, ,RGYA GAR SKAD DU, KA P'A LA P'U DZI BI DHI N'A MA, BOD SKAD DU, THOD PA MCHOD PA'I CHO GA ZHES BYA BA, ZHING CHEN GYI RNAL 'BYOR MA LA PHYAG 'TSAL LO, ,LHUNG BZED CHEN PO'I MCHOD PA'I CHO GA'O, ,DE NYID BDUD LNGAS GANG BA'I SNOD DANG, GZHAN GNYIS KYANG BSHAMS LA, RANG RANG GI CHO GA LTAR BYIN GYIS BRLABS LA, DE'I STENG DU MCHOD PA'I GNAS LA, RANG GI YI DAM LHA GANG YIN PA'I GDAN PADMA DANG, NYI MA'AM ZLA BA'AM BDUD DAM ROL SOGS PA LA, RANG RANG GI SA BON GYI YI GE LAS PHYAG MTSAN SA BON GYIS MTSAN PA, DE LAS SPROS BSDUS PAS YONGS SU GYUR PA LAS, DKYIL 'KHOR GYI 'KHOR LO'AM, LHA RKYANG PA BSKYED LA, YE SHES PA DGUG PA DANG, GZHUG PA DANG, BCING BA DANG, DBANG DU BYA'O, ,DBANG BSKUR NAS RIGS KYI BDAG POS RGYAS GDAB BO, ,G-YON GYI LHA YI DAM GYI LHA GZHAN BSGOM, G-YAS KYI PAm LAS PADMA, RAm LAS NYI MA'I STENG DU H'Um LAS SNA TSOGS RDO RJE'I LTE BA LA H'Um GIS MTSAN PA DE LAS SPROS BSDUS PA LAS, BCOM LDAN 'DAS BDUD RTZI 'KHYIL PA ZHAL GSUM PA G-YAS DKAR G-YON DMAR DBUS SNGO, ,SPYAN GSUM DMAR BA, MCHE BA GTZIGS PA, DBU SKRA DANG SMAR SER BA, G-YAS DANG PO NA SNA TSOGS RDO RJE, GNYIS PA NA 'KHOR LO, ,GSUM PA NA RAL GRI, G-YON DANG PO NA SDIGS MDZUB DANG DRIL BU, GNYIS PAN ZHAGS PA, GSUM PA NA DGRA STA, ZHABS G-YON BSKUM PA, G-YAS BRKYANG BA, STAG GI PAGS PA'I SHAM THABS CAN, SPRUL GYIS BRGYAN PA, ME DPUNG 'BAR BA'I DBUS NA BZHUGS PA BSGOM MO, ,DE NAS ME TOG LA SOGS PAS MCHOD DO, ,DE NAS BAR CHAD ZHI BAR GSOL BA GDAB BO,,
, ,MTHE BO DANG SRIN LAG SBYAR BA BCUG LA, AOm A'A:H'Um LAN GSUM BZLAS PAS BDUD RTZIR ZHU BAR BSGOM MO, ,DE NAS DBUS MA'I MAndALA LA ME TOG LA SOGS PAS MCHOD DO, ,DE NAS BDUD RTZI'I MCHOD PA'I RANG GI LUGS LTAR BZLA ZHING DBUL LO, ,YANG LHA GZHAN GYI LA ME TOG LA SOGS PAS MCHOD PA DANG, YANG BDUD RTZIS MCHOD DO, ,DE ZHU BAS YANG DBUS MAL MCHOD DO, ,DE LTAR MA 'BYOR NA YANG CI 'BYOR PA'I SNOD GCIG TU BDUD RTZI BYIN GYI SA BRLABS LA, LHUNG BZED LA MCHOD DO, ,DE NAS 'DOD PA'I DON LA GSOL BA GDAB BO, , THOD PA MCHOD PA'I RIM PA RDZOGS SO,,