, ,RGYA GAR SKAD DU, SHR'I BADZRA YO GI N'I S'A DHA NA N'A MA, BOD SKAD DU, DPAL RDO RJE RNAL 'BYOR MA'I SGRUB THABS ZHES BYA BA, DPAL RDO RJE RNAL 'BYOR MA LA PHYAG 'TSAL LO, ,DPAL LDAN BDE MCHOG THABS KYI GTZO, ,GNYIS MED SHES RAB 'KHOR LOR BCAS, ,GUS BTUD DPAL LDAN RNAL 'BYOR MA'I, ,SGRUB THABS RIM PA BRI BAR BYA, ,DANG LDAN DBANG DANG DAM TSIG LDAN, ,SGRUB LA DPA' BA'I SNGAGS PA YIS, ,DUR KHROD LA SOGS DBEN PA'I GNAS, , NYAMS DGAR MCHOD PA'I RTEN BZHUGS LA, ,STAN BDE BA LA 'DUG SEMS BYA, ,LHAG PA'I LHAR BSAM HR'I: 'OD LAS, ,BLA MA DKYIL 'KHOR SPYAN DRANGS LA, ,PHYAG DANG MCHOD PA SNGON 'GRO BAS, ,SDIG PA BSHAGS PA LA SOGS BYA, ,DE RJES TSANGS PA'I GNAS BZHI BSGOM; ,KUN KYANG STONG NYID RANG BZHIN BSAM, ,SNGAGS 'DIS BRTAN PA NYID DU BYA, ,AOm SVA BH'A BA SHUDDHA: SARBBA DHARMM'A:SVA BH'A BA SHODDHO&HAm, SLAR YANG YE SHES NGO BOR BSTAN, ,AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES BYA RANG BZHIN DAG PA LAS, ,PAm LAS PADMA NYI DKYIL DU, ,AE YI RNAM PA'I CHA BYAD CAN, ,LHA MO KHAMS GSUM KUN LAS 'DAS, ,DMIGS PA RGYA CHE GZHAL YAS KHANG, ,SKU GSUNG THUGS KYI NGO BOR BSGOM, ,DE YI LTE BAR CHOS 'BYUNG BSAM, ,PADMA NYI MA RO STENGS SU, ,HR'I: YIG BYU RU DMAR PO 'DRA, ,'OD ZER SPRO BSDUS SLAR BSAMS TE, ,ZHAL GNYIS PHYAG GNYIS GAR STABS BZHUGS, ,DZA BA SINDHU RA YI MDOG ,G-YAS PAS GRI GUG NAM MKHAR GDENGS, ,DE BZHIN GZHAN GYIS KA P'A LA, ,KHA tV'Am GIS BRGYAN RNAM PAR 'DZIN, ,G-YAS PA PHAG GDONG MKHA' LA SPYOD, ,CIG
, ,SHOS KHRO MO'I ZHAL DU BSTAN, ,PHYAG RGYA'I RIM PAS SKU LUS MDZES, ,MGO BO'I DO SHAL RGYAN DANG LDAN, ,GAR DGU'I RO LDAN BSAM PAR BYA, ,YI GE GSUM GYIS BYIN GYIS BRLABS, ,LTE BA SNYING GA MGRIN PA DANG, ,DPRAL BA SPYI GTZUG YAN LAG LA, ,RIM PAR SNGAGS 'DI BSAM PAR BYA, ,AOm BAm, HAm YOm, ,HRIm MOm HRIm HRIm, H'Um H'Um, PHAt PHAt, GO CHA BGOS TE YE SHES BSTIM, ,DBANG BSKUR MCHOD CING BSTOD PA BYA, ,SKYO NA SNGAGS 'DI BZLAS PAR BYA, ,AOm AOm AOm SARBA BUDDHA d'A KI N'I YE BADZRA WARnnA N'I YE H'Um H'Um H'Um PHAt PHAt PHAt SV'A H'A, DE RJES GTO RA MAS MCHOD PAR BYA, ,LTE BAR CHOS KYI 'BYUNG GNAS BSAM, ,DE NAS SNGAGS KYI 'KHOR LO 'BAR, ,STENG NAS G-YO BA'I RLUNG DGUG CING, ,RDZA MKHAN 'KHOR LO SHES RAB 'KHOR, ,RNAM PAR RTOG PA RLUNG DROD KYI, ,'BYUNG BA'I DANGS SNYIGS PHYED 'GYUR BAS, ,MAR ME LA SOGS RTAGS RNAMS 'BYUNG, ,DES SKYO PHYI NANG LHA MCHOD LA, ,BSTOD CING DGE BA BSNGO BAR BYA, ,BDAG GIS SGRUB THABS BRIS PA LAS, ,DGE BA GANG YOD MDUN BYAS TE, ,'GRO BA RIGS DRUG RNAL 'BYOR MA'I, ,LAM NAS BYANG CHUB 'GRO BAR SHOG ,DPAL RDO RJE RNAL 'BYOR MA'I SGRUB THABS, RJE D'I PAm KA RA SHR'I DZNY'A NAS MDZAD PA RDZOGS SO,, ,,PAndI TA DE NYID DANG, LO TZ'A BA RGYA BRTZON 'GRUS SENG GES BSGYUR BA'O,,