, ,RGYA GAR SKAD DU, SHR'I BADZRA d'A KA SYA STO TRA DAndA KA N'A MA, BOD SKAD DU, DPAL RDO RJE MKHA' 'GRO'I BSTOD PA RGYUN CHAGS ZHES BYA BA, DPAL 'KHOR LO SDOM PA LA PHYAG 'TSAL LO, ,AUTPALA MDOG SNGON CHAR SPRIN PHRENG BA DRI MED NAM MKHA' SNGON PO'I MCHOG RLUNG CHEN ME CHU SA YI DKYIL 'KHOR STENG DU GNAS PA'I GSER GYI RI BO'I STENG NA PADMA RGYAS PA'I GDAN GNAS DBANG PHYUG MNAN CING DKAR MO'I NU MA GNYIS PO MNYAM BRDZIS ZIL GYIS DBANG PO NYE DBANG NYA MI ZLA BA LA SOGS LHA RNAMS BSNGAGS MDZAD LHA MIN DU MA SKRAG PAR MDZAD CING 'JIG RTEN BSRUNG MDZAD DOGS PA KUN 'PHROGS STAG LPAGS NA BZAS BKAB MDZAD NGAN BSGRAL BRTAN ZHING ZAB PA'I YI GE H'Um DANG PHAt KYI RNAM PA H'A H'A'I NGA RO NAM MKHA' KUN GANG SNA TSOGS RDO RJE ZLA PHYED KYIS MTSAN GTZUG TOR DAM PA GTI MUG MUN BCOM LEGS BAR SGROL BA DUNG CHEN PHRENG BA'I BAR BA'I RDO RJE SGRAR BCAS DRIL BU RAB GSAL DAM PA'I PHYAG RGYA NYE BAR 'KHYUD PA GNYIS MED YE SHES CHAGS PA'I YAN LAG RANG BZHIN BTZUN MO'I GROGS DANG LDAN PA PHYAG GNYIS GLANG CHEN MYOS PA CHEN
PO'I PAGS PA'I NA BZA' BSNAMS PAS BREL ZHING RNAM PAR 'PHRO BA'I DGRA STA MDUD RNO GRI GUG 'BAR BA'I RDO RJE KHA tV'Am GA DANG ZHAGS PA 'PHRO BA TSANGS BA'I MGO DANG CANG TE'U DANG NI THOD PA 'PHRO BA'I PHYAG RNAMS KYIS MDZES SHA DANG TSIL BU CHEN PO GSOL BA BSAM GTAN LDAN PA COD PAN LDAN PA YE SHES LDAN PA BLO NOR LDAN PA BCU DRUG PHYED PHYED ZHAL DANG LDAN PA SPYAN GSUM DAG PAR MDZAD PA MI MGO'I PHRENG BAS BRGYAN PA 'JIGS SU RUNG BA DRAG PO MI BZAD 'KHOR BA'I DGON PA YANG DAG SGROL BA BDUD RNAMS 'JOMS PA RDO RJE SEMS DPA' LA PHYAG 'TSAL,, ,,DE YI RJES SU PHYOGS KYI PADMA'I 'DAB MA BZHIR BZHUGS MKHA' 'GRO CHEN MO L'A MA DUM SKYES GZUGS CAN MA NI YID 'PHROG BYED MA RNAMS DANG LDAN ZHING MTSAMS SU KUN GNAS THOD PAS BSKOR CING DE NAS SKU GSUNG THUGS KYI 'KHOR LOR BZHUGS SHING SA 'OG SA STENG MTHO RIS SPYOD PA DE NYID GSUM LAS KHROS PA DPA' BO DPA' MO'I DBANG PHYUG 'KHOR LO DAM PA 'KHOR LO CAN NI PHYOGS DANG PHYOGS MIN DAG NA GNAS PA'I KHVA GDONG LA SOGS LHA MO BRGYAD KYIS MNGON PAR MCHOD CING RANG GI LHA MOS MNYAM PAR SBYAR BA'I SGEG PA DANG LDAN BDUD KYI SDE RNAMS SNGANGS PAR MDZAD PA RNAM PAR 'PHRO BA SEMS CAN LA NI YANG DAG CHAGS CAN SDANG LA RNAM SDANG KHRO LA KUN KHRO NYON MONGS RNAMS 'JOMS 'CHI BDAG BDUD SOGS KHRAG DRON BTUNG BAS TSIM PA'I THUGS BDE 'JIG RTEN GSUM NA MDZAD PA GCIG BZHUGS SANGS RGYAS MDZAD BRTZON RDO RJE LHA MO'I BDE BA REG PA LAS SKYES PA SBU LANGS PA'I TSOGS KYIS KHYAB PA'I SKU CAN SPYAN GYI RDZI MA G-YO ZHING MGUR GYI SBUBS NAS SID KYI SGRAR BCAS BZHAD CING YID 'ONG PHYAG GI ZHAGS PAS MGUL 'KHYUD NU MA GNYIS RGYAS MKHRANG RTEN LAS BYUNG RDUL GYI THIGS PA'I TSOGS KYIS MCHOD CING NYI MA BYE BA'I 'OD KYI SNANG BAS PHYOGS KYI DKYIL 'KHOR SNA TSOGS KHYAB CING SNYAN CHAS BRGYAN PA ZLA BA GZHON NU PHYED PA'I MCHE BA'I MYU GU LHAM ME DPAL MDZAD BLO MDZAD TSIM PA STER ZHING RGYAS BA STER BA RGYAL SRID STER ZHING DNGOS GRUB STER BA PHUN SUM TSOGS BA THAMS CAD RAB STER 'DREN PA RDO RJE MKHA' 'GRO LA NI RTAG TU 'DUD,, ,,DPE MED THUGS RJE'I NYAMS KYIS 'JUG PA DE BZHIN GSHEGS PA'I BKOD PA MA LUS RNAM
, ,PAR 'PHRO BAS 'KHOR BA'I RGYA MTSO MI BZAD NANG SONG NYON MONGS RBA RLABS 'PHRO BA'I PHRENG BA RNAM PAR 'JOMS MDZAD ME 'BAR STONG PAS LHAG PA'I 'OD 'BAR GLOG 'PHRO'I 'OD GSAL YE SHES PHUNG PO'I 'OD ZER KHYAB PAR YANG DAG BSTAN CING MTHA' YAS DNGOS PO'I RANG BZHIN DNGOS BRAL DNGOS MED NGO BO YANG DAG LAS BYUNG NGO BO KHAMS GSUM RANG BZHIN GZUGS BZANG GZUGS BRAL MA LUS GZUGS BCOM TSANGS PA'I GNAS BZHIS NGES PAR GNAS PA MTSAN GYIS BRGYAN PA DPE BYAD RNAMS KYIS LEGS PAR SPRAS PA CHOS DANG LONGS SPYOD RDZOGS PA SPRUL PA'I SKU GSUM PO YIS KHYAB PA'I SEMS CAN DON GYI PHRIN LAS DE NYID GSUM PA CHAGS LA CHAGS CHE MA RUNGS PA LA ZHE SDANG CHEN PO RMONGS LA RMONGS CHEN 'DED LA 'DOD CHEN BRTZE BA STONG NYID THA DAD MED PA SNGON DANG PHYI MA'I MTHA' NI SPANGS SHING 'JIG RTEN GSUM PO SKAD CIG GIS KHYAB RNAM BAR SHES PA MNGON DU GYUR PA DGA' BA CHEN PO'I TSOGS KYI MCHOG MDZES SBYIN DANG TSUL KHRIMS LA SOGS YONGS DAG PHYI NANG MUN PA MI BZAD BRGAL ZHING 'GRO BA'I MDZAD PA BYED PA 'PHROG BYED 'KHOR BA'I 'JIGS PA YANG DAG SGROL MDZAD NYON MONGS NYON MONGS KUN 'PHROG GZUGS DANG LDAN ZHING GZUGS KUN SDUD MDZAD GDUG PA KUN NAS SKRAG PAR MDZAD CING PHRA MO'I SKU CHEN SPOM PO'I LUS CHEN KHYAB BDAG KHYAB PA RTAG PA SKAD CIG GNAS PA BRTAN PA G-YO BA GSAL BA DPA' BO DPA' MO'I DBANG PHYUG 'JIG RTEN DBANG PHYUG LA NI DNGOS PO KUN GYIS 'DUD,, ,,RO BRGYAS SPRAS SHING RMAD BYUNG 'JIGS RUNGS DU MA'I GZUGS CAN RO PA SREGS ME DRAG MI MGO RAB GTUM RUS PA DUM BU'I TSOGS DANG SKRA SOGS KYIS BRGYAN BSREG BZHIN PA YI YAN LAG MCHOG GI KLAD PA LUG CING RKANG MAR ZHAG 'THOR 'DAM NI 'DRED PA SKRA CHAD PA DANG RGYU MA'I PHRENG BA LANG LONG NAR BA MKHA' 'GRO MA DANG 'BYUNG PO RO LANGS HA HA'I NGA RO MTHON POR SGROGS SHING SGRUB PA PO NI DU MA H'Um YIG GIS BSDIGS RGYU ZHING CE SBYANG PHAt KYI RNAM PA'I KU CO 'DON CING LAG BTEG GAR BYED KENG RUS PHRENG BA 'KHRIGS PA DPA' BO'I BTUNG BA'I SPRO BA LAS BYUNG DGA' BA DANG BCAS GLU SNYAN LEN CING GAR BYED
G-YO ZHING ROL PA RNAL 'BYOR RNAL 'BYOR MA YI DBANG PHYUG TSOGS PA BYA RGOD MCHU YIS GNON CING BCAD PA'I LUS KYI KHRAG GI RGYUN 'DZAG MUN NAG CAN NI CE SBYANG GDONG LAS BYUNG BA'I 'BAR BA DRAG PO ME 'BAR TSOGS CAN BDUD SDE'I TSOGS MED NAG PO DUS CHEN 'KHRIGS PA'I LHA RDZAS DUR KHROD BRGYA DA DU GAR MDZAD BLA MA HE RU KA LA BDAG GIS NGAG RNAMS KYIS NI MNGON PAR MCHOD PA'I BSOD NAMS NAM MKHA'I KHAMS KYI KHONGS KHYAB RAB SKYES 'DI YIS SKYE BA 'DI RNAMS NYON MONGS DRA BA MA LUS SPANGS NAS MNYAM MED BSOD NAMS PHUNG PO BSAGS NAS RAB SKYES DRI MED YE SHES TSOGS NI MNGON GYUR RANG RIG YANG DAG GSAL BA DAM PA'I 'OD KYIS GSAL BYAS SNA TSOGS DU MA'I GA'I MUG MUN NAG MTHA' YAS KUN NAS BSAL BA'I SKAD CIG LA NI RDO RJE MKHA' 'GRO RDZOGS PA'I SANGS RGYAS KUN GYI SKU BZHIN KUN NAS RTAG TU GYUR,, ,,DPAL RDO RJE MKHA' 'GRO'I BSTOD PA RGYUN CHAGS ZHES BYA BA RTOG GE BA'I TSOGS KYI GTZUG GI NOR BU SLOB DPON CHEN PO DPAL LDAN CHOS KYI GRAGS PA'I ZHABS KYIS MDZAD PA RDZOGS SO,, ,,RGYA GAR GYI MKHAN PO MA nI KA SHR'I DZNY'A NA'I ZHAL SNGA NAS CHAG LO TZ'A BA SH'AKYA'I DGE SLONG DPAL GYI MTHA' CAN GYIS BSGYUR CING ZHUS TE GTAN LA PHAB PA, 'DI'I GZHUNG TSAD NI BLA MA'I PHYAG DPE LA TSIG RKANG PA BZHI'I RE RE ZHING YI GE SUM CU RTZA DRUG DU GNAS SHING RKANG PA BZHI KA BSDOMS PAS YI GE STONG SUM BRGYA BZHI BCU RTZA BZHI BZHUGS SO, ,BOD KYI DPE LA NI TSIG RKANG RE RE LA TSEG PAR NYIS BRGYA DGU BCU RTZA LNGA YOD CING, BSDOMS PAS TSEG PAR STONG BRGYA BRGYAD CU YOD DO,,