, ,BCOM LDAN 'DAS MA KU RU KUL+LE LA PHYAG 'TSAL LO, ,LHA MO CHEN MO KU RU KUL+LE, ,MCHOG TU DGA' BA'I GZUGS CAN MA, ,'DOD DON THAMS CAD BSGRUB PA LA, ,YANG DAG GUS PAS PHYAG 'TSAL LO, ,YE SHES 'DOD PA'I BLA MA YIS, ,SLOB MA'I BSOD NAMS DON DU NI, ,DE YI SGRUB THABS MDOR BSDUS PA, ,RGYUD KYI RIM BZHIN BDAG GIS BSHAD, ,DANG PO KHO NAR RNAL 'BYOR PAS LHA'I KHANG PAR NYE BAR 'DUG STE, SA GZHI KUN DU DRI BZANG PO'I MAndALA BYAS LA, MDUN DU BLA MA DANG, SANGS RGYAS DANG BYANG CHUB SEMS DPA' DANG, LHA MO'I SKU BSAMS LA, ME TOG DMAR PO DANG, MAR ME LA SOGS PAS YANG DAG PAR MCHOD DE, SDIG PA BSHAGS PA LA SOGS PA BYA'O, ,SDIG BYAS THAMS CAD BDAG GIS BSHAGS, ,DKON MCHOG GSUM LA SKYABS 'GRO BYA, ,'GRO BA'I BSOD NAMS RJES YI RANG, ,SANGS RGYAS BYANG CHUB YONGS SU BSNGO, ,DANG PO BYAMS PA'I BSAM GTAN BYA, ,DE BZHIN GNYIS PA SNYING RJE BSGOM, ,GSUM PA DGA' BA BSGOM PAR BYA, ,THAMS CAD RJES LA BTANG SNYOMS SO, ,DE RJES SNGAGS 'DI BRJOD PAR BYA, ,AOm SH'U N+YA T'A DZNY'A NA BADZRA SVA BH'A WA A'A TMA KO&HAm, RANG BZHIN STONG PAR RNAM PAR BSGOM, ,
SNGON GYI SMON LAM RJES SU DRAN, ,SHES RAB AE YI GZUGS CAN MA, ,NAM MKHA'I KHAMS SU BSAM PAR BYA, ,PADMA DMAR PO 'DAB BRGYAD BZANG, ,DE YI STENG DU RNAM PAR BSGOM, ,NYI MA'I DKYIL 'KHOR YANG DAG LDAN, ,DE STENG YONGS SU BSGOM PA NI, ,MCHOG GI SA BON YI GE HR'I:, ,MCHOG TU DGA' BA'I GZUGS CAN MA, ,SKU MDOG DMAR PO 'OD ZER 'BAR, ,PHYAG BZHIS RNAM PAR BRGYAN PA'I SKU, ,G-YAS NA MDA' DANG LCAGS KYU BSNAMS, ,DE BZHIN G-YON NA AUTPALA GZHU, ,LHA MO THOD PA'I DBU RGYAN CAN, ,RGYAN RNAMS KUN GYIS BRGYAN PA'I SKU, ,DE YI GZUGS KYI BDAG NYID NI, ,YANG DAG RNAL 'BYOR RNAM PAR BSGOM, ,MCHOG TU DGA' BA'I GZUGS CAN MA, ,GAR MKHAN YID KYIS RNAM PAR BSAM, ,GSANG BA'I MCHOD PA L'A SYA SOGS, ,YONGS SU BSKOR BA DBUS MA LA, ,AARGHAm LA SOGS SBYIN BA DANG, ,SNA TSOGS MCHOD PA CHO GAS BYA, ,SNYING GA'I SA BON 'OD ZER GYIS, ,PHYOGS THAMS CAD DU YONGS SU DGANG, ,'GRO BA RANG GI GZUGS SU BYAS, ,DE BZHIN RANG LA GZHUG PAR BYA, ,DE NAS SNGAGS KYIS BZLAS PAR BYA, ,PHRENG BA RANG GI KHA DOG CAN, ,PHYI DANG DE BZHIN RANG BDAG NANG, ,SPRO DANG BSDU BA BSGOM PAR BYA, ,AOm KU RU KUL+LE SARBA SATV'A NA ME WA SA M'A NA YA HR'I: SV'A H'A, 'DI NYID BSGOM PA BYAS PA YIS, , 'JIG RTEN GSUM PO DBANG DU 'GYUR, ,'BUM GYIS RGYAL PO DBANG DU 'GYUR, ,KHRI YIS 'JIG RTEN DBANG DU 'GYUR, ,BYA DANG PHYUGS NI BYE BAS SO, ,BDUN 'BUM GYIS NI LHA MA YIN, ,NYIS 'BUM GYIS NI LHA RNAMS SO, ,BRGYA YIS BLON PO DBANG DU 'GYUR, ,'DI LTAR RIG PA CHEN PO'I 'DZAB, ,NYIN MTSAN SPYOD LAM THAMS CAD BYA, ,ME TOG LA SOGS BYE BRAG GIS, ,RANG NYID YANG DAG MCHOD PAR BYA, ,BYANG CHUB YONGS SU BSNGO BAR BYA, ,BDAG NYID DE YI NGA RGYAL BYA, ,RANG LAS JI LTAR BDE BAR SPYAD, ,KU RU KUL+LE'I SGRUB PA'I THABS, ,RDO RJE BRTZE BA MKHAS PA YIS, ,SEMS CAN DON NI BSGRUB PA DANG, ,RDO RJE MTSAN GYIS ZHUS PHYIR BYAS, ,DA LTAR BYAS PA'I BSOD NAMS KYIS, ,'KHOR BA'I RGYA MTSO 'JIG RTEN KUN, ,MCHOG TU DGA' BA'I GZUGS CAN MA, ,YANG DAG BDE BA THOB PAR SHOG ,KU RU KUL+LE'I SGRUB PA'I THABS SLOB DPON CHEN PO KRishnA BADZRAS MDZAD PA RDZOGS SO,, ,,YE SHES RGYAL MTSAN GYIS BSGYUR,, ,,
, ,RGYA GAR SKAD DU, TRA YOD SHA A'ATMA KU RU KUL+LE S'A DHA NAm, BOD SKAD DU, MYUR MDZAD MA'I SGRUB THABS BCU GSUM PA'I BDAG NYID, LHA MO KU RU KULLE LA PHYAG 'TSAL LO, ,KU RU KUL+LE'I RTOG PA BSHAD PAR BYA STE, RE ZHIG DANG POR SNGON DU BSNYEN PA 'BUM BZLAS BRJOD BYAS NA, DE NAS DNGOS GRUB TU 'GYUR RO, ,BRIS SKU'I CHO GA RAB TU BSTAN PAR BYA STE, GRU BZHI PA SGO BZHI PA TVA RA NA BZHIS BRGYAN PA, DE'I DBUS SU KU RU KUL+LE DRI BAR BYA STE, SKU MDOG DMAR PO PHYAG BRGYAD PA, DANG PO'I PHYAG GNYIS KYIS KHAMS GSUM RNAM PAR RGYAL BA'I PHYAG RGYA BCINGS PA, G-YAS KYI PHYAG NA LCAGS KYU DANG, MDA' 'GENGS PA DANG, MCHOG SBYIN MDZAD PA DANG, G-YON PA'I PHYAG NA ZHAGS PA DANG, GZHU DANG, AUTPALA BSNAMS PA BRI, SHAR DU ZHU BA'I SGROL MA BRI, LHOR GRUB PA'I SGROL MA BRI, BYANG DU SNYAN SGROL MA BRI, ME'I PHYOGS SU GZHAN GYIS MI THUB PA'I SGROL
MA, SRIN PO'I PHYOGS SU RAB TU SNANG BA'I SGROL MA, RLUNG GI PHYOGS SU DPA' BO'I SGROL MA, DBANG LDAN GYI PHYOGS SU SKUL BYED MA BRI'O, ,LHA MA 'DI RNAMS NI SKU MDOG DMAR PO, DE BZHIN GSHEGS PA LNGAS DBU BRGYAN PA, RGYAN THAMS CAD KYIS BRGYAN PA PHYAG BZHI PA, G-YAS PA'I PHYAG MCHOG SBYIN PA DANG MDA' 'GENGS PA, G-YON PA'I PHYAG NA AUTPALA DANG GZHU 'DZIN PA'O, ,SHAR PHYOGS KYI SGOR RDO RJE RO LANGS MA GSUS KHYIM CHE BA 'JIGS PA'I ZHAL LCE 'JIB PA, MI BSKYOD PAS DBU BRGYAN PA, PHYAG G-YAS NA SDIGS MDZUB DANG LCAGS KYU DANG, G-YON NA RDO RJE DRIL BU DANG THOD PA BSNAMS PA, ZHABS G-YAS BRKYANG BAR BRI'O, ,LHO PHYOGS KYI SGOR RDO RJE PHAG MO GSUS KHYIM CHE BA, SKRA GYEN DU BRDZES PA'I 'JIGS PA'I ZHAL LCE 'JIB PA, SKU MDOG DMAR PO RIN CHEN 'BYUNG LDAN GYIS DBU BRGYAN PA, PHYAG G-YAS NA RDO RJE DANG LCAGS KYU, G-YON DRIL BU DANG ZHAGS PA, ZHABS G-YAS BRKYANG BA'O, ,NUB PHYOGS KYI SGOR RAL GCIG MA SKRA THOR TSUGS SU BCINGS PA, GSUM KHYIM CHE BA, MA MCHU TSEMS KYIS MNAN PA, SNANG BA MTHA' YAS KYIS DBU BRGYAN PA, PHYAG G-YAS NA RDO RJE DANG LCAGS KYU, G-YON NA RDO RJE DANG DRIL BU DANG ZHAGS PA BSNAMS PA, ZHABS G-YAS BRKYANG BA BRI'O, ,BYANG PHYOGS KYI SGOR RDO RJE DBYANGS LEN MA, DON YOD GRUB PAS DBU BRGYAN PA, ZHAL 'JIGS PA GSUS KHYIM CHE BA, PHYAG G-YAS NA RAL GRI DANG LCAGS KYU, G-YON NA RDO RJE DRIL BU DANG ZHAGS PA ZHABS G-YAS BRKYANG BA'I BDAG NYID SKU BRI BAR BYA'O, ,RIM PA JI LTA BA BZHIN DU RAB TU GNAS PAR BYA'O, ,'DI RNAMS BSGOM PA'I RIM PA NI BCOM LDAN 'DAS MA'I SKU DE BZHIN DU RAB TU BSTAN TE, DE LA NYI MA'I DKYIL 'KHOR LA GNAS PA'I YI GE HR'I: DMAR PO LAS YONGS SU GRUB PAR GYUR PA'O, ,KHA DOG DMAR PO MOS PAR GYUR PA'I RKANG PA'I DRUNG DU 'DUG PAR DMIGS PAR BYA STE, BDAG GI 'OD ZER RNAMS KYIS 'JIG RTEN GSUM GANG BAR BYA STE, YI GE YAm SNGON PO LAS YONGS SU GYUR PA'I RLUNG GI DKYIL 'KHOR GZHU LTA BU RGYAL MTSAN GYIS BRGYAN PA DE'I STENG DU BSBRUB [*BSGRUB] BYA BZHAG NA DBANG DU BYED DO, ,'JIG RTEN GSUM YANG DBANG DU 'GYUR RO, ,'JIG RTEN GSUM LAS RNAM PAR
, ,RGYAL BA'I PHYAG RGYAR GYUR PA NI, LAG MTHIL GNYIS RGYAB SBYAR TE, SRIN LAG GNYIS MDUD PA BCING, MTHE'U CHUNG DANG GUNG MO DANG, MTHE BONG RTZE SPRAD, MDZUB MO LCAGS KYU LTAR BYAS PA 'DI DPRAL BA'I GNAS SU GZHAG PA NI 'JIG RTEN GSUM LAS RGYAL BA'I PHYAG RGYA'O, ,'DI LTAR BSGOM PA'I DUS SU GSANG SNGAGS BZLAS PA NI, AOm KU RU KUL+LE H'Um HR'I: SV'A H'A, KHRIR BZLAS BRJOD BYAS NA 'GRO BA THAMS CAD DBANG DU 'GYUR RO, ,KHRAG KHRIG GIS SNGAGS PA'O, ,'BUM GYIS RGYAL PO DBANG DU 'GYUR RO, ,ME TOG AUTPALA DANG SHING AARKAS SBYIN SREG BYAS NA 'DOD PA'I DON 'THOB PO, ,BHE TA'I ME SBAR LA, MA DU BA DANG 'BRAS KYI LAG PAN GYIS LAN BRGYA STONG DU SBYIN SREG BYAS NA, RGYAL PO'I BLON PO YANG DBANG DU 'GYUR RO, ,AUTPALA STONG GIS BLON PO CHEN PO YANG DBANG DU 'GYUR RO, ,RTZI MAR GYI MAR ME STONG LHA MO LA PHUL BAS RGYAL PA YANG DBANG DU 'GYUR RO, ,LHA MO KU RU KUL+LE BDAG NYID BCU GSUM PA RDZOGS SO,, ,BCOM LDAN 'DAS MA KU RU KUL+LE LA PHYAG 'TSAL LO, ,LHA MO CHEN MO KU RU KUL+LE, ,MCHOG TU DGA' BA'I GZUGS CAN MA, ,'DOD DON THAMS CAD BSGRUB PA LA, ,YANG DAG GUS PAS PHYAG 'TSAL LO, ,YE SHES 'DOD PA'I BLA MA YIS, ,SLOB MA'I BSOD NAMS DON DU NI, ,DE YI SGRUB THABS MDOR BSDUS PA, ,RGYUD KYI RIM BZHIN BDAG GIS BSHAD, ,DANG PO KHO NAR RNAL 'BYOR PAS LHA'I KHANG PAR NYE BAR 'DUG STE, SA GZHI KUN DU DRI BZANG PO'I MAndALA BYAS LA, MDUN DU BLA MA DANG, SANGS RGYAS DANG BYANG CHUB SEMS DPA' DANG, LHA MO'I SKU BSAMS LA, ME TOG DMAR PO DANG, MAR ME LA SOGS PAS YANG DAG PAR MCHOD DE, SDIG PA BSHAGS PA LA SOGS PA BYA'O, ,SDIG BYAS THAMS CAD BDAG GIS BSHAGS, ,DKON MCHOG GSUM LA SKYABS 'GRO BYA, ,'GRO BA'I BSOD NAMS RJES YI RANG, ,SANGS RGYAS BYANG CHUB YONGS SU BSNGO, ,DANG PO BYAMS PA'I BSAM GTAN BYA, ,DE BZHIN GNYIS PA SNYING RJE BSGOM, ,GSUM PA DGA' BA BSGOM PAR BYA, ,THAMS CAD RJES LA BTANG SNYOMS SO, ,DE RJES SNGAGS 'DI BRJOD PAR BYA, ,AOm SH'U N+YA T'A DZNY'A NA BADZRA SVA BH'A WA A'A TMA KO&HAm, RANG BZHIN STONG PAR RNAM PAR BSGOM, ,
SNGON GYI SMON LAM RJES SU DRAN, ,SHES RAB AE YI GZUGS CAN MA, ,NAM MKHA'I KHAMS SU BSAM PAR BYA, ,PADMA DMAR PO 'DAB BRGYAD BZANG, ,DE YI STENG DU RNAM PAR BSGOM, ,NYI MA'I DKYIL 'KHOR YANG DAG LDAN, ,DE STENG YONGS SU BSGOM PA NI, ,MCHOG GI SA BON YI GE HR'I:, ,MCHOG TU DGA' BA'I GZUGS CAN MA, ,SKU MDOG DMAR PO 'OD ZER 'BAR, ,PHYAG BZHIS RNAM PAR BRGYAN PA'I SKU, ,G-YAS NA MDA' DANG LCAGS KYU BSNAMS, ,DE BZHIN G-YON NA AUTPALA GZHU, ,LHA MO THOD PA'I DBU RGYAN CAN, ,RGYAN RNAMS KUN GYIS BRGYAN PA'I SKU, ,DE YI GZUGS KYI BDAG NYID NI, ,YANG DAG RNAL 'BYOR RNAM PAR BSGOM, ,MCHOG TU DGA' BA'I GZUGS CAN MA, ,GAR MKHAN YID KYIS RNAM PAR BSAM, ,GSANG BA'I MCHOD PA L'A SYA SOGS, ,YONGS SU BSKOR BA DBUS MA LA, ,AARGHAm LA SOGS SBYIN BA DANG, ,SNA TSOGS MCHOD PA CHO GAS BYA, ,SNYING GA'I SA BON 'OD ZER GYIS, ,PHYOGS THAMS CAD DU YONGS SU DGANG, ,'GRO BA RANG GI GZUGS SU BYAS, ,DE BZHIN RANG LA GZHUG PAR BYA, ,DE NAS SNGAGS KYIS BZLAS PAR BYA, ,PHRENG BA RANG GI KHA DOG CAN, ,PHYI DANG DE BZHIN RANG BDAG NANG, ,SPRO DANG BSDU BA BSGOM PAR BYA, ,AOm KU RU KUL+LE SARBA SATV'A NA ME WA SA M'A NA YA HR'I: SV'A H'A, 'DI NYID BSGOM PA BYAS PA YIS, , 'JIG RTEN GSUM PO DBANG DU 'GYUR, ,'BUM GYIS RGYAL PO DBANG DU 'GYUR, ,KHRI YIS 'JIG RTEN DBANG DU 'GYUR, ,BYA DANG PHYUGS NI BYE BAS SO, ,BDUN 'BUM GYIS NI LHA MA YIN, ,NYIS 'BUM GYIS NI LHA RNAMS SO, ,BRGYA YIS BLON PO DBANG DU 'GYUR, ,'DI LTAR RIG PA CHEN PO'I 'DZAB, ,NYIN MTSAN SPYOD LAM THAMS CAD BYA, ,ME TOG LA SOGS BYE BRAG GIS, ,RANG NYID YANG DAG MCHOD PAR BYA, ,BYANG CHUB YONGS SU BSNGO BAR BYA, ,BDAG NYID DE YI NGA RGYAL BYA, ,RANG LAS JI LTAR BDE BAR SPYAD, ,KU RU KUL+LE'I SGRUB PA'I THABS, ,RDO RJE BRTZE BA MKHAS PA YIS, ,SEMS CAN DON NI BSGRUB PA DANG, ,RDO RJE MTSAN GYIS ZHUS PHYIR BYAS, ,DA LTAR BYAS PA'I BSOD NAMS KYIS, ,'KHOR BA'I RGYA MTSO 'JIG RTEN KUN, ,MCHOG TU DGA' BA'I GZUGS CAN MA, ,YANG DAG BDE BA THOB PAR SHOG ,KU RU KUL+LE'I SGRUB PA'I THABS SLOB DPON CHEN PO KRishnA BADZRAS MDZAD PA RDZOGS SO,, ,,YE SHES RGYAL MTSAN GYIS BSGYUR,, ,,