MNYES PA'I SNYING PO ZHES BYA BA (Hripatagarbanāma*)

, ,RGYA GAR SKAD DU, HRI PA TA GARBHA N'A MA, BOD SKAD DU, MNYES PA'I SNYING PO ZHES BYA BA, DPAL RDO RJE MKHA' 'GRO MA LA PHYAG 'TSAL LO, ,AOm DE LA DANG POR RE ZHIG SLOB MA KHRUS BYAS LA GOS GTZANG MA BGOS TE, LAG NA ME TOG THOGS PA'I SLOB MA LA, ,YID GZHUNGS SPRO BA CHE BA DANG, ,BYAS PA GZO ZHING NGA RGYAL MED, ,RIGS MTHO YON TAN DANG LDAN ZHING, ,GZUGS DANG KHA DOG LANG TSOR LDAN, ,BDE BAR GSHEGS PA'I GSANG BA NI, ,SGRUB PA DON GNYER MNGON BRTZON NA, ,SLOB BZANG PO'I MTSAN NYID DO, ,BDE GSHEGS SNGAGS KYI SGRUB PA LA; ,DON DU GNYER ZHING MNGON BRTZON NA, ,GZUGS MED YON TAN MED PA'AM, ,DMAN PA'ANG LHAG PAR GNAS PAR BYA, ,SLOB MA NGAN PA'I MTSAN NYID DO, ,DA NI CHOS NYAN DU GZHUG PAR BYA STE, DKYIL 'KHOR GYI NI CHO GA LA, ,'KHOR RNAMS BZHI YANG RJES SU GNANG, ,RANG GI BSLAB DANG SHIN DU LDAN, ,THEG CHEN LA DGA'I MTSAN NYID LDAN, ,LA LA GSANG SNGAGS GRUB DON GNYER, ,'DI NI DKYIL 'KHOR 'JUG PAR 'TSAL, ,BSOD NAMS 'DOD PA DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DAD PA MANG DU BYED PA YIS, ,BLO LDAN DKYIL 'KHOR 'JUG PA YI, ,TSE 'DI'I 'BRAS BU 'DOD MI BYA, ,TSE 'DI'I 'DOD PAR GYUR PA LA, ,'JIG RTEN PHA ROL DON MI 'BYUNG, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES 'BYUNG NGO, ,DE NAS SLOB MA YI GE H'Um GIS RANG GI SNYING GAR BCUG LA, GSANG BA'I RDO RJE'I LAM NAS PHYUNG NAS GZHAL YAS KHANG GI SGOR BZHAG LA 'DI SKAD CES GSOL BA 'DEBS SU GZHUG GO, ,DGA' CHEN KHYOD BDAG STON PA BAS, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BSTAN PAS, ,MGON PO CHEN PO BDAG PHYAG 'TSAL, ,DAM TSIG DE NYID STZAL DU GSOL, ,BYANG CHUB SEMS NI BDAG LA GSOL, ,SANGS RGYAS CHOS DANG DGE 'DUN TE, ,SKYABS GSUM DAG NI BDAG LA GSOL, ,THAR PA CHEN PO'I GRONG MCHOG TU, ,MGON PO BDAG NI 'JUG PAR 'TSAL, ,ZHES LAN

GSUM BRJOD DU GZHUG GO, ,DE LA SLOB MA'I SNYING GAR MA LAS ZLA BA'I DKYIL 'KHOR DE'I STENG DU YI GE H'Um YID KYIS BRIS LA YI GE BRGYA BAS BRTAN PAR BYA STE 'DI SKAD BSGO'O, ,KHYOD NI TSUL CHEN SNOD YIN TE, ,BU TSUR THEG PA CHEN PO YI, ,GSANG SNGAGS SPYOD YUL CHO GA NI, ,KHYOD LA YANG DAG BSTAN PAR BYA, ,RDZOGS PA'I SANGS RGYAS GANG 'DAS DANG, ,DE BZHIN GANG DAG MA BYON DANG, ,DA LTAR BYUNG BA'I MGON PO RNAMS, ,'GRO LA PHAN PHYIR BZHUGS PA RNAMS, ,DE DAG KUN GYIS GSANG SNGAGS KYI, ,CHO GA BZANG PO 'DI MKHYEN NAS, ,DPA' BOS BYANG CHUB SHING DRUNG DU, THAMS CAD MKHYEN PA MTSAN MED BRNYES, ,GSANG SNGAGS SBYOR BA MA MNYAM MED DES, ,SKYOB PA DPAL LDAN HE RU KA, ,BDUD SDE SHIN TU MI BZAD PA, ,DPUNG CHEN DAG KYANG 'DI YIS BCOM, ,DE BAS KUN MKHYEN THOB BYA'I PHYIR, ,BU YIS BLO GROS 'DI GYIS SHIG ,DE NAS RGYUN BSHAGS BYA STE; DKON MCHOG GSUM LA PHYAG 'TSAL LO, ,DKON MCHOG GSUM LA SKYABS SU MCHI, ,SDIG PA THAMS CAD SO SOR BSHAGS, ,BSOD NAMS KUN LA RJES YI RANG, ,SANGS RGYAS BYANG CHUB YID KYIS GZUNG, ,BYANG CHUB MTHAR THUG SKYABS SU MCHI, ,BYANG CHUB MCHOG GI SEMS NI BDAG GIS BSKYED, ,SEMS CAN THAMS CAD BDAG GIS MGRON DU GNYER, ,'DOD LA SPYOD PA'ANG BYANG CHUB SPYOD MCHOG 'GYUR, ,'GRO LA PHAN PHYIR SANGS RGYAS 'GRUB PAR SHOG ,CES LAN GSUM BRJOD LA DE NAS PHYAG 'TSAL BAR BYA STE, SHAR PHYOGS KYI SGOR 'DUG LA THAL MO SBYAR TE, AOm NA MA STE H'Um, AOm NA MA MI H'Um, AOm NA MO NA MA H'Um, ZHES SKU GSUNG THUGS KYI PHYAG BYA STE, YANG PHYAG BZHI BYA'O, ,THAL MO SPYI BOR SBYAR BAR BYAS LA SNYING GA SA LA GTUGS NAS 'DI SKAD DU GZHUG PAR BYA'O, ,AOm SARBA B'I RA YO GI N'I A'A R+YA P'U DZO PA STHA N'A YA A'ATMA N'Am NI R+YA'A TA Y'A MI; SARBA TA TH'A GA TA B'I RA YO GI NI A'ATMA NAm d'A KI N'I AA DHI TIshthA SV'A M'Am ZHES PA DANG, THAL MO SNYING GAR SBYAR DPRAL BAS LA GTUGS NAS AOM SARBA B'I RA YO GI NI P'U DZA AA BHI shE KA TA A'ATMA N'Am NI R+Y'A TA Y'A MI SARBA TA TH'A GA TA B'I RA YO GI N'I A'ATMA LA ME AA BHIshINYTZA M'Am ZHES PA DANG, THAL MO DPRAL BAR SBYAR

, ,LKOG MA SA LA REG PAR BYA STE, AOm SARBA B'I RA YO GI N'I P'U DZA PRA BRTAN YA A'ATMA N'Am NI R+Y'A TA Y'A MI, SARBA TA TH'A GA TA B'I RA YO GI A'ATMA NAm BAndA RO HE DHARM'A PRA BARTA YAM'Am ZHES PA DANG, THAL MO SNYING GAR SBYAR SPYIR SPYI GTZUG SA LA GTUGS TE, AOm SARBA B'I RA YO GI N'I P'U DZA KARMA KA R'A YA A'ATMA N'Am NI R+Y'A Y'A MI, SARBA TA TH'A GA TA B'I RA YO GI N'I A'ATMA R'U PI ni KARMA KU RU M'Am ZHES PA DANG PHYAG BZHI BYA'O, ,DE NAS LAG NA ME TOG THOGS PA SLOB MAS MCHOD PA LA SOGS PA BYAS TE, BCOM LDAN 'DAS DPAL HE RU KA YAB YUM RDO RJE PHAG MO RIGS LNGA BDE BAR GSHEGS PA RIGS KYI YUM DANG, SEMS DPA' DANG SEMS MA DPA' BO DANG DPA' BO YE SHES DANG LAS LAS GRUB PA THAMS CAD LA BDAG MING 'DI ZHES BYA BAS LUS DANG NGAG DANG YID DAD PA'I SGO NAS MCHOD PAR BGYI'O, ,BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA RIGS KYI YUM DANG SEMS DPA' DANG SEMS MA DPA' BO DANG DPA' MO YE SHES DANG LAS LAS GRUB PA THAMS CAD KYI SPYAN SNGAR SDIG PA THAMS CAD NI BLA NA MED PA'I SO SOR BSHAGS PAS SO SOR BSHAGS PAR BGYI'O, ,BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA'I RIGS KYI YUM DANG SEMS DPA'I DANG SEMS MA DPA' BO DANG DPA' MO YE SHES DANG LAS LAS GRUB PA THAMS CAD KYI SPYAN SNGAR BSOD NAMS THAMS CAD LA RGYA CHER RJES SU YI RANG BAR BGYI'O, ,BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA'I RIGS KYI YUM DANG SEMS DPA' DANG SEMS DPA' BO DANG DPA' MO YI SHES DANG LAS LAS GRUB PA THAMS CAD LA CHOS KYI 'KHOR LO BSKOR BA'I PHYIR BSKUL BAR BGYI'O, ,BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA RIGS KYI YUM DANG SEMS DPA' DANG SEMS MA DPA' SEMS MA DPA' MO YE SHES DANG LAS LAS GRUB PA THAMS CAD YONGS SU MYA NGAN LAS 'DA' BAR BZHED PA GANG YIN PA DE DAG THAMS CAD LA MYA NGAN LAS MI 'DA' BAR GSOL BAR 'TSAL LO,,

BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA RIGS KYI YUM DANG SEMS DPA' DANG SEMS MA DANG DPA' BO DANG DPA' MO YE SHES DANG LAS LAS GRUB PA THAMS CAD LA DUS THAMS CAD DANG RNAM PA THAMS CAD DU BDAG 'BUL GYIS SO SOR BZHES SHIG, ,BCOM LDAN 'DAS DPAL HE RU KA YUM RDO RJE PHAG MO RIGS LNGA BDE BAR GSHEGS PA RIGS KYI YUM SEMS DPA' DANG SEMS MA DANG DPA' BO DANG DPA' MO YE SHES DANG LAS LAS GRUB PA THAMS CAD LA BDAG MING 'DI ZHES BGYI BAS SNGON 'KHOR BA THOG MA MED PA NAS THA MA DA LTAR GYI BAR DU NYAN THOS KYI SNGOM PA DANG, BYANG CHUB SEMS DPA'I SDOM PA DANG, GSANG SNGAGS KYI DAM TSIG BSRUNGS PA JI SNYED PA THAMS CAD BLA NA MED PA YANG DAG PAR RDZOGS PA'I BYANG CHUB DPAL HE RU KA'I GO 'PHANG DU BSNGO BAR BGYI'O, ,BDAG GI DGE BA'I LAS RNAMS 'DI DAG GIS, ,'JIG RTEN DU NI MYUR DU SANGS RGYAS SHOG ,'GRO LA PHAN PHYIR CHOS RNAMS STON BGYID CING, ,SEMS CAN SDUG BSNGAL MANG POS GZING LAS SGROL, ,DE NAS SLOB MA BYIN GYIS BRLAB PA NI H'Um MDZAD KYI SNGAGS KYIS BSRUNGS LA, SPYI BO DANG LKOG MA DANG LTE BA DANG RKANG BAR AA LAS ZLA BA'I DKYIL 'KHOR LNGA BSKYED LA DE'I STENG DU AOm DKAR PO DANG, A'A: DMAR PO DANG, SV'A SER PO DANG, H'A LJANG GU DE RNAMS YONGS SU GYUR PA LAS 'KHOR LO DANG PADMA DANG, RDO RJE DANG RIN PO CHE DANG RAL GRI LA RANG RANG GI YI GES MTSAN PAR BSAMS LA, AOm A'A: H'Um, ZHES PAS BYING YIS BRLAB PAR BYA'O, ,DE NAS SLOB MA'I SPYI BOR ME TOG ,MDUN DU SPOS DANG MAR ME SNYING GAR DRI SBYIN PAR BYA'O, ,DE'I RJES AA SHVADTHA LA SOGS PA'I SO SHING SOR BCU GNYIS PA YON PO MA YIN PA MA GAS PA SROG CHAGS MED PA RTZE MOR ME TOG GI PHRENG BA BCINGS LA BDUD RTZI THAB SBYOR GYI SNGAGS BZLA LA SLOB MA LA SBYIN BAR BYA'O, ,SLOB MAS KYANG BYANG NGAM SHAR DU BLTAS TE BCAS LA BA LANG GI KO BA TZAM GYI SA'I CHA LCI BAS BYUGS PAR DOR BAR BYA'O, ,SO SHING GI RTZE MO SHAR LA SOGS PAR BLTAS NA ZHING LA SOGS

, ,PA'I DNGOS GRUB 'BYUNG BAR STON TO, ,DE NAS KHYOR BA GSUM GYI 'THOR 'THUNG BYIN LA, AOm HR'I: BI SHUDDHA SSARBA DHA RMA: SARBA P'A PAm NI SAm SHODHA YA SARBA BI KALPA AA PA NA YA H'Um ZHES BZLAS PA'I CHUS KHA BKRU'O, ,DE YANG 'DUG PA LAS YI GE BDUN PA BZLAS PA'I KU SHA'I SNGAGS DANG; KHRO BO H'Um MDZAD PA'I KU SHA STAN GYI PHYIR BYIN LA, YI GE GSUM DANG H'Um MDZAD BZLAS PA'I SRUNG SKU DPUNG PA G-YON PAR BCINGS LA, DPRAL BAR YI GE BDUN PA BZLAS PA'I DRI'I THEG LES BSRUNGS LA, HAm KHAm LAS GO CHA BSKYED LA AOm H'Um MEE BADZRA KA BA TZA RAKshA HAm ZHES BYA BAS GO CHA BSKON NAS, AOm BADZRA AUshn'I shA H'Um ZHES BYA BA'I SNGAGS DANG RDO RJE BSDAMS PA LAS GUNG MO MYU GU LTAR BSGRENG BA'O, ,PHYAG RGYA SPYI BOR BZHAG LA SPYI BO'I GTZUG TOR BSKYED PAR BYA'O, ,DE NAS SNYING GAR YI GE H'Um BSGOMS LA RDO RJE KHU TSUR GYIS GTUGS TE YI GE BRGYA PAS BRTAN PAR BYA'O, ,DE NAS CHOS BSHAD PAR BYA STE, SGYU 'PHRUL DRA BA'I RGYUD LAS NI, ,G-YAS SU SRUNG SKUD BCING BA DANG, ,KU SHA'I LO MAS BRTAN BYAS NAS, ,'JIG RTEN NI KUN MKHYEN RNAMS, ,AU DU MA B'A RA'I ME TOG BZHIN, ,BRGYA LAM NA NI RES 'GA' ZHIG ,'BYUNG 'GYUR YANG NI MI 'BYUNG NGO, ,GSANG SNGAGS SPYOD PA'I TSUL 'BYUNG BA, ,DE BAS KYANG NI DKON PA STE, ,GANG ZHIG MNYAM MED SEMS CAN DON, ,MYA NGAN MI 'DA' BYED PAR NUS, ,BSKAL PA BYE BA DU MA RU, ,SDIG PA BGYIS PAR GYUR PA DAG ,DE KUN DKYIL 'KHOR 'DI 'DRA BA, ,MTHONG BAS BYANG BAR 'GYUR 'DRA NA, ,GRAGS PA MTHA' YAS SNGAGS SPYOD PA'I, ,TSUL LA GNAS PA SMOS CI DGOS, ,SKYOB PA GSANG SNGAGS BZLAS NAS NI, ,GO 'PHANG BLA NA MED PAR 'GYUR, ,GANG DAG SPYOD PA MCHOG 'DI LA, ,BLO GROS SHIN TU MI G-YO BA, ,DE DAG GIS NI NGAN 'GRO'I RGYUN, ,SDUG BSNGAL KUN 'BYUNG RAB TU SPYOD, , BDAG NYID CHEN PO KHYED RNAMS KYIS, ,RNYED PA MNYAM MED DE RING SNYED, ,GANG PHYIR RGYAL BA SRAS BCAS PA, ,BDAG NYID CHEN PO KHYED RNAMS NI, ,BSTAN PA 'DI LA KHYED RNAMS KUN, ,YONGS SU GZUNG STE SKYE BZHIN PA, ,DE PHYIR KHYER RNAMS THEG CHEN LA, ,SANG NI RAB TU SKYE BAR 'GYUR, ,

THEG PA CHEN PO 'BYUNG BA YI, ,LAM MCHOG 'DI NI DPAL DANG LDAN, ,KHYED RNAMS DER NI DONG BA LAGS, ,RANG 'BYUNG SKAL BA CHEN PO PA, ,'JIG RTEN THAMS CAD MKHYEN PA YI, ,DE BZHIN GSHEGS PA RNAMS SU 'GYUR, ,ZHES SPRO BA BSKYED LA, BZHIN BZANGS RNAMS LANGS LA DKYIL 'KHOR LA PHYAG GYIS SHIG NANG PAR DKYIL 'KHOR CHEN PO MA THONG BAR 'GYUR RO, ,DE NAS RMI LAM DGE MI DGE NGA LA SMROS SHIG CES BSGO'O, ,RMI LAM NGAN NA H'Um MDZAD BRGYA RTZA BRGYAD BZLAS PAR BYA'O, ,SLOB MA LHAG PAR GNAS PA'O, ,,DE NAS SLOB MA GZHUG PAR BYA STE, DANG POR H'Um MDZAD BZLAS PA'I STOD G-YOGS DANG SMAD G-YOGS BSKON LA YI GE BDUN PA BZLAS PA'I DAR SENG KHAS GDONG G-YOGS BCINGS LA YOL BA'I RGYAB TU BZHAG LA H'Um MDZAD KYI BUM PA'I CHUS BSANGS NAS SDUG PA KHYOD SU YIN ZHES DRI BAR BYA'O, ,SLOB MAS KYANG BDAG SKAL BA BZANG PO CAN NO ZHES BRJOD PAR BYA'O, , DE NAS DZA: H'Um BAm HO: SA NANG DU GZHUG PAR BYA'O, ,GZHUG PA'I CHO GA BDUN TE, DE LA DANG PO RE RE ZHIG GSOL BA GDAB CING RGYUN BSHAGS BYA BA NI, SANGS RGYAS KUN GYI RANG BZHIN SKU, ,SLOB DPON LA NI SKYABS SU MCHI, ,DPA' BO RNAMS 'BYOR MA'I 'KHOR LO, ,RNAL 'BYOR GNAS LA PHYAG 'TSAL LO, ,DE BZHIN GSHEGS PA KUN GYI GNAS, ,HE RU KA DPAL GRONG KHYER MCHOG ,SNYING PO'I DKYIL 'KHOR 'DI RU NI, ,MGON PO BDAG NI GZHUG PAR MDZOD, ,CES SMRAS GZHUG GO, ,DE NAS MIG LAM NA CI SNANG ZHES DRI BAR BYA'O, ,KHA DOG LA SOGS PA'I BYE BRAG GIS ZHI BA LAS SOGS PA'I LAS 'GRUB BAR BSTAN PAR BYA'O, ,DE NAS SNGAR BSTAN PA BZHIN DU PHYAG 'TSAL BA DANG MCHOD PA DANG SDIG PA BSHAGS PA DANG RJE SU YI RANG BA DANG BSKUL BA DANG GSOL BA GDAB PA DANG LUS DBUL BA DANG BSNGO BA DANG SNGOM PA GZUNG BAR BYA BA NI, JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SANGS RGYAS RNAL 'BYOR SDOM PA LA, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,BDAG

, ,GIS BRTAN POR GZUNG BAR BGYI, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,DENG NAS BRTZAMS TE GZUNG BAR BGYI, ,NAM DU YANG NI ME SPONG NGO, ,RDO RJE RIGS MCHOG CHEN PO LA, ,RDO RJE DRIL BU PHYAG RGYA YANG, ,YANG DAG NYID DU GZUNG BAR BGYI, ,SLOB DPON DAG KYANG GZUNG BAR BGYI, ,RIN CHEN RIGS MCHOG CHEN PO LA, ,DAM TSIG YID DU 'ONG BA LA, ,NYIN RE ZHING NI DUS DRUG TU, ,SBYIN PA RNAM ZHI RTAG TU SBYIN, ,BYANG CHUB CHEN PO LAS BYUNG BA'O, ,PADMA'I RIGS MCHOG DAG PA LA, ,PHYI NANG GSANG BA'I THEG PA GSUM, ,DAM PA'I CHOS KYANG GZUNG BAR BGYI, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU GZUNG BAR BGYI, ,MCHOD PA'I LAS KYANG CI NUS BGYI, ,BYANG CHUB SEMS NI BLA NA MED, ,DAM PA BDAG GIS BSKYED BGYIS NAS, ,SEMS CAN KUN GYI DON GYI PHYIR, ,BDAG GIS SDOM PA MA LUS GZUNG, ,MA GROL BA NI DGROL BAR BGYI, ,MA BSKAL BA NI BSGRAL BAR BGYI, ,DBUGS MA PHYIN PA DBUGS PHYUNG ZHING, ,SEMS CAN MYA NGAN 'DAS LA DGOD, ,CES BRJOD DO, ,YANG 'DI SKAD CES BRJOD PAR BYA'O,, GONG NAS GONG GI SDOM PA 'DI, ,BU KHYOD KYI NI BSRUNG BYA STE, ,GROL BA'I RGYU NI DE LAS GZHAN, ,THABS NI CI YANG YOD MA YIN, ,GNYIS MED MED RNAL 'BYOR BDAG ,BYANG CHUB YAN LAG ME TOG SBRUL, ,BDUD RTZI LNGA YI DAM TSIG NI, ,SDIG PA 'BYIN BYED BUS SRUNGS SHIG; CES BRJOD DO, ,GNYIS PA BYANG CHUB TU SEMS BSKYED PA NI GNAS GSUM DU NI YI GE BDUN PA DRI'I THIG LE BYAS LA BYANG CHUB TU SEMS BSKYED PAR BYA STE, SNYING GAR ZLA BA'I DKYIL 'KHOR LA YI GE H'Um LAS RDO RJE LNGA PA DKAR PO BSKYED LA SBOS CHUS BRLAN PA'I LAG PAS RDO RJE BZUNG LA SLOB MA'I SNYING GAR BZHAG NAS, AOm SARBA YO GA TZITTA AUTP'A DA Y'A MI SU RA TA SA MA YA STVAm, HO BADZRA SIDDHI YA TH'A SU KHAm ZHES BRJOD LA YI GE BRGYA BAS BRTAN PAR BYA'O, ,DE NAS GSUM PA LHA DANG SLOB DPON GYI DAM TSIG BSGRAG PAR BYA STE, DER KHYOD DE BZHIN GSHEGS PA THAMS CAD KYIS BYIN GYIS BRLABS KYIS DE

BZHIN GSHEGS PA THAMS CAD KYI MCHOG TU GSANG BA 'DI, KHYOD KYIS DKYIL 'KHOR MA MTHONG BA RNAMS LA SMRA BAR MA BYED CIG ,DAD PA DANG MI LDAN PA RNAMS LA YANG MA YIN NO ZHES BRJOD DO, ,DE NAS YANG DZA: H'Um BAm HO: SA DKYIL 'KHOR RU GZHUG PAR BSAMS LA, A'A: KHAm B'I RA H'Um ZHES PA'I SNGAGS DANG DPA' BO NAM MKHA' DANG MNYAM PA'I DKYIL 'KHOR DU BZHUGS SO ZHES BRJOD PAR BYA'O, ,DENG KHYOD DPA' BO DANG RNAL 'BYOR MA THAMS CAD KYI RIGS SU ZHUGS KYIS NGAS KHYOD LA YE SHES GANG GIS DPAL HE RU KA DANG DE BZHIN GSHEGS PA THAMS CAD DANG DPA' BO DANG RNAL 'BYOR MA THAMS CAD KYI DNGOS GRUB THOB PAR 'GYUR NA, DNGOS GRUB GZHAN LTA CI SMOS TE DE LTA BU'I YE SHES BSKYED PAR BYA'O, ,KHYOD KYIS DKYIL 'KHOR CHEN PO MTHONG BA RNAMS LA SMRA BAR MA BYED CIG DAM TSIG NYAMS PAR GYUR TA RE ZHES BRJOD DO, ,SLOB MA'I SNYING GAR RDO RJE BZHAG LA, AOm HE RU KA DPAL DENG KHYOD KYI, ,SNYING LA DAG ZHUGS BAR 'GYUR, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES BRJOD NAS THOD PA'I NANG DU BDUD RTZI LNGA SBYAR LA YI GE GSUM BZLAS LA 'THUNG DU BCUG LA 'DI SKAD BRJOD PAR BYA'O, ,'DI NI MI THONG CHU YIN TE, ,DAM TSIG 'DAS NA SREG PAR BYED, ,DAM TSIG BSRUNGS NA DNGOS GRUB NI, ,RDO RJE BDUD RTZI'I CHU 'THUNG SHIG ,AOm PANYTZA AA MRi TA AU DA KA thA: ZHES BRJOD DO, ,DE NAS SLOB DPON GYI DAM TSIG BSGRAG PAR BYA STE, DENG PHYIN CHAD KHYOD KYI HE RU KA NGA YIN GYIS NGAS 'DI BYOS SHIG CES BSGO BA DE BYA DGOS SO, , KHYOD KYIS NGA LA BRNYAS PA MA BYED CIG ,MI BDE BA MA SPANGS PAS KHYOD DUS BYAS NAS DMYAL BAR GYUR TA RE ZHES BRJOD DO, ,DE NAS BZHI PA YE SHES DBAB PAR BYA STE, DPA' BO DANG RNAL 'BYOR MA THAMS CAD KYIS BYIN GYIS RLOBS LA, DPAL HE RU KA'I YE SHES BDAG LA 'BAB PAR GYUR CIG CES SMRAR BCUG LA, DE'I THUGS KAR LAm LAS BYUNG BA'I DBANG CHEN GYI DKYIL 'KHOR KHA DOG SER PO DBUS SU RDO RJES MTSAN PA, LKOG MAR BAm LAS BYUNG BA'I CHU'I DKYIL 'KHOR DKAR PO BU MA PAS MTSAN PA LA DBUS NA YI GE AA GNAS PAR BSAM MO, ,SLOB MA'I SPYI BOR YI GE

, ,YAm LAS BYUNG BA RLUNG GI DKYIL 'KHOR GZHU'I DBYIBS LTA BU KHA DOG SNGON PO BA DAN NA GYIS MTSAN PA LA DBUS SU YI GE H'Um GNAS PAR BSAM MO, ,SLOB MA'I RKANG PA'I 'OG TU DZHEEm 'OD THER 'BAR BA DANG BCAS PA BSAMS LA DE'I 'OG TU YANG RLUNG GI DKYIL 'KHOR GYI STENG DU RAm LAS BYUNG BA'I ME'I DKYIL 'KHOR GRU GSUM PA KHA DOG DMAR PO BSGOMS LA, DRIL BU DKROL ZHING, A'A BE SHA YA A'A BE SHA YA, STVAm BHA YA STVAm BHA YA, RA RA RA RA, TZA LA YA TZA LA YA, H'Um HA AA DZHEEm, ZHES BRJOD CING THANG CHU LNGA SBYAR LA BSKUS PA'I GOS LEGS PAR BRDUNGS PA DANG, BYI LA'I DANG GU GUL LHAN CIG SBYAR BA'I THONG PA'I NANG DU DUR KHROD KYI SOL BA'I ME LA YAB YUM GYI SNGAGS DANG, DPA' BO DANG DPA' MO'I SNGAGS DANG, AOm TIshthA MA H'A KRO DHA A'A BE SHA YA H'Um, AOm SHRA'I HE RU KA YA BID MA HE SVA HA ZHES BYABS DBAB PAR BYA'O, ,DE NAS BABS KYANG RUNG STE LCE LA AA LAS ZLA BA'I DKYIL 'KHOR GYI STENG DU A'A: DMAR PO GSUNG GI RDO RJE'I RANG BZHIN DU BSAMS LA, BRUm HI BADZRA DGE BA'AM MI DGE PA SMROS SHIG CES BRJOD LA, BAB PAR GYUR NA TIshthA BADZRA ZHES PA DANG, YI GE BRGYA PAS BRTAN PAR BYA'O, ,DE NAS LNGA BA ME TOG DOR BAR BYA STE RIN PO CHE 'AM ME TOG GI PHRENG BA DOR LA LHA DANG NYE BA DANG MI NYE BA'I GNAS BRTAGS LA, PRA TI GRiHnA SVA MI M'Am STVA MA H'A BA LA ZHES PAS BLANGS LA SLOB MA'I MGO LA BCING BAR BYA'O, ,DE NAS DRUG PA GDONG G-YOGS DGROL BAR BYA STE, DE'I MIG GNYIS SU YI GE 'OD ZER DANG BCAS PA BSAMS LA RDO RJE RTZE MOS PHYI ZHING, AOm BADZRA NA TRA AA PA HAR BA tA LAm HRA'I: ZHES PA DANG, HE RU KA DPAL DENG KHYOD KYI, ,MIG 'BYED PAR NI BRTZON PAR MDZAD, RDO RJE MIG NI BLA MED PA, ,DE NYID DU NI 'BYED PAR SHOG ,CES BRJOD LA GDONG G-YOGS DGROL BAR BYA'O, ,DE NAS BDUN PA DKYIL 'KHOR BSTAN PA NI, ,DKYIL 'KHOR BZANG PO 'DI LA LTOS, ,DA NI DAD PA RAB TU BSKYED, ,KHYOD NI RNAL 'BYOR RIGS SU SKYES, ,GSANG SNGAGS PHYAG RGYA BYIN GYIS BRLABS, ,'GRO BA'I PHUN SUM TSOGS KUN DANG, ,DNGOS GRUB KUN KHYOD MNGON DU GYUR, ,ZHES PA DANG, GANG DU ME TOG BABS PA'I LHA DANG DKYIL 'KHOR GYI DE NYID BRTAN PAR BYA'O, ,SNA TSOGS PADMA'I

LTE BAR BZHUGS, ,GNYIS MED GNYIS MED NANG NA GNAS, ,BRTAN G-YO KUN GYI BDAG NYID CAN, ,SPYOD DANG GROL BA'I RAB BRTZON BYA, ,KUN MKHYEN KUN MKHYEN GTZO BO STE, ,DPA' BO CHE LA BU KHYOD LTOS, ,RNAL 'BYOR MA LA SOGS PA'I TSOGS, ,GRUB PA'I RNAL 'BYOR MA LNGA'O, ,THOD PA'I DUM BU LA SOGS KUN, ,'KHOR LO MKHA' LA SPYOD PAS BSKOR, ,RAB LA SOGS PAS YANG DAG 'KHYUD, ,GNYIS PO THUGS KYI SPRUL PA YIN, ,MYU GU CAN LA SOGS PA KUN, ,RNAL 'BYOR MA BRGYAD GNYIS SU MED, ,GSUM NI RNAM DAG NGO BO YIS, ,MI YI 'JIG RTEN DAG TU KHYAB, , STOBS PO CHE LA SOGS GNAS PA, ,GRUB PA SA 'OG PA RNAMS YIN, ,SKU YI SPRUL PAR BSHAD PA YI, ,CHAGS PA KUN GYI RJES SU CHAGS, ,HE RU KA LA SOGS 'KHOR LO, ,G-YON NAS 'KHYUD CING NU MA 'DZIN, ,SKU GSUM ZHES BYA'I SPRUL PA STE, ,'BRING DANG MCHOG DANG THAM DANG, ,KHVA LA SOGS PA BRGYAD PO YI, ,GZUGS NI RGYU YIS YANG DAG BSTAN, ,KHRO BO RNAM RGYAL LA SOGS BRGYAD, ,BYANG CHUB SUM CU RTZA BDUN SPRUL, ,MKHA' LA SPYOD DANG SA LA SPYOD, ,SA 'OG DAG NI SPYOD PA STE, ,BRGYAD GNYIS MCHOD PA'I LHA MO STE, ,LHA RNAMS DE NYID BSTAN PA YIN, ,DKYIL 'KHOR GYI NI DE NYID DANG, ,SLOB MA GZHUG PA'I CHO GA'O,, ,,DE NAS DBANG BSKUR BA BZHI BSHAD PAR BYA, DE LA RE ZHIG RIG PA'I DBANG BSKUR BA DANG POR BYA STE, PADMA 'DAB MA BRGYAD PA BRIS TE DE'I STANG DU SLOB MA SKYIL KRUNG DU BZHAG LA, H'Um MDZAD KYI CHUS BSANGS NAS, ,YON GYI MCHOG BLANGS NAS GSOL BA GDAB PA NI, MI LDOG 'KHOR LO'I DBANG BSKUR BA, ,MGON PO CHEN PO BDAG LA STZOL, ,DKYIL 'KHOR LHA YI DE NYID DANG, ,SLOB DPON GYI NI LAS RNAMS DANG, ,HE RU KA DPAL DAM TSIG DANG, ,SDOM PA GSANG BA BLA NA MED, ,SEMS CAN GYI NI DON GYI PHYIR, ,DPA' BO SLOB DPON BDAG GRUB MDZOD, ,DE LTAR GSOL BA BTAB NAS SNGAR BSHAD PA'I SDOM PA BYIN LA SNYING GAR H'Um BSAMS LA, AOm SVA BH'A BA SHUDDHA: SARBBA DHARM'A: SVA SHUDDHO&HAm ZHES BYA BA'I SNGAGS KYIS SLOB MA STON PA NYID DUNG SGOMS LA, DE NAS A'A LI KA'A LI LAS NYI ZLA KHA SBYOR, DE'I DBUS SU H'Um BAm GNYIS TE DE YONGS SU GYUR BA LAS RDO RJE DANG GRI GUG

, ,DE'I SPRO BSDU LAS BCOM LDAN 'DAS DPAL HE RU KA SKU MDOG SNGON PO ZHAL BZHI PA PHYAG BCU GNYIS PA, YUM SKU MDOG DMAR MO ZHAL GCIG PHYAG GNYIS PA BSGOM DU BCUG LA, DE LA GO CHA BSKON NAS YE SHES SEMS DPA' BCUG LA DBANG BSKUR PAR BYA STE, JI LTAR BLTAMS BA TZAM GYIS NI, ,DE BZHIN GSHEGS KUN KHRUS GSOL PA, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,BUM PA THAMS CAD KYI CHU BLANGS LA, AOm SARBA TA TH'A GA TA BADZRA AA BHI shINYTZA H'Um ZHES BRJOD LA ME TOG SPYI BOR DOR LA, DPAL LDAN RDO RJE THUGS 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE THUGS SU MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE THUGS SU MDZAD DU GSOL, ,AOm SARBA TA TH'A GA TA TZIDTA NI RY'A TA NA BADZRA SVA BH'A BA A'ATMA KO&HAm, RNAM SHES PHUNG PO RNAM DAG PAS, ,ME LONG LTA BU YE SHES KYI, ,ZHE SDANG RNAM DAG MI BSKYOD PA'I , ,DPAL LDAN CHU YI DBANG BSKUR BA'O, ,DE NAS GSER LA SOGS PA LAS BYAS PA 'BUR DU BTOD PA'AM RAS LA SOGS PA LA BRIS PA LA GOS PA'I COD PAN LA, H'Um MDZAD LA SOGS PA'I SNGAGS KYIS BSANGS NAS YI GE H'Am LAS RIN PO CHE DE YONGS SU GYUR PA LAS RIN CHEN 'BYUNG LDAN, DE YONGS SU GYUR BA LAS RIGS LNGA'I DBU RGYAN DU BSAMS LA DRI'I THIG LE BYAS TE, ME TOG LA SOGS PAS YANG DAG PAR MCHOD NAS SLOB MA'I MGO LA BZHAG STE, 'DI SKAD CES BRJOD DO, ,PHAL PA'I MDANGS NI GZHOM PA'I PHYIR, ,NGA RGYAL RIN CHEN 'BYUNG LDAN GYI, ,YON TAN GZI BRJOD BSKYED PA'I PHYIR, ,COD PAN GYIS NI DBANG BSKUR RO, ,AOm SARBA TA TH'A GA TA MU KU tA AA BHI shINYTZA H'Um ZHES BRJOD PA DANG, RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, , RDO RJE RIN CHEN MDZAD DU GSOL, ,PHYOGS BCU YI NI SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE RIN CHEN MDZAD DU GSOL, ,AOm SARBA TA TH'A GA TA BADZRA RATNA SVA BH'A BA A'ATMA KO&HAm, TSOR BA'I PHUNG PO RNAM DAG PA'I, ,MNYAM PA

NYID KYI YE SHES KYI, ,NGA RGYAL RIN CHEN 'BYUNG LDAN GYI, ,COD PAN GYIS NI DBANG BSKUR RO, ,COD PAN GYI DBANG STE GNYIS PA'O, ,DE NAS RDO RJE'I DBANG BSKUR BA NI, GSER RAM RIN PO CHE LAS BYAS PA'I RDO RJE H'Um MDZAD KYIS BSANGS TE HR'I:LAS PADMA DE YONGS SU GYUR PA LAS SNANG BA MTHA' YAS DE YONGS SU GYUR PA LAS RDO RJE BSAMS LA, DRI'I THIG LE BYAS LA ME TOG LA SOGS PAS YANG DAG PAR MCHOD LA, SANGS RGYAS KUN GYI RDO RJE'I DBANG, ,DE RING KHYOD LA BSKUR BAR BYA, ,HE RU KA DPAL RAB BSGRUB PHYIR, ,RDO RJE'I 'DI NI KHYOD KYIS LONG, ,THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN DU BZANG PO KUN BDAG NYID, ,RDO RJE SNYEMS TSUL BDAG PO'I BDAG ,AOm SARBA TA TH'A GA TA HR'I: SHR'I HE RU KA BADZRA AA BHI shINYTZ'A MI, TIshthA BADZRA BADZRA SA MA YA STVAm ZHES PAS LAG PAR RDO RJE GTAD LA, CHOS KYI GSUNG LAM DPAL DANG LDAN, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE GSUNG DU BDAG GIS BSGOM, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE GSUNG DU MDZAD DU GSOL, ,AOm SARBA TA TH'A GA TA B'A KA BADZRA SVA BH'A BA A'ATMA KO&HAm, 'DU SHES PHUNG PO GNAS 'GYUR PAS, ,SO SOR RTOG PA'I YE SHES KYI, ,'DOD CHAGS SNANG BA MTHA' YAS KYI, ,RDO RJE YIS NI DBANG BSKUR RO, RDO RJE YIS NI DBANG BSKUR RO, RDO RJE'I DBANG STE GSUM PA'O, ,DE NAS DRIL BU'I DBANG BSKUR BA NI GSER LA SOGS PA'I DRIL BU YANG H'Um MDZAD KYIS BSANGS LAS, KHAm LAS RAL GRI DE LAS DON YOD GRUB PA DE YONGS SU GYUR PA LAS DRIL BUR BSAMS LA, DRI'I THIG LE BYAS LA ME TOG LA SOGS PAS MCHOD NAS, ,'DI NI SANGS RGYAS THAMS CAD KYI, ,SHES RAB DBYANGS KYI RJES 'GROR BSHAD, ,KHYOD KYIS KYANG NI RTAG TU BCANG, ,RGYAL BAS BYANG CHUB MCHOG TU BZHED, , SRID PA NGO BO NYID KYIS BDAG ,NGO BO NYID KYIS SRID BRAL BYAS, ,RANG BZHIN DAG PA'I SEMS DPA' MCHOG ,SRID PA'I MCHOG TU GRUB PAR BYED, ,AOm SHR'I HE RU KA AA DHI PA TI STVAm, AA BHI shINYTZ'A MI TIshthA MI TI shthA BADZRA SA MA YA STVAm ZHES BYA BAS BYIN LA, DPAL LDAN RDO RJE DON YOD 'CHANG, ,RDO RJE MI PHYED

, ,GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE LAS SU MDZAD DU GSOL, ,AOm SARBA TA TH'A GA TA AA MO GHA BADZRA SVA BH'A BA A'ATMA KO&HAm, 'DU BYED PHUNG PO RNAM DAG PA'I, ,BYA BA NAN TAN YE SHES KYI, ,PHRAG DOG DON YONG GRUB PA YI, ,DRIL BU YIS NI DBANG BSKUR RO; ,DE NAS ME TOG GI PHRENG BA BZUNG LA MING GI DBANG BSKUR BAR BYA STE, LUGS MA'I SKU SPYI BOR BZHAG LA AOm LAS 'KHOR LO, DE LAS RNAM PAR SNANG MDZAD DE YONGS SU GYUR PA LAS DBU'I GTZUG TOR DU BSAMS LA, PHRENG BA SPYI BOR BCINGS TE, SRID PA'I BDE BA SHIN TU CHUNG, ,SDUG BSNGAL CHEN PO DAG BYA'I PHYIR, ,SHIN TU BDE BA DAM PA'I THABS, ,HE RU KA DPAL DAG TU BSKYED, ,AOm SHR'I HE RU KA AA BHI shINYTZ'A MI, SHR'I HE RU KA CHE GE MO N'A MA AA BHI shE KA TA, DPAL LDAN RDO RJE SKU 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE SKUR NI MDZAD DU GSOL, ,AOm SARBA TA TH'A GA TA K'A YA BADZRA SVA BH'A BA A'ATMA KO&HAm, ,GZUGS KYI PHUNG PO RNAM DAG PAS, ,CHOS DBYINGS YE SHES RNAM DAG PA'I, ,GTI MUG RNAM PAR SNANG MDZAD KYI, ,DPAL LDAN MING GI DBANG BSKUR RO, ,DE NAS MI TOG GTOR BYAS NAS, ,PHUNG PO LNGA NI RNAM DAG CING, ,NYON MONGS LNGA NI SPANGS PAS NA, ,MA RIG PA NI RNAM DAG PAS, ,RIG PA YI NI DBANG ZHES BSHAD, ,RIG PA'I DBANG BSKUR RO, ,DE NAS BRTUL ZHUGS MANG PO SBYIN PAR BYA STE RDO RJE DRIL BU BYIN LA, PADMA LTAR SKOR BA'I PHYAG RGYAS LAN GSUM BSKOR LA, RDO RJE GSOR ZHING DRIL BU DKROL DU BCUG LA, 'DI NI SANGS RGYAS THAMS CAD KYI, ,HE RU KA DPAL PHYAG NA BSNAMS, ,KHYOD KYIS KYANG NI RTAG TU BCANG, ,HE RU KA DPAL BRTUL ZHUGS BRTAN, ,AOm SARBA TA TH'A GA TA SIDDHI BADZRA SA MA YA TIshthA AE shA STVAm DHA RA Y'A MI, H'Um HA HA HA HA HO ZHES BYA BAS RDO RJE BRTUL ZHUGS SO, ,DE NAS PHYAG MTSAN BCU GNYIS LUGS MA 'AM 'BUR DU BRKOS PA'AM RI MOR BRIS BA H'Um MDZAD KYI SNGAGS KYI BSANGS NAS SLOB MA LA SBYIN PAR BYA STE, RDO RJE DRIL BU BCANGS PA YI, ,SHES RAB PHA ROL PHYIN PA DANG, ,BZOD PA GLANG PO'I PAGS PA DANG, ,SMON LAM CANG TE'U BSNAMS PA DANG, ,YE SHES GRI GUG NYON

MONGS GCOD, ,DGRA STA TSUL KHRIMS RNAM DAG DANG, ,RTZE GSUM SBYIN PA'I PHA ROL PHYIN, ,THOD PA THABS LA MKHAS PA DANG, ,BRTZON 'GRUS RDO RJE ZHAGS PA DANG, ,KHA tV'Am BSAM GTAN RNAM DAG STE, ,TSANGS PA'I MGO BO STOBS SU BSHAD, ,PHA ROL PHYIN PA RNAM DAG PAS, ,BU KHYOD KYIS NI BCANG BAR BYA, ,AOm HR'I: HA HA H'Um H'Um PHAt RE RE ZHING BZLAS PAR BYA'O, ,DE NAS ME TOG GTOR NAS, DPA' BO CHEN PO'I BRTUL ZHUGS BZANG, ,RTEN 'BREL BCU GNYIS RNAM DAG PA, ,PHA ROL PHYIN PA BCU RNAMS KYI, ,PHYAG RGYA YIS NI DBANG BSKUR RO, ,DBANG BDUN PA'O,, ,, SANGS RGYAS KUN GYI MIG 'BYED PA'I, ,GSANG SNGAGS BLA NA MED PA YI, ,SNYING PO YID BZHIN NOR BU 'DI, ,SKYOB PA'I SANGS RGYAS DBANG BSKUR RO, ,DE NAS ME TOG GTOR LA SNGAGS BZLA PA'I PHYIR BZLAS PA'I PHRENG BA SBYIN PAR BYA'O, ,DENG NAS BRTZAMS TE RDZOGS SANGS RGYAS, ,RNAL 'BYOR MA DANG RDZOGS SANGS RGYAS, ,SHES RAB THABS KYI BSNYEMS CHEN GYIS, ,GAR MCHOG BDE BA DGA' STON GYIS, ,SGEG DANG BCAS PA'I ME TOG PHRENG, ,SANGS RGYAS KUN SOGS RNAL 'BYOR MA, ,DES NI BRAL BAR MI 'GYUR TE, ,ME TOG PHRENG BAS BRGYAN GYUR CIG ,PHRENG BA'O, ,LUS CAN KUN GYI DAM CHOS KYI, ,KHYOD KYIS GLU NI BLANGS BYAS TE, ,DES NA RNAL 'BYOR MA DE DANG, ,MYUR DU BDE BA MYONG BAR 'GYUR, ,GLU'O, ,KHYOD KYIS RGYAL LA DRI PHUL BAS, ,TSUL KHRIMS TING 'DZIN SHES RAB DANG, ,RNAM GROL YE SHES MTHONG BA YI, ,LUS CAN BYANG CHUB THOB GYUR CIG ,DRI'O,, RDZOGS SANGS RGYAS LA SBOS PHUL BAS, ,BRTUL ZHUGS BZANG POS LEGS TSIM ZHING, ,LUS CAN BDE GSHEGS CHA LUGS SU, ,YE SHES KYIS NI TSIM GYUR CIG ,SPOS SO, ,CHOS KYI MAR ME LEGS SBAR BAS, ,PADMA GAR DBANG BDAG NYID DE, ,SEMS CAN MA RIG MDONGS BYAS LA, ,YE SHES SGRON MA SNANG GYUR CIG ,MAR ME'O, ,BRTUL ZHUGS MANG PO'O, ,DE NAS PHYIR MI LDOG PA'I DBANG BSKUR BA'I PHYIR GSOL BA GDAB PAR BYA STE, BYANG CHUB RDO RJES SANGS RGYAS LA, ,JI LTAR MCHOD SBYIN GSOL BA GDAB ,BDAG KYANG BSRUNG BA'I DON GYI PHYIR,,

, ,NAM MKHA'I RDO RJE BDAG LA GSOL, ,HE RU KA DPAL DBANG BSKUR BA, ,'GRO BA SKYOB PA'I GZI BRJID CAN, ,JI LTAR YON TAN 'BYUNG GNAS STZOL, ,DE BZHIN BDAG LA DENG BDAG STZOL, ,DBA' BO CHEN PO MI LDOG PA'I, ,DBANG BSKUR BA NI BDAG LA STZOL, ,SEMS CAN KUN GYI DON GYI PHYIR, ,BDAG NI RTAG TU SLOB DPON GYUR, ,DE LTAR GSOL BA BTAB PA'I RJES LA SDOM PA SBYIN PAR BYA STE, JI BZHIN DON LDAN BCU BZHI NI, ,PHAS PHAM PAR NI RAB TU GRAGS, ,SBONG ZHING DOR BAR MI BYA STE, ,RTZA BA'I LHUNG BAR SHES PAR BYA, ,SLOB DPON LA NI BRNYAS PA DANG, ,BDE GSHEGS BKA' NI GCOG PA DANG, ,SDANG BAS SPUN LA BSNGAGS MI BYA, ,BYAMS PA CHEN PO SPONG BAR BYED, ,BYANG CHUB SEMS NI 'DOR BAR BYED, ,SHES PA GSUM LA SMOD PA DANG, ,SKAL MIN GSANG BSGROGS PA DANG, ,RGYAL BA'I BDAG NYID PHUNG PO SMOD, ,DAG PA'I CHOS LA YID GNYIS DANG, ,GDUG LA BYAMS DANG CHAGS BRAL DANG, ,CHOS LA GNYIS SU 'BYED PA DANG, ,DAD PA'I SEMS NI RAB TU SMOD, ,DAM TSIG BSTEN TSE JI SNYED TSE, ,RTAG PA'I BUD MED SMOD PA STE, ,RTZA BA'I LTUNG BAR 'GYUR BA YIN, ,NYIN DANG MTSAN MO LAN GSUM DU, ,NYIN RE ZHING NI BZLA BAR BYA, ,SNGAGS PAS 'DI DAG BYED PA NI, ,KHA NA MTHO SBOM POR 'GYUR, ,YAN LAG DAM TSIG SHES PAR BYA, ,DAM TSIG MI LDAN SNOD MIN PA'I, ,RIG MA BSTEN PAR BYA BA DANG, ,TSOGS KYI 'KHOR LOR RTZOD PA DANG, ,GSANG BA'I CHOS NI STON PA DANG, ,SEMS CAN DANG DANG LDAN PA LA, ,DAM CHOS GZHAN DU STON PA DANG,, NYAN THOS DAG TU SLOB BYED PA'I, ,NANG DU ZHAG BDUN GNAS PA DANG, ,SBYOR BA NGES PAR MA BYAS PA'I, ,SNOD MIN GSANG BA STON PA YI, ,KHA NA MA THO SBOM 'GYUR TE, ,SNGAGS PA DAM TSIG ZAD PAR 'GYUR, ,ZAD PAS DNGOS GRUB MI 'GYUR ZHING, ,BDUD DANG SDUG BSNGAL RAB TU 'PHEL, ,DE BAS DAM TSIG BUS SRUNGS SHIG ,CES BRJOD PAR BYA'O, ,SLOB MAS KYANG DE BZHIN DU BGYID DO ZHES BRJOD DO, ,DE NAS SENG GE'I KHRI LA DAR GYIS G-YOGS TE DE'I STENG DU BZHAG LA, ,YI GE MNGON PAR BZLAS PA'I GDUGS DANG RGYAL MTSAN DANG BA DAN BSGRENG LA SLOB MA LHAR BSKYED LA, PU DZ'A AU AA GO RA DE

MA LA SOGS PA'I YI GE NYE SHU RTZA BZHI LUS LA BKOD LA, H'Um RING PO BRGYAD LAS SGO MTSAMS MA BSKYED LA SNYING GA'I RTZA BZHI LA YUM BZHI DANG, BDUD RTZI'I SNOD BZHI BSKYED LA DPA' BO DPA' MO'I GO CHA BSKON NAS, PHEE PHEEm GI PHYAG RGYAS YE SHES SEMS DPA' SPYAN DRANGS LA BCUG STE, GNAS GSUM DU YI GE GSUM GYI BYIN GYIS BRLAB PAR BYA'O, ,DE NAS SLOB DPON GYIS LHA THAMS CAD KYI RANG BZHIN RNAM PAR RGYAL BA'I BUM PA BLANGS NAS BKRA SHIS TSIG SU BCAD PA BRJOD CING DBANG BSKUR BAR BYA STE, LHA RNAMS ZHU BA LAS YE SHES KYI BDUD RTZIR BYIN GYIS BRLABS TE SPYI BOR BLUGS NAS 'DI SKAD BRJOD DO, ,KHAMS GSUM KUN GYIS PHYAG BYAS PA, GSANG BA GSUM NI GNAS LAS BYUNG, ,DBANG BSKUR BA NI RDO RJE CHE, ,SANGS RGYAS KUN GYI DBANG BSKUR RO, ,AOm SARBA TA TH'A GA TA AA BHI BARTI KA SA MA YA SHRI YE H'Um ZHES BRJOD DO, ,DE NAS COD PAN DANG, RDO RJE DRIL BU DANG, ME TOG GI PHRENG BA SPYI BOR BCINGS LA 'DI SKAD BRJOD DO, ,KHAMS GSUM KUN GYIS PHYAG BYAS PA, ,PHYAG RGYA CHEN PO'I BYIN BRLABS LA, ,GZUGS DOR BA YI DAM TSIG GIS, ,GSANG SNGAGS MA TSANG MED PAR BZLA, ,RANG RANG RIG PA'I NGO BO DE, ,PHYOGS BCU DUS GSUM BZHUGS PA'O,, RANG GI LHA YI SBYOR BA YIS, ,BDAG DANG GZHAN LA MCHOD PAR BYA, ,DKA' THUB SDOM PA MI ZAD PA, ,BSRUNGS NA MI SNANG MNGON SHES DANG, ,MKHA' LA RGYU DANG LUS NGAG YID, ,LAS 'BYUNG 'DOD GRUB 'GRUB MI 'GYUR, ,DE BAS SANGS RGYAS SEMS DPA' MCHOG ,'DOD PA THAMS CAD BSTEN PA YIS; CHOS KYI YE SHES MCHOG BSNYES PA'O, ,BA DE DANG SDUG BSNGAL DE DAG MIN, ,'DOD PA'I YON TAN LNGA RNAMS BSTEN, ,YE SHES DON GNYER 'DOD CHAGS CAN, ,SBYOR BAS BSGRUBS NA MYUR DU 'GRUB, ,SKU GSUNG THUGS KYI YANG DAG 'GRUB, ,GANG GZHAN DMAN PA BSHAD PA YIN, , SNGAGS KYI BZLAS PA 'GRUB 'GYUR BA, ,SKU GSUNG THUGS NI BSGOMS PAS SO, ,DE NYID KYIS NI RDO RJE GSUNG, ,CHOS KYI DRIL BU DKROL BAR BYA, ,DAM TSIG GIS NI PHYAG RGYA CHER, ,BYIN GYIS BRLABS NAS SNYING PO BZLA, ,DE NAS MIG GNYIS SU H'Um LAS RDO RJE NAS 'BRAS TZAM DKAR POR BSAMS

, ,LA; GSER RAM RIN PO CHE LAS BYAS PA'I MIG THUR DANG PRA ZHES BYA BAS MIG DBYE BAR BYA STE, JI LTAR MIG MKHAN RGYAL PO YIS, ,'JIG RTEN LING TOG BSAL BA LTAR, ,BU KHYOD KYI NI MI SHES PA'I, ,RAB RIB RGYAL BA RNAMS KYIS BSAL, ,AOm BADZRA NI TRA AA PA HA RA BA tA LAm HR'I: ZHES BRJOD PAS NI NYON MONGS PA SPANGS PA'I DBANG NGO, ,DE NAS ME LONG BSTAN LA, CHOS RNAMS GZUGS BRNYAN LTA BU STE, ,DAG CING GSAL LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS KUN DU BYUNG, ,NGO BO NYID MED GNAS MED PAR, ,DE LTAR CHOS 'DI SHES GYIS LA, ,SEMS CAN DON NI MNYAM MED BYOS, ,'ON KYANG SANGS RGYAS SRAS SU SKYE, ,YE SHES KYI DBANG NGO, ,DE NAS SKU GSUNG THUGS KYI DBANG SBYIN PAR BYA STE, AA LAS BSKYED PA'I DRIL BU BLANGS TE, CHOS RNAMS NAM MKHA'I MTSAN NYID DE, ,NAM MKHA' LA YANG MTSAN NYID MED, ,NAM MKHA' DANG MNYAM SBYOR BA YIS, ,SKU MCHOG MNYAM PA NYID DU GSAL, ,GSUNG GI DBANG NGO, ,DE NAS CHOS BSKYED PA'I MDA' GZHU SBYIN LA PHYOGS BZHI DANG STENG 'OG TU HO ZHES PAS MDA' 'PHEN DU GZHUG GO, ,SKU'I DBANG NGO, ,DE NAS H'Um LAS ME LONG BSKYED PA BYIN LA, RDO RJE SEMS DPA' ME LONG BZHIN, ,DAG CING GSAL LA ME LONG BZHIN, ,BU KHYOD KYI NI SNYING LA ZHUGS, ,GANG 'DI DE BZHIN GSHEGS PA THAMS CAD KYI BDAG PO RDO RJE BYANG CHUB KYI SEMS NI 'DI YIN PAR SHES PAR GYIS SHIG ,CES BRJOD PAR BYA STE, THUGS KYI DBANG NGO, ,DE NAS RKANG PA GNYIS KYI BAR DU CHOS KYI 'KHOR LO BZHAG LA, LAG PA G-YAS PAR DUNG BYIN TE G-YON PAR PO TI BYIN LA 'DI SKAD CES BRJOD DO, ,DENG NAS BRTZAMS TE SEMS BSKYED PA TZAM GYIS CHOS KYI 'KHOR LO SKOR CIG ,DE RING PHAN CHAD 'JIG RTEN LA, ,SKYOB PA'I CHOS KYI 'KHOR LO BSKOR, ,CHOS KYI DUNG NI BLA MED PA, ,MA LUS KUN DU GANG BAR GYIS; ,SOM NYI YID GNYIS MI BYA ZHING, ,DOGS PA MED PA'I SEMS KYIS SU, ,GSANG SNGAGS SPYOD PA'I TSUL GYI MCHOG ,'JIG RTEN 'BRAL 'DI LA RAB TU SGROGS, ,DE LTAR BYAS NAS SANGS RGYAS LA, ,PHAN 'DOGS DRIN DU GZO ZHES BYA, ,RDO RJE 'DZIN PA DE KUN YANG, ,KUN DU SRUNG BA

KHYOD LA MDZAD, ,CES BYA BAS SBYIN PAR BYA'O, ,DE NAS RJES SU GNANG PA'I DBANG LNGA SBYIN PAR BYA STE, 'JIG RTEN KUN LAS THAMS CAD DU, ,SEMS CAN KUN LA PHAN PA'I PHYIR, ,JI LTAR SNA TSOGS 'DUL 'GYUR BA, ,CHOS KYI 'KHOR LO RAB TU BSKOR, ,DE BZHIN DU RDO RJE DANG KHRO BO DANG PADMA DANG NOR BU'I 'KHOR LO RAB TU BSKOR ZHES BYA BA'I TSIGS SU BCAD PA LNGAS RJES SU GNANG BA LNGA DBANG BSKUR BA LNGA SBYIN PAR BYA'O, ,DE NAS SLOB MA LA MCHOD PA LNGAS MCHOD PAR BYA'O, ,MGO BO LA ME TOG SNA LA BDUG PA MIG LA MAR ME SNYING GAR BYUG PA, YANG NA GNAS GSUM DU DRI'I THIG LE BYAS LA, BYANG CHUB KYI PHYOGS KYI CHOS SUM CU RTZA BDUN LHA'I DE NYID DANG, GNAS NYI SHU RTZA BZHI LA SOGS PA DKYIL 'KHOR GYI DE NYID DANG, RTZA DANG, KHAMS DANG RANG BZHIN DU LUS KYI DKYIL 'KHOR GYI DE NYID DANG, BSNYEN PA DANG STA GON DANG, DKYIL 'KHOR DANG SBYIN SREG DANG BUM PA DANG GTOR MA DANG BDUD RTZI LNGA SBYANG BA DANG, BSGOM PA DANG BZLAS PA DANG BCAS PA'I PHRIN LAS BZHI SLOB DPON GYI LAS RNAMS BSLAB PAR BYA'O, ,DE NAS YON DBUL BAR BYA STE, GLANG PO RTA DANG SHING RTA NOR, ,NOR BU BYU RU LA SOGS PA, ,YON GYI MCHOG NI BLANGS PA RNAMS, ,PHYAG BYAS NAS NI DBUL BAR BYA, ,DENG NAS BRTZAMS TE BDAG BRAN DU, ,KHYOD LA BDAG NI 'BUL LAGS KYIS, ,MA 'ONGS MNGON PAR 'TSAR RGYA BAR, ,LUNG BSTAN BYA DANG DBUGS DBYUNG MDZOD, ,CES BRJOD DO, ,DE NAS BDAG NYID DE BZHIN GSHEGS PAR BSAMS LA GZENGS BSTOD PA 'DI DANG LUNG BSTAN PAR BYA STE, G-YON BA SNYING GAR KHU TSUR BCANGS PA DANG CHOS GOS 'DZIN PA'I TSUL DU BYAS LA, AOm NGA YIS 'DI LTAR LUNG BSTAN TE, ,RDO RJE SEMS DPA'I DE BZHIN GSHEGS, ,SRID PA'I MCHOG NI GRUB PA YIN, ,SRID PA'I NGAN 'GRO RNAMS LAS BTON, ,KYE DE BZHIN GSHEGS PA RDO RJE CHE GE MO ZHES BYA BA DANG, BHUR BHU BAS:, 'DI YI DBANG BSKUR GYUR PA YIS, ,SNGAGS PAS 'GRO BA KUN DANG BDAG ,BLA NA MED PA'I BYANG CHUB TU, ,BDE BAR GSHEGS KYIS LUNG BSTAN MDZOD, ,NGO BO NYID KYIS SEMS CAN RNAMS, ,JI LTA JI LTAR 'DUL 'GYUR BA, ,DE LTA DE LTAR CHAGS

, ,LA SOGS, ,GSANG BAS SEMS CAN DON BYA'O, ,NYIN RE ZHING NI THUN SNA RU, ,TING 'DZIN GSUM GYI SBYOR LDAN PAR, ,GYUR NAS THUN MONG GIS SHES KYIS, ,DNGOS GRUB THOB PAR 'GYUR BAR BYA, ,MI SNANG BA NI STONG YIN TE, ,MNGON SHES SNANG BA NYIS STONG YIN, ,RIG PA 'DZIN PA SUM STONG YIN, ,RDO RJE CAN NI 'GRO KUN BDAG ,ZHI DANG RGYAS SOGS LAS GANG DANG, ,DE LAS GZHAN PA CI 'DOD PA, ,'KHOR LO RJES GNYIS SBYOR BA YIS, ,BSGRUBS NA MYUR DU 'GRUB PAR 'GYUR, ,KUN GYI GNANG BA SBYIN PA'O, ,DE NAS DBUGS DBYUNG BA BSHAD PAR BYA STE, ,MCHOG GSANG DKYIL 'KHOR DAM PA 'DIR, ,MTHONG BA DANG NI ZHUGS GYUR PAS, ,SDIG PA KUN LAS NGES GROL BAR, ,KHYED RNAMS DE NYID LEGS PAR GNAS, ,BDE CHEN THEG PA 'DI LAS NI, ,SLAR KHYOD 'CHI BA YOD MIN TE, ,MI TSUGS PA DANG MI SOD PAS, ,CES KYANG MI 'JIGS DGA' BAR GYIS, ,SRID PA SHIN TU DAG PA'I PHYIR, ,SRID PA'I SDUG BSNGAL LAS KHYOD 'DAS, ,SRID PA SHIN TU GRUB PA'I PHYIR, ,STON PA'I MCHOG TU GYUR PA YIN, ,RTAG TU KHYOD KYIS BSRUNG BAR BYA, ,SANGS RGYAS KUN GYIS MTHUN PAR GSUNGS, ,DAM PA RTAG PA'I BKA' YIN NO, ,GANG ZHIG BSKYED PA TZAM GYIS NI, ,SANGS RGYAS NYID DU DOGS MED PA'I, ,BYANG CHUB SEMS NI GTANG MI BYA, ,PHYAG NA RDO RJE GANG YIN PA, ,DAM PA'I CHOS NI MI SPANG ZHING, ,NAM YANG DOR BAR MI BYA'O, ,MI SHES PA'AM RMONGS PA YIS, ,TSUL CHEN BSTAN PAR MI BYA'O, ,BDAG NYID YONGS SU SPANGS NAS SU, ,DKA' THUB KYIS NI MA BSRUNGS SHING,, CI BDE BAR NI BDE BAR BSAM, ,'DI NI MA BYON RDZOGS SANGS RGYAS, ,RDO RJE DRIL BU PHYAG RGYA RNAMS, ,NAM YANG YONGS SU MI DOR ZHING, ,SLOB DPON SMAD PAR MI BYA STE, ,'DI NI SANGS RGYAS KUN DANG 'DRA, ,SANGS RGYAS KUN DANG MTSUNGS SLA'O, ,SLOB DPON LA NI GANG SMOD PA, ,DE YIS SANGS RGYAS KUN SMAD PAS, ,RTAG TU SDUG BSNGAL THOB 'GYUR TE, ,RIMS DANG DUG DANG DBYIG DUG DANG, ,MKHA' 'GRO RNAMS KYIS GTZE BA DANG, ,GDON DANG LOG 'DREN GTUM PO YIS, ,BSAD NAS SEMS CAN DMYAL LTUNG STE, ,DE BAS NAN TAN THAMS CAD KYIS, ,RDO RJE SLOB DPON

BLO GROS CHE, ,DGE BA RAB TU MI SPYOM BAS, ,NAM YANG SMAD PAR MI BYA'O, ,BLA MA LA NI GUS BCAS YON, ,RJES MTHUN KHYOD KYIS SBYIN PAR BYA, ,DES NI RIMS SOGS GNOD PA RNAMS, ,PHYIR ZHING 'BYUNG BAR MI 'GYUR RO, ,RTAG TU RANG GI DAM TSIG BSRUNG, ,RTAG TU DE BZHIN GSHEGS PA MCHOD, ,RTAG TU BLA MA LA YANG DBUL, ,'DI NI SANGS RGYAS KUN DANG 'DRA, ,DE PHYIR SANGS RGYAS THAMS CAD LA, ,RTAG TU SBYIN PA NYID DU 'GYUR, ,DE BYIN BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR, ,GANG PHYIR 'DI NI LEGS GNAS PAS, ,DENG KHYOD SKYE BA 'BRAS BUR BCAS, ,DAM TSIG LHA RNAMS KUN MNYAM PAS, ,DENG KHYOD GYUR PA THE TSOM MED, ,SANGS RGYAS RDO RJE 'DZIN BCAS PAS, ,KUN GYIS DENG KHYOD DBANG BSKUR BAS, ,KHAMS GSUM KUN GYI RGYAL PO CHE, ,RGYAL BA'I DBANG BO BSTEN PA YIN, ,DE NI BDUD LAS RNAM RGYAL TE, ,GRONG KHYER MCHOG TU RAB TU ZHUGS, ,KHYED RNAMS KYIS NI SANGS RGYAS NYID, ,DE NYID THOB PAR THE TSOM MED, ,DBUGS DBYUNG BA'O, ,PHYIR MI LDOG PA'I DBANG BSKUR BA YAN LAG DANG BCAS PA'O, ,DE NAS GSANG BA'I DBANG BSKUR BA'I PHYIR GSOL BA GDAB PAR BYA STE, ,SKYABS MED PA YI SKYABS GYUR PA, ,MGON MED PA YI MGON GYUR PA, ,SNYING RJE MED PA'I SNYING RJE CAN, ,BCOM LDAN BDE MCHOG GNYIS MED BDAG ,SRID PA'I GDUNG BAS BSGOMS PA LAS, ,SNYING RJE GSOL BA'I DBANG BSKUR GSOL, ,DE NAS SLOB MA LA GNAS GSUM DU BDUD RTZI LNGA'I THIG LE BYAS LA, ,SNGOM PA SBYIN PAR BYA STE, KHYOD KYIS SROG CHAGS BSGRAL BAR BYA, ,MCHOG GI RDZAS RNAMS BLANG BAR BYA, ,GZHAN GYI DPAL LA LA LONGS SPYOD CING, ,BRDZUN PA LTA BU'I TSIG RNAMS SMOS, ,BLA MED DAM TSIG 'DI RNAMS NI, ,BU KHYOD KYIS NI BSRUNG BAR BYA, ,DE NAS BDAG NYID DPAL HE RU KA'I NGA RGYAL GYIS GNAS PAS LAS KYI PHYAG RGYA'AM CHOS KYI PHYAG RGYAL NAS NYI SHU RTZA BZHI LA YI GER BKOD NAS, DPA' BO DANG DPA' MO BYIN GYIS BRLABS TE BSKYED LA, SGO BRGYAD DU MKHA' 'GRO MA BRGYAD BKOD NAS, SNYING GA'I RTZA BZHI LA YUM BZHIR BYIN GYIS BRLABS NAS, HR'I: LAS PADMAR BSKYED LA GNAS GSUM DU BYIN GYIS BRLABS GNAS, H'Um

, ,LAS LING GA RDO RJER BSKYED LA, NOR BU'I MTSAMS A'A: LAS BYANG CHUB SEMS PHAB NAS 'KHOR LO BZHI'I RANG BZHIN DU BSGOMS LA DGA' BA BZHI BZHIR BSKYED NAS, AOm SARBA TA TH'A GA TA AA NU R'A GA nA BADZRA SV'A BHA BA A'ATMA KO&HAm ZHES BRJOD LA THIG LE GSUM PA PADMA'I NANG DU PHAB LA THOD PA'I NANG DU BZHAG STE, ,SOm SARBA TA TH'A GA TA P'U DZA BADZRA SVA BH'A BA A'ATMA KO&HAm ZHES BRJOD LA YE SHES LNGA'I 'OD ZER SLOB MA'I LCE LA GZHAG PAR BYA'O, ,DE NAS SLOB MA'I LKOG MAR HR'I: LAS PADMA 'DAB MA BRGYAD PA BSAMS LA LCE'I PADMA'I CHA BA H'Um LAS RDO RJE BSKYED LA RTZE MO'I DBUS KYI SBU GUS 'THUNG BAR BSAM MO, ,DE NAS, 'KHOR LO KUN DANG RNAL 'BYOR MA, ,SANGS RGYAS ZHU BA'I RANG BZHIN CAN, ,KHAMS LNGA DAG DANG YANG DAG 'DRES, ,GSANG BA YI NI DBANG BSKUR RO, ,DE NAS SHES RAB YE SHES KYI DBANG BSKUR BAR BYA STE GSOL BA GDAB PA NI, 'KHOR LO BZHI YI RANG BZHIN CAN,, YE SHES BZHI YI RANG BZHIN SKU, ,DGA' BA BZHI YI RANG BZHIN MCHOG ,BDE BA CHEN BO'I DBANG BSKUR GSOL, ,DE NAS 'DI SKAD CES BRJOD BAR BYA STE, ,BRAM ZE RGYAL RIGS RJE'U RIGS DANG, ,DMANGS RIGS MTHAR GNAS SHES RAB KUN, ,GUS DANG BCAS PAS MCHOD PA DANG, ,GNYIS MED TSUL DANG 'O BYED PAR, ,DPA' BO CHEN PO SPRO GYUR TAM, ,SMOS SHIG DPA' BO BDE BA CHE, ,CI GSUNG DAM TSIG BSTEN PAR GYIS, ,LHA MO BDAG GIS BYED PAR NUS, ,PADMA KHA BYE BYAS NAS NI, ,SKRA GROL GCER BUR GNAS PA YIS, ,RDO RJE BZHAD PA GAR BYED PA, ,ME TOG CHU LDAN DPA' BO YIS, , RNAL 'BYOR MA LA RDO RJE YIS, ,DENG NAS BRTZAMS TE BU KHYOD KYIS, ,BRTUL ZHUGS BZANG POS 'GRO DON GYIS, ZHES BRJOD DO, ,DE NAS 'DI SKAD CES SNGOM PA DBOG PAR BYA STE, GNYIS MED YE SHES SEMS LDAN LA, ,MI BYA BA NI CI YANG MED, ,TSANGS PAR SPYOD PA BRTAN MNOS LA, , 'DOD PA LNGA NI SPYAD PAR GYIS, ,GNYIS MED LA GNAS ZAS LA NI, ,RDO RJE SEMS DPA' LA SOGS BRDA, ,LHA MO GZHAN DANG KUN SBYOR BA, ,'DOD PA CHAGS PAR GYUR PA DANG, ,GNYIS SU MED THOGS MED PA'O, ,DAM TSIG SPYOD DANG SPYAD PA DANG, ,BUD MED DBANG PHYUG SHIN TU TSOR, ,

TSANGS SPYOD DE BZHIN RNAM BZHI YI, ,KHRO MED RGYUN GYI KUN SPYOD PA, ,SGRUB PA PO YIS YONGS SU BSRUNGS, ,RTAG TU SGRUB PA LA GNAS NAS, ,YUL KUN LA NI RNAM GROL ZHING, ,GNYIS MED GRUB PA'I RNAL 'BYOR MA, ,MI BSTEN SRID PA DENG KHYOD KYI, ,BU KHYOD KYIS NI BSGRUB PAR BYA, ,DE LTAR SDOM PA BYIN NAS PHYAG RGYA RNAM PA BZHI'I BYE BRAG GIS DBANG BSKUR BA RNAM PA BZHIR 'GYUR TE, CHAGS PA'I LAM LA DGE BSNYEN GYI SNGOM PA DANG LDAN PA'I KHYIM PA'I BYANG CHUB SEMS DPA' NYON MONGS PA'I SEMS DANG MA BRAL BAS, LAS KYI PHYAG RGYA RIGS CAN MA BZHI DANG, LO TSIGS MA BZHI DANG, LAS DANG LDAN PA BZHI STE BCU GNYIS LA, GZUGS BZANG YAN LAG MA NYAMS DANG, ,RGYAN NI KUN GYIS BRGYAN PA DANG, ,ZHES BYA BA LA SOGS PA GSUNGS PA'I YON TAN DANG LDAN PA LA BSKYED PA'I RIM PA LA BSNYEN SGRUB BZHI'I RIM PA DANG LDAN PA'I LHA MOR BSKYED LA, RDZOGS PA'I RIM PA'I 'KHOR LO BZHI'I RIM PA RGYUD KYI RIM PA DANG, TZAndA L'I SNGAGS KYI RIM PA DANG, BYANG CHUB KYI SEMS PHAB PA'I YE SHES KYI RIM PAS DGA' BA BZHI BSKYED LA, RDO RJE 'DZIN PA'I MTHAR, RKA NA LA LCE SBYAR RGYUN BZLOG PAS, ,LHA DANG LHA MIN BSDIGS NAS NI, ,GNYIS MED LHAN CIG SKYES DGA' BSGOM; ,ZHES PA DANG, YANG NA GROL PA'I LAM LA DGE SLONG DANG DGE TSUL LAM, RAB TU BYUNG BA'I BYANG CHUB SEMS DPA' CHOS KYI PHYAG RGYA'I 'DOD PA'I YON TAN LNGA'I LHA MO'AM, BYAG MTSAN LAS BSKYED PA'AM, DAM TSIG GI PHYAG RGYAR RTZA'I 'KHOR LO'AM, RLUNG DBUS MA LAS GTUM MO DROD KYI RIM PA LAS BDE BA BYANG CHUB KYI SEMS BSKYED NAS RLUNG GI 'KHRUL 'KHOR DANG, YE GE'I 'KHRUL 'KHOR GYI DGA' BRAL GYIS GNAS NAS BZLOG ,DE NAS BSGOM DU GZHUG STE GTUM MO SRUB SHING GI 'KHOR LO LAS, LHAN CIG SKYES DGA'I MAN NGAG NI, ,RI BONG 'DZIN DANG BZLOG PA'I MTHAR, ,DU BA SMIG RGYU'I RTAGS LDAN PAS, ,DE LAS GZUNGS NI THOB PAR 'GYUR, ,ZHES BYA BA'I TSIG DBANG RIN PO CHE NYID SLOB MA LA SBYIN PAR BYA'O, ,DE NAS, ,'DOD CHAGS BRAL BLTA BU'I SDIG ,KHAMS GSUM NA NI GZHAN MED DE, ,DE BAS 'DOD LA CHAGS BRAL BAR, ,KHYOD NI NAM YANG MA BYED CIG ,CES

, ,BRJOD LA DAM TSIG BSGRAG PAR BYA'O, ,YANG NA BDAG BYIN GYIS BRLAB BA'I LAM PAS NI PHYAG RGYA CHEN PO STONG PA NYID LA RIL POR 'DZIN PA DANG RJES SU GZHUG PA'I MAN NGAG GIS BSGOM STE, BSAM GYIS MI KHYAB PA'I RANG BZHIN BDE BA CHEN PO'I NGANG LA 'BAD RTZOL BRAL BA'I BLOS LHUN GYIS GRUB PA'I DBYINGS LA GNAS PAS RGYUD DANG SNGAGS DANG YE SHES KYI RIM PA SPANGS PA GSANG BA'I RIM PA 'BA' ZHIG LA BRTEN NAS, RLUNG DBU MA DANG, THIG LE PHRA MO DANG, RTZA AA BA DH'U T'I DANG, GTUM MO DROD DANG, LHAN CIG SKYES PA'I DGA' BA STE DE RNAMS NI MTSON BYED BYANG CHUB KYI SEMS SO; ,MTSON BYA DON GYI BYANG CHUB KYI SEMS NI ZUNG 'JUG BSAM GYIS MI KHYAB PA DANG, THABS BDE BA CHEN PO ZUNG 'JUG RTOG PA DANG BRAL BAS 'BRAS BU GNYIS SU MED PA ZUNG 'JUG BDE BA CHEN PO LHUN GYIS GRUB PA 'BYUNG BAR 'GYUR RO, ,BCOS MA'I LAM MTSAN MA DANG BCAS PA RNAM PAR SPANGS NAS, MA BCOS PA MTSAN MA MED PA BDAG BYIN GYIS BRLAB PA'I SLOB MA LA BRTAN PA SHES RAB YE SHES KYI DBANG BSKUR BA NI, TSIG DBANG RIN PO CHE GNYIS PA'O, ,DE SKAD DU YANG, DPER NA PHA ROL DON GNYER 'GA', ,GZINGS LA BRTEN NAS 'GRO BYED PA, ,PHA ROL PHYIN NAS DOR BAR BYED, ,BCOS MA'I LAM YANG DE BZHIN NO, ,ZHES GSUNGS SO, ,DE NAS RIG PA'I DAM TSIG SBYIN PAR BYA STE, DON DAM PAR CHOS KYI DBYINGS BDE BA CHEN PO'I RANG BZHIN DMIGS LA, SHIN TU RNAM PAR DAG PA'I LHA'I DE KHON NYID BSGOM PAR BYA STE, 'GRO BA 'DI KUN SANGS RGYAS LNGA BDAG NYID, ,GAR MKHAN DANG NI SANGS RGYAS BZANG LTAR SNANG, ,GANG DU BDE CHEN ZHES BYA GCIG PU NYID, ,GCIG PU NYAMS KYIS DU MA'I GAR YANG MDZAD, ,NYIN MO BCOM LDAN RDO RJE CAN, ,RNAL 'BYOR MA NI MTSAN MOR BSHAD, ,SPRUL PA LAS BYUNG DPA' BO RNAMS, ,YAN LAG DRUG CU SEMS KYIS SPRUL, ,DAG PA'I CHOS KYI SPRUL PA NI, ,PADMA'I GZUGS SU SPRUL PA YIN, ,SHR'I NI GNYIS MED YE SHES TE, ,HE NI RGYU LA SOGS PA NYID, ,RU NI BKOD PA DANG BRAL BA, ,KA NI GANG DU'ANG MI GNAS PA'O, ,SEMS LA RNAM GNAS RNAL 'BYOR PA, ,MYA NGAN 'DAS LA MI BSTAN TO, ,ZHES BRJOD LA, ,H'Um LAS CHO GA

BSKYED NAS MTSAMS KYI SNGAGS KYIS BSRUNG BAR BYA'O, ,DE NAS ME TOG GTOR LA RKANG PA BRGYAD PAS BSTOD NAS SLOB MA LDANG BAR BYA'O, ,CHU DANG DBU RGYAN COD PAN DANG, ,RDO RJE DRIL BU MING LNGA NI, ,RIG PA'I DBANG STE DANG PO YIN, ,RDO RJE BRTUL ZHUGS PHYAG MTSAN SNGAGS, ,GAR DANG PHRENG BA GLU DANG NI,, DRI DANG SPOS DANG MAR ME STE, ,BRTUL ZHUGS DGU PO 'DI DAG NI, ,RIG PA 'DZIN PA'I YAN LAG YIN, ,BRTUL ZHUGS MANG PO GNYIS PA'O, ,MDOR NA RIG 'DZIN BCU BZHI'O, ,MI LDOG DBANG BSKUR GSUM PA'O, ,SPANG PA DANG NI YE SHES DANG, ,SKU DANG GSUNG DANG THUGS DANG NI, ,RJES SU GNANG BA RNAM PA GNYIS, ,DKYIL 'KHOR LHA YI DE NYID DANG, ,SLOB DPON GYI NI LAS RNAMS DANG, ,LUNG BSTAN GZENGS BSTOD DBUGS DBYUNG DANG, ,MI LDOG YAN LAG BCU PO NI, ,DBANG BSKUR BA NI BZHI PA NYID, ,GSANG BA'I DBANG BSKUR GSUM PA'O, ,SHES RAB YE SHES DRUG PA'O, ,MDOR NA DBANG BSKUR RNAM BZHI STE, ,DBYE BA NYI SHU RTZA BDUN NO, ,DPAL MCHOG DANG PO'I DBANG BSKUR BA'I RGYUD DANG CHO GA SNA TSOGS LAS BTUS PA MNYES PA'I SNYING PO ZHES BYA BA SLOB DPON DPA' BO RDO RJES MDZAD PA RDZOGS SO,,

, ,DPAL BDE MCHOG 'KHOR LO'I CHO GA YID 'ONG 'PHRENG BA BZHUGS, #, ,DPAL LDAN RDO RJE MKHA' 'GRO LA, ,KUN NAS DANG BAS PHYAG 'TSAL TE, ,BDE MCHOG 'KHOR LO GSANG BA YI, ,DKYIL 'KHOR CHO GA BSHAD PAR BYA, ,DPAL LDAN 'KHOR LO BDE MCHOG GI RGYUD DANG DBANG BSKUR BA THOB PA'I RNAL 'BYOR PA'I DON DU DKYIL 'KHOR GYI CHO GA BSDU BAR BYA'O, ,SDOM NI, BSNYEN PA DANG NI DKYIL 'KHOR GNYIS, ,BSNYEN PA YANG NI RNAM GSUM STE, ,GRANGS DANG DUS DANG MTSAN MA'O, ,DKYIL 'KHOR YANG NI RNAM GNYIS TE, ,LHAG PAR GNAS DANG MCHOD PA'O, ,GRANGS BSNYEN SO SO RNAM GSUM STE, ,SNGON 'GRO DNGOS DANG LDAN PA'O, ,LHAG GNAS LA YANG RNAM GNYIS TE, ,RANG DON DANG NI GZHAN DON DANG, ,MCHOD PA LA YANG RNAM GNYIS TE, ,BDAG SGRUB DANG NI GZHAN SGRUB PO, ,SNGON 'GRO DNGOS DANG RJES DANG NI, ,YAN LAG LA SOGS THUN MONG NGO, ,RE ZHIG SGRUB PAR 'DOD PA'I GANG ZAG GNAS DBEN PA'I SA PHYOGS SU STAN BDE BA LA 'DUG STE, MCHOD PA'I RDZAS RNAMS BSAGS NAS BDUD RTZI LNGAS BYUGS PA'I MAndALA BYAS LA DRI'I THIG LE DAD ME TOG BKRAM NAS STOD G-YOGS DANG SMAD G-YOGS DANG RDO RJE DRIL BU DANG, GSANG PA'I COD PAN DANG, RUS PA'I RGYAN RNAMS MDUN DU BZHAG STE, RDO RJE H'Um MDZAD KYI CHUS BSANGS LA YI GE H'Um LAS MCHOD YON DANG MCHOD PA RNAM PA LNGA LHA MO RE RE BSKYED, YIG 'BRU GSUM DU BYIN GYIS BRLABS LA GZI BRJID BSKYED PA'I PHYIR NANG PHAN TSUN MCHOD LA GZHAG PAR BYA'O, ,H'Um DANG AA LAS RDO RJE DANG DRIL BU BSKYED LA

YE SHES KYI RDO RJE DANG DRIL BU BCUG LA YI GE GSUM GYIS GNAS GSUM DU BYIN GYIS BRLABS LA MCHOD PA RNAM PA LNGAS MCHOD PAR BYA'O, ,COD PAN SOGS RGYAN RNAMS RIGS LNGA'I SA BON GYIS LHAR BSKYED PA DANG, H'Um GIS RDO RJES MTSAN PA'I PHYAG RGYA SPYI GTZUG TU BSKYED LA, COD PAN YANG YI GE GSUM GYIS GNAS GSUM DU BYIN GYIS BRLABS LA COD PAN LAS GZI BRJID BSKYED PAR BYA'O, ,DE NAS BDUD RTZI LNGA'I RI LU KHAR BCUG LA G-YAS BRKYANG BA'I GNAS PAS GNAS TE, COD PAN DANG RGYAN BTAGS NAS SNYOMS PAR 'JUG PA'I PHYAG RGYAS RDO RJE DANG DRIL BU BZUNG LA BSGOM PAR BYA'O, ,DE LTAR SNGON DU 'GRO BA'I YAN LAG BSHAD NAS, DNGOS GZHI NI, DE NAS RNAL 'BYOR DBANG PHYUG GIS, ,GNAS DANG LDANG BA NYID DANG NI, ,'JUG DANG YONGS SU RDZOGS PA DANG, ,BYIN GYIS BRLAB DANG DBANG BSKUR DANG, ,TING 'DZIN MCHOD DANG NYE BAR BSDU, ,ZHES BYA BA'I DON LAS TSAD MED PA'I RNAL 'BYOR DANG, BYIN GYIS BRLAB PA'I RNAL 'BYOR DANG, SRUNG PA'I RNAL 'BYOR DANG, TSOGS SOGS PA'I RNAL 'BYOR LA SPOS SNOD LAG TU BLANGS TE, DRIL BU DKROL NAS SPYAN DRANG BAR BYA STE, H'Um GNYIS MED MKHA' LTAR DAG PA KHYAB PA'I SKU, ,SPYAN 'DREN GSHEGS SU GSOL BAR MI DMIGS KYANG, ,LONGS SPYOD RDZOGS SKU THUGS RJE BDAG NYID LAS, ,YE SHES SGYU MA'I TSUL GYIS GSHEGS SU GSOL, ,DE NAS BAR SNANG DU BYON PAR BSAMS LA, MCHOD YON DANG ZHABS BSIL DANG; MCHOD PA RNAM PA LNGA DANG, CHANG LA SOGS PHA NANG GI MCHOD PAS MCHOD PAR BYA STE, JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL PA, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SHR'I HE RU KA PRA BA RA SATA K'A RA PRA T'I TZTSA SV'A H'A ZHES BYA BA DANG, BDE BA'I LONGS SPYOD LAS BYUNG BA, ,DGYES PA RNAMS KYI BDE BA'I MCHOG ,THAR PA'I MTSAN NYID DANG LDAN PA'I, ,LONGS SPYOD RGYAL PO GSHEGS SU GSOL, ,AOm SHR'I BADZRA HE RU KA AARGHAm P'U DZA ME GHA SA MU DRA SPHA RA nA SA MA YE H'Um, RDZOGS SANGS RGYAS LA

, ,SPOS PHUL BAS, ,BRTUL ZHUGS BZANG POS LEGS TSIM NAS, ,LUS CAN BDE GSHEGS CHA LUGS SU, ,YE SHES KYIS NI TSIM GYUR CIG ,AOm SHR'I BADZRA HE RU KA DH'U PA P'U DZA ME GHA SA MU DRA SPHA RA nA SA MA YE H'Um, SGEG DANG BCAS PA'I ME TOG PHRENG, ,SANGS RGYAS KUN SOGS RNAL 'BYOR MA, ,DE NI BRAL BAR MI 'GYUR TE, ,MI TOG PHRENG BAS RGYAN GYUR CIG ,AOm SHR'I BADZRA HI RU KA PUshPE P'U DZA ME GHA SA MU DRA SPHA RA nA SA MA YE H'Um, CHOS KYI MAR ME LEGS SBAR BAS, ,PADMA GAR DBANG BDAG NYID DE, ,SEMS CAN MA RIG LDONGS PA LA, ,YE SHES SGRON MAS SNANG GYUR CIG , AOm SHR'I BADZRA HE RU KA A'A LO KE P'U DZA ME GHA SA MU DRA SPHA RA nA SA MA YE H'Um, TSUL KHRIMS TING 'DZIN SHES RAB DANG, ,RNAM GROL YE SHES MTHONG BA YI, ,DRI MED RGYAL BA RNAMS KYI DRI, ,LUS CAN BYANG CHUB THOB GYUR CIG ,AOm SHR'I BADZRA HE RU KA GANDHE P'U DZA ME GHA SA MU DRA SPHA nA SA MA YE H'Um, CHAGS PA'I 'DAM GYIS KHYOD MA GOS, ,BDE BA CHEN PO'I ZHAL ZAS KYIS, ,PADMA RGYAS PA'I RO BZHIN DU, ,BUNG BA LTA BUR TSIM PAR MDZOD, ,AOm SHR'I BADZRA HE RU KA N+YEE W'I DYE P'U DZA ME GHA SA MU DRA SPHA RA nA SA MA YE H'Um, ZHES BYA BA DANG, YON CHAB MA DKAR MO, ZHAL BSIL MA SNGON MO, BDUG PA MA DUD KA ,ME TOG MA DMAR MO, ,BYUG PA MA LJANG GU, ZHAL ZAS KYI RO THOGS PA MTHING GA RNAMS TE, PHYI'I MCHOD PA SPRUL PA DANG, NANG GI MCHOD PA SPRUL PA DANG, BDUD RTZI LNGA DANG, GSANG BA'I MCHOD PA LA SOGS PAS MCHOD LA BSTOD PA DANG PHYAG 'TSAL BA DANG, SDIG PA BSHAGS PA DANG, RJES SU YI RANG BA DANG, BYANG CHUB TU SEMS BSKYED PA DANG, SKYABS SU 'GRO BA DANG BCAS PA BYA STE, DE NAS STONG PA NYID KYI RNAL 'BYOR PA BSTEN PAR BYA'O, ,DE LTAR SNGON DU 'GRO BA'I RNAL 'BYOR BSGOMS NAS DNGOS GZHI LA DANG PO SBYOR BA DANG, DKYIL 'KHOR RGYAL MCHOG DANG, LAS RGYAL MCHOG LA GO CHA BGO STE YE SHES SEMS DPA' SPYAN DRANGS TE MCHOD PA DANG BSTOD PA BYA'O, ,DE NAS DBANG BSKUR BA'I LHA SPYAN DRANGS LA MCHOD YON DANG, ZHAL BSIL

DANG; MCHOD PA RNAM PA LNGAS MCHOD LA, MTHAR YANG SPOS SNOD LAG TU THOGS LA BSTOD PA BYA STE, AA SHIN TU DGYES PA DE YI MCHOG BRNYES PA, ,GNYIS SU MED PA'I BDE BA'I BDAG NYID CAN, ,BDE GSHEGS ZHI BA'I BDAG NYID MNYAM PAR SBYOR, ,BDE BAR GROL BA KHYOD LA PHYAG 'TSAL LO; ,BDE BA CHU SKYES DBUS GNAS PA'I, ,CHAGS PA'I 'DAM GYIS MA GOS PA, ,BDE BA CHEN POS GROL MDZAD PA'I, ,BDE MCHOG SKU LA PHYAG 'TSAL 'DUD, ,CES BRJOD LA, GZHAN YANG PI WANG MA DANG, GLING BU MA DANG, RNGA RINGS MA DANG, RDZA RNGA MA DANG, SNGO BA DANG, SER BA DANG, DMAR BA DANG, LJANG GU'O, ,BZHAD MA DANG, SGEG MA DANG, GLU MA DANG, GAR MA DANG, DMAR BA DANG, SNGO BA DANG, SER BA DANG, LJANG GU'O, ,ME TOG MA DANG, BDUG PA MA DANG, MAR ME MA DANG, BYUG PA MA DANG, SER BA DANG, DUD KA DANG, DMAR BA DANG, DKAR BA'O, ,GZUGS DANG, RO DANG, REG BYA DANG, CHOS KYI DBYINGS KYI RDO RJE MA DANG, ME LONG DANG, ZHAL ZAS DANG, NA BZA' THOGS PA DANG, CHOS KYI DBYINGS GRU GSUM BSNAMS PA ZLA BA'I MDOG DANG; DMAR BA DANG, LJANG BA DANG, DKAR BA'O, ,KUN KYANG ZHAL GCIG PHYAG GNYIS PA'O, ,DE RNAMS KYI SNGAGS NI 'DI YIN TE, AOm BADZRA B'I nE H'Um H'Um PHAt, AOm BADZRA BAm SHE H'Um H'Um PHAt, AOm BADZRA MRi DAm GE H'Um H'Um PHAt, AOm BADZRA MURDZE H'Um H'Um PHAt, AOm BADZRA H'A SE H'Um H'Um PHAt; AOm BADZRA L'A SYE H'Um H'Um PHAt, AOm BADZRA G'I RTI H'Um H'Um PHAt, AOm BADZRA NI RTI H'Um H'Um PHAt, AOm BADZRA PUshPE H'Um H'Um PHAt, AOm BADZRA A'A LO KE H'Um H'Um PHAt, AOm BADZRA GANDHE H'Um PHAt, AOm R'U PA BADZRI nI H'Um H'Um PHAt, AOm SPRSHE BADZRI nI H'Um H'Um PHAt, AOm BADZR'A SA BADZRI nI H'Um H'Um PHAt; AOm BADZRA DHARM'A DH'A TU BADZRI nI H'Um H'Um PHAt, CES BYA BAS GROGS DANG BCAS PAS MCHOD, THOG MAR 'JIG RTEN PA DANG 'JIG RTEN LAS 'DAS PA'I MKHA' 'GRO MA LA THUN MONG DU GTOR MA BYIN LA DE NAS DKYIL 'KHOR LTE BAR BSDU BAR BYA STE, SNYING GAR YI GE AA LAS

, ,ZLA BA'I DKYIL 'KHOR GYI DBUS SU YI GE H'Um BZHAG LA YAB YUM GYI SNYING PO DANG NYE BA'I SNYING PO STE BZHI DANG, DPA' BO DANG DPA' MO'I RTZA BA'I SNGAGS DANG, GO CHA'I SNGAGS DANG, RKANG PA BRGYAD PA'I SNGAGS TE YI GE'I PHRENG BA RIM PA BDUN GYIS BSKOR LA BSDU BAR BYA'O, ,DE LTAR THO RANGS KYI THUN BSGOMS NAS THUN GSUM PA LA NI SNYING GA'I GNAS NAS H'Um GI SGRAS BSKUL NAS DKYIL 'KHOR SPRUL LA BSGOM PAR BYA'O, ,BZLAS PA CI NUS BYAS LA BZLAS PA'I THOG MA DANG THA MAR SNGAR BSHAD PA'I MCHOD PA DBUL BAR BYA'O, ,THUN THA MAR YANG YE SHES SEMS DPA' GSHEGS SU GSOL BA'AM LUS LA GZHUG PA CI RIGS PAR BYA'O, ,LANGS PA'I TSE RJES LA TSA TSA GDAB PA'AM RGYUN CHAGS KYI SPYOD PA DANG, CHOS SPYOD PA'I SPYOD PA DANG, BSKOR BA LA SOGS PA'I NYIN MO'I CHA'I SPYOD PA DANG, MTSAN MO'I CHA'I SPYOD PA SGYU MA LTA BU DANG, STONG PA NYID 'OD GSAL BAR THIM PAS GNAS PAR BYA'O, ,DE LTAR BSNYEN PA BYED PAR 'DOD PAS DU BA DANG SMIG RGYU LA SOGS PA'I RTAGS MTHONG BA'AM CHU SRIN GYI ZLA BA NAS BRTZAMS TE LO'AM LO PHYED DAM ZLA BA BZHIR DUS KYI BSNYEN PA BYA'O, ,YANG NA GRANGS KYI BSNYEN PA BYED PAR 'DOD PAS NGES PAR BRJOD PA LAS SNGON DU BSNYEN PA BYA BA NI, CHO GA BZHIN DU 'BUM DU BZLAS, 'KHOR LO'I GSANG SNGAGS 'BUM BZLAS SHING, ,GZHAN DAG KHRI RU BZLAS NAS NI, ,BKA' YI 'KHOR LO BRI BAR BYA, ,ZHES 'BYUNG BA'I PHYIR RO, ,LHA MNYES PAR BYA BA'I PHYIR SNGON DU BSNYEN PA GSUM LAS GANG YANG RUNG BA SPYAD PAR BYA'O, ,SNGON DU BSNYEN PA BYA BA'I CHO GA'O, ,DE NAS DKYIL 'KHOR BRI BAR 'DOD PAS YID DANG MTHUN PA'I GNAS NI RTZA RGYUD LAS, , RI DANG NAGS TSAL SMAN LJONGS DANG, ,RGYA MTSO CHEN PO'I 'GRAM DANG NI, ,SNGON GRUB PA YI DUR KHROD DU, ,DKYIL 'KHOR CHEN PO BRI BAR BYA, ,ZHES GSUNGS SO, ,DE NAS SLOB MAS GSOL BA GDAB PAR BYA STE, SKYE BA MANG PO'I SDIG PA NI, ,BSAGS PA RNAM PAR 'JIG

PA'I PHYIR, ,SDOM PA SO SOR GZUNG BAR BGYI, ,DPA' BO 'KHOR LO BDE MCHOG MDZOD, ,CES BRJOD PAR BYA'O, ,CES BRJOD PAR BYA'O, ,DE NAS SA BRTAG PA DANG, SA BSLANG BA DANG, SA SPYAD PA DANG, SA GZUNG BA DANG, SA SPEL BA DANG RNAM PA LNGA STE, BRTAG PA NI BYANG DANG SHAR DU GZHOL BA, DBUS MTHO BA ZHI BA DANG RGYAS PA'I BYE BRAG GIS DKAR BA DANG SER BA DANG, SA RGOD LA SOGS SPANGS PAR BRTZIG PA'AM BRI BA'I DON DU MI LA BSLANG BA'AM, MI SNANG BA SA'I LHA MO LA SOGS PA LA BSLAD BAR BYA BA'I PHYIR PHYOGS DER MAndALA BYAS LA SA'I LHA MO SPYAN DRANGS LA DAM TSIG GI PHYAG RGYA BSTAN NAS MCHOD PA RNAM PA LNGAS BSTABS TE GTOR MA DANG BCAS PA PHUL NAS CHU'I SA BRTAG PAR BYA'O, ,SA BSLAD BA'I CHO GA'O, ,DE NAS PUS MO'AM LTE BA'AM LKOG MA'AM BRKOS LA BDUD RTZI RNAM PA LNGA SPOS CHU DANG BCAS PAS DGANG BAR BYAS NAS DRAG PO DANG ZHI BA'I SBYIN SREG CI RIGS PAR BYA'O,, DE YANG NGES PAR BRJOD PA LAS, ,SA NI YONGS SU SBYANGS NAS KYANG, ,BRDUNG ZHING LEGS PAR BRDUNGS NAS KYANG, ,MNYAM ZHING ZUG RNGU MED PAR YANG, ,DER NI CHU DANG LCI BA YIS, ,DKYIL 'KHOR SA NI NYE BAR BYUG ,DUR KHROD THAL BA LDAN PA DANG, ,MI 'CHI BCU PHYED BCAS PA YIS, , DKYIL 'KHOR SA NI NYER BYUGS TE, ,DER NI DKYIL 'KHOR BRTZAM PAR BYA, ,ZHES 'BYUNG NGO, ,DE NAS PHYOGS BCU'I SANGS RGYAS KYIS GZUNG BAR BYA BA'I PHYIR BLA RE LA SOGS PA BRES LA THA MAR SPOS CHUS BSNGAGS PA'I SNGAGS BRJOD LA LAG PA SA LA REG PAS RDO RJE'I RANG BZHIN DU BSAM PAR BYA'O; ,LHAG PAR GNAS PA'I YAN LAG GI SA'I CHO GA'O, ,DE NAS DKYIL 'KHOR BYUG BYAS LA DGONGS KA'I DUS SU MCHOD PA SNGON DU 'GRO BA'I MCHOD PA LNGA YANG RE RE ZHING DRUG CU RTZA GNYIS DANG, DUR KHROD BRGYAD DANG BCAS PA'I 'JIG RTEN PA LA DBUL BA'I PHYIR THUN MONG GI GTOR MA BDUN DANG; KHYAD PAR GYI MCHOD PA'I RDZAS DANG, TSOGS 'KHOR GYI BZA' BA DANG, MYANG BA DANG, BLDAG PA DANG, GZHIB PA DANG, CHANG LA SOGS PA DANG, NA BZA' DRUG CU RTZA GNYIS DANG, BLA RE BA DAN LA SOGS PAS BRGYAN LA MDUN DU MAndALA BYAS TE DRI'I THIG LE BYAS LA ME TOG

, ,BKRAM NAS RDO RJE DANG DRIL BU BLANGS LA COD PAN GON NAS RGYAN BTAGS LA, LAS KYI PHYAG RGYA DANG BCAS PA'AM CHOS KYI PHYAG RGYA BSGOMS NAS, SHES RAB YAN LAG PHUR BU DANG, ,GOS DANG PHYAG RGYA LNGA LA SOGS, ,ZHES 'BYUNG BA'I PHYIR RO, ,NGES PAR BRJOD PA LAS KYANG, YE SHES LNGA YI BDUD RTZI NI, ,SA NI BYUG PAR BYAS NAS KYANG, ,BZOD PA'I PHA ROL PHYIN MING THOB, ,'BAD PA YIS NI GTOR MA BYA, ,SNA TSOGS PHYAG RGYA YID 'ONG LDAN, ,RGYA CHE MNYAM PAR GZHAG PA YIS, ,BSAM GTAN PHA ROL GYI PHYIN GSUNG NA, ,RTZE GCIG PA YI SEMS KYIS KYANG, ,ZHES 'BYUNG BA'I PHYIR RO, ,DE NAS RNAL 'BYOR BSRUNG BA DANG, BDAG BSRUNG BA DANG, GNAS BSRUNG BA DANG, BSOD NAMS KYI TSOGS DANG, STOD PA NYID BSGOM PA LA GNAS PA'I RNAL 'BYOR DANG, 'BYUNG BA RIM BRTZEGS PA SPYAD PA LDANG BA'I RNAL 'BYOR DANG, NYI ZLA KHA SBYOR GYI NANG DU 'JUG PA'I RNAL 'BYOR DANG, DKYIL 'KHOR GYI 'KHOR LO BSKYED PA YONGS SU RDZOGS PA'I RNAL 'BYOR DANG, CHO GA DANG YE SHES DPA' 'JUG PA BYIN GYIS RLOB PA'I RNAL 'BYOR DANG DBANG BSKUR BA'I RNAL 'BYOR DANG BSGOM PA DANG BZLAS PA'I TING NGE 'DZIN GYI BAR DU BYAS LA; DE NAS MAndALA BYAS DRIS THIG LE BYAS LA ME TOG GI TSOM BU BKRAM LA, KHRO BO 'DOD PA'I RGYAL POS SA'I LHA MO SKU MDOG SER MO PHYAG GNYIS BDUD RTZIS GAD PA'I BUM PA THOGS PA STA ZUR MAN CHAD 'THON PAR BSKUL LA, MCHOD YON DANG ZHAL BSIL PHRUL LA RDO RJE BSDAMS PA LAS MDZUB MO GNYIS BRKYANG PA SA LA REG PAR BYA STE, DAM TSIG GI PHYAG RGYA BSTAN LA SPOS SNOD LAG TU THOGS TE 'DI SKAD BRJOD DO, ,SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR LAS, ,SA DANG PHA ROL PHYIN PA LA, ,LHA MO KHYOD NI DBANG DU GYUR, ,BCOM LDAN SH'AKYA SENG GE YIS, ,JI LTAR BDUD KYI SDE BCOM LTAR, ,DE BZHIN BDAG GIS BDUD KYI SDE, ,PHAM PAR BYAS TE DKYIL 'KHOR BRI, ,ZHES BRJOD LA MCHOD PA RNAM PA LNGA DANG GTOR MA PHUL TE GSHEGS SU GSOL LO, ,DE NAS SGRUB PA'I GROGS PO DPAL HE RU KA'I NGA RGYAL DANG LDAN

PAS MTSAN BRGYA RTZA BRGYAD PAS BSTOD PA BYA'O, ,DE NAS H'Um LAS PHUR BU KHRO BO BDUD RTZI 'KHYIL PAR BSKYED LA SRUNG SKUD DMAR PO BTAGS TE, GZI BRJID BSKYED PA'I PHYIR, AOm BADZRA K'I LI K'I L'A YA SARBA BIGHNA BANDHA H'Um PHAt, NYI SHU RTZA GCIG GAM LNGA BCU RTZA BZHI'AM BRGYA RTZA BRGYAD BRTZAMS LA GZHAG PAR BYA'O, ,DE NAS YO GA SHUDHA: SARBA DHARM'A:YO GA SHUDDHO&HAm ZHES BYA BA DANG, SNYING PO'I PHYAG RGYAS DKYIL 'KHOR SNYING GAR BSDU BAR BYA'O, ,RKANG PA GNYIS SU H'Um LAS RDO RJE RE RE BSAMS LA, MIG GNYIS SU MA DANG tA LAS NYI MA DANG ZLA BA BSKYED LA, DE NAS LANGS LA DKYIL 'KHOR GYI KHA RU BRTZEGS TE, H'Um YE SHE ZHI BA'I DANG LAS MA G-YOS KYANG, ,SKU YI CHA LUGS ZA BYED RNGAM STABS CAN, ,GSUNG GI DA RO 'BRUG STONG LDIR PA'I SGRA, MA LUS DBANG DU SDUD LA PHYAG 'TSAL LO, ,BSKAL PA'I ME DBUNG 'BAR BA'I KLONG DKYIL NAS, ,DPA' BO CHEN PO BRKYANG BSKUM TSUL DU BZHUGS, ,NYI ZLA 'BAR BA'I SPYAN GYI SDANG MIG GIS, ,BGEGS DBUNG SREG PAR MDZAD LA PHYAG 'TSAL LO, ,DKYIL 'KHOR CHEN PO'I SA GZHI LA GNAS PA'I, ,LHA LA SOGS PA'I BGEGS TSOGS KUN NYON CIG ,DA NI GNAS 'DIR DKYIL 'KHOR CHEN PO 'DRI, ,BGEGS KYI TSOGS RNAMS GANG YIN BYER BAR GYIS, ,CI STE BKA' LAS 'DAS GYUR NA, ,YE SHES RDO RJE RAB 'BAR BAS, ,MGO BO TSAL PA BRGYAR NI 'GAS GYUR ZHING, ,RNAM PAR 'JIG PAR 'GYUR BA GDON MI ZA, ,DENG RNAL 'BYOR GYI DBANG PHYUG CHE GE MO ZHES BYA BAS SLOB MA CHE GE MO ZHES BYA BA RDZOGS PA'I BYANG CHUB LA RDZOGS PAR BYA BA'I PHYIR DANG SEMS CAN THAMS CAD MYA NGAN LAS 'DAS PA LA DGOD PAR BYA BA'I PHYIR SA'I PHYOGS 'DIR DPAL 'KHOR LO BDE MCHOG CES BYA BA'I DKYIL 'KHOR CHEN PO CIG BRTZIG GIS 'DIR LHA DANG, KLU DANG GDON GZHAN DANG DRI ZA DANG 'BYUNG PO DANG SHA ZA DANG SRIN PO LA SOGS PA GANG DAG GNAS PA'I SA'I BDAG PO KHYOD MYUR DU SONG SHIG 'DI LTAR DPAL HE RU KA'I BKA' THOS NAS MYUR DU SONG SHIG ,GANG DAG MI 'GRO BA DE DAG LA NGA'I YE SHES KYI RDO RJE 'BAR BA DANG KHA tV'Am GA 'BAR BA 'DIS SPYI BO TSAL PA BRGYAR 'GAS PAR 'GYUR RO, ,

, ,LAN GSUM BRJOD LA, BSKAL PA'I ME LTA BU'I 'OD ZER RKANG PA'I 'OG NAS GDUG PA RNAMS BSREGS TE PHAN TSUN BYER BAR BSAM MO, ,DE LTAR BKA' BSGO BA'I RJES LA NAM MKHA'I KHAMS SU PHYOGS BCU'I DE BZHIN GSHEGS PAS GANG BAR BSAMS LA, DE RNAMS KYI THUGS KA NAS 'OD ZER BYUNG NAS YANG DER NAMS KYI THUGS KAR SPYAN DRANGS NAS DE NAS DE RNAMS KYI THUGS KA NAS 'THON NAS DKYIL 'KHOR GYI 'OD ZER RAM DA LA'I STENG DU PADMA'I RTZA BA LTAR G-YO ZHING 'GUL BA'I GAR GYIS BABS PA'I RJES LA, DE NAS DBUS SU THABS DANG SHES RAB GNYIS KYIS G-YAS BRKYANG G-YON BSKUM RE RE BYAS NAS YUM BZHI'I GNAS SU G-YAS BRKYANG RE RE BYAS LA, RDO RJE GSOR ZHING DRIL BU DKROL BAR BYAS NAS G-YAS SKOR G-YON SKOR RDO RJE GOM PAS SONG BA DANG PO DANG GNYIS PA 'KHYUD PA'I PHYAG RGYA DANG, GSUM PAS NU MA 'TSIR PA DANG, BZHI PA MGO BSGYUR BA DANG, LNGA BA DBUNG PA G-YO BA DANG, DRUG MA RKED PA G-YO BA DANG, BDUN PA RKANG PA G-YO BA DANG, BRGYAD PA ROL PA'I THABS KYI GAR GYIS BGEGS BSKRAD PA DANG, RKANG PA BSKYOD PA DANG, LAG PA BSKYOD PA DANG, SMIN MA 'DEGS PA DANG, HA HAR BZHAD PA DANG, 'KHYUD PA'I LTA BAS GAR BYED PA DANG, SHES RAB KYI GAR GYIS BSKRAD PA DANG, DE NAS PHYOGS BCING BAR BYA STE, AOm BADZRA PANYTZA RA NA H'Um LAS DRA BA DANG, H'Um ZHES BRJOD PAS KHRO BO BSKYED LA ZHAL BZHI PA'I SNGAGS KYIS BKA' BSGO BAR BYAS LA, AOm BADZRA SHA RA DZVA LA TRAm SAm TRAm ZHES PAS STENG DU MDA'I DRA BA DANG, AOm BADZRA ME RI N'I BADZR'I BHA WA BADZRA BANDHA H'Um ZHES PAS 'OG TU RDO RJE RGYA GRAM DANG, AOm BADZRA PRA K'A RA H'Um BAm H'Um ZHES PAS RDO RJE RA BA DANG, AOm BADZRA BI R'A NA H'Um ZHES PAS RDO RJE BLA RE DANG, AOm BADZRA DZRA LA AA NA L'ARKA H'Um ZHES PAS 'BRA BA'I PHRENG BA BSAMS LA, SNGAR BSKYED PA'I PHUR BUS PHYOGS DANG MTSAMS DANG STENG 'OG TU GDAB PAR BYA'O, ,DE NAS SNGAGS NI GHA GHA GHA TA YA LA SOGS PA DANG AOm MUDGA RA ZHES BYA BAS BRDUNG BAR BYA'O, ,DE NAS TZANDAN DMAR PO'I DRI DANG ME TOG DMAR PO'I PHRENG BA DANG GU GUL GYIS BDUG PAR BYA'O, ,DE NAS BA BYUNG RNAMS DANG LDAN

PA'I CHUS KYANG BYUGS NAS LHA LHAG BAR GNAS PA'I RTEN DRI'I THIG LE DRUG CU RTZA GNYIS LA SKU MDOG DANG MTHUN PA'I ME TOG GI TSOM BU BKRAM NAS ME TOG SIL MAS GTOR LA, DE NAS RANG GI GNAS LA GNAS PA'I RNAL 'BYOR PAS HE RU KA'I NGA RGYAL DANG LDAN PAR BSGOMS LA YI GE H'Um GI SGRAS BSKUL TE DKYIL 'KHOR GYI 'KHOR LO SPRUL LA RANG GI GNAS SU DGOD PAR BYA'O, ,DE NAS LHA THAMS CAD LA GO BSKON LA PHYED PHYIR GYI PHYAG RGYA DANG BCAS PAS YE SHES SEMS DPA' SPYAN DRANGS LA MCHOD YON PHUL TE MCHOD PA RNAM PA LNGA YANG RE RE ZHING MCHOD LA RKANG PA BRGYAD PA'I SNGAGS KYIS BSTOD PA GZHUG PAR BYA'O, ,DE NAS DBANG BSKUR BA'I LHA MDUN DU SPYAN DRANGS LA MCHOD YON SNGON DU 'GRO BA'I MCHOD PA LNGA DANG MNYAM NYID MI G-YO ZHES PA LA SOGS PAS BSTOD LA, CHU DANG GSANG BA DANG SHES RAB YE SHES KYI DBANG BSKUR BAS BDAG DANG LHA THAMS CAD LA DBANG BSKUR BAR BSAMS LA CI NUS PAS MCHOD PA DANG BZLAS PA BYA'O, ,DE NAS BDUD RTZI MYANG BA YANG BYA'O, ,DE NAS DKYIL 'KHOR GYI LHA DRUG CU RTZA GNYIS SO SO'I SNYING PO DANG MCHOD PA'I SNGAGS SPEL LA SNGA MA RE RE ZHING MCHOD YON DANG BDUD RTZI LNGA DANG MCHOD PA LNGA DANG CHANG LA SOGS PA YANG DBUL BAR BYA'O, ,DE BZHIN DU MTSAN BRGYA RTZA BRGYAD PAS BSTOD PA DANG MCHOD PA NYI SHU DANG NA BZA' DRUG CU RTZA GNYIS KYANG DBUL, THA MAR GO CHA'I SNGAGS KYIS BSRUNG BAR BYA'O, ,DE NAS, GNYIS MED YE SHES LAS BYUNG BA'I, ,KHYAB BDAG DNGOS KUN BDAG NYID CAN, , STON PA'I GTZO BO KHRAG 'THUNG DPAL, ,PHAG MO DANG YANG LHAN CIG 'KHYUD, ,DPA' BO DANG NI DPA' MO KUN, ,MA LUS BDAG LA DGONGS SU GSOL, ,SLOB MA LA NI PHAN PA DANG, KHYED RNAMS LA YANG MCHOD PA'I PHYIR, ,RDO RJE CAN BDAG 'DI ZHES PA, ,NANG PAR DKYIL 'KHOR BRI LAGS KYIS, ,RJES SU BRTZE BAR NYER DGONGS TE, ,KUN GYI BYIN GYIS BRLAB TU GSOL, ,LHA LHAG PAR GNAS PA'O, ,DE NAS BUM PA LHAG PAR GNAS PAR BYA STE, KHA GYED PA GSUS PA LDIR BA MGRIN PA RING BA MCHU 'PHYANG BA RTZA BA NAG NOG MED PA GSER DANG DNGUL DANG

, ,ZANGS LA SOGS PA LAS BYAS PA'O, ,MU TIG RIN CHEN SNA TSOGS SPRAS LHA'I GRANGS DANG MNYAM PA'AM YANG NA BCU THAM PA LA GU GRUL GYIS BDUG ,BDUD CI LNGA'I DRI'I THIG LES MTSAN MA BKOD LA, RIN CHEN SNA LNGA DANG BDUD RTZI LNGA DANG SMAN LNGA DANG 'BRU LNGA BCUG LA THABS DANG SHES RAB KYI RAS ZUNG RES MGUL PA BCINGS LA BUM PA BCU KHA DOG SNA LNGA'I GOS KYIS DKRIS TE 'DAB MAS KHA BRGYAN PA BDUD RTZI LNGAS GANG BA'I THOD PA STENG DU BZHAG LA, SGRUB PA PO'I G-YAS SU PADMA 'DAB MA BRGYAD PA'AM SNA TSOGS RDO RJE BRIS LA GZHAG PAR BYA'O, ,DE NAS AOm SVA BH'A WA SHUDDHA: SARBA DHARM'A: SVA BHA WA SHUDDHO&HAm ZHES BYA BAS STONG BAR BSAMS LA, BHR'Um LAS GZHAL YAS KHANG RE RE BYAS LA NANG DU BAm LAS 'O MA CAN GYI RGYA MTSO BSKYED DE, HR'I: LAS PADMA 'DAB MA BRGYAD BA BSAMS LA, H'Um LAS LHA THAMS CAD BSKYED PA'AM YANG NA BCU LAS MED NA DBUS MA LA NYI ZLA KHA SBYOR GYI DBUS SU H'Um BSAMS LA, DKYIL 'KHOR GYI 'KHOR LO RDZOGS PA DANG, BRGYAD LA KHVA GDONGS LA SOGS PA BRGYAD BSKYED LA, BCU PA LAS THAMS CAD PA LA RAm LAS NYI MA'I DKYIL 'KHOR GYI DBUS SU H'Um MDZAD SKU MDOG SNGON PO ZHAL GSUM PHYAG DRUG PA DANG PO GNYIS NA RDO RJE DANG DRIL BU GNYIS PA GNYIS NA KHA tV'Am GA DANG THOD PA, GSUM PA GNYIS NA LCAGS KYU DANG ZHAGS PA, ZHAL G-YAS DKAR PO G-YON DMAR PO DBUS MTHING GA G-YAS BRKYANG BA'I GNAS PAS BZHUGS PAR BSGOMS LA, PHYED PHYIR GYI PHYAG RGYA DANG BCAS PAS YE SHES SEMS DPA' SPYAN DRANGS TE, GO CHA DRUG BSKON NAS RANG GI SNYING GNAS LHA MO DRUG SPRUL TE DBANG BSKUR, YIG GSUM GYIS GNAS GSUM DU BYIN GYIS BRLABS TE MCHOD PA LNGA PHUL TE, BCOM LDAN 'DAS PHUNG PO KUN LAS RNAM GROL TE, ,CHOS SKU GNYIS MED YE SHES BDE CHEN BRNYES, ,BLA MED YE SHES LONGS SPYOD RDZOGS SKU CAN, , RNAL 'BYOR SBRUL SKU CHE LA PHYAG 'TSAL BSTOD, ,CES BSTOD LA BUM PA'I STENG GI KA P'A LA'I THOG TU RDO RJE RTZE LNGA PA TSON SNA LNGA'I SKUD PAS BCINGS LA BZHAG NAS SNYING GA'I YI GE H'Um LAS YE SHES LNGA'I 'OD ZER DU BYIN GYIS BRLABS LA GTZO BO NAS SGO MA'I BAR DU RANG RANG GI SNGAGS BRGYA RTZA

BRGYAD BZLAS PAR BYA'O, ,DE NAS H'Um MDZAD BZLAS PA'I GOS KYIS BKAB LA ZHAL BZHI PA'I SNGAGS KYIS BSRUNGS NAS GZHAG PAR BYA'O, ,BUM PA LHAG PAR GNAS PA'I CHO GA'O, ,DE NAS SBYIN SREG LHAG PAR GNAS PAR BYA STE, SGRUB PA PO'I G-YAS NGOS SU LAS DANG RJES SU MTHUN PA'I THAB KHUNG BYAS LA DE DANG RJES SU MTHUN PA'I RDZAS BSAGS LA MCHOD PA BYA'O, ,DE LA KHYAD PAR DU ZHI BAR BYED PAR 'DOD PAS KHRU GANG ZABS SU KHRU PHYED BRKOS PA LA KHA KHYER SOR BZHI DPANGS SU BRTZIGS LA SOR BZHIS DMA' BA'I KHA KHYER GYIS BSKOR LA PHYI ROL KUN DU GRU BZHI PAR BYA'O, ,DE BRI BA'I TSON DBUS SU YE SHES KYI 'KHOR LO DKAR PO BRI STE RIM PA GSUM LA THUGS GSUNGS SKU'I 'KHOR LO BRIS LA MTSAMS RNAMS SU ZLA BA RDO RJES MTSAN PA BRI STE, GRU BZHI SGO BZHI SGO KHYUD DANG BCAS PA LA SGO BZHI DANG MTSAMS PHYED GZUGS MA BZHI BRI BAR BYA'O, ,DE NAS MCHOD PA'I RDZAS MCHOD YON DANG ZHAL BSIL DANG MCHOD PA RNAM PA LNGA DANG KHYAD PAR GYI RDZAS BDUD RTZI LNGA DANG DPA' BO LNGA DANG CHANG DANG LONGS SPYOD KYI RDZAS TIL DANG YUNGS KAR LA SOGS PA DANG 'TSO BA'I RDZAS BIL BA DANG STAR GA LA SOGS PA DANG YO BYAD KYI RDZAS SHEL PHRENG DANG DAR DKAR PO LA SOGS PA DANG BSREG SHING DGANG GZAR LA SOGS PA MDUN DU BZHAG LA, DE LTAR LHA BSKYED LA GNAS GSUM DU THAL BA DANG RAKTA BSRES PA'I THIG LE BYAS LA RUS PA'I RGYAN DANG KU SHA'I DAG BYED LAG PA G-YON PA'I MING MED BCUG LA, SBYIN SREG GI CHO GA LAS BYUNG BA BZHIN DU ME LHA BSKYED LA MCHOD PA BYIN GYIS BRLABS LA MCHOD PAR BYA'O, ,ME LHA 'OD DU ZHU BA DANG DKYIL GYI 'KHOR LO ME'I DBUS SU BTEG LA MCHOD PAR BYA'O, ,MCHOD PA NI SNGA MA BZHIN NO, ,ME LA BGEGS YOD MED BRTAG PA NI AOm BADZRA AA NA LA MA H'A BH'U TA DZVA LA SABRA BHA SMI KU RU SARBA DU sht'A NA PHAt CES BRJOD DO, ,SMAN LA SOGS PA SREG RDZAS RNAMS NI RANG RANG GI MING DANG YI GE BDUN PA'I SNGAGS RANG GI MING DANG YI GE BDUN PA'I SNGAGS KYIS DBUL LO, ,YE SHES KYI LHA LA RANG RANG GI SNGAGS KYIS DBUL LO, ,DE NAS BZOD PAR GSOL LO, ,DKYIL 'KHOR DU RDZAS LHAG MA BSREGS LA ME LHA'I YE SHES SEMS DPA' GSHEGS SU GSOL LO, ,DAM TSIG SEMS

, ,DPA' RIM GYIS THA MAL BA'I ME LA THIM PAR BSAM MO, ,RGYAS PAR NI SBYIN SREG GI CHO GA LAS SHES PAR BYA'O, ,SBYIN SREG LHAG PAR GNAS PA'O, ,DE NAS CI 'BYOR BA'I GTOR MA BDUN NAM BCU GCIG GAM KUN KYANG H'Um MDZAD KYI CHUS BSANGS LA, YAm LAS RLUNG GI DKYIL 'KHOR GZHU LTA BU DANG, DE'I STENG DU RAm LAS ME'I DKYIL 'KHOR GRU GSUM PA DANG, DE'I STENG DU KA LAS KA P'A LA RGYA CHE BA BSAMS TE, NANG DU BDUD RTZI LNGA'I GONG BU KHA DOG LNGA DANG, DBUS SU MU MU TRA RANG H'Um MTHING GA, SHAR DU BI BI TRA DANG AOm DKAR PO, LHOR RA RAKtA DANG TRAm SER PO, NUB TU SHU SHU KRA DANG HR'I: DMAR PO, BYANG DU MA M'Am SA DANG AA LJANG GU BKOD LA, DE'I STENG DU AOm, DE'I STENG DU A'A:, DE'I STENG DU H'Um BKOD LA, AOm LTUNG BAS DAG ,A'A: LTUNG BAS ZHU H'Um GYUR PA LAS RDO RJE'I DBUS SU H'Um GIS MTSAN PA LAS YE SHES KYI BDUD RTZI DRANGS BAS SPEL PAR BSAM PA DANG, RDO RJES DKRUG CING ZHU BA LAS AOm A'A: H'Um GSUM LAN GSUM MAM LAN BDUN BAR DU BRJOD PA DANG, AOm AA K'A RO MU KHAm SARBA DHARM'A n'Am A'A DYA NUTPANNA TVA'A TA CES BYA BA DANG, PADMA KHA BYE BA'I PHYAG RGYAS BYIN GYIS BRLABS LA, MDZUB MO MDUD BYAS GUNG MO NGES PAR SBYAR, MTHE BOD RDO RJE BRTAN POR RAB SBYAR NAS, ,DA NI DPRAL BA'I DBUS SU RAB BZHAG NAS, ,BSKOR ZHING BSKOR BAS KUN DU BSKOR BAR BYA, ,RKANG PA MNAN ZHING GYEN DU BLTA, ,GYEN DU PHEm GYI SGRA SGROGS SHING, ,PHYOGS BCU 'JIG RTEN KHAMS BZHUGS PA, ,DPA' BO RNAL 'BYOR MA RNAMS DGUG ,CES BYA BA'I PHYAG RGYA DANG AOm AA RA LLI HO DZA: H'Um BAm HO: BADZRA d'A KI N'I SA MA YA STVAm DRi SHYA HO:, ,ZHES BYA BAS DUR KHROD BRGYAD DANG PHYOGS SKYONG BA DANG BCAS PA SBYAN DRANGS LA, CHOS 'BYUNG GRU GSUM GYI STENG DU PADMA 'DAB MA BRGYAD PA BZHAG LA RIM PA GSUM BYAS LA 'KHOR LO RIM GSUM GYI LHAR BSKYED LA, GNAS GSUM DU YI GE GSUM GYIS BYIN GYIS BRLABS LA, DKYIL 'KHOR MKHA' 'GRO MA LA SOGS PAS DBANG BSKUR LA LCE LA RDO RJE DKAR PO'I SBU GU BSAMS TE 'THUNG BAR DMIGS SHING KHA KHA'I SNGAGS BRJOD PAR BYA'O, ,MI MCHOG GANG ZHIG

KUN SBYONG DANG, ,SDIG PA THAMS CAD RNAM PAR DAG ,SKYE ZHING SKYE BAR BDE GSHEGS KYI, ,RIGS MCHOG SKYES CHOS RGYAL BOR SHOG ,JI LTAR SNGON GYI SDIG PA YIS, ,BAG CHAGS KUN ZAD MCHAN NYID LDAN, ,GANG ZHIG 'DI NA RTAG SGOM PA, ,SA LA SPYOD PA'I DBANG PHYUG SHOG, CES SMON LAM BTAB LA PHYOGS BRGYAD DU DPA' BO BYA'O, ,GTOR MA LHAG PAR GNAS PA'I CHO GA'O, ,DE NAS SLOB MA LHAG PAR GNAS PA NI SNOD DU RUNG BA'I SLOB MAS MAndALA BYAS NAS ME TOG BKRAM NAS LAG NA ME TOG THOGS PA DANG GSOL BA GDAB PAR BYA'O, ,DGA' CHEN ZHES BYA BA LA SOGS PA'O, ,PHYAG 'TSAL BA DANG SDIG PA BSHAGS PA LA SOGS PA RGYUN CHAGS BDUN BYAS PA DANG, SLOB MA HE RU KA DPA' BO GCIG PU'I LUS SU BSKYED PA DANG, YI GE GSUM GYI BYIN GYIS BRLAB PA LA SOGS PA LA MCHOD PA LNGAS MCHOD PA DANG, RJES LA SO SHING DOR BA DANG, SRUNG SKUD BCING BA DANG, BYAMS PA'I GO CHA BSKON PA DANG, RDO RJE GTZUG TOR GYI SNGAGS KYIS DBU'I GTZUG TOR BSKYED PA DANG, RMI LAM BRTAG PA DANG, DBANG BSKUR BA'I DON DU GSOL BA 'DEBS PA RNAMS SLOB DPON LA BA PAS MDZAD PA'I CHO GA LAS SHES PAR BYA'O, ,DE NAS DKYIL 'KHOR SNYING GAR BSDUS TE KHAm DANG HAm LAS 'OD ZER GYI YA LAD BSKYED LA, TSAM NGAM GYI SNGAGS KYIS PHYOGS BZHIR KHA DOG BZHI PA'I ZHAL GCIG PA RDO RJE DANG SDIGS MDZUB BSNAMS PA BSAM PAR BYA'O, ,DE NAS RKANG BA BRGYAD PA'I SNGAGS KYIS BSTOD LA CI BDE PAR BYA'O, ,GZHAN GYI DON SLOB MA LHAG PAR GNAS PA'O, ,DE NAS NYI MA SHAR KAR DKYIL 'KHOR BYED PAR 'DOD PAS RKANG PA BRGYAD PA BZLAS PA'I DRI CHU DANG BDUD RTZI LDAS SA GZHI BYUGS LA THIG GDAB BO, ,SAR BA LEGS PAR BSAL KHA DOG LDAR BSGYUR BA DKYIL 'KHOR GYI NYIS 'GYUR GYI TSAD DANG LDAN PA, GSER LA SOGS PA'I SNOD DU BZHAG LA MCHOD PA RNAM PA LNGA BSHAMS NAS TSON SNA LNGA LA H'Um AOm BHR'Um DZR'Ai KHAm LAS RIGS LNGA'I RANG BZHIN DU BSKYED LA YE SHES SEMS PA'I THUGS KA NAS 'OD ZER SPYAN DRANGS GNYIS SU MED PAR BYAS TE MCHOD PA YAB YUM GYI SNYING PO NYI SHU RTZA GCIG BZLAS

, ,LA THOD PA'I NANG DU GZHAG PAR BYA'O, ,THIG BYIN GYIS BRLAB PA'O, ,DE NAS SLOB DPON MKHAS PAS BDAG NYID DANG SLOB MA HE RU KAR MOS PA BYAS LA, H'Um BADZRA ZHES BRJOD PAS THIG SKUD KYI RTZE MO LAG PA G-YON PAR GTAD PA GNYIS SU MED PA'I SNGAGS KYIS BSGRIL NAS, 'JIG RTEN KHAMS 'DI MA LUS PA'I, ,SANGS RGYAS LA SOGS 'GRO DON GYI, ,KHYED KYI DUS NI 'DI LAGS KYIS, ,BCOM LDAN RDO RJE'I THIG GDAB GSOL, ,ZHES BSKUL BA DANG, BDAG DANG SLOB MA G-YAS NAS BSKOR NAS THIG GDAB PAR BYA'O, ,DE LA DANG PO YE SHES KYI DKYIL 'KHOR GYI RTEN NAS THIG GDAB PAR BYA'O, ,SLOB DPON NUB SGOR GNAS NAS SLOB MA SHAR SGOR GNAS LA TSANGS THIG DANG BO'O, ,SLOB DPON BYANG NAS SLOB MA LHO NAS TSANGS THIG GNYIS PA, SLOB DPON ME NAS SLOB MA DBANG LDAN DU GNAS NAS SHAR GYI THIG GDAB, SLOB DPON DBANG LDAN DANG SLOB MA RLUNG DU GNAS NAS BYANG GI THIG GDAB, SLOB DPON RLUNG DANG SLOB MA BDEN BRAL DU GNAS NAS NUB KYI THIG GDAB, SLOB DPON BDEN BRAL DANG SLOB MA MER GNAS NAS LHO'I THIG GDAB, DE BZHIN DU GANG DU BRTZIS PA THIG BZHI DANG, DE NAS TSANGS THIG G-YON SKOR GYIS SONG LA, SLOB DPON ME DANG SLOB MA RLUNG DU GNAS NAS TSANGS PA'I THIG DANG PO, SLOB DPON BDEN BRAL DANG SLOB MA DBANG LDAN DU GNAS NAS TSANGS THIG GNYIS PA GDAB PAR BYA'O, ,DE LTAR STENG DU BLTAS LA BCU DRUG GDAB PA YE SHES KYI THIG DANG; KHA THUR DU BLTAS PA BCU DRUG GNAM GYI THIG GDAB PAR BYA'O, ,DE NAS BYA ROG RJES BTZAL NAS GSHER THIG GDAB PAR BYA STE, PHYI ROL DU RDO RJE RA BA MA GTOGS PA GRU BZHI LA CHA CHEN PO BCU DRUG TU BGOS LA DE RE RE YANG CHA CHUNG BZHI BZHIR PHYE LA NANG GI CHA CHEN PO BZHI MA GTOGS PA LA TSANGS THIG NAS BGRANG PA'I GSUM LA SGO KHYUD BYA, LNGA PA LA SGO LOGS, BCU 'DUS PA LA SGO NGOS, NYI SHU LA SGO 'GRAM, NYI SHU GSUM PA LA YAS PHUBS, NYI SHU BZHI PA LA MON PA BA TI, NYI SHU RTZA BRGYAD PA'I BAR DU CHA BZHI PA LA RTA BABS, NYI SHU RTZA DGU

PA LA PADMA, SUM CU RTZA GCIG PA LA 'KHOR LO, SUM CU RTZA GNYIS PA LA GDUGS SU SHES PAR BYA'O, ,DE'I ZHING GI TSAD NI SGO CHA CHEN PO GCIG ,'DOD YON GYI GNAS CHA CHUNG GNYIS, RIN CHEN PHA GU CHA CHUNG GCIG ,DRA BA DRA PHYED CHA CHUNG GNYIS, KA BA DANG MU TIG GI CHUN 'PHYANG LA CHA CHUNG LNGA, ZHED LA CHA CHUNG GNYIS, RTA BABS GLANG PO CHE'I RGYAB LTA BU, ZHENG SGO'I SUM 'GYUR DE LTAR THIG GDAB BO, ,DE LA RDO RJE RTZE GCIG PA LTA BU'I PHUR BU GDAB PAR BYA'O, ,YE SHES KYI 'KHOR LO CHA CHEN PO GCIG ,THUGS GSUNG SKU'I 'KHOR LO CHA RE RE, KUN MNYAM PAR GRI GUG DANG RDO RJE DANG PADMA DANG 'KHOR LO'I PHRENG BA CHA CHUNG RE RE SA BSKOR BAR BYA'O, ,THA MAR PADMA'I RE BA DANG, RDO RJE'I RA BA DANG, ME 'OD KYI RA BA GSUM CHA RE RE TSAD DU BYA'O, THIG GI CHO GA'O, ,DUR KHROD KYI RDZAS DANG BSRES PA RIN PO CHE'I TSON NAM 'BRAS KYI PHYE MA LA SNGAR BSHAD PA'I RIGS LNGA LA SOGS BKOD LA YE SHES SEMS DPA' SPYAN DRANGS NAS YI GE GSUM GYI BYIN GYIS BRLABS NAS YAB YUM GYI SNGAGS NYI SHU RTZA GCIG BZLAS LA MCHOD PA DBUL BAR BYA'O, ,TSON BYIN GYIS BRLAB BA'O, ,TSON DGYE PA'I BYANG SHAR MTSAMS KYI PHYOGS MTSAMS SU MTHO GANG GI TSAD LA TSON SNA LNGA'I RI MO MA CHAD PA MA YO BA MNYAM PAR SLOB DPON GYIS BRI BAR BYA'O, TSON GYI LTAS BRTAG PA'O, ,DE NAS TSON GYI GO RIMS NI DBUS SNA TSOGS PADMA LHA MO'I KHA DOG DANG MTSUNGS BA'O, ,MTSAMS SU PHYED GZUGS MA BZHI DANG BRGYAD BRIS LA 'OG GI PADMA'I RTZE MO BRGYAD GSER MDOG CAN GRI GUG GI PHRENG BAS BSKOR BA'O, ,LTE BAR NYI MA'I DKYIL 'KHOR GYI STENG DU YAB YUM PHYOGS SU LHA MO MTSAMS SU BUM PA THOD PAS MTSAN PA PHYED GZUGS YE SHES KYI 'KHOR LO BRI BAR BYA'O, ,DE'I PHYI ROL DU THUGS GSUNG SKU'I 'KHOR LO SA GZHI BEE d'U R+YA'I RANG BZHIN LA 'KHOR LO SNGON PO DANG, DMAR BA DANG, DKAR PO RTZIBS BRGYAD PA RDO RJE DANG, PADMA DANG 'KHOR LO'I PHRENG BAS BSKOR BA'O, ,DE LA SKU GSUNG THUGS KYI DBA' BO RANG DPA' MO NYI SHU RTZA BZHI DGOD PAR BYA'O, ,DAM TSIG GI 'KHOR LO SGO BZHI

, ,DANG SGO KHYUD DANG BCAS PA LA SHAR SNGO, LHO SER NUB DMAR, BYANG LJANG GU STE ZHAL BZHI PA'I SNANG BA MTHUN BA'O, ,MKHA' 'GRO MA BRGYAD KHVA GDONG MA DANG, 'UG GDONG MA DANG, KHYI GDONG MA DANG, PHAG GDONG MA G-YON SKOR GYIS SA GZHI DANG KHA DOG MTHUN PA'O, ,MTSAMS SU GSHIN RJE BRTAN MA LA SOGS PA PHYED GZUGS MA BZHI DGOD PAR BYA'O, ,SKUR DGOD PA'AM, YIG 'BRU'AM, PHYAG MTSAN NAM, LAG PA'I PHYAG RGYA'AM, ME TOG DGRAM PA'AM, DRI'I THIG LE BYA'O, ,DE YANG NGES BRJOD LAS, DKYIL 'KHOR BSKYED PA'I MDOR GSUNGS NAS, ,MING GI 'KHOR LO DANG PO STE, ,GNYIS PA MTSAN MA'I 'KHOR LO NI, ,GSUM PA LAG PA'I PHYAG RGYA LA, ,BZHI BA GZUGS BRNYAN DGOD PA STE, ,LNGA PA ME TOG DGRAM PA'O, ,DRUG PA TSOGS KYI 'KHOR LO YIN, ,BDUN PA THIG LE DGOD PAR BYA, ,ZHES GSUNGS SO, ,DE'I PHYI ROL DU TSON SNA LNGA NI SNGON PO DANG SER PO DANG DMAR PO DANG LJANG GU DANG DKAR PO'O, ,DE'I PHYI ROL DU GSER GYI SA GZHI'I KHYAMS LA 'DOD YON LHA MO'O, ,DE'I PHYI ROL DU SHEL GYI SA GZHIL RIN PO CHE SNA TSOGS KYI PHA GUS MDZES PA'O, ,DE'I PHYI ROL DU PADMA R'A GA'I SA GZHI LA DAR DANG MU TIG GI PHRENG BA DANG, DRIL BU G-YER KA'I PHRENG BAS MDZES PA'O, ,DE'I PHYI ROL DU PHYOGS KUN DU BEE d'U R+YA'I SA BZHI LA KA BA DANG RTA BABS DANG RI DAGS DANG CHOS KYI 'KHOR LO DANG GDUGS CI MDZES PAR BRI BAR BYA'O, ,DE'I RGYAB TU PADMA'I PHRENG BA DANG, RDO RJE DANG ME 'OD KYI PHRENG BAS KUN NAS BSKOR BA'O, ,SHAR LA SOGS PA RTA BABS KYI NGOS GNYIS SU GTUM DRAG CAN MA DANG, THOD PA CAN PA TA LA DANG, AU DU MW'A RA'I SHING DANG, KHVA DANG KHYI GDONG GI ZHING SKYONG LAS KHVA DANG KHYI'I TSOGS KYIS BSKOR BA'O, ,'OG TU KLU GNYIS DANG STENG DU SPRIN GNYIS DANG BCAS PA'O, ,BYANG DU RTA BABS KYI NGOS GNYIS SU DBYIBS CAN DANG YAL GA CAN DU PUnDA R'I KA DANG N'A GA GE SAR GYI SHING BIL BA DANG SHA ZA'I GDONG CIN GYI ZHING SKYONG LA CES SBYANG DANG RO LANGS KYIS BSKOR BA'O, ,STENG DU SPRIN GNYIS DANG 'OG TU KLU GNYIS DANG BCAS PA'O, ,

NUB TU RTA BABS KYI NGOS GNYIS SU TSANG TSING CAN DANG HA HAR BZHAD PA STE PA L'A SHA DANG AA SHVADTHA DANG 'UG PA DANG KHYI'I GDONG CAN GYI ZHING SKYONG LA 'UG PA DANG PHAG GI TSOGS KYIS BSKOR BA'O, ,'OG TU KLU GNYIS DANG STENG DU SPRIN GNYIS DANG BCAS PA'O, ,LHO'I RTA BABS KYI NGOS GNYIS LA 'GAR BA CAN DANG MI BZAD PA'I SHING SHAG DANG N+YA GRO DHA DANG STAG DANG PHAG RGOD KYI ZHING SKYONG LA DPA' BO DANG SRIN PO'I TSOGS KYIS BSKOR BA'O, ,'OG TU KLU GNYIS DANG STENG DU SPRIN GNYIS DANG BCAS PA'O, ,TSON GYI CHO GA'O, ,DE LTAR TSON GYI CHO GA RDZOGS NAS DGONGS KA'I DUS SU YO BYAD BSAG PAR BYA STE BDUD RTZI LNGA DANG MCHOD YON MCHOD PA LNGA DANG BCAS PA DANG, BCA' BA DANG, MYANG BA DANG, BLDAG PA DANG, CHANG DANG SHA BRGYA DANG, ME TOG DANG, BDUG PA DANG, LHA BSHOS BRGYA DANG, YANG MAR ME LA SOGS PA BRGYA DANG, NA BZA' DRUG CU RTZA GNYIS DANG, GTOR MA BRGYA DANG, DE LA SOGS PA BSAGS NAS RDO RJE DRIL BU MDUN DU BZHAG NAS COD PAN DANG RGYAN RNAMS SNGA MA BZHIN DU BGO STE MCHOD PA BYIN GYIS BRLABS TE H'Um GI SGRAS BSKUL TE SNYING GA'I LHAG PAR GNAS PA'I DKYIL 'KHOR SBRUL LA RDUL TSON GYI DKYIL 'KHOR DANG BSRES TE LHAG PA DANG, MA TSANG BA BSKANG BA'I PHYIR YAB YUM GYI SNGAGS BZLAS SHING DKYIL 'KHOR LAN GSUM BSKOR BA BYA'O, ,DE NAS RNAL 'BYOR BAS SHAR GYI SKOR KHVA GDONG MA'I RGYAB TU BYUNG LA DANG PO TSAD MED PA'I RNAL 'BYOR DANG BYIN GYIS BRLAB PA'I RNAL 'BYOR DANG, SRUNG BA'I RNAL 'BYOR BYAS LA BDAG NYID H'Um MDZAD KYI SKUR BSKYED NAS SNGA MA BZHIN DU SRUNG BA'I 'KHOR LO BYAS LA, PHUR BU BCU DANG MDA' BCU PHYOGS DANG MTSAMS SU BTAB LA TSON SNA LNGA'I SKUD PAS MIG MNGAS RIS SU BRIS LA, RKANG PA BRGYAD PA'I SNGAGS KYI BYIN GYIS BRLABS PA'I 'OD ZER GYIS SPROS PAS BGEGS MI 'JUG PAR BSAM MO, ,SNGAR BSHAD PA BZHIN DU TSOGS BSAGS PA'I RNAL 'BYOR DANG, DKYIL 'KHOR GYI 'KHOR LO BAR SNANG DU BZHAG LA STOD PA NYID KYI RNAL 'BYOR BYAS NAS 'BYUNG BA RIM BRTZEGS RI RAB DANG BCAS PA BSKYED NAS SNA TSOGS RDO RJE PADMAS MTSAN PA'I STENG DU NYI ZLA KHA SBYOR GYI DBUS SU GNAS PA'I H'Um LAS

, ,YI GE GSUM GYI BYIN GYIS BRLABS TE DKYIL 'KHOR GYI 'KHOR LO SNGA MA BZHIN DU BSKYED LA LHAG PAR GNAS PA'I DKYIL 'KHOR GYI 'KHOR LO DANG, RANG GIS SPRUL PA'I 'KHOR LO DANG GCIG TU BSRES LA BYANG CHUB KYI PHYOGS KYI CHOS SEMS KYI 'KHOR LO BDE MCHOG DANG RTZA DANG KHAMS DANG LUS KYI 'KHOR LO SHES PAR BYAS NAS GO CHA BSKON TE SNGA MA BZHIN DU YE SHES KYI 'KHOR LO SPYAN DRANGS PA DANG MCHOD YON SNGON DU 'GRO BAS MCHOD PA RNAM PA LNGA'O, ,DE SKAD DU, DPA' BO KUN DANG RNAL 'BYOR MA, ,GO CHA GSUM GYIS BRGYAN PA YI, ,HE RU KA DPAL RNAL 'BYOR CHE, , RANG GI BDAG NYID GCIG PU BYAS, ,SPYAN DRANGS NAS NI MCHOD PA DANG, ,BUM PA LA GZHUG DBANG BSKUR BA'O, ,ZHES 'BYUNG BA'O, ,DE NAS BUM PA GZHUG PAR BYA STE, DANG POR H'Um MDZAD BZLAS PA'I YUNGS KAR GYIS BGEGS BSKRAD DE, BUM PA LA YANG BSANG GTOR BYAS NAS KUN LA RANG RANG GI SNGAGS NYI SHU RTZA GCIG BZLAS PAR BYAS TE MCHOD PA LNGAS MCHOD DE THA MAR AOm BADZRA AU DA KA H'Um PHAt, CES PAS, LHA RNAMS 'O MA CAN GYI RGYA MTSOR ZHU BAR BSAM MO, ,DE NAS ME LOD LA DRI'I THIG LE BYAS LA ME TOG BKRAM NAS BAG PHYE DANG, SA DKAR DANG, SO SHING DANG BCAS PAS LHA THAMS CAD LA THOG MAR SKU KHRUS GSOL LO, ,THA MAR YANG 'BRAS BU GSUM DANG, BIL BA DANG, GA PUR DANG, ,GUR KUM DANG, AA KA RU LA SOGS PA RNAMS ME LONG GI NGOS LA BZHAG NAS, H'Um MDZAD KYI BUM PA NAS BZUNG NAS THA MA RNAM PAR RGYAL BA'I BUM PA LA THUG GI BAR DU BUM PA RNAMS KYI LHA DRUG CU RTZA GNYIS LA RE RE ZHING YANG GTZO BO NAS SGO BA LA THUG GI BAR DU DBANG BSKUR BAR BYA'O, ,RTAGS SU GTZO BO YAB YUM LA MI BSKYOD PAS MTSAN PA'I RDO RJE RTZE LNGA PA DANG, 'KHOR THAMS CAD LA RDO RJE RE RE DANG, DBRAL BAR RDO RJE PHRENG BAS BRGYAN PAR BYA'O, ,DE NAS RNAM PAR RGYAL BA'I BUM PA DBUS SU BZHAG LA, MKHA' 'GRO MA BRGYAD KYI BUM PA SGO BZHI DANG MTSAMS BZHIR GZHAG H'Um MDZAD KYI BUM PA RANG DANG NYE BA'I SGOR GZHAG ,ME TOG GI PHRENG BA GDAGS PAR BYA'O, ,DE LTAR BUM

PA'I DBANG BSKUR NAS, GSANG BA DANG SHES RAB YE SHES KYI DBANG BSKUR BAR BYA'O, ,DBANG SKUR BA RDZOGS PA DANG MCHOD PA RNAM PA LNGA RGYAS PA LA ME TOG SNA TSOGS PA DANG, BDUG PA SNA TSOGS PA DANG, LHA BSHOS RGYA CHEN PO DU MA DANG, SNA TSOGS PA DANG, NA BZA' DRUG CU RTZA GNYIS DANG, RGYAN DANG, DRA BA DANG, DRA BA PHYED DANG, ROL MO'I BYE BRAG THAMS CAD KYANG DBUL PAR BYA'O, ,DE YANG, NGES PAR BRJOD PA'I BLA MA LAS, ,SNA TSOGS RO DANG BCUD RNAMS DANG, ,SNA TSOGS ME TOG DRI RNAMS DANG, ,SNA TSOGS SNA YI TSOGS RNAMS DANG, ,MYOS BYED BTUNG BA'I TSOGS RNAMS DANG, ,BU MO MDZES MA'I TSOGS RNAMS DANG, ,ROL MO SGRA YI SNA TSOGS DANG, ,GDU BU DANG NI RKANG GDUB DANG, ,DBU RGYAN GOS KYI BYE BRAG DANG, SOR GDUB DANG NI MCHOD PHYIR THOGS, ,GDUGS DANG ME TOG RNGA YAB DANG, ,CHUN 'PHYANG DAG NI DBUL BAR BYA, ,ZHES GSUNGS SO, ,DE NAS MTSAN BRGYA RTZA BRGYAD PA DANG RKANG PA BRGYAD PAS BSTOD PA SNGAR BSHAD PA'I MCHOD PA NYI SHU GAR DANG BCAS PA'I HE RU KA'I THUN MTSAMS KYI DBYANGS KYIS KYANG BSTOD PAR BYA'O, ,SNGAGS NI 'DI YIN TE, ,AOm SHR'I HE RU KA YA BID MA HE BIDY'A R'A DZ'A YA DHI MA HE NO B'I RA BHA DZO DHA YA MA H'Um, ZHES BYA BAS RIG BYED GDON PAR BYA'O, ,THA MAR RGYUN CHAGS BTON LA CI 'DOD PA'I DNGOS GRUB BLANG BAR BYA'O, ,DE NAS TSOGS KYI 'KHOR LO NANG GI SBYIN SREG BYA STE, GNYIS MED KHA SBYOR 'KHOR LO LA, ,BHA GA PADMA'I DKYIL 'KHOR DU, ,PHYI MA'I DKYIL 'KHOR LAS 'DAS PA, ,DRUG CU RTZA GNYIS LHA BDAG NYID, ,RNAM PAR RTOG PA RNAM SPANGS NAS, ,,M'Am SA MYOS BYED LA SOGS TSOGS, ,BDUD RTZI LDAN DANG LDAN PA YIS, ,NANG GI DKYIL 'KHOR MCHOD PAR BYA; ,ZHES GSUNGS SO, ,YANG NA SNGAR BSTAN PA BZHIN DU PHYI ROL DU SBYIN SREG BYA'O, ,GTOR MA YANG SNGA MA BZHIN DU BYAS LA MCHOD PAR BYA'O, ,BDAG NYID SGRUB PA'I DKYIL 'KHOR RO, ,DA NI GZHAN SGRUB PA'I PHYIR DKYIL 'KHOR DU SLOB MA GZHUG PA DANG DBANG BSKUR

, ,BAR BYA'O, ,DE YANG RTEN GYI GANG ZAG DANG, ,THABS 'JUG PA DANG, DBANG BSKUR BA DANG, 'BRAS BU 'JIG RTEN DANG 'JIG RTEN LAS 'DAS PA'I DNGOS GRUB SGRUB PA'O, ,RTEN GYI GANG ZAG NI MNYES BYED DANG, RNAM PAR DAG PA DANG, GSAL BYED 'DRES BA'I GANG ZAG STE, YON TAN DANG LDAN PA'I GANG ZAG GSUM MO, ,'JUG PA NI BDUN TE, GSOL BA BTAB PA'I RJES LA, DZA: H'Um BAm HO:, ZHES BYA BAS SGO BZHI NAS GZHUG PA DANG, RIGS LNGA'I PHYAG 'TSAL BA LA SOGS PA DANG, RGYUN BSHAGS BDUN BYA BA DANG, SNGOM PA BZUNG NAS BYANG CHUB TU SEMS BSKYED PA DANG, DENG KHYOD CES BYA BAS DKYIL 'KHOR GYI LHA DANG, SLOB DPON GYI DAM TSIG BSGRAGS PA DANG, YE SHES DBAB PA DANG, ME TOG DOR BA DANG, GDONG G-YOGS DGROL BA NAS DKYIL 'KHOR BSTAN PAR BYA'O, ,SLOB MA 'JUG PA'I 'CHO GA'O; ,DBANG BSKUR BA LA RNAM PA BZHI STE, CHU NGANG, COD PAN DANG, RDO RJE DANG, BDAG PO DANG, MING DANG, RIG PA'I DBANG NI, YAN LAG RDO RJE BA RTUL ZHUGS DANG, PHYAG MTSAN BCU GNYIS KYI DBANG SPYOD PA'I BRTUL ZHUGS DANG, BRTUL ZHUGS MANG PO DANG BCAS PA'I RIG PA'I DBANG GI CHO GA'O, ,PHYIR MI LDOG PA'I SDOM PA THOG MAR BSDUS LA RNAM PAR RGYAL BA'I BUM PA'I CHUS DBANG BSKUR LA COD PHAN BSKON, RDO RJE DANG DRIL BU GTAD LA SENG GE'I KHRI LA BZHAG NAS BKRA SHIS TSIGS BCAD GDON PAR BYA'O, ,PHYIR MI LDOG PA'I YAN LAG GI DBANG DANG LUNG BSTAN PA DANG, GZENGS BSTOD PA DANG, DBUGS DBYUNG BA DANG, RJES SU GNANG BA RNAMS SBYIN PAR BYA'O, ,SBANGS PA NANG GI YI SHES GNYIS, ,SKU DANG GSUNG DANG THUGS DANG NI, ,RJES SU GNANG BA RNAM PA GNYIS, ,DKYIL 'KHOR LHA YI DE NYID DANG, , SLOB DPON GYI NI LAS RNAMS SBYIN, ,PHYIR MI LDOG PA'I DBANG BSKUR BA'O, ,DE NAS GSANG BA'I DBANG BSKUR BA NI, GSANG BA'I SDOM PA 'DZIN PA NI, GANG ZAG LA CHOS KYI PHYAG RGYA DANG, BSGOM PA'I DBANG BSKUR BA DANG, LAS KYI PHYAG RGYA BSTEN PA LAS BYUNG BA'I

BDUD RTZI LNGA'I DBANG BSKUR BAR BYA'O, ,GSANG BA'I DBANG BSKUR BA'O, ,BZHI PA SHES RAB YE SHES NI RTZA BA'I RGYUD LAS 'BYUNG BA'I SDOM PA 'DZIN PAR NUS PA RNAMS LA BZHI PA'I DBANG BSKUR BA'O, ,SNOD DU GYUR PA MTHONG NAS KYANG, ,YON DANG DAD PA SNGON 'GRO BAS, ,THABS DANG SHES RAB BYIN NAS NI, ,PHYAG RGYA GDOD NAS BZHI PA BLANG, ,'KHOR LO BZHI YI THA MA NAS, ,DGA' BA BZHI LA NYAMS MYONG NAS, ,AA WA DH'U T'I'I DBUS SU NI, ,BSAM GYIS MI KHYAB CHAGS PA 'JOMS, ,YANG NA GTUM MO'AM DBUS MA SBYAR, ,GROL LAM TSIG GI DBANG BSKUR BA'O; ,DBANG BSKUR BA BZHI PA DBANG BSKUR BA'I CHO GA RGYAS PAR SA BRGYAD PA'I BYANG CHUB SEMS DPA' LA BA BAS MDZAD PA'I GSANG BA 'DUS PA'I CHO GA LAS SHES PAR BYA'O, ,DE LTAR DBANG BSKUR BA RDZOGS NAS MCHOD YON PHUL, YI GE BRGYA PA BZLAS NAS BZOD PAR GSOL BA NI, CHO GA LHAG DANG MA TSANG DANG, ,NYES PA'I DNGOS PO CI MCHIS PA, ,BDAG NI GNONG 'GYOD BSAM PA YIS, ,'KHOR LO'I TSOGS LA MTHOL BSHAGS NAS, NOD SA 'GYUR NYES PA'I SGRIB PA RNAMS, ,DAG CING THUGS RJES GZUNG BAR MDZOD, ,CES BYA BA DANG, SNGAR BSTAN PA BZHIN SMON LAM GDAB PA YANG BYAS NAS, KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB GSOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,MU: ZHES PAS YE SHES KYI 'KHOR LO GSHEGS PA DANG, DAM TSIG GI 'KHOR LO LUS LA BCUG LA GO CHA BSKON LA TSAM NGAM GYI SNGAGS KYIS BSRUNGS LA RKANG BA BRGYAD PAS BSTOD PAR BYA'O, ,ZHUGS PA'I SLOB MA RNAMS KHA ZAS KYIS TSIM PAR BYAS LA H'Um MDZAD KYI SNGAGS KYIS BSRUNG BAR BYA'O, ,DE NAS MDA' DANG PHUR BU BTON LA 'O MAS BKRU BA DANG, RDUL TSON GYI DKYIL 'KHOR BSDUS LA BUM PAR BCUG LA CHU BOR DOR BA DANG, DKYIL 'KHOR BA BYUNG LDAS BYUG PAR BYA'O, ,DPAL BDE MCHOG 'KHOR LO'I CHO GA YID 'ONG PHRENG BA ZHES BYA BA SLOB DPON DPA' BO RDO RJE RJES MDZAD PA RDZOGS SO,, ,,