, ,RGYA GAR SKAD DU, SA MA HO MA BI DHI N'A MA, BOD SKAD DU, RO BSREG PA'I CHO GA ZHES BYA BA, BCOM LDAN 'DAS RDO RJE MKHA' 'GRO LA PHYAG 'TSAL LO, ,RDO RJE GUR LAS GSUNGS PA STE, ,RDO RJE DRIL BU LAG TU SBYIN, ,DBU RGYAN MGO LA BZHAG NAS SU, ,RDO RJE SDOM PA SNGON BYA ZHING, ,BUM PA'I DBANG NI BSKUR BAR BYA, ,MIG SOGS GTI MUG LA SOGS DANG, ,RDO RJE GSUM NI GNAS GSUM DGOD, ,RDO RJE THAB KHUNG SBYIN PA YIS, ,YANG DAG 'DUS BYAS MNYAM PAR BRTZAM, ,ZHAG BDUN DAG NI LON NAS NI, ,RUS PA'I TSOGS NI NYE BAR BSDU, ,'O MA DRI ZHIM CHUS BKRUS TE, ,MCHOD RTEN DAG NI RAB TU BYA, ,DE LA 'DI'I DON DANG PO KHRUS BYAS LA, DBU RGYAN DANG GOS LA SOGS PA BYIN TE, JI LTA BA BZHIN DU DKYIL 'KHOR BRIS LA, DKYIL 'KHOR BSGRUB PA LA SOGS PA BYA STE, CHU DANG, DBU RGYAN DANG, RDO RJE DANG, BDAG PO DANG, MING DANG, BUM PA'I DBANG BSKUR TE, YI DAM LHA'I GZUGS SU BSKYED LA, YE SHES SEMS DPA' GZHUG PA SNGON DU 'GRO BAS, MIG LA SOGS PA BYIN GYIS BRLAB PA LA SOGS PA BYAS LA, SNGAGS KYI PHRENG BA MANG PO BZLAS TE, MCHOD PA DANG, BSTOD PA DANG, BDUD RTZI MYANG BA BYAS NAS SNGAGS MANG PO BZLAS LA, JI LTA BA BZHIN GYI ME THAB TU ME LHA BSKYED LA, DE'I SNYING GAR RDO RJE SEMS DPA'AM, YI DAM LHA'I 'KHOR LO DANG BCAS PA LA, RO'I YE SHES SEMS DPA'
GSHEGS SU GSOL, DE'I DAM TSIG SEMS DPA' 'KHOR DANG BCAS PA'I 'KHOR LO DANG RO GCIG TU LHAG PAR MOS LA, YANG DAG PAR 'DUS BYAS SO ZHES BYA BA'I DON TO, ,GAL TE DE LTAR MA BYAS NA MCHOD RTEN GZHIG PA'I NYES PAR 'GYUR RO, ,DAM TSIG DANG LDAN PA RNAMS KYIS RO BSREG PA'I CHO GA ,RDO RJE GUR NAS GSUNGS PA RDZOGS SO,, ,,RGYA GAR GYI MKHAN PO SLOB DPON AA WA DH'U T'I PA DANG, BOD KYI LO TZ'A BA DGE SLONG BA RIS BSGYUR CING ZHUS PA'O, ,BLO GROS CHEN POS MDZAD GSUNG, BDUN TSIGS NI ZHAG BDUN BDUN ZHING KHRUS BYA'O, ,SLOB MAS SLOB DPON BSREG TU MI RUNG, GAL TE GZHAN MED NA DE BZHIN GSHEGS PA THAMS CAD KYIS BSREGS PAR BSAM MO, ,RUS PA LA KHRUS BYED NA, RANG NYID YI DAM LHAR BSKYED LA, RANG GI SNYING GA NAS 'OD 'PHROS PAS, YE SHES PA BKUG LA RUS PA LA GZHUG YANG SNYING GA NAS 'OD ZER GYIS LHA MO'I TSOGS NAM MKHA' LA BLTAS LA, DE RNAMS KYIS BUM PA BZUNG NAS KHRUS BYAS PAR BSAM MO, ,JI LTAR BLTAMS PA ZHES BYA BA LA SOGS PA'I SNGAGS DANG BCAS PA BRJOD CING KHRUS BYA'O, ,DBANG BSKUR NAS RO KHRUS BYA, LHAR BSKYID LA YE SHES PA GZHUG ,DE LA DBANG BSKUR DE DUS RANG GIS TSIG BSHAD BRJOD, DE YANG DE'I SLOB MA SNYING NYE BAS BYA'O, ,RUS PA DE BUM CHUS ZHAG BDUN LA NYI MA RE RE LA KHRUS 'KHOR GSUM GSUM DU BDUN PHRAG BDUN DU BYA'O, ,YI GE BRGYA PA BZLAS SHING BYA GSUNGS,,