, ,RGYA GAR SKAD DU, ,SHR'I TZAKRA SAm BAR GARBHA TATTVA SIDDHI, BOD SKAD DU, ,DPAL 'KHOR LO SNYOM PA'I SNYING PO'I DE KHO NA NYID GRUB PA, DPAL 'KHOR LO SDOM PA LA PHYAG 'TSAL LO, ,GANG DU THABS DANG SHES RAB MNYAM SBYOR BAS, ,KUN RDZOB DON DAM DBYER MED RANG BZHIN CAN, ,BDE DANG STONG PA 'DUS PA'I ROS GANG BA'I, ,GNYUG MA'I YE SHES DE LA BDAG PHYAG 'TSAL, ,GANG ZHIG GOMS PAR GYUR PAS SRID PA YI, ,BTZON RAR DKRIS PA'I 'CHING BA KUN GCOD PA, ,SEMS KYI DAM PA RANG RIG RIN CHEN MCHOG ,GANG LA BRTEN NAS RTOGS PA'I THABS BSHAD BYA, ,DRUG DANG BRGYAD GNYIS BCU PHRAG GNYIS DANG LNGA, ,BZHIN RGYAS MIG YANGS GZUGS MDZES LANG TSO LDAN, ,DAD DANG THOS DANG SNYING RJES YID BRGYAN MA, ,SKYABS SONG SEMS BSKYED YANG DAG DBANG BSKUR BA, ,NYES BRAL DBEN PAR G-YENG BA KUN SPANGS TE, ,KHAMS DANG RJES MTHUN BZA' DANG BTUNG BA DANG, ,DRI ZHIM YID 'ONG RGYAN MDZES SPYOD DGU LDAN, ,GANG DANG THA MAL 'DZIN PA RNAMS SPANGS TE, ,DBANG PO'I GZHU LTAR SNANG BA LHA YI LUS, ,DE LA YI GE DYA NI SNA RTZE DANG, ,BYIN PA MTSAN GYI LTE BAR RNAM DGOD CING, ,LTE BA SNYID GA KHA DANG DPRAL BA RU, ,SNGAGS KYI TSOGS DANG BCAS PAS BYIN GYIS BRLAB, ,'KHYUD DANG 'O BYED SEN MOS 'DEBS PA DANG, ,MCHU 'JIB PA DANG NU MA 'TSIR BA DANG, ,NYED DANG RDE BA DANG SOR MO BSKYOD PA YIS, ,DBANG GNYIS SNYOMS PAR 'JUG PA'I SBYOR BA BYA, ,GANG TSE MNYAM MED RIN CHEN MCHOG LTA BU, ,SEMS KYI DAM PA RANG RIG BDE CHEN
, ,BO; ,GANG DU RTOGS PA DE TSE SROG RTZOL BA, ,BKAG PA'I SBYOR PAS BDE CHEN RO MYANG BYA, ,DNGOS DANG DNGOS MED MTHA' GNYIS RNAM SPANGS SHING, ,STONG DANG SNYING RJE DBYER MED RANG BZHIN CAN, ,DUS GSUM RGYAL BA'I YE SHES BSKYED PA'I RGYU, ,RANG RIG BDE CHEN YE SHES GCIG PU PA, , GNYUG MA'I RANG BZHIN GANG DER MTSON PAR BYA, ,GANG DU MTSON BYA MTSON BYED KYIS MTSON PA, ,RNAM SHES YE SHES NYID DU MTSON PA DANG, ,YE SHES GANG DES SHES BYAR SNANG BA YI, ,'GRO BA MA LUS DE KUN DER MTSON BYA, ,DE TSE DBANG PO'I YUL DU SNANG BA YANG, ,GZUGS SGRA DRI RO REG BYAR GYUR PA YI, ,DNGOS PO 'DI KUN MA LUS BDE CHEN PO, ,GANG DU DE LAS GZHAN PA'I DNGOS MED CING, ,BDE CHEN YE SHES ZHES BYA GCIG PU PA, ,GCIG PU'I NYAMS KYIS DU MAR GAR MDZAD DO, ,GANG GIS RANG GI YE SHES MCHOG BSGOMS PAS, ,SRID PA'I 'CHING BA MA LUS KUN BCAD DE, , BDAG GZHAN NYE BAR 'TSO BA'I 'BYUNG GNAS KYIS, ,MNYAM MED MYA NGAN 'DAS PA'I DBYINGS LA BRTEN, ,DPAL 'KHOR LO SDOM PA'I SNYING PO'I DE KHO NA NYID GRUB PA, SLOB DPON CHEN PO DZ'A LANDHA RAS MDZAD PA RDZOGS SO,,