, ,RJE BTZUN SGROL MA LA PHYAG 'TSAL LO, ,NAM ZHIG 'CHI BAR 'GYUR BA'I TSE, ,LTOS PA THAMS CAD RAB SPANGS TE, ,CI 'BYOR MCHOD PA SNGON DU BYA, ,BYANG CHUB SEMS NI BRTAN PAR BSGOM, ,'BYUNG BZHI THIM PA LHA BZHIR BSGOM, ,RNAM SHES THIM PA YID KYI LHA, ,'OD GSAL LA THIM 'OD GSAL TE, ,BSKYED RIM THIM PA RDZOGS RIM BSGOM, ,LUS KYI SHED NYAMS SMIG RGYU SNANG, ,SNYING GAR BLA MA BSGOM PAR BYA, ,SGO DGU SKAM SA NA DU BA 'BYUNG, ,LTE BAR RDO RJE SEMS DPA'
BSGOM; ,DROD BRTUL SRIN BU ME KHYER 'DRA, ,GSANG BAR DON YOD GRUB PA BSGOM, ,DBUGS CHAD MAR ME 'BAR BA MTHONG, ,SMIN MTSAMS RTA MGRIN BSGOM PAR BYA, ,SROG BRAL NAM MKHA' 'DRA BA LA, ,THAMS CAD 'DUS PA LHAG PA'I LHA, ,DE RJES MA BCOS 'GRO 'ONG MED, ,RANG GIS JI LTAR BZOD LTAR BSGOM, ,MTHAR NI PHA MA'I SA BON GNYIS, ,DKAR DMAR THIG LE NYI ZLAR GYUR, ,KHA SBYAR DBUS SU RANG GI SEMS, ,SROG GI SA BON T'Am YIG BLTA, ,SNA TSOGS 'OD ZER 'PHRO 'DU YIS, ,'PHAGS TSOGS MCHOD CING 'GRO DON BYAS, ,BCU GNYIS MDZAD PA MTHAR PHYUNG STE, ,GANG 'DOD ZHING DU 'TSANG RGYA'O, ,GSON TSE SROG RTZOL LA BRTEN NAS, ,THIM PA BDUN NI RIM BZHIN BSGOM, ,'CHI KAR DNGOS SU THIM 'GYUR BAS, ,MA BRJED TZAM GYIS 'GRUB PAR BZHED, ,RJE BTZUN A'ARYA T'A RA'I MAN NGAG LA BRTEN NAS 'CHI KA MA'I NYAMS LEN DPAL CHOS KYI RJE SA'I STENG NA 'GRAN ZLA DANG BRAL BA'I KHA CHE SH'AKYA SHR'I BHA DRA'I ZHAL SNGA NAS LO TZ'A BA BYAMS PA'I DPAL GYIS BSGYUR BA'O,,