, ,RGYA GAR SKAD DU, KU RU KULLE S'A DHA NAm, BOD SKAD DU, MYUR MDZAD MA'I SGRUB THABS, LHA MO KU RU KULLE LA PHYAG 'TSAL LO, ,DE ZHIG BSGOM PAR BYA BA'I GNAS SA PHYOGS DBEN ZHING SEMS NYAMS DGA' BAR DRI RNAM PA LNGAS BYUGS TE, STAN 'JAM ZHING RGYA CHE BA LA BRTUL ZHUGS CAN GYIS MNYAM PAR GZHAG PAR BYA'O, ,DE NAS SNYING GAR YI GE RAm LAS YONGS SU GYUR PA'I NYI MA'I DKYIL 'KHOR 'BAR BA'I PHRENG BAS 'KHRIGS PA RNAM PAR
BSGOM STE, DE'I LTE BA LA YI GE HR'I: DMAR PO RNAM PAR BSAM MO, ,YI GE HR'I: DE LAS 'OD ZER GYI DRA BA BYUNG BAS PHYOGS BCU NA GNAS PA'I SEMS CAN GYI KHAMS LA PHOG STE, DPAL KU RU KULLE'I GZUGS SU MNGON PAR BYAS NAS, 'OD ZER GYI PHRENG BA DE DAG KYANG YANG 'DUS TE, DE NYID DU ZHUGS PAR BSGOM PAR BYA'O, ,DE NAS MDUN GYI NAM MKHA' LA LHA MO KU RU KULLE MA LO BCU DRUG PA LTA BU 'BAR BA'I DBU SKRA KHAM PA GYEN DU BRJES PA, THOD PA LNGAS DBU LA BRGYAN PA, RO'I STENG DU SKYIL MO KRUNG PHYED MAR GAR KYI [*GYI] STABS SU BZHUGS PA, MCHE BA CUNG ZAD GTZIGS SHING LCE LCIB PAR MDZAD PA, 'KHOR LO DANG, SNYAN CHA DANG, MGUL CHU DANG, DPUNG RGYAN DANG, PHYAG GDUB DANG, SKA RAGS DANG, ZHABS GDUB KYIS BRGYAN PA, STAG GI SHAM THABS CAN SPYAN DMAR PO G-YO ZHING 'DRIL BA, MTHA' YAS MGON GYIS DBU LA BRGYAN PA, PHYAG BZHI LA GNYIS KYIS AUTPALA DMAR PO KHA MA BYE BA'I MDE'U DANG LDAN PA'I MDA' DANG, ME TOG DMAR PO'I GZHU'I MDA' GZHU 'GEGS PA, LHAG MA'I PHYAG GNYIS NA ME TOG DMAR PO'I LCAGS KHYU DANG AUTPALA BSNAMS PA RNAM PAR BSAM PAR BYA'O, ,DE NAS BCOM LDAN 'DAS KU RU KULLE MA LA MCHOD PA BYA BA'I PHYIR, RANG GI SNYING GAR NYI MA'I DKYIL 'KHOR LA GNAS PA'I YI GE HR'I: LAS BYUNG BA'I MCHOD PA'I ME TOG DANG BDUG SPOS DANG MAR ME DANG DRI DANG LHA BSHOS RNAM PA LNGAS MCHOD PAR BYA'O, ,'DI NI MCHOD PA'O, ,MCHOD PA BYAS NAS DAM PA'I SNYING RJE DANG LAN PA'I RNAL 'BYOR PAS, LUS NGAG YID GSUM GYIS GUS PAS BTUD DE PHYAG BYA'O, ,'DI NI PHYAG BTZAL BA'O, ,PHYAG BTZAL NAS SDIG PA BSHAGS PAR BYA STE, SDIG PA GANG BGYIS BGYID DU STZAL BA DANG, BGYID PA LA RJES SU YI RANG BA LA SOGS PA DE DAG BCOM LDAN 'DAS MA'I SPYAN SNGAR MNGON SUM DU BSHAGS PAR BGYI'O, ,'DI NI SDIG PA BSHAGS PA'O, ,DE NAS BSOD NAMS LA RJES SU YI RANG BAR BYA STE, BRTUL ZHUGS CAN GYIS SANGS RGYAS DANG BYANG CHUB SEMS DPA' RNAMS KYI BSOD NAMS GANG LAGS PA DE DAG LA BDAG RJES SU YI RANG NGO, ,DE NI BSOD NAMS LA RJES SU YI RANG BA'O, ,DE NAS DKON MCHOG GSUM LA SKYABS SU 'GRO STE, SANGS RGYAS DKON MCHOG DANG, CHOS DKON MCHOG DANG, DGE 'DUN DKON
, ,MCHOG RNAMS LA GANG DU 'KHOR BA NAS 'KHOR BA'I TSE BDAG SKYABS SU MCHI BAR BGYI'O, ,'DI NI DKON MCHOG GSUM LA SKYABS SU 'GRO BA'O, ,DE NAS BYANG CHUB TU SEMS BSKYED PAR BYA STE, GANG DAG SRID PA'I 'KHOR BA NA GNAS PA'I SEMS CAN RNAMS DRANG PAR BYA BA DE'I PHYIR, BDAG GI GTZO BO THUGS RDO RJE BYA'O, ,ZHES BYA BA NI BYANG CHUB TU SEMS BSKYED PA'O, ,DE NAS TSANGS PA'I GNAS BZHI BSGOM PAR BYA STE, SEMS CAN THAMS CAD LA BU GCIG BA LTAR GDUNG BAR SEMS PA GANG YIN PA'I SEMS SU BSGOM PA 'DI NI BTANG SNYOMS BSGOM PA'O, ,DE NAS DE RNAMS THAMS CAD RANG BZHIN GYIS MI DMIGS SHING LUS DANG BRAL BAR BYED PA 'DI NI STONG PA NYID SGOM PA'O, ,DE NAS SEMS TZAM DU NI BYIN GYIS BRLAB PA'I GSANG SNGAGS AOm SH'U N+YA T'A DZNY'A NA BADZRA SRA BH'A WA A'A TMA KONYAm ZHES BYA BA 'DIS SEMS BYIN GYIS BRLAB PA'O, ,DE NAS SNGON GYI SMON LAM GYI STOBS KYIS SEMS CAN GYI DON LA BLO YIS GZIGS NAS SNGAGS PA LHA'I SKUR BSKYED DE, GSANG SNGAGS SBAS PA'I RIM PA 'DI NI LHA'I SKU ZHES BYA'O, ,DE NAS NAM MKHA'I NGOS SU YI GE RAm LAS NYI MA'I DKYIL 'KHOR 'OD ZER DRA BA'I PHRENG BAS 'KHRIGS PA BSGOM PAR BYA'O, ,'DI NI NYI MA SHAR BA'O, ,DE'I STENG DU YI GE H'Um KHA DOG NAG PO YONGS SU GYUR PA LAS, SNA TSOGS RDO RJE LAS RDO RJE RA BA DANG, RDO RJE GUR DANG, RDO RJE BCING BA DANG, SA GZHI RDO RJE RA RNAM PAR BSAM PAR BYA'O, ,'DI NI BSRUNG BA'I 'KHOR LO'O, ,DE'I DBUS SU CHOS KYI 'BYUNG GNAS KYI YE SHES YI GE AE LTA BU KHA DOG DKAR PO BSGOM PAR BYA'O, ,DE'I DBUS SU YI GE HR'I: DMAR PO LAS BYUNG BA'I PADMA DMAR PO 'DAB BRGYAD PA, DE'I SNYING PO'I STENG DU YI GE RAm LAS YONGS SU GYUR PA'I NYI MA DANG RO'O, ,GZHAN YANG DE DAG GI STENG DU MTSAN SUM CU RTZA GNYIS DANG LDAN PA'I ZLA BA NYA GANG ZHING YONGS SU RDZOGS PA DKAR PO'O, ,DE'I STENG DU NYI MA'I DKYIL 'KHOR DPE BYAD BZANG PO BRGYAD CU'I NGO BO KHA DOG DMAR PO'O, ,DE DAG GI BAR DU YI GE HR'I: KHA DOG DMAR PO YONGS SU GYUR PA'I AUTPALA DMAR PO KHA MA 'BUS PA'I NANG DU RANG GI SEMS NYID ZHUGS PAR BSGOM PAR BYA'O, ,DE NAS ZLA BA DANG DBYANGS DANG NYI MA RNAMS GCIG TU ZHU BA'I BDAG NYID LAS SDON DU BRJOD PA LTA BU'I LHA MO KU RU KUL+LE'I SKU BSGOM PAR
BYA'O, ,RNAM PAR BSGOMS NAS, SNYING GAR YI GE RAm LAS NYI MA'I DKYIL 'KHOR DE'I LTE BAR HR'I: YANG BSGOM PAR BYA'O, ,DE'I 'OD ZER RNAMS KYIS MGON PO MTHA' YAS BKUG STE, SPYAN DRANGS NAS MCHOD PA 'DZIN PA RNAMS KYIS YANG DAG PAR MCHOD DE, DBANG BSKUR BAR GSOL BA GDAB PO, , GSOL BA GDAB PA NI AA BHI shINYTZA TU M'Am AA MRi TA N'A THA ZHES BYA BA DES MTHA' YAS KYI SA BON GYI BDUD RTZI LNGAS YONGS SU GANG BA'I BUM PA THUGS KA NAS 'PHRO BAR BSGOMS TE, DE NAS BDUD RTZI LNGAS GANG BA'I BUM PAS DBANG BSKUR ZHING BLUGS PAS BDAG GI SNYING GAR BUM PA RNAMS ZHUGS TE, ZHUGS PA'I RNAL 'BYOR PA'I SPYI BOR MTHA' YAS BSGOM MO, ,DUS GSUM DU 'DI BSGOM ZHING LHA MO'I GSANG SNGAGS BA ZLAS BRJOD BYA'O, ,DE LA GSANG SNGAGS NI AOm KU RU KUL+LE HR'I: SV'A H'A, LHAG PAR YANG TZANDAN DMAR PO'I PHRENG BAS BZLAS BRJOD BYA'O, ,KHA ZAS RNAMS YE SHES RNAM PA LNGA'I BDUD RTZIS NAN TAN GYIS SBYONG STE, AOm A'A: H'Um DE NYID GSUM PA 'DIS KHA ZAS DANG ZHAL BYIN GYIS BRLABS NA 'DIS ZHAL GYI GSANG SNGAGS 'GRUB PO, ,DE NAS SNGAGS PAS SKYES PA'AM BUD MED DBANG DU BYA BAR 'DOD NA, YAR GYI NGO'I TSES GCIG NAS BRTZAMS TE BZLAS BRJOD KHRI BYA STE, DUS GSUM DU BCOM LDAN 'DAS MA'I SKUR DMIGS TE, SMAD DKRIS RAS DMAR PO DANG, LUS LA RAS DMAR PO GYON NAS RANG GI SNYING GAR NYI MA'I DKYIL 'KHOR LA GNAS PA'I YI GE HR'I: DMAR PO YONGS SU GYUR PA LAS PADMA DMAR PO 'DAB MA BRGYAD PA RTZA BA 'DAM NAS SKYES PA BSAM PAR BYA'O, ,'DAB MA DE RNAMS LA DBYANGS KYI YI GE DANG PO BRGYAD LAS YONGS SU GYUR PA'I BUNG BA BRGYAD KHRO ZHING RGYAS PA DGA' ZHING CHAGS PAR RIM PA BZHIN BSAMS NAS DBUGS KYIS BSKYOD DE, SNA BUG NAS BYUNG NAS BSGRUB BYA'I SNA BUG G-YAS PAR ZHUGS NAS SGRA SGROGS SHING GAR BYAS TE GDUNGS SHING PADMA'I 'DAB MA LA YANG DBYANGS YIG DANG PO BRGYAD KHA DOG CUNG ZAD DMAR BA DANG LDAN PA RNAM PAR BLTA BAR BYA'O, ,DE LTAR BLTAS NAS DE NAS RNAL 'BYOR PAS AUTPALA KHA MA 'BUS PA'I MDE'U DANG LDAN PA'I MDA' LTA STANGS DANG BCAS PA'I KHU TSUR GYIS RDZOGS PAR BKANG STE, PADMA'I ZE BA LA
, ,BRDEG GO, ,DES BUNG BA DE RNAMS RANG GI DAM TSIG GIS BSKUL NAS, DBYANGS YIG RE RE KHYER TE SNA BUG G-YON PA NAS BYUNG NAS RNAL 'BYOR PA'I SNA BUG G-YAS BAR ZHUGS TE, SNYING GAR RANG DANG GZHAN GYI RNAM PAR SHES PA GCIG TU GYUR PAR BYA'O, ,DE NAS AUTPALA'I RTZA BAS MGRIN PA NAS BCINGS TE, LCAGS KYUS MNGAL NAS BZUNG NAS DRANGS PAS MI BZOD PAR BSAMS TE, 'BAR BAS DBANG DU BSDU ZHING RLUNG GI 'KHOR LO LA BZHAG STE, RNAL 'BYOR PA DGA' BA'I SEMS KYIS GSANG SNGAGS BZLAS BRJOD BYA ZHING 'DI LTAR RNAM PAR BSGOM PAR BYA'O, ,GSANG SNGAGS NI AOm KU RU KULLE HR'I: CHE GE MO ME BA S'A M'A NA YA SV'A H'A, 'DI LTAR ZLA BA NYA BA'I BAR DU MTSAN MO KUN DU BZLAS BRJOD BYA'O, ,DE NAS NANG PAR DE 'ONG BAR 'GYUR TE, CHAGS PA DANG BCAS SHING GCER BU SKRA BSHIG PAR 'GYUR RO, ,GSANG SNGAGS KYI RGYAL PO 'DIS BSKUL BAS SHIN TU RGYAS PA'I DNGOS GRUB KYANG THOB PAR 'GYUR RO, ,AU RGYAN GYI YUL NAS BYUNG BA'I LHA MO KU RU KUL+LE'I SGRUB THABS RDZOGS SO,, ,,RGYA GAR GYI MKHAN PO YUL MA GA DH'AR SKYES PA DPAL BYANG CHUB CHEN POR RAB TU BYUNG BA'I GNAS BRTAN MANYDZU SHR'I DZNY'A NA DANG, BOD KYI LO T'A BA RONG ZOM CHOS KYI BZANG POS BSGYUR CING ZHUS TE GTAN LA PHAB PA'O,,