, ,RGYA GAR SKAD DU, ,SHR'I TZAKRA SAMBA RA MAndALA MAm GA LA G'A TH'A; BOD SKAD DU, DPAL 'KHOR LO SNGOM PA'I DKYIL 'KHOR GYI BKRA SHIS TSIGS SU BCAD PA, DPAL 'KHOR LO BDE MCHOG LA PHYAG 'TSAL LO, ,BKRA SHIS GANG ZHIG CHOS KYI DBYINGS LAS NGES BYUNG ZHING, ,HE RU KA DPAL 'JIGS BYED RGYAL PO 'BAR PA'I SKU, ,SHES RAB PHAG MO'I PADMOR RDO RJE ROL MDZAD PA'I, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG PHYOGS KYI PADMO'I 'DAB MA LA, ,RIGS KYI YUM BZHI DPA' BO'I PHYOGS BZHI'I ZHAL LA GZIGS, ,PADMO MU KHYUD GRI GUG PHRENG BAS RNAM PAR MDZES,,
BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG MTSAMS KYI PADMO'I 'DAB MA LA, ,BYANG CHUB SEMS DANG TZANDAN DRI CHEN GUR KUM CHUS, ,GANG BA'I SNOD BZHI DPA' BO'I ZHAL LA REG PAR MDZOD, ,BDEN PA DES KYANG BDE MCHOG LA GNAS BKRA SHIS SHOG; ,BKRA SHIS GANG ZHIG NAM MKHA'I GNAS NAS LEGS SPYOD PA'I, ,'KHOR LO SNGON PO RTZIBS BRGYAD MU KHYUD RDO RJE PHRENG, ,GNAS LA SOGS PAR DPA' BO DPA' MO GNYIS MED ROL, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG SA STENGS GNAS NAS LEGS SPYOD PA'I, ,'KHOR LO DMAR PO RTZIBS BRGYAD MU KHYUD PADMO'I PHRENG, ,ZHING LA SOGS PAR DPA' BO DPA' MO GNYIS MED ROL, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG SA 'OG GNAS NAS LEGS SPYOD PA'I, ,'KHOR LO DKAR PO RTZIBS BRGYAD MU KHYUD 'KHOR LO'I PHRENG, ,'DU LA SOGS PAR DPA' BO DPA' MO GNYIS MED ROL, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG DKYIL 'KHOR SGO BZHI MTSAMS RNAMS SU, ,KHVA GDONG LA SOGS MA MO YID 'PHROG GZUGS GNYIS LDAN, ,THUGS RJES 'GRO BA'I DON MDZAD GDUG PA KUN 'DUL BA'I, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG DRAN PA NYER GZHAG BZHI RNAMS DANG, ,YANG DAG SPONG DANG RDZU 'PHRUL RKANG DANG DBANG PO STOBS, ,BYANG CHUB PHYOGS CHOS SUM CU RTZA BDUN YONGS RDZOGS PA'I, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG RIN CHEN PHA GUS MDZES PA'I GZHAL YAS KHANG, ,'DOD PA'I YON TAN LNGAS NI RAB TU BRGYAN GYUR PA'I, ,MU TIG PHRENG BA GSER GYI DRIL BU RNGA YAB LEGS DPYANGS 'PHYAR, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG RTA BABS PADMA CHOS KYI 'KHOR LO GDUGS, ,MDZES PA'I RI DAGS DANG BCAS BA DAN BCU DRUG LEGS 'PHYAR ZHING, ,RLUNG GIS BSKYOD PA'I DRIL BU DAG
, ,LAS CHOS KYI SGRA 'BYUNG BA, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG YONGS SU BSKOR BA'I DUR KHROD BRGYAD RNAMS SU, ,PHYOGS SKYONG SHING CHEN MCHOD RTEN BRGYAD NI GNAS PA LA, ,GDONG BRNYAN LDAN ZHING ZHING SKYONG BRGYAD NI KUN NAS GNAS GYUR PA, ,BDEN PA DES KYANG BDE MCHOG LA GNAS BKRA SHIS SHOG ,BKRA SHIS GANG ZHIG YE SHES ME BRGYAD RAB TU 'BAR GYUR PA, ,BYANG CHUB SEMS KYI RANG BZHIN SPRIN CHEN BRGYAD NI 'DUS GYUR PA, ,DGA' PO LA SOGS KLU CHEN BRGYAD RNAMS KUN NAS GNAS GYUR PA, ,BDEN PA DES KYANG BDE MCHOG LA GNAS RNAMS KYI BKRA SHIS SHOG ,BKRA SHIS GANG ZHIG THUGS RJE'I RANG BZHIN CHU CHEN BRGYAD 'BAB CING, ,DPA' BO DANG NI RNAL 'BYOR MA DANG MKHA' 'GRO'I TSOGS KYIS GANG, ,'DRE DANG SHA ZA GNOD SBYIN 'BYUNG PO NYE BAR BSTEN PA YI, ,BDEN PA DES KYANG BDE MCHOG LA GNAS RNAMS KYI BKRA SHIS SHOG ,BKRA SHIS GANG ZHIG RDO RJE'I SA GZHIR BA GUR, ,RDO RJE BLA BRES KUN NAS BRES SHING MDA' YI RA BAR LDAN, ,YE SHES ME RI PHRENG BAS KUN NAS YONGS BSKOR BA'I, ,BDEN PA DES KYANG BDE MCHOG LA GNAS RNAMS KYI BKRA SHIS SHOG ,DPAL 'KHOR LO BDE MCHOG GI BKRA SHIS TSIGS SU BCAD PA, KHA CHE'I YUL DU BYUNG ZHING DNGOS GRUB BRNYES PA'I SLOB DPON RIN CHEN RDO RJES MDZAD PA RDZOGS SO,, ,,BOD KYI LO TZ'A BA DGE SLONG TSUL KHRIMS RGYAL BAS BSGYUR BA'O, ,'DI'I ZHU DAG DANG SRUNG BA'I 'KHOR LO'I KHA SKONG RNAMS 'PHAGS PAS BGYIS LAGS SO,,