, ,DPAL BDE MCHOG GI S'ATZTSA BRJOD PAR BYA STE, DE NAS 'JIM PA BYAS LA MDUN DU BZHAG LA, KHRUS BYAS NAS SEMS BSKYED DE, BDAG NYID SKAD CIG MAS LHAR BSGOMS LA, TSAD MED PA BZHI BSGOM PAR BYA, DE CHOS NYID RNAM PAR DAG PA'I SNGAGS KYIS 'DAG PA MI DMIGS PAR BYA STE YI GE H'Um BSAM, DE LAS RDO RJE, DE LAS HE RU KA YAB YUM DU BSKYED DO, ,DE NAS RANG GI SNYING GA'I H'Um GI 'OD ZER GYIS SANGS RGYAS DANG BYANG CHUB SEMS DPA' SPYAN DRANGS LA HE RU KA YAB YUM LA BSTIM PAR BYA'O, ,DE NAS YAB YUM SNYOMS PAR ZHUGS PAS 'OD DU ZHU STE BYANG CHUB SEMS SU GNAS PA LA HE RU KA'I SNYING PO'AM, NYE BA'I SNYING PO NYI SHU RTZA GCIG GIS BYIN GYIS BRLABS TE, YANG SNGAGS KYIS GDAB PAR BYA'O, ,S'A TZTSA RE RE LA HE RU KA RE RE BSAMS LA, DE RE RE LAS KYANG HE RU KA MANG PO SPROS LA DE RNAMS KYIS BDAG DANG SEMS CAN THAMS CAD KYI DON RDZOGS PAR BYED PAR BSAM MO, ,RTEN 'BREL GYI SNGAGS BZLAS PAS MJUG BSDU BAR BYA'O, ,DE NAS GRUB NA MCHOD PA RNAM PA LNGA DBUL, MA GRUB NA ME TOG GTOR LA BSKOR BA BYA'O, ,MCHE BA GTZIGS SHING 'JIGS PA CHE, ,SNGAGS KYI ME TOG PHRENG BAS BRGYAN, ,SHA CHEN RAB TU GSOL MDZAD PA, ,HE RU KA LA PHYAG 'TSAL BSTOD, ,DE NAS SMON LAM GDAB, DGE BA'I RTZA BA BSNGO BAR BYA'O, ,BDE MCHOG GI S'A TZTSA'I
LUGS RDZOGS SO,, *, ,DE NAS RAB GNAS RGYAS PA BYED NA, GONG DU BSTAN PA LTAR S'A TZTSA GANG 'GRUB BTAB LA, DE NAS RANG LHA'I RNAL 'BYOR DU SKAD CIG MAS BSGOM, S'A TZTSA DE STONG PA NYID DU BSAM, DE LAS PADMA'I GDAN BSGOM, DE'I STENG DU AA LAS ZLA BA'I DKYIL 'KHOR; DE'I STENG DU H'Um BSAM, DE LAS 'OD 'PHROS PAS SEMS CAN THAMS CAD KYI SGRIB PA SBYANGS NAS, 'OD KYIS SLAR LA 'DUS PAS H'Um LA THIM, H'Um DE YANG 'OD DU ZHU BA LAS DPAL HE RU KA YAB YUM DU GSAL BAR BSGOMS LA, RANG GI SNYING GA'I H'Um GI 'OD KYIS YE SHES KYI HE RU KA YAB YUM SPYAN DRANGS LA BSTIM MO, ,DE NAS DBANG BSKUR LA SPYI BOR MI BSKYOD PA BSGOM MO, ,DE NAS MCHOD PA DANG RGYAN RNAMS DBUL LO, ,HE RU KA'I SNYING PO BZLAS, RTEN 'BREL GYI SNGAGS LAN GSUM BZLAS, DE NAS SMON LAM GDAB BO,, DE NAS DGE BA'I RTZA BA BYANG CHUB TU BSNGO'O, ,S'A TZTSA GTZANG SAR BZHUGS GSOL, AOm SHR'I BADZRA HE HE RU RU KAm H'Um H'Um PHAt, t'A KI NI DZ'A LA SAMBA RA SV'A H'A, AOm HR'I: HA HA H'Um H'Um PHAt, YE DHARM'A HE TU PRA BHA B'A HE TU N'E sh'ANTA TH'A GA TO HYA BA DAT, TE sh'ANYTZA YO NI RO DHA AE WAm B'A D'I MA H'A SHRA MA nA:, S'ATZTSA'I TSEG MA H'A PRADZNY'A RAkshI TAS MDZAD PA LO TZ'A BA BSHES GNYEN PA RIS BSGYUR BA RDZOGS SO,,