, ,RGYA GAR SKAD DU, SHR'I K'A LA TZA KRA RI tI TI SA HA DZA S'A DHA N'Am N'A MA, BOD SKAD DU, DPAL DUS KYI 'KHOR
LO SKAD CIG GIS BSKYED PA'I LHAN CIG SKYES PA'I SGRUB THABS ZHES BYA BA, BDE BA CHEN PO'I SKU LA PHYAG 'TSAL LO, ,RNAM PA DANG BCAS RNAM PA MED PA'I BCOM LDAN 'DAS MA SHES RAB MA DES RAB TU 'KHYUD, ,SKYE 'JIG RNAM PAR SPANGS PA'I MI 'GYUR BDE LA DGOD PA LA SOGS RNAMS DANG BRAL BA YIS, ,SANGS RGYAS RNAMS NI SKYED PAR MDZAD PA'I SKU GSUM DANG BCAS DUS GSUM YANG DAG MKHYEN PA PO, ,THAMS CAD MKHYEN PA DANG PO'I MCHOG GI SANGS RGYAS GNYIS MED DE LA PHYAG 'TSAL LO, ,DANG PO SKAD CIG GCIG GIS STONG PA LA GNAS PHYI NAS DE BZHIN SKAD CIG GIS BSKYED PA, ,SNA TSOGS CHU SKYES ZLA BA NYI MA SGRA GCAN RNAMS KYI DKYIL 'KHOR LA GNAS DBANG PHYUG DANG, ,'DOD LHA DAG GI SNYING GAR G-YAS BRKYANG SHIN TU SNGO BA RDO RJE DRIL BU DANG LDAN PHYAG GNYIS KYIS, ,SNA TSOGS YUM GYI SKU LA YANG DAG 'KHYUD PA'I DPAL LDAN MNGA' BDAG DUS 'KHOR LO, ,SPRIN NAG LTA BU'I RAL PA'I TSOGS LA TA MA LA MTSUNGS MI BSKYOD PA LA SOGS PAS SPRAS, ,PHYAG RGYA DRUG GIS KYANG NI RAB SPRAS THOD PA DKAR PO'I PHRENG BAS BCINGS PA GANG, ,MI MGO'I DO SHAL SPYAN GSUM GSER MTSUNGS SKU MNGA' GRI GUG PAD SNOD DANG LDAN PHYAG GNYIS MA, ,DPAL LDAN SNA TSOGS YUM DANG GNYIS MED BDE BA CHEN PO'I RANG BZHIN LA SOGS BSGOM PAR BYA, ,DE NAS KHAMS GSUM RANG DANG MTSUNGS PAR LDAN PA DE RNAMS MA LUS LHA MO'I SKU LA BZHUGS, ,DE YANG RANG LA RANG LUS GDAN DANG BCAS PA NYI MA LA STE NYI MA H'Um LA'O, ,A'U NI HA LA DE YANG MGO BO LA STE DE NYID ZLA BA PHYED PA NYID LA'O, ,ZLA PHYED THIG LE DE NYID N'A DA DE BZHIN NAM MKHA' KHA RLANGS ME LONG LA PHOG MTSUNGS, ,DE LTAR 'OD GSAL ZHUGS NAS SLAR YANG SNGA MA DANG MTSUNGS GZUGS SU DRAN PAR BYAS PA DANG, ,SPRUL PA SNA TSOGS KHAMS GSUM RNAMS SU NAM MKHA' KHYAB PAR SKAD CIG GIS NI SPRO BAR BYA, ,DE LTAR YANG NI DE BZHIN BSDU ZHING YANG NI DE LTAR BSKYED CING SPRO BA DE BZHIN DU, , MNYAM PAR GZHAG PA'I ZUNG 'JUG LAM DANG 'DI YIS NI, ,SANGS RGYAS ZHABS LA YANG DAG 'GRO BAR 'GYUR, ,DPAL LDAN DUS 'KHOR SGRUB PA'I THABS, ,GANG BYAS PA YI BSOD NAMS 'DIS, ,'JIG RTEN PA RNAMS LHAN SKYES KYANG, ,GNYIS MED RANG BZHIN ZHABS THOBS SHOG ,DPAL
, ,DUS KYI 'KHOR LO'I SGRUB THABS LHAN CIG SKYES PA ZHES BYA BA, SLOB DPON ROL PA'I RDO RJES MDZAD PA RDZOGS SO,, ,,PAndI TA B'A G'I SHVA RA DANG, LO TZ'A BA CHOS RAB KYIS BSGYUR BA'O,,