, ,RGYA GAR SKAD DU, SHR'I TZAKRA SAMBA RA STO TRA:, BOD SKAD DU, DPAL 'KHOR LO SDOM PA'I BSTOD PA, DPAL BDE MCHOG 'KHOR LO LA PHYAG 'TSAL LO, ,ZHE SDANG TSUL GYIS ZHE SDANG 'JOMS MDZAD CING, ,CHOS DBYINGS RNAM DAG YE SHES NGO BO NYID, ,RDO RJE MKHA' 'GRO MA DANG MNYAM PAR SBYOR, ,ZHE SDANG RDO RJE KHYOD LA PHYAG 'TSAL LO, ,H'Um GI RDO RJE LAM BYUNG CHAR SPRIN MDOG ,DGA' BA RNAM DAG DRAG PO'I ZHAL BZHIR SNANG, , GAR GYI NYAMS DGUS GDUL DKA' 'DUL MDZAD PA, ,H'Um MDZAD RDO RJE KHYOD LA PHYAG 'TSAL LO, ,RTEN 'BREL BCU GNYIS DAG PAS SA RNAMS RDZOGS, ,BCU GNYIS PHYAG GIS PHYAG MCHAN SNA TSOGS 'DZIN, ,YUL DANG YUL CAN RNAM RTOG 'JOMS MDZAD PA'I, ,NGO MTSANG MTSON CHA BSNAMS LA PHYAG 'TSAL LO, ,H'Um GI NGA ROS SRID GSUM SKRAG MDZAD CING, ,RNGAM PA'I RKAN SGRA PHAt KYI SGRA SGROGS PAS, ,BDUD DANG BGEGS TSOGS GDUL DKA' MA LUS 'DUL, ,RNAM RTOG BGEGS BDUD 'JOMS LA PHYAG 'TSAL LO, ,SPROS BRAL BDE MCHOG PADMA R'A GA'I MDOG ,STONG NYID 'OD GSAL DUS GSUM BDE GSHEGS BLO, ,RNAM RTOG DRA BA MA LUS 'JOMS MDZAD PA'I, ,DUS GSUM RGYAL BA'I YUM LA PHYAG 'TSAL LO, ,SA CHU ME RLUNG 'BYUNG BA RNAM PAR DAG ,DAG PA'I ZHAL BZHI RIGS KYI YUM DU SNANG, ,DRAN PA NYER GZHAG BZHI YI NGO BO NYID; ,MKHA' 'GRO MA SOGS YUM LA PHYAG 'TSAL LO, ,SEMS KYI RNAM RTOGS BLA'I SRID PA SBYONG, ,ZHE SDANG RNAM DAG THUGS KYI 'KHOR LOR SNANG, ,THOD PA'I DUM BU RAB GTUM MA LA SOGS, ,GNAS DANG NYE GNAS RNAMS LA PHYAG 'TSAL LO, ,GSUNG GI NGA ROS SA STENGS
, ,SRID PA SBYONG, ,'DOD CHAGS RNAM DAG GSUNG GI 'KHOR LOR SNANG, ,MYU GU CAN DANG SA SRUNGS MA LA SOGS, ,ZHING DANG NYE ZHING RNAMS LA PHYAG 'TSAL LO, ,SKU YI ROL PAS SA 'OG SRID PA SBYONG, ,GTI MUG RNAM DAG SKU YI 'KHOR LOR SNANG, ,STOBS PO CHE DANG 'KHOR LO'I SHUGS CAN SOGS, ,'DUS SOGS GNAS LA BZHUGS LA PHYAG 'TSAL LO, ,YANG DAG LAS MTHA' 'TSO BA RTZOL DRAN, ,BDE CHEN DGA' BA MOS DANG GTZO LA PHYOGS, ,GDUG PA'I TSOGS RNAMS MA LUS SRUNG MDZAD PA, ,SGO BZHI MA MOR SNANG LA PHYAG 'TSAL LO; ,BRTZON 'GRUS RNAM NGAG YANG DAG SPONG BA BZHI, ,GSHIN RJE BRTAN MA LA SOGS MA MOR SNANG, ,PHYOGS GNYIS 'DZIN PAS SKU MDOG PHYED GZUGS MA, ,RGYAL BA'I YUM DU BSTAN LA PHYAG 'TSAL LO, ,BDE GSHEGS BRGYAD KYIS BSTAN PA'I SNYING POR BSTAN, ,BDAG MED DKYIL 'KHOR DUR KHROD BRGYAD DU GNAS, ,BYANG CHUB RKYEN DU SHING BRGYAD MNGON DU BYUNG, ,'JIG RTEN CHOS BRGYAD BSREGS LA PHYAG 'TSAL LO, ,DPAL 'KHOR LO SDOM PA'I BSTOD PA, RGYAL PO CHEN PO AINDRA BH'U TIS MDZAD PA RDZOGS SO,,