,,RGYA GAR SKAD DU, A'ARYA shA tA MU KHA N'A MA DH'A RA n'I, BOD SKAD DU, 'PHAGS PA SGO DRUG PA ZHES BYA BA'I GZUNGS, 'JAM DPAL GZHON NUR GYUR PA LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS 'KHOR GYI KHYAMS GNAS GTZANG MA'I STENG NAM MKHA'I DKYIL NA GNAS PA RIN PO CHE SNA BDUN GYIS RAB TU RNAM PAR PHYE BAR SPRAS PA NA BYANG CHUB SEMS DPA'I TSOGS GRANGS MED PA DANG THABS CIG TU BZHUGS TE, DE'I TSE BCOM LDAN 'DAS KYIS BYANG CHUB SEMS DPA' RNAMS LA BKA' STZAL PA, RIGS KYI BU DAG ,KHYED KYIS 'GRO BA THAMS CAD LA PHAN PA DANG BDE BA'I PHYIR SGO DRUG PA ZHES BYA BA'I GZUNGS ZUNGS SHIG ,DE NI, 'DI LTA STE, 'KHOR BA NAS 'KHOR BA'I SKYE GNAS GZHAN DAG TU BDAG GIS SDUG BSNGAL GANG CI MYONG BA DE, SEMS CAN THAMS CAD DANG MNYAM NYID MI SHES PA'I MTSAN NYID DU MA GYUR CIG ,BDAG GIS 'JIG RTEN PA'I PHUN SUM TSOGS PA'I BDE BA GANG CI MYONG BA DE, SEMS CAN THAMS CAD DANG THUN MONG DU YONGS SU SHES PAR BYED PAR SPYOD PAR GYUR CIG ,BDAG GIS SDIG PA MI DGE BA'I
LAS GANG CI BYAS PA DE, SO SOR BSHAGS PA BLA NA MED PAS SO SOR MA BSHAGS PAR MA GYUR CIG ,BDAG GIS BDUD KYI LAS GANG CI BYAS PA DE, YONGS SU BYED PA BLA NA MED PAS YONGS SU MI SHES PAR MA GYUR CIG ,BDAG GIS PHA ROL TU PHYIN PA DANG LDAN PA'I DGE BA'I RTZA BA 'JIG RTEN PA DANG, 'JIG RTEN LAS 'DAS PA'ANG RUNG GANG CI YOD PA DE THAMS CAD BLA NA MED PA'I YE SHES KYI 'BRAS BUR GYUR CIG ,BDAG GI RNAM PAR GROL BA GANG CI YOD PA DES SEMS CAN THAMS CAD RNAM PAR THAR PAR GYUR CIG ,'KHOR BA DANG MYA NGAN LAS 'DAS PA LA GNAS PAR MA GYUR CIG ,TADYA TH'A, AOm KshA ME KshA ME, Ksh'ANTE Ksh'ANTE, DA ME DA ME, D'ANTE D'ANTE, BHA DRE BHA DRE, SU BHA DRE SU BHA DRE, TZANDRE TZANDRE, SU TZANDRE SU TZANDRE, TZANDRA KI RA nE; TZANDRA BA TI, TE DZO BA TI, YA SHO BA TI, DHARMA BA TI, BRA MA BA TI, SARBA KLA SHA BI SHO DHA NI, SARBA AARTHA S'A DHA NI, SARBA AARTHA PRA SHA MA NE, PA RA M'ARTHA S'A DHA NI, K'A YA BI SHO DHA NI; B'A KA BI SHO DHA NI, MA NA: SAm SHO DHA NI SV'AH'A, RIGS KYI BU DAG ,DE LTAR NA, RIGS KYI BU DANG, RIGS KYI BU MO GANG LA ZHIG GIS SGO DRUG PA ZHES BYA BA'I GZUNGS 'DI NYIN LAN GSUM MTSAN LAN GSUM BKLAGS NA, DE'I LAS KYI SGRIB PA THAMS CAD BYANG NAS SKYE BA BDUN GYI BAR DU DE SKYE BA DRAN PAR 'GYUR RO, ,BLA NA MED PA YANG DAG PAR RDZOGS
, ,PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,BCOM LDAN 'DAS DGYES SHING DE SKAD CES BKA' STZAL NAS BYANG CHUB SEMS DPA'I TSOGS DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA SGO DRUG PA ZHES BYA BA'I GZUNGS RDZOGS SO,, ,,