RGYA GAR SKAD DU, A'ARYA SA M'A DHI AA GRA AUTTA MA, BOD SKAD DU, 'PHAGS PA TING NGE 'DZIN MCHOG DAM PA, BAM PO GCIG GO ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA DGE SLONG CHEN PO'I DGE 'DUN SUM KHRI DANG, BYANG CHUB SEMS DPA' SKYES BU CHEN PO LNGA STONG TZAM DANG, LHA DANG, KLU LA SOGS PA SDE BRGYAD DANG, LHA DANG, MI LA SOGS PA 'KHOR MANG PO DANG THABS CIG TU BZHUGS SO, ,DE MA YIN PA GZHAN YANG PHYOGS BZHI'I MGON PO BZHI DANG, SRIN PO DANG, YI DVAGS LA SOGS PA SDE
[?] 'ANG 'KHOR DER 'DUS PAR GYUR TO, ,DE'I TSE NA BCOM LDAN 'DAS 'OD ZER GYI TING NGE 'DZIN DU BZHUGS NAS CANG MA GSUNG ZHING BZHUGS PA LAS 'KHOR MANG PO RNAMS THE TSOM DU GYUR TO; ;DE NAS BYANG CHUB SEMS DPA' 'JAM DPAL GZHON NU CHOS KYI RGYAL BU 'DUG PA LAS LANGS TE SANGS RGYAS LA LAN GSUM BSKOR BA BYAS NAS TSIGS SU BCAD PA 'DI DAG GIS MNGON PAR BSTOD DO, ,SHIN TU LEGS SO CHOS KYI RJE, ,TING NGE 'DZIN LA ZHI BAR BZHUGS, ,'KHOR GYI DKYIL 'KHOR MANG PO RNAMS, ,THAMS CAD THE TSOM SKYES PAR GYUR, ,SHIN TU LEGS SO NYI ZLA'I 'OD, ,CANG MI GSUNG BAR SNANG MI MDZAD, ,SHIN TU LEGS SO RIN CHEN GTER, ,DBUL PHONGS RNAMS LA SBYIN MI MDZAD, ,SHIN TU LEGS SO MI YI RGYAL, ,TING NGE 'DZIN LAS BZHENGS SU GSOL, ,SHIN TU LEGS SO KLU YI RGYAL, ,BDUD RTZI'I CHAR PA DBAB TU GSOL, ,SHIN TU LEGS SO LHA YI MCHOG ,MYUR DU CHOS RNAMS BSTAN DU GSOL, , SHIN TU LEGS SO SEMS CAN LA, ,THEG PA GCIG DON BSTAN DU GSOL, ,DE NAS BCOM LDAN 'DAS TING NGE 'DZIN DE LAS BZHENGS NAS 'KHOR MANG PO RNAMS LA 'DI SKAD CES BKA' STZAL TO, ,NGA LA RIN PO CHE BLA NA MED PA'I YE SHES MANG DU YOD PA KHYOD LA PHAN PA DANG BDE BAR MDZAD CING DBUL PHONGS PA DANG BRAL BAR BYA BA YOD KYI, THE TSOM MA BYED PAR CI
, ,DANG CI 'DOD PA DRIS SHIG ,DE NAS DGA' BO STAN LAS LANGS TE SANGS RGYAS LA 'DI SKAD CES GSOL TO, ,BCOM LDAN 'DAS, BDAG GIS NI, MANG DU THOS PAS BLA NA MED PA'I BYANG CHUB MYUR DU 'THOB SNYAM NA, MDO SDE DAG LAS BSHAD PA THOS PA LTAR NA MANG DU THOS SHING SHES RAB RNO BA'I DBANG PO DANG LDAN PA NI, BYANG CHUB THOB PA SHIN TU DKA' STE, BGEGS BRGYAD DU SKYE'O, ,ZHES 'BYUNG NA, BDAG GIS JI LTAR BLA NA MED PA'I BYANG CHUB THOB PAR 'GYUR, BCOM LDAN 'DAS KYIS DGA' BO LA BKA' STZAL PA, DGA' BO; MANG DU THOS PA LA SEMS RNAM PA GNYIS TE, GANG ZHE NA, TING NGE 'DZIN GYI SEMS DANG, 'KHRUL PA'I SEMS SO, ,SEMS TING NGE 'DZIN LA GNAS NA NI, MANG DU THOS PAS KYANG GNOD PA MED DO, ,SEMS 'KHRUL PA LA GNAS NA NI, MANG DU THOS PAS KYANG PHAN PA MED DE, GANG GIS TING NGE 'DZIN DANG, SHES RAB DANG SHIN TU LDAN NA, MYUR DU BLA NA MED PA'I BYANG CHUB THOB PAR 'GYUR RO, ,DGA' BOS GSOL PA, BCOM LDAN 'DAS, CI'I SLAD DU MDO KUN LAS TING NGE 'DZIN DANG, SHES RAB NI, MCHOG DAM PA'O, ,ZHES BSTOD, BCOM LDAN 'DAS KYIS DGA' BO LA BKA' STZAL PA, DGA' BO, TING NGE 'DZIN DANG, SHES RAB TU LDAN PA NI, DPER NA, RI DVAGS KYI NANG NA SENGGE MCHOG TU GYUR PA DANG, SNANG BA
THAMS CAD KYI NANG NA NYI MA MCHOG TU GYUR PA DANG, RI'I NANG NA RI RAB LHUN PO MCHOG TU GYUR PA LTA BU'O, ,DE'ANG CI'I PHYIR ZHE NA, TING NGE 'DZIN DANG, SHES RAB TU LDAN PA'I SHUGS NI, MCHOG DAM PA YIN PA'I PHYIR RO, ,BCOM LDAN 'DAS KYIS DGA' BO LA BKA' STZAL PA, DGA' BO, GAL TE MI ZHIG GIS SHING TZANDAN LAS STONG GSUM GYI STONG CHEN PO'I 'JIG RTEN GYI KHAMS GANG BA'I GTZUG LAG KHANG BRTZIGS PA DANG, MI GZHAN ZHIG GIS RIN PO CHE SNA BDUN LAS STONG GSUM GYI STONG CHEN PO'I 'JIG RTEN GYI KHAMS GANG BA'I GTZUG LAG KHANG BYAS NA; MI DE GNYIS KYI BSOD NAMS MNYAM PA YIN NAM, DGA' BOS GSOL PA, MI DE GNYIS KYI NANG NA RIN PO CHE SNA BDUN LAS BGYIS PA'I BSOD NAMS MCHOG GO ,SANGS RGYAS KYIS DGA' BO LA BKA' STZAL PA, GZHAN YANG MI ZHIG GIS GSER THA MAL PA LAS STONG GSUM GYI STONG CHEN PO'I 'JIG RTEN GYI KHAMS GANG BA'I GTZUG LAG KHANG BYAS PA DANG, MI GZHAN ZHIG GIS GSER BTZO MA LAS STONG GSUM GYI STONG CHEN PO'I 'JIG RTEN GYI KHAMS GANG BA'I GTZUG LAG KHANG BYAS NA, DE GNYIS KYI BSOD NAMS MNYAM PA YIN NAM, DGA' BOS GSOL PA, GSER BTZO MA LAS BYAS PA'I BSOD NAMS RAB TU CHE'O, ,SANGS RGYAS KYIS DGA' BO LA BKA' STZAL PA, GAL TE MI ZHIG GIS SHING TZANDAN DANG, SPOS KYI SHING GZHAN DAG LAS STONG
, ,GSUM GYI STONG CHEN PO'I 'JIG RTEN GYI KHAMS GANG BA'I SKU GZUGS BYAS TE MCHOD PA BYED CING PHYAG 'TSAL BA DANG, MI GZHAN ZHIG GIS GSER BTZO MA DANG, RIN PO CHE SNA BDUN LAS STONG GSUM GYI STONG CHEN PO'I 'JIG RTEN GYI KHAMS GANG BA'I SKU GZUGS BYAS TE MCHOD PA BYED CING PHYAG 'TSAL NA, MI DE GNYIS KYI BSOD NAMS LA KHYAD PAR YOD DAM, DGA' BOS GSOL PA, RIN PO CHE SNA BDUN DANG, GSER BTZO MA LAS SKU GZUGS BGYIS PA'I BSOD NAMS CHE'O, ,SANGS RGYAS KYIS DGA' BO LA BKA' STZAL PA; GAL TE MI ZHIG GIS SBYIN PA CHEN PO'I SEMS BSKYED DE RIN PO CHE SNA BDUN GYI BANG MDZOD DANG, CHUNG MA DANG, BU SBYIN PA BYIN PA DANG, MI GZHAN ZHIG GIS YAN LAG GI DAM PA MGO DANG, MIG DANG, LUS DANG, RNYED DKA' BA'I RIN PO CHE SNA BDUN GYI BANG MDZOD KYI SBYIN PA BYIN NA, MI DE GNYIS KYI BSOD NAMS LA KHYAD PAR CI YOD, DGA' BOS GSOL PA; RIN PO CHE SNA BDUN DANG, LUS DANG, CHUNG MA DANG, BUR BCAS PA'I SBYIN PA'I BSOD NAMS CHE BA LAGS SO, ,SANGS RGYAS KYIS DGA' BO LA BKA' STZAL PA, GAL TE MI ZHIG GIS MDO SDE BCU GNYIS STONG GSUM GYI STONG CHEN PO'I 'JIG RTEN GYI KHAMS GANG BA'I MI RNAMS LA 'JIG RTEN DU SPEL TE KLOG CING KHA TON BYED DU 'JUG PA DANG, DE LA MI ZHIG
GIS STONG GSUM GYI STONG CHEN PO'I 'JIG RTEN GYI KHAMS GANG BA'I MI RNAMS YI GE BZHIN DU 'DON CING YI GE DANG DON STONG CING KHONG DU CHUD NA, MI DE GNYIS KYI BSOD NAMS GANG CHE, DGA' BOS GSOL PA, YI GE BZHIN DU 'DON CING KHONG DU CHUD PA'I BSOD NAMS CHE'O, ,SANGS RGYAS KYIS DGA' BO LA BKA' STZAL PA, GAL TE MI ZHIG GIS MDO SDE BCU GNYIS KYANG THOGS PA MED PAR KHA TON DU SHES LA DON ZAB MO MI SHES PAR MDO SDE GLEGS BAM YANG STONG GSUM GYI STONG CHEN PO'I 'JIG RTEN GYI KHAMS GANG BA TZAM 'CHANG BA DANG, DE LA MI ZHIG MDO SDE BCU GNYIS KYANG BYANG BAR KHA TON SHES LA DON ZAB MO'ANG RTOGS TE, MDO SDE'I GLEGS BAM YANG STONG GSUM GYI STONG CHEN PO'I 'JIG RTEN GYI KHAMS GANG BA TZAM 'CHANG NA; MI DE GNYIS KYI BSOD NAMS GANG MCHOG TU GYUR PA YIN, DGA' BOS GSOL PA, KHA TON BGYIS LA DON YANG RTOGS TE, GZHAN LA'ANG STON CING 'CHAD PA'I BSOD NAMS MCHOG TU GYUR PA LAGS SO, ,SANGS RGYAS KYIS DGA' BO LA BKA' STZAL PA, GAL TE MI ZHIG GIS MDO SDE BCU GNYIS 'GREL CING 'CHAD LA, SBYIN PA DANG, TSUL KHRIMS DANG, BZOD PA DANG, BYAMS PA DANG, SNYING RJE DANG, DGA' BA DANG, BTANG SNYOMS MI SPYOD PA DANG, GAL TE MI ZHIG GIS MDO SDE BCU GNYIS KYANG 'GREL CING 'CHAD LA, SBYIN PA DANG,
, ,TSUL KHRIMS DANG, BZOD PA DANG, BYAMS PA DANG, SNYING RJE DANG, DGA' BA DANG, BTANG SNYOMS KYANG RGYA CHER SPYOD, SEMS CAN RNAMS LA BU GCIG PA DANG 'DRA BAR SEMS SNYOMS NA, MI DE GNYIS BSOD NAMS GANG CHE BA YIN, DGA' BOS GSOL PA, BYAMS PA DANG, SNYING RJE DANG, DGA' BA DANG, BTANG SNYOMS DANG, TSUL KHRIMS DANG, BZOD PA SPYOD CING SEMS CAN LA SBYIN PA BYIN PA'I BSOD NAMS CHE ZHING MANG BA LAGS SO, ,BCOM LDAN 'DAS KYIS DGA' BO LA BKA' STZAL PA, GAL TE MI ZHIG GIS MDO SDE BCU GNYIS KYANG 'GREL CING 'CHAD SHES LA BSTAN BCOS 'U TA BCO LNGA YANG BYANG BAR 'CHAD SHES TE 'JIG RTEN DU SPEL BA DANG, DE LA MI ZHIG GIS MDO SDE BCU GNYIS KYANG 'GREL CING 'CHAD SHES LA, BKRI BA'I BSTAN BCOS DANG, NGES PA'I BSTAN BCOS DANG, PHUNG PO LNGA'I BSTAN BCOS DANG, RTEN CING 'BREL PAR 'BYUNG BA BCU GNYIS KYI BSTAN BCOS DANG, KHAMS BCO BRGYAD KYI BSTAN BCOS DANG, STONG PA CHEN PO'I BSTAN BCOS DANG, NYI ZLA'I BSTAN BCOS DANG, ZLA BA SBRIN GYI BSTAN BCOS DANG, MDO SDE RGYAN GYI BSTAN BCOS DANG, DON DAM PA NYID KYI BSTAN BCOS DANG, RDO RJE SNYING PO'I BSTAN BCOS DANG, RNAM PA THAMS CAD MKHYEN PA'I BSTAN BCOS DANG, RNAM PAR THAR PA'I
SGO GSUM GYI BSTAN BCOS LA SOGS PA BSTAN BCOS 'U TA BCO LNGA'ANG SHES LA, SBYIN BA DANG, TSUL KHRIMS DANG, BZOD PA DANG, BYAMS PA DANG, SNYING RJE DANG, DGA' BA DANG, BTANG SNYOMS KYANG SPYOD DE, TSUL KHRIMS 'CHAL PA DANG, TSUL KHRIMS SRUNG BA DANG, SEMS GNYIS SU MED CING NAM MKHA' LTAR MNYAM PA DANG, SEMS CAN GYI SKYON THAMS CAD MI MTHONG ZHING SEMS CAN RNAMS LA BU GCIG PA DANG 'DRA BAR SNYOMS TE DGRA SDANG BA LA'ANG NAM MKHA' LTAR MNYAM PA DANG, DE LA MI ZHIG GIS PHYOGS SU RGYAS PA'I MDO SDE BCU GNYIS LA SKUR PA MI 'DE BAS NA, MI DE GNYIS KYI BSOD NAMS GANG CHE BA YIN, DGA' BOS GSOL BA, PHYOGS SU RGYAS PA'I MDO SDE BCU GNYIS LA SKUR BA MA BTAB NA, MI DE'I BSOD NAMS TSAD MA MCHIS GRANGS MA MCHIS TE, BSAM GYIS MI KHYAB PA LAGS SO, ,BCOM LDAN 'DAS KYIS DGA' BO LA BKA' STZAL PA, GZHAN YANG MI ZHIG GI GONG DU SMRAS PA'I BSOD NAMS THAMS CAD KYANG STONG GSUM GYI STONG CHEN PO'I 'JIG RTEN GYI KHAMS GANG BAR BYED NUS LA MDO SDE BCU GNYIS DANG, BSTAN BCOS 'U TA BCO LNGA SNYED KYANG KHA TON DANG 'GREL CING 'CHAD NUS TE, TSUL KHRIMS DANG, BZOD PA DANG, BYAMS PA LA SOGS PA'ANG SPYOD, SBYIN PA'ANG BYED DE, MANG DU THOS PA'I MCHOG TU'ANG GYUR LA CHOS THAMS CAD STONG ZHING ZHI BA'I DON YANG STON TE, NYAN
, ,PA'I MNGON BAR SHES PA LNGA THOB PAR BYED DE, DE LTAR PHAN PA DANG DE BA'I DON BYAS KYANG DES NI, MI ZHIG NYIN GCIG GAM, MTSAN GCIG TING NGE 'DZIN DU ZHUGS PA TZAM DU MI PHOD DO, ,DE CI'I PHYIR ZHE NA, MANG DU THOS PA'I GANG ZAG NI, RI'AM RGYA MTSO LTAR NGA RGYAL GYI SEMS CHE'O, ,DE LTAR NGA RGYAL CHE BA NI, NGAN SONG DU BSKAL PA GRANGS MED KYI BAR DU SDUG BSNGAL MYONG BAR 'GYUR RO, ,DMYAL BA DE LAS THAR NA'ANG 'DAB CHAGS KYI BYAR SKYE BAR 'GYUR NA, MANG DU THOS PA LA PHAN PA CI YOD, GANG LA BSAM GTAN GYI TING NGE 'DZIN YOD PA NI, SKYE SHI 'KHOR BA'I SDIG KHA NA MA THO BA'I LAS LCI BA BYANG BAR NUS SO, ,MANG DU THOS PA NI, RTZVA DANG 'DRA'O, ,TING NGE 'DZIN NI, ME DANG 'DRA'O, ,MANG DU THOS PA NI, LCAGS DANG 'DRA'O, ,BSAM GTAN GYI TING NGE 'DZIN NI, GSER DANG 'DRA'O, ,MANG DU THOS PA NI, RTZI BDUG PA DANG 'DRA'O, ,BSAM GTAN GYI TING NGE 'DZIN NI, RTZI'I SDONG PO DANG 'DRA'O, ,MANG DU THOS PA NI, GTZANG PO DANG 'DRA'O, ,BSAM GTAN GYI TING NGE 'DZIN NI, RGYA MTSO DANG 'DRA STE, NGAS BSAM GTAN GYI TING NGE 'DZIN GYI BSOD NAMS DANG, YON TAN BSHAD NA, ZAD PA'I MTHA' MED DE, BSKAL PAR YANG MI RDZOGS SO, ,BCOM LDAN 'DAS KYIS DGA' BO LA BKA' STZAL GANGS MNGON SUM DU DRAN PA SNGON 'DAS
PA'I DUS NA MANG DU THOS PA'I SKYE BOR GYUR PA'I TSE 'JAM DPAL DANG NGA GNYIS YOD MED GNYIS LA RTZOD PAR GYUR TE, 'JAM DPAL NI, YOD CES SMRA, NGAS NI, MED DO, ,ZHES SMRAS TE, YOD MED GNYIS KYI BDEN PA LA RTZOD PAR GYUR TE GCIG TU MA CHAD DO, ,THA MA TSE 'PHOS NAS NGAN SONG DU SKYES PAR GYUR TE, BSKAL PA GRANGS MED KYI BAR DU LCAGS KYI THU LUM ZA BAR GYUR TO, ,DMYAL BA DE LAS THAR TE SANGS RGYAS 'OD SRUNG DANG PHRAD NAS YOD PA DANG, MED PA'I BDEN PA GNYIS 'OD SRUNG GIS 'DI SKAD DU BSHAD DO, ,CHOS THAMS CAD KYI RANG BZHIN NI, GCIG TU NGES SHING CHAD PA MED DE, KHYED YOD PA DANG, MED PAR SMRA BA NI, DON DE LTA BU MA YIN NO, ,DE CI'I PHYIR ZHE NA, CHOS THAMS CAD NI, STONG PA NYID KYIS ZHI BA STE, BDEN PA 'DI GNYIS NI, YOD PA'ANG MA YIN LA, MED PA'ANG MA YIN TE, KHYED SHES PA NI, YI GE'I DON SHES PAR ZAD KYI, DON ZAB MO MI SHES PAS DON 'DI LTA BU NI, KHYED DMUS LONG DAM 'ON PA LTA BU YIN NA, DON ZAB MO 'DI LTA BU JI LTAR SHES SHING RTOGS PAR GYUR CES BSHAD PA THOS NAS RI DBEN PAR SONG STE, BDAG NYID YID LA BYAS NAS BSAM GTAN GYI TING NGE 'DZIN LA ZHUGS SO, ,ZHAG BDUN LON PA DANG BSAM GTAN ZHI BA'I TING NGE 'DZIN DANG, TING NGE 'DZIN RNAM GSUM DANG, YE SHES RNAM GSUM DANG, CHEN PO STONG PA NYID DANG,
, ,DON DAM PA STONG PA NYID DANG, STONG PA NYID STONG PA NYID 'DI DAG RTOGS SHING KHONG DU CHUD PAR GYUR TE, CHOS THAMS CAD STONG PA NYID KYIS ZHI BA CI'ANG MED PAR RTOGS SO; ;DE CI'I PHYIR ZHE NA, CHOS THAMS CAD NI, NGO BO NYID KYIS STONG PA'I PHYIR RO, ,DE BAS NA, BSAM GTAN SGOM PA NI, MCHOG DAM PAR RIG PAR BYA STE, GANG ZHIG NYIN GCIG GAM, MTSAN GCIG GAM, NYIN ZHAG BDUN GYI BAR DU BSAM GTAN GYI TING NGE 'DZIN BSGOMS NA, BSKAL PA GRANGS MED PA TSUN CHAD KYI KHA NA MA THO BA'I SDIG LCI BA'ANG KHAD KYIS ZHI ZHING BYANG BAR 'GYUR RO, ,GZHAN YANG KHA NA MA THO BA'I SDIG LCI BA'ANG 'BYANG BAR 'GYUR TE, DE'ANG GANG ZHE NA, PHA MA BSAD PA DANG, DGRA BCOM PA BSAD PA DANG, MCHOD RTEN DANG, GTZUG LAG KHANG BSHIG PA DANG, DGE 'DUN GYI GNAS KHANG MES BTANG BA YIN TE, PHAS PHAM PA BZHI DANG, PHAS PHAM PA BRGYAD DANG, LCI BA LNGA DANG, RANG BZHIN GYI LCI BA DRUG NYAMS PA YIN, PHYOGS SU RGYAS PA'I MDO SDE LA SKUR PA BTAB PA YIN, PHA ROL PO'I NYES PA'I SKYON SMRA ZHING BKUR STI MI BYED PA YIN, GANG DU SKYES PAR NGA RGYAL CHE BA DANG, RANG BZHIN GYIS SDIG LCI BA YANG YIN TE, DE'ANG BSAM GTAN GYI TING NGE 'DZIN BSGOMS NA RANG ZHI ZHING 'BYANG BAR 'GYUR, DE'ANG BSAM GTAN GYI TING NGE 'DZIN GYI
MTHUS 'BYANG GI ,GZHAN GYIS 'BYANG BA MA YIN NO, ,NYIN ZHAG BDUN TZAM GYIS KYANG DE LTAR YON TAN DANG, BSOD NAMS DPAG TU MED PA 'THOB NA, TSE GCIG TU DBEN PAR RI DANG SHING DRUNG DU 'DUG STE RTOG PA BSAL BA DANG, 'JUG PA DANG, SPONG BA YID LA BYED PA LTA SMOS KYANG CI DGOS, DE CI'I PHYIR ZHE NA, SEMS NI 'BAB CHU DANG 'DRA STE, SKAD CIG KYANG MI SDOD; SEMS NI, SPRE'U DANG MTSUNGS TE, GCIG BTANG YANG GCIG LA 'DZIN TO, ,MDOR NA SEMS NI, TING NGE 'DZIN GYI DBANG GIS MI G-YO'O, ,GAL TE SEMS G-YO NA, CHOS THAMS CAD LA 'KHRUL BA'I 'DU SHES SKYE'O, ,GAL TE TING 'DZIN LA GNAS NA NI, 'JIG RTEN NA SKYE BA DANG, GNAS PA DANG, 'GOG PA'I 'DU SHES SHING RTOGS TE, CHOS THAMS CAD STONG PA NYID KYIS ZHI BA, MI RTAG PA, 'GYUR ZHING 'PHO BA, STONG ZHING BDAG MED PA, SGYU MA DANG 'DRA BA, SPRUL PA LTA BU, GLOG DANG, RLUNG DANG, DRI ZA'I GRONG KHYER LTA BU, CHU'I DBU BA DANG, SMIG RGYU DANG, BRAG CA DANG, BAR SNANG GI BYA'I RJES LTA BUR RTOGS SO, ,'JIG RTEN NA SRID PA RI DANG, TSAL DANG, GTZANG PO DANG, 'BAB CHU DANG, MTSE'U DANG, LTENG KA DANG, RGYA MTSO LA SOGS PA CHU THAMS CAD KYANG ME'I BSKAL PA CHEN PO BYUNG BA'I TSE THAMS CAD TSIG CING ZAD PAR 'GYUR YANG BSAM GTAN BZHI DANG, GZUGS MED PA'I TING NGE 'DZIN BZHI MA GTOGS TA,
, ,CHOS THAMS CAD STONG PA NYID DU SHES NA BSAM GTAN GYI MTHU NI, SHIN TU BSAM GYIS MI KHYAB PAR RIG PAR BYA'O, ,SEMS TING NGE 'DZIN LA GNAS NA, PHYOGS BCU'I STONG GSUM GYI STONG CHEN PO'I 'JIG RTEN GYI KHAMS KYI NYI MA DANG, ZLA BA DANG, SKAR MA DANG, 'BAB CHU DANG, GTZANG PO DANG, RGYA MTSO DANG, RI DANG, TSAL DANG, KLU DANG, LUNG PA DANG, SKYU RU RA'I 'BRAS BU LAG MTHIL DU BZHAG PA BZHIN DU MTHONG BAR 'GYUR RO, ,BSAM GTAN GYI TING NGE 'DZIN LA GNAS NA, RDZU 'PHRUL GYIS PHYOGS BCU'I 'JIG RTEN GYI KHAMS GANGG'A'I KLUNG GI BYE MA SNYED DU'ANG PHYIN CING PHYOGS BCU'I 'JIG RTEN GYI KHAMS KYI RLUNG DANG, ME DANG, SA DANG, CHU DANG, NYI MA DANG, ZLA BA DANG, SKAR MA DANG, GZA' DANG, RI DANG, TSAL DANG, CHU DANG, SHING DANG, LHA'I PHO BRANG DANG, KLU'I PHO BRANG YANG RDZU 'PHRUL GYIS SPRUL NUS TE, DE BAS NA BSAM GTAN GYI MTHU NI, SHIN TU BSAM GYIS MI KHYAB PAR RIG PAR BYA, BSAM GTAN GYI TING NGE 'DZIN GYI SHUGS KYIS STONG GSUM GYI STONG CHEN PO'I PHYOGS BCU'I 'JIG RTEN GYI KHAMS KYANG SPRUL NUS SO, ,DGA' BO, ,MOONGGAL GYI BU CHEN PO TING NGE 'DZIN DU ZHUGS NAS TING NGE 'DZIN GYIS RNAM PA SNA TSOGS SU SPRUL CING TING NGE 'DZIN GYIS SA CHEN PO 'DI'ANG MGAL ME BSKOR BA BZHIN DU BSKYOD NUS TE, MANG DU THOS PAS NI,
DE LTAR MI NUS PAR RIG PAR BYA'O, ,BCOM LDAN 'DAS KYIS DGA' BO LA KHYOD SA CHEN PO SGUL CIG CAS BKA' STZAL PA DANG, DGA' BOS GSOL PA, BDAG LA BSAM GTAN GYI TING NGE 'DZIN MA MCHIS PAS SGUL RNGO MI THOGS SO, ,BCOM LDAN 'DAS KYIS DGA' BO LA BKA' STZAL PA, BSAM GTAN GYI TING NGE 'DZIN SGOM PA DGE SBYONG GI 'BRAS BU BZHI MA THOB KYANG MANG DU THOS PA LAS KHRI PHRAG BRGYA STONG GIS 'PHAGS SO, ,DE'I TSE DE'I DUS NA 'OD MA'I TSAL NA GNAS PA'I DGE SLONG LNGA BRGYA TZAM ZHIG THAMS CAD MANG DU THOS BAR RLOM PA LAS, BCOM LDAN 'DAS KYIS DGA' BO LA BKA' STZAL PA, MOONGGAL GYI BU CHEN PO'I RDZU 'PHRUL DANG, TING NGE 'DZIN MCHOG GO ,ZHES GSUNGS PA THOS NAS SANGS RGYAS GANG NA BA DER LHAGS NAS BCOM LDAN 'DAS KYI ZHABS LA MGO BOS PHYAG 'TSAL NAS SANGS RGYAS LA 'DI SKAD CES GSOL TO, ,BCOM LDAN 'DAS KYIS BDAG CAG MANG DU THOS PA BSLAB STE MDO SDE BCU GNYIS KYANG KHOD DU CHUD PAS RGYAL KHAMS CHEN PO BCU DRUG SNYED KYANG BDAG CAG LA SANGS RGYAS DANG 'DRA BAR GUS SHING BKUR STI BGYI NA, CI'I SLAD DU BCOM LDAN 'DAS KYIS MANG DU THOS PA NI, NAM YANG BLA NA MED PA'I BYANG CHUB THOB PAR MI 'GYUR RO, ,ZHES GSUNGS ZHES GSOL PA DANG, BCOM LDAN 'DAS LA DGE SLONG LNGA BRGYA PO MTHUN PAR DUS GCIG TU BDAG CAG NI, MANG DU
, ,THOS PA SPANG ZHING BSAM GTAN GYI TING NGE 'DZIN LA SLOB BO ZHES GSOL TO, ,BCOM LDAN 'DAS KYIS DGE SLONG RNAMS LA BKA' STZAL PA, DGE SLONG ,KHYED MANG DU THOS PA SPANGS TE BSAM GTAN GYI TING NGE 'DZIN LA 'JUG GO, ZHES MA SMRA ZHIG, NGAS BLTAS NA, KHYED KYI SHES RAB NI, SBRANG BU'I 'DAB MAS NYI ZLA SGRIB PAR 'DOD PA DANG, DMUS LONG GIS RI RAB LHUN PO LA 'DZEG PAR 'DOD PA DANG, GRU GZINGS MED PAR RGYA MTSO LA RGAL BAR 'DOD PA DANG, BYA 'DAB MA CHAG PA NAM MKHA' LA 'PHUR 'DOD PA BZHIN KHYED KYANG DE DANG 'DRA'O, ,ZHES BKA' STZAL PA DANG, DGE SLONG RNAMS SHI BA TZAM DU 'JIGS SHING SKRAG PA'I SEMS SKYES SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG KHYOD MA 'JIGS MA SKRAG PAR SEMS TING NGE 'DZIN LA ZHOG CIG ,DGE SLONG RNAMS KYIS GSOL PA, BDAG CAG LA BSAM GTAN GYI MTHU'ANG MA MCHIS NA, TING NGE 'DZIN DU GA LA 'GYUR, BCOM LDAN 'DAS KYIS BKA' STZAL PA, NGA LA SMAN DAM PA YOD DE, KHYED TING NGE 'DZIN THOB PAR BYA'O, ,ZHES BKA' STZAL PA DANG, DGE SLONG RNAMS KYIS BCOM LDAN 'DAS BSTAN DU GSOL, BDAG CAG GIS DE BZHIN DU SPYOD PAR 'TSAL LO, ,ZHES GSOL TO, ,BCOM LDAN 'DAS KYIS BKA'
STZAL PA; SMAN DAM PA ZHES BYA BA NI, 'DI LTA STE, RTOG PA DANG, BSAL BA DANG, 'JUG PA DANG, SPONG BA'O, ,DGE SLONG RNAMS KYIS GSAL PA, RTOG PA DANG, BSAL BA DANG, 'JUG PA DANG, SPONG BA CI LAGS BDAG CAG GIS MA 'TSAL NA, BCOM LDAN 'DAS KYIS BSTAN DU GSOL, DE NAS SANGS RGYAS KYIS 'DI SKAD CES BKA' STZAL TO, ,DANG PO'I SEMS NI, RTOG PA ZHES BYA; SEMS GNYIS BYUNG BA NI, BSAL BA ZHES BYA, SEMS GSUM BYUNG BA NI, 'JUG PA ZHES BYA, SEMS BZHI BYUNG BA NI, SPONG BA ZHES BYA'O, ,GZHAN YANG 'DI LTA STE, BSAM GTAN DANG PO LA RTOG PA ZHES BYA, BSAM GTAN GNYIS PA LA BSAL BA ZHES BYA, BSAM GTAN GSUM PA LA 'JUG PA ZHES BYA, BSAM GTAN BZHI PA LA SPONG BA ZHES BYA'O, ,GZHAN YANG 'DI LTA STE, BSAM GTAN ZHES BYA BA NI, LUS DRAN PA NYE BAR GZHAG PA DANG, SEMS DRAN PA NYE BAR GZHAG PA DANG, CHOS DRAN PA NYE BAR GZHAG PA DANG, TSOR BA DRAN PA NYE BAR GZHAG PA YIN TE, DE BZHIN DU MNGON PAR SHES PA BZHI DANG, CHOS THAMS CAD NI, 'DI LTAR YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, BDEN PA BZHI DANG, TING NGE 'DZIN BZHI DANG, MTSAN MA MED PA BZHI DANG, BYANG CHUB BZHI YIN NA, DGE SLONG KHYED BSAM GTAN DANG PO'ANG GSAL BAR MA RTOGS NA, BSAM GTAN BZHI DANG,
, ,CHOS THAMS CAD LTA CI SMOS, DGE SLONG DAG THABS SNA TSOGS KYIS BSAM GTAN GYI TING NGE 'DZIN LA 'JUG PAR BYA'O, ,GAL TE MI GTZANG BA LA RTOG NA, LUS KYI CHEN PO BZHI BAGS PA DANG, RUS PA DANG, TSIGS PA DANG, RANG KHRAG ZAGS PA DANG, SNOD PU GA DGU YOD PA'I NANG DU CHU BLUGS NA ZAG PA BZHIN DU MI GTZANG BA'I DNGOS PO BSHAD GCI CHE CHUNG DANG, BTZOG PHA SHIN TU SKYOR RUNG BA ZAG PA MTHONG NGO, ,TING NGE 'DZIN DE LAS KYANG DNGOS PO RNAM PA SNA TSOGS MTHONG BA NI, 'DI LTAR G-YO BA DANG, GNAS PA DANG, RNAM PAR SDOS PA DANG, RNAM PAR SER BA DANG, RNAM PAR DKAR BA DANG, RNAM PAR NAG PA THA DAD PA SNA TSOGS MTHONG BAS SEMS MA 'KHRUL BAR GYUR NA, DNGOS PO DE DAG MTHONG BA'I TSE PHYIR BZLOG PAR BYA'O, ,RUS PA DKAR PO DANG, DBUGS PHYI NANG DU RGYU BA BGRANG BA'I RTOG PA'ANG DE DANG 'DRA'O, ,GAL TE TSUL KHRIMS KYI RTZA BA BZHI NYAMS PA DANG, DGE SLONG MAS RTZA BA BRGYAD NYAMS PA DANG, DGE BA SNYEN MAS KHRIMS KYI RTZA BA LNGA NYAMS PA DANG, DGE TSUL GYIS KHRIMS BCU NYAMS PA DANG, DGE SLONG MAS LCI BA DRUG NYAMS BA DANG, SANGS RGYAS DANG CHOS DANG DGE 'DUN GYI SPYI'I DKOR BRKUS PA DANG, MKHAN PO DANG, SLOB DPON DANG, BLA MA DANG, PHA MA DANG, DGE 'DUN GYI DKOR BRKUS PA DANG,
PHYOGS SU RGYAS PA'I MDO SDE LA SKUR BA'I GANG ZAG DE LTA BU NI, BSAM GTAN GYI TING NGE 'DZIN LA 'JUG PA'I TSE BDAG GI LUS DANG, NGAG RLUNG NAG PO LTA BU DANG, KHRAG NI, ME RAB TU 'BAR BA 'DRA BA DANG, RUS PA NI, RI DANG BRAG LTA BU DANG, RTZVA NI, SHING LTA BU DANG, NANG GROL LNGA NI, SPRUL LAM RTZANGS PA LTA BUR MTHONG BA DANG, LAG NA ME CHEN PO THOGS TE RLUNG CHEN PO LA RGYUG PA DANG, MGO LA RI CHEN PO KHYER ZHING LANGS KYANG RDAB 'CHOS PA DANG, KHA NAS SENGGE 'BYUNG BA DANG, MIG NAS 'BAR BA MO 'BYUNG BA DANG, SNA NAS SBRUL CHEN PO 'BYUNG BA DANG, RNA BA NAS 'PHAR SPYAD 'BYUNG BA DANG, BSHANG GCI CHE CHUNG CHU LTA BUR 'BAB CING RGYA MTSO LTA BUR MTHONG BA DANG, GAL TE PHYOGS BCU'I SANGS RGYAS THAMS CAD CHO 'PHRUL RNAM PA MANG PO STON PA MTHONG NA, MTSAN MA DE LTA BU MTHONG BA'I TSE BSAM GTAN LAS LANGS TE TSAL LAM RI DGON BAR SONG STE PHYOGS SU RGYAS PA'I MDO SDE 'DON CING 'GYOD TSANGS BYA'O, , DE LTAR SNGON GYI KHA NA MA THO BA'I SDIG 'GYOD TSANGS BYA BA'ANG ZHAG BDUN NAM, BDUN GNYIS SAM, BDUN GSUM MAM, BDUN IBZHI'AM, BDUN LNGA'AM, BDUN DRUG GAM, BDUN BDUN GYI BAR DU MTHOL TSANGS BYA'O, ,DE LTAR SDIG SBYANGS NAS BSAM GTAN BSGOM PAR BYA STE, DE LA SDIG CHUNG BA NI, BAGS DKYIS BDAG GI LUS BEE d'URYA'I RI LTA BUR MTHONG BAR
, ,'GYUR RO, ,GANG RTZA BA BZHI MA NYAMS PA NAS RANG BZHIN GYI KHRIMS LCI BA LNGA'I BAR DU MA NYAMS PA NI, TING NGE 'DZIN DU 'JUG PA'I TSE PHYOGS BCU'I SANGS RGYAS DUS GCIG TU CHOS STON PA DANG, DE YANG NA BDEN PA BZHI'AM, YANG DAG PA'I SPONG BA BZHI'AM, RDZU 'PHRUL GYI RKANG PA BZHI'AM, SDUG BSNGAL BA'AM, BZOD PA'AM, SPYI BO DANG, 'JIG RTEN MCHOG GI CHOS STON PA DANG, YANG NA BYANG CHUB KYI YAN LAG BDUN DANG, BSAM GTAN BZHI DANG, SKYES BU YA BRGYAD KYI CHOS DANG, STONG PA NYID BZHI DANG, TING NGE 'DZIN GSUM DANG, RNAM PAR THAR PA BRGYAD STON PAR MTHONG BA DANG, TING NGE 'DZIN LAS MUN NAG MTHONG BA DANG, SNANG BA MTHONG NA, TING NGE 'DZIN DE LAS LANGS TE SHIN TU DGA' BA'I SEMS BSKYED PAR BYA'O, ,ZHES BKA' STZAL PA DANG, DGE SLONG DAG PHYIR GNAS PA'I TSAL DU DONG STE BSAM GTAN GYI TING NGE 'DZIN NYIN ZHAG BDUN BSGOMS PAS THAMS CAD KYIS DGRA BCOM PA THOB PAR GYUR NAS BCOM LDAN 'DAS GANG NA BA DER LHAGS TE SANGS RGYAS LA 'DI SKAD CES GSOL TO, ,BCOM LDAN 'DAS, BDAG CAG NI, SANGS RGYAS KYIS BSTAN PA BZHIN 'KHOR BA LAS THAR TE BLA NA MED PA'I 'BRAS BU THOB BO, ,BCOM LDAN 'DAS KYIS BKA' STZAL PA, DE LTAR THOB NA CHO 'PHRUL BSTAN PA'I DUS LA BAB BO, ,ZHES
BKA' STZAL PA DANG, DGE SLONG LNGA BRGYA RNAMS STENG GI BAR SNANG LA 'PHAGS TE NYAL BA DANG, 'DUG PA DANG, 'GRO BA DANG, SDOD PA DANG, LUS LA ME DANG, CHU LA SOGS PA 'BYUNG BA'I CHO 'PHRUL RNAM PA BCO BRGYAD MNGON PAR BSTAN TE, DE'I TSE MANG DU THOS PA'I DGE SLONG RNAMS BSAM GTAN BSGOMS PAS MOONGGAL GYI BU CHEN PO DANG 'DRA BAR RDZU 'PHRUL THA MI DAD PAR GYUR TO, , DE NAS DGA' BOS BCOM LDAN 'DAS LA 'DI SKAD CES GSOL TO, ,BCOM LDAN 'DAS, DAM PA'I CHOS 'DI DE BZHIN GSHEGS PA MYA NGAN LAS 'DAS NAS JI SRID DU GNAS SHING DUS NGAN PA'I TSE SEMS CAN JI SNYED CIG CHOS 'DI BSGOMS PAS, DGE SBYONG GI 'BRAS BU BZHI THOB PAR 'GYUR, BCOM LDAN 'DAS KYIS DGA' BO LA BKA' STZAL PA, DA DA PHYIN CHAD DPYID ZLA 'BRING PO LA RTZVA MCHOG GI GRONG KHYER DU MYA NGAN LAS 'DA'O, ,NGA MYA NGAN LAS 'DAS NAS LO BRGYAD CU'I BAR DU CHOS LA SPYOD PA'I SEMS CAN MANG DU 'BYUNG STE, DUR KHROD DANG SHING DRUNG NA GNAS SHING 'DI YID LA BYED DE, RTOG PA DANG, BSAL BA DANG, 'JUG PA DANG, SPONG BA'I CHOS SPYOD PA STONG PHRAG BCU LA STONG PHRAG DGUS DGE SBYONG GI 'BRAS BU BZHI THOB PAR 'GYUR RO; ;LO SUM BRGYA'I BAR DU NI, SEMS CAN STONG PHRAG BRGYA LA STONG PHRAG BCUS DGE SBYONG GI 'BRAS BU BZHI 'THOB PAR 'GYUR RO, ,LO SUM BRGYA PHAN CHAD, LO LNGA BRGYA TSUN CHAD NI,
, ,NGA'I NYE GNAS RNAMS BAGS KYIS MI DGE BA'I CHOS SPYOD DO, ,PHRAG DOG GI SEMS KYIS LOG PA'I 'TSO BAS 'TSO BAR 'GYUR RO, ,STONG PHRAG LNGA BRGYA LA STONG PHRAG BCUS DGE SBYONG GI 'BRAS BU THOB BO, ,LO LNGA BRGYA PHAN CHAD, BRGYAD BRGYA TSUN CHAD NGA'I NYE GNAS RNAMS KHYIM PA'I GOS GYON NAS BA LANG DANG, LUG DANG, BYI LA DANG, BONG BU DANG, RTA GSO ZHING 'BRU MANG PO GSOG STE, RANG GI LAG DAR ZHING RANG ZA BA DANG, BRAN PHO DANG, BRAN MO'ANG GSO BAR 'GYUR TE, DE'I TSE STONG PHRAG STONG LA STONG PHRAG GCIG GIS DGE SBYONG GI 'BRAS BU BZHI THOB PAR 'GYUR RO, ,LO BRGYAD BRGYA PHAN CHAD NAS LO STONG TSUN CHAD NI, NGA'I NYE GNAS RNAMS SDIG PA'I CHOS BSLAB STE, RGYAL PO DANG, RGYAL BU DANG, BLON PO CHEN PO DANG, KHYIM BDAG LA GROGS POR BSTEN CING PHAN TSUN THA NA 'PHRIN GYIS 'DRUL ZHING, ZHING RMO BRKO BYED DE, 'BRU GZAN MANG PO DANG, GSER DANG, DNGUL DANG, RIN PO CHE SNA BDUN GSOG CING SHA ZA ZHING CHANG 'THUNG STE CHEN PO BZHI GSO ZHING RTAS PAR BYED PA DANG, SMAD TSONG MA LTAR GOS SPU GU GYON ZHING 'DRID PA DANG, SLU BA'I LAS BYED DE; DE LA 'BUM PHRAG KHRI LA BRGYA TZAM ZHIG GIS DGE SBYONG GI 'BRAS BU BZHI THOB BO, ,LO STONG PHAN CHAD, SUM BRGYA TSUN CHAD NI, CHE THANG DU 'KHRUGS TE, NGA'I NYE GNAS RNAMS
LUS CHOS GOS GYON YANG SHING GI KHA LA 'PHAN RNYING BTAGS PA 'DRA STE, GZI BYIN YANG MED, KHYIM PAS MTHONG NA'ANG BKUR STI MI BYED PAS SHA NA PA DANG 'DRA BAR 'GYUR RO, ,DE'I DUS NA YUL KHAMS KYANG 'KHRUGS TE, GCIG LA GCIG DGRA BYED CING GSOD PAS RGYAL PO DANG, BLON PO DANG, PHA MA DANG, BU DANG, BU MO'ANG GCIG LA GCIG DGRA BYED DE, BYAMS PA DANG, SNYING BRTZE BA'I SEMS KYANG MED PAS BZA' BA DANG, BTUNG BAS NYON MONGS TE, KHYIM THAB MED PA DANG, CHUNG MA MED PA DANG, BU PHO MED PA DANG, BU MO MED PA DANG, LONG BA DANG, 'ON PA DANG, LKUGS PA DANG, DBANG PO MA TSANG BA DANG, BRAN PHO DANG, BRAN MO LAS BROS PA, YUL KHAMS PHUNG BAR BYED PA, 'TSO BAS RANG MI SOS PA DAG NGA'I CHOS LA ZHUGS NAS KHYIM PA RNAMS KYIS KYANG RNGON PA DANG 'DRA BAR LTA STE, DPER NA, LHA'I GLANG DANG, RTA RGOD DAM, BAL GLANG MYOS PA LTAR GDUL DKA' BA, RANG DGAR YANG 'GRO BA, SLOB DPON DANG, SLOB MA'ANG MI RGOD MA RUNGS PA DANG 'DRA STE, 'DOD CHAGS LA BAG MED PAR SPYOD CING, BLA MA DANG, 'OG MA'I RIM PA'ANG MED PA DANG, BZANG NGAN GYI RIM PA'ANG MED DE, DUD 'GRO PHYUGS DANG 'DRA BA, KHA NA MA THO BA'I SDIG PA MANG PO BYED CING NGAN SONG GSUM GYIS MI 'JIGS PAR GAR SONG BAR GNAS KYANG CHANG TSONG BA DANG, SHAN PA DANG, RNGON PA DANG,
, ,SMAD TSONG MA DANG STEN CING 'GROGS PA, KHA NAS KYANG NGAG SDIG PA SMRA ZHING SEMS LA'ANG SDIG PA SEMS PA DANG, YANG NA BLON PO DANG STEN CING DGE BA'I MI DAG LA THABS SNA TSOGS KYIS BSDIGS SHING NOR 'PHROG STE BU SMAD GSO'O, ,YANG NA RNGON PA'I YO BYAD NYA RGYA LA SOGS PA 'CHANG ZHING NYA LA SOGS PA BCUS NAS RANG GI LAG BDAR TE GSOD PA DANG, SREG PA DANG, ZLA BA NYA BA DANG, SHI BA'I TSE GSO SBYONG MI BYED DE RANG NYAMS SU GTONG BA DANG, TSUL KHRIMS KYI LAS BYED PA RNAMS PHAN TSUN RTZOD CING, BLA MA DANG, 'OG MA DANG, GROGS PO LA ZHE SDANG BA DANG, GDUG PA'I SEMS BSKYED PA DANG, SLOB DPON DANG, SLOB MA'ANG GCIG LA GCIG SKYON 'DRU ZHING 'PHYA BA DANG, SGROG PA'I GTAM SMRA STE; DPER NA, RTZANGS PA MANG PO KUN GCIG TU 'DUS PA DANG 'DRA BA DANG, PHAN TSUN DPUNG DANG SDE TSAN GCIG LA GCIG TSIG NGAN GYIS SMA 'BEBS PA DANG, BLA 'OG GI RIM PA'ANG MED PA DANG, MI RGOD MA RUNGS PA LTAR DGE BA BYED PA LAS 'PHROG RLOM BYED PA DANG, KHE DANG GRAGS PA LA CHAGS TE CHOS MI SHES PAR GYUR PA DE'I TSE MDO SDE BCU GNYIS KYANG NUB PAR GYUR TE KLOG PA DANG, 'DON PA'ANG MED PA DANG, DE'I SLOB MA RNAMS KYANG DGRA CHOS DANG, GTZUG LAG DANG, YI GE DANG, RTZE BA DANG, BZHON PA DANG, BON
CHOS DANG, MIG MANG DANG, GLU GAR DANG, 'DU BA DANG, SBYUGS PA DANG, 'PHONG RTZAL DANG, RTA RGYUG PA LA SOGS PA'I CHOS MA YIN PA SLOB CING SPYOD DE, DE LTAR MA LEGS PA'I CHOS SPYOD PAS TSE 'PHOS MA THAG TU NGAN SONG DU LHUNG STE, BSKAL PA GRANGS MED PAR NGAN SONG GI SDUG BSNGAL MYONG NAS DE LAS THAR NAS YANG BYOL SONG DU SKYE STE, LTOGS PA DANG, SKOM PA DANG, SDUG BSNGAL GYIS NYEN PA DANG, KHAL LCI BA 'GAL ZHING 'GRO BAR 'GYUR RO, ,PHYI ZHIG NA SBYANGS PA'I YON TAN SLOB PA'ANG CHOS MA YIN PA MANG DU BYED DE, RI DANG, TSAL DANG, DUR KHROD DANG, SHING DRUNG NA MI GNAS SHING RTAG TU GRONG DU RGYUG STE, SEMS LA RTOG PA MANG ZHING KHE DANG GRAGS PA TSOL TE, NOR RDZAS DANG, LONGS SPYOD LA CHAGS SHING CHOG MI SHES PA DANG, CHOS STON PA'I BSHAD MKHAN ZHIG YIN NA'ANG SANGS RGYAS KYI CHOS STON PA'ANG KHRI TZAM LA GCIG TZAM YANG THOG TU MI PHEBS TE, 'KHOR MANG PO DANG 'GROGS NAS GRONG RGYU ZHING KHYIM PA'I KHYIM DU ZHUGS NAS KHYIM PA LA CHOS STON PA'ANG KHE DANG GRAGS PA'I PHYIR TE, LONGS SPYOD MANG DU GSOG CING SHAN PA DANG 'DRA'O, ,SHA DANG CHANG LA MI SPYOD PA DAG GIS DGE SLONG DAG, KHYED NI, BTZUN PA KHYIM NAS KHYIM MED PAR RAB TU BYUNG BA YIN NA, SNYING RJE'I SEMS KYANG MED DE, 'DI LTAR CHOS MA YIN PA MANG DU
, ,SPYOD PAS KHYED NI, SHAN PA DANG 'DRA'O, ,ZHES SPYOD ZHING BRGYAD PAR 'GYUR RO, ,DGE SLONG DE DAG DE SKAD GSHE BA THOS NAS KUN LOG STE, DE LA RDEG PA DANG, GSHE BA DANG, BRGYAD BKAG STE GCIG LA GCIG 'DI SKAD DU SMRA'O, ,DE BZHIN GSHEGS PA BZHUGS PA'I TSE NA NI, NGED SHA DANG CHANG 'THUNG BA MA GNANG STE, DA NGED DE BZHIN GSHEGS PA MYA NGAN LAS 'DAS NAS DA NI, CI'ANG GNANG BA DENG SHA DANG CHANG 'THUNG BA YIN NO, ,KHYIM PA DANG BRAL BA'I 'OG TU DE DAG GCIG LA GCIG BDAG CAG GIS SHES PA NI; SANGS RGYAS KYI ZHAL NAS GSUNGS PA DANG 'DRA'O, ,ZHES SMRA ZHING, LA LA NI, TSIG KYAL PA DANG, DON MED PA'I TSIG DANG, 'GRAN DOR GYI TSIG DANG, 'KHRUL PA'I TSIG TU GTAM SMRA ZHING DPER NA, DMUS LONG ZHIG MDZUB MO GNYIS NYI MA LA BTZUGS TE, NYI MA YA GI NI, BYIN CHUNG NGO, ,YANGS SO, ,DOG GO , ZHES SMRA BA'AM, MI 'ON PA ZHIG BDAG GIS GNAM GYI STENG NA CHOS 'CHAD PA'I SGRA THOS SO, ,ZHES ZER BA DANG 'DRA BAR DMUS LONG MANG PO TSOGS TE 'JIG RTEN NA 'JAM DPAL DANG, 'OD SRUNG CHEN PO LA SOGS PA SPRUL TE, DE'I NANG NA BZHUGS KYANG KUN GYIS RDEG CING GSHE STE, DE NAS SKROD CING 'DUG TU MI STER RO, ,GZHAN YANG DPER NA, SENGGE NI, SPOS KYI RI LA GNAS TE, RI DVAGS DANG, GCAN GZAN GANG
YANG GNAS DER NYE MI BZOD DO, ,SENGGE RI DE LAS BYUNG STE SONG BA'I 'OG TU NI, GCAN GZAN GDUG PA KHRO BA LA SOGS PA GCIG GIS GCIG BOS TE SPOS KYI RI LA LHAGS NAS 'BRAS BU ZHIM PO ZA ZHING CHU MIG LA 'THUNG NGO, ,DE LTAR ZA ZHING 'THUNG BA LAS THAMS CAD BSKAMS SHING MED PAR GYUR TE, SPOS KYI RI LA GNAS PA'I LHA RNAMS KYANG SKYO BA PAR MI 'GYUR BAS RTZVA GDUG PA SKYES TE ZOS MA THAG TU TSE'I DUS BYAS PAR 'GYUR RO, ,NGA MYA NGAN LAS 'DAS PA'I 'OG TU DGE SLONG THAMS CAD KYIS NGAS BSTAN PA'I MDO SDE BCU GNYIS 'DON CING KLOG PA'ANG GONG MA NI, BAR DU BCUG, BAR MA NI, 'OG TU BCUG, 'OG MA NI, GONG DU BCUG, BAR MA NI, 'OG DANG, THA MAR BCUG STE, DON MA YIN PA LA DON ZHES ZER, DON LA NI, DON MA YIN ZHES ZER TE, JI LTAR MU STEGS CAN DAG SO SO NAS NGA'I GZHUNG NI, BDEN PA YIN NO, ,ZHES ZER BA DANG 'DRA'O, ,DE'I DUS NA MDO SDE BCU GNYIS 'JIG RTEN NA SPYOD KYANG GZI BRJID DANG, MTHU MED DO, ,LA LA ZHIG 'DON TAM KLOG KYANG MI GCIG 'GA' YANG DGE SBYONG GI 'BRAS BU BZHI THOB PA MED DO, ,DE LTAR NGA'I SLOB MA RNAMS KYANG RGYAL PO SRID STOR PA'AM, BYA 'DAB MA MED PA DANG 'DRA STE, GTZUG LAG KHANG DANG, MCHOD RTEN YANG STONGS SHING ZHIG RAL GSO BA'ANG MED DO, ,DE LTAR SKU GZUGS DANG, BA DAN DANG, RIN PO CHE'I
, ,GDUGS YOD PA'ANG DGRA CHA ZHIG PA DANG 'DRA STE, PHUG RON DANG, BYE'U DANG, PHAG DANG, KHYI DANG, LUG LA SOGS PA'I TSANG DANG, GNAS SU 'GYUR RO, ,DGE SLONG SO SO NA 'DUG PA'I GNAS NI, BYI DOR BZANG DU BYED DO, ,BCOM LDAN 'DAS KYIS DGA' BO LA BKA' STZAL PA, 'DI'ANG KHYED LA MDO TZAM ZHIG BSHAD PA YIN NO, ,DGA' BOS SANGS RGYAS KYIS GSUNGS PA THOS NAS MCHI MA BLAGS TE NGUS SO, ,DE LTAR DGA' BOS YID GDUNG ZHING DU BA MA BTANG BA LAS, BCOM LDAN 'DAS KYIS DGA' BO LA BKA' STZAL PA; KHYOD DE LTAR MA DU BAR MDO SDE 'DI GZUNGS SU BZUNG LA 'JIG RTEN DU RGYAS PAR SPEL CIG, DE NAS DGA' BOS GDONG MCHI MA PHYIS NAS BCOM LDAN 'DAS LA BDAG GIS GZUNGS SU GZUNG NGO, ,ZHES GSOL TO, ,BRGYA BYIN DANG, LHA DANG, MI RNAMS KYIS KYANG DGA' BO LA 'DI SKAD CES SMRAS SO, ,BTZUN PA, BDAG CAG GIS YONGS SU BZUNG STE, GANG ZHIG MDO SDE 'DI RI'AM, TSAL LAM, SHING DRUNG NGAM, PAS MTHA' MA, DUR KHROD NA GNAS TE 'DON TAM, KLOG NA, BDAG CAG GIS LHA DANG MI'I 'KHOR DANG, MI MA YIN BA DANG BCAS TE GNAS DER 'GRO ZHING CHUNG NGU NA TSIGS SU BCAD PA GCIG GAM, TSIG GCIG TZAM YANG MI BRJED MI NYAMS PAR GZUNG NGO, ,ZHES GSOL TO, ,MDO SDE 'DI
GSUNGS PA'I TSE DGE SLONG STONG SNYED KYIS DGE SBYONG GI 'BRAS BU BZHI THOB PAR GYUR TO, ,DGE SLONG MA STONG LNGA BRGYAS RGYUN DU ZHUGS PA'I 'BRAS BU THOB PAR GYUR TO, ,DGE BSNYEN LNGA BRGYA YONGS SU DAG PAR GYUR TE, LHA DANG, MI DANG, LHA MA YIN LA SOGS PAS PHYAG BYAS NAS PHYIR DONG NGO, ,'PHAGS PA TING NGE 'DZIN MCHOG DAM PA RDZOGS SO,, ,,