, ,HE RU KA PHYAG RGYA GCIG PA'I SGRUB THABS BZHUGS, #, ,DANG PO SNGA BAR LANGS LA, PHYI NANG GI SGO SBYANG BAR BYA, DE NAS MAndALA DANG MCHOD PA DANG GTOR MA BSHAMS, DE NAS BDAG NYID KYIS SNYING GAR ZLA BA'I DKYIL 'KHOR GYI STENG DU YI GE HR'I: MTHING GCIG BSGOMS LA, DE LAS 'OD ZER 'PHROS PAS BLA MA DANG BCAS PA'I YE SHES KYI LHA MDUN GYI NAM MKHA' LA SPYAN DRANGS LA, GONG MA'I MCHOD PA RNAMS YI GE GSUM GYIS BYIN GYIS BRLABS LA DBUL, DE NAS YAN LAG BDUN PA'I MCHOD PA BYA, DE NAS YI GE BRGYA PAS BZOD GSOL BYAS LA MI DMIGS PAR BSGOMS, AOm SH'U N+YA T'A DZNY'A NA BADZRA SVA BH'A WA A'ATMA KO&HAm, ZHES BRJOD PAS STONG PA NYID DU BSGOM, DE'I NGANG LAS YI GE H'Um GI SNANG BA LAS RA BA DANG, DRA BA DANG SA GZHI STE, SRUNG BA'I 'KHOR LO GZHUNG BZHIN DU BSGOM, SRUNG BA'I 'KHOR LO'I NANG DU PADMA DMAR PO 'DAB MA BRGYAD PA GCIG BSGOM, DE'I LTE BAR NYI MA'I DKYIL 'KHOR DE'I STENG DU YI GE HR'I: MTHING GCIG BSGOM, DE RNAMS GYUR PA LAS PHYAG MTSAN KHA tV'Am GCIG TU BSGOM DE GNAS SKABS GYUR PA LAS DPAL RDO RJE NYE RU KA SKU MDOG MTHING GA PHYAG BZHI PA ZHAL BZHI PA ZHABS GNYIS PA, PHYAG G-YAS NA MDA' RANG THOD PA, G-YON NA GZHU DANG KHA tV'Am GA BSNAMS PA, DBU LA MI BSKYOD PAS BRGYAN PA, THOD PA SKAM PO'I COD PAN CAN, THOD PA RLON PA'I DO SHAL GYIS BRGYAN PA, 'OD ZER DMAR SMUG GI NANG NA BZHUGS PA CIG BSGOMS LA, DE'I SNYING GAR ZLA BA'I STENG DU SA BON HR'I: YIG SNGON PO CIG BSGOM, DE LAS 'OD 'PHROS PAS YE SHES KYI DPAL HE RU KA MDUN GYI NAM MKHA' LA SPYAN DRANGS LA THAL MO SBYAR NAS, PHYAG 'TSAL
'DUD CING PHYAG 'TSAL 'DUD, ,PHYAG 'TSAL BSTOD DE PHYAG 'TSAL 'DUD, ,GUS PAS KHYOD LA BDAG GSOL 'DEBS, ,RDO RJE 'DZIN PA BDAG SGRUBS SHIG ,CES BRJOD LA, MCHOD PA DNGOS SU 'BYOR NA DBUL, MA 'BYOR NA YID LAS BYUNG BA'I MCHOD PAS MCHOD, DE NAS BSTOD DE, MCHE BA GTZIGS SHING 'JIGS PA CHE, ,SNGAGS KYI ME TOG PHRENG BAS BRGYAN, ,SHA CHEN RTAG TU GSOL MDZAD PA'I, ,HE RU KA DPAL PHYAG 'TSAL 'DUD, ,DE NAS DE NYID 'OD DU ZHU STE, BDAG NYID LA THIM PAR BSAMS LA, DE NAS SNYING GA'I HR'I: LAS SEMS GTAD DE, THUN MTSAMS BCAD LA BSGOM, THUN MTSAMS SU, AOm A'A HR'I: H'Um ZHES BZLAS TING NGE 'DZIN GYI THUN GTONG BA'I DUS SU YE SHES KYI LHA YID KYIS GSHEGS SU GSOL, DAM TSIG GI LHA NI MI DMIGS PAR BYA'O, ,THUN LA 'JUG PA'I DUS SU SKAD CIG MAS LHAR BSKYED LA, SA BON GYI 'OD ZER GYIS YE SHES KYI LHA SPYAN DRANGS LA, BSTIMS NAS SNGA MA LTAR BSGOM, HE RU KA PHYAG RGYA GCIG PA'I SGRUB THABS RDZOGS SO,,