, ,RGYA GAR SKAD DU, BADZRA B'A R'A H'I T'A RA STO TRAm, BOD SKAD DU, RDO RJE PHAG MO SGROL MA LA BSTOD PA, RJE BTZUN MA SGROL MA LA PHYAG 'TSAL LO, ,STONG NYID SNYING RJE PHAG MO CHE, ,SGROL MA'I SKU LA PHYAG 'TSAL LO, ,SMRA BSAM BRJOD MED PHA ROL PHYIN, ,SGROL MA'I GSUNG LA PHYAG 'TSAL LO, ,DRI MED YE SHES ZLA BA'I THUGS, ,SGROL MA'I THUGS LA PHYAG 'TSAL LO, , ZLA 'OD SRID PA'I MUN SEL BA, ,'JOMS BYED NYI MA'I DKYIL DANG MTSUNGS, ,THABS DANG SHES RAB YON TAN LDAN, ,SGROL MA LA NI RTAG TU 'DUD, ,'GRO LA BU BZHIN RTAG TU GDUNG, ,SRID GSUM RNAM THAR GSUM LA 'GOD, ,SENG LDENG NAGS LA RAB GNAS SHING, ,'JIGS PA BRGYAD LAS SHIN TU SKYOB, ,SGROL MA LA NI PHYAG 'TSAL BSTOD, ,MNGON PAR DGA' BA'I ZHING KHAMS SU, ,RDO RJE MKHA' 'GROR SKUR STON CING, ,'GRO BA'I SGRIB GNYIS SBYONG MDZAD PA, ,SGROL MA LA NI PHYAG 'TSAL BSTOD, ,DPAL DANG LDAN PA'I ZHING KHAMS SU, ,RIN CHEN MKHA' 'GROR SKUR STON CING, ,'GRO BA'I SDUG BSNGAL NAD SEL MDZAD, ,SGROL MA LA NI PHYAG 'TSAL BSTOD, ,BDE BA CAN GYI ZHING KHAMS SU, ,PADMA MKHA' 'GROR SKUR STON CING, ,BDE BA CHEN PO'I DANG LA GNAS, ,SGROL MA LA NI PHYAG 'TSAL BSTOD, ,RNAM PAR DAG PA'I ZHING KHAMS SU, ,LAS KYI MKHA' 'GROR SKUR STON CING, ,PHRIN LAS RNAM BZHIS 'GRO DON MDZAD, ,SGROL MA LA NI PHYAG 'TSAL BSTOD, ,MTHA' DBUS MED PA'I ZHING KHAMS SU, ,PHA ROL PHYIN MA'I SKUR STON CING, ,PHYOGS BCU'I SANGS RGYAS TSOGS DANG BCAS, ,SGROL MA LA NI PHYAG 'TSAL BSTOD, ,DUR KHROD
BRGYAD KYI ZHING KHAMS SU, ,RDO RJE PHAG MOR SKUR STON CING, ,ME DPUNG 'BAR BA'I DBUS NA BZHUGS, ,SGROL MA LA NI PHYAG 'TSAL BSTOD, ,PAndI TA ZLA BA GRAGS PAS BSTOD PA MDZAD PA RDZOGS SO,,