, ,RGYA GAR SKAD DU, BADZRA YO GI NI'I S'A DHA NAm, BOD SKAD DU, RNAL 'BYOR MA'I SGRUB PA'I THABS, ,RNAL 'BYOR DKYIL 'KHOR NANG NAM NYID GCO, ,KHYOD NI 'JIG RTEN GSUM GYI THIG LE STE, ,KHYOD NI SEMS CAN KUN LA PHAN PAR BYED, ,RDO RJE RNAL 'BYOR MA LA PHYAG 'TSAL LO, ,AOm A'A: H'Um, DANG POR RE ZHIG SNGAGS PAS SA PHYOGS GANG YANG RUNG BAR BSTAN NAS GANG YANG RUNG BAR 'DUG NAS RDO RJE RNAL 'BYOR MA BSGOM PA LA BRTZON PAR BYA STE, ,DE YANG RANG GI LTA BAR PADMA DMAR PO KHA BYE BAR BSGOMS LA, DE'I STENG DU SHIN TU DMAR BA'I NYI MA'I DKYIL 'KHOR BSGOM PAR BYA'O, ,DE'I STENG DU LI KHRI'I MDOG LTA BU'I DBUS SU YI GE HRIm HRIm GNAS PA'I CHOS KYI 'BYUNG GNAS BSGOMS SO, ,DE LA GNAS PA'I YI GE HRI YONGS SU GYUR BA LAS, DE'I STENG DU RJE BTZUN RNAL 'BYOR MA SKU MDOG SER MO, ,RANG GI GRI GUG GIS RANG GI MGO BCAD NAS, ,RANG GI LAG PA G-YON PAS GYEN DU BRKYANG STE, BZUNG BA PHYAG G-YAS PA'I GRI GUG DANG BCAS PA 'OG TU BRKYANG BA, GCER BU ZHABS G-YAS PA BRKYANG BA, ,G-YON BSKUM PA BSGOM PA'O, ,MGRIN PA BCAD 'PHRO NAS KHRAG GI RGYUN 'DZAG PA, RANG GI ZHAL DU 'JUG CING, GZHAN GNYIS GYEN LA LOG NAS GNAS PA, ,RNAL 'BYOR GNYIS KYI ZHAL SU 'BAB PA BSGOM PAR BYA'O, ,G-YAS DANG G-YON PA'I LOGS DANG NAS GNAS PA'I KHA DOG SNGO BSANGS LA BADZRA WARnA NI MA DANG, KHA DOG SER MO RDO RJE RNAM PAR SNANG MDZAD MA'O, ,G-YON DANG RGYAS KYI PHYAG GI GRI GUG DANG BCAS PA DANG, G-YON PA DANG G-YAS PA'I PHYAG THOD PA DANG BCAS PA'O, ,G-YAS PHYOGS KYI ZHABS G-YAS PA BRKYANG BA, G-YON PHYOGS KYI G-YON PA BRGYAD PA, ,ZHABS GZHAN BSKUM PA, THOD PA DANG MGO BOS BRGYAN PA, ,YAN LAG RGYAN KUN GYIS BRGYAN PA, SKRA GROL BA BSAM PAR BYA'O, ,LOGS GNYIS KYI DBUS MA'I RNAL 'BYOR MA SHIN TU 'JIGS PA BSGOM SPAR BYA'O, ,DE NI BSGOM PA'O, ,MCHOD PA BRJOD PAR BYA STE, MAndALA BYAS NAS NYI MA'I GZHI LA GNAS PA'I
, ,CHOS KYI 'BYUNG GNAS BRIS PA NI YI GE HR'I: DANG BCAS PA'O, ,DE NAS SNGON DU BSTAN PA'I BSGOMS PAS RJE BTZUN MA DBUS SU BSAM PAR BYA STE, AOm SARBA BUDDHA d'A KI N'I YE, ZHES BYA BA LA SOGS PA'I SNGAGS KYIS CHOS KYI 'BYUNG GNAS KYI DBUS SU MCHOD PAR BYA'O, ,PHYI NAS AARGHA DANG, ME TOG DANG, BDUG SNGOS DANG, DRI LA SOGS PA RNAMS, AOm SARBA BUDDHA d'A KI N'I H'Um H'Um PHAt PHAt SV'A H'A, ZHES BYA BA'I SNGAGS KYIS MCHOD PAR BYA'O, ,PHYIS NAS G-YON PHYOGS SU, AOm BADZRA WA RnA N'I YE H'Um SV'A H'A, ZHES BYA BA'I SNGAGS KYIS SO, ,DE NAS G-YAS PHYOGS SU, AOm BADZRA BEE RO TZA N'I YE H'Um SV'A H'A, ZHES BYA BA 'DIS SO, ,DE NAS GZHAN YANG, AE DI YA NA SU LA, GI RI KA MA KA SHI RI HA HA TA, ZHES BYA BA'I SNGAGS KYIS KYANG MCHOD PAR BYA'O, ,GZHAN YANG DHARM'A SAMBHA GA ,NIR MA MA H'A SU KHA, ZHES BYA BA'I SNGAGS KYIS KYANG MCHOD PAR BYA'O, ,AOm SARBA BUDDHA d'A KI N'I YA, AOm BADZRA WA RnA N'I YE; AOm BADZRA BEE RO TZA N'I YE H'Um H'Um H'Um PHAt PHAt PHAt SV'A H'A, ZHES BYA BA'I SNGON DU BSNYEN PA 'BUM PHRAG GCIG BZAS PA BYAS NA BGEGS THAMS CAD SKROD PAR 'GYUR RO, ,'BUM PHRAG GSUM BZLAS NA GRONG KHYER SKROD PAR 'GYUR RO, ,'BUM PHRAG BZHI BZLAS NA GRONG RDAL SKROD PAR 'GYUR RO, ,'BUM PHRAG LNGA BZLAS NA GANG 'DOD PA DE 'GRUB PAR BYED DO, ,CHU MDO' MA, DUR KHROD DAM, SHING GCIG GAM, LHA'I KHANG BA 'AM, MA MO'I KHANG BA'AM, YUL GYI MTHAR BSGRUB PAR BYA'O, ,SKRA GROL BA, GCER BUR GYUR PA, DOGS PA THAMS CAD SPANGS TE SMRA BA BCAD LA BSGOM PAR BYA'O, ,AOm SARBA BUDDHA d'A KI N'I, AOm BADZRA WA RnA N'I YE, AOm BADZRA BEE RO TZA N'I YE, GANDHAm PUshPAm, BA LINGAm GRiHnA MA MA RAKshA RAKshA H'Um H'Um H'Um PHAt PHAt PHAt, DPAL LHA LCAM LAKSHM'I KA RAS MDZAD PA'I RNAL 'BYOR MA'I SGRUB THABS RDZOGS SO,,