, ,RGYA GAR SKAD DU, DZNY'ANA TZAKshU S'A DHA NA N'A MA, BOD SKAD DU, YE SHES SPYAN SGRUB PA ZHES BYA BA, DPAL RDO RJE SEMS DPA' LA PHYAG 'TSAL LO, ,SKU GSUM YON TAN PHRIN LAS RAB RDZOGS PA'I, ,SPYAN LNGA SGRIB MED 'GRO BA'I DON MDZAD PA, ,DPAL LDAN LHA YI SKU LA PHYAG 'TSAL LO, , DPAL LDAN DUS 'KHOR DAM PA DANG PO LAS, ,MKHA' 'GRO RAB GSANG SPYAN LNGA RAB SGRUB PA, ,SGRIB PA DANG BRAL GSAL BAR BDAG GIS BRI, ,DUR KHROD SHIN TU BLA GAB CAN YID 'ONG, ,PHYI NANG GSANG BA'I MCHOD PAS RAB MCHOD NAS, ,KHRUS BYAS GDAN GNAS TSANGS PA'I GNAS BZHI LDAN, ,SKYIL KRUNG BCAS NAS DBANG PO RNAM PAR PHYE, ,THUB PA'I LTA BAS RNAM PAR BLTAS PA NI, ,SMIG RGYU DU BA ME KHYER MAR ME MKHA', ,ZLA NYI R'A HU LA DANG GLOG LTAR SNANG, ,THOGS MED SNANG BA LA SOGS GANG YANG 'BYUNG, ,BRJOD KYIS MI LANG SHA
, ,YI SPYAN GYI SA MTHONG, ,SROG RTZOL SBYOR BAS GZUNG DANG 'DZIN PA SBYANG, ,RDO RJE GTZUG TOR LTA STANGS LUS GNAD LDAN, ,NAM MKHA' SEMS CAN MIG GI 'DZUM PA YI, ,RDO RJE'I LAM DU ZHUGS PA NAM MKHA' LAS, ,DU BA SMIG RGYU SRIN BU ME KHYER DANG, ,MAR ME 'BAR DANG ZLA BA NYI MA DANG, ,R'A HU LA DANG GLOG DANG THIG LER SNANG, ,SNYIGS MA SNANG BA RAB TU 'BYUNG BA YIN, ,GNAS SHING MKHA' YI SBYOR BA YIS, ,DKAR DANG SER DANG DMAR DANG LJANG, ,MTHING GA SANGS RGYAS 'OD RNAMS 'CHAR, ,'ONG CHEN RNAM PAR SNANG BAR BYED, ,'OD KOR 'OG MIN ZHING YANG MTHONG, ,GZUGS BRNYAN GNYIS KYI SBYOR BA YIS, ,DE NANG GZUGS BRNYAN YUL MED PA, ,LONGS SPYOD RDZOGS SKU DU MA MTHONG, ,RDZOGS PA'I SANGS RGYAS LAM ME BA, ,LHA YI SPYAN GYIS RNAM PAR MTHONG, ,YE SHES MIG GCIG DRI MA MED, ,BCOM LDAN 'DAS KYIS 'DUS PA LAS, ,SROG STZOL SBYOR BAS 'DZIN PA SBYANG, ,BRTAN 'GYUR RDO RJE'I LAM NAS NI, ,NAM MKHA'I KHAMS SU SPRO BAR BYA, ,MNGON SHES LNGA NI THOB PAR 'GYUR, ,'OD KYI DKYIL 'KHOR 'CHAR BAR 'GYUR, ,DH'U T'I'I NANG DU 'OD GSAL GZUNG, ,RTOG MED SEMS KYI DE NYID SHES, ,RDO RJE LUS KYI DE NYID MTHONG, ,GSANG SNGAGS CHOS LA MKHAS PAR 'GYUR, ,SROG RTZOL SGO RU 'OD GSAL GZUNG, ,RGYU BA RLUNG GI DE NYID SHES, ,RLUNG LNGA'I KHA DOG MTHONG BAR 'GYUR, ,ZHI RGYAS LAS RNAMS DBANG DU 'DU, ,SNANG BA'I STENG DU 'OD GSAL GZUNG; ,PHRA BA 'OD LA BRTEN NAS NI, ,RAGS PA'I 'OD CHEN NGO SPRAD PAS, ,RTOG MED 'DI LA SRID 'DAS SNANG, ,KUN RDZOB RGYU DANG 'BRAS BU'I CHOS, ,CHOS KYI SPYAN GYIS MTHONG BAR 'GYUR, ,'GRO BA'I MAR ME YE SHES SGRON, ,SGRIB PA MED PA CHOS KYI SPYAN, ,SPYI DANG RANG GI MTSAN NYID SHES, ,SHES RAB SPYAN GYIS RNAM PAR THOB, ,DES NI SANGS RGYAS SPYAN BSGRUB STE, ,SROG DANG RTZOL BA LA BRTEN NAS, ,RTOG MED CHOS SKU MTHONG BAR 'GYUR, ,RDO RJE'I SBYOR BAS LONGS SKU MTHONG, ,GNYIS MED SNANG DAG SBRUL SKU MTHONG, ,RTOG MED GSAL BAS ME LONG YE
SHES DANG, ,RTOG MED DANG LAS 'OD RNAMS SO SOR RTOG ,SNA TSOGS STONG SNANG MNYAM NYID YE SHES SO, ,RNAM PAR DAG PAS BYA GRUB YE SHES TE, ,MA SKYES CHOS SHES CHOS DBYINGS YE SHES SO, ,YE SHES LNGA MTHONG SANGS RGYAS KUN DANG MNYAM, ,RANG BZHIN LHUN GRUB SANGS RGYAS NI, ,MDOR NA PHUNG PO DRUG RNAMS NI, ,SANGS RGYAS DRUG TU RAB TU GRAGS, ,RDO RJE'I SKYE MCHED NYID DAG KYANG, ,DKAR DANGS SGROL MA ZHES SOGS PA, ,ME DANG RLUNG SOGS RAB TU GRAGS, ,PHYI NANG GSANG BA'I DKYIL 'KHOR GYI, ,SANGS RGYAS BDE CHEN ZHING KHAMS GNAS, , DE LA BCOM LDAN DAM BCAS PA, ,BSAM PA THAMS CAD YONGS SPANGS NAS, ,ZHAG GCIG YONGS SU BRTAG PAR BYA, ,GAL TE YID CHES MA BYUNG NA, ,DE TSE DE TSIG BDAG GIS BRDZUN, ,SNYAN BRGYUD LAG LEN LDAN BA GCES, ,SKYE BA BSKYED PA'I RIM PA LAS, ,'CHI BA RDZOGS PA'I RIM PA 'JUG ,'BYUNG BA RIM PAR THIM PA LAS, ,PHYI RU STOBS THIM NANG DU NUS THIM NA, ,'OD LNGA SPYAN LA SOGS PA'I BSU BA 'BYUNG, ,RIGS LNGA SNYOMS 'JUG YE SHES NGO BO GZUNG, ,'OD GSAL CHOS SKU'I NGO BO SANGS RGYAS 'BYUNG, ,'CHI BA ZHES BYA RNAM RTOG STE, ,MKHA' SPYOD GNAS SU KHRID PA'O, ,'CHI BA 'OD GSAL CHOS SKU LAS, ,BAR DOR LONGS SPYOD RDZOGS SKU 'CHAR, ,SNANG BA MCHED DANG THOB PA LAS, ,SNGAR GZUGS SRID PA'I SHA GZUGS CAN, ,DBANG PO KUN TSANG THOGS MED 'GRO, ,LAS KYI RDZU 'PHRUL BSAM MI KHYAB, ,'JIGS PA'I SGRA BZHI YA NGA'I G-YANG SA GSUM, ,THIG LE MI BRTAN BZHIN DU SNANG BAR 'GYUR, ,SNYIGS MA NYAMS PAS 'KHRUL SNANG SGRA RU LDANG, ,'OD LNGA NYAMS PAS RIGS DRUG GNAS SU SKYE, ,SNANG BA LA SOGS CHOS KYI SKU RU SHES, ,'KHRUL PA'I SNANG BA RANG GI MDANGS SU SHES, , 'JIGS SKRAG MED SHES SKYES BU LAS ZIN 'DRA, ,SPROS BRAL MKHA' MTSUNGS CHOS SKU PHA LAS SKYES, ,DANGS MA'I 'OD LAS LONGS SKU ZHAL YANG MTHONG, ,NYON MONGS LNGA DAG YE SHES LNGA RU SHAR, ,ZAG MED BDE BA NAM MKHAR MI SHONG NGO, ,SKYE BA SPRUL PA'I SKU RU MNGON SANGS
, ,RGYAS; ,THABS DANG SHES RAB GNYIS DANG SKU GSUNG THUGS, ,SA BCU BGROD NAS GSANG BA'I SGO NAS NI, ,BYON NAS 'GRO BA'I DON NI BYED PAR 'GYUR, ,DUS 'KHOR SHES KYANG GDAMS PA 'DI MI LDAN, ,NGAL BA DON MED SANGS RGYAS 'BRAS MI 'BYUNG, ,PHYI RTZIS GSAL YANG SNYING PO'I DON MI GSAL, ,DE BAS SKAL LDAN 'GRO KUN PHAN PHYIR BRIS, ,DUS KYI 'KHOR LO'I GDAMS PA DAM PA DANG PO LAS SPYAN LNGA SGRUB PA'I THABS SLOB DPON DUS ZHABS KYIS MDZAD PA RDZOGS SO,, ,,DUS ZHABS KYIS THUGS RJE CHEN PO LA SOGS PA RIG GSUM MGON PO LA GSAN NO, ,DES YE SHES KYI MKHA' 'GRO S'U RYA DHARMMA LA, DES RATNA SHRA'I BHA DRA LA, DES SH'AKYA SHR'I BHA DRA LA, ,DES RGYA GAR SHAR PHYOGS DZ'A GA DHA LA'I PAndI TA MA H'A BI BH'U TI TZANDRAS SGRA RANG 'GYUR DU MDZAD NAS BSGYUR BA'O,,