, ,RGYA GAR SKAD DU, TRI DZO GI HRi DA BY'A K'A SHA N'A MA, BOD SKAD DU, RNAL 'BYOR GSUM GYI SNYING PO GSAL BA ZHES BYA BA, 'JAM PA'I DBYANGS LA PHYAG 'TSAL LO, ,AOm GYIS SNANG BA LAM DU NGES, ,RDO RJE SEMS LA PHYAG 'TSAL NAS, ,SBYANGS PA RAB TU GYUR PA'I LAM, ,PHYAG RGYA CHEN PO BSGOM PAR BSHAD, ,DBANG GIS SMIN BYAS DAM TSIG LDAN, ,DE LA RNAL 'BYOR GSUM BSTAN TE, ,GZHAN LA NAM YANG MA YIN NO, ,BYIN GYIS BRLAB DANG RTOG PA BSGOM, ,RANG BZHIN RNAL 'BYOR GSUM DU NGES, ,'CHI BA'I RTAGS NYID SHES BYAS NAS, ,SROG GI THIG LER NGES PAR GZHUG, ,SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN DANG TING NGE 'DZIN, ,RNAL 'BYOR YAN LAG DRUG CES BYA, ,MTSAN MO GSENG MED KHYIM DU NI, ,SHIN TU MNYAM GZHAG SGRUB PA POS, ,BYED PA LNGA LA BCING BA GNYIS, ,BLA MA'I ZHAL LAS SHES PAR BYA, ,YOD DANG MED PA LAS 'DAS PA'I, ,DU BA SMIG RGYU SRIN ME KHYER, ,MAR ME SEMS KYIS NAM MKHAR MTHONG, ,GZHON NU MA YIS SNGA LAS NI, ,LKOG TU GYUR PA'I RKUN MA MTHONG, ,NYI TSE BA YI MIG GIS NI, ,SGRUB PA PO YI SONG NAS MTHONG, ,CHU 'DZIN DANG NI
BRAL BA YI, ,NAM MKHA' DANGS PAR GYUR PA LA, ,SNGA DRO NYI MA RGYAB PHYOGS TE, ,PHYI DRO YANG NA DE BZHIN NO, ,NYI PHYED MIG LA GNOD PHYIR SPANG, ,NAM MKHA' LAS BYUNG RANG BYUNG BA, ,SHES RAB YE SHES ME BO CHE, ,'OD CHEN RNAM PAR SNANG BAR BYED, ,YE SHES SNANG BA LAM ME BA, ,'GRO BA'I MAR ME YE SHES SGRON, ,GZI BRJID CHEN PO 'OD GSAL BA, ,SNGAGS MCHOG SNGAGS BDAG RIG SNGAGS RGYAL, ,GSANG SNGAGS RGYAL PO DON CHEN BYED, ,JI SRID THIG LE'I NANG DU NI, ,RI MO NAG PO SKRA YI TSAD, ,DE MTHONG 'OD GSAL GO 'PHANG NI, ,RNAL 'BYOR BA YIS THOB PA YI, ,SO SOR SDUD PA SNYOMS 'JUG PAS, ,SNGAGS RNAMS THAMS CAD BYIN GYIS BRLAB, ,SHES RAB RTOG DANG DPYOD PA DANG, ,DGA' DANG BDE BA MI G-YO BA, ,BSAM GTAN YAN LAG LNGA BRTAN PAS, ,MNGON SHES LNGA THOB MI BDAG KYE, , BAR MA DBUGS 'BYUNG MCHOG YIN TE, ,BSHAD GCI DANG NI ZLA NYI YI, ,RTZA BZHI DANG NI YANG DAG LDAN, ,YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,SANGS RGYAS LNGA YIS BYIN GYIS BRLABS, ,SROG DANG RTZOL BA ZHES BYAR BSHAD, ,RTAG TU 'DZIN PA'I STOBS KYIS NI, ,RDO RJE SEMS DPA' YANG DAG 'JUG, ,LTE BAR GTUM MO SBAR BA YIS, ,DE BZHIN GSHEGS PA LNGA BSREGS TE, ,SPYAN LA SOGS PA YANG BSREGS NAS, HAm BSREGS PA LAS ZLA RGYUN 'BAB, ,DAM TSIG SEMS DPA' SPYOD YUL CAN, ,SKU MTHONG NAS NI NYIN RE YIS, ,DUS SU SROG GI RLUNG DAG NI, ,RNAL 'BYOR THAR PA 'DOD PA YIS, ,BUM PA SBYOR BAS DGANG BAR BYA, ,JI SRID DU NI 'KHOR BZHIN MA, ,RANG GI LUS LA YONGS BSKOR BA, ,'OD ZER 'KHOR LO MTHONG 'GYUR TE, ,SNGON GSUNGS SKU LA RANG GI YIN, ,DES NI ZLA DRUG REG SPANGS BDE, ,CHU NYI LTA BUR RAB SNANG BAR, ,DRI MA MED PAR SNA TSOGS MDOG ,RNAM PA KUN DU RANG GI SEMS, ,RANG GI SEMS NYID BDE BA NYID, ,TING 'DZIN BDE CHEN RNAL 'BYOR LA, ,SPYAN LNGA MNGON SHES DRUG 'BYUNG STE, ,CHU SRIN LA SOGS
, ,KHYIM RNAMS SU, ,MA RIG LA SOGS LUGS BZLOG PAS, ,SA NI BCU GNYIS THOB 'GYUR TE, ,RTOG PA MED PA'I CHOS CAN LA, ,SKAD CIG GCIG LA MNGON SANGS RGYAS, ,RDO RJE NYI MA SNANG BA CHE, ,RDO RJE ZLA BA DRI MED 'OD, ,SA RNAMS YONGS SU RDZOGS PA YI, DNGOS PO GNYIS SU RAB BSTAN TE, YE SHES YOD PA DES NA DE, ,SKYOB PA YE SHES CAN DU BRJOD, ,DMIGS PA MED PA SNYING RJE YIS, ,SGYU 'PHRUL DRA BAS BYANG CHUB, ,YID BZHIN NOR BU LTA BU NI, ,MTHA' YAS SEMS CAN RE SKOR BA'I, ,SEMS CAN SGROL BA'I BDE BA CHE, ,'DZAG PA'I 'DOD CHAGS SEL BAR BYED, ,'GRO DRUG SDUG BSNGAL SEL BYED PA'I, ,LAM MCHOG TSOL DANG PHRAD PAR SHOG, ,RNAL 'BYOR GSUM GYI SNYING PO GSAL BA ZHES BYA BA, BYANG CHUB SEMS DPA' 'JAM DPAL RGYAL PO GRAGS PAR GDUL BYA LA DGONGS NAS SKYE BA BA ZHES NAS MDZAD PA RDZOGS SO,, ,,PAndI TA SO MA N'A THA DANG, LO TZ'A BA 'BRO SHES RAB GRAGS KYIS BSGYUR PA'O,,