167 · GMLW-000638

An Exalted Sutra of the Greater Way Requested by Vikurvana Raja (Ārya Vikurvaṇa Raja Paripṛcchā Nāma Mahāyāna Sūtra)

PHAGS PA RNAM PAR 'PHRUL PA'I RGYAL POS ZHUS PA ZHES BYA BA THEG PA CHEN PO'I MDO

נושאי-מדףSubjects:

נושאיםTopics:MoralityEnlightenmentWisdomthe Greater WayCyclic LifeGivingHeapsKarmaMindNirvanaSufferingthe Buddhathe True Nature

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 167 · Sutra

מהדורהrecensionDerge

כותרת בסנסקריטSanskrit titleA'ARYA BI KURBAN R'A DZA PA RI PRiTZTS'A N'A MA MA H'A Y'A NA S'U TRA

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaPRADZNY'A WARMA

הלוצאווה הטיבטיTibetan lotsawaBANDE YE SHES SDES

פוליוfolios277a–333a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra of the Greater Way with the full frame

מקום החיבורplace of compositionShravastithe Buddha is in Prince Jeta's grove with twenty thousand monks

אנשים ומקומותpeople and places namedVikurvanaraja · Prajnavarma · Yeshe Dethe colophon names the Indian abbot with the chief editor-translator

רמת קושיlevelintermediate

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match; the head writes PHAGS PA for 'PHAGS PA

הקבציםThe files

KL00167E_PHAGS PA RNAM PAR 'PHRUL PA'I RGYAL POS ZHUS PA ZHES BYA BA THEG PA CHEN PO'I MDO_An Exalted Sutra of the Greater Way Requested by Vikurvana Raja (Ārya Vikurvaṇa Raja Paripṛcchā Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 13 (PA)

הטקסטThe text

טיבטיתTibetanKL00167E_PHAGS PA RNAM PAR 'PHRUL PA'I RGYAL POS ZHUS PA ZHES BYA BA THEG PA CHEN PO'I MDO_An Exalted Sutra of the Greater Way Requested by Vikurvana Raja (Ārya Vikurvaṇa Raja Paripṛcchā Nāma Mahāyāna Sūtra).txt131,293 תוויםcharacters

277a

,,RGYA GAR SKAD DU, A'ARYA BI KURBAN R'A DZA PA RI PRiTZTS'A N'A MA MA H'A Y'A NA S'U TRA, BOD SKAD DU, 'PHAGS PA RNAM PAR 'PHRUL PA'I RGYAL POS ZHUS PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA DGE SLONG NYI KHRI'I DGE SLONG GI

277b

DGE 'DUN MANG PO DANG, BYANG CHUB SEMS DPA' BYAMS PA DANG, SPYAN RAS GZIGS DBANG PHYUG DANG, MTHU CHEN THOB DANG, SENG GE BLO GROS DANG, SENG GE'I TOG DANG, SENG GE'I RTZAL GYI SA 'GRO BA LA SOGS PA THAMS CAD KYANG SKYE BA GCIG GIS THOGS PA KHRI DANG YANG THABS GCIG TU BZHUGS TE, BYANG CHUB SEMS DPA' SEMS DPA' CHEN PO RNAM PAR 'PHRUL PA'I RGYAL PO'ANG DE NYID DU 'DUS PAR GYUR TE 'DUG GO ,YANG DE'I TSE BCOM LDAN 'DAS 'KHOR 'BUM PHRAG DU MA'I NANG, 'DI LTA STE, THEG PO CHEN PO LA YANG DAG PAR ZHUGS PA NYID LAS BRTZAMS TE CHOS STON TO, ,DE NAS BYANG CHUB SEMS DPA' SEMS DPA' CHEN PO RNAM PAR 'PHRUL PA'I RGYAL PO STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,GAL TE ZHUS NAS ZHU BA LUNG BSTAN PA'I SLAD DU BCOM LDAN 'DAS KYIS BDAG LA SKABS PHYE NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BDAG PHYOGS 'GA' ZHIG ZHU LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB

278a

, ,SEMS DPA' RNAM PAR 'PHRUL PA'I RGYAL PO LA 'DI SKAD CES BKA' STZAL TO, ,RNAM PAR 'PHRUL PA'I RGYAL PO LA DRI BA LAN GDAB PA'I PHYIR DE BZHIN GSHEGS PAS KHYOD LA SKABS PHYE BAS, RNAM PAR 'PHRUL PA'I RGYAL PO KHYED CI DANG, CI 'DOD PA DRIS SHIG DANG, NGAS KHYOD KYI DRI BA DE DANG, DE'I LUNG BSTAN PAS KHYOD KYI SEMS RANGS PAR BYA'O, ,DE LTAR BCOM LDAN 'DAS KYIS BYANG CHUB SEMS DPA' RNAM PAR 'PHRUL PA'I RGYAL PO LA SKABS PHYE BA DANG, TSIM ZHING MGU LA YI RANGS TE, DGA' BA DANG, BDE BA DANG, YID BDE BA SKYES NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI LTAR NA BYANG CHUB SEMS DPA' SEMS DPA' CHEN PO RNAMS THEG PA CHEN PO 'DI LA RNAM PAR 'PHRUL PA DANG, THEG PA CHEN PO 'DI LA SEMS CAN GZHAN DAG DANG, GANG ZAG GZHAN DAG 'TSAL BAR BGYID PA DANG, RNAM PAR 'PHRUL PA DES KYANG BDUD THAMS CAD DANG, LHAG PA'I NGA RGYAL CAN THAMS CAD DANG, PHAS KYI RGOL BA THAMS CAD DANG, DMIGS PA LTA BA LA MNGON PAR ZHEN PA THAMS CAD TSAR BCAD NAS THEG PA CHEN PO 'DI LA 'GOD PAR BGYID PA DANG, SMON LAM PHUN SUM TSOGS PAR 'GYUR BA DANG, 'DI LTA STE, BLA NA MED PA YANG DAG PAR RDZOGS PA'I BYANG CHUB

278b

LA BRTUL ZHUGS GRUB PA YONGS SU RDZOGS PAR 'GYUR PA LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' RNAM PAR 'PHRUL PA'I RGYAL PO LA 'DI SKAD CES BKA' STZAL TO; ,RNAM PAR 'PHRUL PA'I RGYAL PO, LEGS SO, ,LEGS SO, ,RNAM PAR 'PHRUL PA'I RGYAL PO, KHYOD DE BZHIN GSHEGS PA LA DON DE LTA BU 'DRI BAR SEMS PA'ANG LEGS SO, ,RNAM PAR 'PHRUL PA'I RGYAL PO, DE'I PHYIR LEGS PAR RAB TU NYON LA YID LA GZUNGS SHIG DANG, JI LTAR NA BYANG CHUB SEMS DPA' SEMS DPA' CHEN PO RNAMS THEG PA CHEN PO 'DI LA RNAM PAR 'PHRUL PA DANG, THEG PA CHEN PO 'DI LA SEMS CAN GZHAN DAG DANG, GANG ZAG GZHAN DAG 'DOD PAR BYED PA DANG; RNAM PAR 'PHRUL BA DES KYANG BDUD THAMS CAD DANG, LHAG PA'I NGA RGYAL CAN THAMS CAD DANG, PHAS KYI RGOL BA THAMS CAD DANG, DMIGS PAR LTA BA LA MNGON PAR ZHEN PA THAMS CAD TSAR BCAD NAS THEG PA CHEN PO 'DI LA 'GOD PAR BYED PA DANG, SMON LAM PHUN SUM TSOGS PAR 'GYUR BA DANG, 'DI LTA STE, BLA NA MED PA YANG DAG PAR RDZOGS PA'I BYANG CHUB LA BRTUL ZHUGS GRUB PAR 'GYUR BA NGAS BSHAD DO, ,BCOM LDAN 'DAS, LEGS SO ZHES GSOL NAS BYANG CHUB SEMS DPA' RNAM PAR 'PHRUL PA'I RGYAL POS

279a

, ,BCOM LDAN 'DAS KYI LTAR NYAN PA DANG, BCOM LDAN 'DAS KYIS 'DI SKAD CES BKA' STZAL TO, ,RNAM PAR 'PHRUL PA'I RGYAL PO, BZHI PO 'DI DAG NI BYANG CHUB SEMS DPA' RNAMS KYI RNAM PAR 'PHRUL PA STE, BZHI GANG ZHE NA, 'DI LTA STE, TSUL KHRIMS KYI RNAM PAR 'PHRUL PA DANG, MNGON PAR SHES PA'I RNAM PAR 'PHRUL PA DANG, SHES PA'I RNAM PAR 'PHRUL PA DANG, SHES RAB KYI RNAM PAR 'PHRUL PA STE, RNAM PAR 'PHRUL PA'I RGYAL PO BZHI PO DE DAG NI BYANG CHUB SEMS DPA' RNAMS KYI RNAM PAR 'PHRUL PA'O, ,RNAM PAR 'PHRUL PA'I RGYAL PO, DE LA TSUL KHRIMS KYI RNAM PAR 'PHRUL PA GANG ZHE NA, RNAM PAR 'PHRUL PA'I RGYAL PO, DE LA BYANG CHUB SEMS DPA' TSUL KHRIMS PHUN SUM TSOGS PA YIN TE, MA RAL PA'I TSUL KHRIMS DANG, MA ZHIG PA'I TSUL KHRIMS DANG, MA 'DRES PA'I TSUL KHRIMS DANG, RNYOG PA MED PA'I TSUL KHRIMS DANG, DMIGS PA MED PA'I TSUL KHRIMS DANG, GNOD PA MED PA'I TSUL KHRIMS DANG, MA SMAD PA'I TSUL KHRIMS DANG, MI GDUNG BA'I TSUL KHRIMS DANG, LEGS PAR YONGS SU BSRUNG BA'I TSUL KHRIMS DANG, MKHAS PAS BSNGAGS PA'I TSUL KHRIMS DANG, SEMS CAN YONGS SU SMIN PAR BYED PA'I TSUL

279b

KHRIMS DANG, DAM PA'I CHOS YONGS SU BSRUNG BA'I TSUL KHRIMS DANG, PHA ROL BDE BA DANG, MCHOG TU DGA' BA DANG, MGU BA'I TSUL KHRIMS DANG, SRID PA'I 'GRO BA THAMS CAD DU SKYE BA LA MI GNAS PA'I TSUL KHRIMS DANG, ZHI GNAS LA GNAS PA'I TSUL KHRIMS DANG, LHAG MTHONG GI RJES SU 'GRO BA'I TSUL KHRIMS DANG, CHOS ZAB MO LA MOS PA'I TSUL KHRIMS DANG, MNGON PAR SHES PA NYAMS PA MED PA'I TSUL KHRIMS DANG, STONG PA NYID DANG, MTSAN MA MED PA DANG, SMON PA MED PA SGOM PA'I TSUL KHRIMS DANG, ZHI BA DANG, RAB TU ZHI BA DANG, NYE BAR ZHI BA'I TSUL KHRIMS DANG, SANGS RGYAS KYI CHOS SDUD CING YANG DAG PAR STON PA'I TSUL KHRIMS DANG, SEMS CAN THAMS CAD YONGS SU MI GTONG BA'I TSUL KHRIMS DANG, BYAMS PAS RJES SU BSRUNG BA'I TSUL KHRIMS DANG, SNYING RJE CHEN PO RTZA BAR GYUR BA'I TSUL KHRIMS DANG, DAG CING DANG BA'I TSUL KHRIMS DANG, SPYOD LAM MA BRTAGS PA'I TSUL KHRIMS DANG, SBYANGS PA'I YON TAN DANG, YO BYAD SNYUNGS PA LA GNAS PA'I TSUL KHRIMS DANG, BSOD NAMS KYI SBYIN GNAS SU GYUR PA'I TSUL KHRIMS DANG, SHIN TU RNAM PAR DAG PA'I TSUL KHRIMS DANG, DE BZHIN GSHEGS PA'I RIGS RGYUN MI 'CHAD PA'I TSUL KHRIMS DANG, CHOS KYI RIGS YONGS SU SRUNG BA'I

280a

, ,TSUL KHRIMS DANG, 'PHAGS PA'I DGE 'DUN 'GUGS PA'I TSUL KHRIMS DANG, BYANG CHUB KYI SEMS LA RAB TU GNAS PA'I TSUL KHRIMS DANG, PHA ROL TU PHYIN PA DRUG GIS NYE BAR BRTAN PA'I TSUL KHRIMS DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM SGOM PA'I TSUL KHRIMS DANG, BYANG CHUB KYI PHYOGS DANG MTHUN PA'I CHOS THAMS CAD YANG DAG PAR SGRUB PA'I TSUL KHRIMS TE, RNAM PAR 'PHRUL PA'I RGYAL PO, DE LTAR TSUL KHRIMS PHUN SUM TSOGS PA'I BYANG CHUB SEMS DPA' GANG SMON PA DE 'GRUB PAR 'GYUR RO, ,CI ZHIG SMON CE NA, DE LTAR TSUL KHRIMS PHUN SUM TSOGS PA'I BYANG CHUB SEMS DPA' NI STONG GSUM GYI STONG CHEN PO SREG PA'I BSKAL PA CHEN PO'I MES RAB TU GANG ZHING 'DUG PA LA GAL TE BYANG CHUB SEMS DPA' ME 'DI RAB TU ZHI BAR GYUR CIG CES SMON LAM DE SKAD BTAB NA ME DE RAB TU ZHI ZHING MED PAR 'GYUR RO, ,DE 'DOD NA STONG GSUM PO 'DI MES YONGS SU GANG BAR BYIN GYIS RLOB BO, ,DE 'DOD NA ME TOG GIS KUN TU BKRAM PAR BYIN GYIS RLOB BO, ,DE 'DOD NA THAMS CAD RIN PO CHE'I RANG BZHIN DU BYIN GYIS

280b

RLOB BO, ,DE 'DOD NA 'JIG RTEN GYI KHAMS GANGG'A'I KLUNG GI BYE MA SNYED DAG GI RI'I RGYAL PO RI RAB DE DAG THAMS CAD RI GCIG TU BYIN GYIS RLOB BO, ,RNAM PAR 'PHRUL PA'I RGYAL PO, DE LTAR TSUL KHRIMS PHUN SUM TSOGS PA'I BYANG CHUB SEMS DPA' 'DOD NA 'JIG RTEN GYI KHAMS GANGG'A'I KLUNG BYE MA SNYED DAG GI RGYA MTSO CHEN PO DE DAG THAMS CAD RGYA MTSO CHEN PO GCIG TU BYIN GYIS RLOB BO, ,DE TSUL KHRIMS LA GNAS PA DE DANG LDAN NA GANG SMON PA DE 'GRUB CING GANG BYIN GYIS BRLABS PA DE DE BZHIN DU 'GYUR RO, ,RNAM PAR 'PHRUL PA'I RGYAL PO, TSUL KHRIMS LA GNAS PA'I BYANG CHUB SEMS DPA' DE NI RNAM PAR 'PHRUL PA BZHI PO 'DI DAG DANG LDAN PAR 'GYUR RO, ,TSUL KHRIMS DANG LDAN PA DE BLA NA MED PA YANG DAG PAR RDZOGS PA'I BYANG CHUB TU SEMS KYIS SMON PA DE'ANG 'GRUB PAR 'GYUR RO, ,RNAM PAR 'PHRUL PA'I RGYAL PO, SNGON BYUNG BA 'DAS PA'I DUS BSKAL PA GRANGS MED PA, SHIN TU GRANGS MED PA, RGYA CHE BA, TSAD MED PA, BSAM GYIS MI KHYAB PA NA DE BZHIN GSHEGS PA 'OD DRI MA MED PA'I 'OD ZER GYI RGYAL PO ZHES BYA BA, RIG PA DANG, ZHABS SU LDAN PA, BDE BAR GSHEGS PA; 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS 'JIG RTEN DU BYUNG BAR GYUR TE, RNAM

281a

, ,PAR 'PHRUL PA'I RGYAL PO, DE BZHIN GSHEGS PA 'OD DRI MA MED PA'I 'OD ZER GYI RGYAL PO DE'I GSUNG RAB LA BYANG CHUB SEMS DPA' RDO RJE'I LTE BA ZHES BYA BA TSUL KHRIMS LA GNAS PA'I STOBS DANG LDAN PA, TSUL KHRIMS SHIN TU YONGS SU DAG PA ZHIG BYUNG STE, RNAM PAR 'PHRUL PA'I RGYAL PO, BYANG CHUB SEMS DPA' RDO RJE'I LTE BA DE DGON PA'I GNAS NA 'CHAG PA NA, 'DI LTA STE, CHOS 'DUL BA 'PHAGS PA LA 'GRUS SHING BRTZON PAR GYUR TE, SANGS RGYAS KYI CHOS LA GNAS PA NA TSUL BZHIN DU SBYOR 'DI LTA BU BYUNG STE, GANG CHOS THAMS CAD LA MI DMIGS PA DE NI TSUL KHRIMS SO, ,GANG DNGOS PO THAMS CAD LA MNGON PAR MA ZHEN PA DE NI TSUL KHRIMS SO, ,GANG NYON MONGS PA THAMS CAD RAB TU ZHI BA DE NI TSUL KHRIMS SO, ,GANG LUS GZUGS BRNYAN DANG 'DRA BAR SHES PA DE NI TSUL KHRIMS SO, ,GANG DAG BRAG CA LTA BUR SHES PA DE NI TSUL KHRIMS SO,, GANG SEMS LA SGYU MA'I CHOS LTA BUR SO SOR RTOG PA DE NI TSUL KHRIMS SO, ,GANG DGE BA DANG, MI DGE BA'I CHOS RNAM PA GNYIS SU MI 'BYED PA DE NI TSUL KHRIMS SO, ,GANG 'DOD CHAGS LA MI SDUG PAR SO SOR RTOG PA DE NI TSUL KHRIMS SO, ,GANG ZHE SDANG LA BYAMS PA SGOM PA DE NI TSUL KHRIMS SO, ,GANG SHES RAB KYIS GTI MUG GI DRA BA RNAM PAR 'JOMS

281b

PA DE NI TSUL KHRIMS SO, ,GANG 'DOD CHAGS DANG, ZHE SDANG DANG, GTI MUG GI DNGOS PO RNAMS MI DMIGS PA DE NI TSUL KHRIMS SO, ,GANG CHOS THAMS CAD LA MI RTOG PA DANG, RNAM PAR MI RTOG PA DANG, MI SEMS PA DANG, MI LTA BA DE NI TSUL KHRIMS SO, ,GANG BDAG TU LTA BA MED PA DANG, SEMS CAN DU LTA BA MED PA DANG, SROG TU LTA BA MED PA DANG, GANG ZAG TU LTA BA MED PA DANG, CHAD PAR LTA BA MED PA DANG, RTAG PAR LTA BA MED PA DE NI TSUL KHRIMS SO, ,GANG CHOS THAMS CAD LA MNGON PAR 'DU MI BYED PA DE NI TSUL KHRIMS SO,, GANG SEMS SKRAG PA MED PA DE NI TSUL KHRIMS SO, ,GANG KHAMS GSUM LA MI GNAS PA DE NI TSUL KHRIMS SO, ,GANG CHOS MI SKYE BA LA YID CES PA DE NI TSUL KHRIMS SO, ,GANG MI SKYE BA'I CHOS LA BZOD PA LA MOS PA DE NI TSUL KHRIMS SO, ,GANG RNYED PA DANG, BKUR STI DON DU MI GNYER BA DE NI TSUL KHRIMS SO, ,GANG STONG PA NYID KYIS MI SKRAG PA DE NI TSUL KHRIMS SO; ;GANG MTSAN MA MED PA SGOM PA DE NI TSUL KHRIMS SO, ,GANG SMON PA DANG BRAL BA DE NI TSUL KHRIMS SO, ,GANG TSUL KHRIMS KYI PHUNG PO DE NYID KYIS RLOM SEMS SU MI BYED PA DE NI TSUL KHRIMS SO, ,GANG TSUL KHRIMS DES BDAG LA MI BSTOD PA DANG, GZHAN LA MI SMOD PA DE NI TSUL KHRIMS SO, ,GANG SKYE MCHED RNAMS LA MNGON PAR DGA' BA MED PA DE NI TSUL KHRIMS

282a

, ,SO, ,GANG YUL LA MI 'PHRO BA DE NI TSUL KHRIMS SO, ,GANG PHUNG PO RNAMS CHOS KYI PHUNG PO DANG MNYAM PA NYID DE NI TSUL KHRIMS SO, ,GANG KHAMS RNAMS CHOS KYI DBYINGS DANG MNYAM PA NYID DE NI TSUL KHRIMS SO, ,GANG RTZED PA DANG, 'THAB PA MED PA GTZO BOR GYUR PA DE NI TSUL KHRIMS SO, ,GANG DGE BA'I CHOS RNAMS LA BRTZON PA MI GTONG BA DE NI TSUL KHRIMS SO, ,GANG CHOS THAMS CAD SHIN TU ZHI BA DANG, RAB TU ZHI BAR SHES SHING RAB TU SHES TE LUS KYIS BSGRUBS NAS GNAS PA DE NI TSUL KHRIMS SO SNYAM MO, ,RNAM PAR 'PHRUL PA'I RGYAL PO, DE LTAR BYANG CHUB SEMS DPA' RDO RJE'I LTE BA TSUL KHRIMS LA RAB TU GNAS PA DE LTA BU DANG LDAN ZHING CHOS 'PHAGS PA LA SBYOR BA 'DI DANG, PHYIN CI MA LOG PAR TSUL BZHIN YID LA BYED PA 'DI LA GNAS SHING DGE SLONG DE TSUL KHRIMS LA GNAS PA DE DANG, CHOS 'PHAGS PA LA SBYOR BA DE DANG, TSUL BZHIN YID LA BYED PA DE RTZOM ZHING 'CHAGS NA 'CHAGS PA DANG, BDUD KYI BU RNAM PAR GNON PA ZHES BYA BA 'KHOR DANG BCAS PA BDUD BRGYAD KHRI BZHI STONG THAMS CAD KYANG DPUNG DANG G-YOG 'KHOR DU BCAS PA THAMS CAD KYANG GO MTSON DANG BCAS PA SHA STAG DANG LHAN CIG TU BGEGS KYI LAS BYED PAR 'ONGS TE,

282b

LUS PHRA MOR BYIN GYIS BRLABS NAS LUS MI SNANG BAR BYAS TE, DGE SLONG DE'I SEMS KYI SPYOD PA LA GLAGS LTA ZHING LO STONG DU RJES SU 'BRANG BAR GYUR TO, ,DES LO STONG DU'ANG DGE SLONG DE'I SEMS RNAM PAR G-YENG BA GANG GIS SDANG BAR 'GYUR BA DANG, 'TSE BAR 'GYUR BA DE LTA BU'I SEMS RNAM PAR G-YENG BA'I SEMS SKYE BA GCIG KYANG MA MTHONG NGO, , DE NAS BDUD KYI BU RNAM PAR GNON PA LO STONG 'DAS NAS G-YOG 'KHOR DANG BCAS TE, LUS CHEN PO MNGON PAR BSTAN NAS RAL GRI DANG, MDA' GZHU DANG, MDUNG THUNG DANG, MDA' BO CHE LAG NA THOGS PA RNAMS KYIS DGE SLONG DE'I MDUN DU 'JIG PA STONG PAR GYUR TO, ,DGE SLONG RDO RJE'I LTE BAS BDUD KYI 'KHOR CHEN PO RAL GRI DANG, MDA' GZHU DANG, MDUNG THUNG DANG, MDA' BO CHE THOGS PA RNAMS KYIS 'JIG PA STON PAR MTHONG NGO, ,MTHONG NAS KYANG TSIG 'DI SKAD SMRAS SO, ,BDAG GIS BDEN PA'I TSIG GANG GIS BDAG CHOS 'PHAGS PA 'DI LA SBYOR BA NA TSUL KHRIMS KYI PHUNG PO DANG, TSUL BZHIN DU SBYOR BA SHIN TU YONGS SU DAG PA LTA NA BDEN BA DANG, BDEN PA'I TSIG DES BDUD RNAMS DANG, BDUD KYI 'KHOR RNAMS KYI RAL GRI DANG, MDA' GZHU DANG, MDUNG THUNG DANG, MDA' BO CHE BA LA SOGS PA JI SNYED LAG NA THOGS PA 'DI DAG ME TOG AUTPA LA

283a

, ,DANG, PADMA DANG, KU MU DA DANG, PADMA DKAR PO DANG, TZAMPA KA DANG, SNA MA'I ME TOG DANG, PAR SHI KA DANG, MKHAN PA'I PHRENG BA RNAMS SU GYUR CIG ,BDUD RNAMS DANG, BDUD KYI RIS KYI LHA RNAMS KYANG BDAG GI GZUGS DANG, LUS DANG, KHA DOG DANG, SMON LAM CI 'DRA DE 'DRA BA KHO NAR GYUR CIG CES SMRAS TE; RNAM PAR 'PHRUL BA'I RGYAL PO, BYANG CHUB SEMS DPA' RDO RJE'I LTE BAS TSIG DE SKAD SMRAS MA THAG TU BDUD RNAMS DANG, BDUD KYI 'KHOR DE RNAMS KYI RAL GRI DANG, , MDA' GZHU DANG, MDUNG THUNG DANG, MDA' PO CHE LA SOGS PA LAG NA THOGS PA JI SNYED YOD PA ME TOG KHA DOG SNA TSOGS PA'I PHRENG BA BSUNG ZHIM PA, YID DU 'ONG BA , BLTA NA SDUG PA DE SNYED GNAS PAR GYUR TO, ,BDUD DE RNAMS KYANG DGE SLONG GI GZUGS DE LTA BU NYID DU GYUR TE, DE DAG THAMS CAD RAB TU BYUNG BA'I KHONGS SU GTOGS SHING GOS NGUR SMIG BGOS LA, SKRA DANG, KHA SPU BREGS PAR SNANG BAR GYUR TO, ,RNAM PAR 'PHRUL BA'I RGYAL PO, DE NAS BDUD RNAM PAR GNON PAS DGE SLONG DE'I CHO 'PHRUL RGYA CHEN PO MTHONG NAS NGO MTSAR DU GYUR TE, G-YOG 'KHOR DANG BCAS PAR DGE SLONG DE'I RKANG PA LA GTUGS NAS 'DI SKAD CES SMRAS SO, ,DGE SLONG, KHYOD KYIS CHOS GANG DAG THOB

283b

PAR KHYOD LA 'DI LTA BU'I BYIN GYI RLABS YOD PAR GYUR, DE SKAD CES SMRAS PA DANG, RNAM PAR 'PHRUL PA'I RGYAL PO, DGE SLONG RDO RJE'I LTE BAS BDUD RNAM PAR GNON PA LA 'DI SKAD CES SMRAS SO, ,GROGS PO, BYIN GYI RLABS 'DI NI RNYED PA LAS GYUR PA MA YIN GYI, CHOS THAMS CAD DMIGS SU MED PA LAS BYIN GYI RLABS 'DI YOD PAR GYUR TO, ,GROGS PO, BYIN GYI RLABS 'DI NI RNYED PA LAS MA GYUR GYI, CHOS THAMS CAD MA RNYED PA LAS BYIN GYI RLABS 'DI YOD PAR GYUR RO, ,GROGS PO, BYIN GYI RLABS 'DI NI LUS DANG, NGAG DANG, SEMS LA GNAS PA LAS GYUR PA MA YIN GYI, CHOS THAMS CAD LA MI GNAS PA LAS BYIN GYI RLABS 'DI YOD PAR GYUR RO, ,GROGS PO, BYIN GYI RLABS DE NI MTSAN MAR 'DZIN PA LAS GYUR PA MA YIN GYI, MTSAN MA MED PA LAS BYIN GYI RLABS 'DI YANG YOD PAR GYUR TO, ,BYIN GYI RLABS 'DI NI CHOS GANG LA'ANG GNAS SHING GNAS PA MED PA LAS BYIN GYI RLABS 'DI YOD PAR GYUR TO, ,DE NAS BYANG CHUB SEMS DPA' RDO RJE'I LTE BA LA BDUD RNAM PAR GNON PAS 'DI SKAD CES SMRAS SO, ,DGE SLONG, KHYOD KYI SEMS LA KHO BOS LO STONG DU BLTAS NA KHYOD KYI SEMS KYI RGYU BA MA MTHONG NGO, ,DE NAS DGE SLONG RDO RJE'I LTE BAS 'DI SKAD CES SMRAS SO, ,GAL TE GROGS PO KHYOD KYIS BSKAL PA GANGG'A'I KLUNG GI BYE MA SNYED DU SPYOD CING SEMS

284a

, ,YONGS SU BLTAS SU ZIN KYANG RNYED PAR MI 'GYUR RO, ,DE CI'I PHYIR ZHE NA, 'DI LTAR SEMS NI NANG NAS KYANG MI RNYED, PHYI ROL NAS KYANG MI RNYED, GNYIS KA MED PAR YANG MI RNYED PA'I PHYIR RO, ,GROGS PO, KHYOD KYIS SGYU MA MKHAN GYI SPRUL PA LA SEMS KYI RGYU BA RNYED DAM, SMRAS PA, DGE SLONG, DE NI MI RNYED DO, ,SGYU MA MKHAN GYI SPRUL PA LA SEMS KYANG MED, SEMS PA YANG MED NA DE GA LA RNYED, SMRAS PA, GROGS PO, CHOS THAMS CAD NI SGYU MAR SPRUL PA'I NGO BO NYID DU DE BZHIN GSHEGS PAS BSHAD DE; DE'I PHYIR DE LA SEMS DANG, SEMS PA MI RNYED DO, ,SMRAS PA, GAL TE DGE SLONG KHYOD, SEMS SAM, SEMS PA MI RNYED NA KHYOD JI LTAR 'GRO BA'AM, 'ONG BA DANG, TSIG TU SMRA BAR BYED; SMRAS PA, 'DI LTA STE, DPER NA, SGYU MA MKHAN GYIS SPRUL PA'I MI 'ONG BA DANG, 'GRO BA DANG, TSIG SMRA BAR BYED PA LTAR KHO BO'I 'ONG BA DANG, 'GRO BA DANG, TSIG SMRA BAR YANG DE DANG 'DRA'O, ,SMRAS PA, DGE SLONG KHYOD, BRTZON 'GRUS RTZOM PA 'DI DANG, TSUL KHRIMS LA GNAS PA 'DI DANG, CHOS 'PHAGS PA LA SBYOR BA 'DI DANG, 'JUG PA 'DIS CI ZHIG 'DOD, SMRAS PA, GNAS MED PA 'DOD DO, ,SMRAS PA, GNAS MED PA JI LTAR 'DOD, SMRAS PA, DE LA 'GRO BA MED PAS 'GRO BA'AM, 'GRO BAR 'GYUR BA GANG YANG

284b

MED DE, GROGS PO, GNAS MED PA ZHES BYA BA DE NI SMON PA MED PA'I TSIG BLA DVAGS SO, ,YANG BRTZON 'GRUS RTZOM PA 'DI DANG, TSUL KHRIMS LA GNAS PA 'DI DANG, CHOS 'PHAGS PA LA SBYOR BA 'DI DANG, 'JUG PA 'DIS CI ZHIG 'DOD CES RNAM PAR GNON PA KHYOD KYIS SMRAS PA DE GZUGS SKYE BAR MI 'DOD, 'GAG PAR MI 'DOD, GNAS PAR MI 'DOD, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SKYE BAR MI 'DOD, 'GAG PAR MI 'DOD, GNAS PAR MI 'DOD, CHOS THAMS CAD KYANG SKYE BAR MI 'DOD, 'GAG PAR MI 'DOD, GNAS PAR MI 'DOD DO, ,RNAM PAR GNON PA, 'JUG PA GANG GZUGS SO SOR MI 'DZIN PA DANG, TSOR BA DANG, 'DU SHES DANG; 'DU BYED RNAMS DANG, RNAM PAR SHES PA YONGS SU MI 'DZIN PA DE 'DOD CING DE LA BLTA'O, ,RNAM PAR GNON PA, 'PHAGS PA RNAMS KYI 'JUG PA GANG YIN PA DE KHO BO'I 'JUG PA'O, ,SMRAS PA, DGE SLONG, JI LTAR 'JUG ,SMRAS PA, RNAM PAR GNON PA, SO SO'I SKYE BO'I CHOS GANG DAG YIN PA DANG, SANGS RGYAS KYI CHOS GANG DAG YIN PA DE DAG THAMS CAD MNYAM ZHING GNYIS SU MED PA DANG, SLOB PA'I CHOS GANG DAG YIN PA DANG, SANGS RGYAS KYI CHOS GANG DAG YIN PA DE DAG MNYAM ZHING GNYIS SU MED PA DANG,

285a

, ,MI SLOB PA'I CHOS GANG DAG YIN PA DANG, SANGS RGYAS KYI CHOS GANG DAG YIN PA DE DAG MNYAM ZHING GNYIS SU MED PA DANG, RANG SANGS RGYAS KYI CHOS GANG DAG YIN PA DANG, SANGS RGYAS KYI CHOS GANG DAG YIN PA DE DAG MNYAM ZHING GNYIS SU MED PA DANG, 'DAS PA'I CHOS GANG DAG YIN PA DANG, MA 'ONGS PA'I CHOS GANG DAG YIN PA DANG, DA LTAR BYUNG BA'I CHOS GANG YIN PA DE DAG MNYAM ZHING GNYIS SU MED PA DE NI SKYE BA MED PA MNYAM PA NYID KYIS MNYAM PA DANG, 'BYUNG BA MED PA MNYAM PA NYID KYIS MNYAM PA DANG, 'GAG PA MED PA MNYAM PA NYID KYIS MNYAM PA STE, MNYAM PA NYID 'DI RNAMS MI SPONG BA GANG YIN PA'I MNYAM PA NYID DE BSTAN PA'I PHYIR SEMS CAN RNAMS LA CHOS 'CHAD PAR 'DOD DO, ,GROGS PO, YANG DAG PAR 'JUG PA 'DI NI KHAMS SU 'JUG PA MA YIN, GZUGS KYI KHAMS SU 'JUG PA MA YIN, GZUGS MED PA'I KHAMS SU 'JUG PA MA YIN NO, ,GANG DAG MNYAM PA NYID LA GNAS PA DAG NI CHOS NYID LAS MI G-YOS, RNAM PAR MI G-YO, 'GRO BAR MI BYED, MI 'GRO BAR MI BYED DO, ,GROGS PO, 'DI DAG NI YANG DAG PAR 'JUG PA ZHES BYA'O, ,DE BZHIN NYID 'JUG PA GANG YIN PA CHOS THAMS CAD KYI 'JUG PA'ANG DE YIN NO, ,CHOS

285b

KYI DBYINGS KYI 'JUG PA GANG YIN PA CHOS THAMS CAD KYI 'JUG PA'ANG DE YIN NO, ,YANG DAG PA'I MTHA' 'JUG PA GANG YIN PA CHOS THAMS CAD KYI 'JUG PA'ANG DE YIN NO,, 'JUG PA DE LTA BU 'DOD PA GANG YIN PA DE NI 'DOD PA'ANG MED, 'JUG PA'ANG MED PAR YANG DAG PAR RJES SU MTHONG ZHING MNGON PAR ZHEN PAR MI BYED DE, ,GROGS PO, 'DI NI YANG DAG PAR 'JUG PA ZHES BYA'O, ,DE NAS BYANG CHUB SEMS DPA' RDO RJE'I LTE BA LA BDUD RNAM PAR GNON PAS 'DI SKAD CES SMRAS SO, ,DGE SLONG KHYOD, YANG DAG PA'I SBYOR BA 'DIS CHOS GANG ZHIG RTOGS, SMRAS PA, GROGS PO, YANG DAG PA'I SBYOR BA 'DIS NI KHO BOS DAM PA MED PA'I CHOS RTOGS SO, ,LHAG PAR BYED PA MED PA DANG, RLOM SEMS MED PAS KYANG MNYAM PA NYID RTOGS PAR BYAS SO, ,YANG KHYOD KYI CHOS GANG RTOGS ZHES GANG DE SKAD SMRAS PA YANG DAG PA'I SBYOR BA 'DI NI RTOG PAS RAB TU PHYE BA MA YIN GYI, YANG DAG PA'I SBYOR BA 'DI NI LHAG PA'I NGA RGYAL MED PA'O, ,YANG DAG PA'I SBYOR BA 'DI NI THOB PAS RAB TU PHYE BA MA YIN GYI, YANG DAG PA'I SBYOR BA 'DI NI THOB PAS RAB TU PHYE BA DANG BRAL BA STE, YANG DAG PA'I SBYOR BA 'DIS CHOS GANG YANG RTOGS PA MED DO, ,YANG DAG PA'I SBYOR BA ZHES BYA BA 'DIS NI SBYOR BA MED PA'I TSIG BLA

286a

, ,DVAGS SO, ,BYANG CHUB SEMS DPA' RDO RJE'I LTE BA LA BDUD RNAM PAR GNON PAS 'DI SKAD CES SMRAS SO, ,DGE SLONG KHYOD, TSUL KHRIMS YANG DAG PAR BLANGS PA 'DIS CI ZHIG THOB PAR 'GYUR, SMRAS PA, RNAM PAR GNON PA, KHO BO'I TSUL KHRIMS YANG DAG PAR BLANGS PA 'DIS CHOS THAMS CAD 'GAG PA MED DO, ,SKYE BA MED PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,SMRAS PA, BYANG CHUB MNGON PAR RDZOGS PAR BYANG CHUB PA GANG, SMRAS PA, GZUGS MNYAM PA NYID DU MNGON PAR RDZOGS PAR BYANG CHUB PA NI BYANG CHUB MNGON PAR RDZOGS PAR BYANG CHUB PA'O, ,TSOR BA DANG; 'DU SHES DANG, 'DU BYED RNAMS DANG, RNAM PAR SHES PA MNYAM PA NYID DU MNGON PAR RDZOGS PAR BYANG CHUB PA NI BYANG CHUB MNGON PAR RDZOGS PAR BYANG CHUB PA'O,, BDUD RNAM PAR GNON PAS SMRAS PA, DGE SLONG, BYANG CHUB GANG DU BTZAL BAR BYA, BYANG CHUB SEMS DPA' RDO RJE LTE BAS SMRAS PA, GROGS PO, BYANG CHUB NI 'JIG TSOGS LA LTA BA'I NGO BO NYID LAS BTZAL BAR BYA'O, ,SMRAS PA, JI LTAR BTZAL BAR BYA, SMRAS PA, CI NAS KYANG BYANG CHUB DANG, BYANG CHUB TU LTA BA KUN NAS MI LDAN PA DE

286b

LTAR BTZAL BAR BYA'O, ,DE NAS BDUD RNAM PAR GNON PAS DGE SLONG RDO RJE'I LTE BA LA 'DI SKAD CES SMRAS SO, ,DGE SLONG, KHYOD KYI STON PA SU YIN, SUS RJES SU BSTAN PAS KHYOD KYI SPOBS PA 'DI LTA BUR 'GYUR, SMRAS PA, GROGS PO, GANG 'JIG TSOGS MA BSHIGS PAR BYANG CHUB THOB PA DE NI KHO BO'I STON PA'O, ,GANG NYON MONGS PA DANG, RNAM PAR BYANG BA LA MI GNAS PA DE NI KHO BO'I STON PA'O, ,GANG 'DUS BYAS DANG, 'DUS MA BYAS LA RNAM PAR SHES PA MI GNAS PA DE NI KHO BO'I STON PA'O, ,GANG GZHAN LAS MA MNYAN PAR BLANG BA MED PA'I CHU BO MI GNAS PA BRGAL BA DE NI KHO BO'I STON PA'O, ,GANG CHOS THAMS CAD LA RNAM PAR SHES PA MI 'JUG CING CHOS RNAMS LA SHES PA MI 'PHO BA DE NI KHO BO'I STON PA'O, ,GANG SGRA THAMS CAD LA 'JUG PA NYE BAR DPYOD CING BRJOD DU MED PA'I CHOS NYID LAS KYANG MI G-YO BA DE NI KHO BO'I STON PA'O, ,GANG CHOS THAMS CAD MI SKYE BA DANG, SKYE BA THAMS CAD MI 'BYUNG BAR BYA BA'I PHYIR CHOS KYI 'KHOR LO BSKOR BA DE NI KHO BO'I STON PA'O, ,GANG TSU ROL DANG, PHA ROL DANG, DBUS NA MI GNAS PA DE NI KHO BO'I STON PA'O, ,GANG CHOS THAMS CAD MI SKYE BA'I PHYIR SKYES PA DE NI KHO BO'I STON PA'O, ,GANG CHOS THAMS CAD 'GOG PA MED PA'I PHYIR YONGS SU MYA NGAN

287a

, ,LAS 'DAS PA DE NI KHO BO'I STON PA STE, DES RJES SU BSTAN PA LAS KHO BO'I SPOBS PA 'DI LTA BUR GYUR TO, ,BDUD RNAM PAR GNON PAS SMRAS PA; DE BZHIN GSHEGS PA DE CHOS KYI 'KHOR LO JI LTAR BSKOR, BYANG CHUB SEMS DPA' RDO RJE LTE BAS SMRAS PA, GZUGS 'JUG PAR YANG MI BYED, LDOG PAR YANG MI BYED, GZUGS KYI DE BZHIN NYID DANG, GZUGS KYI CHOS NYID DANG, GZUGS STONG PA NYID DANG, GZUGS MTSAN MA MED PA NYID DANG, GZUGS SMON PA MED NYID DANG GZUGS ZHI BA NYID DANG, GZUGS DBEN PA NYID DANG, GZUGS SKYE BA MED PA NYID DANG, GZUGS KYI RANG BZHIN NYID DANG, GZUGS KYI NGO BO NYID 'JUG PAR MI BYED, LDOG PAR MI BYED, DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA 'JUG PAR MI BYED, LDOG PAR MI BYED, RNAM PAR SHES PA'I DE BZHIN NYID DANG, RNAM PAR SHES PA'I CHOS NYID DANG, RNAM PAR SHES PA STONG PA NYID DANG, RNAM PAR SHES PA MTSAN MA MED PA NYID DANG, RNAM PAR SHES PA SMON PA MED PA NYID DANG, RNAM PAR SHES PA ZHI BA NYID DANG, RNAM PAR SHES PA DBEN PA NYID DANG, RNAM PAR SHES PA SKYE BA MED PA NYID DANG, RNAM PAR SHES PA'I RANG BZHIN

287b

NYID DANG, RNAM PAR SHES PA'I NGO BO NYID 'JUG PAR MI BYED, LDOG PAR MI BYED DE, DE BZHIN GSHEGS PA DE NI CHOS KYI 'KHOR LO DE LTAR BSKOR RO, ,CHOS THAMS CAD 'JUG PA MED PAR BYA BA'I PHYIR CHOS KYI 'KHOR LO BSKOR RO, ,CHOS KYI 'KHOR LO DE BSKOR KYANG RUNG MA BSKOR KYANG RUNG CHOS KYI DBYINGS KYI MTHA' TSAD MED PA DE NYID SPONG PAR YANG MI BYED DO, ,CHOS KYI 'KHOR LO BSKOR BA DE GANG DAG GIS SHES PAR GYUR PA DE DAG THAMS CAD KYANG DE BSKOR BA NYID DU 'GYUR RO, ,DE NAS BDUD RNAM PAR GNON PA G-YOG 'KHOR DANG BCAS PA DGE SLONG RDO RJE'I LTE BA DE'I SLOB MAR KHAS BLANGS NAS 'DI SKAD CES SMRAS SO, ,BDAG NI DGE SLONG KHYED LA SKYABS SU MCHI'O, ,DES DE LA 'DI SKAD CES SMRAS SO, ,KHYOD KHO BO LA SKYABS SU MA 'GRO BAR DE BZHIN GSHEGS PA 'OD DRI MA MED PA'I 'OD ZER GYI RGYAL PO GANG GIS CHOS 'DI LTA BU BSTAN PAS KHYOD DE NYID LA SKYABS SU SONG SHIG ,DES DE LA 'DI SKAD CES SMRAS SO, ,KYE, DENG DE BZHIN GSHEGS PA DE'I THAD DU BZHUD KYI TSUR SPYON, DE NAS DGE SLONG RDO RJE'I LTE BA BDUD RNAM PAR GNON PA DANG, BDUD BRGYAD KHRI BZHI STONG PO DE DAG DANG 'GROGS TE, BCOM LDAN 'DAS 'OD DRI MA MED PA'I 'OD ZER GYI RGYAL PO DE BZHIN GSHEGS PA GA LA BA DER DONG NAS LHAGS PA DANG, BCOM LDAN,

288a

, ,'DAS KYI ZHABS LA MGO BOS PHYAG BTZAL TE, THAL MO SBYAR NAS SPYAN SNGAR 'KHOD PA DANG, DE BZHIN GSHEGS PA DES DE DAG LA TSUL KHRIMS LA GNAS PA DE NYID DANG, CHOS 'PHAGS PA LA SBYOR BA DE NYID LAS BRTZAMS TE, CI NAS KYANG DE DAG THAMS CAD BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR BA DE LTA BUR CHOS BSTAN TO, ,RNAM PAR 'PHRUL PA'I RGYAL PO, DE'I TSE DE'I DUS NA DGE SLONG RDO RJE'I LTE BA ZHES BYA BA DE GZHAN ZHIG YIN PA SNYAM NA KHYOD KYIS DE LTAR MI BLTA'O, ,DE CI'I PHYIR ZHE NA, RNAM PAR 'PHRUL PA'I RGYAL PO KHYOD NYID DE'I TSE DE'I DUS NA DGE SLONG RDO RJE'I LTE BA ZHES BYA BAR GYUR TO, ,BYANG CHUB SEMS DPA' SA 'DZIN NI DE'I TSE DE'I DUS NA BDUD RNAM PAR GNON PA ZHES BYA BAR 'GYUR TE, RNAM PAR 'PHRUL PA'I RGYAL PO, 'DI NI BYANG CHUB SEMS DPA' RNAMS KYI TSUL KHRIMS KYI RNAM PAR 'PHRUL PA STE , RNAM PAR 'PHRUL PA DE LA BRTEN NAS SMON LAM GYI BYE BRAG BSAM GYIS MI KHYAB PA RNAMS BYANG CHUB SEMS DPA' RNAMS LA STON CING SEMS CAN TSAD MED PA RNAMS KYANG BYANG CHUB TU YONGS SU SMIN PAR BYED, BDUD PHYIR RGOL BA RNAMS KYANG BCOM NAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR

288b

'GYUR TE, RNAM PAR 'PHRUL PA'I RGYAL PO DE LA BYANG CHUB SEMS DPA' RNAMS KYI MNGON PAR SHES PA'I RNAM PAR 'PHRUL PA GANG ZHE NA, MNGON PAR SHES PA'I RNAM PAR 'PHRUL PA ZHES BYA BA NI RNAM PA LNGA STE, 'DI LTA STE, LHA'I MIG DANG, LHA'I RNA BA DANG, PHA ROL GYI SEMS SHES PA DANG, SNGON GYI GNAS RJES SU DRAN PA'O, ,RDZU 'PHRUL BYA BA'O, ,RNAM PAR 'PHRUL BA'I RGYAL PO, DE LA BYANG CHUB SEMS DPA' RNAMS KYI LHA'I MIG GI RNAM PAR 'PHRUL PA'I MNGON PAR SHES PA JI LTA BU ZHE NA, MIG GI RNAM PAR 'PHRUL PA'I MNGON PAR SHES PA GANG GIS BYANG CHUB SEMS DPA'I MIG GI DBANG PO RTZIG PA RNAMS KYIS MI SGRIB, SHING RNAMS KYIS MI SGRIB, RI RNAMS KYIS MI SGRIB, NAGS TSAL RNAMS KYIS MI SGRIB, KHOR YUG DANG, KHOR YUG CHEN PO'I RI RNAMS KYIS MI SGRIB, RI RAB KYIS MI SGRIB, 'JIG RTEN GYI BAR RNAMS KYIS MI SGRIB STE, DE SGRIB PA MED PA'I MIG GIS PHYOGS BCUR SANGS RGYAS KYI ZHING DPAG TU MED, GRANGS MED PA RNAMS MTHONG ZHING DE DAG THAMS CAD KYANG SANGS RGYAS KYI ZHING GCIG TU RAB TU SHES TE, 'DI LTA STE, NAM MKHA' LA THA DAD PA MED PA'I PHYIR RO, ,ZHING LA ZHING SBYOR BAR YANG MI BYED, THA DAD PAR YANG MI BYED DO, ,SANGS RGYAS KYI ZHING DE DAG NA SANGS RGYAS BCOM LDAN 'DAS NYAN THOS KYI TSOGS DANG BCAS PA GANG DAG BZHUGS PA DE DAG THAMS CAD

289a

, ,KYANG MTHONG ZHING CHOS KYI DBYINGS DBYER MED PA'I TSUL GYIS SANGS RGYAS THAMS CAD KYANG MTHONG ZHING, CHOS KYI DBYINGS DBYER MED PA'I TSUL GYIS SANGS RGYAS THAMS CAD SANGS RGYAS GCIG TU MOS SO, ,SANGS RGYAS GCIG MTHONG BAS KYANG SANGS RGYAS THAMS CAD MTHONG BA RNAM PAR SBYONG BAR BYED DO, ,SANGS RGYAS THAMS CAD MTHONG BAS KYANG SANGS RGYAS GCIG MTHONG BA RNAM PAR SBYONG PAR BYED DO, ,SANGS RGYAS MTHONG BA RNAM PAR DAG PA DES KYANG BDAG MTHONG BA RNAM PAR DAG PA LA 'JUG GO ,RNAM PAR DAG PA DE NYID KYIS CHOS THAMS CAD MTHONG BA RNAM PAR DAG PA LA 'JUG STE, BDAG MTHONG BA RNAM PAR DAG PA'AM, CHOS MTHONG BA RNAM PAR DAG PA LA 'DU SHES GNYIS SU 'ANG MI 'GYUR RO, ,SANGS RGYAS BCOM LDAN 'DAS DE DAG GI NYAN THOS GANG DAG MTHONG BA DE DAG SANGS RGYAS MTHONG BA RNAM PAR DAG PA LAS GZHAN MA YIN PAR RAB TU SHES SO, ,DE NYAN THOS MTHONG BAS SANGS RGYAS MTHONG LA, SANGS RGYAS MTHONG BAS KYANG NYAN THOS MTHONG STE, YANG DAG PAR MTHONG BAS MNYAM PAR MTHONG NGO, ,'JIG RTEN GYI KHAMS MTHA' YAS MU MED PA DAG NA 'KHOD PA'I SEMS CAN GANG DAG SEMS CAN DU BSDU BAS BSDUS PA'I SEMS CAN DMYAL BA'AM,

289b

DUD 'GRO'AM, YI DVAGS SAM, LHA MA YIN NAM, LHA 'AM, MI'ANG RUNG STE, GZUGS MED PA NA SPYOD PA MA GTOGS PAR DE DAG THAMS CAD KYI 'CHI 'PHO DANG, SKYE BA DANG KHA DOG BZANG PO DANG, KHA DOG NGAN PA DANG, BDE 'GRO DANG, NGAN 'GRO DANG, NGAN PA DANG, BZANG PO RNAMS MTHONG ZHING SEMS CAN DE DAG GI SNANG BA TZAM DU RAB TU SHES SO; ;GZUGS SU SNANG BA DE DAG THAMS CAD KYANG LAS KYI RNAM PAR SMIN PAR THAMS CAD KYANG RAB TU SHES SHING KHONG DU CHUD DO, ,DE SEMS CAN RNAMS MTHONG ZHING LAS KYI RNAM PAR SMIN PA RAB TU SHES KYANG BDAG MED PA'I MTHA' TSAD MAR BYAS NAS SEMS CAN RNAMS LA SEMS CAN GYI 'DU SHES SU MI 'GYUR RO, ,DE LHA'I MIG DES GZUGS SU GTOGS PA THAMS CAD MTHONG STE, DNGOS PO MED PA NYID KYI PHYIR GZUGS SU SNANG BA DE DAG THAMS CAD KYANG SNANG BA TZAM DU RAB TU SHES SO, ,GZUGS SU SNANG BA DE DAG THAMS CAD KYANG SDON GYI MTHA' SKYE BA MED PA'I PHYIR YANG DAG PA MA YIN PAR RAB TU SHES LA, LHA'I MIG SGRIB PA MED PA DE MNGON PAR SGRUB PA MA YIN NO, ,DE SHES RAB KYI STOBS DANG LDAN PAS 'DOD NA GZUGS NYE BAR 'KHOR DU GYUR PA DANG MTSUNGS PAR YANG MTHONG BAR 'GYUR, 'DOD NA MI MTHONG BAR YANG 'GYUR, DE 'DOD

290a

, ,NA GZUGS CUNG ZAD KYANG YOD YE MIG SNGAR SNANG BAR MI 'GYUR RO, ,DE SROG CHAGS 'BUM PHRAG DU MA'I NANG NA 'DUG KYANG BSAM GTAN DANG, ;RNAM PAR THAR PA DANG, TING NGE 'DZIN DANG, SNYOMS PAR 'JUG PA RNAMS KYIS GNAS TE, SEMS CAN GANG YANG DE'I MIG LAM DU SNANG BAR MI 'GYUR RO, ,DE CI'I PHYIR ZHE NA, 'DI LTAR, BYANG CHUB SEMS DPA' DES BDAG MED PA'I DE KHO NA SHES PA'I PHYIR RO, ,DE 'DOD NA, GZUGS NA SPYOD PA'I LHA'I LUS PHRA BA, LUS BZANG BA, LUS 'OD GSAL BA, LUS MI SNANG BA GANG DAG YIN PA'I LHA DE DAG GI MDUN NA'ANG BYANG CHUB SEMS DPA' RANG GI LUS NYE BAR STON TO, ,LHA'I BU DE DAG GI GIS KYANG DE'I LUS MTHONG, DES KYANG DE DAG GI LUS MTHONG NGO, ,'DOD NA DE'I LUS LHA RNAMS KYIS MTHONG LA, RANG GI LUS MI MTHONG NGO, ,DE 'DOD NA LHA'I BU DE DAG RANG GI LUS MTHONG LA, DE'I LUS MI MTHONG STE, DE LHA'I MIG DE LTA BU DANG LDAN PAR 'GYUR RO, ,DE LHA'I RNA BA DANG LDAN PAR GYUR TE, 'DI LA 'JIG RTEN GYI KHAMS MTHA' YAS MU MED PA DAG NA SGRA JI SNYED YOD PA LHA'I SGRA 'AM, GLU DANG, GNOD SBYIN DANG, DRI ZA'I SGRA'AM, LHA MA YIN DANG, NAM MKHA' LDING DANG, MI 'AM CI DANG, LTO 'PHYE

290b

CHEN PO'I SGRA'AM, MI DANG MI MA YIN PA'I SGRA DE DAG THAMS CAD DE'I LHA'I RNA BA'I DBANG PO DE LA GRAGS PAR 'GYUR RO, ,DE SGRA DE DAG THAMS CAD THOS KYANG SGRA THA DAD PAR MI BYED PA, SGRA THAMS CAD KYANG SMRAR MED PAR MOS SO, ,BRJOD DU MED PAR SHES SO, ,DE SGRA DE DAG KYANG BDAG TU 'DU SHES SAM, SEMS CAN DU 'DU SHES SAM, SGRAR 'DU SHES MI 'JUG LA, SGRA THAMS CAD THOG MA'I MTHA' DANG, THA MA'I SGRAR BRJOD PA MED PAR RAB TU RTOGS SHING CHOS THAMS CAD BRJOD DU MED PAR YID CHES SO, ,DE'I RNA BA'I DBANG PO'I RNAM PAR SHES PA'I KHAMS SGRIB PA MED PAR 'GYUR TE, SGRA DE DAG THOS NAS KYANG SGRA DE DAG GI DON GANG YIN PA DE RAB TU SHES SO, ,SGRA RNAMS KYI DON GANG ZHE NA, SGRA THAMS CAD KYI DON NI BRJOD DU MED PA'I DON TO, ,SMRAR MED PA'I DON TO, ,SGRA THAMS CAD KYI DON NI NYE BAR ZHI BA'I DON TO, ,DE DON NGES DON LA RTOG PAR 'GYUR RO, ,SGRA THAMS CAD KYANG THOS LA CHOS THAMS CAD MA SKYES PA'I PHYIR GANG LA'ANG GNAS PAR MI BYED DO, ,PHYOGS BCU'I 'JIG RTEN GYI KHAMS GRANGS MED PA DAG NA SANGS RGYAS BCOM LDAN 'DAS GANG DAG BZHUGS LA 'TSE ZHING GZHES TE, CHOS KYANG STON PA DE DAG GIS CHOS BSTAN PA DE DAG THAMS CAD KYANG DE'I RNA BAS THOS PAR 'GYUR RO, ,DE LA SGRIB PA'AM,

291a

, ,KUN NAS DKRIS TE 'DUG PAR YANG MI 'GYUR LA, CHOS BSTAN PA DE DAG THAMS CAD THOS SHING JI LTAR THOS PA'ANG 'DZIN TO, ,ZIN NAS KYANG CHOS GANG YANG MI BRJED DO, ,JI LTAR NA DE GANG YANG MI BRJED CE NA, DE NI TSIG 'GA' YANG MA RTOGS PAR MI 'GYUR BAS DE LTAR NA MI BRJED DO, ,CHOS GANG DAG ZAG PA DANG BCAS PA DANG, ZAG PA MED PA'AM, 'DUS BYAS DANG, 'DUS MA BYAS SAM, 'JIG RTEN PA DANG, 'JIG RTEN LAS 'DAS PA 'AM, DGE BA DANG, MI DGE BA BA'AM, KHA NA MA THO BA DANG BCAS PA DANG, KHA NA MA THO BA MED PA RNAMS SAM, NYAN THOS KYI THEG PA DANG LDAN PA'AM, RANG SANGS RGYAS KYI THEG PA DANG LDAN PA RNAMS SAM; THEG PA CHEN PO DANG LDAN PA RNAMS THOS NAS, 'DI LTA STE, DBEN PA'I DBYINGS RO GCIG PA NYID KYI PHYIR CHOS DE DAG THAMS CAD CHOS GCIG GI NGO BO NYID KYI RO YIN PAR 'JUG GO ,DE CHOS NYAN CING 'CHAD KYANG YUL THAMS CAD LA MI 'CHAGS SO, ,CHOS KYANG NYAN MOD KYI MTSAN MA THAMS CAD DANG YANG LHAN CIG TU MI GNAS SO, ,DE CHOS LA BRTEN PA YIN GYI CHOS MA YIN PA LA MI RTEN TO, ,DE LA CHOS GANG ZHE NA, CHOS ZHES BYA BA NI 'DOD CHAGS DANG BRAL BA'O, ,CHOS ZHES BYA BA NI

291b

MTSAN MA MED PA'O, ,CHOS ZHES BYA BA NI 'DUS MA BYAS PA'O, ,CHOS ZHES BYA BA NI MTHA' YAS PA, DPE MED PA, MI 'GYUR BA, DMIGS SU MED PA, MI SKYE BA, MA SKYES PA STE; GANG CHOS DE LTA BU LA RLOM SEMS MED PA DANG, RTOG PA MED PA DANG, 'DU SHES DANG, YID KYI 'DU BYED SPROS PA MED PA DANG, BLANG BA MED PA DANG, DOR BA MED PA DE NI CHOS ZHES BYA'O, ,DE DON LA RTON PA YIN GYI TSIG 'BRU LA RTON PA MA YIN, TSIG 'BRU SPONG BAS DON LA RTON BA'ANG MA YIN NO, ,DE DON LA 'BAB PA'I BLOS CHOS NYAN TE, JI LTAR NA DON LA 'BAB PA'I BLO GANG ZHE NA, GANG STONG PA NYID KYI DON GYIS LTA BAR MI LTUNG BA DANG, GANG MTSAN MA MED PA'I DON GYIS MTSAN MAR MI LTUNG BA DANG, GANG SMON PA MED PA'I DON GYIS SMON PAR MI LTUNG BA STE DE LTAR NA DON LA 'BAB PA'I BLO YIN NO, ,GANG LAS CHOS NYAN PA DANG, GANG LAS DON LA RTON PA DE'ANG DON DU MI DMIGS TE, DE DMIGS SU MED PA LA'ANG DMIGS PAR MI 'GYUR RO, ,DE LA SANGS RGYAS BCOM LDAN 'DAS DE DAG LA CHOS NYAN TE, NGES PA'I DON GYI MDO SDE LA RTON PA YIN GYI DRANG BA'I DON GYI MDO SDE LA RTON PA MA YIN NO, ,NGES PA'I DON GYI MDO SDE GANG ZHE NA, BRJOD DU MED PA'I PHYIR MDO SDE THAMS CAD NI NGES PA'I DON TE, DE LTAR NA NGES PA'I DON GYI MDO SDE LA RTON PA YIN NO, ,NGES

292a

, ,PA'I DON GYI MDO SDE 'DI DAG LA GANG DAG MI RTON PA DE DAG NI DRANG BA ZHES BYA STE, CI'I PHYIR DRANG BA ZHES BYA ZHE NA, 'DI LTAR NGES PA'I DON LAS 'GAL PA'I CHOS LA GNAS PA YIN TE, DE DAG NI DRANG DGOS PA YIN NO, ,GANG GIS DRANG DGOS PA YIN NO, ,GANG GIS DRANG ZHE NA, SGRAS DRANG NGO, ,NGES PA'I DON GYI MDO SDE LA RTON PA DAG NI SGRAS DRANG BA MA YIN NO, ,DE CI'I PHYIR ZHE NA, DE DAG GIS DON DAM PA BRJOD DU MED PA RTOGS SHING DE DAG GIS 'DAS PA DANG, MA 'ONGS PA DANG, DE LTAR BYUNG BA'I CHOS THAMS CAD LA LHAG CHAD MED PAR SHES PA'I PHYIR TE, RNAM PAR 'PHRUL PA'I RGYAL PO, DON GYI RNAM PA 'DI LA DE LTAR CHOS NYID 'DI LA RTON NA MDO SDE THAMS CAD NGES PA'I DON DU 'GYUR RO, ,DE LTAR MI STON NA MDO SDE THAMS CAD DRANG BA'I DON DU 'GYUR RO, ,RNAM PAR 'PHRUL PA'I RGYAL PO, GZHAN YANG, BYANG CHUB SEMS DPA' SANGS RGYAS BCOM LDAN 'DAS DE DAG LAS CHOS NYAN PA NA YE SHES LA RTON PA YIN GYI RNAM PAR SHES PA LA MI RTON TO, ,DE CI'I PHYIR ZHE NA, DES RNAM PAR SHES PA SGYU MA LTA BU DANG, DBEN PA DANG, NGO BO NYID MED PA DANG, GZUGS MED PA DANG, BSTAN DU MED PA DANG, THOGS PA MED PA DANG, RNAM PAR RIG PAR MA YIN PAR SHES PA'I PHYIR TE, GANG RNAM PAR

292b

SHES PA DE LTAR RTOGS PA DE NI YE SHES YIN NO, ,DE YE SHES LA RTON PA YIN GYI RNAM PAR SHES PA'I RJES SU MI RGYAG KYANG GZHAN DAG LA RNAM PAR SHES PA DE STON TE, DE LA MTSAN MAR YANG MI 'DZIN CING DE RNAM PAR SHES PA LA YE SHES SO ZHES KUN TU SKYED DE, RNAM PAR SHES PA'AM, YE SHES LA MNGON PAR ZHEN PAR YANG MI 'GYUR RO, ,RNAM PAR SHES BDE [?] KHO NA LA MNGON PAR ZHEN PAS YE SHES KYI DE KHO NA MI BRJOD DO, ,RNAM PAR 'PHRUL PA'I RGYAL PO, BYANG CHUB SEMS DPA' GANG YE SHES LA RTON PA DE NI RNAM PAR SHES PA DANG LHAN CIG MI GNAS SO, ,SEMS CAN GZHAN DAG LA RNAM PAR SHES PA MA YIN PAR CHOS MI 'CHAD DO, ,RNAM PAR 'PHRUL BA'I RGYAL PO, 'DI NI BYANG CHUB SEMS DPA'I MNGON PAR SHES PA'I RNAM PAR 'PHRUL BA YIN TE, LHA'I RNA BA THOB PA DES YE SHES KYI DBYINGS 'DI RTOGS PAR 'GYUR RO, ,RNAM PAR 'PHRUL PA'I RGYAL PO, BYANG CHUB SEMS DPA' DE GANG ZAG GI TSIG BLA DVAGS DANG LDAN PA'I CHOS NYAN CING CHOS NYID LA RTON GYI GANG ZAG LA MI RTON TO, ,DE CI'I PHYIR ZHE NA, RNAM PAR 'PHRUL PA'I RGYAL PO, GAL TE LEGS PAR GSUNGS PA'I CHOS 'DUL BA 'DI LA GANG ZAG YOD PAR GYUR NA SEMS CAN GANG YANG SHIN TU DAG PA DANG THAR BAR MI 'GYUR BA'I PHYIR RO, ,RNAM PAR 'PHRUL PA'I

293a

, ,RGYAL PO, DE LTA BAS NA CHOS THAMS CAD GANG ZAG MED MOD KYI DE BZHIN GSHEGS PA NI 'JIG RTEN GYI THA SNYAD DU GANG ZAG CES GSUNGS SO; ;DE BAS NA BYANG CHUB SEMS DPA' CHOS LA RTON PA YIN GYI GANG ZAG LA RTON PA MA YIN NO, ,RNAM PAR 'PHRUL PA'I RGYAL PO, CHOS ZHES BYA BA DE NI CHOS KYI DBYINGS KYI TSIG BLA DVAGS SO, ,RNAM PAR 'PHRUL PA'I RGYAL PO, CHOS KYI DBYINGS ZHES BYA BA DE NI SKYE BA MED PA'I DBYINGS KYI TSIG BLA DVAGS SO, ,RNAM PAR 'PHRUL PA'I RGYAL PO, SKYE BA MED PA ZHES BYA BA DE NI 'BYUNG BA MED PA'I TSIG BLA DVAGS SO, ,RNAM PAR 'PHRUL PA'I RGYAL PO, 'BYUNG BA MED PA ZHES BYA BA DE NI BRJOD DU MED PA'I TSIG BLA DVAGS SO; ;DE CI'I PHYIR ZHE NA, TSIG GANG DANG, GANG GIS GANG DANG, GANG BRJOD PA'I CHOS DE DANG, DE TSIG DE LA YOD PA MA YIN LA, GANG YOD PA MA YIN PA DE BLA DVAGS YIN PA'I PHYIR TE, DE'I PHYIR TSIG BLA DVAGS ZHES BYA'O, ,CHOS THAMS CAD NI TSIG MED PA TSIG TU BRJOD PA MED PA'O, ,DE LANGS TSIG BRJOD PA MED PA'O, ,DE LA NGAS TSIG BRJOD PA GANG YIN PA DE NI TSIG MED PA STE, BRJOD PA MA SKYES SHING YANG DAG PA MA YIN PA'I PHYIR BRJOD PA MED PA'O, ,DE CI'I PHYIR ZHE NA, GANG BRJOD PA'I MTSAN

293b

NYID DE NI SANGS RGYAS KYI TSIG MA YIN TE, BRJOD DU MED PA NI SANGS RGYAS KYI TSIG YIN PA'I PHYIR RO, ,DE BAS NA SANGS RGYAS KYI TSIG CES BYA'O, ,GANG SANGS RGYAS KYI TSIG LA 'JUG PA DE NI TSIG MED PA LA 'JUG PA'O, ,GAL TE TSIG LA 'JUG NA SANGS RGYAS KYI TSIG LA 'JUG PA MA YIN NO, ,RNAM PAR 'PHRUL PA'I RGYAL PO, SANGS RGYAS KYI TSIG LA 'JUG PAR 'DOD PAS TSIG GANG GIS GANG ZAG CES BYA BA'AM, CHOS SHES PA STON PAR GYUR PA DE TSIG TU BLTA BAR MI BYA'O, ,DE CI'I PHYIR ZHE NA, GANG LA GNYIS YOD PA DE SANGS RGYAS KYI TSIG MA YIN PA'I PHYIR TE, SANGS RGYAS KYI TSIG NI GNYIS SU MED PA'O, ,GANG LA SGRA YOD PA DE NI SANGS RGYAS KYI TSIG MA YIN TE, SANGS RGYAS KYI TSIG NI SGRA MED PA'O; ;GANG LA BRJOD PA YOD PA DE NI SANGS RGYAS KYI TSIG MA YIN TE, SANGS RGYAS KYI TSIG NI BRJOD PA MED PA'O, ,RNAM PAR 'PHRUL PA'I RGYAL PO, DE LTA BAS NA BYANG CHUB SEMS DPA' GANG SANGS RGYAS KYI TSIG LA ZHUGS PA DE NI MNGON PAR SHES PA THOB PA ZHES BYA STE, DE LHA'I RNA BA DES SGRA THAMS CAD CHOS NYID DANG MTHUN PAR SANGS RGYAS KYI BYANG CHUB RTOG PAR BYED DO, ,RNAM PAR 'PHRUL PA'I RGYAL PO, 'DI LTA STE, LHA'I RNA BA 'DI NI BYANG CHUB SEMS DPA'I MNGON PAR SHES PA GNYIS PA'O,, ,,

294a

, ,'PHAGS PA RNAM PAR 'PHRUL PA'I RGYAL POS ZHUS PA, BAM PO GNYIS PA, RNAM PAR 'PHRUL PA'I RGYAL PO, GZHAN YANG, BYANG CHUB SEMS DPA' PHA ROL GYI SEMS SHES PA'I MNGON PAR SHES PA 'THOB CING SEMS KYIS SEMS CAN GZHAN DAG DANG, GANG ZAG GZHAN RNAMS KYI SEMS RAB TU SHES TE, 'KHOR GANG DANG, GANG DU CHOS 'CHAD DU 'GRO BAR DE DANG PO NYID DU SEMS CAN GANG GI BSAM PA JI LTA BU, SBYOR BA JI LTA BU, RGYU JI LTA BU, MTSAN NYID JI LTA BU YIN SNYAM DU 'KHOR GYI SEMS LA RNAM PAR LTA STE, BLTAS NAS KYANG DE BZHIN DU CHOS STON TO, ,DE RANG GI SEMS YONGS SU DAG PAS 'KHOR GYI SEMS YONGS SU DAG PA RJES SU 'JUG STE; RNAM PAR 'PHRUL PA'I RGYAL PO, 'DI LTA STE, DPER NA, ME LONG GI DKYIL 'KHOR YONGS SU DAG PA'I PHYIR ME LONG GI DKYIL 'KHOR YONGS SU DAG PA LA GZUGS SU SNANG BA JI LTA BU BSNYEN PA'I KHA DOG DANG, RTAGS DANG, DBYIBS JI LTA BU YIN PA DE LTA BU NYID KYI GZUGS BRNYAN LHAG CHAD MED PAR SNANG STE, ME LONG GI DKYIL 'KHOR NI RNAM PAR MI RTOG MI SEMS KYANG DE DAG SNANG NGO, ,RNAM PAR 'PHRUL PA'I RGYAL PO, DE BZHIN DU BYANG CHUB SEMS DPA' YANG RANG GI SEMS YONGS SU DAG

294b

PA DANG, CHOS KYI DBYINGS KYI DKYIL 'KHOR YONGS SU DAG PA'I PHYIR SEMS CAN RNAMS KYI SEMS KYI SPYOD PA JI LTA BUR 'BYUNG BA DE DAG THAMS CAD RAB TU SHES TE, BYANG CHUB SEMS DPA' RANG GI SEMS LA SGRIB PA'ANG MED, GZHAN GYI SEMS LA SGRIB PA'ANG MED DO, ,DE NA GAL TE 'KHOR 'DOD CHAGS LA SPYOD PA YIN NA'ANG DE'I SEMS RAB TU SHES SO, ,'DOD CHAGS DANG BRAL BA'I SEMS KYANG YANG DAG PAR MTHONG NGO, ,DE CI'I PHYIR ZHE NA, SEMS KYI RANG BZHIN CHAGS PA MED PA'I PHYIR RO, ,GAL TE 'KHOR ZHES SDANG LA SPYOD PA YIN NA'ANG DE'I SEMS RAB TU SHES SO, ,ZHE SDANG DANG BRAL BA'I SEMS KYANG YANG DAG PAR MTHONG NGO, ,DE CI'I PHYIR ZHE NA, SEMS KYI RANG BZHIN ZHE SDANG MA YIN PA'I PHYIR RO, ,GAL TE 'KHOR GTI MGU LA SPYOD PA YIN NA'ANG DE'I SEMS RAB TU SHES SO, ,GTI MUG DANG BRAL BA'I SEMS KYANG YANG DAG PAR MTHONG NGO, ,DE CI'I PHYIR ZHE NA, SEMS KYI RANG BZHIN NI GTI MUG MA YIN PA'I PHYIR RO, ,GAL TE 'KHOR NYAN THOS KYI THEG PA LA MOS PA YIN NA'ANG SPYOD PA DE KHO NA BZHIN DU SHES TE, CHOS KYI DBYINGS CHUNG BAR YANG MI BYED DO, ,GAL TE 'KHOR RANG SANGS RGYAS KYI THEG PA LA MOS PA YIN NA'ANG SPYOD PA DE KHO NA BZHIN DU SHES TE, CHOS KYI DBYINGS 'BRING DU'ANG MI BYED DO, ,GAL TE

295a

, ,'KHOR THEG PA CHEN PO LA MOS PA YIN NA'ANG SPYOD PA DE KHO NA BZHIN DU SHES TE, CHOS KYI DBYINGS MCHOG TU'ANG MI BYED DO, ,DE SEMS CAN THAMS CAD KYI SEMS KYI KHAMS KYI SPYOD PA SHES PAS KYANG CHOS STON LA, SEMS KYI RANG BZHIN LA RNAM PAR RTOG PA'ANG MED DO, ,THEG PA THAMS CAD RNAM PAR 'JOG PAS KYANG CHOS STON LA CHOS KYI DBYINGS THA DAD PAR YANG MI BYED DO, ,CHOS KYI DBYINGS THA DAD PA MED PAS KYANG SEMS CAN THAMS CAD KYI SPYOD PA RAB TU SHES SO, ,DE SEMS KYIS SEMS LA RNAM PAR LTA LA SEMS KYIS SEMS LA SPYOD PAR MI BYED CING MI MTHUN PAR YANG MI BYED DO, ,SEMS CAN THAMS CAD KYI SEMS KYI DBYINGS DE DAG KYANG RAB TU SHES TE, CHOS KYI DBYINGS GANG YIN PA DE SEMS KYI DBYINGS YIN PAR RAB TU SHES SO, ,RNAM PAR 'PHRUL PA'I RGYAL PO, DE LTAR NA BYANG CHUB SEMS DPA'I PHA ROL GYI SEMS SHES PA'I MNGON PAR SHES PA THOB STE, MNGON PAR SHES PA DES LHA DANG BCAS PA'I 'JIG RTEN GYI KHAMS MNGON PAR SHES SO, ,RNAM PAR 'PHRUL PA'I RGYAL PO, ,GZHAN YANG BYANG CHUB SEMS DPA' SNGON GYI GNAS SHES PA MNGON SUM DU BYED PA'I MNGON PAR SHES PA 'THOB CING DE BRJOD PA MED LA, DBANG PO MNYAM PAR BZHAG PAS SNGON GYI

295b

GNAS RJES SU DRAN TE, DE BDAG DANG, GZHAN DAG GI SNGON GYI GNAS LA BSKAL PA GANGG'A'I KLUNG GI BYE MA SNYED NAS BRTZAMS NAS CHOS STON TO, ,CHE GE MO ZHIG NA BDAG MING 'DI ZHES BYA BAR GYUR, RIGS NI 'DI ZHES BYA, TSE'I TSAD NI 'DI TZAM ZHIG THUB, BDE BA DANG, SDUG BSNGAL NI 'DI LTA BU ZHIG MYONG ZHES BYA BA DANG, SEMS CAN GZHAN RNAMS KYI'ANG DE BZHIN DU RAB TU SHES SO, ,DE SEMS CAN RNAMS SNGON GYI DGE BA'I RTZA BA RGYU LAS BYUNG BA RAB TU SHES TE, SEMS CAN 'DI DAG NI RGYU'I STOBS CAN, 'DI DAG NI RKYEN GYI STOBS CAN; ;SEMS CAN 'DI DAG GI RGYU NI NYAN THOS KYI THEG PA, SEMS CAN 'DI DAG GI RGYU NI RANG SANGS RGYAS KYI THEG PA, SEMS CAN 'DI DAG GI RGYU NI THEG PA CHEN PO'O ZHES DE SEMS CAN RNAMS KYI SNGON GYI RGYU SHES NAS DE DAG LA DE BZHIN DU CHOS STON TO, ,DE SNGON GYI GNAS MNGON DU BYED PAS SNGON GYI SBYOR BA PHUN SUM TSOGS PA THOB PO, ,DE SANGS RGYAS RNAMS LA SNGON DGE BA'I RTZA BA JI SNYED PA BSKYED PA BYANG CHUB TU YONGS SU MA BSNGOS PA DE DAG RJES SU DRAN PAR BYAS NAS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,DE SNGON GYI GNAS KYANG RJES SU DRAN LA CHOS THAMS CAD SNGON GYI MTHAR 'PHO BA MED PAR YANG RAB TU SHES, GANG YANG SNGON GYI MTHA' NAS PHYI MA'I MTHAR 'GRO BA MED PAR

296a

, ,MTHONG, PHYI MA'I MTHA' NAS SNGON GYI MTHAR 'GRO BA MED PAR MTHONG NGO, ,CHOS THAMS CAD GANG DU'ANG 'GRO BA DANG, 'ONG BA MED PAR RAB TU SHES SO, ,DE SNGON GYI MTHAR RJES SU DRAN PA NA SNGON GYIS MTHAR LTA BAR MI 'GYUR, DE PHYI MA'I MTHA' RJES SU DRAN PA NA PHYI MA'I MTHAR LTA BAR MI 'GYUR TE, CHOS THAMS CAD MTHA' DANG, DBUS MED PAR YANG RAB TU SHES SO, ,DE SEMS CAN THAMS CAD KYI SNGON GYI GNAS KYANG RJES SU DRAN LA GZUGS SNGON GYI MTHAS DBEN PA NYID DU'ANG RAB TU SHES, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SNGON GYI MTHAS DBEN PA NYID DU'ANG RAB TU SHES TE, DE PHUNG PO LNGA CHAR SNGON GYI MTHAS DBEN PA NYID DANG, PHYI MA'I MTHAS DBEN PA NYID DANG, DA LTAR BYUNG BAS DBEN PA NYID DU RAB TU SHES SO, ,DE CHOS THAMS CAD SNGON GYI MTHAS STONG PA'I NGO BO NYID DANG, DA LTAR BYUNG BAS STONG PA'I NGO BO NYID DANG, PHYI MTHAS STONG PA'I NGO BO NYID DU RAB TU SHES SO, ,RNAM PAR 'PHRUL PA'I RGYAL PO, BYANG CHUB SEMS DPA' SNGON GYI GNAS RJES SU DRAN PA NI SNGON GYI DGE BA'I RTZA BA YONGS SU NYAMS PAR YANG MI 'GYUR LA, LAS MNGON PAR 'DU BYA BA SNGON BYAS PA'ANG YONGS SU ZAD PAR 'GYUR RO, ,DE CI'I PHYIR ZHE NA, DES CHOS THAMS CAD GSAR PA MA YIN PA DANG, RNYING PA MA YIN

296b

PAR SHES PA'I PHYIR RO, ,DES SHES PA DE LTA BU DANG LDAN PAS 'DU BYED DU GTOGS PA RNAMS RMI LAM LTA BUR MOS PAR BYED DE, 'DI LTA STE, DPER NA, RMI LAM NA SKYE BA DANG, 'CHI BA DANG, BDE BA DANG, SDUG BSNGAL RMI BA DE BZHIN DU 'DU BYED THAMS CAD LA MOS PAR BYED DO, ,DE DE LTAR MOS PAS 'KHOR BA LAS SKYO BAR MI 'GYUR LA, SEMS CAN THAMS CAD LA'ANG SNYING RJE BAR 'GYUR RO, ,CHOS THAMS CAD LA BCOS MAR 'DU SHES SU 'GYUR TE, DE 'DI SNYAM DU BDAG BSKAL PA STONG PHRAG 'DI SNYED GCIG TU 'KHOR BAR GYUR PA DE YANG DAG PAR MA YIN ZHING MED PA'O, ,'BYUNG BA CHEN PO RNAMS NI MED PAS GANG NAS 'BYUNG BA CHEN PO RNAMS MI SRID PA'I SEMS CAN THAMS CAD KYI 'KHOR PA'ANG DE BZHIN TE, YANG DAG PAR MA YIN ZHING MED PA'O SNYAM DU MI SEMS SO, ,RNAM PAR 'PHRUL PA'I RGYAL PO, BYANG CHUB SEMS DPA' DE SNGON GYI GNAS RJES SU DRAN PA DE 'BYUNG BA RNAMS DANG, 'DU BYED RNAMS MI RTAG PA NYID DU MTHONG STE, DE CI'I PHYIR ZHE NA, DE NI 'KHOR LOS BSGYUR BA'I BDE BA RJES SU DRAN PA DE'ANG MI RTAG PA DANG, 'GYUR PA'I CHOS CAN YIN, BRGYA BYIN GYI BDE BA RJES SU DRAN LA DE'ANG MI RTAG PA DANG, 'GYUR BA'I CHOS CAN YIN, TSANGS PA'I BDE BA RJES SU DRAN LA DE'ANG MI RTAG PA DANG, 'GYUR BA'I

297a

, ,CHOS CAN YIN NO, ,SNGON GYI SANGS RGYAS BCOM LDAN 'DAS RNAMS KYI ZHING GI YON TAN BKOD PA DANG, NYAN THOS KYI YON TAN BKOD PA DANG, BYANG CHUB SEMS DPA'I YON TAN BKOD PA NYE BAR SPYOD PA DANG, YONGS SU SPYOD PA RJES SU DRAN ZHING SANGS RGYAS BCOM LDAN 'DAS DE DAG GI GZUGS KYI SKU PHUN SUM TSOGS PA DANG, CHOS KYI 'KHOR LO BSKOR BA PHUN SUM TSOGS PA'ANG RJES SU DRAN NO, ,DE DE LTAR RJES SU DRAN PA NI 'DUS BYAS KYI DNGOS PO THAMS CAD DANG, YONGS SU 'DZIN PA THAMS CAD LA MI LTA BA'I 'DU SHES PA YIN NO, ,DE CI'I PHYIR ZHE NA, 'DI LTAR DE 'DI SNYAM DU SANGS RGYAS KYI ZHING RGYA CHEN PO DANG, SANGS RGYAS KYI GZUGS KYI SKU DE DAG KYANG ZAD PA'I CHOS NYID KYI ZAD PA YIN TE, DE BAS NA BDAG GI YONGS SU GZUNG BA 'DI'ANG MI RTAG GO SNYAM DU SEMS SHING, DE BDAG GI YONGS SU GZUNG BA MI RTAG PA NYID LA'ANG STON, 'GYUR BA LA'ANG STON TO, ,DE 'DI SNYAM DU'ANG SEMS TE, AE MA'O, 'DU BYED THAMS CAD SHIN TU MI RTAG NA SEMS CAN RNAMS RTAG PAR 'DU SHES SO SNYAM DU DE SEMS CAN RNAMS LA SNYING RJE CHEN PO SKYE ZHING DNGOS PO THAMS CAD LA MI LTA BAR 'GYUR RO, ,RNAM PAR 'PHRUL PA'I RGYAL PO, 'DI NI BYANG CHUB SEMS

297b

DPA'I MNGON PAR SHES PA'I RNAM PAR 'PHRUL PA BZHIN PA STE, DNGOS PO THAMS CAD MI RTAG PAR YANG RTOGS LA, SEMS CAN YONGS SU SMIN PAR BYA BA'I PHYIR SRID PA RNAMS SU BSAM BZHIN DU SKYE BA DANG, YONGS SU 'DZIN PA MED PAR BYA BA'I PHYIR YONGS SU GZUNG BA YONGS SU 'DZIN CING, SEMS CAN RNAMS YONGS SU SMIN PAR BYA BA NYID KYI PHYIR NYE BAR LEN PA MED PAR NYE BAR LEN TO, ,RNAM PAR 'PHRUL PA'I RGYAL PO, DE LA BYANG CHUB SEMS DPA' RNAMS KYI RDZU 'PHRUL GYI RNAM PAR 'PHRUL PA GANG ZHE NA, RNAM PAR 'PHRUL PA'I RGYAL PO, 'DI LA BYANG CHUB SEMS DPA' 'DUN PA DANG, BRTZON 'GRUS DANG, SEMS DANG, DPYOD PA LAS SEMS LA DBANG PO'I RNAM PA MNGON PAR BSGRUB PA'I RDZU 'PHRUL GYI RKANG PA 'THOB STE, DE SHIN TU CHER MNGON PAR 'DUS BYAS PA MED PAR RDZU 'PHRUL MNGON DU 'THOB BO, ,DE 'DOD NA SEMS BSKYED PA GCIG GIS 'JIG RTEN GYI KHAMS GANGG'A'I KLUNG GI BYE MA SNYED DAG TU 'GRO ZHING DER SONG BA'ANG SHES LA 'DI NAS KYANG MI G-YO'O, ,DE NA CHOS STON PAR YANG SNANG LA 'DI NA GTAM BRJOD PA'I RGYUN YANG MI 'CHAD DO, ,RNAM PAR 'PHRUL PA'I RGYAL PO, 'DI NI BYANG CHUB SEMS DPA'I RDZU 'PHRUL GYI RNAM PAR 'PHRUL PA STE, RNAM PAR 'PHRUL PA DES RDZU 'PHRUL GYI CHO 'PHRUL GYIS GDUL BA'I SEMS

298a

, ,CAN RNAMS GDUL BAR BYED DE, LHA'ANG RUNG, MI'ANG RUNG, SEMS CAN GANG DAG RTAG PAR 'DU SHES PA DE DAG LA SREG PA'I BSKAL PA NYE BAR STON TE, DE NA STONG GSUM GYI 'JIG RTEN GYI KHAMS TSIG PAR DE DAG GIS MTHONG LA 'JIG RTEN GYI KHAMS DE ZHIG PAR YANG MI 'GYUR RO, ,SEMS CAN GANG DAG LHAG PA'I NGA RGYAL CAN DE DAG LA NI GNOD SBYIN LAG NA RDO RJE'I GZUGS SU NYE BAR STON TE, DE RDO RJE 'BAR BA KUN TU RAB TU MCHED CING 'BAR BA RAB TU 'JIGS PAR BYED PAS DE DAG 'JIGS PAR BYAS NAS DE DAG NGA RGYAL MED PAR GYUR TE, DE LA PHYAG 'TSAL LO, ,GANG DAG 'KHOR LOS BSGYUR BA'I KHA DOG LA MOS PA DE DAG LA NI 'KHOR LOS BSGYUR BA'I KHA DOG DANG, GZUGS KYIS CHOS STON, ,GANG DAG BRGYA BYIN GYI KHA DOG LA MOS PA DE DAG LA NI BRGYA BYIN GYI KHA DOG DANG, GZUGS KYIS CHOS STON, GANG DAG BDUD KYI KHA DOG LA MOS PA DE DAG LA NI BDUD KYI KHA DOG DANG, GZUGS KYIS CHOS STON, SEMS CAN GANG DAG TSANGS PA'I KHA DOG LA MOS PA DE DAG LA NI TSANGS PA'I KHA DOG DANG, GZUGS KYIS CHOS STON, GANG DAG NYAN THOS DANG, SANGS RGYAS KYI KHA DOG LA MOS PA DE DAG LA NI, DE LTA BU'I KHA DOG DANG, GZUGS NYID KYIS CHOS STON, SEMS CAN GANG DAG SANGS RGYAS KYI KHA

298b

DOG LA MOS PA DE DAG LA NI SANGS RGYAS KYI KHA DOG DANG, GZUGS KYIS CHOS STON TO, ,DE SEMS CAN KHA CIG LA NI NAM MKHA' LA SKYIL MO KRUNG DU 'DUG NAS, 'OD RNAMS LAS 'OD ZER PHYUNG STE CHOS STON TO, ,DE SEMS CAN RGYA CHEN PO LA MOS PA RNAMS LA NI STONG GSUM GYI STONG CHEN PO'I 'JIG RTEN GYI KHAMS THAMS CAD BLA BRE BRES PA, DAR GYI CHUN KOR GYI PHRENG BA DPYANGS, GDUGS DANG, RGYAL MTSAN DANG, BA DAN GYIS BRGYAN, DRIL BU'I DRA BA SKYED, ME TOG SNA TSOGS BKRAM, BDUG PAS BDUG ,SIL SNYAN 'BUM PHRAG DU MA GSIL PA BSTAN NAS CHOS STON, SEMS CAN KHA CIG LA NI STONG GSUM GYI 'JIG RTEN GYI KHAMS THAMS CAD RGYA MTSO GCIG TU BYIN GYIS BRLABS TE, ME TOG AUTPAL DANG, KU MU DA DANG, PADMA DKAR POS KHEBS PAR BYAS NAS DE'I DBUS SU SENG GE'I KHRI MNGON PAR SPRUL TE, DE LA BDAG 'DUG NAS CHOS STON, SEMS CAN KHA CIG LA NI RI RAB KYI RTZE MO LA BDAG 'DUG PAR BSTAN NAS TSANGS PA'I SGRAR SMRA BA'I DBYANGS KYIS CHOS STON, SEMS CAN KHA CIG LA NI LUS MI SNANG BAR SGRA SNYAN PAR GRAGS PA'I RNAM PAR RIG BYED KYIS CHOS STON; SEMS CAN KHA CIG LA NI DRI ZA'I GZUGS KYIS GLU DANG, ROL MO'I DBYANGS SGRA DGA' BA'I SBYOR BAR CHOS STON, SEMS CAN KHA CIG LA NI KLU'I DKYIL 'KHOR GYIS SBYOR

299a

, ,BAS SPRIN DANG, 'BRUG SGRA DANG, GLOG DANG, CHAR GYI RGYUN 'BAB PA BSTAN NAS CHOS STON, BKRES PA DANG, SKOM PAS NYEN PA KHA CIG LA NI LHA'I BZA' BA DANG, BTUNG BA BYIN NAS BDE BAR GYUR PA LA CHOS STON, SEMS CAN DMYAL BA PA'I SEMS CAN GANG DAG SDUG BSNGAL GYIS SHIN TU GZIR BA DE DAG LA NI RDZU 'PHRUL GYIS MTHUS SEMS CAN DMYAL BA'I ME ZHI BAR BYAS NAS SPU'I BU GA THAMS CAD DU GZI BYIN BCUG STE, BDE BA THOB PAR GYUR PA RNAMS LA CHOS STON, SEMS CAN LONG BA RNAMS LA NI RDZU 'PHRUL GYIS MTHUS MIG BYIN TE, MIG DANG LDAN PAR GYUR PA LA CHOS STON, SEMS CAN GANG DAG RNA BA DANG BRAL ZHING 'ON PAR GYUR PA DE DAG LA NI RDZU 'PHRUL GYI MTHUS RNA BA DANG LDAN PAR BYAS TE DE DAG LA CHOS STON, SEMS CAN GANG DAG NAD SNA TSOGS KYIS GZIR BA DE DAG LA NI NAD MED PAR BYAS NAS NAD DANG BRAL BA RNAMS LA CHOS STON, SEMS CAN GANG DAG GSOD DU KHRID CING SROG GI BAR CHAD DU GYUR PA DE DAG GI PHYIR NI RDZU 'PHRUL GYIS MTHUS DE DANG 'DRA BA GZHAN DAG SPRUL TE BSAMS NAS DE DAG THAR BAR BYAS TE SROG GI DBUGS PHYIN PAR GYUR PA RNAMS LA CHOS STON, SEMS CAN YAN LAG DANG, NYID LAG NYAMS SHING DBANG PO DANG BRAL LA MI

299b

SDUG PA, MI 'JIGS PA MED PA, SEMS RANG GI LUS LA ZHUM PA DE DAG LA RDZU 'PHRUL GYI MTHUS YAN LAG DANG, NYID LAG THAMS CAD DANG LDAN PAR BYAS PA'I 'OG TU GZUGS BZANG PO CAN LA CHOS STON, SEMS CAN MNGAL GYI GNAS NA 'KHOD PA BLUN ZHING MI GTZANG BA'I SNYING POS 'TSO BA DAG KYANG RDZU 'PHRUL GYIS MTHUS BTUL TE, MNGAL NYID DU RIN PO CHE BKOD PA'I KHANG PA BRTZEGS PAR 'DUG NAS DE DAG GI YID KYI BLO BSKYED DE DE DAG LA CHOS STON, BTZAS TE DBANG PO YONGS SU MA SMIN PA RNAMS KYANG RDZU 'PHRUL GYIS MTHUS NGAG GI LAS KYI RNAM PAR RIG BYED KYIS BYIS PA RNAMS LA CHOS STON TO, ,RNAM PAR 'PHRUL PA'I RGYAL PO, BYANG CHUB SEMS DPA' 'DI RDZU 'PHRUL DE LTA BU DANG LDAN PAS CHO 'PHRUL BSAM GYIS MI KHYAB PA DANG LDAN PA GZHAN DAG GIS KYANG CHOS STON TE, DE ZLA BA DANG, NYI MA LA MOS PA'I SEMS CAN RNAMS GDUL BA'I PHYIR ZLA BA DANG, NYI MA'I GZHAL MED KHANG RNAMS NA ZLA BA DANG, NYI MA LTAR SNANG ZHING RDZU 'PHRUL GYI MTHUS KYANG ZLA BA DANG, NYI MA'I DKYIL 'KHOR DANG, STONG GSUM GYI STENG CHEN PO'I 'JIG RTEN GYI KHAMS LAG MTHIL DU BZHAG STE 'JIG RTEN GYI KHAMS MTHA' YAS PAR 'GRO'O, ,DE 'GRO BA'ANG SNANG LA GZHI NAS G-YOS PA'ANG MED DO, ,DE 'DOD NA SANGS RGYAS KYI ZHING GANGG'A'I KLUNG GI BYE MA SNYED

300a

, ,DAG SPU'I DRA BA GCIG TU BCUG NAS TSANGS PA'I 'JIG RTEN DU 'DUG CING 'JIG RTEN GYI KHAMS MTHA' YAS PAR 'PHEN KYANG SEMS CAN GANG LA'ANG GNOD PAR MI 'GYUR LA, SLAR YANG GNAS JI LTA BA NYID DU 'JOG KYANG SEMS CAN RNAMS KYIS BDAG CAG KHYER PA'AM, SLAR BLANGS PAR MA SHES SO, ,KHA'I DBUGS GCIG GIS KYANG SREG PA'I BSKAL PA GANGG'A'I KLUNG GI BYE MA SNYED DAG ZHI BAR BYED DO, ,SKYIL MO KRUNG GCIG TU 'DUG PAS KYANG SANGS RGYAS KYI ZHING GANGG'A'I KLUNG GI BYE MA SNYED DAG TU 'GRO'O, ,LAG PA GNYIS KYIS NYI MA DANG, ZLA BA BSGRIBS TE, SANGS RGYAS KYI ZHING DE DAG KYANG SNANG BAR BYAS NAS CHOS STON TO, ,RNAM PAR 'PHRUL PA'I RGYAL PO, BYANG CHUB SEMS DPA' DE GAL TE DE BZHIN GSHEGS PA'I SPYAN SNGAR 'DUG PAR GYUR LA, DE 'DOD NA DE BZHIN GSHEGS PA LA MCHOD PA'I LAS BYA BA'I PHYIR ME TOG GI PHUR MA RI RAB LTA BU DAG DE BZHIN GSHEGS PA'I SKU LA 'THOR ZHING ME TOG GI PHUR MA DE DAG GTOR MA THAG TU DE BZHIN GSHEGS PA'I SKU'I NANG NA SNANG NGO; ;STONG GSUM GYI STONG CHEN PO'I 'JIG RTEN GYI KHAMS 'DI NA SHING NGAM, RTZA GANG DAG YOD PA DE DAG THAMS CAD DE BZHIN GSHEGS PA LA MCHED PA'I LAS BYA BA'I PHYIR

300b

PHYIR MAR ME DANG, YON CHAB TU BYIN GYIS RLOB STE, DE DAG KYANG 'BAR ZHING MAR ME DANG, YON CHAB KYI CHAR 'BAB PAR SNANG NGO, ,SEMS CAN THAMS CAD KYI MDUN NA'ANG BDAG GI LUS NYE BAR STON TE, BRGYA BYIN TU STON PA'AM, TSANGS PAR STON PA'AM, NYAN THOS SU STON PA'AM, RANG SANGS RGYAS SU STON PA'AM, SANGS RGYAS SU STON PA JI LTAR MOS PA'I GZUGS SU STON TO, ,RNAM PAR 'PHRUL PA'I RGYAL PO, DE NI BYANG CHUB SEMS DPA' RNAMS KYI MNGON PAR SHES PA'I RNAM PAR 'PHRUL BA STE, 'DI LTA STE, LHA'I MIG GZUGS LTA BA LA THOGS PA MED PA DANG, LHA'I RNA BA SGRA NYAN PA LA SGRIB PA MED PA DANG, SEMS CAN THAMS CAD KYI SEMS KYI SPYOD PA SHES PA LA THOGS PA MED PA'I SHES PA NYID DANG, BSKAL PA GRANGS MED PA RJES SU DRAN ZHING BSKAL PA GRANGS MED PAR GNAS PA LA THOGS PA MED PA, SGRIB PA MED PA DANG, THAMS CAD NYE BAR STON CING LEN PA MED PA DANG, DOR BA MED PAR BYED PA 'DI NI MNGON PAR SHES PA'I RNAM PAR 'PHRUL PA ZHES BYA STE, RNAM PAR 'PHRUL PA'I RGYAL PO, SANGS RGYAS THAMS CAD BSTAN PAR BYA BA'I PHYIR MNGON PAR SHES PA GANG YIN PA DANG; SEMS CAN THAMS CAD KYI DBANG PO MCHOG DANG, MCHOG MA YIN PA SHES PA'I MNGON PAR SHES PA GANG YIN PA DANG, NYAN THOS KYI THEG PAS 'DUL BA'I MNGON PAR SHES

301a

, ,PA GANG YIN PA DANG, RANG SANGS RGYAS KYI THEG PAS 'DUL BA'I MNGON PAR SHES PA GANG YIN PA DANG, THEG PA CHEN POS 'DUL BA'I MNGON PAR SHES PA GANG YIN PA DANG, 'CHI 'PHO BA DANG, SKYE BA DAG SHES PA'I MNGON PAR SHES PA GANG YIN PA DANG, SEMS CAN YONGS SU SMIN PAR BYA BA SHES PA'I MNGON PAR SHES PA GANG YIN PA DANG, MNGON PAR 'BYUNG BA YANG DAG PAR SHES PA SPYOD PA DAG MNGON PAR SHES PA GANG YIN PA DANG, THABS MKHAS PA MNGON PAR SHES PA GANG YIN PA DANG, SBYIN PA YONGS SU BSNGO BA'I MNGON PAR SHES PA GANG YIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG , SHES RAB YONGS SU BSNGO BA DANG, BDUD TSAR GCOD PA DANG, DGE BA'I RTZA BA LA SBYOR BA MNGON PAR SHES PA GANG YIN PA DE NI MNGON PAR SHES PA ZHES BYA'O, ,RNAM PAR 'PHRUL BA'I RGYAL PO, GZHAN YANG, BYANG CHUB SEMS DPA' MNGON PAR SHES PA THOB PA NI GZUGS DANG, KHA DOG DANG, GZI BRJID DANG, SNYAN PA DANG, GRAGS PA DANG, STOBS DANG; RIGS DANG, RUS DANG, NOR DANG, G-YOG 'KHOR RNAMS KYIS MNGON PAR SHES PAR 'GYUR TE, DE'I PHYIR MNGON PAR SHES PA ZHES BYA'O, ,RNAM PAR 'PHRUL PA'I

301b

RGYAL PO, GZHAN YANG, MNGON PAR SHES PA THOB PA'I BYANG CHUB SEMS DPA'I LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' SDING DANG, MI'AM CI DANG, LTO 'PHYE CHEN PO DANG, MI DANG MI MA YIN PA RNAMS DANG, BRGYA BYIN DANG, TSANGS PA DANG, 'JIG RTEN SKYONG BA RNAMS DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS MNGON PAR SHES PAR 'GYUR TE, DE BAS NA MNGON PAR SHES PA ZHES BYA'O, ,RNAM PAR 'PHRUL PA'I RGYAL PO, DE NI MNGON PAR SHES PA ZHES BYA STE, MNGON PAR SHES PA DES BYANG CHUB SEMS DPA' SNGON DAM BCAS PA LAS KYANG MI 'GYUR LA BYA BA THAMS CAD KYANG STON TO, ,RNAM PAR 'PHRUL PA'I RGYAL PO; DE LA SHES PA'I RNAM PAR 'PHRUL PA GANG ZHE NA, 'DI LTA STE, PHUNG PO SHES PA DANG, KHAMS SHES PA DANG, SKYE MCHED SHES PA DANG, RTEN CING 'BREL BAR 'BYUNG BAR SHES PA DANG, BDEN PA SHES PA'O; ;RNAM PAR 'PHRUL PA'I RGYAL PO, DE LA PHUNG PO SHES PA GANG ZHE NA, GZUGS STONG PA DANG, GZUGS KYI SNGON GYI MTHA' DANG, GZUGS KYI PHYI MA'I MTHA' DANG, GZUGS KYI DBUS STONG PA DANG, RNAM PAR 'PHRUL PA'I RGYAL PO, DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA STONG PA DANG, RNAM PAR SHES PA'I

302a

, ,SNGON GYI MTHA' STONG PA DANG, RNAM PAR SHES PA'I PHYI MA'I MTHA' STONG PA DANG, RNAM PAR SHES PA'I DBUS STONG PA YIN TE, NYE BAR LEN PA'I PHUNG PO LNGA PO DE DAG STONG ZHING SHIN TU STONG PAR SHES PA DE NI PHUNG PO SHES PA ZHES BYA'O, ,RNAM PAR 'PHRUL PA'I RGYAL PO, DE LA KHAMS SHES PA GANG ZHE NA, SA'I KHAMS CHOS KYI DBYINGS, CHU'I KHAMS CHOS KYI DBYINGS, ME'I KHAMS CHOS KYI DBYINGS, RLUNG GI KHAMS CHOS KYI DBYINGS TE, DE CI'I PHYIR ZHE NA, KHAMS BZHI PO DE DAG THAMS CAD CHOS KYI DBYINGS SU KHAMS GCIG STE, 'DI LTA STE, NAM MKHA'I KHAMS YIN LA, NAM MKHA'I KHAMS DANG, CHOS KYI DBYINGS DE NI DBYINGS MA YIN TE, DE NI SA'I KHAMS MA YIN, CHU'I KHAMS MA YIN, ME'I KHAMS MA YIN, RLUNG GI KHAMS MA YIN PA'I PHYIR RO, ,DE CI'I PHYIR ZHE NA, 'GYUR BA MED PA'I DBYINGS NI CHOS KYI DBYINGS, GNYIS SU MED PA'I DBYINGS NI CHOS KYI DBYINGS, SKYE BA MED PA'I DBYINGS NI CHOS KYI DBYINGS, KUN NAS NYON MONGS PA MED PA'I DBYINGS NI CHOS KYI DBYINGS, SHIN TU RNAM PAR DAG PA'I DBYINGS NI CHOS KYI DBYINGS YIN PA'I PHYIR TE, CHOS KYI DBYINGS CI 'DRA BA BDAG GI DBYINGS KYANG DE BZHIN, SEMS CAN GYI DBYINGS KYANG DE BZHIN, SROG GI DBYINGS KYANG DE BZHIN, GANG

302b

ZAG GI DBYINGS KYANG DE BZHIN, 'KHOR BA'I DBYINGS KYANG DE BZHIN, MYA NGAN LAS 'DAS PA'I DBYINGS KYANG DE BZHIN, MYA NGAN LAS 'DAS PA'I DBYINGS JI LTA BA DE BZHIN DU 'DOD PA'I KHAMS KYANG DE'I KHAMS, GZUGS KYI KHAMS KYANG DE'I KHAMS, GZUGS MED PA'I KHAMS KYANG DE'I KHAMS, 'DUS BYAS KYI KHAMS KYANG DE'I KHAMS, 'DUS MA BYAS KYI KHAMS KYANG DE'I KHAMS TE, DE BAS NA MYA NGAN LAS 'DAS PA'I DBYINGS ZHES BYA'O, ,RNAM PAR 'PHRUL PA'I RGYAL PO, GZUGS KYI KHAMS RNAMS LA DE LTAR GZHAN GYI DRING LA MI 'JOG PAR SHES PA GANG YIN PA DE NI KHAMS ZHES BYA'O, ,RNAM PAR 'PHRUL PA'I RGYAL PO, DE LA SKYE MCHED SHES PA GANG ZHE NA, MIG NI RANG BZHIN LAS MA SKYES SHING MA BYUNG BA STE, DE LA BYED PA PO GANG YANG MED DO, ,RNAM PAR 'PHRUL PA'I RGYAL PO, DE BZHIN DU RNA BA DANG, SNA DANG, LCE DANG, LUS DANG, YID KYANG RANG BZHIN LAS MA SKYES SHING MA BYUNG BA STE, DE LA BYED PA PO GANG YANG MED DO, ,RNAM PAR 'PHRUL PA'I RGYAL PO, MIG NI BDAG PO MED PA STE, DE LA LTA BA PO GANG YANG MED DO, ,RNA BA NI BDAG PO MED PA STE, DE LA NYAN PA PO GANG YANG MED DO, ,SNA NI BDAG PO MED PA STE, DE LA SNOM PA PO GANG YANG MED DO, ,LCE NI BDAG PO MED PA STE, DE LA MYONG BA PO GANG YANG MED DO, ,LUS NI BDAG PO MED PA STE, DE LA

303a

, ,REG PA PO GANG YANG MED DO, ,YID NI BDAG PO MED PA STE, DE LA SHES PA PO GANG YANG MED DO, ,RNAM PAR 'PHRUL PA'I RGYAL PO, MIG GI RANG BZHIN GZUGS MI MTHONG, RNA BA'I RANG BZHIN SGRA MI NYAN, SNA'I RANG BZHIN DRI MI SNOM, LCE'I RANG BZHIN RO MYONG BAR MI BYED, LUS KYI RANG BZHIN REG BYA LA REG PAR MI BYED, YID KYI RANG BZHIN CHOS SHES PAR MI BYED DO, ,DE CI'I PHYIR ZHE NA, MIG NI PHYED PA PO MED PA STE, RTZVA DANG, SHING DANG, RTZIG PA DANG, GYO MO LTA BU YIN PA DANG, DE BZHIN DU RNAB DANG; SNA DANG, LCE DANG, LUS DANG, YID NI BYED PA MED PA STE, RTZVA DANG, SHING DANG, RTZIG PA DANG, GYO MO LTA BU YIN PA'I PHYIR RO, ,RNAM PAR 'PHRUL PA'I RGYAL PO, MIG NI CHAGS PA'ANG MA YIN, CHAGS PA MED PA'ANG MA YIN NO, ,DE CI'I PHYIR ZHE NA, MIG NI RANG BZHIN GYIS CHAGS PA MED PA'I PHYIR RO, ,RNAM PAR 'PHRUL BA'I RGYAL PO, RNA BA DANG, SNA DANG, LCE DANG, LUS DANG, YID NI CHAGS PA'ANG MA YIN, CHAGS PA MED PA'ANG MA YIN NO, ,DE CI'I PHYIR ZHE NA, YID NI RANG BZHIN GYIS CHAGS PA MED PA'I PHYIR RO, , RNAM PAR 'PHRUL PA'I RGYAL PO, SKYE MCHED THAMS CAD LA GANG DE LTAR RAB TU SHES SHING SHES NAS KYANG CHAGS PA MED PA DE NI SKYE MCHED SHES PA ZHES BYA'O, ,GANG PHUNG PO

303b

DANG; KHAMS DANG, SKYE MCHED RNAMS LA DE LTAR SHES NAS SKYE BA MED PA DANG, 'BYUNG BA MED PA DANG, SHIN TU MYA NGAN LAS 'DA' BAR GYUR KYANG SKYE ZHING 'BYUNG LA PHUNG PO DANG, KHAMS DANG SKYE MCHED RNAMS KYANG YONGS SU 'DZIN CING PHUNG PO DANG, KHAMS DANG, SKYE MCHED RNAMS KYANG MI SPONG BA DE NI DE'I SHES PA'I RNAM PAR 'PHRUL BA'O, ,GANG PHUNG PO DANG, KHAMS DANG SKYE MCHED DAG GI MTSAN NYID GANG YIN PA DANG, NGO BO NYID GANG YIN PA DE DAG RAB TU SHES LA, DE RNAMS SPONG BAR MI BYED CING, KHAMS GSUM NA'ANG SNANG LA, NYON MONGS PA DANG YANG LHAN CIG MI GNAS SHING SKYE BA DANG, 'BYUNG BA DAG KYANG STON LA, SKYE BAR YANG MI 'GYUR, 'CHI 'PHO BAR YANG MI 'GYUR BA DE NI DE'I SHES PA'I RNAM PAR 'PHRUL PA'O, ,DE LA RTEN CING 'BREL BAR 'BYUNG BA SHES PA GANG ZHE NA, MA RIG PA GANG NI 'DU BYED RNAMS KYI RKYEN YIN MDO KYI MA RIG PA'ANG 'DI SNYAM DU BDAG NI 'DU BYED RNAMS SKYED DO, ,SNYAM DU MI SEMS, 'DU BYED RNAMS NI RNAM PAR SHES PA'I RKYEN YIN MDO KYI 'DU BYED RNAMS KYANG 'DI SNYAM DU BDAG CAG NI RNAM PAR SHES PA SKYED DO, ,SNYAM DU MI SEMS, RNAM PAR SHES PA NI MING DANG, GZUGS KYI RKYEN YIN MOD KYI, RNAM PAR SHES PA'ANG 'DI SNYAM DU BDAG NI MING DANG, GZUGS SKYED DO SNYAM DU MI SEMS, MING DANG, GZUGS NI SKYE MCHED

304a

, ,DRUG GI RKYEN YIN MOD KYI, MING DANG, GZUGS KYANG 'DI SNYAM DU BDAG NI SKYE MCHED DRUG SKYED DO SNYAM DU MI SEMS, SKYE MCHED DRUG NI REG PA'I RKYEN YIN MDO KYI, SKYE MCHED DRUG KYANG 'DI SNYAM DU BDAG NI REG PA SKYED DO SNYAM DU MI SEMS, REG PA NI TSOR BA'I RKYEN YIN MOD KYI REG PA'ANG 'DI SNYAM DU BDAG NI TSOR BA SKYED DO; ;SNYAM DU MI SEMS, TSOR BA NI SRED PA'I RKYEN YIN MOD KYI TSOR BA'ANG 'DI SNYAM DU BDAG NI SRED PA SKYED DO SNYAM DU MI SEMS, SRED PA NI LEN PA'I RKYEN YIN MOD KYI SRED PA'ANG 'DI SNYAM DU BDAG NI LEN PA SKYED DO SNYAM DU MI SEMS, LEN PA NI SRID PA'I RKYEN YIN MOD KYI LEN PA'ANG 'DI SNYAM DU BDAG NI SRID PA SKYED DO SNYAM DU MI SEMS, SRID PA NI SKYE BA'I RKYEN YIN MOD KYI SRID PA'ANG 'DI SNYAM DU BDAG NI SKYE BA SKYED DO SNYAM DU MI SEMS, SKYE BA NI RGA SHI'I RKYEN YIN MOD KYI SKYE BA'ANG 'DI SNYAM DU BDAG NI RGA SHI SKYED DO SNYAM DO MI SEMS TE, RNAM PAR 'PHRUL PA'I RGYAL PO, GANG GI TSE BYANG CHUB SEMS DPA' DE LTAR RTON CING 'BREL PAR 'BYUNG BA LA SO SOR RTOG PA NI, DE LAS CHAD PAR LTA BA'AM, RTAG PAR LTA BA'I LTA BA GNYIS LA GNAS PAR MI 'GYUR RO, ,DE 'DI SNYAM DU CHOS 'DI DAG THAMS CAD NI RGYU DANG, RKYEN LA RAG LAS PA'O SNYAM DU SEMS

304b

SHING; DE RGYU DANG, RKYEN DE DAG TSOL TE BTZAL NA'ANG MI RNYED DO, ,DE NAS RTEN CING 'BREL BAR 'BYUNG BA LA MNYAM PAR 'JUG GO, SHES PA JI LTA BU ZHIG 'JUG CE NA, RTEN CING 'BREL PAR 'BYUNG BA DANG, SKYE BA MED PAR MNYAM PA STE, STONG NYID GANG DANG MNYAM PA RTEN CING 'BREL PAR 'BYUNG BA'ANG DE DANG MNYAM, MTSAN MA MED PA GANG DANG MNYAM PA RTEN CING 'BREL PAR 'BYUNG BA DE 'ANG DE DANG MNYAM, SMON PA MED PA GANG DANG MNYAM PA RTEN CING 'BREL PAR 'BYUNG BA'ANG DE DAG MNYAM MO, ,MNYAM PA DE NYID GANG GIS DE BZHIN GSHEGS PAS CHOS THAMS CAD MNGON PAR RDZOGS PAR SANGS RGYAS PA DE RTEN CING 'BREL PAR 'BYUNG BA DANG MNYAM MO, ,RTEN CING 'BREL PAR 'BYUNG BA GANG MNYAM PA DE LA BDAG SKYE BA MED, SEMS CAN SKYE BA MED, SROG SKYE BA MED, GANG ZAG SKYE BA MED LA CHOS GANG YANG SKYE BA MED DE, DE BAS NA RTEN CING 'BREL PAR 'BYUNG BA ZHES BYA'O, ,RTEN CING 'BREL PAR 'BYUNG BA NI 'BYUNG BA MED PAR BLTA BAR BYA STE, GANG 'BYUNG BA MED PAR SHES PA DE NI RTEN CING 'BREL PAR 'BYUNG BA SHES PA YIN MOD KYI YANG MA RIG PA DANG, RIG PA DE GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,'DU BYED DANG, 'DU BYED MA YIN PA DE DAG GNYIS SU MED CING GNYIS SU DBYER MED DE, GANG DE SHES PA DE NI RTEN CING

305a

, ,'BREL PAR 'BYUNG BA SHES PA'O, ,RNAM PAR SHES PA DANG, RNAM PAR SHES PA MA YIN PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, MING DANG, GZUGS DANG, MING DANG, GZUGS MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG PA SHES PA'O, ,SKYE MCHED DRUG DANG, SKYE MCHED DRUG MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,REG PA DANG, REG PA MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,TSOR BA DANG TSOR BA MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,SRED PA DANG, SRED PA MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,LEN PA DANG, LEN PA MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL BAR 'BYUNG BA SHES PA'O, ,SRID PA DANG, NYID MTSAMS MI SBYOR BA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING

305b

'BREL BAR 'BYUNG BA SHES PA'O, ,SKYE BA DANG, SKYE BA MED PA DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL PAR 'BYUNG BA SHES PA'O, ,RGA SHI DANG, RMI LAM DE NI GNYIS SU MED CING GNYIS SU DBYER MED DE, GANG DE SHES PA DE NI RTEN CING 'BREL BAR 'BYUNG BA SHES PA'O, ,GANG DE RTEN PA DE NI MI GNAS PA'O, ,GANG RTEN PA DE NI SNYING PO MED PA, GANG RTEN PA DE NI MI RTAG PA, GANG RTEN PA DE NI STONG PA, GANG RTEN PA DE NI SONG BA MED PA, 'ONG BA MED PA, GANG RTEN PA DE NI MA BYUNG BA, GANG RTEN PA DE NI RIL BOR 'DZIN PA MED PA, GANG RTEN PA DE NI 'JUG PA MED PA STE, GANG DE SHES PA DE NI RTEN CING 'BREL PAR 'BYUNG BA SHES PA'O, ,GANG DE RTEN CING 'BREL PAR 'BYUNG BA MTHONG BA DE NI MA RIG PA MI MTHONG, 'DU BYED RNAMS MI MTHONG, RNAM PAR SHES PA MI MTHONG, MING DANG, GZUGS MI MTHONG, SKYE MCHED DRUG MI MTHONG, REG PA MI MTHONG, TSOR BA MI MTHONG, SRED PA MI MTHONG, LEN PA MI MTHONG, SRID PA MI MTHONG, SKYE BA MI MTHONG, RGA SHI MI MTHONG STE, DE LTAR GANG CHOS RNAMS LA TSUL BZHIN DU MTHONG BA DES RTEN CING 'BREL PAR 'BYUNG BA MTHONG NGO, ,GANG RTEN CING 'BREL BAR 'BYUNG BA MTHONG BA DES NI CHOS MTHONG NGO, ,CHOS GANG MTHONG ZHE NA, 'DOD CHAGS DANG BRAL BA'I CHOS MTHONG NGO, ,

306a

, ,CI'I PHYIR 'DOD CHAGS DANG BRAL BA ZHES BYA BA ZHE NA, 'DI LTAR, DE LAS CHOS THAMS CAD LA CHAGS PA'I LTA BA DANG BRAL BA DE'I PHYIR 'DOD CHAGS DANG BRAL BA'I CHOS MTHONG ZHES BYA'O, ,CI NAS KYANG LHAG PAR YANG MI BYED, BRI BAR YANG MI BYED PA DE LTAR MTHONG, CI NAS KYANG DE KHO NAS MI G-YO ZHING MI CHAGS PA DE LTAR MTHONG, CI NAS KYANG CHOS KYI DBYINGS THA DAD PAR MI 'GYUR BA DE LTAR MTHONG, CI NAS KYANG YANG DAG PA'I MTHA' SKYON MED PA DE LTAR MTHONG, CI NAS KYANG MTHONG BAS MTHONG BA'ANG MI MTHONG BA DE LTAR MTHONG, CI NAS KYANG SHA'I MIG GIS MTHONG BA'ANG MA YIN PA DANG, LHA'I MIG GIS MTHONG BA'ANG MA YIN PA DANG, SHES RAB KYI MIG GIS MTHONG BA MA YIN PA DE LTAR MTHONG NGO, ,DE CI'I PHYIR ZHE NA, SHA'I MIG NI BYED PA MED PA STE, BYED PA MED PA'I PHYIR MI MTHONG, LHA'I MIG NI MNGON PAR 'DUS BYAS PA YIN PAS DES 'DUS MA BYAS PA MTHONG BAR SLA BA MA YIN, SHES RAB KYI MIG NI RNAM PAR MI RTOG PA STE, RNAM PAR MI RTOG PAS MI MTHONG BAS PHYIR RO, ,RNAM PAR 'PHRUL BA'I RGYAL PO; BYANG CHUB SEMS DPA' GANG CHOS RNAMS LA DE LTAR MTHONG BA DES DE BZHIN GSHEGS PA MTHONG STE, GZUGS SU MTHONG BA MA YIN, TSOR BAR MA YIN, 'DU SHES

306b

SU MA YIN, 'DU BYED RNAMS SU MA YIN, RNAM PAR SHES PAR MTHONG BA MA YIN, MTSAN DANG, DPE BYAD BZANG POR MA YIN, CHOS KYI DBYINGS SU MA YIN, TSUL KHRIMS SU MTHONG BA MA YIN, TING NGE 'DZIN DU MA YIN, SHES RAB TU MA YIN, RNAM PAR GROL BAR MA YIN, RNAM PAR GROL BA'I YE SHES MTHONG BA MA YIN, 'DAS PAR YANG MA YIN, MA 'ONGS PAR YANG MA YIN, DA LTAR BYUNG BAR MTHONG BA MA YIN TE, GANG DE LTAR MTHONG BA DE NI DE BZHIN GSHEGS PA MTHONG BA'O, ,DE NAS BCOM LDAN 'DAS LA BYANG CHUB SEMS DPA' RNAM PAR 'PHRUL PA'I RGYAL POS 'DI SKAD CES GSOL TO, ,BCOM LDAN 'DAS, GANG CHOS RNAMS MTHONG BA DES DE BZHIN GSHEGS PA MTHONG BAR 'GYUR BA'I RNAM GRANGS MCHIS LAGS SAM, BCOM LDAN 'DAS KYIS BKA' STZAL PA, RNAM PAR 'PHRUL BA'I RGYAL PO, YOD DO, ,DE CI'I PHYIR ZHE NA, GZUGS NI ZAD PA'I MTSAN NYID, SKYE BA MED PA'I RANG BZHIN CAN TE, GANG GZUGS DE LTAR MTHONG BA DE NI DE BZHIN GSHEGS PA MTHONG BA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI ZAD PA'I MTSAN NYID, SKYE BA MED PA'I RANG BZHIN CAN TE, GANG RNAM PA RANG SHES PA DE LTAR MTHONG BA DE NI DE BZHIN GSHEGS PA MTHONG BA'O, ,TSUL KHRIMS NI MNGON PAR 'DU MI BYED

307a

, ,PA'I MTSAN NYID 'DUS MA BYAS PA STE, GANG TSUL KHRIMS DE LTAR MTHONG BA DE NI DE BZHIN GSHEGS PA MTHONG BA'O, ,TING NGE 'DZIN DE NI MNYAM PA MTHONG BA RNAM PAR DAG PA'O, ,DE LTAR NGAS DE BZHIN GSHEGS PA MAR ME MDZAD KYI TSE MTHONG BA RNAM PAR DAG GO ,DER NGAS RTEN CING 'BREL BAR 'BYUNG BA MTHONG BAS CHOS MTHONG, CHOS MTHONG BAS KYANG DE BZHIN GSHEGS PA MTHONG BAR GYUR TO, ,DE NAS BYANG CHUB SEMS DPA' RNAM PAR 'PHRUL BA'I RGYAL POS GSOL PA, BCOM LDAN 'DAS KYIS MAR ME MDZAD KYI PHA ROL TU DE BZHIN GSHEGS PA DAG GZIGS PA DE DAG JI LTAR GZIGS, BCOM LDAN 'DAS KYIS BKA' STZAL PA, GZUGS KYI MTSAN NYID YONGS SU RTOG PAR MTHONG BAS MTHONG GI CHOS KYI SKU GNYIS SU MED PAR MTHONG BAS NI MA YIN NO, ,RNAM PAR 'PHRUL PA'I RGYAL PO, KHYOD MOS PAR BYA'O, ,KHYOD KYIS KHONG DU CHUD PAR BYA'O, ,NGAS BYANG CHUB KYI SEMS BSKYED TSUN CHAD DE BZHIN GSHEGS PA MAR ME MDZAD MA GTOGS PAR NAM YANG DE BZHIN GSHEGS PA MA MTHONG NGO; ;DE CI'I PHYIR ZHE NA, GZUGS KYI MTSAN NYID MTHONG BAS DE BZHIN GSHEGS PA MTHONG BA RNAM PAR DAG PA MA YIN PA'I PHYIR RO, ,RNAM PAR 'PHRUL PA'I RGYAL PO,

307b

DE BAS NA DE BZHIN GSHEGS PA MTHONG BAR 'DOD PA'I JI LTAR NGAS CHOS NYID GCIG PA DANG, CHOS NYID GNYIS SU MED PAR MAR ME MDZAD MTHONG BA DE LTAR BLTA BAR BYA'O, , JI LTAR CHOS NYID GCIG PA YIN ZHE NA, NGA'I LUS JI LTAR BA MAR ME MDZAD KYI SKU'ANG DE BZHIN, MAR ME MDZAD KYI SKU JI LTA BA SEMS CAN THAMS CAD KYI LUS KYANG DE BZHIN TE, DE BAS NA LUS GCIG PA DANG, GNYIS SU MED PA DANG, GNYIS SU DBYER MED PA STE, 'DI LTA STE, MTSAN NYID MED PA'I PHYIR CHOS NYID GCIG PA SHES PAR BYA'I; RNAM PAR BRTAGS PAS SHES PAR MI BYA'O, ,RNAM PAR 'PHRUL PA'I RGYAL PO, 'DI NI RTEN CING 'BREL PAR 'BYUNG BA MTHONG BA ZHES BYA STE, RTEN CING 'BREL PAR 'BYUNG BA GYI [?] MTHONG BA'I CHOS MTHONG, CHOS MTHONG BAS KYANG SANGS RGYAS MTHONG NGO, ,GANG YANG SEMS BSKYED PA THAMS CAD LA 'GOG PA MNGON DU BYED KYANG YONGS SU MYA NGAN LAS MI 'DA' ZHING MI SKYE BA DANG DMIGS SU MED PA'I PHYIR THABS SHES PAS 'KHOR BA STON PA 'DI NI DE'I SHES PA'I RNAM PAR 'PHRUL BA'O, ,DE LA BDEN PA SHES PA GANG ZHE NA, BDEN PA MNGON PAR RTOGS PA GANG GIS NYAN THOS KYI RNAM PAR GROL BA LA RTEG PAR BYED CING, BDEN PAR MNGON PAR RTOGS PA DE NYID BYANG CHUB SEMS DPA' MNGON PAR RTOGS PAR BYAS NAS RNAM PAR

308a

, ,GROL BA LA'ANG REG PAR MI BYED PA DE NI DE'I SHES PA'I RNAM PAR 'PHRUL PA'O, ,BDEN PA MNGON PAR RTOGS PA GANG GIS RANG SANGS RGYAS KYI RNAM PAR GROL BA LA REG PAR BYED CING, BDEN PA MNGON PAR RTOGS PA DE NYID BYANG CHUB SEMS DPA' MNGON PAR RTOGS PAR BYAS NAS RNAM PAR GROL BA LA REG PAR YANG MI BYED PA 'DI NI DE'I SKYE BA MED PA'I RNAM PAR 'PHRUL PA YIN MOD KYI, BDEN PA SHES PA ZHES BYA BA NI GANG YANG DAG PAR MA YIN PA MED PA SDUG BSNGAL YONGS SU SHES PA'O, ,DE'I YONGS SU SHES PA GANG ZHE NA, PHYIN CI LOG TU SKYE BA'I PHYIR DE YOD PA MA YIN ZHING MED LA, DE LA DNGOS PO YOD PA MA YIN GYI, DNGOS PO MED PAR SHES PA STE, GANG GI TSE SDUG BSNGAL SKYE BA MED CING 'BYUNG BA MED PAR SHES PA DE NI SDUG BSNGAL YONGS SU SHES PA'O, ,DE LA KUN 'BYUNG BA YONGS SU SHES PA GANG ZHE NA, CHOS RNAMS JI LTAR KUN TU 'BYUNG BA DE BZHIN DU SPONG BA'O, ,JI LTAR KUN TU 'BYUNG ZHE NA, KUN TU 'BYUNG BA ZHES BYA BA NI KUN TU BYUNG BA MA THAG TU 'ONG BA MED PAR SPONG BA DANG, KUN TU 'BYUNG BA LA 'GRO BA MED PAR SPONG BA 'DI NI CHOS RNAMS KYI TSUL TE, 'DI LA SPONG BAR 'GYUR BA'I CHOS GANG YANG BYUNG BA MED DE, SRED PA BAG LA NYAL GANG GI SRID PA BYUNG

308b

BA'I SRED PA BAG LA NYAL DE SPANGS PA ZHES BYA'O, ,DE LA SDUG BSNGAL 'GOG PA GANG ZHE NA, GANG SDUG BSNGAL DANG, KUN 'BYUNG BA GNYIS SHIN TU 'GAG CING CHOS GANG YANG 'JIG PA MED PA DE NI 'GOG PA ZHES BYA'O, ,'GOG PA ZHES BYA BA'I GANG MTSAN MAR DMIGS PA THAMS CAD 'GOG PA STE, DE LTAR CHOS RNAMS KYI NGO BO NYID 'GAG PAS SKYE BAR YANG MI BYED, 'GOG PAR YANG MI BYED PA DE NI 'GOG PA ZHES BYA'O, ,DE LA LAM GANG ZHE NA, LAM GANG GIS CHOS THAMS CAD BTZAL NA DGE BA DANG, MI DGE BA DANG, ZAG PA DANG BCAS PA'AM, ZAG PA MED PA'AM, KHA NA MA THO BA DANG BCAS PA DANG, KHA NA MA THO BA MED PA'AM, 'DUS BYAS DANG, 'DUS MA BYAS SAM; 'JIG RTEN PA DANG, 'JIG RTEN LAS 'DAS PA DAG MI DMIGS PA DE NI LAM ZHES BYA'O, ,CHOS THAMS CAD THA DAD PA MED PA'I PHYIR LAM MNYAM PA NYID DO; ;NYON MONGS PA THAMS CAD KYI YONGS SU GDUNG BA MED PA'I PHYIR LAM RAB TU ZHI BA'O, ,NGAN 'GRO THAMS CAD DANG BRAL BA'I PHYIR LAM NYE BAR ZHI BA'O, ,ZAG PA THAMS CAD YONGS SU ZAD PA'I PHYIR LAM ZAG PA MED PA'O, ,LAM DE NI DMIGS PAR LTA BA THAMS CAD KYIS BGROD PAR BYA BA MA YIN PA'O, ,LAM DE NI RNAL 'BYOR SPYOD PA YANG DAG

309a

, ,PAR ZHUGS PA RNAMS KYIS RTOGS SLA BA'O, ,LAM DE NI SNGON GYI DE BZHIN GSHEGS PA RNAMS BZHUD CING RJES SU BZHUD PA'O, ,LAM DE NI MTSAN MAR RNAM PAR RTOG PA THAMS CAD SPANGS PA'I PHYIR MTSAN MA MED PA'O, ,LAM GANG GIS GNYIS DANG MTSAN MAR MI LTUNG BA DE NI LAM ZHES BYA STE, GANG GI TSE BYANG CHUB SEMS DPA' BDEN PA BZHI PO GANG DAG LA TSUL 'DIS RTOGS PA DE NI BDEN PA SHES PA ZHES BYA'O, ,BDEN PA BZHI PO 'DI RNAMS NYAN THOS KYI THEG PA BA RNAMS DANG, RANG SANGS RGYAS KYI THEG PA PA RNAMS STON LA; THEG PA DE DAG LA'ANG 'DOD PAR MI BYED PA DE NI BDEN PA SHES PA'I RNAM PAR 'PHRUL PA ZHES BYA'O, ,RNAM PAR 'PHRUL BA'I RGYAL PO, GZHAN YANG, SHES PA'I RNAM PAR 'PHRUL PA NI GANG NYAN THOS KYI THEG PA'ANG SHES LA, DE LA GNAS PAR SHES PA'ANG MA YIN PA DANG, RANG SANGS RGYAS KYI THEG PA'ANG SHES LA, DE LA GNAS PAR SHES PA'ANG MA YIN PA DANG, RANG SANGS RGYAS KYI THEG PA'ANG SHES LA, DE LA GNAS PAR SHES PA NI SHES PA'I RNAM PAR 'PHRUL PA ZHES BYA'O, ,GZHAN YANG, SHES PA'I RNAM PAR 'PHRUL PA NI GANG SHES PA GCIG GIS SEMS CAN THAMS CAD KYI SEMS SHES PA DANG, SEMS KYI NGO BO NYID GCIG GIS SEMS CAN GYI SEMS KYI NGO BO NYID SHES LA, SEMS DANG, SHES PA LA GNYIS SU'ANG MI 'JUG PA'O, ,GZHAN YANG, SHES

309b

PA'I RNAM PAR 'PHRUL PA NI GANG 'DAS PA LA SHES PA DANG, MTHONG BA THOGS PA MED LA, 'DAS PA LA MA 'ONGS PA'I SEMS 'PHO BA'ANG MED PA DANG, MA 'ONGS PA LA SHES PA DANG, MTHONG BA MED PA LA, MA 'ONGS PA LA 'DAS PA'I SEMS 'PHO BA MED PA DANG, DA LTAR BYUNG BA LA SHES PA DANG, MTHONG BA THOGS PA MED LA, 'DAS PA DANG, MA 'ONGS PA DANG, DA LTAR BYUNG BA LA'ANG SEMS SPROS PA MED PA'O, ,GZHAN YANG, SHES PA'I RNAM PAR 'PHRUL PA NI GANG ZAG PA'ANG SHES LA DGE BA'I RTZA BA MNGON PAR 'DU BYED PA LA YONGS SU MI ZAD PAR SHES PA DANG, SKYE BA MED PAR SHES LA BSDU BA'I DNGOS PO LA'ANG THABS SHES PA 'DI NI SHES PA'I RNAM PAR 'PHRUL PA'O, ,GZHAN YANG, SHES PA'I RNAM PAR 'PHRUL PA NI GANG SHIN TU YONGS SU MYA NGAN LAS 'DAS PA'I CHOS RNAMS LA GZHAN GYI DRING LA MI 'JOG PAR SHES SHING SHES PA'I STOBS DES KYANG, 'DI LTA STE, SEMS CAN THAMS CAD YONGS SU SMIN PAR BYA BA'I PHYIR YONGS SU MYA NGAN LAS 'DA' BA 'DI NI SHES PA'I RNAM PAR 'PHRUL PA ZHES BYA'O, ,RNAM PAR 'PHRUL PA'I RGYAL PO, DE LA BYANG CHUB SEMS DPA' SHES PA'I RNAM PAR 'PHRUL PAR BYED PAR 'DOD PAS YE SHES KYIS BYAS PA'I BYA BA RNAMS BYA YI, NGA RGYAL GYI BYAS PA RNAMS NI MI BYA'O, ,NGA RGYAL GYI LAS GANG ZHE NA, CI TZAM DU YID RGYU BA DE TZAM

310a

, ,DU NGA RGYAL GYI LAS SO, ,CI TZAM DU RNAM PAR SHES PA RGYU BA DE TZAM DU NGA RGYAL GYI LAS SO, ,CI RTZAM DU SEMS RGYU BA DE TZAM DU NGA RGYAL GYI LAS SO, ,CI TZAM DU DGE BA'I RTZA BA MNGON PAR 'DU BYED PA LA MNGON PAR ZHEN PA DE TZAM DU NGA RGYAL GYI LAS SO, ,CI TZAM DU LTA BAR LTUNG BA'I SBYIN PA DE TZAM DU NGA RGYAL GYI LAS SO, ,CI TZAM DU 'DU SHES SU LTUNG BA'I TSUL KHRIMS SU GYUR PA DE TZAM DU NGA RGYAL GYI LAS SO, ,JI TZAM DU BDAG DANG, GZHAN LA GNAS PA'I BZOD PAR GYUR PA DE TZAM DU NGA RGYAL GYIS LAS SO, , JI TZAM DU LUS DANG, SEMS LA DMIGS PA'I BRTZON 'GRUS SU GYUR PA DE TZAM DU NGA RGYAL GYI LAS SO, ,JI TZAM DU RTOG PA DANG, RNAM PAR RTOG PA DANG, YONGS SU RTOG PA'I BSAM GTAN DU GYUR PA DE TZAM DU NGA RGYAL GYI LAS SO, ,JI TZAM DU BDAG DANG, BDAG GIR BYED PAS BSKYED PA'I SHES RAB TU GYUR PA DE TZAM DU NGA RGYAL GYI LAS SO, ,BDAG NI BYANG CHUB SEMS DPA'O SNYAM PA DE NI NGA RGYAL GYI LAS SO, ,BDAG NI BYANG CHUB TU ZHUGS SO SNYAM PA DE NI NGA RGYAL GYI LAS SO, ,BDAG NI SANGS RGYAS DANG, CHOS DANG, DGE 'DUN GYI TSUL MI GCOD DO SNYAM PA DE NI NGA RGYAL GYI LAS SO, ,BDAG NI SEMS CAN GYI DON LA YANG DAG PAR ZHUGS SO SNYAM PA DE NI NGA RGYAL GYI LAS SO, ,BDAG GIS SEMS

310b

CAN MA BRGAL BA BSGRAL LO SNYAM PA DANG, MA GROL BA DGROL LO SNYAM PA DANG, DBUGS MA PHYIN PA DBUGS DBYUNG NGO SNYAM PA DANG, YONGS SU MYA NGAN LAS MA 'DAS PA YONGS SU MYA NGAN LAS 'DA'O SNYAM PA DE NI NGA RGYAL GYI LAS SO, ,BDAG NI SBYIN PA'I BDAG PO'O, ,BDAG NI TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG LDAN NO SNYAM PA DE NI NGA RGYAL GYI LAS SO, ,BDAG NI BYAMS PA DANG, SNYING RJE DANG, DGA' BA DANG, BTANG SNYOMS LA GNAS SO SNYAM PA DE NI NGA RGYAL GYI LAS SO, , BDAG NI 'DOD PA CHUNG BA, CHOG SHES PA, RAB TU DBEN PA LA DGA' BA'O SNYAM PA DE NI NGA RGYAL GYI LAS SO, ,BDAG NI SBYIN GNAS SMRA BA, BDAG NI DGON PA DANG, YO BYAD BSNYUNGS PA'O SNYAM DU RLOM SEMS SU BYED CING RNAM PAR RTOG PA DE NI NGA RGYAL GYI LAS SO, ,BDAG NI STONG PA NYID DANG, MTSAN MA MED PA DANG, SMON PA MED PA LA GNAS PA'O SNYAM PA DE NI NGA RGYAL GYI LAS SO, ,BDAG NI BDEN PAR SMRA BA'O, ,YANG DAG PAR SMRA BA'O, ,JI LTAR SMRAS PA DE LTAR BYED PA'O SNYAM PA DE NI NGA RGYAL GYI LAS SO, ,BDAG NI BDUD KYI LAS LAS YANG DAG PAR 'DAS LA, ,BDUD BZHI DANG, LTA BA THAMS CAD DANG BRAL ZHING SKYE BA MED PA LA BZOD PA NYAMS SU BLANG NGO SNYAM PA DE NI NGA RGYAL GYI LAS SO, ,BDAG GIS

311a

, ,BYANG CHUB RTOGS NAS CHOS KYI 'KHOR LO BSKOR TE, SEMS CAN RNAMS THAR BAR BYAS NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA'O SNYAM DU GANG RLOM SEMS SU BYED CING RNAM PAR RTOG PA DE DAG THAMS CAD NI NGA RGYAL GYI LAS TE, RNAM PAR 'PHRUL PA'I RGYAL PO, JI TZAM DU YID NYE BAR SPYOD PA DANG, SEMS MTHO BA DANG, DMA' BA DANG, RNAM PAR SHES PAR BTAGS PA DE TZAM DU NGA RGYAL GYI LAS SO, ,RNAM PAR 'PHRUL PA'I RGYAL PO, DE LA YE SHES KYI LAS GANG ZHE NA, GANG LA YID KYI NYE BAR SPYOD PA MED, SEMS KYI MED, RNAM PAR SHES PA'I MED PA DE NI YE SHES KYI LAS TE, DE YE SHES KYIS BYAS PA'I LAS RNAMS KYANG BYED DO, ,BYANG CHUB SEMS DPA'I LAS KYANG GANG ZHE NA, GANG BYANG CHUB SEMS DPAS BYA BA STE, BYANG CHUB SEMS DPA'I LAS NI RNAM PA GNYIS SO, ,GNYIS GANG ZHE NA, 'DI LTA STE, SEMS CAN THAMS CAD YONGS SU SMIN PAR BYA BA DANG, DAM PA'I CHOS YONGS SU GZUNG BA'O, ,DE BDAG JI LTAR SHES PA DE BZHIN DU SEMS CAN RNAMS YONGS SU SMIN PAR BYED DE, BDAG KYANG JI LTAR SHES SHE NA, BDAG NI GNAS MED PAR SHES TE GANG BDAG GNAS MED PAR SHES PA DE LA'ANG YID MED, RNAM PAR SHES PA MED, SEMS MED, DE DE LTAR SEMS

311b

CAN RNAMS YONGS SU SMIN PAR BYED DO, ,DAM PA'I CHOS KYANG JI LTAR YONGS SU 'DZIN CE NA, GANG CHOS THAMS CAD YONGS SU 'DZIN PA MED PA STE, 'DI NI DAM PA'I CHOS YONGS SU 'DZIN PA'O, ,GZUGS YONGS SU 'DZIN PA NI DAM PA'I CHOS YONGS SU 'DZIN PA MA YIN, TSOR BA DANG, 'DU SHES DANG, 'DU BYED DANG, RNAM PAR SHES PA YONGS SU 'DZIN PA NI DAM PA'I CHOS YONGS SU 'DZIN PA MA YIN, DE BZHIN DU KHAMS YONGS SU 'DZIN PA DANG, SKYE MCHED YONGS SU 'DZIN PA DANG, MING DANG, GZUGS YONGS SU 'DZIN PA NI DAM PA'I CHOS YONGS SU 'DZIN PA MA YIN, DGE BA DANG, MI DGE BA'I CHOS YONGS SU 'DZIN PA NI DAM PA'I CHOS YONGS SU 'DZIN PA MA YIN, KHA NA MA THO BA DANG BCAS PA DANG, KHA NA MA THO BA MED PA DANG, ZAG PA DANG BCAS PA DANG, ZAG PA MED PA DANG, 'JIG RTEN PA DANG, 'JIG RTEN LAS 'DAS PA'I CHOS YONGS SU 'DZIN PA NI DAM PA'I CHOS YONGS SU 'DZIN PA MA YIN, SBYIN PA'I MTSAN MA YONGS SU 'DZIN PA NI DAM PA'I CHOS YONGS SU 'DZIN PA MA YIN, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI MTSAN MA YONGS SU 'DZIN PA NI DAM PA'I CHOS YONGS SU 'DZIN PA MA YIN NO, ,DE CI'I PHYIR ZHE NA, JI TZAM DU MTSAN MA DANG, DMIGS PA MED PA 'BYUNG

312a

, ,BA DE TZAM DU CHOS MA YIN, 'DUL BA MA YIN PA'I PHYIR TE, GANG 'DZIN PA THAMS CAD GTONG ZHING 'JUG PA DANG, MI 'JUG PA DANG, SMON PA DANG; MTSAN MA DANG, DMIGS PA YONGS SU 'DZIN PA DE NI DAM PA'I CHOS YONGS SU 'DZIN PA'O, ,DE CI'I PHYIR ZHE NA, DE BZHIN GSHEGS PAS CHOS RNAMS MTSAN MA MED PA DANG, DMIGS PA MED PAR MNGON PAR RDZOGS PAR SANGS RGYAS BA'I PHYIR TE, DE MTSAN MA DANG, DMIGS PA DAG GIS YONGS SU GZUNG BAR MI NUS SO, ,GANG DE LTAR BYANG CHUB SEMS DPA'I LAS SHES PA DE NI YE SHES SO, ,YE SHES DE BYANG CHUB SEMS DPA'I BYA BA THAMS CAD KYANG BYED LA, GANG ZAD PAR YANG MI 'GYUR BA DE NI SHES PA'I RNAM PAR 'PHRUL PA ZHES BYA'O,, ,,'PHAGS PA RNAM PAR 'PHRUL BA'I RGYAL POS ZHUS PA, BAM PO GSUM PA STE THA MA, RNAM PAR 'PHRUL PA'I RGYAL PO, DE LA SHES RAB KYI RNAM PAR 'PHRUL PA GANG ZHE NA, CHOS RNAMS RNAM PAR 'BYED PA TSIG RAB TU DBYE BA DANG, SO SO YANG DAG PAR RIG PA BZHI PO, 'DI LTA STE, DON SO SO YANG DAG PAR RIG PA DANG, CHOS SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA NYE

312b

PAR LEN CING STON PA'O, ,DE LA DON SO SO YANG DAG PAR RIG PA GANG ZHE NA, TSIG 'BRU BSHAD PA THAMS CAD DON NYID LA RTON PA YIN GYI TSIG 'BRU LA RTON PA MA YIN PA STE, DON CES BYA BA NI CHOS THAMS CAD YANG DAG PA NYID DU 'DU SHES PA'O, ,DON CES BYA BA NI, 'DI LTA STE, BRJOD DU MED PA'I DON DANG, BRJED NGAS PA MED CING TSIG 'BRU THA DAD PA MED PA NYID DANG, SNGON GYI MTHA' DANG, PHYI MA'I MTHA'I SGRA LAS DBEN PA NYID DANG, DE NI DON CES BYA'O, ,TSIG 'BRU GSAL BA'I DON LA NI BRTEN PAR MI BYA'O, ,GANG TSIG 'BRU MNYAM PA DE NI DON YIN TE, DE NI DON SO SO YANG DAG PAR RIG PA ZHES BYA'O, ,DON THAMS CAD YANG DAG PAR RIG PA NI DON SO SO YANG DAG PAR RIG PA ZHES BYA'O, ,DE LA CHOS SO SO YANG DAG PAR RIG PA GANG ZHE NA, DE LA CHOS LA RTON PA YIN GYI, CHOS MA YIN PA LA MI RTON TE, CHOS LA RTON PA LA CHOS MA YIN PA SNANG BAR YANG MI 'GYUR RO, ,DE CI'I PHYIR ZHE NA, DES NI CHOS THAMS CAD MING DU BRJOD PA LAS DBEN PAR SHES PA'I PHYIR RO, ,CHOS SO SO YANG DAG PAR RIG PA ZHES BYA BA NI THEG PA THA DAD PA DANG, CHOS THA DAD PAR YANG 'TSAL LA; CHOS KYI DBYINGS KYI MTSAN NYID THA DAD PAR YANG MI BYED PA GANG YIN PA'O, ,DE CI'I PHYIR ZHE NA, 'DI LTA STE, CHOS KYI DBYINGS NI MTSAN NYID MED PAR MTSAN NYID GCIG

313a

, ,PA'I PHYIR RO, ,DE BRJOD PA GANG GIS CHOS RNAMS BRJOD PA DE BRAG CA'I SGRA DANG MTSUNGS PA NYID DU 'JUG GO ,CHOS GANG DAG YONGS SU BRJOD PA DE DAG KYANG CHOS KYI DBYINGS DANG MNYAM PAR SHES LA SHES PA DANG THA SNYAD LA THOGS PA MED PA, DE NI CHOS SO SO YANG DAG PAR RIG PA ZHES BYA'O, ,DE LA NGES PA'I TSIG SO SO YANG DAG PAR RIG PA GANG ZHE NA, GANG LHA'I GDAGS PA SHES PA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG, MI MA YIN PA'I GDAGS PA SHES PA DANG, BRGYA BYIN DANG, TSANGS PA DANG, 'JIG RTEN SKYONG BA'I GDAGS PA SHES PA DANG, TSIG GCIG DANG, GNYIS DANG, TSIG MANG PO RNAMS DANG, MDOR BSDUS PA'I TSIG BLA DVAGS DANG, SPROS PA'I TSIG BLA DVAGS DANG, SKYES PA DANG, BUD MED DANG, MA NING GI TSIG BLA DVAGS DANG, 'DAS PA DANG, MA 'ONGS PA DANG, DA LTAR BYUNG BA'I TSIG BLA DVAGS SHES PA DANG, CHOS RNAMS JI LTAR GDAGS PAR BYA BA DANG, GDAGS PA GANG GI SEMS CAN GZHAN GYI SEMS KYI RGYUD LA GDAGS PA DE BZHIN DU RTOGS SHING 'DOGS SO, ,RANG GI NGES PA'I TSIG GIS GZHAN GYI NGES PA'I TSIG 'KHRUG PAR YANG MI BYED CING RLOM SEMS SU'ANG MI BYED

313b

DO; ;DE CI'I PHYIR ZHE NA, DER CHOS THAMS CAD NGES PA'I PHYIR RO, ,DE 'DI SNYAM DU GDAGS PA GANG GIS CHOS GANG GDAGS PA'I CHOS DE GDAGS PA DE LA YOD PA MA YIN, GANG GIS GDAGS PA'I GDAGS PA DE'ANG CHOS DE LA YOD PA MA YIN NO SNYAM DU SEMS PA 'DI NI NGES PA'I TSIG CES BYA'O, ,DES PA'I TSIG GI SGRA 'DI GAL TE YANG DAG PA'I NGES PA'I TSIG YIN DU ZIN NA, DGE BA'I CHOS KYI NGES PA'I TSIG LA MI DGE BA'I CHOS KYI NGES PA'I TSIG TU MI 'GYUR RO, ,DE BAS NA NGES PA'I TSIG 'DI NGES PAR 'BYUNG BA YIN PAR SHES PAR BYA'O, ,NGES PA'I TSIG SO SO YANG DAG PAR RIG PA ZHES BYA BA NI GANG GDAGS PA'I TSIG THAMS CAD LA CHOS RTOGS PAR RO, ,DE CI'I PHYIR ZHE NA, CHOS THAMS CAD SHIN TU RTOGS PA'I PHYIR CHOS RNAMS MI RTOGS SO, ,GANG DE LTAR RTOGS PA'I RTOGS PA DE'I GDAGS PA DANG, BSHAD PA DE NI NGES PA'I TSIG SO SO YANG DAG PAR RIG PA ZHES BYA'O, ,DE LA SPOBS PA SO SO YANG DAG PAR RIG PA GANG ZHE NA, GANG GI PHYIR DE LA YI GE THAMS CAD SO SOR SNANG BA DANG, SGRA THAMS CAD SO SOR SNANG BA DANG, MING BSTAN PA THAMS CAD SO SOR SNANG BA'O, ,JI LTAR SO SOR SNANG ZHE NA, GSAL BA NYID DU SO SOR SNANG, CHOS SU SO SOR SNANG, 'DUL BAR SO SOR SNANG, YANG DAG PAR SO SOR SNANG NGO, ,MDO'I SGRA DBYANGS LA

314a

, ,MOS PA RNAMS LA MDO'I SGRA DBYANGS SO SOR SNANG NGO, ,DE BZHIN DU DBYANGS KYIS BSNYAD PA DANG, LUNG BSTAN PA DANG, TSIGS SU BCAD PA DANG, CHED DU BRJOD PA DANG, GLENG GZHI DANG, RTOGS PA BRJOD PA DANG, DE LTA BU BYUNG BA DANG, SKYES PA'I RABS DANG, SHIN TU RGYAS PA DANG, RMAD DU BYUNG BA DANG, CHOS GTAN LA DBAB PAR BSTAN PA LA MOS PA RNAMS LA DE BZHIN DU SO SOR SNANG NGO, ,SNGON GYI SBYOR BA LA MOS PA RNAMS LA SNGON GYI SBYOR BA RNAMS SO SOR SNANG NGO, ,SEMS CAN THAMS CAD KYI DBANG PO RNAMS SO SOR SNANG STE, DAD PA DANG LDAN PA RNAMS LA DAD PA'I DBANG PO, BRTZON 'GRUS BRTZAMS PA RNAMS LA BRTZON 'GRUS KYI DBANG PO, DRAN PA DANG LDAN PA RNAMS LA DRAN PA'I DBANG PO, TING NGE 'DZIN DANG LDAN PA RNAMS LA TING NGE 'DZIN GYI DBANG PO, SHES RAB CAN RNAMS LA SHES RAB KYI DBANG PO SO SOR SNANG NGO, 'DOD CHAGS SPYOD PA NYI KHRI CHIG STONG YOD PA DE DAG GI DBANG PO BRGYAD KHRI BZHI STONG DE BZHIN GSHEGS PA'I YE SHES KYIS MKHYEN TE, DE LA DE BZHIN GSHEGS PA NI DBANG PO THAMS CAD SO SOR SNANG NGO, DE'I RJES SU 'BREL PA LA NI BYANG CHUB SEMS DPA' SO SOR SNANG NGO, ZHE SDANG SPYOD PA NYI KHRI CHIG STONG YOD PA DE DAG GIS DBANG PO BRGYAD KHRI BZHI STONG DE BZHIN GSHEGS PA'I YE SHES

314b

KYIS MKHYEN TE, DE LA DE BZHIN GSHEGS PA LA NI DBANG PO THAMS CAD SO SOR SNANG NGO, ,DE'I RJES SU 'BREL PA NI BYANG CHUB SEMS DPA' LA SO SOR SNANG NGO, ,GTI MUG SPYOD PA NYI KHRI CHIG STONG YOD PA DE DAG GI DBANG PO BRGYAD KHRI BZHI STONG DE BZHIN GSHEGS PA'I YE SHES KYIS MKHYEN TE, DE LA DE BZHIN GSHEGS PA LA NI DBANG PO THAMS CAD SO SOR SNANG NGO, ,DE'I RJES SU 'BREL BA NI BYANG CHUB SEMS DPA' LA SO SOR SNANG NGO, ,CHA MNYAM PA LA SPYOD PA NYI KHRI CHIG STONG YOD PA DE DAG GI DBANG PO BRGYAD KHRI BZHI STONG DE BZHIN GSHEGS PA'I YE SHES KYIS MKHYEN TE, DE LA DE BZHIN GSHEGS PA LA NI DBANG PO THAMS CAD SO SOR SNANG NGO, ,DE'I RJES SU 'BREL BA NI BYANG CHUB SEMS DPA' LA SO SOR SNANG STE, DE NI SPOBS PA SO SO YANG DAG PAR RIG PA ZHES BYA'O, ,RNAM PAR 'PHRUL PA'I RGYAL PO, DE LA DON SO SO YANG DAG PAR RIG PA GANG YIN PA DANG, CHOS SO SO YANG DAG PAR RIG PA GANG YIN PA DANG, NGES PA'I TSIG SO SO YANG DAG PAR RIG PA GANG YIN PA DANG, SPOBS PA SO SO YANG DAG PAR RIG PA GANG YIN PA DANG, BYANG CHUB SEMS DPA'I SO SO YANG DAG PAR RIG PA DE DAG THAMS CAD KYI RTZA BA NI SHES RAB YIN, GZHI SHES RAB YIN, SHES RAB TU YANG DAG PAR 'DU BA YIN TE, BYANG CHUB SEMS DPA' SHES RAB CAN NI RNAM PAR 'PHRUL PA 'DI DAG DANG, GZHAN

315a

, ,DAG KYANG RNAM PAR BYED DO, ,BCOM LDAN 'DAS, SHES RAB KYI RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO, SHES RAB KYI RTZA BA THOS PA, GZHI THOS PA, THOS PAR YANG DAG PAR 'DU BA'O, ,THOS PA'I RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO, THOS PA'I RTZA BA NI DGE BA'I BSHES GNYEN YIN, GZHI NI DGE BA'I BSHES GNYEN YIN, YANG DAG PAR 'DU BA DGE BA'I BSHES GNYEN YIN NO, ,DGE BA'I BSHES GNYEN GYI RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL BA'I RGYAL PO, DGE BA'I BSHES GNYEN GYI RTZA BA NI GUS PA YIN, GZHI NI GUS PA YIN, YANG DAG PAR 'DU BA'ANG GUS PA YIN NO, ,GUS PA'I RTZA BA GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO, GUS PA'I RTZA BA NI LHAG PA'I BSAM PA YIN, GZHI NI LHAG PA'I BSAM PA YIN, YANG DAG PAR 'DU BA'ANG LHAG PA'I BSAM PA YIN NO, ,LHAG PA'I BSAM PA'I RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO, LHAG PA'I BSAM PA'I RTZA BA NI SGYU MED PA YIN, GZHI NI SGYU MED PA

315b

YIN; YANG DAG PAR 'DU BA'ANG SGYU MED PA YIN NO, ,SGYU MA MCHIS PA'I RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO SGYU MED PA'I RTZA BA NI SNYING RJE CHEN PO YIN, GZHI NI SNYING RJE CHEN PO YIN, YANG DAG PAR 'DU BA'ANG SNYING RJE CHEN PO YIN NO, ,SNYING RJE CHEN PO'I RTZA BA GANG LAGS, GZHI GANG LAGS, YANG DAG PAR 'DU BA GANG LAGS, RNAM PAR 'PHRUL PA'I RGYAL PO, SNYING RJE CHEN PO'I RTZA BA NI SEMS CAN THAMS CAD YIN, GZHI NI SEMS CAN THAMS CAD YIN, YANG DAG PAR 'DU BA'ANG SEMS CAN THAMS CAD YIN NO, ,DE CI'I PHYIR ZHE NA, RNAM PAR 'PHRUL PA'I RGYAL PO, SEMS CAN THAMS CAD RAB TU DGROL BA'I PHYIR, BYANG CHUB SEMS DPA'I SNYING RJE CHEN PO LAS THAMS CAD MKHYEN PA NYID KYI SEMS SKYE BA'I PHYIR TE, RNAM PAR 'PHRUL PA'I RGYAL PO, 'DI'ANG BYANG CHUB SEMS DPA'I SHES RAB KYI RNAM PAR 'PHRUL PA'O, ,RNAM PAR 'PHRUL BA'I RGYAL PO; GZHAN YANG, BYANG CHUB SEMS DPA'I SHES RAB KYI RNAM PAR 'PHRUL PA NI GANG CHOS KYI SGO GCIG LAS BRTZAMS NAS BSKAL PA'AM, BSKAL PA LAS LHAG PAR BSHAD PA GZHAN DANG, GZHAN DAG GIS 'CHAD CING 'DUG PA NA CHOS GANG YANG CHOS NYID DANG 'GAL BAR MI BYED DE, ,DE 'DOD NA LUS MI SNANG BAS SEMS CAN RNAMS LA CHOS STON, SPU'I KHUNG BU THAMS CAD

316a

, ,NAS KYANG CHOS STON PA 'BYIN, SEMS CAN GYI BSAM PA DANG, SBYOR BA JI LTA BA BZHIN DU DE CHOS STON PA SPOBS PAR BYED, DE YID KYI TSUL STON PAS KYANG SEMS CAN RNAMS LA CHOS STON TE, DPAS KYI RGOL BA THAMS CAD KYIS MI THUB PA YIN NO, ,PHYI ROL GYI MNGON PAR SHES PA LNGA DANG LDAN PA RNAMS KYI BSTAN BCOS SAM, NYI MA DANG, ZLA BA DANG, GZA' DANG, SKAR MA SHES PA'AM, RMI LAM DANG, MTSAN MA SHES PA'AM, RIG BYED DAM, SNGAGS SAM, RIG SNGAGS SAM, SGRA 'AM, MNGON BAR SHES PA LA 'JUG PA'AM, SA G-YO BA'AM, 'GRO LDING BA'I SNGAGS KYI SBYOR BA'AM, BYA ROG GI SGRA'AM, RI DVAGS KYI KHYU DANG, LHA DANG, KLU DANG, GNOD SBYIN DANG, DRI ZA'AM, RGYAL PO'I RTAGS DANG, MTSAN NYID DANG, MTSAN MA'AM, LO LEGS PA DANG, LO NYES PA'I MTSAN MA'AM, GDON RNAM PAR GTZO BA SHES PA'AM, DE LAS GZHAN PA 'JIG RTEN GYI BZO SHES PA'AM, LAS SHES PA'AM, YI GE DANG, LAG BRDA DANG, GRANGS DANG, BRTZI BA DANG, RI MO BRI BA DANG, GLU DANG, GAR DANG, PI WANG DANG, RNGA DANG, 'KHAR DKROL DANG, ROL MO LA 'JUG PA'I SHES PA GANG DAG YIN PA DE DAG THAMS CAD BYANG CHUB SEMS DPA' DE TSE RJES NAS MA BSTAN PAR

316b

MNGON DU 'GYUR ZHING, DE DAG LA DE'I SHES PA RAB TU 'JUG GO ,SHES RAB DANG LDAN PA RNAMS LA'ANG DE DAG THAMS CAD STON CING THAMS CAD LA MTHAR PHYIN PAR 'GYUR TE, DE BSTAN BCOS DANG, SNGAGS DANG, RIG SNGAGS KYI GNAS DE DAG THAMS CAD KYANG RAB TU SHES LA, SEMS CAN THAMS CAD LA'ANG MI GNOD PAR GNAS SHING, DE DAG GIS YANG DAG PAR YANG MI SEMS SO, ,RNAM PAR 'PHRUL PA'I RGYAL PO, BYANG CHUB SEMS DPA' DE SHES RAB MA NYAMS PAR TSANGS PA 'BUM PHRAG BCU DANG LHAN CIG TU GNAS SHING 'DUG LA SMRA'O, ,LTA BAS KYANG LTA BA STON LA, KHA DOG GIS KYANG KHA DOG STON, SMRA BAS KYANG SMRA BA STON, KHA DOG DANG, 'OD DANG, GZI BRJID KYIS KYANG KHA DOG DANG, 'OD DANG, GZI BRJID STON LA TSANGS PA DE DAG LA CHAGS PAR YANG MI 'GYUR, TSANGS PA DE DAG KYANG BYANG CHUB SEMS DPA' DE TSUR 'ONG ZHING DE LA GUS PA BSKYED DO,, DE BZHIN DU LHA'I GNAS THAMS CAD DU'ANG BDAG PO YIN PAR STON LA DE DAG LA CHAGS PA'ANG MED, DGA' BA'ANG MI SKYED KYI MI RTAG PA'I 'DU SHES NYID SKYED, SDUG BSNGAL GYI 'DU SHES NYID SKYED, BDAG MED PA'I 'DU SHES NYID SKYED, NYE BAR ZHI BA NYID LA STON, SEMS CAN THAMS CAD GROL BAR BYED PA NYID LA RTON, BYANG CHUB KYI SNYING PO NYID LA

317a

, ,RTON TE, RNAM PAR 'PHRUL PA'I RGYAL PO, 'DI'ANG SHES RAB KYI RNAM PAR 'PHRUL PA'O, ,RNAM PAR 'PHRUL PA'I RGYAL PO, GZHAN YANG, BYANG CHUB SEMS DPA' SHES RAB KYI RNAM PAR 'PHRUL PA NI BDUD KYI GNAS BKOD PA CI 'DRA BA DE DAG LAS BYE BA KHRAG KHRIG PHRAG 'BUM GYUR GYI BKOD PA'I KHYAD PAR GYIS BDUD DE RNAMS BTUL TE 'DOD PAR BYAS NAS, NGA RGYAL BCAG STE, DE DAG YANG DAG PAR RDZOGS PA'I BYANG CHUB KYI SEMS LA BKOD NAS DE'I 'OG TU CHOS STON TO, ,RNAM PAR 'PHRUL PA'I RGYAL PO, BYANG CHUB SEMS DPA' SHES RAB NI KUN TU 'GRO BAR SHES PAR BYA STE, SBYIN PA BYIN NAM, LEN TAM, YONGS SU BSNGO BA'ANG RUNG, SHES RAB NI KUN TU 'GRO BAR SHES PAR BYA'O, ,TSUL KHRIMS SRUNG NGAM, GZHAN DAG KYANG DER YANG DAG PAR 'DZUD DAM, YONGS SU BSNGO'ANG RUNG, SHES RAB NYID YIN PAR SHES PAR BYA'O, , BZOD PA SGOM MAM, BZOD PA LA YANG DAG PAR 'DZUD DAM, BZOD PA DE BYANG CHUB YONGS SU BSNGO'ANG RUNG, SHES RAB NYID YIN PAR SHES PAR BYA'O, ,BRTZON 'GRUS RTZOM, MAM; GZHAN DAG KYANG BRTZON 'GRUS LA YANG DAG PAR 'DZUD DAM, BRTZON 'GRUS DE BYANG CHUB TU YONGS SU BSNGO'ANG RUNG, SHES RAB NYID YIN PAR SHES PAR BYA'O, ,

317b

BSAM GTAN LA SNYOMS PAR 'JUG GAM, GZHAN DAG KYANG YANG DAG PAR 'DZUD DAM, BSAM GTAN DE BYANG CHUB TU YONGS SU BSNGO'ANG RUNG, SHES RAB NYID YIN PAR SHES PAR BYA'O; ;CHOS RNAMS 'DZIN TAM, GZHAN LA STON TAM, JI LTAR THOS PA'I CHOS RNAMS LA SO SOR RTOG KYANG RUNG, SHES RAB NYID YIN PAR SHES PAR BYA'O, ,THAMS CAD DU 'GRO BA DANG, 'ONG BA DANG, SPYOD LAM THAMS CAD DU GOM PA 'DOR ZHING 'JOG PA NA SHES RAB NYID YIN PAR SHES PAR BYA'O, ,BYANG CHUB SEMS DPA' SHES RAB KYI STOBS CAN NI THAMS CAD DU DGE BA'I STOBS CAN DU 'GYUR RO, ,BYANG CHUB SEMS DPA' SHES RAB KYI BDAG POR GYUR PA NI THAMS CAD LA DBANG PHYUG GI DBANG THOB PAR 'GYUR RO, ,BYANG CHUB SEMS DPA' SHES RAB KYI RNAM PAR 'PHRUL PA NI THAMS CAD DU CHOS THAMS CAD KYI RNAM PAR 'PHRUL PA RJES SU 'THOB BO, ,BYANG CHUB SEMS DPA' SHES RAB KYI MTSAN THOGS PA NI NYON MONGS PA THAMS CAD GCOD CING RAB TU 'DRAL LO, ,BYANG CHUB SEMS DPA' SHES RAB LA GNAS PA NI CHOS THAMS CAD KYI GNAS YONGS SU 'DZIN TO, ,BYANG CHUB SEMS DPA' SHES RAB KYI 'OD BYED PA NI SANGS RGYAS KYI 'OD KYI BKOD PA 'THOB BO, ,BYANG CHUB SEMS DPA' SHES RAB DANG LDAN PA NI DGE BA'I CHOS THAMS CAD LHUN GYIS GRUB PAR RJES SU

318a

, ,RTOGS TE, RNAM PAR 'PHRUL PA'I RGYAL PO, 'DI LTA STE, DPER NA, STENG GI BAR SNANG LA MDA' 'PHANGS NAS 'PHEN PA'I STOBS JI TZAM PA DE SRID DU SONG NAS BTZAL MI DGOS PA KHO NAR SLAR SA LA LTUNG NGO, ,RNAM PAR 'PHRUL PA'I RGYAL PO, DE BZHIN DU BYANG CHUB SEMS DPA'I YE SHES SHES RAB KYI STOBS RNAM PAR DAG PAR DE'ANG BTZAL MI DGOS PA KHO NAR DGE BA'I CHOS THAMS CAD LA'ANG 'BAB, STOBS GANG GIS SKAD CIG GCIG LA SANGS RGYAS KYI ZHING GANGG'A'I KLUNG GI BYE MA SNYED DAG G-YO BAR BYED DE, BDUD KYI SDE CHEN PO DE DAG PHAM PAR BYED PA'I STOBS KYANG BYANG CHUB KYI SNYING POR KUN TU STON, BYANG CHUB THOB NAS KYANG STOBS GANG DAG GIS LHA DANG, KLU DANG, LHA MA YIN DU BCAS PA'I 'JIG RTEN GYIS MI RDZI BA'I STOBS BCU PO DAG KYANG 'THOB STE, RNAM PAR 'PHRUL PA'I RGYAL PO, TSUL KHRIMS DANG, MNGON PAR SHES PA DANG, SHES PA DANG, SHES RAB KYI RNAM PAR 'PHRUL PA 'DI DAG NI BYANG CHUB SEMS DPA' SEMS DPA' CHEN PO DGE BA'I RTZA BA BSKYED PA RNAMS KYI RNA LAM DU GRAG PAR 'GYUR RO, ,GANG DAG GIS CHOS KYI RNAM GRANGS THOS NA DGA' BAR GYUR PA, DE DAG THAMS CAD RNAM PAR 'PHRUL PA BZHI PO 'DI DAG LHAG PAR BYED PAR 'GYUR RO, ,DE CI'I PHYIR ZHE NA, 'DI

318b

DAG NI NYAN THOS DANG, RANG SANGS RGYAS THAMS CAD LA MED PA'I PHYIR RO, ,DE NAS BYANG CHUB SEMS DPA' RNAM PAR 'PHRUL PA'I RGYAL POS ZHUS PA'I LAN THOB PAS DGA' MGU RANGS, YID BDE RAB TU DGA', TSIM ZHING YI RANGS PAR GYUR NAS, DE BZHIN GSHEGS PA LA THAL MO SBYAR TE MIG MI 'DZUM PAR LTA ZHING TSIG 'DI SKAD CES SMRAS SO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS, JI LTAR RNAM PAR 'PHRUL PA DE BZHIN DU SEMS CAN THAMS CAD KYANG RNAM PAR 'PHRUL PA DE DAG GIS RNAM PAR 'PHRUL PAR GYUR CIG ,DE NAS BYANG CHUB SEMS DPA' SEMS DPA' CHEN PO RNAM PAR 'PHRUL PA'I RGYAL POS LHA DANG, MI'I ME TOG RAB TU DRI ZHIM PA KHA DOG RNAM PA DU MA CAN RNAMS KYI PHUNG PO BYIN GYIS BRLABS NAS ME TOG DE DAG GIS DE BZHIN GSHEGS PA DANG, BYANG CHUB SEMS DPA' THAMS CAD DANG, 'KHOR THAMS CAD LA KUN TU GTOR TO, ,ME TOG DE DAG GTOR MA THAG TU GANG DAG GI LUS LA PHOG PA DE DAG THAMS CAD GSER GYI KHA DOG 'DRA BA LA MTSAN DANG, DPE BYAD BZANG POS BRGYAN PAR SNANG NGO, ,BAR SNANG LAS KYANG LHA 'BUM DAG TSIG TU SMRA BA, BCOM LDAN 'DAS, SEMS CAN GANG DAG RNAM PAR 'PHRUL PA 'DI LA MOS NAS BLA NA MED PA YANG

319a

, ,DAG PAR RDZOGS PA'I BYANG CHUB TU SEMS BSKYED PAR 'GYUR BA, DE DAG NI SANGS RGYAS KYI RGYAN GYIS BRGYAN PA LAGS SO, ,DE CI'I SLAD DU ZHE NA, RNAM PAR 'PHRUL PA 'DI DAG THAMS CAD MKHYEN PA'I SEMS KYI KHONGS SU GTOGS PA LAGS PA'I SLAD DU'O, ,GAL TE BCOM LDAN 'DAS KYIS SNGON BYANG CHUB KYI SEMS MA BSKYED DU LAGS NA CHOS RNAM PAR 'PHRUL PA BSAM GYIS MI KHYAB PA 'DI DAG 'DI LTAR THOS PAR GA LA 'GYUR LAGS SO, ,DE NAS BCOM LDAN 'DAS KYIS LHA'I BU DE DAG LA LEGS SO ZHES BYA BA BYIN NO, ,BYIN NAS KYANG BYANG CHUB SEMS DPA' RNAM PAR 'PHRUL PA'I RGYAL PO LA BKA' STZAL PA, RNAM PAR 'PHRUL PA'I RGYAL PO, NGAS MNGON PAR DRAN TE, DE BZHIN GSHEGS PA MAR ME MDZAD KYI PHA ROL NA DE BZHIN GSHEGS PA BDUN CU PA KUN NAS 'OD ZER GZI BRJID RGYA CHEN ZHES BYA BA BYUNG STE ,DE BZHIN GSHEGS PA DES KYANG RNAM PAR 'PHRUL PA BZHI PO 'DI KHO NA DAG STON PA'I CHOS KYI SGO'I LE'U RGYA CHER RAB TU BSTAN PAR GYUR TO, ,BYANG CHUB SEMS DPA' YUL PHUN SUM TSOGS PA ZHES BYA BA ZHIG KYANG YOD PAR GYUR TE, DES DE LA ZHUS PA DANG, DE BZHIN GSHEGS PA DES CHOS KYI RNAM GRANGS 'DI BSHAD PA NA BYANG CHUB SEMS

319b

DPA' BRGYAD STONG GIS RNAM PAR 'PHRUL PA 'DI DAG THOB PAR 'GYUR, MI SKYE BA'I CHOS LA BZOD PA THOB PAR GYUR TO, ,SROG CHAGS SUM KHRI NYIS STONG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DE DAG LAS KYANG RNAM PAR 'PHRUL PA 'DI DAG DES THOS TE, THOS NAS BZUNG NGO, ,DE BZHIN GSHEGS PA MAR ME MDZAD LAS NGAS BZOD PA THOB NAS KYANG DE DAG YONGS SU RDZOGS PAR BYAS SO, ,RNAM PAR 'PHRUL PA'I RGYAL PO, DE LTA BAS NA DA LTAR YANG RUNG, YONGS SU MYA NGAN LAS 'DAS NAS KYANG RUNG STE, BYANG CHUB SEMS DPA' GANG DAG CHOS KYI RNAM GRANGS 'DI NYAN CING THOS NAS KYANG 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, GZHAN LA'ANG RGYA CHER YANG DAG PAR RAB TU STON PA DE DAG MI SKYE BA'I CHOS LA BZOD PA MYUR DU THOB PAR 'GYUR RO, ,BSTAN PA 'DI BSHAD PA'I TSE LHA DANG, MI SROG CHAGS SUM KHRI NYIS STONG BLA NA MED PA YANG DAG PAR RDZOGS PA'I BYANG CHUB TU SEMS BSKYED CING, LHA'I BU DE DAG GIS KYANG BCOM LDAN 'DAS LA MCHOD PA'I LAS BYA BA'I PHYIR ME TOG GIS CHAR CHEN PO MNGON PAR PHAB, SIL SNYAN RNAMS KYANG RAB TU DKROL BA DANG, SANGS RGYAS KYI MTHUS SIL SNYAN DE DAG LAS KYANG GANG CHOS KYI RNAM

320a

, ,GRANGS 'DI THOS NAS MOS SHING 'DZIN PAR BYED, 'CHANG BAR BYED, KLOG PAR BYED, KUN CHUB PAR BYED, GZHAN LA'ANG RGYA CHER YANG DAG PAR STON PAR BYED PA'I SEMS CAN DE DAG NI MOS PA RGYA CHE BA DBANG PO RNO BA, SANGS RGYAS KYI CHOS LA MOS PA, SHES RAB SPYOD PA, DGE BA'I BSHES GNYEN GYIS YONGS SU ZIN PA, SNGON DGE BA'I RTZA BA BSAGS PA, SEMS CAN THAMS CAD LA SNYING RJE CHEN PO DANG LDAN PA YIN NO, ,ZHES DE SKAD KYI SGRA PHYUNG NGO, ,DE NAS BCOM LDAN 'DAS LA BYANG CHUB SEMS DPA' RNAM PAR 'PHRUL PA'I RGYAL POS 'DI SKAD CES GSOL TO, ,BCOM LDAN 'DAS, DE BZHIN GSHEGS PA LA STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD GANG DAG MNGA' BA DE DAG LTA BU, BCOM LDAN 'DAS, BYANG CHUB SEMS DPA' RNAMS LA'ANG BYANG CHUB SEMS DPA'I STOBS BCU DANG, BYANG CHUB SEMS DPA'I MI 'JIGS PA BZHI DANG, BYANG CHUB SEMS DPA'I CHOS MA 'DRES PA BCO BRGYAD KYANG MCHIS LAGS SAM; BCOM LDAN 'DAS KYIS BKA' STZAL PA, RNAM PAR 'PHRUL PA'I RGYAL PO, BYANG CHUB SEMS DPA' GANG YONGS SU SBYANG BA BYAS SHING PHYIR MI LDOG PA'I BZOD PA THONG

320b

PA SA BRGYAD PA LA GNAS SHING SA DGU LA 'PHAR BA SHES RAB KYI PHA ROL TU PHYIN PA DANG THABS MKHAS PA YONGS SU ZIN PA DE DAG LA YOD DE, RNAM PAR 'PHRUL PA'I RGYAL PO; BYANG CHUB SEMS DPA' DE DAG NI STOBS BCU DANG LDAN PA, MI 'JIGS PA BZHI DANG LDAN PA, CHOS MA 'DRES PA BCO BRGYAD DANG LDAN PA STE, RNAM PAR 'PHRUL PA'I RGYAL PO, DE LA BYANG CHUB SEMS DPA'I STOBS BCU PO DAG GANG ZHE NA, 'DI LTA STE, THAMS CAD MKHYEN PA NYID DU SEMS BSKYED PA LHAG PA'I BSAM PA BRTAN PA'I STOBS DANG; BYAMS PA YONGS SU RDZOGS PAS THAMS CAD GTONG BA'I STOBS DANG, RNYED PA DANG, BKUR STI DANG, TSIGS SU BCAD PA DON DU MI GNYER ZHING 'JIG RTEN THAMS CAD DANG 'DRES PA LA MI LTA BAS SNYING CHEN PO YONGS SU RDZOGS PA'I STOBS DANG, SANGS RGYAS KYI CHOS THAMS CAD LA DAD PA SKYED CING DE RDZOGS PAR BYA BA'I PHYIR SEMS MA ZHUM PAS BRTZON 'GRUS CHEN PO YONGS SU RDZOGS PA'I STOBS DANG, DRAN PA DANG, SHES BZHIN DU SPYOD CING SPYOD LAM MA 'KHRUGS PA'I TING NGE 'DZIN GYI STOBS LA GNAS PA'I STOBS DANG, MTHA' GNYIS RNAM PAR SPANGS SHING RTEN CING 'BREL PAR 'BYUNG BA DANG MTHUN PAS LTA BA THAMS CAD SPANG BA DANG, RTAG PA DANG, RNAM PAR RTOG PA DANG, YONGS SU RDZOGS PA

321a

, ,DANG, SPROS PA DANG, YONGS SU DPYOD PA THAMS CAD SPANG BA'I PHYIR SHES RAB KYI PHA ROL TU PHYIN PA YONGS SU RDZOGS PA'I STOBS DANG, SEMS CAN THAMS CAD YONGS SU SMIN PAR BYA BA DANG, 'KHOR BA TSAD MED PA YONGS SU GZUNG ZHING, DGE BA'I RTZA BA'I TSOGS BSAGS PAS NGOMS PAR BYA BA'I PHYIR 'DU BYED THAMS CAD RMI LAM LTA BUR MOS TE, 'KHOR BAS YONGS SU MI SKYO BA'I STOBS DANG, CHOS KYI RANG BZHIN LA SO SOR RTOG PAS BDAG MED PA DANG, SEMS CAN MED PA DANG, SROG MED PA DANG, GSO BA MED PA DANG, GANG ZAG MED PA DANG, SKYE BA MED PA DANG, 'BYUNG BA MED PA'I CHOS LA MOS PAS MI SKYE BA'I CHOS LA BZOD PA THOB PA'I STOBS DANG, STONG PA DANG, MTSAN MA MED PA DANG, SMON PA MED PA'I CHOS LA 'JUG CING RNAM PAR THAR PA'I SGO LA LTA BA DANG, NYAN THOS DANG, RANG SANGS RGYAS KYI THEG PA'I RNAM PAR GROL BA SHES PA LA MI REG PAS RNAM PAR THAR PA THOB PA'I STOBS DANG, CHOS ZAB MO GZHAN LA RAG MA LAS PA'I SHES PA DANG, SEMS CAN THAMS CAD KYI SEMS SPYOD PA LA LTA BA THOGS PA MED PA'I YE SHES YONGS SU RDZOGS PA'I STOBS DANG, RNAM PAR 'PHRUL PA'I RGYAL PO, DE DAG NI BYANG CHUB SEMS DPA'I STOBS BCU PO DAG GO ,RNAM PAR 'PHRUL PA'I RGYAL PO, DE LA BYANG CHUB SEMS

321b

DPA' RNAMS KYI MI 'JIGS PA BZHI PO DAG GANG ZHE NA, THOS PA THAMS CAD 'DZIN PAS GZUNGS THOB STE, BRJED PA MED PAS BYANG CHUB SEMS DPA' 'JIGS PA MED PAR 'KHOR RNAMS LA CHOS STON PA DANG, CHOS THAMS CAD RAB TU DBYE BA DANG, SPOBS PA THOGS PA MED PA DANG, SPONGS PA BAR CHAD MED PA DANG, SGRA THAMS CAD SHES PAS BYANG CHUB SEMS DPA' 'JIGS PA MED PAR 'KHOR RNAMS LA CHOS STON PA DANG, GNAS THAMS CAD LA MOS PA RNAM PAR GROL BA'I BSAM PA JI LTA BA BZHIN DU SMAN SBYOR BA SHES PA DANG, SEMS CAN THAMS CAD KYI DBANG PO YONGS SU SHES PA DANG, JI LTAR SO SOR 'OS PAR CHOS 'CHANG BAS BYANG CHUB SEMS DPA' 'JIGS PA MED PAR 'KHOR RNAMS LA CHOS STON PA DANG, DE 'KHOR GYI 'JIGS PA DANG BRAL BA YIN TE, 'GA' ZHIG SHAR DANG, LHO DANG, NUB DANG, BYANG GI PHYOGS RNAMS NAS 'ONGS SHING BDAG LA DRI BA MI 'DRI GRANG, BDAG GIS NI DE BSTAN MI NUS SO, ,SNYAM PA'I MTSAN MA'ANG BYANG CHUB SEMS DPA' YANG DAG PAR RJES SU MI MTHONG ZHING, SEMS CAN THAMS CAD 'DRI BA'I SKABS KYANG 'BYED DE, DRI BA JI SKAD DRIS PA'I LAN KYANG 'DEBS SHING 'JIGS PA DANG BRAL LA, THE TSOM THAMS CAD GCOD PA LA MKHAS PA YIN ZHING, 'JIGS PA MED PAR YANG 'KHOR RNAMS LA

322a

, ,CHOS STON PA STE, RNAM PAR 'PHRUL PA'I RGYAL PO, DE DAG NI BYANG CHUB SEMS DPA'I MI 'JIGS PA BZHI PO DAG GO ,RNAM PAR 'PHRUL PA'I RGYAL PO; DE LA BYANG CHUB SEMS DPA' RNAMS KYI CHOS MA 'DRES PA BCO BRGYAD PO DAG GANG ZHE NA, BYANG CHUB SEMS DPA' NI MA BSTAN PA'I SBYIN PA CAN YIN TE, DE SBYIN PA BYIN CIG CES SUS KYANG BSKUL MI DGOS KYI, SKYES MA THAG TU SBYIN PA LA SEMS 'JUG PA YIN TE, GAL TE BDUD RANG GI GZUGS KYIS 'ONGS NAS DE LA, 'DI SKAD DU, KHYOD SBYIN PA DE BYIN PAS CI ZHIG BYA, GANG SBYIN PA SBYIN PAR BYED PA DE NI SEMS CAN DMYAL BA RNAMS SU SKYE'O, ,ZHES ZER YANG BYANG CHUB SEMS DPA' DE SER SNA BYED PA'I GNAS SKABS MED KYI, DE BDOG PA THAMS CAD YONGS SU GTONG BA LA SEMS 'JUG CING, DE SBYIN PA RNAM PAR 'GYED PA NYID LA SEMS 'JUG LA, DE'I SBYIN PA DE THAMS CAD KYANG BYANG CHUB LA GZHOL ZHING, RNAM PAR SMIN PA LA MI RE BA DANG, SEMS CAN THAMS CAD LA YONGS SU BSNGOS PA YIN TE, 'DI NI BYANG CHUB SEMS DPA'I CHOS MA 'DRES PA DANG PO'O, ,BYANG CHUB SEMS DPA' NI MA BSTAN PA'I TSUL KHRIMS CAN YIN TE, DE DE BZHIN GSHEGS PA RNAMS MA BYUNG BA NA'ANG SU LAS KYANG BSLAB PA DANG, SO

322b

SOR THAR PAR MI NOD LA, SO SOR THAR PA'I SDOM PAS KYANG BSDAMS PA YIN, BSLAB PA LA DGA' BA YIN, BYANG CHUB SEMS DPA' KHYIM NA GNAS PAS KYANG JI LTA JI LTA BUR BCAS PA'I BSLAB PA SRUNG LA, MNGON PAR BYUNG NAS KYANG JI LTAR BCAS PA'I SO SOR THAR PA LA BSTAN MI DGOS SLOB PA STE, 'DI NI BYANG CHUB SEMS DPA'I MA 'DRES PA'O, ,SROG GI PHYIR YANG DE BSLAB PA'I GZHI MI GTONG ZHING TSUL KHRIMS THAMS CAD BYANG CHUB TU GZHOL LA SEMS CAN THAMS CAD KYI 'CHAL BA'I TSUL KHRIMS SPANG BA'I PHYIR YONGS SU BSNGO BA 'DI NI BYANG CHUB SEMS DPA'I CHOS MA 'DRES PA GNYIS PA'O, ,DE SEMS CAN THAMS CAD KYIS BRGYAD BKAG CING SPYOS LA, YAN LAG DANG, NYING LAG RNAMS KYANG BCAD, RAB TU DBUL BA DANG, GDOL BA DANG, RIGS NGAN PA DANG, SMYIG MA MKHAN DAG GIS SPYOS KYANG BYANG CHUB SEMS DPA' SEMS MI 'KHRUG GI ,DE DAG LA BYAMS PA NYID KYIS KHYAB PAR BYED LA, SLAR LAN GLAN PA NUS SHING MTHU YOD KYANG, LAN MI LON PAR CHOS NYID LA RTON, SANGS RGYAS KYI CHOS KHO NA RTON CING, SEMS CAN DE DAG NYID DAD PA BSKYED PA'I PHYIR GO CHA BGOS PA 'DI NI BYANG CHUB SEMS DPA'I CHOS MA 'DRES PA GSUM PA'O, ,BYANG CHUB SEMS DPA' DE RAB TU NYAM THAG PAS KYANG BRTZON 'GRUS MI

323a

, ,GTONG ZHING, NAM YANG ZHUM PAR MI 'GYUR LA, DE GANG GI TSE NYAN THOS RNAMS YONGS SU MYA NGAN LAS 'DA' BA MTHONG BA DE'I TSE 'KHOR BA NA SPYOD PA SDUG BSNGAL BAR MTHONG BA'ANG NYAN THOS KYI YONGS SU MYA NGAN LAS 'DA' BA DE LA SEMS MI 'JUG ,GANG GI TSE RANG SANGS RGYAS RNAMS YONGS SU MYA NGAN LAS 'DA' BA MTHONG BA DE'I TSE 'KHOR BA NA SPYOD PA SDUG BSNGAL BAR MTHONG YANG DE RANG SANGS RGYAS KYI YONGS SU MYA NGAN LAS 'DA' BA DE LA SEMS MI 'JUG ,GANG GI TSE SANGS RGYAS BCOM LDAN 'DAS DON THAMS CAD GRUB CING SANGS RGYAS KYI BYA BA THAMS CAD BYAS PA RNAMS YONGS SU MYA NGAN LAS 'DA' BA MTHONG STE, BDAG KYANG MI NUS SHING SANGS RGYAS KYI CHOS YONGS SU MA RDZOGS PA DE'I TSE, YANG DE SEMS ZHUM PAR MI 'GYUR GYI, BSAM PA SHIN TU YONGS SU RDZOGS NAS 'DI 'DRA BA'I YONGS SU MYA NGAN LAS 'DA' BAS YONGS SU MYA NGAN LAS 'DA' BAR BYA'O ZHES BRTZON 'GRUS SKYED PA 'DI NI BYANG CHUB SEMS DPA'I CHOS MA 'DRES PA BZHI PA'O, ,GANG GI TSE 'KHOR LOS BSGYUR BA'I RGYAL PO'AM , LHA'I DBANG PO BRGYA BYIN NAM, BDUD DBANG SGYUR BAR GYUR PA DE NA, DE LHA'I BU MO MANG POS BSKOR CING, LHA'I SIL SNYAN DANG, GANG DANG, GLU BLANGS PAS BDE BA DANG LDAN PAR GYUR

323b

BA [?] BSAM GTAN NYID MNGON DU 'GYUR, TSAD MED PA RNAMS MNGON DU 'GYUR, DE'I SEMS DBEN PA NYID LA 'JUG PAR 'GYUR, DE'I SEMS 'DU 'DZI DAG LA 'JUG PAR MI 'GYUR, DE 'KHOR BAS CHER 'JIGS PAR 'GYUR, DE 'DOD PA LA'ANG MI SDUG PA'I 'DU SHES CHEN PO SKYE BAR 'GYUR, DE PHUNG PO RNAMS LA GSHED POR 'DU SHES SKYE BAR 'GYUR, KHAMS RNAMS LA DUG GDUG PAR 'DU SHES PA DANG, SKYE MCHED RNAMS LA GRONG STONG PAR 'DU SHES PA DANG, BDAG GI G-YOG 'KHOR DE LA BDUD KYI G-YOG 'KHOR DU 'DU SHES PA DANG, DE BUD MED KYI 'KHOR DE LA DUR KHROD DU 'DU SHES SKYE BAR 'GYUR, DE CHOS KYI G-YOG 'KHOR NYID 'DOD CING, SANGS RGYAS MTHONG BA DANG LDAN PA NYID 'DOD PA DANG, SEMS CAN THAMS CAD THAR PA NYID LA MNGON PAR DGA' BA YIN TE, DE'I SIL SNYAN DANG, RGYUD CAN DANG, GLU'I SGRA DE DAG LAS KYANG BSAM GTAN GYI YAN LAG GI SGRA BYUNG LA, GAL TE DE LA BDUD SGRA DE MED PAR BYED NA, YANG DE'I SNGON GYI DGE BA'I RTZA BA'I MTHUS NAM MKHA' LAS SANGS RGYAS KYI SGRA DANG, CHOS KYI SGRA DANG, DGE 'DUN GYI SGRA DANG, BYANG CHUB SEMS DPA'I SPYOD PA'I SGRA 'BYUNG TE, DES BYANG CHUB SEMS DPA' RGYAL SRID DE DANG, DBANG PHYUG DE BOR NAS NAGS TSAL DU GNAS PAR 'GYUR TE, RNAM PAR 'PHRUL PA'I RGYAL PO, DE NI

324a

, ,BYANG CHUB SEMS DPA'I CHOS MA 'DRES PA LNGA PA'O, ,DE 'JIG RTEN PA'I SHES PA RNAMS LA SNYING PO MED PA'I 'DU SHES SU 'GYUR, DE SHES RAB RNAM PAR 'BYED PA LA MKHAS PA YIN, BAG LA NYAL DANG, LTA BA DANG BRAL BA'ANG MA YIN, DON DAM CHOS LA RTON PA YIN TE, BYANG CHUB SEMS DPA' DE RMI LAM NA'ANG BDAG TU LTA BA DANG, GZHAN DU LTA BA MI 'BYUNG, DE LA BAG LA NYAL DANG, LTA BA DANG, KUN TU DKRIS TE 'DUG PA THAMS CAD MED CING 'GYOD PA DANG BRAL BA YIN, DE LA BDUD SDIG CAN 'GYOD PA GANG GIS BSGRIBS NA CHOS DANG BRAL BAR 'GYUR BA'I 'GYOD PA SKYED MI NUS, DE GAL TE SEMS CAN YONGS SU SMIN PAR BYA BA'I PHYIR SBYOR BA'I TSUL KHRIMS LAS 'DAS KYANG DE 'GYOD PAR MI 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA DRUG PA'O, ,DE'I TSE BRJES NAS KYANG LHUN GYIS GRUB PA NYID DU LUS KYI LAS YONGS SU DAG PAR 'GYUR TE, DE SROG GCOD PA SPANGS PA YIN, LAG PA'AM, BONG BA'AM, DBYIG PA'AM, MTSON GYIS SEMS CAN GANG LA'ANG GNOD PAR MI BYED DO, ,DE MTSON DANG; DBYIG PA BOR BA YIN, BDAG GI LONGS SPYOD KYIS CHO GA SHES PA YIN TE, DE THA NA RTZVA SBAR GANG TZAM YANG GZHAN DAG GIS MA BYIN PAR MI LEN, SA GZHI RIN PO CHES

324b

GANG BA LA'ANG CHAGS PA MI SKYED DE, SHIN TU NYAM THAG CING 'CHI BAR 'GYUR BA DANG, GOS NGAN CING RNYINGS NA'ANG GZHAR YANG 'TSO BA MI MTHUN PAS 'TSO BAR MI BYED CING TSANGS PAR SPYOD PA YIN, DE THA NA RMI LAM NA'ANG 'DOD PA RNAMS YONGS SU MI SPYOD DE 'DOD PA DANG, 'THAB MO DANG, NYON MONGS PA MED PA YIN, 'DOD PA'I PHYIR LAS MI MTHUN PA MI SPYOD DE, DE NI BYANG CHUB SEMS DPA'I MA 'DRES PA'O, ,DE YE SHES SNGON DU 'GRO BA'I LUS KYI LAS DE DANG LDAN PA YIN TE, RNAM PAR 'PHRUL BA'I RGYAL PO, DE NI BYANG CHUB SEMS DPA'I CHOS MA 'DRES PA BDUN PA'O, ,DE DAG YONGS SU DAG PA YIN TE, BDEN PAR SMRA BA YIN, YANG DAG PAR SMRA BA YIN, JI SKAD SMRAS PA DE BZHIN BYED PA YIN, BDAG DANG DE BZHIN GSHEGS PA RNAMS DANG, LHA DANG, KLU DANG, GNOD SBYIN DANG, DRI ZA DANG, MI DANG, MI MA YIN PA RNAMS MI SLU BA YIN, PHRA MA'I TSIG MED CING 'KHOR MI PHYED PA YIN, BDAG GI 'KHOR LA RJES SU CHAGS SHING TSIG RTZUB PO MED PA YIN, DGA' BAR SMRA BA YIN, 'JAM POR SMRA BA YIN, TSIG MI BRLANG BA YIN, TSIG SKYON MED PA YIN, RIGS PAR SMRA BA YIN, TSIG NYUNG BA YIN, GSONG POR SMRA BA YIN, BZHIN 'DZUM PA YIN TE, GANG TSIG MI GSAL BA DANG, GTUM PA DANG, BRLANG BA DANG, RTZUB PA DANG, 'JIG PAR BYED PA

325a

, ,DANG, PHA ROL PO MI DGA' BAR 'GYUR BA DANG, BDAG DANG GZHAN LA GNOD PAR 'GYUR PA'I TSIG DE DAG MI SMRA, TSIG KYAL PAR MI SMRA BA YIN TE, GANG MED PA LA NI MED CES SMRA, GANG YOD PA LA NI YOD CES SMRA STE, DE TSIG GANG BSAM PA DANG, LHAG PA'I BSAM PA YONGS SU DAG PA DES MA 'DRES PA'I CHOS 'DI RAB TU 'THOB BO, TSIG SMRAS PA GANG GIS MA DAD PA RNAMS DAD PAR 'GYUR, DAD PA RNAMS KYANG GONG DU MCHOD PA BYED PAR 'GYUR ZHING SKYE BA THAMS CAD DU 'DI LTA BU'I CHOS KYI TSUL SMRA BA'I TSIG 'THOB PAR 'GYUR, LHAG PA'I BSAM PA MA 'DRES PA DES KYANG BDEN PA'I TSIG RJES SU 'JUG PA'I TSIG 'THOB PAR 'GYUR TE, SMRA BA GANG SMRAS PA DE DE BZHIN DU 'GYUR GYI GZHAN DU MI 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BRGYAD PA'O, ,DE DAG GI SEMS LA DBANG DU GYUR PA YIN TE , BA RNAB SEMS MED CING GNOD SEMS KYI SEMS MED PA YIN, YANG DAG PAR BLTA BA YIN, BYANG CHUB KYI SEMS MI MNYAM PA DANG MNYAM PA'I SEMS DE LAS NAM YANG NYAMS PAR MI 'GYUR TE, DE SEMS KYI GYA GYU THAMS CAD DANG, SEMS KYI G-YO THAMS CAD DANG, SEMS KYI DMU RGOD THAMS CAD YONGS SU DAG CING, BYAMS PA'I RJES SU 'BRANG BA'I SEMS

325b

KYIS NYIN MTSAN 'DAS PAR BYED DE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA DGU PA'O, ,DE SKYES MA THAG TU BSTAN BCOS DANG, GSANG SNGAGS DANG; RIGS SNGAGS DANG, SMAN DANG, RTZIS SHES PA DANG, YI GE DANG, LAG RTZIS DANG, GRANGS DANG, RTZIS RNAMS MA THOS SHING SLOB DPON MED PAR YANG MNGON DU 'GYUR TE, DE BSTAN BCOS DANG BZO THAMS CAD LA MKHAS SHING, 'JIG RTEN LAS 'DAS PA'I CHOS RNAMS LA GZHAN GYI DRING LA MI 'JOG PA'I SHES PA DANG LDAN LA GZHAN GYI NGOR LTA BA MA YIN GYI LHA DANG BCAS PA'I 'JIG RTEN 'DI CI ZHIG 'CHANG, BDAG CAG GIS MNYAN TE BSLAB PO SNYAM NAS DE NYID KYI NGOR LTA BAR 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCU PA'O, ,GANG GI TSE SEMS CAN GZHAN DAG DANG, GANG ZAG GZHAN RNAMS LA 'JIG RTEN PA'I GSO BA SBYOR BA DE'I TSE RNYED PA DANG, BKUR STI DANG, GRAGS PA LA MI RE BAR SBYOR ZHING, SNYING RJE CHEN PO SNGON DU 'GRO BA'I SEMS KYIS 'JIG RTEN LAS 'DAS PA'I CHOS NYID RJES SU DRAN ZHING, 'JIG RTEN PA'I GSO BA SBYOR BA NA BYANG CHUB SEMS DPA' NI BDAG GIS NAM ZHIG NA KHAMS MI MTHUN PA'I NAD 'DI LAS SEMS CAN RNAMS THAR BAR BYA ZHIG GU ,THAR BAR BYAS NAS KYANG NYON MONGS PA'I NAD SHIN TU SPANG ZHING, SDUG

326a

, ,BSNGAL THAMS CAD NYE BAR ZHI BA'I MYA NGAN LAS 'DAS PA LA DGOD PAR BYA'O, ,SNYAM PA DE LTA BU'I DRAN PA THOB PAR 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCU GCIG PA'O, ,DE SMON LAM MA BTAB CING, RE BA MED PA NYID DU BRGYA BYIN NYID DANG, TSANGS PA NYID DANG, 'KHOR LOS BSGYUR BA'I RGYAL SRID KYANG MNGON PAR 'GRUB CING, BYANG CHUB SEMS DPA' DE BRGYA BYIN NYID DANG, TSANGS PA NYID DON DU GNYER BA MA YIN, 'KHOR LOS BSGYUR BA'I RGYAL SRID KYANG DON DU GNYER BA MA YIN MOD KYI, DE'I DE DAG BSGRIM MI DGOS SHING LHUN GYIS GRUB PA NYID DU MNGON PAR 'GRUB PAR 'GYUR ZHING, BYANG CHUB SEMS DPA' DE GZUGS 'DOD PA'I PHYIR TSANGS PAR SPYOD PA MI SPYOD, LONGS SPYOD 'DOD PA'I PHYIR MA YIN, RGYAL SRID 'DOD PA'I PHYIR MA YIN, G-YOG 'KHOR 'DOD PA'I PHYIR MA YIN , GRAGS PA DANG, BRJOD PA DANG, SGRA 'DOD PA'I PHYIR TSANGS PAR SPYAD PA SPYOD PA'ANG MA YIN LA, DE'I DE DAG KYANG LHUN GYIS GRUB CING BTZAL MI DGOS PA DANG, RE BA MED PAR 'GRUB PAR 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCU GNYIS PA'O, ,DE RGYAL SRID KYI DBANG PHYUG LA GNAS PA NA'ANG GANG

326b

SNGON SANGS RGYAS MTHONG BA'I LHA DE DAG BYANG CHUB SEMS DPA' DE'I DRUNG DU LHAGS NAS DRAN PAR BYED, SKUL MA 'DEBS TE, DE LA 'DI SKAD STON TO, ,'DI NI BYA BA YIN, 'DI NI BYA BA MA YIN, LAS 'DI NI BYANG CHUB TU 'GYUR, 'DI NI YONGS SU NYAMS PAR 'GYUR RO, ,KHYOD DE LTAR SPYOD CING DE LTAR GNAS NA DBANG PO RNAMS BLA NA MED PA YANG DAG PAR RDZOGS PA'I BYANG CHUB DANG MTHUN PAR 'GYUR RO, ,ZHES LHA DE DAG KYANG DE LA SKUL LA, DE'ANG RANG BZHIN GYIS BYANG CHUB SEMS DPA'I LAM LAS MI G-YO STE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCU GSUM PA'O, ,JI TZAM DU KHROS SHING RAB TU SDANG BA DANG, THA BA DANG, ZHE SDANG DANG, GNOD SEMS MANG BA RANG BZHIN GYIS MI SRUN PA'I RIGS CAN GYI SEMS CAN RNAMS KYIS KYANG BYANG CHUB SEMS DE LA LUS DANG, NGAG DANG, YID KYIS KYANG GNOD PAR BYA MI NUS TE, KHROS SHING THA BA DANG, ZHE SDANG DANG , GNOD SEMS MANG BA'I SEMS CAN DE DAG KYANG DE MTHONG BA TZAM GYIS DAD PAR 'GYUR RO, ,GANG DAG DE LA LOG PAR BYED PA DE DAG LA DE LOG PAR MI BYED KYI SLAR DE DAG CHOS LA SBYAR BA'I PHYIR YANG DAG PAR DAD PAR BYED DO, ,DE LA LOG PAR BYED PA'I SEMS CAN RNAMS NGAN 'GRO LOG PAR LTUNG BAR YANG MI 'GRO'O, ,DE CI'I PHYIR ZHE NA, 'DI LTAR

327a

, ,SEMS CAN GANG DAG LUS SAM, NGAG GAM, YID KYIS BDAG LA LOG PAR BYED PA'I SEMS CAN DE DAG GZHI DES NGAN 'GROR LTUNG BAR MA GYUR CIG CES BYANG CHUB SEMS DPA' DES THOG MA NYID DU TSUL KHRIMS MA 'DRES PA'I CHOS YONGS SU DAG PA YONGS SU RDZOGS PAR BYAS PA'I PHYIR TE, TSUL KHRIMS DANG LDAN PA DE'I SEMS KYIS SMON LAM BTAB PA'ANG 'GRUB PAR 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I SMON LAM LAS BYUNG BA'I CHOS MA 'DRES PA BCU BZHI PA'O; ;SEMS CAN GANG DAG MA DAD PAR 'JUNGS PA, LOG PAR LTA BA, LAS LA MI LTA BA, LAS KYI RNAM PAR SMIN PA LA MI RTON PA, SANGS RGYAS DANG, CHOS DANG, DGE 'DUN LA RGYAB KYIS PHYOGS PA, DGE SBYONG DANG, BRAM ZE GZHAN DAG LA MA DAD CING MA GUS LA, BSTI STANG MI BYED, ZHES MI BYED, RI MO MI BYED PA DE DAG BYANG CHUB SEMS DPA' DE MTHONG BA DANG, SPYOD LAM MTHONG BA'AM, THOS PA NYID KYIS DAD CING GUS PAR 'GYUR, BSTI STANG BYED, ZHES BYED, RI MO BYED DE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCO LNGA PA'O, ,LHA'AM, KLU 'AM, GNOD SBYIN NAM, DRI ZA'AM, DRANG SRONG RNAMS SAM, TSANGS PA'AM, BDAG CAG NYID STON PAR 'DU SHES SHING

327b

'JIG RTEN NA STON PAR GRAGS PA GANG DAG YIN PA DE DAG GI NANG NA DE NYID RAB TU GRAGS PAR 'GYUR LHA'AM, KLU'AM, GNOD SBYIN NAM, DRI ZA'AM, DRANG SRONG NGAM, TSANGS PAR STON PA 'DU SHES PA GANG DAG YIN PA DE DAG BYANG CHUB SEMS DPA' DE LA 'DUD, RAB TU 'DUD, DE LA RIM GRO BYED, BSNYEN BKUR BYED, DE DAG SNGON BDAG GI STON PA DE YIN NO SNYAM PA'I 'DU SHES SU MTHONG NAS TSUR 'ONG, GUS PAR BYED, 'DI NYID GTZO BO, 'DI NYID MCHOG YIN NO, ,SNYAM NAS DAD PA 'THOB PAR 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCU DRUG PA'O, ,KHYIM MAM, GRONG KHYER GANG NA DGE BA'I CHOS RNAMS 'PHEL ZHING MI DGE BA'I CHOS RNAMS SPONG LA, SEMS CAN YONGS SU SMIN PA DANG, DAM PA'I CHOS YONGS SU 'DZIN PAR 'GYUR BA DER DE LHUN GYIS GRUB PA NYID DU SKYE BAR 'GYUR TE, DE DER YANG DAG PAR SONG ZHING YANG DAG PAR ZHUGS PA'I PHA MA DANG LDAN PAR 'GYUR RO, ,YUL LAM, LJONGS GANG DU BYANG CHUB SEMS DPA' DE SKYES PA DER STON PA GCIG TU 'GYUR TE, RJED CING MCHOD PA 'GYUR RO, ,LJONGS KYI SA PHYOGS DE NAS SEMS CAN GANG YANG NGAN 'GROR 'GRO BAR MI 'GYUR RO, ,DE CI'I PHYIR ZHE NA, 'DI LTAR BYANG CHUB SEMS DPA' DE'I DGE BA'I RTZA BAS DE DAG YONGS SU ZIN PA'I PHYIR TE, DE

328a

, ,DAG SHI 'PHOS NAS KYANG LHA DANG, MI RNAMS SU SKYE BAR 'GYUR TE, RNAM PAR 'PHRUL PA'I RGYAL PO, 'DI NI BYANG CHUB SEMS DPA'I CHOS MA 'DRES PA BCU BDUN PA'O, ,DE MNGON PAR SHES PA DANG, RIG PA YONGS SU RDZOGS PAR BYA BA'I PHYIR, BYANG CHUB KYI PHYOGS DANG MTHUN PA'I CHOS THAMS CAD DANG MTHUN PAR 'GYUR ZHING, BDUD THAMS CAD KYIS KYANG GLAGS RNYED PAR MI 'GYUR TE, RNAM PAR 'PHRUL PA'I RGYAL PO, DE NI BYANG CHUB SEMS DPA'I CHOS MA 'DRES PA BCO BRGYAD PA'O, ,RNAM PAR 'PHRUL PA'I RGYAL PO; MA 'DRES PA RNAMS ZHES BYA BA'I PHYIR MA 'DRES PA RNAMS ZHES BYA ZHE NA, SANGS RGYAS KYI CHOS THAMS CAD YANG DAG PAR 'DU BA'I PHYIR MA 'DRES PA RNAMS ZHES BYA'O, ,DE NAS BCOM LDAN 'DAS LA BYANG CHUB SEMS DPA' RNAM PAR 'PHRUL PA'I RGYAL POS 'DI SKAD CES GSOL TO, ,BCOM LDAN 'DAS, DE BZHIN GSHEGS PAS BYANG CHUB SEMS DPA' SEMS DPA' CHEN PO RNAMS LA CHOS KYI SNANG BA CHEN PO STZAL CING SNANG BA TSAD MA MCHIS PA MDZAD PA NGO MTSAR LAGS SO, ,DE LTAR BCOM LDAN 'DAS KYIS BSHAD PA'I DON BDAG GIS 'TSAL BA LTAR NA, CHOS KYI RNAM GRANGS 'DI BYANG CHUB SEMS DPA' GANG GI RNA LAM DU GRAGS PA DES PHYIS GZHAN THOS NA DE LTA BU'I DAD PA'I DNGOS PO THOB PAR MI

328b

'GYUR LAGS SO, ,GANG GIS CHOS KYI RNAM GRANGS 'DI THOS NAS 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DES SANGS RGYAS KYI CHOS THAMS CAD BZUNG BAR 'GYUR LAGS SO, ,BZUNG NAS KYANG GZHAN DAG LA 'CHAD PA DES SANGS RGYAS KYIS CHOS LA YONGS SU SMIN PAR BGYIS PAR 'GYUR LAGS SO, ,GANG CHOS KYI RNAM GRANGS 'DI LA TSUL BZHIN SBYOR BA DES SANGS RGYAS KYI CHOS THAMS CAD LA ZHUGS PAR 'GYUR LAGS SO, ,GANG 'DI LA BZOD PA DE NI RJES SU MTHUN PA'I BZOD PA LAGS SO, ,GANG 'DI LA NAN TAN BGYID BA DE NI SANGS RGYAS KYI CHOS THAMS CAD NAN TAN BGYID PA LAGS PAR BLTA BAR BGYI'O, ,BCOM LDAN 'DAS, GANG CHOS KYI RNAM GRANGS 'DI DANG MA BRAL BA'I BYANG CHUB SEMS DPA' DE NI MNGON PAR SHES PA THOB CING BYANG CHUB KYI SNYING PO LA GNAS PA LAGS PA BLTA BAR BGYI'O, ,BCOM LDAN 'DAS KYIS BKA' STZAL PA; RNAM PAR 'PHRUL PA'I RGYAL PO, KHYOD ZER BA DE BZHIN TE, GANG CHOS KYI RNAM GRANGS 'DI DANG MA BRAL BA'I BYANG CHUB SEMS DPA' DE NI MNGON PAR SHES PA THOB CING BYANG CHUB KYI SNYING PO LA GNAS PA YIN PAR BLTA'O, ,RNAM PAR 'PHRUL PA'I RGYAL PO, SNGON BYUNG BA LAS 'DAS PA'I DUS NA DE BZHIN GSHEGS PA MAR ME MDZAD KYI PHA ROL, DE BZHIN GSHEGS PA RAB TU

329a

, ,GDUNG PA'I YANG PHA ROL, DE BZHIN GSHEGS PA SKAR RGYAL GYI'ANG PHA ROL, DE BZHIN GSHEGS PA RGYAL GYI'ANG PHA ROL, DE BZHIN GSHEGS PA RAB STZAL GYI 'ANG PHA ROL NA DE BZHIN GSHEGS PA LHA'I RGYAL PO ZHES BYA BA, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA SANGS RGYAS BCOM LDAN 'DAS 'JIG RTEN DU BYUNG BAR GYUR TE, RNAM PAR 'PHRUL BA'I RGYAL PO, DE BZHIN GSHEGS PA LHA'I RGYAL PO DE'I SANGS RGYAS KYI ZHING DE 'BYOR BA DANG, RGYAS PA DANG, BDE BA DANG, LO LEGS PA DANG, NYAMS DGA' BA DANG, LHA DANG, MI RNAMS KYIS GANG BAR GYUR CING, LAG MTHIL BZHIN DU MNYAM PA, BE d'URYA DAG LA DZAMBU'I CHU BO'I GSER GYI PADMAS SPRAS PA, GOS ,KA TZA LINDI KA LTAR REG NA 'JAM PA YIN NO; ;DE'I TSE MI RNAMS KYI LONGS SPYOD NI DGA' LDAN GYI LHA RNAMS LONGS SPYOD DANG, YONGS SU SPYOD PA CI 'DRA BA DE 'DRA BAR GYUR TE, BZA' BA DANG, BTUNG BA RNAMS KYANG YID LA BSAM PA TZAM GYIS 'BYUNG NGO, ,MI DE DAG GI KHA DOG DANG, GZUGS DANG, DBYIBS DANG, SKYED MOS TSAL DANG, GZHAL MED KHANG DAG KYANG LHA RNAMS KYI DANG BYE BRAG

329b

MED PAR GYUR TE, MING DU BRJOD PA 'BA' ZHIG THA DAD DU ZAD DO, ,STONG GSUM GYI STONG CHEN PO'I 'JIG RTEN GYI KHAMS DE NA DE BZHIN GSHEGS PA DE MA GTOGS PA RGYAL PO GANG YANG MED DE, DE'I PHYIR DE BZHIN GSHEGS PA DE LHA'I RGYAL PO ZHES BYA'O, ,'DI LTA STE, DPER NA, 'KHOR LOS BSGYUR BA'I RGYAL PO CHOS KYI 'DUN SAR 'DUG NAS CHOS KHO NA STON GYI, CHOS MA YIN PA MI STON TO, ,DE BZHIN DU DE BZHIN GSHEGS PA LHA'I RGYAL PO DE'ANG CHOS KYI STAN SENG GE'I KHRI LA BZHUGS NAS 'JIG RTEN PA RNAMS LA CHOS STON PAR GYUR TO, ,DE CHOS STON PA NA MDUN DANG, RGYAB NA 'KHOR GYI DKYIL 'KHOR DPAG TSAD BRGYAD KHRI BZHI STONG DANG, G-YAS G-YON NA'ANG DPAG TSAD BRGYAD KHRI BZHI STONG GANG PAR 'KHOD DE, DE BZHIN GSHEGS PA DE CHOS STON PA NA STONG GI 'JIG RTEN GYI KHAMS SGRAS MNGON PAR KHYAB PAR MDZAD DO, ,DE BZHIN GSHEGS PA DE'ANG LHA DANG, MI DE RNAMS KYIS, 'DI LTA STE, BLA NA MED PA'I SANGS RGYAS KYI CHOS NAN TAN DU BYED PA'I MCHOD PAS MCHOD, RJED, BSTI STANG BYAS, BLA MAR BYAS PAR GYUR TO, ,DE NA SEMS CAN DMAN PA LA MOS PA GANG YANG MED KYI, DE DAG THAMS CAD CHEN PO LA MOS PAR GYUR TE, 'DI LTA STE, SANGS RGYAS KYI CHOS LA MOS BA SHA STAG GO ,DE NA NYAN THOS DANG, RANG SANGS RGYAS RNAMS

330a

, ,KYI MING YANG MI GRAG NA 'JUG PA DANG, SPYOD PA LTA SMOS KYANG CI DGOS TE, BCOM LDAN 'DAS DE'I G-YOG 'KHOR NI BYANG CHUB SEMS DPA' PA'I ZHIG TU GYUR TO, ,DE NA BUD MED DU GDAGS PA'ANG MED, 'KHRIG PA'I CHOS SPYOD PA'I SGRA'ANG MED DE, SEMS CAN DE DAG THAMS CAD PADMA LA SKYIL MO KLUNG DU RDZUS TE SKYE BAR GYUR TO, ,LHA DANG, MI DE RNAMS KYANG DE BZHIN GSHEGS PA MTHONG BAS MGU BAS DGA' BA DANG, CHOS NYAN PA'I DGA' BA DANG, CHOS SO SOR RTOG CING 'BYED PA'I DGA' BA DANG, DGA' BA GSUM DANG LDAN PAR GYUR TO, ,LHA DANG, MI DE DAG KYANG RTAG TU BAG YOD PAR GNAS PAR GYUR TO, PHAN TSUN CHOS BGRO BA LA BRTZON NO, ,LHA DANG, MI RNAMS DPAG TU MED DE, SHI 'PHOS NA'ANG GANG NA SANGS RGYAS BCOM LDAN 'DAS BZHUGS PA'I SANGS RGYAS KYI ZHING RNAMS SU BSAM BZHIN DU SKYE BAR BYED DO, , BYANG CHUB SEMS DPA' GANG DE NI 'CHI 'PHO BA DE SHING TA LA BDUN TZAM DU BAR SNANG LA 'PHAGS NAS, KYE GROGS PO DAG ,BDAG NI SANGS RGYAS KYI ZHING 'DI NAS 'CHI 'PHO'O ZHES 'CHI 'PHO BA'I SGRA 'BYIN TO, ,SGRA DES KYANG BYANG CHUB SEMS DPA' DU MA ZHIG 'DUS NAS BYANG CHUB SEMS DPA' DE'I CHOS KYI BZOD PA LA LONGS SPYOD CING

330b

DE LA GANG 'CHI 'PHO BA DANG, GANG SKYE BA'I CHOS GANG YIN PA ZHES DE SKAD KYANG SMRA'O, ,BYANG CHUB SEMS DPA' DES BYANG CHUB SEMS DPA' RNAMS LA 'DI SKAD CES SMRAS TE, GROGS PO DAG, CHOS GANG YANG 'ZHI BA DANG, SKYE BA MED DE, DE BZHIN GSHEGS PAS CHOS THAMS CAD 'CHI BA DANG, SKYE BA MED PAR MNGON PAR RDZOGS PAR SANGS RGYAS SO, ,GZUGS MI 'CHI, MI SKYE'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MI 'CHI, MI SKYE'O, ,DE LA DON DAM PAR BDAG GAM, SEMS CAN NAM, SROG GAM, GANG ZAG GAM, SHED LAS SKYED SAM, SHED BU'AM, 'CHI BA'AM, SKYE BAR 'GYUR PA GANG YANG MED DO, ,BCOM LDAN 'DAS, CHOS THAMS CAD STONG PA NYID DANG, MTSAN MA MED PA DANG, SMON PA MED PAR MNGON PAR RDZOGS PAR SANGS RGYAS TE, STONG PA NYID DANG, MTSAN MA MED PA DANG, SMON PA MED PA'I 'CHI BA'AM, SKYE BAR MI 'GYUR RO, ,BCOM LDAN 'DAS KYIS 'DOD CHAGS DANG BRAL BA'I MTHA' MNGON DU MDZAD, BCOM LDAN 'DAS KYIS MNGON PAR 'DU BYA BA MED PA'I MTHA' DANG, SKYE BA MED PA'I MTHA' DANG, 'BYUNG BA MED PA'I MTHA' MNGON DU MDZAD DE, 'DOD CHAGS DANG BRAL BA'I MTHA' NAS 'BYUNG BA MED PA'I MTHA'I BAR DU 'CHI BA DANG, SKYE BA'ANG MED DO, ,GANG 'CHI 'PHO BA LA 'CHI 'PHO ZHES BYA BA DE NI DE'I

331a

, ,RKYEN RNAMS DANG MI LDAN PA'O, ,GANG SKYE BA ZHES BYA BA'ANG RKYEN RNAMS TSOGS PA STE, RKYEN RNAMS LA 'CHI 'PHO 'AM, SKYE BA MED DO, ,ZHES BYANG CHUB SEMS DPA' DES BYANG CHUB SEMS DPA' 'KHOR DER CHOS KYI GTAM DE LTA BU BYAS TE SHI 'PHOS PAR GYUR TO, ,SHI 'PHOS NAS KYANG THAL BA'AM, DU BA TZAM YANG MED PAR GYUR TE, 'CHI 'PHOS [?] NAS DE BZHIN GSHEGS PA MNGON DU BZHUGS PA'I SANGS RGYAS KYI ZHING GZHAN DU SONG NGO, ,DE BZHIN GSHEGS PA DE DANG, BYANG CHUB SEMS DPA' DE RNAMS GOS DUR SMRIG MI GYON GYI, THAMS CAD KYANG LHA'I GOS GTZANG MA RNAMS GYON NO, ,DER BSLAB PA BCA' BA'ANG MED DE, DE DAG THAMS CAD CANG SHES PA SKYE BA MED PA LA BZOD PA'I CHOS CAN DU GYUR TO, ,DE DAG LA GTAM RGYAS PAR BYA'ANG MI DGOS TE, DE DAG NI ZUR TZAM GYIS GO ZHING DBANG PO RNOB SHA STAG GO ,GANG GI TSE DE BZHIN GSHEGS PA DE BYANG CHUB SEMS DPA' RNAMS LA CHOS STON PA DE'I TSE SANGS RGYAS KYI ZHING DE NA LHA DANG, MI JI SNYED 'KHOD PA DE DAG THAMS CAD KYIS BSHAD PA DE KUN SHES PAR GYUR TE, DE LA KHA CIG GIS NI BZOD PA THOB, KHA CIG GIS NI GZUNGS, KHA GCIG GIS NI SPOBS PA, KHA CIG GIS NI TING NGE 'DZIN THOB BO, ,DE BZHIN GSHEGS PA DE'I MTSAN KYANG PHYOGS BCUR GRAGS

331b

PAR GYUR TO, ,RNAM PAR 'PHRUL PA'I RGYAL PO, DE LTAR DE'I TSE DE'I DUS NA, DE BZHIN GSHEGS PA LHA'I RGYAL PO DE LHA DANG BCAS PA'I 'JIG RTEN GYI MDUN NA CHOS KYI RNAM GRANGS 'DI NYID RGYAS PAR 'CHAD DO, ,DE NA BYANG CHUB SEMS DPA' BDUN KHRI NYIS STONG YANG DAG PAR RDZOGS PA'I BYANG CHUB TU LUNG BSTAN PAR GYUR TO, ,DE'I TSE DE'I DUS NA BYANG CHUB SEMS DPA' DRI MED RNAM DAG 'OD CES BYA BA ZHIG KYANG YOD PAR GYUR TO, ,DE BZHIN GSHGES PA DES BYANG CHUB SEMS DPA' DE LUNG YANG MA BSTAN PA DANG, DE 'DI SNYAM DU SEMS TE, BYANG CHUB SEMS DPA' GANG DAG LUNG BSTAN PA DE DAG SPYOD LAM MAM, SPYOD PA'AM, NAN TAN NAM, DRAN PA 'AM, BLO GROS SMA, RTOGS PA'AM, SHES RAB BAM, MNGON PAR SHES PA'AM, GZUNGS SAM, TING NGE 'DZIN THOB PAS BDAG LAS LHAG PA'AM, MCHOG TU GYUR PA NI MED NI, CI'I PHYIR 'DIR DE DANG GI LUN BSTAN LA BDAG LUNG MA BSTAN SNYAM MO, ,DE NAS DE BZHIN GSHEGS PA LHA'I RGYAL PO DE'I THUGS KYIS BYANG CHUB SEMS DPA' DE'I SEMS MKHYEN NAS BYANG CHUB SEMS DPA' DE LA 'DI SKAD CES BKA' STZAL TE, ,RIGS KYI BU, MA 'ONGS PA'I DUS NA DE BZHIN GSHEGS PA MAR ME MDZAD CES BYA BA ZHIG 'GYUR STE, DE KHYOD LA LUNG STON PAR 'GYUR RO, ,DE NAS BYANG CHUB

332a

, ,SEMS DPA' DRI MED RNAM DAG 'OD KYIS TSIG DE THOS NAS RAB TU DGA' ZHING MGU BAR GYUR TE, NAM MKHA' LA 'PHAGS NAS, GAL TE BSKAL PA GANGNG'A'I KLUNG GI BYE MA SNYED CIG NA DE BZHIN GSHEGS PA MAR ME MDZAD DE 'BYUNG DU ZIN KYANG BDAG GIS THAMS CAD MKHYEN PA NYID THOB PAR 'GYUR RO, ,DE BZHIN GSHEGS PA RNAMS NI SHOB BO MI GSUNG STE, DE BZHIN GSHEGS PA RNAMS NI YANG DAG PAR GSUNGS PA, BDEN PAR GSUNGS PA'O, ,ZHES TSIG DE SKAD SMRAS SO; ;RNAM PAR 'PHRUL PA'I RGYAL PO, 'DI JI SNYAM DU SEMS, DE'I TSE BYANG CHUB SEMS DPA' DRI MED RNAM DAG 'OD CES BYA BAR GYUR PA DE GZHAN ZHIG YIN SNYAM NA DE LTAR MI LTA'O, ,DE CI'I PHYIR ZHE NA, NGA NYID DE'I TSE BYANG CHUB SEMS DPA' DRI MED RNAM DAG 'OD CES BYA BAR GYUR TO, ,RNAM PAR 'PHRUL PA'I RGYAL PO, DE'I TSU ROL NA DE BZHIN GSHEGS PA RAB GSAL ZHES BYA BA NGAS MNYES PAR BYAS TE, DE LAS KYANG CHOS KYI RNAM GRANGS 'DI THOS SO, ,THOS NAS KYANG BZUNG NGO ,SNANG BA'I PHYAG RGYA ZHES BYA BA'I TING NGE 'DZIN KYANG THOB BO, ,DE'I TSU ROL NA DE BZHIN GSHEGS PA RGYAL ZHES BYA BA MNYES PAR BYAS TE, DE LAS KYANG CHOS KYI RNAM GRANGS 'DI THOS SO, ,THOS NAS KYANG BZUNG NGO, ,SNANG

332b

LDAN ZHES BYA BA'I TING NGE 'DZIN KYANG THOB BO, ,DE'I TSU ROL NA DE BZHIN GSHEGS PA SKAR RGYAL ZHES BYA BA MNYES PAR BYAS TE, DE LAS KYANG CHOS KYI RNAM GRANGS 'DI THOS SO, , THOS NAS KYANG BZUNG NGO, ,RNAM PAR SNANG BYED CES BYA BA'I TING NGE 'DZIN KYANG THOB BO, ,DE'I TSU ROL NA DE BZHIN GSHEGS PA RAB TU GDUNG BA ZHES BYA BA MNYES PAR BYAS NAS, DE LAS KYANG CHOS KYI RNAM GRANGS 'DI THOS TE, THOS NAS KYANG BZUNG NGO, ,RJES SU MTHUN PA'I BZOD PA THOB BO, ,DE'I TSU ROL NA DE BZHIN GSHEGS PA MAR ME MDZAD CES BYA BA MNYES PAR BYAS NAS, DE LAS KYANG MI SKYE BA'I CHOS LA BZOD PA THOB STE, TSUL KHRIMS KYI RNAM PAR 'PHRUL PA DANG, MNGON PAR SHES PA'I RNAM PAR 'PHRUL PA DANG, SHES PA'I RNAM PAR 'PHRUL PA DANG, SHES RAB KYI RNAM PAR 'PHRUL PA ZHES BYA BA DANG, RNAM PAR 'PHRUL BA BZHI PO DE DAG KYANG MNGON SU MDU BYAS SO, ,RNAM PAR 'PHRUL PA'I RGYAL PO, RNAM GRANGS DES 'DI LTAR RIG PAR BYA STE, DE LTA'AM, LDAN 'DAS PA'I 'OG TU 'ANG RUNG, BYANG CHUB SEMS DPA'I THEG PA PA'I RIGS KYI BU'AM, RIGS KYI BU MO GANG SU DAG CHOS KYI RNAM GRANGS 'DI 'DZIN PA DANG, 'CHANG BA DANG, KLOG PA DANG, KUN CHUB PAR BYED PA DANG, GZHAN DAG LA RGYA CHER YANG DAG PAR TSTON PA DE DAG THAMS CAD YANG DAG PAR RDZOGS PA'I

333a

, ,PA'I BYANG CHUB KYI PHYIR MNGON PAR SHES PA MYUR BA DANG LDAN PAR 'GYUR, CHOS KYI RNAM PAR 'PHRUL PA 'DI RNAMS KYANG THOB PAR 'GYUR, THOB NAS KYANG CHOS KYI RNAM PAR 'PHRUL PA 'DI DAG GIS CHOS KYI 'KHOR LO RJES SU SKOR BAR 'GYUR, THAMS CAD MKHYEN PA'I YE SHES BLA NA MED PA 'DI LA RJES SU MTHUN PA'I BZOD PA'ANG THOB PAR 'GYUR RO, ,BCOM LDAN 'DAS KYIS CHOS KYI RNAM GRANGS 'DI BSHAD PA NA BYANG CHUB SEMS DPA' KHRI DRUG STONG GIS BZOD PA THOB BO, ,SROG CHAGS 'BUM PHRAG BCU GNYIS KYIS NI BYANG CHUB TU SEMS BSKYED DO, ,STONG GSUM GYI STONG CHEN PO'I 'JIG RTEN GYI KHAMS DE'ANG RAB TU G-YOS PAR GYUR TO, ,LHA DANG, KLU 'BUM DAG KYANG GANG NA CHOS KYI RNAM GRANGS 'DI SPYOD PA DE NAS SANGS RGYAS 'BYUNG BAR SHES PAR BYA'O, ,GANG DAG CHOS KYI RNAM GRANGS 'DI NYAN PA'I SEMS CAN DE DAG KYANG DGE BA'I RTZA BA MA BSAGS PA MA YIN NA GANG DAG GIS BZUNGS NAS KUN CHUB PAR BYED PA'I BAR DU GYUR PA LTA SMOS KYANG CI DGOS TE, DE DAG NI RING POR MI THOGS PAR RNAM PAR 'PHRUL PA 'DI DAG THOB PAR 'GYUR RO ZHES CHED DU BRJOD PA CHED DU BRJOD DO, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS ,

333b

CHOS KYIS RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL PA, RNAM PAR 'PHRUL BA'I CHO 'PHRUL BSTAN PA ZHES BYA BAR ZUNGS SHIG , BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' SEMS DPA' CHEN PO RNAM PAR 'PHRUL PA'I RGYAL PO DANG, TSE DANG LDAN PA KUN DGA' BO DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO,, 'PHAGS PA RNAM PAR 'PHRUL PA'I RGYAL POS ZHUS PA ZHES BYA BA THEG PA CHEN PO'I MDO RDZOGS SO,, ,RGYA GAR GYI MKHAN PO PRADZNY'A WARMA DANG, ZHUS CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,,