, ,RGYA GAR SKAD DU, PI THI KRA MA T'A RA DE B'I STO TRAm, BOD SKAD DU, GNAS CHEN GYI RIM PA'I LHA MO SGROL MA'I BSTOD PA, BCOM LDAN 'DAS 'PHAGS MA LHA MO SGROL MA LA PHYAG 'TSAL LO, ,SKYE DANG MTHA' DBUS RNAM PA MED, ,AE YI YI GE'I RIGS LAS SKYES, ,YE SHES BDUD RTZI'I KHU BAS MYOS, ,ZHING GNAS LHA MO NYID PHYAG 'TSAL, ,BCO LNGA'I DUS KYI RNAM PA MED, ,DUS MED THIG LE'U TSUL GNAS PA, ,SKYIL KRUNG PHYED PA'I GAR GYIS GNAS, ,ZHING GNAS LHA MO NYID PHYAG 'TSAL, ,DANG PO MTHA' DANG DBUS MA'I TSUL, ,RIGS LNGA'I RGYAN GYIS BRGYAN PA YI, ,YE SHES LNGA NI GCIG GI TSUL, ,ZHING GNAS LHA MO NYID PHYAG 'TSAL, ,SA DANG CHU DANG ME DANG RLUNG, ,NAM MKHA' RNAM PA THAMS CAD DU, ,KHAMS LNGA YI NI RNAM PA'I TSUL, ,ZHING GNAS LHA MO NYID PHYAG 'TSAL, ,A'A LI K'A LI LAS BYUNG BA, ,DBYANGS DANG GSAL BYED THAMS CAD LA, ,YI GE MED PA'I RNAM PA THOB, ,ZHING GNAS LHA MO NYID PHYAG 'TSAL, ,SKU GSUM RIGS LA 'JUG PA'I TSUL,,
, ,THAR LAM RAB TU 'BYUNG BA YIS, ,RIGS KYI TSUL MED LHAG PA'I TSUL, ,ZHING GNAS LHA MO NYID PHYAG 'TSAL, ,STONG PHRAG BDUN CU GNYIS GNAS PA'I, ,RTZA YI BU GA'I SBUBS KYI NANG, ,AA WA DH'U T'I'I DBUS GNAS PA, ,ZHING GNAS LHA MO NYID PHYAG 'TSAL, , STONG PA SHIN TU STONG PA DANG, ,STONG PA CHEN PO GANG DU GNAS, ,THAMS CAD STONG PA STENG NA GNAS, ,ZHING GNAS LHA MO NYID PHYAG 'TSAL, ,BRJOD PA TZAM LAS SKYE 'GAG MED, ,BRJOD PA'I MTHA' LA GNAS PA DANG, ,TSIG BZHI DAG GI GANG DU 'PHO, ,ZHING GNAS LHA MO NYID PHYAG 'TSAL,, NANG DU RANG LA GNAS PA YI, ,'KHOR LO BZHI YI RNAM PAR GNAS, ,BYANG CHUB LHAG PA'I TSUL GNAS PA'I, ,ZHING GNAS LHA MO NYID PHYAG 'TSAL, ,NYI SHU RTZA BZHI DAG GI YUL, ,ZHING GI 'DREN PA'I LHA MO DE, ,ZHING BZHIR SNYOMS PAR GNAS PA YIS, ,ZHING GNAS LHA MO NYID PHYAG 'TSAL, ,MU STEGS LTA BA KHYAB 'JUG MA, ,NYI MA TSANGS PA'I RANG BZHIN KUN, ,CI YANG MED PA'I GZUGS 'DZIN MA, ,ZHING GNAS LHA MO NYID PHYAG 'TSAL, ,AOm GYI GSANG SNGAGS 'DI NYID LA, ,BDAG GIS MOS PA'I SEMS KYIS NI, ,MI BSKYOD RDO RJE BYAS PA YIS, ,SEMS CAN RJES SU 'DZIN PAR SHOG ,GNAS CHEN GYI LHA MO SGROL MA LA BSTOD PA RDZOGS SO,, ,,PAndI TA PA RA HE TA DANG, LO TZ'A BA TSUL KHRIMS RGYAL MTSAN GYIS BSGYUR BA'O,,