DANG 'BRAS BU LA MA 'KHRUL BA'I PHYIR RO, ,THE TSOM GYI BDAG NYID KYI 'KHRUL PAS DE MNGON DU BYED PA DANG YUN YANG

, ,RING BAR 'GYUR RO ZHES BYA BA DE YOD NA DAG PAR MI 'GYUR RO, ,SBYONG BA NI GANG DANG GANG 'KHRUL BA'I NGO BO SNANG BA GTAN TSIGS LA SOGS PA DE DAG MA 'KHRUL BA'I 'BRAS BU LA 'BREL BA MED DE, BRGYA BYIN GYI SPYI BO LA SOGS PA LAS BYUNG BA'I DU BA LA SOGS PAS ME LA SOGS PA BZHIN NO, ,NYAN THOS KYI LAM LA SOGS PA 'KHRUL BA'I RANG BZHIN DU SNANG BAS MI 'KHRUL PA'I RDO RJE 'CHANG CHEN PO'I GO 'PHANG 'BRAS BUR GYUR PA'I SGYU MA YIN NO ZHES RGYU MI DMIGS PA'O, ,MA 'KHRUL BA'I NGO BO SNANG BA'I LAM GYIS THOB PAR BYA BA DPAL RDO RJE 'CHANG GI GO 'PHANG ZHES NYE BAR BSDU BA'O, ,DE BAS NA THEG PA THAMS CAD KYI MCHOG RDO RJE THEG PA ZHES BYA'O, ,GCIG LA GCIG CES ZHES PA NI PHAN TSUN LA LTOS PAS SO, ,TSIG LHAG MA ZHES PA NI TSIG RDZOGS PAR BYED PA'O, ,PHUL DU PHYUNG BA'I DNGOS GRUB STE ZHES PA NI PHYAG RGYA CHEN PO'I DNGOS GRUB RDO RJE 'CHANG CHEN PO'I SKU'O, ,SKYED PAR BYED PA NI MNGON DU BYED PA STE SPROS PA DANG BCAS PA'I SPYOD PAS RDO RJE 'CHANG CHEN PO NYID THOB PAR 'GYUR RO ZHES BYA BA'I DON TO, ,DGONGS PA MA YIN PA'O ZHES PA NI GSAL BA'I DE KHO NA NYID BSTAN PAS SO, ,RANG BZHIN YONGS SU ZHES BYA BA LA SOGS PAS RIGS LA SOGS PA BKAG PAR BSTAN TO, ,RDO RJE THEG PA LA BRTEN NAS BLA MA'I MANG NANG BSGOM PA GANG YIN PA DE RNAMS RIGS LA SOGS PA DMAN PAS KYANG BYANG CHUB THOB PAR 'GYUR TE, SKYE BA SNA TSOGS RIGS DANG NI, ,YUL DANG DUS LA MA LTOS PA, ,BCOM LDAN KHYOD KYIS BSTAN BCOS NI, ,THAMS CAD LA NI BSTAN PA LAGS, ,ZHES BSHAD PA'I PHYIR RO, ,SKYE GNAS KYIS SMAD PA NYID DU BSTAN PA'O ZHES PAS NI RIGS DMAN PA BSTAN TO, ,LAS KYIS SO ZHES PA NI BA LANG GI PAGS PA DANG GZHU LA SOGS PA BYED PA DANG MI GTZANG BA LA SOGS PA GDON PAS SO, ,SGYU NI YI GE PA RNAMS KYIS GZHAN GYI ZHING LA SOGS PA 'PHROG PAS LOG PAR 'TSO BA'O, ,'KHRUL 'KHOR DANG ZHES PA NI, ,BTZON RA'I KHANG PA LA LAG PA DANG RKANG PA LA SOGS PA 'CHING BA'I SHING LA SOGS PA'O, ,MTSON NI RAL GRI LA SOGS PA'O, ,RGYA NI RI DAGS LA SOGS PA BSHOR BA'I DON DU SRAD BU'I SBYOR BA'O, ,

SOGS PA'I SGRAS NI RTZIG PA PHUG NAS NOR RKU BA DANG CHANG GI NANG DU DHA DU RA'I KHU BA BTAB NAS BRGYAL BAR BYED PA DANG, LCAGS KYUS NYA BZUNG BA DANG, GRONG LA SOGS PA LA ME GTONG BA ZHES BYA'O, ,DGANG BAR ZHES PA NI RANG GI LTO BA RGYAS PA TZAM MO, ,SEMS PAS NI BSAM PAR BYED PA'O, ,THEG PA CHEN PO BLA NA MED PA'O ZHES PA NI KUN KYI MCHOG CES BYA BA'I DON TO, ,BLA NA MED PA'O ZHES PA NI RDO RJE THEG PA STE BLA NA MED PA'I SGRA DANG BRAL BAS SO, ,SPYI BO'I SGRA NI KHYAD PAR DU 'JUG PA STE DON LA SOGS PA'I 'BREL PA ZHES SNGAR BSHAD ZIN TO, ,RIN PO CHE'I GANG ZAG CES PA NI TZANDAN LA SOGS PA LA LTOS PAS DAM PA CHEN PO YIN PAS SO, ,DE NYID KYIS 'GRO BAS NA ZHES PA NI NYE BAR MTSON PA'I TSIG YIN TE TZANDAN LA SOGS PA RDO RJE THEG PAS MI 'GRO BA MA YIN TE NGES THAMS CAD RJES SU BZUNG BAS SO, ,GTZO BOS KYANG THA SNYAD MTHONG BAS TE GANG 'GRO BA RGYAL PO ZHES PA BZHIN NO, ,PHA ZHES BYA BA LA SOGS PA LA DE LA PHA GSOD PA NI RGYAL BU KHYAB 'JUG BZHIN DU STE, DES PA DANG DE'I BLON PO BSAD PAS SO, , MA GSOD PA NI SOR 'PHRENG CAN NO, ,DGRA BCOM PA GSOD PA NI MYA NGAN MED PA'I RGYAL PO GTUM PO'O, ,SANGS RGYAS KYI SKU 'JIG CES PA NI STAG GZIG RNAMS SO, ,DAM PA'I CHOS SPONG BA ZHES PA NI GRANGS CAN LA SOGS PA'O, ,MTSAMS MED PA'I DON BSHAD PA'I PHYIR, 'CHI BA'I DUS BYAS MA THAG TU DMYAL BAR LHUNG BAR 'GYUR BAS NA ZHES PA NI DMYAL BAR SKYES MA THAG TU LAS KYI 'BRAS BU MYONG BAS SO, ,NYE BAR MTSON PA ZHES BYA BA NI DBYER MED PA'I NYE BAR BRTAGS PA'I MTSAN NYID KYI CHOS LAS SO, ,DE BYED PA LA 'JUG GO ZHES PA NI LAS DANG BYED PA PO LA DBYER MED PAS SO, ,MTSAMS MED PA DANG NYE BA RNAMS BZUNG BA NI MA DANG DGRA BCOM PA MA YIN PA LA BGROD PA DANG BYANG CHUB SEMS DPA' DES GNAS DANG, SLOB PA GSOD PA DANG, DGE SLONG GI NOR 'PHROG PA DANG, DGE SLONG 'BYED PA DANG, MCHOD RTEN BSHIG PA STE, DE BYED PA'O, ,RTZA BA BZHI'I LTUNG BA ZHES PA NI SROG GCOD PA DANG RKU BA DANG, GZHAN GYI BUD MED LA BGROD PA DANG, BRDZUN SMRA BAS SO, ,T'A LA MGO BCAD PA LTAR ZHES PA NI MGO BCAD PA'I T'A LA'I SHING DRUNG BZHIN NO, ,

, ,SANGS RGYAS KYI BSTAN PA LAS NYAMS NAS ZHES PA NI DE BZHIN GSHEGS PA'I THEG PA CHEN PO LAS LTUNG BZHES BYA BA'I DON TO, ,THEG PA LAS NYAMS PA NI SDIG PA CHEN PO'I RGYU YIN TE, TSUL KHRIMS LAS KYANG NYAMS PA RU, ,LTA BA LAS NI MA YIN TE, ,TSUL KHRIMS KYI NI MTHO RIS 'GRO, ,LTA BAS GNAS NI DAM PA THOB, ,CES 'BYUNG NGO, ,DMYAL BA LAS GZHOL BA ZHES PAS NI SANGS RGYAS KYI BSTAN PA LAS NYAMS PA'I 'BRAS BU BSTAN TO, ,DE RNAMS KYANG 'DIR ZHES PA NI SDIG PA CHEN PO BYED PAS KYANG ZHES BSTAN TO, ,BLA MA'I DRIN GYIS ZHES PA NI, ,RDO RJE SLOB DPON GYI ZHABS RJES SU BZUNG BAS SO, ,RDZOGS PA'I RIM PA THOB NA ZHES PA LA ZUNG DU 'JUG PA'I TING NGE 'DZIN THOB NAS SO, ,'GRUB PAR 'GYUR ZHING ZHES PA NI 'BRAS BU'I GTZO BO'I SGO NAS BSTAN TE BSKYED PA'I RIM PA LA SOGS PA YANG 'BRAS BU LA MNGON DU GYUR PA'I PHYIR RO, ,SANGS RGYAS THOB PAR GYUR NA ZHES PA LA RDO RJE 'CHANG NYID THOB PAR 'GYUR RO, ,SANGS RGYAS RDO RJE SEMS DPA' NYID, ,DE BZHIN KUN GYI DBANG PHYUG NYID, ,RDO RJE LTA BU'I TING NGE 'DZIN, ,DE NI GNYIS MED BSTAN PA'O, ,ZHES 'BYUNG BAS SO, ,RIGS NGAN LA SOGS PA LTA SMOS KYANG CI DGOS ZHES PA NI GANG DE RNAMS KYI SKYE GNAS LA SOGS PA NGAN PA TZAM YOD PA'O, ,DE LA SKYE GNAS KYI SKYON TZAM GYIS SKAL BA MED PA MA YIN TE, BSTAN PA LA MI DMIGS PA'I YAN LAG MA YIN PA'I PHYIR RO, ,DAD PA LA SOGS PA'I YON TAN RNAMS NI BSTAN PA LA BRTEN PA'I RJES SU MTHUN PA YIN GYI SKYE GNAS LA SOGS PA MA YIN TE, LHA SBYIN DANG KO KA LI KA DAG GIS DMYAL BAR 'GRO BA DANG 'KHOR LOS SGYUR BA'I GNAS THOB PA BZHIN NO, ,DE LTAR ZHES BYA BA LA SOGS PAS NYE BAR BSDUS PA BSTAN TO, ,SNOD DANG SNOD MA YIN PA LA LTOS PA MED PAR DON MDZAD PAS NA ZHES PA NI SKAL PA DANG SKAL PA MED PA'I SLOB MA'I RJES SU GZUNG BAR BYED PAS ZHES PA'I DON TO, ,THEG PA'I CHE BA'I BDAG NYID GSAL BAR STON PA YIN NO ZHES PA NI RDO RJE THEG PA'I PHUL DU BYUNG BA RAB TU GSAL BAR BSTAN PA YIN NO ZHES BYA BA'I DON TO, ,DE LTAR ZHES BYA BAS LDOG PA BSTAN TO, ,

SKYE BO SDIG CAN MA LUS PA, ,ZHES PA NI SNGAR BSHAD PA'I MTSAMS MED PA BYED PA LA SOGS PA'O, ,RNAM PAR SBYONG BA ZHES PA NI DE RNAMS GROL BAR BYED PA'O, ,RDO RJE THEG PA ZHES BYA LA SOGS PAS BLA MA LA SMOD PA 'GRUB PAR MI 'GYUR RO ZHES BSTAN TO, ,DANG POR SLOB DPON LA BSNYEN BKUR BYAS TE ZHES PA NI SNGON GYI BSNYEN PA'I RIM PA DANG ZLA BA LA SOGS PA'I DUS KYI DBYE BAS DE LAS BSNYEN BKUR BYAS TE, MGU BAR 'GYUR BA DE LAS RIGS PA'I DBANG BSKUR BA LA SOGS PA RNYED NAS THOS PA LA SOGS PA'I RIM GYIS MAN NGAG MNGON DU BYAS LA LHAN CIG SKYES PA'I SHES RAB DANG LDAN PA'I PHYIR NGA'I BLO'I KHYAD PAR 'DI YIN GYIS SLOB DPON GYIS CUNG ZAD KYANG PHAN PA MA BYAS SO ZHES BSAMS PAS DE LA SMOD PA GANG YIN PA DE'I NI BLA MA LA BRNYAS PAR BYED PA'O, ,TSOGS LA MTHONG NAS RGYAB KYIS PHYOGS SU 'GRO, ,DBEN PA LA GNAS DE LA PHYAG BYED PA, ,DE LTAR BDAG NYID NGAN PA'I SLOB MA NI, ,RANG GI BU 'AM 'PHAGS PAS BZUNG BA STE, ,BRAM ZE'AM NI RGYAL RIGS RJE'U RIGS LA, ,BSTAN PA YI NI GAM DU MI BYA'O, ,ZHES BSHAD PA'I PHYIR RO, ,DE DANG LHAN CIG ZANG ZING GI LONGS SPYOD KYIS ZHES PA NI BZA' BA LA SOGS PA'I SPYOD PAS SO, ,KUN DU DGA' BAR BYED PA NI ROL PAR BYED PA'O, ,GANG YIN PA YANG ZHES BYA BA LA SOGS PA'I DE DAG KYANG 'GRUB PAR MI 'GYUR TE SDIG PA CAN DANG 'BREL PA'I PHYIR RO, ,SLOB DPON ZHES BYA BA LA SOGS PAS RANG SDIG PA CAN BLA MA LA NYES PAR BYED PA BZUNG BAR BSTAN TO, ,NGES PAR MDZAD PA'O ZHES PA NI NGES PAR GZUNG BAR MDZAD PA'O, ,DES NI MNGON SPYOD KYI SNOD DU RUNG BA LA SANGS RGYAS KYIS PHYOGS MDZAD NA YANG DNGOS GRUB THOB PAR MI 'GYUR ZHES BSTAN TO, ,SRUNG BA SOGS DANG SNGAGS RNAMS DANG, ,LHA RNAMS LA YANG PUR BUS GDAB, ,CES GSUNGS PA'I PHYIR RO; ,'GRUB PAR MI 'GYUR BA ZHES PA NI, ,GDOL PA LA SOGS PAS 'GRUB PAR BYED PA NI 'GRUB PA STER BAS 'GRUB PA NI MA LUS PA NYID DO, ,SGRUB PA DE LA YANG 'GRUB PAR MI 'GYUR NA ZHES PA 'DIS BLA MA LA NYES PA BYED PA LA 'GRUB PA NI MA YIN NO, ,ZHES BSTAN TO, ,GZHAN

, ,DAG TU ZHES PA NI BYA BA'I RGYUD LA SOGS PA LA SMOS CI DGOS SO, ,JI SKAD DU ZHES BYA BA LA SOGS PAS LUNG GI TSAD MA NYID BSTAN TO, ,SLOB DPON LA SMOD PAR BYED PA'I MI RNAMS LA GNYID LOG PA'I DUS SU YANG DE BZHIN GSHEGS PA MTHONG BAR MI 'GYUR TE, GANG GI PHYIR DANG PO DE RNAMS KYIS SLOB DPON LA SMOD PAR MI BYA BA DANG, DE BZHIN DU DE RING NAS BRTZAMS TE, LAG NA RDO RJE BDAG GIS KHYOD LA SMRAS PA GANG YIN PA DE KHYOD KYIS BYA STE GZHAN DU NA DUS BYAS TE DMYAL BAR LTUNG PAR 'GYUR RO, ,ZHES MNAS [*PA NAS?] BSKYAL BA SNGON DU 'GRO BAR KHAS BLANGS NAS YANG RDO RJE 'CHANG DANG 'DRA BA'I BLA MA DE NYID LA SMOD PA ZHES RANG GI TSIG GIS DE'I DAM TSIG NYAMS PA DANG DE'I 'BRAS BU DE BZHIN GSHEGS PA LA SOGS PAS BYIN GYIS MA BRLABS PAR 'GYUR RO ZHES STON TO, ,MTHONG BA'I CHOS LA MYONG BA'I LAS KYI RNAM PAR SMIN PA BSHAD PA'I PHYIR, SLOB DPON SMOD PA GANG YIN DE, ,ZHES PA NI BLA MA LA SMOD PAR BYED PA'O, ,BGEGS DANG LOG 'DREN RNAMS KYIS BZUNG, ,ZHES PA NI, TSOGS BDAG LA SOGS PA DANG, SRIN PO LA SOGS PAS BZUNG BAR 'GYUR RO, ,NGAN PA NI SDIG PA'I BSAM PA CAN NO, ,GTUM PO'I LAS CAN ZHES PA NI DRAG PO'I SPYOD PA DANG LDAN PA'O, ,MKHAS PAS RTAG TU SPANG BAR BYA, ,ZHES PA NI BLA MA DAM PAS GAM DU MI BYA'O ZHES BYA BA'I DON TO, ,SGRA JI BZHIN PA ZHES PA NI SOGS PA'I SGRA ZHES TSIG LHAG MA'O, ,RGYUD KYI RGYAL PO KHYAD PAR DU GYUR PA BSTAN NAS ZHES PA NI SPYOD PA GSUM GYI GZHIR GYUR PA'I RGYUD KYI RGYAL PO BSTOD NAS SO, ,SLOB DPON MED PAR 'JUG PAR MA GYUR CIG ,CES PA NI BLA MA'I ZHAL GYI MAN NGAG DANG BRAL BA ZHES BYA BA'I THA TSIG GO, ,BLA MA'I ZHAL GYI MAN NGAG MED PAS YANG DAG PAR GYUR PA'I DE KHO NA NYID KYI MAN NGAG RTOGS PAR MI 'GYUR RO, ,SPYOD PA'I KHYAD PAR BSTAN PA'I PHYIR ZHES PA NI SPROS PA MED PA'I SPYOD PA'I KHYAD PAR RO, ,BSHAD PA'I RGYUD NI DGONGS PA LUNG BSTAN PA'I BSHAD PA'I RGYUD LAS SO, ,PHUNG PO LA SOGS PA ZHES PA NI SNGAGS DANG PHYAG RGYA'I RIM PAS DNGOS MED PA NI 'OD GSAL BA'I GO 'PHANG THAMS CAD STONG PA'I GNAS

LA 'JUG PA'O, ,ZHI GNAS LAS BYUNG ZHES PA NI, ,ZHI GNAS KYI BSGOM PAS BYAS PA GANG YIN PA DE RNAMS NI SROG GCOD PAR BYED PA STE SROG NI RLUNG YONGS SU GYUR PA LAS SKYES PA'I PHUNG PO LNGA LA SOGS PA SPONG BA'I PHYIR RO, ,DES SEMS RNAM PAR DAG PA'I RIM PA BSTAN TO, ,NANG ZHES BYA BA LA SOGS PAS NANG DANG PHYI DANG GNYIS KA'I RANG BZHIN GYIS CHOS THAMS CAD STONG PA YIN NO ZHES LHAG PAR MOS PAS YE SHES KYI SKU GZUNG BA SNGON DU 'GRO BAR BSTAN PA GANG YIN PA DE LA DGA' BA NI BRDZUN SMRA BA LA DGA' BA ZHES BSHAD PAR BYA STE, LHA'I BU CHOS THAMS CAD BRDZUN DANG SGYU MA YIN PA DE SKAD BDAG SMRA BAS NA, DES NA DE NI BRDZUN SMRA BA YIN NO ZHES GSUNGS PA'I PHYIR RO, ,GNAS MED LA GNAS RNAL 'BYOR PA'O, ,ZHES PA NI, SGYU MA LA SOGS PA'I DPE BCU GNYIS LA GNAS PA ZHES BYA BA'I DON TO, ,DES NI BDAG BYIN GYIS BRLAB PA'I RIM PA BSTAN TO, ,RDZOGS SANGS RGYAS KYI YE SHES GANG, ,ZHES PA NI MI GNAS PA'I MYA NGAN LAS 'DAS PA'I RANG BZHIN DE KHO NA NYID RIM PA LNGA PAS THOB PAR BYA BA'I RDO RJE 'CHANG CHEN PO'I GO 'PHANG ZHES BYA BA'I DON TO, ,DE NYID BSTAN PAS NA RDZAS ZHES BYA BA STE, BRTAN PA SNYING PO KHONG STONG MED, ,CES PA'I PHYIR RO, , DE 'PHROG DANG TSUL GANG YIN PA, ,ZHES PA NI ZUNG DU 'JUG PA'I TING NGE 'DZIN SGOM PAR BYED PA GANG YIN PA DE RNAMS GZHAN GYI NOR LA CHAGS PAR 'DOD PA'I RNAL 'BYOR PAS BSHAD DO, ,DES NI ZUNG DU 'JUG PA'I RIM PA GSAL BAR BSTAN PA YIN NO, ,DE NYID CES PA NI SNGAGS DANG RLUNG GI DE KHO NA NYID RTOGS PA SNGON DU 'GRO BAR MA NING GI BZLAS PA'I DUS SU BYUNG BA'I 'OD GSAL BA'O, ,DE LA DNGOS CIG NI BSGOM PA GANG LA YOD PA DE NI DE NYID DNGOS CIG STE RDO RJE BZLAS PA'I RNAL 'BYOR BA ZHES BSTAN TO, ,DE BZHIN NYID NI PHYAG RGYA DANG, ,TING NGE 'DZIN KYI RIM PAS THOB PA'I 'OD GSAL BA'I GNAS SO, ,DE LA RTAG TU SBYOR BA NI MNGON PAR BYANG CHUB PA'I RIM PA ZHES BYA BA'I DON TO, ,SEMS CAN DE 'DOD PA LA DGA' ZHES PA NI RIM PA DANG PO DANG BZHI PAS NYE BAR BSTAN PA'I DE KHO NA NYID LA 'DOD PA'I RNAL 'BYOR PA ZHES BYA BA'I THA TSIG GO, ,SGRUB PA MCHOG LA

, ,DAM PAR 'GYUR, ,ZHES PA NI RNAL 'BYOR PA LNGA PO DE DAG SNGAGS KYI THEG PA CHEN PO LA SNOD DU GYUR PA RANG DANG GZHAN GYI DON PHUN SUM TSOGS PAR BYED PA ZHES BYA BA'I THA TSIG GO, ,DE'I STONG PA NYID GTI MUG LA ZHES PA NI STONG PA NYID KYI GTI MUG STE MI SHES PA STE MA RIG PA'O, , RGYU DE LAS SKRAG PA NI 'JIGS PA GANG YIN PA DE DAG GCIN GYI SGRAS NI DBANG PO RNAMS BSHAD DO, ,YUL RNAMS LA 'JUG PA'I RANG BZHIN YIN PAS BSHAD PA'I SGRAS NI YUL RNAMS BSTAN TO, ,DE DAG ZHI BA ZAB PA YIN, ,ZHES PA NI DBANG PO DANG YUL DAG YAN LAG DRUG PA'I PHYOGS GCIG PA SO SOR SDUD PA'I RIM PAS SBYOR BAR BYED PA ZHES BYA BA'I THA TSIG GO, ,THEG PA CHEN PO'I CHOS MCHOG 'DIR, ,ZHES PA NI SGRUB PAR BYED PA DPAL GSANG BA 'DUS PA ZHES PA THEG PA THAMS CAD KYI MCHOG LA, ,SNOD DU GYUR PA NI SKAL PA DANG LDAN PAR 'GYUR RO, ,DGONGS PAS BSHAD PA ZHES PA NI SROG GCOD PA LA SOGS PA'I SGRA'I 'GAL BA'I SGO NAS RIM PA LNGA'I MTSAN NYID DANG, SO SOR SDUD PA ZHES BYA BAS DE'I RANG BZHIN BSTAN PA'I PHYIR RO, ,DE NI RIM PA LNGA SGOM PAR BYED PA'I RNAL 'BYOR PA RNAMS LA YE SHES KYI PHYAG RGYA DANG SNYOMS PAR ZHUGS PAS, SHIN TU SPROS PA MED PA'I SPYOD PA BSTAN TO, ,SPROS PA DANG BCAS PA'I SPYOD PA BSTAN PAR BYA BA'I PHYIR, MA DANG 'DRA BAR RJES SU MTHUN PA'I ZHES PA LA SOGS PA SMOS SO, ,RIGS DANG RJES SU MTHUN PAS RNAL 'BYOR PA LA CHAGS PA NYID DU BSTAN TO, ,'DI RNAMS LAS GANG YANG RUNG BA ZHES PA NI MI BSKYOD PA LA SOGS PA'I RIGS DANG RJES SU MTHUN PA'O, ,RANG GI RIGS KYI BUD MED CES PA LA, SME SHA CAN DANG, GAR MKHAN DANG KHRUS MKHAN DANG BRAM ZE MO LA SOGS PA'O, ,SGRUB PA'I THABS LAS BSHAD PA'I RIM PAS ZHES PA NI DKYIL 'KHOR RGYAL BA MCHOG GI TING NGE 'DZIN GYI PHYOGS GCIG PHYAG RGYA LEGS PAR SBYANG BAS SO, ,RIGS LNGA BKOD PA ZHES BYA BA LA SOGS PAS DE NYID GSAL BAR BSTAN TO, ,MNYES PAR BYAS PA NI RIGS DANG RJES SU MTHUN PA SHING GI SDONG PO LA PHYAG LA SOGS PA BYAS NAS MTSAL LA SOGS PAS BRIS PA JI LTAR 'DOD PA'I BZA' BA DANG BCAS PA RANG GI

BRTUL ZHUGS DANG RJES SU MTHUN PA'I PHYAG RGYA DANG BCAS PA'I RNAL 'BYOR PAS SNYOMS PAR 'JUG PAR BYA'O, ,DE DNGOS GRUB RGYA CHEN PO ZHES PA NI RDO RJE 'CHANG CHEN PO'I GO 'PHANG GI MTSAN NYID THOB PAR 'GYUR RO, ,MCHOG GI CHOS ZHES PA NI RNAM PAR MI RTOG PA'I MTSAN NYID GANG LA YOD PA DE DAG ,THEG CHEN MCHOG GI CHOS NYID CES PA NI, ,CHOS KYI DBYINGS KYI DE KHO NA NYID SO SOR RIG PAS SHES RAB KYI PHA ROL DU PHYIN PA'I RNAL 'BYOR PA ZHES BYA BA'I DON TO, ,DE YI NANG DU DNGOS GRUB RGYA CHE ZHING, ,ZHES PA LA RDO RJE 'CHANG CHEN PO'I DNGOS GRUB STE RANG DANG GZHAN GYI DON SGRUB PAR BYED PA'I MTSAN NYID DO ZHES BYA BA'I DON TO, ,PHA ROL TU PHYIN PA'I RNAL 'BYOR PAS NI YANG DAG PAR RDZOGS PA'I BYANG CHUB KYANG RGYA CHE BA MA YIN TE, DUS MANG POS THOB PA'I PHYIR RANG DANG GZHAN GYI DON PHUN SUM TSOGS PA CHUNG BA'I PHYIR RO, ,RDO RJE THEG PA LAS DE LAS LDOG PA THAMS CAD YIN NO ZHES SNGAR BSHAD ZIN TO, ,LDOG PA BSTAN PAR BYA BA'I PHYIR RJES SU MI MTHUN PA'I PHYAG RGYA DANG MNYAM PAR SBYOR BA ZHES BYA BA NI MI MTHUN PA'I SHES RAB DANG 'BREL BAS SO, ,RJES SU MTHUN PA NI RIGS DANG MTHUN PA NYID GAL TE RTAG PAR BYED NA DE'I TSE DNGOS GRUB RTEN PAR 'GYUR TE, GZHAN DU NI MA YIN NO, ,'JIGS SHING 'KHRUL PA'I SEMS LDAN G-YO SGYU CAN DANG GZHAN DBANG 'GYUR, ,ZHES 'BYUNG NGO, ,SEMS G-YENG BA SKYE BAR 'GYUR RO ZHES PA NI RTZE GCIG PA NYID 'CHAD PAR 'GYUR BA STE YID BDE BAR 'GYUR BA'I PHYIR RO, ,RJES SU MTHUN PA DE YANG SKYE BA GZHAN DAG TU'ANG YID GCUGS PAR 'GYUR BA ZHES PA NI SMON LAM GYI DBANG GIS SO, ,SANGS RGYAS KYIS BYIN GYIS BRLABS PA'I MTHUS LUNG BSTAN DE DANG 'DRA BA'I SHES RAB DANG PHRAD PAR 'GYUR RO ZHES BYA BA'I THA TSIG GO, ,DES NI SPROS PA DANG BCAS PA'I SPYOD PA BSTAN TO, ,SNGAGS DANG RGYUD LA SOGS PA LA, , ZHES PAS SPROS PA MED PA'I SPYOD PA BSTAN PAR BYA STE, SNGAGS DANG RGYUD LA SOGS PA LA LEGS PAR BSLABS PA'O ZHES PA NI DBANG THOB PA DANG SNGAGS LA SOGS PA'I SBYOR BA LA MKHAS PA'O, ,SGRUB PA PO DANG RJES SU MTHUN PAR ZHES PA NI PHYAG RGYA CHEN PO'I SGRUB PA'I YAN LAG TU GYUR PA

, ,DAM TSIG GI PHYAG RGYA ZHES BYA'O, ,MA RNYED NA ZHES PA NI DKON PA'AM SGRUB PA PO DGE SLONG YIN PAS SO, ,SANGS RGYAS KYI YUM SHES RAB KYI PHA ROL DU PHYIN PA ZHES PA NI, GANG LAS SANGS RGYAS THAMS CAD 'BYUNG BA DE NI SANGS RGYAS KYI YUM STE, DE BZHIN GSHEGS PA THAMS CAD KYI YUM ZHES BYA BA'I DON TO, ,GANG ZHIG KUN MKHYEN NYID KYIS ZHI BAR 'DOD PA'I NYAN THOS PA RNAMS NYE BAR ZHI MDZAD PA, ,GANG ZHIG LAM MKHYEN NYID KYIS 'GRO LA PHAN 'DOGS MDZAD PAS SEMS CAN DON RDZOGS PA, ,GANG DANG 'BREL PAS RNAM PA THAMS CAD SNA TSOGS 'DI NYID THOB PA RNAMS KYI RIGS, ,NYAN THOS BYANG CHUB SEMS DPA'I TSOGS DANG LDAN PA SANGS RGYAS KYI YUM DE LA 'DUD, ,CES 'BYUNG NGO, ,DE NYID BSTAN PAR BYA BA'I PHYIR, ,RANG GI SNYING LA GNAS PA ZHES SMOS TE, BSGOM PAR BYA BA'I THA TSIG GO, ,PHYUNG LA NI YID KYI RANG BZHIN NYID DU RDZOGS PAR BYA'O ZHES BYA BA'I THA TSIG GO, ,DE DANG LHAN CIG SNYOMS PAR 'JUG PAR BYA STE ZHES PA NI NAGS TSAL DU SLONG MO ZA BA'I MTSAN NYID CAN GYI RDZU 'PHRUL SHUGS DANG YE SHES KYI PHYAG RGYA DANG LHAN CIG TU BDE BA CHEN PO NYAMS SU MYONG BAR BYA'O ZHES BYA BA'I DON TO, ,LUNG GI TSAD MA NYID BSTAN PAR BYA BA'I PHYIR SNYING LA GNAS PA ZHES SMOS TE, YID KYI NGO BO NYID DU BSGOM PA'O, ,LHA MO CHE ZHES PA NI YE SHES KYI PHYAG RGYA ZHES BYA'O, ,RNAL 'BYOR PA'I ZHES PA NI THABS DANG SHES RAB SNYOMS PAR 'JUG PA'I MTSAN NYID KYI SBYOR BA DANG LDAN PA'O, ,RNAL 'BYOR SKYED CES PA NI, ,TING NGE 'DZIN GYI BDE BA STER BAR BYED PA'O, ,DE NYID KYI PHYIR SANGS RGYAS KUN GYI YUM DU GYUR PA NI SNGAR GRUB PA'I DE BZHIN GSHEGS PA RNAMS KYI YUM STE SEMS TZAM MO, ,SHES RAB KYI PHA ROL DU PHYIN PA'I NGO BO YE SHES KYI PHYAG RGYA BLANGS NAS BCOM LDAN 'DAS SANGS RGYAS RNAMS KYIS DNGOS GRUB THOB PAR GYUR TO; ,RDO RJE DBYINGS KYI DBANG MOR BSHAD, ,CES PA NI, RDO RJE LTAR MI PHYED PA'I DBYINGS NI RDO RJE DBYINGS TE, CHOS KYI DBYINGS KYI YE SHES SO, ,DE LA DBANG MO NI CHOS NYID KYI NGO BOS BDAG PO NYID DU GNAS PA ZHES BYA'O, ,MNYES PAR BYAS KYANG ZHES BYA BA LA SOGS PAS DAM TSIG DANG YE SHES

KYI PHYAG RGYA DAG NYE BAR BSDUS PA DAG BSTAN TO, ,MCHOG TU DGA' BA'I BDE BA NYAMS SU MYONG BAR BYAS PAS NI ZHES PA LA BDE BA CHEN POS YANG DAG PAR RIGS PAS SO, ,'DOD CHAGS LA SOGS PA'I NYON MONGS PAS GOS PAR MI 'GYUR BA'O ZHES PA NI 'DOD CHAGS LA SOGS PA RNAM PAR SBYANG BAR BYA BA'I PHYIR PHYAG RGYA RNAMS BLANGS BAR BYA'O, ,JI SKAD DU, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BAS NI, ,GSAL BAR 'DI LAS MTSON PAS SO, ,RDO RJE PADMA YANG DAG SBYAR, ,KUN RDZOB TU NI GANG LA'ANG MED, ,LAN CIG TU NI NYAMS MYONG BAS, ,RNAL 'BYOR STOBS KYIS 'GRUB PAR 'GYUR, ,YE SHES 'JUG PA'I RANG BZHIN NI, ,JI LTAR DBYE BA SHES NAS NI, ,SLAR YANG RANG BZHIN DE NYID DE, ,RNAL 'BYOR PAS NI RTAG TU MTSON, ,'DOD CHAGS LA SOGS ZHES BYA BA LA SOGS PAS 'DOD CHAGS LA SOGS PA RNAM PAR SBYONG BA 'BA' ZHIG TU MI 'GYUR GYI 'ON KYANG SANGS RGYAS NYID KYANG THOB PAR 'GYUR RO ZHES BSTAN TO, ,LEGS PAR BSLABS PA'I PHYAG RGYA ZHES PA NI, ,SHES RAB KYI RNAM GRANGS YIN PAS SO, ,NGO BO NYID SHES PAS ZHES PA NI GANG GI DON DU 'JUG PA DE NYID MNGON DU BYAS PAS SO, ,DE YI RANG BZHIN MI SHES PAS, ,MI SHES MUN PAS BSGRIBS PA RNAMS, ,DGE DANG MI DGE'I LAS BYAS NAS, ,'GRO BA LNGAR NI 'KHOR BAR 'GYUR, ,ZHES 'BYUNG NGO, ,BDAG NYID RDZOGS PAR 'GYUR BA STE, ,ZHES PA NI 'BAD PA MED PAR 'GRUB PAR 'GYUR RO, ,DNGOS PO'I CHOS NI 'DI NYID YIN TE DAM TSIG GI PHYAG RGYA DANG YE SHES KYI PHYAG RGYA 'BREL BAS DE KHO NA NYID SNANG NGO, ,DRANG BA'I DON NI SPROS PA MED PA'I SPYOD PA BSHAD PAS SO, ,YANG LUNG GIS BRJOD PAR BYA STE ZHES PA 'DIS SHIN DU SPROS PA MED PA'I SPYOD PA BSTAN PAR BYA STE, CHOS SKUR MTSAN NYID GCIG PA'O ZHES PA NI CHOS KYI SKU'I RANG BZHIN NYID DE DE BZHIN NYID CES BYA BA YUM MO, ,JI SKAD DU, GCIG MIN DU MA MA YIN RANG GZHAN PHAN 'DOGS PHUN SUM TSOGS CHEN GZHIR GYUR PA, ,DNGOS MIN DNGOS MED MA YIN MKHA' BZHIN RO GCIG NGO BO RTOGS PAR DKA', ,GOS MED 'GYUR MED ZHI BA

, ,MI MNYAM DANG MTSUNGS KHYAB BYED SPROS PA MED, ,RANG GIS RIG PA DPE MED RGYAL BA'I CHOS KYI SKU LA RTAG TU 'DUD, ,CES 'BYUNG NGO, ,SHES RAB KYI PHA ROL DU PHYIN PA ZHES PA NI SEMS RNAM PAR DAG PA'I RIM PAS THOB PAR BYED PA'I THABS STONG PA'O, ,DE NYID YUM STE BSGOMS PA'I RANG BZHIN GYI 'BRAS BUR GYUR PA DANG DE LAS CHOS THAMS CAD 'BYUNG BA'I PHYIR RO, ,DBYIBS DANG KHA DOG SNA TSOGS PA'I, ,JI LTAR SPRIN RNAMS DU MA STE, ,NAM MKHA'I KHAMS NAS BYUNG NAS NI, ,DE NYID DU NI THIM PAR 'GYUR, ,DE BZHIN RANG BZHIN THAMS CAD NI, ,SNANG BA GSUM GYI RGYUR GYUR PA, ,YUL NI MA LUS LA 'JUG NAS, ,'OD GSAL BAR NI ZHUGS PAR 'GYUR, ,JI LTAR CHU BO DANG BA LAS, ,NYA NI MYUR DU LDANG BAR 'GYUR, ,THAMS CAD STONG PA DAM PA LAS, ,DE BZHIN SGYU 'PHRUL DRA BA 'BYUNG, ,ZHES BSHAD PAS SO, ,GNYIS MED DE BZHIN NYID SBYOR BAS, ,ZHES PA NI SEMS RNAM PAR DAG PA'I RIM PAS SO, ,DNGOS MED CES BYA DON SPYOD PA'O ZHES PA NI MNGON DU BYA'O, ,DES NI SEMS RNAM PAR DAG PA'I RIM PA BSTAN TO, ,LONGS SPYOD RDZOGS DANG MNYAM GANG YIN, ,ZHES PA NI CIG CAR RAM SNANG BA NYE BAR THOB PA LA SOGS PA'I RIM PAS SPROS PA'I SKU'O, ,DE NYID SRID MO NI SGYU MA'I DPE BCU GNYIS KYIS NYE PAR MTSON PA'O, ,RANG LHA'I RNAL 'BYOR LDAN PA YIS, ,ZHES PA NI MI BSKYOD PA LA SOGS PA DE BZHIN GSHEGS PA'I MOS PA DANG LDAN PAS SO, ,GSANG SNGAGS LUGS KYIS MNYES PAR ZHES PA NI YE SHES KYI SKU BSGOM PAR BYA'O, ,DES NI BDAG LA BYIN GYIS BRLAB PA'I RIM PA BSTAN TO, ,SPRUL SKU'I GZUGS CAN BU MO ZHES PA NI MIG YOR DANG SGYU MA DANG 'DRA BA'I RDO RJE'I SKU'I MTSAN NYID KYI ZUNG DU 'JUG PA'I RIM PAS THOB PAR BYA BA'I SKU ZHES PA'I DON TO, ,SGRUB PA POS NI BSGOM PA ZHES PA NYE BAR BSDUS PA'O, ,MA DANG ZHES BYA BA LA SOGS PA SNGA MA BZHIN DU PHAN YON BSTAN TO, ,DES NI ZUNG DU 'JUG PA'I RIM PA BSTAN PA YIN NO, ,NGES PA'I DON TO ZHES PA NI SEMS RNAM PAR DAG PA DANG BDAG LA BYIN GYIS BRLAB PA DANG ZUNG DU 'JUG PA'I RIM PA BSTEN PAS SO, ,DES NI

SEMS SHIN TU SPROS PA MED PA'I SPYOD PA BSTAN TO, ,CHOS 'BYUNG MNGON PAR BYANG CHUB PA, ,CHAGS SOGS ROL MO RGYA CHE BAS, ,CHOS DBYINGS MNGON PAR BYANG CHUB PA, ,JI LTAR RNYED PA'I SPYOD PA YIS, ,BLA MED MNGON PAR BYANG CHUB PA, ,MNGON PAR BYANG CHUB SBYOR BA YIS, ,SPRO PA LA SOGS SPYOD PA NI, ,RNAL 'BYOR PA RNAMS SLOB PAR BYED, ,CES 'BYUNG NGO, ,RIGS NGAN LA SOGS PA ZHES BYA BA LA SOGS PAS SNOD DU MA GYUR PA RNAMS KYIS KYANG 'BAD PA CHEN POS BSGRUB PAR BYA BA SANGS RGYAS KYI GO 'PHANG SNOD MA YIN PA'I SKYE BOS THOB PA THOS NA NGO MTSAR LA SOGS PA 'GYUR BA BSTAN TO, ,SGRIB PA RNAM PAR SEL BA LA SOGS PA ZHES PA NI LAS KYI RIGS CAN GYI BYANG CHUB SEMS DPA' GZUNG BA STE SPYOD PA DANG MTHUN PA'I PHYIR RO, ,SPYAD PA NI SPYOD PA'I MTSAN NYID DE BYA BA NAN TAN GRUB PA'I YE SHES KYI RANG BZHIN DANG RLUNG GI KHAMS RNAM PAR DAG PA'I NGO BO NYID KYIS SO; ,GZHAN DU NA 'JAM DPAL LA SOGS PA CI STE MA BLANGS SO ZHES TSIG GI DON TO, ,PADMA DKAR PO LTA BU'I GANG ZAG LA SOGS PA DBANG PO RTUL PO ZHES PA NI MA 'ONGS PA'I SEMS CAN DANG MTHUN PA'I ROL MO RAB TU BSTAN PAR BYED PA'I BYANG CHUB SEMS DPA' RNAMS KYIS DE DAG RJES SU GZUNG BAR BYA BA'I DON DU DE LTA BU'I SPYAD PA SPYOD DE, GZHAN DU NA 'KHRUL PA DANG NYON MONGS PA MED PA'I BYANG CHUB SEMS DPA' RNAMS KYIS SNGAR MED PA'I THOB PAR BYA BA CI YOD DO, ,GANG THOS PAS DE RNAMS NGO MTSAR BA DANG RMAD DU BYUNG BA THOB PAR 'GYUR RO, ,BDE BA CHEN PO ZHES BYA GTZO BOS NI, ,RNAM PA SNA TSOGS ROL MO'I MCHOG LA 'JUG ,GANG DU SPROS PA THAMS CAD DANG BRAL BAS, ,GCIG KYANG DU MA'I RO YIS GAR MDZAD PA'O, ,ZHES 'BYUNG NGO, ,RDO RJE'I TSIG RNAMS SHES PA NI, ,DON ZAB PA YI TSIG RNAMS SO, ,DGONGS PAS BSHAD PA LA ZHES PA NI 'JIG RTEN DANG 'GAL BA'I TSIG GIS DE KHO NA NYID SO SOR STON PAR BYED PA'O, ,SGRA JI BZHIN PA'I DON LA ZHES PA NI BRJOD PAR BYA BA'I TSUL DU DON GZUNG BAR BYA BA YIN GYI GSAL BAR BYA BA'I TSUL DU MA YIN NO, ,BRJOD PAR BYA BA DANG GSAL BAR BYA BA NI SGRA'I DON GNYIS TE SNGAR GTAN LA PHAB PA'O, ,CI ZHES PA NI SMOD PA'I DON LA SBYOR BAS

, ,SMAD PAR BYA BA BSTAN PA ZHES DGONGS PA'O, ,BCOM LDAN 'DAS NI TSOGS GNYIS DANG LDAN PA ZHES PA NI KUN RDZOB DANG DON DAM PA'I BDAG NYID KYI RGYU DANG 'BRAS BU MNGON DU MDZAD PA DANG SEMS CAN RNAMS LA DE STON PAR MDZAD PA'O, ,'PHAGS PAR GYUR PA ZHES PA NI MI BSKYOD PA LA SOGS PA DE BZHIN GSHEGS PA'I NANG NAS GTZO BOR GYUR PA DE JI LTAR DE BZHIN DU BSTAN PA'O ZHES PAS SMOD DO, ,TSIG 'DI NYID KYIS NI ZHES PA NI, ,SNGAR BSHAD PAS SO, ,RANG MTHONG BZHIN DU GZHAN RNAMS LA, ,NGES PAR BSKYED PAR BYA PA'I PHYIR, ,DAM PA RNAMS KYIS 'JUG PA STE, , RTAG TU SLU BA MED PAS SO, ,ZHES BYANG CHUB SEMS KYI RNAM 'GREL LAS 'BYUNG NGO, ,DE BZHIN DU, SKYOB PA RANG MTHONG LAM STON PA'O, ,ZHES 'BYUNG NGO, ,DE LTAR GYUR PA GANG YIN PA DES NI TSIG NGAN PA STON PA MI RIGS SO ZHES BYA BAS TSIG NGAN PA GSUNGS PA'I GNAS MA YIN PAR BSTAN TO ZHES BSHAD DO, ,RDZOGS PA DANG MA RDZOGS PA ZHES PA NI TZANDAN LA SOGS PA DANG RIN PO CHE LTA BU'I GANG ZAG RNAMS SO, ,DE'I TSUL RJES SU BYED PA BYANG CHUB SEMS DPA' DANG DE BZHIN GSHEGS PA RNAMS YIN TE SA BCU PA DANG BCU GCIG PA THOB PA'I PHYIR RO, ,DER YANG ZHES BYA BA LA SOGS PA 'DIS GSUNG BA NI MI RIGS SO ZHES BSTAN TO, ,'PHAGS PA MA YIN PA RAB TU 'JUG PA'I LAS KYI MTSAN NYID DO, ,ZHES NI MI DGE BA'I LAS TE LUS LA SOGS PA'I RNAM PA BCU MI DGE BA'I LAS RNAM PA BCU ZHES BYA BA'I DON TO, ,DE GSUNG PAS NA GSUNGS PA STE, ,ZHES PA NI BCOM LDAN 'DAS KYI BKA' LUNG NGO, ,TSIG NGAN PA ZHES BYA BA LA SOGS PA NI LAS 'DZIN PA'I BSDU BA'O, ,MI BSKYOD PA LA SOGS PAS ZHES PA NI THUGS RDO RJE LA SOGS PAS SO, ,DE LA 'DI SKAD CES BKA' STZAL TO, ,ZHES PA NI BYANG CHUB SEMS DPA' RNAMS LA LAN STON TE RDO RJE 'CHANG CHEN PO DANG DE BZHIN GSHEGS PA LA SOGS PA RNAMS KYANG DBYER MED PA'I PHYIR RO, ,GZHAN DU NA RDO RJE 'CHANG CHEN PO GSUNG PA PO YIN NA, DE NYID KYIS THE TSOM SEL BAR BYA BA'I RIGS PA YIN NO ZHES PA CI'I PHYIR DE BZHIN GSHEGS PA RNAMS KYIS LAN BTAB PAR 'GYUR RO, ,BZLOG PA STE ZHES PA NI YONGS SU RDZOGS

PAS BZLOG PA ZHES BYA'O, ,KHYED RNAMS KYI BSAM PA SHES KYIS ZHES BYA BA LA SOGS PAS DON DE NYID BSTAN TO, ,DGONGS PA DE NYID BSTAN PA'I PHYIR, ,BCOM LDAN 'DAS KYI DGONGS PAS BSHAD PA'I ZHES BYA BA LA SOGS PAS DE NYID KYI DON STON PAR BYED PA'I DGONGS PAS BSHAD PAS BRJOD PAR BYA BA'I TSIG RNAMS NI ZAB PA MA YIN PA'I DON DANG LDAN PA'I SGRA JI BZHIN PAS DBYE BAR MI 'GYUR TE, GANG GI PHYIR PADMA'I RTZA BA'I SNAL MAS LCAGS KYI LU GU RGYUD MI PHYED PA BZHIN NO, ,DE BAS NA LOG PA'I DON BZUNG BAS SMOD PA'I YID LA BYED PA BYANG CHUB SEMS DPA' RNAMS KYI DGONGS PA YIN NO ZHES BYA'O, ,DE CI'I PHYIR ZHE NA, ZHES BYA BA LA SOGS PAS SGRA JI BZHIN PA'I DON MED PA DGONGS PAS BSHAD PA'I DE KHO NA NYID DE BZHIN GSHEGS PA RNAMS KYIS BSHAD DO ZHES BSTAN TO, ,CHOS RNAMS KYI DE BZHIN NYID NI ZHES PA LA CHOS THAMS CAD KYI NANG KHYAB PA STONG PA NYID CES BYA BA'I THA TSIG GO, ,BLO MCHOG TU GYUR PA'I RIN PO CHE LTA BU'I GANG ZAG CES PA NI RDZOGS PA'I RIM PA 'BA' ZHIG LA SNOD DU RUNG BA'I SLOB MA RNAMS SO, ,MI GNAS PA'I MYA NGAN LAS 'DAS PA'O ZHES PA NI ZUNG DU 'JUG PA'I MAN NGAG GO, ,DE LA YE SHES NI KHONG DU CHUD PA ZHES BYA BA NI DE'I BDAG NYID DU 'JUG PA ZHES BYA BA'I DON TO, ,DON DAM PA'I BDEN PA ZHES BYA BA LA SOGS PAS GNYIS SU MED PA'I TING NGE 'DZIN GYI MTSAN NYID RTOGS PAR BYED PA'O, ,RIN PO CHE LTA BU'I GANG ZAG RNAMS LA CHOS NYID BSTAN PAR BYA'O ZHES STON TO, ,GZHAN LA NI MA YIN TE ZHES BYA BAS TZANDAN LA SOGS PA LA DGAG PAR BSTAN TO, ,DE BAS ZHES BYA BA LA SOGS PAS NYE BAR BSDU BA BSTAN TO, ,BYANG CHUB THOB PAR BYA BA'I PHYIR SPYOD PA NI BYANG CHUB SPYOD PA STE, ,SPROS PA DANG BCAS PA LA SOGS PA'I SPYOD PA GSUM MO, ,GNAS NI DE'I 'BRAS BUR GYUR PA'I BYANG CHUB SPYOD PA'I GNAS TE RDO RJE 'CHANG NYID DU BSTAN TO, , 'DI NI 'DI NYID DE ZHES BYA BA LA SOGS PAS THE TSOM MED PAR SPYOD PA DES RDO RJE 'CHANG NYID THOB PAR 'GYUR RO ZHES BSTAN TO, ,SGRA JI BZHIN PA ZHES PA NI SPYOD PA JI LTAR GSUNGS ZHES BSHAD PAS SO, ,BSHAD ZIN TO ZHES PA NI LE'U DANG PO LAS SO, ,DE'I RNAM PAR SMIN PA TSA BA'I PHYIR ZHES PA

, ,NI MNAR MED PA LA SOGS PA LA LTUNG BA'I RGYU MTHUN PA'I 'BRAS BU YIN PAS SO, ,BYA BA MA YIN PAS ZHES PA NI SROG GCOD LA SOGS PA MI BYED PAS SO, ,BCOM LDAN 'DAS KYI BKA' LAS 'DAS PA'I ZHES BYA BA LA SOGS PA NI BDE BAR GSHEGS PA'I BKA' LAS 'DAS PA'I MTSAN NYID KYI RTZA BA'I LTUNG BA THOS PAS SO, ,RTZA BA'I LTUNG BA'I 'BRAS BU BSTAN PAR BYA BA'I PHYIR DMYAL BA'I 'JIGS PA ZHES BYA BA SMOS TE, DKA' BA MA SPANGS PAS DUS BYAS TE KHYOD DMYAL BAR LTUNG BAR 'GYUR ZHES BSHAD PA'I PHYIR RO, ,BYA BA LA RMONGS PAS KUN DU 'KHOR BAR 'GYUR TE ZHES PA NI BSAM PA 'DI YIN TE, BCOM LDAN 'DAS KYIS GSUNGS PA'I KHA NA MA THO BA DANG BCAS PA BYED PA'AM YANG NA SROG GCOD PA LA SOGS PA MI BYED DO ZHES PHYOGS GCIG LA BRTEN PA DANG, PHYOGS GNYIS PA YONGS SU SPONG BA'AM YANG NA DE LAS LDOG PA ZHES RNAM PA THAMS CAD DU BCOM LDAN 'DAS KYIS BKA' LUNG BLANG BAR BYA BA YIN NAM MA YIN ZHES THE TSOM DANG LDAN PA'I BLOS GNYIS PA'ANG MI BYA'O ZHES YID MI BDE BAR 'GYUR RO, ,PHYI NAS ZHES BYA BA LA SOGS PAS NGES PA'I GSUNG THOS PA'I DGA' BA LAS 'BYUNG BA'AM RGYAL BA THOB PA NYID DU BSTAN TO, ,NGES PA'I DON ZHES PA NI RDO RJE'I TSIG GI KHYAD PAR TE SNGAR KHONG DU CHUD PA'I DON JI LTA BA BZHIN DU RIGS PA'I PHYIR RO, ,SNGON CHAD MA RTOGS PA'I CHOS NYID RTOGS PAS ZHES PA NI DGONGS PAS BSHAD PA'I DON THOS PAS SO, ,DE YID RTZE GCIG TU GYUR PAS ZHES PA NI DGONGS PAS BSHAD PA'I CHOS NYID KYI MTSAN NYID BRJOD PAR BYA BA LA BSAM PA DANG BSGOM PA LA ZHEN PA'I YID DANG LDAN PA'I PHYIR RO, ,DRANG BA'I DON TO ZHES PA NI THOS PA LA SOGS PA'I RANG BZHIN GYIS SHES RAB KYI 'BREL PA BSTAN PA'I PHYIR RO, ,YANG LUNG GIS BSHAD PA ZHES BYA BA LA SOGS PAS NGES PA'I DON BSTAN PAR BYA STE, MI G-YO BA NI SEMS RNAM PAR DAG PA'I RIM PAS THOB PAR BYA BA'I STONG PA CHEN PO'O, ,DE LAS KYANG GSANG BA NI THAMS CAD STONG PA'O, ,ZHI BA NI RNAM PAR SHES PA DANG SNANG BA MED PA'O, ,GCIG NI GNYIS SU MED PA'O, ,BDE BA ZHES PA NI BDE BA CHEN PO'O, ,RANG BZHIN

THAMS CAD SPANGS PAS NA MCHOG GO, ,RDZOGS PA'I BYANG CHUB THOB BYED PA, ,ZHES PA NI RDO RJE 'CHANG CHEN PO'I GO 'PHANG THOB PAR BYED PA'O, ,'DI NI DGONGS PAS GSUNGS ZHES PA NI BCOM LDAN 'DAS KYIS GSUNGS PA'O, ,DE YANG RNAL 'BYOR PAS MNGON DU BYA'O ZHES BYA BA 'DIS SEMS RNAM PAR DAG PA'I RIM PA BSTAN TO, ,NAM MKHA' MTHA' YAS SBYOR BA YIS, ,ZHES PA LA NAM MKHA' BZHIN DU MTHA' YAS PA'I SGYU MA LTA BU'I SBYOR BA YIS SO, ,DE'I 'BREL PAS GZUGS LA SOGS PA NI SGYU MA'I RNAM PAS MTSON PA'I YE SHES KYI SKU YANG MTHA' YAS PA STE SGYU MA'I DPE BCU GNYIS KYI SGO NAS MTSON PA'O, ,DE NYID DE BZHIN GSHEGS PA DANG, ,DE BZHIN BYANG CHUB SEMS DPAR BSHAD, ,CES PA NI SGYU MA NYID KYIS NYE BAR MTSON PA'I LHA'I SKU'I 'BREL PA DANG LDAN PA'I PHUNG PO DANG KHAMS DANG SKYE MCHED YIN NO ZHES BYA BA'I DON TO, ,DE NYID KYI PHYIR KHAMS GSUM PA THAMS CAD BSTAN PA LA SOGS PAS BSDU BA NI 'DUL BAR MDZAD PA RNAL 'BYOR PAS YE SHES KYI SKU GZUNG BA GANG YIN PA DE NYID LUS KYI DKYIL 'KHOR YIN TE DKYIL 'KHOR PA THAMS CAD DE NYID DU BSDUS PAS SO, ,LUS RTOG LA ZHES PA NI SGYU MA'I LUS DE LAS SAR ZHING SAR BA'I DKYIL 'KHOR GYI 'KHOR LO'I RIM PAS SPRO BAR BYED PA GANG YIN PA DE NI BYANG CHUB SEMS DPA' RGYAL BAR GYUR ZHES BSTAN TO, ,DES NI LONGS SPYOD RDZOGS PA DANG SPRUL PA'I SKU'I RANG BZHIN GYI BDAG LA BYIN GYIS BRLAB PA'I RIM PA BSTAN PA YIN NO, ,DE LTAR BDE BA NI DE DANG 'DRA BA'I BDE BA CHEN PO BSKYED PAS SO, ,BSKUL PA NI KHYAB PA'I RNAL 'BYOR PA RNAMS KYIS MI SHES PA NI 'DOD CHAGS LA SOGS PA RNAM PAR RTOG PA THAMS CAD YONGS SU GCOD PAS RNAM PAR MI RTOG PAR GYUR PA GANG YIN PA DE NYID BYANG CHUB SEMS DPA' RGYAL BAR 'GYUR RO ZHES BSTAN TO, ,DES NI MNGON PAR BYANG CHUB PA'I RIM PA BSTAN PA YIN NO, ,NGES PA'I DON TO ZHES PA NI SEMS RNAM PAR DAG PA DANG BDAG LA BYIN GYIS BRLAB PA DANG, MNGON PAR BYANG CHUB PA'I RIM PA GSUM GYI MTSAN NYID CAN GYI RDZOGS PA'I RIM PA BSTAN PA'I PHYIR RO, ,SGRA JI BZHIN PA'O ZHES PA NI, RDO RJE 'CHANG CHEN PO'I GSOL BA 'DEBS PA BSTAN PA'I PHYIR TE,

, ,SOGS PA'I SGRAS SHES PAR BYA'O, ,DE DANG 'DRA BA'I ZHES PA NI SPROS PA THAMS CAD LAS NGES PAR GROL BA'O, ,GNYIS SU MED PAS NI ZHES PA NI ZUNG DU 'JUG PA'I TING NGE 'DZIN GYI MTSAN NYID LA ZHUGS PA'O, ,DE LTA BU ZHES BYA BA LA SOGS PA NI ZUNG DU 'JUG PA'I TING NGE 'DZIN GYIS THOB PA'I RDO RJE'I SKU'O, ,'OD ZER YANG DAG PAR BSDUS PA ZHES PA NI RANG GI SKU LAS BYUNG BA'O, ,REG PAR GYUR PA TZAM GYIS ZHES PA NI ZLA BA'I 'OD ZER DANG 'DRA BAR BSIL BA BYANG CHUB SEMS DPA'I LUS LAS PHAB PAS SO, ,RANG RANG GI STAN LA YANG GNAS PAR GYUR TO ZHES PA NI PADMA DANG ZLA BA DANG NYI MA LA SOGS PA'I GDAN LA BZHUGS PA STE, BSGOMS PA LAS BYUNG BA'I BRGYAL BA SANGS NAS DRAN PA THOB PAR GYUR TO ZHES BYA BA'I DON TO, ,DE NYID BSTAN PAR BYA BA'I PHYIR DRAN PA SLAR YANG SO SOR RNYED PAR GYUR TO ZHES BSTAN TO, ,DRANG BA'I DON TO ZHES PA NI SPRO BA TZAM STON PAR BYED PA'I SOGS PA'I SGRAS SO, ,STONG PA NYID GSUM NI STONG PA DANG SHIN DU STONG PA DANG CHEN PO STONG PA STE SNGAGS DANG PHYAG RGYA'I RIM PAS THOB PAR BYA'O, ,'OD GSAL BA ZHES PA NI STONG PA GSUM GYI RGYU CAN 'BRAS BUR GYUR PA STE THAMS CAD STONG PA'O, ,STONG PA SHIN TU STONG PA DANG, ,STONG PA CHEN PO GSUM PA STE, ,BZHI PA THAMS CAD STONG PA NI, ,RGYU DANG 'BRAS BU'I DBYE BAS SO, ,ZHES 'BYUNG NGO, ,ZUNG DU 'JUG PA NI GANG GI PHYIR ZUNG DU 'JUG PA'I RIM PA LAS RGYU DANG 'BRAS BU'I DBYE BAS BSGOM PA NI MED DO, ,RGYU DANG 'BRAS BU'I BDAG NYID NI, ,RANG BZHIN MED PAR BYAS NAS SO, ,RNAL 'BYOR PA NI GANG GNAS PA, ,ZUNG 'JUG SANGS RGYAS KYIS GSUNGS SO, ,MI PHYED PAS NA RDO RJE STE, ,ZHES PA NI ZUNG DU 'JUG PA TING NGE 'DZIN LA RNAM PA DANG BCAS PA LA SOGS PA'I RNAM PAR RTOG PA DANG MI GTZANG BA DANG GTZANG BA LA SOGS PA'I RNAM PAR RTOG PA YANG 'BYUNG BAR MI 'GYUR RO, ,RNAM BCAS DNGOS PO'I RTOG PA DANG, RNAM PA MED PA'I RTOG PA STE, ,GCIG TU BYAS NAS SPYOD PA NI, ,ZUNG 'JUG RIM PA DE BZHIN NO, ,JI LTAR DRI BZANG GA PUR DANG, ,DE LTAR MI GTZANG DRI BZHIN NO, ,ZHES BYA BA LA SOGS PA 'BYUNG NGO, ,DE SKAD CES BYA BA LA SOGS PA NI DE 'DRA BA'I TING NGE 'DZIN LA

BCOM LDAN 'DAS BZHUGS PAR GYUR TO, ,MI G-YO BA ZHES BYA BA LA SOGS PAS STONG PA CHEN PO LA SOGS PA LA GNAS PA BYANG CHUB SEMS DPA'I GZUGS KYI LONGS SPYOD RDZOGS PA DANG SPRUL PA'I SKU GNYIS DBYER MED PAS GNAS PA RDO RJE 'CHANG CHEN PO'I BDAG NYID THOB PAR GYUR PA'O ZHES PA RANG GI TING NGE 'DZIN DANG MTSUNGS PAR GYUR TO, ,DE LTAR BYIN GYIS BRLABS PA TZAM GYIS ZHES PA NI RIM PA LNGA'I DE KHO NA NYID KHONG DU CHUD PAS SO, ,SNANG BA'I 'OD KYI TSOGS KYIS ZHES PA NI KHA DOG LNGA PA'I 'OD ZER GYI TSOGS KYIS SO, ,RLUNG NI REG PA'O ZHES PA NI REG PA'I YON TAN DANG LDAN PAS SO, ,DES REG PA TZAM GYIS ZHES PA NI 'BRU MANG PO LA 'OD NI MCHOG TU GZUNG BA'O, ,TZAM ZHES BYA BA NI RLUNG GI DE KHO NA NYID DE 'OD GSAL BA'O, ,DES NA 'OD DE KHAMS PHRA BA LA RJES SU ZHUGS PA'I YE SHES KYI 'OD ZER 'PHROS PAS ZHES SMOS PA LA BSAM PA NI 'DI YIN TE, ZUNG DU 'JUG PA'I TING NGE 'DZIN LA ZHUGS PA'I RDO RJE 'CHANG CHEN POS 'OD ZER GYI 'KHOR LO SPROS LA, BYANG CHUB SEMS DPA' RNAMS 'OD GSAL BA'I GO 'PHANG LA 'JUG PA'I SEMS KYI RGYUD LA 'JUG STE, CIG CAR RAM SNANG BA MCHOD PA LA SOGS PA'I RIM PAS BDAG LA BYIN GYIS BRLAB PA'I RIM PAS THOB PAR BYA BA YID KYI RANG BZHIN GYI YE SHES KYI SKU BLANGS LA RANG RANG GI GDAN GYI BRDAR BSTAN PA'I 'JIG RTEN GYI KHAMS LA SEMS CAN GYI DON BYA BA LA NUS PA DANG LDAN PAR MDZAD DO ZHES STON TO, ,DE NYID BSTAN PAR BYA BA'I PHYIR 'OD GSAL BA LAS LDANG BAR 'GYUR RO, ,ZHES BYA BA LA SOGS PAS BSTAN TO, ,NGES PA'I DON TE ZHES PA NI SEMS RNAM PAR DAG PA DANG BDAG LA BYIN GYIS BRLAB PA DANG ZUNG DU 'JUG PA'I RIM PA BSTAN PA'I PHYIR RO, ,ZAB PA'I CHOS STON PA ZHES PA NI 'GAL BA'I SGRA'I SGO NAS SPYOD PA GSUM GYIS THOB PAR BYA BA'I DE KHO NA NYID BSTAN PA'O, ,DE LA MKHAS PA NI 'JIG RTEN LAS 'GAL BA'I SGRA'I SGO NAS GSUNGS PA'O, ,SNGON MA BYUNG BA ZHES PA NI SGRA JI BZHIN PA TZAM GYIS SROG GCOD PA LA SOGS PA LA 'JUG PA'O, ,GYUR PA NI DGONGS PAS BSHAD PAS DE'I DON YONGS SU SPANGS TE DE KHO NA NYID KYI DON LA 'JUG PA'O, ,RMAD DU GYUR PA NI GZHAN THOS PA DANG RNAM PA GZHAN SGRUB

, ,PA'O, ,RANGS TE ZHES PA NI RMAD DU BYUNG BA NYID KYI 'BRAS BUR GYUR PA'I SEMS KYI GNAS SKABS KYI KHYAD PAR RO, ,BKA' STZAL PA ZHES PA NI 'GAL BA'I SGRAS GTZO BOR GYUR PA'I TSIG BSTAN PAS SO, ,RTOGS SHING ZHES PA NI MNGON DU BYAS PA'O, ,TING NGE 'DZIN KHYAD PAR ZHES BYA BA NI SEMS RNAM PAR DAG PA LA SOGS PA'I MTSAN NYID KYI RDZOGS PA'I RIM PA'O, ,DES BSKYED PA NI RDO RJE 'CHANG GI GO 'PHANG THOB PAS SEMS CAN GYI TSOGS ZHES PA NI KHAMS GSUM LA GNAS PA'I RIN PO CHE LTA BU'I GANG ZAG GANG YIN PA'O, ,DE RNAMS GZIGS PA NI GZIGS PAS DGES PAS KHYAB PAR GYUR PA'O, ,RNAM PA DE LTA BU ZHES PA NI 'CHAD PAR 'GYUR BA'O, ,CHOS DANG YANG DAG PAR LDAN BA ZHES PA NI BCOM LDAN 'DAS KYIS MA NGES PA MED PA YON TAN GYI TSOGS LA BSTOD PA DANG YANG DAG PAR LDAN PA'O, ,CHOS BSTAN PAS DGES PAS ZHES PA NI RDZOGS PA'I RIM PA'I RGYUR GYUR PA SPYOD PA GSUM GYI MTSAN NYID CAN GYI CHOS BSTAN PAS MGU BA ZHES BYA BA'I DON TO, ,CHOS BSTAN PA'I SGO NAS ZHES BYA BA LA SOGS PA NI NGES GSUNGS PA'I CHOS DANG GSUNG PA PO LA DBYER MED PA'I PHYIR RO, ,RJOD PAR BYED PA DANG BRJOD PAR BYA BA'I BDAG NYID CAN RDO RJE 'CHANG CHEN PO ZHES LE'U DANG PO NAS BSTAN PAS SO, ,BSTAN PA'I MTSAN NYID CAN GYI CHOS SO, ,ZHES PA LA RJOD PAR BYED PA'I NGO BO'O, ,DES BSTAN PA'I DON ZHES PA NI BRJOD PAR BYA BA'I NGO BO'O, ,MTSON PA ZHES PA NI 'CHAD PA PO'I 'DOD PAS SGRA RNAMS KYI SBYOR BA YIN GYIS GZHAN DU NI MA YIN NO ,RJOD PAR BYED PA GANG DANG GANG,, 'CHAD PA POS NI NGES SBYOR BA, ,PHYI YI DON LA MA RTOGS PA, ,TSIG DE DA BZHIN RJOD BYED PA'O, ,ZHES 'BYUNG NGO, ,CHOS NI BRJOD PA'I MTSAN NYID DO, ,ZHES BYA BA LA SOGS PA LA RJES SU SMRA BA TZAM YIN NO, ,GANG YIN ZHES BYA 'DRI BA LA, ,CHOS NI THOS PA'I RANG BZHIN NO, ,ZHES BYA BA LA SOGS PAS LAN BTAB PA BSTAN TE, CHOS NI SGRA YIN PAS RNA BAS GZUNG BYA YIN PA'I PHYIR RO, ,DON DAG PA NI BSAM PA'I RANG BZHIN NO ZHES PA LA RIGS PA BZHI'I SGO NAS CHOS DE NYID RNAM PAR DPYAD NA DAG PA'I DON DU 'GYUR TE DON NGES PAR RTOGS PA DANG THE TSOM BRAL BAS SO, ,DE DAG MNGON SUM

BYAS PA NI THOS PA DANG BSAM PA RDZOGS NA CHOS KYI DON BSGOM PAR BYA BAR RIGS SO, ,DE NYID BSTAN PAR BYA BA'I PHYIR, ,RDO RJE 'CHANG CHEN PO ZHES BSTAN TO, ,DE LTA BU KHYOD LA PHYAG 'TSAL 'DUD, ,CES BYA BA 'DIS BRJOD PAR BYA BA DANG RJOD PAR BYED PA DANG DE'I GZHI CAN GYI THOS PA DANG BSAM PA DANG DE'I BSGOM PA DANG DE'I 'BRAS BUR GYUR PA DE KHO NA NYID KYI SKU GCIG PA RDO RJE 'CHANG LA BSTOD PA BSTAN TO, ,RDO RJE 'CHANG YANG KUN RDZOB DANG DON DAM PA DBYER MED PA'I NGO BO YIN PAS PHYAG 'TSAL BA'I SGRA GNYIS PA BSTAN TO, ,DE BZHIN DU 'OG TU YANG SBYAR RO, ,SKU LA SOGS PA PHAN TSUN THA DAD PA MA YIN NO,, ZHES PA NI SEMS NI LUS LTA BU ZHES BYA BA LA SOGS PA GSUNGS PA'I PHYIR RO, ,'OD GSAL BA STE ZHES PA NI GLO BUR GYI DRI MAS MI GOS PA'I PHYIR RO, ,DE'I GNAS ZHES BYA BA LA SOGS PAS SNGAGS DANG PHYAG RGYA'I RIM PAS THOB PAR BYA ZHES BYA'O, ,SKYE DANG 'GAG PA DANG BRAL BA ZHES PA NI 'OD GSAL BA STE 'DUS MA BYAS PA'I PHYIR RO, ,SNANG BA RNAM PAR DAG PA ZHES PA NI, SNANG BA LA SOGS PA GSUM SPONG BAS SO, ,DE NI SEMS RNAM PAR DAG PA'I RIM PA'I SGO NAS BSTOD PA'O, ,'JA' TSON LTAR ZHES BYA BA LA SOGS PAS 'OD GSAL BA LAS SPROS PA'I YE SHES KYI SKU'I BDAG NYID GZUNG BAR BSTAN TO, ,DES NI BDAG LA BYIN GYIS BRLAB PA'I RIM PA'I SGO NAS BCOM LDAN 'DAS LA BSTOD PA'O, ,SANGS RGYAS THAMS CAD KYI YON TAN GYI ZHES PA NI STOBS DANG MI 'JIGS PA LA SOGS PA RNAMS SO, ,THUGS NYID YIN PAS NA ZHES PA NI DE RNAMS KYIS BSAGS PAS NA THUGS TE RNAM PA THAMS CAD MCHOG DANG LDAN PA'I RDO RJE'I SKU'I RANG BZHIN KHYOD YIN NO, ,DE BZHIN GSHEGS PA RNAMS KYI THOG MAR GYUR PAS ZHES PA NI RDO RJE 'CHANG CHEN PO'I NGO BO YIN PAS SO, ,GTZO BO NI MI SLOB PAS SO, ,DE 'BA' ZHIG TU MA ZAD KYI 'ON KYANG 'DAS PA LA SOGS PA'I DUS LA GNAS PA'I DNGOS PO RNAMS ZHES PA NI SEMS CAN DANG SNOD KYI 'JIG RTEN GYI RANG BZHIN GNYIS KA'I DNGOS PO RNAMS SO, ,NYID YIN ZHES PAS DNGOS PO THAMS CAD KHYAB PAR BYED PA BCOM LDAN 'DAS BSTAN TO, ,DNGOS PO THAMS CAD KYI NGO BO NYID DU GYUR PAS SO ZHES PA NI CHOS THAMS CAD KYI NANG DU CHUD PA'I CHOS NYID KYI NGO BO YIN

, ,PAS SO, ,'OD GSAL BA ZHES PA NI 'OD GSAL BA'I 'BRAS BUR GYUR PA'I RDO RJE'I SKU KHYOD YIN NO, ,KHYED NYID KHAMS GSUM PA YANG YIN TE ZHES PA NI KHAMS GSUM GYI BDAG NYID YIN PAS SO, ,SGYU 'PHRUL GYI DBANG BRNYES PAS ZHES PA NI SKU LA SOGS PA'I DBANG PHYUG BRGYAD THOB PAS SO, ,BDEN PA GNYIS KYI BDAG NYID CAN YIN PAS ZHES PA NI ZUNG DU 'JUG PA'I DE KHO NA NYID KYI RANG BZHIN YIN PA'I PHYIR RO, ,DES NI ZUNG DU 'JUG PA'I RIM PA'I SGO NAS BCOM LDAN 'DAS LA BSTOD PA'O, ,ME LONG LTA BU'I YE SHES ZHES PA NI NYON MONGS PA DANG SHES BYA'I SGRIB PA'I SPRIN GYIS MA BSGRIBS PA'I PHYIR RO, ,DE LAS YANG DAG PAR BYUNG BA NI RNAM PAR SNANG MDZAD DE ZHES PA NI MA 'BREL PA RNAM PAR GCOD PAS LHA SBYIN NI GZHU 'DZIN PA BZHIN NO, ,DE'I NGO BO NYID YIN PA'I PHYIR RO ZHES PA NI GTAN TSIGS KYANG DE BZHIN NO, ,DE BZHIN GSHEGS PA GZHAN RNAMS KYI NI ME LONG LTA BU'I YE SHES KYI NGO BO NYID MED PA MA YIN NO, ,NAM MKHA' NI RE ZHIG 'OD GSAL BA STE DE'I LAM NI DE THOB PAR BYED PA'I YE SHES TE MNYAM PA NYID KYI YE SHES SO, ,DE LAS BYUNG BAS GNAS PAR MDZAD CING ZHES PA NI SKAD KYI BYINGS DON DU MA YIN PA'I PHYIR GNAS PA 'BYUNG BA LA 'JUG GO, , NAM MKHA' ZHES BYA BA LA SOGS PAS CHOS KYI DBYINGS KYI YE SHES KYI RANG BZHIN GYI THUGS GANG LA YOD PA DE NI MI BSKYOD PA STE YE SHES DANG RJES SU MTHUN PAR BSTAN TO, ,PADMA'I RIGS SO ZHES PA NI YAN LAG BCU GNYIS PA'I GSUNG RAB LA 'JUG PA LA DE NYID KYIS DBANG BYED PAS SO, ,DE RNAMS KYI MCHOG CES PA NI DE RNAMS SPRUL PA'I NGO BO NYID DO, ,'GRO BA MA LUS PA'I DON NI ZHES PA LA BSTAN PA DANG SMIN PA DANG GROL BA LA SOGS PA STOBS KYI RNAL 'BYOR GYI MTSAN NYID KYI RANG BZHIN RLUNG GI KHAMS KYI NGO BO STE, DE RNAMS BYA BA NAN TAN GRUB PA'I YE SHES KYIS RDZOGS PAR 'GYUR BAS DE'I BDAG NYID DON YOD GRUB PA 'DIR BSTAN TO, ,RIGS LNGA'I BDAG NYID KYI ZHES PA NI RDO RJE 'CHANG CHEN PO STE BDAG NYID DU GYUR PAS ZHES BYA BA'I TSIG GO, ,JI SKAD DU, RIGS NI RNAM PA BRGYAR BSTAN PA, MDOR BSDUS PAS NI RNAM PA LNGA, ,SKU GSUNG THUGS KYI DBYE BA YIS, ,PHYI NAS RNAM PA GSUM DU

'GYUR, ,DE NI RANG BYUNG BCOM LDAN 'DAS, ,GCIG PU NYID DE LHAG PA'I LHA, ,ZHES 'BYUNG NGO, ,BDAG DANG GZHAN GYI DON SGRUB PA, ,ZHES BYA BA'I SPYOD PA NI ZHES PA LA SNGAR BSHAD PA'I RNAM PA GSUM GYI SPYOD PA'I RIGS PAS RANG DANG GZHAN GYI DON 'GRUB PAR 'GYUR RO, ,DE NYID KHYAD PAR DU GYUR PAS NA ZHES PA NI THEG PA DMAN PA LA SOGS PA LA LTOS PA DANG, BYA BA'I RGYUD LA SOGS PA LA LTOS PAS ZHES TSIG LHAG MA'O, ,GANG GI PHYIR BDE BA'I NGO BO DANG YUN RING PA MA YIN PAS BSGRUB PAR BYA BA'I SPYOD PA NI LAM GZHAN DANG RGYUD GZHAN LAS MA BSTAN TE, BRTUL ZHUGS DANG SBYANGS PA'I YON TAN LA SOGS PAS LUS NGAL BAR BYED PA'I PHYIR DANG LAN GSUM BKRUS PA LA SOGS PAS LUS GZIR BAR BYED PA'I PHYIR RO, ,DE'I DON STON PA'I ZHES PA NI SPYOD PA GSUM RJOD PAR BYED PA'I GZHUNG GI TSOGS LA LE'U ZHES BYA'O, ,DGONGS PA MA YIN NO ZHES BYA BA NI YONGS SU GSAL BA'I DE KHO NA NYID BSTAN PA'I PHYIR RO, ,SGRON MA GSAL BAR BYED PA'I 'GREL PA'I T'I K'A LAS LE'U LNGA PA'I RGYA CHER BSHAD PA'O,, ,,BDAG LA BYIN GYIS BRLAB PA'I NGA RGYAL ZHES BYA BA LA SOGS PAS LE'U DRUG PA'I BSHAD PA RTZOM PAR BYED DO, ,BDAG NI LHA'I SKU LA'O, ,BYIN GYIS BRLAB PA NI SKU LA SOGS PA BYIN GYIS BRLAB PA'O, ,SNGON DU 'GRO BA'I SPYOD PA BYA BA NI RNAL 'BYOR CHEN PO'I MTHA'I BAR DU DANG POR SBYOR BA BSGOMS NAS LHA'I RNAM PA THOB PAS SPYOD PA BYA'O, ,GZHAN DU NA KHYI DANG SPYANG KI LA SOGS PA DANG, ,SO SO'I SKYE BO'I BZHIN DU SPYAD PA THAL BAR 'GYUR RO, ,SKU LA SOGS PA BYIN GYIS BRLAB PA'I RIM PA ZHES PA NI RNAL 'BYOR DANG RJES SU RNAL 'BYOR DANG, ,SHIN TU RNAL 'BYOR RDZOGS NAS RNAL 'BYOR CHEN PO'I MTSAN NYID CAN GYI DANG PO'I SBYOR BA'I YAN LAG TU GYUR PA ZHES BYA BA'I DON TO, ,RAB TU STON TO ZHES PA NI RAB TU PHYE NAS BSHAD PAR BYA BA'I DON TO, ,MI BSKYOD PA ZHES BYA BA NI SKU LA SOGS PA DE'I RANG BZHIN YIN PAS SO, ,DE BYIN GYIS RLOB PA'I GSANG SNGAGS TE ZHES PA NI GANG BRJOD PAS THUGS RDO RJES SGRUB PA PO BYIN GYIS BRLAB PAR 'GYUR RO, ,GANG LA MING DE SKAD CES BYA BA'I THUGS RTZE GCIG TU MDZAD DE ZHES PA NI THUGS BYIN GYIS RLOB PAR BYED PA'I SNGAGS RJES

, ,SU DRAN PA'I MTSAN NYID KYI BLO ZHES BYA BA'I DON TO, ,THUGS BYIN GYIS BRLAB PA GANG YIN PA ZHES PA NI RTOG PA DANG BCAS PA'I THA MAL PA'I NGO BO BRAL NAS STON KA'I ZLA BA'I DKYIL 'KHOR RDZOGS PA DANG 'DRA BA GANG GIS BYED PA DE LA DE SKAD CES BSHAD DO, ,YID SKYOB PAS NA ZHES PA LA DE LA GCIG TU GZHOL BAS RNAM PAR RTOG PA GZHAN LAS SKYOB PAS SO, ,DBANG PO DANG NI YUL DAG LA, ,BRTEN NAS GANG ZHIG YID BYUNG BA, ,YID DE MAN ZHES BSHAD PA STE, ,TRA NI SKYOB PA'I DON YIN NO, ,ZHES 'BYUNG NGO, ,BKA' STZAL PAR GYUR TO ZHES PA NI BCOM LDAN 'DAS KYIS TE TSIG LHAG MA'O, ,AOm ZHES BYA BA LA SOGS PA NI THUGS LA BYIN GYIS BRLAB PA'I SNGAGS SO, ,DE BRJOD PA TZAM GYIS THUGS BYIN GYIS BRLAB PAR 'GYUR RO, ,ME LONG LTA BU'I YE SHES KYI BDAG NYID CAN ZHES PA LA NYON MONGS PA DANG SHES BYA'I SGRIB PA'I RDUL RNAMS MED PA DANG MI PHYED PA'I PHYIR RO, ,DE BYIN GYIS RLOB PA'I SNGAGS TE, ZHES PA NI SKAD KYI BYINGS DON DU MA YIN PAS GNAS KYI SGRA NI BYIN GYIS BRLAB PA'I RNAM GRANGS SO, ,SKU BYIN GYIS BRLAB PA'I SNGAGS GSUNGS PA NI ZHES PA LA GANG GI LUS KYI THA MAL PA'I NGO BO SPANGS NAS MTSAN SUM CU RTZA GNYIS DANG DPE BYAD BZANG PO BRGYAD CUS RNAM PAR SPRAS PA, ,RNAM PA THAMS CAD KYI MCHOG DANG LDAN PAR BYA BA DE LA DE SKAD CES BYA'O, ,AOm ZHES BYA BA LA SOGS PA NI LUS BYIN GYIS BRLAB PA'I SNGAGS SO, ,DE BRJOD PAS LUS BYIN GYIS BRLAB PAR 'GYUR RO, ,TSAD MED GANG LAS BRNYES PA ZHES PA NI BYANG CHUB KYI SEMS LA SPYOD PA'I RNAL 'BYOR PA RNAMS YUN RING DU 'TSO BAR 'GYUR RO, ,DE PHYIR 'BAD PA THAMS CAD KYIS, ,'PHO BA'I CHAGS PA BRAL BAR BYA, ,ZHES 'BYUNG NGO, ,RAGTA GYEN DU 'DREN PA'I BCOM LDAN 'DAS SANGS RGYAS RNAMS NI BSKAL PA'I BAR DU THUB PAR 'GYUR TE BYANG CHUB KYI SEMS MI 'PHO BAS SO,, DE DUS BRTZAMS NAS DE NI RTOG PA MED, ,DE YI DBYIBS DANG KHA DOG JI LTAR MTSAN, ,BSAM GYIS MI KHYAB RNAM PAR SMIN PA'I SKU, ,SDOM PA DE LA BYA BA BYAS PAS THOB, ,CES RDO RJE H'Um MDZAD KYI SGRUB THABS LAS 'BYUNG NGO, ,DE'I NGO BO NI TSE DPAG TU MED PAR BSTAN TO, ,SO SOR RTOG PA'I YE

SHES KYI BDAG NYID CAN ZHES PA NI MNYAM PA NYID KYI YE SHES DANG THA MI DAD PA SO SOR RTOG PA'I YE SHES YIN TE CHOS THAMS CAD KYI RANG BZHIN RNAM PAR DPYAD PAR BYAS NA MNYAM PA NYID KYIS KHYAB PA'I PHYIR RO, ,DE MED PAS DNGOS PO THAMS CAD SO SOR RTOG PAR MI 'GYUR RO, ,DE'I RANG BZHIN 'OD DPAG TU MED PA STE CHOS RNAMS SO SOR RTOG PAR MDZAD PAS SO, ,DE BYIN GYIS RLOB PAR BYED PA ZHES PA NI DE MNGON DU 'GYUR BA DANG BRTAN PA NYID SGRUB PA'I PHYIR RO, ,MI PHYED PA'I NGO BO NYID KYI SNGAGS TE ZHES PA NI GSUNG GI DBANG PHYUG LA SOGS PA'I DNGOS GRUB DANG DUG DANG DBRAL BA LA SOGS PA LA NUS PA MA NYAMS PA'O, ,THA MAL PA'I DAG SPANGS NAS YAN LAG DRUG CU DANG LDAN PA G-YAS SU 'KHYIL BA'I DUNG DANG 'DRA BA'I MGRIN PA LA GNAS PA'I GDONG GI DKYIL 'KHOR KHYAB PAR BYED PA'I LJAGS DANG BCAS PA GANG GIS BYED PA DE NI GSUNG BYIN GYIS BRLAB PA'I SNGAGS GSUNGS PA STE SNGA MA BZHIN NO, ,AOm ZHES BYA BA LA SOGS PA SNGAGS TE DE BRJOD PAS GSUNG BYIN GYIS BRLAB PAR 'GYUR RO, ,DE LTAR ZHES BYA BA LA SOGS PAS SNGAGS RNAMS LA MDOR BSTAN PA DANG RGYAS PAR BSHAD PA YIN TE, RIM PA GANG GIS SKU LA SOGS PA BYIN GYIS BRLAB PAR BYA ZHES BSTAN TO; ,MI BSKYOD PA LA SOGS PA'I NGO BO NYID NI SHIN TU RNAL 'BYOR GYI RIM PAS SHES PAR BYA'O, ,NYAN THOS LA SOGS PAS YONGS SU MI SHES PAS NA ZHES PA NI NYAN THOS NAS BRTZAMS TE RNAL 'BYOR GYI RGYUD KYI RNAL 'BYOR PA'I BAR DU ZHES BYA BA'I DON TO, ,SKU DANG GSUNG DANG THUGS RDO RJE GANG YIN PA ZHES PA NI BSKYED PA'I RIM PAS SEMS DPA' GSUM GYI BDAG NYID YIN PAS SO, ,DE LA DAM TSIG SEMS DPA' NI SKU'I RANG BZHIN TE PHYI'I GZUGS SU SNANG BAS SO, ,YE SHES SEMS DPA' NI GSUNG GI NGO BO STE BAR NA GNAS PAS SO, ,TING NGE 'DZIN SEMS DPA' NI THUGS KYI RANG BZHIN TE PHRA BA'I NGO BO YIN PAS SO, ,YANG NA LHA'I SKU DAM TSIG SEMS DPA' ZHES BYA BA SKU LA SOGS PA'I RANG BZHIN ZHES BYA BA'O, ,DE NYID BSTAN PAR BYA BA'I PHYIR LUS ZHES SMOS TE, RNAL 'BYOR GSUM GYIS RDZOGS PA'I RDO RJE 'CHANG CHEN PO LA SOGS PA'I SKU'O, ,LHA RNAMS

, ,KYI 'KHOR LO'I GZHIR GYUR PA'I PHYIR RO ZHES PA NI RJES SU RNAL 'BYOR DANG, ,SHIN DU RNAL 'BYOR GYI RIM PAS DE BZHIN GSHEGS PA DANG LHA MO DANG BYANG CHUB SEMS DPA' DANG KHRO BO THAMS CAD KYI NGO BO YIN PAS SO, ,SPYAN LA SOGS PA BKOD PA GSUM PA ZHES PA NI 'KHOR DANG BCAS PA'I SPYAN MA LA SOGS PA'I LHA MO GSUM ZHES BYA BA'I DON TO, ,BDAG DANG GZHAN GYI DON PHUN SUM TSOGS PA'I GZHIR GYUR PA'I PHYIR RO ZHES PA NI SPYAN MA LA SOGS PA GSUM PO SPROS NAS ZHI BA LA SOGS PA'I PHRIN LAS GRUB PAS NA GZHAN GYI DON PHUN SUM TSOGS PA DANG, DES 'GUGS PA'I RNAM PAR SNANG MDZAD LA SOGS PAS RANG GI SKU LA SOGS PA BYIN GYIS BRLAB PA'I PHYIR RANG GI DON PHUN SUM TSOGS PA YANG 'GRUB PAR 'GYUR RO, ,SKU RDO RJE LA SOGS PA BYIN GYIS BRLAB PA'I PHYIR ZHES PA NI RNAM PAR SNANG MDZAD LA SOGS PAS RANG GI LUS LA SOGS PA DE'I RANG BZHIN DU BYA BA'I PHYIR RO, ,SPROS PA NI YI GE AOm LA SOGS PA LAS 'OD ZER GYI SGO NAS PHYUNG PA ZHES BYA BA'I DON TO, ,MI BSKYOD PA LA SOGS PA STE ZHES PA LA YID KYI RNAM PAR RTOG PA'I 'JIG PA LAS SKYOB PA'I PHYIR RO, ,DE RNAMS KYIS MTSON PA GANG YIN PA ZHES PA NI BRJOD PAR BYA BA DANG, RJOD PAR BYED PA MI PHYED PA'I PHYIR DANG; ,RGYU DANG 'BRAS BU'I DBYE BAS 'CHAD PAR 'DOD PA MA YIN PA'I PHYIR RO, ,DES NI YI GE GSUM GYIS SO, ,MGO DANG LKOG MA DANG SNYING GA'I PHYOGS SU ZHES BYA BA NI ZLA BA DANG PADMA DANG RDO RJE RNAMS KYIS MTSON PA'O, ,RNAM PAR BKOD PA ZHES PA NI DE RNAMS BKOD NAS SO, ,DES SHIN DU MTSAN PA ZHES PA NI LHA'I SKU GANG YIN PA DE NYID SNGAR BSHAD MA THAG PA ZHES PA LA, SKU LA SOGS PA BYIN GYIS BRLAB PA'I SNGAGS SNGAR BSHAD PA GSUM GYIS DAM PAR GYUR PA ZHES PA NI DE BZHIN GSHEGS PA MNGON DU BYED PA RNAMS KYIS BYIN GYIS BRLAB PO ZHES BSTAN PA BSKYED PAR BYA'O; ,'DIR BSDUS PA'I DON NI RNAL 'BYOR DANG RJES SU RNAL 'BYOR DANG SHIN DU RNAL 'BYOR BYAS LA, ,RANG GI MGO BO DANG KLOG MA DANG SNYING GAR ZLA BA DANG PADMA DANG, NYI MA'I DKYIL 'KHOR BKOD LA DE RNAMS SU DKAR PO DANG DMAR PO DANG NAG PO YI GE GSUM BKOD NAS, ,AOm LA

SOGS PA'I YI GE GSUM PO'I THIG LE'I NANG NAS SPYAN MA DANG GOS DKAR MO DANG, M'A MA K'I RANG DANG 'DRA BA'I MTHA' YAS PA'I SBYIN MA LA SOGS PA'I 'KHOR GYIS BSKOR BAR SPROS TE, DES NAM MKHA'I KHAMS GANG BAR BYAS NAS 'OG MIN DANG BDE BA CAN DANG MNGON PAR DGA' BA'I SANGS RGYAS KYI ZHING LA BZHUGS PA'I RNAM PAR SNANG MDZAD DANG, 'OD DPAG MED DANG MI BSKYOD PA GSUM SPYAN MA LA SOGS PA'I TSOGS DES TSIG SNYAN PA DANG, SGEG PAS MGU BA BYAS LA DPUNG PA'I ZHAGS PAS 'KHYUD CING BKUG LA SHAR PHYOGS KYI SGO RU PADMA DANG, ZLA BA'I DKYIL 'KHOR GYI STENG NA BZHUGS PAR MTHONG NAS, DPAL LDAN SKU YI RDO RJE 'CHANG, ,ZHES BYA BA LA SOGS PA GSUM GYIS GSOL BA BTAB NAS MCHOD PA RNAM PA LNGAS MCHOD LA SPYAN MA LA SOGS PA'I TSOGS DE NYID DANG BCAS PA YI GE GSUM DE DAG LA 'JUG CING, SANGS RGYAS KUN GYI SKU GANG YIN, ,ZHES BYA BA LA SOGS PA'I TSIGS SU BCAD PA GSUM GYIS NGA RGYAL BYAS LA SKU GSUNG THUGS NI RNAM PAR THAMS CAD KYI MCHOG DANG LDAN PA LA SOGS PAS MTSAN PA MTHONG STE, AOm SARBA TA TH'A GA TA K'A YA BADZRA SVA BH'A BA A'ATMA KO&HAm, ,ZHES BYA BA LA SOGS PA'I SNGAGS GSUM GYIS BYIN GYIS BRLAB PAR BYA'O ZHES PA 'DI NI SKU LA SOGS PA BYIN GYIS BRLAB PA'I BDAG NYID CAN GYI RNAL 'BYOR CHEN PO BSTAN PA STE DANG PO SBYOR BA'I TING NGE 'DZIN TO, ,DRANG BA'I DON TO ZHES PA NI BSKYED PA'I RIM PA'I YAN LAG TU GYUR PA'I DANG PO SBYOR BA'I TING NGE 'DZIN GYI PHYOGS GCIG PA RNAL 'BYOR CHEN PO SO SOR BSTAN PAS SO, ,RDZOGS PA'I RIM PA'I RNAL 'BYOR PA RNAMS KYIS ZHES PA NI, RDO RJE BZLAS PA LA SOGS PA'I RIM PA LNGA PO BSGOM PAS SO, ,BSHAD PA'I RGYUD LAS ZHES PA NI RDO RJE PHRENG BA'I RGYUD CES BYA BA LAS SO, ,DE NAS DPAL CHEN ZHES BYA BA LA SOGS PA'I TING NGE 'DZIN GYI DON SNGAR BSHAD ZIN TO; ,AOm ZHES BYA BA DANG PO ZHES PA NI RNAM PAR SNANG MDZAD DO, ,SARBA NI RIN CHEN 'BYUNG LDAN TE NAM MKHA'I KHAMS NI THAMS CAD KYI BDAG NYID YIN NO, ,TA TH'A GA TA NI 'OD DPAG TU MED PA STE BYANG CHUB KYI SEMS DE BZHIN GSHEGS PA'I BDAG NYID YIN PAS SO, ,YON TAN YIN PAS ZHES

, ,PA NI SNYING STOBS DANG RDUL DANG MUN PA STE YON TAN GSUM MO, ,DES NA RNAM PAR MDZAD DANG RIN CHEN 'BYUNG LDAN DANG 'OD DPAG TU MED PA STE DE BZHIN GSHEGS PA GSUM ZHES BYA BA'I DON TO, ,TZI TTA BADZRA ZHES BYA BA NI TSIG GNYIS TE LDAN PA NI GCIG TU GYUR NAS TSIG GCIG GO, , DES NA MI BSKYOD PA YIN TE THUGS RDO RJE'I RANG BZHIN YIN PAS SO, ,SVA BH'A WA A'ATMA KO ZHES PA NI RLUNG GI KHAMS KYI RANG BZHIN DON YOD GRUB PA STE LNGA PA'O, ,AA HAm ZHES PA NI SNA TSOGS KYI NGA RGYAL GYI RANG BZHIN DU GNAS PA BCOM LDAN 'DAS RDO RJE 'CHANG STE DE NYID DU DRUG PA'O, ,SKU DRUG CES BYA BA LA SOGS PAS DE DAG DANG DE BZHIN GSHEGS PA DRUG SKU GSUM GYI NGO BO YIN TE, DE'I RANG BZHIN NANG YIN NO ZHES LHAG PAR MOS PA NYID DU THUGS BYIN GYIS BRLAB PA BSTAN TO, ,DE BZHIN DU 'OG MA LA YANG SBYAR RO, ,DE NAS ZHES BYA BA LA SOGS PA NI SNGAR BSHAD ZIN TO, ,AOm TSANGS PAR BSHAD CES PA NI DANG PO YIN PA DANG, GCIG YIN PAS TSANGS PA NI RNAM PAR SNANG MDZAD DE DANG PO'O, ,SARBA TA TH'A GA TA ZHES PA NI RIN CHEN 'BYUNG LDAN TE DE BZHIN GSHEGS PA THAMS CAD KYI NANG NA CHOS KYI RGYAL SRID LA MNGA' MDZAD PA'I PHYIR RO, ,CHAGS GTOGS DBANG PHYUG CES PA NI 'DOD CHAGS RNAM PAR DAG PA'I RANG BZHIN TE 'OD DPAG TU MED PA'O, ,K'A YA ZHES PA NI K'A NI SGRA STE DES NA GSUNG GI RANG BZHIN GSUM PA'O, ,BADZRA NI THUGS RDO RJE STE BZHI PA'O, ,SNYAN NGANG GI RIG BYED DANG MCHOD SBYIN GYI RIG BYED DANG SRID SRUNG BA'I RIG BYED DANG MANG DU BRJOD PA'I RIG BYED DE BZHI PA'O; ,SVA BH'A WA A'ATMA KO ZHES PA NI SNGA MA BZHIN DU DON YOD GRUB PA'O, ,'DOD LHA NI GZUGS LA SOGS PA 'DOD PA'I YON TAN LNGA STE DES NA LNGA'O, ,AA HAm NI SNGA MA BZHIN DU RDO RJE SEMS DPA'O, ,SMIN DRUG NI SMIN DRUG GI BU KAR TI KA STE GDONG DRUG PA YIN PA'I PHYIR RO, ,DES NA DE BZHIN GSHEGS PA DRUG GI RANG BZHIN NI NGA'I SKU YIN NO ZHES LHAG PAR MOS PA GANG YIN PA DE NI SKU BYIN GYIS BRLAB PA ZHES BYA'O, ,DGONGS PA YIS NI YANG DAG BRTAGS, ,ZHES PA NI TSIG GI TSOGS DE DAG DGONGS PAS BSHAD PA YIN ZHES BYA BA'I DON TO, ,SHES RAB DBYE BAS BYA, ,ZHES PA NI RDO RJE

SLOB DPON BSTEN PA LAS THOB PA'I SHES RAB KYI KHYAD PAR GYIS NGES PAR RTOGS PAR BYA'O, ,DE NAS ZHES BYA BA LA SOGS PA'I DON BSHAD ZIN TO, ,AOm NI DANG PO STE RNAM PAR SNANG MDZAD SNGA MA BZHIN NO, ,SARBA TA TH'A GA TA ZHES PA NI RIN CHEN 'BYUNG LDAN TE GNYIS PA'O, ,W'A KA NI NGAG GI RANG BZHIN TE 'OD DPAG TU MED PA GSUM PA'O, ,BADZRA NI THUGS KYI RDO RJE'O, ,RDZOGS LDAN DANG, SUM LDAN DANG, NYIS LDAN DANG, RTZOD PA STE DUS BZHI'O, ,DE BAS NA BZHI PA ZHES BYA BA'I DON TO, ,SVA BH'A WA A'ATMA KO ZHES PA NI DON YOD GRUB PA'O, ,'DOD LHA NI 'DOD PA'I LHA'I SMYO BYED DANG, NYAMS BYED DANG, RMONGS BYED DANG, GDUNG BYED DANG, SKEM BYED DE MDA' LNGA'O, ,DES NA LNGA PA ZHES BYA BA'I DON TO, ,AA HAm ZHES PA NI RDO RJE 'CHANG NGO, ,DUS NI DGUN STOD DANG, DGUN SMAD DANG, DPYID KA DANG SOS KA DANG, DBYAR KA DANG STON TE DRUG GO, ,DES NA DRUG PA ZHES PA'I DON TO, ,DES NA DON 'DI YIN TE DE BZHIN GSHEGS PA DRUG GI RANG BZHIN NI NGA'I NGAG YIN NO ZHES LHAG PAR MOS PA GANG YIN PA DE NI GSUNG BYIN GYIS BRLAB PA'O ZHES BYA'O, ,NYE BAR BSDUS PA BSTAN PA'I PHYIR DE LTAR ZHES BYA BA LA SOGS PA SMOS TE, GSUM NI SKU LA SOGS PA BYIN GYIS BRLAB PA GSUM MO, ,JI LTA BU YIN ZHE NA, RE RE NI SKU BYIN GYIS BRLAB PA DANG, GSUNG BYIN GYIS BRLAB PA DANG, THUGS BYIN GYIS BRLAB PA LA'O, ,DRUG GSUM DU BSHAD PA ZHES PA NI, DE BZHIN GSHEGS PA DRUG SKU GSUM GYI RANG BZHIN DU BSHAD PA'O, ,THUGS ZHES BYA BA LA SOGS PA NI THUGS GSUNG SKU ZHES BRJOD PAR BYA BAR RIGS NA THUGS SKU GSUNG ZHES CI'I PHYIR GO RIMS LOG CE NA, SMRAS PA, DE LTAR BSHAD MOD KYI, 'ON KYANG GO BZLOG BA BSTAN TE, RANG GI GLEGS BAM MTHONG BA RNAMS KYIS 'KHRUL PA SKYED PA'I PHYIR RO, ,GZHAN DU NA SLOB DPON DANG SLOB MA'I 'BREL PA DANG, BSNYEN BKUR BYA BA DANG, BSNYEN BKUR BYED PA'I 'BREL PA YANG CHAD PAR 'GYUR RO, ,DES NA DNGOS GRUB KYANG THOB PAR MI 'GYUR RO, ,RDO RJE GSUM ZHES PA NI SKU RDO RJE LA SOGS PA'I RANG BZHIN NI LUS LA SOGS PA YIN NO ZHES 'DU SHES DANG YID LA BYED PA GANG LA YOD PA DE NI RDO RJE GSUM ZHES BYA BA STE RDZOGS PA'I RIM PA'I

, ,RNAL 'BYOR PA RNAMS SO, ,BDAG PO'I CHOS CAN GCIG TU BYUNG, ,ZHES PA NI KHAMS GSUM PA 'DUL BAR BYA BA'I DBANG BYED PA BYIN GYIS BRLABS PAS 'BYUNG NGO ZHES SKU LA SOGS PA BYIN GYIS BRLAB PA DANG LDAN PAS RNAL 'BYOR PA RNAMS LA PHAN YON BSTAN TO, ,RDZOGS PA'I RIM PA'I TING NGE 'DZIN GSUM BSGOM PA'I DON DU YE SHES GSUM ZHES BYA BA SMOS TE, SNANG BA LA SOGS PA'I YE SHES GSUM STE THA MAL PA RNAMS KYIS MI PHYED PA'I PHYIR RO, ,DE BZHIN GSHEGS PA RNAMS LAS BYUNG BA ZHES PA NI DE BZHIN GSHEGS PA LA SOGS PA 'BREL PA DRUG GI SGRON NAS BYUNG BA'O, , YANG NA DE BZHIN GSHEGS PA NI 'OD GSAL BA'O, ,DE LAS BYUNG BA NI SPROS PA'O, ,JI LTAR CHU BO DANG BA LAS, ,NYA DAG MYUR DU LDANG BAR 'GYUR, ,ZHES BSHAD PA'I PHYIR RO, ,BSKYED PA'I RIM PA LA GNAS PA'I RNAL 'BYOR PA'I SPYOD YUL MA YIN PA'I PHYIR RO ZHES PA LA GANG GI PHYIR BSKYED PA'I RIM PA'I RNAL 'BYOR PA RNAMS NI YE SHES GSUM RNAMS 'BYED PA LAS SNOD MA YIN TE, DE NI RDZOGS PA'I RIM PA'I YAN LAG YIN PA'I PHYIR RO, ,DON DAM PA'I BDEN PA STE ZHES PA NI SEMS RNAM PAR DAG PA'I RIM PAS THOB PAR BYA BA'I 'OD GSAL BA'O, ,RNAM PAR SHES PA GSUM GYI GNAS SU GYUR PA YIN PA'I PHYIR RO ZHES PA NI DE NYID LAS DE BSKYED PA'I PHYIR RO, ,KUN RDZOB KYI BDEN PA STE ZHES PA NI SNANG BA LA SOGS PA'I RANG BZHIN GYI TSOGS KYI MTSAN NYID NI RTOG PA DANG BCAS PA'I PHYIR RO, ,BSKYED PAR GYUR PA ZHES PA NI 'OD GSAL BA NYID LAS KUN NAS NYON MONGS PA DANG RNAM PAR BYANG BA'I CHOS THAMS CAD 'BYUNG BAS SO, ,GAL TE DE LTAR YIN NA GNYIS SU MED PA'I RANG BZHIN NI JI LTAR THA DAD PAR 'GYUR PA DANG, DE YOD NA THA MI DAD PA JI LTAR YIN ZHE NA, SMRAS PA, RE ZHIG 'OD GSAL BA NI THA MI DAD PA'I RANG BZHIN YIN TE, BRTEN PAR GYUR PA SNYING PO MED PA'I CHOS KYI DBYE BAS DE'I DBYE BA SO SOR SNANG STE NAM MKHA' DANG CHAR BZHIN NO, ,GANG GI PHYIR NAM MKHA' NI NGO BO GCIG YIN NA YANG DNGOS PO'I DBYE BAS DBYE BAR 'GYUR TE, BUM PA'I NAM MKHA' DANG SNAM BU'I NAM MKHA'I THA SNYAD BZHIN NO, ,CHAR NGO BO GCIG YIN NA YANG BU RAM GYI SHING LA

SOGS PA'I 'BREL BAS MNGAR BA LA SOGS PA'I RO DANG LDAN PA NYID DU THA SNYAD DU BYA'O, ,DE BZHIN DU 'OD GSAL BA YANG DNGOS PO'I TSOGS DE DANG DE BSKYED PA DANG 'JIG PA'I 'BREL BAS DBYE BAS THA SNYAD DU BYA BA YIN GYI 'OD GSAL BA LA NI DBYE BA GANG YANG MED DO, ,CHOS KYI DBYINGS LA DBYER MED PHYIR; ,RIGS KYI DBYE BA RIGS MA YIN, ,BRTEN PA'I CHOS KYI DBYE BA YIS, ,DE YI DBYE BA RAB TU BRJOD, ,CES 'BYUNG NGO, ,SKYE BO BYIS PAS DON DAM PA'I BDEN PA NGO BO GCIG YIN NA YANG THA DAD PAR SNANG STE RTOG PA DANG BCAS PA'I PHYIR RO, ,DNGOS PO'I NGO BO MTHONG BA'I RNAL 'BYOR PA RNAMS KYIS MA YIN TE, RTOG PA MED PA'I PHYIR RO, ,RTZANGS PA YIS NI BDAG NYID LUS, ,SNGO DANG SER POR SNANG BA BZHIN, ,BYIS PA RNAMS LA GZHAN STON DANG, ,MKHAS PA RNAMS LA GZHAN STON TO, ,DE YI NGO BO DANG BA NI, ,RNAM MED GOS PA MED PAR 'DOD, ,NAM YANG SANGS RGYAS MA YIN PAS, , DE NI SHES PAR BYA MI NUS, ,JI LTAR SKYE BO GZHAN DAG GIS, ,DE BZHIN SANGS RGYAS KYIS MI RIG ,DE YI RANG BZHIN GANG YIN PA, ,DE NYID KYIS NI MKHYEN PA YIN, ,DAM CHOS LUNG SOGS LA MTHONG NAS, ,KHO BO CAG NI 'BA' ZHIG SMRA, ,MIG DANG BCAS PA'I SPYOD YUL NI, ,DMUS LONG RNAMS KYI GZUGS BZHIN NO, ,ZHES 'BYUNG NGO, ,DON DAM PA'I BDEN PA DE NYID KYI KHYAD PAR RO ZHES PA NI SNGAR BSHAD PA'I MTSAN NYID DANG 'BREL PAS SO, ,STONG PA NYID BZHI ZHES PA NI 'OD GSAL BA DANG BCAS PA'I YE SHES GSUM MO, ,DE BZHIN GSHEGS PA RNAMS SO ZHES PA NI, ,SNGAGS KYI SKU YIN PAS SO, ,'OD ZER LNGA STE ZHES PA NI DE RNAMS KYI DE BZHIN GSHEGS PA'I RANG BZHIN MTSON BAR 'GYUR GYI GZHAN DU MA YIN NO, ,YUL DU GYUR PA'I ZHES PA NI 'OD ZER LNGAS MDZAD PA'O, ,RDO RJE SKU ZHES PA NI BDAG LA BYIN GYIS BRLAB PA'I RIM PAS 'BYUNG BA YE SHES KYI SKU ZHES BYA BA'I THA TSIG GO, ,BSKYED PAR BYA'O ZHES PA NI SPRO BAR BYA'O, ,NGES PA'I DON TO ZHES PA NI SEMS RNAM PAR DAG PA DANG, BDAG LA BYIN GYIS BRLAB PA'I RIM PA GNYIS 'CHAD PAR 'DOD PA'I PHYIR RO, ,DE LTAR ZHES BYA BA LA SOGS PAS DANG POR SBYOR BA'I 'OG TU DKYIL 'KHOR RGYAL BA MCHOG LA 'JUG PA'I PHYIR

, ,RO; ,PHYAG RGYA SBYANG BA'I CHO GA BSTAN PAR BYA STE, ,SKU BYIN GYIS BRLAB PA LA SOGS PA BYAS NAS, ,ZHES PA NI RNAL 'BYOR CHEN PO'I MTHA'I BAR DU ZHES TSIG LHAG MA'O, ,RANG GI RIGS KYI YUM LA ZHES PA NI MI BSKYOD PA LA SOGS PA'I RIGS DANG MTHUN PA SME SHA CAN LA SOGS PA'I BU MO LA'O; ,RIGS LNGA DGOD PAR BYAS LA ZHES PA NI DE BZHIN GSHEGS PA LA SOGS PA'I YIG 'BRU RNAMS KYI YAN LAG BYIN GYIS BRLAB PA BYAS NAS SO, ,GNYIS KA'I 'KHOR LO RJES SU MNYES PA'I GSANG SNGAGS BSTAN PA'I PHYIR ZHES PA NI THABS DANG SHES RAB DAG GI BRDAR BYAS PA, SKYES PA DANG BUD MED GNYIS KYI YAN LAG LA GNAS PA DKYIL 'KHOR PA RNAMS MNYES PA LA 'JUG PA'I PHYIR RO, ,BSHAD ZIN TO ZHES BYA BA NI LE'U DANG PO NAS SO, ,AOm ZHES BYA BA LA SOGS PA NI SNGAGS SO, ,'DIS 'KHYUD PAR BYA'O ZHES PA NI SOR MO GZHUG PA LA SOGS PA BYAS NAS RDO RJE DANG PADMA DAG SNYOMS PAR 'JUG PAR BYA'O ZHES BYA BA'I THA TSIG GO, ,DE NYID BSTAN PAR BYA BA'I PHYIR SNYOMS PAR ZHUGS PA'I 'OG TU ZHES PA SMOS TE, 'KHOR LO GNYIS LA ZHUGS PA'I DE BZHIN GSHEGS PA THAMS CAD KYI'O, ,MCHOD PA'I SNGAGS BSTAN PA'I PHYIR ZHES PA NI SNANG BA LA SOGS PA'I YE SHES LAS 'BYUNG BA RANG RIG PA'I BDE BA MYONG BA'I PHYIR RO, ,AOm ZHES PA NI MCHOD PA'I SNGAGS SO, ,'DIS BDAG NYID KYI SNANG BA LA SOGS PA'I YE SHES LAS 'BYUNG BA'I BDE BA MYONG NAS DE NYID BYIN GYIS BRLAB PAR BYA'O, ,DE NYID BSTAN PAR BYA BA'I PHYIR BSHAD MA THAG PA'I CHO GA ZHES BYA BA LA SOGS PAS BSTAN TO; ,DE NYID LA BSTAN PAR BYA BA BSKYED PA'I PHYIR ZHES PA NI RDO RJE DANG PADMA SNYOMS PAR ZHUGS PA LA'O, ,DES NI DKYIL 'KHOR RGYAL MCHOG BSGOM PAR BYA BA'I PHYIR, DANG PO PHYAG RGYA SBYONG BA'I MTSAN NYID KYI DON BSTAN TE, DE YANG SGRUB PA'I THABS LAS SNGAR BSHAD ZIN TO, ,RDZOGS PA'I RIM PA LA GNAS PA'I RNAL 'BYOR PA RNAMS KYI YANG ZHES PA NI RIN PO CHE LTA BU'I SPYOD YUL GYI MCHOD PA BSTAN TO, ,NYE BAR 'PHROG CING ZHES PA NI NYE BAR BSGYUR BA DANG BCAS PA'I 'PHROG PA'I SKAD KYI BYINGS NI ZHU BA'I DON LA 'JUG STE NYE BAR GYUR PA'I DBANG GIS NI, SKAD KYI BYINGS LAS DON GZHAN 'GYUR, ,GANG G'A'I

CHU NI MNGAR MOD KYANG, ,RGYA MTSO'I CHU YIS JI BZHIN NO, ,ZHES BSHAD PAS SO, ,LNGA NI RNAM PAR SNANG MDZAD LA SOGS PA'O, ,DRUG PA NI DE BZHIN GSHEGS PA'I ZHES PA NI YE SHES LNGA'I 'OD GSAL BA LA THIM PAS SO, ,DE BZHIN GSHEGS PA ZHES BYA BA LA SOGS PAS ME LONG LTA BU LA SOGS PA YE SHES LNGA NI RGYU'O, ,'OD GSAL BA KHONG DU CHUD PA NI 'BRAS BU'O, ,DE YANG RIM PA LNGA DANG SBYAR RO, ,GANG GI PHYIR RDO RJE BZLAS PA'I RIM PA LA SKU LA SOGS PA'I BZLAS PA RNAM PAR SNANG MDZAD LA SOGS PA'I YE SHES LNGA'I RANG BZHIN GYIS MA NING GI BZLAS PA'I DUS SU 'OD GSAL BA RTOGS PAR 'GYUR RO, ,SEMS LA DMIGS PA'I RIM PA LA YANG PHYAG RGYA'I RIM PAS BYANG CHUB KYI SEMS KYI THIG LE ME LONG LTA BU LA SOGS PA NI YE SHES LNGA'I RANG BZHIN NYAMS SU MYONG BAS 'BRAS BUR GYUR PA'I 'OD GSAL BA'I DE KHO NA NYID MNGON DU GYUR TO, ,BDAG LA BYIN GYIS BRLAB PA'I RIM PA LA YANG DE BZHIN GSHEGS PA LNGA'I SKU BLANGS NAS SGYU MA LTA BU'I TING NGE 'DZIN GYIS 'OD GSAL BA NYID MYONG BAR 'GYUR RO, ,MNGON PAR BYANG CHUB PA'I RIM PA YANG YE SHES LNGA'I RANG BZHIN GYI RTAGS LNGAS 'OD GSAL BA NYID RTOGS PAR 'GYUR RO, ,ZUNG DU 'JUG PA'I RIM PA LA YANG RDO RJE BZLAS PA LA SOGS PAS SNGAR BSHAD PA'I RIM PAS YE SHES LNGA'I RANG BZHIN GYI RGYUS MI GNAS PA'I MYA NGAN LAS 'DAS PA'I DBYINGS KYI NGO BO 'OD GSAL BA'I DE KHO NA NYID RTOGS PAR 'GYUR RO, ,YAN LAG DRUG PA'I RIM PAS KYANG 'DI LTA STE, YUL DANG DBANG PO GCIG TU GYUR PA'I MTSAN NYID CAN GYI DE BZHIN GSHEGS PA LNGA'I NGO BO YE SHES LNGA'I RANG BZHIN GYIS SO SOR SDUD PAS BDE PA CHEN PO'I NGO BO 'OD GSAL BA RTOGS PAR 'GYUR RO, ,DE RNAM PAR DAG PAR BYED PA YE SHES LNGA'I NGO BO DBYE BA LNGAS PHYE BA'I BSAM GTAN GYI YAN LAG GI RGYUS SEMS RTZE GCIG PA'I MTSAN NYID CAN 'OD GSAL BA'I DE KHO NA NYID RTOGS SO, ,STENG DANG 'OG TU 'DREN PA DE BZHIN GSHEGS PA LNGA'I NGO BO YE SHES LNGA'I RANG BZHIN GYI SROG GI RLUNG GI RGYUS 'OD GSAL BA DE KHO NA NYID RTOGS PAR 'GYUR RO, ,YE SHES LNGA'I RANG BZHIN GYI THIG LE SNA GSUM GYI RTZE MOR 'DZIN

, ,PAS 'OD GSAL BA'I DE KHO NA NYID RTOGS SO, ,YE SHES LNGA'I RANG BZHIN GYI DE BZHIN GSHEGS PA'I DKYIL 'KHOR GYI 'KHOR LO SPROS PAS 'BRAS BUR GYUR PA'I 'OD GSAL BA'I DE KHO NA NYID RTOGS PAR 'GYUR RO, ,DE DAG NYE BAR SDUD PAR BYED PA BDEN PA GNYIS DBYER MED PA' BDAG NYID CAN GYI TING NGE 'DZIN GYI RGYUS MI GNAS PA'I MYA NGAN LAS 'DAS PA'I DBYINGS KYI MTSAN NYID CAN 'OD GSAL BA'I DE KHO NA NYID RTOGS PAR 'GYUR RO, ,RTZA'I RIM PAS KYANG 'DI LTA STE 'DOD PA'I GZUGS LA SOGS PA'I RTZA LNGA PO LA KUN DU SPYOD PA YE SHES LNGA'I BDAG NYID KYI BYANG CHUB KYI SEMS KYI DON DAM PA BYANG CHUB KYI SEMS KYI NGO BO 'OD GSAL BA'I DE KHO NA NYID RTOGS PAR 'GYUR RO, ,DE BZHIN DU RLUNG GI DE KHO NA NYID DANG SNGAS KYI DE KHO NA NYID LA SOGS PA YANG SHES PAR BYA'O, ,DE YANG 'OG TU LE'U BCU GNYIS PA LAS 'CHAD PAR 'GYUR RO, ,MCHOD PA DE RNAMS KYIS ZHES PA LA RDO RJE BZLAS PA LA SOGS PA RDZOGS PA'I RIM PA'I SGOM PA RNAMS KYIS ZHES BYA BA'I DON TO, ,SANGS RGYAS NYID CES BYA BA LA SOGS PAS BSKAL PA GRANGS MED PA GSUM GYIS THOB PAR BYA BA'I BYANG CHUB SHES RAB KYI PHA ROL TU PHYIN PA'I RNAL 'BYOR PA LAS LDOG PA BSTAN TO, ,MCHOD PA RNAM PA GNYIS SMOS PAS, ,ZHES PA NI RIM PA GNYIS KYI DBYE BAS SO, ,RDO RJE 'CHANG CHEN POS ZHES PA NI BKA' STZAL TO ZHES SDUD PA PO'I TSIG GO, ,MCHOD PA'I CHO GA ZHES BYA BA LA SOGS PAS LUNG GI TSAD MA NYID DU BSTAN PAR BYA STE, GZUGS ZHES BYA BA LA SOGS PA NI GZUGS LA SOGS PA PHYI'I SKYE MCHED DU DRUG GO; ,DE DAG DNGOS PO MED BYAS PA, ,ZHES PA NI SO SOR SDUD PA DANG BSAM GTAN GYI YAN LAG DAG GI NGO BO NYID MED PA GANG YIN PA DE NI SANGS RGYAS LA MCHOD PA BLA NA MED PA BSTAN TO, ,DES NI SO SOR SDUD PA DANG BSAM GTAN DAG GIS BSDUS PA'I SEMS RNAM PAR DAG PA'I RIM PA BSTAN TO, ,MIG LA SOGS PA ZHES BYA BA LA SOGS PAS THA MAL PA'I MIG LA SOGS PA DANG DE'I RNAM PAR SHES PA DANG DE DAG 'OD GSAL BA LAS CIG CAR RAM SNANG BA NYE BAR THOB PA LA SOGS PA'I RIM PAS SO, ,YE SHES LAS BYUNG BA NI SPROS TE MNGON PAR SHES PA LNGAS NYE BAR MDZES PAR BYAS LA RNAL 'BYOR BAS

SGOM PA GANG YIN PA DE NI MYUR DU BYANG CHUB NYID THOB PAR 'GYUR TE, SGYU MA'I DPE BCU GNYIS KYI NYE BAR MTSON PA'I YE SHES KYI SKU THOB PAR 'GYUR RO ZHES BYA BA 'DIS BDAG LA BYIN GYIS BRLAB PA'I RIM PA BSTAN TO, ,DGONGS PAS BSHAD PA'O ZHES PA NI 'GAL BA'I TSIG GI SGO NAS 'OD GSAL BA'I DE KHO NA NYID DANG YE SHES KYI SKU BSTAN PA'O, ,DE LTAR PHYI DANG NANG GI MCHOD PA BSTAN NAS ZHES PA NI BRTAGS PA DANG RDZOGS PA'I RIM PA GNYIS KYI MCHOD PA ZHES PA'I THA TSIG GO, ,RDZOGS PA'I RIM PA DANG BRAL BAS ZHES PA NI RDO RJE BZLAS PA LA SOGS PA'I RIM PA LNGA MED PA ZHES BYA BA'I DON TO, ,GANG GI PHYIR RIM PA LNGA LAS MA GTOGS PAR RDZOGS PA'I RIM PA GZHAN NI MED DO, ,YOD NA YANG DE'I NANG DU BSDUS PAR 'GYUR TE DE YANG 'OG NAS BSHAD PAR BYA'O, ,RDO RJE 'CHANG CHEN PO ZHES BYA BA LA SOGS PAS DE BZHIN GSHEGS PA THAMS CAD KYI SKU GSUNG THUGS KYI SNGAGS BSTAN TO, ,SNGAGS LA DMIGS PA ZHES BYA BA LA SOGS PAS RIM PA LNGA GSAL POR BSTAN TO, ,SNGAGS ZHES PA NI BSAM PA DANG BAG LA NYAL DANG RIGS DANG BAG CHAGS KYI DBYE BAS BCOM LDAN 'DAS KYIS DBYE BA BDUN CU RTZA GNYIS GSUNGS SO, ,DE DAG THAMS CAD A'A LI DANG K'A LI'I NGO BO YI GE BZHI BCU RTZA DGU'I BDAG NYID CAN GYI YI GE PHYI MOS BYUNG BA NI BSKYED PA'O, ,NAM MKHA' LAS RLUNG RAB TU BYUNG, ,ZHES BYA BA LA SOGS PA'I RIM PAS SO, ,SGRA LA SOGS PA'I NGO BO YIN LA ZHES PA NI LTE BA'I PHYOGS NAS DANG PO YID KYIS BSKUL BA MI GSAL BA'I SGRA'I NGO BO 'BYUNG NGO, ,DE NAS GNAS DANG BYED PA DANG 'BAD RTZOL GYI DBANG GIS GNAS BRGYAD LA REG CING GSAL BAR 'GYUR BA GANG YIN PA DE NI SGRA'O, ,DE BAS NA YI GE DANG TSIG DANG NGAG DANG DAG CHEN PO'I RIM GYIS CHOS KYI PHUNG PO BRGYAD KHRI BZHI STONG 'BYUNG NGO, ,YANG NA, YI GE DBYANGS DANG SGRA DANG NI, ,MTHA' SGRA KU CO 'BRUG SGRA GLU, ,PHUG NAS 'BYUNG 'DOD CHAG DRAG DANG, ,SGRA YI MTSAN NYID BCU YIN NO, ,ZHES RDO RJE SA 'OG GI RGYUD LAS 'BYUNG NGO, ,SGRA LA SOGS PA'I RANG BZHIN DE DAG BSTAN TO, ,DE RNAMS NI ZHES PA NI SNGAGS RNAMS KYI'O, ,BUD MED DANG SKYES PA DANG MA NING NYID KYIS ZHES PA NI BUD MED KYI RANG BZHIN NI YI GE A'A STE SHES RAB

, ,KYI RANG BZHIN YIN PAS SO, ,SKYES PA'I RANG BZHIN NI YI GE H'Um STE THABS KYI RANG BZHIN YIN PAS SO, ,MA NING GI RANG BZHIN NI AOm STE, GNYI GA DANG SNYOMS PAR ZHUGS PA'I NGO BO YIN PAS SO, ,DE LA SDE TSAN BRGYAD NI DANG PO'I YI GE BRGYAD LA BSDUS NAS BZHIR 'GYUR RO, ,BZHI PO AA KA YA ZHES BYA BA'I GSUM LA BSDU'O, ,DE RNAMS KYANG YI GE PHYI MO MA LUS PA NYE BAR BSDUS PA'I SGO NAS YONGS SU 'GYUR ZHING SBYAR LA, AOm A'A: H'Um GSUM ZHES YI GE GSUM DU 'GYUR RO, ,YI GE GSUM GYIS GZHIR GYUR PAS, ,ZHES PA NI YI GE GSUM GYIS BSDUS PAS SNGAGS KYI SGRAS NI YI GE GSUM BSHAD DO, ,DE NYID BSTAN PA'I PHYIR, SNGAGS NI YI GE GSUM ZHES BYA'O, ,DE RNAMS KYI ZHES PA NI YI GE GSUM GYI'O, ,'JUG PA LA SOGS PA NI 'GRO BA DANG 'ONG BA DANG BAR DU GNAS PA'I RIM PAS SO, ,YONGS SU SHES PA ZHES PA NI YAN LAG MNYAMS PA'I LHA'I RNAL 'BYOR GYI RIM PAS BZLAS PA'O, ,DE LA SROG LA SOGS PA RLUNG GSUM DANG, ,DE BZHIN GSHEGS PA GSUM DANG, KHAMS GSUM DANG, YE SHES GSUM DANG, SRID PA GSUM DANG, SKU GSUM DANG, SKU DANG GSUNG DANG THUGS DANG, TING NGE 'DZIN GSUM DANG RTZA GSUM DANG, YE SHES SEMS DPA' GSUM LA DBYER MED PAR LHAG PAR MOS NAS 'JUG PA LA SOGS PA'I RIM PAS YI GE GSUM BZLAS PA GANG YIN PA DE NI SNGAGS LA DMIGS PA STE YAN LAG MA NYAMS PA'I RIM PAS RDO RJE BZLAS PA ZHES BYA BA'I DON TO, ,JI SKAD DU, DON RTOGS PA YI BZLAS PA NI, ,NGO BO NYID MED BZANG PO STE, DUS GSUM SANGS RGYAS RNAMS SPYOD PAS, ,DE NI RDO RJE BZLAS PAR BSHAD, ,CES 'BYUNG NGO, ,DE LAS ZHES BYA BA LA SOGS PAS RDO RJE BZLAS PA LA LUS NGAG YID NI LHAN CIG BYED PA YIN NO ZHES BSTAN TO, ,SPRUL PA'I LUS DANG ZHES PA NI BDAG LA BYIN GYIS BRLAB PA'I RIM PAS SPROS PA'I LUS KYIS SO, ,DES NI RDZOGS PA'I RIM PA BSGOM PAS YE SHES KYI SKU GZUNG BA YIN GYI SNGAGS KYI SKU NI MA YIN NO ZHES BSTAN TO, ,RDO RJE BZLAS PA NYE BAR MTSON PAS ZHES PA NI DE LTAR GYUR PA'I MTSON PA'I DON DU BYED TSIG GSUM PA BSTAN TO, ,SNYING GAR GNAS PA'I RDO RJE SEMS DPA' ZHES PA

NI RDO RJE BZLAS PA'I DUS SU RDO RJE SEMS DPA'I MOS PAS SO, ,JI LTA BA BZHIN DU YONGS SU SHES PAS YUL DU BYAS PA'O ZHES PA NI, SHES PA DANG SHES BYA DANG BRAL BA'I 'OD GSAL BA'I DE KHO NA NYID LHAG PAR RTOGS PA MNGON DU BYAS PA'O, ,PHYAG RGYA CHEN PO RNAM PAR DAG PA'I PHYIR RO ZHES PA NI PHYAG RGYA DANG TING NGE 'DZIN GYI RIM PAS SGYU MA'I SKU LA MNGON PAR ZHEN PA BCOM PA'I PHYIR RO, ,DON DAM PA'I BDEN PA'O, ,ZHES PA NI MNGON PAR BYANG CHUB PA'I RIM PAS THOB PAR BYA BA 'OD GSAL BA ZHES BYA BA'I DON TO, ,SRID PA DANG ZHI BA'I ZHES PA NI 'KHOR BA DANG MYA NGAN LAS 'DAS PA DANG, RTAG PA DANG CHAD PA LA SOGS PA LTA BA GZHAN RNAMS KYI GCIG GI MTSAN NYID CAN ZHES PA NI GNYIS SU MED PA NYID DU SNANG BA, YID DU 'ONG BA'I ZHES PA NI 'BRAS BUR GYUR PA NYID KYIS MNGON PAR 'DOD PA RDO RJE 'CHANG CHEN PO'I SKU NI MI GNAS PA'I MYA NGAN LAS 'DAS PA'I DBYINGS KYI NGO BO RDO RJE 'CHANG CHEN PO'I PHYAG RGYA CHEN PO'I SKU BSKYED PAR GYUR PA'O ZHES PA 'DIS ZUNG DU 'JUG PA'I RIM PA'I MDOR BSTAN TO, ,DNGOS GRUB NI BDAG LA BYIN GYIS BRLAB PA'I MTSAN NYID CAN PHYAG RGYA CHEN PO'O ZHES PA LA 'OD GSAL BA LAS CIG CAR DU BYUNG BA SGYU MA'I DPES NYE BAR MTSON PA RDO RJE 'CHANG LA SOGS PA'I SKU ZHES BYA BA'I DON TE, ,DES NI BDAG LA BYIN GYIS BRLAB PA'I RIM PA MDOR BSTAN TO, ,PHUL DU BYUNG BA ZHES PA NI RANG BZHIN DANG SNANG BA'I DRI MA BRAL BAR BYED PAS MCHOG GO, ,SEMS RNAM PAR DBEN PA'I MTSAN NYID CAN ZHES PA NI RNAM PAR SHES PA GSUM GYI RANG BZHIN GYI SEMS SNGAGS DANG PHYAG RGYA'I RIM PAS RNAM PAR SBYONG BA'I PHYIR RO, ,RDO RJE BZLAS PA LAS LCAG PA YIN PA'I PHYIR RO ZHES PA NI NGAG DBEN PA LAS SEMS RNAM PAR DBEN PA NI BSGOM PAR DKA' BA'O ZHES BYA BAS SO, ,DE NI SEMS RNAM PAR DAG PA'I RIM PA MDOR BSTAN TO, ,RNAL 'BYOR PA'I RGYUD LAS ZHES PA NI SGRUB PA PO'I SEMS LA'O, , 'OG NAS BSHAD PA'I GNAS SKABS BZHI PO ZHES PA NI SEMS RNAM PAR DAG PA LA SOGS PA'O, ,BSKYED PAR BYA STE BCOM LDAN 'DAS RDO RJE SEMS DPA' ZHES TSIG LHAG MA'O, ,'DI SKAD BSHAD PA YIN TE RDO RJE BZLAS PA'I RIM PA BSGOMS NAS DE'I 'OG TU SEMS LA SOGS PA RNAM PAR DAG PA'I PHYIR

, ,SEMS LA DMIGS PA LA SOGS PA RIM PA BZHI BSGOM PAR BYA'O ZHES BYA BA'I DON TO, ,'DI DAG GIS NI ZHES PA NI RIM PA BZHI BSGOM PA'I SGO NAS SO, ,RDO RJE BZLAS PA ZHES PA NI RIM PA DANG PO'I PHAN YON GSUNGS PA NI BSTOD PA BSTAN TO, ,GANG GI PHYIR RDO RJE BZLAS PA SLOB PA'I RNAL 'BYOR PAS RIM PA BZHIR THOB PAR 'GYUR RO, ,DE BAS NA RDZOGS PA'I RIM PA'I YAN LAG GTZO BO DE NYID YIN NO, ,SNGAGS DANG SEMS DANG DE NAS LUS, ,RNAM PAR DAG DANG ZUNG 'JUG STE, ,RIM PA LNGA YIS BSDUS PA'I DON, ,SHES PAS MTHA' DRUG LA NI 'JUG ,CES 'BYUNG NGO, ,MDOR BSTAN PA'I TSIG BZHI ZHES PA NI RIM PA BZHI STON PAR BYED PA'I TSIG RNAMS SO, ,BSHAD PAR BSTAN PA'I PHYIR ZHES PA NI RGYAS PAR BSHAD PA'I PHYIR RO, ,RIM PA GNYIS PAS JI LTA BA BZHIN DU YONGS SU SHES PA'O ZHES PA NI SNGAGS DANG PHYAG RGYA'I RIM PAS RANG BZHIN DANG YE SHES KYI TSOGS SPANGS NAS THAMS CAD STONG PA MNGON DU BYAS PA'O, ,DE NYID SEMS NI BDAG MED PA STE SEMS GNAS 'GYUR BA'I PHYIR RO, ,NGAG DANG LUS DAG KYANG ZHES PA NI RDO RJE BZLAS PA'I RIM PA'I MTSAN NYID KYI NGAG DANG YE SHES KYI SKU'I MTSAN NYID KYI LUS GANG YIN PA DE DAG KYANG SEMS RNAM PAR DAG PA'I RIM PAS BDAG MED PA NYID DU BSGOM PAR BYA'O, ,GANG GI PHYIR LUS DANG NGAG DAG GI RGYU NI SEMS YIN NO ZHES SPANGS PAS 'BRAS BUR GYUR PA'I LUS DANG NGAG KYANG SPONG BAR 'GYUR RO ZHES RGYU MI DMIGS PA'O, ,SEMS SO SOR RTOG PAR BSGRUB PAR BYA'O ZHES PA NI YE SHES GSUM GYI RANG BZHIN CAN GYI SEMS NI 'OD GSAL BA'I NGO BOR BYA'O, ,'DIS NI ZHES PA NI 'DAS MA THAG TU BSHAD PA'I SGOM PA'I RIM PAS SO, ,SKU DANG GSUNG DANG THUGS KYI MTSAN NYID CES PA NI LUS LA SOGS PA RNAM PAR DAG PAR BYED PA LAS NUS PA CAN NO, ,SHES RAB DANG THABS DANG NYE BAR THOB PA GSUM ZHES PA NI SHES RAB KYI RANG BZHIN SUM CU RTZA GSUM DANG, DE'I RGYUR GYUR PA 'JUG PA'I RNAM PAR SHES PA DANG THABS KYI RANG BZHIN BZHI BCU DANG, DE'I RGYUR GYUR PA'I NYON MONGS PA CAN GYI YID KYI RNAM PAR SHES PA DANG, MA RIG PA'I RANG BZHIN BDUN DANG, DE'I RGYUR GYUR PA KUN GZHI RNAM

PAR SHES PA NYE BAR SDUD PAR BYED PA STON PAR GYUR PA YIN NO ZHES PA NI 'OD GSAL BA BSTAN TO, ,DE NI SEMS RNAM PAR DAG PA'I RIM PA RGYAS PAR BSHAD PA'O, ,DE NAS ZHES BYA BA LA SOGS PAS RIM PA GSUM PA BSHAD PAR BYA STE, DON DAM PA'I BDEN PA STE ZHES BYA BA LA SOGS PAS 'OD GSAL BA LAS CIG CAR DU SPRO BAR BSTAN TO, ,BSKYED PAR BYA'O ZHES PA NI 'OD GSAL BA LAS SPRO BAR BYA'O, ,SBYOR BA GSUM PO GCIG TU GYUR PA DE NI ZHES PA NI GO BZLOG PAS SNANG BA NYE BAR THOB PA DANG SNANG BA MCHED PA DANG SNANG BA RNAMS YONGS SU GYUR PA LAS BYUNG BA'I RDO RJE 'CHANG LA SOGS PA'I SKU'O, ,DE NYID BSTAN PAR BYA BA'I PHYIR, ,YID KYI RANG BZHIN GYI LHA'I GZUGS ZHES BSTAN TO, ,DES NI BDAG LA BYIN GYIS BRLAB PA'I RIM PA RGYAS PAR BSHAD PA BSTAN TO, ,LUS ZHES BYA BA LA SOGS PAS RIM PA BZHI PA BSTAN PAR BYA STE, ,LUS DANG NGAG DANG SEMS KYI DMIGS PA NYE BAR RTOGS PA ZHES PA NI, ,LUS LA SOGS PA'I SGYU MA LTA BU YONGS SU SHES PA'O, ,GANG THOB PA'I KUN RDZOB KYI BDEN PA NGO BO NYID DE ZHES PA NI 'JA' TSON LTAR SO SOR SNANG BA RDO RJE 'CHANG LA SOGS PA'I SKU'O, ,DE NI DMIGS SU MED PA STE, ,ZHES PA NI SNGAGS DANG PHYAG RGYA'I RIM PAS 'OD GSAL BA LA THIM PAS SO, ,GTAN TSIGS BSTAN PAR BYA BA'I PHYIR, ,THAMS CAD CES BYA BA LA SOGS PA SMOS TE, ,THAMS CAD NI SGYU MA LTA BU NYID KYIS MTSAN PA RDO RJE 'CHANG LA SOGS PA'I YE SHES KYI SKU'O, ,DON DAM PA'I BDEN PA NYID RTOGS PAS SO ZHES PA NI YANG DAG PA'I MTHA' LA 'JUG PA'I PHYIR RO, ,'DIS NI MNGON PAR BYANG CHUB PA'I RIM PA GSAL BAR BYED DO ZHES PA NI MNGON PAR BYANG CHUB PA'I RIM PA RGYAS PAR BSTAN TO ZHES BYA BA'I DON TO, ,DA NI BRTAGS PA'I RNAL 'BYOR GYIS THAR PA THOB PAR MI 'GYUR RO ZHES BSTAN PA'I PHYIR 'DIR ZHES BYA BA LA SOGS PA SMOS TE, 'DIR NI RIM PA BZHI BSGOM PAR BYAS NAS YANG NGO, ,YE SHES KYI RANG BZHIN GYI SKU LA ZHES PA NI BDAG LA BYIN GYIS BRLAB PA'I RIM PAS THOB PAR BYA BA LA'O, ,RAB TU GNAS PA MI DMIGS KYANG, ,ZHES PA NI DBANG PO DMAN PAS GNAS PAR MI 'GYUR RO, ,KYANG GI SGRAS 'OD GSAL BA LA YANG NGO,,

, ,GAL TE NI DAM TSIG NYAMS PA LA SOGS PA'I SKYON GYI DBANG GIS SO, ,RTOGS PA'I RNAL 'BYOR GYIS ZHES PA NI RDO RJE BZHI PO BSGOMS PAS SO, ,LHA'I SKUR GNAS PA DMIGS PAR ZHES PA NI SNGAGS KYI SKU LA GNAS PAR 'GYUR RO, ,DE BZLOG PA'I PHYIR ZHES PA NI SPONG BA'I PHYIR RO, ,AOm LA SOGS PA NI SBAS NAS BRJOD PAS SO, ,DES LUS SU BYAS LA ZHES PA NI YONGS SU GYUR PA LAS SKYES PA'O, ,RDO RJE BZHI PO ZHES PA NI, ,DANG PO BYANG CHUB STONG PA NYID, ,GNYIS PA SA BON BSDUS PA DANG, ,GSUM PA SKU NI BSKYED PA DANG, ,BZHI PA YI GE DGOD PA'O, ,ZHES 'BYUNG NGO, ,RDO RJE NI DE BZHIN GSHEGS PA'I SKU RNAMS SKYED PAR BYED PA'O, ,BZHI PO NI BSGOM PA BZHI ZHES BYA BA'I DON TO, ,DES NI RDO RJE BZHI POS SO, ,SANGS RGYAS PA NYID CES PA NI RDO RJE 'CHANG GI PHYAG RGYA CHEN PO THOB PAR MI 'GYUR RO, ,GANG GI PHYIR ZHE NA ZHES BYA BA LA SOGS PAS SNGAGS LAS 'BYUNG BA'I SKU BDEN PA MA YIN NO ZHES BSTAN TO,, SNGAGS KYI YI GE ZHES PA NI SNGAGS KYANG YIN LA YI GE YANG YIN PAS NA SNGAGS KYI YI GE'O, ,SBA BAR BYA BAS NA SNGAGS SO, ,GNAS DANG BYED PA DANG 'BAD PA'I RJES SU STOBS KYIS 'BYUNG BAS NA YI GE'O, ,DE SRID TSOGS PA LAS SKYES PA YIN TE ZHES PA NI 'DOD PA DANG GNAS DANG DBYE BA LA SOGS PA'I 'BREL PA 'BYUNG BA'I PHYIR RO, ,SKYES NAS 'JIG PAR 'GYUR BAS ZHES PA NI AOm BRJOD PA'I DUS SU A'A MI DMIGS PAR 'GYUR BA DANG, DE DAG BRJOD PA'I DUS SU YANG H'Um MI DMIGS SO, ,DE BZHIN DU AOm BRJOD PA'I DUS SU 'JUG PA'I DBYANGS MI DMIGS SO, ,DE BZHIN DU THAMS CAD LA SBYAR RO, ,NAM MKHA' DANG MNYAM NA ZHES PA NI STONG PA'O, ,DE BAS NA STONG PA'I RANG BZHIN GYI SNGAGS LAS SNGAGS KYI SKU NI LHA'I SKU GANG LAS SKYED PAR 'GYUR RO, ,GANG GI PHYIR NAM MKHA'I ME TOG GI NAM MKHA' RGYUR GYUR PA MA YIN TE, GNYI GA YANG BRDZUN PAS SO, ,DE NYID BSTAN PA'I PHYIR, BSGOM PAR BYA BA'I LHA'I SKU MED PAS ZHES PA NI LAS MI DMIGS PAS GZUGS LA SOGS PA'I BSGOM PA'I BYA BA YANG MED DO, ,DE BAS NA BSGOM PAR BYA BA DANG, SGOM PA DAG MED PAS GANG LA DMIGS TE SGOM PA POS BYANG CHUB KYI MTSAN NYID KYI 'BRAS BU THOB PAR

'GYUR RO, ,DE BAS NA ZHES BYA BA LA SOGS PAS NYE BAR BSDUS PA BSTAN TE, BSKYED PA'I RIM PA'I CHOS NI CHOS KYI SKU STE, DON DAM PA'I BDEN PA 'BA' ZHIG GTZO BO YIN PAS CHAD PA'I RANG BZHIN GYI PHYIR GZHAN GYI DON JI LTAR NUS TE SPANG BYA'O, ,LONGS SPYOD RDZOGS PA'I SKU YANG STONG PA'I RANG BZHIN GYI SNGAGS LAS 'BYUNG BAS MA SKYES PA NYID DO, ,DE BRDZUN YIN NA SPRUL PA'I SKU YANG MED DO, ,ZHES BSTAN TO, ,BLANG BAR GYUR PA'I ZUNG DU 'JUG PA'I RIM PA'I TING NGE 'DZIN BSTAN PAR BYA BA'I PHYIR, ZHI BA DANG SKYE BA MI GNAS PA'I ZHES SMOS TE, 'KHOR BA DANG MYA NGAN LAS 'DAS PA DAG LA MI GNAS PA STE, SHES RAB KYIS NI SRID MI GNAS, ,SNYING RJES ZHI BA LA GNAS MIN, ,ZHES 'BYUNG NGO, ,RDO RJE 'CHANG CHEN PO'I GO 'PHANG ZHES PA NI DPAL RDO RJE SEMS DPA'I GO 'PHANG ZHES BYA BA'I DON TO, ,SKU DANG GSUNG DANG THUGS KYI MTSAN NYID CES PA NI SKU NI BDAG LA BYIN GYIS BRLAB PA'I RIM PA'I SGYU MA LTA BU DANG, GSUNG NI RDO RJE BZLAS PA'I RIM PA SBYONG BA DANG, THUGS NI RIM PA GNYIS PAS 'OD GSAL BA RTOGS PA DANG, MTSAN NYID NI YE SHES KYI SKU YANG MNGON PAR BYANG CHUB PA'I RIM PAS 'OD GSAL BAR BYA BA DPYAD PAS SO, ,SNGAGS LA DMIGS PA LA SOGS PA'I RIM GYIS ZHES BYA BA LA SOGS PA NI DE NYID KYIS BSHAD PA'O, ,STONG PA NYID GSUM ZHES PA NI SEMS RNAM PAR DAG PA'I RIM PAS THOB PAR BYA BA STONG PA GSUM GYI RGYU CAN 'OD GSAL BA'O, ,KUN RDZOB KYI BDEN PA NYID KYIS SHES PA NI YE SHES KYI SKU BZUNG BAS SO, ,GCIG TU BYAS PAS ZHES PA NI DE DAG GNYIS SU MED PAR BYAS PA RIM PA LNGA PA ZHES BYA'O, ,DE NYID KYI KHYAD PAR BSTAN PAR BYA BA'I PHYIR, ,'OD ZER LNGA NI DE BZHIN GSHEGS PA SNGAGS KYI SKU LAS BYUNG NGO, ,DE RNAMS BSKYED PAR ZHES PA NI DE BZHIN GSHEGS PA LNGA'I RANG BZHIN GYI 'OD ZER LNGAS RNAM PAR SPRAS PA ZHES BYA BA'I DON TO, ,RDO RJE LTA BU'I TING NGE 'DZIN TO ZHES PA NI KUN DU 'OD KYI SA LA DE RTOGS PAS SO, ,DON DAM PA'I BDEN PA ZHES PA NI RIM PA GNYIS PA DANG BZHI PA LAS BSTAN PA 'OD GSAL BA ZHES BYA'O, ,DE DANG SBYAR BA ZHES PA NI 'OD GSAL BA DANG 'BREL PA STE DE LAS SKYES PA'O, ,BSLAB PAR BYA BA ZHES PA NI GOMS PAR BYA'O, ,'DIS NI

, ,SNGAR BSHAD PA'I SGOM PA'I RIM PAS SO, ,ZUNG DU SBYOR BA'I RIM PA STON PA YIN TE ZHES PA NI ZUNG DU 'JUG PA'I RIM PA RGYAS PAR BSHAD PA YIN NO, ,DGONGS PAS BSHAD PA'O ZHES PA NI 'GAL BA'I TSIG GI SBYAR BAS RIM PA LNGA'I DE KHO NA NYID KYI DON BSTAN PAS SO, ,DA NI ZHES BYA BA LA SOGS PAS RIM PA GNYIS KYI RNAL 'BYOR PA RNAMS LA RNAM PA GSUM GYI PHRA MO'I RNAL 'BYOR GYI SGOM PA LE'U GSUM PA NAS BSHAD PA YANG BSTAN PAR BYA STE, MDOR BSTAN PA NI RGYAS PAR BSHAD PA'I PHYIR RO, ,DE LA 'DOD CHAGS DANG ZHE SDANG DANG GTI MUG GI RIGS CAN LA RDZOGS PA'I RIM PA LA BRTEN NAS RNAM PA GSUM GYIS PHRA MO'I RNAL 'BYOR DANG, DE'I PHYOGS GCIG PA YANG BRTAGS PA'I RNAL 'BYOR PA LA GCIG CES BYA BA'I DON TO, ,RNAM PAR SHES PA RLUNG DANG BCAS PA ZHES PA NI RLUNG DANG RNAM PAR SHES PA DAG NI RTA DANG RTA BA'I RIGS PA'I TSUL DU 'JUG PA'O, ,DE DAG GIS 'DRES PAR GYUR PA LAS 'BYUNG BA THIG LE GANG YIN PA DE NI RLUNG DANG RNAM PAR SHES PA DANG BCAS PA'O, ,RDZOGS PA'I RIM PA BSTAN PA'I 'OG TU 'O ZHES PA NI RIM PA LNGA'I MTSAN NYID KYI RDZOGS PA'I RIM PA BSTAN PA'I 'OG TU ZHES BYA'O, ,TSOGS GNYIS ZHES PA NI BSOD NAMS DANG YE SHES KYI TSOGS GNYIS SO, ,DE LA SBYIN PA LA SOGS PA'I PHA ROL TU PHYIN PA LNGA NI BSOD NAMS KYI TSOGS SO, ,STONG PA NYID KYI SHES RAB KYI PHA ROL TU PHYIN PA NI YE SHES KYI TSOGS TE DE DANG LDAN PA'O, ,RDO RJE 'CHANG BAR MDZAD PA STE, ,ZHES PA NI RTZE LNGA PA'I PHYAG MTSAN 'CHANG BAS SO; ,YI GE'I DON TO ZHES PA NI PHYAG MTSAN TZAM BSTAN PA'I PHYIR RO, ,ME LONG LTA BU LA SOGS PA YE SHES LNGA PO ZHES PA NI MTHONG BA DANG SGOM PA'I RIM PAS THOB PA'I YE SHES LNGA 'CHANG BAS SO, ,SPYI'I DON TO ZHES PA NI MDO SDE PA LA SOGS PA'I 'GYOD PA SEL BA'I PHYIR RO, , YID KYI RANG BZHIN GYI SKU ZHES PA NI BDAG LA BYIN GYIS BRLAB PA'I RIM PAS THOB PAR BYA BA'I YE SHES KYI SKU'O, ,SBAS PA'O ZHES PA NI KUN RDZOB KYI BDEN PA'I MTSAN NYID KYI DON BSTAN PAR DBYE BAS SO, ,GNYIS SU MED PA'I YE SHES TE ZHES PA NI RIM PA BZHI PAS THOB PAR BYED PA'I 'OD

GSAL BA'O, ,MTHAR THUG PA'O ZHES PA NI 'OD GSAL BA LA ZHUGS PA'I MTSAN NYID KYI DON BSTAN PAS SO, ,SPYAN LA SOGS PA STE ZHES PA LA 'DIR DE BZHIN GSHEGS PA'I SGRA NI MA GTOGS SO, ,DE RNAMS KYI MCHOD PAS NA ZHES PA NI, BDE BA CHEN PO'I MTSAN NYID CAN GYI MCHOD PAS MCHOD PA ZHES PA'I DON TO, ,RNAM PAR SNANG MDZAD LA SOGS PA STE ZHES PA NI YE SHES LNGA RTOGS PAS SO, ,MCHOG TU GYUR PA ZHES PA NI DE RNAMS NYE BAR SDUD PAR MDZAD PAS SO, ,THUGS RDO RJE ZHES PA NI, SEMS KYI RANG BZHIN KHAMS GSUM PA YONGS SU SHES PAS SO BKA' STZAL CING ZHES PA NI 'DAS PA'I DUS SU DE LTAR BYUNG BA'I RKYEN NO, ,'OD GSAL BA LA GNAS PA'O ZHES PA NI SEMS RNAM PAR DAG PA'I RIM PAS THOB PAR BYA BA THAMS CAD STONG PA'I GNAS LA GNAS PA'O, ,SNANG BA'I TSOGS SO ZHES PA NI ZLA BA DANG NYI MA DANG MTSAMS KYI SNANG BA DANG 'DRA BA'I 'OD ZER GYI 'KHOR LO'O, ,DANG POR LONGS SPYOD RDZOGS PA'I SKU BSKYED PA'O ZHES PA NI SNANG BA GSUM YONGS SU GYUR PA LAS SNANG BA NYE BAR THOB PA LA SOGS PA'I RIM PAS YE SHES KYI SKU BSAM PAR BYA'O, ,PHYI NAS SEMS CAN LA SOGS PA RJES SU ZHUGS PAS ZHES PA NI LUS MCHOG TU DGA' BA'I CHAGS PA'I SGRAS KHAMS GSUM GYI NANG NA GNAS PA RDZOGS PA DANG MA RDZOGS PA'I SEMS CAN DANG DE BZHIN GSHEGS PA RJES SU ZHUGS PAS SO, ,DE BZHIN GSHEGS PA THAMS CAD KYI PHRA RAB LAS BSGRUBS PA'I ZHES PA NI MA LUS PA LUS PA MED CING RIGS LNGA'I DE BZHIN GSHEGS PA RNAMS KYI CHA SHAS RNAMS KYIS RDZOGS PA ZHES BYA BA'I DON TO, ,SPRUL PA'I SKUR ZHES PA NI 'OD GSAL BA LAS BYUNG BA'I SKU NI SPRUL PA'I SKU STE, DE LA CIG CAR RAM SNANG BA NYE BAR THOB PA LA SOGS PA'I RIM PAS 'BYUNG BA ZHES BYA BA'I DON TO, ,'CHAD PAR GYUR PA'I RIM GYIS ZHES PA LA 'OG NAS 'CHAD PA'I BSGOM PA'I RIM PAS SO, ,PHRA MO'I RNAL 'BYOR KUN TU BRTZAM PAR BYA'O ZHES PA NI RNAM PA GSUM GYI SNA'I RTZE MOR THIG LE'I RNAL 'BYOR BSGOM PAR BYA'O, ,RDO RJE'I MDO ZHES PA NI ZAB PA'I DON DANG LDAN PA'I TSIG GIS SO, ,YI GE NYUNG DANG THE TSOM MED, ,SNYING PO CAN TE DON ZAB PA, ,MDO NI

, ,MKHAS PA RNAMS KYIS BSHAD, ,CES 'BYUNG NGO, ,MDO'I DON BSTAN PAR BYA BA'I PHYIR, ,THA MAL PA'I SEMS CAN RNAMS KYI SKYE BA ZHES BYA BA NI SEMS CAN GYI 'JIG RTEN GYI NGO BO SEMS CAN GYI RIGS RNAM PA BZHI SKYE BA'O, ,BRTAGS PA'I LHAR DMIGS PA ZHES PA NI DAM TSIG GI DKYIL 'KHOR GYI RIM PAS DE BZHIN GSHEGS PA LA SOGS PA LA DMIGS PAR GYUR PA'O, ,RLUNG GI DE KHO NA NYID DANG ZHES PA NI SROG LA SOGS PA'I RLUNG GI TSOGS SDUD PAR BYED PA'I BDAG NYID CAN GYI DE KHO NA NYID DO, ,SNGAGS KYI DE KHO NA NYID DANG ZHES PA NI SNGAGS KYI DBYE BA BDUN CU RTZA GNYIS BSDU BAR BYED PA'I YI GE GSUM PA'I YANG SNYING PO ZHES BYA BA'O, ,YE SHES KYI DE KHO NA NYID DANG ZHES PA NI SNANG BA LA SOGS PA DON DAM PA 'JUG PA'I RANG BZHIN TE, LHAG PAR MOS PA'I RNAL 'BYOR GYIS SO, ,YONGS SU DAG PA'I LHA'I DE KHO NA NYID NGES PA NI 'DIR BSGOM PAR BYA BA LHA'I SKU NI RNAM PA GNYIS TE BRTAGS PA DANG YONGS SU DAG PA'O, ,DE LA BRTAGS PA NI BSKYED PA'I RIM PAS SO, ,YONGS SU DAG PA NI BDAG LA BYIN GYIS BRLAB PA'I RIM PAS SO, ,DE NYID KYI PHYIR SNGAGS KYI SKU DANG YE SHES KYI SKU STE, DE'I MING GI RNAM GRANGS SO, ,STON TO ZHES PA NI DE LTAR PHRA MO'I RNAL 'BYOR BSGOMS NA DE BZHIN GSHEGS PA DRUG GI RANG BZHIN THA MAL PA'I SEMS CAN RNAMS SKYE BA LA SOGS PA DE KHO NA NYID DRUG BSGOM PAR 'GYUR RO, ,DANG PO ZHES BYA BA LA SOGS PAS YAN LAG DANG PO BSTAN PAR BYA STE, STENG NA GNAS PA'I SROG DANG RTZOL BA ZHES BYA BA NI GDONG GI SNA'I BU GNAS RGYU BA'O, , DBANG PO GNYIS PO NI RDO RJE DANG PADMA DAG 'BREL BA LAS SO, ,NANG GI SHES RAB DANG THABS SNYOMS PAR 'JUG PA'I ZHES PA NI SHES RAB DANG THABS LA RGYUR GYUR PA BUD MED DANG SKYES PA GNYIS KYIS NYAMS SU MYONG BA SNANG BA'I YE SHES PHRAD PAS SO, ,DGA' BAS DRANGS PA ZHES PA NI SNANG BA'I YE SHES 'BYUNG BAS SO, ,YAN LAG MA LUS PA LAS ZHES PA NI BDUN KHRI NYIS STONG GI RTZA'I KHONG STONG LAS SO, ,'DOD CHAGS CHEN PO'I MES ZHES PA NI SNANG BA MCHED PA'I BRDA CAN GYI MCHOG TU DGA' BA'I MES SO, ,BZHUS PAR GYUR NAS ZHES PA NI YAN LAG THAMS CAD KYI TSOGS LAS BYUNG ZHING, RDO RJE'I RTZE 'AM DE'I DKYIL DU

PHYIN PAS SO, ,BYANG CHUB KYI SEMS KYI THIG LE'I GZUGS SU ZHES PA NI 'OD GSAL BA'I BDAG NYID DO, ,PADMA'I SNA'I RTZE MOR LHUNG BA ZHES PA NI SNANG BA NYE BAR THOB PA'I DUS SU CHOS 'BYUNG BA'I LTE BA LAS PHYUNG ZHING SPRO BAR 'GYUR RO, ,'DIR NI ZHES PA NI THIG LE TZAM MO, ,SRID PA SKYE BA'I RIM PA LTAR ZHES PA NI KHAMS GSUM GYI NANG NA GNAS PA'I SEMS CAN GYI TSOGS BSKYED PA'I RIM PA'O, ,BSGOM PA RNAMS LA ZHES PA NI, DE'I NGO BO BSAM PAR BYED PA'I RNAL 'BYOR PA RNAMS LA'O, ,DE BZHIN GSHEGS PA RNAMS KYI ZHES PA NI DE BZHIN GSHEGS PA THAMS CAD KYI NGO BO RDO RJE 'CHANG GIS SO, , YUNGS KAR GYI SGRAS MTSON PAR MDZAD CES PA NI, SHIN DU PHRA BA YIN PAS BYANG CHUB SEMS KYI THIG LE NYID LA BRDA BSTAN TO, ,THA MA'I BDE BA'I DBANG GIS NI, ,SKAD CIG MAS NI KHAMS GSUM SKYES, ,ME DANG ZLA BA'I CHA MNYAM PAS, ,'BYUNG BA BZHI YI BAG CHAGS 'BYUNG, ,RLUNG GI STONG PA NYID NGO BO, ,YE SHES DANG NI 'DRES GYUR PAS, ,DBANG PO'I LAM NAS BYUNG NAS NI, ,YUL RNAMS LA NI BZUNG BAR 'GYUR, ,GANG TSE SNANG BA DANG LDAN PA, ,RLUNG NI BZHON PA NYID GYUR NA, ,DE TSE RANG BZHIN THAMS CAD NI, ,MA LUS YUL LA 'JUG PAR 'GYUR, ,'DIR NI BSDUS PA'I DON 'DI YIN TE, RE ZHIG DANG PO RNAL 'BYOR PAS BDAG LA BYIN GYIS BRLAB PA'I RIM PAS YE SHES KYI SKU BLANGS LA SHES RAB KYANG DE'I NGO BO NYID DU DMIGS LA 'DOD CHAGS CHEN PO'I SGRAS DE BZHIN GSHEGS PA 'JUG PA SNGON DU 'GRO BAR LEGS PAR SBYANGS PA'I RDO RJE DANG PADMAR SBYAR LA TSANGS PA'I BU GA NAS BYANG CHUB KYI SEMS 'PHO BA'I DUS SU SNANG BA'I YE SHES DANG, YAN LAG THAMS CAD LA KHYAB PA'I DUS SU SNANG BA MCHED PA'I YE SHES DANG, RDO RJE'I RTZE MOR BYIN PA'I DUS SU 'OD GSAL BA'I DE KHO NA NYID NYAMS SU MYONG ZHING DON DAM PA'I BDEN PA LA GNAS PA MI RIGS SO ZHES RNAM PAR DPYANG NAS RIG MA'I PADMA'I NANG DU DE NYID SPRO BAR BYA'O, ,DE NYID KYI SEMS CAN GYI KHAMS RNAM PA BZHI THAMS CAD SKYE BAR 'GYUR RO, ,'DUS PA'I RGYUD PHYI MA LAS KYANG GSUNGS TE ZHES PA NI LE'U BCO BRGYAD PA LAGS SO, ,YE SHES LNGA YI RANG BZHIN DBUGS, ,ZHES PAS NI DE'I GSAL

, ,BA NYID GANG YIN PA DE NI ME LONG LTA BU'I YE SHES SO, ,KHAMS NYI SHU RTZA BZHI'I RDZAS DE DAG GCIG TU GYUR PA GANG YIN PA DE NI MNYAM PA NYID KYI YE SHES SO, ,DE'I NANG DU DON DAM PA'I MCHOG TU 'DZIN PA GANG YIN PA DE NI SO SOR RTOG PA'I YE SHES SO, ,DE'I SPRO BA DANG BSDU BA'I RIM PAS SEMS CAN GYI DON BYA BA GANG YIN PA DE NI BYA BA NAN TAN GRUB PA'I YE SHES SO, ,DE'I DON DAM PA'I CHOS NYID GANG YIN PA DE NI SHIN TU RNAM PAR DAG PA'I CHOS KYI DBYINGS KYI YE SHES SO, ,RLUNG BCU NYE BAR BSDUS PAS NA DBUGS SO, ,'BYUNG BA LNGA NI SA LA SOGS PA STE DE'I NGO BO NYID NI DE'I RANG BZHIN NO, ,DE LA DER SRA BA GANG YIN PA NI 'BYUNG BA CHEN PO SA'O, ,DE'I GSHER PA NYID GANG YIN PA DE NI 'BYUNG BA CHEN PO CHU'O, ,DE'I DRO BA'I REG PA GANG YIN PA DE NI 'BYUNG BA CHEN PO ME'O, ,DE'I 'GRO BA DANG LDOG PA'I MTSAN NYID GANG YIN PA DE NI 'BYUNG BA CHEN PO RLUNG NGO, , DE'I 'BA' ZHIG ZHI BA SPROS PA MED PA'I NGO BO GANG YIN PA DE NI 'BYUNG BA CHEN PO NAM MKHA' 'O, ,DE LTAR GYUR PA'I BYANG CHUB SEMS KYI THIG LE PADMA'I SNA RTZER ZHES PA NI NYE BAR MTSON PA YIN TE, DES NA RDO RJE'I SNA RTZER YANG NGO, ,PHYUNG NAS NI ZHES PA LA YAN LAG DANG TSIGS THAMS CAD KYI SGO NAS SPROS NAS SO, ,THIG LE'O GZUGS SU BRTAG PAR BYA, ,ZHES PA NI YUNGS KAR GYI 'BRU'I TSAD TZAM GYI GANG BU RDO RJE'I RIN PO CHE'I RTZER 'DZIN PAR BYA'O, ,DE NYID NYE BAR BSDU BA'I SGO NAS KHYAD PAR BSTAN PAR BYA BA'I PHYIR, RIN CHEN KHA DOG SNA LNGA PA, ,ZHES SMOS TE, RANG DANG GZHAN GYI DON 'GRUB PA LA NUS PAS RIN CHEN NO, ,YANG NA RNAM PA SNA TSOGS KYI SEMS CAN GYI KHAMS SKYED PAR BYED PAS NA RIN CHEN NO, ,DE BZHIN GSHEGS PA LNGA'I RANG BZHIN YIN PAS KHA DOG SNA LNGA PA'O, ,SROG DANG RTZOL BA ZHES PA NI SROG GI RLUNG STE RTAG TU GYEN DU RGYU'O, ,RTZOL BA ZHES PA NI DE NYID NYER BAR BSDUS PAS THUR DU SEL BA STE ,SROG DANG RTZOL BA ZHES BYA'O, ,DES NI THA MAL PA'I SEMS CAN BSKYED PA'I MTSAN NYID DE YAN LAG DANG PO BSTAN TO, ,SA BON GYI THIG LE'I DBUS SU ZHES PA NI BYANG CHUB SEMS KYI NANG NA'O, ,SKYE BZHIN PAR SHES PAR BYA STE ZHES PA NI MOS PA'I RNAL 'BYOR GYIS BSKYED PA ZHES

BYA BA'I DON TO, ,BDUD RTZI SA BON ZHES BYA BA LA SOGS PA'I TSIG NI DPAL RDO RJE BDUD RTZI'I RNAL 'BYOR GYI RGYUD LAS 'BYUNG NGO, ,RTOG PA'I RNAL 'BYOR SLOB PA NA, ,ZHES PA NI LHAG PAR MOS PA'I RNAL 'BYOR BSGOM PAS SO, ,RGYU BA DANG MI RGYU BA ZHES PA NI BRTAN PA DANG G-YO BA'I KHAMS GSUM PA'I RNAM PA CAN GYI RDO RJE SEMS DPA' BSAM MO ZHES PA NI LHAG PAR MOS PAR BYA'O, ,'DI NYID KYI KHYAD PAR NI ZHES PA NI DE'I LHAG PAR GYUR PA'I TSIG CES BYA'O, ,ME LONG LTA BU LA SOGS PA'I YE SHES RNAMS KYI GZHIR GYUR PAS NA YE SHES GNAS SO, ,RNAM PA SNA TSOGS PA'I SANGS RGYAS SPRUL PAS NA NYAMS DGA' BA'O, ,BYA BA LA SOGS PA'I TSUL LA 'JUG PA LA MA BSTAN PAS NA GSAL BA'O, ,YANG NA DA NI RDO RJE'I RTZE MO DANG 'DRA BA YIN PAS RDO RJE'O, ,HA NI BYA'I GDONG DANG 'DRA BAS PADMA'O, ,SYA NI 'DZAG PA'I DON STON TE, DES NA RA HA DANG 'DRA BAS RDO RJE DANG PADMA LAS SYA NI 'DZAGS PAS NA, RA HA SYA NI GSANG BA STE BYANG CHUB KYI SEMS ZHES BYA BA'I DON TO, ,YE SHES KYIS BRTAGS PA ZHES PA NI RANG RIG GI MNGON SUM GYI TSAD MA'I SPYOD YUL ZHES BYA BA'I THA TSIG GO, ,DRANG BA'I DON ZHES PA NI RDZAS KYI NGO BO NYID DU BSTAN PAS SO, ,RDZOGS PA'I RIM PA YANG ZHES PA NI, YANG GI SGRA NI SLAR ZHES BYA BA'I DON TO; ,DES NA RDZOGS PA'I RIM PA'I 'BREL PA DANG LDAN PA'I PHRA MO'I RNAL 'BYOR GZHAN YANG BSHAD PAR BYA ZHES BYA BA'I DON TO, ,SNYING GA ZHES BYA BA LA SOGS PA LA LKOG MA LA SOGS PA'I GNAS BZHI PO LA GRU GSUM DANG ZLUM PO DANG GZHU'I DBYIBS CAN DANG GRU BZHI'O, ,GOS DKAR MO DANG M'A MA K'I DANG SGROL MA DANG SPYAN MAS BYIN GYIS RLOB PA, 'OD DPAG TU MED PA DANG MI BSKYOD PA DANG, DON YOD GRUB PA DANG RNAM PAR SNANG MDZAD KYIS DBANG BYAS PA DMAR PO DANG LJANG GU DANG DKAR PO DANG KHA DOG SER POR LDAN PA, DE DANG 'DRA BA'I 'OD SPRO BA DBANG DANG ZHI BA DANG 'GUGS PA DANG RGYAS PA'I LAS CAN G-YAS G-YON DANG GNYIG DANG DAL BUS DMAN PAR RGYU BA, ME DANG CHU DANG RLUNG DANG SA'I KHAMS KYI NGO BO DKYIL 'KHOR BZHI BSAMS LA, DE RNAMS LA THUN DANG PO NAS BRTZAMS TE NYIN MO DANG MTSAN MO'I RIM PAS KHA DOG DMAR PO LA SOGS PA'I 'OD ZER GYI TSOGS SPROS LA

, ,GDONG GI SNA RTZER THUN PHYED PHYED KYI DUS SU 'DZIN NAS JI SRID SEMS RTZE GCIG PAR GYUR PA DE SRID GNAS PAR BYAS PAS 'BAD RTZOL MED PAR ZHI BA LA SOGS PA'I LAS KYI TSOGS 'GRUB PAR 'GYUR RO, ,DE NI GTI MUG GI RIGS CAN GYI RNAL 'BYOR PA'I PHRA MO'I THIG LE BSGOM PA'I MAN NGAG GO, ,LUS THAMS CAD LA GNAS PA ZHES PA NI RTZA RGYUS THAMS CAD KYI LUS LA ZHES BYA BA'I DON TO, ,YE SHES LNGA'I NGO BO ZHES PA NI RNAM PAR SNANG MDZAD LA SOGS PA'I NGO BOS SO, ,'OD ZER LNGA PO ZHES PA NI SROG LA SOGS PA'I RLUNG LNGA STE, BZHI PO NI PHUNG PO BZHI LA GNAS PA STE GSAL BA'O, ,LNGA PA NI MI GSAL BA'O, ,DE NYID KYI PHYIR, RLUNG GI LAS KUN RJES 'GRO BA'O, ,SPYOD PA KUN LA RAB 'JUG PA, ,RNAM PAR SNANG MDZAD NGO BO STE, ,'CHI BA'I LUS LAS 'PHO BAR 'GYUR, ,ZHES BSHAD PAS SO, ,SROG DANG RTZOL BAR GYUR NAS ZHES PA NI, LNGA'I BDAG NYID KYI RLUNG DE NYID SROG DANG RTZOL BA NYID DU GYUR NAS SO, ,STENG GI SNA YI BU GA LAS, ,ZHES PA NI, KUN RDZOB KYI SNA KHUNG G-YAS PA LA SOGS PA'I DBYE BAS PHYE BAR GYUR PA LAS SO, ,DKYIL 'KHOR BZHI YI KHA DOG GIS, ,ZHES PA NI NYIN MO'I THUN DANG PO LA ME'I DKYIL 'KHOR 'CHAR BA DANG, GNYIS PA LA RLUNG GI DKYIL 'KHOR DANG, ,GSUM LA SA'I DKYIL 'KHOR DANG BZHI PA LA CHU'I DKYIL 'KHOR 'CHAR BA DE BZHIN DU MTSAN MOR RTOGS PAR BYA'O, ,GO RIMS BZHIN DU NGES PAR 'BYUNG, ,ZHES PA NI G-YAS PA LA SOGS PA'I DBYE BAS RIM PA JI LTA BA BZHIN DU 'BYUNG NGO ZHES BYA BA'I DON TO, ,JI SKAD DU ZHES PA LA SOGS PA'I LUNG TSAD MA NYID DU BSTAN TO, ,SNA RTZE NI GDONG GI SNA RTZER RO, ,YUNGS KAR ZHES PA NI YUNGS KAR GYI 'BRU'I TSAD TZAM GYI 'OD ZER GYI THIG LE'O, ,SROG DANG RTZOL BA'I BRTAG PA'O, ,ZHES PA NI DE NYID RLUNG NYE BAR BSDUS PA'O, , THIG LE DE NYID SROG DANG RTZOL BA LA SANGS RGYAS KYI RANG BZHIN TE, DE BZHIN GSHEGS PA'I NGO BO 'OD ZER LNGA YOD DE DKYIL 'KHOR RE RE 'ANG DE BZHIN GSHEGS PA LNGA'I BDAG NYID YIN PAS SO, ,'OD ZER DE RNAMS NI STENG GI SNA LAS TE GDONG GI SNA LAS NGES PAR 'BYUNG BAR 'GYUR RO, ,SGO

LAS 'BYUNG BA'I RIM PA BSHAD PA'I PHYIR, G-YON ZHES BYA BA LA SOGS PA SMOS TE, RLUNG GI DKYIL 'KHOR G-YON NAS 'BYUNG BA DANG ME'I DKYIL 'KHOR G-YAS LAS 'BYUNG BA DANG SA'I DKYIL 'KHOR GNYI GA LAS 'BYUNG BA DANG, CHU'I DKYIL 'KHOR GNYI GA LAS DAL BUS RGYU BA'O, ,DE NYID NANG GI DUS YIN BAR BSHAD PA NI RNAL 'BYOR PA RNAMS KYI NANG GI DUS YIN NO, ,DUS KYI RIM PA 'DIS RNAL 'BYOR PAS ZHI BA LA SOGS PA'I LAS BYED DE, RANG NI 'OD GSAL BA STE MI SHIGS PA'I NGO BO'O, ,DE LAS BYUNG BA'I SNGAGS NI YI GE GSUM MO, ,DE'I GZHI NI DKYIL 'KHOR BZHI'O, , DE RNAMS KYI SBYOR BA NI RAB TU SBYOR BA STE 'OD ZER SPRO BA'I RIM PA'O, ,NYIN MTSAN NI NYIN MO DANG MTSAN MOR DES GNAS SHING SNA'I RTZE MOR 'OD ZER DE 'DZIN PAR BYA'O, ,THUN PHYED PHYED NI CHU'I TSOD BRGYAD KYI BDAG NYID KYI DUS NI THUN NO, ,DE'I PHYED NI CHU TSOD BZHI'O, ,DE YANG PHYED NI CHU TSOD GNYIS SO, ,DES NA THUN RE RER CHU TSOD GNYIS GNYIS KYI BAR DU 'OD ZER GYI THIG LE 'DZIN PAS 'OD GSAL BA RTOGS PAR 'GYUR RO, ,RIM NI ZHES PA NI KHA DOG DMAR PO LA SOGS PA'I DBYE BA DANG, G-YAS PA LA SOGS PA'I DBYE BAS SO, ,GO RIMS JI BZHIN DU ZHES PA NI ME DANG RLUNG DANG SA DANG CHU'I DKYIL 'KHOR SHAR BA'I RIM PAS SO, ,RDO RJE'I TSIG GI DON ZHES PA NI DON ZAB PA DANG LDAN PA'I TSIG GIS BRJOD PAR BYA'O, ,RLUNG GI DE KHO NA NYID CES PA NI YUNGS KAR GYI 'BRU'I TSAD TZAM GYI BYANG CHUB KYI SEMS KYI THIG LE'I DE KHO NA NYID DO, ,SNGAGS KYI DE KHO NA NYID CES PA NI YI GE GSUM GYIS BSKYED PA'I RGYUR GYUR PA'I MI 'JIGS PA'I MTSAN NYID DO, ,DES LAS DKYIL 'KHOR DANG RLUNG DANG YI GE GSUM YANG 'BYUNG BA'I PHYIR RO, ,YE SHES KYI DE KHO NA NYID BSTAN PA'I PHYIR ZHE SDANG GI RIGS CAN GYI PHRA MO'I RNAL 'BYOR BSTAN PAR BYA STE, RNAM PAR SHES PA GSUM NI SEMS CAN DANG SNOD KYI 'JIG RTEN GYI RANG BZHIN KUN GZHI LA SOGS PA'I MTSAN NYID CAN NO, ,BYANG CHUB KYI BDAG NYID CAN GYI SEMS ZHES PA NI SNANG BA LA SOGS PA'I RANG BZHIN CAN NO, ,KHAMS PHRA BA STE ZHES PA NI AOm DANG A'A: NYE BAR BSDUS NAS THUGS RDO RJE YIG 'BRU'I THIG

, ,LE LHAG MAR GYUR PA'I KHAMS PHRA BA'O, ,SNYING GA LA GNAS PA'I DE LA RTEN DANG BRTEN PAR GYUR PA ZHES PA NI 'GRO BA DE NYID RNAM PAR SHES PAR BYED DE BSAM PAR BYA'O, ,DE NI YE SHES KYI DE KHO NA NYID DE YAN LAG LNGA PA'O, ,RLUNG DANG RNAM PAR SHES PA ZHES BRTAGS PA'I ZHES PA NI RLUNG MA LUS PA'I 'KHOR LO DANG RNAM PAR SHES PA GSUM GYI RANG BZHIN GYI SNGAGS KYI THIG LE DE LA'O, ,YE SHES KYI SKU ZHES PA NI CIG CAR DU 'BYUNG BA 'JA' TSON BZHIN NO, ,'JA' TSON LTAR ZHES PA NI YOD PA DANG MED PA GNYIS DANG BRAL BA'O, ,DKAR PO LA SOGS PA ZHES PA NI 'OD ZER GYI TSOGS DANG LDAN PA'O; ,RTOG PA'I RNAL 'BYOR PA RNAMS KYI SPYOD YUL MA YIN PA'I PHYIR ZHES PA NI BSKYED PA'I RIM PA'I RNAL 'BYOR PA RNAMS LA BSTAN PAR MI BYA BA 'OD GSAL BA LAS 'BYUNG BA RDO RJE 'CHANG CHEN PO'I SKU BSGOM PAR BYA'O, ,DES YONGS SU DAG PA'I LHA'I DE KHO NA NYID BSTAN TO, ,THEG PA CHEN PO'I MDO SDE ZHES PA NI RJE BTZUN RIN CHEN TE LA LAS SO, ,DGONGS PAS BSHAD PA ZHES PA NI 'GAL BA'I TSIG GI SBYOR BAS SO, ,SKRA TZAM ZHES BYA BA LA SOGS PA NI SKRA'I RTZE MO DANG 'DRA BA SHU KRA DANG SNGAGS DANG 'OD ZER GYI BDAG NYID KYI THIG LE LA JI SRID GANG G'A'I KLUNG GI BYE MA DANG 'DRA BAR BZHUGS PA DE BZHIN DU RDUL RE RE'I CHA CHA'I DBYE BAS RDUL JI SRID YOD PA DE'I RTZIS KYIS DE LA YANG BYANG CHUB SEMS DPA' DE DANG 'DRA BAR BZHUGS SO ZHES BSAM PAR BYA'O, ,DES NI BRTAN PA DANG G-YO BA'I RANG BZHIN GYI DKYIL 'KHOR GYI 'KHOR LO'I BDAG NYID CAN THIG LE YIN NO ZHES BSTAN TO, ,LHA'I DE KHO NA NYID CES BYA BA NI NYE BAR BSDU BA'O, ,NGES PA'I DON NI RDO RJE BZLAS PA'I RIM PA'I YAN LAG TU 'GYUR BA RLUNG GI DE KHO NA NYID LA SOGS PA BSTAN PAS SO, ,DA NI ZHES BYA BA LA SOGS PAS GTI MUG GI RIGS CAN LA LTOS NAS PHRA MO'I RNAL 'BYOR SPROS PAS BSTAN PAR BYA STE, SNGAGS DANG RLUNG MNYAM PAR SBYOR BA LAS ZHES PA NI 'JUG PA LA SOGS PA'I RANG BZHIN GYIS SROG LA SOGS PA'I NGO BO SNANG BAR 'GYUR BA'I YI GE GSUM DANG 'JUG PA LA SOGS PA'I MTSAN NYID CAN GYI RLUNG DANG 'BREL BAS DKYIL 'KHOR BZHI BYUNG BA ZHES BYA BA NI G-YAS

PA LA SOGS PA LAS RGYU BA'O, ,DE LTAR GYUR NA YAN LAG MA NYAMS PA'I BZLAS PA LA ZHES PA NI YAN LAG MA NYAMS PA'I LHA LA SOGS PA'I DBYER MED PA'I SBYOR BAS BZLAS PA GANG YIN PA DE'I RIM PA NI GO RIMS BSTAN PA'I PHYIR ZHES PA NI GSAL BAR BYA BA'I PHYIR RO, ,MI SHIGS PA ZHES PA NI SPROS PA THAMS CAD MED PA'I MTSAN NYID 'OD GSAL BA'O, ,DE LAS BYUNG BA NI 'OD GSAL BA LAS ME LA SOGS PA DKYIL 'KHOR BZHI 'BYUNG BA'O, ,ME'I DKYIL 'KHOR KHA DOG DMAR PO'I NGO BO ZHES PA NI NYI MA'I DKYIL 'KHOR NI DMAR PO YIN PAS SO, ,G-YAS LAS 'BYUNG BA ZHES PA NI NGO BO NYID KYIS DE'I DE LAM YIN PA'I PHYIR RO, ,RNAM PAR SNANG MDZAD DO ZHES PA NI DE BZHIN GSHEGS PA'I RIGS YIN PAS SO, ,SKU NI NYI MA'I DKYIL 'KHOR 'OD DPAG TU MED PA STE KHA DOG DMAR PO YIN PAS SO, ,AOm DANG A'A: STE ZHES PA NI DE DAG GIS BSKYED PA'I SA BON YIN PAS SO, ,DE NYID 'JUG PA DANG GNAS PA ZHES PA NI SNGAGS DANG RLUNG GI THA DAD PA MA YIN GYI 'ON KYANG DE'I BDAG NYID DU 'JUG PA'O, ,YI GE H'Um LDANG BA'I BDAG NYID CAN ZHES PA NI THUGS RDO RJE'I SA BON YIN PAS DBANG PO LA BRTEN NAS PHYI ROL YUL LA 'BYUNG BA'I RANG BZHIN YONGS SU BRTAG PA STE BSGOM PAR BYA'O, ,'DI NI 'OD DPAG TU MED PA'I BZLAS PA'O ZHES PA NI ME'I DKYIL 'KHOR LA DBANG BYED PA'I PHYIR RO, ,CHU'I DKYIL 'KHOR TE ZHES PA NI ZLA BA DANG 'DRA BAS SO, ,SPYAN GYI YI GE NI YI GE AOm MO, ,TSUL NI KHA DOG DKAR PO'O, ,DKAR ZHING ZHES PA NI DE NYID DO, , DE NAS TE ZHES PA NI TSIG PHRAD DON DU MA YIN PAS DE NAS KYI SGRA NI BKRA SHIS KYI DON RJOD PAR BYED PA STE YI GE AOm GYI RNAM GRANGS SO, ,'DAS MA THAG PA'I DON YANG YIN TE SNGA MA 'DAS PA LA LTOS PAS, BKRA SHIS DANG NI DBANG NYID BRJOD, ,DES NA SGRA DANG DE'I PHYIR SGRAS, ,RIM DANG GTAN TSIGS DON STON TO, ,ZHES 'BYUNG NGO, ,YI GE AOm NI BKRA SHIS KYI DON LA RAB TU GRAGS SO, ,YONGS SU GYUR PA'I RJES LA ZHES PA NI DE NYID 'JUG PA'I BDAG NYID KYI BZLAS PA'I 'OG TU 'O, ,YI GE A'A: NI PADMA'I RIGS KYI SA BON YIN PAS SO, ,YI GE H'Um NI RDO RJE RIGS KYI SA BON YIN

, ,PAS SO, ,RDO RJE BZLAS PA ZHES PA NI THUGS RDO RJE'I BZLAS PA'O, ,KHA DOG SER PO ZHES PA NI RIN CHEN 'BYUNG LDAN GYI DKYIL 'KHOR TE RGYAS PA'I RANG BZHIN YIN PAS SO, ,YI GE GSUM ZHES PA NI SNGAGS THAMS CAD KYI SKYED PA'I RGYU YIN PAS SO, ,RTZE GCIG TU BSGOM ZHING ZHES PA NI DKYIL 'KHOR GYI RNAM PA DANG KHA DOG DANG SGO LA SOGS PA LA MNYAM PAR GZHAG PAS SO, ,RIN PO CHE'I BZLAS PA ZHES PA NI NYE BAR BSDUS PA'O, ,MI SHIGS PA NI 'OD GSAL BA LAS SO, ,RLUNG GI DKYIL 'KHOR TE ZHES PA NI GZHU'I DBYIBS CAN NO, ,SANGS RGYAS KYI TSUL TE YI GE H'Um ZHES PA NI SANGS RGYAS THAMS CAD KYI BDAG PO MI BSKYOD PA BSKYED PA'I SA BON YIN PAS SO, ,ZHI BA THUNG DU ZHES PA NI, DE NYID KYI KHYAD PAR TE LDANG BA'I RANG BZHIN YIN PAS SO, ,'JUG PA DANG GNAS PA'I RJES LA ZHES PA NI YI GE AOm DANG AA'I GZHI 'JUG PA DANG GNAS PA'I 'OG TU ZHES BYA BA'I DON TO, ,DON YOD BZLAS PA ZHES PA NI NYE BAR BSDU BA'O, ,DE NI GSUNG RDO RJE LA SOGS PA RNAM PA BZHI YAN LAG MA NYAMS PA'I BZLAS PA BSTAN TE SNGAGS DANG RLUNG DANG RNAM PAR SHES PA LA SOGS PA DBYER MED PA'I PHYIR RO, ,SLONG MO ZA ZHING MI BZLA STE, ,MA BLANGS PA LA CHAGS MI BYA, ,'DOD PA THAMS CAD LONGS SPYOD PAS, ,YAN LAG MA NYAMS GSANG SNGAGS BZLA, ,ZHES 'BYUNG NGO, ,RE RE'I ZHES PA LA ME'I DKYIL 'KHOR LA SOGS PA RE RE'I 'O, ,DKYIL 'KHOR GSUM PO 'KHOR DU GYUR PAS ZHES PA NI CHU LA SOGS PA'I DKYIL 'KHOR GSUM PO'O, ,DE'I NANG DU CHUD PA SPRO, ,ZHES PA NI DE'I CHA SHAS NYID KYIS SPRO BAR BYA STE 'BYUNG BA CHEN PO'I GCIG NI 'BYUNG BA BZHI'I RANG BZHIN YIN PAS SO, ,BSHAD PA'I RGYUD CES PA NI DGONGS PA LUNG BSTAN PA'I GSANG BA 'DUS PA'I RGYUD LAS SO, ,GOS DKAR CAN SOGS BZLAS BSHAD PA; ZHES BYA BA LA SOGS PA TSIGS SU BCAD PA GNYIS PO'I DON NI LE'U GSUM PA NAS BSHAD ZIN TO, ,RNAL 'BYOR PA GNYI GA ZHES BYA BA LA SOGS PAS BRTAGS PA DANG RDZOGS PA'I RNAL 'BYOR PA RNAMS LA PHRA MO'I RNAL 'BYOR BSTAN PAR BYA STE, AUTPALA MTHING KA'I KHA DOG DANG 'DRA BA ZHES

PA NI MI BSKYOD PA'I RIGS YIN PA'I PHYIR RO, ,RANG GI RDO RJE'I BU GAR ZHES PA NI GSANG BA'I RDO RJE'I RTZE MO'I BU GA LA'O, ,MI BSKYOD PA'I RNAL 'BYOR PA DE NYID KYIS SME SHA CAN GYI PHYAG RGYA'I PADMA'I NANG DU NAS KYI 'BRU'I TSAD TZAM GYI RDO RJE PHRA MO BSGOM PAR BYA'O, ,TZA NA KA ZHES BYA BA LA SOGS PAS RNAM PAR SNANG MDZAD LA SOGS PA'I RNAL 'BYOR PA RNAMS KYIS 'KHOR LO LA SOGS PA BSGOM PAR BYA'O ZHES BSTAN TO, ,DE NYID BSTAN PA'I PHYIR RIGS KYI DBYE BA ZHES BYA BA LA SOGS PA SMOS SO, ,DES NI BSKYED PA'I RIM PA'I RNAL 'BYOR PA RNAMS KYI DKYIL 'KHOR RGYAL MCHOG GI TING NGE 'DZIN GYI DANG PO PHYAG RGYA LEGS PAR SBYONG BA'I DUS SU DE DAG BSDOM PAR BYA'O, ,RDZOGS PA'I RIM PA'I RNAL 'BYOR PA RNAMS KYIS KYANG RIM PA LNGA CHAR YANG RTAG TU BSGOM PAR BYA'O, ,DES KYANG CIR 'GYUR ZHE NA ZHES BYA BA LA SOGS PAS PHRA MO'I RNAL 'BYOR BSGOMS PA'I 'BRAS BU BSTAN TO, ,ZHI BA LA SOGS PA ZHES PA NI ZHI BA DANG RGYAS PA DANG, DBANG DANG DGUG PA DANG RNAM PAR SDANG BA DANG GSOD PA DANG DGAR BA DANG RENGS PA LA SOGS PA'O, ,'DOD PA'I DBANG PHYUG LA SOGS PA BRGYAD CES PA NI, SKU DBANG PHYUG DANG GSUNG DBANG PHYUG ,DE BZHIN THUGS KYI DBANG PHYUG DANG, ,CHOS 'PHRUL YON TAN DBANG PHYUG DANG, ,BYED DANG LONGS SPYOD YON TAN BRGYAD, ,CES BSHAD PA'I PHYIR RO, ,GNYIS SU MED PA'I YE SHES ZHES PA NI ZUNG DU 'JUG PA'I MTSAN NYID DO, ,RGYU NI BZHI'O, ,DON DAM PA'I BDEN PA NI RIM PA GNYIS PA DANG BZHI PA DAG GIS THOB PAR BYA STE 'OD GSAL BA'O, ,NYON MONGS PA THAMS CAD RNAM PAR DAG PAS NA ZHES PA NI 'DOD CHAGS DANG BRAL BA LA SOGS PA RANG BZHIN BRGYA DRUG CU SPONG BA'I PHYIR RO, ,YID DGA' BA'O ZHES PA NI 'DOD CHAGS DANG 'DOD CHAGS BRAL BA DANG 'DOD CHAGS PAR MA SPONG BA'I PHYIR RO, ,DE LTAR BU'I DNGOS GRUB THAMS CAD KYI GZHIR GYUR PA ZHES PA NI, DNGOS GRUB THAMS CAD DE LAS BYUNG BA YIN GYI GZHAN LAS MA YIN NO, ,RNAL 'BYOR PA DE'I MNGON DU GYUR PA ZHES PA NI RNAL 'BYOR PA'I MNGON SUM GYI TSAD MA'I SPYOD YUL DU 'GYUR RO ZHES BYA BA'I DON TO, ,DON DAM PA ZHES BYA BA LA SOGS PAS DE KHO NA NYID THOB PA'I THABS BSTAN PAR BYA STE,,

, ,PHUNG PO LA SOGS PA'O ZHES PA NI DE'I RNAM PAR DAG PA'I RANG BZHIN YIN PAS SO, ,SPRUL PA'I SKU'I GNAS SKABS SO, ,ZHES PA NI SNGAGS KYI SKU BLANG BA'I SKABS KYIS BZUNG BA'O, ,YE SHES GSUM GYI SBYOR BAS GNAS PAR ZHES PA NI SNGAGS DANG PHYAG RGYA DAG GI RIM PA GANG YANG RUNG BAS SNANG BA LA SOGS PA NGO BOS BYAS NAS SO, ,DON DAM PA'I BDEN PA DER SPRO ZHING 'JUG PA'O ZHES PA NI 'OD GSAL BA LA DE RNAMS 'JUG PAR BYA STE RIM PA BZHI PAS 'OD GSAL BA'I GO 'PHANG LA 'JUG PA'O, ,LDANG BA BSTAN PAR BYA BA'I PHYIR, ZHES PA NI DON DAM PA'I BDEN PA LA 'JUG PAS GZHAN GYI DON MED PA'I PHYIR ZHES BYA BA'I THA TSIG GO, ,SKU GSUM GYI BDAG NYID CAN NO ZHES PA NI CHOS DANG LONGS SPYOD RDZOGS PA DANG SPRUL PA'I SKU'I RANG BZHIN NO, ,'OD GSAL BA'O ZHES PA NI CHOS THAMS CAD KYI RANG BZHIN DU GYUR PA STE RIM PA GNYIS PA DANG BZHI PAS THOB PAR BYA BA'I DE KHO NA NYID DO, ,RGYU GANG YIN PA ZHES PA NI SA BCU PA LA YE SHES KYI DBANG THOB NAS BDAG LA BYIN GYIS BRLAB PA'I RIM PAS SKU BLANGS TE, MNGON PAR BYANG CHUB PA'I RIM PAS RDO RJE LTA BU'I TING NGE 'DZIN THOB NAS ZUNG DU 'JUG PA'I RIM PAS SA BCU GCIG PA THOB PAR 'GYUR RO ZHES BYA BAS 'OD GSAL BA NYID ZUNG DU 'JUG PA'I RIM PA'I RGYU YIN NO, ,DE GANG YIN ZHE NA, RDO RJE 'CHANG CHEN PO'I BDAG NYID DU BSKYED PAR BYA'O ZHES PA NI ZHI BA DANG SKYE BA LA MI GNAS PA DPAL RDO RJE 'CHANG GI PHYAG RGYA CHEN PO'I SKU RDZOGS PAR BYA'O ZHES BYA BA'I DON TO, ,'DI SKAD BSHAD PA YIN TE, BSKYED PA'I RIM PA'I RNAL 'BYOR PAS RDO RJE DANG PADMA LA SOGS PA'I PHRA MO'I RNAL 'BYOR BSGOMS PAS 'BRAS BUR GYUR PA'I ZUNG DU 'JUG PA'I TING NGE 'DZIN LA SNOD DU GYUR PA YIN GYI DE'I DUS SU THOB PA MA YIN TE, DE'I DBANG PO DMAN PA NYID KYIS DE KHO NA NYID SNANG NA YANG MNGON DU MI 'GYUR PA'I PHYIR RO; ,RDZOGS PA'I RIM PA'I RNAL 'BYOR PAS NI RDO RJE 'CHANG CHEN PO'I BDAG NYID DMIGS NAS PHRA MO'I RNAL 'BYOR BSGOM PA DE MA THAG TU SEMS RNAM PAR DAG PA LA SOGS PA'I RIM GYIS 'OD GSAL BA LA 'JUG NAS DE'I 'BRAS BUR GYUR PA ZUNG DU 'JUG PA'I RIM PA THOB PAR 'GYUR RO, ,DGONGS

PAS BSHAD PA ZHES PA NI 'GAL BA'I TSIG GI SBYOR BAS ZUNG DU 'JUG PA'I TING NGE 'DZIN THOB PA'I PHYIR RDO RJE BZLAS PA LA SOGS PA'I MTSAN NYID CAN GYI RDZOGS PA'I RIM PA BSTAN PAS SO, ,DA NI ZHES BYA BA LA SOGS PAS 'DOD PA'I YON TAN LNGA LA BRTEN PAS BYANG CHUB THOB PAR 'GYUR RO ZHES BSTAN TO, , GANG GI PHYIR BRTUL ZHUGS DANG SBYANGS PA'I YON TAN LA SOGS PA DANG LUS NGAL BAS SANGS RGYAS NYID THOB PAR MI 'GYUR RO, ,DKA' THUB BSDAMS PAS MA RUNGS PA'I, ,SDUG BSNGAL GYIS NI LUS SKAMS 'GYUR, ,SDUG BSNGAL GYIS NI SEMS G-YENGS TE, ,G-YENGS PAS DNGOS GRUB THOB MI 'GYUR, ,ZHES DPAL MCHOG DANG PO LAS 'BYUNG NGO, ,GANG PHYIR LUS NI GDUNG BA YIS, ,'BA' ZHIG GIS NI CHOS MED DO, ,DES GZHAN 'TSE BA BRAL MIN DANG, ,GZHAN DAG RJES SU GZUNG BA MIN, ,SBYIN PA TSUL KHRIMS BZOD PAS GSAL, ,DAM PA'I CHOS NI LAM CHEN PO, ,GANG ZHIG BOR NAS LUS NGAL BA'I, ,LAM NGAN NAS NI 'GRO 'GYUR NA, ,'KHOR BA'I DGON PA MA RUNGS PA, ,SKYE BO MTHA' LAS SHING DRUNG CAN, ,NYON MONGS SPRUL GYIS LUS BCINGS PA, ,DE NI YUN RING 'KHOR BAR 'GYUR, ,ZHES 'BYUNG NGO, ,'DOD PA'I YON TAN LNGA ZHES PA NI, GZUGS LA SOGS PA YUL LNGA NYE BAR SPYOD PA'I MTSAN NYID DO, ,RDZOGS PA'I RIM PA ZHES PA NI SO SOR SDUD PA DANG BSAM GTAN GYI RIM PAS THOB PAR BYA BA RDO RJE 'CHANG NYID CES BYA BA 'I THA TSIG GO, ,PHRA MO'I RNAL 'BYOR BSHAD PA'I 'OG TU ZHES PA NI RIM PA GNYIS KYIS BSGOM PAR BYA BA'I PHRA MO'I RNAL 'BYOR RNAM PA GSUM GYI 'OG TU ZHES BYA BA'I THA TSIG GO, ,GNYIS SU MED PA'I YE SHES TE, ,ZHES PA NI SEMS CAN THAMS CAD KYIS DE NYID 'DOD PAR BYA BAS SO, ,KUN NI ZHES BYA BA RNAM PA GSUM MO, ,SPROS PA DANG BCAS PA ZHES PA NI CHAGS PA'I ROL BA LA SOGS PA'I RGYA CHE BAS NYE BAR MTSON PA'O, ,SPROS PA MED PA ZHES PA NI JI LTAR RNYED PA'I SPYOD PAS NYE BAR MTSON PA'O, ,SHIN DU SPROS PA MED PA ZHES PA NI BLA NA MED PA'I MNGON PAR BYANG CHUB PA'I 'BRAS BU CAN MNGON PAR BYANG CHUB PA'I SBYOR BAS SO, ,DE RNAMS KYI MCHOG NI LONGS SPYOD PA DANG GROL BA'I SPYOD PA'O

, ,ZHES PA NI DE LA LONGS SPYOD RDZOGS PA'I SKUS SEMS CAN THAMS CAD LA CHOS KYI BDUD RTZI SBYIN PAR BYED PA'I LONGS SPYOD KYIS TSIM PAR BYED PA DANG, RANG GI BDAG NYID KYANG DE BZHIN DU TSIM PAR BYED PA STE LONGS SPYOD PA'I SPYOD PA'O, ,GROL BA'I SPYOD PA NI CHOS KYI SKU'I MTSAN NYID DE RTOG PA THAMS CAD YONGS SU SPONG BA'I RANG BZHIN NO, ,DE RNAMS KYI DAG PA NI RNAM PAR DAG PA'I GNAS THOB PAR BYED PA'O, ,RDO RJE 'CHANG CHEN PO'I GO 'PHANG THOB PAS SO ZHES PA NI DPAL RDO RJE SEMS DPA'I GO 'PHANG THOB PAR BYED PA YIN PA'I PHYIR RO, ,GSANG BA'I DAM PA ZHES PA NI NYAN THOS PA LA SOGS PA LA BSTAN PAR MI BYA'O, ,'OG NAS BSHAD PA STE ZHES PA NI 'CHAD PAR 'GYUR BA'O, ,GZUGS LA SOGS PA ZHES PA NI DUS KYI TSAD BSTAN PAR BYA STE, ,GZUGS DANG SGRA DANG DRI DANG RO DANG REG DANG LDAN PA ZHES PA NI GZUGS LA SOGS PA 'DOD PA'I YON TAN LNGA NYE BAR SPYOD PA'I MTSAN NYID CAN GYI YUL RNAMS KYI ZHES BYA BA'I DON TO, ,RDO RJE LTAR MI PHYED PA'I RANG BZHIN GYI BDAG NYID CAN DU SHES NAS ZHES PA NI BDAG LA BYIN GYIS BRLAB PA'I RIM PAS, CHOS DANG LONGS SPYOD RDZOGS PA DANG SPRUL PA'I SKU GSUM GYI BDAG NYID CAN YE SHES KYI SKU SHES NAS ZHES PA'I DON TO, ,ZAS SU DRI CHU ZHES BYA BA LA SOGS PAS SBYANG BA DANG BSANG PA DANG SBYAR BAR BYA BA LA, SNGON DU 'GRO BAR BDUD RTZI LNGA RANG GIS SPYAD NAS GTOR MA'I DON DU LHA RNAMS LA YANG DBUL BAR BYA'O ZHES STON TO, ,SANGS RGYAS BYANG CHUB SKYON MED PA, ,ZHES PA NI MI GNAS PA'I MYA NGAN LAS 'DAS PA'I DBYINGS KYI BRDAR BYAS PA ZUNG DU 'JUG PA'I GO 'PHANG ZHES BYA BA'I THA TSIG GO, ,ZAS SU ZHES BYA BA LA SOGS PAS, LCAGS KYU RNAMS KYANG DBUL BAR BYA, ,ZHES BSTAN TO, ,KHRO BO'I LHA RNAMS LA DBUL BAR BYA BA'I PHYIR TE ZHES PA NI GSHIN RJE MTHAR BYED LA SOGS PA'I KHRO BO'I 'KHOR LA DBUL BAR BYA ZHES PA'I DON TO, ,DE'I TSE SHA CHEN PO BRTAG PAR BYA'O ZHES PA NI KHA NA MA THO BA MED PA DPAL RDO RJE BDUD RTZI'I RGYUD KYI RIM PAS BLANG BA ZHES BYA BA'I DON TO, ,GSANG BA NI SBA BAR BYA STE ZHES PA NI DRAG PO'I LAS TE DE'I YUL CAN NI DE'I RGYUR GYUR PA'O, ,SKU GSUNG THUGS ZHES PA NI RNAL 'BYOR

BA'I 'O, ,RJES SU MTHUN PA 'BYUNG BAR GYUR PA'O, ,ZHES PA NI GSOD PA LA SOGS PA DRAG PO'I LAS DANG MTHUN PAR 'GYUR RO ZHES BYA BA'I DON TO, ,DE YANG GSHIN RJE MTHAR BYED KYI RGYUD LA SOGS PA LAS RTOGS PAR BYA'O, ,DE DAG LA SOGS PA 'BA' ZHIG TU BSTAN PAR MA ZAD KYI ZHES BYA BA LA SOGS PAS DRAG PO'I LAS KYIS KYANG DNGOS GRUB THOB PAR MA ZAD KYI, 'ON KYANG 'JIG RTEN DANG 'JIG RTEN LAS 'DAS PA'I DNGOS GRUB KYANG THOB PAR 'GYUR RO ZHES BSTAN TO, ,DE RNAMS JI LTA BA BZHIN DU BSTAN PAR BYA BA'I PHYIR, RI LU LA SOGS PA'I DNGOS GRUB RNAMS ZHES PA NI, RI LU DANG MIG SMAN DANG RKANG MGYOGS DANG RAL GRI DANG PRA DBAB PA DANG, SMAN MCHOG DANG BCUD KYIS LEN DANG BDUD RTZI DANG, KHAMS SBYOR BA DANG DBANG DU BYA BA DANG NAM MKHA' LDING DANG SA 'OG GRUB PA DANG, RO LANGS DANG SNGAGS SMRA BA DANG, ZHI BA DANG RGYAS PA DANG DBANG DANG DGUG PA DANG, RNAM PAR SDANG BA DANG GSOD PA DANG DGAR BA DANG RENGS PA LA SOGS PA'O, ,DE DANG 'DRA BA'I DNGOS GRUB RNAMS LA RNAL 'BYOR PA DE ZHES PA NI KHRO BO LA LHA BSHOS DBUL BAR BYED PA'I 'O, ,LUS DANG NGAG DANG YID LEGS PAR GNAS PAR 'GYUR BA ZHES PA NI LAS SU RUNG BA NYID 'GRUB PAR 'GYUR RO,, DE LTAR RDO RJE RIGS KYI ZHES PA NI MI BSKYOD PA'I RIGS CAN GYI KHRO BO'I LHA RNAMS LA STE, RDO RJE RIGS NI THAMS CAD KYI MCHOG YIN PA'I PHYIR NA SHA CHEN 'BUL LO, ,DE BZHIN GSHEGS PA LA SOGS PA'I RIGS KYI ZHES BYA BA LA SOGS PAS RNAM PAR SNANG MDZAD KYI RIGS KYI KHRO BO RNAMS LA GLANG PO'I SHA DANG, RIN CHEN 'BYUNG LDAN GYI RIGS KYI KHRO BO RNAMS LA RTA'I SHA DANG, 'OD DPAG TU MED PA'I RIGS KYI KHRO BO RNAMS LA KHYI'I SHA DANG, DON YOD GRUB PA'I RIGS CAN GYI KHRO BO RNAMS LA BA LANG GI SHA DBUL BAR BYA'O, ,DAM PA ZHES PA NI BA LANG GI SHA STE, 'JIG RTEN PA RNAMS KYI BA LANG NI MCHOG YIN NO ZHES SEMS SO, ,DE BZHIN GSHEGS PA'I RIGS LA SOGS PA'I KHRO BO'I TSOGS KYIS ZHES PA NI RNAM PAR SNANG MDZAD LA SOGS PA DE BZHIN GSHEGS PA BZHI PO'I 'BREL PA DANG LDAN PA'I KHRO BO'I TSOGS KYIS,

, ,ZHES BYA BA'I DON TO, ,DE RNAMS MED NA JI LTAR BYA, ,ZHES PA NI, JI LTAR BSHAD PA'I CHO GAS GZUNG BA'I KHA NA MA THO BA MED PA'I SHAM RNYED NA ZHES BYA BA'I DON TO, ,ZAS GZHAN ZHES BYA BA LA SOGS PA GSUNGS TE ZHES PA NI 'JIG RTEN PA DANG MI 'GAL BA GZUGS BRNYAN LA SOGS PA'I SHA STE BAG ZAN GYIS GZUGS BRNYAN BYAS NAS DE DANG 'DRA BA'I PHYUGS RNAMS KYI BRTAGS PA'I SHA ZHES BYA BA'I THA TSIG GO, ,'BRAS CHEN NO ZHES BYA BA LA SOGS PAS 'BRAS CHAN BZA' BA BKAG PAR BYA STE, 'JIG RTEN THAMS CAD DANG MTHUN PA'I BZA' BAS DE NI DNGOS GRUB KYI YAN LAG MA YIN TE KHYAD PAR DU NI KHRO BO'I RGYAL PO TSIM PA ZHES SMOS CI DGOS, 'BRAS BU BSTAN PAR BYA BA'I PHYIR, ,ZHES BYA BA LA SOGS PAS SNGAR BSHAD PA'I PHRA MO'I RNAL 'BYOR LA SOGS PA BSGOM PA KHRO BO RNAMS LA ZAS DBUL BA'I BAR GYIS MTHONG BA'I CHOS SU SKYE BA DANG GNAS PA DANG 'JIG PA DANG BRAL BA RDO RJE'I SKU THOB PA'I MTSAN NYID CES BYA BA'I THA TSIG GO, ,RIGS DE DANG 'BREL PA'I ZHES BYA BA LA SOGS PAS SRID PA'I RTZE MO'I STENG NA GNAS MNGON PAR DGA' BA LA SOGS PA'I SANGS RGYAS KYI ZHING LA BZHUGS PA 'KHOR LOS SGYUR BA LNGA DANG, RANG GI PHYAG RGYA GZUGS RDO RJE MA LA SOGS PA'I LHA MO DANG BCAS PA DE DANG DE'I RIGS KYI 'BREL PA DANG LDAN PA BYANG CHUB SEMS DPA' SA'I SNYING PO LA SOGS PA RNAMS KYANG SNGAGS KYIS SBYANGS PA'I LCAGS KYU PHUL BAS SGRUB PA PO LA MGU ZHING MNGON DU 'GYUR GYI GZHAN DU NI MA YIN NO ZHES BSTAN TO, ,DE NYID BSTAN PAR BYA BA'I PHYIR, ,RANG GI RIGS KYI MCHOD PA BYAS NAS ZHES PA NI RIGS DANG RIGS CAN DBYER MED PA'I PHYIR RO, ,'DI SKAD BSHAD PA YIN TE SNGAGS KYIS BRLABS PA'I KHA NA MA THO BA MED PA'I LCAGS KYU LNGA PHUL BAS MI BSKYOD PA LA SOGS PA DE BZHIN GSHEGS PA DANG LHA MO DANG BYANG CHUB SEMS DPA' DANG, KHRO BO'I TSOGS KYIS RNAL 'BYOR PA LA KUN TU BSRUNG ZHING RJES SU GZUNG BAR 'GYUR RO, ,YANG 'DI NYID KYI PHAN YON ZHES BYA BAS NI 'JIG RTEN PA DANG 'JIG RTEN LAS 'DAS PA'I MTSAN NYID CAN ZHES BYA BA'I DON TO, ,'JIG RTEN LAS 'DAS PA

BSTAN PAR BYA BA'I PHYIR, ,GTOR MA'I SBYOR BA 'DI YIS NI, ,ZHES PA SMOS TE, LCAGS KYU DBUL BA'I SBYOR BAS SO, ,BYANG CHUB PA NYID THOB PAR 'GYUR BA ZHES PA NI RDO RJE 'CHANG CHEN PO'I GO 'PHANG THOB PAR 'GYUR RO, ,RNAM PAR DAG PA RJES SU DRAN PAS LHA BSHOS DBUL BAS YE SHES KYI TSOGS THOB PAR 'GYUR GYI GZHAN DU NI MA YIN TE, BSOD NAMS KYI TSOGS KYI RGYU YIN PA'I PHYIR RO, ,BSOD NAMS KYI TSOGS DE YANG DE LAS DMAN PA YIN TE SO SO'I SKYE BO BZHIN NO, ,YE SHES DANG LDAN PA 'BA' ZHIG TU MA ZAD KYI ZHES BYA BA LA SOGS PAS YE SHES KYI TSOGS THOB PA 'BA' ZHIG TU DGAG PAR BYED DO, ,'DOD PA'I KHAMS NI BUD MED THAMS CAD CES PA NI 'DOD PA'I LONGS SPYOD KYI BDE BA'I GZHI YIN PA'I PHYIR RO, ,BUD MED THAMS CAD NI LHA MO DANG KLU MO LA SOGS PA'O, ,JI SKAD DU, LHA MO KLU MO GNOD SBYIN MO, ,LHA MA YIN MO MI MO YANG, ,RNYED NAS RIG PA'I BRTUL ZHUGS BYA, ,DE LTAR SGRUB STE THE TSOM MED, ,CES 'BYUNG NGO, ,DE RNAMS KYI YUL LA DGA' BA'I DBANG DU 'GYUR RO ZHES PA NI THAMS CAD RNAMS KYANG DBANG DU BYAS PAS ROL PA'I BDAG POR 'GYUR TE, DE KHO NA NYID SHES PA LA PHYI'I DNGOS GRUB NI ZHAR LAS 'BYUNG BA'I PHYIR RO, ,DE YANG, RI RAB SUM CU RTZA DRUG GI, ,ZHES BYA BA LA SOGS PA NI LE'U BCU GSUM PA LAS 'CHAD PAR 'GYUR RO, ,LAS KYIS ZHES PA NI DGE BA DANG MI DGE BA DANG LUNG DU MA BSTAN PA LA SOGS PA'I LAS KYIS NYE BAR MTSON PA 'GRO BA LNGA'O, ,PHYIR MI LDOG PA'O ZHES PA NI SA BRGYAD PA LA BSKYED PA'I RIM PA'I TING NGE 'DZIN GYIS THOB PAR BYA'O, ,DE'I LAS NI GZHAN GYI DON GYI MTSAN NYID DO, ,SEMS CAN SMIN CING GROL BAR BYED PA'I MTSAN NYID CAN NO ZHES PA NI MA BSGRAL BA SGROL BAR BYED PA DANG, MA GROL BA GROL BAR BYED PA DANG, DBUGS MA PHYUNG BA DBUGS DBYUNG BA SBYIN PA DANG YONGS SU MYA NGAN LAS MA 'DAS PA YONGS SU MYA NGAN 'DA' BAR BYA ZHES BYA BA'I THA TSIG GO, ,YONGS SU BRTAGS PA'I RNAL 'BYOR PA RNAMS KYI ZHES PA NI BYA BA DANG, SPYOD PA DANG, RNAL 'BYOR RGYUD KYI RNAL 'BYOR PA RNAMS DANG, RNAL 'BYOR CHEN

, ,PO'I RGYUD KYIS BSKYED PA'I RIM PA'I RNAL 'BYOR PA RNAMS KYI MCHOG TU GYUR PA NI ZUNG DU 'JUG PA'I RIM GYIS SA BCU GNYIS PA THOB PA'I PHYIR RO, ,SDUG BSNGAL BA ZHES PA NI SDUG BSNGAL GSUM MO, ,YID MI BDE BA ZHES PA NI 'DOD CHAGS LA SOGS PA BAG CHAGS KYI MTSAN NYID DO, ,ZIL GYIS MI GNON PA'I GZI BRJID NI DE RNAM PAR SPYOD PAR BYED PA 'OD GSAL BA'I MTSAN NYID CAN GYI SNANG BA'O, ,DE YOD PAS NA GZI BRJID CAN NO ZHES PA NI 'OD GSAL BA MNGON DU BYAS PA ZHES BYA BA'I THA TSIG GO, ,'JIG RTEN GYI CHOS BRGYAD KYIS ZHES PA NI RNYED PA DANG MI RNYED PA LA SOGS PAS SO, ,ZUNG DU 'JUG PA THOB PAS 'JIG RTEN GYI CHOS MNGON DU MI 'GYUR TE, GNYIS SU MED PA YIN PA'I PHYIR RO, ,JI LTAR DRAG PO RDO RJE CAN, ,ZHES BYA BA LA SOGS PA BSHAD PA'I PHYIR RO, ,RDO RJE SEMS DPA'I ZHES BYA BA LA SOGS PA NI RDO RJE SEMS DPA' BZHIN DU MI SHIGS PA TSE DANG NA SOS LDAN PA STE BSAM GTAN GYI ZAS KYIS MI 'JIGS PA'I PHYIR RO, ,RTAG TU RAB TU DGA' BAR GYUR PAS NA ZHES PA NI BSAM GTAN GYI BDE BA LA LONGS SPYOD PAS MI ZAD PA'I DGA' BA THOB PA'I PHYIR RO, ,RNAL 'BYOR CHEN PO DANG LDAN PA ZHES PA NI BYA BA LA SOGS PA'I TSUL LA BRTAN PA LA LTOS PAS SO, ,MTHONG BA NI KHONG DU CHUD PA STE ZHES PA NI SKAD KYI BYINGS DON DU MA YIN PAS MTHONG BA NI SHES PA'I DON LA 'JUG GO, ,MIG NI MTHONG BA STE MIG GI RNAM PAR SHES PAS YONGS SU SHES PA'O, ,RNA BAS MTHONG BA ZHES PA NI RNA BA'I RNAM PAR SHES PAS YONGS SU SHES PA'O, ,YID KYIS MTHONG BA NI YID KYI RNAM PAR SHES PAS YONGS SU SHES PA'O, ,DE LA MTHONG BA TZAM ZHES PA NI MIG LA SOGS PAS MTHONG BA DANG THOS PA DANG RTOGS PAR BYAS NAS SO, ,SNA TSOGS PAS RNAM PAR PHYE BA ZHES PA NI SLOB PA DANG MI SLOB PA LA SOGS PA'I KHYAD PAR DANG LDAN PA'O, ,DBANG DU BYED PAR 'GYUR BA STE ZHES PA NI MNGON PAR SHES PA THOB PAS SO, ,SPYI'I SPROS PAS 'GRUB PAR BYA BA LAS KYI RAB 'BYAMS KYI SGO NAS DBANG DU 'GYUR ZHE NA, SMRAS PA MA YIN TE, PHYI'I SNGAGS DANG PHYAG RGYA LA SOGS PA NI NGAG GIS BZLAS PAR BYA

BA'I YE GE'I BDAG NYID CAN NI SNGAGS SO, ,LAG PA'I BYA BA LA SOGS PA'I MTSAN NYID KHYAD PAR NI PHYAG RGYA'O, ,DE RNAMS KYIS BSKUL BA NI DRANGS PAS DBANG BYED PAR MI 'GYUR GYI 'ON KYANG LHUN GYIS GRUB PAS SO, ,'DAS PA DANG NI MA 'ONGS PA, ,DA LTAR BYUNG BA SRID GSUM GYI, ,'OD GSAL RNAM PAR DAG 'DZIN PAS, ,SKAD CIG DE LA MA LUS MTHONG, ,YA YI DON GYIS CI YANG RUNG, ,DNGOS GRUB 'DOD PAS BYA BA NI, ,RA LA SOGS PA GSUM GYIS NI, ,'GRO BA'I DON LA RAB TU 'JUG ,CES 'BYUNG NGO, ,DON DAM PAR NI DON GCIG MTHONG BA NA, ,'GRO BA THAMS CAD DON GCIG MTHONG BAR 'GYUR, ,'GRAM GYI PHYOGS SU CHU NI 'THUNGS PA YIS, ,RGYA MTSO MA LUS PA NI MYONG BAR 'GYUR, ,ZHES 'BYUNG NGO, ,MTSAN MA DANG BCAS PA'I TING NGE 'DZIN LA GNAS PA LAS MTSAN MA MED PA'I 'BRAS BU MI 'BYUNG NGO ZHES PA LA MTSAN MA DANG BCAS PA'I TING NGE 'DZIN NI RNAM PAR RTOG PA DANG BCAS PA'O, ,DE LA GNAS PA NI DE LA DMIGS PA LA'O, ,MTSAN MA MED PA'I 'BRAS BU NI MI 'GYUR BA THAR PA CHEN PO'I BDE BA'I MTSAN NYID CAN GYIS SANGS RGYAS NYID THOB PAR MI 'GYUR TE, RGYU DANG 'BRAS BU MI 'DRA BA'I PHYIR RO, ,RGYU MTHUN PA LAS 'BRAS BU 'DRA BAR 'GYUR TE GZHAN DU NI MA YIN NO, ,NAS KYI SA BON LAS 'BRAS KYI MYU GU BZHIN NO, ,DE BZHIN DU SNGAGS DANG PHYAG RGYA LA GNAS PA'I RNAL 'BYOR PA LAS MTSAN MA MED PA'I 'BRAS BU 'BYUNG BAR MI 'GYUR GYI, ,'ON KYANG RNAM PAR MI RTOG PA'I TING NGE 'DZIN LA GNAS PA LA'O, ,RNAM PAR SNANG MDZAD MNGON PAR BYANG CHUB PA'I RGYUD NI GNYI GA'I RGYUD DE, DE LAS GSUNGS PA ZHES BYA BA 'DIS LUNG TSAD MA NYID DU BSTAN TO, ,BDE BA THAMS CAD BSDUS PA NI BDE BA THAMS CAD DE 'OD GSAL BA'O, ,LHUN GYIS GRUB PA NYID DO ZHES PA NI 'BAD RTZOL MED PAS RDZOGS PAR 'GYUR TE ZUNG DU 'JUG PA'I RIM PA LA DE KHO NA NYID RANG GSAL BA'I PHYIR RO, ,ZUNG 'JUG TING 'DZIN LA GNAS PAS, ,SLAR ZHING GANG LA YANG MI SLOB PO, ,'DI NI RDZOGS PA'I RNAL 'BYOR ZHES, ,DE YANG RDO RJE 'CHANG CHEN PO, ,RNAM PA THAMS CAD MCHOG LDAN PA'I, ,DE LAS THAMS CAD MKHYEN

, ,PA 'BYUNG, ,ZHES BSHAD PA'I PHYIR RO, ,NYE BAR BSDU BA BSTAN PAR BYA BA'I PHYIR, ,RTOG PA'I RNAL 'BYOR THAMS CAD DE, ,ZHES PA NI THA MAL PA'I SPROS PA THAMS CAD SPONG BA'I PHYIR LHA'I SKU SGOM PAR BYED PA'O, ,DE RNAMS KYI PHUL DU BYUNG BA'I ZHES PA NI DBANG PO RNO BA YIN PAS DAM PA'O, ,RTOGS SHING ZHES PA NI RIM PA LNGA YONGS SU SHES PA'O, ,RDZOGS PA'I RIM PA'I TING NGE 'DZIN LA GNAS PA'O ZHES PA NI RDO RJE BZLAS PA LA SOGS PA'I RIM PA LNGA PO SGOM PAR BYED PA'O, ,DE RNAMS KYI GSANG BA NI SBA BA STE RNAL 'BYOR PA DE RNAMS KYIS BYA BA'I RGYUD LA SOGS PA'I TSUL LA BRTEN PA'I RNAL 'BYOR PA RNAMS LA BSTAN PAR MI BYA'O, ,DE SKU GSUNG THUGS BYIN GYIS BRLAB PA NI DRANG BA DANG, NGES PA'I DON GYI DBYE BAS RNAM PA GNYIS DANG PHRA MO'I RNAL 'BYOR RNAM PA GNYIS KYIS BSDUS PA'I RNAL 'BYOR PA LA BSTAN PA'I PHYIR RO, ,BYANG CHUB DAM PA ZHES PA NI NYAN THOS PA LA SOGS PA LA LTOS NAS RDO RJE'I SKU ZHES BYA BA ZUNG DU 'JUG PA'I SKAD CIG MA RDO RJE 'CHANG CHEN PO'I GO 'PHANG NGO, ,DES THOB PAR 'GYUR BA ZHES PA NI, ,SNGAR BSHAD PA BSGOM PA'I SGO NAS DE MNGON DU BYED PAS SO, ,NYE BAR BRTAGS PAS SO ZHES PA NI RGYU LA 'BRAS BU NYE BAR BRTAGS PA STE MAR NI TSE BZHIN NO, ,DE BZHIN GSHEGS PA'I GSANG BA'O ZHES PA NI SKU RDO RJE LA SOGS PAS BYIN GYIS BRLABS PA'I GSANG BA ZHES BYA BA'I DON TO, ,THA MAL PA'I LUS DANG NGAG DANG SEMS LAS ZHES PA NI NYE BAR LEN PA'I PHUNG PO LNGA'I RANG BZHIN BDEN PA MA MTHONG BA'I LUS LA SOGS PA LAS SO, ,'DA' BA NI SBYANG BA STE TING NGE 'DZIN GANG GIS DAG PAR BYA BA KHO NA NYID DE LA DE SKAD CES BYA'O, ,DE NYID NI DE KHO NA NYID THOB PAR BYED PA'I TING NGE 'DZIN YANG DE NYID DE NYE BAR BTAGS PAS SO, ,'DI SKAD STON PAR 'GYUR TE ZHES BYA BA LA SOGS PAS NYE BAR BSDUS PA BSTAN TE, THA MAL PA'I LUS ZHES PA NI NYE BAR LEN PA'I PHUNG PO LNGA'I MTSAN NYID DO, ,BRTAG PAR BYA BA SPANGS PA'O, ,GANG GIS NI SGOM PA'I RIM PAS SO, ,RDO RJE'I RANG BZHIN GYI LUS THOB PAR 'GYUR BA'I ZHES PA NI 'JIG RTEN LAS 'DAS PA'I RDO RJE 'CHANG CHEN PO'I RANG BZHIN

'GRUB PAR 'GYUR BA'O, ,DE KHO NA NYID DE LTA BU YIN NO ZHES PA LA LE'U DRUG PA 'DI NYID LAS GSUNGS PA LTA BU'O, ,DE SKAD DU ZHES PA NI GSANG BA GRUB PA LAS ZHES TSIG LHAG MA'O, ,RNAM RTOG MED PA'I SNGAGS PAS NI, ,ZHES PA LA SGOM PA LA MNGON PAR ZHEN PA'I RNAM PAR RTOG PA DANG BRAL BAS SO, ,'DI LTA BU'I TING NGE 'DZIN LDAN PA DAG CES PA NI SNGAR BSHAD PA'I RNAM PA GNYIS KYI TING NGE 'DZIN GANG YIN PA DE DANG LDAN PAS SO, ,NGES PA'I DUS NI ZHES PA ZLA BA LA SOGS PA'I MTSAN NYID KYI 'OD TZAM GYI DUS KYI TSAD YONGS SU SPANGS NAS SO, ,BLA MED GO 'PHANG THOB PAR 'GYUR, ,ZHES PA NI PHYAG RGYA CHEN PO'I MTSAN NYID RDO RJE 'CHANG CHEN PO'I GNAS THOB PAR 'GYUR RO ZHES TSIGS SU BCAD PA'I DON TO, ,DRANG BA'I DON TO ZHES PA NI LCAGS KYU LNGA'I LHA BSHOS 'BUL BAS BLA NA MED PA'I GO 'PHANG THOB PAR BSTAN PA'I PHYIR RO, ,RDO RJE'I TSIG CES BYA BA LA SOGS PAS RDO RJE PHRENG SA'I RGYUD LAS TSAD MA NYID DU BSTAN TO, ,DE NAS ZHES BYA BA LA SOGS PA'I TSIGS SU BCAD PA'I DON NI SNGAR BSHAD ZIN TO, ,SKAD CIG NI SE GOL BRDAB PA'I DUS SO, ,THANG CIG NI YUNGS KAR BSKOR BA'I DUS SO, ,YUD TZAM NI DBUGS DBYUNG BA'O, , ZHAG BCO LNGA NI ZLA BA PHYED DO, ,ZHAG SUM CU NI ZLA BA'O, ,DE BCU GNYIS KYIS LO'I DUS SO, ,DE RNAM PA DRUG GIS DUS KYI DBYE BA'O, ,DE RNAMS KYIS 'JIG RTEN PA 'DI 'GRO BA DANG LDOG PAS SRID PAR 'KHOR BAR 'GYUR BA DANG, SKYE BA DANG GNAS PA DANG 'JIG PAS NGAL BAR 'GYUR RO, ,DE BAS NA RNAM PA DRUG LA GNAS PA'I DUS DE DANG BSKAL PA GRANGS MED PA GSUM PO NI THIG LE DRUG CU'I RTZIS SU MA 'GYUR LA BRTEN TE DUS KYI SPROS PA GANG YIN PA'O, ,DE NI, SKAD CIG GCIG NI YIN PAR BSHAD, ,CES PA NI SKAD CIG MA GCIG GIS MOS PA'I 'OD GSAL BAS MYONG BAR BYA BA'I SKAD CIG MA ZHES BYA'O, ,ZLA BA DRUG BSHAD DE NYID YIN, ,ZHES PA NI SKAD CIG MA GCIG GIS SNGAR BSHAD PA'I MTSAN NYID CAN GYI DUS DRUG GI DBYE BA ZHES BYA BA DE'I DNGOS MED GANG YIN PA DE NI RDZOGS PAR LONGS SPYAD PA STE, 'OD GSAL BA'I SGOM PA'I SKAD CIG MA ZHES BYA'O, ,DE

, ,NYID KYI SKAD CIG MA GCIG TU ZHES PA NI 'OD GSAL BA LA 'JUG PA'I MTSAN NYID KYIS SKAD CIG MA'O, ,DUS GSUM LAS 'DAS YIN PAR DGONGS, ,ZHES PA NI 'DAS PA DANG MA 'ONGS PA DANG DA LTAR BYUNG BA'I RANG BZHIN GYI SNANG BA DANG SNANG BA MCHED PA DANG SNANG BA NYE BAR THOB PA'I SKAD CIG MA DANG BRAL BA'I NGO BOS BSAM PAR BYA ZHES PA'I THA TSIG GO, ,GZUGS DANG SGRA DANG ROR LDAN PA, ,ZHES PA NI DAM TSIG GI PHYAG RGYA LA GNAS PA'I GZUGS LA SOGS PA'I YUL RNAMS LA SPYOD PAR GYUR PAS SO, ,RNAL 'BYOR PAS NI ZLA DRUG BSGOM, ,ZHES PA NI DUS KYI DBYE BA GANG YIN PA DE 'OD GSAL BA NYID DU BSGOM PAR BYA'O, ,MCHOD CHEN DE NI ZHES PA LA 'OD GSAL BA LA 'JUG PA'I MTSAN NYID KYI MCHOD PA CHEN PO DE LTAR BYAS NAS SO, ,GSANG BA'I DE NYID CES PA NI 'OD GSAL BA'I DE NYID BSGOM PAR BYA'O ZHES PA'I DON TO, ,YUL DANG DBANG PO ZHES BYA BA LA SOGS PA SNGAR BSHAD PA'I RIM PAS YUL DANG DBANG PO NYE BAR BSDU BA'I MTSAN NYID CAN RIM PA GNYIS PAS THOB PAR BYA BA'I DE KHO NA NYID GANG YIN PA DE NYID BSHANG GCI ZAS SU BYED PA'O ZHES BSTAN TO, ,DE NYID KYI DE 'DRA BA'I DNGOS GRUB STE, DE MNGON DU BYED PA'I MTSAN NYID DO,, BZA' BA RNAM RTOG MED PA'O, ,ZHES PA NI PHYI'I BZA' BA SPANGS NAS BSAM GTAN GYI BZA' BA'I MTSAN NYID CES BYA BA'I DON TO, ,DE NYID KYI PHAN YON BSTAN PAR BYA BA'I PHYIR, DE NYID CES BYA BA LA SOGS PA SMOS TE, BLA NA MED PA'I 'OD GSAL BA'I MTSAN NYID DO, ,BYANG CHUB SEMS GCIG LAS 'BYUNG BA'O ZHES PA NI, PHYAG RGYA'I RIM PAS KUN RDZOB BYANG CHUB KYI SEMS LA DMIGS PA LAS 'BYUNG BA'O, ,RTOG PA MED PA NI SPROS PA MED PA'O, ,'DUS MA BYAS PA NI RNAM PAR SHES PA GSUM DANG BRAL BA'O, ,DRI MED DON NI ZHES PA LA RANG BZHIN BRGYA DRUG CU DANG BRAL BA'O, ,'GRUB PAR 'GYUR BA NI RNAL 'BYOR BAS MNGON DU 'GYUR RO, ,SEMS RNAM BAR DAG PA'I RIM PA'I THABS PHYAG RGYA'I RIM PA'I MTSAN NYID BSHAD PAR BYA STE, MA ZHES PA NI MING GI YI GE DANG POS NYE BAR MTSON PA DANG, ,DAM TSIG GI PHYAG RGYA'I RANG

BZHIN M'A MA K'I'O, ,DE BZHIN DU MING GI YI GE DANG POS NYE BAR MTSON PA NI PHYAG RGYA DE'I BKA' DRIN RTOGS NAS MNGON PAR BYANG CHUB PA'I SEMS RNAM PAR DAG PA'I MTSAN NYID NYAMS SU MYONG BAR 'GYUR RO, ,DE LTAR GYUR PA'I BSAM GTAN LAS DGA' BA DANG BCAS PA'I BDE BA CHEN PO GANG YIN PA DE NI DGA' BCAS ZAS TE SHA ZHES BYA'O, ,DE NI BSAM GTAN GYI BZA' BCA'I MTSAN NYID KYI DE KHO NA NYID DE SHA'I SGRA'I DON TO, ,RAB TU BYED PA LAS KYANG, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,CHAGS PA MA YIN CHAGS BRAL MIN, ,BAR MA YANG NI MI DMIGS SO, ,STONG PA MA YIN MI STONG MIN, ,BAR MA YANG NI MI DMIGS SO, ,ZHES 'BYUNG NGO, ,DE KHO NA NYID DE NAM MKHA'I KHAMS DANG 'DRA BA MTHA' YAS PA YIN PA DE'I RNAL 'BYOR DANG LDAN PAS CHEN PO'I SGRAS KHYAD PAR DU BYAS NAS SHA CHEN DE NI YIN PAR BSHAD PA STE TSAD MED PA YIN PAS SO, ,DAM PA TSAD MED MKHAS PA DANG, ,BRTZON 'GRUS SPRO BA'I BDAG NYID DANG, ,RMAD DU BYUNG BA'I BYED PA NI, ,CHEN PO ZHES BYAR RTAG TU BSHAD, ,CES 'BYUNG NGO, ,PHAN YON BSTAN PAR BYA BA'I PHYIR, ,GSANG BA ZHES BYA BA LA SOGS PA SMOS TE, GSANG BA NI BSKYED PA'I RIM PA'I RNAL 'BYOR PA RNAMS LA BSTAN PAR MI BYA'O, ,GO 'PHANG NI BRTAN PA DANG G-YO BA'I BDAG NYID KYI KHAMS GSUM PA THAMS CAD KYI GZHI'O, ,MCHOG NI YE SHES LA LTOS NAS BLA NA MED PA'O, ,DE NYID KYI KHYAD PAR NI RDO RJE GSUM BSDU BAR BYED PA NI, RDO RJE GSUM STE, 'OD GSAL BA'I GA 'PHANG NI RGYUR GYUR PA SNANG BA LA SOGS PA'I YE SHES GSUM MO, ,DE MYUR DU 'GRUB PA NI RDZOGS PA STE 'OD GSAL BA LA 'JUG PAS DAG PAR 'GYUR RO ZHES BYA BA'I DON TO, ,DAM TSIG CHEN PO ZHES BYA BA LA SOGS PAS DE KHO NA NYID PHUNG PO LNGA RNAM PAR DAG PAR BYED PA GLANG PO LA SOGS PA'I LCAGS KYU LNGA'I BRDAS, BRDAR BYAS PA GANG DANG SBYOR PAS RNAL 'BYOR PA NI BSAM GTAN GYI ZAS DANG LDAN PAR 'GYUR RO ZHES BSTAN TE, KHAM ZHES PA NI PHYI'I BZA' BA'I NGO BO'I MING NGO, ,DE NYID 'JIG RTEN PA'I BZA' BA YIN NO, ,'JIG RTEN LAS 'DAS PA NI

, ,DGONGS PAS BSHAD PA BSAM GTAN GYI BZA' BA ZHES BYA'O, ,DE KHO NA NYID THOB PA'I PHAN YON BSTAN PA'I PHYIR GANG YANG ZHES SMOS TE, 'JIG RTEN 'DAS MCHOG CES PA NI ZAG PA MED PA'I YE SHES THOB PA'O, ,RNAM BAR MI RTOG PA LA MKHAS, ,ZHES PA NI 'OD GSAL BA'I DE KHO NA NYID LA GCIG TU GZHOL BA ZHES BYA BA'I DON TO, ,DE BZHIN NI CHOS NYID DE DE NYID DU RO GCIG PA NI DE'I BDAG NYID DU 'JUG PA ZHES BYA BA'I DON TO, ,'KHOR BA NI KUN RDZOB KYI BDEN PA'I BDAG NYID DO, ,CIG SHOS NI DON DAM PA'I BDEN PA STE SPANGS PA NI DE LA DBYER MED PA MNGON DU BYED PA ZUNG DU 'JUG PA'I TING 'DZIN LA RAB TU GNAS PAR 'GYUR RO, ,RNAL 'BYOR BRTUL ZHUGS BZANG PO 'DIS, ,ZHES PA NI SNGAR BSHAD PA'I SEMS RNAM PAR DAG PA'I RIM PA DANG RDZOGS PA'I RIM PA'I MTSAN NYID KYI BSGOM PA'I BRTUL ZHUGS BZANG POS SO, ,BYANG CHUB SEMS DPA' BLO CAN DANG, ,ZHES PA NI PHYAG RGYA DANG LDAN PA'I SA'I SNYING PO LA SOGS PA RNAMS KYI'O, ,SANGS RGYAS KYI DBANG BSKUR BA THOB PAS SANGS RGYAS RNAMS NI MNYES PAR 'GYUR BA'O, ,DNGOS GRUB NI YANG DAG PAR RDZOGS PA'I BYANG CHUB STE RIM PA LNGAS THOB PAR BYA BA'I RDO RJE 'CHANG CHEN PO'I GO 'PHANG ZHES BYA BA'I DON TO, , MYUR DU NI BDE BA DANG YUN RING PO MA YIN PAS THOB PAR 'GYUR RO, ,'DOD KHAMS DBANG PHYUG CES PA NI KHAMS GSUM GYI BDAG PO'O, ,LAS KYI GO 'PHANG ZHES PA NI THAMS CAD KYI GZHIR GYUR PA'I DNGOS GRUB THOB PAR 'GYUR RO, ,GZI BRJID DANG LDAN PA ZHES PA NI YE SHES KYI DBANG THOB PAS 'BAR BA DANG SNANG BA LA SOGS PA STON PAR BYED PA'O, ,STOBS KYIS PHYUG CES PA NI GZHAN LA MED PA SANGS RGYAS KYI SPYOD YUL GNAS DANG GNAS MA YIN PA MKHYEN PA'I STOBS LA SOGS PA DANG BCAS PA'O, ,SKYES BU CHEN PO'I MTSAN SUM CU RTZA GNYIS DANG DPE BYAD BRGYAD CU DANG LDAN PAS NA MDANGS DANG LDAN PA'O, ,MA 'DRES PA'I DRAN PA NYE BAR GZHAG PA DANG THUGS RJE CHEN PO DANG THUN MONG MA YIN PA'I SANGS RGYAS KYI CHOS BCO BRGYAD DANG, BYANG CHUB KYI PHYOGS KYI CHOS SUM CU RTZA BDUN DANG LDAN PAS NA MTHONG NA DGA' BA'O, ,MTHONG BA TZAM GYIS ZHES PA NI CHOG

MI SHES PA'I SKU MTHONG BAS SO, ,BSKUL NAS ZHES PA NI LAM LA 'JUG PAR MDZAD PA'O, ,'JIG RTEN 'DI DAG DBANG DU 'GYUR, ,ZHES PA NI TSANGS PA LA SOGS PA LHA'I TSOGS 'DUL BAR MDZAD PAS SO, ,NYE BAR BSDU BA BSTAN PAR BYA BA'I PHYIR RO, ,'DI NA ZHES BYA BA LA SOGS PA SMOS TE, SANGS RGYAS THAMS CAD KYI ZHES PA NI RIN PO CHE LTA BU'I GANG ZAG RNAMS KYI'O, ,GSANG BA BYANG CHUB DAM PA'O, ,ZHES PA NI TZANDAN LA SOGS PA LA BSTAN PAR MI BYA BA RDZOGS PA'I RIM PA'I DE KHO NA NYID CES BYA BA'I DON TO, ,YANG DAG SNGAGS KYIS BSANG BA 'DIS, , ZHES PA NI SEMS SKYO BA BSANG BAR GYUR PA'O, ,RDO RJE GSUM 'DAS DAM PA'O, ,ZHES PA NI YE SHES GSUM YONGS SU SBYONG BAR BYED PA KUN GYI MCHOG CES BYA BA'I DON TO, ,DE BAS NA RANG DANG GZHAN GYI DON PHUN SUM TSOGS PA RDZOGS PAR MDZAD PAS NA GTZO BO'O, ,DE BZHIN GSHEGS PA THAMS CAD BSDU BAR MDZAD PA'I RDO RJE 'CHANG CHEN PO LAS 'BYUNG BAS NA DE BZHIN GSHEGS PA KUN NO, ,DAM TSIG NI DAM TSIG GI SPYOD PAS THOB PAR BYA BA BSKYED PA'I RIM PA'I RNAL 'BYOR PA RNAMS KYI SNGAGS KYI SKU'O, ,DE LAS KYANG DAM TSIG NI 'JUG PA LA SOGS PA'I RIM PAS THOB PA SNGAGS KYI DE KHO NA NYID MNGON DU BYED PA'I MTSAN NYID DE RDO RJE BZLAS PA'I RIM PA'O, ,DE LAS KYANG MCHOG NI SEMS LA DMIGS PA'I DE KHO NA NYID KYI MTSAN NYID DO, ,NGES PA'I DON TO ZHES PA NI SEMS RNAM PAR DAG PA'I RIM PA BRJOD PAS SO, ,DE KHO NA NYID RNAM PAR MI 'JIGS PA'I NGO BO NYID CES PA NI 'OD GSAL BAS SO, ,LUS DANG NGAG DANG YID NI YE SHES GSUM MO, ,BYIN GYIS RLOB CING BSKYED PA ZHES PA NI GANG GIS SBYANG BAR BYA BA'O, ,DE BRJOD PA'I GZHUNG GI TSOGS KYI LE'U NI ZHES PA LA DE'I DON STON PAR BYED PA'I TSIG GI TSOGS NI LE'U ZHES BYA'O,, SGRON MA GSAL BAR BYED PA'I 'GREL BA'I t'I K'A LAS LE'U DRUG PA'I RGYA CHER BSHAD PA'O,, ,,DE LTAR ZHES BYA BA LA SOGS PAS LE'U BDUN PA'I BSHAD PA BRTZAM PAR BYA STE, RNAL 'BYOR PA THA MAL PA DANG MCHOG RNAMS KYI ZHES PA NI RIM PA GNYIS SGOM PAR BYED PA'I

, ,SGRUB PA PO RNAMS KYI'O, ,SPYOD PA'I LE'U LNGA PA LAS BSHAD PA RNAM PA GSUM MO, ,YANG DAG PAR BSTAN NAS ZHES PA NI RNAM PAR BSHAD NAS SO, ,DE NYID SLAR YANG SPROS NAS BSHAD PA'I PHYIR ZHES PA NI RGYAS PAR SO SOR BSHAD PAR BYA BA'I PHYIR RO, ,DAM TSIG CHEN PO DE BZHIN GSHEGS PA LNGA SPRO BA DANG BSDU BAR MDZAD PAS NA DAM TSIG CHEN PO NI RDO RJE 'CHANG CHEN PO'O ZHES BYA'O, ,YAN LAG DRUG GO ZHES PA NI SO SOR SDUD PA LA SOGS PA'I MTSAN NYID DE DE'I GO 'PHANG THOB PAR 'GYUR TE DES NYE BAR BRTAGS PAS SO, ,THUN MONG MA YIN PA'I SGRUB PA PO ZHES PA NI RDO RJE BZHI PA'O, ,DE DAG GI MNGON PAR RDZOGS PAR BYANG CHUB PA THOB PA NI ZHES PA LA YAN LAG DRUG DANG, RDO RJE BZHI POS SNGAGS KYI SKU DANG YE SHES KYI SKU THOB PA STE RDO RJE 'CHANG BA NYID DO, ,DE'I DON GYI LE'U NI ZHES BYA BA LA SOGS PA NI DE RJOD PAR BYED PA'I PHYIR RO, ,THA MAL MCHOG GI DBYE BA YIS, ,BSNYEN PA RNAM PA GNYIS YIN TE, ,THA MAL PA NI RDO RJE BZHI, ,MCHOG NI YAN LAG DRUG GIS SO, ,ZHES 'BYUNG NGO, ,'DOD PA THAMS CAD CES BYA BA 'DIS SPROS PA DANG BCAS PA'I SPYOD PA BSTAN PAR BYA BA'I PHYIR, NYE BAR BRTZAM PAR BYA STE, GZUGS LA SOGS PA'I YUL RNAMS SO, ,ZHES PA NI DAM TSIG GI PHYAG RGYA LA GNAS PA'AM LOGS SU GNAS PA'O, ,RJES SU MYONG ZHING BSTEN PAS SO, ,ZHES PA NI SO SOR SDUD PA'I RIM PAS BZUNG NAS BSAM GTAN GYI YAN LAG GIS DE BZHIN GSHEGS PA'I RANG BZHIN DU RTOGS PA'O, ,'DOD PA NI 'DUN PA STE ZHES PA NI DE BZHIN GSHEGS PA'I YUL RNAMS GZUNG PA'I 'DOD PA'O, ,'DOD PA NI GZUNG BA'I RNAM PA STE ZHES PA LA DMAN PA LA SOGS PA'I MTSAN NYID DO, ,MIG LA SOGS PAS ZHES PA NI DBANG PO DRUG GIS SO, ,GZUGS LA SOGS PA ZHES PA NI YUL DRUG GO, ,NGAN PA DANG 'BRING DANG MCHOG RNAMS GCIG PA'I SNANG BA YUL DU BYED PA'O ZHES PA NI DBANG PO RNAMS KYI SKAD CIG MA DANG PO LA NGAN PA LA SOGS PA'I RNAM PAR RTOG PA SKYE BAR MI 'GYUR TE RTOG PA LAS 'DAS PA'I PHYIR RO, ,

MNGON SUM RTOG PA LAS 'DAS PA, ,MA 'KHRUL PA ZHES MNGON PAR BRJOD, ,DON RTOGS PA NI RTOGS PA STE, ,SPYI LAS YANG DAG 'BYUNG BA'O, ,ZHES BSHAD DO, ,MIG LA SOGS PA DE RNAMS KYIS YUL RNAMS GZUNG BA'I DUS SU NGAN PA LA SOGS PA RNAM PAR RTOG PA NI MED DO, ,NGES PA'I RTOG PAS NI DE RNAMS LA MED PA DANG NGAN PA DANG BAR MA DANG MCHOG NYID DU GZUNG BAR BYED PA STE DNGOS PO NI CHA SHAS MED PA'I NGO BO YIN PAS SO, ,'DZIN PAR BYED PA'I RNAM PAR RTOG PA GANG YIN PA DE NI BDEN PA LAS GZHAN YIN PA'I PHYIR RO, ,RNAL 'BYOR PAS KYANG ZHES BYA BA LA SOGS PAS MIG LA SOGS PA'I RNAM PAR SHES PA DRUG PA'O, ,GANG DANG GANG 'DOD PA 'BYUNG BA DE'I 'DOD PA DANG RJES SU MTHUN PA'I YUL RNAMS SPYOD PAR BYA'O ZHES BSTAN TO, ,JI SKAD DU, DBANG PO'I LAM NI GANG DANG GANG, ,RANG BZHIN DE DANG DE NYID 'GRO, ,MNYAM PAR MA BZHAG SBYOR BA YIS, ,SANGS RGYAS THAMS CAD RANG BZHIN LTA, ,DBANG PO'I LAM NI DE DANG DES, ,SGRUB PA PO NI YUL PHRAD NAS, ,MA LUS DE BZHIN GSHEGS PA LA, ,TSIM PAR BYA PHYIR DBUL BAR BYA, ,ZHES RDO RJE PHRENG BA LAS 'BYUNG NGO, ,DE NYID KYI PHYIR RTEN PAR BYED PA ZHES BYA BA LA SOGS PA'I TSIG GIS SPROS PA DANG BCAS PA'I SPYOD PA BSTAN PAR BYA'O ZHES BSTAN TO, ,CI ZHIG CE NA ZHES BYA BA LA SOGS PAS SPYOD PA'I 'BRAS BU BSTAN TO, ,YUL DANG DBANG PO MNYAM PAR SBYOR BA ZHES PA NI SO SOR SDUD PA DANG BSAM GTAN GYI YAN LAG GI YUL 'DZIN PA DANG, DE RNAM PAR DAG PA'I MTSAN NYID KYI SBYOR BAS SO, ,RDO RJE 'CHANG NYID MYUR ZHING ZHES PA NI DE'I 'OG TU YAN LAG BZHI'I RNAL 'BYOR BSGOM PAR BYA BAS SO, ,'DIR DGONGS PA 'DI YIN TE, RE ZHIG DANG PO'I RNAL 'BYOR PA RNAM PAR SNANG MDZAD LA SOGS PA'I LHA RNAMS KYI GANG YANG RUNG BA'I RNAL 'BYOR DANG LDAN PAS GDONG DANG PHYAG RGYA DANG DBYIBS LA SOGS PA SHING GIS BYAS LA KHANG PA SUM BRTZEGS LA 'DUG STE, ,'OG KHANG LA BZA' BA DANG BCA' BA LA SOGS PA BZHAG CING, BAR KHANG LA GAR DANG ROL MO LA SOGS PA LA MKHAS PA BZHAG CING, YANG KHANG LA STAN 'JAM PO'I

, ,STENG DU DBUS KYI GTZO BO'I NGA RGYAL DANG LDAN PAS BZHUGS LA, PHYOGS BZHI PO LA GZUGS BZANG LEGS PAR BRGYAN PA DAM TSIG GI PHYAG RGYA NA SO GZHON PA RIGS KYI YUM SANGS RGYAS SPYAN MA LA SOGS PA'I TSUL DANG LDAN PA BZHI PO BZHAG CING, DE RNAMS KYI YANG PHYI ROL GYI MTSAMS SU GZUGS RDO RJE MA LA SOGS PA YUL GYI LHA MO BZHI'I TSUL DANG LDAN PA'I PHYAG RGYA RNAMS BKOD LA, ,DAM TSIG GI PHYAG RGYA MA GCIG RANG GIS 'KHYUD LA DE DANG LHAN CIG TU BRANG SKYES DANG MCHAN KHUNG LA SOGS PA MTHO ZHING REG LA, MIG YANGS PA LA SOGS PA'I LTA BAS YID DGA' BAR GYUR PA 'DOD PA'I YON TAN LNGA NYAMS SU MYONG ZHING JI SRID SEMS RTZE GCIG PA NYID KYI MTSAN NYID BDE BA CHEN PO BYUNG BA DE SRID KYI BAR DU GNAS PAR BYA'O, ,DE NI SPROS PA DANG BCAS PA'I SPYOD PA STE, BSKYED PA'I RIM PA'I RNAL 'BYOR PA'I SPYOD YUL YIN NO, ,DE LTAR ZHES BYA BA LA SOGS PAS NYE BAR BSDUS PA'O, ,SPROS PA MED PA'I SPYOD PA'I DBANG DU MDZAD NAS ZHES PA NI GNYIS PA BRTZAM PAR BYA STE, BDAG NYID 'DOD PA DANG RJES SU MTHUN PA ZHES PA NI JI LTAR RNYED PA'I SPYOD PAS SO, ,'DOD PA'I YON TAN LNGAS BDAG STE, ,ZHES PA NI DAM TSIG GI PHYAG RGYA LA GNAS PAS SO, ,RANG NYID DANG NI BDAG NYID DO, ,GZHAN RNAMS LA NI RNAL 'BYOR MA DAM TSIG GI PHYAG RGYA STE TSIM PAR BYA BA NI DE DANG LHAN CIG SNYOMS PAR 'JUG PAR BYA'O, ,SGYU MA LTA BU'I TING NGE 'DZIN GYIS SO ZHES PA NI BDAG LA BYIN GYIS BRLAB PA'I BSGOM PAS SO, ,GTZUG LAG KHANG LA SOGS PA'I SGRUB PA'I DKA' THUB DANG ZHES PA NI DE DAG BSGRUB PA'I DON DU 'BAD PA CHEN PO YIN PAS DKA' THUB YIN NO, ,SHING DRUNG PA LA SOGS PA SBYANGS PA'I YON TAN BCU GNYIS KYI SDOM PA DANG ZHES PA NI 'DI LTA STE, BSOD SNYOMS PA DANG, CHOS GOS GSUM PA DANG, PHYAG DAR KHROD PA DANG, PHYING BA PA DANG, SHING DRUNG PA DANG, BLA GAB MED PA DANG, PHYIS MI LEN PA DANG, GDAN GCIG PA DANG, DUR KHROD PA DANG, COG PU BA DANG, DGON PA PA STE SBYANGS PA'I YON TAN BCU GNYIS NI LUS NGAL BA DANG 'BREL PA'I PHYIR RO, ,DE RNAMS KYI LUS NGAL BA YIN GYIS

DE KHO NA NYID RTOGS PAR MI 'GYUR RO, ,RI LAS MCHONG ZHING MAR 'JUG PA LA SOGS PA MI ZAD PA STE ZHES PA NI MU STEGS PA RNAMS KYI LTA BA 'DI LTAR YIN TE, RI LAS MCHONG BAS SA RNAM PAR DAG PAR 'GYUR BA DANG, CHU LAS MCHONG BAS CHU RNAM PAR DAG PAR 'GYUR BA DANG, ,ME LAS 'JUG PAS ME RNAM PAR DAG PAR 'GYUR BA DANG, MI ZA BAR SHI BAS RLUNG RNAM PAR DAG PAR 'GYUR BA DANG, 'PHO BA SHI BAS NAM MKHA'I KHAMS RNAM PAR DAG PAR 'GYUR BA'O, ,DE BZHIN SDUG BSNGAL GROL BAR BYED PA'I DON DU RGAN PO GSOD PAR BYED PA ZHES BYA BA LA SOGS PA LTA BA NGAN PA GZHAN YANG RTOGS PAR BYA'O, ,DE RNAMS KYIS GDUNGS BZHIN PAS NI ZHES PA LA LUS DANG YID LA SDUG BSNGAL DANG YID KYI SDUG BSNGAL SBYIN PA'I PHYIR RO, ,BYANG CHUB RNYED PAR MI 'GYUR RO, ,ZHES PA NI THABS MA YIN PA'I PHYIR DANG LOG PA'I LTA BA YIN PA'I PHYIR RO, ,'O NA ZHES BYA BA LA SOGS PAS DKA' THUB BKAG NAS BDE PA'I SPYOD PA LA PHAN YON BSTAN BAR BYA STE, THAMS CAD KYIS 'DOD CING DON DU GNYER BAR BYA BA YIN PA'I PHYIR ZHES PA NI SNGAR BSHAD PA'I GZUGS LA SOGS PA'O, ,DE RNAMS LA NYE BAR LONGS SPYOD PA ZHES BYA BA LA SOGS PAS DE'I LONGS SPYOD KYI SGO NAS GAL TE BDAG NYID RDO RJE 'CHANG CHEN PO MNYES PAR BYED NA DE'I TSE PHYAG RGYA CHEN PO'I 'BRAS BU MNGON DU BYED PAR 'GYUR RO, ,TSE 'DI NYID LA ZHES PA NI PHA ROL TU PHYIN PA'I RNAL 'BYOR PA LAS LDOG PAR BSTAN TO, ,GANG GI PHYIR DE NI BSKAL PA GRANGS MED PA GSUM GYIS BYANG CHUB THOB PAR 'GYUR RO ZHES DGONGS PA'O, ,SGRA JI BZHIN PA ZHES PA NI, SPYOD PA JI LTA JI LTAR GSUNGS, ,ZHES BSHAD PA'I PHYIR RO, ,'DIR BSDUS PA'I DON 'DI YIN TE RE ZHIG DANG PO RNAL 'BYOR PA RNAM PAR SNANG MDZAD LA SOGS PA'I LHA'I GZUGS 'DZIN PA PHYAG RGYA YANG DE DANG 'DRA BAR BYAS TE BDAG LA BYIN GYIS BRLAB PA'I RIM PA'I SGYU MA LTA BU'I TING NGE 'DZIN MNGON DU BYAS LA, JI LTAR RNYED PA'I BZA' BA TZAM GYIS CHOG SHES PA, LUNG BSTAN PA'I PHYAG RGYA DANG LDAN PAS YUL NAS YUL DU 'KHOR BAS JI SRID PHYAG RGYA CHEN PO'I DNGOS GRUB THOB PA DE SRID DU GNAS PAR

, ,BYA'O; ,DE NI SPROS PA MED PA'I SPYOD PA'O, ,DE LTAR ZHES BYA BA LA SOGS PAS SHIN DU SPROS PA MED PA'I SPYOD PA BSHAD PAR BYA STE, LUS GDUNG BA'I SGO NAS ZHES PA NI SNGAR BSHAD PA'I LUS NGES PAR BSDAMS PAS SO, ,PHYAG RGYA CHEN POR 'GYUR BA THOB PAR BKAG NAS ZHES PA NI, RDO RJE 'CHANG CHEN PO'I GO 'PHANG BKAG NAS SO, ,SGRUB PA PO'I YID KYI GDUNG BA YANG DGAG PAR BYA BA'I PHYIR ZHES BYA BA NI RNAM PAR RTOG PA'I SPROS PA'I MTSAN NYID DGAG PAR BYA BA'I PHYIR RO, ,BYANG CHUB SEMS DPA'I RTOG PA NI NYON MONGS PA YIN NO ZHES 'BYUNG BAS SO, , BRJOD PAR MI BYA'O ZHES PA NI DMAN PA'I TSUL DU GANG YANG SMRA BAR MI BYA'O, ,SLONG MO ZA BA NI NYE BAR MTSON PA'I DON YIN TE ZHES PA NI 'DRA BA'I SGRAS SBYOR BA'I PHYIR RO, ,DE BAS NA SLONG DU 'GRO BA DANG 'DRA BAR ZHES PA NI BZA' BA SLONG DU 'GRO BA YID GDUNG BA DANG TSIG DMAN PA ZHES RAB TU GRAGS SO, ,YONGS SU TSOL BA ZHES PA LA SOGS PAS NI G-YO SGYU DANG PHA ROL LA BSTOD PA DANG TSIG SBYANG BA LA SOGS PA DANG LDAN PAS MI 'GYUR RO ZHES BSTAN TO, ,NYE BAR MTSON PAS NA ZHES PA NI 'DRA BA'I RKYEN MI MNGON PAS SO, ,ZAS LA ZHEN PAR MA GYUR PA ZHES PA NI PHYI'I BZA' BA BKAG PA'O, , JI TZAM ZHES BYA BA LA SOGS PAS BSAM GTAN GYI BZA' BA DANG LDAN PAS SHIN TU SPROS PA MED PA'I SPYOD PAS SBYANG BAR BYA'O, ,GAL TE YOD NA JI TZAM GYIS LUS GNAS PAR 'GYUR BA ZHES PA NI 'BAD PA MED PAR RNYED PAS 'BRAS BU DANG RTZA BA LA SOGS PA NAGS TSAL GYI LHA MOS SBYIN PAS CHO GA SHES PAR BYA BA'O, ,RTAG TU NAGS TSAL SLONG DU 'KHOR, ,BRTAN PAR NGES PA'I SGRUB PO LA, ,LHA MOS BRGYAN PAS BZA' BA NI, ,SKRAG CING 'JIGS PAS STER BAR BYED, ,RMONGS PA'I BDAG NYID GYIS BLTAS NAS, ,RDO RJE LTAR NA'ANG 'JIG PAR 'GYUR, ,ZHES 'BYUNG NGO, ,DE LHA'I SBYONG PA ZHES BYA BA LA SOGS PAS SHIN TU SPROS PA MED PA'I SPYOD PAR BYA'O ZHES BSTAN TO, ,YI GE GSUM NI SNGAGS THAMS CAD NYE BAR SDUD PA'I RANG BZHIN DANG GSANG BA YIN PA'I PHYIR RO, ,LHA YI RNAL 'BYOR MI PHYED PA'I, ,ZHES PA NI SOGS PA'I SGRA MI MNGON PAR BYAS NAS, LHA LA

SOGS PA'I RNAL 'BYOR DANG MI PHYED PA BSGOM PAR BYA'O ZHES BYA BA'I DON TO, ,'DOD PA KUN LA LONGS SPYOD PA'I, ,SNGAGS PAS ZHES PA NI GAL TE MI PHYED PA'I BZLAS PA RNAL 'BYOR BAS SLOB NA DE'I TSE 'DOD PA THAMS CAD NYE BAR SPYOD PAS KYANG 'GAL BAR MI 'GYUR RO ZHES DGONGS PA'O, ,DE LTAR ZHES BYA BA LA SOGS PAS PHAN YON BSTAN PAR BYA STE, RTZE GCIG PAR GYUR PA ZHES PA NI, ,RDO RJE BZLAS PA LA SOGS PA'I RIM PA BZHI POS ZHES BYA BA NI RTZE GCIG PA NYID DO, ,DE THOB NA ZHES PA NI RIM GYIS THOB NAS SO, ,RDO RJE 'CHANG CHEN PO NYID THOB CING ZHES PA NI ZUNG DU 'JUG PA'I RIM PAS THOB PAR BYA BA'I RDO RJE 'CHANG GI GO 'PHANG NYID DO, ,YANG DAG PAR NYAMS SU MYONG BA RNYED PAR 'GYUR BA'I ZHES PA NI BLA MAS NYE BAR BSTAN PA'I BSGOM PA'I LAM GYIS THOB PAR 'GYUR RO ZHES BYA BA'I DON TO, ,GZHAN DU NA ZHES BYA BA LA SOGS PAS DKA' THUB DANG BDE BA'I SPYOD PA DAG LA SKYON DANG YON TAN BSTAN TO; ,YANG BA MA SPANGS ZHES PA NI RIMS LA SOGS PA NGAL BA MYONG BA'I 'BREL BAS SO, ,DES NI TSE 'DI NYID KYI TSA BA'I RNAM PAR SMIN PA BSTAN TO, ,'CHI BA'I DUS BYAS SHING 'DI NAS 'PHOS NAS ZHES PA NI TSE 'DI NYID LA 'CHI BAR 'GYUR BAS SO, ,MNAR MED PA LA SOGS PAR NGES PAR BSREG PAR 'GYUR RO ZHES PA NI GRANG BA DANG DRO BA'I DMYAL BA CHEN PO LA TSIG PAR 'GYUR RO ZHES BYA BA'I THA TSIG GO, ,DRANG BA'I DON TO ZHES PA NI SPYOD PA TZAM BSTAN PAS SO, ,LUNG GIS BSHAD PA BRJOD PAR BYA STE ZHES PA NI RDO RJE PHRENG BA'I RGYUD LAS GSUNGS PA ZHES BYA'O, ,THA DAD YI GE SLONG MO YIN, ,ZHES BYA BAS NI SKU GSUNG THUGS KYI SA BON NI THA DAD PAR BRJOD PA NI SA BON TE, YI GE RNAMS THA DAD PA'I PHYIR RO, ,DE LTA BU'I YI GE NGAG GI BZLAS PA TZAM GYIS 'DON PA GANG YIN PA DE NI SLONG MO ZA BA'O, ,LKOG MA RKAN DANG LCE YIS NI, ,GANG ZHIG DON NI G-YO 'GYUR BA, ,DE NI MI 'GYUR GA LA STE, ,'GYUR BA NYID DU 'JUG PA'O, ,ZHES 'BYUNG NGO, ,DE DAG SLONG MO ZA BA MI 'DOD CES PA NI DE LTAR MI 'GYUR BA'I SLONG MO ZA BA MI 'DOD PA GANG YIN PA, 'ON KYANG DBYER MED PAS RDO RJE BZLAS PA LA SOGS PA'I RIM PAS GANG ZHIG BZLAS PA STE, MI

, ,'JIG PA TZAM LA GNAS PAS RDO RJE BZLAS PAR BYED PA DE DAG LA DGA' BAR MI 'GYUR TE, NGAG GI BZLAS PA TZAM LA MCHOG TU GZHOL BAR MI 'GYUR RO ZHES DGONGS PA'O, ,DBUGS DBYUNG BA ZHES PA NI YI GE H'Um LDANG BA'I BDAG NYID BSGOM PAR BYA'O, ,RNGUB PA NI YI GE AOm GYIS 'JUG PAR BYED PA'O, ,SBYOR BA BZHI ZHES PA NI MYUR BA DANG LANGS PA DANG, RNAM PAR BCINGS PA DANG 'KHYIL BA STE, ,MA LONG LA SOGS PA'I DKYIL 'KHOR BZHI PO LAS SNA'I RTZE MOR THUN PHYED PHYED KYI DUS SU 'DZIN PAR BYED PAS SHES RAB NI YI GE A'A: STE DBYANGS KYI SDE TSAN NYE BAR SDUD PAR BYED PAS SO, ,THABS NI YI GE H'Um STE GSAL BYA MA LUS PA'I TSOGS MDOR BSDUS PAS SO, ,GZHAN NI MA NING STE YI GE AOm MO, ,DER GNAS NAS ZHES PA 'JUG PA LA SOGS PA'I NGO BO YI GE GSUM MI DMIGS PAR BYED PA'O, ,SNGAGS KYI YAN LAG MA NYAMS BZLAS, ,ZHES PA NI LHA LA SOGS PA'I SBYOR BA DANG MA NYAMS PA'I YI GE GSUM BZLA BAR BYA'O, ,RNAL 'BYOR DBANG PO ZHES BYA BA LA SOGS PAS NYIN MO DANG MTSAN MO STONG PHRAG NYI SHU RTZA GCIG DANG DRUG BRGYA RNAL 'BYOR PAS BZLAS PAR BYA ZHES BZLAS PA'I GRANGS BSTAN TE, RLUNG RGYU BA NI DE TZAM GYI RTZIS YIN PAS SO, , ZHES BSTAN TO, ,NGES PA'I DON TO ZHES PA NI RDO RJE BZLAS PA'I RIM PA BSTAN PAS SO, ,'DIR NI BSDUS PA'I DON 'DI YIN TE, RDZOGS PA'I RIM PA'I RNAL 'BYOR PA YE SHES KYI PHYAG RGYA DANG SNYOMS PAR ZHUGS PA BSGOMS PAS GANG YANG RUNG BA'I NAGS TSAL LAS 'BYUNG BA'I BZA' BCA'I CHOG SHES PA'AM BSAM GTAN GYI BZA' BCA' DANG LDAN PA BDAG DANG BDAG GI MED PA 'GRO BA THAMS CAD SGYU MA DANG MTSUNGS PAR MTHONG BA SMYON PA'I BRTUL ZHUGS 'DZIN PA, 'JIG RTEN PAS BZHAD GANG DU BYAS PA GCER BU'AM TSEM PO GYON PAS RI DAGS DGON PA LA SOGS PA LA BLA NA MED PA'I PHYAG RGYA CHEN PO'I SKU DPAL RDO RJE 'CHANG GI GO 'PHANG DE JI SRID THOB PA DE SRID DU GNAS PAR BYA'O, ,GCER BU'AM NI GCER BU MIN, ,GANG DANG GANG DU JI LTA BZHIN, ,RANG LHAG LHA YI RNAL 'BYOR GYIS, ,DE NYID GCIG PU BSAM PAR BYA, ,SMYON PA'I BRTUL ZHUGS LA BRTEN TE, ,

PHUN SUM TSOGS KUN 'GRUB PAR 'GYUR, ,ZHES 'BYUNG NGO, ,DES NA RDZOGS PA'I RIM PA'I RNAL BYOR PA SHIN DU SPROS PA MED PA'I SPYOD PA BSTAN TO, ,'DAS PA ZHES BYA BA LA SOGS PAS SPYOD PA GSUM GYI SGO NAS YE SHES CAN GYI DNGOS GRUB THOB PO ZHES BSTAN TO, ,YE SHES CAN ZHES PA NI SNGAR GRUB PA MI BSKYOD PA LA SOGS PA'O, ,SPYOD PA 'DI NYID KYIS ZHES PA NI RNAM PA GSUM GYI SPYOD PAS SO, ,NYID KYI SGRA NI NGES PAR GZUNG PA'I DON TO, ,THABS GZHAN GYIS MA YIN NO, ,RIN CHEN LTA BU'I GANG ZAG CES PA NI DBANG PO RNO BA'O, ,PADMA DKAR PO LTA BU'I GANG ZAG LA SOGS PA'O ZHES PA NI DBANG PO DMAN PA'O, ,BYA BA'I RGYUD NI SGRON MA 'BYUNG BA LA SOGS PA'O, ,SPYOD PA'I RGYUD NI RNAM PAR SNANG MDZAD MNGON PAR BYANG CHUB PA LA SOGS PA'O, ,GNYIS KA'I RGYUD NI DPAL MCHOG DANG PO LA SOGS PA'O, ,DE LAS BSHAD PA'I SPYOD PA NI KHYAD PAR GYI SPYOD PA STE DAM TSIG RNAMS SO, ,DE DAG GI MCHOG NI RNAL 'BYOR GYI SPYOD PA STE ZHES PA NI DPAL 'DUS PA LAS GSUNGS PA RNAM PA GSUM GYI SPYOD PA'O, ,DE RNAMS SPYOD PA'I NGANG TSUL CAN GANG YIN PA DE NI DE BZHIN DU ZHES PA NI SNGAR BSHAD PA DANG 'CHAD PAR 'GYUR BA'I RIM PAS DES BSNYEN PA'I RANG BZHIN GANG LA YOD PA DE NI RIN PO CHE LTA BU LA SOGS PA ZHES BYA'O, ,KUN RDZOB KYI BDEN PA ZHES PA NI RTOG PA DANG BCAS PAS SO, ,DON DAM PA'I BDEN PA ZHES PA NI MI 'JIGS PA'I PHYIR RO, ,DE BAS NA BAR GYI TSIG MI MNGON PA NI LAS 'DZIN PA'O, ,DE DAG ZUNG DU 'JUG PA'I BDAG NYID CAN ZHES PA NI MI GNAS PA'I MYA NGAN LAS 'DAS PA'I DBYINGS KYI BRDAR BYAS PA DE NYID RDO RJE 'CHANG CHEN PO NYID CES BSTAN TO, ,DBANG PHYUG THAMS CAD KYI GZHIR GYUR PAS NA ZHES PA NI PHUN SUM TSOGS PA THAMS CAD KYI GZHIR GYUR PAS SO, ,PHUL DU BYUNG BA NI DAM PA'O, ,MNGON SUM DU BYAS PA ZHES PA NI RANG RIG PAR BYAS PAR 'GYUR RO, ,RTZE GCIG PAR MI 'GYUR PA'I PHYIR ZHES PA NI DAL BA DANG BCAS PAS SEMS G-YENG BAR BYED PAS SO, ,YANG ZHES BYA BA LA SOGS PA'I SLAR YANG DKA' THUB DGAG PA BSTAN TO, ,DGONGS PA MA YIN PA

, ,BSHAD PA'O ZHES PA NI SPYOD PA GSUM GYI RGYUS THOB PA SHIN DU GSAL BA'I DE KHO NA NYID BSTAN PA'I PHYIR RO, ,DE RNAMS KYIS ZHES BYA BA LA SOGS PAS SPROS PA DANG BCAS PA LA SOGS PA'I SPYOD PA GSUM RGYAS PAR BSTAN PAR BYA STE, YUL THOB PA RNAMS LA ZHEN PA YIN LA ZHES PA NI YUL LA MNGON PAR ZHEN PA CAN NO, ,DE YANG GNYIS SU MED PA'I YE SHES 'DOD CING ZHES PA NI YAN LAG DRUG GI RNAL 'BYOR GYI RIM PAS SPROS PA MED PA'I GO 'PHANG 'DOD PA STE SPYOD PA'I 'BRAS BU YIN PA'I PHYIR RO, ,SPYOD LAM THAMS CAD DU ZHES PA NI LDANG BA DANG 'DUG PA DANG NYAL BA DANG 'CHAG PA ZHES BYA BA LA BRTEN PAS SO, ,SEMS CAN THAMS CAD KYI 'DOD CING ZHES PA NI 'GRO BA RIGS DRUG PO LA GNAS PAR 'DOD PA STE 'DOD PA'I KHAMS DE'I RANG BZHIN YIN PAS SO, ,SANGS RGYAS NYID RAB TU STER PA'I YON TAN DANG LDAN PAS NA ZHES PA NI SO SOR SDUD PA DANG BSAM GTAN GYI YAN LAG GIS DE RNAMS SANGS RGYAS NYID STER BAS SO, ,THABS LA MKHAS PAS BSTEN PA'I SKYON RNAMS KYANG YON TAN NYID DU 'GYUR BAR MTHONG STE, SNGAGS KYIS BYIN GYIS BRLABS PA'I DUG ZOS PA LA BDUD RTZI NYID DU 'GYUR BA YIN NO, ,DE NAS LAS 'DZIN PA STE, YON TAN GNYIS RDZAS GCIG GI YUL CAN YIN PA'I PHYIR RO, ,LNGA PO DE DAG NI ZHES PA LA SOGS PA LA CHOS KYI DBYINGS YONGS SU SPANGS NAS SO ZHES TSIG GI LHAG MA'O, ,MIG LA SOGS PA ZHES BYA BA LA SOGS PA NI, RDO RJE SKYE MCHED RNAMS DANG NI, ,BYANG CHUB SEMS DPA'I DKYIL 'KHOR MCHOG ,CES BSHAD PA'I PHYIR RO, ,BYANG CHUB NI SA LA SOGS PA'I RANG BZHIN DE SPYAN LA SOGS PA ZHES PA NI SNYOMS PAR ZHUGS PA'I SBYOR BAS BYANG CHUB THOB PAR BYED PA'I PHYIR RO, ,SA YI KHAMS NI SPYAN MAR BSHAD, ,CHU KHAMS M'A MA K'I YIN TE, ,ME NI GOS DKAR MO ZHES BYA, ,RLUNG NI DAM TSIG SGROL MAR BSHAD, ,CAS 'BYUNG NGO, ,'OD GSAL BA LAS NYON MONGS PA NGES PAR BSREG PA'I LHA MO DANG SNYOMS PAR ZHUGS PA LAS 'BYUNG BA'I BDE BAS CHAGS PA LA SOGS PA'I RANG BZHIN RNAMS SPANGS PA'O, ,RNAM PAR SNANG MDZAD LA

SOGS PA ZHES PA NI DE BZHIN GSHEGS PA LNGA'O, ,GZUGS KYI PHUNG PO LA SOGS PA NGO BO NYID DU ZHES PA NI RNAM PAR SNANG MDZAD LA SOGS PA'I MING GI THA SNYAD DU BYAS PAS SO, ,MDOR BSDUS PAS NI PHUNG PO LNGA, ,SANGS RGYAS LNGAR NI RAB TU BSHAD, ,CES 'BYUNG NGO, ,DGYES PAR GYUR LA TSEM PAR BYA'O, ,ZHES PA NI YAN LAG DANG PO GNYIS PAS SO, ,RNAM PA GSUM PO ZHES BYA BA LA SOGS PAS SO SOR SDUD PA'I YAN LAG SPROS PAR BSTAN TE, DMAN PA DANG BAR MA DANG MCHOG GSUM NI NGAN PA DANG 'BRING DANG DAM PA'O, ,MCHOG GSUM DU RNAM PAR SHES SHING ZHES PA NI DAM PA LHAG PAR MOS PAS NGAN PA DANG 'BRING DAG MCHOG LA BSDUS PAS SO, ,DE BZHIN DU KUN DANG SBYOR RO, ,RANG GI RIGS KYI LHA RNAMS ZHES PA NI RNAM PAR SNANG MDZAD LA SOGS PA'I RIGS CAN TE, PHUNG PO DANG KHAMS DANG SKYE MCHED RNAMS LA'O, ,GZUGS SNA TSOGS PAS ZHES PA NI MIG YANGS PA LA SOGS PA'I SPROS PAS SO, ,SPROS PA DANG BCAS PA'I SPYOD PA LA GNAS PA'I SNGAGS PAS ZHES PA NI SNGAR BSHAD PA'I RIM PA DANG LDAN PAS SO, ,LHA'I 'KHOR LO MCHOD PAR BYA ZHING ZHES PA NI LUS KYI 'KHOR LO'I NANG DU GNAS PA RNAM PAR SNANG MDZAD LA SOGS PA'I DKYIL 'KHOR PA'I 'KHOR LO ZHES BYA'O, ,DE NYID LHA'I MOS PA NYID GZUGS LA SOGS PA RNAM PA GSUM ZHES BYA BA LA SOGS PAS BSTAN TO, ,GANG GSUNGS PA NI RNAM PA GSUM DU GSUNGS PA'O, ,DE DANG GZHAN MA YIN PA ZHES PA NI LOGS SU DMIGS PA MA YIN PA'O, ,THAMS CAD KYI BDAG NYID CAN ZHES PA NI BRTAN PA DANG G-YO BA'I NGO BO NYID DO, ,ME LONG LTA BU'I YE SHES KYIS NYON MONGS PA DANG SHES BYA'I SGRIB PA DAG PA'I MTSAN NYID DANG LDAN PAS NA BCOM LDAN 'DAS SO, ,RNAM PAR SNANG MDZAD DO ZHES PA NI KHYAD PAR DU SNANG BA STE RAGS PA NYID DU SNANG BA'I PHYI ROL GYI DON GYI TSOGS DAG PAR BYED PA BZHI PA'I NGO BO YIN PAS SO, ,SHES PAR NI SO SOR SDUD PAS DMIGS NAS SO, ,RANG GI RIGS ZHES PA NI RIN CHEN 'BYUNG LDAN GYI RIGS KYI RNAM PAR DAG PAS GNAS PA PHUNG PO DANG KHAMS

, ,DANG SKYE MCHED RNAMS LA'O, ,MNYAM PA NYID KYI YE SHES SO SOR THA DAD PA'I RNAM PAR RTOG PA BCOM PAS NA BCOM LDAN 'DAS SO, ,RNAM PA BCO BRGYAD KYIS TSOR BA'I PHUNG PO SBYOR BAS NA RIN CHEN LTAR DKON PA GANG LA YOD PA DE NI RIN CHEN 'BYUNG LDAN NO, ,YANG NA BSAM PA THAMS CAD RDZOGS PAR BYED PAS NA RIN CHEN 'BYUNG LDAN TE, RGYAS PA'I RANG BZHIN YIN PAS SO, ,'OD DPAG TU MED PA'I RIGS CAN ZHES PA NI 'OD DPAG TU MED PA'I RIGS KYI RNAM PAR DAG PAS GNAS PA PHUNG PO DANG KHAMS DANG SKYE MCHED RNAMS LA'O, ,'OD DPAG TU MED PA ZHES PA NI YAN LAG BCU GNYIS PA'I GSUNG RAB RNAM PAR DAG PA 'DZIN PA DANG, NGAG SBYANGS PA'I NGO BO YIN PAS SO, ,YANG NA SO SOR RTOG PA'I YE SHES MTHA' YAS PA'I YE SHES RANG BZHIN GYI 'OD GANG LA YOD PA DE NI 'OD DPAG TU MED PA'O, ,YANG NA BYANG CHUB SEMS KYI RANG BZHIN GYI 'OD DANG LDAN PAS NA 'OD DPAG TU MED PA STE, DBANG GI NGO BO YIN PAS SO, ,LAS KYI RIGS CAN ZHES PA NI DON YOD GRUB PA'I RNAM PAR DAG PAS GNAS PA PHUNG PO DANG KHAMS DANG SKYE MCHED RNAMS LA'O, ,'GRUB PA'I PHRIN LAS MDZAD PAS NA BCOM LDAN 'DAS SO, ,BYA BA NAN TAN GRUB PA'I YE SHES KYIS 'GRO BA THAMS CAD RJES SU GZUNG BAR MDZAD PAS NA DON YOD GRUB PA'O, ,YANG NA DGUG PA'I NGO BO YIN PAS SO, ,BDAG GI RIGS TE RDO RJE RIGS CAN RNAMS LA ZHES PA NI THUGS KYI RDO RJE 'CHANG NI RIGS THAMS CAD KYI NANG NA MCHOG YIN PAS SO, ,MI BSKYOD PA ZHES PA NI CHOS KYI DBYINGS KYI YE SHES MNGON DU MDZAD PAS NA BDUD BZHIS MI PHYED PA'I PHYIR RO, ,YANG NA MNGON SPYOD KYI LAS LA NUS PA MA NYAMS PAS NA MI BSKYOD PA ZHES BYA'O, ,BSHAD MA THAG PA'I DON ZHES PA NI YUL LNGA NYE BAR SPYOD PA'I MTSAN NYID DO, ,BSDUS NAS STON PA NI MDOR BSTAN NAS BSHAD PA'O, ,DE LTAR ZHES BYA BA LA SOGS PA NI GZUGS LA SOGS PA RNAM PAR SNANG MDZAD LA SOGS PA'I DE BZHIN GSHEGS PA LNGA'I RANG BZHIN YIN TE DE LA PHYI ROL DU SNANG BA'I GZUGS NI RAGS PA NYID DU SNANG NGO, ,DE LAS GZHAN SGRA LA SOGS PA NI PHRA BA NYID DU SNANG NGO, ,DE BZHIN DU ME LONG LTA BU LA SOGS PA'I YE SHES RNAMS KYANG

RAGS PA DANG PHRA BA NYID DANG GONG NAS GONG GI RIM PAS SNANG BAR 'GYUR BAS GZUGS LA SOGS PA RNAM PAR SNANG MDZAD KYI RANG BZHIN YIN PA'I PHYIR RO, ,DE RNAMS LA ZHES PA NI RGYU DE LAS GZUGS LA SOGS PA LA'O, ,NYIN DANG MTSAN ZHES PA NI DES RNAL 'BYOR PA LA DON MED PA'I SKAD CIG MA YANG BKAG STE YUN RINGS DANG BAR CHAD MED PA DANG DAD PAS BSTEN NAS BSTAN PAR 'GYUR RO ZHES 'BYUNG BAS SO, ,YID LA BYED PA NI LHAG PAR MOS PA DE BSKYED PAR BYA'O, ,'DI NI ZHES BYA BA LA SOGS PAS PHAN YON BSTAN TE, SEMS BSKYED PA ZHES PA NI SO SOR SDUD PA DANG BSAM GTAN DAG GI YAN LAG DAG LAS 'BYUNG BA'I YID LA BYED PA'I KHYAD PAR RO, ,SBA BAR GYUR PA ZHES PA NI ZHAL GYI MAN NGAG GI RGYUD LA GNAS PA'O, ,SANGS RGYAS KYI 'BRAS BU THOB PAR BYED PAS NI ZUNG DU 'JUG PA'I RIM PAS THOB PAR BYA BA DPAL RDO RJE 'CHANG GI GO 'PHANG THOB PAR BYED PAS SO, ,DE NYID SNYING PO BTUS PA ZHES BYA'O, ,THABS KYI RANG BZHIN DU ZHES PA NI RNAM PAR SNANG MDZAD LA SOGS PA DE BZHIN GSHEGS PA LNGA'I RIGS KYI NGO BOS SO, ,SPYAN MA LA SOGS PA SHES RAB KYI NGO BO NYID DU ZHES PA NI STONG PA BZHI'I RANG BZHIN GYI RIGS KYI YUM BZHI'I NGO BOS SO, ,YONGS SU GYUR PA ZHES PA NI DES BYIN GYIS BRLAB PA NYID DO, ,'DIR NI CHOS KYI DBYINGS KYI YE SHES NI GCIG STE DBYER MED PA GCAD DU MED PA MI 'JIGS PA NYID BCOM LDAN 'DAS RDO RJE SEMS DPA'O, ,DES NI GZHAN RNAMS YONGS SU GZUNG BA'I PHYIR RNAM PA GNYIS SU SNANG STE, DE LA RNAM PAR SNANG MDZAD LA SOGS PA'I DE BZHIN GSHEGS PA'I GZUGS KYIS THABS KYI NGO BO STE PHO'I RTAGS LTAR SNANG NGO, ,SPYAN MA LA SOGS PA RIGS KYI YUM BZHI'I GZUGS KYIS SHES RAB KYI NGO BO STE, MO'I RTAGS LTAR SNANG BAR 'GYUR TE, SNYING RJE CHEN PO DANG STONG PA NYID KYI RANG BZHIN YIN PA'I PHYIR DANG, CHOS KYI DBYINGS NI CHA GNYIS KAS THOB PA'I PHYIR RO, ,JI SKAD DU, CHOS KYI DBYINGS LA DBYER MED PHYIR, ,RIGS KYI DBYE BA MI 'THAD DE, ,BRTEN PA'I CHOS KYIS DBYE BA YIS, ,DE YI DBYE BA RAB TU BSHAD, ,CES 'BYUNG NGO, ,RGYUD PHYI MA LAS KYANG, ,GANG ZHIG SHES RAB DNGOS MED DE, ,THABS NI DNGOS PO'I MTSAN NYID DO, ,THABS DANG SHES

, ,RAB SNYOMS 'JUG PA, ,RNAL 'BYOR ZHES NI MNGON PAR BRJOD, ,CES 'BYUNG NGO, ,PHYOGS GZHAN STON PAR BYED PA'I TSIG PHRANG CES PA NI SHES RAB KYI PHYOGS STON PAR BYED PA'O, ,SHES RAB NI RIGS KYI YUM RNAMS LAS GANG YANG RUNG BA ZHES BYA'O, ,GZUGS RDO RJE LA SOGS PAR RIGS KYI DBYE BAS ZHES PA NI DE'I SPRUL PA'I RANG BZHIN YIN PAS SO, ,RIGS KYI DBYE BAS ZHES PA NI YUL RNAM PAR DAG PA'I NGO BO YIN PAS SO, ,GZUGS RDO RJE LA SOGS PA RIGS LNGA LAS BYUNG BA ZHES PA NI MCHOD PA'I LHA MO DANG BYANG CHUB SEMS DPA' DANG, KHRO BO'I MTHA'I BAR DU DBANG PO LA SOGS PA RNAM PAR DAG PAR BYED PA DE RNAMS KYIS SO, ,RDO RJE 'CHANG CHEN POR DMIGS PAR BYED DE ZHES PA NI JI LTAR MOS PAS GZUGS LA SOGS PA SPYOD CING YAN LAG DRUG GI RNAL 'BYOR YONGS SU RDZOGS NAS DPAL RDO RJE SEMS DPA'I GO 'PHANG THOB PAR BYA'O ZHES BYA BA LA SOGS PA SBYOR BA THAMS CAD LA NI SNGAR BSHAD ZIN TO, ,SPYI'I DON TO ZHES PA NI MDO SDE PA LA SOGS PA'I 'GYOD PA ZLOG PAR BYED PA DANG, BSKYED PA'I RIM PA BSTAN PAS SO, ,SPROS PA DANG BCAS PA'I SPYOD PA'O ZHES PA NI CHAGS PA LA SOGS PA'I ROL PA RGYA CHE BA'I DON DANG LDAN PAS SO, ,YID DU 'ONG BA DANG YID DU MI 'ONG BA DANG LUNG DU MA BSTAN PA'I DBYE BAS RNAM PA GSUM ZHES PA NI BDE BA DANG SDUG BSNGAL DANG BTANG SNYOMS KYI DBYE BAS GSUM MO, ,SNANG BA NI PHYI ROL DU GZUGS SU SNANG BAS NA SNANG BA GSUM STE RNAM PAR SHES PA GSUM MO, ,DE LAS BYUNG BA NI ZHES PA NI SEMS LAS BYUNG BA'I RANG BZHIN NO, ,CHAGS PA DANG CHAGS PA DANG BRAL BA DANG BTANG SNYOMS KYI RANG BZHIN RNAMS KYI ZHES PA NI NYIN MO DANG MTSAN MOR BRGYA DRUG CU'I RANG BZHIN GYIS SO, ,YUL ZHES BYA BA LA SOGS PAS NI RANG BZHIN DE RNAMS KYIS PHYI ROL GYI NGO BOR SNANG BA GZUGS LA SOGS PA GANG YIN PA RNAMS MIG LA SOGS PA'I RNAM PAR SHES PAS NYAMS SU MYONG ZHING, RNAM PAR SHES PA GSUM LAS BYUNG BA'I CHAGS PA DANG BRAL BA LA SOGS PA'I RANG BZHIN GYI NGO BO YUL DE DAG YIN NO ZHES MIG LA SOGS PA'I RNAM PAR SHES PAS NYAMS SU MYONG ZHING MCHOD PAR BYA ZHES BSTAN TO, ,MCHOD PA DANG LEN PA NYE BAR MTSON PA'I ZHES PA NI BYA BA'I STOBS KYIS

BYED PA PO DANG LAS NI MCHOD PAR BYA BA DANG MCHOD PAR BYED PA DAG MCHOG TU 'DZIN NO, ,RNAL 'BYOR PAS BDAG NYID LA ZHES PA NI, BDAG NYID SANGS RGYAS KUN NYID DO, ,BYANG CHUB SEMS DPA' KUN RANG BZHIN, ,DE PHYIR 'BAD PA THAMS CAD KYIS, ,RANG GI BDAG NYID MCHOD PAR BYA, , ZHES 'BYUNG NGO, ,BRTAN PA DANG G-YO BA'I BDAG NYID CES PA NI SEMS CAN DANG SNOD KYI 'JIG RTEN GNYI GA'I RANG BZHIN NO, ,RIGS THAMS CAD KYI BDAG NYID CAN ZHES PA NI RNAM PAR SNANG MDZAD LA SOGS PA'I SKU'I RIGS KYI BDAG NYID CES BYA BA'I DON TE, RDO RJE 'CHANG CHEN PO NI RIGS THAMS CAD KYI BSKYED PA'I RGYU YIN PAS SO, ,MGON PO SANGS RGYAS KUN BDAG NYID, ,CES 'BYUNG NGO, ,GANG DU THIM PAR GYUR PA ZHES PA NI SKAD KYI BYINGS NYE BAR BSDUS PA YIN NA YANG DON DU MA YIN PAS BSKYED PA'I DON DU 'JUG GO, ,DES NA RNAM PAR SNANG MDZAD KYI GZHI NI RNAM PAR SNANG MDZAD BSKYED PAR MDZAD PA ZHES STON TO, ,TSOGS GNYIS DANG LDAN PA ZHES PA NI BSOD NAMS DANG YE SHES KYI TSOGS GTZO BOR GYUR PAR RIM PA GNYIS STON PAR MDZAD PA'O, ,DE NYID RNAL 'BYOR PA ZHES PA'O ZHES PA NI 'OD GSAL BAS YE SHES GSUM SPANGS NAS RDO RJE 'CHANG BA NYID DU THOB PAR 'GYUR BA'I PHYIR RO,, SHES RAB DANG THABS NYE BAR THOB PA RNAMS LA 'JUG PA'I RNAM PAR SHES PA DANG NYON MONGS PA CAN GYI RNAM PAR SHES PA DANG KUN GZHI RNAM PAR SHES PA DANG DE LAS BYUNG BA'I RANG BZHIN RNAMS LA DBUL BAR BYA BA NI DE'I NGO BO NYID DU BSDU BAR BYA'O, ,RIN CHEN 'BYUNG GNAS GTZO ZHES PA NI BRTAN PA DANG G-YO BA'I BDAG NYID CAN GYI 'GRO BA'O, ,'DI LAS RIN PO CHE RNAMS 'BYUNG BAS NA ZHES PA NI DE DAG GANG LAS BYUNG BA DE NI RIN CHEN 'BYUNG GNAS GTZO BO STE, 'OD GSAL BA'I BDAG NYID RDO RJE 'CHANG ZHES BYA BA'I DON TO, ,DE NYID KYI PHYIR SNA TSOGS KYI BDAG NYID RDO RJE 'CHANG CHEN PO ZHES BSTAN TO, ,DES NI THAMS CAD 'DI KHYAB STE, ,TIL MAR GYIS NI TIL SOGS BZHIN, ,ZHES RDO RJE SA 'OG LAS 'BYUNG NGO, ,RNAM PAR SHES PA GSUM GYI BDAG NYID CAN ZHES PA LA DE RNAMS NYE BAR BSDU BAR BYED PA 'OD GSAL BA'I DE KHO NA NYID KYI BDAG NYID CAN ZHES BYA'O, ,RNAL 'BYOR CAN DE NYID DO ZHES PA NI DBYER MED PA NYID DU

, ,BSTAN TO, ,SNANG BA LA SOGS PA DBUL BAR BYA'O ZHES PA NI, SNANG BA DANG SNANG BA MCHED PA DANG SNANG BA NYE BAR THOB PA NI ZLA BA DANG NYI MA DANG MTSAMS KYI SNANG BA RNAMS DE'I BDAG NYID DU SHES PAR BYA'O, ,'DOD CHAGS RNAM PAR DAG PAR BYED PAS NA 'OD DPAG TU MED PA'O, ,RDO RJE 'CHANG CHEN PO ZHES PA NI DE LAS BYUNG BA DANG DER BSDUS PA'I PHYIR RO, ,DE BSKYED PA'I NGO BO NYID KYIS 'CHANG BAR MDZAD PAS NA ZHES PA NI SPRO BA DANG BSDU BA'I RANG BZHIN DE LA DE SKAD CES BYA'O, ,BDAG NYID LA DBUL BAR BYA'O ZHES PA NI BDAG NYID NI DE BZHIN GSHEGS PA THAMS CAD KYI RIGS KYI RANG BZHIN YIN PA'I PHYIR RO, ,BDAG NYID SANGS RGYAS THAMS CAD NYID, ,CES 'BYUNG BAS SO, ,KUN DU KUN NAS THAMS CAD NI, ,KUN NGO RNAM PA KUN BDAG NYID, ,SANGS RGYAS KUN GYI RANG BZHIN GRUB, ,RANG GI BDAG NYID DES MTHONG NGO, ,ZHES 'BYUNG NGO, ,MI BSKYOD PAR SNANG BA ZHES PA NI RNAL 'BYOR PA DE'I RNAM PAS SNANG BA'O, ,RDO RJE 'CHANG CHEN PO DE NYID DO ZHES PA NI DBYER MED PA BSTAN PA'O, ,BSHAD MA THAG PA'I DON GNYIS GSAL BAR STON PA YIN TE ZHES PA NI SPROS PAR BSHAD PA'O, ,'DAS PA DANG MA 'ONGS PA'I SKAD CIG MA MED PAR ZHES PA NI, GANG ZHIG 'DAS PA DE MED PA, ,MA 'ONGS PA NI MA BYUNG BA'O, ,ZHES BSHAD PA'I PHYIR RO, ,DA LTAR GYI SKAD CIG MAS ZHES PA NI DE LTAR BYUNG BA SKAD CIG MA DANG YUD TZAM DANG THANG CIG LA SOGS PA'O, ,SKAD CIG THANG CIG YUD TZAM DANG, ,MIG BTZUMS THAL MO SBYAR BA STE, ,SKAD CIG SE GOL GTOGS PA TZAM, ,THANG CIG YUNGS KAR BSKOR BA TZAM, ,YUD TZAM DBUGS RNGUB 'BYUNG BA STE, ,MIG BTZUMS MIG NI 'DZUMS PA'I BAR, ,LAG GNYIS THAL MO SBYAR BA STE, ,SKAD CIG MA SOGS MTSAN NYID DO, ,DE RNAMS GANG YANG RUNG BA LA SKAD CIG MA ZHES BYA'O, ,RNAM PAR SHES PA GSUM LA SBYOR BAR BYA'O ZHES PA NI SNANG BA LA SOGS PA YE SHES GSUM YONGS SU SPANGS NAS 'OD GSAL BA'I RANG BZHIN DU BYA'O, ,GZUGS LA SOGS PA SEMS NYID DU SHES PAR BYA'O ZHES PA NI GZUGS LA SOGS PA PHYI ROL GYI YUL LNGA GANG YIN PA DE RNAMS NI RANG GI SNANG BA MED PAS KUN GZHI LA SOGS PA RNAM PAR SHES PA GSUM GYI NGO BO NYID DO, ,DE RNAMS KYI RANG

BZHIN YOD PA MA YIN TE, GCIG DANG DU MA DANG BRAL BA'I PHYIR RO, ,BDAG DANG CHOS RNAMS NYER BRTAGS PA, ,RNAM PA SNA TSOGS GANG ZHIG 'JUG, ,RNAM PAR SHES PA YONGS GYUR TE, ,'GYUR BA DE YANG RNAM GSUM YIN, ,RNAM PAR SMIN DANG YID DANG NI, ,YUL NI RNAM PAR RIG PA'O, ,ZHES 'BYUNG NGO, , DE BZHIN DU, GCIG NI RNAM PA GNYIS SNANG BA, ,SEMS NI RNAM PAR 'KHRUL PA CAN, ,GZUNG BA 'DZIN PA'I DBYE BA YIS, ,JI LTAR SHIN TU MKHAS PA YIN, ,DBYER MED PA YANG THA DAD PAS, ,PHYIR 'GRO MING DANG PHYI ROL DANG, ,YUL GYI RNAM PA DRI MA CAN, ,SEMS NI RNAM PA DU MAR SNANG, ,ZHES 'BYUNG NGO, ,DGONGS SO ZHES PA NI DGONGS PA'O, ,'DI ZHES BYA BA LA SOGS PAS PHAN YON BSTAN PA BYA STE, BSHAD MA THAG PA NYID YONGS SU SHES PA ZHES BYA BA LA SOGS PA RNAM PAR SHES PA GSUM GYI BDAG NYID KYI GZUGS LA SOGS PA'I YUL GYI TSOGS ZHES BYA BA'I DON TO, ,RIN PO CHE LTA BU'I GANG ZAG RNAMS LA SBYIN PAR BYA BA YIN GYI ZHES PA NI DBANG PO RNO BA'I PHYIR RO, ,TZANDAN LTA BU LA SOGS PA RNAMS LA BSTAN PAR BYA BA MA YIN PAS NA ZHES PA NI BSKYED PA'I RIM PA TZAM DE RNAMS KYI YUL YIN NO ZHES DGONGS PA'O, ,YANG DAG PA ZHES PA NI JI LTA BA BZHIN DU'O, ,BLANGS NAS BSAGS SHING ZHES PA NI BSHAD PA'I RGYUD LA SOGS PA LAS BTUS TE RDZOGS PA'I RIM PA NYID KYIS BSAG PAR BYA BA ZHES PA'I THA TSIG GO, ,DE NYID BSTAN PA'I PHYIR, DUS GSUM DU BZHUGS PA'I DE BZHIN GSHEGS PA RNAMS TE ZHES PA NI SNYING POR GYUR PA'I CHOS KYI DBYINGS RTOGS PAR GYUR BAS SO, ,YANG NA YANG DAG PA'I YE SHES GANG LA YOD PA DE LA 'DI SKAD CES BYA'O, ,BSHAD MA THAG PA'I TSUL LO ZHES PA NI SEMS RNAM PAR DBEN PA'I RIM PA'I MTSAN NYID DO, ,SNGAGS PAS TE YAN LAG MA NYAMS PAR BZLAS PAS ZHES PA NI RDO RJE BZLAS PA'I RIM PA'I MTHAR THOB NAS SEMS LA DMIGS PA BSGOM PAR 'DOD PAS SO, ,RDO RJE BZLAS NAS RNAL 'BYOR PAS, ,SEMS LA DMIGS PA THOB PAR 'GYUR, ,ZHES 'BYUNG NGO, ,RNAM PA GSUM NI SNGAR BSHAD ZIN PAS SO, ,YE SHES GSUM DU SHES PAR BYA'O ZHES PA NI DAG PAR 'GYUR NA DE NYID LHA'I RNAM PA NYID DU 'GYUR RO ZHES DGONGS PA'O, ,

, ,RANG BZHIN GYI DBYE BA NYID NI DE'I SEMS LAS BYUNG BA'I RNAM PA'O, ,RIGS TE ZHES PA NI NYON MONGS PA'I BAG CHAGS DANG LDAN PA'I SEMS KYI CHOS RNAMS SO, ,CHAGS PA ZHES PA NI THABS KYI RANG BZHIN BZHI BCU STE NYON MONGS PA CAN GYI YID LAS BYUNG BA'O, ,CHAGS PA DANG BRAL BA NI SHES RAB KYI RANG BZHIN SUM CU RTZA GSUM STE 'JUG PA'I RNAM PAR SHES PA LAS 'BYUNG BA'O, ,CHAGS PA BAR MA NI SHES RAB DANG THABS SNYOMS PAR ZHUGS PA LAS BYUNG BA RANG BZHIN BDUN TE KUN GZHI LAS 'BYUNG BA'O, ,RANG BZHIN ZHES PA NI SEMS LAS BYUNG BA'I CHOS RNAMS SO, ,DE RNAMS KYI DBYE BA NI KHYAD PAR RNAMS KYI TSUL LA ZHES PA NI DGE BA DANG MI DGE BA DANG LUNG DU MA BSTAN PA LA SOGS PA'I DBYE BA'I MTSAN NYID DO, ,DE NI 'DI SKAD CES BYA BA LA SOGS PA PHYI ROL GYI RNAM PA NYID DU GZUGS LA SOGS PA'I YUL RNAMS SNANG BA GANG YIN PAR DMAN PA LA SOGS PA'I DBYE BAS NYE BAR MTSON PA DE DAG RNAM PAR SHES PA GSUM GYI RGYU CAN RANG BZHIN BRGYA DRUG CU'I NGO BO YIN NO ZHES NGES PAR BYAS LA DE RNAMS KYI 'OD GSAL BA NYID RANG BZHIN YIN NO ZHES SNGAGS DANG PHYAG RGYA'I RIM PAS DE DAG SBYANGS LA 'OD GSAL BA'I NGO BO NYID DU SHES PAR BYA'O; ,SBAS PA ZHES PA NI YE SHES GSUM RNAM PAR SPYOD PA'I MTSAN NYID KYI DON BSTAN PAS SO, ,'DI NI SPROS PA MED PA'I SPYOD PA'O ZHES PA LA SEMS RNAM PAR DAG PA'I RIM PA SGOM PAR BYED PA'I RNAL 'BYOR PAS JI LTAR RNYED PA'I SPYOD PA'I DON BSTAN PAS SO, ,MCHOG LA SOGS PA ZHES PA LA SOGS PA NI YID DU 'ONG BA DANG YID DU MI 'ONG BA DANG GNYIS KA'I NGO BO NYID DO, ,SNANG BA GSUM GYI NGO BO NYID DU YONGS SU SHES PA'O ZHES PA NI SNGAGS DANG PHYAG RGYA'I RIM PAS RNAM PAR SBYANGS NAS 'OD GSAL BA'I NGO BO NYID DU BYA'O, ,RANG BZHIN SHES PA'O ZHES PA NI CHAGS PA DANG CHAGS PA DANG BRAL BA DANG CHAGS PA BAR MA'I BSGOM PA'I SGO NAS CHAGS PA LA SOGS PA DE RNAMS KYI 'OD GSAL MNGON DU BYED PA'O, ,'OD GSAL BA'I NGO BO NYID DU YONGS SU BSTIM PA STE ZHES PA NI BDE BA CHEN PO'I NGO BO DANG RO GCIG PAR BYA'O, ,'DI NYID NI BLA NA MED PA'I MCHOD PA STE ZHES PA NI 'OD GSAL BA LA 'JUG PA'I

MTSAN NYID DO, ,DE NYID KYI PHYIR LE'U BCU BDUN PA LAS, RDO RJE GSUM MCHOG PHYAG MI BYA, ,ZHES BYA BAS 'OD GSAL BA LA 'JUG PA'I DGONGS PAS PHYI ROL GYI PHYAG DANG MCHOD PA LA SOGS PA BCOM LDAN 'DAS KYIS DGAG PAR GSUNGS SO, ,DE BZHIN DU, SANGS RGYAS THAMS CAD MNYES BYED LA, ,DE NI MCHOD PA CHEN POR 'DOD, ,CES 'BYUNG NGO, ,DE NYID RDO RJE 'CHANG CHEN PO STE ZHES PA NI, 'DI NI RDZOGS PA'I RNAL 'BYOR ZHES, ,RDO RJE 'CHANG CHEN DE NYID DE, ,RNAM PA THAMS CAD MCHOG LDAN PA, ,DE LAS KUN MKHYEN 'BYUNG BAR 'GYUR, ,ZHES BSHAD PAS SO, ,DE'I BSKYED PA'I RGYUR GYUR PA'I PHYIR RO ZHES PA NI RIM PA BZHI PA LA ZUNG DU 'JUG PA'I RIM PAS RDO RJE 'CHANG CHEN PO 'BYUNG BA'I PHYIR RO, ,DE LTAR ZHES BYA BA LA SOGS PAS SGRA LA SOGS PA RNAMS KYANG 'OD GSAL BA LAS NGES PAR SBYAR BAR BYA'O ZHES BSTAN TO, ,JI SKAD DU BSHAD PA'I RGYUD LAS ZHES PA NI DGONGS PA LUNG BSTAN PA LAS SO, ,NANG NI RANG GI RGYUD LA GNAS PA'O, ,PHYI ROL NI GZHAN GYI RGYUD LA GNAS PA DANG, SNOD KYI 'JIG RTEN LA GNAS PA NI GNYI GA ZHES BYA'O, ,DE LTA BU'I RNAM PA GSUM GYI GZUGS LA SOGS PA MI DMIGS PA STE GCIG DANG DU MA DANG BRAL BA'I PHYIR RO; ,DE BAS NA 'OD GSAL BA'I RANG BZHIN DU BYA BA GANG YIN PA DE NI LHA RNAMS LA DBUL BA ZHES BYA'O, ,SHIN TU SPROS PA MED PA'I SPYOD PA STE ZHES PA NI YE SHES KYI PHYAG RGYA DANG SNYOMS PAR 'JUG PA LA MNGON PAR BYANG CHUB KYI SBYOR BAS SPYOD PA BSTAN PA'I PHYIR RO, ,MTHAR THUG PA'O ZHES NI 'OD GSAL BA LA 'JUG PA'I MTSAN NYID KYI DON STON PAS SO, ,DA NI ZHES BYA BA LA SOGS PAS RJES SU DRAN PA DRUG GI SGO NAS RGYUR THAMS CAD KYI SNYING POR GYUR PA RIM PA GNYIS LAS GCIG NI RIGS BRGYA'I DBYE BA'I BAR DANG, GNYIS PA NI RIM PA LNGA PA'I MTSAN NYID SO SOR BSTAN PAR BYA STE GCIG GI RJES SU DRAN PA GCIG GIS BSKYED PA'I RIM PA LNGAS NI RIM PA LNGA BSTAN TO, ,RIGS BRGYA'I DBYE BAS ZHES PA NI SNGAR RGYAS PAR BSHAD PAS SO, ,LUS RNAM PAR DBEN PAS BYED PA ZHES PA NI LUS KYI CHA CHA'I DBYE BAS RIGS LNGA'I DE BZHIN GSHEGS PA NYID DU RTOGS PAR BYED PA'O, ,

, ,DE NYID KYI PHYIR SANGS RGYAS RJES SU DRAN PA NI PHUNG PO DANG KHAMS DANG SKYE MCHED RNAMS DE BZHIN GSHEGS PA NYID DU RJES SU DRAN PA ZHES BYA'O, ,DE BZHIN DU RDO RJE BZLAS PA MTHAR THUG PA ZHES PA NI RDO RJE 'CHANG CHEN PO LA SOGS PA RNAM PA BCU GCIG GI RDO RJE BZLAS PA YONGS SU RDZOGS NAS SO, ,NGAG RNAM PAR 'BYED PA NI NYON MONGS PA'I NGAG SBYANG BAS SO, ,CHOS RJES SU DRAN PA ZHES PA NI A'A LI DANG K'A LI'I RANG BZHIN GYI YI GE DANG TSIG DANG NGAG DANG CHEN PO LA SOGS PA'I DBYE BA DANG LDAN PA'I NGAG GI SPROS PA NI CHOS RNAMS SO, ,RJES SU DRAN PA NI DE RNAMS KYI RANG BZHIN YONGS SU SHES PAR 'GYUR RO, ,RDO RJE BZLAS PA'I RIM PA 'DIS, ,GSUNG GI RDO RJE SGRUB BYED PA, ,YE SHES GSUM GYI DBYE BA YIS, ,SEMS TZAM LA NI NGES PAR SBYOR, ,ZHES 'BYUNG BAS SO, ,RANG BZHIN SNANG BA'I RIM GYIS ZHES PA NI, ,SNGAGS DANG PHYAG RGYA'I RIM PAS NYE BAR BSDUS PA'I RNAM PAR SHES PA GSUM DANG, ,DE'I RANG BZHIN GYI CHOS BSGOM PA'I SGO NAS SO, ,SEMS LA RNAM PAR RTOG PA NI, ,ZHES PA LA RNAM PAR SHES PA GSUM PO 'OD GSAL BA'I GO 'PHANG LA 'JUG PAR BYED PAS SO, ,RDO RJE RJES SU DRAN PA'O, ,ZHES PA NI RDO RJE LTAR MI PHYED PA GNYIS SU MED PA'I YE SHES KYI RANG BZHIN GYI 'OD GSAL BA LAS RJES SU DRAN PA'O, ,SNANG BA LA SOGS PA YE SHES GSUM THOB NAS PHYI NAS 'OD GSAL BA MNGON DU 'GYUR RO, ,LUS DANG NGAG DANG YID DO ZHES PA LA RDUL PHRA RAB DU MA TSOGS PA'I BDAG NYID YIN PAS SO, ,YE SHES GSUM GYI NGO BO SO SOR YONGS SU SHES PA'O ZHES PA NI YE SHES GSUM GYI BDAG NYID CAN NI LUS LA SOGS PA YIN NO ZHES LHAG PAR MOS PA GANG YIN PA'O, ,SBYOR BA NI PHYIS GCIG TU BYAS PA STE ZHES PA NI 'OD GSAL BA RTOGS PAS RO GCIG TU 'GYUR BA STE, NGO BO NYID MED RDZOGS PA'O, , DE BAS NA ZHES BYA BA LA SOGS PAS SNANG BA NYE BAR THOB PA LA SOGS PA'I RIM PA LAS 'BYUNG BA YE SHES KYI SKU STE BDAG BYIN GYIS BRLAB PA'I RIM PA'I MTSAN NYID DO, ,KHRO BO NI THABS KYI YE SHES SO ZHES PA NI MA RIG PA'I 'OG TU 'BYUNG BA ZHES BRJOD PAR BYA'O, ,DES NA SNANG BA NYE BAR THOB PA DANG SNANG BA

MCHED PA DANG SNANG BA STE, MTSAN MO DANG NYIN MO DANG ZLA BA'I SNANG BA DANG 'DRA BAS RO GCIG TU BSGOM PA NI KHRO BO RJES SU DRAN PA STE, SGYU MA'I SKU YI RGYUR GYUR PA, ,ZHES BSTAN TO, ,RANG GI ZLA BA'I GZUGS BRNYAN 'DRA, ,BDAG NYID KYIS NI SEMS NYID MTHONG, ,GAL TE ZLA BA LA DMIGS NAS, , RDO RJE MTSAN NI RAB TU BRTAG ,DE NI THABS TE STON BYED PA, ,RDOR SOGS BSKYED PA'I RNAL 'BYOR PA'I, ,ZLA BA RDO RJE SOGS SBYOR BAS, ,SEMS DANG SEMS BYUNG YANG DAG SBYAR, ,SHES RAB THABS DANG KUN SBYOR BAS, ,LHA YI SKU NI 'BYUNG BAR 'GYUR, ,ZHES 'BYUNG NGO, ,LHA NI PHYAG RGYA CHEN PO'I TSUL LO ZHES PA NI MA LUS LUS PA MED PA DE BZHIN GSHEGS PA THAMS CAD KYI SKU RNAMS KYIS BYIN GYIS RLOB PA YE SHES KYI SKU ZHES BYA BA'I THA TSIG GO, ,DE'I RJES SU DRAN PA NI DE MTHONG BA STE SGYU MA LA SOGS PA DANG 'DRA BAR YONGS SU SHES PA'O, ,DE NYID BSTAN PAR BYA BA'I PHYIR, CHU ZLA LA SOGS PA'I RNAM PAS YONGS SU SHES PA'O ZHES PA NI CHU ZLA LA SOGS PA SGYU MA'I DPE BCU GNYIS KYIS NYE BAR MTSON PA ZHES BYA BA'I DON TO, ,DES NI BDAG LA BYIN GYIS BRLAB PA'I RIM PA BSTAN PA YIN NO, ,DON DAM PA'I BDEN PAS GCIG TU BYAS PA'O ZHES PA NI PHYI DANG NANG GI MNGON PAR BYANG CHUB PA'I RIM PA'AM RIL POR 'DZIN PA DANG RJES SU GZHIG PA'I TING NGE 'DZIN GNYIS KYIS RIM PAS 'OD GSAL BA NYID DU 'GYUR BA MAN NGAG BZHI PAS MNGON DU BYA BA ZHES BYA BA'I DON TO, ,NGES NI MNGON PAR BYANG CHUB PA'I RIM PA BSTAN PA YIN NO, ,DE BAS NA RJES SU SBYOR BAS ZHES PA NI DON DAM PA'I BDEN PA DANG GCIG TU BYAS PA STE, YE SHES KYI SKU DANG 'OD GSAL BA RO GCIG TU GYUR PA'I MTSAN NYID KYI MNGON PAR BYANG CHUB PA'I RIM PA LAS SO ZHES BYA BA'I DON TO, ,BSGOM PA NI BDEN PA GNYIS KYI RNAM PAS DMIGS NAS ZHES PA NI NYE BAR MTSON PA TZAM YIN TE, RNAM PA DANG BCAS PA DANG RNAM PA MED PA DANG THABS DANG SHES RAB LA SOGS PA DBYER MED PAS KYANG BSGOM PAR BYA'O ZHES BYA BA'I DON TO, ,JI SKAD DU, RNAM BCAS DNGOS PO RTOG PA DANG, ,RNAM PA MED PA'I RTOG PA STE, ,GCIG TU BYAS NAS GANG DU SPYOD, ,DE NI ZUNG DU 'JUG PAR BSHAD, ,

, ,CES 'BYUNG NGO, ,CHOS THAMS CAD JI LTA BA BZHIN DU YONGS SU SHES PA'I MTSAN NYID NI BYANG CHUB PO, ,DE NYID BDE BA CHEN PO'I MTSAN NYID GCIG PA ZHES PA NI CHOS KYI SKU RO GCIG PA'I NGO BO RTAG TU BDE BA'I RANG BZHIN ZHES BYA BA'I DON TO, ,JI SKAD DU, DE NYID ZAG PA MED PA'I DBYINGS, ,BSAM GYIS MI KHYAB DGE BA RTAG ,BDE BA RNAM PAR GROL BA'I SKU, ,THUB PA CHEN PO'I CHOS ZHES BYA, ,ZHES 'BYUNG NGO, ,RDO RJE 'CHANG CHEN PO THOB PAR 'GYUR BA'O ZHES PA NI DPAL RDO RJE SEMS DPA'I PHYAG RGYA CHEN PO'I SKU'O ZHES PA'I DON TO, ,DES NI ZUNG DU 'JUG PA'I RIM PA BSTAN PA YIN NO, ,DON 'DI NYID CES PA NI RDO RJE BZLAS PA LA SOGS PA RDZOGS PA'I RIM PA'I MTSAN NYID DO ZHES BYA BA'I DON TO, ,BSHAD PA'I RGYUD LAS ZHES PA NI RDO RJE PHRENG BA LAS SO, ,NYAMS DGA' SANGS RGYAS KUN GYIS BSTEN, ,ZHES PA NI DE BZHIN GSHEGS PA THAMS CAD KYI RANG BZHIN SKU RNAM PAR DBEN PA'O, ,BHA GA NI BSOD NAMS DANG YE SHES KYI TSOGS DANG LDAN PA'O, ,ZHI BA GCIG PU'I MING ZHES PA NI 'GRO BA DANG 'ONG BA RNAM PAR GROL BA'I RANG BZHIN GYI RDO RJE BZLAS PA'I MTHAR THUG PA MA NING GI BZLAS PA'O, ,RANG GI SKU LA SOGS PA'I DE KHO NA NYID DE SNANG BA LA SOGS PA'I YE SHES RNAMS SO, ,DE NYID GNYIS MED CES PA NI STONG PA GSUM MO, ,DE 'BYUNG BA NI GANG LAS SKYES PA STE DE NI RANG GI NGO BO NYID GNYIS MED 'BYUNG STE 'OD GSAL BA'O, ,RDO RJE NI SNGAR BSHAD PA'I LUS LA SOGS PA'O, ,DE NYID DU SBYOR BZHES PA NI 'OD GSAL BA'I DE KHO NA NYID BZHI PA DE LA SNGAGS DANG PHYAG RGYA'I RIM PAS MI SNANG BAR BYA'O, ,SANGS RGYAS RJES DRAN SBYOR BA STE, ,ZHES PA NI DE BZHIN GSHEGS PA THAMS CAD RO GCIG PAR BYED PA 'OD GSAL BA RTOGS PA'I MTSAN NYID KYI DE KHO NA NYID CES BYA BA'I DON TO, ,DE NYID BHA GAR NI 'OD GSAL BA LA'O, , LING GA NI THIM PA NYID YIN PAR GRAGS PA NI BSTAN TO ZHES BYA BA'I DON TO, ,DES NI SEMS RNAM PAR DAG PA'I RIM PA BSTAN TO, ,BZHUGS PA ZHES PA SGYU MA LA SOGS PA'I RNAM PAS SO, ,GNYIS MED SBYOR BA STE ZHES PA NI SBYOR BA NI THA MI DAD DO, ,SANGS RGYAS GZUGS SU BSGOM PA'O, ,ZHES PA NI

DE LTAR GYUR PA'I SANGS RGYAS KYI SKU SGYU MA'I RNAM PA'I LHA'I SKU'O, ,SGOM PA'I ZHES PA NI SNANG BA NYE BAR THOB PA LA SOGS PA'I RIM PA'AM CIG CAR DU SPRO BAR BYA'O, ,DES NI BDAG LA BYIN GYIS BRLAB PA'I RIM PA BSTAN PA YIN NO, ,DE LAS NI DE LA DMIGS NAS MNGON PAR BYANG CHUB PA'I RIM PA'I MTSAN NYID KYI MAN NGAG GANG YIN BA DE LAS NI MAN NGAG BZHI PA MNGON DU BYED PA'I MTSAN NYID 'OD GSAL BA LAS SO, ,BLO LDAN GYIS ZHES PA NI RNAL 'BYOR PA LAS SO, ,SPRO BA NI ZHI BA DANG SKYE BA LA MI GNAS PA RDO RJE 'CHANG CHEN PO'I SKU BSKYED PAR BYA'O, ,DE'I TSE, ,BA SPU'I BU GA'I RTZE MOR GNAS, , ZHES PA NI BA SPU'I BU GA LA SOGS PA LA GNAS PA'O, ,MNYAM PA MED PA KHYAD PAR DU, ,ZHES PA NI BRJOD DU MI NUS PA'O, ,SANGS RGYAS SPRIN RNAMS DER SPRO'O, ,ZHES PA NI GZHAN GYI DON BYA BA'I PHYIR DE BZHIN GSHEGS PA RNAMS SPRO BAR BYA'O ZHES PA 'DIS ZUNG DU 'JUG PA'I RIM PA BSTAN PA YIN NO, ,DGONGS PAS BSHAD PA'O ZHES PA NI 'GAL BA'I TSIG GI SGO NAS RIM PA LNGA'I DE KHO NA NYID KYI MTSAN NYID BSTAN PA'I PHYIR RO, ,DE LTAR ZHES BYA BA LA SOGS PAS SNGAR BSHAD PA'I DON BSDU BA'I PHYIR BSHAD PAR BYA STE, YONGS SU DAG PA'I LHA YI SKU, ,ZHES PA NI ZUNG DU 'JUG PA'I RIM PAS THOB PAR BYA BA'I RDO RJE 'CHANG CHEN PO'I PHYAG RGYA'I SKU BSKYED NAS SO, ,RNAL 'BYOR PA THAMS CAD KYI THUN MONG GI ZHES PA NI BSKYED PA DANG RDZOGS PA'I RIM PA DAG GIS THUN MONG PA'O, ,SNYOMS PAR 'JUG PA'I RIM PA ZHES PA NI DBANG PO GNYIS YANG DAG PAR SBYOR BA'I MTSAN NYID CAN GYI RIM PA ZHES BYA BA'I DON TO, ,DE LA BSKYED PA'I RIM PA'I RNAL 'BYOR PA LA DKYIL 'KHOR RGYAL BA MCHOG GI TING NGE 'DZIN RTZOM NA PHYAG RGYA LEGS PAR SPYOD PA'I DUS SU SNYOMS PAR 'JUG PA'I RIM PA BSTAN PA DANG, RDZOGS PA'I RIM PA'I RNAL 'BYOR PA LA RIM PA LNGA CHAR LA YANG SNYOMS PAR 'JUG PA'I RIM PA BSTAN TO, ,NA TSOD GZHON PA LA SOGS PA DANG LDAN PA'I ZHES PA NI GZHON PA NYID DANG MDZES PA NYID DANG DAM TSIG DANG SDOM PA LA SOGS PA DANG LDAN PA ZHES BYA BA'I DON TE, BUD MED NI DAM TSIG DANG YE SHES KYI PHYAG RGYA LAS GANG YANG RUNG BA'O, ,RNYED

, ,CING ZHES PA NI RNYED PA DANG BSGOM PAR BYAS NAS SO, ,DER JI LTAR RNYED PA'I GZUGS DANG ZHES PA NI THAMS CAD MA TSOGS NA LAS KYI PHYAG RGYA STE, BYOL SONG SA LA 'ANG RAB TU BRTAG ,CES 'BYUNG BAS SO, ,YAN LAG MA NYAMS PA GZUGS DANG LDAN ZHING ZHES PA NI RIGS DANG RJES SU MTHUN PA AUTPALA SNGON PO'I KHA DOG DANG 'DRA BA ZHES BYA BA'I THA TSIG GO, ,RAB TU DBEN ZHING YID DANG MTHUN PA ZHES PA NI SPROS PA DANG BCAS PA DANG SPROS PA MED PA'I RNAL 'BYOR PA DAG GIS LHA KHANG SUM BRTZEGS LA SOGS PA'O, ,GZUGS LA SOGS PA'I YUL GYI MTSAN NYID KYI MCHOD PA BRTZAM PAR BYA'O ZHES PA NI DPAL SANGS RGYAS THAMS CAD DANG MNYAM PAR SBYOR BA MKHA' 'GRO DRA BA'I BDE MCHOG GI RIM PA'I RGYUD LAS GSUNGS PAS CHAGS PA'I ROL PA LA SOGS PA'I RGYA CHE BA'I MTSAN NYID KYI YUL GYI MCHOD PA BYA'O, ,GANG GIS SHE NA ZHES BYA BA LA SOGS PAS BRTZON PA'I DUS SU BYA BA BSHAD PAR BYA STE, YUL DU BYIN GYIS BRLABS PA NA, ,ZHES PA NI YUL RNAMS LEN PA'AM DMIGS PA'AM DE LAS GZUNG BA'I GTZO BO'I SGO NAS 'BYUNG BA'O, ,'DOD CHAGS LA SOGS PA RANG BZHIN GSUM ZHES PA NI CHAGS PA BRAL BA DANG CHAGS PA DANG CHAGS PA BAR MA LA SOGS PA STE, SHES RAB DANG THABS DANG NYE BAR THOB PA GSUM ZHES BYA BA'I THA TSIG GO, ,YID DU 'ONG BA'I YUL RNAMS ZHES PA NI RNAM PA GSUM GYI YUL RNAMS GCIG TU BYA STE YID DU 'ONG BA'I YUL ZHES BYA'O, ,YUL GSUM PO DAG GIS ZHES PA NI 'DOD CHAGS LA SOGS PA'I RGYUR GYUR PA'I YUL RNAMS ZHES BYA BA'I DON TO, ,NGAG GI BDAG NYID MCHOD PAR BYA'O ZHES PA NI RNAM PAR SNANG MDZAD LA SOGS PA'I DE BZHIN GSHEGS PA'I RIGS KYI 'BREL PA DANG LDAN PA'I YUL RNAMS NYE BAR SPYOD PA LA BRTEN NAS RANG GI RGYUD TSIM PAR BYA'O ZHES BYA BA'I DON TO, ,DE LTAR RDO RJE 'CHANG CHEN PO NI DBUS KYI GTZO BO STE DPAL RDO RJE SEMS DPA'O, ,REG BYA RDO RJE NI DBUS KYI GTZO BO STE KHYAD PAR DU MA GZUNG BAS SO, ,RNAM PAR SNANG MDZAD LA SOGS PA ZHES PA NI RIGS KYI DBYE BAS GNAS PA ZHES PA'I THA TSIG GO, ,'DI NI DE BZHIN GSHEGS PA'I YIN PAS NA ZHES PA NI

RNAM PAR SNANG MDZAD KYI RIGS LAS 'BYUNG BA'O, ,RIGS DE'I PHYAG RGYA GZHAN RNAMS KYIS NI ZHES PA LA RNAM PAR SNANG MDZAD DE BZHIN GSHEGS PA'I RIGS KYI 'BREL PA DANG LDAN PA'I PHYAG RGYA GANG YIN PA DE RNAMS KYI NANG NA GTZO BO NI BTZUN MO YIN PAS SO, ,NYON MONGS PA DANG SHES BYA'I SGRIB PA LA SOGS PA SPONG BA'I PHYOGS SU ME LONG LTA BU'I YE SHES DANG PO GTZO BO YIN PAS SO, ,BTZUN MO CHEN MO STE SNGAR BSHAD PA ZHES PA NI SNGA MA BZHIN DU MTSAN NYID DANG LDAN PA ZHES BYA'O, ,MA BSHAD PA RNAMS KYANG BSDUS PA'I DON TO ZHES PA NI RIN CHEN 'BYUNG LDAN LA SOGS PA'I DE BZHIN GSHEGS PA'I RIGS GZUNG BAR BYA BA'I PHYIR RO, ,DE NYID RIN PO CHE'I RNAL 'BYOR PAS M'A MA K'I RA BSGOM PAR BYA'O ZHES PA NI RIGS KYI DBANG GIS BSGOM PAR BYA'O ZHES DGONGS PA'O ZHES SBYOR RO ZHES PA NI BYA BA'I TSIG MED KYANG RTOGS PAR BYA'O ZHES BYA BA'I DON TO, ,DE LTAR ZHES BYA BA LA SOGS PAS GSUNG RDO RJE LA SOGS PA'I RNAL 'BYOR PA RNAMS KYIS KYANG DE NYID GOS DKAR MO DANG SGROL MA'I GZUGS SU BSGOM PAR BYA ZHES BSTAN TO, ,SKYES PA DANG BUD MED KYI DBANG PO ZHES PA NI RDO RJE DANG PADMA GNYIS ZHES BYA BA'I DON TO, ,PHAN TSUN RJES SU CHAGS PAS SNGON DU 'GRO BAS ZHES BYA BA'I RIM PA YIN TE, RE ZHIG DANG POR RNAL 'BYOR PAS JI LTAR BSHAD PA'I MTSAN NYID DANG LDAN PA'I PHYAG RGYA BLANGS LA, DE'I YAN LAG DANG NYING LAG LA DE BZHIN GSHEGS PA LNGA LA SOGS PA'I SA BON DGONG CING MIG DANG LCAGS KYU DANG BA DAN DANG SDIGS MDZUB GNYIS LA SOGS PA'I LAG PA'I PHYAG RGYA DE'I PADMA'I NANG DU BCUG LA BYANG CHUB SEMS 'DZAG PA 'DOD PA'I GDUGS LA SOGS PA'I RTZA RNAMS DRO BA'I REG PA RNYED PA'I BAR DU BSKUL NAS RANG GI RDO RJE'I RTZE MO NAS 'OD ZER GYI TSOGS SPRO ZHING, LHA MO'I PADMA'I SNGAR ZHUGS PA DES DE'I LUS PO'I NANG GSAL BAR BYAS NAS PADMA LAS KYANG 'OD ZER GYI TSOGS SPROS TE, RDO RJE'I LAM NAS THABS KYI LUS DES GSAL ZHING 'DOD PAS 'BYUNG NA RANG NYID KYIS THABS KYI RKE LA 'KHYUD PA'I 'DOD PA DANG LDAN PA'I PHYAG RGYA 'GYUR NA, AOm SARBA TA TH'A GA TA AA NU R'A GA NA BADZRA SVA BH'A WA A'A TM'A KO& H'Um, ,ZHES BRJOD NAS RDO RJE

, ,DANG PADMA SBYOR BA'I DUS SU AOm SARBA TA TH'A GA TA P'U DZA BADZRA SVA BH'A WA A'ATMA KO&HAm, ZHES BYA BA BRJOD PAS BSGOM PA GANG YIN PA DE NI PHAN TSUN RJES SU CHAGS PAR RNAL 'BYOR PAS BSGOM PAR BYA'O ZHES BYA BA'I DON TO, ,'KHYUD PA LA SOGS PA'I LAS RJES SU BSTEN PA STE ZHES PA NI 'KHYUD PA DANG 'O DANG 'JIB PA DANG SO DANG SEN MO GDAB PA LA SOGS PA RANG GI BYA BA RDZOGS PAR BYA'O ZHES BYA BA'I THA TSIG GO, ,RDO RJE 'CHANG CHEN PO ZHES PA NI SANGS RGYAS THAMS CAD KYI NGO BO GCIG PAS SO, ,MCHOG TU DGA' BA'I MTSAN NYID GCIG PA STE ZHES PA NI BDE BA CHEN PO ZHES BYA'O, ,'DIR ZHES BYA BA LA SOGS PAS RIM PA GNYIS SGOM PA PO'I NANG NA BSKYED PA'I RIM PA'I RNAL 'BYOR PA RNAMS LA NGES PAR GZUNG BAR BYA STE SNGAGS PA RJES SU GZHOL BA RNAMS KYI ZHES PA NI SNGAGS LA MNGON PAR ZHEN PA BSKYED PA'I RIM PA'I RNAL 'BYOR PA RNAMS KYI'O, ,CHO GA NI SNGAGS DGOD PA'I MTSAN NYID CAN ZHES BYA BA'I DON TO, ,YI GE H'Um YONGS SU GYUR PA LAS NI THUGS RDO RJE'I SA BON LAS 'BYUNG BA RTZE LNGA PA'I RDO RJE BSGOM PAR BYA'O, ,AOm GYIS NOR BU'I CHA BYIN GYIS BRLAB PAR BSAM PA DANG ZHES PA NI SRA BA YIN PAS RNAM PAR SNANG MDZAD KYI SA BON GYIS BYIN GYIS BRLAB PAR BYA'O, ,AA LAS PHYAG RGYA'I PADMA MNGON PAR 'DUS BYAS PA ZHES PA GSUNG RDO RJE 'CHANG GI SA BON SHES RAB KYI RANG BZHIN GYIS DAM TSIG GI PHYAG RGYA'I CHOS 'BYUNG SA BON DE NYID LAS BSKYED CING DE NYID DGOD PAR BYA STE, DE SHES RAB KYI YAN LAG YIN PAS SHES RAB KYI RANG BZHIN YIN PA'I PHYIR RO, ,RIN CHEN 'BYUNG LDAN GYI NGA RGYAL DANG LDAN PAS NI, NAM MKHA'I KHAMS KYI RANG BZHIN GYI RGYA CHE BA'I SEMS KYIS SO, ,YI GE H'Um GI RLUNG DANG DGA' BA NYID KYIS RDO RJE DANG PADMA SNYOMS PAR ZHUGS PA LAS 'BYUNG BA'I YI GE H'Um GI DBUGS BSGOMS PAS MNYES NAS TE, RANG GI PHYAG RGYA MNYES NAS MCHOG GI BSNYEN PA LA SOGS PAS SNANG BA LA SOGS PA'I YE SHES 'BYUNG BA DANG YANG DAG PAR SBYAR NAS SO, ,YI GE PHAt KYI SGRAS BYANG CHUB KYI SEMS DBAB PAR BYA'O ZHES PA NI LHAN CIG SKYES PA ZHES BYA BA BDE BA CHEN PO NYAMS SU

MYONG ZHING DE NAS DAM TSIG GI DKYIL 'KHOR BSKYED PAR BYA BA'I PHYIR RDO RJE'I LAM NAS PADMA'I NANG DU RANG GI RAGTA SPRO BAR BYA'O, ,RDO RJE'I TSIG GI DON 'DI YIN NO ZHES PA NI ZAB PA'I DON DANG LDAN PA'I TSIG DON ZHES BYA'O, ,'DI DAG THAMS CAD SKU GSUM GYI RTOG PA ZHES PA NI SNANG BA LA SOGS PA YE SHES GSUM GYI RDZOGS PA'I RIM PA DANG DAM TSIG DANG YE SHES DANG TING NGE 'DZIN SEMS DPA' GSUM GYI BDAG NYID DE BSKYED PA'I RIM PAS SO, ,RNAM PAR RTOG PA TZAM NYID YIN GYI ZHES PA NI BRTAGS PA YIN PA'I PHYIR RO, ,DE KHO NA NYID MA YIN NO ZHES PA NI THABS DANG SHES RAB KYI BDAG NYID DU BSGOM PA YANG YIN PA DE NI DON DAM PA MA YIN NO ZHES BYA BA'I THA TSIG GO, ,DE KHO NA NYID NI SPROS PA DU MAS BSGRUB BYA MA YIN TE 'BA' ZHIG TU RANG SNANG BA'I PHYIR RO, ,PHYAG RGYA LA SOGS PA'I RGYU'I TSOGS PA DE KHO NA NYID GSAL BAR BYED PA YIN GYI BYED PA NI MA YIN NO, ,DE KHO NA NYID NI RANG SNANG BA KHAMS GSUM LA GNAS PA STE, GLO BUR GYI DRI MA'I BAG CHAGS MANG BAS MI SNANG NGO ZHES PHAL CHER DU SNGAR BSHAD PAS 'DIR MA BSTAN TO, ,SNYOMS PAR ZHUGS PA'I DUS SU ZHES BYA BA LA SOGS PAS SNYOMS PAR ZHUGS PA'I BSGOM PA'I RIM PA'I KHYAD PAR BSTAN PAR BYA STE, DKAR PO LA SOG PA'I 'OD ZER LNGA ZHES PA NI DE BZHIN GSHEGS PA LNGA'I RANG BZHIN YIN PA 'AM, RDO RJE DANG PADMA DAG GIS 'DOD PA'I GDUGS LA SOGS PA'I RTZA LNGA DANG LDAN PA ZHES BYA BA'I DON TO, ,ZLA 'OD CES BYA BA LA SOGS PAS ZHES PA NI KHA DOG DKAR PO 'OD SPRO BA ZHES BYA'O, ,ZLA 'OD CES BYA BA LA SOGS PAS ME LONG LTA BU'I YE SHES KYI NGO BOS PHYI ROL DU YANG RNAM PA SNA TSOGS KYI 'OD ZER GYI TSOGS SPRO BA ZHES BYA BA'I THA TSIG GO, ,YID 'PHROG PA'I BUD MED CES PA NI PHYAG RGYA'I MTSAN NYID NU MA RGYAS PA DANG PADMA CAN DANG BYANG CHUB KYI SEMS 'DZAG PA DANG BDE BA'I SGRA MKHAS PA LA SOGS PA'I RNAL 'BYOR PA'I SEMS 'PHROG PA ZHES BYA BA'I DON TO, ,BSAM PA 'DI NI NYE BAR MTSON PA ZHES PA STE GSUNG DANG THUGS DANG RIN CHEN DANG DON YOD GRUB PA'I RNAL 'BYOR PA RNAMS KYIS RANG GI RJES SU 'BRANGS NAS, DMAR PO DANG SNGON PO DANG SER PO

, ,PO DANG KHA DOG LJANG GU DANG LDAN PA SNGAR BSHAD PA'I YON TAN GYI TSOGS KYIS BRGYAN PA'I PHYAG RGYA BSGOM PAR BYA ZHES BYA BA'I THA TSIG GO, ,DGONGS PA MA YIN PAS BSHAD PA'O ZHES PA NI SHIN TU GSAL BA'I DE KHO NA NYID BSTAN PA'I PHYIR RO, ,SNGAR GSUNGS PA'I RJES SU DRAN PA DRUG CES PA NI RIM PA GNYIS RJOD PAR BYED PA'O, ,NGES PAR STON PAR BZHED NAS ZHES PA NI PHYOGS GCIG TU CHAD PAR BZHED PAS SO, ,GZHAN DU NA MDOR BSTAN PA DANG RGYAS PAR BSHAD PA MTHUN PAR MI 'GYUR RO, ,GANG GI PHYIR LUS RNAM PAR DBEN PA NAS BRTZAMS TE RJES SU DRAN PA DRUG MDOR BSTAN PAR BYAS SO, ,'DI NI BSKYED PA'I RIM PA RNAM PAR SNANG MDZAD LA SOGS PA DE BZHIN GSHEGS PA LNGA'I SKU BSGOMS NAS RIM PA GNYIS KYIS 'OD GSAL LA ZHUGS NAS BDAG LA BYIN GYIS BRLABS PAS DE RNAMS RDO RJE 'CHANG CHEN PO'I SKU BSGOM PAR BYA'O, ,DE LTAR NA PHYOGS GCIG GI SGO NAS MDOR BSTAN PA DANG RGYAS PAR BSHAD PA RNAMS DANG 'BREL LO, ,LA LA NI MA LUS PAS 'BREL TE ZHES ZER TE GANG GI PHYIR BSKYED PA'I RIM PA'I RNAM PAR SNANG MDZAD LA SOGS PA'I SKU BSGOMS LA, RIM PA DANG POS NGAG RNAM PAR DBEN PAR BYAS TE GNYIS PAS 'OD GSAL BA LA 'JUG CING GSUM PAS DE RNAMS RNAM PAR SNANG MDZAD LA SOGS PA BSGOMS TE BZHI PAS 'OD GSAL BAR BYAS NAS LNGA PAS RDO RJE 'CHANG GI PHYAG RGYA CHEN PO'I SKU BSAM PAR BYA'O, ,DE BAS NA MDOR BSTAN PA DANG RGYAS PAR BSHAD PA RNAMS MTHUN PA YIN NO ZHES GNAS SO, ,DE NYID BSTAN PAR BYA BA'I PHYIR GNAS STON PAR MDZAD PA YIN TE ZHES SMOS TE, RGYAS PAR BSHAD PA'I RIM PAS BRTZON PAR BSHAD DO, ,STON PA PO RANG NYID KYIS ZHES PA NI 'DRI BA DANG LAN 'DEBS PAR RANG NYID KYIS MDZAD PA STE PHA ROL GYI RTOG PA LA DGONGS NAS ZHES TSIG LHAG MA'O, ,DE NYID YANG NAS YANG BSLAB PAR BYA BA YIN PAR SHES PA SHIN TU GSAL BAR BYA BA'I PHYIR RO, ,SGOM PA NI SEMS RTZE GCIG PA'I TING NGE 'DZIN GYI KHYAD PAR RO, ,BHA GA NI DON DAM PA'I BDEN PA ZHES PA NI CHAGS PA DANG BRAL BA LA SOGS PA'I RANG BZHIN

BCOM PAS SO, ,DE THIM PAS NA ZHES PA NI DE LAS 'BYUNG BA 'AM DE LA 'JUG PA'O, ,KUN RDZOB KYI BDEN PA'O ZHES PA NI SGYU MA LTA BU'I SKU'O, ,'OD GSAL BA LA RAB TU ZHUGS NAS ZHES PA NI PHYAG RGYA DANG TING NGE 'DZIN GYI RIM PAS STONG PAR BYAS NAS SO, ,SANGS RGYAS KYI SKU ZHES BYA BA LA SOGS PAS ZUNG DU 'JUG PA'I RIM PA BSTAN PAR BYA STE, DON DAM PA'I BDEN PA LAS LDANG BAR BYA'O ZHES PA NI MNGON PAR BYANG CHUB PA'I RIM PA LAS PHYAG RGYA CHEN PO'I SKU BLANG BAR BYA'O, ,BA SPU'I BU GA ZHES BYA BA LA SOGS PAS RIM PA LNGA PA LA GNAS PAS GZHAN GYI DON BSTAN TO, , DE LA GANG LAS BYUNG BA DE NI BA SPU'I BU GA STE BA SPU'I RTZA BA ZHES BYA'O, ,DE RNAMS KYI MTHA' NI RTZE MO'O, ,BA SPU'I GNYI GA'I BAR ZHES PA NI BA SPU'I BAR LA BYA'O, ,DES NA DON 'DI YIN TE DANG PO BSKYED PA'I RIM PAS RNAM PAR SNANG MDZAD LA SOGS PA'I SKU BSGOMS LA RDZOGS PA'I RIM PAS MI GNAS PA'I MYA NGAN LAS 'DAS PA'I DBYINGS KYI RANG BZHIN DE KHO NA NYID THOB NAS DE BZHIN GSHEGS PA THAMS CAD SPRO BA SNGON DU 'GRO BAR GZHAN GYI DON BYA'O ZHES TSIG GI DON TO, ,MKHAS PA NI RANG BZHIN SHES PA ZHES BYA BA LA SOGS PA'I RIM PA GNYIS THOB NAS RDO RJE 'CHANG GI GZUGS KYI RANG BZHIN SHES PAS SPRO BAR BYA'O ZHES BSTAN TO, ,DE LTAR ZHES BYA BA LA SOGS PAS SPRO BA'I KHYAD PAR BSHAD PAR BYA STE, GTI MUG LA SPYOD PA ZHES BYA BA LA SOGS PAS GTI MUG GI RIGS CAN RNAMS SANGS RGYAS SPRO ZHING GTI MUG GI DRI MA DE LAS BZLOG STE, RNAM PAR SNANG MDZAD DU GYUR PAS 'OD ZER GYI SBYOR BAS DE RNAMS RANG GI RDO RJE'I SKU LA 'JUG PAR BYA'O ZHES GZHAN GYI DON PHUN SUM TSOGS PA SGRUB PAR BSTAN TO, ,DE BZHIN DU GSUNG RDO RJE LA SOGS PA LA YANG SHES PAR BYA'O, ,MI 'JIGS PA'I NGO BO NYID YIN PA'I PHYIR RO ZHES PA NI, BRTAN PA SNYING PO KHONG STONG MED, ,GCAD MED DBYER MED MTSAN NYID DE, ,SRED PA MED CING 'JIG MED PA, ,STONG PA NYID NI RDO RJER BSHAD, ,CES 'BYUNG BAS SO, ,DE LA SNGAR BSHAD PA'I RIM PAS ZHES PA NI 'DOD CHAGS KYI SPYOD PA DANG LDAN PA SEMS CAN GYI KHAMS SBYANG BA'I RIM PAS SPRO ZHING BSDU BAR BYA'O, ,RDO RJE

, ,SEMS DPA' NI RDO RJE 'CHANG CHEN PO'O ZHES PA NI, LNGA SPONG BA DANG LNGA RIG PA, ,RDO RJE ZHES BYAR BSHAD PA YIN, ,DE LA SEMS DPA' NI RANG BZHIN GANG LA YOD PA DE LA RDO RJE SEMS DPA' ZHES BYA'O, ,SKU NI SA'O ZHES PA NI TSIG PHRAD KYI DON DU MA YIN PAS SO, ,LA STE 'DZIN CING BDAG GIR MDZAD PAS NA ZHES PA NI RE BA THAMS CAD YONGS SU RDZOGS PAS SO, ,RIN CHEN 'BYUNG LDAN NI NAM MKHA'I MDZOD KYI NYE BAR MTSON PAS SO, ,SANGS RGYAS THAMS CAD KYI RANG BZHIN YIN PAS NA RDO RJE 'CHANG CHEN PO'O, ,DAM TSIG GIS KHRO BAR MDZAD PAS NA, ZHES PA NI DAM TSIG NYAMS PA LA KHROS PA'I STOBS KYIS NGES PAR BSDAMS PA'AM SBYANG BAR BYED PA'O, ,DAM TSIG GSOS PA LA BCOM LDAN 'DAS DON YOD GRUB PA DBANG BYED PA YIN NO ZHES BLA MA'I RGYUD YIN NO, ,ZHE SDANG LAS BYUNG BA'I PHYIR KHRO BO NI MI BSKYOD PA ZHES BYA'O, ,DE NI SANGS RGYAS RJES SU DRAN PA LA SOGS PA LNGA POS RIM PA GNYIS SNGAR MDOR BSTAN PAS NI RGYAS PAR BSHAD PA YIN NO, ,DAM TSIG GI RJES SU DRAN PAS LAS KYI RGYAL BA MCHOG GI YAN LAG GCIG TSIM PAR BYA BA'I CHO GA BSTAN PAR BYA STE, DAM TSIG THAMS CAD SPRUL PAR MDZAD PAS NA DAM TSIG NI RDO RJE 'CHANG CHEN PO'O, ,YE SHES KYI SKU'I RANG BZHIN GYI ZHES PA NI YE SHES LNGA'I RANG BZHIN GYI LHA'I SKU ZHES BYA BA'I DON TO, ,BDAG LA BYIN GYIS BRLAB PA'I RIM PAS THOB PAR BYA BA'I YE SHES KYI SKU 'DIR 'CHAD PAR 'DOD PA MA YIN TE, DE RDZOGS PA'I RIM PA YIN PAS BDUD RTZIS TSIM PA'I CHO GA MI RIGS PA'I PHYIR RO, ,DGOS NA YANG RDZOGS PA'I RIM PA NYAMS PAR 'GYUR RO, ,DE'I PHYI NAS RJES SU DRAN ZHING ZHES PA NI TING NGE 'DZIN GNYIS KYIS RDZOGS PA RDO RJE 'CHANG NI SKU PHYI MA'I DUS SU'O, ,SPRUL PA'I SKU'O ZHES PA NI SPYAN MA LA SOGS PA LHA MO BZHIS BSKUL BA DANG, MI BSKYOD PA LA SOGS PA DE BZHIN GSHEGS PA LNGAS BSTOD PA LAS 'BYUNG BA'O, ,DE RGYAS PAR BYA BA'I PHYIR ZHES PA NI DE TSIM PA'I PHYIR RO, ,LCE RDO RJE NI RDO RJE LTA BU'I LCE BSGOMS NAS SO, ,RKAN GYI PADMA ZHES PA NI RKAN GYI PHYOGS SO, ,RDO RJE PADMA LA SOGS PAS DPE BSTAN TO, ,KLAD RGYAS NA

GNAS PA'I BDUD RTZI ZHES PA NI TSANGS PA'I BU GA'I NANG NA GNAS PA'I BYANG CHUB KYI SEMS SO, ,THIGS PA'I BSKUL BA DBAB PA'I CHA RNAMS KYIS ZHES PA NI AOm GYIS YI GE 'BAR BAS BZHUS PA DANG DBYANGS BCU DRUG GI BDAG NYID KYI ZLA BA'I DKYIL 'KHOR ZHES BYA'O, ,GZUGS KYI PHUNG PO LA SOGS PA ZHES PA NI PHUNG PO DANG KHAMS DANG SKYE MCHED KYI BDAG NYID KYI LUS SO, ,SEMS DANG SEMS LAS BYUNG BA RNAMS ZHES PA NI SEMS DANG SEMS LAS BYUNG BA'I RANG BZHIN TE, RNAM PAR SHES PA LUS BDE BAR GYUR NA SEMS LA YANG YID BDE BA BSKYED PA'I PHYIR RO, ,TSIM PAR BYA ZHES PA NI TSIM PA NYID MCHOD PA ZHES DGONGS PA'O, ,BDUD RTZI DBAB PA ZHES BYA BA LA SOGS PAS BDUD RTZI MYANG BA'I CHO GA LA PHAN YON BSTAN TO, ,TSIG GI DON 'DI YIN TE, PHRA MO'I RNAL 'BYOR DANG BZLAS PA DANG 'OD DU ZHU BA DANG LHA MOS BSKUL BAS LDANG BA DANG, DE BZHIN GSHEGS PAS BSTOD PA'I 'OG TU SEMS DUB PAR 'GYUR NA MTHO GANG TZAM BOR NAS RANG GI SPYI BOR CHA BCU DRUG YONGS SU GYUR PA LAS GDUGS DKAR PO LTA BU RGYAS PA BDUD RTZI LNGA'I RANG BZHIN GYI ZLA BA'I DKYIL 'KHOR DKAR PO BSAMS LA, DE'I DKYIL DU THUR DU KHA BLTAS PA YI GE AOm 'BAR BA DGOD DE, LCE'I RDO RJE RKAN GYI PHYOGS SU YANG DAG PAR SBYAR ZHING YI GE AOm DE'I 'BAR BAS DE BZHUS PAR 'GYUR BA TSANGS PA'I SGO NAS 'DZAG PA LCES MYANG BAR BSAMS LA KUN DU SPYOD PA'I RIM PAS LUS PO THAMS CAD TSIM PAR 'GYUR BA BSGOM PAR BYA'O, ,DE'I PHAN YON NI, RGA BA MA YIN GNYER BA MIN, , DE BZHIN DUS MED 'CHI BA MED, ,RDO RJE SEMS DPA' BZHIN DU DE'I TSE DANG NAD MED GZHON PAR 'GYUR ZHES 'BYUNG NGO, ,DE NI LAS KYI RGYAL BA MCHOG GI TING NGE 'DZIN TO, ,DKYIL 'KHOR RGYAL BA MCHOG GI TING NGE 'DZIN GYI DANG PO'I YAN LAG BSHAD PAR BYA STE, MCHOG SGRUB PA LA GNAS PA ZHES PA NI SNYOMS PAR 'JUG PA LA GNAS PA'O, ,PHYI'I BUD MED DANG YANG DAG PAR SBYOR BAS ZHES PA NI LEGS PAR SBYANGS PA SHIN TU SLOB PA DAM TSIG GI PHYAG RGYA DANG 'BREL PAS SO, ,BDUD RTZI 'BYIN PA'I DGOS PA BSTAN PAR BYA BA'I PHYIR ZHES PA NI SNYOMS PAR 'JUG PA LAS 'BYUNG

, ,BA'I BYANG CHUB KYI SEMS SPRO BAR BYA'O, ,PHYUNG BA'I DKYIL 'KHOR ZHES BYA BA NI BADZRA DHRi KA CES BYA BA LA SOGS PA'I PHYUNG BA'I SNGAGS KYI NGO BO BYANG CHUB SEMS KYI THIG LE RNAMS KYIS SPRUL PA'I DKYIL 'KHOR ZHES BYA BA'I DON TO, ,RANG GI BYA BA LA DBANG BYED PAS NA DBANG PO'O ZHES PA NI DKYIL 'KHOR PA SPRO BA'I PHYIR BDAG PO YIN PAS SO, ,SKYES PA DANG BUD MED KYI BDAG PO DAG STE ZHES PA NI SNGAR BSHAD PA'I RIM PAS SNGAGS KYI YI GE MA LUS PA DGOD PA GSANG BA'I RDO RJE DANG PADMA'O, ,'KHYUD PA LA SOGS PA'I SBYOR BA LA BYANG BA'O ZHES PA NI DPAL RDO RJE GDAN BZHI'I RGYUD LAS GSUNGS PA'I SGONG THOG LA SOGS PA'I BYA BA LA MKHAS PA'O, ,RANG GI SA BON ZHES PA NI BYANG CHUB KYI SEMS SO, ,RTZA SBUBS STONG BDUN CU RTZA GNYIS BSKUL NAS ZHES PA NI, RDO RJE DANG PADMA SNYOMS PAR 'JUG PA'I MTSAN NYID KYI SBYOR BAS SO, ,SNYING GAR PHYIN PA ZHES PA NI RTZA THAMS CAD KYI GTZO BOR GYUR PA SNYING GA NI 'DOD PA'I GDUGS TE RTZA DBU MA'O, ,DE LAS THOB PA'I BYANG CHUB SEMS ZHES BYA'O, ,RDO RJE'I LAM NAS PHAB PA'O ZHES PA NI SNANG BA LA SOGS PA'I YE SHES GSUM MYONG ZHING RTAGS LNGA MTSON PA SNGON DU 'GRO BA'I 'OD GSAL BA LA 'JUG STE, BADZRA DHRi KA CES BYA BA LA SOGS PA PHYUNG BA'I SNGAGS KYI BDAG NYID PHAt KYI SGRA STE SPRO BAR BYA'O, ,DE NAS ZHES BYA BA LA SOGS PAS BYANG CHUB KYI SEMS SPRO BA'I 'BRAS BU BSTAN PAR BYA STE, BU DANG TSA BO LA SOGS PA'I DKYIL 'KHOR ZHES PA NI RDO RJE 'CHANG CHEN PO LAS 'BYUNG BA'I PHYIR BU NI DE BZHIN GSHEGS PA LNGA'O, ,DE'I SPRUL PA YIN PA DANG DE'I BYA BA BYED PAS TSA BO NI SA'I SNYING PO LA SOGS PA BYANG CHUB SEMS DPA' RNAMS SO, ,DE RNAMS KYI DKYIL 'KHOR NI RANG RANG GI PHYUNG BA'I SNGAGS LAS 'BYUNG BA'O, ,DE LTAR GYUR PA'I DKYIL 'KHOR NI BRGYAN PA ZHES BYA BA LA CHOS 'BYUNG BA'I NANG DANG DAM TSIG GI DKYIL 'KHOR DANG SGRUB PA'I DKYIL 'KHOR LA YANG RGYAN DU GYUR PA'O, ,SANGS RGYAS NYID RAB TU STER BAS NA SANGS RGYAS KYI BUR GYUR PA'O, ,DE LTAR ZHES BYA BA LA SOGS PAS NYE BAR BSDUS PA BSTAN TO, ,DGONGS PAS BSHAD PA ZHES PA NI 'GAL BA'I

SGRA'I SGO NAS DKYIL 'KHOR GYI DE KHO NA NYID BSTAN PAS SO, ,DKYIL 'KHOR RGYAL BA MCHOG CES BYA BA'I TING NGE 'DZIN TO, ,RNAL 'BYOR NI THUGS RJE CHEN PO BSGOM PA SNGON DU 'GRO BA KHYAD PAR GYI GNAS BZUNG BA DANG BGEGS BSKRAD PA DANG, STONG PA NYID BSGOM PA DANG, YE SHES KYI SA GZHI BSGOM PA DANG, GZHAL YAS KHANG PA BSKYED PA DANG, LHAG PAR MOS PA'I DKYIL 'KHOR BSGOM PA DANG, DON DAM PA'I DKYIL 'KHOR BSGOM PA DANG, GDAN LA SOGS PA'I DBYE BA DANG, CHOS KYI DBYINGS KYI SNGAGS KYIS BYIN GYIS BRLAB PA DANG, ZLA BA'I DKYIL 'KHOR BSGOM PA DANG; ,DE LA SA BON DGOD PA DANG, ,DE YONGS SU GYUR PA LAS PHYAG MTSAN DANG, DE YONGS SU GYUR NAS RDO RJE SEMS DPA' LA SOGS PA'I SKU RDZOGS PA DE RNAL 'BYOR RO, ,YE SHES SEMS DPA' DANG TING NGE 'DZIN SEMS DPA' GNYIS BSGOM PA NI RJES SU RNAL 'BYOR RO, , PHUNG PO DANG KHAMS DANG SKYE MCHED DANG, DE BZHIN GSHEGS PA DANG LHA MO DANG BYANG CHUB SEMS DPA'I SA BON GYI BYIN GYIS BRLABS PA NI SHIN TU RNAL 'BYOR RO, ,DE RDZOGS NAS GANG ZHIG BYA BA YIN PA DE ZHES PA NI SKU LA SOGS PA BYIN GYIS BRLABS PA'I MTSAN NYID CAN GYI RNAL 'BYOR CHEN PO'O; ,DE BSTAN PA'I PHYIR ZHES PA NI GSAL BAR BSHAD PA'I PHYIR RO, ,RNAM PAR SNANG MDZAD LA SOGS PA ZHES PA NI GZHUNG GI 'DI SKAD BSHAD PAR BYA STE, MGO BO DANG LKOG MA DANG SNYING GA'I PHYOGS SU ZLA BA DANG PADMA DANG RDO RJE YI GE GSUM LAS 'BYUNG BA BSGOMS NAS, DE'I STENG DU DKAR PO DANG DMAR PO DANG SNGON PO'I YI GE AOm LA SOGS PA GSUM PO DE NYID BKOD LA, DE RNAMS LAS BYUNG BA'I 'OD ZER GYI TSOGS LAS SPYAN MA DANG NA BZA' DKAR MO DANG M'A MA K'I'I TSOGS SPROS LA DES 'OG MIN DANG BDE BA CAN DANG MNGON PAR DGA' BA'I SANGS RGYAS KYI ZHING NA BZHUGS PA, RNAM PAR SNANG MDZAD DANG 'OD DPAG TU MED PA DANG MI BSKYOD PA RNAMS TSIG SNYAN PA DANG ROL PA'I NYAMS KYIS GSOL BA 'DEBS SHING RJES SU CHAGS PAR BYAS LA PHYAG GI ZHAGS PAS 'KHYUD CING 'GUGS TE MDUN DU GZHAL YAS KHANG PA'I SHAR PHYOGS KYI SGOR SNA

, ,TSOGS PADMA DANG ZLA BA'I DKYIL 'KHOR GYIS STENG DU BZHUGS NAS, MCHOD PA LNGAS MCHOD CING MNYES PA BYAS NAS SPYAN MA LA SOGS PA DE DANG LHAN CIG TU 'JUG PAR BYA STE, DPAL LDAN RDO RJE GSUNG GI LAM, ,ZHES BYA BA'I GSOL BA GDAB PA SNGON DU 'GRO BAS AOm SARBA TA TH'A GA TA K'A YA W'A KA TZI TTA BADZRA SVA BH'A WA A'ATMA KO&HAm, ZHES BYA BA LA SOGS PA SNGAGS KYI TSIG RNAMS KYIS BRTAN PAR BYAS LA, TSIGS SU BCAD PA 'DI RNAMS KYIS NGA RGYAL BYA'O, ,RNAM PAR SNANG MDZAD DE ZHES PA NI LUS RNAM PAR DAG PA'I RANG BZHIN YIN PAS SO, ,DUS GSUM ZHES PA LA SOGS PAS LONGS SPYOD RDZOGS PA DANG SPRUL PA'I SKU'I RANG BZHIN GYIS RNAM PAR SNANG MDZAD KYI DKYIL 'KHOR DU ZHUGS PAS DE'I RANG BZHIN GYI NGA RGYAL BYA'O ZHES BSTAN TO, ,SPRUL PA'I SKU GANG ZHIG YOD PA ZHES PA NI SEMS CAN GYI DON MDZAD PA'I PHYIR DANG 'BYUNG BA'I SKU NI SPRUL PA'I SKU ZHES BYA'O, ,GZHAN DU NA RTAG TU DGA' BA NAM MKHA' DANG MTSUNGS PA ME LONG LTA BU LA SOGS PA'I YE SHES KYI RANG BZHIN GYI DE BZHIN GSHEGS PA RNAMS LA SKU DANG 'BREL BA CI DGOS SO, ,JI SKAD DU, DMAR DANG LJANG GU DUR KHA STE, ,KHYED LA SKU MDOG YOD PA MIN, ,DKAR NAG SER PO MA YIN PA'I, ,KHA DOG LAS 'DAS KHYOD LA 'DUD, ,CHEN PO MA YIN THUNG BA MIN, ,RING PO MA YIN ZLUM PO MIN, ,TSAD MED KYI NI TSUL THOB PA'I, ,TSAD MED KHYOD LA PHYAG 'TSAL BSTOD, ,CES 'BYUNG NGO, ,BDAG GI SLOB MAR GYUR PA YANG, ,ZHES PA NI SLOB MAR 'DOD PA'I YANG NGO, ,LUS NI LTA BU'I NGO BOR GYUR CIG PA STE ZHES PA NI RNAM PAR SNANG MDZAD KYI RANG BZHIN SKYES BU CHEN PO'I MTSAN SUM BCU RTZA GNYIS KYIS BRGYAN PA, DPE BYAD BZANG PO BRGYAD CU DANG LDAN PAR GYUR CIG ,GSOL BA NI GSOL PA 'DEBS PAR BYA'O, ,DE'I NGO BO NYID DU GYUR PAS NA ZHES PA NI GSUNG RAB YAN LAG BCU GNYIS KYI RANG BZHIN YIN PAS NA 'OD DPAG TU MED PA'O ZHES GRAGS SO, ,BYANG CHUB KYI SEMS KYI NGO BO YIN PAS NA RDO RJE'O, ,GSUNG RAB THAMS CAD KYI CHOS KYI RANG BZHIN YIN PAS NA CHOS SO, ,RDO RJE YANG YIN LA CHOS KYANG YIN PAS NA RDO RJE CHOS TE NGAG GI DBANG PHYUG

CES BYA BA'I DON TO, ,NGES PA NI MING GI RNAM GRANGS THAMS CAD KYI SGO NAS BSHAD PA NI GSUNG BA STE NGES PAR BSHAD PA'O, ,YANG DAG PA ZHES PA NI PHYIN CI MA LOG PA GANG LA YOD PA DE LA DE SKAD CES BYA'O, ,NYE BAR MTSON PA TZAM STE ZHES PA NI NGES PA'I TSIG 'BA' ZHIG TU MA YIN NO, ,DES ZHES BYA LA SOGS PA NI DE LA CHOS SO SO YANG DAG PAR RIG PA NI GSUNG RAB YAN LAG BCU GNYIS KYI CHOS MA LUS PA KHA TON DU MNGA' BA'O, ,DON SO SO YANG DAG PAR RIG PA NI DE'I BRJOD PAR BYA BA'I DON DRAN PA'O, ,SPOBS PA SO SO YANG DAG PAR RIG PA ZHES PA NI SNGAR MA BYUNG BA'I GZHAL BYA RTZOM PAR BYED PA STE, JI SKAD DU, SAR ZHING SAR PA'I GZHAL BYA NI, ,RTZOM PA'I SHES RAB SPOBS PAR BSHAD, ,CES 'BYUNG NGO, ,CHOS 'DZIN PA DANG 'DRA BAR GYUR CIG PA'O ZHES PA NI YAN LAG DRUG CU DANG LDAN PA PADMA'I 'DAB MA DANG MTSUNGS PA MNGA' BA G-YAS SU 'KHYIL PA'I DUNG DANG 'DRA BA'I LKOG MA'I PHYOGS SU GNAS PA GSUNG RNAMS SU GYUR CIG CES GSOL BA 'DEBS PA'O, ,MI BSKYOD PA'O ZHES PA NI CHOS KYI DBYINGS KYI YE SHES KYI RANG BZHIN SEMS YIN PAS SO, GLO BUR GYI DRI MA SO SOR SNANG BA DANG LDAN PAS 'KHOR BAR 'KHOR BAR 'GYUR RO, ,SEMS 'DI'I RANG BZHIN 'OD GSAL TE, GLO BUR PA RNAMS DRI MA YIN, ,CHU KHAMS GSER DANG NAM MKHA' YI, ,DAG PA BZHIN DU DAG PAR 'DOD, ,CES 'BYUNG NGO, ,GSANG BA NI GNYIS SU MED PA'I YE SHES SO ZHES PA NI CHOS KYI DBYINGS GYI YE SHES SO, ,DE GSUNG ZHING STON PAR MDZAD PA STE ZHES PA NI DE STON PAR MDZAD PAS NA GU HYA KA NI GSANG BA STE BCOM LDAN 'DAS RNAM PAR SNANG MDZAD LA SOGS PA'O, ,DE KHO NA NYID BSTAN PA RNAMS KYI GTZO BOR GYUR PA ZHES PA NI DE RNAMS KYI BDAG PO YIN PAS THUGS RDO RJE'O, ,BLO NI REG BYA RDO RJE'I ZHES PA NI SHES RAB KYI RANG BZHIN YIN PA'I PHYIR RO, ,KUN NAS BZANG BAS NA ZHES PA LA THOG MA DANG BAR MA DANG THA MAR BZANG BA NI DE DAG GANG LAS 'BYUNG BA DE NI KUN DU BZANG PO STE DPAL THUGS KYI RDO RJE 'CHANG BA'O, ,DE LTA BU'I ZHES BYA BA LA SOGS PAS NYON MONGS PA DANG, SHES BYA'I SGRIB PA DANG BRAL BZLA BA'I

, ,DKYIL 'KHOR RDZOGS PA DANG 'DRA BAR BDAG LA YANG SEMS GYUR CIG CES GSOL BA 'DEBS PAS NGA RGYAL BYA'O, ,SGRA JI BZHIN PA'O ZHES PA NI DANG PO SBYOR BA'I TING NGE 'DZIN GYI PHYOGS GCIG RNAL 'BYOR CHEN PO'I MTSAN NYID 'CHANG BAR 'DOD PA'I PHYIR RO, ,DE NI SOGS PA'I SGRAS SHES PAR BYA'O, ,DA NI ZHES BYA BA LA SOGS PAS BSKYED PA'I RIM PA'I RNAL 'BYOR PA RNAMS LA SKU LA SOGS PA BYIN GYIS BRLAB PA BSTAN NAS RDZOGS PA'I RIM PA'I RNAL 'BYOR PA RNAMS LA YANG BSTAN PAR BYA STE, SGRUB PA'I MCHOG LA GNAS PA'I ZHES PA NI RDZOGS PA'I RIM PA'I RNAL 'BYOR PA'O, ,RANG BZHIN YONGS SU SHES PA TZAM GYIS ZHES PA NI KHAMS GSUM LA GNAS PA'I SEMS CAN GYI KHAMS KYI LUS LA SOGS PA DANG, BDAG GI YANG LUS LA SOGS PA GANG YIN PA DE DAG THAMS CAD NGO BO NYID DU MNYAM PA YIN TE, CHOS KYI DBYINGS KYI RANG BZHIN YIN PAS SO, ,SGO NGA LAS SKYES PA DANG ZHES PA NI, 'DAB CHAGS BYA LA SOGS PA'O, ,MNGAL NAS SKYES PA DANG ZHES PA NI MI DANG PHYUGS DANG RI DAGS LA SOGS PA'O, ,DROD GSHER LAS SKYES PA DANG ZHES PA NI SBRANG BU LA SOGS PA'O, ,BRDZUS TE SKYES PA DANG ZHES PA NI DMYAL BA DANG YI DAGS DANG LHA DANG LHA MA YIN RNAMS SO, ,BSHAD MA THAG PA RNAMS KYI'O ZHES PA NI RNAM PA BZHI'I SEMS CAN RNAMS KYI SKYE GNAS ZHES BYA BA'I THA TSIG GO, ,'DI NI LUS SO ZHES PA NI RKANG PA'I DKYIL NAS BRTZAMS TE MGO BO'I BAR DU BSHANG GCI LA SOGS PA'I RDZAS RNAMS KYIS GANG BA'O, ,'DI NI DAG GO ZHES PA NI RNAM PA BZHI'I GNAS NGAN LEN PA LA SOGS PA'I RTOG PA BZHI DANG BCAS PA'O, ,'DI NI SEMS SO ZHES PA NI RNAM PAR SHES PA BRGYAD KYI MTSAN NYID RNAM PA SNA TSOGS PA'I SEMS LAS BYUNG BA'I CHOS DANG LDAN PA'O, ,BRTAGS PA ZHES BYA BA LA SOGS PAS DE LTAR GYUR PA LUS LA SO SOR SNANG BA'I SEMS NI KHAMS GSUM PA DANG, BDAG GIS GANG YIN PA DE NI 'DRA BA YIN NO, ,CI'I PHYIR ZHE NA ZHES PAS GTAN TSIGS BSHAD PAR BYA STE, DE KHO NA NYID RIG PA ZHES PA NI RDZOGS PA'I RIM PA LA GNAS PA'I RNAL 'BYOR PA

RNAMS KYI'O, ,GANG GI PHYIR SEMS DE NAM MKHA' DANG 'DRA BA'I ZHES PA NI NAM MKHA'I DKYIL DANG MTSUNGS PA'O, ,'DRES PAR GYUR PAS ZHES PA NI SEMS NYAMS PAS SO, ,JI SKAD DU, DNGOS PO KUN NI DNGOS PO GCIG RANG BZHIN, ,DNGOS PO GCIG NI DNGOS PO KUN NGO BO, ,GANG GIS DNGOS GCIG DE NYID DU MTHONG NA, ,DNGOS PO KUN GYI DE NYID NGES MTHONG 'GYUR, ,ZHES 'BYUNG NGO, ,'DIS NI THAMS CAD DU SONG BA'I DBANG PHYUG TU BSTAN PAS ZHES PA NI THAMS CAD DU SONG BA NI KHAMS GSUM GYI YUL CAN NO, ,DBANG PHYUG NI SEMS KYI DBANG PHYUG GANG YIN PA DE BSTAN PAS SO, ,THUGS BYIN GYIS BRLAB PAR 'GYUR RO ZHES PA NI SEMS KYI MNYAM PA NYID SHES PAS SO, ,ZLA BA'I DKYIL 'KHOR DANG 'DRA BA'I, ,SEMS NI RANG NYID KYIS MTHONG 'GYUR, ,ZHES 'BYUNG NGO, ,DE NI THUGS BYIN GYIS BRLAB PA'O, ,TSIG THAMS CAD DON ZHES PA NI SNGAGS KYI SGRAS TSIG GI DON STON PAS SO, , PHUNG PO DE DAG GI TSOGS SO ZHES PA NI 'BYUNG BA CHEN PO LAS RGYUR GYUR PA'I SGRA ZIN PA LA SOGS PA'I DBYE BA'AM, YI GE DANG TSIG DANG NGAG DANG NGAG CHEN PO LA SOGS PA'I DBYE BA'AM, CHOS KYI PHUNG PO BRGYAD KHRI BZHI STONG GI DBYE BAS SO, ,SKU DANG ZHES BYA BA NI BRJOD PAR BYA BA'I THUGS GANG YIN PA ZHES PA LA LUS NYID DU SNANG BA'I SEMS SO, ,SKU'I NGO BO NYID DU YONGS SU GYUR PA DE NI ZHES PA SEMS NYID LUS KYI RNAM PA NYID DU SNANG BA'I PHYIR RO, ,LUS NI LOGS SU YOD PA MA YIN TE, GZHAN GYI SNANG BA YIN PA'I PHYIR RO, ,RANG SNANG BA GANG YIN PA DE NI DON DAM PAR YOD PA STE, RANG GI RNAM PAR SHES PA YIN NO, ,GZUGS LA SOGS PA NI GZHAN GYI SNANG BA YIN NO ZHES RANG BZHIN GYI GTAN TSIGS SO, ,SEMS CAN THAMS CAD KYI SNGAGS KYI GZUGS DANG, SKU DANG GSUNG DANG THUGS GANG YIN PA LA ZHES PA NI NGAG DANG, LUS KYANG GANG ZHES BYA BA'I DON TO,, YAN LAG CES PA NI NGAG DANG LUS DANG CES BYA BA'I DON TO, ,NGAG YIN LA ZHES PA NI SMRA BA'I DON DANG LDAN PAS SO, ,MI PHYED PAS NA RDO RJE'O ZHES PA NI SO SO SKYE BO RNAMS KYIS DGAG PAR BYA BA MA YIN PA'O, ,LUS NGAG YIN PA NI LUS KYI SGRA NI TSOGS KYI RNAM GRAGS SO, ,DE

, ,NYID BSTAN PAR BYA STE, SGO NGA LAS SKYES PA LA SOGS PA'I SGRA'I TSOGS GANG YIN PA DE NI, DE RNAMS KYI RNAM PA SNA TSOGS PA'I SKAD RNAMS SO, ,DES NI SEMS CAN THAMS CAD KYI NGAG GI TSOGS BSTAN TO, ,KUN DU RTOGS PAS NA ZHES PA NI BSGOM ZHING THA SNYAD DU BYA'O, , TSIG GI SKU RNAM PAR BSGOM PA NI NGAG GI SGO NAS LUS THA SNYAD DU BYA'O, ,TSIG TU BRJOD CING SKU ZHES BTAGS PA NI NGAG GIS BRJOD PA LUS ZHES BRDAR BSTAN PAR BYA STE, RNAM PAR RTOG PA'I TSIG 'BYUNG BA DANG, TSIG LAS SGRA 'BYUNG BA'I PHYIR SGRA RNAMS KYI LAS ZHES THA SNYAD DU BYAS TE, SGRA RNAMS KYIS NI BRDA STON PA, ,DE NI THA SNYAD BYA PHYIR BSHAD, ,CES 'BYUNG NGO, ,DE DANG 'DRA BA'I SKU ZHES PA NI NGAG GI BRJOD PA THA SNYAD DU BYAS PA'O, ,SEMS CAN THAMS CAD KYI SNGAGS KYI GZUGS DANG ZHES PA NI TSIG GI TSOGS SO, ,DE RNAMS NYID KI SGO NGA LA SOGS PA SNGAR BSHAD PA RNAMS KYI'O, ,RDO RJE CHEN PO'I SKU ZHES PA NI LUS NYID DO, ,BDAG GI LUS ZHES BYA BA LA SOGS PAS KHAMS GSUM LA GNAS PA'I LUS DANG NGAG DANG BDAG GI YANG DE DAG MNYAM PA YIN NO ZHES BYA BA'I THA TSIG GO, ,DUS GSUM NI 'DAS PA LA SOGS PA'I DUS GSUM LA'O; ,DE NI DUS MNYAM PA YANG RAB TU BSTAN PA YIN NO, ,'O NA 'DAS PA DANG MA 'ONGS PA NI 'JIG PA DANG MA PHYIN PA'I PHYIR JI LTAR MNYAM PA YIN ZHE NA, DA LTAR BYUNG ZHING ZHES BYA BA LA SOGS PA NI DA LTAR BYUNG BA'I DUS NI DUS KUN LA 'DRA BA YIN PAS DE LA LOG PAR RTOG PA NI MED DO, , 'DAS PA DANG MA 'ONGS PA GANG YIN PA DE DAG DE'I CHA TZAM GYIS BRTEN TE DUS GSUM BRTAG PAR BYA'O ZHES SKYON MED DO, ,YANG RGYUN RTAG PA NYID KYIS DA LTAR BYUNG BA'I DUS NI 'DAS PA DANG, MA 'ONGS PA'I TSUL DU THOB PAS DUS GSUM LA GNAS PA'I SEMS CAN THAMS CAD KYI NGAG DAG DANG LUS MNYAM PA NYID KYI LHAG PAR MOS PA RNAL 'BYOR PAS BYA'O ZHES DGONGS PA'O, ,SNGAGS 'DZIN PA NI RDO RJE 'CHANG CHEN PO STE ZHES BYA BA LA, DE BZHIN GSHEGS PA THAMS CAD SPRO BA DANG BSDU BA MDZAD PA'I PHYIR RO, ,DES NI RDZOGS PA'I RIM PA'I RNAL 'BYOR PA RNAMS KYIS RDO RJE

'CHANG CHEN PO'I LHAG PAR MOS PAS KHYAMS GSUM GYI YUL CAN GYI LUS LA SOGS PA DANG, RANG GI BDAG NYID KYI LUS LA SOGS PA YANG MNYAM PA NYID DU RTOGS PAR BYA'O ZHES BSTAN PA YIN NO, ,BDAG NI SANGS RGYAS KUN NYID DE, ,BYANG CHUB SEMS DPA' THAMS CAD NYID, ,DE PHYIR 'BAD PA THAMS CAD KYIS, ,RANG GI BDAG NYID RTAG TU MCHOD, ,CES 'BYUNG NGO, ,DE BZHIN DU, NAM MKHA'I DBYINGS NI THAMS CAD LA, ,DPAL LDAN RDO RJE SEMS DPA' BZHUGS, ,ZHES DPAL BDE MCHOG LAS 'BYUNG NGO, ,DGONGS PAS BSHAD PA ZHES PA NI SNGAGS DANG SKU LA SOGS PA'I 'GAL BA'I TSIG GI SGO NAS RDZOGS PA'I RIM PA BSTAN PAS SO, ,RNAL 'BYOR PA THAMS CAD KYI THUN MONG GI ZHES PA NI RIM PA GNYIS SGOM PAR BYED PA'I RNAL 'BYOR PA DAG GIS LHAG PAR RTOGS PAS NA MNYAM PA'O, ,DON DAM PA'I DKYIL 'KHOR GYI RIM GYIS ZHES PA NI NGO BO MED PA'I MTSAN NYID DE DKYIL 'KHOR MA LUS PA NYE BAR BSDUS PAS SO, ,DE LA BSKYED PA'I RIM PA'I RNAL 'BYOR PA RNAMS KYIS DKYIL 'KHOR RGYAL BA MCHOG GI MTHAR LAS KYI RGYAL MCHOG GI PHYOGS GCIG DKYIL 'KHOR MA LUS PA NYE BAR SDUD PA'I MTSAN NYID KYI DON STON PA DANG, RDZOGS PA'I RIM PA YANG SEMS RNAM PAR DAG PA'I RIM PAS 'OD GSAL BAR BYA ZHES PA'I DON TO, ,MI 'DA' BA'I DON NI 'OD GSAL BA STE THAMS CAD KYIS DE NYID 'DOD PAS SO, ,SEMS NI RAB TU 'JUG PA'I PHYIR, ,DPYOD LA 'JUG PAR MI BYA STE, ,'KHOR BA 'JOMS PAR BYA BA'I PHYIR, ,MA LUS PA YI BLO MNYAM PA'O, ,ZHES 'BYUNG NGO, ,SANGS RGYAS KYI SKU BKYED PA'I RJES THOGS LA ZHES PA NI DANG POR SBYOR BA DANG, DKYIL 'KHOR RGYAL BA MCHOG GI TING NGE 'DZIN DAG GI SEMS CAN GYI KHAMS LUS PA SPYOD BAR BYED PA'I RNAL 'BYOR PAS SO, ,DON DAM PA'I BDEN PA RTOGS PA STE ZHES PA NI PHRA MO'I RNAL 'BYOR DANG BZLAS PA'I 'OG TU ZHU BA'I DE NYID BSTAN PA'I PHYIR, DAM TSIG LAS NI KHU BA PHYUNG STE ZHES BYA BA LA SOGS PAS LEGS PAR SBYANGS PA'I PHYAG RGYA DANG SNYOMS PAR ZHUGS PAS DE BZHIN GSHEGS PA THAMS CAD 'JUG PA

, ,SNGON DU 'GRO BAR REG BYA RDO RJE MA'I CHOS 'BYUNG BA'I NANG DU BADZRA DHi KA CES BYA BA LA SOGS PA PHYUNG BA'I SNGAGS KYIS DKYIL 'KHOR PA MA LUS PA SPRO BAS DAM TSIG GI DKYIL 'KHOR BSKYED LA, DE LAS KYANG PHYI ROL DU SPROS TE PHYOGS BCU LA GNAS PA'I SEMS CAN GYI KHAMS RAB TU SBYOR BA SNGON DU 'GRO BAR SGRUB PA'I DKYIL 'KHOR DGOD PA DANG, DBANG BSKUR BA DANG, RGYAS GDAB PA BYAS LA PHRA MO'I RNAL 'BYOR DANG BZLAS PA BYAS TE, BYA BA BYAS NAS DKYIL 'KHOR LA 'JUG PA SNGON DU 'GRO BAR DBU MA NAS BYUNG RO MNYAM PAR GYUR PA 'OD DU ZHU BA NYID BSTAN TO, ,SHES RAB DANG THABS SU SBYOR BAS SO ZHES PA NI THUGS RDO RJE DANG REG BYA RDO RJE MA LA SNYOMS PAR ZHUGS PAS SO, ,DE NAS MER MER PO LA SOGS PA'I RIM GYIS ZHES PA NI SNANG BA LA SOGS PA NYAMS SU MYONG BA SNGON DU 'GRO BAR DBU MA NAS 'BYUNG BA'I BYANG CHUB KYI SEMS KYI THIG LE 'DZAG PA DANG SRA BAR GYUR PA DANG BSDU BAR GYUR PA'I RIM PAS SO; ,MNGON PAR 'PHEL LO ZHES PA NI SNGAGS LA SOGS PA'I GZUGS KYIS 'PHEL BAR 'GYUR RO, ,DE NYID SA BON DANG MYU GU DANG 'DRA BA ZHES PA NI BADZRA DHi KA LA SOGS PA PHYUNG BA'I SNGAGS KYI GZUGS NI SA BON NO, ,DE YONGS SU GYUR PA LAS DKYIL 'KHOR PA RNAMS 'BYUNG BA NI MYU GU'O, ,GZHON NU NI THIG LE PHYUNG BA'I MTSAN NYID DO, ,BAR MA NI PHYUNG BA'I SNGAGS YONGS SU GYUR PA'I MTSAN NYID DO, ,GNAS SKABS ZHES PA NI RNAM PAR SNANG MDZAD LA SOGS PA'I DKYIL 'KHOR BA RNAMS KYI GZUGS GRUB PA'I MTSAN NYID DO, ,YANG NA GZHON NU NI DAM TSIG SEMS DPA' BSKYED PA'I MTSAN NYID DO, ,BAR MA NI YE SHES SEMS DPA' DGOD PA'I MTSAN NYID DO, ,SKABS NI TING NGE 'DZIN SEMS DPA' DGOD PA'I MTSAN NYID DO, ,DE NAS CHOS 'BYUNG GI NANG DU SEMS DPA' GSUM GYI BDAG NYID DKYIL 'KHOR PA BSKYED PA NI GZHON NU DANG BAR MA'I GNAS SKABS THOB PA ZHES BYA'O; ,DE NYID BSTAN PAR BYA BA'I PHYIR, RNAM PAR SNANG MDZAD LA SOGS PA SKU'I DKYIL 'KHOR NI YONGS SU RDZOGS PA MTSANG BA MED PAR BZHUGS PA NI SANGS RGYAS KYI BYA BA RDZOGS PA 'GRO BA'I DON RDZOGS NAS SHAR LA SOGS PA LA BZHUGS PA'O, ,'DOD PA'I YON TAN LNGA RJES SU MYONG

BAR 'GYUR RO ZHES PA NI RANG GI PHYAG RGYA DANG SNYOMS PAR ZHUGS PAS GZUGS LA SOGS PA'I YUL LNGA SO SOR SDUD PA DANG, BSAM GTAN GYI YAN LAG GIS MYONG ZHING SPYOD PAR 'GYUR RO, ,DES NI DKYIL 'KHOR RGYAL BA MCHOG GI TING NGE 'DZIN RAB TU BSTAN TO, ,DE NAS ZHES BYA BA LA SOGS PAS PHRA MO'I RNAL 'BYOR DANG BZLAS PA'I 'OG TU 'OD DU ZHU BA NYID BSTAN TE, RDO RJE PHRENG BA ZHES BYA BA LA SOGS PA'I DON NI 'DI YIN TE, BYA BA BYAS PAR BDAG NYID SHES NA RNAM PAR SNANG MDZAD DANG, SPYAN MA DANG, GZUGS RDO RJE MA DANG, SA'I SNYING PO DANG, BYAMS PA DANG, GSHIN RJE MTHAR BYED DANG; 'DOD PA'I RGYAL PO RNAMS 'OD ZER GYI SBYOR BAS BSDUS LA GZUGS KYI PHUNG PO LA 'JUG GO, ,RIN CHEN 'BYUNG LDAN DANG, M'A MA K'I DANG, SGRA RDO RJE MA DANG, NAM MKHA'I SNYING PO DANG, LAG NA RDO RJE DANG, SHES RAB MTHAR BYED DANG, MI G-YO BA RNAMS NI TSOR BA'I PHUNG PO LA 'JUG GO, , 'OD DPAG TU MED PA DANG, GOS DKAR MO DANG, DRI RDO RJE MA DANG, 'JAM DPAL DANG, SPYAN RAS GZIGS DANG, PADMA MTHAR BYED DANG, DBYUG SNGON CAN RNAMS 'DU SHES KYI PHUNG PO LA 'JUG GO, ,DON YOD GRUB PA DANG, DAM TSIG SGROL MA DANG, RO RDO RJE MA DANG, SGRIB PA THAMS CAD RNAM PAR SAL BA DANG, KUN DU BZANG PO DANG, BGEGS MTHAR BYED DANG, STOBS PO CHE STE 'DU BYED KYI PHUNG PO LA 'JUG GO, ,GNOD MDZES RGYAL PO DANG, GTZUG TOR 'KHOR LOS SGYUR BA GNYIS DANG, SNGAR BSHAD PA'I PHUNG PO BZHI PO RNAM PAR SHES PA'I PHUNG PO LA 'JUG GO, ,RNAM PAR SHES PA GSUM PA YANG 'OD GSAL BA LA 'JUG PAR BYA STE, DE'I RIM PA NI REG BYA RDO RJE MA DANG SNYOMS PAR ZHUGS PAS BDAG NYID RTAG TU DGA' BA DANG LDAN PAR BSGOMS TE TSANGS PA'I SGO NAS BYANG CHUB KYI SEMS 'BYUNG BA'I DUS SU SNANG BA'I YE SHES NYE BAR MTSON ZHING YAN LAG THAMS CAD KYI TSIGS KHYAB PA'I DUS SU MCHOG TU DGA' BA'I BDE BA SNANG BA MCHED PA'I YE SHES NYAMS SU MYONG ZHING RDO RJE'I DKYIL 'KHOR LA BYANG CHUB KYI SEMS GNAS PAR GYUR NA SNANG BA NYE BAR THOB PA'I YE SHES MNGON DU BYAS TE, SMIG RGYU DANG, DU BA DANG MKHA' SNANG DANG, MAR ME

, ,DANG; SPRIN MED PA'I NAM MKHA' DANG 'DRA BA'I RTAGS LNGA, DE NYID MTHONG BA LA MI SLU BA MTHONG NAS SPROS PA THAMS CAD DANG BRAL BA'I DE KHO NA NYID BZHI PA MNGON DU BYA'O, ,DE NI DON DAM PA'I DKYIL 'KHOR LA 'JUG PA'I CHO GA'O, ,RANG BZHIN LNGA BCU'I ZHES PA NI GZUGS NI RNAM PA GNYIS TE; KHA DOG DANG DBYIBS KYI DBYE BAS SO, ,KHA DOG NI RNAM PA BCU GNYIS DBYIBS NI RNAM PA BRGYAD DE, DE LTAR GZUGS NI RNAM PA NYI SHU'O, ,TSOR BA NI BDE BA LA SOGS PA RNAM PA GSUM RNAM PAR SHES PA TSOGS DRUG GI DBYE BA BCO BRGYAD DU 'GYUR RO, ,'DU SHES NI RNAM PA GCIG GO, ,'DU BYED NI DGE BA DANG, MI DGE BA DANG, LUNG DU MA BSTAN PA'I DBYE BAS RNAM PA GSUM MO, ,KUN GZHI LA SOGS PA RNAM PAR SHES PA'I DBYE BAS RNAM PAR SHES PA'I PHUNG PO NI RNAM PA BRGYAD DE LNGA BCU BSTAN TO, ,DON DAM PA'I BDEN PA LA 'JUG PAR BYA'O ZHES PA NI SNGAR BSHAD PA'I RIM PAS MI SNANG BAR BYA'O, ,'BRAS BU 'DOD PA ZHES BYA BA LA SOGS PAS RIM PA BZHI PAS RTOGS PAR BYA BA ZUNG DU 'JUG PA'I RIM PA MNGON DU BYA BA BSTAN TO, ,JI LTAR DON DAM PA'I DKYIL 'KHOR GYI RIM PAS SONG ZHING ZHU BAR GYUR PA ZHES PA NI 'OD GSAL BA LA RAB TU ZHUGS PA'O, ,DE BZHIN DU SLAR 'ONG BAS NA ZHES PA NI DE LAS KYANG SEMS CAN GYI DON BYA BA'I PHYIR YANG DAG PAR 'BYUNG BA'O, ,RNAM PAR SNANG MDZAD LA SOGS PA'I BRTAGS PA'I GZUGS KYI PHUNG PO LA SOGS PA ZHES PA NI DE'I RNAM PAR DAG PA'I RIM PAS 'CHAD PAR 'DOD PA GZUGS LA SOGS PA'O, ,SROG DANG RTZOL BA LA GNAS PA DE BCAD DE ZHES PA NI RDO RJE BZLAS PA'I RIM PAS 'JUG PA LA SOGS PAS SROG BKAG PA NI, DON DAM PA'I BDEN PA LA 'JUG PAR BYA'O ZHES PA NI SEMS RNAM PAR DAG PA'I RIM PAS THOB PAR BYA BA'I 'OD GSAL BA SNGAGS DANG PHYAG RGYA'I RIM PAS 'JUG PA NI DE'I RANG BZHIN DU BYA'O, ,SHIN TU MCHOG TU GYUR PA'I ZHES PA NI ZUNG DU 'JUG PA'I TING NGE 'DZIN GYIS THOB PAR BYA BA'O, ,PHYAG RGYA CHEN PO'I DNGOS GRUB THOB PAR 'GYUR BA'O ZHES PA NI RDO RJE 'CHANG GI PHYAG RGYA CHEN PO'I SKU THOB PAR 'GYUR RO, ,DES NI RDZOGS PA'I RIM PA'I RNAL 'BYOR

PAS YANG DAG PA'I MTHA' LA 'JUG PA BSTAN TO, ,RDZOGS PA'I GO RIMS RTOGS PAR GYUR KYANG ZHES PA NI RDO RJE BZLAS PA LA SOGS PA'I RIM PA LNGA BSGOMS PAS SO, ,GAL TE RTUL BA CAN GYI BRTZON 'GRUS CAN MA YIN NA ZHES PA NI BRTZON 'GRUS DMAN PA MA YIN PA'O, ,DE'I TSE 'GRO BA'I RGYUD NYID DU BYAS NAS ZHES PA NI MTHONG BA'I CHOS KYIS MYONG BA'I LUS KYI SEMS RNAM PAR DAG PA'I RIM PA 'OD GSAL BA MNGON DU BYAS NAS SO, ,LANGS TE ZHES PA NI DE LAS CIG CAR DU SNANG BA NYE BAR THOB PA LA SOGS PA'I RIM PAS RDO RJE 'CHANG GI PHYAG RGYA CHEN PO'I SKU SPROS NAS SO, ,SGYU MA LTA BU'I TING NGE 'DZIN GYIS MNGON DU BYED DO ZHES PA NI YE SHES KYI SKU DMIGS PAR BYA'O ZHES DON BSDUS PA'O, ,RDO RJE'I TSIG 'DI NYID KYI DON ZHES PA NI DON SBAS PA DANG LDAN PA'I TSIG GIS BRJOD PAR BYA BA'O, ,DAM TSIG RJES SU DRAN PA NI JI LTA BU YIN ZHE NA SMRAS PA, DE BAS NA RDO RJE DANG PADMA'I SNYOMS PAR 'JUG PA'I 'BREL PAS SO, ,TSANGS PA NI DE KHO NA NYID KYI NGO BOR RAKTA STE BYANG CHUB KYI SEMS SHIN TU BYUNG BA NI PHYAG RGYA'I CHOS 'BYUNG LA PHYUNG BA'O, ,DES NI DKYIL 'KHOR RGYAL BA MCHOG GI TING NGE 'DZIN BSTAN TO, ,DE'I RJES LA DON DAM PA'I DKYIL 'KHOR GYI RIM PAS, DNGOS MED GCIG TU SBYOR BA YIS, ,ZHES PA NI THIM PA'I CHO GA'I RIM PA'I MAN NGAG GIS, MKHAS PAS CHO GA BZHIN DU BTUD, ,CES PA NI DON DAM PA'I DKYIL 'KHOR GYI CHO GAS MI SNANG BAR BYA'O, ,DE NI BRTAGS PA'I RNAL 'BYOR BAS 'OD GSAL BA RTOGS PA'O, ,RDZOGS PA'I RIM PA'I RNAL 'BYOR PA LA YANG BSTAN PAR BYA STE, DE BZHIN GSHEGS PA TSOGS CHE BA NI ZHES PA LA SNGA MA BZHIN NO, ,DNGOS MED CES BYA GSAD PA STE, ,ZHES PA NI SNGAGS DANG PHYAG RGYA'I RIM PAS THA MAL PA'I PHUNG PO LA SOGS PA MI SNANG BAR BYED PA STONG PA NYID CES BYA'O, ,BLO DANG LDAN PA ZHES PA NI PHAN YON NO, , DON 'DI NYID RDO RJE GTZUG TOR GYI RGYUD LAS KYANG RGYAS PAR BSHAD PAR BYA STE, 'CHI BA ZHES BYA BA NI PHUNG PO 'JIG PA'I MTSAN NYID DE NI MI RTAG PA STE DON DAM PAR SKYE BA DANG 'JIG PA MED PA'I PHYIR RO, ,JI SKAD DU, 'DIR NI KHA CIG MI SKYE ZHING, ,KHA CIG YANG NI 'CHI BA MED, ,SEMS KYI RNAM PAR

, ,DNGOS GNAS PA'I, ,'KHOR BA NYID DU SHES PAR BYA, ,MA RIG RKYEN LAS BYUNG BA YI, ,YANG DAG YE SHES KYIS BLTAS NA, ,SKYE BA'AM NI 'JIG PA DAG ,KHA CIG DMIGS PAR MI 'GYUR RO, ,ZHES 'BYUNG NGO, ,RGYU DE LAS KHA CIG KYANG 'BYUNG BA DANG 'GOG PAR MI 'GYUR GYI, 'ON KYANG SHES RAB KYI PHA ROL TU PHYIN MA NI CHOS THAMS CAD BDAG MED PA'I MTSAN NYID DE BSKYED PA'I RIM PA'I RNAL 'BYOR PA DAG LA DE NYID TSUL NI LAM STE TING NGE 'DZIN GSUM SGOM PA'I BDAG NYID CAN NO, ,RNAM PAR RTOG PA'I RANG BZHIN CAN GYI THA MAL PA'I LUS NGAG GIS SBYONG BAR BYA'O, ,DE BZHIN DU RDZOGS PA'I RIM PA'I RNAL 'BYOR PA LA YANG 'JUG PA LA SOGS PA'I RIM PA RNAM PA BCU GCIG GIS RDO RJE BZLAS PA'I RIM PA SLOB PA NA THA MAL PA'I RNAM PAR RTOG PA'I BDAG NYID CAN GYI NGAG SPANGS NAS 'JIG RTEN LAS 'DAS PA'I RANG BZHIN SKYE BA SHES RAB PHA ROL PHYIN MA GSUNG RDO RJE SKYE BAR 'GYUR RO, ,RDO RJE BZLAS PA'I RIM PA 'DI, ,GSUNG GI RDO RJE SGRUB BYED PA'O, ,ZHES 'BYUNG BAS SO, ,YANG BCOM LDAN 'DAS MA SHES RAB KYI PHA ROL TU PHYIN MA DE NYID RTOG PA DANG BCAS PA RNAM PAR SHES PA GSUM GYI 'BREL BA DANG LDAN PA RANG BZHIN GYI TSOGS BRGYA DRUG CU SPONG BAS 'OD GSAL BA THOB PAR BYED PAS DRAN PA NI DE KHO NA NYID YID LA BYED PA MNGON DU BYA BA'I SEMS LA DMIGS PA ZHES BYA'O, ,DE BZHIN DU DE NYID SEMS CAN GYI DON BYED PA'I PHYIR 'JA' TSON LTAR YONGS SU SNANG BA RNAM PA THAMS CAD MCHOG DANG LDAN PA YE SHES KYI SKU SGYU MA'I DPE BCU GNYIS KYIS NYE BAR MTSON PA BYANG CHUB CES BYA STE SGYU MA'I RNAM PA NYID KYIS MA LUS PA LUS PA MED PA'I DNGOS PO RTOGS PA'I PHYIR RO, ,DE BZHIN DU DE NYID SGYU MA LTA BU'I RNAM PA CAN GYI KUN RDZOB SBYANG BA'I PHYIR 'OD GSAL BA LA THIM PAS NA THIM PA ZHES BYA'O, ,DE BZHIN DU DE NYID BDEN PA GNYIS SU MED PAR BYED PA'I MTSAN NYID SRID PA DANG ZHI BA RO GCIG PAR GYUR PA ZUNG DU 'JUG PA'I BDAG NYID CAN DPAL RDO RJE 'CHANG GI PHYAG RGYA CHEN PO'I SKU NI GROL BA ZHES BYA STE, MI SLOB PA'I LAM GYI NGO BO YIN PAS SO, ,DE NYID KYI PHYIR 'KHOR PA'I BAR DU SEMS CAN GYI DON SGRUB PAR BYED PAS NA BSAM PA

THAMS CAD RDZOGS PAR BYED PA ZHES BSTAN TO, ,DE LTAR BSHAD PA'I RGYUD KYI TSIGS SU BCAD PA GNYIS KYI RIM PA GNYIS BSHAD PAS DAM TSIGS RJES SU DRAN PA YANG BSHAD DO, ,DGONGS PAS BSHAD PA'O ZHES PA NI 'GAL BA'I SGRA'I SBYOR BAS DE KHO NA NYID SO SOR BSTAN PAS SO, ,DE LA ZHES BYA BA LA SOGS PAS RIM PA BZHI PAS THOB PAR BYA BA'I 'OD GSAL BA THOB PAR BYA STE, SHES RAB NI SNANG BA'O ZHES PA NI ZLA BA'I SNANG BA DANG 'DRA BA NI DGA' BA'O, ,'DIR RTZOM PA'I SGRA NI MI MNGON PAR BYAS PA YIN PAR BLTA BAR BYA STE, DON RTOGS PAS MI SBYONG BA NYID MI MNGON PA'O, ,DE BAS NA SHES RAB NI BSHAD ZIN TO, ,THABS NI NYI MA'I SNANG BA DANG 'DRA BA STE SNANG BA MCHED PA'O, ,NYE BAR THOB PA NI MTSAMS KYI SNANG BA DANG 'DRA BA STE SNANG BA NYE BAR THOB PA'O, ,MTHAR PHYIN PA ZHES PA NI SPONG BAR BYAS NAS GNAS PA'O, ,DON DAM PA'I BDEN PA ZHES PA NI YANG DAG PA'I MTHA'I MTSAN NYID CAN GYI 'OD GSAL BA'O, ,DE NYID NI SEMS CAN THAMS CAD KYI 'DA' BAR MI BYA BA YIN PAS ZHES PA NI SEMS CAN THAMS CAD KYI CHOS CAN YIN PA'I PHYIR RO, ,JI SKAD DU, SANGS RGYAS THAMS CAD 'GYUR BA STE, ,RGAL MIN 'KHOR BAR YOD PA MIN, ,YANG DAG RDZOGS PA'I BYANG CHUB NI, ,'GRUB PHYIR LE LO MI BYA'O, ,ZHES 'BYUNG NGO, ,DE RIL POR 'DZIN PA ZHES PA NI RANG GI LUS KYI PHUNG PO LA SOGS PA MI SNANG BAR BYED PA'O, ,RJES SU 'JUG PA'I RIM GYIS ZHES PA NI RTZIBS BRGYAD PA CHOS KYI DBYINGS KYI 'KHOR LO LA GNAS PA YI GE RAm 'BAR BAS RANG GI LUS KYI PHUNG PO LA SOGS PA BSREG CING PHA ROL GYI YANG BSREG GO, ,DE NYID LA RGYUN MI 'CHAD PA NI YANG DANG YANG DU'O, ,JI SKAD DU, ME LONG LA NI DBUGS KYI RLUNG, ,JI LTAR DE LA THIM 'GYUR BA, ,YANG DAG MTHA' LA RNAL 'BYOR PAS, ,YANG DANG YANG DU DE BZHIN 'JUG ,CES 'BYUNG NGO, ,KUN TU SNANG BA LA SOGS PA SNANG BA GSUM PO NI CHAGS BRAL DANG CHAGS PA DANG CHAGS PA BAR MA RNAMS SO, ,'DOD CHAGS LA SOGS PA RANG BZHIN BRGYA DRUG CU DANG BCAS PA RNAMS NI ZHES PA NI DGE BA DANG MI DGE BA DANG LUNG DU MA BSTAN PA'I SEMS LAS BYUNG BA'I CHOS DANG BCAS PA'O, ,'OD GSAL BA ZHES PA

, ,NI DRI MA MED PA STE, PHYAG RGYA DANG TING NGE 'DZIN GYI RIM PAS SPANGS NA SHEL SGONG DAG PA DANG 'DRA BAR 'GYUR RO, ,THAMS CAD STONG PA LA LTOS PAS ZHES PA NI DE KHO NA NYID BZHI PA LA 'JUG PAS SO, ,SGYU MA LTA BU'I LUS MI LEN, ,ZHES PA NI BDAG LA BYIN GYIS BRLAB PA'I RIM PAS THOB PAR BYA BA'I SGYU MA'I LUS SBYONG BAR BYED PAS SO, ,YE SHES GSUM NI SNANG BA STE, ,DE MED PAS NA SNANG BA MED PAS SO, ,'BRAS BU'O ZHES PA NI, ZUNG DU 'JUG PA'I TING NGE 'DZIN TO, ,DE THOB PA'I RGYU STE ZHES PA NI RDO RJE BZLAS PA LA SOGS PA RIM PA GSUM MO, ,RTOG PA GNYIS PO DE DAG DE NAS YOD PA MA YIN NO ZHES PA NI RIM PA BZHI PA LA RIM PA DANG PO LA SOGS PA GSUM DANG RIM PA LNGA PA YANG MED PAS SO, ,DNGOS PO THAMS CAD RANG BZHIN GYIS, ,RANG RANG NGO BO LA GNAS SO, ,ZHES 'BYUNG NGO, ,DNGOS PO NI DNGOS PO GZHAN LAS LDOG PA LA 'JUG PA'O, ,GNAS NI PHYAG RGYA'I PADMA'O, ,GNAS PA'O ZHES PA NI GSANG BA'I RDO RJE'O, ,TING NGE 'DZIN GYI RIM PA LA YANG GNAS NI RTZIBS BRGYAD PA'I CHOS KYI DBYINGS KYI 'KHOR LO'O, ,GNAS PA NI 'OD SPRO BA'I RIM PA'O, ,GNYIS PO DE DAG 'OD GSAL BA LA 'JUG PA DES NA MI DMIGS PAR 'GYUR TE ZHES PA NI RNAM PAR MI RTOG PA YIN PAS SO, ,JI SKAD DU, ,JI SRID SGOM PA'I SBYOR BA NI, ,DE SRID LAS NI DANG PO CAN, ,YONGS SU RDZOGS PA'I RNAL 'BYOR NI, DE NI 'OD GSAL BSTAN PAR BYA, ,ZHES 'BYUNG NGO, ,DGONGS PA MA YIN PAS BSHAD PA'O ZHES PA NI SHIN TU GSAL BA'I DE KHO NA NYID BSTAN PAS SO, , DE NI ZUNG DU 'JUG PA'I RIM PA ZHES BYA BA NI RIM PA LNGA PAS SO, ,LDANG BA'I GNAS BSTAN PA'I PHYIR ZHES PA NI 'OD GSAL BA DE LAS RDO RJE'I SKU GZUNG BA'I GNAS BSTAN PA'O, ,'DZIN PA'I YAN LAG CES PA NI YAN LAG BZHI PA'I RGYUD PHYI MA LAS KYANG, SO SOR SDUD DANG BSAM GTAN DANG, , SROG DANG RTZOL BA 'DZIN PA DANG, ,RJES SU DRAN DANG TING 'DZIN NI, ,YAN LAG DRUG GI RNAL 'BYOR BSHAD, ,CES 'BYUNG NGO, ,DE'I RJES SU 'OG TU DRAN PA NI LDANG BA'I ZHES PA NI RMI LAM DANG SGYU MA DANG MTSUNGS PAS DE LAS SPRO BA ZHES BYA'O, ,DE BSGOM PA NI BDEN PA GNYIS KYI BDAG NYID DE

NYE BAR MTSON PAS RNAM PA DANG BCAS PA DANG RNAM PA MED PA LA SOGS PA GNYIS KYI BDAG NYID KYANG YIN NO ZHES BYA'O, ,RDO RJE 'CHANG CHEN PO ZHES PA NI DRUG PA'I 'O, ,TING NGE 'DZIN NI RTZE GCIG PA NYID KYIS DMIGS PA'O, ,DE NAS ZHES BYA BA'I SGRA NI THA DAD PA'I RIM PA STE ZHES PA NI TSIG GNYIS PA LAS DRANGS TE 'DIR BSHAD PAR BYA'O, ,DE NYID BSTAN PAR BYA BA'I PHYIR, ,'DZIN PA'I YAN LAG 'OG TU ZHES PA NI MAN NGAG BZHI PA'I 'OG TU ZHES BYA BA'I DON TO, ,KUN RDZOB KYI BDEN PA STE ZHES PA NI BYIS PA'I SKYE BOS DE NYID RANG BZHIN BZUNG PAS SO, ,DON DAM PA'I BDEN PA STE ZHES PA NI SPROS PA THAMS CAD BRAL BA RAB TU SNANG BA'I PHYIR RO, ,RANG BZHIN DANG LDAN PA'I ZHES BYA BA LA SOGS PA NI BAR MA'I TSIG MI MNGON PA'I LAS 'DZIN PA'I BSDUS BA STE LO MA'I RGYAL PO BZHIN NO, ,DE GANG YIN ZHE NA ZHES PA NI DRI BA'O, ,GNYIS SU MED PA'I YE SHES KYI BDAG NYID CAN ZHES PA NI KUN RDZOB DANG DON DAM PA DBYER MED PA'I RANG BZHIN NO, ,RDO RJE 'CHANG CHEN PO'I SKU'O ZHES PA NI DRUG PA'O, ,DE NA GNAS PA'I 'JA' TSON ZHES PA NI DBANG PO'I GZHU STE, RTEN DANG BRTEN PA DBYER MED PA'I PHYIR TSEM BU DU BA BZHIN NO, ,DE DANG MNYAM PAS NA ZHES PA NI MIG YOR DANG, SGYU MA NYID DU SNANG BAS DE NYID NAM MKHA'O, ,RGYU NI RIM PA BZHI PA'O, ,'BRAS BU NI RIM PA LNGA PA'O, ,DE DAG GNYIS SU MED PA NI DBYER MED PAS SO, ,ZUNG DU 'JUG PA'I RIM PA LA RGYU DANG 'BRAS BUR SNANG BA NI MED DE, ,RNAM PAR MI RTOG PA'I PHYIR RO, ,SNGA MA'I SMON LAM GYI DBANG GIS SEMS CAN GYI DON 'GRUB PA YIN GYI DGONGS PAS NI MA YIN NO, ,SKYES BU YID BZHIN NOR BU LTAR, ,DE YI PHRAD PA TZAM GYIS NI, ,RTZIG PA LA SOGS RNAMS LAS KYANG, ,JI BZHIN BSTAN PA RNAMS 'BYUNG NGO, ,ZHES 'BYUNG NGO, ,'JIG CING ZAD PAS NA ZHES PA NI 'DUS BYAS PA'I DNGOS PO SKYE BA'I CHOS DANG LDAN PA'O, ,DE LAS GZHAN BSTAN MI ZAD PA'O ZHES PA NI MI 'JIG PA'I CHOS CAN GYI NGO BO LAS BYUNG BAS NA, MI 'GYUR BA STE ZHES PA NI GNYIS KA DANG BRAL BA'O, ,SKYE BA DANG 'JIG PA DANG BRAL BA ZHES BYA BA'I BAR DU'O ZHES PA NI NYE BAR MTSON PA YIN TE, 'ON KYANG YOD PA DANG MED PA DANG DNGOS PO DANG

, ,DNGOS PO MA YIN PA DANG, 'PHEL BA DANG 'GRIB PA DANG, STONG PA DANG SNYING RJE DANG, THABS DANG SHES RAB DANG, RTAG PA DANG CHAD PA DANG, 'GRO BA DANG 'ONG BA LA SOGS PA DANG BRAL BA ZHES BYA'O, ,BDEN PA GNYIS SO ZHES BYA BA LA SOGS PAS GANG GI TSE YE SHES DE LA BDEN PAR GNYIS PO RO GCIG PAR 'GYUR BAR SNANG BA DE'I TSE GNYIS SU MED PA YIN NO, ,GANG GI TSE ZUNG 'JUG DE LA YOD PA DE'I TSE GNYIS SU MED PA YANG YOD PA MA YIN NO, ,SDUG BSNGAL THAMS CAD NI 'JIG RTEN PA'I CHOS BRGYAD LA SOGS PA'I RNAM PAR RTOG PA'O, ,NYE BAR ZHI BA'I MTSAN NYID CAN YIN PAS NA ZHES PA NI DE BCOM PAR BYED PAS NA ZHI BA ZHES BYA'O, ,DE NYID KYI PHYIR ZAG PA NI CHAGS PA LA SOGS PA DANG DE LAS BYUNG BA RANG BZHIN BRGYA DRUG CU'O, ,DE MED PAS NA ZAG PA MED PA'O, ,REG BYA'I YUL MA YIN PAS NA ZHES PA NI 'DUS BYAS PA'I DNGOS PO NI REG PAR BYA BAR NUS TE, , 'DUS BYAS MA YIN PA'I RANG BZHIN GANG YIN PA DE NI GANG GIS REG PAR BYA'O, ,DGONGS PAS BSHAD PA'O ZHES PA NI 'GAL BA'I TSIG GI SGO NAS DE KHO NA NYID STON PAS SO, ,DE LTAR ZHES BYA BA LA SOGS PAS SNGAR BSHAD PA'I DON BSDUS NA BSHAD PAR BYA STE, CHOS KYI SKUN NI RIM PA GNYIS PA DANG BZHI PA DAG GIS THOB PAR BYA'O, ,LONGS SPYOD RDZOGS PA'I SKU NI RIM PA GSUM PA DANG LNGA PAS THOB PAR BYA'O, ,GNYIS SU MED PA'I MTSAN NYID CAN DU NGES PAR BYAS NAS ZHES PA NI DE DAG DBYER MED PA STE ZUNG DU 'JUG PA'I RIM PA BSHAD NAS SO, ,SPRUL PA'I SKU BZHI ZHES PA NI BRTAG PA'I RNAL 'BYOR PAS RTOGS PAR BYA BA'I SKU'I PHYAG RGYA BZHI BSTAN PAR BYA BA'I PHYIR BSHAD PAR BYA STE, ZHE SDANG SBYONG BAR MDZAD PAS NA MI BSKYOD PA NI THUGS KYI RDO RJE'O, ,RANG GI BDAG NYID LAS NGES PAR BYUNG BA'I LHA MO RNAMS KYI 'KHOR LO ZHES PA NI SNYOMS PAR ZHUGS PA LAS BYUNG BA'I RIGS KYI YUM BZHI DANG, GZUGS LA SOGS PA YUL LNGA'I LHA MO'I TSOGS SO, ,BUD MED GYI GZUGS SU MNGON PAR SPRUL NAS ZHES PA LA SOGS PA NI LE'U DANG PO NAS BSHAD PAS NA, 'DIR MA BSHAD DO, ,DES ZHES BYA BA LA SOGS PAS NI LHA MO'I 'KHOR LOS BYAS PA'I PHYI DANG NANG DANG GSANG BA'I MCHOD PA

BSTAN TO, ,CHAGS PA LA SOGS PA NYAMS SU MYONG BA ZHES PA NI SNYOMS PAR 'JUG PA'I DBANG GI YE SHES GSUM RANG GIS RIG PA'O, ,BU MO'O ZHES PA NI SME SHA CAN GYI BU MO STE AUTPALA SNGON PO'I KHA DOG 'DRA BA'O, ,RANG BZHIN BRTAN PA THOB CING RNYED PA ZHES PA NI DAM TSIG DANG SDOM PA LA SOGS PA LA BRTEN PAR BRTAN PA STE YID MA 'KHRUL BA RNYED PA'AM RANG GIS BTZAL BA'AM BCOM LDAN 'DAS KYIS LUNG BSTAN PAS THOB PA'AM DGU PA'O, ,JI SKAD DU, LHA MO KLU MO GNOD SBYIN MO, ,LHA MA YIN MO MI MO YANG, ,RNYED DE REG PA'I BRTUL ZHUGS BYA, ,THE TSOM MED PAS DE LTAR 'GRUB, ,CES 'BYUNG NGO, ,PADMA CAN ZHES BYA BA LA SOGS PA RIGS BZHI ZHES PA NI PADMA CAN DANG DUNG CAN DANG, AUTPALA CAN DANG, BA ZHES BYA'O, ,DE LA PADMA CAN NI THUN MONG GI PADMA DANG LDAN PA'O, ,DUNG CAN NI YON PO'I PADMA DANG LDAN PA'O, ,AUTPALA CAN NI PADMA PHRA MO'O, ,PA NI SHIN TU RGYAS PA YAN LAG MCHOG DANG LDAN PA'O, ,GZHAN DAG NA RE BUD MED NI GSUM STE, RI DAGS MO DANG, RGOD MA DANG, GLANG PO MO'O, ,SKYES PA NI GSUM STE, RI BONG DANG, GLANG DANG, RTA'O ZHES ZER RO, ,DER BYAS PA'I RAB TU DBYE BA'I LAS KYIS SO ZHES PA NI JI LTAR RDO RJE'I RAB DANG, PADMA CHUNG BA DANG, MNYAM POR 'GYUR RO, ,DE BZHIN DU RDO RJE PHRA BA DANG PADMA CHE BA MNYAM POR 'GYUR RO, ,DE LTAR RDO RJE BAR MA DANG PHRA BA'I PADMA LA SOGS PA LA YANG SHES PAR 'GYUR RO, ,LAS KYI DBYE BAS DE YANG DRUG CU RTZA BZHI'I BYA BA'I SBYOR BAS BSGRUB PAR BYA BA DPAL RDO RJE GDAN BZHI'I RGYUD LAS RDZAS SU 'BRANG BAR BYA'O; ,'DOD PA'I BSTAN BCOS LAS KYANG, YANG DAG PAR 'JUG BYED CES DBYER MED DNGOS, ,KHYAD PAR SBYOR BAS DE NYID SNA TSOGS DGA', ,DE YI SPRO BA DANG NI BSHAD BYA BA, ,'KHOR BA'I LAM NI RGYAS DANG BSDU BA'I PHYIR, ,ZHES 'BYUNG NGO, ,BDAG NYID KYI'O ,ZHES PA NI RNAL 'BYOR PAS SO, ,SHU ZHES BYA BA LA SOGS PAS MYA NGAN NI SHING DANG 'DRA BA SOG LE DANG 'DRA BAS GANG GIS GCOD PAR 'GYUR BA DE NI MCHOG TU DGA' BA ZHES BYA'O, ,KHU BA DE DANG BDAG NYID MCHOD PAR BYA'O ZHES PA NI GNYIS KAS KYANG BDAG NYID TSIM PAR BYA'O, ,'DOD PA'I DBANG PHYUG TU GSAL

, ,BAR BSTAN PA YIN NO ZHES PA NI SPROS PA'I SPYOD PA'I SGO NAS CHAGS PA'I ROL PA LA SOGS PA RGYA CHE BA BSTAN PA'O, ,RJES SU DRAN PA'I 'BRAS BU NI PHAN YON NO, ,YONGS SU SHES PAS NI ZHES PA LA, ,SGOM PA YONGS SU RDZOGS NAS MNGON DU BYED PAS SO, ,RNAM PAR SNANG MDZAD LA SOGS PA'I NGO BO NYID KYIS ZHES PA NI SKU RDO RJE LA SOGS PA'I RANG BZHIN NO, ,RDZU 'PHRUL DANG LDAN PA'I SKU THOB PAR 'GYUR PA DANG ZHES PA NI SKU'I DBANG PHYUG LA SOGS PA'I DNGOS GRUB BRGYAD DANG LDAN PAR 'GYUR RO, ,'DAS ZHES BYA BA LA SOGS PAS YUN RING DU GNAS PA NYID BSTAN TO, , MI BSKYOD PA DANG 'BREL PA'I ZHES BYA BA LA SOGS PAS THUGS KYI RANG BZHIN YIN PAS SEMS KYI DBANG PHYUG NYID THOB PAR 'GYUR RO ZHES BSTAN TO, ,YID LA GANG DANG GANG 'DOD PA ZHES PA NI 'KHOR LOS SGYUR BA'I RGYAL SRID LA SOGS PA'I ZHES BYA BA'O, ,RI BO LA SOGS G-YO BA DANG, , DE BZHIN 'JIGS PA 'PHROG PA DANG, DE'I STENG DU CHU BZHIN DU NUS PA DANG 'BYUNG BAR 'GYUR ZHES 'BYUNG NGO, ,DE'I GSUNG NI DE DANG 'BREL PAS ZHES PA NI 'OD DPAG TU MED PA'I 'BREL BA DANG LDAN PA'I GSUNG GI DBANG PHYUG NYID THOB PAR 'GYUR TE, DE NI GSUNG GI RANG BZHIN YIN NO ZHES BSTAN PA'I PHYIR RO, ,JI LTA BU ZHE NA ZHES PA NI DRI BA'O, ,SGRA BRNYAN DANG MTSUNGS PA'I SGRA'I NGO BO NYID CES PA NI DE'I NGO BO NYID CES PA'O, ,GANG ZHIG SMRA BAR 'GYUR PA ZHES PA NI DMOD PA 'DEBS PA DANG RJES SU GZUNG BA LA SOGS PA'I TSIG GANG YIN PA DE NI RANG BZHIN YONGS SU SHES PA NYID KYIS 'GRUB PAR 'GYUR BA NI NGAG GI DBANG PHYUG GO, ,YANG NA SNGAR MED PA'I BSTAN BCOS SO SOR RTZOM PAS NA NGAG GI DBANG PHYUG GO, ,SKYE BA SRID PA THA MA YIN ZHING ZHES PA NI SKYE BA PHYI MA DANG MI LDAN PA STE SKYE BA GZHAN MED PA'I PHYIR RO, ,ZUNG DU 'JUG PA'I BDAG NYID CAN GYI NI ZHES PA LA THAMS CAD MKHYEN PA'I YE SHES THOB PA'I'O, ,TSE 'DI NYID LAS ZHES BYA BA STE ZHES PA'I BSKAL PA GRANGS MED PA GSUM GYIS BYANG CHUB THOB PA'I SHES RAB PHA ROL PHYIN PA'I RNAL 'BYOR PA LAS LDOG PA BSTAN TO, ,LAS KYI DBANG GIS ZHES PA NI SA DGU PA LA LAS KYI DBANG GIS THOB PA'I

RGYUR GYUR PAS SO, ,SKYE BAR 'GYUR BA DGAG PAR MDZAD PAS ZHES PA NI SLAR YANG SRID PA'I SKYE BA LEN PA DGAG PA YIN NO, ,SKYE PA'I LAS NI RTZA BA YIN TE, LAS DBANG DU 'GYUR NA SKYE BA YANG MED DO, ,RLUNG GI SBYOR BA MED PA YIS, ,SEMS KYI RANG BZHIN MA DMIGS TE, ,SEMS NI RANG BZHIN RGYUR GYUR PAS, ,LAS DANG SKYE BA 'BYUNG BAR 'GYUR, ,ZHES 'BYUNG NGO, ,MTHONG BA'I CHOS NI MYA NGAN 'DAS, ,ZHES BYA BA LA SOGS PA 'PHAGS PA'I TSIG GIS TSAD MA NYID DU BSTAN TO, ,'BRAS BU'I KHYAD PAR ZHES PA NI 'JIG RTEN DANG 'JIG RTEN LAS 'DAS PA'I DNGOS GRUB KYI KHYAD PAR RO, , PHYAG RGYA CHEN PO 'GRUB PA'O, ,ZHES PA NI DPAL RDO RJE 'CHANG CHEN PO'I LHA'I SKU SGRUB PA'O, ,SNGAGS LA RJES SU GZHOL BA RNAMS, ,ZHES PA NI BSKYED PA'I RIM PA'I RNAL 'BYOR PA RNAMS SO, ,'JIG RTEN PA'I DNGOS GRUB RNAMS KYANG ZHES PA NI SMAN MCHOG DANG BCUD KYIS LEN LA SOGS PA STE, 'JIG RTEN PA RNAMS 'DUL BA TZAM BYED PAS SO, ,ZUNG DU 'JUG PA'I TING NGE 'DZIN LA GNAS PA RNAMS LA 'GRUB PAR 'GYUR RO ZHES PA NI 'BAD RTZOL MED PAS 'GRUB PAR 'GYUR RO ZHES TSIG GI LHAG MA'O, ,KHAMS GSUM MO ZHES PA NI KHAMS GSUM GYI RANG BZHIN TE, ,SANGS RGYAS THAMS CAD DO; ,DBYER MED PAR GYUR PA'O ZHES PA NI DUS GSUM PA'I SANGS RGYAS DANG BDAG NYID DBYER MED PA'I MOS PAS SO, ,BSGOMS PA'I RGYU DES NA 'GRUB PAR 'GYUR BA STE DBYER MED PA'I BSGOM PAS SO, ,YAN LAG MA NYAMS PAR BZLAS SHING ZHES PA NI LHA LA SOGS PA DBYER MED PA DANG LDAN PA'I RDO RJE BZLAS PAS SO, ,BDEN PA MTHONG BAS SO ZHES PA NI CHOS THAMS CAD RTOGS PA'I MTSAN NYID KYI DE KHO NA NYID YID LA BYED PAS SO, ,GAL TE ZHES BYA BA LA SOGS PAS THA MI DAD PA'I BSGOM PAS 'JIG RTEN PA'I DNGOS GRUB KYANG THOB PAR MI 'GYUR NA 'JIG RTEN LAS 'DAS PA'I DNGOS GRUB THOB PAR 'GYUR RO ZHES SMOS KYANG CI DGOS PA'O, ,GANG GI PHYIR DNGOS GRUB THAMS CAD KYI RGYU NI GNYIS SU MED PA'I TING NGE 'DZIN TE DE KHO NA NYID YID LA BYED PA'I NGO BO YIN PAS SO, ,THUB PA CHEN PO'I CHOS KYI PHUNG, ,BRGYAD KHRI BZHI STONG SHES NA YANG, ,GANG ZHIG DE NYID MI SHES PAS, ,DE DAG THAMS

, ,CAD 'BRAS BU MED, ,CES 'BYUNG NGO, ,RNAL 'BYOR THAMS CAD CES BYA BA, ,LA SOGS PAS LUNG TSAD MA NYID BSTAN TE, RNAL 'BYOR THAMS CAD NI THABS GANG LA YOD PA DE NI RNAL 'BYOR THAMS CAD DE THABS THAMS CAD KYIS BSGRUB PAR BYA BA'O, ,NYON MONGS PA'I SGRIB PA LA SOGS PA BCOM PAS NA BCOM LDAN 'DAS SO, ,RDO RJE SEMS DPA' NI RDO RJE 'CHANG CHEN PO'O, ,DE NYID THOB PA DANG DE LAS GSHEGS PA NI DE BZHIN GSHEGS PA'O, ,KHAMS GSUM MA LUS ZHES PA NI 'GRO BA THAMS CAD DO, ,DE'I LONGS SPYOD NI 'JIG RTEN DANG 'JIG RTEN LAS 'DAS PA'I DNGOS GRUB STER BA'I SGO NAS DPAL RDO RJE SEMS DPA'I DBANG DU GYUR PA'O, ,'DI SKAD BSHAD PA YIN TE, 'JIG RTEN PA DANG 'JIG RTEN LAS 'DAS PA'I DNGOS GRUB NI GNYIS SU MED PA'I YE SHES KYI RANG BZHIN DPAL RDO RJE SEMS DPA' LA RAG LUS PA YIN NO ZHES BYA BAS DE NYID LA 'BAD RTZOL BYA'O ZHES DGONGS PA'O, , 'DON CING ZLOS PA ZHES PA NI YAN LAG MA NYAMS PA'I RIM PA DANG NGAG GIS BZLAS PA GANG YIN PA DE DAG SGRUB PA POS NI RIM PA GNYIS LA GNAS PA'I RNAL 'BYOR PA ZHES BYA'O, ,SPROS PA MED PA LA SLOB PA'I NGO BO NYID CES PA NI NYE BAR MTSON PA STE SPROS PA DANG BCAS PA DANG SHIN TU SPROS PA MED PA DAG KYANG SLOB PA ZHES BSHAD PAR BYA STE, LE'U'I BRJOD BYA DE RNAMS YIN PAS SO, ,DE NYID MCHOG CES PA NI DPAL RDO RJE 'CHANG GI GNAS THOB PAR BYED PA'AM BYA BA DANG SPYOD PA LA SOGS PA LAS KHYAD PAR DU GYUR PAS SO, ,DE STON PA NI SPYOD PA GSUM STON PAR BYED PA'O, ,SGRA'I TSOGS ZHES PA NI TSIG GI TSOGS TE LE'U ZHES BYA'O, ,SGRA JI BZHIN PA ZHES PA NI PHAN YON TZAM SO SOR BSTAN PA STE, SOGS PA'I SGRAS SHES PAR BYA'O, ,SGRON MA GSAL BA'I 'GREL PA'I t'I K'A LAS LE'U BDUN PA'I RGYA CHER BSHAD PA'O,, ,,DE LTAR ZHES BYA BA LA SOGS PAS LE'U BRGYAD PA'I BSHAD PA BRTZAM PAR BYA STE, ,SPYOD PA LA GNAS PA ZHES PA NI RNAM PA GSUM GYI SPYOD PA LA RTZOL BA BYAS PAS SO, ,TSOGS YONGS SU RDZOGS PAR BYA BA'I DON DU ZHES PA NI BSOD NAMS DANG YE SHES KYI TSOGS GNYIS 'PHEL BAR BYA BA'I PHYIR RO, ,DE LA SPYOD PA SPYOD PAR 'DZIN PA'I RNAL 'BYOR

PA LA GSANG BA'I DBANG BSKUR MED PAS DNGOS GRUB TU MI 'GYUR RO ZHES LE'U BRGYAD PAS DE STON PA YIN NO, ,DE LA GSANG BA'I DBANG THOB PA'I PHYIR BLA MA LA PHYI DANG NANG DANG GSANG BA'I MCHOD PA BYAS NA BSOD NAMS KYI TSOGS PA THOB PAR 'GYUR RO, ,GANG GI TSE MGU BAR GYUR PA'I BLA MAS KYANG, SLOB MA LA GSANG BA'I DBANG BSKUR BYIN NA DE'I TSE DES YE SHES KYI TSOGS THOB PAR 'GYUR RO, ,DE NYID BSTAN PA'I PHYIR, BLA NA MED PA'I MCHOD PA BYA'O ZHES PA NI GANG GIS YE SHES KYI TSOGS THOB PAR 'GYUR RO, ,SPYOD PA THOS PA'I 'OG TU ZHES PA NI, DE NAS KYI SGRAS DE MA THAG PA'I DON BSHAD PA'I PHYIR RO, ,DKON MCHOG DPAL NI CI'I PHYIR ZHE NA SMRAS PA, NAM MKHA'I KHAMS KYI RANG BZHIN NI BYANG CHUB KYI SEMS TE DE'I RANG BZHIN YANG RIN CHEN DPAL LO ZHES PAS DE LA 'DRI BA PO NI MTHUN PA'O, ,DE NYID BSTAN PA'I PHYIR, BYANG CHUB KYI SEMS ZHES PA NI BYANG CHUB KYI SEMS KYIS BSAM PA THAMS CAD RDZOGS PAR BYED PAS SO, ,BYANG CHUB KYI SEMS DBANG BSKUR BA'I GSOL BA GDAB PA'I GZHIR GYUR PA'I PHYIR RO ZHES PA NI GSANG BA'I DBANG BSKUR DE'I RANG BZHIN GSOL BA 'DEBS PAR BYED PA YIN PAS SO, ,BHA GAR BZHUGS PAS NA ZHES PA NI BHA GA'I NANG DU 'DOD PA'I GDUGS KYI RTZAL BYANG CHUB KYI SEMS GNAS PAS SO, ,RIGS THAMS CAD KYI BDAG NYID CAN ZHES PA NI RIGS LNGA NYE BAR SDUD PAS SO, ,DAM PA NI SPYAN LA SOGS PA ZHES PA NI MCHOG TU DGA' BA RAB TU STER BA RIGS KYI YUM BZHI ZHES BYA BA STE DRANG BA'I DON TO, ,MCHOG GI DE KHO NA NYID GZHAL BAR BYED PAS NA DAM PA NI 'BYUNG BA'I RTZA BZHI'O, ,SPYAN MA LA SOGS PA NI, RUS SBAL MA DANG ZLA BA'AM, ,LHA SBYIN MA DANG NOR RGYAS MA, ,ZHES BYA'O, ,DE RNAMS KYI DBANG PHYUG NI GTZO BOR GYUR PA STE ZHES PA NI RTZA DBU MA BZHI DANG LDAN PA THIG LE'I GZUGS SU 'JUG PA STE NGES PA'I DON TO, ,RDO RJE 'CHANG CHEN PO NI DRUG PA'O, ,MNYES PAR BYAS SO ZHES PA NI GSOL BA 'DEBS PAR BYAS PA'O, ,TSIGS SU BCAD PA DE BZHIS DE BZHIN GSHEGS PA DRUG GI SGO NAS BSTAN PAR BYA STE, RDO RJE LTAR MI PHYED PA'I TSUL GYIS MDZES PAS NA ZHES PA NI DE BZHIN GSHEGS

, ,PA LNGA BSDU BAR BYED PA RNAM PAR MI RTOG PA'I YE SHES MI PHYED PA'I DE KHO NA NYID STON PA'I NGANG TSUL CAN TE, BCOM LDAN 'DAS RDO RJE 'CHANG CHEN PO'O, ,GANG GIS SEMS CAN MANG ZHING ZHES PA NI SANGS RGYAS DANG BYANG CHUB SEMS DPA' RNAMS SO, ,SANGS RGYAS NYID DU SON PAR MDZAD PA NI RDO RJE 'CHANG CHEN PO BSGOMS NAS SANGS RGYAS NYID THOB PA YIN GYI, GZHAN GYIS NI MA YIN TE, RTOG PA DANG BCAS PA'I PHYIR RO, ,GANG GI PHYIR DE BZHIN GSHEGS PA'I DBUGS DBYUNG BA NI 'KHOR BA DANG RDO RJE 'CHANG GI DBUGS DBYUNG BA NI MYA NGAN LAS 'DAS PA YIN NO ZHES 'BYUNG NGO, , DES NI RDO RJE 'CHANG CHEN PO'I SGO NAS BSTOD PA'O, ,DON DAM PA'I BDEN PA NI RIM PA GNYIS PA'AM, BZHI PAS THOB PAR BYA BA'I 'OD GSAL BA'O, ,DE RNAM PAR DAG PA'I SPYOD PA NI ZHES PA LA 'JIG RTEN PA'I CHOS BRGYAD RNAM PAR DAG PA'I MTSAN NYID DO, ,JI LTAR SDUG BSNGAL DE BZHIN BDE, ,ZHES BYA BA LA SOGS PA 'BYUNG BAS SO, ,DES RNAL 'BYOR PA'I RGYUD SBYONG BAR BYED PAS NA ZHES PA NI RNAM PAR MI RTOG PAR BYED PA'O, ,DE SPYOD PAS NI SEMS SO SOR RTOG PAR BYA BA YIN TE, DES NI RIN CHEN 'BYUNG LDAN GYI SGO NAS BSTOD PA'O, ,RNAM PAR RTOG PA THAMS CAD KYI SPROS PA DANG BRAL BA ZHES PA NI SEMS CAN RNAMS LA MA SMIN PA LA SOGS PA RTOG PA THAMS CAD DE, DE DANG BRAL BA NI SEMS CAN RNAM LA BSTAN PA DANG GROL BA DANG SMIN PA LA SOGS PA'I MTSAN NYID CAN GYI SPYOD PA'O, ,DES NA PHUL DU BYUNG BAS NA ZHES PA NI BYA BA NAN TAN GRUB PA'I YE SHES DANG LDAN PA'O, ,RGYAL BAR GYUR PAS NA ZHES PA NI MTHONG BA DANG BSGOM PA LA SOGS PA'I LAM GYIS NYON MONGS PA DAG PAR MDZAD PAS NA RGYAL BA'O, ,RANG SANGS RGYAS LA SOGS PA STE ZHES PA NI BSE RU LA SOGS PA'O, ,DE RNAMS 'OD ZER GYIS BSKUL BAS SNGAGS KYI TSUL LA 'JUG PAR MDZAD PAS NA MCHOG NI DON YOD GRUB PA'O, ,DES NI DON YOD GRUB PA'I SGO NAS BSTOD PA'O, ,SGRA JI BZHIN PA'O ZHES PA NI SPYOD PA'I SGO NAS BSTOD PA'I DON BSTAN PA'I PHYIR RO, ,'DOD CHAGS LA SOGS PA NYON MONGS PA DANG NYE BA'I NYON MONGS PA RNAMS 'DOD CHAGS LA SOGS

PA'I SGO NAS SBYONG BAR MDZAD PA'I PHYIR, 'DOD CHAGS ZHES BYA BA LA SOGS PAS BSTAN TE, BAR GYI SBYONG BA TSIG MI MNGON PA ZHES DGONGS SO, ,DE STON PAR MDZAD PAS NA DE SKAD CES BYA'O, ,NAM MKHA'I DBYINGS DANG MTSUNGS PA ZHES PA NI RNAM PAR MI RTOG PA'I BYANG CHUB KYI SEMS KYANG NAM MKHA'O, ,DE'I RANG BZHIN YIN PAS NA MCHOG CES 'OD DPAG TU MED PA'I SGO NAS BSTOD PA'O, ,DUS GSUM DU GSHEGS PA'I DE BZHIN GSHEGS PA RNAMS TE RNAM PAR SNANG MDZAD KYI RIGS CAN NO, ,SKYED PAR MDZAD PAS NA ZHES PA NI RNAM PAR SNANG MDZAD KYI RIGS LAS 'BYUNG BAS SO, ,BAG CHAGS MA LUS PA DANG BRAL BA ZHES PA NI NYON MONGS PA DANG SHES BYA'I SGRIB PA MED PA'O, ,'KHOR BA JI SRID PAR GNAS PA ZHES PA NI 'KHOR BA'I BAR DU GNAS PA'O, ,SEMS CAN GYI KHAMS SBYONG BAR BYED PA'I YE SHES NI ME LONG LTA BU'I YE SHES TE GROL BAR BYED PAS NA THAR PA ZHES BYA'O, ,LAM NI LAM LNGA'I MTSAN NYID KYI RGYU'O, ,'CHAD PAR MDZAD PA ZHES PA NI RNAM PAR SNANG MDZAD NYID DO, ,NYAN THOS LA SOGS PA'I THEG PA GSUM MO ZHES PA NI DE'I TSE DGONGS PAS CHOS KYI 'KHOR LO BSKOR BA'I PHYIR RO, ,DE LA LAN GYI NGO BO NYID KYIS RAB TU GNAS PAS NA ZHES PA NI LAM GYI NGO BOR BCOM LDAN 'DAS GNAS PA'O, ,RNAM PAR SNANG MDZAD LA SOGS PA ZHES PA NI SPRUL PA'I RNAM PAR SNANG MDZAD DANG, SPYAN MA DANG GZUGS RDO RJE MA LA SOGS PA'O, ,DE RNAMS KYI BDAG POR GYUR PAS ZHES PA NI LONGS SPYOD RDZOGS PA'I SKU'I RANG BZHIN GYI RNAM PAR SNANG MDZAD DE BDAG PO'O, ,DES NA DAG PA'I BDAG NYID CAN GYIS ZHES PA NI RANG DANG GZHAN GYI DON PHUN SUM TSOGS PA LA MKHAS PAS DAG PA'I GNAS THOB PA'O, ,DES NI RNAM PAR SNANG MDZAD KYI RANG BZHIN GYIS BSTOD PA'O, ,BYANG CHUB NI CHOS KYI DBYINGS KYI YE SHES SO, ,DE'I NGO BO'I THUGS GANG LA YOD PA DE NI MI BSKYOD PA ZHES BYA BA'I DON TO,, RGYAS PA'I SPYAN DANG LDAN PA GANG YIN PA DE NI ZHES PA NI SKYES BU CHEN PO'I MTSAN DANG LDAN PA NYID BSTAN TO, ,CHOS KYI 'KHOR LO NI RNAM PA BCU GNYIS PA'O ZHES PA NI BDEN PA NI BZHI STE, SDUG BSNGAL BA DANG, KUN 'BYUNG DANG, 'GOG PA DANG, LAM ZHES BYA BA STE, MTHONG BA'I LAM LA'O, ,SDUG BSNGAL

, ,SHES PAR BYA, KUN 'BYUNG DGAG PAR BYA, 'GOG PA MNGON DU BYA, LAM BSGOM PAR BYA ZHES BYA BA BSGOM PA'I LAM MO, ,SDUG BSNGAL SHES, KUN 'BYUNG SPONG, 'GOG PA MNGON DU BYAS, LAM BSGOM ZHES MI SLOB PA'I LAM STE, DE LTAR RNAM PA GSUM BSKOR BA NI BDEN PA BZHI STE RNAM PA BCU GNYIS ZHES BYA'O, ,BCOM LDAN 'DAS KYIS KHAMS GSUM PO LA RAB TU BSKOR BA MDZAD DO, ,SKU DANG GSUNG DANG THUGS RDO RJE 'CHANG GI NGO BO YIN PAS NA, RDO RJE GSUM MI PHYED PA'I MTSAN NYID DO, ,DES NI MI BSKYOD PA'I SGO NAS BSTOD PA'O, ,DRANG BA'I DON ZHES PA NI DE BZHIN GSHEGS PA DRUG GI NI BSTOD PA TZAM BSTAN PAS SO, ,DA NI RDO RJE 'CHANG CHEN PO NYID NGES PA'I DON GYI SGO NAS BSTOD PAR BYA STE, YE SHES GSUM GYI SGO NAS ZHES PA NI SNANG BA NI ZHE SDANG NGO, ,SNANG BA MCHED PA NI 'DOD CHAGS SO, ,SNANG BA NYE BAR THOB PA NI GTI MUG STE MA RIG PA'I NGO BO YIN PAS SO, ,DE NYID BSTAN PA'I PHYIR, 'DOD CHAGS NI THABS KYI RANG BZHIN ZHES BYA BA LA SOGS PA BSTAN TO, ,'OD GSAL BA ZHES PA NI MI PHYED PA'I PHYIR RO, ,DE NYID CES BYA BA LA SOGS PA 'OD GSAL BA'I DRI MA RNAM PAR DAG PAR BYED PA NYID BSTAN TO, ,DBANG PO MCHOG NI RNAM PAR SHES PA STE THAMS CAD KYI MCHOG YIN PAS SO, ,DE NYID SHEL SGONG DAG PA DANG MTSUNGS PA NI DBANG PO MCHOG TZAM MO, ,DE BZUNG BAS NI BCOM LDAN 'DAS TE RNAL 'BYOR GYI MNGON SUM GYIS RTOGS PAR BYA BA NYID DU BSTAN TO, ,RDO RJE 'CHANG CHEN PO NI BRTAN PA DANG G-YO BA'I DNGOS PO THAMS CAD KYI DANG POR GYUR PAS NA MCHOG CES BYA'O, ,'OD GSAL BA YANG DNGOS PO'I TSOGS THAMS CAD KYI DANG PO NYID CHOS KYI NGO BO YIN PAS SO, ,RNAM PAR SNANG MDZAD LA SOGS PA SANGS RGYAS DANG BYANG CHUB SEMS DPA' RIGS LNGA LAS BYUNG BA STE, GANG DU NI RDO RJE 'CHANG CHEN PO'I RIGS GCIG LA THIM PAR GYUR PAS NA DE LA DE SKAD CES BYA BA'O, ,GNYIS SU MED PA'I YE SHES KYI BDAG NYID CAN NO ZHES PA NI 'OD GSAL BA DANG DE'I BDAG NYID KYI MCHOD PA ZHES BYA'O, ,RDO RJE SKU NYID KYIS ZHES PA NI ZUNG DU 'JUG PA'I SKU NYID KYIS SO, ,TSAD MED PA'I LHA MO DANG SNYOMS PAR

ZHUGS PAS ZHES PA NI RIGS KYI YUM DANG MCHOD PA'I LHA MO DANG, PHO NYA MO DANG BKA' NYAN MO DANG BRAN MO'I PADMA'I 'BREL PAS SO, ,MCHOG TU DGA' BA'I MTSAN NYID GCIG PAR ZHES PA NI BDE BA CHEN PO'I NGO BO GCIG GIS SO, ,LHA DANG MI LAS 'DAS PA'I ZHES PA NI LHA DANG MI RNAMS KYI BDE BA NI MA DAG PA STE, MI RTAG PA'I CHOS DANG LDAN PA'I PHYIR DANG BRAL BA'I SDUG BSNGAL GYI RNAM PAR SMIN PA CHE BA YIN PAS DRI MA MED PA MA YIN NO, ,BCOM LDAN 'DAS KYIS BDE BA CHEN PO NI ZAG PA MED PA STE RTAG PA ZHES BYA'O, ,YON TAN BRGYAD KYI DBANG PHYUG GI BDE BA ZHES PA NI,, SKU'I DBANG PHYUG LA SOGS PA STE SNGAR BSHAD ZIN NO, ,DE LTAR GYUR PA'I BDE BA CHEN PO THOB PA'I THABS NI RIGS DANG BSAM PA LA SOGS PA'I DBYE BAS RNAM PA DU MA GANG YIN PA DE STON PAR MDZAD PA NI DE SO SOR STON PAR MDZAD PAS SO, ,SHES RAB DANG THABS DANG NYE BAR THOB PA GSUM NI SNANG BA GSUM MO, ,DE NYID BGROD PAR BYA BA YIN PAS NA LAM STE RGYU'O, ,DON DAM PA'I BDEN PA'O ZHES PA NI RIM PA GNYIS PA DANG BZHI PAS THOB PAR BYA BA'I 'OD GSAL BA'O, ,DE NYID BLANG BA YIN PAS NA GRONG KHYER DANG 'DRA BA NI GRONG KHYER CHEN PO'O, ,DER 'JUG PAR MDZAD PAS NA ZHES PA NI DE STON PAR BYED PA'O, ,BDE BA THAMS CAD NI SNANG BA LA SOGS PA'O, ,BDAG NYID NI 'OD GSAL BA'O, ,DE SGRUB PA NI RDZOGS PAR BYED PA ZHES BYA BA'I THA TSIG GO, ,BDEN PA GNYIS KYI BDAG NYID CAN YIN PAS NA ZHES PA NI KUN RDZOB DANG DON DAM PA GNYIS KYI NGO BO YIN PA'I PHYIR RO, , BYANG CHUB NI DON DAM PA'I BDEN PA ZHES PA LA SOGS PAS ZUNG DU 'JUG PA'I RIM PA GTZO BOR GYUR PA BCOM LDAN 'DAS BSTAN TO, ,RGYAS SHING ZHES BYA BA LA SOGS PAS MDOR BSTAN PA'O, ,DE GANG ZHE NA, ZHES PA NI 'DRI BA'O, ,SHA ZHES BYA BA LA SOGS PA NI RGYAS PAR BSHAD PA'O, , DE LA SHA'I MIG GIS BCOM LDAN 'DAS SKYES BU CHEN PO'I MTSAN DANG LDAN PA ZHES BYA'O, ,LHA'I MIG GIS RING BA DANG BSKAL PA DANG BAR CHOD DANG BCAS PA'I DNGOS PO RNAMS GZIGS SO, ,SHES RAB KYI MIG GIS DNGOS PO'I RANG GI MTSAN NYID GZIGS SO, ,CHOS KYI MIG GIS CHOS

, ,THAMS CAD STONG PA YE SHES LNGA GZIGS SO, ,SANGS RGYAS KYI MIG GIS 'BA' ZHIG DRI MA MED PA MTHA' YAS PA NAM MKHA' DANG MTSUNGS PA CHOS KYI DBYINGS SO SOR RTOGS PAR 'GYUR RO, ,'DUS BYAS PA DANG 'DUS MA BYAS PA BDEN PA GNYIS KYI BDAG NYID CAN NO ZHES PA NI KUN RDZOB DANG DON DAM PA LA SOGS PA'O, ,DE SEMS CAN GYI 'JIG RTEN DU RAB TU STON PAR MDZAD PAS NA ZHES PA NI DE'I MAN NGAG STON PAR BYED PAS SO, ,YANG DAG PA'I MTHA' NI 'OD GSAL BA'O, ,DES RNAM PAR DAG PA'I SKU GSUM LA SOGS PA BDAG LA BYIN GYIS BRLAB PA'I RIM PAS THOB PAR BYA BA'O, ,DE'I BDAG NYID CAN NI DE'I RANG BZHIN YIN PA'I PHYIR RO, ,MI 'JIGS PA'I LAM GYI BDAG NYID YIN PAS NA ZHES PA NI PHYIR MI LDOG PA'I LAM GYI RANG BZHIN YIN PAS SO, ,NGES PA'I DON TO ZHES PA NI YANG DAG PA'I DE KHO NA NYID STON PA'I PHYIR RO, ,THAMS CAD STONG PA STE ZHES PA NI DE KHO NA NYID BZHI PA STE, NAM MKHA' LA NI NAM MKHA' SBYAR, ,THAMS CAD NAM MKHA' NAM MKHA' CHE, ,ZHES 'BYUNG NGO, ,YE SHES CHEN PO LA LTOS PAS CHEN PO YANG YIN LA, 'OD GSAL YIN PA'I PHYIR MI 'GYUR BA YANG YIN NO ZHES BSDU BA'O, ,THAMS CAD KYI DBANG BSKUR BAR GYUR PAS NA ZHES PA NI, DE BZHIN GSHEGS PA THAMS CAD KYI RDO RJE 'CHANG CHEN PO NI COD PAN DU 'GYUR BAS SO, ,NAM MKHA'I MDZOD KYI TING NGE 'DZIN GYIS ZHES PA LA SOGS PA NI MI ZAD PA'I GTER GYIS PHUN SUM TSOGS PAR BYED PA'I DNGOS PO DANG LDAN PAS SO, ,'JIG RTEN GSUM GYIS MCHOD PAR BYA BA DRAG PO DANG KHYAB 'JUG DANG TSANGS PA LA SOGS PA RNAMS KYI YANG BDAG PO YIN PAS SO, ,DON DAM PA'I BDEN PA ZHES PA NI GNYIS PA'AM BZHI PA'I 'OD GSAL BA STE MI PHYED PA'I PHYIR RO, ,BSAM PA THAMS CAD RDZOGS PAR BYED PAS ZHES PA NI SGYU MA LTA BU'I TING NGE 'DZIN GYIS 'GRO BA'I DON RDZOGS PAR BYED PAS SO, ,BDAG LA BYIN GYIS BRLAB PA'I RIM PAS THOB PAR BYA BA'I YE SHES KYI SKU NI RIN CHEN ZHES BYA'O, ,DE'I NGO BO NYID KYIS DE ZUNG DU 'JUG PAR BYED PAS NA ZHES ZUNG DU 'JUG PA'I RIM PA BSTAN TO, ,DGONGS PA MA YIN PAR BSHAD PA ZHES PA NI SHIN TU

GSAL BA'I DE KHO NA NYID SO SOR BSTAN PAS SO, ,DUS GSUM DU BZHUGS PA'I RGYAL BA RNAMS NI 'DAS PA LA SOGS PA'I DUS GSUM LA BZHUGS PAS SO, ,DE DANG 'BREL PA DANG LDAN PA'I MCHOD PA NI ZHES PA LA, DE BZHIN GSHEGS PA THAMS CAD 'JUG PA SNGON DU 'GRO BAR BYANG CHUB KYI SEMS SPRO ZHING SPYOD PA'I PHYIR RO, ,BSKYED PA'I RIM PA LA GNAS PA'I THUN MONG MA YIN PAS ZHES PA NI TING NGE 'DZIN GSUM SGOM PAR BYED PA'I RNAL 'BYOR BA RNAMS LA SPYOD YUL MA YIN PA'I PHYIR RO, ,'O NA DANG PO DBANG BSKUR BA'I DUS SU JI SRID SLOB DPON DANG GSANG BA DANG SHES RAB DANG BZHI PA YANG NI DE BZHIN NO ZHES BYA BAS DBANG MA BSKUR NA DE SRID SNGAGS KYI THEG PA BSTAN PA DANG NYAN PA DANG BSAM PA DANG BSGOM PA LA DBANG BA MA YIN NO, ,BSKYED PA'I RIM PA'I RNAL 'BYOR PA RNAMS KYIS KYANG 'DI DAG THAMS CAD BYED PAS NA JI LTAR THUN MONG MA YIN PA ZHES BSHAD CE NA, SMRAS PA, BSKYED PA'I RIM PA'I RNAL 'BYOR PA RNAMS LA DBANG BSKUR BA'I RIM PA THAMS CAD BLA MA RNAMS KYIS KUN DU SPYOD PAR BYED PA STE, SNOD DU BYA BA'I PHYIR RO, ,DE RNAMS KYI PHA ROL LA BSTAN PA'I PHYIR DBANG NI MA GNANG STE RDZOGS PA'I RIM PA MI RTOG PA'I PHYIR RO, ,RDZOGS PA'I RIM PA'I RNAL 'BYOR PA RNAMS KYIS THAMS CAD LA DBANG BYED PA YIN NO ZHES NYES PA NI CUNG ZAD KYANG MED DO, ,RDO RJE MI PHYED GSUM ZHES PA NI SKU GSUNG THUGS KYI RDO RJE 'CHANG CHEN PO DBYER MED PA'I RANG BZHIN NO, ,DE NI KHAMS GSUM PA RNAMS NYID KYI SKU DANG GSUNG DANG THUGS DANG 'DUS PAR MDZAD PAS NA ZHES PA NI KHAMS GSUM GYI NANG NA GNAS PA RGYAL BA'I TSOGS DANG, RANG GI SKU LA SOGS PA DANG LHAN CIG TU GCIG TU BYA'O, ,GSANG BA'I DBANG BSKUR BA'I DUS SU KHAMS GSUM NA GNAS PA'I DE BZHIN GSHEGS PA THAMS CAD RDO RJE SLOB DPON GYIS KHA SBYAR DU BYA'O ZHES BSTAN TO, ,RGYAL BA RNAMS 'DI LAS 'BYUNG BAR GYUR PAS NA ZHES PA NI DE SPYOD PA THA MAL PA'I LUS SPANGS NAS SLOB MA RNAMS KYIS RDO RJE 'CHANG GI RNAM PAR SMIN PA'I SKU THOB PAR 'GYUR RO, ,DE DUS BRTZAMS NAS DE NI RTOG PA MED, ,DE YI DBYIBS DANG KHA DOG JI LTAR MTSON, ,BSAM GYIS MI KHYAB RNAM PAR SMIN PA'I SKU,,

, ,BYA BA BYAS PAS SDOM PA DE LAS THOB, ,CES 'BYUNG NGO, ,DGONGS PAS BSHAD PA ZHES PA NI, ,'GAL BA'I TSIG GI SBYOR BAS DE KHO NA NYID SO SOR BSTAN PAS SO, ,DE NYID CES BYA BA LA SOGS PAS GSANG BA'I DBANG BSKUR BA SBYIN PAR BYA BA'I PHYIR RDZOGS PA'I RNAL 'BYOR BDAG LA BYIN GYIS BRLAB PA'I RIM PAS YE SHES KYI SKU GZUNG BA BSTAN TO, ,YID DU 'ONG BA'I GZUGS CAN YIN PAS NA ZHES PA NI 'JA' TSON LTAR 'OD SPRO BA'I BDAG NYID DAM RNAM PA THAMS CAD MCHOG DANG LDAN PA'O, ,BDEN PA GNYIS KYI BDAG NYID CAN NI SEMS RNAM PAR DAG PA'I RIM PAS DON DAM PA'I BDEN PA'I BDAG NYID CAN DANG BDAG LA BYIN GYIS BRLAB PA'I RIM PAS KUN RDZOB KYI BDEN PA'I BDAG NYID CAN NO, ,GZUGS BZANG ZHES PA NI CHOG MI SHES PA'I GZUGS SO, ,GZHON PAS BRGYAN PA'I ZHES PA NI RNAM PA THAMS CAD MCHOG DANG LDAN PAS SO, ,LHA NYI SHU RTZA LNGA'I BDAG NYID CAN GYI ZHES PA NI NYE BAR MTSON PA TZAM YIN TE, LHA SUM CU RTZA GNYIS 'KHOR DANG LDAN PA ZHES BYA BA'I THA TSIG GO, ,BDAG LA BYIN GYIS BRLAB PA'I MTSAN NYID CAN ZHES PA NI CIG CAR RAM SNANG BA NYE BAR THOB PA LA SOGS PA'I RIM PAS 'OD GSAL BA LAS 'BYUNG BA ZHES BYA BA'I DON TO,, BLA MA'I KHA NAS RNYED PA ZHES PA NI RDO RJE SLOB DPON GYI ZHAL NAS THOB NAS SO, ,YANG NA DGONGS PAS BSHAD PAS BLA MA'I KHA NI 'OD GSAL BA STE DE LAS RNYED NAS SO, ,DE NYID DANG BLA NA MED PA'I MCHOD PA RAB TU BRTAG CING BYA BA'O ZHES PA NI BDAG LA BYIN GYIS BRLAB PA'I RIM PA'I MTSAN NYID KYI YE SHES KYI SKU GZUNG BA'I RANG BZHIN GYI MCHOD PA ZHES BYA'O, ,DBUS KYI GTZO BO'I BDAG LA BYIN GYIS BRLAB PA'I RIM PAS SKYE BAR BSTAN NAS, DKYIL 'KHOR PA RNAMS LA JI LTA BU YIN ZHE NA, SMRAS PA, BYOL SONG GI SGRAS NI LOGS NA YOD PA LA BYA STE ZHES PA NI SHAR LA SOGS PA'I PHYOGS DANG MTSAMS BRJOD PA'I PHYIR RO, ,DES NA BDAG PO LAS GZHAN PA NI 'KHOR RNAMS LA'O, ,DKYIL 'KHOR GYI LHA'I SKU ZHES PA NI 'KHOR GYI LHA'I SKU RNAMS SO, ,RDO RJE 'CHANG CHEN PO DANG 'DRA BAR BZUNG STE ZHES PA NI CIG CAR RAM SNANG BA NYE BAR THOB PA'I RIM PA

LA SOGS PA GZUNG BA'O, ,RDO RJE 'CHANG CHEN PO'I RNAM PAR 'PHRUL PA'I PHYIR RO ZHES PA NI DE'I SPRUL PA'I SKU'I RANG BZHIN YIN PA'I PHYIR GTAN TSIGS BSHAD DO, ,DGONGS PAS BSHAD PA'O ZHES PA NI BU MO LA SOGS PA'I 'GAL BA'I SGRA'I SGO NAS BDAG LA BYIN GYIS BRLAB PA'I RIM PA BSTAN PAS SO; ,'JIG RTEN LAS 'DAS PA'I RNAL 'BYOR PA ZHES PA NI RDZOGS PA'I RIM PA'I RNAL 'BYOR PA RNAMS SO, ,DE NI BSKYED PA'I RIM PA'I RNAL 'BYOR PA RNAMS KYI ZHES PA NI SNGAGS LA MOS PA'I BRTAGS PA'I RNAL 'BYOR PA RNAMS KYI'O, ,SA'I PHYOGS ZHES PA NI GTZUG LAG KHANG DANG NAGS TSAL DANG CHU BO'I 'GRAM LA SOGS PA LA'O, ,SA SBYANG BA LA SOGS PA'I RIM PAS ZHES PA NI SA SBYANG BA LA SOGS PA RNAM PA NYI SHU'I TSOGS SO, ,YONGS SU DAG PA NI ZHES PA LA RDO DANG PHUB MA LA SOGS PA BTON PA'O, ,JI SKAD DU, PHUB MA RDO DANG RDE'U DANG NI, ,SOL BA LA SOGS BTON BYAS NAS, ,'BRU DANG RIN CHEN SMAN SNYING PO, ,SHIN TU LEGS PAR BRDUNG BAR BYA, ,ZHES 'BYUNG NGO, ,SKYE BA DANG 'DUS PA DANG BRAL BAS ZHES PA NI DE'I DBANG GIS SEMS RTZE GCIG PAR 'GYUR RO, ,LAM GYI SGRA NI THA DAD PA'I RIM PA STE SA LA SOGS PA'I SGRA LAS 'OG TU BLTA BAR BYA'O, ,PHYOGS GZHAN STON PA YIN PAR BLTA PAR BYA'O ZHES PA NI RNAM PAR RTOG PA RAB TU STON PA'I PHYIR RO, ,SNGAGS PA'O ZHES PA NI SNGAGS PA SGRUB PA LA GZHOL BA'I SGRUB PA PO'O, ,SKYE BO DAM PA'O ZHES PA NI SKYES BU DAM PA STE DGE BSNYEN RNAMS SO, ,DE RNAMS KYI KHYIM NI MCHOD KHANG LA'O, ,LHA'I KHANG PA ZHES PA NI LHA CHEN LA SOGS PA'I LHA KHANG LA'O, ,GANG GI PHYIR DBANG PHYUG DANG LHA CHEN PO LA SOGS PA SMOD PAR BYA BA MA YIN TE, BCOM LDAN 'DAS RDO RJE 'CHANG GI SPRUL PA YIN PAS SO, ,JI SKAD DU, PHA ROL RGOL BA KHA CIG GANG, ,RTAGS KYI DBYE BAS RNAM PAR GNAS, ,DE RNAMS 'DIR SMOD MI BYA STE, RDO RJE SEMS DPA'I SPRUL PA'I PHYIR,, ZHES 'BYUNG NGO, ,BA'I LCI BA LA SOGS PA'I ZHES PA NI BA'I 'BREL BA DANG LDAN PA'I LCI BA DANG CHU BLANG BAR BYA STE GTZANG SBRA YIN PA'I PHYIR RO, ,SHING SHUN DRI BZANG PO LA SOGS PA YONGS SU BZUNG STE ZHES PA NI TZANDAN LA SOGS PA'I DRI'I CHU ZHES BYA BA'I THA TSIG GO, ,BYUG CING DKYIL 'KHOR BYA'O ZHES PA NI GRU BZHIN

, ,PA'I DKYIL 'KHOR BYA'O, ,LAM GYI SGRA NI MA BSHAD PA DAG KYANG BSDU BA'I DON TE ZHES PA NI ME TOG LA SOGS PA YANG GZUNG BA'I PHYIR RO, ,DES NA ME TOG LA SOGS PA ZHES BYA BA LA SOGS PA BSTAN TO, ,RANG GI LHA MNYES PAR BYA BA'I DON TO ZHES PA NI RANG GI YI DAM GYI LHA YONGS SU MGU BAR BYA BA'I DON TO,, NYIN RE'O NI JI SRID DKYIL 'KHOR GYI CHO GA YONGS SU RDZOGS PA'O, ,DE LTAR ZHES BYA BA LA SOGS PAS SNYING RJE CHEN PO BYA BA SNGON DU 'GRO BAR GNAS GZUNG BA DANG BGEGS BSKRAD PA DANG, STONG PA NYID BSGOM PA DANG, YE SHES KYI SA GZHI DANG, GZHAL YAS KHANG BSKYED PA DANG, LHAG PAR MOS PA'I DKYIL 'KHOR DANG; DON DAM PA'I DKYIL 'KHOR BSGOM PA DANG, GDAN PA LA SOGS PA'I DBYE BA DANG, CHOS KYI DBYINGS KYI SNGAGS BRJOD PA SNGON DU 'GRO BAR SNGAGS DGOD PA DANG PHYAG MTSAN LAS RDO RJE 'CHANG GI SKU SGRUB PA DANG MI BSKYOD PA RJES SU 'JUG PAS DBUS KYI GTZO BO RDZOGS PA DANG, YE SHES SEMS DPA' DANG TING NGE 'DZIN SEMS DPA' BSGOM PAR BYAS LA 'CHAD PAR 'GYUR BA'I ZHES BYA BA STE, DE NYID BSTAN PAR BYA BA'I PHYIR, RNAL 'BYOR DANG RJES SU RNAL 'BYOR BYAS LA BSTAN TO, ,BDAG NYID NI RANG GI LHA'I SKU'O, ,RANG GI PHYAG RGYA NI DAM TSIG GI PHYAG RGYA DANG YE SHES KYI PHYAG RGYA DAG LAS GANG YANG RUNG BA'O, , RIGS LNGAR BYA BA NI, PHUNG PO DANG KHAMS DANG SKYE MCHED LA SNGAGS DGOD PA'I MTSAN NYID CAN GYI SHIN TU RNAL 'BYOR DANG, DE BZHIN DU SKU LA SOGS PA BYIN GYIS BRLAB PA'I RNAL 'BYOR CHEN PO ZHES BYA'O, ,DE SRID KYI BAR 'DIR YI GE H'Um STE RNAM PAR SHES PA NI SNYING LA GNAS PA'I PHYIR MI BSKYOD PA'I RIGS DGOD PAR SHES PAR BYA'O, ,SKRA SKYE BA'I GNAS JI SRID PA'I BAR DU YI GE AOm LAS BYUNG BA'I RNAM PAR SNANG MDZAD DGOD DO ZHES PA NI YAN LAG DANG NYING LAG THAMS CAD KYI RANG BZHIN GYI LUS KYI MGO BO GTZO BO YIN PA'I PHYIR RO, ,LUS KYI RANG BZHIN YANG RNAM PAR SNANG MDZAD YIN PA'I PHYIR RO, ,BSKYED PA'I RIM PA SHES PA'O ZHES PA NI SHIN TU RNAL 'BYOR GYI DGOD PA SHES PAS SO, ,'DIR YI GE AA LAS BYUNG BA'I 'OD DPAG TU MED PA DGOD PAR BYA'O ZHES PA NI 'OD DPAG TU MED PA NI NGAG GI RANG BZHIN YIN PA'I PHYIR RO, ,NGAG KYANG LKOG MA NAS GSAL BAR 'GYUR RO ZHES BYA BA'I THA TSIG GO, ,DER

YI GE HA LAS BYUNG BA'I DON YOD GRUB PA DGOD PAR BYA'O ZHES PA NI RKANG PA'I BAR DANG RKANG PA GNYIS LA LAS KYI RDO RJE DGOD PAR BYA STE, DON YOD GRUB PA NI 'GRO BA DANG 'ONG BA'I RANG BZHIN GYI RLUNG GI KHAMS KYI MTSAN NYID DANG MTHUN PA'I PHYIR RO, ,LTE BA ZHES PA LA SOGS PAS LTE BA LA SOGS PA LAS SV'A LAS BYUNG BA'I RIN CHEN 'BYUNG LDAN DGOD PAR BYA STE LTE BA LA SOGS PA KHONG STONG YIN PAS NAM MKHA'I KHAMS KYI NGO BO RIN CHEN 'BYUNG LDAN DANG MTHUN PA'O, ,RGYAL BA DANG RGYAL BA'I SRAS DAG NI RGYAL BA'I SRAS ZHES BYA STE ZHES PA NI MI 'DRA BA RNAMS KYANG GCIG TU BSDU BAR 'GYUR RO, ,RNAM PAR SNANG MDZAD LA SOGS PA ZHES BYA BA LA SOGS PAS MDOR BSDUS PA'I SGRUB THABS LA SOGS PA'I RIM PAS DE RNAMS KYI KHA DOG LA SOGS PA SHES PAR BYA'O ZHES BSTAN TO, ,RIGS LNGA'I BDAG NYID DGOD PA ZHES PA NI RNAM PAR SNANG MDZAD LA SOGS PA DANG DE'I RIGS CAN RNAMS DGOD DO, ,JI LTA JI LTA BAR BYA'O ZHES PA NI DE BZHIN GSHEGS PA LA SOGS PA GANG DANG GANG GI GNAS LA DE DANG DE DGOD PAR BYA BA DANG, SKU GSUNG THUGS KYI BYIN GYIS BRLAB PA YANG BYA'O, ,DE LTAR BYAS PA'I SNYOMS PAR 'JUG PA'I PHYAG RGYA SBYONG BA SNGON DU 'GRO BAR RDO RJE DANG PADMA MNYAM BAR SBYAR BAR BYAS PAS SO, ,DES NI YAN LAG BZHI PA DANG PO SBYOR BA ZHES BYA BA'I TING NGE 'DZIN BSTAN TO, ,DKYIL 'KHOR RGYAL BA'I MCHOG BSTAN PA'I PHYIR, RANG GI PHYAG RGYA'I CHOS 'BYUNG STE, ZHES SMOS TE REG BYA RDO RJE MA LA SOGS PA'I PADMA'O, ,DE'I DBUS SU GNAS PA ZHES BYA BA LA SOGS PAS 'DI SKAD BSHAD PA YIN TE, PHYAG RGYA 'DUS BYAS PA'I 'OG TU RJES SU CHAGS PA BYAS LA REG BYA RDO RJE MA LA SOGS PA'I CHOS 'BYUNG GI NANG DU ZLA BA'I DKYIL 'KHOR BSAMS TE, DE LAS 'OD ZER GYI TSOGS SPRO ZHING DE NAM MKHA'I DBYINGS LA BZHUGS PA DE BZHIN GSHEGS PA THAMS CAD BKUG CING BCUG LA, RTZA DBU MA NAS SPROS TE ZLA BA'I DKYIL 'KHOR DE NYID LA MCHOD PA'I LHA MO'I GZUGS SU BSKYED CING SPROS LA, DE RNAMS KYIS BLA NA MED PA DANG BCAS PA RNAM PA LNGA BYAS TE SLAR YANG BSDUS NAS BYANG CHUB KYI SEMS KYI NGO BO PADMA'I NANG DU THIG LE'I GZUGS SU YONGS SU GYUR NAS DE'I

, ,NANG DU RDO RJE 'CHANG GI RNAM PA'I BDAG NYID BSGOM PAR BYA'O, ,DE NYID BSTAN PA'I PHYIR, BYANG CHUB KYI SEMS SO ZHES PA NI, DE BZHIN GSHEGS PA 'JUG PA YONGS SU GYUR PA LAS SKYES PA'O, ,KUN RDZOB BYANG CHUB KYI SEMS KYI DBUS NA GNAS PAR ZHES PA NI DE BZHIN GSHEGS PA ZHUGS PA YONGS SU GYUR PA'I BYANG CHUB KYI SEMS KYI NANG NA GNAS PA BSAM PAR BYA'O, ,DE BZHIN GSHEGS PA RNAMS SPRO BAR BYA'O ZHES PA NI MCHOD PA'I LHA MO'I GZUGS SU DE RNAMS RNAM PAR SPROS NAS SO, ,SEMS RTZE GCIG PA'O ZHES PA NI ZLA BA'I DKYIL 'KHOR GYI RNAM PA BSGOM PA LA SEMS BRTAN PA NYID DU BSTAN TO; ,BDAG NYID KYI SNYING GAR BSDU BA DAG KYANG RAB TU BYA'O ZHES PA NI MCHOD PA BYAS NAS SLAR YANG BDAG NYID KYI RTZA DBU MA LA BSDU BAR BYA'O, ,BSDU BA ZHES PA LA SOGS PAS DKYIL 'KHOR RGYAL BA MCHOG GI GNAS SKABS SU DKYIL 'KHOR BA SPRO BA NI GTZO BO YIN LA, SNGAR BSHAD PA'I DE BZHIN GSHEGS PA 'JUG PA DANG MCHOD PA DANG MCHOD PA'I LHA MO SPROS PA DANG SLAR YANG BSDU BA'I GTZO BO MA YIN PA GAL TE RNAL 'BYOR PA 'DOD NA DE'I TSE BYA STE GZHAN DU NI MA YIN NO ZHES BSTAN TO, ,DA NI DKYIL 'KHOR PA SPRO BAR BYA BA'I PHYIR, DE LTAR ZHES BYA BA LA SOGS PA SMOS TE, SLAR YANG BDAG NYID KUN RDZOB BYANG CHUB KYI SEMS KYI NANG NAS LANGS LA KHAMS BZHI'I RANG BZHIN GYI SPYAN MA LA SOGS PA LHA MO BZHI'I RANG BZHIN GYI NGO BO RNAM PA THAMS CAD KYI MCHOG DANG LDAN PA SEMS DPA' GSUM GYI BDAG NYID REG BYA RDO RJE MA DANG SNYOMS PAR ZHUGS PAR BSAMS TE, RJES SU CHAGS PA'I DAM PA'I TING NGE 'DZIN GYIS SNANG BA LA SOGS PA'I YE SHES 'BYUNG BA YANG DAG PAR DMIGS LA, THIG LE SPRO BA'I SKABS SU, BADZRA DHRi KA CES BYA BA LA SOGS PA PHYUNG BA'I SNGAGS YONGS SU GYUR PA LAS MI BSKYOD PA LA SOGS PA DE NYID DU BSKYED CING PHYI ROL DU SPROS LA DE RNAMS KYIS KYANG 'GRO BA'I DON BYAS TE, SLAR YANG GSHEGS NAS SHAR LA SOGS PA'I PHYOGS DANG MTSAMS RNAMS SU GO RIMS KYIS GNAS PA YONGS SU BSKOR BA BSGOM PAR BYA'O ZHES BSTAN TO, ,DKAR PO LA SOGS PA ZHES PA NI 'OD ZER LNGAS BRGYAN PA STE, DE BZHIN GSHEGS PA LNGA'I RANG BZHIN YIN PAS SO, ,DE BZHIN GSHEGS PA

RNAMS SO ZHES PA NI ME LONG LTA BU LA SOGS PA'I YE SHES PA'I RANG BZHIN YIN PAS SO, ,DUS GSUM DU BZHUGS PA STE ZHES PA NI DUS GSUM LA YANG 'GRUB PA'O, ,ZHING DU GYUR PA YIN PAR RNAM PAR BSAM PA STE ZHES PA NI DE BZHIN GSHEGS PA THAMS CAD KYI RDUL PHRA RAB KYIS MDZAD PA ZHES BYA BA'I DON TO, ,SNGAR BSHAD PA'I BDAG GI BA SPU'I BU GA RNAMS LAS ZHES PA NI LHA MO'I PADMA NAS SPROS TE, DE'I BA SPU'I BU GA NAS THAMS CAD LAS SPRO BAR BYA'O, ,BSKYED PA'I RIM PA LA BYUNG BA'I MKHAS PAS ZHES PA NI DKYIL 'KHOR RGYAL BA MCHOG LA GZHOL BA'I SGRUB PA PO ZHES BYA BA'I DON TO,, JI LTAR 'DOD PA'I DON RDZOGS PAR BYED PAS ZHES PA NI ZHE SDANG LA SOGS PA'I NYON MONGS PA RNAM PAR SBYANG BA SNGON DU 'GRO BAR MNGON PAR DGA' BA LA SOGS PA'I SANGS RGYAS KYI ZHING LA RAB TU GNAS PAS SO, ,RJES SU 'DZIN PAR MDZAD PAS NA MCHOD PA STE ZHES PA NI DON DE NYID DO, ,DE BZHIN GSHEGS PA STE ZHES PA NI RNAM PAR SNANG MDZAD LA SOGS PA'O, ,TSOGS TE ZHES PA NI DKYIL 'KHOR PA STE, LHA MO DANG BYANG CHUB SEMS DPA' DANG KHRO BO RNAMS SO, ,SGRA JI BZHIN PA ZHES PA NI DANG PO SBYOR BA DANG DKYIL 'KHOR RGYAL BA MCHOG GI TING NGE 'DZIN GNYIS SO SOR BSTAN PAS SO,, NGA NI ZHES BYA BA LA SOGS PAS RIM PA GNYIS KYI RNAL 'BYOR BA LA MCHOD PA BYA STE, DE LA BSKYED PA'I RIM PA'I RNAL 'BYOR PA LA LAS KYI RGYAL BA MCHOG GI TING NGE 'DZIN GYI PHYOGS GCIG TU GYUR PA MCHOD PA'I CHO GA DANG, RDZOGS PA'I RIM PA'I RNAL 'BYOR BAS RDO RJE BZLAS PA'I RIM PA SKYOB PA NYID MCHOD PA'O, ,JI SKAD DU, DE YI BRTUL ZHUGS MA BSHAD DE, ,PHRENG BA MA YIN SDOM PA MIN, ,'DZIN PA SBYIN SREG LAS RNAMS NI, ,YANG YANG 'JUG PA MIN ZHES BYA, ,ZHES 'BYUNG NGO, ,RIGS RNAM PA LNGA'I DBYE BAS SHES PAR BYAS LA ZHES PA NI RNAM PAR SNANG MDZAD LA SOGS PA'I KHA DOG LNGA'I DBYE BAS SO, ,KUNDA MA LI KA MA LA TI, ,SANGS RGYAS RDO RJE CAN LA DBUL, ,DE BZHIN DU ZHES BYA BA LA SOGS PAS DE DANG 'DRA BA'I DPE BSTAN TO, ,DZ'A TI NI KHA DOG GSUM YOD PAS TE ZHES PA NI, DKAR PO DANG DMAR PO DANG NAG PO STE SKU LA SOGS PA RIGS GSUM GTZO BO YIN PAS SO, ,DE BZHIN KARnE KA RA DANG, ,ZHES BYA BA LA SOGS PA RNAM

, ,PA BZHI'I RIGS KYI YUM BZHI GTZO BO YIN PAS DBUL BAR BYA'O, ,BSAM GTAN GYI STOBS KYIS RAB TU BSKYED NAS ZHES PA NI PHYI ROL GYI ME TOG MED NA YID KYI MCHOD PAS DE BZHIN GSHEGS PA RNAMS MCHOD PAR BYA'O, ,DRANG BA'I DON TO ZHES PA NI PHYI'I MCHOD PA TZAM BSTAN PAS SO, ,LUNG GIS BSHAD PAR BYA BA STE ZHES PA NI RDO RJE PHRENG BA'I RGYUD LAS TE TSIG GI LHAG MA'O, ,GANG ZHIG RLUNG NI BCUR BSGRAGS PA, ,ZHES PA NI SROG LA SOGS PA RLUNG LNGA DANG RGYU BA LA SOGS PA NYE BA'I RLUNG LNGA STE, BCU NI PHUNG PO DANG DBANG PO LA BRTEN PA'I PHYIR RO, ,DE NI PADMA AUTPALA MING, ,ZHES PA NI, SHIN TU ZAB PA 'OD GSAL BA'I DE KHO NA NYID KYI MTSO LAS SKYES PA'I PHYIR RO, ,DE NYID NI YI GE GSUM MO, ,RDO RJE GSUM NI SKU LA SOGS PA'O, ,DE NYID RNAM PA GSUM NI DZ'A TI GCIG PU 'DOD PA STE SKU LA SOGS PA NYID YI GE GSUM LAS 'BYUNG BA'I PHYIR RO, ,KARnI KA RA LA SOGS PAS ME'I DKYIL 'KHOR LA SOGS PA BZHI YIN TE, KHA DOG DANG MTHUN PA'I PHYIR RO, ,MCHOD PA'I DON BSHAD PAR BYA STE, DNGOS MED GO 'PHANG LA GOMS PAS, ,ZHES PA NI, 'OD GSAL BA'I GO 'PHANG BSGOMS PAS SO, ,LHA RNAMS KYI NI SKUR SBYOR BA, ,ZHES PA NI DKYIL 'KHOR BZHI LA DBANG BYED PA SPYAN MA LA SOGS PA'I GZUGS DANG MTHUN PAS RDO RJE BZLAS PA LA SLOB PA GANG YIN PA DE NI GCIG TU SANGS RGYAS KUN MNYES PA'I ZHES PA NI DE BZHIN GSHEGS PA THAMS CAD KYI RANG BZHIN PHUNG PO DANG KHAMS DANG SKYE MCHED SBYONG BAR BYED PAS MCHOD PA CHEN POR DE 'GYUR RO ZHES PA NI BLA NA MED PA'I MCHOD PA 'DOD PAR BSTAN PA'O, ,DE NYID NI DGONGS PAS BSHAD PAS ME TOG BSTAN TO, ,PHYI DUS SKYE BOS MI SHES PA, ,ZHES PA NI MA 'ONGS PA'I DUS SU SEMS CAN RNAMS KYIS SHES PAR MI 'GYUR RO, ,MA RTOGS PA ZHES BYA BA LA SOGS PAS DGONGS PA'I DON MA RTOGS PAS RDO RJE 'CHANG CHEN PO'I DNGOS GRUB THOB PAR MI 'GYUR BA DANG, MOS PA DMAN PA'I DBANG GIS NYAN THOS PA'I RIGS CAN DANG 'DRA BA BDAG CAG SNGAGS KYI THEG PA CHEN PO LA SNOD MA YIN NO ZHES SMRAS NA LHA'I NGO BO RANG GI BDAG NYID SMOD NAS MI SDUG PA'I SGOM PA BSHANG GCI LA SOGS PA'I RANG BZHIN RTOGS PAS DE SMOD PA SANGS RGYAS THAMS CAD KYANG

SMOD PAR 'GYUR PA'I PHYIR 'KHOR BA LA 'KHOR BAR 'GYUR RO ZHES BSTAN TO, ,NGES PA'I DON TO ZHES PA NI RDO RJE BZLAS PA'I RIM PA SO SOR BSTAN PAS SO, ,RNAL 'BYOR PA GNYI GA'I THUN MONG ZHES PA NI RDZOGS PA DANG MA RDZOGS PA'I RNAL 'BYOR PA'I SPYOD YUL LO, ,NGOS RE ZHING DPAG TSAD NYI SHU RTZA LNGA YOD PAS NA ZHES PA NI RIGS BRGYA'I DBYE BA RNAM PAR DAG PAS SO, ,DE NI NYE BAR MTSON PA TZAM YIN TE, STONG DANG KHRI DANG 'BUM LA SOGS PA RGYA CHE BA YIN TE, RNAL 'BYOR PA'I SEMS KYI RGYUD KYI MOS PA RGYA CHE BA YIN PA'I PHYIR RO, ,NYE BAR MTSON PAS ZHES PA NI PHYAG MTSAN GYI SGO NAS DE BZHIN GSHEGS PA NYE BAR MTSON PAS SO, ,YID KYIS SAM BRIS PAS BSKYED PAR BYA'O ZHES PA NI GAL TE RGYAL PO LA SOGS PA SLOB MA YIN NA DE'I TSE DPAG TSAD BRGYA'I TSAD TZAM GYIS RGYAS PA BRI BAR BYA'O, ,KHYIM PA LA SOGS PA RNAMS LA RNAM PAR SNANG MDZAD KYIS DKYIL 'KHOR NI RGYUD LAS GSUNGS PA'I TSAD DANG LDAN PA BRI BAR BYA'O, ,YID KYIS NI DPAG TSAD BRGYA TZAM GYI TSAD TZAM BSGOM PAR BYA'I 'BRI BA NI DGAG PA MA YIN NO ZHES DGONGS PA'O, ,'OG NAS BSHAD PA ZHES PA NI MI BSKYOD PA LA SOGS PA'I DKYIL 'KHOR BZHI PO LA YANG GRU BZHI PA LA SOGS PA DANG SBYAR RO, ,DE YANG PHYI'I DKYIL 'KHOR GYI TSAD YIN TE, NANG GI DKYIL 'KHOR NI ZLUM PO NYID DO, ,BAG YOD PA DUS THAMS CAD DU'O ZHES PA NI DKYIL 'KHOR 'BRI BA LA SOGS PA LA SEMS RTZE GCIG PA'O, ,MI BSKYOD PA LA SOGS PA'I RIGS RNAMS TE ZHES PA NI THUGS RDO RJE 'CHANG DANG, DES SPRUL PA'I RIGS RNAMS SO, ,DE YANG ZHES BYA BA LA SOGS PAS RNAM PAR SNANG MDZAD KYI MTSAN MA DANG 'DRA BAR 'OD DPAG TU MED PA LA SOGS PA'I YANG MTSAN MA'I SGO NAS DKYIL 'KHOR MTSON PA BSTAN TO, ,SDEB SBYOR GYI DON DANG 'GAL BA ZHES PA NI TSIGS SU BCAD PA MA TSANG BAR 'GYUR RO, ,AUTPALA NI RIN PO CHE STE RDO RJE'I KHYAD PAR YIN PAS SO, ,DE YANG DPAG TSAD NAS BRTZAMS TE ZHES BYA BA LA SOGS PAS SLOB DPON DANG SLOB MA DAG LA MOS PA'I KHYAD PAR BSTAN TO, ,MCHOD RTEN DANG 'DRA BAS NA MCHOD RTEN TE ZHES PA NI SANGS RGYAS THAMS CAD KYI GZHI YIN PAS SO, ,RIN PO CHE SNA BZHI'I BDAG NYID YIN PAS NA ZHES PA NI SHAR LA SOGS PA'I PHYOGS KYI DBYE BAS SO, ,'DIS NI KHA DOG DKAR PO YONGS SU GZUNG BA ZHES PA NI DBUS KYIS GZHI'I KHA DOG BSTAN TO, ,DE BZHIN GSHEGS PA BDAG PO'I DBANG GIS

, ,KHA DOG LDOG PAR SHES PAR BYA'O, ,DKYIL 'KHOR GYI DE KHO NA NYID KYI BDAG NYID CAN YIN PAS ZHES PA NI DKYIL 'KHOR GYI RNAM PA DAG DANG LDAN PAS SO, ,GZHIR GYUR PA ZHES PA NI RTEN DANG BRTEN GYI RANG BZHIN NO, ,GSANG BA'I DBANG BSKUR BA'I PHYIR ZHES PA NI SLOB MA LA DE SBYIN PA'I PHYIR RO, ,BSGOM PAR BYA'O ZHES PA NI RDZOGS PA'I RIM PA LA LTOS NAS BSAM PAR BYA'O, ,DE LTAR ZHES BYA BA LA SOGS PAS SLOB MA'I BYA BA BSTAN PAR BYA STE GZUGS LA SOGS PA YUL LNGA ZHES PA NI NA BZA' LA SOGS PA PHYI'I YO BYAD RNAMS SO, ,DKYIL 'KHOR LA BRTEN PAR GYUR PA'AM LHA RNAMS LA ZHES PA NI MI BSKYOD PA LA SOGS PA RNAMS LA'O, ,MCHOD PA SNA TSOGS PA'I RGYA MTSO ZHES PA NI MTHA' YAS PA MTHAR THUG PA MED PA'I MCHOD PA'O, ,'DOD PA'I YON TAN ZHES BYA BA LA SOGS PAS MCHOD PA'I SPROS PA BSTAN TO, ,PADMA R'A GA LA SOGS PA ZHES PA NI RIGS KYI DBYE BAS RNAM PA SNA TSOGS PA'I RIN PO CHE DBUL BAR BYA'O, ,NA BZA' NI DAR DANG BAL LA SOGS PA STE ZHES PA NI DAR DPYANG LA SOGS PA'O, ,MIG CES BYA BA LA SOGS PAS DBANG PO LNGA'I SPYOD YUL BSTAN TO, ,DRI MA'I RNYOG PA THAMS CAD 'KHRUD PAS ZHES PA NI GTZANG BA DANG MI GTZANG BA LA SOGS PA'I RNAM PAR RTOG PA'I DRI MA GSANG BA'I DBANG BSKUR GYIS LDOG PAR 'GYUR RO, ,DE THOB PA'I 'DOD PAS KYANG MCHOD PAR BYA'O, ,JI SRID DBANG BSKUR BA YONGS SU RDZOGS KYI BAR DU ZHES PA NI DE BZHIN GSHEGS PA RNAMS DGUG PA'I PHYIR RO, ,ME TOG LA SOGS PA ZHES BYA BA LA SOGS PAS BLA MA DANG LHA DAG LA MCHOD PA DBUL BAR BSTAN TO, ,THUN MONG GI MCHOD PA ZHES PA NI GNYI GA LA YANG MTSUNGS PA'O, ,BLA MA'I KHYAD PAR GYI MCHOD PA NI GSANG BA'I MCHOD PA'O; ,'KHOR BA JI SRID PAR GNAS PA, ,ZHES PA NI BLA MA'I BKA' DRIN GYIS BSKAL PA LA SOGS PA'I DUS KYI BAR DU GNAS PA'O, ,BSKAL PA'AM NI BSKAL STONG PAR, ,YE SHES DBANG BSKUR GYIS GNAS 'GYUR, ,YE SHES GSUM LAS DAM PA YIN PAS NA MCHOG GO, ,CHAGS PA LA SOGS PA'I RANG BZHIN BRGYA DRUG CU DANG BRAL BAS NA ZAG PA MED PA'O, ,'OD GSAL BA YIN PAS NA BDE BA CHEN PO'O, ,DE SKYED PA'I ZHING DU GYUR PAS ZHES PA NI PHYAG RGYA MTSON PAS SO, ,LANG TSO MA NYAMS PA'O ZHES PA NI LO BCU GNYIS NAS BRTZAMS TE RIGS KYI DBYE BAS LO BCU GNYIS PA'I BAR DU'O, ,THAMS CAD MED NA NYI SHU RTZA LNGA PA LAS PHYI MA BLANG BAR MI BYA'O

ZHES DPAL 'DUS PA'I RGYUD KYI MAN NGAG GO, ,BUD MED KYI YON TAN THAMS CAD DANG LDAN PA ZHES PA NI BRANG SKYES DANG YAN LAG MCHOG LA SOGS PA RGYAS PA DANG LDAN PA'O, ,PADMA CAN NO ZHES PA NA, PADMA 'BRING PO'AM SPU MED PA DANG MTSAN MO'I PADMA'O, ,DPAG TU MED PA THA DAD PA ZHES BYA BA LA SOGS PAS CHA LUGS KYI MDZES PA NYID BSTAN TO; ,'BRAS BU THA MAL PA'O ZHES PA NI ZHI BA LA SOGS PA'I LAS KYI TSIGS SO, ,KHYAD PAR CAN GRUB PA SANGS RGYAS NYID DE ZHES PA NI PHYI MA'I SPROS PA LA MI LTOS PA'I PHYIR RO, ,'GRUB PA'I RGYUR ZHES PA NI 'JIG RTEN PA DANG 'JIG RTEN LAS 'DAS PA'I DNGOS GRUB KYI DON TO, ,SANGS RGYAS THAMS CAD KYI RANG BZHIN YIN PAS ZHES PA NI; RDO RJE SLOB DPON SKU 'DI LA, ,GO RIMS KYI NI RGYAL BA GNAS, ,ZHES 'BYUNG BA'I PHYIR RO, ,DE NYID BSTAN PA'I PHYIR, BLA MA ZHES BYA BA LA SOGS PAS BSTAN TO, ,RAB TU BTAB PA ZHES PA NI DAD PAS DBUL BA'O, ,BLA MA LA KHYAD PAR CAN GYI RDZAS DBUL BAR BYA BA'I DON DU ZHES PA NI DBUL BAR BYA BA'I RDZAS KYI PHYIR RO ZHES BYA BA'I DON TO; ,TSAD YONGS SU CHAD PA MED PA ZHES PA NI BLA MA LA DBUL BA'I YON LA YONGS SU GCOD PA'I NGES PA NI MED DE THAMS CAD YONGS SU DBUL BA'I PHYIR RO, ,PADMA R'A GA LA SOGS PA NI RIN PO CHE BDUN NO, ,YONGS SU BKANG BA'I ZHES PA NI GAL TE YOD NA DE'I TSE DBUL BAR BYA'O, ,YANG NA BUD MED LA SOGS PA RIN PO CHE BDUN TE LAM GYI SGRA'I DON TO, ,DE LA BUD MED RIN PO CHE NI GZHON PA MA NYAMS PA LO BCU DRUG LON PA'O, ,SKYES PA NI MDZOD DE NOR MI ZAD PA'O, ,NOR BU RIN PO CHE NI YID BZHIN GYI NOR BU RIN PO CHE STE BSAM PA THAMS CAD RDZOGS PAR BYED PA'O, ,'KHOR LO NI 'KHOR LO RIN PO CHE'O, ,RAL GRI NI RAL GRIS NYE BAR MTSON PA'I DMAG DPON NO, ,GLANG PO NI KHA DOG DKAR PO MCHE BA DRUG PA'O, ,RTA RIN PO CHE NI AUTPALA SNGON PO DANG 'DRA BA'O, ,BSOD NAMS DANG YE SHES KYI TSOGS LA MKHAS PA NI ZHES PA 'DIS NI BSOD NAMS DANG YE SHES KYI TSOGS 'PHEL BAR 'GYUR RO ZHES BSAM PA DANG LDAN PA'O, ,MTHAR THUG PA'I YE SHES DANG LDAN ZHING ZHES PA NI SNGAGS KYI THEG PA'I DON MA LUS PA RTOGS PA'O, ,GNYIS SU MED PA'I YE SHES ZHES PA NI BYANG CHUB KYI SEMS SPYOD PAS, GTZANG BA DANG MI GTZANG BA LA SOGS PA'I RNAM PAR RTOG PA GNYIS DANG BRAL BA'I DE KHO NA NYID CES BYA'O, ,SO SOR RTOGS PAR BYA BAR 'DOD CING ZHES PA NI DE MNGON SUM DU BYA BA'I PHYIR 'DOD PA DANG LDAN PA'O, ,DE'I MAN NGAG

, ,GIS ZHES PA NI GSANG BA'I DBANG BSKUR GYI MAN NGAG GIS SO, ,PHYAG RGYA CHEN PO'I DNGOS GRUB BSGRUB PAR 'DOD PAS ZHES PA NI DPAL RDO RJE 'CHANG GI GO 'PHANG THOB PA'I RGYUR GYUR PA SHES RAB DANG YE SHES 'DOD PAS SO, ,SHES RAB DANG YE SHES KYI DBANG BSKUR BA NI GSANG BA'I DBANG BSKUR BA SNGON DU 'GRO BAS SO, ,BSAM GTAN ZHES BYA BA LA SOGS PAS PHYI'I YO BYAD MED NA YID KYIS BYA'O ZHES BSTAN TO, ,DE LTAR ZHES BYA BA LA SOGS PAS BLA MA'I BYA BA BSTAN TE, JI LTAR RANG GI ZHES BYA BA LA SOGS PAS DKYIL 'KHOR GYI BDAG PO GANG YANG RUNG BA'I RDO RJE 'CHANG GI PHYAG RGYA CHEN PO BSGOM PAR 'DOD PA BLANGS NAS DE BZHIN GSHEGS PA'I 'KHOR LO'I DBUS SU NI LHA'I TSOGS KYI NANG DU GNAS PA, SANGS RGYAS NI DE BZHIN GSHEGS PA STE RANG GI PHUNG PO DANG KHAMS DANG SKYE MCHED RNAMS LA REG BYA RDO RJE MA LAS 'BYUNG BA'I BDE BA NI RANG GI PHYAG RGYA DANG SNYOMS PAR ZHUGS PA LAS 'BYUNG BA'I BDE BA CHEN PO DBUL BAR BYA'O ZHES BSTAN TO, ,DE YANG CI LTAR ZHE NA ZHES PAS DE NYID SPROS PAR BSTAN TE, DE'I DBUS NA GNAS PAR ZHES PA NI NAM MKHA'I DKYIL LA ZHUGS PA'I DE BZHIN GSHEGS PA'I TSOGS SO, ,GZUGS KYI PHUNG PO LA SOGS PAR GYUR PA'I ZHES PA NI GZUGS LA SOGS PA'I PHUNG PO LNGA LA'O, ,RNAM PAR SNANG MDZAD LA SOGS PA'I ZHES PA NI NAM MKHA'I DBYINGS LA BZHUGS PA RTAG PA LA SOGS PA'O, ,YE SHES KYI RANG BZHIN GYI SKU LA ZHES PA NI BDAG BYIN GYIS BRLAB PA'I RIM PA LAS 'BYUNG BA'I SKU LA'O, ,SPRUL PA'I SKU 'DZIN PAR BYA BA'I PHYIR ZHES PA NI DE YONGS SU GYUR PA LAS RDO RJE 'CHANG CHEN PO'I SKU RDZOGS PA'I DON TO, ,DE NAS ZHES BYA BA LA SOGS PAS DE BZHIN GSHEGS PA THAMS CAD BZHUGS NAS SANGS RGYAS THAMS CAD KYI RANG BZHIN GYI RDO RJE 'CHANG CHEN PO BSGOM PAR BYA'O ZHES BSTAN TO, ,YUL DANG DBANG PO'I GZUGS RNAMS KYIS, ,ZHES PA NI SNYOMS PAR ZHUGS PA'I RIM PAS SO, ,RNAM LA MCHOD CING ZHES PA NI RANG GI BDAG NYID TSIM PAR BYA'O, ,MCHOD PA DE NYID CES BYA BA LA SOGS PA SNYOMS PAR ZHUGS PA'I MCHOD PA BSTAN PAR BYA BA'I PHYIR BSTAN PA'O, ,DGA' BAS SEMS RAB TU DANG PA'I YID CES PA NI MCHOD PA LA SOGS PA'I SBYIN PA LAS BYUNG BA'I RAB TU DGA' BAS DRI MA MED PAS SHIN TU MGU BA'I YID DANG LDAN PA'O, ,TSIM PAR BYED PA'I PHYIR ZHES PA NI NA SO GZHON PA DANG, MDZES PA LA SOGS PA'I KHYAD PAR GYIS YID TSIM PAR BYED PA'I PHYIR RO, ,YID DU 'ONG BA NI DGA' BAR BYED PA'O, ,SLOB

MAS BSTABS PA'O ZHES PA NI GSANG BA'I DBANG BSKUR BA'I DON DU SLOB MAS DBUL BA'O, ,LHAG PAR GNAS PAS NA ZHES PA SKU LA SOGS PA LA DMIGS NAS GANG GIS RJES SU BZUNG BA DE LA DE SKAD CES BYA'O, ,AOm LA SOGS PA SA BON RNAMS NI SKYED PA'I SA BON RNAMS SO, ,DE'I PHYAG RGYA'I LUS LA ZHES PA NI DAM TSIG GI PHYAG RGYA'I LUS LA'O, ,GNAS JI LTA BA BZHIN DU ZHES PA NI YAN LAG DANG NYING LAG RNAMS LA BKOD NAS SO, ,RIGS LNGAS BYIN GYIS BRLAB PAR BYAS LA ZHES PA NI DE BZHIN GSHEGS PA LNGA PO'I SA BON GYI BYIN GYIS BRLAB PA BYAS PA'O, ,SNYOMS PAR 'JUG PA'I MTSAN NYID CAN ZHES PA NI RDO RJE DANG PADMA SBYOR BA'I RANG BZHIN ZHES BYA BA'I THA TSIG GO, ,PHYI'I MCHOD PA NI MCHOD PA RNAM PA LNGA'I MTSAN NYID DANG YID KYIS TE, DE LA LTOS NAS DE KHO NA NYID KYIS MCHOD PA NI MCHOG CES BYA'O, ,GTAN TSIGS BSTAN PA'I PHYIR, CHAGS PA DANG CHAGS PA DANG BRAL PA DANG CHAGS PA BAR MA NI SNANG BA LA SOGS PA YE SHES GSUM MO,, NYON MONGS PA RNAM PAR DAG PA'I GNAS NI 'OD GSAL BA STE, SNANG BA LA SOGS PA DANG DE LAS BYUNG BA'I RANG BZHIN RNAMS KYANG SBYOR BAR BYED PA'I PHYIR RO, ,MNGON SUM DU BYED PA'I PHYIR RO ZHES PA DE NI DE MYONG BAS SO, ,SLOB MA LA BLA MAS BYIN PA ZHES BYA BA LA SOGS PAS SNYOMS PAR ZHUGS PA'I CHO GA'I 'OG TU 'OD GSAL BA LA DMIGS PA'I PHYI MA'I DUS SU PHAt KYI SGRAS BYANG CHUB KYI SEMS SPRO ZHING SA LA MA LHUNG BA DUNG PHOR GYI PADMA'I NANG NAS BLANGS TE, BLA MAS BYIN PA DE BZHIN GSHEGS PA THAMS CAD KYI RANG BZHIN PHUNG PO LA SOGS PA TSIM PAR BYA BA DANG, KYE MA'O BDE BA CHEN PO ZHES SMRA BA'I SLOB MAS SPYOD PAR BYA BA DANG, BLA MAS KYANG BDUD RTZI LNGA DANG 'DRES SHING SPYOD PA LAS LHAG MA BYANG CHUB KYI SEMS DE NYID KYIS BKRA SHIS KYI TSIGS SU BCAD PA SNGON DU 'GRO BAR SLOB MA LA SPYI BOR DBANG BSKUR BAR BYA'O ZHES BSTAN TO, ,LA LA NI SNYOMS PAR ZHUGS PA'I 'OG TU SHES RAB KYI PADMA NYID CES BYA BA LA 'JUG PAR BYA'O ZHES SHES RAB KYI GSANG BA'I DBANG BSKUR RO, ,RDO RE SLOB DPON GYI BYANG CHUB KYI SEMS KYI THIG LE 'DZAG PA PADMA'I NANG NAS BSTAN PA GSANG BA'I RDO RJE MYANG BA LA 'JUG GO ZHES THABS KYI GSANG BA'I DBANG BSKUR BA LA 'JUG GO, ,DE BAS NA THABS DANG SHES RAB KYI GSANG BA'I DBANG BSKUR YIN NO ZHES LANG GA LI'I ZHAL SNGA NAS KYIS GSUNGS SO, ,JI SKAD DU ZHES BYA BA LA SOGS PAS LUNG

, ,TSAD MA NYID DU BSTAN TO, ,BYANG CHUB SEMS ZHES BYA BA LA SOGS PAS RIN PO CHE LTA BU BSAM PA THAMS CAD RDZOGS PAR BYED PA'I BYANG CHUB KYI SEMS SPRO BAR BYA STE, DE BZHIN GSHEGS PA THAMS CAD 'JUG PA SNGON DU 'GRO BAR BYAS LA NAM MKHA'I KHAMS LA BZHUGS PA RGYAL BA MA LUS PA'I RNAM PAR DAG PA'I SKU NI DRI MA MED PA'I YE SHES KYI RANG BZHIN GYI SKU LHAG PAR MOS TE, DBANG BSKUR BA NI SLOB MA'I KHA LA NGES PAR 'JUG PA'O, ,DE BZHIN DU RIN CHEN DANG 'DRA BA RDO RJE LAS BYUNG BA YE SHES KYI CHU BDUD RTZI LNGA DANG LDAN PA'I BYANG CHUB KYI SEMS KYI THIG LE DANG BCAS PAS SPYI BOR YANG DBANG BSKUR BAR BYA'O ZHES BSTAN TO, ,'DI NI ZHES BYA BA LA SOGS PAS PHAN YON BSTAN PAR BYA'O, ,MCHOD PA BSTAN PAS ZHES PA NI, BLA NA MED PA'I MCHOD PA'I TSUL GYIS SO, ,GSANG BA'I DBANG BSKUR BA STE ZHES PA NI SNGAR BSHAD PA'O, ,DE BZHIN GSHEGS PA THAMS CAD DANG 'BREL PAR GYUR PA'O ZHES PA NI NAM MKHA'I DBYINGS LA BZHUGS PA'I DE BZHIN GSHEGS PA THAMS CAD 'JUG PA YONGS SU GYUR PA LAS BYUNG BA'O, ,MI 'JIGS PA'I SKU DANG GSUNG DANG THUGS BSKYED PA ZHES BYA BA NI RNAM PAR SMIN PA DPAL RDO RJE 'CHANG GI SKU LA SOGS PA RDZOGS PAR BYED PA'O, ,JI SKAD DU, DE DUS NAS BRTZAMS DE NI RTOG PA MED, ,DE YI KHA DOG DBYIBS DANG JI LTAR MTSAN, ,BSAM GYIS MI KHYAB RNAM PAR SMIN PA'I SKU, ,SDOM PA DE LAS BYA BA BYAS PAS THOB, ,CES 'BYUNG NGO, ,SLOB BZHIN PA'I RNAL 'BYOR PA RNAMS KYIS ZHES PA NI BSKYED PA'I RIM PA SGOM PAR BYED PA'I RNAL 'BYOR PA RNAMS SO, ,BYA BA'I RGYUD LA SOGS PA LA ZHUGS PA RNAMS LA GSANG BA YIN PAS SO ZHES PA NI BYA BA'I RGYUD LA SOGS PA 'JUG PA LA SBA BAR BYA'O, ,'JIG RTEN PA'I DNGOS GRUB NI ZHI BA LA SOGS PA'O, ,A'A LI DANG K'A LI LAS BYUNG BA ZHES BYA BA NI A'A LI DANG K'A LI BSDU BAR BYED PA'I YI GE GSUM GYIS SLOB PA'O, ,SPRUL ZHES BYA BA LA SOGS PA ZHES PA NI SPRUL DANG, MGO MED DANG, MTHA' MED DANG, BSDU BA LA SOGS PA'O, ,MA TSANG BA MED PA'I DNGOS GRUB SKYED PA ZHES BYA BA NI ZHI BA LA SOGS PA'I PHRIN LAS YONGS SU TSANG BAR BYED PA'O, ,SGRA JI BZHIN PA ZHES BYA BA NI SPYOD PA'I DON BSTAN PA STE, SPYOD PA JI LTA JI LTAR GSUNGS, ,ZHES 'BYUNG BA'I PHYIR RO, ,SGRON MA GSAL BAR BYED PA'I 'GREL PA'I t'I K'A LAS LE'U BRGYAD PA'I RGYA CHER BSHAD PA'O,, ,,

, ,DBANG BSKUR BA ZHES BYA BA LA SOGS PAS LE'U DGU PA'I BSHAD PA BRTZAM PAR BYA STE, RMAD DU BYUNG BA'I BYA BAS KYANG ZHES PA NI 'JIG RTEN DANG 'GAL BA'I SPYOD PA'I BYA BAS SO, ,BYANG CHUB SGRUB [DD] PA ZHES PA NI RDO RJE 'CHANG GI PHYAG RGYA CHEN PO'I SKU RDZOGS PA'O, ,DGOS PA NI 'DI YIN TE GSANG BA'I DBANG BSKUR BA THOB NAS DE'I DUS SU RDO RJE 'CHANG CHEN PO DE NYID 'GRUB PA'I PHYIR, STOBS KYI SBYOR BAS BYANG CHUB BSGRUB PAR BYA STE, DE'I PHYIR LE'U BRGYAD PA'I YAN LAG TU GYUR BA'I LE'U DGU PA YIN NO, ,NAM MKHA' BZHI'I BDAG NYID CAN GYIS NA ZHES PA NI STONG PA DANG SHIN TU STONG PA DANG STONG PA CHEN PO DANG THAMS CAD STONG PA STE STONG PA BZHI'I BDAG NYID CAN NO, ,YANG NA RUS SBAL MA DANG ZLA BA MA DANG LHA SBYIN MA DANG NOR RGYAL MA STE BHA GA'I SHAR PHYOGS LA SOGS PA'I PHYOGS RNAMS LA GNAS PA STE 'BYUNG BA'I RTZA'O, ,DBUS SU 'DOD PA'I GDUGS TE DPAL RDO RJE 'CHANG CHEN PO'I RANG BZHIN NO, ,DE LTAR NAM MKHA' BZHI'I BDAG NYID CAN NO, ,JI SKAD DU, BHA GA'I DBUS SU NAM MKHA' GANG, ,NAM MKHA' LNGA YIS BRGYAN PA STE, ,LTE BA DANG NI ZE'U 'BRUR LDAN, ,'DAB

, ,MA RNAM PA BRGYAD KYIS MDZES, ,THIG LE'I GZUGS CAN BDUD RTZI NI, ,DER GNAS RTAG TU 'DZAG PAR BYED, ,CES 'BYUNG NGO, ,DE BZHIN DU, NAM MKHA' NAM MKHA' DANG SBYOR BA, ,THAMS CAD NAM MKHA' NAM MKHA' CHE; ,ZHES 'BYUNG BAS SO, ,DE NYID KYIS NA ZHES PA LA MI 'JIG PA'I PHYIR RO, ,BYA BA'I RGYUD LA SOGS PAR RAB TU ZHUGS PA RNAMS KYI ZHES PA NI, DPAL SGROL MA 'BYUNG BA LA SOGS PA'I RGYUD RNAMS LA RAB TU ZHUGS PA RNAMS KYI'O, , DBANG BSKUR BA'I SPYOD PA ZHES BYA BA NI BYA BA'I RGYUD DE LA 'JUG PA RNAMS KYI BUM PA LA SOGS PA'I DBANG BSKUR LNGA DANG SPYOD PA'I RGYUD LA 'JUG PA RNAMS KYI DE NYID BRGYAD DANG, RNAL 'BYOR RGYUD LA 'JUG PA RNAMS KYI DE NYID DE 'ON KYANG SEMS MA RDO RJE LA SOGS PA'I DBANG PO'I DBANG BSKUR NI BZHI'O, ,'DIR BZHI NI RAB TU PHYE NA BCU BZHIR 'GYUR RO, ,DE RNAMS KYI STENG NA GNAS PAS ZHES PA NI RNAL 'BYOR CHEN PO'I RGYUD KYI SPYOD PA THAMS CAD KYI MCHOG YIN PAS SO, ,DNGOS GRUB 'DOD PA RNAMS KYIS ZHES PA NI ZHI BA LA SOGS PA'I 'JIG RTEN PA'I DNGOS GRUB 'DOD PAS SO, ,DE BZHIN GSHEGS PA DRUG PA ZHES PA NI THAMS CAD BSU BAR BYED PA BCOM LDAN 'DAS RDO RJE 'CHANG ZHES BYA BA'I DON TO, ,SBYAR RO ZHES PA NI BYA BA DANG BYED PA PO'I TSIG DAG GI

'BREL PA'O, ,BDAG NYID KYI SKU DANG GSUNG DANG THUGS KYI LONGS SPYOD LA ZHES PA NI RNAL 'BYOR PA'I 'BREL PA DANG LDAN PA'I SKU GSUNG THUGS KYI BDE BA CHEN PO MYONG BA'O, ,RNAM PAR SNANG MDZAD LA SOGS PA'O ZHES PA NI RNAM PAR SNANG MDZAD LA SOGS PA RE RE'I SKU LA SOGS PA'I NGO BO YIN PAS SO, ,SHIN TU RMAD DU BYUNG BA'I DKYIL 'KHOR ZHES PA NI SROG GCOD PA DANG MA BYIN PAR LEN PA DANG GZHAN GYI BUD MED LA 'GRO BA DANG BRDZUN SMRA BA DANG TSIG RTZUB MO'I SGO NAS DPAL RDO RJE 'CHANG GI GO 'PHANG THOB PAR BYED PA'O, ,RIN PO CHE LTA BU'I GANG ZAG GI SPYOD YUL YIN GYI ZHES PA NI DBANG PO RNO BA'I GANG ZAG DAM PA RNAMS KYI SPYOD YUL YIN PAS SO, ,GZHAN SANGS RGYAS KYI MU STEGS PA DAG CES PA NI NYAN THOS KYI THEG PA LA SOGS PA ZHES BYA BA'I DON TO, ,SKRAG PAR BYED PAS ZHES BYA BA NI BSDIGS PAR BYED PAS SO, ,BSDIGS PA DE YANG SROG GCOD PA LA SOGS PA'I TSA BA'I RNAM PAR SMIN PA THOB PAS SO, , THABS LA MKHAS PA DANG LDAN PA'I BSNGAGS PA RNAMS KYIS 'GAL BA'AM MI 'GAL BA BYED PAS BYANG CHUB NYID THOB PAR 'GYUR TE, DGE BA'AM NI MI DGE BA, ,BYANG CHUB SEMS DPA' BRTAGS PA YIS, ,THAMS CAD DGE BA NYID 'GYUR TE, ,GANG PHYIR DE RNAMS YID DBANG PO, ,ZHES BSHAD PA'I PHYIR RO, ,MI BSTAN PA NI ZHES PA LA, DE RNAMS LA BSHAD PAR MI BYA'O, ,DE NYID BSTAN PAR BYA BA'I PHYIR, RNAM PA DE LTA BU ZHES BYA BA LA SOGS PAS BSTAN TO, ,SGRA JI BZHIN PA'O ZHES PA NI, BSTAN PA TZAM SO SOR BSTAN PA LA SOGS PA'I SGRAS SO, ,NAM MKHA'I DBYINGS KYI DBUS GNAS PA, ,ZHES PA NAS BRTZAMS TE, GZHAN DU SDIG PA'I YUL YIN NO, ,ZHES PA'I BAR DU THUGS RDO RJE 'CHANG GI TING NGE 'DZIN GYIS DKON MCHOG GSUM LA GNOD PAR BYED PA DANG MTSAMS MED PA RNAM PA LNGA BYED PA LA SOGS PA LA MNGON SPYOD KYI SGO NAS MI BSKYOD PA'I SANGS RGYAS KYI ZHING LA SKYE BA BSTAN TO, ,DE LA RIM PA NI 'DI YIN TE, RE ZHIG DANG PO RNAL 'BYOR PAS, ,DANG PO'I SBYOR BA'I TING NGE 'DZIN GYIS DPAL RDO RJE 'CHANG CHEN PO'I PHYAG RGYA CHEN PO'I SKU BSGOMS LA DE YONGS SU GYUR PA LAS BCOM LDAN 'DAS MI BSKYOD PA ZHAL GSUM PHYAG DRUG PA SNGAR BSHAD PA'I SKU MDOG DANG PHYAG MTSAN 'DZIN PA BSGOMS TE,

, ,RANG GI PHYAG LA 'BAR PA'I PHRENG BAS KHYAB PA RTZE LNGA PA'I RDO RJE RNAM PAR BSAMS LA, GDAN GYI PADMA'I NANG NAS GRU GSUM PA ME'I DKYIL 'KHOR GYI STENG DU YI GE H'Um LAS BYUNG BA'I NYI MA'I DKYIL 'KHOR 'BAR BA'I PHRENG BA RNAM PAR SPRO BA BSAMS TE, RANG GI SNYING GAR NYI MA'I DKYIL 'KHOR GYI STENG DU H'Um LAS BYUNG BA'I 'BAR BA'I RDO RJE NYID BKOD LA DKON MCHOG GSUM LA SOGS PA LA GNOD PAR BYED PA GCER BU SKRA GROL BA TIL MAR GYIS YAN LAG BYUGS PA, RLUNG GI DKYIL 'KHOR GYI STENG DU ME'I DKYIL 'KHOR GRU GSUM 'BAR BA'I PHRENG BAS KHYAB PA LA 'DUG PA KHRO BO'I RGYAL PO'I TSOGS KYIS THO BA LA SOGS PAS BRDEG PAR GYUR PA, MCHE BA RNO BA DANG LDAN PA'I KHYI LA SOGS PA'I SROG CHAGS MA RUNGS PAS BSKRAD PAR BYA BA BSAMS LA, SDIG PA CHEN PO DANG LDAN PA 'DI YIN NO ZHES, NAM MKHA' LA BZHUGS PA'I DE BZHIN GSHEGS PA RNAMS LA GSOL BA 'DEBS SHING GSAN DU BCUG LA LAS KYI RNAM PAR SMIN PA DKA' BA MNAR MED PA'I SDUG BSNGAL DE'I RJES SU DRAN NAS DE GDON PA'I BSAM PA DANG LDAN PAS RLUNG GI DKYIL 'KHOR GYI G-YO BA CHOS 'BYUNG GI NANG NAS 'BYUNG BA, DE'I DBUS NA GNAS PA'I GRU GSUM PA 'BAR BA'I 'OD KYIS GDUNG BAR BYA BA PADMA'I NANG DU ZHUGS PA'I GSANG BA'I RDO RJE 'BAR BAS PHYE MAR BRLAG BAR BYA BA RANG GI SNYING GA LA GNAS PA'I 'BAR BA'I RDO RJE YANG DAG GI LAM NAS SPROS TE, LHA MO'I KHAR BCUG LA DE'I SNYING GAR PHYIN NAS DE LAS KYANG THOG 'BAR BA BZHIN DU BCUG NAS PHYE MAR GYUR PA BSREGS PAS THAL BAR GYUR BAR BSAMS TE, DE'I RNAM PAR SHES PA YANG DANG BA MAR ME DANG 'DRA BAR BLTAS TE, DE YONGS SU GYUR BA LAS BCOM LDAN 'DAS MI BSKYOD PA ZHAL GSUM PA LA SOGS PA LTA BU LHA MO DANG SNYOMS PAR ZHUGS PAR DMIGS LA DE LAS SPROS TE, ZHE SDANG GI SPYOD PA DANG LDAN PA'I SEMS CAN GYI KHAMS SBYONG BA SNGON DU 'GRO BAS MNGON PAR DGA' PA'I SANGS RGYAS KYI ZHING LA BZHUGS PA DKYIL 'KHOR PA RNAMS KYIS YONGS SU BSKOR BA CHOS STON PAR MDZAD PAR BSAM PAR BYA'O, ,'OD 'PHRO BA ZHES BYA BA LA SOGS PA RDO RJE 'OD DANG BCAS PA 'DI BSTAN TO, ,'DIS ZHES BYA BA LA SOGS PA NI SPYI LA GCIG GI TSIG GO, ,KHAMS GSUM DU BYUNG BA'I DE

BZHIN GSHEGS PA RNAMS ZHES PA NI DE BZHIN GSHEGS PA RNAMS DBANG POR BYAS NAS SO, ,RDO RJE PHYE MAR BRLAG PA STE, ,ZHES PA NI RDO RJE GSUM GYIS GDUL BAR DKA' BA'I GDUL BYA RNAMS SO, ,DE RNAMS KYIS ZHES PA NI GDUL BAR DKA' BA'I BSGRUB BYA RNAMS KYI'O, ,SKU LA SOGS PA NI RDO RJE GSUM PO DES PHYE MAR BRLAG PAR BSAM PAR BYA'O, ,THUGS KYI DNGOS GRUB THOB PAR 'GYUR BA STE ZHES PA NI, BSGRUB BYA DPAL RDO RJE THUGS KYI RDO RJE 'CHANG GI GO 'PHANG THOB PA'O, ,RDO RJE GSANG BA 'DI LTA BUS, ,ZHES PA NI GSANG BA'I RDO RJE DANG SNYING GA'I RDO RJE DANG PHYAG MTSAN GYI RDO RJE GSUM GYIS MTSAMS MED PA LNGA BYED PA'I SEMS CAN THAMS CAD BRLAG PAR BYA'O, ,BSAM GTAN GYI KHYAD PAR ZHES BYA BA LA SOGS PAS PHAN YON BSTAN TO, ,MI BSKYOD PA'I SANGS RGYAS KYI ZHING DU ZHES PA NI MNGON PAR DGA' BA LA'O, ,RGYAL BA'I SRAS ZHES PA NI RGYAL BA DANG, RGYAL BA'I SRAS NI RGYAL SRAS TE, SANGS RGYAS DANG BYANG CHUB SEMS DPAR SKYE BAR 'GYUR RO, ,'DI NI ZHES BYA BA LA SOGS PAS NYE BAR BSDUS PA'O, ,'DIR GANG ZHIG GCIG PU ZHES BYA BA LA SOGS PAS LUNG TSAD MA NYID DU BSTAN TE, GAL TE GCIG PU NI GDUL BAR DKA' BA SKYE BO THAMS CAD LA 'TSE BAR BYED PA'O, ,BSAD NA NI DE GDON BA'I PHYIR SROG DANG BRAL BAR BYA BA'O, ,MANG PO BDE BAR 'GYUR BA NI BDE BA DANG LDAN PAR GYUR PA GANG YIN PA DE YIN PAS SO, ,BSOD NAMS KYI PHUNG PO CHEN POR 'GYUR RO, ,GZHAN DU NI GAL TE DE LTAR MA BYAS NA, 'PHRAN TSEGS LA DMIGS PA TZAM GYIS PHA ROL GYI SKYON MTHONG NAS MNGON SPYOD BYED NA DE'I TSE SDIG PA'I PHUL DU 'GYUR TE SNYING RJE DANG PHRAL BAS SO, ,SROG GCOD PAS NI MNAR MED PA'I SDUG BSNGAL 'BYUNG BAR 'GYUR TE, SROG GCOD PA NI MA RUNGS PA, ,DRAG PO LAG PA KHRAG GIS BYUGS, ,SDIG PA'I LAS NI KUN DU SPYOD, ,DU 'BOD LA NI SKYE BAR 'GYUR, ,ZHES 'BYUNG BAS SO, ,'O NA TING NGE 'DZIN GYI STOBS KYIS GSOD PA DE YANG DMYAL BA'I RGYUR JI LTAR MI 'GYUR ZHE NA, SMRAS PA, BYANG CHUB SEMS DPA' SEMS DPA' CHEN POS ZHE SDANG LAS BYUNG BA'I GSOD PA MI BYED CING 'ON KYANG SNYING RJE CHEN PO LAS 'BYUNG BA'O, ,SNYING RJE CHEN PO YANG TSAD MED PA'I MTSAN NYID CAN BSOD NAMS KYI TSOGS KYI RGYU NYID DU

, ,'GYUR RO, ,DE BAS NA BSAM PA'I KHYAD PAR GYI DBANG GIS MI DGE BA YANG DGE BAR 'GYUR BA DANG, DGE BA YANG MI DGE BAR 'GYUR TE, SBYIN PA BTANG BAS SBYIN PA'I 'GYOD PA SKYES PA BZHIN NO, ,DGE BA'AM NI MI DGE BA, ,BYANG CHUB SEMS DPA'I RTOG PA YIS, ,THAMS CAD DGE BA NYID GYUR TE, ,GANG PHYIR DE RNAMS YID DBANG BA'O, ,ZHES 'BYUNG NGO, ,GZHAN YANG NANG NA SNYING RJES KHYAB PA'I PHYI ROL DU GZUGS 'GYUR BA'I BYANG CHUB SEMS DPA' RNAMS KYIS 'GRO BA 'DUL BAR BYED PA STE, ,JI SKAD DU, NYI MA'I 'OD KYIS GDUNGS PA'I MTSO CHEN PO, ,MTSUNGS PA'I SKU LDAN KHROS PA'I SNYING RJE CHE, ,NANG NA GANGS LTAR SHIN TU GRANG BA STE, ,'GRO BA 'DUL PHYIR PHYI ROL DU NI TSA, ,ZHES 'BYUNG BAS SO, ,GZHAN YANG MNGON SPYOD YIN MOD KYI, 'ON KYANG YAN LAG LNGA PO'I SROG GCOD PA'I YAN LAG GCIG MA TSANG BAS SROG GCOD PA MA YIN NO ZHES LUNG LAS GSUNGS SO, ,RNAM PAR RTOG PA'I DRI MA MA LUS PA RAB TU BCOM PA SEMS KYI RGYUD THUGS RJE CHEN POS TSIM PA, MNAR MED PA'I SDUG BSNGAL LAS GDUL BAR DKA' BA'I SEMS CAN RNAMS GDON PAR DKA' BA 'BA' ZHIG TU BYANG CHUB SEMS DPA' MA YIN GYI JI SRID MNGON PAR DGA' BA'I SANGS RGYAS KYI ZHING LA DE RNAMS RAB TU GNAS PAR 'DOD PA SNGAGS DANG PHYAG RGYA DANG TING NGE 'DZIN GYI RIM PAS DE RNAMS KYI SROG 'GUGS PAR BYED PA'I JI LTAR SDIG PA SKYE BAR 'GYUR, 'ON TE SEMS CAN MA LUS PA'I DON BSGRUB PAS LONGS SPYOD DANG THAR BA'I 'BRAS BU THOB PAR 'GYUR RO ZHES, BSDUS PA'I DON TO, ,YANG NA 'KHOR GSUM RNAM PAR DAG PAS MNGON SPYOD BYED NA YANG SKYON MED DE, DRAG PO'I NYER 'GRO RNAM RIG NI, ,SKAD CIG YIN PAS MI 'THAD DE, ,'ON TE TSUL 'DI NYID LA NI, ,GANG DU BSAD BYA GSOD BYED MIN, ,ZHES 'BYUNG BAS SO, ,GTI MUG GI DAM TSIG CES PA NI RNAM PAR SNANG MDZAD KYI RIGS KYI DAM TSIG GO, ,RMONGS SHING MA RIG PA ZHES PA NI SNANG BA NYE BAR THOB PA'I YE SHES KYI RNAM GRANGS SO, ,YANG DAG PA'I MTHA' THOB PAR MDZAD PA ZHES PA NI 'OD GSAL BA'I DE KHO NA NYID MNGON DU BYED PA'O, ,SNANG BA NYE BAR THOB PA LA SOGS PA'I RIM PAS 'OD GSAL BA'I GO 'PHANG MNGON DU BYED PAR 'GYUR TE, RIM PA GNYIS PA

DANG BZHI PA DAG GIS SO, ,RANG BZHIN GYIS YONGS SU DAG PA STE DE NYID KYI PHYIR RO, ,BSOD NAMS DANG BSOD NAMS MA YIN PA DAG GIS MA GOS PA NI ZHES PA LA, KUN NAS NYON MONGS PA DANG, RNAM PAR BYANG BA'I BAG CHAGS DAG GIS MA REG PA'O, ,DES NI ZUNG DU 'JUG PA'I RIM PA'I BDAG NYID BCOM LDAN 'DAS BSTAN TO, ,SER SNA'I NYON MONGS BA SEL BA'I BDAG NYID KYIS ZHES PA NI NYON MONGS PA SER SNA LAS LDOG PA'I MTSAN NYID CES BYA BA'I DON TO, ,PHYIN CI MA LOG PAS ZHES PA NI MI SLU BA'O, ,RDZAS DGUG PA NI SER SNA DANG BCAS PA'I SKYE BO'I NOR DGUG PA'O, ,BSHAD ZIN PA NI MI BSKYOD PA LA SOGS PA'I TING NGE 'DZIN BZHIN NO, ,'KHOR LO'I DKYIL 'KHOR ZHES BYA BA LA SOGS PAS DANG PO SBYOR BA'I TING NGE 'DZIN GYI RIM PAS RANG GI BDAG NYID RDO RJE 'CHANG CHEN PO'I SKU BSKYED LA DE YONGS SU GYUR PA LAS JI LTAR GSUNGS PA'I DBYIBS DANG KHA DOG LA SOGS PA DANG LDAN PA RNAM PAR SNANG MDZAD BSGOMS LA, DKYIL 'KHOR RGYAL BA MCHOG GI TING NGE 'DZIN GYIS DKYIL 'KHOR PA RNAMS SPROS LA DE RNAMS KYANG SER SNA CAN GYI SKYES BU'I MDZOD LA SOGS PA LA ZHUGS NAS RANG GI BA SPU'I BU GNAS BYUNG BA'I 'OD ZER GYI TSOGS KYIS DE RNAMS KYI RIN PO CHE LA SOGS PAS BCINGS TE, RANG GI LCE LAS BYUNG BA'I YI GE HR'I: YONGS SU GYUR PA'I LCAGS KYUS BKUG LA RLUNG GI DKYIL 'KHOR GYIS BSKUL ZHING DE BZHIN GSHEGS PA KHRO BO'I GZUGS 'DZIN PAS BSRUNG BA, RANG GI MDZOD LA 'JUG CING GNAS PAR BSGOM PAR BYA'O, ,DE NYID BSTAN PAR BYA BA'I PHYIR, RDO RJE 'CHANG CHEN PO'I PHYAG RGYA CHEN PO'I SKU STE DANG PO SBYOR BA'I YAN LAG TU GYUR PA'I TING NGE 'DZIN LAS BSKYED PA'O, ,DE YONGS SU GYUR PA LAS ZHES PA NI RDO RJE 'CHANG CHEN PO YONGS SU GYUR BAS SO, ,RNAM PAR SNANG MDZAD DU BDAG NYID BSGOMS LA ZHES PA NI RJES SU RNAL 'BYOR DANG SHIN TU RNAL 'BYOR DANG RNAL 'BYOR CHEN PO'I RIM PAS RDZOGS PA'O, ,DKYIL 'KHOR THAMS CAD CES PA NI MI BSKYOD PA LA SOGS PA'O, ,DBYUNG BAR BYA'O ZHES PA NI PHYAG RGYA 'DUS BYAS PA SNGON DU 'GRO BAR DKYIL 'KHOR RGYAL BA MCHOG GI TING NGE 'DZIN GYI RIM PAS SPRO BAR BYA'O, ,DKAR PO LA SOGS PA'I MDOG DANG LDAN PA ZHES PA NI DKAR PO LA

, ,SOGS PA'I 'OD ZER DANG LDAN PA'O, ,RIN PO CHE'I RIGS ZHES PA NI CHU SHEL LA SOGS PA RIN PO CHE'I RIGS SO, ,DE YI DON DU RAB SBYOR BAS, ,ZHES PA NI DE RNAMS DGUG PA'I DON DU'O, ,MI BSKYOD PA LA SOGS PA DE BZHIN GSHEGS PA RNAMS SU ZHES PA NI RAB TU BRTAG CING GTONG BA STE, 'OD CES PA NI 'OD ZER GYI SBYOR BAS SPRO BAR BYA'O, ,DE NYID BSTAN PAR BYA BA'I PHYIR, RIN PO CHE GANG DANG GANG ZHES BYA BA LA SOGS PA SMOS TE, DGONGS PA NI JI LTAR DKAR PO LA SOGS PA'I KHA DOG DANG LDAN PA RNAM PAR SNANG MDZAD LA SOGS PA'I SKU LA DMIGS NAS ZHI BA LA SOGS PA 'GRUB PA DE BZHIN DU KHA DOG MTHUN PA LA DMIGS NAS RIN PO CHE RNAMS KYANG DGUG PAR BYA'O, ,DE LTAR ZHES BYA BA LA SOGS PAS BKA'I 'KHOR LO BSKUL BA SNGON DU 'GRO BAR RNAL 'BYOR PA'I PHRIN LAS BSHAD PAR BYA STE, DE BZHIN GSHEGS PA RNAMS KYIS RDZAS DGUG PA ZHES PA NI SER SNA CAN GYI SKYES BU'I NOR DGUG BYA'O, ,RDO RJE GSUM NI MDOR BSTAN PA'O, ,SKU DANG ZHES BYA BA LA SOGS PAS NI RGYAS PAR BSHAD PA'O, ,'DI LTA STE BA SPU'I BU GA ZHES PA LA SOGS PA YANG BSHAD PA'O, ,DE YANG GO SLA'O, ,PHAN YON BSTAN PAR BYA BA'I PHYIR MI ZAD PA'I PHYIR NA ZHES PA NI SNOD DAM PA LA DBUL BA'I PHYIR RO, ,SKYES BU GANG GIS SANGS RGYAS LA 'BUL TE, ,DE YI LONGS SPYOD PHUN SUM TSOGS PA MI ZAD 'GYUR, ,ZHES 'BYUNG NGO, ,YID LA MNGON PAR 'DOD PA'I DON RAB TU SKYED PA'I NOR BU'I BYE BRAG STE ZHES PA NI, 'KHOR LOS SGYUR BA'I KHYIM DU GANG YOD PA'O, ,DE DANG 'DRA BA NI DE DANG MTSUNGS PA STE PHA ROL LA RNAMS KYI YANG DBUL BO'I SDUG BSNGAL BCOM PAR BYED PA'O, ,'O NA BSAM PA DANG DAD PA DAG GIS GZHAN LA SBYIN PA GANG YIN PA DE'I 'BRAS BU DANG 'BREL BA RIGS PA YIN TE, SBYIN PA DAD PAS DBUL BAR BYA, ,ZHES 'BYUNG BAS SO, ,GANG ZHIG DAD PA'I SEMS MA BYUNG BA'I SER SNA CAN GYI NOR STOBS KYIS PHROGS PA DE'I 'BRAS BU DANG 'BREL BA MED NA MI ZAD PA NYID SMOS KYANG CI DGOS, GANG GI PHYIR DGE BA 'AM MI DGE BA'I LAS THAMS CAD KYI BYA BA YID KYI BYA BA DANG 'BREL PAS 'BRAS BU DANG LDAN PAR 'GYUR GYI, LUS DANG NGAG GI RNAM PAR RIG BYED YOD NA

YANG DE MNGON DU MA GYUR PAS DON MED PAR 'GYUR RO, ,BZLAS PA DKA' THUB THAMS CAD NI, ,YUN RING DU YANG BYAS PA STE, ,GZHAN GYI SEMS KYIS BYAS PA NA, ,DE NYID RIG PAS DON MED GSUNGS, ,ZHES 'BYUNG NGO, ,SER SNA CAN GYI SBYIN PA'I SEMS MED PA 'BA' ZHIG TU MA ZAD KYI 'ON KYANG KHROS PA'I SOGS KYANG BSKYED TE RDZAS DBROG PAR MTHONG BAS SO, ,GANG LA SMOD PA'I SEMS BSKYED PA DE NI BYANG CHUB SEMS DPA'O, ,BYANG CHUB SEMS DPA' LA SEMS KYIS SMOD PAS DMYAL BAR SKYE BAR 'GYUR TE, DE LTAR YON BDAG RGYAL BA'I SRAS LA NI, ,GANG GI RANG GI SEMS KYIS SMOD BYED PA; ,SMOD PA RNAMS NI 'BYUNG BA'I GRANGS KYI NI, ,BSKAL PAR DMYAL BAR GNAS ZHES MGON POS GSUNGS, ,GAL TE GANG GIS YID NI DAD GYUR NA, ,DE YI 'BRAS BU DE LAS LHAG PAR BSKYED, ,GANG PHYIR STOBS NI CHEN POS SDIG PA NI, ,RGYAL BA'I SRAS LA LHUN GYIS DGE BAR 'GYUR, ,ZHES 'BYUNG NGO, ,DE BAS NA MI ZAD PA ZHES RIGS PA MA YIN NO ZHE NA, SMRAS PA 'DIR BYANG CHUB SEMS DPA' SEMS DPA' CHEN POS GZHAN GYI DON BYA BA LAS MA GTOGS PA GZHAN NI MI SPYOD PA DE GZHAN GYI DON YANG SNYING RJE CHEN PO MNGON DU GYUR PA SNGON DU 'GRO BA YIN NO, ,JI SKAD DU, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,MDOR BSDUS PA DANG RGYAS PA YIS, ,DE NI JI LTAR MDO BSHAD BYA, ,ZHES 'BYUNG NGO, ,DE BAS NA SNYING RJE CHEN PO DANG LDAN PA'I BYANG CHUB SEMS DPA' SER SNA CAN GYI RNAM PAR SMIN PA TSA BA'I YI DAGS NYID RNAM PAR SPYOD NAS DE LAS GDON PA'I BSAM BAS, GAL TE DE'I NOR SNGAGS DANG PHYAG RGYA'I SBYOR BAS 'PHROG NA DE'I TSE DE'I SDOM PA NYAMS PAR MI 'GYUR TE, BSAM PA'I KHYAD PAR DANG LDAN PA'I PHYIR RO, ,NOR GYI BDAG PO RNAMS KYANG SNOD DAM PA'I LAG TU BYIN PAS 'BRAS BU DANG LDAN PAR 'GYUR TE, JI SKAD DU, MES TSIG PA'AM CHUS KHYER BA'AM, RGYAL PO RNAMS KYIS 'PHROG PA'AM, ,GANG ZHIG NOR NI RANG SBYIN BA, ,TSE PHYI MA LA DRUG 'GYUR 'GYUR, ,ZHES 'BYUNG BAS BEMS POS KHYER BA YANG NOR GYI 'BRAS BU DANG LDAN PA YIN GYI, 'DOD CHAGS LA SOGS PA'I NYES PA DANG BRAL BA'I BYANG CHUB

, ,SEMS DPA'I PHYAG TU PHYIN NA JI LTAR 'BRAS BU DANG LDAN PAR MI 'GYUR RO, ,SER SNA CAN LA BSAM PA MED DO ZHES, GAD SMRAS PA DE LA YANG SMRA BAR BYA STE, SER SNA CAN GYI CHOS STON PA LA SOGS PAS BSKAL BA STONG GIS KYANG GTONG BA'I SEMS BSKYED PAR MI 'GYUR RO, ,DE MA SKYES PAS RNAM PAR SMIN PA NI DKA' BA RNYED PAR MI 'GYUR RO, ,BSKAL PA STONG GIS NYAMS SU MYONG BA'I YI DAGS KYI SDUG BSNGAL LA SKAD CIG RDZAS 'PHROG PA'I SDUG BSNGAL SKAD CIG MA YIN PAS MI GNONG DE JI SKAD DU, GSAD BYA'I LAG PA BCAD NAS NI, ,GTONG BAR GYUR NA JI MA RUNG, ,MA YI MNGAL GYI DMYAL BA LAS, ,GROL BAR GYUR NA CI MA RUNG, ,ZHES 'BYUNG NGO, ,DE BAS NA CHE BA DANG CHUNG BA'I BSAM PAS SER SNA CAN GYI SKYES BU'I DUB PA'I SEMS KYI 'BRAS BU MCHOG MTHONG BAS LEGS PA YIN NO, ,ZHES SKYON MED DO, ,YANG NA SER SNA CAN GYI NOR BKUG NAS, SLAR YANG DE NYID LA BYANG CHUB SEMS DPAS BYIN NAS CHOS BSTAN PAR BYA STE, ,BU SMAD KYI PHYIR NOR BSRUNG BA, ,GANG ZHIG MI SPYOD STER MA YIN, ,DE LAS SBYIN PAR BLANG BA YI, ,DAD SPYOD YI DAGS SKYE BAR 'GYUR, ,ZHES BYA BA LA SOGS PA'I CHOS BSTAN PA'I TSIG GI RGYUD DE NYID KYIS DE NYID BTUL LA YANG DAG PAR GZUNG ZHING NOR DE GTONG BA LA 'JUG CING, BSOD NAMS KYI TSOGS SNGON DU 'GRO BAR YE SHES KYI TSOGS NYE BAR BSAGS LA RIM GYIS BYANG CHUB SEMS DPA' NYID DANG SANGS RGYAS NYID THOB PAR 'GYUR RO ZHES SHIN TU PHAL CHER THAL BAS CHOG GO, ,RNAL MA RNAM PAR DPYAD PAR BYA STE, ,RDZAS KYI BDAG PO ZHES PA NI, SER SNA CAN GYI SKYES BU PHUN SUM TSOGS PA DANG LDAN PAR 'GYUR RO, ,'JIG RTEN PA ZHES BYA BA LA SOGS PAS RDZAS KYI PHUN SUM TSOGS PA 'GA' ZHIG DGAG PAR BSTAN TO, ,SANGS RGYAS THAMS CAD KYI SRAS KYI GTZO BOR GYUR PA ZHES BYA BA LA SOGS PA NI MTHONG BA DANG, BSGOM PA LA SOGS PA'I LAM GYI YANG DAG PA'I YE SHES MNGON DU BYAS LA SLAR YANG RIM PA GNYIS BSGOMS PAS BYANG CHUB SEMS DPA' DANG SANGS RGYAS NYID THOB PAR 'GYUR RO ZHES BYA BA'I DON DU DE NYID BSTAN PAR BYA STE PHYIS DE BZHIN GSHEGS PAR 'GYUR RO ZHES BYA BA'O, ,'DI NI ZHES BYA BA LA SOGS PAS GTI MUG GI

RIGS KYI DAM TSIG NYE BAR BSDUS PA BSTAN TO, ,DPAL RNAM PAR SNANG MDZAD MNGON PAR BYANG CHUB PA ZHES BYA BA SPYOD PA'I RGYUD CES BYA BA 'DIS LUNG TSAD MA NYID DU BSTAN TO, ,BYANG CHUB SEMS DPA' THAMS CAD KYIS ZHES PA NI BYANG CHUB SEMS DPA'I SKU GSUNG THUGS KYIS SO, ,MA BYIN PAR LEN PA THAMS CAD CES PA NI DMAN PA DANG BAR MA DANG MCHOG LAS SO, ,SER SNA CAN LAS MA GTOGS PA'O ZHES PA NI DE LA LDOG PAR MI BYA'O ZHES BYA BA'I DON TO, ,'DOD CHAGS KYI RIGS KYI DAM TSIG LA 'JUG PA ZHES PA 'DIS 'OD DPAG MED PA'I RIGS BSGOM PA'I SGO NAS PHA ROL GYI BU SMAD LA 'GRO BA'I MTSAN NYID KYI RNAL 'BYOR GYIS 'DOD PA THAMS CAD KYI DBANG PHYUG NYID DU BSTAN TO, ,RANG GI RANG BZHIN BSGYUR BAS ZHES PA NI MIG LA SOGS PA'I DBANG PO'I TSOGS LA RANG GI NGO BO SO SOR SNANG BAS SO, ,GZUGS LA SOGS PA ZHES PA NI MIG LA SOGS PA'I DBANG PO'I SPYOD YUL TE YUL LNGA'O, ,THAR PA 'DOD PA ZHES PA NI GROL BAR 'DOD PA'I RNAL 'BYOR PA RNAMS SO, ,SDUG BSNGAL THAMS CAD NYE BAR ZHI BA'I MTSAN NYID CAN ZHES PA NI SDUG BSNGAL THAMS CAD KYI RGYUR GYUR BA 'DOD CHAGS LA SOGS PA'I RANG BZHIN GANG YIN PA DE RNAMS SNGAGS DANG PHYAG RGYA'I RIM PAS NYE BAR ZHI BA'I MTSAN NYID CAN NI SPANG BA'I MTSAN NYID SGRUB PAR BYED PA STE RDZOGS PAR BYED PA'O, ,BDEN PA GNYIS KYI BDAG NYID CAN YIN PAS NA ZHES PA NI KUN RDZOB DANG DON DAM PA DBYER MED PA'I BDAG NYID DO, ,MI GNAS PA'I MYA NGAN LAS 'DAS PA LA GNAS PAS NI ZHES PA NI GNYIS KA LA DMIGS PA LAS RNAM PAR GROL BAS SO, ,NAM MKHA' ZHES BYA BA LA SOGS PAS JI SKAD BSHAD PA YIN TE, RE ZHIG DANG PO RNAL 'BYOR PAS RNAL 'BYOR BZHI'I RIM PAS RDO RJE 'CHANG CHEN PO YONGS SU GYUR PA LAS, ZHAL GSUM PA LA SOGS PA'I RNAM PA CAN BCOM LDAN 'DAS 'OD DPAG TU MED PA GOS DKAR MO DANG SNYOMS PAR ZHUGS PAR BSAMS TE, DKYIL 'KHOR RGYAL BA MCHOG GI TING NGE 'DZIN GYI RIM PAS DKYIL 'KHOR SUM CU RTZA GNYIS SPROS LA, DE DAG THAMS CAD DANG KHAMS GSUM GYI NANG NA GNAS PA'I SEMS CAN GYI KHAMS THAMS CAD KYI BUD MED KYI TSOGS DANG LHAN CIG

, ,GCIG TU 'DUS TE GOS DKAR MO'I RNAM PAR BSAMS LA, DE DAG THAMS CAD RANG 'OD SNANG BA'I GOS DKAR MO LA BSDUS TE, DE DANG LHAN CIG TU 'KHOR LO GNYIS KA RJES SU CHAGS PA'I RIM PAS SNYOMS PAR ZHUGS PA'I BDE BA NYAMS SU MYONG LA, JI SRID CHOS DANG LONGS SPYOD DANG SPRUL PA'I SKU DANG DBYER MED PA'I LONGS SPYOD BDE BA CHEN POR MYONG BAR GYUR PA DE SRID DU GNAS PAR BYA'O ZHES STON TO, ,DE NYID BSTAN PAR BYA BA'I PHYIR, 'OD DPAG TU MED PA BSKYED PAR MDZAD PA'I ZHES PA NI RDO RJE 'CHANG CHEN PO'I PHYAG RGYA CHEN PO YONGS SU GYUR PA LAS 'OD DPAG TU MED PA BSKYED PAS SO, ,NYE BAR GDAGS PAS NA ZHES PA NI RGYU LA 'BRAS BU NYE BAR GDAGS PA STE MAR ME BZHIN NO, ,RDO RJE 'CHANG CHEN PO YONGS SU GYUR NAS ZHES PA NI SNGA MA BZHIN DU RNAL 'BYOR GYI YAN LAG GIS SO, ,'OD DPAG TU MED PA RAB TU BSGOMS LA ZHES PA NI RJES SU RNAL 'BYOR LA SOGS PA GSUM GYIS SO, ,DKYIL 'KHOR BA'I LHA RNAMS KYIS NI MI BSKYOD PA LA SOGS PA'O, ,GZHAL YAS KHANG GI NANG THAMS CAD CES PA NI GZHAL YAS KHANG PA'I NANG NA GNAS PA PADMA DANG ZLA BA DANG NYI MA LA SOGS PA'I GDAN RNAMS SO, ,GNAS JI LTA BA BZHIN DU SPRO BAR BYA ZHES PA NI SHAR LA SOGS PA'I PHYOGS RNAMS SU PHYAG RGYA LEGS PAR SBYANGS PA SNGON DU 'GRO BAR, DAM TSIG GI DKYIL 'KHOR GYI RIM PAS DBYUNG BAR BYA'O, ,DKYIL 'KHOR THAMS CAD DE ZHES PA NI 'OD DPAG TU MED PA'I DKYIL 'KHOR LA'O, ,DKYIL 'KHOR THAMS CAD CES PA NI MI BSKYOD PA LA SOGS PA'I DKYIL 'KHOR RO, ,BUD MED DANG SKYES PA LTA BU ZHES PA NI DE LA BUD MED KYI RNAM PA NI SPYAN MA LA SOGS PA'O, ,SKYES PA'I RNAM PA NI MI BSKYOD PA LA SOGS PA'O, ,BUD MED LTA BUR SBYAR BAR ZHES PA NI KHAMS GSUM GYI NANG NA GNAS PA'I MA LUS PA LUS PA MED PA'I BUD MED KYI TSOGS DANG DBYER MED PAR BSGOM PAR BYA'O, ,DE NYID BSTAN PAR BYA BA'I PHYIR, ,BUD MED LTA BU NI MO LTA BU STE GOS DKAR MO'I RNAM PA CAN NO, ,DE LTA BU'I SBYOR BA ZHES PA NI DBYER MED PAR BYA'O, ,BUD MED KYI RNAM PA LTA BU YONGS SU GYUR PA ZHES PA NI RANG 'OD SNANG BA DANG 'KHYUD PA LA SOGS GOS

DKAR MO'I RNAM PAR YONGS SU GYUR PA NI GCIG TU BYA BA'O, ,JI LTAR ZHE NA ZHES PA LA SOGS PAS BUD MED KYI TSOGS THAMS CAD KYI BSKYED PA'I RIM PA BSGOM PA BSTAN TO, ,RNAL 'BYOR BZHI STE ZHES PA NI RNAL 'BYOR DANG RJES SU RNAL 'BYOR DANG, SHIN TU RNAL 'BYOR DANG RNAL 'BYOR CHEN PO'O, ,DES NI DAM TSIG BZHI'I RNAL 'BYOR GYIS SO, ,LHA'I RNAM PA NI GOS DKAR MO'I GZUGS DANG PO SBYOR BA ZHES BYA BA'I TING NGE 'DZIN GYIS BSGOM PAR BYA'O, ,'DIS NI ZHES PA SOGS PAS PHAN YON BSTAN TE, RDO RJE TSUL NI MDOR BSTAN PA'O, ,THEG PA CHEN PO'I TSUL ZHES PA NI DPAL RNAL 'BYOR CHEN PO'I RGYUD 'DUS PA LA'O, ,DE NI 'DOD PA'I DBANG PHYUG GTZO BO YIN PAS SO ZHES PA NI KHAMS GSUM GYI NANG NA GNAS PA'I THA MAL BA'I BUD MED DAG PAR BYED PA'I MTSAN NYID CAN GYI DKYIL 'KHOR PA'I LHA MO YONGS SU GYUR PA GOS DKAR MO DANG SNYOMS PAR ZHUGS PAS KHAMS GSUM GYI BUD MED DBANG DU GYUR PAS SO, ,RJES SU MNYES PA LA SOGS PA SNGON DU 'GRO BA'I ZHES PA NI SGRUB THABS LAS GSUNGS PA'I RIM PAS 'OD DPAG TU MED PA'I PHYAG RGYA GAR MKHAN MA LO BCU DRUG LON PA PHYAG RGYA LEGS PAR SBYANGS PA'I RIM PAS 'DUS BYAS LA, RNAL 'BYOR BZHI'I RIM PAS GOS DKAR MO'I GZUGS SU BSKYED LA RDO RJE DANG PADMA SBYAR ZHING DE GNYI GA LAS BYUNG BA'I 'OD ZER GYI TSOGS PHAN TSUN ZHUGS PAS YID KYI DGA' BA MYONG ZHING SNGA MA BZHIN DU DE BZHIN GSHEGS PA 'JUG PA SNGON DU 'GRO BAR MCHOD PA'I LHA MO SPRO ZHING DE RNAMS KYIS MCHOD PA SLAR YANG BSDUS TE, MIG LA SOGS PA'I PHYAG RGYAS CHOS 'BYUNG BSKUL NAS DGA' BA DANG SKYES PA'I PHYAG RGYAS RANG GI SKE LA 'KHYUD PA KHAMS GSUM GYI BUD MED DANG DBYER MED PAR BYAS TE, BDE BA CHEN PO SKAD CIG MA GCIG LA MYONG BAR BYA'O, ,DE NYID BSTAN PA'I PHYIR, RDO RJE DANG PADMA MNYAM PAR SBYOR BAS ZHES PA NI LEGS PAR SBYANGS PA'I GSANG BA'I RDO RJE DANG MTSO SKYES SBYAR BAS SO, ,SNA TSOGS DGA' ZHING ZHES PA NI KHAMS GSUM GYI NANG NA GNAS PA'I BUD MED KYI TSOGS 'DOD PA'I BLOS SO, ,BDAG NYID ROL PA'I BYA BA DAG GIS ZHES PA NI BUD MED THAMS CAD KYI GZUGS BSDUS PA LAS BYUNG

, ,BA'I GOS DKAR MO LA 'DOD PA'I BYA BAS SO, ,SKAD CIG NI DUS GCIG STE THAMS CAD GCIG LA 'JUG PAS SO, ,GZHAN DU NA RNAL 'BYOR BA GCIG GIS PHYAG RGYA DU MA LA DUS GCIG TU 'DOD PA JI LTAR 'GYUR RO, ,'DI ZHES BYA BA LA SOGS PAS PHAN YON BSTAN TE SGRUB PA PO THAMS CAD KYI ZHES PA NI, GSUNG GI RIGS CAN 'OD DPAG TU MED PA'I RNAL 'BYOR BA RNAMS KYI'O, ,CHOS ZHES BYA BA LA SOGS PAS BDE BA CHEN PO MYONG BA'I SGO NAS CHOS KYI SKU SGRUB PA DANG, 'OD DPAG TU MED PA'I PHYAG RGYA CHEN PO BSGOM PA'I SGO NAS LONGS SPYOD RDZOGS PA'I SKU SGRUB PA DANG, PADMA'I NANG NAS SPRUL PA'I DKYIL 'KHOR SGOM PA'I SGO NAS SPRUL PA'I SKU SGRUB PAR 'GYUR RO, ,SGOM PA STE ZHES PA NI TING NGE 'DZIN CES BYA BA'O, ,PADMA'I RIGS ZHES PA NI GSUNG GI DBANG PHYUG GI RIGS LA'O, ,BSKYED PA'I RIM PA LA BRTAN PAR GNAS PAS ZHES PA NI RNAL 'BYOR BZHI'I BDAG NYID CAN GYI DANG PO SBYOR BA DANG DKYIL 'KHOR RGYAL MCHOG GI TING NGE 'DZIN SGOM PAR BYED PA'I SGRUB PA POS SO, ,SGRUB PA NYAMS SU BLANG BAR BYA'O ZHES PA NI BSGOM PAR BYA BA'O, ,NI ZHES BYA BA NI NGES PAR GZUNG BA LA'O ZHES BA NI, TSIG PHRAD DON DU MA YIN PA'I PHYIR RO, ,NGES PAR GZUNG BA NI NGES PA'O, ,DE BSGRUB PAR BYA BA KHO NA YIN ZHES PA NI 'DOD PA'I DBANG PHYUG THAMS CAD NYID BSGRUB PAR BYA BA'I DON DU BSGOM PAR BYA BA KHO NA'O, ,DON YOD PAR GRUB PA'I ZHES PA LA SOGS PAS BRDZUN DU SMRA BA'I SGO NAS DON YOD GRUB PA'I DAM TSIG BSHAD PAR BYA STE, 'JUG PA LA SOGS PA'I MTSAN NYID RDO RJE BZLAS PA'O ZHES PA NI 'GRO BA DANG 'ONG BA DANG GNAS PA'I SGO NAS YI GE GSUM YANG DANG YANG DU SLOB PA'O, ,DE STON PAS ZHES PA NI RDO RJE BZLAS PA SNGON DU 'GRO BA'I NGAG RNAM PAR DAG PA'I RIM PAS SO, ,MNGON PAR 'DOD PA'I DON GRUB PAR MDZAD PAS NA ZHES PA NI SEMS RNAM PAR DAG PA'I RIM PAS THOB PAR BYA BA'I 'OD GSAL BA RDZOGS PAR BYED PA'O, ,DES NI RDO RJE BZLAS PA DANG SEMS RNAM PAR DAG PA'I RIM PA GNYIS BSTAN TO, ,BDAG DANG BRAL BA GANG YIN PA DE NI ZHES PA LA 'DOD CHAGS DANG, 'DOD CHAGS DANG BRAL BA DANG, 'DOD CHAGS BAR MA'I

MTSAN NYID KYI RNAM PAR RTOG PA GANG DU MED PA DE NI BDAG DANG BRAL BA STE, PHYAG RGYA DANG TING NGE 'DZIN GYI RIM PAS THOB PAR BYA BA MAN NGAG BZHI PA'O, ,BDAG MED PA DE NYID NI ZHES PA LA MNGON PAR BYANG CHUB KYI RIM PAS BSTAN TO, ,SGYU MA LTA BU'I SKU DANG LDAN PAS ZHES PA NI SGYU MA LTA BU'I SKU LA DMIGS NAS SO, ,CHOS KYI SKU'O ZHES PA NI SNGAGS DANG PHYAG RGYA'I RIM PAS THOB PAR BYA BA'I 'OD GSAL BA'O, ,DE LAS 'BYUNG BA ZHES PA NI CIG CAR RAM SNANG BA NYE BAR THOB PA LA SOGS PA'I RIM PAS YE SHES KYI SKU BSKYED PA'O, ,DES NI BDAG LA BYIN GYIS BRLAB PA'I RIM PA'I BDAG NYID BCOM LDAN 'DAS BSTAN TO, ,CHEN PO NI KUN RDZOB KYI BDEN PA'O, ,RDO RJE NI DON DAM PA'I BDEN PA'O, ,CHEN PO DANG LDAN PA'I RDO RJE GANG LA YOD PA DE NI RDO RJE 'CHANG CHEN PO NI BDEN PA GNYIS DBYER MED PA'I MTSAN NYID ZUNG DU 'JUG PA'I RIM PA'I BDAG NYID BCOM LDAN 'DAS BSTAN TO, ,DE LTAR RIM PA LNGA'I BDAG NYID KYI BCOM LDAN 'DAS RDO RJE 'CHANG CHEN POS 'OG NAS 'BYUNG BA'I TSIG 'DIS 'CHAD PAR 'GYUR BA'I TSIG BKA' STZAL BA NI GSUNGS SO, ,SDUD PA PO'I TSIG GO ZHES PA NI LAG NA RDO RJE'I'O, ,RDO RJE 'CHANG CHEN PO'I BSGOM PA STE ZHES PA NI RNAL 'BYOR GYI TING NGE 'DZIN GYIS SO ZHES TSIG LHAG MA'O, ,DE YONGS SU GYUR PAS RDO RJE THOGS MED DE ZHES PA NI LHAG MA RNAL 'BYOR GSUM GYIS SO, ,DKYIL 'KHOR THAMS CAD BSGOM PAR BYA, ,ZHES PA NI DKYIL 'KHOR RGYAL BA MCHOG GI TING NGE 'DZIN GYIS MI BSKYOD PA LA SOGS PA SPRO BAR BYA'O, ,SEMS CAN THAMS CAD DE NYID DU GNAS PA ZHES PA NI, RDO RJE'I TSIG GI DON SNGAR BSHAD PA'I CHOS THAMS CAD BDAG MED PA'I MTSAN NYID SO SOR STON PA'I TSIG GI TSOGS KYI BRJOD PAR BYA BA LA GNAS PA, SEMS CAN THAMS CAD ZHUGS PA'I YONGS SU GYUR PA'I DKYIL 'KHOR PA RNAMS CHOS THAMS CAD BDAG MED PAR SMRA BA LA BSTAN PAR GNAS PA ZHES PA NI BSAM PAR BYA'O, ,CHOS THAMS CAD SGYU MA LTA BU YIN PAS ZHES PA NI GTAN TSIG YIN NO, ,CHOS THAMS CAD BRDZUN PA ZHES PA NI DAM BCA' BA'O, ,NYE BAR MTSON PA TZAM YIN TE CHOS THAMS CAD STONG PA YIN TE, RANG BZHIN MED PA'I

, ,PHYIR RO, ,CHOS THAMS CAD MTSAN MA MED PA YIN TE DBANG PHYUG LA SOGS PA'I RGYU MED PA'I PHYIR RO, ,CHOS THAMS CAD SMON PA MED PA STE RTOG PA LAS 'DAS PA'I PHYIR RO, ,DE BZHIN DU CHOS SGROGS BZHI NI 'DUS BYAS PA THAMS CAD MI RTAG PA STE BYAS PA'I PHYIR RO, ,'DUS BYAS THAMS CAD SKAD CIG MA YIN TE BYAS PA'I PHYIR DANG, YOD PA'I PHYIR DANG, RKYEN GYI DBYE BAS PHYE BAR 'GYUR BA'I PHYIR RO, ,CHOS THAMS CAD BDAG MED PA STE, DMIGS PA'I MTSAN NYID DANG LDAN PA'I BDAG MI DMIGS PA'I PHYIR RO, ,MYA NGAN LAS 'DAS PA NI ZHI BA STE, 'DUS MA BYAS PA DANG RANG RIG PA'I PHYIR RO, ,DE LAS GZHAN PA BRDZUN PA'I TSIG GIS NI RDO RJE'I TSIG CES BYA'O, ,YID KYI BYA BA'I 'OG TU NGAG GI BYA BA BSHAD PAR BYA STE, RGYAL BA NI DKYIL 'KHOR PA RNAMS SO, ,SEMS CAN THAMS CAD DE SHES PA NI RANG BZHIN GYIS DAG PA'I PHYOGS LA DMIGS NAS SO, ,DE BZHIN GSHEGS PA'I SNYING PO YIN PA'I PHYIR ZHES PA NI DE BZHIN GSHEGS PA THAMS CAD KYI BDAG NYID YIN PA'I PHYIR RO, ,RGYAL BA YANG YIN LA ZHES PA NI LAS 'DZIN PA'O, ,DE DAG NI KHAMS GSUM PA LA GNAS PA'I SEMS CAN THAMS CAD DKYIL 'KHOR BA LA BSDUS PA'O, ,DE NYID BSTAN PA'I PHYIR SEMS CAN THAMS CAD CES BYA BA LA SOGS PA BSTAN TO; ,CHOS THAMS CAD NI PHUNG PO LA SOGS PA'O, ,SLU BA PO NI BRDZUN PA STE STONG PA'O, ,SGYU MA LTA BU'I NGO BO NYID, ,CES PA NI DRI ZA'I GRONG KHYER LA SOGS PA BZHIN DU SO SOR SNANG BA YANG BDEN PA MA YIN PA STE, RTEN CING 'BREL BA LAS 'BYUNG BA'I PHYIR RO, ,RTEN NAS 'BYUNG BA MA BYUNG BA, ,DE NYID RIG PA MCHOG GIS GSUNGS, RTOG PA MED CING DMIGS PA MED, ,DGOD PA MED CING GNAS MED PA, ,MA RIG SA BON LAS BYUNG BA'I, ,THOG MA THA MA BAR MA MED, ,CHU SHING LTA BUR SNYING PO MED, ,DRI ZA'I GRONG KHYER DANG MTSUNGS PA, ,RMONGS PAR BYED CING MA RUNGS PA'I, ,'GRO BA SGYU MA BZHIN DU SNANG, ,ZHES 'BYUNG NGO, ,BYANG CHUB SEMS KYI RNAM 'GREL LAS KYANG, ,GZUGS NI DBU BA DANG MTSUNGS LA, ,TSOR BA CHU BUR 'DRA BA YIN, ,'DU SHES SMIG RGYU DANG 'DRA BA'I, ,CHU SHING DANG MTSUNGS 'DU BYED RNAMS, ,RNAM PAR SHES PA SGYU MA BZHIN, ,DE LTAR PHUNG PO RNAMS

BSTAN PA'O, ,ZHES 'BYUNG NGO, ,DE BZHIN DU, RANG LAS MA YIN GZHAN LAS MIN, ,GNYI GA LAS MIN RGYU MED MIN, ,DNGOS PO GANG DANG GANG DU YANG, ,SKYE BA NAM YANG 'THAD PA MIN, ,ZHES 'BYUNG NGO, ,TSIG BRJOD PA NI RANG BZHIN MED PA STON PAR BYED PA'I TSIG BRJOD PA, BSGOM PA NI BSAM PAR BYA'O, ,DE YANG ZHES BYA BA LA SOGS PAS LHA'I DBANG POS YONGS SU ZHUS PA LAS LUNG TSAD MA NYID DU BSTAN TE, LHA'I BU ZHES PA NI KYE BRGYA BYIN CHOS THAMS CAD NI PHUNG PO LA SOGS PA'O, ,BRDZUN PA NI NGO BO MED PA'O, ,SGYU MA NI MED PA YANG 'KHRUL BA'I DBANG GIS SNANG BA STE, BRTAGS PA'I PHYIR DRI ZA'I GRONG KHYER BZHIN NO, ,DA YANG DE BZHIN DU STON PAR BYED PA ZHES PA NI NGAS KYANG SGYU MA LTA BU NYID KYIS CHOS STON PA STE, RANG MTHONG LAM STON SKYOB PA YIN, ,ZHES 'BYUNG BAS SO, ,DES NA, DA NI BRDZUN DU SMRA BA'O, ,ZHES PA NI DNGOS PO THAMS CAD BDAG MED PAR SMRA BA'O, ,TSIG DON TZAM GYIS BCOM LDAN 'DAS LA BRDZUN SMRA BA'I SKYON DU THAL BAR MI 'GYUR TE NGES PA'I TSIG BSTAN PA'I PHYIR RO, ,DE LTAR BCOM LDAN 'DAS KYIS NGA NI YI DAGS YIN NO ZHES STON PAS DE LA BCOM LDAN 'DAS LA YI DAGS NYID DU THAL BAR MI 'GYUR TE, GANG GI PHYIR, SDIG PA THAMS CAD 'JOMS MDZAD PA, ,SRID PA'I RGYA MTSO LAS GROL PHYIR, ,DES NA NGA NI YI DAGS TE, ,NGAN SONG LAS SKYES MA YIN NO, ,ZHES BYA BA LA SOGS PA BZHIN NO, ,'DI NI ZHES PA LA SOGS PAS PHAN YON BSTAN TE, DE BZHIN GSHEGS PA THAMS CAD KYI ZHES PA NI DE BZHIN GSHEGS PA THAMS CAD KYI NGO BO RDO RJE 'CHANG CHEN POS GSUNGS SO, ,GSUNG NI NAM MKHA' DANG 'DRA BAR, ,ZHES PA NI GSUNG YANG YIN LA NAM MKHA' DANG 'DRA BA GANG YIN PA STE LAS 'DZIN PA'O, ,DNGOS PO MED PAS ZHES PA NI SGYU MA LTA BU'I CHOS STON PA'I MTSAN NYID 'DZIN PAS SO, ,GNYIS SU MED PA'I YE SHES LAS, ,ZHES PA NI STONG PA NYID KYI DE KHO NA NYID LA'O, ,LHAG PAR MOS PA ZHES PA NI 'DOD PA'O, ,DES NI BSKYED PA'I RIM PA'I RNAL 'BYOR PA RNAMS KYI SNGAR BSHAD PA'I TING NGE 'DZIN BSTAN TO, ,SLOB BZHIN PA'I ZHES PA NI SLOB PAR BYED PA STE LAS DANG PO PA RNAMS KYI'O, ,RANG GI DAM TSIG CES PA NI DON YOD GRUB PA'I RIGS KYI SDOM PAS SO, ,'GUGS PA NI SGYU MA LTA BU

, ,BSTAN PAS GDUL BAR BYA BA'O, ,JI LTA BA'I DAM TSIG GO ZHES PA NI DE KHO NA NYID DANG LDAN PA'I SDOM PA'O, ,JI LTA BA BZHIN DU ZHES PA NI SEMS RTZE GCIG PAS SO, ,YANG NAS YANG DU BSLAB PAR BYA BA STE ZHES PA NI LAS DANG PO BAS RGYUN MA CHAD PAS BSLAB PAR BYA'O, ,GZHAN RNAMS BDE BAR BYA PHYIR ZHES PA NI RDO RJE 'CHANG GI GO 'PHANG THOB PA'I MTSAN NYID KYIS BDE BA'I RGYU'O, ,BRDZUN SMRA BA NI SGYU MA'I RANG BZHIN GYI CHOS THAMS CAD SMRA BA STE BRJOD PAR BYA'O, ,DE BZHIN SPYOD PA BDE BA'I RGYU, ,ZHES PA NI BDE BAR PHYIR SPYOD PA GANG YIN PA DE'I DON DU BRDZUN SMRA BA'O, ,DPER NA SPROS PA MED PA DANG SHIN TU SPROS PA MED PA'I SPYOD PA DANG LDAN PA'I RNAL 'BYOR PA, SMYON PA'I BRTUL ZHUGS DANG LDAN PAS DA NI MU STEGS PA YIN PA DANG TSOGS KYI BDAG PO DANG LDAN PA DA YIN PA DANG SMYON PA DA YIN NO ZHES BRDZUN PA'I TSIG SMRA STE SBAS NAS RDO RJE 'CHANG GI GO 'PHANG THOB PA'I PHYIR RO, , SMYON PA'I BRTUL ZHUGS LA BRTEN TE, ,PHUN SUM TSOGS PA 'GRUB PAR 'GYUR, ,ZHES 'BYUNG NGO, ,DE BZHIN DU, DKON MCHOG GSUM LA PHAN PA'I PHYIR, ,ZHES PA NI DKON MCHOG GSUM NI SANGS RGYAS DANG CHOS DANG DGE 'DUN LA PHAN GDAGS PAR BYA BA'I PHYIR BRDZUN SMRA BAR BYA STE, DPER NA MTSAMS MED PA BYED PA DKON MCHOG GSUM LA GNOD PA LA 'JUG PA BRDZUN DU SMRA BA'I TSIG GIS SLU BAR BYA STE, DES DE LA PHAN 'DOGS PA'I PHYIR RO, ,DE NAS ZHES BYA BA LA SOGS PA 'DIS RIN CHEN 'BYUNG LDAN GYI TING NGE 'DZIN GYIS TSIG RTZUB MO'I SGO NAS 'GRO BA'I DON BYA BA'I DAM TSIG BSHAD PAR BYA STE, BCOM LDAN 'DAS DE NYID NI DPAL RDO RJE SEMS DPA'O, ,SKU LA SOGS PA'I RDO RJE BSDUS PA YIN PA'I PHYIR ZHES PA NI GCIG TU GYUR PA'I 'OD GSAL BA'I BDAG NYID BCOM LDAN 'DAS RDO RJE 'CHANG CHEN PO LA SKU RDO RJE LA SOGS PA THIM ZHING DE LAS 'BYUNG BAS SO, ,THA DAD PAR BYAS PA ZHES PA NI SKU RDO RJE LA SOGS PA BZHI DANG RDO RJE 'CHANG 'DI YIN NO ZHES BYA BA'O, ,DE MED PAS NA MI PHYED PA DE NYID DO, ,BSKYED PA YI NI RIM PA DANG, ,DE BZHIN RDZOGS PA'I RIM PA STE, ,RTOG PA RNAM PAR BRAL BA NI, ,ZUNG DU 'JUG PA'I MTSAN NYID DO, ,LHA NI YONGS SU DAG PA DANG, ,'DI

NI YONGS SU MA DAG STE, ,DE LTAR RTOG PA DBYER MED PA, ,GANG DU DE NI ZUNG 'JUG YIN, ,ZHES 'BYUNG NGO, ,DE NYID BSTAN PAR BYA BA'I PHYIR, ,THA MI DAD PA'I NGO BO ZHES PA NI ZUNG DU 'JUG PA'O, ,DUS GSUM DU BZHUGS PA'I SANGS RGYAS ZHES PA NI 'DAS PA LA SOGS PA'I DUS LA BZHUGS PA'I DE BZHIN GSHEGS PA RNAMS SO, ,BSKYED PA'I GNAS YIN ZHES PA NI 'OD GSAL BA'I BDAG NYID CAN RDO RJE 'CHANG CHEN PO LAS GRUB PA 'DZIN PA DANG 'GRUB PA DANG 'GRUB PAR 'GYUR RO ZHES 'BYUNG NGO, ,DNGOS GRUB PHYAG RGYA CHE BDAG NYID, ,YOD DANG MED PA'I PHYOGS SPANGS PA, GANG+G'A'I BYE MA DANG MTSUNGS PA'I, ,DE NYID KYIS NI SANGS RGYAS 'GYUR, ,ZHES 'BYUNG NGO, ,DE NAS RDO RJE MI PHYED PA GSUM YANG ZHES PA'I LAS 'DZIN PA'O, ,RDO RJE 'CHANG NYID DO ZHES PA NI 'JIG RTEN LAS 'DAS PA'I PHYIR RO, ,MI PHYED PAS NI RNAM PAR RTOG PA'I TSOGS DANG, BDUD BZHI POS MI PHYED PA'I PHYIR RO, DES MCHOG TU STON PAR MDZAD PAS NA ZHES PA NI SEMS CAN THAMS CAD LA DMIGS PAR MDZAD PA'O, ,DON BSHAD ZIN PA ZHES PA NI GONG DU BSHAD PA'O, ,RDO RJE 'CHANG CHEN PO'I PHYAG RGYA CHEN PO STE ZHES PA NI CHOS 'BYUNG GI NANG NA DAM TSIG GI DKYIL 'KHOR DE LAS SKYES PA'I PHYIR RO, ,DE YONGS SU GYUR PA LAS ZHES PA NI RNAL 'BYOR GYI TING NGE 'DZIN GYI 'OG TU'O, ,DKON MCHOG DPAL DU RNAM PAR BSGOM, ,ZHES PA NI RNAL 'BYOR GSUM GYIS RDZOGS PA'O, ,GZUGS RNAMS KUN GYI ZHES BYA BA LA SOGS PAS DKYIL 'KHOR RGYAL BA MCHOG GI TING NGE 'DZIN GYIS DKYIL 'KHOR BA RNAMS SPRO PAR BSTAN TO, , GZHAL YAS KHANG PA'I NANG ZHES PA NI GZHAL YAS KHANG PA'I NANG NA GNAS PA PADMA LA SOGS PA'I GDAN RNAMS SO, ,SPRO BAR BYA'I ZHES PA NI GNAS JI LTA BA BZHIN DU DGOD PAR BYA'O, ,BRTZE BA MED PA ZHES PA NI DPER NA, ,'DI NI DMYAL BA'I CHU YIN TE, ,DAM TSIG 'DAS PAS SREG PAR BYED, ,DAM TSIG BSRUNG BAS 'GRUB PA NI, ,RDO RJE BDUD RTZI CHU 'DIS 'GRUB, ,DE BZHIN DU DKA' BA MA 'DAS PAS DUS BYAS NAS DMYAL BAR LTUR [*LHUR?] BAR 'GYUR RO ZHES PA LA SOGS PA RTZUB MO YIN YANG RTZUB MO'I TSIG MA YIN TE, PHAN 'DOGS PA'I BSAM PA DANG LDAN PA'I PHYIR ME 'BAR BA'I KHANG BA LAS STONG PA'I

, ,KHU TSUR BSTAN PA'I PHAS BYIS PA LA STON PA BZHIN NO, ,DE LA SOGS PA TSIG CES PA LA SOGS PA NI CHAGS PAS ROL PA'I ROL PA RGYA CHE BA'I TSIG DANG 'KHYAL PA'I TSIG DANG DE BZHIN DU DE KHO NA NYID MTSON PA NGAG GI BRDA'I RANG BZHIN DANG PHRA BA'I TSIG GIS 'GRO BA 'DUL BA LA SPYAD PAR BYA'O, ,DE NYID BSTAN PA'I PHYIR, DE'I THABS KYIS ZHES BYA BA LA SOGS PA BSTAN TO, ,GNYIS SU MED PA'I YE SHES THOB PAR 'GYUR RO ZHES PA NI RTZUB MO'I TSIG GTZO BOR GYUR PA DANG TSIG DANG SDOM PA LA SOGS PA BSTAN PAS YANG DAG PA'I LAM LA BZHAG STE, RIM GYIS RIM PA GNYIS KYI BSGOM PAS STON PAR BYED PA DANG, SLOB MA DAG KYANG PHYAG RGYA CHEN PO'I DNGOS GRUB 'THOB PAR 'GYUR RO ZHES BYA BA STE, DE BZHIN GSHEGS PA THAMS CAD KYI RDO RJE BKOD PA ZHES BYA BA NI DE BZHIN GSHEGS PA THAMS CAD NYE BAR SDUD PA'I MTSAN NYID DPAL RDO RJE 'CHANG ZHES BYA BA'I DON TO, ,DRANG BA'I DON TO ZHES PA NI BSKYED PA'I RIM PAS DAM TSIG LNGA STON PA'I PHYIR RO, ,LUNG GIS BSHAD PA ZHES PA NI DGONGS PA LUNG BSTAN RGYUD KYI TSAD MAS NGES PA'I DON BSTAN PAR BYA STE, DGONGS PA'I CHOS GCIG PU ZHES PA NI SBAS PAR BSHAD PAS DON ZAB PA'I TSIG GO, ,DAM TSIG NI SNGAR BSHAD PA LNGA PO'O, , DE NYID DON NI NGES PA'I DON TE SPAS PA'I DON GSUNGS PA NI DE RJOD PAR BYED PA'I TSIG BKA' STZAL TO ZHES SBYAR RO, ,GTZO BO LNGA PO'I DBANG BYED PAS SO, ,KUN MKHYEN NI YE SHES GSUM RTOGS PAS SO, ,'DAS PA LA SOGS PA'I DUS GSUM GYI SEMS KYI SPYOD PA MKHYEN PAS NA KUN RIG GO, NYAN THOS PA DANG, RANG SANGS RGYAS DANG BYANG CHUB SEMS DPA' RNAMS KYIS BSTEN PAR BYAS NAS MGON PO'O, ,LAG NA RDO RJE NI BYANG CHUB SEMS DPA' DPAL RDO RJE 'CHANG LA 'DI SKAD CES GSOL TE ZHUS SO, ,DE BZHIN DU DNGOS GCIG BA ZHES PA NI STONG PA NYID KYI RANG BZHIN NO, ,DUS GSUM BYUNG BA'I SANGS RGYAS ZHES PA NI DUS GSUM LA BZHUGS PA'I BCOM LDAN 'DAS RNAMS SO, ,CHOS SKU GCIG PU LAS 'KHRUNGS PA, ,ZHES PA NI DE RNAMS CHOS KYI SKU'I RANG BZHIN YANG YIN LA, DE LAS SKYES PA NI LONGS SPYOD RDZOGS PA DANG SPRUL PA'I SKU'I RANG BZHIN NO, ,DE JI LTAR RDO RJES PHYE MAR BRLAG

CES PA NI PHYI ROL GYI MTSON CHA'I NGO BOS JI LTAR PHYE MAR BRLAG PAR 'GYUR TE, BSGRUB PA MI NUS PAS SO, ,GANG GI PHYIR NAM MKHA'I ME TOG NI RI BONG GI RVAS PHYE MAR BRLAG PAR MI 'GYUR TE GNYI GA YANG MED PA'I PHYIR RO, ,DE NI ZHES PA LA SOGS PAS DES PHYE MAR BTAGS PAS THUGS KYI DNGOS GRUB NI MI BSKYOD PA'I GO 'PHANG JI LTAR THOB BAR 'GYUR RO, ,DE NYID SPROS PAS BSHAD PAR BYA STE, 'DAS PA NI 'OD SRUNGS LA SOGS PA'O, ,STON PA NI BCOM LDAN 'DAS GDAMS NGAG MDZAD PA'O, ,DA LTAR NI SH'AKYA THUB PA LA SOGS PA RJES SU STON PAR MDZAD PA NI 'GRO BA LA PHAN 'DOGS PAR MDZAD PA'O, ,MNYES BYA ZHES PA NI BSNYEN BKUR BYA BA MA 'ONGS PA'I SANGS RGYAS NI BYAMS PA LA SOGS PA'O, ,CHOS BSTAN PA'I SGO NAS, RDZOGS PA'I BYANG CHUB RTZOL BA BO, ,ZHES PA NI RDO RJE 'CHANG CHEN PO'I GO 'PHANG THOB PAR MDZAD PA GANG YIN PA DE RNAMS MI BSKYOD PA'I RANG BZHIN GYI THUGS KYI RDO RJE'I TING NGE 'DZIN GYIS JI LTAR GSOD PAR 'GYUR TE, MTSAMS MED PA'I SDIG PAR THAL BAR 'GYUR BAS SO, ,DE NYID SNA TSOGS DON NI DRANG BA'I DON YIN NAM YANG NA LDAN TSIG CES PA NI NGES PA'I DON YIN NAM ZHES DE RNAMS KYIS NI ZHES PA LA, MA 'ONGS PA'I SEMS CAN RNAMS KYIS JI LTAR RTOGS PA NI SHES PAR 'GYUR RO, ,DE BAS NA GANG ZHIG CES BYA BA LA SOGS PAS MA 'ONGS PA'I SEMS CAN RNAMS RJES SU GZUNG BAR BYA BA'I PHYIR DAM TSIG GI TSIG DE KHO NA NYID GSUNGS SHIG ,GANG YONGS SU SHES PAS BYANG CHUB SEMS DPA'I RNAL 'BYOR PAS RNAM PAR MI RTOG PA'I GO 'PHANG THOB PAR 'GYUR RO ZHES BSTAN TO, ,DE NAS ZHES PA LA SOGS PAS LAG NA RDO RJE'I TSIG GSAN PA'I 'OG TU 'DRI BA MCHOG YIN PAS LEGS PA GSUM DE LA BYIN NAS BDAG LA GSOL BA 'DEBS PA GANG YIN PA DE JI LTA BA BZHIN DU RAB TU BSHAD PAR BGYI ZHES BCOM LDAN 'DAS KYIS BKA' STZAL TO, ,MI BSKYOD 'DI LA GANG BSHAD PA DE NI SBRUL PA STE, DE NI YE SHES KYI SKU'I MTSAN NYID CES BYA BA'I THA TSIG GO, ,DE NYID SGYU MA LTA BU NYID DU MTHONG BAS MI PHYED PAS RDO RJER 'GYUR ZHES BSTAN TO, ,MA RIG PA NI SNANG BA NYE BAR THOB PA'I YE SHES SO, ,DE NYID 'OD GSAL BA'I 'BRAS BU NYE

, ,BAR LEN PAR BYED PAS NA LAG PA DANG 'DRA BAS LAG PA ZHES BYA'O, ,DES NI SNANG BA NYE BAR THOB PA'I YE SHES KYI YUL DU 'OD GSAL BA MNGON DU BYED PA GANG YIN PA DE NI RDO RJE ZHES BYA'O, ,RIM PA GNYIS PA THOB PAR BYA BA'I 'OD GSAL BA'I DE KHO NA NYID DE LAS YE SHES KYI RANG BZHIN GYI SKU NI DE BZHIN GSHEGS PA LNGA'I RANG BZHIN GYI 'OD ZER LNGA NI 'GYUR BA SPRO BAR BYA'O, ,DE NAS SGYU MA YANG RTOG PA DANG BCAS PAS SPANG BAR BYA BA YIN TE, CIG CAR DU BSKYED PA'I PHUNG PO LA SOGS PA SANGS RGYAS NI BDAG NYID KYI LUS DANG 'BREL BA CAN GZUGS LA SOGS PA'O, ,RDO RJE GSUM SKYES DUS GSUM SHES, ,ZHES PA NI SKU LA SOGS PA'I BDAG NYID DE RNAMS KYANG SKU'I RDO RJE NI MNGON PAR BYANG CHUB PA'I RIM PAS THOB PAR BYA BA 'OD GSAL BA'I RDO RJES SGYU MA'I LUS THA MAL PA'I PHUNG PO LA SOGS PA'I RANG BZHIN MA YIN PA YANG MI SNANG BAR BYA'O, ,DE NI ZHE SDANG RIGS ZHES PA NI 'DOD CHAGS LA SOGS PA'I RANG BZHIN SPONG BAR BYED PA'I RIM PA BZHI PA LA'O, ,MI BSKYOD RDO RJE'I YE SHES ZHES PA NI MAN NGAG BZHI PA LAS BYUNG BA'I 'OD GSAL BA ZHES BYA'O, ,DE'I SHES PA LA SOGS PAS 'GRO BA'I DON BYA BA'I PHYIR, ZHING NI MAN NGAG BZHI PA LA DMIGS NAS DNGOS GRUB CHEN PO NI RDO RJE 'CHANG CHEN PO PHYAG RGYA CHEN PO'I GZUGS SKYE BA NI DE LAS 'BYUNG BA'O, ,MCHOG NI BDEN PA GNYIS DBYER MED PA'I MTSAN NYID CAN THOB PAR 'GYUR ZHES PA NI RNYED PAR 'GYUR RO ZHES SEMS RNAM PAR DAG PA DANG, BDAG LA BYIN GYIS BRLAB PA DANG, MNGON PAR BYANG CHUB PA DANG ZUNG DU 'JUG PA'I RIM PAS BSTAN TO, ,DE NAS ZHES BYA BA LA SOGS PAS GTI MUG GI RIGS KYI DAM TSIG BSTAN PAR BYA STE, BZHI PA'I BDAG NYID YIN PAS NA BDE BA CHEN PO'O, ,TSOGS GNYIS DANG LDAN PAS NA DPAL LDAN NO, ,YE SHES NI GSUM MO, ,THAR BA NI 'OD GSAL BA'O, ,YE SHES KYI SGO NAS THAR PA SGRUB BAR MDZAD PAS NA YE SHES THAR PA RAB TU BSGRUB PA'O, ,'DOD CHAGS DANG BRAL BA LA SOGS PA RANG BZHIN BRGYA DRUG CU SPANG BAR MDZAD PAS NA RANG BZHIN GYIS DAG PA'O, ,GLO BUR GYI DRI MA DANG BRAL BAS NA GOS MED PA'O, ,BYANG CHUB GSUM DANG SPYOD PA GSUM MO, ,BYANG CHUB

KYI PHYIR SPYOD PA NI BYANG CHUB SPYOD PA STE, DE RNAMS STON PAR MDZAD PAS NA BYANG CHUB SPYOD PA RAB BSGRUB PA'O, ,GDUL DKA' THAMS CAD 'DUL BAR MDZAD PAS NA 'OD CHEN PO STE LAG NA RDO RJE'O, ,BYA BA'I RGYUD LA SOGS PA THAMS CAD KYI GTZO BO NI DBANG MDZAD PA'O, ,BOS NAS NI MNGON DU BYAS NAS SO, ,RDZOGS PA'I SANGS RGYAS KYIS ZHES PA NI, RDO RJE 'CHANG CHEN PO'I GO 'PHANG THOB PAR BYED PAS SO, ,DAM TSIG DE NYID CES PA NI GTI MUG GI RIGS KYI SDOM PA GSUNGS SO, ,RIN CHEN CHOS ZHES BA NI RIM PA GNYIS PA LAS THOB PAR BYA BA'I 'OD GSAL BA'O, ,DE LA SNGAGS DANG PHYAG RGYA'I RIM PAS RAB TU 'JUG NAS SLAR YANG 'CHANG BA'I PHYOGS MCHOG SPONG BA'I PHYIR CIG CAR RAM SNANG BA NYE BAR THOB PA LA SOGS PA'I RIM PAS SNANG BA THAMS CAD MCHOG DANG LDAN PA RANG GI BDAG NYID RDO RJE SEMS DPA' BSGOM PAR BYA'O, ,LUS DE YIS NI ZHES PA LA SGYU MA LTA BU'I LUS KYIS RNAM PAR SMIN PA 'PHROG BA ZHES PA NI DPAL RDO RJE 'CHANG GI SKU GZUNG BA GANG YIN PA DE NI, RDZOGS PA'I BYANG CHUB RAB BSGRUB PA'I, ,ZHES PA NI RIM PA BZHI PA MYONG BA SNGON DU 'GRO BA'I MI GNAS PA'I MYA NGAN LAS 'DAS PA'I DBYINGS KYI MTSAN NYID RDO RJE 'CHANG GI SKU RDZOGS PAR BYED PA DE NI RDZAS RNAMS THAMS CAD MCHOG GI NGO BO THOB PA'O, ,TING NGE 'DZIN DES BSAM PA THAMS CAD RDZOGS PAR MDZAD PAS NA YID BZHIN NOR BU DANG 'DRA BA RNAL 'BYOR BA 'GYUR RO, ,NAM MKHA'I MDZOD KYI TING NGE 'DZIN DANG LDAN PA'I NOR GYI RGYA MTSOS RAB TU 'GENGS PA'O, ,'DI NI GTI MUG RIGS DAG GI, ,ZHES PA NI RNAM PAR SNANG MDZAD KYI RIGS KYI'O, ,DAM TSIG DE NYID YIN PAR BSGRAGS, ,ZHES PA NI SDOM PA'I NGES PA'I DON BSHAD PA'O, ,DES NI SEMS RNAM PAR DAG PA DANG BDAG LA BYIN GYIS BRLABS PA DANG, MNGON PAR BYANG CHUB PA DANG, ZUNG DU 'JUG PA'I RIM PA RNAMS BSTAN TO, ,DPAG MED CES PA LA SOGS PAS 'DOD CHAGS KYI RIGS KYI DAM TSIG BSTAN PAR BYA STE, BSKAL BA'AM BSKAL PA STONG GI BAR DU BRTAN PAR BZHUGS PAS NA TSE DPAG MED NI TSE DPAG TU MED PA STE 'OD DPAG TU MED PA'O, ,SGYU MA'I SKU NI YE SHES KYI SKU'O,,

, ,DER NI SGYU MA'I SKU DE LA PHUNG PO LA SOGS DGANG ZHES PA NI THA MAL PA'I LUS LA SOGS PA 'JUG PAR BYA'O, ,SGYU MA LTA BU NYID SPANG BAR BYA BA'I PHYIR YANG, ,SHES DANG PHA ROL PHYIN LDAN PA'I, ,ZHES PA NI RIL POR 'DZIN PA DANG RJES SU 'DZIN PA'I TING NGE 'DZIN DAG GIS STONG PAR GYUR PA'I PHUNG PO LA SOGS PA ZHES PA NI SGYU MA'I LUS LA GNAS PA'I GZUGS LA SOGS PA DER BYA BA NI MI SNANG BAR BYA'O, ,STONG PA DANG SHIN TU STONG PA DANG STONG PA CHEN PO DANG THAMS CAD STONG PA STE STONG PA BZHI'O, ,MNYAM SBYOR BA'I ZHES PA NI RGYU DANG 'BRAS BU'I RIM PA'I 'BREL PAS SO, ,BYANG CHUB KYI NI TSUL MCHOG CES PA NI PHYI DANG NANG GI MNGON PAR BYANG CHUB PA NI BSGOM PAR BYA'O, ,DES NA MAN NGAG BZHI THOB NAS 'GRO BA'I DON BYA BA'I PHYIR DANG KUN RDZOB CES BYA BA LA SOGS PA SMOS TE, KUN RDZOB DANG DON DAM PA'I RANG BZHIN DBANG PO GNYIS DBYER MED PA'I MTSAN NYID KYI SBYOR BAS SO, ,GZUGS LA SOGS PA 'DOD PA'I YON TAN LNGA THAMS CAD SO SOR SDUD PA DANG BSAM GTAN GYI YAN LAG DAG GIS NYE BAR SPYOD CING BLANG BAR BYA'O ZHES BSTAN TO, ,'DI NI SANGS RGYAS THAMS CAD KYI, ,ZHES PA NI DE BZHIN GSHEGS PA THAMS CAD KYI RANG BZHIN RDO RJE SEMS DPA'O, ,'DOD CHAGS CHEN PO'I TSUL ZHES PA NI 'GRO BA'I DON MDZAD PA'I PHYIR SNYING RJE CHEN PO DANG LDAN PA'I LAM MO, ,THEG PA GZHAN LA LTOS PAS MCHOG GO ZHES PA NI PHUL DU BYUNG BA'O, ,DES NI BDAG LA BYIN GYIS BRLAB PA DANG MNGON PAR BYANG CHUB PA DANG ZUNG DU 'JUG PA'I RIM PA RNAMS BSTAN TO, ,DE NAS ZHES PA LA SOGS PA RIN CHEN 'BYUNG LDAN DANG DON YOD GRUB PA DAG GI DAM TSIG BSTAN TE, BRTAN PA DANG G-YO BA'I BDAG NYID YIN PAS NA SNA TSOGS SO, ,RDO RJE MI PHYED GSUM ZHES BYA BA LA SOGS PA'I DON BSHAD ZIN TO, ,PHUNG PO LA SOGS PA PHYI ROL GYI DON YOD PA MA YIN NO ZHES BYA BA LA SOGS PA BRDZUN DANG RTZUB MO'I TSIG SO SO'I SKYE BO RNAMS LA SPYOD YUL MA YIN PAS THOS PAR DKA' BA RNAL 'BYOR PAS SLOB PA GANG YIN PA DES NI MYUR DU BYANG CHUB THOB PAR 'GYUR RO ZHES BSTAN TO, ,DES NI SEMS RNAM PAR DAG PA'I RIM PA

BSTAN TO, ,NGES PA'I DON TO ZHES PA NI RDZOGS PA'I RIM PA BSTAN PA'I PHYIR RO, ,RDO RJE 'CHANG CHEN PO'I 'KHOR GYI NANG NA GNAS PA ZHES BYA BA LA SOGS PAS MA 'ONGS PA'I SEMS CAN RNAMS YONGS SU GZUNG BA'I PHYIR, BYANG CHUB SEMS DPAS JI LTAR 'DRI BA DE BSTAN PAR BYA STE, DAM TSIG LNGA BSTAN PA'I 'OG TU'O ZHES PA NI KHYAD PAR GYI DON MI SHES PA'I DAM TSIG LNGA BSTAN PA'I PHYI NAS SO, ,DE BZHIN GSHEGS PA DANG MNYAM PA NYID DU GYUR PAS NA ZHES PA NI SANGS RGYAS THAMS CAD DANG MNYAM PA NYID DU GYUR PAS DE BZHIN GSHEGS PA THAMS CAD KYI DAM TSIG STE SDUD PA PO YIN PA'I PHYIR RO; ,RDO RJES MTSAN PAS NA ZHES PA NI RDO RJE'I PHYAG MTSAN 'DZIN PAS SO, ,DE LA SOGS PA SNGON DU 'GRO BA'I BYANG CHUB SEMS DPA' RNAMS TE ZHES PA NI SA'I SNYING PO LA SOGS PA'O, ,'JIG RTEN PA DANG 'GAL BA'I TSIG DANG ZHES PA NI SROG GCOD PA LA SOGS PA'I TSIG GO, ,LDAN PA NI PHA ROL LA PHAN 'DOGS PA'I MTSAN NYID DE'I SGO NAS TING NGE 'DZIN GYI KHYAD PAR ZHES PA NI, BSKYED PA'I RIM PA LA SNGAGS DANG PHYAG RGYA'I RIM PAS GZHAN LA PHAN 'DOGS PA'I MTSAN NYID RDZOGS PA'I RIM PA LA YANG SEMS RNAM PAR DAG PA LA SOGS PAS 'OD GSAL BA RTOGS PA'I MTSAN NYID DO; ,STON PAR MDZAD PAS ZHES PA NI DE GSAL BAR GSUNGS PAS SO, ,DO MTSAR DU GYUR CING RMAD DU GYUR NAS ZHES PA NI 'JIG RTEN DANG 'GAL BA'I TSIG THOS PAS NGO MTSAR DU GYUR PA DANG, DE'I RNAM PAR DAG PA THOS PAS RMAD DU GYUR PA ZHES BYA BA NI DBYE BA'O, ,GAL TE DE LTAR YIN NA SLAR YANG CI'I PHYIR 'DRI BAR BYED CE NA, SMRAS PA MA 'ONGS PA'I PADMA LA SOGS PA DBANG PO DMAN PA RJES SU GZUNG BA'I PHYIR ZHES BSHAD ZIN NO, ,'KHOR DU GTOGS PA'I DE BZHIN GSHEGS PA RNAMS LA BCOS PAR 'DRI BA ZHES PA LA SOGS PAS, CHOS DANG LONGS SPYOD RDZOGS PA'I SKU'I RANG BZHIN RDO RJE 'CHANG DANG DE BZHIN GSHEGS PA RNAMS THA MI DAD PAR BSTAN TO, ,THA MI DAD PA YANG BYA BA GCIG YIN PAS SO, ,DE BZHIN GSHEGS PA THAMS CAD KYI BDAG PO ZHES PA 'DIS NI GSUNG BA NGAN PA MI STON PA NYID DU BSTAN TO, ,RANG GI MTSAN NYID 'DZIN PA STE, ,ZHES PA NI RAB TU RNAM PAR

, ,'BYED PA NYID DU 'DZIN PAS NA KHAMS NI SHES RAB BSTAN TO, ,DE NYID BSHAD PA'I PHYIR, RAB TU RNAM PAR 'BYED PA'I MTSAN NYID CAN GYI SHES RAB PO ZHES PA NI DNGOS PO RNAMS KYI RANG GI MTSAN NYID RTOGS PAR BYED PA'I BLO ZHES BYA BA'I DON TO, ,DE YANG ZHES BYA BA LA SOGS PAS CHUNG BA LA SOGS PA'I DBYE BAS DE NYID RNAM PA GSUM BSTAN TO, ,DES NA KHAMS GSUM PA DMAN PA LA SOGS PA'I SHES RAB DANG LDAN PA'O, ,'JIG RTEN GYI KHAMS THAMS CAD LAS 'DAS PA STE ZHES PA NI DE RNAMS KYIS MI 'DA' BA'I TSIG MA YIN PA'O, ,RAB 'BRING ZHES BYA BA LA SOGS PAS DON DE NYID BSTAN TO, ,ME'I GRANG BA BZHIN NO ZHES PA'I DPES SNGAR MA BYUNG BA NYID BSTAN TO, ,DE NYID BSTAN PA'I PHYIR, SNGON CHAD MA BYUNG BA ZHES BYA BA LA SOGS PA BSTAN TO, ,RAB TU 'JUG PAR BYED PA YIN PAS NA ZHES PA NI BCOM LDAN 'DAS KYI GSUNG GIS THAMS CAD 'JUG PAR 'GYUR BAS SO, ,GZUNG BAR BYA BA YIN PA'I PHYIR, ,ZHES PA NI DE BZHIN GSHEGS PA'I GSUNG BLANG BAR BYA BA YIN PA'I PHYIR RO, ,'KHOR GNYIS KYI NANG DU ZHES PA NI RDZOGS PA DANG MA RDZOGS PA'I TSOGS KYI NANG DU'O, ,'GYOD PA SKYED PA NI SROG GCOD PA LA SOGS PA'I RNAM PAR SMIN PA DKA' BA THOS PA'I YID MI BDE BAR BYED PA'O, ,MA GSUNG SHIG CES BYA BA NI GSUNG BA MI RIGS SO ZHES BYA BA'I THA TSIG GO, ,BSHAD MA THAG PA'I ZHES PA LA SOGS PAS BCOM LDAN 'DAS KYI DGONGS PA LA MKHAS PA'I DE BZHIN GSHEGS PA RNAMS KYIS MA 'ONGS PA DBANG PO DMAN PA'I SEMS CAN RNAMS RJES SU GZUNG BA'I DON DU DGONGS PAS BSHAD PA'I ZAB PA'I RDO RJE'I TSIG RNAMS 'DRI BA JI LTA BA BZHIN DU BYANG CHUB SEMS DPA' LA LAN BTAB PO ZHES BSTAN TO, ,SBYAR RO ZHES PA NI BYA BA BYED PA'I TSIG SBYAR BAR BYA'O, ,DON BSHAD ZIN PA NI LE'U DANG PO NAS SO, ,RDO RJE'I RIGS LA SOGS PA ZHES PA NI RDO RJE DANG PADMA DANG BZHIN GSHEGS PA DANG YID BZHIN NOR BU DANG DAM TSIG GI RIGS SO, ,JI SKAD DU, ZHE SDANG GTI MUG 'DOD CHAGS DANG, ,YID BZHIN NOR BU DAM TSIG STE, ,RIGS NI DE RNAMS LNGA PO STE, ,'DOD DANG THAR PAR BSGRUB PA'O, ,ZHES 'BYUNG NGO, ,

DE LAS SKYES PAS NI ZHES PA LA, RIGS LNGA'I DAM TSIG SPYOD PA DANG LDAN PA BYANG CHUB SEMS DPA' ZHES BYA BA'I DON TO, ,DAM TSIG LA THE TSOM SKYE BA'I SGO NAS ZHES PA NI SGRA JI BZHIN PA TZAM THOS PA LAS SKYES PA SMOD PA'I SGO NAS SO, ,NGAN CING DMAN PA'I 'DU SHES NI, ,ZHES PA LA CHUNG BA'I 'DU SHES SO, ,'JIG RTEN GYIS SMAD PA'I 'DU SHES ZHES PA NI 'JIG RTEN PA SUN 'BYIN PAS SO, ,DE LTA BU'I ZHES PA LA SOGS PAS RANG GIS SMOD PA DANG, 'JIG RTEN PAS SMOD PA 'DU SHES GNYIS BYA BA MI RIGS SO, ,DMAN PA'I 'DU SHES BSKYED PA'I NYES PA BSTAN PA'I PHYIR ZHES PA LA RTZA BA'I LTUNG BA'I 'JIGS PA MTHONG BA'I PHYIR RO, ,RGYU GANG GIS NA ZHES PAS DE MI BYED PA NYID BSTAN TO, ,BSTAN PA 'DI LA SPYOD PA GNYIS TE, MCHOG GI SPYOD PA DANG, SNGAGS KYI SPYOD PA'O, ,DE LA MCHOG GI SPYOD PA NI BYANG CHUB SEMS DPA'I SPYOD PA'O, ,SNGAGS KYI SPYOD PA NI DE BZHIN GSHEGS PA'I SPYOD PA'O, ,'GAL BA'AM MI 'GAL BA'I BYA BAS RANG DANG GZHAN GYI DON GRUB PA NI BYANG CHUB SEMS DPA'I SPYOD PA'O, ,DE LA 'GAL BA'I SPYOD PA NI SROG GCOD PA LA SOGS PA'I SGO NAS SO, ,MI 'GAL BA'I SPYOD PA NI BSTAN PA DANG SMIN PA LA SOGS PA'I SGO NAS SO, ,RDO RJE BZLAS PA LA SOGS PA'I RIM PA LNGA PO RTOGS PAS MNYAM PAR BZHAG PA DANG, MA BZHAG PA'I SKABS SU GZHAN GYI DON SGRUB PAR BYED PA'I SPYOD YUL GANG YIN PA DE NI DE BZHIN GSHEGS PA'I SPYOD PA'O, ,DE LTAR SLOB PA'I DUS SU BYANG CHUB SEMS DPA'I SPYOD PA DANG, RDZOGS PA'I DUS SU DE BZHIN GSHEGS PA'I SPYOD PA STE BRTAGS PA DANG RDZOGS PA'I RIM PA'I RNAL 'BYOR PA DAG GI SPYOD PA GNYIS BSTAN TO, ,DE NYID BSTAN PA'I PHYIR MCHOG GI SPYOD PA ZHES BYA BA LA SOGS PA BSTAN TO, ,TSE 'DI NYID LA ZHES PA NI MTHONG BA'I CHOS LA'O, ,RANG GI NGO BO YONGS SU BRDZE BA YIN PAS SO ZHES PA NI THA MAL BA'I NGO BO SPANGS NAS DPAL RDO RJE 'CHANG GI GO 'PHANG THOB NAS SO, ,DE LTAR ZHES BYA BA LA SOGS PAS SPYOD PA GNYIS NYE BAR BSDUS NAS DE'I 'BRAS BU BSGRUB PA BDEN PA GNYIS KYI SGO NAS BSTAN PAR BYA STE TSIG GI PHRAD BSDU BA STE ZHES PA NI TSIG PHRAD GNYIS SO, ,DPER NA ZHES

, ,BYA BA'I DON LA ZHES PA NI DPE STON PA'I SGRA LA 'JUG STE, TSIG PHRAD KYI DON DU MA YIN PA'I PHYIR RO, ,NAM MKHA' NI DON DAM PA'I BDEN PA'O ZHES PA NI, 'DUS MA BYAS PA DANG BSTAN PA MED PA DANG THOGS PA MED PA'I PHYIR RO, ,RTEN CING 'BREL BAR 'BYUNG BA'I CHOS THAMS CAD LA RJES SU SONG ZHING KHYAB PA'O ZHES PAS NI DNGOS PO THAMS CAD KYI RANG DBANG DANG GZHAN BYED PA PO NYID BKAG GO, ,RGYU DANG RKYEN LAS BYUNG BA'I CHOS NI RTEN CING 'BREL PA LAS 'BYUNG BA ZHES BYA'O, ,RTEN CING 'BREL PA LAS 'BYUNG BA GANG YIN PA DE RNAMS MA SKYES PA NYID DO, ,JI SKAD DU; GANG ZHIG RGYU LAS BSKYED PA NYID, ,RKYEN MED PAS NI GNAS MI 'GYUR, ,RKYEN MED PA NI 'GAG 'GYUR BA, ,DE NI YOD CES JI LTAR RTOGS, ,DE LTAR GYUR PA'I CHOS RNAMS LA, ,NAM MKHA' KHYAB PAR 'JUG PA STE, ,DE YI RANG BZHIN YIN PAS SO, ,PHUNG PO LA SOGS PAS PHUNG PO DANG KHAMS DANG SKYE MCHED LA SOGS PA CHOS THAMS CAD DE NYID KYIS KHYAB PA YIN TE, NAM MKHA' MED PAS DE RNAMS LA GLAGS SKABS MI LDAN PAS ZHES BSTAN TO, ,GTAN TSIGS BSTAN PA'I PHYIR CHOS DANG CHOS NYID DBYER MED PA'I PHYIR ZHES SMOS TE, RAB 'BYOR GZUGS NI RANG BZHIN GYIS STONG PA DANG STONG PA NYID GZUGS DANG GZUGS STONG PA NYID DO ZHES RGYAL BA'I YUM LAS GSUNGS PA'I PHYIR RO, ,CHOS NYID LAS CHOS THA DAD MIN, ,RNAM PA GNYIS MIN GNYIS MED PA, ,DE LTAR CHOS NI BSAM PAR BYA, ,MED PAR MI 'BYUNG NGES PA NI, ,BYAS PA DANG NI MI RTAG BZHIN, ,ZHES 'BYUNG NGO, ,'DOD PA'I KHAMS LA MI GNAS SO, ,ZHES BYA BA LA SOGS PAS SNGAR BSHAD PA'I DON SPROS NAS BSHAD PAR BYA STE, GZUGS LA SOGS PA TSOL BA ZHES PA NI YUL SPYOD PA'I MTSAN NYID DANG LDAN PA'I 'DOD PA'I KHAMS YIN PAS SO, ,RGYAL CHEN RIS BZHI LA SOGS PA'I LHA RNAMS ZHES PA NI LHA'I RIS DRUG GO, ,DE RNAMS 'DZIN PA ZHES PA NI DE'I GZHIR GYUR PA'I PHUNG PO LA SOGS PA'O, ,DER YANG MI GNAS TE ZHES PA NI 'DOD PA'I KHAMS RANG BZHIN MED PAS SO, ,RTEN MED BRTEN PA NI GANG DU GNAS ZHES DGONGS PA'O, ,GTAN TSIGS

BSTAN PA'I PHYIR, 'DOD PA'I KHAMS ZHES BYA BA LA SOGS PA BSTAN TO, ,GZUGS TZAM LA CHAGS PA ZHES PA NI GZUGS TZAM LA DMIGS NAS BSAM GTAN BZHI GNAS PA'O, ,RTOG PA DANG BCAS PA LA SOGS PA'I BSAM GTAN LA GNAS PAS DE RNAMS KYIS TSOR BA LA SOGS PA LA CHAGS PA MED DO, ,GZUGS KYI 'DOD CHAGS DANG BRAL BAS RNAM PAR SHES PA TZAM DU GNAS PA DE NI ZHES PA NI GZUGS MED PA STE 'BA' ZHIG RNAM PAR RIG PA TZAM GYI DBYE BA BZHI STE, NAM MKHA' MTHA' YAS SKYE MCHED KYI RNAM PAR RIG PA TZAM DANG RNAM SHES MTHA' YAS SKYE MCHED KYI RNAM PAR RIG PA TZAM DANG, CI YANG MED PA'I SKYE MCHED KYI RNAM PAR RIG PA TZAM DANG, YOD MIN MED MIN SKYE MCHED KYI RNAM PAR RIG PA TZAM MO, ,DE DAG NA YANG MI GNAS SO ZHES PA NI DON DAM PA'I BDEN PA'I NGO BO DE DAG YIN PAS SO, ,RLUNG GI DKYIL 'KHOR LA SOGS PA RIM GYIS GNAS PA'I ZHES PA NI RE ZHIG DANG PO SA'I 'OG KHYAB NAS GNAS PA MTHA' YAS PA RLUNG GI DKYIL 'KHOR YOD DE, DE'I STENG DU DES BUS PAS ME'I DKYIL 'KHOR DANG, DE'I STENG DU YANG CHU'I DKYIL 'KHOR ZLUM PO'I RNAM PA CAN DE'I STENG DU SA'I DKYIL 'KHOR GLING BZHI RI RAB DANG BCAS PA ROL PA'I MTSO BDUN GYIS BSKOR BA YOD DO ZHES GO RIMS PA'O, ,RGYU BA NI 'GRO BA RIGS DRUG PA'I SEMS CAN GYI SKYE GNAS BZHI'O, ,MI RGYU BA NI SNOD KYI 'JIG RTEN GYI RANG BZHIN NO, ,GZHIR GYUR PA ZHES PA NI GNYI GA'I RTEN DU GYUR PA'O, ,DE LA YANG MI GNAS TE ZHES PA NI PHUNG PO LA SOGS DE RNAMS LA YANG GNAS PA MA YIN NO, ,GTAN TSIGS BSHAD PA'I PHYIR, THAMS CAD KYANG 'OD GSAL BA'I NGO BO YIN PA'I PHYIR RO ZHES PA NI DE DAG THAMS CAD STONG PA'I NGO BO YIN PAS SO, ,DE LTAR ZHES PA NI DPE LAS BYUNG BA BSTAN PAR BYA STE, DPE LAS BYUNG BA DE BZHIN NYID DE BZHIN GSHEGS PA ZHES BYA BA LA SOGS PAS GSAL BAR BSHAD DE, RTEN CING 'BREL PAR 'BYUNG BA'I DON ZHES PA NI RGYU DANG RKYEN LAS BYUNG BA'I DNGOS PO RNAMS SO, ,DON DAM PA'I BDEN PA ZHES PA NI DE RNAMS DE LA GNAS PAS SO, ,GZHAN GYI RGYU DANG ZHES PA NI TSOGS PA LAS

, ,BYUNG BA NYID DO, ,DE NYID BSTAN PA'I PHYIR RANG NYID MA GRUB PA ZHES BYA'O, ,GANG YANG GCIG SKYED PAR BYED PA MA YIN TE, TSOGS PA LA NI SKYED PAR BYED PA YIN NO ZHES 'BYUNG BAS KHA CIG SKYE BA 'AM 'GOG PAR MI 'GYUR RO, ,'DIR NI KHA CIG MI SKYE ZHING, ,KHA CIG KYANG NI 'CHI MI 'GYUR, ,SEMS KYI NGO BO RNAMS GNAS PA'I, ,'KHOR BA NYID DU SHES PAR BYA, ,MA RIG RKYEN LAS 'BYUNG BA NI, ,YANG DAG YE SHES MTHONG 'GYUR NA, ,SKYE BA 'AM NI 'GOG PA DAG ,GANG YANG 'GRUB PAR MI RIGS SO, ,ZHES 'BYUNG BAS SO, ,DNGOS PO'I RANG BZHIN DE LTAR GYUR PAS MKHYEN CING THUGS SU CHUD CING DE BZHIN GSHEGS PA RNAMS KYI DBANG PO DMAN PA LA SOGS PA'I DBYE BA LA DMIGS NAS DE DANG MTHUN PAR STON PAR MDZAD DO, ,RNAM PAR MI RTOG KYANG SNGON GYI SMON LAM GYI DBANG GIS YID BZHIN GYI NOR BU DANG BUM PA BZANG PO BZHIN DU SEMS CAN RNAMS LA BSTAN PA DANG, YONGS SU SMIN PAR MDZAD DE, DE RNAMS KYIS KYANG STON PAR BYED PA DANG BSTAN PA'I RNAM PAR RTOG PA'I DBYE BAS DMIGS PAR MI 'GYUR RO ZHES BSTAN TO, ,DA LTAR ZHES BYA BA LA SOGS PAS SROG GCOD PA LA SOGS PA 'GAL BA'I SGRA'I NGES PA'I DON GYI SGO NAS MI BSKYOD PA LA SOGS PA'I DE BZHIN GSHEGS PA RNAMS KYI DAM TSIG LNGA'I DON SHES PAR BYA'O ZHES PA LAS 'BYUNG BA'O, ,DA YANG MKHYEN NAS ZHES BYA BA NAS BRTZAMS TE RJES SU RIG PAR BYA'O ZHES BYA BA'I GZHUNG GIS BSHAD DO, ,DE LTAR ZHES BYA BA LA SOGS PAS SNGAR BSHAD PA'I DAM TSIG RNAMS KYI RNAM PAR DAG PA BSHAD NAS DPE'I SGO NAS ZUNG NGU 'JUG PA'I TING NGE 'DZIN GYIS THOB PAR BYA BAR RDO RJE'I SKU BSKYED PA BRTZAM PAR BYA STE, STENG GI SHING BU'I ZHES PA NI BYED PA'O, ,GZHI STE NI 'OG MA'I SHING BU'O, ,GNYI GA BEMS PO YIN PAS ME SKYED PA LA MI NUS PA'I PHYIR, MI'I LAG PA'I RTZOL BA LHAN CIG BYED PA'O, ,DES NA STENG MA DANG 'OG MA'I SHING BU NI NYE BAR LEN PA'I RGYU DANG MI'I LAG PA'I BYA BA NI LHAN CIG BYED PA'I RGYU'O, ,YANG NA GSUM PO DE DAG KYANG GSAL BA'I RGYU YIN TE, ,DE RNAMS KYIS ME GSAL BAR BYED

PAS SO, ,DE LTAR SHING LA GNAS PA'I ME, ,SGRUB PA MED PAR MI 'BYUNG STE, ,DE BZHIN GOMS PA MED PAS NI, ,'DIR NI BYANG CHUB THOB MI 'GYUR, ,ZHES 'BYUNG NGO, ,GSUM PO DE DAG GI RKYEN LA BRTEN CING ZHES PA NI RGYU GSUM PO LA DMIGS NAS SO, ,DRO BA'I 'OG TU ZHES BYA BA LA SOGS PAS ME BSKYED PA'I GO RIMS BSTAN TO, ,'DUS TE 'BYUNG BAR 'GYUR RO ZHES PA NI 'BYUNG BA CHEN PO BZHI'I BDAG NYID KYI ME'I KHAMS SO, ,DES NI DNGOS PO RNAMS RANG DBANG 'GRUB PA BKAG GO, ,GTZUB SHING LA YANG MI GNAS PA, ,ZHES PA NI STENG GI SHING BU LA MI GNAS PA STE GTZUB STAN DANG MI'I LAG PA'I BYA BA MED NA GCIG PU DE LAS MI 'BYUNG BA'I PHYIR RO, ,DE BZHIN DU GTZUB STAN MED PAS JI LTAR GNYI GA LAS MI 'BYUNG STE, DE LTAR GCIG CIG MED PAS KYANG MI 'BYUNG BA ZHES RTOGS PAR BYA STE, GCIG CIG NI SKYED PA PO MA YIN GYI TSOGS PA NI SKYED PA PO YIN ZHES 'BYUNG BA'I PHYIR RO, ,DE NYID BSTAN PAR BYA BA'I PHYIR, SO SOR DMIGS SU MED DO ZHES PA NI RE RE LAS MI 'BYUNG BA'I PHYIR RO, ,TSOGS PA LAS ZHES PA NI TSOGS PA'I 'BREL PA LAS ZHES BYA BA'O, ,DE DAG GONG NAS GONG DU SKYE BAR 'GYUR RO ZHES PA NI, DMAN PA DANG 'BRING DANG CHEN PO NYID KYIS SO, ,DE BZHIN DU ZHES BYA BA LA SOGS PAS DPE LAS 'BYUNG BA BSTAN TE, DE BZHIN GSHEGS PA THAMS CAD KYI GNAS SU GYUR PA YIN PA'I PHYIR ZHES PA NI 'OD GSAL BA LAS SANGS RGYAS THAMS CAD 'BYUNG BAS SO, ,RDO RJE NI CHEN PO STONG PA NYID NGO ZHES PA NI KUN GZHI RNAM PAR SHES PA SPONG BAS SO; ,DAM TSIG NI SHIN TU SPONG BA NYID CES PA NI, NYON MONGS PA CAN GYI RNAM PAR SHES PA SPANGS PAS SO, ,STONG PA NYID DO ZHES PA NI RNAL 'BYOR PA RNAMS KYIS DANG PO RTOGS PAS SO, ,GSUM PO DE DAG GIS ZHES PA NI SNANG BA NYE BAR THOB PA LA SOGS PA'I PHYI NAS 'BYUNG BA'O, ,DE BZHIN GSHEGS PA THAMS CAD CES PA LA SOGS PAS DE BZHIN GSHEGS PA THAMS CAD KYI DAM TSIG RTOGS PA BSTAN TO, ,STONG PA GSUM GYIS RIM GYI DON DAM PA'I BDEN PAR 'GRO BA'O ZHES PA NI SNGAGS DANG PHYAG RGYA'I RIM PAS RANG BZHIN DANG SNANG BA SPONG BAS ZLA BA DANG NYI MA DANG

, ,MTSAMS KYI SNANG BA MTHONG BAS DAG PA NAM MKHA' DANG 'DRA BA 'OD GSAL BA LA 'JUG PA'O, ,YANG BDAG LA BYIN GYIS BRLAB PA'I RIM PAS STONG PA CHEN PO LA SOGS PA'I GO RIMS KYIS 'OD GSAL BA LAS CIG CAR DU YE SHES KYI SKU SPRO BA NI 'ONG BA'O, , 'GRO BA DANG 'ONG BA MED PA ZHES PA NI MNGON PAR BYANG CHUB PA'I RIM PA KHONG DU CHUD NAS ZUNG NGU 'JUG PA'I TING NGE 'DZIN LA 'GRO BA DANG 'ONG BA MED DE RDZOGS PA DANG MI SLOB PAS SO, ,ZUNG 'JUG TING NGE 'DZIN LA GNAS PAS SLAR ZHING GANG LA'ANG MI SLOB PO, ,'DI NI RDZOGS PA'I RNAL 'BYOR ZHES, ,DE YANG RDO RJE 'CHANG CHEN PO, ,RNAM PA THAMS CAD MCHOG LDAN PA, ,THAMS CAD MKHYEN PA DE LAS 'BYUNG, ,ZHES BSTAN PAS SO, ,RDZOGS PA LA ZHES BYA BA LA SOGS PA NI RDZOGS PA'I RIM PA YONGS SU RDZOGS PA LA ZHES BYA BA'I DON TO, ,'DIR NI BSDUS PA'I DON 'DI YIN TE, JI LTAR GTZUB SHING LA SOGS PA'I TSOGS PA PHRAD PA LAS ME BSKYED DE, 'ON TE DE RNAMS RNAM PAR DPYAD NA LOGS SU BSKYED PAR MI 'GYUR BA DE BZHIN DU 'GRO BA DANG 'ONG BA LA SOGS PA RIM GYIS RDO RJE 'CHANG CHEN PO'I GO 'PHANG THOB PAR SHES PAR BYA'O, ,'GRO BA LA SOGS PA RANG MED PAS KYANG RDO RJE 'CHANG GI SKU RDZOGS PAR BYED DE, ,DE BAS NA RTEN CING 'BREL PA LAS 'BYUNG BA 'DI RNAM PA SNA TSOGS PA DANG SANGS RGYAS KYI ROL MO SNA TSOGS PA YIN NO, ,DE LTAR ZHES BYA BA LA SOGS PAS DE KHO NA NYID THOB NAS DGA' BAR 'GYUR BA BYANG CHUB SEMS DPA' RNAMS KYIS JI LTAR THOB PA'I DON MCHOG TU 'DZIN PAS BSTOD PA DE BSTAN PAR BYA BA'I PHYIR BRTZAM PAR BYA STE, DE NAS SKAD CIG DE NYID LAS ZHES PA NI DANG PO MYONG BA'I SKAD CIG MA LA'O, ,SNANG BA SKYES PAS ZHES PA NI STONG PA LA SOGS PA'I RIM PAS SNANG BA LA SOGS PA'I YE SHES GSUM BSKYED PAS SO, ,DE NAS CHOS NYID RTOGS NAS ZHES PA NI 'OD GSAL BA MNGON DU BYAS NAS SO, ,YANG BDAG LA BYIN GYIS BRLAB PA'I RIM PAS MA RIG PA MYONG BA'I 'OG TU THABS KYI YE SHES BSKYED CING SNANG BA'I YE SHES KYI MIG GDANGS PA ZHES PA NI

YE SHES KYI SKU DANG LDAN PAR 'GYUR RO, ,DES NI STONG PA LA SOGS PA'I RIM PAS 'OD GSAL BA MYONG ZHING YANG STONG PA CHEN PO LA SOGS PA'I RIM PAS BYANG CHUB SEMS DPA' RNAMS KYIS YE SHES KYI SKU GZUNG BA NYE BAR BSTAN TO, ,DE BAS NA DE BZHIN GSHEGS PA RNAMS KYIS NYE BAR STON PA GANG YIN PA DE DAG DBANG PO RNO BA'I BYANG CHUB SEMS DPA' RNAMS KYIS MNGON DU BYAS PA YIN NO ZHES BSTAN TO, ,DE NAS DON 'DI NYID BYANG CHUB SEMS DPA' RNAMS KYIS BSTOD PA'I SGRO NAS BSTAN PAR BYA STE, SO SO RANG GIS RIG PA'I CHOS NYID STON PA ZHES PA NI 'OD GSAL BA LA RAB TU GSAL BAR BYED PA'O, ,RMAD BYUNG CHEN PO'I CHOS RNAMS NI DON DAM PA'I BDEN PA'O ZHES PA NI DNGOS PO THAMS CAD DE NYID DU THIM PA DANG DE LAS BYUNG BAS SO, ,SPYI LA MANG PO'I TSIG GIS ZHES PA NI DNGOS PO RE RE LA KHYAB PAR BYED PA ZHES BYA BAS GSAL BA'I PHYOGS LA BRTEN TE, DE'I SPYI LA MANG PO'I TSIG BRTEN NAS SMIN PA BZHIN NO, ,THAMS CAD DU KHYAB PAS NA ZHES PAS BRTAN PA DANG G-YO BA'I DNGOS PO'I TSOGS KHYAB PAR BYED PAS SO, ,JI SKAD DU, BU RAM MNGAR BA ME YI NI, ,JI LTAR DRO BA'I RANG BZHIN TE, ,CHOS KUN GYIS NI STONG PA NYID, ,DE BZHIN DU NI RANG BZHIN 'DOD, ,RNAM BA DU MAS THA DAD PA, ,DNGOS PO RNAMS NI GOS DANG 'DRA, ,STONG PA NYID MES BSREGS GYUR PA'I, ,THAL BA'I DBYE BA GANG YANG MED, ,CES 'BYUNG NGO, ,RTOG GE ZHES BYA BA LA SOGS PA NI RTOG GE PA RNAMS KYIS PHYOGS DANG GTAN TSIGS DANG DPE'I SGO NAS DE KHO NA NYID RTOGS PAR MI NUS TE, DE SPROS PA MED PAS SO, ,JI SKAD DU, ,RNAM PAR RTOG PA GZHAN BYED PA, ,RNAM PAR RTOG PA KUN RDZOB BSHAD, ,DE NYID DAM PA'I DON YIN TE, ,RNAM PAR RTOG PA LDOG PAS SO, ,ZHES 'BYUNG NGO, ,DE BZHIN DU, RTEN CING MA NGES MI KHYAB PA, ,KUN RDZOB DANG NI THA DAD LDAN, ,BYIS PAS BRTEN PA'I RTOGS GE NI, ,DE PHYIR DE YI SPYOD YUL MIN, ,ZHES BCOM LDAN 'DAS BYAMS PAS KYANG GSUNGS SO, ,RTOG GE PAS NI MI SHES PA, ,RNAL 'BYOR BYIS PAS RTOGS MI 'GYUR, ,ZHES DGONGS PA LUNG BSTAN PA

, ,LAS 'BYUNG NGO, ,SGYU MA LTA BU'I SKU NI KUN RDZOB KYI BDEN PA'O, ,YONGS SU DAG PAS NA ZHES PA NI RIL POR 'DZIN PA DANG RJES SU GZHIG PA DAG GIS MI SNANG BAR BYED PAS SO, ,MIG GI DBANG PO'I YUL DU GYUR PAS NA ZHES PA NI RIM PA BZHI PA LAS CIG CAR DU LANGS TE GDUL BYA RNAMS LA SNANG BAR 'GYUR RO, ,RDO RJE 'CHANG CHEN PO'I SKU'O ZHES PA NI ZUNG DU 'JUG PA'I TING NGE 'DZIN GYIS RDO RJE'I SKUR GYUR TO, ,DON DAM PA'I BDEN PA NAS BRTZAMS TE NGO MTSAR CHE'O ZHES BYA BA'I BAR DU'O ZHES PA NI STONG BAR GYUR PAS KYANG SKU GZUNG BA 'DZIN PAS 'GRO BA'I DON MDZAD PAS NGO MTSAR RO, ,'OD GSAL BA'O ZHES PA NI RIM PA GNYIS PA DANG BZHI PAS RTOGS PAR BYA BA'O, ,DES DAG PAS NI RANG BZHIN DANG SNANG BA SGYU MA'I SKU DAG PAS SO, ,DE KHO NA NYID CES BYA BA NI DON DAM PA'I BDEN PA'O, ,DON NI KUN RDZOB KYI BDEN PA'O, ,DE DANG DBYER MED PA'I NGO BO YIN PAS DE KHO NA NYID KYI DON NI ZUNG NGU 'JUG PA'I RIM PAS THOB PAR BYA BA RDO RJE'I SKU'O, ,DES NI SEMS RNAM PAR DAG PA LA SOGS PA'I RIM PA BZHI PA'I BDAG NYID CAN BCOM LDAN 'DAS RDO RJE 'CHANG CHEN POS BSTAN PA YIN NO, ,DE NYID BSTAN PA'I PHYIR, RDO RJE 'CHANG CHEN POS ZHES BSTAN TO, ,DE NYID NI 'DA' BAR MI BYA BAS NA ZHES PA NI RIM PA GNYIS SOM PAR BYED PA'I RNAL 'BYOR PAS NGES PAR BSGOM PAR BYA BAS SO, ,DE STON PA'I ZHES BYA BA LA SOGS PAS DE LTAR GYUR PA'I RDO RJE 'CHANG CHEN PO STON PAR BYED PA'I GZHUNG GI TSOGS GANG YIN PA DE NI LE'U ZHES BSTAN TO, ,DGONGS PAS BSHAD PA'O ZHES PA NI 'GAL BA'I SGRA'I SBYOR BAS RDZOGS PA'I RIM PA SO SOR BSTAN PAS SO, ,SGRON MA GSAL BAR BYED PA'I 'GREL PA'I t'I K'A LAS LE'U DGU PA'I RGYA CHER BSHAD PA'O,, ,,SGRUB PA MCHOG DANG THA MAL PA LA GNAS SHING ZHES BYA BA LA SOGS PAS LE'U BCU PA'I BSHAD PA BRTZAM PAR BYA STE, DES NA DON 'DI YIN TE RIM PA GNYIS BSGOM PA'I RNAL 'BYOR PA LE'U DRUG GIS 'GRUB PA DANG, SPROS PA DANG BCAS PA LA SOGS PA'I SPYOD PA RNAMS SU LE'U BDUN PA NAS RTZOL BAR BYAS PA DANG DE BZHIN

DU LE'U BRGYAD PA DANG DGU PA DAG GIS GSANG BA'I DBANG BSKUR DANG DAM TSIG RNAMS LA GZHOL BA BYAS PAS DE BZHIN GSHEGS PA RNAMS KYIS MI GZIGS PA DANG, RIGS 'BRING YIN PAS GANG GI TSE DNGOS GRUB THOB PAR MA GYUR PA DE'I TSE, RANG GI LHA'I DNGOS GRUB BSGRUB PAR BYA BA'I PHYIR RANG GI LHA NI RDO RJE 'CHANG LA SOGS PA'I SNYING PO BSKUL BA NI DE'I THUGS KA'I NUS PA 'GUGS PA SNGON DU 'GRO BAR RANG GI BDAG NYID LA 'JUG PAR BYA'O ZHES BYA BAS LE'U BCU PA BRTZAM PAR BYA'O, ,LE'U 'DI'I BSDUS PA'I DON 'DI YIN TE, BSKYED PA'I RIM PA'I RNAL 'BYOR PAS LO SKOR RAM ZLA BA DRUG GAM GSUM MAM GNYIS SAM ZLA BA PHYED KYI BAR DU RGYUN MCHAD PA'I SGOM PAR BYED PAS GANG GI TSE DNGOS GRUB THOB PAR MI 'GYUR NA DE'I TSE DE BZHIN GSHEGS PA THAMS CAD KYIS NYING PO BSKUL BAS 'GRUB PAR 'GYUR RO, ,GANG GI PHYIR BCOM LDAN 'DAS MI BSKYOD PA LA SOGS PA DE BZHIN GSHEGS PA RNAMS MNGON PAR DGA' BA LA SOGS PA'I SANGS RGYAS KYI ZHING RNAMS LA BDE BA DANG THUGS BDE BA MYONG BA RANG GI PHYAG RGYA DANG LHAN CIG TU ROL PAR MDZAD PA SPROS PA MED PA'I MTSAN NYID CAN GYI BDE BA CHEN PO RIG CING BZHUGS PAS SNGAGS TZAM LA GZHOL BA'I SGRUB PA PO LA GZIGS PAR MI 'GYUR RO, ,DE MI GZIGS PAS SGRUB PA POS DNGOS GRUB THOB PAR MI 'GYUR RO, ,DE BAS NA DE RNAMS KYIS SGRUB PA PO LA GZIGS PAR BYA BA'I PHYIR SNYING PO BSKUL BA BSGOM PAR BYA'O, ,DE'I THABS NI BZHI STE, BZANG BA DANG, SBYIN PA DANG, DBYE BA DANG, 'CHAD PA'O, ,DE LA BZANG GI RIM PA 'DI YIN TE, DE LA RE ZHIG DANG PO RNAL 'BYOR PAS JI LTAR MNGON PAR 'DOD PA'I LHA'I RNAL 'BYOR DANG LDAN PAS YE SHES SEMS DPA'I THUGS KA'I SA BON GYI THIG LE LAS 'OD ZER GYI TSOGS SPROS LA, DE NYID GZUGS RDO RJE MA LA SOGS PA'I LHA MO'I GZUGS SU GYUR NAS NAM MKHA'I KHAMS KHYAB NAS MNGON PAR DGA' BA LA SOGS PA'I SANGS RGYAS KYI ZHING KHAMS THOB NAS TSIG SNYAN PA DANG SGEG PA'I NYAMS DANG LDAN PAS GSOL BA GDAB PAR BYA STE,

, ,KYE BCOM LDAN 'DAS DE BZHIN GSHEGS PA THAMS CAD CHE GE MO ZHES BYA BA SGRUB PA PO KHYED RNAMS LA DAD CING RJES SU CHAGS PA DE'I PHYIR DE RJES SU GZUNG BAR BYA BA'I DON DU KHYOD KYIS MYUR DU GZIGS PAR MDZAD DO GSOL ZHES BYA BA'I ZHU BA RDZOGS NAS MCHOD PA PHUL ZHING SLAR YANG BSDU BA'I RIM PAS DE RNAM RANG GI SNYING GA'I SA BON GYIS YE SHES SEMS DPA'I SNYING GA'I SA BON GYI THIG LE LA 'JUG PAR BYA'O ZHES PA NI BZANG PO'O, ,DE LTAR BYAS KYANG 'GRUB PAR MA GYUR NA DE'I TSE SBYIN PA'I THABS 'DI LTAR BRTZAM PAR BYA'O, ,DE'I RIM PA NI SNGA MA BZHIN DU RNAL 'BYOR PAS YE SHES SEMS DPA'I SA BON GYI THIG LE LA 'OD KYI TSOGS SPROS LA DE NYID ME TOG RDO RJE MA LA SOGS PA'I MCHOD PA'I LHA MO'I GZUGS SU 'GYUR NAS MNGON PAR DGA' BA LA SOGS PA SANGS RGYAS KYI ZHING LA BZHUGS PA DE BZHIN GSHEGS PA THUGS RDO RJE 'CHANG LA SOGS PA LA MCHOD PA BYAS TE, TSIG 'JAM PA LA SOGS PAS BSTOD CING, ,PHYI DANG NANG DANG GSANG BA'I MCHOD PA BYAS TE SGRUB PA PO'I MING BSTAN NAS BCOM LDAN 'DAS LA GSOL BA BTAB STE, LDOG PAR GYUR PA BSAM ZHING SLAR YANG BSDU BA'I RIM PAS RANG GIS BON GYI THIG LER 'JUG PAR BYA'O ZHES SBYIN PA'I THABS SO, ,DES KYANG GAL TE DNGOS GRUB MI GSAL NA DE'I TSE SNGA MA BZHIN DU RANG GI THUGS KA'I YE SHES SEMS DPA'I SA BON GYI THIG LE LAS KHA DOG NAG PO ZHAL GSUM PHYAG DRUG PA ZHAL RNAM PAR 'GYUR PA, G-YON BRKYANG PA LA ZHAGS PA DANG LCAGS KYU DANG THOB DANG RDO RJE DANG DRIL BU DANG SDIGS MDZUB 'DZIN PA GNOD MDZES KHRO BO'I RGYAL PO SPROS TE BKA' NOD PAR BSAM PAR BYA'O, ,DE NAS DE LA BKA' BSGO BAR BYA'O, KYE MNGON PAR DGA' BA LA SOGS PA'I SANGS RGYAS KYI ZHING LA BZHUGS PA DE BZHIN GSHEGS PA RNAMS LA GSOL BA THOB SHIG ,DE NAS DE SONG NAS NAM MKHA'I DKYIL LA GNAS PA SANGS RGYAS KYI ZHING LA BZHUGS PA MI BSKYOD PA LA SOGS PA'I TING NGE 'DZIN LA SNYOMS PAR ZHUGS PA MTHONG NAS 'DI SKAD DU ZHU BAR BSAM PAR BYA STE, CHE GE MO ZHES RDO RJE CAN, ,KHYED KYI

BSTAN PA LA DGA' BA, ,MYUR DU DNGOS GRUB DON GNYER BA, ,DE LA DE NI GSOL BAR MDZOD, ,CES PA ZHUS NAS RDO RJE THO BAS DE RNAMS KYI THUGS KA LA BRDEG BAR BSAM PAR BYA'O, ,DE NAS NYE BAR BSDU ZHING RANG GI SNYING GA'I THIG LE DE NYID LA ZHUGS PAR BSAM PAR BYA'O ZHES DBYE BA'I THABS KYI RIM PA'O, ,DE LTAR BYAS KYANG 'GRUB PAR MA GYUR NA DE'I TSE 'CHAD PA'I THABS BSTAN PAR BYA STE, RE ZHIG DANG PO RNAL 'BYOR PAS RANG GI PHYAG RGYA'I CHOS 'BYUNG GI PHYAG RGYA'I NANG DU RAm LAS SKYES PA'I GRU GSUM ME'I DKYIL 'KHOR BSGOMS LA RANG GI SNYING GA LAS BYUNG BA SNGAR BSHAD PA'I DBYIBS DANG, KHA DOG DANG LDAN PA'I GNOD MDZES KYI RGYAL POS MNGON PAR DGA' BA LA SOGS PA'I SANGS RGYAS KYI ZHING RNAMS LAS MGRIN PA NAS BTAGS PA'I ZHAGS PAS THUGS RDO RJE 'CHANG LA SOGS PA DE BZHIN GSHAGS PA BKUG NAS LCAGS KYUS SPYI BOR BTAB LA, YI GE YAm LAS SKYES PA'I RLUNG GI DKYIL 'KHOR DANG RAm LAS SKYES PA'I ME'I DKYIL 'KHOR GYI STEN GDU BZHUGS SU GSOL ZHING, RLUNG GI DKYIL 'KHOR GYIS BSKUL BA KHRO BO'I RGYAL POS KYANG RGYAB TU BRDEGS PAR BSAMS TE MDUN DU GSHEGS NAS PHYAG RGYA'I CHOS 'BYUNG GI NANG NA BZHUGS PA DE LA GNAS PA'I ME'I DKYIL 'KHOR GYIS BSREGS PAS THAL BAR GYUR PAR BSAMS TE, DE'I RNAM PAR SHES PA YANG DANGS SHING MAR ME DANG 'DRA BAR YONGS SU GYUR NAS YI GE H'Um GI RNAM PAR BSAMS LA, DE YONGS SU GYUR NAS RDO RJE LA SOGS PA LAS BYUNG BA MI BSKYOD BA LA SOGS PA SEMS DPA' GSUM GYI BDAG NYID BSGOM ZHING PHYI ROL DU SPROS LA, DE DANG LHAN CIG TU DBYER MED PA'I BDAG NYID BSGOMS NA DE'I TSE ZHAG BDUN GYIS NGES PAR DNGOS GRUB STZOL BAR 'GYUR TE 'CHAD PA'I THABS SO, ,DE BZHIN GSHEGS PA THAMS CAD KYI SNYING PO BSKUL BA DE NYID BSHAD PA YIN TE, DE NYID BSTAN PAR BYA BA'I PHYIR YANG 'DUS TE ZHES PA NI GSOL BA 'DEBS PA'I DON TO, ,LE'U DANG POR BSHAD PA'I RIM GYIS ZHES PA NI DE BZHIN GSHEGS PA THAMS CAD NYE BAR BSDU BAR MDZAD PA DPAL RDO RJE 'CHANG GIS BSHAD PA'I

, ,RIM PAS SO, ,BDEN BA GNYIS GNYIS SU MED PAR GYUR PA'I MTSAN NYID CAN NO ZHES PA NI ZUNG DU 'JUG PA'I TING NGE 'DZIN LA BZHUGS PAS ZHES BYA BA'I DON TO, ,SKU DANG GSUNG DANG THUGS KYI GSANG BA YIN PAS ZHES PA'I SKU LA SOGS PA RNAM PAR SNANG MDZAD LA SOGS PA'I MCHOG YIN NO ZHES PA NI DRANG BA'I DON TO, ,RUS SPAL MA DANG ZLA BA MA DANG 'DOD PA'I GDUGS GSUM BYANG CHUB KYI SEMS KYI NGO BOS KHYAB PAS NA ZAB PA STE NGES PA'I DON TO, ,GDUL BYA RNAMS ZHES BYA BA LA SOGS PA NI BSAM PA JI LTA BA'I DBYE BAS BZANG BA LA SOGS PA'I THABS BZHI'I RIM PAS THA DAD PA'I BSGOM PA BSTAN PA'O, ,MKHYEN PA NI DE LA BRTEN PA DE'I NGO BOS SO, ,MI SLU BA NI JI LTAR BYA BA'I SNYING PO BSKUL BA'I 'BRAS BU STER BA'O, ,A'A LI DANG K'A LI LAS SKYES PA RNAMS TE, RLUNG BSKUL BAS GNAS BRGYAD PO LAS SKYES PA'I DBYANGS DANG GSAL BYED LAS BYUNG BA ZHES BYA BA'I DON TO, ,SBRUL DANG MGO MED CES BYA BA LA SOGS PA'O ZHES PA NI LE'U BCU BZHI PA NAS NGES PA'I TSIG 'CHAD PAR 'GYUR BA'O, ,GTZO BO STE YI GE AOm LA SOGS GSUM MO ZHES PA NI PHO DANG MO DANG MA NING GI DBYE BAS DE RNAMS DE NYID DU BSDUS PAS SO, ,GSAL BAR BYAS PA'O ZHES PA NI SNYING PO BSKUL BAS YI GE GSUM GSAL BAR 'GYUR BAS SO, ,DE BZHIN GSHEGS PA RNAMS SO ZHES PA NI SKU LA SOGS PA RNAM PAR DAG PA'I RANG BZHIN YIN PAS SO, ,GSANG BA'O ZHES BTAGS PA'I ZHES PA NI DE BZHIN GSHEGS PA THAMS CAD KYIS SBAS PA NYID DU MNGON PAR BZHED PA'O, ,DNGOS GRUB CHEN PO'I THABS SO ZHES PA NI DANG PO SBYOR BA LA SOGS PA'O, ,PHUL DU BYUNG BA'O ZHES PA NI SNYING PO BSKUL BAS MYUR DU DNGOS GRUB THOB PAR 'GYUR BAS SO, ,MI SLU BA STE THES PA NI JI LTAR BYAS PA'I SNYING POS BSKUL BA'I DE LTAR 'BRAS BU BSKYED PA'O, ,SHES RAB DANG ZHES PA NI SHES RAB DANG THABS DANG NYE BAR THOB PA'I BDAG NYID CAN YIN PAS SO, ,THABS KYI YE SHES KYI BDAG NYID YIN PAS NA ZHES PAS NI SNANG BA MCHED PA'I YE SHES KYI BDAG NYID DO, ,'DOD CHAGS

LA SOGS PA'O ZHES PA NI 'DOD CHAGS DANG 'DOD CHAGS DANG BRAL BA DANG 'DOD CHAGS BAR MA'O, ,DE RNAMS KYI DBYE BA DANG RJES SU DBYE BA ZHES PA NI SHES RAB KYI RANG BZHIN SUM CU RTZA GSUM DANG THABS KYI RANG BZHIN BZHI BCU DANG, MA RIG PA'I RANG BZHIN BDUN NO, ,RJES SU DBYE BA NI NYIN MO DANG MTSAN MO'I DBYE BAS RNAM PA GNYIS SU 'GYUR TE, BRGYA DRUG CU'I DBYE BA'O, ,RGYA MTSO DANG MNYAM PA'I PHYIR RO ZHES PA NI, SO SO'I SKYE BO RNAMS KYIS BRGAL BAR MI NUS PA'I PHYIR RGYA MTSO DANG 'DRA BA'O, ,DE RNAMS KYI ZHES PA NI DE'I YUL DU'O, ,SDUG BSNGAL DANG YID MI BDE BA LA SOGS PA'I RANG BZHIN RNAMS NI SEMS LAS BYUNG BA'I CHOS RNAMS SO, ,ZIL GYIS MNAN NAS ZHES PA NI SNANG BA NYE BAR THOB PA LA SOGS PA'I RIM PA DANG SNGAGS DANG PHYAG RGYA LA SOGS PA'I LAM GYIS SPANGS NAS SO, ,MCHOG TU DGA' BA'I NGO BO NYID KYIS ZHES PA NI 'OD GSAL BA'I RANG BZHIN MNGON DU BYAS NAS SO, ,ROL BAR MDZAD PAS NA ZHES PA NI SPYOD PAR MDZAD PA'O, ,SDUG BSNGAL THAMS CAD CES PA NI 'JUG PA'I RNAM PAR SHES PA LA SOGS PA STE SDUG BSNGAL THAMS CAD KYI RGYUR GYUR PAS SO, ,DE RNAMS BSREG BU YIN PA'I PHYIR BUD SHING NGO, ,DE RNAMS 'OD GSAL BA'I MES SRAG [*SREG?] PAR MDZAD PAS NA 'BAR BA'O, ,DE NYID KYIS NA DRAG PO STE, ,ZHES PA NI SHES RAB KYI RANG BZHIN YIN PAS SO, ,KHRO BO'I BDAG NYID CAN DU BYUNG BA'O ZHES PA NI RNAM PAR RTOG PA MA LUS PA'I BAG CHAGS BCOM PAS BCOM LDAN 'DAS RDO RJE 'CHANG NGO, ,THA MAL PA BAS KYANG ZHES PA NI RNAM PAR 'BYED PA MA SKYES PA'I SO SO'I SKYE BO RNAMS KYIS KYANG NGO, ,RAB TU RGYAS PA'I SPYAN BGRAD PAR MDZAD PAS NA ZHES PA NI CHOG MI SHES PAS MI RGYAS PAR BYED PAS SO, ,GSUNG LA RTAG TU 'JUG PA STE, ,ZHES PA NI GSUNG 'JUG PA DE LA RAG LUS PA'I PHYIR RO, ,DE LA GZHOL PAR MDZAD PA YIN PA'I PHYIR ZHES PA NI 'OD GSAL BA LAS RLUNG BYUNG ZHING DE LA YI GE LA SOGS PA RAB TU 'JUG GO, ,NAM MKHA' LAS NI RLUNG 'BYUNG ZHES BYA BA LA SOGS PA BSHAD PAS SO, ,SKU DANG GSUNG DANG

, ,THUGS RDO RJE'I TSUL GYIS BSGOM PA ZHES PA NI LUS LA SOGS PA'I CHOS NYID RJES SU DRAN NAS BSGOM PAR BYA'O, ,DE NYID BSTAN PA'I PHYIR, YONGS SU SHES PAS ZHES PA NI DBYER MED PAS ZHES PA'O, ,BSGOM PAR BYA'O ZHES PA NI NGES PAR BSAM PAR BYA'O, , BYA BA'I KHYAD PAR 'DI NI ZHES PA NI BSGOM PA'I BYA BA'I KHYAD PAR RO, ,'DI NI LUS SO ZHES PA NI 'BYUNG BA CHEN PO BZHI'I BDAG NYID DO, ,'DI NI NGAG GO ZHES PA NI A'A LI K'A LI NGO BO RTOG PA DANG BCAS PA'O, ,'DI NI YID DO ZHES PA NI DNGOS PO YONGS SU SHES PA'I BDAG NYID RTOG PA DANG BCAS PA'O, ,DE DAG DE KHO NA NYID DU BSAM PAR 'GYUR NA THA DAD PAR MI DMIGS TE DBYER MED PAS NA LOGS SU MI DMIGS PA'I PHYIR RO, ,GZUGS MED PA'I KHAMS SU YANG BSAM GTAN GYI LUS YOD PA DANG, SRID PA BAR MDOR YANG DBANG PO TSANG BAS PHRA MO'I LUS CAN YIN PAS SO, , DE NYID BSTAN PA'I PHYIR, GCIG LA GCIG BRTEN PA MED PA ZHES SMOS TE NGAG DANG SEMS DAG GI LUS NI RTEN DU RIGS PA MA YIN TE GZUGS CAN YIN PA'I PHYIR RO, ,NGAG DANG SEMS NI LUS CAN MA YIN PA'O, ,DE BZHIN DU NGAG DANG SEMS DAG KYANG LUS KYI RTEN MA YIN NO ZHES BSHAD PAR BYA STE, SEMS LUS LTA BU ZHES BYA BA LA SOGS PA LE'U GNYIS PA LAS GSUNGS PAS SO, ,DBYER MED PAS SKU LA SOGS PA NI GSUM RO GCIG PA STE MTSUNGS PAR 'OD GSAL BA'I RANG BZHIN NO, ,DE NYID KYI PHYIR GANG NA YANG MI GNAS PA ZHES PA NI SO SOR NGES PA MED PAS KUN DU GNAS PA'O, ,DGONGS PA MA YIN PAS BSHAD PA ZHES PA NI SHIN TU GSAL BA'I DE KHO NA NYID BSTAN PAS SO, ,DE LTAR ZHES BYA BA LA SOGS PAS DBYER MED PA'I TING NGE 'DZIN NYE BAR BSDU BA BSHAD PAR BYA STE, SDUD PAR BYED PA ZHES BYA BA LA SOGS PAS SNYING PO BSKUL BA'I GNAS SKABS BSTAN TE, DE BZHIN GSHEGS PA ZHES PA NI RNAM PAR MI RTOG PA'I GO 'PHANG THOB PAS SO, ,SPYAN LA SOGS PA ZHES PA NI 'BYUNG BA CHEN PO BZHI'I RGYA MTSO LAS RNAM PAR DAG PA'I GRUS PHA ROL DU GSHEGS SO, ,RNAM PAR SNANG MDZAD LA SOGS PA STE

ZHES PA NI YI GE GSUM LAS 'BYUNG BAS SO, ,DE DAG PHAN TSUN KUN DU CHAGS PA ZHES PA NI SNYING PO BSKUL BA'I RIM PA DANG MTHUN PAS PHAN TSUN BDE BA CHEN PO MYONG NAS SO, ,DE NYID MI 'JIG PA NYID PAS, ,ZHES PA NI BSKAL BA LA SOGS PA'I BAR DU BZHUGS PAS MI PHYED PA'O, , THUGS RTZE GCIG TU BZHAG CING ZHES PA NI THABS DANG SHES RAB GNYIS SU MED PA'I RGYUR GYUR PA SNYING PO BSKUL BA'I MTSAN NYID KYI TING NGE 'DZIN GYI KHYAD PAR LA'O, ,GSOL BA 'DEBS PA'I ZHES PA NI SNYING PO BSKUL BAS DON DU GNYER BA'O, ,'DI SKAD CES BYA BA LA SOGS PAS SNYING PO BSKUL BAR BYA BA'I RGYU BSTAN TO, ,'DIR DE BZHIN GSHEGS PA'I SGRA NI BYED TSIG DANG PO'I TSIG GI MTHA' CAN NO, ,GCIG NI BOD PA DANG GNYIS NI BYED PA LA'O, ,DE NYID BSTAN PA'I PHYIR, DE BZHIN GSHEGS PA THAMS CAD CES BYA BA LA SOGS PA BSTAN TO, ,BSTAN PA'I BYA BA LA MNGON PAR SBYOR BA STE ZHES PA NI BYED PA PO'I GSUM PA MI MNGON PAS BYED TSIG DANG PO'I MANG PO'I TSIG GO, ,RDZOGS PA'O ZHES PA NI BYANG CHUB KYI SHING DRUNG LA GRUB PA'O, ,LHA MO RNAMS TE ZHES PA NI RIGS KYI YUM LA SOGS PA'O,, DE RNAMS LAN CIG SPYOD PA LA SOGS PA'I DBYE BAS ZHES PA NI PHO NYA MO DANG BKA' NYAN MO DANG BRAN MO'I DBYE BAS SO, ,TSAD MED PA GNYIS PAS ZHES PA NI SEMS CAN GYI BSAM PA'I DBANG GIS LHA MO RNAMS KYANG MTHA' YAS PA YIN PAS SO, ,TING NGE 'DZIN MTHA' YAS PA ZHES LE'U BCU GSUM PA LAS 'BYUNG NGO, ,DE NYID BSTAN PA'I PHYIR, NYE BAR MTSON PA TZAM DU GYUR PA STE ZHES BSTAN TO, ,YUL LA NYE BAR SPYOD PAS THAR PA THOB PAR 'DOD PA'O ZHES PA NI 'DOD PA'I KHAMS LAS BSKYED PAS YUL GYI BDE BA 'DOD PA'I SGO NAS THAR PAR 'DOD PAS SO, , 'DUN PA DANG RJES SU MTHUN PAS ZHES PA NI SNYIGS MA LNGA'I DUS SU CHAGS PA'I ROL PA LA SOGS PA'I RGYA CHE BA'I MTSAN NYID KYI SPROS PA DANG BCAS PA'I SPYOD PAS RDO RJE 'CHANG CHEN PO'I GO 'PHANG THOB PA'O, ,DE'I NI SEMS CAN GYI DON BYA BA'I'O, ,BDAG NYID CES BYA BA LA

, ,SOGS PAS JI LTAR GAR MKHAN GCIG PU GAR GYI SA LA ZHUGS PAS BUD MED DANG SKYES PA'I DBYE BA DANG LHA LA SOGS PA'I CHA LUGS KYI DBYE BA BSTAN PA DE BZHIN DU, RDO RJE 'CHANG CHEN PO GCIG PUS 'DOD CHAGS LA SOGS PA'I RIGS CAN GYIS SEMS CAN GYI KHAMS RJES SU GZUNG BAR BYA BA'I PHYIR BUD MED DANG SKYES PA'I DBYE BA DANG SNYOMS PAR ZHUGS PA'I DBYE BA ROL MO DANG 'DRA BAR BSTAN PAR MDZAD PA DE NYID KYI NGO BO NI NYAMS PAR MI 'GYUR TE, RANG BYUNG YIN PA'I PHYIR RO ZHES BSTAN TO, ,JI LTAR ZHE NA ZHES BYA BA LA SOGS PAS MI BSKYOD PA LA SOGS PA SANGS RGYAS KYI ROL MO BSTAN TO, ,SEMS CAN RNAMS SO ZHES PA NI 'GRO BA RIGS DRUG SKYE GNAS BZHI DANG LDAN PA'O, ,DE 'DZIN PAR BYED PAS NA ZHES PA NI RTEN GYI TSUL GYIS SO, ,DE NYID BSTAN PAR BYA BA'I PHYIR, SNOD KYI 'JIG RTEN NI ZHES PA LA GLING BZHI DANG RI RAB PO, ,DE NYID PHYOGS BCU ZHES BYA BA LA SOGS PAS RGYAS PAR BSHAD PAR BYA STE MTHAR THUG PA MED PA NYID MTHAR THUG PA YIN LA ZHES BYA BA NI SGRA'I NUS PA'I RANG BZHIN YIN PAS SO, ,PHYOGS BCU ZHES BYA BA LA SOGS PAS DE BZHIN GSHEGS PA RNAMS MTHA' YAS PA'I 'JIG RTEN GYI KHAMS LA BZHUGS SO ZHES BSTAN TE SEMS CAN RJES SU GZUNG BA'I PHYIR RO, ,RTAG TU TSIM PAR BYED PA'I GZUGS LA SOGS PA RNAMS KYIS ZHES PA NI PHYAG RGYA LA GNAS PA'I 'DOD PA'I YON TAN LNGAS SO, ,RNAM PAR ROL PA'O ZHES PA NI SPROS DANG BCAS PA'I SPYOD PAS SO,, SNA TSOGS PA'I DGA' BAS LHA MO RNAMS DANG LHAN CIG DGYES PAR MDZAD PA'O ZHES PA NI BYED PA DANG YAN LAG GI BYA BA LA SOGS PAS SO, ,RIGS PA'I TSOGS KYIS MCHOD CING ZHES PA NI PHYI DANG NANG DANG GSANG BA'I MCHOD PAS MCHOD PAR BYA'O, ,DE YANG SLAR MCHOD PAR MDZAD PA 'DI NI ZHES PA LA NI RIGS PA'I TSOGS LA DE BZHIN DU MCHOD PAR MDZAD PA'O, ,'DI NI YONGS SU SPYOD PA'O ZHES PA NI DE BZHIN GSHEGS PA DE RNAMS KYIS DE LTA BU'I SPYOD PA YIN NO ZHES BYA BA'I DON TO, ,DE BZHIN GSHEGS PA DE RNAMS ZHES PA NI RANG RANG GI SANGS RGYAS KYI ZHING

LA BZHUGS PA MI BSKYOD PA LA SOGS PA RNAMS SO, ,DGYES PA'I SGO NAS ZHES PA NI SNGAR BSHAD PA'I SGO NAS SO, ,MCHOG TU DGA' BA'I BDE BA ZHES PA NI LHAN CIG SKYES PA'I DGA' BA'I BDE BA MYONG BAR MDZAD PAS SO, ,SNGAGS SMRA BA RNAM PA BZHI STE ZHES PA NI MDOR BSTAN PA'O, , SNGAGS KYI MING ZHES BYA BA LA SOGS PAS RGYAS PAR BSHAD PA'O, ,DE LA SNGAGS KYI MING NI SBRUL LA SOGS PA'O, ,SNGAGS KYI DON NI YI GE AOm LA SOGS PAS RNAM PAR SNANG MDZAD LA SOGS PA BRJOD PAR BYA'O, ,SNGAGS SPEL BA DANG ZHES BA NI ZHI BA LA SOGS PA'I LAS KYI TSOGS KYI SKABS SU BOO shAt LA SOGS PA DANG CHE GE MO LA SOGS PA DANG SBYAR BA'O, ,JI SKAD DU, BOO shAt MTHA' YIS ZHI BA DANG, ,WA shAt YIS RGYAS PA STE, ,H'Um PHAt MTHA' YIS GSOD PA DANG, ,DZA:HRIS 'GUGS DANG DBANG DAG LA, ,ZHES 'BYUNG NGO, ,DANG PO DANG BAR MA DANG MTHAR SPEL BA'I DBYE BAS DE'I DBYE BA DU MA RDO RJE GTZUG TOR GYI RGYUD LA RJES SU 'BRANG BAR BYA'O, ,RDO RJE'I TSIG SGRA SPANGS PA'O, ,ZHES PA NI RDO RJE BZLAS PA'I DUS SU 'JUG PA LA SOGS PA'I RIM PAS SLOB PA RANG RIG PAS YI GE GSUM GYI BDAG NYID KYI TSIG CES BYA BA'I DON TO, ,YI GE AOm GYIS DBUGS NI NANG DU RNGUB BAR BYED, ,YI GE A'A:YIS SNGAGS NI RAB TU GNAS PA STE, ,YI GE H'Um GIS SNGAGS NI LDANG BAR 'GYUR BA YI, ,MCHU DANG RKAN DANG 'BREL MED GSANG SNGAGS BZLAS, ,ZHES 'BYUNG NGO, ,DE BZHIN DU, SO MCHU RKAN DANG LCE RNAMS KYIS, ,G-YO BAR GYUR PA GANG YIN PA, , DE NI MI 'GYUR GA LA STE, ,'GYUR BA NYID DU DE GNAS PAS, ,ZHES 'BYUNG BAS SO, ,THABS DE DAG GIS ZHES PA NI DBYE BA BZHI DANG LDAN PA'I SNGAGS RNAMS KYIS SO, ,ZHI BA LA SOGS PA RAB TU 'JUG PA NI ZHES PA LA SBRUL LA SOGS PA'I SNGAGS RNAMS KYIS ZHI BA'I PHRIN LAS BYA BA DANG SNGAGS KYI DON RJES SU DRAN NAS DE BZHIN DU DE RNAMS BYA BA DANG, BOO shAt MTHA' YIS ZHI BA ZHES BYA BA LA SOGS PA LAS DANG RJES SU MTHUN PA'I SPEL PAS DE RNAMS BYA BA DANG, DKYIL 'KHOR BZHI LAS 'BYUNG BA'I GZHAL YAS KHANG LA SOGS PA LAS 'BYUNG

, ,BA'I 'OD ZER DMAR PO LA SOGS PA'I SPRO BAS KYANG DBANG LA SOGS PA BYA'O, ,YA YI DON GYIS GANG CI 'ANG RUNG, ,DNGOS GRUB 'DOD PAS BYA BA STE, ,RA LA SOGS PA GSUM GNYIS KYIS, ,'GRO BA'I DON LA RAB TU 'JUG, ,ME DANG RLUNG DANG DBANG CHEN DANG, ,CHU YI DKYIL 'KHOR RE RE STE, ,THUN NI PHYED PHYED DUS SU NI, ,LAS NI GNYIS GNYIS 'GRUB PAR 'GYUR, ,ZHES 'BYUNG NGO, ,DE LA MNGON PAR SEMS ZHUGS PA STE ZHES PA NI RNAM PA BZHIS SNGAGS LA GOMS PAR BYAS PA'O, ,DE LA SPYAN RAS KYIS MI 'TSO BA'O ZHES PA NI THUGS KYIS MI DGONGS PA'O, ,SPYAN RAS KYIS MI 'TSO BA'I ZHES PA LA SOGS PAS SNGAGS KYI MING LA SOGS PA LA GNAS PA LA MNGON DU MI 'GYUR BA BSTAN TO, ,SNGAGS LA GZHOL BA RNAMS ZHES PA NI SNGAR BSHAD PA'O, ,DUS GSUM DU 'BYUNG BA RNAMS SO ZHES PA NI DUS GSUM PA'I SANGS RGYAS RNAMS SO, ,SHUB BUR BZLAS PA NI GSANG BAR BYA BA YIN PAS, MI GSAL BAR BZLAS PA'O, ,YUL DE LA SPYOD PA NI SNGAGS KYI YUL CAN NO, ,RNAM PA BDUN NI MDOR BSTAN PA'O, ,DKYIL 'KHOR ZHES BYA BA LA SOGS PAS RGYAS PAR BSTAN PA'O, ,DKYIL 'KHOR NI THUGS KYI DKYIL 'KHOR LA SOGS PA'I GSUM STE, RANG GI MTSAN NYID DANG LDAN PA KHRU BCU GNYIS PA LA SOGS PA'I TSAD DANG LDAN PA, PHYAG RGYA LA SOGS PA BKOD PA BSTAN PA NI DRANG BA'I DON TO, ,NGES PA'I DON NI DKYIL 'KHOR GSUM STE RGYUD PHYI MA LAS KYANG, DKYIL 'KHOR SKU ZHES BSHAD PA DANG, BYANG CHUB KYI SEMS DKYIL 'KHOR DANG, ,BHA GA'I DKYIL 'KHOR ZHES BYA BA, ,DKYIL 'KHOR GSUM NI RAB TU BRTAG ,SNYING PO LAN PAS DKYIL 'KHOR RO, ,ZHES 'BYUNG BAS SO, ,TSOGS ZHES BA NI TSOGS KYI 'KHOR LO'I CHO GA STE DE YANG SNGAR BSHAD ZIN TO, ,THABS DANG NI ZHES PA LA ZHI BA LA SOGS PA LA LTOS PAS ME THAB BZHI DANG LAS THAMS CAD PA'I THAB GCIG STE LNGA'O, ,DE RNAMS KYI ZLUM PO LA SOGS PA'I DBYE BA DANG TSAD KYANG LUNG JI LTA BA BZHIN DU 'BRANG BAR BYA'O, ,GZHAN DAG NA RE ME THAB NI MTHA' YAS PAR

ZER RO, ,RIGS KYI DBYE BA YIS NI LNGAR RIGS SO, ,ZHES KHO BO CAG GI BLA MA'I ZHAL LNGA NAS GSUNG NGO, ,NGES PA'I DON GYI PHYOGS SU KHA NI THAB YIN NO ZHES SNGAR BSHAD ZIN PAS 'DIR MA BSTAN TO, ,GTOR MA NI LHA DANG LHA MA YIN PA'I DBYE BAS RNAM PA DU MA STE MDOR BSDUS NA RNAM PA GSUM YIN TE, RGYAL PO CHEN PO BZHI'I GTOR MA DANG, 'BYUNG PO THAMS CAD KYI GTOR MA DANG, KHRO BO'I RGYAL PO'I GTOR MA STE SNGAR BSHAD ZIN TO, ,NGES PA'I DON GYI PHYOGS SU THABS DANG SHES RAB SNYOMS PAR ZHUGS PA'I MTSAN NYID DE NANG GI BDAG NYID NI GTOR MA'O, ,LUS DANG NI RNAM PA GNYIS TE, RNAL 'BYOR PA DANG RNAL 'BYOR MA GNYIS KYI'O, ,DE YANG LUS DANG NGAG GI BRDA'I BDAG NYID DO, ,DE RNAMS LAS RNAL 'BYOR PA DANG RNAL 'BYOR MA RNAMS KYI DAM TSIG MTHUN PAR SHES NAS 'DU BAR 'GYUR RO, ,DE LA LUS KYI BRDA NI SOR MO GCIG DANG SOR MO GNYIS RAB TU BSTAN PA'I MTSAN NYID DO, ,NGAG GI BRDA NI BHU SU KU LA SOGS PA'I MTSAN NYID DO, ,GO RIMS DANG ZHES PA NI RNAM PA LNGA STE, RDO RJE BZLAS PA DANG, SEMS RNAM PAR DAG PA DANG, BDAG LA BYIN GYIS BRLAB PA DANG, MNGON PAR BYANG CHUB PA DANG, ZUNG DU 'JUG PA'I RIM PA STE DE RNAMS KYIS NGAG LA SOGS PA RNAM PAR DAG PA'I SGO NAS DE KHO NA NYID MNGON DU BYA'O, ,DE NYID NI RNAM PA DRUG STE RLUNG GI DE KHO NA NYID DANG, SNGAGS KYI DE KHO NA NYID DANG, YE SHES KYI DE KHO NA NYID DANG, LHA'I DE KHO NA NYID DANG, DKYIL 'KHOR GYI DE KHO NA NYID DANG, YONGS SU BRTAG PA'I LHA'I DE KHO NA NYID DO, ,DE YANG LE'U DRUG PA LAS BSHAD ZIN TO, ,DE NI RNAM PA BDUN GYI SNGAGS KYI TSUL GRAGS PA STE RIM PA GNYIS RJOD PAR BYED PA'I PHYIR RO, ,RDZOGS PA'I RIM PA'I TING NGE 'DZIN LA GNAS NAS ZHES PA NI RNAM PAR DAG PA MNGON DU BYA BA'O, ,RNAM PA DE LTA BU ZHES BYA BA LA SOGS PAS ZHAL GYI MAN NGAG GI RIM PAS SNGAGS KYI SPYOD PA RNAM PA BDUN 'BYUNG BA GANG YIN PA DE'I TSUL GYI CHOS NI LAM GYI CHOS NYID GANG YIN PA DE LAS RDZOGS PA NI 'BYUNG BA STE PHYI ROL DU 'BYUNG BA'O, ,

, ,TSIG PHRAD RNAMS MNGON DU MA YIN PAS DE'I SGRAS NI MANG DU GCES PAR MI MDZAD PA'I DON BSTAN TO, ,DE LTAR ZHES BYA BA LA SOGS PAS LAS DANG PO PA RNAMS LA DE BZHIN GSHEGS PA RNAMS KYIS MA GZIGS PA NYID BSTAN TO, ,DGONGS PA NI 'DI YIN TE YAN LAG DANG NYID LAG DANG BCAS PA'I SNGAGS KYI THEG PA JI SRID YOD PA DE GZUNG BA'AM BSGRUB PAR BYA BA 'JIG RTEN PA 'DIS MI NUS SO, ,'ON KYANG SNGAGS TZAM LA BRTEN TE 'BA' ZHIG TU ZAD PAR 'GYUR RO ZHES BYA BAS DE BZHIN GSHEGS PA RNAMS KYIS DE RNAMS MI GZIGS SO, ,DE BZHIN GSHEGS PA RNAMS KYIS GZIGS PA MED PAS DE RNAMS 'GRUB PAR MI 'GYUR RO ZHES BYA BAS DE RNAMS KYIS GZIGS PA'I THABS SNYING PO BSKUL BA'I MTSAN NYID BSHAD PAR BYA STE, GANG GI PHYIR ZHES BYA BA LA SOGS PAS DE NYID BSTAN PAR BYA STE, ROL PA LA SOGS PA'I SGO NAS ZHES PA NI SPROS PA DANG BCAS PA'I SPYOD PA'I SGO NAS SO, ,MCHOG TU DGA' BA'I BDE BA ZHES PA NI 'OD GSAL BA'I BDE BA'O, ,SGRUB PA PO LA GZIGS PAR MI MDZAD DE ZHES PA NI DE LA MNGON DU MI 'GYUR RO, ,THUGS RJE CHEN POS GZHAN DBANG DU GYUR PAS SKYES BU YANG YIN LA YE SHES THOB PAS CHEN PO YANG YIN PA STE, SKYES BU CHEN PO MI BSKYOD PA LA SOGS PA'O, ,SGRUB PA PO LA MNGON SUM DU MDZAD PAS ZHES PA NI SGRUB PA PO LA MNGON DU GYUR PAS SO, ,DAD PA BSKYED PAR BYA BA'I PHYIR, ,ZHES PA NI DNGOS GRUB MTHONG BAS SGRUB PA PO'I SEMS DGA' BA DANG LDAN PAR BYA BA'I PHYIR RO, ,SKU DANG GSUNG DANG THUGS KYI GSANG BAR 'GYUR BA'I SHES PA NI SKU RDO RJE LA SOGS PA DE LAS SKYES PA'I PHYIR RO, ,SPRUL LA SOGS PA'I GSANG SNGAGS KYI LHA RNAMS SO ZHES PA NI SPRUL LA SOGS PA BYIN GYIS RLOB PAR BYED PA DE BZHIN GSHEGS PA RNAMS SO, ,SROG GI THUGS YIN PAS SO, ,RAB TU SAD PAR BYED PA ZHES PA NI RANG RANG GI TING NGE 'DZIN LA BZHUGS PA DE BZHIN GSHEGS PA RNAMS SGRUB PA PO GANG GIS MNGON DU BYAS PA'O, ,SNOD MA YIN PA RNAMS LA ZHES PA NI SKAL BA MED PA NYAN

THOS PA LA SOGS PA RNAMS LA'O, ,MCHOG TU SBA BAR BYA'O ZHES PA NI SHIN TU BSTAN PAR MI BYA'O, ,GTI MUG GI RIGS CAN RNAMS ZHES PA NI RNAM PAR SNANG MDZAD KYI RIGS CAN NO, ,DE RNAMS KYI SPYAN MA LA SOGS PA RNAMS KYI SKU LA SOGS PA MI PHYED PA'I NGO BO STE SEMS DPA' GSUM GYI BDAG NYID CAN SNGAGS GANG GIS YANG DAG PAR BYON CING ZHES PA NI RNAM PA THAMS CAD MCHOG DANG LDAN PAR 'GYUR BA DE NI DAM TSIG CES BYA'O, ,DE BZHIN DU SNGAGS PA RNAMS KYIS ZHES PA NI BSKYED PA'I RIM PA'I RNAL 'BYOR PA RNAMS KYIS SO, ,DMIGS SHING NI GZUNG BAR BYA BA'O,, YID LA BYED PAS NI ZHES PA NI YID KYI BYA BA BSGOM PA'I BDAG NYID KYIS DMIGS PA'O, ,YI GE AOm NI PHYAG 'TSAL BA'O, ,DE BZHIN DU ZHES BYA BA LA SOGS PAS THUGS RDO RJE 'CHANG GI RGYUR GYUR PA'I SNGAGS BSTAN PAR BYA STE, YI GE H'Um NI SPRIN GYI SGRA'O, ,CHOS 'DZIN PA THAMS CAD CES PA NI 'OD DPAG TU MED PA'I RIGS CAN RNAMS KYI'O, ,SKU LA SOGS PA DMIGS PA ZHES PA NI SKU LA SOGS PA RDZOGS PAR BYED PA'O, ,YI GE A'A:ZHES PA NI, GSUNG RDO RJE 'CHANG GI SA BON ZHES BYA BA'I DON TO, ,RDO RJE 'CHANG CHEN PO NYID DE ZHES PA NI THAMS CAD KYI NANG DU CHUD PAS SO, ,DE'I SKU LAS YI GE AOm ZHES PA NI SKU'I RANG BZHIN YIN PAS SO, ,GSUNG LA YI GE A'A:ZHES PA NI GSUNG GI RANG BZHIN YIN PAS SO, ,THUGS LA YI GE H'Um ZHES PA NI THUGS KYI RANG BZHIN YIN PAS SO, ,GO RIMS JI LTA BA BZHIN DU ZHES PA NI SKU GSUNG THUGS LAS SO, ,TSIG GI LAM NI KHA STE ZHES PA NI ZHAL ZHES BYA'O, ,STON PA'O ZHES PA NI GSUNG GIS YI GE GSUM STON PA ZHES BYA'O, ,THUGS DANG SKU DAG KYANG ZHES PA NI, THUGS DANG SKU LA DBYER MED PAS SO, ,SEMS NI LUS LTA BU ZHES PA LA SOGS PA LE'U GNYIS PA LAS GSUNGS PA'I PHYIR RO, ,GSAL BA'I TSIG GIS ZHES PA NI THUGS DANG SKU'I NGO BOR YONGS SU GYUR PA'I GSUNG GIS SO, ,JI LTA BA'I GSUNG ZHEN ZHES PA NI LAS KYI YUL 'DRI BA'O, ,BUD MED DANG SKYES PA DANG MA NING GI YI GE RNAMS TE ZHES PA NI DE LA BUD MED KYI RANG

, ,BZHIN AA LA SOGS PA DBYANGS BCU DRUG GO, ,SKYES PA'I RANG BZHIN KA NAS MA'I BAR DU GSAL BYA NYI SHU RTZA LNGA'O, ,MA NING GI RANG BZHIN NI MTHAR GNAS DANG DROD KYI YI GE BRGYAD DO, ,DE YANG SNGAR BSHAD ZIN TO, ,GANG DU BSDUS PAR GYUR PA ZHES PA NI YI GE GSUM LA'O, ,DE LA SHES RAB KYI RANG BZHIN DBYANGS KYI SDE TSAN YONGS SU GYUR PA LAS BUD MED KYI RANG BZHIN NI YI GE AA'O, ,THABS KYI RANG BZHIN GSAL BYA'I SDE TSAN YONGS SU GYUR PA LAS YI GE H'Um NGO, ,MA NING GI RANG BZHIN YA LA SOGS PA YONGS SU GYUR PA LAS THABS DANG SHES RAB SNYOMS PAR ZHUGS PA'I RANG BZHIN NI AOm MO, ,DE NYID BSTAN PA'I PHYIR, YI GE GSUM GSUNGS SO ZHES STON TO, ,SNGAGS BSDUS PA GSUNGS PA ZHES BYA BA LA SOGS PAS YI GE GSUM GYI NUS PA BSHAD PAR BYA STE, YI GE GSUM PO 'DI GSUNGS TZAM GYIS TE ZHES PA NI SGRUB PA POS BRJOD PA TZAM GYIS SO, ,MI BSKYOD PA LA SOGS PA DANG BYANG CHUB SEMS DPA'I TSOGS DANG BCAS PA ZHES PA NI MNGON PAR DGA' BA LA SOGS PA SANGS RGYAS KYI ZHING DU MCHOG TU DGA' BA'I BDE BA MYONG BA SNGON DU 'GRO BAR GNAS PA'O, ,RDO RJE 'CHANG CHEN POS RJES SU GZUNG BAR 'OS PA'I SEMS CAN RNAMS GZIGS PAS ZHES PA NI GANG GI PHYIR, RDO RJE 'CHANG CHEN PO DE BZHIN GSHEGS PA THAMS CAD KYI BDAG PO KHYAB PAR BYED PA YIN PAS SEMS CAN THAMS CAD RJES SU GZUNG BAR MDZAD DO, ,MI BSKYOD PA LA SOGS PA ZHE SDANG LA SOGS PA'I SPYOD PA DANG LDAN PA SO SOR NGES PA DANG LDAN PA'I SEMS CAN GYI KHAMS RJES SU GZUNG BAR MDZAD PA STE, DE RNAMS THAMS CAD MI GZIGS SO ZHES DBYE BA'O, ,RAB TU ZHES BYA BA LA SOGS PAS RDO RJE 'CHANG CHEN PO'I DAM TSIG BLANG BA LA 'JIGS PAS MI BSKYOD PA LA SOGS PA GZIGS PAR GYUR TO, ,RIGS THAMS CAD KYI BDAG PO RDO RJE SEMS DPA' NI RDO RJE 'CHANG CHEN PO'O, ,RJES SU 'DZIN PAR MDZAD PA ZHES PA NI SEMS CAN THAMS CAD LA THUGS RJES MDZAD PA'O, ,DRAN PAS NI BSAM PA'O, ,DGA' BA RGYA CHEN PO THOB PAR GYUR PA STE ZHES PA NI MI

BSKYOD PA LA SOGS PAS SGRUB PA PO LA GZIGS PAS RJES SU GZUNG BA'I PHYIR DGA' BA'I TSOGS THOB PAR GYUR TO, ,DRAN PA'I 'OG TU ZHES BYA BA LA SOGS PAS RDO RJE 'CHANG CHEN POS SNGAGS GSUNGS PA'I 'OG TU SNYING PO BSKUL BA'I BSGOM PA'I RIM PA BSHAD PAR BYA STE BSTAN TO, ,'DA' BAR MI BYA BA'I NGO BO NYID KYIS ZHES PA NI SNYING PO BSKUL PA'I RNAL 'BYOR BAS NGES PAR BYA BA'O, ,DE BZHIN NYID DE ZHES PA NI GNAS GZUNG BA DANG BGEGS BSKRAD PA DANG STONG PA NYID DANG YE SHES KYI SA GZHI DANG GZHAL YAS KHANG PA DANG LHAG PAR MOS PA DANG DON DAM PA'I DKYIL 'KHOR BSGOMS PA'I 'OG TU GDAN LA SOGS PA BSGOM PA SNGON DU 'GRO BAR YIG 'BRU DANG PHYAG MTSAN YONGS SU GYUR PA LAS 'BYUNG BA'I DAM TSIG SEMS DPA' NI RDO RJE 'CHANG ZHES BYA'O, ,LUS KYI DBUS YIN PAS NA DBUS NI SNYING GA ZHES BYA'O, ,DE LA GNAS PAR ZHES PA NI SNA TSOGS PADMA DANG ZLA BA'I DKYIL 'KHOR LA GNAS PA'O, ,YE SHES SEMS DPA' BSAM PAR BYA'O ZHES PA NI, DAM TSIG SEMS DPA' DANG 'DRA BAR BSGOM PAR BYA'O, ,DE'I STE ZHES PA LA SOGS PAS YI GE H'Um YONGS SU GYUR PA LAS RDO RJE'I PHYAG MTSAN DE NYID KYIS MTSAN PA TING NGE 'DZIN SEMS DPA'I BSGOM PA BSTAN TO, ,GSUM PO DE DAG CES PA NI SEMS DPA' GSUM GYI BDAG NYID KYI SKU'O, ,RANG GI NGO BO NYID KYIS ZHES PA NI BDAG NYID KYIS BSKYED PAR NI BSGOM PAR BYA'O, ,DE RNAMS LAS ZHES BYA BA LA SOGS PAS SEMS DPA' GSUM GYI BDAG NYID BSKYED LA; TING NGE 'DZIN SEMS DPA' NI 'OD ZER LNGAS KHYAB PA 'BAR BA DE BZHIN GSHEGS PA THAMS CAD KYI SNYING PO SKUL BAR BYED PA BSGOM PAR BYA'O ZHES BSTAN TO, ,RNAM PAR SNANG MDZAD LA SOGS PA RDZOGS DANG MA RDZOGS PA ZHES BYA BA LA SOGS PA NI MNGON PAR DGA' BA LA SOGS PA LA BZHUGS PA 'KHOR BA DANG BCAS PA MI BSKYOD PA LA SOGS PA RNAMS SO, ,SKU DANG GSUNG DANG THUGS KYI NUS LA STE ZHES PA NI SKU RDO RJE LA SOGS PA'I DE BZHIN GSHEGS PA RNAMS KYI THUGS KYI NUS PA'AM, YANG NA GNOD MDZES KYI RGYAL POS BKUG PA DE'I SKU'O, ,

, ,TING NGE 'DZIN SEMS DPA' LAS BYUNG BA'I DKAR PO LA SOGS PA'I 'OD ZER GYI LCAGS KYUS ZHES PA NI TING NGE 'DZIN SEMS DPA'I SA BON LAS BYUNG BA LCAGS KYU DANG ZHAGS PA LAG NA THOGS PA'I GNOD MDZES KYI RGYAL POS RLUNG GI DKYIL 'KHOR GYI STENG DU GRU GSUM PA'I ME'I DKYIL 'KHOR BKOD NAS DGUG PA'O, ,THUGS KA NAS DRANGS PAR BSAM PAR BYA'O ZHES PA NI RANG GI PHYAG RGYA'I CHOS 'BYUNG GI NANG DU ME'I DKYIL 'KHOR GRU GSUM PA LA ZHUGS NAS THAL BAR GYUR PAR BSAM PAR BYA'O, ,DE LTAR BSLAB PA'I SGRUB PA POS ZHES PA NI DE'I RNAM PAR SHES PA DRI MA MED PA RLUNG MED PA'I PHYOGS SU MI G-YO BA'I MAR ME DANG 'DRA BA YONGS SU GYUR BA'I MI BSKYOD PA H'Um LAS BYUNG BA SEMS DPA' GSUM GYI BDAG NYID CAN BSGOM PAR BYA'O, ,DRANGS SHING ZHES PA NI DE'I PADMA'I NANG NAS MI BSKYOD PA LA SOGS PA'I GZUGS PHYUNG NAS SO, ,TING NGE 'DZIN SEMS DPA' LA 'JUG PA TZAM NYID KYIS ZHES PA NI YE SHES SEMS DPA'I THUGS KAR YONGS SU THIM PAS SO, ,THAMS CAD ZIL GYIS MNAN NAS ZHES PA NI NYON MONGS PA LA SOGS PA'I SGRIB PA BCOM NAS RDO RJE 'CHANG NI RDO RJE SEMS DPAR 'GYUR RO, ,SKU LA SOGS PA MI PHYED PA'I NGO BO YIN PA'I PHYIR ZHES PA NI SKU LA SOGS PA MI 'JIGS PA THOB PA'I PHYIR RO, ,DE RNAMS DGYES PAR BYED PAS ZHES PA NI DE RNAMS SPRO BAR MDZAD PAS SO, ,RGYU BA DANG MI RGYU BA ZHES PA NI SEMS CAN DANG SNOD KYI 'JIG RTEN NO, ,TSANGS PA LA SOGS PA'O ZHES PA NI DE RNAMS KYI BDAG PO YIN PAS 'JIG RTEN SKYONG BA'O, ,DE RNAMS KYANG TSAR GCOD PA DANG RJES SU 'DZIN PAR MDZAD PAS NA ZHES PA NI TSANGS PA LA SOGS PA LA KHRO BA DANG BKA' DRIN MDZAD PA'I PHYIR KHAMS GSUM RNAM PAR RGYAL BA'I SKUS LHA CHEN PO DANG, AU MA MNAN BA BZHIN DANG THAL BA CAN GYI 'JIG RTEN GYI KHAMS LA BYANG CHUB KYI SEMS KYI GZUGS DE NYID GZHAG PA YIN NO, ,RNAM PA DE LTA BU'I RDO RJE 'CHANG CHEN POR ZHES PA NI DPAL RDO RJE 'CHANG GI PHYAG RGYA CHEN PO'I SKUR BDAG NYID BSGOM PAR BYA'O, ,RANG GI LUS KYI DKYIL 'KHOR RO ZHES PA NI LHA RNAMS THAMS

CAD KYI RANG BZHIN BDAG NYID KYI SKU'I DKYIL 'KHOR RO, ,RANG GI SEMS KYIS BSKYED PA'I CHO GA 'DI NYID DO ZHES PA NI RANG GI SEMS KYIS DPAL RDO RJE 'CHANG GI SKU BSKYED PAR BYA'O, ,DUS GSUM DU 'BYUNG BA RNAMS KYI'O ZHES PA NI DUS GSUM PA'I SANGS RGYAS RNAMS KYI'O, ,BSTAN PAR 'GYUR BA'O ZHES PA NI TING NGE 'DZIN DES BSTAN PAR GYUR PAS DUS GSUM GYI SANGS RGYAS KYI DNGOS GRUB THOB PAR 'GYUR RO ZHES BYA BA'I DON TO, ,DE BZHIN GSHEGS PA THAMS CAD KYI THUGS NI MI PHYED PA'I NGO BO YIN PAS SO, ,DE RNAMS BKUG NAS ZHES PA NI DE BZHIN GSHEGS PA THAMS CAD KYI SNYING PO BKUG PA ZHES BYA BA'I THA TSIG GO, ,DE LTAR ZHES BYA BA LA SOGS PAS DE BZHIN GSHEGS PA THAMS CAD KYI RANG BZHIN BDAG NYID BSKYED LA, 'KHOR RNAMS KYANG DE'I RNAM PA NYID DU BSKYED PAR BYA BA'I PHYIR BSTAN PAR BYA STE RANG STE ZHES BYA BA LA SOGS PAS DKYIL 'KHOR RGYA LA BA MCHOG GI TING NGE 'DZIN GYI RIM PAS SHAR LA SOGS PA'I PHYOGS DANG MTSAMS SU DKYIL 'KHOR PA RNAMS SPRO BAR BSTAN TO, ,JI SKAD DU GSUNGS PA'I SKU MDOG DANG PHYAG MTSAN GYI GZUGS KYI TSUL DU'O ZHES PA NI BSGRUB THABS LAS GSUNGS PA'I RIM PAS SO, ,CHA 'DRA ZHING GSAL BAR GZUNG BA YIN PAS NA ZHES PA NI RNAM PA SNA TSOGS PA LA SOGS PA'I SKAD CIG MA RNAMS KYIS MTSON PAR 'GYUR BA'O, ,'DOD CHAGS LA SOGS PA ZHES PA NI 'DOD CHAGS DANG 'DOD CHAGS DANG BRAL BA DANG 'DOD CHAGS BAR MA RNAMS SO; ,DE RNAMS KYIS SBYOR BAS NA ZHES PA NI PHYAG RGYA 'DUS BYAS PA SNGON DU 'GRO BAR SNYOMS PAR ZHUGS PA LAS BYUNG BA'I SNANG BA LA SOGS PA'I YE SHES SBYOR BA'O, ,DES NYE BAR MTSON PAR BYAS PA'O ZHES PA NI SNANG BA LA SOGS PA'I YE SHES MTSON PAR BYAS PAS SO, ,YI GE GSUM GYIS ZHES PA NI YI GE GSUM GYIS SPEL BA DZI NA DZIKA CES BYA BA LA SOGS PA PHYUNG BA'I SNGAGS KYIS SO, ,RNAM PAR SNANG MDZAD LA SOGS PA ZHES PA NI SNGAGS LAS BYUNG BA'I SKYES BU NI SNGAGS KYI SKYES BU STE SNGAGS KYI SKU BCOM LDAN 'DAS DE BZHIN GSHEGS PA RNAMS

, ,SO; ;GNAS BZHIR NI SHAR LA SOGS PA LA'O, ,RIGS PA 'DIS ZHES PA NI RNAM PAR SNANG MDZAD LA SOGS PA'I SPRO BA'I RIM PAS SO, ,JI LTAR RANG GI NI GNAS JI LTA BA BZHIN DU'O, ,RIGS DANG 'BREL PA'I LHA YI TSOGS, ,ZHES PA NI RNAM PAR SNANG MDZAD LA SOGS PA'I RIGS LAS BYUNG BA KHRO BO DANG LHA MO DANG BYANG CHUB SEMS DPA'I TSOGS SO, ,DE BZHIN GSHEGS PA BZHI'I NYE BAR MTSON PA NYID KYIS SO ZHES PA NI RNAM PAR SNANG MDZAD LA SOGS PA GTZO BO YIN PAS SO, ,GTZO BO GZUNG BAS YON TAN YOD PA YANG DON GYIS GZUNG BAR 'GYUR RO, ,RDO RJE NI CHOS KYI DBYINGS KYI YE SHES SO, ,DE NYID DAM TSIG GANG LA YOD PA DE NI RDO RJE'I DAM TSIG STE CHOS KYI DBYINGS KYI YE SHES KYI RANG BZHIN NO, ,RDO RJE 'CHANG CHEN PO STE ZHES PA NI DPAL RDO RJE SEMS DPA'O, ,DE LTAR ZHES PA LA SOGS PAS DKYIL 'KHOR RGYAL BA MCHOG GIS BSKYED PA'I DKYIL 'KHOR BA RNAMS NYE BAR BSDUS PA BSTAN TO, ,DE LA ZHES BYA BA LA SOGS PAS 'KHOR DANG BCAS PAS KYANG SNYING PO BSKUL BAR BYA'O ZHES BSTAN TO, ,DAM PA NI BYA BA'I RGYUD LA SOGS PA LA LTOS NAS MCHOG GO, ,DE BZHIN GSHEGS PA'I GSANG BA ZHES PA NI DE BZHIN GSHEGS PA'I THUGS KA'I NUS PA DGUG PA GSANG BA YIN PAS SO, ,DBYER MED PAS ZHES PA NI RTEN DANG BRTEN PA DBYER MED PA NYE BAR BRTAGS PAS TSEM BU DU BA BZHIN NO, ,DKYIL 'KHOR BA DE RNAMS KYI RE RE'I ZHES PA NI LHA RE RE'I'O, ,SNYING GA'I ZLA BA LA GNAS ZHES PA NI DAM TSIG SEMS DPA'I SNYING GA'I PADMA DANG ZLA BA LA GNAS PA'O, ,BSGOM PAR BYA ZHING KHYAD PAR DU, ,ZHES PA NI MED DU MI RUNG BA DANG 'DRA BAR YANG BSGOM PAR BYA'O, ,YE SHES KYI RANG BZHIN YIN PAS NA ZHES PA NI SEMS KYI RNAM PA YONGS SU GYUR PAS SO, ,YE SHES SEMS DPA' BSGOM PAR BYA'O ZHES PA NI MTHE BONG GI TSAD TZAM BSAM PAR BYA'O, ,THUGS KYI ZLA BAR CHUD PA ZHES PA NI YE SHES SEMS DPA'I THUGS KA'I PADMA DANG ZLA BA LA GNAS PA'O, ,DE BZHIN DU DBUS KYI GTZO BO DANG 'DRA BAR KHYAD PAR BSTAN TO, ,SO SO'I YI GE

ZHES PA NI DKYIL 'KHOR PA RE RE LA THUGS RDO RJE 'CHANG GI SA BON DGOD PAR BYA'O, ,MI 'GYUR BA'I NGO BO NYID CES PA NI CHOS KYI DBYINGS KYI YE SHES KYI RANG BZHIN YIN PAS SO, ,MI SHIGS PA LAS BYUNG BA'I PHYIR RO ZHES PA NI 'OD GSAL BA LAS 'BYUNG BAS SO, ,YI GE H'Um ZHES PA NI MI BSKYOD PA LA SOGS PA'I BSKYED PA'I GNAS YIN PAS SO, ,SGRUB PA PO'I MCHOG LA SBYOR BAR BYED PAS NA ZHES PA NI CHOS KYI DBYINGS KYI YE SHES KYIS RNAL 'BYOR BA SBYOR BAR BYED PAS SO, ,TING NGE 'DZIN GYI SEMS DPA'O ZHES PA NI DE NYID YI GE H'Um ZHES BYA'O, ,DE LAS NI YI GE H'Um YONGS SU GYUR PA LAS SO, ,KHA RNAM PAR GYES PA BSAM ZHING ZHES PA NI 'BAR BA'I RDO RJE BSGOM PAR BYA'O, ,TSUL 'DIS NA ZHES BYA BA LA SOGS PAS 'KHOR RNAMS KYANG SEMS DPA' GSUM GYI BDAG NYID DU BSAM PAR BYA'O ZHES BSTAN TO, ,DE RNAMS KYI LCAGS GYU 'DRA BAS NI KYO BA STE ZHES PA LA DBANG DU BYED PA DANG MNGON DU GYUR PAR BYAS PAS BSKUL BA BSTAN TO, ,GLANG PO CHE BZHIN NO ZHES PA NI DPE STE GLANG PO CHE NI LCAGS KYUS DBANG DU 'GYUR BAS SO, ,DE'I SBYOR BA NI ZHES PA LA DE SPRO BA'O, ,RDO RJE GSUM GYIS ZHES PA NI SEMS DPA' GSUM GYI BDAG NYID KYI DKYIL 'KHOR PA RNAMS KYI SNYING GA DANG DE BZHIN DU RANG GI SNYING GA LAS SPROS PA'I GNOD MDZES KYI RGYAL POS PHYAG RGYA DANG SNYOMS PAR ZHUGS PA'I DBANG GIS MCHOG TU DGA' BA'I BDE BA MYONG BA'I BSGRUB BYA'I LHA DANG MI BSKYOD PA LA SOGS PA'I THUGS KAR BRDEGS PA NI GSOL BA GDAB PA SNGON DU 'GRO BAR RDO RJE'I THO BAS THUGS LA BRDEG PAR BYA'O, ,DE NYID BSTAN PA'I PHYIR, BDAG PO LA SOGS PA ZHES BYA BA LA SOGS PAS BSTAN TO, ,GCIG TU GYUR BA'I 'OD ZER GYI TSOGS KYIS ZHES PA NI 'OD ZER GYI TSOGS YONGS SU GYUR PA GNOD MDZES KYI RGYAL PO GANG YIN PA LCAGS KYU DANG 'DRA BA DES SO, ,BSGRUB PAR BYA BA'I LHA'I ZHES PA NI MI BSKYOD PA LA SOGS PA'I RANG BZHIN SEMS DPA' GSUM GYI BDAG NYID CAN GYIS BSKUL BA NI THUGS LA BRDEG PAR BYA'O, ,RDO RJE LCAGS KYU ZHES BYA BA LA SOGS PAS DON 'DI NYID RGYAS PAR

, ,BSTAN TO, ,'DI NI ZHES PA LA SOGS PAS PHAN YON BSTAN TO, ,DE RNAMS KYI BYANG CHUB KYI SEMS RAB TU BSGRUB PA NI ZHES PA LA BYANG CHUB NGES PAR BYED PA'I BDAG NYID KYI SEMS SO, ,'GUGS PA'O ZHES PA NI DRANGS BA'O, ,BSHAD MA THAG PA ZHES PA LA SOGS PAS RNAM PAR SNANG MDZAD LA SOGS PA'I RNAL 'BYOR BA RNAMS KYIS KYANG SNYING PO BSKUL BAR BYA'O ZHES BSTAN TO, ,'DI NI ZHES BYA BA LA SOGS PAS SNYING PO BSKUL BA'I TING NGE 'DZIN GYIS SGYU MA LTA BU NYID BSTAN TO, ,DE NI ROL MO LTAR BYUNG BAS NA ZHES PA NI DPER MDOR BSTAN PA'O, ,JI LTAR ZHES BYA BA LA SOGS PAS RGYAS PAR BSTAN PA'I DON SNGAR GYI LO RGYUS BSTAN PA'I BDAG NYID KYI ROL MO LA GAR MKHAN GCIG PUS KYANG LHA'I DBANG PO BRGYA BYIN LA SOGS PA'I CHA LUGS BYAS NAS LTAD MO BA RNAMS LA DGA' BAR BYED PA DE BZHIN DU, MI BSKYOD PA'I RNAL 'BYOR PA GCIG PUS BSGRUB BYA LA SOGS PA'I TSUL GYIS SNYING PO SKUL BAR BYED DE DE LA MI BSKYOD PA LA SOGS PA'I LHA'I TSOGS NI BSGRUB BYA'O, ,SGRUB PA PO NI RNAL 'BYOR PA'O, ,RDO RJE LCAGS KYU LA SOGS PA'I SBYOR BAS DE DGUG PA NI SBYOR BA'O, ,DON DAM PAR RNAM PAR DPYAD NA GSUM PO YANG MI DMIGS SO, ,'ON KYANG DNGOS GRUB DON DU GNYER BA'I SGRUB PA PO RNAMS KYIS BSGRUB PAR BYA'O ZHES BSTAN TO, ,DUS KYI TSAD CES PA NI ZHAG GCIG LA SOGS PA'I DBYE BA'O, ,RDO RJE NI DE BZHIN GSHEGS PA RNAMS TE ZHES PA NI THUGS RDO RJE 'CHANG LA SOGS PA'O, , CHO GA GANG GIS KHRID CING DRANGS PA ZHES PA NI RANG GI SNYING GA NAS SPROS PA'I GZUGS RDO RJE MA LA SOGS PA DE BZHIN GSHEGS PA RNAMS MGU BAR BYED PA'I TSIG SNYAN PA DANG SGEG PA LA SOGS PAS DGA' BAR BYED PA GANG YIN PA DE RNAMS SO, ,DE LA MCHOG TU GYUR CING PHUL DU BYUNG BAS NA ZHES PA NI DE BZHIN GSHEGS PA RNAMS MGU BAR BYED PA SBYIN BA LA SOGS PA STE SKAD CIG GIS BSGRUB BYA YIN PAS SO, ,DE'I CHO GA RJES SU BSGRUB PAR BYA'O ZHES PA NI BZANG BA'I THABS KYIS DE BZHIN GSHEGS PA RNAMS MGU BAR BYA'O, ,DES NI BZANG BA'I THABS DANG

SBYIN PA'I THABS BSTAN TO, ,BRTZAM PA'I NYIN MO NAS ZHES BYA BA LA SOGS PA NI RTZE GCIG PA DANG BRTAN PA NGES PA'I SEMS DANG LDAN PA'I SGRUB PA POS ZHAG GANG NAS BRTZAMS TE SNYING PO BSKUL BA'I CHO GA BSGOM PA DE NAS ZHAG BDUN GYIS 'GRUB PAR 'GYUR RO, ,GZHUNG DES NI DBYE BA'I THABS BSTAN TO, ,CHO GA'I PHAN YON GSUNGS PA ZHES PA NI THABS BZHI DANG LDAN PA DE BZHIN GSHEGS PA'I SNYING PO BSKUL BA'I PHAN YON GSUNGS PA'O, ,BLA MA'I LUNG LAS RNYED PA YIN PAS SO, ,ZHES PA NI SNYING PO BSKUL BDE NI SBA BAR BYA BA YIN PAS SO, ,BSGRUB PAR BYA BA'I ZHES BYA BA LA SOGS PAS DE BZHIN GSHEGS PA DANG 'DRA BA SGRUB PA PO'I SKU LA SOGS PA 'GRUB PAR 'GYUR RO ZHES BSTAN TO, ,'DA' BAS 'JIGS PA'O ZHES PA NI YE SHES KYI DBANG THOB PAS 'KHOR BA'I 'JIGS PA LAS GROL BA'O, ,DE LTAR GYUR BA'I DE BZHIN GSHEGS PA RNAMS KYANG ZHES PA NI THUGS RDO RJE 'CHANG LA SOGS PA'O, ,SKRAG 'GYUR NAS ZHES PA NI MDOR BSTAN PA'O, ,THUGS RJE'I DBANG DU GYUR PAS ZHES PA NI RGYAS PAR BSHAD PA'O, ,YID LA 'DOD PA'I DNGOS GRUB RAB TU STZOL BAS ZHES PA NI RANG GI NGO BO SGRUB PAS RNAL 'BYOR PA RJES SU GZUNG BA MDZAD PA'O, ,'DI SKAD BSHAD PA YIN TE THABS RNAM PA BZHIS SNYING PO BSKUL NA SANGS RGYAS RNAMS KYIS NYID DANG 'DRA BAR SGRUB PA PO LA MDZAD DO ZHES PA TSIG GI DON TO, ,DE YANG RJES SU RNAL 'BYOR GYI YAN LAG YIN NO ZHES BLA MA RNAMS KYIS GSUNGS SO; ,KHA CIG NA RE TING NGE 'DZIN GSUM GYI MTHAR ZHES ZER TE DNGOS GRUB MNGON DU MA GYUR NA ZHAG BDUN GYIS DE 'GRUB PA'I PHYIR RO, ,DE BZHIN GSHEGS PA THAMS CAD DANG 'DRA BA NYID THOB NA DE BZHIN GSHEGS PA RNAMS KYIS DNGOS GRUB KYANG STZOL BAR 'GYUR RO ZHES BSTAN PA'I PHYIR, YID LA MNGON PAR MGU BAS ZHES PA NI 'DOD PA DANG RJES SU MTHUN PA'O, ,DNGOS GRUB RGYA CHE ZHING ZHES PA NI KHAMS GSUM GYI BDAG PO'I TSUL CAN NO, ,'JIG RTEN PA NI ZHI BA LA SOGS PA DANG SKU'I DBANG PHYUG LA SOGS PA DANG PHRA BA LA SOGS PA RNAMS SO, ,'JIG

, ,RTEN LAS 'DAS PA NI MKHA' SPYOD PA LA SOGS PA DANG RDO RJE 'CHANG GI GO 'PHANG THOB PA LA SOGS PA'O, ,SU ZHIG CES BYA BA LA SOGS PAS SGRUB PA POS MNGON PAR 'DOD PA'I BSGRUB BYA RNAMS KYIS DNGOS GRUB STZOL BA'I BYED PA PO NYID BSTAN TO, ,BYAMS PA LA SOGS PA'I ZHES PA NI SGRUB PA PO'I DGONGS PAS ZHES TSIG GI LHAG MA'O, ,BYANG CHUB NYID LA SLOB PA'I ZHES PA NI SLOB BZHIN PA'O, ,GRUB PA'I SKYES BU RNAMS SO ZHES PA NI SPYOD PA RNAM PA GSUM GYI SGO NAS DNGOS GRUB THOB PA'I RNAL 'BYOR PA GANG YIN PA DE RNAMS ZHES BYA'O, ,DE LTAR ZHES BYA BA LA SOGS PAS SNYING PO SKUL BAR MI BYED PA'I RNAL 'BYOR PA RNAMS LA DON MED PAR DUS ZAD PAR 'GYUR RO ZHES BSTAN TO, ,'DI NI DE BZHIN GSHEGS PA'O ZHES PA NI SA THOB PA'I SANGS RGYAS RNAMS SO, ,BDAG NI THA MAL PA'O ZHES PA SO SO'I SKYE BO'I SA LA GNAS PA'O, ,GANG YONGS SU RTOG PA DE NI THA DAD PA'I RTOG PA'O, ,DE LTA DE LTA BU ZHES BYA BA LA SOGS PAS DE BZHIN GSHEGS PA NI THAMS CAD MKHYEN PA YIN NO, ,BDAG NI THA MAL PA YIN NO ZHES THA DAD PA'I RTOG PAS RNAL 'BYOR PAS DNGOS GRUB THOB PAR MI 'GYUR RO ZHES BSTAN TO, ,SROG GI THA MA ZHES PA NI DE'I LAS TZAM LA ZHEN PA DE'I SROG YIN NO ZHES BYA BA'I DON TO, ,DE NYID BSTAN PA'I PHYIR LAS GANG GIS DNGOS GRUB TU 'DOD PA'I LAS TE ZHES PA NI DNGOS GRUB THOB PAR 'DOD PA'I MTSAN NYID CAN GYI LAS KYIS SO, ,SROG ZAD PAR 'GYUR GYI ZHES PA NI DNGOS GRUB MA THOB PAR SHI PAR 'GYUR RO, ,DE NYID BSTAN PA'I PHYIR, SNYING PO YANG DAG PAR BSKUL BA DANG BRAL BA'I PHYIR RO ZHES BYA BAR DGONGS SO ZHES BSTAN TO, ,SGRA JI BZHIN PA'O ZHES PA NI SOGS PA'I SGRAS SO, ,DE LTAR ZHES BYA BA LA SOGS PAS BSKYED PA'I RIM PA'I RNAL 'BYOR PA RNAMS KYI SNYING PO BSKUL BA BSTAN NAS, RDZOGS PA'I RIM PA'I RNAL 'BYOR PA RNAMS LA YANG BSHAD PAR BYA STE ZHES BSTAN TO, ,SNGAGS KYI GSANG BA LA ZHES PA NI ZUNG DU 'JUG PA'I BDAG NYID KYI TING NGE 'DZIN TO, ,ZHUGS PA'I SKYES BU ZHES PA NI SNGAGS KYI SKYES BU STE RDZOGS PA'I RIM PA BSGOM

BA'I SGRUB PA PO ZHES BYA BA'I DON TO, ,DES YONGS SU GANG BAS NA ZHES PA NI DE BZHIN GSHEGS PA THAMS CAD KYIS RDUL PHRA RAB KYI MDZAD PA'I SKU DANG LDAN PA'O, ,DNGOS PO THAMS CAD NI BSHAD MA THAG DANG 'OG NAS BSHAD PA STE ZHES PA NI SNGAR BSHAD ZIN PA DANG LE'U BCU GSUM PA LA SOGS PAS 'CHAD PAR 'GYUR BA'O, ,SGRUB PA DANG BSGRUB PAR BYA BA LA SOGS PA'I RAB TU SBYOR BA'O ZHES PA NI SOGS PA'I SGRAS SGRUB PA PO'I YANG SBYOR BA'O, ,BSKYED PA NI MNGON DU BYA BA'O, ,BDEN PA GNYIS NI KUN RDZOB KYI DANG DON DAM LA SOGS PA'O, ,GCIG TU BSDUS PA DE ZHES PA NI BDEN PA GNYIS LA SOGS PA DBYER MED PA'I MTSAN NYID KYI TING NGE 'DZIN TO, ,DES GZUNG ZHES PA NI NGES PAR GZUNG BA DANG BCAS PA'I TSIG YIN TE DE NYID KYIS 'GYUR RO ZHES BYA BA'I DON TO, ,DE BAS NA 'JIG RTEN PA DANG 'JIG RTEN LAS 'DAS PA'I DNGOS GRUB NI SNGAR BSHAD PA'I MTSAN NYID CAN GANG YIN PA DE NI DBANG PO GNYIS KYI SBYOR BA DANG BRAL BAS ZHES PA NI ZUNG DU 'JUG PA'I TING NGE 'DZIN MED PAS 'GRUB PAR MI 'GYUR RO ZHES BSTAN TO, ,SGRUB PA RDZOGS PAR BYED PA ZHES PA NI BDEN PA GNYIS DBYER MED PA'I PHYAG RGYA CHEN PO'I GZUGS SO, ,DE BZHIN GSHEGS PA THAMS CAD DANG 'BREL BA'I ZHES PA NI MI BSKYOD PA LA SOGS PA DANG RO GCIG PAR GYUR PA STE ZUNG DU 'JUG PA'I TING NGE 'DZIN NI DE BZHIN GSHEGS PA THAMS CAD KYI BDAG NYID YIN PAS SO, ,'DA' BAR MI BYA BA GANG YIN PA ZHES PA NI RNAL 'BYOR PA RNAMS SO, ,DE RNAMS KYI BSGOM PA'I THABS SO ZHES PA NI PHYAG RGYA CHEN PO'I THABS 'DI NYID YIN NO ZHES BYA BA'O, ,SBYOR BA'I THABS ZHES BYA BA LA SOGS PAS MNGON PAR BYANG CHUB PA'I RIM PA BSGOM PA SNGON DU 'GRO BZUNG DU 'JUG PA'I TING NGE 'DZIN BSTAN TO, , SHES RAB KYI PHA ROL TU PHYIN PA'O ZHES PA NI PHYAG RGYA DANG TING NGE 'DZIN GYI RIM PA'I SGOM PA THOB PAR BYA BA'I 'OD GSAL BA'O, ,DER NI RGYUR 'GYUR BAS SO, ,PHUNG PO LA SOGS PA RNAMS MI SNANG BAR BYAS NAS ZHES PA NI THA MAL BA RNAMS STONG PAR BYAS NAS SO, ,KUN RDZOB DANG ZHES

, ,BYA BA LA SOGS PAS CHAD PA'I PHYOGS SPANG BAR BYA BA'I PHYIR KUN RDZOB DANG DON DAM PA'I SBYOR PA'I TING NGE 'DZIN BSGOM PAR BYA'O ZHES BSTAN TO, ,DE NAS ZHES BYA BA LA SOGS PAS ZUNG DU 'JUG PA'I TING NGE 'DZIN GYI PHRIN LAS BSHAD PAR BYA STE, DON DAM PA'I BDEN PA LA ZHUGS PA'I 'OG TU ZHES PA NI PHYAG RGYA DANG TING NGE 'DZIN GYI RIM PAS THOB PAR BYA BA MAN NGAG BZHI PA LA ZHUGS PA'I 'OG TU'O, ,BDEN PA GNYIS KYI BDAG NYID CAN GYI ZHES PA NI KUN RDZOB DANG DON DAM LA SOGS PA DBYER MED PA'I RANG BZHIN NO, ,RANG GI PHYAG RGYA CHEN PO ZHES PA NI RDO RJE 'CHANG CHEN PO'I SKU'I MTSAN NYID DO, ,BSKYED PA NI CIG CAR DU SPROS NAS SO, ,DE KHAMS GSUM DU ZHES PA NI, KHAMS GSUM GYI NANG NA GNAS PA'I SEMS CAN GYI KHAMS LA SNYING RJE'I DBANG DU GYUR BAS CHAGS PA DANG DE RNAMS GDON PA'I PHYIR CHOS STON PA'I DAM BCA' BA LA ZHEN PA DE BZHIN DU DE LA GNAS PA'I SEMS CAN GYI TSOGS 'KHOR BA'I 'JIGS PA LAS DGROL BA'I PHYIR DANG RDO RJE 'CHANG CHEN PO'I SKU BSKYED PA'I PHYIR SRID PA'I SDUG BSNGAL DANG YID KYI SDUG BSNGAL GYIS NYE BAR 'JOMS PA BDAG CAG DANG 'DRA BA 'DI PHA YIN NO ZHES CHAGS PA DANG BCAS PAR DGONGS PA DANG BCAS PA YID CHES PA DANG GUS PA DANG BCAS PAR BLTA BAR BYA BA DANG, DAD PA'I BLOS YONGS SU BSNYEN BKUR DU BYA BA SHES PAR BYA BA NI RTOGS PAR BYA'O ZHES BSTAN TO, ,'DI ZHES BYA BA LA SOGS PAS PHYAG RGYA CHEN PO'I GZUGS DE NYID NYE BAR BSDUS PA BSTAN TO, ,DE LTAR ZHES BYA BA LA SOGS PAS RGYU DANG 'BRAS BU DANG BCAS PA'I SNYING POS BSKUL BA MNGON PAR BRJOD NAS RNAL 'BYOR BA'I 'JUG PA'I KHYAD PAR BSTAN PAR BYA STE, RNAM PAR SNANG MDZAD LA SOGS PAR YONGS SU BRTAGS PA'I ZHES PA NI GZUGS LA SOGS PA YE SHES LNGA'I NGO BO YIN PAS DE BZHIN GSHEGS PA LNGA'I NGO BO YIN NO, ,DE RNAMS KYI NGO BO NYID DE ZHES PA NI PHUNG PO LA SOGS PA'I RANG BZHIN NO, ,DON DAM PA'I BDEN PA ZHES PA NI 'OD GSAL BA'O, ,DE LAS SKYES PAS NA ZHES PA NI 'OD GSAL BA LAS CIG CAR DU 'BYUNG BA'O, ,DE NYID RDO RJE 'CHANG CHEN PO STE

DPAL RDO RJE SEMS DPA'O, ,SANGS RGYAS THAMS CAD KYI DBANG BSKUR DU GYUR PA ZHES PA NI DE BZHIN GSHEGS PA THAMS CAD KYI COD PAN DU GYUR PA'O, ,DE NYID KYIS NA ZHES BYA BA LA SOGS PAS GTAN TSIGS BSTAN TO, ,DE BZHIN GSHEGS PA THAMS CAD KYI DBANG BSKUR DU GYUR PA DE NI SANGS RGYAS THAMS CAD KYI MCHOG CES BYA'O, ,BKA' STZAL BA'O ZHES PA NI BCOM LDAN 'DAS KYIS BKA' STZAL BA'O, ,MTHA' YAS SHING MU MED PA ZHES PA NI MA LUS PA'I 'JIG RTEN GYI KHAMS LA'O, ,THA MA ZHES BYA BA LA SOGS PA GZUGS RDO RJE MA LA SOGS PA LHA MO JI SRID YOD PA DE RNAMS SNGAGS KYI SKU DANG YE SHES KYI SKU'I PHYOGS LA DMIGS NAS SPRO BAR BYA'O, ,SNGAGS KYI SKU NI BSKYED PA'I RIM PA'I DKYIL 'KHOR RGYAL BA MCHOG GI TING NGE 'DZIN GYIS DKYIL 'KHOR BA RNAMS SPRO BA DANG, YE SHES KYI SKUS SKAD CIG MA GCIG GIS SPRO BAR BYA'O ZHES KHYAD PAR RO ZHES BSTAN TO, ,DE NYID BSHAD PAR BYA BA'I PHYIR, BYA BA GRANGS MED CES BYA BA LA SOGS PA BSTAN TO, ,GRANGS MED PA NI SEMS CAN GYI KHAMS MTHA' YAS PA YIN PAS DE RNAMS SBYANG BA'I DON DU SPRUL BA'I SKU YANG MTHA' YAS PA BSTAN TO, ,GANG GI PHYIR SPRUL PA GCIG GIS CIG CAR DU THAMS CAD GDON PAR MI NUS TE GDUL BYA RNAMS KYI BSAM PA SNA TSOGS PAS SO, ,RDO RJE CAN GYIS SPRO BA ZHES PA NI RDO RJE 'CHANG GI RANG BZHIN GYI RNAL 'BYOR PAS SPRO BAR BYA'O, ,BYANG CHUB DAM TSIG STE ZHES PA NI BYANG CHUB THOB PA'I DON DU LDANG BAR MI BYA BA RDO RJE 'CHANG CHEN PO ZHES BYA BA'I DON TO, ,'DIS ZHES BYA BA LA SOGS PAS PHAN YON BSTAN TO, ,RANG GI NGO BO NYID THAMS CAD LA RTOGS PAR MDZAD PAS NA ZHES PA NI KHAMS GSUM NA GNAS PA'I SEMS CAN THAMS CAD DANG NGO BO NYID NYAMS SU MYONG BA'I MTSAN NYID THOB PAR BYED PA'O, ,BYANG CHUB NI RDO RJE 'CHANG CHEN PO'I GO 'PHANG NGO, ,SKU RDO RJE LA SOGS PA'I NGO BO NYID NI ZHES PA NI RNAM PAR SNANG MDZAD LA SOGS PA BYANG CHUB KYI MTSAN NYID DO, ,REG PAR BYAR MED PAS ZHES PA NI NAM MKHA' DANG 'DRA BA NYID THOB PAR 'GYUR TE, 'DUS MA BYAS PA'I PHYI

, ,RO; ;RDZOGS PA'I RIM PA'I RNAL 'BYOR PAS ZHES TSIG LHAG MA'O, ,RDZOGS PA'I RNAL 'BYOR PA'I PHAN YON BSTAN NAS, SLOB BZHIN PA'I YANG BSTAN PAR BYA BA'I PHYIR, SLOB PA LA GNAS PA ZHES BYA BA LA SOGS PA SMOS PA STE SLOB PA LA GNAS PA NI DE BZHIN GSHEGS PA'I SNYING PO BSKUL BA LA SLOB BZHIN PA'O, ,NYE BAR BRTAGS PAS NA ZHES PA NI GZHI DANG GZHI CAN DBYER MED PAS SO, ,YON TAN NYID RGYAL BA STE ZHES PA NI STOBS BCU DANG MI 'JIGS PA LA SOGS PA'O, ,JI LTAR RGYA MTSO RIN PO CHE KUN GYI GNAS SU GYUR PA BZHIN ZHES PA NI SLOB BZHIN PA DE YANG RIN PO CHE LTAR YON TAN DE RNAMS KYI GZHIR GYUR PA'O, ,BDE BA DAM PA DANG ZHES PA NI PHYI ROL GYI LONGS SPYOD KYI TSOGS LAS 'BYUNG BA LUS BDE BA'I BDAG NYID DO, ,NAD MED PA NI SKYE 'CHI MED PA'O, ,SOGS PA'I SGRAS RGA BA DANG GNYER MA LA SOGS PA MED PA THOB PAR 'GYUR RO, ,TSE RING BA NI BSKAL PA STONG GI BAR DU GSON CING GNAS PA STE DE GANG LA YOD PA DE LA DE SKAD CES BYA'O, ,DGONGS PAS BSHAD PA'O ZHES PA NI 'GAL BA'I SGRA'I SBYOR BAS DE KHO NA NYID SO SOR BSTAN PAS SO, ,'JIG RTEN PA'I DNGOS GRUB NI ZHES PA NI ZHI PA LA SOGS PA'O, ,'JIG RTEN LAS 'DAS PA'I DNGOS GRUB NI DPAL RDO RJE SEMS DPA'I GO 'PHANG THOB PA LA SOGS PA'O, ,DE 'GRUB PA'I PHYIR ZHES PA NI DE THOB PA'I PHYIR RO, ,DE BZHIN GSHEGS PA THAMS CAD KYI SNYING PO BSKUL PA ZHES PA NI MI BSKYOD PA LA SOGS PA'I THUGS KYI NUS PA DGUG PAS SO, ,SO SOR STON PAR BYED PA'I TSIG GI TSOGS NI LE'U ZHES BYA'O, ,LE'U DANG PO LAS GTAN LA PHAB PA'O, ,SGRON MA GSAL BAR BYED PA'I 'GREL PA'I t'I K'A LAS LE'U BCU PA'I RGYA CHER BSHAD PA'O,, ,,DE LTAR ZHES BYA BA LA SOGS PAS LE'U BCU GCIG PA BRTZAM PAR BYA STE, RNAL 'BYOR PA RNAM PA GNYIS ZHES PA NI BSKYED PA DANG RDZOGS PA'I RNAL 'BYOR RNAM PA GNYIS SO, ,RNAM PA GNYIS NI BRTAG PA DANG RDZOGS PA'I SGOM PA'I DBYE BAS SO, ,BRTAG PA DANG RDZOGS PA'I RNAL 'BYOR PA

RNAMS KYIS ZHES PA NI RIM PA GNYIS KYI RNAL 'BYOR PA RNAMS KYI'O, ,LHA'I SKU RNAM PA GNYIS PO ZHES PA NI YONGS SU DAG PA DANG MA DAG PA'I LHA'I SKU DAG GO, ,LE'U DANG PO LAS GSUNGS PA ZHES PA NI MDOR BSTAN PA NYID DU GSUNGS SO, ,GSAL BAR BYA BA'I PHYIR ZHES PA NI RGYAS PAR BSHAD PA'I PHYIR RO, ,LE'U BCU GCIG PA GSUNGS TE ZHES PA NI SDUD PA POS ZHES TSIG LHAG MA'O, 'DIR DGONGS PA NI LE'U DANG PO NAS LHA'I SKU RNAM PA GNYIS KYI SGOM PA'I KHYAD PAR GSUNGS PA GANG YIN PA DE NI 'DIR RGYAS PAR BSHAD PAR BYA STE, DE BAS NA LE'U DANG PO'I YAN LAG TU GYUR PA YANG LE'U BCU PA'I YANG YAN LAG TU 'GYUR BA YIN TE, GANG GI PHYIR LHA RNAMS KYI SNYING PO BSKUL BA'I SGO NAS DE BZHIN GSHEGS PA'I SKU THOB PA GANG YIN PA DE NI RNAM PA GNYIS TE, SNGAGS KYI SKU DANG YE SHES KYI SKU STE DE BSTAN PAR BYA BA'I PHYIR LE'U 'DI YIN ZHES BYA BAS SO, ,DE BAS NA 'GREL PA MKHAN GYIS KYANG LE'U BCU GCIG PA NAS BSHAD PA'I PHYAG RGYA CHEN PO NI RNAM PA GNYIS TE, SNGAGS KYI SKU DANG, YE SHES KYI SKU'O, ,DE LA BRTAG PA'I RNAL 'BYOR PA RNAMS LA SNGAGS KYI SKU BSKYED PA'I PHYIR BSGOM PA'I THABS BSHAD PAR BYA STE, DE BZHIN GSHEGS PA THAMS CAD KYI RDO RJE NI ZHES PA LA RNAM PAR SNANG MDZAD LA SOGS PA BSKYED PA'I RGYUR GYUR PA'O, ,AOm LA SOGS PA'I YI GE GSUM MO ZHES BYA BA NI AOm A'A:H'Um MTSAN NYID CAN GYI YI GE GSUM MO, ,DES BSKYED PAR GYUR PA'I ZHES PA NI YONGS SU GYUR PA LAS PHYAG MTSAN GYI PHYAG RGYA LAS 'BYUNG BA'O, ,RNAM PA THAMS CAD MCHOG DANG LDAN PAS SKYES BU YANG YIN LA SEMS PA GSUM GYI BDAG NYID YIN PAS MCHOG YIN TE, SKYES BU MCHOG GO, ,LHA RNAMS TE NI RDO RJE 'CHANG LA SOGS PA DE BZHIN GSHEGS PA DRUG GI RDZOGS PA NI SNGAGS KYI SKU'O, ,DE LA THUGS RTZE GCIG TU BZHAG NAS ZHES PA NI DE LTAR GYUR PA'I TING NGE 'DZIN LA DMIGS NAS SO, ,'DI GSUNGS TE NI BKA' STZAL TO, ,SNGAGS NI SBAS NAS SMRA BA DANG YID SKYOB PAS SNGAGS KYANG YIN LA DE BZHIN GSHEGS PA THAMS CAD KYI SNYING PO DANG GSANG BA YIN PAS RDO RJE'I RIGS PA YIN TE, DE BZHIN GSHEGS PA THAMS

, ,CAD KYI SNGAGS KYI RDO RJE'I RIGS PA'I SGRAS YI GE GSUM BSTAN TO, ,DE RNAMS KYIS ZHES PA LA SOGS PA NI YI GE GSUM GYIS BSKYED PA DANG PO SBYOR BA LA SOGS PA'I RIM PAS BYUNG BA SKYES BU'I LHA STE, DE BZHIN GSHEGS PA'I SKU GANG DU YOD PA DE NI DE LTAR GYUR PA'I LE'U BSTAN TO, ,DE NI NYE BAR MTSON PA TZAM YIN TE, BDAG LUS BYIN GYIS BRLAB PA'I RIM PAS KYANG YE SHES KYI SKU BSGRUB PA BSTAN PA'O, ,SDUD PA PO ZHES BYA BA LA SOGS PAS DE NYID BSTAN PAR BYA BA'I PHYIR BSHAD PAR BYA STE, SKU DANG GSUNG DANG THUGS RDO RJE'O ZHES PA NI RNAM PAR SNANG MDZAD LA SOGS PA RDZOGS PAR BYED PA'I YI GE RNAMS LA YANG DE SKAD CES BYA STE, SNGAGS KYI DBYE BA BDUN KHRI NYIS STONG GI RGYUR GYUR PA DANG DE NYID LA SNGAGS THAMS CAD BSKYED PA'I PHYIR RO, ,JI SRID DU YA RA LA WA'I BAR ZHES 'BYUNG BAS SO, ,DES PHYAG RGYA CHEN PO RNAM PAR BSGOM PAR BYA'O ZHES PA NI YI GE GSUM GYIS BSKYED PA'O, ,SA 'OG SA STENG SA BLA NI KHAMS GSUM MO, ,DES MCHOD PAR BYA'O ZHES PA NI BKUR STI BYA BA YIN PA'I PHYIR RO, ,CHE BA'I DGA' ZHING MGU BA ZHES BYA BA NI GDUL BYA RNAMS LA CHOG MI SHES PA'I GZUGS KYIS SO, ,SON PAR GYUR PAS NA ZHES PA NI STER BAR MDZAD PAS SO, ,YE SHES LNGA'I RANG BZHIN GYI RDO RJE LHA'I SKU SGRUB PA LA BRTZON PAS NA, YE SHES RDO RJE SGRUB PA PO, ,ZHES BYA'O, ,MNGON PAR BYANG CHUB PA RNAM PA LNGA NI ZLA BA DANG NYI MA DANG YIG 'BRU DANG PHYAG MTSAN DANG SPRO BA DANG BSDU BAS SKU RDZOGS PA'O, ,JI SKAD DU, LE'U DANG PO NAS DE BZHIN NYID DANG MTSAN MA DANG YIG 'BRU DANG SKU'I RIM PA ZHES BYA'O, ,DES BYA BA'O ZHES PA NI YI GE GSUM MO, ,BYA BA NI LAS ZHES BYA'O, ,DE NYID AOm ZHES BYA BA LA SOGS PAS BSTAN TO, ,GANG GI PHYIR YI GE AOm GYIS MI PHYED PA'I SKU BSKYED PA DE'I PHYIR DES NI SKU RDO RJE BSKYED PA'O, ,BYANG CHUB NI DE KHO NA NYID DO ZHES PA NI SO SOR RTOG PA'I YE SHES SO, ,DE LAS SPRUL PA NI SO SOR RTOG PA'I YE SHES KYI BDAG NYID CES BYA BA'O, ,DE'I NGO BO NYID NI BDAG MED PA STE ZHES PA NI DE BSKYED PA'I RGYUR GYUR

PA'O, ,DE NYID BSTAN PA'I PHYIR, YI GE A'A:ZHES GSUNGS SO, ,DES MI PHYED PA'I DAG BSKYED PAS NA GSUNG RDO RJE SKYED PAR BYED PA'O, ,BRTEN PAR GYUR PA'I ZHES PA NI RTEN DANG RGYU DANG BYED PA ZHES RNAM GRANGS SO, ,MI BSKYOD PA'I NGO BO NYID KYI ZHES PA NI THUGS ZHES BYA'O, ,RDO RJE GSUM DANG MI PHYED PA, ,ZHES BYA BA LA SOGS PAS THUGS KYI RANG BZHIN BSTAN TO, ,SEMS DE RNAL 'BYOR PA'I RGYUD LA SKYED PAR BYED PAS NA ZHES PA NI DE LTAR GYUR PA'I THUGS SGRUB PA PO'I LUS KYI NANG NA RDZOGS PAR BYED PA GANG YIN PA DE NI YI GE H'Um ZHES BYA'O, ,DE BZHIN GSHEGS PA ZHES BYA BA LA SOGS PAS RDO RJE 'CHANG CHEN POS 'DI SKAD BKA' STZAL TO ZHES BSTAN TO, ,RIM PA BZHIN DU ZHES PA NI SGRUB THABS LAS GSUNGS PA'I RIM PA ZHES BYA BA'I THA TSIG GO, ,NAM MKHA'I RDO RJE ZHES BYA BA LA SOGS PAS SNYING RJE CHEN PO MNGON DU GYUR PA DANG BGEGS BSKRAD PA DANG, STONG PA NYID BSGOM PA DANG YE SHES KYI SA GZHI BYIN GYIS BRLAB PA DANG, GZHAL YAS KHANG PA DANG LHAG PAR MOS PA DANG DON DAM PA'I DKYIL 'KHOR DANG GDAN GYI BYE BRAG DANG, CHOS KYI DBYINGS KYI BDAG NYID ZLA BA'I DKYIL 'KHOR GYI STENG DU YI GE GSUM LAS BYUNG BA'I PHYAG MTSAN YONGS SU GYUR PA LAS, RDO RJE 'CHANG LA SOGS PA RNAL 'BYOR BSGOM PAR BYA'O ZHES BSTAN TO, ,NAM MKHA'I RDO RJE'I DBUS SU ZHES PA NI KHYAD PAR GYI GNAS SNGON DU 'GRO BAR BGEGS BSKRAD PA'I 'OG TU DNGOS PO MED PA ZHES BYA BA LA SOGS PA'I TSIGS SU BCAD PAS STONG PA NYID KYI DE KHO NA NYID BSGOMS LA, DE'I 'OG TU DE BZHIN GSHEGS PA THAMS CAD YONGS SU GYUR PA LAS SKYES PA'I CHOS 'BYUNG BA'I STENG DU YE SHES KYI SA GZHI BSGOMS LA, SPYAN LA SOGS PA LHA MO BZHI YIN LA ZHES PA NI DE NYID KHAMS BZHI'I RANG BZHIN DU BSGOM PAR BYAS LA; DE LA SA'I CHA DE'I STENG DU NI DE LTAR GYUR PA'I YE SHES KYI SA'I STENG DU YI GE BHR'Um YONGS SU GYUR PA LAS RI RAB KYI RTZE MOR KHA DOG DKAR PO, ,YI GE BHR'Um LAS 'KHOR LO'I PHYAG MTSAN YONGS SU GYUR NAS RIG MA DANG BCAS PA'I RNAM PAR SNANG MDZAD KYI YAN LAG LAS BSKYED PA GZHAL

, ,YAS KHANG PA BSAM PAR BYA'O, ,DE BZHIN GSHEGS PA'I TSOGS TE ZHES PA NI DE'I NANG DU SNA TSOGS PADMA DANG ZLA BA DANG NYI MA'I GDAN GYI STENG DU CIG CAR DU LHA SUM CU RTZA GNYIS KYI BDAG NYID LHAG PAR MOS PA'I DKYIL 'KHOR BSGOMS LA YI GE BHR'Um ZHES BYA BA LA SOGS PAS GZHAL YAS KHANG PA BSGOM PA SNGAR BYAS LA, GZUGS KYI PHUNG PO ZHES BYA BA LA SOGS PAS DON DAM PA'I DKYIL 'KHOR GYI RIM PAS DE NYID STONG PAR BSGOMS TE, YI GE H'Um LAS BYUNG BA'I NYI MA'I DKYIL 'KHOR BSGOM PAR BYA'O ZHES PA LA SOGS PAS YI GE GSUM YONGS SU GYUR PA LAS NYI MA DANG ZLA BA DANG PADMA BSGOMS TE, DE'I STENG DU YI GE GSUM BKOD NAS DUS GSUM DU DE BZHIN GSHEGS PA ZHES BYA BA LA SOGS PAS YI GE GSUM YONGS SU GYUR NAS ZLA BA'I DKYIL 'KHOR LA DKYIL 'KHOR GSUM BZHUGS NAS, DHARMA DH'A TU SVA BH'A BA A'ATMA KO&HAm ZHES BRJOD CING ZLA BA'I DKYIL 'KHOR DER ZHES BYA BA LA SOGS PAS ZLA BA'I STENG DU YI GE GSUM BKOD NAS DE YONGS SU GYUR PA LAS SKYES PA'I RTZE LNGA PA'I RDO RJE BSGOMS LA AOm BADZRA A'ATMA KO&HAm ZHES BYA BAS NGA RGYAL BSKYED LA PHYAG RGYA CHEN PO RDZOGS PAR BYED PA'O ZHES PA LA SOGS PAS RDO RJE YONGS SU GYUR PA LAS SKYES PA'I DPAL RDO RJE 'CHANG CHEN PO'I PHYAG RGYA CHEN PO'I SKU ZHAL GSUM PA LA SOGS PA LTA BU BSAM PAR BYA'O ZHES DANG PO SBYOR BA'I YAN LAG TU GYUR PA YAN LAG DANG PO STE RNAL 'BYOR RO, ,PHAN YON BSTAN PA'I PHYIR PHYAG RGYA CHEN PO'I NGO BO ZHES PA NI RDO RJE 'CHANG GI SKU'O, ,RDO RJE 'CHANG CHEN POS RAB TU BSTAN PA ZHES PA NI DPAL 'DUS PA BSHAD PA'I DUS SU DE NYID STON PA YIN PAS SO, ,DGONGS PA BSTAN PA'I PHYIR, CI'I PHYIR ZHE NA ZHES BSTAN TO, ,RIN PO CHE LTA BU'I GANG ZAG CES PA NI DBANG PO RNO BA YIN PAS SO; ;KUN RDZOB KYI BDEN PA ZHES PA NI RTOG PA DANG BCAS PAS SO, ,DON DAM PA'I BDEN PA NI RTOG PA MED PAS SO, ,RGYU DANG 'BRAS BU LAS 'BYUNG BA'I ZHES PA NI RIM PA GSUM PA DANG BZHI PA DAG LAS 'BYUNG BA GANG YIN PA DE NI YONGS SU DAG PA'I LHA'I SKU STE, ZUNG DU

'JUG PA'I TING NGE 'DZIN GYIS DPAL RDO RJE 'CHANG GI SKU'O, ,DE'I DON DU NI DE THOB PA'I PHYIR RO, ,NYE BAR BSDU BA BSHAD PAR BYA STE, SNGAGS NI YI GE GSUM MO, ,RIG PA NI LAS KYI TSOGS SGRUB PAR BYED PA LE'U BCU BZHI PA LAS 'CHAD PAR 'GYUR BA'O, ,BSRUNG BAR BYA BA DANG BZA' BAR BYA BA'I DBYE BAS DAM TSIG PA GNYIS TE, BSRUNG BAR BYA BA NI RIGS LNGA'I DAM TSIG GO, ,BZA' BAR BYA BA NI BDUD RTZI DANG LCAGS KYU LA SOGS PA'O, ,DE BZHIN DU SNGAR BSHAD PA'I RIM PAS RDZOGS PA MI BSKYOD PA LA SOGS PA DE DAG THAMS CAD DE BZHIN GSHEGS PA ZHES BYA BA NI DE BZHIN GSHEGS PA THAMS CAD SDUD PAR BYED PA'I RANG BZHIN RDO RJE 'CHANG CHEN POS BKA' STZAL TO ZHES BSTAN TO, ,NYE BAR SDUD PA STE TING NGE 'DZIN ZHES BYA BA STE TSIG LHAG MA'O, ,YI GE GSUM ZHES PA NI BGEGS BSKRAD PA LA SOGS PA YONGS SU RDZOGS NAS GZHAL YAS KHANG BA'I NANG DU DGOD PA'O, ,NYI MA'I DKYIL 'KHOR LA SOGS PA NI NYI MA DANG PADMA DANG ZLA BA RNAMS SO, ,DE LA NI PADMA'I STENG DU'O, ,DE KHO NA NYID CES PA NI PADMA'I STENG DU SKU LA SOGS PA'I RANG BZHIN GYI YI GE GSUM MO, ,JI SKAD DU, RGYUS NI 'BRAS BU RGYAS BTAB DANG, ,'BRAS BUS RGYU YANG RGYAS BTAB PA, ,RNAM PAR BSGOMS TE GZHAN DU NA, ,NAM YANG DNGOS GRUB SKYE MI 'GYUR, ,ZHES 'BYUNG NGO, ,'DIR RNAM PAR DAG PA NI NYI MA'I DKYIL 'KHOR NI THUGS KYI RANG BZHIN TE NYI MA'I 'OD ZER DANG 'DRA BAS KHYAB PAR BYED PA'O, ,ZLA BA'I DKYIL 'KHOR NI SKU'I RANG BZHIN TE BYANG CHUB KYI SEMS SPRUL PA DANG DE'I NGO BO YIN PAS SO, ,PADMA NI GSUNG GI RANG BZHIN TE, DBYANGS DANG GSAL BYA'I SDE TSAN BRGYAD KYIS 'DAB MA BRGYAD NYE BAR MTSON PAS LTE BA NI DGU PA'O, ,DANG PO GCIG NI DGU DBUS NA, ,ZHES 'BYUNG BAS SO, ,THAMS CAD DU YONGS SU GYUR PA LAS 'BYUNG BA'I ZLA BA'I DKYIL 'KHOR ZHES PA NI YI GE GSUM YONGS SU GYUR PA LAS SKYES PA'I ZLA BA'I DKYIL 'KHOR LA NYI MA LA SOGS PA MTSAN MA GSUM BSDUS NAS DE NYID LA CHOS KYI DBYINGS KYI YE SHES KYI BDAG NYID DU BLTA BAR BYA'O, ,ZLA BA'I DKYIL 'KHOR GYI STENG DU

, ,ZHES BYA BA LA SOGS PAS ZLA BA'I STENG DU YI GE GSUM BKOD PA LAS 'BYUNG BRTZE LNGA PA'I RDO RJE BSGOMS LA BADZRA A'ATMA KO&HAm ZHES BYA BAS NGA RGYAL BYA'O, ,DES BYIN GYIS BRLABS PA ZHES BYA BA LA SOGS PAS RDO RJE YONGS SU GYUR PA LAS PHYAG RGYA CHEN PO'I SKU BSAM PAR BYA'O ZHES BSTAN TO, , DE'I RGYU ZHES BYA BA LA SOGS PAS TING NGE 'DZIN GYI MING BSTAN TO, ,SGRUB PA PO'I NAN TAN ZHES PA NI GNAS GZUNG BO SNGON DU 'GRO BAR TING NGE 'DZIN LA BRTEN PA NGES PA'O, ,SKYE BO 'DUS PA DANG BRAL BAR ZHES PA NI DGON PA LA SOGS PA 'AM GRONG DANG GRONG KHYER LA SOGS PA DANG NYE BA'I RI LA'O, ,ME TOG CES BYA BA LA SOGS PAS YID BDE BA'I RGYU BSTAN TE, BDE BA DANG LDAN PAS SEMS MNYAM PAR GZHAG PAR 'GYUR RO ZHES 'BYUNG BAS SO, ,BSHAD MA THAG PA ZHES PA NI DANG PO SBYOR BA'I YAN LAG TU GYUR PA'O, ,SBYOR BA NI YAN LAG DANG PO'O, ,DE LTAR GYUR PA'I SBYOR BAS RDO RJE 'CHANG CHEN PO BSGRUB PAR BYA BA NI THOB PAR BYA'O, ,BLA MA DANG LHA RNAMS KYI YUL LA YID CHES PAR 'GYUR PA STE ZHES PA NI BLA MA'I YUL DU YANG DAG PAR DAD PA DANG DES BSTAN PA'I YI DAM GYI LHA LA YANG DAG PA'I BLTA BA'O, ,DE LA GAL TE BRTZON PA MA YIN NA DE'I TSE THE TSOM MED PAR RDO RJE 'CHANG 'GRUB PAR BYED PA YIN GYI GZHAN DU NI MA YIN TE, DGE BA'I BSHES GNYEN BSTEN PA LA, ,SANGS RGYAS BYANG CHUB NYID DU 'GYUR RO, ,ZHES 'BYUNG BAS SO, ,RIM PA 'DIS ZHES BYA BA LA SOGS PAS TING NGE 'DZIN GSUM MNGON DU BYAS NAS RIGS BRGYA'I DBYE BAS LUS RNAM PAR DBEN BA BSGOMS TE, RDO RJE BZLAS PA LA SOGS PA'I RIM PA BZHI NYE BAR DMIGS NAS RIM PA LNGA PAS THOB PAR BYA BA'I ZUNG DU 'JUG PA'I RIM PA LA BRTEN NAS RDO RJE 'CHANG CHEN POR 'GYUR RO ZHES BSTAN TO, ,DGONGS SO ZHES PA NI BLA MA'I MAN NGAG GO, ,BSKYED PA'I RIM LA LEGS GNAS PA'I, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES BLA MA'I ZHAL SNGA NAS KYIS GSUNGS PA'O, ,DE LTAR ZHES BYA BA LA SOGS PAS DANG PO SBYOR BA'I TING NGE 'DZIN GYIS

RDZOGS PA'I RDO RJE 'CHANG GI BSGOM PA BSTAN NAS RNAM PAR SNANG MDZAD LA SOGS PA LA YANG BSHAD PAR BYA STE, DRAN PA GCIG PA'I TING NGE 'DZIN ZHES PA NI DANG PO SBYOR BA'I YAN LAG TU GYUR PA RNAL 'BYOR GYI TING NGE 'DZIN GYI MTSAN NYID DO, ,DNGOS PO MED BA ZHES BYA BA LA SOGS PAS 'DI SKAD BSHAD PA YIN TE, GNAS GZUNG BA DANG SNYING RJE CHEN PO SNGON DU 'GRO BAS BGEGS BSKRAD PA DANG STONG PA NYID DANG YE SHES KYI SA GZHI DANG GZHAL YAS KHANG DANG, LHAG PAR MOS PA DANG DON DAM PA'I DKYIL 'KHOR DANG, GDAN LA SOGS PA'I DBYE BA DANG DE YONGS SU GYUR PA LAS ZLA BA'I DKYIL 'KHOR DANG, YI GE GSUM YONGS SU GYUR PA'I 'KHOR LO LAS BYUNG BA SEMS DPA' GSUM GYI BDAG NYID ZHAL GSUM PA LA SOGS PA LTA BU DPAL RNAM PAR SNANG MDZAD SKU RDO RJE'I RNAL 'BYOR PAS BSGOM PAR BYA'O ZHES BSTAN TO, ,DE BZHIN DU GSUNG RDO RJE DANG THUGS RDO RJE DAG LA YANG SBYAR RO, ,DE NYID BSTAN PA'I PHYIR, TSIGS SU BCAD PA'I RIM GYIS ZHES PA NI GNAS GZUNG BA LA SOGS PA BYAS NAS DON DAM PA'I DKYIL 'KHOR BSGOM PAR BYA'O, ,GZHAL YAS KHANG PA ZHES BYA BA LA SOGS PAS YE SHES KYI SA GZHI BSGOMS PA'I 'OG TU GZHAL YAS KHANG PA DANG LHAG PAR MOS PA'I DKYIL 'KHOR BSTAN TO, ,AOm SH'U N+YA T'A ZHES BYA BA LA SOGS PAS DON DAM PA'I DKYIL 'KHOR BSGOM PA BSTAN TO, ,YI GE AOm LA SOGS PA ZHES BYA BA LA SOGS PAS GDAN GYI DBYE BA BSTAN TO, ,DE DAG THAMS CAD YONGS SU GYUR PA ZHES BYA BA LA SOGS PAS ZLA BA'I DKYIL 'KHOR GYI RNAM PA CAN CHOS KYI DBYINGS BSGOM PA BSTAN TO, ,ZLA BA'I DKYIL 'KHOR GYI STENG DU ZHES BYA BA LA SOGS PAS YI GE BHR'Um YONGS SU GYUR NAS RNAM PAR SNANG MDZAD KYI MTSAN MA LAS BYUNG BA, DPAL RNAM PAR SNANG MDZAD KYI BSGOM PA BSTAN TO; ;DE NI RNAL 'BYOR RO, ,DE'I THUGS KAR ZHES BYA BA LA SOGS PAS YE SHES SEMS DPA' DANG, TING NGE 'DZIN SEMS DPA' BSGOM PA ZHES BYA BA RJES SU RNAL 'BYOR BSTAN TO, ,'OD ZER LNGA DANG LDAN PA ZHES PA NI TING NGE 'DZIN SEMS DPA'I KHYAD PAR TE DE BZHIN GSHEGS PA

, ,LNGA'I BDAG NYID YIN PAS SO, ,RNAM PAR SNANG MDZAD KYI RNAL 'BYOR PA RNAMS KYIS ZHES PA NI DBANG BYED PA'I GNAS SKABS BSTAN TO, ,RNAM PAR SNANG MDZAD KYI TSOGS ZHES PA NI TING NGE 'DZIN SEMS DPA'I RANG BZHIN GYI YI GE AOm LAS RNAM PAR SNANG MDZAD KYI TSOGS SPRO BAR BYA'O ZHES BYA BA 'DIS GZHAN GYI DON BSTAN TO, ,'DI YIS ZHES BYA BA LA SOGS PAS RNAM PAR SNANG MDZAD KYI RIGS LAS 'BYUNG BA'I RNAL 'BYOR PA BSTAN TO, ,DE'I LUS 'GRUB PAR 'GYUR BA ZHES PA NI RNAM PAR SNANG MDZAD DANG 'DRA BA'I SKUR 'GYUR TE DE'I TING NGE 'DZIN BSGOM PAS SO, ,DE RNAMS GANG LA GNAS PA ZHES PA NI 'DZIN PAR BYED PA GANG LA YOD PA DE NI GZUNG BA STE, GZUGS LA SOGS PA'O, ,DE NYAMS SU MYONG BAS ZHES PA NI DAM TSIG DANG YE SHES KYI PHYAG RGYA DAG GANG YANG RUNG BA LA GNAS PA SO SOR SDUD PA'I RIM PAS 'DOD PA'I YON TAN LNGA NYE BAR SPYOD CING GNAS PAR BYA'O, ,MTSAN THAMS CAD DANG LDAN PA ZHES PA NI MTSAN DANG DPE BYAD SKYES BU CHEN PO'I MTSAN NYID NI THAMS CAD DO, ,LDAN PA NI DES SPRAS PA'O, ,DE DANG 'DRA PA'I RDZU 'PHRUL ZHES PA NI JI LTAR RNAM PAR SNANG MDZAD LA RDZU 'PHRUL MNGA' BA DE BZHIN DU DE LA YANG YOD DO, ,ZLA BA PHYED KYI SGRAS NI DON MANG PO LA SBYOR BA MTHONG BA STE, 'DIR NI MNGON PAR ZHEN PA'I DON GZUNG BAR BYA'O, ,DE'I PHYIR TING NGE 'DZIN LA KUN DU ZHEN PA TZAM ZHES BSTAN TO, ,BYA BA'I ZHES BYA BA LA SOGS PAS TING NGE 'DZIN TZAM DNGOS GRUB KYI RGYU YIN GYI SPROS PA GZHAN DGOS PA MED DO ZHES BSTAN TO ZHES BYA BAS NYE BAR BSDUS PA BSTAN TO, ,DE BZHIN GSHEGS PA THAMS CAD CES BYA BA LA SOGS PAS TING NGE 'DZIN GYI MING NYE BAR BSDUS PA'O, ,MI PHYED PA'I NGO BO NYID KYI 'KHOR LO ZHES PA NI RDO RJE NYID LAS PHYAG MTSAN THAMS CAD 'BYUNG BA'I PHYIR RO, ,DE BZHIN DU THAMS CAD BSKYED LA ZHES BYA BA LA SOGS PAS 'OD DPAG TU MED PA'I TING NGE 'DZIN BSTAN TO, ,THAMS CAD NI BGEGS BSKRAD PA LA SOGS PA'O, ,DMAR PO 'DAB MA BRGYAD PA ZHES BYA BA NI 'OD DPAG TU MED PA'I PHYAG MTSAN

NO; ,RANG GI SNGAGS KYI SKYES BU ZHES PA NI RANG GI SNGAGS LAS BYUNG BA'I LHA'I SKU GANG LA YOD PA DE LA DE SKAD CES BYA'O, ,DES NI DAM TSIG SEMS DPA'I SGOM PA RAB TU BSTAN TO, ,YE SHES SEMS DPA' ZHES BYA BA LA SOGS PAS SEMS DPA' GNYIS KYI LHAG PAR MOS PA BSTAN TO; ,MI PHYED PA'I NGO BO NYID CES PA NI TING NGE 'DZIN SEMS DPA' BSTAN PA YIN PAS SO, ,'OD DPAG TU MED PAR RTOGS PA'I SEMS KYI 'JUG PAS BKOD PA'O ZHES PA NI GSUNG RDO RJE 'CHANG GI RNAL 'BYOR PA RNAMS KYIS DGOD PAR BYA'O, ,DAM TSIG CES BYA BA LA SOGS PAS SEMS DPA' GSUM GYI BDAG NYID CAN GSUNG RDO RJE BSGOM PAR BYA'O ZHES BSTAN TO, ,DE BSTAN PAR BYA BA'I PHYIR JI LTAR DANG PO SBYOR BA'I TING NGE 'DZIN GYIS 'OD DPAG TU MED PA BSGOM PA DE BZHIN DU RIN CHEN 'BYUNG LDAN LA SOGS PA YANG BSGOM PAR BYA'O ZHES TSUL 'DI NYID KYIS ZHES BYA BA LA SOGS PA BSTAN TO, ,SEMS DPA' GSUM BRTZEGS MAR BYAS NAS ZHES PA NI DAM TSIG DANG YE SHES DANG TING NGE 'DZIN SEMS DPA' GCIG TU BYAS NAS SO, ,'OD DPAG TU MED PA'I TING NGE 'DZIN TO ZHES PA NI SNANG BA MTHA' YAS KYI TING NGE 'DZIN BSDUS SO, ,KUN RDZOB KYI BDEN PA'O ZHES PA NI THA MAL PA RNAMS KYIS PHYED PAR MI NUS PA'O, ,DON DAM PA'I BDEN PA ZHES PA NI CHOS THAMS CAD KYI CHOS NYID KYI NGO BO YIN PAS SO, ,CHOS DANG LDAN PA'O ZHES PA NI BAR GYI TSIG MI MNGON PA LAS 'DZIN PA'O, ,RDO RJE 'CHANG CHEN PO ZHES BYA BA LA SOGS PAS BSKYED PA'I RIM PA BSGOMS NAS RDZOGS PA'I RIM PA'I MTHAR THUG PA RDO RJE 'CHANG CHEN PO'I GO 'PHANG THOB PAR 'GYUR RO ZHES BYA BA'I DON TO, ,DE BZHIN GSHEGS PA THAMS CAD CES BYA BA LA SOGS PAS SEMS DPA' GSUM GYI BDAG NYID KYI TING NGE 'DZIN NYE BAR BSDUS BA BSTAN TO, THAMS CAD BSKYED PA ZHES PA NI BGEGS BSKRAD PA LA SOGS PA BYAS NAS SO, ,DAM TSIG SEMS DPA' ZHES PA NI MI BSKYOD PA'I PHYAG RGYA CHEN PO'I SKU RNAM PAR BSGOMS NAS DE'I 'OG TU SEMS ZHES BYA BA LA SOGS PAS YE SHES SEMS DPA' DANG TING NGE 'DZIN SEMS DPA' BYIN GYI

, ,BRLAB PA BSTAN TO, ,DE LTAR ZHES BYA BA LA SOGS PAS MI BSKYOD PA'I RNAL 'BYOR PAS MI BSKYOD PA'I PHYAG RGYA CHEN PO'I SKU BSGOM PAR BYA'O ZHES BSTAN TO, ,DE LTAR ZHES BYA BA LA SOGS PAS NYIN MO DANG MTSAN MO'I THUN BZHI LA RTAG TU BSGOM PAR BYA'O ZHES BSTAN TO; ,DGE BA'I RTZA BA YONGS SU SMIN PAS ZHES PA NI DGE BA'I RTZA BA NI GSUM STE, 'DOD CHAGS MED PA DANG, ZHE SDANG MED PA DANG GTI MUG MED PA'O, ,DE RNAMS SMIN PA NI YONGS SU RDZOGS PA'O, ,RDO RJE LTA BU'I TING NGE 'DZIN MNGON PAR RTOGS NAS ZHES PA NI MNGON DU BYAS NAS SO, , TSE 'DI NYID NI MTHONG BA'I CHOS LA PHYAG RGYA CHEN PO'I DNGOS GRUB THOB PAR 'GYUR BA NI RDO RJE'I SKU'I RANG BZHIN GYI DPAL ZUNG DU 'JUG PA'I RIM PAS THOB PAR BYED PA RDO RJE 'CHANG GI GO 'PHANG MNGON DU BYED PAR 'GYUR RO, ,STON PA RDO RJE ZHES BYA BA LA SOGS PAS DPAL RDO RJE 'CHANG GI SKUS CHOS BSTAN PA'I SGO NAS LHA DANG MI RNAMS RJES SU BSTAN PA DANG GDUL BAR MDZAD PAS STON PA YIN NO ZHES BSTAN TO, ,'DOD PA'I DBANG PHYUG LA SOGS PA BRGYAD NI SNGAR BSHAD ZIN TO, ,'BYUNG GNAS YIN PA'I PHYIR ZHES PA NI SKU'I DBANG PHYUG LA SOGS PA DE LAS BYUNG BA'I PHYIR RO, ,RDO RJE ZHES BYA BA LA SOGS PAS SEMS DPA' GSUM GYI BDAG NYID KYI THUGS RDO RJE 'CHANG SPRUL PAR BYED PA BCOM LDAN 'DAS RDO RJE 'CHANG CHEN POS BKA' STZAL TO ZHES SDUD PA POS BSTAN TO, ,RAB TU DBYE BA'I DON ZHES PA NI DE BZHIN GSHEGS PA LNGA'I BSKYED PA'I RIM PA'I RAB TU DBYE BA BRJOD PAR BYA'O, ,RDO RJE 'CHANG CHEN PO ZHES BYA BA LA SOGS PAS RANG GI TSIG GIS GSUNGS PA RDO RJE 'CHANG DANG MI BSKYOD PA DANG 'OD DPAG TU MED PA DANG RNAM PAR SNANG MDZAD DANG DE BZHIN DU LNGA'I TSIG GIS DON YOD GRUB PA DANG RIN CHEN 'BYUNG LDAN YANG DE BZHIN DU BSGOM PAR BYA'O ZHES BSTAN TO, , SGRA JI BZHIN PA'O ZHES PA NI RDO RJE 'CHANG CHEN PO DRUG PA DANG DE BZHIN GSHEGS PA LNGA'I DANG PO SBYOR BA'I YAN LAG TU 'GYUR BA RNAL 'BYOR GYI TING NGE 'DZIN SO SOR BSTAN PAS SO, ,DE YANG SOGS PA'I SGRAS SHES PAR BYA'O, ,SGRAS DE LTAR ZHES BYA BA LA SOGS PAS BSKYED PA'I

RIM PA'I RNAL 'BYOR RIM GYIS SGOM PAR BYED PAS DE RDZOGS NA RDZOGS PA'I RIM PA'I 'BRAS BU YANG 'BYUNG BAR 'GYUR RO ZHES BSTAN TO, ,DE MNGON SUM NYID DU ZHES BYA BA LA SOGS PAS RDZOGS PA'I RIM PA NYID BSTAN PAR BYA STE GANG GI PHYIR BRTAG PA DANG RDZOGS PA'I RNAL 'BYOR PA DAG LA SNGAGS KYI SKU DANG YE SHES KYI SKU SNGAR BSHAD PA DE DAG LAS SNGAGS KYI SKU BSTAN NAS YE SHES KYI SKU BSTAN PAR BYA BA'I PHYIR, SHES PAS ZHES BYA BA LA SOGS PAS BSTAN TE, YE SHES KYI SKU YANG RNAM PA GNYIS TE SGYU MA'I SKU DANG RDO RJE'I SKU'O, ,DE LA SGYU MA'I SKU NI RIM PA GNYIS PA LAS LDANG BAR BYA BA DANG, RDO RJE'I SKU NI RIM PA BZHI LAS LDANG BAR BYA'O, ,DA NI RIM PA BZHI PA'I MAN NGAG 'OD GSAL BA BSTAN PAR BYA BA'I PHYIR, YE SHES NI RGYU BA DANG MI RGYU BA'O ZHES BYA BA NI SHES PA NYID BEMS PO DANG BEMS PO MA YIN PA'I TSUL DU SNANG BAS SO, ,TSOGS ZHES PA NI 'GRO BA RIGS DRUG PA'I SEMS CAN RNAMS SO, ,DE NYID 'JIG RTEN GSUM NI KHAMS GSUM PA'O, ,RANG GI PHYAG RGYA CHEN PO'I GZUGS ZHES BA NI SEMS RNAM PAR DAG PA'I RIM PAS THOB PA 'OD GSAL BA'I DE KHO NA NYID LAS BYUNG BA RDO RJE 'CHANG GI SKUR LANGS NAS SO; ,RGYU BA DANG MI RGYU BA RNAMS LA'O ZHES PA NI RANG GZHAN LA'O, ,NAM MKHA' BYED PA ZHES BYA BA LA SOGS PAS RJES SU 'JUG PA'I TING NGE 'DZIN GYI 'OD GSAL BA NYID DU BYA'O ZHES BSTAN TO, ,BRTAN PA DAG NI G-YO BA DAG ,SNGON DU 'OD GSAL BAR NI BYAS, ,PHYI NAS DE BZHIN BDAG NYID BYA, ,RJES SU 'JUG PA'I RIM 'DI YIN, ,ZHES 'BYUNG NGO, ,SEMS DPA' GSUM GYI BDAG NYID KYI RNAL 'BYOR BA SNGAR GANG YIN PA DE NI GCIG PUR 'GYUR TE 'OD GSAL BA'I NGO BO NYID DU 'GYUR RO, ,'OD GSAL BA ZHES BYA BA LA SOGS PAS NANG GI BDAG NYID KYI DKYIL 'KHOR LA PHYI'I RNAM PAR SNANG MDZAD LA SOGS PA'I DKYIL 'KHOR RDO RJE PHRENG BA LAS GSUNGS PA'I DON DAM PA'I DKYIL 'KHOR GYI RIM PAS ZHUGS LA 'OD GSAL BA'I RANG BZHIN LA GNAS PAR BYA'O ZHES BSTAN TO, ,RIM PA GNYIS PA 'OD GSAL BA LA

, ,'JUG PA'I PHYIR BSTAN PAR BYA STE, SHES RAB CES BYA BA LA SOGS PAS SNGAGS KYI RIM PA'AM PHYAG RGYA'I RIM PAS YE SHES GSUM MNGON DU BYAS LA SLAR YANG RIM PA DE NYID KYIS 'OD GSAL BA LA ZHUGS PAR BSTAN TO, ,YE SHES GSUM NI SNANG BA LA SOGS PA GSUM MO, ,DE DANG MNYAM BAR GYUR CING ZHES BYA BA LA SOGS PAS DE MI SNANG BAR BYED PA 'OD GSAL BA'I NGO BOR RNAL 'BYOR PA 'GYUR RO ZHES BYA BA'I DON TO, ,RDO RJE 'CHANG CHEN PO NI NYE BAR BSDUS PA BSTAN TO, ,'OG NAS BSHAD PA ZHES BYA BA LA SOGS PAS YE SHES KYI SKU YONGS SU GZUNG BA DANG RDO RJE'I SKU GZUNG BA BSTAN TE, PHYAG RGYA CHEN PO ZHES PA NI RDO RJE 'CHANG GI SKU'O, ,DE MI SNANG BA ZHES PA NI DE DAG PAR BYED PA 'OD GSAL BA STE SEMS RNAM PAR DAG PA'I RIM PA 'AM MNGON PAR BYANG CHUB KYI RIM PAS THOB PAR BYA'O, ,DE LAS 'BYUNG BAR 'GYUR PA ZHES PA 'DIS BDAG LA BYIN GYIS BRLAB PA'I RIM PA'AM, ZUNG DU 'JUG PA'I RIM PAS LDANG BA'I RDO RJE 'CHANG GI SKU BSTAN TO, ,G-YO BA DANG MI G-YO BA'I DNGOS SO THAMS CAD KYI BDAG NYID CAN ZHES PA NI YE SHES KYI SKU DANG RDO RJE'I SKU DE'I RANG BZHIN YIN PAS SO, ,SGYU MA LTA BU DANG GNYIS SU MED PA YIN PAS SO, ,YE SHES KYI SKU'O ZHES PA NI NYE BAR MTSON PA STE RDO RJE'I SKU YANG NGO, ,RNAM PAR SNANG MDZAD LA SOGS PA'I SKUS 'JUG PA ZHES PA NI GDUL BYA'I DBYE BAS SO, ,DE ZHES BYA BA LA SOGS PAS DE NYID NYE BAR BSDU BA BSTAN TO, ,TING NGE 'DZIN ZHES BYA BA LA SOGS PAS DE NYID SPROS NAS BSTAN PAR BYA STE, RDO RJE'I DKYIL 'KHOR ZHES BYA BA LA SOGS PAS 'OD GSAL BA LAS 'BYUNG BA'I RDO RJE 'CHANG GI SKUR DMIGS LA SROG DANG RTZOL BA'I BDAG NYID KYI RDO RJE BZLAS PA LA GNAS PAR BYA'O ZHES BSTAN TO, ,YONGS SU DAG PA'I PHYAG RGYA CHEN PO'I GZUGS SU ZHES PA NI BDAG BYIN GYIS BRLAB PA'AM ZUNG DU 'JUG PA'I TING NGE 'DZIN GYIS THOB PAR BYA'O, ,SGOM PA NI SEMS RNAM PAR DAG PA'I RIM PAS THOB PAR BYA BA'AM, MNGON PAR BYANG CHUB PA'I RIM PAS THOB PAR BYA BA'I 'OD GSAL BA LAS 'BYUNG BA'O, ,SEMS CAN THA MAL BA'I

ZHES PA NI GDUL BYA RNAMS KYI'O, ,YUL DU GYUR PA ZHES PA NI BRTAN PA LA SOGS PA THOB PA'I DON DU MIG GI DBANG PO'I SPYOD YUL DU GYUR PA'O, ,SPRUL PA'I SKU YONGS SU GZUNG BA ZHES PA NI SPROS NAS SO, ,SROG DANG RTZOL BA'I YAN LAG TU GYUR CING ZHES PA NI 'JUG PA LA SOGS PA GSUM GYI RGYUR GYUR PA'O, ,MI SHIGS PA ZHES PA NI YI GE AA LAS 'BYUNG BA MI 'GYUR PA'O, ,THUGS RDO RJE 'CHANG GI SA BON NYE BAR MTSON PAR 'GYUR BA'I YI GE HA NI H'Um ZHES BYA BA'I THA TSIG GO, ,SNYING GAR GZHAG STE ZHES PA NI DKYIL 'KHOR BZHI PO LA CHA CHA'I DBYE BAS DE NYID PHYI NAS GSANG BA'I BZLAS PA BYA STE, JI SKAD DU, DE NAS RNAL 'BYOR DBANG PHYUG LA, ,THABS KYI DAM PA RAB BSTAN PA, ,RNAL 'BYOR DNGOS GRUB 'BRAS STER PA'I, ,GSANG BA'I YI GE BSHAD PAR BYA, ,GANG ZHIG SHES PA TZAM GYIS NI, ,RNAL 'BYOR PA RNAMS MCHOG STER 'GYUR, ,DANG PO'I YI GE'I SBYOR BA YIS, ,DBUGS NI RTAG TU BRNGUB PAR BYA, ,BRGYAD PA'I MTHA' DANG YANG DAG LDAN, ,YI GE AU DANG THIG LER BCAS, ,RNAL 'BYOR PAS NI DBUGS DBYUNG BYA, ,DE NI CI DGA'I BZLAS PAR BSHAD, ,CES 'BYUNG NGO, ,GZHAN LAS KYANG, SNYING GA'I PADMAR MGO MED GNAS, ,MGRIN PA'I PADMAR MGO BO STE, ,GSANG BA'I PADMAR DBYANGS YIG GNAS, ,LTE BA'I PADMAR SGRA MTHA'O, ,'GRO DANG 'ONG PAR DE BYED PAS, ,THIG LE RNAL 'BYOR RAB TU 'JUG ,CES BYA BA LA SOGS PA 'BYUNG NGO, ,'OD ZER ZHES BYA BA LA SOGS PAS DKYIL 'KHOR BZHI 'BYUNG BA'I DUS SU G-YAS PA LA SOGS PA'I LAM GYI KHA DOG DMAR PO LA SOGS PA 'OD ZER GYI SGO NAS RDO RJE BZLAS PAR BYA'O ZHES BSTAN TO, ,SROG DANG RTZOL BA LA GNAS PA'O ZHES PA NI 'JUG PA LA SOGS PA GSUM LA GNAS PA'O, ,'OD ZER BCU PO ZHES PA NI RLUNG DANG NYE BA'I RLUNG RAB TU RGYU BA'O, ,DE NYID BSTAN PA'I PHYIR, DE RNAMS KYI ZHES BYA BA LA SOGS PA BSTAN TO, ,HA ZHES PA NI RDO RJE BZLAS PA'I RGYUR GYUR PA'I SA BON BSTAN TO, ,BRJOD DU MED PA'I ZHES PA NI MI 'GYUR BA LAS 'BYUNG BA'I PHYIR YANG BRJOD DU MED PA ZHES PA NI RANG RIG PA YIN PA STE

, ,RDO RJE'I TSIG NI SGRA MED PA'O ZHES BSHAD PA'I PHYIR RO, 'JAM PA ZHES BYA BA LA SOGS PAS PHAN YON GYI SGO NAS RIM PA BZHI'I BDAG NYID KYIS RDO RJE 'CHANG CHEN PO'I GO 'PHANG THOB PA BSTAN TO, ,'OD GSAL BA'O ZHES PA NI SEMS RNAM PAR DAG PA'I RIM PAS THOB PAR BYA BA'AM, RIM PA BZHI PAS THOB PAR BYA'O, ,DE LAS BYUNG BAS NA ZHES BYA BA LA SOGS PAS BDAG LA BYIN GYIS BRLAB PA'I RIM PA 'AM ZUNG DU 'JUG PA'I RIM PAS YE SHES KYI SKU LAS RDO RJE'I SKUR LDANG BAR BSTAN TO, ,PHYIR MI LDOG PA RNAMS KYI YUL DU BYAS PAS NA ZHES PA NI SEMS RNAM PAR DAG PA'I RIM PAS SA BCU PA THOB PAR 'GYUR TE, JI SKAD DU, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,SNANG BA GSUM PO THOB PA YIS, ,SA BCU LA NI RAB TU GNAS, ,ZHES 'BYUNG NGO, ,YE SHES KYI RANG BZHIN GYI LUS SO ZHES PA NI NYE BAR MTSON PA TZAM YIN TE, RDO RJE'I RANG BZHIN GYI SKU YANG NGO, ,DE THOB NAS ZHES BYA BA LA SOGS PAS RNAM PA GNYIS KYI SKU BZUNG NAS SO, ,'OD ZER BCU STE ZHES PA NI RLUNG BCU NYE BAR BSDU BA'I BDAG NYID MA NING GI BZLAS BA LA RAB TU GNAS PA NI GNAS PAR 'GYUR RO, ,BYANG CHUB CES BYA BA LA SOGS PAS BDEN PA GNYIS KYI BDAG NYID CAN GYI PHYAG RGYA CHEN PO'I SKU DANG LDAN PA NYID BSTAN TO, ,BDEN PA GNYIS KYI YONGS SU GZUNG BA'I GZUGS NI ZHES PA NI BDEN PA GNYIS DBYER MED PA'O, ,DE NYID NI KHAMS GSUM PA TSIM PAR BYED PAS NA ZHES PA NI BSAM PA THAMS CAD RDZOGS PAR BYED PAS SO, ,BSAM GTAN GYI ZAS KYIS BSKAL PA'I MTHA'I BAR DU GNAS PAS NA 'KHOR BA JI SRID PAR GNAS NAS SEMS CAN GYI DON MDZAD PAS NA'O, ,DGONGS PAS BSHAD PA'O ZHES PA NI 'GAL BA'I SGRA'I SGO NAS RIM PA LNGA'I BDAG NYID RDZOGS PA'I RIM PA'I DE KHO NA NYID BSTAN PAS SO, ,BSHAD MA THAG PA ZHES BYA BA LA SOGS PAS SNGAR BSHAD PA'I SNGAGS KYI SKU'O, ,RNAL 'BYOR DANG RJES SU RNAL 'BYOR GYI 'OG TU SHIN TU RNAL 'BYOR BSTAN PAR BYA STE, GZUNG BA'I SPRUL PA'I SKU ZHES PA NI RNAL 'BYOR DANG RJES SU

RNAL 'BYOR GYI BSKYED PA'I SKU'O, ,GANG GI PHYIR RDZOGS PA'I RIM PAS THOB PAR BYA BA'I YE SHES KYI SKU DANG RDO RJE'I SKU'I MIG LA SOGS PA BYIN GYIS BRLAB PAR BYA BA MI RIGS TE DON MED PA'I PHYIR RO, ,SGYU MA'I DPE BCU GNYIS KYI SGO NAS DES DNGOS PO THAMS CAD RNAM PAR DPYOD PAS MNGON PAR SHES PA THOB PAR 'GYUR BA'O, ,'BRAS BU NI MNGON PAR SHES PA'I MTSAN NYID DO, ,DANG PO ZHES BYA BA LA SOGS PAS MIG LA SOGS PA'I DBANG PO LNGA STONG PAR BYAS NAS, YANG SA'I SNYING PO LA SOGS PA BYANG CHUB SEMS DPA' RNAMS KYI THLHIm LA SOGS PA'I YIG 'BRU RNAM PAR BKOD NAS DE YONGS SU GYUR PA LAS SA'I SNYING PO LA SOGS PA'I SKU BSAMS LA YANG DE YONGS SU GYUR PA LAS MIG GI DBANG PO LA SOGS PA DE RNAMS BSAM PAR BYA'O, ,DE LTAR RTZOL BA BYAS PA'I RNAM 'BYOR PAS RING BA DANG BSGRIBS PA DANG BSKAL PA'I GZUGS LA SOGS PA MTHONG BA DANG THOS PA DANG, SNOM PA DANG MYONG BA DANG REG PAS LHA'I MIG LA SOGS PA NYID THOB PAR 'GYUR RO ZHES BSTAN TO, ,STONG PAR BYAS PAS NI RANG BZHIN MED PAR BYAS PA'O, ,KHONG STONG NI STONG PA'I SA'O, ,THA NI SA'I KHAMS KYI YIG 'BRU YIN PA DANG LA'ANG DE'I RANG BZHIN PA'O, ,A'I NI SHES RAB KYI RANG BZHIN DANG HA NI THABS KYI RANG BZHIN NO, ,DES NA THABS DANG SHES RAB KYI BDAG NYID SA'I KHAMS KYI RANG BZHIN RNAM PAR SNANG MDZAD KYI RIGS LAS BYUNG BA SA'I SNYING PO ZHES BYA BA'O, ,NYI MA DANG ZLA BA'I 'OD ZER GYIS 'BAR BAR GYUR PA ZHES PA NI MIG G-YON PA DANG G-YAS PA DAG LA ZLA BA DANG NYI MA'I RANG BZHIN GYI YI GE DE'I KHA DOG DANG LDAN PAR DGOD PAS SO, ,GANG GIS ZHES BYA BA LA SOGS PAS YIG 'BRU YONGS SU GYUR PA LAS SKYES PA'I MIG GNYIS KYIS LTA BAS PHYOGS SKYONG BA DANG BGEGS KYI TSOGS LA SOGS PA RAB TU ZHI BAR 'GYUR RO ZHES BSTAN TO, ,SA'I SNYING PO'I NGO BO NYID KYIS BSGOM PAR BYA'O ZHES PA NI SA'I SNYING PO YONGS SU GYUR PA LAS BYUNG BA'I MIG GI DBANG PO YIG 'BRU DE NYID KYIS MTSAN PA BSGOM PAR BYA'O ZHES BSTAN TO, ,RDO RJE 'CHANG CHEN PO DANG 'DRA BAR ZHES BYA BA LA SOGS PAS LHA'I MIG THOB PA NYID BSTAN TO, ,DNGOS PO

, ,THAMS CAD CES PA NI RANG PA LA SOGS PA'O, ,LAG MTHIL GYI SKYU RU RA BZHIN DU ZHES PA NI SHIN TU GANG NA GNAS PA'I YUL BZHIN GSAL BAR MTHONG BAR BSTAN TO, ,BSHAD PA'I DON BSTAN PA'I SA BON NO ZHES PA LA SOGS PAS YIG 'BRU'I DPE BSTAN TO, ,NAM MKHA' RDO RJE ZHES BYA BA LA SOGS PAS TING NGE 'DZIN NYE BAR BSDUS PAR BSTAN TO, ,DE LTAR ZHES BYA BA LA SOGS PA SNGAR BSHAD PA'I LHA'I MIG DANG 'CHAD PAR 'GYUR BA'I RNA BA LA SOGS PA'I PHAN YON STON TO, ,RDO RJE 'CHANG CHEN PO DANG 'DRA BAR 'GYUR BA'O ZHES PA NI RIM GYIS RDZOGS PA'I RIM PA BSGOM PAS SO ZHES TSIG LHAG MA'O, ,DUS GSUM DU 'BYUNG BA'I RGYAL BA RNAMS SO ZHES PA NI KHAMS GSUM GYI DE BZHIN GSHEGS PA'I 'BREL BA DANG LDAN PA'I LHA'I MIG LA SOGS PA BSGOM PAR 'GYUR BAS RDO RJE 'CHANG CHEN PO DANG 'DRA BAR 'GYUR RO ZHES BYA BA'I THA TSIG GO, , LHA'I MIG LA SOGS PA STE ZHES BYA BA LA SOGS PAS MIG BYIN GYIS BRLABS PAS RANG DANG GZHAN GYI SDE PA'I DNGOS GRUB GTZO BOR THOB PAR 'GYUR RO ZHES BSTAN TO, ,DNGOS GRUB THAMS CAD KYI ZHES PA NI GTER DBYUNG BA DANG SA 'OG TU 'JUG PA DANG LHA MA YIN GYI BU MO DGUG PA LA SOGS PA'I SBYOR BA'I MCHOG CES BYA BA'I DON TO, ,LHA'I MIG GIS SA 'OG LA GNAS PA'I GTER LA SOGS PA MTHONG BA'I PHYIR RO, ,SANGS RGYAS KYI DKYIL 'KHOR ZHES BYA BA LA SOGS PAS RNAL 'BYOR DANG RJES SU RNAL 'BYOR DAG GIS RDO RJE 'CHANG LA SOGS PA'I SKU BSKYED LA, ,DE'I RNA BA'I DBANG PO STONG PAR BYAS NAS DE LA YIG 'BRU DGOD CING YONGS SU GYUR PA LAS LAG NA RDO RJE BSGOMS LA, DE YONGS SU GYUR PA LAS YANG RNA BA'I DBANG PO DE'I YIG 'BRUS MTSAN PA BYAS PAS, BSGRIBS PA LA SOGS PA'I SGRA THOS PAS LHA'I RNA BA DANG LDAN PAR 'GYUR RO ZHES BSTAN TO, ,RNA BA'I GNAS ZHES PA NI RNA BA'I NANG NA'O, ,'OD GSAL BA BSGOM PA ZHES PA NI STONG PA NYID BSGOM PAR BYA BA'O, ,DE'I DBUS SU GNAS PAR RO ZHES PA NI KHONG STONG GI DBUS SU GNAS PA ZHES BYA BA'I DON TO, ,AOm ZHES PA NI DPE BSTAN PA'O, ,DE'I RANG BZHIN DU BYAS PAS SO ZHES PA NI LAG NA RDO RJE DANG DE'I BDAG NYID DU BYAS PA'O,,

RDO RJE 'CHANG CHEN PO STE ZHES BYA BA LA SOGS PAS GANG NA GNAS PA'I SGRA THOS PA BZHIN DU BSGRIBS PA LA SOGS PA'I SGRA YANG THOS PAR 'GYUR RO, ,RDO RJE 'CHANG CHEN PO DANG MTSUNGS PA'I SKU'O ZHES BYA BA LA SOGS PAS THA MAL PA'I LUS LA SOGS PA'I RANG BZHIN SPANGS NAS RIM GYIS RDZOGS PA'I RIM PA KHONG DU CHUD CING RDO RJE 'CHANG CHEN PO DANG 'DRA BAR 'GYUR RO ZHES BSTAN TO, ,RNA BA LA GNAS PA'I PHYAG NA RDO RJES ZHES PA NI YIG 'BRU DANG SKU DBYER MED PA'O, ,MI BSKYOD PA ZHES BYA BA LA SOGS PAS RNA BA'I DBANG PO GNYIS BYIN GYIS BRLAB PA NYE BAR BSDUS PA'O, ,NAM MKHA'I SNYING PO'I TING NGE 'DZIN GSUNGS PA ZHES BYA BA LA SOGS PAS SNGA MA BZHIN DU RNAL 'BYOR GNYIS BSGOMS LA, SNA'I DBANG PO STONG PAR BYAS NAS DER DGOD PA'I YIG 'BRU YONGS SU GYUR PA LAS NAM MKHA'I SNYING PO YONGS SU GYUR NAS SNA'I DBANG PO YI GE DE NYID KYIS MTSAN PAR BSAM PAR BYA'O ZHES BSTAN TO, ,RDO RJE 'CHANG CHEN PO'I SKU'I DKYIL 'KHOR ZHES PA NI NYE BAR MTSON PA YIN PAS RNAM PAR SNANG MDZAD LA SOGS PA'I SKU YANG BSAM PAR BYA'O, ,'OD GSAL BA BSGOMS PAS ZHES PA NI STONG PA NYID DU BSGOMS PAS SO, ,YI GE AOm ZHES PA NI YIG 'BRU'I DPE BSTAN TO, ,DRI RNAM PA GSUM STE ZHES BYA BA LA SOGS PAS NAM MKHA'I SNYING PO YONGS SU GYUR PA'I SNA'I DBANG PO YIG 'BRU DE NYID KYIS MTSON PA BSTAN TO, ,'JIG RTEN GYI KHAMS ZHES BYA BA LA SOGS PAS GAM NA GNAS PA'I DRI GZUNG BA BZHIN DU BSGRIBS PA LA SOGS PA'I DRI GZUNG BA YANG BSTAN TO, ,NAM MKHA' MDZOD KYI TING NGE 'DZIN GYIS ZHES BYA BA LA SOGS PAS NAM MKHA'I SNYING PO DANG MTSUNGS PAR 'GYUR RO ZHES BSTAN TO, ,BLANG BAR BYA BAS NA BYANG CHUB KYANG YIN LA RANG BZHIN THAMS CAD SPONG BAR BYED PAS BDAG MED PA YIN TE, BDAG MED BYANG CHUB NI 'OD GSAL BA STE THAMS CAD STONG PA'O, ,DE NYID KYIS STONG PA BZHI KHYAB PAR BYED PAS STONG PA BZHI'I BDAG NYID CAN ZHES BYA BA STE, RGYU DANG 'BRAS BU DBYER MED PA'I PHYIR RO, ,JI SKAD DU, ,STONG PA SHIN TU STONG PA DANG, ,GSUM PA STONG PA CHEN PO DANG, ,BZHI PA THAMS CAD STONG PA STE, ,RGYU DANG 'BRAS BU'I DBYE BAS SO, ,ZHES 'BYUNG NGO, ,NYAN THOS PA LA

, ,SOGS PA'I YUL MA YIN PAS NA ZHES PA NI GANG GI PHYIR DE DANG 'DRA BA'I DE KHO NA NYID NYAN THOS PA LA SOGS PAS RTOGS PAR MA GYUR TE, DE RNAMS KYIS GANG ZAG LA BDAG MED PA LA SOGS PA TZAM GOMS PAS SO, ,DE DANG MNYAM PA'I GNAS SU GYUR PA GANG YIN PA ZHES PA NI MI GNAS PA'I MYA NGAN LAS 'DAS PA'I NGO BO GANG LA YOD PA DE LA DE SKAD CES BYA'O, ,RIN PO CHE'I DAM TSIG CES BYA BA LA SOGS PAS NAM MKHA'I SNYING PO'I RANG BZHIN GYIS SNA'I DBANG PO BYIN GYIS BRLABS PA'I NYE BAR BSDUS PA BSTAN TO, ,SNGA MA BZHIN DU ZHES PA LA SOGS PAS 'DI SKAD BSHAD PA YIN TE, PHYAG RGYA CHEN PO'I BSGOM PA SNGON DU 'GRO BAR LCE'I DBANG PO STONG PAR BSGOMS NAS DE LA 'JIG RTEN DBANG PHYUG GI YIG 'BRU BKOD CING DE YONGS SU GYUR PA LAS 'JIG RTEN DBANG PHYUG BSGOMS TE, DE YANG YONGS SU GYUR PA LAS BYUNG BA'I 'JIG RTEN DBANG PHYUG GI RANG BZHIN GYI LCE'I YIG 'BRU DE NYID KYIS MTSAN PA BSGOM PAR BYA'O ZHES BSTAN TO, ,YANG DAG PA'I MTHA' ZHES PA NI DE BZHIN NYID DANG STONG PA NYID CES BYA BA RNAM GRANGS SO, DE SKYED PAR BYED PA'I ZHES PA NI 'JIG RTEN DBANG PHYUG RDZOGS PAR BYED PA'O, ,AOm ZHES BYA BAS NI DPE BSTAN TO; ,RO RNAM PA GSUM ZHES BYA BA 'DIS 'JIG RTEN DBANG PHYUG GI NGO BO NYID BSTAN TO, ,DE BSGOMS NAS ZHES PA LA SOGS PAS GAM NA GNAS PA'I RO MYANG BA BZHIN DU BSGRIBS PA LA SOGS PA'I RO MYANG BAR 'GYUR RO ZHES BSTAN TO, ,DBANG PO DMAN PA LA SOGS PA'I SEMS CAN RNAMS NI DMAN PA LA SOGS PA'I DBYE BA DANG LDAN PA'I GDUL BYA RNAMS SO, ,SANGS RGYAS NYID DU 'GYUR BA'I LAM, ,ZHES PA NI SNGAGS KYI THEG PA CHEN PO'I LAM STE, GZHAN RNAMS NI 'KHRUL PA DANG LDAN PAS SO, 'KHRUL PA MED NA YANG YUN RING BAS THOB PA'I BYANG CHUB YIN PA'I PHYIR RO, ,DE'I DON GYI THABS ZHES PA NI RDO RJE 'CHANG GI CHOS KYI 'KHOR LO GANG LA YOD PA DE LA DE SKAD CES BYA STE, 'OD DPAG TU MED PA'I RIGS DANG LDAN PA'I 'JIG RTEN DBANG PHYUG NI GSUNG GI NGO BO YIN PA'I PHYIR RO, ,RDO RJE 'CHANG CHEN PO ZHES BYA BA LA SOGS PAS 'JIG RTEN DBANG PHYUG GI RANG BZHIN

LCE'I DBANG PO BYIN GYIS BRLAB PA NYE BAR BSDUS PA BSTAN TO, ,SNGA MA BZHIN ZHES BYA BA LA SOGS PAS PHYAG RGYA CHEN PO'I GZUGS RNAL 'BYOR GNYIS KYIS BSKYED LA GSANG BA'I RDO RJE STONG PAR BSGOM ZHING DE LA SGRIB PA SEL BA'I SA BON RNAM PAR BKOD DE, DE YONGS SU GYUR PA LAS AUTPALA DANG 'DRA BA'I YIG 'BRU DE NYID KYIS MTSAN PA BYAS LA GAM NA GNAS PA'I PHYAG RGYA'I MTSO SKYES KYI NANG GI REG PA DANG 'DRA BAR KHAMS GSUM NA GNAS PA'I BUD MED THAMS CAD KYI PADMA'I REG PA MYONG BAR 'GYUR RO ZHES BSTAN TO, ,'DI'I PHAN YON ZHES BYA BA LA SOGS PAS LUS BYIN GYIS BRLABS PA'I PHAN YON BSTAN TO, ,LUS LA SOGS PA ZHES BYA BAS DON YOD GRUB PA DANG 'DRA BAR 'GYUR RO ZHES BSTAN TO, ,MCHOG TU DGA' BA'I BDE BA ZHES BYA BA NI, 'DUS MA BYAS PA'I SKU'I DBANG PO DANG LDAN PAS SNYOMS PAR ZHUGS PA'I DUS SU RTAG TU DGA' BA BSKYED PA'O,, YE SHES NI BYA BA NAN TAN GRUB PA'I YE SHES SO, ,DE'I RANG BZHIN DON YOD GRUB PA'I RIGS LAS BYUNG BAS NA SGRIB PA THAMS CAD RNAM PAR SEL BA ZHES BYA'O, ,BSKYED PA'I MTSAN NYID CAN ZHES PA NI LUS KYI DBANG PO BYIN GYIS BRLABS NAS DAM TSIG GI DKYIL 'KHOR GYI RIM PAS DE BZHIN GSHEGS PA THAMS CAD DANG LHA MO DANG BYANG CHUB SEMS DPA' DANG KHRO BO RNAMS SPRO BA'O, ,GDON MI ZA BAR TE ZHES BYA BA LA SOGS PAS GSANG BA'I RDO RJE LAS BYUNG BA'I BYANG CHUB SEMS KYI THEG LE LAS BYUNG BA'I KHAMS GSUM GYI TING NGE 'DZIN NYE BAR BSDUS PAR BSTAN TO, ,DE LTAR ZHES BYA BA LA SOGS PAS DE BZHIN GSHEGS PA'I MOS PA DANG LDAN PAS DE BZHIN GSHEGS PA NYID KYIS MIG LA SOGS PA BYIN GYIS BRLAB PAR BYA'O ZHES BSTAN PAR BYA STE, LONGS SPYOD RDZOGS PA DANG SPRUL PA'I SKU PHAN TSUN DBYER MED PA'I PHYIR RO, ,DBYER MED PA DE YANG BYA BA GCIG YIN PAS SO, ,SGRUB THABS BRTZAMS PA RNAMS KYIS KYANG BYANG CHUB SEMS DPA' RNAMS KYI MIG LA SOGS PA BYIN GYIS BRLAB PAR 'DOD DE, RDO RJE'I SKYE MCHED NYID DANG NI, ,BYANG CHUB SEMS DPA'I DKYIL 'KHOR MCHOG ,CES RGYUD PHYI MA LAS GSUNGS PA'I GSUNG TSAD MAS SO, ,DE

, ,BZHIN GSHEGS PA RNAMS KYIS KYANG MIG LA SOGS PA BYIN GYIS BRLAB PA'I TSAD MA NI, DE BZHIN GSHEGS PA KUN GYI SKU, ,PHYAG RGYA BZHI YIS RGYAS BTAB PA'O, ,ZHES 'BYUNG BAS SO, ,DE BZHIN NYID DO ZHES BYA BA LA SOGS PAS BSKYED PA'I RIM PAS RDO RJE 'CHANG LA SOGS PA'I SKU BSGOMS LA, DE'I MIG STONG PAR BYAS TE DE LA AOm BKOD CING DE YONGS SU GYUR PA LAS RNAM PAR SNANG MDZAD BSAMS LA, DE YONGS SU GYUR PA LAS MIG GI DBANG PO YIG 'BRU DES MTSAN PA BSGOM PAR BYA'O ZHES BSTAN TO, ,BSKYED PA'I RIM GYIS RDZOGS PA ZHES PA NI RNAL 'BYOR DANG RJES SU RNAL 'BYOR GYIS 'BYUNG BA'O, ,SKU GSUM AOm NI ZHES BYA BA LA SOGS PAS DANG PO MIG LA AOm BKOD CING DE YONGS SU GYUR PA LAS, RNAM PAR SNANG MDZAD LAS BYUNG BA'I MIG BSGOM PAR BYA'O ZHES BSTAN TO, ,GZUGS RNAM PA GSUM ZHES BYA BA LA SOGS PAS YUL DANG DBANG PO'I RANG BZHIN GYI DPAL RNAM PAR SNANG MDZAD BSGOMS PAS RDO RJE 'CHANG DANG 'DU BAR 'GYUR RO ZHES BSTAN TO, ,'DI'I PHAN YON BSTAN PA ZHES BYA BA LA SOGS PAS DE'I SKU LA SOGS PA RNAM PAR SNANG MDZAD DANG 'DRA BAR 'GYUR RO ZHES BSTAN TO, ,YE SHES KYI LUS KYIS MNGON PAR BYANG CHUB CING RTOGS PAR 'GYUR BA'I PHYIR NA ZHES PA NI RIM PAR SGOM PAR BYED PAS YE SHES KYI SKU YANG THOB PAR 'GYUR RO ZHES BSTAN TO, ,RDO RJE 'CHANG CHEN PO'I GO 'PHANG ZHES BYA BA 'DIS MNGON PAR BYANG CHUB PA MNGON DU BYAS PAS ZUNG 'JUG GI GO 'PHANG YANG THOB PAR 'GYUR RO ZHES BSTAN TO, , LUS DANG NGAG DANG YID KYIS DMIGS SHING BZUNG BAS NA ZHES PA NI LUS LA SOGS PA NYE BAR SDUD PAR BYED PAS SO, ,DE'I ZHES BYA BA LA SOGS PAS PHYAG RGYA CHEN PO'I MIG GI DBANG PO LA DGOD PA RNAM PAR SNANG MDZAD KYIS BYIN GYIS BRLAB PA'I TING NGE 'DZIN NYE BAR BSDUS PA BSTAN TO, ,DGONGS PA MA YIN PAS BSHAD PA ZHES PA NI SHIN TU RNAL 'BYOR GYI DE KHO NA NYID SHIN TU GSAL BAR BSTAN PA'I PHYIR RO, ,SGRUB PA PO'I GNAS ZHES BYA BA LA SOGS PAS DRANG BA'I DON GYI PHYOGS SU YID DANG MTHUN PA SKYE BOS DBEN PA'I GNAS BSTAN TO, ,RI'I RTZE MO ZHES BYA BA NI KUN NAS MTHO BA DANG MI

G-YE BAS NA TING NGE 'DZIN DANG MTHUN PA'O, ,DBEN PA NI SEMS RTZE GCIG PA'I PHYIR RO, ,SKYED MOS TSAL LA SOGS PA NI YANG DAG PA'I TING NGE 'DZIN LA ZHUGS PA'I RGYUR GYUR PAS MTHUN PA'O, ,DUR KHROD LA SOGS PA ZHES PA NI CHOS LA BDAG MED PA STON PA'I TING NGE 'DZIN DANG MTHUN PA'O, ,SHING GCIG PA DANG ZHES PA NI GANG SHING GZHAN GYI GRIB MA MED PA'AM YANG NA GCIG PU STE, DE'I DRUNG DU BCOM LDAN 'DAS KYIS BYANG CHUB THOB PA'I PHYIR RO, ,KHONG STONG DANG ZHES PA NI SEMS RTZE GCIG PA NYID KYI RGYU YIN NO, ,LHA'I KHANG PA NI GAL TE MI NUS NA DE'I TSE RANG GI LHA KHANG BRIS SKU LA SOGS PA DANG LDAN PA LA TING NGE 'DZIN BYA'O, ,SOGS PA'I SGRAS NI SUM MDO DANG BZHI MDO DANG BAS MTHA' DANG MA MO'I KHANG PA LA SOGS PA YANG YONGS SU GZUNG BAS RTOGS PAR BYA'O, ,SA'I SNYING PO LA SOGS PA'I TING NGE 'DZIN GYI TSOGS BYA BA ZHES PA NI SKYE MCHED RNAMS NI BYIN GYIS BRLABS PA'I MTSAN NYID CAN ZHES BYA'O, ,DRANG BA'I DON TO ZHES PA NI DANG PO'I SBYOR BA'I YAN LAG TU 'GYUR BA RNAL 'BYOR GYIS PHYOGS GCIG GNAS GZUNG BA SO SOR BSTAN PAS SO, ,NU MA DANG SKED PA RGYAS PA LA SOGS PA DANG LDAN PA ZHES PA NI GZUGS MDZES PA DANG LDAN PA RAB TU BSTAN TO, ,BUD MED KYI RI BO ZHES PA NI LO NYI SHU LON PA LA SOGS PA'O, ,DE MA RNYED NA LUS 'TSONG NI SMAD 'TSONG BA RNAMS SO, ,'GRO BA THAMS CAD DANG THUN MONG DU GYUR BA'I ZHES PA NI GNOD PA MED PA RNAMS LA'O, ,'JIG RTEN PA RNAMS KYIS SMAD PA ZHES PA NI 'JIG RTEN GYIS SMAD PAR BYA BA STE RIGS NGAN YIN PA'I PHYIR RO, ,DE LA SME SHA CAN GYI BU MO LO BCU GNYIS PA MI BSKYOD PA'I RNAL 'BYOR PA'I PHYAG RGYA DANG KHRUS MKHAN GYI BU MO LO NYI SHU PA RNAM PAR SNANG MDZAD KYI RNAL 'BYOR PA'I PHYAG RGYA DANG, GAR MKHAN GYI BU MO LO BCU DRUG PA 'OD DPAG TU MED PA'I RNAL 'BYOR PA'I PHYAG RGYA'O, ,LHAN CIG SPYOD PA DE RNAMS BYAS NAS SNGAR BSHAD PA'I TING NGE 'DZIN BYA'O, ,NGES PA'I DON TE ZHES PA NI PHYAG RGYA'I DBYE BA BSTAN PAS SO, ,DE LTAR ZHES BYA BA LA SOGS PAS GNAS GZUNG BA DANG RNAM PAR SNANG MDZAD KYIS MIG BYIN GYIS BRLAB PA NYE BAR BSDUS PA BSTAN

, ,TO; ,DE BZHIN DU ZHES BYA BA LA SOGS PAS RANG RANG GI BDAG PO BKOD NAS RNA PA LA SOGS PA BYIN GYIS BRLAB PA BSTAN PAR BYA STE, MI BSKYOD PA ZHES BYA BA LA SOGS PAS RDO RJE 'CHANG CHEN PO LA SOGS PA GANG YANG RUNG BA'I RNAL 'BYOR DANG LDAN PAS RNA BA LA SOGS PA'I GNAS STONG PA NYID DU BSGOMS LA, THUGS RDO RJE 'CHANG LA SOGS PA'I SA BON DGOD PA SNGON DU 'GRO BAS DE RNAMS BSGOMS LA DE YONGS SU GYUR PA LAS, RNA BA'I SKYE MCHED LA SOGS PA BSGOM PAR BYA'O ZHES PA NI DE BZHIN GSHEGS PA'I SGO NAS RNA BA'I SKYE MCHED LA SOGS PA BYIN GYIS BRLAB PA'I RIM PAS SO, ,RDO RJE 'CHANG GIS DE SKAD CES BKA' STZAL TO ZHES PAS RDO RJE 'CHANG CHEN POS GSUNG SDUD PA POS NYE BAR BSDUS PA BSTAN TO, ,SGRA JI BZHIN PA'O ZHES PA NI DANG PO SBYOR BA'I YAN LAG TU GYUR PA SHIN TU RNAL 'BYOR GSUM PO SO SOR BSTAN PAS SO, ,BSKYED PA'I RIM PAS ZHES BYA BA LA SOGS PAS RDZOGS PA'I RIM PA'I RNAL 'BYOR PA RNAMS LA LHA'I MIG LA SOGS PA BSTAN PAR BYA STE, DBANG PO RNAM PA LNGA STE ZHES BYA BA LA SOGS PAS SO SOR SDUD PA'I RIM PAS YUL DANG DBANG PO BSDU BA GANG YIN PA DE NI DE BZHIN GSHEGS PA'I MCHOD PA YIN NO ZHES LHAG PAR MOS PAS JI SRID PHYI MA'I YAN LAG LNGA BSGOMS PAS RDO RJE 'CHANG CHEN PO DANG 'DRA BAR GYUR BA DE SRID DU GNAS PAR BYA'O ZHES BSTAN TO, ,GZUGS NI RNAM PA GSUM SHES NAS, ,LHA RNAMS LA NI DBUL BAR BYA, ,ZHES LE'U BDUN PA LAS 'BYUNG NGO, ,RANG SNGAGS ZHES BYA BA LA SOGS PAS YE SHES KYI SKU GZUNG BA SNGON DU 'GRO BAR 'JUG PA LA SOGS PA'I RIM GYIS YI GE GSUM YAN LAG MA NYAMS PAR BZLAS SHING DE NYID DU DBANG PO LNGA ZHUGS NAS DE LAS LANGS NAS RDO RJE 'CHANG CHEN PO DANG 'DRA BAR 'GYUR RO, ,DES NI RDO RJE BZLAS PA'I RIM PA BSTAN TO, ,RANG GI PHYAG RGYA CHEN PO'I GZUGS SO ZHES BYA BA LA SOGS PA 'OD GSAL BA LAS 'BYUNG BA YUL DANG DBANG PO'I LONGS SPYOD SGYU MA LTA BUR MTHONG BAS YE SHES KYI SKU BSGOM PAR BYA'O, ,DES NI BDAG LA BYIN GYIS BRLAB PA'I RIM PA BSTAN TO, ,TING NGE 'DZIN GZHAN DAG CES PA NI RDO RJE BZLAS PA'I PHYOGS GCIG

STA THIG LE'I RNAL 'BYOR RO, ,THIG LE'I RNAL 'BYOR YANG RLUNG GI DE KHO NA NYID CES BYA BA STE RDO RJE BZLAS PA'I RIM PA'I RGYUR GYUR PA'O, ,RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS RDZOGS PA NI KUN RTOGS NA, ,RDO RJE BZLAS PA SLOB PAR 'GYUR, ,ZHES 'BYUNG NGO, , DE NYID BSTAN PA'I PHYIR, RDZOGS PA'I RIM PA ZHES BYA BA LA SOGS PA BSTAN TO, ,RTOGS BAR BYED PAS NA ZHES BYA BA LA SOGS PAS SKU RDO RJE LA SOGS PA'I RNAL 'BYOR PA RNAMS KYIS RNAM PAR SNANG MDZAD LA SOGS PA'I PHYAG RGYA CHEN PO GSUM BSGOM LA, DE'I SNYING GAR AOm LA SOGS PA RANG DANG THIG LE'I DBYE BAS YE SHES SEMS DPA' DANG TING NGE 'DZIN SEMS DPA' DAG BSGOMS LA KHAMS GSUM GYI LUS LA SOGS PA DANG DBYER MED PAR MOS NAS BDAG NYID KYI LUS LA SOGS PA AOm LA SOGS PA LA 'JUG STE, AOm LA SOGS PA RANG YANG THIG LE TZAM LA ZHUGS NAS GANG GI TSE THIG LE TZAM LA GNAS PA'I SEMS SU GYUR NAS DE'I TSE SEMS DBANG DU GYUR PAS RDO RJE 'CHANG CHEN PO DANG 'DRA BAR 'GYUR RO ZHES BSTAN TO, ,TING NGE 'DZIN GSUM NI THIG LA'I RNAL 'BYOR GSUM MO, ,BSKYED PA'I RIM PA'I BSGOM PA'O ZHES PA NI NYAN THOS LA SOGS PA'I DAM TSIG RNAMS LAS MCHOG YIN PA'I PHYIR RO, ,DE'I MCHOG YIN PAS NA RDZOGS PA'I RIM PA'I TING NGE 'DZIN GYIS SO, ,RDO RJE GSUM ZHES BYA BA LA SOGS PAS KHAMS GSUM GYI LUS LA SOGS PA DANG BDAG NYID KYI YANG DBYER MED PAR BSTAN TO, ,RANG GI LUS LA SOGS PA THIG LE LA ZHUGS PAS 'GOG PA YANG YIN LA 'DZIN PA'I YAN LAG GIS DE TZAM LA GNAS PAS DAM TSIG KYANG YIN TE, 'GOG PA'I DAM TSIG NI THIG LE'I RNAL 'BYOR RO, ,DE NYID KYI KHYAD PAR NI 'DZIN PA STE YAN LAG BZHI PA'O, ,DE GANG GIS SHES PA ZHES PAS NI TING NGE 'DZIN GYI KHYAD PAR BSTAN TO, ,THA MAL PA'I LUS DANG BRAL NAS ZHES PA NI THIG LE LA ZHUGS PAS MI SNANG BAS SO, ,ZAB CING NI KUN RDZOB DANG DON DAM PA DBYER MED PA'I MTSAN NYID DAM SGYU MA LTA BU NYID DE, ,RGYA CHE BA NI RNAM PA THAMS CAD MCHOG DANG LDAN PA'O, ,BDAG NYID CAN GYI YE SHES KYI LUS

, ,ZHES BYA BAS RDO RJE SKU YANG GZUNG BAR BYA STE NYE BAR MTSON PAS SO, ,DE THOB CING ZHES BYA BA LA SOGS PAS NYE BAR BSDUS PA'O, ,'DI SKAD BSHAD PA YIN TE, THIG LE'I RNAL 'BYOR GYI RNAM GRANGS CAN GYI 'DZIN PA'I YAN LAG GIS SEMS BRTAN PAR BYAS LA SLAR YANG RJES SU DRAN PA DANG TING NGE 'DZIN GYI YAN LAG DAG GIS RDO RJE 'CHANG CHEN PO'I SKU THOB PA GNAS PAR BYA'O ZHES BSTAN TO, ,DON 'DI NYID NI RDZOGS PA'I RIM PA ZHES BYA BA'O, ,RNAM PA GZHAN GYIS ZHES PA NI KHAMS GSUM DANG BDAG NYID DBYER MED PA'I RNAM PAR SNANG MDZAD LA SOGS PA'I SKU BSGOM PAS SO, ,DER 'DZIN PA NI 'OD GSAL BA LA GNAS PA STE, CHOS DBYINGS LAS NI MA LTOS PA, ,CHOS NI YANG DAG MED PA'O, ,ZHES 'BYUNG BAS SO, ,SKU RDO RJE ZHES PA NI RNAM PAR SNANG MDZAD KYI RANG BZHIN GYI SKU'O, ,KHAMS GSUM GYI LUS DANG NGAG DANG SEMS NI DES GCIG TU BYAS PAS SO; ,YI GE AOm ZHES BYA BA LA SOGS PAS THAMS CAD NYE BAR GYUR NAS YE SHES KYI SKU BSGOM PAR BYA'O ZHES BSTAN TO, ,DE LTAR ZHES BYA BA LA SOGS PAS PHAN YON BSTAN TO, ,BSGOM PA 'DIS SEMS CAN THAMS CAD KYI BSAM PA THAMS CAD RDZOGS PAR BYED PA'I RNAL 'BYOR PAR 'GYUR TE RDO RJE 'CHANG CHEN PO'I GO 'PHANG THOB PAR BYED PAS SO, ,'KHOR BA JI SRID PAR NI 'KHOR BA'I BAR DU'O, ,SKU GSUM GYI BDAG NYID CAN ZHES BYA BA LA SOGS PAS NYE BAR BSDUS PA BSTAN TO, ,TING NGE 'DZIN GNYIS PO NI GSUNG DANG THUGS RDO RJE'I TING NGE 'DZIN DAG GO, ,SKU RDO RJE LA SOGS PAS ZHES BA NI RNAM PAR SNANG MDZAD LA SOGS PA'I SGO NAS SO, ,'GRO BA'I DON NI SEMS CAN GYI DON TO, ,RTOG CING ZHES PA LA SOGS PAS BCOM LDAN 'DAS RDO RJE 'CHANG CHEN PO DRUG PAS 'DI SKAD BKA' STZAL TO, ,ZHES NYE BAR BSDUS PA 'DZIN PA'I YAN LAG RDZOGS PA'I RIM PA BSTAN TO, ,RNAL 'BYOR PA GNYIS PO ZHES PA NI BRTAG PA DANG RDZOGS PA'I MTSAN NYID DO, ,GSANG BA 'DUS PA'I DBANG BSKUR GYI CHO GAS DBANG THOB PA ZHES PA NI RIG PA'I DBANG BSKUR LA SOGS PA THOB PA'O, ,GNANG BA THOB PA NI BLA MA DANG DE BZHIN GSHEGS PA RNAMS KYIS RJES SU GNANG BA'O, ,PHYIN CHAD

NAS BRTZAMS ZHES BYA BA LA SOGS PAS GANG ZHIG NYAN PA'AM 'CHAD PA 'AM RANG SLOB PA DE DAG THAMS CAD RDO RJE 'CHANG CHEN PO DANG 'DRA BAR 'GYUR RO ZHES BYA BAS SGOM PA PO LA GANG YANG THE TSOM MED DO ZHES BSTAN TO, ,DE BZHIN GSHEGS PA THAMS CAD KYI SA BON YIN PAS DE BZHIN GSHEGS PA THAMS CAD KYI SNGAGS NI AOm LA SOGS PA'O, ,DES BSKYED PA NI DANG PO SBYOR BA'I RIM PAS BSKYED PA'O, ,'OD GSAL BA YIN PAS DE KHO NA NYID KYANG YIN LA MA RIG PA BCOM PAS NA RIG PA YANG YIN NO, ,DE KHO NA NYID RIG PA NI 'OD GSAL BA'O, ,DE NYID SHES RAB KYI PHA ROL TU PHYIN MA STE STONG PA NYID KYI NGO BO YIN PAS SO, ,DE LAS YANG DAG PAR BYUNG BA ZHES PA NI BDAG LA BYIN GYIS BRLAB PA'I RIM PA NYID LAS LDANG BA'O, ,DE NYID BSTAN PA'I PHYIR, YE SHES KYI DAM TSIG YIN PA ZHES BYA BA SMOS TE, YE SHES KYI SKU'I RANG BZHIN YIN PAS MCHOG NI RDZOGS PA'I RIM PA'I NGO BO YIN PAS SO, ,DE NAS DE BZHIN GSHEGS PA THAMS CAD CES BYA BA LA SOGS PAS LAS 'DZIN PA'I BSDU BA BYAS TE, SNGAGS KYI SKU DANG YE SHES KYI SKU'I MTSAN NYID CAN GYI LE'U'I DON BSTAN PA YIN PAS SO, ,DGONGS PAS BSHAD PA'O ZHES PA NI 'GAL BA'I TSIG GI SGO NAS DE KHO NA NYID SO SOR BSTAN PAS SO, ,SGRON MA GSAL BAR BYED PA'I 'GREL PA'I t'IK'A LAS LE'U BCU GCIG PA'I RGYA CHER BSHAD PA'O,, ,,DE LTAR ZHES BYA BA LA SOGS PAS LE'U BCU GNYIS KYI BSHAD PA BSTAN PAR BYA STE, LAS KYI LAM RNAM PAR DAG PA ZHES PA NI RNAM PAR SNANG MDZAD LA SOGS PA'I SKU YIS THA MAL PA'I LUS LDOG PA DANG, SA'I SNYING PO LA SOGS PA'I SKUS MIG LA SOGS PA RNAM PAR DAG PA ZHES BYA BA'I DON TO, ,PHYAG RGYA CHEN PO YONGS SU 'GYUR BA ZHES BYA BA SMOS PA LA PHYAG RGYA CHEN PO NI RNAM PA GNYIS TE, 'OD GSAL BA'I MTSAN NYID DANG SKU'I MTSAN NYID DO, ,DE LA PHYAG RGYA CHEN PO 'OD GSAL BA LAS RIM PA GSUM PA DANG RIM PA LNGA PA DAG GIS CIG CAR DU LANGS PA NI YONGS SU 'GYUR BA STE PHYAG RGYA CHEN PO YONGS SU 'GYUR BA ZHES BYA'O, ,YANG NA PHYAG RGYA CHEN PO NI 'OD GSAL BA LAS YONGS SU GYUR PA NI RIM PA DANG PO DANG GSUM PAS

, ,THOB PA'I SKU THIM PA NI PHYAG RGYA CHEN PO YONGS SU 'GYUR BA ZHES BYA'O, ,DE LTA BU'I DON BSTAN PA'I PHYIR LE'U BCU GNYIS PA STE NYE BAR MTSON PA YIN NO, ,GZHAN 'KHOR LO'I RIG PA 'DZIN PA LA SOGS PA'I DNGOS GRUB SO SOR BSTAN PA'O, ,STON PAR MDZAD PAS NA ZHES PA NI DAM TSIG DANG SDOM PA'I SGO NAS 'DUL BAR MDZAD PAS SO, ,'BYIN PA BO YIN PAS NA SKYED PA PO RIN PO CHE LTA BU'O, ,GANG ZAG GI ZHES PA NI DBANG PO RNO BA'I SEMS CAN RNAMS SO, ,DE RDO RJE LTA BU'I TING NGE 'DZIN LA ZHES PA NI ZUNG DU 'JUG PA ZHES BYA BA'I RDO RJE'I SKU LA'O, ,DON DAM PA'I BDEN PA'O ZHES PA NI RDO RJE 'CHANG CHEN PO GNYIS SU MED PA'I YE SHES KYI RANG BZHIN YIN PAS SO, ,DE NI DE'I RGYU MTSAN NO, ,RDO RJE GSUNG ZHES PA NI GSUNG NYID RDO RJE STE MI PHYED PA'I TSIG GI TSOGS KYI RANG BZHIN YIN PA'I PHYIR RO, ,MKHA' NI GO 'BYED DO ZHES BYA BA LA SOGS PAS RANG BZHIN GYIS NGO BO MED PA'I DNGOS PO YIN NA YANG RNAM PA SNA TSOGS PA'I SEMS CAN GYI DON MDZAD PA'I PHYIR RO, ,BCOM LDAN 'DAS RDO RJE 'CHANG CHEN POS SKU'I RNAM PA LA SOGS PA SPRUL PA MDZAD DO, ,ZHES BSTAN TE, JI LTAR CHU KLUNG DANGS PA LAS, ,NYA DAG MYUR DU LDANG BA BZHIN, ,DE BZHIN THAMS CAD STONG GSAL LAS, ,SGYU 'PHRUL DRA BA 'BYUNG BAR 'GYUR, ,ZHES 'BYUNG NGO, ,DES NI PHYAG RGYA CHEN PO YONGS SU 'GYUR BA ZHES BYA BA'I DON GYI DBYE BA GCIG BSHAD DO, ,DGONGS PA MA YIN PAS BSHAD PA'O ZHES PA NI SHIN TU GSAL BA'I DE KHO NA NYID BSTAN PAS SO, ,DNGOS GRUB THAMS CAD CES PA NI DE BZHIN 'JIG RTEN PA DANG 'JIG RTEN LAS 'DAS PA'I DNGOS GRUB RNAMS SO, ,DGON PA CHEN PO'I SA PHYOGS ZHES BYA BA LA SOGS PA NI GO SLA'O, ,DRANG PA'I DON TO ZHES PA NI GNAS TZAM SO SOR BSTAN PAS SO, ,LUNG GI BSHAD PA BRJOD PAR BYA STE ZHES PA 'DIS SKU GSUM THOB PAR BYA BA'I PHYIR BSGOM PAR BYA'O ZHES BSTAN TO, ,NAM MKHAR RTAG PA NI 'OD GSAL BA MNGON DU BYED PA'O, ,SBYOR BA YIS ZHES PA NI DE DANG 'BREL BAS SO, ,PHUNG PO NI THA MAL BA'I GZUGS LA SOGS PA GANG YIN PA DE RNAMS STONG PA NYID LA RJES SU ZHUGS PAS DGON PA CHEN PO'I SGRA

BSTAN TO, ,GNAS MED PA NI DMIGS PA MED PA'I 'OD GSAL BA LA'O, ,GNAS PA'I SBYOR BA YIS ZHES PA NI DE LA GNAS PA'I SBYOR BAS GNAS CHEN PO NI SA PHYOGS YIN ZHES BSTAN TO, ,DES NI CHOS KYI SKU BSTAN PA YIN NO, ,DE BZHIN DU LONGS SPYOD RDZOGS PA NI LONGS SPYOD RDZOGS PA'I SKU STE, DE NYID SHING NI DPAG BSAM GYI SHING NGO, ,DNGOS GRUB SNA TSOGS ME TOG LDAN PA NI DES BRGYAN PA STE, SEMS CAN THAMS CAD KYI BSAM PA THAMS CAD RDZOGS PAR BYED PA'I PHYIR RO, ,YANG DAG PAR RDZOGS PA'I BYANG CHUB CES PA NI CHOS KYI SKU'O, ,DE NYID MI G-YO BA'I PHYIR RO; ,DE'I SPRUL PA GANG YIN PA DE RNAMS 'GRO BA LA PHAN THOGS PA'I PHYIR 'BRAS BU STE DE RNAMS KYIS YANG DAG PAR BRGYAN PA NI LONGS SPYOD RDZOGS PA'I SKU'O, ,DES NI LONGS SPYOD RDZOGS PA DANG SPRUL PA'I SKU GNYIS BSTAN TO, ,DNGOS MED NI DE LTAR GYUR PA'I CHOS KYI SKU SKU GNYIS PO'I GZHIR GYUR PA'O, ,RTOG PA THAMS CAD DANG BRAL BAS DBEN PA DANG NYAMS DGA' BA'O, ,RDO RJE ZHES BYA BA NI PHYAG RGYA CHEN PO YONGS SU GYUR PA'I MTSAN NYID CAN GYI DE KHO NA NYID DO, ,DER BSGRUB BYA ZHES BYA BA NI DE BSGRUB PAR BYA BA'O, ,NGES PA'I DON TO ZHES PA NI SKU GSUM GYI BDAG NYID KYI RDO RJE 'CHANG GI DE KHO NA NYID BSTAN PAS SO, ,MAm YIG MTSON PA'I BSNYEN PA YIN PAS NA DPE ZHES PA NI DPE BSTAN PA'O, ,'OG NAS BSHAD PA'I TING NGE 'DZIN ZHES PA NI PHYAG RGYA CHEN PO YONGS SU GYUR PA'I BDAG NYID DO, ,STON PA'I SA BON NO ZHES PA NI DE RJOD PAR BYED PA'I YI GE'O, ,YID KYI RANG BZHIN GYIS ZHES PA NI SEMS KYI CHOS NYID DE STONG PA NYID KYIS SO, ,BSTEN CING BSNYEN PA YIN PAS NA ZHES PA LA BSGOM PAR BYA BAS SO, ,MI PHYED PA NYID PAS NI ZHES PA LA GNYIS PA MED PA YIN PAS SO, ,RDO RJE 'JAM PA RAB TU BSGOM PAR BYA'O ZHES PA LA SOGS PAS 'OD GSAL BA LAS 'BYUNG BA'I YE SHES KYI SKU DANG RDO RJE'I SKU RAB TU BSTAN PA'O, ,RANG GI LUS LA SOGS PA ZHES BYA BA LA SOGS PAS KHAMS GSUM DANG DBYER MED PA'I YE SHES KYI SKU BSTAN TO, ,DE NAS ZHES PA LA SOGS PA'I YE SHES KYI SKU GZUNG BAS 'JAM PA'I RDO RJE DANG 'DRA BAR 'GYUR ZHES

, ,'BRAS BU BSTAN TO, ,DPAG TSAD BRGYA'I ZHES BYA BA LA SOGS PAS YE SHES KYI SKU DANG RDO RJE'I SKU DAG GIS THAMS CAD SNANG BAR BYED PA NYID BSTAN TE, SEMS CAN GYI DON MDZAD PA'I PHYIR RO, ,SKYES BU CHEN PO'I ZHES BYA BA LA SOGS PAS RNAM PA THAMS CAD KYI MCHOG DANG LDAN PA NYID DU BSTAN TO, ,SGYU MA LTA BU'I SKU MNGA' BAS NA ZHES PA LA SGYU MA'I DPE BCU GNYIS KYIS NYE BAR MTSON PA YIN PAS SO, ,DES 'DI LTAR GYUR PA ZHES BYA BA LA SOGS PAS YE SHES KYI SKU TSANGS PA LA SOGS PA'I SPYOD YUL MA YIN NO ZHES BSTAN TO, ,PHYIR MI LDOG PA'I SPYOD YUL YIN PA'I PHYIR RO ZHES PA NI SA BCU THOB PA'I BYANG CHUB SEMS DPA' RNAMS KYI SPYOD YUL YIN PA'I PHYIR ZHES BYA BA'I DON TO, ,GANG GI PHYIR SEMS RNAM PAR DAG PA DANG BDAG LA BYIN GYIS BRLAB PA'I RIM PAS SA BCU LA RAB TU GNAS PAR 'GYUR TE, DE BAS NA YE SHES KYI SKU NI PHYIR MI LDOG PA'I SPYOD YUL YIN NO, ,JI SKAD DU, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,SNANG BA GSUM PO MTHONG BA YIS, ,SA BCU LA NI RAB TU GNAS, ,ZHES 'BYUNG NGO, ,RDO RJE 'JAM PA MCHOG GI DAM TSIG CES BYA BA LA SOGS PAS TING NGE 'DZIN NYE BAR BSDUS PA BSTAN TO, ,SGYU MA'I RANG BZHIN ZHES BYA BA LA SOGS PAS PHYAG RGYA CHEN PO 'OD GSAL BA LA YONGS SU 'GYUR BA NI YE SHES KYI SKU THIM PAR BYA'O ZHES DON GNYIS PA'I DBYE BA BSHAD PAR BYA'O ZHES BSTAN TO, ,YUL DANG DBANG PO ZHES BYA BA LA SOGS PAS RIL POR 'DZIN PA DANG RJES SU GZHIG PA'I TING NGE 'DZIN DAG GIS YE SHES KYI SKU YANG 'OD GSAL BA LA 'JUG PAR BSTAN TO, ,DE LDANG BAR GYUR PA ZHES BYA BA LA SOGS PAS DE LAS GCIG SPROS PA'I RDO RJE'I SKU GZUNG BAR BSTAN TO, ,DGONGS PAS BSHAD PA ZHES BYA BA NI 'GAL BA'I TSIG GI SGO NAS TING NGE 'DZIN SO SOR BSTAN PAS SO, ,DE LTAR ZHES BYA BA LA SOGS PAS RDO RJE LTA BU'I TING NGE 'DZIN PHYAG RGYA CHEN PO YONGS SU GYUR BA'I SGO NAS BSTAN NAS RNAM PAR SNANG MDZAD LA SOGS PA'I DE BZHIN GSHEGS PA LNGA'I RANG BZHIN 'KHOR LO'I RIG PA 'DZIN PA LA SOGS PA'I BSGRUB PAR BYA

PA'I PHYIR BSHAD PAR BYA STE ZHES BSTAN TO, ,DANG POR RNAM PAR SNANG MDZAD KYI TING NGE 'DZIN MNGON DU BYAS LA ZHES PA NI PHYAG RGYA CHEN PO YONGS SU 'GYUR BA'I RIM PAS SO ZHES TSIG LHAG MA'O, ,'KHOR LO ZHES BYA BA LA SOGS PAS MDUN DU YI GE AOm YONGS SU GYUR PA LAS BSKYED PA 'KHOR LO RTZIBS BRGYAD BSGOM PA SNGON DU 'GRO BA DE BZHIN GSHEGS PA THAMS CAD ZHUGS PAS 'OD ZER 'BAR BA SPRO BAR BSGOMS TE, DRO BA DANG DU BA DANG 'BAR BA'I MTSAN NYID KYI RTAGS GSUM MTHONG BAS RANG GI LAG BAS BLANGS TE 'KHOR LO'I RIG PA 'DZIN PA MKHA' LA SPYOD PAR 'GYUR RO ZHES BSTAN TO, ,DE LTAR ZHES BYA BA LA SOGS PAS 'KHOR LO'I RIG PA 'DZIN PA'I BDAG NYID KYI CHE BA BSTAN TO, ,MTHU NI KUN GYI DBANG PHYUG NYID DO, ,RDUL PHRA RAB JI SNYED PA ZHES PA LA SOGS PA MTHA' YAS PA'I DPES DE'I DE DANG 'DRA BA 'KHOR GYI PHUN SUM TSOGS PA BSTAN TO, ,THAMS CAD CES BYA BA LA SOGS PAS DE RNAMS KYI NUS PA MI 'JIGS PA NYID DU BSTAN TO, ,TING NGE 'DZIN ZHES BYA BA LA SOGS PAS 'KHOR LO'I RIG PA 'DZIN PA LI TING NGE 'DZIN NYE BAR BSDUS PA BSTAN TO, ,RNAM PAR SNANG MDZAD KYI RNAL 'BYOR DANG 'DRA BAR BLTA BAR BYA STE ZHES PA NI DE'I BSKYED PA'I RIM PA'I BSGOM PA'O, ,YI GE H'Um NI MI BSKYOD PA'I SA BON NO, ,DE YONGS SU GYUR PA LAS RTZE LNGA PA'I RDO RJE BSGOMS LA, DRO BA LA SOGS PA'I RTAGS GSUM MTHONG BA SNGON DU 'GRO BA DE BLANGS NAS RDO RJE'I RIG PA 'DZIN PA MKHA' LA SPYOD PAR 'GYUR RO ZHES BSTAN TO, ,'DOD PA'I DBANG PHYUG TU ZHES PA NI BUD MED THAMS CAD KYIS YONGS SU BSKOR BA'I PHYIR RO, ,DRAG PO ZHES BYA BA LA SOGS PAS KHAMS GSUM PAS MCHOD PAR BYA BA RNAMS KYIS KYANG MCHOD BYAR 'GYUR RO ZHES BSTAN TO, ,RDO RJE 'CHANG CHEN POR 'GYUR BA'O ZHES BYA BA LA SOGS PAS MTHA' YAS PA'I LHAN CIG SPYOD MA DANG LDAN PA'I RDO RJE'I RIG PA 'DZIN PA'I TING NGE 'DZIN NYE BAR BSDUS PA BSTAN TO, ,'OD DPAG TU MED PA ZHES BYA BA LA SOGS PAS PADMA'I RIG PA 'DZIN PA'I BSGOM PA BSTAN PAR BYA STE, YI GE AA YONGS SU GYUR PA LAS PADMA'I RTAGS GSUM GYIS MTSON PA SNGON DU 'GRO BA BLANGS PAS PADMA'I RIG PA 'DZIN PA MKHA' LA SPYOD PAR 'GYUR RO ZHES BSTAN TO, ,THABS KYI NGO BO NYID DANG ZHES PA NI

, ,SKYES PA'I RNAM PA CAN NO, ,SHES RAB KYI NGO BO NYID DANG ZHES PA NI BUD MED KYI GZUGS CAN NO, ,DE RNAMS KYIS ZHES BYA BA LA SOGS PAS PHO NYA DANG PHO NYA MO DANG BRAN PHO DANG BRAN MO DANG BKA' NYAN DANG BKA' NYAN MO LA SOGS PA'I PADMA'I RIGS LAS BYUNG BA THAMS CAD KYIS TE RANG GI RGYAL SRID LA DBANG BSKUR BAR BYA BA DANG, 'KHOR GYI TSUL DU GNAS PA DE RNAMS KYIS KYANG YONGS SU BSKOR BAR 'GYUR RO ZHES BSTAN TO, ,PADMA'I RIGS DANG LDAN PA ZHES BYA BA LA SOGS PAS PADMA'I RIG PA 'DZIN PA'I TING NGE 'DZIN NYE BAR BSDUS PA BSTAN TO, ,DE BZHIN GSHEGS PA THAMS CAD DANG ZHES BYA BA LA SOGS PAS DE BZHIN GSHEGS PA THAMS CAD KYI SKU GSUNG THUGS KYI RANG BZHIN DU RNAL 'BYOR PAR 'GYUR RO ZHES BSTAN TO, ,'OD ZER LNGA DANG ZHES BYA BA LA SOGS PAS SNGA MA BZHIN DU DON YOD GRUB PA SNGON DU 'GRO BAR MDUN DU YI GE KHAm LAS BYUNG BA'I RAL GRI DRO BA LA SOGS PA RTAGS GSUM SNGON DU 'GRO BA MTHONG NAS BLANGS TE, LHA DANG LHA MA YIN GYI BDAG PO'I GTZO BO RAL GRI'I RIG PA 'DZIN PA NAM MKHA' LA SPYOD PAR 'GYUR RO ZHES BSTAN TO, ,LHAG PA DANG CHAD BA MED PAR ZHES PA NI DE BZHIN GSHEGS PA LNGA'I RANG BZHIN YIN PAS SO; ;RANG GI SNGAGS LAS ZHES PA NI DAM TSIG RDO RJE'I SA BON YI GE KHAm LAS SO, ,SGRUB PA PO YIS NI DNGOS GRUB MTHONG BAS MIG RGYAS PAR 'GYUR BA'O, ,LAG GIS BLANGS PA'O ZHES PA NI RTAGS MTHONG BA SNGON DU 'GRO BAS SO, ,PHYAG RGYA CHEN PO STE ZHES PA NI JI LTAR 'DOD PA DE BZHIN GSHEGS PA LA SOGS PA'I SKU RNAMS DE'I SGO NAS DE SKAD CES BYA'O, ,RDZU 'PHRUL CHE BA'I ZHES PA NI, ,'KHOR LOS SGYUR BA BZHI STE, GSER DANG DNGUL DANG ZANGS DANG LCAGS, ,'KHOR LO LDAN PA 'KHOR LOS SGYUR, ,ZHES 'BYUNG BAS SO, ,DE RNAMS KYIS MCHOD PA DANG ZHES PA NI MCHOD PAR BYA BA'O, ,TSANGS PA'I GTZO BO DANG ZHES PA NI DRAG PO DANG KHYAB 'JUG DANG DBYIG GI SNYING PO LA SOGS PA'O, ,LHA MA YIN GYI GTZO BO ZHES PA NI RNAM PAR 'JIG LA SOGS PA'O, ,DE DAG GIS KYANG PHYAG BYAS PAR 'GYUR BA DANG ZHES PA NI LHA DANG LHA MA YIN GYI DAM PA

RNAMS KYIS PHYAG BTZAL BAR BYA BA DAM PA NYID DU BSTAN TO, ,DER BDAG POR GYUR PAS SO ZHES PA NI DE LA DBANG BYED PAS SO, ,THA MAL PA'I SGRUB PA LA GNAS PA'O ZHES PA NI BYA BA LA SOGS PA'I TSUL GYIS RNAL 'BYOR PA RNAMS SO, ,DE RNAMS KYI NANG DU CHO 'PHRUL GYI KHYAD PAR BSTAN PAS NA GTZO BO'O, GANG RNAMS ZHES BYA BA LA SOGS PAS ZHI BA LA SOGS PA'I DNGOS GRUB DANG NAM MKHA' LA SPYOD PA LA SOGS PA'I DNGOS GRUB GZHAN RNAMS LA YANG STER BAR 'GYUR RO ZHES BSTAN TO, ,DA BZHIN GSHEGS PA THAMS CAD KYI ZHES BYA BA LA SOGS PAS RAL GRI'I RIG PA 'DZIN PA'I TING NGE 'DZIN NYE BAR BSDUS PA BSTAN TO, ,RIN CHEN RIG PA 'DZIN BA'I DNGOS GRUB MA BSTAN PA YAR DON GYIS GO BAR BYA STE, RIGS NI DE BZHIN GSHEGS PA LNGA'I BDAG NYID YIN PA'I PHYIR RO, ,DE LTAR ZHES BYA BA LA SOGS PAS 'KHOR LO'I RIG PA 'DZIN PA LA SOGS PA'I DNGOS GRUB BSHAD NAS RI LU'I SGO NAS RDO RJE BZLAS PA'I RIM PA SO SOR BSTAN PAR BYA BA'I PHYIR BSHAD PAR BYA STE, YI GE AOm NYID TZA NA KA'I 'BRAS BU'I TSAD TZAM ZHES BYA BA LA SOGS PAS PHYAG RGYA CHEN PHO MNGON DU BYA BA SNGON DU 'GRO BAS MGO BO DANG LKOG MA DANG SNYING GAR YI GE GSUM BSAMS LA DE NYID YAN LAG MA NYAMS PA'I BZLAS BA'I RIM PAS JI SRID SEMS RTZE GCIG PAR GYUR PA DE SRID DU BSGOM PAR BYA'O ZHES BSTAN TO, ,SA BON GYIS BDAG PO'I GZUGS SU ZHES PA NI NYE BAR MTSON PA TZAM YIN TE, LHA GSUM DANG KHAMS GSUM DANG SKU GSUM DANG YE SHES GSUM LA SOGS PA LHAG PAR MOS PA'I RNAL 'BYOR GYIS BSAM PAR BYA'O, ,GANG ZHES BYA BA LA SOGS PAS BZLAS PA'I MTHAR PHYAG RGYA CHEN PO'I 'BRAS BU THOB PAR BSTAN TO, ,'DIR SA BON GYI YI GE PHRA BA YIN PAS NA RI LU DANG 'DRA BAR BSTAN TO, ,DE NI, PHYAG RGYA CHEN PO GZUGS KYIS KYANG, ,ZHES BYA BA LA SOGS PAS 'KHOR LO'I RIG PA 'DZIN PA LA SOGS PA SNGAR BSHAD PA'I PHYAG MTSAN BSTAN NAS, DE 'DZIN PAR BYED PA RNAM PAR SNANG MDZAD LA SOGS PA'I SKU RDO RJE 'CHANG CHEN PO YONGS SU GYUR PA LAS 'BYUNG BA'I RIM PA BSTAN TO, ,DE BZHIN NYID DU ZHES BYA BA LA SOGS PAS SNGA MA BZHIN DU

, ,KHYAD PAR GYI GNAS GZUNG BA SNGON DU 'GRO BAR YAN LAG BCU PA'I RNAL 'BYOR GYI TING NGE 'DZIN GYIS RDZOGS PA'I RDO RJE 'CHANG CHEN PO YONGS SU GYUR PA LAS 'BYUNG BA RNAM PAR SNANG MDZAD LA SOGS PA BSGOMS TE, SNGA MA BZHIN DU MDUN DU BSGOMS PA'I 'KHOR LO LA SOGS GZUNG BAS 'KHOR LO'I RIG PA 'DZIN PA LA SOGS PA'I GZUGS CAN DU 'GYUR RO ZHES BSTAN TO, ,TING NGE 'DZIN LNGA PO NI GO SLA BAS MA BSHAD DO, ,DE LTAR ZHES BYA BA LA SOGS PAS DANG PO SBYOR BA'I TING NGE 'DZIN GYIS BSKYED PA RDO RJE 'CHANG CHEN PO YONGS SU GYUR PA LAS BYUNG BA'I MI BSKYOD PA'I GZUGS DMIGS LA, KHRO BO'I RGYAL PO'I YIG 'BRU YONGS SU GYUR PA LAS RTZE GSUM PA LA SOGS PA MDUN DU BSKYED NAS DE'I RTAGS MTHONG BA SNGON DU 'GRO BAR 'DZIN PAS DE'I RIG PA 'DZIN PAR 'GYUR RO ZHES BSTAN TO, ,GANG THA MAL PA'I DNGOS PO SPANGS NAS ZHES BYA BA LA SOGS PAS BSKYED PA'I RIM PA MTHAR PHYIN PAS PHYAG RGYA CHEN PO YONGS SU 'GYUR BA SLOB BZHIN PAS 'GRUB PAR 'GYUR RO ZHES BSTAN TO, ,THEG PA CHEN PO'I ZHES PA NI SNGAGS KYI THEG PA CHEN PO DE'I DNGOS GRUB NI BSHAD MA THAG PA STE ZHES PA NI 'KHOR LO'I RIG PA 'DZIN PA LA SOGS PA'I MTSAN NYID CAN NO, ,DNGOS GRUB SGRUB PA'I THABS ZHES BYA BA LA SOGS PAS RDO RJE 'CHANG CHEN PO'I RNAL 'BYOR PA'I BRAM ZE'I RIGS DANG RGYAL RIGS DANG RJE'U RIGS DANG DMANGS RIGS LAS 'BYUNG BA'I PHYAG RGYA BZHI DANG LHAN CIG SPYOD PAR BSTAN TO, ,GCIG PU NYID NI KHYOS MA BLANGS PA GZHON NU MA 'AM SMAD 'TSOD MA STE, RDO RJE 'CHANG CHEN PO'I RNAL 'BYOR PA LA RJES SU GNANG BA'O, ,RAB TU MNYAM PA'I CHA LUGS 'DZIN PA ZHES PA NI RNAM PAR SNANG MDZAD LA SOGS PA'I RNAL 'BYOR PA RNAMS KYANG MTHUN PA'I PHYAG RGYA'O, ,DE RNAMS GDOL PA LA SOGS PA'I BUD MED RNAMS ZHES PA LA SOGS PA'I KHYAD PAR BSTAN TO, ,RJES SU MYONG BA ZHES PA NI PHYAG RGYA'I SKYE BO DE RNAMS LA RANG GI RIG PA YIN PAS 'OD GSAL BAR BYA BA'O, ,SNYOMS PAR ZHUGS PA ZHES PA NI RDO RJE DANG PADMA SBYOR BAS MTSON PAR 'GYUR BAS NA SNYOMS PAR ZHUGS PA'I MTSAN

NYID NI 'OD GSAL BA ZHES BYA'O, ,JI SKAD DU, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,SNANG BA GSUM GYIS DBYE BA NI, ,'DI NYID LAS NI MTSON PAR 'GYUR, ,GANG ZHIG RDO RJE PAD SBYOR BA, ,KUN RDZOB KYIS NI YOD MA YIN, ,LHAN CIG TU YANG NYAMS MYONG BAS, ,RNAL 'BYOR STOBS KYIS 'GRUB PAR 'GYUR, ,ZHES 'BYUNG NGO, ,YUL GZHAN DAG CES BYA BA 'DIS GDOL BA LA SOGS PA'I BUD MED KYI YUL DU DE KHO NA NYID SGRUB PAR RIGS SO, ,GANG GI PHYIR DE RNAMS RIGS NGAN YIN PAS RTOG PA MED PAR 'GYUR BAS SO, ,GZHAN MA RNAMS NI RTOG PA DANG LDAN PA'I PHYIR DE DANG 'BREL BAS YE SHES BSKYED PAR MI 'GYUR RO ZHES DGONGS PAS SO, ,DGONGS PAS BSHAD PA'O ZHES PA NI 'GAL BA'I SGRA'I SGO NAS DE KHO NA NYID KYI DON BSTAN PAS SO, ,DE LTAR ZHES BYA BA LA SOGS PAS RNAL 'BYOR PA'I RANG GI DON PHUN SUM TSOGS PA GRUB NAS GZHAN GYI DON PHUN SUM TSOGS PA BSGRUB PAR BSTAN PAR BYA BA'I PHYIR SEMS DPA' GSUM GYI BDAG NYID CAN NO ZHES PA LA SOGS PA NI MDOR BSTAN TO, ,DE NYID KYI SBYOR BA BSTAN PAR BYA BA'I PHYIR ZHES PA NI RGYAS PAR BSTAN PA'O, ,YI GE YAm LAS BYUNG BA ZHES BYA BA LA SOGS PAS SNOD DU RUNG BA'I SKYE BA'I SKYE BO BKUG NAS GDUL BAR BYA ZHES BSTAN PA DANG, DBANG GI SKABS SU YANG BUD MED RNAMS DGUG PAR BYA'O ZHES BYA BA'I PHYIR SBYOR BA 'DI NYID KYIS ZHES BYA BA LA SOGS PAS BSTAN TO, ,LHA MO RNAMS SO ZHES PA NI RGYAL PO'I BTZUN MO DANG LHA LA SOGS PA'I BU MO RNAMS SO, ,RNAM PAR SNANG MDZAD KYIS MTSAN PAR GYUR PA'I ZHES BYA BA LA SOGS PAS RNAM PAR SNANG MDZAD LA SOGS PA'I GZUGS DMIGS PA SNGON DU 'GRO BAS 'KHOR LO'I LCAGS KYU LA SOGS PA'I SGO NAS BSGRUB BYA DGUG PA BSTAN TO, ,GNOD SBYIN MO LA SOGS PA STE, ,ZHES PA NI KHAMS GSUM PA ZA BA'I DAM TSIG GANG LA YOD PA DE NI GNOD SBYIN MO DANG KLU MO DANG LHA MA YIN MO LA SOGS PA'O, ,DE RNAMS KYI DGUG PA NI ZHES PA NI SNGAR BSHAD PA'I RIM PAS DGUG PA ZHES NYE BAR BSDUS PA'O, ,RNAM PA THAMS CAD CES PA LA SOGS

, ,PAS RDO RJE 'CHANG CHEN PO'I BSGOM PA MNGON DU BYA BA SNGON DU 'GRO BAR BSGRIBS PA LA SOGS PA'I PHYOGS NA GNAS PA'I BSGRUB BYA LCAGS KYU DANG ZHAGS PA DANG RLUNG GI DKYIL 'KHOR GYIS GAM DU BKUG NAS DBANG DU BYA'O ZHES BSTAN TO, ,KYO BA LA SOGS PA RNAMS KYIS BLANG BAR BYA STE ZHES PA NI SOGS PA'I SGRAS ZHAGS PA DANG RLUNG GI DKYIL 'KHOR SHES PAR BYA'O, ,DE NYID BSTAN PA'I PHYIR LCAGS KYUS DRANGS NAS ZHES BYA BA LA SOGS PA BSTAN TO, ,RGYAS BTAB PA ZHES BYA BA LA SOGS PAS RDO RJE SEMS DPA' DANG 'DRA BA'I SGRUB PA PO LA BYA BA THAMS CAD BYED MI NUS PA NYID BSTAN TO, ,BSHAD MA THAG PA'I ZHES BYA BA LA SOGS PAS BDAG LA BYIN GYIS BRLAB PA'I RIM PAS RNAM PAR SNANG MDZAD LA SOGS PA DE BZHIN GSHEGS PA GSUM GYI BDAG NYID CAN GYIS BDAG NYID DU BSAMS LA, 'OD ZER SPRO BA DANG SNGAGS BZLAS PA DANG TING NGE 'DZIN MNGON DU BYA BA'I SGO NAS RNAM PAR SNANG MDZAD LA SOGS PA DANG 'DRA BAR 'GYUR RO ZHES BSTAN TO, ,JI SKAD DU GSUNGS PA'I MTSAN NYID DANG LDAN PAR BSGOM PA ZHES PA NI MTSAN DANG DPE BYAD RNAMS KYIS RNAM PAR SPRAS PA'O ZHES BYA BA'I DON TO, ,SNGAGS 'DON PA'O ZHES PA NI KHRO BO'I NGAG GAM RDO RJE'I NGAG GIS SNGAGS BRJOD PA'O, ,LAG PAR GNAS PA'I ZHES PA NI GAM DU GNAS PA'O, ,BSGRUB PAR BYA STE ZHES BYA BA NI GNOD SBYIN MO LA SOGS PA'O, ,BZLAS PAR BYA BA SNGAGS KYI DON, ,ZHES PA NI RANG GI SNGAGS DANG YI GE LAS MTHUN PA'O, ,BSAMS NA NI YID KYIS BSAMS PA'O, ,RNAM PA ZHES BYA BA LA SOGS PAS RNAM PAR SNANG MDZAD LA SOGS PA'I RANG BZHIN YONGS SU SHES NAS 'DI DAG THAMS CAD BSGRUB PAR BYA'O ZHES BSTAN TO, ,SKU'I RANG BZHIN MI SHES PAS RANG GI DON YANG 'GRUB PAR MI 'GYUR GYI 'JIG RTEN PA LA SOGS PA'I DNGOS GRUB 'GRUB PAR 'GYUR RO ZHES SMOS CI DGOS, DE NYID KYI PHYIR RANG BZHIN YONGS SU SHES PA NYID KYI MCHOD PA YIN GYI GZHAN NI MA YIN NO ZHES BSTAN TO, ,MCHOD PAS MCHOD NAS ZHES PA NI, ,DNGOS MED GO 'PHANG LA GOMS PAS, ,LHA YI GZUGS NI BSGOM PA STE, ,SANGS RGYAS

THAMS CAD RAB MNYES PA, ,DES NI MCHOD PA CHEN POR 'DOD, ,CES 'BYUNG NGO, ,DE LTA BU'I RNAL 'BYOR PAS BSHAD MA THAG DU SBYOR BA'I ZHES PA NI DGUG PA BSGRUB PAR BYA'O, ,DE BZHIN GSHEGS PA THAMS CAD DANG 'BREL BA ZHES PA NI DE BZHIN GSHEGS PA THAMS CAD KYI RANG BZHIN RDO RJE 'CHANG CHEN POS GSUNGS PA'O, ,SBA BAR BYA BA DANG ZHES PA NI BYA BA LA SOGS PA'I TSUL LA BRTEN PA'O, ,MCHOG TU GYUR PA NI SBYOR BA GZHAN LA LTOS NAS KHYAD PAR RO, ,BSDUS PAR GYUR PA ZHES PA NI LHA LA SOGS PA 'GUGS PAR BYED PAS SO, ,DE NYID KYI PHYIR RNAM PAR SNANG MDZAD LA SOGS PA'I RNAL 'BYOR PAS 'DA' BAR BYA BA MA YIN PA ZHES PA NI NGES PAR BYA BA'O, ,SDUD PA PO'I TSIG CES BYA BA LA SOGS PAS DGUG PA'I RAB TU BYED PA NYE BAR BSDUS PA BSTAN TO, ,MI STE NI SROG CHAGS THAMS CAD KYI MCHOG YIN PAS SO, ,DE RNAMS KYI ZHES BYA BA NI DPAL RDO RJE BDUD RTZI LAS GSUNGS PA'I RO LANGS KYI CHO GA'I SGO NAS DE NYID KYI RANG GI LAG PAS SBYIN PAR ZHES BYA'O, ,DE YANG MI BSKYOD PA'I RNAL 'BYOR PAS SNGAR BSHAD PA'I KHRO BO'I RGYAL PO'I GTOR MA'I CHO GAS KHRO BO RNAMS LA SBYIN PAR BYA'O, ,DE NYID BSTAN PA'I PHYIR, SHI BA'I RO LAS BYUNG BAS NA, ,ZHES BSTAN TO, ,GTOR MA'I CHO GA 'DIS MKHA' LA SPYOD PA'I DNGOS GRUB THOB PAR 'GYUR RO, ,DE NYID BSTAN PA'I PHYIR, ,RANG GI LUS BSGRUB PAR BYAS NAS NAM MKHA' LA GNAS PAR THOB PAR 'GYUR RO ZHES BSTAN TO, ,DE YANG KHA NA MA THO BA MED PA ZHES BYA BA LA SOGS PAS GTOR MA'I CHO GA BSTAN TE DE YANG SNGAR BSHAD ZIN TO, ,SHA CHEN ZHES BYA BA LA SOGS PAS LCAGS KYU LNGA DANG BDUD RTZI LNGA 'DRES PAR BYAS NAS SNGAGS KYIS BYIN GYIS BRLABS LA KHRO BO'I RGYAL PO RNAMS LA GTOR MA BYIN NA RIG PA 'DZIN PA'I DNGOS GRUB THOB PAR 'GYUR RO ZHES BSTAN TO, ,GLANG PO ZHES BYA BA LA SOGS PAS GLANG PO DANG RTA DANG BA LANG DANG KHYI'I SHA SNGAR BSHAD PA'I RIM PAS BLANGS LA SNGAGS DANG PHYAG RGYA'I RIM PAS SBYANG ZHING RIGS PA DANG MTHUN PA'I KHRO BO'I RGYAL PO RNAMS LA GTOR MA BYIN NAS MNGON PAR SHES

, ,PA LNGA DANG MI SNANG BA DANG RGYAL PO LA SOGS PA DGUG PA DANG MKHA' SPYOD KYI DNGOS GRUB RNAMS THOB PAR 'GYUR RO, ,KHA NA MA THO BA'I SHA MED NA ZHES BYA BA LA SOGS PAS CHO GA GZHAN YANG BSTAN PAR BYA STE, RNAM PAR SNANG MDZAD LA SOGS PA'I RNAL 'BYOR PA RNAMS KYIS DE MA THAG TU BSHAD PA'I BAG PHYE LA SOGS PA'I RANG BZHIN GYIS MI LA SOGS PA'I GZUGS BRNYAN BYAS LA MDUN DU GZHAG STE, RO LANGS KYI CHO GAS BLANGS TE DE RNAMS KYI SROG DANG BSGRUB BYA'I SROG GCIG TU BYAS TE, RANG 'PHO BA'I RIM PAS SROG DANG BRAL BAR GYUR PAR BSAMS LA, DE'I YAN LAG GIS SNGAR BSHAD PA'I KHRO BO LA DBUL BA'I CHO GAS KHRO BO'I RGYAL PO LA GTOR MA BYIN NAS MKHA' SPYOD LA SOGS PA'I DNGOS GRUB BSGRUB PAR BYA BA'O ZHES BSTAN TO, ,RDO RJE SBYOR BA ZHES BYA BA LA SOGS PAS JI LTAR MNGON PAR 'DOD PA'I DNGOS GRUB THOB PAR BSTAN TO, ,LUS RGYAS PAR BYA BA'I PHYIR ZHES BYA BA LA SOGS PA BSKYED PA'I RIM PAS RDO RJE 'CHANG CHEN PO'I BSGOM PA MNGON DU BYAS LA RANG GI SPYI BOR YI GE H'Um YONGS SU GYUR PA LAS RDO RJE SEMS DPA'I SKU RANG GI PHYAG RGYA DANG SNYOMS PAR ZHUGS PA'I DBANG GIS BDUD RTZI'I RGYUN 'DZAG PAR BYED PAR BSAMS LA, DE'I RGYUN RGYU BAS SEMS DPA' GSUM GYI BDAG NYID KYI RANG GI LUS RTZA KUN LA SPYOD PA'I RIM PAS TSIM PAR GYUR PAR BSAM PAR BYA'O ZHES BSTAN TO, ,YE SHES KYI BDAG NYID YIN PAS YE SHES KYANG DE YIN LA MI PHYED PAS RDO RJE YANG YIN TE, YE SHES RDO RJE NI BYANG CHUB KYI SEMS TE KHAMS MTHA' MA'O, ,TSIM PAR NI SPYOD PA ZHES BYA BA LA SOGS PAS NYE BAR BSDUS PA BSTAN TO, ,DE NI LAS KYI RGYAL PO MCHOG GI TING NGE 'DZIN GYI PHYOGS GCIG GO, ,RIGS KYI DBYE BAS ZHES BYA BA LA SOGS PAS BZA' BA'I BYA BA BSTAN PAS LAS KYI RGYAL BA MCHOG GI PHYOGS GCIG BSTAN TO, ,RIGS LNGA'I RNAL 'BYOR PA RNAMS SO ZHES PA NI RNAM PAR SNANG MDZAD LA SOGS PA'I SGRUB PA PO RNAMS SO, ,DE RNAMS KYI NANG NA THUGS KYI RIGS MCHOG YIN PAS MCHOG NI MI BSKYOD PA'I RIGS ZHES BYA'O, ,DER GNAS

NAS ZHES PA NI RNAL 'BYOR DE LA GNAS PA'O, ,H'Um ZHES BYA BA LA SOGS PAS MI BSKYOD PA'I RNAL 'BYOR PAS YI GE H'Um YONGS SU GYUR PA LAS LCER BSGOMS LA, DE'I STENG DU KHA DOG DKAR PO'I YI GE H'Um YONGS SU GYUR BA LAS PHRA MO'I RDO RJE RNAM PAR BSAMS LA SGRUB THABS LAS BSHAD PA'I RIM PAS LAG PA LA DGOD PA LKOG MA DAG PA SNGON DU 'GRO BAR BZA' BA DANG BTUNG BA LA SOGS PA KHYAD PAR BYA'O ZHES NANG GI BDAG NYID KYI SBYIN SREG GI CHO GA BSTAN PA DANG, DE BZHIN DU 'OD DPAG TU MED PA'I DANG RNAM PAR SNANG MDZAD KYI RNAL 'BYOR PA DAG GIS RANG RANG GI YIG 'BRU YONGS SU GYUR PA LAS BSKYED PA'I LCE LA YI GE A'A: DANG, AOm YONGS SU GYUR PA LAS PADMA DANG 'KHOR LO SNGA MA BZHIN DU BKOD LA, BZA' BA DANG BTUNG BA LA SOGS PA SNGA MA BZHIN SPYOD PAR BSHAD DO, ,ZAS SU BYAS PA'I SBYOR BAS NI, ,ZHES BYA BA LA NANG GI BDAG NYID KYI SBYIN SREG CHO GA'I MTSAN NYID KYIS SO, ,LUS LA SOGS PA'I SHIN TU SBYANGS PA THOB NAS ZHES BYA BA LA SOGS PAS LUS DANG NGAG DANG SEMS KYI BDE BA THOB NAS RIM GYIS RDZOGS PA'I RIM PA BSGOM PAS, RDO RJE 'CHANG CHEN PO DANG 'DRA BAR 'GYUR BA'O ZHES STON TO, ,BDUD RTZIR BYED PA'I ZHES BYA BA LA SOGS PAS TSIM PAR BYA BA DANG BZA' BA'I CHO GA NYE BAR BSDU PA BSTAN TO, ,'DI YANG LAS KYI RGYAL BA MCHOG GI TING NGE 'DZIN GYI PHYOGS GCIG BSTAN TO, ,SGRA JI BZHIN PA'O ZHES PA NI BSKYED PA'I RIM PA'I PHYOGS GCIG TU GYUR PA LAS KYI RGYAL BA MCHOG GI TING NGE 'DZIN SO SOR BSTAN PAS SO, ,RNAL 'BYOR PA'I BYA BA'I ZHES BYA BA LA SOGS PAS 'KHOR LO'I RIG PA 'DZIN PA LA SOGS PA'I SGO NAS ZHI BA LA SOGS PA'I DNGOS GRUB BSTAN NAS, ,GANG GI TSE GO RIMS DANG DE RNAMS KYIS RDZOGS PA'I RIM PA RTOGS PAR 'GYUR NA, DE'I TSE RDZOGS PA'I RIM PA LA GNAS PA DE RNAMS KYIS PHYAG RGYA CHEN PO'I DNGOS GRUB SGRUB PA'I PHYIR THABS NI RGYU STE LAM DU BSTAN TO, ,SKU DANG GSUNG DANG THUGS TE ZHES PA NI SNANG BA LA SOGS PA'I YE SHES GSUM MO, ,DE GANG DU MNYAM PAR THIM PAR GYUR PA ZHES BYA BA NI SKAD CIG MA

, ,GCIG GIS MI SNANG BAR 'GYUR BA'O, ,DON DAM PA'I BDEN PA ZHES PA NI 'OD GSAL BA STE RIM PA GNYIS PA DANG BZHI BDAG GIS THOB PAR BYA BA'O, ,DE NYID 'JIG RTEN GYI DNGOS GRUB LA LTOS PAS 'JIG RTEN LAS 'DAS PA'I RANG BZHIN TE GRUB MCHOG GO ZHES PA'O, ,DER NI MTSON PA'I BDUN PA'O, ,DES NA 'OD GSAL BA THOB PAR GYUR NAS SNANG BA NYE BAR THOB PA LA SOGS PA'I RIM PA 'AM CI GCAR DU RDO RJE'I SKU'AM YE SHES KYI SKU BYUNG BA GANG YIN PA DE NI CHOS DANG LONGS SPYOD DANG SPRUL PA'I SKU'I MTSAN NYID CES BYA'O, ,DE NYID MI PHYED PAS NA RDO RJE STE RNAL 'BYOR PA GANG GIS BSGOM PA DE NI RDO RJE 'CHANG CHEN POR 'GYUR RO ZHES PHAN YON BSTAN TO, ,DES SEMS LA DMIGS PA DANG BDAG LA BYIN GYIS BRLAB PA DANG MNGON PAR BYANG CHUB PA DANG ZUNG DU 'JUG PA'I RIM PA RNAMS BSTAN TO, ,DE LTAR ZHES BYA BA LA SOGS PA DE KHO NA NYID THOB PA'I RNAL 'BYOR PAS CHO 'PHRUL THOB PAR BSTAN TO, ,PHYOGS BCU NA GNAS PA'I SEMS CAN THAMS CAD CES PA NI DNGOS GRUB THOB PA'I RIG PA 'DZIN PA'I NANG NA'O, ,YID BZHIN NOR BU RGYAL MTSAN 'GYUR BAS NA ZHES PA NI BSAM PA THAMS CAD RDZOGS PAR BYED PA'I PHYIR RO, ,DE BZHIN DU 'JIG RTEN LAS 'DAS PA'I RNAM PAR SMIN PA'I SKU DANG LDAN PAS RDO RJE'I SKU ZHES PA'O, ,SNANG BAR BYED PA ZHES BYA BA LA SOGS PAS ZLA BA DANG NYI MA'I 'OD LAS LHAG PAR GZI BRJID DANG LDAN PAR 'GYUR RO ZHES BSTAN TO, ,DE NI RDO RJE 'CHANG CHEN PO'I DNGOS GRUB YIN NO, ,RNAM PAR SNANG MDZAD CES BYA BA LA SOGS PAS DE KHO NA NYID THOB PA'I BDAG NYID KYI CHE BA BSTAN PA DANG, RNAM PAR SNANG MDZAD LA SOGS PA'I 'KHOR LO'I RIG PA 'DZIN PA LA SOGS PA'I DNGOS GRUB THOB NAS RNAM PAR SNANG MDZAD LA SOGS PA DANG 'DRA BA'I SKU GSUNG THUGS DANG LDAN PAR 'GYUR RO ZHES BSTAN TO, ,BSHAD MA THAG PA'I DNGOS PO THAMS CAD NI RIG PA 'DZIN PA LA SOGS PA'I SKU RDZOGS PA'I MTSAN NYID KYI BSGOM PA GANG YIN PA RGYU DE RNAMS KYIS BSGRUBS PA NI RDZOGS PA'O, ,GANG+G'A'I KLUNG GI BYA BA LA SOGS PAS CHO 'PHRUL GYI DBANG GIS KHAMS GSUM PA MNAN PAR BSTAN TO, ,MKHA' 'GRO MA

DANG MKHA' 'GRO MA LA SOGS PA'I DAM TSIG CES PA NI PHYI ROL GYI MU STEGS PA LA SOGS PA'I DAM TSIG RNAMS SO, ,DE RNAMS KYIS BDAG TU LTA BA LA SOGS PA MED PA'I PHYIR DE RNAMS KYI DAM BA'O ZHES PA NI DE BZHIN GSHEGS PA'I DAM TSIG STE BSRUNG BAR BYA BA DANG BZA' BAR BYA BA LA SOGS PA'O, ,DE RNAMS KYI SGRUB PA'I ZHES PA NI DE RNAMS SGRUB PAR BYED PA'O, ,SNGAGS ZHES PA NI YIG 'BRU 'AM PHYUNG BA'I SNGAGS RNAMS SO, ,DE 'DZIN PAR BYED PAS NI RIG PA 'DZIN PA STE ZHES PA 'DIS SO SOR RIG PA THOB PA NYID DU BSTAN TO, ,DE RNAMS KYI YANG GTZO BOR 'GYUR BA'O ZHES PA NI 'JIG RTEN DANG 'JIG RTEN LAS 'DAS PA'I MKHA' 'GRO DANG MKHA' 'GRO MA RNAMS KYI BDAG POR 'GYUR TE, STON PA YIN PA DANG SPRUL PAR MDZAD PA YIN PA'I PHYIR RO, ,RDO RJE'I SKU NI ZHES BYA BA LA SOGS PAS PHYI DANG NANG GI MKHA' 'GRO MA LA SOGS PA'I DNGOS GRUB THOB PAR 'GYUR NA PHYAG RGYA CHEN PO'I DNGOS GRUB THOB PAR 'GYUR BA DANG, DE THOB PAS LUS LA SOGS PA MI SNANG BAS MI MNGON PA'I MTSAN NYID KYI CHO 'PHRUL 'BYUNG BA DANG RANG GI 'OD KYIS STONG GSUM LA SOGS PA'I 'JIG RTEN GYI KHAMS SNANG BAR 'GYUR BA DANG JI SRID DE BZHIN GSHEGS PA THAMS CAD KYI YANG PHUN SUM TSOGS PA NI BDAG NYID CHE BA'I NUS PA LE'U BCU PA NAS GSUNGS PA'I SNYING PO BSKUL BA'I RIM PAS 'PHROG PAR BYED PA DANG, DE BZHIN DU BRGYA BYIN LA SOGS PA LHA'I MCHOG GDUL BAR BYA BA'I PHYIR DE RNAMS KYI BTZUN MO STOBS KYIS BKUG NAS SPYOD PA DANG SNYOMS PAR 'JUG PA'I RIM PAS RDO RJE RNAL 'BYOR MA'I NGO BOR BYED PA'O ZHES BSTAN TO, ,GANG+G'A'I ZHES BYA BA LA SOGS PA'I LHA'I MIG GIS YUL DANG DUS DANG RANG BZHIN GYIS BSKAL BA'I DNGOS PO MTHONG BAR BSTAN TO, ,GANG+G'A'I KLUNG GI ZHES BYA BA LA SOGS PAS LHA'I RNA BA'I DNGOS GRUB THOB PA BSTAN TO, ,'JIG RTEN GYI KHAMS ZHES BYA BA LA SOGS PAS PHA ROL GYI SEMS SHES PA NYID BSTAN TO, ,RANG BZHIN BRGYA DRUG CU'I RGYUR GYUR PA ZHES PA NI 'DOD CHAGS LA SOGS PA'I SEMS LAS BYUNG BA DANG LDAN BA PHA ROL GYI RNAM PAR SHES PA GSUM SHES PAR 'GYUR RO, ,

, ,DGE BA DANG MI DGE BA'I LAS KYI DBANG GIS ZHES BYA BA LA SOGS PAS 'JIG RTEN SNA TSOGS LAS BYUNG ZHES BYA BA'I RIGS PAS BDE 'GRO DANG NGAN 'GRO'I RANG BZHIN GYI 'GRO BA LNGA'I 'KHOR BA DANG 'CHI 'PHO DANG SKYE BA LA SOGS PA 'DAS PA'I ZHAG GSUM DANG 'DRA BAR ZHES BYA BA'I SHIN TU NYE BA'I DUS KYI DPES SNGON GYI GNAS RJES SU DRAN PA BSTAN TO, ,GANG+G'A'I KLUNG ZHES BYA BA LA SOGS PAS RIGS LNGA'I RANG BZHIN DE BZHIN GSHEGS PA SPROS PAS TSAD MED CING GRANGS MED PA'I BSKAL PA LA GNAS TE 'GRO BA'I DON BYED PA ZHES BYA BA 'DIS CHO 'PHRUL BSTAN TO, ,'OD GSAL BA'I 'BREL PA DANG LDAN PAS RDO RJE CHO 'PHRUL MCHOG DANG LDAN NO ZHES BYA BA 'DIS ZAG PA ZAD PA ZHES BYA BA MNGON PAR SHES PA DRUG PA BSTAN TO, ,RDO RJE SPYAN ZHES BYA BA LA SOGS PAS 'OD GSAL BA'I DE KHO NA NYID RTOGS PAR 'GYUR NA LHA'I MIG LA SOGS PA THOB PAR 'GYUR RO ZHES BSTAN TO, ,'DI DAG GIS ZHES BYA BA LA SOGS PAS RTZIS MED CING TSAD MED PA'I SEMS CAN GYI LAS LA RTZOL BA DANG LDAN PAS GZHAN GYI DON PHUN SUM TSOGS PA BSTAN TO, GANG+G'A ZHES BYA BA LA SOGS PAS GRANGS LAS 'DAS PA PHO NYA DANG PHO NYA MO DANG BRAN DANG BRAN MO DANG BKA' NYAN DANG BKA' NYAN MO LA SOGS PA MCHOD PA'I YO BYAD DU MA DANG LDAN PAS YONGS SU BSKOR ZHING MDUN DU BYAS PAS CHOS BSTAN PA'I SGO NAS MTHA' YAS PA'I 'JIG RTEN GYI KHAMS NA BZHUGS PAR 'GYUR RO ZHES BSTAN TO, ,'BRAS BU'I PHYOGS GCIG CES PA NI NYE BAR MTSON PA TZAM YIN TE, GZHAN DAG KYANG GNAS DANG GNAS MA YIN PA'I MKHYEN PA'I STOBS LA SOGS PA'I STOBS BCU DANG SA BCU DANG PHA ROL TU PHYIN PA DANG DBANG DANG SO SO YANG DAG PAR RIG PA DANG GZUGS DANG RNAM PAR THAR PA DANG MI 'JIGS PA DANG MA 'DRES PA'I SANGS RGYAS KYI CHOS DANG LDAN PAR 'GYUR RO ZHES BRJOD PAR BYA'O, ,BZHUGS PA'I TSIG CES BYA BA LA SOGS PAS GLENG GZHI'I TSIG NAS BRTZAMS TE LE'U BCU GNYIS PA'I THA MAL PA'I BSGRUB PA NI BSKYED PA'I RIM PA DANG MCHOG GI RDZOGS PA'I RIM PA SO SOR BSTAN PA NI JI LTAR 'BYUNG BA BSHAD NAS BSKYED PA'I RIM PA NI TING NGE 'DZIN GSUM GTZO

BOR GYUR PA BSGRUB PA NI SKU BSGRUB PA'I DON DU YAN LAG NI BSNYEN PA LA SOGS PA'I MTSAN NYID KYI YAN LAG BZHI YANG GSAL BAR BYA BA'I PHYIR NI RGYAS PAR BSHAD PA'I PHYIR BSTAN PAR BYA STE, BSNYEN CING DMIGS PAR BYA BA YIN PAS NA ZHES PA NI MDOR BSTAN PA'O, ,DE LA BSDUS PA'I DON NI 'DI YIN TE; SNYING RJE CHEN PO BSGOM PA SNGON DU 'GRO BAR GNAS GZUNG BA DANG BGEGS BSKRAD PA DANG, STONG PA NYID BSGOM PA DANG YE SHES KYI SA GZHI BSGOM PA DANG GZHAL YAS KHANG PA BSKYED PA DANG LHAG PAR MOS PA'I DKYIL 'KHOR BSGOM PA DANG, DON DAM PA'I DKYIL 'KHOR BSGOM PA STE BSNYEN PA'O, , DE NAS YIG 'BRU DGOD PA DANG DE YONGS SU GYUR PA LAS NYI MA DANG ZLA BA DANG PADMA BSGOM PA DANG YI GE GSUM DGOD PA DANG, DE YONGS SU GYUR PA LAS ZLA BA'I DKYIL 'KHOR DANG, DE LA NYI MA LA SOGS PA ZHUGS PA DANG DE'I STENG DU YIG 'BRU DGOD PA ZHES BYA BA NI NYE BAR BSGRUB PA'O, ,SA BON YONGS SU GYUR PA LAS PHYAG MTSAN BSGOM PA DANG, DE YONGS SU GYUR PA LAS SKU RDZOGS PA DANG, YE SHES SEMS DPA' DANG TING NGE 'DZIN SEMS DPA' BSGOM PA DANG PHUNG PO DANG KHAMS DANG SKYE MCHED BYIN GYIS BRLAB PA SKU LA SOGS PA BYIN GYIS BRLAB PA ZHES PA NI BSGRUB PA STE DANG PO SBYOR BA'O, ,PHYAG RGYA LEGS PAR SBYANGS PA DANG RDO RJE DANG PADMA SNYOMS PAR ZHUGS PA DANG, RJES SU CHAGS PA DANG MCHOD PA DANG BADZRA DHRiKA CES BYA BA LA SOGS PAS PHYUNG BA'I SNGAGS KYIS MI BSKYOD PA LA SOGS PA SPRO BA DANG DE RNAMS KYIS KYANG 'GRO BA'I DON BYA BA DANG, DBANG BSKUR BA DANG RGYAS BTAB PA STE DKYIL 'KHOR RGYAL BA MCHOG GO, ,PHRA MO'I RNAL 'BYOR DANG BZLAS PA'I CHO GA DANG BYA BA BYAS NAS 'OD DU ZHU BA DANG LHA MO RNAMS KYIS BSKUL BA DANG LANGS PA DE LA DE BZHIN GSHEGS PA LNGAS BSTOD PA DANG TSIM PA'I CHO GA DANG NANG GI SBYIN SREG DANG GTOR MA DANG, MCHOD PA DAG DANG GSHEGS SU GSOL BA DANG NYAL BA STE BSGRUB PA CHEN PO NI LAS KYI RGYAL BA MCHOG GO, ,DE LTAR BSNYEN PA LA SOGS PA'I YAN LAG BZHI TING NGE 'DZIN GSUM GYIS BSDUS SO, ,DANG PO SBYOR BA YAN LAG BZHI'I BDAG NYID KYIS BSNYEN PA DANG NYE BAR BSNYEN PA DANG SGRUB PA GSUM BSDUS PAS SO, ,DKYIL

, ,'KHOR RGYAL BA MCHOG DANG LAS KYI RGYAL BA MCHOG DAG GIS SGRUB PA CHEN PO GCIG BSDUS SO, ,DE NYID BSTAN PA'I PHYIR DE BZHIN NYID NI SNYING RJE CHEN PO MNGON DU 'GYUR BA SNGON DU 'GRO BAS BGEGS BSKRAD PA'I 'OG TU STONG PA NYID BSGOM PA ZHES BYA BA'I THA TSIG GO, ,DE NAS SA'I CHA LA SOGS PA YANG DAG PAR SBYANGS SHING ZHES PA NI YE SHES KYI SA GZHI BSKYED PA DANG GZHAL YAS KHANG PA DBYUNG PA DANG LHAG PAR MOS PA'I DKYIL 'KHOR DANG DON DAM PA'I DKYIL 'KHOR BSGOM PA'O, ,NYE BAR BSDU BA BSHAD PAR BYA STE, STONG PA NYID DMIGS PA ZHES PA NI DON DAM PA'I DKYIL 'KHOR BSGOM PA'I BAR DU YAN LAG DANG PO STE BSNYEN PA ZHES BYA'O, ,NYI MA LA SOGS PA DMIGS PA ZHES PA NI DON DAM PA'I DKYIL 'KHOR BSGOM PA'I 'OG TU YIG 'BRU DGOD PA DANG DE YONGS SU GYUR PA LAS NYI MA DANG ZLA BA DANG PADMA BSGOM PA DANG, DE'I STENG DU YI GE GSUM YONGS SU GYUR PA LAS ZLA BA'I DKYIL 'KHOR BSGOM PA DANG DE LA NYI MA LA SOGS PA 'JUG PA DANG CHOS KYI DBYINGS KYI SNGAGS KYIS RANG GI SEMS SO SOR RTOG PA DANG, DE'I STENG DU YIG 'BRU DGOD PA'O, ,DE NYID BSTAN PA'I PHYIR, DE NYID SNGAGS RNAM PAR DGOD PA'I MTHAR THUG PA 'BYUNG BA NI ZHES BSTAN TO, , NYE BAR BSGRUB PA 'BYUNG BA STE GNYIS PA NI YAN LAG GNYIS PA'O, ,SGRUB PA NI SKU BSGRUB PA'O, ,NYE BAR GZHAG PA NI DMIGS PA'I DON DU YIG 'BRU YONGS SU GYUR PA NAS PHYAG MTSAN BSGOM PA DANG SKU BSGRUB PA BSTAN TO, ,GSOL BA 'DEBS PA NI PHUNG PO DANG KHAMS DANG SKYE MCHED BYIN GYIS BRLAB PA DANG SKU LA SOGS PA BYIN GYIS BRLAB PA'O, ,MNYAM PAR GYUR PA NI MI 'DA' BA'I PHYIR YE SHES SEMS DPA' DANG TING NGE 'DZIN SEMS DPA'I BSGOM PA ZHES BYA'O, ,DE NYID BSTAN PA'I PHYIR, BSGRUB PA'I DON NI DBUS KYI GTZO BO BSKYED PA'I MTSAN NYID KYI RNAL 'BYOR RO, ,DAM TSIG NI TING NGE 'DZIN SEMS DPA' DANG YE SHES SEMS DPA' BSGOM PA'I MTSAN NYID DE RJES SU RNAL 'BYOR RO, ,SNGAR BSHAD PA'I GSOL BA BTAB PA YANG PHUNG PO LA SOGS PA BYIN GYIS BRLAB PA SHIN TU RNAL 'BYOR DANG, SKU LA SOGS PA BYIN GYIS BRLAB PA NI RNAL 'BYOR CHEN PO ZHES BSTAN TO, ,DE LTAR

RNAL 'BYOR BZHI'I BDAG NYID KYI DANG PO SBYOR BAS BSNYEN PA DANG NYE BAR BSNYEN PA DANG SGRUB PA GSUM BSDUS SO, ,DE NI GSUM PA STE SGRUB PA'I YAN LAG GO, ,LHAG MA ZHES BYA BA LA SOGS PAS DANG PO SBYOR BA LA LTOS NAS TING NGE 'DZIN GNYIS PO GANG YIN PA DE GNYIS KYIS SEMS CAN GYI KHAMS LA DON 'GRUB PAS NA SGRUB PA CHEN PO ZHES BYA BA YAN LAG BZHI PA BSTAN TO, ,DE LTAR YAN LAG BZHI PO ZHES BYA BA LA SOGS PAS DE BZHIN GSHEGS PA RIGS LNGA'I DBYE BA BSGOMS PAS YONGS SU SHES TE 'CHAD PAR 'GYUR BA NI LE'U BCU GSUM PA LA SOGS PA LAS ZHI BA LA SOGS PA'I LAS KYI TSOGS DANG SNGAR BSHAD PA NI LE'U DGU PA LA SOGS PA LAS DAM TSIG LNGA'I SGOM PA LA SOGS PA RNAL 'BYOR PAS BSGRUB PAR BYA'O ZHES BSTAN TO, ,MDOR BSTAN PA'O ZHES PA NI BSNYEN PA LA SOGS PA MDOR BSDUS PA BSHAD PA'O, ,MDOR BSTAN PA ZHES BYA BA LA SOGS PAS DE RNAMS RGYAS PAR BSHAD PA BSTAN TO, ,BYANG CHUB KYI SEMS LA DMIGS PA NI ZHES BYA BA NAS BSGOM PAR BYA'O ZHES BYA BA'I BAR DU NI DON DAM PA'I DKYIL 'KHOR BSGOM PA'I MTHA'I BAR BSNYEN PA RAB TU BSTAN TO, ,NYI MA ZHES PA NAS PHYAG RGYA CHEN PO'I GZUGS SU BSKYED PA NAS ZHES PA NI NYE BAR BSGRUB PA BSTAN TO, ,PHYAG RGYA CHEN PO GRUB PA'O, ,ZHES PA NAS, SNGAGS KYI BDAG PO BSGOMS PA YIS, ,ZHES BYA BA'I BAR DU NI SGRUB PA ZHES BYA BA'I YAN LAG GSUM PA BSTAN TO, ,DE NYID BSTAN PA'I PHYIR, SNGAGS KYI YI GE MA LUS PAR BKOD LA ZHES SMOS TE, PHUNG PO DANG KHAMS DANG SKYE MCHED RNAMS LA SA'I SNYING PO LA SOGS PA'I YIG 'BRU'I TSOGS RNAM PAR BKOD NAS SO, ,RNAM PAR SNANG MDZAD LA SOGS PA NAS GNOD MDZES KYI BAR ZHES PA NI SKU'I DKYIL 'KHOR GYI RANG BZHIN NO, ,DE RNAMS KYI SKYE MCHED DE ZHES PA NI GNAS TE GZHI'O, ,DE GANG YIN ZHE NA, GZUGS KYI PHUNG PO LA SOGS PA ZHES BYA BA NI DE LA PHUNG PO RNAMS LA AOm LA SOGS PA YI GE LNGA DANG SKYE MCHED LA LHA THAMS CAD LA SOGS PA YI GE BRGYAD PA DANG, KHAMS LA SOGS PA'I YI GE BZHI DANG YAN LAG DANG NYING LAG THAMS CAD LA GSHIN RJE MTHAR BYED LA SOGS

, ,PA'I YIG 'BRU RNAMS DGOD DO, ,RIM PA GSUM GYI GO RIMS KYIS ZHES PA NI SHIN TU RNAL 'BYOR GYI RIM PAS SO, ,RGYU DANG 'BRAS BU YONGS SU SHES NAS ZHES PA NI RGYU NI YIG 'BRU RNAMS SO, ,'BRAS BU NI DE LAS BYUNG BA'I SKU RNAMS SO, ,YONGS SU SHES PA ZHES PA NI DE YONGS SU GYUR PA LAS MIG LA SOGS PA DE RNAMS KYIS MTSAN PAR SHES NAS SO, ,SHIN TU RNAL 'BYOR GYI 'OG TU SANGS RGYAS SKU 'DZIN ZHES BYA BA LA SOGS PA'I TSIGS SU BCAD BA'I SGO NAS SPYAN MA LA SOGS PAS BKUG PA'I RNAM PAR SNANG MDZAD LA SOGS PA DANG RO GCIG PAR GYUR PAS SKU LA SOGS PA BYIN GYIS BRLAB PA STE RNAL 'BYOR CHEN PO BSTAN TO, ,DES NI YAN LAG BZHI PA DANG PO SBYOR BA BSTAN PA YIN NO, ,SGRUB PA CHEN PO ZHES BYA BA NAS SGRA JI BZHIN PA'I BAR DU DKYIL 'KHOR RGYAL BA MCHOG DANG LAS KYI RGYAL BA MCHOG STE SGRUB PA CHEN PO BSTAN TO; ;RANG GI LHAG PA'I SBYOR BA DANG LDAN PA ZHES BYA BA LA SOGS PAS JI LTAR 'DOD PA'I LHA BSGOMS PAS YAN LAG GSUM PA'I 'OG TU SGRUB THABS LAS GSUNGS PA'I RIM PAS PHYAG RGYA LEGS PAR SBYANGS TE RDO RJE DANG PADMA BYIN GYIS BRLABS NAS SNYOMS PAR 'JUG PA'I GONG DU RJES SU CHAGS PA'I SNGAGS DANG MCHOD PA'I SNGAGS BRJOD LA SNYOMS PAR ZHUGS PAR BYA STE, DE BZHIN GSHEGS PA THAMS CAD 'JUG PA SNGON DU 'GRO BA BADZRA DHRiKA CES BYA BA LA SOGS BA'I PHYUNG BA'I SNGAGS KYIS DKYIL 'KHOR PA RNAMS SPRUL LA, DBANG BSKUR BA DANG RGYAS GDAB PAR BYA STE, DNGOS GRUB THOB PAR 'GYUR RO ZHES BYA BA 'DIS PHRA MO'I RNAL 'BYOR BZLAS PA DANG 'OD DU ZHU BA DANG LHA MO RNAMS KYIS BSKUL BA DANG LDANG BA DANG, DE BZHIN GSHEGS PA RNAMS KYIS BSTOD PA DANG TSIM PA DANG NANG GI SBYIN SREG DANG MCHOD PA DANG GTOR MA DANG GSHEGS SU GSOL BA DANG NYAL BAR BYAS NAS RDO RJE 'CHANG CHEN PO NYID THOB PAR 'GYUR RO ZHES BYA BA 'DIS TING NGE 'DZIN GNYIS KYI BDAG NYID KYI SGRUB PA CHEN PO BSTAN TO, ,SGRA JI BZHIN PA'O ZHES PA NI TING NGE 'DZIN GSUM GYI RANG BZHIN GYI YAN LAG BZHI BSTAN PA'I PHYIR RO, ,DE LTAR ZHES BYA BA LA SOGS PAS BSKYED PA'I RIM PAS RDO RJE 'CHANG CHEN

PO'I SKU BSKYED PA BSTAN NAS RDZOGS PA'I RIM PAS KYANG BSTAN PAR BYA STE, GSANG BA 'DUS PA'I RGYUD PHYI MA ZHES BYA BA LA SOGS PAS RIM PA GNYIS KYI DBYE BA BSTAN PAR BYA STE, THUN MONG MCHOG GI DBYE BA YIS, ,ZHES PA NI BSNYEN PA RNAM PA GNYIS TE, ,THUN MONG GI BSNYEN PA DANG, , MCHOG GI BSNYEN PA'O, ,DE LA THUN MONG GI BSNYEN PA NI RDO RJE BZHI PO DE SNGAR BSHAD PA'O, ,MCHOG GI BSNYEN PA NI YAN LAG DRUG PA'I MTSAN NYID DE, YAN LAG DRUG GI LA BRTEN NAS RDO RJE 'CHANG CHEN PO RDZOGS PAR 'GYUR BAS SO, ,BSNYEN CING THAR 'DOD PA ZHES PA NI RDO RJE 'CHANG CHEN PO RDZOGS PA'I MTSAN NYID KYI THAR PA 'DOD PAS SLOB PAS NA BSNYEN PA'O, ,YONGS SU DAG PA'I LHA'I SKU ZHES PA NI RDO RJE 'CHANG CHEN PO'I SKU STE YE SHES KYI SKU'AM RDO RJE'I SKU'O, ,YE SHES NI RDZOGS PA'I RIM PA'O, ,DE NYID BDUD RTZI STE BCUD KYIS LEN TE YAN LAG DRUG GI SBYOR BA'I MTSAN NYID DE'I RGYUR GYUR PAR BYA'O, ,RNAM PA THAMS CAD KYI BDAG NYID NI LUS NGAG YID KYIS SO, ,DUS THAMS CAD DANG ZHES PA NI THUN THAMS CAD DANG NYIN MO DANG MTSAN MO LA'O, ,SPYOD LAM THAMS CAD DU'O ZHES PA NI LDANG BA 'DUG PA DANG NYAL BA'I STE 'CHAG PA ZHES BYA BA STE BZHI LA'O, ,JI SKAD DU, GCER BU'AM NI GCER BU MIN, ,GANG DANG GANG DU JI BZHIN PAS, ,RANG GI LHAG PA'I LHA DMIGS NAS, ,DE NYID GCIG PU BSAM PAR BYA, ,ZHES 'BYUNG NGO, ,'DI NI ZHES BYA BA LA SOGS PAS RNAL 'BYOR DRUG PO DE NYID KYIS BSNYEN PA BYA'O ZHES BSTAN TO, ,SBRUL ZHES BYA BA LA SOGS PA'O ZHES PA NI SBRUL DANG MGO MED DANG MTHA' MED DANG, BSDU BA LA SOGS PA STE MING BSTAN TO, ,LHA'I DE KHO NA NYID DO ZHES PA NI SNGAGS KYI BRJOD BYA LHA RNAMS TE DON TO, ,DE BAS NA YAN LAG DRUG GI RNAL 'BYOR ZHES BYA BA STE GANG GI PHYIR SNGAGS DANG LHA'I DE KHO NA NYID KYI RANG BZHIN DE BAS NA DES NI YAN LAG DRUG GI RNAL 'BYOR GYI RIM PAS BSNYEN PA BYA'O ZHES PA NI MCHOG GI BSNYEN PA BSGOM PAR BYA'O, ,DE'I ZHES BYA BA LA SOGS PAS RGYUD PHYI MA LAS TSAD MA NYID DU BSTAN TO, ,YAN LAG DRUG NI SNGAR BSHAD PAS SO, ,BSNYEN PA NI RDZOGS PA'I RIM PA BSGOM PAR BYA BA'O, ,

, ,MCHOG TU SGRUB NI RDO RJE 'CHANG CHEN PO'I GO 'PHANG BSGRUB PAR BYA BA'O, ,GZHAN DAG NI ZHES BYA BA LA SOGS PA GAL TE DE LTAR MI PHYED NA DE'I TSE DNGOS GRUB MCHOG NI RDO RJE 'CHANG CHEN PO'I DNGOS GRUB THOB PAR MI 'GYUR TE, RDZOGS PA'I RIM PA'I THABS GZHAN MED PA'I PHYIR RO, ,SO SOR SDUD CES BYA BA LA SOGS PAS MDOR BSTAN PA STE, YAN LAG DRUG PO NI DANG PO MDOR BSDUS PA'I SGO NAS GSUNGS PA'I PHYIR RO, ,BSHAD PAR BYA BA'I PHYIR ZHES BYA BA LA SOGS PA RGYUD PHYI MA'I TSAD MAS TSIGS SU BCAD PA BCU GNYIS KYIS DE RNAMS RGYAS PAR BSTAN PAR BYA STE, BSHAD PAR BYA BA'I PHYIR ZHES PA LA SOGS PAS YAN LAG DRUG PO DE RNAMS SPROS NAS BSHAD PAR BYA STE, DBANG PO DON BCU RNAMS KYI YANG, ,ZHES BYA BA LA SOGS PAS DE NYID DU STON PAR BYED DE, RDZOGS PA'I RIM PA'I RNAL 'BYOR BAS PHYAG RGYA CHEN PO'I SKU CIG CAR DU DMIGS LA MIG LA SOGS PA'I DBANG PO'I SGO NAS 'DOD PA'I YON TAN LNGA NGAN PA DANG 'BRING MCHOG GI DBYE BAS GCIG TU BRTAGS LA RNAM PAR SNANG MDZAD LA SOGS PA DE BZHIN GSHEGS PA'I TSOGS RANG GI LUS KYI DKYIL 'KHOR LA GNAS PA MCHOD PAR BYA ZHES MOS PA BYAS TE, DBANG PO GNYIS SBYOR BA'I TING NGE 'DZIN GYIS NYE BAR SPYOD PA GANG YIN PA DE NI SO SOR SDUD PA ZHES BYA BA YAN LAG DANG PO YIN TE GZUGS LA SOGS PA RE RE SPYOD PA'I PHYIR RO, ,GANG GI PHYIR NYAN THOS PA RNAMS KYIS YUL RNAMS LA SEMS BZLOG CING NANG DU CHUD PA LA SOGS PA GANG YIN PA DE, DE RNAMS KYI SO SOR SDUD PA YIN NO, ,DE'I 'OG TU YUL DANG DBANG PO'I TSOGS DE RNAMS GCIG TU BYAS TE, LNGA NYID DU RNAM PAR BZHAG NAS DE BZHIN GSHEGS PA'I YE SHES LNGA'I RANG BZHIN 'DI DAG YIN NO ZHES RTOGS PA GANG YIN PA DE NI BSAM GTAN ZHES BYA BA YAN LAG GNYIS PA'O, ,DE'I DBYE BA LNGA STE, RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA NYID CES BYA'O, ,DE LA YUL NYE BAR SPYOD PA'I DUS SU DBANG PO DANG YUL DANG RNAM PAR SHES PA GANG YIN PA DE DAG THAMS CAD DE BZHIN GSHEGS PA LNGA'I BDAG NYID YIN NO ZHES RTOG PA NI RTOG PA STE, MNGON DU RGYU BA YIN PA'I PHYIR RO, ,DE RNAMS

YE SHES LNGA'I RANG BZHIN YIN NO ZHES RTOG PA NI DPYOD PA STE, RAGS PA'I RNAM PAR RTOG PA SPANGS NAS PHRA BA YIN PAS SO, ,RTOG PA DANG DPYOD PA GNYIS MCHOG TU 'DZIN PAS DE KHO NA NYID LA MNGON DU GYUR PA NI BDAG YIN NO ZHES BSAMS NAS DGA' BA'I KHYAD PAR SKYES PA GANG YIN PA DE NI DGA' BA ZHES BYA BA STE GSUM PA STE, SEMS DANG PAR BYED PA'I PHYIR RO, ,SEMS KYI BDE BA DE THOB NAS LUS KYANG SHIN TU SBYANG BAR GYUR PA GANG YIN PA DE NI BDE BA'O, ,BDE BA DANG YID BDE BA YANG SPANGS NAS MIG LA SOGS PA'I RNAM PAR SHES PA DE DANG SBYOR BA STE, SHES PA DANG SHES BYA'I RANG BZHIN LDOG PA RAB TU ZHI BA NAM MKHA' DANG MTSUNGS PA 'OD GSAL BA LA GNAS PA TZAM DU 'JUG PA GANG YIN PA DE NI SEMS RTZE GCIG PA ZHES BYA'O, ,DE LA BSDUS PA'I DON NI 'DI YIN TE RTOG PA DANG DPYOD PA NI RTOG PA DANG BCAS PA YIN PAR SNANG BA'I YE SHES SO, ,DGA' BA NI SNANG BA MCHED PA'I YE SHES SO, ,BDE BA NI SNANG BA THOB PA'I YE SHES SO, ,SEMS RTZE GCIG PA NYID NI 'OD GSAL BA STE THAMS CAD STONG PA ZHES BYA BA STE DE KHO NA NYID DO ZHES DGONGS PA'O, ,DE YANG DAM TSIG GI PHYAG RGYA LA SOGS PA DANG 'BREL BAS BYUNG BA YIN GYI GZHAN DU NI MA YIN NO, ,THA MAL PA'I YUL DU NYE BAR SPYOD NA DE MI SKYO BA'I PHYIR RO, ,YUL GYI KHYAD PAR NYE BAR SPYOD PAR 'GYUR PA DE 'BYUNG BAS SO, ,DE NI YAN LAG LNGA DANG LDAN PA YAN LAG GNYIS PA ZHES BYA'O, ,DE'I 'OG TU THABS DANG SHES RAB SNYOMS PAR ZHUGS PAS YAN LAG THAMS CAD KYI TSIGS LAS BYANG CHUB KYI SEMS KYI THIG LE SPROS TE SNYING GA LA SOGS PA SNGAGS KYI THIG LE DE NYID DMIGS LA SNA'I RTZE MOR DKYIL 'KHOR BZHI 'CHAR BA'I DUS SU G-YAS PA LA SOGS PA'I SGO NAS 'BYUNG BAR BSAMS TE, DMAR PO LA SOGS PA'I KHA DOG DANG LDAN PA RGYUN MI 'CHAD PA, 'KHRUL 'KHOR BZHIN DU 'JUG PA DANG GNAS PA DANG LDANG BA'I BDAG NYID YAN LAG MA NYAMS PA'I BZLAS PA LA SOGS PA GANG YIN PA DE NI SROG DANG RTZOL BA ZHES BYA BA YAN LAG GSUM PA STE, RLUNG GI DE KHO NA NYID KYI NGO BO YIN PAS SO, ,PADMA'I SNA RTZE ZHES BYA BA NI NYE BAR MTSON PA STE RDO RJE'I SNA RTZE YANG GZUNG BAR

, ,BYA STE, SGOM PA PO RNAMS NI BUD MED DANG SKYES PA'I DBYE BA DANG LDAN PAS SO, ,DE'I 'OG TU THIG LE DE NYID KYI GZUGS SROG DANG RTZOL BA'I RIM PA NYE BAR BSDUS PA, 'GRO BA DANG 'ONG BA THAMS CAD MED PA SGO 'GAGS PA DBUS MA LA SEMS TZAM ZHUGS PA DE TZAM GYI GNAS SKABS KYIS BSGOM PA GANG YIN PA DE NI RTOG PA DANG BCAS PA'I RNAM PAR SHES PA 'GAGS PA 'DZIN PAS NI ZHES BYA BA YAN LAG BZHI PA ZHES BYA'O, ,'DZIN PA LA SEMS 'JUG NA PHYI ROL GYI 'BYUNG BA CHEN PO LNGA'I RNAM PAR RTOG PA SPONG BAS DE KHO NA NYID LAS MI SLU BA'I RTAGS LNGA 'BYUNG BAR 'GYUR TE ME'I DU BZHIN NO, ,DE LA SA CHU LA THIM PAR 'GYUR NA SMIG RGYU'I RTAGS 'BYUNG BAR 'GYUR RO, ,CHU LAS THIM PA SMIG RGYU 'BYUNG BA STE DNGOS PO'I CHOS YIN NO, ,ME LA CHU THIM PAS DU BA 'BYUNG BA STE DNGOS PO'I CHOS YIN PAS SO, ,RLUNG LA ME THIM PAS SRIN BU ME KHYER DANG 'DRA BA'I SNANG BA'I RTAGS 'BYUNG BA'O, ,RLUNG DANG ME PHRAD BAR 'BAR BA 'BYUNG BA ZHES DNGOS PO'I CHOS YIN NO, ,SRIN BU ME KHYER NI 'BAR BAS GSAL BA'I GZUGS CAN SRIN BU DANG BCAS PA'O, ,RNAM PAR SHES PA'I KHAMS LA RLUNG THIM NA MAR ME LTA BU'I RTAGS 'BYUNG BA STE, SNANG BA GSUM NI GSAL BA'I RANG BZHIN YIN PAS SO, ,RANG BZHIN DANG SNANG BA 'OD GSAL BA LA THIM NA 'BA' ZHIG DRI MA MED PA MTHA' YAS PA SPRIN MED PA'I NAM MKHA' DANG 'DRA BA THAMS CAD STONG PA'I DE KHO NA NYID 'BYUNG NGO ZHES RTAGS LNGAS MYA NGAN LAS 'DAS PA 'OD GSAL BA'I GO 'PHANG THOB PAR BYED PA'O, ,'DI LAS DANG MTHA' RNAM PAR 'BYED PA'I THEG PA CHEN PO'I MDO'I TSAD MAS, DANG PO SA NI CHUR THIM ZHING, ,ZHES BYA BA LA SOGS PAS GSAL BAR BYAS SO, ,DE'I 'OG TU RTAGS LNGA MTSON PAR GYUR NA 'OD GSAL BA LA 'JUG PAS CHAD PA'I PHYOGS 'DI YIN ZHES SHES NAS DE SPONG BA'I PHYIR RIM PA 'DI NYID KYIS THIG LE DE LAS MTHA' YAS BA'I DE BZHIN GSHEGS PA SPROS SHING MTHA' YAS PA'I NAM MKHA'I KHAMS KHYAB PA GANG YIN PA DE NI TING NGE 'DZIN ZHES BYA BA RJES SU DRAN PA YAN LAG LNGA PA STE 'OD

GSAL BA'I RJES LA DRAN PA'I PHYIR RO, ,RTAG PA'I PHYOGS 'DI YIN NO ZHES BYA BA DE BZHIN GSHEGS PA THAMS CAD KYI RANG BZHIN MI GNAS PA'I MYA NGAN LAS 'DAS PA'I NGO BO SKU 'DZIN PA GANG YIN PA DE NI TING NGE 'DZIN ZHES BYA BA YAN LAG DRUG PA ZHES BYA'O, ,DES NA BSDUS PA'I DON 'DI LTA STE, SO SOR BSDUS PA DANG BSAM GTAN DAG NI SEMS RNAM PAR DAG PA'I RIM PAS BSDUS SO, ,SROG DANG RTZOL BA NI RDO RJE BZLAS PA'I RIM PAS SO, ,'DZIN PA NI MNGON PAR BYANG CHUB PA'I RIM PAS SO, ,RJES SU DRAN BA NI BDAG LA BYIN GYIS BRLAB PA'I RIM PAS SO, ,TING NGE 'DZIN NI ZUNG DU 'JUG PA'I RIM PA BSDUS SO ZHES YAN LAG DRUG GI RNAL 'BYOR NI RIM PA LNGA'I BDAG NYID YIN NO ZHES SHES PAR BYA'O, ,DPAL SGYU 'PHRUL DRA BA ZHES BYA BA LA SOGS PAS LUNG TSAD MA NYID DU BSTAN TO, ,RNAL 'BYOR RNAMS ZHES BYA BA NI DAM BCA' BA'O, ,BYIN GYIS RLAB [*RLABS] DANG, ZHES BYA BA LA SOGS PA MDOR BSTAN TO, ,BYIN RLABS TZAM GYIS NGA RGYAL BSKYED, ,CES BYA BA LA SOGS PAS RGYAS PAR BSHAD PAR BYA BA'O, ,DE LA LHAG PAR MOS PA'I DKYIL 'KHOR DU LHA'I NGA RGYAL GYI SGO NAS RDO RJE 'CHANG LA SOGS PA BSGOM PA GANG YIN PA DE NI BYIN GYIS BRLAB PA'I RNAL 'BYOR RO, ,ZLA BA DANG RDO RJE LA SOGS PA'I MNGON PAR BYANG CHUB BA LNGA'I RIM PAS SKU BSKYED PA NI RTAG PA'I RNAL 'BYOR RO, ,BDAG LA BYIN GYIS BRLAB PA'I RIM PA 'AM ZUNG DU 'JUG PA'I RIM PAS SKU BYUNG BA GANG YIN PA DE NI RDZOGS PA'I RNAL 'BYOR ZHES BYA'O, , DE BAS NA RNAL 'BYOR GNYIS NI BSKYED PA'I RIM PA'I YAN LAG DANG GCIG NI RDZOGS PA'I RIM PA'I YAN LAG CES BYA'O, ,DE BZHIN DU RNAM PAR SNANG MDZAD MNGON PAR BYANG CHUB PA ZHES BYA BA'I TSAD MAS BRTAGS PA DANG YONGS SU DAG PA'I DBYE BAS LHA'I SKU RNAM PA GNYIS SU BSTAN TO, , DE LA ZHES BYA BA LA SOGS PAS YE SHES KYI SKU DANG RDO RJE'I SKU SGYU MA LA SOGS PA'I RANG BZHIN DANG KUN RDZOB DANG DON DAM PA DBYER MED PA'I NGO BO YONGS SU DAG PA'I BDAG NYID RGYAS PAR BSTAN TO, ,YONGS SU MA DAG PA ZHES BYA BA LA SOGS PAS MTSAN MA DANG BCAS PA SA BON YONGS

, ,SU GYUR PA LAS SKYES PA DBYIBS DANG KHA DOG LA SOGS PA DANG LDAN PA BRTAGS PA'I RNAL 'BYOR RGYAS PA BSTAN TO, ,DE LA ZHES PA NI NGES PAR GZUNG BA LA'O, ,RNAM PA GNYIS NI DBYE BA GNYIS KYIS SO, ,LHA'I GZUGS NI RDO RJE 'CHANG LA SOGS PA'I GZUGS SO, , BYA BA GNYIS NI 'BRAS BU GNYIS 'GRUB PA'O, ,MTSAN MA BCAS PAS ZHES PA NI RDO RJE DANG ZLA BA LA SOGS PA LAS SKYES PA'I GZUGS KYIS SO, ,MTSAN MA DANG BCAS PA'O ZHES PA NI RTOG PA DANG BCAS PA STE ZHI BA LA SOGS PA'I MTSAN NYID CAN GYI DNGOS GRUB SKYE BAR 'GYUR RO, ,MTSAN MA MED PA ZHES PA NI YE SHES KYI SKU'I MTSAN NYID DAM RDO RJE'I SKU'I MTSAN NYID DO, ,MTSAN MA MED PA NI SGYU MA LTA BU DANG 'OD GSAL BA SO SOR RTOG PA'I BDAG NYID KYI DNGOS GRUB 'BYUNG BAR 'GYUR TE, DE BAS MTSAN MA MED PAS ZHES PA NI 'OD GSAL PA'I TING NGE 'DZIN LA DMIGS NAS SO, ,MTSAN MA DANG BCAS PAS NI ZHI BA LA SOGS PA'I DNGOS GRUB 'BYUNG BAR 'GYUR TE, DE KHO NA NYID LA 'JUG PA'I 'BAD RTZOL MED PAS ZHI BA LA SOGS PA 'GRUB PA'I PHYIR RO, ,BRTAGS PA'I RNAL 'BYOR GYIS 'BAD RTZOL GYIS 'GRUB PO ZHES BYA BA'O, ,DE BAS NA RNAM PA THAMS CAD DU NI RTZOL BA THAMS CAD KYIS MTSAN MA MED PA NI RDZOGS PA'I RIM PA'I TING NGE 'DZIN BSTEN PAR BYA BA NI BSLAB PAR BYA BA'O, ,DGONGS PAS BSHAD PA ZHES PA NI YE SHES BDUD RTZI LA SOGS PA 'GAL BA'I SGRA'I SGO NAS YAN LAG DRUG GI RNAL 'BYOR GYI MTSAN NYID CAN GYI DE KHO NA NYID SO SOR BSTAN PAS SO, ,DE LTAR ZHES BYA BA LA SOGS PAS RIM PA GNYIS SGOM PAR BYED PA'I GNAS KYI PHUN SUM TSOGS PA BSTAN TO, ,DRANG BA'I DON TO ZHES PA NI SKYE BOS DBEN PA'I GNAS TZAM BSTAN PAS SO, ,ME LONG LTA BU LA SOGS PA YE SHES LNGA'I DGON PA CHEN PO LA SOGS PA YIN TE, DE LA GNAS NAS DE THOB PAR BYA BA'I PHYIR BSGRUB PAR BYA'O, ,DES PA'I DON TO ZHES PA NI RDZOGS PA'I RIM PA BSTAN PAS SO, ,DE LTAR ZHES BYA BA LA SOGS PAS GNAS BSTAN PAR BYAS NAS RIM PA GNYIS SGOM PAR BYED PA'I SGRUB PA BSTAN PAR BYA STE, PHYAG RGYA CHEN PO'I GZUGS GANG

GIS SGRUB PA DE NI SGRUB PA STE BSNYEN PA LA SOGS PA'I YAN LAG BZHI DANG STONG PA BZHI'I BDAG NYID CAN GYI SEMS RNAM PAR DAG PA'I RIM PA ZHES BYA BA'I TING NGE 'DZIN ZHES BYA BA'I THA TSIG GO, ,'DUS PA'I RGYUD PHYI MA LA ZHES BYA BA LA SOGS PAS LUNG TSAD MA NYID BSTAN TO, ,DANG PO STONG PA NYID BYANG CHUB STE ZHES BYA BA NI GNAS BZUNG BA NAS DON DAM PA'I DKYIL 'KHOR BSGOM PA'I BAR DU STONG PA ZHES BYA BA'I YAN LAG DANG PO STE BSNYEN PA'O, ,GNYIS PA SA BON BSDUS PA'O, ,ZHES PA NI DE'I 'OG TU SA BON YONGS SU GYUR PA LAS NYI MA LA SOGS PA ZLA BA'I DKYIL 'KHOR LA 'JUG STE, YANG YI GE GSUM DGOD PA'I MTHA'I BAR DU GNYIS PA STE NYE BAR SGRUB PA'O, ,YIG 'BRU LAS BYUNG BA'I PHYAG MTSAN LAS SKYES PA'I RDO RJE 'CHANG GI YE SHES SEMS DPA' DANG, TING NGE 'DZIN SEMS DPA' DGOD PA DANG MIG LA SOGS PA BYIN GYIS BRLAB PA DANG, SKU LA SOGS PA BYIN GYIS BRLAB PA'I BAR DU SKU BSGRUB PA ZHES BYA BA YAN LAG GSUM PA DE SGRUB PA'O, ,DE'I 'OG TU PHYAG RGYA LEGS PAR SBYANGS PA SNGON DU 'GRO BAS BADZRA DHRiKA CES BYA BA LA SOGS PAS PHYUNG BA'I SNGAGS KYIS BSKYED PA THUGS RDO RJE 'CHANG LA SOGS PA SPRO BA PHRA MO'I RNAL 'BYOR DANG BZLAS PA LA SOGS PA'I MTSAN NYID LHAG MA DKYIL 'KHOR RGYAL BA MCHOG DANG LAS KYI RGYAL BA MCHOG CES BYA BA, YI GE DGOD PA STE YAN LAG BZHI PA SGRUB PA CHEN PO ZHES BSHAD DO, ,DRANG BA'I DON TO ZHES PA NI RDO RJE BZHI'I RIM PAS DANG PO SBYOR BA LA SOGS PA DANG TING NGE 'DZIN GSUM GYI BDAG NYID KYI BSKYED PA'I RIM PA BSTAN PA'I PHYIR RO, ,MCHOG GI SGRUB PA ZHES BYA BA LA SOGS PAS RDZOGS PA'I RIM PA'I RNAL 'BYOR PA RNAMS KYIS STONG PA BZHI LA DMIGS NAS RDO RJE 'CHANG CHEN PO'I GO 'PHANG THOB PAR 'GYUR RO ZHES BSTAN TO, ,BRTUL ZHUGS BRTAN PA ZHES BYA BA LA SOGS PA'I MCHOG GI SGRUB PA'I RIM PAS RDO RJE BZHI BSGOM ZHING PHYAG RGYA CHEN PO'I DNGOS GRUB THOB PAR 'GYUR RO ZHES BSTAN TO, ,NGES PA'I DON TO ZHES BYA BA NI SEMS RNAM PAR DAG BA'I RIM PA BSTAN TO, ,DUS BZHI ZHES BYA BA LA SOGS PAS SPROS PA DANG BCAS PA'I SPYOD PA DANG LDAN BA'I RNAL 'BYOR

, ,PAS LHA'I KHANG PA SUM BRTZEGS KYI 'OG TU RNAM PA SNA TSOGS KYI KHA ZAS LA SOGS PA BZHAG STE, BAR KHANG LA RNAM PA SNA TSOGS PA'I ROL MO MKHAN LA SOGS PA BZHAG NAS STENG KHANG LA STAN 'JAM PO'I 'DUG LA RGYAN THAMS CAD KYIS BRGYAN PA DAM TSIG GI PHYAG RGYA DGU SPYAN MA LA SOGS PA DANG GZUGS RDO RJE MA LA SOGS PA'I NGANG TSUL CAN DU BYAS NAS SHAR LA SOGS PA'I PHYOGS BZHI DANG MTSAMS RNAMS SU GO RIMS KYIS BKOD LA REG BYA RDO RJE MA'I RANG BZHIN GYI DAM TSIG GI PHYAG RGYA RANG GIS 'KHYUD CING RDO RJE DANG PADMA LEGS PAR SBYANGS PA SNGON DU 'GRO BAS 'DOD PA'I YON TAN LNGA MYONG ZHING SNYOMS PAR 'JUG PA'I DBANG GIS BDE BA CHEN PO MNGON DU BYAS LA, JI SRID TSE 'DI NYID DU YUN RING MA YIN PAS RDO RJE 'CHANG CHEN PO'I DNGOS GRUB THOB PAR 'GYUR BA DE SRID DU GNAS PAR BYA'O ZHES BSTAN TO, ,DE LTAR ZHES BYA BA LA SOGS PAS YO BYAD PHUN SUM TSOGS PA DANG BCAS PA'I LHA MO DGU LEGS PAR BSLABS PA DANG LHAN CIG TU SPYOD PA BRTZON PA DANG LDAN PA'I RNAL 'BYOR PAS DUS KYI DBYE BAS DNGOS GRUB THOB PA BSTAN TO, ,DBANG PO RAB KYIS ZHES PA NI RIN PO CHE LTA BU'I GANG ZAG GIS ZHAG BDUN GYIS DNGOS GRUB THOB PAR BSTAN TO, ,DBANG PO 'BRING NI PADMA LTA BU STE DES ZLA PHYED KYIS SO, ,DBANG PO THA MA NI PADMA DKAR PO DANG AUTPALA LTA BU STE DE DAG GIS ZLA BA 'AM ZLA BA PHYED DANG GNYIS KYIS SO, ,BEMS PO'I RIGS CAN GYI TZANDAN GANG YIN PA DES DGE BA'I BSHES GNYEN DANG PHRAD PA'AM SANGS RGYAS KYIS BYIN GYIS BRLABS PAS DNGOS GRUB LO GCIG LA SOGS PAS THOB PA YIN GYI DE MED PAS 'GRUB PAR MI 'GYUR RO, ,THOS PA NYUNG BA NGA RGYAL CAN, ,RTZA BA MED PAR MANG PO SMRA, ,RJES SU GZUNG BAR MI NUS PA, ,TZANDAN ZHES BYA'I GANG ZAG GO, ,ZHES 'BYUNG NGO, ,'OD GSAL BA ZHES BYA BA LA SOGS PAS SNGAR BSHAD PA'I DUS KYI DBYE BAS RDO RJE 'CHANG CHEN PO'I DNGOS GRUB THOB PAR 'GYUR RO ZHES BSTAN TO, ,RTOG PA'I TING NGE 'DZIN ZHES BYA BA LA SOGS PAS RDZOGS PA'I RIM PA'I RNAL 'BYOR PA RNAMS LA DUS KYI NGES PA MED DO ZHES BSTAN TO, ,SGRA JI BZHIN PA'O ZHES PA NI DUS

KYI DBYE BAS DNGOS GRUB TZAM BSTAN PA'I PHYIR RO, ,KUN RDZOB DANG DON DAM PA'I ZHES PA NI RTAG PA DANG CHAD PA'I MTSAN NYID DO, ,DE GNYIS KYI NANG NI BAR TE ZHES PA NI DE DAG GNYIS SU MED PA'I MTSAN NYID CAN GYI ZUNG DU 'JUG PA'I TING NGE 'DZIN TO, ,DE DAG LA GNAS PA'I RNAL 'BYOR PA NI PHYAG RGYA CHEN PO'I DNGOS GRUB THOB PAR 'GYUR RO ZHES BYA BA'I DON TO, ,DE YANG DUS GSUM GYI DE BZHIN GSHEGS PAS NI MI BSKYOD PA LA SOGS PAS GSUNGS SO, ,DGONGS PAS BSHAD PA'O ZHES PA NI 'GAL BA'I SGRA'I SGO NAS DE KHO NA NYID BSTAN PA'O, ,BSHAD MA THAG PA'I RIM PAS ZHES BYA BA NI BSNYEN PA LA SOGS PA YAN LAG BZHI'I BSGOM PA'I RIM PAS SO, ,SGRUB PAR 'DOD PA'I RTZOL BA BYED PAS SO, ,SKU LA SOGS PA BYIN GYIS BRLAB PA ZHES PA NI RNAM PAR SNANG MDZAD LA SOGS PA LA BRTEN PA'O, ,SNGON DU 'GRO BA NI SKU LA SOGS PA BYIN GYIS BRLAB PA SNGON DU 'GRO BAS SO, , 'JUG PA NI RNAL 'BYOR CHEN PO'I MTHAR DKYIL 'KHOR RGYAL BA MCHOG DANG LAS KYI RGYAL BA MCHOG BSGOM PA'O, ,DE NYID BSTAN PA'I PHYIR, SGRUB PA PO SKU ZHES BYA BA LA SOGS PA SMOS TE, RDO RJE 'CHANG CHEN PO LA SOGS PA'I RNAL 'BYOR PA RNAMS KYIS RNAL 'BYOR DANG RJES SU RNAL 'BYOR DANG SHIN TU RNAL 'BYOR GYI MTHAR LE'U DRUG PA NAS GSUNGS PA'I YI GE GSUM MGO BO DANG LKOG MA DANG SNYING GA'I PHYOGS SU ZLA BA DANG PADMA DANG RDO RJE'I STANG DU RIM PA JI LTA BA BZHIN DU BKOD NAS, DE LAS BYUNG BA'I 'OD ZER YONGS SU GYUR PA LAS SPYAN MA LA SOGS PA'I LHA MO'I TSOGS SPROS LA, 'OG MIN GYI GNAS LA SOGS PA NA BZHUGS PA'I RNAM PAR SNANG MDZAD LA SOGS TSOGS PA'I TSIG SNYAN PAS MGU BAR BYAS LA DES KYANG LAG PA'I ZHAGS PAS DGUG CING, GZHAL YAS KHANG PA'I SHAR PHYOGS KYI SGO'I MDUN DU PADMA DANG ZLA BA'I DKYIL 'KHOR GYI STENG DU BZHUGS SU GSOL LA, TSIGS SU BCAD PA DRUG PO 'DIS GSOL BA 'DEBS SHING MCHOD PAR BYAS LA SPYAN MA LA SOGS PA DANG DE DANG LHAN CIG TU AOm LA SOGS PA LA 'JUG CING, LE'U BDUN PA LAS GSUNGS PA'I, ,SANGS RGYAS KUN GYI SKU GANG YIN, ,ZHES BYA BA LA SOGS

, ,PA'I TSIGS SU BCAD PA GSUM GYIS NGA RGYAL BYAS LA, LE'U DRUG PA NAS GSUNGS PA'I AOm SARBA TA TH'A GA TA K'A YA BADZRA SVA BH'A WA A'ATMA KO&HAm, ZHES BYA BA LA SOGS PA SNGAGS GSUM GYIS BRTAN PAR BYA'O ZHES DANG PO SBYOR BA'I TING NGE 'DZIN GYI YAN LAG TU GYUR PAS RNAL 'BYOR CHEN PO BSTAN TO, ,TSIGS SU BCAD PA DANG POS DBUS KYI GTZO BO LA GSOL BA 'DEBS PA DANG, GNYIS PAS DE'I 'KHOR DU GYUR PA ZHES SPRUL PA'I SKU LA KHYAD PAR RO, ,DE BZHIN DU GZHAN MA GNYIS PO LA YANG SHES PAR BYA'O, ,DE LTAR ZHES BYA BA LA SOGS PAS SKU LA SOGS PA BYIN GYIS BRLAB PA NGES PAR BYA'O ZHES BSTAN TO, ,DBYER MED PA ZHES PA NI BSGOM PAR BYA BA DANG SGOM PA DAG DBYER MED PAS SO, ,DE BZHIN DU ZHES BYA BA LA SOGS PAS RNAL 'BYOR PA GNYIS PO'I YANG DBYER MED PA BSTAN TO, ,MAN NGAG MA THOB PAS ZHES PA NI BLA MA'I ZHAL GYI LUNG MA RNYED PAS SO, , SKU DANG GSUNG DANG THUGS BYIN GYIS BRLAB PA DANG THA DAD PAR RTOG NA ZHES BYA BA 'DI SKU RDO RJE LA SOGS PA 'DI DAG THA DAD PA YIN LA BDAG KYANG THA DAD PA YIN NO ZHES RTOG PA NI BSAM PAR BYED PA'O, ,BDAG NI DE'I RANG BZHIN YIN NO ZHES MI RTOG NA DE'I TSE RDZOGS PA'I RIM PA LAS RING DU 'GYUR BA ZHES PA NI BSKYED PA'I RIM PA BSGOM PAS DUS ZAD CING NAM YANG RDZOGS PA'I RIM PA THOB PAR MI 'GYUR RO ZHES BYA BA'I DON TE, RDZOGS PA'I RIM PA NI GNYIS SU MED PA'I NGO BO YIN PAS SO, ,DON 'DI LA SOM NYI MA BYED CIG CES BYA BA 'DIS YANG DAG PAR BSGRUB PA BSTAN TO, ,GSUNGS PA'O ZHES BYA BAS NYE BAR BSDUS BA BSTAN TO, ,LE'U'I DON GYI NGES PA'I TSIG BSTAN PA'I PHYIR SKU RDO RJE LA SOGS PA'O ZHES SMOS TE RNAM PAR SNANG MDZAD LA SOGS PA'O, ,DE RNAMS KYIS MI PHYED PA'I NGO BO NYID NI BSKYED PA'I RGYUR GYUR PA'O, ,SBYOR BA BZHI NI ZHES PA LA DANG PO SBYOR BA'I MTSAN NYID DO, , SBYOR BA BZHI PO DE NYID TING NGE 'DZIN GANG GIS MNYAM PAR BYAS PAS NA ZHES PA NI RTOGS PAR 'GYUR ZHING NGES PAR BYAS PA STE GZHUNG GI TSOGS SO, ,BSGRUB PAR BYA BA'I NGO BO NYID YIN PAS NA ZHES PA LA RNAL 'BYOR PA RNAMS KYIS NGES PAR BSGRUB PAR BYAS PAS SO, ,DES NI BSNYEN PA LA SOGS PA'I

MTSAN NYID CAN LE'U'I BRJOD PAR BYA BA'I DON BSTAN TO, ,RDZOGS PA'I RIM PA THEB PAR BYED PAS NA ZHES BYA BA 'DIS PHYAG RGYA CHEN PO YONGS SU 'GYUR BA DANG YAN LAG DRUG GI RNAL 'BYOR YANG BSTAN TO, ,RAB TU BSHAD PA'O ZHES PA NI GSAL BAR BSHAD PA'O, ,GZHUNG GI TSOGS NI TSIG GI TSOGS ZHES BYA'O, ,'O NA BRJOD PAR BYA BA DANG RJOD PAR BYED PA'I LE'U YIN NA JI LTAR GZHUNG GI TSOGS SU BSHAD CES SMRAS PA, SO SO'I MING LA LTOS PAS NA, ,ZHES PA NI RJOD PAR BYED PA LAS BRJOD PAR BYA BA LOGS SU BRTAGS TE GZHUNG GI TSOGS NI LE'U ZHES BYA'O, ,SGRA JI BZHIN PA ZHES PA NI SKU LA SOGS PA BYIN GYIS BRLAB PA'I BDAG NYID KYI DANG PO SBYOR BA'I TING NGE 'DZIN GYI PHYOGS GCIG RNAL 'BYOR CHEN PO SO SOR BSTAN PAS SO, ,SGRON MA GSAL BAR BYED PA'I 'GREL BA'I t'I K'A LAS LE'U BCU GNYIS PA'I RGYA CHER BSHAD PA'O,, ,,RIM PA GNYIS LA BSLAB PA LA, , ZHES BYA BA LA SOGS PAS LE'U BCU GSUM PA'I BSHAD PA BRTZAM PAR BYA STE, DE'I DON RE ZHIG RIM PA GNYIS PO LE'U BCU GNYIS KYIS KHONG DU CHUD PAR BYAS SO, ,DE RTOGS PAS RANG GI DON PHUN SUM TSOGS PA'I GTZO BOR RNAL 'BYOR BAR 'GYUR RO, ,DE GRUB PAS GZHAN GYI DON NGES PAR BYA'O ZHES DE'I DON DU ZHI BA LA SOGS PA'I LAS KYI TSOGS SGRUB PA'I DON DANG LDAN PA'I LE'U BCU GSUM PA BSTAN TO, ,GDUL BYA'I SKYE BO RNAMS ZHES PA NI NAD PA DANG DBUL PO DANG CHAGS PA 'DOD PA DANG, DKON MCHOG GSUM LA GNOD PA BYED PA LA SOGS PA'O, , DE RNAMS MOS PAR BYED PA'I PHYIR NI DE RNAMS LA ZHI BA LA SOGS PA BYED PAS 'DUL BA GRUB PA'I PHYIR RO, ,BSNYEN PA LA SOGS PA'I CHO GA'I 'OG TU'O ZHES PA NI BSNYEN PA LA SOGS PA YAN LAG BZHI NI BSKYED PA'I RIM PA DANG, SO SOR SDUD PA LA SOGS PA YAN LAG DRUG NI RDZOGS PA'I RIM PA'O, ,DE RNAMS KYI CHO GA NI JI LTA BA BZHIN DU BSGRUB PA'O, ,DE'I 'OG TU NI SO SOR BSTAN PA'I 'OG TU'O, ,'DOD PA'I DBANG PHYUG LA SOGS PA ZHES PA NI BRGYAD DE SNGAR BSHAD PA'O, ,LDAN PA NI DE'I 'BREL PA DANG LDAN PAS SO, ,MI BSKYOD PA LA SOGS PA ZHES PA NI DRI BA PO

, ,RNAMS SO, ,GNYIS SU MED PA'I YE SHES SO ZHES PA NI ZUNG DU 'JUG PA ZHES BYA BA'I DE KHO NA NYID DO, ,GTZO BO YIN PAS NA ZHES PA NI RIM PA THAMS CAD KYI 'BRAS BU YIN PA STE DE THOB PA 'AM 'DZIN PAS DE SKAD CES BYA'O, ,ZHI BA LA SOGS PA ZHES PA NAD PA LA SOGS PA'I SEMS CAN RNAMS LA DE DAG BSGRUB PA'I DON DU BRTZON PA'O ZHES PA NI RTZOL BA DANG LDAN PA STE, BCOM LDAN 'DAS RNAMS THUGS RJE CHEN PO'I NGO BO YIN PAS SO, ,SA'I SNYING PO ZHES BYA BA LA SOGS PAS GZUGS RDO RJE MA LA SOGS PA RANG RANG GI PHYAG RGYA DANG LDAN PA SA'I SNYING PO LA SOGS PAS BCOM LDAN 'DAS RDO RJE 'CHANG LA MCHOD PA'I TSOGS KYIS MCHOD CING 'DI SKAD CES GSOL TO ZHES BSTAN TO, ,DE BZHIN GSHEGS PA THAMS CAD KYI THUGS LA BZHUGS PAS NI ZHES PA NI DE BZHIN GSHEGS PA THAMS CAD KYI RANG BZHIN SEMS CAN THAMS CAD KYI YID LA ZHUGS PAS SO, ,'JIG RTEN PA DANG 'JIG RTEN LAS 'DAS PA NI ZHI BA LA SOGS PA DANG MKHA' SPYOD LA SOGS PA'O, ,YANG DAG PAR SBYIN PA ZHES PA NI DE RNAMS STER BA'O, ,THOGS PA MED PA'I NUS PA DANG LDAN PAS ZHES PA NI NUS PA MA NYAMS PAS SO, ,BDEN PA GNYIS YONGS SU MKHYEN PAS NA ZHES PA NI BDEN PA GNYIS KYI BDAG NYID CAN GYI ZUNG DU 'JUG PA'I RIM PA MNGON DU MDZAD PAS SO, ,PHYI'I NI MCHOD PA RNAM PA LNGA LA SOGS PA'O, ,NANG GI NI BDUD RTZI LNGA DANG LCAGS KYU LA SOGS PA DANG SNYOMS PAR 'JUG PA LA SOGS PA'O, ,DE RNAMS KYIS MCHOD NAS ZHES BYA BA'I THA TSIG GO, ,SGRA JI BZHIN PA'O ZHES PA NI GSOL BA GANG GDAB PA TZAM BSTAN PAS SO, ,SO SOR SDUD PA LA SOGS PA YAN LAG DRUG GI SBYOR BA'O ZHES PA NI LE'U BCU GNYIS PA LAS MTSAN NYID BSHAD BA'O, ,RDO RJE BZHI LAS 'DAS PAS NA, ,ZHES PA NI BSKYED PA'I RIM PA'I YAN LAG TU GYUR PA RDO RJE BZHI BRTAGS PA YIN PAS SO, ,YAN LAG DRUG GI RNAL 'BYOR NI DE LAS 'DAS PA STE RDZOGS PA'I RIM PA'I YAN LAG YIN PAS SO, ,BDEN PA GNYIS BSRES PA LA ZHES PA NI DE'I 'BRAS BUR GYUR PA'I TING NGE 'DZIN ZHES BYA BA YAN LAG DRUG PA ZUNG DU 'JUG

PA'I RANG BZHIN LA'O, ,YAN LAG DRUG GI RNAL 'BYOR RO, ,ZHES PA NI BYANG CHUB THOB PAR BYED PAS SO, ,BDEN PA GNYIS NGES PAR SBYAR RO ZHES PA NI ZUNG DU 'JUG PA LNGA STE RIM PA THAMS CAD DE NYID 'DUS PAS SO, ,PHUL DU BYUNG BA NI 'BRAS BUR GYUR PA'O, ,DE BZHIN GSHEGS PA THAMS CAD KYI GSUNG ZHES PA NI DRANG BA DANG NGES PA'I DON LA SOGS PA'I DBYE BAS GNAS PA DE RNAMS KYI DON BSDUS PA NI ZUNG DU 'JUG PA'I RIM PA YIN PAS SO, ,RGYU'I ZUNG DU 'JUG PA'I RIM PA BSTAN NAS 'BRAS BU'I ZUNG DU 'JUG PA BSTAN PAR BYA BA'I PHYIR, BDEN PA GNYIS ZHES SMOS TE; CHOS CAN DANG CHOS NYID KYI DBYE BAS GNAS PAS SO, ,GCIG TU BYAS PA'O ZHES PA NI 'BRAS BU'I TSUL DU DBYER MED PA YONGS SU SHES PAS SO, ,DE BAS NA MI SLOB PA'I LAM GYI NGO BO YIN PAS NA SPROS PA RNAMS DANG BRAL BA'O, ,DE BZHIN GSHEGS PA RNAMS SO ZHES PA NI SNGAGS KYI SKU YIN PAS SO, ,DE BZHIN DU DE LTAR GYUR NA YANG RNAM PAR DAG PA'I SGO NAS BYANG CHUB NI RDO RJE 'CHANG CHEN PO'I GO 'PHANG THOB PA'I THABS NI RGYUR GYUR PA STE, YAN LAG DRUG PA'I RNAL 'BYOR LA SOGS PA'O, ,NYAN THOS PA LA SOGS PAS MI SHIGS PA'I PHYIR TE ZHES PA NI MI BRTAN PA'I PHYIR DE NYID MI PHYED PA'O, ,DGONGS PAS BSHAD PA'O ZHES PA NI 'GAL BA'I SGRA'I SGO NAS DE KHO NA NYID SO SOR BSTAN PAS SO, ,DBYANGS DE NYID BSTAN PA'I PHYIR STONG PA NYID KYI RANG BZHIN YIN PAS GZOD MA NAS ZHI BA ZHES BSTAN TO, ,PHUNG PO LA SOGS PA ZHES PA NI PHUNG PO DANG KHAMS DANG SKYE MCHED RNAMS LA'O, ,DE LTAR 'GYUR NA YANG RNAM PAR DAG PA'I SGO NAS BYANG CHUB THOB PAR BYED PA NI RDO RJE 'CHANG THOB PA'I RGYUR GYUR PAS SO, ,PHUL DU BYUNG ZHING KHYAD PAR DU 'PHAGS PAR ZHES PA NI RANG BZHIN GYIS DAG PA'I BDAG NYID KYIS SO, ,BRTAG PA DANG BRAL BA ZHES PA NI PHUNG PO LA SOGS PA 'DI YIN NO ZHES RNAM PAR RTOG PA'I BLO DANG BRAL BA'O, ,MA BRTAGS NA NYAMS DGA' BA TZAM DU YOD PA ZHES BYA BA NI DNGOS PO'I RANG BZHIN YONGS SU MA DPYAD PAR BRTAG PA YOD PA'I PHYIR RO, ,YAN LAG DRUG GI SBYOR BA'I THABS KYIS NI MCHOG GI BSNYEN PA'I MTSAN

, ,NYID KYIS SO, ,RDO RJE SEMS DPA'I SKYE BAR ZHES PA NI DPAL RDO RJE 'CHANG GI GO 'PHANG DE'I DUS SU THOB PAR GSUNGS PA'O, ,NGO MTSAR CHE'O ZHES PA NI SPROS PA MED PA'I DE KHO NA NYID LAS KYANG RDO RJE 'CHANG GI SKU BSKYED PA'I PHYIR RO, ,DE'ANG, JI LTAR CHU KLUNG DANG BA LAS, ,ZHES PA LA SOGS PAS GTAN LA PHAB PA'O, ,DGONGS PA MA YIN PAS BSHAD PA'O ZHES PA NI SHIN TU GSANG BA'I DE KHO NA NYID BSTAN PAS SO, ,DE LTAR ZHES BYA BA LA SOGS PAS BSTOD PA'I 'OG TU GSOL BA GDAB PA BSTAN TE, A'A LI K'A LI LAS BYUNG BA RNAMS SO ZHES PA NI SNGAR BSHAD PA'I RIM PAS DBYANGS DANG GSAL BYED LAS 'BYUNG BA STE SNYING PO LA SOGS PA'O, ,DE GANG DU BSAGS SHING BSDUS PA NI ZHES PA LA BUD MED LA SOGS PA'I DBYE BAS A'A LI K'A LI'I YI GE GSUM LA BSDUS PAR GYUR PA LA'O, ,DON YOD GRUB PA'I BZLAS PA'O, ,ZHES PA NI 'JUG PA LA SOGS PA'I MTSAN NYID KYI RDO RJE BZLAS PA'O, ,BLA NA MED PA'I YE SHES ZHES PA NI 'OD GSAL BA STE, DE MA NING GI BZLAS PA'I DUS SU THOB PAR BYED PA'O, ,DE YI NI RDO RJE 'CHANG CHEN PO'I'O, ,'JUG PA LA SOGS PA LDANG BA DANG 'JUG PA DANG GNAS PA'O, ,TSUL GYIS NI 'JUG PA'I GNAS DANG RGYU BA'I GNAS SO, ,GANG GI PHYIR 'JUG PA LA SOGS PA'I RIM PAS SEMS RTZE GCIG PA NYID THOB PAS RDO RJE 'CHANG CHEN PO'I GO 'PHANG MNGON DU BYED PAR 'GYUR RO, ,DE NYID KYI KHYAD PAR BSTAN PA NI ZHES PA NAS, RDO RJE BZLAS PA YONGS SU SHES, ,ZHES PA'I BAR DU STOBS BCU LA SOGS PAS SANGS RGYAS KYI YON TAN DANG LDAN PA SGRUB PA PO RNAMS 'GYUR BA DANG DE BZHIN DU 'JUG PA LA SOGS PA'I RIM PAS DE BZHIN GSHEGS PA THAMS CAD KYIS BYIN GYIS BRLAB PA DANG SBRUL LA SOGS PA'I SNGAGS KYI TSOGS KYIS BRJOD PAR BYA BA SKU RDO RJE LA SOGS PA DE BZHIN GSHEGS PA'I RANG BZHIN DANG, DE SLOB PAR BYED PA RNAMS KYIS KYANG GNYIS SU MED PA'I YE SHES THOB PA NYID DU BSTAN TO, ,DON DAM PA'I BDEN PA ZHES PA NI NAM MKHA'I KHAMS DANG 'DRA BSGRIB PA MED PAS SO , ,KUN RDZOB KYI BDEN PA'O ZHES PA NI RTOG PA DANG BCAS PA'O, ,GNYI GA DE DAG GIS RDZOGS PA NI BCOM

LDAN 'DAS ZUNG DU 'JUG PA'I RDO RJE SEMS DPA' ZHES BYA'O, ,ZHI BA LA SOGS PA'I BYA BA ZHES PA NI RIM PA GNYIS KYIS BSHAD PAR 'GYUR BA BSKYED PA NI DE MDZAD PA'O, ,DBAN DU GYUR PA MA YIN PA'I ZHES PA NI DKON MCHOG GSUM LA GNOD PAR BYED PA LA SOGS PA'O, ,MNGON SPYOD LA SOGS PA'I LAS KYI SPYOD PA NI THUGS RJE CHEN POS GSOD PA GANG YIN PA DE SPRUL PAR MDZAD PA'O, ,TSANGS PA LA SOGS PA'O ZHES BYA BA LA SOGS PAS RDO RJE 'CHANG CHEN PO THAMS CAD KYI MCHOG NYID DU BSTAN TO, ,DE LTAR BCOM LDAN 'DAS KYIS BKA' STZAL TO ZHES SBYAR RO, ,SBRUL LA SOGS PA ZHES BYA BA LA SOGS PAS SNGAGS THAMS CAD KYI SNYING POR GYUR PA'I YI GE GSUM 'JUG PA LA SOGS PA GSUM GYI RIM PAS BZLAS PA'I CHO GA GSUNGS SO ZHES BSTAN TO, ,DE RNAM PAR DBYE BA'I PHYIR ZHES BYA BA LA SOGS PA NAS DGONGS PAS BSHAD PA'I BAR DU RDO RJE 'CHANG CHEN PO'I BZLAS PA DANG, SKU'I BZLAS PA DANG, GSUNG GI BZLAS PA DANG, THUGS KYI BZLAS PA DANG, RIN PO CHE'I BZLAS PA DANG, DON YOD PA'I BZLAS PA DANG, 'DOD CHAGS KYI BZLAS PA DANG, ZHE SDANG GI BZLAS PA DANG, GTI MUG GI BZLAS PA DANG, KHRO BO'I BZLAS PA DANG, MA NING GI BZLAS PA DE BCU GCIG GI DBYE BAS RDO RJE BZLAS PA BSTAN TO, ,DE'I RIM PAS NI RDO RJE 'CHANG CHEN PO'I RNAL 'BYOR PAS PHYAG RGYA CHEN PO'I SKU LA DMIGS TE, LTE BA LA GNAS PA'I RTZI BAS BRGYAD PA'I CHOS KYI DBYINGS KYI 'KHOR LO DANG POR MAR ME DANG 'DRA BA YI GE AA BSAM ZHING DE LAS 'OD ZER GYI SBYOR BA YI GE GSUM MGO BO LA SOGS PAR SPOS LA, DE 'JUG PA LA SOGS PA'I RIM PAS BZLAS SHING YANG YI GE GSUM PO DE DAG AA LA THI MA ZHING DE GCIG PU LA SEMS GNAS PAR BYA BA NI RDO RJE 'CHANG CHEN PO'I BZLAS PA'O, ,DE'I 'OG TU RNAM PAR SNANG MDZAD KYI RNAL 'BYOR PAS SNGA MA BZHIN DU PHYAG RGYA CHEN PO'I GZUGS DMIGS LA MGO BO LA SOGS PA LA YI GE GSUM BKOD CING, YAN LAG MA NYAMS PA'I BZLAS PA BYAS LA YI GE GNYIS AOm LA THIM ZHING YI GE AOm TZAM LA DMIGS NAS LUS NI GCIG PU DANG DU MA DANG YOD PA DANG MED PA MA

, ,YIN NO ZHES DPYAD NAS SEMS RTZE GCIG BA NYID GANG YIN PA DE NI SKU'I BZLAS PA'O, ,DE BZHIN DU 'OD DPAG TU MED PA'I RNAL 'BYOR PAS SNGA MA BZHIN DU PHYAG RGYA CHEN POR BSGOMS PA LA MGO BO LA SOGS PAR YI GE GSUM PO BKOD LA YAN LAG MA NYAMS PA'I BZLAS PA BYA STE YI GE GNYIS A'A:LA THIM ZHING NGAG NI GCIG DANG DU MA DANG YOD PA DANG MED PA MA YIN NO ZHES NGES PAR BYAS NAS SEMS RTZE GCIG PA GANG YIN PA DE NI GSUNG GI BZLAS PA'O, ,DE BZHIN DU MI BSKYOD PA'I RNAL 'BYOR PAS SNGA MA BZHIN PHYAG RGYA CHEN PO'I GZUGS BSAMS LA, MGO PO LA SOGS PAR YI GE GSUM DMIGS NAS YAN LAG MA NYAMS PA'I BZLAS PA BYAS TE, YI GE GNYIS H'Um LA THIM NAS SEMS NI GCIG DANG DU MA DANG YOD PA DANG MED PA MA YIN NO ZHES DMIGS LA SEMS RTZE GCIG PA NYID GANG YIN PA DE NI THUGS KYI BZLAS PA'O, ,DE BZHIN DU RIN CHEN 'BYUNG LDAN GYI RNAL 'BYOR PAS MGO BO LA SOGS PA YI GE GSUM DMIGS LA YAN LAG MA NYAMS PA'I BZLAS PA BYAS LA 'OD ZER GYI TSOGS SPRO ZHING, ,DE BZHIN GSHEGS PA'I RNAM PA DANG 'DRA BA DES SEMS CAN THAMS CAD KYI BSAM PA THAMS CAD YONGS SU RDZOGS PAR BYAS TE, SEMS RTZE GCIG PA DE NYID GANG YIN PA DE NI RIN PO CHE'I BZLAS PA'O, ,DE BZHIN DU DON YOD GRUB PA'I RNAL 'BYOR PAS SNGA MA BZHIN DU PHYAG RGYA CHEN PO'I GZUGS BSAMS LA MGO BO LA SOGS PAR YI GE GSUM DMIGS LA YAN LAG MA NYAMS PA'I BZLAS PA BYAS NAS DE LA 'OD ZER GYI SBYOR BAS GZHAL YAS KHANG PA DANG BCAS PA'I DE BZHIN GSHEGS PA'I TSOGS SPROS LA, DE RNAMS KYIS BSTAN PA DANG SMIN PA LA SOGS PA'I RNAM PAS 'GRO BA SANGS RGYAS SU BYAS LA, SLAR YANG BSDUS TE DE NYID DU THIM ZHING SEMS RTZE GCIG PA NYID GANG YIN PA DE NI BYA BA NAN TAN GRUB PA'I YE SHES KYI RANG BZHIN DON YOD PA'I BZLAS PA ZHES BYA'O, ,RNAM PAR SNANG MDZAD LA SOGS PA'I RNAL 'BYOR BAS SNGA MA BZHIN DU PHYAG RGYA CHEN PO'I GZUGS DMIGS LA, PHYOGS BCU'I 'JIG RTEN GYI KHAMS NA BZHUGS PA'I DE BZHIN GSHEGS PA RNAMS NGAS BRJOD

PA'I SNGAGS KYI YI GE'I TSIG GSON CIG ,GSAN NAS PHYAG RGYA CHEN PO'I DNGOS GRUB BDAG LA STZOL CIG CES PA'I BSAMS PAS, SHIN TU GSAL BA'I YI GE BRJOD PA 'AM GZHAN GYIS THOS PA GANG YIN PA DE NI KHRO BO'I BZLAS PA ZHES BYA'O, ,RNAM PAR SNANG MDZAD KYI RNAL 'BYOR PAS SKU'I BZLAS PA BZHIN DU THAMS CAD BYAS LA GTI MUG GI RIGS CAN GYI SEMS CAN GTI MUG RNAM PAR DAG PA'I GNAS LA GZHAG PAR BYA'O ZHES BSAMS PAS YI GE AOm LA ZHUGS PA GANG YIN PA DE NI GTI MUG GI BZLAS PA'O, ,DE BZHIN DU 'OD DPAG TU MED PA'I RNAL 'BYOR PAS SNGA MA BZHIN DU THAMS CAD BYAS LA 'DOD CHAGS KYI RIGS CAN GYI SEMS CAN RNAMS YI GE A'A:LA 'JUG CING 'DOD CHAGS RNAM PAR DAG PA'I GNAS LA GZHAG PAR BYA'O ZHES PA'I BSAM PA GANG YIN PA DE NI 'DOD CHAGS KYI BZLAS PA'O, ,DE BZHIN DU MI BSKYOD PA'I RNAL 'BYOR PAS SNGA MA BZHIN DU THAMS CAD BYAS LA ZHE SDANG GI RIGS CAN YI GE H'Um LA ZHUGS SHING ZHE SDANG RNAM PAR DAG PA'I GNAS LA GZHAG PAR BYA'O ZHES BSAM PA GANG YIN PA DE NI ZHE SDANG GI BZLAS BA'O, ,BZLAS PA GSUM PO DE DAG GTI MUG DANG 'DOD CHAGS DANG ZHE SDANG YOD BA DANG MED PA MA YIN NO ZHES RNAM PAR DPYAD PAR BYA'O, ,RDO RJE 'CHANG CHEN PO LA SOGS PA'I RNAL 'BYOR PAS SNGA MA BZHIN DU THAMS CAD BYAS LA, YAN LAG MA NYAMS PA'I BZLAS PA'I MTHAR YI GE GSUM AA LA AA CHOS KYI DBYINGS KYI 'KHOR LO LA DE YANG STONG PA LA THIM ZHING RNAM BAR MI RTOG PAR GNAS PA GANG YIN PA DE NI MA NING GI BZLAS PA ZHES BYA'O, ,RDO RJE BZLAS PA RNAM PA BCU GCIG PO DE DAG DBYE BA RJOD PAR BYED PA'I GZHUNG GI TSOGS NI GOS LA'O, ,DGONGS PAS BSHAD PA'O ZHES PA NI 'GAL BA'I TSIG GI SBYOR BAS RDZOGS PA'I RIM PAS SO SOR BSTAN PAS SO, ,CHAGS PAS MA YIN ZHES PA NI SNANG BA'I YE SHES MA YIN ZHES PA'O, ,CHAGS BRAL MA YIN ZHES PA NI SNANG BA THOB PA'I YE SHES MA YIN NO, ,DBU MA NI SNANG BA MCHED PA'I YE SHES TE DE YANG GANG DU DMIGS PAR MI 'GYUR BA NI MNGON DU MI 'GYUR BA'O, ,DE NI 'OD GSAL BZHES

, ,BYA BA 'DOD CHAGS KYI DE KHO NA NYID CES BYA STE STONG PA GSUM DAG PAR BYED PA'I PHYIR RO, ,JI LTA BU YONGS SU SHES PA NI RANG BZHIN DANG SNANG BA BRAL BAS MNGON DU BYA BA'O, ,DE SHES PA NI SNGAGS DANG PHYAG RGYA'I RIM PAS RTOGS PAR 'GYUR RO, ,RDO RJE 'CHANG CHEN PO ZHES BYA BA NAS SGRA JI BZHIN GYI BAR DU BUD MED DANG, SKYES PA'I DBYE BAS PHYE BA RNAM PA GNYIS KYI SGRUB PA POS SNYOMS PAR ZHUGS PA'I MTSAN NYID DANG LDAN PA'I SPROS PA DANG BCAS PA'I SPYOD PA'I SGO NAS RDO RJE 'CHANG NYID THOB PAR 'GYUR RO ZHES BSTAN TO, ,DE BDAG POR GYUR PA GANG YIN PA BSTEN PAR BYA BA NYID KYIS SO, ,SGRUB PA PO RNAM PA GNYIS NI SKYES PA DANG BUD MED KYI DBYE BAS SO, ,SEMS CAN THAMS CAD LA BSAM PA THAMS CAD RDZOGS PAR BYED PAS SO, ,SEMS CAN THAMS CAD LA PHAN PAR BYED PA'I BYANG CHUB RDO RJE 'CHANG CHEN PO'I GO 'PHANG GI MTSAN NYID DO, ,'DOD PA'I YON TAN RNAM PA LNGA ZHES PA NI SPROS PA DANG BCAS PA'I SPYOD PAS 'DOD PA'I YON TAN LNGA LAS 'BYUNG BA'O, ,MTHAR PHYIN PAR MDZAD BA'O ZHES PA NI MNGON DU BYED PA'O, ,SKYE BA 'BA' ZHIG CES BYA BA LA SOGS PAS RNAM PA GCIG BSHAD NAS RNAM PA GNYIS PA BSTAN PA'I PHYIR BUD MED KYANG SGRUB PAR BYED DO ZHES BSTAN TO, ,DE RNAMS KYI KHYAD PAR NI PADMA CAN LA SOGS PA'I ZHES BYA BA NI SNGAR NGES PA'I TSIG BSHAD ZIN PA'O, ,LEGS PAR SLOB PA'I PHYAG RGYA RNAMS, ,ZHES PA NI THOS PA LA SOGS PA'I RIM PAS SLOB PAR BYAS PA'O, ,GZUGS LA SOGS PA ZHES BYA BA LA SOGS PAS DE RNAMS KYANG RJES SU MTHUN PA'I THABS BSTEN PAS 'DOD CHAGS LA SOGS PA RNAM PAR DAG PAR BYED PA 'OD GSAL BA THOB PAR 'GYUR RO ZHES BSTAN TO, ,SGRA JI BZHIN PA'O ZHES PA NI SPYOD PA JI LTAR GYI BZHIN NO ZHES BSHAD PAS SPROS PA DANG BCAS PA'I SPYOD PA BSTAN PA'I PHYIR RO, ,RNAM PAR SNANG MDZAD DO ZHES PA NAS DRANG BA'I DON GYI BAR DU YI GE AOm DANG H'Um GI SA BON DAG LAS BSKYED PA RNAM PAR SNANG MDZAD KYI RIGS CAN DANG MI BSKYOD PA'I RIGS CAN GSHIN RJE MTHAR BYED LA SOGS PA GANG YIN PA DE RNAMS KYIS ZHI BA DANG MNGON SPYOD KYI PHRIN LAS BYED PAS SGRUB

PA PO'I MNGON PAR 'DOD PA'I DON GRUB PAR BYED DO ZHES BSTAN TO, ,DE NI NYE BAR MTSON PA TZAM YIN TE, GZHAN DAG KYANG RJES SU MTHUN PA'I SA BON LAS BYUNG BA 'OD DPAG TU MED PA DANG RIN CHEN 'BYUNG LDAN DANG DON YOD GRUB PA RNAMS SO, ,DBANG DANG RGYAS PA DANG DGUG PAR MDZAD PAS SGRUB PA PO'I MNGON PAR 'DOD PA'I DON SGRUB PAR BYED PA'O, ,DES NI 'CHAD PAR 'GYUR BA'I ZHI BA LA SOGS PA'I LAS RNAMS KYI GLENG GZHI BSTAN PA YIN NO, ,DRANG BA'I DON ZHES PA NI BSKYED PA'I RIM PA ZHI BA LA SOGS PA BSTAN PAS SO, ,MA RIG PA NAS BRTZAMS TE NGES PA'I DON GYI BAR DU SEMS RNAM PAR DAG PA DANG BDAG LA BYIN GYIS BRLAB PA DANG MNGON PAR BYANG CHUB PA DANG ZUNG DU 'JUG PA ZHES BYA BA RDZOGS PA'I RIM PA BSTAN TO, ,DE NYID BSTAN PA'I PHYIR MA RIG PA NI KUN GZHI RNAM PAR SHES PA'I BAG CHAGS SO, ,DE LAS BYUNG BA NI DE'I DBANG GIS SKYES PA NYE BAR LEN PA'I PHUNG PO LNGA PO BLANGS PA SKYES PA DANG BUD MED KYI RNAM PA GNYIS KYI RNAL 'BYOR PA GANG YIN PA DE RNAMS MA RIG PA NI MA NING GI RANG BZHIN SNANG BA NYE BAR THOB PA'I RANG BZHIN MYONG ZHING DE NAS 'OD GSAL BA MNGON DU BYAS NAS, DE LA CIG CAR RAM SNANG BA NYE BAR THOB PA LA SOGS PA'I RIM GYIS RDZOGS PA NI PHYAG RGYA CHEN PO'I SKU SPROS NAS SEMS CAN GYI DON BYA BA'I PHYIR GZHAN RNAMS LA YANG PHYAG RGYA CHEN PO'I DNGOS GRUB STER BAR 'GYUR RO, ,DES NI SEMS LA DMIGS PA DANG, BDAG LA BYIN GYIS BRLAB PA'I RIM PA BSTAN TO, ,THABS KYI RANG BZHIN NO ZHES PA NI BCU BZHI'O, ,SHES RAB PO ZHES PA NI RANG BZHIN SUM CU RTZA GSUM MO, ,CHE BA'I BDAG NYID CAN NO ZHES PA NI SEMS CAN RNAMS LA GNOD PA BYED PA'O, ,RDO RJE LTA BU'I TING NGE 'DZIN TE ZHES PA NI RDO RJE'I SKU RDZOGS PAR BYAS TE RANG BZHIN RNAMS DBANG DU BYAS PA'O, ,PHUNG PO LA SOGS PA'I DBANG PO MED PAR BYAS PA'O ZHES PA NI PHUNG PO LA SOGS PA'I RGYUR GYUR PA'I RANG BZHIN RNAMS MI SNANG BAR BYED PA'O, ,DES NI MNGON PAR BYANG CHUB PA'I RIM PA BSTAN TO, ,BDEN PA GNYIS GNYIS SU MED PAR GYUR PA LA SOGS PAS ZUNG DU 'JUG PA'I RIM PA BSTAN TO, ,RDO RJE 'CHANG CHEN PO STE ZHES BYA BA LA

, ,SOGS PAS SDUD PA PO'I TSIG GIS NYE BAR BSDUS PA BSTAN TO, ,DES PA'I DON TO ZHES PA NI RIM PA BZHI SO SOR BSTAN PAS SO, ,GZHAN YANG ZHES BYA BA LA SOGS PAS SNGAR MDOR BSTAN PA'I ZHI BA LA SOGS PAS PHRIN LAS RGYAS PA'I TING NGE 'DZIN BSTAN PAR BYA BA'I PHYIR BSHAD PAR BYA STE YE SHES SEMS DPA'I ZHES PA NAS 'DOD PA NI 'BRAS BU 'GRUB PA THOB PAR 'GYUR RO ZHES PA'I BAR DU RNAM PAR SNANG MDZAD LA SOGS PA'I RNAL 'BYOR PA RNAMS KYI BSKYED PA'I RIM PAS RANG RANG GI PHYAG RGYA CHEN PO'I SKU BSGOMS LA, YE SHES SEMS DPA'I THUGS KAR ZLA BA DANG NYI MA DANG NOR BU DANG PADMA DANG SNA TSOGS RDO RJE'I STENG DU 'KHOR LO DANG, RDO RJE DANG RIN PO CHE DANG PADMA DANG RAL GRI RNAMS BSAMS LA, RANG RANG GI SA BON GYI 'OD ZER GYIS NAD PA LA SOGS PA'I BSGRUB BYA RNAMS DE RNAMS SU BCUG LA SHAR LA SOGS PA'I PHYOGS RNAMS LA BZHUGS PA'I DE BZHIN GSHEGS PA'I 'OD ZER GYI TSOGS KYIS SDIG PA SBYANGS SHING BSAL BAR BYAS TE DE NAS SPROS LA PHYI ROL GYI SNGAR BSHAD PA'I GDAN RNAMS LA BZHAG STE, DE RNAMS LA SPROS PA'I SPYAN MA LA SOGS PA'I LHA MO RNAMS KYI RANG RANG GI KHA DOG DANG MTHUN PA'I BUM PA'I CHUS DBANG BSKUR BAR BYAS TE, ZHI BA LA SOGS PA DANG LDAN PAR BYA'O ZHES RAB TU BSTAN TO, ,DA NI ZHES BYA BA LA SOGS PAS PHRA MO'I RNAL 'BYOR YONGS SU RDZOGS NAS SEMS CAN GYI DON BYA BA'I PHYIR SPROS PAR BSTAN TO, ,DE LA BSKYED PA'I RIM PA'I RNAL 'BYOR PAS PHRA MO'I RNAL 'BYOR BYAS LA, RIGS KYI DBYE BAS DANG PO'I 'OD ZER GYI TSOGS SPRO ZHING DE NAS PHYAG MTSAN DANG DE NAS RNAM PAR SNANG MDZAD KYI PHYAG RGYA CHEN PO YANG SPRO BAR BYA'O, ,DES NI SEMS CAN GYI DON BYAS LA YANG DE NYID DU BSDU BAR BYA'O, ,LAS KYI RGYAL BA'I MCHOG GI TING NGE 'DZIN TO, ,RDZOGS PA'I RIM PA'I RNAL 'BYOR PAS KYANG CIG CAR DU PHYAG RGYA CHEN PO'I SKU BSAMS LA, BA SPU'I BU GA THAMS CAD LAS DE BZHIN GSHEGS PA THAMS CAD SPROS LA DE RNAMS KYIS 'GRO BA'I DON BYAS LA YANG DE NYID DU BSDU BAR BYA'O, ,DKYIL 'KHOR CHEN PO NI ZHES BYA BA NAS GSANG BA'O ZHES BYA BAR SBYAR RO ZHES BYA BA'I BAR DU NI

CIG CAR DU BSKYED PA RDO RJE 'CHANG CHEN PO'I SKU SEMS DPA' GSUM GYI BDAG NYID LA DMIGS TE DE'I LKOG MA DANG SNYING GA DANG LTE BA DANG, GSANG BA'I GNAS SU ME DANG CHU DANG RLUNG DANG DBANG CHEN GYI DKYIL 'KHOR BZHI GRU GSUM DANG ZLUM PO DANG GZHU'I DBYIBS CAN DANG GRU BZHI DMAR PO DANG DKAR PO DANG SNGON PO DANG SER PO DANG DE BZHIN GSHEGS PA DANG, LHA MO BZHI'I RANG BZHIN DU RNAM PAR BSAMS LA, 'JUG PA LA SOGS PA'I YI GE GSUM PO RE RE DGOD CING G-YAS PA DANG G-YON PA DANG GNYI GA DANG DAL BUS DMAN PAR RGYU BA'I DBYE BAS DMAR PO LA SOGS PA'I 'OD ZER GYI TSOGS SPROS LA THUN PHYED PHYED KYI DUS SU BZUNG NAS ZHI BA LA SOGS PA'I LAS KYI TSOGS BYA'O, ,YA YI DON GYIS GANG CI 'ANG RUNG, ,DNGOS GRUB 'DOD PAS BYA BA STE, ,RA LA SOGS PA GSUM NYID KYIS, ,'GRO BA'I DON LA RAB TU 'JUG ,ME DANG RLUNG DANG DBANG CHEN DANG, ,CHU YI DKYIL 'KHOR RE RE LA, ,THUN NI PHYED PHYED DUS SU YANG, ,LAS NI GNYIS GNYIS 'GRUB PAR 'GYUR, ,G-YAS PA LA NI 'OD 'BYUNG BA, ,ME YI DKYIL 'KHOR DE YIN NO, ,ZHES BYA BA LA SOGS PA 'BYUNG NGO, ,'DIR LAS DANG PO PA RNAMS KYI THUN MONG MA YIN PA'I DE KHO NA NYID DO ZHES PA NI BSKYED PA'I RIM PA'I RNAL 'BYOR PA RNAMS LA BSTAN PAR MI BYA'O, ,LAS RNAM PA BZHI'I NANG NAS ZHES PA NAS DE'I PHYIR TING NGE 'DZIN 'DI LA ZHES PA'I BAR DU'O, ,DPAL MI BSKYOD PA'I RNAL 'BYOR PAS BDAG NYID ZHES SDANG RDO RJE BSGOMS LA, DE'I G-YAS PHYOGS SU DE BZHIN GSHEGS PA DANG BYANG CHUB SEMS DPA' KHRO BO RNAMS BSAMS LA, G-YON PHYOGS SU SPYAN MA LA SOGS PA'I GZUGS RDO RJE MA LA SOGS PA DANG, RDO RJE RO LANGS MA LA SOGS PA BSAMS TE YE SHES SEMS DPA'I THUGS KA'I 'OD KYIS BKUG PA DE BZHIN GSHEGS PA THAMS CAD RANG GI SNYING GA LA 'JUG CING, YANG GSHIN RJE'I GSHED LA SOGS PA KHRO BO'I RNAM PA SHIN TU KHROS PA 'JIGS PA'I CHA LUGS DANG LDAN PA DE RNAMS SPROS LA, DE RNAMS KYIS KYANG BSGRUB BYA RLUNG DANG ME'I DKYIL 'KHOR GYI STENG DU GNAS PA GCER BU TIL MAR GYIS LUS BYUGS PA SKYABS MED PA MKHA' SPYOD DANG SA SPYOD DANG THAD

, ,SPYOD DANG PHYOGS SPYOD LA SOGS PA SROG CHAGS KYI KHYAD PAR GYIS SKRAG PAR BYED LA, KHA SBYOR DBYE BA BSAMS TE DE RNAMS KYIS BRDEG CING JI SRID MTSON CHA SNA TSOGS PAS TIL TZAM DUM BUR BCAD PAR BYAS LA, SROG DBYUNG BA BSGOMS TE DE'I RNAM PAR SHES PA YANG DRI MA MED PA RLUNG MED PA'I MAR ME DANG 'DRA BA BSAMS LA, DE YONGS SU GYUR PA LAS BCOM LDAN 'DAS MI BSKYOD PA ZHAL GSUM LA SOGS PA'I RNAM PA DE LTA BU 'OD ZER GYIS SBYOR BAS SANGS RGYAS KYI ZHING LA GNAS PA CHOS STON PA LA BRTZON PA, DE BZHIN GSHEGS PA RNAMS KYIS BSKOR BA BSGOM PAR BYA'O, ,'DIR DKON MCHOG GSUM ZHES BYA BA NI NYE BAR MTSON PA STE BLA MA LA SMOD PAR BYED PA LA SOGS PA RNAMS KYANG NGO, ,BLA MA NI DBANG GI BLA MA'O, ,RDO RJE SLOB DPON NI GANG ZHIG CHOS STON PA'O, ,MA GSOD PA LA SOGS PA MTSAMS MED PA LNGA PO BYED PA'O, , CHE GE MO SOD CIG CES BYA BA LA SOGS PA NI SNYING RJE SNGON DU 'GRO BA'I BSKUL BA'I TSIG GO ,'DOD PA LA SOGS PAS SKYE BA BZHI DANG LDAN PA'I SEMS CAN GYI KHAMS DE BZHIN GSHEGS PA DANG 'DRA BAR BSAMS TE 'DUG PA DE GSOD PAR BSGOM PAR BYA'O ZHES BYA BA 'DIS DE SHIN TU NONGS PAR BYAS PA NYID BSTAN TO, ,DE NAS ZHES BYA BA LA SOGS PAS GNOD PA BYAS PA'I SDIG PA CHEN PO DANG LDAN BA DE RTOGS SHING DE NAS DRAG PO'I LAS BYA'O ZHES BYA BA'I THA TSIG GO, ,SDIG PA NYE BAR BSGRAGS PA ZHES PA NI KHA NA MA THO BA BSAGS PA'O, ,KHA SBYOR DBYE BA NI KHA DANG BSHAD SGO NI KHA SBYOR RO; ;YANG TSANGS PA'I SGO DANG, LTE BA NI KHA SBYOR RO, ,DE DAG DBYE BA NI GSANG BA'O, ,YANG NA SNYING GA NYID KHA SBYOR TE STENG DANG 'OG GI PADMA DANG 'BREL BA'I PHYIR RO, ,DE'I PHYE BA NI DBYE BA ZHES BYA'O, ,CHAD PAS GCAD PAR BYA BA NI TSAR GCOD PAR BYED PA'O, ,DE NYID NAM MKHA'I KHAMS ZHES BYA BA LA SOGS PAS BSTAN TO, ,RDO RJE SEMS DPA' NI MI BSKYOD PA STE, KHRO BO ZHE SDANG GNAS LAS SKYES, ,ZHES BSHAD PA'I PHYIR RO, ,DRAG SHUL GYI LAS KYANG MI BSKYOD PA'I TING NGE 'DZIN GYI BYA BA YIN GYI GZHAN DU NI MA YIN NO, ,G-YAS DANG G-YON GYI PHYOGS SU SANGS RGYAS KYI TSOGS DANG LHA

MO'I TSOGS BSGOM PAR BYA BA 'DIS THABS DANG SHES RAB KYI NGO BO NYID BSTAN PA'I PHYIR, G-YAS PHYOGS SU ZHES BYA BA LA SOGS PA BSTAN TO, ,JI SKAD DU, ,SKYE GNAS DBUS SU RTZA GNYIS TE, ,G-YON PA DANG NI G-YAS PA GNYIS, ,G-YON PA KHU BA ZHES BYA BA, ,G-YAS PA LA NI KHRAG NYID DE, ,DE DAG SDUD PAR BYED PA GCIG ,DE NI CHOS KYI DBYINGS BSDU BA'O, ,DE NYID KYI PHYIR MAN NGAG GO, ,BLA MA'I BKA' LUNG NGO, ,PHYOGS BCU NA BZHUGS PA ZHES PA NI KHAMS GSUM NA BZHUGS PA'O, ,RNAM PAR SNANG MDZAD LA SOGS PA'I RIGS KYI BYE BRAG GIS SO ZHES PA NI SKU RDO RJE LA SOGS PA'I BYE BRAG GIS SO, ,RANG GI PHYAG RGYA CHEN PO'I GZUGS, ,ZHES PA NI RANG GI RIGS KYI SKU DANG LDAN PA BYAS NAS SO, ,GZUGS KYI PHUNG PO LA SOGS PA'I TSUL GYIS ZHES PA NI RDO RJE PHRENG BA LAS GSUNGS PA'I DON DAM PA'I DKYIL 'KHOR GYI RIM PAS SO, ,GZUNG BAR BYA BA NI KHA SBYAR BAR BYA BA'O, ,YANG ZHES BYA BA LA SOGS PAS DE RNAMS SPRO BAR BYA'O ZHES BSTAN TO, ,KHROS PAS ZHES BYA BA LA SOGS PAS SPRO BA'I KHYAD PAR BSTAN TO, ,YID DANG LUS KYIS ZHES BYA BA LA SOGS PAS DE RNAMS 'JIGS SU RUNG BA NYID DU BSTAN TO, ,SBRUL SKE RAGS SU BCINGS PA LA SOGS PAS BRGYAN PAS ZHES PA NI RIGS KYI KLU BRGYAD KYIS RGYAN BYAS PA'O, ,DGRA STA DANG ZHES BYA BA LA SOGS PAS MTSON CHA'I KHYAD PAR DANG LDAN PA NYID DU BSTAN TO, ,RDO RJE 'CHANG CHEN PO ZHES PA NI, RDO RJE 'CHANG CHEN PO YONGS SU GYUR PA'I MI BSKYOD PA'O, ,CHE GE MO SOD CIG CES BYA BA NI BKA'I BYE BRAG GO, ,'JOMS PA'O ZHES PA NI GSOD PAR BYED PA'O, ,GAL TE ZHES BYA BA LA SOGS PAS PHAL CHER GYI TSIG GI SGO NAS YID CHES PA BSTAN TO, ,SGYU MA LTA BU'I NUS PA STON PA YIN NO ZHES PA NI, RDO RJE SEMS DPA'I RNAM PAS RDO RJE SEMS DPA' YANG GSOD PAR 'GYUR RO ZHES SGYU MA'O, ,SANGS RGYAS ZHES BYA BA LA SOGS PAS LAS 'DI NYID KYIS THE TSOM MED PAR 'GYUR RO ZHES BSTAN TO, ,DRAG PO'I TSIG GI ZHES BYA BA LA SOGS PAS ZHAG BDUN GYIS NYUNG BA'AM LHAG PA NYID BKAG PA STE, BLO BRTAN PAS DUS DE TZAM GYIS 'GRUB PA'I PHYIR RO, ,DE LTAR SBYOR BA 'DI YIN TE, ,

, ,ZHES BYA BA LA SOGS PAS SNGAR BSHAD PA'I TING NGE 'DZIN NYID DU BSTAN TO, ,RDO RJE DAM TSIG NI ZHES PA LA SOGS PAS TING NGE 'DZIN BSDUS PA'O, ,DE LTAR ZHES BYA BA LA SOGS PAS RNAM PAR SNANG MDZAD LA SOGS PA'I RNAL 'BYOR PA RNAMS KYIS DANG PO BSKYED PA'I RIM PAS BDAG NYID RNAM PAR SNANG MDZAD LA SOGS PA'I SKU DE BSGOMS LA DE RNAMS YONGS SU GYUR PA LAS RDO RJE SEMS DPA' BSGOM ZHING, BSKAL PA'I MTHA'I ME LTAR SPRO BA RANG GI LAGS PA GNAS PA'I DRAG PO'I RDO RJE DMIGS LA RANG GI LUS LAS DKYIL 'KHOR BA SPRO ZHING KHRO BO'I RNAM PAR BYAS LA NYON CIG CES BYA BA LA SOGS PAS DE RNAMS LA BKA' SBYIN TE, BKA' NYAN PA DE RNAMS KYIS GDUG PA GSAD CING SROG DANG BRAL BAR BSAM PAR BYA'O ZHES BSTAN TO, ,DE BZHIN DU RIN CHEN 'BYUNG LDAN LA SOGS PA'I ZHES PA NI RIN CHEN 'BYUNG LDAN DANG 'OD DPAG TU MED PA DANG DON YOD GRUB PA'O, ,YONGS SU GYUR PAR ZHES PA NI RDO RJE SEMS DPA'I GZUGS SU 'GYUR BAR SBYAR BA'O, ,DE'I 'KHOR RNAMS KYIS ZHES PA NAS TING NGE 'DZIN DE LA YANG DE SKAD CES BYA'O ZHES PA'I BAR DU NI BSKYED PA'I RIM PAS GSHIN RJE MTHAR BYED DU BDAG NYID BSAMS LA, RNAM PAR SNANG MDZAD LA SOGS PA'I DKYIL 'KHOR PA RNAMS RANG GI LUS LA 'JUG STE, YANG GSHIN RJE MTHAR BYED KYI RNAM PA DANG LDAN PA SPRO ZHING BKA' NYAN PA DE RNAMS KYIS DKON MCHOG GSUM LA SOGS PAS LA GNOD PA RNAMS GSOD PAR BYED PA BSAM PAR BYA'O ZHES BSTAN TO, ,DE YANG NYE BAR MTSON PA TZAM YIN TE 'PHAGS PA RNAMS GZHAN GYIS MI THUB PA DANG RTA MGRIN DANG BDUD RTZI 'KHYIL PA LA SOGS PAS KYANG NGO, ,LHA'I THAMS CAD KYI THUN MONG GI ZHES BA NI MOS PA'I DBYE BAS SO, ,RNAM PAR SNANG MDZAD LA SOGS PA RNAMS KYIS ZHES PA NI DE BZHIN GSHEGS PA RNAMS KYIS SO, ,DE'I LHA MO RNAMS KYIS ZHES PA NI SPYAN MA LA SOGS PA DANG DE'I RIGS DANG LDAN PA GZUGS RDO RJE MA LA SOGS PA RNAMS KYIS KYANG NGO, ,BYAMS BA LA SOGS PA'O ZHES PA NI BYAMS PA LA SOGS PA BYANG CHUB SEMS DPA' BRGYAD KYIS SO, ,GTZUG TOR ZHES BYA BA LA SOGS PAS KHRO BO'I RGYAL PO BCU POS KYANG BKA'I 'KHOR LO

SBYAR BAR BYA'O ZHES BSTAN TO, ,DE LTAR SUM CU RTZA GNYIS KYI BDAG NYID LHA SUM CU RTZA GNYIS KYI BKA'I 'KHOR LO'I DGOS PA BSHAD NAS, DGOS PA GZHAN DAG CES PA NI PHYOGS BCU LA GNAS PA'I BGEGS BSKRAD PA DANG PHUR BUS GDAB PA DANG BRDUNG BA BSTAN PA'I PHYIR BSHAD PAR BYA STE, DBANG PO LA SOGS PA PHYOGS SKYOD RNAMS ZHES PA NI SHER LA SOGS PAR GNAS PA'I LHA'I DBANG PO ZHES BYA BA LA SOGS PA ZHES BYA BA'O, ,BGEGS BYED PA NI TING NGE 'DZIN GYI BAR CHOD BYED PA'O, ,SGRUB PA POS BYA'O ZHES PA NI GNAS GZUNG BA LAS 'OG TU BYA'O, ,SEMS RNAM PAR G-YENG BAR BYED PA ZHES PA NI BRGYA BYIN LA SOGS PA LAS SRUNG BA'I DON DU NI BZLOG PA'I DON DU'O, ,SGRA JI BZHIN PA'O ZHES PA NI, DANG PO SBYOR BA'I YAN LAG TU GYUR PA'I RNAL 'BYOR GYI PHYOGS GCIG BGEGS BSKRAD PA 'CHAD PAR 'DOD PA'I PHYIR RO, ,DA NI ZHES PA NAS DGONGS PAS BSHAD PA'I BAR DU NI RDZOGS PA'I RIM PA'I RNAL 'BYOR PAS SEMS RNAM PAR DAG PA'I RIM PAS BSGRUB BYA MI SNANG BAR BYAS LA NAM MKHA'I KHAMS DANG 'DRA BAR BSGOM ZHING DE'I NAM MKHA' KHA DOG LNGA'I 'OD ZER GYI TSOGS KYIS MNAN PAR BYAS LA DE'I STENG DU CIG CAR DU SGYU MA LTA BU'I SKUR BDAG NYID DMIGS LA, RTEN DU GYUR PA'I BSGRUB BYA'I 'OD ZER GYI 'KHOR LO YANG RANG GI BDAG NYID LA 'JUG STE, SKU GSUNG THUGS NI SGYU MA'I NGO BOR BSAMS LA GDUG PA GSAD PAR BYA'O ZHES BSTAN TO, ,DGONGS PAS BSHAD PA'O ZHES PA NI 'GAL BA'I SGRA'I SGO NAS RDZOGS PA'I RIM PA BSTAN PAS SO, ,RENGS PAR BYA BA'I ZHES PA NAS BRTZAMS TE SGA JI BZHIN PA'O ZHES PA'I BAR DU CHU RENGS PA BSTAN TO, ,DE LA NAM MKHA' NI GZHI'O, ,DE NAS RLUNG GIS BUS LA MES CHU RNAMS BSKAM PAR 'GYUR RO, ,DE'I STENG DU SA BSGOM ZHING CHU'I STENG DU 'GRO BA DANG 'ONG BA BYAS PAS NUB PAR MI 'GYUR TE; CHU NI KHAMS BZHI POS NUS PA BCOM PA'I PHYIR RO, ,RDZOGS PA'I RIM PA'I TING 'DZIN NAS ZHES PA NAS DGONGS PAS BSHAD PA'O ZHES PA'I BAR DU NI ZUNG DU 'JUG PA'I RIM PAS RDO RJE'I SKU SPROS LA, RNAM PAR MI RTOG PAR GYUR CING CHU'I STENG DU 'GRO BAR ,BYA'O ZHES BSTAN TO, ,RDZOGS PA'I RIM PA LA

, ,GNAS PAS DNGOS GRUB THAMS CAD MNGON DU 'GYUR BA'I PHYIR RO, ,DGONGS PAS BSHAD PA'O ZHES PA NI 'GAL BA'I SGRA'I SGO NAS DE KHO NA NYID SO SOR BSTAN PAS SO, ,DBANG CHEN ZHES BYA BA LA SOGS PA NAS DE SKAD CES BYA'O ZHES PA'I BAR DU NI PHA ROL RGOL BA'I KHA'I NANG DU YI GE LAm LAS BYUNG BA KHA DOG SER PO DANG DBANG CHEN GYI DKYIL 'KHOR LCE MNAN PA PHYOGS GNYIS SU RDO RJE GNYIS KYIS MTSAN PA DES 'GRAM PA GNYIS PHYE BA DE'I STENG DU YI GE H'Um LAS BYUNG BA'I RDO RJES RKAN DANG KO SKO 'BUGS PAS SPYI BOR H'Um LAS SKYES PA'I SNA TSOGS RDO RJE'I CHANG GZUNGS KYI STENG DU SDIGS MDZUB DANG RDO RJE GSOR BAR BYED PA G-YON BRKYANG PA'I GAR STABS KYIS BZHUGS PA BDUD RTZI 'KHYIL PA BSAMS LA MU STEGS PA RNAMS KYI DAG RENGS PAR BYA'O ZHES BSTAN TO, ,PHA ROL GYI 'KHRUL 'KHOR 'JOMS PA'I PHYIR BDUD RTZI 'KHYIL PA BSGOM PA YIN NO, ,SGRUB PA PO ZHES BYA BA NAS DRUG PAS DE SKAD CES BKA' STZAL TO ZHES PA'I BAR DU NI BSKYED PA'I RIM PAS RDO RJE 'CHANG CHEN PO LA SOGS PA GANG YANG RUNG BA'I RNAL 'BYOR DANG LDAN PA'I DKYIL 'KHOR PA RNAMS KYANG KHA DOG SER PO RI RAB KYI TSAD TZAM DGRA'I DPUNG GI STENG DU BZHAG PAS SA 'OG BDUN GYI BAR DU SON PAR BSAMS LA SANGS RGYAS KYI DPUNG YANG RENGS PAR BYA'O ZHES NGES PAR 'GRUB PA'I TSIG BSTAN TO, ,DGRA BO SKRAG PA ZHES BYA BA NAS TING NGE 'DZIN GANG DU DE STON PA DE LA DE SKAD CES BYA'O ZHES PA'I BAR DU NI RDO RJE SEMS DPA' LA SOGS PA GANG YANG RUNG BA'I RNAL 'BYOR DANG LDAN PAS RANG GI SNYING GNAS 'OD ZER GYI SBYOR BAS YI GE H'Um SPROS LA, RDO RJE'I RNAM PA DE YONGS SU GYUR PAS LAS BDUD RTZI 'KHYIL PA STOD ZHAL GSUM PHYAG DRUG PA LTA BU, SMAD RDO RJE RTZE GCIG PA'I RNAM PA CAN BSAMS LA BSGRUB BYA'I NGAG GI LAM NAS ZHUGS NAS SNYING GAR BKOD PA DE'I SNYING DE DUM BUR GYUR PAR BSAMS LA SNGAGS DANG RGYUD DANG SBYOR BA LA MKHAS PA RNAMS KYANG PHUR BUS GDAB PAR BYA'O ZHES BSTAN TO, ,DES NI PHUR BUS GDAB PA YANG DAG GSOD PA'I DON DU YANG BYA'O ZHES BSTAN TO, ,BDUD LA SOGS PA'I RNAM PAR 'TSE BA RNAMS KYI ZHES PA NI DUS MA YIN PAR 'CHI BA'I 'JIGS PA'I NYE BAR

'TSE BA DANG LDAN PA RNAMS KYI'O, ,GRONG KHYER ZHES PA NAS TING NGE 'DZIN DE LA YANG DE SKAD CES BYA'O ZHES PA'I BAR DU NI GRONG NGAM GRONG KHYER RAM GRONG RDAL LAM SKYE BO'I GNAS SAM YUL 'KHOR RAM RGYAL SA RNAMS SU JI SRID NAM MKHA' LA YOD PA DE SRID KYI TSAD TZAM GYI RDO RJE 'CHAD CHEN PO RNAM PAR BSGOMS LA, DE LAS BYUNG BA'I 'OD ZER 'BAR BA'I TSOGS KYIS NAD PA RNAMS KYI NAD BSREG PAR BYAS LA DE RNAMS KYANG DE'I NANG DU 'JUG LA SLAR YANG SPROS TE, RANG RANG GI GNAS LA GNAS PAR BYAS LA RDO RJE'I STENG NAS 'BYUNG BA'I RNAM PAR SNANG MDZAD DANG SPYAN MA'I TSOGS SNYOMS PAR ZHUGS PA DANG LDAN PAR BSAMS LA NAM MKHA'I KHAMS LA ZHUGS PA DES SHIN TU DKAR BA 'O MA'I RGYA MTSO'I DBA' RLABS DANG 'DRA BA BYANG CHUB KYI SEMS KYI RGYUN GYIS LUS PO THAMS CAD DBANG BSKUR ZHING YONGS SU TSIM PAR GYUR PA, YID BZHIN GYI NOR BU DANG 'DRA BAR PHA ROL RNAMS LA YANG BSAM PA THAMS CAD YONGS SU RDZOGS PAR BYED PAR BSAMS LA, DE BZHIN GSHEGS PA RNAM PAR SNANG MDZAD LA SOGS PA DE RNAMS KYI GRONG LA SOGS PA'I GNAS DE YANG BYIN GYIS BRLAB PA RNAM PAR BSGOMS PAS ZHI BA CHEN PO BYAS PAR 'GYUR RO ZHES BSTAN TO, ,DE YANG SNYING RJE CHEN PO MNGON DU GYUR PA SNGON DU 'GRO BAR BYA'O ZHES BYA BA'I THA TSIG GO, ,LAS DANG PO PA'I ZHES BYA BA NAS DE YANG DE SKAD CES BYA'O ZHES BYA BA'I BAR DU NI RE ZHIG DANG POR RNAL 'BYOR PAS ZHE SDANG RDO RJE'I TING NGE 'DZIN SNGON DU BYAS LA, REG BYA RDO RJE MA'I CHOS 'BYUNG GI NANG NA SNA TSOGS PADMA DANG NYI MA'I DKYIL 'KHOR GYI STENG DU KHRO BO THAMS CAD 'JUG PA SNGON DU 'GRO BAR RDO RJE'I LAM NAS YI GE H'Um YONGS SU GYUR PA LAS BSKYED PA ZHAL GSUM PHYAG DRUG PA, SPYAN GSUM PA, RIGS KYI KLU BRGYAD KYIS RGYAN BYAS PA, KHA DOG SNGON PO DANG DKAR PO DANG DMAR PO'I ZHAL MNGA' BA, G-YON BRKYANG BA LA GNAS PA RTZA BA'I PHYAG GNYIS KYIS RDO RJE DANG DRIL BU 'BREL BA'I PHYAG GIS SNYOMS PAR ZHUGS PA LHAG MA RNAMS KYIS LCAGS KYU DANG ZHAGS PA DANG RAL GRI DANG THO BA THOGS PA ZHES SDANG RDO RJE'I COD PAN CAN, SMIN MA KHAM PA HA HA DANG HI HI'I SGRA SGROGS PA GNOD MDZES KYI RGYAL PO BSGOMS LA, RDO RJE DANG PADMA'I BAR

, ,NAS PHYI ROL DU BYUNG ZHING NYI MA'I DKYIL 'KHOR LA GNAS PA, BKA' NYAN PAR BSAMS TE DE'I 'OG TU SNGA MA BZHIN DU REG BYA RDO RJE MA'I CHOS 'BYUNG GI NANG NA YI GE H'Um BCU YONGS SU GYUR NAS, GSHIN RJE GSHED LA SOGS PA'I KHRO BO BCU 'OG NAS 'CHAD PA'I DBYIBS DANG KHA DOG DANG PHYAG MTSAN 'DZIN PA SPROS TE, RIM PA JI LTA BA BZHIN DU SHAR LA SOGS PA'I PHYOGS DANG MTSAMS RNAMS SU DGOD PAR BSAM PAR BYA'O, ,KHRO BO DE RNAMS KYANG STOD 'PHAGS PA BDUD RTZI 'KHYIL PA'I KHRO BO'I DBYIBS DANG 'DRA BA, SMAD RDO RJE RTZE GCIG PA'I PHUR BU'I RNAM PA LTA BU SPRO BAR BYA'O,, DE'I 'OG TU DBUS KYI GTZO BO'I BDAG NYID KYI NGO BO'I SNGAGS 'DIS GNOD MDZES LA BKA' BSGO BAR BYA STE, AOm SUMBH'A NI SUMBHA H'Um H'Um PHAt, AOm GRi HnA GRi HnA H'Um H'Um PHAt, AOm GRi Hn'A PA YA GRi Hn'A PA YA H'Um H'Um PHAt, AOm A'A NA YA HO BHA GA B'AN BADZRA H'Um H'Um PHAt CES BYA BA 'DIS PHYOGS BCU LA GNAS PA BRGYA BYIN LA SOGS PA 'JIG RTEN SKYOD BA RNAMS 'GUGS PA'I DON DU BKA' SBYIN PAR BYA'O, ,DE THOS PAS DE MA THAG TU GNOD MDZES KYI RGYAL POS LCAGS KYU DANG ZHAGS PA PHYOGS BCUR SPRO ZHING LHA'I DBANG PO LA SOGS PA 'JIG RTEN SKYONG BA RNAMS ZHAGS PAS MGUL PA BCINGS SHING, LCAGS KYUS SPYI BOR BTAB LA SHAR LA SOGS PA'I PHYOGS DANG MTSAMS RNAMS SU 'GOD PAR BYED PAR BSAM PAR BYA'O, ,DE NAS GNOD MDZES KYI RGYAL POS RDO RJE'I PHUR BU DE RNAMS KYIS MGO BO NAS RKANG PA'I MTHIL GYI BAR DU 'JUG PAR BYED PA BSAM PAR BYA'O, ,AOm GHA GHA ZHES BYA BA LA SOGS PA'I SNGAGS KYIS PHUR BU BTAB CING BRDUNGS LA, SA 'OG CHEN PO BDUN GYI BAR DU SON PAR BSGOMS LA KHRO BO'I RGYAL PO'I LUS LAS 'BYUNG BA'I 'BAR BA'I TSOGS KYIS DE'I 'KHOR MTHA' YAS PA THAL BAR 'GYUR BAR BSAM PAR BYA'O ZHES BSTAN TO, ,DE NI DANG PO SBYOR BA'I YAN LAG TU GYUR PA RNAL 'BYOR GYI PHYOGS GCIG GI BGEGS BSKRAD PA ZHES BYA BA'I TING NGE 'DZIN TO, ,NAM MKHA'I DBYINGS KYI DBUS TE ZHES BYA BA NAS TING NGE 'DZIN LA YANG DE SKAD CES BYA'O ZHES PA'I BAR DU NI STONG PA NYID BSGOM PA SNGON DU 'GRO BAR YI GE AOm YONGS SU GYUR PA'I 'KHOR LO LAS 'BYUNG BA BDAG

NYID RNAM PAR SNANG MDZAD SEMS DPA' GSUM GYI BDAG NYID PHYAG RGYA DANG SNYOMS PAR ZHUGS PA DANG LDAN PAR BSAMS TE, NAM MKHA'I DBYINGS KYANG DE BZHIN DU SPYAN MA DANG SNYOMS PAR ZHUGS PA'I RNAM PAR SNANG MDZAD KYI TSOGS KYIS TIL GYI GANG BU DANG 'DRA BAR YONGS SU RDZOGS PAR BSGOMS LA, YE SHES SEMS DPA'I SNYING GA'I 'OD ZER GYI SBYOR BAS BKUG CING SNYOMS PAR ZHUGS PA'I BDE BAS THIM PAR 'GYUR BAR ZHUGS SHING YE SHES SEMS DPA'I SNYING GAR BSGRUB BYA BCUG LA, DE LA DES DBANG BSKUR BYIN TE NAD THAMS CAD ZAD PAR BYAS LA SLAR YANG NAD BA RANG GI SNYING GNAS SPRO ZHING MDUN DU ZLA BA'I DKYIL 'KHOR GYI STENG DU RNAM PAR SNANG MDZAD KYI GZUGS SU RNAM PAR BKOD LA DE BZHIN GSHEGS PA THAMS CAD SPYAN MA'I CHOS 'BYUNG GI NANG NA SNGAR BCUG PA YANG RDO RJE'I RTZE MO NAS PHYUNG ZHING PHYI ROL DU SPROS LA, NAM MKHA'I KHAMS LA GNAS PA DE RNAMS KYIS SNYOMS PAR ZHUGS PA LAS BYUNG PA'I BYANG CHUB KYI SEMS KYI DPA'I RLABS KYIS DBANG BSKUR BAR BYA BAS LAN LAG RDZOGS PA NOR GYI PHUN SUM TSOGS PA DANG LDAN PAR 'GYUR BAR NAD PA BSAM PAR BYA'O ZHES BSTAN TO, ,DE NI THABS DANG SHES RAB SNYOMS PAR ZHUGS PA'I RIM PAS ZHI BA'I LAS KYI SBYOR BA'O, ,ZLA BA'I DKYIL 'KHOR ZHES BYA BA NAS TING NGE 'DZIN GONG DU STON PA DE LA DE SKAD CES BYA'O ZHES BYA BA'I BAR DU NI 'OD DPAG TU MED PA DANG RIN CHEN 'BYUNG LDAN DANG DON YOD GRUB PA DANG MI BSKYOD PA RNAMS KYIS SNGA MA BZHIN DU 'OD DPAG TU MED PA LA SOGS PA'I GZUGS KYIS RANG GI PHYAG RGYA DANG SNYOMS PAR ZHUGS PA'I BDAG NYID BSGOMS LA, RANG GI PHYAG RGYA'I CHOS 'BYUNG GI NANG NA MED DANG DBANG CHEN DANG RLUNG DANG ME'I DKYIL 'KHOR BSGOMS LA DE RNAMS SU 'OD DPAG TU MED PA LA SOGS PA'I GZUGS BRNYAN DU BDAG NYID BSAMS LA, RANG GI SNYING GAR BSGRUB BYA 'JUG CING SNGA MA BZHIN DU NAM MKHA'I KHAMS NAS 'OD DPAG DU MED PA LA SOGS PA'I TSOGS RANG GI PHYAG RGYA DANG SNYOMS PAR ZHUGS PA DGUG CING, SNYOMS PAR ZHUGS PA'I DBANG GIS ZHU BA SNYING GAR BCUG PA, DES BSGRUB BYA DBANG BSKUR ZHING MDUN DU SNGAR BSHAD PA'I DKYIL 'KHOR RNAMS LA DGOD CING SNYOMS PAR ZHUGS PA'I

, ,DBANG GIS RDO RJE'I RTZE MO NAS SPROS PA'I NAM MKHA'I KHAMS LA GNAS PA DE RNAMS KYIS SNYOMS PAR ZHUGS PA LAS BYUNG BA'I BYANG CHUB KYI SEMS KYI DPA' RLABS KYIS DBANG BSKUR BAR BYA BA BSAM PAR BYA'O, ,DE'I TSE DBANG DANG RGYAS PA DANG MNGON SPYOD 'GRUB BAR 'GYUR RO ZHES BSTAN TO, ,'DIR MI BSKYOD PA'I TING NGE 'DZIN GYI MNGON PAR SPYOD PA'I KHYAD PAR BSTAN PAR BYA BA'I PHYIR, RDO RJE NAM MKHA' ZHES BYA BA LA SOGS PA BSTAN TE, MI BSKYOD PA'I RNAL 'BYOR PAS BSKYED PA'I RIM PA'I BDAG NYID ZHE SDANG RDO RJER BSAMS LA, RANG GI SNYING GA LAS SRIN PO LA SOGS PA SPROS PAS NAM MKHA' GANG BAR BYAS LA BSGRUB BYA YANG ME'I DKYIL 'KHOR LA GNAS PA SKYABS MED PA BSGOMS TE, SRIN PO LA SOGS PA DE RNAMS KYIS ZA BAR GYUR PA SROG DANG BRAL BA DE'I RNAM PAR SHES PA YANG SNGA MA BZHIN DU MI BSKYOD PA'I GZUGS CAN BSGOM PAR BYA'O, ,DE'I TSE MNGON SPYOD 'GRUB PAR 'GYUR RO ZHES BSTAN TO, ,GZHAN YANG ZHES BYA BA LA SOGS PA NAS GRANGS MED PA NYID DU BSHAD PA YIN NO ZHES BYA BA'I BAR DU NI SNGAR BSHAD PA'I RNAM PAR SNANG MDZAD LA SOGS PA'I SKU MDOG LA GOS PA BSTAN PAR BYA BA'I PHYIR BSHAD PAR BYA STE, SPRIN DKAR PO LTAR ZHES PA NI RNAM PAR SNANG MDZAD ZHI BA'I RANG BZHIN YIN PA'I PHYIR DANG, ME LONG LTA BU'I YE SHES KYI RANG BZHIN YIN PAS SO, ,ZHAL BAR MA NI DKAR PO ZHES PA NI SKU'I MDOG KYANG YIN TE, SKYU'I RANG BZHIN PAS SO, ,G-YAS PA NAG PO'I ZHES PA NI THUGS KYI RANG BZHIN YIN PAS SO, ,ME TOG KU MU TA ZHES PA NI PADMA'I ME TOG GO, ,DE DANG 'DRA BA G-YON PA NI 'OD DPAG TU MED PA'I RANG BZHIN YIN PAS SO, ,DE BZHIN DU GZHAN RNAMS KYI YANG ZHAL GYI RNAM PAR DAG PA SHES PAR BYA'O, ,DE BZHIN DU ZHES BYA BA LA SOGS PAS MI BSKYOD PA'I SKU MDOG LA SOGS PA BSTAN TO, ,DE BZHIN 'DOD CHAGS CAN ZHES BYA BA LA SOGS PAS 'OD DPAG TU MED PA'O, ,DE LTAR ZHES BYA BA LA SOGS PAS ZHI BA LA SOGS PA LAS GANG YIN PA DE LA GSUM BSGOMS PAS SGRUB CING RDZOGS PAR 'GYUR RO ZHES BSTAN TO, ,'KHOR LO DANG RDO RJE DANG PADMA ZHES BYA BA NI PHYAG MTSAN GTZO BOR BSTAN TO, ,SGRUB PA'I THABS LAS

BSHAD PA'I RIM GYIS ZHES PA NI SNGAR BSHAD PA'I SGRUB THABS KYI RIM PAS SO, ,'DOD PA'I DON ZHES PA NI ZHI BA LA SOGS PA'O, ,DE RDZOGS PA NI SGRUB PAR BYED PAS SO, ,DE BZHIN DU RIN CHEN LA SOGS PA RNAMS KYI YANG ZHES PA NI RIN CHEN 'BYUNG LDAN DANG DON YOD GRUB PA DANG BYAMS PA LA SOGS PA RNAMS KYI'O, ,RNAM PAR SNANG MDZAD KYE PHYAG RGYA ZHES BYA BA LA SOGS PAS SPYAN MA'I KHA DOG LA SOGS PA YANG RNAM PAR SNANG MDZAD DANG 'DRA BAR BSTAN TO, ,MI BSKYOD PA LA SOGS PAS BDAG PO DANG 'DRA BAR M'A MA K'I BSTAN TO, ,GSUNG RDO RJE NI 'OD DPAG TU MED PA ZHES BYA BA LA SOGS PAS GOS DKAR MO DANG SGROL MA NI BDAG PO DANG 'DRA BAR BSTAN TO, ,DE RNAMS KYANG NAD LA SOGS PA RAB TU ZHI BA'I NGO BO ZHI BA LA SOGS PA'I LAS MDZAD PA'I LHA MO YIN NO, ,GO SLA STE ZHES PA NI KHRO BO'I RGYAL PO'I DKYIL 'KHOR GYI JI LTAR GSUNGS PA'I KHA DOG DANG DBYIBS LA SOGS PA GO SLA BAS MA BSHAD DO, ,DE RNAMS KYANG DAD PA LA SOGS PA'I DBANG PO BZHI DANG RNAM PAR SHES PA TSOGS DRUG GI NGO BO YIN NO, ,BKA'I 'KHOR LO ZHES PA NI BGEGS BSKRAD PA'I DON TU BSKUL BAR BYAS PAS SO, ,GZI BRJID PHUNG PO ZHES BYA BA LA SOGS PA NI GZI BRJID KYI PHUNG PO DANG, RGYAL PA'I GTZUG TOR DANG RNAM PAR RGYAL BA'I GTZUG TOR DANG BZHIN MI BZANG BA DANG BZHIN MI BZANG BA DANG ZHES BYA BA LA SOGS PA DPAL DE KHO NA NYID LAS BSDUS PA DANG SGYU 'PHRUL DRA BA LA SOGS PA LAS GSUNGS PA'I KHRO BO RNAMS DANG, DE BZHIN DU BYAMS PA LA SOGS PA'I BYANG CHUB SEMS DPA' BRGYAD DANG, SPOS KYI GLANG PO LA SOGS PA'I BSKAL PA BZANG PO'I BYANG CHUB SEMS DPA' BCU DRUG PO DE RNAMS RDO RJE LA SOGS PA'I PHYAG MTSAN RANG RANG GI RIGS DANG MTHUN PAS SO SOR BSGOM PAR BYA'O, ,'DI NYID KYI GTAN TSIGS BSTAN PAR BYA BA'I PHYIR, LHA RNAMS KYIS ZHES BYA BA LA SOGS PAS SANGS RGYAS BCOM LDAN 'DAS RNAMS KYI TING 'DZIN NI DPAG TU MED PA YOD DE, RNAM PA SNA TSOGS KYI RIGS DANG BAG CHAGS KYI DBYE BAS SEMS CAN GYI KHAMS KYANG NAM MKHA' DANG 'DRA BAR MTHA' YAS PA'O, ,DE RJES SU GZUNG BA'I DON DU YANG BCOM

, ,LDAN 'DAS DE BZHIN GSHEGS PA RNAMS KYIS SPRUL PA'I SKU YANG MTHA' YAS PA'O, ,DE RNAMS KYANG PHO NYA LA SOGS PA'I DBYE BAS DPAG TU MED PA STE, GAL TE NAM MKHA'I KHAMS LA 'DI TZAM ZHES TSAD YOD NA DE'I TSE DE GANG BAR BYAS NAS LOGS SU DE DMIGS PAR 'GYUR BA SRID DO, ,DE BAS NA DE RNAMS MA GSUNGS PA YANG RIGS DANG RJES SU MTHUN PA'I PHYAG MTSAN LA SOGS PA'I DBANG GIS RJES SU DPAG PAR BYA'O, ,DE NI ZHES PA LA SOGS PA'I SEMS RNAM PAR DAG PA'I RIM PAS 'OD GSAL BA LA 'JUG CING, DE LAS BYUNG BA'I SGYU MA LTA BU'I SKU DANG LDAN PA RNAM PAR SNANG MDZAD LA SOGS PA'I BSKYED PA BSTAN TO, ,NAM MKHA'I DBYINGS NI 'OD GSAL BA'O ZHES PA NI SEMS RNAM PAR DAG PA'I RIM PAS THOB PAR BYA'O, ,SNANG BA GSUM MO ZHES PA NI SNANG BA NYE BAR THOB PA LA SOGS PA GSUM MTSAMS DANG NYI MA DANG ZLA BA'I SNANG BA DANG 'DRA BA'O,, DE NYID KYI PHYIR BSKYED PA'I RIM PA'I YAN LAG DANG 'DRA PAR ZLA BA DANG RDO RJE LA SOGS PA NI MNGON PAR BYANG CHUB PA'I RNAM PA LNGA LTOS PA MED PA NI MI BRTEN PA'I PHYIR RO, ,RDO RJE 'CHANG CHEN PO'I GZUGS ZHES PA NI DANG PO BDAG NYID BSGOMS LA YANG DE NYID RNAM PAR SNANG MDZAD LA SOGS PA'I GZUGS SU YONGS SU 'GYUR BA SPRO BAR BYA'O ZHES BYA BA 'DIS PHYAG RGYA CHEN PO YONGS SU 'GYUR BA BSTAN TO, ,KHUG RNAL SOGS PA'I NYES PA DANG BRAL BA ZHES BYA BA LA SOGS PAS BCOM LDAN 'DAS RNAM PAR SNANG MDZAD SKU MDOG DKAR BA DANG ZHI BA DANG 'OD ZER LNGAS MDZES PA DANG ME LONG LTA BU'I YE SHES KYI NGO BO DANG RNAM PA THAMS CAD KYI MCHOG DANG LDAN PA NYID BSTAN TO, ,BSGOM PA'I RIM PA 'DIS MNGON PAR BYANG CHUB BSGOMS NAS RIM GYIS MI GNAS PA'I MYA NGAN LAS 'DAS PA NI ZUNG DU 'JUG PA'I TING NGE 'DZIN MTHONG BA NI THOB PAR 'GYUR RO ZHES BYA BA'I THA TSIG GO, ,SANGS RGYAS KYI DBANG PHYUG CES BYA BA LA SOGS PAS PHAN YON BSTAN TO, ,SKU'I DBANG PHYUG LA SOGS PA BRGYAD PO NI SANGS RGYAS RNAMS KYE DBANG PHYUG GO, ,NYAN THOS LA SOGS PA 'DUD PAR BYED PA'O ZHES PA NI 'DUD PA'I NGO BOR BYED PA'O, ,GANG GI PHYIR YANG DAG PAR RDZOGS

PA'I SANGS RGYAS KYI CHO 'PHRUL DANG NYAN THOS LA SOGS PA'I CHO 'PHRUL NI MTSUNGS PA MA YIN TE, DE RNAMS MA DAG PA'I PHYIR RO, ,YANG SKRA'I RTZE MO'I BYE BA 'BUM GYI GRANGS KYIS KYANG MTSUNGS PA MA YIN TE, 'KHOR LOS SGYUR BA DANG DE BZHIN GSHEGS PA DAG GI MTSAN DANG DPE BYAD BZHIN NO, , LUS 'DI NYID LA NI MTHONG BA'I CHOS LA'O, ,DES NI PHA ROL TU PHYIN PA'I RNAL 'BYOR PA LAS LDOG PA BSTAN TE, BSKAL PA GRANGS MED PA GSUM GYIS BYANG CHUB THOB PA'I PHYIR RO, ,RNAM PAR SNANG MDZAD KYIS ZHES PA LA SOGS PAS TING NGE 'DZIN NYE BAR BSDUS PA'O, ,RDO RJE'I DKYIL 'KHOR ZHES BYA BA NAS TING NGE 'DZIN DE LA DE SKAD CES BYA'O ZHES PA'I BAR DU NI MI BSKYOD PA DANG 'OD DPAG TU MED PA DANG RIN CHEN 'BYUNG LDAN DANG DON YOD GRUB PA DANG, SPYAN MA DANG M'A MA K'I DANG GOS DKAR MOD DANG DAM TSIG SGROL MA DANG, GSHIN RJE MTHAR BYED DANG SHES RAB MTHAR BYED DANG PADMA MTHAR BYED DANG BGEGS PA MTHAR BYED DANG MI G-YO BA DANG DBYUG SNGON CAN DANG 'DOD PA'I RGYAL PO DANG STOBS PO CHE DANG GTZUG TOR 'KHOR LOS SGYUR PA DANG, GNOD MDZES KYIR GYAL PO SEMS RNAM PAR DAG PA'I RIM PAS 'OD GSAL BA LA 'JUG CING SLAR YANG SNANG BA NYE BAR THOB PA LA SOGS PA'I RIM PAS 'JUG CING MNGON PAR BYANG CHUB PA MNGON DU BYAS LA ZUNG DU 'JUG PA'I TING NGE 'DZIN THOB PAR 'GYUR RO ZHES BSTAN TO, 'DIR NI DRUG PA RDO RJE 'CHANG NGO, ,DE YONGS SU GYUR PA LAS DKYIL 'KHOR THAMS CAD BSGOM PAR BYA'O ZHES MAN NGAG GO, ,SNANG BA GSUM ZHES BYA BA NI SNANG BA LA SOGS BA YE SHES GSUM MO, ,STONG PA NYID GSUM MO ZHES PA NI STONG BA DANG SHIN TU STONG PA DANG STONG PA CHEN PO'O, ,RGYU MA'I MTSAN MA'I PHYIR ZHES PA NI BUD MED KYI SGYU MAS THON PAR 'GYUR BA'O, ,SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI; ,'DI NYID LAS NI MTSON PAR 'GYUR, ,ZHES 'BYUNG BAS SO, ,DON DAM PA'I BDEN PA NI 'OD GSAL BA'O, SHES RAB DANG THABS NYE BAR THOB PA ZHES PA NI SNANG BA LA SOGS PA'I YE SHES GSUM DANG 'JUG PA LA SOGS PA'I RNAM PAR SHES PA GSUM SPONG BAR BYED PA'O, ,SNANG BA

, ,CHEN PO ZHES PA LA SOGS PA NI YE SHES GSUM NYE BAR SDUD PAR BYE DPA'I 'OD GSAL BA'O, BSTAN PA LA GNOD PAR BYAD PA ZHES PA LA SOGS PA 'DIS GSHIN RJE MTHAR BYED KYIS GDUL PAR DKA' BA 'DUL PA NYID BSTAN TO, RDO RJE GSUM GYI GNAS NI 'OD GSAL PA'I ZHES PA NI YE SHES GSUM NYA BAR SDUD PAR BYED PA'I PHYIR RO, ,RDO RJE NAM MKHA' NI KUN DU SNANG BA GSUM GYI ZHES PA NI SNANG BA LA SOGS PA GSUM MO, ,DE NYE BAR SDUD PA'I BDAG NYID 'DZIN PA 'AM THIM PAS NA DBYIBS NI 'OD GSAL BA NYID DO, ,NAM MKHA' LA SPYOD PA RNAM SO ZHES PA NI GRUB PA DANG RIG PA 'DZIN PA LA SOGS PA'O, ,SGRA JI BZHIN PA'I ZHES PA'I DKYIL 'KHOR GYI 'KHOR LO BSTAN PAS SO, ,'GOG PA NI GSOD PA ZHES BYA BA LA SOGS PAS BSKYED PA'I RIM PA'I RNAL 'BYOR PAS YAN LAG BZHI PA DANG RO SBYOR BSGOM ZHING, DBUS KYI GTZO BO'I GZUGS KYIS BKA' SBYIN TE KHRO BO'I 'KHOR LO'I SGO NAS GDUG PA CAN TSAR GCOD PA'I THABS BSTAN TO, ,RDZOGS PA'I RIM PA'I RNAL 'BYOR PAS SEMS RNAM PAR DAG PA'I RIM PAS 'OD GSAL BA 'JUG STE, YANG BDAG LA BYIN GYIS BRLAB PA'I RIM PAS LANGS LA SGYU MA LTA BU'I TING NGE 'DZIN GYIS PHRIN LAS THAMS CAD 'GRUB PAR BYED DO ZHES BSTAN TO, ,GSHIN RJE GSHED LA SOGS PA'I TING NGE 'DZIN GYIS ZHES PA NI KHRO BO'I RANG BZHIN YIN PAS SO, ,LHA RNAMS KYI 'KHOR LO BSTEN CING DMIGS PAS SO ZHES PA NI BSKYED PA'I RIM PAS DKYIL 'KHOR SPRO BAR BYAS PAS SO, ,DE KHO NA NYID LA DMIGS PA SNGON DU 'GRO BA ZHES PA NI BGEGS BSKRAD PA NAS BRTZAMS TE CHOS KYI DBYINGS KYI SNGAGS SNGON DU 'GRO BAS SO, ,SA BON DGOD PA SNGON DU 'GRO BAS ZHES PA NI YI GE SUM DGOD PA SNGON DU 'GO BA'O, ,RDO RJE LA SOGS PA DMIGS PA DANG ZHES PA NI YIG 'BRU YONGS SU GYUR PA LAS MTSAN MA LA SOGS PA DMIGS PA'O, ,DE YONGS SU GYUR PA LAS ZHES PA NI PHYAG MTSAN YONGS SU GYUR PA LAS BYUNG BA'I RDO RJE 'CHANG LA SOGS PA'I LHA'I SKU'O, ,DE DAG NI SKU RNAMS SO, ,DKA' YE 'KHOR LO LA DMIGS PA,,

ZHES PA NI KHRO BO'I 'KHOR LO SPRO BAS 'GRUB PAR 'GYUR TE, DES GDUG PA RNAMS SEL BAR BYED PA'I PHYIR RO, ,DRANG BA'I DON TO ZHES PA NI BSKYED PA'I RIM PA BSTAN PAS SO, ,GZUGS KYI PHUNG PO LA SOGS PA'O ZHES PA NI THA MAL PA'I NYE BAR LEN PA'I PHUNG PO LNGA'I MTSAN NYID PO, ,DE RNAMS SNGAGS DANG PHYAG RGYA'I RIM PAS 'GUGS PA NE DON DAM PA'I BDEN PA LA 'JUG PA'O, ,RANG BZHIN GYI NI BRGYA DRUG CU'O, ,LUS LTAR SNANG BA'I YE SHES GSUM NI LUS SO, ,RGYAB KYIS PHYOGS PA'O ZHES PA NI DE ZLOG PAR BYED PA RDZOGS PA'I RIM PA'I TING NGE 'DZIN LA GNAS PA'O ZHES PA NI 'OD GSAL BA LA 'JUG PA'O ZHES BYA'O, ,TING NGE 'DZIN GYI BDAG NYID CES PA NI BDE BA CHEN PO'I TING NGE 'DZIN GYI RANG BZHIN NO, ,RDO RJE YE SHES NI DE BZHIN GSHEGS PA'I SKU RNAMS SA, ,DON DAM PA'I DKYIL 'KHOR NI 'OD GSAL BA LAS LDANG BAR GYUR PA LA ZHES PA NI BDAG LA BYIN GYIS BRLAB PA'I RIM PAS SPRUL PA'I SKU BLANGS PAS 'GRUB PAR 'GYUR BA NI RDZOGS PAR 'GYUR RO, ,NGES PA'I DON TO ZHES PA NI SEMS RNAM PAR DAG PA DANG BDAG LA BYIN GYIS BRLAB PA'I RIM PA BSTAN PA'I PHYIR RO, ,DE BZHIN GSHEGS PA ZHES BYA BA LA SOGS PAS RIM PA GNYIS KYIS PHYAG RGYA CHEN PO'I SKU BSKYED PA LAS KYI TSOGS BSGRUB PA'I SGO NAS LE'U'I MING DON DANG LDAN PA BSTAN TO, ,LE'U'I DON NI SNGAR BSHAD ZIN TO, ,SGRON MA GSAL BAR BYED PA'I 'GREL PA'I t'I K'A LAS LE'U BCU GSUM PA'I RGYA CHER BSHAD PA'O,, ,,DA NA ZHES BYA BA LA SOGS PAS LE'U BCU BZHI PA'I BSHAD PA BRTZAM PAR BYA STE, SNGAGS SMRA BA RNAM PA BZHIN NI ZHI BA LA SOGS PA'I MTSAN NYID DO, ,RJES SU 'BRANGS NAS ZHES PA NI DE DANG RJES SU MTHUN PA'I SNGAGS 'BRANGS NAS SO, ,GANG GI PHYIR SBRUL LA SOGS PA'I SNGAGS RNAMS NI ZHI BA LA SOGS PA'I LAS BYED PA YIN NO ZHES RDO RJE GTZUG TOR LA SOGS PA LAS BSTAN PAS SO, ,DE BSTAN PAR BYA BA'I PHYIR ZHES PA NI SNGAGS KYI SGO NAS ZHI BA LA SOGS PA 'GRUB PA'I PHYIR RO, ,DGONGS PA NI 'DI YIN TE LE'U BCU GSUM PA NAS LAS KYI TSOGS BSTAN MOD KYI 'ON KYANG DE

, ,RNAMS BSGOM PA SNGON DU 'GRO BA YIN NO, ,LE'U BCU BZHI PA LAS SNGAGS DANG BSGOM PA DANG RDZAS KYIS DE RNAMS BSGRUB PAR BYA'O ZHES BSTAN TO, ,GO RIMS ZHES PA NI RIM PA'O, ,BSHAD PA'I RGYUD NI RDO RJE PHRENG BA LAS SO, ,ZHI BA DANG NI RGYAS PA DAG ,ZLA BA YAR GYI NGO LA BYA, ,ZHES BYA BA LA SOGS PA NI ZHI BA NI NAD KYI ZIL GYIS NON PA LA NAD DANG BRAL BA'O, ,RGYAS PA NI NOR MED PA 'AM NOR CHUNG BA'I 'BRU DANG GSER LA SOGS PA BYED PA'O, ,DE DAG YAR GYI NGO LA ZHES PA NI RIM GYIS ZLA BA 'PHEL BA'I BDAG NYID KYI DUS SU BYA'O, ,ZLA BA NI GDUNG BA ZHI PA DANG 'PHEL BAR 'GRO BAS SO, ,DBANG NI BSTAN PA LA MI 'JUG PA 'JUG PAR BYED PA'O, ,MNGON SPYOD NI SNYING RJES GDUL DKA' GSOD PA'O, ,SOGS PA'I SGRAS NI GZHAN DAG KYANG RENGS PA DANG DGAR BA DANG DGUG PA DANG SDANG BA LA SOGS PA DRAG SHUL GYI LAS RNAMS SO, ,MAR GYI DO NI GO RIMS KYIS ZLA BA NUB PA'I DUS SU BYA BA STE 'KHRUL PA BSKYED PA'I PHYIR DANG, RMONGS PAR BYED PA'I PHYIR DANG, 'JIGS PAR BYED PA STE DUS KYI NGES PA'O, ,BYANG DU KHA BLTAS LA ZHI BA BYA STE, RNAM THOS SRAS KYIS NAD BCOM PAR BYED PAS SO, ,SHAR DU KHA BLTA BA NI RGYAS PAR BYA STE BRGYA BYIN GYIS DUS THAMS CAD DU RGYAS PAR BYED PA'O, ,LHO PHYOGS NI LHO PHYOGS SU DRAG PO'I LAS BYAS TE GSHIN RJES NI 'JIG RTEN PA MTHAR BYED PAS SO, ,DBANG DANG DGUG PA NUB KYI PHYOGS SU BYA STE, CHU LHAS NI SBRUL GYI ZHAGS PAS DGUG CING DBANG BYED PAS SO, ,ME'I PHYOGS NI SHAR LHO'I MTSAMS SU'O, ,GSOD PA NI SROG DANG BRAL BAR BYA STE MES BSREG PA NYID KYIS GSOD PAR BYED PAS SO, ,BDEN BRAL NI LHO NUB KYI MTSAMS SU'O, ,SDANG BAR BYA BA NI BYAMS PA GNYI GA LA DBYE BAR BYA STE, BDEN BRAL NI ZHE SDANG GI RANG BZHIN YIN PAS SO, ,GNAS LAS BSKRAD PA NI DGAR BA STE DE RLUNG GI PHYOGS SU NI NUB BYANG GI MTSAMS SU BYA STE, RLUNG NI G-YO BA'I NGO BO YIN PAS SO, ,DE NI PHYOGS DANG MTSAMS KYI DBYE BA'O, ,DE BZHIN DU SGOM PA'I GNAS SKABS SU ZHI PA'I LAS BYED NA KHA DOG DKAR PO'I BDAG NYID DU BSGOM PAR BYA STE, ZLA BA'I KHA DOG NI TSIM

PAR BYED PA DANG, TSA BA LA SOGS PA ZHI BAR BYED PAS SO, ,RGYAS PA'I LAS BYED NA KHA DOG SER PO'I BDAG NYID BSGOM PAR BYA STE, GSER NI RGYAS PAR BYED PAS SO, ,DBANG DANG 'GUGS PAR BYED NA KHA DOG DMAR PO'I BDAG NYID BSGOM PAR BYA STE, PADMA LA SOGS PAS SNYING 'PHROG PAR BYED PA'I PHYIR RO, ,GSOD PA'I LAS LA KHA DOG NAG PO BSGOM PAR BYA STE, MUN PAS 'JIG RTEN PA THAMS CAD SGRIB PAR BYED PAS SO, ,DE NI KHA DOG GI DBYE BA'O, ,BYAMS PA'I BDE PA DANG LDAN PA NI 'DOD PA'O, ,DE GTZO BOR GYUR PA'I SEMS KYIS ZHI BA'I LAS BYA STE GZHAN GYI SDUG BSNGAL BZLOG PA'I MTSAN NYID YIN PAS SO, ,DE BZHIN DU DGA' BA'I SEMS KYIS RGYAS PA'I LAS BYA STE, DGA' BAS NI GZHAN LA PHUN SUM TSOGS PA'I 'DOD PA'I BDAG NYID YIN PAS SO, ,DE BZHIN DU CHAGS PA'I SEMS KYIS DBANG GI LAS BYA STE, CHAGS PA DANG BCAS PAS GZHAN LA DBANG BYED PA YIN GYI CHAGS PA DANG BRAL BAS MA YIN PAS SO, ,DE BZHIN DU KHRO BO'I SEMS NI ZHE SDANG DANG LDAN PA'I YID KYIS GSOD BA'I LAS BYA STE, KHROS PAS GZHAN GYI GNOD PA LA NUS PA DANG LDAN PAS SO, ,DES NI SEMS KYI SKABS KYI KHYAD PAR GYI DBYE BA BSTAN TO, ,DE BZHIN DU NI SROD NI MTSAMS KYI DUS SU ZHI BA'I LAS BYA STE NYI MA NUB NAS ZLA BA SHAR BAS SO, ,GANG GI PHYIR ZLA BA DANG NYI MA NI ZHI BA DANG DRAG PO STE DE DAG GI RJES SU MTHUN PA'I LAS BYED PAS SO, ,SNGA GRO NI NANG PAR DE THAMS CAD SAD PA'I DUS SU RGYAS PA'I LAS BYA STE, NANG BAR GYI NYI MA 'PHEL BAR BYED PAS SO, ,DBANG GI LAS DANG MNGON SPYOD KYI LAS NI NYI MA PHYED DANG MTSAN PHYED KYI DUS SU BYA STE, NYI MA PHYED PA'I DUS SU NI RNO BA YIN PA DANG, MTSAN PHYED KYI DUS SU THAMS CAD GNYID LOG PAS DRAN PA MED PAS SO, ,DE NI DUS KYI KHYAD PAR GYI DBYE BA'O, ,RDZOGS PA'I RIM PA LA GNAS PA, ZHES BYA BA NI DE'I TSE DRAG PO'I LAS BYA'O ZHES PA'I BAR DU NI RDO RJE 'CHANG CHEN PO LA SOGS PA'I GANG YANG RUNG PA'I RNAL 'BYOR PAS LKOG MA LA SOGS PA'I GNAS BZHI LA ME LA SOGS PA'I DKYIL 'KHOR BZHI BSGOMS LA, DE RNAMS SU YI GE GSUM DMIGS NAS DE LA 'JUG PA LA

, ,SOGS PA'I RIM PAS BZLAS PA BYA STE, G-YAS DANG G-YON DANG GNYIS KA DANG DAL BUS DMAN PAR RGYU BA'I DMAR PO LA SOGS PA'I 'OD ZER SPRO ZHING SNA'I RTZE MOR THUN PHYED PHYED KYI DUS SU DE NYID 'DZIN PAS SLAR YANG BSDUS LA DE'I TSE 'BAD RTZOL MED PAS ZHI BA LA SOGS PA BYA'O ZHES BSTAN TO, ,BSHAD PA'I RGYUD LAS ZHES PA NI DGONGS PA LUNG BSTAN PA LAS SO, ,NANG GI BDAG NYID CAN GYI DUS, ,ZHES PA NI PHYI MA YIN PA'O, ,GSANG BA CHEN PO NI BSKYED PA'I RIM PA'O, ,DE LAS SHIN TU GSANG BA NI RDZOGS PA'I RIM PA'O, ,SHIN TU PHRA BA NI RNAL 'BYOR GYI MNGON GSUM GYIS RTOGS PAR BYA'O, ,BYANG CHUB SEMS KYI BYIN GYIS BRLABS PA YIN TE ZHES PA NI BYANG CHUB SEMS KYI NGO BO RDO RJE 'CHANG CHEN POS BYIN GYIS BRLABS PA'O, ,'OD GSAL BA'I NGO BO YIN PAS NA YE SHES SO, ,DE BZHIN DU RIM PA 'DI NYID KYIS SEMS CAN GROL BAR 'GYUR BA DANG SNGAGS RNAMS 'GRUB PAR 'GYUR TE RANG BZHIN YONGS SU SHES PAS SO, ,DE BZHIN DU ZHI BA LA SOGS PA'I LAS RNAMS SU DE NYID SEMS KYI DBYINGS NI PHRA MO'I RNAL 'BYOR GYI MTSAN NYID RTOG PA MA LUS PA SREG PAR BYED PAS NI ZHI BA, GZUNG BA NI BSTEN PAR BYA PA'O, ,BSKYED PA'I RIM PA NI GZUNG BAR BYA BA MA YIN TE SPROS PA DANG BCAS PAS SO, ,DPE BSTAN PAR BYA BA'I PHYIR ME TOG CES BYA BA LA SOGS PA SMOS TE, JI LTAR ME TOG ZANG NA YANG DE'I DRI SNOD LA SOGS PA'AM TIL LA SOGS PA LAS TSOR BAR 'GYUR BA DE BZHIN DU KHO NA NYID MNGON DU MA GYUR NA YANG SEMS CAN SO SO'I SKYE BO RNAMS KYI SNYING GAR GNAS TE, BSAM GTAN KHA THON MED PAS KYANG, ,MI SHES SNGAGS KYI RGYAL PO BZLA, ,ZHES 'BYUNG BAS SO, ,DUS KYI DBYE BA BSHAD PAR BYA STE NYIN MO DANG MTSAN MO CHU TSOD DRUG CU RTZA BZHI'I TSAD DANG LDAN PA'I THUN NI BRGYAD DE, NYIN MO BZHI DANG MTSAN MO BZHI'O, ,DE LA CHU TSOD BRGYAD NI THUN GCIG GO, ,DE'I PHYED NI CHU TSOD BZHI'O, ,DE'I PHYED NI CHU TSOD GNYIS SO, ,DES NA DON 'DI YIN TE, NYIN MOR CHU TSOD GNYIS GNYIS DANG, ,MTSAN MOR CHU TSOD GNYIS GNYIS SU, SNA'I RTZE MOR THUN BRGYAD KYI NANG NA THIG

LE BZUNG NAS 'OD GSAL BA RTOGS PA'I BDAG NYID KYI SEMS RTZE GCIG PA NYID THOB PAR 'GYUR RO, ,RIM NI ZHES BYA BA G-YAS PA LA SOGS PA'I DBYE BAS SO, ,GO RIMS JI BZHIN NI ME'I DKYIL 'KHOR LA SOGS BA'I DBYE BAS DMAR PO LA SOGS PA'I KHA DOG GI BYE BRAG GIS SO, , DE NYID BSTAN PA'I PHYIR, ME LA SOGS PA NI MDOR BSTAN PA'O, ,CHU'I DKYIL 'KHOR ZHES BYA BA LA SOGS PA RGYAS PAR BSTAN PA STE GO SLA'O, ,DE RNAMS KYI BDAG PO NI GTZO BO STE SPRO BA DANG, BSDU BAR BYED PA'I BDAG NYID YIN PAS SO, ,RIMS LA SOGS PA NYE BAR ZHI BA LA SOGS PA ZHES PA NI RLUNG DANG MKHRIS PA LA SOGS PA'I RNAM PA LAS BYUNG BA'I NAD THAMS CAD ZHI BAR BYED PAS SO, ,DE ZHI BAR BYAD PAS NA ZHES PA NI DE 'JOMS PAR BYED PA'O, ,KHYAD PAR GYUR PAS NA ZHES PA NI NAD BCOM PA'I KHYAD PAR DU GYUR PAS SO, ,SGRUB PA PO NI RNAL 'BYOR PA RNAMS TE DE BZHIN GSHEGS PA THAMS CAD KYI DNGOS GRUB 'DOD PAS SO, ,DE RNAMS KYI GZUNG BAR BYA BA YIN PAS NA ZHES PA NI SEMS CAN GYI DON BYA BA'I PHYIR YID KYIS GZUNG BAR BYA BA'O, ,MNYAM PAR BYUNG BA LAS ZHES PA NI LUS LA SOGS PA PHAN TSUN DBYER MED PA'I PHYIR RO, ,BKA' STZAL PA'O ZHES PA NI GSUNGS PA'O, ,AOm ZHES BYA BA LA SOGS PA NI SV'A H'A'I BAR DU'O, ,SBAS NAS BRJOD PAS NA SNGAGS SO, ,SPRUL ZHES BYA BA STE ZHES PA NI MGO PO DANG MJUG MA DANG LDAN PAS SO, ,RDO RJE GTZUG TOR ZHES BYA BA LA SOGS PAS LUNG TSAD MA NYID DU BSTAN TO, ,THOG MA DANG ZHES BYA BA LA SOGS PAS AOm DANG SV'A H'A DAG GIS THOG MA DANG THA MAR BRGYAN PA ZHI BA'I DON DU SPRUL ZHES BYA'O, ,SNGAGS KYI MING ZHES BYA BA 'DIS SNGAGS RNAMS KYI BRDA BSTAN TO, ,SNGAGS KYI DON NI DE'I BRJOD BYA'O, ,'DI LTA STE ZHES BYA BA NI TSIG PHRAD SDUD PAS NA SNGAGS BSTAN PAR BYA BA'I PHYIR RO, ,DE LA YI GE AA NI BCOM LDAN 'DAS MI BSKYOD PA'O, ,AO NI 'OD DPAG TU MED PA'O, ,MA NI RNAM PAR SNANG MDZAD CHEN PO STE DE NYID RJES SU 'JUG PA'I DBYANGS SO, ,DE LTAR THUGS RDO RJE LA SOGS PA'I YI GE GSUM GYI BDAG NYID NI YI GE AOm MO, ,BSOD

, ,NAMS LEN PA'O ZHES PA NI BKRA SHIS RTOGS PAR BYED PA'O, ,LHAG MA NI 'GREL PA MKHAN POS LEGS PAR BSHAD PAS NI 'DIR MA BSHAD DO, ,'DIR ZHES BYA BA LA SOGS PAS 'DIR BZLAS PA'I DUS SU SNGAGS KYI YI GE KHA DOG DKAR PO DANG DE'I MCHOD PA'I DUS SU ME TOG LA SOGS PA GANG YIN PA DE RNAMS KYANG KHA DOG DKAR POR BSAM PAR BYA'O ZHES BSTAN TO, ,GZUNGS 'DIS ZHES BYA BA NAS THOB PAR 'GYUR RO ZHES PA'I BAR DU GZUNGS 'DI THOS PA TZAM GYIS NAD PA RNAMS DGA' BAR 'GYUR BA DANG, RNAM PAR SNANG MDZAD RJES SU DRAN PAR 'GYUR RE ZHES BSTAN TO, ,SGRUB PA PO MNGON PAR 'DOD PA RNAMS SO ZHES PA NI ZHI BA'I DON GNYER BA'O, ,DE RNAMS LA RNAM PAR SNANG MDZAD KYI RIGS YIN PAS NA RE ZHIG ZHIB 'BYUNG BAR MA ZAD KYI 'ON KYANG BSKUL BA NI BOO shAtA LA SOGS PA'O, ,KHA DOG NI SER PO LA SOGS PA'O, ,BSAM PA NI DGA' BA DANG CHAGS PA DANG KHROS PA LA SOGS PA'O, ,DE'I BYE BRAG GIS KYANG LAS THAMS CAD RGYAS PA LA SOGS PA BYED PA'O, ,DES NI SNGAGS RE RES LAS THAMS CAD BYED PA YIN NA YANG KHA CIG GTZO BO YIN NO ZHES BSTAN TE RAB TU GRAGS PA'I PHYIR RO, ,LAS GZHAN BSTAN PAR BYA BA'I PHYIR, SHI BA SLONG PAR BYED PAS NA, ,ZHES BSTAN TO, ,DE DAG NI DE DANG 'DRA BA'I SNGAGS NI SPYAN MA'I SNGAGS TE MTHU NI DE'I NUS PA BSTAN TO, ,DE BZHIN DU RDO RJE DAM TSIG CES BYA BA LA SOGS PAS RNAM PAR SNANG MDZAD LA SKUL BAR BYED PA NYID KYANG BSTAN TO, ,GSUNGS SO ZHES BYA BA LA SOGS PAS NYE BAR BSDUS PA'O, ,'DIR MAN NGAG 'DI YIN TE RNAM PAR SNANG MDZAD KYI RNAL 'BYOR DANG LDAN PAS MDUN DU ZLA BA'I DKYIL 'KHOR GYI STENG DU BSGRUB BYA NAD PA BKOD LA DE'I STENG GI PHYOGS SU YI GE H'Um LAS BYUNG BA'I RDO RJE GNOD SBYIN GYI KHRO BO BSAMS LA, LAG PAR RDO RJE THOGS PA DES YI GE KAm YONGS SU GYUR PA LAS, SPREL LA SOGS PA'I GZUGS CAN NAD PA'I SNYING GA NAS NGAG GI LAM NAS BYUNG BA BRLAG PAR BYAS PA RANG GI LAG PA'I 'KHOR LO 'BAR BAS KYANG BSREGS PAR GYUR BAR BSAMS TE, RANG GI SNYING GA LAS SPYAN MA'I TSOGS SPROS LA DE RNAMS KYIS KHA

DOG DKAR PO BUM PA'I CHUS DBANG BSKUR TE ME TOG DANG SPOS LA SOGS PA KHA DOG DKAR POS MCHOD LA RNAM PAR SNANG MDZAD KYI GZUGS SU BSKYED CING SPYI BO DANG SNYING GA DANG LTE BA DANG GSANG BA RNAMS LA SNGAGS 'DIS REG CING SOS PAR 'GYUR RO, ,DE'I 'OG TU NI RIG MED PA'I GRO GA 'AM TA LAR GUR GUM MAM GI WANG DAG GIS PADMA 'DAB MA BRGYAD PA BRIS LA, DE'I PHYI ROL DU RTZIBS BCU GNYIS PA'I 'KHOR LO BRIS TE, DBUS KYI LTE BA LA YI GE AOm DANG CHE GE MO LA SH'ANTIm KU RU SV'A H'A ZHES BYA BA BRIS NAS LHAG MA'I YI GE RNAMS 'DAB MA RE RE LA DGOD CING RTZIBS RNAMS KYI PHYI ROL YI GE HAS BSKOR ZHING SKUD PA DKAR POS BCING LA PLAG SHA DANG RGYA SKYEGS DANG LCAGS GSUM GYIS SBYAR TE, TZANDAN GYIS BYUGS PA'I SRAD BU DKAR POS PHYOGS GCIG TU BCINGS LA, ZA MA TOG GI NANG DU BZHAG STE BSKYED PA'I RIM PAS SPYAN MA'I RNAM PA BSKYED LA, DKYIL 'KHOR GYI DBUS SU KHA DOG DKAR PO ME TOG LA SOGS PAS MCHOD PA DE LAS LANGS TE DE'I DPUNG PA G-YAS PA LA BCING BAR BYA'O ZHES BYA BAS ZHI BA BSKYED PA YIN NO, ,DE BZHIN DU DE'I ZHAG TU SHI BA'I MI RO BLANGS LA BA YU RNAM PA LNGAS SBYANG ZHING SKU KHRUS KYI CHO GAS BKRUS LA, SKU'I DKYIL 'KHOR GYI DBUS SU RDO RJE SKYIL MO KRUNG GIS BZHAG LA GOS DANG RGYAN LA SOGS PA DANG LDAN PA DRIS BYUGS LA LEGS PAR BDUG PAR BYAS LA, SPYAN MA'I SNGAGS KYIS MGO BO LA SOGS PAR REG CING NAM MKHA'I PHYOGS LA GNAS PA'I YI GE GSUM GYI RNAM PA CAN SRID PA BAR MA DO KHA DOG DKAR PO BSAMS LA, DE YONGS SU GYUR PA LAS RNAM PAR SNANG MDZAD CHEN PO SEMS DPA' GSUM GYI BDAG NYID DE'I SNYING GAR BCUG LA MCHOD PA RNAM PA LNGAS MCHOD LA NAM MKHA'I DBYINGS LA BZHUGS PA'I SANGS RGYAS SPYAN MA'I TSOGS KYIS BDUD RTZI'I BUM PA'I CHU RGYUN GYIS DBANG BSKUR ZHING DE'I DRUNG DU GRU BZHI PA KHRU NYI SHU'I TSAD DANG LDAN PA 'O MAS GANG BA'I RDZING BU'I 'GRAM DU ZHI BA'I SBYIN SREG BYAS LA SBYIN SREG GI MTHAR DE LAS BLANGS PA'O MAS GANG BA'I BUM PA BRGYA RTZA BRGYAD KYIS BKRUS LA SANGS RGYAS SPYAN MA'I SNGAGS KYIS REG CING BKRA SHIS KYI TSIGS

, ,SU BCAD PA BRJOD LA DGE SLONG GI DGE 'DUN LA BZHES PA DRANG ZHING DE'I TSE RO DE 'TSO BAR 'GYUR RO ZHES BSTAN TO, ,DE NYID KYI PHYIR SHI BA SLONG BAR BYED PA ZHES BSTAN TO, ,DE NAS ZHES BYA BA NAS BRTZAMS TE DMIGS PA'O ZHES PA'I BAR DU NI BGEGS THAMS CAD 'JOMS PAR BYED PA'I TING NGE 'DZIN LA SNYOMS PAR ZHUGS PA NYID BSTAN TO, ,DNGOS PO NI BGEGS RNAMS SO ZHES BYA BA LA DGE BA'I PHYOGS BCOM PAR BYAD PA'I PHYIR 'BYUNG ZHING MTHU DANG LDAN PAS SO, ,BTZUN MO MCHOG LTAR ZHES PA NI JI LTAR RGYAL PO'I BTZUN MO THAMS CAD KYI MCHOG TU GYUR PA DE BZHIN DU GZUNGS SNGAGS RNAMS KYI 'DI YANG GTZO BOR GYUR PA'O, ,AOm ZHES BYA BA LA SOGS PA'I SNGAGS KYI BSHAD PA NI GO SLA'O, ,DE RNAMS KYIS MI PHYED PA ZHES PA NI NGO BO GCIG GIS LUS GANG LA YOD PA DE, SGRUB PA PO NI M'A MA K'I'I RNAL 'BYOR PA RNAMS SO, ,SNGAGS THOS PAS DGA' NAS SPYAN GYI AUTPALA GDANGS PAR GYUR TO, ,PHRIN LAS BSHAD PAR BYA STE, BDUD LA SOGS PA ZHES PA NI DUS MA YIN PA'I 'CHI BA LAS SRUNG BAR MDZAD PA'O, ,DE BZHIN DU BGEGS DANG LOG 'DREN ZHES PA NI 'JIG RTEN SKYONG BA RNAMS KYI 'JIGS PA DES GZIR BA NI MNAN PA RNAMS KYIS BGEGS 'JOMS PAR MDZAD PA'O, ,M'A MA K'I NI MI BSKYOD PA'I RIGS 'BA' ZHIG TU MA ZAD KYI RIN CHEN 'BYUNG LDAN GYI RIGS CAN YANG YIN TE, GNYIS KA'I RIGS KYI THUN MONG YIN NO ZHES BYA BA'I THA TSIG GO, ,'DIR RIG PA NI SNGAR BSHAD ZIN TO, ,'DIR MAN NGAG NI M'A MA K'I'I RNAL 'BYOR DANG LDAN PAS DUS MA YIN PA'I 'CHI BA'I 'JIGS PAS GDUNG BA 'AM 'JIG RTEN SKYONG BA LA SOGS PA ZIL GYIS GNON PA'I BSGRUB BYA MDUN DU NYI MA'I DKYIL 'KHOR GYI STENG DU GNAS PA'I SDIG PA SBYANG BAR BYAS LA SNGA MA BZHIN DU M'A MA K'I'I TSOGS KYIS DBANG BSKUR LA MI BSKYOD PA'I GZUGS SU BSKYED CING, SNGAGS BRIS PA'I SRUNG BA'I 'KHOR LO DPUNG PA G-YAS PA LA BCING BAR BYA'O, ,DE'I TSE JI LTAR BSHAD PA'I LAS 'GRUB PAR 'GYUR RO, ,DE NAS ZHES BYA BA LA SOGS PA RGYAS PA'I TING NGE 'DZIN LA SNYOMS PAR ZHUGS PA NYID DU BSTAN TO, ,AOm ZHES BYA BA LA

SOGS PA'I SNGAGS KYI DON NI GO SLA'O, ,PADMA'I RIGS LA LHAG PAR MOS PAS RNAMS SO ZHES BYA BA LA SOGS PAS SNGAGS THOB PAS DE'I SGRUB BA PO'O, ,DGA' ZHING RANG GI BDAG PO LA BSTAN PAR 'GYUR RO ZHES BSTAN TO, ,CHED DU BRJOD PA LA SOGS PA'O ZHES PA NI NGAG LA 'JUG PA'I MTSAN NYID KYI RGYAS PA'O, ,LUS RGYAS PA NI STOBS YIN NO, ,DE NYID BSTAN PA'I PHYIR, ,BYA BA RNAMS LA SPRO BA'O ZHES PA NI BYA BA BYED PA LA NUS PA'O, ,NOR DANG 'BRU LA SOGS PA NI PHYI'I RGYAS PA'O, ,DE DAG THAMS CAD NI GSUM PO YANG NGO, ,RDO RJE GSUM ZHAS BYA BA LA SOGS PAS DPE'I SGO NAS SGRUB PA PO DE'I NGO BO NYID DU 'GRUB PAR 'GYUR RO ZHES BSTAN TO, ,BTON PA TZAM GYIS ZHES BYA BA LA SOGS PAS RE ZHIG SGRUB PA PO NI BZHAG NA RTOG PA LAS GSUNGS PA'I BZLAS PA'I CHOGS 'GRUB PAR 'GYUR NA LAS THAMS CAD KYANG 'GRUB PAR 'GYUR RO ZHES BSTAN TO, ,'DIR SPYAR BA NI RE ZHIG DANG PO RNAL 'BYOR PAS GOS DKAR MO'I RNAL 'BYOR DANG LDAN PA ZLA BA'I DKYIL 'KHOR GYI STENG DU BSGRUB BYA MDUN DU BSGOMS LA RANG GI SNYING GA NAS SPROS PA'I GOS DKAR MO'I TSOGS PHYUNG NAS DBANG BSKUR ZHING, 'OD DPAG TU MED PA'I GZUGS SU BSKYED LA, DE'I DPUNG PA LA SNGAGS BRIS PA'I SRUNG PA'I 'KHOR LO BCING BAR BYAS NA DE'I TSE NOR DANG 'BRU LA SOGS PA RGYAS PAR 'GYUR RO, ,DE NAS ZHES BYA BA LA SOGS PAS DBANG GI TING NGE 'DZIN DU SNYOMS PAR ZHUGS PA NYID DU BSTAN TO, ,AOm ZHES BYA BA LA SOGS PA'I SNGAGS KYI DON NI GO SLA'O,, SANGS RGYAS THAMS CAD KYI BYA BA BYED PAS SANGS RGYAS KUN NI DON YOD PAR GRUB PA'O, ,DE LA LHAG PAR MOS PA RNAMS SO ZHES PA NI DON YOD GRUB PA'I DNGOS GRUB DON DU GNYER BA'O, ,MGU BAR GYUR PA NI SNGAGS DANG DE'I MTHU THOS PAS NANG GI BDAG NYID RAB TU DGA' BAR GYUR PA'O,, SKYES BU GTZO BO ZHES PA NI BRAM ZE DANG RGYAL RIGS DANG DMANGS RIGS DANG RJE'U RIGS KYI KHYIM BDAG RNAMS SO, ,SNYING SRA BA RNAMS SO ZHES PA NI GDUL BAR BYA DKA' BA CHOM RKUN LA SOGS PA'O, ,RGYAL PO RNAMS SO ZHES PA NI SA BDAG RNAMS SO, ,DE RNAMS DANG JI SRID GZHAN

, ,RNAMS KYANG 'JIG RTEN THA MAL PA ZHES PA NI TSOD DPON DANG TSOD PA DANG MTHO BA'I RIGS SO, ,RNAM PA THAMS CAD DU NI LUS NGAG YID KYIS SO, ,BRAN BZHIN DU NI 'BANGS BZHIN NO, ,DBANG DU 'GYUR ZHING ZHES PA NI SGRUB PA PO'I ZHAL BLTA BA DANG DE'I BKA' YANG NYAN PAR 'GYUR RO, ,DE NYID BSTAN PA'I PHYIR THAMS CAD SGRUB PA PO'I DBANG DU GYUR PAS SNGAR BSHAD PA'I BSGRUB BYA DBANG DU GYUR BAS SO, ,G-YO MED PA STE ZHES PA NI BYA BA GZHAN MED PA'O, ,DE NYID KYI PHYIR GZHAN GYI DBANG DU GYUR PA NI RNAL 'BYOR PA LA RAG LUS PA GZUNGS SNGAGS 'DIS BYED PA'O, ,'DIR SBYOR BA NI SGROL MA'I RNAL 'BYOR DANG LDAN PA'I SGRUB PA POS SNGON GYI BSNYEN PAS DE'I SNGAGS 'BUM PHRAG GCIG BZLAS SHING DE NYID KYIS MNGON PAR BZLAS PA'I CHUS MIG LA NYE BAR REG CING GANG MTHONG BA DANG GANG GIS MTHONG BA DE NYID DBANG DU 'GYUR RO, ,DE BZHIN DU LAM DU 'GRO BAR 'DOD PAS GOS KYI MTHAR LAN BDUN BZLAS SHING BCINGS LA MTHONG BA TZAM GYIS SGRA MI G-YO BAR 'GYUR RO, ,SBYOR BA GZHAN YANG DPAL SGROL MA 'BYUNG BA'I RGYUD LAS RJES SU 'BRANG BAR BYA'O, ,'OD ZER DKAR PO'I TSOGS ZHES BYA BA NI RNAM PAR SNANG MDZAD KYI 'BREL BA DANG LDAN PA'O, ,RIGS DANG RIGS CAN DBYER MED PAS TING NGE 'DZIN DANG YANG DE SKAD CES BYA'O, ,RDO RJE LTAR MI PHYED PA'I GSHIN RJE GSHED PO DBYER MED PAS DE'I SNGAGS LA YANG DE SKAD CES BYA'O, ,NA MA ZHES BYA BA LA SOGS PAS SKU RDO RJE LA SOGS PA DANG PO RJES SU DRAN PAR BYAS TE, KHRO BO THAMS CAD DE LAS 'BYUNG BA'I PHYIR RO, ,DE'I PHYIR SNGAGS 'DON PA'I DUS SU NI KHRO BO THAMS CAD KYI SNGAGS BZLAS PA'I DUS SU'O, ,AOm ZHES BYA BA LA SOGS PAS SNGAGS KYI DON BSHAD PA NI GO SLA'O, ,'DIR BCOM LDAN 'DAS ZHAL GSUM PHYAG DRUG PA YIN NA YANG, ZHAL BZHI PA PHYAG BZHI PA LHAG PA'AM NYUNG BA NYE BAR BLANG BA NI MOS PA'I DBYE BAS SO, ,DE NYID KYI PHYIR BCOM LDAN 'DAS ZHABS GNYIS PA YIN NA YANG ZHABS DRUG TU BSTAN TE, RGYUD GZHAN LAS ZHAL DRUG PA DANG PHYAG DRUG PA DANG ZHABS DRUG PA GSUNGS PAS SO, ,DE GSUNGS PA YANG GDUL BYA'I 'DOD PA'I DBYE BAS

SO; ,MA H'A BIGHN'ANA NI GSHIN RJE'O, ,A'A KARshA YA ZHES BYA BA 'DIS DGUG PA LA SNGAGS KYI MTHU BSTAN TO, ,DE NAS ZHES BYA BA LA SOGS PAS BRGYA BYIN LA SOGS PA 'JIG RTEN SKYONG BA RNAMS SNGAGS THOS PAS 'JIG BA DANG RDO RJE 'CHANG CHEN PO RJES SU DRAN PA NYID DU BSTAN TO, ,RNAM PAR SNANG MDZAD KYI SBYOR BA DANG LDAN PAS ZHES BYA BA LA SOGS PAS 'DI SKAD BSTAN PA YIN TE, JI LTAR MNGON PAR 'DOD PA'I SKYES PA'AM BUD MED MNGON PAR DGUG PAR 'DOD PAR 'DOD PA'I RNAL 'BYOR PAS DE'I RO LANGS KYI CHOGS MA NYAMS PA'I THOD PA BLANGS LA SNGAGS KYIS BYIN GYIS BRLABS PA'I RGYA SKYEGS KYI KHU BAS DE'I GZUGS DE LA BRIS TE DE DAG LA CHE GE MO A'A KARshA YA ZHES BYA BA SNYING GAR BRIS LA RAm LAS SKYES PA'I NYI MA'I DKYIL 'KHOR GYI STENG DU H'Um LAS SKYES PA'I SNA TSOGS RDO RJES MTSAN PA'I RKANG PA G-YON PAS DE DAG LA MNAN ZHING LCAGS KYU DE NYID KYIS SNYING GAR BRDEG LA SKYABS MED PA GZHAN DBANG DU GYUR PA BUD MED DANG SKYES PA RNAMS DGUG PAR BYA'O, ,ZHAG BDUN ZHES BYA BA 'DIS DUS KYI NGES PA BSTAN TO, ,DGOS PA NI 'DI YIN TE SNGON DU BSNYEN PA BYAS PA DAM BCA' BA BSTAN PA'I SGRUB PA POS GAL TE ZHAG BDUN SBYOR BA 'DI BSLABS NA DE'I TSE SNGAR BSHAD PA'I SKYES PA 'AM BUD MED RNAMS DGUG PAR 'GYUR RO ZHES BYA BA'I THA TSIG GO, ,DE NAS ZHES BYA BA LA SOGS PAS DON YOD GRUB PA'I RIGS CAN GYI BDUD RTZI 'KHYIL PA'I TING NGE 'DZIN DU ZHUGS PA NYID BSTAN TO, ,DE LAS BYUNG BA'I SNGAGS KYI BDAG NYID KYI KHRO BO ZHES PA NI BDUD RTZI 'KHYIL PA DON YOD GRUB PA'I RIGS YIN PAS SO, NA MA ZHES BYA BA LA SOGS PA DON BSHAD ZIN PA'O ZHES PA NI NGES PA'I TSIG SNGAR BSHAD PA'O, ,AOm ZHES BYA BA LA SOGS PA'I SNGAGS KYI DON BSHAD PA NI GO SLA'O, ,MA H'A GA NA DZI BI T'ANT'A KA RA YA ZHES BYA BA NI BGEGS KYI BDAG PO'I SROG 'PHROG BA ZHES BYA BA'I DON TO, ,DE NYID KYI PHYIR BCOM LDAN 'DAS 'PHAGS PA BDUD RTZI 'KHYIL PA'I BGEGS KYI BDAG PO NI GDAN YIN NO, ,SV'AH'A ZHES BYA BA LAS GONG DU NI SV'A H'A SNGON DU'O, ,DE NAS ZHES BYA BA LA SOGS PAS DON YOD GRUB PA'I RNAL 'BYOR PAS SNGAGS 'BUM PHRAG GCIG BZLA ZHING 'CHAD PAR

, ,'GYUR BA'I SBYOR BAS SPONG BA'I CHO GA BSTAN TO, ,RIM PA NI 'DIS ZHES BYA BA LA SOGS PAS SKE TSE DANG RDZAS DRAG PO KHU BA CHEN PO DANG LDAN PAS DUR KHROD KYI GOS LA GZHU'I DBYI BAS CAN RLUNG GI DKYIL 'KHOR BRIS LA PHYOGS GNYIS SU RDO RJES MTSAN PA BYAS TE, DE'I DBUS SU CHE GE MO AU TZA TA YA HRI ZHES BYA BA BRIS LA BSGRUB BYA'I RNAM PAR SHES PA DGUG CING DE LA GZHUG STE, BDUD RTZI 'KHYIL PA'I SNGAGS BRJOD CING SOR BRGYAD PA MI'I RJE NGAR GYI KHONG STONG LA 'JUG NA DE NYID DUR KHROD KYIS SA RU BRKOS NAS SPAS NA DE'I TSE ZHAG BDUN GYIS DGRA GNAS LAS SPO BAR 'GYUR RO,, DGRA'I SGO RU BRKOS NAS SPAS NA DE MA THAG TU GNAS LAS SPO BAR 'GYUR RO ZHES BSTAN TO, ,DE NAS ZHES BYA BA LA SOGS PA LA, DE KHO NA NYID KYI RIN PO CHE ZHES PA NI 'OD GSAL BA'AM ZUNG DU 'JUG PA'I RANG BZHIN NO, ,DE NYID RTOG NI MTSAN GANG LA YOD PA DE LA DE SKAD CES BYA'O, ,SANGS RGYAS NI DE BZHIN GSHEGS PA RNAMS KYI NANG NA 'OD ZER NI NAM MKHA' MDZOD KYI TING NGE 'DZIN GYIS BSAM PA THAMS CAD YONGS SU RDZOGS PAR GANG LA YOD PA DE NI SANGS RGYAS 'OD ZER TE RIN CHEN 'BYUNG LDAN NO, ,DE'I BDAG NYID KYI TING NGE 'DZIN LA ZHUGS NAS 'DI SKAD BKA' STZAL TO, ,GZHAN GYIS MI THUB PA'I KHRO BO CHEN PO ZHES PA NI SRIN PO LA SOGS PA LAS RGYAL BAS KHRO BO'I RGYAL PO ZHES BYA'O, ,SNGAGS KYI BDAG NYID CES BYA BA 'DIS SNGAGS DANG LHA RJOD PAR BYED PA DANG BRJOD PAR BYA BA DBYER MED PAR BSTAN TO, ,NA MA ZHES BYA BA LA SNGAGS KYI DON BSHAD PA NI GO SLA'O, ,RAKshA SA TI BHYO PI MO TZA YA HRI ZHES BYA BA 'DIS GDUG PA RNAMS GSOD PAR BYED PA'I BDAG NYID BSTAN PA DANG, NAD PA RNAMS SOS PAS SHI BAR BYED PA YANG 'DI YIN NO ZHES BSTAN TO, ,DE NAS ZHES BYA BA LA SOGS PAS SNGAGS DRAN PA DANG THOS PA DE'I SGRUB PA POS DE BSTEN PA DANG DE LA BRTZON PA'I PHYIR DGA' BA DANG RIN CHEN 'BYUNG LDAN LA SKYABS SU 'GRO BA NYID BSTAN TO, ,SHA ZA'O ZHES PA NI SHA ZA BA'I 'BYUNG PO'I RIGS SO, ,NYE BAR MTSON PA YIN TE GNOD SBYIN DANG SRIN PO DANG 'BYUNG PO DANG YI DAGS DANG SMYO BYED DANG BRJOD BYED DANG, MKHA' 'GRO DANG MKHA' 'GRO MA LA SOGS PA YANG GZUNG

NGO; ,SENG GE LA SOGS PA ZHES PA NI NAGS TSAL LA SPYOD PA'I SROG CHAGS DRAG PO'O, ,PHYIR RGOL BA ZHES PA NI PHA ROL RGOL BA'I DGRA RNAMS TE, 'JIG RTEN PA'I LHA DRAG PO DANG KHYAB 'JUG DANG DBYIG GI SNYING PO LA SOGS PA'O, ,GNOD BAR BYED PA ZHES PA NI RNAM PAR 'TSE BAR BYED PA'O, , ME DANG SPRUL ZHES PA LA SOGS PA NI SROG CHAGS DRAG POS KHYAB PA'I NAGS TSAL LA SOGS PA LA'O, ,RDO RJE 'CHANG CHEN PO'I ZHES PA NI THUGS RDO RJE NYE BAR SDUG PAR BYED PAS SO, ,DES GSOD PAS NA ZHES PA NI DES SPROS PA STE RDO RJE 'CHANG LAS BSKYED PA'I RIN CHEN 'BYUNG LDAN ZHES BYA BA'O, , RIN CHEN 'BYUNG LDAN GYI TING NGE 'DZIN LA DMIGS PA ZHES PA NI SHES RAB MTHAR BYED LA BKA' SBYIN PAR BYA'O ZHES DGONGS PA NI MAN NGAG CES BYA BA'O, ,SRUNG BA LA SOGS PA'I LAS NI SRIN PO LA SOGS PA'I LAS BSRUNG BA'I CHO GA'O, ,RTOG PA LAS BYUNG BA'I CHO GA ZHES PA NI GZHAN GYIS MI THUB PA'I LAS KYI RTOG PA LAS GSUNGS PA'I CHO GAS SO, ,DE LA 'DIR CHO GA NI 'DI YIN TE ZHES BYA BA LA SOGS PAS DPAL RIN CHEN 'BYUNG LDAN GYI RNAL 'BYOR PAS YI GE H'Um GNYIS YONGS SU GYUR PA LAS LAG PA GNYIS LA NYI MA'I DKYIL 'KHOR GNYIS BSGOMS TE MDUN DU SRIN PO LA SOGS PA'I GDON GYIS BZUNG BA'I BSGRUB BYA BZHAG NAS DE 'OD ZER SPROS PAS BSGRUB BYA'I LUS LAS SRIN PO LA SOGS PA BKUG CING LAG PA GNYIS KYIS NYI MA'I DKYIL 'KHOR GYI DBUS SU SON PAR BYAS LA DE'I 'BAR BAS BSREGS SHING THAL BAR GYUR PAR BSAM PAR BYA'O, ,DE'I TSE BSGRUB BYA SRIN PO LA SOGS PAS BKROL BAR 'GYUR RO, ,KHA CIG NA RE SHES RAB MTHAR BYED KYI SNGAGS KYIS ZANGS GRI BYIN GYIS BRLABS LA SHA ZA LA SOGS PAS BZUNG BA'I BSGRUB BYA'I GRIB MA SNGAGS BRJOD PA SNGON DU 'GRO BAS DE GCOD LA, SHA ZA LA SOGS PA YANG GCOD PAR 'GYUR RO, ,DE'I SA GZHI'I RDUL DANG YUNGS KAR DANG BCAS PAS BSREGS LA, LAS THAMS CAD DA'I GTOR MA'I RIM PA'I CHO GAS SHES RAB MTHAR BYED KYI SNGAGS BRIS PA'I SRUNG BA'I 'KHOR LO GSUNGS PAS BCING BAR BYA'O, ,DE'I TSE BSGRUB BYA SOS PAR

, ,'GYUR RO ZHES BSTAN TO, ,DE NAS ZHES BYA BA LA SOGS PAS TSE DPAG TU MED PA'I TING NGE 'DZIN LA SNYOMS PAR ZHUGS PA NYID BSTAN TE, DE LAS 'BYUNG BA'I KHRO BO RTA MA MGRIN ZHES PA NI 'OD DPAG TU MED PA STE SPRUL PA YIN PA'I PHYIR RO, ,SNGAGS KYI BDAG NYID DU ZHES PA NI SKU DANG SNGAGS DE'I BDAG NYID YIN PAS SO, ,NA MA ZHES BYA BA LA SOGS PA'I DON BSHAD PA NI RDO RJE 'CHANG CHEN PO GSUM PO'I PHYAG 'TSAL BA'I DON CES BYA BA'I THA TSIG GO, ,AOm ZHES BYA BA LA SOGS PA'I SNGAGS KYI DON BSHAD PA NI GO SLA'O, ,HA YA GR'I PA YA PHAt CES BYA BA LA SOGS PAS PHAt GYI MTHA' CAN GYI TSIG BCU NI PHYOGS BCU LA GNAS PA'I BGEGS BSKRAD PA'I DON TO, ,YI GE H'Um GSUM NI LUS LA SOGS PA 'JIG PA'I PHYIR RO, ,DBUGS DBYUNG BA DE NYID LA ZHI BA'I PHYIR RO, ,DNGOS GRUB THAMS CAD RAB STER BA, ,ZHES PA NI ZHI BA'I PHRIN LAS 'GRUB PAR BYED PA'O, , DE NAS ZHES BYA BA LA SOGS PAS THOS PA DANG DRAN PA'I SGO NAS 'OD DPAG TU MED PA'I SGRUB PA PO RNAMS MGU BAR 'GYUR RO ZHES BSTAN TO, ,NAM MKHA'I DBYINGS ZHES BYA BA LA SOGS PAS HA LA HA LA DANG, KA LA KU TA LA SOGS PA'I DUG GI KHYAD PAR SNGAGS 'DIS ZHI BAR 'GYUR RO ZHES BSTAN TO; ,'DIR MAN NGAG 'DI YIN TE ZHES BYA BA LA SOGS PAS PADMA MTHAR BYED KYI RNAL 'BYOR PAS SEMS DPA' GSUM GYI BDAG NYID KYI BSGRUB BYA BSGOMS LA, DE'I SNYING GA'I PADMAR ZLA BA'I DKYIL 'KHOR GYI STENG DU BDUD RTZI'I SA BON YI GE HAm BKOD LA DE'I 'OD ZER GYIS MA LUS PA'I LUS KHYAB CING LAG PA G-YAS PA'I MTHIL LA BKOD PA'I ZLA BA'I DKYIL 'KHOR GYI STENG DU YI GE HAm 'OD ZER GYI 'KHOR LO SPRO BAR BYED PA BKOD LA, SOR MO RNAMS LA RIM PA JI LTA BA BZHIN DU KHRI LA SOGS PA BDUD RTZI'I SA BON LNGA BKOD CING DE LAS BYUNG BA'I 'OD ZER GYI TSOGS KYIS DUG 'OG TU SONG PAS LUS KYANG BDUD RTZIS GANG BA BSGOM PAR BYA'O ZHES BSTAN TO, ,GZHAN DAG NA RE LAG PA G-YON PA'I ZLA BA'I DKYIL 'KHOR GYI STENG DU AOm BKOD LA SNGAGS KYIS BZLAS PA'I CHU BLANGS NAS DE BTUNG BAS DUG ZHI BAR 'GYUR RO, ,YANG NA RTA MGRIN DANG LDAN PA'I RNAL 'BYOR PAS BSGRUB BYA'I

MGO BO LA SOGS PAR KU RU KU LE'I SNGAGS BKOD LA DE LAS BYUNG BA'I 'OD ZER GYI TSOGS KYIS NANG NAS DUG BKUG CING 'OG TU SON PAR BSGOMS TE, RTA MGRIN GYI SNGAGS KYIS GNAS DER REG PAS DUG ZHI BAR 'GYUR RO, ,JI SKAD DU, ,KU RU KU LEE SV'A H'A'I MTHA', ,RIG PA THOG MAR AOm DANG LDAN, ,MGO BO KHA DANG LKOG MA DANG, ,SNYING DANG GSANG BA RKANG PAR DGOD, ,CES 'BYUNG BA'O, ,DON YOD GRUB PA'I DNGOS GRUB NI ZHI BA LA SOGS PA'I LAS THAMS CAD KYI DNGOS GRUB PO, ,DAG TZO BO YIN PAS DON YOD GRUB PA LA YANG DE SKAD CES BYA'O, ,DON YOD DAM TSIG CES BYA BA LA SOGS PAS DON YOD GRUB PA'I TING NGE 'DZIN LA SNYOMS PAR ZHUGS PA NYID DU BSTAN TO, ,AOm ZHES BYA BA LA SOGS PAS SNGAGS KYI DON BSHAD PA NI GO SLA'O, ,'DIR SARBA BIGHN'A NI KHYAB 'JUG DANG, DRAG PO DANG DBYIG GI SNYING PO LA SOGS PA'O, ,SARBA DBYI NI PHA ROL GYIS BRJOD PA'I GZUNGS SNGAGS SO, ,SARBA MANTRA NI ZHI BA LA SOGS PA'I SNYING PO DANG NYE BA'I SNYING PO LA SOGS PA'O, ,SARBA M'U LA KARMA NI GZHAN GYIS BSTAN PA LAS PHRAN TSEGS SO, ,KE TRE TZE SHA DI ZHES PA NI SBYAR NAS BYAS PA'AM SDIG PA'I DUG GO, ,SARBA GRA HAN NI ZA BYED KYI GDON NAM BRJOD BYED KYI GDON NAM BYA'I GDON LA SOGS PA'O, ,BGEGS MCHOG RNAMS NI BDUD KYI GTZO BO STE BRGYAN BYIN LA SOGS PA'O, ,BRGYA RTZA BRGYAD CES BYA BAS SBYOR BA'I DUS SU BRGYA RTZA BRGYAD BZLAS PAS 'GRUB STE, BSNYEN PA'I DUS SU 'BUM PHRAG GCIG BZLAS PAS SNGAGS 'GRUB PO, ,SNGAGS KYI DON YONGS SU SHES LAS LHA RNAMS LA SPONG BA'O ZHES PA NI DGONGS PA NI 'DI YIN TE, BRJOD PAR BYA BA DANG RJOD PAR BYED PA'I DBYE BAS SNGAGS NI RNAM PA GNYIS TE, DE LA RJOD PAR BYED PA TZAM GYIS SNGAGS NI DNGOS GRUB STER BAR BYED PA MA YIN TE, RANG BZHIN RTOGS PAR MI 'GYUR PAS KHA SKAD BZHIN NO, ,SNGAGS KYI BRJOD PAR BYA BA YONGS SU SHES NA DE YIS LHA'I DE KHO NA NYID RTOGS PAS SNGAGS RNAMS DNGOS GRUB STER BAR 'GYUR RO, ,'DIR NI CHO GA 'DI YIN TE ZHES BYA BA LA SOGS PAS 'KHRUL 'KHOR GYI SBYOR BAS GSOD PA BSTAN TO, ,'DIR NYID PHYED DANG

, ,MTSAN PHYED NI DRAG SHUL GYI LAS KYI DUS SU'O, ,THOD PA GSUM GYI SGYED PU BYAS LA RO LANGS KYI CHO GAS SAM RANG GIS BYAS PAS SO, ,SKYED PUS NI DUR KHROD LA SOGS PA'I RTEN BYAS NAS SO, ,DE'I STENG DU GZUGS BRNYAN BZHAG LA ZHES PA NI SNGAR BSHAD PA'I KHA SBYAR BZHAG NAS SO, ,DUR KHROD KYI MES ZHES BYA BA NI RO PHYED BSREGS PA'I MES SO, ,'PHRAL DU 'CHI BAR 'GYUR RO ZHES PAS SBYOR BA'I MTHU BSTAN TO, ,DE NAS ZHES BYA BA LA SOGS PAS CHAR 'BEBS PA'I CHO GA MDZAD PA STOBS PO CHE'I TING NGE 'DZIN DANG SNYOMS PAR ZHUGS PA BSTAN TO, ,DBYER MED PAS STOBS PO CHE'I SNGAGS KYANG STOBS PO CHE ZHES BYA'O, ,AOm ZHES BYA BA LA SOGS PA'I SNGAGS KYI DON BSHAD PA NI GO SLA'O, ,THOG NI GLOG GO, ,DE BZHIN DU SGRA GANG LA YOD PA ZHES BYA BA 'DIS SPRIN GYI 'BRUG SGRA RANG 'DRA BA NYID DU BSTAN TO, ,BRGYA RTZA BRGYAD BZLAS PA ZHES BYA BA LA SOGS PAS LAS KYI DUS SU BZLAS PA'I GRANGS BSTAN TO, ,SNGON GYI BSNYEN PA NI 'BRUM PHRAG GCIG KHO NA'O, ,CHAR CHAD PA ZHES PA NI BZA' BA LA SOGS PA'I NYES PAS CHAR MI 'BAB PA'O, ,DE ZHI BAR BYAS NAS CHAR GYI RGYUN NI CHAR GYI TSOGS SO, ,KLU NI 'JOG PO LA SOGS PA'O, , 'BEBS PA NI 'BAB PAR 'GYUR PA'O, ,'DIR RIM PA 'DI YIN TE ZHES BYA BA LA SOGS PAS CHAR 'BEBS PA'I CHO GA BSTAN TE, MNGON SPYOD KYI RDZAS NI LAN TSVA DANG SKE TSE DANG DUG DANG LONG TSANG GI KHU BA'O, ,DE RNAMS KYIS PADMA 'DAB MA BRGYAD PA BRIS LA 'DAB MA RE RE LA KLU CHEN PO BRGYAD BRIS LA KLU DE RNAMS KYI SNYING GA DANG MGO BOR H'Um NAm H'Um ZHES BYA BA RDO RJE GDAN BZHI'I RGYUD LAS GSUNGS PA'I SNGAGS SPEL LA SBYAR BA'O, ,LTE BA'I DBUS SU NI PADMA'I ZE'U 'BRU LA'O, ,AOm ZHES BYA BA LA SOGS PAS YI GE GSUM DANG BCAS PAS BADZRA DHA RO AADNY'A PA YA TI ZHES BYA BA LA SOGS PA BKOD NAS SO, ,YANG 'KHOR LO GNYIS PA DE BZHIN DU NI DE DANG 'DRA BA'I 'KHRUL 'KHOR GNYIS PA BRIS NAS SO, ,KHA SBYAR BYAS TE ZHES PA NI 'KHRUL 'KHOR GNYIS SBYAR NAS SO, ,DGUG PA SNGON DU 'GRO BA ZHES PA NI STOBS PO CHE'I SNGAGS BRJOD PA SNGON DU 'GRO BAS DE DGUG PA'O, ,GZUGS BRNYAN

NI BSGRUB BYA'I GZUGS BRNYAN GYI'O, ,SNYING GAR GZHUG GO ZHES PA NI SNYING GA'I NANG DU GZHUG PAR BYA'O, ,GZUGS BRNYAN NI ZHES BYA BA LA SOGS PAS KLU'I GZUGS BRNYAN BYA BA'I THABS BSTAN TE, CHU BO'I NGOS GNYIS KYI ZHES PA NI 'GRAM GNYIS KYI'O, ,SA NI DE'I 'BREL BA DANG LDAN PA'I SA'O, ,BDUD RTZI LNGA DANG LDAN PA NI DE DANG 'DRES PA'O, ,DE BZHIN DU SNGAR BSHAD PA'I MNGON SPYOD KYI RDZAS NI LAN TSVA LA SOGS PA DANG 'DRES PA'O, ,NGUR KHROD KYI ME NI DUR KHROD KYI ME'I 'O BAS LA'O, ,GDUNG PA NI GDUNG PAR BYA'O, ,DE LTAR BYAS NA KLU NI 'JOG PO LA SOGS PA'O, ,CHAR 'BEBS PAR 'GYUR RO ZHES PA NI CHAR CHEN PO 'BAB PAR 'GYUR RO, ,KUN DU NGES PAR SGROGS PA'O ZHES PA NI NAM MKHA' MA LUS KHYAD PA'O ,RDO RJE'I SGRA NI MI PHYED PA'I HA TA DGOD PA GANG LA YOD PA DE LA DE SKAD CES BYA'O ZHES BYA BA 'DIS NI 'DOD PA'I RGYAL PO'I TING NGE 'DZIN LA SNYOMS PAR ZHUGS PA NYID BSTAN TO, ,MTHU CHEN PO DANG LDAN PA'I BGEGS RNAMS SO ZHES BYA BA 'DIS NI MIG 'PHRUL DANG LDAN PA KHYAB 'JUG DANG DRAG PO LA SOGS PA PHYOGS SKYONG BA RNAMS SO, ,DE 'CHING BAR BYED PAS NA 'GUGS PAR BYED PA STE BCINGS PA'I DON BSTAN TO, ,DE NYID GTZO BO YIN PAS NA ZHES PA LA THUN MONG YIN PA'I LAS BYED PAS SO, ,SNGAGS KYI BDAG NYID CAN ZHES PA NI BRJOD PAR BYA BA DANG BRJOD PAR BYED PAR DBYER MED PAS KHRO BO NI SNGAGS KYI BDAG NYID CES BYA'O, ,NA MA ZHES BYA BA LA SOGS PA'I SNGAGS KYI DON BSHAD PA NI GO SLA'O, ,MING BTUS PA ZHES PA NI SNGAGS KYI BRDA'O, ,DE YANG ZHES BYA BA LA SOGS PAS RDO RJE GTZUG TOR GYI RGYUD TSAD MA NYID DU BSTAN TO, ,DE NAS ZHES BYA BA LA SOGS PAS SNGAGS BZLAS PA DANG THOS PA TZAM GYIS GDUG PA RNAMS 'JIGS PA DANG BCAS PA DANG, RDO RJE 'CHANG CHEN PO RJES SU DRAN PAR 'GYUR RO ZHES BSTAN TO, ,RDO RJE SEMS DPA' ZHES BYA BA LA SOGS PAS GANG YANG RUNG BA'I RDZAS KYI SA LA SOGS PAS BSGRUB BYA'I GZUGS BRNYAN BRIS LA DE'I SNYING GA'I PHYOGS SU MING SPEL NAS, RGYAL PO LA SOGS PA'I BSGRUB PAR SHES PA BKUG LA DER BCUG STE RDO RJE 'CHANG CHEN PO'I TING NGE 'DZIN MNGON DU BYAS PA SNGON

, ,DU 'GRO BAS 'DOD PA'I RGYAL PO'I SNGAGS LAN BRGYA RTZA BRGYAD BZLAS PAS RDO RJE LCAGS KYU BKOD PA'I RKANG PA G-YAS PAS DE MNAN ZHING JI SRID RGYAL PO LA SOGS PA DE SRID 'GUGS PAR BZLAS PAR BYA'O, ,YE SHES KYI PHRENG BA'I CHU ZHES BYA BA LA SOGS PAS MI G-YO BA'I TING NGE 'DZIN LA SNYOMS PAR ZHUGS PA NYID DU BSTAN TO, ,SNGAGS KYI BDAG NYID CAN ZHES PA NI KHRO BO'I SKU DANG SNGAGS DAG DBYER MED PAS SO, ,NA MA ZHES BYA BA LA SOGS PAS SNGAGS KYI DON BSHAD PA NI GO SLA'O, ,SV'A H'A RA LDAN ZHING ZHES BYA BA LA SOGS PAS SNGAGS KYI BRDA BSTAN TO, ,MGO MED CES PA NI AOm ZHES BYA BA MGO BO DANG BRAL PAS SO, ,BGEGS RNAMS LONG BAR BYED PA'O ZHES PA NI 'JIGS PA CHEN POS MIG LONG BSKYED PAR BYED PAS SO, ,NYON MONGS PA THAMS CAD NI 'DOD CHAGS LA SOGS PA'O, ,YANG NA THAMS CAD NI 'JIG RTEN PA RNAMS KYI NYON MONGS PA NI NAD LA SOGS PA DE MI BZOD PA NI DE BZHIN GSHEGS PA RNAMS SO, ,DE NAS ZHES BYA BA LA SOGS PAS SNGAGS BRJOD PA DANG THOS PAS DBANG PHYAG CHEN PO LA SOGS PA RNAMS KYANG 'JIGS PA DANG LDAN PA DANG RDO RJE 'CHANG CHEN PO LA SKYABS SU 'GRO BA NYID DU BSTAN TO, ,'DI YIS ZHES BYA BA LA SOGS PA SNGAGS BRIS PA'I 'KHRUL 'KHOR GYI DBANG PHYUG CHEN PO LA SOGS PA YANG 'GUGS PAR 'GYUR RO ZHES BSTAN TO, ,SNGON DU BSNYEN PA SNGAGS 'BUM PHRAG GCIG BZLA ZHING YANG GRO GA LA SOGS PA GI WANG DANG TZANDAN DANG GUR GUM DANG GA PUR DANG GLA RTZI LA SOGS PA DE MED NA THA MAL PA'I RDZAS KYIS DBANG PHYUG CHEN PO LA SOGS PA'I GZUGS BRNYAN MING DANG SPEL BAR BYAS LA, DE DANG 'DRA BA'I 'KHRUL 'KHOR GNYIS PAS KHA SBYAR LA SNGA MA BZHIN DU NYI MA'I DKYIL 'KHOR GYI STENG DU DGOD PA RDO RJE LCAGS KYUS MTSAN PA'I G-YON BRKYANG PA'I RKANG PAS MNAN CING MTSAMS GSUM DU BRGYA RTZA BRGYAD BZLAS PA BYAS PAS DBANG PHYUG CHEN PO LA SOGS PA 'GUGS PAR 'GYUR RO, ,RDO RJE 'CHANG GI BKA' ZHES PA NI RDO RJE 'CHANG GI BKA' LUNG NGO, ,DE NYID MI PHYED PAS NA ZHES PA NI BGEGS THAMS CAD KYIS MI 'DA' BAS SO, ,DE'I MING CAN ZHES PA NI DE'I MING CAN TING NGE 'DZIN TO, ,

RDO RJE 'DZIN PA THAMS CAD CES BYA BA LA SOGS PAS MTHA' MED PA'I SNGAGS KYI BRDA BSTAN TE SV'A H'A MED PAS SO, ,DE'I DON NA NI 'DI YIN TE ZHES BYA BA LA SOGS PAS SNGAGS KYI BSHAD PA NI GO SLA'O, ,RDO RJE SEMS DPA' ZHES BYA BA LA SOGS PAS SBYOR BA BSTAN TE, RDO RJE 'CHANG CHEN PO'I RNAL 'BYOR DANG LDAN PAS SEMS DPA' GSUM GYI BDAG NYID RNAM PAR SNANG MDZAD LA SOGS PA DE BZHIN GSHEGS PA'I TSOGS BSGOM LA YE SHES SEMS DPA'I THUGS KA NAS 'OD ZER GYI TSOGS SPRO ZHING DE NYID LCAGS KYU'I RNAM PAR YONGS SU GYUR NAS BSGRUB BYA'I YE SHES SEMS DPA'I 'OD ZER GYI SBYOR BAS BKUG LA GNON MDZES KYI RGYAL POS RLUNG GI DKYIL 'KHOR GYI STENG DU DRANGS PA ZHAGS PA DANG LCAGS KYU DAG GIS MGUL PA BCINGS SHING SPYI BOR BTAB LA, MDUN DU PHYIN NAS RANG GI YE SHES SEMS DPA'I SNYING GAR 'JUG PAR BYA'O, ,DE'I TSE NGE BZHIN GSHEGS PA THAMS CAD KYI NUS PA 'GUGS PAR 'GYUR RO, ,DE YANG LE'U BCU PA LAS THABS BZHI'I RIM PA BSTAN TO, ,RIM PA 'DI NYID KYIS LHA LA SOGS PA RNAMS KYI YANG BU MO 'GUGS PAR 'GYUR RO ZHES BYA'O, ,DE NYID BSTAN PA'I PHYIR BU BO ZHES BYA BA 'DI NYE BAR MTSON PA TZAM ZHES BSTAN TO; ,NANG GI BDAG NYID LA GZHOL BA ZHES BYA BA NI PHYI ROL GYI RDZAS LA MI LTOS PA LA 'JUG PA'I, ,DE NAS ZHES BYA BA NAS SKU DGUG PA'I ZHES PA'I BAR DU NI SANGS RGYAS DGUG PA ZHES BYA BA'I TING NGE 'DZIN LA SNYOMS PAR ZHUGS PA NYID BSTAN TO, ,DANG PO RDO RJE 'CHAD CHEN PO LA SOGS PA'I SKU DMIGS PA SNGON DU 'GRO BA RANG GI SNYING GNAS ZHAGS PA DANG LCAGS KYU'I RNAM PA'I 'OD ZER RNAMS BSGRUB BA BYA'I LUS LA SOGS PA LA 'JUG NA DE'I TSE LUS KYANG 'GUGS PAR 'GYUR RO ZHES BSTAN TO, ,'DIR BSGRUB PAR DKA' BA NI TSANGS PA LA SOGS PA 'JIG RTEN PA'I LHA DANG 'JIG RTEN LAS 'DAS PA'I DE BZHIN GSHEGS PA RNAMS KYANG SGRUB BA PO LA MI GZIGS PA ZHES BYA'O, ,STON PA ZHES BYA BA NAS KHUGS PAR 'GYUR RO ZHES PA'I BAR DU NI SNGAR BSHAD BA'I TING NGE 'DZIN GYIS RDO RJE 'CHANG GI SEMS DGUG PA BSTAN TO, ,'KHOR LO ZHES BYA BA NAS DGUG STE

, ,ZHES BYA BA'I BAR DU NI RNAM PAR SNANG MDZAD LA SOGS PA'I RNAL 'BYOR PAS RIM PA JI LTA BA BZHIN DU RANG GI SKU BSGOMS LA RANG GI SNYING GA LAS SPROS PA'I 'OD ZER GYI TSOGS 'KHOR LO DANG PADMA DANG RIN PO CHE DANG RAL GRI'I RNAM PA YONGS SU GYUR PA BSGRUB BYA'I SNYING GAR BCUG PAS DGUG PAR BYA'O ZHES BSTAN TO, ,RDO RJE SEMS DPA' CHEN PO'I RNAL 'BYOR PAS ZHES BYA BA NAS NGES PAR 'GUGS PAR 'GYUR RO ZHES BYA BA'I BAR DU RDO RJE 'CHANG GI TING NGE 'DZIN MNGON DU BYAS LA, YI GE H'Um YONGS SU GYUR PA'I SNA TSOGS RDO RJE'I STENG DU RGYAL PO'I BTZUN MO BZHAG PAR BSAMS LA RANG GI SNYING GA LAS BYUNG BA'I 'OD ZER GYI TSOGS RDO RJE LCAGS KYU'I RNAM PA CAN DE'I SNYING GAR BCUG PAS DGUG PAR BSAM PAR BYA'O, ,DE BZHIN DU RNAM PAR SNANG MDZAD CES PA NAS DGUG PAR BYA'O ZHES BYA BA'I BAR DU RNAM PAR SNANG MDZAD KYI RNAM PA YONGS SU GYUR PA LAS ZLA BA'I DKYIL 'KHOR GYI STENG DU GNAS PA BRGYA BYIN GYI CHUNG MA RLUNG GI DKYIL 'KHOR GYIS KHYER BA BDUD RTZI 'KHYIL PAS DRANGS PAR BSGOMS TE, MDUN DU PHYIN PA BSAM PAR BYA'O ZHES RNAM PAR SNANG MDZAD KYI SBYOR BAS DGUG PAR BYA'O ZHES BSTAN TO, ,LAN GRANGS LNGA BCU BRJOD NAS ZHES PA NI THABS DANG SHES RAB KYI BDAG NYID KYIS RNAM PA GNYIS SU BYAS NAS BRGYAR 'GYUR RO, ,BRGYA BZLAS PA NI BRGYA RTZA BRGYAD BZLAS PA YIN NO, ,RDO RJE DKYIL 'KHOR ZHES BYA BA NAS DGUG PAR BYA'O ZHES BYA BA'I BAR DU NI MI BSKYOD PA'I RNAL 'BYOR PAS 'DOD PA'I RGYAL PO YONGS SU GYUR PA LAS RDO RJE LCAGS KYU LA GNAS PA'I LHA'I BU MO BSAMS TE RDO RJE LCAGS KYU'I SBYOR BA DE NYID KYIS DGUG PAR BSAM PAR BYA'O, ,DE'I TSE 'GUGS PAR 'GYUR RO ZHES BSTAN TO, ,RDO RJE KHRO BO ZHES BYA BA NAS DGUG PAR BYA'O ZHES BYA BA'I BAR DU NI THUGS RDO RJE 'CHANG GI TING NGE 'DZIN MNGON DU 'GYUR BA SNGON DU 'GRO BAS RANG GI STING GNAS SNGAR BSHAD PA'I KHA DOG DANG, DBYINGS DANG LDAN PA'I GNOD MDZES KYI RGYAL PO SPROS LA, DES ZHAGS PA DANG LCAGS KYU DAG GIS LHA MA YIN GYI BU MO BCINGS NAS SNYING GAR BRDEGS LA RLUNG GI DKYIL 'KHOR GYIS DRANGS

PAR BSAMS NA DE'I 'GUGS PAR 'GYUR RO ZHES BSTAN TO, ,BTZAG GAM ZHES BYA BA NAS NGES PAR 'GYUR RO ZHES PA'I BAR DU NI BTZAG NI RDO RJE LCAGS KYU LTA BU'I RNAM PA BYAS NAS ZLA BA GZAS ZIN PA'I DUS SU SNYOMS BAR ZHUGS PA'I TSE PHYAG RGYA'I CHOS 'BYUNG GI NANG DU BCUG LA JI SRID ZLA BA BTANG BA DE SRID DU BZLA BAR BYA'O, ,DE'I 'OG TU DE LAS LANGS LA BSGRUB BYA'I MING BRIS TE, SRUNG BA'I 'KHOR LOS BSRUNG ZHING MNGON PAR 'DOD PA GANG YIN PA DE DGUG PAR BYA'O ZHES BSTAN TO, ,RNAM PA THAMS CAD CES BYA BA NAS NYE BAR SDUD PA'O ZHES BYA BA'I BAR DU NI RE ZHIG DANG PO BSKYED PA'I RIM PAS 'JAM PA'I RDO RJE'I BDAG NYID BSGOMS LA RANG GI SNYING GNAS NAS GSHIN RJE MTHAR BYED SPRO ZHING DE YONGS SU GYUR BA LAS ME'I DKYIL 'KHOR DE LA ZLA BA'I 'OD LA SOGS PA MNGON PAR 'DOD PA'I GNOD SBYIN MA BZHAG STE RLUNG GI DKYIL 'KHOR GYIS KHYER BA GSHIN RJE MTHAR BYED DE NYID KYIS DRANGS PA BSAM PAR BYED NA DE'I TSE 'GUGS PAR 'GYUR RO ZHES BSTAN TO, ,PHYAG RGYA CHEN PO GNYIS KYI DBYE BAS SO ZHES BYA BA LA SOGS PAS DGUG PA LA SOGS PA SNGAR BSHAD PA GANG YIN PA DE RNAMS RNAM PA GNYIS KYI PHYAG RGYA CHEN PO'I SKU DMIGS PA DANG, ,RNAM PA GNYIS KYIS BZLAS PA BYAS NAS DGUG PAR BYA'O, ,'DIR SNGAGS KYI SKU DANG, YE SHES KYI SKU STE RNAM PA GNYIS SO, ,NGAG GI BZLAS PA DANG RDO RJE BZLAS PA ZHES BYA BA NI BZLAS PA GNYIS SO, ,DE YANG RIM PA GNYIS KYI RNAL 'BYOR PA LA LTOS NAS BSHAD PAR BYA'O, ,DE SPONG BAS GANG SGRUB PAR BYED PA DE 'JIG PA NI DNGOS GRUB THOB PAR MI 'GYUR RO ZHES BSTAN TO, ,RDO RJE SEMS DPA' ZHES BYA BA NAS DMIGS PAR BYA'O ZHES BYA BA'I BAR DU LAS KYI TSOGS SNGAR BSHAD PA GANG YIN PA DE RNAMS BYA BA'I DUS SU SKAD CIG MA RE RE DO RJE SEMS DPA'I TING NGE 'DZIN DMIGS PAR BYA STE, DE NI THAMS CAD KYI MCHOG YIN PAS SO ZHES BSTAN PA'O, ,LNGA PO RNAMS KYI RTEN DU GYUR PA'I PHYIR ZHES PA NI DE RNAMS SKYED PAR BYED PA'I PHYIR RO, ,YANG DANG YANG DU BSKUL BAR BYA ZHING ZHES PA NI SKAD CIG MA RE RE BSGOM PAR BYA'O, ,CI'I PHYIR ZHE NA ZHES PA NI GTAN TSIGS SO, ,GANG GI PHYIR DE BZHIN

, ,GSHEGS PA THAMS CAD KYI NANG NA RTAG PA STE RANG BZHIN GYI RTAG PA CHOS KYI SKU'I RANG BZHIN YIN PA'I PHYIR RE, ,GSAL BAR BYED PA NI SPRO BAR BYED PA'O, ,LAS THAMS CAD CES PA NI ZHI BA LA SOGS PA LA'O, ,GNAS SKABS THAMS CAD DU DMIGS PAR BYA'O ZHES PA NI SPYOD LAM BZHI LA DE NYID BSTEN PAR BYA BA'I RIGS SO, ,JI SKAD DU, SBYOR BA THAMS CAD BCOM LDAN 'DAS, ,RDO RJE SEMS DPA' DE BZHIN GSHEGS, ,KHAMS GSUM PA NI MA LUS 'DI, ,DE NI LONGS SPYOD THAMS CAD YIN, ,ZHES 'BYUNG NGO, ,DE NAS ZHES BYA BA LA SOGS PAS BCOM LDAN 'DAS DON YOD GRUB PA'I TING NGE 'DZIN LA SNYOMS PAR ZHUGS PA NYID DU BSTAN TO, ,NAM MKHA' LTAR THOG MA DANG THA MA MED PA'O ZHES PA NI CHOS KYI SKU LA NGO BO NYID RTOGS PAS THOG MA DANG THA MA DANG SKYE BA DANG 'JIG PA MED DE, SKYE DANG GNAS DANG 'JIG PA'I NYES PA DANG BRAL BA ZHES 'BYUNG BAS SO, ,SNA TSOGS RDO RJE ZHES PA NI SNA TSOGS RDO RJES BYIN GYIS BRLABS PA'I LAS KYI MTSAN NYID GANG LA YOD PA DE LA DBYER MED PA'I TING NGE 'DZIN DE SKAD CES BYA'O, ,GNAS SKABS KYI KHYAD PAR LA ZHES PA NI SEMS RTZE GCIG PA NYID LA BZHUGS NAS SO, ,'CHAD PAR 'GYUR BA ZHES BYA BA LA SOGS PAS BCOM LDAN 'DAS DON YOD GRUB PA'I RANG BZHIN GYI RAL PA GCIG MA'I SNGAGS BSTAN TO, ,RAL PA GCIG GANG LA YOD PA DE NI THOR TSUGS GCIG MA STE, PHYI ROL GYI MKHA' 'GRO MA RNAMS BSKRAD PA'I DON DU SPRUL PA'O, ,SNGAGS KYI BDAG NYID CAN ZHES PA NI BRJOD PAR BYA BA DANG RJOD PAR BYED PA'I DBYER MED PAS SO, ,DAM TSIG CHEN PO GZHAN GYIS MI THUB PA'I ZHES PA NI DE'I RIGS LAS BYUNG BA DANG SRIN PO LA SOGS PA LAS RGYAL BA'I PHYIR RO, ,DE'I DKYIL 'KHOR PA RNAMS MO ZHES PA NI DAM TSIG GI RIGS KYI 'KHOR RNAMS SO, ,DE RNAMS KYI GTZO BO STE ZHES PA NI KHRO BO'I RGYAL PO BTZUN MO YIN PAS SO, ,AOm ZHES BYA BA LA SOGS PA SNGAGS KYI DON NI GO SLA'O, ,RIG PA 'DI ZHES BYA BA LA SOGS PAS BCOM LDAN 'DAS RDO RJE 'CHANG GIS GANG GI TSE RIG PA 'DI GSUNGS PA DE'I TSE KLU'I RGYAL PO 'JOG PO LA SOGS PA DANG GZUGS

BZANG MA LA SOGS PA'I KLU MO RNAMS 'GUGS PAR 'GYUR RO ZHES RIG PA'I MTHU BSTAN TO, ,DE LA 'DIR CHOG 'DI YIN NO ZHES BYA BA LA SOGS PAS KLU DANG KLU MO RNAMS DGUG PA'I SBYOR BA BSTAN TO, ,SKYES PA'I THOD PA LA ZHES PA NI RO LANGS KYI CHOGS BLANGS PA LA'O, ,BTZAG CES PA NI DGONGS PAS BSHAD PAS RANG 'BYUNG GI ME TOG GIS SO, ,JI SKAD DU, SNA DUNG MTSAL CHEN DANG LDAN PA, ,SME SHA CAN MA SKAL MED GANG, ,DE LA ZLA BA RE LAS 'BYUNG, ,KHRAG NI ME TOG CES SU BSHAD, ,CES 'BYUNG NGO, ,RLUNG GI DKYIL 'KHOR ZHES PA NI ZLA GAM DANG 'DRA BA BA DAN GYIS MTSAN PA'O, ,NOR RGYAS LA SOGS PA'I KLU'I GZUGS BRNYAN GANG YANG RUNG BA'I GZUGS ZHES PA NI SGRUB PA PO'I DGONGS PA'I DBANG GIS ZHES BYA BA'O, ,MING DANG SPEL BA DANG BCAS PA NI DGUG PA'I SA BON DANG BCAS PAS MING DANG BCAS PA'O, ,SNGAGS BZLAS BRJOD BYAS NAS ZHES PA NI CHE GE MO KLU A'A KARshA YA HRI ZHES BYA BA DANG LDAN PA, RAL BA GCIG MA'I SNGAGS BRGYA RTZA BRGYAD BZLAS SHING KLU DANG KLU MO RNAMS DBANG DU 'GYUR RO, ,CHO GA ZHES BYA BA LA SOGS PAS KLU MO DGUG PA YANG BUD MED KYI THOD PA LA THAMS CAD DE LTAR BYA'O ZHES BSTAN TO, ,DE BAS NA ZHES BYA BA LA SOGS PAS THAMS CAD BSDUS SO, ,DE NAS ZHES BYA BA LA SOGS PAS 'OD DPAG TU MED PA'I TING NGE 'DZIN LA SNYOMS PAR ZHUGS PA NYID DU BSTAN TO, ,NAM MKHA'I DAM TSIG NI BYANG CHUB KYI SEMS SO, ,DE'I RANG BZHIN 'OD DPAG TU MED PA'O, ,'OD DPAG TU MED PA ZHES BYA BA LA SOGS PAS SMIN MA BSDU BA DANG BCAS PA'I 'JIGS PAS KHRO GNYER MA'I GZUGS BSTAN TO, ,AOm ZHES BYA BA LA SOGS PAS SNGAGS KYI DON BSHAD PA NI GO SLA'O, ,RKUN MA LA SOGS PAS BYAS PA ZHES PA NI GLANG PO LA SOGS PAS BYAS PA'I 'JIGS PA BRGYAD DAM BCU'O, , 'JIGS PA NI DE 'JIGS PA'O, ,DGRA NI PHA ROL GYI DPUNG NGO, ,'JIGS PAR MDZAD PA NI RMONGS PAR MDZAD PA'O, ,'JIGS PA'I GZUGS CAN ZHES PA NI GDUL DKA' GDUL BAR BYA BA'I PHYIR MNGON DU 'JIGS PA'I GZUGS CAN NO, ,BKA' BSGO BA ZHES PA NI BCOM LDAN

, ,'DAS RDO RJE 'CHANG BKA' BSGO BAR MDZAD PA'O, ,GLOG LTAR G-YO BA'I GZUGS CAN ZHES PA NI THOG BZHIN DU SNANG BAS SO, ,DE BAS NA BGEGS RNAMS BCOM PA'I PHYIR 'BRUG LTAR SGRA SGROGS PA'O, ,DRI MA DAN PA MA LUS PA NI 'DOD CHAGS LA SOGS PA'I DRI MA RNAMS SO; ,DE DANG BRAL BA NI DE MED PAS SHEL TE DRI MA DAG PA'I GOS BZHIN NO, ,'DOD CHAGS RNAM PAR DAG PA NI BCOM LDAN 'DAS 'OD DPAG TU MED PA'I RANG BZHIN YIN PAS SO, ,GANG GI MGO LA YOD PA ZHES PA 'DIS KHRO GNYER MA 'OD DPAG TU MED PA'I RIGS DANG LDAN PAR BSTAN TO,, SNGAR BSHAD PA'I 'JIGS PA DANG BRAL BAS BHA SHA NA YA ZHES BYA BA LA SOGS PA KUN KYANG BOD PA'I TSIG YIN NO ZHES BYA BA LA SOGS PA BCOM LDAN 'DAS MA'I BOD PA'I TSIG GO, ,RIG PA ZHES BYA BA LA SOGS PAS KHRO GNYER MA'I SNGAGS THOS PAS RIG PA 'DZIN PA'I BU MO CHAGS PA'I MES BSREG PAR 'GYUR PA'I SNYING DANG LDAN PAS SGRUB PA PO RNYED PA'I PHYIR 'OD DPAG TU MED PA DRAN PAR 'GYUR RO ZHES BSTAN TO, ,SNGAGS KYI MTHU BSTAN PAR BYA BA'I PHYIR, ,GZUGS LA SOGS PA'I YON TAN DANG LDAN PA NI MDZES PA LA SOGS PAS LUS BRGYAN PA'O, ,RNA RGYAN 'CHANG ZHING G-YO BAR 'GYUR, ,ZHES BYA BA NI RGYAN THAMS CAD KYIS BRGYAN PA ZHES BYA BA'I THA TSIG GO, ,MCHOG GI KHYAD PAR GYIS ZHES BYA BA LA SOGS PAS DE MA THAG TU BSHAD PA'I RIG PA DANG RTOG PA LAS GSUNGS PA'I CHO GAS KYANG DGUG PAR BYA'O ZHES BSTAN TO, ,'DIR ZHES BYA BA LA SOGS PAS SBYOR BA BSTAN TO, ,SGRA JI BZHIN PA'O ZHES PA NI BSKYED PA'I RIM PA TZAM GYIS LAS KYI RGYAL BA MCHOG BSTAN PA'I PHYIR RO, ,'GOG PA ZHES BYA BA NAS DGONGS PAS BSHAD PA'O ZHES PA'I BAR DU NI 'JIG PA LA SOGS PA'I YI GE GSUM YAN LAG MA NYAMS PAR BZLAS NAS SNGAR BSHAD PA'I SNGAGS RNAMS KYIS ZHI BA LA SOGS PA'I LAS RNAMS 'GRUB PAR 'GYUR RO ZHES BSTAN TO, ,DE KHO NA NYID LA 'JUG PAS 'BAD RTZOL MED PAS SNGAGS 'GRUB PAR 'GYUR TE, SNGAGS KYI RANG BZHIN YONGS SU SHES PAS SO, ,DE NYID KYI PHYIR RING POR MI THOGS PAS NI MYUR DU

ZHES BSTAN TO, ,DGONGS PA NI RDO RJE 'CHANG CHEN PO'I RNAL 'BYOR DANG LDAN PAS LKOG MA LA SOGS PA'I GNAS BZHI LA ME LA SOGS PA'I DKYIL 'KHOR BSGOMS TE, DE RNAMS RE RE LA 'JUG PA LA SOGS PA'I RIM PAS YI GE GSUM BZLA ZHING DE'I 'OG TU G-YON BA DANG G-YAS PA DANG GNYI GA DANG DAL BUS DMAN PAR RGYU BAS DMAR PO LA SOGS PA'I 'OD ZER SPRO ZHING SNA'I RTZE MOR THUN PHYED PHYED KYI DUS SU 'DZIN PAS DBANG PO LA SOGS PAS 'GRUB PAR 'GYUR RO, ,DGONGS PA LAS BSHAD PA NI 'GAL BA'I SGRA'I SGO NAS DE KHO NA NYID BSTAN PAS SO, ,SNGAGS LA MCHOG TU GZHOL BA ZHES BYA BA NAS DBEN PA'I GNAS DAG TU ZHES PA'I BAR DU NI LAS DANG PO PAS SNGAR BSHAD PA'I KHRO BO'I SNGAGS 'BUM BZLAS PAS RI BO LAS SOGS PA DBEN PAR 'GRUB PAR 'GYUR RO ZHES BSTAN TO, ,MNGON SPYOD CES BYA BA LA SOGS PAS GSOD PA'I LAS KYI YUL BSTAN TO, ,BLA MA LA SMOD PA ZHES PA NI DBANG BSKUR BA'I BLA MA LA SMOD PA'O, ,RDO RJE SLOB DPON SMOD PA NI CHOS BSTAN PA SMOD PAR BYED PA'O, ,RDO RJE THEG PA SPONG BA NI DE'I BSTAN BCOS SMAD PAR BYAS PA'O, ,DE DAG NI DMU RGOD KYI RIGS CAN NYAN THOS PA RNAMS SO, ,SDIG PA BYED PA GZHAN DAG NI MA GSOD PA LA SOGS PA'I MTSAMS MED PA'I LAS BYED PA'O, ,GSAD PAR BYA BA ZHES PA NI NGES PAR GZUNG BA DANG BCAS PA'I TSIG STE GSAD PAR BYA BA KHO NA'O, ,YANG NA BSGRAD PA NI RANG GI GNAS NAS DGAR BAR BYA'O, ,DE LTAR ZHES BYA BA LA SOGS PAS LAS 'DI BYED PAS NA ZUNG DU 'JUG PA'I TING NGE 'DZIN GYI PHYAG RGYA CHEN PO'I DNGOS GRUB RNAL 'BYOR PAS THOB PAR 'GYUR RO ZHES BSTAN TO, ,PHA ROL 'TSE BAS JI LTAR 'GRUB PAR 'GYUR RO ZHES RTOG PAR MI BYA STE, GANG GI PHYIR BSAM PA'I KHYAD PAR LAS LDANG BA'I DGE BA 'AM MI DGE BA'I LAS KYI 'BRAS BU'I KHYAD PAR SGRUB PAR BYED DO, ,DE LA SNYING RJE CHEN PO DANG LDAN PA'I BSAM PAS MTSAMS MED PAR BYED PA DMYAL BA LAS GDON PA'I PHYIR SNGAGS DANG PHYAG RGYA'I RIM PAS GAL TE 'TSE BAR BYED PA DANG MI BSKYOD PA LA SOGS PA SANGS RGYAS KYI ZHING LA GZHAG PAR BYED NA DE'I TSE BSOD NAMS KYI TSOGS DANG YE SHES KYI TSOGS 'BYUNG BAR

, ,'GYUR PAS SDIG PAR JI LTAR 'GYUR ZHES SHIN TU PHAL CHER THAL BAS CHOG GO, ,GSAD PAR BYA BA DE RNAMS KYI ZHES BYA BA NI 'TSE BAR BYED PA RNAMS KYI'O, ,KHA SBYAR DBYE BA NI SNYING GA'I PADMA DBYE BA'O, ,PHYOGS BCU ZHES BYA BA LA SOGS PAS GDUG PA'I BDAG NYID KYI SEMS CAN GYI KHAMS BSGOM PAS GSOD PAR BYA'O ZHES BSTAN TO, ,SBYOR BA BSTAN PA ZHES BYA BA NAS GSAL BAR BYA ZHES BYA BA'I BAR DU NI BDUD RTZI LDAS DGRA'I GZUGS BRNYAN BYAS LA DE'I SNYING GAR MING SPEL TE MNGON SPYOD KYI RDZAS KYI BSKUL ZHING NYI MA'I DKYIL 'KHOR LA GNAS PA'I SNA TSOGS RDO RJES MTSAN PA'I RKANG PA G-YAS PAS MNAN ZHING SNGON GYI BSNYEN PA BYAS PA'I GSHIN RJE GSHED LA SOGS PA'I KHRO BO'I SNGAGS BRGYA RTZA BRGYAD BZLAS NA BSGRUB BYA 'CHI BAR 'GYUR RO, ,'DIR THUGS RDO RJE'I RNAL 'BYOR BA BDUD RTZI LDAS BYUGS PA'I GOS DANG LDAN PA LAS BYA BA DANG RNAM PAR SNANG MDZAD KYI RNAL 'BYOR PA CHU DRON GYIS GSHER PA'I GOS GON PA DANG 'OD DPAG TU MED PA'I RNAL 'BYOR PA BSHAD GCIS GSHER BA'I GOS GON PA DANG RIN CHEN 'BYUNG LDAN GYI RNAL 'BYOR PA THAL BA'I CHUS GSHER BA'I GOS GON PA DANG, DON YOD GRUB PA'I RNAL 'BYOR PA YANG BSHANG GCIS GSHER BA'I GOS GON PA DANG, RDO RJE 'CHANG CHEN PO'I RNAL 'BYOR PA YANG THAL BA'I CHUS GSHER BA'I GOS GON PAS LAS BYA'O, ,DE BZHIN DU RNAL 'BYOR PA DE RNAMS KYIS GSHIN RJE GSHED LA SOGS PA KHRO BO'I NGA RGYAL LA DMIGS TE, SNGA MA BZHIN DU GZUGS BRNYAN MNAN ZHING GDUG PA RNAMS GSAD PAR BYA'O ZHES BSTAN TO, ,GZUGS CAN MA YIN PA'I NAM MKHA' YANG ZHES PA NI GAL TE GDUG PA YIN NA DE'I TSE DE YANG GSOD PAR 'GYUR RO, ,GZUGS CAN LTA SMOS KYANG CI DGOS ZHES PA NI DE NYID PHUL DU BYUNG BA STE KHYAD PAR DANG LDAN PA'I TSIG GO, ,BSAM GTAN GYI CHE BA NYID NI TING NGE 'DZIN GYI MTHU GSAL BAR BYAS SO, ,TSANGS MA MO ZHES BYA BA LA SOGS PA NI 'JIG RTEN GYI MA MO BDUN NO, ,DE RNAMS KYI KHANG PA NI LHA KHANG STE MA MO NI DRAG PO'I LAS LA MTHUN PAS SO, ,DUR KHROD NI THAMS CAD SDUD

PAR BYED PAS NA MTHUN PA'O, ,KHONG STONG NI SKYE BOS DBEN PA YIN PAS RIGS PA KHO NA'O, ,BZHI MDO NI RAB TU GRAGS PA YIN PAS SO, ,DE BZHIN DU MTSAN MA GCIG KYANG DE BZHIN NO, ,GNAS DE RNAMS LA BRTEN TE DRAG PO'I LAS BYA'O, ,RJE NGAR GYI PHYOGS ZHES BYA BA LA SOGS PAS DE NYID BSTAN TO, ,DGONGS PA NI 'DI YIN TE DUR KHROD KYI RAS LA MNGON SPYOD KYI RDZAS KYIS SNA TSOGS RDO RJE BRIS LA DE'I LTE BAR BSGRUB BYA'I MING PHAt GNYIS KYIS SPEL BA BRIS LA, SNA TSOGS RDO RJE PHYI ROL YI GE PHAt KYIS BSKOR ZHING 'KHOR LO DE SOR BRGYAD PA'I MI'I RJE NGAR GYI KHONG STONG LA BCUG NAS BSGRUB BYA'I RKANG PA'I RDUL GYI 'DAM GYIS BSKUS LA GSHIN RJE GSHED LA SOGS PA GANG YANG RUNG PA'I KHRO BO'I SNGAGS BRGYA RTZA BRGYAD BZLAS PAS DGRA BO'I SGO RU BRKOS NAS SPAS NA DE'I ZHAG BDUN NAM ZLA BA PHYED KYIS DGRA 'CHI BAR 'GYUR RO ZHES BSTAN TO, , SEMS CAN SHES RAB LDAN PA DANG, ,ZHES BYA BA LA SOGS PAS SEMS CAN THAMS CAD LA BSAM PA THAMS CAD RDZOGS PAR BYED PA CHAGS PA DANG SNGAGS PA MED PA, SANGS RGYAS GAL TE SLOB DPON LA SMOD PAR BYED PA YIN NA DE YANG 'JIG PAR 'GYUR BA'AM GNAS LAS SPONG BAR 'GYUR RO ZHES BSTAN TO, ,THOD PA ZHES BYA BA NAS SDUD PAR BYED PA'I TSIG GI BAR DU NI MA NYAMS PA'I THOD PA 'AM GROG LA SOGS PA LA MNGON SPYOD KYI RDZAS KYIS KHRO BO'I SNGAGS MING DANG BCAS PAR BSGRUB BYA'I MING BRIS TE, KHRO BO'I TSIG GIS GSHIN RJE GSHED LA SOGS PA'I SNGAGS BZLA ZHING DGRA BO'I SGO RU BRKOS NAS SBAS NA DE'I TSE GNAS LAS SPO BA 'AM 'CHI BAR 'GYUR RO ZHES BSTAN TO, ,DE NAS ZHES BYA BA NAS RNAM PAR 'JIG PAR 'GYUR RO ZHES PA'I BAR DU NI, GNOD MDZES KYI RGYAL PO BSGOMS PAS PHUR BUS GDAB PA'I SGO NAS MNGON SPYOD BSTAN TO, ,JI LTA BA JI LTAR ZHES PA NI DRAG SHUL LA SOGS PAS SO, ,GDUG PA'I DNGOS POR GYUR CING BDAG NYID NGAN PAR SON PA'O, ,DE LTA DE LTAR ZHES PA NI RNAM PA DE DANG DES SO, ,DGAG PAR BYA BA ZHES PA NI GSOD PAR BYA BA NYID THOB PA'O, ,BSGRUB PAR

, ,BYA BA ZHES PA NI DKON MCHOG GSUM LA GNOD PAR BYED PA LA SOGS PA'O, ,DE RNAMS KYI NI BSGRUB BYA RNAMS KYI'O, ,LUS LA SOGS PA MI G-YO BAR BYAS PA ZHES PA NI LUS DANG NGAG DANG SEMS PHUR BUS 'DEBS PAR BYED PA'O, ,DE NYID KYI PHYIR MI PHYED PA'I NGO BOR GYUR PA ZHES PA NI PHA ROL GYI 'KHRUL 'KHOR DANG SNGAGS LA SOGS PAS GROL BAR MA GYUR PA'O, ,DE SKAD CES BYA BA LA SOGS PAS MCHOG DANG 'BRING DANG THA MA'I BSGRUB BYA'I LUS LA SOGS PA PHUR BUS GDAB PAR BYED PA'I TING NGE 'DZIN BSTAN TO, ,AOm ZHES BYA BA LA SOGS PA SNGAGS KYI DON BSHAD PA NI GO SLA'O, ,PHUR BU'I SNGAGS 'DI ZHES BYA BA LA SOGS PAS SO, ,SNGAGS THOS PAS MTHU CHE BA'I BRGYA BYIN LA SOGS PA 'JIGS PA DANG BRGYAL BA DANG RDO RJE 'CHANG LA SKYABS SU 'GRO BAR 'GYUR RO ZHES BSTAN TO, ,'DIR CHO GA ZHES BYA BA LA SOGS PAS PHUR BUS GDAB PA'I SBYOR BA NI DON GSAL PA'O, ,SENG LDENG GI SNYING PO LA SOGS PA GANG RUNG BA ZHES PA NI SENG LDENG DANG SHING SHA PA DANG AA GA RU DANG SHA MI DANG LCANG MA STE 'BRAS BU MED PA'I SHING LNGA DRAG SHUL CAN GYI LAS DANG MTHUN PA GZUNG BAR BYA'O, ,BSAM GTAN ZHES BYA BA LA SOGS PAS BSGOM PA'I DUS SU RNAL 'BYOR GYI PHYOGS GCIG TU GYUR PA BGEGS BSKRAD PA'I CHO GA BSTAN TO, ,'OD 'PHRO BA ZHES BYA BA NAS 'CHI BAR 'GYUR RO ZHES PA'I BAR DU NI RE ZHIG DANG RNAL 'BYOR PAS ZHE SDANG RDO RJE'I TING NGE 'DZIN MNGON DU BYAS LA REG BYA RDO RJE MA'I CHOS 'BYUNG GI NANG DU SNA TSOGS RDO RJE DANG PADMA DANG NYI MA'I DKYIL 'KHOR GYI STENG DU KHRO BO THAMS CAD 'JUG PA SNGON DU 'GRO BAS RDO RJE'I LAM NAS YI GE H'Um YONGS SU GYUR PA LAS DRAG PO'I RDO RJE LAS SKYES PA ZHAL GSUM PHYAG DRUG PA SPYAN GSUM PA RIGS KYI KLU BRGYAD KYIS RGYAN BYAS LA KHA DOG SNGON PO DANG, DKAR PO DANG DMAR PO'I ZHAL MNGA' BA, MIG YO BA G-YAS BRKYANG BA LA GNAS PA RDO RJE DANG DRIL BU RTZA BA'I PHYAG GNYIS KYIS BSNAMS PA, ZHAGS PA DANG LCAGS KYU DANG RAL GRI DANG THO BA BSNAMS PA ZHE SDANG RDO RJE'I COD PA NA CAN SMIN MA KHAM PA HA HA HI HI'I SGRA SGROGS PA GNOD MDZES KYI RGYAL PO BSGOMS LA,

RDO RJE DANG PADMA'I NANG NAS PHYI ROL DU BYUNG BA'I NYI MA'I DKYIL 'KHOR LA GNAS NAS BKA' NYAN PAR BSAMS TE, SNGA MA BZHIN DU REG BYA RDO RJE MA'I CHOS 'BYUNG GI NANG NA, GSHIN RJE GSHED PO LA SOGS PA KHRO BO BCU SNGAR BSHAD PA'I DBYIBS DANG KHA DOG DANG PHYAG MTSAN 'DZIN PA BSAMS LA RIM PA JI LTA BA BZHIN DU PHYOGS DANG MTSAMS RNAMS SU DGOD PAR BYA'O, ,KHRO BO DE RNAMS KYANG STENG ZHAL GSUM PA SMAD PHUR BU RTZE GCIG PA BDUD RTZI 'KHYIL BA DANG 'DRA BAR BSAM PAR BYA'O, ,DE'I 'OG TU DBUS KYI GTZO BO'I NGO BO'I BDAG NYID KYIS GNOD MDZES LA SNGAGS 'DIS BKA' SBYIN PAR BYA STE, AOm SUMBHA NI SUMBHA H'Um H'Um PHAt, AOm GRi HnA GRi HnA H'Um H'Um PHAt, AOm GRi Hn'A PA YA GRi Hn'A PA YA H'Um H'Um PHAt, AOm A'A NA YA HO BHA GA B'AN BADZRA H'Um H'Um PHAt, CES BYA BA 'DIS PHYOGS BCU LA GNAS PA'I BRGYA BYIN LA SOGS PA DGUG PAR BYA BA'I PHYIR BKA' SBYIN PAR BYA'O, ,DE THOS MA THAG TU GNOD MDZES KYI RGYAL POS ZHAGS PA DANG LCAGS KYUS PHYOGS BCUR SPROS TE, LHA'I DBANG PO LA SOGS PA 'JIG RTEN SKYONG BA RNAMS MGUL NAS BCINGS LA SPYI BOR BRDEGS LA, SHAR LA SOGS PA'I PHYOGS SU 'GOD PAR BYED PAR BSAM PAR BYA'O, ,DE NAS GNOD MDZES KYI RGYAL POS RDO RJE PHUR BU DE RNAMS MGO BO NAS BRTZAMS TE RKANG PA'I DKYIL GYI BAR DU GDAB PAR BYED PAR BSAM PAR BYA'O, ,AOm GHA GHA ZHES BYA BA LA SOGS PA'I SNGAGS KYIS PHUR BUS GDAB PA DANG BRDUNG BA BYAS TE, SA 'OG BDUN GYI BAR DU SON PAR BSAM PAR BYA'O, ,KHRO BO'I RGYAL PO'I LUS LAS BYUNG BA'I 'BAR BA'I TSOGS KYIS KYANG DE'I 'KHOR MTHA' YAS PA BSREGS SHING THAL BAR GYUR PAR BSAM PAR BYA'O ZHES BSTAN PAR BYA'O, ,RDO RJE DANG PADMA MNYAM PAR SBYOR BA DANG ZHES BYA BA NAS BRTZAMS NAS LDAD BAR 'GYUR RO ZHES PA'I BAR DU NI ZHES SDANG RDO RJE'I RNAL 'BYOR PAS M'A MA K'I'I RANG BZHIN GYI YE SHES KYI PHYAG RGYA MDUN DU BSGOMS LA RJES SU CHAGS PA LA SOGS PA SNGON DU 'GRO BAS 'KHYUD PAR BYAS TE, PHYAG RGYA'I CHOS 'BYUNG GI NANG NA NYI MA'I DKYIL 'KHOR DANG ME'I DKYIL 'KHOR GYI STENG DU RANG GI SNYING GNAS BYUNG BA'I 'OD ZER GYI LCAGS KYUS

, ,BSGRUB BYA BA KUG LA 'JUG STE, RDO RJE DANG PADMA SNYOMS PAR ZHUGS PAR BYA STE, RTZE LNGA PA'I RDO RJE'I RNAM PA'I GSANG BA'I RDO RJES MGO BO NAS RKANG PA'I MTHA'I BAR DU PHUR BUS GDAB PAR BSGOMS NAS DE'I TSE LUS PHUR BUS GDAB BAR GNAS NAS SPO BA'AM 'CHI BAR 'GYUR RO, ,DE BZHIN DU THAMS CAD BYAS LA 'ON KYANG LCE LA GSANG BA'I RDO RJE DE LA BRDEGS NA NGAG RENGS PA 'AM LKUGS PAR 'GYUR PA'AM 'CHI BAR 'GYUR BA'O, ,DE BZHIN DU THAMS CAD BYAS PA LAS BSGRUB BYA'I SNYING GA'I PADMA 'BAR BA'I GSANG BA'I RDO RJES BRDEGS LA DE'I TSE SMYO PA 'AM 'CHI BAR 'GYUR RO, ,'DIR RDO RJE DANG PADMA SNYOMS PAR ZHUGS PA'I DUS SU RIM PA JI LTA BA BZHIN DU AOm TSINDHA TSINDHA ZHES BYA BA LA SOGS PA SNGAGS GSUM BRJOD PAR BYA'O, ,'DIR YE SHES GSUM NI SNANG BA LA SOGS PA SKYED PAR BYED PA NI 'BYUNG BAR BYED PA'I PADMA ZHES BYA STE; JI SKAD DU, ,SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,ZHES 'BYUNG BAS SO, ,BSGRUB BYA'I DAG GI SPROS PA'O ZHES PA NI BSGRUB BYA'I DAG MKHAS PA NYID DO, ,NAM MKHA' LAS BYUNG BA ZHES PA NI LTE BA'I NAM MKHA' LAS SGRA 'BYUNG BA'I PHYIR RO, ,DE'I NGO BO NYID NI SEMS SO ZHES PA NI 'OD GSAL BA'I RANG BZHIN SEMS TE DE'I NGO BO YIN PA DANG DRI MA RNAMS GLO BUR BA YIN PAS SO, ,DE NAS ZHES BYA BA LA SOGS PA'I DE MA THAG TU BSHAD PA'I SNGAGS RNAMS DANG DE'I SGO NAS BYAS PA'I LAS KYI TSOGS THOB PAS BYANG CHUB SEMS DPA' RMAD DU GYUR PAS JI LTAR CHED DU BRJOD PA DE SKAD BSTAN TO, ,RDZOGS PA'I RIM PA LA GNAS PA, ,ZHES PA NI SNGAGS KYI THEG PA CHEN PO'I SNYING POR GYUR PA DE KHO NA NYID SGOM PAR BYED PA BYAMS PA LA SOGS PA'O, ,THEG PA GSAR LA GNAS PA ZHES PA NI BSKYED PA'I RIM PA'I RNAL 'BYOR PA RNAMS SO, ,DE RNAMS KYI MCHOG GO ZHES PA NI RDZOGS PA BSGOM PA'O, ,DE BAS NA DE KHO NA NYID THOB PA'I PHYIR SEMS CAN GYI DON BYED PAR NUS PA'O, ,DE DAG THOS PA DANG RTOGS PAS DGA' BA

DANG MGU BAR LDAN PAR 'GYUR RO, ,RANG GI RJES SU MYONG BA'I GSUNG, ,ZHES PA NI CHOS THOS PAS SO SO RANG RIG PA'I MNGON GSUM GYIS MYONG BA'I DGA' BA'I KHYAD PAR GANG YIN PA DE NYID RDO RJE 'CHANG GIS LEGS BAR SMRA BAS, PHYI ROL DU BYUNG BA'I BSTOD PA'I TSIG GI TSOGS NI GSUNG ZHES BYA'O, , SNGAGS KYI GNAS TE ZHES PA NI SPYAN MA LA SOGS PA'I PHRENG BA'I SNGAGS RNAMS SO, ,SNGAGS RNAMS KYI RAB TU SBYOR BA'I BYE BRAG CES PA NI SRUNG BA'I 'KHOR LO DANG 'KHRUL 'KHOR LA SOGS PA'I MTSAN NYID DO, ,SBYOR BA DE NYID BSAM GTAN GYIS RDZOGS PAR BYAS PA'O ZHES PA NI RDO RJE LCAGS KYUS MTSAN PA'I RKANG PA G-YON PAS MNAN ZHING ZHES BYA BA LA SOGS PA'I MTSAN NYID DO, ,GDUG PA RNAMS TSAR GCOD PA'O ZHES PA NI PHRENG PA'I SNGAGS RNAMS SO, ,MNGON SPYOD KYI SGO NAS BLA MA SMOD PAR BYED PA LA SOGS PA GSOD PA'O, ,DE BZHIN DU LAS KYI TSOGS LA NUS PA DANG LDAN PA'I ZHES PA NI MU STEGS PA'I RNAL 'BYOR PA RNAMS LA PHUR BUS GDAB PA'O, ,SKYE BO THA MAL PA ZHES PA NI RGYAL PO LA SOGS PA'O, ,PHYOGS SKYONG BA RNAMS NI BRGYA BYIN LA SOGS PA'O, ,BSAM GTAN GYIS SO SOR GSUNGS PA ZHES PA NI RDO RJE DANG PADMA YANG DAG PAR SBYOR BAS BSGRUB BYA'I LUS DANG DAG DANG SEMS PHUR BUS GDAB PA'O, ,DE NI NGO MTSAR CHE'O ZHES PA NI STON PA PO LA BSTOD PA DANG, NYE BAR BSDU BA YANG RAB TU BSTAN TO, ,SGRUB PA PO RNAM PA GNYIS DANG ZHES PA NI RIM PA GNYIS BSGOM PAR BYED PA DANG NYE BAR MTSON PA'O ZHES BYA BA STE RDZOGS PA'I RIM PAS KYANG GSOD PA'I LAS SNGAR BSHAD PA'O, ,RDO RJE 'CHANG CHEN POS RAB TU BSTAN PA'O ZHES PA NI BCOM LDAN 'DAS KYIS BSTAN PA'I PHYIR YID CES PA NYID BSTAN TO, ,DE BZHIN DU SGRUB PA PO NI RNAL 'BYOR BA RNAMS SO, ,DE RNAMS KYI 'DOD PA'I DON STER BA'O ZHES PA NI ZHI BA LA SOGS PA SGRUB PAR BYED PA'O, ,SBRUL LA SOGS PA NI SNGAR BSHAD PA'I MTSAN NYID DO, ,DE RNAMS KYI DON LA SOGS PA YONGS SU SHES PA NI SOGS PA'I SGRAS BTU BA DANG DE KHO NA NYID YONGS SU SHES PA'O, ,BTUS NAS BSTAN PA'O ZHES PA NI DPAL RDO RJE PHRENG BA LA SOGS PA BSHAD PA'I RGYUD LAS BSDUS

, ,TE BSTAN PA'O, ,DE YAN CHAD KYIS SDUD PA POS BDAG NYID KYI CHE BA DANG LE'U'I BRJOD PAR BYA BA'I DON MAN NGAG DANG BCAS PAR BSTAN TO, ,SKU GSUNG THUGS GCIG TU GYUR PAS KYANG ZHES PA NI DON DAM PAR DNGOS PO THAMS CAD RNAM PAR DPYAD NA THA DAD PAR MI DMIGS TE; GANG ZHIG RANG GI RGYUD LA GNAS PA DE NYID GZHAN GYI RGYUD LA GNAS PA YIN NO, ,'ON KYANG BSGRUB PAR BYA BA DANG SGRUB PAR BYED PA'I BYE BRAG LA DMIGS TE GLO BUR GYI DRI MA LDOG PA'I DON DU TSAR GCOD PA ZHES BYA BA NI SGRUB PA POS BSGRUB BYA LA TSAR GCOD PAR BYED PA'O, ,DE YANG NYE BAR MTSON PA'I TSIG YIN TE ZHI BA LA SOGS PAS KYANG RJES SU GZUNG BAR MDZAD PA'O, ,A'A LI K'A LI ZHES BYA BA LA SOGS PAS DE LTAR GYUR PA SKU LA SOGS PA'I RANG BZHIN SNGAGS THAMS CAD BSDUS BAR BYED PA'I YI GE GSUM GYIS SPEL PA'I SNGAGS KYIS ZHI BA LA SOGS PA'I LAS KYI TSOGS GRUB PA RDZOGS PAS MDZES PA TING NGE 'DZIN GANG YIN PA DE BSTAN TO, ,DE STON PAR BYED PA'I ZHES PA NI DE LTAR GYUR PA'I GSAL BAR BYED PA'I SGRA'I TSOGS GANG YIN PA DE LA DE SKAD CES BYA'O, ,DGONGS PAS BSHAD PA'O ZHES PA NI 'GAL BA'I SGRA'I SGO NAS DE KHO NA NYID BSTAN PAS SO, ,SGRON MA GSAL BAR BYED PA'I 'GREL PA'I t'I K'A LAS LE'U BCU BZHI PA'I RGYA CHER BSHAD PA'O,, ,,BSHAD PA DANG MA BSHAD PA ZHES BYA BA LA SOGS PAS LE'U BCO LNGA PA'I BSHAD PA BRTZAM PAR BYA STE, BSAM PA NI 'DI YIN TE BSHAD PA NI LE'U BCU GSUM PA DANG BCU BZHI PA LAS BSHAD PA'O, ,MA BSHAD PA NI LE'U BCO LNGA PA DANG BCU DRUG PA DANG BCU BDUN PA LAS 'CHAD PAR 'GYUR PA'I LAS KYI TSOGS DE RNAMS SGYU MA LTA BU'I TING NGE 'DZIN MED PAS 'GRUB PAR MI 'GYUR PAS NA LE'U BCO LNGA PA BSTAN TO, ,STONG PA BZHI'I BDAG NYED CAN NO ZHES PA NI STONG PA DANG, SHIN TU STONG PA DANG, STONG PA CHEN PO DANG, THAMS CAD STONG PA'O, ,YANG NA SNANG BA DANG, SNANG BA MCHED PA DANG, SNANG BA NYE BAR THOB PA DANG, 'OD GSAL BA'O, ,YANG NA PADMA'I NANG NA RTZA BZHI'O, ,BDAG NYID NI DBUS KYI RTZA STE, 'DOD PA'I GDUGS SO, ,JI SKAD DU,

BHA GA'I DBUS NA NAM MKHA' GANG, ,NAM MKHA' LNGA YIS BRGYAN PA STE, ,LTE BA GE SAR DANG LDAN PA'I, ,'DAB MA BRGYAD KYIS RNAM PAR MDZES, ,ZHES 'BYUNG NGO, ,RNAM PAR MI 'JIG PA'O ZHES BYA BA NI CHOS KYI SKU'I NGO BO YIN PAS SO, ,DBANG BSKUR BA THAMS CAD CAS BA NI SLOB DPON DANG GSANG BA DANG SHES RAB CES BYA'O, ,DE RNAMS KYI YANG DBANG BSKUR BA ZHES PA NI SHES RAB YE SHES TE, BZHI PA YANG NI DE BZHIN NO, ,ZHES BYA BA MTSAN NYID DO, ,DE'I NGO BO YIN PAS RDO RJE 'CHANG NI THAMS CAD DBANG BSKUR PA ZHES BYA'O, ,SEMS CAN GYI BSAM PA'I DBYE BAS RIGS THAMS CAD NI RIGS PA RGYA'AM LNGA 'AM GSUM MO, ,JI SKAD DU, RIGS NI RNAM PA BRGYAR BSHAD PA, ,MDOR BSDUS PAS NA RNAM PA LNGA, ,SKU GSUNG THUGS KYI DBYE BA YIS, ,PHYI NAS RNAM PA GSUM DU 'GYUR, ,ZHES 'BYUNG NGO, ,DE'I BDAG NYID BCOM LDAN 'DAS NI DE RNAMS SPRUL PAR MDZAD PAS SO; ,DE BAS NA MKHYEN PA'I SGRA SPRUL LO PA'I DON TO, ,MI PHYED PA'I GSUNG NGO ZHES PA NI, PHYAG RGYA DANG SNYOMS PAR ZHUGS PA'I MTSAN NYID KYI GSUNG NGO, ,DGONGS PA MA YIN PAS BSHAD PA ZHES PA NI SHIN TU GSAL BA'I DE KHO NA NYID BSTAN PAS SO, ,SPROS PA MED PA'I SPYOD PA NI JI SNYED PA'I SPYOD PA'I SGO NAS PHYAG RGYA DANG SNYOMS PAR 'JUG PA'I MTSAN NYID DO, ,SME SHA CAN ZHES BYA BA NAS, RTOG PA'I RNAL 'BYOR YIN PA'I PHYIR RO ZHES PA'I BAR DU NI RIM PA JI LTA BA BZHIN DU MI BSKYOD PA DANG, RNAM PAR SNANG MDZAD DANG 'OD DPAG TU MED PA'I RNAL 'BYOR BA RNAMS KYIS SKYE BOS DBEN PA'I SA PHYOGS SU BA'I LCI BA LA SOGS PAS BYUGS PA LA, ,RTEN DANG BRTEN PA'I RANG BZHIN GYIS 'KHOR LO BRIS PA'AM YID KYIS BSGOMS LA DE'I DBUS SU RANG GI RIGS DANG MTHUN PA'I LEGS PAR BSLABS PA GZUGS BZANG BA LEGS PAR BRGYAN PA SME SHA CAN DANG BRUS MKHAN DANG GAR MKHAN GYI BU MO LO BCU GNYIS PA DANG NYI SHU PA DANG BCU DRUG LON PA, AUTPALA SNGON PO DANG DMAR PO DANG KHA DOG DKAR BA, RIGS LNGAS KHYAB PA SLAR BZHAG CING RJES SU CHAGS PA DANG MCHOD PA SNGON DU 'GRO BAS SO SOR SDUD PA'I RIM PAS NYE BAR SPYOD PA BYAS

, ,TE GNAS PAR BYA'O ZHES BYA BA DANG, DE BZHIN DU RIN CHEN 'BYUNG LDAN DANG DON YOD GRUB PA'I RNAL 'BYOR BA DAG GIS KYANG GTI MUG GI RIGS DANG ZHES SDANG GI RIGS LAS BSDUS PAS KHRUS MKHAN DANG SME SHA CAN GYI BU MO DAG BSGRUBS NAS GNAS PAR BYA'O, ,DE LTAR ZHUGS PA'I SGRUB PA POS ZHES PA NI SPROS PA MED PA'I SPYOD PA LA RTZOL BA BYAS PA'O, ,'OD DPAG TU MED BA'I RANG BZHIN ZHES PA NI GANG ZHIG 'OD DPAG TU MED PA'I TING NGES 'DZIN BSGOM PA DE NI DE DANG 'DRA BAR 'GYUR RO ZHES BYA BA'I GZUNG GIS BSTAN TO, ,NYE BAR MTSON PA YIN PAS MI BSKYOD PA LA SOGS PA'I RNAL 'BYOR PA RNAMS KYANG DE DANG 'DRA BAR 'GYUR RO ZHES BYA BA'I DON TO, ,SA BCU LA GNAS PAR 'GYUR RO ZHES PA NI SA BCU'I DBANG PHYUG GI BDAG PO'O, ,DAG GI DBANG PHYUG DE 'DZIN PA'O ZHES PA NI 'OD DPAG TU MED PA'I RNAL 'BYOR PA'I PHAN YON BSTAN TO, , THUGS KYI DBANG PHYUG DANG SKU'I DBANG PHYUG KYANG MI BSKYOD PA DANG RNAM PAR SNANG MDZAD KYI RNAL 'BYOR PA DAG LA RTOGS PAR BYA BA DANG, DE BZHIN DU NAM MKHA' MDZOD NYID DANG LAS THAMS CAD BYED PA NYID RIN PO CHE DANG DON YOD GRUB PA'I RNAL 'BYOR PA DAG LA BSHAD PAR BYA'O, ,DE YANG DE'I RNAL 'BYOR DANG LDAN PAS DE DANG 'DRA BAR 'GYUR RO ZHES BYA BA'I GZHUNG GIS BSTAN TO, ,DBANG PHYUG DAM PA DANG LDAN PA, ,ZHES PA NI SKU'I DBANG PHYUG LA SOGS PA DANG LDAN PA'O, ,SEMS CAN THAMS CAD NI RANG GI SDE PA DANG GZHAN GYI SDE PA'I NANG NA MCHOG YIN PAS NA SEMS CAN THAMS CAD LAS KHYAD PAR DU GYUR PA'O, ,'KHOR LOS SGYUR BAR GYUR PA ZHES PA NI DKYIL 'KHOR GYI 'KHOR LO'I BDAG POR 'GYUR RO, ,RTOG PA'I RNAL 'BYOR PA YIN PA'I PHYIR RO ZHES PA NI BSKYED PA'I RIM PA SGOM PAR BYED PAS SO, ,DE LTAR ZHES BYA BA LA SOGS PAS BSKYED PA'I RIM PA'I RNAL 'BYOR PA'I PHYAG RGYA'I DBYE BA BSTAN PA'I 'OG TU, RDZOGS PA'I RIM PA LA GNAS PA RNAMS LA YANG BSTAN PAR BYA'O ZHES BSTAN TO, ,RIGS BZHI PO ZHES BYA BA NAS RING POR MI THOGS PAR 'GYUR RO ZHES BYA BA'I BAR DU NI RDZOGS PA'I RIM PA'I RNAL 'BYOR BAS BRAM

ZE LA SOGS PA GANG YANG RUNG BA'I BU MO BLANGS LA SNYOMS PAR ZHUGS PA'I RIM PAS SNANG BA LA SOGS PA'I YE SHES GSUM RGYU DANG RKYEN LAS 'BYUNG BA'I 'OD GSAL BA PHYE DANG NANG GI BDAG NYID KYI MNGON PAR BYANG CHUB PA'I RIM PAS MYONG ZHING, DE LAS BYUNG BA'I MI GNAS PA'I MYA NGAN LAS 'DAS PA'I BDAG NYID KYI ZUNG DU 'JUG PA'I RDO RJE'I SKU DMIGS NAS GNAS PAR BYA'O ZHES BSTAN TO, ,DE NYID BSTAN PA'I PHYIR RIGS BZHIN PO RNAMS LAS GANG YANG RUNG BA ZHES PA NI RDZOGS PA'I RIM PA LA GNAS PA LA RTOG PA MED PA'I PHYIR RO, ,BLANGS NAS ZHES BYA BA NI LHAN CIG SPYOD PA BZHIN DU BLANGS NAS SO, ,DE RTOGS PA DANG LDAN PA'I ZHES PA NI RDZOGS PA'I RIM PAS LHA'I SKU THOB PA'O, ,RDO RJE 'CHANG STE ZHES PA NI THAMS CAD KYI 'BRAS BUR GYUR PAS SO, ,DE RDZOGS PAR BYED PA NI ZUNG DU 'JUG PA'I TING NGE 'DZIN SKYED PAR BYED PA'O, ,MNGON PAR BYANG CHUB PA'I RIM PAS RDZOGS PAR BYAS TE ZHES PA NI RIM PA GNYIS KYIS SO, ,DE'I THABS NI PHYAG RGYA CHEN PO'I DNGOS GRUB KYI RGYA'O, ,DMAR THAG CHAD CING 'DAS PAR GYUR TE ZHES PA NI DGONGS KA STE DE'I TSE NYI MA NUB PA'I PHYIR RO, ,DES NA MTSAN MO BYUNG BA'I DUS SU TSOGS KYI 'KHOR LO'I CHOGS DKYIL 'KHOR GYI DBUS NA GNAS PA'I BLA MAS MCHOD PA RNAM PA LNGA LA SOGS PAS DE KHO NA NYID THOB PA'I DON DU GSOL BA 'DEBS PA SNGON DU 'GRO BAS MCHOD PAR BYA'O, ,DE NAS ZHES BYA BA LA SOGS PA NI MCHOD PA'I 'OG TU MTSAN PHYED KYI DUS SU DANG PAR GYUR PA'I BLA MAS JI LTA BA BZHIN DU GSANG BA'I 'OG TU SHES RAB KYI DBANG BSKUR BA THOB NAS RANG RIGS PA BSTAN TO, ,BDE BA BYUNG BAS DBANG BSKUR THOB PA'O, ,RO DE NYID KYI NAM LANGS NAS SKYA RENGS 'CHAR BA'I DUS SU NI NYI MA'I KHA LOS SGYUR BA BLA NA MED PA 'CHAR BA'I DUS SU NI MTSAN MO'I CHA 'DAS PA'O, ,DE NYID BSTAN PA'I PHYIR NYI MA 'CHAR BA'I STON DU ZHES PA NI DANG PO NI NYI MA'I KHA LOS SGYUR BA SKYA RENGS 'CHAR BA DAR PHYI NAS NYI MA 'CHAR BA'O, ,DE'I DUS SU MNGON PAR BYANG CHUB PA'I RIM PA'I MAN NGAG GIS DNGOS GRUB THOB PAR 'GYUR RO, ,PHYI'I MNGON PAR BYANG CHUB PA'I

, ,RIM PA ZHES PA NI PHYI'I DUS LA LTOS PAS DE KHO NA NYID RTOGS PA'I MTSAN NYID KYI MAN NGAG GO, ,NANG GI BSTAN PAR BYA BA'I PHYIR ZHES BYA BA LA SOGS PAS NANG GI BDAG NYID KYI MNGON PAR BYANG CHUB PA'I RIM PA BSTAN PAR BYA STE, THABS KYI YE SHES ZHES PA NI SNANG BA MCHED PA'I YE SHES TE 'DOD CHAGS KYI MING CAN NO, ,SNYOMS PAR ZHUGS PAS MTSON PAS NA SNYOMS PAR ZHUGS PA'I MTSAN NYID DO, ,BYUNG BAR GYUR NAS ZHES PA NI DE BSKYED NAS SO, ,NUB CING NI 'DAS NAS SO, ,SHES RAB KYI NGO BO NYID DU GYUR PAS ZHES PA NI SNANG BA'I YE SHES KYI PHYI NAS 'BYUNG ZHING THIM PA'O, ,DE NAS 'OD GSAL BA SNGON DU 'GRO BAS ZHES PA NI, 'OD GSAL BA LAS SNGON DU SNANG BA NYE BAR THOB PA'I YE SHES 'BYUNG BA NI MYONG BAR 'GYUR RO, ,MA RIG PA STE ZHES PA NI SNANG BA NYE BAR THOB PA'I YE SHES SO, ,DES SONG BAR GYUR PA'I DUS SU ZHES PA NI DE'I BAG CHAGS KYI LHAG MA MED PA'I TSE'O, ,STONG PA DANG SHIN TU STONG PA DANG STONG PA CHEN PO NI SNANG BA LA SOGS PA'I RANG BZHIN GSUM MO, ,RGYU DANG RKYEN GYIS ZHES PA NI NYE BAR LEN PA DANG LHAN CIG BYED PA'I RGYUR GYUR BA STE GCIG RGYU DANG GZHAN DAG KYANG LHAN CIG BYED PA YIN BAS SO, ,DE RNAMS KYI 'OD GSAL BA NI 'BRAS BUR GYUR PA'I DE KHO NA NYID MNGON DU BYED PAS SO, ,PHYAG RGYA CHEN PO 'GRUB PAR 'GYUR RO ZHES PA NI ZUNG DU 'JUG PA'I TING NGE 'DZIN GYIS RDO RJE'I SKU 'BYUNG BAR 'GYUR RO ZHES BYA BA'I DON TO, ,JI SKAD DU, SKYE RANGS SHAR BA'I DUS SU NI, ,RDO RJE LTA BU'I TING 'DZIN GYIS, ,BYANG CHUB SHING DRUNG BZHUGS NAS NI, ,DES NI BDUD RNAMS 'DZOMS PAR MDZAD, ,STONG PA SHIN TU STONG PA DANG, GSUM PA STONG PA CHEN PO DANG, ,BZHI PA THAMS CAD STONG PA NI, ,RGYU DANG 'BRAS BU'I BYE BRAG GO, ,ZHES 'BYUNG BAS SO, ,MTSAN MO SNANG BA'I CHA STE NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS DANG RTAG TU BCAS, ,MTSAN MIN MTSAMS MED NYIN MED GANG ZHIG RANG BZHIN GYIS DAG PA, ,DE NI BYANG CHUB SKAD CIG BLA MA MCHOG BSHAD

RNAL 'BYOR BA NYID YUL, ,ZHES 'BYUNG NGO, ,DE LTAR PHYI NANG GI MNGON PAR BYANG CHUB KYI RIM PAS 'OD GSAL BA MYONG ZHING DE LAS BYUNG BA'I RDO RJE'I SKU SPRO BAR BSTAN TO, ,MTSAN RNAMS THAMS CAD KYIS BRGYAN PA, ,ZHES PA NI MTSAN DANG DPE BYAD KYIS BRGYAN PA'O, ,STOBS BCU NI GNAS DANG GNAS MA YIN PA LA SOGS PA'O, ,MI 'JIGS PA NI BZHI STE DE BZHIN DU LA SOGS PA'I SGRAS DBANG PO DANG STOBS DANG BYANG CHUB KYI YAN LAG DANG LAM GYI YAN LAG LA SOGS PA SANGS RGYAS KYI YON TAN DE DANG LDAN PA NI LDAN PA'O, ,DE'I KHYAD PAR NI PHYAG RGYA CHEN PO RDZOGS PA STE RDO RJE SEMS DPA'I SKU'I BDAG NYID CAN NO, ,DE LTAR ZHES BYA BA LA SOGS PAS DE KHO NA NYID THOB PA'I PHAN YON BSTAN TO, ,KHAMS GSUM ZHES PA NI 'JIG RTEN GSUM PA'I SANGS RGYAS NYID THOB PAS NA MNGON PAR 'DOD PA'I DON GYIS 'BRAS BU STER BA'O, ,DE BZHIN DU RAB TU GRAGS PA'I MTSAN RNAMS NI THUN MONG MA YIN PA'I DRAN PA NYE BAR GZHAG PA LA SOGS PA DE DANG LDAN PA'O, ,DPAG TSAD BRGYA ZHES BYA BA LA SOGS PAS RANG GI SNANG BA MTHA' YAS BA'I 'JIG RTEN GYI KHAMS SNANG BAR BYED PAR 'GYUR RO ZHES BSTAN PA DANG, DE BZHIN DU KUN RDZOB DANG DON DAM PAR DBYER MED PA'I NGO BO ZUNG DU 'JUG PA'I TING NGE 'DZIN GYIS 'GRO BA'I DON ZHIB LA SOGS PA 'DI BYED DO ZHES BSTAN TO, ,BSHAD MA THAG PA ZHES PA LA SOGS PAS RDZOGS PA'I RIM PA'I TING NGE 'DZIN MI 'DA' BA NYID DU BSTAN TO, ,SGRUB PA PO ZHES BYA BA LA SOGS PA'I GANG ZHIG RNAL 'BYOR PA DBANG PO DANG, ,YUL NYE BAR SPYOD PA'I SGO NAS SO SOR SDUD PA'I TING NGE 'DZIN GYIS 'OD GSAL BAR NYE BAR MTSON PAS MI GNAS PA'I MYA NGAN LAS 'DAS PA ZHES PA NI ZUNG DU 'JUG PA'I BDAG NYID DE KHO NA NYID ZHI BA NI SPROS PA THAMS CAD DANG BRAL BA, GZHAN GYI DON PHUN SUM TSOGS PA GTZOR GYUR PAS NA DGE BA BLANG BAR BYA BAS NA DE KHO NA NYID MA 'KHRUL PAS NA MI SLU BA, 'JIG RTEN DANG 'JIG RTEN LAS 'DAS PA'I DNGOS GRUB KYI GTZO BOR GYUR PAS NA PHUL DU BYUNG BA THOB BAR 'GYUR RO ZHES SDUD PA POS BSTAN TO, ,'DOD PA ZHES BYA BA LA SOGS PAS BDEN

, ,BA GNYIS KYI DBYER MED PAR GYUR PA'I MTSAN NYID KYI RDO RJE 'CHANG GIS GSUNGS SO ZHES NYE BAR BSDUS PA BSTAN TO, ,DGONGS PA BSHAD PA'O ZHES PA NI 'GAL BA'I SGRA'I SBYOR BAS DE KHO NA NYID BSTAN TO, ,DE LTAR ZHES BYA BA LA SOGS PA PHRAN CHOGS KYI DNGOS GRUB BSHAD PAR BYA STE, DE NAS ZHES BYA BA LA SOGS PAS GSHIN RJES GSHED KYI TING NGE 'DZIN LA ZHUGS PA NYID DU BSTAN TO, ,DE BZHIN GSHEGS PA ZHES BYA BA LA SOGS PAS GDUG PA SKRAG PAR BYED PA GSHEN RJE GSHED KYI SNGAGS BRJOD PA BSTAN TO, ,AOm ZHES BYA BA LA SOGS PA SNGAGS KYI DON BSHAD PA NI GO SLA'O, ,GSHIN RJE GSHED KYI SNGAGS SPEL BA NI SBYOR BA STE BSTAN PAR BYA BA ZHES PA'I SGRA'O, ,DE NAS DON 'DI YIN TE BSTAN PAR BYA BAS NAS DGRA THAMS CAD GSOD PAR GYIS SHIG CES BYA BA'I DON TO, ,GZHAN DAG GIS NI H'Um GI SNGAGS SPEL BA ZHES BSTAN TE, H'Um PHAt MTHA' YIS GSOD PA'I, ,ZHES BSHAD PA'I PHYIR RO, ,SDONG BU ZHES BYA BA LA SOGS PAS BA, SHIN RJE MTHAR BYED LA SOGS PA'I RNAM PA LA DMIGS TE TSER MA LAS BYUNG BA'I ME DANG LDAN PA'I GRU GSUM GYI ME'I THABS TU SNGAGS BRJOD PA SNGON DU 'GRO BA DUG DANG KHRAG DANG LAN TSVA DANG SKE TSE DANG, 'BRU MAR DANG 'DRES NAS BU MO 'AM PHA ROL GYI DBUR GANG YANG RUNG BA LA DMIGS NAS MTSAN PHYED DAM NYIN PHYED KYI DUS SU BSREGS NAS, DE ZHAG GSUM GYIS RENGS PAR 'GYUR RO ZHES BSTAN TO, ,DE NYID BSTAN PA'I PHYIR, BU MO DAG DANG 'BREL PA'I LONGS SPYOD KYI RGYUR ZHES BYA BA SMOS TE, BU MO'I LUS LA LONGS SPYOD PA'I PHYIR DANG DE'I PHA'I SBYOR BA LA LONGS SPYOD PA'I PHYIR RO, ,DE'I PHYIR SGRUB PA PO GZHAN LAS ZHES PA NI DE MA GTOGS PA GZHAN LA 'GRO BAR MI 'GYUR RO, ,DE 'BA' ZHIG TU MA ZAD KYI JI SRID BYIS BA DANG LANG TSO DANG RGAN PA'I GNAS SKABS SU YANG DE MED PAS DGA' BAR MI 'GYUR GYI DE LA CHAGS PAR 'GYUR RO ZHES BYA BA'I DON TO, ,RNAM PAR SNANG MDZAD KYI RNAL 'BYOR BA'O ZHES BYA BA LA SOGS PAS SKU RDO RJE LA SOGS PA'I RNAL 'BYOR PA SUM CU RTZA GNYIS KYIS GAL TE SBYOR BA 'DI MI BRTZI NA,

DE'I TSE DE RNAMS KYI LAS DE RTZOM PA DON MED PA ZHES BSTAN TO, ,SBYOR BA GZHAN BSTAN PA'I PHYIR ZHES BYA BA LA SOGS PAR 'BYUNG PO'I ZHAG LA DUR KHROD KYI GOS LA DUR KHROD KYI SOL BAS KHA SBYOR GYI NANG DU BRGYA RTZA BRGYAD BZLAS PAS GSHIN RJE MTHAR BYED KYI GZUGS BRIS LA DE'I SNYING GAR MING SPEL TE SNGAGS BRJOD PA SNGON DU 'GRO BAR CHE GE MO LA AI DAm DA PA YA PHRI SV'A H'A ZHES PA'I SNGAGS SPEL BA BYAS PA BRJOD CING BRGYA RTZA BRGYAD BZLAS PA'I RNAL 'BYOR PA SGRUB PA POS PHA ROL RNAMS LA MNGON PAR 'DOD PA'I 'BRAS BU STER BAR 'GYUR RO ZHES BSTAN TO, ,SNGAGS 'DI NYID CES BYA BA LA SOGS PAR DUR KHROD KYI GOS LA SOL PAS DGRA BO'I GZUGS BRNYAN BRIS LA DE'I SNYING GAR MING SPEL ZHING NYIN PHYED DAM MTSAN PHYED KYI DUS SU 'BYUNG BO'I ZHAG LA, KHRO BO'I RNAM PA DANG KHRO BO'I BSAM PAS, MTSON CHA RNO BA'I BSAM PAS GSOL BAS MGO NGO NAS BRTZAMS TE, RKANG PA'I DKYIL 'KHOR GYI BAR DU DBUS SU REG BTAB NAS, DGRA PO 'GAGS PAR 'GYUR RO ZHES BSTAN TO, ,THO BA ZHES BYA BA LA SOGS PAS DGRA BO'I RKANG BA'I RDUL DANG GTZANG PO'I 'GRAM GNYIS KYI SAS BSGRUB BYA'I GZUGS BRNYAN BYAS LA, SNGAR BSHAD PA'I DUS SU GSHIN RJE GSHED KYI RNAL 'BYOR DANG LDAN PAS KHROS NAS YI GE PHAt BZLAS PAS DE'I MGO BOR THO BA PHAB NA DE'I TSE MNGON GSUM DU DE'I MGO BOR THO, PHAB PA GANG GIS SROG DANG BRAL BAR 'GYUR RO ZHES BSTAN TO, ,YANG NA BSAM GTAN GYIS KYANG 'DI DAG THAMS CAD BYA'O ZHES PA NI TING NGE 'DZIN GYIS KYANG RNAM PAR BYAS TE, GANG GIS PHYI ROL GYI ZAS LA LTOS PAR MI 'GYUR RO, ,H'Um ZHES BYA BA LA SOGS PAS THUGS RDO RJE YONGS SU GYUR PA LAS BDAG NYID GNOD MDZES KYI RGYAL POR BSAMS LA, RANG GI LAG PAR YI GE H'Um YONGS SU GYUR PA LAS DRAG PO'I RDO RJE YI GE H'Um GYIS 'BAR BA'I PHRENG BA DANG LDAN PA BSAMS LA, SNGA MA BZHIN DU BSGRUB BYA'I GZUGS BRNYAN MGO BOR PHAB PAR BYA'O ZHES BYA BA 'DIS PHYI'I RDZAS LA LTOS PA MED PA NYID DU BSTAN TO, ,RDO RJE RGYUD CES BYA BA LA SOGS PA NAS GDON MI ZA'O ZHES PA'I BAR DU NI DUR

, ,KHROD KYI GOS LA SOGS PA LA KHAMS KYI RDZAS KYIS SKYES PA'AM BUNG MED GANG YANG RUNG BA'I GZUGS BRNYAN BRIS LA, YI GE H'Um YONGS SU GYUR PA LAS DGRA STA RNO BA RANG GI LAG PA NA YOD PAR BSAMS TE, DES BSGRUB BYA'I SKE BA YI GE PHAt BRJOD PAS BCAD LA DE'I TSE DGRA BO'I SKE BA GCOD PAR 'GYUR RO, ,DE NYID KYI PHYIR BSGRUB PAR BYA BA NYID DU SHES PA DANG ZHES SMOS TE RGYAL PO BYA BA 'GRUB PAR MI 'GYUR RO, ,'DIR YANG DANG YID KYI BDAG NYID CAN ZHES PA NI SHIN TU MDZES PA'I LUS DANG LDAN PA'O, ,MCHOG DANG 'BRING DANG THA MA ZHES PA NI BRAM ZE DANG RGYAL RIGS DANG RJE RIGS DANG DMANGS RIGS SO, ,DE RNAMS LA MI RIGS PAS PHAN 'DOGS PAR MI BYED PA'O, ,DE NYID KYI PHYIR SHIN TU PAG MED PA LA GNAS PA NI DRAG PO'I LAS BYED PA'O, ,SBYOR BA 'DIS NI DGRA STA'I SBYOR BAS LNGA PA NYID DU 'GYUR RO ZHES GDON MI ZA'O, ,BDUD RTZI THAB SBYOR ZHES BYA BA LA SOGS PAS SHIN TU CHAR 'BAB PA'I DUS SU BDUD RTZI 'KHYIL PA'I TING NGE 'DZIN LA GNAS PAS GRONG NGAM GRONG KHYER LA SOGS PA'I NAM MKHA'I PHYOGS SU YI GE H'Um LAS SKYES PA KHA DOG SER PO SNA TSOGS RDO RJE BSAMS LA DE'I DBUS SU YI GE H'Um LAS BYUNG BA'I 'BAR BA'I RDO RJE BSAMS LA, DE LAS BYUNG BA'I 'BAR BA'I TSOGS KYIS CHAR SKAMS PAR 'GYUR PAR BSGOMS NA CHAR RENGS PAR 'GYUR RO ZHES BSTAN TO, ,RDO RJE DBYINGS KYI DKYIL 'KHOR CHEN PO ZHES BYA BA LA SOGS PA NI DKYIL 'KHOR CHEN PO BRI BA'I DUS SU RLUNG DANG CHAR DANG THOG LA SOGS PA NAM MKHA' LAS 'BYUNG BA DANG, DKYIL 'KHOR GYI 'OG NAS KYANG CHUD DANG SPRUL LA SOGS PA 'BYUNG BA DANG, SOGS PA'I SGRAS SA 'GUL BA DANG SHA ZA LA SOGS PA 'BYUNG BAS SO ZHES GZUNG NGO, ,GZHAN GYIS RAB TU SBYAR BA ZHES PA NI TSOGS KYI BDAG PO LA SOGS PA MU STEGS PAS SKYON BYAS PA'O, ,GANG GI TSE 'BYUNG BAR 'GYUR NA DE'I TSE BCOM LDAN 'DAS 'OD DPAG TU MED PA YONGS SU GYUR PA LAS ZHAL GSUM PHYAG DRUG PA SPYAN GSUM PA G-YON BRKYANG PA LA GNAS PA 'PHAGS PA RTA MGRIN DU

BDAG NYID BSAMS LA, DE'I PHYAG MTSAN LAS BYUNG BA'I 'BAR BA'I TSOGS KYIS PHYOGS BCU LA GNAS PA'I BGEGS KYI TSOGS BSREG CING THAL BAR GYUR PAR BSAM PAR BYED NA DE'I TSE RLUNG LA SOGS PA ZHI BAR 'GYUR RO ZHES BSTAN TO, ,GAL TE RANG BZHIN DE LTAR MI PHYED NA ZHES BYA BA LA SOGS PAS DE MA BSGOMS PAS DKYIL 'KHOR BRI BA'I BDAG NYID CAN GYI RNAL 'BYOR MA'I BYA BA 'GRUB PAR MI 'GYUR RO, ,'DIR YANG DRAG PO'I LAS LA RANG GI SDE PA DANG GZHAN GYIS NGE PA'I BGEGS GSONG BAR BYED PA'I YI GE PHAt KYIS SA BON GSOD PA NI DGRA BO 'TSE BA'I DUS SU SBYOR BAR BYA'O ZHES BSTAN TO, ,DA NI ZHES PA LA SOGS PAS SPROS PA DANG BCAS PA'I RNAL 'BYOR PAS LHA'I KHANG PA SUM BRTZEGS LA GNAS TE, BDAG LA BYING YIS BRLABS PA RNAM PAR SNANG MDZAD LA SOGS PA GANG YANG RUNG BA YE SHES KYI SKU DMIGS TE, PHYOGS BA ZHI LA GZUGS BZANG BA SHIN TU LEGS PAR BRGYAN PA'I DAM TSIG GI PHYAG RGYA BZHI BZHAG NAS DE DANG LHAN CIG 'DOD PA'I YON TAN LNGA NYE BAR SPYOD PA DANG SNYOMS PAR ZHUGS PA DANG, SO SOR SDUD PA DANG BSAM GTAN GYI RIM PAS BDE BA CHEN PO MYONG BAR 'GYUR RO ZHES BSTAN TO, ,YE SHES KYI RIM PAS BSKYED PA ZHES PA NI BDAG LA BYIN GYIS BRLABS PA'I RIM PAS SPROS PA'O, ,DE'I SBYOR BA NI ZHES PA NI MDOR BSTEN PA'O, ,SKAD CIG GIS DMIGS PA ZHES PA NI RGYAS PAR BSHAD PA'O, ,DES NA SNANG BA NYE BAR THOB BA LA SOGS PA'I RIM PA BKAG GO, ,GDAN RNAM PA BZHI'I DBUS SU ZHES PA NI LHA MO BZHI'I GDAN GYI DBUS SU'O, ,RDO RJE 'CHANG CHEN PO'I SKU ZHES PA NI NYE BAR MTSON PA TZAM YIN TE, RNAM PAR SNANG MDZAD LA SOGS PA RNAMS KYI YANG SKU BSGOM PAR BYA'O, ,LHA'I DE KHO NA NYID SHES PAS SO ZHES PA NI BDAG NYID DANG LHAN CIG LHA MO BZHI YE SHES LNGA'I NGO BO SHES PA'O, ,SPYAN MA LA SOGS PA'I GNAS RNAMS SU ZHES PA NI SHAR PHYOGS LA SOGS PA LA'O, ,RNA PAR DAG PA'I RIM PA DES PHYI'I MNGON PAR ZHEN PA SPONG PA DANG, SO SO'I SKYE BO BZHIN DU SPYOD PA'ANG BKAG PAR BYAS PA

, ,YIN NO, ,SNGAGS DANG PHYAG RGYA LEGS PAR SLOB PA ZHES PA NI SNGAGS GTZO BOR GYUR PA'I PHYAG RGYA NI SNGAGS KYI PHYAG RGYA STE SNGAGS KYI THEG PA'O, ,DE LA LEGS PAR BSLAB PA NI THOS PA LA SOGS PA'I RIM GYIS MTHAR PHYIN PA DANG PHA ROL LA NYE BAR STON PA'O, , SPYAN MA LA SOGS PA'I DNGOS PO YONGS SU BRTAGS PA ZHES PA NI RIGS KYI YUM BZHI PO'I GZUGS SU BSGOM PA'O, ,BUD MED BZHI NI BZHI KHO NA'O, ,NYIN MTSAN NI RTAG TU'O, ,RGYAN RNAMS THAMS CAD KYIS ZHES BYA BA LA SOGS PAS LHAN CIG SKYES PA DANG, CHA LUGS KYI YON TAN RNAMS KYIS BRGYAN PA NYID DU BSTAN TO, ,RANG GI SNYING GA'I PADMA ZHES PA NI RANG GI SEMS SO, ,KHA'I PADMA NI ZHAL GYI PADMA'O, ,RGYAS PA NI DE LTA BAS DGA' BA BSKYED PAR BYAS LA DE'I 'OG TU 'KHOR LO LNGA'I BDAG NYID GANG YIN PA DE NYID SEMS TZAM YIN GYI GZHAN NI MA YIN NO ZHES BSAM PAR BYA'O, ,'OD ZER LNGA NI ZHES BYA BA LA SOGS PAS DBANG PO DANG YUL NYE BAR SPYOD PA'I MTSAN NYID KYI SO SOR SDUD PA'I RIM PAS BDE BA CHEN PO DE DANG LHAN CIG TU MYANG BAR BYA'O ZHES BSTAN TE, ,DE LTAR SPYOD PA ZHES BYA BA LA SOGS PAS RNAM PAR SNANG MDZAD LA SOGS PAR DE BZHIN GSHEGS PA LNGA DANG MTSUNGS PAR 'GYUR RO ZHES BSTAN TO, ,PHYAG RGYA GCIG DANG YANG LHAN CIG SPYOD PA ZHES PA NI SPROS PA MED PA'I SPYOD PA DANG LDAN PA'I RNAL 'BYOR BA'I'O, ,DGONGS PA NI RDO RJE 'CHANG CHEN PO LA SOGS PA'I RNAL 'BYOR BAS BRAM ZE LA SOGS PA GANG YANG RUNG BA'I PHYAG RGYA BLANGS TE, BDAG NYID DANG DES RNAM PAR SNANG MDZAD DANG SPYAN MA LA SOGS PA'I RNAM PA BSKYED LA YUL NAS YUL DU 'GRO BAR JI LTAR RNYED PA'I KHA ZAS CAN NAGS TSAL LA SOGS PA SKYE BOS DBEN PA LA SNYOMS PAR ZHUGS PA'I SGO NAS YE SHES GSUM RNAM PAR DAG PA'I NGO BO 'OD GSAL BA LA SLOB PAR BYED DE DE'I TSE RDO RJE 'CHANG CHEN PO DANG 'DRA BAR 'GYUR RO ZHES BSTAN TO, ,THAMS MAL PA'I BDAG NYID RANG BZHIN YONGS SU SPANGS NAS ZHES PA NI YE SHES KYI RIM PAS BSGRUB PA'I SNGAGS KYI SKU'O, ,DE'I 'OG TU NI RGYU DE LAS SO, ,BDAG PO NI

KHAMS GSUM GYI BDAG PO'I, ,PHYAG RGYA DANG BCAS PAR DNGOS GRUB THOB PAS NA ZHES PA NI DE YANG DE BZHIN DU GRUB PAR 'GYUR RO, ,NAM MKHA' MDZOD KYI ZHES BYA BA LA SOGS PAS PHYAG RGYA CHEN PO'I DNGOS GRUB THOB BAS SEMS CAN GYI DON MDZAD PA BSTAN TO, ,DE NI SPROS PA MED PA'I SPYOD PA'O, ,DA NI SPROS BA MED PA'I SPYOD PA DANG LDAN PA'I RNAL 'BYOR BA'I JI SNYED PA'I ZAS LEGS PAR SBYANGS NAS SPYOD PAS GNAS PA BSTAN PAR BYA STE, THUN MONG DU GYUR PA NI RAB TU GRAGS PA'O, ,BA LANG GI LCI BA LA SOGS PA ZHES PA NI DE KHO NA NYID THOB PA LA ZHIM DANG MI ZHIM GYI RNAM PAR RTOG PA MED PA'I PHYIR RO, ,SHA NI JI RNYED PA DANG ZHES PA NI KHA NA MA THO BA MED PA RNYED PA SMOD PA'AM MA SMAD PA'O, ,GZHAN DAG GANG CI'ANG RUNG BA ZHES PA NI BTUNG BA LA SOGS BA'O, ,BZA' BA DANG BTUNG BA LA SOGS PA DE DAG SBYANGS PA LA SOGS PA'I RIM GYIS SBYANGS LA SNYING GA DANG LAG BA DANG LKOG MA SBYANGS NAS JI LTAR SO SO'I SKYE BOS MA MTHONG BA DE SRID BZA' BAR BYA'O ZHES BSTAN TO, ,'OG NAS BSHAD PA LA LTOS PA YIN NO ZHES PA NI RI LU LA SOGS PA'I GRUB PA RNAMS KYANG RDO RJE 'CHANG NYID KYIS GSUNGS SO ZHES SBYAR RO, ,BSHAD PA ZHES BYA BA LA SOGS PAS, ,NYIN ZHAG DE LA SKYES PA'I BU CHUNG GI TSAN BUS LA MA LHUNG BA KHAM PHOR KHA SBYAR LA BZHAG CING GSHIN RJE GSHED KYI SNGAGS KYIS BRGYA RTZA BRGYAD BZLA ZHING YI GE GSUM GYIS BYIN GYIS BRLABS NAS LCAGS GSUM GYIS BSKOR BA'I RI LU KHAR BCUG NA RIG PA 'DZIN PA RNAMS KYIS KYANG MTHONG BAR MI 'GYUR NA, MI RNAMS KYIS SMOS KYANG CING GOS TI MI SNANG BA'I SBYOR BA BSTAN PA DANG, DE BZHIN DU KHYI LA SOGS PA'I MNGAL GYI RI LU THOD PA KHA SBYAR LA BZHAG CING, SNGA MA BZHIN DU MNGON PAR BZLAS LA KHAR BCUG STE 'GRUB PA LA SOGS PAS MTHONG BAR MI 'GYUR RO ZHES BSTAN TO, ,DE NI MI SNANG BA'I SBYOR BA KHO NA'O, ,BSHANG BA DANG ZHES BYA BA LA SOGS PAS BDUD RTZI LNGA'I RI LU LCAGS GSUM GYIS BSKOR BA BYAS LA ZLA BA GZAS ZIN PA'I DUS SU PHYAG RGYA'I BHA GAR BCUG LA SNYOMS PAR

, ,ZHUGS PA SNGON DU 'GRO BA ZLA BA GZAS GROL BAR GYUR NA DE NAS BTON TE DU BA LA SOGS PA'I RTAGS NYE BAR MTSON ZHING KHAR BCUG NA SANGS RGYAS RNAMS KYIS KYANG MTHONG BAR MI 'GYUR RO ZHE BSTAN TO, ,DE YANG MI SNANG BA'I SBYOR BA KHO NA'O, ,DE BZHIN DU ZHES BYA BA LA SOGS PAS SNGA MA BZHIN DU MI SNANG BA NYID BSTAN TE, 'ON KYANG SHA CHEN 'DIR GTZO BOR YIN NO, ,BA LANG SHA ZHES BA LA SOGS PAS SNGA MA BZHIN DU BSHAD PAR BYA STE MI SNANG BA NYID KHO NA BSTAN TO, ,SROG CHAGS ZHES BYA BA NAS GSUNGS SO ZHES PA'I BAR DU NI BSHANG BA LAS 'BYUNG BA'I SROG CHAGS KYI RI LU DANG GA PUR TZANDAN GYI RI LU DANG, GI WANG AA GA RU NAG PO'I RI LU DANG BDUD RTZI LNGA'I RI LU DANG GA BUR DAD GUR GUM GYIS SBYAR BA'I BDUD RTZI LDA'I RI LU STE RIGS LNGA'I DBYE BAS SBYANGS LA LCAGS GSUM GYIS BSKOR BA BYAS TE KHAR BCUG LA, DE'I TSE STOBS MI NYAMS PA DANG LHA LA SOGS PA RNAMS KYIS KYANG MI MTHONG BAR 'GYUR RO ZHES PA BSTAN TO, ,DE NI MI SNANG BA'I SBYAR BA KHO NA'O, ,DE NI ZHES BYA BA LA SOG PAS 'JIG RTEN PA'I DNGOS GRUB KYI SGO NAS 'JIG RTEN LAS 'DAS PA'I DNGOS GRUB THOB PAR 'GYUR RO ZHES BSTAN TO, , DKYIL 'KHOR PA'I ZHES BYA BA LA SOGS PA SNGAR BSHAD PA'I ZHI BA LA SOGS PA BSGRUB PA'I DON DU ZHI BA'I DON DU ZHI BA'AM DRAG PO'I NGO BO'I SKU BSGOM PA'I RNAL 'BYOR BAS ZHI BA LA SOG PA SGRUB PAR BYED PA 'BA' ZHIG TU MA ZAD KYANG DE'I PHYAG DE'I PHYAG RGYA CHEN POS ZHI BA'I NGO BO RDO RJE 'CHANG CHEN PO'I SKU'I DBANG PHYUG LA SOGS PA DANG, STOBS CHEN PO LA SOGS PA DANG LDAN PAR 'GYUR RO ZHES BSTAN TO, ,GZHAN YANG SKAD CIG MA GCIG GIS ZHES BYA BA LA SOG PAS MKHA' SPYOD DAD SA SPYOD DANG PHYOGS SPYOD KYI DNGOS GRUB THOB PAR 'GYUR RO ZHES BSTAN TO, , PHYAG RGYA'I TSOGS DPAG TU MED PA ZHE PA NI LHA'I BZHON PA LA GNAS PA DAM TSIG GI PHYAG RGYA'I RANG BZHIN SPYAN MA LA SOGS PA DE DANG LHAN CIG SPYOD PAS NA DPAL LDAN NO, ,STOBS BCU ZHES BYA BA LA SOGS PAS SANGS RGYAS KYI YON TAN DANG LDAN PA NYID DU BSTAN TO, ,

JI LTAR DGA' BAR 'GRO BA'I PHYIR, ,ZHES PA NI THOGS PA MED PA'I 'GRO BA DANG LDAN PAS SO, ,RGYAL CHEN RIS BZHI ZHES BYA LA SOGS PAS LHA'I RIGS DRUG DANG LDAN PA'I 'DOD PA'I KHAMS LA BDE BA LA SOGS PA LHA'I BTZUN MO JI SRID DANG DE BZHIN DU RAM PA TI LA MCHOG LA SOGS DANG LHA'I SMAD 'TSONG MA DANG LHA'I LONG SPYOD DANG MTSUNGS PA GLING BZHI'I BDAG PO 'KHOR LOS SGYUR BA RNAMS KYI BU MO DANG, DE BZHIN DU DMIGS DANG RNAM PAR 'JIG PA LA SOGS PA LHA MA YIN GYI BU MO DANG, 'JOG PO DANG DUNG SKYONG DANG RIGS LDAN DANG PADMA DANG PADMA CHEN PO LA SOGS PA'I KLU RNAMS KYI BU MO STOBS KYIS MNAN NAS NYE BAR SPYOD PAR 'GYUR RO ZHES BSTAN TO, ,GZUGS KYI KHAMS PA SGOM CHEN 'DOD CHAGS DANG BRAL BAR GNAS PA GAL TE DE LA BUD MED YOD NA ZHES BYA BA 'DI, ,SRID NA ZHE PHUL DU GYUR BA'I TSIG TU BSTAN TO, ,THA MAL PA'I LUS ZHES PA NI NYE BAR LEN PA'I PHUNG PO LNGA'I BDAG NYID CAN NO, ,DE TING NGE 'DZIN KHYAD PAR CAN GANG GIS MI SNANG BAR BYAS PA DE LA DE SKAD CES BYA'O, ,DE NAS ZHES BYA BA LA SOGS PAS RIN PO CHE LTA BU'I GANG ZAG BYANG CHUB SEMS DPA' SNGAR BSHAD PA'I TING NGE 'DZIN GYI KHYAD PAR THOS PA DANG BSAM PA DANG, BSGOM PAS 'KHRUL PA LAS BYUNG BA'I THE TSOM DANG BRAL BAR 'GYUR BA NANG NA MYONG BA'I MAN NGAG GI TSIG BCOM LDAN 'DAS LA BSTOD PA'I SGO NAS BSTAN TO, ,SNGAGS GCIG PU ZHES PA NI GSHIN RJE MTHAR BYED KYI SNGAGS GCIG PU LAS KYI RAB 'BYAM BSGRUB PA NI PHUR BUS GDAB PA DANG, GNAS SPONG PA DANG RENGS PA DANG MNGON SPYOD LA SOG PA BSGRUB PA'O, ,DE BZHIN DU BUD MED DANG LHAN CIG TU ROL PAS KYANG ZHE PA NI SPROS PA DANG BCAS PA DANG SPROS PA MED PA DAG GIS SPYOD PA'I GSANG BA LNGA'I DKYIL 'KHOR CHEN PO'I RIM PAS PHYAG RGYA BZHI DANG LHAN CIG SPYOD PA'AM RGYA GCIG DANG SPYOD PAS 'DOD CHAS ROL PA LA SO PA'I RGYA CHE BAS 'JIG RTEN PA LA SOGS PA'I DNGOS GRUB SGRUB PA GANG YIN PA'O, ,DE BZHIN DU BDUD RTZI LNGA DANG SGRON MA LNGA NI DAM

, ,TSIG DANG LCAGS KYU RNAMS SO, ,DES BYAS PA'I RI LU RNAMS KYIS DNGOS GRUB KYI PHUN SUM TSOGS PA STE MKHA' LA SPYOD PA DANG MI SNANG BA'I MTSAN NYID CAN NO, ,CHOS STONG PA NYID LA SOGS PA'I RANG BZHIN GYIS DAG PA STE, KHA NA MA THO BA MED PA'I PHYIR RO, ,DE BZHIN DU GANG YANG RUNG BA'I PHYAG RGYA CHEN PO ZHES PA NI LHA SUM CU RTZA GNYIS KYI NANG NA GANG YANG RUNG BA'I DMIGS PA LA BRTEN NAS RDO RJE 'CHANG NYID DU 'GYUR BA DANG DE LA YANG MA CHAGS PA ZHES BYA BA GANG GSUNG PA DE DAG THAMS CAD NI NGO MTSAR BA STE RMAD DU GYUR PA BCOM LDAN 'DAS KYIS BSTAN TO, ,SNGAR MA THOS MA BSHAD PA ZHES BYA BA'I THA TSIG GO, ,DGONGS PAS BSHAD PA'O ZHES PA NI 'GAL BA'I SGRA'I SOG NAS DE KHO NAS DE KHO NA NYID BSTAN PAS SO, ,DA NI ZHES BYA BA LA SOGS PAS PHYIR MI LDOG PA'I DBANG BSKUR THOB NAS RGYAS BTAB BA BSTAN PAR BYA STE, GDUG PA THAMS CAD 'DUL BAS NA ZHES PA NI MTSAMS MED PA LNGA LA SOG PA BYED PA 'DUL BAR MDZAD PAS SO, ,RNAM PAR SNANG MDZAD LA SOGS PA ZHES BYA BA NI DE BZHIN GSHEGS PA LA SOG PA'I RIGS LNGA'I, ,'BYIN PAS NI SKYED PAR BYED PA STE RDOR JE 'CHANG CHEN PO'I RIGS LAS RNAM PAR SNANG MDZAD LA SOGS PA DE RNAMS ME STAG LTA BUR 'BYUNG BAS SO, ,'JIG RTEN PA NI ZHI BA LA SOG PA'O, SOGS PA'I SGRAS NI 'JIG RTEN LAS 'DAS PA MKHA' SPYOD LA SOGS PA'O, ,SKYES PAR MDZAD PA NA ZHES PA NI DE SBRUL PAR MDZAD PAS SO, ,GZHAN YANG NI DE BZHIN YANG NGO, ,DRUG PA'I NGO BO NYID DU GYUR PAS ZHES PA NI LNGA PO BSDU BAR MDZAD PAS SO, ,DE LTAR SPRO BA DANG BSDU BA'I BDAG NYID CAN GYIS BCOM LDAN 'DAS RDO RJE 'CHANG GI CHE BA BSTAN PA YIN NO, ,SANGS RGYAS ZHES BYA BA LA SOGS PAS MI BSKYOD PA LA SOGS PA GSUM PO'I BDAG NYID KYI BCOM LDAN 'DAS KYIS BKA' STZAL TO ZHES BSTAN NO, ,SEMS DPA'I RDO RJE ZHES ZHES BYA BA LA SOGS PA MI BSKYOD PA'I RIGS CAN M'A MA K'I DANG LAG NA RDO RJE DANG NAM MKHA'I SNYING PO DANG SGRA RDO RJE MA DANG SHES RAB MTHAR BYED RNAMS LA MI BSKYOD PAS

RGYAS GDAB PAR BYA'O ZHES BSTAN TO, ,RNAM PAR SANG MDZAD DO ZHES BYA BA NAS NYE BAR BSAL BAR BYA'O ZHES PA'I PAR DU NI RNAM PAR SNANG MDZAD KYI RIGS CAN SPYAN MA DANG SA'I SNYING PO DANG BYAMS PA DANG, GZUGS RDO RJE MA DANG GSHIN RJE MTHAR BYED RNAMS LA RNAM PAR SNANG MDZAD KYIS RGYAS GDAB PAR BYA'O ZHES BSTAN TO, M'A MA K'I ZHES BYA BA NAS DKON MCHOG DPAL GYI DBANG BSKUR BYA'O ZHES BYA BA'I BAR DU NI M'A MA K'I LA SOGS PA LA RIN CHEN 'BYUNG LDAN GYIS RGYAS GDAB BAR BYA'O ZHES BSTAN TO, ,M'A MA K'I LA SOG PA GNYIS KA'I RIGS DANG LDAN PA'I PHYIR RO, ,RIGS PA'I RGYAL MO NI GOS DKAR MO STE ZHES PA NI NGAG GI SPROS PA THAMS CAD KYI GZHIR GYUR PA'I PHYIR RO, ,'BREL BAS 'BREL PA GANG YIN PA ZHE PA NI RE ZHIG 'OD DPAG TU MED PA DANG GOS DKAR MO 'BREL TO, ,DE'I 'BREL BAS KYANG PADMA'I RIGS CAN RNAMS LA DE SKAD CES BYA'O, ,DE'I PHYIR PADMA'I RIGS ZHES PA NI GOS DKAR MO DANG SBYANG RAS GZIGS KYI DBANG PHYUG DANG 'JAM DPAL DANG DRI RDO RJE DANG PADMA MTHAR BYED RNAMS LA 'OD DPAG TU MED PAS RGYAS GDAB PA BYA'O ZHES BSTAN TO, ,LAS KYI RIGS RNAMS ZHES BYA BA LA SOGS PAS DON YOD GRUB PA'I RIGS CAN SGROL MA DANG SGRIB PA RNAM PAR SEL BA DANG KUN DU BZANG PO DANG RO RDOR JE MA DANG BDUD RTZI 'KHYIL PA RNAMS LA DON YOD GRUB PAS RGYAS GDAB PAR BSTAN TO, ,RNAM PAR SNANG MDZAD LA SOGS PA LA ZHES PA NI RNAM PAR SNANG MDZAD DANG RIN CHEN 'BYUNG LDAN DANG 'OD DPAG TU MED PA DANG DON YOD GRUB PA RNAMS KYI MI BSKYOD PA STE RIGS KYI BDAG PO RGYAS GDAB PA ZHES BSTAN TO, ,MI BSKYOD PA LA RDO RJE 'CHANG GIS RGYAS GDAB PA DANG RDO RJE SEMS DPA' LA MI BSKYOD PAS RGYAS GDAB PAR BYA'O ZHES MAN NGAG GO, ,RDO RJE RO LANGS MA LA SOGS PA ZHES BYA BA LA SOGS PAS RDO RJE RO LANGS MA DANG GZHAN GYIS MI THUB MA DANG KHRO GNYER MA DANG SNA TSOGS RDO RJE MA DANG RIN CHEN SNA TSOGS MA DANG SNA TSOGS PADMA DANG LAS SNA TSOGS, SA 'DZIN MA DANG NAM MKHA' SGYUR MA STE KHRO BO'I RGYAL PO'I BTZUN MO RNAMS LA GSHIN RJE MTHAR

, ,BYAD KYIS RGYAS GDAB PAR BYA'O ZHES BSTAN TO, ,GAL TE DE RNAMS LA RANG RANG GI RIGS KYI BDAG PO DANG RJES SU MTHUN PA RNAM PAR SNANG MDZAD LA SOGS PAS RGYAS GDAB PA THOB PAR 'GYUR NA DE BZHIN DU YANG GSHIN RJE MTHAR BYED KYIS RGYAS GDAB PA LA NUS PA YOD DO ZHES BCOM LDAN 'DAS KYIS GSUNGS SO, ,DE RNAMS KYI ZHES BYA BA LA SOGS PAS SPYI BOR BZHUGS PA DE BZHIN GSHEGS PA RNAMS GANG YIN PA DE RNAMS RANG RANG GI PHYAG RGYA DANG BCAS PAR SNYOMS PAR ZHUGS PA LAS BYUNG BA'I BYANG CHUB KYI SEMS KYI RDZAS KYIS RGYUN GYIS RTEN DU GYUR BA RGYAS GDAB PAR BYA BA DBANG BSKUR BAR BYA BA BSAM PAR BYA'O ZHES BSTAN TO, ,RGYAS GDAB PA ZHES BYA BA LA SOGS PAS RGYAS GDAB PA'I SGO NAS RANG GI PHYAG RGA CHEN PO MNYES PAR 'GYUR RO ZHES BSTAN TO, ,JI SKAD DU, RGYAS BTAB PAS NA LHAR GRUB DANG, ,RIGS LA'ANG BYIN GYIS RLOB PA STE, ,RIGS 'CHOL BA YI SBYOR BA YIS, ,DNGOS GRUB MED CING BSGRUB BA'ANG MED, ,CES 'BYUNG NGO, ,SLOB PA RNAMS LA PHAN PA STE, ,ZHES PA NI BSKYED PA'I RIM PA'I RNAL 'BYOR PA RNAMS KYIS RANG GI LHA RJE SU DRAN PAR BYE DPA'O, ,PHYAG RGYA CHEN PO STE ZHES PA NI RANG RANG GI PHYAG RGYA CHEN PO'I SKU'O, ,DE SKYOD PAR BYED PA ZHES PA NI RDZOGS PAR BYED PA STE DES NI LHA GRUB PA'I BDAG NYID KYIS RGYAS GDAB PA YIN NO ZHES BSTAN PA YIN NO, ,DE NI ZHES BYA BA LA SOGS PAS DKYIL 'KHOR BRI BAR BYA BA'I PHYIR SNOD LA GDAB PA'I CHO GA BSTAN PAR BYA STE, BGEGS THAMS CAD CES PA NI BRGYA BYIN LA SOGS PA'O, ,DE RTZAM NYE BAR ZHI BAR MDZAD PAS ZHES PA NI LDOG PAR MDZAD PAS NA STON PA ZHES BYA'O, ,GZUGS LA SOGS PA PHUNG PO LNGA SBYOR BAR BYE DPAS NA CHOS KUN GYI DBANG PHYUG GO, ,KHAMS GSUM GYIS PHYAG BCAL BAR BYA STE NYAN THOS LA SOG PA GANG YIN PA DE RNAMS RJES SU STON PAR MDZAD PA GTZO BO YIN PAS NA BDAG PO'O, ,RDO RJE GSUM ZHES PA NI SKU RDO 'CHANG LA SOGS PA'O, ,DE RNAMS SPRO BA DANG SDU BAR MDZAD PAS RDO RJE GSUM GYI MI PHYE PA'I NGO BO'I BDAG NYID CAN NO, ,

'DAS PA LA SOGS PA YONGS SU MKHYEN PA'I CHO GA ZHES PA NI SNOD LA BAB PA 'DAS PA LA SOGS PA YONGS SU MKHYEN PA'I RGYU YIN PAS SO, ,BKA' STZAL PA'O ZHES PA NI SDUD PA PO'I TSIG GO, ,RI BO DANG 'DRA BAS NA RI STE ZHES PA NI SHIN TU MTHO BA NAM MKHAR SLEB PA KHANG PA BRTZEGS MA CHEN PO NI KHANG PA BZANG PO SUM BRTZEGS LA SOGS PA'O, ,STENG GIS PHYOGS ZHE PA NI BYA TSANG GIS NYE BAR MTSON PA'I KHANG THOS RNAMS LA'O, GNAS GZHAN DANG ZHES PA NI MA MO'I KHANG PA LA SOGS PA LA'O, ,DE RNAMS KYI KHYAD PAR NI SKYE BO'I 'DU 'DZI DANG BRAL PA RNAMS TE ZHES PA NI SHIN TU DBEN PA LA'O, ,SKYED MOS TSAL LA SOG PA ZHES PA NI RDZING BU'I 'GRAM DANG CHU 'GRAM DANG DUR KHROD DANG KHRONG STONG DANG, RTAGS GCIG DANG SHING GCIG DANG SUM MDO DANG BZHI MDO LA SOGS PA DNGOS GRUB KYI GNAS RNAMS LA'O, ,GNAS GZHAN GANG YANG RUNG PA ZHES PA NI JI LTAR MNGON PAR 'DOD PA'I GNAS LA'O, ,YID DANG RJES SU MTHUN PA ZHES PA NI YID DU 'ONG BA LA'O, ,SGRUB PA POS ZHES PA NI RDO RJE SLOB DPON GYIS SO, ,PHYAG RGYA CHEN PO RNA PA GNYIS, ,ZHES PA NI RIM PA GNYIS KYI SNGAGS KYIS SKU'I MTSAN NYID DANG YE SHES KYI SKU'I MTSAN NYID DO, ,DE LA DMIGS PAR BYA'O ZHES PA NI BSKYED PAR BYA BA DANG SPROS BAR BYA BA STE, DBANG PO DMAN PA DANG RNO BA'I DBYE BAS DMIGS PAR BYA'O, ,DE'I 'OG TU RNAMS PA GNYIS KYI RNAL 'BYOR BAS NGAG GI BZLAS PA DANG, RDO RJE BZLAS PA GNYIS KYI DBYE BAS BZLAS PAR BYA'O, ,CI'I PHYIR BYA ZHE NA, SMRAS PA RDO RJE SEMS DPA' ZHES BYA BA LA SOGS PAS RANG RANG GI PHYAG RGYA CHEN PO DMIGS PA DANG, RANG RANG GI SNGAGS BZLAS PAS BSKUL PA THUGS RDO RJE LA SOGS PA RNAM PA SNA TSOGS PA'I LAS STER BAR 'GYUR RO ZHES BSTAN TO, ,DON DE LA MI SLU BA NYID RTOGS PAR BYA BA'I PHYIR BCOM LDAN 'DAS 'DOD DPAG TU MED PA'I PA'I GSUNG GI BDEN PA NYID DU BSTAN TO, ,DA LTAR ZHES BYA BA NAS RAB TU 'GRUB PAR NYE BAR 'GYUR RO ZHES PA'I BAR DU RIM PA GNYIS BSGOMS PA'I MI BSKYOD PA'I RNAL 'BYOR PAS DANG PO SBYOR BA'I RIM

, ,PAS SNOD NI RDO RJE CHOS SU BYAS LA RNAL 'BYOR CHEN PO'I RIM GYIS MGO PO LA SOGS PA LA YI GE GSUM DGOD CING DE RNAMS LA RNA PAR SNANG MDZAD DANG SPYAD MA LA SOGS PA'I TSOGS 'JUG LA DE NAS 'CHAD PAR 'GYUR PA'I 'BAB PA'I CHO GA BYA'O, ,DE LTAR GYUR NAS RNAL 'BYOR PA RAB TU NYE BAR 'GYUR BA NI 'JIG RTEN PA LAS GRAGS PAR 'GYUR GYI GZHAN DU NI MA YIN ZHES BSTAN TO, 'GYUR BA NI SA LA KHRU GCIG GAM KHRU GNYIS LA SOGS PA 'PHAR BA'O, G-YO BA NI YAN LAG DANG NYING LAG THAMS CAD G-YO BA'O, ,'KHOR BA NI PHYOGS BCU RU 'KHOR LO BZHIN DU YONG SU 'KHOR LO'O, ,DE LTAR RNAM PA GSUM GYI DBANG YID NI BSGUL BA YIN NO, ,DE RNAMS KYI RANG NA GANG YANG RUNG BA BSGUL BA ZHES BYA STE DE'I YAN LAG YIN PA'I PHYIR RO, ,DE BZHIN DU SNOD DE NYID LA RDO RJE 'CHANG LA SOGS PA MI 'JUG NA THA MAL PA'I LUS PO'I NGA RGYAL MED PAS DRI MA MED CING RLUNG MED PA DPA' RLABS MED PA'I RGYA MTSE DANG 'DRA BA, ,NYE BAR ZHI BA LA 'JUG PHAR GNAS PA GANG YIN PA DE NI RENG PA'O, ,SHING LTAR NI SHING LAS BYAS PA'I GZUNG BRNYAN DANG 'DRA BA'O, ,DE BZHIN DU BCOM LDAN 'DAS RDO RJE SEMS DPA' LA SOG PA SNOD KYI LUS LA ZHUGS NAS RENGS PA DANG RDUNG DANG BA SPU LDAN PA DANG SKAD 'GYUR BA DANG 'DRA BA DANG KHA DOG LOG PA DANG MCHI MA 'DZAGS PA DANG THIM PAR 'GYUR BA SKYES PA GANG YIN PA DE NI LHA CHEN PO'O, ,DE'I 'OG TU RDO RJE SLOB DPON GYIS BRIS PA'I SNOD KYIS 'DAS PA LA SOG PA STON PA GANG YIN PA DE NI 'PHAGS PA'I LAM MO, DBAB PA ZHES BYA BA LA SOGS PAS SNGAGS KYI SKU GRUB PA DANG YUN RING DU DKA' THUB SPYOD PA'I SGRUB PA POS BYA BA YIN GYI GZHAN DU NI MA YIN NO ZHES BSTAN NO, ,SNOD KYI MTSAN NYID CES BYA BA NAS SMAD PAR 'GYUR RO ZHES BYA BA'I BAR DU LO BCU GNYIS LON PA KHYE'U DANG BU MO GRONG GI CHOS KYIS MA MYONG BA MTSAN NYID THAMS CAD NA LDAN PA BLANGS TE SNGAR BSHAD PA'I RNAM PA BZHI'I 'BAB PA DANG SAR BSHAD PA'I BSKYED PA'I RIM PAS RDO RJES CHOS KYI

GZUGS SU BSKYED LA DBAB PAR BYA'O, ,GZHAN DU NA MCHOG LA SOGS PA'I DBYE BAS PHYE BA'I SEMS CAN GYI KHAMS KYI RNAL 'BYOR PA NI BZHAD GANG DU 'GYUR ZHES BSTAN TO, ,THUGS LAS BYUNG BA NI RDO RJE SEMS DPA' THUGS LAS BYUNG BA'O, ,GSANG BA YIN PAS ZHES PA NI DBYE BA LA SOGS PA'I TSUL BRTEN PA LA MI BRTEN PA'I PHYIR RO, ,YI GE NI H'Um LA SOGS PA ZHES PA NI H'Um A'A: H'A DZHEEm ZHES BYA BA'O, ,BZHI'O ZHES PA NI SKU RDO RJE LA SOGS PA GSUM GYI RANG BZHIN DANG LAS THAMS CAD PA YIN PAS SO, ,DBAB PA'I GZHIR GYUR PAS SO ZHES PA NI DBAB PA'I CHO GA'I RGYU YIN PAS SO, ,RIM PA 'DIS ZHES BYA BA LA SOGS PAS NAM MKHA'I KHAMS DANG 'DRA BA STONG BA'I LUS DANG RNAM PAR MI RTOG PA'I NGO BO RDO RJE 'CHANG GI SKU YAG 'BAB PAR 'GYUR RO ZHES 'BAB PA'I CHO GA LA MTHU BSTAN PA YIN NO ZHES PA'O, ,DGOS PA BSTAN PA ZHES BYA BA NAS 'BEBS PAR BYED PA'O ZHES PA'I BAR DU NYI GE H'Um LA SOGS PA GSUM THUGS RDO RJE 'CHANG LA SOGS PA'I RANG BZHIN YI GE DZHEEm NI 'GUL BA LA SOG PA BHI PO BYED PA DANG DE BZHIN DU SNGAGS 'DI NYID KYIS YAN DAG PAR BSKUL BA'I SNOD RNAMS NAM MKHA' LA 'PHUR BAR 'GYUR BA DE BZHIN DU YI GE DZHEEm GIS 'GUL BA LA SOGS BYED PA DE BZHIN DU, YI GE H'Um LA SOG PA BZHI POS KYANG BYED DO ZHES BSTAN NO,, 'DIR MDO BSDUS PA ZHES BYA BA NAS GO CHA LA SOGS PAS BSRUNG BAR BYA'O ZHES BYA BA'I BAR DU NI SNOD LA DBAB PA'I CHO GA'I BSGOM PA'I GO RIMS BSTAN TO, ,DE YANG GO SLA STE 'GREL BA MKHAN GYIS BSHAD PA'I PHYIR RO, ,RNAG GI BYA BA ZHES PA NI DKYIL 'KHOR BRI BA'O, ,GZHAN GYI BYA BA ZHES PA NI DE BSTAN PA'I 'DAS PA LA SOGS PA YONGS SU SHES NAS SEMS CAN GYI DON GRUB PA'O, ,NGES PAR BYAS NAS ZHES PA NI RNAM PAR BZHAG NAS SO, ,GDUG PA 'DUL BA LA ZHUGS PA'I ZHES PA NI DRAG PO'I LAS KYIS GDUG PA 'DUL BAR BYED PA'I RNAL 'BYOR BA'I'O, ,SGRUB PA BSTAN PA ZHES PA NI NAN TAN BSTAN PAR BYA BA'I PHYIR RO, ,SKU GSUNG THUGS NI SNANG BA LA SOGS PA'I YE SHES GSUM

, ,MO; ;DE LA GNAS NI GZHIR GYUR PA'O, ,'OD GSAL BA NI THAMS CAD STONG BA'O, ,DE YONGS SU DAG PAS NI RDO RJE 'CHANG CHEN PO'O, ,'DI SKAD BKA' STZAL PA NI DRAG PO'I LAS 'CHAD PAR 'GYUR BA BKA' STZAL PA'O, ,ZHING DANG TSONG ZHES BYA BA LA SOGS PA NAS BAR DU'O ZHES PA'I BAR DU RNAM PA SNA TSOGS PA'I ZHING DANG TSONG LA SOGS PA LA 'BREL BAS KYANG LHA SUM CU RTZA GNYIS KYI NGO BO MI BSKYOD PA'I SKU LA DMIGS NAS BSGOM NA DE'I TSE GDUG PA RNAMS GSAD PAR BYA'O ZHES BSTAN TO, ,DGRA BO'I GZUGS BRNYAN ZHES BYA BA NAS SNGAGS BTON TO ZHES BYA BA'I BAR DU NI MNGON SPYOD KYI RDZAS KYIS DGRA'I GZUGS BRNYAN BYAS LA DUR KHROD KYI GOS LA DE'I MING BRIS NAS DE'I SNYING GAR BCUG STE GCER BU SKRA GROL BA KHRO BO'I SNGAGS BRJOD PA DE'I GZUGS CAN LHO PHYOGS SU KHA BLTAS PA G-YAS BRKYANG BA RDO RJE LCAGS KYUS MTSAN PA'I RKANG PA G-YON PA SA MNAN ZHING JI SRID DGRA BO 'CHI BA DE SRID BSGOM PAR BYA'O ZHES BSTAN TO, ,BSREGS PA'I ZHES BYA BA NAS NGES PAR 'CHI BAR 'GYUR RO ZHES PA'I BAR DU NI DUR KHROD KYI THAL BA DANG 'BRU MAR DANG BCAS PAS DGRA BO'I GZUGS BRNYAN BYAS LA ZHE SDANG RDO RJE TING NGE 'DZIN GYIS SNGA MA BZHIN DU MNAN ZHING GSAD PAR BYA'O ZHES BSTAN TO, ,RO BSREGS PA'I THAL BA ZHES BYA BA NAS LAS KYI CHE BA'I BDAG NYID BSTAN PAR BYA'O ZHES PA'I BAR DU NI DUR KHROD DE'I THAL BAS GRU GSUM ME'I DKYIL 'KHOR BRIS LA TSER MA CAN GYI ME SPAR ZHING SHA LA SOGS PA LAS BYAS PA'I DGRA'I GZUGS BRNYAN GRI GUG GIS GCOD CING BCAD NAS BSREGS NA 'CHI BAR 'GYUR RO ZHES BSTAN TO, ,SHA CHEN ZHES BYA BA LA SOGS PAS SHA CHEN PO LAS BYAS PA'I GZUGS BRNYAN BSREGS NA THAMS CAD KYI PHUL DU BYUNG BA'I DRAG PO'I LAS YIN NO ZHES BSTAN TO, ,DGRA'I ZHES BYA BA NAS GSUNGS SO ZHES BYA BA'I BAR DU NI SME SHA CAN LA SOGS PA'I BSHANG BA DANG GCI BAS DGRA PO'I GZUGS BRNYAN BYAS LA SNGA MA BZHIN DU GRU GSUM GYI ME THAB LA BSREGS PAR BYAS NA 'CHI BAR 'GYUR RO ZHES BSTAN TO, ,CHU BO 'BAB BA ZHES

BYA BA NAS BSKYED PA'I RIM PA DANG LDAN PA RNAMS KYIS GSUNGS PA YIN NO ZHES PA'I BAR DU NI NUB KYI RGYA MTSO LA RGYU BA'I CHU BO 'GRAM GNYIS KYIS BLANGS LA DES DGRA BO'I GZUGS BRNYAN BYAS TE DUG DANG SHING MA DA NA'I TSER MA DANG SBRUL LA SOGS PA'I GRA MAS BKANG BAR BYAS TE, BSREG PA DANG MNGON SPYOD KYI RDZAS KYIS BYAS PA'I GZUGS BRNYAN LA YANG DE BZHIN DU BYAS NAS BSREGS PAS DGRA 'CHI BAR 'GYUR RO ZHES BSTAN TO, ,'DIR DKON MCHOG GSUM LA GNOD PA BYED PA RNAMS DGAG PAR BYA BA'I PHYIR ZHES BYA BA 'DIS DRAG PO'I LAS KYI YUL BSTAN TO, , GZHAN DU JI LTA JI BZHIN DU MNGON SPYOD KYI LAS BYED NA SDIG PA CHEN PO BSKYED PAR 'GYUR TE, SNYING RJE MED PAS 'GRUB PAR MI 'GYUR ZHES GSUNGS PAS SO, ,RDZOGS PA'I RIM PA LA GNAS PA, ,ZHES PA NI RDO RJE BZLAS PA LA SOGS PA'I RIM PA LA GNAS PA RNAMS SO, ,GSOD PA'I LAS ZHES PA NI RNAM PAR 'TSE BA'O, ,LE'U DGU PA LAS GSUNGS PA'I TSUL DU ZHES PA NI DE LAS GSUNGS PA'I TING NGE 'DZIN GYIS RTOGS PAR BYA'O, ,DPER NA DGONGS PA'I CHOS GCIG PU ZHES PA NAS NGES PA'I DON ZHES BYA BA'I BAR DU BSHAD PA'I RGYUD KYI TSIGS SU BCAD PAS BSTAN TO, ,SO LA KHUS ZHES BYA BA NAS BSGRUB BYA'I RIMS DANG TSA BA BSKYED PAR BYA'O ZHES PA'I BAR DU NI SKE TSE LA SOGS PA'I RDZAS KYIS BYAS PA'I GZUGS BRNYAN BYAS LA DUR KHYOD KYI SOL CHUS GSHER BA'I GOS GON PA'I RNAL 'BYOR PA CHE GE MO R'AKshA SA KRI nA TO ZHES BYA BA LA SOGS PA'I SNGAGS BRJOD LA JI SRID DE SRIN PO RNAMS KYI GZUNG BA DE SRID DU BZLA BAR BYA BA DANG DE BZHIN DU DUG DANG KHRAG DANG MI RUS KYI PHYE MAS DGRA BO'I GZUGS BRNYAN BYAS LA SNGA MA BZHIN DU SNGAGS SPEL ZHING SRIN PO RNAMS KYIS GZUNG BA DANG DE BZHIN DU SKE TSE DANG BSHANG GCIS GZUGS BRNYAN BYAS LA BDUD RTZI THAB SBYOR GYI SNGAGS KYIS CHE GE MO ZHA RU GRE nA TO ZHES BYA BA'I SNGAGS BRJOD LA BDUD RTZI 'KHYIL PA'I RNAL 'BYOR DANG LDAN PAS SNGA MA BZHIN DU MNAN ZHING DGRA BO RNAMS RIM GYIS GZUNG BAR 'GYUR RO ZHES BSTAN TO, ,DE LA ZHES BYA BA LA SOGS

, ,PAS DRAG PO'I LAS LA BDUD RTZI 'KHYIL PA'I SNGAGS BSTAN TO, ,SNGAGS KYI DON YANG SNGAR BSHAD PA STE GO SLA'O, ,SBYIN SREG CES BYA BA LA SOGS PAS SNGAR BSHAD PA'I SBYIN SREG DANG 'CHAD PAR 'GYUR BA'I TING NGE 'DZIN GYIS BDUD RTZI 'KHYIL PA'I TING NGE 'DZIN GYIS PHRIN LAS GRUB PAR 'GYUR RO ZHES BSTAN TO, ,RDO RJE SEMS DPA' ZHES BYA BA NAS 'UG PA ZHES BYA BA LA SOGS PA NI GO SLA'O ZHES BYA BA'I BAR DU NI GSHIN RJE MTHAR BYED LA SOGS PA'I GANG YANG RUNG BA'I RNAL 'BYOR DANG LDAN PAS GDUG PA'I SEMS CAN MCHE BA RNAM PAR GTZIGS PA KHRO GNYER DANG LDAN PA DGRA STA DANG THOB LAG NA THOGS PAS KHAMS GSUM LA GNAS PA'I SEMS CAN THAMS CAD DANG PHYOGS BCU'I 'JIG RTEN GYI KHAMS LA BZHUGS PA'I DE BZHIN GSHEGS PA THAMS CAD DGRA STA DES BCAD CING THO BAS PHYE MAR BTAGS PAR BSAM PAR BYED PA DE'I TSE SDIG PA BSAGS PA'I BSGRUB BYA GCER BU SKRA GROL ZHING LUS TIL MAR GYIS BYUGS PA SKYABS MED PA ME'I DKYIL 'KHOR GRUB GSUM LA GNAS PA 'JIGS PAS GDUNG BA BSGOM TE NAM MKHA'I KHAMS NA RNAMS PA SNA TSOGS PA'I MTSON PA'I MTSON CHA 'DZIN PA, GZUGS 'JIGS PA'I SRIN PO DANG KANG KA DANG KHVA DANG BYA RGOD DANG 'UG PA MCHU RNO BA DANG, SHIN TU RGYAGS PA'I KHYI DANG, SPYAD KI DANG DRED DER LA PA'I TSOGS KYIS 'JIGS PA RDO RJE LTAR MCHE BA RNO BA RNAM PAR BSAMS LA DE DAG THAMS CAD KYIS SKRAG PAR BYA BA DUM BU BU DUM BUR ZA BA SROG DANG BRAL BA BSGOM PAR BYA'O ZHES BSTAN TO, ,SBRUL NAG CES BYA BA NAS SDIG PA LA SOGS PA'I CHO GA 'DI NYID YIN NO ZHES BYA BA'I BAR DU NI GANG YANG RUNG BA'I KHAMS KYI RDZAS KYIS GDENGS KA LNGA PA LCE GNYIS PA 'JIGS PAR BYED PA SBRUL NAG PO BRIS LA DE'I SNYING GAR BKOD PA'I YI GE HRim GI 'OD ZER GYIS BRTAN PA DANG G-YO BA LA SOGS PA'I DUG BKUG LA KHA'I NANG DU BKOD PA'I YI GE KHAm GI NANG DU 'JUG CING DE'I TSE SROG DANG LDAN PA BZHIN DU 'GUL BAR 'GYUR BA AA MU KAm BA SHA YA ZHES BYA BA DES BSKUL ZHING DES ZOS PA'I BSGRUB BYA 'CHI BAR 'GYUR RO, ,DE BZHIN DU SDIG PA LA SOGS PA

YANG BSKUL BAR BYA'O ZHES BSTAN TO, ,DE BZHIN DU PHYOGS BCU'I ZHES BYA BA NAS LAS GZHAN LA LTOS PAS SO ZHES BYA BA'I BAR DU NI KHAMS GSUM GYI NANG NA GNAS PA'I NAD JI SRID DANG DUG GI BUNG DANG BCAS PA'I SBRUL GYI 'BAR BA DANG 'JIGS PA RNAMS DANG KHAMS GNOD PA LAS 'BYUNG BA'I LUS LA SOGS PA'I 'GYUR BA DE SRID YID KYIS BSDUS TE KHA DOG NAG PO 'BYUNG PO'I GZUGS KYIS BSGRUB BYA'I LUS LA SOGS PAR 'JUG PAR BYA'O, ,DE'I TSE DE 'JUG PA'I MTHUS GDUL BAR DKA' BA 'CHI BAR 'GYUR RO ZHES BSTAN TO, ,BSKUL BA'I LAS GZHAN LA ZHES PA NI SNGAR BSHAD PA'I DRAG PO'I LAS RNAMS SO, ,DE LA LTOS PAS MCHOG NI PHUL DU BYUNG BA YIN PA STE GNOD PA THAMS CAD BSDU BA'I NGO BO YIN PAS SO, ,DE LTA BU ZHES BYA BA NAS BKA' BZHIN DU ZHES PA'I BAR DU NI GSHIN RJE GSHED BSGOMS PAS BSGRUB BYA'I BRANG LA THO BAS BRDEG PAR BYA'O, ,DE'I TSE 'CHI BAR 'GYUR RO ZHES BSTAN TO, ,BSGRUB PAR BYA BA DE NYID LA ZHES BYA BA NAS 'CHI BAR 'GYUR RO ZHES BYA BA'I BAR DU NI THAG MDUNG LA SOGS PAS KYANG GSAD PAR BYA'O ZHES BSTAN TO, ,BSRUNG BAR ZHES BYA BA NAS RDO RJE 'CHANG CHEN POS GSUNGS PA'O ZHES PA'I BAR DU NI GDUG PA'I BSGRUB BYA DE NYID LA PHA ROL GYIS BYAS PA'I BSRUNG BA'I 'KHOR LO DANG DE RNAMS KYIS BZLAS PAR BYA BA'I SNGAGS DANG DE RNAMS KYIS BRTAN PA'I YI DAM GYI LHA DANG PHRENG BA'I SNGAGS LA SOGS PA GZHAN DAG GANG YIN PA DE RNAMS KHRO BO'I RNAL 'BYOR DANG LDAN PAS SNGAR BSHAD PA'I CHO GAS PHUR BUS GDAB PAR BSTAN PAR BYA'O ZHES SO, ,GSOD PA'I YUL ZHES BYA BA NAS MI 'GYUR RO ZHES BYA PA'I BAR DU NI BSAM GTAN GYI RIM PAS GSAD PAR BYA BA DANG, SKYE BA BZHI'I DBYE BAS PHYE BA'I SNGAR BSHAD PA'I TING NGE 'DZIN GYIS SROG MED PAR BYAS NAS DE RNAMS KYI RNAM PAR SHES PA DRI MA MED PA RLUNG MED PA'I PHYOGS SU MAR ME GSAL BA DANG 'DRA BAR BSAM TE, DE YONGS SU GYUR PA LAS YI GE H'Um LAS 'BYUNG BA'I RDO RJE LAS BSKYED PA'I MI BSKYOD PA'I GZUGS BSKYED LA, RANG GI SNYING GA LAS 'JUG CING DE NAS SPROS TE MNGON PAR

, ,DGA' BA'I SANGS RGYAS KYI ZHING DU SENG GE'I KHRI LA BZHUGS SHING CHOS STON PA DE BZHIN GSHEGS PAS YONGS SU BSKOR BA BSAM PAR BYA'O ZHES GSOD PA'I SGO NAS RNAM PAR DAG NYID DU BSTAN TO, ,DE NYID CES BYA BA NAS SDUD PAR BYED PA'I TSIG GO ZHES BYA BA'I BAR DU NI RTZIBS BRGYAD PA'I CHOS KYI DBYINGS KYI 'KHOR LO'I NANG DU YI GE RA 'BAR BA'I MGO BO NAS RKANG BA'I MTHIL GYI BAR DANG RKANG BA'I MTHIL NAS KYANG RANG GI SNYING GA'I BAR DU MI SNANG BAR BYA'O ZHES RIL POR 'DZIN PA'I TING NGE 'DZIN DANG DE BZHIN DU DANG PO KHAMS GSUM PO RAm YIG 'BAR BAS MI SNANG BAR BYAS NAS PHYI NAS BDAG KYANG DE BZHIN DU BYA'O ZHES RJES SU 'JIG PA'I TING NGE 'DZIN BYA'O, ,TING NGE 'DZIN DE DAG GIS RANG DANG GZHAN GYI RGYUD LA GNAS PA LUS LA SOGS PA MI SNANG BAR BYED PA GANG YIN PA DE NI RDZOGS PA'I RNAL 'BYOR BA'I GSOD PA'I LAS YIN TE, THA MAL BA'I PHUNG PO LA SOGS PA MA DMIGS PA'I PHYIR RO, ,ZHE SDANG RDO RJE DANG DE'I BDAG NYID DU ZHUGS PA RDO RJE 'CHANG NI RDO RJE KHRO BO YIN NO, ,DE NAS ZHES BYA BA NAS GSUNGS SO ZHES BYA BA'I BAR DU THOG MA NAS MA SKYES PA'I RANG BZHIN GYI DNGOS PO RNAMS LA DE BZHIN GSHEGS PA RNAMS KYIS 'GRO BA GDUL BAR BYA BA'I PHYIR SNGAR BSHAD PA'I ZHI BA LA SOGS PA BSTAN TO ZHES BYA BA NGO MTSAR BA STE SANGS RGYAS KYI ROL MO RNAM PA SNA TSOGS PA YIN NO ZHES BSTAN TO, ,'DIR YID BZHIN NOR BU DANG 'DRA BA ZHES BYA BA NI GDUG PA RNAMS TSAR BCAD PA'I DON DU MNGON PAR 'DOD PA'I 'BRAS BU STER BAR MDZAD PAS SO, ,CHOS BDAG MED PA ZHES BYA BA NAS DE'I MTSAN NYID LA MKHAS PA'O ZHES PA'I BAR DU NI RDO RGYUS SAM SO BA LA SOGS PA'I RDZAS KYI KHYAD PAR GYIS SA PHYOGS SU GDENGS KA GNYIS PA'AM GDENGS KA GCIG PA 'JIGS PA CHEN PO'I DUS KYI DU BA LTAR SNGO BA MCHE BA RNAM PAR GTZIGS PA'I SPRUL NAG PO BRIS NAS DE'I KHAR YI GE KHAm BKOD CING DE YONGS SU GYUR BA LAS KA LA KU TA DANG HA LA HA LA'I DUG KHA LA GNAS PA BSGOMS TE, SNYING GA LA BKOD PA'I YI GE HRI'I 'OD ZER GYIS NOR RGYAS KYI BU LA SOGS PA RIGS KYI KLU BRGYAD KYI RNAM PAR SHES PA BKUG CING DE LA 'JUG STE YANG RIM PA DE

NYID KYIS BRTAN PA DANG G-YO BA LA SOGS PA'I DUG BKUG CING DE LA 'JUG PAS, SBRUL G-YO BAR 'GYUR BAR BSAM PAR BYA'O, ,DE'I TSE G-YO BAR 'GYUR BA DES CHE GE MO BA SHA YA ZHES BSKUL BA DES ZOS PAR 'GYUR PAS DGRA RNAMS 'CHI BAR 'GYUR RO ZHES BSTAN TO, ,DE BZHIN DU BRIS PA'I SBAL PA LA SOGS PA MNGON PAR BYAS LA SNGA MA BZHIN DU BYA'O ZHES BSTAN TO, ,DE LA ZHES BYA BA NAS RDO RJE 'CHANG CHEN PO'O ZHES BYA BA'I BAR DU NI DUG 'PHO BA BSTAN TO, ,DE'I SBYOR BA 'DI YIN TE RNAM PAR SNANG MDZAD LA SOGS PA'I RNAL 'BYOR PAS LTA BA'I DUG LA SOGS PA'I SPYI BOR KHA DOG DKAR PO YI GE AOm BKOD LA, DE'I 'OD ZER GYIS DUG THUR DU DRANGS LA RKANG PA'I DKYIL LA PHYIN PA BSGOMS TE, DE NAS BSGRUB BYA'I SNYING GAR YI GE KHAm GI STENG DU YI GE HRIm GI 'OD ZER GYIS BKUG LA YI GE KHAm DE NYID LA RIL PO'I TSUL DU 'JUG CING YI GE LAm YONGS SU 'GYUR PA'I DBANG CHEN GYI DKYIL 'KHOR GYIS BSKOR BAR BYA'O, ,DE'I TSE BSGRUB BYA LA DUG 'PHO BAR 'GYUR RO ZHES BSTAN TO, ,'DIR LTA BA'I DUG NI GANG GIS MTHONG BA TZAM GYIS DUG 'PHO BAR 'GYUR RO, ,MCHE BA'I DUG CES PA NI GANG GI MCHE BA LA DUG YOD PA'O, ,GANG REG PA TZAM GYIS DUG 'PHO BA DE NI REG PA'I DUG GO, ,GANG DRAN NAS NYIN ZHAG GCIG GAM ZLA BA PHYED DAM ZLA GCIG GAM LO SKOR GYIS DUG 'PHRO BA DE NI DRAN PA'I DUG GO, ,MI ZAD PA'I DUG CES PA NI AA DZA KA RA DANG BA SNA DANG DO 'OD BA LA SOGS PA'I SBRUL RNAMS SO, ,GANG MTHONG BA TZAM GYIS 'DIR RI BO 'AM NAG TSAL YOD DO ZHES BLO SKYE'O, ,GANG KHROS PAS GRONG DANG GRONG RDAL DANG GRONG KHYER DANG, SKYE BO'I GNAS DANG YUL 'KHOR DANG RGYAL SA DANG, SKYE BO DANG NOR DANG 'BRU DANG BCAS PAR BSREGS PAR 'GYUR RO, ,DE RNAMS KYI YANG DUG 'PHO BAR 'GYUR ZHES SBYOR BA'I KHYAD PAR BSTAN TO, ,DE LA ZHES BYA BA NAS DE SKAD CES BKA' STZAL TO ZHES BYA BA'I BAR DU BSGRUB BYA'I RKANG PA'I DKYIL DU YI GE H'Um ZLA BA'I KHA DOG DANG 'DRA BA BKOD LA DE'I 'OD ZER GYI TSOGS KYIS KHONG STONG GI CHA BSHAD BA'I SGOR

, ,PHYIN PAR BSGOMS LA, DE LAS LTE BA'I PHYOGS SU PHYIN PA DANG DE LAS SNYING GA DANG DE LAS MGRIN PAR PHYIN PAR DUG BSAMS TE, KHA DOG NAG PO DE KHA'I SGO NAS SKYUG PA BSAM PAR BYA'O, ,DE BZHIN DU TSANGS PA'I SGO NAS BRTZAMS TE GNAS BZHIR BSDU BA'I RIM PAS BSHANG SGO'I LAM NAS DUG BSHAL BAR GYUR BAR BSAM PAR BYA'O, ,DE'I TSE SKYUGS PA DANG KHRUS DAG GIS DUG BRAL BAR 'GYUR RO ZHES BSTAN TO, ,DE LA ZHES BYA BA LA SOGS PA NAS PHYAG NA RDO RJE BKA' BSTAN PA JI LTA BA BZHIN DU ZHES PA'I BAR DU NI NYE BA'I DUG RNAMS SEL BA NYID DU MDOR BSTAN PA'O, ,NYE BA'I DUG NI LONG TANG DANG LANG KA LI DANG RTZI GU DANG DE RNAMS LHAN CIG SKYES PA'O, ,SBYOR BA'I DUG CES PA NI RDZAS SBYAR BA LAS BYUNG BA'O, ,DPER NA MAR DANG SBRANG RTZI TSAD MNYAM PA DANG ZHO MA LANGS PA SBRANG RTZI DANG LDAN PA'O, ,SBAL PA'I TSIL DANG SBRUL GYI TSIL DANG, SBYAR BA'I GSHA' MA KA'I RTZA BSKOL BA'I SBYAR BA'I DUG GO, ,BYI LA NI SBRUL KHRA BO DANG GAR DA BA NI BONG BU'O, ,SOGS PA'I SGRAS DUG GI BYI BA DANG KHYI SMYON PA DANG ZHES BYA BA LA SOGS PA SROG CHAGS RNAMS SO, ,RIMS DANG DBUGS MI BDE BA DANG SMYO BYED DANG SKEMS BYED DANG MDZE DANG RDO RJE DANG RGAN RGON DANG MCHIN PA NA BA DANG LHOG PA LA SOGS PA DANG RLUNG DANG MKHRIS PA DANG BAD KAN DANG 'DUS PA LAS BYUNG BA LUS KYI NAD RNAMS SO, ,PADMA CHEN PO 'DAB MA BRGYAD PA ZHES BYA BA NAS 'OD GSAL BA YONGS SU SBYANGS PA'I PHYIR DANG ZHES PA'I BAR DU NI NYE BA'I DUG DANG BRAL BAR BYA BA'I PHYIR BSAM GTAN GYI KHYAD PAR BSTAN TO, ,'OD DPAG TU MED PA'I RNAL 'BYOR PAS LAG PA G-YAS PA LA YI GE AA YONGS SU GYUR PA LAS PADMA 'DAB MA BRGYAD PA BSGOMS LA DE'I DBUS KYI LTE BA LA KHA DOG DKAR PO YI GE AA DGOD PA DANG 'DAB MA RNAMS LA KHA DOG DKAR PO YI GE HRI BRGYAD BKOD LA DE LAS BYUNG BA'I KHA DOG DKAR PO 'OD ZER RNAMS KYIS BSGRUB BYA'I LUS LAS DUG BKUG LA YI GE AA LA 'JUG CING KHU TSUR GYIS SDUD PA'I RIM GYIS SA LA BSKUL BAR BSAM PAR BYA'O, ,DE'I DGUG PA LA KHA DOG

DKAR PO DANG DUG RENGS PA LA NAG PO BSGOM PAR BYA'O ZHES BSTAN TO, ,NYI MA'I DUG CES BYA BA NAS NAD LAS THAR BAR 'GYUR RO ZHES PA'I BAR DU NI PHYI DANG NANG GI NAD RNAMS SOS PA NYID DU BSTAN TO, ,MTSON CHA LA SOGS PA GLO BUR GYI RGYU LAS BYUNG BA DANG ZHES PA NI MTSON CHA BRGYAB PA LAS BYUNG BA DANG, SEMS CAN DANG SEMS CAN MA YIN PAS BYAS PA'I NAD RNAMS SO, ,MNGON SPYOD KYI RGYU LAS BYUNG BA NI ZHES PA LA, DE BZHIN DU SNGAGS LA MKHAS PA'I PHA ROL PO'I DRAG PO'I LAS LAS BYUNG BA GANG YIN PA DE RNAMS PHYI'O, ,KHAMS DANG DRI MA DANG KHA ZAS MI MTHUN PA'I RGYU LAS BYUNG BA NI NANG GI'O ZHES PA NI KHAMS KYI SKYON NI RLUNG DANG MKHRIS PA DANG BAD KAN DANG 'DUS PA RNAMS KYIS BYA BA'O, ,DRI MA NI DRI MA BSDU BA LAS BYUNG BA SKRAN LA SOGS PA'O, ,KHA ZAS MI MTHUN PA NI NYUNG PA'AM LHAG PA STE DE LA NYUNG BA LA SKEM NAD LA SOGS PA DANG, HAG PA LAS MA ZHU BA LA SOGS PA DE RNAMS NANG GI'O, ,DE RNAMS GZHOM PA'I PHYIR RE ZHIG DANG PO RNAM PAR SNANG MDZAD LA SOGS PA GSUM GYI NAD PA'I LTE BAR YI GE H'Um YONGS SU GYUR BA LAS RDO RJE GNOD SBYIN MCHE BA RNAMS PAR GTZIGS PA DRAG CING RNO BA G-YAS BRKYANG PA LAS GNAS PA, SDIGS MDZUB DANG RDO RJE GSOR BAR BYED PA BSAMS TE, DES YI GE KAm LAS BYUNG BA BSGRUB BYA'I SNYING GA'I PHYOGS SU SPRO BA LA SOGS PA'I RNAM PA GANG YANG RUNG BA'I NAD DRANGS PA'I KHA NAS BYUNG BA MDUN DU RDO RJE GNOD SBYIN DE NYID KYIS RDO RJE BRGYAB PAS PHYE MAR BTAGS LA RANG GI LAG PA LA GNAS PA'I 'BAR BA'I RDO RJE LA SOGS PA'I ME'I 'OD KYIS BSREGS PAR 'GYUR ZHING THAL BAR GYUR PAR BYA'O, ,DE'I TSE NAD RNAMS 'JOMS PAR 'GYUR RO, ,DE'I 'OG TU YE SHES SEMS DPA'I 'OD ZER GYI TSOGS KYI GZUGS CAN RNAM PAR SNANG MDZAD DANG SPYAN MA LA SOGS PA'I TSOGS SPROS LA, SNYOMS PAR ZHUGS PA LAS BYUNG BA'I BYANG CHUB SEMS KYI RGYUN GYIS DE RNAMS LA DBANG BSKUR ZHING BSGRUB BYA'I LUS POR 'OD ZER GYI SGO NAS MAR LA MAR BZHIN THIM PAR GYUR PAR BSAM PAR BYA'O, ,DE'I TSE DE BZHIN GSHEGS PA

, ,THAMS CAD KYIS BYIN GYIS BRLABS PAS BSGRUB BYA RDO RJE'I SKU LTA BUR 'GYUR RO ZHES BSTAN TO, ,RDZOGS PA'I RIM PA LA GNAS PA, ,ZHES BYA BA NAS, RDO RJE SEMS DPA' GSUNGS PA'O, ,ZHES PA'I BAR DU NI PHYI DANG NANG GI NAD RNAMS KYIS DKRUGS PA'I DBANG PO DANG PHUNG PO DANG KHAMS DANG SKYE MCHED RNAMS MDUN DU DMIGS LA RDO RJE 'CHANG CHEN PO LA SOGS PA'I GANG YANG RUNG BA'I RNAL 'BYOR PAS SEMS RNAM PAR DAG PAS THOB PAR BYA BA'I 'OD GSAL BAR BSGOMS PAS DKYIL 'KHOR RNAMS LAS G-YAS PA DANG G-YON PA G-YON PA GNYIS DANG DAL BUS DMAN PAR RGYU BA DMAR PO LA SOGS PA'I 'OD ZER GYI TSOGS SPROS LA DKYIL 'KHOR RE RE LA DGU BRGYA DGU BRGYA BZLAS PAS NYIN MO DANG MTSAN MOR NYI KHRI CHIG STONG DAG GIS DRUG BRGYA BZLAS NAS GDONG GI SNA'I RTZE MOR 'OD ZER GYI THIG LE 'DZIN NA DE'I TSE NAD PA'I NAD GROL BAR 'GYUR RO, ,JI SKAD DU, YA YI DON GYI GANG CI 'ANG RUNG, ,DNGOS GRUB 'DOD PAS BYA BA STE, ,RA LA SOGS PA GSUM NYID KYIS, ,'GRO BA'I DON LA RAB TU 'JUG ,ME DANG RLUNG DANG DBANG CHEN DANG, ,CHU YI DKYIL 'KHOR RE RE LA, ,THUN NI PHYED PHYED DUS SU NI, ,LAS NI GNYIS GNYIS BYED PAR 'GYUR, ,ZHES 'BYUNG NGO, ,DE NI RDO RJE BZLAS PA'I RIM PAS NAD LAS THAR BA'O, ,DE BZHIN 'OD GSAL BA LAS CIG CAR DU YE SHES KYI SKU 'AM RDO RJE'I SKU SPROS LA, BA SPU'I BU GA THAMS CAD LAS 'OD ZER GYI 'KHOR LO SPROS LA DE BZHIN GSHEGS PA'I RNAM PA CAN GYI 'OD DES NAD PA'I LUS NAD MED PAR BYAS NAS DE NYID DU 'JUG PAR BSAM PAR BYA'O, ,DE'I TSE BSGRUB BYA NI NAD MED PAR 'GYUR RO, ,DE SA NI BDAG LA BYIN GYIS BRLAB BA DANG ZUNG DU 'JUG PA DAG GIS NAD MED PAR 'GYUR RO ZHES BSTAN TO, ,DE LTAR RDZOGS PA'I RIM PA'I SPYOD PA DANG LDAN PAS PHA ROL RNAMS KYI NAD 'JOMS PAR BYED DE, DE LTAR ZHES BYA BA NAS DNGOS SO ZHES BYA BA'I BAR DU NI DE BZHIN GSHEGS PA THAMS CAD KYI BDAG PO RDO RJE 'CHANG GI SGYU MA LTA BU'I DNGOS PO RMI LAM GYI DBE'I [?] SGO NAS SO SOR SNANG BA TZAM GYI SNYING POR GYUR PA LA RTAG PA DANG CHAD PA'I 'KHRUL PA YOD DO ZHES

GSUNGS SO, ,SGRUB PA PO RNAM PA GNYIS KYIS ZHES PA NI RDZOGS PA DANG MA RDZOGS PA RNAMS SO, ,MTSAN MA DANG BCAS PA DANG MTSAN MA MED PA'I DBYE BAS ZHES PA NI RTOG PA DANG BCAS PA DANG RTOG PA MED PA'I RGYUS RMI LAM MTHONG BA'O, ,RNAM PA GNYIS KYIS DE NYID KYI 'BRAS BU DANG 'BREL BA YIN NO, ,DE LA ZHES BYA BA NAS MNGON GSUM DU BYED PAR 'GYUR RO ZHES BYA BA'I BAR DU NI SEMS RNAM PAR DAG PA'I RIM PAR 'OD GSAL BA THOB NAS DE LAS BYUNG BA'I YE SHES KYI SKU DANG DE BZHIN DU MNGON PAR BYANG CHUB PA'I RIM PAS 'OD GSAL BA LA 'JUG PAS RDO RJE'I SKU BRGYA BYIN LA SOGS PA'I 'JIG RTEN PA SANGS RGYAS DANG BYANG CHUB SEMS DPA'I 'JIG RTEN LAS 'DAS PAS MCHOD PAR 'GYUR BA BDAG NYID RMI LAM DU MTHONG NA DE'I TSE MYUR DU PHYAG RGYA CHEN PO'I DNGOS GRUB THOB PAR 'GYUR RO, ,SEMS CAN CHEN PO ZHES BYA BA NAS RMI LAM GYI 'BRAS BU'O ZHES PA'I BAR DU NI THUGS RDO RJE LA SOGS PA DE BZHIN GSHEGS PA LNGA'I RNAM PA CAN SANGS RGYAS DANG BYANG CHUB SEMS DPA' LA SOGS PAS MCHOD PAR GYUR PA DE'I TSE PHA ROL RNAMS LA YANG DE'I RNAM PA STER BA LA NUS PA DANG LDAN PAR 'GYUR RO ZHES BSTAN TO, ,RGYAN RNAMS THAMS CAD CES BYA BA NAS RIG PAR 'GYUR RO ZHES BYA BA'I BAR DU NI LHA'I BU MO GZUGS BZANG BA LEGS PAR BRGYAN PA DANG DE BZHIN DU MI LA SOGS PA'I BU MO DANG KHYE'U RNAL 'BYOR PA LA MCHOD PA BYED PA MTHONG NA DE ZHI BA LA SOGS PA'I DNGOS GRUB THOB PAR 'GYUR RO ZHES BSTAN TO, ,KHYE'U DANG BU MO NI SHES RAB DANG THABS KYI RANG BZHIN YIN PAS SO, ,PHYOGS BCU ZHES BYA BA NAS RMI LAM MTHONG BA'I 'BRAS BU ZHES PA'I BAR DU NI RNAL 'BYOR BA GANG ZHIG SANGS RGYAS KYI ZHING LA GNAS PA DE BZHIN GSHEGS PA'I TSOGS MTHONG BA DANG, DE BZHIN DU GANG LA BCOM LDAN 'DAS MA LA SOGS PA'I SHES RAB KYI GLEGS BAM DE BZHIN GSHEGS PAS LAG TU STZOL BA DANG, GANG ZHIG SENG GE'I KHRI LA BZHUGS PA CHOS STON PA LA RTZOL BA SANGS RGYAS DANG BYANG CHUB SEMS DPAS YONGS SU BSKOR BAR BDAG NYID MTHONG NA DES

, ,PHYAG RGYA CHEN PO'I 'BRAS BU THONG BAR 'GYUR RO ZHES BSTAN TO, ,KUN DGA' RA BA NAS RMI LAM GYI 'BRAS BU THOB PAR 'GYUR RO ZHES KYANG GSUNGS SO ZHES PA'I BAR DU NI LHA'I BU DANG BU MOS BRGYAN PA KUN DGA' RA BA DANG NAGS TSAL LA SOGS PA BSKYED PA'I RIM PA NI, RNAL 'BYOR PA GANG ZHIG MTHONG BA DES NI ZHI BA LA SOGS PA'I DNGOS GRUB THOB PAR 'GYUR RO ZHES GSUNGS SO, ,DE BZHIN DU SANGS RGYAS DANG BYANG CHUB SEMS DPA' DBANG BSKUR BA GANG ZHIG MTHONG BA DE NI RIG PA 'DZIN PA'I GTZO BOR 'GYUR RO ZHES BSTAN TO, ,MNGON PAR 'DOD PA'I RMI LAM ZHES BYA BA NAS GRUB CING THOB PAR 'GYUR RO ZHES BYA BA'I BAR DU NI SNGAR BSHAD PA'I DGE BA'I RMI LAM GYIS PHYAG RGYA CHEN PO'I DNGOS GRUB THOB PA NYID DU BSTAN TO, ,GDOL BA ZHES BYA BA NAS BAR DU'O ZHES PA'I BAR DU NI RNAL 'BYOR PA GANG ZHIG GDOL PA LA SOGS PA'I RIGS NGAN DANG DE BZHIN DU GZUGS 'JIGS PA SPRE DANG YI DAGS LA SOGS PAR MI LAM DU MTHONG NA DES NGES PAR DAM TSIG NYAMS PA YIN NO ZHES BSTAN TO, ,DAM TSIG STONG PA'I RGYU DES DNGOS GRUB SGRUB PA LA 'JUG PAR 'GYUR NA NAD LA SOGS PAS LUS ZIL GYIS MNAN PAR 'GYUR RO ZHES BSTAN TO, ,DE LA DE KHO NA NYID BSGRUB PA ZHES BYA BA NAS CHOS NYID MED PA'O ZHES PA'I BAR DU NI BRTAN PA DANG, G-YO BA'I RANG BZHIN GYI DNGOS PO RNAMS RANG GI SEMS KYI SNANG BA TZAM LAS LDOG PA NI MED DE, RMI LAM DANG 'DRA BAS SO, ,SEMS KYANG RNAM PAR DPYAD NA 'OD GSAL BA'I RANG BZHIN YIN PAS SO; ,'OD GSAL BA YANG RNAM PAR MI RTOG PA'I GNAS SKABS SU 'DI NYID DANG BDAG NYID DU MI DMIGS TE RNAM PAR MI RTOG PA'I PHYIR RO, ,DE LTAR CHOS CAN DANG CHOS NYID GNYI GA YANG RNAL 'BYOR PA'I MNGON SUM GYI TSAD MAS MI DMIGS TE, 'BA' ZHIG DRI MA MED PAS BYANG CHUB TZAM LA, GNAS PA'I RGYU DANG LDAN PA'I RNAL 'BYOR PA RNAM GNYIS MI DMIGS PA'I PHYIR RO, ,RNAM BCAS DNGOS PO'I RTOG PA DANG, ,RNAM PA MED PA'I RTOG PA STE, ,GCIG TU BYAS NAS GANG SPYOD PA, ,DE NI ZUNG 'JUG BSHAD PA YIN, ,ZHES 'BYUNG NGO, ,DE BZHIN KHAMS DANG ZHES BYA BA

LA SOGS PA LA DBANG PO DANG RNAM PAR SHES PA NYE BAR BSDUS PA'I BDAG NYID CAN GYI SHES PA GNYIS PO NI SNANG BA DANG SNANG BA MCHED PA ZHES BYA BA'O, ,LEGS 'DUS PA NI RTAG TU SO SOR SNANG BAR 'GYUR BA'O, ,STONG CHEN NYID 'GYUR NI SNANG BA NYE BAR THOB PA'I YE SHES YOD NA'O, ,RLUNG LA BRTEN PA NI RLUNG GI TSOGS KYI DBANG GIS SO, ,NGES PAR RMI LAM MTHONG BA ZHES PA NI SAD PA'I GNAS SKABS SU MTHONG BA GANG YIN PA DE RMI LAM DU MTHONG BAR 'GYUR TE, RTOG PA DANG BCAS PA'I PHYIR RO, ,GANG ZHIG RMI LAM DANG MTSUNGS PA'I CHOS RNAMS YONGS SU SHES PAS 'BRAS BU 'DOD PA'I 'OD GSAL BA'I GO 'PHANG MNGON DU BYED PA'I RNAL 'BYOR PA DES KUN BRTAGS PA NI RMI LAM DANG SAD PA LA BYE BRAG MI RTOG PA'O, ,CHOS RNAMS ZHES BYA BA LA SOGS PAS RNAL 'BYOR PA DE NYID KYIS BRDZUN DANG BDEN PA LAS GROL BA DNGOS PO RMI LAM DANG MTSUNGS PA SNANG BAR 'GYUR RO, ,JI SKAD DU, GNYID LOG PA DANG SAD PA ZHES, ,DE DAG RTOGS NI GNYIS SPANGS PA'I, ,STON PAS ZUNG 'JUG GSUNGS PA STE, ,GNYID LOG SAD DANG RNAM BRAL BA'O, ,ZHES 'BYUNG NGO, ,DE LTAR YI GE GSUM TZAM LA GNAS PA'I RNAL 'BYOR BA RTOG PA DANG BCAS PAR 'GYUR BAS RMI LAM MTHONG BA DANG 'OD GSAL BA LA 'JUG PAS CUNG ZAD MTHONG NGO, ,'ON KYANG GNYID LOG PA DANG SAD PA DANG 'DRA BAR DNGOS PO'I NGO BO MTHONG BAR 'GYUR RO ZHES BYA BA'I DON TO, ,DE NAS ZHES BYA BA LA SOGS PAS DNGOS PO RNAMS SGYU MA LTA BUR SHES NAS NGO BO MED PAR 'GYUR NA, RMI LAM DANG RMI LAM GYI 'BRAS BU DE RNAMS GANG LAS 'GYUR ZHES BCOM LDAN 'DAS LA ZHUS PA DANG, NGO MTSAR BA DANG RMAD DU BYUNG BA THOB PAR 'GYUR RO ZHES BSTAN TO, ,DE BZHIN GSHEGS PA'I DGONGS PA ZHES BYA BA LA SOGS PA NAS 'OD GSAL BA'I NGO BO NYID DO ZHES BYA BA'I BAR DU NI DNGOS PO RNAMS KYI NGO BO MED PA NYID BSTAN TO, ,DE BZHIN GSHEGS PA THAMS CAD CES BYA BA NI MI BSKYOD PA LA SOGS PA BOD PA'O, ,BUM PA DANG SNAM BU LA SOGS PA ZHES BYA BA NI SEMS DANG LDAN PA DANG SEMS DANG MI

, ,LDAN BA'I BDAG NYID KYI DNGOS POS SO, ,MI LDAN PA NI GCIG GI NGO BO MA YIN TE THA DAD PA NYID DU SNANG BA'I PHYIR RO, ,DE LA BUM PA LA SOGS PA DNGOS PO RNAMS NI 'DUS BYAS TE, RGYU DANG RKYEN GYIS BSKYED PA'I PHYIR RO, ,NAM MKHA' NI 'DUS MA BYAS PA STE, RGYU MED PA'I PHYIR RO, ,GZUGS DANG LDAN PA DANG GZUGS MED PA NYID KYIS BUM PA LA SOGS PA DANG NAM MKHA' NI THA DAD PA YIN NO, ,MI LDAN PA YANG MA YIN TE LDAN PA KHO NA'O, ,DNGOS PO THAMS CAD CES PA NI SEMS CAN DANG SNOD KYI 'JIG RTEN GYI BDAG NYID KYI DE'I NGO BO YIN PA'I PHYIR RO ZHES PA NI NAM MKHA' NI DNGOS PO THAMS CAD KYI NANG DU CHUD PA'I PHYIR RO, ,KHYAB PA NI NAM MKHA' KHYAB PAR BYED PA STE, ME DRO BA'I REG PA BZHIN NO, ,NGO BO NYID LA GNAS PA ZHES PA NI DNGOS PO RNAMS LA MED PAR MI 'BYUNG BAS GNAS PA STE, DNGOS PO NI 'BYUNG BA CHEN PO LNGA'I RANG BZHIN YIN PA'I PHYIR RO, ,GNYIS PO DE DAG NI KHYAB PAR BYED PA DANG MTHONG BA MED PA NYID DO, ,MNGON PA'I NGA RGYAL YANG ZHES PA NI SEMS PA MED DE, DE BEMS PO YIN PA'I PHYIR RO, ,NAM MKHA' DE ZHES BYA BA LA SOGS PAS DE NYID BSDU BAR BYED DE, DE LTAR ZHES BYA BA LA SOGS PAS DPE BSTAN NAS DPE LAS BYUNG BA BSTAN PAR BYA STE, JI LTAR NAM MKHA' LA BUM PA LA SOGS PAS LDAN PA DANG MI LDAN PA MED PA DE BZHIN DU RMI LAM DANG DE'I 'BRAS BU DAG LA YANG LDAN PA DANG MI LDAN PA DAG MED DO ZHES BSTAN TO, ,DGONGS PA NI 'DI YIN TE, RE ZHIG RMI LAM NI DON MED PA RANG GI RNAM PAR RTOG PA'I BAG CHAGS LAS 'BYUNG BAR 'GYUR TE, DE'I 'BRAS BU DANG 'BREL BAS GA LAS 'GYUR ZHES BYA BA NAS RMI LAM DANG 'BRAS BU DAG MI LDAN PA'O, ,'ON KYANG RNAM PAR MI RTOG PA NYID RMI LAM LTAR SO SOR SNANG BA'I 'BRAS BU'I RNAM PAR SNANG BAR 'GYUR RO ZHES DE DAG DANG LDAN PA'O, ,DE NYID KYI RNAM PAR DAG PA ZHES PA NI NAM MKHA'I DE KHO NA NYID BSTAN TO, ,JI LTA JI LTAR NAM MKHA' LA MTHONG BA MED PA DANG THOS PA MED PA NYID YOD PA DE BZHIN DU DNGOS PO THAMS CAD SO SOR SNANG BA STE, RANG BZHIN MED

PA'O, ,CI DGOS ZHES BYA BA LA SOGS PAS RMI LAM DE'I 'BRAS BU DAG NGO BO MED PA YANG MA YIN NO ZHES BSTAN TO, ,BRTAGS PA YIN PA'I PHYIR RO, ,CHOS THAMS CAD CES BYA BA LA SOGS PAS SEMS CAN GYI 'JIG RTEN DANG SNOD KYI 'JIG RTEN DANG KHAMS GSUM LA GNAS PA'I NGAG GI SPROS PA DE DAG THAMS CAD SEMS KYI RANG BZHIN KHO NA DANG DE BZHIN DU SEMS KYI RNAM PA SO SOR SNANG BA LUS DANG NGAG DANG SEMS DANG PHUNG PO DANG, KHAMS DANG SKYE MCHED KYI CHOS THAMS CAD GANG YIN PA DE RNAMS LA KHYAB PAR BYED PA NAM MKHA' DANG KHYAB PAR BYA BA'I SEMS CAN GYI RIGS BZHI'I DBYE BAS GNAS PA DE DANG THAMS CAD JI LTAR SNGAR BSHAD PA'I RIGS PAS, NAM MKHA' DANG 'DRA BA BZHIN DU CHOS THAMS CAD BSKYED PA DANG, GNAS PA DANG 'JIG PA MED PAS 'OD GSAL BA'I RANG BZHIN YIN NO ZHES BSTAN TO, ,DE BZHIN GSHEGS PA THAMS CAD CES BYA BA LA SOGS PAS SGYU MA'I SKUS DNGOS PO RNAMS SGYU MA LTA BU NYID DU BSTAN TO, ,DUS GSUM DU GSHEGS PA ZHES PA NI 'DAS PA LA SOGS PA'I DUS GSUM LA BZHUGS PA'O, ,DE RNAMS KYI YE SHES KYI SKU'O ZHES PA NI 'OD GSAL BA LAS CIG CAR DU 'BYUNG BA'O, ,DE 'BYUNG BAR BYED PA ZHES PA NI YE SHES KYI SKU SKYED PAR BYED PA RDO RJE'I GNAS LTA BU NI MI PHYED PA'I GZHI'I RANG BZHIN NO, ,BYANG CHUB KYI SEMS NI STONG PA NYID DANG SNYING RJE DBYER MED PA DANG, THAMS CAD STONG PA'I BDAG NYID 'OD GSAL BA'O, ,STONG NYID SNYING RJE DBYER MED NI, ,BYANG CHUB SEMS ZHES BSHAD PA YIN, ,ZHES 'BYUNG NGO, ,BYANG CHUB SEMS ZHES BYA BA LA SOGS PAS 'OD GSAL BA'I RANG BZHIN GYI BYANG CHUB KYI SEMS DE YANG 'DOD PA'I KHAMS LA SOGS PA LA MI GNAS TE, SO SOR NGES PA GNAS PA MED PAS KHYAB PAR BYED PA DE NYID KYI PHYIR DE LA DON DAM PAR SKYE BA DANG 'JIG PA MED PA DE BZHIN DU, CHOS THAMS CAD LA YANG SKYE BA DANG 'JIG PA MED PA STE, 'OD GSAL BA'I NGO BO YIN PA'I PHYIR RO, ,DE LTAR ZHES BYA BA LA SOGS PAS RMI LAM GYI DPES DNGOS PO RNAMS NGO BO MED PA

, ,YIN NO ZHES NYE BAR BSDUS PA BSTAN TO, ,GZHAN YANG ZHES BYA BA NAS KHONG DU CHUD PAR BYA'O ZHES PA'I BAR DU NI JI LTAR RMI LAM DANG SKYES BU DAG LA MTHONG BAR BYA BA DANG, MTHONG BA PO'I MNGON PA'I NGA RGYAL MED PA 'ON KYANG PHAN TSUN SNANG BAR BYA BA DANG SNANG BA PO'I BRDZUN PA'I SO SOR SNANG BA YOD PA DANG, DE BZHIN DU SAD PA'I SKABS SU YANG DGE BA DANG MI DGE BA LAS SOGS PA'I BYA BA RMI LAM DANG 'DRA BA JI LTAR 'GYUR BA DE BZHIN DU RDZOGS PA DANG MA RDZOGS PA'I RNAL 'BYOR PA'I SGYU MA LTA BU'I SKU DANG 'DRA BAR DNGOS PO THAMS CAD RTOGS PAR BYA'O ZHES BSTAN TO, ,DE LTAR ZHES BYA BA LA SOGS PAS YID BZHIN GYI NOR BU SEMS CAN THAMS CAD LA BSAM PA THAMS CAD YONGS SU RDZOGS PAR BYED PA MNGON PA'I NGA RGYAL MED PAS, SBYIN PA PO DANG SBYIN PAR BYA BA DANG, LEN BA MI LTOS PAS SEMS CAN THAMS CAD LA 'DOD PA'I 'BRAS BU STER BA DE BZHIN DU SGYU MA LTA BU'I SKU DANG ZHI BA LA SOGS PA'I PHRIN LAS GANG YIN PA DE DAG 'OD GSAL BA'I NGO BO RDO RJE 'CHANG CHEN PO LAS 'BYUNG BA YIN NO, ,BCOM LDAN 'DAS ZHES BYA BA NAS RMAD DU BYUNG BA'O ZHES PA'I BAR DU NI SHIN TU ZAB BA'I CHOS THOS PAS MI BSKYOD PA LA SOGS PA RNAMS KYIS NGO MTSAR GYI SPYAN RGYAS PA DANG 'OD GSAL BA LAS BYUNG BA'I SGYU MA'I SKU LA CHED DU BRJOD PA NYID BSTAN TO, ,DE NAS ZHES BYA BA NAS ZHUS PA'O ZHES PA'I BAR DU NI BCOM LDAN 'DAS KYI ZHABS LA PHYAG 'TSAL BA SNGON DU 'GRO BAR RU RU PHU RU ZHES BYA BA LA SOGS PA SNGAR GSUNGS PA'I SNGAGS DE DANG RJES SU MTHUN PA'I TING NGE 'DZIN DANG SNGAGS DANG TING NGE 'DZIN DAG GIS BSGRUB PAR BYA BA LA SOGS PA LAS KYI KHYAD PAR GANG YIN PA DE DAG LAS BYUNG ZHES ZHUS PA BSTAN TO, ,LAN DE ZHES BYA BA NAS NGO BO NYID MED PAR GRUB PA'O ZHES PA'I BAR DU NI DON DAM PA'I PHYOGS LA BRTEN TE, SNGAGS DANG TING NGE 'DZIN DANG LAS KYI TSOGS RNAMS GANG DU YANG MI GNAS GANG LAS KYANG MA BYUNG ZHES BSTAN TO, ,'ON KYANG ZHES BYA BA NAS, DMIGS SU YOD DO ZHE NA ZHES PA'I BAR DU NI KUN RDZOB KYI BDEN PA'I BDAG NYID CAN SKU LA

SOGS PA DANG DE LA DMIGS PA'I SNGAGS DANG TING NGE 'DZIN DANG LAS RNAMS KUN RDZOB TU YOD DE ZHES BSTAN TO, ,'DI SKAD BSHAD PA YIN TE RIM PA GNYIS KYI SKU LA DMIGS NAS DE DAG THAMS CAD BSGRUB PAR BYA'O, ,DON DAM PAR SKU NI SKU MA YIN NO, ,DE BZLOG PAR BYA BA ZHES PA NAS RTEN DANG BRTEN PA DGAG PA'O ZHES BYA BA'I BAR DU NI DON DAM PA'I PHYOGS LA BRTEN TE, LUS LA SOGS PA YOD PA MA YIN PA DANG, 'DOD PA'I KHAMS LA SOGS PA LA MI GNAS PA DANG, SEMS NI LUS LA MI GNAS SO ZHES PA LA SOGS PA PHAN TSUN RTEN DANG BRTEN PA NYID MED PA STE; NGO BO MED PA'I PHYIR NAM MKHA' BZHIN NO ZHES BSTAN TO, ,DE NAS ZHES BYA BA NAS BDAG NYID LA GNAS SO ZHES BYA BA'I BAR DU NI DE BZHIN GSHEGS PA THAMS CAD KYI BDAG PO RDO RJE 'CHANG GANG DU GNAS ZHES ZHUS PA LA YID KYI RANG BZHIN GYI LUS LA GNAS SO ZHES LAN NO, , YANG LUS LA SOGS PA SO SOR SNANG BA'I SEMS GANG DU GNAS ZHES ZHUS PA LA, NAM MKHA' LTA BU 'OD GSAL BA LA GNAS PA ZHES LAN BSTAN PA DANG, 'OD GSAL BA NI GANG DU GNAS ZHES ZHUS PA LA GANG DU 'ANG MI GNAS BDAG NYID LA GNAS TE CHOS NYID YIN PAS NA 'OD GSAL BA NI THAMS CAD LA GNAS SO ZHES BSTAN TO, ,JI SKAD DU, BU RAM MNGAR BA ME DRO BA, ,JI LTAR RANG BZHIN YIN PA STE, ,CHOS KUN LA NI STONG PA NYID, ,DE LTA BU NI RANG BZHIN 'DOD, ,RNAM PA DU MAS THA DAD PA, DNGOS PO RNAMS NI GOS DANG 'DRA, STONG PA NYID MES BSREGS GYUR NA, ,THAL BA'I DBYE BA GANG YANG MED, ,LTA BA KUN GYIS BYAS BA RNAMS, ,STONG PA NYID NI MTHA' PHYIR BSTAN, ,ZHES 'BYUNG BAS SO, ,DE NAS ZHES BYA BA NAS MI SMRA BAR GYUR PA'O ZHES PA'I BAR DU NI SHIN TU ZAB PA'I DON THOS NAS RGYU DANG 'BRAS BU DAG LA NGO MTSAR BA RMAD DU GYUR BA NYID THOB NAS DE BSAM PA DANG BSGOM PA'I NUS PA RTZE GCIG PA NYID KYIS DON DE NYID DMIGS PAS CANG MI SMRE BAR GYUR TO ZHES BSTAN TO, ,RGYU BA DANG ZHES BYA BA LA SOGS PAS DNGOS PO THAMS CAD KYI RANG BZHIN GYI RDO RJE 'CHANG DANG ZHIB LA SOGS PA'I LAS KYI TSOGS

, ,DANG, DE STON PAR BYED PA'I GZHUNG GI TSOGS KYI LE'U YIN NO ZHES BSTAN TO, ,DGONGS PAS BSHAD PA'O ZHES PA NI SHIN TU GSAL BA'I DE KHO NA NYID 'GAL BA'I TSIG GI SGO NAS SO SOR BSTAN PAS SO, ,SGRON MA GSAL BAR BYED PA'I 'GREL BA'I t'I K'A LAS LE'U BCVA LNGA PA'I RGYA CHER BSHAD PA'O,, ,,SNGAR BSHAD PA'I ZHES BYA BA LA SOGS PAS LE'U BCU DRUG PA'I BSHAD PA BRTZAM PAR BYA STE, SNGAR BSHAD PA'I MTSAN NYID NI LE'U BCU GSUM PA LAS GSUNGS PA'O, ,DNGOS GRUB THAMS CAD CES PA NI 'JIG RTEN PA DANG 'JIG RTEN LAS 'DAS PA STE ZHIB LA SOGS PA DANG, KHAMS LA SPYOD PA LA SOGS PA'O, ,DE RNAMS DKYIL 'KHOR DU DBANG BSKUR BA NYID LA ZHES PA NI SKU DANG GSUNG GI DKYIL 'KHOR DAG GI DBUS SU RDO RJE SLOB DPON GYIS YANG DAG PAR DBANG BSKUR BA NYID LA 'GRUB PAR 'GYUR RO ZHES BYA BA'I ZHES BSTAN PAR BYA BA'I PHYIR ZHES PA NI BSTAN PA'I PHYIR RO, ,SLOB MA SNOD DU BYA BA'I DON DU ZHES PA NI SNOD DU GYUR PA BSKYED PA'I PHYIR RO, ,DKYIL 'KHOR ZHES PA NI SKU DANG GSUNG DANG THUGS KYI DKYIL 'KHOR BSGRUB PA NI DE LAS NYE BAR DGONGS PA STE DE'I THABS SU GYUR BA LA LE'U BCU DRUG PA BRTZAM PAR BYA'O, ,DGONGS PA NI 'DI YIN TE, RE ZHIG LE'U BZHI PA LAS THUGS KYI DKYIL 'KHOR GYI CHO GA BSTAN TO, ,'DIR NI SKU DANG GSUNG GI DKYIL 'KHOR DAG BSTAN PAR BYA'O, ,DE NAS GANG ZHIG DBUS KYI BDAG POR GYUR PA DES YANG DE'I DKYIL 'KHOR YIN NO ZHES RIN CHEN 'BYUNG LDAN DANG DON YOD GRUB PA'I DKYIL 'KHOR RTOGS PAR BYA'O, ,DE DAG THAMS CAD GCIG TU BSDUS NAS SUM CU RTZA GNYIS KYI BDAG NYID KYI DKYIL 'KHOR SUM CU RTZA GNYIS RTOGS PAR BYA'O, ,DGONGS PA GCIG TU GYUR NAS ZHES PA NI BSAM PA GCIG TU GYUR NAS SO, , RDO RJE 'CHANG CHEN PO LA ZHES BYA BA NAS LHAG MA'O ZHES BYA BA'I BAR DU NI DKYIL 'KHOR GYI CHO GA THOS PA'I DON DU NI, DE BZHIN GSHEGS PA KUN ZHI BA, ,ZHES BYA BA LA SOGS PA TSIGS SU BCAD LAS GSOL BA 'DEBS PA DANG, MI BSKYOD RDO RJE ZHES BYA BA LA SOGS PA'I BSTOD PAS

BSTOD CING PHYI'I ME TOG LA SOGS PA DANG, NANG GI BDUD RTZI LNGA LA SOGS PA DANG, GANG BA NI YUM REG BYA RDO RJE MA LA SOGS PA DANG SNYOMS PAR ZHUGS PA'I BDE BAS MCHOD PAR 'GYUR RO ZHES BSTAN TO, ,RDO RJE THAMS CAD CES BYA BA NAS PHYUNG PA'O ZHES PA'I BAR DU NI SKU'I DKYIL 'KHOR GYI TING NGE 'DZIN LA SNYOMS PAR ZHUGS NAS SKU'I DKYIL 'KHOR GYI CHO GA BSTAN PAR BYA STE, DE NAS ZHES BYA BA NAS DNGOS GRUB THAMS CAD STZOL BA'O ZHES PA'I BAR DU NI BCOM LDAN 'DAS KYI DE BZHIN GSHEGS PA RNAMS LA BSTAN PA RTZOL BA BSTAN TO, ,RNAM PAR SNANG MDZAD KYI DKYIL 'KHOR NI SKU RDO RJE'I DKYIL 'KHOR RO, ,DNGOS GRUB THAMS CAD STZOL BA ZHES PA NI ZHI BA LA SOGS PA'I DNGOS GRUB STER BA'O, ,MI BSKYOD PA'I DKYIL 'KHOR DANG 'DRA BA'O ZHES PA NI LE'U BZHI PA LAS GSUNGS PA'I THUGS KYI DKYIL 'KHOR DANG 'DRA BA'O ZHES BYA'O, , DE NYID BSTAN PAR BYA BA'I PHYIR, GRU BZHI LA SOGS PA'I YON TAN GYIS ZHES SMOS SO, ,SOGS PA'I SGRAS NI SGO BZHI DANG RTA BABS BZHI LA SOGS PA DANG BCAS PA'I MCHOG TU GYUR PAS ZHES PA NI BYA BA LA SOGS PA'I RGYUD KYI DKYIL 'KHOR LA LTOS PAS SO, ,KHRU NI BCU DRUG CES PA NI SA'I KHAMS NI KHAMS BZHI'I NGO BO'I CHA SHAS LA LTOS PAS GRANGS BCUD RUG YIN PAS SO, ,ZUR BZHI LA LTOS PA STE ZHES PA NI KHA CIG NA RE KUN DU NGOS RE RE KHU BCU DRUG PA BYA'O ZHES ZER RO, ,DE YANG PHUN SUM TSOGS PA DANG LDAN PA'I RGYAL PO DANG BLON PO DANG KHYIM BDAG RNAMS LA BYA'O, ,THA MAL PA RNAMS LA PHYOGS BZHI LA LTOS PAS SO, ,ZLUM PO MA YIN ZHES BYA BA NI PHYI'I DKYIL 'KHOR BKAG PA'O, ,NANG GI DKYIL 'KHOR NI ZLUM PO KHO NA ZHES DGONGS PA'O, ,DRI MA MED PA'I TSON ZHES PA NI TSON DAG PAS SO, ,SANGS RGYAS KUN GYIS ZHES PA NI SPRUL PAR 'GYUR BA'O, ,DE BZHIN GSHEGS PA THAMS CAD KYI ZHES PA NI DE BZHIN GSHEGS PA THAMS CAD KYI NGO BO RDO RJE 'CHANG GIS SO, ,RAB TU BSNGAGS PA ZHES PA NI BSTAN PA'O, ,BDAG PO NYID KYIS MDZES PAR GYUR PA NI GTZO BOS BRGYAN PA STE, SKU RDO RJE'I

, ,GTZO BO DKYIL 'KHOR YIN PAS SO, ,NANG DU NI PHYI'I DKYIL 'KHOR BKAG PA'O, ,CHO GA NI ZHES BYA BA LA SOGS PAS DE KHO NA NYID 'DUS PA LAS GSUNGS PA'I JI LTAR DKYIL 'KHOR GYI CHO GA DE GZUNG BA LA RTZOL BA'I BLOS, SKU'I DKYIL 'KHOR DANG 'CHAD BAR 'GYUR BA'I GSUNG GI DKYIL 'KHOR YANG BRI BAR BYA'O ZHES BSTAN TO, ,DE YANG LE'U BZHI PA LAS RGYAS PAR BSTAN PAS NA 'DIR MA BSHAD DO, ,ZHAR LA 'OG TU YANG CUNG ZAD BSHAD PAR BYA'O, ,DE LTAR DKYIL 'KHOR BRIS NAS ZHES BYA BA LA SOGS PAS GZHI'I DKYIL 'KHOR BRIS TE, GZHI CAN GYI DKYIL 'KHOR RNAM PAR SNANG MDZAD KYI BDAG PO LHA SUM CU RTZA GNYIS KYIS BSKOR BA BRI BAR BYA'O ZHES BSTAN TO, ,SLOB DPON TE ZHES PA NI DE KHO NA NYID BCU MKHYEN PAS SO, ,DE KHO NA NYID BCU NI, DKYIL 'KHOR TING NGE 'DZIN DANG PHYAG RGYA DANG, ,SNGAGS DANG BYED DANG 'DUG SNGAGS SBYIN SREG DANG, ,SNGAGS DANG PHYAG RGYA DES BYA 'DUS PA NI, ,SNGAGS KYI TSUL LA DE NYID BCU BSTAN TO, ,ZHES 'BYUNG NGO, ,RDO RJE PADMA YANG DAG PAR 'DUS PAR ZHES BYA BA NAS SKU'I DKYIL 'KHOR 'DI YIN NO ZHES PA'I BAR DU NI RAB TU GNAS PA'I CHO GA DANG MCHOD PA'I CHO GA DANG SLOB MA 'JUG PA DANG, LHAG PAR GNAS PA DANG DBANG BSKUR BA LA SOGS PA BYAS NAS PADMA DANG RDO RJE SNYOMS PAR ZHUGS PA'I MTSAN NYID KYI GSANG BA'I MCHOD PAS MCHOD LA BDUD RTZI LNGA DANG LCAGS KYU LNGAS SKU'I DKYIL 'KHOR MCHOD PAR BYA'O ZHES BSTAN TO; ,DE NAS ZHES BYA BA NAS DE STON PA'O ZHES PA'I BAR DU NI GSUNG GI DKYIL 'KHOR BSTAN PA'I PHYIR 'OD DPAG TU MED PA'I TING NGE 'DZIN LA SNYOMS PAR ZHUGS PA BCOM LDAN 'DAS KYIS BSTAN PA'I PHYIR RO, ,KHRU NYI SHU ZHES PA NI RNAM PA BZHI'I NGAG RE RE RNAM PAR SHES PA LNGA LAS BYUNG BA'I RNAM PAR DAG PA'I NGO BO YIN PAS SO, ,NGOS RE RE ZHING KHRU LNGA LNGA ZHES PA NI THA MAL PA RNAMS KYI'O, ,'BYOR PA TSOGS NA PHYOGS RE RER KHRU NYI SHU RGYAL PO LA SOGS PA LA BYA'O, ,DE BZHIN GSHEGS PA LNGA'I KHA DOG GIS ZHES BYA BA LA SOGS PAS SNGAR BSHAD

PA'I MTSAN NYID KYI THIG SKUD KYIS DBUS KYI DKYIL 'KHOR ZLUM PO PADMA'I PHRENG BAS BSKOR BA, RIGS DANG RJES SU MTHUN PA BRI BAR BYA'O ZHES BSTAN TO, ,DKYIL 'KHOR DER ZHES BYA BA NAS DGYES PAR 'GYUR ZHES PA'I BAR DU NI GZHI'I DKYIL 'KHOR RDZOGS NA GZHI CAN GYI DKYIL 'KHOR 'OD DPAG TU MED PA BDAG PO LHA SUM CU RTZA GNYIS KYIS BSKOR BAR BYA'O, ,DE'I TSE DE BZHIN GSHEGS PA RNAMS MNYES PAR 'GYUR BA DANG, DKYIL 'KHOR LA BYIN GYIS BRLAB PAR 'GYUR RO ZHES BSTAN TO, ,BSHAD GCIG ZHES BYA BA NAS 'OD DPAG TU MED PA'I DKYIL 'KHOR RO ZHES BA'I BAR DU NI SNGA MA BZHIN DU RAB TU GNAS PA LA SOGS PA BYAS NAS BDUD RTZI LNGA DANG LCAGS KYU LA SOGS PAS BDAG NYI DANG SLOB MA DANG DKYIL 'KHOR PA RNAMS TSIM PAR BYA'O ZHES BSTAN TO, ,DE LTAR ZHES BYA BA NAS TSUL BSTAN PAR BYA BA'I PHYIR ZHES BYA BA'I BAR DU NI LE'U BZHI PA LA GSUNGS PA'I THUGS KYI DKYIL 'KHOR DANG BCAS PA SKU GSUNG THUGS KYI DKYIL 'KHOR BSTAN PA DANG DE'I 'OG TU RIN CHEN 'BYUNG LDAN DANG DON YOD GRUB PA DANG, DKYIL 'KHOR PA SUM CU RTZA GNYIS KYI NANG NA GANG YANG RUNG BA'I DBUS KYI GTZO BO YIN NA DE'I DKYIL 'KHOR YIN NO ZHES BSTAN TO, ,DE LTAR LHA SUM CU RTZA GNYIS BDAG NYID CAN GYI DKYIL 'KHOR SUM CU RTZA GNYIS GCIG TU BSDUS NAS LHA STONG PHRAG GCIG DANG NYI SHU RTZA BZHIR 'GYUR RO, ,DE NAS ZHES BYA BA NAS, SKU LA SOGS PA PHYUNG NGO ZHES PA'I BAR DU NI RNAM PA SNA TSOGS PA'I DKYIL 'KHOR PA RNAMS SPROS PAS 'GRO BA'I DON BYAS PA'I TING NGE 'DZIN LA SNYOMS PAR ZHUGS NAS BCOM LDAN 'DAS KYIS DON DE NYID GSUNGS SO ZHES BSTAN TO, ,RDO RJE 'DZIN PA ZHES BYA BA NAS DE'I NANG DU 'DUS PA YIN NO ZHES PA'I BAR DU NI RE ZHIG SKU LA SOGS PA RNAM PAR DAG PAS GTZO BOR GYUR PA'I DKYIL 'KHOR GSUM BYAS TE, 'ON KYANG RIN CHEN 'BYUNG LDAN DANG DON YOD GRUB PA'I RIGS DE'I NANG DU 'DUS PAR 'GYUR RO, ,DE LA GAL TE NGA RGYAL GTI MUG LAS BYUNG BA YIN NA DE'I TSE RNAM PAR SNANG MDZAD KYI RIGS KYI NANG DU BSDUS SO, ,GAL TE DE NYID

, ,ZHE SDANG LAS BYUNG NA DE'I TSE MI BSKYOD PA'I RIGS KYI NANG DU BSDUS SO, ,PHRAG DOG NI ZHE SDANG LAS BYUNG BAS NA THUGS RDO RJE'I RIGS KYI NANG DU DON YOD GRUB PAS BSDUS SO, ,DE LTAR SKU GSUNG THUGS KYI RDO RJE'I RIGS GSUM LA BRTEN NAS DKYIL 'KHOR SUM CU RTZA GNYIS DE'I RANG BZHIN DU SHES PAR BYA'O, ,DE BZHIN GSHEGS PA THAMS CAD CES BYA BA NAS DE LA DE SKAD CES BYA'O ZHES PA'I BAR DU NI SKU RDO RJE LA SOGS PA'I DKYIL 'KHOR GSUM NYE BAR BSDUS PA BSTAN TO, ,DE NAS ZHES BYA BA NAS PHYUNG ZHING GSUNGS SO ZHES BYA BA'I BAR DU NI GZHI'I DKYIL 'KHOR RDZOGS PAR BYED PA'I TING NGE 'DZIN LA SNYOMS PAR ZHUGS PA NYID DU BSTAN TO, ,SKU LA SOGS PA'I GSANG BA NI RNAM PA GSUM GYI DKYIL 'KHOR LA'O, ,DE BZHIN GSHEGS PA'I 'KHOR LO ZHES PA NI BDAG PO DANG BCAS PA'I DKYIL 'KHOR BA'I TSOGS SO, , SEMS DGA' BAR BYED PA ZHES PA NI DE RNAMS MNGON DU BYED PA'O, ,DE NYID LHA YIN PAS ZHES PA NI BRJOD PAR BYA BA DANG RJOD PA DAG DBYER MED PA'I PHYIR RO, ,DKYIL 'KHOR GSUM PO THIG GDAB PA NI DBYE BA BSKYED PA LA NYE BAR DGONGS PAS THIG CES BYA'O, ,MI 'JIGS PA ZHES PA NI NUS PA MA NYAMS PA STE, RANG GI NUS PA LAS MI 'GYUR BA'I PHYIR RO, ,SNGAGS THAMS CAD KYI ZHES PA NI SNYING PO DANG NYE BA'I SNYING PO BSKUL BA DANG RIGS SNGAGS DANG GZUNGS SNGAGS DANG, PHRED PA'I SNGAGS DANG SA BON DANG CHOS KYI YI GE DANG SBRUL DANG MGO MED DANG MTHA' MED DANG BSDU BA LA SOGS PA RNAMS SO, ,GNAS SU GYUR PA NI BSDU BAR GYUR PAS NA THA TSIG GO, ,DE YANG SNGAR BSHAD ZIN TO, ,AOm A'A: H'Um ZHES BYA BA NI DPE BSTAN PA'O, ,RDO RJE ZHES BYA BA LA SOGS PA NAS DGONGS SO ZHES BYA BA'I BAR DU NI YI GE GSUM GYIS BYIN GYIS BRLABS PA'I SRAD BUS AA NU GA TA DANG ZHES BYA BA LA SOGS PA'I SNGAGS KYIS BSGRIL LA NAM MKHA' LA ZHUGS PA'I DE BZHIN GSHEGS PA DANG GCIG TU BYAS TE, DE BZHIN GSHEGS PA LNGA'I RANG BZHIN GYI THIG SKUD KYIS DKYIL 'KHOR LA THIG GDAB PA DANG, DE BZHIN DU KHA DOG LNGA DANG LDAN PA'I RDUL TSON DBYE BAR BYA'O, ,

'DUS PA LAS GSUNGS PA'I CHO GA BYA BA YIN GYI GZHAN DU NA DNGOS GRUB MI 'GYUR RO ZHES BSTAN TO, ,DE BAS ZHES BYA BA NAS BSGRUB PAR BYA'O ZHES PA'I BAR DU NI RDO RJE SLOB DPON GYIS LHAN CIG SPYOD PA DAM TSIG GI PHYAG RGYA LTA MO'I GZUGS SU BSKYED DE RIGS LNGAS KHYAB PAR BYAS LA DE DANG LHAN CIG TU DKYIL 'KHOR LA THIG GDAB PAR BYA'O ZHES BSTAN TO, ,DE LTAR THUN MONG GI ZHES BYA BA NAS SDUD PAR BYED PA'I TSIG GO ZHES PA'I BAR DU NI SKU LA SOGS PA'I DKYIL 'KHOR GSUM BRI BAR 'DOD PA'I SNGAGS PA RNAMS KYIS BSKYED PA'I RIM BAS RNAM PAR SNANG MDZAD DANG MI BSKYOD PA DANG 'OD DPAG TU MED BA'I GZUGS SU BDAG NYID BSKYED LA, DAM TSIG GI PHYAG RGYA RNAMS KYANG SPYAN MA DANG GOS DKAR MO DANG M'A MA K'I'I GZUGS CAN SNGA MA BZHIN DU RIGS LNGAS BYIN GYIS BRLABS PAR BYAS LA, SNGA MA BZHIN DU THIG GDAB BAR BYA'O, ,DE LTAR GYUR BA'I THUGS RDO RJE LA SOGS PAS SGRUB BA PO DANG PHYAG RGYA DAG GIS LUS LA 'JUG CING, DE'I GZUGS KYIS DKYIL 'KHOR BRI BAR BSTAN TO, ,SNGAGS KYI DNGOS GRUB CES BYA BA NAS RDZOGS PAR BYED PA'O ZHES PA'I BAR DU NI DKYIL 'KHOR BRI BA RDZOGS PAR GYUR NA, RANG GI SNYING GA NAS GNOD MDZES KYI RGYAL PO SPROS LA, DE LA GSOL BA GDAB PA SNGON DU 'GRO BAR DE BZHIN GSHEGS PA RNAMS DGUG CING DKYIL 'KHOR BA DANG GCIG TU BYAS TE, SGO BZHI LA PHYAG 'TSAL BA SNGON DU 'GRO BAR KHRUS LA SOGS PA RDZOGS NAS, MCHOD PA RNAM PA LNGA YIS DUS GSUM GYI DE BZHIN GSHEGS PA DANG DBYER MED PAS MCHOD PAR BYA'O, ,DE'I TSE 'JIG RTEN PA DANG 'JIG RTEN LAS 'DAS PA'I DNGOS GRUB THOB PAR 'GYUR RO ZHES BSTAN TO, ,SNGAGS THAMS CAD CES BYA BA NAS BYA BAR DGONGS SO ZHES BA'I BAR DU NI DKYIL 'KHOR DE NYID LA MCHOD PA'I DUS SU RDO RJE SLOB DPON DANG RDO RJE'I SPUN DANG, DGE SLONG DANG DGE TSUL DANG DGE BSNYEN DANG RNAL 'BYOR PA DAM TSIG CAN DE LA GNAS BA GANG YIN PA DE RNAMS BSHAD BA LA SOGS PA'I SGRAS BRDAR BYAS BA'I 'DOD PA'I YON TAN LDAS MCHOD PAR BYA'O, ,DE MED NA DGAG PA'I MYA NGAN GCOD PA'I

, ,CHANG GIS TSIM PAR BYA'O, ,DA NI NANG GI SBYIN SREG DANG 'DA' BAR DKA' BA'I DAM TSIG DANG SDOM PA DE NYID YIN NO, ,DES NI TSOGS KYI 'KHOR LO'I CHO GA BSGRUB PAR BYA'O ZHES BSTAN TE DE YANG SNGAR BSHAD ZIN PA'O, ,DE LTAR LEGS PAR BSLABS PA'I PHYAG RGYA ZHES BYA BA NAS SHES PAR BYA'O ZHES BYA BA'I BAR DU NI GANG GI TSE DKYIL 'KHOR GSUM 'DRI BAR 'DOD PA'I RNAL 'BYOR PAS PHYAG RGYA MED NA DE'I TSE BDAG NYID SKU'I DKYIL 'KHOR BRI BA'I DUS SU RNAM PAR SNANG MDZAD BSGOMS LA, SLOB MA RDO RJE SEMS DPA' 'AM BDUD RTZI 'KHYIL BAR BSAM PAR BYA'O, ,DE BZHIN DU GSUNG GI DKYIL 'KHOR 'DRI BAR 'DOD PAS BDAG NYID 'OD DPAG TU MED PAR BSGOMS NAS SLOB MAS RNAM PAR SNANG MDZAD DAM BDUD RTZI 'KHYIL BAR BSAM PAR BYA'O, ,DE BZHIN DU THUGS KYI DKYIL 'KHOR BRI BAR 'DOD PAS BDAG NYID MI BSKYOD PAR BSAMS LA, SLOB MA 'OD DPAG TU MED PA 'AM BDUD RTZI 'KHYIL PAR BSAM PAR BYA'O ZHES BSTAN TO, ,SANGS RGYAS RGYAL PO ZHES BYA BA NAS BGROD PA DAM PA'O ZHES BYA BA'I BAR DU NI KHA DOG LNGA DANG LDAN PA'I THIG SKUD RE RE SNAL MA LNGA DANG LDAN PA, DE BZHIN DU RDUL TSON RNAMS KYANG DE BZHIN DU BYAS LA DKYIL 'KHOR LA THIG BTAB PA DANG BRI BAR BYA'O ZHES BSTAN TO, ,'DIR GTZO BO DANG YON TAN PA'I TSUL GYIS ZHES PA NI DE LA THUGS KYI RDO RJE 'CHANG GCIG PU YANG RNAM PAR SNANG MDZAD LA SOGS PA GZHAN RNAM PA BZHI DANG DBYER MED PA'I NGO BO NYID YIN TE, CHOS KYI DBYINGS KYI YE SHES LA SOGS PA NI GZHAN GYI CHA DANG LDAN PA'I PHYIR RO, ,DE LA GTZO BO NI LAS KHA CIG NYON MONGS PA LA SOGS PA RNAM PAR DAG PA LA BDAG PO NYID DO, ,YON TAN PA NI PHRIN LAS GZHAN MA LA SOGS PA LA'O, ,DE'I NUS PA DE MED PA MA YIN PA STE, YE SHES LNGA NI NUS PA THAMS CAD DANG LDAN PA'I PHYIR RO, ,JI SKAD DU, GDUL BYA'I BSAM PA'I DBYE BA YIS, ,YON TAN PA DANG GTZO BOR BRTAGS, ,SANGS RGYAS RNAMS KYI YE SHES LNGA, ,NUS PA KUN DANG LDAN PA YIN, ,ZHES 'BYUNG NGO, ,DKYIL 'KHOR BRI BA'I DUS SU ZHES BYA BA NAS BGEGS BYED PAR MI NUS SA SO ZHES

BYA BA'I BAR DU NI GANG GI TSE DKYIL 'KHOR BRI BAR 'DOD PAR BRTZAMS NAS SA DANG CHU DANG RLUNG DANG ME DANG NAM MKHAS BYAS PA'I BGEGS 'BYUNG BAR 'GYUR NA DE'I TSE BDAG NYID RDO RJE H'Um MDZAD ZHAL GSUM PA PHYAG DRUG PA SKU MDOG NAG PO SPYAN GSUM PA G-YAS PA DANG G-YON PA'I ZHAL DKAR PO DANG DMAR PO MNGA' BA, RDO RJE DANG 'KHOR LO DANG PADMA DANG DRIL BU DANG, NOR BU DANG RAL GRI BSNAMS PA G-YON BRKYANG BA MCHE BA RNAM PAR GTZIGS PA BSGOMS TE, RDO RJE LCAGS KYU 'GOD PA'I RKANG PA DAG GIS DKYIL 'KHOR GYI SA GZHI'I PHYOGS KUN DU 'KHOR BAS SNGAGS BRJOD CING YID KYIS CHOS THAMS CAD STONG PA NYID DU BSGOMS LA, RANG GI PHYAG MTSAN LAS 'BYUNG BA'I RA BAR BA'I TSOGS KYIS BGEGS DE RNAMS BSREGS SHING THAL BAR GYUR PAR BSAMS LA THAL BA YANG RLUNG DRAG POS KHYER BAR GYUR PAR BSAM PAR BYA'O, ,DE'I TSE BDE BAS DKYIL 'KHOR RDZOGS PAR 'GYUR RO ZHES BSTAN TO, ,RDO RJE BUM PA BZHAG PA ZHES BYA BA NAS JI LTA BA BZHIN DU GZHAG PAR BYA'O ZHES PA'I BAR DU NI DE KHO NA NYID 'DUS PA'I RGYUD LA MNGON PAR BRTZON PA'I SGRUB PA POS RNAM PAR RGYAL BA LA SOGS PA'I BUM PA RNAMS DKYIL 'KHOR BA'I GRANGS KYIS SUM CU RTZA GNYIS DANG, LAS THAMS CAD PA'I BUM PA DE MA 'TSOGS NA DE BZHIN GSHEGS PA DANG LHA MO'I BUM PA STE DGU DANG, LAS THAMS CAD KYI BUM PA STE BCU LAS NYUNG PAR MI BYA'O ZHES BYA BA GSUNGS PAS BSDUS PA DE RNAMS KYANG MGRIN PA RING BA LTO BA RGYAS PA, NAG PO DANG RTZA BA MED PA'I SHING GI YAL GA DANG, RAS KYIS MGRIN PAR BRGYAN PA, HA SA DE BA DANG, KAndA KA RI DANG, BRi HA TI DANG, BHA LA MU TA DANG, DAndOTPA LA STE SMAN LNGA'I SNYING PO CAN DANG, DE BZHIN DU AINDRA N'I LA DANG, MAR GAD DANG, PADMA R'A GA DANG, BEEd'URYA DANG, SHEL TE RIN PO CHE LNGA DANG LDAN PA, NAS DANG, TIL DANG MA SHA DANG, SO BA DANG, GRO STE 'BRU LNGA DANG LDAN PA DRI BZANGS KYI CHUS YONGS SU GANG BA, 'OG TU 'BRAS DANG GLA GOR ZHO SHA DANG BIL BA DANG, DZ'A TI PHA LA DANG, TARKA KA DANG, PA NI DANG BCAS PA'I SNOD GANG BAS BRGYAN PA RNAM PA SNA TSOGS PA'I MCHOD PA RNAM PA LDAS MCHOD PAR

, ,BYAS PA ME TOG GI PHRENG BA DAD DAR DBYANGS KYIS BRGYAN PA LEGS PAR BDUGS PAS RANG RANG GI RIGS KYI CHOS KYI YI GES MTSAN PA SHAR LA SOGS PA PHYOGS DANG MTSAMS DANG MDUN DANG G-YAS PHYOGS SU GZHAG PAR BYA'O ZHES BSTAN TO, ,DE LTAR DKYIL 'KHOR YONGS SU RDZOGS NAS ZHES BYA BA 'DIS RGYUD KYI TSIG RNAMS MDO SPROS BYAS NAS DKYIL 'KHOR GYI CHO GA THAMS CAD RDZOGS LA, DE NAS SBYIN SREG BYA'O ZHES BYA BA 'DIS SNGAGS KYI LHA RNAMS TSIM PAR BYA BA'I PHYIR DANG, DE BZHIN DU BGEGS RNAMS ZHI BAR BYA BA'I PHYIR DANG, SLOB MA'I TSOGS DANG RGYAL PO LA SOGS PA DANG, SKYE DGU RNAMS LA ZHI BA'I PHYIR SBYIN SREG BYA STE, DAM TSIG GI ME LHA'I ZHAL NAS YE SHES KYI ME LHA DANG DKYIL 'KHOR PA RNAMS TSIM PAR BYA'O ZHES DGONGS PA'O, ,JI SKAD DU, MA BZLAS PAS NI SNGAGS MI 'GRUB, ,SBYIN SREG MA BYAS 'BRAS MI 'BYIN, ,DE PHYIR LAS RNAMS THAMS CAD LA, ,SBYIN SREG LAS NI RAB TU 'DOD, ,CHAR DKON DUS SU JI LTAR 'BRU, ,SKAMS PA CHAR GYIS TSIM GYUR PA, ,DE BZHIN SKYE DGU THAMS CAD NI, ,SBYIN SREG GIS NI TSIM PAR 'GYUR, ,ZHES 'BYUNG NGO, ,DE LA ME THAB NI, GDUL BYA'I DBANG GIS MTHA' YAS PA, ,RIGS KYI DBYE BA RNAM PA LNGA, ,LAS KYI DBYE BAS BZHI YIN TE, ,ME THAB DE LTAR GTAN LA DBAB, ,ZHI BA LA NI ZLUM PO DKAR, ,RGYAS PAR SER PO GRU BZHI PA, ,DBANG LA DMAR PO GRU GSUM PA, ,GSOD LA NAG PO GZHU BZHIN NO, ,DE RNAMS KYI RIM PA JI LTA BA BZHIN DU DKYUS DANG DPANGS SU KHRU GCIG DANG KHRU PHYED DANG KHRU GNYIS DANG KHRU BZHI DANG LHAG MA RNAMS DE DANG 'DRA BA, KHRU BZHI PA DANG, KHRU GNYIS PA DANG, KHRU BRGYAD PA DANG, KHRU BZHI PA ZHES BYA'O, ,KHRU GANG GI TSAD TZAM GYIS ME THAB LAS SOR BZHI DPANGS TE, DPANGS DANG DKYUS SU KHA KHYER SOR BZHI PA DE 'DRA BAR BYA'O, ,DE BZHIN DU BRGYAD DANG BCU DRUG CES BYA'O, ,ME THAB THAMS CAD KYI RANG RANG DANG 'DRA BA'I KHA KHYER BYA'O, ,ME THAB THAMS CAD KYI PHYI ROL DU GRU BZHI PA DANG SGO BZHI'I DKYIL 'KHOR DU THIG BTAB NAS SHAR GYI SGO LA SOGS PA LA LCAGS KYU DANG ZHAGS PA

DANG LCAGS SGROG DANG DRIL BU RNAMS KYI PHYAG MTSAN BRI BAR BYA'O, ,DE'I SHAR GYI SNAM BU LA PADMA DANG NAGS KYI LCUG MA DANG BGRANG PHRED DANG GUNDHE DANG, KRIshnA SA RA'I PAGS PA BRI'O, ,LHO'I SNAM BU LA RTZE GSUM DANG, ZLA BA PHYED PA DANG, RGYAL MTSAN DANG, RAL PA'I THOR TSUGS DANG, MIG CES PA LNGA'O, ,NUB KYI SNAM BU LA 'KHOR LO DANG, RAL GRI DANG, PHUB DANG, MDUNG DANG, BE CON TE LNGA'O, ,BYANG GI SNAM BU LA MDUD RTZE DANG, DRIL BU DANG, BA DAN DANG, RMA BYA DANG, RA SKYES TE LNGA BRI BAR BYA'O, ,DE LTA BU'I ME'I THAB KYI DBUS SU, 'KHOR LO DANG, RDO RJE DANG, RIN PO CHE DANG, PADMA DANG, SNA TSOGS RDO RJE STE RIM PA JI LTA BA BZHIN DU DE BZHIN GSHEGS PA'I MTSAN MAS BRGYAN PAR BYAS LA LAS THAMS CAD PA NI RDO RJE PHRENG BAS RNAM PAR BRGYAN PAR BYA'O, ,YANG NA LAS THAMS CAD PA NI ZLUM PO KHO NA STE, 'ON KYANG NANG GI PADMA'I LTE BAR SNA TSOGS RDO RJE DANG, 'DAB MA RNAMS LA RDO RJE BRGYAD BRIS LA, LHAG MA NI SNGA MA BZHIN NO, ,DKYIL 'KHOR RAM LHA'I KHANG PAR SHAR PHYOGS SU ZHI BA'I ME THAB DANG, DE BZHIN DU LHO DANG, NUB DANG BYANG PHYOGS SU RGYAS PA DANG DBANG DANG DRAG PO'I ME THAB BYA'O, ,YANG NA LAS DANG RJES SU MTHUN, , RDUL TSON GYIS NI ME THAB BRI, ,DE PHYIR BRKOS DANG RDUL TSON GYIS, ,ME THAB RNAM PA GNYIS SU 'DOD, ,CES 'BYUNG NGO, ,DE NI ME THAB KYI MTSAN NYID DO, ,YAM SHING RNAMS KYI MTSAN NYID NI, ,BLANG DOR DBYE BAS BSHAD PAR BYA, ,BA LA SHA DU MA AA MRA DANG, KA DAM PA DANG KAS MI RGYA, ,AA SHVANG PLAG SHA LAS 'BYUNG BA, ,SHA MI KHA DANG 'O MA CAN, ,'O MA DANG BCAS RLON PA STE, ,MNYAM POR BCAD PAR 'DOD PA YIN, ,MTHO GANG TZAM GYI TSAD DANG LDAN, ,SBRANG RTZI 'O MA MAR GYIS BYUGS, ,DKAR PO'I DRI CHUS BSKUS PA YI, ,'O MA DANG BCAS YAM SHING 'DOD, ,JI SKAD DU, RGYAS PAR SOR NI BCU BZHI PA, ,ZHI BAR SOR NI BCU GNYIS TE, ,DBANG LA SOR NI BCU PA DANG, ,SDANG DANG DGAR BA SOR BRGYAD PA'O, ,RNYING ZHING CHAG PA 'BUS ZOS PA, ,'BAD DE RNAM PAR SPANG BAR BYA, ,MCHOD SPYIN PA YI SHING RNAMS KYI, ,SROG CHAGS MED PA'I BUD SHING GANG, ,ME

, ,THAB LAS NI CUNG NYUNG BA'I, ,TSAD DANG LDAN PA NGES PAR BYA, ,YANG NA DGON PA'I LCI BA STE, ,BLO DANG LDAN PAS BLANG BAR BYA, ,ZHES BYA BA LA NI YAM SHING DANG BUD SHING GI MTSAN NYID DO, ,GSER RAM ZANGS KYI RANG BZHIN TE, ,NIM PA'AM NI SENG LDENG NGAM, ,'O MA CAN GYI SHING SOGS KYI, ,SBYOR BA 'DI NI RAB TU GRAGS, ,SOR NI NYI SHU RTZA BZHI YI, ,DE NYID KYIS NI TSAD BYAS TE, ,SNOD DANG DBYIG PA GNYIS BYAS NAS, ,DE YI KHA NI SOR DRUG PA, ,DA NI KUN DU SOR BZHI PA, ,RDO RJE PHRENG BSOR GNYIS TE, ,DE LAS GZHAN NI DBUS YIN TE, ,SOR NI BZHI YI TSAD TZAM BYA, ,DE YANG 'OG TU BRKOS NAS NI, ,BRKO SA'I TSAD NI SOR GNYIS PA, ,DE YI DBUS SU PADMA STE, ,LTE BA RDO RJE MTSAN PAR BYA, ,SOR MO MTHE CHUNG TSAD TZAM GYI, ,KHU BCUD 'DZAG PAR RAB TU GRAGS, ,RTZE MO'I CHA RU RIN PO CHE, ,SOR DGU KUN DU MTHO BAR BYA, ,PADMA'I 'DAB MA DANG 'DRA BA, ,MTHAR NI RGYAL BAS GSUNGS PA YIN, ,DE DBUS RDO RJE RTZE GSUM PA, ,DBYIG PA'I MTHAR NI SOR DRUG STE, ,ZLA BA RIN CHEN DE YI MTHAR, ,GANG GIS DBYIG PA NYES MI 'GYUR, ,DE NYID KYI NI TSAD KYIS TE, ,BLUGS GZAR GYI NI CHO GA BYA, ,MTHAR NI SOR GNYIS RGYA CHE BAS, ,KHA NI PADMA 'DAB DANG MTSUNGS, ,DE YI BYED TZAM BRKOS PA STE, ,DE YI DBUS NI RDO RJES MTSAN, ,DE LTAR DGANG GZAR BLUGS GZAR GYI, ,MTSAN NYID CHEN PO GSUNGS PA YIN, ,ZHES DE NI SBYIN SREG GI SNOD KYI MTSAN NYID DO, ,DE NAS RDO RJE SLOB DPON NI, ,KHRUS SHING GTZANG SBRA DRIS BYUGS PA, ,JI LTAR GSUNGS PA'I RGYAN DANG LDAN, ,ZHI BA RGYAS DANG DBANG DGUG DANG, ,SDANG BA DGAR BA GSOD PA STE, ,SBYIN SREG LAS LA BRTZON BDAG NYID, ,RANG LHAG LHA YI RNAL 'BYOR LDAN, ,SEMS CAN KUN LA PHAN LA BRTZON, ,JI LTAR GSUNGS PA THAMS CAD BYA, ,DE LA ZHI BA LA NI GOS DKAR PO DANG COD PAN THOGS PA DAG BYED PA DANG GDU BU DANG JI LTAR GSUNGS PA'I BSRUNG BA'I 'KHOR LO BZLAS PA, BYAMS PA CHEN PO'I SEMS DANG LDAN PA MI SMRA BAS SBYIN SREG GI SA RU 'JUG STE 'JAM PA'I GDAN LA PADMA'I SKYIL MO KRUNG GIS

'DUG STE, LAG PA GNYIS MKHRIG MA'I BAR DU DRI BZANG GIS BYUGS LA SROD LA SROD LA SHAR DU KHA BLTAS PAS BSGRUB BYA BLANGS NAS NYA'AM TSES GCIG LA BRTEN TE ZHAG GSUM MAM BDUN GYI BAR DU GZHAN GYI DON DU ZHI BA'I LAS BYA'O, ,DE BZHIN DU GOS SER PO LA SOGS PA'I RGYAN DANG LDAN PA'AM, RNAM PA SNA TSOGS PA'I GOS DANG LDAN PA YID DGA' BA BYANG DU KHA BLTAS PA BZANG PO'I 'DUG STANGS KYIS GNAS PA RKANG PA G-YON PAS RKANG PA G-YAS PA MNAN ZHING MIG MI G-YO BA, SO RNAMS GTZIGS PA NYA NAS BRTZAMS TE PHYI MA'I BAR DU RGYAS PA'I LAS BYA'O, ,DE BZHIN DU KHROS BAS GOS SNGON PO LA SOGS PA'I RGYAN DANG LDAN PA KHRAG DANG CHUS GSHER BA'I GOS DANG LDAN PA RO'I STENG DU TZOG BU'I 'DUG STANGS KYIS GNAS PA RKANG PA G-YON PAS RKANG PA G-YAS PA MNAN ZHING MIG MI G-YO BAR SO RNAMS GTZIGS PA SNYING RJES DKON MCHOG GSUM LA GNOD PAR BYED PA LA 'JIGS PAR BYED PA'I PHYIR MNGON SPYOD KYI LAS BYA'O, ,DE NI SGRUB PA PO'I TSOGS PA'O, ,DE NAS RANG GI 'DOD PA'I LHA'I RNAL 'BYOR JI LTAR GSUNGS PA LAS DANG RJES SU MTHUN PA BYAS TE, BGEGS KYI TSOGS LA PHUR BUS GDAB PA DANG RDO RJE DRA BA LA SOGS PA BYAS TE, YI GE H'Um NGAM RANG GI CHOS KYI YI GE LAS ME THAB BSKYED LA, DE'I DBUS KYI LTE BAR YI GE RAm 'BAR BA YONGS SU GYUR PA LAS GRU GSUM BSAMS LA, DE'I ZUR GSUM SHAR LA SOGS PA LA AOm A'A: H'Um ZHES BYA BA'I YI GE GSUM LAS, 'DOD PA DANG GZUGS DANG GZUGS MED PA'I KHAMS GSUM GYI NGO BO 'KHOR LO DANG PADMA DANG RDO RJE GSUM SA BON DANG BCAS PAR BSKYED LA DBUS SU YI GE RAm YONGS SU GYUR BA LAS 'BAR BA DANG BCAS PAR LTA STE, PHYAG MTSAN GSUM DANG YI GE RAm DE DAG YONGS SU GYUR PA LAS 'BAR BA'I DBUS SU CHU'I DKYIL 'KHOR LA GNAS PA DAG BYED KYI ME LHA KHAMS GSUM GYI BDAG NYID ZHI BA'I DON TU BSGOM PAR BYA'O, ,ZHI BA LA DKAR PO ZHAL GCIG PA SPYAN GSUM PA PHYAG BZHI PA RAL PA'I THOR GTZUG CAN, PHYAG G-YAS PA DAG LA DBYIG PA DANG MI 'JIGS PA G-YON BA DAG LA PHRENG BA DANG GUNDHE 'DZIN PA NA BZA'

, ,DKAR PO DANG RGYAN DANG LDAN PA, MCHOD PHYIR THOGS PA YAN LAG THAMS CAD LAS BDUD RTZI DKAR PO SPRO BAR BYED PA BLTA BAR BYA'O, ,RGYAS PA LA YANG DE BZHIN NO, ,'ON KYANG KHA DOG SER PO GOS DANG RGYAN LA SOGS PA SER POS BRGYAN PA, DBANG CHEN GYI DKYIL 'KHOR LA GNAS PA YE SHES KYI ME LHA MCHOG SBYIN GYI PHYAG GIS SEMS CAN THAMS CAD LA STOBS DANG KHA DOG DANG DBAL GYIS PHUN SUM TSOGS BA 'PHEL BAR BYED PA BSGOM PAR BYA'O, ,DE BZHIN DU DBANG DANG DGUG PA DAG LA KHA DOG DMAR PO 'DOD PA'I ME LHA ME'I DKYIL 'KHOR LA GNAS PA NA BZA' DANG RGYAN DMAR PO LA SOGS PAS BRGYAN PA, PHYAG G-YAS PA DANG G-YON PA DAG LA LCAGS KYU DANG ZHAGS PA 'DZIN PA BSGOMS TE LHAG MA NI SNGA MA BZHIN NO, ,GSOD PA LA RLUNG GI DKYIL 'KHOR LA GNAS PA KHA DOG NAG PO MCHE BA RNAM PAR GTZIGS PA MIG G-YO BA, YI GE H'Um LAS BYUNG BA KHA DOG NAG PO NA BZA' LA SOGS PAS BRGYAN PA, PHYAG G-YAS PA RAL GRI DANG G-YON PA LA SDIGS MDZUB 'CHANG BA, SKRA 'BAR BA GYEN DU BRJES PA, 'JIGS BYED CHEN PO'I 'BAR BA NAG POS KHAMS GSUM KHYAB BA RLUNG GI ME LHA BSGOM PAR BYA'O ZHES ME LHA MDOR BSTAN PA'O, ,DE LA 'O MA CAN GYI SHING LAS BYUNG BA'AM DGON PA LAS BYUNG BA'AM, RGYUN CHAGS KYI ME 'AM THA MAL PA'I BRAM ZE'I ME ZHI BA'I LAS LA BLANG BAR BYA'O, ,RGYAL PO'AM BLON PO'AM NAGS TSAL LAM TSANG BANG GI ME RGYAS PA LA'O, ,RJE RIGS SAM SMAD 'TSOD MA'I ME NI DBANG LA'O, ,GAR MKHAN DANG MTSAN MKHAN DANG 'GRON PO'I ME NI DGUG PA LA'O, ,DUR KHROD KYI ME'AM RDO LAS BYUNG BA'I ME MNGON SPYOD LA GZUNG BAR BYA'O ZHES ME'I NGO BO MDOR BSTAN PA'O, ,DE NAS LAS DANG RJES SU MTHUN PA'I GSER LA SOGS PA'I SNOD GNYIS TE, AA RGHA'I SNOD DANG LAS THAMS CAD PA'I SNOD DO, ,GNYI GA YANG DRI BZANG GI CHUS GANG BA DE LA YANG AARGHA'I SNOD NI ZHO DANG KU SHA DANG 'BRU LA SOGS PA DANG LDAN PA BYAS LA GNYI GA LA YANG ME TOG DGRAM ZHING, AARGHA'I SNOD NI G-YON PHYOGS SU RANG GI RIGS KYI LHA'I SNGAGS KYIS MNGON PAR BZLAS

NAS GZHAG PAR BYA'O, ,RDO RJE GNOD SBYIN DANG, RDO RJE RTZE MO'I SNGAGS DAG GIS LAS THAMS CAD PA'I SNOD LAN NYI SHU RTZA GCIG MNGON PAR BZLAS NAS GZHAG PAR BYA'O, ,AOm BADZRA SHE KHA RE RU DRA MAtA, RDO RJE KHU TSUR GNYIS KYIS MTHE CHUNG GNYIS MCHE BA'I TSUL DU BSTAN PA NI RDO RJE GNOD SBYIN GYI PHYAG RGYA'O, ,RDO RJE KHU TSUR GNYIS RI BO'I TSUL DU BYA BA NI RDO RJE RTZE MO'I PHYAG RGYA STE, AARGHA'I SNOD KYI CHO GA'O, ,DE NAS YO BYAD THAMS CAD G-YAS PHYOGS SU BZHAG LA MAR DANG DGANG GZAR DANG BLUGS GZAR MDUN DU'O, ,G-YON PHYOGS SU DRIL BU DANG G-YAS PHYOGS SU RDO RJE GZHAG GO, ,DE NAS SBYIN SREG GI YO BYAD LA SOGS PA THAMS CAD LA LAS THAMS CAD PA'I CHUS LAN GSUM BSANG GTOR BYA'O, ,DE NI RDZAS GZHAG PA'I RIM PA'O, ,RDZAS NI YAM SHING MAR DANG NI, ,TIL DANG 'BRAS DANG DE BZHIN NAS, ,GRO DANG MA SHA 'BRAS SO BA, ,YOS DANG STARGA BIL BA DANG, , GLA GOR ZHO SHA 'O MA ZHO, ,D'UR BA DANG NI KU SHA DANG, ,'BRAS BU GSUM DANG SLE TRES DANG, ,KHA RA PHYE MA KHAR LO MA, ,GSER DANG NI TZANDAN DANG, SPRI YANG KU DANG GUR KUM DANG, ,SPOS GNYIS DANG NI SMAN KUN DANG, ,DZ'A TI PHA LA RIN PO CHE, ,DAR DBYANGS SO RTZI ME TOG PHRENG, ,DE BZHIN MCHOD PA RNAM PA LNGA, ,DE LTAR RNAL 'BYOR RGYUD RNAMS LAS, ,GO RIMS KYIS NI RDZAS GSUNGS SO, ,DE NI RDZAS KYI GRANGS KYI GO RIMS SO, ,DE NAS PHYI ROL GYI ME RDO RJE GNOD SBYIN GYI SNGAGS DANG PHYAG RGYAS MNGON PAR BSNGAGS LA, KU SHA'I RTZE MO BLANGS PA'I CHUS DE LA LAN GSUM BSANGS TE, GTZANG MAS BSGOS PA'I TZA DANG BCAS PA ME THAB LA BCUG NAS, AOm DZVA LA H'Um ZHES BYA BA SNGAGS DANG BCAS PA RLUNG G-YAB KYI RLUNG GIS 'BAR DU BCUG STE, ,DAM TSIG SEMS DPA'I ME LTA SNGAR BSHAD PA DE'I DBUS SU BSAMS TE, YE SHES SEMS DPA'I ME LTA SNGAGS DANG PHYAG RGYA 'DIS DGUG PAR BYAS TA, LAG PA G-YAS PA MI 'JIGS PAR BYAS NAS MTHE BONG GI RTZE MO SRID LAG GI RTZA BA'I TSIGS LA BRDAB PA NI DGUG PA'I PHYAG RGYA'O, ,TSUR GSHEGS TSUR GSHEGS 'BYUNG PO CHE, ,LHA YI DRANG SRONG BRAM ZE MCHOG ,SREG

, ,BLUGS ZHAL ZAS BZHES SLAD DU, ,'DI NYID DU NI BZHUGS SU GSOL, ,ZHES BYA BA DANG, AOm BA K'A GNA YE SV'A H'A ZHI BA LA'O, ,AOm MA HE DE B'A GNA YE SV'A H'A RGYAS PA LA'O, ,AOm K'A M'A GNA YE SV'A H'A DBANG DANG DGUG PA LA'O, ,AOm KRO DH'A GNA YE DZA HE KRO tA YA AA MU KAm M'A RA YA H'Um PHAt MNGON SPYOD LA'O, ,ME LHA BYON PA LA BSANG GTOR LA SOGS PA BYAS NAS DGUG PA LA SOGS PAS DAM TSIG GI MA LHA LA 'JUG PAR BYA'O, ,DE NAS ARGHA'I SNOD BLANGS LA YID KYIS ZHABS LA ZHABS BSIL DBUL BAR BYA STE, AOm PRA BA RA SA KT'A RAm PRA T'I TZTSA SV'A H'A, DE NAS ARGHAm MA MA YA DA TA M'A GNA HA NA SIDDHI MME PRA YATZTSA SV'A H'A, SNGAGS 'DIS LAN GSUM AARGHA DBUL BAR BYA STE SPYAN DRANG BA'I CHO GA'O, ,DE NAS AOm A'A:H'Um NI MGO BO DANG LKOG MA DANG SNYING GA'I PHYOGS SU DKAR PO DANG DMAR PO DANG NAG PO STE SA BON GSUM ZLA BA LA GNAS PA'I 'KHOR LO DANG PADMA DANG RDO RJE'I CHANG GZUNGS LA GNAS PA KHAMS GSUM BYIN GYIS BRLABS NAS SEMS MA RDO RJE MA LA SOGS PAS YID KYIS DBANG BSKUR LA L'A SYA LA SOGS BA'I MCHOD PA RNAM PA BRGYAD KYIS MCHOD LA, DAR DPYANGS DANG ME TOG PHRENG BA BCINGS NAS GO CHA BGOS TE, ME LONG LTA BU SMAN THAMS CAD LA SOGS PA'I SKU KHRUS KYI YO BYAD KYIS SPOS GTUL BA DANG DRIL BU DKROL BA SNGON DU 'GRO BAS RJE BTZUN MA'I YI GE BRGYA PA LAN CIG BRJOD NAS SKU KHRUS BYA'O, ,DE NAS RIGS KYI YUM BZHI'I MNGON BAR SNGAGS BZLAS PA'I BUM PA BZHI YIS, RANG RANG GI SNGAGS DANG BCAS BAS DBANG BSKUR BA SBYIN PAR BYA'O, ,DE NAS ZHI BA LA RNAM PAR SNANG MDZAD KYIS RGYAS BTAB PA ME LHA BSAM PAR BYA BA DANG, RGYAS PA LA RIN CHEN 'BYUNG LDAN GYIS RGYAS GDAB PA DANG, DBANG LA 'OD DPAG TU MED PA'I COD PAN CAN DANG, GSOD PA LA MI BSKYOD PA'I COD PAN CAN BSGOM MO, ,DE NAS ME LHA'I BDAG PO'I SA BON PA GOD PA DANG DGANG GZAR BLUGS GZAR GYI RTZE MOR YANG DGOD DO, ,DE NAS AOm DZIKA SV'A H'A ZHES BYA BAS ZHI BA LA MAR LA MNGON PAR SNGAGS BTAB PA'O, ,DE BZHIN DU RGYAS PA LA SOGS PAR RIN CHEN 'BYUNG LDAN LA SOGS

PA'I SNGAGS RNAMS KYIS MNGON PAR SNGAGS BTAB PA'O, ,DE NAS DANG PO SBAR BA'I DON DU BLUGS GZAR GYIS DGANG BLUGS GSUM AOm DZVA LA DZVA LA H'Um ZHES DBUL LO, ,DE NAS 'BAR BA DANG KHA DOG DANG SGRA LA SOGS PAS ME LA BGEGS MED PAR SHES NAS BGEGS THAMS CAD BCING BA'I DON DU DANG, LAS RDZOGS PA'I DON DU PHYOGS BZHI LA KU SHA DGRAM MO, ,KU SHA 'DI NI DGE BA'I MCHOG ,GTZANG MA GTZANG MA'I RGYU LAS BYUNG, ,DKON MCHOG GSUM DGA' YID 'PHROG PA, ,SA'I SNYING PO LAS SKYES PA'O, ,ZHES BYA BA DANG, AA BIGHN'Am MA MA SH'ANTIm KURBANTU SV'A H'A ZHES BYA BA'I RIM PA 'DIS RTZA BA LAS BTON PA MTSAN NYID DANG LDAN PA SNGON PO'I KU SHA NI ZHI BA DANG RGYAS PA LA'O, ,GZHAN DU NI MNYAM PAR BCAD PA YON PO MA YIN PA'I RIM PA 'DIS ME'I SHAR PHYOGS SU SHAR DU BLTAS PA DANG, LHO RU LHO'I RTZE MO DANG LDAN PA DANG, NUB TU NUB KYI RTZE MO DANG LDAN PA DANG, ,BYANG DU BYANG GI RTZE MO DANG LDAN PA BYA'O, ,ME THAB KYIS GZHI KUN DU LAS THAMS CAD KYI CHUS BSANG GTOR BYAS LA, RDO RJE GNOD SBYIN DANG RDO RJE RTZE MOS MNGON PAR BSNGAGS LA TSON SKUD LNGA'I SKUD PA DANG MDA' BZHI 'AM BRGYAD MNGON PAR BSNGAGS LA PHYOGS DANG MTSAMS SU BKOD LA TSON SKUD LNGA'I SRAD BUS BSKOR LA RDO RJE BCINGS PAR BYAS PAR 'GYUR TE KU SHA DGRAM PA'I CHO GA'O, ,DE NAS ME LHA'I LAS DANG RJES SU MTHUN PA DNGUL LA SOGS PA'I SNOD MDUN DU BSAMS LA, YANG AARGHA DANG 'THOR 'THUNG DANG ZHABS BSIL BYIN NAS DGANG BLUGS DBUL LO, ,DE'I RIM PA NI BUS MO'I NANG DU LAG PA GNYIS BZHAG LA LAG PA G-YAS BA'I RDO RJE KHU TSUR GYIS DGANG GZAR BLANGS TE, MTHO BO DANG MTHE CHUNG GIS BRTAN BOR BZUNG LA SOR MO LHAG MA DBYIG PA'I STENG DU BRKYANG LA MAR GYIS DGANG BAR BYAS LA DGANG BLUGS BDUN NAM GSUM MAM GCIG ME'I LHA'I SNGAGS KYIS ME LHA'I ZHAL LA DBUL LO, ,AOm AGNA YE AA MO KA SYA SH'A NTIm KU RU SV'A H'A ZHES DE BZHIN DU THAMS CAD LA'O, ,DE NAS SREG RDZAS KYI RIM PA BSTAN PAR BYA STE, DGAD BLUGS KYI 'OG TU YAM SHING 'OD KYI DKYIL

, ,'KHOR LA'O, ,MAR NI ZHAL LA'O, ,DE NAS TIL DANG ZHO DANG BCAS PA'I 'BRAS CHAN NI PHYAG TU'O, ,KU SHA DANG D'UR BA'I MYU GU NI GTZUG PHUD LA'O, ,NAS DANG GRO DANG 'BRAS SO BA DANG MA SHA LA SOGS PA NI ZHAL DU'O, ,ZHU BA'I RDZAS THAMS CAD KYANG DE BZHIN NO, ,DRI NI SNYING GAR RO, ,ME TOG NI DBU LA LO, ,SPOS NI 'BAR BA LA'O, ,ZHABS BSIL NI ZHABS LA'O, ,AARGHA DANG 'THOR 'THUNG NI PHYAG LA'O, ,MAR ME NI MDUN DU'O ZHES RIM PA'O, ,DE NAS SDIG PA BSREG PA'I PHYIR DANG POR TIL BSREG PAR BYA STE, AOm SARBA P'A PAm DA HA NA BADZRA YE SV'A H'A TIL RNAMS KYI'O, ,YANG NA RDZAS THAMS CAD SNGAGS GCIG GIS BSREG PAR BYA STE, AOm BADZRA AA NA LA MA H'A BH'U TA DZVA LA DZVA LA SARBA BHA SMIN KU RU SARBA BIGHN'Am H'Um PHAt, AA MO KA SYA SH'A NTIm KU RU SV'A H'A, YANG NA THA DAD PA'I SNGAGS YIN TE, AOm BADZRA YA DZNYA SV'A H'A YAM SHING GI'O, ,AOm AE GNA YI SV'A H'A MAR GYI'O, ,AOm SARBA P'A PAm DA HA NA BADZR'A YA SV'A H'A, AA MO KA SYA P'A PAm DA HA SV'A H'A, TIL DANG YUNGS KAR GYI'O, ,SARBA SAm PA DE SV'A H'A ZHO DANG 'BRAS CHAN GYI'O, ,AOm AA PRA TI HA TA BADZR'A YA SV'A H'A KU SHA RNAMS KYI'O, ,AOm BADZRA A'A YA shE SV'A H'A D'U RA BA'I MYU GU'I'O, ,AOm MA H'A BE G'A YA SV'A H'A, NAS RNAMS KYI'O, ,AOm BADZRA GHA SMA RA YE SV'A H'A GRO 'I'O, ,AOm BADZRA BI DZA YE SV'A HA' 'BRAS SO BA'I'O, ,AOm MA H'A BA L'A YA SV'A H'A MA SHA'I'O, ,AOm BADZRA PU shAt YE SV'A H'A, 'BRAS KYI'O, ,AOm MA H'A SHRI YE WA YE SV'A H'A BIL BA DANG STA RGA DANG DZ'A TI PHA LA 'I'O, ,LHA MA NI ZHU BA'I RDZAS THAMS CAD ME LHA LA RANG GI SNGAGS KYIS DBUL LO, ,AU DUMB'A RA LA SOGS PA'I SHING GI YAL GA RNAMS NI DANG POR AOm DANG RANG RANG GI MING DANG SV'A H'A'I MTHA' CAN GYI SNGAGS KYIS DBUL BAR BYA'O ZHES RIM PA'O, ,DE NAS ME LHA LA 'THOR 'THUNG DANG BSAD GTOR LA SOGS PA PHUL NAS, ME THAB TU ME LHA 'BAR BA'I GZUGS SU THIM PAR BYA'O ZHES KHA CIG ZER RO, ,RANG GI GZUGS SU ME LHA ME'I MTSAMS SU GZHAG PAR BYA'O ZHES KHA CIG ZER RO, ,KHA CIG NA RE GSHEGS SU GSOL ZHES ZER RO, ,KHA CIG NA RE ME THAB KYI NANG DU ME'I MTSAMS SU GZHAG

PAR BYA'O ZHES ZER RO, ,DE LTAR MANG PO SMRAS TE 'DIR BCOM LDAN 'DAS KYIS BKA' STZAL PA, ME LHA'I GTZO BO LHA RNAMS NI, ,SBYIN SREG DE NYID LA NI GNAS, ,SBYIN SREG GIS NI TSIM BYAS TE, ,TSIM PAS DNGOS GRUB STER BAR 'GYUR, ,ME LHA STONG PA'I SBYIN SREG NI, ,RO KHAR BSREGS BZHIN 'BRAS MED 'GYUR, ,ZHES 'BYUNG NGO, ,GZHAN LAS BCOM LDAN 'DAS KYIS, ME YI GNAS NI MI SHES PAS, ,GANG ZHIG SBYIN SREG BYED PA NA, ,DE NYID MA YIN SBYANG BA MIN, ,LAS KYI 'BRAS BUR MI 'GYUR RO, ,ZHES 'BYUNG NGO, ,KHO BO CAG GI BLA MA'I ZHAL GYI MAN NGAG NI CHOS KYI DBYINGS KYI YI GE YONGS SU GYUR PA LAS SHES RAB KYI PHA ROL TU PHYIN PA'I NGO BO LAS MA LUS PA'I GZHIR GYUR PA'I 'JIG RTEN LAS 'DAS PA'I YE SHES KYI ME LHA DE'I SNYING GA'I PADMA'I STENG DU RANG GI LHA'I SA BON YONGS SU GYUR PA LAS PHYAG MTSAN LAS BYUNG BA'I LAS DANG RJES SU MTHUN PA, KHA DOG DANG RGYAN LA SOGS PA DANG LDAN PA RNAM PAR SNANG MDZAD LA SOGS PA DMIGS LA RANG GI SNYING GA'I YE SHES SEMS DPA'I SA BON GYI 'OD ZER DANG RANG RANG GI DAM TSIG GI PHYAG RGYA RNAMS KYIS YE SHES SEMS DPA' BKUG LA BYANG CHUB MCHOG GI PHYAG RGYA BCINGS LA, AOm AE HYE HI BHA GA B'AN NE HA B'AKTE DZA SA MA YE NA TZA AA RGHAm TO, ,SAm PRA T'I TZTSA SVA' P'U DZAm TZA PE PRA SIDDHA MI 'DIS LHO PHYOGS SU BLTAS TE, BADZRA DH'A TU SV'A H'A ZHES BYA BAS, ZHABS BSIL DANG, AARGHA PHUL NAS L'A SYE LA SOGS PAS MCHOD CING RDO RJE BSDAMS PAS LCAGS KYU DANG ZHAGS PA DANG LCAGS SGROG DANG DRIL BU RNAMS KYIS DGUG BA DANG GZHUG PA DANG BCING PA DANG DBANG DU BYA'O, ,DZA: H'Um BAm HO: SA MA YA STVAm SA MA YA HO: ZHES BYA BAS ME LHA'I ZHAL NAS DAM TSIG SEMS DPA' LA RNAM PA THAMS CAD DU 'JUG PAR BYA'O, ,DE NAS AOm HRI H'Um ZHES BYA BA YI GE GSUM GYIS DKAR PO DANG SER PO DANG NAG POS MGO BO LA SOGS PA BYIN GYIS BRLABS LA, RDO RJE DBYINGS KYI DBANG PHYUG MA LA SOGS PA'I PHYAG RGYAS DBANG BSKUR LA SNGA MA BZHIN DU KHRUS BYAS NAS DAR DPYANGS DANG ME TOG GI PHRENG BA BCINGS LA, YE SHES SEMS DPA'I SNYING GAR RANG GI PHYAG MTSAN RDO RJE'I

, ,CHANG GZUNGS LA RANG GI CHOS KYI YI GE DKYIL 'KHOR BA'I LHA MA LUS PA'I NGO BO BLTAS LA, YANG AARGHA DBUL ZHING SNGA MA BZHIN DU SBYIN SREG GI YO BYAD THAMS CAD BSANG GTOR BYAS LA, DE BZHIN DU DGANG GZAR BLANGS LA JI SNYED PA'I DGANG BLUGS ME LHA DE'I ZHAL DU DBUL LO; ,DE NAS BLUGS GZAR GYIS BRGYA RTZA BRGYAD DAM DE'I PHYED DAM, SBYIN SREG BYAS NAS DGANG BLUGS DBUL TE, SPOS GTUL BA DANG DRIL BU'I SGRA DANG LHAN CIG YI GE BRGYA PA LAN GSUM MA MA LAN CIG BRJOD LA LHAG MA SBYIN SREG GI YO BYAD SNGA MA BZHIN DU SNGAGS 'DIS DBUL BAR BYA'O, ,AOm BADZRA DH'A TU RA AA MO KA SYA SH'ANTIm KU RU SV'A H'A, YANG NA DZI NA DZI KA CES BYA BAS SO, ,DE BZHIN DU RGYAS PA LA SOGS PA LA YANG NGO, ,DRI BZANG GI ME TOG NI TSOGS GANG YANG RUNG BA DE DAG THAMS CAD DANG DE BZHIN DU BDAG NYID KYI KHA ZAS LA SOGS PA PHUN SUM TSOGS PA'I PHYIR BSREG PAR BYA'O, ,JI LTAR MNGON PAR 'DOD PA'I SBYIN SREG BYAS LA MTHAR AOm A'A: H'Um HR'I: ZHES BYA BAS DE BZHIN GSHEGS PA THAMS CAD KYI SNYING PO GSUM MAM BDUN NAM NYI SHU RTZA GCIG MAR GYI DGANG BLUGS KYIS SBAR DU BCUG LA ZHABS BSIL DANG AARGHA DANG 'THOR 'THUNG DANG DRIL BU DKROL BA SNGON DU 'GRO BAS BYIN TE MTHAR DGANG BLUGS PHUL NAS, YANG AARGHA LA SOGS PA PHUL NAS MCHOD CING BSTOD LA MNGON PAR 'DOD PA'I DON BSGRUB PA'I PHYIR ZHUS LA BZOD PAR GSOL TE, SEMS MA RDO RJE MA'I PHYAG RGYA BCINGS NAS MU ZHES BYA BAS GYEN DU DKROL BAR BYA'O, ,KHYOD KYIS SEMS CAN DON KUN MDZAD, ,JI LTAR MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG SEMS CAN DON LA GSHEGS, ,ZHES BYA BAS, YE SHES SEMS DPA' GSHEGS SU GSOL BA SBRUL PA NI ME'I NANG DU CHOS KYI DBYINGS SU GYUR PA LA THIM NAS SLAR YANG MCHOD YON LA SOGS PA PHUL TE LHAG MA SBYIN SREG GI YO BYAD DBUL LO, ,SBYIN SREG GI MTHAR SLOB MA LA BRTEN TE DGANG BLUGS PHUL NAS, ZHABS BSIL DANG AA RGHA DANG MCHOD YON BYIN TE, SLOB MA'I MNGON PAR 'DOD

PA'I DNGOS GRUB LA GSOL BA GDAB PAR BYA'O, ,ME LHA KHYOD NI GSHEGS PAR MDZOD, ,LHA YI DRANG SRONG BRAM ZE MCHOG ,BDAG GI DON DANG GZHAN GYI DON, ,BYIN ZA KHYOD KYIS BSGRUBS TE GSHEGS, ,SPYAN 'DREN PA'I PHYAG RGYA'I MTHE BONG 'GROL BA'I TSUL GYIS ME LHA GSHEGS SU GSOL NAS 'BAR BA'I NGO BOR BLTAS TE, RANG GI YI DAM GYI LHA'I NGA RGYAL GYIS PHYOGS SKYONG LA GTOR MA SBYIN BAR BYA STE, RANG GI CHOS KYI YI GE YONGS SU GYUR PA LAS LHA'I DBANG PO LA SOGS PA PHYOGS SKYONG KHA DOG DANG DBYIBS JI LTAR BSHAD PA DANG LDAN PA, PHYOGS BCU LA 'KHOR DANG BCAS PA BSAMS TE, SNOD BCUD BZA' BA DANG CHANG DANG SHA LA SOGS PAS BKANG BA, CHU'I MAndALA LA BZHAG NAS MCHOD PA RNAM PA LNGA YIS MCHOD CING SPOS GTUL BA DANG DRIL BU DKROL BAS DE RNAMS BKUG BAS DE RNAMS BKUG LA SNGON DU BYAS TE, G-YAS BRKYANG BAS 'JIGS PA MED PA'I SEMS DANG LDAN BAS SNGAGS 'DI RNAMS KYIS GTOR MA GTANG NGO, ,AOm AAINDR'A YA SV'A H'A LHA'I DBANG LDAN PO'I'O, AOm WE W'A SA TV'A YA SV'A H'A GSHIN RJE'O, ,AOm AA BAm PA TA YE SV'A H'A CHU LHA'I'O, ,AOm DKshA NA WE RYA D'A RE SV'A H'A RNAM THOS SRAS KYI'O, ,AOm AANGA YE SV'A H'A ME LHA'I'O, ,AOm R'A KshA PA TE YE SV'A H'A BDEN BRAL GYI'O, ,AOm W'A YA WE SV'A H'A RLUNG LHA 'I'O, ,AOm RU DRA' YA SV'A H'A DBANG LDAN GYI'O, ,AOm BRA HMA NI SV'A H'A, AOm S'U RYA GRA D'A DHI PA TA YE SVA' H'A, AOm TZANDRA NA KshA TRA DE BI TA YE SV'A H'A STENG DU'O, ,AOm PRi THIV'I SV'A H'A, AOm SVA YE BHYA: SV'A H'A, AOm N'A GI NI BHYA: SV'A H'A 'OG TU'O, ,DE'I 'OG TU SNGAGS 'DI RNAMS KYIS RANG RANG GI PHYOGS DANG MTSAMS SU NYE BA'I SGRUB PA PO BDUD RTZI 'KHYIL PA'I SNGAGS BZLAS PA'I SGRUB PA POS GTOR MA'I SNOD SHING GCIG LA SOGS PA LA GTOR BAR BYA'O, ,BLO LDAN GANG ZHIG GTOR MA GTANG, ,BDUD RTZI 'KHYIL PA'I SNGAGS KYIS NI, ,DE LA BSANG GTOR BYA BA STE, , GZHAN DU NA DE DE SPYOD 'GYUR, ,ZHES 'BYUNG NGO, ,DE'I 'OG TU LHA KHANG LA SOGS PA'I BSRUNG BA NAG PO CHEN PO GDONG BZHI LAG PA BRGYAD PA KHA DOG DMAR PO DANG NAG PO DANG DKAR PO DANG LJANG GU'I GDONG YOD PA, THOD PA DANG KHA tV'Am GA DANG RGYUD MANGS DANG MDUNG DANG, RAL GRI DANG DBYIG

, ,PA DANG GLANG PO'I LAGS PA BSNAMS PA, G-YON BRKYANG BAS MI MGO GNYIS LA GNAS PA KU TZO CHEN PO DANG BCAS PA'I MKHA' 'GRO MA'I TSOGS KYIS YANGS SU BSKOR BA, MCHE BA RNAM PAR GTZIGS PA BSGOMS TE SKU LA SOGS PA BYIN GYIS BRLAB PA DANG YE SHES SEMS DPA' TING NGE 'DZIN SEMS DPA' BYIN GYIS BRLAB PA MNGON DU BYAS TE TSAD CHEN PO BUM PA GCIG CHUS BSKANG PA, AOm LO PO LA LA SOGS PA BZA' BA DANG BTUD BA DANG MYANG BA DANG 'JIG PA DANG THUB PA DANG, BYIS PA'I RTZED MO DANG, MYOS PA DANG CHANG DANG, BE NE DANG DANG NAG PO DANG SGOG KYA'I DBYE BA DANG TZAM PO LI DANG SHA KO LI LA SOGS PAS BKAD BAR BYA STE, DRI BU'I SGRA DANG SPOS GTUL BA BKUG LA SNGAGS 'DIS DBUL LO, ,AOm MA H'A K'A LAKshE TRA PA'I LA SARBA DU shAt'Am d'A KI N'm BA LIm PRA T'I TZTSA SA MA YA MNU SMAR YA H'Um PHAt S'A H'A ZHES BYA BA 'DI DUR KHROD LA GTOR BAR BYA'O, ,DE BZHIN DU ME GTZO BOR GYUR PA GNOD SBYIN DANG SRIN PO DANG 'BYUNG PO DANG YI DAGS DANG, SHA ZA DANG SMYO BYED DANG BRJED BYED DANG, MKHA' 'GRO LA SOGS PA RANG RANG GI CHOS KYI YI GE YONGS SU GYUR PA LAS BYUNG BA DBYIBS 'GYUR BA RNAM PA SNA TSOGS PA'I MTSON CHA 'DZIN PA BSAMS TE, DE BZHIN DU BKUG LA MNGON DU BYAS TE, SNGA MA BZHIN DU SNOD GCIG RDZAS THAMS CAD KYIS BKAD BAR BYAS LA, MCHOD PA RNAM PA LNGA YIS MCHOD CING DRIL BU'I SGRA DANG SBOS KYIS BKUG LA SNGAGS 'DIS GTOR MA GTANG NGO, ,AOm AANGA YE SARBA BH'U T'A DHI PA TA YE SV'A H'A ZHES BYA BA BRJOD NAS, GZHI MDO LA SOGS PAR GTOR MA GTANG NGO, ,DE NAS GRE DU WA ZHES BYA BA LA SOGS PAS GSHEGS SU GSOL TE, RJE BTZUN MA'I YI GE BRGYA PA LAN BDUN BRJOD NAS LANGS TE, AOm BADZRA K'I LA YA ZHES BYA BAS PHUR BU DANG MDA' RNAMS BTON TE, LAS THAMS CAD PA'I CHU 'O MA DANG BCAS PAS SPYAN MA'I SNGAGS BZLAS BZHIN BAS MDA' RNAMS BTZUGS LA BSKOR BA GSUM BYAS TE, GAR DANG GLU LA SOGS PA SNGON DU 'GRO BAS JI LTAR BDE BAR GNAS PAR BYA'O, ,GAL TE YID BZHIN GYI NOR BU DANG DPAG BSAM GYI NOR BU DANG DPAG BSAM GYI SHING DANG BUM PA BZANG PO DANG RAL GRI DANG RDO RJE DANG RKANG MGYOGS DANG MIG SMAN DANG TSANGS PA'I SKUD PA DANG

KHAMS SBYAR BA DANG BCUD KYIS LEN PA LA SOGS PA'I DNGOS GRUB CHEN PO BSGRUB PA'I PHYIR SNGAGS LA TSIM PA DANG SNGAR BA DANG GSOL BA NI CHO GA 'DIS BYAS NAS PHYIN NAS THAMS CAD BSGRUB PAR BYA'O, ,DE'I RIM PA NI RGYA MTSO LA RGYU BA'I GTZANG PO'I GAM DU PHYIN NAS, DE'I 'GRAM GNYIS KYIS BLANGS NAS MA 'DRES PAR BRDUNGS TE AA KA RU DANG TZANDAN DANG PADMA GE SAR GYI PHYE MA DANG 'DRES PAS GONG BU BYAS TE PADMA'I SNAL MAS BCINGS LA GA PUR DANG SPOS KYIS BDUGS LA NYIN ZHAG GCIG TU MAR DANG SBRANG RTZIS BKANG BA'I SNOD LA GZHAG STE PHYI NAS ZHAG GSUM GYI BAR DU DRI CHU DKAR PO'I 'JAM GYI RGYUN GYIS SNGAGS 'DIS DBANG BSKUR BAR BYA'O, ,AOm SARBA DE BA DE BYA MU TTA RE SV'A H'A, AOm H'Um PHAt NE SV'A H'A RIM PA JI LTAR BZHU BA DE BZHIN DU DE'I TSE RGYA MTSO LA RGYU BA'I GTZANG POR PHYIN NAS BSKYAL BAR BYA'O, ,DE LTAR SNGAGS KYIS LHA TSIM PAS MYUR DU DNGOS GRUB STER BAR 'GYUR RO, ,BLUGS GZAR GYIS KYANG MAR GYI DGANG BLUGS STONG GIS SBAR BA DANG GSAL BA AOm HRI ZHES SNGAGS KYIS BYA'O, ,DE LTAR TSIM PA DANG DBUL BA'I RIM GYIS THAMS CAD 'GRUB PAR 'GYUR RO, ,DE NAS PHYI'I SBYIN SREG GI CHO GA BSTAN TO, ,DE NYID BSTAN PA'I PHYIR SBYIN SREG BYA ZHES PA NI PHYI'I SBYIN SREG BYA BA'O, , 'JIG RTEN PA DANG 'JIG RTEN LAS 'DAS PA'I DNGOS GRUB 'DOD PA NI ZHI BA LA SOGS PA DANG SANGS RGYAS NYID 'DOD PA'O, ,SNGAGS PA'O ZHES PA NI SBYIN SREG GI CHO GA LA MKHAS PA'I RDO RJE SLOB DPON NO, ,GNYI GA'I RGYUD NI RNAL 'BYOR DANG RNAL 'BYOR CHEN PO'I RGYUD DO, ,DE LAS GSUNGS PA'I CHO GA NI RIM PA JI LTAR SNGAR BSHAD PA'O, ,DE YAN CHAD KYIS PHYI'I SBYIN SREG BSHAD DO, ,NANG GI ZHES BYA BA NAS GO SLA STE ZHES PA'I BAR DU NI JI LTAR BTUNG BA DANG BZA' BA JI LTAR RNYED PA BDUD RTZI LNGA'I TSOGS LEGS PAR SBYANGS LA LAG PA DANG MGRIN PA SBYANGS SHING YE SHES SEMS DPA'I ME LHA BSREG PAR BYA BA DANG, DE BZHIN DU TSOGS KYI 'KHOR LO'I MTHAR LHAG MA THAMS CAD BSDUS LA, DBANG PO GNYIS DANG SNYOMS PAR ZHUGS PA SNGON DU 'GRO BA'I LAS KYI DBYE BAS, DKAR PO LA SOGS PA'I KHA DOG GI RNAM PA CAN GYI ME THAB KYI NANG DU SHIN TU SBAR BA'I ME'I LTA'I ZHAL NAS YE SHES

, ,KYI ME LHA SBYIN PAR BYA'O ZHES BSTAN TO, ,DE NI NANG GI SBYIN SREG GO, ,GZHAN YANG DNGOS PO MED PA'I NANG GI MTSAN NYID KYI SBYIN SREG YIN TE, JI SKAD DU, NANG GI SBYIN SREG LAS NI RNAM PAR RTOG PA'I TSOGS, ,SREG PAR BYED DE THUB DBANG ZLA BAS GSUNGS, , BGEGS DANG DNGOS GRUB RNAM PAR RTOG PA TZAM, ,GNYIS MED DE NYID RNAM PAR RTOG PAS STONG, ,THAMS CAD STONG PA'I DBANG YID DE THAB CES BYA BA, ,PADMA RDO RJE DANG LDAN DNGOS PO THAMS CAD BUD SHING GIS PHYUG PA, ,NAM MKHA'I DKYIL BZHIN DRI MED RGYA CHEN RTOG BA TZAM NI 'BRU DANG LDAN,, SHES RAB ME YIS SHIN TU 'BAR ZHING NYON MONGS SDIG PA RAB TU ZHI, ,SRAS BCAS BDE GSHEGS YUM GYI GZI BRJID 'BAR BAS RAB TU KHYAB, ,KHAMS GSUM SRID PA'I THAB LA 'DU BYED THAMS CAD BSREG BYA YIN, ,NGAN SONG LAM LA NGES SBYAR PHUNG PO KHAMS SOGS BUD SHING RNAMS KYIS NI, ,RTOG PA THAMS CAD LAS GROL ZHI BA'I LAS NI GYIS, ,DE BZHIN DU DPAL SANGS RGYAS YE SHES ZHABS KYIS KYANG, PHYI YI SBYIN SREG CHO GA RTOGS BYA BA, ,YID KYIS BYAS PA NANG GI BDAG NYID DE, ,PHUNG PO LA SOGS BUD SHING SREG BYED PA, ,YE SHES 'BAR BA BLA NA MED PAR BSHAD, ,CES 'BYUNG NGO, ,SGRA JI BZHIN MA YIN PAR BSHAD PA'O ZHES PA NI 'JIG RTEN DANG BSTAN BCOS LAS PHYI ROL DU BYAS PA'I SGRA'I SGO NAS NANG GI SBYIN SREG GI BRDA BSTAN PA'I PHYIR RO, ,RNAM PAR SNANG MDZAD CES BYA BA NAS DER 'JUG PAR BYA'O ZHES BYA BA'I BAR DU NI RDO RJE 'CHANG CHEN PO YONGS SU GYUR PA LAS BDAG ZHE SDANG RDO RJE NYID BSGOMS LA MDUN DU YI GE GSUM YONGS SU GYUR PA LAS 'OD DPAG TU MED PA'I RNAM PA CAN KHA DOG DMAR PO SLOB MAS BSGOMS LA, DE'I YAN LAG THAMS CAD LA YI GE AA BKOD NAS MGO BO DANG LKOG MA DANG SNYING GA DANG RKANG PA'I 'OG TU YI GE H'Um DZHEEm BKOD LA, YANG YI GE DZHEEm LAS 'OD ZER GYI TSOGS RKANG PA'I KHONG STON GNAS ZHUGS PAS YI GE H'Um LA SOGS PA YONGS SU GYUR PA LAS BSKYED PA'I MI BSKYOD PA LA SOGS PA BKUS ZHING MGUL BA LA SOGS PA GSUM PO NYE BAR MTSON NAS, DE'I LCE LA AA BKOD PA LAS

BYUNG BA'I 'OD DPAG TU MED PA BSGOMS TE, RDO RJE SMROS SHIG CES DRIS NAS DE'I NGAG NAS 'DAS PA LA SOGS PA SHES NAS MI BSKYOD PA LA SOGS PA LA GSHEGS SU GSOL BAR BYAS TE SRUNG BA'I 'KHOR LOS SNOD BSRUNG BAR BYA'O ZHES BSTAN TO, ,'DI NI ZHES BYA BA NAS SNGAGS KYI RDO RJE NI 'DI YIN NO ZHES PA'I BAR DU NI DKYIL 'KHOR DU 'JUG PA LAS SNGON DU DKYIL 'KHOR GYI SGO LA GNAS PA GOS DMAR POS MIG LA BKAB PA'I SLOB MA YI GE LNGA PA'I SNGAGS KYIS DKYIL 'KHOR DU GZHUG STE, DE NAS SNGAR BSHAD PA'I RDO RJE DBAB PAR BYA'O ZHES BSTAN TO, ,DE LA ZHES BYA BA NAS BSTIM PAR BYA'O ZHES PA'I BAR DU NI RDO RJE SLOB DPON GYIS SLOB MA LA DBANG BSKUR BA'I DON DU DKYIL 'KHOR BRIS LA NAM MKHA' LA BZHUGS PA'I DE BZHIN GSHEGS PA RNAMS GZUGS RDO RJE MA LA SOGS PAS MCHOD CING DE RNAMS BKUG NAS DKYIL 'KHOR LA BSTIM PAR BYA'O ZHES BSTAN TO, ,RDO RJE SKU GSUM ZHES BYA BA NAS DGOD PAR BYA'O ZHES BYA BA'I BAR DU NI RIGS PA'I DBANG BSKUR BA'I DUS SU THABS DANG SHES RAB SNYOMS PAR ZHUGS PA LAS BYUNG BA'I BYANG CHUB KYI SEMS KYI THIG LE 'OD ZER GYI TSOGS KYIS BSKUL BA'I DE BZHIN GSHEGS PA DANG, DE BZHIN DU YE SHES KYI CHUS GANG BA'I BUM PA BSNAMS PA SPYAN LA SOGS PA RDO RJE SEMS DPA' RING NGE 'DZIN LA GNAS PA'I RDO RJE SLOB DPON GYIS BSGOM LA, DE RNAMS KYIS SLOB MA DBANG BSKUR TE DE'I BA SPU'I BU GA'I SGO NAS DE RNAMS BCUG LA DE BZHIN GSHEGS PA THAMS CAD KYI NGO BOR BYA'O ZHES BSTAN TO, ,DE LTAR ZHES BYA BA NAS SLOB MAS DBUGS DBYUNG BAR BYA'O ZHES PA'I BAR DU NI RIG PA'I DBANG BSKUR SBYIN PA'I PHYIR RAM, PHYIR MI LDOG PA'I DBANG SBYIN PA'I DON DU KHAMS GSUM PA'I CHOS KYI RGYAL SRID LA RAB TU GZHAG PAR BYED PA, MI PHYED PA RDO RJE 'CHANG CHE PO'I RANG BZHIN DBANG BSKUR KHYOD LA SBYIN NA DE NAS KHYOD KYIS JI LTA BA BZHIN DU NAN TAN BYA'O ZHES BSTAN TO, ,DE LA ZHES BYA BA NAS BLA MAS DBANG BSKUR SBYIN PAR BYA'O ZHES PA'I BAR DU NI JI LTAR BCOM LDAN 'DAS RDO RJE 'CHANG CHEN POS MI BSKYOD PA LA SOGS PA

, ,LA DBANG BSKUR BA DE BZHIN DU SHIN TU BSGRAL BAR DKA' BA'I 'KHOR BA'I RGYA MTSO LAS BSGRAL BA'I DON DU BCOM LDAN 'DAS RDO RJE BLA MA DE BZHIN DU BDAG LA YANG STZOL LO ZHES RDO RJE SLOB MAS BLA MA LA GSOL BA GDAB PAR BYA BA DANG DE BZHIN DU DE DANG 'DRA BA'I ZHU BAS MGU BA'I RDO RJE SLOB DPON GYIS, PHYIR MI LDOG PA'I DBANG DE LA SBYIN PAR BYA'O ZHES BSTAN TO, ,LHA'I GZUGS ZHES BYA BA NAS DGOD PAR BYA'O ZHES PA'I BAR DU NI PHYIR MI LDOG PA'I DBANG BSKUR GYI MTHAR NAM MKHA'I KHAMS NA BZHUGS PA'I DE BZHIN GSHEGS PA LA SOGS PA GANG GIS SLOB MA DBANG BSKUR BA DE RNAMS GCIG TU BSDUS TE 'OD ZER GYI TSOGS KYI TSUL DU TSANGS PA'I SGO NAS 'JUG CING SKU'I DKYIL 'KHOR KHYAB NAS GNAS PA BSGOMS LA, DE'I SNYING GA'I PADMAR LHAG PAR MOS PA'I DBANG GIS YI DAM GYI LHA DGOD PAR BYA'O ZHES BSTAN TO; ,DE LTAR ZHES BYA BA NAS ZHES KYANG GSUNGS ZHES PA'I BAR DU NI SNANG BAR GYUR PA'I SHES RAB DANG LDAN PA'I SLOB MA LA DKYIL 'KHOR GYI DE KHO NA NYID DANG, ,LHA'I DE KHO NA NYID DANG, LE'U LNGA PA LAS GSUNGS PA'I DAM TSIG LNGA SBYIN PAR BYA'O ZHES BSTAN TO, ,SNGAGS KYIS ZHES BYA BA NAS LHA'I RNAL 'BYOR BYIN LA ZHES PA'I BAR DU NI SLOB MAS ZHUS PA'I BLA MAS, DE'I MOS PA SPYAD CING DRIS LA DE DANG RJES SU MTHUN PA'I SNGAGS DANG DE'I BRJOD PAR BYA BAR 'GYUR BA'I LHA'I TING NGE 'DZIN LA SBYIN PAR BYA'O ZHES BSTAN TO, ,GSANG BA ZHES BYA BA NAS RNYED PAR MI DKA' BA'O ZHES BYA BA'I BAR DU NI MCHOD PA SNGON DU 'GRO BAR GSOL BA GDAB STE, SLOB MAS BLA MA LA PHYAG RGYA DBUL BAR BYA BA DANG, DES KYANG SNYOMS PAR ZHUGS PA'I RIM GYIS SANGS RGYAS THAMS CAD BKUG LA, NGAG GI LAM NAS ZHUGS TE SNANG BA LA SOGS PA'I RIM GYIS DE KHO NA NYID MYONG ZHING PHYAG RGYA'I PADMAR BYANG CHUB KYI SEMS SPRO ZHING DE LAS SA LA MA LHUNG BA DUNG PHOR GYIS BLANGS LA LHAG MA BDUD RTZI BZHI DANG SBYAR TE YI GE GSUM GYIS SBYANGS PA LA SOGS PA BYAS NAS DE BZHIN GSHEGS PA THAMS CAD BSDUS PA'I BLOS KYE MA HO BDE BA CHEN PO ZHES TSIG

BRJOD PA'I SLOB MA SPYOD DU GZHUG GO ZHES BSTAN TO, ,RNYED PAR MI DKA' BA NI RDO RJE SEMS DPA'I GO 'PHANG RNYED PAR DKA' BA MA YIN TE DE'I DUS NAS BRTZAMS TE ZHES BYA BA NAS 'BYUNG BAS SO, ,DE LTAR ZHES BYA BA NAS BAR DU'O ZHES BYA BA'I BAR DU NI RIG PA'I DBANG BSKUR BA'I 'OG TU SLOB MA LA LHA'I DE KHO NA NYID BSTAN PAR BYA STE, DE LA SOGS PA KHAMS BZHI'I RANG BZHIN GYI SPYAN MA LA SOGS PA DKYIL 'KHOR DU SNANG BA YIN PA DE RNAMS 'DOD CHAGS KYI RIGS CAN SEMS CAN RJES SU GZUNG BA'I DON DU RNAM PAR SNANG MDZAD LA SOGS PA YONGS SU GYUR PA LAS BYUNG BA YIN GYI ZHI BA LA SOGS PA'I LAS KYI TSOGS BZHI SGRUB PAR BYED PA'I PHYIR YIN PAR BSTAN TE, DE KHO NA NYID LA SKYES PA DANG BUD MED KYI DBYE BA NI MED DE THA MI DAD PA'I PHYIR RO, ,DE YANG NYE BAR MTSON PA TZAM YIN TE GZHAN YANG ZHI BA DANG DRAG PO DANG BAR MA'I GZUGS CAN GYI DE BZHIN GSHEGS PA DANG BYANG CHUB SEMS DPA' DANG LHA MO DANG KHRO BO RNAMS NI DE DANG DE RNAM PAR DAG PA DANG LDAN PA RTOGS PAR BYA'O, ,DE LAS ZHES BYA BA NAS MNYES PAR 'GYUR RO ZHES PA'I BAR DU NI MCHOD PA'I DUS DANG SBYIN SREG GI DUS SU RDO RJE 'CHANG CHEN PO LA SOGS PA'I RNAL 'BYOR PA RNAMS KYIS KHA NA MA THO BA MED PA GLANG PO LA SOGS PA'I SHA SBYANG BA LA SOGS PA'I RIM GYIS SBYANGS BAS DKYIL 'KHOR PA RNAMS TSIM PA DANG DAM TSIG GI ME LHA'I ZHAL NAS YE SHES KYI ME LHA TSIM PA DANG, DE TSIM PAS MA GU BAR GYUR PA DE BZHIN GSHEGS PA RNAMS KYIS SGRUB PA PO LA DNGOS GRUB STZOL BAR 'GYUR RO ZHES BSTAN TO, , NYIN RE ZHES BYA BA NAS ZHES BYA BAR DGONGS SO ZHES PA'I BAR DU NI GSANG BA'I DBANG BSKUR THAMS CAD KYI MTHAR RAM, PHYI DANG NANG DANG GSANG BA'I MCHOD PAS TSOGS KYI 'KHOR LO BYA'O ZHES BSTAN TO, ,DE YANG LE'U DANG PO NAS RGYAS PAR BSTAN PAS 'DIR MA BSHAD DO, ,BDUD RTZI LNGA ZHES BYA BA NAS BKA' STZAL TO ZHES PA'I BAR DU NI BDUD RTZI LNGA'I SPYOD PA'I DUS SU DE NYID SBYANG BA LA SOGS PA'I RIM PAS SBYANGS NAS 'BAR BAR 'GYUR RO, ,DE'I MTHUS KYANG LAS DANG PA PO RNAMS KYIS SMOD PA'I SEMS BZLOG NAS RTOG PA MED PA'I SEMS KYIS SPYOD PA LA RTZOL BAR

, ,'GYUR RO ZHES BSTAN TO, ,RDZOGS PA'I RIM PA LA GNAS PA'I RANG BZHIN GYIS DAG PA'I CHOS THAMS CAD YONGS SU SHES PAS SMOD PA'I SEMS MI 'BYUNG STE, CHOS THAMS CAD RANG BZHIN GYIS DAG PAS KYANG RANG BZHIN GYIS DAG PA'O ZHES BSHAD PA'I PHYIR RO, ,DE YANG RIGS PA DANG LUNG DAG GIS SNGAR BSHAD ZIN TO, ,'DI LTAR ZHES BYA BA NAS GO SLA'O ZHES PA'I BAR DU NI SNGAGS KYI LAM GYIS ZHI BA DANG RGYAS PA DANG DBANG DANG DGUG PA DANG RNAM PAR SDANG BA DANG, GNAS SPONG BA DANG RENGS BA ZHES BYA BA 'JIG RTEN PA'I DNGOS GRUB BRGYAD DANG 'KHOR LO DANG RDO RJE DANG RIN CHEN DANG PADMA DANG RAL GRI DANG RI LU DANG MIG SMAN DANG RKANG MGYOGS LA SOGS PA DNGOS GRUB CHEN PO BRGYAD DANG, 'JIG RTEN LAS 'DAS PA'I PHYAG RGYA CHEN PO'I DNGOS GRUB KYANG 'GRUB PAR 'GYUR RO ZHES BSTAN TO, ,PHA ROL PHYIN PA'I TSUL GYIS NI; ;SHIN TU 'BAD PAS BSGRUB PAR BYA'O, ,ZHES BYA BA NI, PHA ROL PHYIN PA'I RNAL 'BYOR PAS MTHONG BA DANG BSGOM PA'I LAM GYI RIM GYIS BSKAL PA GRANGS MED PA GSUM GYIS BYANG CHUB THOB PAR 'GYUR RO, ,'DIR NI 'BAD RTZOL MED PAS SO, ,BSHANG GCIS ZHES BYA BA NAS DE SKAD CES GSUNGS TE ZHES PA'I BAR DU NI MAR WE SHO MU DANG KU GO DA HA NA CHA MNYAM PAR BYAS NAS BTAGS TE THOD PA KHA SBYAR DU BZHAG NAS YI GE DGU PA'I SNGAGS KYIS BYIN GYIS BRLABS NAS SBYANG BA LA SOGS PA'I RIM GYIS SBYANGS LA TSES BRGYAD PA'AM BCU BZHI PA'I GANG YANG RUNG BA'I ZHAG LA YUNGS KAR GYI 'BRU'I TSAD TZAM GYI RI LU SUM BRGYA DRUG CU GRIB MA LA BSKAM PAR BYAS NAS, NYIN RE RI LU GCIG CIG KHAR BCUG NAS SGOM PAR BYED NA DE'I TSE RIG PA 'DZIN PA DANG 'DRA BAR 'GYUR RO ZHES BSTAN TO, ,DE LA ZHES BYA BA NAS BKA' BSGO PA'I TSIG GO ZHES PA'I BAR DU NI RNAM PAR SNANG MDZAD LA SOGS PA'I RNAL 'BYOR PA RNAMS KYIS KHA DOG DMAR PO'I 'OD ZER LNGA'I TSOGS DANG BCAS PA'I YI GE HRA NAM MKHA' LA BSAMS TE, NAM MKHA'I KHAMS DE YANG THUGS RDO RJE LA SOGS PA DE BZHIN GSHEGS PA RNAMS DANG LHA MO DANG

BYANG CHUB SEMS DPA' DANG KHRO BO RNAMS KYIS YONGS SU GANG BAR BSGOMS LA, DE RNAMS KYI SKU GSUNG THUGS KYI SA BON AA KHAm DHI ZHES BYA BA YI GE HRI LA ZHUGS TE, DE YONGS SU GYUR BA LAS GNOD MDZES RGYAL PO LA SOGS BA GANG YANG RUNG BA'I KHRO BO BSAMS LA, DE LA AOm ZHES BYA BA'I SNGAGS KYIS BKA' SBYIN TE, DE SONG ZHING LOG NA SGRUB PA PO LA 'JIG RTEN DANG 'JIG RTEN LAS 'DAS PA'I DNGOS GRUB STZOL BAR 'GYUR RO ZHES BSTAN PA DANG, DE BZHIN DU RNAM PAR SNANG MDZAD KYI RNAL 'BYOR PAS ZLA BA DANG NYI MA LA GNAS PA'I GSHIN RJE MTHAR BYED DANG, 'OD DPAG TU MED PA'I RNAL 'BYOR PAS PADMA DANG NYI MA LA GNAS PA'I RTA MGRIN DANG, MI BSKYOD PA'I RNAL 'BYOR PAS PADMA DANG NYI MA LA GNAS PA'I GNOD MDZES KYI RGYAL PO 'AM GZHAN GYIS MI THUB PA'I BKA' NYAN BSGRUB PAR BYA'O ZHES BSTAN TO, ,DE LTAR BDAG PO ZHES BYA BA NAS GSUNGS SO ZHES PA'I BAR DU NI RIGS KYI DBYE BAS 'DOD PA'I RGYAL PO LA SOGS PA KHRO BO DRUG LAG NA LCAGS KYU LA SOGS BA THOGS PA BSGRUB PAR BYA'O ZHES BSTAN TO, ,LCAGS KYU DBYIG BA RTZE GSUM DANG, ,RAL GRI GRVA RU DGOD PAR BYA, 'DOD PA DBYIG PA MI G-YO STOBS, ,GNOD MDZES GTZUG TOR STENG 'OG GO, ,ZHES GSUNGS PA'I PHYIR RO, ,DES NI KHRO BO BCU'I BKA' NYAN BSGRUB PAR BYA'O ZHES BSTAN TO, ,'O NA DE BZHIN GSHEGS PA DANG LHA MO DANG BYANG CHUB SEMS DPA'I BKA' NYAN CI'I PHYIR MA GSUNGS SHE NA SMRAS PA, 'DIR DNGOS GRUB 'DOD PA'I SGRUB PA POS LO SKOR GCIG GAM ZLA BA DRUG GAM BZHI 'AM GSUM MAM GCIG GAM ZLA PHYED KYIS RTZOM PAS KYANG DNGOS GRUB THOB PAR MI 'GYUR NA, DE'I TSE ZHAG BDUN GYIS DNGOS GRUB THOB PA'I PHYIR KHRO BO'I GZUGS CAN BKA' NYAN KHO NA SGRUB PAR BYED DE, DE'I TSE DE'I MTHUS, BZANG DANG, SBYIN PA DANG, DBYE BA DANG, 'CHAD PA ZHES BYA BA'I THABS BZHI POS DE BZHIN GSHEGS PA RNAMS LA BRTEN TE, STOBS KYIS DNGOS GRUB THOB PAR 'GYUR RO, ,DA YANG LE'U BCU PA NAS RGYAS PAR BSHAD PAS 'DIR MA BSTAN TO, ,DON NI BSHAD ZIN TO ZHES PA NI LE'U BCU GNYIS PA

, ,NAS DRANG BA DANG NGES PA'I DON GYI DBYE BAS BSHAD DO, ,'DIR ZHES PA NI GNAS LA'O, ,SANGS RGYAS NI RDO RJE 'CHANG NYID DO, ,BSGRUB PAR BRTZAM PA NYID DO ZHES PA NI 'CHAD PAR 'GYUR BA BSGRUB PAR BYA'O ZHES TSIG LHAG MA STE, BKA' NYAN BSKUL BA ZHES BYA BA'I THA TSIG GO, ,RI RAB CES BYA BA NAS RDO RJE 'CHANG CHEN PO'O ZHES PA'I BAR DU NI BKA' NYAN SGRUB PA'I SGRUB PA PO'I GRANGS MED CING TSAD MED PA BRAN DANG BRAN MO DANG PHO NYA DANG PHO NYA MO DANG BKA' NYAN DANG BKA' NYAN MO LA SOGS PA 'KHOR RNAMS DBANG DU 'GYUR BA DANG, DE BZHIN DU GRANGS MED CING TSAD MED PA BCOM LDAN 'DAS SANGS RGYAS KYIS BZHUGS PAR GYUR PA'I ZHING GANG YIN PA DE RNAMS SKAD CIG TZAM GYI PHYIN NAS LOG PA DANG, DE BZHIN DU MNGON PAR DGA' BA LA SOGS PA'I SANGS RGYAS KYI ZHING LA BZHUGS PA'I DE BZHIN GSHEGS PA'I DRUNG DU PHYIN NAS DE'I MAN NGAG THOS PA'I NUS PAS MTHAR BDEN PA GNYIS DBYER MED PA'I RDO RJE 'CHANG CHEN PO'I GO 'PHANG THOB PAR 'GYUR RO, ,DE LA 'DI NI ZHES BYA BA NAS BYIN GYIS BRLAB PAR BYA'O ZHES PA'I BAR DU NI 'JIG RTEN PA'I GNOD SBYIN LA SOGS PA'I BKA' NYAN DANG, 'JIG RTEN LAS 'DAS PA'I GSHIN RJE MTHAR BYED LA SOGS PA'I BKA' NYAN DE DAG THAMS CAD SNGAGS KYI RGYAL PO YI GE GSUM GYIS BSKUL BAR BYAS TE, LAS LA NGES PAR BYA'O ZHES BSTAN TO, ,DE YANG LE'U BCU PA NAS GSUNGS SO, ,DE LA ZHES BYA BA NAS GNAS SKABS SHES PA'I BAR DU NI BKA' NYAN BSKUL BA MDOR BSTAN PA BSHAD DO, ,DE YANG ZHES BYA BA NAS NGES PAR SBYOR BA'O ZHES PA'I BAR DU BZANG BA DANG SBYIN PA DANG DBYE BA DANG 'CHAD PA'I DBYE BAS BKA' NYAN LA BSKUL BA BSTAN TO, ,DE NYID BSTAN PA'I RDO RJE 'CHANG CHEN PO'I BKA' ZHES SMOS TE, RDO RJE 'CHANG CHEN PO'I GZUGS CAN GYI SGRUB PA PO'I BKA'O, ,GSOL BA BTAB PA'O ZHES PA NI BDAG PO'I BKA' NYAN NAS DE BZHIN GSHEGS PA'I SPYAN SNGAR PHYIN TE, MCHOD PA SNGON DU 'GRO BA'I TSIG SNYAN PA'I ZHU BAS DE RNAMS MNYES PAR BYAS NAS, SGRUB PA PO LA DNGOS GRUB STZOL BA'I DON DU BKA' NYAN

GYIS GSOL BA GDAB PAR BYA'O ZHES BYA BA'I BAR DU'O, ,DES NI BZANG PO ZHES BYA BA THABS DANG PO BSTAN TO, ,DAM TSIG STONG PA ZHES BYA BAS SBYIN PA ZHES BYA BA THABS GNYIS PA BSTAN PAR BYA STE, DAM TSIG DE NYID KYIS ZHES BA NI RDO RJE 'CHANG GIS BKA' BSGO BA'I BKA' NYAN GYIS SO, , BYA BA RNAMS LA SBYAR NAS ZHES PA NI ME TOG RDO RJE MA LA SOGS PA'I PHYI'I MCHOD PA DANG BDUD RTZI DANG LCAGS KYU LA SOGS PA NANG GI MCHOD PA DANG SNYOMS PAR ZHUGS PA'I MTSAN NYID KYIS GSANG BA'I MCHOD PAS MNYES PAR BYA'O ZHES SBYIN PA ZHES BYA BA'I THABS GNYIS PA BSTAN TO, ,DAM TSIG NI BSGRUB PAR BYA BA'I DON TO ZHES PA NI PHYAG RGYA CHEN PO'I DNGOS GRUB KYI MTSAN NYID KYI DON ZHES BYA BA'I DON TO, ,DE LAS BOD CING MING DANG SBYAR NAS ZHES PA NI BKA' NYAN SONG NAS DE BZHIN GSHEGS PA'I DRUNG DU PHYIN NAS BSAM GTAN LA CHAGS PA'I THUGS DANG LDAN PA DE RNAMS KYIS RDO RJE THO BAS THUGS LA BRDEG CING CHE GE MO ZHES BYA BAS SGRUB PA POS KHYED RNAMS KYI BSTAN PA LA DGA' BA ZHES BYA BA'I ZHU BAS RAB TU SAD LA SLAR YANG BZLOG NAS SGRUB PA PO LA DBUGS DBYUNG BAR BYA BA'O, ,DE NI DBYE BAS ZHES BYA BA'I THABS BSTAN PA YIN NO, ,DAM TSIG TU BYED PA'O ZHES BYA BA NI RDO RJE 'CHANG CHEN PO'I GO 'PHANG THOB BA'I MTSAN NYID DE 'GRO BA'I DON BYED PA'I PHYIR RO, ,DE LA 'CHING ZHING NGES PAR SBYAR BA ZHES PA NI THABS GSUM GYIS KYANG MA GRUB NA BKA' NYAN GYI LCAGS KYU DANG ZHAGS PAS RLUNG GI DKYIL 'KHOR GYI SBYOR BAS BKUG LA PHYAG RGYA'I PADMA LA GNAS PA'I GRU GSUM GYI ME YIS BSREG CING, DE'I RNAM PAR SHES PA YANG DE BZHIN GSHEGS PA'I GZUGS SU BSKYED LA RANG GI BDAG NYID LA 'JUG CING RO GCIG PAR BYA'O ZHES PA 'DIS 'CHAD PA ZHES THABS BZHI PA BSTAN PA YIN NO, ,THABS BZHI PO DE RNAMS KYIS ZHAG BDUN GYI RNAL 'BYOR PAS DNGOS GRUB THOB PAR 'GYUR RO ZHES BSTAN TO, ,DE LTAR ZHES BYA BA NAS BKA' STZAL PAR ZHES BYA BA'I BAR DU NI SGRUB PA POS BSKUL BA'I BKA' NYAN GYIS NAM MKHA'I KHAMS GZUGS MED PA YANG GZUGS DANG LDAN

, ,PAR BYED DO ZHES BYA BAS PHUL DU PHYUNG BA'I TSIG GIS MA BSGRUBS PA YANG GRUB PA NYID DU BSTAN TO, ,DE NI ZHES BYA BA NAS BSHAD PA YIN NO ZHES BYA BA'I BAR DU NI, RE ZHIG DANG PO'I RNAL 'BYOR PAS STONG PA NYID LA TING NGE 'DZIN MNGON DU BYAS PA SNGON DU 'GRO BA SNA TSOGS PADMA DANG NYI MA'I DKYIL 'KHOR GYI STENG DU YI GE MAm LAS BSKYED PA'I YI GE 'BRU DANG BCAS PA'I RAL GRI YONGS SU GYUR PA LAS BCOM LDAN 'DAS 'JAM PA'I RDO RJE ZHAL GSUM PA PHYAG DRUG PA KHA DOG DMAR PO DANG DKAR PO DANG NAG PO'I ZHAL GSUM MNGA' BA, RTZA BA'I PHYAG GNYIS KYIS YI GE GSUM YONGS SU GYUR BA LAS BSKYED PA'I GZHU DANG MDA' LNGA 'DZIN PA DE LA GZHU'I CHANG GZUNGS NI YI GE H'Um LAS BYUNG BA DANG, MCHOG MA GNYIS PO YANG YI GE AOm DANG A'A: LAS BYUNG BA GZHU RGYUD KYANG DE BZHIN DU BSGOMS TE MDA' RNAMS KYANG MDE'U AOm LAS BSKYED PA DANG, SMYUG MA DANG LTONG A'A: DANG H'Um GIS BSKYED PAR BSAMS LA, BDAG NYID KYANG RDO RJE SKYIL KRUNG LA GNAS PAR BLTAS NAS NYI MA'I DKYIL 'KHOR DANG ME'I DKYIL 'KHOR GYI STENG DU, RGYAL PO LA SOGS PA'I BSGRUB BYA MDUN DU BZHAG NAS DE'I SNYING GA DANG SPYI BO DANG LTE BA DANG GSANG BA DANG RKANG PA GNYIS LA MDA' DE RNAMS CIG CAR DU 'PHANGS PAR BSGOMS TE, DE RNAMS KYIS MI G-YO BA BRGYAL BAR 'GYUR BA SKYABS MED PA SGRUB PA PO LA ZHAL BLTAS PA DE'I ZHABS LA LHUNG BAR BSAM PAR BYA'O, ,DE'I TSE RGYAL PO LA SOGS PA BDAG NYID DANG NOR GYIS DBANG DU 'GYUR RO ZHES BSTAN TO, ,SMYO BYED SMYOS BYED PA DANG RMONGS BYED DANG, ,GDUNG BYED PA DANG SKEM BYED ZHES BYA'I MDA', ,'DOD PA'I LHA YI MTSON CHA DAM PA NI, ,DON DANG LDAN PA'I LNGA PO MNGON PAR 'DOD, ,CES 'BYUNG NGO, ,DE LA MDA' DANG POS BSGRUB BYA'I DBANG PO SMYO BAR BYED PAS SMYO BYED CES BYA'O, ,DE NAS DE'I DBANG PO THAMS CAD DGA' BAR BYED PAS NA SMYOS PAR BYED PA NI GNYIS PA'O, ,DE DAG RNAM PAR SHES PA'I DRAN PA MED PAR RANG GIS BYED PA DE NI RMONGS PAR BYED PA STE GSUM PA'O, ,DBANG PO DANG YUL DANG RNAM PAR SHES PA NYAMS PAS GANG GIS SHING BZHIN DU SA LA LHUNG BAR BYED PA DE NI

BRGYAL BAR BYED PA'I GRAGS PA CAN TE BZHI PA'O, ,RO BZHIN DU YAN LAG DANG NYING LAG GANG SKUL BAR BYED PA DE NI MI G-YO BAR BYED PA DE SKEM BYED PA NI LNGA PA'O, ,MDA' LNGA PO DE DAG GZHU LAS CIG CAR DU 'PHANG BAR BYA'O ZHES KHA CIG ZER RO, ,GZHAN DAG NA RE RIM GYIS 'PHANG BAR BYA'O ZHES ZER RO, ,DE NI 'JAM PA'I RDO RJE BSGOMS PA'I SGO NAS RDO RJE YAN LAG MED PA'I TING NGE 'DZIN RAB TU BSTAN TO, ,GDUL BA'I DON GYI ZHES BYA BA NAS SGRUB PA POS MTHONG BAR 'GYUR BA'O ZHES PA'I BAR DU NI YI GE H'Um YONGS SU GYUR PA LAS SANGS RGYAS KYI DKYIL 'KHOR NAM MKHA'I BAR SNANG LA BSGOMS TE, BSGRUB PAR DKA' BA'I BSGRUB BYA RNAMS KYI MIG 'BRAS LA YI GE AOm DGOD CING KHYED RNAMS KYIS NAM MKHA' MTHONG BAR GYIS SHIG CES BSKUL BAS DE RNAMS KYIS MNGON SUM DU SANGS RGYAS KYI 'KHOR LO MTHONG BAR 'GYUR RO, ,DE LTAR GYUR NA DE RNAMS GDUL BAR 'GYUR RO ZHES BSTAN TO, ,DKYIL 'KHOR LA 'JUG PA'I DUS SU TING NGE 'DZIN 'DI YIN NAM YANG NA MIG 'PHRUL GYI SBYOR BA YIN NO, ,BKRES SKOM ZHES BYA BA NAS RDO RJE 'CHANG CHEN PO'I ZHES BYA BA'I BAR DU NI RIN CHEN 'BYUNG LDAN GYI TING NGE 'DZIN LA GNAS PA'I RNAL 'BYOR PA'I TING NGE 'DZIN LAS DUB NA BKRES SKOM BZLOG PAS TSE DANG NAD MED PA DANG LANG TSO DANG LDAN PAR 'GYUR RO ZHES BSTAN TO, ,DE NAS ZHES BYA BA NAS DE LA DE SKAD CES BYA'O ZHES PA'I BAR DU NI RE ZHIG DANG PO RNAL 'BYOR PAS NAM MKHA'I KHAMS SU YI GE DHI BSGOMS LA, DE YONGS SU GYUR PA LAS KHA DOG SER PO'I RDO RJE BSGOMS LA DE LAS SPRO BA DANG BSDU BA'I RIM GYIS BCOM LDAN 'DAS KHA DOG SER PO ZHAL GSUM PA LA SOGS PA LTA BU SNA TSOGS PADMA DANG ZLA BA'I GDAN LA BZHUGS PA ZHI BA DANG SGEG PA'I NYAMS DANG LDAN PAR BDAG GIS BSGOMS TE, RANG GI BA SPU'I BU GA'I KHONG STONG NAS 'BYUNG BA'I 'OD ZER SER PO LA SOGS PA'I TSOGS KYIS 'GRO BA TSIM ZHING RGYAS PAR BYAS NAS GNAS PAR BYA'O ZHES BYA BA'I TING NGE 'DZIN 'DIS ZHI BA LA SOGS PA'I LAS KYI TSOGS 'GRUB PAR 'GYUR RO ZHES BSTAN TO, ,DE NAS ZHES BYA BA

, ,NAS, DE NI DE SKAD CES BYA'O ZHES PA'I BAR DU NI RE ZHIG DANG PO STONG PA NYID KYI DE KHO NA NYID LA DMIGS PA SNGON DU 'GRO BAS SNA TSOGS PADMA DANG NYI MA'I DKYIL 'KHOR LA YI GE H'Um BKOD PA LAS BSKYED PA'I RDO RJE BSGOMS LA, DE YONGS SU GYUR BA LAS BDAG NYID ZHAL GSUM PHYAG DRUG PA RGYAN THAMS CAD KYIS BRGYAN PA KHA DOG SER PO SEMS DPA' GSUM GYI BDAG NYID CAN DE'I BDAG NYID DKYIL 'KHOR MA LUS PAS YONGS SU BSKOR BA, BCOM LDAN 'DAS MA SKUL BYED MA'I GZUGS BSGOMS TE, 'OD ZER GYI TSOGS SPROS PAS GDUG PA THAMS CAD 'JOMS SHING RANG GI TING NGE 'DZIN LA GNAS PAR BYA'O ZHES BSTAN TO, ,DE NAS ZHES BYA BA NAS DE LA DE SKAD CES BYA'O ZHES PA'I BAR DU NI RE ZHIG DANG PO RNAL 'BYOR PAS STONG PA NYID LA DMIGS PA SNGON DU 'GRO BAS SNA TSOGS PADMA DANG ZLA BA'I DKYIL 'KHOR GYI STENG DU KHA DOG SER PO DZAm BKOD NAS DE LAS 'OD ZER SPRO BA DANG BSDU BA'I RIM GYIS SANGS RGYAS THAMS CAD KYI TSOGS 'JUG LA, DE YONGS SU GYUR PA LAS BCOM LDAN 'DAS ZHAL GSUM PA PHYAG DRUG PA KHA DOG SER PO PHYAG G-YAS PA NA MA DU LUNG GA DANG LCAGS KYU DANG MDA' 'DZIN PA, G-YON PA NA ZHAGS PA DANG NE'U LE'U GTER DANG GZHU 'DZIN PA, DE'I GZUGS PA DANG 'DRA BAS BCOM LDAN 'DAS MA NOR RGYUN MA DANG SNYOMS PAR ZHUGS PA, SEMS DPA' GSUM GYI BDAG NYID CAN MGO BO LA SOGS PA LA, SANGS RGYAS LNGA'I YIG 'BRU AOm LA SOGS PA LNGA YONGS SU GYUR PA LAS DE BZHIN GSHEGS PA LNGAS BRGYAN PA, BDAG NYID 'PHAGS PA DZAm BHA LAR BSGOMS NAS RANG GI SNYING GA LAS DE 'DRA BA SPRUL ZHING DE'I MDUN DU PADMA DANG ZLA BA LA GNAS PA'I SPYI BOR BCOM LDAN 'DAS RDO RJE SEMS DPA' PHYAG RGYA MA DANG SNYOMS PAR ZHUGS PAR BSAMS TE, DE SNYOMS PAR ZHUGS PA LAS BYUNG BA'I BYANG CHUB KYI SEMS KYI CHU RGYUN AOm DZAm BHA LA DZA LANDRA'A YA SV'A H'A ZHES BYA BA'I SNGAGS KYIS TSANGS PA'I SGO NAS BDUD RTZI'I RGYUN SBYIN PAR BYA'O, ,DE'I TSE NOR DANG 'BRU LA SOGS PA 'PHEL BAR 'GYUR RO ZHES BSTAN TO, ,

DE NAS ZHES BYA BA NAS DE LA DE SKAD CES BYA'O ZHES BYA BA'I BAR DU NI RE ZHIG DANG PO RNAL 'BYOR PAS STONG PA NYID LA DMIGS PA SNGON DU 'GRO BAS BDAG NYID 'JAM PA'I RDO RJE GZHON NU'I DBYIBS CAN BSGOMS LA, MDUN DU NAM MKHAR RNAM PA SNA TSOGS KYI RIN PO CHE'I GZHAL YAS KHANG PA RNAM PA SNA TSOGS KYI KUN DU DGA' BAS BSKOR BA DPAG BSAM GYI SHING LA SOGS PA'I ME TOG GI DRIS PHYOGS BCU'I 'JIG RTEN GYI KHAMS KHYAB PA DE'I NANG DU RIN PO CHE MA RA GA TA'I GDAN GYI STENG DU YI GE KshEm YONGS SU GYUR BA LAS GNOD SBYIN MO'I TSOGS BSGOMS LA, THAMS CAD YONGS SU GYUR PA LAS GNOD SBYIN MO GCIG LO BCU DRUG LON PA NU MA DANG SMAD RGYAS PAS MDZES PA KHA DOG SNGON PO SKRA PHYED BKROL BA CHAGS PA CHEN PO'I MES YAN LAG THAMS CAD GDUNG BA LAG PA GCIG GIS GDAN MNAN PA DANG, GNYIS PAS AUTPALA SNGON PO RTZE GCIG PA'I DON DU BSNAMS PA BSAMS TE, DE'I SNYING GAR PADMA'I LTE BAR YI GE KshEm BKOD NAS, DE BZHIN GSHEGS PA LNGA'I SA BON GYIS BYIN GYIS BRLABS PA, SPYI BOR SNA TSOGS RDO RJE'I STENG DU SMIN MA SDUD PAS 'JIGS PA'I 'PHAGS PA BDUD RTZI 'KHYIL BA BKOD CING DES MNAN PA SDIGS MDZUB BYED PA BSGOMS TE, DE DANG LHAN CIG SNYOMS PAR ZHUGS PA'I RIM GYIS MCHOD PAR BYA'O, ,DE LTAR BYAS NAS GNOD SBYIN MO RNAMS DBANG DU 'GYUR RO ZHES BSTAN TO, ,DNGOS GRUB CES BYA BA NAS, ,GNAS PA'O ZHES BYA BA'I BAR DU NI 'JIG RTEN PA'I MKHA' 'GRO MA LA BSGRUB PA BSTAN TO, ,DE RNAMS NI 'JIG RTEN PA'I MKHA' 'GRO MA LUS KYI MIG 'PHRUL DANG LDAN PA YIN TE, GZUGS SNA TSOGS LEN PAS ZHES PA NI PHYUGS DANG RI DAGS DANG BYA DANG SBRUL GYI GZUGS BSTAN PAS SO, ,SGRA SNA TSOGS KYIS ZHES PA NI GSAL BA DANG MI GSAL BA'I TSIG GI BYE BRAG GI RGYUN GYIS SO, ,JI LTAR MNGON PAR 'DOD PA'I DON THOB PAS ZHES PA NI 'DOD PA'I YON TAN LNGA LHA DANG MI'I 'BREL PA CAN 'DOD PA TZAM GYIS THOB PAS SO, ,DE RNAMS KYI GZUGS 'DZIN PA NI DE DANG 'DRA'O ZHES PA NI RDO RJE MKHA' 'GRO MA

, ,DANG 'DRA BA'I GZUGS YIN GYIS MTHU NI MI 'DRA'O, ,NYE BAR MTSON PA'I MTSAN NYID KYIS ZHES PA NI RIGS KYI DBYE BAS KHA DOG LNGA'O, ,RANG GI NGO BO YONGS SU 'GYUR BA ZHES PA NI GZUGS BSGYUR BA DANG PHRA MO DANG CHEN PO'I GZUGS BSTAN PA DANG, 'BAR BA DANG SNANG BA DANG 'OD SPRO BA LA SOGS PA DANG, CHO 'PHRUL STON PAR BYED PA DE LTAR GYUR PA BSGRUB PAR BYA'O, ,'DIR BSDUS PA'I DON NI 'DI YIN TE, MI BSKYOD PA'I RNAL 'BYOR DANG LDAN PA SNGAR BSHAD PA'I GZHAL YAS KHANG PA'I NANG DU KHA DOG NAG PO'I GNOD SBYIN MO BSKYED LA, DE'I SPYI BOR GNOD MDZES KYI RGYAL PO BKOD NAS BSGRUB PAR BYA'O, ,DE BZHIN DU RNAM PAR SNANG MDZAD DANG RIN CHEN 'BYUNG LDAN DANG 'OD DPAG TU MED PA DANG DON YOD GRUB PA'I RNAL 'BYOR PA RNAMS KYIS, ,SNGA MA BZHIN DU GZHAL YAS KHANG PA'I NANG NA DKAR PO DANG SER PO DANG DMAR PO DANG LJANG GU'I GNOD SBYIN MO RAB TU BSKYED NAS, DE RNAMS KYI SPYI BOR GSHIN RJE MTHAR BYED DANG SHES RAB MTHAR BYED DANG, PADMA MTHAR BYED DANG, BGEGS MTHAR BYED BKOD NAS SNYOMS PAR ZHUGS PA'I RIM PAS BSGRUB PAR BYA'O, ,DE'I TSE 'BRAS BU JI LTA BU YIN ZHE NA SMRAS PA, RDO RJE MKHA' 'GRO ZHES BYA BA NAS 'GYUR RO ZHES BYA BA'I BAR DU NI RDO RJE MKHA' 'GRO MA DPAL SANGS RGYAS THAMS CAD MNYAM PAR SBYOR BA'I RGYUD LAS GSUNGS PA'I GOO R'I LA SOGS PA'AM, 'DIR GSUNGS PA'I SPYAN MA LA SOGS PA GANG YIN PA DE RNAMS SNGAR BSHAD PA'I CHO GAS BSKYED LA SNYOMS PAR ZHUGS PA'I RIM PAS SPYOD CING RDO RJE 'CHANG DANG 'DRA BAR 'GYUR RO ZHES BSTAN TO, ,GNOD SBYIN ZHES BYA BA NAS KHYAD PAR RO ZHES BYA BA'I BAR DU NI ZLA BA'I 'OD LA SOGS PA 'JIG RTEN PA'I GNOD SBYIN MO BSGRUBS NAS GLING THAMS CAD KYI BDAG PO'AM, 'DOD PA'I KHAMS KYI BDAG PO'AM, RIG PA 'DZIN PA'I BDAG POR 'GYUR RO ZHES BSTAN TO, ,DE LA ZHES BYA BA NAS RDO RJES DE SKAD CES BKA' STZAL TO ZHES PA'I BAR DU NI 'JIG RTEN PA'I MKHA' 'GRO MA DANG 'JIG RTEN LAS 'DAS PA GANG YIN PA DE RNAMS THAMS CAD GTZUG TOR

'KHOR LOS SGYUR BA LA SOGS PA'I RNAL 'BYOR BAS BSGRUBS LA SANGS RGYAS NYID DANG RDO RJE 'CHANG NYID BSGRUB PAR BYA STE, LHAN CIG SPYOD PA'I PHYIR DANG THA MAL BA MA YIN PA'I GZUGS 'DZIN PA'I PHYIR ZHES BSTAN TO, ,DE LTAR ZHES BYA BA NAS SNYOMS PAR 'JUG PAR BYA'O ZHES PA'I BAR DU NI SPROS PA MED PA'I SPYOD PA DANG LDAN PA SKU GSUNG THUGS KYI RDO RJE'I RNAL 'BYOR PA RNAMS KYIS, RANG GI SHING LA SOGS PA LAS BYAS PA'I GDONG DANG PHYAG DANG PHYAG MTSAN LA SOGS PA BYAS LA DE DANG 'DRA BA YANG KHA DOG SBYAR TE, BCU GNYIS PA DANG BCU DRUG PA DANG, LO NYI SHU PA SME SHA CAN DANG GAR MKHAN DANG KHRUS MKHAN GYI BU MO LEGS PAR BSLABS PA DAM TSIG GI PHYAG RGYA SPYAN MA LA SOGS PA'I GZUGS SU SBYAR BA BLANGS TE DUS BZHIN YUL NAS YUL DU 'GRO ZHING SNYOMS PAR ZHUGS PAR BYAS TE, JI SRID DE DANG LHAN CIG PHYAG RGYA CHEN PO'I DNGOS GRUB THOB PA DE SRID GNAS PAR BYA'O, ,SDONG BU ZHES BYA BA NAS BSNGAGS PA YIN NO ZHES BYA BA'I BAR DU NI PHYAG RGYA DANG LHAN CIG SPYOD PA'I RNAL 'BYOR PAS DMAN PA'I 'TSO BA SPANGS TE JI SNYED PA'I KHA ZAS TZAM GYIS LUS 'TSO BAR BYA'O ZHES BSTAN TO, ,CHOS DBYINGS MNGON PAR BYANG CHUB BA, , JI SNYED PA YI SBYOR BA YIS, ,ZHES BSTAN PA'I PHYIR RO, ,DE RNAMS KYI LE'U DGU PA NAS GSUNGS PA'I DAM TSIG LNGA SPYAD PAR BYA'O ZHES BSTAN TO, ,BSAM GTAN ZHES PA NAS SGRA JI BZHIN PA'O ZHES PA'I BAR DU NI SHIN TU SPROS PA MED PA'I SPYOD PA DANG LDAN PA'I RNAL 'BYOR PAS YE SHES KYI PHYAG RGYA RANG GI SNANG BA'I RANG BZHIN SNYING GA NAS SPROS TE, DE DANG LHAN CIG BDE BA CHEN PO MYONG ZHING NAGS KYI LHA MOS BYIN PA'I KHA ZAS SPYOD PA'AM BSAM GTAN GYI KHA ZAS CAN GYIS JI SRID DNGOS GRUB THOB PA DE SRID GOMS PAR BYA'O ZHES BSTAN TO, ,SGRA JI BZHIN PA'O ZHES PA NI SPYOD PA GNYIS BSTAN PA STE, SPYOD PA JI LTA JI LTAR GSUNGS, ,ZHES BSTAN PAS SO, ,RDO RJE ZHES BYA BA NAS DGONGS PAS BSHAD PA'O ZHES PA'I BAR DU NI PHYAG RGYA DANG LHAN CIG SNYOMS PAR ZHUGS TE THA MAL BA'I LUS SPANGS NAS RDO RJE SKU ZHES BYA BA RDO RJE 'CHANG CHEN PO'I GO 'PHANG THOB PA'I

, ,'BRAS BU BSTAN TO, ,DGONGS PAS BSHAD PA'O ZHES PA NI 'JIGS PA LA SOGS PA'I 'GAL BA'I SGRA'I SGO NAS DE KHO NA NYID BSTAN PAS SO, ,SNGAR BSHAD PA'I LHAN CIG SPYOD MA RDO RJE SA 'OG GI RGYUD LAS GSUNGS PA'I DBANG DANG DGUG PA LA SOGS PA'I CHOGS DGUG CING BSGRUB PAR BYA'O ZHES BSTAN PA'I PHYIR RO, ,LHA MO ZHES BYA BA LA SOGS PA SMOS TE, LHA DANG GNOD SBYIN DANG DRI ZA LA SOGS PA'I BU MO RDO RJE 'JIGS BYED DANG 'BYUNG PO 'DUL BA'I RGYUD LAS GSUNGS PA'I RIM PAS BSGRUB PAR BYA BA DANG, LHA MA YIN GYI BU MO DANG KLU'I BU MO RDO RJE SA 'OG GI RGYUD LAS GSUNGS PA'I RIM PAS BSGRUB PAR BYA'O ZHES BSTAN TO, ,RNAL 'BYOR BA RNAMS TE ZHES PA NI SNGON GYI SANGS RGYAS SO, ,DES BSTEN PA NI DE RNAMS KYI SPYOD PA'O, ,RIG PA'I BRTUL ZHUGS ZHES PA NI DAM TSIG GI PHYAG RGYA DANG LHAN CIG SPYOD PA'I MTSAN NYID DO, ,THUN MONG GI CHO GA'O ZHES PA NI RNAM PAR SNANG MDZAD LA SOGS PA'I RNAL 'BYOR BA LA THUN MONG NGO, ,SGRUB PA PO THAMS CAD KYI ZHES PA NI RIM PA GNYIS KYI RNAL 'BYOR BA RNAMS KYI'O, ,SHIN TU GSANG BA ZHES PA NI BYA BA'I RGYUD LA SOGS PA LA BRTEN PA LA SPA BAR BYA'O, ,DON CHEN PO THOB PAR BYED PA ZHES PA NI THAMS CAD KYI PHUL DU BYUNG BA'I 'BRAS BU THOB PAR BYED PA'O, SKU RDO RJE LA SOGS PA ZHES PA NI LUS LA SOGS PA'I RNAM PAR DAG PA'I NGO BO RNAM PAR SNANG MDZAD DANG SPYAN MA LA SOGS PA'I RGYUS SO, ,RDO RJE SKU LA SOGS PA SKYED PAR BYED PA NI BDEN PA GNYIS KYI BDAG NYID KYI RDO RJE 'CHANG CHEN PO'I GO 'PHANG LA 'JUG PAR BYED PA'O, ,DE NYID BSTAN PA'I PHYIR, DON DAM PA'I BDEN PA ZHES SMOS TE, MNGON PAR BYANG CHUB PA'I RIM PAS THOB PAR BYED PA'I 'OD GSAL BA'O, ,THOS PAS TE ZHES PA NI 'OD GSAL BA LAS CIG CAR DU BYUNG BA'I ZUNG DU 'JUG PA'I TING NGE 'DZIN GYI NGO BO RDO RJE 'CHANG GI SKU SKYED PAR BYED PA'O, ,DE NYID BSTAN PA'I PHYIR, 'OD GSAL BA ZHES BYA BA LA SOGS PA SMOS TE, 'OD GSAL BA NI MNGON PAR BYANG CHUB PA'I RIM PAS RNAM PAR DAG PA NI SPROS BA'O, ,

YE SHES KYI SKU NI RDO RJE'I SKU STE ZUNG DU 'JUG PA ZHES BYA BA'O, ,THOB PAR BYED PA ZHES PA NI DE RDZOGS PAR BYED PA'O, ,BAR DU'O ZHES PA NI RDZOGS PA RJOD PAR BYED PA NI TSIG PHRAD DO, ,BSDU BAR BYED PA ZHES BYA BA LA SOGS PAS LE'U NYE BAR BSDU BAR BSTAN TO, ,DNGOS GRUB THAMS CAD CES PA NI ZHI BA LA SOGS PA'I DNGOS GRUB KYI RGYUR GYUR PA RNAM PAR SNANG MDZAD LA SOGS PA RNAMS KYI'O, ,DKYIL 'KHOR NI MTHA' YAS PA'I DKYIL 'KHOR BAS YONGS SU BSKOR BA'O, ,DE NI DKYIL 'KHOR TE DKYIL 'KHOR DE LA BRTEN NAS, ,SGRUB PA PO RNAL 'BYOR PA RNAMS KYI MNGON PAR BYANG CHUB PA'I YE SHES BSKYED PA NI DBANG BSKUR BA LA SOGS PA'I RIM GYIS YE SHES KYI SKU THOB PA GANG YIN PA'O, ,DE'I DON GYI GZHUNG GI TSOGS ZHES PA NI DE STON PAR BYED PA'I TSIG GI TSOGS SO, ,LE'U ZHES BYA BA NI SNGAR BSHAD ZIN TO, ,SGRA JI BZHIN PA ZHES PA NI LE'U'I DON TZAM SO SOR BSTAN PAS SO, ,DE YANG SOGS PA'I SGRAS SHES PAR BYA'O, ,SGRON MA GSAL BAR BYED PA'I 'GREL PA'I t'IK'A LAS LE'U BCU DRUG PA'I RGYA CHER BSHAD PA'O,, ,,RIM PA GNYIS KHONG DU CHUD PA ZHES BYA BA LA SOGS PAS LE'U BCU BDUN PA'I BSHAD PA BRTZAM PAR BYA STE, RIM PA GNYIS KHONG DU CHUD PA ZHES PA NI LE'U BCU DRUG GI RIM PA GNYIS MNGON DU BYAS PA'O, ,'JIG RTEN PA NI MI DGE BA BCU LAS LDOG PA'I MTSAN NYID DO, ,'JIG RTEN LAS 'DAS PA NI DAM TSIG DANG SDOM PA'I BSRUNG BAR BYA BA DANG BZA' BAR BYA BA'I DBYE BAS PHYE BA DE BZHIN GSHEGS PA LNGA'I DAM TSIG DANG BDUD RTZI LNGA DANG LCAGS KYU LNGA LA SOGS PA'I SPYOD PA'O, ,NYAMS SU MA BLANGS NA ZHES PA NI DE DAG THAMS CAD MI SRUNG ZHING SPONG BAS SO, ,DNGOS GRUB NI PHYAG RGYA CHEN PO'I MTSAN NYID DO, ,RING BAR 'GYUR BA NI 'GRUB PAR MI 'GYUR BA'O, ,DE NI LE'U BCU BDUN PA DAM TSIG DANG SDOM PA STON PAR BYED PA SDUD PA POS BSTAN TO, , DE BZHIN GSHEGS PA THAMS CAD KYIS GSOL BA 'DEBS PA ZHES PA NI RDO RJE 'CHANG CHEN PO LA MI BSKYOD PA LA SOGS PA SANGS RGYAS LNGA POS BSTOD PA'O, ,MI BSKYOD PA ZHES BYA BA LA SOGS PA THUGS RDO RJE 'CHANG GI SGO NAS BSTOD PA BSTAN TE, NYON MONGS PA'I TSOGS THAMS CAD NI CHAGS PA DANG BRAL BA LA SOGS PA'O, ,

, ,DA RNAMS KYI TSOGS NI NYIN MO DANG MTSAN MO DANG BRGYA DRUG CU'I DBYE BAS 'JUG PA'O, ,MI G-YO BA ZHES PA NI SNGAGS DANG PHYAG RGYA'I RIM PAS DE RNAMS SPONG BA'I PHYIR RO, ,DE LTAR GYUR BA NI RDO RJE THUGS DANG LDAN PA'O, ,DE BZHIN DU STONG PA NI BZHI STE RGYU DANG 'BRAS BU'I DBYE BAS GNAS PA DE'I BDAG NYID CAN YANG BCOM LDAN 'DAS YIN TE, KHYAB BYED YIN PA'I PHYIR RO, ,GANG GI PHYIR DON DAM PA'I BDEN PA NI KUN NAS NYON MONGS PA DANG RNAM PAR BYANG PA'I RNAM PAR RTOG PA KHYAB PAR BYED PA NYID KYIS 'DRA BA STE, DE LA SPANG BYA DANG DOR BYA'I BAG CHAGS KYIS GOS PA MI SRID DE, RTAG TU DAG BA'I PHYIR DANG, GLO BUR GYI DRI MA RNAMS RNAM PAR BYANG BA'I PHYIR RO, ,MI BSKYOD PA LA SOGS PA STE, ,ZHES PA NI DE BZHIN GSHEGS PA LNGA'O, ,DE 'DZIN PAR BYED PAS NA ZHES PA NI DE RNAMS BSKYED PA'AM SPRO BAR BYED PA STE, RDO RJE 'CHANG CHEN PO LAS RIGS THAMS CAD BYUNG BA'I PHYIR RO, ,JI SKAD DU, RNAL 'BYOR THAMS CAD BCOM LDAN 'DAS, ,RDO RJE SEMS DPA' DE BZHIN GSHEGS, ,DE YI KHAMS GSUM MA LUS PA, ,THAMS CAD DU NI LONGS SPYOD CING, ,ZHES 'BYUNG BAS SO, ,BDEN PA GNYIS NI KUN RDZOB DANG DON DAM PA'O, , DE'I DBYE BAS NI SEMS RNAM PAR DAG PA LA SOGS PA'I RIM PA KHO NA NYID RTOGS PA'O, ,DE YONGS SU MKHYEN PAS ZHES PA NI DE'I SNGON DU MDZAD PAS SO, ,DE LA SEMS RNAM PAR DAG PA'I RIM PAS RANG BZHIN DANG SNANG BA KUN RDZOB PA YONGS SU SPANGS NAS 'OD GSAL BA'I MTSAN NYID CAN GYI DON DAM PA'I BDEN PA SNGON DU MDZAD PA DANG, BDAG LA BYIN GYIS BRLABS PA'I RIM PAS CHAD PA'I PHYOGS YONGS SU SPANG BA'I PHYIR RO, ,YE SHES KYI SKU YONGS SU BZUNG BAS KUN RDZOB KYI BDEN PA'I DBYE BAS SNGON DU MDZAD PA DANG, MNGON PAR BYANG CHUB KYI RIM PAS KYANG DE YONGS SU SBYANGS NAS DE KHO NA NYID BZHI PA DON DAM PA'I BDEN PA MNGON DU MDZAD PA DANG, RTAG PA DANG CHAD PA LA SOGS PA DANG BRAL BA'I ZUNG DU 'JUG PA'I RIM PAS BDEN PA GNYIS DBYER MED PAS MNGON DU MDZAD PA'O ZHES DGONGS PA'O, ,BCOM LDAN 'DAS RDO RJE 'CHANG GIS NI DE DAG

THAMS CAD MNGON PAR RTOGS PAR MDZAD DO, ,RDO RJE LA SOGS PA ZHES PA NI RNAM PAR SNANG MDZAD LA SOGS PA'I NANG NA GTZO BOR GYUR PAS NA BDAG POR GYUR PAS SO, ,DON DAM PA'I DKYIL 'KHOR DANG ZHES PA NI GZUGS LA SOGS PA'I PHUNG PO DANG KHAMS DANG SKYE MCHED RNAMS 'OD GSAL BA LA 'JUG PA'I MTSAN NYID DON DAM PA'I DKYIL 'KHOR TE SNYING PO LEN PAS SO, ,DE NI RIM PA GNYIS PO LA YANG YOD DE, DANG PO SBYOR BA'I YAN LAG TU GYUR PA RNAL 'BYOR GYI PHYOGS GCIG YIN PA'I PHYIR DANG, SEMS RNAM PA RDAG PA DANG MNGON PAR BYANG CHUB PA'I RIM PAS THOB PA'I PHYIR RO, ,BSKYED PA'I RIM PA LA SKU NYID DKYIL 'KHOR TE LHA SUM CU RTZA GNYIS DGOD PA'I BDAG NYID YIN PA'I PHYIR RO, ,RJES SU RNAL 'BYOR DANG SHIN TU RNAL 'BYOR DANG RNAL 'BYOR CHEN POS DE RDZOGS PAS NA DANG PO SBYOR BA'I TING NGE 'DZIN TO, ,DKYIL 'KHOR RGYAL BA MCHOG LA PHYAG RGYA 'DUS BYAS PA SNGON DU 'GRO BAS PHYI ROL DU LHA SUM CU RTZA GNYIS SPRO BA NI PHYUNG BA'I DKYIL 'KHOR TE, DE 'GRO BA'I DON BYED PA'I PHYIR TE DKYIL 'KHOR RGYAL BA MCHOG GI TING NGE 'DZIN TO, ,GAL TE DE LTA YIN NA 'DUS PA'I PHYI MA'I RGYUD KYI TSAD MAS JI LTAR 'GAL BA MA YIN ZHE NA, DE LA BYANG CHUB SEMS NI DKYIL 'KHOR TE, ,BHA GA'I DKYIL 'KHOR NYID DANG NI, ,SKU YI DKYIL 'KHOR ZHES BYA BA, ,DKYIL 'KHOR GSUM NI BRTAGS PA YIN, ,ZHES PAS MI 'GAL TE, DE'I RNAM GRANGS YIN PA'I PHYIR RO, ,DE LA BYANG CHUB KYI SEMS NI DON DAM PA'I DKYIL 'KHOR YIN TE, STONG NYID SNYING RJE DBYER MED PA'I, ,BYANG CHUB SEMS SU DE BSHAD DO, ,ZHES DE NYID LAS GSUNGS PA'I PHYIR RO, ,'ON KYANG BYANG CHUB KYI SEMS LA CHA GNYIS TE, RDZAS KYI CHA DANG BDE BA CHEN PO'I CHA'O, ,DE'ANG BDE BA CHEN PO'I CHA LA BRTEN NAS BYANG CHUB SEMS NYID NI DON DAM PA'I DKYIL 'KHOR ZHES BYA'O, ,SKU'I DKYIL 'KHOR NI 'DRA BA NYID DO, ,BHA GA'I DKYIL 'KHOR NI PHYUNG BA'I DKYIL 'KHOR NYID YIN TE, BHA GA LAS PHYUNG BA'I DKYIL 'KHOR 'BYUNG BAS SO, ,RGYU DANG 'BRAS BU DBYER MED PAS 'DI SKAD BSTAN TE, NYE BAR

, ,BRTAGS PAS SO, ,GZHAN DAG NA RE SKU'I DKYIL 'KHOR SUM CU RTZA GNYIS KYI BDAG NYID DO, ,GSUNG GI DKYIL 'KHOR NI DBYANGS DANG GSAL BYA'I BDAG NYID CAN GYI YI GE PHYI MO ZHES ZER RO, ,AA A'A NI RNAM PAR SNANG MDZAD DANG SPYAN MA'O, ,AA A'I NI RIN CHEN 'BYUNG LDAN DANG M'A MA K'I'O, ,AU A'U NI 'OD DPAG TU MED PA DANG GOS DKAR MO'O, ,Ri R'i NI DON YOD GRUB PA DANG SGROL MA'O, ,Li L'i NI MI BSKYOD PA DANG REG BYA RDO RJE MA'O, ,AE AEE AO AOO NI GSHIN RJE MTHAR BYED LA SOGS PA KHRO BO BZHI'O, ,KA KHA GA GHA NGA NI LHA MO BZHIS BSKOR BA'I RNAM PAR MDZAD DO, ,TZA TSA DZA DZHA NYA NI LHA MO BZHIS YONGS SU BSKOR BA'I RIN CHEN 'BYUNG LDAN NO, ,tA thA dA dHA nA NI LHA MO BZHIS YONGS SU BSKOR BA'I 'OD DPAG TU MED PA'O, ,TA THA DA DHA NA NI LHA MO BZHIS YONGS SU BSKOR BA'I DON YOD GRUB BA'O, ,PA PHA BA BHA MA ZHES PA NI LHA MO BZHIS YONGS SU BSKOR BA'I MI BSKYOD PA'O, ,DE DAG LNGA LNGA'I BDAG NYID NI DKYIL 'KHOR LNGA'O, ,YA RA LA WA SHA shA SA HA AAm AA: ZHES BYA BA NI KHRO BO BCU STE GSUNG GI DKYIL 'KHOR RO, ,DE BZHIN DU 'DOD CHAGS DANG ZHE SDANG DANG, ,GTI MUG DANG, NGA RGYAL DANG, PHRAG DOG RNAM PAR DAG PA'I RANG BZHIN NI 'OD DPAG TU MED PA LA SOGS PA'O, , BDAG TU LTA BA DANG, BDAG TU RMONGS PA DANG, BDAG TU NGA RGYAL BA DANG, BDAG TU CHAGS PA RNAM PAR DAG PAS SPYAN LA SOGS PA'O, ,KUN GZHI LA SOGS PA RNAM PA SHES PA BRGYAD RNAM PAR DAG PAS BYAMS PA LA SOGS PA'O, ,CHU BO BZHI RNAM PAR DAG PAS GZUGS RDO RJE MA LA SOGS PA'O, ,NGO TSA MED CING KHREL MED DANG, ,PHRAG DOG SER SNA RGYAGS PA DANG, ,'GYOD PA BYING BA RGOD PA DANG, ,KHRO BA DANG NI 'CHAB PA STE, ,KUN DU SBYOR BA BCU RNAM PAR DAG PAS GSHIN RJE MTHAR BYED LA SOGS PA KHRO BO BCU ZHES THUGS KYI DKYIL 'KHOR TE, KUN NAS NYON MONGS PA'I SEMS SBYONG BAR BYED PAS SO, ,YANG DAG MA YIN KUN RTOG MIN, ,SEMS DANG SEMS BYUNG KHAMS GSUM PA'O, ,ZHES 'BYUNG NGO, ,DKYIL 'KHOR GSUM PO DE'I RANG BZHIN BCOM LDAN 'DAS RDO RJE 'CHANG YIN TE, DE LAS BYUNG BA'I PHYIR RO, ,JI LTAR

BDEN PA'I DKYIL 'KHOR NI, ,GANG GIS RAB TU BRTAG PAR NUS, ,RANG LHAG LHA YI SBYOR BA YIS, ,DKYIL 'KHOR BRTAG PA 'GRUB PA YIN, ,ZHES 'BYUNG NGO, ,DAM TSIG DE KHO NA NYID CES BYA BA NI BZA' BA LA SOGS PA'O, ,BSHAD DU GSOL ZHES PA NI STON PAR MDZAD DU GSOL ZHES BA'O, ,MI BSKYOD PA'I SGO NAS BSTOD PA'O ZHES PA NI CHOS KYI DBYINGS KYI YE SHES KYI NGO BO YIN PAS SO, ,'OD GSAL BA'I MES ZHES PA NI ME LONG LTA BU'I YE SHES KYI MES SO, ,'BAR BAR GYUR BAS NA ZHES PA NI NYON MONGS PA DANG SHES BYA'I SGRIB PA SPANGS PAS MDZES PAR 'GYUR BA'O, ,DE NYID KYI PHYIR DGA' BA CHE'O ZHES PA NI 'BRAS BU RGYUR PA NYID DU BSTAN TO, ,DE RNAMS RNAM PAR DAG PA'I NGO BO NYID KYIS ZHES PA NI NYE BAR SDUD PAR BYED PAS SO, ,DRUG PAR 'GYUR BAS NA ZHES PA NI DPAL RDO RJE SEMS DPA' NYID YIN PAS SO, ,MCHOG TU DGA' BA'I BDAG NYID YIN PAS NA ZHES PA NI SPYAN MA DANG SNYOMS PAR ZHUGS PAS BDE BA CHEN PO'I NGO BO YIN PAS SO, ,NGO BO NYID KYIS DAG PA ZHES PA NI GTZANG BA DANG MI GTZANG BA LA SOGS PA BRTAGS PA YIN PAS NA MI BZA' BA DANG MI BTUNG BA LA SOGS PA RTAG TU DRI MA MED PA'O, ,BSTOD CING ZHES BYA BA LA SOGS PAS RNAM PAR SNANG MDZAD KYI SGO NAS BSTOD PA'O, ,RIN PO CHE'I RIGS DANG LDAN PA'O ZHES BYA BA NI M'A MA K'I LA SOGS PA'O, ,GSAL BAR MDZAD PA NI SPRO BAR MDZAD PA'O, ,MNYAM PA NYID KYI YE SHES KYI BDAG NYID YIN PAS NA ZHES PA NI NAM MKHA' MDZOD NYID KYIS MNYAM PA NYID KYI YE SHES KYI NGO BO YIN PAS SO, ,DE NYID KYIS NA ZHES BYA BA LA SOGS PAS NAM MKHA' DANG MNYAM PA NYID KYI YE SHES KYI NGO BO NYID DU BSTAN TO, ,GSUNGS SHIG PA ZHES BYA BAS RIN CHEN 'BYUNG LDAN GYI SGO NAS BSTOD PA'O, ,PADMA'I RIGS DANG LDAN PA ZHES PA NI BYANG CHUB KYI SEMS KYI NGO BO YIN PAS SO, ,DE RNAMS KYI BDAG POR GYUR PAS ZHES PA NI DE RNAMS SKYED PAR BYED PAS SO, ,SO SOR RTOG PA'I YE SHES PAS NA ZHES PA NI CHOS RAB TU 'BYED PA'I BDAG NYID CAN GYIS SO SOR RTOG PA'I NGO BO YIN PAS SO, ,DE NYID KYIS NA ZHES PAS 'BRAS BU BSTAN TO, ,'KHOR BA LA ZHAN PA'I MTSAN NYID CAN

, ,ZHES PA NI BDE BA DANG BDE BA'I RGYU LAS MNGON PAR 'DOD PA SNGON DU 'GRO BAS GZUNG BA'I MTSAN NYID DO, ,DE LTAR SO SOR RTOG PA'I YE SHES KYI PHA ROL TU PHYIN PA NI BCOM LDAN 'DAS 'OD DPAG TU MED PA YIN NO ZHES BYA BA 'DIS SNANG BA MTHA' YAS KYI SGO NAS BSTOD PA'O, , DON YOD GRUB PA'I YE SHES NI 'KHOR BA'I BTZON RA LAS GROL BA'I MTSAN NYID DO, ,RAB TU RTZOL BA NA ZHES PA NI DE STER BAS SO, ,DON YOD PAR GRUB PA'I RIGS SO ZHES PA NI SGROL MA LA SOGS PA'O, ,DES DAG CING GTZO BOR BYAS PAS NA ZHES PA NI MCHOD PAR BYA BA STE, DE RNAMS KYI BDAG PO YIN PA'I PHYIR RO, ,ZHI BA LA SOGS PA'I LAS RNAMS KYI ZHES PA NI, ZHI BA DANG RGYAS PA DANG, DBANG DANG, DGUG PA DANG, MNGON SPYOD KYIS TE, LAS LNGAS SO, ,SGRUB PA PO'I 'GRO BA RNAMS KYI ZHES PA NI PHA ROL LA PHAN PA LA BRTZON PA SNGAGS PA RNAMS KYIS SO, ,'DOD PA THAMS CAD SKYANG PA ZHES PA NI NAD PA DANG DBUL PO DANG GDUL DKA' BA DANG, MTSAMS MED PA BYED PA RNAMS LA JI LTA BA BZHIN DU ZHI BA LA SOGS PA'I LAS MDZAD PA STE, DON YOD GRUB PA NI LAS THAMS CAD PA YIN PA'I PHYIR RO, ,DE LAS BYUNG BAS NA ZHES PA NI RIM PA GSUM PA DANG LNGA PA LAS 'BYUNG BA'I PHYIR RO, ,DE LTA BU ZHES BA NI LNGA'I BDAG NYID DO, ,RDO RJE SEMS DPA' ZHES PA NI DRUG PA'O, ,KHYED LA PHYAG 'TSAL LO ZHES PA NI KHYED LA LUS LA SOGS PAS 'DUD DE BSTOD PA NYE BAR SDUD CES PA NI BSTOD PA'I MCHOD PA'O, ,DGONGS PA MA YIN PAS BSHAD PA'O ZHES PA NI SHIN TU GSAL BA'I BDAG NYID DE BZHIN GSHEGS PA LNGA'I BDAG NYID CAN GYI DE KHO NA NYID BSTAN PAS SO, ,DUS GSUM ZHES BYA BA NAS SGRA JI BZHIN PA'O ZHES PA'I BAR DU NI TSIGS SU BCAD PA LNGAS GANG ZHIG RNAL 'BYOR PA RDO RJE 'CHANG LA BSTOD PA STE YANG DE DANG 'DRA BAR 'GYUR RO ZHES PHAN YON BSTAN TE; BSTOD PA'I SGO LAS RDO RJE 'CHANG GI DE KHO NA NYID MNGON DU GYUR PAS SO, ,SGRA JI BZHIN PA'O ZHES PA NI RTOG GI SGRAS PHAN YON BSTAN PA'O, ,DGYES NAS MNGON DU PHYOGS PAS BSTAN TO ZHES PA NI BSTOD PA'I TSIG LAS BYUNG BA'I DGA' BA NYID DO, ,NYON MONGS PA NI DRUG GO, ,NYE BA'I NYON MONGS PA NI NYI SHU RTZA

BZHI'O, ,DE RNAMS DBYE BA DGU BCU RTZA BRGYAD YIN PAS NA THAMS CAD DO, ,NYE BAR ZHI BAR MDZAD PA NA ZHES PA NI DE RNAMS MTHONG BA DANG BSGOM PA'I RIM GYIS SPONG BAS SO, ,YANG NA NYON MONGS PA NI RNAM GSUM DANG NYE BA'I NYON MONGS PA NI DE LAS BYUNG BA'I RANG BZHIN RNAMS SO, ,DE DAG THAMS CAD SNGAGS DANG PHYAG RGYA'I RIM PAS 'OD GSAL PAR MDZAD PAS NA BSTAN PAS SO, ,PHUNG PO LNGA'I BDAG NYID NI DE BZHIN GSHEGS PA'I RANG BZHIN GYIS PHUNG PO'I NGO BO'I BDAG NYID DO, ,SEMS CAN THAMS CAD CES PAS NI 'GRO BA RIGS DRUG PA'O, ,CI RIGS PAR ZHES PA NI BSAM PA DANG BAG LA NYAL BA DANG KHAMS DANG BAG CHAGS KYIS DBYE BAS SO, ,MTHO RIS DANG THAR PA ZHES PA NI BDE 'GRO DANG MYA NGAN LAS 'DAS PA'O, ,THOB PAR MDZAD PAS NA ZHES BYA BA NI BSOD NAMS DANG YE SHES KYI TSOGS BSTAN PAS RIM PA JI LTA BA BZHIN STER BAS SO, ,DAM TSIG BZHI'I ZHES PA NI SROG GCOD PA LA SOGS PA LE'U LNGA PA LAS DGONGS PAS BSHAD PAS SO, ,GZHIR GYUR BA'O ZHES PA NI RTEN DU GYUR BA'O, ,RNYOG PA MED PA ZHES PA NI KHA NA MA THO BA MED PAS TE LE'U LNGA PA NAS GSUNGS PA'I NGES PAR RO, ,AE MA HO ZHES BYA BA NAS DGONGS PA MA YIN PAS BSHAD PA'O ZHES BYA BA'I BAR DU NI MI BSKYOD PA LA SOGS PA'I ZHU BA RDO RJE 'CHANG GIS NGO MTSAR BAR DGONGS SO ZHES BSTAN TO, ,DGONGS PA MA YIN PA'O ZHES PA NI DAM TSIG BZHI PA'I DE KHO NA NYID BSTAN PAS SO, ,DE LTAR ZHES BYA BA NAS 'DI NI GO SLA'O ZHES PA'I BAR DU NI YANG DAG PAR RDZOGS PA'I SANGS RGYAS KYI THEG PA LA DGONGS PAS BSHAD PAS SROG GCOD PA LA SOGS PA SRUNG BA'I DAM TSIG BZHI DANG BSHAD PA LA SOGS PA BZA' BA'I DAM TSIG LNGA BSTAN TE, ,DE RNAMS RGYA CHE BA'I MOS PA YIN PAS SKU RDO RJE LA SOGS PA'I RNAL 'BYOR PA DRUG GI DAM TSIG 'DI YIN NO, ,DE LTAR ZHES BYA BA NAS SDOM PA'O ZHES PA'I BAR DU NI RANG SANGS RGYAS KYI RIGS CAN GYI SDOM PA BSTAN TO, ,DE LA BSTAN PA NI RNAM PA GSUM STE, SKU DANG GSUNG DANG THUGS KYI'O, ,DE LA YANG DAG PAR RDZOGS PA'I SANGS RGYAS RNAMS KYI CHO 'PHRUL BSTAN PA'I MTSAN NYID NI SKU'I BSTAN PA DANG, CHOS BSTAN PA LA 'JUG PA'I MTSAN NYID NI GSUNG GI BSTAN PA DANG,

, ,TING NGE 'DZIN GYI DBANG GI MTSAN NYID NI YID KYI BSTAN PA STE BSTAN PA RNAM PA GSUM PO DE RNAMS LA YOD DE, GZHAN GYI DON MDZAD PA'I PHYIR RO, ,RANG SANGS RGYAS LA SKU'I BSTAN PA YOD DE, CHO 'PHRUL LA SOGS PA BSTAN PAS 'GRO BA'I DON MDZAD PAS SO, ,NGAG GI BSTAN PA NI MED DE TING NGE 'DZIN LA SNYOMS PAR ZHUGS PAS GSUNG MI 'BYUNG BAS SO, ,SEMS CAN RNAMS KYANG DE'I CHOS 'PHRUL MTHONG BAS DAD PA SKYE ZHING BDAG CAG RNAMS DE DANG 'DRA BAR 'GYUR RO ZHES SEMS BSKYED LA SKYABS SU 'GRO BA LA SOGS PAS CHOS THOS SHING BSAM PA DANG BSGOM PAS DNGOS GRUB THOB PAR 'GYUR RO ZHES GSUNG GI BYA BA GANG YIN PA DE NI LUS KYIS MDZAD DE SKYON GANG YANG MED DO, ,BYANG CHUB SEMS DPA' RNAMS LA SKU DANG GSUNG GI BSTAN PA YOD DO, ,NYAN THOS PA RNAMS LA GSUM PAR YANG MED DE, GZHAN GYI DON LA RGYAB KYIS PHYOGS PA YIN PAS SO ZHES BSTAN TO; ,NYAN THOS PA ZHES BYA BA NAS RMAD DU BYUNG BA CHEN PO'O ZHES PA'I BAR GYI NI NYAN THOS KYI RIGS CAN GYI SGRUB PA PO RNAMS LA, DKYIL 'KHOR LA 'JUG PA'I DUS SU MI DGE BA BCU BZLOG PA'I MTSAN NYID KYI DAM TSIG SBYIN PAR BYA STE, GANG GIS DE RNAMS RANG GI LAM DANG MTHUN PA'I SLOB MA THOS PAS 'JUG CING PHYI NAS BSGOM PA'I LAM LA BRTEN TE 'GRUB PAR 'GYUR RO ZHES BSTAN TO, ,TSANGS PA ZHES PA NAS SKU RDO RJE NYID DU 'GYUR RO ZHES PA'I BAR DU NI TSANGS PA'I LTA BA LA MOS PA'I SGRUB PA PO RNAMS LA DKYIL 'KHOR LA 'JUG PA SNGAR LAN GSUM KHRUS GOS GSUM BRJE BA DANG, SBYIN SREG DANG BSNYEN GNAS LA SOGS PA LUS NGAL BA'I MTSAN NYID KYI SDOM PA BSTAN NAS, NGAG GI LAM DANG RJES SU MTHUN PA'I BRTUL ZHUGS THOS PAS 'JUG CING PHYIN NAS BSGOM PA'I LAM LA BSTAN TO, ,RIM GYIS SKU RDO RJE DANG 'DRA BAR 'GYUR RO ZHES BSTAN TO, ,DBANG PHYUG CHEN PO ZHES BYA BA NAS 'DI NI GO SLA'O ZHES PA'I BAR DU NI GSUNG RDO RJE'I RANG BZHIN GYIS DRAG PO'I GZUGS BLANGS LA KHAMS GSUM PA THAMS CAD LCAGS KYU DANG ZHAGS PA LA SOGS PA'I SBYOR BAS DGUG CING DBANG DU BYA'O, ,DE NI GSUNG RDO RJE DANG 'DRA BAR 'GYUR TE, DBANG PHYUG CHEN PO NI CHAGS PA'I RANG

BZHIN YIN PAS SO, ,KHYAB 'JUG GI DAM TSIG CES BYA BA NAS DAM TSIG GO ZHES PA'I BAR DU NI THUGS RDO RJE'I RANG BZHIN GYI KHYAB 'JUG GI GZUGS LA DMIGS TE SNGAR BSHAD PA RIL POR 'DZIN PA DANG RJES SU GZHIG PA'I TING NGE 'DZIN GYIS SEMS CAN DANG SNOD KYI 'JIG RTEN DANG RANG GI BDAG NYID KYANG MI SNANG BAR BYA'O, ,DES NA THUGS RDO RJE DANG 'DRA BAR 'GYUR RO, ,DE LTAR TSANGS PA ZHES BYA BA NAS GO SLA'O ZHES PA'I BAR DU TSANGS PA LA SOGS PA'I DAM TSIG RJES SU GRUB PAS SKU RDO RJE LA SOGS PA THOB PA'I MTSAN NYID KYI 'BRAS BU BSTAN TO, ,GTI MUG GI RANG BZHIN YIN PAS NA, TSANGS PA NI SKU'I RDO RJE DANG, 'DOD CHAGS KYI RANG BZHIN YIN PAS NA, ,DBANG PHYUG CHEN PO NI GSUNG GI RDO RJE DANG, ,ZHE SDANG GI RANG BZHIN YIN PAS NA KHYAB 'JUG NI THUGS RJE NYID DE, DE'I SPRUL BA YIN PA'I PHYIR RO, ,DE LTAR ZHES BYA BA'I BAR DU NI DPAL 'BYUNG PO 'DUL BA'I RGYUD KYI RIM PAS, RDO RJE H'Um MDZAD PA LA SOGS PA'I GZUGS BLANGS TE KLU'I MTSO LA SOGS PA'I 'GRAM DU 'DUG NAS SNGON GYI BSNYEN PA SNGON DU 'GRO BAR 'O MA LA SOGS PA'I LHA BSHOS DBUL TE, SNGAGS BRJOD CING KLU'I MTSO LAS 'JOG BO LA SOGS PA'I KLU'I RGYAL PO'I BU MO GZUGS BZANG LA SOGS PA BKUG NAS DE DANG LHAN CIG TU TSIG PHRA MO LA SOGS PAS SPYOD PAR BYA'O ZHES BSTAN TE, DE RNAMS LA DE GTZO BO YIN PAS PHYIR RO, ,GZHAN DU NA RANG DBANG DU MI 'GYUR ZHES PA NI ZHI BA'I TSIG GIS DBANG DU MI 'GYUR RO ZHES BYA BA'I THA TSIG GO, ,GANG LHA MA YIN ZHES BYA BA NAS GSUNGS SO ZHES PA'I BAR DU NI RDO RJE SA 'OG GI RGYUD LAS GSUNGS PA'I CHO GAS KHA CHE'I YUL LA SOGS PA'I SA PHUG GI SGO PHYE NAS BZA' DANG SKAR MA'I SBYOR BAS LHA MA YIN GYI BU MO 'BYUNG BAR 'GYUR RO, ,GAL TE DE DANG LHAN CIG TU PHYAG RGYA CHEN PO'I DNGOS GRUB 'DOD NA DE'I TSES PHUG LA 'JUG PAR MI SKYE'O, ,GAL TE LONGS SPYOD 'DOD PA YIN NA DE'I TSE 'JUG PAR BYA'O, ,'DUG PA'I DUS SU G-YANG SA DANG BRAG DANG, CHU BO DANG, RDO RJE BYUG PA LA SOGS PA BZLOG PAR BYAS NAS 'JUG PAR BYA'O, ,DE NAS RNAM PA SNA TSOGS PA'I RIM PO CHE'I RANG BZHIN RGYAN

, ,THAMS CAD KYIS BRGYAN PA LHA MA YIN GYI BU MOS BSKOR BAR SNANG ZLA BA DANG NYI MA DANG ME DANG, RGYU SKAR GYI SNANG BA LAS LHAG MA LHA MA YIN GYI GNAS LA 'JUG STE, BDUD RTZI LA SOGS PA'I KHA ZAS SPYOD CING TE DANG LHAN CIG TU YUL GYI BDE BA MYONG BAS BSKAL BA'AM BSKAL BA STONG GI BAR DU GNAS PAR BYA'O ZHES BSTAN TO, ,SRIN MO ZHES BYA BA NAS DON BSGRUB PA'I PHYIR RO ZHES PA'I BAR DU NI RGYA MTSO'I GLING LA GNAS PA LA SOGS PA GZHONG RENG GI SEN MO CAN DANG 'PHROG MA LA SOGS PA SRIN MO 'PHAGS PA GSHIN RJE GSHED LA SOGS PA GANG YANG RUNG BA'I KHRO BO'I RGYAL PO BSGOMS PAS DGUG LA, MI RUS KYI PHYE MAS SPOS GTUL BA DANG, TIL MAR RANG RKANG DAG GIS MAR ME BYIN NAS, KHRAG GI AARGHA DANG ZHABS BSIL PHUL BAS MGU BAR BYAS TE, SPYI BOR BKOD PA'I SNA TSOGS RDO RJE LA SOGS PA BSGOMS PAS MI G-YO BAR BYAS TE, RIG PA'I BRTUL ZHUGS SPYOD PAS JI SRID PHYAG RGYA CHEN PO'I DNGOS GRUB THOB PA DE SRID DU SPYAD PAR BYA'O ZHES BSTAN TO, ,SHAS PA LA SOGS PA'I YANG DAM TSIG DE NYID DO ZHES PA NI SHA ZA MO DANG GNOD SBYIN MO DANG, MI'AM CI MO DANG, 'BYUNG PO MO DANG, YI DAGS MO DANG, GRUB BUM MO LA SOGS PA'I CHO GA 'DI NYID NI SPYOD PA 'DI NYID SHES PAR BYA'O, ,DE YANG RDO RJES 'OG DANG RDO RJE MKHA' 'GRO DANG 'BYUNG PO 'DUL BA'I RGYUD LAS GSUNGS TE, DE NYID LAS RTOGS PAR BYA'O, ,RDO RJE MKHA' 'GRO ZHES BYA BA NAS DAM TSIG GO ZHES PA'I BAR DU NI DPAL SANGS RGYAS THAMS CAD DANG MNYAM PAR SBYOR BA'I RGYUD LAS GSUNGS PA'I GOO R'I LA SOGS PA RDO RJE MKHA' 'GRO MA, DPAL HE RU KA'I GZUGS KYI BDAG NYID KYIS BKUG LA BDUD RTZI LNGA DANG LCAGS KYU LNGA BYIN NAS DE RNAMS DANG BDAG NYID TSIM ZHING DE DANG LHAN CIG TU SNYOMS PAR ZHUGS PAR BYED PAS SPROS PA MED PA'I SPYOD PAS JI SRID PHYAG RGYA CHEN PO'I DNGOS GRUB THO BAS DE SRID DU GNAS PAR BYA'O, ,DKON MCHOG GSUM LA GNOD PAR BYED PA'I KHRAG DGUG PA LA SOGS PA'I SBYOR BAS MNGON SPYOD BYAS TE, MI BSKYOD PA'I GO 'PHANG THOB BAR BYA'O ZHES BSTAN TO, ,RDO RJE MKHA' 'GRO MA RNAMS KYIS

GDUG PA CAN TSAR GCOD PA'I PHYIR RO, ,DE LTAR ZHES BYA BA NAS DE LA'ANG DE SKAD CES BYA'O ZHES PA'I BAR DU NI JI LTAR BCOM LDAN 'DAS RDO RJE 'CHANG CHEN PO THOG MA NAS GRUB PA DE BZHIN DU DE'I SPRUL PA'I SKU'I RANG BZHIN GYI TSANGS PA LA SOGS PA KHAMS GSUM GYI BDAG PO CHO 'PHRUL CHE BA THOG MA NAS GRUB PA YIN NO, ,DE BAS NA SEMS CAN RJES SU GZUNG BA'I DON DU BTUS PA'I RNAL 'BYOR BAS DE RNAMS KYIS TSAM TSIG SPYOD PAR BYED DE, JI LTA JI LTAR SEMS CAN RNAMS, ,RANG BZHIN GYIS NI 'DUL RGYUR BA, DE DANG DE LTAR SEMS CAN NO, ,CHAGS PA SOGS KYIS RTAG TU BYA, ,ZHES 'BYUNG BA DANG, DE LTAR SPYOD PA'I DAM TSIG LA, ,DON MED MA YIN BSOD NAMS MIN, ,ZHES 'BYUNG BAS SO, ,DE BAS NA TSANGS PA LA SOGS PA DE RNAMS RDO RJE SEMS DPA'I SPRUL PA YIN PAS NA SMAD PAR MI BYA'O ZHES 'DIR TSAD MAS BSTAN PAR BYA BA'I PHYIR, 'DIR YANG PHA ROL RGOL BA GANG YANG RUNG BA ZHES BYA BA LA SOGS PA GSUNGS TE, PHA ROL RGOL BA NI GRANGS CAN DANG, MCHOD 'OS PA DANG, RIGS PA PA DANG, BYE BRAG PA DANG, RGYANG 'PHEN PA DANG, DPYOD BA PA LA SOGS PA'O, ,MI MTHUN PA'I LTA BA DANG LDAN PAS PHA ROL PA YANG YIN LA, DE BZHIN GSHEGS PA'I BSTAN PA LA SMOD PAR BYED PAS RGOL BA PO YANG YIN TE PHA ROL RGOL BA'O, ,MTSAN MA'I DBYE BAS ZHES PA NI BRTUL ZHUGS KYI DBYE BA STE RAL BA'I TSOS DANG MGO REG PA DANG, THIG LE GSUM DANG, DBYIG PA DANG, CHOS GOS GYON PA DANG, THAL BAS BYUGS PA DANG, MCHOD PHYIR THOGS PA DANG, PHYOGS KYI GOS CAN LA SOGS PA'O, ,DE'I DBYE BAS GNAS PAR NAMS NI RNAM PAR DPYOD PA'I MU STEGS PA RNAMS SO, ,DE 'DIR BRNYAS PAR MI BYA STE, ZHES PA NI SMOD PAR MI BYA'O, ,CI'I PHYIR ZHE NA, RDO RJE SEMS DPA' NI DPAL RDO RJE 'CHANG CHEN PO'O, ,RNAM 'PHRUL NI DES SPRUL PA YIN NO ZHES BYA BA'I THA TSIG GO, ,DE NYID KYI PHYIR SGYU 'PHRUL DRA BA'I RGYUD LAS BCOM LDAN 'DAS SNA TSOGS SPRUL BA'I 'KHOR LO LA BZHUGS PA'I KHYUD MO LCAGS RI PHYI ROL DU BRGYA BYIN LA SOGS PA PHYOGS SKYONG THAMS

, ,CAD DGOD PAR BYA STE, RDO RJE SEMS DPA' THAMS CAD KHYAB PAS SO, ,KHYAB PAR BYED PA YANG CHOS THAMS CAD KYI NANG DU CHUD PA'I DE BZHIN NYID KYI NGO BO YIN PA'I PHYIR RO, ,JI SKAD DU, RNAL 'BYOR THAMS CAD BCOM LDAN 'DAS, ,RDO RJE SEMS DPA' DE BZHIN GSHEGS, , KHAMS GSUM PO NI MA LUS PA, ,DE YI THAMS CAD LONGS SPYOD YIN, ,ZHES 'BYUNG NGO, ,DA NI ZHES BYA BA NAS DE SKAD CES BKA' STZAL TO ZHES PA'I BAR DU NI RDZOGS PA'I RIM PA'I RNAL 'BYOR PAS SROG GCOD PA LA SOGS PA LUS KYI LAS GSUM DANG, BRDZUN SMRA PA LA SOGS PA NGAG GI LAS BZHI DANG, BRNAB SEMS LA SOGS PA YID KYI LAS GSUM STE, 'OD GSAL BA THAMS CAD STONG PA'I NGO BOR SHES PAR BYA STE, DE'I TSE GROL BAR 'GYUR RO, ,GANG GI PHYIR DON DAM PAR SROG CHAGS PA MED CING MI DMIGS PAS DE RNAMS GA LA GCOD PAR 'GYUR ZHES DE LTAR GZHAN LA YANG SBYAR RO, ,GANG ZHIG RTOG PA DANG BCAS PA DES MI DGE BA'I LAS KYI LAM SPYOD PAS NGAN SONG DU 'GRO BA DANG LOG PAS BDE 'GROR 'GYUR RO, ,RNAM PAR MI RTOG PA'I TING NGE 'DZIN LA GNAS PAS DGE BA DANG MI DGE BA THAMS CAD DON DAM PA'I NGO BOR RNAM PAR RTOG PAS DE GROL BAR 'GYUR RO, ,JI SKAD DU, 'GRO BA RNAMS KYANG BSHAD PA STE, LHA RNAMS 'BRAS BU DANG BCAS PA, ,DE YI RANG BZHIN YONGS SHES PAS, ,MA SKYES PA YANG BSTAN PA YIN, ,ZHES 'BYUNG NGO, ,RAB TU BYED PA LAS KYANG, SBYIN SOGS DGE BA BYAS NA NI, ,MTHO RIS SOGS LA MCHOD PAR 'GYUR, ,MTSAMS MED LA SOGS BYAS NA NI, ,DMYAL BAR RNAM PAR 'TSED PAR 'GYUR, ,MTHA' YAS SKYE BA STONG PHRAG NI, ,RNYED NAS RNAM PAR RMUGS PAR 'GYUR, ,SNGON GYI LAS KYI RNAM SMIN 'DI, ,RMONGS PAS DE LTAR MYA NGAN 'GYUR, ,ZHES 'BYUNG NGO, ,GAL TE DE LTA MA YIN NA RDZOGS PA'I RIM PA'I BRTUL ZHUGS DANG LDAN PAS GAL TE DE RNAMS BYED DAM MI BYED, GAL TE BYED NA DE'I TSE MI 'GAL LO, ,GAL TE MI BYED NA DE'I TSE DAM TSIG JI LTA BZHIN ZHE NA, SMRAS PA, DON DAM PA'I BDEN PA LA MOS PA'I RNAL 'BYOR PAS DGE

BA DANG MI DGE BA LA SOGS PA THAMS CAD 'DI, DE KHO NA NYID DU YANG DAG PAR MTHONG BA YIN GYI KUN RDZOB TU NI MA YIN NO, ,DE BAS NA DE KHO NA NYID MTHONG BA NYID DE'I DAM TSIG YIN GYI BYED PA'AM MI BYED PA NI MA YIN NO, ,DE KHO NA NYID MTHONG BA NYID NI DAM TSIG STE MI 'DA' BA'I PHYIR ZHES SKYON NI CUNG ZAD KYANG MED DO, ,DA NI ZHES BYA BA NAS 'DOD PA'I DNGOS GRUB NYAMS PAR 'GYUR RO ZHES PA'I BAR DU NI BSKYED PA'I RIM PA'I RNAL 'BYOR PA DANG PO SBYOR BA LA SOGS PA'I TING NGE 'DZIN GSUM LA GNAS PAS PHYI'I SHING DANG RDO DANG 'BAG GI SKU LA SOGS PA LA PHYAG MI BYA STE, GAL TE PHYAG BYED NA DE'I TSE DE'I G-YENG BA'I SEMS KYIS TING NGE 'DZIN NYAMS PAR 'GYUR RO, ,GANG GI TSE DKYIL 'KHOR DRI BA DANG MCHOD PA DANG RAB TU GNAS PA 'BYUNG NA DE'I TSE, YID NI TING NGE 'DZIN LA BZHAG NA LUS DANG NGAG GIS PHYAG DANG BSTOD PA BYED NA SKYON MED DE, SEMS MNYAM PAR GZHAG PA DANG LDAN PAS SO, ,GAL TE LUS DANG NGAG DANG YID KYIS PHYAG BYED NA DE'I TSE TING NGE 'DZIN NYAMS PAS G-YENG BAR 'GYUR RO, ,DE'I TSE PHYAG STE TSANGS PAR 'GYUR BA YANG 'BRAS BU DANG BCAS PAR MI 'GYUR TE, TING NGE 'DZIN DANG BRAL BAS SO, ,BYA BA THAMS CAD KYI RTZA BA NI SEMS YIN PAS GAL TE G-YENG NA THAMS CAD DON MED PAR 'GYUR TE, JI SKAD DU, BZLAS PA DANG NI DKA' THUB KUN, ,YUN RING DU BYIS PAS KUN, ,GZHAN GYI SEMS KYIS DE BYAS NA, DE NYID RIGS PAS DON MED GSUNGS, ,ZHES 'BYUNG NGO, ,BSKYED PA'I RIM PA LA GNAS PA, ,ZHES BYA BA NAS SPYOD PA ZHES BYA PA'I BAR DU'O ZHES PA'I BAR DU NI RDZOGS PA'I RIM PA'I RNAL 'BYOR PAS BDAG LA BYIN GYIS BRLAB PA'I RIM PAS YE SHES KYI SKU BLANGS LA DE YANG SKU RDO RJE LA SGOS PA GSUM DANG DBYER MED PAR BSAMS TE, 'JUG PA LA SOGS PA'I RIM GYIS NYIN MO DANG, MTSAN MOR 'KHRUL 'KHOR BZHIN DU RDO RJE BZLAS PA'O, ,YANG DE NYID SEMS RNAM PAR DAG PA LA SOGS PA'I RIM GYIS ZUNG DU 'JUG PA THOB NAS SO SO SKYE BO DANG 'PHAGS PA'I DBYE BAS PHYE BA'I 'GRO BA THAMS CAD 'DI RDO RJE GSUM DBYER MED PA'I RDO RJE 'CHANG

, ,CHEN PO'I RANG BZHIN DU BLTA BAR BYA'O ZHES BSTAN TO, ,RDZOGS PA'I RIM PA'I KHONG DU CHUD PA'I PHYAG GI RNAM PA DE NYID YIN TE, PHYAG GI 'BRAS BU YIN PA'I PHYIR BYANG CHUB TU SEMS BSKYED PA BZHIN NO, ,JI SKAD DU, JI LTAR CHU LA CHU BZHAG DANG, ,JI LTAR MAR LA MAR BZHIN DU, ,RANG GIS RANG GI YE SHES NI, LEGS MTHONG GANG YIN 'DIR PHYAG YIN, ,ZHES 'BYUNG NGO, ,BSNYEN PA LA SOGS PA ZHES BYA BA NAS, THOG MA MED PA'I DUS CAN NO, ,ZHES PA'I BAR DU BSNYEN PA LA SOGS PA RNAL 'BYOR BA ZHES BSDUS PA'I TING NGE 'DZIN GSUM BSGOM PA BSKYED PA'I RIM PA'I RNAL 'BYOR BAS THABS DANG BCAS PA'I GZUGS RDO RJE MA LA SOGS PA RNAL 'BYOR NAM MKHA' GANG BAR BSGOMS LA, DE BZHIN GSHEGS PA THAMS CAD DE RNAMS KYIS MCHOD PAR BYA'O, ,DE LA KHYAD PAR GYI GNAS BZUNG BA DANG THUGS RJE CHEN PO SNGON DU 'GRO BAS NAM MKHA' LA BZHUGS PA DE BZHIN GSHEGS PA DANG BLA MA LA SOGS PA MCHOD PA DANG, RNAL 'BYOR CHEN PO'I DUS SU SPYAN MA LA SOGS PA'I TSOGS KYIS BKUG LA, THUGS RDO RJE LA SOGS PA MCHOD PAR BYA'O ZHES DANG POR SBYOR BA'I TING NGE 'DZIN TO; ;PHYAG RGYA LEGS PAR SBYAR BA BYAS NAS DE BZHIN GSHEGS PA THAMS CAD 'JUG PA SNGON DU 'GRO BA, MCHOD PA'I LHA MO SPRO ZHING DKYIL 'KHOR MCHOD PAR BYA'O ZHES DKYIL 'KHOR RGYAL BA MCHOG GI TING NGE 'DZIN TO, PHRA MO'I RNAL 'BYOR DANG BZLAS PA 'OD DU ZHU BA DANG, BSKUL BA DANG DE LAS LANGS PAR BYAS NAS DE BZHIN GSHEGS PA LNGAS BSTOD PA'I MCHOD PA DANG, MTHAR YANG MCHOD PA'I CHO GA ZHES BYA STE LAS KYI RGYAL BA MCHOG GI TING NGE 'DZIN ZHES BSTAN TO, ,DE LTAR ZHES BYA BA NAS DAM TSIG GO ZHES PA'I BAR DU NI RDZOGS PA'I RIM PA'I RNAL 'BYOR PAS SEMS RNAM PAR DAG PA'I RIM PAS STONG PA BZHI BSGOMS TE, 'OD GSAL BA SNGON DU BYAS NAS YANG CIG CAR RAM SNANG BA NYE BAR THOB PA LA SOGS PA'I RIM GYIS YE SHES KYI SKU BLANGS LA, 'JUG PA DANG LDANG BA NI MNGON PAR BYANG CHUB PA'I RIM

PAS YE SHES KYI SKU SBYANGS LA, SEMS CAN THAMS CAD KYI DON BYA BA'I PHYIR ZUNG DU 'JUG PA'I TING NGE 'DZIN GYIS LDANG BA NI RDO RJE'I SKU BLANG BAR BYA'O ZHES DE BZHIN GSHEGS PA THAMS CAD MNYES PAR BYED PA'I DAM TSIG YIN TE RDZOGS PA'I SPYOD YUL YIN PA'I PHYIR RO ZHES BSTAN TO; ;DE KHO NA NYID RTOGS PA LA, ,ZHES BYA BA NAS MNYAM PAR GZHAG PAR 'GYUR ZHES BYA BA'I BAR DU NI DE KHO NA NYID THOB PA'I RNAL 'BYOR PAS GANG GI TSE RGYUN MA CHAD PAR SEMS CAN GYI DON BYA BAR 'DOD NA DE'I TSE YUN RING DU LUS GNAS PA'I PHYIR RANG GI SPYI BOR CHA BCU DRUG YONGS SU GYUR PA LAS, ZLA BA'I DKYIL 'KHOR BDUD RTZI 'DZAG PA BSGOMS LA DE NYID GYEN DU BZLOG PA'I LCES DGUG CING LUS THAMS CAD TSIM PAR BYA'O, ,DE'I TSE RLUNG DANG MKHRIS PA DANG BAD KAN LAS BYUNG BA'I NAD 'BYUNG BAR MI 'GYUR RO ZHES BSTAN TO, ,JI SKAD DU, BCOM LDAN 'DAS ZHES BYA BA LA SOGS PA'I LUNG TSAD MA NYID DU BSTAN TO, ,GANG ZHIG BDUD RTZI'I RANG BZHIN RGYUN, ,ZHES PA NI BDUD RTZI 'DZAG PA'I DKYIL 'KHOR GYI RNAM PA CAN NO, ,SPYI BOR RTAG TU NGES 'BAB PA, ,ZHES PA NI TSANGS PA'I SGOR GNAS SHING BDUD RTZI'I DBA' RLABS 'DZAG PAR BYED PA'O, ,RNAL 'BYOR DBANG POS DE 'THUNGS NA, ,ZHES PA NI 'DUS PA'I RNAL 'BYOR BAS RGOD MA BYED PA'I SBYOR BAS MYANG BAR BYAS NAS SO, ,RGA DANG 'CHI BA RNAM PAR 'JIG ,CES BYA BA NI YUN RING DU GNAS PAR 'GYUR RO ZHES BYA BA'I THA TSIG GO, ,DPE BSTAN PAR BYA BA'I PHYIR, JI LTAR PADMA'I SDONG BU LA, ,ZHES SMOS TE, PADMA'I SDONG BU NI MTSO SKYES KYI RTZA BA'O, ,MI YI CHU NI 'DREN PAR BYED, ,CES PA NI SKYES BU KHA CIG GIS CHU 'THUNG BAR BYED PA STE, NANG KHONG STONG YIN PA'I PHYI RO, ,DE BZHIN NI DE LTA BU'O, ,NYE BAR 'THUNGS PA ZHES BYA BA NI SPYI BO LA GNAS PA'I BDUD RTZI'I DBA' RLABS DGUG PAR BYED PA'O, ,RNAL 'BYOR BA NI SGRUB PA POS SO, ,STOBS CHEN 'TSO ZHES PA NI YUN RING 'TSO BA DANG RGA BA DANG 'CHI BA DANG BRAL BAR 'GYUR RO, ,RTZA BA'I RGYUD LAS ZHES PA NI DPAL DE KHO NA NYID BSDUS PA'I RGYUD LAS SO, ,RNAL 'BYOR

, ,RGYUD THAMS CAD KYI DPAL DE KHO NA NYID BSDUS PA NI RTZA BA YIN NO, ,LCE NI RKAN LA SBYAR BYA ZHING, ,ZHES PA NI RKAN GYI PHYOGS SU BZLOG NAS LCES REG PAR BYAS NAS SO, ,SNA'I RTZE MOR BSAM PAR BYA, ,ZHES PA NI SNA'I RTZE MOR LTA BAR DGONG BAR BYA'O, ,DE NAS RDO RJE PHRA MO NI LCE LA DGOD PAR NAS KYI 'BRU'I TSAD TZAM GYI RDO RJE'O, ,DES BDE BA NI BDE BA'I RGYU STE, BDUD RTZI REG PA'I MYANG BAS RNAL 'BYOR PA NI SGRUB PA PO'I SEMS MNYAM PAR GZHAG PAR 'GYUR BA'I RTZE GCIG BA'AM, TSIM PAR 'GYUR RO ZHES BYA BA'I DON TO, ,DE LTAR ZHES BYA BA NAS DE SKAD CES BKA' STZOL TO ZHES PA'I BAR DU MI LAS DANG PO BA RNAM PAR SNANG MDZAD KYI SLOB PA POS BZA' BA DANG BCA' BA LA SOGS PA SPYOD PA'I DUS SU SKU RDO RJE BDAG NYID BSGOM PAR BYA STE, BZA' BA LA SOGS PA NI GZUGS KYI RANG BZHIN DANG SKU TSIM PAR BYED PA'I PHYIR RO, , DE BZHIN DU BZA' BA DANG BCA' BA LA SOGS PA'I YUL NAS GZHAN DGA' BA'I CHO GA DANG MCHOD PA LA SOGS PA'I CHO GA'I DUS SU BDAG NYID THUGS RDO RJE 'CHANG BSGOM PAR BYA STE, DGA' BA LA SOGS PA'I SPYOD PAS NI SEMS MGU BAR BYED PAS SO, ,DE BZHIN DU GSUNG RAB YAN LAG DGU'I MDO SDE LA SOGS PA KLOG PA'I DUS SU BDAG NYID GSUNG RDO RJER BSGOM PAR BYA STE, GSUNG RDO RJE 'OD DPAG TU MED PA GSUNG GI RANG BZHIN PA'I PHYIR RO, ,NGO BO NYID KYIS DAG PA ZHES PA NI THAMS CAD KYI STONG PA'I RANG BZHIN YIN PAS SO, ,RDO RJE NI MI PHYED PA'I NGO BO YIN PA STE, NGO BO NYID DAG PA'I RDO RJE STE, RDO RJE 'CHANG CHEN POS 'DI SKAD CES BKA' STZAL TO ZHES SDUD PA PO'I TSIG GO, ,GANG 'DAS PA ZHES BYA BA NAS DON TO ZHES PA'I BAR DU NI BCOM LDAN 'DAS RDO RJE 'CHANG CHEN POS RGYUD MA LUS PA DON DANG GZHUNG GIS STON TE, 'PHAGS PA DANG SO SO SKYE BO RNAMS KYI SEMS NI 'OD GSAL BA'I RANG BZHIN MNYAM PA NYID KYI NGO BO YIN NO ZHES DGONGS NAS DE NYID LA 'JUG STE MI GSUNG BAR 'GYUR RO, ,'KHOR NA BZHUGS PA'I DE BZHIN GSHEGS PA RNAMS KYIS, ,DON DE NYID BYANG CHUB SEMS DPA' LA SOGS PA LA

GSUNGS SO ZHES BSTAN TO, ,DON DE NYID CES BYA BA NAS 'DI DAG GO ZHES BA'I BAR DU NI DE BZHIN GSHEGS PA RNAMS KYIS RDO RJE 'CHANG CHEN PO MI SMRA BAS 'KHRUL PAR GYUR PA, BYANG CHUB SEMS DPA' RNAMS LA LUS LA SOGS PA GANG YIN PA DE NI 'DAS PA LA SOGS PA'I DUS SU MI DMIGS PA NAM MKHA'I RANG BZHIN DE BZHIN NYID DANG 'DRA BA YIN NA YANG, SEMS CAN GYI DON BYA BA'I PHYIR SGYU MA'I DPE BCU GNYIS KYI SGO NAS 'OD GSAL BA LAS CIG CAR DU SPRO BA'I YE SHES KYI SKU LA DMIGS NAS GNAS PAR BYA'O ZHES THE TSOM BSAL TO ZHES BSTAN TO, ,RNAL 'BYOR THAMS CAD CES PA NI RIM PA GNYIS KYI RNAL 'BYOR DANG LDAN PA'I NYON MONGS PA BCOM PAS NA BCOM LDAN 'DAS SO, ,RDO RJE SEMS DPA' ZHES PA NI SGRIB PA MED PA'I YE SHES THOB BA'O, ,DE BZHIN NYID LA GSHEGS PA'AM DE LAS KYANG GSHEGS PAS DE BZHIN GSHEGS PA'O, ,DE NI BCOM LDAN 'DAS RDO RJE SEMS DPA'O, ,NYE BAR LONGS SPYOD ZHES PA LA RANG DBANG DU GYUR PAS TE RANG LA RAG LUS PA'O, ,KHAMS GSUM MA LUS PA NI 'JIG RTEN GSUM MO, ,DES NI RDO JE SEMS DPA' KHYAB PA NYID DU BSTAN TO, ,LOG PAR GZUNG BA ZHES BYA BA NAS PHYIN CI LOG TU MA RTOGS SHIG CES PA'I BAR DU NI LOG PAR GZUNG BA'I TSIG GI DON RTOGS PA'I BYANG CHUB SEMS DPA' LA DE BZHIN GSHEGS PA RNAMS KYIS RDO RJE 'CHANG CHEN POS 'OD GSAL BA'I DE KHO NA NYID LA 'JUG PA DANG, DE LAS SEMS RNAM PAR DAG PA'I RIM PAS LDANG BAR 'GYUR RO ZHES BSTAN TO, ,DE BAS NA KYI BYANG CHUB SEMS DPA' RNAMS LOG PAR MA BZUNG SHIG CES BSTAN PA YIN NO, ,GANG BSHAD MA THAG PA ZHES BYA BA NAS SBYAR RO ZHES PA'I BAR DU NI BCOM LDAN 'DAS RDO RJE 'CHANG CHEN POS RIM PA GNYIS PA DANG BZHI BA DAG GI 'OD GSAL BA KHONG DU CHUD PA'I MTSAN NYID KYI ZAB PA NYID DANG, RIM PA GSUM PA DANG LNGA PA DAG GIS YE SHES KYI SKU DANG RDO RJE'I SKU RGYA CHE BA GZUNG BA GANG YIN PA DE NI KUN RDZOB DANG DON DAM PA BDEN PA GNYIS KYI MTSAN NYID DBYE BAS CHOS THAMS CAD MNGON PAR SHES PA THOB PA DANG SKU'I DBANG PHYUG LA SOGS PA DANG LDAN

, ,PA'I TSANGS PA LA SOGS PAS MI SHES TE RDO RJE SEMS DPA'I CHOS NYID NI SHIN TU ZAB PA'I PHYIR RO, ,DE BAS NA RDO RJE SEMS DPA'I CHOS NYID MI RTOGS PA'AM RTOGS NAS RDO RJE 'CHANG 'DIS ZAB PA'I CHOS STON TE ZHES THE TSOM DANG LDAN PA DE RNAMS KYIS THE TSOM BSAL BA DANG BDAG NYID KYI DBYE BA SNGON DU BYA BA'I PHYIR, BCOM LDAN 'DAS 'OD GSAL BA LA ZHUGS NAS LDANG BA BSTAN TO ZHES DE BZHIN GSHEGS PA RNAMS KYIS BYANG CHUB SEMS DPA' LA LAN BTAB PO, ,DES SHIN TU ZAB PA DE KHO NA NYID KYI RANG BZHIN RDO RJE 'CHANG YIN NO ZHES BSTAN TO, ,DE NAS ZHES BYA BA NAS SBYAR RO ZHES PA'I BAR DU NI YANG ME BSKYOD PA LA SOGS PA DE BZHIN GSHEGS PA RNAMS KYIS BYAMS PA LA SOGS PA BYANG CHUB SEMS DPA' RNAMS LA 'DI SKAD CES BKA' STZAL TO, ,DGONGS PAS BSHAD PAS, BYANG CHUB SEMS DPA' NI TSANGS PA LA SOGS PA 'JIG RTEN GYI LTA RNAMS SO, ,DE RNAMS KYIS JI LTAR SHIN TU ZAB PA'I RDO RJE 'CHANG GI DE KHO NA NYID JI LTAR RTOGS PAR 'GYUR TE, JI SRID BDAG CAG KYANG YE SHES LNGA MNGON DU BYED PAS MI SHES TE, RTOG PA THAMS CAD KYI NGO BO LAS ZHES PA NI THAMS CAD STONG PA'I NGO BO YIN PAS SO, ,DGONGS PA 'DI YIN TE, JI SRID SHES PA DANG SHES BYA'I RTOG PA YOD PA DE SRID DE KHO NA NYID GA LAS RTOGS PAR 'GYUR, BAG CHAGS KYI DRI MA THAMS CAD DANG BRAL BAS 'BA' ZHIG DRI MA MED PA'I NAM MKHA' DANG 'DRA BA DE KHO NA NYID CES BYA BA STE, JI SRID SGOM PA'I SBYOR BA LDAN, ,DE SRID DANG PO'I LAS CAN YIN, ,YONGS SU RDZOGS PA'I RNAL 'BYOR NI, ,DA NI BSTAN PAR BYA BA YIN, ,ZHES 'BYUNG BAS SO, ,DE BZHIN DU, ,RKYEN GZHAN MED PA ZHI BA STE, ,SPROS PA YIS NI MA SPROS PA, ,DU MA MA YIN GCIG MIN TE, ,DE NI DE NYID MTSAN NYID DO, ,ZHES 'BYUNG BAS SO; ;DE BAS NA SHES PA DANG SHES BYA'I DBYE BA DANG BRAL BA BCOM LDAN 'DAS RDO RJE 'CHANG CHEN POS DRUG PA YIN NO, ,ZHES GRANGS SU 'GYUR RO, ,DE NI DE KHO NA NYID RNYED PAR DKA' BA NYID DU BSTAN TO, ,GAL TE DE LTA MA YIN NA SNGA MA NI JI LTAR GRUB PA DANG, 'GRUB PAR 'GYUR BA

DANG, ,PHYIS GRUB PA JI LTAR ZHE NA, SMRAS PA, SKYE GNAS BZHIS BSDUS PA RIGS DRUG GI SEMS CAN JI SNYED YOD PA DE DAG THAMS CAD NGO BO NYID KYI DE KHO NA NYID THOB PA STE, DE CHOS NYID LA GNAS PA'I PHYIR RO, ,'O NA JI LTAR THAMS CAD GROL BAR MI 'GYUR ZHE NA, SMRAS PA, GOMS PA BLANG BA'I PHYIR RO, ,GLO BUR GYI DRI MA LDOG PA'I DON DU THOS PA LA SOGS PA'I RIM PAS GOMS PAR BYAS NA DE KHO NA NYID SNANG BAR 'GYUR TE, MAR ME YOD PA BUM PA LA SOGS PA BZHIN NO, ,DES NI DE KHO NA NYID RNYED PAR DKA' BAS SLOB PAS CI DGOS SHE NA LE LO CAN SMRAS PA GANG YIN PA DE RNAMS LA, DE BSAL BAR BYA BA'I DON DU DE KHO NA NYID RNYED PAR SLAB YIN NO ZHES GSAL BAR BSTAN TO, ,JI SKAD DU, CHOS KUN NANG DU CHUD PA'I PHYIR, ,RING PO MA YIN GAR DU MIN, ,DE NYID RTOGS PAR DKA' BA'I PHYIR, ,DE YI NGO BO RTOGS MI 'GYUR, ,PHRA BAR GZIGS PA'I SANGS RGYAS KYIS, ,DE NYID RANG GIS RIG PA YIN, ,RANG GNAS LA YANG DAG 'DRA BA'I, ,BLO RAGS PAS NI MTHONG MI 'GYUR, ,RNAL 'BYOR RIG PAS NAM YANG NI, ,THAR PA'I 'DU SHES RING MI BYA, ,RANG GI BDAG NYID BRTAGS PA NI, ,STONG PAR MTHONG NAS MYA NGAN 'DAS, ,ZHES 'BYUNG NGO, ,DE BZHIN DU, GOMS PA'I SBYOR BA CI ZHIG BYA, ,THOG MAR GRUB PA'I NGO BO NYID, ,RANG BZHIN GYIS NI DE 'GRUB PA, ,DE BZHIN RTOG PA LAS SKYES MIN, ,YE SHES GSUM RIG SPANGS NAS NI, ,GANG ZHIG DE LTAR RTOG BYED PAS, ,DE YI DBYE BA MI SHES PAS, ,SLAR YANG DE RNAMS SLOB BZHIN 'GYUR, ,ZHES 'BYUNG NGO, ,DE LTAR ZHES BYA BA NAS BRTAGS NI MI RNYED PA'I PHYIR RO ZHES PA'I BAR DU NI DE BZHIN GSHEGS PA DANG BYANG CHUB SEMS DPA'I 'DRI BA DANG LAN GDAB PA'I NGO BO PHUL DU BYUNG BA GSAN NAS MGU BAR GYUR PA'I RDO RJE 'CHANG GIS DON 'DI NYID BSTAN PAS TE CHOS NYID KYI NGO BO SEMS CAN THAMS CAD STONG PA NYID KYI RANG BZHIN YIN YANG DE BZHIN 'JA' TSON LA SOGS PA DANG 'DRA BAR BDAG LA BYIN GYIS BRLAB PA'I RIM PAS SEMS CAN GYI DON RNAM PA SNA TSOGS KYIS SANGS RGYAS KYI BYA BA

, ,BYED DE, 'ON KYANG MNGON PAR BYANG CHUB KYI RIM PAS THAMS CAD STONG PA THOB NA, DE RNAMS GANG YANG DMIGS PAR MI 'GYUR TE, CHOS THAMS CAD 'OD GSAL PA'I NGO BO YIN PA'I PHYIR RO ZHES BSTAN TO, ,DE LTAR ZHES BYA BA NAS LAN GSUNGS PA'O ZHES PA'I BAR DU NI SANGS RGYAS KYI DNGOS GRUB GANG LAS 'BYUNG BA DANG GANG LAS GNAS PAR ZHES DE BZHIN GSHEGS PA THAMS CAD KYIS BCOM LDAN 'DAS RDO RJE 'CHANG CHEN PO LA DRI BA DANG BCOM LDAN 'DAS KYIS KYANG SLOB PA'I DUS NAS DE KHO NA NYID THOB BA'I BAR DU SKU GSUM GYI BDAG NYID DE KHO NYID GANG YIN PA DE NYID LAS STOBS BCU DANG MI 'JIGS PA LA SOGS PA 'JIG RTEN LAS 'DAS PA DANG, ZHI BA LA SOGS PA'I 'JIG RTEN PA'I DNGOS GRUB 'BYUNG ZHING DE NYID DU THIM PAR 'GYUR TE, SEMS CAN GYI DON BYA BA'I PHYIR ZHES LAN BSTAN TO, ,JI LTAR CHU NI DANGS PA LAS, ,ZHES BYA BA LA SOGS PA 'BYUNG BAS SO, ,DE BZHIN GSHEGS BA ZHES BYA BA NAS CI LA YANG MA YIN ZHES GSUNGS PA NI LAN NO ZHES PA'I BAR DU NI, 'JIG RTEN PA LA SOGS PA'I DNGOS GRUB KYI THABS DANG GANG GIS DMIGS SHING SGRUB PA SKU LA SOGS PA DE DAG DANG, DE'I RANG BZHIN GYIS KHAMS GSUM PA DANG, SNOD KYI 'JIG RTEN GYI NGO BO SA LA SOGS PA GANG DU GNAS ZHES MI BSKYOD PA LA SOGS PAS ZHUS PAS BCOM LDAN 'DAS KYI 'OD GSAL BA GNAS SO ZHES LAN BSTAN NA 'OD GSAL BA YANG GANG DU GNAS ZHES ZHUS PAS, GANG DU MI GNAS SO ZHES SO SOR NGES PA'I GNAS MED PA'I PHYIR THAMS CAD DU NI DE KHO NA NYID GNAS SO ZHES LAN GSUNGS SO, ,RING POR MA YIN GAM DU MIN, ,NAM MKHA' MA YIN SA LA MIN, ,'KHOR BAR MA YIN MYANG 'DAS MIN, ,GNAS MIN KHYOD LA PHYAG 'TSAL LO, ,ZHES 'BYUNG BA DANG, ,KUN DU KUN NAS THAMS CAD NI, ,RNAM PA THAMS CAD KUN RANG BZHIN, ,SANGS RGYAS KUN DNGOS GRUB PA NI, ,DES NI RANG GI BDAG NYID MTHONG, ,ZHES 'BYUNG BAS SO, ,DE BZHIN GSHEGS PA THAMS CAD CES BYA BA NAS NGO MTSAR GYI RGYU'O ZHES PA'I BAR DU NI NGO MTSAR DANG BCAS PA'I DE BZHIN GSHEGS PA RNAMS KYIS

BCOM LDAN 'DAS KYI BSTAN PA LA RJES SU YI RANG BAS SEMS RNAM PAR DAG PA'I RIM PAS RNAM PA MED PA'I 'OD GSAL BA THOB PA GANG YIN PA DE LAS CIG CAR DU, RNAM PA THAMS CAD MCHOG DANG LDAN PA'I LHA'I SKU GZUGS PA DANG, DES KYANG 'GRO BA'I DON BYA BA ZHES NGO MTSAR BA YIN NO ZHES BSTAN TO, ,MTSAN MA MED PA ZHES PA NI 'OD GSAL BA RTOGS PA'I MTSAN NYID DO, ,DE'I THABS ZHES PA 'OD GSAL BA DE THOB PA'I RGYU'O, ,LHA'I SKU ZHES PA NI BSKYED PA'I RIM PAS BSGRUB PAR BYA BA'O, ,LHA'I SKU GRUB NA RDZOGS PA'I RIM PA LA DBANG BYED PA'I PHYIR RO, ,JI SKAD DU; ;BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS NI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES 'BYUNG NGO, ,RDO RJE GSUM NI SEMS CAN THAMS CAD DO ZHES PA NI SKU LA SOGS PA'I BDAG NYID YIN PAS SO, ,DA RNAMS KYI MCHOG NI ZHES PA NI 'JIG RTEN SKYONG BA YIN PAS NA MCHOG GO, ,LHA CHEN PO LA SOGS PA NI 'DOD PA'I KHAMS KYI BDAG BO'O, ,DE RNAMS KYI MCHOG NI NYAN THOS PA DANG RANG RGYAL BA RNAMS SO ZHES PA NI 'DOD CHAGS DANG BRAL BA YIN PAS SO, ,DE RNAMS KYI MCHOG NI RDO RJE 'CHANG CHEN PO ZHES PA NI THAMS CAD LA RJES SU STON PAR MDZAD PAS SO, ,SKU DANG GSUNG DANG THUGS RDO RJE RNAMS LA ZHES PA NI RNAM PAR SNANG MDZAD LA SOGS PA LA'O, ,KHYAD PAR DU DBANG BSKUR BAS NA ZHES PA LA 'OG NAS 'CHAD PA'I DBANG PHYUG NYID KYIS SO, ,SKU'I DBANG PHYUG CES PA NI PHRA BAL SOGS PA LA'O, ,GSUNG GI DBANG PHYUG CES PA NI GZUGS BZHI'I BDAG NYID DO, ,THUGS KYI DBANG PHYUG NI LHA LA SOGS PA'I NYE BAR 'PHO BA LA SOGS PA LA'O, ,RDZU 'PHRUL ZHES PA NI 'BAR BA DANG SNANG BA LA SOGS PA LA'O, ,KUN 'GRO BA'I DBANG PHYUG CES PA NI GZUGS GCIG GIS THAMS CAD KHYAB PA'O, ,CI 'DOD NI JI LTAR MNGON PAR 'DOD PA'I DON BSKYED PA STE, DPAG BSAM GYI SHING BZHIN NO, ,BSKYED PA NI SEMS CAN GYI DON BYA BA'I PHYIR GZUGS SNA TSOGS PAS SPRUL PA NYID DE, RO BONG STAG DANG SENG GE RNAMS, ,

, ,GLANG PO RNAMS KYI SKYE GNAS SO, ,PHYAG RGYA DRUG KYANG SKYE BA STE, RDO RJE'I THUGS DANG LDAN PAS SO, ,ZHES 'BYUNG NGO, ,YON TAN NI STOBS BCU DANG MI 'JIGS PA LA SOGS PA'O, ,DE DAG DBANG PHYUG BRGYAD YIN NO, ,DE DANG LDAN PAS NA DBANG PHYUG DAM PA'O, ,'JIG RTEN DANG 'JIG RTEN LAS 'DAS PA ZHES PA NI ZHI BA LA SOGS PA DANG 'KHOR LO'I RIG PA 'DZIN PA LA SOGS PA'I DNGOS GRUB RNAMS SO, ,SGRUB PAR GYUR PA ZHES PA NI RDZOGS PAR BYED PA NYID DU THOB PA'O, ,RIG PA'I RANG BZHIN ZHES PA NI SNGAGS KYI RANG BZHIN NO, ,SKYES BU NI LHA'I RNAM PA CAN NO, ,BSKYED PA'I RIM PA'O ZHES PA NI BSKYED PA'I GO RIMS GSUNGS SO, ,NAM MKHA' RDO RJE ZHES BYA BA NAS BCOM LDAN 'DAS KYIS GSUNGS SO ZHES PA'I BAR DU NI KHYAD PAR GYI GNAS LA DMIGS PA SNGON DU 'GRO BAR DON DAM PA'I DKYIL 'KHOR GYI RIM PAS SEMS CAN GYI KHAMS STONG PAR BYAS NAS, PADMA LA SOGS PA RJES SU 'JUG PAS ZLA BA'I DKYIL 'KHOR 'BA' ZHIG BSAMS LA, DE'I STENG DU DGONG PA'I RDO RJE DANG 'KHOR LO DANG PADMA DANG RIN CHEN DANG, SNA TSOGS RDO RJE YONGS SU GYUR PA LAS BSKYED PA'I MI BSKYOD PA DANG, RNAM PAR SNANG MDZAD DANG, RIN CHEN 'BYUNG LDAN DANG, 'OD DPAG TU MED PA DANG, DON YOD GRUB PA'I SKU BSAMS LA, RNAL 'BYOR GSUM GYI RIM GYIS DANG PO SBYOR BA RDZOGS TE PHYAG RGYA LEGS PAR SBYONG BA SNGON DU 'GRO BAR DKYIL 'KHOR SPROS LA DES 'GRO BA'I DON BYAS TE, 'KHOR GYI TSUL DU BZHAG CING LAS KYI RGYAL BA MCHOG LA GNAS PAR BYA'O ZHES BSTAN TO, ,RNAM PA GZHAN GYIS BSGOMS NA ZHES PA NI LOG PA'AM MTSAN MA GCIG YONGS SU GYUR PA LAS SO, ,DNGOS GRUB KYI RGYUR MI 'GYUR RO ZHES PA NI MNGON BAR 'DOD PA'I LHA'I SGRUB PA'I RGYUR MI 'GYUR TE MI MTHUN PA'I PHYIR RO, ,'BRAS NI SA BON LA NAS KYI MYU GU BZHIN NO, ,DES NI BSKYED PA'I RIM PA'I MTSAN MA'I NGES PA BSTAN TE RGYAS BTAB PA BZHIN NO, ,DE LTAR ZHES BYA BA NAS BLTA BAR BYA'O ZHES PA'I BAR DU NI DANG PO SBYOR PA'I 'OG TU YE SHES KYI PHYAG RGYA DANG SNYOMS PAR ZHUGS PA NYID DU BSTAN TE, GANG LA DMIGS NAS

SNGAR BSHAD PA'I DKYIL 'KHOR SPRO BAR BYA'O ZHES BSTAN TO, ,JI LTAR 'GYUR ZHE NA ZHES BYA BA NAS BRTZON 'GRUS KYI BRTUL BA CAN ZHES PA'I BAR DU NI BSKYED PA'I RIM PA'I YE SHES KYI PHYAG RGYA DANG SNYOMS PAR ZHUGS PA'I BSGOM PAS CHAGS PA LA SOGS PA GSUM RNAM PAR SBYONG BA 'OD GSAL BA RTOGS PAR 'GYUR BAS, GO RIMS KYIS ZUNG DU 'JUG PA'I TING NGE 'DZIN LA GNAS PAR 'GYUR RO ZHES BSTAN TO, ,ZHAG BDUN ZHES BYA BA NAS SANGS RGYAS NYID THOB PAR 'GYUR RO ZHES BYA BA'I BAR DU NI GANG ZHIG RNAL 'BYOR PA YE SHES KYI PHYAG RGYA BSGOM PAR MI NUS PA DES LEGS PAR SBYANGS PA'I SHIN TU BSLABS PA, DAM TSIG GI PHYAG RGYA BLANGS LA DE DANG LHAN CIG TU CHAGS PA LA SOGS PA'I DBYE BA MTSON ZHING 'OD GSAL BA RTOGS NA JI SRID ZHAG BDUN GYI BAR DU PHYAG RGYA CHEN PO'I DNGOS GRUB THOB PA DE SRID DU GNAS PAR BYA'O, ,DBANG PO RNO BA DANG 'DOD CHAGS KYI SHAS CHE BA'I DBANG PO RNO BA'I SGOM PA 'DI YIN NO, ,ZHES BLA MA'I BKA' LUNG NGO, ,DANG PO SBYOR BA'I 'OG TU PHYAG RGYA LEGS PAR SBYANG BA NI DKYIL 'KHOR RGYAL BA MCHOG GI PHYOGS GCIG YIN NO, ,DE NAS ZHES BYA BA NAS 'DA' BAR MI MDZAD DO ZHES PA'I BAR DU NI RDZOGS PA'I RIM PA'I RNAL 'BYOR PAS LAG PA'I PHYAG RGYA BCING PAR MI BYA STE, DE G-YENG BAR BYED PA YIN PAS SO, ,PHYAG RGYA NI BCOM LDAN 'DAS KYI NGO BO MNGON DU GYUR PA'I PHYIR BCING BAR BYA STE, DE NYID MNGON SU BYAS NAS PHYAG RGYAS CI ZHIG BYA, DE'I DON DU GLANG PO RNYED PA ZHES BYA BA NI DPE YIN TE SKYES PA DANG GLANG PO STOR BA GAL TE DE TSOL BAS MDUN DU DE 'PHRAL DU RNYED NA, DE CI'I PHYIR GLANG PO DE'I RJES TSOL BA DE MI TSOL TE DE RNYED PA'I PHYIR RO, ,DE BZHIN DU GANG ZHIG RNAL 'BYOR PA RANG NYID RDO RJE SEMS DPA' YIN NA DES LAG PA'I PHYAG RGYAL SOGS PA, CI'I PHYIR TSOL TE DE GRUB PA YIN PAS SO; ;SPROS PA RNAMS DON MED PA'O, ,GSANG PA 'DUS PA NI RNAM PA GNYIS LA GNAS PA'O, ,RTOG PA'I RNAL 'BYOR PA RNAMS KYI ZHES PA NI BSKYED PA'I RIM PA LA GNAS PA RNAMS KYI'O, ,SKU RDO RJE'I RIGS DANG LDAN PA ZHES PA NI RNAM PAR SNANG MDZAD KYI RIGS DANG LDAN PA'O, ,

, ,NYAMS SU BLANGS PA ZHES PA NI SKU RDO RJE'I DAM TSIG GSUNGS BA'O, ,BSHANG GA CI ZHES BYA BA LA SOGS PAS BDUD RTZI LA SBYAD BA LA SOGS PA'I RIM GYIS SPYANG NAS BZA' BAR BYA BA DANG, DE BZHIN DU SHES RAB LA 'KHYUD PA LA SOGS PAS 'BYUNG BA'I BYANG CHUB KYI SEMS KYI BDUD RTZIS LUS TSIM PAR BYED PA SPYAD PAR BYA'O ZHES SKU'I RIGS KYI DAM TSIG GO, ,BSHANG BAS NYE BAR MTSON PA'I BDUD RTZI'I RANG BZHIN NI RNAM PAR SNANG MDZAD LA SOGS PA'O ZHES BSTAN TO, ,MCHOG NI YE SHES KYI PHYAG RGYA'O, ,'BRING NI DAM TSIG GI PHYAG RGYA'O, ,THA MA NI LAS KYI PHYAG, RGYA'O, ,YANG NA MCHOG NI BRAM ZE MO, ,'BRING NI RGYAL RIGS DANG RJE RIGS MA'O, ,THA MA NI DMANGS RIGS MA'O, ,YANG NA MCHOG NI SME SHA CAN GYI BU MO STE MI BSKYOD PA'I RIGS YIN PA'I PHYIR RO, ,BAR MA NI GAR MKHAN MO STE 'OD DPAG TU MED PA'I RIGS DANG LDAN PA'I PHYIR RO, ,THA MA NI KHRUS MKHAN MA STE RNAM PAR SNANG MDZAD KYI RIGS YIN PAS SO, ,DE DAG THUGS DANG GSUNG DANG SKU'I NGO BO YIN NO, ,KHAMS GSUM NI SEMS CAN RNAMS SO ZHES PA NI KHAMS GSUM LAS BSKYED PA'I PHYIR RO, ,SNYOMS PAR ZHUGS PA'I LAM ZHES PA NI SKYE BA BYUNG BA'I SGO'O, , PADMA'O ZHES PA GRU GSUM PA MO'I DBANG PO'O, ,'GRO BA THAMS CAD TSIM PAR BYED PA'O ZHES PA NI SEMS CAN GYI RIGS RNAMS LA BZHI DGA' BAR BYED PA STE, 'DOD PA'I KHAMS DE'I RANG BZHIN YIN PA'I PHYIR RO, ,DREGS PA'I GDUGS NI RTZA DBUS MA'O, ,ZLA BA RDZOGS PA NI RTZA G-YON PA'O, ,RUS SBAL NI G-YAS PA'O, ,SOGS PA NI MDUN DU LHA SBYIN MA DANG RGYAB TU NOR RGYAS MA'O, ,DE DAG GAL TE MI BSKYOD PA LA SOGS PA BDUD RTZI LNGA RGYU BA YIN NA YANG DE BZHIN DU BYANG CHUB KYI SEMS 'DZAG PA YIN NO, ,PHA GA'I DBUS NA NAM MKHA' GANG, ,NAM MKHA' LNGA YIS BRGYAN PA STE, ,LTE BAR GE SAR DANG LDAN PA'I, ,'DAB MA BRGYAD KYIS RNAM PAR MDZES, ,DE LA RTAG TU GNAS PA NI, ,KHU BA'I GZUGS SU BDUD RTZI 'DZAG ,CES 'BYUNG NGO, ,RTZA LNGA PO DE DAG SNYOMS PAR ZHUGS PA'I SNGON DU LAG PA'I PHYAG RGYAS BSKUL

ZHING GSHER BAR BYAS TE LCE BCUG LA, DE LAS 'DZAG PA'I BDUD RTZI MYANG BA GANG YIN PA DE NI GSUNG GI RDO RJE'I DAM TSIG STE, DAG GI RANG BZHIN LCE'I BYA BA YIN PAS SO, ,DE NI DKYIL 'KHOR RGYAL BA MCHOG GI PHYOGS GCIG DANG SHES RAB KYI DBANG BSKUR GYI PHYOGS GCIG DANG, GSANG BA'I DBANG BSKUR YANG YIN NO ZHES BSTAN TO, ,DE NAS ZHES BYA BA NAS SDUD PAR BYED PA'I TSIG GO ZHES PA NI THUGS RDO RJE'I RNAL 'BYOR PAS PADMA CAN LA SOGS PA'I PHYAG RGYA DANG LHAN CIG TU ROL PAS DE RNAMS KYI SEMS MNYES PAR MI BYA BA'O, ,'ON KYANG PHYI'I KHA ZAS DANG BTUNG BA DANG TSIG SNYAN PA LA SOGS PAS MGU BAR BYAS TE, DE NAS DGA' BAR 'GYUR BA'I SEMS DANG LDAN PAS, BDE BA'I LUS DANG LDAN PA DE RNAMS KYIS BYANG CHUB KYI SEMS STER BAR 'GYUR RO, ,GANG GI DBANG GIS BDE BA CHEN PO MYONG BA YIN NO ZHES BSTAN TO, ,DE NI THUGS KYI DAM TSIG STE THUGS MNYES PAR BYED PA'I PHYIR RO, ,SPYOD PA GSUM LA GNAS PA'I RNAL 'BYOR PA ZHES PA NI SPROS PA DANG BCAS PA LA SOGS PA SPYOD PA GSUM SPYOD PA'O, ,SPYI'I SANGS RGYAS DANG BYANG CHUB SEMS DPA' MNGON PAR ZHES PA ZHES PA NI DE RNAMS LA KUN DU CHAG PA'O, ,BRTZAL BAR BYA BA'I PHYIR NI DE LDOG PAR BYA BA'I PHYIR RO, ,LHAG MA'I LHA BSTAN PA'I LHA'I NGO BO NYID BSTAN PA'I PHYIR RO, ,DE NAS ZHES BYA BA NAS DE SKAD CES BKA' STZAL TO ZHES PA'I BAR DU NI GANG ZHIG SO SOR NGES PA'I RANG BZHIN LA DMIGS NAS SO SOR SNANG BA'I PHUNG PO LNGA DANG, MIG LA SOGS PA'I SKYE MCHED DRUG DANG, SA LA SOGS PA 'BYUNG BA CHEN PO GANG YIN PA DE RNAMS RNAM PAR SNANG MDZAD LA SOGS PA DE BZHIN GSHEGS PA LNGA DANG, SPYAN MA LA SOGS PA DANG RDO RJE 'CHANG CHEN PO DANG SA'I SNYING PO LA SOGS PA DRUG GI RANG BZHIN DU SHES PAR BYA'O ZHES BSTAN TO, ,DE NYE BAR MTSON PA TZAM YIN TE YE SHES LNGA DANG YUL DRUG GI NGO BO YANG YIN PAR SHES PAR BYA'O, ,DE YANG RIGS BRGYA'I DBYE BAS SNGAR GTAN LA PHAB PA'O, ,JI SKAD DU, BDAG NYID SANGS RGYAS KUN NYID DE, ,BYANG CHUB SEMS DPA' THAMS CAD NYID, ,DE

, ,PHYIR 'BAD PA THAMS CAD KYIS, ,RANG GI BDAG NYID MCHOD PAR BYA, ,ZHES 'BYUNG NGO, ,LE'U DANG PO NAS RDO RJE PHRENG BA'I RGYUD KYI TSAD MAS, SKU'I DKYIL 'KHOR DE NYID BSTAN TO, ,RGYUD PHYI MA LAS KYANG, BYANG CHUB SEMS KYI DKYIL 'KHOR DANG, SKU YI DKYIL 'KHOR NYID DANG NI, ,BHA GA'I DKYIL 'KHOR ZHES BYA BA'I, ,DKYIL 'KHOR GSUM PO DE DAG BRTAGS, ,DE YANG BSKYED PA'I RIM PA'I DANG PO SBYOR BA'I PHYOGS GCIG SHIN TU RNAL 'BYOR ZHES BYA BA YIN NO, ,DKYIL 'KHOR RGYAL BA MCHOG LA YANG SKU'I DKYIL 'KHOR LA LHAG PAR MOS PA SNGON DU 'GRO BAR PHYI ROL TU DKYIL 'KHOR SPRO BA'O, ,DE LTAR ZHES BYA BA NAS BZHUGS PAR GYUR TO ZHES BA'I BAR DU NI, PHUNG PO DANG KHAMS DANG SKYE MCHID KYI RANG BZHIN RNAM PAR SNANG MDZAD LA SOGS PA'I TSOGS, RANG GI PHUNG PO LA SOGS PA DANG MTSUNGS PAR SHES NAS KHAMS GSUM PA YANG DE'I NGO BOR SHES PAR BYA STE, GNAS JI LTA BA BZHIN DU GNAS PA'I DKYIL 'KHOR PA RNAMS GZIGS NAS SEMS RNAM PAR DAG PA'I RIM PA 'AM MNGON PAR BYANG CHUB PA'I RIM PA LA 'JUG STE, 'KHOR GYIS ZHUS PA LA KLAGS SKABS SU SBYIN PA'I PHYIR RO ZHES BSTAN TO, ,BCOM LDAN 'DAS ZHES BYA BA NAS SHES PAR BGYI ZHES PA'I BAR DU NI BCOM LDAN 'DAS RDO RJE 'CHANG 'OD GSAL BA LA 'JUG NA DPAL GSANG BA 'DUS PA RDO RJE SLOB DPON KHYOD DANG BDAG CAG GIS JI LTAR SHES BAR BYA ZHES BYAMS PAS DE BZHIN GSHEGS PA RNAMS LA 'DRI BAR BYAS SO ZHES BSTAN TO, ,'DIR 'JIG RTEN GYI SPYOD PA NI DKYIL 'KHOR GYI CHOG DANG SBYIN SREG DANG RAB TU GNAS PA DANG ZHI BA LA SOGS PA'I SPYOD PA'O, ,'JIG RTEN LAS 'DAS PA'I SPYOD PA NI DAM TSIG LA SOGS PA DANG RDZOGS PA'I RIM PA'I SPYOD PA'O, , BYAMS PAS BSKUL BA ZHES PA NI 'DRI BAR BYAS PA'O, ,SA'I SNYING PO LA SOGS PA GNAS KYANG BYAMS PAS BSKUL BA NI MA 'ONGS CHOS KYI RGYAL SRID LA DBANG BYED PA'I PHYIR RO, ,STON PA PO ZHES PA NI 'DIR DBANG BSKUR BA'I RDO RJE SLOB DPON NO, ,RDO RJE 'CHANG CHEN PO DANG 'DRA BA

ZHES PA NI 'DRA BA'I SGRA GZHAN GYI 'BREL PA DANG RNAM PAR GCOD PA YIN TE, DES NA RDO RJE SEMS DPA' NYID DE YIN GYI DE BZHIN GSHEGS PA GZHAN NI MA YIN NO, ,KHYAD PAR GYI SGO NAS DAM TSIG BSTAN PA'I DON DU BSHAD PAR BYA STE, DE CI'I PHYIR ZHE NA ZHES SMOS TE, BYANG CHUB KYI SEMS ZHES PA NI STONG PA NYID DANG SNYING RJE DBYER MED PA'I BDAG NYID NI RDO RJE 'CHANG NGO, ,STONG NYID SNYING RJE DBYER MED PA'I, ,BYANG CHUB SEMS DE BSHAD PA YIN, ,ZHES 'BYUNG NGO, ,GNYIS SU MED PA'I YE SHES 'DZIN PAS NA RDO RJE 'CHANG NGO, ,DE BZHIN GSHEGS THAMS CAD KYI GTZO BO YIN PAS NA CHEN PO YANG YIN LA, GNYIS SU MED PA'I YE SHES KYI RANG BZHIN PAS RDO RJE 'CHANG YANG YIN TE ZHES RDO RJE 'CHANG CHEN PO'O, ,SLOB DPON ZHES BYA BA NI DPAL 'DUS PA LAS DBANG BSKUR BA'I BLA MA'O, ,SHES PA DANG SHES BYA'I BAG CHAGS KYIS MI G-YO BAS NA MI BSKYOD PA STE, RDO RJE SEMS DPA' NYID DO, ,DE DAG NI RDO RJE 'CHANG GI RNAM GRANGS KHO NA'O, ,DBYER MED PA NI RDO RJE 'CHANG DANG SLOB DPON THA MI DAD PA'O, ,RGYU NI SLOB DPON NO, ,'BRAS BU NI RDO RJE 'CHANG STE, DE'I DRIN GYIS DE'I GO 'PHANG THOB PA'O, ,DE NYID KYI PHYIR RGYU DANG 'BRAS BU DE DAG DBYER MED PAR BYAS NAS SLOB DPON DANG RDO RJE 'CHANG NYID 'DRA BA'O, ,RIGS KYI BU ZHES PA NI MA 'ONGS PA'I DUS SU SANGS RGYAS KYI YUL LAS 'BYUNG BA'I 'GRO BA'I SLOB DPON NO, ,SHAR LA SOGS PA'I PHYOGS NA GNAS PA ZHES PA NI DE LA SRID PA'I RTZE MO'I SHAR PHYOGS SU; RNAM PAR SNANG MDZAD KYI 'JIG RTEN GYI KHAMS 'OG MIN NO, ,DE'I LHO PHYOGS SU RIN CHEN 'BYUNG GNAS NI RIN CHEN 'BYUNG LDAN GYI 'JIG RTEN GYI KHAMS SO, ,DE'I NUB PHYOGS SU BDE BA CAN ZHES BYA BA 'OD DPAG TU MED PA'I 'JIG RTEN GYI KHAMS SO, ,DE'I BYANG PHYOGS SU ME TOG CAN ZHES BYA BA DON YOD GRUB PA'I 'JIG RTEN GYI KHAMS SO, ,DE RNAMS KYI DBUS SU NAM MKHA' LA MNGON PAR DGA' BA ZHES BYA BA MI BSKYOD PA'I SANGS RGYAS KYI ZHING NGO, ,DE DANG 'DRA BA YANG STONG GSUM DANG STONG CHEN PO LA SOGS PA LA LTOS NAS MTHA' YAS PA'I

, ,'JIG RTEN GYI KHAMS SO, ,DE NYID BSTAN PA'I PHYIR, GRANGS MED PA NA ZHES SMOS TE, SANGS RGYAS DANG BYANG CHUB SEMS DPA' GRANGS MED PA ZHES BYA BA NI RDZOGS PA DANG MA RDZOGS PA'I DBYE BAS MTHA' YAS PA'O, ,CHOS KYI SKU ZHES PA NI KHYAB PA MED PA'I CHOS NYID KYI NGO BOS SO, ,MI G-YO BAS NA ZHES BYA BA NI NGO BO NYID KYI RTAG PAS SO, ,LONGS SPYOD RDZOGS PA'I SKUS ZHES PA NI MTSAN DANG DPE BYED KYIS BRGYAN PA'I SKUS SO, ,'OG MIN GYI GNAS ZHES PA NI NYE BAR MTSON PA TZAM YIN TE, MNGON PAR DGA' BA LA SOGS PA LA SOGS PA LA YANG NGO, , STON PAR MDZAD PAS ZHES PA NI CHOS KYI BDUD RTZI MYANG BAS SO, ,RGYUN MI 'CHANG PAR ZHES PA NI TSIM PAR BYED PA STE, MI 'JIG RTEN PA'I RTAG PA YIN PA'I PHYIR RO, ,SPRUL PA'I SKUS ZHES PA NI SPROS PA'I 'KHOR GYIS SO, ,MTHO RIS NI BDE 'GRO'O, ,THAR PA NI GROL BA'O, ,DE DAG BSOD NAMS DANG YE SHES KYI TSOGS BSTAN PAS THAB PAR MDZAD PA NI SEMS CAN RNAMS THOB PAR 'JUG PAR MDZAD PAS SO, ,RGYUN GYI RTAG PAS NA SPRUL PA'I SU NI RTAG PA YIN NO, ,DE RNAMS ZHES BYA BA NAS RANG GI SANGS RGYAS KYI ZHING DU 'GRO ZHING ZHES PA'I BAR DU NI DA LTA BU'I SANGS RGYAS DANG BYANG CHUB SEMS DPAS GSANG BA 'DUS PA'I SLOB DPON LA PHYI'I MCHOD PA DANG RANG GI NANG GI MCHOD PA LA SOGS PAS DUS GSUM DU MCHOD PAR MDZAD DO, ,ZHES BSTAN TO, ,'DI SKAD DU ZHES BYA BA NAS GO SLA'O ZHES PA'I BAR DU NI RDO RJE SLOB DPON 'DI BDAG CAG GI PHA 'DI BYA BA STE, SANGS RGYAS KYI THEG PA RGYUN MA CHAD PAR BYED PAS SO ZHES BYA BA LA SOGS PA'I BSTOD PA'I TSIG BRJOD NAS, YAR LDOG CING RANG RANG GI SANGS RGYAS KYI ZHING DU GSHEGS SO ZHES BSTAN TO, ,'JIGS SHING ZHES BYA BA NAS MI SMRA BAR GYUR TO ZHES PA'I BAR DU MCHOD PAR BYA BA LA THE TSOM CI DGOS ZHES BYA BAS NGO TSA DANG BCAS PA'I PHYIR BYAMS PA CAD MI SMRA BAR GYUR TO ZHES BSTAN TO, ,DE LTAR BYAMS PA ZHES BYA BA NAS POS SO ZHES PA'I BAR DU NI DKYIL 'KHOR GYI BDAG POS BRGYAN PA'I TING NGE 'DZIN LA SNYOMS PAR ZHUGS NAS, RDO RJE

'CHANG CHEN PO'I NGO BO KHONG DU CHUNG NAS DE BZHIN GSHEGS PA RNAMS SLAR YANG STON PAR MDZAD DE ZHES BSTAN TO, ,DE BZHIN GSHEGS PA'I ZHES BYA BA NAS SHES PAR BYA BA'I PHYIR RO ZHES BYA BA'I BAR DU NI BCOM LDAN 'DAS KYIS SPRUL PA'I SKU GANG YIN PA DE NI GANG DU GNAS ZHES BYANG CHUB SEMS DPA' ZHU BAR BYAS NAS RGYUD KYI DKYIL 'KHOR BDAG PO MI BSKYOD PA GANG YIN PA DE'I SKU LA SOGS PA LA GNAS TE, DE NYID LAS DE RNAMS SPRO BA YIN NO ZHES DE BZHIN GSHEGS PA RNAMS KYIS LAN BTAB PA DANG GZHAN YANG DKYIL 'KHOR GYI BDAG PO'I SKU LA SOGS PA GANG DU GNAS ZHES ZHUS PA LA GANG DU YANG MI GNAS SO ZHES LAN BTAB PA DANG, 'OD GSAL BA ZHES BRJOD PAR RIGS NA RANG GI RIG PA YIN PAS BRJOD PAR MI NUS SO ZHES BYA BA GANG DU YANG NI GNAS SO ZHES BSTAN TO, ,DE NI JI LTAR THOB CE NA BLA MA'I MAN NGAG LAS SHES PAR BYA BA'I PHYIR RO ZHES PA NI SHES RAB YE SHES KYI DBANG BSKUR BA'I DUS SU BLA MA'I ZHAL LAS 'OD GSAL BA NYID THOB PAR 'GYUR RO, ,DES NI RDO RJE SLOB DPON GYI BKA' DRIN GYIS GANG GI TSE RDO RJE 'CHANG CHEN PO'I GO 'PHANG 'OD GSAL BA DANG PHYAG RGYA CHEN PO'I RNAM GRANGS THOB NA DE'I TSE RGYU DANG 'BRAS BU DBYER MED PAS DE NYID RDO RJE 'CHANG CHEN PO YIN NO ZHES BSTAN TO, ,DE LTAR ZHES BYA BA NAS 'DI'I DON STON PA YIN NO ZHES PA'I BAR DU NI BYANG CHUB SEMS DPA' RNAMS STON PA RDO RJE SLOB DPON LA NGO MTSAR DU GYUR PA DANG, RDO RJE 'CHANG GI GO 'PHANG GI DE RGYUR GYUR PA LA RMAD DU GYUR PA DANG, DE BZHIN DU RDO RJE SLOB DPON SANGS RGYAS LA SOGS PAS BSNYEN BKUR DU BYA BA NYID DU BSTAN TO, ,DE YANG 'GREL PA MKHAN GYIS GO SLA BAS NA MA BSHAD DO, ,DON 'DI ZHES BYA BA LA SOGS PAS DPAL SGYU 'PHRUL DRA BA'I TSAD MA NYID BSTAN TO, ,SLOB DPON NI RDO RJE SLOB DPON NO; ;DE JI LTAR BLTA ZHE NA, ZHES PA NI JI LTAR SHES PAR BYA STE ZHES 'DRI BA LA LAN NO, ,YON TAN GYI TSOGS DANG LDAN PAS NA BLA MA'O, ,SANGS RGYAS THAMS CAD NYE BAR SDUD PAR BYED PAS NA SANGS RGYAS THAMS CAD STE DE DANG MTSUNGS PA'O, ,RDO RJE 'CHANG NI MI BSKYOD PA'O, ,LAS

, ,THAMS CAD PA YIN PAS NA, KUN NI DON YOD GRUB PA'O, ,RGYAL PO NI 'OD DPAG TU MED PA'O, ,RIN CHEN TOG NI RIN CHEN 'BYUNG LDAN NO, ,DE BZHIN GSHEGS PA NI RNAM PAR SNANG MDZAD DO, ,DE LTAR DE BZHIN GSHEGS PA LNGA DANG PA DRUG PA RDO RJE 'CHANG GI NGO BO RDO RJE SLOB DPON BSTAN TO, ,DE LTAR GYUR PA'I SLOB DPON NI RDO RJE BLA MA'I YON TAN NI TSUL KHRIMS LA SOGS PA'I YON TAN GZUNG BAR BYA'O, ,SKYON NI GANG YANG RUNG BA'I SPYOD PA NGAN PA GZUNG BAR MI BYA BA'O, ,'BRAS BU BSTAN PA'I PHYIR, YON TAN GYIS NI DNGOS GRUB CING, ,ZHES SMROS TE, 'JIG RTEN PA DANG 'JIG RTEN LAS 'DAS PA'I DNGOS GRUB TU 'GYUR RO, ,SKYON NI YOD PA'AM MED PA BZUNG BA NA SNGAR BSHAD PA'I DNGOS GRUB NYAMS PAR 'GYUR RO, ,DE'I PHYIR NI RGYU DE LAS SO, ,KUN NAS RAB BSGRIMS TE, ZHES PA NI LUS DAG YID KYIS SO, ,SANGS RGYAS NYID NI 'BRAS BU STE THOB PAR BYED PA'I PHYIR RO, ,DE 'DOD PA NI DE DON DU GNYER BA'I SKYES BU RNAMS KYIS SO, ,DAD PAS NI DANG PA DANG LDAN PAS SO, ,DE NI RDO RJE SLOB DPON NO, ,MCHOD CING NI MCHOD PAR BYA'O, ,GANG GI PHYIR BSAM PAS 'BRAS BU NI YANG DAG PAR RDZOGS PA'I BYANG CHUB KYI MTSAN NYID DO, ,SMIN BYED PA NI STER BAR BYED PA DE'I PHYIR MCHOD PAR BYA'O, ,DE BZHIN DU RIN CHEN RGYAL PO ZHES BYA BA LA SOGS PAS MDO SDE TSAD MA NYID DU BSTAN TO, ,AU RGYAN GYI RI NI BYANG PHYOGS KYI GNAS KYI RI LA'O, ,BCOM LDAN 'DAS LAG NA RDO RJE ZHES PA NI RDO RJE 'CHANG CHEN PO DE LA BZHUGS PAR GYUR NAS 'KHOR RNAMS LA 'DI SKAD GSUNGS SO, ,RDO RJE THEG PA LA SLOB PAR BYED PA NI KYE BYANG CHUB SEMS DPA' RNAMS SO, ,DE BZHIN GSHEGS PA NI BCOM LDAN 'DAS YANG DAG PAR RDZOGS PA'I SANGS RGYAS SO, ,DE RE ZHIG YONGS SU MYA NGAN LAS 'DAS PAS STON PA NI MI MTHONG NA YANG MNGON SUM DU MI MTHONG PA'O, ,DE BAS NA RDO RJE SLOB DPON NI 'JIG RTEN PA LA STON PAR 'GYUR TE, DES DE'I NGO BO BSTAN BA'I PHYIR RO, ,RJE BTZUN STONG PHRAG BRGYA PA LAS KYANG BYA BA 'DIS SHES RAB KYI PHA ROL TU PHYIN PA LAS KYANG LUNG TSAD MA NYID

BSTAN TE, SANGS RGYAS KYI BYANG CHUB NI YANG DAG PAR RDZOGS PA'I BYANG CHUB PO, ,DGE BA NI THAR PA'O, ,DE THOB PAR BYED PA'I DGE BA'I BSHES GNYEN NI DGE BA'I BSHES GNYEN TE, RDO RJE SLOB DPON NO, ,NYE BAR BSTEN PA ZHES PA NI DE LA BRTEN NAS SO, ,DE NAS ZHES BYA BA NAS GSUNGS TE ZHES PA'I BAR DU NI BCOM LDAN 'DAS RDO RJE 'CHANG CHEN POS DANG PO 'OD GSAL BA LA BZHUGS NAS DE NAS CIG CAR DU BDAG LA BYIN GYI BRLABS PA'I RIM PA LAS LANGS TE, MI BSKYOD PA PHYUNG ZHING RJES SU ZHUGS NAS ZHE SDANG RDO RJER GYUR NAS, DE BZHIN GSHEGS PA THAMS CAD RO MNYAM PA'I BDAG NYID KYI TING NGE 'DZIN LA ZHUGS TE, TING NGE 'DZIN GYI DKYIL 'KHOR NYAN PA'I DUS SU DE BZHIN GSHEGS PA RNAMS POS SO, ,DE RNAMS KYANG BCOM LDAN 'DAS KYI RJES SU GZUNG BA'I GSUNG GIS MGU BAS BCOM LDAN 'DAS STON CIG CES BYA BA'I DE'I TSIG GSAN NAS DE STON PA'I PHYIR RTZOM PAR GYUR TO ZHES BSTAN TO, ,NAM MKHA'I KHAMS ZHES BYA BA NAS BSAM GTAN GYI DKYIL 'KHOR ZHES BYA BA'I DU NI RE ZHIG DANG PO RNAL 'BYOR PAS BDAG LA BYIN GYIS BRLABS PA'I RIM PAS BDAG NYID RDO RJE 'CHANG CHEN POR BSGOMS LA MI BSKYOD PA PHYUNG ZHING RJES SU ZHUGS NAS THUGS RDO RJE BSAMS LA, DE NYID PHUNG PO LNGA'I BDAG NYID DE BZHIN GSHEGS PA LNGA'I BDAG NYID DANG, SPYAN MA LA SOGS PA'I RANG BZHIN GYI KHAMS BZHI'I NGO BO SKU NYID DKYIL 'KHOR DU BSAMS LA, RIM PA DE NYID DKYIL 'KHOR PA RNAMS KYANG GNAS JI LTA BA BZHIN DU 'KHOR GYI TSUL DU BSAMS TE, RANG GI SNYING GA'I PADMA'I LTE BAR RDO RJE 'CHAD CHEN PO BSAMS LA, REG BYA RDO RJE MAS 'KHYUD PA'I SNYOMS PAR ZHUGS PA'I BDE BA MYONG ZHING DE'I PADMA'I NANG DU, LHA SUM CU RTZA GNYIS KYIS DKYIL 'KHOR GYI BDAG NYID BSGOMS LA DE'I DBUS KYI LTE BAR MI BSKYOD PA'I GZUGS CAN SLOB MA LA BCUG NAS SNYOMS PAR ZHUGS PA LAS BZHUGS PA'I RTZA'I 'KHOR LO NAS 'DZAG PA BYANG CHUB KYI SEMS KYI RGYUN GYI CHAR DANG, DE BZHIN DU SROG DANG RTZOL BA LA GNAS PA'I SANGS RGYAS DANG BYANG CHUB SEMS

, ,DPA' DANG SNYOMS PAR ZHUGS PA DE RNAMS SLOB MA DE'I SPYI BOR DBANG BSKUR SBYIN PAR BYA'O, ,DBANG BSKUR BA 'DI NI RANG DANG GZHAN GYI DON PHUN SUM TSOGS PA RDZOGS PA LA NUS PA YIN NO ZHES BSTAN TO, ,'DI NI RIG PA'I DBANG BSKUR BA YIN TE, RIG MA'I PADMA'I NANG DU RTZOL BAS SO, ,GSANG BA'I DBANG BSKUR BA YANG YIN TE, BYANG CHUB KYI SEMS KYIS DBANG BSKUR BAS SO, ,SHES RAB KYI DBANG BSKUR YANG YIN TE, SHES RAB KYI PADMA DANG REG PAS SO, ,BLA NA MED PA'I DE KHO NA NYID THOB PA BZHI PA YANG NI DE BZHIN NO ZHES SHES PAR BYA'O, ,GZHAN YANG GDUG PA RNAMS ZHES BYA BA NAS, SBYOR BA PHUL DU BYUNG BA'O, ,ZHES PA'I BAR DU NI LE'U BCU GSUM PA DANG BCU BZHI PA'I YAN LAG TU GYUR PA'I CHO GA 'DIS DRAG PO'I LAS BSGOM PAR BYA STE, RE ZHIG DANG PO RNAL 'BYOR PAS RANG GI BDAG NYID PAGS PA DANG DUS PA DANG SHA THA DAD PAR BSGOMS LA YANG GCIG DANG DU MA BRAL BAS DE NYID STONG PAR BSGOMS TE, RKANG PA'I DKYIL 'KHOR NAS MGO BO'I BAR, ,BSHANG GCI SOGS KYIS RAB TU GANG, ,RDUL PHRA BA SOGS DBYE BA YIS, ,RNAM PAR DPYAD NA NGO BO MED, ,CES BYA BA'I TSIG GIS DE'I 'OG TU LUS NGAG YID KYI BDAG NYID YI GE GSUM THAMS CAD NAG PO'O, ,H'Um HRIm KHAm ZHES BYA BA'I 'OD ZER GYI TSOGS SPRO BAR BYAS LA, DE YONGS SU GYUR PA LAS BYUNG BA'I KHA DOG SNGON PO DRAG PO RDO RJE SPRO BA DANG BSDU BA'I RIM GYIS, DE YONGS SU GYUR PA LAS BCOM LDAN 'DAS RDO RJE MKHA' 'GRO ZHAL GCIG PHYAG BZHI PA KHA DOG SNGON PO G-YON BRKYANG BA GDUG BA 'DUL BA LA BRTZON PA, PHYAG G-YAS PA LA RTZE GSUM, GNYIS PA LA RDO RJE, G-YON PA'I DANG PO LA THOD PA GNYIS PA LA MDUD RTZE GCIG PA RDO RJE PHUR BU 'DZIN PA BSAMS LA, LCE YANG RTZE LDA'I RDO RJE'I RNAM PA CAN, LCE RE RER RLUNG LA SOGS PA 'BYUNG BA CHEN PO'I SA BON LA YA RA LA WA HA'I SA BON BKOD NAS DE LAS BYUNG PA'I 'OD ZER LDAS BSGRUB BYA'I YAN LAG LA SDIG PA BZHIN DU ZHUGS PAR SBYAR BAS KHRAG MA LUS PA DGUG CING, RANG GI SNYING GAR 'JUG PAR BYA'O, ,DE'I TSE DGRA BO 'CHI BAR 'GYUR BA

DANG GZHAN YANG TING NGE 'DZIN DE NYID KYIS BSGRUB BYA'I SNYING GA RTZE GSUM GYIS DRAL LA, RDO RJES 'OG DANG RDO RJE PHUR BUS YAN LAG THAMS CAD KYI TSIGS DRAL LA, SNGAR BSHAD PA'I SA BON LNGA PO'I 'OD ZER GYIS YAN LAG THAMS CAD LA KHYAB PA'I KHRAG DGUG CING THOD PA LA BZHAG STE DE LAS BTUNG BAR BYA'O,, DE'I TSE DGRA BO 'CHI BAR 'GYUR RO, ZHES BSTAN TO, ,DE NAS ZHES BYA BA NAS, 'DI NI NANG GI SBYIN SREG GO, ,ZHES PA'I BAR DU NI KHA ZAS KYI DUS SU RNAL 'BYOR PAS BZA' BA DANG BTUNG BA LA SOGS PA BDUD RTZI LNGA'I CHOGS BSKYED LA SNYING GAR YE SHES SEMS PA ME LCE SPRO BA BSAMS LA, MGRIN PAR PADMA 'DAB MA BRGYAD PA DANG 'DRA BA'I LCE'I PADMA'I 'DAB MAN DANG 'DRA BA YANG KHA YANG THAB DANG 'DRA BA GANG, LAG PA GNYIS DGANG GZAR DANG BLUGS GZAR DU BSAMS TE SPYAD PAR BYA'O ZHES BSTAN TO, ,'DIR NYE BAR DGOS PA'I BZA' BA DANG BTUNG BA DKYIL 'KHOR BZHIS DBYE BAR BYAS PA SHA DANG KHU BLA SOGS PA'I RANG BZHIN NI KHAMS NYI SHU RTZA BZHI'I NGO BOR YONGS SU GYUR PAR BSAM PAR BYA'O, ,LHAG MA ZHES BYA BA NI YONGS SU GYUR PA LAS 'BYUNG BA'O, ,BSHAD PA DANG GCI BA'I DNGOS POR ZHES PA NI ME YONGS SU GTONG PA'I THAL BA'I NGO BOR YONGS SU GYUR PAR BSAM PAR BYA'O, ,LHA MO BZHIS YONGS SU ZHUS PA'I RGYUD LAS KYANG, RLUNG GIS ME NI SBAR BYA BA, ,CHUS NI YONGS SU SMIN PAR BYED, ,DBANG CHEN GYIS NI DKYIL 'KHOR GNAS, ,GANG DU SREG BLUGS KUN DU SPYOD, ,BZA' DANG BTUNG BA GANG YIN PA, ,DE DAG THAMS CAD 'DZIN PAR BYED, ,KHA YI PADMA BZA' BA STE, ,MGRIN PA'I PADMA 'JUG PAR BYED, ,SNYING GA'I PADMA LAS BYUNG ZHING, ,LTE BA'I PADMAR 'DZIN PAR BYED, ,BSHAD SGO PADMA LAS BYUNG ZHING, ,DE NI THAL BAR RTOGS PAR BYA, ,ZHES 'BYUNG NGO, ,DE NI LAS KYI RGYAL BA MCHOG GO, ,TING NGE 'DZIN GSO BA'I YAN LAG GO, ,DE NAS ZHES BYA BA NAS 'DA' BAR MI BYA'O ZHES PA'I BAR DU NI SEMS CAN THAMS CAD DANG BDAG NYID KYANG RANG GI YI DAM GYI LHA'I RNAM PAR BSGOMS LA MCHOD PAR BYA'O ZHES BSTAN TO, ,DE LTAR NYIN RE'I DAM TSIG NI RNAL 'BYOR PA THAMS CAD KYI YIN NO, ,LAS KYI RGYAL BA MCHOG

, ,GI TING NGE 'DZIN TO, ,DE LTAR THUN MONG GI MCHOD PA BSTAN NAS ZHES BYA BA NAS SANGS RGYAS KYI BYANG CHUB THOB PAR 'GYUR RO ZHES BYA BA'I BAR DU NI PHYAG RGYA LEGS PAR SBYANGS PA SNGON PA SNGON DU 'GRO BAR RDO RJE DANG PADMA SNYOMS PAR 'JUG PAR BYAS LA, DE BZHIN GSHEGS PA THAMS CAD 'JUG PA YONGS SU 'GYUR PA'I BYANG CHUB KYI SEMS DBUS MA'I LAM RDO RJE'I LAM NAS 'BYUNG BA PHYAG RGYA'I CHOS 'BYUNG GI NANG DU SNA TSOGS PADMA DANG ZLA BA'I DKYIL 'KHOR GYI STENG DU SPROS PA, BU DANG TSA BO LTA BU SANGS RGYAS DANG BYANG CHUB SEMS DPA'I DKYIL 'KHOR BSKYOD LA, SRUNG BA DANG RGYAS PA LA SOGS PA'I CHO GA ZHES PA NI SEMS DPA' GSUM GYI GCIG GI BDAG NYID DANG, DBANG BSKUR BA DANG RGYAS GDAB PA LA SOGS PA'I BYA BAS DKYIL 'KHOR DU SHAR PHYOGS LA SOGS PA'I RIM GYIS GZUNG BA NI GZHAG PAR BYA'O ZHES BSTAN TO; ;DE NI DKYIL 'KHOR RGYAL BA MCHOG CES BYA BA'I TING NGE 'DZIN TO, ,DE LTAR BDAG DANG GZHAN LA MCHOD PA BSTAN NAS ZHES BYA BA NAS PHUL DU BYUNG BA'O ZHES BYA BA'I BAR DU SEMS CAN GYI KHAMS RNAM PA BZHI DANG LDAN PA'I SA'I KHAMS NI LUS KYI LEGS PAR SPYOD PA MCHOD PA LA SOGS PA DANG, NGAG GI BDE BA LA BSTAN PA DANG SMIN PA LA SOGS PA DANG, YID KYI DGE BA BYAMS PA LA SOGS PA'I TSANGS PA'I GNAS KYI RJES SU GZUNG BAR BYA'O ZHES BYA BA NI SEMS CAN THAMS CAD SDU BAR BYED PA 'DUS PA'I DAM TSIG PHUL DU BYUNG YIN NO ZHES LAS KYI RGYAL BA MCHOG GI TING NGE 'DZIN TO, ,DE LTAR MCHOD PA'I RNAM PAR ZHES BYA BA NAS DMIGS PA DANG BCAS PA'I PHYIR RO ZHES BYA BA'I BAR DU NI JI SRID SNGAR BSHAD PA'I MCHOD PA'I CHO GA DE DAG THAMS CAD SBYIN PAR BYA BA DANG SPYIN PA PO DANG, LEN PA PO DANG, MCHOD PAR BYA BA DANG MCHOD PA PO DANG MI DMIGS PAS 'DI DAG THAMS CAD 'OD BSAL BA'I RANG BZHIN YIN NO ZHES LHAG PAR MOS PAR BYA'O, ,GZHAN DU NA DMIGS PA DANG BCAS PAS BSOD NAMS KYI TSOGS SU YANG MI 'GYUR GYI YE SHES KYI TSOGS

LA LTA CI SMOS ZHES BSTAN TO, ,DE LTAR ZHES BYA BA NAS PHAN YON NO ZHES PA'I BAR DU NI BSGOMS PAS DUB PA'I RNAL 'BYOR PAS SPYI BOR MTHO GANG TZAM GYI NAM MKHA'I KHA DOG DKAR PO YI GE WAm YONGS SU GYUR PA LAS ZLA BA'I DKYIL 'KHOR BSAMS LA DE'I DKYIL DU THUR DU 'CHANG BA 'BAR BA'I YI GE AOm BKOD NAS DE BZHUS PAR GYUR PA DE LAS 'BAB CHU'I RGYUN GYI RNAM PA BDUD RTZI'I CHAR GYIS TSANGS PA'I SGO NAS RKANG PA'I DKYIL GYI BAR DU RTZA KUN DU SPYOD PA'I RIM GYIS TSIM PAR BYA'O ZHES BSTAN TO, ,'DI YANG LAS KYI RGYAL BA'I MCHOG NYID NGO, ,RDZOGS PA'I RIM PA RTOG PA ZHES BYA BA NAS DGAG PA MED DO ZHES BYA BA'I BAR DU NI ZUNG DU 'JUG PA'I RIM PA LA GNAS PA'I RNAL 'BYOR PAS MCHOD RTEN GYI LAS DANG SANGS RGYAS DANG BYANG CHUB SEMS DPA' LA SOGS PA LA PHYAG 'TSAL BA DANG MAndALA GYI BYA BA DANG GLEGS BAM LA SOGS PA KLOG PAR MI BYA STE, RANG GI SKU'I DKYIL 'KHOR MCHOD RTEN LA SOGS PA'I RANG BZHIN YIN PA'I PHYIR DANG, RDO RJE BZLAS PA LA CHAGS PA'I PHYIR TING NGE 'DZIN LA G-YENG BAR BYED PA 'BRAS BU MED PA DE RNAMS DE LA CI DGOS ZHES BYA BA'I THA TSIG GO, ,DE LA BTUL ZHUGS MA BRTAN TE, , BGRANG PHRENG MA YIN BSDAMS PA MIN, ,'DZIN DANG SBYIN SREG LAS RNAMS DANG, ,GZHAN DANG GZHAN LA 'JUG PA MIN, ,ZHES 'BYUNG NGO, ,SEMS CAN GYI DON BYA BA'I PHYIR YANG 'DI NGAG RJES SU BSGRUB PAR BYA STE, RNAM PA THAMS CAD DU MNGON PAR ZHEN PAS NI MA YIN NO ZHES BSTAN TA, ,LE'U BCO LNGA PA ZHES BYA BA NAS SHES PAR BYA'O ZHES PA'I BAR DU NI YI GE AOm YONGS SU GYUR PA LAS 'KHOR LO'I DKYIL 'KHOR DU BSTAN PA DANG G-YO BA LA SOGS PA'I DUG GIS ZIN PA'I BSGRUB BYA LA, DE BZHIN DU SPYI BOR KHA DOG DKAR PO'I 'KHOR LOS MNAN PAR BYAS TE, KHA SBYOR GNYIS GA LAS 'BYUNG BA'I 'OD ZER DKAR PO'I TSOGS KYIS DE'I LUS LA KHA DOG SER PO'I DUG SEL BAR BYA'O ZHES PA NI DUG SEL BA'O, ,'KHOR LO SER PO DE DAG GIS DUG RENGS PAR BYA BA DANG 'KHOR LO NAG PO DE DAG GIS GCIG LAS DGUG CING

, ,GZHAN DU 'PHO BAR BYA'O ZHES BSTAN TO, ,DUG BSAL BA LAS 'GRUB PA'I BKA' GZHAN BRI BAR BYA STE, AE S'A S'A GHA RE nE WE MI LA RA MO TA KI SA DZ'A HE RE BHA DO AA DA KHE N'A DHE S'A DZ'A HE SU DZAN KA LA DA THU WE SAm KH'A ME WE SAm BE B'A ME WE SE nA MA DZA NU LI WA NAM KA RU ME HE LE HE LE MU TA MA TANG BE SV'A H'A, DE BRJOD PA TZAM GYI DUG SEL BAR 'GYUR RO, ,DE'I SNGON GYI BSNYEN PA LA SOGS PA MI DGOS TE BRJOD PA TZAM GYIS GRUB PA'I PHYIR RO ZHES THE TSOM MED DO, ,RENGS PA LA DUG GI CHA LNGA PA RANG NYE BAR SPYOD CING CHA DRUG PA SNGAGS 'DIS GANG LA SBYIN PA DE LA RENGS PAR 'GYUR TE, HRI WI H'Am WI HUm THA THA THA STAm PA YA STAm PA YA, DE NI BKA'I SNGAGS TE BRJOD PA TZAM GYIS GRUB PA NYID DO, ,'PHO BA LA CHO GA 'DI NYID YIN NO, ,DE LTAR ZHES BYA BA NAS BA SPU BSDUS SHING BTUS PA'O ZHES PA'I BAR DU NI BDAG NYID BDUD RTZI 'KHYIL PAR BSAMS TE GI WANG DANG GUR KUM GYIS DRI MA MED PA'I GRO GA LA SOGS PA LA RDO RJE RGYA GRAM GYI CHA ZUNGS LA RTZIBS BRGYAD PA'I 'KHOR LO BRIS TE DBUS SU YI GE HAm BSGRUB BYA'I MING DANG BCAS PA DANG, RTZIBS RNAMS LA YANG AOm HU LU HU LU TI shthA BANDHA BANDHA HA NA HA NA DA HA DA HA AA MRi TE PHAt, DE LTAR BRIS NAS SRAD BU DKAR POS BCINGS LA RGYA SKYEGS DANG LCAGS GSUM GYIS BSKOR ZHING ZA MA TOG LA SOGS PAR BZHAG NAS TSES GCIG NAS BRTZAMS TE NYA'I PAR DU MCHOD PA RNAM PA LNGAS MCHOD CING DE LAS BTON TE, BSGRUB BYA'I DPUNG PA LA BTAGS NA DE'I TSE RIMS LA SOGS PA NAD RNAMS DANG BGEGS DANG DGRA RNAMS GNOD PAR MI 'GYUR RO ZHES BSTAN TO, ,DA NI ZHES BYA BA NAS KUN DU BZANG POS GSUNGS SO ZHES PA'I BAR DU NI THOD PA'I GDAN LA GNAS PA'I RNAL 'BYOR PAS SRUNG PA'I 'KHOR LO'I PHYOGS BCINGS LA THOD PA'I SGYED PU'I STENG DU ZHAG GIS BKANG PA'I THOD PA BZHAG NAS DE'I STENG DU CHANG GIS BKANG BA'I SNOD BZHAG LA BDUD RTZI LNGAS BSKUS PA'I SHING AA RGA DANG PADMA'I SNAL MAS SDOD BU BYAS TE, KHRO BO'I GZUGS KYIS MAR DO'I TSES BCU BZHI'I MTSAN PHYED KYI DUS SU DU BA BLANGS NAS 'KHOR LO'I BDAG PO'I SNGAGS BRGYA

RTZA BRGYAD BZLAS PAS SNGON DU 'GRO BAR RAS LA BSDUS TE, SRUNG SKUD DMAR POS BCINGS LA, SNGA MA BZHIN DU ZA MA TOG LA SOGS PAR MCHOD CING DES BSKU BA'I DMIG DANG BCAS PA RNAM PA GSUM GYI DNGOS GRUB THOB PAR 'GYUR RO ZHES BSTAN TO, ,DE LAS ZHES BYA BA LA SOGS PAS RNAM PA GSUM GYI DNGOS GRUB KYI BSHAD PA NI GO SLA'O, ,DE NAS SDUD PAR BYED PA ZHES BYA BA NAS MI GSUNG BAR BZHUGS SO ZHES PA NI GANG ZHIG DPAL GSANG BA 'DUS PA'I RGYUD KYI RGYAL PO DANG PAR BYED PAR DANG THOS PA LA SOGS PA'I RIM PAS MNGON DU BYED PA, DE RNAMS GANG GIS BYIN GYIS BRLABS PA ZHES 'DRI BA LA, DE BZHIN GSHEGS PA GSUM GYIS ZHES LAN BSTAN PO, ,YANG DE RNAMS GANG YIN ZHE NA ZHES ZHUS PA LA SKU RDO RJE LA SOGS PA ZHES LAN BTAB NAS THE TSOM DANG BRAL BAS DE BZHIN GSHEGS PA RNAMS KYANG MI GSUNG BAR GYUR TO ZHES BSTAN TO; ;DE LTAR ZHES BYA BA NAS THAMS CAD MKHYEN PA'I PHUN SUM TSOGS PA DANG LNGAN PAR 'GYUR RO ZHES PA'I BAR DU NI BSKAL PA DU MA 'DAS PA'I DUS SU DE BZHIN GSHEGS PA RNAMS MYA NGAN LAS 'DAS PA GANG YIN PA DE RNAMS KYI RGYUD KYI RGYAL PO 'DI MA GSUNGS TE, DUS DE TZAM LA MOS PA DMAN PA YIN PA SEMS CAN GYI KHAMS PHA ROL TU PHYIN PA'I THEG PAS 'DUL BA YIN GYI SNGAGS KYI THEG PAS NI MA YIN NO, ,DE LTA'I DUS DANG SNYIGS MA LNGA DANG LDAN PA'I SEMS CAN RNAMS 'DOD CHAGS DANG ZHE SDANG DANG GTI MUG CHE BAS PHA ROL TU PHYIN PA'I TSUL GYIS 'GRUB PAR MI 'GYUR BAS, BCOM LDAN 'DAS RDO RJE 'CHANG GIS CHAGS BRAL GYI DUG SPANGS NAS, SGEG PA'I NYAMS GTZO BOR GYUR PA'I SKU SPROS LA 'DOD CHAGS KYI 'DOD CHAGS SPONG BA'I DON DU DPAL GSANG BA 'DUS PA'I RGYUD BSTAN TO, ,BSKAL PA GRANGS MED PA GSUM GYI BYANG CHUB SEMS DPA' BYANG CHUB THOB PA GANG YIN PA DE NI TSE 'DI NYID DU SKAD CIG DANG THAD CIG YUD TZAM DANG MIG BTZUMS PA DANG, THAL MO RDEBS PA TZAM GYIS SNGAGS KYI THEG PA CHEN PO BAS THOB PAR 'GYUR RO ZHES BSTAN TO, ,NANG GI MNGON PAR BYANG CHUB PA'I

, ,RIM GYIS ZHES PA NI MNGON PAR BYANG CHUB PA'I RIM PA NI RNAM PA GNYIS TE PHYI'I MNGON PAR BYANG CHUB BA DANG, NANG GI MNGON PAR BYANG CHUB PA'O, ,DE'I PHYI'I MNGON PAR BYANG CHUB PA NI SROD NAS SNANG BA'I YE SHES SO, ,NYIN MOR SNANG BA MCHED PA'I YE SHES SO, ,NYI MA NUB PA'I DUS MTSAMS LA SNANG BA NYE BAR THOB PA'I YE SHES SO, ,THO RANGS KYI DUS MTSAMS LA 'OD GSAL BA ZHES BYA'O, ,NANG GI MNGON PAR BYANG CHUB PA NI DANG PO KHA DOG LNGA PA'I 'OD ZER GYI RNAM PA DANG, GNYIS PA NI DU BA'I RNAM PA DANG, GSUM PA NI SRIN BU ME KHYER GYI RNAM PA DANG, SRIN BU ME KHYER NI G-YO BA'I SROG CHAGS SO, ,BZHI PA NI MAR ME'I RNAM PA DANG, LNGA PA NI SPRIN MED PA'I NAM MKHA' DANG 'DRA BA ZHES BYA BAS RTAGS LNGA MTHONG BAS 'OD GSAL BA 'BYUNG BAR 'GYUR RO, ,'DI DAG NI NANG NAS NANG GI MNGON PAR BYANG CHUB KYI RIM PAS 'OD GSAL BA LA ZHUGS PA ZHES BYA BA NI 'OD GSAL BA LA ZHUGS NAS SO, ,RNYOG PA'I DRI MA THAMS CAD NI 'DOD CHAGS DANG 'DOD CHAGS PAR MA RNAMS SO, ,DE DAG DKRUGS TE YANG GZHAN GYI DON BYA BA'I PHYIR RIM PA GSUM PAS YE SHES KYI SKU BLANGS NAS SGYU MA LA SOGS PA'I DPE DANG LDAN PAS THAMS CAD MKHYEN PA'I PHUN SUM TSOGS PA DANG LDAN PAR 'GYUR RO, ,GSANG BA 'DUS PA 'DI LA ZHES BYA BA NAS DGONGS PA MA YIN PAS BSHAD PA'O ZHES PA'I BAR DU NI THOS PA LA SOGS PA'I RIM PAS DPA' GSANG BA 'DUS PA'I RGYUD DU 'BAD RTZOL BYED PAS TSE 'DI NYID DU GRUB PA YIN GYI PHA ROL DU PHYIN PA'I RNAL 'BYOR PAS BSKAL PA GRANGS MED PA GSUM GYIS BYANG CHUB THOB PA NI MA YIN NO, ,ZHE 'GYOD PA SKYES PA'I TZANDAN LA SOGS PA'I RIGS CAN GYI BYANG CHUB SEMS DPA' MGU BAR MI 'GYUR BA YANG BYAS SO, ,DE DUS RIN PO CHE LTA BU'I GANG ZAG GI RANG BZHIN DE BZHIN GSHEGS PA RNAMS KYIS KYE DBANG PO DMAN PA DU MA ZHIG CES DBUGS 'BYUNG BA SBYIN PAR BYAS SO, ,DE RNAMS KYI SDUG BSNGAL GSUM GYI RGYU DANG LDAN PA'I DU BA BSTAN TO, ,SDUG BSNGAL NI NYE BAR LEN PA'I PHUNG PO LNGA'O, ,DE RNAMS KYI YANG

SDUG BSNGAL NI NAD LA SOGS PA'O, ,'GYUR BA NI DMYAL BA LA SOGS PA 'GRO BA DRUG TU 'KHOR BA'O, ,DE NYID SDUG BSNGAL TE RAL BAR BYED PAS SO, ,'DU BYED NI SKYE BA SNGA MA'I BAG CHAGS RNAMS SO, ,DE NYID SDUG BSNGAL TE DE'I DBANG GIS SKYE BA LAN PAS SO, ,YANG NA ZHES BYA BA NI PHYOGS GZHAN SDUG BSNGAL BAR BYED PA'I TSIG PHRAD DO, ,LUS KYI SDUG BSNGAL LA NI NAD LA SOGS PA'O, ,NGAG GI SDUG BSNGAL NI RTZUB MO'I TSIG LA SOGS PA'O, ,YID KYI SDUG BSNGAL NI 'DOD CHAGS LA SOGS PA'O, ,DE DAG JI LTAR MI MYONG BA DANG JI LTAR MING DU ZHES BYA STE, RGYUD 'DI NYID LA SNOD MA YIN PA'I PHYIR RO ZHES 'DRI BA'O, ,SKU GSUNG THUGS ZHES PA NI THA MAL PA'I LUS LA SOGS PA SBYONG BAR BYED PA KHYAD PAR GYI LHA'I RNAM PAR SNANG MDZAD LA SOGS PA STON PAR BYED PA'O, ,YI GE'I DON NO ZHES PA NI KHYAD PAR GYI SKU LA SOGS PA'I LHA STON PAS SO; ;YI GE GSUM ZHES PA NI AOm DANG A'A DANG CHA BZHI PA STON PAR BYED PA'O, ,SPYI'I DON ZHES BYA BA NI YI GE GSUM LAS BYUNG BA'I LHA RNAMS BSTAN PA'I PHYIR TE, BSKYED PA'I RIM PA DANG LDAN PA'I ZHES BRJOD PA'I PHYIR RO, ,'JUG PA NI DGA' BA'O, ,GNAS PA NI MCHOG TU DGA' BA'O, ,LDANG BA NI DGA' BRAL BA'O, ,SBAS PA'O ZHES PA NI 'DOD CHAGS KYI CHOS RAB TU BSTAN PAS SO, ,SHES RAB NI SNANG BA'I YE SHES SO, ,THABS NI SNANG BA MCHED PA'I YE SHES SO, ,NYE BAR THOB PA ZHES PA NI SNANG BA NYE BAR THOB PA'I YE SHES SO, ,MTHAR THUG BA ZHES PA NI 'OD GSAL BA'I MTHAR THUG PA BSTAN PAS SO, ,KYE BYANG CHUB SEMS DPA' RNAMS DE LTAR MA SEMS SHIG ,SANGS RGYAS KYI SA THOB PA YANG DAG PAR RDZOGS PA'I BYANG CHUB DANG LDAN PA NI BDAG CAG GIS KYANG SHIN TU ZAB PA YIN PAS MI RTOGS NA, KHYED RNAMS KYIS THOB PA DE SMOS CI DGOS ZHES BYA BA DE LTA BU DE BZHIN GSHEGS PA'I DBUGS DBYUNG BA THOS NAS BYANG CHUB SEMS DPA' RNAMS KYANG MI SMRA BAR 'GYUR TO ZHES BSTAN TO, ,DGONGS PA YIN PAS BSHAD PA ZHES BYA BA NI SHIN TU GSAL BA'I DE KHO NA NYID BSTAN PAS SO, ,DE LTAR ZHES BYA BA NAS 'DI'I DON

, ,BSHAD ZIN TO ZHES PA'I BAR DU NI DKYIL 'KHOR MA LUS PA SKU LA SOGS PA'I RANG BZHIN GYI YI GE GSUM LA 'JUG CING, YI GE GNYIS PO YANG YI GE H'Um TZAM LAS ZHUGS NAS BDAG GIS BYA BA BYAS SO ZHES DGONGS PAS SNYOMS PA'I BDE BA'I DBANG GIS BCOM LDAN 'DAS 'OD GSAL BA LA 'JUG GO ZHES BSTAN TO, ,DE LTAR ZHES BYA BA NAS GSAN PAR MDZOD CIG CES BYA BA DGONGS SO ZHES PA'I BAR DU NI THOG MA NAS GRUB PA'I TSANGS PA'I GNAS BZHI'I NGO BO SPYAN MA LA SOGS PAS, JI LTAR BCOM LDAN 'DAS THIM PAR GYUR PA LAS BSKUL BAR MDZAD PA DE BSTAN TO, ,DE NI LAS KYI RGYAL BA MCHOG GI TING NGE 'DZIN TO, ,'DIR DE BZHIN GSHEGS PA THAMS CAD KYI BDAG PO YIN PAS NA DE BZHIN GSHEGS PA THAMS CAD NI RNAM PAR SNANG MDZAD DE DANG POR GYUR PAS SO, ,SPYAN DGA' BA ZHES PA NI 'KHYUD PA LA DGA' BA'O, ,DRUG LDAN LA SOGS PA ZHES PA NI DBYANGS KYI KHYAD PAR GYIS SO, ,SGEG CING NI 'JAM PA'I DBYANGS SO, ,DE DANG BCAS PA NI SNYAN PA'I DBYANGS TE TSIG SNYAN PA DE RNAMS KYIS SO, ,SEMS CAN THAMS CAD CES BYA BA NI SA'I KHAMS KYI RANG BZHIN NAM SEMS CAN NAM SNOD KYI 'JIG RTEN GYI RANG BZHIN TE DE'I BDAG NYID NI RNAM PAR SNANG MDZAD DE GZUGS KYI PHUNG PO RNAM PAR DAG PA YIN PAS SO, ,KHAMS GSUM ZHES PA NI 'DOD PA LA SOGS PA LA'O, ,CHOS KYI RGYAL SRID NI GTI MUG RNAM PAR DAG PA THOB PA'I PHYIR RO, ,MDUN MA GNAS PA ZHES BYA BA NI CHAGS PA CHE BAS MDUN DU BZHUGS PA BZHIN NO, ,THUGS DBANG DU GYUR PA MNYES PA ZHES PA NI ME LONG LTA BU'I YE SHES KYI THUGS KYI RANG BZHIN NYID MDZAD PAS SO, ,ROL PA NI SNYOMS PAR ZHUGS PA'O, ,TSIM PAR BYED PA NI DGA' BAR BYED PAS SO, ,DGA' BA YID 'ONG ZHES PA NI 'OD GSAL BA'O, , SKYED PAS NI DE BYED PA'O, ,'KHYUD PA LA SOGS PA ZHES PA NI TZUM BA LA SOGS PAS SO, ,SEMS CAN THAMS CAD SKYED PA'I RGYUD CES PA NI SEMS CAN GYI RIGS BZHI'I RGYUR GYUR BAS SO, ,THAMS CAD KYI GZHI NIS YIN PAS GZHI'AM RGYU NYID DO, ,PHAN PA DANG BDE BA BYED PAS

ZHES PA NI MTHONG BA DANG MI MTHONG BA'I BDE BA STER BA YIN PAS SO, ,DE BZHIN GSHEGS PA THAMS CAD KYI NAD NA THUGS KYI NGO BO YIN PAS THUGS NI MI BSKYOD PA'O, ,CHOS KYI DBYINGS KYI YE SHES KYI NGO BO YIN PAS 'PHAGS PA YANG YIN LA M'A MA K'I YANG YIN PAS 'PHAGS PA M'A MA K'I'O, , THA MAL PA MA YIN PA ZHES PA NI LHA'I RNAM PA'I BSGOM PAS NA KHYAD PAR DANG LDAN PA STE, 'DOD CHAGS KYI RNAM PAR DAG PA BSKYED PA'O, ,DGA' BA NI SNYOMS PAR ZHUGS PA'O, ,ZHUGS PA STE ZHES PA NI SPYOD PA'AM RDZOGS PA'O, ,MI 'JIG PA'I SKU DANG LDAN PA'I PHYIR RO ZHES PA NI RDO RJE'I SKU YIN PAS SO, ,BKA'I 'KHOR LO NI SPRUL BA'I SKU SPRO BA'O, ,DE SKOR BAR MDZAD PA NI SKYED PAR MDZAD PAS SEMS CAN MANG PO LA PHAN PA RJES SU BRTZE BA NI KHYOD YIN NO, ,PHUNG PO LNGA ZHAS PA NI DE RNAM PAR DAG PA YIN PA'I PHYIR RO, ,KUN RDZOB KYI BDEN PA ZHES PA NI SEMS RNAM PAR DAG PA'I RIM PAS SBYOR BA BDAG LA BYIN GYIS BRLAB PA'I RIM PAS YE SHES KYI SKU'O, ,DON DAM PA ZHES PA NI RIM PA BZHI PAS 'OD GSAL BA'O, ,DE GNYIS YANG DAG PAR 'DUS PA ZHES PA NI RIM PA GSUM PA DANG BZHI PA BSDUS PA LAS BYUNG BA'O, ,BDE BA CHEN PO'I SKU STE ZHES PA NI ZUNG DU 'JUG PA'I RIM PAS RDO RJE SKU DES STON PAS SO, ,'DOD CHAGS RNAM PAR SPYOD PA'I PHYIR, ,ZHES PA NI KUN DU CHAGS PA'I 'DOD CHAGS RNAM PAR SBYANGS BAS SO, ,'DOD CHAGS LA SPYOD PA'I NGO BO NYID CES PA NI DE KHO NA NYID LA CHAGS PA'I SPYOD PA'I NGO BO NYID DO, ,'OD DPAG TU MED PA NI CHOS BSTAN PA'I PHYIR RO, ,GSUNG GI NGO BO YIN PAS 'GRO BA 'DUL BAR MDZAD PA'I PHYIR RO, ,DE'I SKU DANG GSUNG DANG THUGS RDO RJE'I SPYAN NI ZHES PA NI SKU LA SOGS PA MNYES PAR MDZAD PA'O, ,NGAG GI DBANG PHYUG MNYES PAS ZHES PA NI YAN LAG DRUG CU'I SKU GSUNG DANG LDAN PAS SO, ,DE NYID KYI PHYIR MCHOG TU THUGS RJE CHE BA'I BDAG NYID DO ZHES PA NI THUGS RJE CHEN PO DANG LDAN PA STE, DMYAL BA LA SOGS PA LAS GDON PA'I PHYIR RO, ,DE'I THABS BSTAN PA'I PHYIR, TSANGS PA'I GNAS BZHIS ZHES PA NI BYAMS PA LA SOGS PAS SO, ,

, ,DGONGS PA'I DON MDZAD PA ZHES PA NI SANGS RGYAS NYID THOB PA'I PHYIR RO, ,DUS THAMS CAD CES BYA BA NI MA CHAD PAS SO, ,SHIN TU DGA' BAS ZHES PA NI SPYOD PA DANG BCAS PAS SPYOD PAS SO, ,DGE BA NI THAR PA'O, ,DE BZHIN GSHEGS PA THAMS CAD KYI SKU GSUNG THUGS NI LAS THAMS CAD PA YIN PAS SO, ,'PHAGS MA SGROL MA NI DAM TSIG SGROL MA'O, ,RANG BZHIN BRGYA DRUG CU'I SPYOD PA ZHES PA NI NYIN MO DANG MTSAN MOS SO, ,'GAGS SHING ZHES PA NI SHES RAB DANG THABS DANG NYE BAR THOB PA'I NGO BO SNGAGS DANG PHYAG RGYA'I RIM PAS SPANGS NAS SO, ,JI SKAD DU, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,SNANG BA GSUM GYI DBYE BA NI, ,'DI NYID LAS NI MTSON PAR 'GYUR, ,ZHES 'BYUNG BAS SO, ,YE SHES KYI NYID KYIS ZHES PA NI SNANG BA DANG SNANG BA MCHED PA DANG SNANG BA NYE BAR THOB PA'O, ,NYID NI DE RNAMS NUB PA STE SNGAR BSHAD PA'I RIM PAS SO, ,THAMS CAD STONG PAR ZHUGS PA ZHES PA NI 'OD GSAL BA LA ZHUGS PA'O, ,STONG PA SHIN TU STONG PA DANG, ,GSUM PA STONG PA CHEN PA STE, ,RGYU DANG 'BRAS BU'I DBYE BAS SO, ,ZHES 'BYUNG BAS LTA BA STE ZHES PA NI SEMS CAN RNAM PAR DAG PA'I RIM PAS 'OD GSAL BA'I TING NGE 'DZIN LA ZHUGS PAR GZIGS NAS SO, ,SKUL BAR BYED PA NI SAD PAR BYED PA STE, SEMS CAN GYI DON BYED PA'I PHYIR SKUL BAR BYED PA'O, ,GZHAN DU NI CHAD PA'I PHYOGS SU THAL BAR 'GYUR BA DANG, DBANG PHYUG CHEN PO'I LTA BA LAS LDOG PAR MI 'GYUR RO, ,RTAG PA DANG NI CHAD PA'I PHYOGS, ,GANG ZHIG SPANGS NAS RAB 'JUG PA, ,ZHES ZUNG DU 'JUG PA'I RIM PA LAS 'BYUNG BA'I PHYIR RO, ,DON YOD GRUB PA'I SGO NAS BOS PA ZHES PA NI DAM TSIG SGROL MA NI LAS KYI RIGS YIN PA DANG, 'KHOR BA DANG BDAG PO'I 'BREL PA DANG MTSUNGS PAS BCOM LDAN 'DAS BOD PA NI RIGS SO, ,RDO RJE DANG PADMA MNYAM PAR SBYOR BA ZHES BYA BA NI PHYAG RGYA LEGS PAR SBYANGS PA SNGON DU 'GRO BAR RDO RJE DANG PADMA SBYAR BAS SO, ,PHYUNG BA'I DKYIL 'KHOR GYI LHA RNAMS KYIS ZHES PA NI BADZRA DHRiK CES BYA BA LA SOGS PAS PHYUNG BA'I SNGAGS KYI REG BYA RDO RJE MA'I CHOS

'BYUNG GI NANG NA DAM TSIG GI DKYIL 'KHOR SPRO BA LAS 'BYUNG BA MI BSKYOD PA LA SOGS PA DE BZHIN GSHEGS PA DANG BYANG CHUB SEMS DPA' DANG LHA MO DANG KHRO MO RNAMS KYIS SO, ,ZHE SDANG LA SOGS PA'I SEMS CAN GYI KHAMS RNAM PAR SBYONG BAS NA ZHES PA NI PADMA'I NANG DU PHYIR MI LDOG PA'I DBANG BSKUR BYIN NAS RGYAS BTAB CING PHYI ROL DU SPROS TE, ZHE SDANG LA SOGS PA LNGAS KHYAB PA'I SEMS CAN GYI KHAMS BSTAN PA LA SOGS PA'I RNAM PAR SBYANG ZHING, SANGS RGYAS KYI ZHING LA RAB TU 'JUG PAS SO, ,DE NI DKYIL 'KHOR RGYAL BA MCHOG ,CES BYA BA'I TING NGE 'DZIN TO, , 'DIR GAL TE DE BZHIN GSHEGS PA THAMS CAD KYI SGO NAS SEMS CAN GYI DON BSTAN PA DE BZHIN DU YANG BYA BA NAN TAN GRUB PA'I GTZO BO YIN PAS DON YOD GRUB PA LA DBANG BA YIN TE LAS KYI RIGS YIN PA'I PHYIR RO, ,BSTAN PA LA SOGS PA'I BYA BA NI LAS TE, GTZO BOR GYUR PA'I RIGS NI LAS KYI RIGS TE, RLUNG GI KHAMS KYI NGO BO YIN PAS SO, ,DE NYID KYI PHYIR DAM TSIG GI MCHOG GO, ,SEMS CAN GYI DON BYA BA DANG DAM TSIG YIN GYI GZHAN NI DAM TSIG TZAM MO STE DE'I YAN LAG YIN PAS SO, ,JI SKAD DU, ZHE SDANG GTI MUG 'DOD CHAGS DANG, , YID BZHIN NOR BU DAM TSIG STE, ,RIGS NI DE DAG LNGA PO NI, ,'DOD DANG THAR PA RAB SGRUB PA'O, ,ZHES 'BYUNG NGO, ,'DOD CHAGS LA SPYOD PA'I SEMS CAN RNAMS KYI ZHES BYA BA NI DE'I RIGS KYI RANG BZHIN GYI GANG ZAG RNAMS KYI'O, ,'DOD CHAGS RNAM PAR DAG PA'I THABS KYIS ZHES PA NI 'DOD CHAGS KYI SGRAS SNANG BA MCHED PA'I YE SHES KYI 'BREL PA CAN GYI RANG BZHIN BZHI BCU BSTAN TO, ,DE RNAMS KYI RNAM PAR DAG PA NI SNGAGS DANG PHYAG RGYA'I RIM PAS SPONG BA'O, ,DE NYID THABS NI GNYEN PO'I PHYOGS SO, ,DES NI GNYEN PO'I PHYOGS KYI THABS KYIS SO, ,BYANG CHUB RAB TU RTZOL BAS NA, ,ZHES PA NI SNANG BA MCHED PA'I RANG BZHIN SPONG BAS 'OD GSAL BA'I DE KHO NA NYID MNGON DU BYED PAS SO, ,DE NYID KYI PHYIR PHAN YON CHE'O, ,PHAN PA YANG YIN LA CHEN PO YANG YIN PAS NA PHAN CHEN NI THAR PA'I GO 'PHANG NGO, ,DE

, ,NYID DON NI DGOS PA GANG LA YOD PA ZHES BYA BA LA 'DZIN PA SNGON DU 'GRO BA'I 'BRU MANG PO BSDU BA'O, ,SH'AKYA'I RIGS LAS BYUNG BA RNAMS KYI ZHES PA NI NGES PAR GZUNG BA'I DRUG PA'O, ,SH'AKYA'I RIGS LAS BYUNG BA NI DE BZHIN GSHEGS PA DANG BYANG CHUB SEMS DPA' DANG LHA MO RNAMS DANG KHRO BO STE DKYIL 'KHOR RNAMS SO, ,DE RNAMS KYI NANG DU MCHOG TU GYUR PA NI RGYAN DANG 'DRA BAR GYUR PAS SO, ,RGYAN DANG 'DRA BA NI MI BSKYOD PA LA SOGS PA DE BZHIN GSHEGS PA'I NANG NA RTA MCHOG NI 'GRO BA'I DON BYA BA LA NUS PA DANG LDAN PAS SO, ,DE NYID BSTAN PA'I PHYIR YANG NA ZHES BYA BA NI GO SLA'O, ,RANG DANG GZHAN GYI RNAM PAR DBYE BA ZHES BYA BA LA SOGS PA NI SEMS CAN RNAMS KYI RANG BZHIN GYI RNAM PAR RTOG PA JI SRID YOD PA DE SRID NI 'KHOR BA'O, ,JI SKAD DU, NGA RGYAL LAS NI RAB SKYES PA, ,BDAG GI BYED PAR NYE BAR 'PHEL, , SKYE BO PHAN PAR NGES SMRA BAS, ,SKYE DGU MA LUS 'DI LTAR GSUNGS, ,ZHES 'BYUNG NGO, ,DE BZHIN DU BDAG NYID YOD PAS GZHAN GYI 'DU SHES TE, RANG BZHIN DBYE BAS RJES SU CHAGS DANG LDAN, ,DE DAG GI NI YANG DAG 'BREL BA YI, ,SKYON NI THAMS CAD RAB TU SKYE BAR 'GYUR, , ZHES 'BYUNG NGO, ,DE LA DMIGS PA NI MA RIG PA DANG, NYAMS SU MYONG BA'I BAG CHAGS DAG GIS NYE BAR DMIGS PA'O, ,DE BRAL BA NI BDAG MED PA'I LTA BAS SPONG PA'O, ,BDAG DANG BCAS PA'I DNGOS PO RNAMS LA BDAG MED PA'I LTA BA KHO NA GNYEN PO YIN NO, ,DE LTAR YOD NA YANG SEMS CAN RNAMS LA THUGS RJES SU BRTZE BAS ZHES PA NI KHAMS GSUM PA'I SEMS CAN GYI TSOGS THUGS RJES 'GRO BAR MDZAD PAS SO, ,GANG GI PHYIR SANGS RGYAS RNAMS KYI SKYES BU'I SPYOD PA 'DI YIN TE, GANG GIS CHOS THAMS CAD STONG PAR MKHYEN NAS KYANG 'GRO BA'I DON MDZAD PA'O, ,'DI NI NGO MTSAR NGO MTSAR TE, ,RMAD DU BYUNG LAS RMAD DU BYUNG, ,CHOS 'DI STONG PAR MKHYEN NAS KYANG, ,GANG ZHIG LAS DANG 'BRAS BU BSTAN, ,ZHES 'BYUNG BAS SO, ,DE LTA BU'I KHYAD PAR CAN GYI YON TAN ZHES PA NI SNGAR BSHAD PA'I YON TAN GYI TSOGS KYIS

BRGYAN PAS SO, ,YON TAN GYI RIN CHEN ZHES BYA BA LA SOGS PA'I 'GREL PA NI GANG GI PHYIR ZHES BYA BA LA SOGS PA SMOS TE, GANG GI PHYIR NI RGYU GANG LAS SO, ,'DOD CHAGS ZHES BYA BA LA SOGS PAS NI 'DOD CHAGS TE RANG BZHIN BZHI BCU MI MTHUN PA DANG, NYI MA'I SNANG BA DANG 'DRA BA SNANG BA MCHED PA'I YE SHES NI GNYEN PO'O, ,'DOD CHAGS DANG BRAL BA NI RANG BZHIN SUM CU RTZA GSUM MI MTHUN PA DANG ZLA BA'I SNANG BA DANG 'DRA BA SNANG BA'I YE SHES NI GNYEN PO'O, ,'DOD CHAGS PAR MA NI RANG BZHIN BDUN MI MTHUN PA DANG, MTSAMS KYI SNANG BA DANG 'DRA BA SNANG BA NYE BAR THOB PA'I YE SHES NI GNYEN PO'O, ,'OD GSAL BA ZHES PA NI YE SHES GSUM DANG BRAL BAS NYI MA DANG ZLA BA DANG MTSAMS KYI SNANG BA DANG 'DRA BA SPRIN MED PA'I NAM MKHA' DANG 'DRA BA STE DE KHO NA NYID BZHI PA'O, ,DE NYID YE SHES KYI GNYEN POR GYUR PAS NA YE SHES SO, ,DE RNAMS KYI BZLAS DBYE BAR BYAS NAS 'DI SKYED PA ZHES PA NI GSAL BAR BYED PA'O, ,YE SHES GSUM GYI RAB DBYE BA, ,DE NYID KYIS NI GSAL BAR MTSON, ,ZHES SNGAR BSHAD PAS SO, ,BDAG GI STON PAR BYED PA ZHES PA NI PHYAG RGYA LAS GZHAN GYI MTSON PA'I THABS MED DO, ,JI SKAD DU, RANG DANG GZHAN GYI DON GRUB PHYIR, ,'KHOR BA RU NI THABS GZHAN MED, ,CHOS RNAMS THAMS CAD GNYIS MED PA, ,GNYIS KYI NGO BO BSTAN PA STE, ,DE PHYIR RTAG TU KHYOD KYIS NI, ,'KHOR BAR BRAL BAR MI BYA'O, ,ZHES 'BYUNG NGO, ,'DOD CHAGS NI SNANG BA MCHED PA'O, ,ZHE SDANG NI SNANG BA'I YE SHES SO, ,GTI MUG NI MA RIG PA STE DE NYID SNANG BA NYE BAR THOB PA'O, ,DE RNAMS KYI RNAM PAR DAG PA NI SNGAR BSHAD PA'I RIM PAS BKAG PA'O, ,DE NYID NI THABS TE NGES SO, ,RDO RJE SEMS DPA'I TSE DANG SROG STZOL BAS ZHES PA NI RDO RJE SEMS DPA' STE 'OD GSAL BA'O, , DE NYID KYIS DNGOS PO THAMS CAD KHYAB PAS TSE DANG 'DRA BAS NA TSE'O, ,SPRO BA DANG BCAS PAS DE NYID SROG GI DBANG PO DANG 'DRA BA'O, ,STZOL BAS NI DE SBYIN PAS SO, ,GSON PAR MDZOD CIG CES PA NI RJES SU GZUNG BAR MDZOD CIG GO, ,TSIG GI DON NI 'DI YIN TE 'OD GSAL BA'I

, ,TING NGE 'DZIN LAS LANGS TE, SNYOMS PAR ZHUGS PA'I SGO NAS BDAG KYANG 'OD GSAL BA LA SNYOMS PAR ZHUGS SHIG GO, ,DE NYID KYI PHYIR DGONGS SO ZHES SMOS SO, ,DE LTAR ZHES BYA BA LA SOGS PAS LHA MO BZHIS BSKUL BA GSAL NAS 'GRO BA'I DON MDZAD PA'I PHYIR BCOM LDAN 'DAS KYIS 'OD GSAL BA'I TING NGE 'DZIN LAS LDANG BAR BSTAN TO, ,TSANGS PA'I GNAS ZHES PA NI BYAMS PA LA SOGS PA'I NGO BO NYID KYIS SO, ,YANG DAG PAR BSKUL BA ZHES PA NI BSKUL BAR BYA'O, ,GANG GI PHYIR THOG MA MA YIN PA'I DUS NAS TSAD MED PA LA GOMS PAS BCOM LDAN 'DAS SANGS RGYAS RNAMS KYIS LHUN GYIS 'GRO BA'I DON MDZAD DE, DGON PA'I ZHIB LAS GRONG MTHAR, ,MTSO LAS RIG PA'I KLU BZHIN NO, ,'DUL BA'I DON DU THUGS RJE YIS, ,RIG PAS BZHIN DU DGUG PAR BYAS, ,DAM PA ZHI BA LA ZHUGS KYANG, ,THUGS RJES GZHAN DBANG NYID KYIS NI, ,BZO BA'I RIGS LA SOGS RNAMS SU, ,KHYOD NI BRTAN PAS GNAS PAR BYAS, ,ZHES 'BYUNG NGO, ,DE NYID KYI PHYIR BSTAN PA SNGON GYI SMON LAM ZHES BYA BA LA SOGS PA NI, ,'GRO LA PHAN PHYIR SANGS RGYAS 'GRUB PAR SHOG, ,CES BYA BA DANG PO SANGS RGYAS RNAMS KYI DAM BCAS PA DE NYID SMON LAM MO, ,DE'I RGYUN NI THUGS KYI RGYUD LA RTAG TU GNAS PA'O, ,DE'I SHUGS NI NUS PA STE, LHUN GYIS DE'I NGO BO NYID DU BSKAL PA MTHA' YAS PAS BYANG CHUB THOB PAS SANGS RGYAS BCOM LDAN 'DAS RNAMS SNGA MA'I SMON LAM GYI BAG CHAGS MI GTONG STE RUS SBAL DMAR PO BZHIN NO, ,NYES PA MA LUS SKYED BYED 'JIG TSOGS LTA BU'I BUD SHING GANG SREG PA, ,RANG GZHAN DBYE BA'I YANG RNAMS NGES BTON DE RNAMS KYI NI SKYON MI 'BYUNG, ,GNYID MED PA YANG RIG BZHIN SNYING RJES SGYU MA'I SKYES BU LAS RNAMS SU, ,BLO BZANG S'A MA'I SMON LAM GYIS NI BSKUL TE 'KHOR BA'I SHUGS BZHIN NO, ,ZHES 'BYUNG NGO, ,STONG PA NYID KYI RNAL 'BYOR LAS BZHENGS NAS ZHES PA NI 'OD GSAL BA'I TING NGE 'DZIN LAS CIG CAR RAM SNANG BA NYE BAR THOB PA LA SOGS PA'I

RIM GYIS BDAG LA BYIN GYIS BRLAB PA'I MTSAN NYID KYI YE SHES KYI SKU'AM, RIM PA BZHI PA LAS GSUNG PA'I DE KHO NA NYID LAS CIG CAR DU ZUNG DU 'JUG PA'I BDAG NYID CAN GYI RDO RJE'I SKU BZHENGS NAS SO, ,DPAL SHIN TU DGA' BA ZHES BYA BA LA SOGS PA NI DPAL GYI SGRAS MTSON NAS BSOD NAMS DANG YE SHES KYIS TSOGS GZUNG NGO, ,SHIN TU DGA' BA'I BDE BA NI, ,DBANG PO GNYIS KYI BDE BA'O, ,DE LAS BYUNG BA'I 'DOD CHAGS LA SPYOD PA NI BSRUNG BYA SRUNG BYED KYI ROL PA'O, ,DE BSTAN PA'I PHYIR 'DOD CHAGS LA SPYOD PA'I SEMS CAN GYI KHAMS THABS DE NYID KYIS DE SBYANGS PA'I PHYIR RO, ,'JIG RTEN PA NI CHAGS PAS BCINGS, ,CHAGS PA NYID KYIS GROL 'GYUR TE, ,PHYIN CI LOG PA'I RTOG PA DE, ,SANGS RGYAS MU STEGS PAS MI SHES, ,ZHES 'BYUNG NGO, ,DKON MCHOG BRTZEGS PA'I MDO LAS KYANG, BCOM LDAN 'DAS KYIS BKA' STZAL PA, 'ONG SRUNGS BU RAM GYI SHING DANG 'BRAS S'A LU'I ZHING LA LUD KYI PHUNG PO PHAN PAR 'GYUR BA DE BZHIN DU, BYANG CHUB SEMS DPA'I NYON MONGS PA RNAMS PHAN PAR 'GYUR RO, ,DPER NA 'ONG SRUNGS TZAM BA KA'I ME TOG SPOS KYI GLANG POS ZOS NA GAL RTZI'I NGO BO 'GYUR RO, , DE NYID THA MAL PA'I SROG CHAGS KYIS ZOS PA MI GTZANG BA'I NGO BOR 'GYUR BA DE BZHIN DU BYANG CHUB SEMS DPA'I NYON MONGS PA RNAMS PHAN PAR 'GYUR RO, ,RNAL MA SPYAD PAR BYA STE DE NYID SHIN TU DGA' BA'I 'DOD CHAGS KYI SPYOD PA BSTAN PA'I PHYIR RO, ,'KHYUD PA NI SHING LA 'DZEG PA LA SOGS PA'I DBYE BA RNAM PA BRGYAD DO, ,'O BYED PA NI STOD SMAD KYI MCHU'I DBYE BA RNAM PA BRGYAD DO, ,LKOG MA MKHUR TSOS DANG NI NU MA KHA NANG DANG, ,MA MCHU DANG NI MIG DANG DPRAL BA DANG, ,CHAN KHUNG GNYIS DANG BRAL YI MTSAMS DANG NI, ,LTE BA'I RTZA BAR YANG NI 'O BYED 'GYUR, ,ZHES 'BYUNG NGO, ,'JIB PA NI RNAM PA GNYIS TE, MA MCHUS 'JIB PA DANG, MI'I SNA TZE 'JIB PA'O, ,THAL MO BRDAB PA ZHES PA NI BYED PA'I SBYOR BA'I DBANG GIS RDUL LA SOGS PA 'BYUNG BA'O, ,DE RNAMS KYANG SNYING STOBS KYI DNGOS PO BRGYAD DO, ,RENG

, ,BA RDUL DANG BA SPU LDANG, ,SKAD 'GYUR BA DANG 'DAR BA DANG, ,KHA DOG LOG DANG MCHI MA DANG, ,THIM PA ZHES BYA SNYING STOBS BRGYAD, ,THAL MO BRDAB PA NI LAG PA G-YON PA DANG G-YAS PAS AUTPALA'I 'DAB MA SBYIN PA'O, ,DE'I DBYE BA NI GSUM STE BDE BA'I SGRA DANG RDO RJE PADMA'I SGRA DANG AUTPALA GYI 'DAB MA'I SGRA'O, ,SO GDAB PA NI BRGYAD DE RI MO LA SOGS PA'I DBYE BAS SO, ,SEN MO GDAB PA NI BRGYAD DE NOR BU'I PHRENG BA LA SOGS PA'I DBYE BAS SO, ,'JAM PA SNUM ZHING MNYAM POR MI PHYED PA, ,'PHEL BA'I RI MO MED PA'I DBYIBS DANG LDAN, , SEN MO DE MTSAN LKOG DANG MCHAN KHUNG BRANG, ,NYED PA RGYAB DANG BRLA DANG NU MAR RO, ,ZHES 'BYUNG NGO, ,NYED PA NI GNYIS TE, ,NU MA NYED PA DANG, ,SMAD NYED PA'O, ,DPYANG THAG NI BYA BA'I KHYAD PAR TE GANG DU SKYES PA NI 'OG TU DANG SHES RAB NI STENG DU DGA' BAR SPYOD PA'O, ,BRKYANG PA NI RKANG PA DANG RJE DAR DANG PUS MO DANG BRLA BRKYANG PAS SBYOR BA'O, ,GRONG GI BYA BA NI RGYAB TU SBYOR BA STE BYOL SONG GI DGA' BA BZHIN NO, ,SOGS PA'I SGRAS, KHA SBYAR DANG NI PHYAG 'TSAL DANG, ,PADMA DANG NI 'KHOR LO 'KHOR, ,ZHES BYA BA LA SOGS PA GZUNG NGO, ,DE LA SOGS PA'I BYA BA NI SKYED PA'I BYA BA RNAMS SO, ,DE GTZO BOR GYUR BA'I RMONGS PA NI SHIN TU DGA' BA GANG YIN PA DES SO, ,'JUG PA BYED PA SHES BYA DNGOS PO DBYER MED PA'I, ,KHYAD PAR SBYOR BA DE NYID DGA' BA SNA TSOGS BA, ,'KHOR BA'I LAM NI RGYAS DANG BSKUM PA'I PHYIR, ,DE YI SPROS PA DANG NI YANG DAG BSHAD PAR BYA; ;ZHES BYA BA RNAM PA SNA TSOGS PA'I DGA' BA'I SBYOR BA'I TSIGS SU BCAD PA 'DOD PA'I BSTAN BCOS LAS BSHAD DO, ,MU TIG GI PHRENG BA G-YO BA NI ZHES BYA BA LA SOGS PAS SNYOMS PAR ZHUGS PA'I DBANG GIS RGYAN RNAMS G-YO BA BSTAN TO, ,YUL DANG DBANG PO ZHES PA NI DE LA YUL NI YUL LNGA'I BDAG NYID KYI LHA MO STE REG BYA RDO RJE MA'O, ,DBANG PO NI THABS KYI RANG BZHIN BCOM LDAN 'DAS RDO RJE CAN SPYOD PA'O, ,DE'I RDO RJE DANG PADMA NI MTSO SKYES DANG GSANG BA STE DE DAG MNYAM PAR SBYOR BA NI PHRAD PA'O, ,RGYU DES THABS SNYOMS PAR ZHUGS PA NI LTE BA GNYIS SBYOR BA'O, ,

DES A'A LI DANG K'A LI NI DBYANGS DANG GSAL BYA'I RANG BZHIN TE KHRAG DANG KHU BA'O, ,DE DANG LDAN PA'I SRID PA'I GDUGS NI RTZA DBU MA STE, BCOM LDAN 'DAS MI BSKYOD PA'I RANG BZHIN TE CHU RGYU BA'O, ,RUS SBAL NI RTZA G-YAS PA STE RDO RJE NYI MA'I NGO BO KHRAG RGYU BA'O, ,DE BZHIN DU ZLA BA GANG BA NI RTZA G-YON PA STE, 'OD DPAG TU MED PA'I RANG BZHIN SHU KRA RGYU BA'O, ,DE NYE BAR MTSON PA TZAM YIN TE RTZA GNYIS PO NI GZHAN NI SHAR DANG NUB PHYOGS SU GNAS PA LHA SBYIN DANG NOR RGYAL MA STE, BSHAD PA DANG SHA RGYU BA RNAM PAR SNANG MDZAD DANG DON YOD GRUB PA'I RANG BZHIN NO, ,DE'I NANG NA GTZO BO YIN PAS RTZA GSUM NI SKU GSUNG THUGS KYI RANG BZHIN SOR MO GSUM NI MIG LA SOGS PA'I RANG BZHIN PHYAG RGYA BZHIS BSKUL BAR BYA STE, BDE BA CHEN PO BSKYED PA'I PHYIR DANG BYANG CHUB KYI SEMS 'DZAG PA'I PHYIR RO, ,DE NYID BSKUL BA STE DES SO, ,DE BZHIN DU DGA' BA'I SGYU MA'I SGRA NI RNAM PA BRGYAD KYI BDE BA CHEN PO'I SGRA DES SO, ,MCHOG TU DGA' BA'I BDE BA'I DE KHO NA NYID BZHI PA'O, ,NYAMS SU MYONG BA NI REG NAS SO, ,DE'I 'OG TU PHUNG PO LA SOGS PA'I RANG BZHIN DE BZHIN GSHEGS PA GANG YIN PA DE RNAMS SPYI BO NAS BRTZAMS TE ZHES PA NI TSANGS PA'I BU GA NAS BRTZAMS PA'O, ,DRI MA MED PA'I CHAR RGYUN BZHIN DU ZHES PA NI 'O MA'I RGYA MTSO'I DBA' RLABS DANG 'DRA BA'O, ,BZHUS LA NI DBUS MA'I LAM NAS RDO RJE RTZE MOR PHYIN PA DANG, DE LA YANG BDE BA CHEN PO MYONG NAS SO, ,DE NAS BYANG CHUB KYI SEMS KYI NGO BO NYID NI SHU KRA'I GZUGS SU 'DZAG PA NI SPRO BA'O, ,CHOS 'BYUNG GI NANG DU YANG DAG PAR BZHAG STE ZHES PA NI REG BYA RDO RJE MA'I PADMA'I NANG GI LTE BAR SHU KRA'I THIG LE SPROS SO, ,'O NA BCOM LDAN 'DAS SANGS RGYAS GYEN DU RI TA TSANGS PAR SPYOD PA YIN NA JI LTAR SHUKRA GTONG BAR MDZAD CE NA, SMRAS PA DGOS PA'I DBANG GIS SANGS RGYAS RNAMS KYI BYANG CHUB KYI SEMS SPRO BA YIN GYI, GZHAN DBANG GIS NI MA YIN TE SO SO SKYE BO BZHIN NO, ,DGOS PA DE YANG DKYIL 'KHOR PA'I LHA'I 'KHOR LO SPRO BAS, 'GRO BA'I DON MDZAD PA ZHES SKYON MED DO, ,DE NYID BSTAN

, ,PA'I PHYIR, ZHE SDANG LA SOGS PA LA SPYOD PA'I SEMS CAN RNAMS RNAM PAR SBYANGS NAS ZHES SMOS TE, NYON MONGS PA LNGAS KHYAB PA'I 'GRO BA SBYANG BAR BYA BA'I PHYIR RO, ,DKYIL 'KHOR 'KHOR LO PHYUNG STE ZHES PA NI PADMA'I NANG DANG PHYI ROL DU'O ZHES TSIG LHAG MA'O,, YANG 'OD GSAL BA LA ZHUGS NAS ZHES PA NI DKYIL 'KHOR RGYAL BA MCHOG DANG, LAS KYI RGYAL BA MCHOG RDZOGS NAS BYA BA BYAS PAS 'OD GSAL BA LA 'JUG PA'O, ,DE NYID KYI KHYAD PAR NI RNAM PAR RTOG PA MED PAR 'GYUR BA ZHES PA NI YANG DAG PA'I MTHA' LA 'JUG PA'O, , JI LTAR ME LONG LA NI DBUGS, ,DE NYID DU NI THIM 'GYUR BA, ,YANG DAG MTHA' LA RNAL 'BYOR PA, ,DE BZHIN GZHAN DANG GZHAN DU 'JUG ,CES 'BYUNG NGO, ,DON 'DI NYID SNGAR BSHAD PA'O, ,GZUGS LA SOGS PA'I YUL RNAMS ZHES PA NI PHYAG RGYA LA GNAS PA'O, ,RANG GI NGO BO NYID YONGS SU SHES PAS ZHES PA NI 'DOD PA'I YON TAN LNGA DE BZHIN GSHEGS PA LNGAR YONGS SU SHES PAS SO, ,MDOR BSDUS PAS NI 'DOD PA LNGA, ,SANGS RGYAS LNGAR NI RAB TU GRAGS, ,ZHES 'BYUNG NGO, ,MIG LA SOGS PA GCIG TU BYAS PA ZHES PA NI YUL DANG DBANG PO SBYOR BA'O, ,DES NI SO SOR SDUD PA DANG BSAM GTAN GNYIS BSTAN TO, ,DE'I TSE KUN DGA' BA'I BDE BA'I GNAS SKABS NI YUL DANG DBANG PO DANG YANG DAG PAR SBYOR BA NI MNYAM PA NYID DO, ,DE LAS BYUNG BA'I KUN DGA' NI DBYE BA LNGA'I RTOG PA LA SOGS PA'O, ,DE NYID BDE BA NI SEMS RTZE GCIG PA NYID KYI MTSAN NYID DO, ,DE'I GNAS SKABS NI SNYOMS PAR ZHUGS PA STE, DE ZHES BYA BA NI TING NGE 'DZIN TO, ,SPYAN MA LA SOGS PA NI ZHES PA NI SPYAN LA SOGS PA DANG DBYER MED PA'I REG BYA RDO RJE MA STE, NU MA MA BYUNG BHA GA'I MKHAR, ,SPYAN LA SOGS PA RNAM PAR GNAS, ,ZHES 'BYUNG BAS SO, ,RNAM PAR SNANG MDZAD LA SOGS PA'I RANG BZHIN ZHES PA NI RANG GI SKU'I DKYIL 'KHOR LA GNAS PA GZUGS LA SOGS PA'I RANG BZHIN RTAG PA LA SOGS PA'I NGO BOS SO, ,BSTAN PA LA SOGS PA'I BYA BA DANG

BRAL ZHING SHES PA NI NANG DU ZHAL BLTAS PAS LUS DANG NGAG GI BYA BA DANG BRAL PA'O, ,YE SHES KYI PHYAG RGYA DANG ZHES PA NI SPYAN LA SOGS PA'I LHA MO DANG DBYER MED PA REG BYA RDO RJE MA DANG LHAN CIG SNYOMS PAR ZHUGS PA'I BDE BA MYONG BAR GYUR TO, ,BCOM LDAN 'DAS SNYOMS PAR ZHUGS NA CHO 'PHRUL BSTAN PA'I PHYIR, NAM MKHA'I GTOS 'DI BSTAN TO, ,RDO RJE 'CHANG GI NGO BO NYID, ,ZHES PA NI RDO RJE 'CHANG CHEN PO'I NGO BO NYID DO, ,RDO RJE GSUM DANG YANG DAG PAR LDAN PA ZHES PA NI SKU RDO RJE LA SOGS PA'I NGO BO RNAM PAR SNANG MDZAD LA SOGS PA DE BZHIN GSHEGS PA RNAMS GANG YIN PA DE RNAMS KYI TSOGS NI SDES YONGS SU GANG ZHING KHENGS PA'O, ,DE BZHIN DU TIL GYI GONG BU BZHIN DU ZHES BYA BA NI DPES PHAN TSUN MA 'DRES PAR GNAS PA'O, ,RDO RJE CHUS GANG BA LTAR ZHES PA NI DPE GNYIS PA STE DE'I BSHAD PA NI MCHOG TU DGA' BA'I BUM PA BZHIN NO, ,MI G-YO BAR GYUR TO ZHES PA NI TING NGE 'DZIN LA SNYOMS PAR ZHUGS PA'I DE BZHIN GSHEGS PA'I TSOGS KYIS NAM MKHA'I KHAMS YONGS SU GANG BAR 'GYUR RO, ,RANG GI DON BSHAD NAS GZHAN GYI DON BSTAN PA'I PHYIR DE LTAR ZHES BYA BA LA SOGS PA SMOS TE, KHAMS GSUM NA GNAS PA ZHES PA NI KHAMS GSUM GYI YUL DU'O, ,RDO RJE GSUM GYI RANG BZHIN NI, ,SKU GSUNG THUGS KYI BDAG NYID CAN NO, ,RDO RJE 'CHANG CHEN PO'I BDE BAS ZHES PA NI BCOM LDAN 'DAS LAS 'BYUNG BA'I 'OD ZER GYI TSOGS KYIS SO, ,YUL DU BYAS PAS ZHES PA NI 'OD ZER GYI DBANG GIS DBANG BSKU RA BA'O, ,DE BZHIN GSHEGS PA THAMS CAD NYID, ,CES PA NI RDO RJE 'CHANG CHEN PO NYID DO, ,RDO RJE 'DZIN PA CHEN PO NI SKU LA SOGS PA'I RANG BZHIN GYIS RNAM PAR SNANG MDZAD LA SOGS PA DE BZHIN GSHEGS PA GSUM NYE BAR BSDU BAR MDZAD PAS SO, ,STOBS BCU DANG MI 'JIGS PA BZHI LA SOGS PA ZHES PA NI GNAS DANG, GNAS MA YIN PA'I YE SHES KYI STOBS LA SOGS PA DANG, DE BZHIN DU KUN DU ZAG PA ZAD PA'I YE SHES LA SOGS PA MI 'JIGS PA BZHI'O, ,MYONG BAR GYUR PA

, ,ZHES PA NI MNGON DU MDZAD PA'O, ,RDO RJE NI RDO RJE 'CHANG CHEN PO'I 'BREL PA DANG LDAN PA 'OD ZER GYIS DBANG BSKUR BA ZHES PA NI 'OD KYIS DBANG BSKUR BA GANG YIN PA DE NAS BRTZAMS TE, DE DAG KUN DU BZANG PO ZHES BYA BA NI KUN DU STE THOG MA DANG THA MA DANG BAR DU BZANG PO NI BSOD NAMS DANG YE SHES KYI TSOGS GANG LAS THOS PA DE NI KUN DU BZANG PO STE, BCOM LDAN 'DAS RDO RJE 'CHANG CHEN PO DANG 'DRA BAR GYUR RO, ,DE NYID KYI PHYIR SNGON MA BYUNG BA'I DON GYI MING CAN DU GYUR TO ZHES PA NI SNGAR MA BYUNG BA'I MING DANG LDAN PAR GYUR TO, ,DE LTAR ZHES BYA BA LA SOGS PAS NYE BAR BSDUS PA'O, ,SEMS CAN MNYAM PA NYID CES PA NI KHAMS GSUM LA GNAS PA'I SEMS CAN RNAMS DANG DE BZHIN GSHEGS PA RNAMS MNYAM PA'O, ,GANG GI PHYIR 'PHAGS PA DANG SO SO SKYE BO DAG LA DON DAM PAR 'GA' YANG DBYE BA MED DE CHOS NYID KYIS KHYAB PA'I PHYIR RO, ,RDO RJE 'DZIN PA CHEN PO'O ZHES PA NI DE RNAMS BSKYED PA DANG, SDUD PAR BYED PA DANG, BDAG PO YIN PAS SO, ,RANG GI SNYOMS PAR ZHUGS PA'I BDE BA MYONG BA NI REG BYA RDO RJE MA DANG SNYOMS PAR ZHUGS PA LAS BYUNG BA'I DGA' BA MNGON DU MDZAD PAS SO, ,SEMS CAN THAMS CAD CES PA NI KHAMS GSUM LA GNAS PA'I SKYE BO RNAMS SNYOMS PAR ZHUGS PA'I BDAG GIR MDZAD PA'O ZHES PA NI ZHAL GYIS BZHES PA STE, DE KHO NA NYID RTOGS PA LA THABS GZHAN MED PA'I PHYIR RO, ,RDO RJE NA NYID RTOGS PA LA THABS GZHAN MED PA'I PHYIR RO, ,RDO RJE YE SHES KYI SPYOD PA ZHES PA NI RDO RJE NI RDO RJE 'CHANG NGO, ,DE'I YE SHES GSUM NYE BAR MTSON PA'I DON DU SPYOD PA NI YE SHES SPYOD PA STE, SNYOMS PAR ZHUGS PA'I SPYOD PA'O, ,NYAMS SU MYONG BAR MDZAD NAS ZHES PA NI MNGON DU MDZAD NAS SO, ,SNYOMS PAR ZHUGS PA LAS BZHENGS NAS ZHES PA NI RDO RJE 'CHANG CHEN PO'I 'OD ZER GYIS DBANG BSKUR BAS BKA' DRIN THOB PA SNYOMS PAR ZHUGS PA'I BDE BA LAS SO, ,THUGS RAB TU DGYES PAR GYUR PAS ZHES PA NI CHOS NYID YONGS SU SPYAD PAS THUGS DGYES PA THOB PA'O, ,'DOD CHAGS KYI SPYOD

PA ZHES PA NI SNYOMS PAR ZHUGS PA LA SOGS PA'I SPYOD PAS SO, ,RDO RJE 'CHANG CHEN PO NYID DU ZHES PA NI DPAL RDO RJE 'CHANG GI GO 'PHANG NGO, ,THOB PA NI THOB PAR BYA BA'O, ,NGO MTSAR ZHES PA NI 'GAL BA'I SPYOD PA RAB TU BSTAN PAS SO, ,DE BZHIN GSHEGS PA ZHES BYA BA LA SOGS PA 'DOD CHAGS LA SOGS PA'I RNAM PAR RTOG PA BSTAN TO, ,NAM MKHA'I RDO RJE'I DAM TSIG NI DE BZHIN GSHEGS PA DRUG PA ZHES PA NI NAM MKHA' DANG 'OD GSAL BA ZHES RNAM GRANGS SO, ,DE NYID NI MI PHYED PAS NA RDO RJE'O, ,DE NYID GSHEGS SHING MNGON DU MDZAD PAS NA DAM TSIG GANG LA YOD PA DE NAM MKHA'I RDO RJE'I DAM TSIG NI RDO RJE 'CHANG CHEN PO'O, ,DE BAS NA DRUG PA STE LNGA'I RGYUR GYUR PA'O, ,CHOS THAMS CAD DE DANG MNYAM PA'I PHYIR ZHES PA NI GZUGS KYI PHUNG PO LA SOGS PA CHOS THAMS CAD DE DANG 'DRA'O, ,'OD GSAL BA NYID CES PA NI STONG PA NYID CES BYA BA'O, ,GZUGS NI LBU BA LTA BUR BSHAD, ,TSOR BA CHU BUR DANG MTSUNGS PA, ,'DU SHES SMIG RGYU 'DRA BA STE, ,'DU BYED CHU SHING DANG 'DRA BA, ,SGYU MA LTA BUR RNAM PAR SHES, ,DE LTAR PHUNG PO RNAMS BSTAN PA'O, ,ZHES 'BYUNG NGO, ,'DIR NI CUNG ZAD PHYI NANG MED, ,PHAN TSUN GRUB PAR BYED BA'I PHYIR, ,BAR NA MA YIN MED PA MIN, ,SEMS TZAM LA NI MI GNAS PHYIR, ,ZHES 'BYUNG BAS SO, ,DE BZHIN DU, ,DBANG PO'I TSOGS LA 'DOD CHAGS MED, ,DON LA MA YIN SEMS LA MIN, ,BDAG DANG GZHAN LA MI GNAS DANG, ,MED MIN YOD PA MA YIN NO, ,SEMS KYI 'KHRUL PA MI SHES PA'I, ,'BREL BA DANG LDAN RGYUD LAS NI, ,SPRIN GYI NANG NA GA LAS KYANG, ,THOG GI ME LTAR 'BYUNG BAR 'GYUR, ,ZHES 'BYUNG NGO, ,THE TSOM MED PAR BYAS PA'O, ,ZHES PA NI CHOS THAMS CAD KYI RANG BZHIN GYI 'OD GSAL BA BSTAN PAS SOM NYI MED PAR BYAS PA'O, ,SPROS NAS ZHES BYA BA NI RGYAS PAR BSHAD PA'O, ,CHOS THAMS CAD 'OD GSAL BA NYID DU GSUNGS PA'I ZHES PA NI SNGAR BSHAD PA'I STONG PA NYID BSTAN PA'I GSUNG

, ,NGO; ;BRJOD DU MED PA YANG YIN LA CHOS NYID KYANG YIN PAS NA BRJOD DU MED PA'I CHOS NYID NI RANG RIG PA DANG DNGOS PO THAMS CAD KYI CHOS NYID DO, ,DE NYID LA BSGOM ZHING ZHES PA NI DE NYID RJES SU DRAN PAR 'GYUR RO, ,RDO RJE'I TSIG GI DON YIN NO ZHES PA NI DON ZAB PA'I TSIG NI RDO RJE'I TSIG STE DE'I DON NI BSHAD PA'O, ,DE LTAR ZHES BYA BA NAS CHOS KYI RNAM GRANGS 'DI LA ZHES PA'I BAR DU NI RGYUD YONGS SU RDZOGS PAS RGYAS GDAB PA BSTAN TO, ,RDO RJE 'DZIN PA CHEN PO'I DAM TSIG RNAM PA GNYIS DANG ZHES PA NI BSKYED PA'I RIM PA DANG RDZOGS PA'I RIM PA ZHES BRJOD PAR BYA BA BSTAN TO, ,DE STON PAR BYED PA'I RGYUD KYI RGYAL PO'O ZHES PA NI DE STON PAR BYED PA'I GZHUNG GI TSOGS NI RGYUD KYI RGYAL PO STE, RJE BTZUN DPAL GSANG BA 'DUS PA YIN NO ZHES BRJOD PA BSTAN PA YIN NO, ,DES NI BRJOD PAR BYA BA DANG, RJOD PAR BYED PA'I BDAG NYID KYI RGYUD KYI RGYAL PO KHYED RNAMS KYIS BSTAN PAR GYIS SHIG GO ZHES GTAD PA'O, ,CHOS KYI RNAM GRANGS NI ZHES BYA BA NI DPAL GSANG BA 'DUS PA'O, ,'DI LA SKAL BA DANG LDAN PA'O ZHES PA NI RTZOD PA'I DUS SU'O, ,SEMS CAN RNAMS THOS PA DANG BSAM PA DANG BSGOM PA LA SKAL PA DANG LDAN PA YIN NO, ,'DOD CHAGS LAS BYUNG BA'I BYANG CHUB KYI GNAS ZHES PA NI RDO RJE 'CHANG NYID KYI GO 'PHANG NGO, ,DE THOB PA NI NYE BAR DMIGS PA'O, ,DE SNOD DU GYUR PA'I PHYIR ZHES PA NI DE LA SKAL BA DANG LDAN PA YIN TE 'DOD PA'I KHAMS KYI SEMS CAN RNAMS 'DOD CHAGS GTZO BO YIN PA'I PHYIR RO, ,DE LTAR ZHES BYA BA NAS 'DI'I DON NI 'DI YIN TE ZHES PA'I BAR DU NI CHOS KYI MDZOD DANG 'DRA BA'I DPAL GSANG BA 'DUS PA'I RGYUD KYI RGYAL PO BCOM LDAN 'DAS KYIS BYANG CHUB SEMS DPA' LAG NA RDO RJE LA BSTAN TO ZHES BSTAN TO, ,DE BZHIN GSHEGS PA THAMS CAD LAS GCIG NAS GCIG TU BRGYUD DE, RDO RJE 'CHANG GI ZHAL NAS DE BZHIN GSHEGS PAS THOS PA DANG, DE RNAMS LAS LHA MO DANG BYANG CHUB SEMS DPA' DANG, DE RNAMS LAS LHA RNAMS KYIS DANG, DE

RNAMS LAS LHA DANG LHA MA YIN GYIS DANG, DE RNAMS LAS MI YIS THOS PAR GYUR PAS 'BREL PA DRUG GI RIGS PA RGYUD KYI RIM PA LAS 'BYUNG BA'O, ,BLTA BAR BYA BA MA YIN PA, ,ZHES PA NI SPANG BAR BYA BA MA YIN PA'O, ,DE BLTAS NA DMYAL BAR 'GRO BA YIN PA'I PHYIR RO, , SKU GSUNG THUGS KYI GSANG BA ZHES PA NI RNAM PAR SNANG MDZAD LA SOGS PA DE BZHIN GSHEGS PA GSUM GYI RANG BZHIN GYI YI GE GSUM GYI BDAG NYID NI GSANG BA'O, ,DE LTAR ZHES PA NI RTZOD PA'I DUS SU'O, ,NGAS ZHES BYA BA NI RDO RJE 'CHANG CHEN POS SO, ,BSHAD PA NI NYE BAR BSTAN PA'O, ,YID LA ZHOG LA ZHES PA NI BRJOD PAR BYA BA DANG, RJOD PAR BYED PA RGYUD KYI RGYAL PO'O, ,THOS PA DANG BSAM PA BSGOMS NAS MA 'ONGS PA'I SEMS CAN RNAMS LA PHAN PA DANG GROL BA'I PHYIR BSTAN PAR ZUNG SHIG NI BDAG MYA NGAN LAS 'DAS PAR GSHEGS PAR GYUR NAS GANG GIS KYANG KHYOD SDUD PA POR 'GYUR RO, ,RNAM PAR SNANG MDZAD LA SOGS PA SKU RDO RJE LA SOGS PA LNGA'O, ,GZHUNG DU BYAS PA'I ZHES PA NI GLEGS BAM NYID DU THOB PA STE, YI GE'I GZUGS YIN PAS SO, ,BSTAN PA'I PHYIR ZHES BYA BA NI RNAM PA SNA TSOGS PA'I DON DANG LDAN PA'I DAG TSIG GO, ,SPOBS PA DPAG TU MED PA'I ZHES BYA BA NI GZUNGS DANG SO SOR LDAN PAS SO, ,GZHUNG DANG DON DANG NGES PA'I TSIG DANG SO SOR SNANG BA STE SO SO YANG DAG PAR RIG PA DANG LDAN PA LAG NA RDO RJE YIN NO, ,GTZO BO NI NUS PA DANG LDAN PA'O, ,DBANG BSKUR ZHING RJES SU GNANG BA STE, DE BZHIN GSHEGS PA THAMS CAD KYIS SO, ,GSUNG GI RDO RJE GTZO BO YIN PA'O ZHES PA NI LAG NA RDO RJE SDUD PA PO LA DBANG YOD PA'I PHYIR RO, ,DE BZHIN GSHEGS PA'I GSUNG ZHES BYA BA LA SOGS PA SDUD PA POS BZHED PA BSTAN TO, ,RGYUD BSTAN PA'I 'OG TU ZHES BYA BA LA SOGS PAS DKYIL 'KHOR GYI 'KHOR LO NYE BAR BSDU BA'I SGO NAS RDZOGS PA NYID DU BSTAN TO, ,BRJOD DU MED PA'I ZHES BYA BA NI GZUGS DANG YON TAN LA SOGS PA RTZIS LAS

, ,'DAS PA'O, ,RIGS LNGA DANG LDAN PA'O ZHES PA NI DE BZHIN GSHEGS PA DANG LHA MO DANG BYANG CHUB SEMS DPA' KHRO BO RNAMS SO, ,SPRUL PA'I SKU'I GZUGS CAN ZHAS PA NI, DKYIL 'KHOR RGYAL BA MCHOG GI TING NGE 'DZIN GYI DBUS SU SPROS PA'O, ,DE RNAMS BSTAN PA'I PHYIR, MTHA' YAS PA'I ZHES SMOS TE, GZUGS DANG YON TAN LA SOGS PA DANG GRANGS KYIS MTHA' YAS PA STE, TING NGE 'DZIN NI MTHA' YAS PA ZHES LE'U BCU GSUM PA LAS GSUNGS SO, ,SANGS RGYAS NI DE BZHIN GSHEGS PA LNGA'O, ,BYANG CHUB SEMS DPA' NI SA'I SNYING PO LA SOGS PA'O, ,YANG NA BYANG CHUB NI SPYAN MA LA SOGS PA DANG GZUGS RDO RJE MA LA SOGS PA'O, ,SEMS DPA' NI SA'I SNYING PO LA SOGS PA'O, ,KHRO BO NI GSHIN RJE MTHAR BYED LA SOGS PA'O, ,NYE BAR BSDU BA BSTAN PA'I PHYIR, RNAM PAR SNANG MDZAD LA SOGS PA ZHES SMOS TE, DE LAS SA'I SNYING PO BYAMS PA DANG, SPYAN MA DANG, GZUGS RDO RJE MA DANG, GSHIN RJE MTHAR BYED DANG, 'DOD PA'I RGYAL PO RNAMS RNAM PAR SNANG MDZAD LA 'JUG GO, ,LAG NA RDO RJE DANG, NAM MKHA'I SNYING PO DANG, M'A MA K'I DANG, SGRA RDO RJE MA DANG, SHES RAB MTHAR BYED MA DANG, MI G-YO BA NI MI BSKYOD PA LA 'JUG GO, ,'JAM DPAL DANG, 'JIG RTEN DBANG PHYUG DANG, GOS DKA' MO DANG, ,DRI RDO RJE MA DANG, PADMA MTHAR BYED MA DANG, DBYUG SNGON NI 'OD DPAG TU MED PA LA 'JUG GO, ,SGRIB PA THAMS CAD RNAM PAR BSAL BA DANG, KUN DU BZANG PO DANG, RO RDO RJE MA DANG, SGROL MA DANG, BGOGS MTHAR BYED DANG STOBS PO CHE LAS KYI RIGS CAN PHRAG DOG GI NGO BO YIN PAS ZHE SDANG GI RIGS YIN NO ZHES THUGS RDO RJE LA 'JUG GO, ,GNOD MDZES KYI RGYAL PO NI MI BSKYOD PA LA'O, ,GTZUG TOR 'KHOR LOS SGYUR BA NI RNAM PAR SNANG MDZAD LA 'JUG GO, ,DE RNAMS KYI NANG NA SPRUL PA GZHAN NI RIGS DANG MTHUN PAS RANG RANG GI RIGS LA RJES SU 'BRANG BA LA 'JUG GO, ,RNAM PAR SNANG MDZAD LA SOGS PA GANG

LA 'JUG GO, ,ZHES RTOG NA DE LA RNAM PAR SNANG MDZAD LA SOGS PA ZHES BYA BA LA SOGS PA SMOS TE, SRID PA GSUM GYI GNAS 'DI NA, ,ZHES PA NI KHAMS GSUM GYI GNAS LA'O, ,SGO NGA LAS SKYES PA LA SOGS PA NI RNAM PA BZHI'I SEMS CAN GYI KHAMS SO, ,MCHOG NI NAM MKHA' LA SPYOD PA STE LHA LA SOGS PA'O, ,'BRING NI SA LA SPYOD PA STE MI LA SOGS PA'O, ,THA MA NI SA 'OG NA GNAS PA STE DMYAL BA LA SOGS PA'O, ,DE RNAMS KYI TSOGS NI RE ZHIG RNAM PAR SNANG MDZAD YIN NO ZHES PA NI RNAM PAR DAG BA'O, ,LUS RNAM PAR SNANG MDZAD MI ZHES PA LA KHAMS GSUM GYI LUS DANG RNAM PAR SNANG MDZAD THA MI DAD PA'O, ,DAM TSIG BSTAN PA'I PHYIR RTEN DANG BRTEN PA NYID DU ZHES PA NI LA LA NI RTEN DANG BRTEN PA THA DAD PA'I BSHAD PAR 'DOD PA STE, DPER NA SA LA 'DUG PA DANG, SHING RTA LA 'DUG PA DANG RDZA MAR 'TSOD PA'O, ,LA LA NI THA MI DAD PA'I STE SHING LA YAL GA DANG GDONG LA MIG DANG SNA LA BUG PA ZHES BYA BA LA SOGS PA BZHIN NO, ,DE BZHIN DU KHAMS GSUM THAMS CAD KYI LUS DANG, RNAM PAR SNANG MDZAD LA THA DAD MED DO, ,DE NYID BSTAN PA'I PHYIR DE BZHIN GSHEGS PA THAMS CAD KYI MNYAM PA NYID CES PA NI RDO RJE 'CHANG CHEN PO'I SKU MNYAM PA NYID LA DMIGS PAR GYUR TO, ,DE BZHIN DU GSUNG MNYAM PA NYID DU THUGS MNYAM PA NYID DO, ,'OD DPAG TU MED PA DANG MI BSKYOD PA DAG LA PHYE NAS BSHAD PAR BYA'O, ,'DIR BSDUS PA'I DON 'DI YIN TE LAS KYI RGYAL BA MCHOG GI TING NGE 'DZIN GYI MTHAR, DKYIL 'KHOR GYI 'KHOR LO MA LUS PA SKU GSUNG THUGS KYI RIGS LA BSDUS TE, RNAM PAR SNANG MDZAD LA SOGS PA GSUM PO YANG SPYI BO DANG LKOG MA DANG SNYING GA'I PHYOGS LA GNAS PA'I YI GE GSUM LA 'JUG CING, AOm DANG A'A:DAG KYANG YI GE H'Um LA 'JUG CING RDO RJE 'CHANG CHEN PO REG BYA RDO RJE MA DANG BCAS PA DE NYID LA THIM STE, YI GE H'Um YANG CHA SHAS KYI DBYE BAS YONGS SU THIM PAR 'GYUR LA, 'BA' ZHIG DRI MA MED PA MTHA' YAS PA NAM MKHA' DANG

, ,'DRA BAR GNAS PAR BYA'O, ,MTHAR THUG PA GSUNGS PA YIN NO ZHES PAS NI GZHUNG RDZOGS PA BSTAN TO, ,SLOB DPON GYI ZHAL SNGA NAS KYI BKA' DRIN GYIS ZHES PA NI SLOB DPON ZLA BA GRAGS PAS RANG GI BLA MA LA BSTOD PA BSTAN TE, SLOB DPON GYI ZHAL SNGA NAS ZHES PA NI 'PHAGS PA KLU SGRUB KYI ZHAL SNGA NAS KYIS SO, ,DE RNAMS KYI BKA' DRIN GYIS ZHES PA NI RJES SU BZUNG BAS SO, ,RGYUD NI DPAL GSANG BA 'DUS PA'I RGYUD KYI RGYAL PO LA'O, ,DON DANG TSUL NI BSKYED PA'I RIM PA'O, ,CHOS NYID NI RDZOGS PA'I RIM PA'O, ,DE'I YUL DU RE ZHIG BDAG NI SOM NYI DANG BRAL BA ZHES PA NI 'KHRUL PA MED PA'O, ,GZHAN 'GA' ZHIG CES PA NI THE TSOM GCIG CIG YOD DE, DE NYID BSTAN PA'I PHYIR, MTHA' DRUG GI BSHAD PA NI SNGAR BSHAD PA'O, ,DE LA RGYAB KYIS PHYOGS PA ZHES BYA BA NI PHYI ROL DU SONG BA'O, , SNGAGS PA ZHES PA NI 'GREL PA MKHAN RNAMS SO, ,SGRA JI BZHIN DU GSUNGS BA ZHES PA NI SGRA TZAM GYI DON LA BRTEN TE 'CHAD PAR BYED PA'O, ,DE NYID KYI PHYIR RANG GI SLOB DPON GYI MAN NGAG GIS NI ZHES PA LA RANG BZO LAS BYUNG BA'I MAN NGAG GIS SO, ,DE LA MNGON PAR BYANG CHUB PA'I RNAM PA LNGA ZHES PA NI ME LONG LTA BU LA SOGS PA'I YE SHES KYI RANG BZHIN GYI ZLA BA DANG NYI MA DANG, SA BON LAS PHYAG MTSAN DANG SPRO BA DANG BSDU BA DANG SKU RDZOGS PA'I RIM PA STE, DPER NA SLOB DPON DPAL GYI SDES BYAS PA BZHIN NO, ,DE BZHIN DU ZLA BA LA SOGS PA'I RIM BAS NI GZHAN GYIS MI THUB PA'I SPAS PA BZHIN NO, ,SRID PA'I RIM PA NI SRID PA NI GSUM STE, 'CHI BA'I SRID PA DANG, SRID PA BAR DO DANG, SKYE BA'I SRID PA'O, ,DE LA STONG BA NYID BSGOM PA NI 'CHI BA'I SRID PA'O, ,BAR SNANG LA YI GE HO GNYIS KYIS SPEL BA'I YI GE GSUM BSGOM PA SRID PA BAR DO'O, ,BSNYEN PA LA SOGS PA'I RIM PAS LHA'I RNAM PAS BSKYED PA NI SKYE BA'I SRID PA'O, ,DE RNAMS BSKYED PA NI SRID PA'I BSKYED PA'O, ,DE'I RIM PA NI SRID PA'I BSKYED PA'I RIM PA'O, ,DE YONGS SU DAG PA'I LHA'I RNAL 'BYOR NI BSKYED PA'I RIM PA'O, ,DE SLOB PA NI BSHAD PA DANG BSGOM PA'O, ,

RE ZHIG DE NI RIGS TE, GANG GI PHYIR GAL TE DE RNAMS RNAL 'BYOR BZHI'I BDAG NYID CAN NI DANG PO SBYOR BA DANG, DKYIL 'KHOR RGYAL BA MCHOG DANG, LAS KYI RGYAL BA MCHOG GIS PHYE BA'I TING NGE 'DZIN GSUM GYI BDAG NYID KYI BSKYED PA'I RIM PA MI SHES KYANG DE BZHIN DU LUNG DANG MI 'GAL BA'I MNGON PAR BYANG CHUB PA RNAM PA LNGA LA SOGS PA'I RIM PAS RTOGS PAR BYED PA NA MI 'GAL LO, ,BSAM PA'I DBYE BAS BCOM LDAN 'DAS KYIS GSUNGS PA LA THA DAD PAR RJES SU 'BRANG BA YOD PA'I PHYIR RO, ,YONGS SU DAG PA'I LHA'I RNAL 'BYOR PA YANG ZHES PA NI RDZOGS PA'I RIM PA STE RIM PA LNGA'I MAN NGAG GI BDAG NYID DO, ,RTOG PA THAMS CAD LAS 'DAS PA ZHES PA NI RNAM PAR MI RTOG PA'I YE SHES KYI RANG BZHIN NO, ,DE BAS NA SO SO RANG GIS RIG PA ZHES PA NI RANG GIS MYONG BA'O, ,SANGS RGYAS RNAMS KYI SPYOD YUL ZHES PA NI RIN PO CHE LTA BU'I GANG ZAG RNAMS KYI SPYOD YUL LO, ,PHUNG PO'I RIN PO CHE'I ZA MA TOG GI NANG NA GNAS PA ZHES PA NI RANG GI LUS PO'I NANG NA GNAS PA STE BLA MA'I MAN NGAG MED PAS MI RNYED DE, YOD PA DANG MED PA'I PHYOGS DANG BRAL BA ZHES PA NI ZUNG DU 'JUG PA'I BDAG NYID DO, ,YI GE RJES SU 'BRANG BA ZHES PA NI DON DAM PA SPONG BYED TSIG DANG BYED PA PO DANG RTAGS LA SOGS PA'I DBYE BAS RGOL BAR BYED BA'O, ,RTOG GE PA ZHES PA NI PHYOGS DANG GTAN TSIGS DANG DPE SMRA BA RNAMS KYI SPYOD YUL MA YIN NO, ,'ON KYANG BLA MA'I MAN NGAG NI RDO RJE SLOB DPON GYI MAN NGAG GO, , 'BA' ZHIG NI RTOG GE LA NI MI LTOS PAS SO, ,SHES PA NI DES THOS PA YIN NO, ,DE LTA BU NI SNGAR BSHAD PA YIN NO, ,LHA'I DE KHO NA NYID DE RDZOGS PA'I RIM PA'O, ,DE BZHIN GSHEGS PA YONGS SU MYA NGAN LAS 'DAS PA ZHES PA NI BCOM LDAN 'DAS SH'AKYA THUB PA NUB PAR GYUR PAS SO, ,DE BZHIN DU DE'I SPRUL PA'I SKU'I RANG BZHIN GYI LAG NA RDO RJE LA SOGS PA SDUD PA PO GANG YIN PA DE RNAMS KYANG MED PAR GYUR PA NI BDAG CAG DANG 'DRA BA LA LKOG TU GYUR PA'O, ,PHYI MA'I DUS NI RTZOD PA'I DUS SO, ,SANGS RGYAS KYIS YANG DAG PAR BSHAD PA ZHES PA NI DE BZHIN GSHEGS

, ,PA RNAMS KYI MAN NGAG STE RDZOGS PA'I RIM PA'O, ,RGYUN MA CHAD PA NI RGYUN GYIS SO, ,SU ZHIG CES PA NI SKYES BU 'CHAD PA PO GANG ZHIG GIS SO, ,STON PAR 'GYUR ZHES PA NI 'CHAD PAR 'GYUR BA'O, ,GDUL BYA'I SEMS CAN RNAMS KYI RGYUD LA ZHES PA NI SLOB MA'I RGYUD LA'O, ,JI LTAR 'JUG PAR 'GYUR ZHES PA NI JI LTAR RGYAS PAR 'GYUR RO ZHES BDAG LA THE TSOM CHEN PO'O, ,RE ZHIG DE BDAG SU ZHIG GIS KYANG GSAL BAR MI NUS TE, 'ON KYANG THE TSOM DE BCOM LDAN 'DAS KYIS LUNG BSTAN PAS SEL BAR 'GYUR RO, ,DE NYID BSTAN PA'I PHYIR, MA 'ONGS PA ZHES BYA BA LA SOGS PA SMOS TE, DE LA LANG KAR GSHEGS PA'I MDO LAS 'JAM DPAL GYIS ZHUS PA LAS BCOM LDAN 'DAS KYIS GSUNGS PA, RTOG GE RNAMS KYI ZHES BYA BA LA SOGS PA TSIGS SU BCAD PA BZHI NI GO SLA'O, ,RIM PA 'DI NI ZHES PA NI LUNG BSTAN PA'I RIM PAS SO, ,JI SRID 'JIG RTEN NI 'DZAM BU GLING LA'O, ,DAM PA'I CHOS GNAS PA ZHES PA NI PHYI MA'I LO LNGA BRGYA SPANGS TE, DAM PA'I CHOS NUB PAS SO, ,DE SRID KYI BAR DU RDO RJE THEG PA NI SNGAGS KYI TSUL LO, ,RNAL 'BYOR CHEN PO'I RGYUD KYI LUNG LA BRTEN NAS ZHES PA NI DPAL GSANG BA 'DUS PA'I RGYUD KYI RGYAL PO LA BRTEN NAS SO, ,BSKYED PA'I RIM PA'I GO RIMS KYIS, ,ZHES PA NI YONGS SU DAG PA'I LHA'I RNAL 'BYOR GYI RIM PAS SO, ,RDZOGS PA'I RIM PA RTOGS PAR BYA BA ZHES PA NI YONGS SU DAG PA'I LHA'I RNAL 'BYOR MNGON DU BYED PAS SO, ,SLOB DPON CHEN PO KLU SGRUB KYI ZHAL SNGA NAS ZHES PA NI BDAG CAG GI BLA MA RNAMS SO, ,BRTZAMS TE ZHES PA NI BRTEN NAS SO, ,GTER DANG 'DRA BA NI RIN PO CHE BZHIN NO, ,SLOB DPON RNAMS BRGYUD PA'I RIM GYIS ZHES PA NI GCIG NAS GCIG GI RIMS PAS, ,BLA MA'I ZHAL NAS ZHES PA NI RANG BZO MA YIN NO, ,GSANG BA 'DUS PA ZHES PA NI BDAG CAG DANG 'DRA BA'O, ,TSE 'DI NYID LA ZHES PA NI BRTZON 'GRUS RAB YIN PA SKYE BA GZHAN LA MA YIN NO, ,SANGS RGYAS NYID DU 'GYUR BA NI RIN PO CHE LTA BU GANG ZAG RNAMS KYI'O RGYUD LA 'PHO BA'O ZHES PA NI SEMS KYI RGYUD LA

'JUG PA STE ME LONG LA GZUGS BRNYAN BZHIN NO, ,DE LTAR ZHES BYA BA LA SOGS PAS YANG NYE BAR BSDU BA'I SGO NAS BLA MA'I ZHAL SNGA NAS BSTOD PA BSTAN TE, NYID KYI DON RJES SU BRNYES NAS SO ZHES PA NI NYE BAR MTSON PA TZAM YIN TE, GZHAN GYI DON PHUN SUM TSOGS PA YANG BRNYES PA'O, , DE NYID BSTAN PA'I PHYIR, RDO RJE 'CHANG CHEN PO'I TING NGE 'DZIN NI 'JIG RTEN PA RNAMS LA BSTAN NAS ZHES PA NI MDOR BSDUS PA'I SGRUB THABS DANG, MDO SDE DANG, DPAL RDO RJE H'Um MDZAD KYI SGRUB THABS DANG, RIM PA LNGA PA DANG, RGYUD KYI 'GREL PA LA SOGS PA'I GZHUNG GZHAN LA BRTEN NAS SO, ,LHA DANG MI'I BDE BA LAS 'DAS SHING ZHES PA NI MYA NGAN LAS 'DAS PA THOB PAS SO, ,SKYE BA DANG 'GAG PA DANG BRAL BA'I ZHES PA NI CHOS KYI SKU'O, ,RNAM PA THAMS CAD MCHOG DANG LDAN PA ZHES PA NI LONGS SPYOD RDZOGS PA'I SKU'O, ,DE NYID KYI KHYAD PAR NI CHOG MI SHES PA ZHES PA NI TSIM PAR MI 'GYUR PA'O, ,STOBS BCU ZHES BYA BA LA SOGS PAS DE NYID KYI KHYAD PAR RO, ,DE BZHIN GSHEGS PA'I SKU ZHES PA NI RDO RJE'I SKU BRNYES NAS SO, ,BDE BA CAN DU GSHEGS NAS ZHES PA NI YONGS SU DAG PA'I SANGS RGYAS KYI ZHING LA GSHEGS SO, ,YON TAN GYI DBANG PHYUG BRGYAD DANG ZHES PA NI SKU LA SOGS PA'I DBANG PHYUG RNAMS SO, ,DE DANG LDAN PA ZHES PA NI SPRUL PA'I SKU THOB PA NYID DU BSTAN TO, ,BZHUGS SO ZHES PA NI SKU GSUM DANG SANGS RGYAS BZHUGS PA BZHIS NYE BAR ROL PA'O, ,DE LTAR ZHES BYA BA LA SOGS PAS LUNG BSTAN PA DANG LUNG DU MA BSTAN PA'I BYE BRAG GI NGES PA BSTAN TO, ,DE LA BDAG CAG GI SLOB DPON NI LUNG BSTAN PA DANG 'GREL PA MKHAN GZHAN NI LUNG DU MA BSTAN PA STE, DE RNAMS KYIS BSHAD PA NI MA LAGS TE LOG PA'I LTA BA DANG LDAN PA'I PHYIR RO, ,DE NYID BSTAN PA'I PHYIR NGO BO NYID SHES BA ZHES PA NI DNGOS PO THAMS CAD KYI STONG PA NYID KYI NGO BO SHES PAS NA NGO BO NYID SHES PA'O, ,BU RAM MNGAR NYID ME YI NI, ,JI LTAR DRO BA RANG BZHIN TE, ,CHOS RNAMS KUN GYI STONG PA NYID, ,DE BZHIN DU NI RANG BZHIN 'DOD, ,CES 'BYUNG NGO, ,'DI DANG PHA ROL

, ,ZHES PA NI TSE 'DI DANG PHYI MA LA'O, ,MTHA' NGES PAR BYA'O ZHES PA NI PHA ROL TU PHYIN PA NYID DU NGES NAS SO, ,DE NI DA LTA'O, ,RGYUD NYE BAR SDUD PAR BYED DE ZHES PA NI SDUD PA BOS ZHES TSIG LHAG MA'O, ,RGYUD MA LUS PAR SHES PA NI LE'U BCU BDUN GYI BDAG NYID DO, , RGYAN RNAM PA BDUN DANG BSHAD PA RNAMS KYI TSUL DANG ZHES PA NI SNGAR BSHAD PA GLENG GZHI SNANG BA LA SOGS PA'I RGYAN SO SOR BSTAN PA'I RIM PAS SO, ,THOS NAS ZHES PA NI BCOM LDAN 'DAS KYI ZHAL NAS THOS NAS SO, ,DON DANG TSUL DANG ZHES PA NI RIM PA GNYIS BDEN PA GNYIS KYI KHONG DU CHUD NAS TE, THUGS LA GSAL POR BZHAG NAS SO, ,DES NI RANG GI DON BSHAD NAS GZHAN GYI DON BSHAD PAR BYA STE, RIM PA GNYIS ZHES PA NI BRTAGS PA DANG YONGS SU RDZOGS PA'I RIM PA GNYIS KYI MAN NGAG SNGON DU 'GRO BA'O, ,NYAN PA PO RNAMS LA ZHES BA NI TZANDAN LA SOGS PA GANG ZAG LNGA PO LNGA'O, ,YANG DAG PAR BSHAD PA ZHES PA NI BSTAN PAR BYAS NAS SO, ,BRTZAMS PA'I DON ZHES PA NI DPAL GSANG BA 'DUS PA'I RGYUD KYI RGYAL PO YONGS SU RDZOGS NAS ZHES PA NI RDZOGS PAR MDZAD PAS SO, ,DE BZHIN DU BDAG NYID NI SDUD PA PO'I RANG BZHIN GYI'O, ,DAM BCA' BA'I BSAM BA ZHES PA NI JI LTAR BDAG GIS DANG PO 'DI SKAD BDAG GIS THOS PA'I ZHES BYA BA DE BZHIN DU RDZOGS PA'O, ,DE LTA BU'I BSAM PA NI DGONGS PA STON CING ZHES PA NI GSAL PAR MDZAD PA'I SDUD PA PO NI LAG NA RDO RJES GSUNGS SO; ;CI GSUNGS SHE NA, DE SKAD CES BKA' STZAL PA ZHES PA NI DE NYID KYI BSHAD PA'O, ,DE SKAD CES BYA BA NI MING THAMS CAD KYI SNGA MA'I DON MCHOG TU 'DZIN PA'O, ,GANG GI PHYIR MING THAMS CAD PA'I DBYE BA GNYIS TE, KHA CIG NI RJES SU SMRA BA'I RTAGS 'DZIN PA DANG, KHA CIG NI BSGRUB PAR BYA BA'I RTAGS 'DZIN PA'O, ,'DIR NI RJES SU GNANG BA'I RTAGS 'DZIN PA'I 'DI SKAD CES BYA'O, ,GSANG BA 'DUS PA'I RGYUD KYI TSUL ZHES PA NI RGYUD KYI RGYAL PO'I MING NGO, ,'DI SKAD CES BKA' STZAL PA STE ZHES PA GSUNGS SO, ,LE'U'I MING BSTAN

PAR BYA BA'I PHYIR, BDE BA CHEN PO NI RANG BZHIN GYIS 'OD GSAL BA'O, ,DE BZHIN GSHEGS PA THAMS CAD CES PA NI RNAM PAR SNANG MDZAD LA SOGS PA RNAMS KYI'O, ,SKU GSUNG THUGS KYI GSANG BA ZHES PA NI RNAL 'BYOR BZHI'I RIM PAS KHYAD PAR GYI LHA'I RNAM PA STE YI GE'I DON TO, ,SKU GSUNG THUGS KYI GSANG BA NI YI GE GSUM STE SPYI'I DON TO, ,SKU GSUNG THUGS KYI GSANG BA NI YI GE GSUM STE SBAS PA'O, ,SKU GSUNG THUGS KYI GSANG BA NI 'OD GSAL BA STE MTHAR THUG PA'O, ,GTZO BO BYAS PA ZHES PA NI DE LA DMIGS NAS ZHUGS PA NI GSUNGS PA'O, ,GSANG BA RNAMS KYI 'DUS PA NI DE BZHIN GSHEGS PA'I TSOGS GANG NA YOD PA ZHES BYA BA 'BRU MANG PO'I BSDU BAS RGYUD KYI RGYAL PO'I KHYAD PAR BSTAN TO, ,RNAM PAR SNANG MDZAD LA SOGS ZHES PA NI RIGS LNGA'O, ,NYAMS SU BLANGS PA'I DON 'DA' BAR MI BYA BA'I DON TO, ,SRUNG BA LA SOGS PA LNGA'O ZHES PA NI DE LA BSRUNG BAR BYA BA'I DAM TSIG LNGA STE, DE BZHIN GSHEGS PA LA SOGS PA RIGS KYIS DBYE BAS SO, ,SOGS PA'I SGRAS NI BZA' BAR BYA BA'I DAM TSIG LNGA STE, GO KU DA HA NA DANG MA RA WI SHU MU'O, ,NAN TAN SGRUB PA ZHES PA NI NAN TAN YID KYIS BZOD PA'O, DE BZHIN GSHEGS PA'I RIGS LA SOGS PA LNGA'O ZHES PA NI DAM TSIG GI TSOGS DE DAG THAMS CAD DE BZHIN GSHEGS PA'I RIGS LNGA'I GTZO BO YIN NO, ,BZLA BAR BYA BA MA YIN GYI ZHES PA NI 'DUS PA'I RNAL 'BYOR PAS SPONG BAR BYA BA MA YIN PA'O, ,RDO RJE 'CHANG CHEN PO ZHES PA NI RIGS LNGA'I 'BREL BA DANG LDAN PA'I DAM TSIG DANG SDOM PA RNAMS LA RDO RJE 'CHANG CHEN PO NYID BYIN GYIS BRLABS PA YIN TE, DE'I SPRUL PA YIN PA'I PHYIR RO, ,DE'I MING GI RNAM GRANGS MING LA MNGON PAR ZHEN PA TZAM LA BSTAN PAR BYA STE, RIGS THAMS CAD KYI BDAG NYID CES PA NI LNGA'I BDAG NYID DO, ,THOG MA DANG THA MA MED PA'I ZHES PA NI CHOS KYI SKU'I RANG BZHIN YIN PAS SO, ,DANG PO'I SANGS RGYAS ZHES PA NI KUN GYI MCHOG YIN PAS SO, ,RIGS PA CHEN PO SKYES BU'I GZUGS, ,ZHES PA NI BSKYED PA'I RIM PA'I PHYOGS SU RNAL

, ,'BYOR BZHI'I TING NGE 'DZIN GYI RDZOGS PAS SO, ,YE SHES KYI SKU ZHES PA NI RDZOGS BA'I RIM PA'I PHYOGS SU BDAG LA BYIN GYIS BRLAB PA'I RIM PAS 'OD GSAL BA LAS CIG CAR DU BYUNG BAS SO, ,RANG BZHIN GYIS 'OD GSAL BA'I BDAG NYID CAN ZHES PA NI SEMS RNAM PAR DAG PA'I RIM PAS SAM, MNGON PAR BYANG CHUB PA'I RIM PAS 'OD GSAL BA LAS BYUNG BA'I PHYIR RO, ,'JIG RTEN GSUM GYI BDAG NYID CAN ZHES PA NI KHYAB PAR BYED PAS SO, ,SKU GSUM GYI BDAG NYID CAN ZHES PA NI CHOS KYI SKU LA SOGS PA THOB PAS SO, ,THEG PA GSUM GYI BDAG NYID CAN ZHES PA NI BRJOD PAR BYA BA DANG RJOD PAR BYED PA YIN PAS SO, ,RDO RJE GSUM GYI BDAG NYID CAN ZHES PA NI SKU GSUNG THUGS KYI BDAG NYID CAN YIN PA'I PHYIR RO, ,BDEN PA GNYIS KYI BDAG NYID CAN ZHES PA NI ZUNG DU 'JUG PA'I RANG BZHIN YIN PAS SO ZHES BYA BA LA SOGS PA ZHES PA NI MGON PO DANG, RGYU DANG 'BRAS BU'I BDAG NYID CAN DANG DE BZHIN NYID DANG YANG DAG PA'I MTHA' DANG STONG PA NYID CES BYA BA LA SOGS PA'O, ,DE BZHIN GSHEGS PA DRUG PA ZHES BYA BA NI LNGA'I RGYUR GYUR PA STE RDO RJE SEMS DPA' ZHES PA'O, ,MTSAN NI RNAM GRANGS ZHES PA NI MTSAN GYIS NGES TSIG GO, ,MTHA' YAS PA NI RTZIS LAS 'DAS PA'O, ,SNGA MA BZHIN DU GOS DANG 'DRA BA NI LE'U STE NYON MONGS PA DANG SHES BYA'I SGRIB PA'I SKYON SPANGS PAS SO, ,DA NI 'GREL PA LA BSTOD PA BSTAN PA'I PHYIR, BDE BAR GSHEGS PA ZHES PA NI RDO RJE 'CHANG GI'O, ,GSUNG NI BKA'O, ,SHIN TU PHRA BA NI MKHAS PA'O, ,RNAL 'BYOR RGYUD NI DPAL GSANG BA 'DUS PA'I RGYUD KYI RGYAL PO'O, ,MTHA' DRUG NI SNGAR BSHAD PA'O, ,DE NYID RIGS PA NI RIGS PA'O, , DE DANG BRAL BA NI MI SHES PA'O, ,SGRA JI BZHIN PA'I DON TZAM GZUNG BA'I NYAN BA'AM 'CHANG PA POS NGES PAR RTOGS PA ZHES PA NI BDAG GIS SHES SO ZHES SMRAS BA'O, ,DA NI SKYES BU DES DE NYID MI MTHONG ZHES PA NI RGYUD KYI YANG DAG PA'I DON MI MTHONG BA'O, ,GANG GI

PHYIR YI GE TZAM LTA BA STE ZHES PA NI YI GE'I DON TZAM MTHONG BA'O, ,DPE BSTAN PA'I PHYIR JI LTAR BYIS PA LTA 'DOD PA NI ZLA BA MTHONG BAR 'DOD PAS SO, ,SOR MO'I RTZE LA LTA BA ZHES PA NI SOR MO TZAM LTA BAS ZLA BA MI MTHONG BA BZHIN NO, ,DE BAS NA MTHA' DRUG PA NI NYE BAR BLANG BA YIN NO; ,BSOD NAMS YONGS SU BSNGO BA BSTAN PA'I PHYIR RGYAL BA SKYES MCHOG CES PA NI DE BZHIN GSHEGS PA RAB KYI DU MAS SO, ,RNAM PAR BSHAD PA'I ZHES PA NI NGES PAR BSTAN PA'O, ,MTHA' DRUG LAM GANG YIN ZHES PA NI MTHA' DRUG GI DBYE BA'O, ,GANG ZHIG 'DI DANG ZHES PA NI RNAL 'BYOR CHEN PO'I RGYUD DE DPAL GSANG BA 'DUS PA'O, ,RGYUD TSUL MA LUS RNAM 'BYED CES PA NI RGYUD MA LUS PA NI BSHAD PA'I RGYUD DANG YAN LAG GI RGYUD DO, ,RDO RJE PHRENG BA DANG LHA MO BZHIS YONGS SU ZHUS PA LA SOGS PA'O, ,DE RNAMS KYI TSUL NI BSHAD PA'I DBYE BA'O, ,DES RNAM 'BYED CES PA NI GSAL BAR BYAS PA'O, ,BSHAD BYAS PAS ZHES PA NI GSAL BAR BSHAD NAS SO, ,BDAG GI DGE BA GANG THOB PA NI RNYED PA'O, ,DES NI DGE BAS SO, ,SGRON 'BAR RGYA CHER BSHAD CES PA NI MTHA' DRUG GI DON MAR MES GSAL PA 'GREL BA'I BSHAD BA 'DI'O, ,RING GNAS SHING ZHES PA NI BSKAL BA'I MTHA'I BAR DU GNAS PAR GYUR CIG GO, ,DE BZHIN DU BDE BA DAM PA'I GNAS MCHOG NI RDO RJE 'CHANG CHEN PO'I GO 'PHANG NGO, ,ZLA BA'I BLOS NI ZLA BA BZHIN DU DRI MA MED PA'I BLO GANG LA YOD PA DE NI ZLA BA'I BLO STE, DRI MA MED PA'I SEMS DANG LDAN PAR GYUR CIG GO, ,'GRO BA ZHES PA NI KHAMS GSUM PA'O, ,LDAN PAR GYUR CIG NI THOB PAR GYUR CIG PA'O, ,DES NI 'GREL PA MKHAN GYIS 'GREL BA'I MTHAR ZHAR LA RANG GI MING YANG BSTAN TO ZHES BKRA SHIS PA'O, ,SGRON MA GSAL BAR BYED PA'I 'GREL BA'I t'I KA LAS LE'U BCU BDUN PA'I RGYA CHER BSHAD PA'O, ,MAN NGAG RIN CHEN TSOGS KYI RGYA MTSO YI, ,BLA MA CHEN PO'I DGONGS PA LA BRTEN TE, ,MTHA' YAS RGYUD DON RNAM PAR SPYOD BYED PA'O, ,'GREL PA MKHAN GYI GLEGS BAM RNAMS MTHONG

, ,STE; ;BSHAD PA DANG NI YAN LAG RGYUD THOS NAS, ,RIM PA'I 'GREL DANG DE BZHIN RGYUD 'GREL TE, ,SHAR PHYOGS SU YANG CUNG ZAD PHYIN NAS NI, ,DAM PA RNAMS LAS MAN NGAG RGYAS THOB NAS, ,DNGOS GRUB GTZO MCHOG RNAL 'BYOR PA RNAMS KYI, ,ZHABS KYI PADMA SPYI BOS BKUR MNYES PAS, ,RMI LAM RDO RJE SEMS DPA' MTHONG NAS KYANG, ,DE LAS RJES GNANG YANG DAG THOB NAS NI, ,AU RGYAN YUL DU BDAG PO BDAG GIS NI, ,MKHAS PA'I GTZO BO SANGS RGYAS ZHI BA YI, ,SLOB MA SKAL LDAN GRAGS PA DGE SLONG MCHOG ,SGRA TSAD LUNG DANG SNGAGS LA MKHAS PA YI, ,ZLA BA'I GRAGS PAS BRTZAMS PA YI, ,MTHA' DRUG CES BYA 'GREL BA YANG, ,DE YI YANG NI t'I K'A 'DI, ,DE NYID GSAL BAR BYED PAS BYAS, ,DE NYID KYI NI GZHUNG GI TSAD, ,STONG PHRAG BCU DANG DRUG YIN TE, ,DE NI DPAL LDAN 'DUS PA NI, ,'GREL PA'I DON RNAMS YONGS SU BSDUS, ,GANGS DANG SHEL DANG MU TIG PHRENG DANG ZLA RGYA DANG, ,MTSUNGS PA'I BSOD NAMS SA BON BDAG GI GANG THOB PA, ,YUL SPRUL GYIS RDEG 'KHRUL PA RNAMS KYIS KUN DU BCOM, ,DU: KHA BRAL NAS 'GRO BAS RDO RJE 'CHANG NYID THOB PAR SHOG , SGRON MA GSAL BAR BYED PA'I t'IKA K'A SLOB DPON CHEN PO BHA BYA K'I RTI'I ZHAL SNGA NAS KYIS MDZAD PA RDZOGS SO,, ,,YON GYI BDAG PO GTZO BO 'BROM JO BO DKON MCHOG KHU MTSAN GYIS ZHUS NAS, RGYA GAR MKHAN PO CHEN PO KU M'A RA NYID KYIS BSGYUR CING ZHUS TE GTAN LA PHAB PA'O,, ,,