, ,RGYA GAR SKAD DU, A'ARYA T'A RE S'A DHA NAm N'A MA, BOD SKAD DU, 'PHAGS MA SGROL MA'I SGRUB THABS ZHES BYA BA, RJE BTZUN MA SGROL MA LA PHYAG 'TSAL LO, ,'JIG RTEN SGROL MDZAD SGROL MA CHE, ,DE LA PHYAG 'TSAL DE SGRUB THABS, ,MDO TZAM SLOB MA LA PHAN PHYIR, ,'DIR BRI SGRUB POS GRUB GYUR CIG ,DANG POR RE ZHIG SNYING GAR ZLA BA'I DKYIL 'KHOR LA T'Am LJANG GU BSAMS LA, DE'I 'OD ZER GYIS BLA MA DANG SANGS RGYAS LA SOGS PA SPYAN DRANGS TE, BLA MA RDO RJE SEMS DPA'I GZUGS CAN DU BSAMS NAS, YID LAS BYUNG BA'I MCHOD PAS MCHOD DE, ME TOG LA SOGS PA'I MCHOD PA SNGON DU 'GRO BAS, MCHOD PA'I YAN LAG BDUN RGYAS PAR BYA'O, ,DKON MCHOG GSUM LA SKYABS SU MCHI, ,SDIG PA MA LUS SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG DGE 'DUN LA, ,BYANG CHUB BAR DU BDAG SKYABS MCHI, ,RANG DANG GZHAN GYI DON SGRUB PHYIR, ,BYANG CHUB SEMS
, ,NI BDAG GIS BZUNG, ,BYANG CHUB MCHOG GI SEMS NI BSKYED BGYI ZHING, ,SEMS CAN THAMS CAD BDAG GI SA MGRON DU GNYER, ,BYANG CHUB SPYOD PA YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES BRNGOD CING DE DAG GI DON DRAN PAR BYA'O, ,DE NAS TSAD MED PA BZHI BSGOM PAR BYAS TE, BYAMS PA DANG SNYING RJE DANG DGA' BA DANG BTANG SNYOMS DAG GO ,DE'I RJES LA CHOS THAMS CAD STONG PA NYID DU BSGOM STE, AOm SV'A BH'A WA SHUDDHA SARBA DHARM'A SV'A BH'A WA SHUDDHONYAHAm ZHES BRJOD PAR BYA'O, ,DE NAS PADMA DANG ZLA BA RANG NYID KYI NGO BOR BSAM PA'I YI GE T'Am LAS 'OD ZER 'PHROS PAS SNOD BCUD 'OD DU ZHU NAS T'Am LA THIM PA'I BAR DANG DE YANG RIM GYIS ZHU ZHING THIM NAS THAMS CAD STONG PA NYID DU BSGOM MO, ,YANG SNGON GYI SMON LAM RJES SU DRAN PAS PADMA DANG ZLA BA'I GDAN LA T'Am SNGON POR LANGS LA, DE YONGS SU GYUR PA LAS AUTPALA LJANG GUR BLTA ZHING, DE LAS 'OD ZER PHYOGS BCUR 'PHROS TSUR 'DUS YONGS SU GYUR PA LAS BCOM LDAN 'DAS MA'I SKUR BLTA'O, ,DE YANG SNA TSOGS PADMA DANG ZLA BA'I GDAN LA ZHABS SKYIL KRUNG DANG, PHYAG G-YAS MCHOG SBYIN PAR MDZAD PA DANG, G-YON AUTPA LA'I SDONG BU 'DZIN PA, RGYAN THAMS CAD KYIS BRGYAN CING CHA BYAD PHUN SUM TSOGS PA ME LONG GI GZUGS LTA BUR BSAM PAR BYA'O, ,DE NAS RANG DANG 'DRA BA'I YE SHES BSTIMS LA, THAL MO GNYIS SBYAR BA LAS GUNG MO GNYIS RGYAB TU MDZUB MO'I RTZER SBYAR TE, YID KYIS SNYING GA'I PADMA LA T'Am LJANG GU 'OD ZER 'BAR BAS DON THAMS CAD MNGON PAR BSGRUBS NAS, AOm T'A RE TUTT'A RE TU RE SV'AH'A, ZHES BYA BA'I SNGAGS BZLAS PAR BYA'O, ,BSNYEN PA NI 'BUM PHRAG BCUS 'GRUB PAR 'GYUR RO, ,RIGS PA DANG YON TAN GYI TSOGS THAMS CAD SDUD PAR BYED DO, ,SGYU MA LTA BU'I BLOS NAM MKHA' LTA BUR BSGOM PA NI RIM PA BZHIN NO, ,DE LAS BYUNG BA'I DGE BAS YONGS SU BSNGOS NAS DGE B'AI SPYOD PAS GNAS PAR BYA'O, ,RJE BTZUN 'PHAGS MA SGROL MA'IS GRUB THABS SLOB DPON CHEN PO THAMS CAD MKHYEN PA'I BSHES GNYEN GYIS MDZAD PA
RDZOGS SO,,