136 · GMLW-000295

An Exalted Sutra of the Greater Way entitled "The Meditation of the Four Youths" (Ārya Catur Dāraka Samādhi Nāma Mahāyāna Sūtra)

'PHAGS PA KHYE'U BZHI'I TING NGE 'DZIN CES BYA BA THEG PA CHEN PO'I MDO
נושאי-מדףSubjects:
MDO MANGCollection of Sutras (Sūtra)$$
נושאיםTopics:the Buddhathe Greater WayKarmaNirvanaVirtue
חיי היום-יוםDaily life:daily practice
נמצא בfound inCollection of Sutras (Sūtra)$$
מספר טוהוקוTohoku numberToh 136 · Sutra
מהדורהrecensionDerge
כותרת בסנסקריטSanskrit titleA'ARYA TZA TU RA DA RA KA SA M'A DHI N'A MA MA H'A Y'A NA S'U TRA
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaDZI NA MI TRA
הלוצאווה הטיבטיTibetan lotsawaBANDHE YE SHES SDE LA SOGS PAS
פוליוfolios186a–241a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreRoot Texta sutra of the Greater Way with the full frame
מקום החיבורplace of compositionKushinagarthe Buddha is between the pair of sal trees near the wrestlers of Kushinagar, AT THE VERY TIME OF HIS PASSING
אנשים ומקומותpeople and places namedAnanda · Jinamitra · Prajnavarma · Yeshe Dethe colophon names two Indian abbots with the chief editor-translator
רמת קושיlevelintermediate
לחיי היום־יוםfor daily lifedaily practice
הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00136E_'PHAGS PA KHYE'U BZHI'I TING NGE 'DZIN CES BYA BA THEG PA CHEN PO'I MDO_An Exalted Sutra of the Greater Way entitled "The Meditation of the Four Youths" (Ārya Catur Dāraka Samādhi Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 10 (THA)

הטקסטThe text

טיבטיתTibetanKL00136E_'PHAGS PA KHYE'U BZHI'I TING NGE 'DZIN CES BYA BA THEG PA CHEN PO'I MDO_An Exalted Sutra of the Greater Way entitled "The Meditation of the Four Youths" (Ārya Catur Dāraka Samādhi Nāma Mahāyāna Sūtra).txt134,629 תוויםcharacters
186a

RGYA GAR SKAD DU, A'ARYA TZA TU RA DA RA KA SA M'A DHI N'A MA MA H'A Y'A NA S'U TRA, BOD SKAD DU, 'PHAGS PA KHYE'U BZHI'I TING NGE 'DZIN CES BYA BA THEG PA CHEN PO'I MDO, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YONGS SU MYA NGAN LAS 'DA' BA DE NYID KYI DUS KYI TSE KU SHA'I GRONG KHYER NA GYAD RNAMS DANG NYE BA NA YOD PA SHING S'A LA ZUNG GI TSAL NA SHING S'A LA

186b

ZUNG GI BAR NA BZHUGS SO, ,DE NAS TSE DANG LDAN PA KUN DGA' BO BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI SPYAN SNGAR THAL MO SBYAR TA BCOM LDAN 'DAS LA MIG MI 'JUM PAR RTOG CING 'DUG GO ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, GOO TA MA'I BU, KHYOD CI'I PHYIR DE BZHIN GSHEGS PA LA MIG MI 'DZUM PAR RTOG PAR BYED, DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, MDANG BDAG GIS DE BZHIN GSHEGS PA YONGS SU MYA NGAN LAS 'DA' BA'I SNGA LTAS G-YAR LAM 'JIGS PA CHEN PO, ,'JIGS SU RUNG BA, SPU ZING ZHES BGYID PA ZHIG RMIS LAGS TE, BCOM LDAN 'DAS, BDAG G-YAR LAM DE RMIS NAS BCOM LDAN 'DAS SHIN TU MYUR BAR YONGS SU MYA NGAN LAS 'DA' BAR MI 'GYUR LAGS GRANG SNYAM NAS DE'I SLAD DU SDUG BSNGAL ZHING YID MI BDE BA DANG, MYA NGAN GYI ZUG RNGUS GZIR BAR GYUR LAGS SO, ,BCOM LDAN 'DAS KYIS BKA' STZAL PA, GOO TA MA'I BU, KHYOD KYIS RMI LAM NA DE BZHIN GSHEGS PA YONGS SU MYA NGAN LAS 'DA' BA'I SNGA LTAS 'JIGS PA JI LTA BU ZHIG RMIS, DE NAS BCOM LDAN 'DAS KYIS DE'I TSE TSE DANG LDAN PA KUN DGA' BO LA TSIGS SU BCAD DE BKA' STZAL PA, S'A LA'I TSAL KHROD 'DI NYID DU, ,'JIG RTEN MGON

187a

, ,PO'I LTAS SU NI, ,KHYOD KYIS RMI LAM CI RMIS PA, ,DRIS PA DE NI NGA LA SMROS, ,DE NAS BCOM LDAN 'DAS LA TSE DANG LDAN PA KUN DGA' BOS TSIGS SU BCAD DE GSOL PA, MDANG SUM BDAG GI G-YAR LAM NA, ,'JIGS SU RUNG ZHING DNGANGS BGYID LA, ,SPU ZING BGYID PA RMIS GYUR PA, ,DE NI MI MCHOG GSAN DU GSOL, ,'JIG RTEN KHAMS 'DIR LJON PA'I SHING, ,RTAG TU ME TOG 'BRAS BU DAG ,RNAM PA KUN GYI MCHOG LDAN PA, ,YID NI DGA' BAR BGYID PA 'KHRUNGS, ,'JIG RTEN KHAMS SU LJON MCHOG DE, ,GRIB MA BSIL BAS SEMS CAN RNAMS, ,RAB TU DGA' BGYID BRO NAD DANG, ,MYA NGAN DAG KYANG SEL BAR BGYID, ,YON TAN MTHA' YAS PHUN TSOGS SHING, ,SRID RTZE'I BAR DU MTHO BAR 'PHAGS, ,DE MTHONG BAS NI MIG DAG CING, ,THOS PAS RNA BA RNAM DAG 'GYUR, ,DE LAS RAB 'JAM DON LDAN ZHING, ,SHIN TU RIGS SHING CHOS LDAN LA, ,SEMS CAN KUN LA BDE SKYED PA'I, ,SGRA YANG DAG KYANG NGES PAR 'BYUNG, ,DE LAS GANGG'A'I BYE SNYED KYI, ,'OD ZER DAG NI 'BYUNG 'GYUR ZHING, ,DE DAG SNYED KYI ZHING RNAMS KYANG, ,LJON SHING CHEN POS GSAL BAR BGYID, ,PHYOGS BCU'I 'JIG RTEN KHAMS KYI MI, ,MTHA' YAS DPAG TU MA MCHIS PA, ,GANG DAG 'OD KYIS REG GYUR PA, ,SEMS CAN RNAMS KYI DON KYANG BGYID, ,PHYOGS BCU'I 'JIG RTEN KHAMS

187b

SU NI; ;DE LAS DRI NGAD 'BYUNG BAR 'GYUR, ,GANG DAG DE YI DRI SNOM PA, ,DE DAG NGAN 'GROR MCHI MI 'GYUR, ,DE DAG DMYAL BAR MI MCHI ZHING, ,DUD 'GRO'I SKYE GNAS SDIG CAN DANG, ,YI DVAGS LHA MIN RIS MI MCHI, ,DE DAG BZANG 'GROR MCHI BAR 'GYUR, ,SEMS CAN KUN LA BDE SKYED PA, ,DE 'DRA'I LJON SHING CHEN PO DE, ,GYAD KYI DOG SAR CHAG NAS NI, ,S'A LA'I TSAL GYI GSEB TU BSGYEL, ,LJON MCHOG CHAG PA MTHONG GYUR NAS, ,DE NAS SROG CHAGS STONG PHRAG NI, ,BSAM YAS DPAG TU MA MCHIS PA, ,CHO NGES 'DEBS SHING SMRE SNGAGS 'DON, ,DE TSE SGRA DE MI GRAG CING, ,DRI'ANG BDA' BAR MA GYUR LA, ,GDEG PA'I RNGO YANG MA THOGS NAS, ,DE MA THAG TU BDAG KYANG BRGYAL, ,DE LTAR 'JIGS SU RUNG BA DANG, ,SPU YANG ZING ZHES BGYID PA YI, , G-YAR LAM MDANG SUM RMIS PA DE, ,SPYAN DANG LDAN PA BDAG LA GSUNGS, ,DE NAS GNAS GTZANG MA'I RIS KYI LHA'I BU RNAMS DANG, MI MJED KYI BDAG PO TSANGS PA DANG, BDUD KYI BU DED DPON DANG, LHA'I DBANG PO BRGYA BYIN DANG, RGYAL PO CHEN PO BZHI PO DAG SO SO NA GNAS PAS BCOM LDAN 'DAS YONGS SU MYA NGAN LAS 'DA' BA'I SNGA LTAS MTHONG NAS RANG RANG GI 'KHOR LHA'I BU KHRAG KHRIG PHRAG BRGYAD CU BRGYAD CU LHAG TZAM GYIS YONGS SU BSKOR CING MDUN DU BDAR NAS BCOM LDAN 'DAS GAL BA DENG DONG STE LHAGS NAS BCOM LDAN 'DAS KYI

188a

, ,ZHABS LA MGO BOS PHYAG BTZAL TE SGRA SKAD MTHUN PAR NYAM THAG PA'I NGA ROS DU ZHING MYA NGAN BYED LA SMRE SNGAGS 'DON BZHIN DU DE'I TSE TSE DANG LDAN PA KUN DGA' BO LA TSIGS SU BCAD PA 'DI DAG SMRAS SO, ,KYE MA'O SDUG BSNGAL MI BZAD CHE, ,S'A LA'I TSAL KHROD DGA' BAR NI, ,DE RING MGON PO MYA NGAN 'DA', ,KUN DGA' KHYOD KYIS MI SHES SAM; ;GANG ZHIG SNANG MED RNAMS KYI SGRON, ,SKYABS DANG DPUNG GNYEN GANG YIN PA, ,DE NI ZHI BA LEN MED PAR, ,DE RING MYA NGAN 'DA' BAR 'GYUR, ,DE NAS BCOM LDAN 'DAS KYIS DE'I TSE TSE DANG LDAN PA KUN DGA' BO DANG, THAMS CAD DANG LDAN PA'I LHA'I 'KHOR DE DAG LA TSIGS SU BCAD DE BKA' STZAL PA, JI LTAR MTHONG BA GZHAN MIN TE, ,DE RING S'A LA'I TSAL KHROD DU, ,NGA NI MYA NGAN 'DA' 'GYUR GYI, ,MYA NGAN MA BYED BRTAN PAR GYIS, ,KHA DOG LDAN ZHING BSAM YAS LA, ,'OD DANG DRI BSUNG PHUN TSOGS PA'I, ,LJON SHING LJON PA CHEN PO DE, ,S'A LA'I CHOS KHROD CAG GYUR PA, ,LJON SHING CI 'DRAR STON PA NI, ,DE RING S'A LA'I TSAL KHROD DU, ,JI LTAR ME LA CHUS BTAB BZHIN, ,LEN MED MYA NGAN 'DA' BAR 'GYUR,, SHES RAB RDZU 'PHRUL MTHAR PHYIN PA, ,NYE RGYAL PHANG NAS SKYES DAG BZHIN, ,MI MCHOG NGA YANG 'DA' 'GYUR BAR, ,KUN DGA' KHYOD KYIS MI SHES SAM, ,'DUS BYAS THAMS CAD MI RTAG

188b

STE; ;SKYE ZHING 'JIG PA'I CHOS CAN YIN, ,STON PAS DE DAG RAB MKHYEN NAS, ,DGE SLONG RNAMS LA DE YANG BSHAD, ,KUN DGA' TSUR SHOG KHYOD SONG LA, ,NGA YI NYAN THOS RNAMS LA SMROS, , LHA YI MIG GI MTHAR PHYIN PA, ,GNAS BRTAN CHEN PO MA 'GAGS DANG, ,GNAS BRTAN CHEN PO KA TY'A'I BU, ,GNAS BRTAN GANG PO RAB 'BYOR DANG, ,GSUS PO CHE NI CHEN PO DANG, ,BA LANG BDAG DANG DGA' BYED DANG, ,GRO BZHIN DON YOD RGYAL PO DANG, ,CHOS GOS NGAN PA 'CHANG BA DANG, ,DGA' BO DANG NI SGRA GCAN BZANG, ,NGA YI NYAN THOS GZHAN RNAMS DANG, ,SLOB DANG MI SLOB GNAS BRTAN DANG, ,GZHAN YANG SO SO'I SKYE BO DAG ,NGA NI MYA NGAN 'DA' 'GYUR GYI, ,THAMS CAD SHIN TU MYUR BAR SPRO NA, ,SLOB DANG SO SO'I SKYE BO YIS, ,MA MTHONG SDUG BSNGAL SKYE 'GYUR BAS; ;MYA NGAN 'DAS PA'I 'OG TU NI, ,MYA NGAN ZUG RNGUS GZIR MI BYA, ,MYA NGAN MA BYED 'DU BYED RNAMS, ,MI RTAG RMI LAM LTA BU ZHES, ,JI LTAR CHOS KYI CHOS NYID KYIS, ,DE DAG RNAMS NI DBUGS DBYUNG BYA, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA KUN DGA' BOS SLAR TSIGS SU BCAD DE GSOL PA, MGON PO SANGS RGYAS MYA NGAN LAS,, 'DA' BAR 'GYUR BAR THOS NAS BDAG ,PHYOGS BSLAD BDAG GI LUS RMA ZHING, ,BDAG NI G-YAR NGAN SHIN TU CHE, ,LUS NYAMS BDE BA MA MCHIS SHING, ,SEMS NYAMS BDE BA'ANG MA

189a

, ,MCHIS LA, ,CHAGS BRAL NYAMS BDE'ANG MA MCHIS NA, ,SPYAN LDAN BDAG NI JI LTAR MCHI, ,BDAG GI SKYABS DANG DPUNG GNYEN DANG, ,'JIG RTEN RNAM 'DREN GANG LAGS PA, ,DENG MTHONG SLAD KYIS MI MTHONG ZHES, ,GNAS BRTAN RNAMS LA JI SKAD BGYI, ,MYA NGAN GYUR CING SDUG BSNGAL BAS, ,JI LTAR MYA NGAN BRJOD PAR BGYI, ,BDAG CAG RNAMS KYI 'JIGS CHEN 'DI, ,GNAS BRTAN DE DAG JI LTAR NYAN, ,GANG DAG SLOB DANG SKYE BO YI, ,DGE SLONG MYA NGAN ZUG RDU YIS, ,KUN NAS ZUG PA JI LTAR GNAS, ,MI MCHOG BSKAL BAR BZHUGS SU GSOL, ,'KHOR BZHI'I NANG DU MCHIS NAS NI, ,STON PA MYA NGAN 'DA' 'GYUR ZHES, ,JI LTAR BRJOD BGYI MI YI MCHOG ,THUB CHEN BSKAL PAR BZHUGS SU GSOL, ,SGRON MA CHEN PO 'JIG RTEN DU, ,SHIN TU MYUR BAR NUB 'GYUR TE, ,'JIG RTEN 'DI DAG RAB MYUR BAR, ,LDONGS PA NYID DU 'GYUR LAGS SO, ,MI MCHOG BDAG NI G-YAR NGAN 'DI, ,DGE SLONG RNAMS LA SMRAR MI SPRO, ,GANG LA G-YAR NGAN MA MCHIS PA, ,GZHAN ZHIG MNGAG PAR BKA' STZAL GSOL, ,BCOM LDAN 'DAS KYIS BKA' STZAL PA, ,GOO TA MA'I BU; 'DU BYED THAMS CAD MI RTAG PA YIN GYI, MYA NGAN MA BYED PAR THOB ZHIG, DE NAS BCOM LDAN 'DAS KYIS DE'I TSE TSE DANG LDAN PA KUN DGA' BO LA PHYIR TSIGS SU BCAD DE BKA'

189b

STZAL PA, BYE MA MTHA' YAS LHA RNAMS KYIS, ,DE RING SANGS RGYAS 'DA' THOS NAS, ,GZHAL MED KHANG DAG SPANGS NAS NI, ,MYA NGAN BYED CING SMRE SNGAGS 'DON, ,NGA 'DAS PHYI NA DGE SLONG DAG ,MA MTHONG MYA NGAN BYED MA GZHUG ,'DI NI RIM GRO BYED PA'I LAS, ,SONG LA DGE SLONG RNAMS KYANG SPRON, ,DE'I TSE TSE DANG LDAN PA MA 'GAGS PA RI RAB KYI SPO LA SUM CU RTZA GSUM PA'I LHA RNAMS LA CHOS STON CING 'DUG GO ,TSE DANG LDAN PA MA 'GAGS PAS LHA'I MIG RNAM PAR DAG PA MI LAS SHIN TU 'DAS PAS LHA'I BU DBANG CHE BA DBANG CHE BAR GRAGS PA RNAMS RANG RANG GI GZHAL MED KHANG DAG NAS MI SNANG BAR GYUR PA MTHONG ZHING LHA RNAMS KYI SMRE SNGAGS 'DON PA'I SGRA CHEN PO DAG KYANG THOS, RANG GI 'KHOR RNAMS KYANG BSRABS PAR MTHONG NGO, ,DE NAS TSE DANG LDAN PA MA 'GAGS PAS DE'I TSE BSAM STE, LHA'I MIG GIS LHA'I BU 'KHOR DANG BCAS PA DE DAG YI CHAD CING RANG RANG GI 'DOD PA'I DGA' BA DAG SPANGS TE RINGS PA RINGS PAR GANG DU DONG ZHING 'DOD BAR BYED CES 'JIG RTEN LA RNAM PAR BLTAS SO, ,DE NAS TSE DANG LDAN PA MA 'GAGS PAS RI'I RGYAL PO RI RAB KYI RTZE MO LAS DPAG TSAD BRGYA TZAM DAG CHAD PA DANG, RI'I RGYAL PO RI RAB KYI RTZE MO LAS DPAG TSAD NYIS BRGYA TZAM DANG, RTZE MO LAS DPAG TSAD SUM BRGYA TZAM DANG, RTZE MO LAS DPAG TSAD BZHI BRGYA TZAM DAG CHAD PA DANG, RTZE MO LAS DPAG TSAD LNGA

190a

, ,BRGYA TZAM DAG CHAD CING CHAD CING RGYA MTSO CHEN PO'I NANG DU LHUNG BA DAG KYANG MTHONG STE, SEMS CAN 'GA' TZAM LA'ANG GNOD PA'AM, RNAM PAR 'TSE BAR MI BYED NA, SROG GI BAR CHAD BYED PAR 'GYUR PA LTA SMOS KYANG CI DGOS, 'DI LTAR RI RAB KYI RTZE MO DE DAG KYANG GANG DAG RI'I RGYAL PO RI RAB LA BRTEN CING GNAS PA'I LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DE DAG GIS BCOM LDAN 'DAS YONGS SU MYA NGAN LAS 'DA' BA THOS NAS MYA NGAN GYI ZUG RDUS GZIR CING, BCOM LDAN 'DAS SH'AKYA THUB PA, SH'AKYA'I BDAG PO'I RGYAL PO, BSKAL BA BYE BA GRANGS MED PA NAS YANG DAG PAR BSGRUBS PA, DGE BA'I RTZA BA SHIN TU YONGS SU DAG PA DANG LDAN PA DE RING GYAD RNAMS DANG NYE BA NA YOD PA SHING S'A LA ZUNG GI DRUNG DU LAN PA MED PAR YONGS SU MYA NGAN LAS 'DA' BAR 'GYUR TE, DENG NI; LHA DANG BCAS PA'I 'JIG RTEN GYI MIG ZUM PAR 'GYUR RO, ,ZHES DE DAG KU SHA'I GRONG KHYER LOGS SU MNGON PAR PHYOGS TE RINGS PAR RINGS PAR BRTAD CING DONG BA DAG GIS RI'I RGYAL PO RI RAB KYI RTZE MO DE DAG KUN TU RAB TU BSGUL CING KUN TU RAB TU BSKYOD DE RINGS PA RINGS PAR BRTAD PA DE DAG GIS RI'I RGYAL PO RI RAB DANG, RGYA MTSO CHEN PO YANG G-YOS

190b

SHING 'KHRUGS PAR GYUR TE, DE'I PHYIR RI'I RGYAL PO RI RAB KYI RTZE MO DE DAG RGYA MTSO CHEN PO'I NANG DU LHUNG BAR GYUR TO, ,DE NAS TSE DANG LDAN PA MA 'GAGS PA RI RAB KYI SPO LA 'DUG PAS DE'I TSE SGRA SKAD CHEN PO PHYUNG STE TSIGS SU BCAD PA 'DI DAG SMRAS SO, ,'JIG RTEN RNAMS KYI DED DPON GANG YIN PA, ,GANG GIS 'JIG RTEN BDE BA STZOL MDZAD CING, ,SEMS CAN RNAMS KYI SBYIN GNAS GANG YIN PA, ,THUB PA DE NI DE RING MYA NGAN 'DA', ,YE SHES 'BYUNG GNAS RAB RIB MUN BCOM ZHING, ,'JIG RTEN SROG CHAGS RNAMS KYI PHA DANG MA, ,DE BZHIN SKYABS DANG DPUNG GNYEN GANG YIN PA, ,THUB PA DE NI DE RING MYA NGAN 'DA', ,ZUG RDU 'BYIN MDZAD SDIG MED NYON MONGS MED, ,GSO MDZAD DAM PA SMAN PA CHEN PO STE, ,MI DGE'I ZUG RDU 'BYIN MCHOG GANG YIN PA; ;THUB PA DE NI DE RING MYA NGAN 'DA', ,GANG ZHIG SEMS CAN CHAGS DANG SDANG BAS BCOM, ,RMONGS PAS ZIL NON RGA DANG 'CHI LA CHAGS, ,'GAGS 'GAL LAM LOG ZHUGS PA GZIGS NAS NI, ,'JIG RTEN THUGS RJE BSKYED NAS CHOS STON CING, ,GANG ZHIG BDUD SDE RAB GTUM DRAG PO'I GZUGS, ,SNA TSOGS GZUGS CAN MTSON SRA RDO RJE THOGS, ,KHA CIG 'JIGS PA DU MA RNAM STON CING, ,GZHAN DAG SNA TSOGS DRAG THOGS 'KHOD GYUR PA, ,DE 'DRAR RNAM MANG DRAG PO'I GZUGS CAN GYI, ,SDE DAG GZIGS KYANG MI G-YO MI 'GUL BA, ,BDUD KYI SDE

191a

, ,BCOM 'JIG RTEN MGON PO DE, ,S'A LA'I CHAL DU DE RING MYA NGAN 'DA', ,GANG GIS PHYAG G-YAS RAB TU BRKYANGS MDZAD DE, ,RI RAB RTZE 'DI GRONG BCAS G-YO MDZAD CING, , CHOS KUN MNGA' BRNYES RNAM 'DREN DRANG SRONG DE, ,S'A LA'I TSAL DU MYA NGAN 'DA' BAR 'GYUR, ,GANG GIS BRDABS PA PHYOGS BCUR BSAM YAS PA'I, ,SGRA BSGRAGS MKHYEN PA'I PHA ROL BYON GYUR PA, ,STON PA SEMS CAN RNAMS KYI SNYING PO DE, ,S'A LA'I TSAL DU DE RING MYA NGAN 'DA', ,GANG GIS STOBS LDAN SDER BCAS SKRAG MDZAD CING, ,MI G-YO MYA NGAN MED PA 'DUS MA BYAS PA BRNYES, ,SROG CHAGS RNAMS LA PHAN PHYIR 'KHOR LO BSKOR MDZAD CING, ,THUB PAS BDEN PA BZHI DAG RAB TU BSTAN, ,GANG ZHIG CHO 'PHRUL BSAM GYIS MI KHYAB STE, ,SKRA RTZE'I KHYON LA ZHING RNAMS BKOD MDZAD CING, ,SKU LA SKU YI 'DU SHES MI MNGA' BA, ,MNGON PO DE NI DE RING MYA NGAN 'DA', ,STON PA GYAD KYI YUL DU GSHEGS NAS NI, ,NYEN YOD PA'I TSAL KHROD ZHUGS GYUR TE, ,BSAM GTAN ZHI LA BDAG NYID MNYAM BZHAG NAS, ,SHING ZAD ME LTAR MYA NGAN 'DA' BAR 'GYUR, ,TSE DANG LDAN PA MA 'GAGS PAS TSIGS SU BCAD PA DE DAG SMRAS MA THAG TU DE NAS DE'I TSE SANGS RGYAS KYI MTHUS DZAMBU'I GLING NA DGE SLONG DANG, DGE SLONG MA DANG, DGE BSNYEN DANG, DGE BSNYEN MA JI SNYED PA RNAMS LAS GNAS BRTAN 'OD

191b

SRUNG CHEN PO 'KHOR DANG BCAS PA MA GTOGS PA DANG, GZHAN YANG DGE SLONG NYIS BRGYA RTZA BZHI MA GTOGS PA DE LAS GZHAN PA'I 'KHOR BZHI PO BCOM LDAN 'DAS KYI ZHABS LA PHYAG 'TSAL BA RNAMS BCOM LDAN 'DAS LA BLTA BA'I THA MAR GYUR PA NI, 'DI YIN NO, ,ZHES GYAD RNAMS KYI NYE BA NA YOD PA SHING S'A LA ZUNG GI TSAL GA LA BA DER DONG NGO, ,TSE DANG LDAN PA MA 'GAGS PAS TSIGS SU BCAD PA DE DAG SMRAS MA THAG TU DE NAS DE'I TSE GZHAN YANG STONG GSUM GYI STONG CHEN PO'I 'JIG RTEN GYI KHAMS NAS MNGON PAR SHES PA MNGON PAR SHES PA'I LHA DANG, LHA'I BU MO DANG, KLU DANG, KLU RGAN PO DANG, KLU BU MO DANG, GNOD SBYIN DANG, GNOD SBYIN GZHON NU DANG, GNOD SBYIN GYI BU MO DANG, SHA ZA DANG, SHA ZA RGAN PO DANG, SHA ZA GZHON NU DANG, SHA ZA GZHON NU MA JI SNYED PA RNAMS DANG, 'GRO BA RNAMS LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG, MI MA YIN PA DANG, SKAR MA JI SNYED PA DE DAG THAMS CAD MIG MCHIMS GANG STE MYA NGAN BYED CING SMRE SNGAGS 'DON LA DUD MOS 'DEBS SHING YANG DANG YANG DU SMRE STE, SDUG BSNGAL ZHING YID MI BDE LA MYA NGAN GYI ZUG RDUS GZIR BAS LAG PA GNAM DU BSGRENG STE DUD MOS 'DEBS PAR BYED DO, ,YANG KHA CIG NI, LAG PA SPREL CING DU'O, ,KHA CIG NI, PHAN TSUN MGO SPRAD DE GCIG GDONG DU

192a

, ,GCIG LTA ZHING DU'O, ,KHA CIG NI, KHA GDANGS TE NYAM THAG PA'I PHA ROL 'BYIN CING SMRE SNGAGS 'DON LA DBANG PO NYAMS SHING BZHIN GYI DKYIL 'KHOR MOG MOG POR GYUR TE RKANG LAG SGYUR ZHING DU'O, ,YANG DE NA KHA CIG NI, GCIG LA GCIG LTA ZHING DU'O, ,KHA CIG NI, KLAD PA RDEB PAR BYED DO, ,KHA CIG NI, LAG PA GNYIS KYIS MGO LA RDEB CING LUS RAB TU NYON MONGS PAR BYED DO, ,KHA CIG NI, MIG SGYUR ZHING DUD MOS 'DEBS LA, RKANG MTHIL BSREGS PA BZHIN DU SGYID PA 'DAR LA CHO NGES 'DEBS SHING SMRE SNGAGS 'DON TO,, KHA CIG NI, AA MA'O SANGS RGYAS, AE MA'O SANGS RGYAS ZHES SMRE SNGAGS 'DON CING GDONG MCHI MAS GANG LA SDUG BSNGAL ZHING NYAM THAG STE LAG MTHIL GYIS MIG MNYED CING CHO NGES 'DEBS LA MYA NGAN BYED CING, MYA NGAN GYI ZUG RDUL GZIR BAS BZHIN GYI DKYIL 'KHOR LA 'DRAD CING MYA NGAN BYED, SMRE SNGAGS 'DON TO, ,SROG CHAGS BYE BA PHRAG MANG PO GZHAN DAG NI; MCHI MAS BRNANGS BZHIN DU MCHI MA KLOG CING SGRA CHEN PO 'BYIN TO, ,KHA CIG NI, THAL MO SBYAR TE MCHI MA KLOG CING SMRE SNGAGS 'DON TO, ,KHA CIG NI, MYA NGAN GYI MES GDUNGS NAS LAG PA G-YAS PAS MGO BO LA 'DZIN CING SMRE SNGAGS 'DON TO, ,DE BZHIN DU GZHAN DAG KYANG LUS YONGS SU RMYA NAS LAG PA G-YON PAS MGO BO LA 'DZIN CING SMRE SNGAGS

192b

'DON TO, ,KHA CIG NI, LAG PA RDEB LA BZHIN GYI DKYIL 'KHOR GYI MDOG NYAMS SHING SNGON POR GYUR LA MYA NGAN GYIS NYAM THAG CING SMRE SNGAGS 'DON TO, ,DE NAS LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO 'KHOR DANG BCAS PA DE DAG MYA NGAN BYED CING SMRE SNGAGS 'DON BZHIN DU BCOM LDAN 'DAS GA LA BA DER DONG STE PHYIN NAS BCOM LDAN 'DAS KYIS SPYAN SNGAR SHING BCAD DE 'GYEL BA BZHIN DU SA LA BSGYEL NAS KHA CIG NI, BCOM LDAN 'DAS KYI ZHABS GNYIS LA 'DUD DO, ,KHA CIG NI; GDUNG BA'I SGRA CHEN PO 'BYIN TO, ,KHA CIG NI, GDUNG BA'I SGRA 'BYIN CING SA LA 'GRE'O, ,KHA CIG NI, BCOM LDAN 'DAS KYI SPYAN SNGAR 'KHOD NAS LAG PA GNAM DU BSGRENG STE AE MA'O SANGS RGYAS, AE MA'O SANGS RGYAS, AE MA'O MGON PO, ,AE MA'O THUGS RJE CAN, SEMS CAN THAMS CAD LA THUBS BRTZE ZHING SKYOB PAR MDZAD PA, AE MA'O 'JIG RTEN GSUM GYI SKYABS DANG DPUNG GNYEN SEMS CAN THAMS CAD LA MIG STZOL BAR MDZAD PA, AE MA'O RTEN MED PA RNAMS KYI RTEN MDZAD PA 'JIG RTEN STONGS PAR 'GYUR RO, ,SEMS CAN THAMS CAD LDONGS PAR 'GYUR RO, ,SANGS RGYAS DKON MCHOG MED PAR 'GYUR RO, ,ZHES SMRE SNGAGS 'DON CING DE DAG PHAN TSUN LAG PA SPREL TE SNYING RJE RJE SKAD DU MA SHI BA'I SMRE SNGAGS LTA BUS SMRE

193a

, ,SNGAGS 'DON TO, ,PHA SHI BA DANG, PHU NU SHI BA DANG, BU SHI PA'I SMRE SNGAGS LTA BUS SMRE SNGAGS 'DON CING, AE MA'O MGON PO, ,AE MA'O DGE BA'I BSHES GNYEN, AE MA'O SNYAN CING 'JAM PA GSUNG BA, AE MA'O SENGGE DANG, GLANG PO CHE DANG, KHYU MCHOG GI STOBS CAN, AE MA'O BDUD RTZI'I GO 'PHANG STON PA ZHES RNAM PA SNA TSOGS MANG POR SMRA SNGAGS 'DON TO, ,KHA CIG NI, BAR SNANG LA SONG STE BDAG NYID BRDABS NAS DE DAG SA LA LHUNG BA DANG, SA LA 'GRE LDOG CING SNYING THAG PA NAS SNYING RJE BAR SMRE ZHING SMRE SNGAGS 'DON TO, ,DE NAS TSE DANG LDAN PA KUN DGA' BO BRGYAL NAS SHING BCAD DE 'GYEL BA BZHIN DU SA LA 'GYEL TO, ,DES YANG 'DU SHES PHYIR RNYED NAS BCOM LDAN 'DAS KYI SPYAN SNGAR LAG PA GNYIS SA LA BTZUGS TE BCOM LDAN 'DAS KYI ZHAL DU LTA ZHING DE'I TSE TSIGS SU BCAD PA 'DI DAG GSOL TO, ,SEMS CAN SHIN TU SDUG BSNGAL LA, ,NGU ZHING SMRE SNGAGS 'DON BGYID LA, ,MYA NGAN ZUG RDUS GZIR MTHONG NAS, ,BDAG GI G-YAR NGAN SLAR ZHING SKYE, ,JI LTAR DGON PA'I SHUL BZHIG TU, ,'GRON PA CHOM POS BCOM GYUR CING, ,ZHUGS KYI PHUNG PO CHEN PO YANG, ,MDUN NA MCHIS PA MTHONG BA NA, ,KUN NAS ZHUGS PAR MTHONG NAS NI, ,DE DAG 'JIGS PA SLAR SKYES SHING, ,PHYOGS RGYUG DE DAG SKYABS MA MCHIS, ,KUN

193b

NAS DPUNG GNYEN MA MCHIS LTAR, ,DE BZHIN SEMS CAN MANG PO RNAMS, ,SANGS RGYAS MYA NGAN 'DA' THOS NAS, ,SKYABS MA MCHIS SHING SDUG BSNGAL LA, ,MYA NGAN ZUG RDUS GZIR BAR MTHONG, ,GANG DAG GTZO BO 'DAS GYUR NA, ,JI LTAR SANGS RGYAS BLTA BAR BGYI, ,GZHAN DAG MYA NGAN 'DA' GYUR LA, ,BCOM LDAN BSKAL PAR BZHUGS SU GSOL, ,ZHUGS 'BAR ME LCE LDAN GYUR PA, ,RGYU ZAD RAB TU ZHI BA LTAR, ,GYAD KYI YUL DU RDZOGS SANGS RGYAS, ,MYA NGAN 'DA' BA JI LTAR BLTA, ,SANGS RGYAS 'OD MA'I TSAL KHROD DU, ,DE RING SLAN CHAD MI MTHONG ZHING, ,'DREN PA RGYAL BYED TSAL DU NI, ,CHOS STON PA YANG MI MTHONG NGO, ,MI MCHOG DE NI 'DAS GYUR CES, ,LI TZA BYI YI GRONG KHYER MCHOG ,YANGS PA CAN DU ZHUGS NAS NI, ,LI TZA BYI LA JI LTAR BRJOD, , GANG ZAG GTZO BO 'DAS GYUR CES, ,SH'AKYA RNAMS KYI GRONG KHYER MCHOG ,SER SKYA'I GNAS SU MCHIS NAS NI, ,KUN MI DGA' BA JI LTAR BRJOD, ,THUB CHEN DE NI RAB ZHI ZHES, ,MA GA DHA PA RNAMS DANG NI, ,MA SKYES DGRA YI GRONG MCHOG TU, ,JI LTAR TSIG TU BRJOD PAR BGYI, ,SH'AKYA SENGGE 'DAS GYUR CES, ,SROG CHAGS STONG PHRAG MANG PO DAG ,CHO DES YANG DANG YANG 'DEBS NA, , BDAG GIS JI LTAR LAN YANG GDAB, ,SH'AKYA SENGGE 'DAS GYUR NA, ,DGE SLONG DGE SLONG MA DAG DANG, ,KHYIM PA RNAMS KYANG BDAG GIS NI, ,JI LTAR DGA' BGYI MI YI MCHOG ,SKYES MCHOG

194a

, ,BDAG LA GNAS BRTAN RNAMS, ,KUN DGA' MI MCHOG SBYIN PA'I GNAS, ,RDZOGS PA'I SANGS RGYAS GAR GSHEGS ZHES, ,'DRI NA JI SKAD BRJOD PAR BGYI, , THUB PA LHA KLUS DRIS PA NA, ,BSAM GTAN CHEN PO SNYOMS ZHUGS SAM, ,'ON TE 'CHAG TU GSHEGS SO ZHES, MI 'JIGS PAR NI JI LTAR BRJOD, ,BDAG GIS YANG DANG YANG DU NI, , SU YI SENGGE'I GZIMS KHRI BSHAMS, ,DPA' BO BDAG GIS SLAN CHAD NI, ,SU YI SENGGE'I KHRI YANG BSHAMS, ,'KHOR RNAMS LA NI SENGGE LTAR, ,BSNYENGS PA MI MNGA' SGROG MDZAD PA, , GO 'PHANG ZAB MO BLTA DKA'I CHOS, ,BDAG GIS SU LA MNYAN PAR BGYI, ,GANG ZAG GTZO BO 'DAS GYUR NA, ,SU YI ZHABS LA CHAB 'BUL ZHING, ,GANG GI NA BZA' CHOS GOS GZUNG, , SU YI LHUNG BZED GZUNG BAR BGYI, ,MI MCHOG DGE 'DUN DBUS SU NI, ,SU ZHIG BDAG GI BSNGAGS PA BRJOD, ,KUN DGA' THOS PA RGYA MTSO ZHES, ,SLAN CHAD BDAG LA SU ZHIG MCHI, , MKHYEN PA SPOBS PA MTHA' YAS PA, ,GSUNG 'JAM YID DGA' MDZAD PA DANG, MCHOG TU DGA' BA SKYED MDZAD PA, ,SU LA MNGON SUM MNYAN PAR BGYI, ,RGYAL SRAS THOS PA 'DZIN PA YIS; ;DE LTAR SMRE SNGAGS KUN BTON NAS, ,THUB PA CHEN PO'I ZHABS DRUNG DU, ,BRGYAL NAS SA LA BSGYEL BAR GYUR, ,DE NAS BCOM LDAN 'DAS KYIS TSE DANG LDAN PA KUN DGA' BO LA

194b

BKA' STZAL PA, GOO TA MA'I BU, NGAS DANG PO NYID NAS KHYED LA KUN DGA' BO, ,SDUG PA DANG, YID DU 'ONG BA THAMS CAD LA RTAG PA DANG LDAN PA MED DO, ,ZHES DON DE MA BSTAN TAM, GOO TA MA'I BU; 'DU BYED THAMS CAD NI, RMI LAM LTA BU DANG, SGYU MA LTA BU DANG, SMIG RGYU LTA BU DANG, ZIL PA'I THIGS PA LTA BU DANG, SLU BAR BYED PA YIN TE, 'DU BYED THAMS CAD MI RTAG PA YIN GYI; GOO TA MA'I BU, CI RUNG MYA NGAN MA BYED, SMRE SNGAGS MA 'DON CIG ,GOO TA MA'I BU, DE BZHIN GSHEGS PA DO MOD NAM GYI THUN THA MA LA MTHA' LAS 'DAS PA'I YONGS SU MYA NGAN LAS 'DA' BA DANG, BTAGS PA YANG DAG PAR 'JOMS PA'I YONGS SU MYA NGAN LAS 'DA' BA DANG, MI MNYAM PA DANG MNYAM PA'I YONGS SU MYA NGAN LAS 'DA' BAS YONGS SU MYA NGAN LAS 'DA' BAR 'GYUR GYI, GOO TA MA'I BU, KHYOD SONG LA SHING S'A LA ZUNG GI BAR DU DE BZHIN GSHEGS PA'I SENGGE'I GZIMS KHRI DBU NI, SHAR PHYOGS, ZHAL NI, BYANG PHYOGS, RGYAB NI, LHO PHYOGS SU BSTAN LA, GLO G-YAS PHYOGS KYIS DBAB TU RUNG BA SHOMS SHIG ,DE NAS TSE DANG LDAN PA KUN DGA' BOS DE'I TSE DU ZHING MYA NGAN BYED LA SMRE SNGAGS 'DON CING MCHI MAS BRNANGS LA DU ZHING GDONG LA MCHI MA 'DZAG BZHIN DU SHING S'A LA ZUNG GI BAR DU BCOM LDAN 'DAS KYI SENGGE'I GZIMS KHRI BSHAMS SO, ,DE NAS TSE DANG LDAN PA KUN DGA' BOS BCOM

195a

, ,LDAN 'DAS KYI SENGGE'I GZIMS KHRI BSHAMS NAS DE'I TSE TSIGS SU BCAD PA 'DI DAG GSOL TO, ,THUB CHEN SENGGE'I GZIMS KHRI NI, ,BSHAMS PA'I THA MA DENG LAGS TE, ,MI MCHOG SENGGE'I GZIMS KHRI NI, ,SLAN CHAD BSHAM DU MA MCHIS SO, ,MI MCHOG MYA NGAN 'DAS GYUR CING, ,'JIG RTEN MGON PO 'DAS PA NA, ,S'A LA MDZES TSAL STONGS PA YI; ;KHROD 'DIR BDAG GIS JI LTAR BLTA, ,GANG ZHIG S'A LA'I LJON TSAL NA, ,YUN RING GNYUG MAR GNAS PA'I LHA, ,DES NI RNAM 'DREN MA MTHONG NA, ,SLAN CHAD JI LTAR GNAS PAR 'GYUR; ;KYE MA'O 'DU BYED MI RTAG STE, ,SGYU MA RMI LAM LTA BU LAGS, ,'DI 'DRA'I STON PA DPA' BO YANG, ,'DI NYID DU NI 'DA' BAR 'GYUR, ,DE NAS TSE DANG LDAN PA MA 'GAGS PAS TSE DANG LDAN PA KUN DGA' BO LA TSIGS SU BCAD DE SMRAS PA, 'DUS BYAS THAMS CAD MI RTAG CES, ,SANGS RGYAS KYIS NI SNGON YANG GSUNGS, ,GANG LA RANG DBANG YOD MIN PA, ,DE LA SMRE SNGAGS BTON MI PHAN, ,SMRE SNGAGS YANG DANG YANG BTON CING, ,DUD MOS BTAB PA TZAM GYIS NI, ,DON 'DI THOB PAR MI SLA YI, ,MKHAS PA MYA NGAN MA BYED CIG ,DE SKAD CES SMRAS PA DANG, TSE DANG LDAN PA KUN DGA' BO TSE DANG LDAN PA MA 'GAGS PA LA TSIGS SU BCAD DE SMRAS PA, MI MCHOG MYA NGAN 'DA' 'GYUR BA, ,KHYOD LA'ANG MYA NGAN YOD YIN NA, ,MA 'GAGS

195b

'JIGS PA MED PAR NI, ,CI YI PHYIR NA DE SKAD SMRA, ,MA 'GAGS PAS SMRAS PA, SEMS CAN NYAM THAG SDUG BSNGAL ZHING, ,MYA NGAN GDUNGS PA MTHONG NAS NI, ,BDAG GI MIG KYANG CHUS GANG ZHING, ,MCHI MA 'KHRUG CES BYED PA'ANG YOD, ,SEMS CAN JI SNYED DU BA RNAMS, ,LHA YI MIG GIS MTHONG BA NA, ,BDAG KYANG DE DAG DON GYI PHYIR, ,SHIN TU DU YANG BRO MOD KYI, ,'ON KYANG SMRE SNGAGS BTON PAS NI, ,PHAN PA 'GA' YANG MI RNYED PAS, ,DE PHYIR KHYOD LA KUN DGA' BO, ,CHOS SOMS MYA NGAN MA BYED ZER, ,DE NAS BCOM LDAN 'DAS GDAN LAS BZHENGS TE LHA DANG, MI DANG, KLU DANG, GNOD SBYIN DANG, DRI ZA DANG, MI 'AM CI DANG, LTO 'PHYE CHEN PO DANG, LHA MA YIN DANG, NAM MKHA' LDING BYE BA 'BUM PHRAG DU MAS YONGS SU BSKOR CING MDUN DU BDAR NAS SHING S'A LA ZUNG GI BAR GA LA BA DER GSHEGS TE BYON NAS SENGGE'I GZIMS KHRI LA SKU'I GLO G-YAS PA PHAB STE GZIMS SO, ,BCOM LDAN 'DAS SENGGE'I GZIMS KHRI LA GZIMS MA THAG TU LHA RNAMS KYIS BAR SNANG LAS LHA'I ME TOG SNA TSOGS KYI CHAR DAG MNGON PAR RAB TU PHAB CING, LHA'I PHYE MA MANG PO DAG GIS KYANG GTOR, LHA'I SIL SNYAN BRGYA STONG DAG KYANG RAB TU GSIL TO, ,MI RNAMS KYIS KYANG BCOM LDAN 'DAS DE BZHIN GSHEGS PA LA BLTA BA'I THA MAR GYUR PA NI, 'DI YIN NO, ,ZHES MI YUL GYI ME TOG DANG, PHYE MA DANG, SPOS

196a

, ,DANG, BYUG PA DANG, ROL MO'I SGRA DAG GIS BCOM LDAN 'DAS LA MCHOD PA BYAS SO, ,BCOM LDAN 'DAS SHING S'A LA ZUNG GI BAR DU SENGGE'I GZIMS KHRI LA SKU'I GLO G-YAS PAS PHAB STE GZIMS MA THAG TU DE NAS SKAD CIG DE DANG, THANG GCIG DE DANG, YUD TZAM DE LA SHAR PHYOGS LOGS SU SANGS RGYAS KYI ZHING BYE BA 'BUM PHRAG BCU 'DAS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SENGGE'I SGRA'I DBANG PHYUG CES BYA BA'I SANGS RGYAS KYI ZHING 'JIG RTEN GYI KHAMS RIN CHEN DBYANGS CAN ZHES BYA BA NAS BYANG CHUB SEMS DPA' SEMS DPA' CHEN PO DON LEGS PAR SEMS PA ZHES BYA BA SHI 'PHOS NAS RGYAL PO'I KHAB KYI GRONG KHYER CHEN POR LUS 'PHAGS MA'I BU YUL MA GA DHA'I RGYAL PO MA SKYES DGRA'I PANG BAR DU NYID DU RDZUS TE SKYES SO, ,DE SKYES MA THAG TU CHED DU BRJOD PA 'DI CHED DU BRJOD DO, ,SENGGE SGRA YI SPYAN SNGA NAS, ,GANG GI DON PHYIR BDAG 'ONGS PA,, SH'AKYA SENGGE MI YI MCHOG ,RDZOGS SANGS RGYAS PA BZHUGS SAM CI, ,DE NAS LHA ZHIG GIS BYANG CHUB SEMS DPA' SEMS DPA' CHEN PO DON LEGS PAR SEMS PA LA TSIGS SU BCAD DE SMRAS PA, GSUNG PAR MDZAD PA MI DBANG PO, ,SKYOB PA SH'AKYA SENGGE DE, ,DE RING SLA LA'I BAR DU NI, ,LEN MED MYA NGAN 'DA' BAR 'GYUR, ,DE SKAD CES SMRAS PA DANG, BYANG CHUB

196b

SEMS DPA' SEMS DPA' CHEN PO DON LEGS PAR SEMS PAS LHA DE LA PHYIR TSIGS SU BCAD DE SMRAS PA, SH'AKYA SENGGE DE YI CHOS, ,MCHOG TU MTHONG DKA' MNYAN PA'I PHYIR, ,BYE BA BRGYA STONG PHRAG BCU YI, ,SANGS RGYAS ZHING NAS BDAG 'DIR 'ONGS, ,DE NI S'A LA'I BAR DU DENG, ,MYA NGAN 'DA' BAR 'GYUR NA KO ,KHO BOS SANGS RGYAS ZHING 'DIR NI, ,'ONGS PA 'BRAS BU MED PAR 'GYUR, ,KHO BO DE RING 'DIR 'ONGS NAS, ,THUB PA DE YANG 'DA' 'GYUR BAS, ,LHA DANG BCAS PA'I 'JIG RTEN GYIS, ,MYA NGAN BYA BAR KHO BOS BYAS, ,KHO BO 'ONGS PAS SANGS RGYAS NI; ;MI MTHONG DON MED 'GYUR MI BYA, ,SEMS BSKYED TZAM YANG MI BSDAD CING, ,SANGS RGYAS SPYAN SNGAR 'GRO BAR BYA, ,DES NI 'JAM ZHING DES PA DANG, ,DGA' BA BRJOD PA'I TSIG GIS NI, ,DE NYID DU NI MA GA DHA'I, ,BDAG PO RGYAL LA 'DI SKAD SMRAS, ,RGYAL PO KHYOD NI BDAG LA GSON, ,SKYES BU DAM PA DKON PAS NA, ,BAG MA MCHIS PA MA MDZAD PAR, ,DE BZHIN GSHEGS PA'I SPYAN SNGAR BZHUD, ,BSKAL PA STONG PHRAG BYA BA LA, ,RGYAL BA LAN 'GA' 'BYUNG 'GYUR ZHING, ,TSOGS PA 'DI NI RNYED PA LA, ,MKHAS PA SKYO BAR MA MDZAD CIG ,'DI NI MI MKHAS BYIS PA SNYAM; ;GANG PHYIR RGYAL CHEN KHYOD DGONGS PA, ,RGYAL CHEN BYIS PA BDAG MA LAGS, ,MI DBANG KHYOD NI BYIS PA LAGS, ,'DOD PA'I DBANG DU SONG NAS NI, ,GANG GIS NGAN 'GROR 'GRO BA

197a

, ,YI; ;MTSAMS MED PA NI KHYOD KYIS MDZAD, ,DE NI BYIS PA'I BYIS PA NYID, ,KHYOD KYIS SDIG PA'I LAS MDZAD PA, ,MCHAMS MED 'JIGS PA CHEN PO LAGS, , DE YIS KHYOD NI MNAR MED PA, ,MI BZAD 'JIGS PA CHEN POR LTUNG, ,SANGS RGYAS LA NI SEMS DAD MDZOD, ,DES NI THAR PA 'THOB 'GYUR ZHING, ,MI DBANG DE NAS RKYEN RNAMS KYIS, ,KHYOD KYIS RDZOGS PA'I BYANG CHUB 'THOB, ,KHYOD KYIS SDIG PA'I GROGS BSTEN PA, ,LHA SBYIN GNOD BYED CHEN PO LAGS, ,DE YI RJES SU PHYOGS NAS NI, ,KHYOD KYIS YAB NI BKRONGS PAR GYUR; ;KHYOD KYI YAB NI CHOS SPYOD PA, ,SANGS RGYAS THUGS LAS SKYES PA'I SRAS, ,KHYOD KYI NGA RGYAL DE YIS NI, ,MKHAS PA PO NI BSAD PAR GYUR, ,RDZOGS SANGS MYA NGAN MA 'DAS PAR; ;KHYOD KYIS GZIGS PAR MI BGYI'AM, ,DE YI SKU GDUNG RNAMS LA YANG, ,MCHOD PA RGYA CHEN DAG KYANG MDZOD, ,BDAG NI ZHING 'DIR MCHIS PA YANG, ,'DOD PA'I YON TAN PHYIR MA LAGS, ,BDAG NI SANGS RGYAS BLTAR MCHI YI, ,RGYAL PO CHEN PO BZOD PAR MDZOD, ,SH'AKYA SENGGE DRANG SRONG CHE, ,DE NI DE RING 'DA' 'GYUR ZHES, ,SANGS RGYAS SENGGE'I SGRA DE YI, , SPYAN SNGA NAS NI BDAG GIS THOS, ,DE LA BLTA BA'I CHED DU BDAG ,ZHING 'DIR MCHIS PAR GYUR PA LAGS, ,RGYAL RIGS NYE DU'I TSOGS KUN DANG, ,LHAN CIG 'GROGS TE MCHI

197b

BAR BGYI, ,DE NAS RGYAL PO MA SKYES DGRAS KHYE'U DE LA CHIGS SU BCAD DE SMRAS PA, 'DI NAS GYAD YUL LAM RING MA SMAD PA, ,RKANG PAS BGROD PAR MI NUS SHING RTAS SONG, ,KHYE'U KHYOD PHO MO SDOD PAR GYIS SHIG DANG, ,DPUNG CHEN RNAMS KYIS BDE BAR 'DONG BAR BYA, ,DE NAS KHYE'U DES RGYAL PO MA SKYES DGRA LA TSIGS SU BCAD DE SMRAS PA, MI DBANG KHYOD LTAR BDAG LA LE LO MED; ;BSAM YAS RDZU 'PHRUL STOBS NI BDAG LA YOD, ,BDAG NI 'DOD NA SHAR PHYOGS ZHING RNAMS NI, ,DU MA DAG TU'ANG THOGS MED 'GRO 'GYUR ZHING, ,BDAG NI GANG NAS 'ONGS PA'I 'JIG RTEN KHAMS, ,DE YI BAR NA SANGS RGYAS ZHING MANG GANG, ,DE YANG MTHA' YAS MANG PO TSAD MED PAS, ,GYAD YUL LTA ZHIG JI LTAR GYUR KYANG RUNG, ,DE NAS KHYE'U DE RGYAL PO MA SKYES DGRA'I PANG PA NAS BABS NAS RKANG PAS RGYAL PO'I KHAB KYI GRONG KHYER NAS BYUNG STE TSIGS SU BCAD PA 'DI DAG SMRAS SO, ,GANG ZHIG SDIG MED NYON MONGS YOD MIN ZHING, ,STOBS CHEN GSUNG MCHOG MI DBANG LTA 'DOD PA, ,DE NI KHO BO'I PHYI BZHIN DENG SHOG DANG, ,SH'AKYA THUB MYA NGAN MA 'DAS DE MTHONG 'GYUR, ,KHYE'U DE RGYAL PO'I KHAB KYI GRONG KHYER NAS BYUNG MA THAG TU DE NAS SKAD CIG DE DANG, THANG GCIG DE DANG, YUD TZAM DE LA LHA DANG MIR BCAS PA'I SKYE RGU LAS SROG CHAGS BDUN KHRI NYIS STONG 'DUS PAR GYUR NAS KHYE'U DE BCOM LDAN 'DAS

198a

, ,KYI ZHABS LA PHYAG 'TSAL BA'I LHA BYE BA KHRAG KHRIG PHRAG 'BUM GYIS YONGS SU BSKOR CING MDUN DU BDAR NAS BCOM LDAN 'DAS GA LA BA DER SONG NGO, ,BCOM LDAN 'DAS SENGGE'I GZIMS KHRI LA SKU'I GLO G-YAS PAS PHAB STE GZIMS MA THAG TU DE NAS SKAD CIG DE DANG, THANG GCIG DE DANG, YUD TZAM DE LA LHO PHYOGS LOGS SU SANGS RGYAS KYI ZHING BYE BA 'BUM PHRAG LNGA 'DAS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLTA MDZES RIN CHEN BRTZEGS ZHES BYA BA'I SANGS RGYAS KYI 'JIG RTEN GYI KHAMS RIN PO CHE BKOD PA ZHES BYA BA NAS BYANG CHUB SEMS DPA' SEMS DPA' CHEN PO RAB TU ZHI BAR 'JUG CES BYA BA SHI 'PHOS NAS SANGS RGYAS KYI ZHING 'DI'I DZAMBU GLING 'DI NYID DU MNYAN YOD KYI GRONG KHYER CHEN POR TSONG DPON SENGGE LTA BU ZHES BYA BA'I KHYIM DU SKYES SO, ,DE SKYES MA THAG TU CHED DU BRJOD PA 'DI SKAD CHED DU BRJOD DO, ,GANG PHYIR BSKAL BA BYE SNYED DU, ,GANG GIS PHYAG KYANG YANG YANG GTUBS, ,SPYAN DANG RANG GI SHA DAG DANG, ,DE BZHIN DBU YANG BTANG MDZAD CING, ,SANGS RGYAS NYID NI BZHED PA YIS, ,BSKAL PA STONG PHRAG BYE BAR YANG, ,BTZUN MO SRAS DANG SRAS MO DANG, ,BDOG PA THAMS CAD YANG YANG BTANG, ,SEMS CAN RNAMS NI DGROL BA'I PHYIR, ,BSKAL PA BYE BA BRGYA MANG DU, ,SBYIN PA RGYA

198b

CHEN BTANG GYUR PA'I, ,SPYAN DANG LDAN PA BZHUGS SAM CI, ,DE NAS TSONG DPON SENGGE LTA BUS KHYE'U DA LA TSIGS SU BCAD DE SMRAS PA, GANG PHYIR SKYES MA THAG TU YANG, ,TSIG MCHOG RJOD PAR BYED PA KHYOD, ,LHA 'AM 'ON TE KLU ZHIG GAM, ,GNOD SBYIN YIN NAM SRIN PO YIN, ,NYA DU'I TSOGS NI SKRAG GYUR CING, ,'JIGS PAS PHYOGS SU RNAM PAR RGYUG ,KHO BO SANGS RGYAS SGRA YIS NI; ;GZHAN DU 'BROS PAR MI BYED KHYE'U, ,DE NAS KHYE'U DES TSONG DPON DE LA TSIGS SU BCAD DE SMAS PA, KHO BO LHA MIN KLU YANG MIN, ,GNOD SBYIN MA YIN SRIN PO'ANG MIN, ,'JIG RTEN THUN MONG YIN PA'I PHYIR, ,CI 'DRA TSONG DPON MI SHES SAM, ,KHO BO LHA KLU GNOD SBYIN DANG, ,MI 'AM CI DANG LTO 'PHYE CHE, ,LHA YI LHA ZHES BRTAN PA NI, ,KHYU MCHOG BZHIN DU DAM YANG 'CHA', , DE NAS TSONG DPON SENGGE LTA BUS KHYE'U DE LA TSIGS SU BCAD DE SMRAS PA, MKHAS PA KHYOD KYIS BSGRAGS PA YI, ,DE 'DRA'I TSIG NI THOS GYUR NAS, ,THE TSOM LHAG PAR SKYES GYUR CING, ,KHO BO LHAG PAR BSNGAGS SO KHYE'U, ,JI LTAR KHYOD NI LHA DANG KLU, JI LTAR GNOD SBYIN MI 'AM CI, ,JI LTAR LHA YI LHA YIN PA, ,DE NI KHYE'U KHYOD NGA LA SMROS, ,DE NAS KHYE'U DES TSONG DPON SENGGE LTA BU LA TSIGS SU BCAD DE SMRAS PA, LHO YI PHYOGS CHA LOGS NA NI, ,GSUNG BAR MDZAD PA'I BDAG PO NI, ,LTA MDZES RIN CHEN BRTZEGS BZHUGS PA, ,DE NAS KHO BO 'DIR 'ONGS TE, ,KHO BO LAN

199a

, ,BRGYAR BRGYA BYIN DANG, ,DBANG SGYUR DU YANG KHO BO GYUR, ,KHO BO LAN BRGYAR TSANGS PA DANG, ,DE BZHIN 'KHOR LOS BSGYUR BAR GYUR, ,KHO BOS YUN RING BRJOD BYA NA; ;BSKAL PA'ANG BSKAL PA BYE BAR YANG, ,ZAD PAR 'GYUR BA YOD MIN TE, ,MKHAS PA KHO BO 'GRO DGOS SO, ,TSONG DPON, 'ON KYANG RE ZHIG RJES SU BSTAN PA 'DI LA KHYOD KYIS KUN TU BSTEN PAR BYA, NGES PAR BSTEN PAR BYA, GOMS PAR BYA ZHING LAN MANG DU BYA'O, ,TSONG DPON, RJES SU BSTAN PA DE'ANG GANG ZHE NA, TSONG DPON, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LTA MDZES RIN CHEN BRTZEGS DES 'DI SKAD CES BYANG CHUB SEMS DPA' SEMS DPA' CHEN PO CHOS GSUM DANG LDAN NA; BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG CING, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,ZHES GSUNGS PA STE, GSUM GANG ZHE NA, 'DI LTA STE, SEMS MTHA' YAS PA'I RJES SU 'JUG PA DANG, YE SHES ZAB MO'I RJES SU 'JUG PA DANG, SNYING PO DANG LDAN PA'I TING NGE 'DZIN LA RJES SU SGOM PA STE, TSONG DPON, BYANG CHUB SEMS DPA' SEMS DPA' CHEN PO CHOS GSUM PO DE DAG DANG LDAN NA, BLA NA MED PA YANG DAG PAR RDZOGS PA'I

199b

BYANG CHUB LAS PHYIR MI LDOG CING, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE NAS KHYE'U DES DE'I TSE TSIGS SU BCAD PA 'DI DAG SMRAS SO, ,YE SHES ZAB MO RTOGS DKA' DE LA NI, ,GANG DAG RGYU DANG RGYU MED KUN MKHYEN PA'I, ,SANGS RGYAS GRAGS CHEN RNAM DAG MA GTOGS PA, ,LHAR BCAS SKYE RGU 'DI DAG SOM NYI BYED, ,BYANG CHUB GNAS MIN GANG YIN DE MED DE, ,YANG DAG YE SHES GANG LA'ANG CHAGS PA MED, ,CHAGS PA RNAM SPANGS ZUG RDU BRAL GYUR PA'I, ,YE SHES RNAM PAR BSGOM NA SANGS RGYAS 'GYUR, ,MTHA' YAS SEMS LA SEMS YOD MA YIN PAR, ,SEMS LA 'JUG PA RAB TU ZHI BAR GSUNGS, ,SEMS 'DI THAMS CAD DAG LAS LOG GYUR PA'I, ,RJES SU RAB TU 'JUG PAS SEMS ZHES BYA, ,BCAD CING BCAG RUNG GANG YIN DE MI SRA, ,BDE GSHEGS GSUNGS PA'I CHOS RNAMS MI PHYED CING, ,DNGOS PO THAMS CAD NAM MKHA'I DNGOS 'DRA BA'I; ;TING 'DZIN 'DI NI RDO RJE'I RANG BZHIN YIN, ,GANG GIS DE 'DRAR RANG BZHIN STONG SHES NAS, ,DNGOS PO KUN LA MI GNAS SGOM BYED PA, ,DE NI NYON MONGS DRA BA KUN SPANGS SHING, ,SRID PA'I 'DOD CHAGS BCOM PA'I SANGS RGYAS 'GYUR, ,THAMS CAD SHES KYANG RNAM SHES YOD MIN ZHING, ,THAMS CAD SGOM YANG RNAM SGOM YOD MIN LA, ,THAMS CAD RTOGS KYANG RTOGS PA

200a

, ,YOD MIN ZHING, ,THAMS CAD BRJOD KYANG GANG LA'ANG MI GNAS LA, ,ZAB CHOS CHOS KYI 'DU SHES YOD MIN ZHING, ,SEMS CAN 'GROL YANG SEMS CAN 'DU SHES MED, , ZHI DBEN ZHI BA'I 'DU SHES YOD MIN ZHING, ,BYANG CHUB RTOGS KYANG BYANG CHUB 'DU SHES MED, ,DPA' RTUL LTA BA'I ZUG RDU SPANGS PA DE, ,BSTEN DKA' 'GRO BA KUN LAS 'DAS GYUR CING, , SEMS CAN KUN GYI 'CHI 'PHO 'GRO DANG KUN, ,RAB TU SHES SHING RAB BYUNG SANGS RGYAS 'GYUR, ,KHYE'U DES TSIGS SU BCAD PA DE DAG SMRAS MA THAG TU DE NAS SKAD CIG DE DANG, THANG GCIG DE DANG, YUD TZAM DE LA TSONG DPON SENGGE LTA BU RANG GI 'KHOR GYIS YONGS SU BSKOR BA DANG, SROG CHAGS NYIS STONG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED CING SEMS YONGS SU BSNGOS NAS MI SKYE BA'I CHOS LA BZOD PA THOB PAR GYUR TO, ,LHA BYE BA PHRAG BRGYAD KYIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED CING BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA NYID DU NGES PAR GYUR TO, ,SROG CHAGS KHRAG KHRIG 'BUM PHRAG BZHI NI, CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,DE NAS KHYE'U DES DE'I TSE TSIGS SU BCAD PA 'DI DAG SMRAS SO, ,SH'AKYA SENGGE'I SPYAN SNGA 'DIR, ,KHO BO 'ONGS PA DE DON YIN, ,SROG CHAGS

200b

KHRAG KHRIG 'KHOR BA YI, ,'JIGS PA CHE LAS THAR GYUR CING, ,SROG CHAGS BYE BA MANG PO RNAMS, ,BLA NA MED PA'I BYANG CHUB TU, ,SEMS BSKYED PA YANG SKYES GYUR TE, ,BZOD PA LA YANG RAB TU BKOD, ,BDAG GI PHA MA PHU NU DANG, ,NYE DU RNAMS KYANG BZOD LA GNAS, ,BYE BA PHRAG BRGYAD LHA RNAMS NI, ,THAMS CAD BYANG CHUB RAB TU ZHUGS, ,DPAG MED BSAM GYIS MI KHYAB PA'I; ;NOR GYI PHUNG PO CHE RNYED PAS, ,BDAG NI SANGS RGYAS CHOS RNAMS KYIS, ,DBUL BA THAG RING ZAD PAR 'GYUR, ,DE NAS KHYE'U RAB TU ZHI BAR GNAS KYIS PHA MA DANG, PHU NU DANG, NYE DU'I TSOGS RNAMS BOS TE PHA MA DANG, PHU NU DANG, NYE DU DANG, RTZA LAG GI SKYE BO RNAMS DANG LHAN CIG TU BCOM LDAN 'DAS KYI ZHABS LA PHYAG 'TSAL BA'I SROG CHAGS 'BUM PHRAG MANG POS YONGS SU BSKOR CING MDUN DU BDAR TE MNYAN YOD KYI GRONG KHYER CHEN PO NAS BYUNG NAS GYAD RNAMS DANG NYE BA NA YOD PA SHING S'A LA ZUNG GI TSAL GA LA BA DER DONG NGO, ,BCOM LDAN 'DAS SENGGE'I GZIMS KHRI LA SKU'I GLO G-YAS PA PHAB STE GZIMS MA THAG TU DE NAS GZHAN YANG SKAD CIG DE DANG, THANG GCIG DE DANG, YUD TZAM DE LA NUB PHYOGS LOGS SU SANGS RGYAS KYI ZHING BYE BA 'BUM PHRAG BRGYAD 'DAS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DGA' BA'I DBANG PHYUG CES BYA BA'I SANGS RGYAS KYI ZHING

201a

, ,NA 'JIG RTEN GYI KHAMS DGA' SPU ZHES BYA BA NAS BYANG CHUB SEMS DPA' SEMS DPA' CHEN PO DMIGS MED CES BYA BA SHI 'PHOS NAS SANGS RGYAS KYI ZHING 'DI'I DZAMBU'I GLING 'DI NYID DU W'A RA n'A SI'I GRONG KHYER CHEN POR TSONG DPON ME TOG BZANG PO ZHES BYA BA'I KHYIM DU SKYES SO, ,DE NAS KHYE'U DE SKYES MA THAG TU DE'I TSE CHED DU BRJOD PA 'DI CHED DU BRJOD DO, ,BDAG MED MI G-YO'I CHOS STON PA, ,RNAM PAR 'DREN PA SANGS RGYAS NI, ,S'A LA'I LJON SHING TSAL KHROD DU, ,DE RING MYA NGAN NA 'DA' BAR 'GYUR, ,CHOS RNAMS 'DI DAG DMIGS MED NA, ,MI MKHAS DMIGS PAR BYED PA DAG ,DE DAG SDUG BSNGAL MI GROL ZHING, ,DE DAG RNAMS KYI SDUG BSNGAL 'PHEL, ,CHOS RNAMS THAMS CAD GNAS MIN TE, ,DE DAG RNAMS KYI GNAS KYANG MED, ,ZAD PA DANG NI MA ZAD PA, ,THAMS CAD 'DI LA RNYED MI 'GYUR, ,STONG PA NAM YANG MI 'JIG CING, ,STONG PA RNAM PAR 'JIG PA'ANG MED, ,DE LA RKYEN YANG YOD MIN ZHING, ,RKYEN MED PA'ANG DE LA MED, ,GANG GIS ZHI BA MTHONG DKA' ZHING, ,ZAB MO'I CHOS 'DI BSTAN MDZAD PA, ,SH'AKYA SENGGE MI YI MCHOG ,RDZOGS PA'I SANGS RGYAS BZHUGS SAM CI; ;SENGGE CHEN PO GLANG PO CHE, ,TSANGS PAR GYUR CING ZAG PA MED, ,MIG TU GYUR PA DE RING NI, ,S'A LA'I BAR DU 'DA' BAR 'GYUR, ,DGE SLONG DGE 'DUN MDUN DAG NA, ,ZLA BA NYA BA

201b

'DRA BAR NI, ,YUN RING CHOS RNAMS STON MDZAD PA, ,PHYIN CHAD MTHONG BAR MI 'GYUR RO, ,LHUN PO'I SGANG NA NOR LHA LTAR, ,DGE SLONG TSOGS LA RNAM MDZES PA, ,LEGS PAR GSUNG PA MGON PO NI, ,PHYIN CHAD GRONG KHYER GSHEGS MI 'GYUR, ,LHA MI'I MDUN NA SKYOB PA YI, ,BLA MED CHOS KYI NGA RO DANG, ,DGA' BAR MDZAD PA'I GSUNG DBYANGS DE, ,PHYIN CHAD THOS PAR MI 'GYUR RO, ,BYANG CHUB SEMS DPA' SEMS DPA' CHEN PO DMIGS MED KYIS TSIGS SU BCAD PA DE DAG SMRAS MA THAG TU DE NAS DE'I TSE W'A RA n'A SI'I GRONG KHYER CHEN PO'I SROG CHAGS 'BUM THAM PAS TSIG 'DI SKAD CES SMRAS SO, ,GANG GI PHYIR KHYE'U 'DI SKYES MA THAG TU DE LTAR SNGON GYI GNAS KYI TSE RABS DE DANG DE DAG RJES SU DRAN ZHING, 'DI'I SHES PA DANG MI 'JIGS PA'I STOBS BSKYED PA DES TSIG 'BRU SNA TSOGS KYIS TSIGS SU BCAD PA DE LTA BU DAG RJOD PAR BYED PA'I SHES RAB KYI SPOBS PA DANG, SHES RAB KYI MI 'JIGS PA DANG, SHES RAB KYI KHYAD PAR NI; NGO MTSAR TE, BDAG CAG GIS KYANG DE LTA BU'I SHES RAB YANG DAG PAR BSGRUB PA'I PHYIR NGES PAR 'BAD PAR BYA'O, ,ZHES SMRAS SO, ,DE NAS KHYE'U DES SKYE BO PHAL PO CHE DE DAG 'DI LTA STE, MTHA' YAS MU MED PA DANG, SNANG BA MED PA DANG, DMIGS PA MED PA DANG, SKYE BA MED PA LA BZOD PA'I PHYIR MI LDOG PA DANG, THUN MONG MA YIN PA DANG, MI MNYAM PA DANG

202a

, ,MNYAM PA LA BKOD PA DANG, DE DAG GIS 'DI SKAD CES SMRAS SO, ,BDAG CAG THAMS CAD TSOGS PAR BYAS TE BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,DES DE DAG LA 'DI SKAD CES SMRAS SO, ,KHYED CAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED ZIN GYI, KHYED CAG TSUR SHOG DANG, DA BDAG CAG THAMS CAD TSOGS PAR BYAS LA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA BLTA BA DANG, PHYAG BYA BA DANG, BSNYEN BKUR BYA BA'I PHYIR 'GROGS TE DONG NGO, ,DE NAS BYANG CHUB SEMS DPA' SEMS DPA' CHEN PO DMIGS MED SROG CHAGS NYIS 'BUM GYIS YONGS SU BSKOR CING MDUN DU BDAR NAS BCOM LDAN 'DAS KYI ZHABS LA PHYAG 'TSAL BA'I PHYIR W'A RA n'A SI'I GRONG KHYER NAS BYUNG STE BCOM LDAN 'DAS GA LA BA DER DONG NGO, ,BCOM LDAN 'DAS SENGGE'I GZIMS KHRI LA SKU'I GLO G-YAS PA PHAB STE GZIMS MA THAG TU DE NAS SKAD CIG DE DANG, THANG GCIG DE DANG, YUD TZAM DE LA BYANG PHYOGS LOGS SU SANGS RGYAS KYI ZHING BYE BA 'BUM PHRAG DRUG CU RTZA BZHI 'DAS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYANG CHUB YAN LAG GNAS ZHES BYA BA'I SANGS RGYAS

202b

KYI ZHING 'JIG RTEN GYI KHAMS ME TOG CAN ZHES BYA BA NAS BYANG CHUB SEMS DPA' SEMS DPA' CHEN PO MNGON PAR SHES PA'I ME TOG KUN TU RGYAS PA THOB PA ZHES BYA BA SHI 'PHOS NAS SANGS RGYAS KYI ZHING 'DI'I DZAMBU'I GLING 'DI NYID DU YANGS PA CAN GYI GRONG KHYER CHEN POR DMAG DPON SENGGE ZHES BYA BA'I KHYIM DU SKYES SO, ,DE NAS BYANG CHUB SEMS DPA' SEMS DPA' CHEN PO MNGON PAR SHES PA'I ME TOG KUN TU RGYAS PA THOB PA DE SKYES MA THAG TU CHED DU BRJOD PA 'DI SKAD DU BRJOD DO, ,GANG GIS SEMS CAN BYE MANG RNAMS, ,NYON MONGS GYUR PA THAR MDZAD CING, ,SH'AKYA'I RIGS RNAMS DGA' MDZAD PA, ,RDZOGS PA'I SANGS RGYAS BZHUGS SAM CI, ,BRTZON PAS PHA ROL GSHEGS GYUR CING, ,YE SHES 'PHRIN LAS MNYAM BZHAG LA, ,MKHYEN PA RGYA MTSO MTHA' YAS PA, ,RDZOGS PA'I SANGS RGYAS BZHUGS SAM CI, ,ZHI BA'I THUGS MNGA' BZOD PA BRNYES, ,ZUG RDU 'BYIN MDZAD DE BZHIN GSHEGS, ,SEMS CAN RNAMS LA CHOS STON KYANG, ,CHOS DE RLOM PAR MI MDZAD PA, ,RDZOGS PA'I SANGS RGYAS BZHUGS SAM CI, ,'JIG RTEN GSUM NA MI GNAS KYANG, ,GANG GIS 'DOD KHAMS GZUGS KHAMS DANG, ,GZUGS MED KHAMS NI MA LUS PAR, ,MKHYEN PAS GZHAL BAR MDZAD GYUR PA, ,SPYAN DANG LDAN PA BZHUGS SAM CI, ,DE NAS DE BZHIN GSHEGS PA BYANG CHUB YAN LAG GNAS ZHES BYA BAS SKU

203a

, ,LHA'I CHA BYAD DU MNGON PAR SPRUL NAS KHYE'U DE LA TSIGS SU BCAD DE BKA' STZAL PA, RDZOGS PA'I SANGS RGYAS BSKAL PA 'AM, ,DE BAS LHAG PAR BZHUGS 'GYUR BAS, ,PHYIS KYANG RDZOGS SANGS MTHONG 'GYUR GYI, ,'DOD PAS DGA' BAR GYIS SHIG KHYE'U, ,'DI NI RGYAL CHEN KHYIM YIN GYI, ,'DOD PA'I DGA' MCHOG SPYOD BYOS LA, ,SAD NAS PI WANG RNGA CHEN DANG, ,RDZA RNGA RNAMS DANG 'KHAR SIL RDOBS, ,DE NAS KHYE'U DES DE BZHIN GSHEGS PA YIN PA KHO NAR SHES MOD KYI, LHA YIN PAR 'DU SHES PA'I SEMS CAN GZHAN DAG GI DGE BA'I RTZA BA YANG DAG PAR BSKYED PA'I PHYIR TSIGS SU BCAD DE SMRAS PA, SEMS CAN GANG DAG 'DOD DBANG SONG, ,DE DAG BYIS PA RMONGS PA YIN, ,DE DAG GIS NI RDZOGS SANGS DANG, ,SANGS RGYAS BSTAN PA MI SHES SO, ,'DOD RNAMS SNYING PO MED PAS NA, ,'DOD PA'I LONGS SPYOD BDAG MI 'DOD, ,'DOD PA SPU GRI'I SO 'DRA BAS, ,'DOD PA DE LA SU YID RTON, ,KHYI DANG PHAG DANG WA DAG DANG, ,BA LANG BONG BU DRE'U RTA DAG ,DE DAG 'DOD PA STEN BYED KYI, ,SANGS RGYAS MI MDZAD NYAN THOS MIN, ,ZHAR BA 'THENG PO LONG BA DANG, ,GLEN BA SGUR PO MI'U THUNG RNAMS, ,DE DAG 'DOD PA STEN BYED KYI, ,SANGS RGYAS MI MDZAD NYAN THOS MIN, ,SPRANG BU SBUR BA PHYE LEB DANG, ,DE BZHIN RMA BYA KHU BYUG RNAMS, ,DE DAG

203b

'DOD LA STEN BYED PAS, ,KHO BO KHYAD PAR MED PAR 'GYUR, ,JI LTAR ME YI KLUBS KYIS NI, ,DZAMBU'I GLING 'DI GANG GYUR NA, ,LONG BA DER NI LTUNG BA LTAR, ,RGYAL BA 'DOD PAR DE BZHIN NO, ,'DOD PA MI RTAG SDUG BSNGAL BAS, ,SU ZHIG 'DOD PA STEN PAR BYED, ,GANG DAG 'DOD PA'I RJES 'BRANG BAS, ,DE DAG DE YI CHOS MI SHES, ,KHO BO 'DOD PA MI GNYER BAR, ,SANGS RGYAS KYIS NI KHO BO MKHYEN, ,LHAR GYUR BDAG LA 'DRI BA 'DI, ,SANGS RGYAS YIN PAR KHO BOS SHES, ,BDAG GIS SANGS RGYAS SKYOB PA NI, ,LHUN PO'I RGYAL LAS 'DI SKAD CES, ,MTSAN MO'I THUN GYI THA MA LA; ;SANGS RGYAS 'DA' BAR 'GYUR ZHES THOS, ,KUN SBYOR ZAD PA'I DRANG SRONG LA, ,GANG DAG LTA BAR 'DOD PA DAG ,KYE MA STON PA 'DAS GYUR GYI, ,TSUR SHOG SANGS RGYAS BLTA PHYIR 'DONG, , SKYOB PA SH'AKYA SENGGE NI, ,MYA NGAN 'DA' BAR 'GYUR BA'I TSE, ,GANG GIS MTHONG ZHING THOS GYUR BAS, ,DGE BA MANG PO BYED 'GYUR LTAR, ,DES NI BSKAL BA BYE STONG DU, ,DGE BA BYAS PA MA YIN ZHES; ;BYANG CHUB YAN LAG GNAS MDZAD PA, ,BDE GSHEGS MI MCHOG DE SKAD GSUNG, ,GANG DAG STON LA DGA' BA YI, ,LHA DANG GNOD SBYIN MI RNAMS DAG ,GRAGS CHEN RDZOGS PA'I SANGS RGYAS LA, ,BLTA PHYIR MYUR DU TSUR SHOG CIG ,DE NAS BYANG CHUB SEMS DPA' SEMS DPA' CHEN PO MNGON PAR SHES PA'I ME TOG KUN TU RGYAS PA THOB PA BCOM LDAN 'DAS KYI

204a

, ,ZHABS LA PHYAG 'TSAL BA'I SROG CHAGS 'BUM PHRAG DU MAS YONGS SU BSKOR CING MDUN DU BDAR TE YANGS PA CAN GYI GRONG KHYER CHEN PO NAS BYUNG NAS BCOM LDAN 'DAS GA LA BA DER DONG NGO, ,BAM PO GNYIS PA, BCOM LDAN 'DAS SENGGE'I GZIMS KHRI LA SKU'I GLO G-YAS PA PHAB STE GZIMS MA THAG TU DE NAS KHYE'U BZHI PO MNYAM ZHING MI MNYAM PA MED LA, SKRA'I RTZE MO'I CHA SHAS TZAM YANG LHAG CHAD MED PA'I CHOS DANG LDAN PA DE DAG PHYOGS BZHI NAS BCOM LDAN 'DAS LA THAL MO SBYOR ZHING PHYAG 'TSAL BA'I SKYE BO PHAL PO CHES YONGS SU BSKOR CING MDUN DU BDAR TE BCOM LDAN 'DAS GA LA BA DER DONG NGO, ,KHYE'U BZHI PO DE DAG BCOM LDAN 'DAS KYI SPYAN SNGAR DONG BA'I TSE GRONG DANG, GRONG KHYER DANG, GRONG RDAL DANG, YUL 'KHOR DANG, RGYAL PO'I PHO BRANG GI SROG CHAGS 'BUM PHRAG MANG PO RNAMS SEMS RAB TU DANG ZHING YID BSDUS NAS THAL MO SBYAR TE THAMS CAD KYIS PHYAG BYAS SO, ,DE DAG DONG BA'I TSE PHYOGS BZHIR DPAG TSAD GCIG TZAM GYI KHO RA KHOR YUG TU ME TOG GI CHAR DAG MNGON PAR RAB TU BAB BO, ,DE DAG DONG BA'I TSE LHA RNAMS KYIS LHA'I SIL SNYAN BRGYA STONG DAG MNGON PAR RAB TU GSIL CING LHA'I GLU DBYANGS KYI SGRA DAG KYANG PHYUNG NGO, ,DE'I TSE NA DE BZHIN GSHEGS PA DGRA BCOM PA YANG DAG PAR RDZOGS PA'I

204b

SANGS RGYAS KYI PHYOGS BZHIR SENGGE'I GZIMS KHRI BSHAMS PA BZHI'ANG BYUNG BAR GYUR TO, ,DE NAS BCOM LDAN 'DAS LA TSE DANG LDAN PA KUN DGA' BOS TSIGS SU BCAD DE GSOL BA, THAMS CAD MKHYEN PA'I PHYOGS BZHI NA, ,SENGGE'I GZIMS KHRI MTHUN PA DANG, ,RNAM PAR MDZES PA 'DI 'DRA BA, ,GANG GI RGYU LAGS BCOM LDAN 'DAS; ,DE SKAD CES GSOL BA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, KHYOD KYIS PHYOGS BZHI NAS 'ONG BA'I KHYE'U BZHIN RAS ZLA BA'I DKYIL 'KHOR 'DRA ZHING NYI MA'I, 'OD ZER LAS YANG DAG PAR 'DAS PA'I 'OD KYIS GLING BZHI ZIL GYIS GNON PA, GZUGS DANG, GZI BRJID KYI 'OD GSAL BA, SHES RAB KYI SNANG BA THOB PA, BRTZON 'GRUS THOB PA, YE SHES ZAB MO RJES SU RTOGS PA, DPAL DANG LDAN PA, BLO DANG LDAN PA, SPYOD PA DANG LDAN PA, NGO TSA SHES PA DANG LDAN PA, KHREL YOD PA DANG LDAN PA, RTOGS PA DANG LDAN PA, BLO GROS DANG LDAN PA; DRAN PA DANG LDAN PA, BRTAN PA DANG LDAN PA, SHES RAB DANG LDAN PA, DGE BA'I RNAM GRANGS KYI TSIG STON PA LA MKHAS PA, SANGS RGYAS BRGYA PHRAG DU MA LA DGE BA'I RTZA BA DAG BSKYED PA, SANGS RGYAS KYI ZHING GZHAN DANG GZHAN DAG GI SANGS RGYAS BCOM LDAN 'DAS KYI SPYAN SNGA NAS DO MOD NAM KYI THUN THA MA LA DE BZHIN GSHEGS PA DGRA BCOM PA YANG DAG PAR

205a

, ,RDZOGS PA'I SANGS RGYAS NGA GYAD RNAMS DANG NYE BA NA YOD PA SHING S'A LA ZUNG GI BAR DU MTHA' LAS 'DAS PA'I YONGS SU MYA NGAN LAS 'DA' BA DANG, BSAM GYIS MA KHYAB PA'I YONGS SU MYA NGAN LAS 'DA' BA DANG, 'JIG RTEN THAMS CAD DANG MI 'DRA BA'I YONGS SU MYA NGAN LAS 'DA' BA DANG, 'JIG RTEN THAMS CAD ZIL GYIS GNON PA'I YONGS SU MYA NGAN LAS 'DA' BA DANG, 'JIG RTEN THAMS CAD LA PHAN PA DANG BDE BA'I YONGS SU MYA NGAN LAS 'DA' BA DANG, 'JIG RTEN THAMS CAD KYIS RNAM PAR SHES PAR DKA' BA'I YONGS SU MYA NGAN LAS 'DA' BA DANG, 'JIG RTEN THAMS CAD KYI BTAGS PA YANG DAG PAR 'JOMS PA'I YONGS SU MYA NGAN LAS 'DA' BAS DE BZHIN GSHEGS PA YONGS SU MYA NGAN LAS 'DA' BAR 'GYUR RO, ,ZHES NGA YONGS SU MYA NGAN LAS 'DA' BA THOS NAS 'JIG RTEN GYI KHAMS 'DIR SKYES TE PHYOGS BZHI KUN NAS 'DUG CING NGA'I YON TAN BSNGAGS PA YONGS SU BRJOD PA'I CHOS BSTAN PA NYAN PAR 'GYUR BA BZHI PO 'DI DAG MTHONG NGAM, KUN DGA' BO, DE LA GANG SHAR PHYOGS NAS 'ONGS PA'I KHYE'U KHA DOG DANG LDAN PA, GZI BRJID DANG LDAN PA, GZUGS DANG LDAN PA, 'OD 'BAR BAS GSAL BA, DPAL 'BAR BA, SROG CHAGS 'BUM PHRAG MANG POS YONGS SU BSKOR CING LHA 'BUM GYIS RAB TU MCHOD LA, LHA'I

205b

ME TOG GI CHAR 'BAB PA NYAMS SU MYONG ZHING DE BZHIN GSHEGS PA'I SPYAN SNGAR 'ONG BA'I KHYE'U 'DI NI, KUN DGA' BO, SNGON DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SENGGE'I SGRA DBANG PHYUG GI SANGS RGYAS KYI ZHING NA STONG GI 'JIG RTEN LA DBANG SGYUR ZHING LHA DANG MIS LEGS PAR MCHOD PA'I 'KHOR LOS BSGYUR BA'I RGYAL POR GYUR TE, DE RGYAL PO BYED PA NA 'DOD PA NA SPYOD PA'I LHA DANG MI RNAMS LA CHOS STON CING CHOS YANG DAG PAR BGRO BA'ANG BYAS SO, ,SROG CHAGS 'BUM PHRAG MANG PO DAG LA CHOS STON PA NA DGE BA'I RTZA BA DAG YONGS SU SMIN PAR BYED CING MNGON PAR SHES PA DAG LA MKHAS PA DANG, CHOS KYI TSUL RTOGS PAR KHONG DU CHUD CING 'PHAGS PA MTHA' YAS PA, RGYUN MI 'CHAD PA, SNA TSOGS PA, 'JIGS PA MED PA, DON DANG LDAN PA'I SPOBS PA DANG LDAN LA, CHOS SHES PA LA MKHAS SHING YE SHES KYI PHA ROL TU PHYIN PAR GYUR NAS LO BYE BA PHRAG BCO BRGYAD DU CHAD PA MED PA DANG, MTSON CHA MED PA DANG, SEMS CAN THAMS CAD LA RNAM PAR MTHO 'TSAM PA DON DU MI GNYER BAR CHOS KYI RGYAL PO BYAS SO, ,DE'ANG 'DOD PA'I PHYIR MA YIN ZHING, RGYAL SRID LA GDU BA'I PHYIR MA YIN GYI, SEMS CAN THAMS CAD LA PHAN GDAGS PA DANG, YONGS SU THAR PAR BYA BA DANG, DUL BAR BYA BA DANG, GDUL BAR BYA BA DANG, DUL BA DANG, GDUL BAR BYA BA'I PHYIR RGYAL PO BYAS TE, DES LO BYE BA

206a

, ,PHRAG BCO BRGYAD KYIS SROG CHAGS KHRAG KHRIG PHRAG BCO BRGYAD BYANG CHUB LA RAB TU BKOD CING PHYIR MI LDOG PA LA RAB TU BKOD DO, ,BYANG CHUB SEMS DPA'I CHOS RNAMS DANG LDAN PA DANG, SEMS DANG PO BSKYED PA'I RIGS KYI BU DE DAG THAMS CAD NI, BLA NA MED PA YANG DAG PAR RDZOGS PA'I BYANG CHUB TU NGES PA LAS PHYIR MI LDOG PA NYID LA RAB TU BKOD DO, ,DE DUS GZHAN ZHIG NA SKRA DANG, KHA SPU BREGS TE GOS NGUR SPRIG DAG BGOS NAS KHYIM NAS KHYIM MED PAR LEGS PA KHO NAR RAB TU BYUNG NGO, ,DE LTAR RAB TU BYUNG NAS KYANG LO BYE BA PHRAG BRGYAD CU RTZA GCIG TU TSANGS PAR SPYAD PA SPYOD PA NA 'DUG STE MAL DU NYAL BAR YANG MI BYED NA, RMUGS PA DANG, GNYID LA 'JUG PA LTA SMOS KYANG CI DGOS, DES SNGON LO BYE BA PHRAG BRGYAD CU RTZA GCIG TU NAM YANG 'DOD PA'I RNAM PAR RTOG PA'AM, GNOD SEMS KYI RNAM PAR RTOG PA'AM, RNAM PAR 'TSE BA'I RNAM PAR RTOG PA MA BSKYED DO, ,DE'I BAR DU SNGON NAM YANG SDUG PAR 'DU SHES PA'AM, MI SDUG PAR 'DU SHES PA'AM, GTZUG LAG KHANG DU 'DU SHES PA'AM, GTZUG LAG KHANG MA YIN PAR 'DU SHES PA MED CING, MI DGE BA YID LA BYED PA'I 'DU SHES GZHAN 'GA' YANG MA BSKYED PAR CHOS GNYIS LA GNAS PAR GYUR TE, GNYIS GANG ZHE NA, MIG MNGON PAR SGRUB PA MED PA'I TSUL GYIS SHA'I

206b

MIG MNGON PAR SGRUB PA DANG, DE LA'ANG MNGON PAR ZHEN PA MED PA'I TSUL GYIS CHOS KYI PHUNG PO'I DE KHO NA RJES SU RTOGS PA'O, ,GZHAN YANG LO BYE BA PHRAG BRGYAD CU RTZA GCIG TU NAM YANG SAR 'DU SHES PA'AM, CHUR 'DU SHES PA'AM, MER 'DU SHES PA'AM, RLUNG DU 'DU SHES PA'AM, NAM MKHAR 'DU SHES PA'AM, RNAM PAR SHES PAR 'DU SHES PA'AM, BUD MED DU 'DU SHES PA'AM; SKYES PAR 'DU SHES PA'AM, BKRES PAR 'DU SHES PA'AM, SKOM PAR 'DU SHES PA'AM, GRONG DU 'DU SHES PA'AM, DGON PAR 'DU SHES PA'AM, GRONG KHYER DU 'DU SHES PA'AM, GRONG RDAL DU 'DU SHES PA'AM, MI MTHUN PAR 'DU SHES PA'AM, MI MTHUN PA MED PAR 'DU SHES PA'AM, DBEN PAR 'DU SHES PA'AM, BSAM GTAN DU 'DU SHES PA'AM, BDAG TU 'DU SHES PA'AM, GZHAN DU 'DU SHES PA'AM, GZUGS SU 'DU SHES PA'AM, GZUGS MED PAR 'DU SHES PA'AM, MTHAR 'DU SHES PA'AM, DBUS SU 'DU SHES PA'AM, SKYE BAR 'DU SHES PA'AM, 'GAG PAR 'DU SHES PA'AM, NYUNG NGUR 'DU SHES PA'AM, MANG POR 'DU SHES PA'I 'DU SHES GZHAN DAG KYANG MA BSKYED DE, BYANG CHUB SEMS DPA'I SDE SNOD KYI CHOS KYI RNAM GRANGS MA GTOGS PAR RNAM PAR RTOG PA DANG LDAN PA'I 'DU SHES DE DAG DANG, GZHAN DAG KYANG KUN TU MI 'BYUNG BAR GYUR TO, ,GANG DE'I BAR DU BYANG CHUB SEMS DPA'

207a

, ,DES SROG CHAGS KHRAG KHRIG PHRAG BRGYAD CU BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYAS PA DE DAG THAMS CAD NI, SEMS DANG PO BSKYED PAS BLA NA MED PA YANG DAG PAR RDZOGS PA'I BYANG CHUB TU NGES PAR GYUR TE, DE DAG THAMS CAD KYANG SANGS RGYAS KYI ZHING GZHAN DANG, GZHAN DAG NA BZHUGS PA'I SANGS RGYAS BCOM LDAN 'DAS RNAMS LA BLTA BA DANG, PHYAG BYA BA DANG, BSNYEN BKUR BYA BA'I PHYIR SKAD CIG 'DI NYID MA THAL BAR 'JIG RTEN GYI KHAMS DE DANG, SANGS RGYAS KYI ZHING DE NAS GNYIS LHAN CIG MI 'GROGS PAR 'PHAGS TE DONG NGO, ,SANGS RGYAS KYI ZHING DE DAG THAMS CAD NA BZHUGS PA'I SANGS RGYAS BCOM LDAN 'DAS DE DAG THAMS CAD KYANG 'DI LTA STE; DPER NA, DA LTAR DE BZHIN GSHEGS PA NGA BZHIN DU SH'AKYA THUB PA ZHES BYA BAR MTSAN MTHUN PA SHA STAG STE, THAMS CAD KYANG SNYIGS MA LNGA DANG LDAN PA'I 'JIG RTEN DU BYUNG BA SHA STAG YIN NO, ,SANGS RGYAS BCOM LDAN 'DAS DE DAG THAMS CAD KYANG SKAD CIG DANG, THANG GCIG DANG, YUD TZAM 'DI NYID LA YONGS SU MYA NGAN LAS 'DA' BA CHEN PO LA MNGON PAR PHYOGS SHING SENGGE'I GZIMS KHRI LA SKU'I GLO G-YAS PA PHAB STE GZIMS PAR GYUR TO, ,SANGS RGYAS BCOM LDAN 'DAS DE DAG THAMS CAD KYANG DO MOD NAM GYI THUN THA MA

207b

LA GYAD RNAMS DANG NYE BA NA YOD PA SHING S'A LA ZUNG GI BAR SHA STAG TU THAMS CAD YONGS SU MYA NGAN LAS 'DA' BAR 'GYUR RO, ,KUN DGA' BO, NGAS SHA'I SPYAN THOGS PA MED PAS GANG DU NYAN THOS DANG RANG SANGS RGYAS THAMS CAD KYIS MI RTOGS SHING YUL MA YIN LA GTING MI RTOGS PA DE DAG DANG, GZHAN YANG TSAD MED PA DAG RAB TU MKHYEN TO, ,KUN DGA' BO, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG GIS CHOS KYI RNAM GRANGS 'DI THOS NAS SANGS RGYAS KYI YE SHES THOB PAR BYA BA DANG, THAMS CAD MKHYEN PA'I YE SHES YONGS SU RDZOGS PAR BYA BA'I PHYIR NGA'I SHA'I SPYAN GYIS MKHYEN PA LA DAD PA'I SEMS BSKYED PAR BYED PA DANG, THA NA LHAG PA'I BSAM PAS SEMS BSKYED PA GCIG TZAM SKYED PAR BYED NA, DE DANG LDAN PA'I RGYUD KYIS SEMS BSKYED MA THAG TU BSOD NAMS KYI PHUNG PO MANG PO YONGS SU 'DZIN PAR 'GYUR ZHING BSOD NAMS KYI PHUNG PO TSAD MED PA DANG, GRANGS MED PA RAB TU 'PHEL BAR 'GYUR RO, ,KUN DGA' PO; RIGS KYI BU'AM RIGS KYI BU MO GANG GIS SANGS RGYAS KHRAG KHRIG PHRAG BCO BRGYAD MNGON SUM DU GYUR PA LA LO BYE BA KHRAG KHRIG PHRAG BCO BRGYAD DU BDE BA'I YO BYAD THAMS CAD KYIS BKUR STIR BYAS, BLA MAR BYAS, RI MOR BYAS, MCHOD PA BYAS, RJED PA BYAS, GSOL BA BYAS KYANG DE SEMS BSKYED PA DANG, SMON LAM 'DI DANG BRAL BAR GYUR NA, DES NI, RIGS KYI

208a

, ,BU SNGA MA DES BSOD NAMS KYI PHUNG PO JI TZAM YONGS SU BZUNG BAR 'GYUR BA DE TZAM DU BSOD NAMS KYI PHUNG PO RAB TU 'PHEL BAR MI 'GYUR RO, ,KUN DGA' BO, KHYE'U 'DIS NGA'I BSTAN PA 'DI LA NYIN MTSAN 'DIS SEMS CAN RNAMS KYI DON BYED PAR 'GYUR BA LTAR NI, NGA'I NYAN THOS SH'A RI'I BU DANG, MOONGGAL GYI BU DANG, GZHAN DAG GIS KYANG NGA'I GSUNG RAB 'DI LA SEMS CAN RNAMS KYI DON MA BYAS SO, ,KUN DGA' BO, GAL TE KHYED CAG GIS TSE'I TSAD BSKAL BAR GNAS PAR GYUR LA SEMS CAN RNAMS LA CHOS STON PAR BYED CING NYIN MTSAN DU YID LA BYED PA GZHAN MED PAR CHOS STON PAR GYUR TE, DE LTAR BYAS KYANG KHYED CAG GIS NI, KHYE'U 'DIS BSTAN PA 'DI'I KHUR JI TZAM THOGS PA'AM, THOGS PAR 'GYUR BA DE TZAM GYI KHUR THOGS PAR MI NUS SO, ,KUN DGA' BO, DE LTAR NA, GANG DAG SEMS CAN RNAMS LA PHAN PA'I DNGOS PO DANG, SEMS CAN RNAMS LA SNYING BRTZE BA DANG, SEMS CAN RNAMS LA PHAN 'DOGS PA DANG, SEMS CAN RNAMS LA 'DU SHES BTANG SNYOMS SU BYED PA DAG NI, YON TAN DPAG TU MED PA YIN PAS KHYE'U 'DI'ANG YON TAN DPAG TU MED PA YIN TE, KHYE'U 'DI NI, YON TAN BSAM GYIS MI KHYAB PA DANG LDAN PA YIN NO, ,KUN DGA' BO, KHYOD KYIS LHO PHYOGS NAS STON KA'I DUS KYI TSE'I NYI MA 'CHAR

208b

BA 'DRA ZHING ZLA BA NYA BA'I ZLA BA'I DKYIL 'KHOR SHIN TU RGYAS PA 'CHAR BA 'DRA BA'I KHYE'U RIN PO CHE SNA TSOGS LAS BYAS PA'I DBYIG PAS SA CHEN PO 'DI LA RDEBS PAR BYED CING 'ONG BA MTHONG NGAM, DES SA CHEN PO LA RDEB PA NA 'DI LTA BU'I SGRA 'BYUNG STE, 'DI LTA STE, DPER NA, YUL MA GA DHA NAS BYUNG BA'I SNOD RIN PO CHE LAS BYAS PA'AM, GSER LAS BYAS PA'AM, DNGUL LAS BYAS PA, SHIN TU MTHAR PHYIN PAR BYAS PA, BYI DOR LEGS PAR BYAS PA, SHIN TU PHYIS PA, DRI MA MED PA, BUG RDOL MED PA, NAG NOG MED PA, DRI MA BKRUS PA, RDUL MED PA, SNUM BAG MED PA, YO BYAD RNAM PA MANG PO'I YO BYAD DU BYAS PA, SHIN TU BYANG BA'I YON TAN DANG LDAN PA, GNAS LNGA RAB TU RDZOGS PA, GNAS BCU YONGS SU SPANGS PA, NYE BA'I SKYON BCU GNYIS DANG BRAL BA, LUS LAN STONG DU BRTAGS SHING GSER DNGUL GYI SKYON DANG BRAL BA, SHIN TU DAG PA, 'BYUNG KHUNGS BZANG PO NAS BYUNG BA, RIGS DANG LDAN PA, GSER GYI RIGS KHYAD PAR CAN BRGYA LAS BYAS PA MA ZHOM PA, YAN LAG BRGYAD LA MKHAS PA'I MI STONG GIS LEGS PAR BSREGS PA, NYE BA'I SKYON THAMS CAD DANG BRAL BA LAS NI, SDUG BSNGAL THAMS CAD NYE BAR ZHI BAR BYED PA'I SGRA BYUNG NGO, ,KUN DGA' BO, DE 'DRA BA'I DE LTA BU DE LTAR SNANG BA NI, DPER BYA BA TZAM DANG NYE BAR MTSON PA TZAM DU ZAD DE, DE BZHIN DU KHYE'U 'DIS RIN PO CHE SNA TSOGS LAS BYAS PA'I DBYIG

209a

, ,PAS SA CHEN PO 'DI LA RDEB PA NA'ANG DE LTA BU'I SGRA 'BYUNG NGO, ,KUN DGA' BO, KHYE'U 'DI NI, BYANG CHUB SEMS DPA' SEMS DPA' CHEN PO RAB TU ZHI BAR GNAS ZHES BYA BA YIN TE, LHO PHYOGS LOGS NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLTA MDZES RIN CHEN BRTZEGS ZHES BYA BA'I SANGS RGYAS KYI ZHING 'JIG RTEN GYI KHAMS RIN PO CHE BKOD PA ZHES BYA BA NAS 'ONGS PA YIN NO, ,KUN DGA' BA, 'DI JI SNYAM DU SEMS, CI'I PHYIR NA 'JIG RTEN GYI KHAMS DE RIN PO CHE BKOD PA ZHES BYA ZHE NA, KUN DGA' BO, 'JIG RTEN GYI KHAMS DE NA LOG PA NYID DU NGES PA DANG MA NGES PA'I SEMS CAN GYI MING YANG MED DE, KUN DGA' BO, SEMS CAN DE DAG THAMS CAD NI; 'JIG PA MED PA YANG DAG PAR RDZOGS PA'I BYANG CHUB TU NGES PA SHA STAG YIN NO, ,KUN DGA' BO, ,SANGS RGYAS KYI ZHING DE NI, BYANG CHUB SEMS DPA'I ZHING KHO NA YIN TE, DE NA SKYES PA DANG, BUD MED KYI MING YANG MED DO, ,KUN DGA' BO, SEMS CAN DE DAG THAMS CAD NI, TSANGS PAR SPYOD PA DANG, GTZANG BA DANG, DRING BA MED PA DANG, SHES PA'I SPYOD YUL GTZANG BA DANG, 'KHRIG PA DANG BRAL BA YIN TE, 'JIG RTEN GYI KHAMS DE NA 'KHRIG PA'I CHOS KYI MING YANG MED DO, ,SANGS RGYAS KYI ZHING DE NA SEMS CAN DE DAG LA MI DGE BA'I

209b

RNAM PAR RTOG PA DAG KUN TU 'BYUNG BA MED CING, ZAS RNAM GNYIS MA GTOGS PAR ZAS KYI 'DU SHES KYANG MED DO, ,GNYIS GANG ZHE NA, YE SHES KYIS SNYOMS PAR 'JUG PA'I ZAS DANG, SANGS RGYAS KYI CHOS YANG DAG PAR BRJOD PA'I ZAS SO, ,KUN DGA' BO, SANGS RGYAS KYI ZHING DE NA THAMS CAD MKHYEN PA'I YE SHES KYI PHUNG PO DANG, BYANG CHUB SEMS DPA'I SDE SNOD KYI CHOS KYI RNAM GRANGS LA RGYA CHER 'JUG PA MA GTOGS PAR PHUNG PO GNYIS DANG, THEG PA GSUM STON PA MED DE, KUN DGA' BO, RNAM GRANGS DES NA 'JIG RTEN GYI KHAMS DE RIN PO CHE BKOD PA ZHES BYA BA'I GRANGS SU 'GRO'O, ,KUN DGA' BO, SEMS CAN GANG DAG 'JIG RTEN GYI KHAMS GZHAN DAG NAS SANGS RGYAS KYI ZHING DER SKYES PA DANG, GANG DAG 'JIG RTEN GYI KHAMS DER SKYE BAR SEMS SKYED PAR BYED PA DE DAG THAMS CAD NI, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR RO, ,KUN DGA' BO, BYANG CHUB SEMS DPA' GANG DAG 'JIG RTEN GYI KHAMS GZHAN DAG NAS SANGS RGYAS KYI ZHING DER SKYE BA'I BYANG CHUB SEMS DPA' DE DAG GIS NI, SKYES MA THAG TU SANGS RGYAS KYI ZHING DE DAG THAMS CAD MNGON PAR SHES PAR 'GYUR ZHING, BYANG CHUB SEMS DPA' DE DAG SKAD CIG DE DANG, THANG GCIG DE DANG, YUD TZAM DE LA SANGS RGYAS KYI ZHING DER SANGS RGYAS 'BYUNG BA'I 'DU SHES CAN DU 'GYUR RO, ,KUN

210a

, ,DGA' BO, DE BZHIN GSHEGS PA BLTA MDZES RIN CHEN BRTZEGS DE BYANG CHUB SEMS DPA' KHRAG KHRIG TSAD MED PA DE DAG LA THAMS CAD MKHYEN PA NYID DANG LDAN PA KHO NA'I GTAM MA 'DRES PA DAG STON PAR MDZAD DE, 'DI LTA STE, BYANG CHUB SEMS DPA'I SDE SNOD KYI CHOS KYI RNAM GRANGS RGYA CHER YANG DAG PAR RAB TU STON TO, ,KUN DGA' BO, 'JIG RTEN GYI KHAMS DE'I BSNGAGS PA DANG, BYANG CHUB SEMS DPA' SEMS DPA' CHEN PO RE RE'I CHOS KYI KHYAD PAR 'DI LTA STE, SMON LAM BRTZAMS PA'I SANGS RGYAS KYI ZHING GI BKOD PA DAG NGAS BRJOD PAR GYUR NA, BSKAL PA STONG PHRAG MANG POS KYANG MTHAR THUG PAR MI 'GYUR TE, KUN DGA' BO, NGAS BYANG CHUB SEMS DPA' SEMS DPA' CHEN PO RAB TU ZHI BAR GNAS PA 'DI GANG NAS 'ONGS, 'JIG RTEN GYI KHAMS DE'I MING TZAM ZHIG BRJOD PAR ZAD DO, ,KUN DGA' BO, BYANG CHUB SEMS DPA' SEMS DPA' CHEN PO RAB TU ZHI BAR GNAS PA 'DI NI, NGA YONGS SU MYA NGAN LAS 'DA' BA LA BLTA BA DANG, SEMS CAN MANG PO RNAMS SKYO BA BSKYED PAR BYA BA DANG, 'JIG RTEN GYI KHAMS DE'I MING DANG YON TAN YONGS SU BSGRAG PAR BYA BA DANG, DE BZHIN GSHEGS PA DE'I BSNGAGS PA RAB TU BSHAD PAR BYA BA DANG, BYANG CHUB SEMS DPA'I THEG PA BA'I SKYES BU DAM PA RNAMS KYI CHOS KYI BDAG NYID CHEN PO DANG, YANG DAG

210b

PA'I YON TAN YONGS SU BSGRAG PAR BYA BA DANG, SANGS RGYAS KYI ZHING 'DI'I SEMS CAN TSAD MED PA RNAMS DAM PA'I CHOS YONGS SU 'DZIN PAR BYA BA DANG, MA 'ONGS PA'I BYANG CHUB SEMS DPA' RNAMS YANG DAG PAR RAB TU DGA' BAR BYA BA DANG, YANG DAG PAR DAD PA BSKYED PAR BYA BA'I PHYIR SANGS RGYAS KYI ZHING 'DIR 'ONGS SO, ,KUN DGA' BO, SNGON DE BZHIN GSHEGS PA MAR ME MDZAD 'JIG RTEN DU BYUNG BA NA KHYE'U 'DI 'KHOR LOS BSGYUR BA'I RGYAL PO MA SKYES DGRA ZHES BYA BAR GYUR TE, BYANG CHUB SEMS DPA'I SPYAD PA SPYOD DO, ,KUN DGA' BO, DE'I TSE 'KHOR LOS BSGYUR BA'I RGYAL PO MA SKYES DGRA DE SROG CHAGS BYE BA PHRAG MANG PO DAG LA CHOS STON CING DGE BA'I RTZA BA DAG KYANG YONGS SU SMIN PAR BYED DE, DES NYI MA 'CHAR KA TZAM GYI SNGA DRO GCIG GIS KYANG SROG CHAGS BYE BA PHRAG SUM CU RTZA DRUG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA NYID LA RAB TU BKOD CING SKYON MED PAR ZHUGS TE MI SKYE BA'I CHOS LA BZOD PA DANG LDAN PAR BYAS SO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD YONGS SU MYA NGAN LAS 'DAS NAS DE DANG PAS KHYIM NAS KHYIM MED PAR RAB TU BYUNG NGO, ,DE LTAR RAB TU BYUNG NAS KYANG LO STONG THAM PAR BCOM LDAN 'DAS MAR ME MDZAD DE'I RJES SU CHOS KYI 'KHOR LO BSKOR TO, ,DES SEMS CAN TSAD

211a

, ,MED PA RNAMS KYI DON BYAS NAS NYI MA THA MA'I NYI MA NUB KAR YANG SROG CHAGS BYE BA PRAG DRUG BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYAS TE, DE NYID KYI NYI MA NUB KAR SROG CHAGS KHRAG KHRIG PHRAG BDUN CU ZAG PA ZAD PA LA'ANG RAB TU BKOD PAR GYUR NA, SLOB PA RNAMS KYI MTHONG BA'I SA'AM SGOM PA'I SA LA BKOD PA LTA SMOS KYANG CI DGOS, KUN DGA' BO, NGAS SANGS RGYAS KYI YE SHES KYIS BYANG CHUB SEMS DPA' SEMS DPA' CHEN PO RAB TU ZHI BAR GNAS KYI BSNGAGS PA MANG PO DANG, KHYE'U 'DIS SEMS CAN JI SNYED CIG GI DON BYAS PA DAG BRJOD PAR GYUR NA, BSKAL PA STONG PHRAG MANG POS KYANG MTHAR THUG PAR MI 'GYUR RO, ,KUN DGA' BO, KHYOD KYIS NGA'I SBYAN SNGAR RIGS KYI BU RAB TU ZHI BAR GNAS KYI STAN THING ZHIG DANG, KHYOD LA BSOD NAMS MANG DU SKYE BAR 'GYUR RO, ,KUN DGA' BO, SEMS CAN GANG DAG GIS BYANG CHUB SEMS DPA' SEMS DPA' CHEN BO RAB TU ZHI BAR GNAS KYI MING THOS PA DE DAG LA NI, MNGON SUM DU SANGS RGYAS BYUNG BA YIN NO, ,KUN DGA' BO, GANG SU DAG YON TAN BKOD PA LUNG STON PA RGYA CHER BSTAN PA'I CHOS 'DI BSHAD PA NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLTA MDZES RIN CHEN BRTZEGS DE LA BLTA BA DANG,

211b

PHYAG BYA BA DANG, BSNYEN BKUR BYA BA DANG, DAM PA'I CHOS MNYAM PA'I PHYIR DANG PA'I SEMS BSKYED PA GCIG TZAM THOB PAR GYUR BA DE DAG THAMS CAD NI, KUN DGA' BO, CHOS THUN MONG YIN PA'I PHYIR BCOM LDAN 'DAS DE LA BLTA BA DANG, DAM PA'I CHOS NYAN PA DANG, SANGS RGYAS KYI ZHING DE'I BYANG CHUB SEMS DPA' SEMS DPA' CHEN PO RNAMS KYANG BLTA BA'I PHYIR SANGS RGYAS KYI ZHING DER SKYE BAR NGAS LUNG BSTAN PA YIN TE, BYANG CHUB SEMS DPA' SEMS DPA' CHEN PO RNAMS KYI SMON LAM GYI KHYAD PAR NI, MA GTOGS SO, ,KUN DGA' BO, SEMS CAN GANG DAG GI RNA BA'I DBANG POS YON TAN BKOD PA LUNG STON PA RGYA CHER BSTAN PA'I CHOS BSHAD PA 'DI NYID THOS PAR GYUR PA DE DAG KYANG RNYED PA LEGS PAR RNYED CING SHIN TU LEGS PAR RNYED PA YIN NA; GANG GIS 'DI THOS NAS DAD PA SKYED PAR BYED PA LTA SMOS KYANG CI DGOS, KUN DGA' BO, GNAS 'DI LTA BU DE DAG DANG, CHOS KYI TSIG GI GNAS 'DI LTA BU DE DAG LEGS PAR BSRUNG BAR BYA ZHING LEGS PAR YID LA BYA'O, ,DE CI'I PHYIR ZHE NA, KUN DGA' BO, MDO SDE 'DI LTA BU DAG NI, DZAMBU'I GLING GI MI RNAMS DANG, BYANG CHUB SEMS DPA'I GZUGS BRNYAN STON PA RNAMS DANG, DAM PA'I CHOS SPONG BAR BYED PA RNAMS KYIS SNGON MA THOS PA'I PHYIR TE, KHYOD KYIS CHOS SPONG BAR BYED PA DAG NI, MIG LAM DU'ANG MI SNANG BAR BYA'O, ,KUN DGA' BO,

212a

, ,KHYOD KYIS 'DI NAS NUB PHYOGS KYI NGOS KYI NAM MKHA' LAS RIN PO CHE SNA TSOGS KYI KHANG PA BRTZEGS PA ZHIG 'ONG BA 'DI MTHONG NGAM, GSOL PA, BCOM LDAN 'DAS, DE DE LTA LAGS SO, ,BKA' STZAL PA, KUN DGA' BO, KHYOD KYIS NUB PHYOGS NAS KHYE'U ZHIG SEMS CAN GDUL BAR BYA BA'I PHYIR RDZU 'PHRUL GYIS RNAM PAR RTZE ZHING GLO GNYIS KYIS SA CHEN PO 'DI 'GUL BAR BYED, RAB TU 'GUL BAR BYED, G-YO BAR BYED, RAB TU G-YO BAR BYED, LDEG PAR BYED, RAB TU LDEG PAR BYED CING SA CHEN PO G-YO BAS 'JIGS SU RUNG BA DANG, SPU ZING ZHES BYED PA KUN TU STON PAR BYED CING 'ONG BA MTHONG NGAM, GSOL PA, BCOM LDAN 'DAS, DE DE LTA LAGS SO, ,BDE BAR GSHEGS PA, DE DE LTA LAGS TE, BCOM LDAN 'DAS, RDZU 'PHRUL GYI RNAM PAR 'PHRUL BA BGYID CING MCHI BA'I KHYE'U 'DI MTHONG LAGS SO, ,BKA' STZAL PA, KUN DGA' BO, RIGS KYI BU 'DI'I MDUN NAS RIN PO CHE SNA TSOGS KYI KHANG PA BRTZEGS PA 'ONG BA GANG YIN PA 'DIS SANGS RGYAS KYI ZHING 'DI DRI SNA TSOGS KYIS KUN TU GANG BAR GYUR TO, ,GSOL PA, BCOM LDAN 'DAS, DE DE LTA LAGS SO, ,BKA' STZAL PA, KUN 'GA' BO, DE NI, RIGS KYI BU 'DI'I YE SHES KYI STOBS BSKYED PA YIN TE, DES NA KHANG PA BRTZEGS PA 'DI LAS DE LTA BU'I DRI 'BYUNG NGO, ,KUN DGA' BO, KHYOD KYIS SGRA

212b

BZHI PO 'DI LTA STE, STONG PA NYID CES BYA BA DANG, DNGOS PO MED PA ZHES BYA BA DANG, NYE BAR ZHI BA ZHES BYA BA DANG, SANGS RGYAS ZHES BYA BA 'BYUNG BA 'DI DAG THOS SAM, GSOL PA, BCOM LDAN 'DAS, DE DE LTA LAGS SO, ,BKA' STZAL PA, KUN DGA' BO, SGRA 'DI DAG NI, KHYE'U 'DI'I SPU'I KHUNG BU DAG NAS 'BYUNG STE, KUN DGA' BO, SGRA 'DI DAG THOS PAS SROG CHAGS KHRAG KHRIG PHRAG DRUG CU RTZA BRGYAD KYI DON BYAS SO, ,STONG GI 'JIG RTEN GYI KHAMS KYI SEMS CAN MANG PO RNAMS NI, LEN PA MED PAR ZAG PA RNAMS LAS SEMS RNAM PAR GROL LO, , KUN DGA' BO, SANGS RGYAS KYI SGRA GCIG PU THOS PA'I BYANG CHUB SEMS DPA' BYE BA NI, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA NYID LA NGES PAR ZHUGS SO; ;GANG DAG SANGS RGYAS KYI ZHING 'DI'I LHA DANG, MIR BCAS PA'I SKYE RGU DAG LAS LHA DANG, MI KHRAG KHRIG 'BUM PHRAG NI, BLA NA MED PA YANG DAG PAR RDZOGS PA'I BYANG CHUB TU NGES PA LAS PHYIR MI LDOG PA NYID LA GNAS PAR GYUR TO, ,KUN DGA' BO, RIGS KYI BU, 'DI NI, DE BZHIN GSHEGS PA NGA YONGS SU MYA NGAN LAS 'DA' BA BLTA BA'I PHYIR NUB PHYOGS LOGS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DGA' BA'I DBANG PHYUG CES BYA BA'I SANGS RGYAS KYI ZHING 'JIG RTEN GYI KHAMS DGA' SBU ZHES BYA BA NAS SANGS RGYAS

213a

, ,KYI ZHING 'DIR 'ONGS PA YIN TE, KUN DGA' BO, RIGS KYI BU 'DI SANGS RGYAS KYI ZHING 'DIR 'ONGS MA THAG TU 'DIS SEMS CAN TSAD MED PA RNAMS KYI DON BYAS TE SANGS RGYAS KYI MDZAD PA BYAS SHING 'DIS CHOS KYI 'KHOR LO'ANG RJES SU BSKOR RO, ,KUN DGA' BO, BSKAL PA GRANGS MED PA TSUN CHAD NAS RIGS KYI BU 'DI'I SPU'I KHUNG BU DAG NAS SGRA BZHI PO 'DI LTA STE, STONG PA NYID KYI SGRA DANG, DNGOS PO MED PA'I SGRA DANG, NYE BAR ZHI BA'I SGRA DANG, SANGS RGYAS KYI SGRA 'DI DAG 'BYUNG STE, SGRA RE RES KYANG SEMS CAN TSAD MED PA RNAMS KYI DON BYAS SO,, KUN DGA' BOS GSOL PA, BCOM LDAN 'DAS, RIGS KYI BU 'DIS DGE BA'I RTZA BA CI ZHIG BSAGS LAGS NA, DES DA LTAR 'DI'I SPU'I KHUNG BU DAG NAS 'DI LTA BU'I SGRA DAG 'BYUNG BAR 'GYUR LAGS, BCOM LDAN 'DAS KYIS BKA' STZAL PA, KUN DGA' BO, SNGON BYUNG BA 'DAS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DRI MED SPYAN ZHES BYA BA, RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA; SANGS RGYAS BCOM LDAN 'DAS 'JIG RTEN DU GYUR STE, RIGS KYI BU 'DI DE'I GSUNG RAB LA DGE SLONG YE SHES DGA' BA ZHES BYA BAR GYUR NAS DES DE BZHIN GSHEGS PA'I SPYAN SNGA

213b

NAS YE SHES KYI TSIG DANG, RTOGS PAR DKA' BA'I TSIG DANG, DON 'BYUNG BA STON PA'I TSIG 'DI LTA STE, CHOS THAMS CAD SKYE BA DANG 'GAG PA MED PA DANG, CHOS THAMS CAD DNGOS PO MED PA DANG, CHOS THAMS CAD RANG BZHIN GYIS NYE BAR ZHI BA DANG, SANGS RGYAS THAMS CAD SANGS RGYAS GCIG PA ZHES BYA BA DAG THOS NAS ZHAG BDUN DU YONGS SU SKYO BA MED PA DANG, BRTZON PA MI GTONG BA DANG, YID LA BYED PA GZHAN MED PAR CHIG BZHI PO DE DAG LUS LA ZHEN PA DANG, SHIN TU BRTAN PA DANG, SHIN TU GZHAG PA DANG, KHA TON BYED PA DANG, YID KYIS LEGS PAR BRTAGS PA DANG, MTHONG BAS SHIN TU RTOGS PAR BYAS TE GNAS SO, ,KUN DGA' BO, DGE SLONG DES DON GYI TSIG BSTAN PA BZHI PO DE DAG GIS SANGS RGYAS BYE BA SNYED KYIS GSUNGS PA'I CHOS BSTAN PA RNAMS LA RJES SU ZHUGS TE BZUNG ZHING RTOGS PAR BYAS NAS DE SEMS CAN RNAMS LA SNYING BRTZE BA'I PHYIR GRONG DANG, GRONG KHYER DANG, GRONG RDAL DANG, YUL 'KHOR DANG, RGYAL PO'I PHO BRANG 'KHOR DU 'ONGS TE CHOS BSTAN TO, ,KUN DGA' BO, DE'I TSE CHOS SMRA BA'I DGE SLONG YE SHES DGA' BA ZHES BYA BAR GYUR PA DES LAS DE'I 'BRAS BU RNAM PAR SMIN PA LUS LA ZHEN PA DANG, MANG DU THOS PAS LO DRUG TU LHAG PA'I BSAM PAS CHOS BSTAN PAS NA, BSKAL PA GRANGS MED PA TSUN CHAD NAS DE'I SPU'I KHUNG BU DAG NAS DE LTA BU'I SGRA DAG DANG LDAN PA'I RDZU 'PHRUL

214a

, ,DE NYAMS SU MYONG BAR GYUR CING, DE'I LUS LAS KYANG SKYE BO MANG PO'I DON BYED PA'I CHOS KYI SGRA BZHI PO 'DI LTA STE, STONG PA NYID KYI SGRA DANG, DNGOS PO MED PA'I SGRA DANG, NYE BAR ZHI BA'I SGRA DANG, SANGS RGYAS ZHES BYA BA'I SGRA DE DAG BYUNG BA 'GYUR TE, KUN DGA' BO, DE'I PHYIR BSKAL PA GRANGS MED PA TSUN CHAD NAS KHYE'U 'DI'I SPU'I KHUNG BU DAG NAS SGRA BZHI PO 'DI DAG BYUNG BAR GYUR TO, ,KUN DGA' BO, DZAMBU'I GLING GI MI GANG DAG GIS BYANG CHUB SEMS DPA' SEMS DPA' CHEN PO DMIGS MED KYI MING THOS PA DE DAG KYANG RNYED PA LEGS PAR RNYED CING SHIN TU LEGS PAR RNYED PA YIN NA, GANG DAG GIS CHOS STON PA THOS PA DAG LTA SMOS KYANG CI DGOS, KUN DGA' BO, LHA DANG MI RNAMS KYI SKYES PA'AM, BUD MED GANG DAG GIS BYANG CHUB SEMS DPA' SEMS DPA' CHEN PO DMIGS MED KYI MING THOS SHING THOS NAS KYANG DAD PA THOB PAR GYUR PA DE DAG KYANG THOB MA THAG TU YON TAN BSAM GYIS MI KHYAB PA YONGS SU 'DZIN PAR 'GYUR NA, GANG DAG GIS SHA'I MIG GIS MNGON SUM DU MTHONG BA DAG LTA SMOS KYANG CI DGOS, DE CI'I PHYIR ZHE NA, KUN DGA' BO, BYANG CHUB SEMS DPA' SEMS DPA' CHEN PO DMIGS MED NI, BYANG CHUB SEMS DPA'I SA'I YON TAN DPAG TU MED PA DAG THOB PA YIN PA'I PHYIR RO, ,KUN DGA' BO, BYANG CHUB SEMS DPA'

214b

SEMS DPA' CHEN PO DMIGS MED 'DI NI, DE BZHIN GSHEGS PA NGA YONGS SU MYA NGAN LAS 'DA' BA LA BLTA BAR 'DOD PA'I PHYIR 'ONGS PA YIN GYI, KUN DGA' BO, KHYOD KYIS DE BZHIN GSHEGS PA'I SPYAN SNGA GANG DU RIGS KYI BU 'DI 'DUG PAR 'GYUR BAR BYANG CHUB SEMS DPA' SEMS DPA' CHEN PO DMIGS MED KYI STAN THING ZHIG DANG, DES KHYOD LA YUN RING POR PHAN PA DANG, BDE BA DANG, MNGON PAR SHES PA MYUR BA NYID DU'ANG 'GYUR RO, ,KUN DGA' BO, 'DI'I STAN BTING PA LAS BYUNG BA'I LAS KYI RNAM PAR SMIN PAS KHYOD SNYOMS PAR 'JUG PA LA BDE BAR GNAS SHING SEMS BSKYED PA'I SKAD CIG GCIG GIS ZANG ZING MED PA'I CHOS 'PHAGS PA DGRA BCOM PA NYID MNGON SUM DU BYED PAR YANG 'GYUR RO, ,KUN DGA' BO, GAL TE KHYOD NYAN THOS KYI SA LA NGES PAR ZHUGS PAR MA GYUR NA NI, KHYOD KYIS BLA NA MED PA YANG DAG PAR RDZOGS PA'I BYANG CHUB KYI YAN LAG TU GYUR PA'I DGE BA'I RTZA BA 'DIS SANGS RGYAS KYI CHOS RNAMS RJES SU 'THOB PAR YANG NGAS LUNG STON PAR 'GYUR RO, ,DE CI'I PHYIR ZHE NA, KUN DGA' BO, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, LHA'AM, KLU'AM, GNOD SBYIN NAM, DRI ZA'AM, LHA MA YIN NAM, NAM MKHA' LDING NGAM, MI'AM CI'AM, LTO 'PHYE CHEN PO'AM, MI'AM, MI MA YIN PA GANG YIN PA'AM, SEMS CAN GZHAN GANG YANG RUNG BA DAG

215a

, ,GIS ZHI BA BSHAD PA LUNG BSTAN PA 'DI THOS NAS DAD PA RAB TU 'THOB PAR 'GYUR BA'I PHYIR RO, ,KUN DGA' BO, GANG DAG ZHI BA BSHAD PA LUNG BSTAN PA 'DI NYIN PAR 'DOD PA DAG GIS DE BZHIN GSHEGS PA'AM, DE BZHIN GSHEGS PA'I NYAN THOS GANG DU 'DUG NAS ZHI BA BSHAD PA LUNG BSTAN PA 'DI 'CHAD PAR 'GYUR BA'I CHOS KYI STAN BSHAM PAR BYA STE, KUN DGA' BO, DES STAN BSHAMS MA THAG TU STAN PHUN SUM TSOGS PA BCU YONGS SU 'DZIN PAR 'GYUR RO, ,BCU GANG ZHE NA, 'KHOR LOS BSGYUR BA'I STAN 'THOB PA DANG, BRGYA BYIN GYI STAN 'THOB PA DANG, TSANGS PA'I STAN 'THOB PA DANG, SKYE RGU'I BDAG PO'I STAN 'THOB PA DANG, TSE RABS DE DANG DE DAG TU DE BZHIN GSHEGS PA'I BSTAN PA LA STAN 'THOB PA DANG, DBANG BSKUR PA THOB PA'I BYANG CHUB SEMS DPA' SEMS DPA' CHEN PO BYANG CHUB KYI SNYING POR BYANG CHUB KYI SHING DRUNG DU SONG BA'I SENGGE'I KHRI STAN 'THOB PA DANG, THAMS CAD MKHYEN PA'I YE SHES RTOGS PA'I SANGS RGYAS KYI KHRI STAN BLA NA MED PA 'THOB PA DANG, CHOS KYI 'KHOR LO BSKOR BA NA CHOS KYI 'KHOR LO BLA NA MED PA BSKOR BA'I KHRI STAN 'THOB PA DANG, DE BZHIN GSHEGS PA'I CHO 'PHRUL CHEN PO KUN TU STON PA NA LHA BYE BA PHRAG STONG GIS 'DUS BYAS PA 'JIG RTEN THAMS CAD LAS MNGON PAR 'PHAGS SHING ZIL GYIS MI

215b

NON LA; BLA NA MED PA'I RDZU 'PHRUL DANG LDAN PA'I SENGGE'I KHRI STAN 'THOB PA DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YONGS SU MYA NGAN LAS 'DA' BA'I DUS KYI TSE 'DU BYED THAMS CAD RAB TU ZHI BAR BYED PA RDO RJE LTA BU'I TING NGE 'DZIN LA BZHUGS PA NA LHA DANG, KLU DANG, GNOD SBYIN DANG, DRI ZA DANG, MI'AM CI DANG, LTO 'PHYE CHEN PO DANG, LHA MA YIN DANG, NAM MKHA' LDING DANG, MI DANG, MI MA YIN PA RNAMS KYI YID RAB TU DANG BA SKYED PAR BYED PA DE BZHIN GSHEGS PA'I THA MA'I KHRI STAN 'DI 'THOB PAR 'GYUR BA STE, KUN DGA' BO; SENGGE'I KHRI STAN BCU PO DE DAG 'THOB PAR SHES PAR BYA'O, ,KUN DGA' BO, DE BZHIN GSHEGS PA'AM, DE BZHIN GSHEGS PA'I NYAN THOS ZHI BA BSHAD PA LUNG BSTAN PA 'DI 'CHAD BA NA; RIGS KYI BU'AM, RIGS KYI BU MO GANG GIS CHOS SMRA BA LA SEMS DANG BAS GUS PAR BYAS TE, DGA' BA DANG, DAD PA DANG, GUS PAS CHOS KYI STAN SHOM PAR BYED PA DES NI, SENGGE'I KHRI STAN BCU PO DE DAG 'THOB PA YONGS SU 'DZIN PAR 'GYUR RO, ,KUN DGA' BO, KHYOD KYIS RIGS KYI BU DMIGS MED LA THAL MO SBYOR CIG DANG, DES KHYOD LA DON DANG, PHAN PA DANG, BDE BAR 'GYUR ZHING GANG GIS KHYOD MNGON PAR SHES PA MYUR PA NYID DU 'GYUR BA'I BSOD NAMS CHEN PO'ANG KHYOD KYIS YONGS SU 'DZIN PAR 'GYUR RO, ,DE NAS TSE DANG LDAN PA KUN DGA'

216a

, ,BOS DE'I TSE RIGS KYI BU DMIGS MED KYI CHOS KYI STAN BSHAMS NAS SEMS RAB TU DANG BAS ZHE SA DANG BCAS, GUS PA DANG BCAS PAR BYANG CHUB SEMS DPA' DMIGS MED GA LA BA DE LOGS SU THAL MO SBYAR BA BTUD DE DE'I TSE TSIGS SU BCAD PA 'DI DAG SMRAS SO, ,DMIGS MED DPA' BO GLANG PO CHE, ,DUL ZHING MNYAM BZHAG SEMS CAN CHE; ;SHES RAB CHEN PO 'OD BYED LA, ,BDAG NI THAL MO SBYOR BAR BGYID, ,YE SHES BRTZON 'GRUS 'BYUNG BA'I GNAS, ,SHES RAB BRTZEGS SHING MNYAM BZHAG PA, ,MTSUNGS MED BRTAN PA 'DI LA NI, ,DE RING THAL MO SBYAR BAR BGYI, ,DE NAS BCOM LDAN 'DAS KYIS DE'I TSE TSE DANG LDAN PA KUN DGA' BO LA TSIGS SU BCAD DE BKA' STZAL PA, DMIGS MED 'DI LA MCHOD PA'I PHYIR, ,KHYOD KYIS THAL MO SBYAR BYAS PA'I, ,RNAM SMIN JI SNYED 'DZIN PA DE, ,GO TAM BU LA BSHAD PAR BYA, ,KUN DGA' BO, KHYOD THAL MO SBYAR BA DE'I RNAM PAR SMIN PAS NGA YONGS SU MYA NGAN LAS 'DAS PA NA GRONG DANG, GRONG KHYER DANG, GRONG RDAL DANG, YUL 'KHOR DANG, RGYAL PO'I PHO BRANG 'KHOR DAG TU NYAN THOS RNAMS LA STON PA'I BYA BA BYED PAR 'GYUR ZHING, KHYOD DE DANG DE DAG TU 'JUG PA DANG, 'BYUNG BA DANG, 'GRENG PA DANG, 'CHAG PA DANG, NYAL BA DANG, 'DUG PA DANG, SPYOD LAM THAMS CAD DU 'JIG RTEN NA SEMS DANG LDAN PA

216b

DANG, SEMS MED PA'I 'BYUNG BA THAMS CAD KYANG KHYOD GA LA BA DE LOGS SU 'DUD PAR 'GYUR RO, ,'DI LTA STE, SKYES PA DANG, BUD MED DANG, LHA'I BU MO DANG, SPYOD PA PA DANG, KUN TU RGYU DANG, DGE SBYONG DANG, BRAM ZE DANG, RGYAL PO DANG, BLON PO CHEN PO DANG, ZHANG BLON DANG, ZHANG BLON GYI G-YOG GNYUG MA DANG, TSONG DPON DANG, GRONG MI DANG, LJONGS KYI MI DANG, KHYIM BDAG RNAMS DANG, GZHAN YANG GANG DAG MIR GYUR PA'I SO SO'I SKYE BO RNAMS DANG, DE BZHIN DU DUD 'GRO'I SKYE GNAS SU SKYES PA GLANG PO CHE DANG, RTA DANG, RI DVAGS DANG, PHYUGS DANG, BYA DAG GIS KHYOD MTHONG NA DAD PA 'THOB PAR 'GYUR RO, ,DE BZHIN DU RTZVA DANG, SHING GEL PA DANG, SMAN DANG, NAGS TSAL DAG DANG, ME TOG YOD PA DAG DANG, 'BRAS BU YOD PA DAG KYANG KHYOD GA LA BA DE LOGS SU RAB TU 'DUD PAR 'GYUR RO, ,DE BZHIN DU KHANG KHYIM DANG, GZHAL MED KHANG DANG, KHANG PA BRTZEGS PA DANG, KHANG BZANG DANG, PU SHU DANG, SKAR KHUNG DANG, RTA BABS DAG KYANG KHYOD KYI BSOD NAMS KYI GZI BRJID KYIS ZIL GYIS NON CING KHYOD GA LA BA DE LOGS SU RAB TU 'DUD PAR 'GYUR TE, KUN DGA' BO, 'DI LTA STE, DPER NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SGRIB PA MED PA'I RNAM PAR THAR PA MNGON SUM DU MDZAD DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA

217a

, ,NA; BYANG CHUB KYI SNYING PO'I NYE 'KHOR GYI RTZVA DANG, SHING GEL BA DANG, SMAN DANG, NAGS TSAL DANG, ME TOG YOD PA DAG DANG, 'BRAS BU YOD PA DAG DANG, GONG MA BZHIN DU SBYAR TE, MI DANG, MI MA YIN PA'I BAR DAG GIS DE BZHIN GSHEGS PA GA LA BA DE LOGS SU RAB TU BTUD PAR GYUR TO, ,KUN DGA' BO, DE BZHIN DU KHYOD KYIS KYANG RIGS KYI BU DMIGS MED LA THAL MO SBYAR CING LUS BTUD PA'I DGE BA'I RTZA BA 'DIS KHYOD KYI SPYOD LAM THAMS CAD DU MI DANG, MI MA YIN PA DANG, NAGS TSAL THAMS CAD KHYOD GA LA BA DE LOGS SU 'DUD PA DANG, RAB TU 'DUD PA DANG, MNGON PAR RAB TU 'DUD PAR 'GYUR RO, ,KUN DGA' BO, RIGS KYI BU'AM RIGS KYI BU MO GANG LA LAS DE BZHIN GSHEGS PA YONGS SU MYA NGAN LAS 'DAS PA'AM, DA LTAR MNGON SUM DU GYUR CING BZHUGS PA NA CHOS BKOD PA LUNG STON PA 'DI THOS NAS LHAG PA'I BSAM PAS THAL MO GCIG TZAM SBYOR BAR BYED PA DANG, NGES PAR RTOG CING MOS PAR BYED PA DE DAG NI, NGAS BSTAN PA'I RNAM PAR SMIN PA GANG YIN PA DE LTA BU DAG YONGS SU 'DZIN PAR 'GYUR RO, ,KUN DGA' BO, DE LTA MOD KYI, SEMS CAN GANG DAG GIS CHOS KYI RNAM GRANGS 'DI THOS PAR 'GYUR BA DANG, GANG DAG GIS MDO SDE 'DI LTA BU 'DI LAN GCIG GAM, LAN GNYIS THOS PAR 'GYUR BA DE DAG KYANG

217b

NYUNG NA; GANG DAG GIS 'DI LTA BU THOS NAS DAD PA 'THOB PAR 'GYUR BA DANG, GANG DAG LHAG PA'I BSAM PAS MOS PAR 'GYUR BA DANG, NGES PAR RTOG PAR 'GYUR BA DANG, YANG DAG PA'I 'DU SHES SKYED PAR 'GYUR BA DANG, SOM NYI MED PAR 'GYUR BA DANG, THE TSOM MED PAR 'GYUR BA LTA SMOS KYANG CI DGOS, RIGS KYI BU'AM RIGS KYI BU MO DE DAG THAMS CAD NI, NGAS SANGS RGYAS KYI SPYAN GYIS GZIGS SHING SANGS RGYAS KYI YE SHES KYIS MKHYEN TE, DE DAG GIS NI, SANGS RGYAS GCIG LA BSNYEN BKUR BYAS PA MA YIN ZHING, DE DAG GIS NI, SANGS RGYAS GCIG LA DGE BA'I RTZA BA BSKYED PA MA YIN TE, RIGS KYI BU DANG, RIGS KYI BU MO DE DAG THAMS CAD NI, GANG DAG DA LTAR NGA'I MNGON SUM DU 'KHOR 'DI NYID DU 'DUS TE 'DUG PA DANG, NGA'I YONGS SU MYA NGAN LAS 'DAS PA CHEN PO BLTA BA'I PHYIR 'DIR 'ONGS PA DAG BZHIN DU KUN DGA' BO, DE DAG KYANG DENG PHYIN CHAD NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA BYANG CHUB KYI SNYING POR GSHEGS TE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS YONGS SU MYA NGAN LAS 'DA' BA'I BAR DAG LA MCHOD PA DANG, BSNYEN BKUR CHEN PO BYED PAR 'GYUR RO, ,DE BZHIN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA'I YONGS SU MYA NGAN

218a

, ,LAS 'DAS PA CHEN PO'ANG MTHONG BAR 'GYUR RO, ,DE BZHIN GSHEGS PA DE'I SPYAN SNGAR KHYE'U BZHI 'ONG BAR 'GYUR BA DAG KYANG MTHONG BAR 'GYUR ZHING DA LTAR NGA'I SPYAN SNGA NA JI LTA BA DE BZHIN DU CHOS KYANG THOS PAR 'GYUR RO, ,DE'I TSE NA BYANG CHUB SEMS DPA' SEMS DPA' CHEN PO DMIGS MED KYI SPU'I KHUNG BU DAG NAS CHOS KYI SGRA SKAD RGYA CHEN PO 'BYUNG BAR 'GYUR BA DAG KYANG THOS PAR 'GYUR ZHING THOS NAS KYANG DGA' BA SKYE BAR 'GYUR RO, ,KUN DGA' BO, DE LTAR BAS NA, KHYOD KYIS DON NGES PAR 'BYUNG BA'I MDO SDE 'DI LTA BU BSHAD PA DAG LA YANG DANG YANG DU LUS BTUD DE THAL MO SBYAR BAR BYA ZHING SEMS KYIS DAD PA BSKYED PAR YANG BYA'O, ,DE CI'I PHYIR ZHE NA, KUN DGA' BO, 'DI LTAR DE'I LAS KYI RNAM PAR SMIN PAS KHYOD SEMS CAN THAMS CAD KYIS LEGS PAR MCHOD PAR 'GYUR ZHING KHYOD LA LHA DANG BCAS PA'I 'JIG RTEN YANG RAB TU 'DUD PAR 'GYUR ZHING KHYOD YONGS SU MYA NGAN LAS 'DAS PA'I LUS LA'ANG LHA DANG MI RNAMS MCHOD PA BYED PAR 'GYUR BA'I PHYIR RO, ,DE NAS BCOM LDAN 'DAS KYIS TSE DANG LDAN PA MA 'GAGS PA LA BKA' STZAL PA, MA 'GAGS PA; KHYOD KYIS LHA BYE BA PHRAG BZHI BCUS STENG GI BAR SNANG LAS CHOS KYI RNAM GRANGS 'DI THOS NAS THAL MO SBYAR TE LUS BTUD CING 'KHOD PA DAG MTHONG NGAM, GSOL PA, BCOM LDAN

218b

'DAS; DE DE LTA LAGS SO, ,BKA' STZAL PA, MA 'GAGS PA, DE DAG NI, CHOS LA DAD PA DANG LDAN PAS THAL MO SBYAR CING DAD PAS LUS RAB TU BTUD PA'I DGE BA'I RTZA BA DES BSKAL PA GRANGS MED PAR LOG PAR LTUNG BAR 'GRO BAR MI 'GYUR ZHING, LHA DANG MIR MTSAMS SBYOR BAR 'GYUR LA, DE DAG MIR GYUR PA NA RE RES KYANG 'KHOR LOS BSGYUR BA'I RGYAL SRID GANGG'A'I KLUNG GI BYE MA PAS LHAG PA SNYED BYED PAR 'GYUR RO, ,THAMS CAD DU'ANG SANGS RGYAS 'BYUNG BA MNYES PAR BYED PAR 'GYUR ZHING, DE DAG DE'I 'OG TU DGE BA'I RTZA BA DAG YANG DAG PAR BSGRUBS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR TE THAMS CAD KYANG 'DI LTA STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'BYUNG BA THAMS CAD KYIS RAB TU 'DUD PAR 'OS PA ZHES BYA BAR MTSAN MTHUN PA'I DE BZHIN GSHEGS PA SHA STAG TU 'GYUR RO, ,YANG DE'I TSE GYAD DGA' BA ZHES BYA BA DANG, GYAD RGYAL DKA' ZHES BYA BA DANG, GYAD STOBS PO CHE DANG, GZI BRJID LHA DANG, RGYAL BA'I LHA DANG, PHRAG PAR 'DZAG DANG, BLO BZANG DANG, 'JIGS MED DANG, DBYIG DANG, BDEN PA DANG, BYANG PHYOGS KYI STOBS KYI MIG DANG, GYAD THAMS CAD BZOD CES BYA BA DE DAG THAMS CAD 'KHOR LNGA BRGYA TZAM DANG LHAN CIG TU DE BZHIN GSHEGS PA LA MCHOD PA BYA BA'I PHYIR 'KHOR

219a

, ,DE NYID DU 'DUS TE 'DUG PAR GYUR NAS DE DAG GIS BCOM LDAN 'DAS GA LA BA DE LOGS SU THAL MO SBYAR TE LUS THUR DU BTUD NAS DU BAR BYED, SMRE SNGAGS 'DON PAR BYED CING MIG MCHI MAS GANG BZHIN DU BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG BCOM LDAN 'DAS LA MCHOD PA BGYID PA DANG, BYANG CHUB SEMS DPA' DMIGS MED DANG, BYANG CHUB SEMS DPA'I TSOGS 'DI DANG, BCOM LDAN 'DAS KYI NYAN THOS CHEN PO'I DGE 'DUN DANG, CHOS KYI RNAM GRANGS 'DI LA'ANG MCHOD PA BGYI BA'I SLAD DU THAL MO SBYOR ZHING LUS KYANG RAB TU 'DUD PAR BGYID LAGS SO, ,BCOM LDAN 'DAS, BDAG CAG GI DGE BA'I RTZA BA 'DI DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BGYI'O, ,DE NAS DE'I TSE BCOM LDAN 'DAS ZHAL 'DZUM PA MDZAD DO, ,'DI NI, SANGS RGYAS BCOM LDAN 'DAS RNAMS KYI CHOS NYID DE, GANG GI TSE 'DZUM PA MDZAD PA DE'I TSE BCOM LDAN 'DAS KYI ZHAL GYI SGO NAS 'OD ZER KHA DOG SNA TSOGS KHA DOG DU MA 'DI LTA STE, SNGON PO DANG, SER PO DANG, DMAR PO DANG, DKAR PO DANG, BTZOD KA DANG, SHEL DANG, DNGUL GYI KHA DOG LTA BU DAG BYUNG STE, DE DAG GIS 'JIG RTEN GYI KHAMS MTHA' YAS MU MED PA DAG SNANG BAS GSAL BAR BYAS

219b

NAS TSANGS PA'I 'JIG RTEN GYI BAR DU MNGON PAR 'PHAGS TE YANG PHYIR LOG NAS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI DBU'I GTZUG TU NUB PA TSE DANG LDAN PA KUN DGA' BOS MTHONG NGO, ,MTHONG NAS KYANG TSIGS SU BCAD PAS YONGS SU ZHUS PA, 'JIG RTEN SNANG MDZAD JI SLAD DU, ,'DZUM PA MDZAD PA'I RGYU GANG LAGS, ,BDAG DANG SROG CHAGS GZHAN DAG GI ,SOM NYI LEGS PAR BSAL DU GSOL, ,BCOM LDAN 'DAS KYIS BKA' STZAL PA, KUN DGA' BO, KHYOD KYIS GYAD KYI BU 'DI DAG LHAGS TE SEMS RAB TU DANG BAS NGA DANG, BYANG CHUB SEMS DPA' SEMS DPA' CHEN PO DMIGS MED DANG, MDO SDE'I TSIG BSTAN PA 'DI LA THAL MO SBYAR CING RAB TU BTUD NAS BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED PA DAG MTHONG NGAM, GSOL PA, BCOM LDAN 'DAS, MTHONG LAGS SO, ,BCOM LDAN 'DAS KYIS BKA' STZAL PA, KUN DGA' BO, GYAD KYI BU 'DI DAG THAMS CAD NI; BSKAL PA GRANGS MED PA BYE BAR NGAN 'GRO LOG PAR LTUNG BAR 'GRO BAR MI 'GYUR ZHING DE DAG PHYIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR RO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,YID BDE MGU BA'I SEMS LDAN PA'I, ,GYAD KYI BU RNAMS 'DIR LHAGS TE, ,

220a

, ,THAL MO SBYAR CING RAB BTUD PA, ,KUN DGA' KHYOD KYIS MA MTHONG NGAM, ,MKHAS PA 'DI DAG THAMS CAD KYIS, ,NGA LA MCHOD PA 'DI BYAS NAS, ,BLA MED BYANG CHUB 'THOB 'GYUR BAR, ,MGU BA NYID KYIS BRJOD PAR BYED, ,DMIGS MED SHES RAB LDAN PA DANG, ,CHOS LA'ANG GUS DANG BCAS BYAS SHING, ,DE BZHIN NYAN THOS DGE 'DUN LA, ,THAL MO SBYAR BA 'DI BYAS PAS, ,BSKAL PA BYE BA GRANGS MED DU, ,DE DAG NGAN 'GROR 'GRO MI 'GYUR, ,THAL MO SBYAR BA'I LAS DANG NI, ,LUS RAB BTUD PAS PHYIN CHAD NI, ,DE DAG BYANG CHUB 'THOB 'GYUR BA'I, ,PHUN SUM TSOGS PA CIR 'GYUR BA, ,NGA YIS BSKAL PA'AM BSKAL PA NI, ,BYE BA PHRAG BRGYAR BRJOD GYUR KYANG, ,SPYOD PA DAM PA SPYAD BYAS PA, ,DE LA GRANGS NI YOD MIN PAS, ,BSKAL PA BYE BA RNAMS KYIS KYANG, ,MTHA' MA RTOGS PAR SLA BA MIN, ,KUN DGA' BO, DO MOD NAM GYI THUN THA MA LA SANGS RGYAS NGA DANG, KHYOD BLTA BA'I THA MAR 'GYUR RO, ,KUN DGA' BO, KHYOD KYIS BYANG PHYOGS NAS 'OD CHEN PO GSER GYI KHA DOG LTA BU ZHIG 'ONG ZHING DE'I GZI BRJID KYI BYANG PHYOGS KYI RTZVA DANG, SHING GEL PA DANG, LCUG MA DANG, TSAL DANG, SHING LJON PA DANG, SMAN DANG, NAGS TSAL DANG, RI DANG, THANG DANG, KHANG BZANG DANG, PU SHU DANG, GZHAL MED KHANG DANG, KHANG PA BRTZEGS PA THAMS CAD DANG, MI DANG, MI MA YIN PA DANG,

220b

NAM MKHA' DANG, STENG GI BAR SNANG THAMS CAD 'DI LTA STE, GSER GYI MDOG LTA BUR KHA DOG GCIG TU KUN TU SNANG BAR GYUR PA MTHONG NGAM, GSOL PA, BCOM LDAN 'DAS, DE DE LTA LAGS SO; ;BKA' STZAL PA, KUN DGA' BO, DE BZHIN DU KHYOD KYIS BYANG PHYOGS NAS DZAMBU CHU BO'I GSER LAS BYAS PA'I KHANG PA BRTZEGS PA BDUN 'ONG ZHING KHANG PA BRTZEGS PA DBUS MA'I NANG NA GZI BRJID MCHOG DANG LDAN ZHING DPAL GYIS RNAM PAR MDZES PA'I KHYE'U ZHIG SKYIL MO KRUNG GIS 'DUG PA MTHONG NGAM, GSOL PA, BCOM LDAN 'DAS, DE DE LTA LAGS SO, ,BKA' STZAL PA; KUN DGA' BO, KHYE'U 'DI NI, MNGON PAR SHES PA'I ME TOG KUN TU RGYAS PA THOB PA ZHES BYA STE, 'DI NAS BYANG PHYOGS LOGS SU SANGS RGYAS KYI ZHING BYE BA 'BUM PHRAG DRUG CU RTZA BZHI 'DAS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYANG CHUB YAN LAG GNAS ZHES BYA BA'I SANGS RGYAS KYI ZHING 'JIG RTEN GYI KHAMS ME TOG CAN ZHES BYA BA ZHIG YOD PA DE NAS SHI 'PHOS NAS 'JIG RTEN GYI KHAMS 'DIR SKYES PA YIN NO, ,KUN DGA' BO, 'JIG RTEN GYI KHAMS DE NA BYANG CHUB KYI YAN LAG GI TSIG GI SGRA 'BYUNG STE, RTZVA DANG, SHING GEL PA DANG, LCUG MA DANG, SHING LJON PA'I TSOGS DANG, SMAN DANG, NAGS TSAL THAMS CAD LAS KYANG BYANG CHUB KYI YAN LAG GI TSIG GI SGRA 'BYUNG NGO, ,SGRA DES SEMS CAN

221a

, ,DAG DGE BA'I CHOS RNAMS KYIS YONGS SU SMIN PAR BYED DO, ,KUN DGA' BO, DE BZHIN GSHEGS PA BYANG CHUB KYI YAN LAG GNAS DE NI, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS BSKAL PA DRUG KHRI BZHI STONG DU BZHUGS TE 'TSO ZHING GZHES SO, ,DE BZHIN GSHEGS PA DE LA BYANG CHUB SEMS DPA' MA GTOGS PAR NYAN THOS NI, MI MNGA' STE, KUN DGA' BA, 'DI LTA STE, DPER NA, RGYAL PO RGYAL RIGS SPYI BO NAS DBANG BSKUR BA ZHIG LA BU MANG PO BDOG PAR GYUR NA, DE'I BLON PO RNAMS KYANG BU NYID YIN PAR 'GYUR LA, BLON PO BKA' LA GTOGS PA RNAMS KYANG BU NYID YIN, MCHOG GI ZUNG YANG BU NYID YIN, RGYAL PHRAN RNAMS KYANG BU NYID YIN PAR 'GYUR RO, ,DE BZHIN DU BCOM LDAN 'DAS DE'I SRAS RNAMS KYANG BYANG CHUB SEMS DPA' NYID YIN LA, BLON PO RNAMS KYANG BYANG CHUB SEMS DPA' NYID YIN, BLON PO BKA' LA GTOGS PA RNAMS KYANG BYANG CHUB SEMS DPA' NYID YIN, MCHOG GI ZUNG YANG BYANG CHUB SEMS DPA' NYID YIN, RIM GRO PA RNAMS KYANG BYANG CHUB SEMS DPA' NYID YIN, DGE 'DUN DKON MCHOG KYANG BYANG CHUB SEMS DPA' NYID SHA STAG GO ,KUN DGA' BO, DE LTAR NA, 'JIG RTEN GYI KHAMS DE NI, 'BYOR PA DANG, RGYAS PA DANG, BDE BA

221b

DANG, LO LEGS PA DANG, DGA' BA DANG, SKYE BO DANG, MI MANG POS GANG ZHING BYANG CHUB SEMS DPA'I TSOGS 'DUS PA RNAMS KYANG MNGON PAR SHES PA MNGON PAR 'PHAGS PA, NA TSOD KYI TSUL GYIS TING NGE 'DZIN GYI STOBS KUN TU SDUD PA, SHES RAB BRTZEGS PAS MNGON PAR 'PHAGS PA, YE SHES YANG DAG PAR BSAGS PA DANG LDAN PA, BYANG CHUB KYI SEMS LA MNGON PAR BRTZON PA, THAMS CAD MKHYEN PA'I YE SHES YANG DAG PAR SDUD PA LA BRTZON ZHING BYANG CHUB SEMS DPA'I CHOS TSAD MED PA DANG LDAN PA'I BYANG CHUB SEMS DPA' SHA STAG GNAS TE, KUN DGA' BO, BYANG CHUB SEMS DPA' MNGON PAR SHES PA'I ME TOG KUN TU RGYAS PA THOB PA ZHES BYA BA'I RIGS KYI BU 'DI GANG NAS 'JIG RTEN GYI KHAMS 'DI'I DZAMBU'I GLING 'DI NYID DU YANGS PA CAN GYI GRONG KHYER DU SKYES PA'I 'JIG RTEN GYI KHAMS DE NI, DE LTA BU'I BYANG CHUB SEMS DPA' SEMS DPA' CHEN PO SHA STAG GIS YONGS SU GANG BA YIN NO, ,KUN DGA' BO, RIGS KYI BU 'DI NI, DE BZHIN GSHEGS PA NGA'I ZHABS LA PHYAG 'TSAL ZHING DE BZHIN GSHEGS PA NGA'I YONGS SU MYA NGAN LAS 'DA' BA CHEN PO 'DI'ANG BLTA BA'I PHYIR RDZU 'PHRUL 'DI LTA BU DAG KUN TU STON CING 'ONG STE, KUN DGA' BO, SNANG BA CHEN PO 'DI'ANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I MTHU YIN NO, ,KUN DGA' BO, DZAMBU CHU

222a

, ,PO'I GSER LAS BYAS PA'I KHANG PA BRTZEGS PA BDUN PO 'DI DAG KYANG BCOM LDAN 'DAS DES BYANG CHUB KYI YAN LAG BDUN BSHAD PA DAG SPRUL PA MDZAD PA YIN NO; ;KUN DGA' BO, DZAMBU'I GLING 'DI NA KHYE'U 'DI DANG LHAN CIG TU DGE BA'I RTZA BA BSKYED PA'I SROG CHAGS BYE BA 'BUM PHRAG MANG PO DAG KYANG YOD DE, KHYE'U 'DI DZAMBU'I GLING 'DIR SKYES MA THAG TU LHA DANG MI RNAMS DGA' BA DANG, MCHOG TU DGA' BA RGYA CHEN PO THOB PAR GYUR TO, ,DE DAG LAS KHA CIG GIS NI, ZAG PA ZAD PA THOB BO, ,KHA CIG GIS NI, SLOB PA'I SA THOB BO, ,SNGON SEMS MA BSKYED PA KHA CIG GIS NI, BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,KHA CIG GIS NI, SEMS BSKYED MA THAG TU PHYIR MI LDOG PA'I BZOD PA THOB PAR GYUR TO, ,KUN DGA' BO, GANG NA KHYE'U 'DI SKYIL MO KRUNG GIS 'DUG CING 'OD 'BYUNG BA'I KHANG PA BRTZEGS PA DBUS MA 'DI NI, DE BZHIN GSHEGS PA DE'I SPRUL PA YIN NO, ,DE LAS NI, RIN PO CHE'I KHANG PA BRTZEGS PA LHAG MA DRUG PO GZHAN DAG KYANG 'BYUNG NGO, ,KUN DGA' BO, DE BZHIN GSHEGS PA DE DANG, BYANG CHUB SEMS DPA' SEMS DPA' CHEN PO MNGON PAR SHES PA'I ME TOG KUN TU RGYAS PA THOB PAS GANG GIS 'JIG RTEN GYI KHAMS 'DI 'OD KYIS KHYAB PAR BYAS SHING 'DI LTA STE, CHOS YANG DAG PAR

222b

'DZIN PAS SEMS CAN DPAG TU MED PA RNAMS LA PHAN 'DOGS PA'I MTHU LA LTOS, DE NAS KHYE'U DE DAG THAMS CAD LHAN CIG TSOGS TE YANG DAG PAR DGA' ZHING SROG CHAGS 'BUM PHRAG MANG POS YONGS SU BSKOR NAS SKAD CIG GCIG MA THAL BAR ME TOG SNA TSOGS KYI CHAR DAG MNGON PAR RAB TU 'BEBS SHING BCOM LDAN 'DAS KYI ZHABS LA GTUGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, BYANG CHUB SEMS DPA' SEMS DPA' CHEN PO MNGON PAR SHES PA'I ME TOG KUN TU RGYAS PA THOB PA 'DIS DZAMBU CHU BO'I GSER LAS BYAS PA'I KHANG PA BRTZEGS PA DANG LDAN PA'I CHO 'PHRUL GYIS SEMS CAN KHRAG KHRIG NI, DGRA BCOM PA NYID DU BTUL TO, ,SEMS CAN BYE BA KHRAG KHRIG NI, SLOB PA'I SAR BTUL TO, ,SEMS CAN BYE BA PHRAG BRGYA NI, DKON MCHOG GSUM LA DAD PAR BYAS SHING BSLAB PA'I GZHI LNGA 'DZIN DU BCUG GO, LHA BYE BA PHRAG BDUN BRGYA NI, BYANG CHUB LA RAB TU BKOD DE, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA NYID DU NGES PAR BYAS SO, ,LHA BYE BA PHRAG BDUN NI, MI SKYE BA'I CHOS LA BZOD PA THOB PA LA RAB TU BKOD DO, ,SEMS CAN BYE BA KHRAG KHRIG TSAD MED GRANGS MED PA DAG NI, BYAMS PA'I 'DUS PA MTHONG BA DANG, BYAMS PA MTHONG ZHING PHRAD PAR 'GYUR BA'I PHYIR YONGS SU SMIN PAR BYAS SO, ,KUN DGA' BO, DE

223a

, ,BZHIN GSHEGS PAS SEMS CAN RNAMS KYI DON BYA BA GANG YIN PA DANG, DE BZHIN GSHEGS PA'I SRAS KYI THU BO BYANG CHUB SEMS DPA' SEMS DPA' CHEN PO RNAMS KYIS SEMS CAN RNAMS KYI DON BYA BA GANG YIN PA DE DAG NI, NGA DANG, 'DI DAG GIS YONGS SU RDZOGS PAR BYAS ZIN TO, ,NGAS SEMS CAN RNAMS KYI DON YONGS SU RDZOGS PAR BYA BA GANG YIN PA DE'ANG NGAS YONGS SU RDZOGS PAR BYAS ZIN TO, ,BAM PO GSUM PA STE THA MA, DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES TO; ;BCOM LDAN 'DAS, SEMS CAN RNAMS LA THUGS BRTZE BA'I SLAD DU BSKAL PA'AM, BSKAL PA LAS LHAG PAR BZHUGS SU GSOL, DE CI'I SLAD DU ZHE NA, JI SRID DU BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN NA BZHUGS PAR 'GYUR BA DE SRID DU SKYES BU DAM PA 'DI LTA BU DAG MTHONG BAR 'GYUR BA DANG, DE SRID DU SEMS CAN DGE BA 'DI LTA BU DAG DZAMBU'I GLING 'DIR MCHI BAR 'GYUR BA DANG, DE SRID DU BDAG CAG GIS SKYES BU DAM PA 'DI LTA BU DAG LA BLTA BA DANG, BSNYEN BKUR BGYI BA DAG RNYED PAR 'GYUR BA DANG, DE SRID DU 'JIG RTEN NA MDO SDE 'DI LTA BU 'DI DAG RGYAS PAR 'GYUR BA DANG, DE SRID DU SANGS RGYAS KYI CHOS RGYA CHEN PO DANG LDAN PA'I

223b

MDO SDE 'DI LTA BU 'DI THOS PAR 'GYUR BA DANG, DE SRID DU BDAG CAG GIS BCOM LDAN 'DAS DANG, RIGS KYI BU 'DI DAG GI RDZU 'PHRUL GYI CHO 'PHRUL SNA TSOGS 'DI LTA BU 'DI DAG MTHONG PAR 'GYUR BA DANG, DE BZHIN GSHEGS PA YONGS SU MYA NGAN LAS 'DAS NA BDAG CAG LA GNAS GSUM YONGS SU NYAMS PAR 'GYUR LAGS TE, GSUM GANG LAGS SHE NA, 'DI LTA STE; SANGS RGYAS LA BLTA BA DANG, DAM PA'I CHOS MNYAN PA DANG, RGYA CHEN PO LA MOS PA'I SKYES BU DAM PA 'DI LTA BU DAG LA BLTA BA DANG, BSNYEN BKUR BGYI BA YONGS SU NYAMS PAR 'GYUR BA'I SLAD DU'O, ,DE NAS TSE DANG LDAN PA KUN DGA' BOS TSIG DE DAG GSOL NAS SHIN TU MYUR BAR DGE BA'I BSHES GNYEN DANG BRAL BAR 'GYUR RO, ,SNYAM NAS DU BAR BYED, SMRE SNGAGS 'DON PAR BYED CING MCHI MA DAG PHYIS NAS SHING BCAD DE 'GYEL BA BZHIN DU SA LA BSGYEL TO, ,DE NAS BYANG CHUB SEMS DPA' SEMS DPA' CHEN PO DON LEGS PAR SEMS PAS TSE DANG LDAN PA KUN DGA' BO LA TSIGS SU BCAD DE SMRAS PA, 'DUS BYAS RTAG PAR 'GYUR BA YI, ,GNAS 'DI RNYED PAR MI 'GYUR TE, ,'DUS BYAS THAMS CAD MI RTAG PAS, , MYA NGAN MA BYED KUN DGA' KHYOD, ,BRTAGS PAS 'DUS BYAS 'BYUNG 'GYUR ZHING, ,RTOG PA DE'ANG MI RNYED DE, ,DE LTAR CHOS STONG KUN DGA' KHYOD, ,CI YI PHYIR NA MYA NGAN BYED, ,BRTAGS

224a

, ,PAS SHES PA STONG PA STE, ,SHES PA RNAMS KYIS SANGS RGYAS STONG, ,DE LA SANGS RGYAS MI DMIGS NA, ,CI PHYIR KUN DGA' MYA NGAN BYED, ,DNGOS RNAMS NAM MKHA' 'DRA BA DANG, ,SMIG RGYU LA NI CHU BZHIN PAS, ,BRTAGS MED RNAM PAS MI BRTAG CING, ,MKHAS PA RNAM PAR MA RTOG CIG ,JI LTAR SGYU MA'I MKHAN PO YIS, ,RTA DANG GLANG PO BZHON PA DANG, ,SKYE RGU'I TSOGS DANG LJON SHING TSAL, ,ME TOG 'BRAS BU DGA' SPRUL LTAR, ,DE BZHIN 'DUS BYAS THAMS CAD KYANG, ,SGYU MA BZHIN DU SNYING PO MED, ,SANGS RGYAS RNAMS DANG NYAN THOS KYANG, , GZHAN MIN DE BZHIN KHO NA YIN, ,DE NAS TSE DANG LDAN PA KUN DGA' BOS RIGS KYI BU DON LEGS PAR SEMS PA LA PHYIR TSIGS SU BCAD DE SMRAS PA, JI SKAD SMRAS PA DE BZHIN TE, , CHOS RNAMS THAMS CAD MTSAN NYID MED, ,DE 'DRA'I CHOS MCHOG BDAG GIS NI, ,NYAN PA'I THA MA DE RING YIN, ,JI LTAR MNYAN YOD 'JUG BYA ZHING, ,KUN DGA' RDZOGS SANGS GA LA BZHUGS, ,SPYAN LDAN GANG NAS BYON 'GYUR ZHES, ,DRIS NA JI SKAD BRJOD PAR BYA, ,DRI GTZANG KHANG PA MI MCHOG GIS, ,STONG PAR ZHUGS NAS JI LTAR BLTA, ,KHRI GDAN STONG PA MTHONG GYUR NA; ;JI LTAR GNAS 'GYUR BRTUL ZHUGS BZANG, ,DE NAS RIGS KYI BU RAB TU ZHI BAR GNAS KYIS TSE DANG LDAN PA KUN DGA' BO LA TSIGS SU BCAD DE SMRAS PA, LO GRANGS

224b

[?] BAR DUS KYANG NI, ,DON 'DI RNYED PAR SHIN TU DKA', ,CHOS DBYINGS SHIN TU BLTA DKA' BA, ,SO SOR RTOG CIG KUN DGA' BO, ,JI LTAR CHU SHING SDONG PO NI, ,SHUN PA RIM GYIS BSHUS GYUR NA, , DE LA SNYING PO MED PA LTAR, ,CHOS RNAMS RANG BZHIN DE DANG 'DRA, ,JI LTAR CHAR PA BAB PA NA, ,MDOR NA CHU YI CHU BUR DAG ,SKYE ZHING 'GAG PAR 'GYUR BA LTAR, ,'GRO 'DI'I DNGOS PO DE DANG 'DRA,, JI LTAR DBU BA RDOS PA LA, ,MIG CAN SNYING PO RTOG PA NA, ,DE LA SNYING PO MED PA LTAR, ,'GRO BA 'DI KUN DE DANG 'DRA, ,JI LTAR ME LONG GZUGS BRNYAN NI, ,RANG BZHIN SNYING PO MED PA LTAR, , KHAMS GSUM 'JIG RTEN DE 'DRA YIS, ,MKHAS PA DU BAR MA BYED CIG ,DE NAS TSE DANG LDAN PA KUN DGA' BOS BYANG CHUB SEMS DPA' SEMS DPA' CHEN PO RAB TU ZHI BAR GNAS LA PHYIR TSIGS SU BCAD DE SMRAS PA, MKHAS PA JI SKAD ZER BA DE, ,KHO BOS MI SHES MA YIN TE, ,DRANG SRONG CHEN POS MDO SDE LAS, ,'JIG RTEN GSUM KUN DNGOS MED GSUNGS, ,LHA RNAMS BYE BA DU BZHIN DANG, ,MCHI MAS BRNANGS PA 'DI DAG NI, ,BDAG GI DRUNG DU NYER LHAGS SHING, ,DU PAS BDAG GI SDUG BSNGAL BSKYED, ,SPYAN DANG LDAN PAS BDAG POR TE, ,RDZOGS PA'I SANGS RGYAS 'DI BZHUD NA, ,KHO BO GANG PHYOGS 'GRO BYA ZHING, ,SU ZHIG BDAG GI SKYOB PAR 'GYUR, ,AE MA'O SANGS RGYAS SHIN TU DKON, ,,BDAG GIS SU LA MTSOD BYA ZHING, ,ZHI BA ZAB MO BLTA DKA'

225a

, ,BA'I; ;DAM CHOS SU LAS MNYAN PAR BYA, ,DE NAS BYANG CHUB SEMS DPA' SEMS DPA' CHEN PO DMIGS MED KYIS TSE DANG LDAN PA KUN DGA' BO LA TSIGS SU BCAD DE SMRAS PA, LONGS SHIG BTZUN PA KUN DGA' BO, ,CHOS 'GA' 'ONG BA YOD MIN LA, ,'GRO BAR 'GYUR BA'ANG MED PAS NA, ,MYA NGAN MA BYED CHOS NYID LTOS, ,SANGS RGYAS SKYE BA CI 'DRA BA; ;DE YI BYANG CHUB DE DANG 'DRA, ,'KHOR LO BSKOR BA CI 'DRA BA, ,MYA NGAN 'DA' BA'ANG DE DANG 'DRA, ,SANGS RGYAS NAM YANG SKYE MED CING, ,SANGS RGYAS 'GAG PAR 'GYUR BA'ANG MED, , RANG BZHIN DE 'DRA'I CHOS RNAMS LA, ,KUN DGA' KHYOD NI CI PHYIR DU, ,KHO BO'I SPU YI KHUNG BU NAS, ,STONG DANG DNGOS PO MED PA DANG, ,NYE BAR ZHI DANG SANGS RGYAS ZHES, ,SGRA SKAD BZHI PO 'BYUNG BA NYON, ,DE NAS TSE DANG LDAN PA KUN DGA' BOS RIGS KYI BU DMIGS MED LA PHYIR TSIGS SU BCAD DE SMRAS PA, BRTUL ZHUGS BZANG PO KHYED CAG LTA, ,MYUR DU ZHING GZHAN 'GRO 'GYUR ZHING, ,DER YANG BDUD RTZI'I TSIG GSUNG BA, ,RDZOGS PA'I SANGS RGYAS MTHONG BAR 'GYUR, ,DER NI ZAB MO SANGS RGYAS KYIS, ,GSUNG BA'I CHOS KYANG THOS 'GYUR LA, , SANGS RGYAS RNAMS KYI TSOGS KYI MCHOG ,BYANG CHUB SEMS DPA' RNAMS KYANG MTHONG, ,KHO BO 'JIG RTEN MGON 'DAS ZHES, ,LHA RNAMS BYE BA MANG PO DAG ,CHO NGES 'DEBS

225b

PAS MDUN BDAR NA, ,MKHAS PA JI LTAR GNAS PAR BYA, ,DGE BSNYEN STONG PHRAG MANG PO RNAMS, ,THAMS CAD SHUGS CHEN DU BYED CING, ,BDAG GI DRUNG DU LHAGS GYUR NA, ,KHO BOS JI LTAR LAN YANG GDAB, ,SUM CU RTZA GSUM 'THAB BRAL DANG, ,DGA' LDAN PA DANG RAB 'PHRUL DANG, ,DBANG SGYUR TSANGS PA LA SOGS PA'I, ,LHA TSOGS NYE BAR LHAGS PA RNAMS, ,SH'AKYA SKYES MCHOG 'DAS GYUR NA, ,JI LTAR YONGS SU GZENGS BSTOD CING, ,BDAG NI JI LTAR DE DAG LA, ,DAM CHOS SMRA BA SPOBS PAR 'GYUR, ,SKYES BU SKYES MCHOG 'DAS GYUR NA, ,KUN DGA' 'DREN PA GANG NA ZHES, ,LHA RNAMS 'DRI BAR GYUR BA'I TSE, ,RNAM 'DREN BSAM GTAN ZAB MO DANG, ,BSOD NAMS CHEN PO'I GNAS PA LA, ,NANG DU YANG DAG BZHAG GO ZHE'AM, , 'ON TE 'CHAG CING BZHUGS SO ZHES, ,JI LTAR TSIG GI LAN YANG GDAB, ,DE NAS RIGS KYI BU MNGON PAR SHES PA'I ME TOG KUN TU RGYAS PA THOB PAS TSE DANG LDAN PA KUN DGA' BO LA TSIGS SU BCAD DE SMRAS PA, ZLA BA GSUM PO 'DI 'DAS NAS, ,KHO BOS PHYIS KYANG BLTA BYA BAR, ,BDAG NI KHYOD LA DAM 'CHA' YI, ,KUN DGA' THONG ZHIG MA DU ZHIG ,SANGS RGYAS STONG PHRAG GZHAN DAG LA, ,SH'AKYA'I TOG GI CHA BYAD KYIS, ,CHOS MCHOG BSHAD PAR MDZAD GSOL ZHES, ,KHYOD PHYIR BDAG GIS GSOL BAR BYA, ,RDZOGS SANGS THUGS RJE GZIGS MDZAD

226a

, ,CING, ,KHYOD KYI MDUN DU GSHEGS PAR 'GYUR, ,KHYOD KYIS MI MCHOG YONGS BSNYEN GYI, ,KUN DGA' 'DI LA KHYOD MA DU, ,GANG DU 'DI 'DRA'I STON PA NI, ,'JIG RTEN DU NI 'DA' 'GYUR BA, ,LHA DANG BCAS PA'I 'JIG RTEN GYIS, ,MYA NGAN CHEN PO BYA BA'I RIGS, ,BDAG GIS SANGS RGYAS 'DI SKAD CES, ,BSKAL PA BYE BAR 'TSO GYUR PA'I, ,'DUS BYAS THAMS CAD MTHAR 'JIG CES, ,GSUNGS PA STON PA'I DRUNG NAS THOS, ,DE NAS TSE DANG LDAN PA KUN DGA' BO BCOM LDAN 'DAS KYI SNAM LOGS SU 'DUG NAS LAN GSUM DU SNYING RJE CHEN PO'I SGRA BSGRAGS PA, MDONGS PAR GYUR BA'I SEMS CAN LA, ,GANG GIS MIG NI STZOL MDZAD CING, ,SROG CHAGS KUN MGON GANG YIN PA, ,STON PA DE RING MYA NGAN 'DA', , MI RNAMS 'DREN PA DE 'DAS ZHES, ,TSIG 'DI THOS PAR GYUR NA NI, ,RGYAL PO DAM PA LUS 'PHAGS BU, ,SHIN TU SDUG BSNGAL JI LTAR GNAS, ,DE NAS GYAD DANG GYAD MO DANG, ,GYAD KYI BU RNAMS MI BZAD CING, ,MI MCHOG MYA NGAN 'DA' 'GYUR ZHES, ,DE NA SNYING RJES DU BAR BYED, ,THA MA'I STON PA BLTA BA'I PHYIR, ,DE DAG DER NI LHAGS GYUR NAS, ,THAL SBYAR RAB BTUD 'KHOD NAS NI, ,'DUD CING PHYAG KYANG 'TSAL BAR BYED, ,DPAG TSAD LNGA YI KHOR YUG TU, ,LHA DANG GNOD SBYIN RNAMS KYIS GANG, ,DE YI KHO RA KHOR YUG TU, ,MI RNAMS KYIS NI

226b

GNAS MI RNYED, ,DRANG SRONG DAM PA'I MCHOD PA'I PHYIR, ,DRI ZHIM ME TOG CHU BO DAG ,PUS MO NUB TZAM PHAB GYUR CING, ,PHYI MA'I CHAR BA'ANG PHAB PAR GYUR, ,DE NAS DGA' BO NYE DGA' GNYIS, , THA MA'I STON PA BLTA BA'I PHYIR, ,BYE BA DRUG CU'I KLU RNAMS DANG, ,YONGS SU MYA NGAN 'DAS PAR LHAGS, ,BRANG 'GRO CHEN PO CHU LHA DANG, ,GZI CAN DANG NI RGYA MTSO DANG, ,GSAL MTHONG DANG NI BTANG BZUNG DAG, BYE BA PHRAG BRGYA'I KLUS BDAR CING, ,THA MA'I STON PA BLTA BA'I PHYIR, ,SPOS CHU'I SPRIN DAG 'DUS BYAS SHING, ,NAM MKHA'I NGOS NI KHEBS BYAS TE, ,CHAR BZHIN 'BEBS SHING NYE BAR LHAGS, ,'JIG RTEN MGON PO MCHOD PA'I PHYIR, ,LHA KLUS LHA YI ME TOG GI ,CHAR DANG SPOS CHU GTZANG MA YI, ,CHAR PA DAG KYANG RAB TU PHAB, ,KLU YI RGYAL PO MA DROS PA, ,DUNG PHYUR DRUG DANG LHAN CIG TU, ,RIN CHEN CHAR PA RAB 'BEBS SHING, ,SKYES BU KHYU MCHOG DRUNG DU LHAGS, ,BRANG 'GRO CHEN PO AE LA'I 'DAB, ,LHUN PO TZAM YANG DU BYED CING, ,THA MA'I 'JIG RTEN MGON PO LA, ,MCHOD PA BYA PHYIR NYE BAR 'ONGS, ,KLU YI BU MO STONG DANG NI, ,BRGYA DANG KHRAG KHRIG RNAMS DAG KYANG, ,NGA RO SPRIN SNYED SGROG BYED CING, ,STON PA'I DRUNG DU NYE BAR LHAGS, ,THA MA'I 'JIG RTEN MGON PO LA, ,MCHOD PA BYA PHYIR DE DAG GIS, ,SPOS CHU GTZANG MA'I CHAR CHEN YANG, ,DER NI MNGON PAR RAB TU PHAB, ,GNOD SBYIN STONG PHRAG BYE BA DANG, ,BRGYA DANG KHRAG KHRIG

227a

, ,RNAMS DAG KYANG, ,SANGS RGYAS YON TAN DRAN BYED CING, ,BLTA BA'I PHYIR NI NYE BAR LHAGS, ,RGYAL PO CHEN PO BZHI RNAMS KYANG, ,THA MA'I SANGS RGYAS BLTA BA'I PHYIR; ;DU BZHIN MCHI MAS BRNANGS GYUR CING, ,STON PA'I DRUNG DU NYE BAR LHAGS, ,DE BZHIN LHA DBANG BRGYA BYIN YANG, ,SUM CU GSUM PA STONG PHRAG NI, ,SUM CU GSUM GYIS MDUN BDAR CING, ,RDZOGS SANGS RGYAS KYI DRUNG DU 'ONGS, ,DRANG SRONG DAM PA MCHOD PA'I PHYIR, ,DES KYANG ME TOG MAND'A DANG, ,LHA YI TZANDAN PHYE MA YI, ,CHAR PA MNGON PAR RAB TU PHAB, ,TSANGS PA NGAN SPONG GTZUG TOR CAN, ,THA MA'I STON PA BLTA BA'I PHYIR, ,GNYIS KA TSANGS PAS MDUN BDAR CING, ,NGU MOS 'DEBS SHING RJES SU LHAGS, ,GNAS GTZANG LHA BRGYA BYE BA PHRAG ,MANG PO GZI BRJID CHEN PO RNAMS, ,DE RING RGYAL BA 'DA' 'GYUR ZHES, ,DU MOS 'DEBS SHING LHAGS PAR GYUR, ,LHA BRGYA BYE BA PHRAG MANG PO, ,RNAM MANG CHO NGES 'DEBS BYED CING, ,MI MCHOG BSKAL PAR BZHUGS GSOL ZHES, ,BSAM GTAN CHE LA GSOL BA 'DEBS, ,BDUD KYI BU PHO MKHAS PA PO, ,DED DPON ZHES NI BYA BA YANG, ,MI MCHOG MYA NGAN 'DA' 'GYUR ZHES; ;SHIN TU SDUG BSNGAL GYUR CING 'ONGS, ,DES KYANG ZHABS LA GTUGS NAS NI, ,SH'AKYA'I RIGS SNANG 'JIG RTEN LA, ,BRTZE SLAD BSKAL PAR BZHUGS SU GSOL, ,RDZOGS PA'I

227b

SANGS RGYAS BZHUGS GYUR NA, ,LHA DANG MI YI BDAG PO LA, ,BSAM YAS DON DU 'GYUR LAGS KYI, ,THUB CHEN BSKAL PAR BZHUGS GSOL ZHES, ,MI YI MCHOG LA GSOL BA 'DEBS, ,DE NAS RIGS KYI BU DMIGS MED KYIS LHA DANG BCAS, TSANGS PA DANG BCAS PA'I 'JIG RTEN DE DANG, BDUD KYI BU DED DPON LA TSIGS SU BCAD DE SMRAS PA, BAG MED PAS NI 'DAS BYAS SHING, , DA LTAR SMRE SNGAGS 'DON BYED PA, ,KHYED KUN MI SHES BYIS PA STE, ,SPRE'U RNAMS DANG NI 'DRA BA YIN, ,JI LTAR PHAG NI SEMS BRAL ZHING, ,NYAL BA MTSON CHA RNAM DAG GIS, ,YONGS SU GSHAGS NAS BSAD PA NA, ,SNYING RJES SMRE SNGAGS 'DON PA LTAR, ,BAG MED DBANG SONG SNGON CHAD NI, ,GANG GIS CHOS RNAMS MA THOS PA, ,KHYED CAG THAMS CAD DE 'DRA BAR, ,KHO BOS DE LTAR SPOBS PA YIN; ;DE RING YE SHES SGRON MA NI, ,'JIG RTEN DU NI NUB 'GYUR ZHING, ,KYE MA RGYAL BA 'DAS 'GYUR GYI, ,DGE BA DAG GI LAS GYIS SHIG ,DE NAS BCOM LDAN 'DAS KYIS TSE DANG LDAN PA MA 'GAGS PA DANG, TSE DANG LDAN PA BYAMS MA'I BU GANG PO DANG, TSE DANG LDAN PA RAB 'BYOR DANG, TSE DANG LDAN PA DON YOD RGYAL PO DANG, GNAS BRTAN 'OD SRUNG GZHON NU DANG, GNAS BRTAN GSUS PO CHE CHEN PO LA BKA' STZAL PA, DGE SLONG DAG, KHYED KYI LAG PA G-YAS PA DAG DE BZHIN GSHEGS PA'I PHYAG TU PHUL CIG ,DGE SLONG DE DAG GIS BCOM LDAN 'DAS,

228a

, ,LEGS SO, ,LEGS SO, ,ZHES GSOL TE BCOM LDAN 'DAS KYI LTAR NYAN TO, ,DE NAS DGE SLONG 'BUM THAM PAS BCOM LDAN 'DAS KYI PHYAG TU RANG RANG GI LAG PA PHUL LO; ;DE NAS BCOM LDAN 'DAS KYI PHYAG G-YON PAS NI, DGE SLONG DE DAG THAMS CAD KYI LAG PA NAS BZUNG, PHYAG G-YAS PAS NI, KUN DGA' BO DANG, SGRA GCAN ZIN GYI LAG PA NAS BZUNG STE, DGE SLONG DAG, GNAS BRTAN RNAMS LA KUN DGA' BO BZANG PO DANG, DPAL SGRA GCAN ZIN 'DI GNYIS BCOL CING YONGS SU GTAD DO, ,ZHES PHYAG GIS DGE SLONG DE DAG GI LAG TU GTAD DO, ,DE NAS DE'I TSE SANGS RGYAS KYI ZHING 'DIR SGRA SKAD DANG, NGA RO'I SGRA SNYING RJE ZHING 'JIGS SU RUNG BA DAG BYUNG BAR GYUR CING SGRA SKAD DES SANGS RGYAS KYI ZHING DU GRAGS PAR GYUR TO, ,DE NAS TSE DANG LDAN PA KUN DGA' BO DANG, TSE DANG LDAN PA SGRA GCAN ZIN GNYIS GNAS BRTAN DE DAG LA YONGS SU GTAD PA MTHONG NAS DGE SLONG LNGA BRGYA TZAM GYIS TSE'I 'DU BYED BTANG BAR GYUR TO, ,DE CI'I PHYIR ZHE NA, 'DI LTAR DGE SLONG DE DAG BCOM LDAN 'DAS YONGS SU MYA NGAN LAS 'DA' BA LA BLTA BAR MI BZOD PA'I PHYIR TE; DE DAG 'DI SNYAM DU 'JIG RTEN GYI MGON PO, ,'JIG RTEN GYI SGRON MA, THUGS RJE DANG LDAN PA, DGE BA'I BSHES GNYEN DAM PA, THUGS BRTZE BA DANG LDAN PA, PHAN PAR BZHED

228b

PA YONGS SU MYA NGAN LAS 'DA' BA LA BDAG CAG BLTA BAR MI SPRO'I, JE DANG PO KHO NAR BDAG CAG YONGS SU MYA NGAN LAS 'DA' BAR BYA'O, ,SNYAM DU SEMS PA'I PHYIR RO, ,DE NAS SKAD CIG DE DANG, THANG GCIG DE DANG, YUD TZAM DE LA SANGS RGYAS BCOM LDAN 'DAS LNGA BRGYA THAM PAS RANG RANG GI SANGS RGYAS KYI ZHING DAG NA BZHUGS BZHIN DU PHYAG G-YAS PA RNAMS BRKYANG STE BCOM LDAN 'DAS LA RAB TU BTUD DO, ,DE NAS BCOM LDAN 'DAS KYIS PHYAG GIS KUN DGA' BO DANG, SGRA GCAN ZIN DANG, GNAS BRTAN RNAMS KYI LAG PA NAS BZUNG STE, PHYAG GIS DE BZHIN GSHEGS PA DE DAG GI PHYAG TU PHUL NAS BCOM LDAN 'DAS KYIS DE'I TSE TSIGS SU BCAD PA 'DI DAG GSUNGS SO, ,SGRA GCAN ZIN 'DI BDAG GI BU, ,KUN DGA' BO NI GO RE LONG, ,'DI GNYIS DRANG SRONG CHE RNAMS LA, ,MNGON SUM DU NI YONGS SU GTAD, ,DE RING DZAMBU'I GLING DU NI, ,BDAG GI MTSAN MO THA MAR 'GYUR, ,LHA DANG KLU DANG MI RNAMS KYIS, , SLAN CHAD BDAG NI MTHONG MI 'GYUR, ,GANG DAG BYAMS PA BSAM YAS PA'I, ,'JIG RTEN MGON RNAMS MA GTOGS PAR, ,GZHAN GANG BDAG LA SKYOB 'GYUR ZHING, ,SU ZHIG DPUNG GNYEN SKYABS SU 'GYUR, ,SEMS CAN GCIG GI SLAD DU YANG, ,BSKAL PA STONG PHRAG MANG PO NI, ,GANGG'A'I BYE MA JI SNYED PA, ,DE SNYED BSKAL PAR BSDAD BGYI NA, ,TSAD MED BSAM GYIS MI

229a

, ,KHYAB PA'I, ,'JIG RTEN KHAMS SU RNAM BLTAS NA, ,GANG GI PHYIR NI 'DIR BSDAD PA'I, ,SEMS CAN 'GA' YANG MA MTHONG NGO, ,SEMS CAN GANG DAG CHOS 'DI LA, , GUS BCAS DON NI BDAG GIS BGYIS, ,BLO GROS NGAN PA GZHAN DAG NI, ,SANGS RGYAS BYE BAS GDUL MI SPYOD, ,DE NAS SANGS RGYAS BCOM LDAN 'DAS LNGA BRGYA THAM PA DE DAG GIS DE'I TSE TSIGS SU BCAD PA 'DI DAG GSUNGS SO, ,KHYOD KYIS SEMS CAN DON RNAMS MDZAD, ,SANGS RGYAS MDZAD PA'ANG KHYOD KYIS MDZAD, ,CHO 'PHRUL DAG KYANG BSTAN MDZAD CING, ,CHOS KYI RNGA CHEN RAB TU BRDUNGS, ,SKYOB PA SH'AKYA SENGGE YIS, ,SPRIN GYIS SA GZHI CHEN PO LTAR, ,SROG CHAGS BYE BA TSIM MDZAD CING, ,SEMS CAN RNAMS KYI ZUG RNGU PHYUNG, ,DE NAS SANGS RGYAS BCOM LDAN 'DAS DE DAG LA TSE DANG LDAN PA KUN DGA' BO DANG, TSE DANG LDAN PA SGRA GCAN ZIN GYIS PUS MO G-YAS PA'I LHA NGA SA LA BTZUGS NAS TSIGS SU BCAD DE GSOL PA, SANGS RGYAS RNAMS KYI GZI BRJID KYIS, ,SPYAN LDAN BSKAL PAR MTHONG BA DANG, ,'DREN PA BSKAL PAR BZHUGS 'GYUR BAR, ,DPA' CHEN RNAMS LA GSOL BA 'DEBS, ,RDZOGS PA'I SANGS RGYAS RKANG GNYIS MCHOG ,SHES RAB CHEN PO BZHUGS GYUR NA, ,SROG CHAGS BYE BA MANG PO LA, ,BSAM GYIS MI KHYAB DON DU 'GYUR, ,LHA YI TSOGS RNAMS 'PHEL 'GYUR ZHING, ,LHA MIN

229b

RNAMS KYANG 'GRIB PAR 'GYUR, ,NYAN THOS BYANG CHUB SEMS DPA' YANG, ,BSAM GYIS MI KHYAB 'PHEL BAR 'GYUR, ,DE NAS SANGS RGYAS BCOM LDAN 'DAS LNGA BRGYA THAM PA DE DAG GIS TSE DANG LDAN PA KUN DGA' BO DANG, TSE DANG LDAN PA SGRA GCAN ZIN LA 'DI SKAD CES BKA' STZAL TO, ,RIGS KYI BU DAG ,NGU MOS BTAB PAS CHOG ,SMRE SNGAGS BTON PAS CHOG GI ,MYA NGAN MA BYED; SMRE SNGAGS MA 'DON CIG ,'DUS BYAS THAMS CAD KYI RANG BZHIN DE YIN, MTHA' DE YIN, 'GRO BA DE YIN TE, 'DUS BYAS SKYES PA LA RTAG PA NYID MED DE, MTHA' 'DI LTA BU YIN PAS DE BZHIN GSHEGS PA CHOS KYI BDAG NYID KYIS 'DUS BYAS THAMS CAD SPANGS PAS NA, MNGA' DBANG MI MDZAD CING, YANG MNGA' BDAG MDZAD PAR NAM YANG MI DGONGS SO, ,RIGS KYI BU DAG ,KHYED NGED KYI SANGS RGYAS KYI ZHING DU 'ONG BAR 'GYUR BA'AM, DE BZHIN GSHEGS PAS PHYAG BRKYANG STE 'OD KYIS SNANG BAR MDZAD PAR 'GYUR BA'I 'OD DES 'ONG BAR 'GYUR RO, , KHYED CAG 'DI NA 'DUG NA'ANG DE BZHIN GSHEGS PAS ZHAL NYE BAR STON PAR 'GYUR ZHING DAM PA'I CHOS BSTAN PA'ANG MNGON PAR STON PAR 'GYUR GYI, MYA NGAN MA BYED CIG ,DE NAS DE'I TSE BCOM LDAN 'DAS 'DI LTA BU'I TING NGE 'DZIN LA SNYOMS PAR ZHUGS TE, JI LTAR THUGS MNYAM PAR BZHAG PAS ZHABS G-YAS PA'I MTHE BO DANG, PHYAG G-YAS PA'I MTHE BO DANG, DE

230a

, ,BZHIN DU G-YON PA GNYIS DANG, DE BZHIN DU SKU'I YAN LAG DANG, NYING LAG RNAMS DANG, DE BZHIN DU ZHABS KYI MTHIL 'KHOR LO'I MTSAN GYIS SPRAS PA GNYIS DANG, DE BZHIN DU 'JAM ZHING DRA BAS 'BREL LA SEN MO ZANGS KYI MDOG LTA BU'I PHYAG SOR RNAMS DANG, PHYAG RIS SHIN TU BKRA BA'I PHYAG RIN PO CHE GNYIS DANG, DE BZHIN DU MTSAN THAMS CAD DANG, DE BZHIN DU SKU LTE BA'I DKYIL 'KHOR DANG, MDOMS KYI GSANG BA'I THAN KOR DANG, DE BZHIN DU ZHAL GYI DKYIL 'KHOR DANG, DE BZHIN DU ZHAL GYI SMIN MTSAMS NAS 'OD ZER BYE BA PHRAG 'BUM 'BUM RAB TU BKYE STE, 'OD ZER RE RE'I THOG MA LA'ANG PADMA BYE BA PHRAG 'BUM 'BUM MNGON PAR SPRUL TO, ,PADMA RE RE'I SNYING PO LA'ANG SENGGE'I KHRI BYE BA PHRAG 'BUM 'BUM MNGON PAR SPRUL TO, ,SENGGE'I KHRI RE RE LA'ANG DE BZHIN GSHEGS PA RE RE SPRUL TE SANGS RGYAS KYI SKUS CHOS STON CING BZHUGS PAR GYUR TO, ,DE BZHIN GSHEGS PA'I SPRUL PA RE RES KYANG SEMS CAN BYE BA KHRAG KHRIG 'BUM PHRAG DU MA DAG ZAG PA ZAD PAR BYA BA'I PHYIR BTUL TO, ,KHA CIG NI, 'DOD CHAGS DANG BRAL BA'I SAR BTUL TO, ,DE NAS YANG BCOM LDAN 'DAS KYIS DBU'I GTZUG NAS 'OD ZER BYE BA PHRAG 'BUM RAB TU BKYE STE, 'OD ZER RE RE'I THOG MA LA'ANG PADMA BYE BA PHRAG 'BUM 'BUM

230b

MNGON PAR SPRUL TO, ,PADMA RE RE'I SNYING PO LA'ANG SENGGE'I KHRI BYE BA PHRAG 'BUM 'BUM MNGON PAR SPRUL TO, ,SENGGE'I KHRI RE RE LA'ANG DE BZHIN GSHEGS PA RE RE MNGON PAR SPRUL TE SANGS RGYAS KYI SKUS CHOS STON CING BZHUGS PAR GYUR TO, ,DE BZHIN GSHEGS PA DE DAG KYANG BYANG CHUB SEMS DPA'I SDE SNOD KYI CHOS KYI RNAM GRANGS DANG, GZUNGS DANG, RDO RJE'I TSIG YANG DAG PAR RAB TU STON PA DANG, 'KHOR GSUM YONGS SU DAG PA DANG, SANGS RGYAS KYI STOBS DANG, MI 'JIGS PA DAG YANG DAG PAR RAB TU STON PA MA GTOGS PAR GTAM GZHAN MI GSUNG NGO, ,DE BZHIN GSHEGS PA'I SPRUL PA RE RES CHOS BSTAN PA DES KYANG SEMS CAN DAG PA DAG LAS SROG CHAGS BYE BA 'BUM PHRAG DU MA DAG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA LA RAB TU BKOD DO, ,DE NAS BCOM LDAN 'DAS KYIS GYANG RNAMS DANG NYE BA NA YOD PA SHING S'A LA ZUNG GI BAR DU DE BZHIN GSHEGS PA'I SKU GLO G-YAS PAS SENGGE'I GZIMS KHRI LA GZIMS PA ZHIG MNGON PAR SPRUL PA MDZAD NAS SEMS CAN DMYAL BA CHEN PO YANG SOS KYI GNAS SU GSHEGS TE RANG RANG GI SKU LAS 'OD RAB TU BKYE'O, ,DE RAB TU BKYE MA THAG TU SEMS CAN DMYAL BA CHEN PO YANG SOS KYI GNAS THAMS CAD SNANG BAR GYUR TO, ,DE NAS BCOM LDAN 'DAS KYI 'OD KYIS SEMS CAN DMYAL BA CHEN PO YANG SOS KYI GNAS THAMS CAD SNANG BAR MDZAD NAS DE'I TSE

231a

, ,TSIGS SU BCAD PA 'DI DAG BKA' STZAL TO, ,SEMS CAN 'DI DAG YANG DANG YANG, ,BSAD CING BSAD CING PHYIR YANG 'TSO, ,'DU SHES DE NYID BRTAN BYED PAS; ;DES NA SDUG BSNGAL 'BYUNG BAR 'GYUR, ,'JIG RTEN MGON PO 'OD MDZAD PA, ,'JIG RTEN 'DIR NI BYUNG GYUR NAS, ,GANG GIS SDUG BSNGAL 'GAG 'GYUR BA, ,ZAG PA MED CING LEN MED LA, ,'GAG PA MED CING ZAG MED PA'I, ,DAM PA'I CHOS NI STON PAR MDZAD, ,GANG DAG CHOS 'DI RAB SHES PA, ,DE DAG NGAN 'GROR 'GRO MI 'GYUR, ,BCOM LDAN 'DAS KYIS TSIGS SU BCAD PA DE DAG BKA' STZAL MA THAG TU DE NAS SKAD CIG DE DANG, THANG GCIG DE DANG, YUD TZAM DE LA SEMS CAN DMYAL BA CHEN PO YANG SOS KYI GNAS NAS SROG CHAGS DUD PHYUR PHRAG GSUM GYIS CHOS 'DI THOS NAS PHYIR MI 'ONG BA'I 'BRAS BU THOB PAR GYUR TE, CHOS THOB PA DE DAG GIS DE'I TSE TSIGS SU BCAD PA 'DI DAG GSOL TO, ,ZAD PA MA MCHIS LEN MA MCHIS, ,MI 'GAG ZAG PA MA MCHIS PA'I, ,'PHAGS PA'I CHOS 'DI 'TSAL GYUR PAS, ,BDAG CAG BSIL GYUR MYA NGAN 'DAS, ,MKHYEN NAS JI BZHIN NYID BRNYES SHING, ,SEMS CAN RNAMS KYI DBANG PO MKHYEN, ,RGYU DANG RKYEN RNAMS STON MDZAD CING, ,SEMS CAN RNAMS LA THUGS BRTZE BA, ,ZUG RNGU 'BYIN CING GSOS MDZAD LA, ,SMIN

231b

STZOL MDZAD CING THAMS CAD MKHYEN, ,MYA NGAN 'DA' BA STON MDZAD PA'I, ,RDZOGS SANGS RGYAS KYIS BDAG CAG BTUL, ,MIG DANG SGRON MAR GYUR PA 'DI, ,SHIN TU MYUR BAR 'DAS GYUR NA, , SU ZHIG SROG CHAGS BYE BA RNAMS, ,YANG SOS GNOD LAS THAR MDZAD 'GYUR, ,ZUG RDU 'BYIN MDZAD SMAN PA CHE, ,'BYUNG PO KUN GYI GSOS MDZAD PA, ,DE YIS SEMS CAN GANG GSOS PA; ;DE DAG NGAN 'GROR MCHI MI 'GYUR, ,DE NAS BCOM LDAN 'DAS DE'I TSE SEMS CAN DMYAL BA CHEN PO THIG NAG GI GNAS KYI MTHAR BZHUGS TE 'OD RGYA CHEN PO RAB TU BKYE'O, ,DES SEMS CAN DMYAL BA CHEN PO'I GNAS DE SNANG BAR GYUR NAS SROG CHAGS STONG PHRAG MANG PO DAG DE NAS BTON TE MTHO RIS LA RAB TU BKOD DO, ,DE BZHIN DU SEMS CAN DMYAL BA CHEN PO BSDUS GZHOM DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DAG NAS KYANG SROG CHAGS STONG PHRAG MANG PO DAG BTON TE MTHO RIS DANG, MYA NGAN LAS 'DA' BA'I LAM LA RAB TU BKOD DO, ,DE NAS SKAD CIG DE DANG, THANG GCIG DE DANG, YUD TZAM DE LA SROG CHAGS BYE BA 'BUM PHRAG DU MA DAG SEMS CAN DMYAL BA'I GNAS DAG NAS SHI 'PHOS NAS DGA' LDAN GYI LHA'I RIS RNAMS SU SKYES SO, ,SKYES MA THAG TU LHA'I BU DE DAG GIS SNGON GYI CHOS YANG DAG PAR RJES SU DRAN NAS PHYIR MI 'ONG BA'I 'BRAS BU THOB BO, ,DE NAS LHA'I BU

232a

, ,CHOS THOB PA, CHOS RTOGS PA, CHOS KYI GTING DU ZHUGS PA DE DAG GIS DE'I TSE TSIGS SU BCAD PA 'DI DAG GSOL TO, ,JI LTAR DGON PA'I SHUL ZHIG TU, , DED DPON 'JIGS PA MA MCHIS PAS, ,CHOM RKUN GDUG PAS GTZES GYUR PA'I, ,SEMS CAN MANG PO THAR BGYID LTAR, ,DE BZHIN 'KHOR BA'I BTZON RA LAS, ,DED DPON BLA NA MA MCHIS PA; ;SANGS RGYAS BCOM LDAN 'DAS KYIS NI, ,SEMS CAN BYE BA THAR PAR MDZAD, ,THUGS RJE NYE BAR BSKYED MDZAD CING, ,BDAG CAG SDUG BSNGAL THAR MDZAD PA'I, ,BLA MED DED DPON 'OD MDZAD PA, ,SANGS RGYAS LA NI SKYABS SU MCHI, ,BDAG CAG LUS KYIS REG GYUR PA'I, ,CHOS DANG YON TAN BSAM YAS PA'I, ,TSOGS MCHOG 'PHAGS PA'I DGE 'DUN LA'ANG, ,BDAG CAG SKYABS SU NYE BAR MCHI, ,DE NAS BCOM LDAN 'DAS KYIS 'OD BSIL ZHING 'JAM PAS SEMS CAN DMYAL BA CHEN PO MNAR MED PA'I GNAS KYI SEMS CAN DMYAL BA'I YONGS SU GDUNG BA SIM ZHING BSIL BAR MDZAD NAS YAN LAG STONG YONGS SU RDZOGS PA, SEMS CAN THAMS CAD RAB TU SIM PA SKYED PA, 'JAM PA SNYAN PAR GSUNG BA, PHAN PA DANG BDE BAR MDZAD PA, STONG PA NYID DANG, MTSAN MA MED PA DANG, SMON PA MED PA DANG LDAN PA'I GSUNG GIS SEMS CAN DMYAL BA PA DE DAG LA BKA' STZOL CING DE'I TSE TSIGS SU BCAD PA 'DI DAG

232b

BKA' STZAL TO, ,GANG GIS STONG NYID MTSAN MED DANG, ,SKYE MED 'DUS BYAS MA YIN PA'I, ,CHOS RNAMS RAB TU SHES GYUR PA, ,DE DAG NGAN 'GRO'I 'JIGS LAS DGROL, ,DE NAS SROG CHAGS BYE BA 'BUM PHRAG BRGYAD KYIS GSUNG DE THOS NAS DUS GSUM LA THOGS PA MED CING YAN LAG GI YON TAN 'BUM DANG LDAN PA'I SGRA RNA LAM DU GRAG PA THOS NAS SEMS CAN DMYAL BA CHEN PO MNAR MED PA'I GNAS NAS SHI 'PHOS TE GZHAN 'PHRUL DBANG BYED KYI LHA RNAMS DANG SKAL PA MNYAM PAR SKYES SO, ,DE NAS BCOM LDAN 'DAS TSANGS PA'I 'JIG RTEN DU GSHEGS TE TSIGS SU BCAD PA 'DI DAG BKA' STZAL TO, ,GANG LA SDUG BSNGAL MI RNYED PA'I, ,SEMS CAN RNAMS NI MCHOG TU BDE, ,MING DANG MTSAN MA THA SNYAD DANG, ,'DU SHES GANG YIN TSUL BZHIN MIN, ,BRTAN PAS DE DAG RNAM SPANGS NA, ,DES NI SDUG BSNGAL DAG LAS DGROL, ,GANG DAG GZUGS MED RTEN PA YI, ,'DU SHES KUN KYANG TSUL BZHIN MIN, ,YANG DANG YANG DU 'CHI 'PHO ZHING, ,SHI NAS SKYE BAR 'GYUR BA YI, ,SDUG BSNGAL PHYIR ZHING RAB 'PHEL BA, ,KHAMS GSUM PA DAG CI PHYIR BDE, ,GANG GIS STONG PA STONG SHES SHING, ,STONG PA DE LA'ANG MI SEMS LA, ,GANG DAG STONG NYID MI MTHONG BA, ,DE DAG STONG NYID SHES PA YIN, ,GANG GIS CHOS DON DE SHES PA, ,DE LA BDAG NI RNYED MI 'GYUR, ,GANG LA BDAG NI MI RNYED PA, ,DE LA SDUG BSNGAL GA LA 'BYUNG, ,STONG DANG NYE BAR

233a

, ,LEN MED DANG, ,MTSAN MA RNYED PA MA YIN ZHING, ,BDAG MED CHOS NI STON BYED PA, ,SANGS RGYAS THUGS LAS SKYES PA'I SRAS, ,DE NAS GANG DAG DER SKYES PA'I SROG CHAGS BYE BA 'BUM PHRAG BRGYAD PO DE DAG GIS ZAG PA ZAD PA THOB CING LHA'I DRANG SRONG DU GYUR NAS DE DAG GI SEMS CAN DMYAL BA'I GNAS DAG GI SEMS CAN DMYAL BA'I GNAS KYI SDUG BSNGAL DAG RJES SU DRAN ZHING DE BZHIN GSHEGS PA'I SKYES BU'I MTHU'ANG RJES SU DRAN NAS BYAS PA GZO BA'I PHYIR BDAG CAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YONGS SU MYA NGAN LAS 'DA' BA MA MTHONG BAR DANG PO KHO NAR BDAG CAG YONGS SU MYA NGAN LAS 'DA' BAR BYA'O, ,ZHES DE NAS LHA'I BU DGRA BCOM PA NYID THOB PA DE DAG GIS DE'I TSE TSIGS SU BCAD PA 'DI DAG GSOL TO, ,MI 'DUL KHA LO SGYUR BA GANG ZAG MCHOG ,SNANG BA 'OD MDZAD RAB TU GSAL MDZAD PA, ,MYA NGAN 'DA' BAR MDZAD PA JI LTAR BLTA, ,BDAG CAG SNGAR NYID MYA NGAN 'DA' BAR BGYI, ,DE SKAD CES GSOL NAS DE NYID DU YONGS SU MYA NGAN LAS 'DAS SO, ,DE NAS BCOM LDAN 'DAS SKAD CIG DE DANG, THANG GCIG DE DANG, YUD TZAM DE LA TSANGS PA'I 'JIG RTEN NAS MI SNANG BAR GYUR TE, GYAD RNAMS DANG NYE BA NA YOD PA SHING S'A LA ZUNG GI BAR DU SLAR GSHEGS SO, ,DE NAS BCOM LDAN 'DAS 'DI SNYAM DU DGONGS TE, DE

233b

BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS PA NI, DO MOD NAM GYI THUN THA MA LA YONGS SU MYA NGAN LAS 'DA' BAR GYUR TE, SEMS CAN RNAMS LA BSTAN PAR BYA BA'I THA MA NI, 'DI YIN GYI, BDAG GIS DE BZHIN GSHEGS PA'I CHO 'PHRUL CHEN PO SEMS CAN RNAMS MCHOG TU DGA' BAR BYED PA, BDE BA SKYED PAR BYED PA, SDUG BSNGAL NYE BAR ZHI BAR BYED PA; SEMS CAN THAMS CAD DE BZHIN GSHEGS PA'I BDAG NYID CHEN PO LA THOGS PA MED PAR 'JUG PAR 'GYUR BA, SANGS RGYAS YONGS SU MYA NGAN LAS 'DA' BA DANG LDAN PA DAG KUN TU BSTAN PAR BYA'O SNYAM DU DGONGS SO, ,DE NAS BCOM LDAN 'DAS KYIS SKU'I GLO G-YAS PA BTEGS TE SENGGE BZHIN DU BAG TSA BA MI MNGA' BAR PHYOGS BCU'I SKYE RGYU DE DAG LA GLANG PO CHE'I LTA STANGS KYIS GZIGS NAS ZHABS G-YAS PA'I MTHE BOS SA CHEN PO LA BSNUN TO, ,BSNUN PA DANG DE LAS SGRA SKAD CHEN PO BYUNG ZHING RNAM PA DRUG TU RAB TU G-YOS TE, PHYOGS BCU'I 'JIG RTEN DAG 'OD BSAM GYIS MI KHYAB CING THOGS PA MED PAS SNANG BAR YANG GYUR TE, ,DE NAS BCOM LDAN 'DAS KYI SKU LAS 'OD ZER 'DI LTA BU DAG RAB TU BSKYE STE, 'OD ZER RAB TU BKYE BA DES SPU'I KHUNG BU RE RE NAS KYANG 'OD ZER GANGG'A'I KLUNG GI BYE MA DAG BYUNG NGO, ,'OD ZER DE DAG RE RE LAS KYANG 'OD ZER GANGG'A'I KLUNG GI BYE MA SNYED DAG BYUNG NGO, ,'OD ZER RE RES KYANG SANGS

234a

, ,RGYAS KYI ZHING GANGG'A'I GLUNG GI BYE MA SNYED DAG SNANG BAR BYAS TE, 'OD ZER GCIG DANG, 'OD ZER GNYIS BA LHAN CIG MI 'GROGS PAR 'GRO ZHING YANG DANG YANG DU SPU'I KHUNG BU SO SO NAS 'OD ZER RAB TU BKYE BAS 'JIG RTEN GYI KHAMS DE SNYED SNANG BAR MDZAD DO, ,DE NAS YANG BCOM LDAN 'DAS KYIS 'DI LTA BU'I RDZU 'PHRUL MNGON PAR 'DU BYA BA MNGON PAR 'DU MDZAD DE, RDZU 'PHRUL MNGON PAR 'DU BYA BA JI LTA BU MNGON PAR 'DU MDZAD PAS SANGS RGYAS KYI MTHU DANG, SANGS RGYAS KYI BYIN GYI RLABS KYIS SEMS CAN THAMS CAD SANGS RGYAS KYI SPYAN DANG LDAN PAR GYUR CING SANGS RGYAS KYI SPYAN GYI BYE BRAG KYANG RTOGS PAR GYUR TE, DE DAG THAMS CAD KYIS SANGS RGYAS KYI ZHING JI SNYED BCOM LDAN 'DAS KYI 'OD KYIS GSAL BAR GYUR PA DE DAG THAMS CAD MTHONG BAR GYUR TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,KHYED KYIS SHAR PHYOGS LOGS NA KHOR KHOR YUG GI KHYON DU DPAG TSAD 'BUM YOD PA'I GRONG KHYER DE LTAR CHE BA, DE LTAR YANGS PA, DE LTAR MTHONG BA, DE LTAR RGYA CHE BA ZHIG RDUL PHRA RAB KYI RDUL BRGYA STONG DAG GIS YONGS SU GANG BA MTHONG NGAM, GSOL PA, BCOM LDAN 'DAS, DE DE LTA LAGS SO, ,BKA' STZAL PA, DGE SLONG DAG, 'DI JI SNYAM DU SEMS, RDUL PHRA RAB KYI RDUL DE DAG MANG BA YIN SNYAM MAM, GSOL PA, BCOM LDAN

234b

'DAS; DE DE LTA LAGS SO, ,BKA' STZAL PA, GANG GIS ZAG MED LEN MED CING, ,'GAG MED ZAG PA MED PA YI, ,CHOS DE RAB TU SHES PA DAG ,DE DAG NGAN 'GROR 'GRO MI 'GYUR, ,DE NAS SROG CHAGS BYE BA PHRAG SUM CU RTZA GSUM GYIS CHOS KYI RNAM GRANGS 'DI THOS NAS PHYIR MI 'ONG BA'I 'BRAS BU THOB PAR GYUR TE, CHOS THOB PA DE DAG THAMS CAD KYIS DE'I TSE TSIGS SU BCAD PA 'DI DAG GSOL TO, ,ZAG PA MA MCHIS LEN MA MCHIS, ,MI 'GAG ZAG PA MA MCHIS PA, ,'PHAGS PA'I CHOS 'DI 'TSAL GYUR PAS, ,BDAG CAG BSIL GYUR MYA NGAN 'DAS, ,MKHYEN NAS JI BZHIN NYID BRNYES SHING, ,SEMS CAN RNAMS KYI DBANG PO MKHYEN, ,RGYU DANG RKYEN RNAMS STON MDZAD CING, ,SEMS CAN RNAMS LA THUGS BRTZE BA, ,ZUG RDU 'BYIN CING GSOS MDZAD LA, , SMAN STZOL MDZAD CING THAMS CAD MKHYEN, ,MYA NGAN 'DA' BA STON MDZAD PA'I, ,RDZOGS SANGS RGYAS KYIS BDAG CAG BTUL, ,MIG DANG SGRON MAR GYUR PA 'DI, ,SHIN TU MYUR BAR 'DAS GYUR NA, , SU ZHIG SROG CHAGS BYE BA RNAMS, ,YANG SOS GNOD LAS THAR MDZAD 'GYUR, ,ZUG RDU 'BYIN MDZAD SMAN PA CHE, ,'BYUNG PO KUN GYI GSOS MDZAD PA, ,DE YIS SEMS CAN GANG GSOS PA, ,DE DAG NGAN 'GROR MCHI MI 'GYUR, ,DE NAS BCOM LDAN 'DAS DE'I TSE SEMS CAN DMYAL BA CHEN PO THIG DANG GI GNAS KYI MTHAR BZHUGS TE 'OD RGYA CHEN PO RAB TU BKYE'O, ,DES SEMS CAN

235a

, ,DMYAL BA CHEN PO'I GNAS DE SNANG BAR GYUR NAS SROG CHAGS STONG PHRAG MANG PO DAG DE NAS BTON TE MTHO RIS LA RAB TU BKOD DE, DE BZHIN DU SEMS CAN DMYAL BA CHEN PO BSDUS GZHOM DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DAG NAS KYANG SROG CHAGS STONG PHRAG MANG PO DAG BTON TE MTHO RIS DANG, MYA NGAN LAS 'DA' BA LA RAB TU BKOD DO, ,DE NAS YANG BCOM LDAN 'DAS KYIS SEMS CAN DMYAL BA CHEN PO BRGYAD KYI GNAS RNAMS SU 'OD ZER GYI KHA DOG LTA BU SHIN TU 'JAM PA, DGA' BAR GYUR PA; YID DU 'ONG BA, SDUG BSNGAL NYE BAR ZHI BAR BYED PA, MIG DGA' BAR BYED PA, SNYING DANG MIG RAB TU SIM PA SNYED PA, BSIL PA, BYAMS PA DANG SNYING RJE LAS NGES PAR BYUNG BA LUS BDE BA SKYED PAR BYED PAS SEMS CAN DMYAL BA CHEN PO'I GNAS DE DAG GSAL BAR MDZAD CING SEMS CAN DMYAL BA CHEN PO DE DAG GI ME'I GDUNG BA SKYES PA'I GDUNG BA YANG YONGS SU ZHI BAR MDZAD NAS SEMS CAN DE DAG LA BDE BA NYE BAR BSGRUB PA'I PHYIR SPU'I KHUNG BU THAMS CAD NAS MTHAR GYIS 'OD DE DAG RAB TU BKYE'O, ,DE NAS BCOM LDAN 'DAS KYI 'OD KYIS SEMS CAN DE DAG GI LUS MNGON PAR BRLAN PAR MDZAD CING LUS DANG SEMS 'JAM ZHING LAS SU RUNG BA BSKYED NAS YON TAN 'BUM PHRAG DU MA DANG LDAN PA'I GSUNG

235b

GIS TSIGS SU BCAD DE BKA' STZAL PA, NGA NI 'JIG RTEN BDE STZOL ZING, ,NGA NI SDUG BSNGAL THAR MDZAD PA, ,NGA NI LUS NGAL 'GYUR PA RNAMS, ,RAB TU ZHI BA STON MDZAD PA'O, ,NGAS BSHAD ZHI BA BDE BA DANG, ,SHIN TU BLTA DKA'I CHOS GANG YIN, ,GANG DAG CHOS DE RAB SHES PA, ,DE DAG NGAN 'GROR 'GRO MI 'GYUR, ,GANG DAG SANGS RGYAS SKYABS SONG BA'I, ,MI RNAMS DE DAG RNYED PA YOD, , DE DAG BSKAL PA STONG RNAMS SU, ,PHYIN CHAD SDUG BSNGAL BSTEN MI 'GYUR, ,BCOM LDAN 'DAS KYIS TSIGS SU BCAD PA DE DAG BKA' STZAL MA THAG TU DE NAS SKAD CIG DE DANG, THANG GCIG DE DANG, YUD TZAM DE LA DE NAS DGE SLONG RAB TU MANG PO DAG DANG SANGS RGYAS BCOM LDAN 'DAS TSAD MED PA DAG KYANG SKAD CIG DANG, THANG GCIG DANG, YUD TZAM DE LA SENGGE'I GZIMS KHRI DAG LA GLO G-YAS PA PHAB STE GZIMS PAR GYUR NAS DE DAG KYANG SLAR BZHENGS TE CHO 'PHRUL DE LTA BU DAG KUN TU STON PAR MDZAD DO, ,DE NAS BCOM LDAN 'DAS LA 'KHOR BZHI PO DE DAG GIS 'DI SKAD CES GSOL TO, ,BCOM LDAN 'DAS, CI'I SLAD DU SANGS RGYAS BCOM LDAN 'DAS DE DAG THAMS CAD 'DI LTA STE, DPER BGYI NA, DA LTAR BCOM LDAN 'DAS BZHIN DU SKAD CIG 'DI DANG, THANG GCIG 'DI DANG, YUD TZAM 'DI LA YONGS SU MYA NGAN LAS 'DA' BA LA MNGON PAR PHYOGS SHING CHO 'PHRUL DE LTA BU DAG KUN TU STON PAR MDZAD LAGS, BCOM LDAN 'DAS KYIS BKA' STZAL

236a

, ,PA; DGE SLONG DAG ,DE DE BZHIN TE, SANGS RGYAS BCOM LDAN 'DAS DE DAG THAMS CAD KYANG DENG SRID PA THAMS CAD SPANGS TE YONGS SU MYA NGAN LAS 'DA' BAR 'GYUR RO, , DE BZHIN GSHEGS PA DE DAG THAMS CAD KYANG SH'AKYA THUB PA ZHES BYA BAR MTSAN MTHUN PA SHA STAG STE, THAMS CAD KYANG GYAD RNAMS DANG NYE BA NA YOD PA SHING S'A LA ZUNG GI BAR SHA STAG TU SENGGE'I GZIMS KHRI LA SKU'I GLO G-YAS PA PHAB STE BZHUGS SO, ,DE DAG THAMS CAD KYANG DO MOD NAM GYI THUN THA MA LA YONGS SU MYA NGAN LAS 'DA' BAR 'GYUR RO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,KHYED KYIS SHAR PHYOGS NA SANGS RGYAS BCOM LDAN 'DAS TSAD MED GRANGS MED PA DAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA MTHONG NGAM, DGE SLONG DAG ,KHYED KYIS DE BZHIN DU LHO PHYOGS DANG, NUB PHYOGS DANG, BYANG PHYOGS DANG, PHYOGS MTSAMS RNAMS DANG, 'OG DANG, STENG GI PHYOGS DAG NA SANGS RGYAS BCOM LDAN 'DAS TSAD MED GRANGS MED PA DAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA DAG MTHONG NGAM, DE DAG GIS GSOL PA, BCOM LDAN 'DAS, DE DE LTA LAGS TE, BGRANG BA'I TSUL GYIS MTHONG LAGS KYI, DON DAM PAR NI, MA MTHONG LAGS SO, ,BCOM LDAN 'DAS KYIS BKA'

236b

STZAL PA; DGE SLONG DAG ,'DI LTA STE, DPER NA, GLING BZHI PA CHEN PO'I 'JIG RTEN GYI KHAMS CHU'I PHUNG PO NAS BZUNG STE TSANGS PA'I 'JIG RTEN GYI MTHAR THUG PA'I BAR DU RDUL PHRA RAB KYI RDUL GYIS YONGS SU GANG BAR GYUR NA, DGE SLONG DAG, 'DI JI SNYAM DU SEMS, RDUL PHRA RAB KYI RDUL DE DAG TSAD GZUNG BA'AM, BGRANG BA'AM, DPE'AM, YONGS SU BGRANG BAR NUS SNYAM MAM, GSOL PA, BCOM LDAN 'DAS, DE NI, MA LAGS SO, ,BKA' STZAL PA, DGE SLONG DAG, 'DI LTA STE, DPER NA, GLING BZHI PA CHEN PO'I 'JIG RTEN GYI KHAMS DE LTA BU'I BYE BA PHRAG 'BUM RDUL PHRA RAB KYI RDUL GYIS YONGS SU GANG BAR GYUR NA, DGE SLONG DAG, NGAS SHA'I SPYAN THA MAL PAS SHAR PHYOGS SU RDUL PHRA RAB KYI RDUL DE DAG JI SNYED PA DE SNYED KYI SANGS RGYAS BCOM LDAN 'DAS DAG GZIGS TE; DPER NA, GNYA'I SHING GANG TZAM NA 'DUG PA, RNAM PAR MI RTOG PA, SHA'I MIG MNYAMS PA, RGYANG RING POR MI LTA BA'I RANG GI YUL BZHIN NO, ,LHO PHYOGS SU'ANG DE BZHIN, NUB PHYOGS SU'ANG DE BZHIN, BYANG PHYOGS SU'ANG DE BZHIN, PHYOGS MTSAMS RNAMS SU'ANG DE BZHIN, 'OG GI PHYOGS SU'ANG DE BZHIN, STENG GI PHYOGS SU'ANG DE BZHIN NO, ,DGE SLONG DAG ,NGAS 'DI LTA STE, DPER NA, GLING BZHI PA CHEN PO'I 'JIG RTEN GYI KHAMS 'BUM LCHU'I PHUNG PO NAS BZUNG STE TSANGS PA'I 'JIG RTEN GYI MTHAR THUG PA'I BAR RDUL PHRA RAB KYI RDUL GYIS YONGS SU GANG BAR GYUR PA'I

237a

, ,RDUL PHRA RAB KYI RDUL DE DAG JI SNYED PA DE SNYED KYI SANGS RGYAS BCOM LDAN 'DAS DAG SHAR PHYOGS NA BYANG CHUB KYI SNYING PO LA BZHUGS PA DANG, BZHUGS PAR GYUR PA DAG KYANG GZIGS TE, SANGS RGYAS BCOM LDAN 'DAS DE DAG THAMS CAD KYANG SH'AKYA THUB PA ZHES BYA BAR MTSAN MTHUN PA SHA STAG YIN NO, ,DE BZHIN DU MAR ME MDZAD CES BYA BAR MTSAN MTHUN PA'I SANGS RGYAS BCOM LDAN 'DAS DANG, DE BZHIN DU THAMS CAD ZIL GYIS GNON CES BYA BAR MTSAN MTHUN PA DANG, DE BZHIN DU PADMA DAM PA ZHES BYA BAR MTSAN MTHUN PA DANG, DE BZHIN DU MNGON PAR 'PHAGS PAR GSHEGS PA ZHES BYA BAR MTSAN MTHUN PA DANG, DE BZHIN DU GRAGS MCHOG CES BYA BAR MTSAN MTHUN PA DANG, DE BZHIN DU 'KHOR BA 'JIG CES BYA BAR MTSAN MTHUN PA DANG, DE BZHIN DU GSER THUB CES BYA BAR MTSAN MTHUN PA DANG, DE BZHIN DU 'OD SRUNG ZHES BYA BAR MTSAN MTHUN PA SHA STAG LA'ANG DE SNYED GZIGS SO; ;DE BZHIN DU MTSAN GZHAN DANG GZHAN DU GSOL PA'I SANGS RGYAS BCOM LDAN 'DAS RNAMS KYANG GZIGS TE, SANGS RGYAS BCOM LDAN 'DAS DE DAG GI MTSAN DE DAG KYANG 'JIG RTEN NA CHOS RGYA CHEN PO DANG, CHOS SNA TSOGS DANG, CHOS MCHOG DANG LDAN PA'I LAS CAN DAG YIN TE, DE LTAR MTSAN THA DAD PAR GSOL PA'I SANGS RGYAS BCOM LDAN 'DAS

237b

GANG DAG DA LTAR BZHUGS TE 'TSO ZHING GZHES PA DAG KYANG GZIGS SO, ,MTSAN DE LTA BU'I SANGS RGYAS BCOM LDAN 'DAS YONGS SU MYA NGAN LAS 'DA' BA DAG DANG, BZHUGS PA DAG DANG, CHOS KYI 'KHOR LO BSKOR BA DAG KYANG GZIGS TE, NGA'I SHA'I SPYAN THA MAL PA SGRIB PA MED PA, THOGS PA MED PA, CHAGS PA MED PA'I YUL DU SNANG BA NI, DE DAG YIN TE, DE BZHIN GSHEGS PAS DE LTAR RAB TU MKHYEN TO, ,DE BZHIN GSHEGS PAS RAB TU MKHYEN PA GANG YIN PA NI, DE BAS KYANG LHAG PA DANG, LHAG PA BAS KYANG LHAG PA DANG, BSAM GYIS MI KHYAB PA DANG, CHES BSAM GYIS MI KHYAB PA DANG, GONG MA DANG, CHES GONG MA DANG, TSAD MED PA DANG, CHES TSAD MED PA DAG KYANG RAB TU MKHYEN TO, ,SHA'I SPYAN THA MAL PAS KYANG DE LTAR DE BZHIN GSHEGS PA TSAD MED PA DANG, DE LTAR GZHAL DU MED PA DANG, DE LTAR BGRANG DU MED PA DANG, DE LTAR GRANGS MED PA YIN NA, SANGS RGYAS KYI CHOS RNAMS KYIS LTA SMOS KYANG CI DGOS, DGE SLONG DAG, 'DI LTA STE, DPER NA, KHYIM PA'AM RAB TU BYUNG BA GANG LA LA ZHIG GIS SANGS RGYAS KYI ZHING 'DI'I SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE STOBS BCU DANG, MI 'JIGS PA THOB PAR GYUR PA DE DAG LA BSKAL PA YONGS SU RDZOGS PAR BKUR STIR BYAS, BLA MAR BYAS, RI MOR BYAS, MCHOD

238a

, ,PAR BYAS, RJED PAR BYAS, GSOL PAR BYAS TE MCHOD PA SNA TSOGS BSAM GYIS MI KHYAB PA DAG GIS MCHOD PA BYAS PA BAS, RIGS KYI BU'AM, RIGS KYI BU MO LA LA ZHIG GIS SANGS RGYAS THAMS CAD RNAM PAR 'BYED PA YANG DAG PAR RAB TU STON PA'I CHOS KYI RNAM GRANGS 'DI LA DAD PA'I SEMS BSKYED PA GCIG TZAM BSKYED CING THE TSOM MED PA'I BLOS YANG DAG PA'I 'DU SHES BSKYED PAR GYUR NA, SEMS BSKYED MA THAG TU DE BAS CHES BSOD NAMS MANG DU SKYE BAR 'GYUR ZHING SANGS RGYAS KYI YON TAN MANG PO DAG DANG YANG NYE BAR 'GYUR GYI; STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD KYIS THAMS CAD MKHYEN PA NYID THOB PAR GYUR PA LA BSKAL PAR BSNYEN BKUR BYAS PAS NI, DE LTA MA YIN NO, ,BYANG CHUB SEMS DPA' SEMS DPA' CHEN PO GANG ZHIG YE SHES 'DI LA MOS PAR BYED PA DE NI, SANGS RGYAS BCOM LDAN 'DAS RNAMS DANG NYE BAR 'GYUR ZHING, DE NI, BLA NA MED PA YANG DAG PAR RDZOGS PA'I BYANG CHUB DANG YANG NYE BAR 'GYUR RO, ,SHA'I SPYAN BSHAD PA LUNG BSTAN PA 'DI BSHAD PA NA SROG CHAGS BYE BA PHRAG DRUG CU RTZA GNYIS KYIS BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS BLA NA MED PA YANG DAG PAR RDZOGS PA'I BYANG CHUB NI, 'BYUNG BAR DKA' BA YIN GYI, BDAG CAG GIS 'DI NYID LA SDUG

238b

BSNGAL ZAD PA DANG, NYON MONGS PA'I MTHA' MA DANG, ZAG PA ZAD PA THOB PAR BYA'O SNYAM NAS YANG PHYIR MI LDOG PAR GYUR TO, ,SEMS CAN DPAG TU MED PA RNAMS NI, SLOB PA'I SA LA BKOD PAR GYUR TO; ;BYANG CHUB SEMS DPA' KHRAG KHRIG PHRAG BCU NI, SEMS DANG PO BSKYED PAS YONGS SU GRUB PAR GYUR TO, ,BYANG CHUB SEMS DPA' BYE BA 'BUM PHRAG SUM CU RTZA GNYIS NI, MI SKYE BA'I CHOS LA BZOD PA THOB PAR GYUR TO, ,DE NAS BDUD SDIG CAN SDUG BSNGAL ZHING YID MI BDE BAR GYUR TE MCHI MAS BRNANGS SHING DU BZHIN BYUNG STE BCOM LDAN 'DAS LA 'DI SKAD CES GSOL TO, , BCOM LDAN 'DAS, BDAG SEMS CAN RNAMS BDAG GI YUL LAS YANG DAG PAR 'DA' BAR MA GYUR CIG SNYAM NAS GANG GI SLAD DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YONGS SU MYA NGAN LAS 'DA' BAR 'TSAL BA DE NYID BCOM LDAN 'DAS NYAMS PA MI MNGA' BAS SKU TSE'I TSAD BSKAL PAR BZHUGS PA DANG 'DRA BAR SKYA RENGS MA SHAR CING GDUGS MA BDAL BAR YANG SEMS CAN TSAD MA MCHIS PA RNAMS KYI DON GYI SLAD DU 'DI LTA STE ,MYA NGAN LAS 'DA' BA LA RAB TU BKOD LAGS PAS, BCOM LDAN 'DAS, DE BZHIN GSHEGS PAS BDAG GI YUL STONGS PAR MDZAD LAGS SO, ,DE SKAD CES GSOL PA DANG, BCOM LDAN 'DAS KYIS BDUD SDIG CAN LA 'DI SKAD CES BKA' STZAL TO, ,SDIG CAN, SEMS

239a

, ,CAN GANG DAG DGE BA'I CHOS RNAMS LA MNGON PAR MI BRTZON PA DANG, GANG DAG DE BZHIN GSHEGS PA'I YUL LA DAD PAR MI BYED PA DE DAG KHYOD KYI GROGS YIN LA; KHYOD KYANG DE DAG GI GROGS YIN PAS SDIG CAN, KHYOD KYI GROGS MANG DU YOD KYI, SDIG CAN, DU BAR MA BYED, SMRE SNGAGS MA 'DON CIG ,DE NAS BCOM LDAN 'DAS KYIS DE'I TSE PHYAG GI SEN MO'I RTZE MOS SA GZHI CHEN PO LAS SA'I RDUL ZHIG BLANGS NAS BDUD SDIG CAN LA BKA' STZAL PA, SDIG CAN, 'DI JI SNYAM DU SEMS, CI SEN MO'I RTZE MO LA BRTEN PA DANG SA GZHI CHEN PO LA BRTEN PA'I RDUL GANG YIN PA DE GNYIS GANG MANG SNYAM SEMS, DE SKAD CES BKA' STZAL PA DANG, BCOM LDAN 'DAS LA BDUD SDIG CAN GYIS 'DI SKAD GSOL TO, , BCOM LDAN 'DAS, BCOM LDAN 'DAS KYI PHYAG GI SEN MO'I RTZE MO LA MCHIS PA'I DOG SA'I RDUL NI, NYUNG GI ,GZHI CHEN PO LA MCHIS PA NI, SHIN TU MANG LAGS SO, ,DE SKAD CES GSOL PA DANG, BCOM LDAN 'DAS KYIS BDUD SDIG CAN LA 'DI SKAD CES BKA' STZAL TO, ,SDIG CAN, 'DI LTA STE, DPER NA, NGA'I SEN MO'I RTZE MO LA 'DUG PA'I RDUL BAS KYANG CHES NYUNG BA'I SEMS CAN DAG NGAS NYON MONGS PA ZAD PAR BYAS TE YONGS SU MYA NGAN LAS 'DAS PA BLA NA MED PA LA SO SOR BKOD KYI, SDIG CAN, 'DI LTA STE, DPER NA, SA GZHI CHEN PO LA BRTEN PA'I

239b

RDUL BAS KYANG CHES MANG PA'I SEMS CAN RNAMS NI, KHYOD KYI YUL DU SONG BAS NA, SEMS CAN GYI KHAMS DPAG TU MED PAR YOD KYI, SDIG CAN, KHYOD DGA' BAR GYIS SHIG ,SDIG CAN, DE LTA MOD KYI, SEMS CAN RNAMS NI, BDAG NYID KYIS BDAG NYID JI LTAR RING BAR 'GYUR BA DE LTAR BYED PAS NA, DE RNAMS LA KHYOD KYIS KYANG CI ZHIG BYAR YOD, SDIG CAN, DE LTAR NA, SEMS CAN GYI KHAMS DPAG TU MED PAR YOD KYI, DE DAG LA BYA BA GANG YOD PA DE GYIS SHIG ,DE BZHIN GSHEGS PA NI, DO MOD NAM GYI THUN THA MA LA YONGS SU MYA NGAN LAS 'DA' BAR 'GYUR RO, , DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,KHYED KYIS SANGS RGYAS BCOM LDAN 'DAS DAG MTHONG NGAM, GSOL PA, BCOM LDAN 'DAS, DE DE LTA LAGS SO, ,BKA' STZAL PA, DE BAS KYANG SHIN TU TSAD MED PA DAG YOD PAR BLTA'O, ,DE BZHIN DU SANGS RGYAS BCOM LDAN 'DAS DE DAG GI 'JIG RTEN GYI KHAMS DANG, SANGS RGYAS KYI ZHING PHUN SUM TSOGS PA DAG MTHONG NGAM, BYANG CHUB SEMS DPA' RNAMS KYI BYANG CHUB SEMS DPA'I BKOD PA DANG, NYAN THOS RNAMS KYI NYAN THOS KYI PHUN SUM TSOGS PA DAG MTHONG NGAM; DE DAG GIS GSOL PA, BCOM LDAN 'DAS, DE DE LTA LAGS SO, ,BDE BAR GSHEGS PA, DE DE LTA LAGS SO, ,BKA' STZAL PA, DGE SLONG DAG ,DE BZHIN GSHEGS PAS NI, DE BAS

240a

, ,KYANG PHYIR ZHING LHAG PA DANG, SHIN TU TSAD MED PA DAG KYANG RAB TU MKHYEN TE, DGE SLONG DAG ,NGAS PHYOGS BCU'I 'JIG RTEN GYI KHAMS NA DE BZHIN GSHEGS PA'I PHUN SUM TSOGS PA DANG, SANGS RGYAS KYI ZHING GI PHUN SUM TSOGS PA DE LTA BU DAG MTHONG BA NI, NGAS BSKAL PA'AM, BSKAL PA BRGYA'AM, BSKAL PA STONG NGAM, BSKAL PA 'BUM MAM, BSKAL PA BYE BA'AM, BSKAL PA KHRAG KHRIG GAM, DE BAS KYANG LHAG PA SNYED DU DPES RAB TU PHYE STE RGYA CHER YANG DAG PAR RAB TU BRJOD KYANG MTHAR THUG PAR 'GYUR BA MED DO, ,DGE SLONG DAG , NGAS KHYED CAG NYAN THOS RNAMS LA STON PA'I BYA BA GANG YIN PA DE'ANG BYAS TE, NGAS CHOS LA SLOB DPON GYI DPE MKHYUD MA BYAS PAR PHYI NANG MED PAR RNAM PA THAMS CAD DU THAMS CAD BSTAN ZIN TE; DE LAS LHAG PAR THOB PAR BYA BA NI, THA NA RTZVA'I RTZE MO'I CHA SHAS TZAM YANG MED KYI, NGA KHYED CAG GIS NAN TAN LA GNAS PAR BYA'O, ,NGAS KHYED CAG LA MYA NGAN LAS 'DA' BA'I CHOS KYANG BSTAN, MYA NGAN LAS 'DA' BAR 'GRO BA'I LAM YANG BSTAN, SEMS CAN RNAMS KYI DGE BA'I RTZA BA SHIN TU DKA' BA DAG KYANG YANG DAG PAR BSKYED, BLA NA MED PA YANG DAG PAR RDZOGS PA'I BYANG CHUB KYANG YANG DAG PAR BSGRUBS ZIN GYI, DE BZHIN DU THAMS CAD RJES SU YONGS SU ZUNGS LA CI NAS KYANG NYAMS PAR MI 'GYUR BA DE LTAR GYIS SHIG ,DE NAS

240b

BCOM LDAN 'DAS KYIS DE'I TSE 'DI LTA BU'I RDZU 'PHRUL MNGON PAR 'DU BYA BA MNGON PAR 'DU MDZAD DE, JI LTA BU'I RDZU 'PHRUL MNGON PAR 'DU BYA BA MNGON PAR 'DU MDZAD PAS SANGS RGYAS BCOM LDAN 'DAS DE DAG GIS PHYOGS BCU'I 'JIG RTEN GYI KHAMS DAG TU CHOS BSTAN PA DE DAG SANGS RGYAS KYI ZHING 'DI NA GNAS PA'I SEMS CAN RNAMS KYIS THOS PAR GYUR TE, SANGS RGYAS BCOM LDAN 'DAS DE DAG GIS CHOS GANG DAG BSTAN PA'I CHOS DE DAG STON CING CHOS DE DAG KUN TU SHES PAR GYUR PA'I SEMS CAN GANGG'A'I KLUNG GI BYE MA SNYED NI, THEG PA GSUM LA RAB TU BKOD PAR GYUR TO, ,BYE BA 'BUM PHRAG BCU NI, BLA NA MED PA YANG DAG PAR RDZOGS PA'I BYANG CHUB LA RAB TU BKOD PAR GYUR TO, ,SROG CHAGS BYE BA KHRAG KHRIG 'BUM PHRAG BCU NI, RANG BYANG CHUB LA RAB TU BKOD PAR GYUR TO, ,SEMS CAN DE BAS LHAG PA RNAMS NI, ZAG PA ZAD PA LA GNAS PAR GYUR TO, ,DE LTAR CHOS BSTAN PA 'DIS SEMS CAN KHRAG KHRIG PHRAG TSAD MED, DPAG TU MED, BGRANG DU MED, GZHAL DU MED CING BSAM GYIS MI KHYAB PA RNAMS KYI DON BYAS PAR GYUR TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,DA NI, NGA YONGS SU MYA NGAN LAS 'DA' YI, KHYED KYIS CI NAS KYANG SANGS RGYAS KYI BSTAN PA KUN TU SRUNG BA LA NAN TAN GYIS SHIG ,DGE SLONG DAG ,KHYED KYIS BDAG LA PHAN PA

241a

, ,DANG, GZHAN LA PHAN PA'I PHYIR DE LTAR BSLAB PAR BYA'O, ,BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN GYI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA KHYE'U BZHI'I TING NGE 'DZIN CES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO DZI NA MI TRA DANG, PRA DZNY'A WARMA DANG, ZHU CHEN GYI LO TZ'A BA BANDHE YE SHES SDE LA SOGS PAS BSGYUR CING ZHUS TE GTAN LA PHAB PA,