, ,RGYA GAR SKAD DU, shA dANGGA YO GA AU PA DE SHA, BOD SKAD DU, YAN LAG DRUG GI SBYOR BA'I MAN NGAG, ,DPAL MAD BDE BA CHEN PO LA PHYAG 'TSAL LO, ,BDE CHEN SKU LA PHYAG 'TSAL LO, ,SBYOR DRUG MAN NGA BSHAD PAR BYA, ,SGRUB PO DBANG BZHI THOB PA YI, ,RDO RJE 'CHANG CHEN SGRUB DON DU, ,DBEN PA'I GNAS SU 'BOL STAN LA, ,YI DAM LTAR GNAS SBYOR DRUG BSGOM, ,DANG PO SO SOR SDUD PA NI, ,MTSAN MO SNGON LA NYIN MO PHYI, ,BU GA MED LA THOG MTHO'I NANG, ,RI RAB BSRANGS LA GLING BZHI BSDU, ,GYEN LA NYI ZLA DAR LCE BSKYOD, ,RDO RJE SPYI PAS RGYA MTSO GZHOM, ,STENG GI RLUNG CHEN THUR LA BRDEG , LUS KYI BYED PA ZHES BYA STE, ,DES NI RLUNG RNAMS NANG DU 'CHING, ,GTZUG TOR CHEN PO'I LTA STANGS BYA, ,LHA YI NGA RGYAL GNAS PA YIS, ,NAM MKHA' ZHEN PAS NAM MKHAR BLTA, ,DU BA LA SOGS RTAGS LNGA 'BYUNG, ,STONG NYID RTOGS PAR 'GYUR BA'O, ,NYIN MO NANG DU NUB SHAR BA BLTA, ,GUNG LA BSGOM PAR MI BYA'O, ,SNGA MA LTAR NI BYED BCINGS PAS, ,PHYI YI MKHA' LA RTOG MED BLTA, ,'BAR BA 'DRA SOGS RTAGS DRUG 'BYUNG, RIG PA MKHA'I LDING LA SOGS RTAGS, ,SO SOR SDUD LA SNYOMS ZHUGS NA, ,SNGAGS RNAMS KUN GYI BYIN GYIS RLOB, ,STONG NYID DE BRTAN BYA BA'I PHYIR, ,BSAM GTAN SNGA MA LTAR NI BSGOM, ,NAM MKHAR MIG LTA STONG NYID BSGOM, ,NGE LA GOMS PAS SHES RAB DANG, ,RTOG DANG DPYOD DANG DGA' BDE 'BYUNG, ,DE RTAG MNGON SHES LNGA 'BYUNG 'GYUR, ,BSAM GTAN LA NI SNYOMS ZHUGS NA, MNGON SHES LNGA'I THOB PAR 'GYUR, ,RIG PA RTZE GCIG SOGS RGYUR 'GYUR, ,DE GNYIS THOG MAR DGE BA STE, ,STONG NYID MTHONG RTEN BYED PA'O, ,STONG LA BDE BA RGYAS GDAB PHYIR, ,SROG DANG RTZOL BAS RLUNG DBANG SDUD, ,BDUD RTZI 'KHYIL BA'I LTA STANGS BYA, ,KUN 'DAR NANG DU DBYUGS BCUG LA, ,RDO RJE'I BZLAS PA BRTZAMS PAR BYA, ,DES NI BDE BA RAB SKYES NA, ,GTUM MO 'BAR BA'I SBYOR BA BYA, , SHIN TU MA SKYES PHYAG RGYAR SBYAR, ,LUS SEMS BDE BA CHEN POR NGES, ,SANGS RGYAS SRAS DANG MKHA' 'GRO MTHONG, ,SKUL DANG LUNG STON 'BYUNG BAR 'GYUR, ,BUM 'JUG LA SOGS DGU RU 'GYUR, ,SOG DANG RTZOL BAS NGES PAR NI, ,BYANG CHUB SEMS SOGS RNAM NI GZIGS, ,DE BRTAN BYA
, ,PHYIR 'DZIN PA BSGOM, ,'KHOR LO BZHI YI LTE BA LA, ,RLUNG SOGS ZA MI DANG BTZUD BSGOM, ,LUS YANG LA SOGS RTAGS 'BYUNG NGO, ,BUM GNAS LA SOGS DGU RU 'GYUR, ,RTAG TU 'DZIN PA'I STOBS KYIS NI, ,RDO RJE SEMS DPA' YANG DAG 'JUG ,DE GNYIS BAR DU DGE BA'O, , BDE STONG DBYER MED BRTAN BYA'I PHYIR, ,RJES SU DRAN PA BSGOM PA NI, ,GNAS BZHIR BRTAN PA'I BDE STONG BSGOM, ,SHIN TU GOMS BYAS SANGS RGYAS KYI, ,LTA BA MI 'PHRO BRTAN PAR GNAS, ,LUS LA 'OD 'PHRO LONGS SPRUL MTHONG, ,RJES DRAN LA NI SNYOMS ZHUGS NA, ,'OD KYI DKYIL 'KHOR 'BYUNG BAR 'GYUR, , RJES MED LA SOGS SKU SHES BYA, ,DE BRTAN BYA PHYIR TING 'DZIN BSGOM, ,BDE STONG DBYED [?] MED DE NYID LA, ,SHIN TU GOMS PAR BYA BA'O, ,THAMS CAD BDE STONG LA SOGS 'BYUNG, ,LHUN GRUB LA SOGS DGU RU 'GYUR, ,TING 'DZIN DBANG SGYUR TZAM GYIS NI, ,SGRIB PA THAMS CAD 'BYANG BAR 'GYUR, ,DE GNYIS THA MAR DGE BA'O, ,DE LA SPYOD PA GOMS PA YIS, ,TSE 'DI NYID DU SANGS RGYAS THOB, ,MA THOB PAR DO'I SBYOR DRUG BSGOM, ,DE NI CHAGS BRAL MAN NGAG STE, ,CHAGS CAN SBYOR DRUG GZHAN DU SHES, ,DE BYAS DGE BAS BDAG DANG GZHAN, ,RDO RJE 'CHANG CHEN GNAS THOB SHOG ,SBYOR BA YAN LAG DRUG GI MAN NGAG TZE LU PAS MDZAD BA RDZOGS SO,, ,,PAndI TAS MANTA SHR'I DANG, LO TZ'A BA RVA CHOS RAB KYIS BSGYUR BA'O,,