, ,RGYA GAR SKAD DU, K'A RU nA S'A DHA NAm KARMA BI SHVA, BOD SKAD DU, THUGS RJE SGROL MA LAS SNA TSOGS PA'I SGRUB THABS, RJE BTZUN MA SGROL MA LA PHYAG 'TSAL LO, ,DBEN PA'I GNAS SAM SA PHYOGS SU, , SROG CHAGS SPANGS PA'I SA LA NI, ,RIN CHEN 'BRUL DRI DANG BCAS, ,CHU GTZANG LA NI SNGAGS NI BZLAS, ,AOm HRIm TRIm H'Um PHAt AOm A'A:H'Um, BRGYA RTZA BRGYAD DANG BZLAS LA GDAB, ,DE NAS 'JIM PA SBYANG BYAS LA, ,RANG NYID LHA YI NGA RGYAL GYIS, ,SNYING GA'I SNGAGS LA LNGA 'PHROS PAS, ,'JIM PA 'OD LNGA DAG TU 'GYUR, ,DE LAS 'OD 'PHROS 'JIM PA YI, ,BYIN BRLABS BSDUS TE DE LA BSTIM, ,DE NAS 'BI 'BI BYA BA DANG, ,SKOL PHOR SNGAGS KYI 'OD KYIS SBYANG, ,SNGAGS 'DIS S'ATZTSA GDAB PAR BYA, ,AOM HR'Im TRIm H'Um PHAt HR'I:A'A YU: BADZRA K'A YA TZITTA H'Um, SGROL MA 'OD KYIS SKOR GSAL NAS, ,YE SHES DGUG DANG GZHUG PA DANG, ,MCHOD PA BSTOD PA RGYAS PAR BYA, ,ME TOG LA NI RTEN 'BREL SNGAGS, ,LAN BDUN BZLAS TE GTOR BAS NA, ,RAB TU GNAS PAR BYA BA'O, ,RTEN LA BSKOR BA BYED PA NI, ,LHA YI NGA RGYAL LDAN PA YIS, ,SNYING GA'I SNGAGS LAS 'OD 'PHROS PAS, ,RTEN DE STONG PA NYID DU BSAM, ,STONG PA'I NGANG LAS MAm LAS NI, ,PADMA 'DAB BRGYAD BSAM PAR BYA, ,DE STENG H'Um SNGON ZHU BA LAS, ,THOD PA GRI GUG SKU RU BSAM, ,SNYING GAR SNGAGS KYI 'KHOR LO LAS, ,'OD 'PHROS SANGS RGYAS THAMS CAD DGUG ,
, ,BSTIM LA MCHOD PA BSTOD PA BYA, ,DE NAS BSKOL BA THA MAL GYIS, ,BSTOD DANG SNGAGS BZLAS GUS PAR BYA, ,TING 'DZIN LHA YI THUGS KA NAS, ,'OD BYUNG BDAG LA PHOG PA YIS, ,SGRIB DAG SGROL MA'I SKU RU GSAL, ,SNGAGS 'DIS RAB TU BSKOR BAR BYA, , AOm HR'Im TRIm H'Um PHAt AOm A'A:H'Um SA TI SA MA YA H'Um PHAt, DE LTAR BSGOM PA'I CHO GA'O, ,SBYIN SREG CHO GA BYA BA NI, ,YAR GYI NGO YI TSES BRGYAD NAS, ,NYA YE BAR DU BRTZAM PAR BYA, ,SNOD GTZANG RAS KYI SDONG BU'O, ,MAR DKAR GYIS NI MAR ME SBAR, ,ME LONG KHUD DU TIL LA NI, ,SDIG PA YI NI GZUGS BYAS LA, ,MDUN DU BZHAG LA SPYI BOR NI, ,KAm BSAM ZHU BAS LUS LA THIM, ,DE YI 'OD KYIS BDAG GIS NI, ,SDIG PA THAMS CAD BSHAD BA YI, ,LAM NAS SDIG GZUGS DE LA BSTIM, ,MAR ME H'Um LAS SGROL MAR BSKYED, ,YE SHES DGUG LA SOGS PA NI; ,SNGON GYI JI BZHIN SHES PAR BYA, ,DE NAS SDIG PA SNGAGS 'DIS BSREG ,AOm HR'Im TRIm H'Um SARBA P'A PAm DA HA NA SH'ANTIm KU RU SV'A H'A, MTHEB SRIN GNYIS KYIS SDIG PA BSREG ,BRGYA RTZA BRGYAD DU BYA BAR GSUNGS, ,SER BSRUNG BA'I CHO GA NI, ,BSNYEN PA MNGON RDZOGS RNAL 'BYOR PAS; ,YUNGS KAR ME TOG SNGON PO LA, ,SNGAGS BTAB NAM MKHA'I PHYOGS SU GTOR, ,AOm HR'Im TRIm H'Um RAKshA SA MA YA BHYI TA DHA RE HUm HUm HUm PHAt PHAt, LHA YI NGA RGYAL LDAN PAS SU, ,SKU GZUGS MNGON DU MCHOD PA DANG, ,GSOL BA GDAB CING 'BAD PA BYA, ,KHRO MO LHA LA BSTOD PA NI, , CHOS NYID MNYAM PA'I NGANG LAS KYANG, ,MDZES MA KHRO BO SGROL MA MCHOG ,YE SHES LNGA YI NGO BO NYID, ,SKU MDOG DRAG PO'I KHRO TSUL CAN, ,BONG THUNG GSUS 'PHYANG 'GYING BAG CAN, ,MGO PHRENG BRGYA YIS SKU LA BRGYAN, ,DUR KHROD RO YI DKYIL NA BZHUGS, ,SKU GSUM 'CHANG BA'I LHA MO KHYOD, ,ZHAL GCIG SPYAN GSUM HE HE SGRA, ,YAN LAG KLU BRGYAD LDAN DANG LDAN, ,SKU SMAD STAG GI PAGS PAS DKRIS, ,LJAGS 'DRIL MCHE BA RAB TU GTZIGS, ,PHYAG BZHI DANG PO PHRENG BA STE, ,THUGS RJE 'GRO 'DREN GRI GUG GIS, ,NYON MONGS BAG CHAGS RTZAD
NAS GCOD, ,MDZES PA'I RANG RTAGS AUTPALA DANG, ,THOD PA DUG LNGA RNAMS 'JOMS RTAGS, ,KHRO MO KHYOD LA DUS GSUM DU, ,BDAG NI DRAN BGYID SKYABS SU MCHI, ,DUS RNAMS GDUG PA'I BAR CHAD RNAMS, ,ZHI BAR KHRO MO KHYOD KYIS MDZOD, ,RGYA GAR BSIL BA'I SENG LDENG PHUG TU SLOB DPON RTAG PA'I BADZRAS MDZAD PA RDZOGS SO,, ,,MKHAS PA CHEN PO BA RI LO TZ'A BAS BSGYUR BA'O,,