, ,RGYA GAR SKAD DU, SHR'I, BOD SKAD DU, DPAL RDO RJE PHAG MO'I SGRUB THABS, ,DPAL RDO RJE PHAG MO LA PHYAG 'TSAL LO, ,'DIR BSGOM PA LA DBANG BAR GYUR BAS, RI BO LA SOGS PA JI SKAD GSUNGS PA'I GNAS SU BDE BA'I STEN LA 'JUG NAS SEMS CAN GYI DON LA MNGON PAR BRTZON PA'I BLOS, RANG GI SNYING GAR NYI MA LA GNAS PA'I BAm YIG LI KHRI'I MDOG LTAR DMAR BA'I 'OD ZER GYIS, ,BLA MA DANG SANGS RGYAS DANG BYANG CHUB SEMS DPA' DANG BCAS PA'I RDO RJE PHAG MO GSAL BAR BLTAS LA YID LAS BYUNG BA'I MCHOD PA RNAMS KYIS YANG DAG PAR MCHOD PA, SDIG PA BSHAD PA LA SOGS PA BYA'O, ,DE NAS BYAMS DANG SNYING RJE DANG, DGA' DANG BTANG SNYOMS LAS 'DAS PAS, ,CHOS KUN GDOD NAS GNAS PAS NA, ,NGO BO NYID MED DES RTOGS BYA, ,STONG PA'I NAM MKHA' PAm BYUNG BA'I, ,CHU SKYES DMAR PO'I DBUS GNAS PA'I, ,DBYANGS DANG GSAL BYED LAS BYUNG BA'I, ,ZLA BA NYI MA'I RNAM PAR BSGOMS, ,DE DBUS BAm LAS DZA BA LTAR, ,DMAR
PA'I RDO RJE'I ME DBUS SU, ,SLAR YANG BAm YIG DE 'OD SPROS, ,BSDUS LAS RANG LHA'I GZUGS SU RDZOGS, ,PADMA R'A GA'I MDOG MTSUNGS PA, ,ZHAL GSUM PHYAG NI DRUG PA STE, ,SPYAN GSUM DBU SKRA GROL BA MO, ,THOD PA'I PHRENG BAS DBU BRGYAN CING, ,RGYAN RNAMS THAMS CAD YONGS SU RDZOGS, ,SEMS DPA'I SKYIL KRUNG GIS BZHUGS PA'O, ,RDO RJE DRIL BU 'DZIN 'KHYUD CING, ,MDA' DANG GZHU NI 'GENGS PAS 'DZIN, THOD PA KHA tV'Am GA BCAS DANG, ,LCAGS KYU MCHOG GIS DGUG PA DANG, ,RDO RJE GSUM GYIS BYIN BRLABS NAS, ,YE SHES MCHOG DANG MNYAM SBYOR BAS, , RANG SNYING PAm YIG LAS 'OD ZER, ,SPRO DANG BSDU BA'I BZLAS PA BYA, ,AOm SHR'I BADZRA B'A R'A H'I A'A: BAm H'Um H'Um PHAt SV'A H'A, ,SPRUL BA'I 'KHOR LOR DBYANGS KYI DANG PO THIG LES RNAM PAR BRGYAN, ,SNYING DBUS DRO BA'I BZHI PA AU YIG BSIL ZER STONG BAS MDZES, ,LONGS SPYOD 'KHOR LO'I DBUS SU SON PA'I RIG BYED DANG PO NYID, ,SPYI BOR KshA LHAG N'A DA DANG BCAS THIG LES RNAM MDZES PA'I, ,SROG DANG RTZOL BA LEGS BSDAMS PA'I, ,YE SHES ME NI RNAM PAR 'BAR, ,RLUNG BRAL MAR ME LTAR GSAL ZHING, ,GLOG GI 'OD MTSUNGS GYEN SONG BAS, ,THUGS KYI RDO RJE'I GNAS SON MCHOG GI SA BON LEGS BSREGS NAS, ,GSUNG GNAS BZHUGS DANG SKU YI RDO RJE'I YI GE RNAMS BCOM STE, ,BDE CHEN GNAS 'GRO LUS CAN RNAMS KYI SKYED BYED ZHU BA LAS, ,'DZAG PA GANG YIN 'DI NI KUN DGA' MCHOG GI GNAS STER BA'O, ,MCHOG TU DGA' BA'I MTHAR GNAS PA, ,YE SHES CI 'DRA DE 'DRA BA, ,RGYUN MI 'CHAD PAS MNGON GOMS PAS, ,SEMS NI GNYIS SU MED PAR 'GRO, ,SNYING GI PADMAR ZLA BA NYI MA KHA SBYAR DBUS GNAS PA, ,PHRA BA'I THIG LE GSAL BA'I GZUGS KYIS GNAS PA RNAM BLTAS TE, ,DER NI YANG DANG YANG DU SROG 'GOG SBYOR BA LAS 'DAS PAS, ,MKHA' MNYAM DRI MED MCHOG NI RNAL 'BYOR PAS MTHONG 'GYUR, ,LUS KYI DBUS GNAS SKUD PA LA, ,PHRA BA'I RNAM SHES 'GRO 'ONG BA, ,RTZE GCIG SEMS KYIS GOMS BYAS NA, ,RTOG MED YE SHES YANG DAG 'JUG ,DPAL RDO RJE PHAG MO SGRUB PA'I THABS, ,A'A TZARYA PRADZNY'A BHA DRAS MDZAD PA
, ,RDZOGS SO,, ,,BAL PO'I PAndI TA SU MA TI K'IRTI DANG, BOD KYI LO TZ'A BA MAR PA CHOS KYI DBANG PHYUG GIS BSGYUR BA'O,,