, ,RGYA GAR SKAD DU, SARB'A RTHA S'A DHA KA BADZRA GHO NA S'A DHA NA N'A MA, BOD SKAD DU, RDO RJE PHAG MO DON KUN GRUB PA'I SGRUB THABS ZHES BYA BA, RJE BTZUN RDO RJE PHAG MO LA PHYAG 'TSAL LO, ,AOm HRIm GH'A TA YA SARBA DUsht'A NA H'Um PHAt SV'A H'A ZHES BYA BAS GTOR MA BYIN NAS BSAM GTAN BYA'O, ,LTE BA'I DBUS SU RAm GYUR PA LAS ME'I DKYIL 'KHOR GRU GSUM PA, DE'I DBUS SU PADMA DMAR PO 'DAB MA BZHI PA, DE'I STENG DU HR'I: YIG BSKAL PA'I ME LTA BUR 'BAR BAR GYUR PA'O, ,DE YONGS SU GYUR PA LAS BDAG NYID RDO RJE PHAG MO SKU MDOG DMAR MO, GCER BU YI DAGS KYI GDAN LA ZHABS G-YAS BRKYANG G-YON BSKUM PAS GNAS PA, DBU SKRA GYEN DU BRDZES PA, THOD PA'I DBU RGYAN DANG, PHYAG RGYA LNGAS BRGYAN PA, PHYAG BZHI'I G-YAS PAS RDO RJE DANG LCAGS KYU 'DZIN PA, G-YON PAS KHA tV'Am BSTEN CING THOD PA DANG SDIGS MDZUB ZHAGS PA 'DZIN PA, ZHAL GCIG MA, SPYAN GSUM MA, KHRO GNYER DRAG TU GTZIGS PA, 'JIGS MU RUNG MA, GSUS KHYIM CHE BA DANG LDAN PA'I
RDO RJE PHAG MOR BSGOM PAR BYA'O, ,'DAB MA BZHI LA BDUD RTZI LNGAS GANG BA'I PADMA'I SNOD RNAMS BSAM MO, ,AOm BADZRA B'A R'A H'I A'A PE SHA YA, SARBA DUsht'A NA HR'Im SV'A H'A, NYE BA'I SNYING PO'O, ,AOm H'Um HRIm H'Um, SNYING PO'O, ,'BUM PHRAG GCIG BZLAS PAR BYA'O, ,MNYAM PAR GZHAG PAR GYUR PAS 'DIR THE TSOM MED PAR 'GRUB PAR 'GYUR RO, ,AOm A'A: HRIm H'Am HA: SNGAGS 'DIS BRIS SKU'I DRUNG DU SHA CHEN BYE MAR BYAS PA'I BDUG SPOS DBUL BAR BYA'O, ,JI SRID DU ZHAG NYI SHU RTZA GCIG GIS 'GRUB PAR 'GYUR TE, RNAM PA GZHAN GYIS MA YIN NO, ,AOm HR'Im H'Am HA:HA:H'I PHEm PHEm PHEm PHAt KYI YI GES BDAG NYID KYI BDUD THAMS CAD ZHI BA'I DON DU MTSAN MO GTOR MA BYIN NO, ,MTSAN MO GTOR MA DANG NYER SPYOD LNGAS MCHOD PAR BYA'O, ,GAL TE GANG CI YANG RUNG BA LA SMRA BAR BYA'O, ,DE YANG 'DIR THE TSOM MED PAR RDO RJE RNAL 'BYOR MAS BYIN GYIS RLOB PAR 'GYUR RO, ,DPAL RDO RJE PHAG MO'I RTOG PA LAS; RDO RJE PHAG MO KUN GRUB PA'I SGRUB THABS RDZOGS SO,, ,,RGYA GAR SHAR PHYOS KYI PAndI TA CHEN PO SHR'I BAN RATNA'I ZHAL SNGA NAS DANG, LO TZ'A BA 'JAM DPAL YE SHES KYIS BSGYUR BA'O,,