, ,RGYA GAR SKAD DU, BADZRA B'A R'A H'I S'A DHA NAm, BOD SKAD DU, RDO RJE PHAG MO'I SGRUB THABS, DPAL RDO RJE RNAL 'BYOR MA LA PHYAG 'TSAL LO, ,BDE BA DAM PA RGYUN GYI RGYU, ,RDO RJE PHAG MO LA BTUD DE, ,DE YI SGRUB THABS DRAG PO NI, ,MDOR BSDUS PA NI BRTZAM PAR BYA, ,MAm LAS NYI MA LA GNAS PA'I HR'I: DKAR PO'I 'OD ZER THON NAS RAB TU GTUM MO LA SOGS PA 'KHOR LO GSUM GYI LHA MO RNAMS DANG, DO RJE PHAG MO LA SOGS PA YANG DAG PAR MCHOD DE, NGO BO NYID KYI YANG DAG PAR MOS PAS STONG PA NYID LA SOGS PA'I SNGON DU 'GRO BAS PADMA DMAR PO'I STENG DU MAm LAS BYUNG BA'I NYI MA LA H'Um DKAR PO LAS SKYES PA'I RDO RJE DKAR PO RTZE
LNGA PA LAS SKYES PA'I RDO RJE PHAG MO SPYAN GSUM DMAR BA, ZHAL MTSE BA GTZIGS PA, SKRA GROL BA, RDO RJE PHRENG BA GNYIS KYI BAR DU THONG BA'I PHRENG BA 'DZIN PA, PHYAG RGYA LNGAS RGYAS BTAB PA, PHYAG G-YAS PA NA RDO RJE BSNAMS PA, G-YON NA THOD PA DANG KHA t'Am GANG SNAMS [*SNAM?] PA, ,G-YAS BRKYANG PAS BZHUGS PA, GCER BU LHA DANG MI DANG LHA MA YIN RNAMS 'JAGS PAR MDZAD PA, ,'OD ZER MTHA' YAS PA 'PHRO BA'I HR'I: NYI MA LA GNAS PAS SNYING GAR BYIN GYIS BRLABS PA'I RDO RJE PHAG MOR BDAG NYID BSGOM PAR BYA'O, ,RANG GI SNGAGS KYI 'OD ZER GYIS YE SHES KYI 'KHOR LO BKUG STE DE CHO GA BZHIN DU BCUG STE, AOm YO GA SHUDDHA: SARBA DHARM'A YO GA SHUDDHO&HAm, DE'I 'OD ZER GYIS DE BZHIN GSHEGS PA THAMS CAD BKUG NAS GNAS DBANG BSKYUR BAS SPYI BOR MI BSKYOD PAR GYUR PAR BLTA'O, ,RAB TU GTUM MO LA SOGS PAS BDAG NYID LA MCHOD NAS BDUD RTZI MYANG BAR BYA STE, LTE BAR SNA TSOGS PADMA LA NYI MA DMAR BA LA HR'I: DKAR PO PHRENG BA'I RNAM PA LTA BUR SNGAGS KYI PHRENG BA DKAR PO KHA NAS 'THON NAS SANGS RGYAS KYI YON TAN LA SOGS PA BLANGS TE, LTE BA'I BU GAR ZHUGS PA LAS BZLAS PAR BYA'O, ,BSOD NAMS YONGS SU BSNGO BA LA SOGS PA BYA STE, LANGS NAS DE'I GZUGS KYIS RGYUN DU BYA'O, ,THUN MTSAMS GZHAN YANG DE BZHIN BYA'O, ,AA LAS GYUR PA'I LCE PADMA'I RNAM PA LA YI GE H'Um 'PHROS PAS JI SRID 'DOD KYI BAR DU THUN BZHIR SNGAGS ZLOS PA'I RNAL 'BYOR BSGOM PAR BYA'O, ,DE LTAR BSTAN BCOS THAMS CAD LA MKHAS SHING RTZOD PA CHEN POR 'GYUR RO; ,DUG LA SOGS BDUD RTZIR 'GYUR RO, ,DBANG DU BYAS PA LA SOGS PA DE'I SA BON DMAR PO DANG KHA DOG DMAR POS SNGON BZHIN DU BYA'O, ,RNAL 'BYOR MA YI 'KHOR LO GTZO, ,RDO RJE PHAG MO SGRUB PA'I THABS, ,BYAS LAS DGE BA GANG THOB PA, ,DES NI BDAG DANG SEMS CAN RNAMS, ,DUS YUN RING LA MI LTOS PAR, ,BLA MED BYANG CHUB RGYAL GYUR CIG ,RDO RJE PHAG MO'I SGRUB THABS, ,SLOB DPON MKHAS PA CHEN PO RDO RJE DRIL BU PAS MDZAD PA RDZOGS SO,, ,,RGYA GAR GYI MKHAN PO SU MA TI K'IRTI DANG, BOD KYI LO TZ'A BA MKHAS PA CHEN POR MAR PA CHOS KYI DBANG PHYUG GIS BSGYUR CING
, ,ZHUS TE GTAN LA PHAB PA'O,,