, ,RGYA GAR SKAD DU, BADZRA B'A R'A H'I S'A DHA NAm, BOD SKAD DU, RDO RJE PHAG MO'I SGRUB THABS, BCOM LDAN 'DAS MA RDO RJE PHAG MO LA PHYAG 'TSAL LO, ,YI GE PAm YONGS SU GYUR PA LAS PADMA DMAR PO'O, ,DE'I STENG DU YI GE YAm YONGS SU GYUR PA LAS RLUNG GI DKYIL 'KHOR KHA DOG NAG PO GZHU'I TSUL RGYAL MTSAN GYIS BRGYAN PA'O, ,YI GER RAm YONGS SU GYUR PA LAS ME'I DKYIL 'KHOR DMAR ZUR GSUM PA 'BAR BAS MTSAN PA'O, ,YI GE BAm YONGS SU GYUR PA LAS, CHU'I DKYIL 'KHOR ZLUM PO KHA DOG DKAR PO BUM PAS MTSAN PA'O, ,YI GE LAm YONGS SU GYUR PA LAS SA'I DKYIL 'KHOR ZUR BZHI PA LJANG GU RDO RJES MTSAN PA'O, ,YI GE SUm YONGS SU GYUR PA LAS RI RAB LHUN PO ZUR BZHI PA RIN PO CHE BZHI LAS GRUB PA RTZE MO BRGYAD KYIS NYE BAR MDZES PA'O, ,DE'I DBUS SU YI GE BAm YONGS SU GYUR PA LAS SNA TSOGS PADMA'O, ,DE'I DBUS SU YI GE H'Um YONGS SU GYUR PA LAS SNA TSOGS RDO RJE'I, ,DE'I DBUS SU A'A LI K'A LI'I SBYOR BA'O, ,DE'I DBUS SU YI GE BAm YONGS SU GYUR PA LAS RDO RJE STE, DE'I LTE BA LA YI GE BAm MO, ,DE YONGS SU GYUR BA LAS RJE BTZUN MA RDO RJE PHAG MO SKU MDOG DMAR PO SKRA BSHIG PA GCER MO, ,'OG PAG DUM BUS BRGYAN PA, MI'I MGO BO RLON PA LNGA BCU'I PHRENG BA DPYANGS PA, PHYAG G-YON PA'I THOD PA NA SDANG BA BDUD LA SOGS PA'I KHRAG BSNAMS PA, G-YAS PA PHYOGS THAMS CAD DU SDANG BA LAS BSDIGS PA'I RDO RJE CAN GYIS SDIGS MDZUB MDZAD PA, BSKAL PA'I ME BZHIN CHER 'BAR BA, ,KHRAG LA DGYES PA KHRAG 'DZAG PA, G-YAS BRKYANG PAS GDAN LA BZHUGS PA, ,MKHA' 'GRO DE BZHIN L'A MA DANG, DUM SKYES MA DANG GZUGS CAN MA, 'DI'I BZLAS PA'I SNGAGS NI AOm BADZRA BEE RO TZA N'I YE H'Um H'Um PHAt PHAt SV'A H'A, SNYING PO'I SNGAGS SO, ,AOm SARBA BUDDHA d'A KI N'I YE, BADZRA WARn'A N'I YE H'Um H'Um H'Um PHAt PHAt PHAt SV'A H'A, NYE BA'I SNYING PO'I SNGAGS SO, ,DPAL AU RGYAN RDO RJE RNAL 'BYOR MA'I GNAS NAS RNAM PAR BYUNG BA RDO RJE PHAG MO'I SGRUB THABS RDZOGS SO,, ,,BOD KYI LO TZ'A BA BANDE MAR BA CHOS KYI DBANG PHYUG NYID KYIS BSGYUR BA'O,, ,,