, ,GDUNG BSREG PA'I CHO GA BZHUGS,, #, ,DPAL RDO RJE MKHA' 'GRO LA PHYAG 'TSAL LO, ,LAG NA RDO RJE DRIL BU BYIN NAS NI, ,DBU LA LEGS PA'I DBU RGYAN NI, ,BYIN NAS RDO RJE SDOM PA YANG, ,SDOM PA BYIN PA'I MAN NGAG NYID, ,MIG LA SOGS PAR GTI MUG SOGS, ,GTOR GSUM GO 'PHANG GSUM LA GZHAG ,RDO RJE THAB KHUNG SBYOR BA YIS, ,GDUNG BSREG PA YANG YANG DAG BYA, ,NYI MA GSUM PA'I NYIN PAR NI, ,RUS PA'I TSOGS NI LEGS PAR BSDU, ,'O MA DRI ZHIM GYIS KHRUS BYA, ,DES NI MCHOD RTEN BYA BA'O, ,'DI'I DON NI DANG POR DRI ZHIM POS KHRUS BYA BA DANG, GOS LA SOGS PA BYAS PA'I DBU RGYAN SBYIN PA DANG, DKYIL 'KHOR BRI BA DANG, DKYIL 'KHOR BSGRUB PA LA SOGS PA BYAS NAS, CHU DANG, DBU RGYAN DANG, RDO RJE DANG, BDAG PO DANG, MING DANG, BUM PA RNAMS KYIS DBANG BSKUR NAS RANG GI LHAG PA'I LHA'I GZUGS SU BSKYED LA, YE SHES SEMS DPA' DGUG PA LA SOGS PA SNGON DU 'GRO BAS MIG LA SOGS PA BYIN GYIS BRLAB PA LA SOGS PA BYAS NAS, SNGAGS KYI TSOGS MANG PO BZLAS PA BYA BA DANG, MCHOD PA DANG, BSTOD PA DANG, BDUD RTZI MYANG BA BYAS NAS, SNGAGS KYI BZLAS PA MANG PO BYA BA DANG, JI LTA
PA BZHIN DU ME THAB ME LHA BSKYED PA DE'I THUGS KAR RDO RJE SEMS DPA' 'AM, RANG GI LHAG PA'I LHA 'KHOR DANG BCAS PA DKYIL 'KHOR BSKYED DE SHI BA'I LUS KYI YE SHES SEMS DPA' GSHEGS SU GSOL, DE'I DAM TSIG SEMS DPA' DANG YE SHES KYI DKYIL 'KHOR DANG BCAS PA RO GCIG TU GYUR PAR LHAG PAR MOS SHING GDUNG BSREG PAR BYA ZHES BYA BA'I DON TO, ,GANG DE LTAR MI BYED NA DE'I TSE MCHOD RTEN BSHIG PA NYID DU 'GYUR BA'O, ,GDUNG BSREG PA'I CHO GA RDZOGS SO,, ,,RGYA GAR GYI MKHAN PO CHEN PO AA SHR'I DZNY'A NA DANG, LO TZ'A BA DGE SLONG DPAL GYI SNYING POS BSGYUR BA'O,, ,,GUR GYI DON AA SHO KAS MAN NGAG TU BRTZAMS SO,,