, ,MA H'A M'A Y'A'I SGRUB THABS RMONGS PA SGROL BA'I BRTAG PA BZHUGS, #, ,DPAL RDO RJE MKHA' 'GRO MA LA PHYAG 'TSAL LO, ,DANG POR SNGAGS PAS SGO DAG PA LA SOGS PA BYAS NAS, BDE BA'I STAN LA 'DUG STE, RANG GI SNYING GAR ZLA BA'I DKYIL 'KHOR GYI DBUS SU, SA BON H'I:YIG SNGON PO BLTAS TE, MDUN DU RDO RJE'I SNYING RJE'I STOBS MDOG DANG, PHYAG DANG MTSON CHAR LDAN PA 'OG NAS 'BYUNG BA BZHIN DU RNAM PAR BSAMS TE, MCHOD PA DANG SDIG PA BSHAGS PA DANG, BSOD NAMS LA RJES SU YI RANG BA DANG, SKYABS SU 'GRO BA LA SOGS PA SMON LAM GYI BAR DU BYA'O, ,DE NAS RANG GI LUS NGAG YID LA MING GI YI GE BSGOM PAR BYA'O, ,HE ZHES BYA BA NI CHOS THAMS CAD RGYU DANG BRAL BA'O, , HA ZHES BYA BA NI, CHOS THAMS CAD 'PHEL BA DANG 'GRIB PA MED PA'O, ,AE ZHES BYA BA NI CHOS THAMS CAD YONGS SU RTOGS PA LA RNAM PAR GROL PA'O, ,RU ZHES BYA BA NI, CHOS THAMS CAD SGRA BRNYAN DANG 'DRA BA'O, ,RA ZHES BYA BA NI CHOS THAMS CAD DGA' BA DANG, AU ZHES BYA BA NI CHOS THAMS CAD SKYE SHI DANG BRAL BA'O, ,KA ZHES BYA BA NI CHOS THAMS CAD GANG NA YANG MI GNAS PA'O, ,KA ZHES BYA BA NI CHOS THAMS CAD BDE BA DANG LDAN PA'O, ,AA ZHES BYA BA NI CHOS THAMS CAD SKYE BA MED PA'I SGO'O ZHES BYA BA 'DIS STONG PA NYID DU BSGOM PAR BYAS NAS, AOm SH'U N+YA T'A DZNY'A NA BADZRA SVA BH'A WA A'ATMA KO&HAm, ZHES BYA BA'I SNGAGS 'DI BRJOD PAR BYA'O, ,H'Um ZHES BRJOD PAS BGEGS 'JIGS PA'I RDO RJE RA BA LA SOGS PA BSAMS LA, DER DUR KHROD BRGYAD KYI DBUS SU PADMA DMAR PO 'DAB MA BRGYAD PA DE'I LTE BA LA NYI MA'I DKYIL 'KHOR DE'I STENG DU SA BON HR'I:YIG SNGON PO BLTAS
LA; BYAMS PA DANG SNYING RJE DANG DGA' BA DANG, BTANG SNYOMS KYI RANG BZHIN LHA MO BZHI'I RANG BZHIN GYI DBYANGS KYIS BSKUL BAR BYA STE, DPAL RDO RJE MKHA' 'GRO GLU DAM PA'I SRID PA SGRUB PAR BYED PA, KYE MA GNYEN MCHOG RDO RJE'I 'OD KYIS PADMA KHA RAB 'BYED, ,AA LA LA LA LA HO BDE BA CHEN PO RAB TU DGYES PA'I GAR MDZOD CIG ,NYI MA'I 'OD KYIS PADMA KHA RAB 'BYED PA BZHIN, ,BDE BA CHEN PO RAB TU DGYES PA'I GAR MDZOD CIG ,CES PA'I GLU 'DIS RDO RJE SEMS DPA' BSLANG STE, DNGOS PO THAMS CAD SGYU MA DANG 'DRA BAR MTHONG NAS HR'I:LAS BYUNG BA'I RDO RJE SNYING RJE'I STOBS MDOG SNGON PO ZHAL BZHI PA, PHYAG BZHI DANG LDAN PA, SNGON PO DANG, SER PO DANG, DKAR PO DANG, LDANG GU'I ZHAL BZHI, PHYAG G-YAS NA MDA' DANG, KA P'A LA 'DZIN PA, G-YON NA GZHU DANG, KHA tV'Am GA 'DZIN PA, NYI MA'I GDAN LA BZHUGS PA, SPYAN GSUM PA MGO RLON PA'I PHRENG BA DANG LDAN PA, KA P'A LA LNGAS DBU BRGYAN PA, MI'I RUS PA'I RGYAN CAN, MCHE BA GTZIGS PA SKRA KHAM PA GYEN DU 'GRENG BA'O, ,DPRAL BAR TZI SER PO, MIG LA AOm DKAR PO, RNA BA LA AA DMAR PO, SNA LA KHE DKAR PO, MGRIN PAR A'A:DMAR PO, SNYING GAR RE DMAR PO STE, 'DI NI GO CHA DRUG GO, ,RANG DANG 'DRA BA'I SHES RAB MA LA 'KHYUD PA NAM MKHA' THAMS CAD 'OD DANG LDAN PAR BYED PA, RDO RJE 'DZIN PA DBU LA BZHUGS PA SKU GSUNG THUGS BYIN GYIS BRLABS PA CHOS KYI DBYINGS RNAM PAR DAG PA'I RANG BZHIN NO, ,DE'I SHAR PHYOGS KYI 'DAB MA LA RDO RJE MKHA' 'GRO MA MDOG SNGON PO, SNGON PO DANG, SER PO DANG, DKAR PO DANG, LJANG GU'I ZHAL BZHI, PHYAG BZHI PA G-YAS NA RDO RJE DANG, KA P'A LA DANG, G-YON NA DRIL BU DANG, KHA tV'Am GA DANG, SA'I KHAMS DANG ME LONG LTA BU'I YE SHES KYI RANG BZHIN NO, ,LHO PHYOGS KYI 'DAB MA LA RIN CHEN MKHA' 'GRO MDOG SER PO, SER PO DANG, SNGON PO DANG, DKAR PO DANG, LJANG GU'I ZHAL BZHI DANG LDAN PA, PHYAG BZHI PA G-YAS NA KA P'A LA DANG, TRI SH'U LA, G-YON NA RIN PO CHE'I RGYAL MTSAN DANG, CE SBYANG DANG, CHU'I KHAMS DANG MNYAM PA NYID
, ,KYI YE SHES KYI RANG BZHIN NO, ,NUB PHYOGS KYI 'DAB MA LA PADMA MKHA' 'GRO MA KHA DOG DMAR PO, DMAR PO DANG, SER PO DANG, SNGON PO DANG, LJANG GU'I ZHAL BZHI PHYAG BZHI PA G-YAS NA MDA' DANG, SNA TSOGS PADMA, G-YON NA GZHU DANG, KA P'A LA, ME'I KHAMS DANG SO SOR RTOG PA'I YE SHES KYI RANG BZHIN NO, ,BYANG PHYOGS KYI 'DAB MA LA SNA TSOGS MKHA' 'GRO MA KHA DOG LJANG GU, LJANG GU DANG, SAR PO DANG, DKAR PO DANG, SNGON PO'I ZHAL BZHI, PHYAG BZHI G-YAS CAN RAL GRI DANG, RDE'U CHUNG, G-YON PA NA ZHAGS PA DANG, KA P'A LA, RLUNG GI KHAMS DANG BYA BA GRUB PA'I YE SHES KYI RANG BZHIN NO, ,LHA MO THAMS CAD NYI MA'I DKYIL 'KHOR LA GNAS PA, KA P'A LA LNGAS DBU BRGYAN PA, MGO BO RLON PA'I PHRENG BA CAN, SPYAN GSUM PA MCHE BA GTZIGS PA, SKRA KHAM PA GYEN DU 'BAR BA 'OD KYI PHRENG BA 'PHRO BA'O, , DE LTAR LHA MO BZHI DANG MNYAM PAR LDAN PA'I MTSAN NYID, RDO RJE SNYING RJE'I STOBS BSGOM PAR BYAS NAS MGO BO DANG SNYING GA DANG, LTE BA DANG GSANG BAR, RLUNG DANG, SA DANG, CHU DANG, MA'I DKYIL 'KHOR MAN NGAG JI LTA BA BZHIN DU BSGOM PAR BYAS TE MA NING GI BZLAS PA, AOm A'A:H'Um BZLAS SO, ,NGAN NA SNGAGS KYI BZLAS PA BYA STE, AOm A'A:HR'I:H'Um, 'DI NI GTZO BO'I SNGAGS SO, ,AOm BUDDHA D'AKI N'I A'A:HR'I:H'Um, AOm BADZRA d'A KI N'I A'A:HR'I:H'Um, AOm RATNA d'A KI N'I A'A:HR'I:H'Um, AOm PADMA d'A KI N'I A'A:HR'I:H'Um, AOm BI SHVA d'A KI N'I A'A:HR'I H'Um, DNGOS DANG DNGOS MED MNYAM YIS, , SNGAGS DBYIBS CHOS BDAG RNAL 'BYOR PA, ,THA MAL RNAM RTOG LAS GROL BAS, ,'DOD PA KUN LA LONGS SPYOD BYA, ,RMONGS PA SGROL BA'I BRTAG PA ZHES BYA BA SLOB DPON KU KU RI PAS MDZAD PA RDZOGS SO,, ,,RGYA GAR GYI MKHAN PO AA N'I LA BADZRA DANG, BOD KYI LO TZ'A BA 'GOS LHAS BCAS KYIS RGYA GAR GYI DPE'I PHYI MO DANG GTUGS TE GTAN LA PHAB PA,,