, ,RGYA GAR SKAD DU, ,SH'RI BADZRA YO GI N'I HO MA BI DHI, BOD SKAD DU, DPAL RDO RJE RNAL 'BYOR MA'I SBYIN SREG GI CHO GA ,DPAL RDO RJE PHAG MO LA PHYAG 'TSAL LO, ,DANG POR RE ZHIG DPAL RDO RJE RNAL 'BYOR MA'I BZHED PAS 'JIG RTEN DANG, ,'JIG RTEN LAS 'DAS PA'I LAS KYI TSOGS DANG, DNGOS GRUB BSGRUB PA'I DON DU SBYIN SREG GI BYA BA BYED PAR 'DOD PA'I SNGAGS PAS, GRU GSUM PA'I RNAM PA CAN GYI THAB KHUNG GI RGYA KHYON GYI PHYED THUR DU BRKOS PA PHYI SKOR DANG BCAS PA DMAR BA LA SOGS PA'I MDOG DANG LDAN PA LEGS PAR 'CHOS PA BYAS LA, ,NUB LA SOGS PAR BLTAS PA'I TSUL GYIS 'DUG LA, MCHOD PA'I YO BYAD LDAS MCHOD DE THAB KHUNG DU BSREG CING BKOD NAS YI GE RAm GYI SA BON LAS SKYES PA'I MO LHA MDOG DMAR PO RIL BA SPYI BLUGS DANG, MI 'JIGS PA SBYIN PA DANG, DBYIG PA DANG, BGRANG PHRENG LAG NA 'DZIN PA RNAM PAR BSGOM PAR BYA'O, ,DE NAS YE SHES SEMS DPA' DGUG PA LA SOGS PA BYAS NAS NI, ,YANG DAG PAR MCHOD DE, DE'I LCE'I RTZE MOR RAm BKOD NAS
BDUD RTZI LNGA LA SOGS PA'I RDZAS DANG, 'JIG RTEN PA'I RDZAS RNAMS AOm AAGNE DE BA T'A S'VA H'A, ,ZHES BYA BA'I SNGAGS 'DIS SBYIN SREG BYAS NAS SNGAGS DE NYID KYIS DGANG BLUGS DBUL BAR BYA'O, ,DE NAS DE BZHIN NYID KYI YE SHES KYI BDAG NYID KYI SNGAGS KYIS ME LHA'I DKYIL 'KHOR DU, ,DKYIL 'KHOR GYI 'KHOR LO LHAG PAR MOS PAR BYAS NAS MCHOD PA LA SOGS PA BYAS TE, ,BDUD RTZI LNGA LA SOGS PA'I RDZAS RNAMS KYIS LHA MA'AM LHA RNAMS LA SNGAGS KYIS SBYIN SREG BYA'O, ,ZHI LA BSREG RDZAS MAR SOGS TE, RGYAS PA LA NI MNGAR NYID DO, ,DBANG LA MAR DANG LAN TSVA NYID, ,DRAG PO TSA DANG KHA SOGS KYIS, , ZHI LA GZUGS NI DKAR PO STE, ,RGYAS PA LA NI SER PO BSGOM, ,DBANG LA DMAR PO ZHES BYAR BRJOD, ,DRAG PO NAG POR RAB TU GRAGS, ,DNGOS GRUB SGRUB PA'I DUS SU NI, ,KHA DOG DMAR POR RNAM PAR BSGOM, ,DE LTAR BYAS NAS DKYIL 'KHOR GYI 'KHOR LO RANG GI LUS LA BCUG NAS, ,GTOR MA BTANG STE TSOGS KYI 'KHOR LO'I TSUL DU 'JIG RTEN LAS 'DAS PA'I MCHOD PA BYAS NAS, RANG MNGON PAR 'DOD PA'I DNGOS GRUB ZHU BAR BYA'O, ,BSTAN PAR BYA MIN SBYIN SREG 'DI, ,RAB TU 'BAD PAS SBA BAR BYA, ,DE NAS DNGOS GRUB SKYE 'GYUR GYI, ,GZHAN DU GRUB LA BRTEN MI 'GYUR, ,YANG DAG DAD PAS RJES SBYAR BA, ,YID BZHIN NOR BU LTA BU'I SNGAGS, ,PHYAG RGYA CHEN PO'I 'DOD PA YI, ,DAD LDAN RNAMS LA BSTAN PAR BYA, ,DPAL RDO RJE RNAL 'BYOR MA'I BZHED PA LAS, GSANG BA'I SBYIN SREG GI CHO GA SLOB DPON CHEN PO BSOD SNYOMS PA'I SLOB MA RGYAL BAS BYIN GYI TSA BO SANGS RGYAS BYIN GYIS MDZAD PA RDZOGS SO,, ,,BAL PO'I PAndI TA BHA RENDRA RU TZI DANG, ,BOD KYI LO TZ'A BA BLO LDAN SHES RAB KYIS BSGYUR BA'O,, ,,'GRO KUN SANGS RGYAS THOB PAR SHOG ,