, ,RGYA GAR SKAD DU, BADZRA MAH'A K'A LA AAshtA KA STO TRA, BOD SKAD DU, RDO RJE NAG PO CHEN PO'I BSTOD PA BRGYAD PA, AOm NAG PO CHEN PO LA PHYAG 'TSAL LO, ,H'A H'A H'Um MDZAD KI LI KI LI SGROGS PA'I SGRA YIS 'BYUNG PO'I TSOGS PA RNAM PAR 'THAG ,H'Um H'Um SGROGS PA'I ZHAL RNAMS KYIS NI MI YI SHA ZA RGYU MA'I PHRENG BA 'KHRUG PA'I SKU, ,PHYAG NA KHA tV'Am GA DANG MDUNG THUNG MI YI LAG PA'I MTSAN PA 'DZIN CING MDZES PA'I GZUGS, ,MI SDUG GZUGS CAN SPYAN DANG DBU SKRA DMAR SER DUR
KHROD LA DGYES ZHING SKYONG KUN NAS SRUNGS, ,ZHAL DANG ZHAL NAS PHEm PHEm PHAt CES SGROGS PAS SO SOR BSKYED PA'I ME DPUNG CHEN PO YI, ,PHRENG BA RAB TU 'BAR BA'I DBUS NA BZHUGS SHING SKU LA BRGYAN PAS YAN LAG NYE BAR MDZES, ,GSOD BYED DRAG PO'I PHYAG GIS MI YI KHRAG 'DZAG RGYUN DU BTUNG ZHING SBRUL GYI PHRENG BAS BRGYAN, ,DMYAL BAR BSREG PA SEL ZHING SA STENG ZHING RNAMS SKYONG BA KHYOD NI ROL ZHING ROL BAR MDZOD, ,DRI MED RDZOGS PA'I BYANG CHUB BRNYES KYANG SRID PA GSUM PO KHENGS PAR 'GENGS NUS 'O DOD KYIS, ,H'Um H'Um PHAt CES MA RUNGS DGRA YIS NYIN BZHIN 'JIG RTEN PHYUGS RNAMS KYI NI BGEGS 'JOMS SHING, ,H'A H'A AAntA DGOD PA YIS NI DUS RNAMS KUN DU SHIN TU RAB TU 'JIGS PAR BYED, ,MGO SKYES RAL PA SMA RA SHIN TU DMAR SER NYE BAR 'PHRO BA'I ZHING SKYONG SRUNG BAR MDZOD, ,SGEG CING ROL PA'I 'JO SGEG DANG LDAN GSUS PA 'PHYANG BA PHYAG NA RAL GRI KHAm KHAm KHAm, ,RAKTA 'THUNGS BA'I SPYAN DANG PHYAG NI KHRAG LTAR DMAR BA RAm RAm TI DANG RU RU RU, ,NGO MTSAR SNANG MDZAD GTUM PO'I SHUGS CAN KHRO BO'I LTA BAS KHRO GNYER MDZOD CIG KRUm KRUm KRUm, ,'KHOR BCAS SKYONG BA'I ZHING SKYONG MA LUS BDUD DANG RO LANGS 'DUL BAR MDZAD PA tAm tAm tAm, ,NGES PAR GNOD PA'I BDUD DANG NYON MONGS BAG CHAGS GCOD BYED GRI GUG 'DZIN PA HRIm HRIm HRIm, ,NAG PO'I MCHU DANG 'DRA BA'I SKU NI RTZOD DANG NYES 'PHROG THOD PA'I PHRENG CAN KAm KAm KAm, ,RMAD BYUNG 'OD KYIS 'JIG RTEN G-YO ZHING SNANG BAR MDZAD PA GTUM PO'I SHUGS CAN TZAm TZAm TZAm, ,LHA MCHOG DAM TSIG LDAN PA KHYOD KYIS TSOGS KYI MCHOG DANG ZHING RNAMS SKYONGS SHIG SAm SAm SAm, ,'GRO BA SNA TSOGS DRI MED CHU BZHIN GZIGS NAS NGES PAR GSHIN RJE 'GOG BYED YAm YAm YAm, ,RLUNG GI SHUGS BZHIN MYUR DU RGYU BAS NYON MONGS 'JIG RTEN SNANG BAR MDZAD PA BAm BAm BAm, ,SMIN MA GYA GYU'I KHRO GNYER BSNYER BAS 'JIGS PAR MDZAD KYANG 'JIGS LAS THAR BYED BHRUm BHRUm BHRUm, ,SGRUB PO RNAMS LA PHAN DANG BDE MDZAD GNOD PA'I SGO RNAMS BSRUNG BA'I ZHING SKYONG KshAm KshAm KshAm, ,BZOD PA'I LUS CAN KshIm KshIm KshIm ZHES GDUG PA RNAMS KYIS BZOD
, ,PAR DKA' BA'I CA CO SGROG ,KA HA KA HA'I GSUNG GI RGYUN DANG CHAR SPRIN SNGON PO'I LUS CAN GCIG BUS THAMS CAD GNON, ,HR'Im KL'Im SHR'Im GIS SNGAGS DANG PA TZA PA TZA'I SNGAGS RNAMS KYIS NI LUS CAN THAL BAR BYED, ,SGRUB PO RNAMS LA KUN DU GCOD PA'I GEGS RNAMS NYE BAR ZHI BAR MDZOD CIG ZHING SKYONG CHE, ,KLAm KLAm KLAm ZHES RTAG TU NYON MONGS GYUR PA'I LUS CAN SRID GSUM 'GRO BA'I NYON MONGS RNAMS, ,RNAM PAR BSAL NAS PHYAG GI ZHAGS PAS SKYONG ZHING SRUNG BA LA PHAN PHYUGS BDAG PAm PAm PAm, ,SNGAGS KYI BDAG NYID SNGAGS KYI SKU CAN SNGAGS MYOS SNGAGS KYIS ZHI BA'I BDE STER 'BRAS BU'I PHYAG ,MTHA' DAG RGYAL BA'I SKU BZHIN MDZES PA ZHING RNAMS SKYONG BAR MDZAD PA KHYOD KYIS DE RNAMS SRUNGS, ,SGRUB PA PO'AM SLOB DPON GANG ZHIG DAM TSIG DGE MCHOG MKHAS PA'I BLO CAN THUN GSUM DU, ,SNGAGS KYI BSTOD PA BRGYAD PO KLOG BYED DE RNAMS BSOD NAMS LDAN ZHING RGYAL BAR 'GYUR BA DANG, ,TSE DANG DPAL DANG GRAGS DANG 'BYOR LDAN MNYAM MED STOBS KYIS RNAM PAR GNON PA'I GZI BRJID RGYAS, ,THAMS CAD SHES SHING DE YIS NYIN MTSAN RTAG TU BGEGS KYI TSOGS NI MYOS SHING NYAMS PAR 'GYUR, ,RDO RJE NAG PO CHEN PO'I BSTOD PA BRGYAD PA SLOB DPON CHEN PO KLU SGRUB KYI ZHAL SNGA NAS MDZAD PA'O,,