, ,RGYA GAR SKAD DU, YO GA shA dANGGA N'A MA, BOD SKAD DU, RNAL 'BYOR YAN LAG DRUG PA ZHES BYA BA, DPAL RDO RJE 'DZIN PA LA PHYAG 'TSAL LO; ,SO SOR GCOD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN PA TING NGE 'DZIN, ,RNAL 'BYOR YAN LAG DRUG TU GSUNGS, ,MI G-YO BA NI GSUM LDAN GYIS, ,DH'U T'I RA RLUNG BCUD GYUR PA, ,PHYI NANG RTOG 'GAGS RTAGS BYUNG BA, ,SO SOR GCOD PA'I YAN LAG YIN, ,RTAGS RNAMS BRTAN PAR MTHONG 'GYUR LA, ,SHES RAB RTOG DPYOD DGA' BDE DANG, ,RTZE GCIG MI G-YO RTOG MED NI, ,BSAM GTAN GYI NI YAN LAG YIN, ,RLUNG BCUD BU MANG CHUD GYUR PAS, ,'KHOR LO BZHI YI THIG LE'I NANG, ,RLUNG NYID 'GRO 'ONG BYED PA NI, ,SROG RTZOL GYI NI YAN LAG YIN, ,
SROG RLUNG THIG LE'I NANG CHUD PAS, ,RLUNG SEMS BDE CHEN 'KHOR LO YI, ,HAm GI THIG LER ZIN PA NI, ,'DZIN PA YI NI YAN LAG YIN, ,RLUNG SEMS THIG LER ZIN STOBS KYIS, ,GTUM MO'I ME 'OD SNANG BA DANG, ,BDE DROD KHYAD PAR CAN 'BYUNG BA, ,RJES SU DRAN PA'I YAN LAG YIN, ,RTAGS BCU RDZOGS PAR GYUR PA NA, ,THIG LE CHEN PO'I SNANG BA 'BYUNG, ,SNA TSOGS THIG LE CHEN PO LA, ,RE KH'A NAG PO'I RI MO 'BYUNG, ,DE NAS 'GRO DRUG LA SOGS DANG, ,SHIN TU PRA BA'I SPRUL SKU DANG, ,LONGS SKU DU MA MTHONG GYUR PA, ,SNA TSOGS GZUGS BRNYAN 'OD GSAL YIN, ,DE LA SEMS NI THIM PA NA, ,TING 'DZIN YAN LAG MTHAR PHYIN PA'O, ,RNAL 'BYOR YAN LAG DRUG PA ZHES BYA BA, DPAL SHA BA RI DBANG PHYUG GIS PAndI TA MA H'A BI BH'U HI TZANDRA LA GSUNGS PA'O,, ,,DES SGRA RANG 'GYUR DU BSGYUR NAS GSUNGS PA'O,,