170 · GMLW-000672

An Exalted Sutra of the Greater Way Requested by the Lady Brahmin named Shrimati (Ārya Śrīmatī Brāhmaṇī Paripṛcchā Nāma Mahāyāna Sūtra)

'PHAGS PA BRAM ZE MO DPAL LDAN MAS ZHUS PA ZHES BYA BA THEG PA CHEN PO'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:the Greater Waythe Wish for Enlightenmentignorance

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 170 · Sutra

מהדורהrecensionDerge

כותרת בסנסקריטSanskrit titleA'ARYA SHR'I MA T'I BRAHMA n'I PA RI PRiTZTS'A N'A MA MAH'A Y'A NA S'U TRA

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaSU RENDRA BO DHI

הלוצאווה הטיבטיTibetan lotsawaBANDE YE SHES SDE LA SOGS PAS

פוליוfolios490a–495a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra of the Greater Way with the full frame

מקום החיבורplace of compositionthe Deer Park at Varanasithe Buddha is at Varanasi in the deer park where the sages fell, with about seven hundred monks

אנשים ומקומותpeople and places namedShrimati · Maitreya · Surendrabodhi · Prajnavarma · Yeshe Dethe brahmin lady Shrimati is the questioner; the colophon names two Indian abbots and the chief editor-translator and others

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00170E_'PHAGS PA BRAM ZE MO DPAL LDAN MAS ZHUS PA ZHES BYA BA THEG PA CHEN PO'I MDO_An Exalted Sutra of the Greater Way Requested by the Lady Brahmin named Shrimati (Ārya Śrīmatī Brāhmaṇī Paripṛcchā Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 13 (PA)

הטקסטThe text

טיבטיתTibetanKL00170E_'PHAGS PA BRAM ZE MO DPAL LDAN MAS ZHUS PA ZHES BYA BA THEG PA CHEN PO'I MDO_An Exalted Sutra of the Greater Way Requested by the Lady Brahmin named Shrimati (Ārya Śrīmatī Brāhmaṇī Paripṛcchā Nāma Mahāyāna Sūtra).txt12,085 תוויםcharacters

490a

,,RGYA GAR SKAD DU, A'ARYA SHR'I MA T'I BRAHMA n'I PA RI PRiTZTS'A N'A MA MAH'A Y'A NA S'U TRA, BOD SKAD DU, 'PHAGS PA BRAM ZE MO DPAL LDAN MAS ZHUS PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS W'A RA nA S'I NA DRANG SRONG LHUNG BA RI DVAGS KYI NAGS NA, DGE SLONG BDUN BRGYA TZAM GYI DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO RAB TU MANG PO DANG THABS GCIG TU BZHUGS SO, ,DE NAS BCOM LDAN 'DAS SNGA DRO'I DUS KYI TSE CHOS GOS DANG, SHAM THABS MNABS TE LHUNG BZED BSNAMS NAS, PHYI BZHIN 'BRANG BA'I DGE SLONG TSE DANG LDAN PA KUN DGA' BO DANG, BYANG CHUB SEMS DPA' SEMS DPA' CHEN PO MA PHAM PA DANG THABS GCIG TU GRONG KHYER W'A RA nA S'IR BSOD SNYOMS KYI PHYIR GSHEGS

490b

SO; ;DE NAS BCOM LDAN 'DAS GRONG KHYER W'A RA nA SIR MTHAR CHAGS SU BSOD SNYOMS MDZAD CING, BRAM ZE MO DPAL LDAN MA'I KHYIM GA LA BA DER GSHEGS TE BYON NAS, BSOD SNYOMS KYI PHYIR PHYOGS GCIG TU BZHUGS PA DANG, BRAM ZE MO DPAL LDAN MAS BCOM LDAN 'DAS MDZES PA, DAD PAR BYA BA, DBANG PO ZHI BA, THUGS ZHI BA, DUL PA DANG ZHI GNAS KYI PHA ROL TU SON PA, ZHI GNAS MCHOG GI PHA ROL TU BYON PA, ZHI BA, DUL BA, BSRUNGS PA DANG, SDIG PA MED PA, DBANG PO DUL BA, KHA DOG BZANG PO RGYAS PA MCHOG DANG LDAN PA, MTSO LTAR DVANGS ZHING GSAL LA RNYOGS PA MED PA; GSER GYI MCHOD SDONG LTAR MNGON PAR 'PHAGS PA, MI BSKYOD PA, MI G-YO BA, BRNYES PA, DPAL GYIS 'BAR BA, LHA MA ME, LHA NA NE, LHANG NGE ZHING GSHEGS PA RGYANG RING PO DE NYID NAS MTHONG NGO, ,MTHONG NAS KYANG SEMS DANG PAR GYUR TE, DE SEMS DANG BAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS DANG, BYANG CHUB SEMS DPA' SEMS DPA' CHEN PO MA PHAM PA'I RKANG PA LA PHYAG BTZAL NAS, BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO,, BCOM LDAN 'DAS, LEGS PAR BYON TO, ,BCOM LDAN 'DAS, GDAN BSHAMS PA 'DI LA BZHUGS SU GSOL ZHES GSOL PA DANG, BCOM LDAN 'DAS DANG, BYANG CHUB SEMS DPA' SEMS DPA'

491a

, ,CHEN PO MA PHAM PA SO SO CI RIGS PAR BZHUGS SO, ,DE NAS BRAM ZE MO DPAL LDAN MAS BCOM LDAN 'DAS DANG, BYANG CHUB SEMS DPA' SEMS DPA' CHEN PO MA PHAM PA BDE BAR BZHUGS PA RIG NAS, BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS; GRONG KHYER W'A RA nA S'IR DRANG SRONG LHUNG BA RI DVAGS KYI NAGS 'DIR BCOM LDAN 'DAS KYIS CHOS KYI 'KHOR LO BSKOR TO ZHES BDAG GIS THOS NAS, BCOM LDAN 'DAS, BCOM LDAN 'DAS KYIS GANG BSKOR BA'I CHOS JI LTA BU ZHIG LAGS, DE SKAD CES GSOL PA DANG, BCOM LDAN 'DAS KYIS BRAM ZE MO DPAL LDAN MA LA 'DI SKAD CES BKA' STZAL TO, ,DPAL LDAN MA; MA RIG PA'I RKYEN GYIS 'DU BYED RNAMS, 'DU BYED RNAMS KYI RKYEN GYIS RNAM PAR SHES PA DANG, RNAM PAR SHES PA'I RKYEN GYIS MING DANG, GZUGS, MING DANG, GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL DANG, YID MI BDE BA DANG, 'KHRAG PA RNAMS 'BYUNG STE, DE LTAR SDUG

491b

BSNGAL GYI PHUNG PO CHEN PO 'BA' ZHIG 'DI DAG 'BYUNG BAR 'GYUR RO, ,MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG, GZUGS 'GAG, MING DANG, GZUGS 'GAGS PAS SKYE MCHED DRUG 'GAG ;SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAGS TE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI DAG 'GAG PAR 'GYUR RO ZHES BYA BA, DPAL LDAN MA, DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, SUS KYANG CHOS DANG MTHUN PAR 'JIG RTEN DU MA BSKOR BA'I CHOS KYI 'KHOR LO 'DI GRONG KHYER W'A RA nA S'IR DRANG SRONG LHUNG BA RI DVAGS KYI NAGS SU DE BZHIN GSHEGS PAS BSKOR TO, ,DE SKAD CES BKA' STZAL PA DANG, BRAM ZE MO DPAL LDAN MAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CI MA RIG PA NANG NA MCHIS SAM, SLAD ROL NA MCHIS, BCOM LDAN 'DAS KYIS BKA' STZAL PA, DPAL LDAN MA,

492a

, ,DE NI MA YIN NO, ,GSOL PA, BCOM LDAN 'DAS, GAL TE MA RIG PA NANG DANG, SLAD ROL NA MA MCHIS PA LAGS NA MA MCHIS PA DE JI LTAR 'DU BYED RNAMS KYI RKYEN DU 'GYUR TE, BCOM LDAN 'DAS, CHOS GANG YANG 'JIG RTEN PHA ROL NA MCHIS LAGS SAM, BKA' STZAL PA, DPAL LDAN MA, DE NI MA YIN NO, ,GSOL PA, BCOM LDAN 'DAS, MA RIG PA'I RNAM PA MCHIS LAGS SAM, BCOM LDAN 'DAS KYIS BKA' STZAL PA, DPAL LDAN MA, DE NI MED DE, DPAL LDAN MA, MA RIG PA NI YANG DAG PA MA YIN PA'I RNAM PAR 'BYUNG GI YANG DAG PA'I RNAM PAR NI MI 'BYUNG NGO, ,DPAL LDAN MA, MA RIG PA NI PHYIN CI LOG GI RNAM PAR 'BYUNG GI ,PHYIN CI MA LOG PA'I RNAM PAR NI MI 'BYUNG NGO, ,GSOL PA, BCOM LDAN 'DAS, MA RIG PA MA MCHIS NA, 'DU BYED RNAMS CI LAS 'BYUNG, SDUG BSNGAL YANG CI LAS 'BYUNG, ,BCOM LDAN 'DAS, 'DI LTA STE, DPER NA, ZHUGS SHING N+YA GRO DHA'I RTZA BA MA MCHIS NA DE'I YAL GA DANG, LO MA DANG, YAL GA PHRE'U JI LTAR MNGON PAR 'GYUR, BCOM LDAN 'DAS DE BZHIN DU MA RIG PA MA BYUNG ZHING MCHIS PA MA LAGS NA 'DU BYED RNAMS KYI RKYEN KYANG LAGS PAR JI LTAR 'TSAL BAR 'GYUR, ,BCOM LDAN 'DAS KYIS BKA' STZAL PA, DE BZHIN TE, DPAL LDAN MA, RANG GI MTSAN NYID

492b

GYIS CHOS THAMS CAD STONG NA BYIS PA SO SO'I SKYE BO THOS PA DANG MI LDAN PA, MI SHES PA, MA RTOGS PA DAG LAS MNGON PAR 'DU BYED DE, LAS RNAMS YOD PAS SRID PA MNGON PAR 'GRUB PAR BYED DO; ;SRID PA YOD PAS SDUG BSNGAL MYONG BAR ZAD DE, 'DI LA LAS MNGON PAR 'DU BYED PA'ANG SU'ANG MED CING SRID PA MA LEN PAR 'GRUB PAR BYED PA'ANG MED DE, DE NI CHOS RNAMS KYI DON DAM PA'O, ,DPAL LDAN MA, 'ON KYANG SEMS CAN RNAMS JI LTAR DON DAM PA RTOGS PAR 'GYUR SNYAM NAS THA SNYAD NYE BAR BZUNG STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SEMS CAN RNAMS LA CHOS STON TO, ,DPAL LDAN MA, THA SNYAD NI YANG DAG PA MA YIN TE, DE CI'I PHYIR ZHE NA, DE LA KHONG DU CHUD PAR BYED PA PO'ANG MED, DE LA SHES PAR BYED PA'ANG MED PA'I PHYIR RO, ,DPAL LDAN MA, 'DI LTA STE, DPER NA, DE BZHIN GSHEGS PAS SPRUL PA SPRUL TE, DE BZHIN GSHEGS PAS SPRUL PA DES KYANG SPRUL PA GZHAN SPRUL NA DE LA DE BZHIN GSHEGS PAS SPRUL PA'ANG GSOG STE RDZUN PA SLU BA'I CHOS CAN NO, ,SPRUL PAS SPRUL PA GANG YIN PA DE'ANG GSOG STE, RDZUN PA SLU BA'I CHOS CAN NO, ,DPAL LDAN MA, DE BZHIN DU GANG GIS CHOS MNGON PAR 'DU BYA BA BYAS PA DE'ANG GSOG STE, RDZUN PA SLU BA'I CHOS CAN NO, ,CHOS GANG MNGON PAR 'DU BYA BA DE'ANG GSOG STE,

493a

, ,RDZUN PA SLU BA'I CHOS CAN NO, ,GSOL PA, 'DI LTA STE, BCOM LDAN 'DAS KYIS STONG PA NYID KYI 'KHOR LO DANG, NGES PAR 'BYIN PA'I 'KHOR LO DANG, NGES PAR 'BYED PA'I 'KHOR LO DANG, BSAM GYIS MI KHYAB PA'I 'KHOR LO DANG, BSKOR BA MA LAGS PA'I 'KHOR LO DANG, MTSUNGS PA MA MCHIS PA'I 'KHOR LO DANG, JI LTA BA BZHIN GYI 'KHOR LO DANG, SKYE BA MA MCHIS PA'I 'KHOR LO DANG, DNGOS PO MA MCHIS PA'I 'KHOR LO DANG, MTSAN NYID MA MCHIS PA'I 'KHOR LO 'DI BSKOR BA NI NAM MKHA'I 'KHOR LO 'DI BSKOR LAGS SO, ,DE NAS BRAM ZE MO DPAL LDAN MAS TZANDAN GYI PHYE MA SPAR GANG BLANGS TE, BCOM LDAN 'DAS KYI ZHABS LA GTOR NAS TSIG 'DI SKAD CES, BCOM LDAN 'DAS, DGE BA'I RTZA BA 'DIS BDAG MA 'ONGS PA'I DUS NA, 'DI LTA STE, STONG PA NYID KYI 'KHOR LO NAS, MTSAN NYID MA MCHIS PA'I 'KHOR LO'I BAR DU CHOS KYI 'KHOR LO 'DI LTA BU BSKOR BAR GYUR CIG CES SMRAS SO, ,DE NAS BCOM LDAN 'DAS KYIS DE'I TSE 'DZUM PA MDZAD DO, ,'DI NI SANGS RGYAS BCOM LDAN 'DAS RNAMS KYI CHOS NYID DE, GANG GI TSE 'DZUM PA MDZAD PA DE'I TSE BCOM LDAN 'DAS KYI ZHAL GYI SGO NAS 'OD ZER KHA DOG DU MA KHA DOG SNA TSOGS, 'DI LTA STE, SNGON PO DANG, SER PO DANG, DKAR

493b

PO DANG, DMAR PO DANG, BTZOD KA DANG, SHEL DANG, DNGUL GYI KHA DOG LTA BU DAG BYUNG NAS DE DAG GIS 'JIG RTEN GYI KHAMS MTHA' YAS MU MED PA DAG SNANG BAS KHYAB PAR BYAS TE, TSANGS PA'I 'JIG RTEN GYI BAR DU MNGON PAR BYUNG NAS SLAR LOG STE BCOM LDAN 'DAS LA LAN GSUM BSKOR BA BYAS NAS BCOM LDAN 'DAS KYI DBU'I GTZUG TU NUB BO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO MA PHAM PAS 'DI SKAD CES GSOL TO, ,BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RGYU MA MCHIS RKYEN MA MCHIS PAR 'DZUM PA MI MDZAD NA 'DZUM PA MDZAD PA'I RGYU GANG LAGS, RKYEN GANG LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO MA PHAM PA LA 'DI SKAD CES BKA' STZAL TO, ,MA PHAM PA, KHYOD KYIS BRAM ZE MO DPAL LDAN MA 'DIS TZANDAN GYI PHYE MA SBAR GANG BLANGS TE, DE BZHIN GSHEGS PA'I ZHABS LA GTOR BA MTHONG NGAM, GSOL PA, BCOM LDAN 'DAS, MTHONG LAGS SO, ,BDE BAR GSHEGS PA, MTHONG LAGS SO, ,BCOM LDAN 'DAS KYIS BKA' STZAL PA, MA PHAM PA, BRAM ZE MO 'DI DGE BA'I RTZA BA 'DIS BSKAL PA BYE BA PHRAG BRGYAD CU RTZA BZHIR NGAN 'GRO LOG PAR LTUNG BAR MI 'GYUR RO, ,SANGS RGYAS DRUG KHRI

494a

, ,BZHI STONG LA BSTI STANG BYED PAR 'GYUR, BLA MAR BYED PAR 'GYUR, RI MOR BYED PAR 'GYUR, MCHOD PA BYED PAR 'GYUR, DE DAG LAS CHOS KYANG NYAN PAR 'GYUR, THOS NAS 'DZIN PAR 'GYUR, DAM PA'I CHOS KYANG YONGS SU 'DZIN PAR 'GYUR RO, ,DE BZHIN GSHEGS PA BZHUGS PA'AM, YONGS SU MYA NGAN LAS 'DAS PA DE DAG LA'ANG MCHOD PA CHEN PO BYED PAR 'GYUR, SEMS CAN GRANGS MED DPAG TU MED PA DAG KYANG BYANG CHUB LA 'GOD PAR 'GYUR RO, ,DE'I PHYI MA'I TSE PHYI MA'I DUS SU BDAG SNANG BA ZHES BYA BA'I BSKAL PA LA STONG GSUM GYI STONG CHEN PO'I 'JIG RTEN GYI KHAMS 'DI NYID DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS SNANG BA ZHES BYA BA 'JIG RTEN DU 'BYUNG BAR 'GYUR TE, DE'I TSE'I TSAD NI BSKAL PA STONG TSANG BAR 'GYUR RO, ,DE SEMS CAN GRANGS MED DPAG TU MED PA DAG GI DON BYAS NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR RO, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' SEMS DPA' CHEN PO MA PHAM PAS 'DI SKAD CES GSOL TO, ,BRAM ZE MO DPAL LDAN MA'I SNGON GYI DGE BA'I RTZA BA GZHAN YANG MCHIS LAGS SAM, ,

494b

BKA' STZAL PA, MA PHAM PA, YOD DE, BRAM ZE MO DPAL LDAN MA BLA NA MED PA YANG DAG PAR RDZOGS PA'I BYANG CHUB 'DI NYID 'DOD PAS SNGON BUD MED KYI LUS NYID LA GNAS NAS DE BZHIN GSHEGS PA RNAM PAR GZIGS KYI SKU LA ME TOG GI PHRENG BA GSOL TO, ,DE BZHIN GSHEGS PA GTZUG TOR CAN GYI SKU LA'ANG CHOS GOS GSOL TE, DE'I GSUNG RAB LA RAB TU BYUNG NAS LO STONG DU TSANGS PAR SPYOD PA SPYAD DO, ,BCOM LDAN 'DAS DE LA ZAB MO'I GNAS RNAMS KYANG ZHUS SO, ,DE BZHIN GSHEGS PA THAMS CAD SKYOB NYAN THOS KYI DGE 'DUN DANG BCAS PA LA'ANG ZHAL ZAS KYIS TSIM PAR BYAS SO, ,BSTABS PAR YANG BYAS SO, ,DE BZHIN GSHEGS PA 'KHOR BA 'JIG LA'ANG AA TI MUG TA KA'I ME TOG DAG GIS GTOR NAS, BCOM LDAN 'DAS DE LAS BSLAB PA'I GZHI LNGA PO DAG BLANGS SO, ,DE BZHIN GSHEGS PA GSER THUB LA'ANG JI SRID 'TSO BA'I BAR DU NA BZA' DANG, BSHOS DANG, GZIMS CHA DANG, SNYUN GYI GSOS SMAN DANG, YO BYAD RNAMS KYIS MGRON DU GNYER TE, BCOM LDAN 'DAS DES ZLA BA GNYIS BSHOS GSOL TO, ,CHAG ZUNG GCIG KYANG PHUL LO, ,BLA NA MED PA YANG DAG PAR RDZOGS PA'I BYANG CHUB 'DI NYID 'DOD PAS DE BZHIN GSHEGS PA 'OD SRUNG LA GSER GYI PHRENG BAS GTOR TE, 'DI SKAD CES, BDAG BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR MA

495a

, ,GYUR KYI BAR DU BUD MED KYI DNGOS PO LAS MA GYUR CIG CES SMRAS TE, MA PHAM PA, 'DI'ANG BRAM ZE MO DPAL LDAN MA'I SNGON GYI DGE BA'I RTZA BA YIN NO, BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' SEMS DPA' CHEN PO MA PHAM PA DANG, BRAM ZE MO DPAL LDAN MA DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA BRAM ZE MO DPAL LDAN MAS ZHUS PA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO SU RENDRA BO DHI DANG, PRADZNY'A WARMA DANG, ZHUS CHEN GYI LO TZTSA BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, ,,